ཀཾ་ཚང་མན་ངག་གཅེས་བཏུས།

ཀཾ་ཚང་མན་ངག་གཅེས་བཏུས།

གླེགས་བམ། ར༽

ཕྱོགས་བསྒྲིགས་མཛད་པ་པོ། རྫོགས་ཆེན་དཔོན་སློབ་བདུན་པ་ཀརྨ་གསུང་རབ་ངེས་དོན་བསྟན་པའི་རྒྱལ་མཚན།

ནི་ཏཱརྠ་ཤེས་རིག་ཉམས་གསོ་ཁང་།

Selected Esoteric Instructions of the Karma Kamtsang (25 vols.) Publication supported by Tsadra Foundation

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཀཾ་ཚང་མན་ངག་གཅེས་བཏུས་ལས་སྣ་ཚོགས་སྐོར་གྱི་གླེགས་བམ་ ར༽ པའི་དཀར་ཆག

― KMC025_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཾ་ཚང་མན་ངག་གཅེས་བཏུས་ལས་སྣ་ཚོགས་སྐོར་གྱི་གླེགས་བམ་ ར༽ པའི་བཞུགས་བྱང་ལ། ༡ 1 – 2 དཔལ་ཡེ་ཤེས་ཀྱི་མགོན་པོ་བེར་ནག་ཅན་ལྕམ་དྲལ་གྱི་བསྐང་གསོའི་ཆོ་གའི་དམིགས་རིམ་གསལ་བར་བཀོད་པ་སྔགས་ནག་ཁ་ཡི་ཧོང་གཏམ། ༢༤ 3 – 50 སྨད་ལས་དྲག་པོ་དགྲ་བགེགས་བསྒྲལ་བའི་ལས་རིམ། ༡༥ 51 – 78 སྲུང་འཁོར་གྱི་ཡིག་ཆུང་། ༡༣ 79 – 103 གྲུབ་ཆེན་ཀརྨ་པཀྴིའི་མན་ངག་ཡི་གེ་མེད་པའི་སྙན་བརྒྱུད་མ་མགོན་ཞལ་སྦྱོར་སྒྲུབ་པའི་མན་ངག ༡༨ 105 – 140 དཔལ་མ་ཧཱ་ཀཱ་ལ་ཞལ་སྦྱོར་གྱི་བསྙེན་ཡིག་རིན་པོ་ཆེ་བཻཌཱུརྻའི་འཕྲེང་བ་རྣལ་འབྱོར་ཡིད་ཀྱི་མཛེས་རྒྱན། ༤༢ 141 – 224 སྒྲུབ་བརྒྱུད་རིན་པོ་ཆེའི་བསྟན་སྲུང་ཡེ་ཤེས་ཀྱི་མགོན་པོ་བེར་ནག་ཅན་ལྕམ་དྲལ་བསྙེན་ཅིང་སྒྲུབ་པ་ལས་སྦྱོར་དང་བཅས་པའི་ཡི་གེ་མན་ངག་གི་གནོད་ཀྱི་ཉིང་ཁུ་རྣམས་ཕྱུངས་ནས་འདུས་གསལ་ཁྱེར་བདེར་བཀོད་པ་རྡོ་རྗེའི་གསང་ཚིག་

― KMC025_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྐྱོང་སྲོག་གི་རྒྱ་མདུད། ༩༢ 225 – 407 ངེས་དོན་སྙིང་པོའི་བསྟན་པ་རྒྱས་པའི་སྨོན་ལམ་དོན་ཀུན་གྲུབ་པའི་ཡིད་བཞིན་ནོར་བུ། ༣ 409 – 414 བཅས་བཞུགས་སོ།།

དཔལ་ཡེ་ཤེས་ཀྱི་མགོན་པོ་བེར་ནག་ཅན་ལྕམ་དྲལ་གྱི་བསྐང་གསོའི་ཆོ་གའི་དམིགས་རིམ་གསལ་བར་བཀོད་པ་སྔགས་ནག་ཁ་ཡི་ཧོང་གཏམ།

― KMC025_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཡེ་ཤེས་ཀྱི་མགོན་པོ་བེར་ནག་ཅན་ལྕམ་དྲལ་གྱི་བསྐང་གསོའི་ཆོ་གའི་དམིགས་རིམ་གསལ་བར་བཀོད་པ་སྔགས་ནག་ཁ་ཡི་ཧོང་གཏམ་ཞེས་བྱ་བ་བཞུགས་སོ། །

― KMC025_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མཱ་ཧཱ་སརྦ་ཏྲ྄ཉཱ་དཪྴ་དྷརྨཱ་ཀ་ར་ཡ། འདིར་དཔལ་ཡེ་ཤེས་ཀྱིས་མགོན་པོ་ནག་པོ་ཆེན་པོར་བེར་ནག་ཅན་གྱི་བསྐང་གསོའི་ཆོ་གའི་དམིགས་རིམ་དང་ཚིག་དོན་ཅུང་ཟད་ཞིག་བཀྲོལ་བར་བྱའོ། །སྤྱིར་མགོན་པོ་འདི་རྡོ་རྗེ་གུར་གྱི་རྒྱུད་ལས་གཅེར་བུ་ཟངས་གྲི་ཅན་དང་། མགོན་པོ་མངོན་འབྱུང་གི་རྒྱུད་ལས་ཕྱག་གཉིས་པ་ནས་ཕྱག་བཅུ་དྲུག་པའི་བེར་གྱི་མགོན་པོའི་བསྒྲུབ་ཐབས་རྣམས་གསུངས་ཤིང་། དེང་སང་སྐུ་ཞབས་ཀྱི་ཕྱག་ཏུ་སྔོན་བོད་དུ་མ་འགྱུར་བའི་མགོན་པོའི་རྒྱུད་ཞིག་རྒྱ་དཔེ་འདུག་པའི་ནང་དུ་

― KMC025_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དེ་ལྟ་བུའི་སྒྲུབ་ཐབས་དུ་མ་འདུག་ཅིང་། དངོས་གྲུབ་འབྱུང་རྒྱུ་དང་། རྒྱུད་ཆུང་ཉེར་གཅིག་སོགས་རྣམས་ཀྱང་དཔལ་ཧེ་རུ་ཀ་ཉིད་ཀྱི་སློབ་དཔོན་ཆེན་པོ་པདྨ་འབྱུང་གནས་ལ་གཏད་ནས་བཀའ་གཏེར་ཅི་རིགས་ནས་བརྒྱུད་པ་དང་། འགའ་ཞིག་རང་བཞིན་གྲུབ་པའི་དཔའ་བོ་དང་རྣལ་འབྱོར་མ་བོད་འདིར་སྔགས་པའི་ཚུལ་བཟུང་བ་དག་གི་དགོངས་པའི་ཀློང་ནས་རྡོལ་བའི་རྒྱུད་གཉན་པོ་དངོས་གྲུབ་རྣམ་པ་གཉིས་ལས་མི་བསླུ་བའི་འབྲས་བུ་ཅན་དེ་རྣམས་ལས་ཀྱང་མགོན་པོ་འདིའི་བསྙེན་བསྒྲུབ་ལས་

― KMC025_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱི་གཞུང་དང་མན་ངག་ཅི་རིགས་པར་སྟོན་པར་སྣང་ཞིང་། ལྷོ་བྲག་མར་པ་ལོ་ཙཱའི་མགོན་པོ་ཡབ་རྐྱང་རླུང་བསྲེའི་སྐོར་འདི་མཁའ་འགྲོ་མ་རྡོ་རྗེ་གུར་གྱི་རྒྱུད་ལ་བརྟེན་པར་འདོད་ཅིང་། གྷ་ཡ་ངྷ་རའི་མགོན་རྐྱང་ཟེར་བ་དེ་དང་རྣམ་པ་གཅིག་པར་སྣང་ཞིང་། དེང་སངས་ལུགས་ཀྱི་གུར་མགོན་ས་གའི་འདུག་སྟངས་ཅན་འདི་དང་ལྷ་བརྒྱད་དུ་གྲགས་པ་འདི་ནི་དཔལ་ས་སྐྱ་པའི་བསྟན་པའི་ཆེད་དུ་སློབ་དཔོན་པདྨས་གཏེར་དུ་སྦས་ནས་གངས་འབར་ཕུག་མོ་ཆེ་ནས་གཏེར་སྟོན་པདྨ་དབང་ཕྱུགས་གིས་བཏོན་ནས། བདག་ཆེན་རྒྱ་གར་བ་ལ་གནང་བ་དང་། པུ་ཊའི་སྐོར་འདི་ལྷ་བཙུན་བྱང་ཆུབ་འོད་ཀྱིས་བསམ་ཡས་ནས་སྤྱན་དྲངས་ཏེ་རྗེ་བླ་མ་དམ་པ་ལ་གཏད་ནས་བཀའ་གཏེར་གཉིས་འདུས་བྱིན་རླབས་ཚན་ཀ་སྟོབས་དང་ལྡན་པ་འདི་ཉིད་ཡིན་ལ། འདི་ལྟ་བུའི་སྒྲུབ་ཐབས་ནི་བོད་འདིར་བཞུགས་པའི་རྒྱུད་དང་རྒྱ་གཞུང་གང་ནས་ཀྱང་མ་བསྟན་པས་གཏེར་མ་ཉིད་དུ་ཤིན་ཏུ་འཐད་ལ་སོག་བཟློག་བློ་གྲོས་རྒྱལ་མཚན་གྱིས་ཀྱང་དེ་ལྟར་

― KMC025_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་བཤད་ཡོད་པས། ཕྱིས་ཀྱི་མཁས་པར་གྲགས་པ་ཁ་ཅིག་གིས་ལོག་པར་བཤད་པ་དག་མཐོང་ངོ་། །ཡབ་རྐྱང་ལ་ཕྱོགས་བཅུའི་མགོན་པོས་བསྐོར་བ་འདི་ནི་འགྲོ་མགོན་རས་ཆེན་གྱི་ལུགས་སུ་གྲགས་ཤིང་། འདི་ནི་སློབ་དཔོན་ཌོམྦི་པས་མལ་ལོ་བློ་གྲོས་གྲགས་པ་ལ་གནང་ནས་འགྲོ་མགོན་རས་ཆེན་གྱི་བར་དུ་བརྒྱུད་པར་སྣང་ཞིང་། མལ་ཇོ་ལོ་ཙཱ་འདི་ཟངས་དཀར་ལོ་ཙཱ་དང་གཅིག་པར་བཞེད་ཀྱང་། བདག་གི་བླ་མས་ནི་མལ་ལོ་བློ་གྲོས་གྲགས་ཡིན་པར་བཞེད། དེ་ལྟར་འདི་ནི་སློབ་དཔོན་པདྨ་ཌོམྦི་ཧེ་རུ་ཀ་ཡིན་པའི་ལོ་རྒྱུས་ཐང་ཡིག་དུ་ཡོད་པ་དེ་དང་འབྲེལ་ཆགས་པས་སློབ་དཔོན་པདྨས་མལ་ལོ་ལ་གནང་བ་ཁོ་ནར་ངེས་ཏེ། ཕྱོགས་བཅུའི་མགོན་པོ་གིང་ཀ་རའི་རྒྱུད་ལ་བརྟེན་ནས་སློབ་དཔོན་པདྨས་མཛད་པར་བཤད་དོ། །ཞལ་སྦྱོར་དུ་གྲགས་པ་འདི་ནི་ཀརྨ་པཀྴིའི་ཡབ་ཆོས་སློབ་དཔོན་པདྨས་ལྷ་སྲས་མུ་ཁྲིའི་དོན་དུ་དཔལ་གྱི་བསམ་ཡས་སུ་གཏེར་དུ་སྦས་ནས། བོད་ཀྱི་མཐའ་བཞི་དབང་དུ་མ་འདུས་པའི་

― KMC025_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་ལྷ་སྲས་ཀྱིས་ཟབ་ཆོས་འདི་གཏེར་ནས་བཏོན། སྟག་ནམ་མཁའི་ལྷ་བཟུང་ནས་གྲུབ་ཐོབ་ཀརྨ་པཀྴིའི་བར་དུ་རིམ་པར་དབུ་ཡི་ཞལ་ངོ་ནང་བརྒྱུད་དུ་གྱུར་པ་ཡིན་ཅིང་། འདི་ནི་མགོན་པོ་བདག་བསྒོམ་དུ་བྱེད་པ་སྟེ། ཡེ་ཤེས་ཀྱི་མགོན་པོ་ལྷར་བསྒྲུབ་པའི་ལུགས་ཡིན་ནོ། །ལྷ་མོ་རང་བྱུང་མ་འདི་ནི་བོད་ཡུལ་འདི་ཕུར་པ་བཀའ་མ་དང་། གཤིན་རྗེ་དམར་ནག་སྐོར་དང་། ཕུར་སྲུང་རེ་མ་ཏིའི་སྐོར་ལས་མ་གཤིན་ཕུར་གསུམ་དུ་གྲགས་པའི་ཡ་གྱལ་མ་མོའི་རྒྱུད་གཞུང་རྒྱ་མཚོ་ཙམ་དང་འབྲེལ་བ་སློབ་དཔོན་པདྨས་པུ་རང་གི་ཞང་བཙུན་དར་མ་རིན་ཆེན་ལ་གནང་བ་སོགས་ལྷ་མོ་རེ་མ་ཏིའི་བརྒྱུད་པའི་བཀའ་སྲོལ་དུ་མ་ཞིག་རྗེ་དུས་གསུམ་མཁྱེན་པ་ལ་འདུས་པ་ཡིན་འདུག་ཅིང་དེ་ལྟར་མགོན་པོ་སྐོར་གསུམ་པོ་གཙོ་བོ་ཞལ་སྦྱོར་དུ་བྱས་ནས་ཆོ་ག་གཅིག་ཏུ་བསྡུ་བ་འདི་ནི་རྗེ་མཁའ་སྦྱོད་དབང་པོ་ལ་དཔལ་མགོན་པོ་ཉིད་ཀྱིས་བཀའ་གནང་བ་བྱིན་ཏེ་མཛད་པ་ཡིན་ལ། དེ་ལ་ཀརྨ་པ་མཐོང་བ་དོན་ལྡན་གྱི་གསལ་ཞིང་རྒྱས་པར་མཛད་པའོ། ༈ །དེ་

― KMC025_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ཁ་བྱང་ཙམ་སྨོས་ནས་ད་ནི་གཞུང་ལ་འཇུག་པར་བྱ་སྟེ། དེ་ཡང་བདག་བསྐྱེད་དགྱེས་རྡོར་ཕག་མོ་རྒྱལ་བ་རྒྱ་མཚོ། རྒྱུད་མགོན་གཅེར་བུ་ཟངས་གྲི་ཅན་གྱིས་བྱེད་ནས་མགོན་པོ་འཁོར་བཅས་མདུན་དུ་བསྐྱེད་པ་ནི་ཆོས་སྐྱོང་ལྟར་བསྒྲུབ་པ་སྟེ། འཇིག་རྟེན་གྱི་མགོན་པོ་ལྟར་བསྒྲུབ་པ་ཡི་ལ། བདག་བསྐྱེད་སྲུང་འཁོར་དང་བཅས་པའི་ལེགས་ལྡན་དུ་བསྒོམ་ནས། མདུན་དུ་སྲས་མཆོག་ནག་པོ་བེར་ནག་ཅན་བསྒོམ་པ་ནི་ལས་ཀྱི་མགོན་པོ་ལྟར་སྒྲུབ་པ་ཡིན་ལ། བདག་མདུན་གཉིས་ཀ་ཡབ་ཡུམ་ཞལ་སྦྱོར་དུ་སྒྲུབ་པ་ནི་ཡེ་ཤེས་མགོན་པོ་ལྟར་སྒྲུབ་པ་ཡིན་ཅིང་། དེ་དག་ལས་བྱིན་རླབས་མྱུར་ཞིང་སྟོབས་དང་ཚན་ཆེ་བ་ནི་ལུགས་ཕྱི་མ་ཉིད་ཡིན་ནོ། །དེ་ལ་དང་པོ་ལེགས་ལྡན་གྱི་སྲུང་འཁོར་ནི། རྣམ་པར་སྣང་མཛད་ཀྱི་ངོ་བོ་ཡེ་གེ་བུཾ་ནག་པོ་འོད་དུ་ཞུ་བ་ལས་བྱུང་བའི་ནང་རྡོ་རྗེའི་རང་བཞིན་གྱི་གཞལ་མེད་ཁང་ལ། ཕྱི་རོལ་འཁོར་ལོ་རྩིབས་བཅུ་པ། དེ་ཡང་དཔེར་ན། མདུང་སོ་བརྒྱད་ཞབས་སྤྲད་པའི་སྟེང་འོག་གཉིས་སུ་མདུང་སོ་རེ་

― KMC025_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་ཞབས་བསྡུས་པས་མདུང་སོའི་སྒྲོ་སྦུབ་བཅུ་པོ་ཞུན་གཅིག་ཏུ་སྦྱར་བ་ལྟ་བུའི་ཁོང་སྟོང་གི་ནང་དུ་དབུས་སུ་རང་ཡབ་ལེགས་ལྡན་དུ་བསྒོམ། རྩིབས་བཅུའི་ཐད་ཀྱི་ནང་དུ་སྲས་མཆོག་ནག་པོ་བེར་ནག་ཅན་རེ་རེ། སྟེང་འོག་གི་འཁོར་ལོའི་སྦུབས་ནང་དུ་སྟེང་མ་ཞལ་ཤར་དང་། །འོག་མ་ནུབ་ཏུ་ཕྱོགས་པས་བཞུགས་པ་འདི་རྣམས་ཀྱི་བེར་ནག་དགུ་བརྩེགས་ཞེས་པ་ནི། དང་པོ་ཤ་འགག་ལྗང་གུ། དེའི་སྟེང་དུ་བེར་དཀར་སེར་དམར་ལྗང་སྔོན་པོ་ལྔ། དེའི་སྟེང་དུ་དར་ནག་གི་བེར་བཞི་བརྩེགས་སུ་གསོལ་བའོ། །བིང་ནི་དམག་གི་མཁར་ཡིན་པས་ཆོད་གསུམ་ཐོག་བཞི་མ་དང་། ཆོད་གཉིས་ཐོག་གསུམ་ཡོད་པ་གཉིས་ཀྱི་ཕྱི་མ་ཡིན། གྲུ་བཞི་པ། མདུན་གཡས་གཡོན་དུ་སྒོ་རེ་རེ་ཡོད་པས་སྟེང་འོག་བར་གསུམ་དུ་སྒོ་དགུ་ཡོད་པ། ཡར་སྣེར་ནོར་བུ་དང་། མར་སྣེར་ཕུར་པས་མཚན་པ་སྐུ་ཚད་དང་མཉམ་པ་ཞིག་གོ །དེ་ནས་ལེགས་ལྡན་གྱི་གནས་གསུམ་དུ་ཡི་གེ་གསུམ། ཁྱད་པར་ཐུགས་ཀར་པད་ཉི་ལ་ཧཱུྃ་མཐིང་ནག་གི་མཐའ་མར་སྔགས་གསུམ་

― KMC025_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲེལ་ཏེ་གཡོན་བསྐོར་དུ་བཀོད། དེ་ལས་འོད་ཟེར་འཕྲོས་རང་འདྲ་བའི་ཡེ་ཤེས་པ་སྤྱན་དྲངས་ནས་རང་ལ་ཡང་ཡང་བསྟིམས། དེ་ནས་སྔགས་ཕྲེང་དེ་གཡས་སུ་འཁོར་བ་ལས་འོད་ཟེར་སྨུག་ནག་དཔག་ཏུ་མེད་པ་ཕྱོགས་བཅུར་འཕྲོས། ཡེ་ཤེས་ཀྱི་མགོན་པོ་ཐམས་ཅད་དང་འཇིག་རྟེན་གྱི་མགོན་པོ་ཐམས་ཅད་སྤྱན་དྲངས་ནས་རང་ལ་བསྟིམས། ཡང་འོད་ཟེར་འཕྲོས། འཇིག་རྟེན་གྱི་དྲེགས་བྱེད་ཐམས་ཅད་ཀྱི་སྲོག་སྙིང་གཟི་མདངས་ཐམས་ཅད་དང་། མ་མོ་མཁའ་འགྲོ་ཐམས་ཅད་སྲོག་སྙིང་བསྡུས་ནས་རང་ལ་ཐིམ་པས། རང་ཉིད་མཐུ་སྟོབས་གཟི་བརྗིད་ཆེར་འབར་ཏེ། ཐམས་ཅད་དྲན་དུ་བཀོལ་བར་བསམས་ལ་སྔགས་གསུམ་སྦྲེལ་ནས་ཅི་ནུས་སུ་བཟླའོ། །རཀྵ་བརྟི་གསུམ་གྱི་མན་ངག་ལས་དེ་ནི་སྲུང་བའི་བསྙེན་པའོ། །དེ་ནས་སྲུང་འཁོར་གྱིས་སྲུང་བ་ནི། རང་ཉིད་ལེགས་ལྡན་གྱི་ཐུགས་ཀར་ཆོས་འབྱུང་མཐིང་ནག་གི་དབུས་སུ་རང་གི་སེམས་ཉིད་རང་གི་ཡི་དམ་ལྷག་པའི་ལྷར་བསྒོམ་པ་ཡིན་པས་མགོན་པོ་འདི་དང་འབྲེལ་

― KMC025_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་པའི་རྒྱུ་མཚན་གྱིས་ཕྱག་རྡོར་བསྒོམ་ལ། ཨོཾ་བཛྲ་ཙཎྜ་སོགས་བཟླས། གལ་ཆེ་བའི་བསྲུང་བྱ་རྣམས་ཆོས་འབྱུང་གི་ནང་དང་། གཞན་རྣམས་འཁོར་ལོའི་ནང་དུ་བསྒོམ། འཁོར་ལོའི་རྒྱབ་ཏུ་རྡོ་རྗེའི་ས་གཞི་ར་བ་གུར་མེ་དཔུང་འབར་བར་བསྒོམས། སྤྲོ་ཞིང་ནུས་ན་རིན་ཆེན་པདྨ་རལ་གྲིའི་གུར་ཁང་ཡང་བསྒོམ་པར་བྱའོ། །དེ་ནས་འཁོར་ལོ་རབ་ཏུ་མྱུར་བར་གཡས་སུ་འཁོར་བར་བསམས་ལ་གོང་གི་སྔགས་གསུམ་གྱི་མཐར་ཀཱ་བ་ཙི་རཀྵ་རཀྵ་ཞེས་བཏགས་པ་ཅི་ནུས་སུ་བཟླའོ། །དེ་ནས་སྲུང་འཁོར་ཕྱིར་བཟློག་ནི། སྲས་མཆོག་རྣམས་ཞལ་ཕྱིར་གཟིགས། འཁོར་ལོ་གཡོན་དུ་འཁོར། མ་མོ་མཁའ་འགྲོ་སོགས་བྲན་དུ་བཀོལ་བ་དེ་རྣམས་དང་། རང་འདྲའི་སྤྲུལ་པ་དཔག་མེད་སྤྲོས་ནས་གནོད་བྱེད་རྣམས་སུ་བཀུག་སྟེ། འཁོར་ལོའི་རྩིབས་རྩེར་བསྐྱོན་ནས་དུམ་བུར་གཏུབས་པ་ལས་བྱེད་སྤྲུལ་པ་མ་མོ་མཁའ་འགྲོ་དྲེགས་པ་ལྷ་སྲིན་རྣམས་ཀྱིས་ཧབ་ཐོབས་སུ་ཟོས་པར་བསམས་ལ། ལྷ་ཚོགས་རྣམས་ཀྱི་སྐུ་ལས་བསྐལ་པའི་མེ་དཔུང་

― KMC025_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་བས་ཤ་ཁྲག་དེ་རྣམས་ཀྱང་བསྲེག་པར་བསམས། རྩིབས་འོག་མའི་ཞབས། བྲུབ་ཁུང་གྲུ་གསུམ་པའི་ནང་དུ་དམིགས་བྱ་དེ་སྤྱིའུ་ཚུག་ཏུའམ་གན་རྐྱལ་དུ་བསྒྱེལ་བའི་སྙིང་ནང་དུ་རྩིབས་རྩེ་འོག་མས་གཟིར་བའི་རྩིབས་ཀྱི་ཕྱི་ངོས་སུ། རྡོ་རྗེ་རྒྱ་གྲམ་དྲུག་ཁ་གདངས་པ་རབ་ཏུ་རྣོ་བ་གཡོན་དུ་འཁོར་བས་ལྕེ་དང་སྙིང་དུམ་བུར་གཏུབས་པར་བསམས་ལ་དགུག་གཞུགས་ལན་གསུམ་གྱི་མཐར། ལྷ་ཚོགས་རྣམས་ལས་བསྐལ་པའི་མེ་སོགས་དང་། སྔགས་འོག་མ་གསུམ་པོ་སོ་སོར་བཟླའམ་སྦྲེལ་ཏེ་ཅི་ནུས་བཟླའོ། །དེ་ནི་ཕྱག་བཞི་པའི་རྡོ་རྗེ་ཕུབ་རྫོང་དང་། གུར་མགོན་གྱི་བྲག་རྫོང་མ་རྣམས་བཞིན་དུ་མགོན་པོའི་སྲུང་བ་དང་ཕྱིར་བཟློག་གི་མན་ངག་གོ །དེ་ནས་འཁོར་ལོའི་རྩིབས་རྩེས་གཏུབས་པའི་ཤ་ཁྲག་རྣམས་བྱང་ཤར་མཚམས་སུ་བྷནྡྷྀའི་སྣོད་དུ་འཁྱིལ་བ་རྣམས། མེ་རླུང་གི་སྦྱོར་བས་བདུད་རྩིར་སྤེལ་ཏེ་མ་དག་མ་དང་། ཧཱུྃ་བྱང་ཕྱོགས་དུར་ཁྲོད་སོགས་འདོན་པའི་ཚེ་རང་བཞིན་གྱི་གནས་ནས་སྲས་མཆོག་ནག་པོ་ལ་

― KMC025_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཅུའི་མགོན་པོས་བསྐོར་བ་མདུན་གྱི་ནམ་མཁར་སྤྱན་དྲངས་ཏེ། ལྗགས་འོད་ཟེར་གྱིས་སྦུ་གུས་དྲངས་ཏེ་གསོལ་བར་བསམས། དེ་ནས་ལོག་ཏྲིའི་བཟློག་སྔགས་ཅི་ནུས་འདོན་མཐར་ཐལ་མོ་བརྡེབ། དྲང་སྲོང་བདེན་པའི་སོགས་འདོན་ནོ། །འདི་ནི་ཞར་བྱུང་ཡིན་པས་དེ་ཙམ་གྱི་ཆོག་མོད། རང་ལེགས་ལྡན་གནས་འགྱུར་ཏེ། དྲང་སྲོང་ལོག་ཏྲི་པཱ་ལ་སྐུ་མདོག་མཐིང་ནག་ཞལ་གཅིག་ཕྱག་བཞི་དང་པོ་གཉིས་རལ་གྲི་དང་ཐོ་བ། ཐ་མ་གཉིས་ཉི་ཟླའི་ཐལ་མོ་བརྡེབས་པ། ཞབས་བརྐྱང་བསྐུམ་ཁྲོ་བོའི་ཆས་རྫོགས་པའི་ཉི་ཟླའི་བར་དུ་གནོད་བྱེད་ཐམས་ཅད་དམར་ཆལ་ཆལ་བརྡབ་པར་བསམ་པ་ནི་བླ་མ་རྣམས་ཀྱིས་བཞེད་དོ། །དེ་ནས་རང་ཉིད་ལེགས་ལྡན་དུ་གསལ་བའི་མདུན་དུ་མགོན་པོ་འཁོར་བཅས་བསྐྱེད་པའམ། རང་ཉིད་ལེགས་ལྡན་གནས་འགྱུར་བའི་ཚུལ་དུ་གྲུ་གསུམ་མཐིང་ནག་གི་གཞལ་ཡས་ཁང་གི་དབུས་སུ། ཡབ་ཡུམ་ཞལ་སྦྱོར་ལ་དབུགས་ལེན་ཡབ་ཡུམ་བཅུ་དྲུག་གིས་བསྐོར་བ་གསལ་བཏབ། ཨོཾ་དཾ་ཥྚོཏྲ་སོགས་

― KMC025_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་མངོན་འབྱུང་ནས་བཤད་པའི་མགོན་པོ་ཕྱག་བཅུ་དྲུག་པའི་སྙིང་པོ་ཡིན་ནོ། །མདུན་གྱི་དམིགས་རྟེན་བྲིས་སྐུ་ལ་སོགས་པ་སྟོང་པའི་ངང་ལས་ཧཱུྃ་དང་ཁཾ་ཡོངས་སུ་གྱུར་པ་ལས། རྡོ་རྗེའི་བྲག་རི་མཐིང་ནག་གྲུ་གསུམ་པ་སྟོང་གསུམ་དང་མཉམ་པའི་སྟེང་དུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར། དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་དབུས་སུ། མཚོན་ཆ་སྣ་ཚོགས་འཐས་པར་བཅག་པའི་སྣ་ཚོགས་རྡོ་རྗེའི་ལྟེ་བ་ལེབ་ཆགས་གྲུ་གསུམ་པ། དཔངས་སུ་འདོམ་གང་། ལོག་རེར་འདོམ་རེ་དང་ལྡན་པའི་སྟེང་དུ་རྣམ་སྣང་གི་ངོ་བོ་བྷཱུཾ་ $རང་གི་ཐུགས་ཀ་ནས་འཕྲོས་པའི། མཆན། ནག་པོ་འོད་དུ་ཞུ་བ་ལས་བྱུང་བའི་གནམ་ལྕགས་ཨུར་མོ་ལས་གྲུབ་པའི་གཞལ་ཡས་ཁང་གྲུ་གསུམ་པ། དཔངས་སུ་འདོམ་གསུམ་པ། ལོགས་གསུམ་དུ་སྒོ་ཁྱུད་འགྲམ་ལོགས་དང་བཅས་པའི་སྒོ་གསུམ་གྱི་སྟེང་དུ་རྟ་བབས་རིམ་པ་བཅུ་གཅིག་པ་འཁོར་ལོ་རི་དྭགས་གདུགས་རྣམས་ཀྱིས་མཛེས་པ། འདི་ལ་ཟུར་སྒོ་བྱེད་པའང་བྱུང་མོད། དེ་ནི་དུར་ཁྲོད་

― KMC025_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོའི་རྒྱུད་ལས། ཟུར་གསུམ་ཟུར་དུ་སྒོ་ཡོད་པ། ཞེས་པའི་རྒྱུད་ཚིག་ལ་མན་ངག་མེད་པའི་རྒོད་འཇུག་བྱས་པ་ཡིན་ཏེ། གཙོ་བོར་གནས་སུ་གདན་ཐབས་ཀྱི་ཆོས་འབྱུང་རྩེ་མོ་ཤར་དུ་བསྟན་པ་ཡོད་པའི་རྩེ་མོའི་ཕྱོགས་ཀྱི་ལོགས་ལ་སྒོ་ཡོད་པའི་དོན་ཡིན། རྩ་བར་ཁྲག་གིས་གོས་པ་དྲག་པོའི་ཟུར་གསུམ་པ། སྦྲུལ་ནག་ཐུར་དུ་རྒྱུག་པ་ལྟ་བུས་བརྒྱན། ཞེས་པ་དང་དངོས་སུ་འགལ། ཞེས་བདག་གི་བླ་མས་གསུངས་པ། ད་ཕྱིན་ཆད་འཇམ་མགོན་བླ་མའི་རྗེས་སུ་འཇུག་པ་རྣམས་ཀྱི་ནི་མཐའ་གཅིག་ཏུ་ལོགས་སྒོ་འདི་ཁོ་ན་བཟུང་བར་རིགས་སོ། །དེ་ལྟ་བུའི་གཞལ་ཡས་ཁང་དེའི་ནང་སྒོ་ནང་ནས་ཆ་ཆུང་གཉིས་རེ་བརྒལ་བར་སླེབ་པའི། བྷཱུཾ་ནག་པོ་ལས་བྱུང་བའི་གནམ་ལྕགས་ཀྱི་འཁོར་ལོ་རྩིབས་བརྒྱད་དཔངས་ཆ་ཆུང་ཕྱེད་པ་མུ་ཁྱུད་དང་བཅས་པ། དེའི་སྟེང་དུ་འཁོར་ལོ་རྩིབས་བརྒྱད་དག་དཔངས་ཆ་ཆུང་ཕྱེད་པ་མུ་ཁྱུད་དང་བཅས་པ། དེའི་སྟེང་དུ་

― KMC025_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་རྩིབས་བཅུ་པ་དཔངས་ཆ་ཆུང་ཕྱེད་པ་མུ་ཁྱུད་དང་བཅས་པ། དེའི་སྟེང་དུ་འཁོར་ལོ་རྩིབས་བརྒྱད་དཔངས་ཆ་ཆུང་ཕྱེད་པ་མུ་ཁྱུད་དང་བཅས་པའི་ལྟེར་བར་གདན་ཐབས་ཀྱི་ཆོས་འབྱུང་ཟུར་གསུམ་རྩེ་མོ་ཤར་དུ་བསྟན་པ་དཔངས་སུ་ཇི་ལྟར་འཚམ་པར་བྱའོ། །ཐོག་ཕུབ་ཚུལ་ནི་འཁོར་ལོ་བཞི་ཡི་མུ་ཁྱུད་རེ་རེའི་སྟེང་ནས་ཀླུ་བརྒྱད་ཀྱི་ཀ་གདན། ལྷ་ཆེན་པོ་བརྒྱད་ཀྱི་ཀ་བ། གཟའ་ཆེན་པོ་བརྒྱད་ཀྱི་གདུང་མ་བྲེས་པ་ཕྱི་ནང་རིམ་པ་བཞི་བྱེད། ཡང་རྩིག་པའི་སྟེང་དུ་ཕ་གུ་དབང་གྲུ་གང་ཞེང་གྲུ་ཕྱེད་དོ་ཡོད་པ། དེའི་སྟེང་དུ་དྲ་ཕྱེད་ཀྱི་དཔངས་ཆ་ཆུང་གཉིས། དེའི་སྟེང་དུ་གསེར་གདུང་ཐིག་སྐུད་གོང་རྣམས་དང་དཔངས་མཉམ་པའི་འཁོར་ལོ་ཕྱི་མའི་ཀ་བཞུ་གདུང་ཟླུམ་བཅས་བྲིས་པ། ཕྱོགས་རེར་རྒྱུ་སྐར་བདུན་རེ་སྟེ་རྒྱུ་སྐར་ཉེར་བརྒྱད་ཀྱི་ཕྱམ་བཀྲམ་ནས་ཐོག་ཕུབ་དེ་དག་ལས་ཚིག་དོན་གོ་དཀའ་བ་རྣམས་ནི། ནོར་རྒྱས་བུ་ནི་ཀླུ་ལྷག་མ་ཅན། ཏཀྵ་ཀ་ནི་འཇོག་པོ། ཀུ་ལི་ཀ་ནི་རིགས་ལྡན། ཤི་ཀ་པཱ་ལ་ནི་དུང་སྐྱོང་། ག་ན་པ་ཏི་ནི་ཚོགས་བདག །འདོད་ལྷ་ནི་བདུད་དགའ་རབ། འབྱེར་འཇིག་ནི་བརྒྱ་བྱིན།

― KMC025_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་ནི་མིག་དམར། ཤ་ནི་ཤྩ་ར་སྟེང་ལ་འགྲོ་ནི་སྤེན་པ། ར་བ་ཏི་ནམ་གྲུ། ཨ་སི་ནི་ཞེས་པ་ཡིག་ནོར་ཏེ། ཨ་ཤྭི་ནི་ཞེས་པ་རྟ་ལྡན་མ་ཏེ་ཐ་སྐར། བྷ་ར་ཎི་ནི་རྐང་གདུབ་ཏེ་བྲ་ཉེའོ། །རལ་གྲི་མིག་སྨན་སོགས་ནི་ཐུན་མོང་གི་གྲུབ་ཆེན་བརྒྱད་སྟེ། རོ་ལང་ལྕེ་ཡི་རལ་གྲི་གྲུབ་པ་དང་། ས་འོག་གི་གཏེར་མཐོང་བའི་མིག་སྨན་དང་། རྐང་ཕྱུག་སྟེ་རྐང་མགྱོགས་དང་། ཚེ་རིང་བའི་བཅུད་ལེན་དང་། ཤིང་ལོའི་མཆིལ་ལྷྭམ་དང་། དངུལ་ཆུ་དང་། ས་འོག་ལྷ་མ་ཡིན་གྱི་སྒོ་ཕྱེ་བ་དང་། དེ་རྣམས་གྲུབ་པའི་ཐུན་མོང་གི་གྲུབ་ཆེན་བརྒྱད་དོ། །རྩིག་པའི་སྟེང་གི་ཐད་དུ་ཐོད་སྐམ་གྱི་མདའ་ཡབ་དང་འདོད་སྣམ་གྱི་མཐའི་སྟེང་ཐད་དུ་རྐང་ལག་གི་ཤར་བུས་མཛེས་པར་བྱའོ། །འཁོར་ལོ་ཕྱི་མའི་གདུང་ཟླུམ་གྱི་སྟེང་དུ་ཕ་གུ་ཁྲུ་གང་དྲ་ཕྱེད་ཀྱི་སེང་ཁང་ཁྲུ་དོ། །དེའི་སྟེང་དུ་གསེར་གྱི་གདུང་ལེབ་སྲབ་མོ་བཅས་ལ་རྩིགས་པའི་དཔང་དང་མཉམ་པའི་འཁོར་ལོ་གསུམ་པའི་ཀ་གདན། ཀ་བ་ཞུ་རིང་ཐུང་གདུང་ཟླུམ་རྣམས་བྲེས་པས་ཕྱོགས་རེར་ཕྱམ་བདུན་

― KMC025_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་བཏང་ཏེ་ཐོག་ཕུབ་དྲ་ཕྱེད་ཤར་བུ་མདའ་ཡབ་རྣམས་ཀྱིས་སྤྲས་པ། དེའི་གདུང་ཟླུམ་གྱི་སྟེང་ནས་ཕ་གུ་ཆ་ཆུང་ཕྱེད། དྲ་ཕྱེད་ཆ་ཆུང་གཅིག །གསེར་གདུང་སྲབ་མོ་རྣམས་སྔར་བཞིན་བརྩེགས་པ་དང་། འཁོར་ལོ་གཉིས་པའི་མུ་ཁྱུད་སྟེང་ནས་ཀ་བ་ཞུ་ཐུང་རིང་གདུང་ཟླུམ་རྣམས་བྲེས་ལ་གདུང་ཟླུམ་ཕྱོགས་རེར་ཕྱམ་བདུན་བདུན་བཏང་ནས་ཐོག་ཕུབ་སོགས་སྔར་ལྟར་བྱ། དེ་ཡི་གདུང་ཟླུམ་གྱི་སྟེང་དུ་ཕ་གུ་དྲ་ཕྱེད། གསེར་གདུང་ལེབ་མོ་རྣམས་བཤད་མ་ཐག་པའི་ཚད་ཅན་སྔར་བཞིན་བརྩེགས། དེ་དང་དཔངས་མཉམ་པའི་འཁོར་ལོ་དང་པོའི་མཐར་མུ་ཁྱུད་སྟེང་མ་ཀ་གདན། ཀ་བ། ཞུ་ཐུང་རིང་གདུང་ཟླུམ་རྣམས་དེ་ལྟ་བུའི་ཚད་ཅན་བསྐལ་ཏེ། གདུང་ཟླུམ་གྱི་སྟེང་ནས་མིག་མང་རིས་ཀྱི་གདུང་བཞི་བཏང་ནས་རེའུ་མིག་དགུ་པ་བྱ། གདུང་བཞིའི་འཛོམས་ནས་ཀ་བ་ཆ་ཆུང་གཉིས་པ་བཞི་བསློང་བའི་རེའུ་མིག་དབུས་མའི་ཚད་མཉམ་གྱི་གདུང་གྲུ་བཞི་པ་ཞིག་གི་སྟེང་དུ། གདུང་སྲིད་དུ་ཆ་ཆུང་དྲུག་པ་གཉིས་རྒྱ་གྲམ་རིས་སུ་

― KMC025_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་བས་ཟུར་བརྒྱད་འབྱུང་བའི་ཟུར་རྣམ་ནས་བསྟེག་ཐབས་ཀྱི་གདུང་བརྒྱད་བཏོང་ནས། གསེར་གྱི་རྒྱ་ཕིབ་ཀྱི་སྟེང་གཡོག་པའི་ཇོ་མོའི་སྣེ་མོར་ཤར་མདས་སྤྲས་པ། དབུས་ཀྱི་གདུང་རྒྱ་གྲམ་གྱི་སྟེང་དུ། རྡོ་རྗེ་ནོར་བུའི་ཏོག་གིས་མཛེས་པར་བྱའོ། །གཞན་ཡང་རོ་སྐྲའི་རྔ་ཡབ། ཞིང་གི་རྒྱལ་མཚན་སོགས་དྲག་པོའི་རྒྱན་དང་བཀོད་པས་སྤྲས་པར་བྱའོ། །འདི་ནི་ཆོས་འབྱུང་སྒོ་ཅན་གྱི་གཞལ་ཡས་ཁང་ཡིན་པའི་ཕྱིར། གྲུ་བཞི་སྒོ་བཞིའི་གཞལ་ཡས་ཁང་བཞིན་དུ་རྒྱ་དཔངས་མཉམ་པར་བྱས་ན་ཅུང་ཟད་མི་མཛེས་པས། སྒོ་ནི་འཁོར་ལོའི་བརྒྱད་ཆའོ། །ཞེས་པའི་ལུགས་འདི་བཞིན་བྱས་ན་མཚར་རམ་འགྱུར་རོ། །དེ་ལྟ་བུའི་གཞལ་ཡས་ཁང་གི་དབུས་ཀྱི་བར་སྣང་དུ་རང་ཉིད་ཀྱི་ཐུགས་ཀ་ནས་རྒྱུ་ཡི་ཡི་གེ་དཔལ་ལྷ་མོའི་ས་བོན་མ་སྔོ་སྐྱ་དང་། ནག་པོ་ཆེན་པོའི་ས་བོན་ཧཱུྃ་མཐིང་ནག་ཅིག་སྤྲོས་ནས་བཞུགས་པ་དེ་ལས་སྤྲོས་པའི་བཾ་ཡིག་འོད་དུ་ཞུ་བ་ལས་གདན་ཐབས་ཀྱི་ཆོས་འབྱུང་གི་སྟེང་དུ་སྣ་ཚོགས་པདྨ་འདབ་བརྒྱད་པའི་ཟེའུ་འབྲུར་མ་

― KMC025_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲོས་པ་ལ་ཉི་མའི་དཀྱིལ་འཁོར་དུ་གྱུར། ཏི་ནག་པོ་སྤྲོས་ནས་དེ་ལས་འོད་ཟེར་ནག་པོ་འབར་བའི་ཚོགས་སྤྲོས་ནས་དགྲ་བགེགས་ཐམས་ཅད་ཚར་བཅད་ཚུར་འདུས་ཏིལ་ཐིམ་པས། ཨོཾ་གྷོར་ཏི་གྷརྡྷ་པ་ཧཱུྃ། ཞེས་པའི་ཡི་གེར་གྱུར། དེ་ཡོངས་སུ་གྱུར་པ་ལས་དྲེའུ་རྟ་སྔོ་ནག་གཅིག་ཏུ་བསྐྱོད། དེའི་སྒ་གོང་དུ་ནམ་མཁར་བཞུགས་པའི་མ་དང་ཧཱུྃ་ཡི་གེ་དེ་བབས་ནས། འོད་ཟེར་འཕྲོས། དགྲ་བགེགས་ཐམས་ཅད་ཚར་བཅད་ནས་སླར་ཚུར་འདུས་ནས་ས་བོན་གཉིས་ལ་ཐིམ་པས། ཨོཾ་ཡཀྵ་བེ་ཏ་ལི་ཧཱུྃ་ཛཿ ཞེས་དང་། ཨོཾ་ཤྲི་མ་ཧཱ་ཀཱ་ལ་ཧཱུྃ་ཕཊཿ ཞེས་པའི་སྔགས་སུ་གྱུར་པར་བསམ། དེ་འོད་དུ་ཞུ་བ་ལས་དཔལ་ལྡན་ལྷ་མོར་གྱུར་པར་བསམ། དེ་ཡང་རྩེ་གསུམ་འཕྱར་སྟབས་དང་། ཕུར་པ་འདེབས་པའི་ཚུལ་དང་། སྦྲུལ་ཞག་འདེབས་པའི་ཚུལ་ཅན། མེ་ལོང་འཛིན་པའི་ཕྱག་གིས་ཡབ་ལ་འཁྱུད་པར་བསྒོམ་དགོས་ཞེས་བླ་མས་གསུངས། རེ་སྡེའི་སྨད་གཡོགས་ནི་རྩ་བསླས་མའི་སྨད་གཡོག་ཡིན་གྱི་རེ་བ་ནག་པོ་མིན་པ་ཤེས་དགོས།

― KMC025_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོལ་བེར་ནི་དར་ནག་པོའི་གོས་ཕུ་དུང་ཤིན་ཏུ་ཆེ་བར་བྱས་པའོ། །དེའི་པང་དུ་ཡབ་ཁམས་གསུམ་ཟ་བྱེད་རྡོ་རྗེ་ནག་པོ་ཆེན་པོ་འཁྱུད་པར་བསྐྱེད་པ་ནི་ཆོ་གའི་གཞུང་དངོས་བསྟན་ལྟར་ཡིན་ཅིང་། ཞལ་སྦྱོར་བདག་བསྒོམ་གྱི་སྐབས་སུ་མགོན་པོ་ལ་ལྷ་མོས་འཁྱུད་པར་བསྒོམ་ཞེས་གསུངས་སོ། །བདག་བསྒོམ་ལའང་གཞུང་གི་དངོས་བསྟན་ལྟར་ལྷ་མོའི་པང་དུ་མགོན་པོ་བསྒོམ་པའང་མི་རུང་བ་ནི་མ་ཡིན་ཏེ། དཔེར་ན་གོ་བཟློག་ལྷན་སྐྱེས་མ་བཞིན་ཏེ། ཡི་དམ་གྱི་ལྷ་གནད་ལ་དབབ་པའི་མན་ངག་དཔལ་དུས་ཀྱི་འཁོར་ལོའི་རྒྱུད་ཀྱི་དགོངས་པ་ཡིན་ནོ། །འཁོར་ལོ་དང་པོའི་རྩིབས་བརྒྱད་ལ་ནག་པོ་ཡབ་ཡུམ་བཅུ་དྲུག་བསྐྱེད་དགོས་ཤིང་། ཡུམ་བརྒྱད་ཀྱི་མཚན་ནི། སྲིན་མོ་ཟ་བྱེད་གདོང་དམར་མ། །མ་མོ་གཏུམ་དྲག་རྔམ་པ་མོ། །བདུད་མོ་ནག་མོ་ཁ་འབར་མ། །མོན་མོ་ནག་མོ་ལག་དམར་མ། །སྒྲོལ་གིང་ནག་མོ་མཐུ་ཆེན་མ། །ལྷ་མོ་ཆེན་མོ་ཙ་རྩེ་ཀ །བང་རིམ་གསུམ་གྱི་མ་མོ་ཆེ། །རྡོ་རྗེ་བདུད་སྲིན་མ་མོ་རྣམས་སོ། །ཡབ་ཡུམ་

― KMC025_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཞལ་གཅིག་ཕྱག་གཉིས་གྲི་གུག་དང་ཐོད་ཁྲག་འཛིན་པ། དྲེའུ་རྟ་སྔོ་ནག་གི་སྟེང་ན་ཡབ་རྣམས་བཙན་སྐྱིལ་གྱིས་བཞུགས་པའི་པང་ན་ཡུམ་རྣམས་ཀྱིས་འཁྱུད་པར་བསྐྱེད། འདི་ནི་མ་མགོན་བེར་ནག་གི་རྒྱུད་ཀྱི་དགོངས་པ་གྲུབ་ཆེན་པཀྴིའི་ཡབ་ཆོས་ཡིན་ཏེ། འདི་ཉིད་ཁོ་ན་ཡང་རྐང་ཚུགས་པའི་ལུགས་སྲོལ་གཅིག་ཡིན་ཅིང་། རྗེ་བླ་མ་དམ་པས་ཀྱང་བསྐང་གསོའི་ཆོ་ག་གསར་གནང་ཀྱང་འདི་ཁོ་ནའོ། །ཇི་སྐད་དུ། གྲུབ་ཐོབ་པཀྴིས། རང་ཉིད་མ་མགོན་ཞལ་སྦྱོར་དུ་བསྒོམ་ནས། རང་བཞིན་གྱི་གནས་ནས་ཡེ་ཤེས་སེམས་དཔའ་མ་མགོན་བཅོ་བརྒྱད་ཆར་བབས་པ་ལྟར་རང་ལ་ཐིམ་པར་བསྒོམ་ཞིང་སྔགས་འདི་ཆུ་བོའི་རྒྱུན་བཞིན་བཟླས་པས། མཐུ་སྟོབས་མ་མགོན་རང་དང་མཉམ་ཞིང་ཕྲིན་ལས་ཀྱིས་འཛམ་གླིང་ཁྱབ་པ། མིང་ཡོངས་སུ་གྲགས་པའི་ཀརྨ་པ་དང་མཉམ་པར་འགྱུར་རོ། །ཞེས་གསུངས་སོ། །འཁོར་ལོ་གཉིས་པ་ལ་ཤར་སྟོད་ཀྱི་རྩིབས་ལ་ལྷ་མགོན་གཙུག་ཕུད་ཅན་དང་། ནུབ་སྨད་ཀྱི་རྩིབས་ལ་

― KMC025_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

སའི་ལྷ་མོ་དང་བཅས་པའི་ཕྱོགས་སྐྱོང་བའི་མགོན་པོ་བཅུ་བསྒོམ་པ་སྟེ། འདི་རྣམས་ཀྱི་ཕྱག་མཚན་གྱི་སྐབས། ཙན་དན་གྱི་གྲུ་ཚལ་ནི་ཤིང་གི་གློ་ཕག་སྟེ། ཁམས་སྐད་གཤག་འགེས་ཞེས་པ་དེ་ཡིན་པར་བླ་མས་བཞེད། གྲུའི་སྐྱ་བ་ཡིན་པར་ཡང་བཞེད། ལྡོང་དྲིལ་ནི་ཤིང་སྦོམ་པོའི་ཁྲིག་པ་སྟེ། ས་རོང་རྣམས་སུ་ལམ་འགགས་ནས་དམག་ནང་ལ་བསྒྲིལ་རྒྱུ་མང་པོ་བསྒྲིགས་བཞགས་ཡོད་པ་དེ་ཡིན་བླ་མས་གསུངས། ཡ་ལད་ནི་གོ་ཁྲབ་ཡིན། བ་དན་ཁྲ་བོ་ཞེས་པ་བོད་ཀྱི་ཕྱར་དར་ཁྲ་བསྒྲིགས་བྱས་པ་དེ་ཡིན། མགོན་པོ་ཡབ་རྐྱང་ལ་ཕྱོགས་བཅུའི་མགོན་པོས་བསྐོར་བའི་འགྲོ་མགོན་རས་ཆེན་གྱི་བཞེད་པ་མགོན་པོ་ནོར་ལྷ་ལྟར་བསྒྲུབས་པའི་ལུགས་ཏེ་རྐང་ཚུགས་པའི་སྒྲུབ་ཐབས་གཅིག་ཡིན་ནོ། །འཁོར་ལོ་གསུམ་པ་ལ་དྲེག་པའི་གཙོ་བོ་བདུན་ཅུ་རྩ་གཉིས་པོ་འདི་ནི་པར་ནག་གི་རྒྱུད་སོགས་ལྷ་མོའི་རྒྱུད་ཕལ་ཆེར་ལས་བསྟན་པའི་ལྷ་མོའི་ཁྱོ་རྣམས་ཡིན་ཅིང་། ཡུམ་རྐྱང་ལ་དྲེགས་པ་དོན་གཉིས་ཀྱི་བསྐོར་བའི་སྒྲུབ་ཐབས་ནི། ལྷ་མོ་

― KMC025_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བུའི་ལུགས་ཡིན། ནུབ་ཕྱོགས་སུ་བཞུགས་པའི་དུར་ཁྲོད་ནག་པོ་ཆེན་པོ་ཞེས་པ་འདི་འཇིག་རྟེན་གྱི་མགོན་པོ་བེར་ནག་ཟངས་གྲི་ཅན་ཡིན་ཅིང་། དབང་ཕྱུག་ཆེན་པོའི་འཁོར་རབ་འབྱམས་བརྒྱད་ཀྱི་ནང་ཚན་ནག་པོ་ཆེན་པོ་དེ་ཡིན་ཅིང་། ཟངས་གྲི་ཞེས་པ་ནི་བལ་པོའི་བཟོ་བོ་རྣམས་ལ་ཡོད་པའི་ཟངས་གཅོད་བྱེད་ཀྱི་གྲི་རྒུ་པོ་དེ་ཡིན་གྱི་ཟངས་ལས་བྱས་པ་ནི་མ་ཡིན་ནོ། །འཁོར་ལོ་ཐ་མའི་ཤར་གྱི་སྤྱང་ཞོན་མ་བདུན། བྱང་གི་ཕུར་བུ་མ་བདུན། ནུབ་ཀྱི་ཟངས་གི་རལ་གྲི་འཛིན་མ་བདུན། མཚོན་ཆའི་འཁོར་ལོ་མ་བདུན་རྣམས་ནི་སྤྱང་ཞོན་མའི་སྐུ་ཡི་རྣམ་འགྱུར་ཡིན་ཅིང་། དབང་མོ་ཉེར་བརྒྱད་སྐབས། སྲིན་མོ་དང་ཚངས་མ་སོགས་ཟེར་བ། སྲིན་པོ་དང་ཚངས་པའི་ཆུང་མ་སོགས་ཤེས་དགོས་ལ། རྣ་ཆ་དཀར་མོ་ཞེས་པའང་ཡི་གེ་ནོར་ཏེ། རྣ་ཅན་ཞེས་འདོན་དགོས་ཏེ། རྣ་བ་ཅན་གྱི་ཆུང་མ་ཡིན་པས་སོ། །བུམ་སྣ་ཞེས་པ་ནི་ཡིག་སྐྱོན་ཏེ། བུམ་རྣ་ཞེས་འདོན་དགོས་ཏེ་རྒྱལ་པོ་ཀུམྦྷ་ཀ་རྣའི་ཆུང་མ་ཡིན་པས་སོ། །མི་མོ་

― KMC025_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པའང་ཡི་གེ་ནོར་ཏེ། མེ་མོ་ཞེས་འདོན་དགོས་ཏེ། མེ་ལྷའི་ཆུང་མ་ཡིན་པས་སོ། །རྣམ་ཐོས་ཞེས་པའི་མལ་དུ་གསུས་འཕྱང་ཟེར་བའང་ཡོད། རྡོ་རྗེ་ནག་མོ་ཞེས་པའང་ཡི་གེ་མ་ཚང་བ་སྟེ། བཛྲ་མཱ་ཧཱ་ཀཱ་ལི་ཞེས་འབྱུང་བས། རྡོ་རྗེ་ནག་མོ་ཆེན་པོ་ཞེས་འདོན་དགོས་སོ། །དགའ་བྱེད་དམར་མོ་ཞེས་པའང་ཡི་གེ་ནོར་ཏེ། ཙ་མུནྜཱི་ཞེས་ཡོད་པས་རྒན་བྱད་ཞེས་འདོན་དགོས་བེ་ཅོན་ལྗང་ནག་ཞེས་པ། རྒྱ་སྐད་དནྜ་དམ་ཞེས་ཡོད་པས་ཆད་འདུལ་ཞེས་བསྒྱུར་དགོས་སྙམ། སོ་མྱ་ཞེས་པ། ཞི་བར་བསྒྱུར་ཡང་། དཀྱུས་བཞིན་ཟླ་བ་དཀར་མོ་ཞེས་པ་ལེགས། རྒྱ་སྐད་བཛྲ་སིང་ཧ་མ་ཞེས་ཡོད་པ། རྡོ་རྗེ་དམར་སེར་མ་དོམ་གྱི་མགོ་ཞེས་དགོས་འདྲ། མགྲིན་ཆུ་ཞེས་པའང་ཡིག་སྐྱོན་ཏེ། མགྲིན་བཅུ་ཞེས་འདོན་དགོས། སྲིན་པོའི་རྒྱལ་པོ་ངྷ་ཤ་གྲྀ་བའི་ཆུང་མ་ཡིན་པས་སོ། །དེ་འདྲའི་རྒྱུ་མཚན་མང་དུ་བཤད་ཡོད་ཀྱང་ཡི་གེ་མང་བས་རྒྱས་པར་མི་སྤྲོ་ལགས། འདི་རྣམས་ཀྱི་ཕྱག་མཚན་གྱི་དོགས་གནས་ནི། གསལ་ཤིང་ཞེས་པ་འདི་སྐབས་རྙིང་མའི་

― KMC025_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་ཆེན་དུ་མེ་སྒྲོན་འཛིན་པ་ཞེས་འབྱུང་བས་མེ་སྒྲོན་ཡིན་པར་མངོན་ནོ། །ཨིནྡྲ་གདེངས་པ་ཞེས་པ། ཨིནྚ་ཡིན་ན་རྒྱུ་མ་ཡིན་ལ། རྙིང་མའི་གཞུང་རྣམས་སུ་འདིའི་ཕྱག་མཚན་རྒྱུ་མར་བཤད། ཙིནྡྷ་འཐུང་བ་ཞེས་པ་ནི་པདྨ་རཀྟས་གང་བའི་ཐོད་པའོ། །ཞིང་ཆུང་ནི་བྱིས་པའི་རོ་འོ། །པུནྜ་རི་ཀཱ་ནི། མེ་ཏོག་པདྨ་དཀར་པོའོ། །རྐེ་དར་འཕྱར་བ་ནི། རྐེ་པ་ཡར་བསྲིང་བའོ། །ཏྲི་ཤུ་ལ་རྩེ་གསུམ་མོ། །སྐྱིན་གྱི་མགོ་ཞེས་པ་ཁ་ཅིག་སྐྱིན་གཡག་ཟེར་བའི་ནགས་སུ་ཡོད་པའི་དུད་འགྲོ་འབྲི་འདྲ་བ་ཞིག་ལ་ངོས་འཛིན་ཡང་གཙང་ཕག་རྒྱ་བོ་ཡིན། ཟེར་མོ་ནི་ནགས་ཀྱི་བྱ་ཟེ་རེ་ཟེར་བ་སྒྲོ་ཡི་གཙུག་ཕུད་ཅུང་ཟད་ཡོད་པ་ཞིག་གོ །ཀླུའི་སྲིང་མོ་དཀར་མོ་གཡོག་ཐོད་མ་ནི་མིང་ཡིན་རྒྱན་སྐུ་མདོག་རང་དམར་པོའོ། །ནག་མོ་སྡེེར་ཆེན་ནི་མིང་ཡིན། སྐུ་མདོག་ནི་སེར་མོའོ། །བ་དན་སྟ་གྲི་ཞེས་པའི་སྟ་གྲི་ནི་སྟ་རེའོ། །དྲེགས་པ་རྐྱ་གསུམ་ནི་གྲུ་ཆད་གསུམ་དུ་འགོད་པའོ། །སྐབས་འགར་གཙོ་བོའི་མདུན་གཡས་གཡོན་དུ་བཀོད་པའང་ཡོད་

― KMC025_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

དོ། །དེ་ལྟར་གཙོ་བོ་མ་མགོན་ལྕམ་དྲལ་ལ་འཁོར་དུ་དྲེགས་པ་ཕོ་རྒྱུད་མོ་རྒྱུད་ཀྱི་ཚོགས་དུ་མས་བསྐོར་བ་འདི་འདྲ་ནི་བཀྲ་ཤིས་སྒབ་འཇམ་པ་དང་། ཚན་ཆེ་ཞིང་སྟོབས་ཆེ་བ་སྲིད་པ་གཏེར་ཁྱིམ་སོགས་ལས་བཤད་དོ། །དེ་ནས་ལྷ་ཚོགས་དེ་དག་ཐམས་ཅད་ཀྱི་དཔྲལ་བར་ཨོཾ་སོགས་དང་། ལྷ་མོའི་ཐུགས་ཀར་ཉི་མ་ལ་བྷྱོཿ མགོན་པོའི་ཐུགས་ཀར་ཟླ་བ་ལ་ཧཱུྃ། དེ་ལས་འོད་ཟེར་འཕྲོས་པས་ཡེ་ཤེས་དང་ལས་དང་། འཇིགས་རྟེན་གྱི་མགོན་པོའི་ལྷ་ཚོགས་ཐམས་ཅད་སྤྱན་དྲངས་བས་མདུན་གྱི་ནམ་མཁར་བཞུགས་པར་བསམས་ལ། ཧཱུྃ་དད་པ་དང་ནི་དམ་ཚིག་གིས། །སོགས་ཚིག་གིས་ཀྱང་སྤྱན་དྲངས། དེ་ནས་ཡེ་ཤེས་པ་དེ་རྣམས་ལ་ཁྲག་གི་མཆོད་ཡོན། དུག་དང་དབང་ལྔའི་མེ་ཏོག །ཚིལ་ཆེན་གྱི་བདུག་སྤོས། ཞུན་ཆེན་གྱི་མར་མེ། རོ་ཐལ་གྱི་བྱུག་པ་ཤ་ཆེན་གྱི་ཞལ་ཟས། ཐོད་རྔ་རྐང་གླིང་གི་རོལ་མོ་རྣམས་ཀྱིས་མཆོད་ནས། ཛཿཧཱུྃ་བཾ་ཧོཿ ཞེས་པས་དམ་ཚིག་པ་རྣམས་དང་གཉིས་མེད་དུ་འདྲེས་པར་བསམ། ཧཱུྃ་གཏུམ་པོ་འཇིགས་རུང་སོགས་

― KMC025_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གདན་འབུལ། དེ་ཡང་ཆུ་སྐྱེས་གཙོ་བོ་ནི་པདྨ། སྣང་བྱེད་བདག་པོ་ནི་ཉི་མའོ། །རི་དྭགས་དགྲ་ནི་སེང་གེ །དཀར་མིན་མྱུར་འགྲོ་ནི་རྟ་ནག །རྐང་རྟེན་ནི་ཁྲི། ཆེན་པོ་དག་ལ་ཡོངས་སུ་འོས་པ་ནི། རྒྱལ་པོ་ལ་ཐོབ་པའི་གསེར་ཁྲི་སོགས་སོ། །སྐབས་གསུམ་གོས་ནི། ལྷ་ཡི་དར་ཟབ་ཀྱིས་གཡོག་པའོ། །འབྱུང་པོ་འགའ་ཞིག་ལྔ་པར་གྱུར་པ་ནི་ཤི་བའི་རོ། །ཤ་དང་ཁྲག་རྣམས་སྤངས་ནི་ཀིང་རུས་སོ། །ཕ་རོལ་ཕ་རོལ་མིན་པ་འཁྲུག་པ་ནི་ཡུལ་འཁྲུགས་པ། གཙོ་བོའི་དབང་པོ་ནི་མགོ་བོ། འབར་བའི་མཚོན་གྱིས་རེག་པ་ནི། གྲི་མདུང་སོགས་ཀྱིས་བརྒྱབ་པའོ། །སྡུག་བསྔལ་དབྱུག་གུས་ནི། མདའ་གྲི་སོགས་ཀྱིས་རྒྱབ་པའི་ན་ཚས་ངུ་བའོ། །ཐུར་དུ་མངོན་པར་ཕྱོགས་པ་ནི་མི་རོ་ཁ་སྦུབས་ཁྲག་ཟག་བཞིན་པ་སྟེ། དེ་ལྟ་བུའི་རོ་སྣ་ཚོགས་ཀྱི་ཁྲི་བརྩེགས་པའི་གདན་འབུལ་བའོ། །དེ་ནས་དམ་བཞག་གི་སྐབས། རང་ཉིད་ལེགས་ལྡན་དུ་བསྒོམ་པ་ཡིན་ན། སྲས་མཆོག་ནག་པོ་ཆེན་པོའི་མགོར་རྡོ་རྗེ་བཞག་སྟེ་དམ་ལ་བཞག་པར་

― KMC025_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

བསམས། བདག་མདུན་གཉིས་ཀ་བེར་ནག་ཅན་དུ་བསྒོམ་པ་ཡིན་ན། བདག་ཉིད་ཡེ་ཤེས་ཀྱི་མགོན་པོ་ཡབ་ཡུམ། མདུན་གྱི་མ་མགོན་ནི་འཇིག་རྟེན་རང་རྒྱུད་ཀྱི་མགོན་པོ་ཡིན་པ་ལ་དམ་ཚིག་རྡོ་རྗེ་སྤྱི་བོར་བཞག་པར་མོས། རང་གི་ཐུགས་ཀ་ན་སྔགས་ཕྲེང་འཕྲོས། མདུན་གྱི་ཐུགས་ཀའི་ཧཱུྃ་ལ་ཐིམ་པས། སྔོན་གྱི་དམ་ཚིག་དྲན་པར་བསམ། དེ་ནས་དབང་བསྐུར་རྒྱས་བཏབ་ཀྱི་སྐབས། བླ་མ་མི་བསྐྱོད་པའི་རྣམ་པ་ཅན་གྱིས་དབུ་བརྒྱན་པའམ། མན་ངག་གི་ལུགས་ལ་གྲུབ་ཆེན་ཀརྨ་པཀྴི་སྐུ་མདོག་སྨུག་ནག་ཕྱག་གཉིས་ས་གནོན། དབུ་ཞྭ་ཞྭ་ནག་སོགས་ཀྱི་ཆས་ཅན་གྱིས་དབུ་བརྒྱན་པར་ཡང་བཤད་དོ། །སྲེད་མེད་ཀྱི་བུ་ནི་སངས་རྒྱས་སྲེད་མེད་ཀྱི་བུ་ཡིན། དེ་ནས་ཕྱག་འཚལ་བའི་སྐབས་སུ། རང་གི་ཐུགས་ཀ་ནས་ཐ་མལ་པའི་ལུས་གྲངས་མེད་སྤྲུལ་ཏེ་ཕྱག་འཚལ་བར་བསྒོམ། དེ་ནས་མཆོད་རྫས་བྱིན་གྱིས་བརླབས་པ་ནི་གོ་བར་ཟད་ལ། སྐབས་གསུམ་དགྲ་ནི་ལྷ་མིན། སྲིན་པོའི་བདག་པོ་ནི་ལངྐ་མགྲིན་བཅུ་སོགས་ཀྱི་ཁྲག་གི་མཆོད་ཡོན།

― KMC025_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་མོར་གནས་ཀྱང་སོགས་ནི་དུག་གི་མེ་ཏོག་དང་། མི་ཡི་དབང་པོ་རྣམ་ལྔའི་མེ་ཏོག་དུར་ཁྲོད་དུ་མི་རོ་མི་ཚིལ་བསྲེགས་པའི་དུད་སྤྲིན་དབྱར་སྐྱེས་ཏེ་སྤྲིན་ཕུང་འཐིབ་པ་ལྟ་བུའི་བདུག་སྤོས་སོ། །ངན་འགྲོའི་རྒྱུ་སྡིགས་པ་ལ་དགའ་པའི་མི་ཡི་ཚིལ་ཞུན་དང་། དཀར་མིན་ཆེན་པོ་སྟེ་མར་ནག་ཆེན་པོའི་མར་ཁུའོ། །ཡི་དྭགས་མེ་ཏེ་དམྱལ་བའི་མེས་སྦར་བའི་མར་མེའི། སྲོག་སོང་ཏེ་རོ། འབར་བས་བྲེས་པ་ནི་མེས་བསྲེག་པའི་མི་རུས་ཐལ་བ་དཀར་པོ་དང་། ཁྲག་དང་ཞག་གི་བྱུག་རྫས་དྲི་ཆབ་བོ། །རྫོགས་པའི་སངས་རྒྱས་ཀྱི་ཚུལ་ལུགས་དང་། གཞན་མིན་པ་སྟེ། རང་ཉིད་ལ་སྡང་བའི་དགྲ་བགེགས་ཀྱི་ཤ་ཁྲག་ལྷུན་པོ་ལྟར་སྤུངས་པའི་ཞལ་ཟས་སོ། །ཡན་ལག་གི་མཆོག་མགོ་བོ་ལས་བྱས་པའི་ཌཱ་མ་རུ་ཞེས་པ་ནི་སྒྲ་སྒྲོགས་པའི་ཐོད་རྔ་དང་། རྐང་ལས་སྐྱེས་པའི་དུང་རྣམས་ནི། མཁའ་ལ་ཕྱོགས་བཞིའི་རླུང་ཐུག་པའི་སྒྲ་རྫིག་ཆོམ་གྱི་སྒྲོགས་བཞིན་པའི་དྲག་པོའི་རོལ་མོ་རྣམས་སོ། །སྐབས་གསུམ་གྲོང་ནི་ལྷ་གནས་སུམ་ཅུ་རྩ་

― KMC025_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། དེས་མཚོན་པའི་ལྷུན་པོ། གླིང་རྣམས་དང་། རིན་ཆེན་ས་འཛིན་ཏེ་གསེར་གྱི་རི་བདུན་དང་རོལ་པའི་མཚོ། དག་བྱེད་མུ་ཁྱུད་མཐའི་རྒྱ་མཚོ་ཏེ། མདོར་ན་མཎྜལ་འབུལ་བའོ། །དེ་ནས་ཚོགས་འཁོར་ནི་བདུད་རྩི་བྱིན་བརླབས་དང་འདྲ་བས་རྒྱས་པར་སྨོས་མ་དགོས། རྣལ་འབྱོར་མའི་ཚོགས་པའམ། རེ་རེ་ཡང་མེད་པ་འདི་འདྲ་བ་དཔའ་བོའི་སྟོན་མོ་ཟེར། གསང་སྔགས་ནང་གཏོར་གྱི་སྐབས་བདུད་རྩི་བྱིན་བརླབས་འདི་ཕ་རྒྱུད་ཀྱི་ལུགས་ཡིན་སྣང་། ཆོས་སྐུ་དྲུག་པ་རྡོ་རྗེ་འཆང་ཆེན་པོ་སོགས་ཀྱིས་དོན་བརྒྱུད་ཀྱི་བླ་མ་རྣམས་ལ་ཕུལ། སློབ་དཔོན་ཆེན་པོ་ཌོམྦི་པ་སོགས་ཀྱིས་བེར་ནག་ཅན་གྱི་བླ་བརྒྱུད་ལ། སློབ་དཔོན་ཆེན་པོ་པདྨ་སམྦྷ་ཝ་སོགས་ཀྱིས་ལྷ་མོར་རང་བྱུང་མའི་བླ་བརྒྱུད་ལ་འབུལ། ཡི་དམ་རྣམས་ལ་སོ་སོའི་ཁ་བྱང་ཡོད་ཅིང་། ཨོཾ་བཛྲ་ཌྷྲིཀ་ཧཱུྃ་ཕཊཿ ཞེས་པས་གསང་འདུས་འཕགས་ལུགས་མི་བསྐྱོད་རྡོ་རྗེ་ཡིན་ཀྱང་འཇམ་རྡོར་ཞེས་ཁ་བྱང་ནོར་འདུག །ཧཱུྃ་བདེ་གཤེགས་འདུས་པ་སོགས་ནི། དོན་ལྡན་ཞབས་ཀྱི་རྟ་ནག་

― KMC025_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེགས་པ་འདུལ་བྱེད་ལའོ། །ཨོཾ་ཁ་ཁ་ཁཱ་ཧཱི་སོགས་ནི། མཁའ་འགྲོ་སྤྱི་གཏོར་ཡིན། དེ་ནས་སྨན་རག་གཏོར་གསུམ་འབུལ་བ་ལས། དང་པོ་གཏོར་མ་བྱིན་བརླབས་ནི། སྟོང་པར་གྱུར་པའི་རང་ཉིད་ལས་སོགས་ཏེ། རླུང་མེ་ཐོད་སྒྱེད་ལ་གནས་པའི་ཐོད་པའི་སྣོད་ནང་དུ་ཟླ་བ་ལ་གནས་པའི་དབུས་དང་ཕྱོགས་བཞིར་བདུད་རྩི་ལྔ། ཡང་དབུས་དང་མཚམས་བཞིར་ཤ་ལྔ། སྟེང་དུ་ཉི་མའི་ཁ་བཀབ་ལ་རྡོ་རྗེའི་གྲི་གུག་གིས་ལྟེ་བར་ཧཱུྃ་གིས་མཚན་པ་ལས་འོད་འཕྲོས། རླུང་གཡོས། མེ་སྦར་མེས་ཐོད་པ་དྲོས་རྫས་རྣམས་ཁོལ། སླར་ཡང་ཡེ་ཤེས་ཀྱི་བདུད་རྩི་སྤྱན་དྲངས་ནས་བསྟིམ། གྲི་གུག་གིས་འདྲེས་པར་དཀྲུགས། གྲི་གུག་ཡང་བདུད་རྩིར་ཐིམ་པར་བསམ། ཧཱུྃ་བླ་མེད་མཆོད་པ་སོགས་ནི། བདུད་རྩིའི་དོན་དང་། བྷྱོཿ རིན་ཆེན་ཨིནྜཱ་ནི་ལའི་སོགས་ཛ་གད་འབུལ་ཚིག་དང་། བྷྱོ་རཀྟ་ཁྲག་སོགས་ནི། རཀྟའི་འབུལ་ཚིག་དང་། བྷྱོཿ གཞོང་པ་རྣམ་དག་སོགས་ནི་གཏོར་མ་འབུལ་བའི་ཚིག་སྟེ། གཞོང་པ་རྣམ་དག །ཟླ་གམ་ནི་བྷནྡྷའི་

― KMC025_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དང་། ཚེ་དང་འགལ་ལ་ངོས་འཛིན་མང་ཡང་འདི་སྐབས་ཐབས་ཤེས་ཀྱི་རྫས། ཤ་དང་ཆང་། ཟན་དང་ཤ་སོགས་ལ་འཇུག །དཀར་གྱི་ཐིག་བཏབ་སོགས་ནི། མར་རྒྱན་དང་ཤ་རྒྱན་ལ་ཡང་བཤད་མོད། འདི་སྐབས་ཐོད་པའི་ནང་གི་ཟླ་བ་དང་ཉི་མ་ལ་སྦྱར། ཚིག་དེ་རྣམས་རྟ་མགྲིན་ནག་པོ་ནས་ཡིན་ནོ། །དེ་ནས་ལྷ་ཚོགས་ཐམས་ཅད་ཀྱི་ལྗགས་འོད་ཟེར་གྱི་སྦུ་གུས་གཏོར་མ་ལ་ཟུག་སྟེ་གསོལ་བར་བསམ་ལ། སྔགས་རྣམས་བརྗོད་དོ། །རྣམ་སྲས་སོགས་ཆོས་སྐྱོང་སྒེར་པ་འདི་རྣམས་མདུན་བསྐྱེད་མགོན་པོའི་དཀྱིལ་འཁོར་གྱི་མཐའ་ནས་ཕྱོགས་གང་རིགས་སུ་བསྒོམ་པར་བཞེད། རྣམ་སྲས་ཀྱི་ས་བོན་ནི་བཻ་ཡིག་གི་མཐའ་བསྐོར་དུ། ཨོཾ་བཻ་ཤྲ་མ་ཎ་ཡེ་སྭཱ་ཧཱ། ཞེས་པ་ནི་ངལ་བསོའི་བུ་དང་བཻ་ཤྲ་མ་ཎཱ་ཡ་ཞེས་པ་རྣམ་ཐོས་བུ་ཏེ་གྲགས་པ་ཆེ་བའི་དོན་ཡིན་གསུངས། དེ་གཉིས་ཀ་རྒྱ་དཔེར་ཡོད་པས་ཁྱད་མེད་གསུངས་སོ། །དེ་ཡི་ཕྲུ་མ་གཞོམ་པ་དང་། ཞེས་པའི་ཕྲུ་མ་ནི་དམག་སྒར་རོ། །རྩི་པི་ཀུཎྜ་ལ་ཞེས་པ་བོད་སྐད། མ་ནེ་འཁྱིལ་བ་

― KMC025_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པའོ། །ཀུ་ཝེ་ར་ནི་ལུས་ངན་ཞེས་པའོ། ༈ །སྔགས་བདག་གི་ཐུགས་སྲོག་ནི་ཕུ། ཕྱག་ཐལ་མོ་སྦྱར་བའི་བར་དུ་གསེར་གྱི་བུམ་པ་བདུན་རྩིས་གང་བ་འཛིན་པ་བསྐྱེད། ཨོཾ་ཕུཿཕུཿཕུ་ཏ་སོགས་ཟེར་བའང་འདུག ༈ །དམ་ཅན་མགར་ནག་གིས་བོན་ཏྲི་ཡིན། དབུ་སྐྲ་གྱེན་བརྫེས་ཐོད་སྐམ་གྱི་བརྒྱན་པ་ཡིན། དབུ་ལ་འུག་པའི་ཞྭ་མོ་གྱོན་པ་སོགས་ནི། འོབ་ཞུ་ཞེས་པའི་དོན་མ་ཤེས་པའི་ནོར་བ་རྒྱུན་འབྱམས་ཡིན་ནོ། །ཨ་ཛ་ཙིཏྟ་ཞེས་པར་ཡི་སྙིང་ངོ་། དགྲ་བགེགས་ཨ་ཛ་ལས་བྱུང་ཞེས་པའང་། ར་ཡི་ཁྲག་གོ ༈ །སྲིན་མགོན་ཡབ་ཡུམ་འདི་རྒྱ་ལའི་དོང་བདག་དང་གཅིག་པར་བཞེད། ཤང་ལང་ནི་རལ་གྲིའོ། །ཞིང་སྐྱོང་གི་དམར་གཏོར་ཞེས་པ་ཐོད་པ་ཤ་ཁྲག་གིས་གང་བའོ། །ཨ་མྲ་བརྩེགས་པའི་ཚལ་ཞེས་པ་ནི། མཐའི་རྒྱ་མཚོའི་ཁར་རི་ཤིན་ཏུ་རྣོན་པོ་ཨ་མྲ་ཟེར་བ་ཡོད་པ། དེ་དང་འདྲ་བའི་མཆེ་བ་གཙིགས་པའི་དོན་ཡིན་ནོ། །གྷ་ཡ་ངྷ་ར་ནི་སྤྲིན་འཛིན་ཏེ། ཞལ་རས་ཆར་སྤྲིན་མཐིང་ནག་ལྟ་བུ་ཡོད་པས་སོ། །མཁའ་འགྲོ་

― KMC025_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་གཏོར་སྐབས། གནས་དང་ཉེ་བའི་གནས་ཞེས་པ་ནི། གནས་ནི་གནས་ཉེར་བཞི་དངོས་དང་། ཉེ་བའི་གནས་ནི་དེའི་གནས་ལག་ལྟ་བུའོ། །ཞིང་ཡང་དེ་དང་འདྲ། འདུ་བ་ནི་ཞིང་སྐྱེས་ཀྱི་དཔའ་བོ་མཁའ་འགྲོ་རྣམས་ཚོགས་འཁོར་ལ་འདུ་བའི་གནས་སོ། །འཐུང་གཅོད་ནི་བརྩེ་བའི་གནས། ཚནྡྷོ་ནི་དཔའ་བོ་མཁའ་འགྲོ་རྣམས་ཁྲུས་བྱེད་པའི་གནས་སོ། །ཞིང་སྐྱེས་ནི་རང་བཞིན་སྐྱེས་ཐོབ་ཀྱི་དཔའ་བོ་རྣལ་འབྱོར་མ་རྣམས་སོ། །ལྷན་སྐྱེས་ནི་རྡོ་རྗེ་ཕག་མོ་དང་ལཱ་མ་ལ་སོགས་པ་རྣམས་སོ། །སྔགས་སྐྱེས་ནི་ད་ལྟའི་ལུས་འདི་ཡིས་སྔགས་གྲུབ་པའོ། །རིགས་སྐྱེས་ནི། ཞིང་སྐྱེས་ཀྱི་ནང་ཚན་ལཱ་མ་ལ་སོགས་པའི་རིགས་སོ་སོ་རྣམས་སོ། །གནས་སྐྱེས་ནི་ཙཱ་རི་སོགས་སུ་ཡོད་པའི་སྣང་བ་དང་མི་སྣང་བའི་དཔའ་བོ་མཁའ་འགྲོ་རྣམས་ཏེ་འདི་ཡང་ཞིང་སྐྱེས་སུ་འདུའོ། །ལས་སྐྱེས་དང་ལྷན་ཅིག་སྐྱེས་པའི་ལྷ་ནི་རང་ལ་འགོ་བའི་ལྷའོ། །ཤིང་ཀི་རིའི་མཆོད་རྟེན་ནི་བོད་སྐད་དུ། རི་ཉལ་ཞེས་པའོ། །གཞི་བདག་གཏོར་མའི་སྐབས། ད་ལྟའི་གླིང་བཞི་

― KMC025_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི་ལ་སྟོང་གཅིག་པ་ཟེར། དེ་འདྲ་སྟོང་ཕྲག་གཅིག་ལྕགས་རིའི་བསྐོར་བ་སྟོང་བར་པ། དེ་འདྲ་སྟོང་ཕྲག་གཅིག་ལྕགས་རིའི་བསྐོར་བ་སྟོང་གསུམ་པ་སྟེ་མངོན་པ་ནས་བཤད་པའི་གླིང་བཞི་བྱེ་བ་ཕྲག་བརྒྱའོ། །སྟོད་མངའ་རི་སྐོར་གསུམ་ནི། གུ་གི་གཡའ་ཡིས་བསྐོར། པུ་རོང་ཆབ་ཀྱིས་བསྐོར། ཏི་སེ་གངས་ཀྱིས་བསྐོར། དབུས་གཙང་རུ་བཞི་ནི། དབུས་ལ་ལྷ་རུ་དགེ་རུ་གཉིས། གཙང་ལ་གཡས་རུ་གཡོན་རུ། མདོ་ཁམས་སྒང་དྲུག །ཟལ་མོ་སྒང་། ཀེ་རེ་སྒང་། སྤུ་འབོར་སྒང་། མཛོ་སྒང་། ཚ་བ་སྒང་། རབ་སྒང་དང་དྲུག་གོ །སྤར་ཁ་བརྒྱད་ཞེས་པ་རྒྱ་ནག་གི་སྐད་ཟུར་ཆག་པ་སྟེ། བཱ་བརྒྱད་ཀྭ་ཟུར་ཏེ། ཟུར་བརྒྱད་ཅེས་པའོ། །ཐེ་སེ་ཡང་ཟུར་ཆག་སྟེ། ཐི་ཡན། གནམ་སུའི་ལོ་སྟེ་གནམ་ལོ་ཞེས་པའོ། །ཕ་རི་དང་གཡས་རི་སྟབས་གཅིག །ཚུར་རི་དང་གཡོན་རི་སྟབས་གཅིག་སྨོས་པའོ། །བོད་ཀྱི་མགུར་ལྷ་བཅུ་གསུམ་ནི། ཐང་ལྷ་ཡར་ཞུར། ཤམ་པོ་རྩ་ལྷ། བྱས་ཡག །སྐུ་ལྷ་གངས་དཀར། སྒྱོག་ཆེན་གདོང་ར། དགྲ་ལྷ་འབྲོང་

― KMC025_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ། དགེ་ལྷ་བྱང་རྩེ། ལྕོགས་ལ་མཚལ་རྩེ། གེ་མཛོ་གཉེན་པོ། །རྫུ་འཕྲུལ་ཅན་འོད། དབྱི་ཆེན་རབ་ལྡེ། འབྲི་ཆེན་རྡོང་དུར། བོད་ཀྱི་རུ་རྣམས་སོ། །སྲིད་པ་ཆགས་པའི་ལྷ་དགུ་ནི། དྲི་ཟ་ཟུར་ཕུད་ལྔ་པ། བཙན་ཡམ་ཤུད་དམར་པོ། སྲིན་པོ་ངྷ་ཤ་གྲྀ་བ། ཀླུ་རྒྱལ་འཇོག་པོ། མི་འམ་ཅི་ལྗོན་པ། གནོང་སྦྱིན་གང་བཟང་། གྲུལ་བུམ་རྒྱལ་པོ་རྟ་མགོ །བདུད་སྐོས་རྗེ་དྲངས་དཀར། མཁའ་ལྡིང་རྒྱལ་པོ་གསེར་མིག་འཁྱིལ་བ་དང་དགུའོ། །གཞི་བདག་དཀར་གཏོར་འདི་གདོང་མཁའ་སྤྱོད་པས་རི་མགོ་ཞིག་ཏུ་ཕེབས་སྐབས་དཀར་གཏོར་ནས་བྱུང་རྒྱལ་དུ་གསུངས་པའི་རྒྱུན་ཡིན་ཞེས་ཡིག་རྙིང་ཞིག་གཤམ་ལ་ཡོད་པས་བྱིན་རླབས་ཆེ་བ་ཞིག་ཡིན་ནོ། །དེ་ནས་ཨོཾ་ཨཱཿཧཱུྃ་ཧོཿ ཞེས་པ་ནི་དུས་འཁོར་སྐུ་གསུང་ཐུགས་ཡེ་ཤེས་རྡོ་རྗེ་བཞི་ཡི་དོན་ཏོ། །གང་དྲིན་མས་བླ་མ་རྣམས་ལ་བསྟོད། དེ་ནས་ཡི་དམ་སོ་སོའི་བསྟོད་པ་རྣམས་དང་། མགོན་པོ་དང་ལྷ་མོའི་བསྟོད་པས་བསྟོད། ལྷ་མོའི་བསྟོད་པ་ཤིང་ལོ་རླུང་ཁྱེར་ས་ལ་མ་ལྷུང་བར་བྲམ་ཟེ་མཆོག་སྲེད་དང་ལྷ་

― KMC025_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་སྐུ་བྲིས་པ་དང་། སྐྱེས་པ་དར་མ་ཁུ་བ་མ་ཉམས་པའི་ཕོ་མཚན་སྐམ་པོ་ནི། མི་དབང་འབྲས་བུ་སྨིན་པའི་ཤ་སྐམ་ལེགས་ཡིན། པདྨ་རཀྟ་ནི། མཚལ་ཀྱི་ཤིང་ཏོག་ཡིན། དེ་ནས་བསྟོད་པ་རྣམས་ཀྱི་བསྟོད་པར་བྱའོ། །དེ་ནས་གསོལ་ཀ་ནི། ཡབ་རྐྱང་ལ་ཕྱོགས་བཅུ་མགོན་པོས་བསྐོར་བ་ནི། སྤྱན་འདྲེན་མཆོད་བསྟོད་སོགས་ལས་བྱང་ཚང་མ་ཞིག་གི་དོན་བསྡུས་པ་ཡིན། ཤེལ་སྒོ་ནག་པོ་སྤྱི་དཀར་ནི་ལུགས་ནག་སྤྱི་དཀར་རོ། །མཁའ་ལྡིང་ནག་མོ་ནི་བྱ་མོ་ནག་མོ་ཡིན། ཁུར་བ་ནི་ཁ་ཟས་གྲོ་ཟན་སྣུམ་ནང་དུ་བཙོས་པ་ཡིན། བྱོལ་བོ་ནི་བྱད་ཁ་དང་རྐྱེན་ངན་སོགས་རང་བཞིན་འཁྱམ་ཡོང་བའོ། །ནང་རྒྱས་ཞེས་པ་ནི་སྔགས་པ་གཉིས་ཕན་ཚུན་བྱད་ཁ་གཏོར་བའི་དོན་ཡིན། དེའི་ཚེ་གནས་འདིར་བྱོན་ཟེར་དུས་སྤྱན་དྲངས་པ་དང་། གདན་ལ་བཞུགས་ཟེར་དུས་སླར་ཡང་མདུན་བསྐྱེད་ལ་ཐིམ་པ་དང་། དེ་ནས་ཕྱི་མཆོད་འདོད་ཡོན་ལྔ། ནང་མཆོད་ཤ་ལྔ་བདུད་རྩི་ལྔ། གཞན་ཡང་ཚིག་དོན་ལྟར་གྱི་མཆོད་རྫས་སྒྲུབ་རྫས་བསྐང་རྫས་

― KMC025_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཀྱིས་མཆོད་པར་བསམ། འདོད་པའི་དོན་ལ་གསོལ་བ་རྩེ་གཅིག་ཏུ་བཏབ་བོ། ༈ །བསྐང་བ་ནི་གླིང་བཞི་རི་རབ་དང་བཅས་པའི་སྟེང་དུ་ལྷ་མི་ཀླུ་ཡི་ལོངས་སྤྱོད། ཁྱད་པར་དུ་བསྐང་རྫས་རྟ་ནག་གཡག་ནག །བྱ་ནག་ལུག་ནག་སོགས་དང་། མཆོད་པས་ལྷུང་བཟེད་དུ་དུག་གི་ལ་ངུ་དང་། ཉ་ཤ་སོགས། རྟེན་རྫས་སྐུ་འབག་སྲོག་འཁོར་སོགས། སྒྲུབ་རྫས་གྲི་གུག་རལ་གྲི་སོགས་མཁའ་དབྱིངས་ཐམས་ཅད་ཡོངས་སུ་གང་བར་བསམས་ལ། བསྐང་ཡིག་འདི་ཡབ་ཡུམ་གཉིས་ཆར་གྱི་བསྐང་བ་ཡིན་པས། གཙོ་བོར་མགོན་པོ་དང་། ཕྱོགས་བཅུའི་མགོན་པོའི་མཚན་དང་། རྟག་པའི་རྒྱལ་མོ་ཆེན་མོ་ལྔ་ལ་སོགས་ཡུམ་གྱི་སྐོར་ཡང་ཚིག་རིས་རྒྱས་པར་ཐོན་ཀྱིན་སྣང་ངོ་། །དེའི་ཚེ་དམིགས་པ་ནི། དེ་ལྟར་བསྐང་བའི་མཆོད་རྫས་རྒྱ་མཚོ་ཕུལ་ནས་མཉེས་པས་སྐུ་གསུང་ཐུགས་རྩ་བ་ཡན་ལག་གི་དམ་ཚིག་ཉམས་ཆག་ཐམས་ཅད་སྐོང་བར་བསམ་ཞིང་། སྟོབས་བཞིའི་སྒོ་ནས་བཤགས་པ་བྱའོ། །དེ་ནས་བསྙེན་པ་བྱ་བ་ནི། ཧཱུྃ་བདག་ནི་

― KMC025_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཅན་བསྒྲུབ་པ་པོ། སོགས་ཀྱིས་ཐུགས་དམ་ཀྱི་རྒྱུད་བསྐུལ་ནས་བསྙེན་པའི་དམིགས་པ་དངོས་ནི། བདག་མདུན་གྱི་བསྐྱེད་རིམ་གསལ་བཏབ་ལ་སྤྱན་འདྲེན་གྱི་དམིགས་པ་དང་བཅས་པས། ཨོཾ་ཤྲཱི་མ་ཧཱ་ཀཱ་ལ་ཡཀྵ་བཻ་ཏ་ལི་ཧཱུྃ་ཛཿ ཅེས་བཟླའོ། །དེ་ལ་གོམས་ནས། མགོན་པོའི་ཐུགས་ཀར་ཧཱུྃ་ལ་ཤྲཱི་མ་ཧཱ་ཀཱ་ཡ་ཧཱུྃ་ཕཊ། ཞེས་གཡོན་དུ་བཀོད། གཡས་སུ་འཁོར་བ་དང་། ལྷ་མོའི་ཐུགས་ཀར་བྷྱོ་ལ་ཨོཾ་ཡཀྵ་བཻ་ཏལི་ཧཱུྃ་ཛཿ ཞེས་གཡས་སུ་བཀོད། གཡོན་དུ་འཁོར་བར་བསྒོམ་ནས་སྔགས་འཕྲེང་དེ་ལས་འོད་ཟེར་སྨུག་ནག་སྟེང་འོག་ཕྱོགས་བཅུར་འཕྲོས། དཔལ་ཡེ་ཤེས་ཀྱི་མགོན་པོ་ལྕམ་དྲལ་འཁོར་དང་བཅས་པ་སྤྱན་དྲངས་ནས་རང་ལ་ཐིམ། སངས་རྒྱས་བྱང་སེམས་ཡི་དམ་ཞི་ཁྲོ་རབ་འབྱམས། ཆོས་སྐྱོང་ཕོ་རྒྱུད་མོ་རྒྱུད་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ནུས་པ་ཐམས་ཅད་མ་མགོན་ལྕམ་དྲལ་གྱི་སྐུ་དང་། སྔགས་དང་། ཕྱག་མཚན་གྱི་རྣམ་པར་སྤྱན་དྲངས་ནས་རང་ལ་ཐིམ་པས་རང་ཉིད་མཐུ་སྟོབས་གཟི་བརྗིད་

― KMC025_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་སུམ་ཚོགས་པར་གྱུར་བསམ་ལ་བཟླས་པ་བྱའོ། །ཀརྨ་ཆགས་མེད་པས་ཞལ་སྦྱོར་གསུང་གི་སྙིང་པོ་ཁོ་ན་བཟླ་བར་གསུངས། རྗེ་དགུ་པས་ཀྱང་ཚིག་ཟུར་དུ་དེ་ལྟར་བསྟན་པས་ད་ལྟ་ལག་ལེན་དེ་ལྟར་མཛད་དོ། །བླ་མས་ནི་རྗེ་དགུ་པས་ཀྱང་བཞེད་པས། ཞལ་སྦྱོར་སྐུ་གསུང་ཐུགས་ཀྱི་སྙིང་པོ་གསུམ་སྦྲེལ་དུ་བཟླ་དགོས་ཞེས་གསུངས་སོ། །དེ་ནས་ཞལ་སྦྱོར་རང་གི་ཐུན་མོང་མ་ཡིན་པའི་བསྙེན་པ་བདག་མདུན་གཉིས་ཞལ་སྦྱོར་དུ་བསྒོམ་ལ། རང་བཞིན་གྱི་གནས་ནས་མ་མགོན་ཡབ་ཡུམ་བཅོ་བརྒྱད་པོ་ཆར་བབ་པ་ལྟར་བདག་མདུན་སོ་སོར་བསྒོམ་ཞིང་སྔགས་དེ་ཉིད་བཟླའོ། །འདི་ནི་མ་མགོན་སྤྱི་དྲིལ་གྱི་སྙིང་པོ་བསྙེན་བསྒྲུབ་ལས་གསུམ་འབོད་རྦད་བསད་གསུམ་ཐམས་ཅད་ཀྱི་སྤྱི་དྲིལ་ཡིན་པར་བཤད་པས་ལས་སྦྱོར་སྐབས་ཀྱི་གཙོ་བོ་ནི་འདི་ལ་དགོས་པ་ཉིད་དོ། །བདག་གི་བླ་མས། བླ་མ་མཆོག་དགའ་ལ་འདི་འདྲ་གནང་འདུག །ཨི་དམ་མ་མ་དུཥྚཾ་ཞེས་པའི་རྗེས་སུ་དྷེ་བ་བྷ་སི་ངྷ་ན་མི་ཞེས་པ་ཡོད་པ་འདི། རྒྱུད་སྡེ་རྣམས་སུ་

― KMC025_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

མིང་སྤེལ་བའི་སྐབས་སུ། དེ་ཝ་དཏྟ་ཞེས་དཔེར་བརྗོད་ཡོད་པ་བཞིན། འདིར་ཡང་བོད་སྐད་ལ་ལྷས་བྱིན་གཟི་བརྗིད་ནོར་དང་བཅས་པ་ཞེས་པ་སྟེ། དེའི་ཕྱིར། དེ་བ་བྷ་སི་ངྷ་ན་མི། ཞེས་པའི་ཚབས་སུ། ལས་སྦྱོར་གྱི་སྐབས་དགྲ་བགེགས་བྱད་མ་ལྷ་སྲུང་དང་བཅས་པ་ཁ་ཁ་ཁཱ་ཧི་སྦྱར་དགོས་འདྲ། ཞེས་གསུངས་སོ། །དེ་ནས། ཨོཾ་མཱ་ཧཱ་ཀཱ་ལ་ཀཱ་ལ་ཡ་དེ་ཝ་རཀྵ་སོགས་སྤྱན་འདྲེན་སྔགས་དང་། ཧ་རི་ནི་ཡང་ཅི་ལྕོག་བཟླ་རུང་ངོ་། ཤ་ས་ན་དཀྱུས་མ་ཡང་བཟླ་ཆོག་ཅིང་། བདག་གི་བླ་མས་ཀྱང་སྐབས་འགར་འདི་བཟླ་བ་ཡང་ལེགས་ཞེས་གསུངས་སོ། །ཧུ་ར་ནི་གཅུན་སྔགས་ཡིན་པས་ཅུང་ཟད་ལས་མི་བཟླའོ། །ཨོཾ་མ་མ་ཏྲག་རཀྵ་སོགས་ནི་ལྷ་མོ་རང་བྱུང་མའི་སྙིང་པོ་དང་། ཨོཾ་ཏྲག་རཀྵ་མ་ཧི་དུན་བྷྱོ་སོགས། འདི་གཉིས་ཀྱང་ཡུམ་གཙོ་བོར་བྱེད་ན་ཅི་རིགས་པ་བཟླའོ། །ཡང་ཞལ་སྦྱོར་གྱི་སྐབས་འདིར་ཀརྨ་ཆགས་མེད་པས་རང་ཉིད་ཡབ་རྐྱང་ཀྱི་བཟླས་དམིགས་ཞལ་སྦྱོར་མ་སྤྲོས་པས། མགོན་པོའི་ཐུགས་ཀའི་སྔགས་ཕྲེང་ལས་

― KMC025_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཕྲེང་གི་རྒྱུན་གཅིག་མཇུག་ཏུ་གཅིག་བཏགས་པའི་ཕྲེང་བ་བྱུང་། ཞལ་ནས་ཐོན། རྩེ་མོ་གཉིས་སུ་གྱུར། མདུན་བསྐྱེད་མ་མགོན་གཉིས་ཀྱི་ཞལ་དུ་སོ་སོར་ཞུགས་ཐུགས་ཀའི་ཧཱུྃ་དང་བྷྱོཿལ་བརྒྱུད་ནས་ཡབ་ཡུམ་གཉིས་ཀྱི་གསང་བ་ནས་བྱུང་། གཅིག་ཏུ་འདྲེས་པ་རང་ཉིད་ཀྱི་གསང་གནས་ནས་ཞུགས། སྙིང་གའི་ཧཱུྃ་ལ་ཐིམ་པས་མཆོག་ཐུན་མོང་གི་དངོས་གྲུབ་ཐོབ་པར་བསམ། ཞེས་གསུངས་པས་བདག་མདུན་གཉིས་ཀ་ཞལ་སྦྱོར་དུ་བསྒོམ་པའི་ལུགས་སུ་སྣང་ཞིང་། རྒྱུད་སྡེ་རྣམས་ནས་དོ་ལིའི་བཟླས་པ་དེ་ཡིན་པས་བསྒྲུབ་པའི་སྐབས་ནི་འདི་ལ་འབད་པར་བྱའོ། །བདག་གི་བླ་མས་ནི་སྐབས་འདི། ཁོ་ནར་མ་ཟད་བསྙེན་སྒྲུབ་གྱི་སྐབས་ཐམས་ཅད་དུ་བདག་མདུན་གང་ཡིན་ཀྱང་འདྲ། ལྷའི་བསྐྱེད་རིམ་གསལ་ཞིང་། རྣམ་རྟོགས་གཞན་གྱིས་བར་མ་ཆོད་པར་རྩེ་གཅིག་པ་དང་། མི་ཚིག་གིས་བར་མ་ཆོད་པར་བཟླས་བྱའི་སྔགས་ལ་རྩེ་གཅིག་ཏུ་འབད་ན་མཆོག་ཐུན་མོང་གི་དངོས་གྲུབ་ཐོབ་ཅིང་ཕྲིན་ལས་བཞི་འགྲུབ་ངེས་ཡིན།

― KMC025_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དམིགས་པ་ཚབ་ཚུབ་མང་པོ་དང་། དག་པ་དྲན་རྒྱུ་མང་པོའི་རྣམ་རྟོག་སད་སུད་ཀྱིས་ཅི་ཡང་མི་ཡོང་གསུངས། ཁྱད་པར་དུ་འདིའི་སྐབས་སུ་དང་། གཞན་དུ་ཡང་རང་བཞིན་གྱི་གནས་ནས་མ་མགོན་འཁོར་བཅས་སྤྱན་དྲངས་ཏེ། རང་ལ་ཐིམ་པ་དང་། རྒྱལ་བ་སྲས་དང་བཅས་པའི་ཐུགས་རྗེ་བྱིན་རླབས་ཐམས་ཅད་རང་ལ་བསྡུ་བ་འདི་གནད་ཆེ་ཞེས་ཡང་ཡང་གསུངས་པ་ཐོས་པས། དེ་ལྟ་བུའི་བསྙེན་པ་ནི་དུས་དང་། གྲངས་དང་། རྟགས་དང་སྦྱར་ཏེ་འབད་པར་བྱའོ། །དེ་ནས་ཐུན་གྱི་ཐ་མར་དངོས་གྲུབ་ལེན་པའི་དམིགས་པ་ནི། ཧཱུྃ་ཆོས་ཀྱི་དབྱིངས་ཀྱི་སོགས་འདོན་པའི་ཚེ། མདུན་བསྐྱེད་མགོན་པོའི་བེར་གྱི་སུལ་རྣམས་ནས་རིན་པོ་ཆེའི་ཆར་བབ་པ་དང་། ཕྱོགས་བཅུ་མགོན་པོའི་སྐུ་ཡི་ཆ་ཐམས་ཅད་ནས་རིན་པོ་ཆེའི་ཆར་བབ། བེང་རྣམས་ཀྱི་རྩེ་མོའི་ནོར་བུ་ལས་རིན་པོ་ཆེའི་ཆར་བབ་ནས་གནས་ཁང་ཐམས་ཅད་ཁེངས་པར་བསམ་པ་དང་། བྷྱོཿམ་གཅིག་སྨིན་མཚམས་སོགས་ཀྱི་ཚེ། དཔལ་ལྡན་ལྷ་མོའི་སྨིན་

― KMC025_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་ནས་འོད་ཟེར་གྱི་དྲ་བ་དུ་མའི་གསེབ་ནས། སྐུའི་སྤྲུལ་པ་དཀར་མོ་འབུམ་སྡེ་འཕྲོས། ཕྱོགས་བཅུའི་བདུད་དང་བར་གཅོད་བཅོམ། སྐུའི་བྱིན་རླབས་ཐམས་ཅད་བདུད་རྩི་དཀར་པོའི་རྣམས་པས་རང་གི་སྨིན་མཚམས་ནས་ཞུགས་ལུས་ཐམས་ཅད་ཁྱབ་པས་སྐུའི་དངོས་གྲུབ་ཐམས་ཅད་ཐོབ་པར་བསམ་མོ། །ལྗགས་སྟེང་ནས་འོད་ཟེར་དམར་པོ་དང་། གསུང་གི་སྤྲུལ་པ་དམར་པོ་འབུམ་སྡེ་འཕྲོས། གསུང་གི་དངོས་གྲུབ་ཐམས་ཅད་རང་གི་མགྲིན་པར་ཐིམ་གསུང་གི་དངོས་གྲུབ་ཐམས་ཅད་ཐོབ་པར་བསམ། ཐུགས་ཀ་ནས་འོད་ཟེར་སྔོན་པོ་དང་། ཐུགས་སྤྲུལ་སྔོན་མོ་འབུམ་སྡེ་འཕྲོས། ཐུགས་ཀྱི་དངོས་གྲུབ་ཐམས་ཅད་སྙིང་ཁར་ཐིམ། ཐུགས་ཀྱི་དངོས་གྲུབ་ཐོབ་པར་བསམ་མོ། །འདི་ནི་ཚེ་སྒྲུབ་ཀྱང་ཡིན་པས་ནན་ཏན་བྱའོ། །དེ་ནས་རྗེས་ཆོག་བཀྲ་ཤིས་བྱའོ། །སྐབས་སུ་སྐབས་སུ་རྩུབ་ཉམས་བྱུང་ན། རང་གི་ཕྲག་གོང་གཉིས་སུ་མགོན་པོའི་ཕྲིན་ལས་ཀྱི་སྤྲུལ་པ་ལྕགས་ཀྱི་བྱ་རོག་ཆེན་པོ་ནག་ལ་དམར་ཤས་ཡོད་པ་གཉིས་བསྒོམ།

― KMC025_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་ལྕགས་ཀྱི་བྱ་རོག་ཚོགས་དུ་མ་སྤྲོས་ནས་གནོད་བྱེད་ཐམས་ཅད་བྱ་བྱིའུའི་བྱུས་འབུ་རྣམས་ཟ་བ་བཞིན་ཟོས་པར་བསམ། དེ་ནས་སྤྲུལ་པའི་བྱ་རོག་དེ་རྣམས་སྤྲུལ་གཞི་གཉིས་ལ་བསྡུའོ། །ཡང་དམ་ཚིག་ཉམས་པའི་དོགས་པ་ཡོད་པའི་རྟགས་བྱུང་ན། བདག་མདུན་མགོན་པོའི་སྤྱི་བོར་བླ་མ་རྡོ་རྗེ་སེམས་དཔའི་རྣམ་པར་བསྒོམ་པའི་ཐུགས་ཀའི་སྔགས་ཕྲེང་ནས་བདུད་རྩི་དཀར་པོའི་རྒྱུན་བབ་ནས་ཉམས་ཆགས་བཀྲུ་བའི་དམིགས་པ་རྡོར་སེམས་བསྒོམ་བཟླས་སྤྱི་འགྲེ་བཞིན་བྱས་ནས། ཨོཾ་ཤྲཱི་མ་ཧཱ་ཀཱ་ལ་ཡཀྵ་བི་ཏ་ལི་ས་ཏྭ་སོགས་ཡིག་བརྒྱ་བཟླ་བ་དང་། ཚེ་རབས་ཀུན་ཏུ་རྒྱལ་བས་དབང་བསྐུར་ཞིང་སོགས་གཟུངས་ཚར་ཉེར་གཅིག་ཙམ་རེ་བཟླའོ། །འདི་ཉིད་ཞོར་བྱུང་དུ་ནོར་ལྷ་ལྟར་བསྒྲུབ་ན། མདུན་བསྐྱེད་གཙོ་བོ་མ་མགོན་ཞལ་སྦྱོར་ལ། ཕྱོགས་བཅུ་མགོན་པོ་ཁོ་ནས་བསྐོར་བར་བསྐྱེད། གསོལ་ཀའི་གཞུང་བསྲང་ནས། དང་པོ་སྔར་བཤད་པའི་སྒྲུབ་པའི་དམིགས་པ་བྱས་ནས་བསྙེན་པ་ཅུང་ཟད་བྱེད། དེ་ནས་དངོས་

― KMC025_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ལེན་པའི་དམིགས་པ་དེ་བྱེད་ཅིང་། ཨོཾ་བཛྲ་མ་ཧཱ་ཀཱ་ལ་རེ་མ་ཏི་སརྦ་སིདྡྷི་ཕ་ལ་ཧཱུྃ། ཞེས་ཅི་ནུས་བཟླས་ལ། གཙོ་འཁོར་ཐམས་ཅད་ཅུང་ཟད་ཁྲོ་ལ་ཤིན་ཏུ་འཛུམ་པ། སྐུ་ཤ་ཆེ་ཞིང་རིན་པོ་ཆེའི་རྒྱན་དུ་མས་བརྒྱན་པ་གཞལ་ཡས་ཁང་གི་རྒྱུ་དང་རྒྱན་བཀོད་སོགས་རིན་པོ་ཆེ་ལས་བྱས་པ་སོགས་འཕྲུལ་ཤེས་པར་བྱའོ། །དེ་དག་ནི་དཔལ་ཡེ་ཤེས་ཀྱི་མགོན་པོ་ནག་ཆེན་པོ་ལྕམ་དྲལ་གྱི་སྐོར་ལས། བསྙེན་བསྒྲུབ་སྐབས་ཀྱི་ཚིག་དོན་དང་དམིགས་རིམ་ཅུང་ཟད་སྨོས་པ་སྟེ། རྫོགས་རིམ་རླུང་བསྲེའི་སྐོར་དང་། སྨད་ལས་དགྲ་བགེགས་བསྒྲལ་བའི་སྐབས་ཀྱི་ཡིག་ཆ་རྣམས་ནི་གཞན་དུ་གསལ་བ་ལ་བལྟ་བར་བྱའོ། ༈ །འདིར་སྨྲས་པ། མངོན་པར་འབྱུང་རྒྱུད་རིན་ཆེན་དཔུང་རྒྱན་རྒྱུད། །བེང་ཆེན་བརྩེགས་དང་དངོས་གྲུབ་བསྟན་གཟིགས་སོགས། །ངེས་གསང་རྒྱུད་ཀྱི་རྒྱལ་པོ་རྣམས་ལ་བསྟེན། །གྲུབ་པ་རྣམས་ཀྱི་དངོས་གྲུབ་བརྙེས་པའི་གཞུང་། །མ་མགོན་ལྕམ་དྲལ་བསྒྲུབ་གཞུང་ཇི་སྙེད་བཅུད། །ལྕམ་དྲལ་དྲིལ་བསྒྲུབ་བྱིན་རླབས་རྨད་

― KMC025_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བ། །ཕྲིན་ལས་དོན་ཀུན་གྲུབ་བྱེད་ཟིན་ཆུང་འདི། །བཤུལ་རིང་ལམ་གྱི་དཀའ་བ་དང་བླངས་ནས། །དོན་རྒྱུད་སྙིང་པོའི་བསྟན་ལ་ཆེས་དད་པའི། །རྒྱ་འཇང་རྒྱལ་རོང་ཕྱོགས་ནས་བྱོན་པ་ཡི། །དོན་གཉེར་ཅན་འགའི་བཞེད་པ་བསྐོང་བའི་ཕྱིར། །ཚེ་དབང་ཀུན་ཁྱབ་ཞེས་བྱ་རྒྱལ་ཁམས་པས། །ས་ལ་སྤྱོད་པའི་ཡིད་དགའ་ཆོས་འཛིན་ཞིང་། །མཐའ་བཞིའི་བསྐལ་བཟང་སྐྱེ་བོ་འདུ་བའི་གནས། །དཔལ་སྤུང་ཐུབ་བསྟན་གླིང་གི་ཆོས་གྲྭ་རུ། །ཕྱལ་མ་ཕྱོད་དུ་ཤར་མ་ཤུར་མར་བྲིས། སརྦ་མངྒ་ལཾ། ཤྲཱི་ཤྲཱི་ཤྲཱིཿ ང་སྔགས་ནག་ཁ་ཡི་ཧོང་གཏམ་ལ། །ཚིག་མདུད་རྒྱ་གྲོལ་བའི་ལེགས་བཤད་ཡོད། །རྗེ་འཁོར་ལོའི་མགོན་པོའི་གསུང་རྒྱུན་མཆིས། །ལས་རབ་འབྱམས་འགྲུབ་པའི་མཐུ་བྱིན་ཡོད། །མཆོག་ཡོངས་འཛིན་རྣམས་ཀྱི་མན་ངག་ལྡན། །ཕྱོགས་ཀུན་ལ་མི་རྨོངས་དགོས་པ་ཡོད། །མ་དམ་ཅན་དགྱེས་པའི་དམ་ཚིག་བདོག །བུ་སློབ་ཚོགས་མི་བསླུའི་འབྲས་བུ་ཡོད། །འཇམ་མགོན་བླ་མའི་ཞལ་ལུང་གི །མན་ངག་མཆོག་འདི་

― KMC025_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུར་གྱི་ཕུར། །པར་དུ་བསྒྲུབ་པའི་ལེགས་བྱས་ཀྱི། །བདུད་དགུའི་གཡུལ་ལས་རྒྱལ་གྱུར་ཅིག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྨད་ལས་དྲག་པོ་དགྲ་བགེགས་བསྒྲལ་བའི་ལས་རིམ།

― KMC025_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

སྨད་ལས་དྲག་པོ་དགྲ་བགེགས་བསྒྲལ་བའི་ལས་རིམ་བཞུགས་སོ། །

― KMC025_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

དེང་སང་གཏོར་ནག་པར་བུ་གྲགས་པའི་འབོད་རྦད་བསད་གསུམ་གྱི་ཟིན་བྲིས་ནི། །དེ་ལ་གོང་གཏོར་བསྐང་གསོ་སོགས་བཅས་ལ། གཏོར་མའི་སྨད་སུམ་ཆ་ཤིང་གྲིས་བཅད་པའི་སྨད་ཆ་བྲུབ་ཁུང་དུ་བྱས་པའི་ནང་དུ། ཤོག་ལིང་སྙིང་ཁར་རྦད་སྔགས་དང་ཐ་མ་ཤཱ་ས་དཀྱུས་སམ། ཏྲག་རཀྵས་བསྐོར་བའམ། ཟན་ལིང་བཅུག །མཚམས་ལེགས་པར་སྦྱར་རོ། །བསྣོལ་ཐབས་ཀྱི་ཟུར་གསུམ་དུ་དྲེགས་པ་རྐྱ་གསུམ་གྱི་དམར་གཏོར་གསུམ་བཞག །དཔལ་བཤོས་བརྒྱད་དམ་མཐེབ་ཀྱུ་མང་པོས་བསྐོར། རྩང་དང་

― KMC025_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

མཚེ་ཉུངས་སོགས་ཀྱིས་བརྒྱན། འོག་བྲུབ་ཁུང་ནང་དུ་ལིང་ག་རྐྱང་པའམ་ཁ་སྦྱོར་ཕྱག་ལེན་བཞིན་བཅུག །ཐུན་གཏོར་ལ་འཇུག་རྒྱུ་དང་། ཐུན་གཏོར་ཕུལ་སར་བཀོད་རྒྱུའི་ལིག་ག་གཉིས་དང་། ཐུན་རྫས་སོགས་མཐོང་བ་བརྒྱུད་པ་བཞིན་དུ་བྱའོ། །སྔོན་འགྲོ། བསང་བརྔན་ཆབ་གཏོར། སཱཙྪ། གསུང་སྒྲོགས་རྣམས་བྱས་ལ། བསྐང་གསོ་རྒྱས་པ་ཞིག་བཏང་། ཕྱི་ཉིན་ཐོར་ཐུན་ལ། བུམ་ནག་མ། སྲུང་སྔགས་གང་མང་བཅས་དང་། གཏོར་ཆེན་འོག་གི་ལིང་ག་དང་ཐུན་གཏོར་ལ་དམིགས་པའི་འགུག་གཞུག་

