ཁ་སརྤ་ཎ་པདྨ་ཁ་འབྱེད་ཀྱི་མན་ངག།
― DTG073_Page_0315 ―
[མ་དཔེ་གཟིགས་ན་འདིར་གནོན།]
འཕགས་པ་སྤྱན་རས་གཟིགས་ལ་ཕྱག་འཚལ་ལོ། །ཟླ་བ་དུང་དང་ཀུན་གངས་རི་ལྟར་འཚེར་བ། །གཞོན་ནུ་རབ་མཛེས་རིན་ཆེན་ཕྲེང་བས་རྣམ་བརྒྱན་ཅིང༌། །མཆོག་སྦྱིན་པདྨོ་འོད་དཔག་མེད་ཀྱི་གཡས་གཡོན་ཕྱག །སྤྱི་གཙུག་ལེགས་སྤྲས་འཇིག་རྟེན་གསུམ་མགོན་ལ་ཕྱག་འཚལ། །རང་ལུས་དཀྱིལ་འཁོར་ཕོ་བྲང་འདབ་སྟོང་གསལ་བའི་དབུས། །ཟླ་རྒྱས་མདོག་ལྟའི་སེམས་ཉིད་ངོ་བོ་ཡེ་ཤེས་ཧྲཱིཿ་ཡིག་འོད་
― DTG073_Page_0316 ―
[མ་དཔེ་གཟིགས་ན་འདིར་གནོན།]
འབར་གྱིས། །ཐིག་ལེ་རྣམ་དག་བདེ་ཆེན་རང་བཞིན་རླུང་སེམས་བཅུད་གང་ཡིན་པ་དེ། །ལེགས་བསྡུས་ནས་ནི་བློ་ལྡན་དཔའ་རྣམས་གཉུག་མ་མཆོག་ལ་བརྟན་གནས་བྱ། །དེ་ཡི་སྙིང་པོ་ལས་སྤྲོས་པའི། །འོད་ཟེར་ལྕགས་ཀྱུ་རྣོན་པོ་ཡིས། །རྒྱལ་པའི་ཕོ་བྲང་པོ་ཏ་ལའི། །དབུས་ཉིད་ནས་ནི་འཕགས་པ་བསྐྱོད། །ཤིན་ཏུ་དཀར་གསལ་སྟོན་གྱི་ཟླ་བ་བྱེ་བ་བརྒྱ་ཡི་འོད་འཁྲིགས་པ། །བདག་གི་བློ་གྲོས་པདྨོ་རྒྱས་པའི་ཁ་དབྱེའི་ཕྱིར་ནི་བདེ་གཤེགས་འབུམ་གྱི་འཁོར་དང་བཅས། །སྐད་ཅིག་ཡུད་ལ་རྟ་བདུན་ལམ་གང་མགོན་པོ་ཉིད་མཆོད་སྤྲིན་རུམ་འཁྲིགས་པའི་དཔུང་བཀོད་པ། །ཤེས་རབ་སྣང་བས་གསལ་བར་བལྟས་ལ་མཆོད་སྤྲིན་རྒྱ་མཚོས་རབ་ཏུ་མཆོད། །ལྷ་ཡི་དབང་ཕྱུག་པདྨོའི་རིགས། །པདྨ་སྟོང་ལྡན་སྡོང་བུ་འཛིན། །ཕྱོགས་བཅུ་ནས་འོངས་ཕྱོགས་བཅུའི་ཆར། །བཞུགས་བལྟས་དེ་དག་མགོན་མཆོད་བསམ། །ཚངས་དབྱངས་སྣ་ཚོགས་སྐུ་གསུང་ཐུགས་བསྟོད་མཉམ་མེད་ངག་གི་སྐྱོན་བྲལ་བས། །ཡོན་ཏན་ཀུན་བརྗོད་འདོད་པ་དྲག་པོས་ཤིན་ཏུ་གསོལ་བཏབ་གུས་བྱས་ལ། །ཛཿཧཱུཾ་བཾ་ཧོཿས་བདེ་གཤེགས་ས་བོན་ཟླ་འོད་འབར་བ་ལ་བསྟིམ་བྱ། །ཐིམ་གྱུར་རྗེས་ཐོགས་ཐང་ཅིག་དེ་ཉིད་བཅུ་དྲུག་ཕྱེད་ཕྱེད་ཐིག་ལེར་གྱུར། །དེ་ཡང་ཡུད་ཀྱིས་དེ་བཞིན་དུ། །སྤྱན་རས་གཟིགས་དབང་གཞོན་ནུར་གྱུར། །དེ་བཞིན་དེ་ཡི་ཐུགས་ཀར་ཡང༌། །རྒྱལ་བའི་སྙིང་པོ་ཧྲཱིཿ་བསམ་མོ། །དེ་ལས་ཟེར་བསྐྱོད་དད་པའི་ཞགས་སྲ་རྡོ་རྗེའི་ཐིག་གུ་བཞུས་པ་ཡིས། །ཐུབ་དབང་ཐུགས་སྟབས་སྐད་ཅིག་དེ་ལ་ཐུགས་རྗེ་ཆེ་མངའ་ཐུགས་བསྐུལ་གྱུར། །དུས་གསུམ་གཤེགས་པའི་འདྲེན་པས་བྱིན་རླབས་ཕུན་ཚོགས་འོད་ཟེར་དམར་མཛེས་ཞིང༌། །གྱེན་དུ་འགྲེང་ལྟས་སྨིན་མཚམས་མཛོད་སྤུའི་སྒོ་ནས་ཐོགས་མེད་ཏལ་ཕྱིན་ཕྱུང༌། །ཟླ་ཟེར་འདི་ནི་ཉི་མ་ཡི། །ཟེར་ཡིན་དེ་ཡི་ལྕེས་རེག་པས། །སྙིང་གི་འདབ་སྟོང་ཁ་དབྱེ་ཞིང༌། །ཕྱེ་བའི་དབུས་ནི་བསྐྱབ་པའི་སྐུ། །འོད་དཔུང་རྒྱ་མཚོ་གང་པ་འདིས། །ཞག་བཅུ་ཕྲག་གསུམ་ཉིད་ན་དེ། །བློ་ལྡན་ཡིད་ཀྱི་མུན་སེལ་ཞིང༌། །དྲི་མ་མ་ལུས་རྣམ་པར་འཁྲུད། །རྗེས་ལ་དྲང་སྲོང་ཉིད་ཀྱི་སྐུ། །སྡུད་བྱེད་རླུང་གི་ཤུགས་ཅན་གྱིས། །འདབ་སྟོང་བདུད་རྩིའི་བུམ་འཐུང་བ། །ཏིང་ངེ་འཛིན་ཡིན་འཁྲུལ་འཁོར་མཆོག །ཁརས་པཱ་ཎ་པདྨ་ཁ་འབྱེད་ཀྱི་མན་ངག་རྫོགས་སོ།།
| 
