ནོར་རྒྱུན་མའི་སྒྲུབ་ཐབས།
རྒྱ་གར་སྐད་དུ། བ་སུ་དྷཱ་ར་སཱ་དྷ་ནཾ། བོད་སྐད་དུ། ནོར་རྒྱུན་མའི་སྒྲུབ་ཐབས། ནོར་རྒྱུན་མ་ལ་ཕྱག་འཚལ་ལོ། །སྔར་བཞིན་དུ་སྟོང་པ་ཉིད་ཀྱི་བར་དུ་རྣམ་པར་བསྒོམས་ལ། སྐད་ཅིག་གིས་ཛམྦྷ་ལའི་གཟུགས་སུ་བདག་ཉིད་བསྒོམས་ཏེ། རང་གི་སྙིང་གར་ཟླ་བའི་དཀྱིལ་འཁོར་གྱི་དབུས་སུ་ཡི་གེ་བཾ་གྱི་ས་བོན་ལས་ངེས་པར་བྱུང་བའི་བཅོམ་ལྡན་འདས་མ་ནོར་རྒྱུན་མ་བསྒོམ་པར་བྱ་བ་ནི་གསེར་གྱི་མདོག་ཅན། རྒྱན་མཐའ་དག་དང་ལྡན་པ། ལོ་བརྒྱད་པ་གཉིས་ཀྱི་ཚད་དུ་གྱུར་པ། ཕྱག་གཡས་པས་མཆོག་སྦྱིན་པར་མཛད་པ། ཕྱག་གཡོན་པས་ འབྲས་ཀྱི་སྙེ་མའི་དྲུངས་པ་མཆོག་བསྣམས་པ། མི 
་བསྐྱོད་པ་དང་ལྡན་བའོ། །མདུན་ན་ནི་བཅོམ་ལྡན་འདས་མ་དཔལ་གྱི་ནོར་རོ། །གཡས་ཕྱོགས་ན་ནི་ནོར་གྱི་དཔལ་ལོ། །རྒྱབ་ན་ནི་ནོར་དཔལ་གྱི་ཞལ་ལོ། །གཡོན་ན་ནི་ནོར་དཔལ་གྱི་བློ་གྲོས་མའོ། །དེ་དག་ཀྱང་ས་བོན་རང་གི་དང་པོའི་ཡི་གེ་ལས་གཙོ་མོ་དང་མཚུངས་པའི་གཟུགས་སུ་བསམ་པར་བྱ་བའོ། །དེ་ལྟར་རྣམ་པར་བསྒོམས་ལ། སྔགས་ལེགས་པར་བགྲང་བར་བྱ་སྟེ། ཨོཾ་བ་སུ་དྷཱ་ར་ཎི་སྭཱ་ཧཱ་ཨོཾ་ཤྲཱི་བ་སུ་སྭཱ་ཧཱ། ཨོཾ་ཤྲཱི་བ་སུ་མུ་ཁི་སྭཱ་ཧཱ། ཨོཾ་བ་སུ་མ་ཏི་ཤྲི་ཡེ་སྭཱ་ཧཱ། ཉི་མ་རེ་རེ་བཞིན་དུ་བ་ལང་གི་ལྕི་བ་ཁྲུ་གཉིས་ཙམ་གྱི་ཚད་ཀྱི་མཎྜལ་གྲྭ་བཞི་པ་བྱས་ལ། མེ་ཏོག་དྲི་ཞིམ་བོས་ཐུན་ཚོད་གསུམ་དུ་ལེགས་པར་མཆོད་དེ། འབུམ་ཕྲག་བཞི་བཟླས་པ་བྱས་ལ། མེ་ཏོག་དྲི་ཞིམ་
པོས་ཐུན་ཚོད་གསུམ་དུ་ལེགས་པར་མཆོད་དེ། འབུམ་ཕྲག་བཞི་བཟླས་པ་བྱས་པས་ཟླ་བ་དྲུག་ན་ཡིད་ལ་རེ་བ་རྣམས་ཡོངས་སུ་རྫོགས་པར་འགྱུར་རོ། །ཇི་ལྟར་རྙེད་པར་གྱུར་པའི་མེ་ཏོག་རྣམས་ཀྱིས་འབུམ་ཕྲག་བཞིའི་སྦྱིན་སྲེག་བྱ་བའོ། །སྦྱིན་སྲེག་བྱས་བས་ནི་དཔལ་ཤིན་ཏུ་ཆེན་བོ་དང་ལྡན་པར་འགྱུར་རོ། །ནོར་རྒྱུན་མའི་སྒྲུབ་ཐབས་རྫོགས་སོ། །མཁས་པ་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །