དཔལ་རྡོ་རྗེ་འབར་བའི་བསྲུང་བ་ཆེན་པོའི་མན་ངག།
― DTG073_Page_0336 ―
[མ་དཔེ་གཟིགས་ན་འདིར་གནོན།]
འཕགས་པ་ཐུགས་རྗེ་ཆེན་པོ་ཀུན་ནས་འབར་བའི་མཚན་མ་ཅན་ལ་ཕྱག་འཚལ་ལོ། །ཏདྱ་ཐཱ་ཨོཾ་ཨཱཿཧྲཱིཿབཛྲ་བཛྲོདྦྷ་ཝ་སརྦ་དྷརྨྨ་ནི། སྭ་བྷཱ་བ་རཱུ་པེ་ཏ་གརྦྷ་ཌིཎྜྷ་ཛྭ་ལ་ཛྭལ། པྲ་ཏི་ཛྭ་ལ་པྲ་ཏི་ཛྭ་ལ་ཧ་ན་ཧ་ན་པྲ་ཧ་ན་པྲ་ཧ་ན། སརྦ་ཏ་ཐཱ་ག་ཏོ་ཙིཏྟ་སྠཱི་ར་ཧཱུཾ་ཕཊ། ལྟེ་དབུས་རྟ་བདུན་འབར་བ་ཉིད། །ཧྲཱིཿ་ཡིག་འཕྲོས་པས་མཚམས་བསྒོམས་ལ། །སྤྲོ་དང་བསྡུ་བའི་སྦྱོར་བ་ཡིས། །ཚོགས་རྫོགས་རྡོ་རྗེ་སྒེག་པར་བལྟ། །ཧཱུཾ་བརྗོད་རིམ་གྱིས་འཕེལ་འགྱུར་ཏེ། །ཨ་བརྗོད་བདག་ལུས་བཞུ་བ་ནི། །རྡོ་རྗེ་ལ་བཅུག་ཧོཿ་བརྗོད་པས། །ཀུན་དུ་བསྐོར་ཞིང་སྤང་བར་བྱ། །ལྟེ་བར་ཧཱུཾ་མཚན་རྩ་བ་ཨ་དང་དེ་བཞིན་ཧོ། །ཨ་སོགས་ཀ་སོགས་བདེ་ཆེན་བདུན་པའི་ཡི་གེའང་དེ་མཐར་ཕྲེང་བའི་ཚུལ། །སྔགས་བརྗོད་རབ་ཞི་གདུག་པའི་སེམས་སྐྲག་ཡེ་ཤེས་མེ་ལྕེ་འབར། །མི་བཟད་སྒྲ་གྲག་ནམ་མཁའི་ངོས་ལ་སེར་སྤྲིན་འབྲུག་གི་ང་རོ་བཞིན། །རྣལ་འབྱོར་རྒྱལ་པོ་གཟི་བརྗིད་ཆེ། །ཐུགས་རྗེ་ཁྲོས་པས་དྲག་པའི་ཐུགས། །དཔལ་ལྡན་རྣམ་པར་རྒྱལ་ཕྱག་འཚལ། །དགྲ་གདོན་སྡིག་པ་ཀུན་སེལ་བའོ། །དཔལ་རྡོ་རྗེ་འབར་བའི་བསྲུང་བ་ཆེན་པོའི་མན་ངག་རྫོགས་སོ།།
| 