དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག།
སུ་ཝཱ་གཱི་ཤྭ་ར་ཀཱིརྟི།

[Full Size]

རྒྱ་གར་སྐད་དུ། ཤྲཱི་བཛྲ་པཱ་ཎི་ནཱི་ལཱཾ་བ་ར་དྷ་ར་དྷཱ་ར་ཎི་ཀལ་པཾ་བ་ལ་ཏི་བི་དྷི་ནཱ་མ། བོད་སྐད་དུ། དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག་ཞེས་བྱ་བ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །སློབ་དཔོན་དང་ནི་སྒྲུབ་པ་པོས། །བསྙེན་པ་དང་ནི་སྒྲུབ་པ་དང༌། །དཀྱིལ་འཁོར་དང་ནི་སྦྱིན་སྲེག་དང༌། །གཞན་ཡང་ལྷ་རྣམས་མཉེས་པ་དང༌། །བགེགས་ཞི་བ་དང་ཉམས་པ་བསྐང༌། །འཁྲུལ་འཁོར་ཚོགས་ཀྱི་འཁོར་ལོ་དང༌། །ཕན་གདགས་པ་དང་ཚར་བཅད་དང༌། །དགར་དང་གསད་དང་དགུག་པ་དང༌། །གཟིར་དང་བཅིངས་དང་མནན་པ་དང༌། །རྒྱས་དང་བསྡུས་དང་ཤིན་ཏུ་བསྡུས། །ཞི་དང་ལོངས་སྤྱོད་འཕེལ་བ་དང༌། །རྒྱས་དང་དབང་

[Full Size]

དང་མངོན་སྤྱོད་ཀྱི། །ལས་རྣམས་ཉེ་བར་འགྲུབ་པ་དང༌། །ཐུན་མོང་མཆོག་དང་དངོས་གྲུབ་དང༌། །བསོད་ནམས་ཆེན་པོ་ཐོབ་བྱའི་ཕྱིར། །ཡར་ངོ་མར་ངོའི་ཚེས་བཅུ་དང༌། །བརྒྱད་དང་བཅུ་བཞི་ཉ་སྟོང་ངམ། །ཡང་ན་རྒྱུན་ནམ་དུས་དྲུག་ཏུ། །རྟག་ཏུ་གཏོར་མའི་ལས་རྣམས་བྱ། །རྩ་བ་ལྔ་དང་ཡན་ལག་ལྔ། །འབྲུ་དང་ཤིང་ཐོག་སྨན་རྣམས་དང༌། །ཆན་ཐུག་ཁུར་བ་དཀར་གསུམ་མངར། །ཤ་ཁྲག་རུས་པ་སྙིང་སྣ་རྣམས། །དགྲའམ་འབྱུང་པོ་བགེགས་ཀྱི་གཟུགས། །སྦྲུལ་དང་སྤལ་ལྕོང་ཉ་ཤ་རྣམས། །དེ་སོགས་དྲག་པོའི་ཐུན་རྫས་སོ། །ཆོ་ག་གསུམ་མམ་སྐད་ཅིག་མས། །འདོད་པའི་ལྷ་རྣམས་བསྐྱེད་བྱས་ལ། །ཚོགས་བསགས་སྔོན་འགྲོ་རྗེས་འཇུག་རྣམས། །བསྙེན་སྒྲུབ་དུས་དང་མཐུན་པར་བྱ། །བདག་མཆོད་ལྷ་རྣམས་མཉེས་བྱའི་ཕྱིར། །མཚན་ལྡན་རྡོ་རྗེ་ཀ་པཱ་ལར། །རྫས་རྣམས་ཀུན་གྱིས་བཀང་བྱས་ཏེ། །ཡ་ལས་རླུང་སྟེ་རཾ་མེ་སྤར། །དེ་སྟེང་ཨ་ལས་ཀ་པཱ་ལར། །དེ་འོག་ཡེ་ཤེས་ལྔ་ལྡན་གསུམ། །གོ་ཀུ་ད་ཧ་ན་ལས་ནི། །ལྕགས་ཀྱུ་ལྔ་པོ་བསྐྱེད་པར་བྱ། །བི་མུ་མ་ར་ཤུ་ལས་ནི། །བདུད་རྩི་ལྔ་ཡི་རང་བཞིན་བསྐྱེད། །དཔའ་བོ་ལྔ་ཡིས་རབ་སྦྱངས་ཏེ། །ཟླ་སྟེངས་ཨོཾ་ལས་རྡོ་རྗེ་ཧཱུཾ། །དེ་གྱུར་རྩེ་ལྔ་དེ་ཉིད་ཅན། །སྔོ་བསྐྱོད་མེ་སྦར་རྫས་རྣམས་བསྐོལ། །འོད་ཀྱིས་རི་བོང་རྩེ་ལྔ་ཞུ། །ཐིམ་པས་བདུད་རྩིའི་ངོ་བོར་གནས། །ཡེ་ཤེས་ལྔ་ཡི་ཡིག་འབྲུ་ལས། །འོད་ཀྱིས་གང་གཱའི་ཀླུང་སོགས་ཀྱི། །བདུད་རྩི་དྲངས་ཏེ་གཉིས་མེད་བསྟིམ། །འབྲུ་གསུམ་སྔགས་ཀྱི་བྱིན་གྱིས་བརླབ། །ལྷག་པའི་ལྷ་དང་བླ་མ་དང༌། །དཀོན་མཆོག་གསུམ་དང་ཆོས་སྐྱོང་རྣམས། །ལྕེ་ཡི་རྡོ་རྗེས་བདུད་རྩི་ལེན། །ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་བ་ལིཾ་ཨི་དཾ་གྲྀ་ཧྞ་གྲྀ་ཧྞ་ཁཱ་ཧི་ཁཱ་ཧི་བྷུཾ་ཛ་ཧོ་བ་ལིངྟ་ཁཱ་ཧི། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤ་ནྣ་ཏྭཱཏ་ཨོཾ་ཨཱཿཧཱུཾ་ཞེས་བསྙེན་པའི་དུས་སུ་དབུལ་ལོ། །དེ་རྗེས་སྒྲུབ་པའི་དུས་དག་ཏུ། །གཏོར་མ་བྱིན་གྱིས་བརླབ་པ་ནི། །ཨ་ལས་བནྡྷའི་ནང་དག་ཏུ། །མཾ་ལས་ཤ་ཡི་ཕུང་པོ་བསྐྱེད། །ཀེཾ་ལས་རུས་པའི་ཕོ་བྲང་ལས། །ར་ལས་རཀྟའི་རྒྱ་མཚོ་བསྐྱིལ། །ཤ་ཁྲག་རུས་པར་བྱིན་བརླབས་ལ། །དུག་གསུམ་དམར་གྱི་མཆོད་པ་འདི། །དྲག་པོའི་སྔགས་ཀྱིས་དབུལ་བར་བྱ། །ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི། མ་མ་སརྦ་ཤ་

[Full Size]

ཏུཾ་ཨ་མུ་ཀའི་མ་ཛྫ་མེ་དཱ་བཱ་ས་མཱཾ་ས་ཛཱི་བཾ་བུ་གཾ་རུ་དྷེ་ར་པྲཱི་ཡ་ཀུ་རུ་བྷཀྵ་ནི་ཨི་དཾ་བ་ལིཾ་གྲི་ཧྞ་གྲྀ་ཧྞ་ཁཱ་ཧི་ཁཱ་ཧི་བྷུཉྫ་ཧོ། རཀྟ་པཱི་བ་ཏ་ཨ་ཏི་ཀྲ་མ་ས་མ་ཡེ་སྭཱ་ཧཱ། ཞེས་སྒྲུབ་པའི་དུས་སུའོ། །ལས་སྦྱོར་དྲག་པོའི་དུས་དག་ཏུ། །གཏའ་ཡི་གཏོར་མ་དབུལ་བ་ནི། །སྤལ་ལྕོང་ཉ་ཤའི་གཏོར་མ་བཤམ། །གཟས་པ་པོ་ཡི་ལིང་ག་ལ། །སྔགས་དང་ཕྱག་རྒྱའི་ཏིང་འཛིན་གྱིས། །རྫུས་སྐྱེས་ཚུལ་དུ་བསྐྱེད་བྱ་སྟེ། །བཀུག་སྟེ་གྲུ་གསུམ་ཁ་བཅད་གཟིར། །འཇིག་རྟེན་འདས་དང་མ་འདས་པའི། །ལས་ཀྱི་གནོད་སྦྱིན་ཚོགས་ལ་དབུལ། །ཡཀྵ་ནཱི་ལཱཾ་པ་ར་དྷ་ར་བཛྲ་པཱ་ཎི་ཧཱུཾ། མ་ཧཱ་ཡཀྵ་སེ་ནཱ་པ་ཏ་ཡེ་ཆེ་གེ་མོའི་སྲོག་ལ་ཤག་ཤག་མ་མ་སརྦ་ཤཏཱུཾ་ཨ་མུ་ཀ་ཞེས་དབུལ་ལོ། །དེ་ནས་བསྟོད་ཅིང་སྨོན་ལམ་བཏབ། །ཐོད་ཆེན་རྔ་བརྡུང་འཕྲིན་ལས་བཅོལ། །རྡོ་རྗེ་སེམས་དཔའི་སྙིང་པོ་ཡིས། །རང་རང་གནས་སུ་གཤེགས་སུ་གསོལ། །གོ་བགོ་ལུས་བསྲུང་བརྟན་པར་བྱ། །རང་ཉིད་ང་རྒྱལ་ཅི་བདེར་གནས། །ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག་ཞེས་བྱ་བ། སློབ་དཔོན་སུ་ཝཱ་གཱི་ཤྭ་ར་ཀཱིརྟིས་མཛད་པ་རྫོགས་སོ།།