སྡེ་དགེའི་བསྟན་འགྱུར་པོད་དོན་བརྒྱད་པ།

ཨུཎ་ལ་སོགས་པའི་འགྲེལ་པ།

― DTG211_Page_0068 ―

^{[མ་དཔེ་གཟིགས་ན་འདིར་གནོན།]}

ཨུཎ་སོགས་ཀྱི་འགྲེལ་པ་བཞུགས། ༄༅༅། རྒྱ་གར་སྐད་དུ། ཨུ་ཎཱ་དི་བྲྀཏྟི། བོད་སྐད་དུ། ཨུཎ་ལ་སོགས་པའི་འགྲེལ་པ། དཔལ་ངག་གི་དབང་ཕྱུག་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ས་སྟེང་སྒྲ་ཡི་རྒྱུད་རྣམས་ནི། །བྱེད་པའི་ངག་ལ་ཕྱག་བྱས་ཏེ། །བྱིས་པ་བྱེ་བྲག་རྟོགས་པའི་རྒྱུར། །ཨུཎ་ལ་སོགས་རྣམས་སྒྲུབ་བྱེད་འགྱུར། །ཕྱག་བྱས་ཏེ་ཞེས་པ་ལ་སོགས་པ་ནི་བགེགས་ཉེ་བར་ཞི་བའི་ཆེད་དུ། དབྱངས་ཅན་མ་ལ་ཕྱག་བྱ་བའི་ངག་བརྗོད་པས་ཕྱག་བྱས་པ་དེའི་ཕྱིར། ཁྱད་པར་འཕགས་པ་ཅི་ཡོད་ཅེ་ན། ས་སྟེང་སྒྲ་ཡི་རྒྱུད་རྣམས་ནི། །བྱེད་པའོ། །ས་སྟེང་རྣམས་ཀྱི་སྒྲ་རྣམས་ཀྱི་ནི་ས་སྟེང་སྒྲ་རྣམས་ཀྱིའོ། །གང་རྒྱུད་ནི་ངེས་པར་མ་བཅད་པ་རབ་ཏུ་འཇུག་པའོ། །དེ་ལ་བྱེད་པ་ནི་རྒྱུའོ་ཞེས་སོ། །གང་གི་ཕྱིར་ངག་གི་རང་བཞིན་རྟོགས་པར་གྱུར་པ་དེའི་ཕྱིར་དབྱངས་ཅན་མ་ཁོ་ནས་རབ་ཏུ་འགྱུར་རོ། །དབྱངས་ཅན་མ་ཡང་འདིར་ལུས་ལྡན་མ་སྟེ། ཕྱག་བྱ་བ་དེ་ཡིས་མངོན་པར་དགོངས་པའོ། །དབྱངས་ཅན་མ་ལ་བཏུད་ནས་མངོན་པར་འདོད་པའི་བསྒྲུབ་བྱ་ཅི་ཡིན་ཞེ་ན་གསུངས་པ། ཨུཎ་ལ་སོགས་རྣམས་སྒྲུབ་བྱེད་འགྱུར་ཞེས་སོ། །རྐྱེན་གང་རྣམས་ཀྱི་དང་པོ་ཨུཎ་ཡིན་བ་ཞེས་ཚིག་རྣམ་པར་སྦྱར་རོ། །སྒྲུབ་བྱེད་འགྱུར་ནི་འདིས་བྱེད་པར་འགྱུར་ཏེ་ཞེས་བྱེད་པ་པོ་མངོན་པར་འབྲེལ་ལོ། །ཀཱ་རུ་ལ་སོགས་པ་རྣམས་སྒྲ་བྱེ་བྲག་ཏུ་རྟོགས་པར་བྱེད་པ་མ་ཡིན་པ་ཉིད་དོ་ཞེས་ངེས་པ་ཁོ་ནའི་དོན་རྣམས་ལ་རབ་ཏུ་འཇུག་པ་མ་ཡིན་ནམ། འདི་རྣམས་ཀྱི་ཆ་ཤས་ཀྱི་དོན་དུ་བལྟ་བར་བྱ་བ་ཡང་མ་ཡིན་ཏེ། ཇི་ལྟར་བྱེད་པ་པོ་ཞེས་པ་འདིར་བྱེད་པའི་དོན་དང༌། སྒྲུབ་པར་བྱེད་པ་ཡང་རྣམ་པ་གསུམ་དུ་རྟོགས་པར་བྱ་སྟེ་ངེས་པ་མེད་པ་ལ་ཡང་ངོ་ཞེ་ན། དེ་ལྟར་མ་ཡིན་ཏེ། ཀཱ་རུའི་སྒྲ་ལས་བྱེ་བྲག་ཏུ་རྟོགས་པར་

― DTG211_Page_0069 ―

^{[མ་དཔེ་གཟིགས་ན་འདིར་གནོན།]}