― KMC025_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། བསད་བསྔགས་སོགས་ཉུང་ཙམ་དང་། མ་དག་མ། བྱང་ཕྱོགས་དུར་ཁྲོད་མ་དཀྱུས་ལྟར་བྱའོ། །སྔ་ཐུན་ལ། རྒྱས་པར་བསྐང་གསོ་ཆེན་མོའམ། སྔགས་འགྲོ་ཆེ་སྟབས། མངོན་རྟོགས་ཆེན་མོ་དང་། སྤྱན་འདྲེན་མཚལ་མ་ལྟར་བྱས་ལ་སྤྱན་འདྲེན་གྱི་སྐབས། སྤྱན་འདྲེན་གྱི་དམིགས་པ་དང་བཅས་པས། ཨོཾ་མ་ཧཱ་ཀཱ་ལ་ཀཱ་ལ་ཡ་དེ་ཝ་རཀྵ་སོགས་སྤྱན་འདྲེན་བརྒྱ་སྐོར་དང་། ལོང་བྱུང་ན་རྣམ་སྲས་སོགས་འཁོར་ལྔར་གྲགས་པ་རྣམས་བཏང་། བསྐང་གསོ་བསྡུས་པ་དང་བདག་བསྒྲུབ་མ་ཚང་མ་བཏད་ངོ་། །བསྙེན་པའི་དམིགས་པ་རྣམས་དང་བཅས་ཞལ་སྦྱོར་སྐུ་གསུང་ཐུགས་ཀྱི་སྙིང་པོ་གསུམ་སྦྲེལ་མའམ། ཡཀྵ་བེ་ཏ་ལི་སྟོང་ཙམ་བཟླས། ཁྱད་པར་དུ་མ་མགོན་འཁོར་བཅས་ཀྱི་ཐུགས་ཀའི་ས་བོན་ལས་འོད་ཟེར་སྨུགས་ནག་བྱང་ཕྱོགས་དང་། བྱང་ཤར་མཚམས་དང་སྟེང་འོག་ཕྱོགས་བཅུར་འཕྲོས་པས། ཡེ་ཤེས་སེམས་དཔའ་མ་མགོན་འཁོར་བཅས་འཇིག་རྟེན་གྱི་དྲེགས་པ་ཕོ་མོ་ཐམས་ཅད་སྔོན་གྱི་དམ་ཚིག་དྲན་ནས་ཆར་བབ་པ་

― KMC025_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བྱོན་ནས་བདག་མདུན་གཉིས་དང་ཁྱད་པར་མདུན་བསྐྱེད་འཁོར་བཅས་སིབ་སིབ་ཐིམ་པར་བསམས་ལ། ཨོཾ་ཏྲཀ་རཀྵ་དུན་ཏིང་མ་སོགས་ཤམ་བུ་ཁ་བསྒྱུར་བ་འདོན། སུམ་བརྒྱ་བཞི་བརྒྱ་སོགས་གྲངས་སྐབས་དང་བསྟུན། དེ་ནས་ཐུན་གཏོར་དགུག་བཞུགས་སོགས་དང་། ཨ་ཀ་ས་མ་ར་ཙ་ཡན་ཐུན་གཅིག་བྱེད་དོ། །ཡང་མཆོད་གཏོར་གསོས་ནས། གསོལ་ཁ་དང་བསྐང་བ་རྒྱས་པ་བཏང་རྗེས་བདག་སྒྲུབ་མ་དང་། བསྙེན་པ། ཐུན་གཏོར་སོགས་ནས་བཀྲ་ཤིས་ཡན་ཆད་བྱས་ལ་ཉལ་ལོ། །དེ་སྐབས་སྔགས་རྒྱུན་བྱེད་ན་སྤྱན་འདྲེན་སྔགས་དང་། རུ་མ་རཀྵ་ཉིད་དོ། །དེ་ལྟ་བུའི་ཞག་བདུན་ནམ་རྟགས་མ་བྱུང་བར་བྱེད་པ་ནི་འབོད་པའི་སྐབས་སོ། །སྔར་མགོན་པོ་བསྙེན་པ་མ་ཐེམ་པ་ཞིག་ཡིན་ན་ཞག་བཅུ་བཞིའམ་ཉེར་གཅིག་ཙམ་ལ་བསྙེན་པ་དངོས་བྱས་རྗེས་འདི་ལྟར་ཞག་བདུན་ཙམ་བྱེད་པ་ལེགས་སོ། ༈ །དེ་ནས་བསྙེན་པ་ཡན་ཆད་བཤད་མ་ཐག་པ་དེ་ལྟར་ལས་བྱས་སྤྱན་འདྲེན་སྔགས་བདུན་ཙམ་དང་། དུམ་དུམ་

― KMC025_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

རཀྵ་ཡང་སྔར་ལས་ཉུང་དུ་བཏང་ངོ་། །དེ་ནས་བྲུབ་ཁུང་ཁ་ཡི་ཐུན་ལམ་གཅོད་པའི་ཕུར་པ་ཡང་དཔལ། དཀར་གཏོར་དམར་གཏོར་གཉིས་ཀྱང་བཤམས་ལ་ཐུན་གྱི་བསྙེན་པའི་མཚམས་ནས། ཧཱུྃ་དཔལ་ལྡན་བདེ་གཤེགས་སོགས་ཀྱི་སྐབས། འོད་ཟེར་ནག་པོ་འཕྲོས་ནས་འགྲོ་དྲུག་གི་ལས་དང་ཉོན་མོངས་པ་ཐམས་ཅད་འོད་ཟེར་སྣ་ལྔའི་རྣམ་པར་བསྡུས་ཏེ་དམིགས་པའི་དགྲ་བོར་ཐིམ་པས། ཁོ་ཡི་དུག་ལྔ་རྒྱས་པས་སེམས་མ་རུངས་པར་གྱུར་ཏེ་མི་དགེ་བཅུ་སྤྱད། སྐུ་གཟུགས་དང་ལྷ་ཁང་ཐམས་ཅད་བཤིག །ཕ་མ་དང་དགྲ་བཅོམ་པ་སོགས་བཀྲོང་ནས་ལོག་པའི་ལམ་ལ་ཞུགས་པའི་བསྒྲལ་བའི་ཞིང་དུ་གྱུར་པར་བསམ་པ་ནི་འཁོར་ལོ་སྡོམ་པའི་རྩ་རྒྱུད་ཀྱི་མན་ངག་ཐེབ་སླ་བའི་གདམས་པ་ཨྠྀི། བདག་གི་ཐུགས་ཀའི་ཧཱུྃ་ལས་སོགས་ཀྱི་སྐབས། རང་གི་ཐུགས་ཀ་ནས་ཁྲོ་བོ་མཐིང་ནག་ཐལ་མོ་སྦྱར་བ་དུ་མ་འཕྲོས། ཕྱོགས་བཅུའི་རྒྱལ་བ་སྲས་དང་བཅས་པ་ལ་འདི་སྐད་ཞུས་པར་བསམས། དམ་ཉམས་པའི་དགྲ་བོ་འདིས་སངས་རྒྱས་ཀྱི་

― KMC025_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་བཤིག་སོགས་ནས་ཇི་ལྟ་བུ་ཡིས་སྐྱོབ་པར་བྱ། ཞེས་ཞུས་པས་ཕྱོགས་བཅུའི་བདེ་བར་གཤེགས་པ་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གནང་བ་བྱིན་པར་བསམ། གང་ཞིག་སོགས་ཁྲོ་བོ་རྣམས་རང་ཉིད་ལ་ཐིམ་པར་བསམ་མོ། །དེ་ནས་གཟུ་དཔང་གི་ཡུལ་ནི། རང་གི་མདུན་གྱི་ནམ་མཁར་པདྨ་འདབ་མ་འབུམ་ལྡན་གྱི་སྟེང་དུ་ཕྱོགས་བཅུའི་རྒྱལ་བ་སྲས་དང་བཅས་པ་རྣམས་བཞུགས་པར་བསམ་ལ། རང་གི་མཆོད་སྤྲིན་རྒྱ་མཚོས་མཆོད་བཞིན་དུ། བདེན་རྫུན་གྱི་དབྱེ་བ་མཛད་པར་བསམ་ལ། གང་རྣམ་པར་དག་སོགས་དང་། ཧཱུྃ་ཐམས་ཅད་གཟིགས་ཤིག་སོགས་ནས། མི་དགེ་ནག་པོ་བསྒྲུབ། འདི་ཡང་ཞེས་པ་ཡན་ཆད་དགྲ་ལ་ཉེས་བསྒྲགས་ཡིན་པས། འདིས་བདག་ལ་འདི་ལྟ་བུ་ཞིག་བྱས་བསམ་པའི་ཞེ་སྡང་དམར་ལམ་མེ་བ་གཅིག་བྱའོ། །རིག་འཛིན་དམ་ལ་སོགས་ནས་མ་ཐོགས་བདག་གི་ལས་འདི་བསྒྲུབ། ཞེས་པའི་བར་གྱི་རང་མ་ཉེས་པའི་ཡུས་གསོལ་བ་སྟེ། རང་མ་ཉེས་པའི་ཚུལ་རྣམས་

― KMC025_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོ་དུང་ངེ་བ་ཏེ་དྲག་པོར་བྱས་ལ་མགོན་པོ་ལ་ཡུས་ཀྱི་བསམ་པ་དེ་བྱའོ། །དེ་ནས་དཾཥྚོད་སོགས་བྲུབ་ཁུང་དང་ལིང་ག་བསྐྱེད། དེ་ཡང་དམིགས་བསལ་ཡོད་པ་རྣམས་ཁོ་རང་ཅི་འདྲ་བར་བསྐྱེད། སྔོན་མ་ཏྲཾ་བསྒྲལ་དུས་ཀྱི་རྟེན་འབྲེལ་ཡིན་པས་མགོ་ལྷོ་ནུབ་སོགས། སྔར་རྩིས་རྣམས་སུ་ཤི་ལྡགས་བརྒྱངས་འདྲ་ཟེར་བ་དེ་ཡིན། འགྲོ་མགོན་རས་ཆེན་པའི་ལུགས་ཁུག་སླ་བའི་མན་ངག་ཕོ་མོ་ཁ་སྦྱོར་གྱི་མན་ངག་ནི། ཁོ་རང་གི་ཆུང་མའམ། དེ་མེད་ན་ཁོ་རང་དགའ་བའི་བུད་མེད་གཅིག་དང་ཁ་སྦྱོར་དུ་ཆགས་པ་སྤྱོད་བཞིན་དུ་ཡོད་པར་མགོན་པོའི་ཐུགས་ཀ་ནས་འོད་ཟེར་དམར་ནག་གཅིག་འཕྲོས་ནས་ཁོ་རང་སྙིང་གར་ཕོག་པས། འདོད་ཆགས་རྒྱས་ནས་སྦྱོར་མཚམས་ནས་ཆགས་པའི་འོད་ཟེར་དམར་པོ་འཕྲོས་པས་ཕོ་ཡིན་ན་མོ་དང་། མོ་ཡིན་ན་ཕོ་ལ་ཆགས་ནས་དངོས་སུ་བྱུང་ནས་ལིང་ག་ལ་ཐིམ་པར་བསམ་མོ། །དེ་ནས་བདག་མདུན་མགོན་པོའི་ཐུགས་ཀར་ཡ་ལས་གཤིན་རྗེ་དང་། ཧཱུྃ་ལས་མགོན་པོ། མ་ལས་མ་མོ་སོགས་ཡ་དུ་ཧཱུྃ་

― KMC025_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱི་མན་ངག་ལྟར་དང་། ནག་པོ་ཡབ་ཡུམ་བཅུ་དྲུག །ཕྱོགས་ཅུའི་མགོན་པོ། དྲེགས་པ་དོན་གཉིས། དྲེགས་པ་རྐྱ་གསུམ་རྣམས་ལས་རང་འདྲ་བའི་སྤྲུལ་པ་དཔག་མེད་དང་། ལྷ་མོའི་ཐུགས་ཀའི་མ་ལས་མ་མོ་ནག་མོ་གོ་ཟུ་ནག་པོ་དང་། རེ་ལྡེ་གྱོན་པ་དྲེའུ་རྟ་དང་བོང་བུ་དང་འཕར་སྤྱང་སོགས་ཞོན་པ་དཔག་ཏུ་མེད་པ་དང་། སྤྱང་ཞོན་མ་བདུན། ཕུར་བུ་མ་བདུན་གྱི་ལྕགས་ཀྱུས་སྙིང་ནས་བཟུང་། ཞགས་པས་རྐེ་ནས་བཅིངས། ལྕགས་སྒྲོག་གིས་བསྡོམས། དྲིལ་སྒྲས་མྱོས། རླུང་ནག་གིས་རྒྱབ་ནས་དེད། ཐོ་བ་དང་བེ་ཅོན་གྱིས་སྤྱི་བོ་ནས་བརྡུང་སྟེ་བྲུབ་ཁུང་གི་ལིང་ག་ལ་སིབ་སིབ་ཐིམ་པར་བསམ་ལ་འགུག་གཞུགས་རྒྱས་བསྡུས་རྣམས་གསུམ་བདུན་སོགས་བྱས་ཏེ། འགུགས་པའི་དམིགས་པ་དོན་ཚན་བདུན་པོ་གཞན་རྣམས་ཀྱང་བྱས་ལ། བླ་འགུགས་ཀྱི་བསྔགས། ཀཱ་ལ་རཱུ་པ་ཎི་སོགས་ནས། ལ་ར་ཛ་ཛཿཞེས་པ་དང་། དགྲ་བོའི་རླ་ཤ་རེ་མ་ཏི་སོགས། སྤྱི་དྲིལ་དུམ་དུམ་རཀྵ་ཉིད་སུམ་བརྒྱ་ཙམ་བཟླས་སོ། །དེ་ནས་ལྷ་

― KMC025_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་ནི། སྟོང་པའི་ངང་ལས་ཨ་ལས་ཐོད་པའི་སྣོད་སོགས་ནས་ཟ་བཞིན་པར་གྱུར་དང་། ཧཱུྃ་གང་ཞིག་ཤིན་ཏུ་མི་གཙང་སོགས་བརྗོད། དགྲ་བོ་དེ་སྐྱོབ་པའི་ལྷ་སྲུང་ཐམས་ཅད་ཀྱིས་སྤང་ནས་ལྷ་སྲུང་ཐམས་ཅད་མདུན་བསྐྱེད་ལ་ཐིམ་པར་བསམས། དེ་ཕྱིན་དམོད་བཅོལ་དང་ཕུར་གདབ་སོགས་མགྱོགས་ཙམ་ཟན་ལིང་ལ་བྱས་ནས་ཞལ་བསྟབ་དང་། གསོན་གཅིག་མ་དང་། འདས་བྱོན་མ་སོགས་བསྐུལ་གོང་འོས་ཀྱི་ཐུན་གཏོར་སྒོར་ཕུལ་ལོ། །ཐལ་རྡེབ་སོགས་བྱའོ། །ཡང་བཟློག་ཏྲིཀ་ཁྲོཾ་ཅན་འདི་ཚེ་བདག །རད་གླིང་། འཇའ་ཚོན། བདེ་གླིང་སྟེ་གཏེར་ཆེན་གསུམ་གྱི་གཏེར་ཆོས་གཅིག་བསྡུས་ཡིན་ནོ། །སྔ་ཐུན་ཚར་རོ། །དམིགས་པ་གསལ་ན་གསོལ་ཀས་སྤྱན་འདྲེན་མཆོད་བསྟོད་ཐམས་ཅད་ཚང་བ་ཡིན་པས། གསོལ་ཀ་དང་བསྐང་བ་རྒྱས་པས་ལས་བྱང་གི་གོ་ཆོད་པ་ཡིན་ཅིང་། བདག་བསྒྲུབ་མ་དང་བསྙེན་པ་སོགས་སྔ་ཐུན་ལྟར་ལ། ཧཱུྃ་དཔལ་ལྡན་བདེ་གཤེགས་སོགས་ནས་དགུག་གཞུག་ལྷ་དབྱེ་བསྒྲལ་བསྟབ་རྣམས་བཤད་

― KMC025_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཐག་པའི་སྔ་ཐུན་བཞིན་བྱའོ། །གསོན་ཅིག་མ་སོགས་བསྐུལ་གང་རུང་དང་། ཧཱུྃ་རྒྱ་མཚོ་གླིང་མ་སོགས་ཀྱི་སྐབས་དྲེགས་པ་རྐྱ་གསུམ་ལས་ཡང་སྤྲུལ་དཔག་མེད་སྤྲོས་ནས་དམིགས་བྱ་དེ་མངོན་སུམ་དུ་བཀུགས་ནས་བྲུབ་ཁུང་དུ་གཞུག་པར་བསམས། དེ་བཞིན་དུ་ཁྲག་གི་བུད་མེད་སོགས་ཀྱི་སྐབས། སྤྱང་ཞོན་མ་བདུན་དང་། ཕུར་བུ་མ་བདུན་སོགས་ཀྱིས་དམིགས་བྱ་བཀུགས་པ་དང་། དཀར་མོ་རྐུན་མོ་སོགས་སྲིང་མོ་བཞི་སྟེ། གཽ་རཱི། ཙཽ་རཱི། པྲ་མོ་ཧཱ། བེ་ཏའི་རྣམས་སོ། །ཤར་ཕྱོགས་དབུགས་ལེན་སོགས་ནག་པོ་ཡབ་ཡུམ་བཅུ་དྲུག་དང་། རྩ་བཞི་དྲོད་སོགས་ནི་འབར་མ་དགུ་དང་། ཁྱོད་ཀྱི་རལ་པ་ཡང་དུས་བཞི་ལྷ་མོའོ། །ཤར་ཕྱོགས་སྐྱོང་མགོན་སོགས་ཕྱོགས་བཅུའི་མགོན་པོ་ཡིན་ཏེ། རྩ་བའི་སྤྲུལ་པ་བཞི་ནི་དྲག་པོའི་སྐབས་འདིར་མངོན་རྟོགས་དཀྱུས་མ་ལས་ཁྲོ་ཉམས་ཆེ་བ། སྤྲུལ་པ་རྣམས་ནི་ཁྲོ་བོ་དམར་ནག །འགུགས་པའི་སྐབས་ལྕགས་ཀྱུ་དང་། བསད་པའི་སྐབས་བྷནྡྷ་དང་ཕུར་པ་འཛིན་ནས་རང་རང་གི་

― KMC025_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ཞོན་པ་ཅན་ཁོ་ན་སྤྲོས་དགོས་སོ། །རྡོ་རྗེ་དབང་ཕྱུག་སོགས་ནི་དབང་མོ་ཉེར་བརྒྱད་ཡིན་ཅིང་། རང་རང་གི་ཁྱོ་ཕོ་ཚངས་པ། དབང་པོ། སྲིན་པོ་སོགས་ཀྱང་བསྒྲགས་ནས་དྲག་པོའི་ལས་བྱེད་པར་བསམ་མོ། །དམག་རྒྱལ་མ་བཞི། དབང་ཕྱུག་ལྗང་སྔོན་སོགས་དྲེགས་པ་དོན་གཉིས་ཏེ། བཀུགས་ཟིན་ནས་བྲུབ་ཁུང་དུ་འཁོར་ལོ་རྩིབས་བརྒྱད་པའི་རྩིབས་ལ་བསྐྱོན་ནས་འཆོར་བ་མེད་པར་བསམ་མོ། །བསྟན་མ་བཅུ་གཉིས་ཀྱང་དྲག་པོའི་སྐབས་སྲིན་མོའི་དབྱིབས་ཅན་དུ་བསྒྱུར་དགོས་སོ། །དེ་ནས་ཐལ་རྡེབ་སོགས་བྱ། ཐུན་གཅིག་དང་སྲོད་ཐུན་ལ་མཚལ་མ་བསྡུས་པའི་བསྟོད་པ་ཡན་དང་། བདག་བསྒྲུབ་མ་བསྡུས་པ་བསྙེན་པ་སོགས་སྔ་ཐུན་ལྟར་ལས། བསྒྲལ་ལས་བསྡུས་པ་སྔ་མ་ལྟར་བླ་འགུགས་སྔགས་གང་མང་དགོས། དེ་ལྟ་བུའི་ཞག་པོ་བདུན་སོགས་རྟགས་དང་བསྟུན། ཐོར་ཐུན་བསྲུང་འཁོར་གྱི་སྐབས་སུ་དགུག་གཞུག་སྐབས། རང་འདྲ་བའི་སྲས་མཆོག་ནག་པོ་གྲངས་མེད་པ་སྤྲོོས་ནས་དགྲ་བགེགས་ཐམས་ཅད་བཀུག་སྟེ།

― KMC025_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིབས་ཀྱི་རྩེར་བསྐྱོན་ནས་དམར་ཉལ་ཉལ་དུ་གཏུབས་པ་རྣམས་བྱང་ཤར་བྷནྡྷའི་སྣོད་ཆེན་པོའི་ནང་དུ་སོགས་པ་དང། ཕོ་ཉ་རྣམས་ཀྱིས་ཤ་ཁྲག་འགའ་ཞིག་ཟོས། འགའ་ཞིག་མེ་དཔུང་གིས་བསྲེགས་པ་སོགས་ཀྱང་བསམ། དགུག་གཞུག་གི་སྐབས། འཁོར་ལོའི་རྩིབས་ཞབས་མའི་མར་སྣེས་བྱད་མའི་ལྕེས་བྲང་ཁེབ་པ་ལ་ཕུག་ནས། ཙིཏྟ་ཡང་འཛེར་བའི་ལྕེ་སྙིང་གཉིས་ཆར་གྱི་ནང་དུ་རྡོ་རྗེ་རྒྱ་གྲམ་ཞིག་འཁོར་བས་ཡིད་དང་ངག་གི་ནུས་པ་བརླག་པར་བསམ་བཞིན་དུ། དགྲ་བགེགས་དགུག་གཞུག་བསྟིམ་སོགས་བྱའོ། །རྒྱས་པར་རཀྴ་གསུམ་གྱི་མན་ངག་དུ་གསལ་ལོ། །དེ་ལྟ་བུའི་ཞག་བདུན་སོགས་རྟགས་དང་བསྟུན། དེ་ནས་བསད་པ་ཛཿརྡུང་དུ་བརྟགས་པའི་མན་ངག་ནི། སྔ་ཐུན་མཚལ་མའི་བསྙེན་པ་དགུག་གཞུག་སོགས་ཀྱི་སྔགས་གྲངས་ཉུང་དུ་གཏོང་ལྷ་དབྱེའི་རྗེས་དོར། སྟོང་པའི་ངང་ལས་པདྨ་དང་ཉི་མ་རོ་ལ་གནས་པའི་ཧཱུྃ་ཡིག་མཐིང་ནག་སོགས་ཕུར་ཆོག་ཚར་རྗེས། ཕུར་པ་ལག་ཏུ་ཐོགས་ལ། ཕུར་པའི་སྐུ་ལས་

― KMC025_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པའི་སྐུ་ཆེ་ཕྲ་དཔག་ཏུ་མེད་པ་སྤྲོོས་ནས་དགྲ་བོ་མི་ནོར་འཁོར་དང་བཅས་པའི་སྟེང་དུ་རེ་རེ་ལ་རེ་རེ་བཏབ་པར་བསམས་ལ། ཧཱུྃ་ཧཱུྃ་ལས་བྱུང་བའི་སོགས་ཕུར་པ་བྲུབ་ཁུང་གི་ལིང་གར་བཏབ། རྣམ་ཤེས་སྤར་བ་འདི་ཕུར་གདབ་ཀྱི་གོང་དུ་བྱེད་པ་ཡོད་མོད། ཁུག་རྟགས་གཞིར་བཞག་སོད་རྟགས་སྔ་མ་མ་བྱུང་བར་མི་བྱེད་དོ། །རྟགས་ཕྱིར་འགྲོ་བའི་སྐྱོན་ཡོད་དོ། །ཞི་སྤར་ནི་སྙིང་ག་ཆོས་ཀྱི་འཁོར་ལོའི་གནས་སུ་རྣམ་ཤེས་དངས་མ་བདེ་གཤེགས་སྙིང་པོ་ཨཱཿདཀར་པོ་སྤྱི་བོ་ནས་ཐོན་ཏེ་འོག་མིན་དུ་རྡོ་རྗེ་འཆང་གི་ཐུགས་ཀར་བསྟིམ་པ་ཡིན་ལ། དྲག་སྤར་ནི། མདུན་བསྐྱེད་མགོན་པོ་ཚོན་གང་བ་གཅེར་བུ་སྟག་ཤམ་ཅན་གཅིག་འཕྲོས། དགྲ་བོའི་རྩིབས་ལོག་གཡས་པ་གྲི་གུག་གིས་གཤགས་ནས་ཁོག་པར་ཞུགས། གཡས་གྲི་གུག་གིས་སྙིང་ཚལ་པར་བཀས་ཏེ། ནང་གི་རྣམ་ཤེས་ཨཱཿདཀར་པོ་དེ་ཐོད་པར་བཅུག །གྲི་གུག་གིས་ཁ་བཀབ་སྟེ། ཚངས་བུག་ནས་རྒྱངས་ཀྱི་ཐོན་ཏེ་འོག་མིན་དུ་རྡོ་རྗེ་འཆང་གི་ཐུགས་ཀར་མགོན་པོ་དང་། རྣམ་

― KMC025_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་གཉིས་ཀ་ཐིམ་པར་བསམ་མོ། །ལྷ་མོའི་ཕྱག་གཡས་ཁ་ཊྭཱཾ་གིས་དགྲ་བོའི་སྙིང་དཀར་ནག་མཚམས་སུ་བརྒྱབ་ནས། སྙིང་ཚལ་པར་བཀས། རྣམ་ཤེས་ཨཱཿདཀར་པོ་དེ་གཡས་འོག་གི་ཕྱག་གི་ཕུར་པའི་དཔལ་རྩེས་ཐགས་སེ་བླང་ནས་མི་བསྐྱོད་པའི་ཐུགས་ཀར་འཕང་བ་ཡང་བསམ་མོ། །འདི་བསད་དམིགས་ཡང་ཡིན་པས། དང་པོ་ནས་རུང་ངོ་། །དེ་དག་གི་སྔ་ལོགས་སུ་བྱེད་རྒྱུ་འཚེར་བ་གསུམ་གྱི་ནང་ནས་ཚེ་བསོད་ཀྱིས་བདག་འཆོད་པ་ནི། དགྲ་བོའི་གནས་གསུམ་དུ་ཁོ་ཡི་ཚེ་བསོད་མཐུ་སྟོབས་ནུས་པ་ཐམས་ཅད་ཀྱི་ངོ་བོ་འབྲུ་གསུམ་བཀྲག་མདངས་དང་ལྡན་པར་ཡོད་པ། རང་གི་གནས་གསུམ་འབྲུ་གསུམ་འོད་ཀྱིས་ཚུར་བླངས་ཏེ་རང་ལ་ཐིམ་པས་བཀྲག་མདངས་འབར། ཁོ་རང་ནག་ཧྲུལ་ཧྲུལ་སོང་བར་བསམ་མོ། །དེ་ནས་བསད་པའི་དམིགས་པ་དངོས་ནི། ཧོམ་ཁུང་ནང་དུ་གནམ་ལྕགས་ལས་གྲུབ་པའི་མགོན་པོ་གཅེར་བུ་སྟག་ཤམ་ཅན་གྲི་ཐོད་འཛིན་པ། ཤ་ཟ་མི་བསྲུན་མ་ཁ་གདངས་ཤིང་མཆེ་བ་གཙིགས་

― KMC025_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

པ། བདུད་ནག་པོ་རལ་པ་ཅན་འཇིག་རུང་གཉིས་ཀ་རལ་གྲི་འཛིན་པ། གཞན་ཡང་ཀེང་རུས་ལ་སོགས་མཚོན་ཆ་སྣ་ཚོགས་ཐོགས་པའི་སྤྲུལ་པ་དེ་རྣམས་ཀྱིས་དགྲ་བགེགས་ཀྱི་གཟུགས་ཕུར་དུམ་བུར་གཏུབས་པར་བསམ། མདུན་གྱི་མགོན་པོ་འཁོར་བཅས་ཀྱི་བེར་གྱི་སུལ་ནས་མཚོན་ཆ་དང་ནད་དུག་གི་ཆར་བབས་ནས་སྡུག་བསྔལ་དུ་བརླག་པར་བསམ་མོ། །ཡང་བདག་མདུན་མགོན་པོའི་ཕྱག་གཡས་ཀྱི་གྲི་གུག་ལས་ཧཱུྃ་མཐིང་གཅིག་དང་ལྷ་མོའི་ཏྲི་ཤུལ་རྩེ་ནས་བྷྱོཿམཐིང་ནག་གཅིག་སྤྲོས། དགྲ་བགེགས་ཀྱི་སྣ་བུག་གཡས་དང་གཡོན་ནས་སྙིང་གར་ཞུགས་པས་ཡི་གེ་གཉིས་གྲི་གུག་གི་འཁོར་ལོ་རྩིབས་དྲུག་པ་གཉིས་གྱུར་ནས་གཡས་གཡོན་དུ་དྲག་ཏུ་འཁོར། ཇེ་ཆེར་གྱུར་པས་སྙིང་དང་ནང་ཆ་གཟུགས་ཕུང་སོགས་དུམ་བུར་གཏུབ་པར་བསམ། བདག་མདུན་འཁོར་བཅས་ཀྱི་ཞལ་ནས་སྔགས་ཀྱི་སྒྲ་འོད་ཐུན་རྫས་ལ་ཕོག་པས་ནད་མཚོན་དུག་གི་ཆར་པར་གྱུར་ནས་དགྲ་བོའི་ལུས་ངག་ཡིད་གསུམ་རྡུལ་དུ་བརླག་པར་བསམ་མོ། །ཡང་

― KMC025_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ལིང་གའི་སྙིང་གའི་ཛཿགཉིས་བྲིས་ཡོད་པ་དེ་ལ་ཚེ་རབས་འཁོར་བ་ཐོག་མེད་ནས་བསགས་པའི་སྡིག་སྒྲིབ་ཐམས་ཅད་ཐིམ་པས། ཛཿགཉིས་པོ་གནམ་ལྕགས་ཀྱི་སྡིག་པ་ནག་པོ་མགོ་དགུ་རྭ་བཅོ་བརྒྱད་པ་ཤིན་ཏུ་མི་བསྲུན་མ་ཞེ་སྡང་འབར་བ་གཉིས་སུ་གྱུར་ནས། ཐོག་མར་སྙིང་ཁྲག་འཇིབ། དེ་ནས་སྙིང་དོན། ཤ་ཁྲག་ཐམས་ཅད་རིམ་པས་ཟོས་པར་བསམ་མོ། །དེའི་ཚེ་དུམ་དུམ་རཀྵ་ཉིད་བཟླ་ཞིང་ཐུན་རྫས་རྣམས་བརྡེག་གོ །ཧོ་དམ་ཉམས་པའི་དགྲ་བོ་འདི་ལ་རྣོ་བ་མཚོན་གྱི་སོགས་བརྗོད་དོ། འཁོར་ལོ་ཐ་མའི་ཕུར་བུ་མ་དང་། ཟངས་རལ་མ་དང་། མཚོན་འཁོར་མ་རྣམས་ཀྱི་སྤྲུལ་པ་ཡང་སྤྲུལ་རང་འདྲ་བ་དཔག་ཏུ་མེད་པས་དགྲ་བོའི་སྣ་བུག་ནས་ཞུགས་ཏེ་རོ་རྐྱང་སོགས་ཀྱི་གནས་ཐམས་ཅད་དུ་བརྒྱུད་དོ། །ནང་ནས་ཤ་ཁྲག་སོགས་གཏུབས། སྲོག་རྩ་བཅད། ཤ་ཁྲག་ཟོས་པར་བསམ་མོ། །སྤྱང་ཞོན་མ་བདུན་དང་། ཕུར་བུ་མ་རྣམས་ཀྱིས་ཕུར་བུས་བཏབ། གཞན་མ་མོ་མཁའ་འགྲོ་ཐམས་ཅད་ཀྱིས་ཀྱང་དུག་དང་།

― KMC025_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་མཚོན་གྱི་ཆར་ཕབ་སྟེ་རྡུལ་དུ་བརླག་པར་བསམ། མ་མོ་རཀྨོ་སོགས་ནས་གཟེར་བདུན་དང་དྲག་སྔགས་རྣམས་ཚར་གསུམ་ལྔ་སོགས་བརྗོད་དོ། །དེ་ནས་ཞལ་བསྟབ་སོགས་སྔ་མ་ལྟར་རོ། །དེ་ལྟ་བུའི་ཕྱི་ཐུན་དང་སྲོད་ཐུན་ལའང་ཕུལ་ལོ། །ཕྱི་ཐུན་ལ། ལས་འགྲིགས་རྒྱས་པ་བཏང་བའི་བསྐུལ་སོ་སོའི་མཐར། དུམ་དུམ་རཀྵ་ལ་རྦད་སྔགས་བཏགས་པ་དེ་བཟླས་ཤིང་ལྷ་དེ་དང་དེ་ཡི་སྤྲུལ་པ་ཡང་སྤྲུལ་དཔག་ཏུ་མེད་པ་སྤྲོས་ནས་དགྲ་བོ་ཐམས་ཅད་བསད་པའི་ལས་མཛད་པར་བསམ་མོ། །དེ་འདྲ་ཞག་བདུན་སོགས་བསྒྲུབ་ལ་དེ་ཚེའི་སྔགས་རྒྱུན་ནི་དུམ་དུམ་རཀྵ་བཤམ་དུ་བསྒྱུར་བ་ཉིད་ཁོ་ནའོ། །རྒྱལ་ཚབ་གྲགས་པ་དཔལ་འབྱོར་གྱིས་དགྲ་མིང་པོ་གསུམ་གྱི་ཆོས་རབ་གོང་འོག་ནས་བླངས་པའི་དགྲ་ཆོས་སུ་གྲགས་པ་དེ་སྦྱར་ན་ཡང་སྔགས་དང་དམིགས་པ་ནི་འདི་ཉིད་ཁོ་ན་ལས་ལྷག་པོ་མེད་པས་དེ་ལྟར་སྦྱར་ཤེས་པ་བྱ་ཞིང་ལིང་རོ་རྣམས་བསྟབ་ཀྱི་རྗེས་སུ། ཧཱུྃ་མ་ཧཱ་ཀཱ་ལ་མཐུ་ཆེན་ནག་པོ་ནི། སོགས་ཕྱིན་ཆད་སྦྱར་བས་ཡབ་ལེགས་

― KMC025_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་གྱི་གཏོར་བཟློག་བྱེད་པ་ཡང་སྐབས་འགའ་ཞིག་ཏུ་མཛད་དོ། །ཉིན་ཐ་མ་ལ་བྲུབ་ཁུང་དང་གཏོར་མའི་ལིང་ག་ལ་བསྒྲལ་ལས་བྱའོ། །ཕུར་བུ་སོགས་ཀྱིས་རྨ་ཡོང་ངེས་དང་། གྲི་གུག་གིས་གཏུབས་ལ་གཏོར་ཆེན་དུ་ཞལ་བསྟབས་སྐབས་མེར་བསྲེག་གོ །ཛཿརྡུང་སྐབས་ཀྱི་ཐུན་གཏོར་རྣམས་སྒོར་འབུལ་དུས། དགྲ་བོའི་ཤ་ཁྲག་ལྷག་མ་མེད་དེ། གཏོར་རྫོང་སྐད་ཅིག་མཚོན་ཆར་གྱུར། ཞེས་པ་གྲི་གུག་དང་ཁ་ཊྭཱཾ་རྩེ་གསུམ་མེ་འབར་བར་གྱུར་པས། ཕོ་ཉ་ལས་མཁན་རྣམས་དགྲ་ཡུལ་དུ་སོང་བས་དགྲ་བོའི་གནས་ཧོམ་ཁུང་དུ། ཁོ་རང་རྣམས་གན་རྐྱལ་དུ་གནས་པའི་སྙིང་ཁར་བརྒྱབ་པས་རྗེས་ཤུལ་ཙམ་ཡང་མེད་པར་བསམ་མོ། །འཕང་བའི་ལས་རིམ་ནི། མཚལ་མ་འཁོར་ལྔ་བཅས་བསྒྲལ་ལས་རྒྱས་པར་བཏང་ངོ་། །ནང་ནས་ལས་བསྒྲིགས་རྒྱས་པ་གཏོར་རྫོང་དམག་ལྟོའི་རྣམ་པར་སྒྲོད་པ་ནི་གོ་བསར་གྱི་རྣམ་པ་ཡིན། །ཤར་ལ་སོགས་པས། དྲང་སྲོང་རཱ་ཧུལ་ལ་སོགས་པའི་ལྷ་སྲིན་སྡེ་བརྒྱད་ཐམས་ཅད་རྡོ་རྗེ་འཆང་གི་

― KMC025_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ། དམག་རོག་ཀྱི་ཚུལ་དུ་བསྡུས། སྒོ་བསྐུལ་ནི་གཏོར་ལྷ་ཡེ་ཤེས་པ་མདུན་གྱི་ནམ་མཁར་བཏེགས་ནས་དམ་ཚིག་པ་རང་ལ་བསྡུ། གཏོར་མ་དྲེགས་པའི་དམག་དཔུང་མཚོན་ཆ་དུག་མེ་སོགས་སུ་བསྒྱུར་བའམ། མདུན་བསྐྱེད་སྤྲུལ་གཞིར་བཞག་པ། སྤྲུལ་པའི་དམག་ཚོགས་དགྲ་ཡུལ་དུ་བཤར་བའམ་གཞན་ཕན་དབང་པོའི་མདུན་བསྐྱེད་འཁོར་བཅས་དམག་ཐབས་སུ་བཤར་བར་གསུངས་པའི་ཕྱི་མ་འདི་ཤིན་ཏུ་རྩུབ་ཀྱང་དེའི་ལུགས་ལྟར་ན། ཕྱིའི་དམག་དཔོན་རྒྱལ་ཆེན་བཞི་དང་། གཙང་རིས་ཀྱི་མགོན་པོས་དམག་སྣ་དྲོངས། ནང་གི་དམག་དཔོན་དམག་རྒྱལ་མ་བཞིའི་དམ་ཅན་མོ་རྒྱུད་དང་། དྲེགས་པ་རྐྱ་གསུམ་གྱིས་དམ་ཅན་ཕོ་རྒྱུད་ཀྱི་དམག་དཔོན་མཛད། མ་མགོན་གཉིས་ཀྱང་ཞལ་སྦྱོར་མ་ཡིན་པར་སོ་སོར་འབྱོན། གཡས་སུ་ཡབ་ལེགས་ལྡན་རྟ་ནག་ལ་ཆིབས་པ། གཡོན་ཕྱོགས་སུ་སྟག་ལ་ཞོན་པ་གཉིས་ཙན་དན་གྱི་བིང་ཆེན་བསྣམས་པ། ལྷ་དམག་ཉི་ཁྲི་ཆིག་སྟོང་དང་བཅས་པ་དགྲ་ཡུལ་དུ་དམག་ལ་ཆས་པར་བསམ་

― KMC025_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། མ་གཅིག་གཉན་དང་སོགས་ཚིག་དོན་ལྟར་བསམ་ཞིང་རོལ་མོ་བཅས། གཏོར་མ་ཁྱེར་ལ་འབུལ་སར་བཀོད་ལ་ལྷ་ཚོགས་ཐམས་ཅད་གཡས་ཕྱོགས་ཀྱི་ནམ་མཁའ་ས་གཞི་བར་སྣང་ཁྱབ་པར་བཤར་ཀྱིན་ཡོད་པ་ལ། ལིང་ག་གཏོར་མའི་སྨད་ཆ་སོགས་ལ་དམིགས་པའི་འགུག་གཞུག་ཚར་གསུམ་བྱས་ལ། དགྲ་བོའི་གནས་ཁང་ཧོམ་ཁུང་དུ་དགྲ་རྣམས་གན་རྐྱལ་དུ་གནས་པར་བསམ་ལ་གསེར་སྐྱེམས་མ་དག་མས་བྱིན་གྱིས་བརླབས། རྩ་བརྒྱུད་བླ་མ་ཡི་དམ་ལྷ་ཚོགས་སོགས་ཀྱང་སྤྱན་དྲངས་པས་གསེར་སྐྱེམས་རྒྱ་མཚོར་ཕུལ་བར་བསམ། དགྲ་བོའི་མགོན་སྐྱབས་མ་བྱེད་པར་བདག་གི་མགོན་སྐྱབས་མཛོད་ཅིག་པར་ཞུ། སྒོ་འཕྲང་གི་ལྷ་ལ་ཡང་སྐུ་བཟུར་བ་དང་དགྲ་བགེགས་བསྒྲལ་བའི་གྲོགས་དན་གྱི་ཕྲིན་ལས་བཅོལ། དེ་ནས་ཟོར་བཅུ་པོ་གྲི་གུག་མེ་འབར་བས་དགྲ་བགེགས་ཐམས་ཅད་ཐལ་བར་བརླག་པར་བསམ་མོ། །དེ་ནས་བཞེས་འབོད་ཀྱི་སྙན་གསན་དབབ་ནས་དཔལ་མགོན་འཁོར་བཅས་གཡས་ཕྱོགས་

― KMC025_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ནམ་མཁའ་ནས་ཞལ་མེ་དཔུང་འབར་བ་གནམ་ས་ཙམ་གྱི་ནང་དུ་དགྲ་བོ་མི་ནོར་འཁོར་བཅས་གྱུར་མིད་དུ་བཞེས་པར་བསམ་ལ། །ཐུན་གཏོར་ལ་འཛུག་རྒྱུའི་ལིང་ག་དེ་གཏོར་ཆེན་དུ། མེ་ལྟ་བུའི་བསྲེགས་པར་བྱའོ། །དེ་ནས་ཆོས་སྐྱོང་འཁོར་བཅས་དང། བིང་གི་སྒོ་དགུ་ཕྱེས་པ་ལས་སྤྲུལ་པའི་ལྷ་ཀླུ་གཉན་དམག་རྣམས་དང་། རྣམ་སྲས་སྔགས་བདག་སོགས་ཀྱང་དྲག་པོའི་ལས་ལ་ཆས་ཏེ་དགྲ་ཡུལ་དུ་བྱོན་ནས་དགྲ་བོ་འཁོར་བཅས་རྡུལ་དུ་བརླག་ནས། རྗེས་ཤུལ་ཙམ་ཡང་མེད་པར་བྱས་བསམ་པ་སོགས་བསྐུལ་སོ་སོའི་ཚིག་དོན་ལྟར་བསད་པའི་ལས་མཛད་པར་བསམ། གསོན་ཅིག་མ་སོགས་བསྐུལ་རྣམས་བཏོན་ལ་གཏོར་མ་འཕང་། རིག་སྔགས་དེ་རྣམས་སླར་ཡང་མི་ལྡོག་པའི་ཆེད་དུ་རྡོ་རྗེ་བཀའ་བཟློག་སོགས་འདོན། འདི་ནི་དབང་མོ་ཉེར་བརྒྱད་ཀྱི་བཟློག་པ་ཡིན་པས་དམིགས་པ་ཟུར་པ་མི་དགོས། དེ་ནས་སེང་གདོང་མའམ། ཡང་བཟློག་ཏྲིཀ་ཁྲོཾ་ལྟ་བུ་ཞིག་བྱེད་པ་ཡང་། སྐབས་དེར་བདག་བསྐྱེད་གནས་འགྱུར་བྱེད་པ་

― KMC025_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་སོ། །གཏོར་མནན་སྐབས་ལྕགས་ལས་གྲུབ་པའི་ཁང་པ་མེ་རབ་ཏུ་འབར་བའི་ནང་དུ་དམིགས་བྱ་ཚུད་པར་བསམ་ལ་དགུག་གཞུག་བྱ། དེའི་སྟེང་དུ་རྡོ་རྗེ་རྒྱ་གྲམ་དང་རི་རབ་ཀྱིས་མནན་པར་བསམ་པ་ཙམ་ལས་མི་དགོས་ལ། མནན་པ་སོགས་དགོས་ཚེ་ཀིང་ཀང་གི་མནན་དམིགས་སྦྱར་དགོས་སོ། །ཡར་ལོག་ནས་རྒྱལ་དབྱངས་ཀྱི་སྐབས་མདུན་བསྐྱེད་མ་མགོན་འཁོར་བཅས་ཀྱིས་དགྲ་བགེགས་རྣམས་བསྒྲལ་ཟིན་ནས་ཐུགས་དགྱེས་པས་འཛུམ་ཞལ་ཟླ་བ་ལྟར་མཛད་ནས་མདུན་བསྐྱེད་ཀྱི་ཕོ་བྲང་སྔར་ལྟར་འཁོད་པར་བསམ་ལ། བྲལ་དུ་འཁོད་ནས་སྲུང་འཁོར་དང་དངོས་གྲུབ་ལེན་ཆོག་རྣམས་བྱའོ། །བྲུབ་ཁུང་གི་ཤོག་ལིང་ཞལ་ཧམ་དུ་བྱེད་པའི་ཚེ། ཕུངས་སོགས་ཀྱི་སྟེགས་ནག་པོ་གྲུ་གསུམ་པ་ཞིག་ལ་རྡུལ་ཚོན་ནག་པོའི་ཆོས་འབྱུང་ཞིག་བྲི། དེ་སྟེང་དུག་ཤིང་སྐམ་པོ་གྲུ་གསུམ་བརྩེགས་ཙེ་ལ་ཞུན་དང་དཔལ་འབར་སོགས་ཚག་བྱ། དེ་ནས་དྲག་པོའི་མཆོད་པ་དང་སྨན་རཀ་དང་ཐུན་གཏོར་གཅིག་དང་ཤོག་

― KMC025_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ལིང་དུམ་བུ་རྣམས་དང་ཟན་ལིང་སྤར་བཏབ་བརྒྱ་རྩ་བཤམས། ཐབ་མེ་སྦར། མཚལ་མའི་མཎྜལ་རཏྣ་མཎྜལ་སོགས་སོང་རྗེས། སྲིན་གཟུགས་མ་དང་རླུང་ནག་འཚུབ་མས་བསྟོད། ཧཱུྃ་ཤར་ཕྱོགས་བསྲེག་ཁང་སོགས་ཀྱི་མཐར། དུམ་དུམ་རཀྵ་ཉི་ཤུ་དང་སྤྲད། ལིང་ཆུང་དང་ཤོག་ལིང་ཉི་ཤུ་ཐབས་སུ་འཕང། དེ་བཞིན་གྱི་ལྷོ་ནུབ་བྱང་དབུས་སུ་ཉི་ཤུ་རེ་འབུལ་མཐར། འདས་བྱོན་མ་ལྟ་བུའི་ཐུན་གཏོར་འབུལ། རྗེས་ཆོག་སོགས་བྱས། དེ་ནས་མེ་རོ་འདི་ལ་ཁུག་ཅིག་ཅེས་པའི་འགུག་གཞུག་བྱས་རྗེས། མེ་དེ་དགྲ་བོ་དངོས་ཀྱི་ངོ་བོར་བསམ་ལ་བདག་བསྒྲུབ་མའི་འགབ་ཀྱི་དམོད་བཅོལ་དེ་བཏོན་ལ། ཁྲག་ཆུས་མེ་དེ་སོད་པར་བསད་ནས་ཐལ་བ་དགྲ་ཕྱོགས་སུ་དོར་བའམ་མནན་པ་སོགས་བྱའོ། །སྤྲོ་ན་ཕྱོགས་བཞི་སོ་སོར་ཐུན་གཏོར་རེ་ཕུལ་ནས་བསྐུལ་བ་རེ་བཏང་ཀྱང་ཆོག་གོ །བར་བར་དུ་ཚིལ་ཞུན་ཅུང་ཟད་ཀྱིས་མེ་གསོའོ། །འདི་ནི་ཤར་རྒྱལ་མོ་རོང་གི་ནོར་འཛིན་བདེ་བར་སྐྱོང་བའི་ཆོས་རྒྱལ་པདྨ་མ་ཎིའི་སྐུ་རིམ་དུ་འདི་འདྲ་དགོས་པ་ཤར་

― KMC025_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ཁྲོ་ཆུ་ཤུ་བྷ་འབྲུག་དགུ་གླིང་དུ་རྒྱལ་ཁམས་པའི་སྔགས་ནག་ཀརྨ་ཚེ་དབང་ཀུན་ཁྱབ་ཀྱིས་བླ་མ་མཆོག་གི་ཞལ་ལུང་ཇི་ལྟ་བར་བྲིས་པ་ཛ་ཡནྟུ། ༈ །ལིང་ག་བྲི་བའི་མན་ངག་ནི། དུག་ཤོག་ལ་སྣག་ཚ་གཙང་མ་དུག་དང་ངན་ཁྲག་གིས་སྦགས་པས་དགྲ་གཟུགས་རྐང་ལག་བཅིངས་པའི་སྙིང་གར་ནྲྀ་དང་ཏྲི་ཛཿཁ་སྤྲོད་ཀྱི་བར་དུ་ལྟེབས། དཔུང་པ་གཡས་གཡོན་ལ་ཛཿཧཱུྃ། སྤུ་མོ་གཡས་གཡོན་ལ་བཾ་ཧོཿབཞི་བྲི། དཔྲལ་བར་དམིགས་གསལ་ཡོད་ཚེ་རུས་པ། སྤྱི་ལ་འུ་ཤང་ཀེག་ཀུང་ཇི་ཞེས་པ་བྲི། སྙིང་གར་ཀཱ་ལ་རུ་པ་སོགས་ལ་མིང་སྤེལ་ཡོད་པ་མིན། མགོ་ཕྱིར་བསྟན་ལ་བྲི། རྦད་སྔགས་ཀྱང་ཤོང་ན་བྲི། རྣ་བ་ལ་འོན། མིག་ལ་ལོང་། བླ་ལ་བླ་དྭགས་ཞེས་པ། བླ་གཡས་སུ་དམ་ཉམས་དགྲ་བོ་བྱི་བ་གླང་སྟག་ནས་ཕག་གི་ལོ་པ་གང་ཡིན་པ་ཁུག་བྲིས། བླ་གཡོན་དུ་དམིགས་བསལ་ཡོད་ན། བླ་དྭགས་ཀྱི་མིང་ཞེས་པ་ཡོངས་གྲགས་ཀྱི་མིང་ཡིན་པས་དེར་བྲི། འདོམས་སུ་ཚ་བོའི་མིང་བྲི། དཔུང་པ་ལ་ཆག །གྲུ་མོ་ལ་ཞྭ། ཞེས་བྲི།

― KMC025_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནས་ཏྲག་རཀྵ་སོགས་ཀྱི། ཨི་དཾ་མ་མ་དུཥྚཾ་ཞེས་པའི་རྗེས་སུ་དྷེ་ཝ་བྷ་སིདྷ་ན་མའི་ཚབས་སུ་དགྲ་བོ་ཆེ་གེ་མོ། །ཁ་རྗེ་བསོད་ནམས་ཟས་ནོར་བཅས་ཁ་ཁ་ཁཱ་ཧི། སོགས་བྲི་དགོས་ཤིང་དེའི་རྗེས་ནས་ཛཿཁྲོམ་ཉེར་གཅིག་གི་བསྐོར། འཁྲུལ་འཁོར་ཁ་སྦྱོར་བྱེད་ན་དེ་འདྲ་བ་གཉིས་བྲིས་ལ་ཁ་སྦྱར་ནས་ལྟེབ་པར་བྱེད། ཆགས་མེད་པས་འོག་མ་ཡིག་མགོ་ཕྱིར་བསྟན་དང་། སྟེང་མ་ནང་བསྟན་ལྟ་བུ་ཞིག་གསུངས་ཀྱང་། གཤིན་རྗེ་གཤེད་སོགས་ཀྱི་འཁྲུལ་འཁོར་ནི་སྟེང་འོག་གཉིས་ཀ་སྔགས་མགོ་གཅིག་ཏུ་བསྟན་ལ་སྔགས་གཉིས་ལྟོ་འཕྲོད་པར་དགོས་པས་སྟེང་མ་ཡིག་མགོ་ནང་དུ་བྲི་དགོས་སོ། །བདག་གི་བླ་མས་ནི་ཁ་སྦྱོར་འདི་འདྲ་མི་མཛད་པས་ངེད་རང་ཚོའི་ལག་ལེན་ལྟར་གྱི་ལིང་རྐྱང་ཁོ་ནར་ཟུངས་ཤིག །ཐུན་གཏོར་ལ་འཛུག་པའི་ལིང་ག་སོགས་ཀྱང་དེ་དང་འདྲ་བས། སྙིང་གར་མིང་དང་། རྦད་སྔགས་མིང་ཞུགས་བྱས་པ། ཐ་མར་ཤཱ་ས་ནའམ། དུམ་དུམ་རཀྵས་བསྐོར་བ་ཞིག་ཀྱང་བྲི་བར་མཛད་སྣང་། ཛ་ཁྲོམ་ཞེས་པ་ནི། ཛཛཛཛ་འདི་

― KMC025_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་བ་སྟེ་ཉེར་གཅིག་ལས་མང་བ་དང་། ཉུང་བ་སོགས་མི་བྱའོ། །ཡང་བླ་འགུག་སྤྱི་སྔགས་སྙིང་གར་བཀོད་རྒྱུ་ནི། དགྲ་བོ་ཆྒཻའི་བླ་ཤ་རེ་མ་ཏི་འགྲིམ་འགྲིམ། ཤ་མ་རུ་ཏི་ཐུཾ་ཐུཾ་མྱོག་ཡེད་ཡེད། ཤ་མ་རུ་ཏི་ཁུག་ལིང་། མྱོག་ལིང་། ཐུམ་ཙ་མུནྟྲི་ཛཿཧཱུཾ་བྃ་ཧོཿ། །ཅེས་བྲི་བ་དང་། འདོན་པའི་སྐབས། ཨོཾ་ཤྲཱི་མ་ཧཱ་ཀཱ་ལ་ཡཀྴ་བཻ་ཏ་ལི་ཧཱུྃ། དགྲ་བགེགས་ཛཿཧཱུྃ་སོགས་འདོན་པ་ཡང་རུང་ཞེས་གསུངས་སོ། །དེ་ལྟ་བུའི་ལིང་ག་ལ། ཟུག་རྫས་ནི་མིང་ཡིག་ལ་བྱུགས། དྲག་སྔགས་ལ་གྲི་ཁྲག་དང་དུག་སྣ་ཚོགས། ཟངས་ལྕགས་ཕྱེ་མ་རྣམས་བྱུག་དགོས་ཤིང་། སྤྱི་འགྲེ་ཙམ་ལ་མ་འབྱོར་ཀྱང་རུང་ངོ་། །ལྟེབས་ལུགས་ཀྱང་། ཁ་དང་གསང་གནས་སྤྲོད་པ་ནི་ཤི་ལྟེབས་སམ། རོ་ལྟེབས་སུ་གྲགས་པ་དེ་ཡི་གཡོན་མ་གཡས་ཀྱིས་གནོན་པ་ཉིད་དེ་གྲུ་གསུམ་བྱའོ། དེ་ལྟར་ལིང་ག་བྲི་བ་འདི་ཡང་། རྗེ་ཡི་ཞལ་ཁྲིད་དང་ཡོངས་འཛིན་དུ་མའི་མན་ངག་གི་བབས་དང་ལྡན་པས་གཅེས་པར་བཟུང་བའི་གདམས་པ་སྟེ་སྔགས་སྨྱོན་ཚེ་དབང་ཀུན་ཁྱབ་ཀྱིས་

― KMC025_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་གཏམས་སོ།། །།ཛ་ཡནྟུ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྲུང་འཁོར་གྱི་ཡིག་ཆུང་།

― KMC025_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་འཁོར་གྱི་ཡིག་ཆུང་བཞུགས་པའི་དབུ་ཕྱོགས་ལགས་སོ། །

― KMC025_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཡེ་ཤེས་ཀྱི་མགོན་པོ་ལེགས་ལྡན་ནག་པོ་ལ་ཕྱག་འཚལ་ལོ། །འདིར་ནག་པོ་ཆེན་པོའི་སྲུང་འཁོར་རྒྱས་པར་སྒོམ་པའི་མན་ངག་ཅུང་ཟད་གཅིག་བྲི་བར་འདོད་པས། ནག་པོ་ཆེན་པོ་འཁོར་དང་བཅས་པས་བཀའ་གནང་ཞིང་བྱིན་གྱིས་བརླབ་ཏུ་གསོལ། དེ་ལ་འདི་ཉིད་ཁོ་ན་སྒྲུབ་པའི་ཚེ་སྐྱབས་འགྲོ་སེམས་བསྐྱེད་སྤྱི་མཐུན་སྔོན་དུ་སོང་ནས། ཨོཾ་སྭ་བྷཱ་ཝ་སོགས་ཀྱིས་སྟོང་པར་སྦྱངས། སྟོང་པའི་ངང་ལས། ཨོཾ་ཤྲཱི་མ་ཧཱ་ཀཱ་ལ་ཡ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊཿ ལན་གསུམ། ཞེས་བརྗོད་པའི་རྐྱེན་གྱིས་བྷཱུཾ་ནག་པོ་ཞུ་བ་

― KMC025_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྲུང་བའི་འཁོར་ལོ་རྩིབས་བཅུ་པ། རྩིབས་རྣམས་ཁོག་སྟོང་དུ་ཡོད་པའི་རྩ་བ་བརྟན་ཅིང་རྩེ་མོ་རྣོ་བ། རྩིབས་བར་ཐམས་ཅད་འབྲེལ་བས་རྡོ་རྗེའི་གུར་ཟླུམ་པོའི་ཚུལ་དུ་གྲུབ་པ་ཡངས་ཤིང་རྒྱ་ཆེ་བའི་གཞལ་ཡས་ཁང་མཐིང་ནག་འབར་བའི་དབུས་སུ། འོག་ཏུ་ཧཱུཾ་ལས་གསེར་གྱི་ས་གཞི་འོད་འབར་བ་ས་ལ་མ་ཐུག་པ་ཡངས་ཤིང་རྒྱ་ཆེ་བ་རིན་པོ་ཆེ་སྣ་ཚོགས་ཀྱིས་མིག་མང་རིས་སུ་བྲིས་པའི་དབུས་སུ། འཁོར་ལོ་རྩིབས་བཅུ་གདན་ཐབས་ཀྱི་སྟེང་དུ་པདྨ་ཉི་མའི་གདན་ལ་བདག་ཉིད་འོད་དུ་ཞུ་བ་ལས་ཧཱུཾ་ཡིག་

― KMC025_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

མཐིང་ནག་ལས་འོད་ཟེར་འཕྲོས་པས་དགྲ་བགེགས་གདུག་པ་ཐམས་ཅད་ཚར་བཅད་ཡེ་ཤེས་པ་དང་འཇིག་རྟེན་པ་ཐམས་ཅད་ཀྱི་བྱིན་རླབས་དང་ནུས་མཐུ་མ་ལུས་པ་སྐད་ཅིག་གིས་ཚུར་བསྡུས་ནས་ཧཱུཾ་ལ་ཐིམ། ཧཱུཾ་འོད་དུ་ཞུ་བ་ལས་བདག་ཉིད་ཡེ་ཤེས་ཀྱི་མགོན་པོ་ལེགས་ལྡན་ནག་པོ་སྐུ་མདོག་ནག་ལ་དམར་བའི་མདངས་དང་ལྡན་པ་སྐུ་ལ་དར་དཀར་གྱི་དངུལ་གཟན་ལ། དེའི་སྟེང་དུ་བེར་ནག་སུམ་བརྩེགས་སྐ་རགས་རིན་པོ་ཆེ་སྣ་ཚོགས་བཅིངས་པ། སྐ་རགས་ལ་བེང་གི་ཚར་ཚར་བརྒྱ་རྩ་བརྒྱད་ཡོད་པ། དེའི་ཕྱི་ནས་དར་ནག་གི་བེར་དྲུག་བརྩེགས་ལྷབ་ལྷུབ་ཏུ་གསོལ་བ། དེའི་སུལ་རྣམས་ནས་མཚོན་ཆའི་ཆར་འབེབས་པ། ཞལ་གཅིག་སྤྱན་གསུམ་མཆེ་བ་བཞི་གཙིགས་པ་དབུ་སྐྲ་ཁམས་ནག་གྱེན་དུ་འབར་ཞིང་མཐུར་དུ་བཤལ་བ། ཐོད་པ་སྐམ་པོ་ལྔས་དབུ་བརྒྱན་ཅིང་། ཐོད་རློན་ལྔ་བཅུ་རྩ་གཅིག་གིས་དོ་ཤལ་བྱས་པ། ཕྱག་གཉིས་ཙན་དན་གྱི་བེང་ལོགས་རེ་ལ་བར་བར་དུ་གསེར་གྱི་ལྷན་པ་ཡོད་པའི་སྒོ་དགུ་དང་ལྡན་པ། སྒོ་རེ་རེ་

― KMC025_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ལྷ་དམག་བྱེ་བ་དུང་ཕྱུར་འགྱེད་པ། རྩེ་མོ་ནོར་བུ་འབར་བ་དང་རྟིང་པ་རྡོ་རྗེ་རྩེ་གཅིག་པའི་དབྱིབས་ཅན་གསོལ་ཐབས་སུ་འཛིན་པས་གདུག་པ་ཅན་རྣམས་ཀྱི་སྙིང་གར་བསྣུན་པ། སྐུ་ལ་བསྐལ་པའི་མེ་དཔུང་སྨུག་ནག་འབར་བས་སྲིད་པ་གསུམ་ཡང་བསྲེག་པར་ནུས་པ། སྐུ་ཡིས་ཁམས་གསུམ་ཁྱབ་ཅིང་ཞབས་རྡེབ་པ་ཙམ་གྱིས་སྲིད་པ་གསུམ་ཡང་འདར་ཞིང་གཡོ་བ། ཞལ་ནས་ལྗགས་འདྲིལ་ཞིང་ཧ་ཧ་དང་ཧཱུཾ་ཧཱུཾ་ཧི་ཧིའི་སྒྲ་སྐད་འབྲུག་སྟོང་དུས་གཅིག་ཏུ་གྲགས་པ་ལྟ་བུར་སྒྲོགས་པར་གྱུར། རྩིབས་བཅུའི་སྟེང་དུ་ཕྱོགས་བཅུའི་མགོན་པོ་དང་ལྷ་དམག་དུང་ཕྱུར་སོགས་སྲིད་པ་གསུམ་གྱི་དྲེགས་བྱེད་ཕོ་མོའི་ཚོགས་ཀྱིས་བསྐོར་བའི་གཙོ་འཁོར་ཐམས་ཅད་ཀྱི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཧཱུཾ་ལས་འོད་ཟེར་སྨུག་ནག་རི་རབ་ཀྱི་བྱང་ཕྱོགས་སུ་འཕྲོས་པས་ཡེ་ཤེས་མགོན་པོ་འཁོར་དང་བཅས་པ་སྤྱན་དྲངས། ཧཱུཾ་དད་པ་དང་ནི་སོགས་ཤོ་ལོ་ཀ་གཅིག་དང་། ཨོཾ་མ་ཧཱ་ཀཱ་ལ་གུ་ཎ་ཧྲི་ད་ས་པ་རི་ཝཱ་ར་བཛྲ་ས་མཱ་ཛཿ ཞེས་

― KMC025_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

པས་སྤྱན་དྲངས། ཨོཾ་མ་ཧཱ་ཀཱ་ལ་གུ་ཎ་གྲི་ད་ས་པ་རི་ཝཱ་ར་ཨརྒྷཾ། པཱདྱཾ་སོགས་ཤབྟའི་བར་གྱི་སོ་སོའི་མཐར་པྲ་ཏཱིཙྪ་སྭཱ་ཧཱ་བཏགས་པས་མཆོད། ཛཿཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་ལྷ་འཁོར་བཅས་སྤྱན་དྲངས་ཏེ་དབང་བསྐུར་བདུད་རྩིས་སྐུ་གང་ཆུ་ལྷག་སྤྱི་བོར་འཁྱིལ་བས་བླ་མ་མི་བསྐྱོད་པས་དབུ་བརྒྱན་པར་གྱུར། དེའི་ཐུགས་ཀར་ཉི་མའི་སྟེང་དུ་ཧཱུཾ་ཡིག་མཐིང་ནག་ལ་སྔགས་ཀྱིས་གཡས་སུ་བསྐོར་བ་ལས་འོད་ཟེར་སྨུག་ནག་འཁོར་འདས་གཉིས་ཀྱི་ཞིང་ཁམས་སུ་འཕྲོས་པས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཉེས་པའི་མཆོད་པ་ཕུལ། ཐུགས་དམ་གྱི་རྒྱུད་བསྐུལ་ནས་ཐམས་ཅད་ཡེ་ཤེས་ཀྱི་མགོན་པོའི་སྐུར་གྱུར་པ་ཆར་རྒྱུན་འབབ་པ་བཞིན་དུ་རང་ལ་ཐིམ་པས་མཐུ་སྟོབས་ནུས་པ་རབ་ཏུ་འབར་ཞིང་། དྲེགས་བྱེད་ཐམས་ཅད་ཀྱི་སྲོག་སྙིང་ནུས་པ་བསྡུས་ནས་བྲན་དུ་འཁོལ་ཏེ་ཕྲིན་ལས་མཐའ་དག་འགྲུབ་པར་གྱུར་

― KMC025_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་བསྒོམས་ཏེ། ཨོཾ་ཤྲཱི་མ་ཧཱ་ཀཱ་ལ་དུ་བིང་ཎི་ཛཿ ཨོཾ་མ་ཧཱ་ཀཱ་ལ་ཀཱ་ལ་ཡ་གུ་ཎ་ཧྲི་ད་རཀྵ་དུ་བིང་ཛཿ ཨོཾ་མ་ཧཱ་ཀཱ་ལ་རཱུ་པ་གུ་ཎ་ཤྲཱྀ་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སུམ་སྦྲེལ་གྱི་སྔགས་འདི་བརྒྱ་སྟོང་ལ་སོགས་པ་ཅི་ནུས་བཟླའོ། །དེ་ནས་རཀྵ་ཝརྟི་གསུམ་གྱི་མན་ངག་ལ། རང་ཉིད་ལེགས་ལྡན་གྱི་སྐུའི་ནང་ཡངས་ཤིང་རྒྱ་ཆེ་བ་སྟོང་གསུམ་དང་མཉམ་པའི་ཐུགས་ཀའི་ཐད་དུ་ཆོས་འབྱུང་སྔོན་པོའི་གཞལ་ཡས་ཁང་གི་དབུས་སུ་རང་སེམས་ཀྱི་ངོ་བོ་ཡི་དམ་གྱི་ལྷ་གདན་སྐུ་མདོག་ཆ་ལུགས་ཡོངས་སུ་རྫོགས་ལ། དེ་ཡང་གཡས་སུ་བསྲུང་བྱ་ཕོ་རིགས། གཡོན་དུ་མོ་རིགས། མཚམས་སུ་དཀོར་ནོར་རྟ་ཕྱུགས་ཞིང་ཁང་ལ་སོགས་པ་ཐམས་ཅད་ཀྱང་ཡི་དམ་ལྷའི་ངོ་བོར་གྱུར་པའི་སྟེང་ཕྱོགས་སུ་བླ་མ་ཡི་དམ་ཚོགས་སྤྲིན་གཏིབས་པ་ལྟར་བཞུགས་པས་བསྲུང་བྱ་རྣམས་བྱིན་གྱིས་རློབས་པར་གྱུར། ཅེས་བསྒོམས་ཞིང་རང་ཡི་དམ་གྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ས་བོན་གྱི་མཐར་སྔགས་ཀྱིས་བསྐོར་བར་དམིགས་ཏེ་བཟླས་པ་

― KMC025_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ། །དེ་ནས་ཕྱི་རོལ་གྱི་འཁོར་ལོ་རྩིབས་བཅུ་གུར་ཐབས་ཀྱི་ནང་། རྩིབས་སོ་སོའི་རྩ་བའི་ཐད་ཀྱི་བར་སྣང་དུ་པདྨ་ཉི་མ་རོའི་གདན་བཅུ་ལ་ཧཱུཾ་བཅུ་ཡོངས་སུ་གྱུར་པ་ལས་སྲས་མཆོག་མགོན་པོ་བེར་ནག་ཅན་བཅུ་གྲི་གུག་དང་ཐོད་ཁྲག་འཛིན་པ་ཞལ་ཕྱིར་གཟིགས་ནས་ཟློག་པའི་ལས་མཛད་པར་བསྒོམ། རང་ལེགས་ལྡན་གྱི་ཐུགས་ཀའི་འོད་ཀྱིས་འཁོར་རྣམས་ལ་བསྐུལ་བས། སྤྲུལ་པའི་ལས་མཁན་དཔག་ཏུ་མེད་པ་འཕྲོས། དགྲ་བགེགས་བྱད་མ་ཐམས་ཅད་རང་དབང་མེད་པར་བཀུག །ལྷ་དང་ཕྲལ་མྱོས་པར་བྱས་ནས། འཁོར་ལོའི་རྩིབས་ཀྱི་སྣེར་བཞག་པས། འཁོར་ལོ་གཡོན་དུ་དྲག་ཏུ་འཁོར་བས་ལུས་རྡུལ་ཕྲན་ལྟར་གཏུབས་ཤིང་བརླག་པར་གྱུར་ཅིག །གཙོ་འཁོར་ཐམས་ཅད་ལས་མེ་དཔུང་སྨུག་ནག་ལ་ལ་འཚུབ། ལ་ལ་འཁྱིལ་ལ་ལ་ཆད་ཅིང་འབར་བས་སྔར་བསྒྲལ་བའི་ཤ་ཁྲག་རུས་པ་ཐམས་ཅད་ལྷག་མེད་དུ་བསྲེགས་པ་དང་། དེ་བཞིན་དུ་མེ་དཔུང་ཆེར་འབར་ཞིང་འཁྲུགས་པའི་གཟིས། གཞན་གྱི་བསམ་སྦྱོར་ངན་པའི་

― KMC025_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

བྱད་དང་རྦོད་གཏོང་རིག་སྔགས་ཀྱི་ནུས་པ་ཐམས་ཅད་དང་ཁྱད་པར་དམ་སྲི་བགེགས་རིགས་ཐམས་ཅད་རྡོ་རྗེའི་མེ་ཆར་དྲག་པོས་རྗེས་མེད་དུ་བསྲེགས་ཤིང་བསྐལ་པའི་འཐོར་རླུང་དྲག་པོས་མཐའ་མེད་དུ་གཏོར་བས་གྱུར། ཡང་། བདག་ཉིད་དཔལ་ཆེན་པོ་འཁོར་དང་བཅས་པའི་སྐུ་ལས་ངོ་བོ་སྔགས་ལ་རྣམ་པ་འཐོར་རླུང་མེ་དཔུང་མཚོན་ཆའི་བུ་ཡུག་དཔག་ཏུ་མེད་པ་འཕྲོས་གནོད་བྱེད་ཐམས་ཅད་རང་དབང་མེད་པར་བཀུག །མཚོན་ཆའི་བུ་ཡུག་གི་དཀྱིལ་དུ་འཐུམས་ཏེ་སྲུང་འཁོར་གྱི་ཕྱི་ནས་གཡོན་ཕྱོགས་སུ་བསྐོར་བཞིན་ལྷོ་ནུབ་མཚམས་སུ་རྡུལ་ཕྲན་ཙམ་དུ་བརླག་པར་གྱུར། མཚོན་ཆ་དང་མེ་རླུང་རྣམས་ཀྱང་གུར་ཁང་དུ་གྱུར་པའི་མཚོན་ཆ་མེའི་བར་ལྷོ་ནུབ་མཚམས་སུ་རྡོ་རྗེའི་སྒྱོགས་དྲག་པོ་བཙུགས་པས་ཕ་རོལ་གྱི་སྲུང་བའི་མཁར་དང་བཟློག་པའི་སྒྱོགས་རྣམས་རུལ་རུལ་བཏང་བ་བསམ་ལ་སྔགས་མང་ཉུང་ཅི་རིགས་བཟླའོ། །དེ་རྣམས་ནི་སྲུང་བ་དང་བསད་པའི་མན་ངག་གོ །དེ་ནས་རང་ཉིད་ལེགས་ལྡན་གྱི་ཐུགས་

― KMC025_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ཀར། རྡོ་རྗེ་ཕ་ལམ་ལས་གྲུབ་པའི་གུར་ཁང་ཟླུམ་པོའི་ཤེལ་ལྟར་དངས་པའི་ཕྱི་རོལ་དུ་རྡོ་རྗེ་ཕྱེད་འབུར་དུ་ཐོན་པས་གཏམས་པ། དེའི་ནང་དུ་ཆོས་འབྱུང་སྔོན་པོ་སྟོང་གསུམ་དང་མཉམ་པའི་ནང་དུ་རང་སེམས་ཀྱི་ངོ་བོ་ཡི་དམ་དུ་གསལ་བ་དེ་གནས་གྱུར་པའི་ལེགས་ལྡན་ནག་པོ་རྒྱན་ཆ་ལུགས་ཡོངས་སུ་རྫོགས་པ། ཆེས་ཆེར་འཇིགས་ཤིང་རབ་ཏུ་འབར་བ། དེའི་ཐུགས་ཀར་པདྨ་ཉི་མའི་སྟེང་དུ་ཧཱུཾ་ཡིག །གཙོ་བོའི་ཕྱི་རོལ་ཆོས་འབྱུང་གི་ནང་དུ་བསྲུང་བྱ་རྣམས་སྲས་མཆོག་ནག་པོའི་སྐུར་གྱུར། གཙོ་བོའི་དབུ་གཙུགས་ཏུ་བླ་མ་བརྒྱུད་པ་རྣམས་དང་། བར་སྣང་དུ་ཡི་དམ་ལྷ་ཚོགས་རྣམས་བཞུགས་པ་གསལ་བར་གྱུར། ཕྱིའི་ལེགས་ལྡན་ནང་གི་ལེགས་ལྡན་ལ་ཐིམ་པས་བདག་ཉིད་ལེགས་ལྡན་གྱི་སྐུའི་འོད་ཟེར་གྱིས་སྒྲིབ་པ་མེད་པར་གསལ་བའི་སྲུང་བའི་འཁོར་ལོ་ནང་ནས་རིམ་བཞིན་ཆོས་འབྱུང་དང་རྡོ་རྗེའི་གུར་གྱི་ཕྱི་རོལ་དུ་གུར་ཐབས་ཀྱི་འཁོར་ལོ་རྩིབས་བཅུ་པའི་ནང་གི་སྟེང་འོག་ཕྱོགས་མཚམས་སུ་སྲས་མཆོག་བཅུ་པོ་སྔར་བཞིན་དང་།

― KMC025_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་ཕྱི་རོལ་དུ་གནམ་ལྕགས་ཀྱི་འཁོར་ལོ་དམར་ནག་རྩིབས་བཅུ་གུར་ཐབས་ཀྱི་ནང་དུ་པདྨ་ཉི་མ་རོའི་གདན་བཅུའི་སྟེང་དུ་ཧཱུཾ་བཅུ་ལས་མགོན་པོ་ཕྱག་བཞི་པ་མཐིང་ནག །གྲི་ཐོད་ཁ་སྦྱོར་དང་རལ་གྲི་དང་ཁ་ཊྭཱཾ་ག་འཛིན་པ་བཅུ་དང་དེའི་བར་སྟོང་ཐམས་ཅད་རིགས་ལྔའི་ཁྱུང་ལང་ལིང་དུ་རྒྱུ་བས་ཀླུ་གདོན་ཐམས་ཅད་སྐྲག་ཅིང་སྔངས་བར་བྱེད་པའི་གཟུགས་ཅན། རྭ་དང་མཆུ་སྡེར་གནམ་ལྕགས་ལས་གྲུབ་ཅིང་། གཤོག་པ་ལས་ཡེ་ཤེས་ཀྱི་མེ་འབར་བས་དགྲ་བགེགས་བྱད་མ་ཐམས་ཅད་རླག་པར་བྱེད་པ། དེའི་ཕྱི་རོལ་དུ་མཚོན་ཆ་རབ་ཏུ་གཟེངས་པའི་འཁོར་ལོ་རྩིབས་བཅུ་པ། དེའི་ཕྱི་རོལ་དུ་བསྐལ་པའི་མེ་དཔུང་རབ་ཏུ་འབར་བའི་འཁོར་ལོ་རྩིབས་བཅུ་པ། དེའི་ཕྱི་རོལ་དུ་བསྐལ་པའི་རླུང་ནག་དྲག་ཏུ་འཁྲུགས་པ། རང་ཉིད་དཔལ་ནག་པོ་ཆེན་པོ་དང་བསྲུང་བྱ་རྣམས་ཀྱི་བ་སྦུའི་ཁུང་བུ་ཐམས་ཅད་སྲས་མཆོག་ནག་པོའི་ཚོགས་ཀྱིས་གང་ཞིང་། དེ་ལས་འོད་ཟེར་འཕྲོས་པའི་ཁྲོ་ཆུང་གི་ཚོགས་ཀྱིས་སྲུང་འཁོར་ཕྱི་ནང་བར་མེད་

― KMC025_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གཏམས་ཤིང་གར་ཁྱུག་ཁྱུག་བྱེད་པ། ལྷ་ཚོགས་ཐམས་ཅད་ཞལ་ནང་དུ་གཟིགས་པས་སྔགས་སྒྲ་སྒྲོགས་བཞིན་སྲུང་བའི་ལས་ལ་བརྩོན་པར་གྱུར། རང་གི་མགྲིན་པར་གསེར་གྱི་འཁོར་ལོ་རྩིབས་བཞི་པ་གཡས་སུ་འཁོར་བས་ངག་གི་ཉེས་པ་སྦྱངས་ཤིང་། དེ་ལས་སྐྱེས་པའི་ལྕེ་རྡོ་རྗེ་རྩེ་ལྔ་པ་ཉལ་ཐབས་སུ་གནས་པའི་རྩ་བར་ཨོཾ་རྩེ་མོར་ཨཱཿལྟེ་བར་ཧཱུཾ་གིས་མཚན་པར་གྱུར། ཞེས་དམིགས་པ་རྣམས་རིམ་པས་གསལ་བཏབ་ལ་སྔགས་ཅི་ནུས་བཟླའོ། །དེ་ནས་བསྲུང་བའི་འཁོར་ལོའི་ཕྱི་རོལ་གྱི་འོག་ཏུ་གནམ་ལྕགས་ཀྱི་ཁང་སྒྲོམ་གྲུ་གསུམ་པ་ནག་ལ་རྩུབ་ཅིང་གཏིང་ཟབ་པ། ཕྱི་ནས་ཞེ་སྡང་གི་མེ་འབར་བ། ནང་ན་ཕྲག་དོག་གི་རླུང་དམར་འཚུབས་པ། སྟེང་ན་གཏི་མུག་གི་མུན་པ་འཐིབས་པ། གཤིན་རྗེ་ཕོ་མོ་རྣམས་ཧ་ཧའི་སྒྲ་སྐད་དི་རི་རི་སྒྲོགས་ཤིང་། མཚོན་ཆར་འབེབས་པའི་ནང་དུ་དགྲ་བགེགས་བྱད་མ་ལྷ་སྲུང་དང་བཅས་པ་རང་དབང་མེད་པར་བཀུག་ནས་གཅིག་ཏུ་བསྡུས་ཏེ་མགོ་མཇུག་བཟློག་པའི་སྤྱི་བོ་མགྲིན་པ་སྙིང་ག་སྟེ་

― KMC025_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གསང་གནས་རྐང་མཐིལ་རྣམས་སུ་གནམ་ལྕགས་ཀྱི་འཁོར་ལོ་རྩིབས་དྲུག་པ་རེ་རེ་གཡས་སུ་འཁོར་བ། དེ་རྣམས་ཀྱི་བར་དྲུག་ཏུ་གནམ་ལྕགས་ཀྱི་རྡོ་རྗེ་རྒྱ་གྲམ་རྩེ་དྲུག་རྣོ་བའི་ངར་དང་ལྡན་པ་རེ་རེ་ཡོད་པའི་སོ་སོའི་སྟེང་འོག་གི་རྭ་དབུས་མ་དྲུག་པོ་སྲོག་ཤིང་ལྟར་བྱས་པའི་གཡོན་སྐོར་དུ་དྲག་ཏུ་འཁོར་བའི་རྩིབས་དང་རྭ་རྣམས་ཀྱིས་དགྲ་བགེགས་བྱད་མའི་ལུས་ངག་ཡིད་གསུམ་རྡུལ་ཕྲན་ལྟར་བརླག་ཅིང་། ལས་ངན་གྱི་དབང་གིས་ལུས་སུ་གྲུབ་པ་སླར་ཡང་རྡུལ་དུ་བརླག་པ་སོགས་བར་མཚམས་གོ་སྐབས་མེད་པར་གྱུར། ཡང་འཁོར་ལོས་གཏུབ་པའི་ཕུང་པོ་རྣམས་མེ་འབར་བས་བསྲེགས་ཏེ་ལྷག་མ་རྗེས་ཤུལ་ཙམ་ཡང་མེད་པར་གྱུར། དེ་ལྟ་བུའི་དམིགས་པ་ལ་སེམས་རྩེ་གཅིག་ཏུ་བཞག་སྟེ་སྔགས་ཅི་ནུས་བཟླའོ། །དེ་ནས་བདག་ཉིད་དཔལ་ཆེན་པོའི་ཐུགས་ཀའི་འོད་ཟེར་གྱིས་འཁོར་རྣམས་བསྐུལ། དེ་དག་ལས་ཀྱང་སྤྲུལ་པའི་དམག་ཚོགས་དཔག་ཏུ་མེད་པ་སྤྲོས་ཏེ། དགྲ་བགེགས་བྱད་མ་གནོད་བྱེད་མཐའ་

― KMC025_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

དག་རང་དབང་མེད་པར་བཀུག །སྲུང་འཁོར་གྱི་ལྷོ་ནུབ་མཚམས་སུ་མཚོན་དང་མེའི་བར་དུ་མཚོན་ཆའི་ཆར་ཕབས་ཏེ། སྲོག་བཅད་ཅིང་ལུས་རྡུལ་ཕྲན་ལྟར་གཏུབས་པའི་ཤ་ཁྲག་རྒྱ་མཚོར་འཁྱིལ་བ་དེ་ཉིད། སྤྲུལ་པའི་ཁྲོ་ཆུང་རྣམས་ཀྱིས་ཀཱ་པ་ལའི་སྣོད་ཀྱིས་བཅུས་ཏེ་བསྲུང་འཁོར་གྱི་ལྷ་ཚོགས་རྣམས་ལ་ཕྱག་ཚང་གི་ཚུལ་དུ་དྲངས་པས་ལྷག་མེད་དུ་གསོལ་བར་གྱུར། ཡང་ཕྱོགས་བཅུར་གནས་པའི་དགྲེ་བགེགས་བྱད་མ་མཐའ་དག་རིགས་སྔགས་དང་མཚོན་ཆར་མེ་དཔུང་སོགས་ཀྱིས་བསྒྲལ་བ། སྤྲུལ་པའི་ལས་མཁན་རྣམས་སྟག་གཟིགས་དོམ་དྲེད་འཕར་སྤྱང་བྱ་ནག་ཁྱི་ནག་སོགས་སུ་གྱུར་ཏེ་ལྷག་མེད་དུ་ཟོས་པར་གྱུར། དེ་དག་གི་ཚེ་དཔལ་བསོད་ནམས་ཀྱི་ལྷག་མ་རྣམས་འོད་ཀྱི་རྣམ་པར་ཚུར་འདུས་ཏེ། བདག་དང་བསྲུང་བྱ་རྣམས་ལ་ཐིམ་པར་གྱུར། ཞེས་པའི་དམིགས་པ་རྣམས་དང་། བྱད་མ་དམིགས་བསལ་ཡོད་པའི་ཚེ་བྱད་མ་རང་གཤེད་འབེབས་པའི་དམིགས་པ་མན་ངག་གི་ཡི་གེ་ཚོར་འབྱུང་བ་ལྟར་གྱི་དམིགས་པ་རྣམས་ཀྱང་

― KMC025_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཡང་གསལ་འདེབས་ཤིང་སྔགས་ཅི་ནུས་བགྲང་བར་བྱའོ། །དེ་ནས་སྲུང་འཁོར་རྐྱང་པའི་ཚེ་ཐུན་གཏོར་ཟོར་དུ་བསྐུལ་བར་འདོད་ན། དམར་གཏོར་འགུགས་གཞུག་བྱེད་ཅིང་བསྒྲལ་བ་སྟབས་ཀྱི་དམིགས་པ་སྤྱི་ལྟར་དང་། བྱང་ཕྱོགས་དུར་ཁྲོད་ཡབ་ཡུམ་མམ། ལེགས་ལྡན་རྦད་བསྐུལ་འདོན། མཐར་གཏོར་མ་མེ་དཔུང་དང་མཚོན་ཆར་སོགས་སུ་བསྒོམས་ནས་དམིགས་བྱའི་ཕྱོགས་སུ་ཟོར་དུ་འཕེན། རྡོ་རྗེ་བཀའ་བཟློག་མ་གྱེར། རང་ཉིད་ལེགས་ལྡན་གནས་འགྱུར་ལོག་ཏྲི་པཱ་ལར་བསྒོམ་སྟེ། དྲང་སྲོང་དམོད་པའི་སྔགས་བཟླ་བ་དང་། མཐར་དམིགས་གནད་དང་བཅས་པ་ཐལ་མོ་དགུ་བརྡབ། རྗེས་དམིགས་མེད་ཀྱི་ངང་དུ་དར་གཅིག་བཞག་པ་དང་། དགེ་བ་བསྔོ་བའང་བྱའོ། ༈ །སྒྲུབ་པ་ཡིན་ན་ཐུན་མཚམས་ཀྱི་སྐབས་སུ། ཕྱིའི་སྲུང་འཁོར་མི་བསྡུ་བར། དེའི་ནང་དུ་སྤྱོད་ལམ་བྱེད་པའི་མོས་པའང་བྱའོ། ༈ །ཡང་སྒྲུབ་པ་ཤིན་ཏུ་གལ་ཆེ་བའི་དུས་ལྟ་བུར། ཐུན་གཏོར་གྱི་སྐབས་སུ་བབས་པ་དང་། སྲུང་འཁོར་གྱི་ལྟེ་

― KMC025_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ནང་། རང་ལེགས་ལྡན་གྱི་མདུན་དུ་མ་མགོན་འཁོར་བཅས་བསྒོམས་ནས་མཚལ་མ་གཞུང་བསྲང་། བསྟོད་པ་གྲུབ་ནས་བསྐང་བ་དང་བསྙེན་པ་ཅི་འགྲུབ་བྱ། དེ་ནས་གོང་སྨོས་ལྟར་གྱི་ཐུན་གཏོར་གཏོར་ཞིང་། ཁྱད་པར་དུ་བྱང་ཕྱོགས་དུར་ཁྲོད་མ་ཡབ་ཡུམ་དང་། ལེགས་ལྡན་རྦད་བསྐུལ། གསོན་ཅིག་མ་རྣམས་འདོན། བཟློག་པ་སོགས་སྔར་ལྟར་ལ། མཚམས་ཀྱི་སྐབས་ཡིན་ན་རྗེས་ཆོག་གྲོལ་དུས་བར་མི་དགོས། ཉིན་རེ་ཐུན་གསུམ་བཞི་ཙམ་བྱེད་ཅིང་། ཐུན་མཚམས་ཐུན་གཏོར་ཟོར་དུ་བསྐུལ། གྲོལ་ཉིན་མགོན་པོ་གཞུང་ལྟར་རྗེས་ཆོག་རྒྱས་པར་བྱ། ༈ །མཚལ་མ་དང་མི་འབྲེལ་བའི་རྒྱུན་ཁྱེར་ལྟར་བྱེད་ན། ཡིག་རྙིང་ཚོར་སྔ་ཐུན་ལ་བྱེད་པར་བཤད་ཀྱང་། སྤྱི་འགྲོ་ལྟར་ཕྱི་ཐུན་ལ་བསྒོམ་བཟླས་བྱེད་ཅིང་ཐུན་གཏོར་ཡང་མ་བྱས་ན་རུང་བས། དམིགས་མེད་དུ་འཇོག་པ་ཉིད་ཀྱིས་འཐུས་སོ། །གོང་དུ་སྨོས་པའི་སྔགས་ཀྱི་རིགས་ལ། ཡི་དམ་གྱི་སྔགས་ནི་རང་གི་གང་ཡིན་དེའི་ལྷ་སྔགས་སམ། ཕྱག་རྡོར་ལྟ་བུ་ལ་བྱ། དེ་ཕྱིན། ༼ཀ༽

― KMC025_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཙནྜ་མ་ཧཱ་ཀཱ་ལ་ཧ་ན་ཧ་ན་བཛྲེ་ཎ་གནོད་བྱེད་མཱ་ར་ཡ་ཧཱུཾ་ཕཊཿ ༼ཁ༽ ཨོཾ་ཙནྜ་མ་ཧཱ་ཀཱ་ལ་བཛྲ་དཾཥྚཱི་ འདི་སྐབས་བསྲུང་བྱ་གཞན་ཡིན་ན། གུ་རུ་དྷརྨཱ་ཀ་ར་ཞེས་པ་ལྟ་བུ་བསྲུང་བྱའི་མིང་འདུག ཎཱ་མ་མ་ཀཱ་ཝཱ་ཙི་རཀྵ་རཀྵ་ཧཱུཾ་ཧཱུཾ་ཕཊ། ༼ག༽ ཨོཾ་ཙནྜ་མ་ཧཱ་ཀཱ་ལ་བཛྲ་དཾཥྚཱི་ཎཱ་གནོད་བྱེད་ཀཱ་ཝཱ་ཙི་སྟྭཾབྷ་ཡ་ནན་ཧཱུཾ་ཧཱུཾ་ཕཊ་ཕཊ། ༼ང༽ ཨོཾ་ཙནྜ་མ་ཧཱ་ཀཱ་ལ་གནོད་བྱེད་ཨི་དཾ་བ་ལིཾ་ཁ་ཁ་ཁཱ་ཧི་ཁཱ་ཧི། ད་དུང་ཞལ་གྱི་གདམས་པ་ཆེས་ཟབ་རྣམས་ནི་བླ་མའི་ཞལ་ནས་མཉན་པར་བྱའོ། །ཞེས་པ་སི་ཏུ་བསྟན་པའི་ཉིན་བྱེད་ཀྱིས་རང་ཉིད་ཀྱི་ཉམས་སུ་ལེན་པ་དང་། སློབ་བུ་རྣམས་ཀྱི་འདོད་པ་སྐོང་བའི་ཕྱིར། ཞལ་གདམས་འཐོར་བ་རྣམས་ཕྱོགས་གཅིག་ཏུ་བསྡུས་ཏེ་ལག་ལེན་བདེ་བར་སྡེབ་པ་བདེ་ལེགས་སུ་གྱུར་ཅིག །ཤུབྷཾ། ༈ བླ་མ་དང་དཔལ་ཡེ་ཤེས་ཀྱི་མགོན་པོ་དབྱེར་མེད་པ་ལ་ཕྱག་འཚལ་ལོ། །འདིར་མགོན་པོ་བེར་ཅན་རང་གི་ཆོ་ག་སྡང་བ་རྣམ་སྲེག་ལས་བཏུས་པ་འདིར་བསྐྱེད་རིམ་གྱི་སྐོར་ཕལ་ཆེར་གསལ་ཡང་ཟབ་གསང་གི་གནད་འགའ་དངོས་བསྟན་ལ་

― KMC025_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཅིང་། སྒྲུབ་སྐོར་གྱི་ནང་ནས་ཀྱང་འཁྲུལ་སྡེབ་དཀའ་བའི་ཕྱིར་དམིགས་གནད་འགའ་ཞིག་བྲི་བ་ནི། ༈ སྤྱན་འདྲེན་གྱི་སྐབས་ཡེ་ཤེས་ཀྱི་འཁོར་ལོ་དང་། དཀྱིལ་འཁོར་པ་རྒྱལ་བ་སྲས་བཅས་ཀྱིས་བསྐོར་བ་ནམ་མཁར་སྤྱན་དྲངས་པ་ལ། རང་ཉིད་ཀྱིས་སྤྲུལ་པའི་མཆོད་ལྷས་མཆོད་པར་མོས་ནས་དམ་ཡེ་བསྲེ། ༈ དམ་བཞག་གི་སྐབས་དཀར་པོའི་འདོད་དོན་གསོལ། ༈ དབང་བསྐུར་རྒྱས་གདབ་ཀྱི་ཚེ། པཀྴིའི་ཟབ་ཆོས་ཀྱི་དགོངས་པ་བདག་མདུན་ཞལ་སྦྱོར་མཉམ་སྒྲུབ་ཀྱི་དབང་གིས་མདུན་བསྐྱེད་དངོས་བསྟན་ལྟར་ལས་བདག་བསྐྱེད་ཀྱི་རིགས་བདག་པཀྴི་རང་ལ་བཀའ་བརྒྱུད་ཀྱི་བླ་མས་བསྐོར་ཏེ་བཞུགས་པར་མོས་པ་དང་། དབང་ལྷ་རང་ཉིད་དང་དབྱེར་མེད་དུ་མོས། ༈ ཕྱག་གིས་བཀུར་བའི་སྐབས་རང་གི་ཐུགས་ཀ་ནས་ཧཱུཾ་དཔག་ཏུ་མེད་པ་འཕྲོས་གདུག་པ་ཅན་ཚར་བཅད་གཟི་བརྗིད་ནུས་པ་བསྡུས་པ་ཁྲོ་ཆུང་མང་པོར་གྱུར་ནས་བདག་མདུན་ལ་ཕྱག་འཚལ་བར་བསྒོམ། མཐར་རང་ལ་བསྡུས་པས་གཟི་འོད་འབར་བར་བསྒོམ།

― KMC025_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

༈ མཆོད་པའི་སྐབས་རང་ཉིད་ལས་མཆོད་ལྷ་སྤྲོབསྡུ་བྱ། ༈ ཚོགས་ཀྱི་སྐབས་ཀྱང་དེ་དང་མཚུངས། ༈ གཏོར་བསྔོས་ཀྱི་སྨན་རག་གཏོར་མ་རྣམས་ཕུལ་བའི་མཇུག་ཏུ་འདོད་དོན་རྒྱས་པར་གསོལ། ༈ ལྷ་མགྲོན་རྣམས་སྐད་ཅིག་གིས་སྤྱན་དྲངས་ཏེ་ཕུལ། ༈ བསྟོད་པའི་སྐབས་བླ་མ་ལ་ཡི་དམ་གྱིས། ཡི་དམ་ལ་ཆོས་སྐྱོང་གིས། ཆོས་སྐྱོང་གཙོ་བོ་ལ་འཁོར་རྣམས་ཀྱིས་བསྟོད་པར་བསམ། ༈ གསོལ་ཀའི་ཚེ་ཕ་རོལ་གྱི་ལྷ་སྲུང་དང་དྲེགས་བྱེད་རྣམས་ཀྱི་ནུས་མཐུ་མདུན་བསྐྱེད་ལ་བསྟིམ་པས་གཟི་བྱིན་ནུས་མཐུ་འབར་བར་བསམ། རང་ཉིད་ཀྱིས་བེར་ཅན་ཡབ་ཡུམ་ལ་འོད་ཀྱིས་བསྐུལ། དེས་ནོར་ལྷ་ལ་བསྐུལ་ནས་ནོར་སྒྲུབ་ཀྱི་དམིགས་པ་འདོད་ནའང་བྱ། ༈ བསྐང་བ་ནི་དམ་ཚིག་ཆག་ཉམས་བསྐང་བ་སྟེ། མཐར་མ་མགོན་རྡོར་སེམས་ཀྱི་ངོ་བོ་ཉིད་དུ་མོས་པའི་སྤྱི་བོར་ཨོཾ་དཀར་པོ་ལ་ཡིག་བརྒྱ་དཀར་པོས་བསྐོར་བ་མགྲིན་པར་ཨཱཿདམར་པོ་ལ་ཡིག་བརྒྱ་དམར་པོས་བསྐོར་བ། སྙིང་གར་ཧཱུཾ་མཐིང་ག་ལ་ཡིག་བརྒྱ་མཐིང་གས་

― KMC025_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར་བར་དམིགས་ནས། ཨོཾ་ས་མ་སོགས་བཟླས་པའི་མཐུས་དག་བྱེད་ཀྱི་བདུད་རྩི་བྱུང་། རང་གི་དམ་ཚིག་ཆག་ཉམས་བཀྲུས་ལུས་གང་བདེ་སྟོང་མི་ཕྱེད་པའི་དམ་ཚིག་བཟུང་བ་མོས། ཚེ་རབས་སྔོན་ནས་སོགས་གཟུངས་ཀྱང་བརྗོད་པ་གལ་ཆེ། ༈ བཟླས་རིམ་གྱི་ཚེ་ཐུགས་དམ་བསྐུལ་བའི་རྗེས་སུ་བཟླས་རིམ་གྱི་མན་ངག་མང་ཡང་ཨ་རཱ་གའི་ཟིན་བྲིས་ལྟར་དོ་ལིའི་བཟླས་པ་དང་སྦྱར་བའི་ཡན་ལག་བཞི་ལྡན་གྱིས་ཞལ་སྦྱོར་གསུང་སྙིང་བཟླ། ལས་སྦྱོར་གཙོ་བོའི་སྐབས་མདུན་བསྐྱེད་དམ་ལ་བཞག་པས་དྲག་པོའི་ལས་ལ་བསྐུལ་བས་ཤིན་ཏུ་ཁྲོས་པར་བསམ་ཞིང་མཐར་ཞལ་སྦྱོར་གྱི་ཤཱ་ས་ན་མང་དུ་བཟླས་པའི་ཚེ་བདག་མདུན་གྱི་ཐུགས་ཀ་ནས་འོད་ཟེར་མཐིང་ནག་འཚེར་ལ་རྩུབ་པ་འཕྲོས་པས་གདུག་པ་ཅན་མཐའ་དག་ཕྱེ་མར་བརླག་ཅིང་། ཁ་རྗེ་མཐུ་ནུས་ཚུར་བསྡུས་པས་དྲག་པོའི་ལས་ཀྱི་མཐུ་སྟོབས་ཅན་དུ་གྱུར་པར་བསྒོམ། སྲིད་གསུམ་ཟས་སུ་ཟོས་ཀྱང་ཆགས་ཐོགས་མེད་པའི་ཏིང་ངེ་འཛིན་བརྟེན་པོ་བྱ། ༈ ལས་འགྲིག་གི་ཚེ་

― KMC025_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་སྣོད་ཧོཾ་ཁུང་གི་ནང་དུ་གཏོར་མ་དམིགས་བྱ་འགོ་མཇུག་བཟློག་ནས་ཡོད་པའི་སྙིང་གར་ནྲྀ་སྔོ་ལྗང་གསལ་བར་བསྒོམ། བདེན་ཚིག་བརྗོད་པའི་དགུག་གཞུག་སྐབས། བླ་བླ་རྟགས་དང་། སྲོག་ནྲྀ་ཡིག །ལུས་དབྱིབས་བཅས་སྤྲུལ་པའི་ཚོགས་ཀྱིས་བཀུག་ནས་ཆར་པ་བབ་པ་བཞིན་གཏོར་མ་ལ་བསྟིམ་པས་དགྲ་བོ་དངོས་སུ་བསམ། བསྒྲལ་ལས་རྒྱས་པ་མ་ལྕོགས་ཀྱང་། བདག་མདུན་གྱི་ཞལ་ནས་དྲག་པོའི་སྔགས་ཀྱི་སྒྲ་བསྒྲགས་པས་གནམ་ལྕགས་ལྷུང་བ་ལྟ་བུའི་སྔགས་ཀྱི་ཆར་བབ་པས་དགྲ་བོའི་སྲོག་ཡིག་ནག་ཐུམ་ཐུམ་བསད་པར་བསྒོམས་ནས་བདུད་ཀྱི་ཤཱ་ས་ན་བརྗོད་ཅིང་། མདུན་བསྐྱེད་ཡབ་ཀྱི་གྲི་གུག་ལས་ཧཱུཾ་མཐིང་ནག །ཡུམ་གྱི་ཁ་ཊྭཱཾ་ག་ལས་ཛཿདམར་ནག་འཕྲོས། དམིགས་བྱའི་སྣ་བུག་དུ་ཧཱུཾ་ཞུགས། གསང་ལམ་ནས་ཛཿཞུགས། གཉིས་ཀ་སྙིང་ཁར་སླེབ་པས་སྟེང་མ་གནམ་ལྕགས་ཀྱི་གྲི་གུག་གི་ཙཀྲ་རྩིབས་དྲུག་པར་གྱུར། འོག་མ་ཟངས་ཀྱི་གྲི་གུག་གི་འཁོར་ལོར་གྱུར་པར་བསྒོམས་ནས། གཡས་སྟེང་

― KMC025_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་ འོག་ དུ་འཁོར་བས་ཏིལ་ཙམ་དུ་གཏུབས་པས་ཤ་ཡི་རི་བོ་ཁྲག་གི་རྒྱ་མཚོ་རུས་པའི་གྲམ་ཁྲོད་དུ་གྱུར་པ། བདུད་རྩིར་བྱིན་གྱིས་བརླབས་པ་དེ་མ་མགོན་འཁོར་བཅས་ཀྱིས་ཧབ་ཐོབས་སུ་གསོལ་བར་བསམ་སྟེ། ཡབ་ཡུམ་གྱི་བསྐུལ་ཆ་རེའི་མཚམས་སུ་རྦད་སྔགས་ལ་ཁཱ་ཧི་སྦྱར་བས་འབུལ་བ་དང་། དེ་བཞིན་དུ་ཛ་བརྡུང་ནས་འབྱུང་བའི་དྲག་པོའི་དམིགས་པ་རྣམས་རེས་མོས་སུ་བསྐུལ་ཆ་རེ་དང་རེ་རེ་སྦྱར། ཆ་མཚམས་རོལ་མོའི་འོག་ཏུ་སྔ་མ་ཨོཾ་ཨེ་ཨཱ་ར་ལིས་འབུལ། བསད་དམིགས་རྗེས་མའི་གཏོར་མ་བྱིན་རླབས་ཀྱི་ཕྱིར་བདུད་རྩི་གཏོར། འབྲུ་གསུམ་བརྗོད་པ་སོགས་འགྲེ། ༈ ལམ་སེལ་སྐབས་དགྲ་བོའི་ལུས་ངག་ཡིད་གསུམ་ལ་ལམ་ཤུལ་ཆེན་པོ་གཏོང་བར་བསྒོམ། ༈ དྲག་བསྐུལ་གྱི་ཚེ། གསོན་ཅིག་མ་ལ་བདག་ཉིད་ཀྱང་ཁྲོས་པའི་ཉམས་དང་། མདུན་བསྐྱེད་ཀྱང་ཤིན་ཏུ་ཁྲོས་པར་བསམ། གཏོར་མ་འཕེན་པ་ན། བདག་ཉིད་ཀྱིས་བསྐུལ་བའི་མདུན་བསྐྱེད་ལས་སྤྲོས་པ་ལས་ཀྱི་མགོན་པོ་མ་རུང་པ་རྡོ་རྗེ་ཕ་ལམ་གྱི་

― KMC025_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཅན་ཞིག་གིས་གཏོར་མ་ལྕགས་བསྲེགས་ཀྱི་གྲི་གུག་དམར་ལིང་ངེ་བའམ། དུག་དང་མཚོན་དང་ནད་ཀྱི་ཕུང་པོར་གྱུར་པ་ལག་གཡས་ཀྱིས་བཏེགས་ནས་གཟའ་རྒྱུག་པ་ ལས་ཀྱི་རྡོ་རྗེ་འདི་ལྟར་བསྐྱེད་ཀྱང་རུང་ བཞིན་སྐད་ཅིག་གིས་སོང་སྟེ། དགྲ་བོ་མི་ནོར་ལྷ་སྲུང་དང་བཅས་པར་བརྒྱབ་པས་ཐལ་བ་རྡུལ་ཕྲན་བཞིན་དུ་ལྷག་མ་མེད་པར་བཏང་བར་བསམ་ནས་དྲག་སྔགས་རྣམས་དང་ལོ་ཏྲི་པཱ་ལའི་ཡང་བཟློག་བྱ། སེང་གདོང་མའི་བཟློག་པ་སོགས་ཀྱང་བྱ། སླར་ལས་མཁན་དམག་རྒྱལ་བ་བཞིན་ཧཱ་ཧཱ་ཧཱི་ཧཱིའི་སྒྲ་སྒྲོགས་བཞིན་པར་ཚུར་ལོག་ནས་མདུན་བསྐྱེད་ལ་ཐིམ་པར་བསྒོམ། དཀྱིལ་འཁོར་གྱི་ཕྱི་རོལ་སྲུང་བའི་འཁོར་ལོ་གསལ་བས་གནོད་བྱེད་སླར་མི་འཇུག་པའི་ངེས་ཤེས་བརྟན་པོ་བསྒོམས་ཤིང་བགེགས་ལྷག་མ་གཏོར་བྲོ་བརྡུངས་ནས་མནན། ༈ རྗེས་ཆོག་གི་མཆོག་གི་གྲུབ་པ་ཡན་ལག་བཅས་དངོས་གྲུབ་བླང་བའི་དམིགས་པ་རྒྱས་པ་རྣམས་དང་། རང་ཉིད་ཀྱིས་སྤྲུལ་པའི་མཆོད་ལྷས་མཆོད་བསྟོད་གཏང་རག་རྒྱས་

― KMC025_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ་ཞིང་ཉེས་གྱུར་རྣམས་ཞེ་ཐག་པར་སྟོབས་བཞིའི་བཤགས་པ་དང་ཡིག་བརྒྱ་བགྲང་། བྱང་ཆུབ་ཀྱི་བར་དུ་བསྟན་སྲུང་དང་མི་འབྲལ་བར་བསྙེན་ནས་རྒྱལ་བའི་ཕྲིན་ལས་མཆོག་ལ་འཇུག་པའི་སྨོན་ལམ་གདབ། མདུན་བསྐྱེད་དཀྱིལ་འཁོར་གྱི་ཡེ་ཤེས་རྟེན་ལ་བཞུགས་སུ་གསོལ། དམ་ཚིག་པ་རྣམས་རང་གི་སྙིང་ཁར་བསྡུ། བདག་བསྐྱེད་ཀྱང་སྣོད་བཅུད་རྟེན་དང་བརྟེན་པར་བཅས་པ་ཧཱུཾ་ལ་བསྡུ། དེ་ཡང་ཡལ་བའི་གཉུག་མ་སྐྱོངས་ཤིང་མཐར་ཁྲོ་བོ་གཅེར་བུ་ཕྱག་གཉིས་པ་གྲི་ཐོད་ཐོགས་པ་ཞིག་ཏུ་ལོངས་ཏེ་སྣང་སྲིད་སྒྱུ་མ་ལྟ་བུའི་སྤྱོད་པས་ཕྲིན་ལས་རབ་འབྱམས་བསྒྲུབ་བར་བྱ་ཞིང་མཐར་བསྔོ་བ་སྨོན་ལམ་རྒྱས་པར་བྱའོ། །ཞེས་བེར་ཅན་གྱི་གཞུང་སྒྲུབ་ཐབས་ཀྱི་དངོས་བསྟན་གསལ་བའི་དམིགས་པ་རྣམས་དོར། ཤུགས་བསྟན་གོ་དཀའ་བ་དང་། མན་ངག་གནད་ཆེ་བ་རྣམས་རྒྱུན་ཁྱེར་དུས་གཏོར་ལ་གང་དགོས་མ་སྦས་པ་ཞལ་སྦྱོར་བདག་བསྒོམ་ལྟར་ཉུང་ངུར་བཀོད་པའི་ཉེས་ཚོགས་དམ་ཅན་རྒྱ་མཚོར་བཤགས་ཤིང་དགེ་བས་

― KMC025_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

ཀར་བསྟན་མཆོག་ཏུ་འབར་བར་གྱུར་ཅིག །བསྒྲུབ་པའི་དབང་གིས་མཆོག་བསྒྲུབ་དང་། བསྟན་དགྲ་བསྒྲལ་བ་སོགས་ཀྱི་གདམས་པ་རྒྱ་མཚོ་ལྟ་བུ་རྣམས་ནི་བླ་མའི་ཞལ་ལས་མཉན་པར་བྱའོ། །ཞེས་པ་སི་ཏུའི་མིང་ཅན་གྱིས། མཉན་པ་མཆོག་སྤྲུལ་རིན་པོ་ཆེར་གདམས་པར་བྱ་བའི་ཆོས་དེ་དམ་མེད་ལ་གསང་རྒྱ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གྲུབ་ཆེན་ཀརྨ་པཀྴིའི་མན་ངག་ཡི་གེ་མེད་པའི་སྙན་བརྒྱུད་མ་མགོན་ཞལ་སྦྱོར་སྒྲུབ་པའི་མན་ངག

― KMC025_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཆེན་ཀརྨ་པཀྴིའི་མན་ངག་ཡི་གེ་མེད་པའི་སྙན་བརྒྱུད་མ་མགོན་ཞལ་སྦྱོར་སྒྲུབ་པའི་མན་ངག་ཟིན་བྲིས་ངག་ཁྲིད་ཡོད། འདི་ལ་བསྐྱེད་རིམ་ལས་ཚོགས་རྫོགས་རིམ་མཆོག་སྒྲུབ་ཆ་ཚང་ལགས་སོ། །

― KMC025_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་མ་ཧཱ་ཀཱ་ལཱ་ཡ། དེ་ཡང་ནག་པོ་ཆེན་པོ་སྲོག་གི་འཁོར་ལོའི་རྒྱུད་ལས། དཔལ་ལྡན་མགོན་པོ་ནག་པོ་དང་། །ལྷ་མོ་ནག་མོ་གཉིས་སུ་མེད། །ཅེས་དང་། འཕགས་པ་རིན་ཆེན་དཔུང་རྒྱན་གྱི་རྒྱུད་ལས། གཡོན་དུ་འཁྲིལ་བ་ཡུམ་གྱི་ཚུལ། །རང་སེམས་དག་པ་ལྷ་ཡི་སྐུ། །རྣམ་པར་བསྒོམས་པས་འགྲུབ་པ་ཡིན། །ཞེས་དང་། དྲག་པོའི་ལྷ་རྒྱུད་གསང་བ་ཆེན་པོ་ལས། ཞལ་སྦྱོར་སྐུ་གསུང་ཐུགས་ཀྱི་སྔགས་གསུམ། ཞལ་སྦྱོར་སྔགས་རིང་དང་པར་ནག་རྒྱས་པར་གསུངས་པའི་རྒྱུད་དོན་དང་། ཌོམྦི་ཧེ་རུ་ཀ་

― KMC025_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མ་མགོན་གཉིས་ཀྱིས་ལུང་བསྟན་ནས་རྒྱུད་བཅོ་བརྒྱད་ཀྱི་དགོངས་པ་བསྡུས་ནས་མཛད་པའི་ཞལ་སྦྱོར་སྒྲུབ་ཐབས་ཀྱི་རྒྱ་གཞུང་དང་། སྙན་བརྒྱུད་རླུང་ཁྲིད་རྗེ་མར་པའི་སྙན་རྒྱུད་ལྷོ་བྲག་མགོན་པོའི་གཞུང་རྣམས་ཀྱི་དོན་གཅིག་ཏུ་བསྡུས་ཏེ་གྲུབ་ཆེན་པཀྴི་ཉིད་ཀྱི་ཞལ་གཟིགས་དང་བསྟུན་ནས་མཛད་པའི་གཞུང་འདི་རྩ་བ་ཡིན་ལ། དེ་ལ་རས་ཆེན་ལུགས་ཀྱི་མགོན་བོ་ཡབ་རྐྱང་གཙོ་བོ་དང་དུས་མཁྱེན་ལུགས་ཀྱི་ལྷ་མོ་ཡུམ་རྐྱང་གཙོ་བོ་རྣམས་ཆོ་ག་གཅིག་ཏུ་བསྡོམས་ནས་འཁོར་ལོ་བཞི་རིམ་དུ་བསྒོམ་པ་འདི་

― KMC025_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་མཁའ་སྤྱོད་པས་མཛད། དེ་ལ་མཚུར་ཕུ་འཇམ་དབྱངས་པས་དགག་པ་མཛད་ནའང་། རྗེ་མཁའ་སྤྱོད་པའི་གསང་བའི་རྣམ་ཐར་ལས། མདོ་རྒྱུད་མན་ངག་སྲིད་དོ་འཚལ་གྱི་དབང་ལུང་མན་ངག་རྒྱ་བོད་ཀྱི་གྲུབ་ཆེན་རྣམས་དང་། ཡི་དམ་གྱི་ལྷ་རྣམས་ལ་དངོས་ཉམས་རྨི་ལམ་དུ་ཞུས་པར་གསུངས་པས། རང་བཟོ་ཡིན་པར་མ་ངེས་ཤིང་རྗེ་མཐོང་བ་དོན་ལྡན་གྱིས་མཁའ་སྤྱོད་པའི་རྗེས་སུ་འབྲངས་ནས་མགོན་ཉོབ་མའི་ཆོ་ག་མཛད། དེ་ལ་མི་བསྐྱོད་ཞབས་ཀྱིས་ངེད་རང་གི་རྗེས་འཇུག་རྣམས་ཟ་འདོད་ལ་སློབ་གཉེར་མི་ནུས་པ་ཞིག་འདུག་པས་མགོན་པོ་འདི་ཉུང་ངུར་བསྡུ་བའི་ཆོ་ག་ཁྲིད་ཅིག་བྲིས་ཞེས་བཀའ་གནང་བ་ལ་བརྟེན་ནས་རྗེ་བཀོན་མཆོག་འབངས་ཀྱིས་ད་ལྟའི་བར་མཚན་གསུམ་འདི་མཛད་ནས་པར་དུ་འཁོད་པའོ། །འདོན་བྱའི་ཆོ་ག་གཅིག་འདི་ལ་རས་ཆེན་ལུགས་ལྟར་ཡབ་རྐྱང་སྒྲུབ་ལུགས། དུས་མཁྱེན་ལུགས་ལྟར་ཡུམ་རྐྱང་སྒྲུབ་ལུགས། ཀརྨ་པཀྴིའི་ཡབ་ཆོས་ལྟར་པར་ནག་སྒྲུབ་ལུགས། མར་པའི་ལུགས་ལྟར་རྩ་རླུང་

― KMC025_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་བྱ་ཐབས་སོགས་མི་གཅིག་པ་མཐའ་ཡས་ཏེ་རྗེ་དབང་ཕྱུག་རྡོ་རྗེས་མཛད་པའི་པར་བུའི་སྐོར་སོགས་པུསྟི། དཀོན་མཆོག་འབངས་ཀྱིས་དེ་རྣམས་ཕྱོགས་གཅིག་ཏུ་བསྒྲིགས་པའི་པུསྟི། སྔར་གྱི་ཡིག་རྙིང་ཚན་མི་འདྲ་བ་དུ་མ་ཞིག་ཁོ་བོས་མཐོང་ཞིང་། སི་ཏུ་ཆོས་ཀྱི་རྒྱལ་མཚན་པ་དང་དཔལ་ཁང་ལོ་ཙཱ་བས་བྱས་པའི་མ་མགོན་གྱི་ཆོས་འབྱུང་སོགས་དང་། མ་མགོན་གྱི་རྒྱུད་གླེགས་བམ་རབ་ཏུ་ཆེ་བ་གཉིས་སོགས་ལ་ལེགས་པར་རྟོག་དཔྱོད་བྱས་པས་ཐམས་ཅད་མ་ལུས་པ་ད་ལྟའི་པར་མ་འདི་ལ་ཚང་བར་སྣང་ཞིང་། དེ་ལའང་གཞན་དང་ཐུན་མོངས་མ་ཡིན་པ་གྲུབ་ཆེན་པཀྴིས་བཞེད་པའི་མན་ངག་འདི་ཤིན་ཏུ་ཟབ་པས་གཞུང་ན་རྩ་ཚིག་ཙམ་ཐོར་བུ་མ་གཏོགས་མེད་པས་སློབ་དཔོན་གྱི་ཞལ་ཁྲིད་ཁོ་ན་གལ་ཆེ་བས་འདི་ལྟར་རོ། །དེ་ཡང་དབེན་པའི་གནས་བྲག་ཕུག་སོགས་གཞུང་ལྟར་རམ་སྦྲ་གུར་ནང་དུ་ཡང་རུང་སྟེ། ས་སྟེགས་རྡུལ་ཚོན་བྲི་ན་ཀུན་རིག་ལྟར་ས་ཆོག་བསྡུས་པ་བྱ། རས་བྲིས་སམ་ཚོམ་བུ་ལ་མི་དགོས་

