ཡི་དམ་གཉེན་པོ་ལྷ་གསུམ་གྱི་བསྒོམ་བཟླས་ཟབ་མོ།
ཡི་དམ་གཉེན་པོ་ལྷ་གསུམ་གྱི་བསྒོམ་བཟླས་ཟབ་མོ་བཞུགས་སོ། །
བླ་མ་ལྷར་བཅས་ལ་བཏུད་ནས། །ཡི་དམ་ལྷ་གསུམ་བསྙེན་འོད་གང་། །སྐྱབས་སེམས་ཚད་མེད་བཞི་བསྒོམ་ལ། །སྟོང་ཉིད་དེ་བཞིན་ཉིད་དང་ནི། །ཀུན་སྣང་འགྲོ་ལ་སྙིང་རྗེ་བསྒོམ། །རང་རིག་རྒྱུ་ཡི་ཡི་གེ་ཧྲཱིཿས། །མཐིང་ནག་ཅིག་ལས་ཨེ་ཡྃ་རྃ། སུྃ་ཀེ༚་བྷྲུུྃ་འཕྲོས་ཡོངས་གྱུར་པས། །ནམ་མཁའ་རླུང་ཆུ་ས་གཞི་དང་། རི་རབ་དེ་སྟེང་གཞལ་ཡས་ཁང་། །མཚན་ཉིད་ཀུན་ལྡན་ནང་དབུས་སུ། །འཁོར་ལོ་མཐིང་ག་རྩིབས་བཞི་པོ། །ཕྱོགས་མདོག་ལྟེ་བར་པདྨ་སྔོ། །ཉི་ཟླ་ཀླ་གཉན་གདན་སྟེང་ཧྲཱིཿ མཐིང་ནག་དེ་
བབས་གནས་གྱུར་བས། །བདག་ཉིད་རྟ་མགྲིན་མཐིང་ལ་རྔམ། །ཞལ་གཅིག་ཕྱག་གཉིས་ཁྲོ་ཆས་རྫོགས། །སེང་ལྡེང་ཕུར་བུ་ཐུགས་ཀར་འདྲིལ། །ཞལ་དུ་སྦྲུལ་གསོལ་མཇུག་མ་ལ། །དོར་སྟབས་ཞབས་ཀྱིས་མནན་ཅིང་བརྫིས། །ཕྱག་ཞབས་སྦྲུལ་བརྒྱན་རྣ་ལྟག་གི། །གཡས་གཡོན་སྦྲུལ་རིགས་ལྔ་ལྔ་འཕྱོང་། །རྟ་མགོ་ལྗང་ཞུར་རྟ་སྐད་ཀྱིས། ཁམས་གསུམ་ཟིལ་གནོན་དབུ་གཙུག་ཚེར། །དེ་སྟེང་སྤྲུལ་པའི་ཁྱུང་དཀར་ནི། །སྒྲོ་གཤོག་སྤུ་གྲི་མེ་འབར་ལྡིང་། །
བདག་ཉིད་ཐུགས་ཀར་པད་ཉིད་དམ། །ཕྱག་རྡོར་མཐིང་ནག་ཁྲོ་གཏུམ་གཡས། །རྡོ་རྗེ་འཕྱར་ཞིང་གཡོན་པ་ཡིས། །དྲིལ་བུ་དཀུར་བསྟེན་དོར་སྟབས་བཞེངས། །རང་གི་ཕྱོགས་བཞི་འཁོར་ལོ་ཡི། །རྩིབས་བཞིར་རིགས་བཞིའི་ཀླུ་རྒྱལ་ནི། །དཀར་སེར་དམར་ལྗང་ཞི་བའི་ཚུལ། །ཐལ་སྦྱར་སྦྲུལ་མཇུག་ལྡན་པའི་ཞལ། །ནང་དུ་གཙོ་ལ་བལྟ་བར་བསྐྱེད། །བདག་ཉིད་ཐུགས་ཀའི་ཉི་སྟེང་ཧྲཱིཿ །བྱ་ཁྱུང་ཁྲོམ་དང་ཕྱག་རྡོར་ཧཱུྃ། །རྣམས་དང་གནས་གསུམ་འབྲུ་འབུམ་ལས། །འོད་འཕྲོས་ཡེ་ཤེས་སྤྱན་དྲངས་སྟིམ། །སླར་ཡང་འོད་འཕྲོས་དབང་གི་ལྷ། །སྤྱན་དྲངས་དབང་བསྐུར་རིགས་ལྔ་ཡིས། །རྒྱས་གདབ་ཐུགས་ཀའི་ས་བོན་ལས། །འོད་འཕྲོས་སྣོད་བཅུད་གཞལ་ཡས་ལྷ། །སྒྲ་རྣམས་དྲག་པོ་སྔགས་ཀྱི་འབྲུག །སྟོང་གསུམ་གང་བར་རབ་དམིགས་ཤིང་། །གསལ་སྟོང་དང་ནས་དྲག་སྔགས་བཟླ། །ན་མོ་བུདྡྷཱ་ཡ་
