དྲག་མོ་ངེ་ནེ་མའི་སྒོ་ནས་དགྲ་ལ་ཆད་པའི་རྣོ་གསུམ་བྱད་མའི་སྲོག་ལ་ཤིན་ཏུ་རྔམས་པ་རྒྱའི་གདམས་པ་གུད་དུ་སྦས་པ།
དྲག་མོ་ངེ་ནེ་མའི་སྒོ་ནས་དགྲ་ལ་ཆད་པའི་རྣོ་གསུམ་བྱད་མའི་སྲོག་ལ་ཤིན་ཏུ་རྔམས་པ་རྒྱའི་གདམས་པ་གུད་དུ་སྦས་པ་རིན་པོ་ཆེ་ཨ་རཱ་གས་སྦྱར་བ་བཞུགས་སོ།།
ན་མོ་པདྨ་ཀཱ་ར་ཡེ། དྲག་མོ་ངེ་ན་མའི་སྒོ་ནས་དགྲ་བགེགས་མྱུར་དུ་སྒྲོལ་བ་ལ། རང་གི་རྟ་ནོར་ཀ་ཆ་ཤོར་བ་དང་། དགྲ་ལ་ལྟས་ངན་དང་ཆོ་འཕྲུལ་སྟོན་པར་འདོད་ན། དམར་གཏོར་དགྲ་བོ་དང་དབྱེར་མེད་པར་བསྒོམས་ལ། ར་ཁྲག་བྱུག་ལ་མདུན་དུ་བཞག །དགྲ་བོ་ཟིན་ལིང་བཟོས་ལ་དམར་གཏོར་མདུན་དུ་བཞག །དམར་གཏོར་དང་དགྲ་བོའི་ཟིན་ལིང་དེ་དགྲ་བོ་དངོས་སུ་དམིགས་ལ། གཏོར་མ་བསང་སྦྱང་། ༀ་ཨ་མྲྀ་ཏེ་ཧཱུཾ་ཕཊ། ཨོཾ་སྭ་བྷ་ཝས་སྦྱངས། སྟོང་པའི་ངང་ལས་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ། དགྲ་བོའི་བླ་སྲོག་རྣམ་པར་ཤེས་པ་དང་དབྱེར་མེད་པར་གྱུར། རང་ཉིད་དབང་ཆེན་འབར་བའི་ཐུགས་ཀའི་ཧཱུྃ་ལས་
འོད་ཟེར་འཕྲོས་པས། རང་བཞིན་གྱི་གནས་ནས་དྲག་མོ་ངེ་ནེ་མ་རང་གི་མདུན་དུ། ཨོཾ་བཛྲ་ས་མཱ་ཛཿ དགྲ་བོ་ལན་གསུམ་འགུགས་གཞུག་བྱས་ལ། ཨོཾ་ར་ལི་པྲ་མ་ཡ་ཛཿ ཨ་ཀ་རོ་ཤམ་བུར་སྔགས་ལན་གསུམ་གྱིས་བྱིན་བརླབས་ལ། ཨོཾ་ར་ལི་པྲ་མ་ཡ་ཛཿ ཤ་ས་ན་དགྲ་བོ་ཨུ་པ་ཧ་རི་ཎི་དགྲ་བོ་ཨེ་ཀ་ཨཱ་པཉྩམ་ཀ་ལོ་ཡཾ་ཨི་དཾ་རཏྣ་ཏྲ་ཡཱ་ཡ༔ ཨ་པ་ཀ་རི་ཎི་དགྲ་བོ་ཡ་ཏི་པྲ་ཏི་ཛ་དགྲ་བོ་མིང་ཤེས་ན་མིང་མཚམས་སུ་བཙུད། སྨ་ར་སི་ཏ་ད་ཨི་དཾ་དུཏྟན་དགྲ་བོ་ཁ་ཁ་ཁཱ་ཧི་ཁཱ་ཧི༔ དགྲ་བོ་མཱ་ར་ཡ་དགྲ་བོ་ཤྲཱིཙྪ་ཧྥས༔ དགྲ་བོ་བྷནྡྷ་བྷནྡྷ༔ དགྲ་བོ་ཧ་ན་ཧ་ན༔ དགྲ་བོ་ད་ཧ་ད་ཧ༔ དགྲ་