― KMC025_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། གཞི་གཙང་མའི་སྟེང་དུ་འབྲུ་ནག་གམ་ནས་ཀྱི་ཚོམ་བུ་ལྷ་གྲངས་སམ་དགུ་བཀོད་པའི་དབུས་སུ་མཉྫིའམ་ཤིང་བུའི་རྐང་གསུམ་པར་ཟངས་ལྕགས་ཀྱི་སྣོད་དུ་གཏོར་མ་ཟུར་གསུམ་ཆེ་བ་གཅིག་ལ་ཆུང་བ་བརྒྱད་ཀྱིས་བསྐོར། དེ་ལ་མར་སྣག་བྱུག །མར་གྱི་གྲི་ཐོད་ཁ་ཊྭཱཾ་མེ་རི་བྱ། འཁོར་བརྒྱད་ལ་མེ་རི་དང་ཤ་རྒྱན་བཙུག །ཡོད་ན་མགོན་པོ་ཡབ་ཡུམ་དང་ནག་པོ་ཡབ་ཡུམ་བཅུ་དྲུག་གི་ཙཀ་ལི་སོ་སོར་བཙུག །མེད་ནའང་གཙོ་བོ་ཡབ་ཡུམ་ཙཀ་ལི་བཙུག །མ་མགོན་གྱི་ཐང་སྐུ་ཡོད་ན་རྒྱབ་ངོས་ནས་ཚུར་བཤམས་ལ་ཙཀ་ལི་མི་དགོས། གཏོར་མ་དེ་ལ་དར་ནག་དུམ་བུའི་གདུགས་བྱ་ལ་བཙུག །དེ་དང་པོ་བྲན་ནས་གསོ་བྲན་མི་དགོས། མདུན་བསྐྱེད་ཀྱི་རྟེན་ཡིན་པས་མི་བསྒུལ་ཏེ་སྒྲུབ་ཚེའི་རྟེན་གཏོར་རོ། །དེའི་གཡས་སུ་བདུད་རྩི། གཡོན་དུ་རཀྟ། མདུན་དུ་མ་མགོན་གྱི་རྒྱུན་གཏོར་གཞུང་ལྟར་རོ། །དེ་ནམ་འདོན་དུས་གསོ་བྲན་བྱ། གཡས་གཡོན་གང་བདེར་བསྐང་གཏོར་དང་གསོལ་ཁའི་གཏོར་མ། དེ་རྣམས་ཀྱི་མཐར་ཤར་དུ་ཁྲག་གི་

― KMC025_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་ཡོན། ཤར་ལྷོར་ཞབས་བསིལ་དུག་ཆུ། ལྷོར་དབང་པོ་ལྔའི་མེ་ཏོག །ལྷོ་ནུབ་ཏུ་སྤོས་ནི་གུ་གུལ་ཚིལ་དུམ། ནུབ་ཏུ་ཚིལ་དང་རྐང་གི་མར་མེ། ནུབ་བྱང་དུ་ཁྲག་ཞག་འདྲེས་པའི་དྲི་ཆབ། བྱང་དུ་ལྷ་བཤོས་ནག་པོ་ཟུར་གསུམ། བྱང་ཤར་དུ་ཐོད་རྔའམ་རྐང་དུང་རྣམས་བཀོད་དེ། དེ་རྣམས་ཉིན་རེ་ཁ་གསོ་བ་མ་གཏོགས་མི་བརྗེ། ལོགས་སུ་གཏོར་ཁང་དུ་མ་མགོན་གཉིས་མ་གཏོགས་པའི་རང་གི་ཕུག་གཏོར་བླ་མ་ཡི་དམ་མཁའ་འགྲོ་ཆོས་སྐྱོང་སོགས་སྤྱི་ལྟར་དང་། སྔོན་འགྲོ་དཀར་བགེགས་བཅས། རང་ཁོ་ན་ལས་རོག་མེད་ན་གཏོར་གསོས་ཐེབ་ཀྱུ་མང་པོ། །ཚོགས་ཆུང་། ཐུན་གཏོར་སོགས་མང་པོ་བྱ་སྟེ་མཚམས་མ་གྲོལ་བར་ལག་པ་བཀྲུ་མི་རུང་བས་སོ། །རང་གི་གདན་བསྒུལ་མི་རུང་བས་ལེགས་པར་མལ་ས་བཅའ། རྣམ་འཇོམས་ཀྱིས་སྔགས་པའི་གཟུངས་ཆུས་རང་ཁྲུས་བྱ། གནས་ཁང་ལ་གཏོར་ལ་གྲིབ་བསལ། རང་དང་གོས་གདན་སྤོས་རུམ་བྱ། སྒོ་རྩར་ཐོ་བརྩིགས་ལ། དེ་ལ་གཞི་བདག་དཀར་གཏོར་ཕུལ་ནས་

― KMC025_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་པ་འདི་མཐར་མ་ཕྱིན་བར་ཕྱིའི་བར་ཆད་ནང་དུ་མ་བཏང་ཞིག །ནང་གི་དངོས་གྲུབ་ཕྱིར་མ་བཏང་ཞིག །ཁྱེད་གཞི་བདག་རྣམས་ལ་གཟི་བརྗིད་སྟོན་པ་མ་ཡིན་པས་མ་སྐྲག་མ་སྡངས་པར་རོག་གྱིས་ཤིག །ཅེས་བརྗོད། བགེགས་གཏོར་གང་ཞིག་མཚན་མོར་རྒྱུ་བ་ཞེས་སོགས་ཀྱི་ཀུན་རིག་ལྟར་བསྔོས་ལ་བདེན་སྟོབས་བརྗོད་ལ་གནོད་འཚེ་མ་བྱེད་གཞན་དུ་དེངས་བརྗོད། ཆོས་རྣམས་ཐམས་ཅད་རྒྱུ་ལས་བྱུང་སོགས་ཆོས་བཤད། སུམྦྷ་ནི་དྲག་ཏུ་བརྗོད་ཅིང་ཁྱིམ་ནང་རྡོ་ཐུན་ནམ་ཡུངས་ཀར་བྲབ་གུ་གུལ་བདུག་སྲུང་འཁོར་བསྒོམ། །དེ་ནས་བཟུང་སྟེ་མི་དང་ངོ་མི་གཏུགས་པར་ངག་དམ་དུ་བཅད། དེ་ནས་ཕག་མོའི་བདག་བསྐྱེད་འདོན་པའམ་མི་འདོན་ན་ཡང་བདུད་རྩི་བྱིན་རླབས་དེ་ནི་བྱ། བདག་བསྐྱེད་བྱས་ན་ཐུན་བསྡུ། འདི་ལ་གོང་ནོན་ཡེ་ཤེས་པ་གཞན་མི་དགོས། བླ་མ་མགོན་པོ་དབྱེར་མེད་ཡིན་གསུངས། འདི་ནི་རྙིང་མའི་ལུགས་པཀྴིའི་ཡབ་ཆོས་ཡིན་པས་བདག་མདུན་སོ་སོར་འདོན་མི་དགོས། མངོན་རྟོགས་ཚར་གཅིག་གིས་

― KMC025_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མགོན་པོ་ལ་ལྷ་མོས་ཚུར་འཁྱུག་པ་བསྒོམ། མདུན་གྱི་གཏོར་མ་ལྷ་མོ་ལ་མགོན་པོས་ཕར་འཁྱུད་པར་བསྒོམ་པ་ནི་ཁྱད་པར་རོ། །མངོན་རྟོགས་རྒྱས་བསྡུས་ཅི་རིགས་འདོན་ཆོག །སྤྱན་འདྲེན་དུས་ཡེ་ཤེས་པ་གྲངས་མེད་པ་སྤྱན་དྲངས་ནས་བདག་མདུན་སོ་སོ་ལ་ཐིམ་པར་བསྒོམ། དམིགས་པ་མ་ཟིན་པར་སྤྱན་འདྲེན་སྔགས་བརྗོད། དབང་བསྐུར་རྒྱས་གདབ་དུས་བདག་གི་སྤྱི་བོར་ཀརྨ་པཀྴི་དང་སྙིང་ཁར་མགོན་པོའི་ཧཱུྃ་གི་སྟེང་དུ་རང་གི་ཡི་དམ་གང་ཡིན་པའི་སྐུ་སོར་བཞི་ཙམ་ཞིག་བསྒོམ། མཆོད་བསྟོད་འདོན་ཚེ་རང་གི་ཐུགས་ཀ་ནས་སྤྲུལ་པའི་མཆོད་པའི་ལྷ་མོ་བྱེ་བ་དུང་ཕྱུར་སོགས་འཕྲོས་ནས་བདག་མདུན་སོ་སོ་ལ་མཆོད་ཅིང་བསྟོད་པ་བྱེད་པར་བསྒོམ། སྔ་དྲོའམ་ཞོག་པ། ཉིན་ཕྱེད། དགོང་མོ། མཚན་མོ་དང་ཐུན་བཞིར་མཚལ་མ་བྱེད་ནས་ཚར་བཞི་དགོས་ཀྱང་ཡོངས་རྫོགས་ཚར་བཞི་བྱས་ན་སྔགས་མི་འགྲོ་བས། སྔ་དྲོའི་ཐུན་ལ་བསྟོད་པ་ཡན་འདོན། དེ་ནས་བསྙེན་པ་བྱ། ཐུན་མཇུག་ཏུ་གཏོར་ཆུང་གཅིག་

― KMC025_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འགུགས་གཞུག་དང་བྱང་ཕྱོགས་དུར་ཁྲོད་མ་ཡབ་ཡུམ་འདོན་ལ་དཀྱིལ་འཁོར་དྲུང་དུ་ཡར་ཕུལ་ལ་བཞག །ཟློག་པ་མི་དགོས། ཉིན་ཕྱེད་ཐུན་ལ་གསོལ་ཀ་ཚར་གཅིག །དེ་ནས་བསྙེན་པ་བྱ། ཐུན་མཇུག་ཏུ་རྟགས་བསྟོད་ཡབ་ཡུམ་གྱིས་ཐུན་གཏོར་ཡར་ཕུལ། དགོང་ཀའི་ཐུན་ལ་བསྐང་བ་ནས་བདག་སྒྲུབ་མ་དང་། སྔགས་རིང་ཚར་གཅིག་མཆོད་ཚུལ་དུ་བྱ། དེ་ནས་བསྙེན་པ་བྱ། ཐུན་མཇུག་ཏུ་འདས་དང་མ་བྱོན་ད་ལྟར་གྱི་སོགས་ཡབ་ཡུམ་སྐུ་ལ་དེས་ཐུན་གཏོར་འབུལ། ཐུན་མཚམས་དེར་ཡི་དམ་གཞན་གྱི་མངོན་རྟོགས་ཆགས་མེད་ཡོད་ན་འདོན། དཔའ་བོ་རྣམ་རོལ་དམ་ཅན་སོགས་ཆོས་སྐྱོང་གསར་རྙིང་གང་དགོས། ཟབ་མདོ་སེང་གདོང་མའི་ཟློག་པ་བྱ། མུན་རུབ་ནས་ཡང་མགོན་པོའི་མངོན་རྟོགས་རྒྱས་བསྡུས་གཉིས་གང་ལྕོགས་ནས་བསྟོད་པ་ཡན་འདོན། དེ་ནས་གཉིད་མ་རན་བར་བསྙེན། དེ་ནས་གང་ཞིག་བླ་མ་ལ་སྨོད་ཆོས་ལ་སྡང་ཞེས་ཡབ་ཡུམ་སྐུ་ལ་དེས་ཐུན་གཏོར་འབུལ། རྗེས་ཆོག་དངོས་གྲུབ་ལེན་ཆོག་སོགས་མཚམས་

― KMC025_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་ནུབ་བར་མི་བྱ། བདག་མདུན་བསྐྱེད་རིམ་མི་བསྡུ་གཤེགས་གསོལ་མི་བྱ་བ་དེ་ཀར་གཉིད་དོ། །དེ་ནི་རྙིང་མའི་ལུགས་སོ། །གནད་ཀྱི་མན་ངག་གྲུབ་ཆེན་ཀརྨ་པའི་ཁྱད་ཆོས་བསྲེ་བ་སྐོར་གསུམ་གྱི་རྩ་བ། རང་ཉིད་མགོན་པོ་དང་མདུན་བསྐྱེད་མགོན་པོའི་ཐུགས་ཀར་ཟླ་བའི་སྟེང་དུ་ཧཱུྃ་མཐིང་ནག་ལངས་ཏེ་གནས་པའི་མཐར་ཡི་གེའི་ངོ་ཕྱིར་ལྟ་བ་གཡོན་དུ་བཀོད་དེ། ཨོཾ་ཤྲཱི་མ་ཧཱ་ཀཱ་ལ་ཧཱུྃ་ཛཿ ཞེས་བཀོད་པ་དང་། བདག་མདུན་ལྷ་མོའི་ཐུགས་ཀར་ཉི་མའི་སྟེང་དུ་བྷྱོ་སྔོན་པོ་ལ་ཡིག་ངོ་ནང་བསྟན་ལ་གཡས་སྐོར་དུ། ཨོཾ་ཡཀྵ་བེ་ཏཱ་ལི་ཧཱུྃ་ཛཿ ཞེས་བཀོད། དང་པོ་ཡི་གེ་དེ་ཀློག་པའི་ཚུལ་དུ་ཕྲེང་སྐོར་ཙམ། ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི་ཧཱུྃ་ཛཿ བཟླ་བ་བསྙེན་པ་དང་། དེ་ནས་མགོན་པོའི་སྔགས་གཡས་དང་། ལྷ་མོའི་སྔགས་གཡོན་དུ་དང་པོ་དལ་བུས་འཁོར། དེ་ནས་ཇེ་བྲེལ་དང་། དེ་ནས་དྲག་ཏུ་འཁོར་བར་དམིགས་ལ་སྟོང་ཙམ་བཟླས་པ་ཉེ་བསྙེན། དེ་ནས་སྔགས་འཁོར་བཞིན་པ་དེ་ལས་འོད་ཟེར་ཁ་དོག་སྣ་ཚོགས་ཕྱོགས་

― KMC025_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུར་འཕྲོས་པས། ནམ་མཁའ་མཐར་ཐུག་པའི་ཞིང་ཁམས་རབ་འབྱམས་ན་བཞུགས་པའི་བླ་མ་རིག་འཛིན་གྲུབ་ཐོབ་སངས་རྒྱས་བྱང་སེམས་ཡི་དམ་ལྷ་ཚོགས། ཡེ་ཤེས་ཀྱི་ཆོས་སྐྱོང་ཕོ་རྒྱུད་མོ་རྒྱུད་ཐམས་ཅད་ལ་འོད་ཟེར་དེས་མཆོད་པས་སྐུ་གསུང་ཐུགས་བདེ་བ་ཆེན་པོས་མཉེས་ནས་དེ་ཐམས་ཅད་མ་མགོན་ཡབ་ཡུམ་གྱི་སྐུ་ཆེ་ཆུང་སྣ་ཚོགས་པ་སྟེང་འོག་ཕྱོགས་མཚམས་ཐམས་ཅད་ནས་ཆར་ལྟར་དུ་བབས་ནས་རང་དང་མདུན་བསྐྱེད་ལ་སིབ་སིལ་ཐིམ་པར་བསྒོམ་པ་ནི་རྩ་བ་ཡིན་པས་སྟོང་ཕྲག་ཙམ་བཟླ་བ་སྒྲུབ་པ་ཡིན་ནོ། །དེ་ནས་རང་མགོན་པོའི་ཐུགས་ཀར་སྔགས་འཁོར་བཞིན་པ་ལས་འོད་ཟེར་ཁ་དོག་ལྔ་ལྡན་ཧཱུྃ་གི་རྩེ་ནས་ཐོན་རང་གི་ཞལ་ནས་འཕྲོས་པས་དེ་དུམ་བུ་གཉིས་སྟོང་སྐུད་རྐྱ་ཕྱེས་པ་ལྟར་གྱུར་ནས་མདུན་གྱི་མ་མགོན་གཉིས་ཀའི་ཞལ་དུ་སོ་སོར་ཞུགས། ཐུགས་ཀའི་སྔགས་ཕྲེང་ལ་ཐིམ་པས་སྔོན་གྱི་དམ་བཅས་ཐུགས་དམ་རྗེས་སུ་དྲན་པས་སྔགས་འཁོར་ཡང་སྔོན་ལས་མགྱོགས་པར་དྲག་ཏུ་འཁོར་བས་ཐུགས་ཀྱི་

― KMC025_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་བསྐུལ་ཏེ། ཧཱུྃ་དང་བྷྱོའི་འོག་ནས་འོད་ཟེར་དེ་ཐོན་ནས་ཡབ་ཡུམ་སྦྱོར་མཚམས་ནས་ཚུར་བྱུང་ནས་འོད་ཟེར་གཉིས་གཅིག་ཏུ་གྱུར་ཏེ་རང་ཡབ་ཡུམ་སྦྱོར་མཚམས་ནས་རང་མགོན་པོའི་གསང་བའི་རྡོ་རྗེའི་སྦུ་གུ་ནས་ཡར་བྱོན་ཏེ་ཐུགས་ཀའི་ཧཱུྃ་ལ་ཐིམ་པས་མཆོག་ཐུན་མོང་གི་དངོས་གྲུབ་ཐོབ་པར་བསྒོམ་སྟེ། དེ་ཡང་དང་པོ་ནི་འོད་ཟེར་དང་། དེ་ནས་འོད་ཟེར་དེ་ཡང་བཟླ་བྱའི་སྔགས་ཕྲེང་དུ་གྱུར་ནས་རྒྱུན་ཆད་མེད་པར་འཁོར་བར་བསྒོམ་ཞིང་བཟླས་པ་སྟོང་ཙམ་བྱ་བ་སྒྲུབ་པ་ཆེན་པོ་ཡིན་ནོ། །དེ་ལ་གོམ་ནས་བདག་མདུན་བར་དུ་ཕར་འཕྲོ་ཚེ་སྔགས་ཕྲེང་དེ་ལས་འོད་ཟེར་ཁ་དོག་སྣ་ཚོགས་མཐིང་ཁ་ཤས་ཆེ་ཕྱོགས་བཅུར་འཕྲོས་པས་སངས་རྒྱས་བྱང་སེམས་ཡི་དམ་ཆོས་སྐྱོང་གི་བྱིན་རླབས་ཐམས་ཅད་འོད་ཟེར་དེ་ལ་ཐིམ་པ་དང་། ཚུར་འཕྲོ་ཚེ་འོད་ཟེར་འཕྲོས་པས་ལྷ་འདྲེ་མི་གསུམ་གྱི་ཚེ་བསོད་ལོངས་སྤྱོད་དངོས་གྲུབ་ཐམས་ཅད་བསྡུས་ཏེ་འོད་ཟེར་དེ་སྔགས་ཕྲེང་ལ་ཐིམ་པས་རང་ལ་ཞུགས་ཏེ་དངོས་གྲུབ་ཐམས་ཅད་ཐོབ་

― KMC025_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསྒོམ་མོ། །དམིགས་པ་དེ་ཐམས་ཅད་ཐུན་རེ་རེ་ལ་རྫོགས་པར་བྱ་རྒྱུ་ཡིན་ནའང་། མ་ཟིན་ན་ཐུན་བཞི་ལ་སོ་སོར་དམིགས་པ་རེ་རེ་ཨུ་ཚུགས་བྱས་ལ་ཞག་གཅིག་ལ་ཚང་བར་བྱས་ཀྱང་རུང་ལ། དེ་ལྟར་བསྙེན་སྒྲུབ་དམིགས་པ་དེ་རྣམས་ཞག་བདུན་ཡིན་ན་ཞག་བཞི་ཙམ་བསྒོམ། བདུན་གསུམ་སྒྲུབ་ན་བདུན་གཉིས་ལ་བསྒོམ། ཟླ་གཅིག་སྒྲུབ་ན་བདུན་གསུམ་ལ་བསྒོམ་མོ། །དེ་ནས་ལས་སྦྱོར་དམིགས་པ་ནི། གཞན་རྣམས་གོང་ལྟར་བསྒོམ་ཞིང་ཕྲེང་སྐོར་རེ་ཙམ་བསྙེན་པ་བྱས་ནས། རང་གི་ཞལ་ནས་སྔགས་ཕྲེང་དཀར་བོ་མུ་ཏིག་གི་ཕྲེང་བ་ལྟར་འཁོར་བ་ལས་འོད་ཟེར་དཀར་པོ་འཕྲོས་པས་ཞི་བའི་ལྷ་ཐམས་ཅད་ཀྱི་བྱིན་རླབས་བསྡུས་ཏེ་མདུན་གྱི་མ་མགོན་གྱི་ཞལ་དུ་ཞུགས། ཞི་བའི་མཆོད་པར་གྱུར་ནས་ཐུགས་ཤིན་ཏུ་དགྱེས། ཐུགས་ཀར་ཐིམ་པས་ཞི་བའི་ཕྲིན་ལས་བཅོལ་བར་མི་བསྙེལ་བར་ཐུགས་དགོངས་གཏད། ཐུགས་ཀའི་སྔགས་ཕྲེང་ལས་ཞི་བའི་དངོས་གྲུབ་སྔགས་ཕྲེང་དཀར་པོ་ཚུར་བྱོན་པ་ལས་འོད་ཟེར་ཟླ་བ་ཤར་བ་ལྟ་

― KMC025_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

བུས་རང་དང་བསྲུང་བྱ་ཐམས་ཅད་ཀྱི་ནད་གདོན་བར་ཆད་འཇིགས་པ་བརྒྱད་དང་བཅུ་དྲུག་ཐམས་ཅད་བ་མོ་ལ་ཉི་ཟེར་ཕོག་པ་ལྟར་ཞི། སྔགས་ཕྲེང་རང་ལ་ཐིམ་པས་རང་གི་སྡིག་སྒྲིབ་ཉོན་མོངས་ཐམས་ཅད་ཞི་བར་བསྒོམ། དེ་ནི་སྔ་དྲོའི་དམིགས་པའོ། །ཉི་དྲོས་ནས་ཕྱེད་ཡོལ་བར་སྔགས་ཕྲེང་འོད་ཟེར་སེར་པོའི་འཕྲོ་འདུས་རྒྱས་པའི་ལྷ་ཚེ་དཔག་མེད་ཛམ་བྷ་ལ་སོགས་ཀྱི་བྱིན་རླབས་བསྡུ་བ་དང་། རང་དང་བསྲུང་བྱའི་ཚེ་བསོད་ནམས་ཟླ་བ་ཡར་ངོ་ལྟར་རྒྱས་པར་བསྒོམ་པ་སོགས་གོང་གི་རིགས་འགྲེ། དགོང་ཀ་ནས་ཉི་ཐལ་བར་སྔགས་ཕྲེང་འོད་ཟེར་དམར་པོའི་འཕྲོ་འདུས་ཀུ་རུ་ཀུལླེ་སོགས་དབང་གི་ལྷའི་བྱིན་རླབས་བསྡུ་བ་དང་། རྒྱལ་བློན་འབངས་འཁོར་ཡུལ་ཁམས་སྣང་སྲིད་ཐམས་ཅད་ཤ་རུལ་ལ་སྦྲང་མ་འདུ་བ་ལྟར་དབང་དུ་བསྡུ་བ་བསྒོམ་པ་དང་། མུན་རུབ་ཉལ་ཁ་ཚུན་སྔགས་ཕྲེང་མཐིང་ནག་འོད་ཟེར་ནག་པོ་ཚ་ལ་རྩུབ་པས་དྲག་པོའི་ལྷ་རྣམས་ཀྱི་ཐུགས་རྒྱུད་བསྐུལ་བྱིན་རླབས་བསྡུ་བ་དང་། གནོད་བྱེད་ཐམས་

― KMC025_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་མེ་ལྕེ་ཁའི་སྦྲང་མ་ལྟར་ཚར་བཅད། རང་གི་ཉོན་མོངས་པ་བདུད་བཞི་ཚར་བཅད་པར་བསྒོམ་པ་ནི་ལས་སྦྱོར་དམིགས་པའོ། །དེ་ལ་སྔགས་ཕྲེང་རེ་རེའི་མཐར་ཤམ་བུ་རེ་རེ་སྦྱར་ཏེ། ཞི་བ་ལ་ནད་གདོན་བར་ཆད་སརྦ་ཤཱནྟིཾ་ཀུ་རུ་སྭཱ་ཧཱ། རྒྱས་པ་ལ་ཚེ་བསོད་དཔལ་འབྱོར་པུཥྚིཾ་ཀུ་རུ་སྭཱ་ཧཱ། དབང་ལ་ཁམས་གསུམ་སྲིད་གསུམ་བ་ཤཾ་ཀུ་རུ་སྭཱ་ཧཱ། དྲག་པོ་ལ་གནོད་བྱེད་དགྲ་བགེགས་མཱ་ར་ཡ་ཕཊ། ཅེས་སྦྱར་རོ། །ཞག་བདུན་བསྒྲུབ་ན་དེ་ལ་ཞག་གསུམ། བདུན་གསུམ་བྱེད་ན་བདུན་གཅིག །ཟླ་གཅིག་བྱེད་ན་ཞག་དགུ་ཙམ་སྟེ་ཁྲིག་ཁྲིག་ནི་མེད། ཡང་ལས་སྦྱོར་གང་རུང་རེ་རེ་འམ་བཞི་ཀ་ལ་རྟགས་མ་ཐོན་བར་དུའམ། ཞག་གསུམ་མམ་བདུན་ཙམ་བྱས་ན་ནི་ཕྱི་རྟགས་ནང་རྟགས་གསལ་པོ་འབྱུང་ངོ་། དེ་ལ་རྟགས་ནི། བསྙེན་པའི་རྟགས། བསྒྲུབ་པའི་རྟགས། ལས་སྦྱོར་རྟགས་ཏེ། རང་དབང་པོ་རབ་འབྲིང་ཐ་མའི་བྱེ་བྲག་གིས་དངོས་ཉམས་རྨི་ལམ་དུ་རྟགས་འབྱུང་ཏེ། ཞལ་མཐོང་བ། གསུང་ཐོས་ཤིང་ལུང་སྟོན་པ། དབང་བསྐུར་

― KMC025_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་གསུངས་པ་སོགས་ནི་སྤྱིར་བཤད་ལ། བྱེ་བྲག་རྨི་ལམ་དུ་རང་གི་སློབ་དཔོན་ནམ་ཆོས་གྲོགས་དམ་ཚིག་གཅིག་པ། མི་ནག །རྟ་ནག །གཡག་ནག །བྱ་ནག །ཁྱི་ནག །འོད་དང་འཚུབས་མ་ནག་པོ། སྤྲིན་ནག་འབྲུག་སྒྲ། བུད་མེད་རྒྱན་ཅན་རལ་པ་ཅན། མ་དང་སྲིང་མོ། བུད་མེད་ཀྱི་ཁྲོམ་ཚོགས་འདུ་བ། གཡུ་དང་རལ་གྲི་ནེའུ་ལེ། རྨ་བྱའམ་སྒྲོ། ཁྲག་གི་མཚོ། དུག་སྦྲུལ་རླུང་ཐོག །དྲེའུ་བོང་བུ་རྣམས་བསྙེན་པའི་རྟགས་སོ། །བྱ་བྲལ་སྤྲང་དབྱུག་ཐོགས་པ། བུད་མེད་སྤྲང་མོ་བྱུང་ན་གཏོར་མ་ཆུང་རྟགས་ཏེ་ཇེ་བཟང་དུ་བྱ། རང་སྙིང་མ་དགའ་བའམ་ཚིག་པ་ཟ། བུད་མེད་ཡུགས་ས་མ་དང་། ཁྲོ་བ་དང་། བྱ་ནག་ཁྱི་ནག་གཡག་ནག་མི་ནག་རང་ལ་འཐབ་པ་དང་། བྱིང་རྨུགས་འཐིབས་པ་དང་། ནད་རྙིང་སོགས་ལུས་མི་བདེ་བ་བྱུང་ན་དམ་ཚིག་ལ་སྐྱོན་ཡོད་རྟགས་ཡིན་པས་བསྐང་བ་ཅི་མང་འདོན། བདག་མདུན་སྤྱི་བོར་རྡོར་སེམས་བསྒོམ་པ་ལས་བདུད་རྩིའི་རྒྱུན་བབ་ཉམས་ཆགས་དག་པར་བསྒོམ་ལ་དམ་ཚིག་ཉམས་ཆགས་

― KMC025_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པའི་སྔགས། ཨོཾ་ས་མ་ཡ། ཨཱཿས་མ་ཡ། ཧཱུྃ་ས་མ་ཡ། ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི་ཧཱུྃ་ཛཿ ཨོཾ་བཛྲ་ས་ཏྭ་ས་མ་ཡ་སོགས་ཡིག་བརྒྱ་ཚར་བདུན་ནམ་ཅི་ལྕོགས་བཟླས་སོ། །སེར་ཉོབ་དང་ལྷ་ཁང་དཔེ་རུལ་བན་དེ་དམ་ཉམས་རིགས་སོགས་གཞན་ཡང་གདོན་རྟགས་དང་། དམ་སྲིའི་རིགས་སོགས་བར་ཆད་རྟགས་དང་བློ་མི་བདེ་བ་སོགས་བྱུང་ན། རང་ཉིད་མགོན་པོའི་ཕྲག་གོང་གཉིས་སུ་བྱ་རོག་ནག་ལ་དམར་བའི་མདངས་ཅན་གཉིས་བསྒོམ། དེ་ལས་བྱ་རོག་ཆེན་པོ་འབྲོང་གཡག་ཙམ་པ་དཔག་ཏུ་མེད་པ་འཕྲོས། གཤོག་སྒྲ་འབྲུག་ལྟར་ཚེག་སྒྲ་འུར་སྒྲ་དང་བཅས་ཏེ་ནམ་མཁའ་བར་སྣང་གང་སྟེ། རང་དང་བསྲུང་བྱ་ལ་གནོད་པར་བྱེད་པའི་དགྲ་བགེགས་འབྱུང་པོ་ཐམས་ཅད་བྱ་དང་བྱིའུས་འབུ་སྲིན་བཏུས་པ་ལྟར་ཐམས་ཅད་ཟོས་ནས་གཅིག་ཀྱང་མེད་པར་བྱས་ནས། ཐམས་ཅད་ཚུར་འདུས་བྱ་རོག་གཅིག་ཏུ་གྱུར་པ་འོད་དུ་ཞུ་ནས་རང་མགོན་པོའི་ཐུགས་ཀར་ཐིམ་པར་བསྒོམ་ཞིང་རྩ་སྔགས་གཤམ་དུ། གནོད་བྱེད་འབྱུང་པོ་ཨུཙྪ་ཏ་

― KMC025_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་ཕཊ། ཅེས་ཕྲེང་སྐོར་ཙམ་བཟླས་པས་གེགས་སེལ་ལོ། །འདི་བསྒྲུབ་དུས་མིན་ཀྱང་རུང་ངོ་། །དེ་ནས་སྐུ་ཡི་རྟགས་ཞལ་མཐོང་བ། ཐང་སྐུ་རྙེད་པ། གསུང་གི་རྟགས་སྔགས་སྒྲ་སྒྲོགས་པ། སྐུ་མ་མཐོང་ཡང་གསུང་ལུང་བསྟན་གྱི་སྒྲ་ཐོས་པ། རྒྱུད་དང་སྒྲུབ་ཐབས་ཀྱི་དཔེ་ལེགས་པོ་རྙེད་པ། ནམ་མཁའ་ལ་ཡིག་འབྲུ་མཐོང་བ། ཐུགས་ཀྱི་རྟགས་མ་མགོན་གྱི་ཕྱག་ཆ་རྡོར་དྲིལ་ཌཱ་མ་རུ་སོགས་རྙེད་པའོ། །མི་ནག་ཕ་ཁུ་ཞང་བློན་དཔོན་རིགས་ཆས་བཟང་བ་བཀའ་ལ་ཉན་པ། དགའ་ཞིང་འོང་བ། བུད་མེད་མ་སྲུ་བག་མ་རྒྱན་ཅན་གྱིས་དངོས་གྲུབ་ཀྱི་རྫས་སྟེར་བ། རང་གི་ཆུང་མའི་ཚུལ་དུ་སྟོན་པ། རང་གྱེན་དུ་འགྲོ་བ། ནམ་ལངས་པ། ཉི་ཟླ་ཤར་བ། ནམ་མཁའ་ལ་འཕུར་བ། རི་མཐོན་རྩེར་ཕྱིན་པ། དར་ཕྱར་བ། དུང་འབུངས། རོལ་མོ་སྒྲོགས་པས་སྐད་སྙན་པོ་དང་ཆེ་བ་འབྱུང་བ་སོགས་ནི་སྒྲུབ་པའི་རྟགས་སོ། །བཅོས་མིན་གྱི་མོས་གུས་དང་། བདེ་གསལ་མི་རྟོག་པའི་ཏིང་ངེ་འཛིན་བརྟན་པོ་དང་རང་སེམས་ངོ་བོ་རྗེན་པ་

― KMC025_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་། མ་མགོན་དང་རང་སེམས་དབྱེར་མེད་རྟོགས་པ་ནི་མཆོག་གི་རྟགས་སོ། །དེ་ལྟར་རྟགས་རེ་རེའམ་འགའ་ཟུང་ཐོན་པ་རྟགས་ཀྱི་བསྙེན་པ་དང་། དུས་ནི་ཞག་བདུན་ཚར་ཡིན། དེ་ཡན་བདུན་གཉིས་བདུན་གསུམ་ཟླ་གཅིག་སོགས་དུས་བསྙེན་དང་། གྲངས་ནི། འབྲུ་འབུམ་སྟེ་འབུམ་ཕྲག་བཅུ་གསུམ་འམ། བདུན་འབུམ་ཉི་ཁྲིའམ། ཐ་ན་སུམ་འབུམ་གྱིས་ཀྱང་འགྲུབ་བོ། །དེ་ལྟར་སྒྲུབ་པའི་རྩ་ཚིག་ནི། རིན་པོ་ཆེ་ཀརྨ་པས། མ་མགོན་སྐུ་བྲིས་ཤིང་གཏོར་མ་ལ་བཙུགས་ཏེ་ཞག་བདུན་གྱི་བར་དུ་བསྟོད་བསྐུལ་ཕྲིན་ལས་གཞུང་བཞིན་བྱས་ན། མ་མགོན་ལུས་དང་གྲིབ་མ་བཞིན་འགྲོགས་ཤིང་ཕྱི་མའི་མུ་མཐར་ཐུག་གི་བར་དུ་བསྟན་པ་རིན་པོ་ཆེ་བསྲུང་བར་འགྱུར་རོ། །ཞེས་དང་། མ་མགོན་ཡབ་ཡུམ་བདག་བསྒོམ་དུ་བྱས་ཤིང་ཡེ་ཤེས་སེམས་དཔའ་རྒྱུན་ཆད་མེད་པར་བསྟིམ་ཞིང་བསྙེན་པ་ནུས་ཚད་དུ་བྱས་ན། མཐུ་སྟོབས་མ་མགོན་ལྕམ་དྲལ་དང་མཉམ་ཞིང་ཕྲིན་ལས་འགྲན་ཟླ་མེད་པར་འགྱུར་རོ། །ཞེས་སོགས་རྒྱ་ཆེར་གསུངས་

― KMC025_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དོན་ཡིན་ནོ། །དེ་ནས་སྒྲུབ་པ་ཞག་བདུན་ཡན་ཆད་ཚང་ནས། དྲག་པོའི་ལས་སྦྱོར་བརྡའ་ཙམ་མ་བྱས་ན། འགྲོ་ས་མེད་པར་དམག་བསྡུས་ན་དམག་མི་ཁྲོ་བ་ལྟར་རྣལ་འབྱོར་པ་ཚེ་ཐུང་བ་མགོན་པོའི་རྒྱུད་མང་པོ་ནས་བཤད་པའི་ཕྱིར། ཟན་ལིང་ཟིན་ལིང་གཉིས་ལ་རང་གི་སྒོས་དགྲ་བསྟན་པའི་སྤྱི་དགྲ། མཆན། ཞིག་ལ་འགུགས་གཞུག་ཕུར་འདེབས་སོགས་ལས་འགྲིགས་ལྟར་བྱས་ལ། དམར་གཏོར་གསར་པ་ཆེ་བ་ཞིག་བཤམས་པའི་ནང་དུ་ལིང་རོ་ཕུལ་ལ། ལས་འགྲིགས་ཀྱི་བསྐུལ་བ་ཐམས་ཅད་བྱས་ལ་གཟའ་དང་མཁའ་འགྲོའི་གདོང་དང་མ་ཐུགས་པར་གནོད་པའི་ཕྱོགས་སམ་ཕྱོགས་གཙང་སར་ཟོར་དུ་འཕེན། དང་པོ་གསེར་སྐྱེམས་དཀར་གཏོར་སོགས་གཞུང་ལྟར་བྱ། སྣོད་སྦུབ་ལ་གཏོར་བྲོ། དཀྱིལ་འཁོར་ལ་ཕྱག་འཚལ་གཡུལ་རྒྱལ་གྱེར། སླར་རབ་ཏུ་མཚལ་མ་ཚར་གཅིག །མ་གྲུབ་ན་བསྐང་བ་ཚར་གཅིག་གཏོང་རག་ཚུལ་དུ་བྱ། དེ་ནས་སྒྲུབ་གཏོར་དེ་ཉིད་མ་མགོན་ཡབ་ཡུམ་འཁོར་བཅས་དངོས་སུ་གསལ་བའི་དཔྲལ་མགྲིན་

― KMC025_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་ཁ་ནས་སྐུ་དང་སྔགས་ཕྲེང་དང་ཧཱུྃ་དང་བྷྱོ་ཐིག་ལེ་ཕྱག་མཚན་དཔག་ཏུ་མེད་པ་ཆར་ལྟར་བབས་པས་རང་གི་ལུས་ངག་ཡིད་གསུམ་ལ་ཐིམ་པས་དབང་དང་དངོས་གྲུབ་ཐོབ་པར་བསྒོམ་ལ་དངོས་གྲུབ་ལེན་ཆོག་སྔགས་སྟོང་ངམ་བརྒྱ་རྩ་བཟླས། རང་གི་རྡོར་དྲིལ་དང་བཅས་གཏོར་མ་དེ་བཟུང་ལ། ཧཱུྃ་ཆོས་ཀྱི་དབྱིངས་ཀྱི་དཀྱིལ་འཁོར་ནས། སོགས་འདོན་ལ་གཏོར་མ་རང་གི་གནས་གསུམ་དུ་གཏུགས་ལ་རྩ་སྔགས་ཤམ་དུ། ཀཱ་ཡ་ཨ་བྷི་ཥིཉྩ་ཨོཾ། རྩ་སྔགས། ཝཱཀ་ཨ་བྷི་ཥིཉྩ་ཨཱཿ རྩ་སྔགས། ཙིཏྟ་ཨ་བྷི་ཥིཉྩ་ཧཱུྃ། ཞེས་དབང་བླངས། དེ་ནས་རྗེས་ཆོག་གཞུང་ལྟར་བྱས་ལ་མདུན་བསྐྱེད་ཀྱི་ཡེ་ཤེས་པ་ཙཀ་ལི་སོགས་ལ་བསྟིམ། མིས་མི་མཐོང་བར་རྟེན་དུ་བཅད། དམ་ཚིག་པ་རང་ལ་བསྟིམ། བདག་བསྐྱེད་ཡེ་ཤེས་པ་ནི་རང་ལ་བསྟིམ་པ་མ་གཏོགས་བྱང་ཆུབ་མ་ཐོབ་བར་དུ་མི་གཤེགས་ཏེ་ཕྱག་རྒྱ་སྒོ་བཅད་ཀྱི་སྒྲུབ་པ་ཞེས་བྱ་བ་གསང་སྔགས་རྙིང་མའི་ཁྱད་ཆོས་འདི་ཡབ་ཡུམ་བདག་བསྒོམ་འདི་ལ་ཡང་བྱ་བར་རྗེ་བཙུན་དབང་ཕྱུག་རྡོ་རྗེ་དང་པཀྵིའི་

― KMC025_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ལས་ཀྱང་གསལ་ལོ། །དེ་ལྟར་རྩ་བའི་བསྙེན་བསྒྲུབ་དེ་ཐོན་ན་མཆོག་ཡིན་ལ། མ་ཐོན་ན་ཡང་རྒྱུན་ཁྱེར་དུ་བྱ་བའམ་མཚལ་མ་འདོན་ན་ཡང་གོང་གི་དམིགས་པ་དེ་ལྟར་བསྒོམས་ལ་བསྙེན་པ་བརྒྱ་སོང་ཅི་འགྲུབ་བྱའོ། །སྒྲུབ་གཏོར་ནི་ཕྱི་མི་ལ་མི་སྦྱིན་པར་དངོས་གྲུབ་ཏུ་རོལ་པའམ་དགོན་པ་ཡིན་ན་གཙང་སར་སྦ། འབྲོག་སྒར་ལ་ཡང་གཏོར་མ་རྐང་ཚེ་སོགས་སུ་དུམ་བུ་འཆང་བར་བྱའོ། །གཏོར་མ་རུལ་ནས་མ་ལྕོགས་ན་མངའ་གསོལ་དུས་བསངས་སུ་འབུལ་ལོ། །རིན་པོ་ཆེ་ཀརྨ་པས། མ་མགོན་གྱི་དཔེ་དུམ་མང་དུ་ཡོད་པ་རྣམས་དོན་མེད་དཀྲུགས་པ་ལྟ་བུ་ཡིན། མ་ལུས་ཤིང་ལུས་པ་མེད་པ་འདི་ལ་ཚང་བ་ཡིན་གསུངས་པ་དང་། ཁྱེད་རྣམས་ཀྱིས་ཀྱང་བརྒྱུད་པ་འཛིན་ཅིང་སྒྲུབ་ན་འགྲུབ་པར་མཆི་ཞེས་གསུང་པའི་དོན་ཞལ་སྦྱོར་བསྙེན་སྒྲུབ་བྱ་ཚུལ་ངག་ཁྲིད་འདི། རྡོ་རྗེའི་སྤུན་དུ་གྱུར་པ་ཤཱཀྱའི་དགེ་སློང་འགོལ་བླ་མ་ཀརྨ་བཛྲ་གྱིས་བསྐུལ་ཕྱིར་སྔགས་འཆང་རཱ་ག་ཨ་སྱས་བྲིས་པ་སྙན་བརྒྱུད་ཡི་གེར་བཀོད་པ་ཆོས་

― KMC025_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་ཌཱ་ཀི་རྣམས་ཀྱིས་བཟོད་པར་བཞེས་ལ་སྙིང་པོའི་དོན་གྱི་བསྟན་པ་རིན་པོ་ཆེ་དར་ཞིང་རྒྱས་པར་གྱུར་ཅིག །མངྒ་ལཾ།། ༈ །།བེར་གྱི་ལས་ཚོགས་ཡབ་ཡུམ་ཞལ་སྦྱོར་གྱི་ཞི་རྒྱས་དབང་དྲག་ནི། ཆོ་ག་མཚལ་སེར་གཞུང་ལྟར་ལས། ཚར་གཅིག་གིས་བདག་མདུན་གཉིས་དང་བུམ་པའི་ནང་དུ་དཀྱིལ་འཁོར་ཚང་མ་བསྒོམ་པ་དུས་གཅིག་ཏུ་བྱས། མདུན་བསྐྱེད་ལ་ཞི་བའི་དམིགས་པ་སྒྲུབ་པ་དུས་ལྟར་བྱ་ཞིང་། ཁྱད་པར་ལྷ་ཚོགས་ཐམས་ཅད་སྐུ་མདོག་དཀར་པོ་ཞི་བའི་ཆ་ལུགས་ཞལ་འཛུམ་པ། ཡུམ་ལྷ་མོ་ནམ་མཁའ་ལ་གཟིགས་ནས་བཞད་པ། ཕྱག་གཡས་འོག་ལྕགས་ཀྱུ་དང་། གཡོན་འོག་ཚེ་བུམ་འཛིན་པ། ཡབ་ཡུམ་དར་དཀར་གྱི་བེར་ཅན་དུ་བསྒོམ། འདོན་པའི་ཚིག་བསྒྱུར་མི་དགོས། མཆོད་གཏོར་ཤ་ཁྲག་མི་བསྲེ་དཀར་གསུམ་བྱ། སྔགས་ཡབ་ཡུམ་ཞལ་སྦྱོར་གསུང་གི་སྙིང་པོ་ལ། ནད་གདོན་བར་ཆད་སརྦ་ཤཱནྟིཾ་ཀུ་རུ་སྭཱ་ཧཱ། ཞེས་བརྒྱ་སྟོང་ཅི་འགྲུབ་བཟླ་ཐུན་གཏོར་ཡང་ཟླུམ་པོ་ལ་བྱང་ཕྱོགས་དུར་ཁྲོད་མ་དང་ཡེ་ཤེས་

― KMC025_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིངས་ལས་འབུལ་ལོ། །བུམ་ལྷའི་སྐུ་ལས་བདུད་རྩི་བབ་པར་བསྒོམ་ཞིང་རྩ་སྔགས་ལ། ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་ཨ་སྭཱཧཱ། བརྒྱ་རྩ་བརྒྱད་ལས་མི་ཉུང་བར་བཟླའོ། །བུམ་ལྷ་ཡེ་ཤེས་པ་མདུན་བསྐྱེད་ལ་ཐིམ་པར་བསྒོམ། དམ་ཚིག་པ་འོད་དུ་ཞུ་བ་བདུད་རྩིར་བསམ་ལ་ནད་པ་ལ་ཁྲུས་དང་འཐུང་བ་སོགས་བྱེད་བཅུག །རང་ཡང་འཐུང་བཀྲུ་བྱ། བྱིས་པ་སྦྲ་ཁྱིམ་ནོར་ཕྱུགས་ལ་གཏོར་བས་ནད་གདོན་གྲིབ་དང་བར་ཆད་ཞིའོ། །གཏོར་མ་རིན་ཆེན་འབར་བའི་དབྱིབས་ལ། འབྲུ་སྣ་རིན་པོ་ཆེ་སྣ་ཚོགས་དར་ཚོན་ཟས་ཕུད་སྣ་ཚོགས་བླུགས་ལ་མགོན་པོ་གཞུང་ལྟར་ལས། བདག་མདུན་ཐམས་ཅད་སྐུ་མདོག་སེར་པོ་བེར་སེར་པོ་རིན་པོ་ཆེའི་རྒྱན་ཐམས་ཅད་ཀྱིས་བརླུབས་པ་ཞལ་ཁྲོ་འཛུམ་སྐུ་ཤ་རྒྱས་པ་གནོད་སྦྱིན་གྱི་ཆ་ལུགས་ལྟར་བསྒོམ། བསྙེན་དུས་ཀྱི་རྒྱས་པའི་དམིགས་པ་ལྟར་ལས། རྩ་སྔགས་བདག་ལ་རཏྣ་སིདྡྷི་ཧཱུྃ། ཞེས་བསྙེན། གསོལ་

― KMC025_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཚར་ཅི་མང་བཏང་། ཁྱད་པར་མདུན་བསྐྱེད་ཀྱི་བེར་གྱི་སུལ་ནས་རིན་པོ་ཆེ་དང་དགོས་འདོད་ཐམས་ཅད་ཆར་ལྟར་བབས་ནས་བདག་ཉིད་ཀྱི་སྦྲ་ཁྱིམ་གང་བར་བསྒོམས་པས་ལོངས་སྤྱོད་འཕེལ་ལོ། །ཁྱད་པར་རྟ་གོད་གཅོད་ན་བདག་མདུན་གཙོ་བོའི་ཐུགས་ཀ་ནས་འོད་ཟེར་འཕྲོས་པས། བདག་མདུན་གྱི་ཤར་གྱི་མགོན་པོ་ལ་ཕོག་པས། དཔལ་རབ་འཆང་གི་ཐུགས་ཀ་ནས་ཉི་མའི་སྲས་པོ་ཨཱཪྱ་རེ་མནྟ་སྐུ་མདོག་དམར་པོ་བསེ་ཁྲབ་ཤེལ་རྨོག་ཅན་རྟ་སྔོན་ཞོན་པ། ཕྱག་གཡས་གསེར་གྱི་རལ་གྲིས་རྟ་གདོན་ཐམས་ཅད་མྱལ་མྱལ་གཏུབས། གཡོན་ལྕགས་ཀྱུས་རྟ་གཡང་ཐམས་ཅད་སྡུད་པ། ནམ་མཁའ་བར་སྣང་ཐམས་ཅད་གང་བ་འཕྲོས། རྟ་ལ་གནོད་པ་ཐམས་ཅད་བསད། ལ་ལ་རྒྱ་མཚོའི་ཕར་འགྲམ་དུ་བསྐྲད་ནས་ཚུར་འདུས་རྟ་ཐམས་ཅད་ལ་བསྐོར་ཞིང་བསྲུང་བའམ་རྟ་ལ་ཐིམ་པར་བསྒོམ་ཞིང་མ་མགོན་གསུང་གི་སྙིང་པོ་ལ། ཨོཾ་བཛྲ་ཀྲོ་དྷ་ཨཱཪྱ་རེ་མནྟ་ཧ་ན་ཧ་ན་ཧཱུཾ་ཕཊ། ཅེས་བཟླས་པ་བརྒྱ་སྟོང་ཅི་འགྲུབ་བྱ། སྲུང་སྐུད་སྔགས་ལ་

― KMC025_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས། དམིགས་པ་བསྒོམ་ཞིང་གསོལ་ཁ་ཚར་གསུམ་བདུན་སོགས་བཏང་བས་རྟ་གོད་ཐམས་ཅད་ཆད་ཅིང་རྟ་འཕེལ་ལོ། །རེ་མནྟ་དང་ཤར་གྱི་མགོན་པོ་གཅིག་ཡིན། དེ་བཞིན་ནོར་ལུག་གི་གོད་གཅོད་འདོད་ན། ནུབ་བྱང་མགོན་པོ་ལས་འོད་ཟེར་དང་། རང་འདྲ་བ་གྲངས་མེད་འཕྲོས་པས་གོད་འདྲེ་ཐམས་ཅད་རྡོ་རྗེས་བརྡུང་ཞིང་བསྐྲད། ཕྱག་གཡོན་བུམ་པ་ནས་བདུད་རྩིའི་རྒྱུན་བབས་པས་ནག་བཀྲུས་པར་བསྒོམ་ཞིང་གསོལ་ཀ་དང་། མ་མགོན་རྩ་སྔགས་ལ། ཨོཾ་པརྞ་ཤ་ཝ་རི་སྭཱ་ཧཱ། བ་སུ་རོ་ག་རཀྵ། ཞེས་ཅི་ནུས་བཟླ། བུམ་པ་ལ་ཡང་སྔར་ལྟར་བསྒོམ་ཞིང་བུམ་ཆུ་གཏོར། དེས་སྒབ་འཕེལ་གོད་ཁ་ཉུང་། དེ་བཞིན་ཤར་ལྷོ་མགོན་པོ་ལས་དེ་འདྲ་བ་གྲངས་མེད་སྤྲོས་པས་འཇིག་རྟེན་གྱི་ཚེ་བསོད་བསྡུས་ཏེ་སྦྲ་གུར་ནོར་ཕྱུགས་ལ་བསྟིམས་པས་གཡང་ཆགས། ཐམས་ཅད་ནོར་ཕྱུགས་དང་སྦྲ་གུར་ལ་བསྟིམ་ཞིང་རྩ་སྔགས་ལ། ཨོཾ་ཛམྦྷ་ལ་ཛ་ལནྡྲཱ་ཡ་པུཎྱེ་པུཥྚིཾ་ཀུ་རུ་སྭཱ་ཧཱ། ཞེས་ཅི་ནུས་བཟླས་པས་བསོད་ནམས་དབང་

― KMC025_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ཡར་དར་འོང་། །ཡང་རི་ཁྲོད་སོགས་སུ་འཚོ་བ་སྲབ་པར་བྱུང་ན་གང་འདོད་པའི་ཟས་ཇ་མར་ཐུད་སོགས་ཅི་མང་གིས་གསོལ་ཁའི་གཏོར་མ་གསོ། །བཟའ་བཏུང་རུང་བའི་དངོས་པོ་གང་ཡོད་བྲན་ལ་གསོལ་ཁ་བྱ། ཡབ་ཡུམ་རྩ་སྔགས་ལ། ན་ན་ཁངྷེ་པུཥྚིཾ་ཀུ་རུ་སྭཱ་ཧཱ། ཞེས་བཟླས་པས་ཁ་ཟས་ཤུགས་ཀྱིས་འབྱུང་སྟེ་ཟབ་བོ། །དེ་ཐམས་ཅད་གསོལ་ཀ་ལ་བུང་ལེན་ནོ། །ཨྠྀི། ཞེས་པ་འདི་ནི་གྲུབ་ཆེན་ཀརྨ་པའི་བཞེད་པ་སོར་བཞག །རས་ཆེན་དུས་མཁྱེན་ལུགས་དང་མ་འདྲེས་པར་བསྐྱེད་རྫོགས་ཆ་ཚང་གསལ་བར་བཀོད་པ་ལ། སྦ་འོས་གསལ་བཀོད་ཉེས་པ་མཆིས་ན་མ་མགོན་ཚོགས་ལ་བཤགས་ཤིང། དགེ་བས་བསྟན་པ་དང་བསྟན་འཛིན་རྣམས་ལ་ཕན་པ་རྒྱ་ཆེན་པོར་གྱུར་ཅིག །ཅེས་པ་འདི་རཱ་ག་ཨ་སྱས་སོ། ༈ །བེར་གྱི་རྫོགས་རིམ་བསྡུས་པ་བཞུགས་ལགས་སོ། །ན་མོ་གུ་རུ་མཧཱ་ཀཱ་ལཱ་ཡ། ཌོམྦི་པ་ནས་མར་མི་དྭགས་པོ་དུས་མཁྱེན་བར་ཅིག་བརྒྱུད་ལྷོ་བྲག་གི་མགོན་པོ་ཞེས་བྱ་བའི་ཁྲིད་ལ་རྒྱས་པར་མཁའ་སྤྱོད་པས་མཐའ་

― KMC025_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཡས་པ་གསུངས་མོད་ཀྱང་། པཀྴིའི་དགོངས་པ་གདམས་ངག་རྒྱ་མཚོ་མཐའ་ཡས་དང་བསྟུན་པའི་དམིགས་རིམ་བརྗེད་ཐོ་ནི་སྔོན་དུ་ཆོ་ག་འདོན་པའི་འཇུག་གམ། མིན་ཀྱང་ནམ་རུང་རྒྱུན་ཁྱེར་བྱ་སྟེ། རང་ཉིད་དྲན་རྫོགས་སུ་མགོན་པོ་བེར་ནག་ཅན་རྐང་ཐང་ལ་ལྷ་མོས་འཁྱུད་པ་གཅིག་བསྒོམ། རང་ལུས་དམ་ཚིག་སེམས་དཔའ་ཡིན་པས་སྤྱན་འདྲེན་མི་དགོས། བཟའ་བཏུང་བདུད་རྩིར་མོས་ལ་རང་ཉིད་མགོན་པོའི་ལུས་ལྷ་མཆོད་པས་མཆོད་པ་གཞན་མི་དགོས། རླུང་འཇུག་པ་ཨོཾ། ཁོག་ཏུ་གནས་པ་ཨཱཿ ཕྱིར་དབྱུང་བ་ཧཱུྃ་དུ་བསམ་པས་བཟླས་བརྗོད་མི་དགོས། དེ་ནས་རང་ལུས་སྟོང་པ་ཕྲུ་མ་ཕུས་བཏབ་པ་ལྟར་བསྒོམ་པ་ཕྱི་ལུས་ཀྱི་སྟོང་ར་སྟེ་རིགས་ལྡན་གྱི་གཞི་བཟུང་བའོ། །ཡུམ་ལྷ་མོ་རང་ལ་ཐིམ་པས་རང་གི་ལུས་ཀྱི་དབུས་སུ་རྩ་དབུ་མ་སྔོན་པོ་མདའ་སྨྱུག་ཙམ་ཡར་སྣེ་སྤྱི་བོ་ཚངས་བུག་ཏུ་ཟུག་པ་སྣ་ཚོགས་རྡོ་རྗེས་མཚན་པ། མར་སྣེ་གསང་གནས་ཀྱི་རྩ་བར་ཟུག་པ་ལ་གསང་གནས་ཅུང་ཟད་མ་འབྲེལ་པ་བར་ཆད་པར་

― KMC025_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམས་པས་སྡོམ་པ་ཐུབ་པའི་གནད་དོ། །གཡས་སུ་རོ་མ་དམར་པོ། གཡོན་དུ་རྐྱང་མ་དཀར་པོ། ཡར་སྣེ་སྣ་བུག་དང་མར་སྣེ་ལྟེ་འོག་ནས་དབུ་མ་གཅིག་ཏུ་གྱུར་པ། སྤྱི་བོར་བདེ་ཆེན་འཁོར་ལོར་རྩ་འདབ་སོ་གཉིས། མགྲིན་པར་བཅུ་དྲུག །སྙིང་གར་བརྒྱད། ལྟེ་བ་དྲུག་ཅུ་རེ་བཞི། གསང་གནས་ཉི་ཤུ་རྩ་བརྒྱད། གདུགས་ཀྱི་རྩིབས་མ་ལྟ་བུ། ཐམས་ཅད་སྟོང་སང་ངེ་བར་བསྒོམ་པ་ནང་རྩའི་སྟོང་རའམ་དཔག་བསམ་གྱི་ཤིང་འཛུག་པའོ། །དེ་ནས་རྩ་མདུད་ལྔའི་དབུས་སུ་དཔྲལ་བར་གཏི་མུག་གི་ངོ་བོ་ཨོཾ་དཀར་པོ། །མགྲིན་པར་འདོད་ཆགས་ཀྱི་ངོ་བོ་ཧྲཱིཿདམར་པོ། །སྙིང་ཁར་ཞེ་སྡང་གི་ངོ་བོ་ཧཱུྃ་མཐིང་ནག །ལྟེ་བར་ང་རྒྱལ་གྱི་ངོ་བོ་ཏྲཱཾ་སེར་པོ། གསང་བར་ཕྲག་དོག་གི་ངོ་བོ་ཧཱ་ལྗང་གུ་བསྒོམ་ཏེ་དུག་ལྔ་ཡེ་ཤེས་ལྔ་རིག་མ་རིག་ཁྱད་པར་མ་གཏོགས་གཅིག་པས་སོ། །དེ་དག་ལས་འོད་ཟེར་འཕྲོས་པས་བདག་དང་སེམས་ཅན་ཐམས་ཅད་ཀྱི་དུག་ལྔས་ཀུན་ནས་བསླང་བའི་སྡིག་སྒྲིབ་ཐམས་ཅད་སིབ་ཀྱི་ཡིག་འབྲུ་ལྔ་ལ་ཐིམ་པར་བསྒོམ་ལ།

― KMC025_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་རོ་འབུད་པ་དགུ་ཕྲུག་གིས་བུས། ཚུར་རྔུབས་པས་ཡིག་འབྲུ་ལ་བསྟིམ་པ་སྤྲད། རང་གི་ལྟེ་འོག་སོར་བཞི་དབུ་མའི་ནང་དུ་ཨ་ཐུང་ཐིག་ལེ་དམར་པོ་སྲན་མ་ཙམ་བསམ། རླུང་བཟུང་བས་དེ་ལས་ཡེ་ཤེས་ཀྱི་མེ་ཐུར་དུ་འབར་བས་གསང་གནས་ཀྱི་ཧཱ་སྲེགས། །གྱེན་དུ་འབར་ནས་ཡིག་འབྲུ་བཞི་པོ་བསྲེགས་པས་དུག་ལྔའི་སྒྲིབ་པ་དག་པར་བསྒོམ་ལ་རླུང་ཁུག་གཅིག་མནན། དེ་ནས་ཡིག་འབྲུ་བསྲེགས་པའི་ངོ་བོ་དཔྲལ་བར་སྐུ་མགོན་ཡབ་ཡུམ་ཞལ་སྦྱོར་དཀར་པོ། རྩ་འདབ་སོ་གཉིས་ལ་མཁའ་འགྲོ་དཀར་མོ་གྲི་ཐོད་ཅན་སོ་གཉིས། མགྲིན་པར་གསུང་མགོན་ཡབ་ཡུམ་དམར་པོ། རྩ་འདབ་ལ་མཁའ་འགྲོ་དམར་མོ་བཅུ་དྲུག །ཐུགས་ཀར་ཐུགས་མགོན་ཡབ་ཡུམ་མཐིང་ཀ །རྩ་འདབ་བརྒྱད་ལ་ལྷ་མོ་མཐིང་ཁ་བརྒྱད། ལྟེ་བར་ཡོན་ཏན་མགོན་པོ་ཡབ་ཡུམ་སེར་པོ། རྩ་འདབ་ལ་མཁའ་འགྲོ་རེ་གཉིས་སེར་མོ། གསང་བར་ཕྲིན་ལས་མགོན་པོ་ཡབ་ཡུམ་ལྗང་གུ །རྩ་འདབ་ལ་མཁའ་འགྲོ་ལྗང་གུ་ཉེར་བརྒྱད་ཏེ་སྐུ་མདོག་ཕྱག་མཚན་

― KMC025_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་གཞུང་ནས་གསུངས་པ་ལྟ་བུ། སོ་སོའི་ཐུགས་ཀར་ཧཱུྃ་རང་མདོག་ལ་སྔགས་ཕྲེང་རང་མདོག་བཀོད། རླུང་ཕྱིར་འབུད་པ་དང་བསྟུན་ལྷ་ཚོགས་རྣམས་ལས་འོད་ཟེར་རང་མདོག་ཕྱོགས་བཅུར་འཕྲོས་པས་སངས་རྒྱས་བྱང་སེམས་ཡི་དམ་ཆོས་སྐྱོང་ཐམས་ཅད་མཆོད་པས། དེ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ངོ་བོ་མ་མགོན་དཀར་དམར་མཐིང་སེར་ལྗང་གུའི་རྣམ་པར་བྱོན། མཚོ་ལ་ཆར་བབ་པ་ལྟར་བདག་གི་ལུས་ཀྱི་ལྷ་སོ་སོ་ལ་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཐོབ་པར་བསྒོམ། ཡང་རྩ་འཁོར་ལྔའི་ལྷ་ལས་འོད་ཟེར་རང་མདོག་འཕྲོས་པས། བདག་དང་བསྲུང་བྱའམ་སེམས་ཅན་གྱི་ནད་གདོན་སྡིག་སྒྲིབ་ཞི། རླུང་སེམས་དབང་དུ་འདུས། བདུད་བཞི་ཚར་བཅད། ཚེ་བསོད་ཉམས་རྟོགས་རྒྱས། ལས་སྣ་ཚོགས་འགྲུབ་པར་བྱས་པས། སེམས་ཅན་ཐམས་ཅད་མ་མགོན་ཡབ་ཡུམ་དུ་གྱུར། རླུང་ཚུར་རྔུབས་པས་དེ་ཐམས་ཅད་ཀྱི་ཚེ་བསོད་ནམས་འོད་ཟེར་གྱི་རྣམ་པས་རང་ལ་ཐིམ་པར་བསྒོམ་

― KMC025_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རླུང་ནང་དུ་དགང་ངོ་། །ཡང་རླུང་བཟུང་བས་ལྟེ་འོག་གི་མེ་འབར་བས་རྩ་གནས་ཀྱི་ལྷ་ཐམས་ཅད་ཞུ་ནས་ཐིག་ལེ་རང་མདོག་ཏུ་གྱུར། སྤྱི་བོའི་ཡར་སྣེ་རུ་ཧཾ་ཡིག་དཀར་པོ་མགོ་ཐུར་དུ་བསྟན་པ་ལས་བདུད་རྩི་བྱང་སེམས་དཀར་པོ་བབས་པས། ཐིག་ལེ་རྣམས་ལ་རེག་པས་སྔར་ལྟར་གྱི་སྐུ་སྔར་ལས་བཀྲག་མདངས་གཟི་བརྗིད་ལྷག་པར་ཆེ་བར་གྱུར། གཏུམ་མོའི་མེས་རྩ་འདབ་གང་བས་ལུས་ལ་དྲོད་འབར། སྤྱི་བོ་ནས་བྱང་སེམས་བབ་པས་རྩ་གནས་ལྷ་ཐམས་ཅད་ཀྱི་ཞལ་དུ་ཞུགས་པས་སྐུ་ལུས་བདེ་བས་རྒྱས། རང་གི་རྩ་གནས་ཐམས་ཅད་གང་བས་ལུས་སེམས་ལ་བདེ་བ་ཚད་མེད་པར་གྱུར། བདེ་བ་རྒྱས་པས་ཐིག་ལེ་འཆོར་བ་འདྲ་ན་གསང་གནས་ཀྱི་སྦུ་གུ་ཧཱུྃ་ཡིག་གིས་ཐིམ་བུ་ལྟར་བཀག །ཐིག་ལེ་ཆུའི་རླབས་ལྟར་སྐྱ་ཆི་ལི་ལི་གྱེན་དུ་ལོག་ནས་སྤྱི་བོའི་ཧཾ་ཡིག་ལ་ཐིམ་པར་བསྒོམས་ནས་མིག་གྱེན་དུ་ཟློག །ལྕེ་ཡ་རྐན་ལ་སྦྱར། ལྟོ་བ་སྒལ་པར་བཅར། ཧིང་རིང་བདུན་གྱིས་རླུང་གྱེན་དུ་དྲངས་འོག་སྒོ་ཀློད། སོར་མོ་

― KMC025_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུ་ཚུར་བྱས། སེམས་ནམ་མཁའི་དབྱིངས་སུ་གཏད་ལ་བདེ་བའི་ངོ་བོ་བལྟའོ། །དེ་ལྟར་རྒྱུན་དུ་བསྒོམ་ཞིང་བདེ་བ་སྐྱེས་ཙ་སྟོང་པས་རྒྱས་བཏབ་ཅིང་བསྒོམས་པས་བདེ་སྟོང་དབྱེར་མེད་རྡོ་རྗེ་འཆང་གི་སྐུ་ཚེ་གཅིག་ལ་འགྲུབ་བོ། །ལྔ་སྦྱོར་དྲུག་སྐོར་སོ་བདུན་མ་སོགས་འཕྲུལ་འཁོར་ལ་འབད་ན་རས་ཐུབ་བོ། །རྗེས་ནས་བསྐྱེད་རིམ་བསྡུ་བ་སོགས་ནི་མི་དགོས་ངོ་བོ་སྐྱོང་བ་ཁོ་ནས་ཆོག་སྟེ། དེ་ལྟར་སྒོམ་མཁན་སེམས་ལ་བལྟས་པས་གཟུགས་ཁ་དོག་མེད་པའི་སྟོང་ཉིད་དངོས་སོ་འཆར་གྱི། མཐའ་ནས་དབུས་ཡལ་སྟོང་པ་བསྒོམ་པ་སོགས་ནི་བློས་བྱས་ཏེ་སྟོང་ཉིད་དངོས་མ་ཡིན་པས་སོ། །རླུང་ལ་བསྟན་ནས་དགྲ་བགེགས་ཚར་གཅོད་པ་ནི། རང་ཉིད་སྐད་ཅིག་ལ་མགོན་པོ་ཡབ་རྐྱང་གནམ་ས་གང་བ་མེ་འབར་བར་བསྒོམ་པའི་ལྟེ་འོག་སྐུ་ལུས་ནང་དུ་མེ་དཔུང་འབར་བའི་དབུས་སུ་མ་མགོན་ཡབ་ཡུམ་ཞལ་སྦྱོར་རྐང་ཐང་དམ་དྲེལ་ཆིབས་པ་རི་རབ་ཙམ་ཞལ་གནམ་དུ་གདངས་པའི་ནང་དུ་ཡེ་ཤེས་ཀྱི་མེ་འུ་རུ་རུ་འབར་བ་ཞིག་བསྒོམ། རང་གིས་

― KMC025_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་བུས་པས་སྣ་བུག་གཡས་ནས་འོད་ཟེར་དམར་ནག་གློག་གི་ལྕགས་ཀྱུ་ལྟར་ཕྱོགས་ཐམས་ཅད་དུ་འཕྲོས། རང་དང་བསྲུང་བྱའམ་བསྟན་པ་ལ་གནོད་པའི་དགྲ་བགེགས་ཐམས་ཅད་སྦུར་མ་རླུང་གིས་བསྡུས་པ་ལྟར་བཀུག་ནས། རང་མགོན་པོའི་སྣ་བུག་གཡོན་ནས་ཞུགས་སྟེ་རླུང་ནང་དུ་རྔུབས་པ་དང་བསྟུན། ལྟེ་འོག་གི་མ་མགོན་གྱི་ཞལ་དུ་རྐང་མཐིང་སྐྱ་ལྷག་ལྷག་སོང་བས་བསྲེགས་ཏེ། རྣམ་ཤེས་ཐུགས་ཆོས་ཉིད་ཀྱི་ཀློང་དུ་ཐིམ་པར་བསྒོམ་ལ་ངོ་བོ་བསྐྱང་། རྗེས་ལ་སྙིང་རྗེ་དྲག་པོ་ཅིག་བསྒོམ། དེ་ལྟར་དམིགས་པ་རླུང་དང་སྦྲག་པ་ནན་ཏན་བསྒོམ་ན་དགྲ་དང་བགེགས་ཐམས་ཅད་མེ་ལྕེ་ཁའི་སྦྲང་བུ་ལྟར་འགྱུར་བར་གསུངས་སོ། །རང་གི་སེམས་ཀྱི་ངོ་བོ་སྟོང་པ་ནི་ལྷ་མོ། རང་བཞིན་གསལ་བ་ནི་མགོན་པོ། སྣ་ཚོགས་འགགས་མེད་དུ་འཆར་བ་ནི་འཁོར་གྱི་དྲེགས་བྱེད། རང་སེམས་སངས་རྒྱས་སུ་ཡེ་ནས་གནས་པ་དེ་ཡེ་ཤེས། དེ་བསྒོམས་པས་སྡུག་བསྔལ་ཐམས་ཅད་ཀྱི་མགོན་སྐྱབས་ཀྱི་མཆོག་སྟེ་ཡེ་ཤེས་མགོན་

― KMC025_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

པོའོ། །དེས་ན་ཕྱི་ནང་སྣོད་བཅུད་ཐམས་ཅད་མ་མགོན་ཡབ་ཡུམ་གྱི་རང་བཞིན་ལས་མ་འདས་སོ། །སྙན་བརྒྱུད་ངག་ཁྲིད་ཁྱེར་བདེ་བ་འདི་རྡོ་རྗེའི་སྤུན་ཀརྨ་རྡོ་རྗེས་བསྐུལ་ཕྱིར་རཱ་ག་ཨ་སྱས་བྲིས། མངྒ་ལཾ།། ༈ །།ཡབ་ཡུམ་ཞལ་སྦྱོར་སྙན་བརྒྱུད་ཀྱི་བརྒྱུད་རིམ་ནི། ཌོམྦི་ཧེ་རུ་ཀ་ཆེན་པོ། བཱི་ཎ་པཾ། ལྭ་ཝ་པ། ཨིནྡྲ་བྷཱུ་ཏི། ཙརྻ་པ། ཏཻ་ལོ། ནཱ་རོ། མར་པ། མི་ལ། དྭགས་པོ། དུས་གསུམ་མཁྱེན་པ་ནས་སོ། །དཔལ་སྤུངས་ཐུབ་བསྟན་ཆོས་འཁོར་གླིང་དུ་པར་དུ་བསྒྲུབས་པའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་མ་ཧཱ་ཀཱ་ལ་ཞལ་སྦྱོར་གྱི་བསྙེན་ཡིག་རིན་པོ་ཆེ་བཻཌཱུརྻའི་འཕྲེང་བ་རྣལ་འབྱོར་ཡིད་ཀྱི་མཛེས་རྒྱན།

― KMC025_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་མ་ཧཱ་ཀཱ་ལ་ཞལ་སྦྱོར་གྱི་བསྙེན་ཡིག་རིན་པོ་ཆེ་བཻཌཱུརྻའི་འཕྲེང་བ་རྣལ་འབྱོར་ཡིད་ཀྱི་མཛེས་རྒྱན་ཞེས་བྱ་བ་བཞུགས་སོ། །

― KMC025_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་བཅོམ་ལྡན་འདས་དཔལ་ཡེ་ཤེས་ཀྱི་མགོན་པོ་ཐ་མི་དད་པའི་ཞབས་ལ་ཕྱག་འཚལ་ཞིང་སྐྱབས་སུ་མཆིའོ། །གང་ཞིག་མཐུ་དབང་སྟོབས་ཀྱི་དཔལ། །མཆོག་གྲུ༵བ་སྲིད་གསུམ་འཇོམས་པའི་ལྷ། །ནག་པོ་ཆེ༵ན་པོའང་བྲན་བཀོལ་བ། །དཔལ་ལྡན་བླ་མ་ཀ༵རྨ༵་པ༵། །དེང་ནས་སྙིང་པོ་བྱང་ཆུབ་བར། །སྒོ་གསུམ་གུས་པས་ཕྱག་བགྱིའོ། །ང༵ག་དབ༵ང་རིན་ཆེན་འབྱུང་བའི་གནས། །ཡོ༵ན་ཏ༵ན་རྒྱ༵་མཚོ༵་ཆེན་པོ་ལས། །བློ༵་གྲོ༵ས་མཐ༵འ་ཡ༵ས་ནོར་བུའི་དཔལ། །འདྲེན་མཁས་མགོན་དེ་སླར་ཡང་དྲན། །ཟབ་

― KMC025_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོ༵ས་རྒྱ་མཚོ་ལྟ་བུ་ལ། །དབ༵ང་བསྒྱུར་རང་གཞན་དོ༵ན་འགྲུ༵བ་པར། །སྦྱོར་མཛད་རྒྱལ་བའི་ཕྲིན་ལས་པ། །མཆོག་ཟུང་ཞབས་རྡུལ་སྤྱི་བོར་ལེན། །ཆགས་པའི་རང་བཞིན་དམར་བ་དང་། །གཟུང་འཛིན་རྩད་གཅོད་གྲི་གུག་གདེངས། །སྣང་སྟོང་སྒྱུ་མའི་རྩེ་འཇོ་མཁན། །རྒྱལ་ཡུམ་རྡོ་རྗེ་བཙུན་མོས་སྐྱོངས། །ཀུན་རྟོག་ཉོན་མོངས་མཐུག་པོའི་གོས་ལྡན་ཞི་བས་གདུལ་དཀའི་ཚུལ་རིག་སྟེ། །སྙིང་རྗེའི་ཆུ་གཏེར་གཡོ་བའི་རླབས་ཀྱི་གདེང་ལྡན་ཁྲག་རྒྱུན་ལ་དགའ་ཞིང་། །འབར་བའི་མཚོན་འཆང་བསྐལ་མེ་ལྟར་འབར་

― KMC025_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་ཤིན་ཏུ་མི་བཟད་པ། །དེ་ཝཱི་ཀཱ་ལིའི་མཁའ་དབྱིངས་དགའ་བཞིའི་རོ་ལ་ཆགས་པའི་རྣམ་འགྱུར་ཅན། །སྒྲུབ་པོ་ལ་བྱམས་ཧ་ལའི་ཡིད་ལྡན་སྡེར་བཅས་ཕ་རོལ་གནས་འགོད་པ། །ཁྱོད་འཁོར་འཇིགས་བྱེད་ཕོ་མོ་དུ་མའི་ཚོགས་ཀྱིས་ཡོངས་བསྐོར་དཀྱིལ་འཁོར་པར། །རྣལ་འབྱོར་གདུང་བའི་དབང་གིས་གྲངས་མེད་ཕྱག་བཅས་ཁྱོད་ཞབས་ལ་འདུད་དོ། །མན་ངག་གཏིང་བྲལ་རིན་ཆེན་འབྱུང་གནས་ལས། །མཚུངས་བྲལ་བླ་མའི་དྲིན་གྱིས་ཐོབ་པ་ཡི། །ཟབ་དོན་ནོར་བུའི་དོ་ཤལ་འདིར་འགོད་ཀྱི། །དཔལ་ཆེན་ཁྱོད་ཀྱིས་བཀའ་ཡི་གནང་བ་རྩོལ། །རྒྱལ་ཀུན་ཕྲིན་ལས་པད་དཀར་འཆང་། །གང་གི་རྗེས་སུ་སློབ་རྣམས་ཀྱིས། །མན་ངག་ཨིནྡྲ་ནཱི་ལའི་ཕྲེང་། །བློ་ལྡན་མགྲིན་པའི་རྒྱན་དུ་ལོངས། །དེ་ལ་འདིར་སྒྲུབ་བརྒྱུད་ཀརྨ་ཀཾ་ཚང་གི་ཆོས་སྐྱོང་ཐུན་མོང་མ་ཡིན་པ་རིན་པོ་ཆེ་ཀརྨ་པའི་ཡབ་ཆོས་ཁྱད་པར་དུ་འཕགས་པ་དཔལ་ཡེ་ཤེས་ཀྱི་མགོན་པོ་ལྕམ་དྲལ་གྱི་སྒྲུབ་པའི་ཟིན་བྲིས་ལག་ལེན་བལྟས་ཆོག་ཏུ་བཀོད་པར་བྱ་སྟེ། དེ་ལའང་

― KMC025_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། སྔོན་འགྲོ། དངོས་གཞི། རྗེས་སོ། །དང་པོ་ལའང་གཉིས། གནས་དང་ཡོ་བྱད་ཀྱི་རིམ་པའོ། །དང་པོ་ལ་གསུམ། གནས། དུས། གྲོགས་སོ། །དེ་ལ་དང་པོ་གནས་ཀྱི་མཚན་ཉིད་ནི། དཔལ་ནག་པོ་ཆེན་པོ་དྲག་པོའི་བརྟག་པ་དུར་ཁྲོད་ཆེན་པོའི་སྔགས་ཀྱི་ལེའུར། གང་ཞིག་ནག་པོ་ཆེན་པོ་བསྒྲུབ་བར་འདོད་པས། དུར་ཁྲོད་ཆེན་པོའི་གནས་འབྱུང་པོ་དང་རོ་ལང་འདུ་བའི་ཕྱོགས་སུ་སོང་ལ་ཞེས་སོགས་གསུངས་པ་ལྟར་རམ། ཤིན་ཏུ་གཙང་ཞིང་དབེན་ལ་ཉམས་དགའ་བའི་གནས་སུ་བསྒྲུབ་པར་བྱའོ། །གཉིས་པ་དུས་ཀྱི་མཚན་ཉིད་ནི། དགུན་ཟླ་ཐ་ཆུང་གི་ནག་པོའི་བརྒྱད། དཔྱིད་ཟླ་ཐ་ཆུང་གི་ལྔ། དབྱར་དང་སྟོན་ཟླ་ཐ་ཆུང་གི་ནག་པོའི་བཅུ་བཞི་རྣམས་ལ་ཆོ་ག་བརྩམ་མོ། །གསུམ་པ་གྲོགས་ཀྱི་མཚན་ཉིད་ནི། །སྤྱི་ནས་བཤད་པ་ལྟར་གྱིས། བློ་གསལ་ཞིང་ངག་ལ་ཉན་པ། གཙང་སྦྲ་ཆེ་ཞིང་གསང་སྔགས་ལ་དད་པ། གཞུང་བཟང་བ་སོགས་མཚན་ཉིད་ཐམས་ཅད་དང་ལྡན་པ་བརྟེན་པར་བྱའོ། །གཉིས་པ་ཡོ་བྱད་ཇི་

― KMC025_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་འདུ་བྱ་བའི་ཚུལ་ལ་གཉིས། སྒྲུབ་རྟེན་གཏོར་མའི་ལག་ལེན་དང་། གཞན་ཡང་མཆོད་གཏོར་སོགས་མཁོ་བའི་ཡོ་བྱད་ཇི་ལྟར་ཚགས་བྱ་བའི་ཚུལ་ལོ། །དེ་ཡི་དང་པོ་ལ་གཉིས། རྒྱུ་བྱིན་གྱིས་བརླབས་པ་དང་། བཅའ་བའི་ཚུལ་ལོ། །དང་པོ་ནི། གཏོར་མའི་རྒྱུ་ཕྱེ་གཙང་མ་མཉྫིའི་ཁར་སྣོད་དུ་ཕྱུར་བུར་སྤུངས་པ་ཟུར་གསུམ་གྱི་དབྱིབས་སུ་བྱས་པའི་ལོག་གསུམ་དུ་འབྲུ་གསུམ་དང་མདུན་ངོས་སུ་ཧཱུྃ་བྷྱོཿབྲིས་ལ་བཞག །མཐར་མཆོད་པ་བསྐོར་བཤམས་ཕྲེང་ཚར་ཅི་བདེར་བྱ། རང་མགོན་པོའི་ང་རྒྱལ་དང་ལྡན་པས་གཏོར་རྒྱུ་ལ་ནང་མཆོད་འཐོར་བཞིན་གྱེར་བསྒོམ་ལྷན་ཅིག་པས། ཨོཾ་དཾ་ཥྚོཀྟ་ཊ་སོགས་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མའི་རྒྱུ་ལྷ་མིའི་ལོངས་སྤྱོད་འདོད་ཡོན་རིན་པོ་ཆེ་སྣ་ཚོགས་པའི་ལྷུན་པོ་འབྲུ་གསུམ་དང་ཡབ་ཡུམ་ཕྱག་མཚན་ཐུགས་སྲོག་ས་བོན་གྱིས་མཚན་པ་ལས་འོད་འཕྲོས། བརྟན་གཡོ་སྣོད་བཅུད་ཀྱི་དྭངས་མ་ཐམས་ཅད་ཚུར་འདུས་ཡོངས་སུ་

― KMC025_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་པ་ལས་མགོན་པོ་ལྕམ་དྲལ་རྒྱན་ཆ་ལུགས་ཡོངས་སུ་རྫོགས་པར་གསལ་བའི་གནས་གསུམ་འབྲུ་གསུམ་ལས་འཕྲོས་པའི་འོད་ཀྱིས་ཡེ་ཤེས་པ་སྤྱན་དྲངས་ཛཿཧཱུྃ་བྃ་ཧོཿས་གཉིས་སུ་མེད་པར་གྱུར། སླར་ཡང་འོད་འཕྲོས་དབང་གི་ལྷ། །སྤྱན་དྲངས་དབང་བསྐུར་ཆུའི་ལྷག་མ། །གྱེན་འཁྱིལ་བླ་མ་མི་བསྐྱོད་པ། །སྤྲུལ་སྐུའི་རྣམ་པས་དབུ་བརྒྱན་གྱུར། ཤྲཱི་བཛྲ་ཨརྒྷཾ་སོགས་ཀྱིས་མཆོད། ཧཱུྃ། ཆོས་ཀྱི་དབྱིངས་ལས་སོགས་དང་། མཁའ་ལ་མ་སྟེ་ཤྭ་ལོ་ཀ་གཉིས་ཀྱིས་བསྟོད། མཐར་ཡབ་ཡུམ་འོད་དུ་ཞུ་བ་ལས་རྒྱུ་རིན་པོ་ཆེའི་ཕུང་པོ་ལས་ཟད་མེད་ཀྱི་འདོད་ཡོན་འཕྲོ་བར་གྱུར། །ཞེས་བྱིན་གྱིས་བརླབ་པར་བྱའོ། །གཉིས་པ་ནི། ཤིན་ཏུ་གཙང་སྦྲ་དང་ལྡན་པས་བྱིན་གྱིས་བརླབས་པའི་ཕྱེ་དེ་ཉིད་ཟན་དུ་བྱས་ལ་སྒྲུབ་གཏོར་རམ། རྟེན་གཏོར་སྙིང་ལ་ཟུར་བཏོད་པ་ལྟ་བུ་མཛེས་ཤིང་ལྷུན་ཆགས་པར་རྒྱན་སོགས་ཀྱིས་ལེགས་པར་བརྒྱན་པའི་ནང་དུ། མཐིང་ཤོག་ལ་གསེར་རམ། རྒྱ་ཤོག་ལ་རྒྱ་སྣག་གིས་བྲིས་པའི་གཟུངས་གཞུག་

― KMC025_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ་སྟེ། དེ་ལ་ཐོག་མར་བླ་མ་བརྒྱུད་པའི་མཚན་སྔགས་རྣམས་ནི། ཨོཾ་ཨཱཿབཛྲ་དྷཱ་ར་ཧཱུྃ། ཨོཾ་ཨཱཿཔྲཛྙཱ་བྷ་དྲ་ཧཱུྃ། །ཞེས་པ་ལྟར་གྱི་ཐོག་མཐའ་གཉིས་སུ་ཨོཾ་ཨཱཿདང་ཧཱུྃ་ཐམས་ཅད་ལ་སྦྱར་ཏེ་ཛྙཱ་ན་སིདྡྷི་སོགས་ཀྱི་མཚན་སྔགས་སམ་ཡང་ན་ཆོས་སྐུ་དྲུག་པ་རྡོ་རྗེ་འཆང་ཆེན་པོ། ཏཻ་ལོ་ཤེས་རབ་བཟང་པོ་སོགས་ནས་རྩ་བའི་བླ་མའི་བར་གྱི་ཟུང་འཇུག་བརྒྱུད་པའི་རིམ་པའམ། རྟོགས་པ་དོན་གྱི་བརྒྱུད་པའི་བླ་མ་རྣམས་དང་། མ་མགོན་གྱི་བརྒྱུད་པའི་བླ་མ་རྣམས་ཀྱི་མཚན་བོད་སྐད་དུ་བྲིས་པའི་མཚན་གྱི་མཇུག་ཏུ་སྒྲུབ་པོ་བདག་གི་རྒྱུད་ལ་སྐུ་གསུང་ཐུགས་ཀྱི་བྱིན་རླབས་དང་། ཕྱག་རྒྱ་ཆེན་པོའི་དངོས་གྲུབ་བདེ་བླག་ཏུ་བརྙེས་པར་མཛད་དུ་གསོལ། ཞེས་པའི་འདོད་གསོལ་བཅས་བྲིས་པ་མཇུག་ནས་ཡར་དྲིལ་ཏེ་ཚོན་སྐུད་ཀྱིས་དཀྲིས་ལ་རིན་པོ་ཆེའི་སྦུ་གུའམ་སྨྱུག་སྦུབ་ཏུ་བཅུག་སྟེ་སྲོག་ཤིང་གི་རྩེར་བསྡམས། དེ་བཞིན་ཡི་དམ་གྱི་མཚན་སྔགས་ཨོཾ་ཧྲཱི་ཧ་ཧ་སོགས་བདེ་མཆོག་རྒྱལ་རྒྱམ་ཕག་མོ་སོགས་གཙོར་བྱས། རང་རང་གི་ཡི་དམ་རྣམས་ཀྱི་སྙིང་པོ་

― KMC025_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས་པའི་མཇུག་ཏུ་སྒྲུབ་པོ་བདག་ལ་མཆོག་དང་ཐུན་མོང་གི་དངོས་གྲུབ་མྱུར་དུ་སྩོལ་ཅིག །ཅེས་བྲིས་ལ་གོང་བཞིན་བྱས་ཏེ་མགྲིན་པར་གཞུག །དེ་བཞིན་མགོན་པོ་སྤྱི་དྲིལ་གྱི་སྔགས། མ་མགོན་གྱི་སྐུ་གསུང་ཐུགས་ཀྱི་སྙིང་པོ་དང་། སྤྱི་དྲིལ་དུཾ་དུཾ་རཀྴ། སྤྱན་འདྲེན། སྐུ་གསུང་ཐུགས་ཀྱི་བསྙེན་སྔགས། རྦད་སྔགས། མ་མོའི་སྐུ་གསུང་ཐུགས་ཀྱི་སྙིང་པོ་ཉེར་བཞི་མ། ལས་ཀྱི་གཉེར་གཏད་པའི་སྔགས་སོགས་བྲིས་པའི་མཇུག་ཏུ། དཔལ་མ་མགོན་ཡབ་ཡུམ་གྱིས་བདག་གི་ལུས་ངག་ཡིད་གསུམ་བྱིན་གྱིས་བརླབ་ཏུ་གསོལ། སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། ལས་བཞི་ལ་སོགས་པའི་འདོད་པའི་དངོས་གྲུབ་སྩལ་དུ་གསོལ། ཁྱད་པར་དུ་བླ་མ་ཀརྨ་པའི་བསྟན་པ་དར་བར་མཛད་དུ་གསོལ། བདག་གི་ལུས་དང་གྲིབ་མ་བཞིན་དུ་འགྲོགས་ལ་གང་བཅོལ་བའི་དོན་ཐམས་ཅད་འགྲུབ་པར་མཛད་དུ་གསོལ། །ཅེས་བྲིས་ཏེ་གོང་བཞིན་བྱས་ལ་སྲོག་ཤིང་གི་ཐུགས་ཀར་བཞུགས་སུ་གསོལ་ལོ། །ཕྱི་རོལ་གྱི་གཏོར་མའི་རྩེ་

― KMC025_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

མོར་ཞལ་སྦྱོར་གྱི་སྐུ་ཙཀ་བཙུགས་པའི་སྟེང་དུ་དར་ནག་པོའི་གདུགས་ཕུབ་པ་སོགས་མཚན་ཉིད་དང་ལྡན་པ་བྱ་དགོས་ཏེ། རིན་པོ་ཆེ་ཀརྨ་པས་མཚན་ཉིད་དང་ལྡན་པར་བསྒྲུབ་པའི་གཏོར་མ་ལ། ཆོས་སྐྱོང་གི་གཟུངས་བྲིས་ཏེ་བཙུག་ནས་གཞུང་བཞིན་བསྐྱེད་བསྟིམ་བསྟོད་བསྐུལ་སོགས་ཞག་བདུན་གྱི་བར་དུ་བྱས་ན་དཔལ་མགོན་གྱིས་ལུས་དང་གྲིབ་མ་བཞིན་དུ་སྡོང་གྲོགས་བྱེད་ཅིང་ཕྱི་མའི་མུ་མཐར་ཐུག་གི་བར་དུ་བསྟན་པ་ཡུན་རིང་དུ་གནས་པར་འགྱུར་རོ། །ཅེས་གསུངས་པ་ལྟར་ཡིན་པས་ཚད་ལྡན་དུ་བྱ་བ་གལ་ཆེ། མཐའ་བསྐོར་དུ་འཁོར་དམར་གཏོར་རྒྱན་ལྡན་བརྒྱད་ཀྱིས་བསྐོར་བ་ལ་ཟས་ཕུད་སྣ་ཚོགས་དང་བཅས་རིན་པོ་ཆེའི་སྣོད་བཟང་པོར་གཞུག་པར་བྱ། རྒྱུ་དེ་ཉིད་ལ་གསོལ་ཁའི་གཏོར་མ་བརྗིད་ཅིང་བྱིན་ཆེ་བ་རྒྱན་ཁྲ་སོགས་ཀྱིས་མཛེས་པར་བྱས་པ་ལ་འཁོར་དམར་གཏོར་རྒྱན་ལྡན་བཅུ་དང་རྟེན་དང་སྒྲུབ་རྫས་ཀྱི་རིགས་དང་ཁ་ཟས་བཟང་པོ་དུ་མས་བསྐོར་བ་དང་། སྐོང་གཏོར་མཛེས་ཤིང་ལྡེམ་པར་འཁོར་གོང་

― KMC025_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་དང་། སྐོང་རྫས་རིགས་ཐམས་ཅད་སྤར་བཏབ་པ་དང་། ཟས་སྣ་ཚོགས་ཀྱིས་བསྐོར་བ་བཤམས་པ་སྟེ། དེ་དག་ནི་སྒྲུབ་རྟེན་གཏོར་མའི་ལག་ལེན་གྱི་རིམ་པའོ། །གཉིས་པ་ནི། གཞན་ཡང་ཉེ་བར་མཁོ་བའི་ཡོ་བྱད་མཆོད་གཏོར་གྱི་རིམ་པར། ཆོས་སྐྱོང་སྤྱི་གཏོར། ཚོགས་བ་ལིང་། དབང་པོ་རྣམ་ལྔ། ཞི་དྲག་གི་ཞལ་ཟས། ཐུན་གཏོར། འཁོར་ལྔ། རྗེས་འབྲང་དང་བཅས་པའི་འབུལ་གཏོར་སོགས་དང་། སྨན་རཀ །བདུན་ཚར་གཉིས། ཐོད་རྔ། མཆོག་ཆེན་གྱི་གླིང་བུ། རྔ་ཆེན། རོལ་མོ། སྤོས་ཕོར། ཆུ་བུམ། ཁྲུས་བུམ། རྡོར་དྲིལ་སོགས་དང་། གཞན་ཡང་ཉེ་བར་མཁོ་བའི་ཡོ་བྱད་མ་ཚང་བ་མེད་པ་རྣམས་ལེགས་པར་འདུ་བྱ་བ་སོགས་ནི་སྔོན་དུ་འགྲོ་བའི་རིམ་པའོ། །གཉིས་པ་སྒྲུབ་པ་ལ་འཇུག་པ་དང་། དངོས་གཞི་བསྙེན་སྒྲུབ་ཀྱི་ལག་ལེན། སྒོམ་དོན་དམིགས་པའི་རིམ་པ། ཞར་བྱུང་དུ་བཟང་ངན་གྱི་མཚན་ལྟས་ཇི་ལྟར་དབྱེ་བ། གེགས་སེལ་ཉམས་ལེན་གྱི་རིམ་པ། དུས་དང་གྲངས་ཀྱི་བསྙེན་པའི་ཚད་ཇི་ཙམ་བྱ་བ།

― KMC025_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་རྒྱས་དབང་དྲག་གི་ལས་སྦྱོར་དང་། ཁྱད་པར་དྲག་པོ་མངོན་སྤྱོད་ཀྱི་སྒོ་ནས་ལས་སྦྱོར་བྱེད་ཚུལ་སོགས་ལས། ཐོག་མར་སྒྲུབ་པ་ལ་འཇུག་པར་ཉེ་བ་ན། སྣེ་སེལ་དུ་དཔང་སྐོང་ཕྱག་རྒྱ་པ། སཱཙྪ། ཆུ་གཏོར། དགེ་འདུན་བཞི་སྡེ་ལ་བསྙེན་བཀུར། རྒྱལ་བའི་བཀའ་དཀོན་མཆོག་བརྩེགས་པ། གཟུངས་འདུས་སོགས་ཅི་འགྲུབ་བཀླག་ཏུ་བཅུག་པ་སོགས་བྱའོ། །སྒྲུབ་པ་དངོས་ལ་འཇུག་པ་ན། ནངས་པར་སྔ་བར་ལངས་ཏེ་ཁ་ཏོན་སོགས་གྲུབ་རྗེས། གནས་ཁང་ཕྱག་བརྡར་དང་། རང་ཉིད་ཀྱང་ཁྲུས་སོགས་བྱ་བ་ཐམས་ཅད་གྲུབ་སྟེ་མཚམས་ཐོ་འཛུག་པའི་དུས་ལ་བབས་པ་ན། སྒོ་དྲུང་དུ་སོང་ལ་ཐོག་མར་རང་ཉིད་ལྷའི་ང་རྒྱལ་དང་ལྡན་པས་འབྱུང་པོ་རྣམས་ལ་ཆ་གསུམ་བསྔོས་ཏེ་བྱང་ཆུབ་ཀྱིས་སེམས་དང་ལྡན་པས་རང་གནས་སུ་གཏང་། གཞི་བདག་ལ་གཏོར་མ་གཏོང་ཞིང་སྒྲུབ་པའི་གྲོགས་བཅོལ། དེ་དག་གྲུབ་རྗེས་སྒོ་འགྲམ་གཡས་གཡོན་གང་བདེར་ཐོ་དཀར་པོ་ཞིག་བརྩེགས་པའི་རྩེ་མོར་རྒྱལ་ཆེན་བཞི་ཡི་སྐུ་བརྙན་བྲིས་པ་ཤིང་བྱང་

― KMC025_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྨྱུག་ལྡེམ་དར་དཀར་པོས་བརྒྱན་པ་བཙུགས་ལ་བཞག །འབུལ་གཏོར་དཀར་གཏོར་ཆེ་ལེགས་དང། མཆོད་པ་ཕྲེང་ཚར་བཤམས་པ་ལ་བསང་ཆུ་འཐོར་བཞིན། ཨོཾ་ཨཱཿབིགྷྣཱན་སོགས་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་རིན་ཆེན་སྣོད་ཡངས་པར། །འབྲུ་གསུམ་ཞུ་བ་ལས་བྱུང་མཆོད་གཏོར་ཚོགས། །རོ་བཅུད་ནུས་པ་ཕུན་ཚོགས་བདུད་རྩིའི་མཚོ། །ཟད་མེད་ནམ་མཁའ་མཛོད་ཀྱི་རང་བཞིན་གྱུར། ཨོཾ་ཨཱཿཧཱུྃ་བཛྲ་སྥར་ཎ་ཁྃ་སྭཱ་ཧཱ། ཞེས་པས་འདོད་ཡོན་ནམ་མཁའ་མཛོད་ཀྱི་རང་བཞིན་དུ་བལྟས་ལ་བྱིན་གྱིས་བརླབ་བོ། །དེ་ནས་མདུན་རྟེན་ལ་དམིགས་ཏེ། ཨོཾ་སྭ་བྷཱ་ཝ་སོགས་དང་། སྟོང་པའི་ངང་ལས་རང་ཉིད་དཔལ་ནག་པོ་ཆེན་པོར་གསལ་བའི་མདུན་དུ་ཆོས་སྐྱོང་རྒྱལ་པོ་ཆེན་པོ་སྡེ་བཞི་རང་རང་གི་འཁོར་བྱེ་བ་འབུམ་སྡེའི་ཚོགས་དང་བཅས་པར་གསལ་བའི་གནས་གསུམ་འབྲུ་གསུམ་གྱིས་མཚན་པ་དང་། བདག་ཉིད་ཀྱི་ཐུགས་ཀའི་ས་བོན་ལས་ཀྱང་འོད་ཟེར་ལྕགས་ཀྱུའི་ཚོགས་སྤྲོས། རི་རབ་ཆེན་

― KMC025_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཕྱོགས་བཞི་དང་། ཁྱད་པར་འོག་མིན་གྱི་ཞིང་སོགས་ནས་རྒྱལ་པོ་ཆེན་པོ་སྡེ་བཞི་འཁོར་བཅས་སྐད་ཅིག་གིས་མདུན་དུ་བྱོན་པར་གྱུར། བཛྲ་ས་མཱ་ཛཿ ཨོཾ་བཛྲ་ཨརྒྷཾ་སོགས་ཀྱིས་མཆོད། ཛཿཧཱུྃ་བྃ་ཧོཿས་གཉིས་སུ་མེད་པར་གྱུར། སླར་ཡང་ཐུགས་ཀ་ནས་འཕྲོས་པའི་འོད་ཀྱིས་དབང་ལྷ་རབ་འབྱམས་སྤྱན་དྲངས། ཨརྒྷཾ་སོགས་ཀྱིས་མཆོད། ཨོཾ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པས་དབང་གི་ལྷ་རྣམས་ཀྱིས་རིན་པོ་ཆེའི་བུམ་པས་དབང་བསྐུར། དྲི་མ་དག་ཆུ་ལྷག་གྱེན་དུ་ལུད་པ་ལས་གཙོ་བོ་བཞིར། མི་གཡོ་བ། འཇམ་དཔལ། རྟ་མགྲིན། བདུན་རྩི་འཁྱིལ་པ་རྣམས་ཀྱིས་དབུ་བརྒྱན་པར་གྱུར། དེ་ནས་མཆོད་བསྟོད་སྐབས་རང་གི་ཐུགས་ཀ་ནས་མཆོད་ལྷ་སྤྲུལ་ཏེ་མཆོད། སྙན་པའི་གླུས་བསྟོད་ཅིང་མཐར་རང་ལ་བསྡུའོ། །ཨོཾ་བཛྲ་ཨརྒྷཾ་སོགས་ཀྱིས་མཆོད། བརྩོན་པས་གོ་བགོས་མཐུ་སྟོབས་ཅན། །སངས་རྒྱས་བསྟན་པ་ལེགས་སྐྱོང་བ། །ཤར་ལྷོ་ནུབ་བྱང་ཕྱོགས་བཞི་ཡི། །རྒྱལ་ཆེན་བཞི་ལ་ཕྱག་འཚལ་བསྟོད། །ཅེས་པས་མཆོད་ཅིང་

― KMC025_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད། དེ་ནས་བཟླས་པ་བྱ་བ་ནི། རྒྱལ་ཆེན་བཞི་པོའི་ཐུགས་ཀར་པད་ཟླའི་སྟེང་དུ་རང་རང་གི་ས་བོན། དྷྲྀ་བི་བི་བཻ་རྣམས་ཀྱི་མཐར་སྔགས་ཕྲེང་འཁོར་བ་ལ་རང་གི་ཐུགས་ཀའི་ཧཱུྃ་ལས་འོད་འཕྲོས། རྒྱལ་ཆེན་གྱི་ཐུགས་སྲོག་ལ་ཕོག་པས་སྔོན་གྱི་དམ་ཚིག་དྲན་ཅིང་ཅི་ལྟར་བསྒོས་པའི་ལས་ཐོགས་མེད་དུ་སྒྲུབ་པར་མོས་ལ། ཨོཾ་དྷྲྀཥྚ་རཥྚཱ་ཡ་སྭཱ་ཧཱ། ཨོཾ་བི་རུ་ཌྷཀྵ་སྭཱ་ཧཱ། ཨོཾ་བི་རུ་པཀྵ་ཡ་སྭཱ་ཧཱ། ཨོཾ་བཻ་ཤྲ་མ་ཎཱ་ཡ་སྭཱ་ཧཱ། །ཞེས་པ་རྣམས་ཅི་འགྲུབ་བཟླས་མཐར། གཏོར་འབུལ་ཞིང་ཕྲིན་ལས་བཅོལ་བ་ནི། གཏོར་མ་རྩ་སྔགས་ཀྱི་མཐར། བ་ལིཾ་ཏ་ཁཱ་ཧི། ཞེས་བཏགས་པ་ལན་གསུམ་གྱིས་ཕུལ་བས་ལྷ་རྣམས་ཀྱི་ལྗགས་འོད་ཀྱི་སྦུ་གུས་དྲངས་ཏེ་གསོལ་བས་མཉེས་པར་མོས་ལ་ཧཱུྃ། དཔལ་ཆེན་བཀའ་ཡི་བསྟན་སྐྱོང་བ། །མཐུ་ཆེན་སྲུང་མ་ཆེན་པོ་བཞི། །འཁོར་གཡོག་རྒྱ་མཚོའི་ཚོགས་བཅས་ཀྱིས། །དམ་རྫས་མཆོད་གཏོར་འདི་བཞེས་ལ། །བདག་གིས་རྒྱལ་བའི་བསྟན་སྲུང་ཕྱིར། །མ་ཧཱ་ཀཱ་ལའི་དཀྱིལ་འཁོར་དུ། །མངོན་པར་

― KMC025_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་ཅིང་སྒྲུབ་འཚལ་ན། །ཕྲིན་ལས་མཐའ་རུ་མ་ཕྱིན་བར། །ཕྱི་ཡི་བར་ཆད་ཟློག་པ་དང། །ནང་གི་དངོས་གྲུབ་སྲུང་བའི་ཕྱིར། །རྟེན་འདིར་དགྱེས་པར་རྟག་བཞུགས་མཛོད། །རྒྱལ་བའི་སྤྱན་སྔར་ཁས་བླངས་བཞིན། རྣལ་འབྱོར་བསྒོས་པའི་ལས་རྣམས་སྒྲུབས། །ཅེས་འདོད་དོན་གསོལ་བས་དགྱེས་པ་དང་བཅས་གྲོགས་མཛད་པར་ཁས་བླངས་ཏེ་སྲུང་ཟློག་གི་ལས་མཛད་ཅིང་བརྟན་པར་བཞུགས་པར་མོས་ནས་ཡེ་དྷརྨཱས་རབ་ཏུ་གནས་པ་ཡང་བྱའོ། །དེ་ནས་ནང་དུ་འོངས་ལ་གཞི་གཙང་མའི་ཁར་མཎྜལ་ཚོམ་བུ་གཅིག་པའི་སྟེང་དུ་མཚན་ཉིད་དང་ལྡན་པའི་བུམ་པ་དག་བྱེད་ཀྱི་རྒྱུན་དྲི་བཟང་གི་ཁུ་བས་སྦགས་པས་གཏམ། དར་ལྗང་གུའི་ཅོད་པཎ་གྱིས་མགུལ་ཆིངས། མྱ་ངན་མེད་པའི་ཤིག་གི་ཡལ་གའམ། ཀུ་ཤས་ཁ་བརྒྱན་པ་བཤམས། དེའི་མདུན་དུ་ཉེར་སྤྱོད་བདུན་ཕྲེང་ཚར་དུ་བཀོད་པ་ཆུ་གཙང་གིས་བྲན་ལ། ཨོཾ་ཨཱཿཧཱུྃ། སྟོང་ལས་རིན་ཆེན་སྣོད་ཀྱི་ནང་། །འབྲུ་གསུམ་ཞུ་བ་ལས་གྲུབ་པའི། །ལྷ་རྫས་ཉེར་སྤྱོད་མཆོད་པའི་རྫས། །

― KMC025_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་བཟང་སྨོན་ལམ་ལྟ་བུར་གྱུར། །ཞེས་པས་བྱིན་གྱིས་བརླབས། དེ་ནས་བུམ་པ་ལ་དམིགས་ཏེ། ཨོཾ་སྭ་བྷཱ་ཝས་སྦྱངས། སྟོང་པར་གྱུར་པའི་ངང་ལས་ཡི་གེ་བྷཱུྃ་ཞུ་བ་ལས་བྱུང་བའི་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་པད་ཟླ་ལ་ཧཱུྃ་ལས་ཁྲོ་བོའི་རྒྱལ་པོ་བདུད་རྩི་འཁྱིལ་བ་སྐུ་མདོག་ཆ་ལུགས་ཕྱག་མཚན་རྣམ་འགྱུར་ཡོངས་སུ་རྫོགས་པར་གསལ་བའི་གནས་གསུམ་འབྲུ་གསུམ་གྱིས་མཚན་པའི་འོད་ཀྱིས་ཡེ་ཤེས་པ་སྤྱན་དྲངས། ཛཿཧཱུྃ་བྃ་ཧོ་ས་གཉིས་སུ་མེད་པར་བསྟིམ། སླར་ཡང་དབང་ལྷ་འཁོར་བཅས་སྤྱན་དྲངས། ཨརྒྷཾ་སོགས་ཀྱིས་མཆོད། ལྷ་རྣམས་ཀྱིས་དབང་བསྐུར་དུ་གསོལ། །ཞེས་གསོལ་བ་བཏབ་པས་རིན་པོ་ཆེའི་བུམ་པས་དབང་བསྐུར། དྲི་མ་དག །ཆུ་ལྷག་སྤྱི་བོར་འཁྱིལ་བ་ལས་དེ་བཞིན་གཤེགས་པ་དོན་ཡོད་གྲུབ་པས་དབུ་བརྒྱན་པར་གྱུར། རང་གི་སྙིང་ག་ནས་སྤྲུལ་པའི་མཆོད་ལྷ་རྣམས་ཀྱིས་མཆོད་ཅིང་བསྟོད་པར་མོས། ཨོཾ་ཨ་མྲྀ་ཏ་ཨརྒྷཾ་པ་དྱཾ་སོགས་ཀྱིས་མཆོད།

― KMC025_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ། འཇིགས་པའི་ཧཱུྃ་སྒྲ་ངེས་སྒྲོགས་ཤིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བདུད་རྩི་འཁྱིལ་ལ་ཕྱག་འཚལ་བསྟོད། །ཅེས་མཆོད་ཅིང་བསྟོད། མཆོད་ལྷ་རང་ལ་བསྡུའོ། །བཟླས་པ་ནི། ཁྲོ་བོའི་ཐུགས་ཀར་ཉི་སྟེང་ཧཱུྃ། །མཐའ་མར་སྔགས་ཀྱིས་བསྐོར་བ་ལས། །བདུད་རྩིའི་རྒྱུན་བབས་བུམ་ཆུར་འདྲེས། །དག་བྱེད་ཡེ་ཤེས་བདུད་རྩིར་གྱུར། །ཞེས་མོས་ལ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཅེས་བརྒྱ་རྩ་བཟླ། མཐར། ཁྲོ་བོ་འོད་དུ་ཞུ་བ་ཆུར་འདྲེས་པར་བསམས་ལ་རང་ཉིད་གྲོགས་དང་བཅས་པས་ཁྲུས་བྱ། ཉམས་གྲིབ་མི་གཙང་བ་ཐམས་ཅད་དག་པར་བསམ། གནས་ཁང་དང་མཆོད་གཏོར་སོགས་ལའང་འཐོར་ཞིང་ཉེས་པའི་དངོས་པོ་ཀུན་དང་བྲལ་བར་བལྟའོ། །དེས་དངོས་གཞི་ལ་འཇུག་པའི་ཐོག་མའི་བྱ་བ་རྣམས་གྲུབ་ནས། ༈ ད་ནི་དངོས་གཞི་སྒྲུབ་པའི་ལག་ལེན་དཀྱིལ་འཁོར་བཤམས་བཀོད་ནས་བཟུང་མཐར་ཆགས་སུ་འབྲི་བར་བྱ་སྟེ། དེ་ལ་སྟེགས་བུ་གྲུ་བཞི་པ་

― KMC025_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས་ཤིང་རྒྱ་ཆེ་བ་དར་གྱིས་བཀབ་བའི་དབུས་སུ། གཞུང་དང་མཐུན་ཅིང་མཚན་ཉིད་རྫོགས་པའི་རས་བྲིས་ཀྱིས་དཀྱིལ་འཁོར་རམ། མ་འབྱོར་ན་འབྲུ་ནག་གི་ཚོམ་བུ་ལྷ་གྲངས་སམ། ཡང་ན་གཙོ་འཁོར་དགུ་པ་ཞིག་བཀོད་ཀྱང་འཐུས་ལ། དེ་ཡི་སྟེང་མཉྫིའི་ཁར་མ་མགོན་གྱི་རྟེན་གཏོར་བཞུགས་སུ་གསོལ་བའི་མཐར་མདུན་ནས་གཡས་བསྐོར་དུ། ཁྲག་ཆེན་ཨརྒྷཾ་ཤར། ཆུ་གཙང་ཡིད་དུ་འོང་བའི་ཞབས་བསིལ་ལྷོ། །དུག་དང་དབང་པོའི་མེ་ཏོག་ལྷོ། གསུར་ཆེན་གྱི་བདུག་སྤོས་ལྷོ་ནུབ། ཚིལ་ཆེན་གྱི་ཞུན་ཆེན་ནུབ། ཁྲག་ཞག་གི་དྲི་ཆབ་ནུབ་བྱང་། ཤ་ཆེན་དང་རུས་པའི་ཞལ་ཟས་བྱང་། །ཐོད་པའི་རྔེའུ་ཆུང་བྱང་ཤར་རྣམས་སུའོ། །གཡས་སུ་གསོལ་གཏོར། གཡོན་དུ་སྐོང་གཏོར། །མདུན་ངོས་སུ་ཆོས་སྐྱོང་སྤྱི་གཏོར། གཡས་གཡོན་སྨན་རཀ །དེའི་མདུན་རྫས་གོང་བཞིན་གྱི་ཉེར་སྤྱོད་ཕྲེང་ཚར་དང་། དེའི་མདུན་སོགས་གང་བདེར་གཏོར་འབུལ་རིགས་དང་། གཡས་གཡོན་སོགས་གང་བདེར་ཚོགས་གཞི་གཅན་གཟན་གྱི་

― KMC025_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

པགས་པས་བཀབ་པའི་སྟེང་དུ་ཚོགས་ཀྱི་ཡོ་བྱད་དང་། ཞིང་སྤགས་ཀྱིས་བཀབ་པའི་སྟེང་ཐུན་གཏོར་བསགས་སྣོད་ཟངས་ལྕགས་གང་རུང་གི་སྣོད་ཆེ་བ་གཅིག་དང་། རྒྱབ་ངོས་སུ་མ་མགོན་གྱི་སྐུ་བརྙན་བྲིས་འབུར་གང་འབྱོར་རབ་གནས་དང་ལྡན་ཞིང་བྱིན་ཅན་བཤམས་པ་སོགས་ནི་དཀྱིལ་འཁོར་བཅའ་བཤམས་ཀྱི་རིམ་པའོ། །དངོས་གཞི་ནི་སྨོན་འཇུག་གི་སེམས་བསྐྱེད་དང་ལྡན་པས། ཇི་སྐད་དུ་ཡང་། ཡན་ལག་བདུན་རྩི་ལྔས་བྱུགས་ལ། །སྐྲ་བརྫེས་གྲི་གུག་ཐོད་པ་འཛིན། །ཁ་དོག་ནག་པོ་དུར་ཁྲོད་གོས། །རྣལ་འབྱོར་པ་ཡིས་བསྒོ་བར་བྱ། །ལྷོའམ་ལྷོ་ནུབ་སྒྲུབ་བྱའི་ཕྱོགས། །ཁ་བལྟས་ཞིང་གི་གདན་ལ་འདུག །ཅེས་པའང་རྣལ་འབྱོར་པས་ཡི་དམ་ལྷའི་ང་རྒྱལ་དུས་རྟག་ཏུ་མ་བྲལ་བར་བྱ་དགོས་པའི་དོན་བསྟན་པ་ཡིན་པས་དྲན་ཤེས་དང་བཅས་གཙང་མའི་གདན་ལ་གདོང་དཀྱིལ་འཁོར་ལ་ཕྱོགས་པས་འདུག་སྟེ། ཧཱུྃ། ཨོ་རྒྱན་ཡུལ་གྱི་སོགས་ཚིག་བདུན་གསོལ་འདེབས་དབང་ལེན་བཅས་སོང་ནས་བརྒྱུད་པའི་གསོལ་

― KMC025_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་སྔོན་དུ་འགྲོ་བས་ཕག་མོའི་བདག་བསྐྱེད་རང་ཉིད་ལས་ཀྱི་ཕག་མོར་བསྐྱེད་ཅིང་བདུད་རྩི་བྱིན་གྱིས་བརླབས་པ་དང་། སྔོན་འགྲོ་གཏོར་མ་བྱིན་རླབས་ནས་མགྲོན་བཀུག་ཅིང་གཏོར་མ་སྦྱིན་ཞིང་བཀའ་བསྒོ་བ་དང་། བསྐྲད་པ་དང་སྲུང་བའི་འཁོར་ལོ་བསྒོམ་པ། ཏིང་ངེ་འཛིན་བསྐུལ་བ། མཆོད་རྫས་བྱིན་གྱིས་བརླབས་པ། སྐྱབས་ཡུལ་རྣམས་ཀྱི་སྤྱན་སྔར་སྐྱབས་འགྲོ་སེམས་བསྐྱེད། རྡོར་སེམས་བསྒོམ་བཟླས། ཚོགས་ཞིང་སྤྱན་དྲངས་པ། བཞུགས་གསོལ། ཕྱག་འཚལ་བ། མཆོད་ཅིང་ཡན་ལག་བདུན་པ་འབུལ་བ། མཎྜལ། བླ་མའི་རྣལ་འབྱོར། མཐར་ཚོགས་ཞིང་བསྡུ་བ། རང་ཉིད་རྡོ་རྗེ་བཙུན་མོའི་སྐུར་བསྒོམ་ཞིང་བྱིན་དབབ་པ། བཟླས་པ་བསྡུ་རིམ་དང་བཅས་པ་དལ་བུས་འདོན་ཅིང་དམིགས་པ་གསལ་ཐོབ་ངེས་བྱ་དགོས། དེ་ནས་མགོན་པོ་རང་གཞུང་གི་སྲུང་འཁོར། ཨོཾ་སྭ་བྷཱ་ཝ་སོགས། སྟོང་པའི་ངང་ལས་སོགས་ཀྱི་སྐབས་དམིགས་པ་ནི། བུྃ་ནག་པོ་འོད་དུ་ཞུ་བ་ལས་སྲུང་བའི་འཁོར་ལོ་རྩིབས་བཅུ་

