གདམས་ངག་དང་གདམས་ངག་གི་ཁྱད་པར་ཀུ་རུ་ཀུལླེའི་སྒྲུབ་ཐབས་བཅས།
― DTG075_Page_0433 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཨུ་པ་དེ་ཤ་།བོད་སྐད་དུ། གདམས་ངག །སྭ་ལས་ཀུ་རུ་ཀུལླེར་བསྒོམ། །གཞན་ལས་ངེས་འབྱུང་མཚོ་སྐྱེས་ལ། །བསྒྲུབ་བྱ་ནང་དུ་ཆུད་བྱས་ཤིང༌། །འདོད་པས་མོས་པར་བསྒོམ་པར་བྱ། །པདྨ་ཅུང་ཟད་དམར་བསྣམས་པའི། །ཡེ་ཤེས་སེམས་དཔའ་དེ་སྤྱིར་བསམ། །གཟུགས་ལྷུང་འདི་ནི་ཉིན་བདུན་དུ། །ཐུན་ཚོད་གསུམ་དུ་བསྒོམ་པར་བྱ། །ཀུ་རུ་ཀུལླེས་དབང་དུ་བྱ་བའི་གདམས་ངག་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །རྒྱ་གར་སྐད་དུ། ཨུ་པ་དེ་ཤནྟ་རཿ། བོད་སྐད་དུ། གདམས་ངག་གི་ཁྱད་པར། ཧྲཱིཿ་ཡིག་མྱོས་པའི་འདབ་མ་ཉེ་བའི་བཅུད་རྣམས་འཛག་པར་གྱུར་པའི་ལྕེ་དག་དང་ཡང་ནི། །དེ་ཉིད་བློ་གྲོས་སྐྱེད་པར་བྱེད་པ་ལ་ནི་སྙིང་གི་དབུས་ཉིད་དུ་ནི་བྱ་བ་ཡིན། །དེ་ཉིད་མཐོང་དུ་ཟིལ་གནོན་དུག་འཇོམས་བྱད་པ་ཆོས་ཀྱི་ཡི་གེ་རང་ཉིད་འབབ་པ་སྟེ། །སྒྲོལ་མའི་སྙིང་པོ་འདི་ནི་ཁམས་གསུམ་རྣམ་པར་རྒྱལ་བྱེད་ཤེས་བྱ་སྙིང་རྗེའི་ཞིང་རྣམས་ཀྱིས། །གདམས་ངག་གི་ཁྱད་པར་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །རྒྱ་གར་སྐད་དུ། ཀུ་རུ་ཀུལླ་སཱ་དྷ་ནཾ། བོད་སྐད་དུ། ཀུ་རུ་ཀུལླེའི་སྒྲུབ་ཐབས། ཀུ་རུ་ཀུལླེ་ལ་ཕྱག་འཚལ་ལོ། །དང་པོར་སྔགས་པས་གདོང་བའི་ཕྱི་བྱད་ལ་སོགས་པ་བྱས་ཏེ། བདེ་བའི་སྟན་ལ་གནས་པས་ཡི་གེ་ཨ་ལས་བྱུང་བའི་རང་གི་སྙིང་གའི་ཟླ་བ་ལ་ཡི་གེ་ཧྲཱིཿ་ཤིན་ཏུ་དམར་བའི་འོད་ཟེར་གྱི་ལྷ་མོ་ཀུ་རུ་ཀུལླེ་ཡང་དག་པར་སྤྱན་དྲངས་ཤིང༌། སྙིང་གའི་ས་བོན་ལས་ཀུན་ནས་བྱུང་བའི་མཆོད་པའི་ཁྱད་པར་གྱིས་ལེགས་པར་མཆོད་ལ་ཕྱག་འཚལ་བ་དང༌། སྡིག་པ་བཤགས་པ་དང༌། བསོད་ནམས་རྗེས་སུ་ཡི་རང་བ་དང༌། བསྔོ་བ་དང༌། གསུམ་ལ་སྐྱབས་སུ་འགྲོ་བ་དང༌། བྱང་ཆུབ་ཏུ་སེམས་བསྐྱེད་པ་དང༌། གནས་བཞི་བསྒོམ་པར་བྱ་བ་རྣམས་ཀྱང་བྱས་ཏེ། སྟོང་པ་ཉིད་ཀྱང་རྣམ་པར་བསྒོམ་ཞིང་སྔགས་ཀྱིས་ |
