རྡོ་རྗེ་གདན་གྱི་སྒྲུབ་ཐབས།
― DTG075_Page_0339 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཨཱ་ས་ན་སཱ་དྷ་ན། བོད་སྐད་དུ། རྡོ་རྗེ་གདན་གྱི་སྒྲུབ་ཐབས། སངས་རྒྱས་ལ་ཕྱག་འཚལ་ལོ། །ཡོན་ཏན་ཚོགས་ལྡན་གཞན་དོན་བླ་མར་གྱུར་པའི་དེ་བཞིན་གཤེགས་རྣམས་ཐམས་ཅད་ལ་ནི་འདུད། །དཔལ་ལྡན་རྡོ་རྗེ་གདན་ཞེས་བྱ་བས་བརྒྱན་པའི་ལུས་ཅན་འཁོར་བའི་སྐྱོན་གྱིས་བཟུང་བ་རྣམས། །རེག་ཏུ་མི་འདོད་སངས་རྒྱས་མཆོག་ཉིད་དུལ་བ་བསྡམས་པ་དམ་པའི་སྒྲུབ་ཐབས་དེ་ཉིད་ནི། །དེ་བཞིན་གཤེགས་པ་ལ་སོགས་ཁ་དོག་སྣ་ཚོགས་མཛེས་པའི་སྐུ་དེ་དག་ནི་ལེགས་པར་བྲི། །དེ་ལས་མདུན་དུ་འཆད་པར་འགྱུར་བའི་ཚུལ་གྱི་མདོག་དང་ཕྱག་ལ་སོགས་པ་དང་ལྡན་པའི་བཅོམ་ལྡན་འདས་ལེགས་པར་བསམས་ལ་མེ་ཏོག་ ― DTG075_Page_0340 ―
[མ་དཔེ་གཟིགས་ན་འདིར་གནོན།]
ལ་སོགས་པ་དབུལ་བར་བྱའོ། །ཨོཾ་མི་བསྐྱོད་པ་ལ་ཕྱག་འཚལ་ལོ། །ཧཱུཾ། ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། རེ་རེ་ཞིང་ལན་གསུམ་གསུམ་དབུལ་བར་བྱའོ། །ཨོཾ་རྣམ་པར་སྣང་མཛད་ལ་ཕྱག་འཚལ་ལོ་ཨོཾ། ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་རིན་ཆེན་འབྱུང་ལྡན་ལ་ཕྱག་འཚལ་ལོ། །ཏྲའཾ་།ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་སྣང་བ་མཐའ་ཡས་ལ་ཕྱག་འཚལ་ལོ། །ཧྲཱིཿ་ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་དོན་ཡོད་གྲུབ་པ་ལ་ཕྱག་འཚལ་ལོ། །ཨཱཿ་ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་སྤྱན་མ་ལ་ཕྱག་འཚལ་ལོ། ལཾ་།ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་མཱ་མ་ཀཱི་ལ་ཕྱག་འཚལ་ལོ། །མཱཾ། ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་གོས་དཀར་མོ་ལ་ཕྱག་འཚལ་ལོ། །པཱཾ། ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། ཨོཾ་སྒྲོལ་མ་ལ་ཕྱག་འཚལ་ལོ། །ཏཱཾ། ཨོཾ་རྡོ་རྗེའི་མེ་ཏོག་ཧཱུཾ་སྭཱ་ཧཱ། དེ་ནས་ཡང་མི་བསྐྱོད་པའི་རང་བཞིན་གྱི་རྡོ་རྗེ་གདན་ལ་རབ་ཏུ་ཕལ་ཞིང་ཆེས་ཤིན་ཏུ་ཕལ་ཆེ་བའི་མེ་ཏོག་དབུལ་བར་བྱའོ། །རིམ་པ་འདི་ཉིད་ཁོ་ནས་ཨོཾ་རྡོ་རྗེ་བདུག་སྤོས་ཧཱུཾ་སྭཱ་ཧཱ། ཨོཾ་རྡོ་རྗེའི་དྲི་ཧཱུཾ་སྭཱ་ཧཱ། ཨོཾ་རྡོ་རྗེའི་ལྷ་བཤོས་ཧཱུཾ་སྭཱ་ཧཱ། ཨོཾ་ཞེས་བྱ་བ་ལ་སོགས་པས་མཆོད་པའི་ཆོ་ག་རྣམས་བྱས་ལ། བྱམས་པ་བསྒོམ་པ་ལ་སོགས་པ་སྔོན་དུ་བཏང་བས། དེ་ནས་རང་གི་སྙིང་གར་ཨ་ཡོངས་སུ་གྱུར་བ་ལས་ཟླ་བའི་དཀྱིལ་འཁོར་རོ། །དེའི་སྟེང་དུ་ཡི་གེ་ཧཱུཾ་གསེར་བཟང་པོའི་མདོག་གོ །དེ་ལས་འོད་ཟེར་ཀུན་ནས་སྤྲོས་པས་བླ་མ་དང༌། སངས་རྒྱས་དང༌། བྱང་ཆུབ་སེམས་དཔའ་རྣམས་བལྟས་ལ། དེའི་རྗེས་ལ་སྐུ་ཁྲུས་དང༌། མེ་ཏོག་ལ་སོགས་པ་མཆོད་པའི་སྤྲིན་གྱི་བཀོད་པས་ལེགས་པར་མཆོད་པར་བྱའོ། །དེ་ནས་སྡིག་པ་བཤགས་པ་དང༌། བསོད་ནམས་ལ་རྗེས་སུ་ཡི་རང་བ་དང༌། བསོད་ནམས་ཡོངས་སུ་བསྔོ་བ་དང་གསུམ་ལ་སྐྱབས་སུ་འགྲོ་བ་དང༌། ལམ་ལ་བརྟེན་པ་དང༌། བྱང་ཆུབ་ཏུ་སེམས་བསྐྱེད་པ་རྣམས་ཀྱང༌། དཀོན་མཆོག་གསུམ་ལ་བདག་སྐྱབས་མཆི། །ཞེས་བྱ་བ་ལ་སོགས་པ་རྣམས་ཀྱིས་བྱའོ། །དེ་ནས་སྟོང་པ་ཉིད་རྣམ་པར་བསྒོམ་པར་བྱའོ། །ཆོས་ཐམས་ཅད་རང་བཞིན་མེད་པའི་ངོ་བོར་རྣམ་པར་བསྒོམས་ནས་ཀྱང༌། མི་ཟད་པའི་ངོ་བོའི་བྱང་ཆུབ་ཀྱི་སེམས་ཀྱི་རང་བཞིན་འོད་གསལ་བའི་བདག་ཉིད་བལྟ་ ― DTG075_Page_0341 ―
[མ་དཔེ་གཟིགས་ན་འདིར་གནོན།]
བའོ། །བརྟན་པར་བྱ་བའི་དོན་དུ་སྔགས་བརྗོད་པར་བྱ་སྟེ། ཨོཾ་རང་བཞིན་གྱིས་རྣམ་པར་དག་པས་ཆོས་ཐམས་ཅད་རང་བཞིན་གྱིས་རྣམ་པར་དག་པ་ནི་ང་ཡིན་ནོ། །འོད་ཀྱི་རང་བཞིན་གྱིས་གཟུགས་དེ་ཉིད་ཁོ་ན་ཡོངས་སུ་གྱུར་ནས་ཟླ་བའི་དཀྱིལ་འཁོར་དུའོ། །དེའི་སྟེང་དུ་ཡི་གེ་ཧཱུཾ་ཨ་ལ་སོགས་པ་དབྱངས་ཡིག་བཅུ་དྲུག་གིས་ཡོངས་སུ་བསྐོར་བའོ། །ཡང་ཀ་ལ་སོགས་པ་གསལ་བྱེད་ཀྱི་ཡི་གེ་རྣམས་ཀྱིས་ཀྱང་ཡོངས་སུ་བསྐོར་བའོ། །ཐམས་ཅད་མདོག་དཀར་པོའོ། །མ་ལུས་པ་ཡོངས་སུ་གྱུར་ནས་ཟླ་བའི་དཀྱིལ་འཁོར་གཟུགས་སུ་བསམ་པར་བྱའོ། །དེའི་སྟེང་དུ་ས་བོན་གྱི་ཡི་གེ་ཧཱུཾ་ངོ༌། །དེར་གྱུར་པ་ལས་རྡོ་རྗེའོ། །རྡོ་རྗེ་དེའི་ལྟེ་བ་ལ་ཡང་ཡི་གེ་ཧཱུཾ་ངོ༌། །དེ་དག་མ་ལུས་པ་ཡོངས་སུ་གྱུར་པ་ལས་གསེར་བཟང་པོའི་མདོག་གི་རྡོ་རྗེ་གདན་གྱི་སྐུའོ། །དེའི་གདན་ནི་བདུད་བཞིའོ། །དེ་ཡང་ཕུང་པོ་དང༌། ཉོན་མོངས་པ་དང༌། འཆི་བདག་དང༌། ལྷའི་བུའི་བདུད་རྣམས་ཏེ། དཀར་པོ་དང༌། དམར་པོ་དང༌། ནག་པོ་དང༌། ལྗང་གུའི་ཁ་དོག་ཏུ་རིམ་པ་ཇི་ལྟ་བར་དེ་དག་རྣམས་ཀྱི་ལུས་བསྒོམ་པར་བྱའོ། །བདུད་འདི་དག་རྣམས་ཡོངས་སུ་དཀྲིགས་པ་ལས་སེང་གེའི་ཁྲི་ཡིན་ནོ། །དེའི་སྟེང་དུ་སྣ་ཚོགས་པདྨ་དང་རྡོ་རྗེའོ། །དེ་ལ་བཞུགས་པའི་བཅོམ་ལྡན་འདས་ནི་ཕྱག་གཉིས་པ་རྡོ་རྗེའི་སྐྱིལ་མོ་ཀྲུང་གིས་གནས་པ། ཕྱག་གཡས་པས་ས་བོ་ནོན་གྱི་ཕྱག་རྒྱ་དང་ལྡན་པ་གཡོན་པ་མཉམ་པར་གཞག་པ་སྐུལ་ན་བཟའ་དུར་སྨིག་མན་པས་བ་ཞི་པའི་བདག་ཉིད་ཅན་དུ་རྣལ་འབྱོར་པས་བསྒོམ་པར་བྱའོ། །དེ་ནས་ཨོཾ་ཆོས་ཀྱི་དབྱིངས་ཀྱི་རང་བཞིན་གྱི་བདག་ཉིད་ནི་ང་ཡིན་ནོ་བར་ང་རྒྱལ་བསྐྱེད་པར་བྱའོ། །དེ་ནས་བཅོམ་ལྡན་འདས་ཀྱི་གཡས་ཕྱོགས་སུ་མདོག་སེར་བ་ཕྱག་གཉིས་པ་རལ་པ་དང་ཅོད་པན་དང་ལྡན་པ་གཡས་རིན་པོ་ཆེའི་རྔ་ཡབ་བསྣམས་པ་གཡོན་ན་ཀླུ་ཤིང་མེ་ཏོག་གིས་རྒྱས་པ་བསྣམས་པའི་བྱང་ཆུབ་སེམས་དཔའ་བྱམས་པའོ། །དེ་བཞིན་དུ་གཡོན་ཕྱོགས་སུ་ནི་བྱང་ཆུབ་སེམས་དཔའ་འཇིག་རྟེན་དབང་ཕྱུག་སྟེ། མདོག་དཀར་བ་གཡས་པས་རིན་པོ་ཆེའི་རྔ་ཡབ་བསྣམས་པ་གཡོན་གྱི་པདྨ་དམར་སྐྱ་བསྣམས་པའོ། །གཉིས་ཀ་ཡང་བཅོམ་ལྡན་འདས་ཀྱི་ཞལ་ལ་རྣམ་པར་ ― DTG075_Page_0342 ―
[མ་དཔེ་གཟིགས་ན་འདིར་གནོན།]
བལྟ་བར་བསྒོམ་པར་བྱའོ། །དེའི་རྗེས་ལ་ནི་གོ་ཆ་དྲུག་དགོད་པར་བྱ་སྟེ། བཅོམ་ལྡན་འདས་ཀྱི་སྤྱན་གཉིས་ལ་ཟླ་བའི་དཀྱིལ་འཁོར་རོ། །དེའི་སྟེང་དུ་ཡི་གེ་ཀིཥཾ་ཁ་དོག་དཀར་པོའོ། །རྣ་བ་གཉིས་ཀ་ལ་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཛྲཱིཾ་ཁ་དོག་མཐིང་ནག་གོ །སྣ་བུག་གཉིས་ལ་ཟླ་བའི་དཀྱིལ་འཁོར་རོ། །དེའི་སྟེང་དུ་ཡི་གེ་ཁཾ་ཁ་དོག་སེར་པོའོ། །ལྕེ་ལ་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་གཾ་མདོག་དམར་པོའོ། །དཔྲལ་བར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཀཾ་མདོག་ལྗང་གུའོ། །ནུ་མ་གཉིས་ཀྱི་བར་དུ་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་སོཾ་མདོག་དཀར་པོའོ། །འདི་དག་ནི་གོ་ཆ་དྲུག་དགོད་པ་བསྒོམ་པའོ། །དེ་ནས་རང་གི་སྙིང་གར་ཟླ་བའི་དཀྱིལ་འཁོར་ལ་ཡི་གེ་ཧཱུཾ་ཡོངས་སུ་གྱུར་པ་ལས། རྡོ་རྗེ་ལྟེ་བ་ལ་ཧཱུཾ་དང་བཅས་པ་ཟླ་བའི་དཀྱིལ་འཁོར་གྱི་སྟེང་དུ་སྟེ། དེ་དག་ཐམས་ཅད་ཡོངས་སུ་གྱུར་པ་ལས། ཡེ་ཤེས་སེམས་དཔའ་དམ་ཚིག་སེམས་དཔའ་ལྟ་བུ་རྣམ་པར་བསམ་པར་བྱའོ། །དེ་ནས་མགོ་བོ་ལ་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཨོཾ་ཡོངས་སུ་གྱུར་པ་ལས་འཁོར་ལོ་ཁ་དོག་དཀར་པོའོ། །དེའི་དཀྱིལ་འཁོར་དུ་ཡང་ཟླ་བ་ལ་གནས་པའི་ཡི་གེ་ཨོཾ་ཞེས་བྱ་བ་ནི་བཅོམ་ལྡན་འདས་ཀྱི་སྐུའི་རྣམ་པར་དག་པ་བསྒོམ་པའོ། །མགྲིན་པར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཨཱཿཡོངྶ་སུ་གྱུར་པ་ལས་པདྨ་དམར་པོ་འདབ་མ་བརྒྱད་པའོ། །དེའི་དབུས་སུ་ཟླ་བའི་དཀྱིལ་འཁོར་ལ་གནས་པའི་ཨཱཿ་ཡི་གེ་བྱ་བ་ནི་བཅོམ་ལྡན་འདས་ཀྱི་གསུང་རྣམ་པར་དག་པ་བསྒོམ་པའོ། །ལྟེ་བའི་གོང་དུ་ཟླ་བའི་དཀྱིལ་འཁོར་དེའི་སྟེང་དུ་ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་ཁ་དོག་ནག་པོའོ། །དེའི་དབུས་སུ་ཟླ་བའི་དཀྱིལ་འཁོར་ལ་གནས་པའི་ཡི་གེ་ཧཱུཾ་ངོ་ཞེས་བྱ་བ་ནི་བཅོམ་ལྡན་འདས་ཀྱི་ཐུགས་རྣམ་པར་དག་པ་བསྒོམ་པའོ། །འབྲས་བུ་སངས་རྒྱས་ཉིད་ནི་གྲུབ་པར་བྱའོ། །དེ་ནས་ནམ་མཁའ་ལ་གནས་པའི་བཅོམ་ལྡན་འདས་སྙིང་གའི་ས་བོན་གྱི་འོད་ཟེར་གྱིས་སྤྱན་དྲངས་ལ། ཛཿ་ཧཱུཾཿ་བཾ་ཧོཿ་ཞེས་བྱ་བ་ཡི་གེ་བཞིས་མདུན་དུ་བཞུགས་སུ་གསོལ་ལོ། །དེར་མཆོད་ཡོན་དང་ཞབས་བསིལ་དང༌། གདན་དང༌། བསང་གཏོར་རྣམས་དབུལ་བར་བྱའོ། ། |