― KMC025_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

པ། རྩིབས་རྣམས་ཁོང་སྟོང་མདུང་སོ་སྦུབ་ཅན་ཁ་སྤྲད་པ་ལྟ་བུ་ཕྱོགས་མཚམས་རྣམས་སུ་བརྒྱད། སྟེང་འོག་གཉིས་དང་བཅུར་ཡོད་པའི་རྩེ་མོ་ཤིན་ཏུ་རྣོ་བ་རྩིབས་ཐམས་ཅད་འབྲེལ་བ། རྡོ་རྗེའི་གུར་ཟླུམ་པོའི་ཚུལ་དུ་གྲུབ་པའི་ནང་ཡངས་ཤིང་རྒྱ་ཆེ་བའི་གཞལ་ཡས་ཁང་མཐིང་ནག་འབར་བའི་འོག་ཏུ་གསེར་གྱི་ས་གཞི་སྲ་ལ་འཐུག་པའི་དབུས་སུ་པད་ཉི་ལ་ཧཱུྃ་ལས་འོད་འཕྲོས། དགྲ་བགེགས་གདུག་པ་ཅན་ཚར་བཅད། དྲེགས་བྱེད་རྣམས་ཀྱི་ནུས་པ་བསྡུས། ཚུར་འདུས་ཡོངས་སུ་གྱུར་པ་ལས་བདག་ཉིད་ཡེ་ཤེས་ཀྱི་མགོན་པོ་ལེགས་ལྡན་ནག་པོ་སྐུ་མདོག་ནག་ལ་དམར་བའི་མདངས་དང་ལྡན་པ། སྐུ་ལ་རྔུལ་གཟན་དཀར་པོ། དེ་སྟེང་བེར་ནག་སུམ་བརྩེགས་གསེར་སྐེད་བཅིངས་པ། དེའི་ཕྱིར་བེར་ནག་པོ་དྲུག་ལྷུབ་གྱོན་བྱས་པའི་སུལ་ནས་མཚོན་ཆར་འབེབས་པ། ཞལ་གཅིག་སྤྱན་གསུམ་མཆེ་བ་བཞི་གཙེགས་པ། དབུ་སྐྲ་ཁམ་ནག་གྱེན་དུ་བཅིངས་ཤིང་མཐུར་དུ་བཤལ་བ། ཐོད་སྐམ་ལྔས་དབུ་བརྒྱན། རློན་པ་ལྔ་བཅུའི་ཕྲེང་བ་འཕྱང་བ།

― KMC025_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ན་ཙནྡན་གྱི་བིང་ཟུར་གསུམ་ལོགས་རེར་སྒོ་གསུམ་གསུམ་ཡོད་པ་ལས་ལྷ་དམག་བྱེ་བ་འགྱེད་པའི་རྩེར་ནོར་བུའི་ཏོག་དང་། རྩ་བ་ཕུར་དཔལ་རྣོ་བ་གསུམ་གདུག་ཅན་སྙིང་ལ་བསྣུན་པ། སྐུ་ལས་བསྐལ་པའི་མེ་དཔུང་འབར་བས་ཐམས་ཅད་བསྲེགས་སྐུ་ཡིས་སྲིད་གསུམ་གཡོ་བ། ཞལ་ནས་ཧ་ཧ་ཧཱུྃ་ཧཱུྃ་གི་སྒྲ་དྲག་པོ་སྒྲོག་པར་གྱུར། དེའི་མཐར་རྩིབས་བཅུའི་ཐད་ཀྱི་ནང་གི་བར་སྣང་ལ་སྲས་མཆོག་བེར་ནག་ཅན་ཕྱོགས་མཚམས་ཀྱི་བརྒྱད་པོ་ཞལ་ནང་དུ་བལྟ་བ། སྟེང་འོག་གི་ལྷ་གཉིས་ལས་སྲུང་འཁོར་གྱི་སྐབས་སྟེང་མ་ཞལ་ཤར་དང་། འོག་མ་ནུབ་ཏུ་གྱུ་བ་རྣམས་དང་། གཞན་ཡང་ལྷ་དམག་བྱེ་བ་དུང་ཕྱུར་གྱིས་གཏམས་པར་གསལ་བའི་ལེགས་ལྡན་གྱི་ཐུགས་ཀར་པད་ཉི་ལ་ཧཱུྃ་མཐིང་ནག་གནས་པ་ལས་འཕྲོས་པའི་འོད་ཀྱིས་འོག་མིན་གྱི་ཞིང་ནས་ཡེ་ཤེས་པ་སྤྱན་དྲངས་ཤིང་བསྟིམ། སླར་ས་བོན་གྱི་མཐར་སྔགས་གཡོན་དུ་བསྐོར་ཞིང་གཡས་སུ་འཁོར་བ་དེ་ལས་འོད་འཕྲོས། ཡེ་ཤེས་ལས་དང་འཇིག་རྟེན་གྱི་མགོན་པོ་དང་

― KMC025_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེགས་བྱེད་མ་མོ་མཁའ་འགྲོ་ཐམས་ཅད་རང་ལ་བསྡུས་ཤིང་གཟི་བརྗིད་རྒྱས། ཁམས་གསུམ་བྲན་དུ་བཀོལ་བར་མོས་ཏེ་སྔགས་སུམ་སྦྲེལ་བཟླའོ། སྲུང་བའི་དམིགས་པ་ནི་རང་གི་ཐུགས་ཀར་ཆོས་འབྱུང་རྩེ་མོ་མདུན་ཏུ་བསྟན་པའི་དབུས་སུ་རང་གི་སེམས་ཉིད་ཡི་དམ་ཕྱག་རྡོར་དུ་གསལ་བར་མོས་ལ་ཨོཾ་བཛྲ་ཙཎྜ་སོགས་བཟླ། དེ་ནས་ཕྱག་རྡོར་གྱི་གཡས་སུ་བསྲུང་བྱ་ཕོ། གཡོན་དུ་མོ། མདུན་རྒྱབ་ཏུ་དཀོར་ནོར། སྟེང་དུ་བླ་མ་ཡི་དམ་གྱི་ལྷ་ཚོགས་ཀྱིས་བསྲུང་བྱ་ལ་བྱིན་རློབ་པར་བསྒོམ། འཁོར་ལོའི་རྒྱབ་ཏུ་རྡོ་རྗེའི་གུར་མེ་རི་དང་བཅས་པར་དམིགས་ཏེ་སྔགས་ཚན་གསུམ་གྱི་མཇུག་མ་མ་ཀཱ་ཝཱ་ཙི་བཏགས་ནས་བཟླའོ། །ཟློག་པ་ནི། འཁོར་ལོའི་རྩིབས་ཀྱི་སྲས་མཆོག་རྣམས་ཞལ་ཕྱིར་གཟིགས་ཤིང་། འདི་སྐབས་སྟེང་མ་ནུབ་དང་། འོག་མ་ཤར་དུ་གཟིགས་དགོས། འཁོར་ལོ་ཡང་གཡོན་དུ་དྲག་པོར་འཁོར་བའི་རྩེར་ལས་བྱེད་ཕོ་ཉ་དུ་མ་སྤྲོས་པས་བྱད་མ་ལྷ་དང་བཅས་པ་བཀུག་སྟེ་རྩིབས་རྩེར་བསྐྱོན་པས་གཟུགས་ཕུང་རྗེས་

― KMC025_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུལ་ཙམ་མེད་པར་བརླག །ཡང་ལྷ་ཚོགས་ཀྱི་སྐུ་ལས་བསྐལ་པའི་མེ་འབར་བས་བསྲེགས་པར་མོས། ཡང་རྩིབས་འོག་མའི་ཞབས་སུ་བྲུབ་ཁུང་ནང་གནོད་བྱེད་སྤྱིའུ་ཚུགས་སུ་གནས་པའི་སྙིང་ཁར་རྩིབས་ཀྱིས་གཟིར་བའི་ཕྱི་ངོས་སུ་གནམ་ལྕགས་ཀྱི་འཁོར་ལོ་རྩིབས་དྲུག་པ་གཉིས་གཡས་གཡོན་དུ་འཁོར་བས་གཏུབ་པའི་ཤ་ཁྲག་བྷནྡྷའི་སྣོད་དུ་རྒྱ་མཚོར་འཁྱིལ་བ་དེ་ཉིད་ཀྱི་སྟེང་འབྲུ་གསུམ་འོད་ཀྱིས་བདུད་རྩིར་སྤེལ་བ་དེ་ཉིད་སྤྲུལ་པའི་ཁྲོ་ཆུང་རྣམས་ཀྱིས་ཐོད་པའི་སྐྱོགས་སུ་བཅུས་ཏེ་སྲུང་འཁོར་གྱི་ལྷ་ཚོགས་ལ་ཕུལ་བས་ཧབ་སྒྲ་དི་རི་རི་གསོལ་བར་མོས་ལ་སྔགས་བཟླ་བ་ནི་ཟློག་པ་དང་བསད་པའི་ལས་ཏེ་དེ་རྣམས་ཀྱིས་སྲུང་འཁོར་གྱི་དམིགས་རིམ་བསྟན་ཟིན་ཏོ། །མཐར་རང་ཉིད་གནས་འགྱུར་གྱིས་དྲང་སྲོང་ལོག་ཏྲི་པ་ལ་མཐིང་ནག་ཞལ་གཅིག་ཕྱག་བཞི་དང་པོ་གཉིས་རལ་གྲི་དང་ཐོ་བ། འོག་མ་གཉིས་ཀྱིས་ཉི་ཟླའི་ཐལ་མོ་བརྡབ་པའི་བར་དུ་གནོད་བྱེད་ཆོམ་ཆོམ་བཏང་བར་དམིགས་ཏེ་ཐལ་མོ་བརྡབ། རྗེས་བཟློག་བྱ་

― KMC025_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག་བྱེད་ཀྱིས་སྟོང་པའི་ངང་ལས་སླར་ཡང་ལེགས་ལྡན་ཏུ་ལམ་སྟེ་གསལ་བར་དལ་ཅིག་སེམས་བཟུང་། མཐར་ལེགས་ལྡན་གནས་འགྱུར་བའི་ཚུལ་གྱིས་བདག་མདུན་གྱི་དཀྱིལ་འཁོར་གསལ་གདབ་པ་ནི། མདུན་གྱི་རྟེན་ལ་བདུད་རྩི་འཐོར་ཞིང་། ཨོཾ་དཾ་ཥྚོཏྐ་ཊ་སོགས་གཏོར་བསྔོས་མཚལ་མ་ལྟར་མཐར་ཆགས་སུ་བཏང་། བསྙེན་པ་ཉུང་ཙམ་མཐར་འགུགས་པ་རྒྱས་བསྡུས་ལན་གསུམ་དང་། གང་ཞིག་བླ་མས་བསྐུལ་བྱ། མཐར་ཐུན་གཏོར་ཕྱིར་མི་འབུལ་བར་དཀྱིལ་འཁོར་གྱི་དྲུང་དུ་ལྕགས་སྣོད་ལྟ་བུར་བསགས་དགོས། རྡོ་རྗེ་བཀའ་ཟློག །ཚེ་བདག་ཟློག་པ་དང་། དངོས་གྲུབ་ལེན་ཆོག་ཉིན་རེ་བཞིན་བགྱིས་ན་འགལ་བ་མེད་ཅིང་ཕྱག་ལེན་ཏུའང་དེ་བཞིན་མཛད། བདག་མདུན་མི་བསྡུ་བར་གསལ་བཏབ། ཐུན་མཚམས་བྱ་བ་ལ་འཇུག་ཚེ་བདག་བསྐྱེད་ཀྱི་ཐུགས་ཀ་ནས་སྤྲུལ་པའི་མགོན་པོ་ཞིག་དཀྲོང་ངེ་བྱུང་བར་མོས་ཏེ་བྱ་བ་གང་ཡིན་པ་ལ་ལྷ་ཡི་ང་རྒྱལ་དང་མི་འབྲལ་བར་འཇུག །དེས་ཉིན་དང་པོའི་བྱ་བ་གྲུབ་བོ། །ཕྱིར་ནང་ལྡང་

― KMC025_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྣལ་འབྱོར་དང་བཅས་པས་སྔ་བར་ལངས་ཏེ་མཆོད་གཏོར་བྲན་པ་སོགས་དགོས་རིགས་གྲུབ་རྗེས། ཕྱག་ཆེན་སྔོན་འགྲོ་ལྟ་བུས་དབུ་བཟུང་བའམ། ཡང་ན་སྐྱབས་སེམས་ཚད་མེད་བཞི་སྔོན་དུ་འགྲོ་བས་སྨོན་འཇུག་དང་དོན་དམ་གྱི་བདག་ཉིད་ཅན་གྱི་སེམས་བསྐྱེད་དང་ལྡན་པས་བརྒྱུད་པའི་གསོལ་འདེབས་བདེ་ཆེན་རྡོ་རྗེ་སོགས་ཀྱིས་དབུ་བརྩམས་སྟེ་མཚལ་མ་བཞིན་མཐར་ཆགས་སུ་བཏང་ཞིང་སྤྱན་འདྲེན་སྐབས་དམིགས་པ་མ་གསལ་གྱི་བར་དུ་སྔགས་བཟླ། སྤྲོ་ན་ཚོགས་གཏོར་ཡང་བྱ་ཞིང་ལྷ་ཆེན་དཔལ་འབར་མཇུག་ཏུ་བསྟོད་པ་དང་བདག་སྒྲུབ་མ་བསྡུས་པ་བཅས་གྲུབ་ནས་བསྙེན་པ་ཞལ་སྦྱོར་གསུང་གི་སྙིང་པོ་བཟླའོ། །དེ་སྐབས་སུ་བསྒོམ་པའི་རིམ་པ་ཇི་ལྟར་བྱ་བ་ནི། ཨོཾ་དཾ་ཥྚོཏྐ་ཊ་སོགས་ཀྱི་སྐབས། ཆོས་ཐམས་ཅད་རང་བཞིན་གྱིས་སྟོང་པ་ཉིད་ཀྱི་ངང་ལས་སྙིང་རྗེ་ཆེན་པོའི་མདངས་འགོག་པ་མེད་པའི་ཀློང་ལས་རྒྱུ་ཡི་ཡི་གེ་འདིར་བདག་བསྐྱེད་གཙོ་འཁོར་བཅོ་བརྒྱད་རྟེན་བརྟེན་པར་བཅས་སྐད་ཅིག་གིས་གསལ་བའི་མདུན་རྟེན་

― KMC025_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེར་མེད་རིམ་བསྐྱེད་མཛད། མཆན། མ་སྔོན་པོ་དང་ཧཱུྃ་མཐིང་ནག་ཞིག་མདུན་གྱི་ནམ་མཁར་གནས་པ་ལས་ཁྃ་ལས་རྡོ་རྗེའི་བྲག་ཆེན་ཡངས་པའི་སྟེང་བྷྲཱུྃ་འཕྲོས་པས་གཞལ་ཡས་ཁང་། སླར་བྷྲཱུྃ་འཕྲོས་པས་འཁོར་ལོ་བཞི་རིམ་དེ་ཡི་ལྟེ་བར་བཾ་ཡིག་ལས་པདྨ་དང་། ཏི་ལས་དྲེལ་རྟ་སྔོ་ནག་གི་སྟེང་དུ་ནམ་མཁའི་ཡི་གེ་བབ་པ་ལས་འོད་འཕྲོས། དགྲ་བགེགས་བཅོམ་པ་སོགས་དོན་གཉིས་བྱས། སླར་འདུས་པ་ལས་བདག་མདུན་ནག་པོ་ཡབ་ཡུམ་རྒྱན་ཆ་ལུགས་ཡོངས་རྫོགས་བདག་བསྐྱེད་ཡབ་ལ་ཡུམ་གྱིས་དང་། མདུན་བསྐྱེད་ཡབ་ཀྱིས་ཡུམ་ལ་འཁྱུད་ཅིང་འཁོར་ནག་པོ་བརྒྱད་ཀྱང་གོང་དང་མཚུངས་པ། གཞན་ཡང་ཕྱོགས་བཅུའི་མགོན་པོ་སོགས་དམ་ཅན་རྒྱ་མཚོས་བསྐོར་བ་ཉི་མ་དང་འོད་བཞིན་འདུ་འབྲལ་མེད་པར་བཞུགས་པར་མོས་པའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་ཡིག་སྔོན་པོ་རྣམས་འོད་དང་བཅས་པར་གསལ་བ་དང་། ལྷག་པར་བདག་མདུན་གཙོ་བོ་ཡབ་ཀྱི་ཐུགས་

― KMC025_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་ཐབས་ཟླ་བའི་གདན་ལ་ཧཱུྃ་ཡིག་མཐིང་ནག་འོད་མེ་རེ་བ་རེ་དང་། ལྷ་མོའི་ཐུགས་ཀར་ཤེས་རབ་ཉི་མའི་དཀྱིལ་འཁོར་གྱི་དབུས་སུ་བྷྱོ་སྔོ་བསང་འོད་ཕྲོམ་མེ་བ་གཉིས་རེ་གསལ་བ་དེ་དག་ལས་འོད་ཟེར་གྱི་ཚོགས་སྨུག་དང་མཐིང་ལ་རྔམ་པའི་ཚོགས་སྤྲོས་པས་འོག་མིན་གྱི་ཞིང་དང་རི་རབ་ཀྱི་རྩེ་བྱང་ཕྱོགས་རྩུབ་འགྱུར་གྱི་ཚལ་དང་། བྱང་ཤར་ཐོད་པ་འཕྲུལ་གྱི་གཞལ་ཡས། ཤིང་ཡོངས་འདུ། གཞན་ཡང་རང་བཞིན་དག་པའི་ཞིང་ནས་དཔལ་ཡེ་ཤེས་ཀྱི་མགོན་པོ་ལྕམ་དྲལ་རྟེན་བརྟེན་པར་བཅས་པའི་དཀྱིལ་འཁོར་གྱི་འཁོར་ལོ་ལ་ཕྱོགས་དུས་ཀྱི་རྒྱལ་བ་སྲས་དང་བཅས་པ་རྣམས་ཀྱང་དཀྱིལ་འཁོར་པའི་རང་བཞིན་དུ་གྱུར་ཏེ་སྐད་ཅིག་གློག་འགྱུ་བའི་རྫུ་འཕྲུལ་གྱིས་མདུན་གྱི་ནམ་མཁར་བྱོན་པར་མོས་ལ། ཧཱུྃ། དད་པ་དང་ནི་སོགས་དང་། སྤྱན་འདྲེན་སྔགས་བཟླའོ། །དེ་ནས་ནམ་མཁར་བཞུགས་པའི་ཡེ་ཤེས་ཀྱི་དཀྱིལ་འཁོར་པར་ཐུགས་ཀ་ནས་སྤྲོས་པའི་མཆོད་ལྷས་མཆོད་ཅིང་། ཨོཾ་ཁྲག་གི་རྒྱ་མཚོ་སོགས་དང་། ཛཿཧཱུྃ་

― KMC025_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

བྃ་ཧོཿས་དམ་ཡེ་གཉིས་སུ་མེད་པར་བསྟིམ་ཤིང་བརྟན་པར་བྱས། གཏུམ་པོ་འཇིགས་རུང་སོགས་ཀྱི་སྐབས། བརྗིད་ཅིང་མཛེས་པའི་གདན་ཙནྡན་གྱི་ཁྲི་སེང་གེས་བཏེགས་པ་ལ་རིན་པོ་ཆེས་ཕྲ་བཏབ་པ་དང་། དྲག་པོའི་པདྨ་སྔོན་པོ་ཉི་ཟླ་རོ་གདན་གསར་སྙིང་སོགས་ལྷ་ཚོགས་རྣམས་ལ་རང་དང་འཚམས་པའི་གདན་ཕུལ་བས་དགྱེས་ཤིང་བཞུགས་པར་མོས། དམ་བཞག་སྐབས་རང་གི་ཐུགས་ཀའི་ཧཱུྃ་ཡིག་ལས་སྔགས་ཕྲེང་འཕྲོས། མདུན་བསྐྱེད་ཀྱི་ཐུགས་ཀར་ཕོག་པས་སྔོན་གྱི་ཐུགས་དམ་དྲན་པར་བསམ། དབང་བསྐུར་བ་ནི། ཐུགས་སྲོག་ལས་འོད་ལྕགས་ཀྱུ་ལྟ་བུ་འཕྲོས། ནམ་མཁའ་གང་བའི་དབང་གི་ལྷ་རྒྱལ་བ་སྲས་དང་ཁྲོ་བོ་ལྷ་མོ་དང་བཅས་པ་སྤྱན་དྲངས། མདུན་མཁར་བཞུགས་པ་ལ་མཆོད་ཡོན་ཞབས་བསིལ་ཕུལ་ཞིང་བདག་མདུན་ལ་དབང་བསྐུར་བར་གསོལ་བ་བཏབ་པ་དང་ལྷན་ཅིག་ཁྲོ་བོ་རྣམས་ཀྱིས་བགེགས་བསྐྲད། ལྷ་མོ་རྣམས་ཀྱིས་ཤིས་པ་བརྗོད། དེ་བཞིན་གཤེགས་པ་རྣམས་ཀྱིས་བྱིན་རླབས། རིག་པའི་ལྷ་

― KMC025_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་རྣམས་ཀྱིས་རིན་པོ་ཆེའི་བུམ་པ་བདུད་རྩིའི་རྒྱུན་གྱིས་བཀང་བས་དབང་བསྐུར། དྲི་མ་དག་ཆུ་ལྷག་སྤྱི་བོར་འཁྱིལ་པ་ལས་མདུན་བསྐྱེད་ལ་མི་བསྐྱོད་པ། བདག་བསྐྱེད་གྲུབ་ཆེན་པཀྴི་བསྒོམ་པ་ནི་མན་ངག་གོ། དབང་ལྷ་རྣམས་ཀྱང་རང་ཉིད་དང་འདྲེས་པས་དབྱེར་མེད་དུ་གྱུར་པར་མོས། ཕྱག་འཚལ་སྐབས་རང་གི་ཐུགས་ཀ་ནས་ཧཱུྃ་ཡིག་དཔག་ཏུ་མེད་པ་འཕྲོས། གདུག་པ་ཅན་ཚར་བཅད། གཟི་བརྗིད་ནུས་པ་བསྡུས། ཚུར་འདུས་ཁྲོ་ཆུང་དུ་མར་བྱུང་ནས་བདག་མདུན་གཉིས་ཀར་ཕྱག་བྱ་བར་དམིགས་མཐར་རང་ལ་བསྡུའོ། །མཆོད་པ་བྱིན་རླབས་སྐབས། ཨ་ཡིག་དུ་མ་ལས་གྲུབ་པའི་ཐོད་སྣོད་ཤིན་ཏུ་ཡངས་པ་མང་པོའི་ནང་དུ་ཨོཾ་ཡིག་ཚོགས་དཔག་ཏུ་མེད་པ་ཞུ་བ་ལས་བྱུང་བ་ལྷ་མ་ཡིན་དང་སྲིན་པོ་སོགས་ཀྱི་ཁྲག་ལ་མི་རུས་ཕྱེ་མ་བཏབ་པའི་མཆོད་ཡོན། ཚེར་མ་རྩུབ་མོ་དང་ལྡན་པའི་ཡུ་བ་ཅན་གྱི་ཧ་ལའི་མེ་ཏོག་ནག་པོ་དང་། མི་ཡི་དབང་པོ་རྣམ་ལྔ། མི་ཡི་ཚིལ་སོགས་སྦྱར་བའི་བདུག་པ་དྲི་ང་བ། གོ་རོ་ཙ་ན་དང་

― KMC025_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

མར་ནག་སོགས་བཞུས་པའི་མར་མེ་བསྐལ་མེའང་ཆུང་ངུར་བྱེད་པ། ཐལ་ཆེན་སོགས་ཁྲག་ཞག་བདུད་རྩི་ལྔ་དང་སྤགས་པའི་དྲི་ཆབ། བསྟན་དང་བླ་མ་སོགས་ལ་སྡང་བའི་དགྲ་བོའི་ཤ་རུས་ཀྱི་ཞལ་ཟས་རི་རབ་ཡང་སྐྱེངས་བར་བྱེད་པ། ཐོད་རྔ་མཆོག་ཆེན་སོགས་རོལ་མོའི་སྒྲས་གནམ་ས་འགས་སྙམ་བྱེད་པ་སོགས་མདོར་ན་བདག་པོས་བཟུང་དང་མ་བཟུང་བའི་མཆོད་སྤྲིན་རབ་འབྱམས་སུ་དམིགས་པ་དེ་རྣམས་རང་གི་ཐུགས་ཀ་ནས་སྤྲོས་པའི་ལྷ་མོའི་ཚོགས་གཞལ་དུ་མེད་པས་ཐོགས་སྟེ་མཆོད་པ་དང་། གཞན་ཡང་རི་གླིང་བྱེ་བ་དུ་མའི་བཀོད་པས་བཀྲ་བའི་མཎྜལ་བགྲང་དུ་མེད་པ་ཕུལ་ཏེ་མཐར་མཆོད་ལྷ་རང་ལ་བསྡུའོ། །ཚོགས་ཀྱི་སྐབས་སུ་ཐོག་མར་བྱིན་རླབས་ནི། ཡི་གེ་ཡཾ་ཞེས་བཞུ་བ་ལས་བྱུང་བའི་རླུང་དཀྱིལ་གཞུ་ལྟ་བུའི་དབྱིབས་ཅན་གྱི་དབུས་ཀྱི་ཆང་བཟུང་ལ་ཡཾ་དང་། མཆོག་མ་སྟེ་འཁྱིལ་གཉིས་ལ་བ་དན་ཟུང་གིས་མཛེས་པ། དེའི་སྟེང་དུ་རཾ་ཡིག་དམར་པོ་ལས་མེ་དཀྱིལ་གྲུ་གསུམ་རཾ་གྱིས་མཚན་པ་ལྕགས་བསྲེག་ལྟ་བུ་མེ་

― KMC025_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་ལ་ཁད་པ། དེ་སྟེང་ཀྃ་གསུམ་ལས་མི་མགོས་ཁྲག་སྤངས་པ་བུམ་རིལ་ལྟག་པ་ནང་བསྟན་སྒྱེད་བུ་གསུམ་བྱས་པའི་སྟེང་ཨ་སྤྲོས་པ་ལས་ཀ་པཱ་ལ་ཡི་སྣོད་དུམ་གཅིག །དཔྲལ་བ་རང་བསྟན་ཕྱི་ཟླ་བ་ལྟར་འཆར་ལ་ནང་ཁྲག་གི་བྱུག་པ་ལྟར་འདུག་པའི་ནང་དུ་བདུད་རྩི་ལྔ་དང་། ཤ་ལྔ་རྣམས་མུ་དང་ན་ལ་སོགས་རང་རང་གི་ཡི་གེས་བརྒྱན་པ་འདྲ། རང་གི་སྣ་བུག་ནས་ངོ་བོ་རླུང་གི་རྣམ་པ་ཧཱུྃ་སྔོན་པོ་རླུང་གི་ཟེར་དང་ལྡན་པ་འཕྲོས། ཡཾ་ལ་ཕོག་པས་རླུང་བྱུང་། དེས་བ་དན་བསྐྱོད་པའི་རྐྱེན་གྱིས་རླུང་དྲག་ཏུ་གཡོས་པས་མེ་སྦར་བ་འབར་བས་ཐོད་པ་དྲོས། རྫས་ཁོལ་ཞིག་ལུད། ཉེས་སྐྱོན་སྦྱངས། དེའི་སྟེང་དུ་འབྲུ་གསུམ་གསལ་བ་ལས་འོད་འཕྲོས། ཡེ་ཤེས་ཀྱི་བདུད་རྩི་སྤྱན་དྲངས། དམ་ཚིག་གི་བདུད་རྩི་དེ་ལ་ཐིམ་པས་ཡེ་ཤེས་ཀྱི་བདུད་རྩིར་འབྲུ་གསུམ་ཡང་ཞུ་ཞིང་འདྲེས་པས་ཟད་པ་མེད་པར་མོས་ལ་བླ་མ་ཡི་དམ་ཡེ་ཤེས་ལས་འཇིག་རྟེན་གྱི་ཆོས་སྐྱོང་འཁོར་ཚོགས་རྒྱ་མཚོར་བཅས་པར་ཐུགས་ཀ་ནས་སྤྲུལ་པའི་

― KMC025_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་ལྷ་རྣམས་ཀྱིས་རིན་པོ་ཆེ་བྷནྡྷའི་སྐྱོགས་ཀྱིས་བཅུས་ཏེ་དྲངས་པས་གསོལ་བར་བསམ། གསང་སྔགས་ནང་གཏོར་གྱི་བྱིན་རླབས་དམིགས་རིམ་གོང་མཚུངས་མཐར་ཕེཾ་ཕེཾ་ཕེཾ་ཞེས་པའི་སྒྲས་གཏོར་མགྲོན་བླ་མ་ཡི་དམ་གྱི་ལྷ་ཚོགས་སྤྱན་དྲངས་མདུན་མཁར་བཞུགས་པའི་བླ་མ་རྣམས་ཀྱི་ལྗགས་འོད་ཀྱི་སྦུ་གུ་དང་། ཡི་དམ་གྱི་ལྗགས་ཕྱག་མཚན་གྱི་སྦུ་གུས་དྲངས་ཏེ་གསོལ་བར་མོས། སླར་ཡང་གནས་ཡུལ་དཔའ་བོ་མཁའ་འགྲོ་ཞིང་སྐྱོང་གི་ཚོགས་སྤྲིན་ཕུང་ལྟར་སྤྱན་དྲངས་བ་རྣམས་ཀྱིས་ཀྱང་འོད་ཀྱི་གཏོར་མའི་བཅུད་དྲངས་ཏེ་གསོལ་བས་མཉེས་པར་བསམ། གཏོར་མགྲོན་བླ་མ་ཡི་དམ་རང་ལ་བསྟིམ། དཔའ་བོ་མཁའ་འགྲོ་རང་གནས་སུ་གཤེགས་པར་བསམ་མོ། །དེ་ནས་མ་མགོན་གྱི་གཏོར་འབུལ་ནི། བྱིན་རླབས་གོང་འདྲ་ལས། སྣོད་ཀྱི་ཟླ་གདན་གྱི་སྟེང་དུ་རྫས་རྣམས་བསྐྱེད་པའི་སྟེང་ཉི་དཀྱིལ་གྱིས་བཀབ་པའི་ལྟེ་བར་གྲི་གུག་ཧཱུྃ་གིས་མཚན་པའི་སོ་གྱེན་དུ་ལྟ་བ་ཅན་གྱི་ལྟེ་བའི་ཧཱུྃ་ལས་འཕྲོས་པའི་འོད་འོག་གི་རླུང་དཀྱིལ་ལ་

― KMC025_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོག་པས་རླུང་ལྡང་བ་སོགས་དང་། སླར་འོད་སྟེང་དུ་སྤྲོས་པས་དེ་བཞིན་གཤེགས་པ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་འོད་ཟེར་གྱི་རང་བཞིན་ཅན་སྤྱན་དྲངས་ཤིང་བསྟིམ། སླར་གྲི་གུག་ཉི་ཟླ་བཅས་ཞུ་ཞིང་འདྲེས་པ་ལས་མཆོད་པའི་རྫས་འབྲས་ཆེན་གྱི་ལ་དུ་ཁུར་བ་ཤིང་ཏོག་སོགས་དང་། ལྷག་པར་ཛ་གད་མ་དྲོས་ལྟར་འཁྱིལ་ཞིང་། རཀྟ་རྒྱ་མཚོའི་རླབས་ལྟར་འཕྱོ་བ། བ་ལིང་ལྷུན་པོ་བྱེ་བ་སྤུངས་པ་ལས་ལྷག་པ་རྣམས་རྣམ་པ་དེ་དག་ལས་ངོ་བོ་ཡེ་ཤེས་ཀྱི་བདུད་རྩི་རོ་བརྒྱ་ནུས་པ་སྟོང་ལྡན་དུ་གྱུར་པ་ལ་ལྷ་གཙོ་འཁོར་ཐམས་ཅད་ཀྱི་ལྗགས་རང་རང་ཕྱག་མཚན་ཏེ་མགོན་པོའི་གྲི་གུག །ལྷ་མོའི་ཁ་ཊྭཱཾ་གྱི་དབྱིབས་ཅན་དེས་འགྲེས་ལ་སོ་སོའི་ཕྱག་མཚན་གྱི་དབྱིབས་ཅན་འོད་ཀྱི་སྦུ་གུས་དྲངས་ཏེ་གསོལ་བར་མོས་ལ། ཧཱུྃ། ལྷ་ཆེན་དཔལ་འབར་སོགས་ཀྱིས་འབུལ་ཞིང་འདོད་དོན་ཀྱང་གསོལ་ལོ། །དེ་ནས་བསྟོད་པའི་སྐབས་བླ་མ་ལ་ཡི་དམ་གྱིས། ཡི་དམ་ལ་ཆོས་སྐྱོང་གིས། ཆོས་སྐྱོང་ལ་འཁོར་གྱིས། འཁོར་

― KMC025_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་རང་བཞིན་གྱིས་བསྟོད་ཅིང་མཐར་བདག་སྒྲུབ་མ་བསྡུས་པས་ཐུགས་དམ་བསྐུལ་ཞིང་བསྙེན་པ་ལ་འཇུག་པའི་དུས་ལ་བབས་པ་ན་མ་མགོན་གསུང་གི་སྙིང་པོ་ཁོ་ན་བཟླ་ཞིང་དཀྱིལ་འཁོར་གྱི་འཁོར་ལོ་ཡོངས་རྫོགས་གསལ་འདེབས་ཤིང་སེམས་འཛིན། དེ་ནས་བསྙེན་དམིགས་དངོས་ལ་འཇུག་དགོས་པས། དེའང་ལས་དང་པོ་པས་སྔར་བསྐྱེད་པའི་རྟེན་བརྟེན་པའི་དཀྱིལ་འཁོར་གསལ་འདེབས་པ་གལ་ཆེ་བས། ཐོག་མར་བདག་མདུན་དཔལ་ནག་པོ་ཆེན་པོ་སྐུ་མདོག་དབྱར་གྱི་ཆར་སྤྲིན་ལ་སྲོད་ཀྱི་མིག་སྨན་ཆར་གྱིས་ཡང་ནས་ཡང་དུ་བྲན་པ་ལྟར་བརྗིད་ཅིང་། ཞལ་གྱི་དཀྱིལ་འཁོར་ཆ་ཀུན་ནས་གང་བའི་ཟླ་བ་ལྟར་རྒྱས་པ་ལ་ཁྲོ་གཉེར་རྒྱ་མཚོ་འཁྲུགས་པའི་རླབས་ཕྲེང་འཕྱོ་བ། ཉི་མའི་འོད་ཀྱང་མོག་པོར་བྱེད་པའི་སྤྱན་གསུམ་འཁྱིལ་ཞིང་ལྟ་བ། ཟླ་ཚེས་ལྟར་དཀར་བའི་མཆེ་བ་གཙིགས་པ། དུས་ཀྱི་མེ་ཡི་ཁེངས་པ་ཡང་འཇིལ་བར་བྱེད་པའི་རལ་པ་དམར་སེར་གྱེན་དུ་གཡེངས་པ་ལ་རྡོ་རྗེ་འབར་བའི་ཏོག་དང་སྦྲུལ་གྱི་

― KMC025_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

བཅིངས་པར་ལྷའི་རེག་བྱ་བཻཌཱུརྻ་ཡི་མདངས་ལ་འགྲན་པའི་འཕུར་མ་གཡོ་བ། འཛམ་བུ་གསེར་ལས་བྱས་པའི་སྐྲ་ཆིངས་ལ་འཇིག་རྟེན་ཆེ་བར་གྲགས་པ་རྣམས་ཕ་རོལ་དུ་སོང་བའི་མགོ་བོ་ཤ་ཁྲག་སྤངས་པ་ཟླ་བ་བཞིན་འཚེར་བར། རིན་པོ་ཆེ་འབར་བ་ཤ་སྟག་གི་རྩ་བྲན་བྱས་པ་དང་། དར་གྱི་ལྷབ་ལྷུབ་གཡོ་བ། གསེར་གྱི་པ་ཊ་འཁྱིལ་བའི་རྣ་སྐོར་དང་། ལག་པའི་མཁྲིས་མར་སིལ་སིལ་གྱི་སྒྲ་འབྱིན་པའི་གདུབ་བུས་གཡོགས་པ། སྐུ་ལ་དར་ལྗང་གུའི་ཤ་འགག །དེ་སྟེང་མཐིང་སེར་དམར་དཀར་ལྗང་བའི་བེར་ལྔ་བརྩེགས་ལ་གསེར་སྐེད་རིན་པོ་ཆེའི་ཕྲ་ཚོམ་གྱིས་མཛེས་པར་བྱས་པ་ལ་བེང་གི་ཚར་ཚར་བརྒྱ་རྩ་བརྒྱད་ལྡན་པ་བཅིངས་པ། རུས་པའི་སེ་རལ་ཁ་དང་། མགུལ་རྒྱན། དོ་ཤལ། མི་མགོ་ཁྲག་ཅན་གྱི་དོ་ཤལ་འཕྱང་བ། ལྟོ་འགྲོའི་ག་ཤ་དང་བཅས་པ། དེ་སྟེང་བེར་ནག་གསེར་གྱི་རི་མོ་ཅན་བཞི་བརྩེགས་ལྷུབ་གྱོན་བྱས་པ། ཁྲག་གིས་བསྐུས་པ་ལྟར་དམར་བའི་མཐིལ་ཅན་གྱི་ལག་པའི་སེན་མོ་ལྕགས་ཀྱུ་ལྟར་རྣོ་བ།

― KMC025_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

དུག་གི་ཟེར་འཐོར་ཞིང་གང་ལ་ཚད་པ་ཙམ་གྱིས་ཕྱེ་མར་བྱེད་པའི་གྲི་གུག་དབྱིབས་ཟླ་ཚེས་ལྟ་བུ་རྡོ་རྗེའི་ཡུ་བ་ཅན་གཡས་ཀྱིས་གདེངས་ཤིང་། ལྷ་མ་ཡིན་གྱི་དབང་པོའི་ཡ་མགལ་གྱི་ནང་དེ་ཡི་ཁྲག་གིས་བཀང་བའི་ཐོད་ཁྲག་འཆང་བ། འཇིགས་པ་ཡང་བརྒྱལ་བར་བྱེད་པ། དེ་དང་སྦྱོར་བའི་ཡུམ་ཟ་བྱེད་བཻ་ཏ་ལི་གཅེར་བུ་རེ་ལྡེའི་སྨད་གཡོགས་དང་། དར་ནག་གི་བེར་ལྷུབ་བུར་གྱོན་པ། རལ་ལ་གྱེན་དུ་བཅིངས་ཤིང་མཐུར་དུ་བཤལ་བའི་རྩེར་ཟླ་བའི་ཅོད་པན་དང་རྨ་བྱའི་མདོངས་ཀྱིས་མཛེས་པ། ཐོད་སྐམ་གྱི་དབུ་རྒྱན། མགོ་རློན་གྱི་དོ་ཤལ་ཅན། ཕྱག་ཞབས་གདུབ་བུས་བརྒྱན་པ། ཕྱག་བཞིའི་གཡས་གཉིས་ཀྱིས་ཁ་ཊྭཱྃ་དང་ཕུར་བུ། གཡོན་གཉིས་ཀྱིས་མེ་ལོང་སྦྲུལ་ཞགས་ཐོགས་པས་ནག་པོ་ཆེན་པོ་ལ་འཁྱུད་པ་སྟེ། དེའང་བདག་བསྐྱེད་ཡབ་ལ་ཡུམ་གྱིས་འཁྱུད་པ་དང་། །མདུན་བསྐྱེད་ཡུམ་ལ་ཡབ་ཀྱིས་འཁྱུད་པར་བསྒོམ་པ་ཡིན། གཉིས་ལ་ལྷན་ཅིག་པད་ཉི་རོ་ལ་གནས་པའི་རྫུ་འཕྲུལ་གྱི་རྐང་པ་ཅན་གྱི་དྲེལ་རྟ་ལ་ཞིང་ལྤགས་ཀྱི་

― KMC025_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་བཟར་དང་། གསེར་སྒ་གཡུ་མཐུར་སྦྲུལ་གྱི་གོང་སྨེད་གློ་ལེན་དང་། དངུལ་ཡོབ་མི་མགོའི་དོམ་དོམ། སྔ་ཤ་ལ་མཚོན་གྱི་གྲུ་གུ། ཤྭ་རྡེལ་དཀར་ནག །བདུད་ཀྱི་ཁྲག་བམ་དང་། ཕྱི་ཤ་ལ་ནད་ཀྱི་རྐྱལ་པ་དང་། ལྕགས་ཀྱི་དྲྭ་བ་བཏགས་པ་དེ་གང་དུ་གནས་པ་འཇིགས་དུས་ཀྱི་མེ་ལྟར་འབར་བའི་ཡེ་ཤེས་ཀྱི་མེ་འབར་བའི་དབུས་སུ་རོལ་པ། གདན་ཐབས་ཀྱི་ཆོས་འབྱུང་གི་ཟུར་གསུམ་སྒོ་གསུམ་ལ་བསྟན་པའི་མདུན་གཡས་གཡོན་དུ། བདུད་མགོན་ནག་པོ། བཙན་མགོན་དམར་པོ། ཀླུ་མགོན་སྔོན་པོ་གསུམ་ཀ་རང་མདོག་གི་བེར་དང་རྟ་ལ་ཆིབས་པ། གཡས་མདུང་རིང་། གཡོན་ཞགས་པ་བསྐྱིལ་བ་དྲག་ཤུལ་གྱི་ཉམས་ཅན་ནོ། །དེའི་ཕྱིར་གནམ་ལྕགས་ཀྱི་འཁོར་ལོ་བཞི་རིམ་དང་པོ་རྩིབས་བརྒྱད། གཉིས་པ་རྩིབས་བཅུ། གསུམ་པ་དང་བཞི་པ་རྩིབས་བརྒྱད་པའི་དང་པོ་ལ་དྲེལ་རྟ་སྔོན་པོ་བརྒྱད་ལ་གནས་པའི་ནག་པོ་ཡབ་ཡུམ་བཅུ་དྲུག །ཡབ་རྣམས་ཀྱིས་ཟླ་བ་ཕྱེད་པ་དང་། ཡུམ་རྣམས་ཀྱིས་ལྕགས་ཀྱུ་ལྟ་བུའི་

― KMC025_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

གྲི་གུག་གདེངས་པ། གཞན་རྒྱན་ཆ་ལུགས་གཙོ་བོ་དང་མཐུན་པ། གོང་བཞིན་བདག་བསྐྱེད་དུས་ཡུམ་གྱིས་ཡབ། མདུན་བསྐྱེད་ཡབ་ཀྱིས་ཡུམ་ལ་འཁྱུད་པའོ། །འཁོར་ལོ་གཉིས་པ་ལ་ཕྱོགས་གཡོན་བསྐོར། མཚམས་གཡས་བསྐོར་ཏེ། ཤར་རྩིབས་སུ་གཡུ་འབྲུག་ལ་གནས་པའི་དཔལ་འབར་འཆང་དཀར་པོ་གཡས་རིན་པོ་ཆེ་བརྒྱུས་པའི་ཞགས་པ། གཡོན་བ་དན་ཁྲ་བོ་འཕྱར་བ། འཁོར་སེང་གེ་མཁའ་ལྡིང་གི་མགོ་ཅན་བྱེ་བས་བསྐོར་བ། བྱང་རྩིབས་སུ་སེང་གེ་སྔོན་པོ་ལ་གནས་པའི་རྣམ་ཐོས་སྲས་ལྗང་ནག་གསེར་གྱི་ཁྲབ་ཅན། གཡས་ཙནྡན་གྱི་དབྱུག་པ་ནོར་བུའི་ཏོག་ཅན་དང་མདུང་དམར། གཡོན་ནེའུ་ལེ་འཛིན་པ་ལ་གནོད་སྦྱིན་དུ་མས་བསྐོར་བ། ནུབ་རྩིབས་སུ་རྟ་དམར་རྟིང་དཀར་ལ་གནས་པའི་དབང་ཕྱུག་འབར་བ་དམར་ནག་གཡས་ཙནྡན་གྱི་གྲུ་ཚལ་ཏེ་རྒྱ་མཚོའི་གླིང་གི་ཙནྡན་ས་མཆོག་གི་ཚལ་པ་ཆེན་པོ་དང་། གཡོན་གྲི་གུག་དང་ནོར་བུ་ལྗང་གུ་འཆང་བ། སྟག་གཟིགས་སྦྲུལ་གྱི་མགོ་ཅན་ཀླུ་བདུད་བྱེ་བས་བསྐོར་བ། ལྷོ་

― KMC025_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིབས་སུ་ལེགས་ལྡན་དཔལ་འབར་རྟ་འོལ་བ་དམར་སེར་ཏེ། ཁམས་པ་སེར་ཁ་ཆེན་པོ་ཅན་ལ་གནས་པ། གཡས་ཙནྡན་གྱི་བེང་འཕྱར་ཁྲུ་གང་པ་ལ་དབལ་སོ་ཡང་ཚད་དེ་འདྲ་བའི་རྣོ་ལ་རིང་པོ་ཅན་དང་། གཡོན་རིན་པོ་ཆེ་བཻཌཱུརྻ་འཆང་བ། འཁོར་ལྷ་དམག་དང་གནོད་སྦྱིན་ཏེ་རོ་ལངས་དང་། གཤིན་རྗེ་དུ་མས་བསྐོར་བ། ཤར་ལྷོའི་རྩིབས་སུ་རྟ་སྔོན་པོ་སྟག་རིས་ཅན་ལ་གནས་པའི་ཛམྦྷ་ལ་དམར་པོ་གཡས་སྣ་ཚོགས་ནོར་བུ་སྟེ་དགོས་འདོད་ཀུན་འབྱུང་དང་གཡོན་ནེའུ་ལེ་འཆང་བ། རྟ་སྔོ་ཁྲ་དང་ངང་པ་རོལ་དུ་ཁྲིད་པ་ལ། བི་ཝ་དང་ནོར་བུ་སྔོན་པོ་འཆང་བའི་ནོར་ལྷ་རང་འདྲ་བརྒྱད་ཀྱིས་བསྐོར་བ། ལྷོ་ནུབ་ཀྱི་རྩིབས་སུ་རྔ་རྔོག་དམར་བའི་རྟ་དཀར་པོ་ལ་ཞོན་པའི་མཛེས་ལྡན་སྲས་དམར་སེར་གཡས་དར་དཀར་གྱི་བ་དན། གཡོན་ནོར་བུ་མཆིན་ཁ་ཐོགས་པ། སྲིན་དམག་བྱེ་བ་དང་མདུང་དཀར་པོ་འཕྱར་བས་བསྐོར་བ། ནུབ་བྱང་གི་རྩིབས་སུ་ཡན་ལག་ནག་པོའི་རྟ་སྔོན་པོ་ལ་གནས་པའི་ཤ་བ་རི་དམར་ནག་གཡས་གསེར་

― KMC025_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྡོ་རྗེ་རྩེ་ལྔ་དང་། གཡོན་ནོར་བུ་མཐིང་ནག་འཛིན་པ། འཁོར་རང་འདྲ་བརྒྱད་ཀྱིས་བསྐོར་བ། བྱང་ཤར་གྱི་རྩིབས་སུ་རྟ་ངང་པ་ལ་གནས་པའི་གཙུག་ཏོར་ལྗང་གུ་གཡས་ལྕགས་ཀྱི་གདུང་མ། གཡོན་རིན་པོ་ཆེ་སྨུག་པོ་འཆང་བ། འཁོར་ལྷ་བཙན་ཀླུ་ཡི་དགེ་བསྙེན་དུ་མས་བསྐོར་བ། ཤར་སྟོད་ཀྱི་རྩིབས་སུ་མཁའ་ལྡིང་དམར་པོར་གནས་པའི་ལྷ་མགོན་གཙུག་ཕུད་ཅན་གཡས་རལ་གྲི་གཡོན་ནོར་བུ་སེར་པོ་འཆང་བ། འཁོར་གཟའ་རྒྱུ་སྐར་གྱིས་བསྐོར་བ། ནུབ་སྨད་ཀྱི་རྩིབས་སུ་ཕག་སེར་པོ་ལ་གནས་པའི་བརྟན་མ་སེར་མོ། གཡས་སྦྲུལ་དཀར་པོ་དང་། དེས་དཀྲིས་པའི་བུམ་པ་གཡོན་དུ་འཆང་བ། འཁོར་གྲུ་ཆེན་ས་བདག་གིས་བསྐོར་བ། དེ་ཐམས་ཅད་ཀྱང་ཁྲོ་འཛུམ་སྒེག་ཉམས་ཅན་དར་བེར་ནག་པོ་གསོལ་ཞིང་གསེར་སྐེད་ཅན་རིན་པོ་ཆེའི་སྲོག་ཞུ་སོགས་ནོར་བུའི་རྒྱན་དུ་མས་བརྒྱན་པའོ། །འཁོར་ལོ་གསུམ་པའི་ཤར་རྩིབས་སུ་རོ་དང་པད་ཉིར་ལྷ་ཆེན་ལྗང་ནག་གཡས་ཁ་ཊྭཱྃ་གཡོན་ཐོད་པ་ཐོགས་པ། དགའ་བོ་སོགས་བརྒྱད་

― KMC025_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་ཁ་ཊྭཱྃ་དང་ཞགས་པ་འཛིན་པས་བསྐོར་བ། བྱང་རྩིབས་སུ་རོ་དང་པད་ཉིར་སྲིན་པོ་ནག་པོ་མིག་གཅིག་པ་གཡས་ཟངས་གྲི་སྟེ་གྲི་ཐུང་ལྟག་དགྱེ་ཞིང་ཆེན་པོ་ཅན། གཡོན་མགོ་རློན་འཆང་བ། མིག་གཅིག་ཀུན་གཟིགས་སོགས་བརྒྱད་ཀྱང་གཡས་རྡོ་རྗེ་རྩེ་གསུམ་གཡོན་ཐོད་རློན་དང་། དར་ནག་གི་གཡབ་མོ་ཅན་གྱིས་བསྐོར་བ། ནུབ་རྩིབས་སུ་རོ་དང་པད་ཉིར་དུར་ཁྲོད་ནག་པོ་གཡས་གཡོན་གྲི་གུག་ཐོད་ཁྲག་འཆང་བ་རང་འདྲ་བརྒྱད་ཀྱིས་བསྐོར་བ། ལྷོ་རྩིབས་སུ་མ་ཧེ་དང་པད་ཉི་རོ་ལ་ཡ་མ་རཱ་ཙ་སྔོན་པོ་མི་ལྤགས་ཀྱི་གོས་ཅན། གཡས་ཐོད་དབྱུག་གཡོན་ཁྲག་ཐོད་འཆང་བ། ཁྲག་མིག་མི་བཟད་སོགས་བརྒྱད་ཀྱང་། གཡས་གཡོན་རལ་གྲི་དང་ཐོད་ཚལ་ཡི་མདེའུ་ཅན་གྱི་དུག་མདའ་འཛིན་པས་བསྐོར་བ། ཤར་ལྷོའི་རྩིབས་སུ་པད་ཉི་རོ་ལ་དགའ་བོ་སྔོན་པོ་གཡས་སྦྲུལ་ཞགས། གཡོན་ནད་རྐྱལ་ཐོགས་པ། པདྨ་སོགས་བརྒྱད་ནི་དུག་གི་མདའ་གཞུ་འཆང་བས་བསྐོར་བ། ལྷོ་ནུབ་ཀྱི་རྩིབས་ལ་རོ་དང་ཆུ་སྲིན་དམར་

― KMC025_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱར་རཱ་ཧུ་ལ་དམར་པོ་ལུས་དང་ཡན་ལག་མིག་གིས་གང་བ། གཡས་ཆུ་སྲིན་མགོས་མཚན་པའི་ཞགས་པ། གཡོན་ཐོད་ཁྲག་ཅན། དམག་དཔོན་སོགས་བརྒྱད་ཀྱང་ཐོད་མདའ་གོང་བཞིན་དང་ཕུར་བུ་འཆང་བས་བསྐོར་བ། ནུབ་བྱང་གི་རྩིབས་སུ་གླང་ཆེན་གྱི་སྟེང་པད་ཉིར་བགེགས་རྒྱལ་ནག་པོ་གཡས་རྡོ་རྗེ་རྩེ་གསུམ། གཡོན་གྲི་གུག་འཆང་བ། མི་ལྤགས་ཀྱི་སེར་ལ། གླང་ཀོའི་གོས་ཅན། འཁོར་ལོ་སོགས་བརྒྱད་ཀྱང་གཡས་ཐོད་ཁྲག །གཡོན་ཏྲི་ཤཱུལ་འཛིན་པས་བསྐོར་བ། བྱང་ཤར་གྱི་རྩིབས་སུ་གླང་ཆེན་དང་པད་ཉིར་ཏྲཀྴད་ནག་པོ་རྡོ་རྗེས་མཚན་པའི་ཞགས་པ་འཕེན་པ། རླུང་བདུད་སོགས་བརྒྱད་ཀྱང་ཞགས་པ་ལ་འཁོར་ལོ་དགྲ་སྟྭ་འཛིན་པ་དེ་རྣམས་ཀྱང་ཤིན་ཏུ་ཁྲོ་བ། སྦྲུལ་དང་མགོས་བརྒྱན། སྟག་གི་པགས་པའི་ཤམ་ཐབས་དང་། རལ་པ་དམར་སེར་གཡེར་བ་ཤ་སྟག་གོ །འཁོར་ལོ་ཐ་མར་ཤར་ནས་གཡོན་བསྐོར་དུ། ཤར་རྩིབས་སུ་ལྕགས་སྤྱང་མགོ་དགུ་ལ་གནས་པའི་བདུད་མོ་ཁྲག་གི་རལ་པས་རྒྱབ་གཡོགས་པ། གཡས་

― KMC025_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་གི་ལྕགས་ཀྱུ་དམར་པོ། གཡོན་ཐོད་ཁྲག་ཅན་བདུན་དང་། ལྷའི་སྲིང་མོ་གླིང་བཞི་མགྱོགས་མ་དཀར་མོ་གཡས་གསེར་གྱི་རྡོ་རྗེ། གཡོན་གསེར་བུམ་འཛིན་པ། མཁའ་ལ་ཁྱུང་ལྡིང་སྔོན་མོ་ཐོད་དབྱུག་དང་ཐོད་རློན་འཛིན་པ། དཀར་མོ་གཡོག་ཐོད་སྐུ་མདོག་དམར་མོ་སྦྲུལ་ཞགས་འཕེན་པ། ནག་མོ་སྡེར་ཆེན་སེར་ནག་ཐོག་ཁྲག་དང་ནེའུ་ལེའི་རྐྱལ་པ་ཐོགས་པ་སྟེ་སྲིང་མོ་བཞི། བྱང་ཤར་གྱི་རྩིབས་སུ་ལས་ཀྱི་དབང་ཕྱུག་མ་བདུན་ནི། གསོད་བྱེད་དམར་མོ་སྤྱང་མགོ་རལ་གྲི། མི་མོ་དམར་མོ་སྐྱིན་རོང་གི་ནགས་སུ་སྐྱིན་གཡག་ཞེས་པ་འབྲི་གདོང་རྭ་ཅོ་ཡོད་པ་ཞིག་ཡིན་པའི་མགོ་ཅན་མེ་སྒྲོན་འཛིན་པ། ཕག་མོ་ནག་མོ་ཕག་གདོང་མཆེ་བ་ཞགས་པ། དགའ་བྱེད་ལྗང་མོ་ཁྲ་མགོ་བྱིས་པའི་རོ་ཟ་བ། རྣ་ཅན་དཀར་མོ་གླང་གདོང་ཐོད་ཁྲག །ཆུ་ལྷ་སྔོན་མོ་སྦྲུལ་མགོ་ཞགས་པ། རྣམ་ཐོས་ལྗང་ནག་སྐྱ་གའི་མགོ་ཅན་དྲིལ་བུ་འཕྲོལ་བའོ། །བྱང་རྩིབས་སུ་ཁྲག་མཚོ་རྦ་རླབས་འཁྲུགས་པར་ཕུར་བུ་མ་ནག་མོ་རལ་པ་ཅན་གཡས་ལྕགས་

― KMC025_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱུ། གཡོན་ཕུར་པ་འདྲིལ་བ་བདུན། ཚེ་གསུམ་འབར་མ་སྟེ་དབང་པོ་འབར་མ་དཀར་མོ་ཉི་མ་དང་། དེའི་ཟེར་གྱི་ཞགས་པ་འཕེན་པ། གཤིན་རྗེ་འབར་མ་སྔོན་མོ་སྐར་མདའ་འཕེན་པ། ཀླུ་མོ་འབར་མ་དམར་མོ་གློག་ཕྲེང་ཐོགས་པ། གནོད་སྦྱིན་འབར་མ་ལྗང་གུ་བྱ་ཁྱུང་ཁྲ་བོ་འཛིན་པ་སྟེ་ནང་གི་འབར་མ་བདུན། ནུབ་བྱང་གི་རྩིབས་སུ་པདྨའི་དབང་ཕྱུག་མ་བདུན་ནི། དགའ་བ་དམག་མོ་རྒོད་མགོ་རྐེ་བསྲིང་ཞིང་ལག་གཉིས་ཁུ་ཚུར་བརྒྱང་བ། སྟོབས་ཅན་དཀར་མོ་རྟ་གདོང་ཐོང་གཤོལ་འཛིན་པ། རྡོ་རྗེ་སེར་མོ་ཁྱུང་མགོ་སྤུ་གྲི། འདོད་པ་དམར་མོ་ཁྱི་མགོ་མདའ་གཞུ། ནོར་སྲུང་དཀར་མོ་འུག་གདོང་བུམ་པ། རླུང་ལྷ་སྔོན་མོ་ཤ་མགོ་བ་དན། བུམ་སྣ་དམར་མོ་སེང་གདོང་ལྕགས་སྒྲོགས་འཛིན་པའོ། །ནུབ་རྩིབས་སུ་ཟངས་རལ་མ་དམར་མོ་གཡས་རལ་གྲི་དམར་པོ་གཡོན་ཐོད་ཁྲག་འཛིན་པ། ཁྲག་གི་རལ་པས་ས་གཞི་ཁེབས་པ། ཞིང་ལྤགས་ཀྱི་སྨད་དཀྲིས་ཅན་བདུན་དང་། དམར་མོ་འབེབས་མཁན་ཏེ་མེ་ཁྱེར་འབར་མ་དམར་མོ་གློག་ཕྲེང་

― KMC025_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་པ། སྲིན་མོ་འབར་མ་སྨུག་གནག་མདུང་ཐུང་འཕེན་པ། རླུང་བདག་འབར་མ་སྔོ་ནག་རལ་གྲི་དང་། མི་སྐྲ་ལས་གྲུབ་པའི་ལྭ་བ་འཛིན་པ། གཏུམ་མོ་འབར་མ་དཀར་མོ་མདུང་ལྟར་རིང་བའི་ཏྲི་ཤུལ་འཛིན་པའོ། །ལྷོ་ནུབ་ཀྱི་རྩིབས་སུ་རིན་ཆེན་དབང་ཕྱུག་མ་བདུན་ནི། རྡོ་རྗེ་སེར་མོ་དོམ་མགོར་སྟ་འཐུང་བ། བདུད་རྩི་དམར་མོ་ཆུ་སྲིན་གྱི་མགོ་ཅན་པདྨ་དམར་པོ། ཟླ་བ་དཀར་མོ་སྲག་པའི་མགོ་ཅན་མེ་ཏོག་པུཎྜ་རི་ཀ་བེ་ཅོན་ལྗང་ནག་ཁྲ་མགོ་དབྱུག་ཏོ། སྲིན་མོ་དམར་མོ་ཝ་གདོང་ཐོད་ཁྲག་ཟ་བ་ལྗང་ནག་སྟག་གདོང་བ་སུ་སྟེ་རྒྱུ་མའི་ཞགས་པ། མགྲིན་བཅུ་སེར་མོ་ར་གདོང་ཞགས་པ་དམར་པོ་བསྣམ་པའོ། །ལྷོ་རྩིབས་སུ་མཚོན་འཁོར་མ་སེར་མོ་གཡས་རལ་གྲི། གཡོན་མཚོན་གྱི་འཁོར་ལོ་སོ་རལ་གྲི་ལྟར་རིང་ལ་རྣོ་བ་ཅན་བསྣམས་པ་བདུན་དང་། དུས་ཀྱི་ལྷ་མོ་བཞི་ནི། དཔྱིད་ཀྱི་རྒྱལ་མོ་དཀར་མོ་རླུང་དཀྱིལ། དབྱར་གྱི་རྒྱལ་མོ་གློག་འགྱུ་མ་སེར་མོ་ཐོག་དང་གློག་གི་ཞགས་པ། སྟོན་གྱི་རྒྱལ་མོ་གློག་ལྕམ་དམར་མོ་

― KMC025_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་གང་བའི་སྣོད། དགུན་གྱི་རྒྱལ་མོ་གློག་སྤྲིན་མ་ནག་མོ་ཐོད་ཁྲག་འཆང་བའོ། །ཤར་ལྷོའི་རྩིབས་ལ་རྡོ་རྗེ་དབང་ཕྱུག་མ་བདུན་ནི། སྲིན་མོ་དམར་ནག་གཡག་གདོང་མགོ་རློན། ཚངས་པ་དམར་སེར་སྲེ་མོང་གདོང་ཅན་པད་དཀར། ལྷ་ཆེན་ཕྱེད་གཟུགས་དཀར་ལྗང་ཏྲི་ཤཱུ་ལ། རྟོག་འདོད་སྔོན་མོ་ཟེར་མོའི་མགོ་ཅན་གསེར་འཁོར། གཞོན་ནུ་དམར་མོ་ཕག་གི་མགོ་ཅན་མདུང་ཐུང་། བརྒྱ་བྱིན་དཀར་མོ་དྲེད་གདོང་རྒྱུ་ཞགས། རྡོ་རྗེ་ནག་མོ་ཁུ་བྱུག་གི་མགོ་ཅན་ལྕགས་ཀྱུ་བསྣམས་པའོ། །ཤར་སྒོའི་ནང་དམག་གི་རྒྱལ་མོ་མཆེ་གཙིགས་མ་དཀར་མོ་གཅེར་བུ། ཕྱག་དྲུག་གི་དང་པོ་གཉིས་ཀྱིས་ཐོད་ཁྲག་དང་སྡིགས་མཛུབ། བར་པ་གཉིས་ཀྱིས་གོང་དུ་བཤད་པའི་ཐོད་མདའ་དང་ཕུར་ཐུན། འོག་མ་གཉིས་བ་དན་དཀར་པོ་དང་ཁྲག་ཟོར་འཕེན་པ། ལྷོ་སྒོར་ལས་མཁན་མ་སེར་མོ་མཚེ་དང་ཡུངས་དཀར་གྱི་ཐུན་འཕེན་པ། ནུབ་ཀྱི་གྲུར་མཆུ་འཇིབ་མ་དམར་མོ་གཡང་གཞིའི་གོས་ཅན་རུ་མཚོན་འཕྱང་བ། བྱང་སྒོར་ཁ་འགལ་མ་ནག་མོ་མ་

― KMC025_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའི་མདོངས་ཀྱི་གོས་ཅན། ཕྱག་བཞིའི་གཡས་གཉིས་བ་དན་དང་སྟྭ་གྲི། གཡོན་གཉིས་ཐོད་ཁྲག་དང་ཐུན་བསྣམས་པའོ། །དེ་ཐམས་ཅད་ཀྱང་འཇིགས་པའི་གཟུགས་ཅན་གཅེར་བུ་རལ་པ་དམར་སེར་ཅན་སྦྲུལ་དང་ཐོད་པ་སྐམ་རློན་གྱི་ཕྲེང་བ། གཟིགས་ལྤགས་ཀྱིས་སྨད་དཀྲིས་པ། ཁ་གཙོ་བོ་ལ་ཕྱོགས་ནས་གུས་པས་འདུད་པའོ། །དེས་ནང་བརྟེན་པ་ལྷ་ཡི་བསྐྱེད་རིམ་གྱི་སྒོམ་དོན་མདོར་བསྡུས་སོང་ནས། ཕྱི་གཞལ་ཡས་ཁང་གི་མཚན་ཉིད་ཟུར་ཙམ་བརྗོད་ན། དེ་ཡང་དྲག་པོའི་ཕོ་བྲང་གྲུ་གསུམ་པ་ཕྱི་གནམ་ལྕགས་ཀྱི་རྩིག་པ་ལ་ནང་བཻཌཱུརྻའི་ཞལ་བ་བྱས་པ། ལོག་གསུམ་གསུམ་དུ་སྒོ་སྒོ་འཁྱུད་བཅས་རྟ་བབས་སྔོན་པོ་རིམ་པ་བཅུ་གཅིག་གིས་མཛེས་པའི་རྩེར་དྲག་པོའི་ལྕགས་འཁོར་རྩིབས་དྲུག་པ་རེ་རེའི་ཕན་ཚུན་ཆུ་སྲིན་ཕྲུ་གུས་དྲག་པོའི་ཆོས་ཉན་པ། སྟེང་དུ་མགོ་བོའི་ཏོག་ཅན་གྱི་གཡང་གཞིའི་གདུགས་ཕུབ་པ། ནང་གི་འཁོར་ལོ་བཞི་པོ་རེ་རེའི་སྟེང་ན་ཀླུ་བརྒྱད་ཀྱི་ཀ་གདན། ལྷ་བརྒྱད་ཀྱི་ཀ་བ། གཟའ་བརྒྱད་ཀྱི་

― KMC025_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

གདུང་མ་རྣམས་ཟླུམ་བསྐོར་བྱས་པའི་སྟེང་དུ་རྒྱུ་སྐར་ཉེར་བརྒྱད་ཀྱི་ཕྱམ་བཏང་བ། རྐང་ལག་གི་གྲལ་གྲབ་ཅན་ཤ་ཁྲག་གི་ཐོག་ལེབ་བྱས་པར། རིན་པོ་ཆེ་དང་ནང་ཁྲོལ་གྱི་དྲྭ་ཕྱེད་འཕྱང་བ། ཕྱི་རོལ་དུ་གསེར་གྱི་ཕ་གུ་མགོ་བོའི་དྲྭ་ཕྱེད། རྐང་ལག་གི་པུ་ཤུ། ཐོད་སྐམ་གྱི་ཁ་བད་ཅན། །གཞན་ཡང་རོ་སྐྲའི་རྔ་གཡབ། ཞིང་ལྤགས་ཀྱི་རྒྱལ་མཚན། རོ་རས་གྱི་འཕན་སོས་དྲག་པོའི་བཀོད་པས་བརྒྱན་པའི་སྟེང་དུ་གསེར་གྱི་རྒྱ་ཕིབ་ཀྱི་རྩེར་བཻཌཱུརྻའི་ཏོག་གིས་སྤྲས་པ། སྟེང་ནས་མཚོན་ཆར་འབེབས་ཤིང་བར་དུ་སྤྲུལ་པའི་ལས་མཁན་འཚུབས་པ། ས་གཞིར་གཅན་གཟན་དུ་མ་རྒྱུ་བ། དེའི་ཕྱི་ལ་མཚོན་ཆའི་ས་གཞི། དེའི་ཕྱི་ལ་དུར་ཁྲོད་ཆེན་པོ་བརྒྱད། དེའི་ཕྱི་ལ་མཚོན་ཆ་སྣ་ཚོགས་ཀྱིས་གཏམས་པའི་གུར། དེའི་ཕྱི་ལ་ཨཱིནྡྲ་ནི་ལ་ལས་གྲུབ་པའི་རྡོ་རྗེའི་བྲག་གྲུ་གསུམ་གྱི་ངོས་སུ་རལ་གྲིའི་སྡོང་པོ་ལ་གྲི་གུག་གི་འབྲས་བུ་བརྒྱན་པའི་ནགས་ཚལ། མདེའུ་ནམ་མཁར་བསྟན་པའི་མདའ་ལ་དགྲ་སྟྭའི་ལོ་མ་རྒྱས་པའི་རྩྭ་སོགས་ལྡན་པའི་ཕྱིར་སྲུང་བའི་

― KMC025_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་སྔར་བཤད་པ་ལྟར། རྩིབས་གཡོན་དུ་དྲག་པོར་འཁོར་བའི་ཕྱི་རོལ་སྟེང་འོག་མེད་པར་མཚོན་ཆའི་བུ་ཡུག་འཚུབས་པའི་ཕྱིར་བསྐལ་མེ་ཡང་ཆུང་ཞིང་དམྱལ་མེའི་རེག་པ་ཡང་བསིལ་བ་ལྟར་སྣང་བའི་མེའི་གུར་ཁང་འབར་བས་གཡོགས་པའི་ནང་དུ་འབྱུང་པོ་དག་ལྟ་ཅི་རྡོ་རྗེ་འཛིན་པས་ཀྱང་ལྟ་བ་ཙམ་དུ་མི་ནུས་པའི་དཀྱིལ་འཁོར་དུ་བསྒོམ་པ་སྟེ། དེ་དག་གིས་རྟེན་བརྟེན་པར་བཅས་པའི་དཀྱིལ་འཁོར་གསལ་གདབ་པ་སོང་ནས། དངོས་གཞི་བསྙེན་པའི་དམིགས་རིམ་ནི། ཐོག་མར་གོང་དུ་བཤད་པའི་སྤྱན་འདྲེན་གྱི་དམིགས་པ་གསལ་བཏབ་ཅིང་ཡང་ཡང་བསྟིམ་མོ། །དེ་ལ་གོམས་ནས་བདག་མདུན་ཡབ་ཀྱི་ཐུགས་དབུས་ཟླ་བའི་དཀྱིལ་འཁོར་སྲན་མ་ཁ་བཀས་པ་ཙམ་གྱི་སྟེང་ས་བོན་ཧཱུྃ་ཡིག་མཐིང་ནག་གི་མཐར་གཡོན་བསྐོར་གྱིས། ཨོཾ་ཤྲཱི་མ་ཧཱ་ཀཱ་ལ་ཧཱུྃ། ཅེས་པའི་སྔགས་ཕྲེང་མཐིང་ནག་ངོ་ཕྱིར་བསྟན་གཡས་སུ་མྱུར་བར་འཁོར་བ་དང་། ལྷ་མོའི་ཐུགས་ཀར་ཉི་གདན་ལ་བྷྱོ་སྔོ་བསང་གི་མཐར། ཨོཾ་ཡཀྵ་བཻ་ཏ་ལི་ཛཿ ཅེས་

― KMC025_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ངོ་ནང་བསྟན་སྔོ་བསང་གཡས་སུ་བཀོད་གཡོན་དུ་འཁོར་བར་དམིགས་ལ་སེམས་འཛིན། དེ་ལ་གོམས་ནས་བདག་མདུན་ཡབ་ཡུམ་གྱི་ཐུགས་སྲོག་སྔགས་ཕྲེང་བཅས་པ་ལས་འོད་ཟེར་སྨུག་ནག་གི་ཚོགས་དཔག་ཏུ་མེད་པ་འཕྲོས། འོག་མིན་གྱི་ཞིང་དང་རྩུབ་འགྱུར། བྱང་ཤར་ཐོད་པའི་གཞལ་ཡས་སོགས་ནས་དཔལ་མ་མགོན་འཁོར་བཅས་ཀྱི་དཀྱིལ་འཁོར་ལྷ་ཚོགས་བཞུགས་པའི་ཐུགས་ཀར་ཕོག་པས་ཐུགས་རྒྱུད་བསྐུལ། དེ་དག་གི་སྐུ་གསུང་ཐུགས་ཀྱི་སྤྲུལ་པའི་ཚོགས། སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པ་དཔག་ཏུ་མེད་པ་ཆར་བབས་པ་ལྟར་བྱོན་ནས་བདག་མདུན་ལ་སིབ་སིབ་ཐིམ་ནས་སྐུ་གསུང་ཐུགས་ཀྱི་བྱིན་རླབས་ཐོབ་ཅིང་རང་ཉིད་ལྷ་དང་རྣམ་དབྱེར་མེད་པ་ཡིན་སྙམ་པའི་ང་རྒྱལ་བརྟན་པོ་བྱ། དེ་བཞིན་འོད་སྤྲོ་བསྡུ་དང་བཅས་ཕྱོགས་དུས་ཀྱི་བླ་མ་ཡི་དམ་སངས་རྒྱས་བྱང་སེམས་མཁའ་འགྲོ་ཆོས་སྐྱོང་ནོར་ལྷ་དྲེགས་པ་མཐུ་ཆེན་སོགས་ཀྱི་བྱིན་ནུས་དངོས་གྲུབ་མཐུ་སྟོབས་སོགས་དང་སྦྱར་ལ་

― KMC025_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་ཤེས་པར་བྱ། སླར་ཡང་བདག་མདུན་གྱི་ཐུགས་ཀ་ནས་འོད་ཟེར་བསམ་གྱིས་མི་ཁྱབ་པ་སྤྲོས་པས། རང་བཞིན་གྱི་གནས་ནས་མ་མགོན་ཡབ་ཡུམ་བཅོ་བརྒྱད་པོ་ཆར་བབས་པ་ལྟར་བྱོན་ནས་གཉིས་སུ་མེད་པར་འདྲེས་པར་མོས་ཤིང་ང་རྒྱལ་བཟུང་བ་ཡང་ཡང་བྱ་བ་གལ་ཆེ་སྟེ། རིན་པོ་ཆེ་ཀརྨ་པས་རང་བཞིན་གྱི་གནས་ནས་མ་མགོན་བཅོ་བརྒྱད་པོ་སྤྱན་དྲངས་ཤིང་རང་ལ་ཐིམ་པར་མོས་ཤིང་། སྔགས་ཆུ་བོའི་རྒྱུན་བཞིན་བཟླས་ན་མཐུ་སྟོབས་མགོན་པོ་རང་དང་མཉམ་ཞིང་ཕྲིན་ལས་མིང་ཡོངས་སུ་གྲགས་པའི་ཀརྨ་པ་ལྟར་རྒྱས་པར་འགྱུར་རོ། །ཅེས་གསུངས་པ་བཞིན་ནོ། །ཐུན་གྲོལ་བར་ཉེ་བ་ན། ཐུན་གཏོར་ལ་བགུགས་པ་རྒྱས་བསྡུས་ལན་གསུམ་དང་། མཐར་སྤྱི་དྲིལ་རྦད་སྔགས་སོགས་ཀྱང་བརྗོད། དེ་སྐབས་དམིགས་པ་ནི། བདག་མདུན་དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་མཐིང་ནག་དང་། སྤྲུལ་པའི་ཕོ་ཉ་དུ་མ་སྤྲོས་པ་རྣམས་ཀྱིས་གནོད་བྱེད་དགྲ་གདོན་གྱི་ཚོགས་རང་དབང་མེད་པར་

― KMC025_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

བཀུག་པ་མདུན་གྱི་གཏོར་སྣོད་ཧོཾ་ཁུང་དུ་གསལ་བར་གཏོར་མ་དགྲ་གཟུགས་སུ་གྱུར་པར་བསྟིམ། ཡང་བདག་མདུན་གྱི་ཐུགས་ཀ་ནས་ཡི་གེ་ཧཱུྃ་ནག་པོ་དང་ཛཿདམར་པོ་སྤྲོས་པས་ཁོའི་སྣ་དང་གཤང་ལམ་ནས་ཞུགས་ཏེ་ཟངས་ལྕགས་ཀྱི་འཁོར་ལོ་གཉིས་སུ་གྱུར་པ་གཡོན་དང་གཡས་སུ་འཁོར་བས་ཤ་རུས་སིལ་བུར་གཏུབ་པ་རི་རབ་དང་མཉམ་པར་གྱུར་པའི་སྟེང་རང་གི་ཐུགས་ཀ་ནས་ཨོཾ་ཨཱཿཧཱུྃ་སྤྲོས་ཏེ་དེའི་སྟེང་དུ་གནས་པ་ལས་འོད་ཟེར་འཕྲོས། ཕྱོགས་བཅུའི་རྒྱལ་བ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་འོད་ཟེར་སྣ་ཚོགས་པའི་རྣམ་པར་སྤྱན་དྲངས་ནས་རིམ་པ་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར་པ་དེས་མདུན་བསྐྱེད་དཀྱིལ་འཁོར་གྱི་ལྷ་ཚོགས་རྣམས་ལ་རང་གི་ཐུགས་ཀ་ནས་སྤྲུལ་པའི་ཁྲོ་ཆུང་དུ་མས་ཐོད་སྣོད་དུ་བཅུས་ནས་ཕུལ་བས་ཧབ་ཧབ་གསོལ་ཞིང་ལྷག་མ་གཅན་གཟན་བྱ་ཁྱིའི་ཚོགས་ཀྱིས་རོལ་པར་དམིགས། མཐར་ཁྲོ་བོ་རྣམས་རང་ལ་བསྡུས་པར་དམིགས་ཏེ། བསྐུལ་བྱང་དུར་མ་དང་། ཡེ་ཤེས་དབྱིངས་མ་

― KMC025_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན། རྡོ་རྗེ་བཀའ་ཟློག་དང་། ལོག་ཏྲིའི་ཟློག་པ་བྱ་ཞིང་ཐུན་མཚམས་ལ་འཇུག་གོ །དེས་ཐོར་ཐུན་གྲུབ། སྔ་ཐུན་ལ་མཆོད་ཁ་གསོ་བྲན་བྱ། དྲག་ཞལ་དང་བ་ལིཾ་མང་བར་བཤམས་ལ་གསོལ་ཁ་རྒྱས་འབྲིང་གང་རུང་ལ་བསྟན་སྲུང་མཐར་ཐུག །བདེ་ཆེན་ཆོས་དབྱིངས་སོགས་ལྷ་མོའི་གསོལ་ཀ་ཡང་འདོན། དམིགས་པ་རང་གི་ཐུགས་ནས་འོད་འཕྲོས། འོག་མིན་གྱི་ཞིང་ནས་ཡེ་ཤེས་ཀྱི་མགོན་པོ་འཁོར་བཅས་སྤྱན་དྲངས། མདུན་བསྐྱེད་སོ་སོ་ལ་ཐིམ་པར་མོས། མཆོད་པའི་སྤྲིན་རྒྱ་མཚོས་མཆོད། སླར་འོད་འཕྲོས། ཕ་རོལ་གྱི་ལྷ་སྲུང་གི་མཐུ་ནུས་གཟི་བརྗིད་བསྡུས་ནས་མདུན་བསྐྱེད་ལ་ཐིམ་པར་དམིགས། མཐར་བདག་སྒྲུབ་མ་བསྡུས་པ་འདོན་ཅིང་བསྙེན་པ་ལ་འཇུག །དམིགས་པ་གོང་བཞིན་དང་། ཐུན་གྲོལ་སྐབས་བསྐུལ་བསྐལ་བ་མེ་ལྟར་དང་། གསང་སྔགས་རྣལ་འབྱོར་གཉིས་དང་། རྡོ་རྗེ་བཀའ་ཟློག་སེང་གདོང་མའི་བཟློག་པ་བཅས་དེས་སྔ་ཐུན་གྲུབ། དགོངས་ཐུན་ལ་མཆོད་པ་གསོ་བྲན་སོགས་བྱས་ལ། །

― KMC025_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོང་བ་རྒྱས་འབྲིང་བསྡུས་གསུམ་དང་། ལྷ་མོའི་སྐོང་བ་ཡང་བྱ། །དམིགས་པ་རི་རབ་གླིང་བཞི་གླིང་ཕྲན་བྱེ་བ་དུ་མ་སྐོང་རྫས་མ་ཚང་བ་མེད་པས་གཏམས་པ་གྲངས་མེད་འབུལ་ཞིང་ཉམས་ཆགས་འགལ་འཁྲུལ་ཐམས་ཅད་ཞེ་ཐག་པ་ནས་འགྱོད་པས་བཤགས། མདུན་བསྐྱེད་དགྱེས་པ་ཆེན་པོས་ཉམས་ཆགས་བྱང་ངོ་། །ཁྱོད་ཀྱི་ལུས་དང་གྲིབ་མ་བཞིན་དུ་འགྲོག་གོ་ཞེས་པའི་གནང་བ་ཐོབ་པར་མོས། བདག་སྒྲུབ་མ་རྒྱས་པ་དང་། སྤྲོ་ན་སྔགས་རྒྱུན་ཡང་འདོན། དམིགས་པ་གོང་བཞིན། མཐར་བསྐུལ་འདས་བྱོན་མ། རྡོ་རྗེ་བཀའ་ཟློག །སེང་གདོང་བཟློག་པ་བཅས་ཕྱི་ཐུན་ཚར། །སླར་མཆོད་པ་གསོ་བྲན་སོགས་གྲུབ་པ་དང་། མཚལ་མ་ལྟར་མཐར་ཆགས་སུ་བཏང་། འཁོར་ལྔ་རྗེས་འབྲང་བཅས་པའི་གཏོར་འབུལ་བྱ། དེ་སྐབས་དཀྱིལ་འཁོར་གཉིས་ཀྱི་བར་དུ་སྐད་ཅིག་གིས་སྤྱན་དྲངས། གཏོར་མ་ཕུལ། སྔགས་འོད་ཀྱིས་བཞེས། ཕྲིན་ལས་བཅོལ། སླར་རང་གནས་སུ་གཤེགས་པར་མོས། གསོལ་སྐོང་བསྡུས་ཙམ་དང་། བདག་

― KMC025_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་མ་བསྡུས་པ་བཅས་བསྙེན་པ་བྱ། དམིགས་པ་གོང་བཞིན་མཐར་བསྐུལ་གང་ཞིག་བླ་མ། རྡོ་རྗེ་བཀའ་ཟློག །ཚེ་བདག་ཟློག་པ་བཅས། དངོས་གྲུབ་ལེན་ཆོག་ནུབ་རེ་བཞིན་བྱས་ན་འགལ་བ་མེད། ཕྱག་ལེན་དུའང་དེ་ལྟར་མཛད། ལྷག་མ་བསྔོ། རྗེས་མཆོད་བསྟོད་བཤགས་པ་སྨོན་ལམ་གདབ་ཅིང་བཀྲ་ཤིས་བརྗོད། དེས་སྲོད་ཐུན་གྲུབ། དེ་ལྟར་ཐུན་བཞིའི་རིམ་པས་སྒྲུབ་པ་ཡུན་ཇི་ཙམ་བྱེད་པའི་སུམ་ཆ་གཉིས་མ་རྫོགས་ཀྱི་བར་དུ་བྱ། གསུམ་ཆ་གཉིས་རྫོགས་པ་ན། སྒྲུབ་པའི་དམིགས་པ་འདི་ལྟར་བྱ་སྟེ། བདག་མདུན་གྱི་ཐུགས་སྲོག་སྔགས་འཁོར་བཅས་སྔར་བཞིན་གསལ་བའི་བདག་ཉིད་ཀྱི་ཐུགས་ཀའི་སྔགས་ཕྲེང་ལས་ཨོཾ་ཤྲཱི་མ་ཧཱ་ཀཱ་ལ་ཧཱུྃ། ཅེས་པའི་སྔགས་མཐིང་ནག་གཅིག་གི་མཇུག་ཏུ་གཅིག་བཏགས་པའི་ཕྲེང་བ་དང་། ཡུམ་གྱི་ཐུགས་ཀའི་སྔགས་ས་བོན་དང་བཅས་པ་ལས་དེ་འདྲ་བ་གཉིས་པའི་ཕྲེང་བ་གོང་བཞིན་བྱུང་། ཡབ་ཡུམ་གྱི་ཞལ་ནས་ཐོན་པ་དང་། སྔགས་གཉིས་པོ་གཅིག་ཏུ་འདྲེས་ཏེ། ཨོཾ་ཤྲཱི་མ་ཧཱ་ཀཱ་ལ་

― KMC025_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

ཡཀྵ་བཻ་ཏ་ལི་ཧཱུྃ་ཛཿ ཞེས་པ་ཕན་ཚུན་དུ་འཁྱོག་པ་མུ་ཏིག་ཕྲེང་བར་བརྒྱུས་པ་བཞིན་གྱུར་པ་ལས་འོད་འཕྲོས་པའི་རྩེ་ལ་མཆོད་པའི་སྤྲིན་རབ་འབྱམས་ཀུན་ཏུ་འཕྲོ་བར་གྱུར་ཏེ་འོག་མིན་གྱི་ཞིང་སོགས་ན་བཞུགས་པའི་དཔལ་མ་མགོན་གྱི་ལྷ་ཚོགས་ཐམས་ཅད་ལ་སྐུ་གསུང་ཐུགས་མཉེས་པའི་མཆོད་པ་བསམ་གྱིས་མི་ཁྱབ་པའི་མཆོད་པས་རབ་ཏུ་དགྱེས་པར་གྱུར། སྔགས་ཕྲེང་དེ་ཉིད་མདུན་བསྐྱེད་ཡབ་ཡུམ་ཞལ་གྱི་ཐད་དུ་རྩེ་མོ་གཉིས་སུ་གྱུར་ཏེ་རང་རང་གི་ཞལ་དུ་ཞུགས་ནས་མར་འོང་བ་ཐུགས་སྲོག་སྔགས་ཕྲེང་དང་བཅས་པ་ལ་ཐིམ་པས་ཟག་མེད་ཀྱི་བདེ་བས་ཐུགས་རྒྱུད་གཏམས། དམ་ཚིག་ཉམས་ཆག་བསྐང་། སྒྲུབ་པོ་ལ་དགྱེས་པས་དགོངས་ཏེ་སླར་སོ་སོ་ནས་སྔགས་ཕྲེང་སྤྲོས་པ་སྐུའི་དབྱིབས་བརྒྱུད། ཡབ་ཡུམ་གྱི་གསང་བ་ནས་ཐོན། གཅིག་ཏུ་གྱུར་ཏེ་ཚུར་བྱུང་བ་ལས་འོད་འཕྲོས། དཔལ་མགོན་ལྕམ་དྲལ་གྱི་ལྷ་ཚོགས་ཀྱི་ཐུགས་བརྒྱུད་བསྐུལ་ནས་སྐུ་གསུང་ཐུགས་ཡོན་ཏན་ཕྲིན་ལས་བཅས་པའི་བྱིན་རླབས་ནུས་མཐུ་ཅི་མཆིས་

― KMC025_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འོད་ཟེར་ཐིག་ལེའི་རྣམ་པར་སྤྱན་དྲངས། སྔགས་ཀྱི་ཕྲེང་བར་ཐིམ། དེ་རྩེ་མོ་གཉིས་སུ་གྱུར། བདག་བསྐྱེད་ཡབ་ཡུམ་སོ་སོའི་གསང་བ་ནས་ཡར་བྱུང་། ཐུགས་སྲོག་སྔགས་ཕྲེང་དང་བཅས་པར་ཐིམ་པས་གཉིས་སུ་མེད་པར་གྱུར་ཅིང་མཐུ་སྟོབས་དཔལ་མགོན་དང་མཉམ་པ་ཡིན་སྙམ་པའི་མོས་པ་བྱ། དེ་བཞིན་སྔགས་ཕྲེང་ལས་འོད་སྔོན་སོགས་སྔར་བཞིན་འཕྲོས། བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་སོགས་དང་མཇལ་ཏེ་སྤྲོ་བསྡུའི་དམིགས་པ་གོང་བཞིན་བྱའོ། །དེ་ལ་དོ་ལིའི་བཟླས་པ་འམ་མགལ་མེ་ཀླད་ལ་བསྐོར་བ་ལྟ་བུའི་འཁྲུ་འཁོར་ཞེས་བྱ། འདི་སྐབས་ཐོག་མ་ཉིད་ནས་སྔགས་ཕྲེང་སྤྲོ་བསྡུ་མི་བྱ་བར་མགོན་པོའི་ཐུགས་ཀ་ནས་འོད་ནག་པོ་དང་། ལྷ་མོ་ལས་འོད་སྔོན་པོའི་སྐུད་པ་སྤྲོས་ཏེ་གོང་བཞིན་སྤྲོ་བསྡུ་བྱ་བ་ལ་བསླབ། དེར་གོམས་པ་ན་སྔགས་ཕྲེང་སྤྲོ་བསྡུ་བྱེད་པ་ནི་དམིགས་པ་གསལ་སླ་བའི་ཆེད་ཡིན་པས་དེ་ལྟར་བྱ། ཐུན་གྱི་སྐབས་འདི་

― KMC025_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོ་ན་འབད་པར་ཐོག་མར་བསྐྱེད་རིམ་རྣམས་གསལ་གདབ། དེ་རྗེས་འདི་ཉིད་དང་། མཐར་སྔར་བཤད་པའི་བསྙེན་དམིགས་རྣམས་བྱ་ཞིང་། གཞན་སྔར་བསྙེན་པའི་དུས་དང་འདྲ། དེས་བསྙེན་སྒྲུབ་དངོས་ཀྱི་དམིགས་པ་སོང་ནས། ཞར་བྱུང་དུས་དང་གྲངས་ཀྱི་ཚད་བཤད་དང་། མཚན་ལྟས་པ་རྟག་པ་གཉིས་ལས། དང་པོ་ནི། དུས་བསྙེན་རབ་ཟླ་བ་དྲུག །འབྲིང་གསུམ། ཐ་མ་ཞག་ཉེར་གཅིག་གོ། གྲངས་བསྙེན་རབ་འབྲུ་འབུམ་གསུམ་ལ་འབུམ་ཕྲག་སུམ་ཅུ་སོ་དགུ། འབྲིང་འབུམ་ཕྲག་བཅུ་གསུམ། ཐ་མ་བདུན་འབུམ་དྲུག་ཁྲིའོ། །གཉིས་པ་ནི། རྟགས་རབ་དངོས་སུ་ཞལ་སྟོན་ཅིང་། གསུང་ཐོས་པ་འབྲིང་། དེ་དག་གི་ཉམས་དང་ཐ་མ་རྨི་ལམ་དུ་མཚོན་ཆ་བཟང་པོ་རྙེད་པ། སྐྱེས་པ་བུད་མེད་མང་པོས་བཀུར་སྟི་བྱེད་ཅིང་དངོས་གྲུབ་ཀྱི་རྫས་སྦྱིན་པ་སོགས་འབྱུང་། ངན་པ་ནི་མཚོན་ཆ་ཆག་པ་དང་། གཡང་ལས་ལྷུང་བ་སོགས་ཡིན། གང་ལྟར་བཟང་ངན་ཅི་བྱུང་རུང་འཛིན་པ་མི་བྱེད་པར་དེའི་རང་ངོ་ལ་མཉམ་པར་འཇོག་གོ །གེགས་

― KMC025_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་ནི། རང་ལ་གྲིབ་སོགས་ཀྱི་རྟགས་བྱུང་ན་ཁྲུས་ཀྱི་ཆོ་ག་འདི་ལྟར་བྱ་སྟེ། གཞི་གཙང་མའི་ཁར་བུམ་པ་མཚན་ལྡན་དྲི་བཟང་གི་ཆུས་བཀང་བར་དར་སྔོན་པོའི་མགུལ་ཆིངས་དང་ཁ་རྒྱན་བཙུགས་པའི་མདུན་ངོས་སུ་མཆོད་པ་ཕྲེང་ཚར་བཤམས་ལ། ཨོཾ་དཾ་ཥྚོཏྐ་ཊ་སོགས་ཀྱིས་བསངས་སྦྱངས། སྟོང་པའི་ངང་ལས་པད་ཟླར་བྷཱུྃ་ཡོངས་སུ་གྱུར་པ་ལས་ཕྱི་བུམ་པ་ལ་ནང་གཞལ་ཡས་ཁང་བཀོད་པ་ཕུན་སུམ་ཚོགས་པའི་དབུས་སུ་པད་ཉི་དྲེལ་རྟའི་གདན་ལ་ཧཱུྃ་བྷྱོ་ཡོངས་སུ་གྱུར་པ་ལས་དཔལ་ནག་པོ་ཆེན་པོ་ཡབ་ཡུམ་རྒྱན་ཆ་ལུགས་ཡོངས་རྫོགས་གྱུར་པའི་གནས་གསུམ་འབྲུ་གསུམ་གྱིས་མཚན་པའི་འོད་ཀྱིས་ཡེ་ཤེས་པ་སྤྱན་དྲངས་གཉིས་སུ་མེད་པར་གྱུར། སླར་ཡང་དབང་གི་ལྷ་ནམ་མཁའ་གང་བས་དབང་བསྐུར་ཞིང་ཆུ་ལྷ་གཡར་ལུད་མི་བསྐྱོད་པས་དབུ་བརྒྱན། རང་གི་ཐུགས་ཀ་ནས་སྤྲོས་པའི་ལྷ་མོའི་ཚོགས་ཀྱིས་མཆོད་པར་གྱུར། ཨོཾ་ཤྲཱི་བཛྲ་སོགས་ཀྱིས་མཆོད། ཆོས་ཀྱི་དབྱིངས་ལས་སོགས་དང་། མཁའ་ལ་མས་བསྟོད།

― KMC025_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་བཟླས་པ་ནི། མདུན་བསྐྱེད་སྤྱི་བོའི་རིགས་བདག་མི་བསྐྱོད་པ། །རྡོ་རྗེ་སེམས་དཔའི་ངོ་བོར་བཞུགས་པ་ཡི། །སྐུ་ལས་བདུད་རྩིའི་རྒྱུན་བབས་མདུན་བསྐྱེད་ཀྱི། །སྤྱི་བོ་ནས་ཞུགས་སྐུ་ཡི་ནང་ཀུན་གང་། །སྦྱོར་མཚམས་ནས་ལུད་བུམ་ཆུར་རོ་གཅིག་འདྲེས། །ཞེས་མོས་ལ་གསུང་གི་སྙིང་པོའི་མཐར། ནད་གདོན་བར་ཆད་སརྦ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བཏགས་པ་ཅི་ནུས་བཟླས་མཐར། བུམ་ལྷ་འོད་དུ་ཞུ་བ་ཆུང་འདྲེས་པ་གང་ལ་རེག་པས་ཉེས་པའི་དངོས་པོ་མཐའ་དག་འཇོམས་པར་གྱུར་པར་མོས་ལ་ནང་རེ་བཞིན་ཁྲུས་བྱའོ། །དམ་ཚིག་ལ་སྐྱོན་ཡོད་པའི་རྟགས་བྱུང་ན། བསྐང་བའམ། མཇུག་གི་བཤགས་པའི་དུས་མདུན་བསྐྱེད་མ་མགོན་རྡོར་སེམས་ཧེ་རུ་ཀ་ཡི་རྣམ་པར་གསལ་བའི་དཔྲལ་བར་ཟླ་སྟེང་ཨོཾ་དཀར་པོ་ལ་ཡིག་བརྒྱ་དཀར་པོས་བསྐོར་བ། མགྲིན་པར་པད་སྟེང་ཨཱཿདམར་པོ་ལ་ཡིག་བརྒྱ་དམར་པོས་བསྐོར་བ། ཐུགས་ཀར་རྡོ་རྗེའི་ལྟེ་བ་ཧཱུྃ་སྔོན་པོ་ལ་ཡིག་བརྒྱ་མཐིང་གས་བསྐོར་བ་དམིགས་ནས་མན་ངག་ཡིག་བརྒྱ་བ

― KMC025_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བཞིན་འགྱོད་པ་དྲག་པོ་དང་བཅས་བདག་གིས་སྔོན་ཆད་སྐུ་གསུང་ཐུགས་རྩ་བ་ཡན་ལག་གི་དམ་ཚིག་ལས་འགལ་བ་རྣམས་མཐོལ་ཞིང་ཕྱིན་ཆད་མི་བགྱིད་པར་བསྡོམས་ན་བྱང་ཞིང་དག་པར་མཛད་དུ་གསོལ། ཞེས་ཡིད་ཀྱིས་གསོལ་བ་ཕུར་ཚུགས་སུ་བཏབ་པས་གནས་གསུམ་གྱི་ཡིག་འབྲུ་ལས་བདུད་རྩིའི་རྒྱུན་དཀར་དམར་མཐིང་གསུམ་བབས་པ་འོད་ཟེར་གྱི་སྦུ་གུ་ནས་བརྒྱུད་སྒོ་གསུམ་ལ་ཐིམ་པས་དམ་ཚིག་ཆགས་ཉམས་དག །སྐུ་གསུང་ཐུགས་ཀྱི་བྱིན་རླབས་ཐོབ། སླར་ཡང་གསོལ་བ་བཏབ་པས་རིགས་ཀྱི་བུ་ཡི་དམ་ཚིག་ཉམས་ཆགས་ཐམས་ཅད་དག་གོ་ཞེས་གསུངས་པའི་གནང་བ་ཐོབ་པར་མོས་ལ། ཚེ་རབས་ཀུན་ནས་སོགས་གཟུངས་ཀྱང་བརྗོད་པར་བྱའོ། །དེས་ཆགས་ཉམས་བཤགས་པའི་རིམ་པ་སོང་། འདི་སྐབས་སུ་རྒབ་འདྲེ་རྒྱལ་བསེན་སོགས་ཀྱི་གནོད་པ་བྱུང་ངམ་འབྱུང་དུ་དོགས་ནས་བཟླས་པའི་མཇུག་ཏུ། བདག་མདུན་མགོན་པོ་ལྕམ་དྲལ་སྐུར་གསལ་བའོ། །ཕྲག་པ་གཉིས་སུ་སྤྲུལ་པའི་བྱ་རོག་ནི། །

― KMC025_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ལྕགས་ལས་གྲུབ་ལྕགས་ཀྱི་མཆུ་སྡེར་ཅན། །སྤུ་གྲིའི་འདབ་གཤོག་ནག་ལ་དམར་བའི་མདངས། །སྤྱན་ལས་རང་འདྲའི་སྤྲུལ་པ་དཔག་མེད་འཕྲོས། །གནོད་བྱེད་འབྱུང་པོ་མི་དང་མི་མིན་ཀུན། །བཅས་ཞིང་ཟོས་ནས་རྗེས་མེད་བརླག་པར་གྱུར། །ཅེས་མོས་ལ་དུཾ་དུཾ་རཀྴ་བཟླས་མཐར། སྤྲུལ་པའི་བྱ་རོག་སྤྲུལ་གཞི་གཉིས་ལ་ཐིམ། དེ་ཡང་བདག་མདུན་ཕྲག་པ་གཡས་གཡོན་ཐིམ། །སླར་ཡང་མགོན་པོའི་ཐུགས་ལས་རྣམ་སྤྲུལ་གྱི། །བྱ་ནག་སྟོབས་ལྡན་འཇིག་རྟེན་གང་བར་འཕྲོས། །འདབ་གཤོག་འུར་སྒྲ་དྲག་པོ་འབྲུག་ལྟར་ལྡིར། །རྐན་རྡེབ་ཅག་སྒྲ་འཇིགས་རུང་གནམ་ཐོག་བཞིན། །བར་ཆད་གདོན་བགེགས་ཐམས་ཅད་སྐད་ཅིག་གིས། །རྡུལ་དུ་བརླག་ནས་ཚུར་འདུས་ཐུགས་ཀར་ཐིམ། །འཇིགས་དང་བར་ཆད་ཀུན་ལས་རྣམ་རྒྱལ་གྱུར། །ཞེས་བསྒོམ་ཞིང་དུཾ་དུཾ་རཀྴ་བཟླས་ན་བར་ཆད་ལས་རྒྱལ་བར་གསུངས་སོ། །དེས་དངོས་གཞི་བསྙེན་སྒྲུབ་གཉིས་དང་། ཞར་བྱུང་བཅས་ལེགས་པར་གྲུབ་བོ། །དེ་ནས་ལས་སྦྱོར་ལ་

― KMC025_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བཞི་སྤྱིར་སྦྱར་བ་དང་། ལྷག་པར་དྲག་པོ་མངོན་སྤྱོད་ཀྱི་སྦྱོར་བའོ། །དེ་ལས་དང་པོ་ནི་སྒྲུབ་པ་གྲུབ་པའི་ཕྱི་ཉིན་ཐོ་རེངས་ཀྱི་ཐུན་ལ་གཞན་རྣམས་རྒྱུན་ལྟར་ལ། བདག་མདུན་ལྷ་ཚོགས་ཐམས་ཅད་ཞི་ཉམས་ཅན་འོད་དཀར་པོ་འཕྲོ་བར་བསྒོམ། བཟླས་པའི་སྐབས་བདག་བསྐྱེད་ཀྱི་ཐུགས་ལས་འོད་དཀར་པོ་འཕྲོས། མདུན་བསྐྱེད་ཀྱི་ཐུགས་ཀར་ཕོག་པས་ཞི་བའི་ལས་ལ་བསྐུལ། སླར་བདག་མདུན་གྱི་ཐུགས་ལས་འོད་དཀར་པོའི་ཚོགས་སྤྲོས། །རྒྱལ་བའི་དཀྱིལ་འཁོར་རབ་འབྱམས་ལ་མཉེས་མཆོད་ཕུལ། རིགས་དྲུག་གི་སྡུག་བསྔལ་སྦྱངས། བདེ་བ་ལ་བཀོད། རྒྱལ་བ་རྣམས་ཀྱི་ཐུགས་ཀ་ནས་ཞི་བྱེད་ཀྱི་བདུད་རྩིའི་རྒྱུན་འོད་དཀར་པོའི་རྣམ་པར་སྤྱན་དྲངས། རང་ཉིད་ལ་ཐིམ་པས་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཞི་བར་མོས། དེ་བཞིན་འོག་མིན་གནས་ནས་དཔལ་མགོན་ལྕམ་དྲལ་འཁོར་བཅས་བླ་མ་ཡི་དམ་སོགས་གོང་དུ་མཚན་སྨོས་པ་རྣམས་སོ་སོ་ལ་སྦྱར་ཏེ་སྤྲོ་བསྡུ་བྱའོ། །དེ་ནི་ཞི་

― KMC025_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ལས་སོ། །སྔ་ཐུན་ལ་བདག་མདུན་ལྷ་ཚོགས་རྣམས་ཤ་རྒྱས་པ་རིན་པོ་ཆེའི་རྒྱན་ཅན་འོད་སེར་པོ་འཕྲོ་བར་བསྒོམ། བཟླས་པའི་སྐབས་བདག་གི་ཐུགས་ཀའི་འོད་སེར་པོས་མདུན་བསྐྱེད་བསྐུལ། སླར་བདག་མདུན་གྱི་ཐུགས་སྲོག་སྔགས་ཕྲེང་ལས་འོད་སེར་པོའི་ཚོགས་སྤྲོས་པ་ཤེས་རབ་ཀྱི་ལྷ་ཚོགས་མཆོད་པས་མཉེས། བྱིན་རླབས་དངོས་གྲུབ་འོད་ཀྱི་རྣམ་པར་ཚུར་འདུས་བདག་ལ་ཐིམ་པས་ཤེས་རབ་བློ་གྲོས་ཀྱི་རྩལ་རབ་ཏུ་རྒྱས་པར་དམིགས། དེ་བཞིན་དཔལ་མགོན་སོགས་ཐམས་ཅད་ལ་སྦྱར་བས་ཚེ་བསོད་ཉམས་རྟོགས་ཡོན་ཏན་སོགས་རྒྱས་པར་དམིགས། སླར་འོད་འཕྲོས། ཕྱི་ནང་སྣོད་བཅུད་ཀྱི་ཁམས་ཐམས་ཅད་ལ་ཕོག་པས་བཀྲག་མདངས་གཟི་བརྗིད་ཚེ་དཔལ་གྱི་དྭངས་མ་རྣམས་བསྡུས་ནས་རང་ལ་ཐིམ་པས་བཀྲག་གཟི་ཚེ་དཔལ་སོགས་རྒྱས་པར་མོས་པ་ནི་རྒྱས་པའི་ལས་སོ། །དགོངས་ཐུན་ལ་ལྷ་ཚོགས་ཆགས་པའི་ཉམས་ཅན་དམར་འོད་འཕྲོ་བ་བདག་གི་ཐུགས་ཀ་ནས་འོད་དམར་འཕྲོས། མདུན་བསྐྱེད་

― KMC025_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུལ། སླར་གཉིས་ཀའི་ཐུགས་ཀ་ལས་འོད་འཕྲོས། དཔལ་མགོན་ལྕམ་དྲལ་དང་། དབང་གི་ལྷ་གཙོ་བོར་གྱུར་པའི་རྒྱལ་བ་སྲས་བཅས་རྣམས་མཆོད། དེ་དག་གི་དབང་གི་དངོས་གྲུབ་འོད་དམར་དང་པད་ཕྲེང་གི་རྣམ་པར་བྱོན་ནས་བདག་ལ་ཐིམ་པས་གཟི་བརྗིད་ལྷག་པར་འཕེལ། ཁམས་གསུམ་སྲིད་གསུམ་ཟིལ་གྱིས་གནོན་པའི་སྟོབས་ལྡན་དུ་གྱུར། ཡང་འོད་དམར་ཞགས་པ་ལྟ་བུ་སྤྲོས། རྒྱལ་བློན་ཁྱིམ་བདག་སོགས་གང་འདོད་པ་དེ་འོད་ཀྱི་ཞགས་པས་བསྡམས་ཏེ་མདུན་དུ་བཀུག་པ་དེ་དག་གིས་ཅི་བསྒོ་བ་མཉན་ཅིང་ལས་བསྒྲུབ་པར་མོས་པ་ནི་དབང་གི་ལས་སོ། །སྲོད་ཐུན་ལ་ལྷ་རྣམས་དྲག་པོའི་ཉམས་ཅན་དང་། བཟླས་པའི་སྐབས་སུ་ཐུགས་ཀའི་སྔགས་ཕྲེང་ས་བོན་བཅས་ལ་ལས་མེ་ཡི་ཚ་ཚ་འཕྲོ་བ་དེ་ལས་འོད་མཐིང་ནག་འཕྲོས། མདུན་བསྐྱེད་དྲག་པོའི་ལས་ལ་བསྐུལ། སླར་གཉིས་ཀའི་ཐུགས་ཀ་ནས་འོད་ཟེར་མཐིང་ནག་སྤྲོས་པས་དཔལ་མགོན་ཡབ་ཡུམ་གྱི་མཐུ་སྟོབས་ནུས་རྩལ་སོགས་བསྡུས། རང་ལ་

― KMC025_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟིམ་པས་ཁམས་གསུམ་སྒྲོལ་བའི་མཐུ་ལྡན་ཏུ་གྱུར་པར་མོས། དེ་བཞིན་བླ་མ་ཡི་དམ་སོགས་རིགས་འགྲེ། སླར་བདག་མདུན་གྱི་ཐུགས་ཀ་ནས་འོད་ཟེར་མེ་ཡི་ཚ་ཚ་དང་ཐོག་གི་ཆར་འབེབས་པ་འཕྲོས། ཕྱོགས་བཅུའི་གདུག་པ་ཅན་དང་། དགྲ་བོ་མི་ནོར་ལ་ཕོག་པ་ཙམ་གྱིས་ལུས་ཚལ་པར་བཏང་། ཤ་ཁྲག་སྤྲུལ་པའི་ཕོ་ཉ་དང་བྱ་ཁྱིས་ཟོས། མེ་ལྕེས་བསྲེག་པ་སོགས་དམིགས། སླར་དེ་དག་གི་ཚེ་དཔལ་གཟི་བརྗིད་དང་ལྷན་ཅིག་འོད་ཚུར་བྱུང་རང་ལ་ཐིམ་པར་མོས། དེ་ནི་དྲག་པོའི་དམིགས་པ་སྟེ་དེ་དག་གིས་ལས་བཞི་སྤྱིར་སྦྱར་བ་གྲུབ་བོ། །དེ་ནས་ལས་ལ་མ་སྦྱར་ན་དམག་དཔུང་ཆེན་པོ་བསྡུས་ནས་འགྲོ་ས་མེད་པ་ལྟར་རྩུབ་པར་གསུངས་པས་དྲག་པོ་མངོན་སྤྱོད་དང་སྦྱར་བ་ནི། ཕྱིར་ནང་སྔ་བར་ལངས། མཆོད་གཏོར་གཟབ་རྒྱས་དང་དམར་གཏོར་ཆེ་བ་ཞིག་གི་མཐར་ཐུན་གཏོར་བསགས་པ་རྣམས་ཀྱིས་བསྐོར། ཐོད་སྣོད་འབྲུས་བཀང་བའི་ནང་ཕུར་བུ་དང་གྲི་གུག་གཞུག །གཞན་ཡང་ལྷ་དབྱེའི་རྫས་མི་མཐུན་སྒྲོ་སོགས་དང་།

― KMC025_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་སྣོད་དུ་དགྲ་གཟུགས་བཅས་པ་སོགས་འདུ་བྱ། དངོས་གཞིར་དང་པོ་ཕྱག་ཆེན་སྔོན་འགྲོ་དང་། སྤྲོ་ན་ཕག་མོའི་བདག་བསྐྱེད་ཀྱང་འདོན། དེ་ནས་ལེགས་ལྡན་སྲུང་འཁོར་འདོན་བཟློག་པའི་མགོར་འགུགས་གཞུགས་ལན་གསུམ་བྱ། ལྷ་ཚོགས་རྣམས་སོགས་བཟློག་པ་དང་བསད་དམིགས་རྗེས། བསྐུལ་བྱང་དུར་མ་དང་། ཡེ་ཤེས་དབྱིངས་མ། རྡོ་རྗེ་བཀའ་བཟློག་ལོ་ཏྲིའི་ཡང་བཟློག་བྱ། དེ་ནས་མངོན་རྟོགས་ཆེན་མོ་ལྟར་གསུང་སྐབས་དམིགས་པ་གཞན་འདྲ་བ་ལ་བདག་མདུན་རྣམས་ཤིན་ཏུ་ཁྲོ་བ། འཁོར་ལོའི་ལྷ་ཐམས་ཅད་ཞལ་ཕྱིར་གཟིགས་པ། དྲེགས་པ་རྐྱ་གསུམ་པོ་སྒོ་གསུམ་གྱི་ནང་། དམག་རྒྱལ་མ་བཞིའི་མདུན་དུ་བསྐྱེད། དམ་བཞག་སྐབས་རང་གི་ཐུགས་ནས་སྔགས་ཕྲེང་སྤྲོས། མདུན་བསྐྱེད་ཀྱི་ཐུགས་ཀར་ཕོག་པས་དྲག་པོའི་ལས་ལ་བསྐུལ་བར་དམིགས། ལྷ་ཆེན་དཔལ་འབར་མཇུག་ཏུ་ཕྱག་བཞི་པ་སོགས་གཏོར་འབུལ་རྣམས་བྱ། བསྟོད་པའི་མཐར་བསྙེན་པ་སྟོང་ཕྲག་ཙམ་བཟླ། དམིགས་པ་

― KMC025_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་གི་དྲག་པོ་ཅན་དེ་འདིར་སྦྱར། ཐུན་གཏོར་ལ་འགུགས་པ་ལན་གསུམ་དང་། བསྐུལ་རྟགས་བསྟོད་གཉིས། རྡོ་རྗེ་བཀའ་བཟློག །སེང་གདོང་བཟློག་པ་བཅས་དང་། གསོལ་ཁ། སྐོང་བ་རྒྱས་པ་བདག་སྒྲུབ་མ་རྒྱས་པའི་མཇུག་ན་ཅི་ལྕོགས་བཟླ། མཐར་སྔགས་རྒྱུན་རྣམས་ཀྱང་ལན་གསུམ་རེ་བརྗོད། དེ་ནས་མདུན་དུ་བྲུབ་ཁུང་བཞག་ལ་བསྒྲལ་ཆོག་ལས་འགྲིགས་ནས་འབྱུང་བ་ལྟར་བྱ་བའི་ཐོག་མར་དཔལ་ལྡན་བདེ་གཤེགས་སོགས་ཀྱི་སྐབས་སུ་རང་གི་ཐུགས་ཀ་ནས་འོད་ནག་པོ་འཕྲོས། འགྲོ་དྲུག་གི་ཉོན་མོངས་པ་རྣམས་འོད་སྣ་ལྔའི་རྣམ་པར་བསྡུས་ཏེ་དགྲ་བོ་ལ་བསྟིམས་པས་ཁོ་ཡི་དུག་ལྔ་རྒྱས་ཏེ་མཚམས་མེད་ལྔ་མི་དགེ་བཅུ་སོགས་སྤྱད་ཅིང་ལོག་པའི་ལམ་དུ་ཞུགས་པ་བསྒྲལ་འོས་སུ་གྱུར་པར་དམིགས། བདག་གི་ཐུགས་ཀའི་སོགས་ཀྱི་སྐབས་སུ། བདག་གི་ཐུགས་ཀའི་ས་བོན་ལས་ཁྲོ་བོ་ནག་པོ་ཐལ་མོ་སྦྱར་བ་དུ་མ་འཕྲོས། ཕྱོགས་བཅུའི་རྒྱལ་བ་རྣམས་ལ་དམ་ཉམས་པའི་སོགས་ཞུས་པས། ཕྱོགས་བཅུའི་རྒྱལ་བས་མགྲིན་

― KMC025_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཏུ་གང་ཞིག་སོགས་བཀའ་སྩལ་པའི་ངག་དང་ལྡན་པའི་ཁྲོ་བོ་རང་ལ་ཐིམ་པར་མོས། གཟུ་དཔང་ནི། རང་གི་མདུན་གྱི་ནམ་མཁར་པདྨ་འདབ་མ་འབུམ་ལྡན་གྱི་སྟེང་དུ་རྒྱལ་བ་སྲས་དང་བཅས་པ་རྣམས་བཞུགས་པར་མོས་ལ་རང་གི་མཆོད་སྤྲིན་རྒྱ་མཚོས་མཆོད་བཞིན་དུ་བདེན་རྫུན་གྱི་དབྱེ་བ་བརྗོད་པར་བསམ་མོ། །འགུགས་པ་ནི། མདུན་དུ་ལྕགས་ཁང་སྒོ་མེད་གཏིང་ཟབ་པ་དུག་གསུམ་གྱི་མུན་པ་འཁྲུགས་ཀློང་དམིགས་བྱ་རིང་ཅིང་ཡང་བ་ཞིག་ཏུ་བསྐྱེད། བདག་མདུན་གྱི་ཐུགས་ཀ་ནས་ཡ་དུཿཧཱུྃ་ལས་མ་གཤིན་བདུད་མགོན་སོགས་སྤྲུལ་པའི་ཕོ་ཉ་རྣམས་ཀྱིས་དགྲ་བོའི་སྙིང་ལ་ལྕགས་ཀྱུས་བཏབ། རྐེ་ཞགས་པས་བསྡམས། ལྕགས་སྒྲོགས་ཀྱིས་ཡན་ལག་བཅིངས། དྲིལ་ཆེན་སྒྲས་མྱོས་པར་བྱས། གཞན་ཡང་མཚོན་ཆ་དུ་མ་བརྒྱབས་པས་སྡུག་བསྔལ་ཉམས་སུ་མྱོང་བཞིན་པར་བཀུག །གཟུགས་ལ་བསྟིམ་པར་མོས། ལྷ་དབྱེ་དུས་ཁོ་ཡི་ལྷ་ཐམས་ཅད་མདུན་དུ་གནས་པར་དགྲ་བོའི་ཤ་ཁྲག་ལས་གྲུབ་པའི་གཏོར་

