དུས་གསུམ་གྱི་སངས་རྒྱས་ལ་བལྟ་བ།
འཇམ་དཔལ་བཤེས་གཉེན།

---

^{[མ་དཔེ་གཟིགས་ན་འདིར་གནོན།]}

འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཚན་ཡང་དག་པར་བརྗོད་པའི་སྒོ་ནས་དུས་གསུམ་སངས་རྒྱས་ལ་བལྟ་བ་ནི། སྙིང་གའི་ཟླ་བའི་རྡོ་རྗེ་ལས་འོད་ཟེར་ཁ་དོག་ལྔ་འཇའ་ཚོན་ལྟ་བུ་ནམ་མཁའི་མཐར་ཐུག་པ་ཐམས་ཅད་སྣང་བས་ཁྱབ་པས་གསལ་བར་བྱས་ལ་བལྟ་བ་དང༌། འཇིག་རྟེན་གྱི་ཁམས་མང་ལ་རྒྱ་ཆེ་བའི་སངས་རྒྱས་ཀྱི་ཞིང་ཁམས་ན་དེ་བཞིན་གཤེགས་པ་དཔག་ཏུ་མེད་པ་མཛད་པ་བཅུ་གཉིས་མཛད་པ་དང༌། ཆོས་ཀྱི་འཁོར་ལོ་བསྐོར་བ་དང༌། མཉམ་པར་གཞག་པ་དང༌། དེ་ལས་ལངས་པ་དང༌། བྱང་ཆུབ་སེམས་དཔས་བསྐོར་བ་དང༌། འཁོར་རྣམ་བཞིས་བསྐོར་བ་དང༌། དེ་བཞིན་གཤེགས་པའི་མཛད་སྤྱོད་དང༌། བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ལ་སེམས་གཏད་ལ་བལྟ་བར་བྱའོ། །དུས་གསུམ་གྱི་སངས་རྒྱས་ལ་བལྟ་བ་རྫོགས་སོ།།