སྒྲོལ་མའི་སྒྲུབ་ཐབས་དང་རྡོ་རྗེ་སྒྲོལ་མའི་སྒྲུབ་ཐབས།

[Full Size]

རྒྱ་གར་སྐད་དུ། ཏཱ་ར་སཱ་དྷ་ནཾ། བོད་སྐད་དུ། སྒྲོལ་མའི་སྒྲུབ་ཐབས། ཡི་གེ་ཏཱོཾ་ལས་བྱུང་བའི་ཨུཏྤལ་དབུས་ན་ཡི་གེ་ཏཱོཾ་གནས་པ་བསྒོམས་ལ། དེ་དག་ཡོངས་སུ་གྱུར་པ་ལས་འཕགས་མ་སྒྲོལ་མ་སྐུ་མདོག་སྔོན་མོ་གཡས་ཀྱིས་མཆོག་སྦྱིན་པ། གཡོན་གྱིས་ཨུཏྤལ་བསྣམས་པ། བཟང་པོའི་གདན་ལ་བཞུགས་པ། དོན་ཡོད་གྲུབ་པ་དབུ་རྒྱན་ལ་བཞུགས་པར་བསྒོམས་ཏེ། ཡེ་ཤེས་སེམས་དཔའ་དང་གཅིག་ཏུ་བྱས་པས། ཨོཾ་ཏཱ་རེ་ཏུཏྟཱ་རེ་ཏུ་རེ་ཆེ་གེ་མོ་དབང་དུ་གྱིས་ཤིག་སྭཱ་ཧཱ། ཞེས་བྱ་བ་འདི་བསྒྲུབ་བྱའི་མིང་དང་ལྡན་པར་བཟླས་མ་ཐག་ཏུ་བརྗོད་པའི་གྲངས་ངེས་པར་བཟླས་པར་བྱ་བའོ། །མདའ་ལ་སོགས་པའི་ཕྱག་མཚན་མེད་ན་ཡང་བསྒྲུབ་བྱའི་མགུལ་པ་ཨུཏྤལས་བཅིངས་ལ། རང་གི་ལུས་ཀྱི་འོད་ཟེར་སྤྲོས་པའི་ཚོགས་ཀྱིས་དེའི་ལུས་ཀུན་ནས་ཁྱབ་པར་བྱ་སྟེ། རང་དབང་དུ་གཞག་པར་བྱ་བ་ཡིན་ནོ། །སྒྲོལ་མའི་སྒྲུབ་ཐབས་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། བཛྲ་ཏཱ་ར་སཱ་དྷ་ནཾ། བོད་སྐད་དུ། རྡོ་རྗེ་སྒྲོལ་མའི་སྒྲུབ་ཐབས། རྡོ་རྗེ་སྒྲོལ་མ་ལ་ཕྱག་འཚལ་ལོ། །དེ་ནས་སྦྱིན་སྲེག་ལས་མཆོག་གིས། །འདོད་དོན་ཀུན་གྲུབ་དེ་ཡི་ཕྱིར། །རྡོ་རྗེ་སྒྲོལ་མའི་སྒྲུབ་ཐབས་ནི། །བདག་

[Full Size]

གིས་ཡང་དག་རབ་ཏུ་བཤད། །དེ་ལ་སྔགས་ཀྱི་ཚིག་ནི་འདི་དག་རྣམས་ཡིན་ཏེ། ཐུགས་རྗེ་ཆེན་པོ་དང་ལྡན་པའི་བྱང་ཆུབ་སེམས་དཔའ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་ལ་ཕྱག་འཚལ་ལོ། །འདི་ལྟ་སྟེ། ཨོཾ་ཏཱ་རེ་ཏུ་ཏྟ་རེ་ཏུ་རེ་བདག་གིས་དབང་བགྱིས་པའི་མ་རུངས་པ་དང་རབ་ཏུ་རུངས་པ་ཐམས་ཅད་རྨུགས་པར་མཛོད་ཅིག །རེངས་པར་མཛོད་ཅིག །རྨོངས་པར་མཛོད་ཅིག །ཆིངས་ཤིག་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་མ་རུངས་པ་ཐམས་ཅད་སྒྲོལ་མ་ལ་སྭཱ་ཧཱ། མ་མོའི་དཀྱིལ་འཁོར་དབུས་གནས་པར། །ལྷ་མོ་སྒྲོལ་མ་རྣམ་བསྒོམས་ཏེ། །ཞལ་བཞི་མ་ལ་ཕྱག་བརྒྱད་མ། །རྒྱན་རྣམས་ཐམས་ཅད་ཀྱིས་བརྒྱན་མ། །གསེར་གྱི་སྐུ་མདོག་སྐལ་ལྡན་མ། །གཞོན་ནུ་མཚན་རྣམས་མཆོག་ཏུ་འབར། །སངས་རྒྱས་ལྔ་ཡི་དབུ་རྒྱན་ཅན། །རྡོ་རྗེ་ཉི་མ་དབང་བསྐུར་བཞུགས། །ལང་ཚོ་བདོ་ཞིང་མདངས་བཟང་ཅན། །གསེར་གྱི་རྣ་གདུབ་རྣམ་པར་གཡོ། །སྣ་ཚོགས་པ་ཡི་གདན་བཞུགས་ཤིང༌། །འོད་ཟེར་དམར་པོས་རྣམ་པར་བརྒྱན། །རྡོ་རྗེ་ཞགས་པ་དེ་བཞིན་དུ། །མདའ་གཡོན་གསལ་དང་གཡས་པ་རྣམས། །རྡོ་རྗེ་ལྕགས་ཀྱུ་ཨུཏྤལ་གཞུ། །སྡིགས་མཛུབ་མཛད་རྣམས་གཡོན་པ་རྣམས། །རྡོ་རྗེ་སྐྱིལ་ཀྲུང་སྦྱོར་བ་ཡིས། །ས་གསུམ་སྒྲུབ་པར་བྱེད་པ་ཡིན། །ཤར་དུ་མ་ཏོག་སྒྲོལ་མ་སྟེ། །ཡི་གེ་ཨོཾ་ཡིག་ལས་གྲུབ་པའི། །ཁ་དོག་དཀར་མོ་ཡིད་འོང་མ། །ཞལ་གཅིག་མ་ལ་ཕྱག་གཉིས་མ། །མེ་ཏོག་ཕྲེང་བས་ཕྱག་བྲེལ་ཞིང༌། །རྒྱན་རྣམས་ཀུན་གྱིས་བརྒྱན་པའོ། །ལྷོ་ན་བདུག་སྤྲོས་སྒྲོལ་མ་ནི། །ཁ་དོག་ནག་མོ་གཟུགས་བཟང་མ། །ཕྱག་ན་བདུག་པའི་སྣོད་བསྣམས་ཤིང༌། རྒྱན་རྣམས་ཀུན་གྱིས་བརྒྱན་པའོ། །ནུབ་ཀྱི་མར་མེའི་སྒྲོལ་མ་ནི། །མར་མེའི་ཀོང་བུ་ལག་ཐོགས་ཤིང༌། །སེར་མོ་རྒྱན་ཆེན་གྱིས་བརྒྱན་མ། །གསེར་གྱི་རྣ་གདུབ་གྱོ་བའོ། །བྱང་གི་དྲི་ཡི་སྒྲོལ་མ་ནི། །ཕྱག་ན་དྲི་ཡི་དུང་བསྣམས་པའི། །ལྷ་མོ་སྐུ་མདོག་དམར་གྱུར་པ། །དཀྱིལ་འཁོར་ལྟེ་པར་བསྒོམ་པར་བྱ། །ལྕགས་ཀྱུ་མ་སོགས་རབ་དབྱེ་བས། །དེ་ནས་སྒོ་སྲུང་བསྒོམ་པར་བྱ། །ཤར་གྱི་སྒོ་ནི་རྡོ་རྗེ་ལྕགས་ཀྱུ་མ་སྟེ། ཞལ་གཅིག་ཕྱག་གཉིས་མ། ལྕགས་ཀྱུ་དང་ཨུཏྤལ་ཕྱག་ན་བསྣམས་ཤིང༌།

[Full Size]