― KMC025_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སྦྱིན་པ་དེ་ཉིད་རང་དཔལ་ནག་པོ་ཆེན་པོའི་མཐུས་དབང་མེད་དུ་ཟ་བར་དམིགས་ཏེ། གང་ཞིག་སོགས་བརྗོད་པས་ཉམས་པ་དེ་སྤངས་ནས་རང་གནས་སུ་བྱེར་པར་མོས་ལ། ཁྲ་འུག་གི་སྒྲོས་གཡབ་ཅིང་རྫས་ངན་ཀྱང་བདུག་ལ་སྔགས་རྣམས་བཟླའོ། །རྣམ་ཤེས་སྤར་བ་ནི། ཆོས་ཀྱི་འཁོར་ལོའི་སྐབས་སྙིང་གར་རྣམ་ཤེས་ཨ་ཡིག་གི་ཚུལ་དུ་གནས་པ་ཕཊ་དྲག་པོ་བརྗོད་པས་དེ་རྒྱལ་བ་མི་བསྐྱོད་པའི་ཐུགས་ཀར་འཕྲོས་པར་མོས། དེ་ནས་ཕུར་བུ་སྟོང་པའི་ངང་ལས་པད་ཉི་རོ་ལ་སོགས་ཕུར་བསྐྱེད་རྗེས་ལག་ཏུ་ཐོགས་ལ་ཕུར་པའི་སྐུ་ལས་རང་འདྲ་གྲངས་མེད་སྤྲོས་ཏེ་དགྲ་བོ་འཁོར་བཅས་ལ་བཏབ་པར་མོས་ལ་ལས་འགྲིགས་ལས་འབྱུང་བའི་ཧཱུྃ་ཧཱུྃ་ལས་བྱུང་སོགས་བརྗོད་ཅིང་ལིངྒའི་གནས་རྣམས་སུ་བཏབ་རྗེས་ཐོད་པར་གཞུག །དེ་ནས་གྲི་གུག་ཐོགས་ལ་དམིགས་པ་རང་ཉིད་སོགས་གཞུང་གསལ་ལྟར་སྒོམ། སྔགས་རྣམས་བཟླ་བཞིན་སིལ་བུར་གཏུབ་པ་དེ་ཉིད་བྷནྡྷའི་སྣོད་ཆེན་པོར་རི་རབ་ལྟར་སྤུངས་པར་ཐུན་གཏོར་སྐབས་སྨོས་

― KMC025_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར་བྱིན་རླབས་ཀྱི་དམིགས་པ་བྱ་ཞིང་སྨན་རཀ་བྲན། མ་དག་མ་འདོན། བསྐུལ་སོ་སོའི་མཚམས་སུ་ལིང་རོ་ཐུན་གཏོར་དུ་འབུལ་དགོས། དམིགས་པ་ནི་རང་ཉིད་ཀྱི་ཐུགས་ཀ་ནས་ཁྲོ་བོ་མང་པོས་བྷནྡྷའི་སྣོད་དུ་བཅུས་ཤིང་ལྷ་ཚོགས་སོ་སོར་བཏབ་པར་བསམ། ལམ་སེལ་དུས་གཏོར་མ་འདོད་དགུའི་རྒྱ་མཚོར་འཁྱིལ་བ་ལྷ་སྲིན་སྡེ་བརྒྱད་རྣམས་ལ་བསྔོས་ཏེ་དམག་རོག་གི་ཚུལ་དུ་འདུས། ཕྱོགས་སྐྱོང་ས་བདག་རྒྱལ་བློན་དབང་མོ་ཁྱབ་མཇུག་སོགས་ལམ་དང་གཏོར་མ་འཕེན་ཕྱོགས་སུ་ཡོད་པ་རྣམས་ལ་འབུལ་ཞིང་ཟོར་ལམ་ཕྱེས་པར་བསམ། དེ་ནས་གསོན་ཅིག་མ་དང་། འདས་བྱོན་མ། གང་ཞིག་བླ་མ། རཀྴ་ས། ཉི་མ་ནུབ་ཕྱོགས་སོགས་དྲག་བསྐུལ་རྣམས་བརྗོད་ཅིང་། རང་གི་ཐུགས་ཀ་ནས་སྤྲུལ་པའི་ཁྲོ་བོ་འཇིགས་རུང་རི་རབ་ཙམ་སུས་ཀྱང་བཟློག་ཏུ་མེད་པ་ཞིག་སྤྲོས་པ་དེ་ཡིས་གཏོར་མ་དུག་མཚོན་ནད་ཀྱི་ཕུང་པོ་ཆེན་པོར་གྱུར་པའམ། གཏོར་མ་ཉིད་གྲི་གུག་མེ་འབར་བ་ཞིག་ཏུ་གྱུར་པ་ཐོགས་ནས་དགྲ་ཡུལ་དུ་

― KMC025_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུག་པའི་རྗེས་སུ་རྒྱལ་ཆེན་བཞིས་སྣང་སྲིད་ལྷ་སྲིན་གྱི་དམག་དང། དཀྱིལ་འཁོར་པའི་ལྷ་དྲེགས་པ་རྐྱ་གསུམ་དང་། དམག་རྒྱལ་མ་བཞི་སྤྲོས་ཏེ་ཕོ་རྒྱུད་ཀྱི་དམག་དཔོན་དྲེགས་པ་རྐྱ་གསུམ་དང་། མོ་རྒྱུད་ཀྱི་དམག་དཔོན་དམག་རྒྱལ་བཞིས་ཁྲིད་དེ་ཆས་པས་དགྲ་བོ་མི་ནོར་ལྷ་དང་བཅས་པ་རྗེས་ཤུལ་ཙམ་ཡང་མེད་པར་ཁ་ཕུང་དུ་བཏང་བར་དམིགས་ཏེ་མེར་ཐེབ་ཕྱོགས་སུ་འཕང་། མཐར་མགོན་པོ་མ་ཧཱ་ཀཱ་ལ། རྡོ་རྗེ་བཀའ་བཟློག །ཟབ་མདོ། སེང་གདོང་། ཚེ་བདག་སོགས་ཀྱི་ཡང་བཟློག་དྲག་པོ་བྱ། སྲུང་འཁོར་གསལ་བཏབ། གཏོར་གཞོང་རི་རབ་ཏུ་མོས་པའི་ཞབས་སུ་དགྲ་བགེགས་ལྷག་མ་འགུགས་ཤིང་མནན། རང་དཔལ་ཆེན་པོའི་ང་རྒྱལ་དང་ལྡན་པས་ལས་བཞིའི་རྟ་བྲོ་བརྡུང་མཐར་ལས་མཁན་རྣམས་ཧ་ཧའི་གད་རྒྱངས་སྒྲོགས་ཤིང་བྱོན་ནས་མདུན་བསྐྱེད་སོ་སོར་ཐིམ་པར་མོས། དགའ་སྤྲོ་དང་བཅས་རྒྱལ་དབྱངས་གྱེར་རྗེས་དངོས་གྲུབ་ལེན་ཆོག་མན་རྒྱུན་ལྟར་དང་། དྲག་སྲེག་ཀྱང་སྤྲོ་ན་ལེགས། མ་བྱས་ཀྱང་འགལ་བ་མེད་

― KMC025_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་དུས་བསྙེན་ཆེན་མོ་སོགས་ཀྱི་སྐབས་བྱ་དགོས་པས་མདོར་བསྡུས་ཤིག་སྤྲོ་ན། ཕུང་སའི་ས་སྟེགས་གྲུ་གསུམ་གྱི་སྟེང་རྡུལ་ཚོན་གྱིས་ཆོས་འབྱུང་ནག་པོ་བྲི། ཤིང་སྐམ་གྲུ་གསུམ་དུ་བརྩེགས། ཚིལ་ཞུན་དཔལ་འབར་སོགས་ཚགས་བྱ། གཡས་ངོས་སུ་གོང་གཏོར་ལྔ་ཚོམ་བྷ་ལིཾ་སྨན་རཀ་དྲག་མཆོད་བཅས་དང་། གཡོན་ཕྱོགས་སུ་ལྕགས་སྣོད་དུ་ལིང་ཆུང་ཉི་ཤུ་ཤ་དུམ་དང་སྦགས་པ་ཚར་ལྔ་བཤམས། ཐབ་ལ་མེ་སྦར་བདུད་རྩིས་བྲན་ལ་མཚལ་མ་གཞུང་བཞིན་སྤྱན་འདྲེན་གྱི་མཆོད་པའི་སྐབས་ཚིལ་ཁུའི་བྱོན་སྐྱེམས་འབུལ། མཆོད་པའི་སྐབས་ཚིག་རིས་དང་མཐུན་པར་དྲག་མཆོད་སྨན་རཀ་བ་ལིཾ་འབུལ་ཞིང་མཐར་བསྟོད་པ་སྲིན་གཟུགས་མ་དང་། རླུང་འཚུབ་མས་བསྟོད། ལིངྒར་འགུག་གཞུག་རྒྱས་བསྡུས་ལན་གསུམ་བྱས་རྗེས་བསྒྲལ་དམིགས་མདོར་བསྡུས་བཅས་སྤྱི་དྲིལ་རྦད་སྔགས་རྣམས་བརྗོད། གྲི་གུག་གིས་ལིང་ག་རྣམས་གཏུབ་མཚོན་ཙམ་བྱས་རྗེས་དུཾ་དུཾ་རཀྴ་ཉི་ཤུ་རེ་བཟླ་སྐབས་སྔགས་རེ་དང་ལིང་རོ་ཤ་དུམ་

― KMC025_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

སྦགས་ཏེ་མེ་ཐབ་ཏུ་འབུལ་ཞིང་དཔལ་མགོན་འཁོར་བཅས་ཞལ་གདངས་པའི་ནང་དུ་དགྲ་བོའི་ཚོགས་རྐང་མཐིལ་སྐྱ་ལྷག་གིས་གསོལ་བར་བསམ། སྔགས་གྲངས་རྫོགས་པ་དང་ཤར་ཕྱོགས་སྲེག་ཁང་སོགས་ཀྱི་སྐབས་དམར་གཏོར་ཚིལ་ཁུ་བཅས་འབུལ། ཡང་གོང་བཞིན་ལྷོ་ནུབ་བྱང་དབུས་སོགས་སྔགས་བཅས་འབུལ་བ་ཚན་ལྔ་མ་རྫོགས་བར་བྱ། དེ་ནས་གང་ཞིག་བླ་མ་ཙམ་གྱི་བསྐུལ་དང་། གཤེགས་སྐྱེམས་སྐབས་སྔར་གྱི་དྲག་མཆོད་ལྷག་མ་རྣམས་འབུལ། ཌཱ་ཀི་བྱེ་བ་སོགས་ཀྱིས་བསྟོད། མེ་ལྷ་ཡེ་ཤེས་པ་གཤེགས། དམ་ཚིག་པ་རག་ལ་བསྡུ་ཞིང་སྨོན་ལམ་གདབ། དཀྱིལ་འཁོར་གཞལ་ཡས་ཀྱིས་བཀྲ་ཤིས་བརྗོད། གལ་ཆེན་མེ་རོལ་འགུགས་པ་ལན་གསུམ་བྱས་རྗེས། ལས་འགྲིགས་ནས་འབྱུང་བ་ལྟར་གྱི་དམོད་བཅོལ་སྐབས་ཁྲག་ཆུས་མེ་རོ་རྣམས་གསོད་ཐུབ་པར་བྱ། སྦྱིན་སྲེག་སྐབས་ཁ་ལྷོར་བལྟ། ཕྱག་ལེན་ལག་གཡོན་གྱིས་བྱ་བ་གསང་བ་སྤྱིའི་ཕྱག་ལེན་ནོ། །དེས་མངོན་སྤྱོད་ཀྱི་ལས་སྦྱོར་རྒྱས་པར་གྲུབ་བོ། །ཕྱིར་ནང་

― KMC025_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོ་རེངས་སྔ་བར་ལངས་ཏེ་མཆོད་གཏོར་གསོ་བྲན་དང་། ཚོགས་མཆོད་རྒྱས་པར་བཤམས་མཚལ་མ་བཞིན་བཏང་། བསྟོད་མཇུག་ཐུན་མི་དགོས། གསོལ་ཁ་དང་བསྐང་བ་རྒྱས་འབྲིང་ཅི་ལྕོགས། བདག་སྒྲུབ་མས་ཐུགས་དམ་བསྐུལ་ཞིང་བསྙེན་པ་ཕྲེང་སྐོར་གསུམ་ཙམ་བྱ། ན་མོ་རཏྣའི་འགུགས་པ་དང་། གང་ཞིག་མའི་ཐུན་གཏོར་ཕྱིར་འབུལ། ཚེ་བདག་ཟློག་པའི་རྗེས་དངོས་གྲུབ་ལེན་མཆོག་ནི། སྟེགས་བུ་རས་དཀར་གྱིས་བཀབ་པའི་སྟེང་མཉྫིའི་ཁར་ཐོད་པ་མཚན་ལྡན་གྱི་ནང་དུ་ཁུར་བ་ཤིང་ཐོག་སྣ་ཚོགས་ཀྱིས་བཀང་བ་གཞུག་གཡས་སུ་ཆང་བཟང་པོ་དང་། གཡོན་དུ་རཀྟ་ཐོད་སྣོད་དུ་བླུགས་ལ་བཤམས་པའི་མདུན་མཆོད་པ་ཕྲེང་ཚར་བཀོད། དཾཥྚོཏྐ་ཊ་སོགས་ཀྱིས་བསང་སྦྱང་། སྟོང་པའི་ངང་ལས་ཐོད་སྣོད་དུམ་བུ་གཅིག་པ་རྒྱ་ཆེ་བའི་དབུས་སུ་རྫས་རྣམས་ཧཱུྃ་ཡིག་སེར་པོས་མཚན་པ་དེ་ལས་འོད་འཕྲོས། དོན་གཉིས་བྱས། ཚུར་འདུས་ཡོངས་སུ་གྱུར་པ་ལས། དཔལ་མགོན་ཡབ་ཡུམ་སྐུ་མདོག་སེར་པོ་ཉི་མ་བྱེ་བའི་འོད་

― KMC025_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་འབར་བ་རྒྱན་ཆ་ལུགས་ཡོངས་སུ་རྫོགས་པ། འགུགས་བྱེད་ཆེན་པོ་དང་གདོང་དམར་མ་སོགས་ཡབ་ཡུམ་རྣམས་ཀྱང་གཙོ་བོ་དང་མཐུན་པས་གསལ་བའི་གནས་གསུམ་འབྲུ་གསུམ་གྱིས་མཚན་པའི་འོད་ཀྱིས་ཡེ་ཤེས་པ་སྤྱན་དྲངས་ཤིང་གཉིས་སུ་མེད་པར་ཐིམ། སླར་ཡང་འོད་ཀྱིས་དབང་ལྷ་སྤྱན་དྲངས་པ་རྣམས་ཀྱིས་དབང་བསྐུར་ཞིང་ཐིམ། ཆུ་ལྷག་གྱེན་དུ་འཁྱིལ་བ་ལས་མི་བསྐྱོད་པས་དབུ་བརྒྱན་པ་ལ་རང་གི་ཐུགས་ཀ་ནས་སྤྲུལ་པའི་མཆོད་ལྷས་མཆོད་ཅིང་བསྟོད་པར་བསམས་ལ། ཁྲག་གི་རྒྱ་མཚོ་དང་། ཆོས་ཀྱི་དབྱིངས་སོགས་ཤྭ་ལོ་ཀ་གསུམ་དང་། མཁའ་ལ་མས་བསྟོད། མཆོད་ལྷ་རང་ལ་བསྡུ། བཟླས་པ་ནི། བདག་ཉིད་དཔལ་མགོན་པོར་གསལ་བའི་ཐུགས་སྲོག་ལས་འོད་འཕྲོས། མདུན་གྱི་ལྷ་ཚོགས་ལ་ཕོག །དེ་དག་གི་ཐུགས་ཀའི་ཧཱུྃ་ལས་འོད་འཕྲོས། རྒྱལ་བའི་ཞིང་རབ་འབྱམས་ན་བཞུགས་པའི་བླ་མ་ཡི་དམ་མཁའ་འགྲོ་ཆོས་སྐྱོང་ནོར་ལྷ་སོགས་ཀྱི་ཐུགས་རྗེ་བྱིན་རླབས་དང་། ཕྱི་ནང་སྣོད་བཅུད་ཀྱི་བཅུད་དང་དགེ་

― KMC025_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཐམས་ཅད་འདུས་ཏེ་འོད་ཟེར་སླར་དཀྱིལ་འཁོར་པར་ཐིམ་པར་བསམས་ལ།གསུང་སྙིང་མཇུག་སརྦ་སིདྡྷི་ཕ་ལ་ཧཱུྃ་ཞེས་བཏགས་པ་ཅི་ནུས་བཟླས་མཐར་ལྷ་ཚོགས་ཐམས་ཅད་བདེ་བ་ཆེན་པོའི་བདུད་རྩིའི་རྣམ་པར་ཞུ་བ་བཟའ་བཏུང་དངོས་གྲུབ་ཀྱི་རྒྱ་མཚོ་ཆེན་པོར་བསྐྱིལ་བར་བསམས་ཏེ། ཕུད་ཅུང་ཟད་བཅད་ལ། ལྷ་ཆེན་དཔལ་འབར་གྱི་སྐབས་སྨན་རཀ་དང་། ཟས་སྣའི་ཕུད་བཅས་སོ་སོར་དཀྱིལ་འཁོར་དུ་འབུལ། དེ་ནས་མདུན་བསྐྱེད་དཀྱིལ་འཁོར་གྱི་ལྷ་ཚོགས་ཐམས་ཅད་སྐུ་ཤ་རྒྱས་པ་བེར་དང་ཕྱག་མཚན་སྐུའི་ཆ་ཐམས་ཅད་ནས་རིན་པོ་ཆེའི་ཆར་འབེབ་པར་མོས་ལ། ཨོཾ་བཛྲ་མ་ཧཱ་ཀཱ་ལ་རེ་མ་ཏི་སརྦ་སིདྡྷི་ཕ་ལ་ཧཱུྃ། སིདྡྷི་ས་མ་ཡ་ཧཱུྃ་ཨཱཿཨོཾ། །ཞེས་བཟླས་མཐར་སྒྲུབ་རྟེན་གཏོར་མ་སྤྱི་བོར་བཀོད་ཅིང་། ཧཱུྃ། ཆོས་ཀྱི་དབྱིངས་ཀྱི་སོགས་བརྗོད། དམིགས་པ་མདུན་བསྐྱེད་དཀྱིལ་འཁོར་གྱི་ལྷ་ཚོགས་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་གཙོ་འཁོར་ཡོངས་སུ་རྫོགས་པ་མདུན་མཁར་བྱོན་ནས་བཞུགས་པའི་

― KMC025_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀ་ནས་འོད་ཟེར་སྣ་ལྔ་བསམ་མི་ཁྱབ་པ་སྤྲོས། ཕྱོགས་བཅུའི་བླ་མ་རྒྱལ་བ་སྲས་བཅས་ཡི་དམ་མཁའ་འགྲོ་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་སོགས་སྤྱན་དྲངས། ནམ་མཁར་བཞུགས་པ་ལ་ཐིམ་ནམ་མཁའི་དཀྱིལ་འཁོར་པ་ཡང་རང་ཉིད་ལ་ཐིམ་པས་ཆུ་ལ་ཆུ་བཞག་པ་ལྟར་དབྱེར་མེད་པར་འདྲེས། དཔལ་མགོན་པོ་དང་སྐུ་གསུང་ཐུགས་གཉིས་སུ་མེད་དོ་སྙམ་པའི་ངེས་ཤེས་བྱའོ། །བྷྱོ་མ་གཅིག་སོགས་ཀྱི་སྐབས། དཔལ་ལྷ་མོའི་སྨིན་མཚམས་ནས་འོད་ཟེར་གྱི་དྲྭ་བའི་གསེབ་ནས་སྐུ་སྤྲུལ་དཀར་མོ་འབུམ་སྡེ་འཕྲོས། ཕྱོགས་བཅུའི་བདུད་དང་བར་གཅོད་བཅོམ། སྐུ་ཡི་བྱིན་རླབས་ཐམས་ཅད་བདུད་རྩི་དཀར་པོའི་རྣམ་པས་རང་གི་སྨིན་ཕྲག་ནས་ཞུགས། ལུས་ཐམས་ཅད་ཁྱབ་པས་སྐུ་ཡི་དངོས་གྲུབ་མ་ལུས་པ་ཐོབ། དེ་བཞིན་ལྗགས་སྟེང་ནས་འོད་དམར་དང་གསུང་སྤྲུལ་དམར་མོ་འབུམ་སྡེ་འཕྲོས། གསུང་གི་དངོས་གྲུབ་ཐམས་ཅད་བསྡུས། རང་གི་མགྲིན་པར་ཐིམ། གསུང་གི་དངོས་གྲུབ་ཐོབ། ཐུགས་ཀ་ནས་འོད་སྔོན་པོ་དང་

― KMC025_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་སྤྲུལ་སྔོན་མོ་འབུམ་སྡེ་འཕྲོས། ཐུགས་ཀྱི་དངོས་གྲུབ་བསྡུས། རང་གི་སྙིང་གར་ཐིམ། ཐུགས་ཀྱི་དངོས་གྲུབ་ཐོབ་པར་བསམས་ལ་སྔགས། ཨོཾ་བཛྲ་མ་ཧཱ་ཀཱ་ལ་རེ་མ་ཏི་སོགས་བཟླ་བཞིན་དངོས་གྲུབ་ཀྱི་རྫས་ལ་རོལ། དེ་ནས་ཚོགས་གྲོགས་ཀྱིས་བཏེགས་ལ། ཀྱཻ། གཟིགས་ཤིག་མཛེས་སོགས་བརྗོད་ཅིང་དབུལ། སྒྲུབ་པོས་ཀྱང་བདེ་བར་གཤེགས་པ་སོགས་བརྗོད་ཅིང་བླངས་ཏེ་ལོངས་སྤྱོད་མཐར་ལྷག་མ་གཙང་ལྷག་དང་ཕྱོགས་གཅིག་སྣོད་དུ་བླུགས། བདུད་རྩིས་བྲན་ལ་ཟད་མེད་དུ་བྱིན་གྱིས་བརླབས་པ་ལྷག་གཏོར་མཁའ་འགྲོ་ཕོ་ཉའི་ཚོགས་ལ་བསྔོ། རྗེས་ཆོག་མཆོད་ཁ་གསོ་བྲན་བྱ། ཐུགས་ཀ་ནས་སྤྲུལ་པའི་མཆོད་ལྷས་མཆོད་སྤྲིན་རྒྱ་མཚོས་མཆོད་ཅིང་། རྡོ་རྗེའི་གླུས་བསྟོད། མཐར་རང་ལ་བསྡུའོ། །བཤགས་པའི་སྐབས་སུ་དམིགས་པ་གོང་དུ་གེགས་སེལ་གྱི་ཅན་དེ་འདིར་སྦྱར་ཞིང་། མན་ངག་ཡིག་བརྒྱ་ཅི་འགྲུབ་བཟླ་ཞིང་ཉེས་བྱས་བཤགས་ཤིང་བྱང་བར་མོས་ལ་གཟུངས་ཀྱང་བདུན་ཙམ་བརྗོད་

― KMC025_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར། མ་འོངས་པ་ན་སོགས་ཀྱིས་སྨོན་ལམ་གདབ། མདུན་བསྐྱེད་ཡེ་ཤེས་བརྟེན་ལ་བཞུགས་སུ་གསོལ། དམ་ཚིག་པ་རང་ལ་བསྟིམ་ཞིང་སྔོན་ཐུབ་མ་སོགས་བཀྲ་ཤིས་ཀྱི་ཚིགས་སུ་བཅད་པ་བརྗོད་ཅིང་མེ་ཏོག་འཐོར་བས་དགེ་ལེགས་སུ་བྱས་པས་བསྙེན་སྒྲུབ་ལས་གསུམ་གྱི་ཆོ་ག་ཡོངས་རྫོགས་གྲུབ་བོ། །དེ་ཉིན་དེར་མཚམས་ཐོ་མི་བསྡུ། གལ་ཆེ་བ་རེ་ཟུང་ལས་གདོང་མི་སྤྲད། ཕྱིར་ནང་སྔ་བར་དཀྱིལ་འཁོར་སོགས་ལས་ཀྱི་ཤུལ་མི་སྣང་བར་བྱས་ལ་རྒྱལ་ཐོ་བསྡུ་བ་ནི། ཐོ་རྩར་མཆོད་པ་ཕྲེང་ཚར་དང་། དཀར་གཏོར་རྒྱན་ལྡན་ཆེ་ལེགས། ཁ་ཟས་བཟང་པོས་བསྐོར་བ་བཤམས་པར་སྔར་ཐོ་འཛུག་དུས་བཞིན་མཆོད་པ་བྱིན་རླབས་བྱ། གཏོར་མ་རྩ་སྔགས་ཀྱིས་སོ་སོར་ལན་གསུམ་གྱིས་ཕུལ་ཞིང་མཐར། ཧཱུྃ། མཐུ་ཆེན་རྒྱལ་པོ་རྣམ་པ་བཞི། །འཁོར་གཡོག་རྒྱ་མཚོའི་ཚོགས་བཅས་ཀྱི། །ཐུགས་རྗེའི་མཐུ་ཡིས་བསྒྲུབ་པ་ནི། །བར་ཆད་མེད་པར་མཐར་ཕྱིན་པས། སྔར་བཅོལ་གྲུབ་པའི་གཏང་རག་ཕྱིར། །འདོད་ཡོན་རྒྱ་མཚོའི་སྤྲིན་

― KMC025_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོ་བའི། །མཆོད་སྦྱིན་གཏོར་མ་འདི་བཞེས་ལ་སོགས་འདོད་དོན་གསོལ། བཛྲ་མུཿས་རང་གནས་སུ་གཤེགས་པར་མོས་ལ་ཐོ་བསྡུའོ། །དེ་རྣམས་ཀྱིས་དཔལ་ནག་པོ་ཆེན་པོ་ཡབ་ཡུམ་གྱི་བསྙེན་སྒྲུབ་ལས་གསུམ་གྱི་ལག་ལེན་བསྒོམ་དོན་ཟིན་བྲིས་ཀྱི་རིམ་པ་རྫོགས་པར་གྲུབ་བོ། །སླར་སྨྲས་པ། འཇིགས་བྱེད་བསྐལ་པ་མཐའ་ཡི་མེ། །འབར་བ་ལས་ཀྱང་ཆེར་འབར་བ། །བཅོམ་ལྡན་མ་ཧཱ་ཀཱ་ལ་དང་། །དེ་ཝཱི་ཀཱ་ལཱི་གཉིས་མེད་པའི། །དཀྱིལ་འཁོར་ཆེན་པོའི་བསྙེན་སྒྲུབ་ཀྱི། །ལག་ལེན་འཇུག་བདེར་བཀོད་པ་འདིར། །ཉེས་ཚོགས་མཆིས་ན་བཟོད་བཞེས་ལ། །དགེ་བས་བླ་མའི་ཞབས་བརྟན་ཅིང་། །སྒྲུབ་བརྒྱུད་བསྟན་པའི་སྙིང་པོ་མཆོག །དྲི་མེད་ལམ་བཟང་ཀམ་ཚང་གི །བསྟན་སྲིད་དབྱར་གྱི་མ་དྲོས་བཞིན། །གོང་ནས་གོང་འཕེལ་རྒྱུར་གྱུར་ཅིག །ཅེས་པ་འདི་སྔར་གྱི་ཡིག་ཆ་རྣམས་ཀྱིས་གཞུང་བསྲང་བླ་མའི་ཞལ་ལུང་གིས་ཟུར་བརྒྱན་ཏེ། དཔལ་ཀརྨ་པ་བཅོ་ལྔ་པས་ས་སྤྱོད་གསུང་གི་འཁོར་ལོ་རི་བོ་གཡུ་འབྲུག་འཁྱིལ་

― KMC025_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲའི་ཁུག་འོག་མིན་ཀརྨའི་གདན་སར་སྦྱར་བ་འདིས་རྗེས་འཇུག་གི་གང་ཟག་དང་བསྟན་པ་ལ་ཕན་པ་རྒྱ་ཆེན་འབྱུང་བར་གྱུར་ཅིག། །།ཤུ་བྷཾ་མསྟུ་སརྦ་ཛ་ག་ཏཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྒྲུབ་བརྒྱུད་རིན་པོ་ཆེའི་བསྟན་སྲུང་ཡེ་ཤེས་ཀྱི་མགོན་པོ་བེར་ནག་ཅན་ལྕམ་དྲལ་བསྙེན་ཅིང་སྒྲུབ་པ་ལས་སྦྱོར་དང་བཅས་པའི་ཡི་གེ་མན་ངག་གི་གནོད་ཀྱི་ཉིང་ཁུ་རྣམས་ཕྱུངས་ནས་འདུས་གསལ་ཁྱེར་བདེར་བཀོད་པ་རྡོ་རྗེའི་གསང་ཚིག་ཆོས་སྐྱོང་སྲོག་གི་རྒྱ་མདུད།

― KMC025_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་བརྒྱུད་རིན་པོ་ཆེའི་བསྟན་སྲུང་ཡེ་ཤེས་ཀྱི་མགོན་པོ་བེར་ནག་ཅན་ལྕམ་དྲལ་བསྙེན་ཅིང་སྒྲུབ་པ་ལས་སྦྱོར་དང་བཅས་པའི་ཡི་གེ་མན་ངག་གི་གནོད་ཀྱི་ཉིང་ཁུ་རྣམས་ཕྱུངས་ནས་འདུས་གསལ་ཁྱེར་བདེར་བཀོད་པ་རྡོ་རྗེའི་གསང་ཚིག་ཆོས་སྐྱོང་སྲོག་གི་རྒྱ་མདུད་ཅེས་བྱ་བ་བཞུགས་སོ། །འདིའི་དཔེ་ཞལ་སྦྱོར་གྱི་དབང་མ་ཐོབ་ཅིང་། བསྟན་པ་མི་འཛིན་པའི་དམ་མེད་ལ་མི་སྟོན་པ་དམ་ཚིག་གི་བཀའ་རྒྱ་ཡོད་དོ། །ཨྠྀི།

― KMC025_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་ནཱ་ཐ་གུ་ར་ཝེ། བླ་མ་དང་བཅོམ་ལྡན་འདས་དཔལ་ཡེ་ཤེས་ཀྱི་མགོན་པོ་ཐ་མི་དད་པའི་ཞབས་ཀྱི་པདྨོ་ལ་རབ་ཏུ་གུས་པས་ཕྱག་འཚལ་ལོ། །གང་ཞིག་མཐུ་དབང་སྟོབས་ཀྱི་དཔལ། །མཆོག་གྲུབ་སྲིད་གསུམ་འཇོམས་པའི་ལྷ། །ནག་པོ་ཆེན་པོའང་དྲན་བཀོལ་ཞིང་། །དུས་གསུམ་བདེ་བར་གཤེགས་རྣམས་ཀྱི། །ཕྲིན་ལས་རྡོ་རྗེ་གཅིག་བསྡུས་མགོན། །དཔལ་ལྡན་བླ་མ་ཀརྨ་པའི། །ཞབས་ཀྱི་པདྨོ་ལ་བཏུད་དེ། །སྒོ་གསུམ་གུས་པས་ཕྱག་བགྱིའོ། །ངག་དབང་རིན་ཆེན་འབྱུང་བའི་གནས། །ཡོན་ཏན་རྒྱ་མཚོ་ཆེན་

― KMC025_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལས། །བློ་གྲོས་མཐའ་ཡས་ནོར་བུའི་དཔལ། །སྦྱིན་མཛད་མགོན་ཏེ་སྙིང་དབུས་བསྟེན། །ཟབ་ཆོས་རྒྱ་མཚོ་ལྟ་བུ་ལ། །དབང་བསྒྱུར་རང་གཞན་དོན་གྲུབ་པར། །སྦྱོར་མཛད་རྒྱལ་བའི་ཕྲིན་ལས་པ། །མཆོག་ཟུང་ཞབས་ལ་བདག་འདུད་དོ། །ཆགས་པའི་རང་བཞིན་དམར་བ་དང་། །གཟུང་འཛིན་རྩད་གཅོད་གྲི་གུག་གདེངས། །སྣང་སྟོང་སྒྱུ་མའི་གར་མཁན་མོ། །རྡོ་རྗེ་ཕག་མོ་ཡུམ་ལ་འདུད། །ཀུན་རྟོག་ཉོན་མོངས་འཐུག་པོའི་གོས་ལྡན་ཞི་བས་གདུལ་དཀའི་ཚུལ་རིག་སྟེ། །སྙིང་རྗེའི་ཆུ་གཏེར་གཡོ་བའི་རླབས་ཀྱི་

― KMC025_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་ལྡན་ཁྲག་རྒྱུན་ལ་དགྱེས་ཤིང་། །འབར་བའི་མཚོན་འཆང་བསྐལ་པ་མེ་ལྟར་འབར་བ་དྲག་པོ་ཤིན་ཏུ་མི་བཟད་པ། །དེ་ཝཱི་ཀཱ་ལིའི་མཁའ་དབྱིངས་དགའ་བཞིའི་རོ་ལ་ཆགས་པའི་རྣམ་འགྱུར་ཅན། །སྒྲུབ་པོ་ལ་བྱམས་ཧ་ལོའི་ཡིད་ལྡན་སྡེར་བཅས་ཕ་རོལ་ལ་འགོད་པ། །འཇིགས་བྱེད་ཕོ་མོ་དུ་མའི་ཚོགས་ཀྱིས་ཡོངས་སུ་བསྐོར་བའི་དཀྱིལ་འཁོར་པར། །རབ་ཏུ་གུས་པའི་ཕྱག་གིས་བཏུད་ཅིང་མི་འབྲལ་རྟག་ཏུ་བསྟེན་པར་བགྱི། །དཔལ་ལྡན་རྒྱལ་བའི་བསྟན་སྲུང་མཐུ་བོ་ཆེ། །དཔལ་ལྡན་མགོན་པོ་རྡོ་རྗེ་བེར་ནག་ཅན། །དཔལ་ལྡན་བཻ་ཏཱ་ལིར་བཅས་གཉིས་མེད་པའི། །དཔལ་ལྡན་འཁོར་བཅས་བསྙེན་ཅིང་བསྒྲུབ་པའི་གནད། །མན་ངག་གཏིང་བྲལ་རིན་ཆེན་འབྱུང་གནས་ལས། །རྡོ་རྗེ་ཅན་ཞབས་དེད་དཔོན་གྱིས་བྱིན་པའི། །སྙན་བརྒྱུད་ཐུགས་སུ་གབ་པའི་ཡིད་བཞིན་ནོར། །རྡོ་རྗེའི་གཟེབ་ཏུ་སྣོད་མིན་ལ་སྦས་ཤིང་། །རིག་འཛིན་མཁའ་འགྲོའི་གསང་ཚིག་ཟབ་པའི་གནད། །ཆོས་སྐྱོང་སྲོག་གི་རྒྱ་མདུད་ཀྱིས་བསྡམས་པ། །བློ་རྨོངས་

― KMC025_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ལྟས་བསྟན་པའི་སྙིགས་མ་འདིར། །འཆད་དང་ཉན་པའི་ནུས་བསྐལ་དམན་གྱུར་ནའང་། །དོན་བརྒྱུད་སྙིང་པོའི་བསྟན་པ་བསྲུང་བའི་ཕྱིར། །རྡོ་རྗེའི་ཐུགས་ཀྱི་གསང་ཚིག་འདིར་བརྟོལ་ནས། །ཡེ་ཤེས་སྤྱན་ལྡན་རྩ་གསུམ་ཆོས་སྐྱོང་གིས། །བཟོད་པར་མཛོད་ལ་གནང་བ་སྦྱིན་དུ་གསོལ། །དཔལ་ལྡན་རྡོ་རྗེ་སྲིན་པོ་ཀརྨ་པའི། །བསྟན་པའི་སྲོག་གི་མཛོད་འཛིན་རྒྱལ་རྣམས་ཀྱི། །བདག་གིས་བཀའ་ཡི་རྒྱ་མདུད་བཀྲོལ་བ་འདི། །སྙིང་གི་དཀྱིལ་དུ་སྤོས་ལ་ཉམས་སུ་ལོངས། །དེ་ལ་འདིར་སྒྲུབ་བརྒྱུད་ཀརྨ་ཀཾ་ཚང་གི་ཆོས་སྐྱོང་ཐུན་མོང་མ་ཡིན་པ། དཔལ་ལྡན་མགོན་པོ་རྡོ་རྗེ་བེར་ནག་ཅན་ལྕམ་དྲལ་གྱི་སྒྲུབ་སྐོར་འདི་ནི་རྒྱུད་དང་། མན་ངག་ཞལ་གཟིགས། སྙན་བརྒྱུད་ཐམས་ཅད་ཀྱི་ཡང་བཅུད་ཕྱུངས་པའི་སྙིང་པོ་ཕུལ་དུ་ཕྱིན་པ། བླ་ན་མེད་པ་ཡིན་སྟེ། མཁའ་འགྲོ་མ་རྡོ་རྗེ་གུར་དང་། མགོན་པོ་མངོན་པར་འབྱུང་བ། དྲག་པོའི་རྟག་པ། དུར་ཁྲོད་ཆེན་པོ་སོགས་ཡབ་རྐྱང་གི་རྒྱུད་དུ་མ་མཆིས་པ་དེ་རྣམས་ལ་བསྟེན་པའི་སྒྲུབ་སྐོར།

― KMC025_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་སློབ་དཔོན་ཆེན་པོ་རྣམས་ལས་རིམ་པར་བརྒྱུད་པ་རྒྱུད་ཀྱི་ལུགས་དང་། སློབ་དཔོན་ཆེན་པོ་ཌཱོམྦི་པ་ལ། མགོན་པོ་ཞལ་གཟིགས་ནས་དངོས་སུ་གནང་བའི་སྒྲུབ་སྐོར། མལ་གྱོ་ལོ་ཙཱ་བ་ནས་རིམ་པར་བརྒྱུད་པ་ཞལ་གཟིགས་ལུགས་སྟེ། མགོན་པོ་ཡབ་རྐྱང་གི་སྐོར་དང་། ལྷ་མོ་ནག་མོ་ཐུགས་གསང་བའི་རྒྱུད་དང་། རལ་གཅིག་མའི་རྒྱུད། མ་མོ་སྲིད་པའི་རྒྱུད་སོགས་ལ་བརྟེན་ནས། སློབ་དཔོན་པདྨས་མཛད་པའི་སྐོར། ཞང་བཙུན་དར་མ་རིན་ཆེན་གྱིས་གཏེར་ནས་བཏོན་པ་ལྷ་མོ་ཡུམ་རྐྱང་གི་ལུགས་དང་། སློབ་དཔོན་ཆེན་པོ་ཌཱོམྦི་པས་རྒྱུད་དང་། ཞལ་གཟིགས་གཉིས་ཀའི་མན་ངག་གི་སྐོར་རྣམས། རྗེ་བཙུན་ཏཻ་ལོ། ནཱ་རོ། མར་པ། མི་ལ། དྭགས་པོ། དུས་མཁྱེན། རས་ཆེན། སྤོམ་བྲག་པ་རྣམས་ནས། རིན་པོ་ཆེ་ཀརྨ་པའི་བར་དུ་གཅིག་བརྒྱུད་ཁོ་ནར་བྱོན་པ་མན་ངག་གི་ལུགས་ཏེ། དེ་ལྟ་བུས་བརྒྱུད་སྲོལ་ཐམས་ཅད་ཀྱི་མན་ངག་གི་ཆུ་བོ་རྣམས་ཀུན་འདུས་གྲུབ་ཆེན་ཀརྨ་པ་ཉིད། བླ་མ་མགོན་པོ་དབྱེར་མེད་ཀྱི་སྐུར་བཞེངས་

― KMC025_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། གནང་བཞི་ཆོས་ཉིད་ཀྱི་འཁོར་ལོ་བསྐོར་སྟེ། རྒྱ་བོད་ཧོར་གསུམ་སོགས་འཛམ་གླིང་ཀུན་ཏུ་གྲུབ་རྟགས་ཆོ་འཕྲུལ་ཡ་མ་ཟུང་བསྟན་ནས། ཡོངས་སུ་གྲགས་པའི་ཕྲིན་ལས་རླབས་པོ་ཆེ་མཛད་ཅིང་། གདམས་ངག་རྣམས་ཀྱང་ཕྱོགས་གཅིག་ཏུ་བསྡུས་ཏེ་མ་ནོར་བར་འདོམས་པར་མཛད་ནས། དཔལ་མགོན་པོ་བེར་ནག་ཅན་དང་། མིང་ཡོངས་སུ་གྲགས་པའི་ཀརྨ་པ་གཉིས་ལ་ཐ་དད་མེད་པར་ཤེས་སམ། མི་ཤེས། དེའི་ཕྱིར་ན། དུས་གསུམ་དུས་མེད་ཐམས་ཅད་དུ་མགོན་པོ་འཁོར་དང་བཅས་པ་འདིས། བྱ་བ་ཕྲིན་ལས་ཐམས་ཅད་བསྒྲུབ་པ་ཡིན་པས་ཀུན་གྱིས་ཤེས་པར་མཛོད། །ཅེས་དང་། དཔལ་གྱི་མགོན་པོ་བེར་ནག་ཅན་མ་མགོན་ལྕམ་དྲལ་དངོས་སུ་གྲུབ་པ། མིང་ཡོངས་སུ་གྲགས་པའི་ཀརྨ་པ་ཡིན་པ། ཁྱེད་རྣམས་ཀྱིས་ཤེས་སམ། མི་ཤེས། ཁྱེད་རྣམས་ཀྱིས་བརྒྱུད་པ་འཛིན་ཅིང་བསྒྲུབ་ན་འགྲུབ་སྟེ་མཆིས། མ་མགོན་གཉིས་ཀྱི་དཔེ་དུམ་བུ་མང་དུ་ཡོད་པ་ཐམས་ཅད་གཅིག་ཏུ་བསྡུས་ཤིང་བསྡོམས་པ་ཡིན་པས། ད་ཕྱིན་

― KMC025_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་ཐམས་ཅད་ཀྱིས་འདི་ལ་བྲིས་ཤིང་བསྒྲུབ་དང་། བྱིན་རླབས་ཆེ་ཞིང་། ཐམས་ཅད་མ་ལུས་ཤིང་ལུས་པ་མེད་པ་འདི་ལ་ཚང་བར་གོ་བར་གྱིས། གདམས་ངག་ལ་ཤེས་དགོས་པ་དང་། མི་ཤེས་དགོས་པ་གཉིས་ཡོད་པ་ལས། གདམས་ངག་འདི་རྣམས་ཤིན་ཏུ་ཟབ་དྲག་པས། དཔེ་གཞུང་རྣམས་དོན་ཡོད་དོན་མེད་དཀྲུགས་པས་ཡིན་པ་ཤེས་པར་གྱིས། ཅེས་སོགས་ཡང་དང་ཡང་དུ་བསྔགས་ཤིང་གདམས་པར་མཛད་པའི། འོ་ཀོལ་གྱི་ཆོས་སྐྱོང་འདི་ནི་མགོན་པོ་ཐམས་ཅད་ཀྱི་རྩ་བ། མཆོག་དང་ཐུན་མོང་གི་དངོས་གྲུབ་གཞན་ལ་མི་ལྟོས་པར་སྦྱིན་ནུས་པས་ཁྱད་པར་དུ་འཕགས་པ་སྟེ། མགོན་པོ་འདི་ཉིད་ཕྲིན་ལས་ཀྱི་རྣམ་རོལ་སངས་རྒྱས་ཀུན་གྱི་ཡེ་ཤེས་དང་མཉམ་དུ་སྦྱོར་བའི་ཕྱིར། མཚན་དང་སྐུའི་རྣམ་འགྱུར་སོགས་ཀྱི་མཐའ་རང་ཅག་རྣམས་ཀྱིས་ག་ལ་ཤེས། འོན་ཀྱང་མདོར་བསྡུས་ཏེ་བརྗོད་ན། དབྱིངས་ཀྱི་མགོན་པོ། ཡེ་ཤེས་ཀྱི་མགོན་པོ། ལས་ཀྱི་མགོན་པོ། འཇིག་རྟེན་གྱི་མགོན་པོ་རྣམས་སོ། །དང་པོ་ནི། གདོད་ནས་རྟག་ཁྱབས་སུ་

― KMC025_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པའི་ཆོས་ཀྱི་དབྱིངས། ཡོད་མེད། ཡིན་མིན་སོགས་སྤྲོས་བཏགས་ཀྱི་རྒྱར་མ་ཆད་ཅིང་། འཁོར་འདས་ཀྱི་ཕྱོགས་སུ་མ་ལྷུང་བ། རང་བཞིན་གཤིས་ཀྱི་གནས་ལུགས། མི་འགྱུར་བའི་དང་པོའི་མགོན་པོ། སྲིད་ཞི་གཉིས་ཀྱི་སྤྱི་དཔལ་ཆེན་པོར་བཞུགས་པ་ནི་དབྱིངས་ཀྱི་མགོན་པོ་ཞེས་བྱ་སྟེ། དེ་ཚུལ་ཇི་ལྟ་བུས་བསྒྲུབ་ན། གཉིས་བསྡུས་ཀྱི་ཆོས་ཐམས་ཅད་བསལ་བཞག་སྤངས་བླངས་དང་བྲལ་བ། མཉམ་པ་ཉིད་ཆེན་པོའི་དབྱིངས། ཤིན་ཏུ་འོད་གསལ་བའི་རང་བྱུང་གི་རིག་པ་བྱང་ཆུབ་ཀྱི་སེམས། སོ་སོར་རྟོག་པའི་ཡེ་ཤེས་ཀྱི་སྣང་བས་མཚོན་སྟེ། སྤངས་ཐོབ་མེད་པའི་སྐུར་བསྒྲུབ་ཅིང་། བྱ་རྩོལ་བྲལ་བའི་ཕྲིན་ལས་ལྷུན་གྲུབ་རྒྱུན་མི་ཆད་པའི་བདག་ཉིད་ཅན་དུ་བསྒྲུབ་པར་བྱ་བའོ། །གཉིས་པ་ནི། རྒྱལ་བ་རྣམས་ཀྱི་གསང་བ་གདུལ་བྱའི་མོས་པ་དང་འཚམས་པར་སྣང་བ་སྟེ། དྲག་པོའི་ཕྲིན་ལས་ཀྱིས་འདུལ་བའི་སེམས་ཅན་རྣམས་ཀྱི་ངོར། རྒྱལ་བ་རྫོགས་པའི་སངས་རྒྱས་རྡོ་རྗེ་འཆང་ཆེན་པོ་ཉིད། འབར་བའི་ཁྲོ་བོ་མི་བཟད་

― KMC025_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྐུར་བསྟན་ནས། ཐབས་མཁས་ཀྱི་ཕྲིན་ལས་དྲག་པོས། ལོག་པར་ཞུགས་པའི་འགྲོ་བ་རྣམས་ཡེ་ཤེས་ཀྱི་དབྱིངས་སུ་སྒྲོལ་བའི་མཛད་པའི་ཕྱིར། གདུལ་བྱ་དེ་རྣམས་ཀྱི་མགོན་དང་། སྐྱབས་ཀྱི་སྙིང་པོར་བཞེངས་པ་ནི་ཡེ་ཤེས་ཀྱི་མགོན་པོའོ། །དེ་ཚུལ་ཇི་ལྟ་བུས་བསྒྲུབ་ན། མཐའ་གཉིས་ལ་མི་གནས་པའི་ཤེས་རབ་ཆེན་པོས། ཁམས་གསུམ་གྱི་སེམས་ཅན་ཀུན་སྒྲོལ་བའི་སྤྱོད་པ་རླབས་པོ་ཆེས། ཚོགས་གཉིས་ཡོངས་སུ་བཟླུམ་ཏེ། བྱང་ཆུབ་རྡོ་རྗེ་སངས་རྒྱས་ཀྱི་གོ་འཕང་མངོན་དུ་བྱེད་པའམ། ཐབས་ཆེན་རྨད་དུ་བྱུང་བ་བསྲེགས་བཞུའི་ལམ་གྱིས། འཕོ་མེད་ལྷན་སྐྱེས་ཀྱི་དགའ་བ་སྤྱི་བོར་བརྟན་པའི་མཐུས། ནང་གི་བདུད་བཞི་བསྒྲལ་ནས། ཡེ་ཤེས་རྡོ་རྗེ་སངས་རྒྱས་ཀྱི་གོ་འཕང་། དཀྱིལ་འཁོར་ཐམས་ཅད་ཀྱི་ཁྱབ་བདག་ཆེན་པོའི་སྐུར་བསྒྲུབ་པར་བྱའོ། །གསུམ་པ་ནི། སྲིད་པ་གསུམ་གྱི་རྗེ་བཙན། དྲག་པོ་རུ་དྲའི་སྡེ་དཔོན་དེ་ཉིད། དཔལ་ཆེན་པོས་བཏུལ་ནས། དཀྱིལ་འཁོར་གྱི་སྲུང་མར་ལས་ཀྱི་གཉེར་ཁ་གཏད་ཅིང་། དམ་ཚིག་

― KMC025_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

གི་བདུད་རྩི་ལྕེ་ལ་བཞག་རྡོ་རྗེ་གསང་བའི་གྲལ་དུ་བཅུག་ནས། དབང་རྟགས་རྡོ་རྗེ་སྤྱི་བོར་བཅིངས་ཤིང་། མ་འོངས་པ་ན་བཅོམ་ལྡན་འདས་ཐལ་བའི་དབང་པོར་ལུང་བསྟན་ཅིང་། ད་ལྟ་རྒྱལ་བའི་བསྟན་པ་བསྲུང་ཞིང་། རྣལ་འབྱོར་པ་རྣམས་ལོག་པའི་འདྲེན་པའི་གཡུལ་ལས་སྐྱོབས་པའི་མགོན་དང་། ཕྲིན་ལས་སྒྲུབ་པའི་གྲོགས་པོར་གྱུར་པ་ནི་ལས་ཀྱི་མགོན་པོའོ། །དེ་སྒྲུབ་པའི་ཚུལ་ནི། དམ་ཚིག་དང་ལྡན་པས། ཕྱི་ནང་གསང་བའི་རྟེན་རྣམས་བཤམས་ཤིང་། བདག་ཉིད་ཡེ་ཤེས་ལྷའི་ས་མ་དྷི་དང་ལྡན་པས། ལས་ཀྱི་མགོན་པོ་མདུན་དུ་བསྐྱེད་ཅིང་། སྤྱན་དྲངས་ནས། བསྙེན་བསྒྲུབ་ཕྲིན་ལས་རྣམ་བཞིའི་སྒོ་ནས། གྲོགས་པོའི་ཚུལ་དུ་བསྟེན་ཅིང་། མངོན་སྤྱོད་དྲག་པོའི་འཁྲུལ་འཁོར་གྱིས། དགྲ་བགེགས་རྣམས་བཅོས་ནས། སངས་རྒྱས་ཀྱི་བསྟན་པ་བསྲུང་བ་ལ་སོགས་པའི་རབ་འབྱམས་བསྒྲུབ་པ་སོལ། བཞི་པ་ནི། ལྷ་རྣམས་ལྷ་མ་ཡིན་ལས་རྒྱལ་བར་བྱེད་པའི་ལྷའི་དམག་དཔོན་ནག་པོ་ཆེན་པོ་དེ་ཉིད་ཀྱིས། བཅོམ་ལྡན་འདས་

― KMC025_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྤྱན་སྔར་སྲོག་གི་སྙིང་པོ་ཕུལ་སྟེ། བསྟན་པ་བསྲུང་བར་ཞལ་གྱིས་བཞེས་ནས། སྒྲུབ་པ་པོའི་དྲོད་ཉུལ་ཞིང་། ཕྲིན་ལས་བསྒྲུབ་ཅིང་། དམ་ཚིག་ཉམས་པའི་སྲོག་དབུགས་ལེན་པ། འཇིག་རྟེན་ན་མཐུ་དང་སྟོབས་ཆེ་བ། ལྷ་རྣམས་ཀྱི་མགོན་དང་། ལྷ་མ་ཡིན་གྱི་གཉེན་པོར་གྱུར་པ་ནི་འཇིག་རྟེན་གྱི་མགོན་པོའོ། །དེ་སྒྲུབ་པའི་ཚུལ་ནི། འབོད་བརྟེན་སྒྲུབ་པའི་རྫས་དང་། ཏིང་འཛིན་ལྡན་པས། རྫས་མཆོད་གཏོར་རྒྱ་ཆེན་པོས་ཐུགས་དམ་བསྐང་ཞིང་། ཁོལ་པོའི་ཚུལ་དུ་བསྟེན་ནས། བསྟན་པ་བསྲུང་བ་དང་། བརྣག་པ་བསྒྲལ་བའི་ཕྲིན་ལས་བརྩོན་པའོ། །དེ་རྣམས་ཀྱང་དོན་དམ་ཆོས་ཉིད་ཀྱི་ཀློང་དུ་ངོ་བོ་མཉམ་ཉིད་ཆེན་པོར་བཞུགས་ཤིང་། རྣམ་པ་གང་འདུལ་གྱི་རོལ་པས། ཡེ་ཤེས་ལས་དང་། འཇིག་རྟེན་གྱི་མགོན་པོར་སྤྲུལ་ཞིང་སྟོན་པ་ཉིད། དཔལ་མགོན་པོ་བེར་ཅན་ཞེས་མཚན་དང་། ཆ་ལུགས་གཅིག་ཏུ་སྟོན་པར་མཛད་ཅིང་། གཞན་ཡང་ལྷོ་བྲག་གི་མགོན་པོ་གཅིག་མགྱོགས་མ་ཡང་བྱ། ཟངས་དཀར་ལོ་ཙཱའི་ཤ་བ་རྒྱུག་འགྱེལ་ཀྱང་བྱ།

― KMC025_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

གཉལ་པ་ཉི་མ་འབར་གྱི་ཕོ་རོག་ལྡིང་བསྐྱུར་ཡང་བྱ། གཉལ་པ་ཇོ་སྲས་ཀྱི་མྱུར་བ་ཁྲག་སྐྱུགས་ཀྱང་བྱ། མལ་གྱོ་ལོ་ཙཱ་བའི་མགོན་པོ་མེའི་སྤུ་གྲི་ཞེས་ཀྱང་བྱ། འགྲོ་མགྲོན་རས་ཆེན་གྱི་མགོན་པོ་ལྕགས་སྤར་མ་ཞེས་ཀྱང་བྱ་བ། མགོན་པོ་ཐམས་ཅད་ཀྱི་སྤྱི་སྒྲུབ། རིན་པོ་ཆེ་ཀརྨ་པའི་བསྟན་བསྲུང་ཁྱད་པར་དུ་འཕགས་པ། དཔལ་ཡེ་ཤེས་ཀྱི་མགོན་པོ་ལྕམ་དྲལ་འདི་ཉིད་བསྙེན་ཅིང་བསྒྲུབ་པའི་རིམ་པ་ལའང་། རླུང་བསྲེའི་མན་ངག་ལ་བརྟེན་ནས་མཆོག་གསང་བདེ་ཆེན་དུ་བསྒྲུབ་པ་དང་། བསྙེན་བསྒྲུབ་ཡན་ལག་བཞི་ལྡན་གྱི་སྒོ་ནས་མཆོག་ཐུན་གྱི་ལས་རབ་འབྱམས་བསྒྲུབ་པ་གཉིས་ལས། འདིར་ཕྱི་མ་ཉིད་ཇི་ལྟར་ཉམས་སུ་ལེན་པའི་ཚུལ་གྱི་ཟིན་བྲིས་ལག་ལེན་གྱི་ཡིག་ཆ་རྣམས་གུང་བསྒྲིགས་པ་ལ། མན་ངག་གི་རིམ་པས་གསལ་བར་བྱས་ཏེ། བལྟས་ཆོག་མར་བཀོད་པ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ལའང་གསུམ། གནས་དུས་གྲོགས་ཀྱི་མཚན་ཉིད་བསྟན་པ། ཡོ་བྱད་ཀྱི་རིམ་པ་འདུ་བྱ་བ། དགེ་བའི་

― KMC025_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

དཔུང་བསྐྱེད་པ་རྣམས་སོ། །དང་པོ་ནི། དཔལ་ནག་པོ་ཆེན་པོའི་དྲག་པོའི་རྟག་པ་དུར་ཁྲོད་ཆེན་པོའི་སྔགས་ཀྱི་ལེའུར། གང་ཞིག་ནག་པོ་ཆེན་པོ་བསྒྲུབ་པར་འདོད་པས། དུར་ཁྲོད་ཆེན་པོའི་གནས། འབྱུང་པོ་དང་རོ་ལངས་འདུ་བའི་ཕྱོགས་སུ་སོང་ལ། ཞེས་སོགས་གསུངས་པའི་གནས་ཀྱི་མཚན་ཉིད། ས་ཆོག་རྡོ་རྗེ་ཕྲེང་བའི་ནང་མདོ་ཙམ་བརྗོད་པའི་དེ་ལྟ་བུ་ཁྱད་པར་བ་དང་། སྤྱི་ཙམ་དུ་གཙང་ཞིང་དབེན་ལ། ཉམས་དགའ་བ། དམ་པ་གོང་མ་རྣམས་ཀྱིས་བྱིན་རླབས་ཆགས་པའི་གནས་སུ་བསྒྲུབ་པར་བྱ་ཞིང་། དུས་ཀྱི་མཚན་ཉིད་ནི། དགུན་ཟླ་ཐ་ཆུང་གི་ནག་པོའི་བརྒྱད། དཔྱིད་ཟླ་ཐ་ཆུང་གི་ནག་པོའི་ལྔ། དབྱར་དང་། སྟོན་ཟླ་ཐ་ཆུང་རྣམས་ཀྱི་ནག་པོའི་བཅུ་བཞི་རྣམས་ལ་ཆོ་ག་བརྩམ་མོ། །གྲོགས་ཀྱི་མཚན་ཉིད་ནི། བློ་གསལ་ཞིང་ངག་ལ་ཉན་པ། གཙང་སྦྲ་ཆེ་ཞིང་། གསང་ཐུབ་པ། གསང་སྔགས་ལ་དད་ཅིང་། གཞན་གྱིས་དབང་དུ་མ་གྱུར་པ། གཞུང་བཟང་ཞིང་། གཡོ་སྒྱུ་མེད་པ། ཞི་ཞིང་དུལ་ལ། དམ་ཚིག་གཙང་བ་སོགས་བཟང་

― KMC025_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཡོན་ཏན་ཚོགས་པ་དང་ལྡན་པ་བསྟེན་པར་བྱའོ། །གཉིས་པ་ཡོ་བྱད་འདུ་བྱ་བ་ལ་གཉིས། སྒྲུབ་རྟེན་གཏོར་མའི་ལག་ལེན་དང་། མཆོད་གཏོར་ཉེར་མཁོའི་ཡོ་བྱད་འདུ་བྱ་བའི་ཚུལ་ལོ། །དང་པོ་ལའང་། རྟེན་གཏོར། རྒྱུན་གཏོར། ཐུན་གཏོར། གཏའ་གཏོར་བཅས་གྲངས་བཞིར་ཕྱེ་བའི་དང་པོ་ནི། མན་ངག་ལས་འབྱུང་བའི་རྟེན་གཏོར་ཆེན་མོ། བསྟན་པ་ཇི་སྲིད་བར་དུ་ཡུན་དུ་བརྟེན་པའི་མན་ངག་གི་གཏོར་ཆེན་བཅའ་བར་འདོད་ན། དེའི་ལག་ལེན་གྱི་ཡིག་ཆ་དམ་པ་གོང་མ་རྣམས་ཀྱིས་མཛད་པ། ཐུན་མོང་མ་ཡིན་པ་རྣམས་ལས་ཤེས་པར་བྱ་ཞིང་། འདིར་ནི་ལས་བཅོལ་བ་མ་གྲུབ་ཀྱི་བར་རམ། རང་ཉིད་ཀྱི་མི་ཚེ་ཙམ་གྱི་རྟེན་གཏོར་བཅའ་ཐབས་ཁྱེར་བདེར་བཀོད་པ་ལ་གཉིས། རྒྱུ་བྱིན་གྱིས་བརླབས་པ་དང་། བཅའ་བའི་ཚུལ་ལོ། །དང་པོ་ནི། གཏོར་མའི་རྒྱུ་འབྲུ་ནག་གི་ཕྱེ་གཙང་མ། རིན་པོ་ཆེའི་སྣོད་དུ། དབྱིབས་ཟུར་གསུམ་རྩེ་རྒྱལ་དུ་བྱས་པའི་མདུན་ངོས་སུ་འབྲུ་གསུམ་དང་ཧཱུྃ་དང་བྷྱོཿཡིག་བྲིས་པ་མཉྫིའི་ཁར་བཀོད།

― KMC025_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་མཐར་ཉེར་སྤྱོད་བསྐོར་བཤམ་དང་ཕྲེང་ཚར་ཅི་བདེར་བྱ། རང་ཉིད་མགོན་པོའི་ང་རྒྱལ་དང་ལྡན་པས་བདུད་རྩི་བྱིན་བརླབས་བྱས་པའི་ནང་མཆོད་འཐོར་ཞིང་། ཨོཾ་དཾཥྚོད་སོགས་ཀྱིས་བསངས། སྭ་བྷཱ་ཝས་སྦྱང་། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མའི་རྒྱུ་ལྷ་མིའི་ལོངས་སྤྱོད་འདོད་ཡོན་རིན་པོ་ཆེ་སྣ་ཚོགས་པའི་ཕུང་པོ་འབྲུ་གསུམ་དང་ཡབ་ཡུམ་གྱི་ཕྱག་མཚན་ས་བོན་གྱིས་མཚན་པ་རྣམས་ལས་འོད་འཕྲོས། བརྟན་གཡོ་སྣོད་བཅུད་ཀྱི་དྭངས་མ་ཐམས་ཅད་ཚུར་བསྡུས་ཤིང་ཡོངས་སུ་གྱུར་པ་ལས་མགོན་པོ་ལྕམ་དྲལ་རྒྱན་ཆ་ལུགས་ཡོངས་སུ་རྫོགས་པར་གསལ་བའི་གནས་གསུམ་འབྲུ་གསུམ་གྱི་མཚན་པའི་འོད་ཀྱིས་ཡེ་ཤེས་པ་སྤྱན་དྲངས། བཛྲ་ས་མཱ་ཛཿཛཿཧཱུྃ་བྃ་ཧོཿགཉིས་སུ་མེད་པར་གྱུར་པ་ལ། སླར་ཡང་དབང་ལྷ་སྤྱན་དྲངས་པ་རྣམས་ཀྱིས་དབང་བསྐུར། ཆུའི་ལྷག་མ་གྱེན་དུ་འཁྱིལ་བ་མི་བསྐྱོད་པའི་དབུ་བརྒྱན་གྱུར་པ་ལ། རང་ལས་སྤྲུལ་པའི་ལྷ་མོས་མཆོད་ཅིང་བསྟོད་པར་མོས་པས། ཨོཾ་ཤྲཱི་བཛྲ་

― KMC025_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ཨརྒྷཾ་ནས། ཤབྡའི་བར་པྲ་ཏིཙྪ་ཨཱཿཧཱུྃ་བཏགས་པས་མཆོད། ཧཱུྃ། ཆོས་ཀྱི་དབྱིངས་ལས་སོགས་དང་། མཁའ་ལ་དབང་བསྒྱུར་སོགས་ཤོ་ལོ་ཀ་གཉིས་ཀྱིས་བསྟོད། མཐར་ཡབ་ཡུམ་འོད་དུ་ཞུ་བ་ལས་རིན་པོ་ཆེའི་རྡུལ་ཟག་མེད་ཀྱི་འདོད་ཡོན་འཕྲོ་བའི་ཕུང་པོར་གྱུར་པར་མོས་པས་བྱིན་གྱིས་བརླབ་བོ། །གཉིས་པ་ནི། བྱིན་གྱིས་བརླབས་པའི་ཕྱེ་དེ་ཉིད་ཟན་དུ་བྱས་ནས། རྟེན་གཏོར་སྙིང་ལ་ཟུར་བཏོད་པ་ལྟ་བུའི་དབྱིབས་ཅན་མཛེས་ཤིང་ལྷུན་ཆགས་པ། མར་རྒྱན་སོགས་ཀྱི་ལེགས་པར་བརྒྱན་པའི་ནང་དུ། མཐིང་ཤོག་གམ། རྒྱ་ཤོག་ལ། གསེར་རམ། མཚལ་གྱིས། བླ་མ་བརྒྱུད་པའི་མཚན། ཨོཾ་ཨཱཿབཛྲ་དྷཱ་ར་ཧཱུྃ། ཨོཾ་ཨཱཿཔྲ་ཛྙཱ་བྷ་དྲ་ཧཱུྃ། དེ་བཞིན་ཐོག་མཐར། ཨོཾ་ཨཱཿཧཱུྃ་སེ་པོར་སྦྱར་བས། ཛྙཱ་ན་སིདྡྷི་སོགས། སོ་སོའི་མཚན་སྔགས་རྒྱ་སྐད་དུ་བྱས་པའི་མཐར་འདོད་གསོལ་སྦྱར་བའམ། མ་ཤེས་ན། ཨོཾ་ཨཱཿརྡོ་རྗེ་འཆང་ཆེན་ཧཱུྃ། ཞེས་པ་ལྟ་བུའམ། ཡང་བསྡུ་ན། ཨོཾ་ཨཱཿཧཱུྃ། ཆོས་སྐུ་དྲུག་པ་རྡོ་རྗེ་འཆང་ཆེན། ཏཻ་ལོ་ཤེས་རབ་བཟང་པོ།

― KMC025_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ནས་རྩ་བའི་བླ་མའི་བར་རྟོགས་པ་དོན་གྱི་བརྒྱུད་པ། གཞན་ཡང་ཡབ་རྐྱང་། ཡུམ་རྐྱང་ལ་སོགས་མ་མགོན་གྱི་བརྒྱུད་རིམ་དུ་བཞུགས་པའི་བླ་མའི་མཚན་སྔགས་རྣམས་དག་པར་བྲིས་པའི་མཇུག་ཏུ། རྗེ་བཙུན་བློ་གྲོས་མཐའ་ཡས་ལ་སོགས་པ་རྩ་བ་དང་བརྒྱུད་པའི་བླ་མ་དམ་པ་རྣམས་ཀྱིས། སྒྲུབ་པ་པོ་བདག་གི་རྒྱུད་ལ། སྐུ་གསུང་ཐུགས་ཀྱི་བྱིན་གྱིས་བརླབ་ཏུ་གསོལ། ཕྱག་རྒྱ་ཆེན་པོ་མཆོག་གི་དངོས་གྲུབ་བདེ་བླག་ཏུ་ཐོབ་པར་མཛད་དུ་གསོལ། ཅེས་པའི་འདོད་གསོལ་བཅས་བྲིས། ཡིག་ངོ་ནང་བསྟན་གྱིས་མཇུག་ནས་ཡར་དྲིལ་ཏེ་ཚོན་སྐུད་སྣ་ལྔས་དཀྲིས་ལ། དར་སེར་པོའི་ན་བཟའ་གཡོགས་པ། རིན་པོ་ཆེའི་སྦུ་གུའམ། སྙུག་སྦུབ་ཏུ་བཅུག་སྟེ། གཏོར་མའི་ནང་གི་རྩེ་མོར་འཇོག་གོ །དེ་བཞིན་ཏུ། ཡི་དམ། བདེ་མཆོག །རྒྱལ་རྒྱམ། ཀྱཻ་རྡོར། ཕག་མོ། གསང་བདག་རྣམས་གཙོར་བྱས། རང་གང་མོས་ཀྱི་སྙིང་པོ་རྣམས་བྲིས་པའི་མཇུག་ཏུ། ཡི་དམ་ལྷ་ཚོགས་རྣམས་ཀྱིས། སྒྲུབ་པོ་བདག་ལ། མཆོག་དང་། ཐུན་མོང་གི་དངོས་གྲུབ་

― KMC025_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་དུ་རྩོལ་ཅིག །ཅེས་བྲིས་པ་ཚོན་སྐུ་སྣ་ལྔ་དང་། དར་མཐིང་དམར་གྱི་ན་བཟའ་གཡོགས་ཏེ། གཏོར་མའི་མགྲིན་པའི་ཐད་ཙམ་དུ་གཞུག །དེ་བཞིན་མ་མགོན་གྱི་སྐུ་གསུང་ཐུགས་ཀྱི་སྙིང་པོ་དང་། སྤྱི་དྲིལ། སྤྱན་འདྲེན་དང་། སྐུ་གསུང་ཐུགས་ཀྱི་བསྙེན་སྔགས། མ་མོའི་སྐུ་གསུང་ཐུགས་ཀྱི་སྙིང་པོ་སོགས་བྲིས་པའི་མཇུག་ཏུ། དཔལ་མ་མགོན་ཡབ་ཡུམ་གྱིས། བདག་གི་ལུས་ངག་ཡིད་གསུམ་བྱིན་གྱིས་བརླབ་ཏུ་གསོལ། ནག་པོ་ཆེན་པོ་ཡུམ་དང་བཅས་པས། བདག་ལ་ཉེ་བར་མཛད་དེ་ཞལ་བསྟན་དུ་གསོལ། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དངོས་གྲུབ་སྩལ་དུ་གསོལ། ཁྱད་པར་བླ་མ་ཀརྨ་པ་ཡི་བསྟན་པ་དར་བར་མཛད་དུ་གསོལ། བདག་གི་ལུས་དང་གྲིབ་མ་བཞིན་ཏུ་མི་འབྲལ་འགྲོགས་ནས། གང་བཅོལ་བའི་ལས་རྣམས་ཐོགས་པ་མེད་པར་བསྒྲུབ་ཅིང་། དངོས་གྲུབ་དང་ཕྲིན་ལས་རྒྱ་ཆེན་པོ་སྦྱིན་པར་མཛད་དུ་གསོལ། ཅེས་བྲིས་ཤིང་གོང་བཞིན་དྲིལ་བ་སོགས་བྱས་ནས། སྐུད་པ་དར་སྣ་ལྔས་

― KMC025_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྲིས་ཤིང་། དར་ནག་གི་ན་བཟའ་བཅས། གཏོར་མའི་དབུས་ཀྱི་ཆར་བཞུགས་སུ་གསོལ། གཏོར་མའི་སྨད་ཆའི་ནང་དུ། དུག་ཤོག་ལ། དུག་ཁྲག་གཙང་མས། རྦད་སྔགས་དང་། མ་མོའི་ལས་ཀྱི་གཉེར་གཏད་པའི་སྔགས་བྲིས་པའི་མཐར། འདོད་གསོལ་ཀྱང་སྐབས་ཐོབ་སྦྱར་བ། མཇུག་ནས་ཡར་བསྒྲིལ་བ། ཚོན་སྐུད་སྔོ་དམར་གྱིས་དཀྲིས་པ། དར་ནག་གིས་དྲིལ་ཏེ་བཅུག །དེས་འགྲེས་ཏེ། ཞི་རྒྱས་དབང་དྲག་སོགས་ལས་གང་དགོས་སོ་སོའི་རྫས་དང་། ཤམ་བུའི་ཁ་བསྒྱུར་རིག་པས་འཕྲུལ། གང་ལྟར་ཡང་། སྨན་འབྲུ་རིན་ཆེན། དར་ཟབ། ཤ་སྣ། སྙིང་སྣ། ཁྲག་སྣ་གཙང་མ་གང་འབྱོར་བཅས་བླུག །ཕྱི་རོལ་གྱི་གཏོར་མའི་རྩེར་ཞལ་སྦྱོར་གྱི་སྐུ་ཙཀ་བཙུག་པ་ལ། སྟེང་དུ་དར་ནག་གི་གདུགས་ཕུབ་ཅིང་། མཚན་ཉིད་དང་ལྡན་པར་བྱས་ཏེ། རིན་པོ་ཆེ་ཀརྨ་པས། མཚན་ཉིད་དང་ལྡན་པར་བསྒྲུབ་པའི་གཏོར་མ་ལ། ཆོས་སྐྱོང་གི་གཟུགས་བྲིས་ཏེ་བཙུགས་ནས། གཞུང་བཞིན་བསྐྱེད་བསྟིམ། བསྟོད་བསྐུལ་སོགས་ཞག་བདུན་གྱི་བར་དུ་

― KMC025_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ན། དཔལ་མགོན་གྱི་ལུས་དང་གྲིབ་མ་བཞིན་དུ་འགྲོགས་ནས། སྡོང་གྲོགས་བྱེད་ཅིང་། ཕྱི་མའི་མུ་མཐར་ཐུག་གི་བར་དུ། བསྟན་པ་ཡུན་རིང་དུ་གནས་པར་འགྱུར་རོ། །ཅེས་གསུངས་པའི་ཕྱིར། ངེས་པར་ཚད་ལྡན་ཏུ་བྱེད་པ་གནད་ཆེ། གཙོ་བོའི་གཏོར་མ་དེའི་འཁོར། དམར་གཏོར་བརྒྱད་དམ་བཅུ་གང་མོས་ཀྱིས་བསྐོར་བ་ལ། ཟས་སྣ་ཚོགས་ཀྱི་ཕུད་བཅས། རིན་པོ་ཆེའི་སྣོད་བཟང་པོར་བཞུགས་པར་བྱའོ། །དེའི་འཁོར་གབ་པ་ལྷ་བཞིའི་གཏོར་མ་ནི། ཤར་དུ་ལྷ་བཤོས་ཟླུམ་པོའི་རྩེ་མོ་མར་དང་། རྩ་བ་ཁྲག་གིས་བྱུག་པ། ལྷོར་དྲི་བཤོས་ཟུར་གསུམ་རྩེ་རྒྱལ་ཁྲག་གིས་བྱུག་པ། ནུབ་ཏུ་བཙུན་བཤོས་གྲུ་བཞི་རྩེ་བརྒྱད་ཁྲག་གིས་བྱུག་པ། བྱང་དུ་གསང་ཕྱི་ནོར་བུའི་གཟུགས་སྟོད་མར་དང་། རྩ་བ་ཁྲག་གིས་བྱུག་པ་རྣམས་ཀྱང་བཀོད། འདི་ལ་ཡིག་རྙིང་རྣམས་སུ་འདྲ་མིན་མང་དུ་སྣང་མོད། འདི་ཉིད་དག་པར་བྱས་ཡོད། གཉིས་པ་ནི། རྒྱུ་དེ་ཉིད་ལས་བཅོས་པའི་རྒྱུན་གཏོར་ཆོས་སྐྱོང་སྤྱི་གཏོར་དང་། སྤྲོ་ན། གསོལ་ཁའི་གཏོར་མ་

― KMC025_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗིད་པ་ལ། རྒྱན་ཁྲ་སོགས་ཀྱིས་མཛེས་པར་བྱས་པ། འཁོར་བཤོས་བུ་ཟུར་གསུམ་པ་བཅུས་བསྐོར་བར། བརྟེན་བསྒྲུབ་མཆོད་པའི་རྫས་ཀྱི་རིགས་དང་། འབྲུ་སྨན། རིན་ཆེན། དར་ཟབ། ཤ་ཁྲག །ཁུར་བ། ཤིང་ཐོག་སོགས་ཀྱིས་བརྒྱན་པ་དང་། བསྐང་གཏོར་མཛེས་ཤིང་ལྡེམ་པར། འཁོར་གོང་མཚུངས་ཅན་ལ། བསྐང་རྫས་ཀྱི་རིགས་སྤར་བཏབ་པ་ས་དང་། སྨན་དར། རིན་ཆེན། ཁ་ཟས་བཟང་རྒུ་རྣམས་ཀྱིས་བརྒྱན་པའོ། །གསུམ་པ་ཐུན་གཏོར་ནི། གལ་ཆེ་ན། རྡོ་རྗེའི་མེ་འོབས་ནས་བཤད་པའི་ཁྱད་པར་གཏོར་མའི་རྫས་དང་། ལིང་གའི་རྫས་གཉིས་བསྲེས་ནས་ཚད་ལྡན་དུ་བྱས་པ་དང་། སྤྱི་ཙམ་དུ། རྒྱུ་བྱིན་བརླབས་མ་བྱས་པའི་ཟན་གྱིས། གཏོར་མ་ཟུར་གསུམ་རྩེ་རྒྱལ་ཤ་ཁྲག་གི་བརྒྱན་པས་ཀྱང་ཆོག །བཞི་པ་གཏའ་གཏོར་ནི། བཤོས་བུ་ཟུར་གསུམ་ཁྲུ་གང་ལས་མི་ཆུང་བ་རྒྱན་ལྡན། གོང་གི་གསོལ་བསྐང་གི་རྫས་རྣམས་ཚང་མས་བསྐོར་བ། ཉིན་རེ་བཞིན་གསོ་བྲན། བྱིན་བརླབས་བྱས་ནས། ལས་མ་གྲུབ་པར་མི་བསྔོ་བར་

― KMC025_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོགས་ཤིང་གཏར་བཟུང་། གཏའ་གཏོར་འདི་བསྙེན་བསྒྲུབ་སྐབས་མེད་ཀྱང་རུང་ངོ་། །གཉིས་པ་ཉེར་མཁོའི་མཆོད་གཏོར་གྱི་རིམ་པ་ལ། གསེར་སྐྱེམས། ཚོགས། བ་ལིཾ། དབང་སྣ། ཞི་དྲག་གི་ཞལ་ཟས། ཐུན་གཏོར། འཁོར་ལྔ་རྗེས་འབྲངས་དང་བཅས་པའི་འབུལ་གཏོར། མཚམས་ཐོའི་མཆོད་གསོགས་དང་། སོ་སོའི་རྫས་ལྡན་གྱི་སྨན་རཀ་ཏིང་བདུན་ཚར་གཉིས། ཐོད་རྔ། རྔ་དང་། ཆང་ལང་། རྡོར་དྲིལ། གུལ་ཡུངས། འཐོར་ནས། སྤོས་ཕོར། ཁྲུས་བུམ། ཆུ་བུམ་སོགས་ཉེར་མཁོའི་རིགས་རྣམས་བསྡོགས་ཚགས་སུ་ཚུད་པར་བྱའོ། །གསུམ་པ་ནི། རྡོར་སེམས་བསྒོམ་བཟླས། ཚོགས་པ་དང་བསྐང་བཤགས། སཱཙྪ། ཆུ་གཏོར། བསང་བརྔན། ཡར་མར་གྱི་མགྲོན་བཞི་མཆོད་པ། དཔང་སྐོང་ཕྱག་རྒྱ་པ། དཀོན་མཆོག་བརྩེགས་པ། གཟུངས་འདུས་བསྒྲགས་པ་སོགས་དགེ་བའི་དཔུང་བསྐྱེད་པ་ཅི་ནུས་སུ་བྱའོ། །གཉིས་པ་དངོས་གཞི་བསྙེན་བསྒྲུབ་ཀྱི་ལག་ལེན་སྟོན་པ་ལ་བཅུ་གཉིས། མཚམས་བཅད་པ་གཞི་དགྲམ་པ།

― KMC025_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་འདོན་གྱི་རིམ་པ་དང་། བསྙེན་པས་བྱིན་རླབས་བསྡུ་བ། ཉེ་བསྙེན་གྱི་ཡེ་ཤེས་དབབ་ཅིང་ཐུགས་རྒྱུད་བསྲེ་བ། སྒྲུབ་པས་མཆོད་ཅིང་དབྱེར་མེད་དུ་བྱ་བ། སྒྲུབ་པ་ཆེན་པོས་ཚེ་བསོད་སྤེལ་ཞིང་དགྲ་བགེགས་བསྒྲལ་བ། འགྲུབ་པའི་རྟགས་མཚན་བསྟན་ནས། དུས་དང་གྲངས་ཀྱི་བསྙེན་པའི་ཚད་བཤད་པ། གེགས་ཞི་བའི་ཐབས་བསྟན་པ། ཞི་སོགས་ལས་བཞིའི་ཁ་བསྒྱུར་གྱི་ལས་སོ་སོར་སྦྱར་བ། ཁྱད་པར་དྲག་པོའི་ཕྲིན་ལས་ཀྱི་ཆོ་གའི་དམིགས་པའི་འཁྲུལ་འཁོར་དང་འབྲེལ་བའི་གདབ་ལས་དང་། ལས་འགྲིགས་སྤུ་གྲི་རེག་གཅོད་ཀྱི་མན་ངག །འཕང་བ་ཟོར་གྱི་ལག་ལེན་བཅས་བྱ་ཚུལ་ཞིབ་མོར་བཀོད་པ་རྣམས་མཐར་ཆགས་སུ་བསྟན་པ་ལ། དང་པོ་ནི། གནས་ཁང་ཕྱག་བརྡར་དང་། སྒྲུབ་པ་པོ་གྲོགས་བཅས་ཁྲུས་དང་། གཙང་སྦྲ་ལ་གནས་པས། སྒོ་དྲུང་དུ་སོང་ལ། རང་ཉིད་ལྷའི་ང་རྒྱལ་དང་ལྡན་པས་འབྱུང་པོ་རྣམས་ལ། ཆ་གསུམ་གཏོར་མ་བསྔོས་ཏེ། བྱང་ཆུབ་ཀྱི་སེམས་ཀྱིས་རང་གནས་སུ་བཏང་། མཁའ་འགྲོ་དང་། གཞི་གནས་

― KMC025_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བདག་པོར་གཏོར་མ། གསེར་སྐྱེམས་བཅས་བསྔོས་ནས། སྒྲུབ་པའི་གྲོགས་བཅོལ་བ་རྣམས་ཟིན་ནས། སྒོ་འགྲམ་གཡས་གཡོན་གང་བདེར་ཐོ་དཀར་པོ་ཞིག་བརྩེགས་པའི་རྩེ་མོར། རྒྱལ་ཆེན་བཞིའི་སྐུ་བརྙན་བྲིས་པའི་བྱང་བུ། སྙུག་ལྡེམ་ལ་དར་དཀར་པོ་བཏགས་པས་བརྒྱན་པ་བཙུགས་པའི་མདུན་དུ། མཆོད་གཏོར་དཀར་གཏོར། དཀར་མངར་འབྲུ་སྣས་བརྒྱན་པ་དང་། ཉེར་སྤྱོད་ཚར་དུ་བཤམས་པ་ལ། བྱིན་གྱིས་བརླབས་པའི་ནང་མཆོད་འཐོར་ཞིང་། ཨོཾ་ཨཱཿབིགྷན་སོགས་ཀྱིས་བསངས། སྭ་བྷཱ་ཝས་སྦྱང་། སྟོང་པའི་ངང་ལས་རིན་ཆེན་སྣོད་ཡངས་པར། །འབྲུ་གསུམ་ཞུ་བ་ལས་བྱུང་མཆོད་གཏོར་ཚོགས། །རོ་བཅུད་ནུས་པ་ཕུན་ཚོགས་བདུད་རྩིའི་མཚོ། །ཟག་མེད་ནམ་མཁའ་མཛོད་ཀྱི་རང་བཞིན་གྱུར། ཨོཾ་བཛྲ་སྥ་ར་ཎ་ཁྃ་སྭཱ་ཧཱ། ཞེས་པས་འདོད་ཡོན་ནམ་མཁའ་མཛོད་ཀྱི་རང་བཞིན་དུ་བལྟས་ལ་བྱིན་གྱིས་བརླབ་བོ། །དེ་ནས་མདུན་རྟེན་ལ་དམིགས་ཏེ། ཨོཾ་སྭ་བྷཱ་ཝས་སྦྱངས། སྟོང་པའི་ངང་ལས། རང་ཉིད་ནག་པོ་ཆེན་པོར་

― KMC025_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བའི་མདུན་དུ་ཐོ་རིན་པོ་ཆེའི་ཕོ་བྲང་དུ་གྱུར་པའི་ནང་དུ། ཆོས་སྐྱོང་བའི་རྒྱལ་པོ་ཆེན་པོ་སྡེ་བཞི་རང་རང་གི་འཁོར། བྱེ་བ་འབུམ་སྡེའི་ཚོགས་དང་བཅས་པར་གསལ་བའི་གནས་གསུམ་འབྲུ་གསུམ་གྱིས་མཚན་པ་དང་། བདག་གི་ཐུགས་ཀའི་ས་བོན་ལས་འོད་ཟེར་ལྕགས་ཀྱུའི་ཚོགས་འཕྲོས། རི་རབ་ཆེན་པོའི་ཕྱོགས་བཞི་དང་། ཁྱད་པར་འོག་མིན་གྱི་གནས་ནས། རྒྱལ་པོ་ཆེན་པོ་སྡེ་བཞི་འཁོར་བཅས་སྤྱན་དྲངས་པ་རྣམས་སྐད་ཅིག་གིས་མདུན་དུ་བྱོན་པར་གྱུར། བཛྲ་ས་མཱ་ཛཿཛཿཧཱུྃ་བྃ་ཧོཿགཉིས་སུ་མེད་པར་གྱུར། སླར་ཡང་ཐུགས་ཀའི་འོད་ཀྱིས་དབང་གི་ལྷ་རབ་འབྱམས་སྤྱན་དྲངས་པ་རྣམས་ཀྱིས། བུམ་པའི་ཆུ་དབང་བསྐུར་བས་སྐུ་གང་། ཆུའི་ལྷག་མ་ཡར་ལུད་པ་ལས། མི་གཡོ་བ། གཤིན་རྗེ་གཤེད། རྟ་མགྲིན། བདུད་རྩི་འཁྱིལ་པ་རྣམས་ཀྱིས་དབུ་བརྒྱན་པར་དམིགས་ལ། མཆོད་པའི་ལྷ་མོ་རྣམས་ཀྱིས་མཆོད་ཅིང་བསྟོད་པར་མོས་པས། ཨོཾ་བཛྲ་ཨརྒྷཾ་པྲ་ཏིཙྪ་ཨཱཿཧཱུྃ། སོགས་ཀྱིས་མཆོད། ཧཱུྃ། བརྩོན་པའི་གོ་བསྒོས་མཐུ་སྟོབས་

― KMC025_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །སངས་རྒྱས་བསྟན་པ་ལེགས་སྐྱོང་བའི། །ཤར་ལྷོ་ནུབ་བྱང་ཕྱོགས་བཞི་ཡི། །རྒྱལ་ཆེན་བཞི་ལ་ཕྱག་འཚལ་བསྟོད། །བསྟོད་པར་འོས་པ་སོགས་ཀྱིས་བསྟོད་ཅིང་། ཐུགས་རྒྱུད་བསྐུལ་བ་ནི། རྒྱལ་ཆེན་བཞི་པོ་སོ་སོའི་ཐུགས་ཀར་ཟླ་གདན་ལ་གནས་པའི། དྷྲྀ་བི་བི་བཻ། རྣམས་རང་མདོག་གི་མཐར། རང་རང་གི་སྲོག་སྔགས་འཁོད་པ་ལ། བདག་གི་ཐུགས་ཀའི་ཧཱུྃ་ལས་འཕྲོས་པའི་འོད་ཀྱིས་བསྐུལ་བས། སྔོན་བཅོམ་ལྡན་འདས་ཀྱི་སྤྱན་སྔར་ཁས་བླངས་པའི་ཐ་ཚིག་དྲན་ནས་དངོས་གྲུབ་སྲུང་ཞིང་། བར་ཆད་བཟློག་པ་སོགས་ཅི་བསྒོ་བའི་ཕྲིན་ལས་རྣམས་ཐོགས་མེད་དུ་བསྒྲུབ་པར་མོས་ལ། ཨོཾ་དྷྲྀ་ཥྚ་ར་ཥྚ་ཡ་སྭཱ་ཧཱ། ཨོཾ་བི་རུ་དྷ་ཀ་ཡ་སྭཱ་ཧཱ། ཨོཾ་བི་རུ་པཀྵ་ཡ་སྭཱ་ཧཱ། ཨོཾ་བཻ་ཤྲ་མ་ཎ་ཡ་སྭཱ་ཧཱ། ཞེས་པ་རྣམས་ཅི་འགྲུབ་བཟླས་མཐར་གཏོར་མ་འབུལ་ཞིང་། ཕྲིན་ལས་བཅོལ་བ་ནི། གཏོར་མ་རྃ་ཡྃ་ཁྃ་གིས་བསངས་སྦྱང་། ཨོཾ་ཨཱཿཧཱུྃ་གིས་སྤེལ་བ་སོ་སོའི་སྔགས་ལ། ས་པ་རི་ཝ་ར་ཨི་དཾ་བ་ལིཾ་ཏ་ཁཱ་ཧི། བཏགས་པ་ལན་གསུམ་རེ་བསྔོས་

― KMC025_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དགྱེས་ཤིང་ཚིམ་པར་མོས་ལ། ཧཱུྃ། དཔལ་ཆེན་བཀའ་ཡི་བསྟན་སྐྱོང་བ། །མཐུ་ཆེན་སྲུང་མ་ཆེན་པོ་བཞི། །འཁོར་གཡོགས་རྒྱ་མཚོའི་ཚོགས་བཅས་ཀྱིས། །དམ་རྫས་མཆོད་གཏོར་འདི་བཞེས་ལ། །བདག་གིས་རྒྱལ་བའི་བསྟན་སྲུང་ཕྱིར། །མ་ཧཱ་ཀཱ་ལའི་དཀྱིལ་འཁོར་ཆེ། །བཀའ་གསང་གཞུང་བཞིན་བསྒྲུབ་ལགས་ཀྱི། །ཕྲིན་ལས་མཐའ་རུ་མ་ཕྱིན་པར། །ཕྱི་ཡི་བར་ཆད་བཟློག་པ་དང་། །ནང་གི་དངོས་གྲུབ་སྲུང་བའི་ཕྱིར། །རྟེན་འདིར་དགྱེས་པར་རྟག་བཞུགས་ལ། །རྒྱལ་བའི་སྤྱན་སྔར་ཁས་བླངས་བཞིན། །རྣལ་འབྱོར་བཅོལ་བའི་ཕྲིན་ལས་མཛོད། །ཅེས་འདོད་དོན་གསོལ་བས་དགྱེས་པ་དང་བཅས། སྲུང་བཟློག་གི་ལས་མཛད་ཅིང་། བརྟན་པར་བཞུགས་མོས་ཤིང་། ཡེ་དྷརྨཱས་རབ་ཏུ་གནས་པའང་བྱའོ། །དེ་ནས་ནང་དུ་འོང་ལ། གནས་ཁང་མཛེས་པར་བརྒྱན་ཅིང་། གཞི་གཙང་མའི་སྟེང་དུ། མཎྜལ་ཚོམ་བུ་གཅིག་པའི་ཁར། མཚན་ཉིད་དང་ལྡན་པའི་བུམ་པ། དག་བྱེད་ཀྱི་རྒྱུན། དྲི་བཟང་དང་། ཉེར་ལྔའི་རྫས་ཀྱི་སྦགས་པས་ད

― KMC025_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ག །དར་ལྗང་གུའི་ཅོད་པན་གྱིས་མགུལ་བཅིངས། ཀུ་ཤས་ཁ་བརྒྱན་པ་བཤམས། དེའི་མདུན་དུ་ཉེར་སྤྱོད་ཕྲེང་ཚར་དུ་བཀོད་པར་བདུད་རྩིས་བྲན་ལ། ཨོཾ་ཨཱཿཧཱུྃ། སྟོང་པའི་ངང་ལས་རིན་ཆེན་སྣོད་ཀྱི་ནང་། །འབྲུ་གསུམ་ཞུ་བ་ལས་གྲུབ་པའི། །ལྷ་རྫས་ཉེར་སྤྱོད་མཆོད་པའི་སྤྲིན། །ཀུན་བཟང་སྨོན་ལམ་ལྟ་བུར་གྱུར། །ཞེས་བྱིན་གྱིས་བརླབས་ནས། བུམ་པ་ལ་དམིགས་ཏེ། སྭ་བྷཱ་ཝས་སྦྱངས། སྟོང་པའི་ངང་ལས་ཡི་གེ་བྷྲཱུྃ་ཞུ་བ་ལས་བྱུང་བའི་བུམ་པ་མཚན་ཉིད་ཡོངས་སུ་རྫོགས་པའི་ནང་དུ། པད་ཉི་ལ་ཧཱུྃ་ལས་ཁྲོ་བོ་བདུད་རྩི་འཁྱིལ་བ་སྐུ་མཆོག་ལྗང་སྔོན་རྒྱན་ཆ་ལུགས་ཡོངས་སུ་རྫོགས་པར་གསལ་བའི་གནས་གསུམ་འབྲུ་གསུམ་གྱིས་མཚན་པའི་འོད་ཀྱིས་ཡེ་ཤེས་པ་སྤྱན་དྲངས། བཛྲ་ས་མཱ་ཛཿཛཿཧཱུྃ་བྃ་ཧོཿགཉིས་སུ་མེད་པར་བསྟིམ། སླར་ཡང་དབང་གི་ལྷ་རིགས་ལྔ་སྤྱན་དྲངས་པ་ལ། ཨ་བྷི་ཥིཉྩ་ཏུ་མཾ་ཞེས་གསོལ་བ་བཏབ་པས། ལྷ་རྣམས་ཀྱིས་བདུད་རྩིའི་ཆུས་དབང་བསྐུར་བས། སྐུ་གང་། ཆུ་ལྷག་སྤྱི་བོར་འཁྱིལ་པ་ལས། དོན་

― KMC025_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཀྱིས་དབུ་བརྒྱན་པ་ལ། བདག་གི་སྙིང་གའི་ས་བོན་ལས་སྤྲུལ་པའི་ལྷ་མོ་རྣམས་ཀྱིས་མཆོད་ཅིང་། བསྟོད་པར་མོས་ལ། ཨོཾ་བཛྲ་ཨ་མྲྀ་ཏ་ཨརྒྷཾ་ཨཱཿཧཱུྃ། ནས། ཤབྡའི་བར་གྱིས་མཆོད་ཅིང་། ཧཱུྃ། འཇིགས་པའི་ཧཱུྃ་སྒྲ་ངེས་སྒྲོགས་ཤིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་རྩོལ་བའི་ལྷ། །བདུད་རྩི་འཁྱིལ་ལ་ཕྱག་འཚལ་བསྟོད། །བཟླས་པ་ནི། ཁྲོ་བོའི་ཐུགས་ཀར་ཉི་སྟེང་ཧཱུྃ། །མཐའ་མར་སྔགས་ཀྱིས་བསྐོར་བ་ལས། །བདུད་རྩིའི་རྒྱུན་བབས་བུམ་ཆུ་འདྲེས། །དག་བྱེད་ཡེ་ཤེས་བདུད་རྩིར་གྱུར་གྱི་མོས་ལ། །ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཅེས་བརྒྱ་རྩ་བརྒྱད་བཟླས་མཐར། ཁྲོ་བོ་འོད་དུ་ཞུ་བ་བུམ་ཆུར་འདྲེས་པས། ཉེས་པའི་སྐྱོན་རྣམས་དག་བྱེད་ཀྱི་བདུད་རྩིར་གྱུར་པར་མོས་ལ། བདག་དང་། རྫས། གནས་ཁང་ཡོ་བྱད་རྣམས་ལ་འཐོར་བས། ཉམས་གྲིབ་མི་གཙང་བ་རྣམས་དག་པར་མོས་ཤིང་། ཀ་ཆ་མཚམས་ཁོངས་སུ་གཏོང་ལེན་བྱ་རྒྱུའི་རིགས་ལའང་འདིས་བསང་གཏོར་བྱའོ། །གཉིས་པ་ནི།

― KMC025_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་གི་བྲིས་སྐུ་བཀྲམ་པའི་མདུན་དུ། རང་དང་ཞལ་སྤྱོད་དུ་བྱས་པའི། སྟེགས་བུ་གྲུ་བཞི་པ་ཡངས་ཤིང་རྒྱ་ཆེ་བའི་དབུས་སུ། རྒྱས་པར་སྤྲོ་ན། རྡོ་རྗེ་ཕྲེང་བ་ནས་འབྱུང་བ་བཞིན། ས་ཡི་ཆོ་ག་སྔོན་དུ་འགྲོ་བས། རྡུལ་ཚོན་གྱི་དཀྱིལ་འཁོར་འབྲི་བ་ལའམ། འབྲིང་པོར་ས་ཆོག་བཅས། རས་བྲིས་ཀྱི་དཀྱིལ་འཁོར་མཚན་རྫོགས་པ་བཀྲམས། བསྡུ་ན། རས་བྲིས་ཉིད་བཏང་བའམ། མཎྜལ་ལ། འབྲུ་ནག་གིས་ཚོམ་བུ་ལྷ་གྲངས་སམ། གཙོ་འཁོར་དགུའམ། བཅུ་གཅིག །གང་མོས་བཀོད་པས་ཀྱང་རུང་། དེའི་སྟེང་མ་ཉི་ཟླའི་ཁར། གོང་གི་རྟེན་གཏོར་བཞུགས་སུ་གསོལ་ཞིང་། གབ་པ་ལྷ་བཞིའི་བཤོས་བུ་རྣམས་ཀྱང་བཤམས། མི་འབྲལ་བར་འགྲོགས་པའི་རྟེན་སོགས་ནང་དང་། གསང་བའི་རྟེན་རྣམས་ཡོད་ན། གང་བདེར་བཀོད་ལེགས་སུ་བཞུགས་སུ་གསོལ་བའི་མཐར། མདུན་ནས་གཡས་བསྐོར་དུ། ཁྲག་ཆེན་དང་། དུག་གི་མེ་ཏོག །རུས་ཆེན་གྱི་ཕྱེ་མ་རྣམས་སྦྱར་བའི་ཨརྒྷཾ་ཤར། དུག་ཁྲག་གིས་སྦགས་པའི་ཞབས་བསིལ་

― KMC025_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ལྷོ། དུག་དང་དབང་པོ་ལྔའི་མེ་ཏོག་ལྷོ། མན་ངག་གི་སྤོས་ཆེན་དང་སྦྱར་བའི་བདུག་སྤོས་ལྷོ་ནུབ། ཚིལ་ཆེན་ནམ། མར་ནག་གི་ཞུན་མེ་ནུབ། ཁྲག་ཞག །ཐལ་བ། བདུད་རྩི་ལྔ་རྣམས་བསྲེས་པའི་དྲི་ཆབ་ནུབ་བྱང་། ཤ་ཆེན་དང་། རུས་པའི་ཞལ་ཟས་བྱང་། རྐང་གླིང་དང་། ཐོད་པའི་རྔེའུ་ཆུང་བྱང་ཤར་རྣམས་སུའོ། །མདུན་ངོས་ཀྱི་གཡས་སུ། གསོལ་གཏོར། གཡོན་དུ་བསྐང་གཏོར། དབུས་སུ་རྒྱུན་གཏོར། གཡས་གཡོན་དུ་སྨན་རཀ །མདུན་དུ་གོང་བཤད་ཀྱི་རྫས་དང་ལྡན་པའི་ཉེར་སྤྱོད་ཕྲེང་ཚར། དེའི་མདུན་སོགས་གང་བདེར་གཏོར་འབུལ་གྱི་རིགས་རྣམས་དང་། སྟེགས་བུ་ཟུར་པར། ཞིང་ངམ། གཅན་གཟན་གྱི་པགས་པས་བཀབ་པའི་ཁར། ག་ཎ་ཙ་ཀྲ་དང་། མ་ད་ན། དཀྱིལ་འཁོར་གྱི་སྟེགས་བུའི་སྟེང་དེར། ཞིང་ལྤགས་བརྐྱང་བའི་ཁར་ཐུན་གཏོར་བསགས་པའི་སྣོད་ཆེ་བ། གཏོར་ཆུང་གཅིག་དང་བཅས་པ་བཀོད་པ་མཛེས་ཤིང་། བག་དྲོ་བར་བཤམ། གཏའ་གཏོར་བསྙེན་སྒྲུབ་ཀྱི་ཕྱིར་བཅས་པ་ཡིན་ན། དཀྱིལ་འཁོར་

― KMC025_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཉི་ལོགས་དང་། དགྲ་བགེགས་བསྒྲལ་བའི་ཆེད་དུ་ཡིན་ན། ལས་ཁྲུང་གི་འགྲམ་དུ་འཇོག་གོ །གསུམ་པ་ནི། སྐབས་ཐོབ་ཁྱད་པར་ཅན་གྱི་སེམས་བསྐྱེད་དང་། སྤྱོད་ལམ་ལྡན་པས། ཇི་སྐད་དུ་ཡང་། ཡན་ལག་བདུད་རྩི་ལྔས་བྱུག་ལ། །སྐྲ་བརྫེས་གྲི་གུག་ཐོད་པ་འཛིན། །ཁ་དོག་ནག་པོ་དུར་ཁྲོད་གོས། །རྣལ་འབྱོར་པ་ཡིས་བསྐོར་བར་བྱ། །ལྷོའི་ལྷོ་ནུབ་བསྒྲུབ་བྱའི་ཕྱོགས། །ཁ་བལྟས་ཞིང་གི་གདན་ལ་འདུག །ཅེས་པའང་། བདག་ཉིད་ལྷའི་ང་རྒྱལ་དང་ལྡན་པས། གང་བསྒྲུབ་པར་བྱ་བའི་ལས་དང་མཐུན་པའི་བསམ་སྦྱོར། གོས་རྒྱན། སྟན་སོགས་བྱ་བར་གསུངས་པས་དེ་ལྟ་བུའི་ཏིང་འཛིན་དང་ལྡན་པས། ཞིང་ཆེན་ནམ། དམིགས་བྱའི་ལུས་སུ་བསམ་པའི་གཙང་མའི་གདན་ལ་འཁོད་དེ། ཧཱུྃཿཨོ་རྒྱན་ཡུལ་གྱི་ནུབ་བྱང་མཚམས། །སོགས་ཚིག་བདུན་གསོལ་འདེབས་དབང་ལེན་བཅས་སྔོན་དུ་འགྲོ་བས། བརྒྱུད་པའི་གསོལ་འདེབས་བདེ་ཆེན་རྡོ་རྗེ་སོགས་བརྗོད་མཐར། རང་ཡི་དམ་དུ་བསྐྱེད་ནས། བདུད་རྩི་དང་། སྔོན་གཏོར་

― KMC025_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་གྱིས་བརླབ་ཅིང་། མགྲོན་འགུགས་པ་དང། གཏོར་མ་སྦྱིན་ནས། ཕྲིན་ལས་བཅོལ་ཞིང་། བཀའ་བསྒོ་བ་དང་། བགེགས་བསྐྲད་ཅིང་། སྲུང་འཁོར་མཚམས་གཅོད་བཅས་གསལ་བརྟན་དུ་བསྒོམ། ཏིང་འཛིན་བསྐུལ་བ། མཆོད་པ་བྱིན་བརླབས། སྐྱབས་སེམས། རྡོར་སེམས་བསྒོམ་བཟླས། ཚོགས་ཞིང་བསྐྱེད་ཅིང་། སྤྱན་འདྲེན། བཞུགས་གསོལ། ཕྱག་མཆོད། ཡན་ལག་བདུན་པ། མཎྜལ། ལུས་དབུལ་ཞིང་བཤགས་པ། དགེ་བསྔོ། བླ་མའི་རྣལ་འབྱོར་བཅས་ཚད་མེད་བཞི་བསྒོམ་པ། ཚོགས་ཞིང་བསྡུ་བ། སྟོང་པ་ཉིད་ལ་བློ་བཞག་ནས། སླར་བདག་ཉིད་རྡོ་རྗེ་བཙུན་མོའི་སྐུར་བསྒོམ། ཡེ་ཤེས་པ་སྤྱན་དྲངས་ཤིང་བྱིན་དབབས་ནས། སྤྲོ་བསྡུའི་བཟླས་རིམ་རྗེས། འོད་གསལ་དུ་བསྡུས་ནས། ཟུང་འཇུག་གི་སྐུར་ལྡང་བའི་བར་འདོན་བསྒོམ་བྱ། དེ་ནས་ཡེ་ཤེས་མགོན་པོ་ལེགས་ལྡན་བེར་ནག་ཅན་བདག་བསྒོམ་དུ་བྱས་ཏེ། གསང་བ་སྲོག་གི་འཁོར་ལོས་བསྲུང་བ་ནི། སྭ་བྷཱ་ཝས་སྦྱང་ནས། སྟོང་པའི་ལས་ཡི་གེ་བུཾ། སོགས་བརྗོད་པའི་

― KMC025_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས། རྣམ་པར་སྣང་མཛད་ཀྱི་ངོ་བོ་ཡེ་ཤེས་བུམ་ནག་པོ་འོད་དུ་ཞུ་བ་ལས་བྱུང་བའི་གནམ་ལྕགས་ལས་གྲུབ་པའི་འཁོར་ལོ་རྩིབས་བཅུ་པ། གུར་ཐབས་ཁ་སྦྱོར་དུ་ཡོད་པའི་ཕྱོགས་མཚམས་རྣམས་སུ་རྩིབས་བརྒྱད་དང་། སྟེང་འོག་གཉིས་ཏེ། བཅུ་པོ་མདུང་སོ་སྦུ་གུ་ཅན་དུ་འདུག་ཅིང་། རྣོ་དབལ་དང་ལྡན་པའི་ལྟེ་བ་རྡོ་རྗེའི་གུར། ཟླུམ་པོའི་ཚུལ་དུ་ཡོད་པའི་ནང་ཡངས་ཤིང་རྒྱ་ཆེ་བའི་ནང་དུ། རྡོ་རྗེའི་རང་བཞིན་གྱི་དྲག་པོའི་གཞལ་མེད་ཁང་གི་དབུས་སུ་པད་ཉི་དང་། རོའི་གདན་ལ། རང་གི་སེམས་ཉིད་ཀྱི་ངོ་བོ་ཧཱུྃ་མཐིང་ནག་ལས་འོད་འཕྲོས། དགྲ་བགེགས་སོགས་གདུག་པ་ཅན་ཚར་བཅད། དྲེག་བྱེད་རྣམས་ཀྱི་མཐུ་སྟོབས་བསྡུས་ནས། ཚུར་འདུས་ཤིང་ཡོངས་སུ་གྱུར་པ་ལས། བདག་ཉིད་ཡེ་ཤེས་མགོན་པོ་ལེགས་ལྡན་ཁྲོས་པའི་ཉམས་ཅན། སྐུ་མདོག་ནག་ལ་དམར་བའི་མདངས་ཆགས་པ། སྐུ་ལ་ནང་གོས་དཀར་པོ། དེའི་སྟེང་བེར་ནག་གསུམ་བརྩེགས་ཀྱི་ཕྱི་ནས་གསེར་སྐུ་བཅིངས་པ། དེའི་ཕྱིར་བེར་ནག་དྲུག་ལྷུབ་

― KMC025_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

གྱོན་བྱས་པ། དབུ་སྐྲ་ཁམས་ནག་གྱེན་དུ་བཅིངས་ཤིང་། ཐོད་སྐམ་རིན་པོ་ཆེའི་རྩེ་བྲན་ཅན་ལྔས་དབུ་ལ་བརྒྱན་པ། མགོ་རློན་གྱི་དོ་ཤལ་ཅན། ཕྱག་གཉིས་ཀྱིས་ཙནྡན་གྱི་བེང་ཆེན་འཛིན་པ། སྐུ་མེའི་འོབས་ཀྱིས་ཀུན་ནས་བསྐོར་བ། ཞབས་བརྐྱང་བསྐུམ་གྱི་གར་བྱེད་པས་སྲིད་གསུམ་གཡོ་བ། ཞལ་ནས་དྲག་པོའི་སྒྲ་སྐད་སྒྲོགས་པར་བསམ། ཕྱི་རོལ་རྩིབས་བཅུའི་ཐད་ཀྱི་བར་སྣང་ལ། ལས་མགོན་བེར་ནག་ཅན་བཅུ་ཞལ་ནང་དུ་གཟིགས་ཤིང་། ལྷ་དམག་དུ་མས་གང་བ། དེའི་ཕྱི་རོལ་དུ་ཡེ་ཤེས་མེའི་དྲྭ་གུར་དང་བཅས་པ་བསྐྱེད་པའི། ལེགས་ལྡན་གྱི་ཐུགས་ཀར་པད་ཉིར་གནས་པའི་ས་བོན་ལས་འོད་འཕྲོས། ཡེ་ཤེས་པ་སྤྱན་དྲངས་ཤིང་བསྟིམས། སླར་ཐུགས་སྲོག་གི་མཐར། རྩ་སྔགས་གསུམ་གྱིས་གཡས་སུ་བསྐོར་བ་ལས་འཕྲོས་པའི་འོད་ཟེར་གྱིས། ཡེ་ཤེས། ལས་དང་། འཇིག་རྟེན་མགོན་པོ་རྣམས་ཀྱི་བྱིན་རླབས་དང་། མཐུ་སྟོབས་བསྡུས་པར་དམིགས་ལ། སྔགས་གསུམ་སྦྲེལ་བཟླའོ། །བསྲུང་བ་ནི། རང་གི་ཐུགས་ཀར་ཆོས་འབྱུང་རྩེ་མོ་

― KMC025_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་བསྟན་གྱི་དབུས་སུ། རང་སེམས་ཕྱག་རྡོར་གྱི་སྐུར་གསལ་བའི་ཐུགས་ཀར་པད་ཉིའི་སྟེང་དུ་ཧཱུྃ་ལ་གསང་བདག་གི་སྔགས་དང་། དེའི་ཕྱིར་བསྲུང་སྔགས་ཀྱིས་བསྐོར་བར་དམིགས་ལ། བཛྲ་ཙཎྜ་བཟླ། དེ་ནས་གསང་བདག་གི་གཡས་གཡོན་མདུན་རྒྱབ་རྣམས་སུ་བསྲུང་བྱ་རྣམས་འཁོད་ཅིང་། སྟེང་ནས་བླ་མ་ཡི་དམ་གྱིས་བྱིན་གྱིས་རློབས་པར་བསམ། འཁོར་ལོའི་རྒྱབ་ཏུ་རྡོ་རྗེའི་གུར་ཁང་མེ་རེ་དང་བཅས་པ་བསྒོམས་པས། བར་ཆད་ལས་བསྲུང་བར་མོས་ལ། བསྲུང་སྔགས་བཟླའོ། །བཟློག་པ་ནི། རྩིབས་ཀྱི་སྲས་མཆོག་རྣམས་ཞལ་ཕྱིར་གཟིགས་ཤིང་། འཁོར་ལོ་ཡང་གཡོན་ཏུ་དྲག་པོར་འཁོར་བའི་རྩེ་ནས། ལས་བྱེད་ཀྱི་ཕོ་ཉ་དུ་མ་སྤྲོས་པས། བྱད་མ་རྣམས་བཀུག་ནས་རྩིབས་རྩེར་སྐྱོན་པས། ལུས་དུམ་བུར་གཏུབ་ཅིང་། ལྷ་ཚོགས་རྣམས་ཀྱི་སྐུ་ལས་སྤྲོས་པའི་མེ་ལྕེས་བསྲེགས། ཡང་རྩིབས་འོག་མའི་རྩེར་གནོད་བྱེད་སྤྱིའུ་ཚུགས་སུ་འཛེར་པའི་ལྕེ་ཡི་ནང་དང་། སྤྱི་བོ་དང་། རྐང་མཐིལ་གསུམ་དུ་རྡོ་རྗེ་རྒྱ་གྲམ་རྭ་དྲུག་པ་རེ་

― KMC025_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་གཡོན་ཏུ་དྲག་ཏུ་འཁོར་བས། དགྲ་བོའི་ངག་གི་ནུས་པ་མནན་ཅིང་། ཤ་ཁྲག་གཏུབ་པ། ལས་མཁན་རྣམས་ཀྱིས་རྗེས་མེད་དུ་བཞེས་པར་དམིགས་ལ། སྔགས་ཕྱེ་མ་གསུམ་སྦྲེལ་བཟླས་མཐར། ལེགས་ལྡན་གནས་འགྱུར་གྱི་དྲང་སྲོང་ལོཀྟྲི་པ་ལ་མཐིང་ནག །དྲག་ཏུ་ཁྲོས་པ། ཞལ་གཅིག་པ། ཕྱག་བཞིའི་དང་པོ་གཉིས་རལ་གྲི་དང་། ཐོ་བ་འཛིན་ཅིང་། འོག་མ་གཉིས་ཉི་ཟླའི་ཐལ་མོ་དྲག་ཏུ་བརྡབ་པའི་བར་དུ། བྱད་མ་རྣམས་རྡུལ་དུ་བརླག་པར་མོས་ལ། སྔགས་རྒོད་བཟླ་ཞིང་། དེ་ནས་སླར་ཡང་རང་ཉིད་ལེགས་ལྡན་དུ་གསལ་གདབ་ཅིང་། དེ་ཉིད་ལ་སེམས་བཟུང་ནས་དར་ཅིག་འཇོག །མཐར་ལེགས་ལྡན་གནས་འགྱུར་བའི་ཚུལ་དུ། བདག་བསྐྱེད་རྟེན་བརྟེན་པ་དང་བཅས་རྣམས་རྒྱ་མཚོ་ལ་གཟའ་སྐར་ཤར་བ་བཞིན་གསལ་བཏབ་ནས། མདུན་བསྐྱེད་ཀྱི་དཀྱིལ་འཁོར་གསལ་གདབ་པ་ནི། མདུན་རྟེན་ལ་བདུད་རྩི་འཐོར་ཞིང་། དཾ་ཥྚོཏྐ་སོགས་བརྗོད་ཅིང་། འདོན་བསྒོམ་སྦྲགས་ཏེ། མངོན་རྟོགས་མཚམ་མ་ལྟར་མཐར་ཆགས་སུ་

― KMC025_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་། བསྙེན་པ་ཉུང་ཙམ་མཐར། འགུགས་པ་ལན་གསུམ་གྱེར་ཞིང་། གང་ཞིག་བླ་མ་བསྐུལ་ནས་ཐུན་གཏོར་དཀྱིལ་འཁོར་དྲུང་དུ་ཡར་ཕུལ་བ། གོང་གི་སྣོད་དེར་བསགས། ཐུན་གཏོར་སྣོད་སྟོང་པར་མི་འཇོག་པར་འཕྲལ་དེར། ཐུན་གཏོར་གསར་པ་འཇོག་པ་ཕྱག་ལེན་ཏུ་མཛད་པ་ལྟར་བྱ་དགོས། མཐར་རྡོ་རྗེ་བཀའ་བཟློག་དང་། ཚེ་བདག་གི་བཟློག་པ་བཅས་བྱ། དངོས་གྲུབ་ལེན་ཆོག་ཚེ་ནའང་བྱ་ཞིང་། མ་བྱས་ཀྱང་རུང་མོད། དེང་སང་གི་ཕྱག་ལེན་ལ་ནུབ་རེ་བཞིན། དངོས་གྲུབ་ལེན་ཆོག་མཛད་སྲོལ་ཡོད་པས། དེ་ག་བྱེད་པ་ལེགས། དེ་ནས་རྗེས་ཆོག་བཀྲ་ཤིས་བཅས་མཐར་བྱུང་ཞིང་། ཆགས་མེད་ཞབས་ཀྱི་བཞེད་པ་ལྟར། བདག་བསྐྱེད་མི་བསྡུ་བར་འཇོག་ཅིང་། ཐུན་མཚམས་ཀྱི་བྱ་བ་ལ་འཇུག་ཚེ། བདག་བསྐྱེད་ཀྱི་ཐུགས་ཀ་ནས། སྤྲུལ་པའི་མགོན་པོ་གཅེར་བུ་སྟག་ཤམ་ཅན། རྒྱན་རྫོགས་ཕྱག་མཚན་དང་བཅས་པ་ཞིག་ཀྲོང་ངེར་མོས་ཏེ། བྱ་བ་གང་ཡིན་པ་རྣམས་ལ། ལྷའི་ང་རྒྱལ་དང་མ་བྲལ་བར་འཇུག །མདུན་བསྐྱེད་