བོ་པ་ཙ་པ་ཙ༔ དགྲ་བོ་དེ་ན་མི་ཀི་ནི༔ དགྲ་བོ་མཱ་ར་ཡ་ཧཱུྃ་ཕཊ༔ ཨོཾ་ར་ལི་པྲ་མ་ཡ་ཛཿ དགྲ་བོའི་ཙིཏྟ་ལ་ཁ་ཁ་ཁཱ་ཧི༔ ཨོཾ་ར་ལི་པྲ་མ་ཡ་ཛཿ དགྲ་བོའི་སྲོག་རྩ་ལ་ཁ་ཁ་ཁཱ་ཧི་ཨོཾ་ར་ལི་པྲ་མ་ཡ་ཛཿ དགྲ་བོའི་སྙིང་ཁྲག་ལ་ཁ་ཁ་ཁཱ་ཧི༔ དེ་ནས་མངའ་གསོལ་ནི༔ ཨོཾ་ར་ལི་པྲ་མ་ཡ་ཛཿ རྩ་སྔགས་ཤམ་བུར་དགྲ་བོའི་བླ་སྲོག་རྣམ་པར་ཤེས་པ་དང་དབྱེར་མེད་གྱུར༔ ཨརྒྷཾ༴ སོགས་ནས་ཤབྡའི་བར་གྱིས་མཆོད། བྷྱོ༔ ཕྱོགས་ཕྱོགས་གནས་ཀྱི་བཞུགས་ཡུལ་ནས༔ བདག་ཉིད་དབང་ཆེན་ང་རྒྱལ་གྱི༔ ཐུགས་སྲོག་ཧཱུྃ་ལས་འོད་འཕྲོས་པས༔ སྐད་ཅིག་ཉིད་ལ་གནས་འདི་རུ༔ དམ་ཉམས་དགྲ་བོ་བསྒྲལ་བའི་ཕྱིར༔ དྲག་མོ་ངེ་ནེ་གཤེགས་སུ་གསོལ༔ ཛཧཱུྃ་བཾ་ཧོ༔ དམ་ཡེ་བསྲེས་ལ༔ བརྔན་པའི་དམར་གཏོར་དགྲ་བོ་ཡི༔ བླ་ཚེ་ཟན་ལིང་འདི་བཞེས་ལ༔ བདག་གི་ཀ་ཆ་རྟ་ནོར་དང་༔ རྒྱུ་རྫས་ཁྱེར་བའི་དགྲ་བོ་རྣམས༔ ལོ་དང་ཟླ་བར་མ་བཞག་པར༔ ཞག་དང་ཟ་མར་ནང་ཉིད་དུ༔ བླ་སྲོག་དྲོན་མོ་ཞལ་དུ་གསོལ༔ དོན་སྙིང་དམར་པོ་ཁྱེར་ལ་ཤོག༔ སྲོག་རྩ་དམར་པོ་ཆོད་ལ་ཤོག༔ སྙིང་ཁྲག་དྲོན་མོ་ཕོས་ལ་ཤོག༔ པགས་གཞི་དམར་པོ་རྡོབ་ལ་
ཤོག༔ ནས་བྲེ་གང་གི་རྗེས་འབྲང་མ༔ ནོར་སྲང་གང་གི་རྗེས་གཅོད་མ༔ རྩྭ་འཇག་གཅིག་གི་ཤུལ་སྙོག་མ༔ དམར་གྱི་གཏོར་མ་འདི་བཞེས་ལ༔ སྔོན་ཚེ་སློབ་དཔོན་བཀའ་བཞིན་སྒྲུབས༔ བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་ར་ལི་པྲ་མཱ་ཡ་ཛམ་ཧཱ་པདྨ་ཧུར་ཧུར་བྷྱོ༔ ཨོཾ་ར་ལི་པྲ་མཱ་ཡ་ཛཿ ཨོཾ་མུ་ཏྲ་མུ་ཏྲ་ཡེ་སྲོག་ལ་བྲེང་བྲེང་དབུགས་ལ་ཛ་ཛཿ དགྲ་བོའི་སྙིང་ལ་ལྡིབ་ལྗིབ༔ འབོད་རྦད་བསད་གསུམ་སྔགས་སོ༔ ཨོྃ༔ གནམ་ཆོས་དང་མཐུན་པའི་ཆད་སྔགས་ནི༔ ཨོཾ་ར་ལི་པྲ་མཱ་ཡ་བྷོ་ཛསི་ལི་མ་ནི་ཛ། མ་ཧཱ་པདྨ་ཧུར་ཧུར་བྷོ་བྷོ་རྦད་རྦད༔ དགྲ་ལ་ཆོ་འཕྲུལ་ད་ལྟ་ཉིད་དུ་ཕོབ་ཅིག༔ ཨོཾ་ར་ལི་པྲ་མཱ་ཡེ་ཀཱ་ལི་ཡེ་ཛ་ཛཿ ༈ ཉང་ལུགས་དང་མཐུན་པའི་སྔགས་ནི༔ མ་ཧཱ་པདྨ་ཧུར་ཧུར་བྷྱོ༔ ར་ལི་པྲ་མ་ལི་ས་མ་ཡ་ཛཿ སི་ལི་མ་ནི་ཛཿ མ་ཧཱ་པདྨ་ཧུར་ཧུར༔ དགྲ་ལ་རྒྱུག་རྒྱུག༔ སྲིང་སྲིང་ཧྲིང་ཧྲིང་ཤར་ཤར་ཀྲོ་ཏི་ནི་ལ་ཧུར་ཧུར་ཧཱུྃ་ཧཱུྃ་ཧྲིང་ཧྲིང་༔ ཏྲག་རཀྵ་བྷོདགྲ་ལ་རྒྱུག་རྒྱུག༔ སྲིང་སྲིང་ཤར་ཤར༔ ང་ཡི་ཀ་ཆ་ཁྱེར་ལ་ཤོག༔ དགྲ་ལ་ལྟས་ངན་ཆོ་འཕྲུལ་སྣ་ཚོགས་ད་ལྟ་ཉིད་དུ་ཕོབ་ཅིག༔ བསད་པའི་སྔགས་ནི༔ སྲོག་ལ་ས་མ་ཡ་
ཐུན༔ རཀྵ་ཚྭ་ཤ་ཀུ་རུ་ཐུམ་རྦད༔ རཀྵ་ཁ་ཐུན་བྷྱོ༔ རཀྟ་ཁ་ཐུམ་ཆད༔ ཙ་ལ་ཐུན་བྷྱོ༔ ཙིཏྟ་རྦད་སྙིང་ལ་ཐུན༔ རཀྵ་ཁ་ལ་ཙ་དུན་བྷྱོ༔ ཏི་ཐ་བོ་རིམ་ས་མ་ཡ་དུན་བྷྱོ༔ དགྲ་བོའི་སྲོག་ལ་ཡཾ་མཱ་ར་ཡ་ཐུན་བྷོ་བྷྱོ༔ ཟད་སྔགས་བསད་སྔགས་གཞན་ནས་སབ་པ་ཡིན་ནོ། །ཞེས་པ་དྲག་མོ་ངེ་ནེ་མ་འདི་དགྲ་བོ་བསད་པ་དང་རྟ་ནོར་ཀ་ཆའི་རྗེས་འབྲང་མངོན་རྒྱུག་འདི༔ གཉེར་པ་ཆོས་འཕེལ་གྱི་འོག་རྟ་རྐུན་མས་ཁྱེར་སྐབས་དགྲ་ལ་རྦད་པ་ཞིག་གནང་བ་མཁྱེན་ཞེས་བསྐུལ་བས་ཤིང་སྦྲུལ་བདུད་རྩི་འཁྱིལ་པ་སྨར་པའི་ཉེར་དགུ་ཉི་མ་ནག་ཆེན་རྒྱུ་བའི་ཉིན་སྔགས་འཆང་རཱ་གས་སྦྱར་བའོ། །གཉེར་པའི་རྟ་རྗེས་ལ་ཆད་སྐབས་རྟ་ཡི་རྫོརྫོག་མ་ནས་མེ་འབར་བར་སྣང་། རྐུན་མ་ཡང་བསྔངས་འདར་བྱུང་ངོ་། །རྐུན་མ་ཚང་ལ་ནད་ངན་འཚུབས་ནས་རྟ་ཡང་ཕུལ་ནས་བསྐང་བཤགས་བྱས་པའི་ལོ་རྒྱུས་མང་པོ་ཡོད་པས་ཡི་གེ་མང་དོགས་པས་མ་བྲིས་སོ། །འདི་ཡི་སྒོ་ནས་དགྲ་ལ་རླུང་འཁོར་འཛུགས་ཐབས་ཡོད་པས་གབ་ཏུ་སྦས་སོ། །འདི་ནི་སློབ་མ་གཅིག་བརྒྱུད་མ་གཏོགས་སྣོད་མིན་ལ་མ་སྤེལ་ཅིག །སྤེལ་ན་གཤིན་རྗེའི་ལག་ཏུ་གྲི་བསྐུར་དང་འདྲ་བས་བསད་ངེས་སོ། །རྣམ་སྨིན་སྡིག་སོགས་ཆེ་བའི་ཕྱིར། །གསེར་སྲང་བརྒྱད་ཀྱི་བཀའ་རྒྱ་ཡོད། །གསང་སྔགས་གབ་ཏུ་སྦས་པས་གནད་ཆེན་པོ་གསུམ་ཟབ་བོ། ༈ །དེ་ནས་གཏེར་མ་ཞལ་ཤེས་ལུགས། རྨེ་ཡང་རབ། དེ་ལྟར་མ་བྱུང་ན་ལོ་རྒྱུས་གང་རིན་གྱི་གི་གསུམ་བྱས་ནས་དགྲ་ཕྱོགས་
སུ་འཕང་ངོ་། །འོ་དམ་ཉམས་དགྲ་བོ་ལྷ་མོ་འདིས། །མི་ནོར་ཟས་དང་ཕྲོལ་ལ་ཤོག །ཕོ་རྒྱུད་རྩད་ནས་ཆོད་ལ་ཤོག །མོ་རྒྱུད་མངལ་ནས་སྐེམ་ལ་ཤོག །སྲོག་རྩ་ཆོད་ལ་དོན་སྙིང་ལོངས། །ཕ་ཚན་ནང་འཁྲུག་བྱེད་དུ་ཆུག །ཕུ་ནུའི་ནང་དམེ་བྱེད་དུ་ཆུག །དེ་རིང་ཉིན་གུང་མཚན་གུང་ལ། །དུར་ཁྲོད་བདག་མོ་དགྲ་ལ་ཆོས། །དགྲ་སྲོག་གཅོད་པའི་དུས་ལ་བབ། །དགྲ་དབུགས་ལེན་པའི་དུས་ལ་བབ། །དགྲ་བོ་མི་ནོར་འཁོར་བཅས་རྣམས། །མགོ་འཇུག་ལྡོག་ལ་ས་དང་བསྲེས། །རྗེས་ཤུལ་ཙམ་ཡང་མེད་པར་མཛོད། །མིང་ཡང་མེད་པར་རྡུལ་དུ་རློགས། །བཀའ་ཡི་གཏོར་མ་འདི་ཉིད་དང་། །དགྲ་བོ་དབྱེར་མེད་ཉིད་ཏུ་ཟོ། །བྷྱོ༔ དུར་ཁྲོད་བདག་མོ་འཁོར་བཅས་ཀྱིས། །དགྲ་ལ་དམག་སྣ་ད་དྲོངས་ཤིག །དགྲ་ཡུལ་སེར་བས་ད་ཕུངས་ཤིག །དགྲ་ཁྱིམ་ཐན་གྱིས་ད་ལོངས་ཤིག །དགྲ་ལ་གཟེར་རྒོད་ད་ཐོངས་ཤིག །སྙིང་གི་སྒོ་ང་ད་ཆོག་ཅིག ། སེམས་ཀྱི་མར་མེ་ད་སོད་ཅིག །ལེ་ལེན་དགྲ་ལ་ད་ཐོངས་ཤིག །དགྲ་བོའི་བླ་སྲོག་ཆོམ་གྱིས་འཆོས། །དགྲ་བོའི་སྙིང་ཁྲག་ཧུབ་ཀྱིས་འཐུངས། །གཏོར་མ་འདི་དང་དགྲ་བོ་
གཉིས། །མཉམ་པོར་བཞེས་ལ་མེད་པར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །གཏོར་ཆུང་གི་ཚབ་ཏུ་ཐན་གཟུགས་བྱས་ལ་ འཕེན 
་པ་ཞལ་ཤེས་སོ།། ༈ ཆོ་འཕྲུལ་སྔགས་ནི། །ཧཱུཾ་ར་ལི་པྲ་མ་ཀ་ལི་ཡེ༔ སི་ལི་མ་དགྲ་ལ་རྦད་བྷྱོ༔ མ་ཧཱ་ཀཱ་ལི་པདྨ་ཧུར་ཧུར་ཆད་བྱོ༔ དགྲ་བོ་ཆེ་གེའི་ཡུལ་དུ་རྦད་བྷྱོ༔ དགྲ་བོའི་ཡུལ་དུ་ཆོ་ཆོ་རྒྱུག་རྒྱུག་བྲེང་བྲེང་༔ དགྲ་ལ་ལྟས་ངན་སྣ་ཚོགས་ཐོང་ཡ༔ དགྲ་ལ་དུར་ཧྲིང་རས་ཕོབ༔ ཏི་ཙ་དུན་ཕོབ༔ མ་ར་ལི་པྲ་མ་ཡ་ཛཿ མ་ཧཱ་པདྨ་ཧུར༔ དགྲ་བོ་ཆེ་གེ་མོ་ལ༔ དགྲ་ལ་རྒྱུག་རྒྱུག༔ བྷོ་བྷོ་རྦད་རྦད་སོད་སོད༔ གསུངས་ལས་ང་ནེ་མའི་འུར་རྡོ་ཟོར་
འཕེན ་གྱི་སྐབས་སུ། མན་ངག་ཞལ་ཤེས་ལ། ཨོཾ་ར་ལི་པྲ་མ་ཡ་ཛ་ཛཿ དམ་ཉམས་དགྲ་ལ་རྦད་ཆེད༔ སི་ལི་མ་ནི་ཛཿ མ་ཧཱ་པདྨ་ཧུར་ཧུར༔ ང་ཡི་ཀ་ཆ་ལ་འུར་རྒྱུག༔ ཅེས་བརྒྱ་རྩ་བཟླའོ། །དེ་ལྟར་དམར་གཏོར་ཉེར་གཅིག་ལ་ཁྲག་དང་འོ་མས་བྲན་ལ་ཚར་དགུ་འདོན་ཚར་རེར་བསྐུལ་པ་རེ་རེ་བསྒྲག་ལ། ༈ བསྐུལ་བ་ནི། ཧཱུྃ༔ མ་མོ་ནག་མོ་མཐུ་རྩལ་ཅན༔ མུ་སྟེགས་ལྷ་མོ་རྫུ་འཕྲུལ་བདག༔ ནོར་སྲང་གཅིག་གི་རྗེས་གཅོད་མ༔ ནས་བྲེ་གང་གི་ཕྱིར་འབྲང་མ༔ དཀོར་བདག་ཆེན་མོ་དཀོར་ལ་བརྩེ༔