ཞལ་རྣམ་པར་བསྒྱུར་བ་མདོག་ནག་མོ། ལྷོའི་སྒོར་ནི་རྡོ་རྗེ་ཞགས་པ་མ་སྟེ། མདོག་སེར་མོ་བཞིན་རྣམ་པར་བསྒྱུར་བ། ཞལ་གཅིག་ཕྱག་གཉིས་མ་ཕྱག་ན་རྡོ་རྗེའི་ཞགས་པ་བསྣམས་པའོ། །ནུབ་ཀྱི་རྡོ་རྗེ་ལྕགས་ཐག་མ་སྟེ། དམར་མོ་ཞལ་གཅིག་ཕྱག་གཉིས་མ། ཞལ་རྣམ་པར་བསྒྱུར་བ་ཕྱག་ན་རྡོ་རྗེའི་ལྕགས་ཐག་པ་བསྣམས་པའོ། །བྱང་གི་སྒོ་ན་ནི་རྡོ་རྗེ་དྲིལ་བུ་མ་ཁ་དོག་དཀར་མོ་སྟེ། ཞལ་གཅིག་ཕྱག་གཉིས་མ་བཞིན་རྣམ་པར་བསྒྱུར་བ་རྡོ་རྗེ་དྲིལ་བུ་ཕྱག་ན་བསྣམས་པའོ། །དེ་དག་རྣམས་ནི་ཉི་མའི་གདན་ལ་གཡོན་བསྐུམ་པའི་སྟབས་ཀྱིས་བཞུགས་ཤིང༌། ཉི་མའི་གཟི་བརྗིད་ཅན། འབར་བའི་ཕྲེང་བས་དཀྲིགས་པ། སྦྲུལ་གྱིས་བརྒྱན་པར་བསྟན་པར་བྱ་བའོ། །སྟེང་དུ་ནི་གཙུག་ཏོར་རྣམ་པར་རྒྱལ་བ་སྟེང་འོག་ཏུ་ཡང་སུམྦྷ་རྣམ་པར་བསྒོམ་པར་བྱ་བ་ནི། འཁོར་ལོ་དང་ཀླུའི་ཞགས་པ་དང་ལྡན་པར་བསྒོམས་ལ། སྔགས་སྤྲོས་པས་བཟླས་པར་བྱ་བ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཕ་རོལ་ཕྱིན་བཅུ་ལ་བརྟེན་པ། །ཡི་གེ་བཅུ་ལས་ལྷ་བཅུ་ནི། །སྦྱོར་བ་ཡིས་ནི་བསྒོམ་བྱས་ན། །དོན་རྣམས་ཐམས་ཅད་རབ་ཏུ་འགྲུབ། །སངས་རྒྱས་ཀུན་གྱིས་ཕྱག་བྱས་པའི། །སྔགས་ཀྱི་གཙོ་བོ་མཆོག་དེ་དག །བརྗོད་པས་གྲུབ་བྱེད་རྣོ་གྱུར་པ། །རྡོ་རྗེ་གུར་ལས་གསུངས་པ་ཡིན། །སྔགས་འདིས་སྟོད་གཡོགས་ཀྱི་གྲྭ་ལ་ལན་བདུན་མངོན་པར་བསྔགས་ཏེ། མདུད་པ་བཅིངས་ནས་རི་འབིགས་བྱེད་ལ་འགྲོ་བར་གྱུར་ན་ཡང་འགའ་ཞིག་གིས་ཀྱང་གནོད་པར་མི་ནུས་སོ། །སྟག་དང༌། ཆོམ་རྐུན་དང༌། ཆུ་སྲིན་ན་ཀྲ་དང༌། སེང་གེ་དང༌། སྦྲུལ་དང༌། མཆེ་བ་ཅན་དང༌། མ་ཧེ་ཥ་དང༌། དོམ་དང༌། བ་མེན་ལ་སོགས་པ་རྣམས་ཀྱང་མིང་དྲང་པ་ཙམ་གྱིས་འཇོམས་ཤིང་ཐུལ་བར་འགྱུར་རོ། །སྔགས་འདིས་ཇི་སྲིད་དུ་ཨུཏྤལ་བརྒྱ་རྩ་བརྒྱད་སྦྱིན་སྲིག་བྱ་སྟེ། ཨོཾ་ཏཱ་རེ་ཏུཏྟཱ་རེ་ཆེ་གེ་མོ་བདག་གི་དབང་དུ་ཁུག་སྭཱ་ཧཱ། སྔགས་འདི་ཁྭ་ཏའི་གཤོག་སྒྲོལ་ལན་སུམ་ཅུ་རྩ་གཉིས་ཀྱི་བར་དུ་ཡོངས་སུ་བསྔགས་ལ་དགྲའི་སྒོར་སྦས་ཏེ། ཉི་མ་བདུན་ན་སྐྲོད་པར་འགྱུར་རོ། །ཨོཾ་ཏཱ་རེ་ཏུཏྟཱ་རེ་ཏུ་རེ་ཙ་ལ་པྲ་ཙ་ལ་ཤཱ་གྷྲི་གཱ་མི་ནི་ལྷ་སྦྱིན་སྐྲོད་ཅིག་ཧཱུཾ་ཧཱུཾ་ཕཊ་ཕཊ། དེ་ནས་སྦྱོར་བ་གཞན་ཡང་ཡོད་དོ། །ཨོཾ་ཏཱ་རེ་ཏུཏྟཱ་རེ་ཏུ་རེ་ཨ་མུ་ཀ་ཨ་བྷི་དྷཱ་ནཱ་ཀུ་མཱ་རཱི་མ་ཛྱ་བི་བཱ་ཧེ་ན་ཏ་སྱཿ་པི་ཏཱ་པྲ་ཡཙྪ་ཏུ་སྭཱ་ཧཱ། མྱོས་བྱེད་གཏུམ་པོ་ས་བོན་དང༌།

[Full Size]

དེ་བཞིན་སྨྱོན་པ་ཉིད་དང་ནི། །མྱ་ངན་མེད་འདབ་མེ་ཏོག་ཀྱང༌། །སྟོང་ཕྲག་ལྔ་ནི་སྦྱིན་སྲེག་བྱ། །སྦྲང་མར་བུ་རམ་སྦྱིན་སྲེག་ནི། །བུ་མོ་སྒྲུབ་ལ་རབ་ཏུ་བསྔགས། །ཉི་མ་བདུན་ན་རྣལ་འབྱོར་པས། །རང་འདོད་བུ་མོ་དེ་རྙེད་དོ། །དེ་ནས་སྦྱོར་པ་གཞན་ཡང་ཡོད་དོ། །ཨོཾ་ཏཱ་རེ་ཏུ་ཏྟཱ་རེ་ཏུ་རེ་ཆེ་གེ་མོ་རང་གི་གནས་ནས་མངོན་པར་བཀུག་ནས་བདག་གི་དྲུང་དུ་ཁྲིད་ཤོག་ཛཿ་སྔགས་འདིས་འབྲས་བུ་བཱ་ཌ་རཱི་ཀཎྜེ་ཀ་རང་བྱུང་གི་མེ་ཏོག་གིས་བྱུགས་ལ་སྟོང་ཕྲག་ལྔ་སྦྱིན་སྲེག་བྱ་བའོ། །བྱ་བ་འདིས་ནི་མིའི་བདག་པོའི་བུ་མོ་ཡང་འགུགས་པར་བྱེད་པ་ཡིན་ནོ། །དེ་ནས་སྦྱོར་བ་གཞན་དག་ཡང་ཡོད་དོ། །ར་ཙས་ལཱའི་རས་ལ་བཅོམ་ལྡན་འདས་མ་ཞལ་གཅིག་ཕྱག་གཉིས་མ་ལྕགས་ཀྱུ་དང་ཨུཏྤལ་དང་ཞགས་པ་ཕྱག་ན་བསྣམས་པ་རྣམ་པར་བྲིས་ལ། དེའི་མདུན་དུ་ལྷ་རྫས་ཀྱི་མེ་ཏོག་མཆོག་འདི་དག་བྱ་བ་ལ་སོགས་པས་མཆོད་པར་བྱ་བའོ། །དེའི་ཕྱི་ནས་ནི་བསྒོམ་པ་དང་ལྡན་པས་བཟླས་པ་བྱ་སྟེ། ཨོཾ་ཏཱ་རེ་ཏུཏྟཱ་རེ་ཆེ་གེ་མོས་བདག་འདོད་པའི་སྭ་སྣཾ་ཀ་ཐ་ཡ་ཧཱུཾ་ཕཊ་བྱ་བས་སྟོང་ཕྲག་ལྔ་ནས་འོང་བར་འགྱུར་རོ། །ཞགས་པས་རྐེད་པ་ནས་བཅིངས་ཤིང་ལྕགས་ཀྱུས