གཞན་བསྐྱབ་པའི་ཆོ་ག།
― DTG073_Page_0338 ―
[མ་དཔེ་གཟིགས་ན་འདིར་གནོན།]
འཕགས་པ་ཐུགས་རྗེ་ཆེན་པོ་ཐུགས་རྗེ་ཁྲོས་པ་ལ་ཕྱག་འཚལ་ལོ། །མ་ལུས་ཡོན་ཏན་རྒྱ་མཚོའི་མཐས་ཀླས་པས། །འགྲོ་བའི་དོན་དུ་རྨད་བྱུང་ཤིན་ཏུ་གྲགས། །སྟོབས་བཅུ་ལྷ་དང་མི་ལུས་རྣམ་རྒྱལ་བ། །གཙོ་བོ་ཉིད་གཅིག་ཐུགས་རྗེས་ཁྲོས་ལ་འདུད། །སྙིང་རྗེ་ཤེས་རབ་འོད་གསལ་ཤེས་རབ་དག །གཉིས་མེད་གཉིས་སུ་རབ་སྟོན་པ། །དེ་མིང་ཐུགས་རྗེ་ཆེན་པོའོ། །གདུལ་བྱའི་དོན་མཐོང་རང་བཞིན་དང༌། །ཅིག་ཤོས་ཞི་དང་ཞི་བྲལ་དང༌། །གདུལ་བྱ་རྣམས་ཀྱི་དོན་ཕྱིར་ནི། །དཔལ་ལྡན་བཟང་ཁྲོས་པར་སྣང་བ། །ཉིན་མཚན་ཟླ་བ་དཀར་དང་ནག །དུལ་བ་དང་ནི་གདུག་པ་དང༌། །གཉིས་ལ་གཉིས་མཛད་མགོན་པོ་མཆོག །ཆ་ལུགས་གཉིས་ཀྱིས་གཉིས་བྱའོ། །བདག་ཉིད་རྡོ་རྗེ་ཆེན་པོ་ཡི། །བསྲུང་བས་གཟི་བྱིན་བསྐྱེད་པའི་རྗེས། །དེ་ཡི་གནས་དང་ལུས་བསྐྱབ་པའང༌། །ཇི་བཞིན་ཅིག་ཅར་ཐོག་ཐག་བརྟག །ཨོཾ་ཨཱཿཧྲཱིཿཧཱུཾ། ཨོཾ་ཨཱཿཧྲཱིཿཧོ། ཨོཾ་ཨཱཿཧྲཱིཿཧཿ། ཨོཾ་ཨཱཿཧྲཱིཿཕཊ། རྒྱ་གྲམ་གཟུགས་ཀྱིས་བཞད་པའི་ཞལ། །གནམ་ལྕགས་རྒྱུན་སྒྲ་སྔགས་ཀྱི་ལྕེས། །བསྲུང་བ་བྱ་དང་བརླག་བྱ་བ། །མཚན་མའི་རྣལ་འབྱོར་ལས་གཞན་མིན། །གཞན་བསྐྱབ་པའི་ཆོ་ག་རྫོགས་སོ།།
| 