བཛྲ་ཀི་ལི་ཀཱི་ལ་ཡ། ནཱ་ག་དུ། ཙནྡྷེ་ཙནྡྷེ། མི་ལི་མི་ལི། བྷནྡྷ་བྷནྡྷ། ནཱ་ག་ནི་སྭཱ་ཧཱ། གསང་སྔགས་རྒྱལ་པོ་འབྲུ་སོ་གཉིས། །ཅི་འགྲུབ་བཟླས་ཤིང་མཐུན་མཚམས་སུ། །མཆོད་གཏོར་ཕུལ་ལ་སྣང་སྲིད་ཀུན། །ཐུགས་སྲོག་ཧྲཱིཿལ་རབ་བསྡུས་ནས། །སྟོང་ཉིད་བསྒོམ་ཞིང་ལྷར་ལྡང་ལ། །བསྔོ་བ་སྨོན་ལམ་རྒྱས་གདབ་བྱ། །ལས་སྦྱོར་དམིགས་པའི་ཁ་བསྒྱུར་ནི། །སྐྱེ་རིམ་གཞན་ནི་སྔར་ལྟར་ལས། །བདག་གི་སྐུ་ཡི་བ་སྤུའི་ཁུངས། །ཀུན་ནས་མེ་ཡི་ཚ་ཚ་དང་། །མཚོན་ཆ་སྣ་ཚོགས་སྐར་ལྟར་འཁྲུགས། །སྙན་ནས་སྟོང་གསུམ་གང་བ་ཡི། །འབྲུག་སྒྲས་ས་བདག་ཀླུ་སྙན་སྐྲག །ཤངས་ནས་རླུང་ནག་འཚུབ་མ་ཡིས། །གདུག་པ་ཅན་རྣམས་གཏོར་ཞིང་བརླག །ཞལ་ནས་སྔགས་ཀྱི་དམོད་མཐུ་དང་། མེ་སྤུངས་མཚོན་ཆའི་ཐོག་ཆར་
གྱིས། །བྱང་ཆུབ་སྒྲུབ་ལ་གནོད་པའི་གདོན། །གདུག་པ་མཐའ་དག་གཞོབ་ཏུ་བསྲེག །རྣམ་ཤེས་ཆོས་དབྱིངས་བསྟིམ་པར་དམིགས། །སྒྲུབ་པའི་སྔགས་འདི་ཁྲི་ཁྲག་བཟླ། །ཨོཾ་ཧྲཱིཿཔདྨ་ཏ་ཀྲིད་ཧཱུྃ། བཛྲ་མ་ཧཱ་ཀྲོ་དྷ་ཕཊ་བྃ་ཧཱུྃ། ཨེ་ཨ་ར་ལི་ཧྲིང་ཧྲིང་ཛཿ མ་ཧཱ་སྲོག་ཏ་ཐུན་བྷྱོ་ཕཊཿ ཨོཾ་བཛྲ་མ་ཧཱ་ཀྲོ་དྷ་ཧྱ་གྲྀ་ཝ་ཧུ་ལུ་ཧུ་ལུ་ཀྲོ་དྷ་ཨ་ཝེ་ཤ་ཡ་ཕཊཿ ཚལ་པ་པ་ཚལ་པ། དུམ་བུ་དུམ་བུ་ཧཱུྃ་ཕཊཿ ཨོཾ་ནཱི་ལཱྃ་བ་ར་དྷ་ར་བཛྲ་པཱ་ཎི་ཧཱུྃ་ཕཊཿ ཨོཾ་བཛྲ་ཙནྡ་མ་ཧཱ་རོ་ཥ་ཎ་ཧཱུྃ་ཕཊཿ ཨོཾ་བཛྲ་རཱ་ཛ་ག་རུ་ཌ་ཧཱུྃ་ཕཊཿ ཧ་ས་ཨོཾ། ས་ཁྲི་ཧཱུྃ་ཕཊཿ དེ་ཚེ་ཆོ་འཕྲུལ་ལྷོངས་ཀྱི་ཚུལ། །ཅི་ལྟར་བྱུང་ཀྱང་ཡ་ང་དང་། །འཁུ་འཁྲིག་མི་བྱ་ཐམས་ཅད་ཀུན། །རང་སེམས་འཆར་སྒོར་བློ་ཐག་བཅད། །འདི་ལྟར་ལྔ་གསུམ་གཅིག་དྲིལ་གྱི། །ཉམས་ལེན་ཟབ་པའི་མཐར་ཐུག་
འདིས། །བར་ཆད་ཀུན་བསེལ་མཆོག་མཐུན་གྱི། །དངོས་གྲུབ་མ་ལུས་བདེ་བླག་ཐོབ། །ལས་འབྲེལ་རྩལ་གྱི་གཏེར་གཞུང་ལས། །འཕྲི་བསྣན་མེད་པར་རྒྱུན་ཁྱེར་དུ། །བཀོད་པའི་དགེ་བས་འགྲོ་བ་ཀུན། །དཔལ་ཆེན་སྐུ་དང་དབྱེར་མེད་ཤོག །ཅེས་པ་འདི་ཡང་ནམ་མཁའི་རྣལ་འབྱོར་ཚུལ་ཁྲིམས་བཟང་པོས་བསྐུལ་བ་ལྟར། བླ་བྲང་ཆོས་དབྱིངས་རྩེར་བཀོད་པ་ཨྀིྠ། །གཅིག་ཞུད།