་ཕུག་ནས་བཟུང་བའི་བསྒྲུབ་བྱ་རྐང་པའི་འོག་ཏུ་བསྒོམས་ལ། བྲན་མོའི་ཚུལ་གྱིས་ལོངས་སྤྱོད་པར་བྱའོ། །དེ་ནས་སྦྱོར་བ་གཞན་ཡང་ཡོད་པ་ནི་སྒྲོལ་མའི་གཟུངས་ཀྱིས་ལན་བདུན་དུ་མངོན་པར་བསྔགས་ལ། བདག་ཉིད་མིག་གཉིས་མཉེས་ཏེ། རྒྱལ་པོའི་ཕོ་བྲང་གི་སྒོར་ཞུགས་པར་གྱུར་ན་འགལ་བར་ཞུགས་ཤིང་གུས་པ་མེད་པ་ཡང་དེ་ནས་རྒྱལ་པོ་དེ་སློབ་མ་བཞིན་དུ་གུས་པར་བྱེད་དོ། །རབ་ཏུ་དང་བར་གྱུར་པ་ཡང་ལེགས་པར་གསལ་བར་བྱེད་དོ། །མཐུན་པའི་གཏམ་སྨྲ་བར་བྱེད་དོ། །གཡོག་པོ་ཉིད་དུ་ཡང་ཡོང་བར་འགྱུར་རོ། །གཏུམ་པོ་ཡིན་ཡང་དབང་དུ་འགྱུར་བ་འདི་ནི་མཐོང་བས་ཡིད་ཆེས་པ་དང་ངེས་པར་བདེན་པ་ཡིན་ནོ། །ཡང་དེ་ནས་སྦྱོར་བ་གཞན་དུ་གྱུར་པ་ནི། སྒྲོལ་མའི་གཟུགས་ལན་བརྒྱ་བཟླས་ཤིང་སྦྲུལ་དུག་ཅན་རོ་གཉིས་པ་ཐལ་བར་བྱས་ཏེ། བ་ཁ་དོག་དམར་མོའི་མར་དང་ཤིང་ཉི་མའི་ཤིང་བལ་གྱིས་སྡོང་བུ་བྱས་ལ་ལེགས་པར་སྤར་བས་མིག་རྩི་དབབ་པར་བྱ་བའོ། །མིག་རྩི་དེ་དང་རྡོ་རྗེ་ཉི་མ་དང་རྡོ་རྗེ་ཆོས་གཉིས་དང་ལེགས་པར་མཉེས་ཏེ་རྟ་མཆོག་གི་དུ་བ་བདུགས་ལ། ཐལ་བ་དང་ལྷན་ཅིག་ཏུ་མིག་ལ་ཕྱུགས་པར་གྱུར་པའི་མིག་རྡོ་རྗེ་གང་

[Full Size]

ལ་བལྟས་པ་དེ་གང་གི་ཚེ་པདྨ་གར་གྱི་དབང་ཕྱུག་ཡིན་ཡང་འཛག་པར་མ་གྱུར་ན་དེའི་ཚེ་ང་སྒྲོལ་མ་མ་ཡིན་ཞིང་ངས་སངས་རྒྱས་བཅོམ་ལྡན་འདས་རྣམས་ཀྱི་སྐུ་བཅོམ་པར་ཡང་འགྱུར་རོ། །དེ་ནས་སྦྱོར་བ་གཞན་ཡང་ཡོད་པ་ནི་བུ་ཆུང་སོ་མེད་པའི་ལྕེ་བླངས་ལ་སྒྲོལ་མའི་གཟུངས་ཀྱིས་ལན་བདུན་མངོན་པར་བསྔགས་ཏེ། བྷྲྀངྒ་རཱ་ཇའི་རྩ་བ་དང་གི་ཝཾ་དང་ལྷན་ཅིག་གཅིག་ཏུ་བྱས་ལ་དཔྲལ་བར་ཐིག་ལེ་བྱུགས་པ་གང་དང་གང་གིས་མཐོང་བ་དེ་དབང་དུ་བྱེད་དོ། །གཞན་ཡ་དགའ་བར་མི་འགྱུར་ཞིང་གཞན་དུ་འགྲོ་བར་ཡང་མི་བྱེད་དེ། བདག་ཉིད་ཀྱང་མི་འདོར