― KMC025_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་ཆོག་སྐབས། ཡེ་ཤེས་པ་རྟེན་ལ་བསྟིམ། དམ་ཚིག་པ་སྲུང་འཁོར་གཞལ་ཡས་ཁང་ལ་བསྡུ་དེ་འཁོར་ལ། དེ་གཙོ་བོ་ལ། དེ་ཡང་ཐུགས་སྲོག་གི་བར་བསྡུས་ཏེ། མཐར་ཆོས་སྐྱོང་གི་སྲོག་གཏད་བཟུང་བའི་མན་ངག་བྱའོ། །ཉལ་བའི་རྣལ་འབྱོར་སྐབས་སུ། བདག་བསྐྱེད་ཀྱི་བསྐྱེད་རིམ་མི་བསྡུ་བར། ཐུགས་སྲོག་མར་མེ་ལྟར་འབར་བ་ལ་སེམས་འཛིན་པའམ། སྤྱན་དབུས་མ་གཡོན་ཏུ་འཁོར་བ་ལ་སེམས་འཛིན་པ། གང་རུང་གི་སྒོ་ནས་གཉིད་དུ་འགྲོ་བར་བྱ་ཞིང་། སྔ་མས་འོད་གསལ་ཟིན་པ་དང་། ཕྱི་མས་ཡེ་ཤེས་བསྐྱེད་པར་བྱེད་པའི་གནད་ཡོད། དེ་གཉིས་ཀ་མི་བདེ་ན་ཕྱིའི་སྲུང་འཁོར་མི་བསྡུ་ཞིང་། གཞན་རྟེན་བརྟེན་པར་བཅས་པ་རིམ་བཞིན་རྫོགས་རིམ་དུ་བསྡུས་ནས། ཧཱུྃ་ཡིག་ཙམ་ལ་སེམས་འཛིན་་པའམ། དམིགས་མེད་ཀྱི་ངང་དུ་མ་ཡེངས་པར་འཇོག་པ་གང་བདེ་བྱའོ། །ཕྱིར་ནང་སྔ་བར་ལྡང་བའི་རྣལ་འབྱོར་གྱི་ལངས་ཏེ། མཆོད་གཏོར་གསོ་སྦྲན་སོགས་གྲུབ་རྗེས། ཕྱག་ཆེན་སྔོན་འགྲོ་ལྟ་བུས་དབུ་བཟུང་བའམ། ཡང་ན། ཚིག་

― KMC025_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་དབང་ལེན་བཅས་ཀྱིས་རྗེས། སྐྱབས་སེམས་ཚད་མེད་བཞི་བཅས་སྔོན་དུ་འགྲོ་བས། བརྒྱུད་པའི་གསོལ་འདེབས་ནས་དབུ་བརྩམ་སྟེ། མངོན་རྟོགས་མཚལ་མ་ཉིད་མཐར་ཆགས་སུ་བཏང་ནས། སྤྱན་འདྲེན་སྐབས་དམིགས་པ་མ་གསལ་གྱི་བར་དུ་སྔགས་བཟླ། ཚོགས་གཏོར་ཡང་བྱ་ཞིང་། ལྷ་ཆེན་དཔལ་མཇུག་ཏུ་བསྟོད་པ་དང་། བདག་བསྒྲུབ་མ་བསྡུས་པས་བསྐུལ་བ་བཅས་གྲུབ་ནས། བསྙེན་བཟླས་ལ་འཇུག་པར་བྱའོ། །དེ་དག་གི་སྐབས་སུ་བསྒོམ་དོན་དམིགས་པའི་རིམ་པ་ཇི་ལྟར་བྱ་བ་ནི། ཨོཾ་དཾ་ཥྚོཏྐ་སོགས་ཀྱི་སྐབས། ཆོས་ཐམས་ཅད་རང་བཞིན་གྱི་སྟོང་པ་ཉིད་དུ་དག་པའི་ངང་ལས། སྙིང་རྗེ་ཆེན་པོའི་གདངས་འགག་པ་མེད་པའི་ཀློང་ནས། བདག་བསྐྱེད་ཀྱི་དཀྱིལ་འཁོར་རྟེན་བརྟེན་པ་དང་བཅས་པ། མཁའ་ལས་འཇའ་ཚོན་ཤར་བ་བཞིན་སྐད་ཅིག་གིས་གསལ་གདབ་པའི། ཡང་ན། ནུབ་སྔ་མར་བདག་བསྐྱེད་མ་བསྡུས་པའི་ལུགས་ལྟར་ན། བསྐྱེད་རིམ་གྱི་སྐབས་འདིར་མདུན་བསྐྱེད་སྟོང་པར་སྦྱངས་ཤིང་།

― KMC025_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བསྐྱེད་སྟོང་པར་མི་སྦྱང་ངོ་། །གང་ལྟར་ཡང་། བདག་བསྐྱེད་ཀྱི་གཙོ་བོ་ཡབ་ལ། ཡུམ་གྱིས་ཚུར་འཁྱུད་ཅིང་། དྲེལ་རྟའི་སྟེང་དུ་ཡབ་ཀྱི་ཞབས་གཡས་ཅུང་ཟད་བརྐྱང་ཞིང་གཡོན་བསྐུམ་པའི་སྟབས་ཀྱིས་བཞུགས་པ། གཞན་འཁོར། རྒྱན་ཆ་ལུགས་སོགས་མངོན་རྟོགས་ལྟར་གསལ་བའི་ཐུགས་ཀ་ནས། མདུན་རྟེན་གྱི་སྒོམ་པའི་ནམ་མཁའ་ལ། རྒྱུ་ཡི་ཡི་གེ་མ་སྔོ་སྐྱ་དང་། ཧཱུྃ་མཐིང་ནག་འོད་ཟེར་འབར་བ་གཉིས་སྐར་ཆེན་ཤར་བ་བཞིན་ལྷག་གིས་སྤྲོས་པ་དེ་ཉིད་ལས་སྤྲོས་ཁཾ་ཡིག་མཐིང་ག་ཞིག་ཆད་པ། དེ་ཡོངས་སུ་གྱུར་པ་ལས། རྡོ་རྗེའི་བྲག་སྟེང་། མཐིང་ནག་གྲུ་གསུམ་པ། ཡངས་ཤིང་རྒྱ་ཆེ་བ། དེའི་སྟེང་དུ་མཚོན་ཆའི་དྲ་གུར་མེ་རླུང་འཚུབས་མའི་གུར་ཁང་དང་བཅས་པའི་དབུས། སྣ་ཚོགས་པདྨའི་ལྟེ་བར་དུར་ཁྲོད་ཀྱི་ལྟེ་བར། དུར་ཁྲོད་ཀྱིས་ཡོངས་སུ་བསྐོར་བའི་དབུས་སུ་རྒྱུ་ཡི་ཡི་གེ་དེ་ལས་ཧཱུྃ་སྨུག་ནག་འོད་ཟེར་ལྔ་ལྡན་ཞིག་སྤྲོས་པ་ལས། གཞལ་ཡས་ཁང་གྲུབ་པའི་དབུས་སུ། སླར་བྷྲཱུྃ་གཅིག་སྤྲོས་པ་ལས་འཁོར་ལོ་

― KMC025_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་བཞི་རིམ། དེའི་ལྟེ་བར་པྃ་སྤྲོས་པ་ལས། ཡང་སྣ་ཚོགས་པདྨ་དང་མ་སྤྲོས་པ་ལས་ཉི་མ་གདན། དགྲ་བགེགས་བསྣོལ་བའི་སྟེང་དུ་ཏེ་ནག་པོ་སྤྲོས་པ། དེ་ཡོངས་སུ་གྱུར་པ་ལས། དྲེལ་རྟ་སྒ་ཆས་རྫོགས་པའི་སྟེང་དུ། ནམ་མཁའི་ཡི་གེ་གཉིས་བབས་པ་ལས་འོད་འཕྲོས། རྒྱལ་བ་རྣམས་ལ་མཆོད་ཅིང་བྱིན་རླབས་བསྡུས། དགྲ་བགེགས་ཚར་བཅད། ཆོས་སྐྱོང་དྲེགས་བྱེད་རྣམས་ཀྱི་ནུས་མཐུ་བསྡུས་ཤིང་ཐིམ་ལས་ཡིག་དེ་གཉིས་ཞུ་བ་ལས། དཔལ་ནག་པོ་ཆེན་པོས་ཡུམ་དཔལ་ལྡན་ལྷ་མོ་ལ་འཁྱུད་པ་རྒྱན་དང་ཆ་ལུགས་ཡོངས་སུ་རྫོགས་ཤིང་ཡེ་ཤེས་ཀྱི་མེ་འབར་བའི་དབུས་སུ་གསལ་བ། འཁོར་ནག་པོ་ཡབ་ཡུམ། ཕྱོགས་བཅུའི་མགོན་པོའི་དྲེགས་པའི་གཙོ་བོ་རྣམས་སྤྱང་ཞོན་ཕུར་བུ་ཟངས་རལ་མཚོན་འཁོར་མ་རྣམས་དང་། སྲིང་བཞི། འབར་མ་བརྒྱད། དུས་བཞིའི་ལྷ་མོ། དབང་ཕྱུག་ཉེར་བརྒྱད། དམག་རྒྱལ་མ་བཞི། དྲེགས་པ་གསུམ་དང་གབ་པའི་ལྷ་བཞི་སོགས་དམ་ཅན་རྒྱ་མཚོས་བསྐོར་བ་ཉི་མ་དང་འོད་བཞིན་འདུ་

― KMC025_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲལ་མེད་པར་བཞུགས་པར་མོས་ཤིང་། དེའང་ཡེ་ཤེས་ལས་དང་འཇིག་རྟེན་གྱི་མགོན་པོའི་དབྱེ་བ་འདི་ལྟར་ངེས་པར་བྱ་སྟེ་བདག་མདུན་གཉིས་ཀ་ཡེ་ཤེས་ཀྱི་མ་མགོན་ཞལ་སྦྱོར་དུ་བསྒོམ་པའི་བདག་བསྐྱེད་ཡབ་ཡུམ་གྱིས་འཁྱུད་པ་ནི་ཐབས་ལ་ཤེས་རབ་ཀྱི་རྒྱས་བཏབ་པ་སྟེ་སྤྱིར་བཏང་བ་ཡིན་ལ། མདུན་བསྐྱེད་བླ་མ་མགོན་པོ་ཡི་དམ་ཆོས་སྐྱོང་དབྱེར་མེད་ཡུམ་ལ་ཡབ་ཀྱིས་འཁྱུད་པ་ནི་ལྡོག་པའི་བསྒོམ་པ་ཤེས་རབ་ལ་ཐབས་ཀྱི་རྒྱས་བཏབ་པའི། འབྲས་བུ་ལ་རྒྱུ་ཡི་རྒྱས་གདབ་པ་ཞེས་བྱ་བ་རྣལ་འབྱོར་མ་རྒྱུད་དང་གཉིས་མེད་དུས་ཀྱི་འཁོར་ལོའི་དགོངས་པ། མཆོག་བསྒྲུབ་པའི་མན་ངག་ཤིན་ཏུ་སྦས་པར་བཞུགས་པ། ཞལ་གཟིགས་ལ་རྟེན་ནས་ཌོམྦྷི་ཧེ་རུ་ཀས་མཛད་པའི་གདམས་ཟབ་མཆོག་ཏུ་གསང་བ། ཏཻ་ལོ་ནཱ་རོ་ནས་བརྒྱུད་པ་སྙན་བརྒྱུད་མགོན་པོའི་ལུགས་ཁྱད་པར་དུ་འཕགས་པའོ། །དེ་ལྟར་ན་འཇིག་རྟེན་མགོན་པོའི་སྐབས་སོགས་སུ་མ་རྒྱུད་དང་གཉིས་མེད་རྒྱུད་ཀྱི་དགོངས་པ་དང་སྦྱོར་བ་མི་འཐད་སྙམ་ན། སྤྱིར་འདི་སྐབས་

― KMC025_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འཇིག་རྟེན་མགོན་པོ་ནི་དྲེགས་པ་རང་རྒྱུད་པ་མ་ལགས་ཤིང་སྤྲུལ་པའི་མགོན་པོ་ཡིན་པའི་ཕྱིར་དོན་ལ་ཡེ་ཤེས་པ་ཉིད་དུ་གནས་པས་མི་འགལ་ཞིང་། གཞན་ཡང་མ་མོའི་རྒྱུད་ནས་ལྷ་མོ་ལ་ཁྱོ་དགུ་ཡོད་པ་རྣམས་མཚན་མོ་ཁྱོ་དང་། ཉིན་མོ་བྲན་གྱི་ཚུལ་བྱེད་པར་གསུངས་པ་ནས་ཡཀྵ་ཀཱ་ལ་ཞེས་པ་དེ་མགོན་པོ་ཉིད་ཡིན་པའི་ཕྱིར། དེ་ཡི་དབང་དུ་བྱས་ནས་ཡུམ་ལ་ཡབ་ཀྱི་འཁྱུད་པ་འཇིག་རྟེན་མགོན་པོར་འཇོག་པོའི་རྒྱུ་མཚན་དེ་ཡིན་ནོ། །བདག་མདུན་གཉིས་ཀའི་འཁོར་ནག་པོ་ཡབ་ཡུམ་ཀྱང་སྤྲུལ་པའི་ལས་ཀྱི་མགོན་པོ་དང་མ་མོ་ཕྱོགས་བཅུ་མགོན་པོ་སོགས་ཀྱང་སྤྲུལ་པའི་འཇིག་རྟེན་མགོན་པོ་དང་མ་མོ་དྲེགས་པའི་ཆ་ལུགས་སྟོན་པར་ལྟ་བ་ནི་ཡེ་ཤེས་ཀྱི་མགོན་པོ་ལྟར་བསྒྲུབ་པ་དང་། བདག་བསྐྱེད་ཡེ་ཤེས་མགོན་པོའི་མདུན་དུ། མདུན་བསྐྱེད་ཀྱི་ངོ་བོ་ཡེ་ཤེས་པ་ལ་རྣམ་པ་སྤྲུལ་པའི་ལས་མགོན་ཆོས་སྐྱོང་གི་ཚུལ་དུ་ལས་མགོན་ཞལ་སྦྱོར་བསྐྱེད་ཅིང་འཁོར་ནག་པོ་ཡབ་ཡུམ་རྣམས་ཀྱང་སྤྲུལ་པའི་ལས་མགོན་དང་། ཕྱོགས་བཅུ་

― KMC025_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ་སོགས་སྤྲུལ་པའི་འཇིག་རྟེན་པའི་དྲེགས་པར་བསྐྱེད་པ་ནི་ལས་མགོན་ལྟར་བསྒྲུབ་པའི་ལུགས་དང་། ཡང་བདག་བསྐྱེད་བདེ་ཕག་གསང་བདག་ཡེ་ཤེས་ལེགས་ལྡན་རྣམས་གང་མོས་དུ་བསྐྱེད་ནས། མདུན་བསྐྱེད་གཙོ་བོ་སྤྲུལ་པའི་འཇིག་རྟེན་མགོན་པོ་ལ་འཁོར་ནག་པོ་ཡབ་ཡུམ་རྣམས་འཇིག་རྟེན་རང་རྒྱུད་པའི་མགོན་པོ་དང་འཁོར་གཞན་རྣམས་འཇིག་རྟེན་གྱི་དྲེགས་པ་རང་རྒྱུད་པར་བསྐྱེད་པ་ནི་འཇིག་རྟེན་མགོན་པོ་ལྟར་བསྒྲུབ་པའི་ལུགས་ཡིན་པ་རྣམས་ཁོང་དུ་ཆུད་པར་བྱས་ཏེ། བསྒྲུབ་ལུགས་གསུམ་ལ་བརྟེན་པའི་མཆོག་མཐུན་མངོན་སྤྱོད་སོགས་གཙོ་བོར་བཏོན་པའི་ལས་སྦྱོར་གྱི་འཁྲུལ་འཁོར་རྣམས་སོ་སོར་སྐབས་ཐོབ་ཀྱིས་སྦྱོར་ཤེས་པ་ཤིན་ཏུ་གལ་ཆེ་ཡི། ཕལ་པོ་ཆེས་ཡེ་ཤེས་ལས་དང་འཇིག་རྟེན་པའི་རྣམ་དབྱེ་མི་ཕྱེད་པར། དམིགས་གནད་ཀྱི་འཁྲུལ་འཁོར་བསྐོར་ལོ་དང་། ལས་སྦྱོར་བརྩལ་ལོ་བགྱིད་པ་ནི་དོན་དུ་མི་འགྱུར་བར་མངོན་ནོ། །དེ་ལྟར་བསྐྱེད་པའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་དཀར་པོ་མགྲིན་པར་

― KMC025_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱཿདམར་པོ་ཐུགས་ཀར་ཧཱུྃ་ཡིག་སྔོན་པོ་རྣམས་འོད་ཟེར་དང་བཅས་པ་དང་། ཁྱད་པར་བདག་མདུན་གཙོ་བོ་ཡབ་ཀྱི་ཐུགས་ཀར་ཟླ་བའི་གདན་ལ་ཧཱུྃ་ཡིག་ནག་པོ་དམར་མདངས་ཆགས་པ་དང་། ལྷ་མོའི་ཐུགས་ཀར་ཉི་མའི་གདན་ལ་བྷྱོཿམཐིང་ཁ་གཉིས་ཀ་མར་མེ་ལྟར་འབར་ཞིང་། ཉི་མ་དང་མཚུངས་པའི་འོད་ཟེར་འཕྲོ་བ། དེ་རྣམས་ལས་འོད་ཟེར་གྱི་ཚོགས་ཡིག་འབྲུ་སོ་སོའི་མདོག་མཚུངས་ཀྱི་སྤྲིན་ཆོས་དབྱིངས་ཀུན་ཏུ་ཁྱབ་པར་འགེངས་པའི་ཚོགས་སྤྲོས་པས། འོག་མིན་གྱི་ཞིང་རི་རབ་ཀྱི་རྩེ་ལྷོ་ཕྱོགས་རྩུབ་འགྱུར་ཅན་དང། བསིལ་བའི་ཚལ། བྱང་ཤར་ཐོད་མཁར་འཕྲུལ་གྱི་གཞལ་མེད་ཁང་དང་། ཤིང་ཡོངས་འདུའི་ལྗོན་པ། མུ་ལེ་མཐིང་གི་མཚོ་སོགས་རང་བཞིན་དག་པའི་ཞིང་དང་གནས་རྣམས་ནས། དཔལ་ཡེ་ཤེས་ཀྱི་མགོན་པོ་ལྕམ་དྲལ་རྟེན་བརྟེན་པར་བཅས་པའི་དཀྱིལ་འཁོར་གྱི་འཁོར་ལོ་ལ་ཕྱོགས་དུས་ཀྱི་རྒྱལ་བ་དང་རྒྱལ་བའི་མྱུ་གུ་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་དང་བཅས་པའི་རྩ་བ་གསུམ་གྱི་ལྷ་ཚོགས་མ་

― KMC025_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཤིང་ལུས་པ་མེད་པ་ཐམས་ཅད་ཀྱང་ནག་པོ་ཆེན་པོའི་དཀྱིལ་འཁོར་པའི་རང་བཞིན་དུ་གྱུར་སྟེ། སྐད་ཅིག་གློག་འགྱུའི་ཤུག་གིས་རྫུ་འཕྲུལ་གྱི་ཆོ་འཕྲུལ་བསམ་གྱིས་མི་ཁྱབ་པའི་བཀོད་པ་བསམ་གྱི་མི་ཁྱབ་པའི་བཀོད་པ་ཆེན་པོས་མདུན་གྱི་ནམ་མཁར་བྱོན་པར་མོས་པས་སྤྱན་འདྲེན་གྱི་ཚིག་གྱེར་ཞིང་། སྔགས་ཟླ་བའི་ཚེ་ཡང་ཡེ་ཤེས་སེམས་དཔའི་ཚོགས་ཀྱི་དཀྱིལ་འཁོར་ཆར་རྒྱུན་བཞིན་དཔག་ཏུ་མེད་པ་སྤྱན་དྲངས་ཏེ། མདུན་མཁར་བཞུགས་པའི་ཡེ་ཤེས་ཀྱི་འཁོར་ལོར་སིབ་སིབ་ཐིམ་པར་དམིགས། དེ་ལྟར་སྤྱན་དྲངས་པའི་ཡེ་ཤེས་ཀྱི་དཀྱིལ་འཁོར་གྱི་འཁོར་ལོ་བསམ་གྱིས་མི་ཁྱབ་པ་མདུན་མཁར་བཞུགས་པ་རྣམས་ལ། བདག་གི་ཐུགས་ཀ་ནས་སྤྲུལ་པའི་མཆོད་པའི་ལྷ་མོ་ཁྲོ་མོའི་ཚོགས་མང་པོས་མཆོད་རྫས་ཐོག་ནས་མཆོད་པར་དམིགས་མཐར་མཆོད་ལྷ་རང་ལ་བསྡུས་ནས་ཛཿཧཱུྃ་བྃ་ཧོཿཞེས་བརྗོད་པས་དཀྱིལ་འཁོར་བ་དེ་རྣམས་བདག་མདུན་སོ་སོ་ལ་གཉིས་སུ་མེད་པར་ཐིམ་ཤིང་བརྟན་པར་བྱས་པ་དམིགས་ལ་བཞུགས་གསོལ་

― KMC025_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས། མཛེས་ཤིང་བརྗིད་པའི་གདན་ཆེན་པོ་ལ་འོས་པའི་ཙནྡན་གྱི་ཁྲི་གདོང་ལྔས་བཏེགས་པ་ལ། གསེར་གྱི་རྒྱན་དང་རིན་པོ་ཆེའི་ཕྲ་བཏབ་པ་དང་། དྲག་པོའི་པདྨ་སྔོན་པོ་འདབ་མ་འབུམ་ལྡན་གེ་སར་དང་བཅས་པ། ཟླ་བ་དང་ཉི་མ་བརྩེགས་པའི་གདན་ལ། དམིགས་བྱའི་བྱད་མ་དང་ལྷ་མ་ཡིན་གྱི་དབང་པོ་སོགས་བསྒྱེལ་བའི་གདན་བརྩེགས། གཙོ་འཁོར་སོ་སོ་ལ་འོས་པའི་གདན་ཕུལ་བ་ལ་དགྱེས་ཤིང་བཞུགས་པར་མོས། དམ་བཞག་སྐབས་རང་གི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས། མདུན་བསྐྱེད་ཀྱི་ཐུགས་ཀར་ཕོག་པས་སྔོན་གྱི་དམ་བཅའི་ཐ་ཚིག་དྲན་སྟེ། ཅི་བཅོལ་བའི་ལས་བྱེད་པར་ཞལ་གྱིས་བཞེས་པར་བསམ་ལ་དམ་ཚིག་ཕྱག་རྒྱ་སྟོན་ཞིང་དམ་ལས་མི་འདའ་བའི་སྔགས་བདུན་ནམ་ཉེར་གཅིག་བརྗོད་ཅིང་། ལས་མགོན་ལྟར་བསྒྲུབ་པའི་སྐབས་སུ་གལ་ཆེན་ཕྱི་ནང་གསང་བའི་བཅུན་དམིགས་རྣམས་ཀྱང་བྱ་ཞིང་སྔགས་བརྒྱ་སྟོང་སོགས་བཟླའོ། །དབང་བསྐུར་རྒྱས་གདབ་ནི། བདག་གི་ཐུགས་སྲོག་ལས་

― KMC025_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་ལྕགས་ཀྱུ་ལྟ་བུ་འཕྲོས་པས་ནམ་མཁའ་གང་བའི། དབང་གི་ལྷ་རྒྱལ་བ་རིགས་ལྔ་སྲས་དང་ལྷ་མོ། ཁྲོ་བོ་ཁྲོ་མོའི་ཚོགས་མཆོད་པའི་ལྷ་མོ་དང་བཅས་སྤྱན་དྲངས་ཏེ། མདུན་མཁར་བཞུགས་པ་ལ་མཆོད་ཡོན་དང་། ཞབས་བསིལ་ཕུལ་ནས། བདག་མདུན་ལ་དབང་བསྐུར་བས་གསོལ་བ་བཏབ་པས་རྡོ་རྗེའི་ཁྲོ་བོ་རྣམས་ཀྱིས་བགེགས་བསྐྲད། མཆོད་པའི་ལྷ་མོ་རྣམས་ཀྱིས་མཆོད་ཅིང་བཀྲ་ཤིས་བརྗོད། དེ་བཞིན་གཤེགས་པ་རྣམས་ཀྱིས་བྱིན་གྱིས་བརློབ་ཅིང་། ཡུམ་རྣམས་ཀྱིས་རིན་པོ་ཆེའི་བུམ་པ་བདུད་རྩིས་གང་བས་དབང་བསྐུར་བས། བདུད་རྩིའི་རྒྱུན་གྱིས་སྐུ་གང་དྲི་མ་དག །ཆུ་ལྷག་སྤྱི་བོར་འཁྱིལ་བ་ལས་མདུན་བསྐྱེད་ཀྱི་སྤྱི་བོའི་རིགས་བདག་མི་བསྐྱོད་པ་དང་། བདག་བསྐྱེད་ཀྱི་སྤྱི་བོར་གྲུབ་ཆེན་ཆོས་ཀྱི་བླ་མ་བཞུགས་པར་བསྒོམ་པ་ནི་མན་ངག་གོ །མཐར་དབང་ལྷ་རྣམས་ཀྱང་བདག་ཉིད་ལ་ཐིམ་པས་དབྱེར་མེད་དུ་གྱུར་པར་དམིགས། ཕྱག་འཚལ་སྐབས་རང་གི་ཐུགས་ཀ་ནས་ཧཱུྃ་ཡིག་དཔག་ཏུ་མེད་པར་འཕྲོས་ནས་འོད་

― KMC025_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གདུག་པ་ཅན་དང་དྲེགས་བྱེད་ཆེན་པོ་རྣམས་ཚར་བཅད། དེ་རྣམས་ཀྱི་གཟི་བརྗིད་དང་ནུས་པ་བསྡུས་ཤིང་ཡི་གེ་དེ་རྣམས་ལ་ཐིམ་ཏེ་ཚུར་འདུས་ཁྲོ་བོ་དང་ཁྲོ་མོ་དུ་མར་གྱུར་ནས་བདག་མདུན་གཉིས་ཀར་ཕྱག་བྱ་བར་དམིགས་མཐར་རང་ལ་བསྡུའོ། །མཆོད་པ་བྱིན་རླབས་སྐབས། ཨ་ཡིག་དུ་མ་ལས་གྲུབ་པའི་ཐོད་པའི་སྣོད་སྟོང་གསུམ་དང་མཉམ་པ་གྲངས་མེད་པའི་ནང་དུ། ཧཱུྃ་ཡིག་ནག་པོ་འོད་ཟེར་འབར་བ་འབར་བའི་ཚོགས་དཔག་མེད་པ་འོད་དུ་ཞུ་བ་ལས་གྲུབ་པའི་དྲག་པོའི་མཆོད་རྫས་དང་། བདག་གི་ཐུགས་ཀ་ནས་ལས་ཀྱི་ཁྲོ་བོ་དང་ཁྲོ་མོ་དྲག་ཤུལ་དང་ལྡན་པའི་ཚོགས་ཉི་རྡུལ་ལྟར་འཇིག་རྟེན་གང་བར་འཕྲོས་པ་རྣམས་ཀྱི་བསྟན་པའི་སྤྱི་དགྲ་སོགས་དམིགས་བྱ་རྣམས་བཀུག་སྟེ་རྡོ་རྗེའི་མཚོན་གྱིས་བསྒྲལ་བའི་ཁྲག་གི་རྒྱུན་ཚ་ཚ་ལྟར་འཁྱིལ་པ་ལ་དུག་གི་མེ་ཏོག་གིས་ཤིང་གི་མི་རུས་ཀྱི་ཕྱེ་མ་བཏབས་པའི་མཆོད་ཡོན་དང་། རྣོ་ཞིང་འབིག་པར་བྱེད་པའི་ཚེར་མ་ཆུས་མོ་དང་ལྡན་པའི་ཡུ་བ་དང་། མི་སྡུག་པའི་དྲི་བསུང་

― KMC025_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡང་ཞིང་འཆི་བའི་སྐབས་སྦྱིན་པའི་རིགས་བྱ་ཅན་གྱི་ཧ་ལའི་མེ་ཏོག་ནག་པོ་དང་མི་ཡི་དབང་པོ་རྣམ་པ་ལྔ་ཨ་ཀ་རུ་ནག་པོ་དང་སི་ལ་ཧ་མི་ཡི་ཚིལ་སོགས་སྦྱར་བའི་བདུག་པ་དྲི་ང་བདན་བུན་ལྟར་གཏིབས་པ། ཀོ་རོ་ཙ་ན་དང་ཚིལ་ཆེན་དམར་ནག་དང་སྦྱར་བའི་སྒྲོན་མེ་དུས་ཀྱི་ཞུགས་ལྕེ་ལྟར་འབར་བ། ཐལ་ཆེན་ཁྲག་ཞག་བདུད་རྩི་ལྔ་རྣམས་ཀྱི་དྲི་ཆབ། ཤ་ཆེན་རུས་པ་ནང་ཁྲོལ་དོན་སྙིང་བཅས་པའི་ལྷ་བཤོས། ཐོད་རྔ་དང་རྐང་གི་གླིང་བུ་སོགས་དྲག་པོའི་སྒྲ་དབྱངས་འབྲུག་ལྟར་ལྡིར་བའི་རོལ་མོའི་སྒྲ་རྣམས། བདག་པོས་བཟུང་བ་དང་མ་བཟུང་བའི་མཆོད་སྤྲིན་རབ་འབྱམས་སུ་དམིགས་ཏེ། དེ་རྣམས་རང་གི་ཐུགས་ཀ་ནས་སྤྲོས་པའི་རྡོ་རྗེའི་རིག་མ་ཁྲོ་མོའི་ཆ་ལུགས་རྫོགས་ཤིང་འཇོ་སྒེག་བདེ་བའི་ལང་ཚོ་ཅན་ཁ་དོག་སྣ་ཚོགས་པས་མཆོད་རྫས་རྣམས་འཛིན་པ་དེ་རེ་རེ་ལས་ཀྱང་རང་འདྲའི་ལྷ་མོ་བྱེ་བ་དུང་ཕྱུར་སྤྲོ་བ་དང་། གོང་གི་ལས་བྱེད་ཀྱི་ཁྲོ་བོ་ཁྲོ་མོ་རྣམས་ཀྱིས་ཉམས་པ་བསྒྲལ་ལས་བྱུང་བའི་མཆོད་རྫས་རྣམས་སྟོབ་པ། དེ་ལྟ་བུའི་

― KMC025_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་གཞལ་དུ་མེད་པས་མཆོད་ཅིང་། མཎྜལ་རི་གླིང་འཁོར་ཡུག་དང་བཅས་པའི་བཀོད་པ་རྫོགས་པའི་ཚོགས། འབོད་རྟེན་སྒྲུབ་དང་མཆོད་ཅིང་བསྐང་བའི་རྫས་སུ་དུ་མས་ཕྱུར་བུར་བཀངས་པ་བགྲངས་དུ་མེད་པ་ཕུལ་བས་བདག་མདུན་གྱི་དཀྱིལ་འཁོར་པ་རྣམས་ཚིམས་ཤིང་དགྱེས་པའི་གཟི་བྱིན་འབར་བས་བསམ་ཞིང་མཐར་མཆོད་ལྷ་དང་ལས་བྱེད་པ་རྣམས་རང་ལ་བསྡུ་བ་ནི་ཚང་མར་འགྲེའོ། །ཚོགས་ཀྱི་སྐབས་སུ་བྱིན་གྱིས་བརླབས་པ་ནི་ཚོགས་རྫས་རྣམས་མི་དམིགས་པ་ལས། རང་གི་ཐུགས་ཀ་ནས་རིམ་བཞིན་ཡི་གེ་ཡྃ་སྤྲོས་པ་དེ་ཞུ་བ་ལས་རླུང་དཀྱིལ་གཞུ་དབྱིབས་རྒྱ་གྲམ་གྱི་དབུས་ཀྱི་ཆང་ཟུང་ལ་ཡྃ་དང་མཆོག་མ་གཉིས་དེ་གཞུ་དབྱིབས་སོ་སོའི་མཆོག་མ་གཉིས་པོ་ལ་བ་དན་རྩེ་གསུམ་པ་རེ་རེས་མཚན་པ་སོགས་འདོན་ཆ་ལྟར་གསལ་བའི་རླངས་པ་ལས་གྲུབ་པའི་འབྲུ་གསུམ་དཀར་དམར་མཐིང་ཁ་བརྩེགས་མར་གནས་པ་ལས་འོད་ཟེར་སྤྲོ་བསྡུ་སོགས་བྱས་མཐར་ཡི་གེ་གསུམ་པོ་ཡང་ཞུ་ནས་ཡེ་ཤེས་ཀྱི་བདུད་རྩིར་

― KMC025_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱིལ་པ་དེ་ཉིད་བླ་མ་ཡི་དམ་ཡེ་ཤེས་ལས་དང་འཇིག་རྟེན་གྱི་མགོན་པོ། འཁོར་དམ་ཅན་རྒྱ་མཚོ་ཞིང་སྐྱོང་དང་བཅས་པ་རྣམས་ལ་གོང་བཞིན་མཆོད་པའི་ལྷ་མོ་སྤྲོས་པ་རྣམས་ཀྱིས། རིན་པོ་ཆེ་དང་བྷནྡྷའི་སྣོད་དུ་བཅུས་ཏེ་དྲངས་པ་གསོལ་བས་སྐུ་གསུང་ཐུགས་མཉེས་ནས་འདོད་པའི་དངོས་གྲུབ་སྩོལ་ཞིང་ཕྲིན་ལས་སྒྲུབ་པར་མོས། གསང་སྔགས་ནང་གཏོར་བྱིན་རླབས་གོང་བཞིན་མཐར། ཕེཾ་གྱི་སྒྲས་གཏོར་མགྲོན་བླ་མ་ཡི་དམ་སྤྱན་དྲངས་མདུན་མཁར་བཞུགས་པའི་བླ་མ་རྣམས་ཀྱི་ལྗགས་འོད་ཀྱི་སྦུ་གུས་བདུད་རྩི་དྲངས་ཤིང་གསོལ་བས་དགྱེས་པར་མོས་ཤིང་མཆོག་གི་དངོས་གྲུབ་སྩོལ་བ་སོགས་འདོད་དོན་གསོལ་བ་བཏབ། སླར་ཡང་གནས་ཡུལ་གྱི་དཔའ་བོ་མཁའ་འགྲོ་རྣམས་སྤྱན་དྲངས། དེ་རྣམས་ལའང་བདུད་རྩིའི་གཏོར་མ་ཕུལ་བས་དགྱེས་ཤིང་གསོལ་བར་དམིགས་ནས་ཕྲིན་ལས་བཅོལ། གཏོར་མགྲོན་གྱི་བླ་མ་དང་ཡི་དམ་རང་ལ་བསྟིམ། མཁའ་འགྲོ་དཔའ་བོ་རྣམས་རང་གནས་སུ་གཤེགས་པར་བསམ་མོ། །དེ་ནས་མ་མགོན་

― KMC025_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གཏོར་འབུལ་གྱི་བྱིན་རླབས་བརྗོད་ཚིག་དང་མཐུན་པར་ཐོད་པའི་ནང་དུ་ཟླ་གདན་ཁར་ཤ་ལྔ་བདུད་རྩི་ལྔ་གསལ་བ་ཉིད་དཀྱིལ་ཀྱིས་ཁ་བཀབ་པའི་ལྟེང་རྡོ་རྗེས་མཚན་པའི་གྲི་གུག་ཟླ་བ་ཕྱེད་པ་ལྟ་བུའི་སོ་གྱེན་དུ་ལྟ་བའི་རྡོ་རྗེའི་ལྟེ་བར་ཉི་གདན་ལ་གནས་པའི་ཧཱུྃ་གིས་མཚན་པ་ལས་འོད་ཟེར་རླུང་གི་རང་བཞིན་ཅན་འཕྲོས་པས་འོག་གི་རླུང་དཀྱིལ་བསྐུལ་བ་སོགས་ཚིག་གསལ་བཞིན་མཐར། གྲི་གུག་ཉི་ཟླ་དང་བཅས་པ་ཡང་ཞུ་ཞིང་བདུད་རྩིར་འདྲེས་པ་ལས་མཆོད་པའི་ཡོ་བྱད་མཐུན་རྫས་འབྲས་ཆན་སྒོག་གཙོང་ལ་ཕུག་ཉ་ཤ་དུག་དང་ཚ་བ་གསུམ་སོགས་སྦྱར་བའི་ལ་དུ་དང་། འབྲུ་སྣ་སྨན་དང་ཤ་སྣ་སྙིང་སྣ་གློ་མཆིན་ནང་ཁྲོལ་སྣ་ཚོགས། རྒུན་འབྲུ་ཤིང་ཐོག་ཁུར་བ་སོགས་ཀྱི་ལོངས་སྤྱོད་མཐའ་ཡས་པ་དང་། ཛ་གད་ཀྱི་རྒྱ་མཚོ་དང་། རཀྟའི་རྒྱུན་ཞིང་ཆེན་གྱི་ལྷུ་དུམ་འཕྱོ་ཞིང་རྦ་རླབས་མཁའ་ལ་སྙེགས་པ། ཚེ་གལ་གྱི་དམ་རྫས་བསྡེབས་པའི་བཱ་ལིཾ་རི་ལྟར་སྤུངས་པ་སོགས་མཆོད་པའི་ཡོད་བྱད་ཁ་དོག་དྲི་རོ་ནུས་བཅུད་ཕུན་

― KMC025_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་ཚོགས་པ་རྣམས། རྣམ་པ་དེ་དག་ལ་ངོ་བོ་ཡེ་ཤེས་ཀྱི་བདུད་རྩིར་གྱུར་པ་དང་། དྲག་པོའི་སྐབས་གོང་གི་སྐབས་གསུམ་མའི་དྲག་པོའི་མཆོད་པ་བྱིན་གྱིས་བརླབས་པའི་སྐབས་ལྟར་ཕོ་ཉ་སྤྲོས་པ་རྣམས་ཀྱིས་དགྲ་བགེགས་བསྒྲལ་བའི་ཤ་རི་ཁྲག་མཚོའི་ཀླད་པའི་བདུད་རྩི་རྣམས་སྲོག་དབུགས་རོ་མདངས་ཀྱིས་བརྒྱན་པ་དང་། ཡང་ན་དུར་ཁྲོད་ཆེན་པོའི་རྒྱུད་ལས། ལས་ལ་སྦྱོར་བ་བསྒྲུབ་བྱ་ཡི། །སྙིང་ནས་ས་བོན་ལྕགས་ཀྱུ་བསམ། །ཧཱུྃ་ལས་གྲི་གུག་ཧཱུྃ་གིས་མཚན། །དེའི་སྟོབས་ཀྱི་ཁྲག་འཕེལ་གྱུར། །ཞུ་ནས་ནག་པོའི་ཐོད་པར་སོང་། །སྔགས་ཀྱི་འོད་ཀྱི་གྲི་གུག་གིས། །ཏིལ་ཙམ་བཏུབ་ནས་འཐུང་བར་བསམ། །འདི་ནི་ནག་པོ་ཆེན་པོ་ཡི། །དངོས་གྲུབ་ཉེ་བ་བདག་གིས་བཤད། །ཅེས་པ་ལྟར་དམིགས་པའི་དགྱེས་རྫས་དེ་རྣམས་མགོན་པོའི་ལྗགས་འོད་ཟེར་གྱི་རང་བཞིན་གྱི་གྲི་གུག་དང་ལྷ་མོའི་ལྗགས་ཁ་ཊཱྃ་གྱི་དབྱིབས་ཅན་དང་འཁོར་རྣམས་འོད་ཀྱི་རང་བཞིན་གྱི་མཚོན་ཆའི་སྦུ་གུས་སྨན་གཏོར་རཀྟ་རྣམས་དྲངས་ཤིང་གསོལ་བར་མོས་

― KMC025_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འདོད་དོན་གསོལ་བས་དགྱེས་པ་དང་བཅས་སྒྲུབ་པར་དམིགས། སྐབས་འདིར་ཕྱག་བཞི་པ་དང་དུད་སོལ་མ། འཁོར་ལྔ། རྗེས་འབྲང་། ལྷ་མགྲོན་དང་བཅས་པ་རྣམས་མདུན་བསྐྱེད་ཀྱི་གཞལ་ཡས་ཁང་གི་ཕྱི་རོལ་དུར་ཁྲོད་ཀྱིས་གཞིའི་འཁོར་ཡུག་ཏུ་བསྐྱེད་པའམ། སྐད་ཅིག་གིས་སྤྱན་འདྲེན་མཆོད་བསྟོད་གཏོར་འབུལ་ཕྲིན་བཅོལ་སོགས་བྱ་ཞིང་འཁོར་ལྔ་དང་རྗེས་འབྲངས་རྣམས་གཞུང་གི་རྗེས་ཆོག་སྐབས་སུ་བརྟན་བཞུགས་སོགས་དཀྱུས་གཅིག་ཏུ་བྱ་ཞིང་། ལྷ་མགྲོན་གཞན་རྣམས་གཤེགས་བསྟིམ་གང་འོས་འདི་ཉིད་དུ་བྱ། མཁའ་འགྲོ་དང་གཞི་བདག་སྤྱི་གཏོར་སྐབས་རྡུལ་སྙེད་ཀྱི་ཞིང་གི་དཔའ་བོ་མཁའ་འགྲོ་དང་། འཛམ་གླིང་གི་གཞི་གནས་ཀྱི་བདག་པོ་རྣམས་ལ་མཆོད་གཏོར་གསེར་སྐྱེམས་བསྔོ་ཞིང་ཕྲིན་ལས་བཅོལ་བ་རྣམས་བྱའོ། །བསྟོད་པའི་སྐབས། རང་གི་ཐུགས་ཀ་ནས་འོད་ཟེར་འཕྲོས་པས་མུ་མེད་ཀྱི་ཞིང་རྣམས་སུ་ཁྱབ་པའི་མཐུས། དེ་རྣམས་ན་བཞུགས་པའི་རྒྱལ་བ་རྒྱལ་སྲས། དཔའ་བོ་རྣལ་འབྱོར་མ་

― KMC025_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དང་། ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་སྲིད་པ་གསུམ་གྱི་གཙོ་བོ་དང་བཅས་པ་ཐམས་ཅད་ཀྱི་རྒྱུད་བསྐུལ་བས་དེ་རྣམས་དང་། སླར་བདག་གི་ཐུགས་ཀ་ནས་རྡོ་རྗེའི་ལྷ་མོའི་ཁྲོ་བོ་དང་ཁྲོ་མོའི་ཚོགས་གྲངས་མེད་རབ་འབྱམས་ཞིང་གི་རྡུལ་ལྟར་སྤྲུལ་པ་རྣམས་དང་། བརྟན་གཡོའི་སྣོད་བཅུད་ཀྱི་ཁམས་དང་འབྱུང་བ་བཞི་ཡི་སྒྲ་སྐད་སོགས་མགྲིན་གཅིག་ཏུ་བྱས་ཏེ། དྲི་ཟའི་དབྱངས་དང་འབྲུག་གི་སྒྲ་རྣམས་ཟིལ་གྱིས་གནོན་པའི་གདངས་ཀྱི་ང་རོས་རབ་འབྱམས་རྒྱ་མཚོའི་ཞིང་ཡོངས་སུ་འགེངས་པར་བྱས་ཏེ། བླ་མ་ཡི་དམ་ཆོས་སྐྱོང་འཁོར་དང་བཅས་པའི་ཆེ་བའི་ཡོན་ཏན་ཕྲིན་ལས་དང་བཅས་པ་ལ་བསྟོད་པས་ལྷ་ཚོགས་ཐམས་ཅད་དགྱེས་པའི་གཟི་བརྗིད་ལྷག་པར་དུ་འབར་བར་བསྒོམ་ནས་བསྟོད་ཅིང་མཐར་དམ་བཞག་གི་སྐབས་ལྟར་ཐུགས་རྒྱུད་བསྐུལ་བའི་དམིགས་གནད་བཅས་བསྒྲུབ་མ་བསྡུས་པས་ཐུགས་དམ་བསྐུལ་ཞིང་བསྙེན་པ་ལ་འཇུག་པའི་དུས་ལ་བབས་པ་ན་རང་བཞིན་ལྷུན་གྲུབ་ཀྱི་བསྐྱེད་རིམ་གསལ་བརྟན་གྱི་སྣང་

― KMC025_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་ལྡན་པས་དམིགས་པའི་འཕྲུལ་འཁོར་ལ་རྩེ་གཅིག་ཏུ་འབད་པ་ཡིན་ཀྱང་། ལས་དང་པོ་པས་སྔར་བསྐྱེད་པའི་རྟེན་དང་བརྟེན་པར་བཅས་པའི་དཀྱིལ་འཁོར་རྣམས་རེ་རེ་བཞིན་གསལ་འདེབས་པ་གལ་ཆེ་བས་དེ་ལྟར་སྤྲོ་ན། བདག་མདུན་དཔལ་ནག་པོ་ཆེན་པོ་སྐུ་མདོག་མཐིང་ནག་མུན་པ་ཆེན་པོའི་མདོག་སྲོད་ཀྱི་མུན་པར་ལྕགས་ཀྱི་མཐོང་གཤོལ་རབ་ཏུ་བསྲེག་པ་དེ་ཉིད་ཀྱི་ངར་ཅུང་ཟད་ཞི་བ་ལྟར་ཁ་ནག་ཅིང་གཏིང་དམར་བར་འདུག་པའམ། དགྲ་གཅན་གདོང་གི་ཁ་དོག་ལྟར་ཤིན་ཏུ་གནགས་ཤིང་གཏིང་ནས་མེ་འོད་ཀྱི་དམར་མདངས་ཆགས་པ། ཞལ་གྱི་དཀྱིལ་འཁོར་ཀུན་ནས་ཆོས་ཡོངས་སུ་གང་བའི་ཟླ་བ་ལྟར་རྒྱས་པ་ལས་ཁྲོ་གཉེར་རྒྱ་མཚོ་འཁྲུགས་པའི་རླབས་ཕྲེང་ལྟར་འཕྱོ་བ། ཉི་མའི་འོད་ཀྱང་མོག་པོར་བྱེད་པའི་སྤྱན་གསུམ་འཁྱིལ་ཞིང་གཟིགས་པ། ཟླ་ཚེས་ལྟར་དཀར་ཞིང་ཁྲག་གིས་གོས་པའི་མཆེ་བ་བཞི་གཙིགས་པ། སྨིན་མ་དང་སྨ་ར་ལས་འབར་བའི་མེ་འོད་འཕྲོ་བ། བསྐལ་པའི་མེ་ལྟར་འབར་བའི་

― KMC025_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་པ་དམར་སེར་གྱེན་དུ་གཡེངས་པར་རྡོ་རྗེ་འབར་བའི་ཏོག་གིས་སྤྲས་པ་ལ་སྦྲུལ་གྱིས་བཅིངས་ཤིང་དར་ནག་པོའི་ཅོད་པཎ་གཡོ་བའི་རྡོ་རྗེའི་ལྟེ་བར་རིགས་ཀྱི་བདག་པོས་མཚན་པ་སྟེ། མདུན་བསྐྱེད་ལ་མི་བསྐྱོད་པ་ལོངས་སྐུའི་རྣམ་པ་ཅན་གྱིས་དབུ་བརྒྱན་པ་དང་། བདག་བསྐྱེད་ལ་གྲུབ་ཆེན་ཆོས་ཀྱི་བླ་མ་ལ་ཆོས་སྐྱོང་འདི་ཡི་བཀའ་བརྒྱུད་ཀྱི་བླ་མ་རྣམས་ཀྱིས་བསྐོར་ནས་ཁྲ་ཕུང་དེར་བཞུགས་པ། འཛམ་བུའི་གསེར་ལས་བྱས་པའི་སྐྲ་ཆིངས་པ་ལ་འཇིག་རྟེན་ན་ཆེ་བར་གྲགས་པ་རྣམས་ཕ་རོལ་ཏུ་བཏང་བའི་མགོ་བོ་ཤ་ཁྲག་སྤངས་པ་ལྔས་བརྒྱན་པ་ལ་རིན་པོ་ཆེ་འབར་བ་ཤ་སྟག་གི་རྩེ་བྲན་བྱས་པའི་ཁོང་སེང་དུ་རིགས་ལྔ་མི་བསྐྱོད་པ་གཙོ་བོ་བྱས་པ་རྣམ་ཧེ་རུ་ཀའི་རྣམ་པ་ཡུམ་དང་བཅས་པ། སྙན་གོང་དུ་རིན་པོ་ཆེའི་མེ་ཏོག་དང་བཅས་པའི་དར་ལྗང་གུའི་ཅོད་པན་འཕྱང་བ། ལྟེ་བར་བཻཌཱུརྻ་ཡིས་སྤུད་པའི་གསེར་གྱི་པ་ཊ་འཁྱིལ་བའི་རྣ་སྐོར་དང་། ལག་པའི་འཁྲིག་མར་སིལ་སིལ་གྱི་སྒྲ་འབྱིན་པའི་གསེར་གྱི་གདུབ་བུས་གཡོགས་པ། སྐུ་ལ་

― KMC025_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་པགས་རློན་པའི་ཤམ་ཐབས་བཅིངས་ཤིང་དར་དཀར་པོའི་རྔུལ་ཟན་ནམ་ཤ་འགགས་ཏུ་གྲགས་པ་གསོལ་བའི་སྟེང་། གཡུང་དྲུང་འཁྱིལ་པ་ལ་སོགས་པ་གསེར་གྱི་རི་མོས་མཛེས་པའི་བེར་ནག་པོ་གསུམ་བརྩེགས་གསོལ་བ་ལས་ནོར་བུའི་ཆར་འབེབས་པ་ལ་གསེར་སྐེད་རིན་པོ་ཆེའི་ཕྲ་ཚོམ་གྱིས་མཛེས་པར་བརྒྱན་པ་བཅིངས་པ་ལས་བེང་གི་ཚར་ཚར་བརྒྱ་རྩ་བརྒྱད་འཕྱང་བ། རུས་པའི་སེ་རལ་ཁ་དང་མགུལ་རྒྱན་དང་མི་མགོ་ཁྲག་ཅན་ལྔ་བཅུ་རྩ་གཅིག་གི་དོ་ཤལ་འཕྱང་བ། ལྟོ་འགྲོའི་གཤལ་དང་རིན་པོ་ཆེའི་མགུལ་རྒྱན་ལ་སོགས་པ་རྒྱན་གྱི་རྣམ་པ་དུ་མས་མཛེས་པ། དེ་ཡི་སྟེང་མཚོན་ཆའི་རི་མོ་ཅན་གྱི་བེར་དྲུག་བརྩེགས་ལྷུབ་གྱོན་བྱས་པ་ལས་མཚོན་ཆའི་ཐོག་ཟེར་འབེབས་པ་ནི་ཡེ་ཤེས་མགོན་པོ་ལྟར་བསྐྱེད་པའི་ལུགས་དང་། ཕྱི་མ་གཉིས་ཀྱི་སྐབས་སྐུ་ལ་དར་ལྗང་གི་ཤ་འགགས་ཏེ། མཐིང་སེར་དམར་དཀར་ལྗང་བའི་བེེར་ལྔ་བརྩེགས་ལ་གསེར་སྐེད་རིན་པོ་ཆེའི་ཕྲ་དང་བེང་གི་ཚར་ཚར་ཅན་བཅིངས་ཤིང་། དུག་སྦྲུལ་གྱི་

― KMC025_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ག་ཤ་དང་མི་མགོའི་དོ་ཤལ། རུས་པའི་རྒྱན་གྱིས་བརྒྱན་པ། དེ་ཡི་ཕྱིར་བེར་ནག་པོ་གསེར་གྱི་རི་མོ་ཅན་བཞི་བརྩེགས་ལྷུབ་གྱོན་བྱས་པ་ལས་མཚོན་ཆའི་ཆར་འབེབས་པའོ། །གདུག་པའི་ཤ་སུ་ལ་ངོམས་པའི་ཕྱག་གིས་བཀུས་པ་ལྟར་དམར་ཞིང་ལྕགས་ཀྱུ་ལྟར་འབར་བའི་སེན་མོ་རྣོ་བ་དང་ལྡན་པའི། གཡས་ཀྱི་ཕྱག་གིས་དུག་ཟེར་འཐོར་ཞིང་གང་ལ་ཚད་པ་སྩལ་གྱིས་ཕྱེ་མར་བྱེད་པའི་ལྕགས་བསྲེག་གི་གྲི་གུག་ཟླ་བ་ཕྱེད་པའི་དབྱིབས་ཅན་ཆུ་སྲིན་གདུག་པའི་ཁ་ལས་སྐྱེས་པའི་ཡུ་བ་དྲག་པོའི་རྡོ་རྗེ་རྩེ་ལྔ་པས་གདེངས་ཤིང་གཡོན་པས་ལྷ་མ་ཡིན་གྱི་དབང་པོའི་ཐོད་པ་ཡ་མགལ་དང་བཅས་པའི་སྣོད་དུ་བདུད་དགྲའི་སྙིང་དང་ཁྲག་གིས་བཀང་བ་འཛིན་པ་ལས་ཁྲག་གི་རྒྱུན་ཟུ་ལུ་ལུར་འཛགས་པ་འཆང་བ་ཧྲིང་གི་གླུས་རྔམ་པའི་ཞལ་དུ་འདྲེན་ཅིང་རྐན་སྒྲ་དྲག་པོར་བརྡེབ་པ། བ་སྤུ་རྡོ་རྗེ་ཕྱེད་པའི་རང་བཞིན་དུ་འཁྲུག་པ་ལས་མེ་འབར་བ། ཤངས་ནས་འཐོར་རླུང་འབུ་ཅིང་ཁོང་ནས་དྲག་པོའི་དབུགས་འབྱིན་པ། གར་གྱི་ཉམས་དང་དྲག་པོའི་ཤུག་ཅན་ཧཱུྃ་

― KMC025_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རུ་ལུ་རུ་ལུའི་སྒྲ་སྒྲོགས་པས་ཁྱབ་འཇུག་དང་དྲག་པོ་ལ་སོགས་པའི་འཇིགས་བྱེད་ཆེན་པོ་རྣམས་ཀྱང་རྨོངས་ཤིང་བརྒྱལ་བར་བྱེད་པའོ། །དེ་དང་སྦྱོར་བའི་ཡུམ་ཟ་བྱེད་དབྱིངས་ཕྱུག་བཛྲ་བཻ་ཏཱ་ལི་ནག་མོ། སྐུ་ལ་རེ་ལྡེའི་སྨད་གཡོག་དང་། དར་ནག་གི་བེར་ལྡིང་གྱོན་བྱས་པ། ལྟེ་བ་ནས་ཉི་མ་ཤར་བ། རལ་པ་ཁམས་ནག་གྱེན་དུ་བཅིངས་པ་ལ་རྨ་བྱའི་མདོངས་དང་ཟླ་བའི་ཅོད་པན་གྱིས་མཛེས་པ། ཐོད་སྐམ་གྱི་དབུ་རྒྱན་དང་ཐོད་རློན་གྱི་དོ་ཤལ་འཕྱང་། མགུལ་དང་ཕྱག་ཞབས་རིན་པོ་ཆེའི་རྒྱན་དང་ལྡན་པ། ཞལ་ཁྲོ་འཛུམ་སྒེག་ཅིང་ལང་ཚོ་རྒྱས་པ། སྤྱན་གསུམ་སྡང་མིག་ཏུ་བསྒྲད་ཅིང་མཆེ་བའི་མྱུ་གུ་གཙགས་ཤིང་ཨ་རལླི་དང་བྷྱོ་བྷྱོ་ཕེཾ་ཕེཾ་གྱི་གྲུས་བསྟན་དགྲའི་ཤ་ཁྲག་ཟ་ཞིང་མ་མོ་མཁའ་འགྲོ་མ་རྣམས་ལ་འགྱེད་ཅིང་བྲན་དུ་འཁོལ་བ། སྙན་ཆ་གསེར་གྱི་དྲིལ་བུ་འཁྲོལ་བ་སེང་གེ་དང་སྦྲུལ་གྱིས་བརྒྱན་པ། རུས་པ་དང་རིན་པོ་ཆེའི་ཚོགས་ཀྱི་སྐུ་ཡི་ཆ་ཀུན་མཛེས་པ། ཕྱག་བཞིའི་གཡས་གཉིས་ན་ཁ་ཊྭྃ་ག་གསོར་ཞིང་ཕུར་བུ་འདྲིལ་བ།

― KMC025_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་གཉིས་སྣང་སྲིད་གསལ་བའི་མེ་ལོང་དང་། སྟོང་ཁམས་ཀྱི་དགྲ་བོ་རྣམས་སྐད་ཅིག་འཆིངས་སྡོམས་བྱེད་པའི་དུག་སྦྲུལ་གྱི་ཞགས་པ་འཕེན་པ་འདོད་ཆགས་ཆེན་པོའི་རྣམ་འགྱུར་དང་ལྡན་པས་ཡབ་ལ་འཁྱུད་ཅིང་། གཉིས་ཀའང་སྐུ་ཡི་སྲིད་པ་གསུམ་ལ་ཁྱབ་པ་གཟི་བྱིན་ཤིན་ཏུ་བཟོད་དཀར་འཕྲོ་བའི་བདག་ཉིད་ཅན་གྱི་ཡབ་ཡུམ་ལྷན་ཅིག་པར། པད་ཉིད་དགྲ་བགེགས་ཀྱི་གདན་ལ་གནས་པའི་དྲེའུ་རྟ་སྔོ་ནག་རྫུ་འཕྲུལ་གྱི་རྐང་པ་དང་། རླུང་གི་ཤུག་ཅན། མྱུར་མགྱོགས་ཀྱི་སྩལ་རྣམས་རྫོགས་པ་ལ། ཞིང་ཆེན་དང་སྟག་གི་པགས་པའི་བཟར་དང་། བསེ་སྒ་དམར་པོ་ལ་གཡུ་མཐུར་དང་སྦྲུལ་ནག་གི་གོང་སྨད་གློ་ལེན་མཐུར་མདའ་སྲབ་སྨད་རྣམས་འཁྱུད་པར་རིན་པོ་ཆེའི་རྒྱན་དང་ལྡན་པ། མི་མགོའི་དོམ་དོམ་དང་ཐོད་སྐམ་གྱི་གཡེར་ཁས་བརྒྱན་པ། ཞིང་ཆུང་གི་སྨད་ལྕིབ་དང་དངུལ་གྱི་ཡོབ་ཆེན་ལ་སོགས་པའི་ཆས་དང་ལྡན་པ། སྔ་ཤ་ལ་མཚོན་གྱི་གྲུ་གུ་དང་ཁྲམ་འབམ་ཤྭོ་རྡེལ་དཀར་ནག་རྣམས་བཏགས་ཤིང་ཕྱི་ཤ་ལ་ནད་ཀྱི་རྐྱལ་པ་དང་

― KMC025_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཀྱི་དྲྭ་བས་བརྒྱན་པའི་སྒང་གོང་དུ་གནས་པ། དེ་ལྟ་བུའི་གཙོ་བོའི་སྐུ་ལས་ཡེ་ཤེས་ཀྱི་མེ་འུར་འུར་ཆེམ་ཆེམ་དུ་སྲིད་གསུམ་བསྲེགས་ཤིང་སྟོང་གསུམ་ཁྱབ་པར་འབར་བའི་ཕུང་པོའི་དབུས་སུ་རོལ་པའོ། །གདན་ཐབས་ཀྱི་ཆོས་འབྱུང་གི་རྡོ་རྗེའི་བྲག་སྟེང་གྲུ་གསུམ་གྱི་བསངས་དུ་ཆ་བྲན་གསུམ་པའི་ཟུར་གསུམ་དུ་བསྟན་པའི་སྟེང་དུ་གནས་པའི་ལྷ་བཞི་དང་། དེ་ཡི་རྩ་བའི་ཟླ་གམ་གསུམ་ལ་གཡས་དང་། རྒྱབ་གཡོན་རྣམས་སུ་མྱུར་མགྱོགས་ཀྱི་དམག་དཔོན་བདུད་མགོན་ནག་པོ་བཙན་མགོན་དམར་པོ། ཀླུ་མགོན་སྔོན་པོ་རྣམ་ཁྲོས་པའི་བཞི་ལྡན་མིག་གསུམ་པ་ཁྲག་གིས་མྱོས་ཤིང་དྲག་པོའི་ཁ་གླལ་བ་རལ་པ་ནམ་མཁར་གཡེངས་ཤིང་ཐོད་སྦྲུལ་མགོ་བོས་བརྒྱན་པ་སྙིང་གི་སེ་རལ་གྱོན་ཅིང་། རང་མདོག་གི་བེར་དང་སག་ལྷམ་གྱོན་ནས་མདོག་མཚུངས་ཀྱི་རྟ་ཕོ་རྟིང་དཀར་མགྱོགས་པའི་བང་ཅན་ལ་གཞོན་ཅིང་། འཁོར་གསུམ་ཆོས་ཀྱིས་དཔའ་བ་གཡས་མདུང་རིང་དང་གཡོན་ཞགས་པ་བསྐྱིལ་བའོ། །དེ་ཡི་ཕྱིར་ལྕགས་

― KMC025_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེགས་ཀྱི་གྲི་གུག་སོ་གྱེན་བསྟན་གྱི་རྭ་བརྒྱད་སམ་གཉིས་ཀར་ཆ་ཆུང་ཕྱེད་པ་ལས་འབར་བའི་མེ་ཡི་འོབ་དང་བཅས་པས་ཀུན་ནས་བར་མེ་པར་བསྐོར་བ། དེ་ཡི་ཕྱིར་གནམ་ལྕགས་ཀྱི་འཁོར་ལོ་བཞི་རིམ་རྣམས་དང་པོ་རྩིབས་བརྒྱད་པ་གཉིས་པ་རྩིབས་བཅུ་པ་གསུམ་པ་དང་བཞི་པ་གཉིས་ཀ་རྩིབས་བརྒྱད་པ་རྣམས་ཀྱི་འཕངས་ཆ་ཆུང་རེ་རེས་འཕར་མ་བྱས་ཤིང་རྒྱར་ཆ་ཕྲན་གཉིས་རེའི་མཐར་ཆ་ཕྲན་ཕྱེད་ཀྱི་མུ་ཁྱུད་ཕྲ་མོ་དང་བཅས་པ་འཁོར་ལོ་མཐའ་མ་དང་སྒོ་ཡི་བར་ཆ་ཕྲན་ཕྱེད་དང་གཉིས་ཀྱི་ཚོད་པར་སྟེང་དུ་ཡོད་པའི་འཁོར་ལོ་དང་པོའི་རྩིབས་རྣམས་ལ་དབུགས་བྲལ་དང་དྲེལ་རྟའི་སྟེང་དུ་གནས་པའི་མ་མོ་མི་སྡུག་པའི་བཞིན་ཅན་ཞལ་གཅིག་ཕྱག་གཉིས་པ་དང་། དེ་ལ་འཁྱུད་པའི་ནག་པོ་ཆེན་པོ་བརྒྱད་ཀྱང་ཤིན་ཏུ་ཁྲོས་པའི་དྲག་ཤུལ་ཅན་གཉིས་ཀའང་སྤྱན་གསུམ་མཆེ་བ་བཞི་གཙིགས་ཤིང་གྲི་གུག་དང་ཐོད་ཁྲག་འཛིན་ཅིང་ཁ་དོག་དང་རྒྱན་ཆ་ལུགས་གཙོ་བོ་ཡབ་ཡུམ་དང་མཚུངས་པ་འབར་བའི་མེ་ཀློང་དུ་བཞུགས་པའོ། །

― KMC025_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་གཉིས་པའི་རྩིབས་ལ་གནས་པའི་ཕྱོགས་སྐྱོང་བའི་མགོན་པོ་རྣམས་ནི། ཤར་དུ་གཡུ་འབྲུག་ལ་གནས་པའི་དཔལ་འབར་འཆང་དཀར་པོ་གཡས་རིན་པོ་ཆེ་བརྒྱུས་ཞགས་པ་ལས་རིན་པོ་ཆེ་སྣ་ཚོགས་ཀྱི་ཆར་པ་འབེབས་པ་དང་། གཡོན་མདུང་རྩེ་གསུམ་པ་ལ་བ་དན་དཀར་ནག་སྤེལ་བའི་ཁྲ་བོ་ཕྱར་ཞིང་། འཁོར་སེང་གེ་དང་མཁའ་ལྡིང་སོགས་ཀྱི་མགོ་བསྙན་ཅན་བྱེ་བས་འབུམ་གྱིས་བསྐོར་བའི་སྔུན་བྱ་ཁྲ་ལྡིང་ཞིང་ཕྱི་ནས་སྟག་གཟིགས་ཀྱི་ཚོགས་འབྲེང་བ། བྱང་རྩིབས་སུ་སེངྒེ་སྔོན་པོ་ལ་གནས་པའི་རྣམ་ཐོས་སྲས་ལྗང་ནག་གསེར་གྱི་ཡ་ལད་ཅན། རིན་པོ་ཆེའི་དབུ་རྒྱན་དང་རྣ་རྒྱན་དང་རྒྱན་ཐམས་ཅད་ཀྱིས་བརྒྱན་པ། གཡས་ཙནྡན་གྱི་བེ་ཅོན་ནོར་བུའི་ཏོག་གིས་སྤྲས་པ་དང་མདུང་དམར་བསྣམས་ཤིང་གཡོན་ནེའུ་ལེའི་ཁ་ནས་ནོར་བུ་སྐྱུག་པ་འཛིན་ཅིང་གནོད་སྦྱིན་གྱི་དམག་དུང་ཕྱུར་དུ་མས་བསྐོར་བ། ནུབ་ཏུ་རྟ་དམར་རྟིང་དཀར་ལ་གནས་པའི་དབང་ཕྱུག་འབར་བ་དམར་ནག་གཡས་རྒྱ་མཚོའི་གླིང་གི་ཙནྡན་ས་མཆོག་གི་

― KMC025_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཚལ་ཆེན་པོ་དང་། གཡོན་གྲི་གུག་འཛིན་པ་དང་། སྟག་གཟིགས་དང་སྦས་སྦྲུལ་གྱི་མགོ་ཅན་གྱི་ཀླུ་བདུད་འབུམ་གྱིས་བསྐོར་བ། ལྷོ་རྩིབས་སུ་ལེགས་ལྡན་དཔལ་འབར་དམར་ནག་རྟ་འོལ་བ་དམར་སེར་སྟེ་སེར་ནག་དམར་མདངས་ཅན་ལ་རྩིབས་ཤིང་གཡས་ཕ་ལམ་གྱི་དཔལ་སྐྱོན་པའི་ཙནྡན་གྱི་བེང་ཆེན་གླད་ལ་བསྐོར་ཞིང་རིན་པོ་ཆེ་བཻཌཱུརྻ་འཆང་བ། འཁོར་ལྷ་དང་གཤིན་རྗེ་གནོད་སྦྱིན་དང་རོ་ལངས་ཀྱི་དམག་བྱེ་བ་གྲངས་མེད་ཀྱིས་བསྐོར་བ་འཇིག་རྟེན་པའི་ཡས་ལེགས་ལྡན་ནག་པོའོ། །ཤར་ལྷོར་རྟ་སྔོན་ཆུ་རིས་ཅན་ལ་གནས་པའི་ཛམ་བྷ་ལ་དམར་པོ་གཡས་སྣ་ཚོགས་ནུར་བུ་ཟུར་བཅུ་གཉིས་པ་ལས་དགོས་འདོད་ཆར་བཞིན་འབེབས་ཤིང་གཡོན་ནེའུ་ལེ་ནོར་བུ་སྐྱུགས་པ་འཛིན་པ་རྟ་སྔོ་ཁྲ་དང་ངང་པ་རོལ་དུ་ཁྲིད་པ་ལ་རང་འདྲའི་བརྒྱད་ནོར་བུ་དང་ཤིང་ཐོག་བིལ་བ་འཛིན་པ་དང་ནོར་ལྷ་བྱེ་བའི་ཚོགས་ཀྱི་བསྐོར་བ། ལྷོ་ནུབ་ཏུ་རྟ་དཀར་པོ་རྔ་རྔོག་དམར་པོ་ཅན་ལ་གནས་པའི་མཛེས་ལྡན་སྲས་དམར་སེར་གཡས་དར་དཀར་གྱི་བ་དན་རྡོ་རྗེ་

― KMC025_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་ལམ་གྱི་ཁ་ཊྭཱྃ་རྩེ་གསུམ་བསྐྱོན་པ་དང་གཡོན་ནོར་བུ་མཆིན་ཁ་ཐོགས་པ་ལ་ལྷ་སྲིན་གྱི་དམག་དུང་ཕྱུར་གྱིས་བསྐོར་བ་འདི་ནི་འཇིག་རྟེན་མགོན་པོ་སྲས་མཆོག་ནག་པོའི་སྐུ་ཡི་རྣམ་པར་འགྱུར་བ་གཅིག་གོ །ནུབ་བྱང་དུ་ཡན་ལག་གནག་པའི་རྟ་སྔོན་པོ་ལ་གནས་པའི་ཤ་ཝ་རི་དམར་ནག་གཡས་ལྕགས་ཀྱི་རྡོ་རྗེ་རྩེ་ལྔ་པ་དང་གཡོན་ནོར་བུ་མཐིང་འཛིན་པ་ལྷ་བཙན་བདུད་ཀྱི་གིང་ཆེན་སུམ་བརྒྱ་དྲུག་ཅུ་དང་རླུང་བདག་ནོར་བདག་སྲོག་བདག་གི་དམག་ཚོགས་དང་གཤིན་རྗེའི་སྐྱེས་བུ་གྲངས་མེད་པས་བསྐོར་བ་འདི་ནི་དམ་ཅན་སྐྱེས་བུ་ཆེན་པོ་རྡོ་རྗེ་ལེགས་པ་ཉིད་དོ། །བྱང་ཤར་གྱི་ཆིབས་ལ་གཙུག་ཏོར་ལྗང་གུ་རྟ་དང་ས་ལ་གནས་པ་གཡས་ལྕགས་ཀྱི་གདུང་མ་དང་། གཡོན་རིན་པོ་ཆེ་སྨུག་འཆང་བ་ལ་ལྷ་དམག་འབུམ་གྱི་བསྐོར་བ། ཤར་སྟོད་དུ་མཁའ་ལྡིང་དམར་པོ་ལ་གནས་པའི་ལྷ་མགོན་སྔོན་པོ་གཡས་རལ་གྲི་མེ་འབར་བ་དང་གཡོན་ནོར་བུ་སེར་པོ་འཆང་བ་གཟའ་ཆེན་བརྒྱད་དང་རྒྱུ་སྐར་སོགས་ལྷ་སྲིན་སྡེ་བརྒྱད་དང་ཀླུ་ཆེན་གྱི་

― KMC025_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

དམག་གྲངས་མེད་པས་བསྐོར་བ། འདི་ནི་དགེ་བསྙེན་རྡོ་རྗེ་རྒྱལ་པོའི་སྐུ་ཡི་འགྱུར་དུ་བཞེད། ནུབ་སྨད་དུ་ཕག་སེར་པོ་ལ་གནས་པའི་བརྟན་མ་སེར་མོ་གཡས་སྦྲུལ་དཀར་པོའི་ཞགས་པ་དང་གཡོན་སྦྲུལ་དཀར་པོས་དཀྲིས་པའི་བུམ་པ་ནོར་བུས་གང་བ་འཛིན་ཅིང་ཀླུ་ཆེན་ས་བདག་གི་ཚོགས་ཀྱིས་བསྐོར་བ་སྟེ། འདི་ནི་དཔལ་ལྷ་མོ་དང་གཉིས་སུ་མེད་པའོ། །དེ་རྣམས་ཀྱང་ཞི་མ་ཁྲོའི་ཉམས་ལྡན་ཤ་རྒྱས་པ་བེར་ནག་མནབ་ཅིང་གསེར་སྐེད་བཅིངས་པ་རིན་པོ་ཆེའི་གཙུག་ཏོར་དང་དབུ་དང་ཡན་ལག་བརྒྱན་ཅིང་མི་མགོའི་དོ་ཤལ་ཅན་འཁོར་རྣམས་ཀྱང་མཚོན་ཆ་སྣ་ཚོགས་འཛིན་ཞིང་རྣམ་འགྱུར་དང་ཆ་ལུགས་མ་ངེས་པ་མི་སྤྲིན་ན་བུན་འཇའ་ཟེར་གྱི་ཀློང་དུ་གནས་པའོ། །འདི་རྣམས་ཕལ་མོ་ཆེ་ནི་མགོན་པོ་ཉིད་ཀྱི་སྐུ་ཡི་རྣམ་འགྱུར་སྟེ་ནོར་ལྷ་ལྟར་བསྒྲུབ་པའི་ཚུལ་གཙོ་བོར་བྱས་པ་ཡིན་ལ། དྲག་པོའི་ལས་ལ་རྦད་པའི་ཚེ་ཐམས་ཅད་ཁྲོ་ཚུལ་སྟོན་ཅིང་རྟ་ལ་ཆིབས་པའི་ཕྱག་མཚན་ལ་མ་ངེས་པ་དང་མདུང་དར་ཁོ་ན་འཕྱར་ཞིང་ཐོད་ཁྲག་འཛིན་

― KMC025_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

པའང་འབྱུང་ངོ་། །འཁོར་ལོ་གསུམ་པར་གནས་པའི་དྲེགས་བྱེད་རྣམས་ནི། ཤར་དུ་ལྷ་མ་ཡིན་མང་པོས་བསྒྱེལ་བའི་ཁྲི་ལྷ་ཆེན་ལྗང་ནག་རྡོ་རྗེ་ཕ་ལམ་ལས་གྲུབ་པའི་ཁ་ཊྭཱྃ་འཛིན་ཅིང་གཡོན་ལྷ་མིན་གྱི་དབང་པོའི་ཐོད་པ་དེ་ཡི་ཁྲག་གིས་བཀང་བ་བསྣམས་པ། དགའ་བྱེད་ལ་སོགས་པ་བརྒྱད་གཡས་ཁ་ཊྭཱྃ་ག་དང་གཡོན་བདུད་ཞགས་འཛིན་པས་བསྐོར་བ་ལྷ་དམག་གི་ཚོགས་དང་བཅས་པ། བྱང་དུ་རོ་དང་པད་ཉི་ལ་སྲིན་པོ་ནག་པོ་མིག་གཅིག་པ་གཡས་ཟངས་གྲི་སྟེང་གྲི་ཐུང་ལྟག་པ་དགྱེ་བོ་འཛིན་པ་གཡོན་མགོ་རློན་འཆང་བ་གཅིག་པུའི་བདག་ཉིད་ཀྱི་ཞབས་ཅན་ལིངྒ་གྱེན་དུ་འགྲེངས་པ་ལ་འཁོར་མི་གཅིག་པ་ནི་གཙོ་བོ་དང་མཚུངས་ཤིང་། ལག་གཅིག་སྙབས་བྱེད་ནི་བྲང་གི་སྟེང་ནས་ལག་པ་གཅིག་སྐྱེས་པའོ། །སོ་གཅིག་ཟ་བྱེད་ནི་མཆེ་བ་གཅིག་ཅན་དང་། རྐང་གཅིག་རྒྱུག་བྱེད་ནི་གཙོ་བོ་ཉིད་དང་མཚུངས་ཤིང་། ཁ་དགུ་པ་ནི་གོང་ལ་ཁ་གཅིག །ནུ་སྟེང་གཉིས་ལ་ཁ་གཉིས་ལག་ཉྭ་གཉིས་ལ་ཁ་རེ། ལྟོ་བར་ཁ་གཅིག །མགྲིན་

― KMC025_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཁ་གཅིག །བརླ་ལ་ཁ་གཅིག །རྐང་ཉྭ་ལ་ཁ་གཅིག་པ་དེ་རྣམས་མཆེ་བ་གཙིགས་ཤིང་སྨ་ར་དང་བཅས་པའོ། །རྣ་དགུ་ཉན་བྱེད་ནི་མགོ་ལ་རྣ་བ་གཉིས། དེ་བཞིན་མགྲིན་པ་ལ་གཉིས། ལྟོ་བ་ལ་གཉིས། ལག་པ་ལ་གཉིས། རྐང་པ་ནི་བརླ་ལ་གཅིག་སྟེ་རྣ་དགུའོ། །མགོ་དགུ་པ་ནི་གོ་སླ་ལ། ལག་དགུ་པ་ནི། གཡས་གཡོན་གཉིས་སུ་དྲུག་དང་། བྲང་སྟེང་དུ་ལག་པ་གསུམ་སྐྱེས་པའོ། །དེ་རྣམས་མངོན་རྟོགས་ལས་ཐམས་ཅད་ཀྱང་རྐང་པ་གཅིག་པ་རྒྱན་མེད་པ་གཅེར་བུ་ལིངྒ་བསྒྲེང་བ་ལག་གཅིག་པ་མ་གཏོགས་ཐམས་ཅད་ཀྱི་གཡས་རྡོ་རྗེ་རྩེ་གསུམ་པས་མཚན་པའི་ཞགས་པ་ནག་པོ་དང་། གཡོན་གཡབ་དར་ནག་པོ་དང་མི་མོག་འཛིན་པ་ལྟས་ངན་ཆོ་འཕྲུལ་གྱི་བདག་པོ་དུ་མས་བསྐོར་བར་བཤད། ནུབ་ཏུ་པདྨ་ཉི་རོར་གནས་པའི་ནག་པོ་ཆེན་པོ་གྲི་གུག་ཐོད་ཁྲག་འཆང་བ་གཅེར་བུ་སྟག་ཤམ་ཅན་ནག་པོ་བསྲེག་བྱེད་ཆེན་པོ་སོགས་ཁ་དོག་དང་ཕྱག་མཚན་རང་མཚུངས་བརྒྱད་དང་། དུར་ཁྲོད་ཀྱི་མཁའ་འགྲོ་ཤ་ཟ་འདྲེ་སྲིན་དུ་མས་བསྐོར་བ།

― KMC025_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷོར་མ་ཧེ་ཁྲོས་པའི་སྟེང་དུ་པད་ཉིར་གནས་པའི་ཡ་མ་ར་ཛ་སྔོ་ནག་མི་ལྤགས་གི་གོས་ཅན་གཡས་ཐོད་དབྱུག་དང་གཡོན་ཐོད་ཁྲག་འཆང་བ་ཁྲག་མིག་མི་བཟད་པ་སོགས་བརྒྱད་གཡས་གཡོན་རལ་གྲི་དང་ཐོད་ཚལ་གྱིས་མཚན་པའི་མདའ་ཡི་ཐུན་འཕེན་པ་རྣམས་འཆི་བདག་བྱེ་བ་དགུ་ཁྲིས་བསྐོར་བ། འདི་རྣམས་ཀྱང་དཔལ་མགོན་པོ་ཉིད་ཀྱི་སྐུ་ཡི་རྣམ་འགྱུར་མ་ངེས་པར་བསྟན་པ་ཤ་སྟག་གོ །ཤར་ལྷོ་པདྨ་ཉི་རོ་ལ་དགའ་བོ་སྔོ་ནག་གཡས་སྦྲུལ་ཞག་དང་གཡོན་ནད་རྐྱལ་ཐོགས་པ་ལ་པདྨ་སོགས་བརྒྱད་དུག་གི་མདའ་གཞུ་འགེངས་པ་རྣམས་དང་ཀླུ་དམག་དུང་ཕྱུར་གྲངས་མེད་ཀྱིས་བསྐོར་བ། ལྷོ་ནུབ་ཏུ་རོ་ལ་གནས་པའི་ཆུ་སྲིན་དམར་སྐྱའི་སྟེང་དུ་པད་ཉི་ལ་གནས་པའི་རཱ་ཧུ་ལ་དམར་པོ་ཞལ་གཅིག་ཕྱག་གཉིས་པ་ལུས་ཀུན་མིག་གིས་གང་བ་གཡས་ཆུ་སྲིན་གྱི་མགོ་བོས་མཚན་པའི་ཞགས་པ་དམར་པོ་དགྲ་ལ་འདེབས་ཤིང་། གཡོན་ཐོད་ཁྲག་འཛིན་པ་ལ་དམག་དཔོན་སོགས་བརྒྱད་ཀྱང་ཐོད་མདའ་ཕུར་བུ་འཛིན་པ་དང་ལྷ་སྲིན་སྡེ་

― KMC025_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཀྱི་དམག་གིས་བསྐོར་བ། ནུབ་བྱང་དུ་གླང་ཆེན་གྱི་སྟེང་པད་ཉི་གནས་པའི་བགེགས་རྒྱལ་ནག་པོ་མི་ལྤགས་ཀྱི་སེ་རལ་དང་གླང་ཀོའི་གོས་ཅན་དྲག་པོའི་མིག་གིས་སྲིད་གསུམ་བསྲེག་པ་གཡས་རྡོ་རྗེ་ནག་པོ་རྩེ་གསུམ་པ་དང་ཡོན་ཏན་ལྕགས་ཀྱུ་ལྟ་བུའི་གྲི་གུག་འཛིན་པ་ལ་འཁོར་ལོ་ལ་སོགས་པའི་འཁོར་གྱི་གཙོ་བོ་བརྒྱད་པོ་ཏྲི་ཤུལ་དང་ཐོད་ཁྲག་འཛིན་པས་བསྐོར་བ་རྣམས་དང་སྲིད་པ་གསུམ་གྱི་བགེགས་ཀྱི་དམག་གིས་སྐོར་བ། བྱང་ཤར་དུ་གླང་ཆེན་དང་པད་ཉེར་བདུད་རྒྱལ་ཏྲཀྵ་ནག་པོ་རྡོ་རྗེས་མཚན་པའི་ཞགས་པ་ནག་པོ་དམ་ཉམས་ལ་འདེབས་པ་རླུང་བདུད་སོགས་བརྒྱད་ཀྱང་ཞགས་པ་འཕེན་ཅིང་། དགྲ་སྟ་འཛིན་པ་རྣམས་དང་སྟོང་ཁམས་ལ་གནས་པའི་བདུད་སྡེའི་དམག་གིས་བསྐོར་བ་སྟེ། འདི་རྣམས་གཟའ་ཀླུ་བགེགས་བདུད་དེ་འཇིག་རྟེན་འདི་ན་དབང་ཆེ་བའི་དྲེགས་པ་རྣམས་སོ། །དེ་ལྟར་དྲེགས་པའི་གཙོ་བོ་དང་མཚུངས་ཤིང་ཡང་འཁོར་གྱི་དམག་ཚོགས་རྣམས་ཀྱང་མཚོན་ཆ་སྣ་ཚོགས་འཛིན་པའོ། །འཁོར་ལོ་མཐའ་མའི་ཤར་

― KMC025_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིབས་ལ་སྤྱང་ཞོན་མ་བདུན་ནི་ལྕགས་ཀྱི་སྤྱང་མོ་མགོ་དགུ་པ་ལ་གནས་པའི་བདུད་མོ་ཁྲག་གི་མདོག་ཅན་གཡས་ཁྲག་འཛག་པའི་ལྕགས་ཀྱུ་དང་། གཡོན་ཁྲག་གིས་གང་བའི་ཐོད་པ་འཛིན་པ་བདུན་རྣམས་ཁྲག་གི་རལ་པས་རྒྱབ་གཡོགས་ཤིང་དྲག་ཏུ་ཁྲོས་པ་དང་། ལྷ་ཡི་སྲིང་མོ་གླིང་གཞི་མགྱོགས་མ་དཀར་མོ་གཡས་གསེར་གྱི་རྡོ་རྗེ་དང་གཡོན་གསེར་གྱི་བུམ་པ་དར་གྱི་ན་གཟའ་དང་མེ་ཏོག་དང་རིན་པོ་ཆེའི་རྒྱན་ཅན་ཞི་མ་ཁྲོའི་རྣམས་དང་ལྡན་པ། གཤིན་རྗེའི་སྲིང་མོ་མཁའ་ལ་ཁྱུང་ལྡིང་སྔོན་མོ་གཡས་ཐོད་རློན་སེར་པོས་མཚན་པའི་དབྱུག་ཏོ་དང་གཡོན་ཐོད་ཁྲག་འཛིན་པ་ཐོད་རློན་གྱི་ཕྲེང་བས་དབུ་དང་སྐུ་དང་ཡན་ལག་བརྒྱན་པ། ཀླུ་ཡི་སྲིང་མོ་དཀར་མོ་གཡོག་ཐོད་དམར་མོ་ཕྱག་གཉིས་སྦྲུལ་ཞགས་འཕེན་ཅིང་སྦྲུལ་གྱི་ལུས་ཀུན་བརྒྱན་པ། གནོད་སྦྱིན་གྱི་སྲིང་མོ་ནག་མོ་སྡེར་ཆེར་བེར་ནག་གཡས་ཐོད་ཁྲག་དང་གཡོན་ནེའུ་ལེའི་འཛིན་པ་སྐུ་ཡི་ཆ་ཐམས་ཅད་རིན་པོ་ཆེས་བརྒྱན་པ་གསུམ་ཀ་ཞི་མ་ཁྲོའི་ཉམས་ཅན་གཟིག་གི་ཤམ་

― KMC025_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་བཅིངས་པའོ། །བྱང་ཤར་གྱི་རྩིབས་མ་ལས་ཀྱི་དབང་ཕྱུག་བྲན་བདུན་ནི། གསོད་བྱེད་དམར་མོའི་སྤྱང་ཀིའི་མགོ་ཅན་རལ་གྲི་འཛིན་པ། མེ་མོ་དམར་མོ་སྐྱིན་གྱི་གདོང་སྟེང་གཙང་ འདི་ལ་ནགས་ཀྱི་སྐྱེལ་གཡག་གི་མགོ་ཅན་དུ་འདོད་པའང་ཡོད་མཆན། ཕག་གི་མགོ་ཅན་མེ་སྒྲོན་འཛིན་པ། ཕག་མོ་ནག་མོ་ཕག་གི་མགོ་ཅན་རྡོ་རྗེས་མཚན་པའི་མཆེ་བ་དང་ཞགས་པ་འཛིན་པ། རྒན་བྱེད་དམར་མོ་ཁྭ་ཏའི་མགོ་ཅན་ཞིང་ཆུང་གི་རྒྱུ་མ་འདྲེན་པ། རྣ་ཅན་དཀར་མོ་གླང་ཆེན་མགོ་ཅན་ཐོད་ཁྲག་འཐུང་བ། ཆུ་ལྷ་སྔོན་མོ་སྦྲུལ་གདོང་ཅན་སྦྲུལ་ཞགས་འཛིན་པ། རྣམ་ཐོས་ལྗང་ནག་སྐྱ་ཁའི་མགོ་ཅན་དྲིལ་བུ་འཁྲོལ་བའོ། །བྱང་རྩིབས་སུ་ཁྲག་མཚོ་རྦ་རླབས་འཕྱོ་བ་ལ་བརྐྱལ་ཞིང་འབོག་པའི་ཕུར་བུ་མ་ནག་མོ་རལ་པ་གྱེན་དུ་གཡེངས་ཤིང་ཐུར་དུ་འདྲུད་པ་གཡས་ཁྲག་འཛག་པའི་ལྕགས་ཀྱུ་དང་གཡོན་ཐོད་ཁྲག་འཛིན་པ་བདུན་དང་། ཚེ་གསུམ་འབར་མ་སྟེ་དབང་པོ་འབར་མ་དཀར་མོ་ཉི་མ་གཡོན་དུ་འཛིན་ཅིང་གཡས་དེའི་ཟེར་གྱི་ཞགས་པ་འདེབས་པ།

― KMC025_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུལ་གཞི་འགགས་ལ་སྟེ་གཤིན་རྗེ་འབར་མ་སྔོན་མོ་རྒྱུ་སྐར་རྣམས་ཀྱི་སྐར་མདའ་འབེབས་པ། སྙིང་དྲན་ཆེན་མོ་སྟེ་ཀླུ་མོ་འབར་མ་དམར་མོ་ཐོག་ལྕེ་འབེབས་པ། གསོད་བྱེད་ཆེན་པོའི་སྟེ་གནོད་སྦྱིན་འབར་མ་ལྗང་གུ་བྱ་ཁྱུང་གི་འདབས་གཤོག་ནས་རྡོ་རྗེའི་ཆར་འབེབས་པ་འཛིན་པ་རྣམས་ནང་གི་འབར་མ་བཞིའོ། །ནུབ་བྱང་གི་རྩིབས་ལ་པདྨའི་དབང་ཕྱུག་མཛའ་བདུན་ནི། དགའ་བ་དམར་མོ་རྒོད་ཀྱི་མགོ་ཅན་འདིའི་ཕྱག་གཉིས་བརྐྱང་ཤིང་རྐེ་ཡར་བསྲེངས་པའི་མགུལ་པར་དར་དཀར་པོ་གྱོན་པའི་སྡེ་གཉིས་འཛིན་པ་ཡིན་ཅེས་ངོས་འཛིན་བྱེད་ལ། ཀུན་ཁྱབས་ཀྱི་ཟིན་བྲིས་སུ་རྙིང་མའི་རྒྱུ་འགར་འདི་བཞིན་འབྱུང་བས་དེ་ཀའི་ཞེས་བཀོད་སྣང་ཡང་ཁུང་བཙུན་གྱི་རྒྱུད་དང་ཡིག་ཆ་རྣམས་སུ་ཀ་རྟར་འཕྱར་ཞེས་འབྱུང་པས། འདིར་ཡི་གེ་དང་དོན་གཉིས་ཀ་ཉམས་ནས་རྐེ་དར་འཆང་ཞེས་བྲིས་འདུག་ཀྱང་རྒྱ་གར་གྱི་རལ་གྲིའི་བྱེ་བྲག་ཀརྟ་རི་ཞེས་པ་ལྟར། པ་རྒུར་པོ་རྩ་བ་ཕྲ་ལ་རྩེ་མོ་ཞེང་ཆེན་པོ་ཅན་ཞིག་འབྱུང་བ་དེ་འཛིན་པ་ཡིན་

― KMC025_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སེམས་ཤིང་གཞན་གཞུང་སྤར་མ་དང་མི་མཐུན་པ་འདི་རྣམས་ཀུན་ཁྱབས་ཀྱིས་དག་བཅོས་མཛད་པ་ཉིད་ལེགས་པས་དེ་ལྟར་བཀོད་པ་ཡིན། སྟོབས་ཅན་དཀར་མོ་རྟ་ཡི་མགོ་ཅན་གཤོལ་མདའ་འཛིན་པ། རྡོ་རྗེ་སེར་མོ་ཁྱུང་གདོང་སྤུ་གྲི་འཛིན་པ། འདོད་པ་དམར་མོ་ཁྱི་གདོང་མདའ་གཞུ་འགེངས་པ། ནོར་བསྲུང་དཀར་མོ་འུག་གདོང་བུམ་པ་འཛིན་པ། རླུང་ལྷ་སྔོན་མོ་ཤ་བའི་མགོ་ཅན་བ་དན་སྔོན་པོ་འཕྱར་བ། བུམ་སྣ་དམར་མོ་སེང་གདོང་ལྕགས་སྒྲོགས་འཛིན་པ་རྣམས་སོ། །ནུབ་རྩིབས་ལ་ཟངས་རལ་མ་དམར་མོ་རལ་པ་དམར་སེར་གྱེན་དུ་བཅིངས་པའི་ལྷག་མ་ས་ལ་འདྲུད་པ། གཡས་རལ་གྲི་ལྕགས་བསྲེག་དུ་འབར་བ་དང་གཡོན་ཐོད་ཁྲག་འཛིན་པ་ཞིང་ཆེན་གྱི་པགས་པ་སྨད་དཀྲིས་པ་བདུན་དང་། དམར་མོ་འབེབས་མཁན་སྟེ་མེ་ཁྱེར་འབར་མ་དམར་མོ་གློག་གི་ཕྲེང་བ་འཛིན་པ། གཟི་འཕྲོག་མ་སྟེ་སྲིན་མོ་འབར་མ་སྨུག་ནག་མདུང་ཐུང་འཕེན་པ། སྔོན་མོ་འབེབས་མཁན་སྟེ་རླུང་བདག་འབར་མ་སྔོ་ནག་རལ་གྲི་གཡས་དང་

― KMC025_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་མི་ཡི་སྐྲ་ལས་བྱས་པའི་རེ་བའི་གཡག་དར་འཛིན་མ། སྲོག་འཕྲོག་མ་སྟེ་གཏུམ་མོ་འབར་མ་དཀར་མོ་མདུང་ལྟར་རིང་བའི་རྩེ་གསུམ་འཛིན་པ་སྟེ་ཕྱི་ཡི་འབར་མ་བཞིའོ། །ལྷོ་ནུབ་ཀྱི་རྩིབས་སུ་རིན་ཆེན་དབང་ཕྱུག་སྲིང་བདུན་ནི། རྡོ་རྗེ་སེར་དོམ་མགོ་པདྨ་རཀྟ་འཐུང་བ། བདུད་རྩི་དམར་མོ་ཆུ་སྲིན་གདོང་ཅན་པདྨ་དམར་པོ་འཛིན་པ། ཟླ་བ་དཀར་མོ་སྲེག་པའི་མགོ་ཅན་པུནྟ་རི་སྟེ་པདྨ་དཀར་པོ་འཛིན་པ་བེ་ཅོན་ལྗང་ནག་ཁྲག་མོག་དབྱུག་ཏོ་འཆང་བ། སྲིན་མོ་དམར་མོ་ཝ་གདོང་ཐོད་ཁྲག་འཐུང་བ། ཟ་བ་ལྗང་ནག་སྟག་གདོང་བ་སུ་ཏ་སྟེ་རྒྱུ་ཞགས་འཛིན་པ། མགྲིན་བཅུ་སེར་མོ་ར་གདོང་ཞགས་པ་དམར་པོ་འཛིན་པ་རྣམས་སོ། །ལྷོ་ཡི་རྩིབས་ལ་མཚོན་འཁོར་མ་སེར་མོ་གཡས་རལ་གྲི་དང་གཡོན་རལ་གྲིའི་སོ་གཤིབས་པའི་མཚོན་ཆའི་འཁོར་ལོ་བསྐོར་བདུན་དང་། དུས་བཞིའི་ལྷ་བམོ་ནི། དཔྱིད་ཀྱི་རྒྱལ་མོ་དཀར་མོ་རླུང་ལ་གནས་ཤིང་རླུང་དཀྱིལ་འཛིན་མ། དབྱར་གྱི་རྒྱལ་མོ་སེར་མོ་སྤྲིན་ལ་གནས་ཤིང་ཐོག་ལྕེ་འབེབས་པ།

― KMC025_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་གྱི་རྒྱལ་མོ་དམར་མོ་རི་རབ་ལ་གནས་ཤིང་གཡས་གསེར་གྱི་ཟོར་བ་དང་། གཡོན་ཤིང་དང་ལོ་ཐོག་གི་འབྲས་བུ་ཡུ་བ་དང་བཅས་པའི་ཆུན་པོ་འཛིན་པ། དགུན་གྱི་རྒྱལ་མོ་སྔོ་ནག་ཕྱག་གཉིས་ཐོད་ཁྲག་དང་འཛིན་པ་སྟེ་བཞི་ཀའང་སྟག་ཤམ་ཅན་ནོ། ཤར་ལྷོའི་རྩིབས་ལ་རྡོ་རྗེ་དབང་ཕྱུག་མ་བདུན་ནི། སྲིན་མོ་དམར་ནག་གཡག་གི་མགོ་ཅན་ཕྱག་གཉིས་ཀྱི་མི་མགོ་རློན་པ་འཛིན་པ། ཚངས་པ་མ་དམར་སེར་སྲེ་མོང་གི་མགོ་ཅན་པདྨ་སྔོན་པོ་འཛིན་པ་ལྷ་ཆེན་དཀར་ལྗང་གཟིག་མགོ་ཏྲི་ཤུ་ལ་ནའཛིན་པ། གཞོན་ནུ་དམར་མོ་ཕ་ཝང་གྱི་མགོ་ཅན་མདུང་ཐུང་འཛིན་པ། བརྒྱ་བྱིན་དཀར་མོ་དྲེད་ཀྱི་མགོ་ཅན་ཨིནྟྲ་གདེངས་པ། ཞེས་འབྱུང་བའི་ཕྱག་མཚན་གྱི་ངོས་འཛིན་སྐབས་ཀུན་ཁྱབ་ནས་ཨིནྟ་ཞེས་བསྒྱུར་ནས་རྒྱུ་མར་བཤད་འདུག་ཀྱང་། འདི་ནི་བརྒྱ་བྱིན་གྱི་ཆུང་མ་ཡིན་པས་ཁྱོ་པོའི་ཕྱག་མཚན་ནམ། དེ་དང་མཚུངས་པའི་རྡོ་རྗེ་ཞིག་འཛིན་པ་ཡིན་པས། ཨིནྟ་སྱ་བཛྲ་ཞེས་པ་ལྟ་བུར་དགོས་རྒྱུར་ཡི་གེ་ཆད་པའི་སྐྱོན་བྱུང་བར་སེམས་ཤིང་། གཞན་

― KMC025_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཀྱང་འདི་ཡི་ཕྱག་མཚན་རྡོ་རྗེས་བྱས་པ་འང་འབྱུང་ངོ་། ཤར་སྒོའི་ནང་དུ་དམག་གི་རྒྱལ་མོ་མ་གཙག་མ་དཀར་མོ་གཅེར་བུ་ཕྱག་དྲུག་གི་དང་པོ་གཉིས་ཀྱི་གཡས་པས་ཐོད་བཁྲག་ལ་དུག་གི་རླངས་པ་སྤྲིན་ལྟར་གཏིབས་པས་དགྲ་བོ་བརྒྱལ་ཞིང་རྨོངས་པར་བྱེད་པ་དང་། གཡོན་བསྡིགས་མཛུབ་བསྒྲེངས་ཤིང་། གཡས་བར་མས་ཐོད་ཚལ་གྱི་མེ་འུ་ཅན་གྱི་མདའ་དང་། གཡོན་བར་མས་ཕུར་ཐུན་འཕེན་པ། གཡས་འོག་མ་བ་དན་དཀར་པོ་དང་། གཡོན་འོག་མས་ཁྲག་ཟོར་ལས་ནད་ཀྱི་ཆར་རྒྱུན་འབབ་པ། ལྷོ་ཡི་སྒོར་ལས་མཁན་མ་སེར་མོ་མཚོན་ཆའི་ཐོག་སེར་འཕྲོ་བའི་མཚེ་དང་ཡུངས་དཀར་གྱི་ཟོར་འཕེན་པ་ནུབ་ཀྱི་གྲུ་ཆུ་འཛིན་མ་དམར་མོ་མི་ཡི་གཡང་གཞི་གྱོན་ཅིང་རུ་མཚོན་ཕྱར་བ། བྱང་གི་སྒོར་ཁ་འགལ་མ་ནག་མོ་རྨ་བྱའི་ཐུལ་བའི་གོས་ལྷུབ་བོར་གྱོན་ཅིང་། ཕྱག་བཞིའི་གཡས་གཉིས་བ་དན་ནག་པོ་དང་སྭ་གྲི། གཡོན་གཉིས་ནད་ཀྱི་ན་བུན་ནའཐུལ་བའི་ཐོད་ཁྲག་དང་མཚོན་ཆའི་ཐོག་ཟེར་འཕྲོ་བའི་གཏོར་ཟོར་བསྣམས་

― KMC025_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་དམག་རྒྱལ་མ་བཞིའོ་དེ་རྣམས་ཀྱང་དམིགས་གསལ་བ་དག་མ་གཏོགས་ཐམས་ཅད་ཤིན་ཏུ་ཁྲོས་ཤིང་སྤྱན་གསུམ་བསྒྲད་ཅིང་དྲག་ཤུལ་ལྡན་པ། གཅེར་བུ་དུག་སྦྲུལ་དང་སྙིང་ཕྲེང་ཐོད་པ་སྐམ་རློན་རྣམས་ཀྱི་དབུ་དང་སྐུ་དང་ཡན་ལག་བརྒྱན་པ། རལ་པ་དམར་གྱེན་དུ་གཡེངས་ཤིང་འཇིགས་པའི་རྣམ་འགྱུར་དང་ལྡན་པ་མེད་དུ་ཟེར་དང་དྲག་པོའི་འཐོར་རླུང་འཚུབས་མའི་ནང་དུ་རེ་རེ་ལའང་། ཆོས་སྐྱོང་དྲེག་བྱེད་ལྷ་སྲིན་སྡེ་བརྒྱད་མ་མོ་ཤ་ཟ་བྱེ་བ་དུང་ཕྱུར་གྲངས་མེད་པས་བསྐོར་ཞིང་། དྲག་པོའི་ང་རོ་ལྡིར་བ་འགུགས་སྒྲོལ་གསོད་གཅོད་ཀྱི་ལས་ལ་བརྩོན་ཞིང་ཐམས་ཅད་ཀྱང་གཙོ་བོ་ལ་གུས་པས་འདུད་བཔར་གནས་པའོ། ཕྱི་རོལ་གྱི་གཞལ་ཡས་ཁང་ནི། དྲག་པོའི་ཕོ་བྲང་གྲུ་གསུམ་པ་ཕྱི་གནམ་ལྕགས་ཀྱི་རྩིགས་པ་ལ་ནང་བཻདརྻ་ཡི་ཞལ་བ་བྱས་པའི་འཕངས་སུ་གཙོ་བོའི་འདོམ་གསུམ་པའི་ཕྱི་རོལ་གྱི་ཕྱེད་མན་ཆད་དུ་མཚོན་ཆ་རྣོན་པོ་དུ་མ་ཚེར་མ་ལྟར་སྐྱེས་པ་ལས་མཚོན་ཆའི་སྐར་མདའ་འཁྲུགས་པ། འདོད་ཡོན་གྱི་སྣམ་བུ་དམར་པོ་

― KMC025_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

འཕངས་པ་དང་ཞེང་མཉམས་པར་ཆ་ཆུང་གཉིས་རེས་འཁོར་བའི་ལོགས་གསུམ་དུ་སྒོ་སྒོ་འཁྱུད་དང་བཅས་པ་ལ། རུས་སྦལ་གྱིས་བཏེགས་པའི་ཀེང་རུས་ཀྱི་ཀ་པ་ལ་ཆུ་སྲིན་དང་སེངྒེའི་ཀ་རྒྱན་བྱས་བཞི་བཞིས་བཏེགས་པའི་རྟ་བབ་སྣམ་བུ་བཅུ་གཅིག་གི་མཛེས་པའི་སྟེང་དུ། རྡོ་རྗེ་རྒྱ་གྲམ་གྱི་ལྟེ་བར་གནས་པའི་དྲག་པོའི་འཁོར་ལོ་ནརྩིབས་དྲུག་པ་རེ་གཡོན་དུ་འཁོར་བའི་ཕན་ཚུན་དུ་ཆུ་སྲིན་གྱི་ཕྲུ་གུ་རེ་རེ་འཁོད་པ། འཁོར་ལོའི་ཆེར་མགོ་བོའི་ཏོག་གིས་མཚན་པའི་མི་ཡི་པགས་པའི་གདུགས་ཕུབས་པའོ། ཐོག་འབུས་ཚུལ་ནི། ནང་ངོས་ཀྱི་རྩིག་འགྲམ་ནས་ནང་དུ་ཆ་ཆུང་གསུམ་བརྒལ་བའི་བར། ཕྱོགས་གསུམ་དུ་ལྷ་ཀླུ་གཟའ་དགུའི་ཀ་བ་ཀ་གདན་དང་གདུང་བྱས་པའི་ཀ་བ་གདུང་གསུམ་གསུམ་རེ་བཏང་བའི་ཀ་བ་ནང་མ་གཉིས་འཁོར་ལོ་བཞི་པའི་ཕྱི་ཡི་མུ་ཁྱུད་ཀྱི་འགྲམ་དུ་གནས་ཤིང་། ཕྱི་མ་ནི་གདུང་གྲུ་གསུམ་དུ་བཀལ་བའི་ཟུར་ཁུག་དུ་ཡོད་པའི་ཀ་གདན་གྱི་གླུ་ཆེན་རྣམས་ནི། ནོར་རྒྱས་བུ་སྟེ་ཀླུ་ལྷག་མ་ཅན་དང་། ཏཀྟ་ཀ་ནི་

― KMC025_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག་པོ་དང་། པདྨ་ཆེན་པོ་དང་། བསྟོབས་ཀྱི་རྒྱུ་དང་། པདྨ་དཀར་པོ་དང་། ཀུ་ལེ་ཀ་སྟེ་རིགས་ལྡན་དང་། ཤངྐ་པླ་ལ་ནི་དུང་སྐྱོང་དང་། མཐའ་ཡས་དང་། ཉེར་དགའ་སྟེ་ཀླུ་ཆེན་དགུ་ཡི་ཀ་བ་བཏེགས་པའི་གདན་གྱི་ཚུལ་དང་། ལོག་འདྲེན་ནི་དགའ་རབ་དབང་ཕྱུག་དང་། འདོད་ལྷ་ནི་ཚོགས་བདག་དང་། ཀརྟི་ཀ་ནི་གཞོན་ནུ་གདོང་དྲུག་དང་། བྷྲི་གི་རི་ཏི་ནི། ལྷ་ཁྱབ་འཇུག་དང་། དབང་ཕྱུག་དང་། འབྱེར་འཇིགས་ནི་བརྒྱར་བྱིན་དང་། ཚངས་པ་དང་། སྟོབས་བཟང་སྟེ་ལྷ་ཆེན་དགུ་ཡི་ཀ་བ་བྱས་ཤིང་། གཟའ་ཆེན་ཉི་མ་དང་། ཟླ་བ་དང་། མིག་དམར་དང་། ལྷག་པ་དང་། ཕུར་བུ་དང་། པ་སངས་དང་། སྤེན་པ་དང་། སྒྲ་གཅན་དང་། མཇུག་རིང་སྟེ་དགུ་ཡི་་ནགདུང་མ་བྲེས་པ། དེ་ལ་རིན་པོ་ཆེ་དང་དུར་ཁྲོད་ཀྱི་རྫས་ཀྱི་དྲྭ་བ་དྲྭ་ཕྱེད་སོགས་ཀྱི་མཛེས་པར་བརྒྱན་པ་དང་། རྒྱུ་སྐར་ཉེར་བརྒྱད་ཀྱི་ཕྱམ་བཀོད་ཅིང་མི་ཡི་རྐང་ལག་གི་གྲལ་གྲབ་དང་ཤ་ཆེན་ཁྲག་ཆེན་གྱི་ཐོག་ལེབ་བྱས་པ། ཕྱི་ཡི་རྩིགས་པའི་སྟེང་ཆ་ཕྲན་ཕྱེད་ཕྱི་ལ་ལྷག་པའི་གསེར་གྱི་

― KMC025_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་གུ་ཞེང་དུ་ཁྲུ་ཕྱེད་དོ་དང་། འཕངས་སུ་ཁྲུ་གང་པ། དེ་ཡི་སྟེང་དུ་རིན་པོ་ཆེ་ཡི་བྲེ་ཕུལ་ལ་སྤྱིར་སངས་ཆ་ཕྲན་གཉིས་ཡོད་པ། དེའི་སྟེང་དུ་གསེར་གྱི་གདུང་ལེབ་དཔངས་སུ་ཆ་ཕྲན་གཅིག་པ། གསེར་གདུང་དང་བྲེ་ཕུལ་གྱི་ལོགས་ཀྱི་བར་བར་དུ་རྡོ་རྗེའི་གཟེར་བུ་བཏབས་པ་ལ་གསེར་གྱི་ཉག་ཐག་གི་སྐད་རག་སྟེང་འོག་བཞི་རིམ་དུ་བྲིས་པའི་སྐ་རག་གོང་བགཉིས་ལ་བརྟེན་པའི་རིན་པོ་ཆེའི་ཙི་པ་ཏྲའི་ཁ་ནས་འཕྱངས་པའི་མི་མགོ་སྐམ་རློན་ར་རི་རྣམས་དང་། ནང་ཁྲོལ་སྣ་ཚོགས་སྤེལ་བའི་དོ་ཤལ་དང་དོ་ཤལ་ཕྱེད་པ་རྒྱུ་མ་ལ་བརྒྱུས་པ་དཔྱངས་པ་ལ། བར་བར་དུ་མི་སྐྲའི་དོམ་དོམ་དང་ཐོད་སྐམ་གྱི་གཡེར་ཁ་འཕྲུལ་བ་ལ་ཉག་ཐག་འོག་མ་གཉིས་ཀྱི་རླུང་གནོན་བྱས་པ། གསེར་གདུང་དེ་ཡི་སྟེང་དུ་ནང་གི་འཕྱམ་བཀལ་བའི་སྣེ་པོ་ལི་སྟེ་དཔངས་སུ་ཆ་ཕྲན་ཕྱེད་ཀྱིས་ལྷག་པ། དེ་ཡི་ཐོད་དུ་གསེར་གདུང་སྲབ་མོ་དཔངས་ཆ་ཕྲན་ཕྱེད་པ་བཏང་བ། དེ་ཡི་སྟེང་དུ་ཆ་ཕྲན་ཕྱེད་ཕྱིར་ལྷག་པའི་བྱི་ཚེ་དང་སྟེང་གསེར་གྱི་གདུང་སྲབ་བཅས་སྔ་མ་དང་

― KMC025_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་པ་བཏང་བའི་སོ་ལི་དང་། བྱི་ཚེ་རྣམས་ལ་གྲི་གུག་དང་། ཕུར་བུ་དང་། ཁ་ཊྭཱྃ་ལ་སོགས་པའི་མཚོན་ཆ་སྣ་ཚོགས་རྩེ་མོ་ཐུར་དུ་ལྟ་བའི་འཕྱངས་འཕྲུལ་བཏགས་པ། བགག་ཚངས་འོག་མ་མགོ་རློན་དང་། སྟེང་མ་ཁྱུང་མགོས་བརྒྱན་ཅིང་། གདུང་ལེབ་སྟེང་མའི་ལོགས་སུ་རྡོའི་ཟེར་བུ་དཔངས་ཆ་ཕྲན་གྱི་བརྒྱད་ཆ་རེ་ཡོད་པ་ལ་བཀལ་བའི་མི་ཡི་རྐང་ལག་གི་ཤར་བུ་དཔངས་ཆ་ཕྲན་རེ་ཡོད་པ་མཐུར་དུ་དཔྱངས་པ། དེ་ཡི་ཐོད་དུ་མི་ཡི་རྒལ་ཚིག་གི་བྱ་འདབས་དཔངས་ལ་ཆ་ཕྲན་རེ་དང་རྒྱར་ཆ་ཕྲན་ཕྱེད་གཉིས་པའི་ཕྱེད་འཕྱར་བ་འདོད་རྣམ་གྱི་ཕྱིར་ཆ་ཕྲན་ཙམ་གྱིས་རྔམས་པའི། སྣེར་རྡོ་རྗེ་རྩེ་གསུམ་པའི་ཟ་ར་ཚག་གིས་བརྒྱན་པ། བྱ་འདབས་ཀྱི་ཐོད་རྩིགས་པའི་སྟེང་གི་ཐད་ནས་ཐོད་སྐམ་བུཾ་རིལ་ཁ་ཕྱིར་ལྟའི་མདའ་གཡབས་སཾ་སུ་་བཤུའི་ཁ་བད་མེ་འབར་བའི་རྒྱར་ཆ་ཕྲན་ཕྱེད་དང་འཕངས་སུ་ཆ་ཕྲན་རེ་ཡོད་པས་འཁོར་ཡུག་ཏུ་མཛེས་པར་བྱའོ། །དེ་བཞིན་དུ་ནང་གི་ཀ་བ་ཕྱི་མ་ནས་ནང་དུ་ཆ་ཕྲན་གསུམ་རིའི་སར་ཀ་གདུང་སྔ་མ་བཞིན་

― KMC025_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་བའི་ཀ་བ་ནང་མ་གཉིས་འཁོར་ལོ་སོ་སོའི་མུ་འཁྱུད་ཀྱི་འགྲམ་དུ་གནས་ཤིང་། ཕྱི་མ་ནི་གདུང་གྲུ་གསུམ་གདུས་པའི་ཟུར་དུ་འདུག་པ། དེ་ལྟར་འཁོར་ལོ་གསུམ་པ་གཉིས་པ་དང་པོ་སྟེ་ཕྱི་ནང་གསུམ་དུ་ཡོད་ཅིང་། གདུང་གྲུ་གསུམ་གྱི་སྟེང་དུ་དཔངས་ཆ་ཕྲན་རེ་ཡོད་པའི་རྩིགས་པ་འཁོར་མར་བཏང་བས་ཐོག་ལེབས་དང་མུ་མཉམས་པའི་སྟེང་དུ། ཕ་གུ། བྲེ་ཕུལ་དང་དྲ་ཕྱེད། གསེར་གདུང་། སོ་ལི། གདུང་། སྲབ། བྱི་ཚེ། གདུང་། སྲབ། ཤར་བུ། བྱ་འདབས། ནཔུ་ཤུད་བཅས་གོང་བཞིན་སོ་སོར་བཏང་བ། འཁོར་དང་པོའི་གདུང་གྲུ་གསུམ་གྱི་ཐོད་དུ་རྡོ་རྗེའི་གདུངས་དཔངས་ཆ་ཕྲན་གཅིག་པ་བཟླུམ་སྐོར་གྱིས་བཏང་ཞིང་། གདུང་གྲུ་གསུམ་པ་དེ་ཉིད་ལ་བརྟེན་པའི་རྩིགས་པ་འཕངས་སུ་ཆ་ཕྲན་གསུམ་པ་ནས་གཅིག་གོང་ལྟར་ཐོག་ལེབ་སུ་ནུབ་ཅིང་ཆ་ཕྲན་གཉིས་སྟེང་དུ་འཕགས་པ་ལ་གནས་པའི་ཕ་གུ། བྲེ་ཕུལ་དང་དོ་ཤལ། གསེར་གདུང་། སོ་ལི། གདུང་ལེབ། བྱི་ཚེ། གདུང་ལེབ་དང་ཤར་བུ་རྣམས་སྔ་མ་བཞིན་དུ་བཏང་བ།

― KMC025_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

གདུང་བཟླུམ་གྱི་ནང་དུ་རྡོ་རྗེའི་གདུང་གསུམ་ཨེ་ཡི་དབྱིབས་སུ་རྩེ་མོ་ཤར་དུ་བསྟན་པའི་ཟུར་གསུམ་གདུང་ཟླུམ་གྱི་ཁོང་གསེང་དུ་ཟུག་པ། གདུང་གྲུ་གསུམ་དེ་ཡི་སྟེང་གི་ལེབ་གསུམ་གྱི་བདབུས་སུ་ཁྲོ་བོའི་རྡོ་རྗེ་རྒྱ་གྲམ་རྩེ་མོ་དགུ་པའི་ཀ་གདན་ལ་གནས་པའི་རྡོ་རྗེའི་ཀ་བ་ཐུར་དུ་གཞུ་དང་བཅས་པ། ཕྱི་རོལ་གྱི་གདུང་སྲབ་སྟེང་མ་ལས་ཆ་ཕྲན་གཅིག་དང་ཕྱེད་ཀྱིས་ལྷག་པའི་སྟེང་དུ། རྡོ་རྗེའི་གདུངས་དཔངས་སུ་ཆ་ཕྲན་གཅིག་པ་གསུམ་གྱི་རྩེ་མོ་ནུབ་ཏུ་བསྟན་པའི་ཆོས་འབྱུང་གི་དབྱིབས་སུ་བྲེས་པའི་སྟེང་གི་ཟུར་གསུམ་དུ། ཁྲོ་བོའི་རྡོ་རྗེ་རྒྱ་གྲམ་རྩེ་མོ་དགུ་པ་འཕངས་སུ་ཆ་ཕྲན་གཅིག་གཅིག་ཡོད་པའི་ཀ་ག་ན་གསུམ་ལ་བརྟེན་པའི་རྡོ་རྗེའི་ཀ་བ་ཟུར་གསུམ་པ་སྲེད་དུ་ཆ་ཕྲན་གཉིས་ལ་ཕྱེད་ཀྱིས་ལྷག་པའི་ཡར་སྣེ་གསུམ་པོ་རྡོ་རྗེ་རྒྱ་གྲམ་རྩེ་མོ་དགུ་པ་འཕངས་སུ་ཆ་ཆུང་གཅིག་དང་ངོས་རེར་ཆ་ཕྲན་གཅིག་དང་དེ་ཡི་གསུམ་རེ་ཡོད་པ་གཞུང་ཐུང་གི་རྣམ་པ་གཅིག་ཏུ་བསྡུས་པ། དེ་ལ་ནབརྟེན་ནས་ངོས་གསུམ་སོ་སོར་རྒྱ་ཕུབ་ཀྱི་འཕྱམས་རིང་

― KMC025_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུང་བདུན་རེ་བཏང་བའི་སྟེང་དུ་བཻཌཱུརྻ་ཡི་རྒྱ་ཕུབ་ཀྱིས་ཕྱོགས་པའི་སྣེར་རིན་པོ་ཆེའི་མིག་གསུམ་པའི་ཟ་ར་ཚགས་འཕྱངས་བ། རྒྱ་ཕུབ་དེ་ཡི་རྩེར་རྡོ་རྗེའི་ནོར་བུའི་ཏོག་གི་དཔངས་ལ་ཆ་ཕྲན་བརྒྱད་དང་བཅས་པ་ལས་འོད་ཟེར་ཀུན་ཏུ་འཕྲོ་བ་རིན་པོ་ཆེའི་ཆར་འབེབས་པ། རྒྱ་ཕུབས་དང་བྱ་འདབས་རྣམས་ཀྱི་ཟུར་སོ་སོར་ཁྱུང་མགོ་འཕྱར་བའི་ཁ་ནས་གསེར་གྱི་ལྕོད་དྲིལ་སྒྲ་སྙན་ཅིང་བརྗིད་པར་སྒྲོགས་པས་མཛེས་པར་བྱས་པའོ། རྟ་བབས་ཀྱི་ཕྱོགས་བཞི་དང་ཕོ་བྲང་གི་ཟུར་དང་ལོགས་རྣམས་སུ་རོ་སྐྲའི་རྔ་གཡབ་དང་། མི་ལྤགས་དང་རོ་རས་ཀྱི་རྒྱལ་མཚན་ཆུ་སྲིན་དང་མགོ་རློན་གྱི་ཏོག་གིས་སྤྲས་པ། མི་ཡི་ནང་བཁྲོལ་གྱི་ཕན་དར་ཐོད་སྐམ་གྱིས་མཚན་པ། རྡུ་མཚོན་ནག་པོ་ལ་སོགས་པས་མཛེས་ཤིང་བརྗིད་པ། དེ་ལྟ་བུའི་དྲག་པོའི་ཕོ་བྲང་དེ་ཡི་སྟེང་དུ་མེ་དུད་ཀྱི་ཟེར་སྤྲིན་འཁྲིགས་པ་དྲག་པོའི་འབྲུག་སྒྲ་སྒྲོགས་པ་མཚོན་ཆའི་སེར་བ་འབེབས་ཤིང་སྤྲུལ་པའི་འདབ་ཆགས་རྣམས་ལྡིང་བ། བར་དུ་སྤྲུལ་པའི་མགོའི་ཚོགས་ལྷ་དམག་བྱེ་བ་

― KMC025_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

དུང་ཕྱུར་ཕོ་ཉ་ལས་མཁན་གིང་དང་བཅས་པ་བུ་ཡུག་ལྟར་འཚུབས་པ་ས་གཞིར་ཟ་བྱེད་མི་བསྲུན་མཆེ་བ་ཅན་གྱིས་གང་བ། འོག་གཞི་དྲག་པོའི་སྣ་ཚོགས་རྡོ་རྗེ་རྩེ་མོ་དགུ་པ་གནམ་ལྕགས་ཨུར་མོའི་རྡོ་རྗེའི་རྡུལ་ལས་གྲུབ་པ་མཚོན་ཆ་སྣ་ཚོགས་པའི་སྐར་མདའི་ཟེར་འཕྲོ་བ་འཕངས་སུ་ཆ་ཕྲན་བཞི་ཡོད་པ་མེ་ཡི་ཚྭ་ཚྭ་རབ་ཏུ་འབར་བའོ། །དེ་ཡི་ཕྱིར་་ནདུར་ཁྲོད་ཆེན་པོ་བརྒྱད་ཀྱི་ས་གཞི་རྣམས་འདབས་འབྱེལ་བར་འཁོར་ཡུག་ཏུ་ཡོད་པར། མཆོད་རྟེན་ཤིང་མེ་སྤྲིན་ཆུ་རི་དབང་རྣམས་ལ་གྲུབ་པ། ལྷ་ཀླུ་ཕྱོགས་སྐྱོང་ཞིང་སྐྱོང་གྲུབ་པའི་རྫས་ལ་སོགས་པ་ཁ་དོག་དག་རྣམ་འགྱུར་སྣ་ཚོགས་སུ་ཡོད་པར་དམིགས། ཞིབ་པར་སྤྲོ་ན་རྗེ་དོན་ལྡན་ཞབས་ཀྱིས་བརྩལ་བའི་མངོན་རྟོགས་ཆེན་མོ་ལས་ཤེས་པར་བྱ་ལ། འདིར་ནི་ཡི་གེས་འཇིགས་པས་མ་བཀོད་དོ། དེ་ཡི་ཕྱིར་སྣ་ཚོགས་པདྨ་གེ་སར་དང་བཅས་པ། དེ་ཡི་ཕྱིར་མཚོན་ཆ་སྣ་ཚོགས་པའི་ར་བ་དང་བུ་ཡུག་འཁྲིགས་པའི་གུར་ཁང་ཕྱིར་ཡེ་ཤེས་ཀྱི་མེ་རླུང་དམར་ནག་འཚུབས་མ་གཡོན་སྐོར་དུ་འཁྱིལ་

― KMC025_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བའོ། དེ་ཡི་ཕྱི་རོལ་གྱི་འོག་གཞི་ལྷ་དང་གནོད་སྦྱིན་བརྣམས་ཀྱི་གནས། ཨིནྟྲ་ནཱི་ལ་ལས་གྲུབ་པའི་རྡོ་རྗེའི་བྲག་སྟེང་གྲུ་གསུམ་ཆོས་འབྱུང་གི་གདེང་ཁ་གྱེན་དུ་བསྟན་པའི་དབྱིབས་ཅན་གྱི་ངོས་དང་ལོག་རྣམས་སུ་རལ་གྲིའི་ལོ་མ་དང་འཁོར་ལོའི་མེ་ཏོག་གྲི་གུག་གི་འབྲས་བུས་བརྒྱན་པའི་ལྗོན་ཤིང་གི་ནགས་ཚལ་འཁྲིགས་ཤིང་། མཚོན་ཆ་སྣ་ཚོགས་པའི་རྩ་ཡི་ནེའུ་སིང་གོ་འཚམས་མེད་པར་གཏམ་པ་སོགས། མདོར་ན་རྩེ་ཤིང་ནགས་ཚལ་མེ་ཏོག་འབྲས་བུ་ཐམས་ཅད་མཚོན་ཆའི་རང་བཞིན་ལས། མཚོན་ཆའི་སེར་རག་བར་མེད་དུ་འབེབས་ཤིང་འཁྲུགས་པས་གདུགས་པ་ཅན་རྣམས་བརླག་པར་བྱེད་པ། བྲག་རིའི་སུལ་རྣམས་ནས་ཞག་དང་ཁྲག་གི་ཆུ་བོ་དང་ཆུ་ཕྲན་རྣམས་དྲག་པོའི་ཤུག་གིས་རྒྱུ་བ། འདབ་ཆགས་ནདང་གཅན་གཟན་གཏུམ་པོའི་ཚོགས་རྣམས་ཡོངས་སུ་རྒྱུ་ཞིང་། དགྲ་བོའི་ཤ་ཁྲག་ལ་སྤྱོད་ཅིང་ངར་སྐད་འབྱིན་པ། གིང་དང་སྲིན་པོ་མོན་པའི་ཚོགས་ཀྱིས་དགྲ་བགེགས་ཉུལ་ཞིང་རྒྱུག་ཅིང་འགུགས་གསོད་ཀྱི་ལས་བྱེད་པ།

― KMC025_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་རི་དེ་ཡི་རྩ་བར་ཁྲག་གི་རྒྱ་མཚོ་འཁྱིལ་བ་ལས་འཇིགས་པའི་རྦ་རླབས་རི་རབ་རྩམ་འཕྱོ་ཞིང་ཆུ་སྲིན་ལ་སོགས་པ་མ་རུངས་པའི་སྲོག་ཆགས་དུ་མ་རྒྱུ་བ་ལ་ཀླུ་མགོན་རྣམས་ཀྱི་བརྟེན་པ། ཕྱི་རོལ་ལྕགས་རི་ནག་པོས་བཟླུམ་པོས་བསྐོར་བ་ལ་གཤིན་རྗེའི་ཕོ་བྲང་བཅས་པ། དེ་ཡི་ཕྱིར་སྔར་བསྐྱེད་པའི་སྲུང་འཁོར་རྩིབས་བཅུ་པ་དེ་ཉིད་གཡོན་དུ་དྲག་པོར་འཁོར་བའི་ཕྱི་རོལ་གྱི་སྟེང་འོག་གོ་སྐབས་མེད་པར་མཚོན་ཆའི་སྒྱོགས་བཆར་འབེབས་པ་དེའི་ཕྱི་རོལ་དུ་བསྐལ་པའི་མེ་ལྕེ་ཡང་ཆུང་ངུར་གནོན་ཅིང་། དམྱལ་མེའི་རེག་བྱའང་བསིལ་བར་བྱེད་པའི་མེའི་གུར་ཁང་ཟླུམ་པོ་བར་མེད་དུ་འབར་བ་སྟེ་དེ་ལྟ་བུ་ལོག་པར་འདྲེན་པ་ལྟ་ཅི་རྡོ་རྗེ་འཛིན་པའང་འཇིགས་ཤིང་རྒྱུ་བར་མི་ནུས་པའི་དཀྱིལ་འཁོར་རྟེན་བཅས་པ་རྣམས་མེ་ལོང་ལ་པྲ་ཕབ་པ་ལྟར་མ་འདྲེས་ཡོངས་སུ་རྫོགས་པ་བདག་མདུན་མེ་རི་འདབས་འབྱོར་གྱི་ཚུལ་དུ་གསལ་བར་བསྐྱེད་པའི་གསལ་སྣང་དང་། ཁྱད་པར་ཐམས་ཅད་ཀྱི་ཕྲིན་ལས་དྲག་པོའི་མཐུ་སྟོབས་གཅིག་ཏུ་བསྡུས་ཤིང་ཡེ་

― KMC025_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ལས་དང་འཇིག་རྟེན་གྱི་ཆོས་སྐྱོང་ཀུན་གྱི་སྤྱི་དཔལ་ཡེ་ཤེས་ཀྱི་མགོན་པོ་རྡོ་རྗེ་བེར་ནག་ཅན་ལྕམ་དྲལ་ངའོ་སྙམ་པའི་ང་རྒྱལ་བརྟན་པོའི་གྱད་དང་ལྡན་པས་རྩེ་གཅིག་ཏུ་ནས་མ་དྷི་ལ་བསྒྲིམ་མོ། ས་བཅད་བཞི་པ་བསྙེན་པས་བྱིན་རླབས་བསྡུ་བ་ནི། བཟླས་པའི་ཐོག་མར་སྤྱན་འདྲེན་གྱི་དམིགས་པ་རེ་སྤྲད་དེ་ཡེ་ཤེས་ཀྱི་འཁོར་ལོའི་ཚོགས་དཔག་ཏུ་མེད་པ་སྤྱན་དྲངས་ནས་རང་དང་མདུན་བསྐྱེད་ལ་བསྟིམ་མོ། དེ་ནས་བསྙེན་སྔགས་དངོས་བཟླ་བ་བརྒྱུད་དང་མན་ངག་གི་རིམ་པ་དང་ཕྱི་ནང་གསང་བས་ཕྱེ་བའི་བཞེད་ཚུལ་མི་འདྲ་བ་མང་དུ་འབྱུང་མོད་འདིར་ནི་གྲུབ་བརྙེས་ཆགས་མེད་ཞབས་ཀྱི་སྐུ་ཡི་སྔགས་ཏིང་འཛིན་གྱི་འཁྲུལ་འཁོར་ལ་འདུ་བས་ངག་ཏུ་གསུང་གི་སྙིང་པོ་ཁོ་ན་བཟླ་བར་གསུངས་པ་ཉིད་དོན་ལ་གནས་ཤིང་ཕྱག་བཞེས་སུའང་དེ་ལྟར་མཛད་པས་བསྙེན་པའི་སྐབས་འདིར་ཞལ་སྦྱོར་གསུང་གི་སྙིང་པོ་ཁོ་ན་ལ་ཚིག་དྲིལ་དུ་བཟླ་ཞིང་། དམིགས་བགནད་ནི་བདག་མདུན་ཡབ་ཀྱི་ཐུགས་ཀར་ཟླ་བའི་གདན་ལ་སྲན་མ་བཀས་

― KMC025_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཙམ་གྱི་སྟེང་དུ་ས་བོན་ཧཱུྃ་ཡིག་ནག་ལ་དམར་མདངས་འཕྲོ་བ་དང་དེ་ཡི་མཐར་ཨོཾ་ཤྲཱི་མ་ཧཱ་ཀཱ་ལ་ཧཱུྃ། ཅེས་པའི་སྔགས་མཐིང་ནག་ངོ་ཕྱིར་བསྟན་གྱིས་གཡོན་ཏུ་བཀོད་པ་གཡས་སུ་མྱུར་བར་འཁོར་བའི་གཟུགས་རྣམས་ཤིན་ཏུ་ཕྲ་ལ་དོད་པ་མེ་འོད་འཁྲུགས་པ་བསྒོམ། ལྷ་མོའི་ཐུགས་ཀར་ཉི་གདན་ལ་བྷྱོཿསྔོ་ནག་གི་མཐར་ཨོཾ་ཡཀྴ་བཻ་ཏ་ལི་ཛ༔ཞེས་པ་ཡིག་ངོ་ནང་བསྟན་གཡས་སུ་བཀོད་ཅིང་གཡོན་དུ་འཁོར་བ་ཤིན་ཏུ་ཕྲ་ཞིང་འོད་ཟེར་འབར་བ་ལ་སེམས་འཛིན་ཅིང་སྔགས་བཀླགས་པའི་ཚུལ་དུ་བཟླས་པ་ནི་ཟླ་སྐར་ཕྲེང་བ་ལྟ་བུའི་བཟླས་པའོ། །དེ་ལ་གོས་ནས་བདག་མདུན་ཡབ་ཡུམ་གྱི་ཐུགས་སྲོག་སྔགས་ཕྲེང་བཅས་པ་ལས་འོད་ཟེར་སྨུག་ནག་གི་ཚོགས་དཔག་ཏུ་མེད་པ་འཕྲོས་ཆོས་ཀྱི་དབྱིངས་དང་འོག་མིན་གྱི་ཞིང་། རི་རབ་ལྷོ་ཕྱོགས་རྩུབ་འགྱུར་གྱི་ཚལ་དང་རྒྱ་མཚོའི་གླིང་དུར་ཁྲོད་ཀྱི་ཚལ་རྣམ་དང་ཨུ་རྒྱན་གྱི་གནས་ཤིང་ཡོངས་འདུས་ལྗོན་པ་བྱང་ཤར་འཕྲུལ་གྱི་གཞལ་ཡས་ཁང་སོགས་སུ་དཔལ་མགོན་འཁོར་བཅས་ཀྱི་དཀྱིལ་འཁོར་གྱི་

― KMC025_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཚོགས་བཞུགས་པའི་ཐུགས་ཀར་ཕོག་པས་ཐུགས་རྒྱུད་བསྐུལ་སྐུ་གསུང་ཐུགས་ཀྱི་བྱིན་རླབས་རྣམས་སྐུ་ཕྱག་རྒྱ་གསུང་ཡིག་འབྲུ་ཐུགས་ཕྱག་མཚན་གྱི་རྣམ་པ་དཔག་ཏུ་མེད་པ་ཆར་ཆེན་པོ་བབས་པ་ལྟར་བྱོན་ནས་བདག་མདུན་ལ་སིབ་སིབ་ཐིམ་པས་སྐུ་གསུང་ཐུགས་ཀྱི་བྱིན་རླབས་ནུས་པའི་དངོས་གྲུབ་ཐམས་ཅད་་བཐོབ་ནས་མཐུ་སྟོབས་གཟི་བརྗིད་འབར་བར་བསམ་ལ་སྔགས་བཟླ་བ་ནི་བསྙེན་པས་བྱིན་རླབས་བསྡུ་བའོ། །ལྔ་པ་ཉེ་བར་བསྙེན་པས་ཡེ་ཤེས་དབབས་ཅིང་ཐུགས་རྒྱུད་བསྲེ་བ་ནི། སླར་ཡང་བདག་མདུན་གྱི་ཐུགས་ཀ་ནས་འོད་ཟེར་ལྔ་ལྡན་མཐིང་ཁ་སྨུག་ཤས་ཆེ་བ་བསམ་གྱིས་མི་ཁྱབ་པ་འཕྲོས་པས། རང་བཞིན་གྱི་གནས་ནས་ཡེ་ཤེས་ཀྱི་མ་མགོན་ཡབ་ཡུམ་བཅོ་བརྒྱད་པོ་བར་འཚམས་མེད་པར་བུ་ཡུག་འཚུབས་པ་བཞིན་བྱོན་ནས་རྡོ་ཚན་ལ་ཁ་བ་བབས་པ་བཞིན་བདག་ཉིད་དང་མདུན་བསྐྱེད་ལ་སིབ་སིབ་ཐིམ་པར་མོས་ལ་མ་མགོན་གྱི་ཐུགས་རྒྱུད་དང་དབྱེར་མེད་དུ་གྱུར་པའི་ང་རྒྱལ་བཟུང་བ་ལ་ཡུན་རིང་དུ་

― KMC025_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

འབད་པ་གལ་ཆེ་སྟེ། རིན་པོ་ཆེ་ཀརྨ་པས། རང་བཞིན་གྱི་གནས་ནས་མ་མགོན་བཅོ་བརྒྱད་པོ་སྤྱན་དྲངས་ཤིང་རང་ལ་བསྟིམ་ནས་སྔགས་ཆུ་བོའི་རྒྱུན་བཞིན་བཟླས་ན་མཐུ་སྟོབས་མགོན་པོ་དང་མཉམས་ཤིང་ཕྲིན་ལས་མིང་ཡོངས་སུ་གྲགས་པའི་ཀརྨ་པ་ལྟར་རྒྱས་པར་འགྱུར་རོ། །ཅེས་གསུངས་པས་བསྙེན་པའི་སྐབས་ཀྱི་དམིགས་རྐང་གི་གཙོ་བོ་འདི་ལ་བྱ་བར་གཅེས་སོ། །ཐུན་གྲོལ་བ་ན་ཐུན་གཏོར་ལ་འགུགས་པ་ལན་གསུམ་མཐར་སྤྱི་དྲིལ་དང་རྦད་སྔགས་སོགས་ཀྱང་བརྗོད། དམིགས་པ་ནི་བདག་མདུན་དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་མཐིང་ནག་དང་སྤྲུལ་པའི་ཕོ་ཉ་དུ་མ་སྤྲོས་པ་རྣམས་ཀྱིས་གནོད་བྱེད་དགྲ་བགེགས་བྱད་མའི་ཚོགས་དང་དབང་མེད་པར་བླ་སྲོག་རྣམ་ཤེས་དང་ཕུང་པོ་བཅས་པ་བཀུག་ནས་བཧོཾ་ཁུང་གཏོར་མ་དམིགས་བྱར་གསལ་བ་ལ་བསྟིམ། ཡང་བདག་མདུན་གྱི་ཐུགས་ཀ་ནས་ཧཱུྃ་ནག་པོ་དང་ཛ༔དམར་པོ་སྤྲོས་པས་ཧཱུྃ་ཁོ་ཡི་སྣ་བུག་གཡོན་དང་ཛ༔ཁོ་ཡི་གཤང་ལམ་ནས་ཞུགས། སྙིང་ཁར་ཟངས་

― KMC025_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཀྱི་འཁོར་ལོ་གཉིས་སུ་གྱུར་པ་གཡོན་དང་གཡས་སུ་འཁོར་བས་ཤ་རུས་དུམ་བུར་ཏིལ་བཞིན་དུ་བཏུབས་པ་རི་རབ་དང་མཉམས་པར་གྱུར་པའི་སྟེང་དུ། བདག་གི་ཐུགས་ཀ་ནས་ཡི་གེ་འབྲུ་གསུམ་འཕྲོས་ཏེ་དེ་ཡི་འོད་ཀྱི་ཕྱོགས་བཅུའི་རྒྱལ་བ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་འོད་ཟེར་སྣ་ཚོགས་པའི་རྣམ་པར་སྤྱན་དྲངས་ནས་ཐིམ་པས་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར་པ་དེ་ཉིད། རང་ལས་སྤྲུལ་པའི་ཁྲོ་མོ་དུ་མས་བྷནྡྷའི་སྣོད་དུ་བཅུས་ནནས་ཕུལ་བས་ཧབ་སྒྲ་དིར་གྱིས་གསོལ་ཞིང་། ལྷག་མ་ཤ་ཁྲག་གིས་རྒྱ་མཚོས་ལས་མཁན་བྱ་གཅན་རྣམས་ཀྱིས་རྗེས་ཤུལ་མེད་པར་རོལ་བ་དམིགས་ནས། ཧཾ་བྱང་ཕྱོགས་དུར་ཁྲོད་སོགས་བསྐུལ་རིང་དང་། ཡེ་ཤེས་དབྱིངས་ལས་བསྐུལ། རྡོ་རྗེ་བཀའ་ཟློག་དང་། ལོཀྟྲིའི་ཡང་བཟློག་བྱ་ཞིང་ཐུན་འཚམས་ལ་འཇུག་གོ །དེས་ཐོར་ཐུན་གྲུབ་སྔ་ཐུན་ལ་མཆོད་ཁ་གོས་སྦྲན་བྱ་ཞིང་དྲག་པོའི་ཞལ་ཟས་དང་བཱ་ལིང་མང་བར་བཤམས་ནས་བྱིན་རླབས་རྒྱ་ཆེར་སྤེལ་ནས། གསོལ་ཁ་

― KMC025_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་འབྲིང་གང་རུང་ལ་བསྟན་བསྲུང་མཐར་ཐུག །བདེ་ཆེན་ཆོས་དབྱིངས་སོགས་སྦྱར་བ་དང་། ལྷ་མོའི་གསོལ་ཁ་དང་དམ་ཞིང་གཉིས་ཀྱི་གསོལ་ཁའང་བརྒྱས་བསྡུས་གང་མོས་འདོན། དམིགས་པ་རང་གི་ཐུགས་ཀ་ནས་འོད་འཕྲོས་འོག་མིན་གྱི་ཞིང་ནས་ཡེ་ཤེས་ཀྱི་མགོན་པོ། རི་རབ་ལྷོ་ཕྱོགས་ཀྱི་དུར་ཁྲོད་རྩུབ་འགྱུར་ཚལ་ནས་ལས་ཀྱི་མགོན་པོ། རི་རབ་ཁོང་གསེང་། རབ་འཇིགས་དུར་ཁྲོད་བརྒྱད་རྣམས་ནས་འཇིག་རྟེན་གྱི་མགོན་པོ་སོགས་སྤྱན་དྲངས། མདུན་བསྐྱེད་སོ་སོ་ལ་བསྟིམས་ཤིང་དགྱེས་པར་བཞུགས་པར་དམིགས། དེ་རྣམས་ལ་མཆོད་པའི་སྤྲིན་གྱིས་མཆོད་ཅིང་ཉེས་བྱས་བཤགས། ཕྲིན་ལས་བཅོལ་བས་མགོན་པོའི་འཁོར་བཅས་ཤིན་ཏུ་དགྱེས་ཤིང་གཟི་བརྗིད་ལྷག་པར་འབར་བའི་འོད་ཟེར་ཚ་ལ་རྩུབ་པ་ལྕགས་ཀྱུ་ལྟ་བུར་འཇིག་རྟེན་གྱི་ཁམས་ཁྱབ་པར་འཕྲོས། ཕ་རོལ་གྱི་ལྷ་སྲུང་གི་མཐུ་ནུས་གཟི་ནབརྗིད་ཐམས་ཅད་བསྡུས་ནས། མདུན་བསྐྱེད་ལ་བསྟིམ། ཡང་འོད་ཟེར་དང་མཚོན་ཆའི་ཆར་དང་ཕོ་ཉའི་ཚོགས་ཀྱིས་

― KMC025_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བགེགས་བཅོམས་ཤིང་གཟུགས་ཕུང་ཞལ་དུ་བསྟབས། ཡང་འོད་ཟེར་བདུད་རྩིའི་རང་བཞིན་འཕྲོས་པས་འཁོར་འདས་ཀྱི་ལེགས་ཚོགས་དང་མཐུ་བྱིན་རྣམས་བསྡུས་ནས་བདག་ལ་ཐིམ་པས་ཚེ་བསོད་འབྱོར་པ་རྒྱས་པར་དམིགས། ཡང་འོད་ཟེར་ཟླ་ཟེར་ལྟ་བུ་འཕྲོས་པས་བདག་ཅག་རྣམས་ཀྱི་ནད་གདོན་བར་ཆད་ཐམས་ཅད་ཞི་བར་བྱས་ཤིང་། འོད་དམར་རྡོ་རྗེའི་ཞགས་པས་ཁམས་གསུམ་དམིགས་བྱ་རྣམས་བཅིངས་ནས་བདག་གི་དབང་དུ་བསྡུས། ཡང་བདུན་བསྐྱེད་རྣམས་ཀྱིས་བསྟན་པ་བསྲུང་ཞིང་ཕྲིན་ལས་བསྒྲུབ་པར་ཞལ་གྱིས་བཞེས་བནས་རྟན་རྣམས་ལ་མི་འབྲལ་བར་བཞུགས་པར་དམིགས་སོ། །མཐར་བདག་སྒྲུབ་མ་བསྡུས་པས་ཐུགས་དམ་བསྐུལ་ཞིང་དམིགས་བཟླས་སྤྲོ་བསྡུའི་འཁྲུལ་འཁོར་བཅས་གོང་བཞིན་བྱས་ལ། ཐུན་གྲོལ་སྐབས་བསྐུལ་བསྐལ་པ་མེ་ལྟར་མ་དང་། གསང་སྔགས་རྣལ་འབྱོར་གཉིས་གྱེར་ཞིང་ཡང་བཟློག་སེང་གདོང་མས་བྱ་བ་ལས་གཞན་དམིགས་འདོན་རྣམས་ཐོར་ཐུན་བཞིན་བྱ།

― KMC025_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་ཐུན་ལ་མཆོད་པ་གོས་བྲན་བྱས་ནས་བྱིན་རླབས་སྔོན་དུ་འགྲོ་བའི་བསྐང་བ་རྒྱས་འབྲིང་བསྡུས་པ། ལྷ་མོ་དང་ཚེ་རིང་མའི་བསྐང་བ་སོགས་གང་མོས་སྦྱར་ཞིང་དམིགས་པ་ནི། རི་རབ་གླིང་བཞི་གླིང་ཕྲན་རྣམས་སྲིད་པ་གསུམ་གྱི་བཀོད་པས་མཛེས་པ་འཁོར་ཡུག་དང་བཅས་པའི་ནསྟོང་གསུམ་བྱེ་བ་ཕྲག་བརྒྱ་དང་། དྲག་པོའི་སྐྱེད་ཚལ་ཕོ་བྲང་རྒྱལ་སྲིད་སྣ་བདུན་དང་། ཉེ་བའི་རིན་པོ་ཆེ་བདུན་དང་བཀྲ་ཤིས་རྫས་བརྒྱད། གོ་མཚོན་སྤྱན་གཟིགས་རྣམས་དང་། ཁྱད་པར་རི་ལྟར་སྤུངས་པའི་བཱ་ལིང་། མཚོ་ལྟར་བསྐྱིལ་བའི་བདུད་རྩི་དང་རཀྟ། རྟེན་སྐོང་སྒྲུབ་པའི་རྫས་ཕྱི་ནང་གསང་བས་ཕྱེ་བ་རེ་རེ་ལས་ཀྱང་བྱེ་བ་དུང་ཕྱིར་གྲངས་མེད་དུ་འཕེལ་ཞིང་འཕྲོ་བས་ནམ་མཁའི་ཁམས་ཇི་སྲིད་པ་དེ་སྲིད་དུ་བཀང་ཏེ་ཕུལ་བས། མགོན་པོ་འཁོར་བཅས་ཀྱིས་དགྱེས་པར་བཞེས་ནས་ཐུགས་དམ་ཉམས་ཆགས་རྣམས་བསྐང་ཞིང་སོར་ཆུད། གཡར་དམ་གཉེན་པོ་རྗེས་སུ་དགོངས་ཏེ་བདག་དང་རྒྱུ་སྦྱོར་གྱི་ཆགས་བཆེ་ཉམས་ང་བྱད་ཕུར་རྦོད་གཏོང་རྨི་

― KMC025_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟས་ངན་པ་སོགས་མི་མཐུན་པའི་ཕྱོགས་ཐམས་ཅད་ཕྱིར་བཟློག་པའི་ཕྲིན་ལས་མཛད། དགྲ་བོ་རྣམས་རྟགས་དང་ཆོ་འཕྲུལ་དུ་མ་དང་བཅས་ཚར་བཅད། གཙུག་ལག་ཁང་དང་རྟེན་མཆོད་བུ་སློབ་སྦྱིན་བདག་རྟ་ནོར་ཁང་ཁྱིམ་གཡུལ་གཞི་དང་བཅས་པ་རྣམས་མགོན་པོ་ལྕམ་དྲལ་འཁོར་དང་བཅས་པས་བདག་ཏུ་བསྲུང་ནས་བསྲུང་ཞིང་བསྐྱོབ་པར་མཛད་ཅིང་བདག་གི་ལུས་དང་གྲིབ་མ་བཞིན་འགྲོགས་ནས་ཕྲིན་ལས་ཐམས་ཅད་བསྒྲུབ་བོ་ཅེས་ཞལ་གྱིས་བཞེས་པར་མོས། ཐུགས་དམ་བསྐུལ་བ་བདག་བསྒྲུབ་མ་རྒྱས་པར་གྱེར་ཞིང་གོང་ལྟར་བསྙེན། སྔགས་རྒྱུན་རྣམས་ཀྱང་མཆོད་པའི་ཚུལ་དུ་ལན་གསུམ་མམ་བདུན་སོགས་བཟླ། ཐུན་གྲོལ་བ་གཞན་ཐུན་སྔ་ནམ་དང་མཚུངས་བསྐུལ་འདས་བྱོན་མ་དང་། ཡང་བཟློག་སེང་གདོང་མས་བྱའོ། སྲོད་ཐུན་ལ་མཆོད་ཁ་གསོ་བྲན་རིགས་བྱས་ནས། མངོན་རྟོགས་ནས་བཟུང་མཚལ་མ་ཉིད། མཐར་ཆགས་སུ་བཏང་འཁོར་ལྔ་རྗེས་འབྲངས་དང་བཅས་པའི་གཏོར་འབུལ་སོགས་གཏོར་བསྔོས་

― KMC025_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་གསལ་སྦྱར་འོས་རིགས་ཡོད་ན་འདིར་སྦྱོར་ཞིང་། དམིགས་རྐང་ནི་གོང་དུ་མདོར་བསྡུས་བསྟན་ཟིན་པ་བཞིན་བྱ། མཁའ་འགྲོ་སྤྱི་གཏོར་གཞི་བདག་གཏོར་མ་བཅས་མཐར་བསྟོད་པ་དང་། གསོལ་བསྐང་མདོར་བསྡུས་ཐུགས་དམ་བསྐུལ་བ་བསྡུས་པ་བཅས་བྱས་ནས་དམིགས་བཟླས་ལ་འཇུག །མཐར་འགུགས་པ་ལན་གསུམ་བསྒྲལ་དམིགས་བཅས་པ་དང་བསྐུལ་བགང་ཞིག་བླ་མ། རྡོ་རྗེ་བཀའ་ཟློག །ཡང་ཟློག་ཚེ་བདག་བཟློག་པ་བཅས་དང་དངོས་གྲུབ་བླངས་པ་ལྷག་མ། རྗེས་ཆོག་སོགས་སྔ་ཉིན་ལྟར་བྱའོ། དེ་ལྟ་བུ་ཐུན་བཞིའི་རིམ་པས་སྒྲུབ་ཡུན་ཇི་ཙམ་བྱ་བའི་གསུམ་ཆ་གཉིས་མ་རྫོགས་ཀྱི་བར་དུ་བྱ། དེ་ནས་དྲུག་པ་བསྒྲུབ་པ་ནི་གཞན་རྣམས་ཆོ་གའི་རིམ་པ་བཅས་སྔར་དང་འདྲ་བ་ལས། བསྙེན་པའི་སྐབས་ཐོག་མར་སྤྱན་འདྲེན་གྱི་སྔགས་དང་དམིགས་པ་ནས་བཟུང་བསྙེན་པ་དང་ཉེ་བསྙེན་གྱི་དམིགས་པ་རྣམས་ཁྱུག་ཙམ་རེ་བཏང་ནས། སྒྲུབ་དམིགས་དངོས་ནི། མདུན་བསྐྱེད་མ་མགོན་གྱི་ཐུགས་དེ་པདྨ་དམར་པོ་ཁ་

― KMC025_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླུམ་ལྟ་བུའི་ནང་སྟོང་སང་ངེར་ཡོད་པར། བདག་གི་ཐུགས་ཀ་ནས་འོད་ཟེར་བདུད་རྩིའི་རྒྱུན་འཕྲོས། ཡབ་ནཡུམ་གཉིས་ཀའི་ཐུགས་ཀྱི་ནང་དུ་མཆོད་པའི་རྒྱུན་དུ་ཕུལ་བས། བདུད་རྩིའི་རྒྱུན་གྱིས་ཐུགས་ཀྱི་ནང་སྟོང་པ་དེ་ལྟེམས་ཀྱིས་གང་བས་སྐུ་གསུང་ཐུགས་ཤིན་ཏུ་དགྱེས་ཤིང་ཚིམ་པར་བསམ་པ་ནི་མཆོད་པའི་དམིགས་པ་དང་། ཡང་བདག་མདུན་གཉིས་ཀའི་སྔགས་རང་སྒྲ་བཅས་པི་ལི་ལིར་འཁོར་བཞིན་པ་ལ་བདག་གིས་སྔགས་བགྲངས་པ་བཞིན་བདག་མདུན་འཁོར་བཅས་ཀྱིས་འུར་འུར་བཟླས་པའི་རྐྱེན་གྱིས་བསྐུལ་བས། སྣང་སྲིད་འཁོར་འདས་ཀྱི་རྟེན་གཡོའི་དངོས་པོ་ཐམས་ཅད་མ་མགོན་གྱི་སྐུ་ཡི་རྣམ་པར་གྱུར་ནས་སྔགས་སྒྲ་འབྲུག་སྟོང་དུས་གཅིག་ལ་བསྒྲགས་པ་ལྟར་ལྡིར་བཞིན་པར་སྤྱན་དྲངས་པ་བདག་མདུན་ལ་སིབ་སིབ་ཐིམ་པས་བྱིན་རླབས་དང་བདངོས་གྲུབ་ཐོབ། ཡང་འོད་འཕྲོས་པས་ཕྱི་སྣོད་ཀྱི་འཇིག་རྟེན་ཐམས་ཅད་མགོན་པོའི་གཞལ་ཡས་ཁང་དང་། ནང་བཅུད་ཀྱི་སེམས་ཅན་ཐམས་ཅད་མ་

― KMC025_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་གྱི་རྣམ་པར་གྱུར་པ་རྣམས་ཀྱང་སྔགས་སྒྲ་དི་རི་རི་སྒྲོགས་པས་གང་བར་དམིགས་པ་ནི་བུང་བ་ཚང་ཞིག་ལྟར་བུའི་བཟླས་པའོ། །ཡང་བདག་ཉིད་ཀྱི་ཐུགས་ཀའི་སྔགས་ཕྲེང་ལས་ཨོཾ་ཤྲཱི་མ་ཧཱ་ཀཱ་ལ་ཧཱུྃ། ཅེས་པའི་སྔགས་མཐིང་ནག་ཡིག་འབྲུ་གཅིག་གི་མཇུག་ཏུ་གཅིག་བཏགས་པའི་ཕྲེང་བ་དང་། ཡུམ་གྱི་ཐུགས་ཀའི་སྔགས་ལས་ཡཀྴ་བཻ་ཏ་ལི་ཛ༔ཞེས་པའི་ཕྲེང་བ་མཐིང་ཁ་གོང་བཞིན་བྱུང་། ཡབ་ཡུམ་གྱི་ཞལ་ནས་ཐོན་པ་དང་སྔགས་གཉིས་པོ་འདྲེས་ཏེ། །ཨོཾ་ཤྲི་མ་ཧཱ་ཀཱ་ལ་ཡཀྴ་བཻ་ཏ་ལི་ཧཱུྃ་ཛ༔ཞེས་པའི་སྔགས་ཀྱི་ཕྲེང་བར་གྱུར་པ་དེའང་འོད་ཟེར་ནཕྲོས་བ་སྒྲོ་ཆུན་ལྟ་བུ་དང་འོད་ཀྱིས་ལྕགས་ཀྱུས་སྔ་མ་དང་ཕྱི་མ་སྦྲེལ་བ་ལྕགས་སྒྲོག་ལྟ་བུ་དང་། ཕན་ཚུན་དུ་འཁྱོགས་པ་མྱུར་བའི་ཤུགས་ཀྱིས་བགྲོད་པ་མ་ལ་གློག་གི་བགྲོད་པ། ཡིག་འབྲུ་རྣམས་མ་འདྲེལ་བ་ཧྲོག་གེར་ཡོད་པ་མུ་ཏིག་ཕྲེང་ལྟ་བུ་སྟེ་ཕྲིན་ལས་བཞི་ལྷུན་གྱིས་གྲུབ་པའི་རང་བཞིན་ཅན་དུ་གྱུར་པ་ལས་འོད་ཟེར་གྱི་ཚོགས་མུ་མེད་པར་འཕྲོས་པའི་རྩེ་ལས་མཆོད་པའི་སྤྲིན་རབ་འབྱམས་ཀུན་ཏུ་

― KMC025_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་ཏེ་འོག་མིན་གྱི་ཞིང་ནས་བཞུགས་པའི་རྒྱལ་བ་སྲས་བཅས་དང་། ཡི་དམ་ལྷ་ཚོགས། ཁྱད་པར་རྡོ་རྗེ་ནག་པོ་ཆེན་པོའི་དཀྱིལ་འཁོར་ལྷ་ཚོགས་རྣམས་ལ་སྐུ་གསུང་ཐུགས་མཉེས་པའི་མཆོད་པ་ཕུལ་བས་ཟག་པ་མེད་པའི་བདེ་བས་དགྱེས། བསྔགས་ཕྲེང་དེ་ཉིད་མདུན་བསྐྱེད་ཡབ་ཡུམ་གྱི་ཞལ་གྱི་ཐད་དུ་རྩེ་མོ་གཉིས་སུ་གྱུར་ཏེ་རང་རང་གི་ཞལ་དུ་ཞུགས། སོ་སོའི་ཐུགས་སྲོག་སྔགས་ཕྲེང་དང་བཅས་པ་ལ་ཐིམ་པས་དགྱེས་ཤིང་མཉེས་པར་གྱུར། སྒྲུབ་པ་པོ་ལ་དགྱེས་པས་དགོངས་ཏེ་བྱིན་རླབས་ནུས་སྟོབས་ཀྱི་དངོས་གྲུབ་མ་ལུས་པའི་དབྱིག་གི་རྒྱུན་གྱི་སྔགས་ཕྲེང་བྱུང་བ་སྐུ་ཡི་དབྱིབས་བརྒྱུད་དང་ཡབ་ཡུམ་གྱི་གསང་བ་ནས་ཐོན་གཅིག་ཏུ་གྱུར་ཏེ་ཚུར་བྱུང་བའི་འོད་ཀྱིས་གོང་གི་ལྷ་ཚོགས་རྣམས་ཀྱི་ཐུགས་རྒྱུད་བསྐུལ་བས་སྐུ་གསུང་ཐུགས་ཀྱི་དངོས་གྲུབ་ཐམས་ཅད་འོད་ཀྱི་རྣམ་པར་ཚུར་འཕྲོས་པ་སྔགས་ཕྲེང་ལ་ཐིམས་ཤིང་། སྔགས་ཕྲེང་དེ་ཡང་རྩེ་མོ་གཉིས་སུ་གྱུར། བདག་བསྐྱེད་ཡབ་ཡུམ་སོ་སོའི་གསང་བ་ནས་ཐུགས་སྲོགས་

― KMC025_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ན་སྔགས་ཕྲེང་དང་བཅས་པ་ལ་ཐིམ་པས་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་གསུང་ཐུགས་ཀྱི་བྱིན་རླབས་ཐོབ་ནས་གཉིས་སུ་མེད་པར་གྱུར་ཅིང་མཐུ་སྟོབས་དཔལ་མགོན་ལྕམ་དྲལ་དང་མཉམ་པ་ཡིན་སྙམ་པའི་མོས་པ་བྱ། ཡང་སྔར་བཞིན་སྔགས་འཕྲེང་འཁོར་བཞིན་པ་ལས་འོད་ཟེར་སྤྲོ་བསྡུས། དཔའ་བོ་མཁའ་འགྲོ། ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་རྣམས་ལ་རྒྱ་ཆེར་སྦྱར་ཞིང་མཆོད་པ་དང་བྱིན་རླབས་བསྡུ་བ་རྣམས་བྱ་བ་ནི་དོ་ལིའི་བཟླས་པའམ་མགལ་མེའི་འཁོར་ལོ་ལྟ་བུའི་བཟླས་པ་ཞེས་གྲགས་ཤིང་། འདི་ལ་ཐོག་མར་སྔགས་ཕྲེང་མི་བྱེད་པ་འོད་ཟེར་གྱི་སྐུད་པའི་སྤྲོ་བསྡུ་དང་དེ་ལ་གོམས་ནས་སྔགས་ཕྲེང་སྤྲོ་བབསྡུ་བྱ་བ་ལས་བསླབ་པ་ཡིན་ནོ། །བདུན་པ་སྒྲུབ་པ་ཆེན་པོས་ཚེ་བསོད་སྤེལ་ཞིང་དགྲ་བགེགས་སྒྲོལ་བའི་དམིགས་པ་ནི། དེ་ལྟར་སྒྲུབ་པའི་ཞག་གི་གྲངས་ཀྱི་ཕྱེད་ཆ་རྫོགས་པ་དང་། ཐུན་སོ་སོར་བསྙེན་སྒྲུབ་ཀྱི་དམིགས་པ་གོང་དུ་བཤད་པ་རྣམས་ཁྱུག་ཙམ་རེ་བྱས་ནས། ཐུན་གྱི་དངོས་གཞིར།

― KMC025_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བསྐྱེད་ཀྱི་ཐུགས་སྲོག་སྔགས་ཕྲེང་དང་བཅས་སྔར་བཞིན་ལ། མདུན་བསྐྱེད་མགོན་པོའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ། སྟེང་མ་གསེར་དང་འོག་མ་ཟངས་ལས་གྲུབ་པའི་འཁོར་ལོ་རྩིབས་ལྔ་པ་མུ་འཁྱུད་སྤང་པ་གཉིས་རེགས་ལ་མ་འབྱར་བའི་ཚུལ་དུ་བསྒོམ། འཁོར་ལོ་སྟེང་མའི་ལྟེ་བར་ཟླ་གདན་ལ་ཧཱུྃ་ཡིག་མཐིང་ནག །དེ་ཡི་གཡས་སུ་ཡཿམཐིང་ནག་དང་གཡོན་དུ་དུཿནག་པོ་དེ་གསུམ་ནགྱི་མཐར་མ་མགོན་གྱི་སྤྱི་དྲིལ་སྔགས་རིང་གཡོན་དུ་བཀོད་པ་གཡས་སུ་མྱུར་དུ་འཁོར་བར་བསྒོམ་ལ། བདག་གི་སྔགས་བཟླས་པས་རང་གི་ཐུགས་ཀ་ནས་འོད་ཟེར་དཀར་པོ་བདུད་རྩིའི་རང་བཞིན་འཕྲོས་པས་གསེར་འཁོར་ལ་ཕོག་པས་འཁོར་ལོ་གཡས་སུ་སི་ལི་ལིར་འཁོར་བས། དེ་ཡི་འོད་ཀྱིས་འཁོར་འདས་བརྟན་གཡོའི་དྭངས་བཅུད་ཐམས་ཅད་བསྡུས་ནས་བདག་ལ་བསྟིམ་པས་ཚེ་བསོད་དཔལ་འབྱོར་ཡོན་ཏན་ཡེ་ཤེས་སྙན་གྲགས་ཐམས་ཅད་རྒྱས་པར་དམིགས་ལ་སྤྱི་དྲིལ་སྔགས་རིང་བཟླ། བདག་གི་ཐུགས་ཀ་ནས་འོད་

― KMC025_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་སྨུག་ནག་གི་ཚོགས་སྤྲོས་མདུན་བསྐྱེད་ཀྱི་ཐུགས་ཀར་ཕོག་པས་རྒྱུད་བསྐུལ་ཐུགས་སྲོག་ལས་འོད་ཟེར་སྨུག་ནག་ཕྱོགས་བཅུར་འཕྲོས། ཡེ་ཤེས་ཀྱི་མགོན་པོའི་ཚོགས་དཔག་བཏུ་མེད་པ་སྤྱན་དྲངས་ནས་བདག་མདུན་ལ་ཐིམ་པས་མཐུ་སྟོབས་རྒྱས་པར་བསམ། ཡང་བདག་གི་འོད་ཀྱིས་མདུན་བསྐྱེད་ཐུགས་ཀའི་ཡཿབསྐུལ་བས་དེ་ལས་ངོ་བོ་གཤིན་རྗེ་ལ་རྣམ་པ་ལས་ཀྱི་མགོན་པོའི་ཚོགས་སྤྲོས། དགྲ་བགེགས་བྱད་མ་མི་ནོར་དང་བཅས་པ་བཀུག་ནས་འཁོར་ལོ་འོག་མའི་དཔལ་ཁར་བཀོད། དེ་བཞིན་གཡོན་གྱི་དུཿབསྐུལ་བས་དེ་ལས་ནད་ཀྱི་ན་བུན་དང་བདུད་དམག་དཔག་ཏུ་མེད་པ་བྱུང་ནས་དམིགས་བྱ་རྣམས་ན་བུན་རླུང་གིས་བདས་པ་བཞིན་བཀུག་སྟེ་འཁོར་ལོ་འོག་མའི་དཔལ་ཁར་བཀོད། ཡང་བདག་གི་ཐུགས་ཀ་ནས་འོད་ཟེར་ནག་པོ་ཚ་ལ་རྩུབ་པ་འཕྲོས། འཁོར་ལོ་འོག་མ་ལ་ཕོག་པས་འཁོར་ལོ་དེ་ཉིད་གནམ་ལྕགས་ལས་གྲུབ་པ་གནག་ཅིང་དམར་མདངས་ཆགས་པ་ལྕགས་བསྲེག་ནབཞིན་འབར་བར་གྱུར་ནས་གཡོན་དུ་དྲག་

― KMC025_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་འཁོར་བར་དགྲ་བགེགས་བྱད་མ་མི་ནོར་གཉེན་སྡེ་དང་བཅས་པ་རྡུལ་དུ་བརླག་པར་བསམ་ལ་སྔགས་རིང་བཟླའོ། །ཐུན་མཐར་འགུགས་པ་སོགས་ཉིན་སྔ་མ་རྣམས་བཞིན་བགྱིས་པས་འགྲུབ་བོ། བརྒྱད་པ་དེ་ལྟར་བསྙེན་ཅིང་བསྒྲུབ་པའི་རྟགས་ཀྱི་རིམ་པ་ནི། རང་གི་སློབ་དཔོན་དང་མཆེད་གྲོགས་དམ་ཚིག་གཙང་མ་དང་། མི་ནག་རྟ་ནག་གཡག་ནག་བྱ་ནག་ཁྱི་ནག་ལུག་ནག་རྣམས་དང་འགྲོགས་པ་དང་། གཅན་གཟན་གཏུམ་པོའི་རིགས་རྣམས་རང་ལ་དགའ་ཞིང་འདྲེས་པའི་རྣམ་འགྱུར་བྱེད་པ་འོད་དང་འཚུབས་མ་ནག་པོ། སྤྲིན་ནག་དང་འབྲུག་སྒྲ་འཇའ་ཚོན་དང་ཆར་ཟིམ་བུ། བུ་མེད་རྒྱན་ཅན་དང་རལ་ཅན། མ་སྲིང་བུ་བམོ་སོགས་བུ་མེད་ཀྱི་ཁྲོམ་འདུ་བ། བ་ཡུ་དང་རལ་གྲི་ནིའུ་ལེ་དང་རྨ་བྱ། ཁྲག་དང་འོ་མ་ཞག་ཆང་གི་མཚོ་འཁྱིལ་བ། དུག་སྦྲུལ་རླུང་འཚུབས། དྲེའུ་བོང་བུ། ཤ་ཝ་སེངྒེ་སོགས་མཐོང་བ་ནི་བསྙེན་པའི་རྟགས་དང་། སྐུ་ཡི་རྟགས་དངོས་ཉམས་རྨི་ལམ་ཞལ་མཐོང་། ཐང་སྐུ་རྙེད་པ་སོགས་དང་། གསུང་གི་རྟགས།

― KMC025_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སྒྲ་དང་ལུང་བསྟན་ཐོས་པ། རྒྱུད་དང་སྒྲུབ་ཐབས་ཀྱི་གླེགས་བམ་རྙེད་པ་ནམ་མཁའ་ནས་ཡིག་འབྲུ་མཐོང་བ་སོགས་དང་། ཐུགས་ཀྱི་རྟགས། ཏིང་འཛིན་སྐྱེ་བ། ཕྱག་མཚན་གྱི་མཚོན་ཆ་བཟང་རྙེད་པ་སོགས། གཞན་ཡང་ཕ་ཁུ་མི་ཆེན་སོགས་སང་ལ་འདུད་ཅིང་དེ་དག་གིས་རང་གི་ངག་སྒྲུབ་པ། དགའ་ཞིང་འོང་བ། མ་བསྲུ་བུ་མོ་ཆས་བཟང་གི་དངོས་གྲུབ་ནཀྱི་རྫས་སྟེར་བ། རང་གྱེན་དུ་འགྲོ་བ། ཁྲི་ལ་འཛེགས་པ། ནམ་ལངས་ཤིང་ཉི་ཟླ་ཤར་བ། མཁའ་ལ་ཕུར་ཞིང་རི་མཐོན་རྩེར་ཕྱིན་པ། དར་ཕྱར་དུང་འབུད། རྔ་བོ་ཆེ་བརྡུངས་པ་སོགས་ནི་བསྒྲུབ་པའི་རྟགས་དང་། ཁྱད་པར་བཅོས་མིན་གྱི་མོས་གུས་ཤུགས་འབྱུང་དུ་སྐྱེས་པ་དང་། བདེ་གསལ་མི་རྟོག་པའི་ཏིང་འཛིན་བཟང་པོས་འཁྲུངས་ཤིང་། མ་མགོན་དང་རང་སེམས་དབྱེར་མེད་དུ་རྟོགས་པ་ནི་མཆོག་གི་དངོས་གྲུབ་པའི་རྟགས་རྣམས། རང་གི་དབང་པོ་དང་བརྩོན་ཡིད་ཆེས་མོས་གུས་རྣམས་དང་འཚམས་པར་འཆར་རོ། །དེ་རྣམས་བྱུང་ཡང་དག་དྲོ་དང་རློམ་སེམས་མི་བྱ་ཞིང་། ཡང་

― KMC025_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལས་ལྡོག་པ་ངན་པའི་རྟགས་བྱུང་ནའང་ཁུ་འཁྲིགས་མི་བྱ་བར་སྐྱེ་མེད་ཀྱི་ངང་དུ་བསྙེམས་ཐག་གཅོད་ཅིང་། མཆོད་གཏོར་བསྐང་བཤགས་ཁྲུས་དང་བསྲུང་འཁོར་བསྲེག་བླུག་སོགས་གང་འཚམས་ཀྱི་སྦྱོར་བ་ལ་འབད་པར་བྱའོ། །དགུ་པ་གྲངས་དང་དུས་ཀྱི་བསྙེན་པའི་ཚད་སྨོས་པ་ནི། གཙོ་ཆེར་བསྙེན་སྒྲུབ་ལས་སྦྱོར་གང་བརྩམས་ཀྱང་རྟགས་ངེས་ཤིས་འཕྲོ་ངེས་མ་བྱུང་བར་འབད་པ་ནི་མཚན་མའི་བསྙེན་པ་ཤིན་ཏུ་གལ་ཆེ་བ་ཡིན་ལ། ལས་རུང་ཙམ་ལ་རབ་དུས་ཀྱི་བསྙེན་སྒྲུབ་ལ་ཟླ་བ་དྲུག །འབྲིང་གསུམ། མཐའ་མ་ཞག་ཉེར་གཅིག་གོ །འབྲེལ་འཇོག་དང་བསྙེན་པ་ཁ་གསོལ་ནི་ཞག་བདུན་གྱིས་ཀྱང་རུང་ལ། ལས་སྦྱོར་དེ་ཡིས་འགྲོ་བསྟུན་གྱིས་རབ་ཉེར་གཅིག །འབྲིང་ཞག་དགུ། མཐའ་མ་ཞག་གཉིས། ཡང་མཐའ་ཉིན་གཅིག་ནགིས་ཀྱང་འགྲུབ་ཅིང་། གྲངས་ཀྱི་བསྙེན་པ་རབ་གསུང་སྙིང་འབྲུ་གསུམ་འགྱུར་གྱིས་འབུམ་ཕྲག་གསུམ་ཅུ་སོ་དགུ། འབྲིང་འབྲུ་འབུམ་སྟེ་འབུམ་ཕྲག་བཅུ་གསུམ། ཐ་མ་དྲུག་འབུམ་ལྔ་ཁྲིའོ། །སྤྱི་དྲིལ་

― KMC025_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་རིང་ནི་རང་གི་བློ་སྟོབས་དང་སྦྱར་བས་ཅི་འགྲུབ་ཀྱིས་ཆོག་གོ །བཅུ་པ་གེགས་སེལ་ནི། རང་དང་ལྷ་སྲུང་ལ་གྲིབ་དང་མི་གཙང་བའི་ལྟས་བྱུང་ན་ཁྲུས་ཀྱི་ཆོ་ག་ནི། གཙང་མའི་ཁར་མཎྜལ་ཚོམ་བུ་གཅིག་པའི་སྟེང་བུམ་པ་བཟང་པོ་རི་བཟང་དང་པོ་ལྔའི་རྫས་ལྡན་དག་བྱེད་ཀྱི་རྒྱུན་དང་ལྡན་ཅིག་པས་བཀང་བ་དར་ནག་པོའམ་སྔོན་པོས་མགུལ་བཅིངས་པ་ཁ་རྒྱན་དང་བཅས་པ་བཤམས་པ་ལ། ཉེར་སྤྱོད་ཀྱིས་བསྐོར་ཏེ། ལས་སྔགས་ཀྱི་བསང་ཞིང་སྦྱང་། བསྟོང་པའི་ངང་ལས་པད་ཟླའི་སྟེང་དུ་བྷྲྂ་ནག་པོ་ཡོངས་སུ་གྱུར་པ་ལས། ཕྱི་བུམ་པ་མཚན་ཉིད་རྫོགས་པའི་ནང་བདུད་རྩི་ཆུ་གང་བའི་སྟེང་དུ་གཞལ་ཡས་ཁང་བཀོད་པ་ཕུན་སུམ་ཚོགས་པའི་དབུས་སུ་པད་ཉི་དྲེལ་རྟའི་གདན་ལ་ཧཱུྃ་བྷྱོ་མཐིང་ཁ་ལས་འོད་འཕྲོས་དོན་གཉིས་བྱས་ཤིང་ཚུར་འདུས་ཡོངས་སུ་གྱུར་པ་ལས། དཔལ་རྗེ་བཙུན་ནག་མོ་ཆེན་པོ་ཡབ་ཡུམ་རྒྱན་ཆ་ལུགས་ཡོངས་སུ་རྫོགས་པའི་གནས་གསུམ་འབྲུ་གསུམ་གྱིས་མཚན་པའི་འོད་ཀྱིས་ཡེ་ཤེས་པའི་ཚོགས་བསམ་གྱིས་མི་ཁྱབ་

― KMC025_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྤྱན་དྲངས་པ་རྣམས་བསྐྱེད་པ་དང་གཉིས་སུ་མེད་པར་གྱུར། སླར་ཡང་དབང་གི་ལྷ་སྤྱན་དྲངས་པ་རྣམས་ཀྱིས་དབང་བསྐུར་བས་སྐུ་གང་དྲི་མ་དག །ཆུ་ལྷག་ཡར་ལུད་པ་ལས་མི་བསྐྱོད་པའི་དབུ་བརྒྱན་པར་གྱུར་པ་ལས། བདག་གི་ཐུགས་ཀ་ནས་སྤྲུལ་པའི་རྡོ་རྗེའི་ལྷ་མོ་རྣམས་ཀྱིས་མཆོད་ཅིང་བསྟོད་པར་གྱུར་པར་ལྟས་ལ། ཨོཾ་ཁྲག་གི་རྒྱ་མཚོ་སོགས་ཀྱིས་མཆོད་ཅིང་། ཧཱུྃ་ཌཱ་ཀྐི་བྱེ་བ་འབུམ་གྱིས་སོགས་ཀྱིས་བསྟོད་ནས་བཟླས་པ་བྱ་བ་ནི། བུམ་ལྷའི་སྤྱི་བོར་རིགས་བདག་མི་བསྐྱོད་པ། །རྡོ་རྗེ་སེམས་དཔའི་ངོ་བོར་བཞུགས་པ་ཡི། །གནས་གསུམ་རྡོ་རྗེ་གསུམ་གྱི་ཡི་གེས་མཚན། །མགོན་པོའི་ཐུགས་ཀར་ཟླ་སྟེང་ཧཱུྃ་གི་མཐར། །བཟླ་བྱའི་སྔགས་ཀྱིས་གཡས་སུ་བསྐོར་བར་གྱུར། །བདག་གི་ཐུགས་ལས་འོད་ཟེར་མཆོད་པའི་སྤྲིན། །བུམ་བསྐྱེད་ལྷ་ཡི་ཐུགས་སྲོག་ལ་ཞུགས་པས། རྒྱུད་བསྐུལ་སྔགས་ལས་བདུད་རྩིའི་ཆུ་རྒྱུན་བབས། །དེ་ཡི་འོད་ཟེར་ཟེགས་མས་རིགས་བདག་གི། ཡི་གེ་གསུམ་བསྐུལ་དེ་རྣམས་ལས་འཕྲོད་པའི། །འོད་ཀྱིས་

― KMC025_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་གཤེགས་ཡོངས་ཀྱི་གནས་གསུམ་ནས། །རྡོ་རྗེ་གསུམ་གྱི་བདུད་རྩི་སྤྱན་དྲངས་ཤིང་། །ཡིག་གསུམ་ལ་བསྡུས་དེ་ལས་བདུད་རྩིའི་རྒྱུན་བབས་པ་བུམ་ལྷའི་སྤྱི་བོ་ནས་བཞུགས་ཏེ། སྐུ་གང་སྦྱོར་འཚམས་ནས་བབ་ཆུ་ཡི་རྒྱུན། བུམ་ཆུ་དང་འདྲེས་ཡེ་ཤེས་བདུད་རྩིར་གྱུར། ཅེས་མོས་ལ་མ་མགོན་གསུང་སྙིང་གི་ཤམ་བུར། ཨོཾ་ཨེ་ཧོ་ཤུ་དྷེ་ཤུ་དྷེ། ཡྃ་ཧོ༴རྃ་ཧོ༴བྃ་ཧོ༴ལྃ་ཧོ། ཨེ་ཡྃ་རྃ་བྃ་ལྃ་ཤུ་དྷེ་ཤུ་དྷེ་ཨ་ཨ་སྭཱ་ཧཱ། ཞེས་ཁྲུས་བདུན་གྱི་རིགས་པ་བཏགས་པ་ཅི་འགྲུབ་བཟླས་མཐར། བུམ་ལྷ་བདེ་བ་ཆེན་པོ་འོད་དུ་ཞུ་བ་བུམ་ཆུ་དང་རོ་གཅིག་ཏུ་འདྲེས་པས། ཉེས་པའི་དངོས་པོ་མཐའ་དག་འཇོམས་པར་བྱེད་པའི་རྡོ་རྗེའི་ཆུ་རྒྱུན་དུ་རྒྱུར་མོས་ལ། དཀྱིལ་འཁོར་གྱི་རྟེན་ལ་རྟེན་ཁྲུས་དང་། བདག་དང་གནས་ཁང་སོགས་ལ་ཁྲུས་བྱའོ། །དམ་ཚིག་ལ་སྐྱོན་ཡོད་པའི་རྟགས་བྱུང་ན་མ་མགོན་ཤིན་ཏུ་བཀྲ་ཤིས་པའི་མན་ངག་ཏུ་གྲགས་པ་འདི་བྱ་སྟེ་མཆོད་གཏོར་བཟང་དུ་བཤམས་ནས་ཐུགས་དམ་བསྐང་བ་དྲག་ཏུ་བྱ་ཞིང་། བསྐང་བ་དང་། མཇུག་གི་བཤགས་པའི་

― KMC025_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་མདུན་བསྐྱེད་ཀྱི་མ་མགོན་རྡོར་སེམས་ཧེ་རུ་ཀའི་རྣམ་པར་གསལ་བའི་དཔྲལ་བར་ཟླ་གདན་ལ་ཨོཾ་དཀར་པོའི་མཐར་མན་ངག་གི་ཡིག་བརྒྱ་དཀར་པོ་ཨ་བསྐོར་བ་མགྲིན་པར་སྟེང་ཨཱ་དམར་ལ་མན་ངག་ཡིག་བརྒྱ་དམར་པོས་བསྐོར་བ། ཐུགས་ཀར་རྡོ་རྗེ་ལྟེ་བར་ཧཱུྃ་སྔོན་མན་ངག་ཡིག་བརྒྱ་སྔོན་པོ་བསྐོར་བ་རྣམས་དམིགས་ལ། བདག་གིས་སྔོན་ཆད་སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཆགས་ཉམས་དུ་གྱུར་པ་གང་ལགས་པ་མཐོལ་ཞིང་བཤགས་པར་བགྱིའོ། །ཕྱིན་ཆད་ཀྱང་མི་བགྱིད་པར་ཕྱིར་ལྡོག་དྲག་པོས་བསྡམ་པར་བགྱིད་ན་བཟོད་པར་བཞེས་ལ་ཉམས་ཆགས་ཀྱི་ཚོགས་བྱང་ཞིང་དག་པར་མཛད་དུ་གསོལ་ཞེས་ཕུར་ཚུགས་སུ་གསོལ་བ་བཏབས་ཤིང་། མན་ངག་ཡིག་བརྒྱ་ཁྲི་དང་སྟོང་ཕྲག་སོགས་བཟླས་པས་མདུན་གྱི་གནས་གསུམ་ནས་བདུད་རྩི་དཀར་དམར་མཐིང་ཁའི་རྒྱུན་བབས་འོད་ཟེར་སྦུ་གུ་ནས་བརྒྱུད་བདག་གི་སྒོ་གསུམ་ལ་ཐིམ་པས་དམ་ཚིག་ཉམས་ཆགས་བྱང་ཞིང་དག་ཅིང་དྲི་མའི་

― KMC025_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་བཀྲུས་ཤིང་སྦྱང་བར་དམིགས་མཐར། མགོན་པོ་བདག་ནི་སོགས་ཀྱིས་སླར་ཡང་ནན་ཏན་དུ་བཤགས་ཤིང་གསོལ་བ་བཏབ་པས་རིགས་ཀྱི་བུ་ཁྱོད་ཀྱི་སྡིག་སྒྲིབ་ཉམས་ཆགས་ཐམས་ཅད་དག་གོ་ཞེས་པའི་གནང་བ་རྩལ་ནས་བདག་ལ་དགྱེས་པའི་འཛུམ་མདངས་དང་ལྡན་པར་བཞུགས་པ་མོས་ལ། ཚེ་རབས་ཀུན་ནས་སོགས་གཟུངས་ཀྱང་བརྒྱ་སྟོང་གྲངས་མང་བརྗོད་པས་ཉམས་ཆགས་བྱང་བར་འགྱུར་རོ། །ཡང་རྒྱལ་བསེན་དང་རྒབ་འདྲེ་འབྱུང་པོའི་གནོད་པ་འབྱུང་ངམ། འབྱུང་དུ་དོགས་ན། བདག་མདུན་མགོན་པོ་ལྕམ་དྲལ་སྐུར་གསལ་བའི། །ཕྲག་གོང་གཉིས་སུ་སྤྲུལ་པའི་བྱ་རོག་ནི། །རི་རབ་དང་མཉམས་དྲག་པོའི་སྒྲ་སྒྲོགས་པ། །གནམ་ལྕགས་ལས་གྲུབ་ལྕགས་ཀྱི་མཆུ་སྡེར་ཅན། །སྤུ་གྲིའི་འདབས་ཤོག་ལྕགས་བསྲེག་ལྟར་འབར་བའི། །སྤྱན་ལས་རང་འདྲའི་སྤྲུལ་པ་གྲངས་མེད་འཕྲོས། །གནོད་བྱེད་འབྱུང་པོ་རྒྱལ་བསེན་རྒབ་འདྲེའི་ཚོགས། །བཅོས་ཀྱིས་ཤིང་ཟོས་ནས་རྗེས་མེད་བརླག་པར་གྱུར། ཅེས་མོས་ལ་སྤྱི་དྲིལ་སྔགས་

― KMC025_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླ། ཤིན་ཏུ་གལ་ཆེ་ན་དེ་ལ་རྦད་སྔགས་ཤམ་བུ་བཏགས་པར་བྱའོ། །མཐར། སྤྲུལ་པའི་བྱ་རོག་སྤྲུལ་གཞི་གཉིས་ལ་ཐིམ། །དེ་ཡང་མགོན་པོའི་ཕྲག་པ་གཡས་གཡོན་ལ། །ཐིམ་ཤིང་སླར་ཡང་མགོན་པོའི་ཐུགས་སྤྲུལ་གྱི། །བྱ་ནག་སྟོབས་ལྡན་འཇིག་རྟེན་གང་བར་འཕྲོས། །འདབས་གཤོག་འུར་སྒྲ་དྲག་པོ་འབྲུག་ལྟར་ལྡིར། །རྐན་སྡེབས་ལྕགས་སྒྲ་འཇིགས་རུང་གནམ་ཐོག་བཞིན། །བར་ཆད་གདོན་བགེགས་ཐམས་ཅད་སྐད་ཅིག་གིས། །རྡུལ་དུ་བརླག་ནས་ཚུར་འདུས་ཐུགས་ཀར་ཐིམ། །བདུད་དང་བར་ཆད་ཀུན་ལས་རྣམ་པར་རྒྱལ། །ཞེས་བསྒོམ་ལ་སྔགས་གོང་བཞིན་བཟླས་པས་བར་ཆད་ལས་རྒྱལ་བར་འགྱུར་རོ། །བྱད་ཕུར་རྦོད་གཏོང་གྱིས་འཚེ་ན་མན་ངག་ལས་འབྱུང་བའི་སྲུང་འཁོར་རཀྟ་ཝརྟི་གསུམ་གྱིས་དམིགས་རིམ་རྣམ་དྲག་ཏུ་བསྒོམ་མོ། །འཁུ་ལྡོག་གི་རྟགས་བྱུང་ན་ནམ་ངག་ལས་བྱུང་བའི་བཅུན་དམིགས་བྱ་ཞིང་དམ་ལས་མི་འདའ་བའི་སྔགས་མ་ཞིའི་བར་བཟླའོ། གཞན་ཡང་དངོས་ཉམས་རྨི་ལམ་རྩུབ་ན་ཆོས་

― KMC025_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་འདི་ཉིད་དམ། །རྩ་བའི་ཡི་དམ་གྱི་སྒོ་ནས་ལས་བཞིའི་མེ་མཆོད་སྤྱི་ལྟར་ཕུལ་བའང་གནད་དུ་ཆེའོ། །བཅུ་གཅིག་པ་ཞི་རྒྱས་དབང་དྲག་བཞི་ཡི་ལས་སྦྱོར་ནི། སྒྲུབ་པ་གྲུབ་པའི་ཕྱི་ཉིན་ཐོ་རངས་ཀྱི་ཐུན་ལ་ཆོ་ག་གཞན་རྣམས་རྒྱུན་ལྟར་ལ། བདག་མདུན་རྣམས་ཞི་ཉམས་དང་ལྡན་ཅིང་མདུན་བསྐྱེད་གཙོ་འཁོར་རྣམས་ཀྱི་བེར་དཀར་པོ་ལས་བཞི་བའི་བདུད་རྩི་སྨན་གྱི་རྒྱུན་འབེབས་ཤིང་འོད་ཟེར་དཀར་པོ་འཕྲོ་བར་བསྒོམ། བཟླས་པའི་སྐབས་བདག་མདུན་གྱི་ཐུགས་སྲོག་ས་བོན་བཅས་ཟླ་ཤེལ་བདུད་རྩིའི་ཅན་གྱི་བདག་གི་ཐུགས་ཀ་ནས་འོད་ཟེར་དཀར་པོ་འཕྲོས་པས་མདུན་བསྐྱེད་མཆོད་ཅིང་ཞི་བའི་ལས་ལ་བསྐུལ། ཡང་བདག་མདུན་གྱི་ཐུགས་སྲོག་ལས་འོད་ཟེར་དཀར་པོ་མུ་ཏིག་གི་ཕྲེང་བ་ལྟ་བུར་འཕྲོས་པས་སྣོད་བཅུད་ཀྱི་རྒུད་པ་སོགས་མི་མཐུན་པའི་ཞི་བར་བྱས་ཤིང་རིགས་དྲུག་གི་སེམས་ཅན་སྡུག་བསྔལ་ལས་བསྒྲལ། ཞི་བའི་ཕྲིན་ལས་ལ་བར་དུ་གཅོད་པ་རྣམ་བཅོམས། རྒྱལ་བའི་དཀྱིལ་འཁོར་རྣམས་ཀྱི་ཞི་བའི་ཕྲིན་ལས་

― KMC025_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དངོས་གྲུབ་རྣམས་ཚུར་བསྡུས་པ་བདག་དང་བསྲུང་བྱ་ལ་ཐིམས་པས་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཞི་བར་མོས། དེ་བཞིན་ཡིད་དམ་ཆོས་སྐྱོང་སོ་སོར་སྦྱར་བའི་སྤྲོ་བསྡུ་དང་། །ནད་གདོན་བར་ཆད་སོགས་མི་གསལ་བ་ཡོད་ན་དེ་ཉིད་ཀྱི་དམིགས་རྐང་གཙོ་བོར་སྦྱར་ནས། གསུང་སྙིང་མཐར་སརྦ་ཤཱིནྟཾ་ཀུ་རུ་སྭཱ་ཧཱ། ཞེས་བཏགས་་པ་བཟླའོ། །ཐུན་གཏོར་གྱི་འགུགས་བསྒྲལ་སྐབས། བདག་དང་བསྲུང་བྱའི་མི་མཐུན་པའི་ཕྱོགས་དང་ཞི་བའི་ཕྲིན་ལས་སྒྲུབ་པ་ལ་བར་དུ་གཅོད་པར་བྱེད་པའི་བགེགས་རིགས་རྣམས་བཀུག་བསྒྲལ་བསྟབ་ཅིང་ཞི་བའི་ཕྲིན་ལས་བསྒྲུབ་པའི་ཕྲིན་ལས་བཅོལ། དེ་བཞིན་རྒྱས་པ་དང་། དབང་བསྡུད་དྲག་པོའི་ཕྲིན་ལས་གསུམ་ལ་ཡང་རིག་པས་འཕྲུལ་སྟེ་རྒྱ་ཆེར་སྦྱར་རོ། །སྔ་ཐུན་སྐབས་རྒྱས་པའི་ལས་སྦྱོར་ནི། བདག་མདུན་ལྷ་རྣམས་སྐུ་ཤ་རྒྱས་ཤིང་བེར་གྱི་སུལ་དང་སྐུ་ཡི་ཆ་ནས་ནོར་བུ་དང་ཚེ་ཡི་བདུད་རྩིའི་ཆར་འབེབས་པ་ན་བཟའ་སེར་པོ་མནབ་ཅིང་སྔགས་ཕྲེང་དང་འོད་ཟེར་

― KMC025_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་པོ་འཕྲོ་བ་དང་། བཟླས་པའི་སྐབས། བདག་གི་ཐུགས་ཀའི་འོད་ཟེར་སེར་པོས་མདུན་བསྐྱེད་མཆོད་ཅིང་བསྐུལ། སླར་བདག་མདུན་གྱི་ཐུགས་སྲོག་དང་སྔགས་ཕྲེང་ལས་འོད་ཟེར་གཙོ་མའི་ཞུན་ཐིག །བ་ཐག་ལྟ་བུ་འཕྲོས་པས་ཕྱོགས་བཅུའི་རྒྱལ་བ་རྣམས་མཆོད། བརྟན་གཡོའི་ཁམས་ཐམས་ཅད་ལ་ཁྱབ་པས་བཅུད་དགེ་མཚན་རྒྱས་པར་བྱས། རྒྱས་པའི་ཕྲིན་ལས་ལ་བར་གཅོད་པ་རྣམས་བསྒྲལ། སླར་རྒྱལ་བ་རྣམས་ཀྱི་ཐུགས་ཀ་ནས་འཆི་མེད་ཚེ་ཡི་བདུད་རྩི་སེར་པོ་ཉི་མའི་དཀྱིལ་འཁོར་ལྟར་འབར་བའི་ཚོགས་གཡུང་དྲུང་དང་དགའ་འཁྱིལ་དཔལ་བེའུ་སོགས་བཀྲ་ཤིས་ཀྱི་རི་མོ་གཡས་སུ་འཁྱིལ་བཞིན་བྱུང་བའི་འོད་ཀྱིས་བརྟན་གཡོའི་ཚེ་ཡི་བཅུད་ཐམས་ཅད་བསྡུས་ཏེ་བདག་དང་བསྲུང་བྱ་ལ་ཐིམ་པས་འཆི་མེད་ཚེ་ཡི་དངོས་གྲུབ་ཐོབ་ཅིང་རྡོ་རྗེ་ལྟ་བུའི་ལུས་གྲུབ་པར་བསྒོམ། དེ་བཞིན་རྩ་གསུམ་སོ་སོར་སྦྱར་བ་དང་། ཤེས་རབ། བསོད་ནམས། ལོངས་སྤྱོད། མངའ་ཐང་། སྙན་གྲགས། ཡེ་ཤེས་རྣམས་རྒྱས་པར་དམིགས་ལ་གསུང་སྙིང་

― KMC025_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཤམ་བུར་སརྦ་པུཥྚིཾ་ཀུ་རུ་སྭཱ་ཧཱ་སྦྱར་བ་བཟླའོ། །དགོངས་ཐུན་ལ་ལྷ་ཚོགས་རྣམས་ཆགས་པའི་ཉམས་ཅན་བེར་དམར་མནབས་ཤིང་། སྔགས་ཕྲེང་དང་འོད་ཟེར་དམར་པོ་ལྕགས་ཀྱུ་ལྟ་བུ་འཕྲོ་བར་བསྒོམ། བཟླས་པའི་སྐབས། བདག་གི་ཐུགས་ཀའི་འོད་དམར་པདྨའི་ཕྲེང་བ་ལྟ་བུས་མཆོད་ཅིང་བསྐུལ། སླར་བདག་མདུན་གྱི་འོད་ཟེར་པདྨའི་ཞགས་པ་དང་ལྕགས་ཀྱུའི་ཟེར་ཐག་གྲངས་མེད་པ་ཉི་ཟེར་བཞིན་འཕྲོས་པས་རྒྱལ་བ་རྣམས་མཆོད། སྲིད་པ་གསུམ་གྱི་སྐྱེ་འགྲོ་རྣམས་དང་ཁྱད་པར་དམིགས་བྱ་རྣམས་ཀྱིས་རྒྱུད་འཕྲོག་པས་བདག་ལ་གུས་ཤིང་ཆགས་པར་བྱས། དེང་དབང་གི་ཕྲིན་ལས་ལ་བར་དུ་གཅོད་པ་རྣམས་བསྒྲལ། སླར་རྒྱལ་བ་རྣམས་ཀྱི་དབང་གི་དངོས་གྲུབ་ཐམས་ཅད་པདྨའི་ཕྲེང་བ་དམར་པོའི་རྣམ་པ་དང་། འཁོར་འདས་ཀྱི་དགེ་མཚན་དང་བཅུད་རྣམས་ཐིག་ལེ་དམར་པོའི་རྣམ་པར་བཀུག་ནས་བདག་ལ་བསྟིམ་པས་དབང་གི་དངོས་གྲུབ་ཐོབ་རླུང་སེམས་དང་སྣང་བ་ཐམས་ཅད་དབང་དུ་འདུས། །ཁྱད་པར་དམིགས་

― KMC025_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའི་ལུས་ཀྱི་སྙིག་ཁ་ནས་འོད་དམར་ལྕགས་ཀྱུས་དྲངས་ཤིང་ལུས་འོད་ཀྱི་ཞགས་པས་བསྡམས་ནས་མདུན་དུ་བཀུག་པ་རྣམས་འདར་ཁྲི་ལི་ལིར་གུས་ཤིང་འདུད་པས་གནས་ཤིང་། དེ་རྣམས་ཀྱི་ལུས་ངག་ཡིད་གསུམ་བདག་གི་དབང་དུ་གྱུར་པར་བསྒོམ། དེ་བཞིན་རྩ་གསུམ་སོ་སོར་སྦྱར་བའི་སྤྲོ་བསྡུའི་འཁྲུལ་འཁོར་བྱས་ལ། སྔགས་མཐར་སརྦ་ཝཱ་ཤ་ཀུ་རུ་སྭཱ་ཧཱ། ཅེས་བཏགས་པ་བཟླའོ། སྲོད་ཐུན་ལ། ལྷ་རྣམས་དྲག་པོའི་ཉམས་ཅན་ཤིན་ཏུ་ཁྲོས་ཤིང་བེར་དང་སྐུ་ཡི་ཆ་ནས་སྔགས་ཀྱི་རང་བཞིན་ནད་མཚོན་དུག་གི་ཆར་འབེབས་པ་དང་། བཟླས་པའི་སྐབས། ཐུགས་སྲོག་སྔགས་བཅས་ལས་མེ་ཡི་ཚྭ་ཚྭ་ལྟ་བུའི་འོད་ཟེར་མཐིང་ནག་གི་ཚོགས་མདའ་ཡི་བགྲོད་པའི་ཤུག་དང་ལྡན་པ་འཕྲོས། མདུན་བསྐྱེད་རྣམས་དྲག་པོའི་ལས་ལ་བསྐུལ་བས་དགྲ་བགེགས་ལ་དྲག་ཏུ་ཁྲོས་འཁྲུགས་རྔམས་པར་མོས། སླར་གཉིས་ཀའི་ཐུགས་ཀ་ནས་འོད་ཟེར་མཐིང་ནག་འཕྲོས་པས། རྒྱལ་རྣམས་ཀྱི་སྐུ་གསུང་ཐུགས་མཆོད་ཅིང་། དྲག་པོའི་ཕྲིན་ལས་ལ་བར་དུ་གཅོད་

― KMC025_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་བསྒྲལ། དགྲ་བགེགས་གནོད་བྱེད་བྱད་མ་རྦོད་གཏོང་དང་བཅས་པའི་ལུས་ངག་ཡིད་གསུམ་གྱི་ནུས་པ་རྣམས་བཤིག་ཅིང་བཅོལ། སླར་ཡང་རྒྱལ་བ་རྣམས་ཀྱི་དྲག་པོའི་ཕྲིན་ལས་ཀྱི་སྟོབས་ནུས་དང་། དམིགས་བྱ་རྣམས་ཀྱི་ཚེ་བསོད་དབང་ཐང་རླུང་རྟ་ལ་སོགས་པ་རྣམས་འུབ་ཀྱིས་བསྡུས་ནས་བདག་ལ་ཐིམ་པས་ཁམས་གསུམ་སྒྲོལ་བའི་ནུས་སྟོབས་དང་ལྡན་ཅིང་བཀྲག་མདངས་རྒྱས་པར་བསྒོམ། དེ་བཞིན་རྩ་གསུམ་ཆོས་སྐྱོང་དང་བཅས་པ་སྦྱར་ནས་སྤྲོ་བསྡུ་བྱ། སླར་བདག་མདུན་གྱི་ཐུགས་ཀ་ནས་འོད་ཟེར་དྲག་པོའི་ཐོག་ལྟ་བུ་གྲངས་མེད་པ་འཕྲོས། ཕྱོགས་བཅུའི་གདུག་པ་ཅན་དང་དགྲ་བོ་མི་ནོར་འཁོར་བཅས་ལ་ཕོག་པ་ཙམ་གྱི་ལུས་ཚལ་པར་བཏང་། རྣམ་ཤེས་དབྱིངས་སུ་སྤར། ཤ་ཁྲག་སྤྲུལ་པའི་ཕོ་ཉ་དང་བྱ་གཅན་རྣམས་ཀྱིས་ཟོས་ཤིང་། རྡོ་རྗེའི་མེ་ལྕེས་བསྲེགས། དེ་རྣམས་ཀྱི་ཚེ་བསོད་ནྲྀཿཡིག་གིས་རྣམ་པས་བསྡུས་ནས་བདག་ལ་ཐིམ་པར་དམིགས་ལ། སྔགས་ཐར། སརྦ་མཱ་ར་ཡ་ཕཊ། ཅེས་བཏགས་པ་

― KMC025_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླའོ། །དེ་རྣམས་ནི་ལས་བཞི་སྤྱི་ཁྱབ་ཀྱི་ཕྲིན་ལས་ཀྱི་སྦྱོར་བ་ཡིན་ནོ། །བཅུ་གཉིས་པ་ནི། དེ་ལྟར་བསྙེན་ཅིང་སྒྲུབ་ནས་ལས་ལ་མ་སྦྱར་ན་དམག་བསྡུས་ནས་འགྲོ་ས་མེད་པ་ལྟར་རྡུག་པར་གསུངས་པས་དྲག་པོ་མངོན་སྤྱོད་ཀྱི་ལས་ཀྱི་སྦྱོར་བརྩམ་པ་ལའང་། སྤར་ནག་ཛཿབརྡུང་། ཐོད་པ་གཅིག་ཐུན་སོགས་མན་ངག་གི་གནས་མཐའ་ཡས་པར་བཞུགས་པ་ལས། འདིར་དྲག་པོ་མངོན་སྤྱོད་ཀྱི་ལས་སྦྱོར་སྤྱི་ལ་ཁྱབ་པ་དང་། ཁྱད་པར་བའི་དམིགས་གནད་ཀྱི་འཁྲུལ་འཁོར་རྣམས་དང་། རྒྱས་འབྲིང་བསྡུས་པའི་བསྒྲལ་ལས་གང་ལའང་མཁོ་ཞིང་། ལས་གྲིགས་ཡེ་ཤེས་མེ་ཡི་སྤུ་གྲི་དང་འབྲེལ་བའི་འཕངས་མནན་བསྲེག་པའི་ལས་ཀྱི་སྦྱོར་བའི་ཆོ་གའི་དམིགས་རིམ་ཞིབ་ཏུ་འགོད་པར་ཕྱི་ནང་སྔ་བར་མངས་ནས་མཆོད་གཏོར་གྱི་ཚོགས་བཟང་ཏུ་བཤམས། ཤ་ཁྲག་མཚེ་སྤུང་རྩང་ཕུར་མེ་རི་སོགས་ཀྱིས་བརྒྱན་པའི་དམར་གཏོར་ཆེ་བའི་ཞིག་གི་མཐར་ཐུན་གཏོར་བསགས་པ་རྣམས་ཀྱིས་བསྐོར་བ་སྔགས་ཀྱི་སྟེགས་དེ་ཉིད་དུ་འཇོག །ཐེ་སྣོད་ཐུན་ནམ་

― KMC025_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུས་བཀང་བའི་ནང་སྲས་མཆོག་གི་ཕུར་བུ་དང་གྲི་གུག་བཅས་བཤམས། གཞན་ཡང་ཉེར་མཁོའི་བསྒྲལ་ཆས་ཀྱི་རིགས། ཐོ་བ། རྒྱ་བཞི། སྒྲོ་གཉིས། གཏོར་མ་དཀར་དམར་གཉིས་ཚུལ་བཞིན་སྒྲུབ་པའི་ཐུན། ལྷ་དབྱེའི་རྫས་ཡོད་ན་ལིངྒ་མཉམ་དུ་ཐུམ་ལེ་འཇོགས་པ་ལས་སྒྲུབ་ཁང་ནང་དུ་བསྲེག་མི་ཉན། མཚོན་འཁོར། ཕུང་ཤུལ་དང་། གད་པ་ཚེ་ཟད། དུར་ཁྲོད་བཅས་ཀྱི་ས། ཆུ་ལྐུག་གམ། དུག་ཆུ། དུག་ཤིང་གི་མེ་སྒྲོན། མི་བསད་ཀྱི་རྡོའི་དུར་རྡོ། རླུང་གཡབ་སོགས་དང་། ལིངྒ་སྤྱི་ཙམ་དུ་དུག་ཁྲག་གི་ཟན་ལིང་རྐྱང་དཔེ་འཐུས་ཤིང་། སྨད་ལས་འདི་ཉིད་ཡུན་རིང་ལྟ་བུར་ཆེད་དུ་སྒྲུབ་པ་དང་། དུས་བསྙེན་རྒྱས་པའི་མཇུག་ཏུ་ལས་སྦྱོར་ལྟ་བུ་ཡིན་ན་མན་ངག་བཞིན་བྲིས་པའི་ཤོག་ལིང་ཁ་སྦྱོར་ཆ་གཉིས་དང་། ལིང་རྐྱང་གཉིས་བཅས་ལིང་ཁྲུས་ཚད་ནས་ཆ་གཅིག་ཐུན་གྱི་གཏོར་མའི་འོག་ཏུ་བྲུབ་ཁུང་དུ་བཅུག །ཆ་གཅིག་ལས་ཁུང་དུ་འཇོག །ལིང་རྐྱང་གཉིས་ནས་གཅིག་ལས་ཁུང་དུ་འཇོགས་ཤིང་། གཅིག་ཐུན་

― KMC025_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་ལ་འཛེར། གཞན་ཡང་འོག་ནས་འབྱུང་བའི་ཉེར་མཁོའི་ཡོད་བྱད་རྣམས་ཚང་བར་འདུ་བྱས་ཏེ། ཆོ་ག་དངོས་ནི་སྤྲོ་ན་ཕག་མོའི་བདག་བསྐྱེད་ཀྱང་བཏང་ན་ལེགས་ཤིང་། མ་བཏོན་ཀྱང་ཆོག །གང་ལྟར་ཡང་ལེགས་ལྡན་སྲུང་འཁོར་མན་ངག་གི་ཡི་གེ་ལས་འབྱུང་བ་བཞིན་ལ་འགུགས་པ་བསྐུལ་རིང་བཅས་སྦྱར་བས་ཐུན་གཅིག་གི་གོ་བཅའ། རཀྵ་བརྟི་གསུམ་གྱི་མན་ངག་རྣམས་རྒྱས་པར་སྦྱར། ཐུན་གཉིས་པར་མངོན་རྟོགས་ཆེན་མོ་ནས་བཟུང་མགོན་པོ་སེར་མའི་གཞུང་འཁོར་ལྔ་རྗེས་འབྲངས་ལྷ་མགྲོན་གྱི་གཏོར་ཆོག་བཅས་སྦྱར་ནས་བཏང་བའི་དམིགས་པ་རྣམས་སྔར་བཞིན་ལས་བདུན་བསྐྱེད་སྐབས་འདིར་ངོ་བོ་ཡེ་ཤེས་པ་རྣམ་པ་ལས་ཀྱི་མགོན་པོ་ཞལ་སྦྱོར་དུ་བསྐྱེད་པ་ཡིན་པས་འདི་ལ་སྲུང་འཁོར་ལོགས་སུ་མི་བསྒོམ་པར་བདག་བསྐྱེད་ཕོ་བྲང་གི་མདུན་གྱི་དུར་ཁྲོད་ཀྱིས་ས་གཞིར་བདུན་བསྐྱེད་ཀྱི་ཕོ་བྲང་རྐྱང་པ་བསྒོམ། དེ་ཡང་མདུན་རྟེན་དང་དྲག་པོའི་གཏོར་ཟོར་དབྱེར་མེད་ཀྱི་སྨད་ཆ་གཤིན་རྗེའི་བཤས་རང་གྱུར་པའི་ནང་དུ་

― KMC025_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱེད་ཀྱི་ཀིང་ར་ཕོ་མོ་རྣམས་དྲག་པོའི་ང་རོ་དང་བཅས་དགྲ་བགེགས་བྱད་མ་རྣམས་འགུགས་འདྲེན་གྱི་ལས་བྱེད་ཅིང་དགྲ་བགེགས་རྣམས་བདུད་རྩི་འདིར་རིར་ཡོད་པས། བར་གྱི་ཆ་ཐུན་རྫས་དགྱེས་བསྐོང་གི་འདོད་ཡོན་ནམ་མཁའ་མཛོད་ཀྱི་རང་བཞིན་དུ་འཆར་བ། རྩེ་མོར་དྲག་པོའི་ཕོ་བྲང་སྐྱི་གཡའ་བར་བསྒོམ་པའི་ནང་དུ་ངོ་བོ་ཡེ་ཤེས་མགོན་པོ་ཉིད་དགྲ་བགེགས་སྒྲོལ་ཕྱིར་ལས་ཀྱི་མགོན་པོ་སྲིན་པོའི་གཟུགས་ཅན་ལྷ་མོ་དང་སྦྱོར་བ་ལ་རྒྱུན་ཆ་ལུགས་ཡོངས་སུ་རྫོགས་ཤིང་བེར་དགུ་བརྩེགས་ཀྱི་ནང་མ་རྣམས་ནས་ནད་དང་དུག་དང་ལྟས་ངན་གྱི་ཆར་འབེབས་ཤིང་། བེར་གི་མ་རྣམས་ནས་མཚོན་ཆའི་སེར་སྒད་འབེབས་པ་དེ་ཉིད་བདག་བསྐྱེད་ཀྱི་དབུ་ཡིས་སླེབས་པ་ཙམ་དམའ་བར་ཡོད་པ་སྒོམས་ཤིང་ལྷ་ཚོགས་རྣམས་ཁྲོས་འཁྲུགས་རྔམ་པ་སྐུ་ཡི་ཆ་དང་བེར་གྱི་སུལ་རྣམས་ནས་ནད་མཚོན་གྱི་ཆར་འབེབས་པ། འཁོར་ལོའི་ལྷ་རྣམས་ཞལ་ཕྱིར་གཟིགས་ཤིང་དེ་རྣམས་ཀྱང་ལས་དང་འཇིག་རྟེན་གྱི་མགོན་པོའི་

― KMC025_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་དྲག་པོའི་ལས་ལ་རྔམ་པ། དྲེགས་པ་རྐྱང་གསུམ་ཀྱང་སྒོ་གསུམ་གྱི་ནང་། དམག་རྒྱལ་གསུམ་པོའི་མདུན་དུ་འཁོང་ནས་དམག་སྣ་འདྲེན་པ། ཕྱོགས་བཅུ་མགོན་པོའི་ཕྱག་མཚན་ནོར་བུའི་རྣམས་ལས་མཚོན་ཆའི་ཆར་འབེབས་པ་རྣམས་བདག་གི་བཀའ་ཉན་དང་གསུང་སྡོད་ཀྱི་ཚུལ་དུ་ཡོད་པར་བསྒོམ། དམ་བཞག་གི་སྐབས་དམ་ལས་མི་འདའ་བའི་སྔགས་བཟླ་བཞིན་གཅུན་དམིགས་མན་ངག་ལས་འབྱུང་བ་རྣམས་ཚད་དང་སྦྱར་ནས་ནན་གྱིས་བྱ། རྒྱས་གདབ་སྐབས། མདུན་བསྐྱེད་ལ་རིགས་བདག་མི་བསྐྱོད་པ་སྤྲུལ་སྐུའི་ཆ་ལུགས་ཅན་གྱིས་དབུ་བརྒྱན་པར་དམིགས། བསྟོད་པའི་མཐར་བསྙེན་བཟླས་ལ་འཇུག་པ་ན། ཐོག་མར་སྤྱན་འདྲེན་གྱི་དམིགས་པ་བཅས་སྔགས་ཉེར་གཅིག་ཙམ་བརྗོད། དེ་ནས་བདག་མདུན་གྱི་ཐུགས་ཀར་དྲག་པོའི་པདྨ་དང་ཉི་མའི་གདན་ལ་གྲི་གུག་གི་སོ་གྱེན་ཏུ་བསྟན་པའི་ཡུ་བ་རྡོ་རྗེ་ཕྱེད་པའི་ལྟེ་བར་ཟླ་བའི་གདན་ལ་ཧཱུྃ་ཡིག་སྨུག་ནག་ཚ་ཞིང་རྩུབ་པའི་མཐར་ཡབ་ཀྱི་སྙིང་པོ་དང་། ཡབ་ཡུམ་གྱི་སྤྱི་དྲིལ།

― KMC025_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་ཤ་པ་ན་རྣམས་རིམ་པ་གསུམ་དུ་གཡོན་དུ་བཀོད་པ་གཡས་སུ་འཁོར་བ་དང་། ལྷ་མོ་ཐུགས་ཀར་པད་ཟླའི་ལྟེ་བར་ཁ་ཊྭཱྃ་ག་རྩེ་གསུམ་གྱི་ཡུ་བའི་ཁོང་སེང་དུ་ཉི་མའི་གདན་ལ་བྷྱོཿསྔོན་པོའི་མཐར་ཡུམ་གྱི་སྙིང་པོ་གཡས་སུ་བཀོད་ཅིང་གཡོན་དུ་འཁོར་བ་བསྒོམ་པའི་བདག་གི་ཐུགས་ཀ་ནས་འོད་ཟེར་རྡོ་རྗེ་རང་བཞིན་ཚང་བའི་ངར་དང་ལྡན་པ་འཕྲོས། མདུན་བསྐྱེད་ཡབ་ཡུམ་འཁོར་བཅས་ལ་ཕོག་པས་སྔོན་བཅོམ་ལྡན་འདས་དཔལ་ཆེན་པོའི་སྤྱན་སྔར་དམ་བཅས་པའི་ཐ་ཚིག་དྲན་ནས་བདག་གི་བསྒོ་བའི་ལས་སྒྲུབ་ཅིང་། ཕྱི་མའི་མུ་མཐར་ཐུག་གི་བར་དུ་བསྟན་པ་སྲུང་ཞིང་ཕྲིན་ལས་བསྒྲུབ་པར་བགྱིའོ་ཞེས་ཞལ་གྱིས་བཞེས་པར་མོས། གལ་ཆེ་ན་ནང་དང་གསང་བ་སོགས་ཀྱི་གཅུན་དམིགས་རྣམས་ཀྱང་བྱའོ། དེ་ནས་སྒྲུབ་དམིགས་སྐབས་ཀྱི་མཆོད་པའི་དམིགས་པ་ཡང་འདིར་བྱ། ཡང་འོད་ཟེར་འཕྲོས་མདུན་བསྐྱེད་ལ་ཕོག་པས་དེ་རྣམས་ཀྱི་སྐུ་ལས་སྤྲུལ་པའི་ལས་མཁན་མ་རུངས་པ་དུ་མ་འཕྲོས་པ་རྣམས་ཀྱིས་ཕ་རོལ་པོའི་སྲུང་

― KMC025_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མཁར་བཅོམས་ཤིང་གོ་ཆ་རྣམས་བཤུས། དམིགས་བྱ་རྣམས་སྙིང་ནས་ལྕགས་ཀྱུས་བཏབ། ལུས་ཞགས་པ་དང་ལྕགས་སྒྲོག་གིས་བསྡོམས། སེམས་དྲིལ་བུའི་སྨྱོས་པར་བྱས་ནས་ཡུད་རྩམ་ལ་བཀུག་ནས་མཚོན་ཆའི་ཆར་ཕབས་ནས་བསྒྲལ། ཁོ་ཡི་ཚེ་བསོད་རྣམས་ནྲྀ་ཡིག་གི་རྣམ་པར་བཀུག་ནས་བདག་ལ་བསྟིམ། ཤ་ཁྲག་རྣམས་མཚོན་ཆའི་ཚོགས་ཀྱིས་ཏིལ་ཙམ་དུ་གཏིབས་ནས་དམར་ཉི་ལོངས་སྤྱོད་པར་བསམ། ཡང་བདག་མདུན་རྣམས་ཀྱིས་སྔགས་རྣམས་དྲག་ཏུ་བཟླས་པས་སྔགས་ཀྱི་སྒྲས་དགྲ་བགེགས་རྣམས་རྨོངས་ཤིང་བརྒྱལ། ཁོ་ཡི་ལྷ་སྲུང་རྣམས་ཀྱང་མཐའ་ཡི་རྒྱ་མཚོའི་ཕྱི་རོལ་དུ་བྲོས་ཤིང་བྱེར། ངོ་བོ་སྔགས་ལ་རྣམ་པ་མཚོན་ཆའི་ཚོགས་མང་པོ་བསྐམ་མེའི་གློག་འོད་འཁྱུགས་ཤིང་སེར་དྲག་བརྒྱབ་པ་ལྟར་སྔགས་སྒྲའི་ཐོག་འབྲུག་ལྡིར་བཞིན་སོང་ནས་དགྲ་བོའི་ངག་གི་ནུས་པ་བསྲེགས་ཤིང་བཅོམས། ཕུང་པོ་རྡུལ་ཕྲན་དུ་བརླག་པར་བསྒོམ། ཡང་མདུན་བསྐྱེད་རྣམས་འོད་ཀྱིས་བསྐུལ་བས་དེ་རྣམས་ཀྱི་ཕྱག་

― KMC025_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་དང་བེར་གྱི་སུལ་དང་སྐུ་ཡི་ཆ་ཐམས་ཅད་ནས་གྲི་གུག་དང་ཁ་ཊྭཱྃ་ལ་སོགས་པ་མཚོན་ཆའི་ཆར་དང་། ནད་དང་དུག་གི་ན་བུན་ལྟས་ངན་དང་ཆོ་འཕྲུལ་དུ་མ་དང་བཅས་འཇིག་རྟེན་གྱི་ཁམས་ཐམས་ཅད་ཁྱབ་པར་ཕྲོས་པས་དགྲ་བགེགས་བྱད་མ་རྣམས་ཀྱི་ལུས་ངག་ཡིད་རྣམས་ཀྱི་ལུས་ངག་ཡིད་རྣམས་རྡུལ་ཕྲན་དུ་བརླག །རྣམ་ཤེས་ནྲྀ་དུད་ཁ་རིམ་དགུའི་ས་འོག་ལྕགས་ཀྱི་ཁང་སྒྲོམ་མེ་འབར་བའི་ནང་དུ་བསྲེག་ཅིང་མནན། ཤ་ཁྲག་རུས་གསུམ་ལས་མཁན་ཕོ་ཉ་དང་བཅས་པ་རྣམས་ཀྱིས་ཧབ་ཐོབ་ཏུ་གསོལ་བར་དམིགས་པ་རྣམས་བྱ་ཞིང་། ཞལ་སྦྱོར་གསུང་སྙིང་ལྔ་བརྒྱ། སྤྱི་དྲིལ་སྔགས་རིང་དང་། བདུད་ཀྱི་ཤ་ས་ན་གཉིས་བརྒྱ་བ་རེ་བཟླའོ། དེ་ལས་བདུད་ཀྱི་ཤ་པ་ན་ནི། ཨ་མ་ཧཱ་ཀཱ་ལ་ཡ། ཤ་ས་ན་ཨ་པ་ཀ་རི་ནི་ཙག་ཏྲཾ། ཀཱི་ནི་ཏྲི་མ་སི་པ་མ་ཡ་དུ་སྭཱ་ཧཱ། ན་ན་སི་ཤ་ནན། སྲོག་ཐུ་ལུམ་སྲོག་ཐུ་ལུམ། རྦད་དགྲ་བོའི་ཙིཏྟ་རྦད། རོ་བཾ་རྨྱག །ཨ་ཏི་རྦད། མ་ཧཱ་ཀཱ་ལ་ཏྲག་རཀྵ་དགྲ་བགེགས་མཱ་ར་ཡ་རྦད། ཁ་ཐུན་བྷྱོ། ཅེས་བདུད་

― KMC025_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཤ་ས་ན་འདི་སྔོན་ཆད་ཞལ་ཤེས་སུ་གབ་པའི་དབང་གིས་དཔེ་རྒྱུན་དཀོན་ཅིང་བྲིས་པ་ཡོད་པ་རྣམས་ཀྱང་འདྲ་མིན་མང་ཡང་། འདི་ཤིན་ཏུ་དག་པར་ཡོད་པས་གཅེས་པར་ཟུངས་ཤིག །དེ་གལ་ཤིན་ཏུ་ཆེ་བ་གདབ་ལས་ནང་གི་འགུགས་པ་ལྔ། འཕྲོག་པ་བཞི། དབྱེ་བ་གསུམ་རྣམས་དང་། བསད་པ་ལ་གོང་གི་དམིགས་པ་རྣམས་དང་། གབ་པའི་མན་ངག་གསུམ་བསྣན་པའི་དྲག་པོ་དྲུག་བཅས་སྔགས་ཐོག་མར་ཧུ་ར་བརྒྱ་རྩ། དེ་ནས་གོང་གི་གསུང་སྙིང་ཕྱིན་དང་། མཇུག་ཏུ་རྦད་སྔགས་བརྒྱ་རྩ་རྣམས་བཟླ་བར་བྱ་ཞིང་གལ་ཆུང་ལ་ནི་མ་ཡིན་ན། མཐར་ཐུག་གཏོར་འབུལ་ཞིང་རྟགས་བསྟོད་ཀྱིས་བསྐུལ་པ་སོགས་བྱའོ། །དེ་ནས་གསོལ་ཁ་བསྐང་བ་རྣམས་རྒྱས་པར་བྱ་ཞིང་བདག་སྒྲུབ་མ་རྒྱས་པས་ཐུགས་དམ་གནད་ནས་བསྐུལ། མཐར་དམིགས་གནད་གོང་བཞིན་གྱིས་སྔགས་ཉེར་གཅིག །ཞལ་སྦྱོར་གསུང་གི་སྙིང་པོ་སྟོང་ཕྲགསྤྱི་དྲིལ་དང་། བདུད་ཀྱི་ཤ་ས་ན་བཅས། བརྒྱ་རྩ་རེ་བཟླ་ཞིང་། མཐར་སྔགས་རྒྱུན་རྣམས་ཀྱང་ཐུགས་དམ་བསྐུལ་

― KMC025_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། མཆོད་པ་དང་། སྔགས་ཀྱི་མཚོན་ཆའི་ཚུལ་དུ་ལན་བདུན་ནམ། གསུམ་རེ་སོགས་ཅི་ལྕོགས་རེ་བཟླ་བར་དེ་ནས་བདག་བསྐྱེད་ཀྱི་ཐུགས་ཀ་ནས་རང་ཉིད་ལས་ཀྱི་སྲས་མཆོག་ནག་པོ་སྲིན་པོའི་གཟུགས་གཅེར་བུ་སྟག་ཤམ་ཅན་དུ་གྱུར་པ་ཞིག་ཏུ་སྤྲུལ་ནས་བདག་མདུན་གྱི་དཀྱིལ་འཁོར་གྱི་བར་དེར། མདུན་བསྐྱེད་ཕྱོགས་པས་དགྲ་བགེགས་བརྫིས་པའི་གདན་ལ་འཁོད་པའི་མདུན་དུ་ལྕགས་ཧོམ་ལིང་ག་དང་བཅས་པ་དེ་ཉིད་ལྕགས་ཀང་མེ་འབར་བའི་ནང་དུ་དགྲ་བོ་དངོས་སུ་གསལ་བར་བསྐྱེད་ནས་སླར་ཡང་ཉེས་པ་བསྡུ་བ་ནི། ཁོ་ཡི་སྙིང་ཁ་ལས་ངན་གྱི་རང་བཞིན་ལྔ་སྟོབས་སུ་གྱུར་པའི་མ་ངས་འོད་ཟེར་ནག་ལ་ཧམ་པ་ཞིག་འཕྲོས་པས་སྲིད་པ་གསུམ་གྱི་ཁམས་ཐམས་ཅད་དུ་ཁྱབས་དེ་དག་ན་གནས་པའི་འགྲོ་བ་ཀུན་གྱི་དུག་ལྔ་དང་དུག་གསུམ་རྣམས་ཧྲིལ་གྱིས་བསྡུས་ནས་ཁོ་ལ་ཐིམ་པར་མོས། སྤྱད་པ་ནི། དེའི་མཐུས་མེ་ཡི་དུག་ལྔ་ཤིན་ཏུ་རྒྱས་ནས་ཉོན་མོངས་པའི་དབང་གིས་སངས་རྒྱས་ཀྱི་སྐུ་གཟུགས་བཤིགས།

― KMC025_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་རྟེན་དང་ལྷ་ཁང་བཅོམ། རྡོ་རྗེ་འཛིན་པའི་སྐུ་ལ་བསྡོས་ཤིང་སངས་རྒྱས་ཀྱི་བསྟན་པ་བསྒྲུབས། དགེ་འདུན་གྱི་སྡེ་བཤིགས་པ་ལ་སོགས་པའི་མི་མཚམས་པའི་ལས་མ་བརླང་པོར་སྤྱོད་ཅིང་། རྣམ་འབྱོར་པ་བདག་ལ་མ་ཉེས་པའི་བྱོལ་འདེབས་ཤིང་། བདག་གི་ཆོས་སྐྱོང་བསྲུང་མ་རྣམས་ལ་མཐུ་མེད་ཟེར་ནས་ཕོད་འཛུགས་བཞིན་པར་གྱུར་པར་བསམ་ལ། དཔལ་ལྡན་བདེ་གཤེགས་ཐུབ་པའི་བསྟན་པ་ལ། སོགས་འདོན་བསྒོམ་དྲག་ཏུ་བྱའོ། དེ་ནས་ཉེས་པ་བསྒྲགས་པ་ནི། བདག་གི་ཐུགས་ཀ་ནས་ལས་ཀྱི་མགོན་པོ་མྱུར་མགྱོགས་ཀྱི་རྩལ་དང་ལྡན་པ་དུ་མ་འཕྲོས་པ་རེར་ཕྱོགས་བཅུའི་སངས་རྒྱས་ཀྱི་ཞིང་རེ་རེ་སོང་ནས་བདེ་བར་གཤེགས་པ་དེའི་དྲུང་དུ་ཐལ་མོ་སྦྱར་ནས་ངག་ཏུ། ཉམས་པའི་དགྲ་བོ་འདིས་སངས་རྒྱས་ཀྱི་བསྟན་པ་བཤིགས། སོགས་བརྗོད་ཅིང་མི་དགེ་བ་འདི་ལྟ་བུ་བྱས་སོ་ཞེས་གསོལ་བ་འདེབས་པའི་ཚིག་གི་ཁོ་ཡི་ཉེས་པ་རྣམས་བསྒྲགས་ནས། མཐར་ཁྲོ་བོ་དེ་རྣམས་རང་གི་ཐུགས་ཀར་བསྡུའོ་ཁྲོས་པ་ནི། དེ་ལྟར་

― KMC025_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲགས་པས་ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས་རྗེ་དྲག་པོར་བཞེངས་ཏེ་སངས་རྒྱས་ཀྱི་འཁོར་ལོར་བཅས་པ་བདག་གིས་མདུན་གྱི་ནམ་མཁར་བྱོན་པར་མོས་པའོ། །ལུགས་ནོད་པ་ནི། རྒྱལ་བ་དེ་རྣམས་ཀྱིས་མགྲིན་གཅིག་ཏུ་བདག་ལ། གང་ཞིག་མི་དགེ་བཅུ་ལ་སྤྱོད་དང་ཤིན་ཏུ་བསྒྲལ་བྱ་སྟེ། སོགས་ནས། འདུལ་བར་གྱིས། ཞེས་པའི་བར་གྱི་བསྒྲལ་བར་གནང་བ་རྩལ་བའི་ལུགས་སྦྱིན་པར་བསམ་མོ། །མཁྱེན་པར་གསོལ་བ་ནི། མདུན་གྱི་ནམ་མཁར་རྒྱལ་བའི་འཁོར་ལོ་དེ་རྣམས་དང་བདག་གི་སྙིང་ཁའི་འོད་ཀྱིས་སྤྱན་དྲངས་ཤིང་བཀུགས་པའི་བླ་མ་ཡིད་དམ་མཁའ་འགྲོ་ཆོས་སྐྱོང་ཡེ་ཤེས་ལས་དང་། འཇིག་རྟེན་གྱི་བསྲུང་མ་ལས་མཁན་དང་བཅས་པ་རྣམས་བདུན་བསྐྱེད་དཀྱིལ་འཁོར་གྱི་སྟེང་དང་ཕྱོགས་མཚམས་རྣམས་སུ་བཀྲ་ལྷ་མེར་བཞུགས་ཤིང་། ཁོ་ཡི་ལྷ་སྲུང་རིས་དང་བཅས་པ་རྣམས་ཀྱང་དཔའ་འཁུམ་ཞིང་འདར་ཁྲི་ལི་ལིར་ཧོམ་ཁུང་གི་ལོགས་ཤིག་ཏུ་འཁོད་པར་དམིགས། བདག་གི་རྩ་གསུམ་ཆོས་སྐྱོང་

― KMC025_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་འདོད་ཡོན་ཟག་མེད་ཀྱི་སྤྲིན་འཕྲོ་བའི་ཡེ་ཤེས་ཀྱི་བདུད་རྩིའི་གསེར་སྐྱེམས་ཕུལ་བ་དགྱེས་པར་བགྱེས་པས་གཟི་བྱིན་ལྷམ་མེར་བདེན་རྫུན་ཤན་འབྱེད་ཀྱི་དཔང་པོ་མཛད་བཞིན་པར་དམིགས་ལ། ཧཱུྃ། ཐམས་ཅད་གཟིགས་ཤིག་སོགས་གྱེར་བའི་ཚེ་དགྲ་བོ་ཁོ་ཡི་མི་དགེ་བའི་ལས་རྔམ་པོ་ཆེ་འདི་ལྟ་བུ་བྱས་སོ། །ཞེས་བགྲངས་ཤིང་ཤག་བཏབ། བདག་མ་ཉེས་པའི་ཡུས་ཆེན་པོ་དང་བཅས་སྙེང་རྗེའི་སྲོག་དང་ལྡན་པའི་ཞེ་ལྡང་དྲག་པོ་ལྷ་ངེ་བ་དང་བཅས་གྱེར་ཞིང་། མཐར་རང་གི་དཔང་པོ་རྣམས་བདག་བདེན་པས་ཁོ་ལ་ཤིན་ཏུ་ཁྲོས་ནས་བསྒྲལ་བའི་ཕྲིན་ལས་ལ་བརྩོན་ཞིང་། ཁོ་ཡི་ལྷ་རྣམས་ཁོ་མི་བདེན་པས་སྐྱེངས་ཤིང་མྱ་ངན་བྱེད་ཅིང་། ཁོ་ལ་ཁྲོས་པས་རྒྱབ་སྟོན་ནས་འདུག་པར་བསམ་སྐབས་འདི་ཐམས་ཅད་དུ་ལུས་ལྷ་ཡི་ང་རྒྱལ་དང་མི་འབྲལ་ཞིང་། ངག་སྔགས་ཀྱི་སྒྲ་སྐད་མི་ཆད་པ་དང་། ཡིད་དམིགས་པའི་འཁྲུལ་འཁོར་དང་མི་འབྲལ་བ་རྣམས་བྱ་བ་གནད་དུ་ཆེའོ། །དམིགས་བྱ་བསྐྱེད་པ་ནི། བསང་སྦྱང་སྔོན་དུ་འགྲོ་བས་རང་གི་

― KMC025_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་དུ་བྲུབ་ཁུང་དེ་ཉིད་ལྕགས་བསྲེག་གི་རང་བཞིན་བང་རིམ་གསུམ་པ་ཁ་ཁྱེར་དོག་ལ་གཏིང་ཟབ་པ། སྟེང་ནས་གཏི་མུག་མུན་པ་འཁྲི་ཤིང་། ང་རྒྱལ་གྱི་གདུག་པའི་སྒྲ་སྐད་འབྱིན་པ། བར་དུ་ཞེ་ལྡང་གི་མེ་འབར་ཞིང་ཕྲག་དོག་གི་རླུང་འཚུབས་པ། འོག་ཏུ་འདོད་ཆགས་ཀྱི་ཁྲག་མཚོ་འཁོལ་ཞིང་གདུག་པའི་ནད་ཀྱི་ནད་བུན་འཁྲིགས་པ། སྟེང་འོག་བར་དང་བཅས་པའི་ཕྱི་ནང་ཐམས་ཅད་ནས་མཚོན་ཆ་རྣོན་པོ་ཚེར་མ་སྐྱེས་པ་ལྟར་གཟིངས་པའི་མཚོན་ཆ་གདུག་པའི་བུ་ཡུག་འཚུབས་པ། ཕྱི་རོལ་གྱི་སྟེང་གི་ཕྱོགས་ཐམས་ཅད་དུ་ལས་ཀྱི་མགོན་པོ་དང་མ་མོ་བདུད་དང་གཤིན་རྗེ་ལ་སོགས་པ་ལྷ་སྲིན་སྡེ་བརྒྱད་ཀྱི་དམག་ཚོགས་འཇིགས་པའི་ཆ་ལུགས་རྫོགས་ཤིང་། ཟུངས་རྒྱོབ་ཅིག་སོགས་མི་སྙན་པའི་སྒྲ་རྔམ་པར་སྒྲོགས་པ་རྣམས། ཞེ་སྡང་གི་སེམས་དང་ལྡན་ཅིང་སྲོག་གཅོད་དབུགས་ལེན་ལ་རྔམས་པ། ཤ་ཁྲག་དྲོན་མོ་ལ་དགྱེས་པའི་ཚོགས་ཀྱིས་ཡོངས་སུ་བསྲུང་ཞིང་བསྐོར་བའི་དྲག་པོའི་བཙོན་ཁང་ཡ་ང་བ། དེའི་ནང་དུ་སྲོག་

― KMC025_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་ནྲྀ་ཡོངས་སུ་གྱུར་པ་ལས་དགྲ་བོའི་བྱད་མ་ཁོ་རང་དངོས་ཅི་ལྟ་བ་ལ། དེ་ཉིད་རིགས་སྔགས་ཀྱི་ཞགས་པས་ལག་པ་རྒྱབ་ཏུ་བསྡམས་ཤིང་། ལས་ཀྱི་ལྕགས་སྒྲོགས་གིས་རྐང་པ་སྤྲེལ་བ། སྐྲ་གྲོལ་ཞིང་། གོས་དང་བྲལ་བ། སྔངས་ཡེ་འདར་ཞིང་བུ་ག་རྣམས་ནས་ཁྲག་འཛགས་པ། མྱ་ངན་གྱི་འོ་དོད་ལྷང་ལྷང་འབོད་པ་ཞིག་ཏུ་བསམ་མོ། །ཕོ་ཉ་མ་འགྱེད་པ་ནི། བདག་མདུན་གྱི་མགོན་པོའི་ཐུགས་ཀའི་ཕྱོགས་བཞིའི་ཡིག་འབྲུ་བཞི་ལས་ཡིག་འབྲུའི་ཚོགས་ནག་ཅིང་དམར་བ་ལྕགས་བསྲེགས་ལྟ་བུ་སེར་དྲག་འཐོར་བ་བཞིན་སྤྲོས། འཇིག་རྟེན་གསུམ་གྱི་ཁམས་ཐམས་ཅད་གང་བར་གྱུར་པའི་ཧཱུྃ་རྣམས་ལས་ལས་ཀྱི་མགོན་པོའི་ཚོགས། དུཿརྣམས་ལས་བདུད་ཀྱི་མགོན་པོའི་ཚོགས། ཡཿརྣམས་ལས་ལས་ཀྱི་གཤིན་རྗེའི་ཚོགས། མཿརྣམས་ལས་ལས་ཀྱི་མ་མོའི་ཚོགས་སུ་གྱུར་པ་རྣམས་གཙོར་གྱུར་པའི་འཇིག་རྟེན་དྲེགས་བྱེད་ཀྱི་ཕོ་ཉ་ཕོ་མོ། ལྷ་སྲིན་སྡེ་བརྒྱད་ཀྱི་དམག་དྲག་པོའི་མཚོན་ཆ་འཛིན་པ་བྱེ་བ་དུང་ཕྱུར་གྲངས་མེད་པ་རྣམས་ཀྱིས་དགྲ་བོའི་

