སྦྱིན་སྲེག་གི་དུས་སུ་བསྟོད་པ།

---

^{[མ་དཔེ་གཟིགས་ན་འདིར་གནོན།]}

སྦྱིན་སྲེག་གི་དུས་སུ་བསྟོད་པ་ནི། །ཧཱུཾ་གཏུམ་ཆེན་དུས་མཐའི་མེ་ལྟར་འབར། །འོད་ཟེར་ཉི་མ་འབུམ་གྱི་གཟི། །གདུག་པའི་མཚོན་ཆ་སྣ་ཚོགས་བསྣམས། །བདུད་དགྲ་ཁྱོད་ལ་ཕྱག་འཚལ་བསྟོད། །ཅེས་པ་ལ་སོགས་པའོ། །བགེགས་འགུགས་པ་ནི། །ཧཱུཾ་དུས་གསུམ་སངས་རྒྱས་ཐམས་ཅད་ཀྱི།། ཐམས་ཅད་འདུས་པའི་ངོ་བོ་ཉིད། །ཏ་ཀྲྀ་ཏ་བྱ་བའི་ཁྲོ་རྒྱལ་གྱིས། །དེང་གི་དགུག་བྱ་འདིར་ཁུག་ཅིག །ནམ་མཁའ་སྟོང་པ་འགུགས་བྱེད་ན། །གཟུགས་དང་ལྡན་པ་སྨོས་ཅི་དགོས། །སེམས་མེད་རི་བོའང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །རྡོ་རྗེ་འཛིན་པའི་བཀའ་དང་ནི།།

---

^{[མ་དཔེ་གཟིགས་ན་འདིར་གནོན།]}

རང་བཞིན་དག་པའི་སྦྱོར་བ་ཡིས། །བར་དུ་གཅོད་པའི་བགེགས་ཆེན་རྣམས། །ཆེད་དང་དོན་དུ་འདིར་ཁུག་ཅིག །རྣམ་ཐོས་སྲས་ཀླུ་བརྒྱ་དང་བཅས་པ་བགུགས་ན། །ཨོཾ་བཻ་ཤྲ་བ་ཎཱ་ཡ་ཨཱ་ཀཱཪྵ་ཡ་ཧཱུཾ་ཛཿ། ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཨཱ་ཀཱ་ཪྵ་ཡ་ཧཱུཾ་ཛཿ་ཞེས་པའོ།།