་རོ། །དེ་ནས་ནི་སྦྱོར་བ་གཞན་དག་ཀྱང་ཡོད་དེ། གསུས་པའི་འབུ་ལ་སྒྲོལ་མའི་གཟུངས་ཀྱིས་ལན་བདུན་མངོན་པར་བསྔགས་ནས་རྡོ་རྗེ་ཆོས་དང་ལྷན་ཅིག་ཏུ་བྱས་ཏེ། ཏཱམྦུ་ལ་དང་བུ་མོ་ལ་སྦྱིན་ན་ཟོས་པ་ཙམ་གྱིས་རྣལ་འབྱོར་དང་ལྡན་པ་ནི་མི་ཕྱེད་པར་འགྱུར་རོ། །གཞན་ལ་དགའ་བར་མི་བྱེད་ཅིང་གཞན་དུ་འགྲོ་པར་ཡང་མི་འགྱུར་རོ། །རང་གི་ཁྱིམ་ཐབས་ཀྱང་སྤོང་པར་འགྱུར་རོ། །དེ་ནས་སྦྱོར་པ་གཞན་ཡང་ཡོད་པ་ནི་མར་ནག་ཆེན་པོས་བདག་ཉིད་ཀྱི་ལུས་ལ་བྱུགས་ལ། བསྒོམ་པ་དང་ལྡན་པས་སྒྲོལ་མའི་གཟུགས་ཁྲི་བཟླས་པར་བྱ་བའོ། །བཟླས་པ་དང་འབྲས་ཤཱ་ལི་ཕྱེ་མར་བྱས་པའི་ལྡེ་གུས་དྲི་མ་དྲིལ་ཕྱིས་བྱས་པ། གང་ལ་བྱིན་པ་དེ་ཉི་མ་ལྔར་ཡང་མི་ཕྱེད་པ་ཡིན་ནོ། །དེ་ནས་སྦྱོར་བ་གཞན་ཡང་ཡོད་པ་ནི་ཟླ་བ་གཟས་བཟུང་བའི་དུས་སུ་སྒྲོལ་མའི་གཟུངས་བཟླས་པ་དང༌། སྔོན་དུ་འགྲོ་བ་ཡང་བྱས་པས་དེ་ལྟ་བུར་གྱུར་པའི་འཇིག་རྟེན་དབང་ཕྱུག་བླངས་ལ་དུང་འདེ་གུ་དང་བཅས་པ་བག་མ་ལ་སྦྱིན་པར་བྱ་སྟེ། ཉི་མ་ལྔར་ཡང་རྗེས་སུ་བྱེད་པར་འགྱུར་རོ། །དེ་ནས་སྦྱོར་པ་གཞན་དག་ཀྱང་ཡོད་དེ། གང་ལ་སྒྲོལ་མའི་གཟུངས་ཀྱི་སྔགས་ཀྱིས་མྱོས་པའི་འབྲས་བུ་ལ་ལན་བརྒྱ་རྩ་བརྒྱད་ཡོངས་སུ་བསྔགས་ཤིང་འབྲས་བུ་རྟ་མགྲིན་ལྷན་ཅིག་ཏུ་བྱས་པ་གང་ལ་བྱུགས་པ་དང་དེ་དབང་དུ་འགྱུར་རོ། །དེ་ནས་སྦྱོར་པ་གཞན་ཡང་ཡོད་པ་ནི། །ཨོཾ་ཏཱ་རེ་ཏུ་ཏྟཱ་རེ་ཏུ་རེ་ཆེ་གེ་མོའི་འཆིང་བ་གྲོལ། བར་མཛོད་མུཿ་སྭཱ་ཧཱ། སྔགས་འདི་ཤིང་ཉི་མའི་ཡལ་ག་ལ་བསྒྲུབ་བྱའི་མིང་བར་བཅུག་པ་ལེགས་པར་བྲིས་ལ་ཀུ་ལཱི་ར་གར་ཏ་ལ་བཞག་ནས་བཅིངས་པ་ལས་གྲོལ་པར་འགྱུར་རོ། །རྡོ་རྗེ་སྒྲོལ་མའི་སྒྲུབ་ཐབས་རྫོགས་སོ། །པཎྜི་ཏ་ཆེན་པོ་ཨ་བྷ་ཡཱ་ཀ་རའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །