སྐྱེ་བོ་གདུལ་བར་དཀའ་བ་རྣམས་ཀྱི་སྙིང་གི་དྲེགས་པ་ཞི་བར་བྱེད་པའི་ཆོ་ག།

[Full Size]

འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཡང་དེ་ནས་སྐྱེ་བོ་གདུལ་བར་དཀའ་བ་རྣམས་ཀྱི་སྙིང་དྲེགས་པ་ཞི་བར་བྱེད་པའི་ཆོ་ག་བཤད་པར་བྱ་སྟེ། བདག་ཉིད་འཕགས་པ་ཞལ་བརྒྱ་པ། །ཕྱག་སྟོང་སྤྱན་དཔག་མེད་ལྡན་སྐུ། །དཀར་ཞིང་དྲི་མེད་འོད་འབར་བ། །མི་འཇིགས་སྒྲ་སྒྲོགས་བསྒོམ་པར་བྱ། །ཤར་དུ་ཧ་ལ་ཞལ་གསུམ་ཁྲོས། །ཕྱག་དྲུག་མདའ་གཞུ་རྡོ་རྗེ་དྲིལ། །ལྕགས་ཀྱུ་ཞགས་པ་འཛིན་དུད་མདོག། སྦྲུལ་དཀར་གྱིས་བརྒྱན་བཞད་པའོ། །ལྷོར་ནི་ཁྲོ་བོ་ཧ་ཧ་ཆེན། །ཞལ་གསུམ་ཕྱག་དྲུག་རྡོ་རྗེ་དྲིལ། །དགྲ་སྟ་ཁ་ཊྭཱཾ་ཐལ་མོ་བསྡམས། །ནམ་མཁའི་མདོག་ཅན་སྦྲུལ་སེར་བརྒྱན། །ནུབ་ཏུ་གཏུམ་ཆེན་དམར་ནག་དཔལ། །ཞལ་གསུམ་ཕྱག་དྲུག་ལྕགས་ཀྱུ་ཞགས། །ཉི་ཟླ་སྡིགས་མཛུབ་ཚངས་པའི་མགོ །སྦྲུལ་དམར་གྱིས་བརྒྱན་རྔམ་པ་ཡིན། །བྱང་དུ་ཟ་བྱེད་ཐལ་མདོག་ཅན། །ཞལ་གསུམ་ཕྱག་དྲུག་གླང་ཆེན་ལྤགས། །མདུང་ཐུང་བེ་ཅོན་རལ་གྲི་ཕུབ། །སྦྲུལ་ནག་གིས་བརྒྱན་རྒྱུ་མ་གསོལ། །འདི་དག་དཔའ་པོ་ཁྲོས་པ་ཡི། །ཆ་ལུགས་སྟང་སྟབས་དྲག་བཅས་པ། །སྤྱན་མངས་ཀྱིས་སྤྲས་སྤུ་སྒོ་ནས། །ཀུན་ནས་མེ་འབར་འཁྱིལ་པའོ། །དེ་ནས་དཀྱིལ་འཁོར་ཆེན་པོའི་ཆོ་ག་ལས་ཇི་སྐད་བཤད་པའི་ཆོ་གས་མཆོད་པ་ལ་སོགས་པ་བྱས་ལ། །བདེ་བ་ཆེན་པོའི་ཕོ་ཟང་གི་རྣམ་པར་ཐར་པ་ཟབ་མོ་དང་བཅས་པས་ཡེ་ཤེས་སེམས་དཔའ་སྤྱན་དྲངས་ཏེ། ཡང་མཆོད་པ་ལ་སོགས་པ་བྱའོ། །དེའི་འོག་ཏུ་གང་དག་ཀུན་ནས་ཉོན་མོངས་པ་གང་དག་གང་གི་དབང་ལས་སྐྱེས་པའི་ང་རྒྱལ་གྱིས་སེམས་རབ་ཏུ་དྲེགས་ཤིང་མངོན་པར་མཐོ་བར་འགྱུར་བ། ལྟ་བ་ཕྱིན་ཅི་ལོག་དང་སེམས་ཕྱིན་ཅི་ལོག་གིས་ཀུན་ནས་དཀྲིས་པའི། །འཆིང་བ་དམ་པོའི་དཔང་དུ་གྱུར་པ་དེ་དག་ཉིད་བློས་མདུན་དུ་བྱའོ། །དེ་ལ་

[Full Size]

མཁས་པ་སྡང་བ་དང༌། །བརྙས་བྲལ་ཞི་བའི་སེམས་ལྡན་པ། །བྱམས་དང་སྙིང་རྗེ་དགའ་བ་དང༌། །བཏང་སྙོམས་ལས་བྱུང་བྱང་ཆུབ་སེམས། །ཡང་དང་ཡང་དུ་བརྟན་བསྒོམས་ཏེ། །དེ་ཡི་སེམས་ནི་རླུང་གི་རྟ། །ཐིག་ལེ་རྩ་ཡི་སྦྱོར་བ་ཅན། །རྣམ་པར་ཤེས་དང་གཅིག་གྱུར་ནི། །དེ་གདན་པདྨ་དམར་འདབ་བཞི། །ཕྱོགས་བཞིའི་ཆར་གནས་བྷུབཾ་རཾ། །ཡཾ་ཞེས་དཀར་སྔོ་དམར་ལྗང་མདོག །གོ་རིམས་བཞིན་དུ་དགོད་པར་བྱ། །ཕྱོགས་ཀྱི་ལྷ་དབང་རྣམ་བཞི་ཡི། །ཐུགས་ལས་དབྱངས་དཀར་གསལ་བྱེད་དམར། །ཕྲེང་བའི་ཡི་གེ་འབྲུ་གསུམ་གྱིས། །མཚམས་སྤེལ་ཁབ་ལ་ཁབ་ལེན་བཞིན། །བདག་ཉིད་སྙིང་ག་པད་འདབ་བཞིའི། །ལྟེ་དབུས་རྣམ་པར་ཤེས་བདག་ཧཱུཾ། །བསམས་ལ་དབྱངས་དང་གསལ་བྱེད་ཀྱི། །འཁོར་ལོ་གཡོན་དུ་བསྐོར་བ་ཡིས། །མཐུ་བསྒྲུབས་ནས་ནི་གྲུབ་པ་དང༌། །རྨི་ལྟས་དཀར་པོ་བཞི་མཐོང་བ། །དེ་ཚེ་ཆོས་སྦྱིན་གཏོར་མ་སྦྱིན། །དེ་འོག་བསྟན་པས་ལས་སྦྱར་བྱ། །ཆེ་གེ་མོའི་དུཥྚ་ཙིཏཱ་ཤཱནྟིཾ་ཀུ་རུ་ཡེ་སྭཱ་ཧཱ། རྗེས་སུ་གདགས་པའི་སྔགས་སོ། །ལས་ནི་འོད་ཟེར་མདའ་གཞུ་དང༌། །མེ་དང་མར་གྱི་གོང་བུ་དང༌། །འཁྲུལ་འཁོར་བསྐོར་དང་ཉི་མུན་གྱི། །སྦྱོར་བ་བླ་མའི་མན་ངག་བཞི། །ཨི་ཏི།།