དཀོར་བདག་ཆེན་མོ་ཁྱོད་སོང་ལ༔ ཆེ་གེའི་མིང་ནས་བོས་ལ་སྐྲ་ནས་འཐེན༔ ལྟས་ངན་ཆོ་འཕྲུལ་སྣ་ཚོགས་ཕོབ༔ ང་ཡི་ཀ་ཆ་ཁྱེར་ལ་ཤོག༔ མ་ཧཱ་པདྨ་ཧུར་ཧུར་བྷྱོ༔ ཞེས་གཏོར་མ་དགྲ་ཕྱོགས་སུ་འུར་རྡོ་བྱས་ནས་འུར་ལྟེབ་ཏུ་བཞག་ལ་འཕང་༔ འདོང་ངོ་སྙིང་ཨེ་རྗེ༔ དཀོར་བདག་གི་སྣང་སྲིད་ཀྱི་ལྷ་འདྲེ༔ ང་ཡི་ཟས་ནོར་ཁྱེར་མི་ཡི་དགྲ་བོ་ཕོ་རྒྱུད་མོ་རྒྱུད་ལ་མི་རུང་བའི་ལྟས་ངན་སྣ་ཚོགས་ཐོང་༔ ཝ་མོ་སྤྱང་མོ་ལ་ཞོན་པ་དྲེད་མོང་འཕར་བ་ལ་ཞོན་པ་སྤེལ་རི་བོང་ལ་ཞོན་པའི་ཐན་ལྟས་ངན་པ་སྣ་ཚོགས་ཐོང་༔ ལུས་སེམས་དཀྲུག་བླ་ཡིད་ཕྲོལ༔ མུ་སྟེགས་ལྷ་མོ་མཐུ་མ་ཆུང་༔ རྩལ་མ་ཞན༔ ལས་མྱུར་དུ་གྱིས་ལ༔ མ་ཧཱ་པདྨ་ཧུར་ཧུར༔ ཀྲོ་དྷ་ཏ་ན་ཏི༔ ཧུར་ཧུར་ཛ་ནི་ལི་མི༔ ལི་སི་བྷོ་བྷྱོ༔ ཧུར་ཧུར༔ མ་པད་ཧྭ་མ་ཡ༔ མ་པྲ་ལི་ར༔ མ་ར་ལི་པྲ་ཏི་ཛ་ཛཿ མ་ཧཱ་པདྨ་ཧར་ཧར༔ ཀྲོ་དྷ་ནི་ལ་ཧུར་ཧུར༔ བྷོ་བྷྱོ༔ རྒྱུག་རྒྱུག༔ སྲིང་སྲིང་༔ ཤར་ཤར༔ ང་ཡི་ཀ་ཆ་ཁྱེར་མའི་སྟེང་དུ་རྒྱུག༔ ཅེས་གནད་ནས་སྐྱེས་པ་འདི་ཡིན། འུར་རྡོ་ཟོར་ འཕེན ་གྱི་ཞལ་ཤེས་ཟུར་གབ་ཡིན། ཨ་རཱ་གས་སྦྱར་བའོ།། །ཉམས་ལེན་མེད་པའི་དམིགས་རིམ་དེ། །སྨྱོན་པའི་ལག་གི་གྲི་མཚོན་འདྲ།།
༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།