― KMC025_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སུ་སོང་ནས་འགུགས་འདྲེན་གྱི་ལས་བྱེད་པར་བསམ་མོ། །གནས་ནས་འགུགས་པ་ལ། འགུགས་པ་ནི། དེ་ལྟར་སྤྲོས་པའི་ཕོ་ཉ་རྣམས་ཀྱིས་དགྲ་ཁོ་ཡི་བླ་བླ་རྟགས་སྲོག་ཆགས་སྣ་ཚོགས་པའི་གཟུགས་དང་བཅས་པ་དང་། མིང་གི་ཡི་གེའི་ཚོགས་ཉི་རྡུལ་ལྟར་བཀུག་ནས་ལིང་ག་གནོད་བྱེད་དུ་གསལ་བ་ལ་ཧྲིལ་གྱིས་བསྟིམ་མོ། སྲོག་འགུགས་པ་ནི། ཡང་ཕོ་ཉ་རྣམས་ཀྱིས་ཁོ་ཡི་སྲོག་གི་ངོ་བོ་ཡི་གེ་ནྲྀ་དམར་ལྗང་དང་། སྲོག་གི་རླུང་སྔོ་དམར་གྱི་ཚོགས་ཁོ་ཡི་སྙིང་ཁ་ནས་དྲངས་ནས་བྱུང་བ་ལིང་ག་ལ་བསྟིམ་པར་བསམ་མོ། རྣམ་ཤེས་འགུགས་པ་ནི། ཡང་སྤྲུལ་ཕོ་ཉ་རྣམས་ཀྱིས་ཁོ་ཡི་རྣམ་ཤེས་ཨ་ཡིག་གི་ཚོགས་དཔག་ཏུ་མེད་པ་ཁོ་ཡི་དོན་སྙིང་གི་དཀྱིལ་ནས་དྲངས་ཏེ་ལིང་ག་བསྟིམ་པར་བསམ། དབྱིབས་ཀྱི་ལུས་འགུགས་པ་ནི། ཡང་ཕོ་ཉ་རྣམས་ཀྱིས་ཡིད་ལ་བརྣག་པའི་དགྲ་བོ་ཁོ་རང་གི་མགོ་བོ་ཐོ་ལུམ་མེ་འབར་བས་བཅོམ། ལྕགས་ཀྱུ་རྣོན་པོས་སྙིང་དཀྱིལ་ནས་འཐེན། ཞགས་པས་མགུལ་པ་ནས་བཏབས། ལྕགས་སྒྲོག་

― KMC025_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་འབྲོས་དབང་མེད་པར་བཅིངས། དྲིལ་ཆེན་གྱི་སྒྲས་དྲན་མེད་དུ་བརྒྱལ་དུ་བཅུག །རླུང་གི་འཁོར་ལོས་རྐང་ཞབས་ནས་བཏེགས་ཏེ་རང་དབང་མེད་པར་ཧོམ་ཁུང་གི་ནང་དུ་ཁྱེར། ནད་དང་མཚོན་ཆ་མུན་པའི་ཚོགས་ཀྱིས་མདུན་ནས་བསུས། པེ་ཅོན་སོགས་མཚོན་ཆ་རྩུབ་མོས་བརྡེགས་ཤིང་རྒྱབ་ནས་དེ། སྔགས་ཀྱི་དམོད་པའི་རི་རབ་ཀྱིས་འགུལ་དབང་མེད་པར་མནན་ཅིང་། ཐུན་དང་ནད་ཀྱི་ཆར་པ་ཕབས་པས་སྡུག་བསྔལ་ཉམས་སུ་མྱོང་བར་བྱས་ཏེ་དམིགས་རྟེན་ལ་དབྱེར་མེད་དུ་བསྟིམ་པར་བསམ། དེ་བཞིན་ཁོ་ཡི་གྲོགས་གཉེན་བྲན་འཁོར་སྲིད་སྡེ་དང་བཅས་པ་བཀུག་ནས་བཟུང་ལ་བསྟིམ། མན་ངག་གི་འགུགས་པ་ནི། ཡང་དགྲ་བོ་དེ་ཁོ་རང་གི་ཆུང་མའི་ཡིད་ཆགས་པའི་བུད་མེད་དམ་ཁྱོད་པོ་གང་ཡིན་དེ་དང་ཁ་སྦྱོར་དུ་ཆགས་པ་སྤྱོད་བཞིན་དུ་ཡོད་པར། བདག་མདུན་གྱི་ཐུགས་ཀ་ནས་འོད་ཟེར་དམར་ནག་གཉིས་འཕྲོས་ནས་དགྲ་བོ་གང་ཡིན་གྱི་སྙིང་ལ་ཕོག་པས། དེ་འདོད་ཆགས་དྲག་ཏུ་རྒྱས་སྟེ་བླ་ཚེ་རྣམ་ཤེས་བསོད་ནམས་

― KMC025_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཐང་རླུང་རྟ་སྲོག་གི་རླུང་དང་བཅས་མ་ལུས་པ་ཁུ་བའི་རྣམ་པར་ཞུ་ནས་ལྷག་མ་རྗེས་ཤུལ་ཙམ་ཡང་མ་ལུས་པ་སྦྱོར་འཚམས་སུ་ལུགས་ནས་བྱུང་བ་རྣམས་འོད་ཀྱི་སྦུ་གུ་དྲངས་ནས་ལིང་ག་ལ་བསྟིམ་པར་བསྒོམ་པ་ནི་འགྲོ་མགོན་རས་ཆེན་གྱི་མན་ངག་སྟེ། དམིགས་གནད་དེ་རྣམས་དང་ལྡན་པས་བདེན་སྟོབས་བརྗོད་པས་འགུགས་པ། ཕྱག་རྒྱས་འགུགས་པ། སྔགས་ཀྱིས་འགུགས་པ། ཏིང་ངེ་འཛིན་གྱིས་འགུགས་པ་རྣམས་ལ་ནན་ཏན་དུ་བྱའོ། དེ་ནས་དཔལ་མགོན་འཕྲོག་པའམ། ལྷ་དང་དབྱེ་བ་ནི། གཏོར་མ་ཁོ་ཡི་ཤ་ཁྲག་ལས་གྲུབ་པ་དེ་ཁོ་ཡི་ལྷ་རྣམས་ལ་བྱིན་པ་བདག་མདུན་གྱི་གཟི་བྱིན་མ་བཟོད་པར་རང་དབང་མེད་པར་ཟོས་ནས་བདག་གི་ངག་གུས་པས་ཉན་སྟེ་རང་གནས་སུ་དེངས་པར་བསམ། ཁྱད་པར་འཕྲོག་པ་བཞི་ནི་སྔགས། རྫས། དམོད་པ་དང་། ཏིང་ངེ་འཛིན་ཕྱག་རྒྱ་རྣམས་དང་ལྡན་པས་ཁོ་ཡིས་མཆོད་པའི་ཡེ་ཤེས་ཀྱི་ལྷ་རྣམས་སྟེང་གི་ནམ་མཁའ་ལ་གཤེགས། འཇིག་རྟེན་པ་རྣམས་རྒྱབ་ཀྱིས་ཕྱོགས་ཤིང་བྱོལ།

― KMC025_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ལ་རྔ་མོ་ལ་བསྐྱོན་ནས་མགོན་པོ་མ་རུངས་རྣམས་ཀྱིས་ལྕགས་རི་ནག་པོའི་ཕྱིར་བསྐྲད། ཁོ་ཡི་མཆོད་པའི་འདྲེ་གདོན་ཐེའུ་རང་རྣམས་བདག་མདུན་གྱི་ཞབས་འོག་ཏུ་ཁབ་སྦུབས་སུ་མནན་ནས་ལྡང་བའི་སྐབས་མེད་པར་བསམ། ལ་ལ་ཕོ་ཉ་རྣམས་ཀྱིས་གཡས་ཀྱི་མཚོན་ཆ་དང་། གཡོན་པས་ཐུན་ཆར་ཕབ་ནས་བསད་བཅད་གཏུབས་ཅིང་བསྲེགས་པར་སྒོམ་མོ། དེ་ནས་ཁ་སྦྱོར་དབྱེ་བ་ནི། བདག་མདུན་གྱི་ཐུགས་ཀ་ནས་མགོན་པོ་མ་རུངས་པ་གཏུམ་པའི་ངར་དང་ལྡན་པ་རལ་གྲི་དང་ཐོ་ལུམ་ཐོགས་པ་གྲངས་མེད་སྤྲོས་པ་རྣམས་ཀྱིས་ཁོ་ཡི་སྲུང་བའི་དྲྭ་གུར་རྣམས་སྟོབས་ལྡན་གྱི་སྐྱེས་བུས་སྒོང་ང་བྲག་ལ་བརྡབ་པ་བཞིན་བཅོམས་ཤིང་དེ་རྣམས་ཀྱི་ཞལ་ནས་མེ་དཔུང་འབར་བས་ཐམས་ཅད་བསྲེག་པར་དམིགས་པ་ནི་གཞན་གྱིས་བསྲུང་བའི་ཁ་སྦྱོར་དབྱེ་བ་དང་། ལུས་དང་ལྷ་ཡི་ཁ་སྦྱོར་དབྱེ་བ་ནི། དཔལ་མགོན་འཕྲོག་པ་སྟེ་གོང་དུ་སོང་བས་འཐུས། ཡང་བདག་མདུན་གྱི་ཐུགས་ཀ་ནས་ལས་མགོན་གཏུམ་པོ་ཚོན་གང་བ་ཞིག་ཤད་ཀྱིས་ཐོན་སྟེ་

― KMC025_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་བས་ཁོང་ཡི་རྩིབས་ལོག་གཡོན་པ་ནས་ཤ་དང་རུས་པའི་ཁ་སྦྱོར་ཕྱེས་ནས། གྲི་གུག་གི་ཁོ་ཡི་སྙིང་བཤགས་པའི་ནང་དུ་བླ་ཚེ་སྲོག་གསུམ་གྱི་ངོ་བོ་ཐིག་ལེ་སྔོ་དམར་གྱི་དམིགས་ཏུ་ནྲྀ་ལྗང་དམར་གྱི་རྣམ་པར་ཀུག་པ་དེ་གྲི་གུག་བླངས་ཏེ་ཚུར་ཡུད་ཀྱིས་བྱུང་ནས་བདག་ལ་བསྟིམས་པས་བཀྲག་མདངས་འཕེལ་བར་སྒོམ་ཞིང་ཁོ་སེལ་བའི་ཡོག་རྩེ་འགྱེལ་བ་བཞིན་ནག་ཧྲུལ་གྱིས་སོང་བསམ་པ་ནི་བེམ་པོ་སྲོག་གི་ཁ་སྦྱོར་དབྱེ་བ་རྣམས་སོ། །དང་ཕུར་བུས་གདབ་པ་ནི། མདུན་དུ་སྲས་མཆོག་གི་ཕུར་བུ་བསང་སྦྱང་ནས་ཡབ་ཡུམ་བསྐྱེད་བསྟིམ་དབང་བསྐུར་རྒྱས་གདབ་རབ་གནས་བཅས་རྫོགས་པར་བྱས་པ་དེ་སྲས་མཆོག་གི་ཕུར་བུ་སྐུ་སྟོད་ཁྲོ་བོ་གཏུམ་པོ་ལ། སྐུ་སྨད་གནམ་ལྕགས་ངར་མི་དབལ་མགར་གྱི་སོ་མལ་ནས་ཕྱུངས་མ་ཐག་པ་ལྟ་བུ། རྡོ་རྗེའི་རི་རབ་ཀྱང་ཐལ་བར་བྱེད་པ། ཞལ་ནས་ཧ་ཧ་ཧཱུྃ་ཧཱུྃ་ཕཊ་སོགས་དྲག་པོའི་འབྲུག་ལྟར་སྒྲོགས་པས་སྟེང་གི་ལྷ་རྣམས་སྐྲག་པར་བྱེད་པ། སྐུ་ཡི་ཆ་རྣམས་ནས་མཚོན་ཆ་དང་མེ་ཡི་ཆར་ཆེན་

― KMC025_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་པས་བར་གྱི་ལྷ་སྲིན་སྡེ་བརྒྱད་འདུལ་བ། ཆུ་སྲིན་གྱི་ཁ་ནས་ཕྱུང་བའི་དབལ་ནས་ཐུན་རྫས་ཀྱི་ཆར་ཆེན་ཐོག་སེར་ལྟར་འབེབས་པས་འོག་གི་ཀླུ་རྣམས་བརླག་པར་བྱེད་པ་དེ་ཉིད་བདག་མགོན་པོར་གསལ་བའི་ཕྱག་ཏུ་ཐོགས་ནས་ཁོ་ཡི་གནས་རྣམས་སུ་བཏབས་པས་ལུས་ངག་ཡིད་གསུམ་རྡུལ་དུ་བརླག །ཕུར་བུ་དེ་ལས་འཕྲོས་པའི་ཕུར་ཐུན་གྱི་སེར་བས་ཁོ་ཡི་ཕ་མ་བུ་སྲིང་མཛའ་གྲོགས་གཉེན་སྡེ་བདུན་བརྒྱུད་འཁོར་གཡོག་སྒོ་ནོར་རྟ་ཕྱུགས་ཞིང་ཁང་དང་བཅས་པར་བཏབ་པས་རྡུལ་ཕྲན་བཞིན་དུ་བཏང་བར་དམིགས་སོ། །དེ་ནས་བསད་པ་ལ་སྔགས་ཀྱི་སྒོ་ནས་དྲག་པོ་དྲུག་གི་བསད་པ་ལ། བདགམདུན། སྔགས། ལྷ། མཚོན། ཐུན་བཅས་ཏེ་བདག་མདུན་གབ་སྔགས་ཀྱིས་བསད་པ་ནི། བདག་མགོན་པོར་གསལ་བ་དང་། མདུན་དུ་ཆོས་སྐྱོང་འཁོར་བཅས་སུ་གསལ་བའི་བདག་མདུན་འཁོར་བཅས་རྣམས་ཀྱི་ཞལ་ནས་དྲག་པོའི་སྔགས་ཐོག་འབྲུག་བཞིན་བསྒྲགས་པ་སྔགས་ཀྱི་རང་བཞིན་གྱི་ཟེར་མདའ་གནམ་ལྕགས་ཀྱི་འཁྱུག་ལྟ་

― KMC025_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

བུས་དགྲ་བོ་འཁོར་བཅས་ཀྱི་ལུས་ཐལ་བྱུང་དུ་ཕུག་ནས་བསྲེག་ཅིང་བསད་པར་བསམས་ལ། སྔགས་འགྲིགས་རྣམས་ཚང་བར་འདོན། ལྷ་ཡི་བསད་པ་ནི། མདུན་བསྐྱེད་ཀྱི་འཁོར་ལོ་བཞི་རིམ་གྱི་ལྷ་རྣམས་ལས་སྤྲུལ་པའི་ལྷ་རེ་རེ་སྤྲོས་ནས་ཕོ་རྒྱུད་ཀྱི་དམག་རྣམས་ཁོ་ཡི་སྣ་བུག་གཡོན་དང་། མོ་རྒྱུད་ཀྱི་དམག་རྣམས་སྣ་བུག་གཡས་ནས་ཞུགས་ཤིང་། རོ་རྐྱང་གི་ལམ་རྒྱུད་ཁོ་སར་སོང་ནས་མཚོན་ཆའི་འཁོར་ལོ་དྲག་ཏུ་བསྐོར་བས། ཁོ་ཡི་སྲོག་རྩ་བཅད་ཅིང་ནང་ཁྲོལ་གཏུབས། ལྕགས་ཀྱུས་གློ་སྙིང་དྲངས། ཕུར་བུས་བཏབ། མདའ་མདུང་དང་། ཁ་ཊྭཱྃ་རྣམས་ཀྱིས་མཛེར་ནས་བསད་ཅིང་ལུས་རྡུལ་ཕྲན་ཕྱེ་མར་བྱས་པར་བསམ། མཚོན་གྱིས་བསད་པ་ནི། བདག་མདུན་འཁོར་བཅས་ཀྱིས་གྲི་གུག་ཁ་ཊྭཱྃ་རལ་གྲི། དགྲ་སྟྭཾ་མདའ་པོ་ཆེ། མཚོན་ཆའི་སྒྱོགས་དང་འཁོར་ལོ་སོགས་མི་བཟད་པའི་ཆར་ཕབས་ནས་དགྲ་འཁོར་བཅས་བསད་ཅིང་བརླག་པར་དམིགས་ཤིང་མཚོན་ཆ་རྣམས་བརྡེགས་པ། ཐུན་གྱིས་བསད་པ་ནི། བདག་མདུན་

― KMC025_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བེར་གྱི་སུལ་ནས་བསྐལ་པ་འཇིག་པའི་འབྱུང་བ་འཁྲུགས་པ་ལྟ་བུའི་འབྱུང་བཞིའི་ཟེར་མདའ་དྲག་པོ་དང་། ནད་མཚོན་བདུད་ཀྱི་གནམ་རྡོ་ལ་སོགས་པའི་ཆར་ཕབས་པས། དགྲ་བགེགས་རྣམས་རྗེས་ཤུལ་ཙམ་ཡང་མེ་བསད་ཅིང་བརླག་པར་བསམས་ལ་ཐུན་རྫས་རྣམས་ཀྱི་བྲབ་བོ། བེམ་རིག་ཕྲལ་སྟེ་རྣམ་ཤེས་སྤར་བ་ནི། མདུན་བསྐྱེད་ཀྱི་མགོན་པོའི་ཐུགས་ཀ་ནས་ལས་མགོན་མི་བཟད་པ་ཚོན་གང་བ་ཞིག་སྐར་མདའ་བཞིན་ཆད་པ་དགྲ་བོའི་རྩིབས་ལོག་གཡོན་ནས་བཞུགས། སྙིང་ཁ་ཕྱེས་པའི་ནང་ནས་ཡེ་ཤེས་སེམས་དཔའ་འོད་གོང་དམར་པོའི་རྣམ་པར་འདུག་པ་དེ་ལ་ཁོ་ཡི་ཉེས་པ་བསྒྲགས་པས་དབྱིངས་སུ་གཤེགས། རྣམ་ཤེས་ཨ་ཡིག་དཀར་པོའི་རྣམ་པར་གནས་པ་དེ་གྲི་གུག་གི་བླངས་ནས་ཐོད་པར་བཅུག་པའི་ཁ་གྲི་གུག་གི་བཅད་ནས་ཚངས་པའི་ལམ་ནས་རྒྱངས་ཀྱིས་བྱུང་། རྩལ་པོ་ཆེས་མདའ་འཕངས་པ་བཞིན། འོག་མིན་གྱི་གནས་སུ་རྡོ་རྗེ་འཆང་གི་ཐུགས་ཀར་ཐིམ་པར་བསྒོམ་ལ་ཕཊ་སྒྲ་བཅས་སྤར། ཡང་ན་གོང་དུ་བཤད་པའི་

― KMC025_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

མནན་པའི་མན་ངག་བྱ་ཞིང་ཕཊ་སྒྲ་བརྗོད་དོ། །ཕྱི་མ་འདི་གར་ཐོད་ཐོད་དུ་མི་བྱའོ། བསྒྲལ་ཞིང་བསྟབས་པ་ནི། མདུན་བསྐྱེད་མགོན་པོའི་ཕྱག་མཚན་ལས་ཧཱུྃ་མཐིང་ནག་གཅིག་ཆད་པ་ཁོ་ཡི་སྣ་བུག་གཡོན་ནས་ཞུགས་པ་དེ་སྙིང་ནང་དུ་སོང་བ་གྲི་གུག་གི་འཁོར་ལོ་རྩིབས་བཅུ་དྲུག་པར་གྱུར་ཏེ་གཡས་སུ་དྲག་པོར་འཁོར་བ་དང་། ལྷ་མོའི་ཕྱག་མཚན་ལས་ཛཿདམར་ནག་གཅིག་ཆད་པ་ཁོ་ཡི་གཤང་ལམ་ནས་ཞུགས། ལྟེ་བར་ཟངས་ཀྱི་འཁོར་ལོ་རྩིབས་དྲུག་པར་གྱུར་པ་གཡོན་དུ་དྲག་པོར་འཁོར་བས་སྲོག་རྩ་ནང་ཁྲོལ། ཤ་རུས་རྣམས་དམར་ཉི་ལ་བཏང་བར་བསམ། ཡང་བདག་གི་ཐུགས་ཀ་ནས་ལས་མགོན་གཅེར་བུ་སྲིན་པོའི་གཟུགས་ཅན་ཞིག་འཕྲོས་པ་དེས། དགྲ་བོ་རྣམས་ཀྱི་མགོ་ནས་རྐང་པའི་མཐིལ་བར་གྲི་གུས་ཏིལ་ཙམ་དུ་གཏུབས་པར་བསྒོམ་ནས་གྲི་གུག་གིས་གཏུབས་པས་ཤ་ཡི་རི་བོ་ཁྲག་གི་རྒྱ་མཚོར་གྱུར་པ་དེ་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ནས། སངས་རྒྱས་བྱང་སེམས། རྩ་བརྒྱུད་ཀྱི་བླ་མ་ཡི་དམ་ལྷ་ཚོགས།

― KMC025_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མདུན་ཆོས་སྐྱོང་འཁོར་བཅས་དང་། ཡུལ་ལྷ་གཞི་བདག་རྣམས་དང་བཅས་པས་དགྱེས་པའི་རྐན་སྒྲ་དང་བཅས་གསོལ་བར་དམིགས་ནས་ལིང་རོ་རྣམས་གཏོར་མར་བསྟབ་བོ། །དེ་ནས་རང་ཉིད་ལས་ཀྱི་ཁྲོ་བོར་གསལ་བ་དེ་ཡང་བདག་བསྐྱེད་ཀྱི་ཐུགས་ཀར་འཇུག་གོ །དེ་ནས་གཏོར་ཆེན་གྱི་སྨད་ཆ་དང་ལས་འགྲིགས་ཀྱི་གཏོར་མ་། ཐུན་གཏོར་ཡོད་ན། དེ་ཉིད་དང་བཅས་པའི་སྣོད་ཧོཾ་ཁུང་དུ། །གཏོར་མ་དམིགས་བྱར་གསལ་བར་བསྐྱེད་པ་ལ། བདེན་ཚིག་དང་ཕྱག་རྒྱ་སྔགས་རྣམས་དང་བཅས་པའི་འགུགས་པའི་སྐབས། བླ་བླ་རྟགས་དང་མིང་ཡིག །སྲོག་ནྲྀ་ཡིག །རྣམ་ཤེས་ཨ་ཡིག་རྣམས། དབྱིབས་གཉེན་འཁོར་ནོར་རྫས་དང་བཅས་པ་སྤྲུལ་པའི་ཚོགས་ཀྱི་གྲངས་མེད་པར་བཀུག་ནས་རྟེན་ལ་བསྟིམ། ཐུན་གཏོར་གྱི་སྐབས་ལྟར་བསྒྲལ་དམིགས་མཐར་བྱིན་བརླབས་ཀྱི་དམིགས་པ་བཅས། ཨོཾ། མ་དག་སྣོད་བཅུད་སོགས་གྱེར་ཞིང་བྱིན་རླབས་ནས་རྩ་བ་གསུམ་གྱི་དཀྱིལ་འཁོར་པ་རྣམས་ལ་མཆོད་ཅིང་བསྟོད་པ་དང་ཕྲིན་ལས་

― KMC025_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོལ་བ་རྣམས་བྱ། དེ་ནས་དབྱངས་ཀྱིས་བསྐུལ་ཞིང་ཕྲིན་ལས་བཅོལ་བ་ནི། རྒྱ་མཚོ་གླིང་མས་དྲེགས་པ་རྐྱང་གསུམ། ཁྲག་གི་བུད་ཀྱིས་སྤྱང་ཞོན། ཕུར་བུ། ཟངས་རལ། མཚོན་འཁོར་མ་རྣམས། དཀར་པོ་རྐུན་མོས་སྲིང་མོ་བཞི་རྣམས་བསྐུལ། ཡང་ཤར་ཕྱོགས་དབུགས་ལེན་གྱིས་ཤན་པ་བཅུ་དྲུག །རྩ་བཞི་དྲོད་སོགས་ཀྱི་འབར་མ་དགུ། ཁྱོད་ཀྱི་རལ་པ་སོགས་ཀྱིས་དུས་བཞིའི་ལྷ་མོ་བསྐུལ། ཤར་ཕྱོགས་སྐྱོང་མགོན་སོགས་ཀྱིས་ཕྱོགས་བཅུ་མགོན་པོ། རྡོ་རྗེ་དབང་ཕྱུག་སོགས་ཀྱིས་དབང་མོ་ཉེར་བརྒྱད། ཤར་ཕྱོགས་དམག་རྒྱལ་སོགས་ཀྱིས་དམག་རྒྱལ་མ་བཞི་རྣམས་བསྐུལ། དབང་ཕྱུག་ལྗང་སྔོན་སོགས་ཀྱིས་དྲེགས་པ་དོན་གཉིས། བཀའ་ཡི་ཚོགས་སོགས་ཀྱིས་བརྟན་མ་བཅུ་གཉིས་རྣམས་བསྐུལ་ལོ། །དེ་རྣམས་ཀྱི་སྐབས་སོ་སོར་ཡང་དྲེགས་པ་གསུམ་སོགས་རང་རང་གི་ཐུགས་ཀ་ནས་ཕོ་ཉ་སྤྲོས་པས་དགྲ་བོའི་བླ་སྲོག་རྣམ་ཤེས་དབྱིབས་བཅས་བཀུགས་ནས་གཏོར་མ་ལ་བསྟིམ་པ་འགུགས་་པའི་མན་ངག །ཁོ་ཡི་

― KMC025_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྲུང་རྣམས་རྒྱ་མཚོའི་མཐར་ཕོ་ཉ་རྣམས་ཀྱིས་དེད་ཅིང་བསྐྱལ་བ་བསྐྲད་པའི་མན་ངག །ཁོ་ལ་འཁོར་བའི་ཐེའུ་རང་རྣམས་རང་རང་གི་ཞབས་འོག་ཏུ་བརྫིས་པ་མནན་པའི་མན་ངག །རང་རང་ཕོ་ཉ་དང་བཅས་པས་ཁོ་ཡི་ལུས་ལ་མཚོན་ཆའི་ཆར་ཕབས་ནས་སྲོག་བཅད་ཅིང་རྡུལ་དུ་བརླག །ཤ་ཁྲག་ཧབ་ཧབ་དུ་གསོལ་བ་གཟིར་ཞིང་བསྒྲལ་བའི་མན་ངག་བཞི་པོ་བསྐུལ་ཚན་སོ་སོར་སྦྱར་ཞིང་མཚམས་སུ་རོལ་མོ་བྱ་སྐབས་རྦད་སྔགས་བཟླ་ཞིང་ལྷ་ཚོགས་སོ་སོའི་ཞལ་དུ་དགྲ་བོའི་མི་ནོར་ཡུལ་མཁར་བཅས་གསོལ་ནས་བརྣག་པ་བསྒྲལ་ཞིང་རྦོད་གཏོང་བཟློག་པའི་ཕྲིན་ལས་མཛད་པར་བསམ་མོ། །དེ་ནས་རྡོ་རྗེ་སློབ་དཔོན་གྱི་དགོངས་པའི་གདེངས་བསྐྱེད་ཅིང་། སྨན་རཀ་གཏོར་མར་སྦྲེང་བཞིན། ལས་བདུན་བཞེས་བརྒྱད་ཀྱི་མན་ངག་ནི། གདབ་བྱེད་བསད་གསུམ། གཏད་དབབ་གཏང་གསུམ། མནན་དང་བདུན། དྲག་པོ་བཞེས་དང་བརྒྱད་པོ་རྣམས་ཞལ་ལས་འབྱུང་བ་བཞིན་ཚིག་དོན་སྦྲག་ནས་འདོན་བསྒོམ་བསྐུལ་བ་དྲག་ཏུ་བྱའོ། །

― KMC025_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

དམག་ལམ་དབྱེ་བ་ནི། བསང་སྦྱང་བྱིན་གྱིས་བརླབས་པའི་གཏོར་མ་ངོ་བོར་དགྲ་བོའི་ཤ་ཁྲག་ལ་རྣམ་པ་སོ་སོར་འོས་པའི་ལོངས་སྤྱོད་ཀྱི་སྤྲིན་འཆར་བར་དམིགས་ལ། ཧཱུྃ། ཤར་ལ་སོགས་པའི་སོགས་གྱེར་ཞིང་གཏོར་མ་དེ་ལྷ་སྲིན་སྡེ་བརྒྱད་ལ་བསྔོས་ནས་སྡོང་གྲོགས་བྱེད་པའི་ཕྲིན་ལས་བཅོལ་ཞིང་དམག་ཏུ་བསྡུས་ནས། ཤུལ་གསུམ་བསྟོད་པ་ནི། བདག་མདུན་གྱི་ཐུགས་ཀ་ནས་མཚོན་ཆའི་རང་བཞིན་གྱི་འོད་ཀྱི་སྦུ་གུ་སོ་སོར་མ་རེགས་པའི་ཕྱི་ནང་གསུམ་རིམ་དུ་ཡོད་པ་ཞིག་འཕྲོས་པའི་ཕྱི་མ་དགྲ་བོའི་ཡུལ་དུ་ཟུག་པས་ཁོ་ཡི་ཡུལ་དུ་དམག་གི་ལམ་དུ་ཤུལ་བཏོད། བར་མ་དེ་ཁོ་ཡི་ལུས་ལ་ཟུག་པས་བྱད་མའི་ལུས་ལ་དམག་གི་ལམ་གྱི་ཤུལ་བཏོད། ནང་མ་དེ་དགྲ་བོ་བྱ་མའི་སྙིང་ལ་ཟུག་པས་དགྲ་བོའི་སྙིང་ལ་དམག་གི་ལམ་གྱི་ཤུལ་ཆེན་ཆེན་པོ་བཏོད་ཅིང་། ཁོ་རང་དང་ལིངྒ་གཉིས་ཀྱང་ལྟར་དུ་འབྲེལ་ནས་ཡོད་པར་བསྒོམ། འོག་ན་འབྱུང་བའི་བསྐུལ་དང་ཟོར་འཕེན་སྐབས་འོད་ཀྱི་སྦུ་གུ་གསུམ་རིམ་གྱི་ལམ་ནས་ཕོ་ཉ་ལས་མཁན་

― KMC025_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེ་བརྒྱད་ཀྱི་དམག་སྤྲོ་བ་འམ། ཤིན་ཏུ་གལ་ཆེ་ན། འོད་དེའི་སྦུ་གུ་ཕྱི་མ་ནས་ལྷ་སྲིན་སྡེ་བརྒྱད་ཀྱི་དམག་དང་། བར་མ་ནས་འཁོར་ལོ་གཉིས་པ་དང་གསུམ་པ་བཞི་པ་རྣམས་ཀྱི་ལྷ་དམག་འཇིག་རྟེན་པའི་དྲེགས་བྱེད་ཀྱི་ཕོ་ཉ་ལས་མཁན་དང་བཅས་པའི་ཚོགས་དང་། ནང་མ་ནས་དཔལ་མགོན་ཡབ་ཡུམ། དབུགས་ལེན་གྱི་ཤན་པ་ཕོ་མོ་བཅུ་དྲུག་སོགས་ལས་ཀྱི་མགོན་པོའི་དམག་ཚོགས་བཅས་པ་རྣམས། ལམ་གྱི་ཤུལ་དེ་གསུམ་ནས་ལྷ་དམག་སྡེ་གསུམ་འགྲིམས་ཤིང་ཆ་ནས་དགྲ་བོའི་གནས་ལུས་སེམས་དང་བཅས་པ་རྡུལ་དུ་བརླག་པར་བསྒོམ་མོ། །ལས་སྦྱོར་ཉིན་གྲངས་བྱེད་པ་ཡིན་ན་གསོན་གཅིག་མ་སོགས་གྱེར་ནས་འདི་སྐབས་ཀྱི་ཐུན་གཏོར་ཟོར་དུ་འཕེན་པའི་དམིགས་པ་དངོས་གྲུབ་ལེན་ཆོག་སྐབས་སུ་བཤད་པ་བཞིན་ཕྱིར་འཕངས་ནས་བཟློག་པ་ཡང་བཟློག་དང་། རྗེས་བཅས་རྒྱུན་བཞིན་འདོན་བསྒོམ་བྱས་པ་འཐུས་ཤིང་དེ་ལྟར་སྒྲུབ་པའི་ཉིན་མཐའ་མ་ལྟ་བུ་འམ་ཉིན་གཅིག་ཁོ་ན་བྱེད་པ་གང་ཡིན་ཀྱང་། དེ་ནས་གཏོར་མ་

― KMC025_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོར་དུ་འཕེན་པའི་ཐོག་མར་བདུན་བསྐྱེད་ལྷ་དམག་དང་བཅས་པ་རྣམས་ལ་གསེར་སྐྱེམས་འབུལ་ཞིང་བཅོལ་བསྐུལ་དང་དགྲ་བོར་ཟ་ལམ་བསྟན་པ་རྣམས་བྱས་མཐར། ཧཱུྃ། མ་ཅིག་གཉེན་དང་ཐབས་གཅིག་པའི། སོགས་གྱེར་ནས་ཚིག་དོན་གསལ་འདེབས་བྱ་ཞིང་། གསེར་སྐྱེམས་དང་། བསྐུལ་འདི་གཉིས་བསྙེན་སྒྲུབ་ཀྱི་སྐབས་སྤྲོས་པ་བསྡུ་བར་འདོད་ན་མ་བྱས་ཀྱང་ཆོག །དེ་ནས་མདུན་བསྐྱེད་ཀྱི་ཡེ་ཤེས་པ་མདུན་མཁར་བཏེགས་ནས་རྟེན་དང་དབྱེར་མེད་དུ་དམིགས། དམ་ཚིག་པ་སྲོག་གཏར་བཟུང་བའི་མན་ངག་གིས་རང་ལ་བསྡུས་ནས། གཏོར་མ་ནད་མཚོན་གྱི་སྡོང་པོ་འཇིག་རྟེན་ལྷ་སྲིན་སྡེ་བརྒྱད་ཀྱི་དམག་དཔུང་དང་བཅས་པར་བསྒྱུར་ནས་ཕྱིར་དཔགས་པ་ནི་སྤྱིར་བཏང་བའི་ལུགས་དང་། གལ་ཆེན་དམ་ཚིག་པ་རྣམས་རང་ལ་མི་བསྡུ་བར་མདུན་མཁར་བཏེགས་ནས་རྒྱབ་རྟེན་གྱི་ཚུལ་དུ་བཞུགས་ཤིང་བྱོན། དེ་ལས་སྤྲུལ་པའི་དམག་ཚོགས་དགྲ་ཡུལ་དུ་ཆས་པར་དམིགས་པའམ། ཤིནྟུ་གལ་ཆེ་ན། དམ་ཚིག་པ་རྣམས་

― KMC025_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་ཆེན་དང་དབྱེར་མེད་དགྲ་ཡུལ་དུ་ཆས་ཏེ་ཕྱི་ཡི་དམག་དཔོན་ཕོ་རྒྱུད་རྒྱལ་ཆེན་བཞི་དང་གཙང་རིས་ཀྱི་མགོན་པོ། ར་ཧུ་ལ་གཙོ་བོར་བྱས་པའི་ལྷ་སྲིན་སྡེ་བརྒྱད་ཀྱི་རྗེ་བོ་དང་། ཐང་ལྷ། སྤོམ་ར་སོགས་གཞི་བདག་ཟོ་དོར་གཉེན་པོ་རྣམས་དང་། མོ་རྒྱུད་ཀྱི་དམག་དཔོན་བརྟན་མ་བཅུ་གཉིས་རྣམས་ཀྱང་ཤིན་ཏུ་ཁྲོས་པའི་ཆ་ལུགས་ཀྱི་རྣམ་འགྱུར་བཅས་རང་རང་གི་འཁོར་ས་ཡ་དུང་ཕྱུར་གྲངས་མེད་ཀྱི་དམག་སྣ་དྲངས་པ་དང་། ནང་གི་ཕོ་རྒྱུད་ཀྱི་དམག་སྣ་རྡོ་རྗེ་ལེགས་པ་དང་དྲེགས་པ་རྐྱང་གསུམ་སོགས་ཀྱིས་དྲངས་པའི་ལས་དང་འཇིག་རྟེན་གྱི་མགོན་པོའི་དམག་དང་། དམག་རྒྱལ་མ་བཞི་སོགས་ཀྱིས་སྣ་དྲངས་པའི་ལས་དང་འཇིག་རྟེན་གྱི་མ་མོའི་དམག་ཚོགས་རྣམས་དང་། མ་མགོན་གཉིས་ཀྱང་སོ་སོར་མཛད་དེ་མགོན་པོ་རྟ་ནག་ལ་ཆིབས་ཤིང་། ལྷ་མོ་དྲེའུ་ལ་ཆིབས་པའི་གཡས་སུ་ཡབ་འཇིག་རྟེན་གྱི་མགོན་པོ་ལེགས་ལྡན་བདུད་བེར་དགུ་བརྩེགས་གྱོན་ནས་བདུད་རྟ་ལ་ཆིབས་པ་དང་། གཡོན་དུ་མྱུར་མགྱོགས་ཀྱི་དཔའ་བོ་འཇིག་རྟེན་

― KMC025_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ་སྲས་མཆོག་ནག་པོ་སྟག་ལ་ཆིབས་ཤིང་ཟངས་ཁྲབ་དང་ཟངས་རྨོག་འོད་འབར་གསོལ་ཞིང་། གཉིས་ཀའི་ཕྱག་ན་ཙནྡན་གྱི་བེང་ཆེན་སྒོ་དགུ་པ་བསྣམས་པའི་བེང་གི་སྒོ་ཕྱེ་བའི་རེ་རེ་ནས་ལྷ་དམག་བྱེ་བ་དུང་ཕྱུར་རེ་འགྱེད་པ་རྣམས་དང་། འཁོར་ལྔ། རྗེས་འབྲངས་རྣམས་ཀྱང་ཤིན་ཏུ་ཁྲོས་འཁྲུགས་རྔམས་པའི་སྟབས་ཀྱི་སྤྲུལ་འཁོར་གྲངས་ལས་འདས་ཀྱི་དམག་དང་བཅས་པ་རྣམས་མངོན་སུམ་དུ་ཆས་པར་བསྒོམས་། འདི་སྐབས་ལུགས་སྔ་མ་གཉིས་ལ་བདག་ཀྱི་མགོན་པོའི་ཐུགས་ཀ་ནས་རང་ཉིད་ལས་མགོན་དུ་སྤྲུལ་ནས་སྤྲུལ་པའི་འཁོར་དང་བཅས་པ་བསྐྱོད་པ་དམིགས། ཕྱི་མ་འདིར་ཤིན་ཏུ་གཉན་པའི་ལུགས་ཀྱིས་བདག་བསྐྱེད་དམ་ཡེ་གཉིས་མེད་ཡེ་ཤེས་གྱི་མགོན་པོའི་དམག་དཔུང་དང་། མདུན་བསྐྱེད་དམ་ཚིག་པའི་ལས་མགོན་བཀའ་སྡོད་ཀྱི་ཚུལ་དུ་དགྲ་ལ་ཆས་པར་བསྒོམ་པ་ཡིན། གང་ལྟར་ཡང་དར་ནག་གི་སྣ་དྲངས། གཟའ་སྒོ་དང་མཁའ་གྲོའི་གདོང་ལ་མ་ཁེལ་བའི་ཐོབས་དང་བསྟུན་ཏེ་གཏོར་མ་ཕྱི་རོལ་

― KMC025_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཁྱེར་ནས་སྟེགས་ཀྱི་ཁར་འཇོག །མགོན་པོའི་ལྷ་དམག་གིས་ནམ་མཁའ་དང་ས་གཞི་ཐམས་ཅད་མེར་མེར་ཤིག་ཤིག་ཏུ་གང་བར་བསྒོམ་ལིངྒ་དང་། གཏོར་མ་སྨད་ཆར་དམིགས་པའི་འགུགས་པ་ལན་གསུམ་མཐར་བསྒྲལ་དམིགས་ཀྱང་བྱས་ནས། དགྲ་བོའི་ཤ་ཁྲག་དང་གསེར་སྐྱེམས་དབྱེར་མེད་དུ་མ་དག་མས་བྱིན་གྱིས་བརླབས་པའི་གསེར་སྐྱེམས། མགོན་པོའི་དམག་ཚོགས་ལ་འབུལ་ཞིང་ཕྲིན་ལས་དྲག་ཏུ་བཅོལ། སྒོ་འཕྲང་དང་སྣང་སྲིད་ཀྱི་ལྷ་འདྲེར་བསྔོས་ནས་སྐུ་གཟུར་བ་དང་འདི་ཡི་མགོན་སྐྱོབས་མ་བྱེད་པར་བདག་གི་གྲོགས་མཛོད་ཅིག །ཅེས་བསྒོ། དེ་ནས་བཞེས་སྒྲ་དྲག་པོ་དང་བཅས། ཐུན་གཏོར་ལ་འཇུག་རྒྱུའི་ལིང་ག་དེ་ཉིད་དགྲ་བོ་དངོས་སུ་གསལ་བ་དཔལ་མགོན་འཁོར་བཅས་ཞལ་གནམ་པ་ཙམ་གདངས་པའི་ནང་ནས་མེ་ལྕེ་སྐལ་མེ་ལྟར་འབར་བའི་ནང་དུ་དགྲ་བོ་མི་ནོར་ཡུལ་མཁར་དང་བཅས་པ་ཁྱུར་བ་ཞེས་པར་དམིགས་ནས་གཏོར་མའི་ནང་དུ་མེ་སྒྲོན་གྱིས་བསྲེགས། དེ་ནས་མགོན་པོའི་ཟོར་བཅུ་པོ་རྣམས་ཀྱི་གྲི་

― KMC025_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

གུག་མེ་འབར་བའི་སྒྱོགས་ཆེན་བཅུར་གྱུར་པ་དགྲ་བོའི་ཐོག་ཏུ་འཕངས་པས་རྡུལ་དུ་བརླག་པར་བསམས་ལ། ཧཱུྃ། དཔལ་ལྡན་མགོན་པོ་སོགས་གྱེར་ཞིང་འཆམས་སྟབས་དང་བཅས་ལས་ཁུང་དུ་བཅུག་པའི་ལིང་རྐྱང་གི་སྟེང་དུ་འཕངས། བསྙེན་སྒྲུབས་སོགས་ཀྱི་སྐབས་འགུགས་པ་ནས་འདིར་བར་མ་བྱས་ཀྱང་ཆོག །དེ་ནས་ཞེ་སྡང་གི་གདུང་ཡུས་དྲག་པོས། ཧཱུྃ། གསོན་གཅིག་མ་ཧཱ་ཀཱ་ལ་ཆེ། སོགས་དབྱངས་ཀྱིས་བསྲུང་སྤྱིར་བསྐུལ་ནས། འགུགས། བསད་དང་གཏད། མནན་ཏེ་བསྒོ་བ་བཞི་ཡི་མན་ངག་རྣམས་ཞལ་ལས་འབྱུང་བ་བཞིན་བྱ་ཞིང། མཐར་རྟོགས་པ་དོན་གྱི་དགོངས་པས་དབྱིངས་སུ་སྒྲོལ་བའི་བསྒྲལ་ཐབས་ཆེན་པོའི་ཕྲིན་ལས་ལ་ནན་ཏན་བྱ། སླར་ཡང་ལོཀྟྲིའི་སྔགས་སྒད་བདུན་སོགས་བཟླ་བཞིན། བདག་མདུན། སྔགས། ལྷ། མཚོན་ཆ། ཐུན་སྟེ་དྲག་པོ་དྲུག་གི་མན་ངག་རྣམས་ཀྱང་ཚང་བར་བྱ། དེ་ནས་འདས་བྱོན་མས་གཙོ་བོ་ཡབ་ཡུམ་དང་། གང་ཞིག་བླ་མས་གཙོ་འཁོར་ཡོངས་རྫོགས་རྣམས་

― KMC025_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུལ་བའི་སྐབས་ཀྱང་སོ་སོར། དགུགས་བསྐྲད། མནན། གཟིར་ཞིང་བསྒྲལ་བའི་མན་ངག་རྣམས་ཚང་བར་བྱ། མཐར་དཔེར་ན་རྔོན་པས་སོགས་བརྗོད་ཅིང་ནན་གྱིས་རྦད་པས། ལྕམ་དྲལ་ཕོ་ཉ་ལས་མཁན་དང་བཅས་པའི་སྤྲུལ་པ་དུ་མ་ཕྱོགས་བཅུར་བཀྱེས་པ་རྣམས་ཀྱིས་དགྲ་བོ་གབ་ཅིང་བྲོས་པའི་གནས་དང་དབང་མེད་པར། རྔོན་པས་རི་དྭགས་གསོད་པ་བཞིན་དགྲ་བོ་ཉེ་འཁོར་དང་བཅས་པ་བསད་བཅད་གཏུབ་ཅིང་རོལ་ནས་དགྲ་བོ་མི་ནོར་ཁང་ཞིང་དང་བཅས་པ་ལྷག་མ་རྗེས་ཤུལ་ཙམ་ཡང་མེད་པའི་ཕྲིན་ལས་མཛད་པར་བསྒོམ། སྲིན་མགོན། ཞིང་སྐྱོང་དམ་ཅན་རྣམས་ཀྱི་བསྐུལ་འདོན་པའི་སྐབས་འགུགས་བསྐྲད་མནན་གཟིར་བསྒྲལ་བའི་དམིགས་པ་རྣམས་རེ་རེ་བཞིན་དུ་སྦྱར་ནས་གྱེར་བསྒོམ་ནན་ཏན་དུ་བྱ། མཐར་དགྲ་མཚོན་བཟློག་པ་ནི། ལུགས་སྔ་མ་གཉིས་ཀྱི་སྐབས། གཏོར་མ་དེ་ཉིད་ནད་མཚོན་དུག་དང་རྡོ་རྗེའི་སྒྱོགས་ཆེན་གྱི་རང་བཞིན། ལྕགས་བསྲེགས་ཀྱི་གྲི་གུག་རི་རབ་དང་མཉམ་པ་ལས། ནད་མཚོན་དུག་

― KMC025_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

རླངས་རྡོ་རྗེའི་ཐོག་གི་དབའ་ཟེར་ཕྱོགས་བཅུར་འཕྲོ་བ་ཞིག་ཏུ་གྱུར་པ། དེ་ཉིད་བདག་གི་ཐུགས་ནས་ལས་ཀྱི་མགོན་པོ་གཅེར་བུ་རྡོ་རྗེ་ཕ་ལམ་གྱི་ལུས་ཅན་ཞིག་འཕྲོས་པས་དེས་ཁྱེར་ནས། དགྲ་ཡུལ་དུ་གློག་གི་དབང་དང་། གཟའ་རྒོད་ཀྱི་ཟེར་ལྟར་བརྒྱུག་ནས་དགྲ་བོ་བྱད་མ་ལྷ་བསྲུང་མི་ནོར་བདུན་རྒྱུད་ཡུལ་ཞིང་ནོར་ཕྱུགས་མཁར་དང་བཅས་པའི་སྟེང་དུ་བརྒྱས་པའི་ཐམས་ཅད་དུ་རྩི་དིར་གྱིས་སོང་སྟེ་རྡུལ་ཕྲན་བཞིན་དུ་བརླག །ལས་མཁན་དྲེགས་པའི་དམག་ཚོགས་་ཀྱང་ལས་མཁན་དེ་དང་མཉམ་དུ་ཀི་བསྭོའི་སྒྲ་སྒྲོགས་ཤིང་རྒྱུག་ནས་དགྲ་བོ་རྣམས་ལ་མཚོན་ཆའི་ཕབས་ནས་བསད་བཅད་གཏུབས་ཅིང་ཤ་ཁྲག་རུས་གསུམ་ལྷག་མེད་དུ་རོལ་པར་དམིགས་ལ། སྤྱི་དྲིལ་སྔགས་རིང་དང་། ཧེར་ནི། ཧུར། རྦད་སྔགས་བཅས་བཞི་སྦྲེལ་དང་། བདུད་ཀྱི་ཤ་ས་ན་རྦད་སྔགས་བཅས་དྲག་ཏུ་བཟླས་ཤིང་གཏོར་མ་འཕེན་ནོ། །ཡང་ལུགས་ཕྱི་མ་ལྟར་བྱེད་ན། གཏོར་མའི་ལྷ་དམ་ཚིག་པ་རྣམས་ནམ་མཁར་བཏེགས་པ། བདག་བསྐྱེད་ཡེ་

― KMC025_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་མགོན་པོས་མདུན་བསྐྱེད་དགྲ་ལ་རྦད་པ་ཙམ་གྱིས་ཕྱི་ནང་གི་དམག་དཔོན་རྣམས་དང་། མ་མགོན་གཙོས་ལས་དང་འཇིག་རྟེན་གྱི་མགོན་པོ་དང་མ་མོ་ལྷ་སྲིན་སྡེ་བརྒྱད་ཀྱི་དམ་དང་བཅས་པ་རྣམས་ཀྱིས། གཏོར་མ་མཚོན་ཆའི་སྒྱོག་ཟེར་རི་རབ་ལྟར་གྱུར་པ་ཕྱག་ཏུ་བསྣམས་ནས་སྐད་ཅིག་གིས་དམིགས་རྟེན་དགྲ་ཡི་ཡུལ་མཁར་ཞིང་གསུམ་མི་ནོར་ཕྱུག་གསུམ། གཉེན་སྡེ་མཛའ་བཤེས་བྱད་མ་ལྷ་སྲུང་དང་བཅས་པའི་བསྐོར་བའི་དགྲ་བོ་དངོས་སུ་སུ་གསལ་བའི་སྟེང་དུ་གནམ་ལྕགས་ཀྱི་ཐོག་དང་། གདུག་པའི་གཟའ་རྒོད་ལྷུང་བཞིན་ཆས་ཏེ་བརྒྱབ་པས། དམིགས་བྱའི་ལུས་ངག་ཡིད་གསུམ་རྡུལ་དུ་བརླགས་ཤིང་། ཤ་ཁྲག་དོན་སྙིང་རྣམས་རྔམས་ཟས་སུ་བཞེས། རྟེན་མཁར་ཡུལ་གཞིས་དང་བཅས་པ་རྗེས་ཤུལ་རྡུལ་ཕྲན་ཙམ་མེད་པར་སྐུ་དང་། ཞལ་དང་མཚོན་ཆ་རྣམས་ལས་བྱུང་བའི་མེས་བསྲེགས་ཤིང་། རྡོ་རྗེའི་འཐོར་རླུང་དྲག་པོས་གཏོར་བར་བསམས་ལ། གོང་གི་དྲག་སྔགས་རྣམས་བཟླ་བཞིན་དུ་གཏོར་མ་འཕངས་ཤིང། ཕྱག་

― KMC025_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

དར། ཆོས་གོས་སོགས་དགྲ་ཕྱོགས་སུ་བརྡབ་བོ། །དེ་ནས་རྡོ་རྗེ་བཀའ་ཟློག་སྐབས། དབང་ཕྱུག་མ་ཉེར་བརྒྱད་རང་རང་གི་ཁྱོ་དང་བཅས་པ་རྣམས་ཀྱིས་ཕྱོགས་བཅུའི་འཇིག་རྟེན་རབ་འབྱམས་ཀྱི་གདོན་ཚོགས་ཀུན་བསྡུད་ནས་དམགས་ཏུ་དྲངས་ནས། སྣང་སྲིད་ཀྱི་ལྷ་འདྲེའི་རྦོད་གཏོང་དང་ཆགས་ཆེ་ཉམ་ང་། ཕ་རོལ་གྱི་བྱད་སྟེམ་རྣམས་ཕྱིར་བཟློག་བྱེད་པར་བསྒོམ། ཚེ་བདག་དང་སེང་གདོང་ལོཀྟྲི་རྣམས་ཀྱིས་ཡང་བཟློག་བྱ་ཞིང་། ཚེ་བདག་ཕྱོགས་བཅུའི་རྒྱལ་བ་སྲས་བཅས་ཡི་དམ་ལྷ་ཚོགས་་ཆོས་སྐྱོང་སྲུང་མ་བདག་བསྐྱེད་འཁོར་དང་བཅས་པ་རྣམས་ཀྱིས་དྲག་པོའི་སྔགས་རྒོད་བཟླ་ཞིང་བདེན་ཚིག་དང་དམོད་པའི་ང་རོ་འབྱིན་ཞིང་ཕྱག་ཉི་ཟླའི་ཐལ་མོ་དྲག་ཏུ་བརྡབ་པས། ཕ་རོལ་གྱི་རྦོད་གཏོང་བྱད་སྟེམས་སོགས་རྡུལ་ཕྲན་དུ་བྱས་ཤིང་མེས་བསྲེགས་ཆུས་བཤལ་བར་བསྒོམ། སེང་གདོང་ལོཀྟྲིའི་ཡང་ཟློག་བྱ་བའི་དུས་ཀྱང་། དེ་རྣམས་ལྷ་སོ་སོའི་སྐུར་གྱུར་ནས་སྔགས་བཟླ་ཞིང་། ཐལ་མོ་བརྡེབ་པ་སོགས་གོང་བཞིན་དམིགས།

― KMC025_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་སྲུང་འཁོར་དགུ་རིམ་ཀྱང་བརྟན་པོར་གསལ་བཏབས་པས་ཅིས་ཀྱང་མི་ཚུགས་བསམ། ལས་མཁན་ཆོས་སྐྱོང་ལྷ་དམག་དང་བཅས་པ་རྣམས་ཀྱང་བ་དན་དཀར་པོ་རྩེ་རྒྱལ་ཕྱར་ཞིང་དགྱེས་པའི་བསྭོ་སྒྲ་དི་རི་རི་རིར། ཞལ་རས་ཆ་གངས་བའི་ཚེས་པ་བཞིན་གཟི་བྱིན་དང་ལྡན་པར། བག་དྲོ་འུར་གྱིས་བྱོན་ནས་མདུན་རྟེན་ལ་དགྱེས་ཤིང་མི་འབྲལ་བར་བཞུགས་པ་མོས་ཤིང་། བདག་མདུན་གྱི་དཀྱིལ་འཁོར་ཡང་སྔར་བཞིན་གསལ་གདབ་པར་བྱའོ། །དེ་ནས་རྡོ་རྗེ་རྒྱ་གྲམ་གྱི་མན་ངག་གིས་ཁོ་ཡི་རྣམ་ཤེས་མནན་པ་ནི། ས་ལ་ཨེ་ཉིས་རིམ་མེད་འབར་བ་རྡོ་རྗེ་རྒྱ་གྲམ་དང་བཅས་པ་བྲིས་པའི་གཏོར་གཞོང་སྦུབས་ལ། དེ་ཉིད་ལྕགས་ཁང་གྲུ་གསུམ་པ་དབང་ཆེན་གསེར་གྱི་ས་གཞིའི་མཐིལ་ལ་ཐུག་པར་གཏིང་ཟབ་ཅིང་དོགས་པ། ཤིན་ཏུ་ནག་ཅིང་ནག་ཅིང་ཚ་ལ་རྩུབ་པ་གཤིན་རྗེའི་མུན་ཁང་། སྤུ་གྲིའི་རླུང་གི་འཁོར་ལོ་དང་མཚོན་ཆའི་བརྡབ་ཆར་དྲག་པོ་འཚུབས་པའི་ནང་དུ། དགྲ་བོ་ཕོ་མོ་ལྷ་དང་བཅས་པ་རྣམས་ཀྱི་གཟུགས་བརྙན་སྤྲེའུ་ཚུགས་སུ་

― KMC025_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པར་དམིགས་ལ། བླ་དང་རྣམ་ཤེས་རྣམས་རང་དབང་མེད་པར་བཀུག་ནས་བསྟིམས་ཤིང་། འཆི་བདག་རྣམས་ལ་གཉེར་དུ་གཏད་པའི་ཁ་རྡོ་རྗེ་རྒྱ་གྲམ་མེ་རབ་ཏུ་འབར་བས་བཅད། དེ་ཡི་སྟེང་དུ་རི་རབ་ཆེན་པོས་མནན་པའི་སྟེང་དུ། བདག་མདུན་ལྕམ་དྲལ་གྱི་དཀྱིལ་འཁོར་པ་རྣམས་དང་། སྣང་སྲིད་ཐམས་ཅད་ལས་བཞིའི་མགོན་པོའི་སྐུར་གྱུར་པས་བྲོ་བརྡུངས་པར་བསམ་ལ། ནུབ་ནས་ཤར། བྱང་ནས་ལྷོ། ཤར་ནས་ནུབ། ལྷོ་ནས་བྱང་དུ་ལྟ་བ་དང་། སླར་ཡང་ནུབ་ནས་ཤར་དུ་གཟིགས་ཤིང་། ཧཱུྃ། རྡོ་རྗེ་འབར་བའི་སོགས་ལས་བཞིའི་བྲོ་བརྡུང་ཞིང་སོའི་མཐར་གཏོར་གཞོང་གི་ཤར་ལྷོ་ནུབ་བྱང་དབུས་བཅས་པར་གཡས་བསྐོར་གྱིས་རྡོ་རྗེ་རྒྱ་གྲམ་གྱི་མཚན་མ་འང་བྱས་ཤིང་། དགྲ་བགེགས་ཀྱི་རྣམ་ཤེས་རྣམས་བསྐལ་པའི་བར་དུ་ལྡང་བའི་སྐབས་མེད་པར་བལྟའོ། །མཐར་གཏོར་གཞོང་ནམ་མཁར་རྒྱན་པའི་ནང་དུ་བྲུས་བཀངས་ལ། སྒྲུབ་པ་པོ་རྣམས་ཀྱི་ཚེ་བསོད་ལོངས་སྤྱོད་ཀྱི་ཚོགས་ཟླ་བ་ཡར་གྱི་ངོ་བཞིན་རྒྱས་

― KMC025_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མོས་ལ། རྣལ་འབྱོར་བདག་ཅག་སོགས་ནས། བདེ་ལེགས་ཆེན་པོས་ཁྱབ་གྱུར་ཅིག །ཅེས་པའི་བར་བརྗོད་ལ་དགའ་སྤྲོ་དང་ལྡན་པའི་སེམས་ཀྱི་ནང་དུ་འོང་ལ། ང་རྒྱལ་ལྔ་ཡི་མན་ངག་རྒྱལ་དབྱངས་བླངས་པ་ནི། མཆོད་པ་བཟང་དུ་བཤམས་ཤིང་དཀྱིལ་འཁོར་ལ་ཕྱོགས་པས་འགྲེངས་ལ། དར་ཕྱར། དུང་འབུད། རྔ་བསིལ་གྱི་སྒྲ་སྙན་པོ་དང་བཅས། དུག་ལྔའི་རང་མདངས་སུ་ཤར་བའི་དགྲ་བགེགས་ཀྱི་གཡུལ་ལས་རྒྱལ་བའི་དགའ་སྤྲོའི་རྣམ་འགྱུར་དུ་མ་དང་ལྡན་པས། ཀྱཻ། མངོན་སྤྱོད་ལམ་དུ་བྱེད་པ་ཡི། སོགས་དབྱངས་སྙན་པོས་དགྱེར་ཞིང་མེ་ཏོག་དཀར་པོ་ཕྱོགས་ཀུན་དུ་འཐོར། བཀྲ་ཤིས་ཀྱི་རོལ་མོ་ཟླ་བ་ཡར་ཚེས་ཡུན་རིང་དུ་སྦེར་རོ། །དེ་ནས་གྲལ་དུ་འཁོད་ནས་སྒྲུབ་པ་པོ་ཕྱེ་མར་གྱི་ཞལ་གསོ་ཞིང་ཆོས་སྐྱོང་རྣམས་ལ་གཏང་རག་གི་ཚུལ་དུ། སྤྲོད་ན་བྱིན་རླབས་སྔོན་དུ་འགྲོ་བས། མཆོད་པ་དང་། གཏོར་འབུལ་བསྟོད་པ་གསོལ་སྐོང་རྣམས་བྱ། བསྡུ་ན་བསྐང་ཐུང་ཚར་གཅིག་གྱེར་བས་ཐུགས་དམ་བསྐང་ཤིང་ཉམས་ཆགས་

― KMC025_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

བཤགས་པའི་དམིགས་པ་དྲག་ཏུ་བྱ། དེ་ནས་དངོས་གྲུབ་བླང་བ་སོགས་མཇུག་གི་ཆོ་ག་རྣམས་རྒྱུན་བཞིན་བགྱིས་པས་འགྲུབ་བོ། །དེ་ནས་སླར་ཡང་ལས་ཀྱི་མཐའ་བསྡུད་བསྲེག་པ་ཧོམ་གྱི་གཟེར་ཁ་རྡོ་རྗེའི་མེ་འོབས་ལྟར་རྒྱས་པར་བྱེད་པའམ། གཏོར་མ་མེ་ཐབས་སུ་འབུལ་བའི་ཆོ་གར་ཁ་བསྒྱུར་མཛད་པའི་ཧོམ་རྐྱང་བྱེད་པའི་ལུགས་ཀུན་ཁྱབ་ཀྱི་གསུང་བཞིན་བགྱིས་པས་ཀྱང་ས་བཅད་ཙམ་དུ་འགྱུར་རོ། །རྩ་བའི་ས་བཅད་གསུམ་པ་རྗེས་ཀྱི་རིམ་པ་ལ་གསུམ། དངོས་གྲུབ་བླངས་བ་དགའ་སྟོན་བྱ་བ། འཚམས་བསྡུ་བ་རྣམས་སོ། །དེ་ལས་དང་པོ་བླངས་བ་ལའང་གཉིས། རྟེན་གཏོར་གཤེགས་གསོལ་བྱ་ཞིང་དངོས་གྲུབ་བླངས་པ་དང་། རྟེན་གཏོར་དེ་ཉིད་ཡུན་དུ་འཇོག་ཅིང་དངོས་གྲུབ་བླངས་པའོ། །དང་པོ་ནི། སྒྲུབ་པ་པོ་ཉིད་གནས་གཞན་དུ་སྤོས་དགོས་པའམ། རྟེན་གཏོར་རྙིང་པ་བརྗེ་བ་སོགས་ཡིན་ན་བྱ་སྟེ། ཐོག་མར་འོག་ནས་འབྱུང་བ་བཞིན་ཆོ་ག་མཐར་ཆགས་སུ་བཏང་ནས་དངོས་གྲུབ་ལེན་ཆོག་བཅས་བྱ། དེ་ནས་རྟེན་

― KMC025_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་གྱི་ལྷ་དམ་ཡེ་གཉིས་མེད་མདུན་གྱི་ནམ་མཁར་བཏེགས་ནས། སླར་རྟེན་གཏོར་དེ་ཉིད་གསོ་བྲན་དང་། བསང་སྦྱང་བྱིན་རླབས་བཅས་བྱས་ཏེ། བྷྱོ། གཞོང་པ་རྣམ་དག་ཟླ་གམ་དཀྱིལ་འཁོར་དུ། སོགས་སྔགས་རིང་དང་བཅས་པས་འབུལ་ཞིང་བསྔོས་མཐར་གཏོར་མ་དེ་ཉིད་ཆ་བཞིར་བསྒོས་ཏེ། དང་པོ་སྟོད་ཀྱི་ཆ་དེ་རྟེན་གཏོར་གསར་དུ་བཅའ་དུས་དེ་ལ་བསྲེ་རྒྱུའི་བྱིན་རླབས་ཀྱི་རྒྱུ་མར་གཟུངས་བཞུགས་རྣམས་དང་བཅས་དར་གྱི་ཁུང་དུ་ཚང་བྱ། གཉིས་པ་དེ་ཕྱི་མི་དང་དམ་མེད་ལ་མི་སྦྱིན་པར་དངོས་གྲུབ་ཀྱི་དབྱིག་ཏུ་་དམིགས་ནས་རོལ། ཆ་གཅིག་གཏེར་དུ་རྩལ་ཏེ་གསང་བའི་སྒྲུབ་པ་སྤྱི་ལས་བཤད་པའི་ཆོ་གས་རྒྱབ་རི་ལྟ་བུ་དཔལ་ཁ་བཟང་བའི་ས་ཕྱོགས་སུ་སྦ། སྨད་ཆ་དེ་དགྲ་བགེགས་སུ་དམིགས་ནས་གཏོར་མ་མེ་ཐབས་སུ་འབུལ་བའི་ཆོ་ག་རྗེ་མི་བསྐྱོད་ཞབས་ཀྱིས་མཛད་པ་བཞིན་བྱ་ཞིང་། རྗེས་ཚོགས་ལ་རོལ་བ་འོག་ནས་འབྱུང་བ་བཞིན་བགྱིས་པས་འགྲུབ་བོ། །གཉིས་པ་རྟེན་གཏོར་ཡུན་དུ་འཇོགས་ཤིང་དངོས་གྲུབ་བླངས་

― KMC025_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། ཕྱིར་ནང་སྔ་བར་མཆོད་གཏོར་ཚོགས་འཁོར་བཅས་བཟང་དུ་བཤམས་ཤིང་། ཆོ་ག་དངོས་ལ་ལེགས་ལྡན་བསྲུང་འཁོར་ཀྱང་སྦྱར་ན་ལེགས་པའི་ཡན་ལག་ཏུ་འགྱུར་ཞིང་མ་སྦྱར་ཀྱང་ཆད་པའི་སྐྱོན་མི་འཇུག །གང་ལྟར་ཡང་མངོན་རྟོགས་ནས་བཟུང་གཞུང་མཚལ་མ་ཉིད་མཐར་ཆགས་སུ་བཏང་ནས་བདག་མདུན་གཉིས་ཀ་ཡེ་ཤེས་ཀྱི་མགོན་པོར་བསྐྱེད་ཅིང་མཆོད་པ་དང་གཏོར་འབུལ་རིགས། བསྟོད་པ་དང་གསོལ་ཁ་བསྐང་བ་བཅས་རྒྱས་པར་བྱ་ཞིང་། གཏའ་གཏོར་ཡོད་ན་སྐབས་འདིར་བསྔོ། བཟླས་པའི་སྐབས་སུ་དམིགས་པ། ཟླ་སྐར་ཕྲེང་བ། ཡེ་ཤེས་འབེབ་པ། འགལ་མེའི་འཕྲུལ་འཁོར་རྣམས་བྱ་ཞིང་ཞལ་སྦྱོར་གསུང་སྙིང་ཁོ་ན་བཟླ། མཐར་འགུགས་བསྒྲལ་བསྟབས་པའི་དམིགས་རིམ་སྟོད་ལས་བསྙེན་པའི་དུས་བྱ་ཞིང་། ཐུན་གཏོར་ཕྱིར་འབུལ་སྐབས་གཏོར་མ་ནས་མཚོན་དུག་གི་རང་བཞིན་ཅན་གྱི་གྲི་གུག་མེ་འབར་བའི་སྒྱོགས་སུ་གྱུར་པ་དེ་ཉིད། ལས་ཀྱི་རྡོ་རྗེ་མགོན་པོ་མ་རུངས་པ་གཅེར་བུ་ཞིག་ཏུ་གྱུར་པའམ།

― KMC025_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་ཐུགས་ཀ་ནས་སྤྲོ་བ་གང་མོས་ཀྱིས་གཏོར་མཚོན་དེ་ཁྱེར་ནས་གློག་འཁྱུགས་པ་བཞིན་ཡུད་ཀྱིས་བརྒྱུག་ནས་ཁོ་ཡི་སྟེང་དུ་བརྒྱབ་པས་དགྲ་བོ་མི་ནོར་ལྷ་དང་བཅས་པ་ཁ་ཕུང་རྗེས་མེད་དུ་བཏང་བར་དམིགས་པ་འདི་རྣམས་རྒྱུན་ལྡན་དུ་བྱ་བའི་བཟླས་པ་དང་ཐུན་གཏོར་མིགས་དུ་བཟུང་བ་གཅེས་སོ། །དེ་ནས་ཚེ་བདག་གི་ཡང་ཟློག་ཀྱང་བྱ་ཞིང་། དངོས་གྲུབ་བླངས་པ་དངོས་ནི། མདུན་བསྐྱེད་ཀྱིལ་འཁོར་གྱི་ལྷ་ཚོགས་ཐམས་ཅད་སྐུ་ཤ་རྒྱས་ཤིང་ནོར་བུ་རིན་པོ་ཆེའི་རྒྱན་ཁྲ་ཆེམ་མེར་ཡོད་པ། བེར་ཕྱི་ནང་གི་སུལ་དང་ཕྱག་མཚན། སྐུ་ཡི་རྣམས་ནས་རིན་པོ་ཆེ་ཡི་ཆར་དང་། སྐུ་གསུང་ཐུགས་འཆི་མེད་བདུད་རྩིའི་རྒྱུན་དཀར་དམར་མཐིང་ལ་འཚེར་བ་དང་། སྐུ་ལྔའི་མགོན་པོ་ཡུམ་གྱི་ཚོགས་དང་ཡིག་འབྲུ་ཕྱག་མཚན་རྣམས་ཆར་དྲག་པོ་འབབས་པ་བཞིན་དུ་འོད་ཟེར་ཐིག་ལེ་མེ་འོད་འཇའ་ཚོན་གྱི་ན་བུན་དང་བཅས་པ་བྱུང་ནས་བདག་ལ་ཐིམ་པས། སྐུ་གསུང་ཐུགས་ཀྱི་དབང་དང་བྱིན་རླབས་ཐོབ། རིན་པོ་ཆེའི་ཆར་གྱིས་གནས་ཁང་

― KMC025_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཡོངས་སུ་གང་བས་ལོངས་སྤྱོད་རྒྱས་པར་མོས། ཁྱད་པར་མདུན་བསྐྱེད་ཀྱི་ལྷ་ཚོགས་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་གཙོ་འཁོར་ཡོངས་སུ་རྫོགས་པ་མདུན་མཁར་བྱོན་ནས་བཞུགས་པའི་ཐུགས་ཀ་ནས། འོད་ཟེར་སྣ་ལྔས་བསམ་གྱིས་མི་ཁྱབ་པ་འཕྲོས་པས་ཕྱོགས་བཅུའི་བླ་མ་རྒྱལ་བ་སྲས་བཅས་དང་། ཡི་དམ་མཁའ་འགྲོ་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་སོགས་སྤྱན་དྲངས་པ་ནམ་མཁར་ཞུགས་པ་ལ་ཐིམ། དེ་རྣམས་ཀྱི་གནས་ལྔ་ནས་འོད་ཟེར་བདུད་རྩིའི་རྒྱུན་བསམ་གྱིས་མི་ཁྱབ་བྱུང་ནས་བདག་གི་ལྔར་ཐིམ་པས་འཆི་མེད་རྡོ་རྗེའི་ཚེ་ཡི་དབང་དང་། ཕྲིན་ལས་བཞི་དང་གྲུབ་པ་བརྒྱད་བསོད་ནམས་ལོངས་སྤྱོད་མངའ་ཐང་མཐུ་ནུས་རྫུ་འཕྲུལ་སོགས་ཐུན་མོང་གི་དངོས་གྲུབ་དང་། དཔལ་མགོན་ཡབ་ཡུམ་གྱི་ཡེ་ཤེས་ལྔ་དང་སྐུ་གསུང་ཐུགས་ཀྱི་རྡོ་རྗེའི་ཡེ་ཤེས་བདག་རྒྱུད་ལ་འཕོས་པས་དབྱེར་མེད་ཆེན་པོར་བྱིན་གྱིས་བརླབས་ནས་དོན་གྱི་ཡེ་ཤེས་རྩོལ་མེད་དུ་ཤར་བས་ཕྱག་རྒྱ་ཆེན་པོ་མཆོག་གི་

― KMC025_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་གྲུབ་རྣམས་རྩལ་བ་བདག་གིས་ཐོབ། གཞན་ཡང་ཚར་གཅོད་རྗེས་འཛིན་གྱི་ཕྲིན་ལས་རབ་འབྱམས་ལ་དབང་ཐོབ་ཅིང་བསྟན་པ་སྲུང་བ་དང་། དགྲ་བགེགས་སྒྲོལ་བའི་སྒོ་ནས་དོན་གཉིས་རླབས་པོ་ཆེ་གྱིས་ཤིག་པར་ལུང་བསྟན་ཅིང་རྗེས་སུ་གནང་བ་ཐོབ་ཅིང་ཕྱི་མའི་མུ་མཐར་ཐུགས་གི་བར་དུ་མི་འབྲལ་བར་འགྲགས་ཤིང་། ཕྲིན་ལས་ཅི་འདོད་པ་ཡིད་བཞིན་སྒྲུབ་བོ་ཞེས་ཞལ་གྱིས་བཞེས་པའི་དབུགས་དབྱུང་རྩལ་སྟེ། མཐར་ནམ་མཁའི་དཀྱིལ་འཁོར་དེ་རྣམས་རང་ཉིད་ལ་ཐིམ་པས་ཆུ་ལས་ཆུ་བཞག་པ་་ལྟར་དབྱེར་མེད་དུ་གྱུར་པས། དཔལ་མགོན་ཡབ་ཡུམ་སྐུ་གསུང་ཐུགས་ཡོན་ཏན་ཕྲིན་ལས་རྣམས་དང་གཉིས་མེད་དུ་གྱུར་སྙམ་པའི་ངེས་ཤེས་བརྟན་པོ་དང་བཅས། འོག་ནས་འབྱུང་བའི་དངོས་གྲུབ་ལེན་པའི་སྔགས་བརྒྱ་སྟོང་ཅི་འགྲུབ་བཟླས། མཐར་རྟེན་གཏོར་སྤྱི་བོར་བཞག་ལ། ཧཱུྃ། ཆོས་ཀྱི་དབྱིངས་ཀྱི་དཀྱིལ་འཁོར་ནས། སོགས་བརྗོད་ཅིང་དབང་བླངས། དེ་ནས། བྷྱོ། མ་ཅིག་སྨིན་འཚམས་སོགས་གྱེར་ཞིང་གནས་སོ་སོར་

― KMC025_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མའི་དབང་བླངས་ནས། དམིགས་པ་ནི། མདུན་བསྐྱེད་ཀྱི་དཔལ་ལྡན་ལྷ་མོའི་དཔྲལ་བའི་ཨོཾ་དང་། སྨིན་འཚམས་ཀྱི་མཛོད་སྤུ་ནས་འོད་ཟེར་དཀར་པོའི་ཀྱི་དྲྭ་བ་དང་། དེའི་གསེབ་ནས་སྐུ་སྤྲུལ་དཀར་མོ་འབུམ་སྟེ་འཕྲོས་པས་ཕྱོགས་བཅུའི་ཞིང་ཁམས་བྱེ་བ་ཕྲག་བརྒྱ་ཁབ། མཆོག་དང་ཐུན་མོང་གི་དངོས་གྲུབ་ལ་བར་དུ་གཅོད་པའི་ཕྱོགས་བཅུའི་བདུད་རྣམས་བཅོམ་དེ་རྣམས་སུ་བཞུགས་པའི་རྒྱལ་བའི་དཀྱིལ་འཁོར་རྣམས་ཀྱི་སྐུ་ཡི་བྱིན་རླབས་ཐམས་ཅད་གྲུབ་པའི་དངུལ་ཆུ་ལྟར་འོད་རབ་འོད་ཟེར་གྱི་ཐིག་ལེ་གཡུ་དྲུང་དགང་བ་འཁྱིལ་བ་སོགས་བཀྲ་ཤིས་པའི་རི་མོ་གཡས་སུ་འཁྱིལ་བའི་བདུད་རྩི་དཀར་པོའི་རྒྱུན་དང་བཅས། སྐུ་ཡི་སྤྲུལ་པའི་དཔལ་ལྡན་ལྷ་མོ་རེ་མ་ཛ་དཀར་མོ་གྲངས་མེད་པའི་རྣམ་པར་བྱོན་སྟེ་རང་གི་སྨིན་ཕྲག་ནས་ཞུགས་ལུས་ཐམས་ཅད་ཁྱབ་པས་སྐུ་ཡི་དངོས་གྲུབ་ཐོབ་པར་བསམ། དེ་བཞིན་ལྗགས་སྟེང་གིས་ཨཱཿལས་འོད་ཟེར་དམར་པོ་དང་གསུང་སྤྲུལ་དམར་མོ་འབུམ་སྡེ་འཕྲོས་པས་བདུད་རྣམས་

― KMC025_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ། གསུང་གི་ལྷ་མོ་རེ་མ་ཛུ་དམར་མོ་རྣམས་བསྡུས། རང་གི་མགྲིན་པར་ཐིམས་ཤིང་ལུས་ཁྱབ་པས་གསུང་གི་དངོས་གྲུབ་ཐོབ་པར་བསམ། ཡང་མདུན་བསྐྱེད་ཀྱི་ཐུགས་ཀ་ནས་འོད་ཟེར་མཐིང་ཁ་དང་། ཐུགས་སྤྲུལ་སྔོན་མོ་འབུམ་སྡེ་འཕྲོས་པས་བདུད་རྣམས་བཅོམས། ཐུགས་ཀྱི་དངོས་གྲུབ་ཐམས་ཅད་འོད་ཟེར་མཐིང་ཁའི་ཚོགས་དང་ཐུགས་ཀྱི་དཔལ་ལྡན་ལྷ་མོ་རེ་མ་ཏི་སྔོན་མོ་རྣམས་བསྡུས་བདག་གི་སྙིང་ཁར་ཐིམས་ཤིང་ལུས་ལ་ཁྱབ་པས་ཐུགས་ཀྱི་དངོས་གྲུབ་བསམས་ལ་དངོས་གྲུབ་བླང་བའི་སྔགས། ཨོཾ་བཛྲ་མ་ཧཱ་ཀཱ་ལི་རེ་མ་ཏི་སརྦ་སི་དྡྷི་ཕ་ལ་ཧཾ། སིདྡྷི་ས་མ་ཡ་ཧཱུྃ་ཨཱཿཨོཾ། ཞེས་པས་བརྒྱ་སྟོང་སོགས་ཅི་ནུས་བཟླ་ཞིང་དངོས་གྲུབ་ཀྱི་རྫས་ལ་རོལ། དེ་ནས་དམ་ཚིག་གི་རྫས་རྣམས་ཚོགས་པའི་ག་ཎ་ཙཀྲ་གྲོགས་ཀྱིས་བཏེགས་ནས། གཟིགས་ཤིག་མཛེས་ལྡན་སོགས་གྱེར་ཅིང་དབུལ། སྒྲུབ་པོས་ཀྱང་། བདེ་བར་གཤེགས་པ་སོགས་བརྗོད་ཅིང་བླངས་ཏེ། ནང་གི་བསྲེག་བླུག་ཏུ་རོལ་ཞིང་ལོངས་སྤྱོད་པའི། ལྷག་མ་གཙང་ལྷག་དང་

― KMC025_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བསྡུས་པ་ལ་བདུད་རྩིས་བྲན་པ་དེ་ཉིད་ཤ་ཁྲག་གམ་བདུད་རྩིའི་རྒྱ་མཚོར་བྱིན་གྱིས་བརླབས་པའི་ལྷག་གཏོར་རི་རབ་དང་མཉམས་པ་དུ་མ་ལས་དང་འཇིག་རྟེན་གྱི་ཤ་ཟའི་མཁའ་འགྲོ་སྤྲུལ་པ་དང་ཕོ་ཉའི་ཚོགས་དང་བཅས་པ་ལ་བསྔོ་ཞིང་བསྟན་པ་བསྲུང་བ་དང་། བརྣགས་པ་སྒྲོལ་བའི་ཕྲིན་ལས་བཅོལ་ཞིང་ཟ་ལམ་བསྟན་པའང་གལ་ཆེན་བྱའོ། །རྗེས་ཆོག་སྐབས་མཆོད་ཁ་གསོ་བྲན་བྱ་ཞིང་། ཐུགས་ནས་སྤྲུལ་པའི་ལྷ་མོ་རྣམས་ཀྱིས་བདག་མདུན་ལ་མཆོད་ཅིང་བསྟོད་ནས་མཐར་རང་ལ་བསྡུ། བཤགས་པའི་སྐབས། བདག་གི་ལུས་ཐ་མལ་དང་སྦྱིན་བདག་རྣམས་ཀྱི་ལུས་གྲངས་མེད་དུ་གྱུར་ནས་ལུས་ཀྱི་ཕྱག་འཚལ་བ་དང་། ཡིད་ཀྱི་དྲག་པོས་ཉམས་ཆགས་བཤགས་པར་མོས་ཤིང་། ངག་ཏུ། ཧཱུྃ། དོན་དམ་ཆོས་ཀྱིས་དབྱིངས་ལས་མ་གཡོས་ཀྱང་། སོགས་བརྗོད་ཅིང་། མཐར་མན་ངག་གི་ཡིག་བརྒྱ་སྟོང་ཅི་འགྲུབ་བཟླ་ཞིང་། དམིགས་གནད་བཀྲ་ཤིས་པའི་མན་ངག་བཞིན་བྱ། གཟུངས་ཀྱང་བརྒྱ་རྩ་སོགས་གྲངས་མང་

― KMC025_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་མཐར། མ་འོངས་པ་ན་སོགས་ཀྱིས་སྨོན་ལམ་གདབ་ཅིང་། མདུན་བསྐྱེད་ཀྱིས་ཡེ་ཤེས་པ་ནི་རྟེན་ལ་བཞུགས་སུ་གསོལ། དམ་ཚིག་པ་ཆོས་སྐྱོང་གི་སྲོག་གཏའ་མར་བཟུང་བའི་མན་ངག་བཞིན་བྱ། བདག་བསྐྱེད་ཀྱི་ཡེ་ཤེས་པ་ནི་ཕྱག་རྒྱ་སྒོ་བཅད་ཀྱི་སྒྲུབ་པས་རང་ལ་བསྟིམ། དམ་ཚིག་པའི་རྟེན་བརྟེན་པར་བཅས་པ་མཐའ་ནས་དབུས་སུ་ཐུགས་སྲོག་གི་བར་ཕྲ་མོའི་རྣལ་འབྱོར་གྱིས་བསྡུས་ཤིང་། དེ་ཡང་གསལ་ཆེན་པོའི་དབྱིངས་སུ་བཞག །སླར་ཐུན་མཚམས་ཀྱི་ལྷ་མགོན་པོ་གཅེར་བུ་སྟག་ཤམ་ཅན་རྒྱན་དང་ཕྱག་མཚན་ཡོངས་སུ་རྫོགས་པའི་གནས་གསུམ་དུ་རྡོ་རྗེ་གསུམ་གྱི་ཡི་གེ་དང་། བ་སྤུའི་བུ་ག་ཐམས་ཅད་ཕ་ལམ་ལས་གྲུབ་པའི་རྡོ་རྗེ་ཕྲ་མོ་རེ་རེས་འབུར་བཏབས་སུ་མཚན་པས་བསྲུངས་ཞིང་། སྐུ་ལས་ཡེ་ཤེས་ཀྱི་འབར་བས་ཕ་རོལ་གྱི་རིགས་ཀྱི་མཐུ་རྣམས་བྱ་སྒྲོ་མེས་བཅོམ་པ་བཞིན་བསྲེགས་ཤིང་འཇོམས་པར་བྱེད་པའི་སྐུར་ལངས། མདུན་དཀྱིལ་རྡུལ་ཚོན་ཡིན་ན་སྐྱེ་བ་མེད་པའི་དོན་ཡིད་ལ་བྱས་ནས། ཨ་ཀཱ་རོ་བརྗོད་

― KMC025_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་དབང་ལྡན་ནས་གཙོ་བོའི་ལྷ་གནས་པར་གཡོན་པའི་སྲིན་ལག་གིས་རེ་ཝཱ་འཐེན་ཅིང་ལྷ་མཚན་སྤྱི་བོར་བླངས་ཤིང་དངོས་གྲུབ་ཏུ་མོས་པས་ལྕེར་མྱང་། མཚོན་རྣམས་མཐའ་ནས་དབུས་སུ་བསྡུ་ཞིང་བུམ་པར་བླུགཐིག་ཤུལ་དྲི་བཟང་གི་ཆུ་བཀྲུ། མཚོན་དེ་ཉིད་བཀུར་བསྟི་ཆེན་པོ་དང་བཅས་སྤྱི་ལྟར་ཆུ་བོར་གཤེགས་པའི་ཆོ་ག་བྱ། རས་བྲིས་ཡིན་ན་བསྡུ་ཞིང་། གང་ལྟར་ན་འང་མཐར། དགེ་བ་འདི་ཡིས་སོགས་དགེ་བསྔོ་སྨོན་ལམ་བཅས་དང་། ཨོཾ། སྔོན་ཚེ་བཅོམ་ལྡན་སོགས་བཀྲ་ཤིས་ཀྱི་ཚིགས་སུ་བཅད་པ་རྒྱ་ཆེར་བརྗོད་ཅིང་མེ་ཏོག་འཐོར་བས་དགེ་ལེགས་སུ་བྱའོ། །གཉིས་པ་ནི། བླ་མ་ཡི་དམ་མཁའ་འགྲོ་ཆོས་སྐྱོང་བཀའ་སྡོད་ཡུལ་གཞིའི་བདག་པོ་དང་བཅས་པ་ལ་གཏང་རག་གི་བསང་བརྔན་དང་། སྒྲུབ་པ་པོ་རྣམས་ཚོགས་ཀྱི་འཁོར་ལོ་སོགས་དགའ་སྟོན་བཟང་པོས་ཚིམས་པར་བྱའོ། །གསུམ་པ་ནི། ཕྲལ་དེར་འཚམས་ཐོ་མི་བསྡུ་ཞིང་། གལ་ཆེན་དམ་ཚིག་གཙང་མའི་རིགས་མ་གཏོགས་ཐམས་ཅད་དང་གདོང་མི་ཅིང་

― KMC025_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སྲུང་། ཕྱིར་ནང་དཀྱིལ་འཁོར་ལ་སོགས་པའི་ལས་ཀྱི་ཤུལ་མི་སྣང་བར་བྱས་ནས་རྒྱལ་ཐོ་བསྡུ་བ་ནི། ཐོད་རྩར་མཆོད་པ་ཕྲེང་ཚར་དང་། མཆོད་གཏོར་ཟས་ཕུད་སྐྱེམས་དང་བཟང་རྒུ་བཤམས་པར། སྔར་ཐོ་འཇུག་གི་སྐབས་ལྟར་བྱིན་གྱིས་བརླབས་ཤིང་། རྩ་སྔགས་སོ་སོར་གཏོར་སྔགས་བཏབ་པ་ལན་གསུམ་རེས་གཏོར་མས་ཕུལ་ལ་ཉེར་སྤྱོད་རྣམས་ཀྱང་སྔགས་ཀྱིས་དབུ་ལ་མཐར། ཧཱུྃ། མཐུ་ཆེན་རྒྱལ་པོ་རྣམ་པ་བཞི། འཁོར་གཡོག་རྒྱ་མཚོའི་ཚོགས་བཅས་ཀྱི། ཐུགས་རྗེའི་མཐུ་ཡིས་སྒྲུབ་པ་ནི། བར་ཆད་མེད་པ་མཐར་ཕྱིན་པས། སྔར་བཅོལ་བསྒྲུབ་པའི་གཏང་རག་ཕྱིར། འདོད་ཡོན་རྒྱ་མཚོའི་སྤྲིན་འཕྲོ་བའི་། མཆོད་སྦྱིན་གཏོར་མ་འདི་བཞེས་ལ། སོགས་བརྗོད་པས་སླར་འདོད་དོན་གསོལ་ནས། བཛྲ་མུས་རང་གནས་སུ་གཤེགས་པའམ། དགོན་གནས་ཡིན་ན་དེ་ཉིད་ཡུན་དུ་བསྲུང་བའི་ཕྲིན་བཅོལ་བཅས་རྒྱལ་ཆེན་ནམ་སྲུང་མའི་རྟེན་སྤྱིར་དམིགས་ནས་བརྟན་བཞུགས་བྱས་ལ་ཐོ་དེ་ཉིད་བསྡུ་ཞིང་། ཤིས་པ་བརྗོད་པའི་ཚིགས་སུ་

― KMC025_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་པ་བརྗོད་ཅིང་བདེ་ལེགས་ཀྱི་མེ་ཏོག་གི་ཆར་དབབས་པར་བྱའོ། །འདིར་སྨྲས་པ། ཤྲཱི་ཤྲཱི་ཤྲཱི། ཆོས་ཀྱི་དབྱིངས་ཉིད་ཤིན་ཏུ་ཞིབ་གང་མ་རྟོགས་འགྲོ་རྣམས་སྒྲོལ་བའི་སླད། །ལོངས་སྤྱོད་ཡོངས་རྫོགས་རྡོ་རྗེ་འཆང་ཆེན་འཇིགས་བྱེད་ཁྲོ་བོའི་སྐུར་བསྟན་ནས། །འཇིག་རྟེན་གསུམ་གྱི་གདུག་ཅན་འདུལ་ཞིང་རྒྱལ་བའི་བསྟན་པ་བསྲུང་མཛད་ལྷ། །རྡོ་རྗེའི་དེད་དཔོན་མཧཱ་ཀཱ་ལ་ལྕམ་དྲལ་འཁོར་བཅས་རྒྱལ་གྱུར་ཅིག །གང་གི་གསང་བ་བསམ་གྱིས་མི་ཁྱབ་དགྱེར་རྒུར་སྤྱོད་པའི་ཕྲིན་ལས་ནི། །སྣ་ཚོགས་ནོར་བུས་སྐལ་ལྡན་རེ་བའི་ཡོལ་གོ་ཡིད་བཞིན་བསྐང་ནས་སླར། །སངས་རྒྱས་བསྟན་ལ་སྡང་བས་ཞུགས་པའི་ལོག་འདྲེན་ཐལ་བར་འབྱིན་པ་ཡི། །སྔགས་ཀྱི་འཁྲུལ་འཁོར་རྡོའི་སྒྱོགས་ཆེན་བསྟན་པ་བསྲུང་བའི་མཚོན་ཆར་གྲུབས། །ལམ་འདིར་ཞུགས་ནས་དགའ་ཆེན་ཁྱོད་ནི་ཉེ་བར་བསྙེན་ཅིང་ཚུལ་བཞིན་དུ། །ཏིང་ངེ་འཛིན་གྱི་རྣལ་འབྱོར་བརྟན་པས་ཁྱོད་ཀྱི་གོ་འཕང་མཆོག་བསྒྲུབ་ནས། །ཚར་གཅོད་རྗེས་འཛིན་ཕྲིན་ལས་བཞི་

― KMC025_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་རབ་འབྱམས་ལས་ཀྱི་མཐུ་ཐོབ་སྟེ། །མངོན་སྤྱོད་སྦྱོར་བས་བྲིད་གསུམ་དགྲ་སྡེ་བཅོམས་ནས་བསྟན་པ་བསྲུང་བྱེད་ཤོག །དེ་ལྟར། རྗེ་བཙུན་ནག་པོ་ཆེན་པོ་བཅོམ་ལྡན་འདས་དཔལ་ཡེ་ཤེས་ཀྱི་མགོན་པོ་རྡོ་རྗེ་བེར་ནག་ཅན་ལྕམ་དྲལ་བསྙེན་ཅིང་བསྒྲུབ་པ་དང་། ལས་ཀྱི་མགོན་པོ་བེར་ནག་ཅན་ལྕམ་དྲལ་གྱི་ཕྲིན་ལས་ལ་བརྟེན་ནས་ཡིད་ལ་བརྣག་པའི་བསྟན་དགྲ་རྣམས། དྲག་པོའི་མངོན་སྤྱོད་ཀྱི་འཁྲུལ་འཁོར་གྱིས་བསྒྲལ་བའི་ལས་རིམ་ལ་འཇུག་པའི་དམིགས་རྐང་ཉེ་བར་མཁོ་བ་རྣམས་གོང་འོག་ཏུ་འཁྲུགས་པ་བསྡེབས་ནས་སྦྱོར་དངོས་རྗེས་གསུམ་དང་མན་ངག་གི་གནད་རྣམས་ཚང་ལ་ཁྱེར་བདེ་ཉུང་གསལ་ཀྱི་ཚུལ་དུ་བཀོད་པའི་དེ་བཞིན། དཔལ་མགོན་སྒྲུབ་པའི་ལས་སྦྱོར་གྱི་ཡི་གེས་ས་སྟེང་ཁྱབ་ཀྱང་། དོན་གྱི་ཉིང་ཁུའི་མན་ངག་རྣམས་སྔོན་ཆད་བཀའ་རྒྱ་ཤིན་ཏུ་དམ་པའི་དབང་གིས་མན་ངག་གི་གནད་རྣམས་སྙན་ནས་སྙན་དུ་བརྒྱུད་ཅིང་། ཐུགས་ཀྱི་མཛོད་སྦ་བར་མཛད་ལ། ཡིག་ཆར་བཏབས་པའི་མན་ངག་རྣམས་ཀྱང་གོང་

― KMC025_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་ཏུ་ཀླུགས་ཤིང་འཐོར་ཐབས་སུ་བཞུགས་པས་བདག་ལྟའི་བློ་དམན་རྣམས་ཀྱིས་ཤིན་ཏུ་རྟོགས་དཀའ་བར་སྣང་ཞིང་། ཡིག་ཆ་བསྟན་པའི་བབ་ཀྱིས་རྒྱུན་ཤིན་དུ་དཀོན་ཞིང་ཁྲི་ལུང་གི་རྒྱུན་ཙམ་ཡང་ཐེབ་པའི་གནས་མི་འཚལ་བ་འདི་ལྟར་རང་རེ་རྣམས་བཀའ་བརྒྱུད་རྡོ་རྗེ་འཆང་ཆེན་རྣམས་ཀྱི་གསང་བའི་མཛོད་འཛིན་ཅིང་ཁོང་དུ་ཆུབ་པར་བྱ་བའི་བསོད་ནམས་ཀྱི་སྐལ་པས་ཤིན་ཏུ་འབུལ་སོགས་གྱུར་མོད། འོན་ཀྱང་དེ་དག་གི་སྙིང་པོར་གྱུར་པའི་གནད་གསང་གི་གདམས་ཟབ་ཡིད་བཞིན་གྱི་ནོར་བུ་དང་། སྐྱེས་བུའི་སྲོག་ལས་གཅེས་པ་ཉུང་ཟད་ཅིག་བཞུགས་འདི་ཡང་། དུས་ཞབས་སུ་སྐྱེས་པའི་སྟོབས་ཀྱིས་དུག་ལྔ་དང་ཆོས་བརྒྱད་ཀྱི་འདུ་འཛིའི་ཁུར་གྱིས་བྲེལ་བའི་བསྟན་འཛིན་དུ་ཁས་འཆའ་བ་བདག་གིས་དོན་བརྒྱུད་ཀྱི་མན་ངག་རྣམས་སྒྱིད་སྙོམས་དང་རྣམ་གཡེང་ཆེ་ཞིང་། དད་བརྩོན་བློ་གྲོས་རྣམས་དམན་པའི་རྐྱེན་གྱིས་གལ་ཆུང་དང་ལེ་ལོས་བརྗེད་ངེས་པའི་དབང་དུ་གྱུར་ཏེ། དགུན་དུས་ཀྱི་ལྷ་དགུ་དང་ནམ་ལང་གི་སྐར་མ་

― KMC025_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་འགྱུར་གྱི་དགོས་པས་འཇིགས་ཤིང་། གདན་ས་ཆེན་པོ་མཚུར་མདོའི་རྡོ་རྗེ་སློབ་དཔོན་ལེགས་བཤད་ཕུན་ཚོགས་ལགས་ནས་རིན་པོ་ཆེའི་མཎྜལ་སྣོད་བཅུད་ཡོངས་སུ་རྫོགས་པའི་རྟེན་འབྱུང་གིས་སྤྲས་པ་དང་། བཀྲ་ཤིས་པའི་ལྷ་དར་བཅས་འདི་ལྟ་བུ་ཞིག་སྦྱོང་ཤིག་ཅེས་བསྐུལ་མ་མཛད་པས་འཚམས་སྦྱར་སྟེ། སྔ་ཕྱིར་ལྷག་པའི་ལྷ་དང་བླ་མ་མགོན་པོ་དབྱེར་མེད་འདི་ཉིད་ཀྱི་བསྙེན་སྒྲུབ་ཡོངས་བསྡོམས་བདུན་ཕྲག་བཅོ་ལྔ་ཙམ་བགྱིས་པའི་སྐབས་ཞལ་སྦྱོར་གསུང་སྙིང་ཁོ་ན་འབུམ་ཐེར་ཉེར་གསུམ་དང་ཁྲི་ལྔ་ལྷག་ཙམ་དང་། གཞན་ཡང་སྤྱི་དྲིལ་སོགས་ཅི་རིགས་པ་བསྙེན་པའི་ཁུལ་བྱེད་པའི་སྐབས། འཁྲུལ་སྣང་ལ་ངེས་པ་ཤིན་ཏུ་དབེན་པར་གྱུར་མོད། འོན་ཀྱང་ཚུལ་འཆོས་ཀྱི་ལྷན་པོ་གསར་དུ་བཏབས་ནས་གནང་བ་ཐོབ་པར་རློམ་པའི་མཚན་མར་བཟུང་ཞིང་། སླར་ཡང་གསོལ་བསྐང་བཤགས་པ་སོགས་སྟོང་ཕྲག་བཅོ་ལྔ་ལས་ལྷག་པ་ཕུལ་ནས་གནང་བ་ཞུས་ཏེ། སངས་རྒྱས་ཀརྨ་པའི་མཚན་གྱི་བྱིན་གྱིས་བརླབས་ཤིང་སྐྱེས་རབ་བཅོ་ལྔ་

― KMC025_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འབོད་པའི་རྨོངས་པ་བདག་གིས། གོང་དུ་བརྗོད་བཞིན་པ་ལྟར། མན་ངག་གི་རྒྱུན་ཆད་པར་འཕོངས་ནས་ཟིན་བྲིས་སུ་བགྱིས་པ་འདིས་གཙོས་རྡོ་རྗེའི་མིག་ལྡན་གྱི་སྐོར་ཚེ་ལྔ་པོ་འདི་རྣམས་སླད་ནས་སྤར་ལ་འགོད་ཅིང་གཉེར་མེད་ཁྱབ་བརྡལ་དུ་མི་གཏོང་བ་དང་། ཡང་བཀའ་རྒྱར་སྙད་དེ་མན་ངག་གི་རབས་མི་གཅོད་པར། བསྟན་པའི་སྙིང་པོ་མི་འཆོལ་བར་འཛིན་པ་དང་མི་ཆད་པར་སྤེལ་བའི་ཐབས་ལ་མཁས་ཤིང་ཚོད་རིག་པར་མཛད་འཚལ། །ཞེས་བདག་གིས་ཐལ་མོ་སྦྱར་ནས་གསོལ་བ་འདེབས་པ་ལགས་ཤིང་། ཁྱད་པར་དུ་བསྙེན་ཡིག་འདི་དང་། མན་ངག་གི་ཡི་གེ། དབང་ཆོག་བཅས་སྐོར་གསུམ་པོ་འདི་བླ་མ་བསྙེན་སྒྲུབ་ཐེབས་པས། སློབ་མ་བརྒྱུད་པ་འཛིན་ངེས་ཞལ་སྦྱོར་གྱི་དབང་ཆེན་ཐོབ་པ་ལ་སྤེལ་ཞིང་། གཉིས་ཀས་དཔེ་གཞན་ལ་སྟོན། མན་ངག་རྣམས་ངག་ཏུ་བསྙད་པ་ཙམ་ཡང་མི་བྱེད་པ། དམ་ཚིག་གི་བཀའ་རྒྱས་བཏབས་པ་འདི་ལས་མི་འདའ་བར་གསང་བའི་འདི་གཡར་དམ་གཉེན་པོ་ཅིས་ཀྱང་འབད་པས་དང་

― KMC025_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཞེས་ཤིང་། བསྲུང་སྡོམ་མཛད་འཚལ་ལོ། །སླར་ཡང་ཆེད་དུ་བརྗོད་པ། སྭ་སྟི། དེ་ལྟར་མན་ངག་ཟབ་གསང་སྙིང་པོའི་བཅུད། །རྒྱུན་མི་ཆད་པར་ཡུན་ཏུ་གནས་བགྱིའི་སླད། །མཁའ་ཁྱབ་རྡོ་རྗེ་ཞེས་བྱའི་སྙོམས་ལས་མཁན། །དེས་བཀོད་དགེ་བས་བསྟན་པ་རྒྱས་གྱུར་ཅིག །རྡོ་རྗེའི་གསང་ཚིག་མཁའ་འགྲོ་ཆོས་སྐྱོང་གི། །སྲོག་གི་བཀའ་རྒྱའི་མདུད་པས་དམ་བཅིངས་པ། །བཀྲོལ་ཏེ་སྙིང་གི་བྱང་བུར་བཀོད་པ་འདི། །སྐལ་ལྡན་སྐྱེས་བུའི་སྲོག་གི་ནོར་དུ་བརྟེན། །རྡོ་རྗེའི་སྙིང་པོའི་གསང་ཚིག་ཀརྨ་པའི། །ཕྲིན་ལས་རང་མདངས་ཆོས་སྐྱོང་སྲོག་གི་སྙིང་། །འདི་བཀོད་མི་འཆོལ་དམ་ཚིག་གནད་ཀྱི་རྒྱ། །རྡོ་རྗེའི་མདུད་པས་བཏབས་འདི་གཅེས་པར་སྲུངས། །ཞེས་པའང་སྨྲས་སོ། །བཀྲ་ཤིས་དཔལ་འབར་ཀརྨ་བཀའ་བརྒྱུད་བསྟན་པ་རབ་འབར་རྒྱས་འབར་གོང་དུ་འཕེལ་བའི་རྒྱུར་གྱུར་ཅིག། །།ཤུ་བྷྃ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་

― KMC025_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ངེས་དོན་སྙིང་པོའི་བསྟན་པ་རྒྱས་པའི་སྨོན་ལམ་དོན་ཀུན་གྲུབ་པའི་ཡིད་བཞིན་ནོར་བུ།

― KMC025_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་དོན་སྙིང་པོའི་བསྟན་པ་རྒྱས་པའི་སྨོན་ལམ་དོན་ཀུན་གྲུབ་པའི་ཡིད་བཞིན་ནོར་བུ་ཞེས་བྱ་བ། ཨོཾ། སྨོན་ལམ་ཡེ་ཤེས་རྒྱ་མཚོའི་ཕ་རོལ་ཕྱིན། །སྟོབས་བཅུའི་དབང་ཕྱུག་རྒྱལ་བ་བཅོམ་ལྡན་འདས། །ཆོས་དང་དགེ་འདུན་དཀོན་མཆོག་རིན་པོ་ཆེ། །རྣམ་གསུམ་ཐུགས་རྗེ་བདེན་པའི་བྱིན་རླབས་ཀྱིས། །ངེས་དོན་ཕྱིར་མི་ལྡོག་པའི་འཁོར་ལོ་ཆེ། །དྭགས་བརྒྱུད་སྙིང་པོ་དཔལ་ལྡན་ཀརྨ་པའི། །བསྟན་འཛིན་མཆོག་གི་སྐུ་ཚེ་བརྟན་པ་དང་། །བསྟན་པ་ཡུན་རིང་གནས་པར་བྱིན་གྱིས་རློབས། །བྱིན་རླབས་འབྱུང་གནས་བཀའ་བརྒྱུད་ནོར་བུའི་ཕྲེང་། །སྣང་སྲིད་ཟིལ་གནོན་པདྨ་ཐོད་ཕྲེང་རྩལ། །བཀའ་གཏེར་བླ་མ་སངས་རྒྱས་ཕྲེང་བ་ཡི། །ཐུགས་བསྐྱེད་ཐུགས་རྗེ་བདེན་པའི་བྱིན་རླབས་ཀྱིས། །ངེས་དོན་ཕྱིར་མི་ལྡོག་པའི་འཁོར་ལོ་ཆེ། །དྭགས་བརྒྱུད་སྙིང་པོ་དཔལ་ལྡན་ཀརྨ་པའི། །བསྟན་འཛིན་མཆོག་གི་སྐུ་ཚེ་བརྟན་པ་དང་། །བསྟན་པ་ཡུན་རིང་གནས་པར་བྱིན་གྱིས་རློབས། །

― KMC025_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གི་དངོས་གྲུབ་གཏེར་འབྱུང་ཡི་དམ་ལྷ། །དུས་ཀྱི་འཁོར་ལོ་བཅོམ་ལྡན་དྲྭ་བ་སྡོམ། །ཆེ་མཆོག་དབང་ཆེན་རྡོ་རྗེ་ཕུར་པ་སོགས། །གསར་རྙིང་ཡི་དམ་ལྷ་ཡི་དཀྱིལ་འཁོར་པའི། །ནུས་སྟོབས་གཟི་བརྗིད་འབར་བའི་བྱིན་རླབས་ཀྱིས། །ངེས་དོན་ཕྱིར་མི་ལྡོག་པའི་འཁོར་ལོ་ཆེ། །དྭགས་བརྒྱུད་སྙིང་པོ་དཔལ་ལྡན་ཀརྨ་པའི། །བསྟན་འཛིན་མཆོག་གི་སྐུ་ཚེ་བརྟན་པ་དང་། །བསྟན་པ་ཡུན་རིང་གནས་པར་བྱིན་གྱིས་རློབས། །བདེ་ཆེན་ཡེ་ཤེས་བསྐྱེད་མཛད་མཁའ་འགྲོའི་གཙོ། །རྡོ་རྗེ་ཕག་མོ་རིགས་ལྔའི་རྣལ་འབྱོར་མ། །གསང་བ་ཡེ་ཤེས་མཐིང་འོད་འབར་མ་སོགས། །གནས་གསུམ་མཁའ་འགྲོ་མ་སྲིང་རྒྱ་མཚོ་ཡི། །ཕྲིན་ལས་དངོས་གྲུབ་བཅུད་ཀྱི་བྱིན་རླབས་ཀྱིས། །ངེས་དོན་ཕྱིར་མི་ལྡོག་པའི་འཁོར་ལོ་ཆེ། །དྭགས་བརྒྱུད་སྙིང་པོ་དཔལ་ལྡན་ཀརྨ་པའི། །བསྟན་འཛིན་མཆོག་གི་སྐུ་ཚེ་བརྟན་པ་དང་། །བསྟན་པ་ཡུན་རིང་གནས་པར་བྱིན་གྱིས་

― KMC025_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

རློབས། །བར་ཆད་ཀུན་སེལ་ཕྲིན་ལས་སྒྲུབ་པའི་ལྷ། །མ་ཧཱ་ཀཱ་ལ་ལྕམ་དྲལ་བཀའ་སྡོད་བཅས། །ཡེ་ཤེས་ལས་གྲུབ་བརྒྱུད་གསུམ་སྲུང་མའི་ཚོགས། །དུས་མཐའི་མེ་ལྟར་འབར་བའི་དྲག་རྩལ་གྱིས། །ངེས་དོན་ཕྱིར་མི་ལྡོག་པའི་འཁོར་ལོ་ཆེ། །དྭགས་བརྒྱུད་སྙིང་པོ་དཔལ་ལྡན་ཀརྨ་པའི། །བསྟན་འཛིན་མཆོག་གི་སྐུ་ཚེ་བརྟན་པ་དང་། །བསྟན་པ་ཡུན་རིང་གནས་པའི་ཕྲིན་ལས་མཛོད། །འདོད་རྒུའི་དཔལ་སྦྱིན་ལེགས་ཚོགས་སྐྱེད་པའི་ལྷ། །བསོད་ནམས་གཏེར་འཆང་ཨཱཪྱ་ཛམྦྷལ། །ནོར་བདག་དགེ་བསྙེན་དཀར་ཕྱོགས་སྐྱོང་བའི་སྡེ། །དམ་ཚིག་འགྱུར་བ་མེད་པའི་མཐུ་སྟོབས་ཀྱིས། །ངེས་དོན་ཕྱིར་མི་ལྡོག་པའི་འཁོར་ལོ་ཆེ། །དྭགས་བརྒྱུད་སྙིང་པོ་དཔལ་ལྡན་ཀརྨ་པའི། །བསྟན་འཛིན་མཆོག་གི་སྐུ་ཚེ་བརྟན་པ་དང་། །བསྟན་པ་ཡུན་རིང་གནས་པའི་དཔལ་སྐྱེད་ཅིག །བསླུ་བ་མེད་པའི་མཆོག་གསུམ་རྩ་བ་གསུམ། །དམ་ཅན་གཏེར་བདག་རྒྱ་

― KMC025_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་ཕྲིན་ལས་ཀྱིས། །རྗེ་བཙུན་བླ་མའི་སྐུ་ཚེའི་རི་བོ་བརྟན། །ཆོས་ཀྱི་རྒྱལ་སྲིད་རྒྱལ་མཚན་སྲིད་རྩེར་བསྒྲེང་། །བསྡུ་བ་རྣམ་བཞིའི་འཕྲིན་ལས་མཁའ་ལྟར་ཁྱབ། །སྐྱེས་རྒུ་ཐེག་མཆོག་ཆོས་ཀྱི་དགའ་བར་སྤྱོད། །ཕན་བདེའི་འབྱུང་གནས་ཀརྨའི་བཀའ་བརྒྱུད་ཀྱི། །བསྟན་པ་ཡུན་རིང་གནས་པའི་བཀྲ་ཤིས་སྩོལ། །བདེན་ཚིག་རྡོ་རྗེ་བདུད་རྩིའི་མཐུ་གྲུབ་པའི། །ཆོས་ཉིད་འགྱུར་མེད་བདེ་ཆེན་རྡོ་རྗེའི་མཁར། །ཆོས་ཅན་རྟེན་འབྱུང་རྡོ་རྗེའི་ཉི་མ་ཆེ། །རབ་འབར་དུས་གསུམ་བཀྲ་ཤིས་ཕྱམ་བརྡལ་ཤོག །ཤྭ་ལོ་ཀ་འདི་གཏེར་སྟོན་གསུང་ངོ་།། དཔལ་ལྡན་བླ་མ་དམ་པའི་རྡོ་རྗེའི་གསུང་། །སྒྲིབ་བྲལ་གནས་བརྒྱད་དག་པའི་སྒྲ་དབྱངས་ཅན། །གདུལ་བྱའི་བློ་ལ་གསལ་པོར་འཆར་བ་ཡིས། །སྨིན་ཅིང་གྲོལ་བའི་རོ་མཆོག་མྱོང་གྱུར་ཅིག །བདུད་བཞི་ལས་རྒྱལ་རྒྱལ་བའི་འཕྲིན་ལས་པ། །ཀརྨ་པ་བསྟན་བསྟན་པའི་སྙིང་པོ་འདི། །ཕྱོགས་མཐར་ཀུན་ཁྱབ་ཁྱབ་ཅིང་རྒྱུན་མི་

― KMC025_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

འཆད། །རྟག་པར་རབ་འཕེལ་འཕེལ་བའི་བཀྲ་ཤིས་ཤོག །ཅེས་པའང་རྣལ་འབྱོར་དམ་པ་ཟང་ཐལ་དྲི་མེད་ནས་འདི་ལྟར་བྲིས་ཤིག་པར་བསྐུལ་ནས་དུས་རིང་མོ་ཞིག་གྱུར་པ་ན། སླར་ཡང་ལྷ་རྩེ་བའི་དགེ་སློང་མང་དུ་ཐོས་པ་འཇམ་དཔལ་ཚུལ་ཁྲིམས་ནས་རྟེན་བཅས་བསྐུལ་བ་དོན་ཡོད་པར་བྱ་བའི་སླད། སྒྲ་ལྡན་ཅེས་པ་མེ་འབྲུག་ལོར་ཐུབ་པའི་དབང་པོས་བདེན་བཞིའི་ཆོས་འཁོར་བསྐོར་བའི་དུས་ཆེན་ཉིན། ལུང་རྟོགས་བཤད་སྒྲུབ་ཀྱི་ཆོས་སྡེ་ཆེན་མོ་འོག་མིན་མཚུར་མདོའི་གདན་སར། སངས་རྒྱས་ཀརྨ་པའི་མཚན་འཛིན་བཅོ་ལྔ་པ་ཀུན་བཟང་མཁའ་ཁྱབ་བདེ་བའི་རྡོ་རྗེ་དང་། མཚོ་སྐྱེས་པདྨའི་རྒྱལ་ཚབ་ཟིལ་གནོན་ནམ་མཁའི་རྡོ་རྗེ་ཟུང་གིས་བྲིས་པ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སུ་ཛ་ཡ། ༈ བདུད་ཚོགས་ལས་རྒྱལ་རྒྱལ་བའི་བསྟན་འཛིན་འཛིན་མའི་ཁྱོན་འདིར་གྲགས་པའི་བ་དན་རྣམ་པར་རྒྱལ། །རྒྱལ་ཀུན་ཁྱབ་བདག་བདག་ཉིད་ཆེ་མཆོག་མཆོག་བརྙེས་མགོན་པོ་ཀརྨ་པ་བསྟན་སྙིང་པོ་མཆོག །མཆོག་ཏུ་མི་འགྱུར་འགྱུར་མེད་རབ་འཕེལ་འཕེལ་བའི་བཀྲ་ཤིས་ནུབ་པ་མེད་པའི་དགའ་སྟོན་

― KMC025_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས། །ཆེས་ཆེར་ཀུན་ཁྱབ་ཁྱབ་བརྡལ་དགེ་ལེགས་ལེགས་པའི་ཕུན་ཚོགས་ཡོངས་གྲུབ་དཔལ་དུ་འབར་གྱུར་ཅིག །ཅེས་པའི་སྨོན་ལམ་འདིའང་འཁོར་ལོའི་མགོན་པོས་རྡོ་རྗེ་འཆང་དངོས་རྒྱལ་མཆོག་བཅོ་ལྔ་པའི་རྡོ་རྗེའི་གསུང་ལས་སོ།། །། ༈ རྣམ་པར་སྣང་མཛད་ཆོས་ཀྱི་འཁོར་ལོའི་རྒྱལ། །བཀའ་གཏེར་མདོ་སྔགས་བསྟན་པ་རྒྱ་མཚོའི་སྲོག །ངོ་མཚར་ཡོངས་རྫོགས་མཛོད་ཆེན་རྣམ་ལྔ་ཡི། །བཀའ་སྲོལ་སྲིད་མཐར་གནས་ཤིང་རྒྱས་གྱུར་ཅིག །ཅེས་པའང་སྡོམ་བརྩོན་ཐུབ་བསྟན་འཇམ་དཔལ་ཚུལ་ཁྲིམས་གྲགས་པ་ནས་ལྷག་བསམ་དག་པས་རྟེན་བཅས་བསྐུལ་བ་བཞིན། ༧དཔལ་ཀརྨ་པའི་མཚན་འཛིན་བཅོ་ལྔ་པས་མེ་སྦྲུལ་ནག་ཟླའི་ཡར་ཚེས་བཅོ་ལྔའི་ཉིན་རྩེ་གཅིག་ཏུ་སྨོན་པ་དགེ། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །