མཚན་ཡང་དག་པར་བརྗོད་པའི་མཎྜལ་གྱི་ཆོ་གའི་རིམ་པ།
འཇམ་དཔལ་བཤེས་གཉེན།
― DTG065_Page_0038 ―
[མ་དཔེ་གཟིགས་ན་འདིར་གནོན།]
འཕགས་པ་འཇམ་དཔལ་ལ་ཕྱག་འཚལ་ལོ། །མཚན་ཡང་དག་པར་བརྗོད་པའི་མཎྜལ་གྱི་ཆོ་གའི་རིམ་པ། ས་འཇམ་པོ་ལ་རིན་པོ་ཆེ་སྣ་ལྔ་བདར་ཏེ་ཙནྡན་གྱི་ཆུས་སྤྲུས་པ་ལ་སྲོག་ཆགས་བསལ་ཏེ་འཐས་པར་བཅགས་ལ་ཁྲུ་གང་གི་ཚད་དུ་བརྐོས་ལ་དངུལ་ལམ་རྡོ་རྒྱུས་ལ་སོགས་པས་བྱུགས་ཏེ། དབྱིབས་མེ་ལོང་གི་གསལ་ངོས་ལྟར་བྱས་ལ། སྭ་རཏྣ་མཎྜ་ལ་ཡེ་ཤེས་མེ་ཏོག་གི་ཚོམ་བུ་ཡང་ཚུལ་དང་མཐུན་པར་མཛེས་པར་བཀྲམ་སྟེ། དྲི་དང་ལྡན་པར་བྱས་ནས་གང་མཁོ་བའི་ཡོ་བྱད་དང༌། མེ་ཏོག་གི་ཚོམ་བུ་དང༌། པདྨའི་གདན་ལ་སོགས་པར་བྱིན་གྱིས་བརླབས་ཏེ། གདན་དང་བཅས་པར་དབུལ་བར་བྱའོ། །མཚན་ཡང་དག་པར་བརྗོད་པའི་མཎྜལ་གྱི་ཆོ་ག །སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།།