ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཅེས་བྱ་བ་ལས། རྣམ་པ་ཐམས་ཅད་མཁྱེན་པའི་སྐབས་ཏེ་དང་པོ།
འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པའི་བཤད་པ་ཞེས་བྱ་བ་བཞུགས་སོ། །
རྒྱ་གར་སྐད་དུ། པཉྩ་བིཾ་ཤ་ཏི་སཱ་ཧ་སྲི་ཀཱ་པྲཛྙཱ་པཱ་ར་མི་ཏཱ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པ། དུམ་བུ་དང་པོ། བམ་པོ་ཐོག་མའོ། །ཉན་ཐོས་ཞི་བ་ཚོལ་རྣམས་ཀུན་ཤེས་ཉིད་ཀྱིས་ཉེར་ཞིར་ཁྲིད་མཛད་གང་ཡིན་དང༌། །འགྲོ་ལ་ཕན་པ་བྱེད་རྣམས་ལམ་ཤེས་ཉིད་ཀྱིས་འཇིག་རྟེན་དོན་བསྒྲུབ་མཛད་པ་གང༌། །གང་དང་ཡང་དག་ལྡན་པས་ཐུབ་རྣམས་རྣམ་པ་ཀུན་ལྡན་སྣ་ཚོགས་འདི་གསུང་བ། །ཉན་ཐོས་བྱང་ཆུབ་སེམས་དཔའི་ཚོགས་བཅས་སངས་རྒྱས་ཀྱི་ནི་ཡུམ་དེ་ལ་ཕྱག་འཚལ། །རྣམ་པ་ཐམས་ཅད་མཁྱེན་ཉིད་ལམ། །སྟོན་པས་འདི་ལས་བཤད་པ་གང༌། །གཞན་གྱིས་མྱོང་བ་མ་ཡིན་གྱི། །ཆོས་སྤྱོད་བཅུ་ཡི་བདག་ཉིད་ཀྱི། །མདོ་དོན་དྲན་པ་ལ་བཞག་ནས། །བློ་དང་ལྡན་པས་མཐོང་འགྱུར་ཕྱིར། །བདེ་བླག་ཏུ་ནི་རྟོགས་པ་ཞེས། །བྱ་བ་རྩོམ་པའི་དགོས་པ་ཡིན། །
འདི་སྐད་བདག་གིས་ཐོས་པ་དུས་གཅིག་ན། དེ་ནས་ཕྲེང་གཅིག་སོང་བ་ན། ཉོན་མོངས་པ་མེད་པ། རྫུ་འཕྲུལ་དང༌། དབང་པོ་དང༌། ཏིང་ངེ་འཛིན་དང༌། ཤེས་རབ་དབང་བ་བཞི། སྣོད་བཅུད་དང༌། སྤྱོད་ལམ་དང༌། སེམས་དང༌། ཉོན་མོངས་ལས་དང༌། རྣམ་སྨིན་གྱི་འཆིང་བ་ལས་གྲོལ་བ་ལས་དབང་དུ་གྱུར་པ། སྲེད་པའི་ཕྱོགས་ཀྱི་ཉོན་མོངས་ལས་སེམས་ཤིན་ཏུ་རྣམ་པར་གྲོལ་བ། མ་རིག་པ་ལ་ཤེས་རབ་ཤིན་ཏུ་རྣམ་པར་གྲོལ་བ། སྡུག་བསྔལ་དང༌། འཇིགས་པ་དང༌། འཇིག་རྟེན་གྱི་ཆོས་དང༌། མ་རིག་པའི་བག་ཚ་བ་མེད་པས། ཅང་ཤེས་པ་ཁྱད་པར་དུ་འཕགས་པའི་ཆོས་རིགས་པ་གསུམ་ལ་སོགས་པ། ཉིད་པས་གླང་པོ་ཆེན་པོ། བསླབ་པ་གསུམ་རྫོགས་པས། སྡུག་བསྔལ་ཐམས་ཅད་ལས་རྣམ་པར་གྲོལ་བ་ནི་བྱ་བའི་གཙོ་བོ་སྟེ། དེ་བྱས་པ། འདོད་པ་ཆུང་བ་ལ་སོགས་པ་ཞར་ལ་བྱ་བ་ནི་བྱེད་པ་སྟེ། དེ་བྱས་པ་བདེན་གཞི་ཤེས་པ་ལ་སོགས་པས་ཕུང་པོ་དང༌། ཉོན་མོངས་དང༌། དམ་པའི་བརྩོན་འགྲུས་ཀྱིས་ཁུར་སྟེ་ཁུར་བོར་བ། གནོད་པ་སྤང་བ་དང་དོན་ཐོབ་པས་རང་གི་དོན་རབ་ཏུ་ཐོབ་པ། སྲིད་པར་སྐྱེ་བའི་རྒྱུའི་ཀུན་ཏུ་སྦྱོར་བ་དགུ་པོ་རྣམས་ཡོངས་སུ་ཟད་པ། ཡང་དག་པའི་ལྟ་བ་གོམས་པས་བཀའ་ཡང་དག་པས་སེམས་ཤིན་ཏུ་རྣམ་པར་གྲོལ་བ། བསམ་གཏན་དང་ཏིང་ངེ་འཛིན་ལ་དབང་ཐོབ་པས་སེམས་ཀྱི་དབང་ཐམས་ཅད་ལ་ཕ་རོལ་ཏུ་ཕྱིན་པའི་མཆོག་ཐོབ་པ་ཤ་སྟག་སྟེ། དེ་ནས་ཕྲེང་གཉིས་ན། མང་བ་ཀུན་ཀྱང་ཆོས་མྱ་ངན་འདས་པ་མངོན་དུ་མཐོང་བ་ཤ་སྟག་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཁམས་གཞན་ཐམས་ཅད་ནས་འདུས་པས་ཤིན་ཏུ་མང་བའི་ཕྱིར་ཚད་མེད་གྲངས་མེད་པ་ཐམས་ཅད་ཀྱང་བཟོད་པ་ཐོབ་པའི་རྒྱུར་གྱུར་པ་དང༌། གསང་སྔགས་ཀྱི་དང༌། ཆོས་ཀྱི་དང༌། དོན་གྱི་གཟུངས་ཏེ། གཟུངས་བཞི་པོ་རབ་ཏུ་ཐོས་པས་དཔའ་བར་འགྲོ་བ་ལ་སོགས་པའི་ཏིང་ངེ་འཛིན་རབ་ཏུ་ཐོབ་པ། སྟོང་པ་ཉིད་ཀྱི་ཏིང་ངེ་འཛིན་གྱིས་རྣམ་པར་སྤྱོད་པ། མཚན་མ་མེད་པའི་སྤྱོད་ཡུལ་ཅན། རྟོག་པ་མེད་པའི་སྨོན་ལམ་ལྡན་པ། དེ་བཞིན་ཉིད་དུ་ཟད་པའི་འདིར་དོན་དམ་གཞན་སྟོང་གི་ཆོས་ཐམས་ཅད་སེམས་ཅན་གྱི་དོན་དུ་འཁོར་ལོས་སྒྱུར་བའི་རྒྱལ་སྲིད་བྱེད་ཅིང་འདོད་པ་ལ་སྤྱོད་ལ་ཡོ་བྱད་ཕུན་སུམ་ཚོགས་སོགས་བྱང་ཆུབ་ཀྱི་ཕྱོགས་ཀྱི་ཆོས་དང༌། དེ་བཞིན་ཉིད་བསྒོམ་པ་དེ་དག་ལ་ཆགས་པ་མེད་པའི་གཟུངས་རབ་ཏུ་ཐོབ་པ། ཆོས་བསྟན་པ་ཟད་མི་ཤེས་པ་ལ་རིག་པ་བཞིའི་ཚུལ་ཁོང་དུ་ཆུད་པ། ཆེན་པོ་དྲུག་གི་རྣམ་པར་བརྩེ་བ་ཤེས་པ་དྲུག་ཤིན་ཏུ་མ་ཉམས་པ། ཆོས་ལ་བསྐུལ་བས་མཉན་པར་འོས་པའི་ཚིག་དང་ལྡན་པ། ཕྲེང་གཅིག་ན། བཀུར་སྟིའི་སེམས་མེད་པའི་བཀུར་ལ་མི་ལྟ་བར་ཕན་གདགས་པའི་ཕྱིར་ཆོས་སྟོན་པས་ཟང་ཟིང་མེད་པའི་ཆོས་སྟོན་པ། ཆོས་ཟབ་མོ་ལ་མི་སྐྲག་པས། ཆོས་ཟབ་མོའི་བཟོད་པ་དམ་པ་རྟོགས་པར་ཁོང་དུ་ཆུད་པ། འཁོར་གྱི་ནང་དུ་མི་ཤེས་པ་དང༌། ཉོན་མོངས་པ་ལས་བྱུང་བའི་འཇིགས་པ་མེད་པས་མི་འཇིགས་པ་ཆེན་པོ་ཐོབ་པ། བདེ་འགྲོ་དང་ངན་འགྲོར་སྨིན་པར་འགྱུར་བའི་ལས་ཀྱི་སྒྲིབ་པ་རྒྱུན་ཆད་པ། བྱང་སེམས་དེ་དག་གི་ཤེས་པ་དང༌། བསམ་པ་དང༌། སྤྱོད་ཡུལ་རྣམས་ཉན་ཐོས་དང༌། ཕུང་པོ་ལ་སོགས་པའི་ཆོས་ཐམས་ཅད་རབ་ཏུ་རྟོགས་པས་རྣམ་པར། སྔོན་བསྐལ་པ་གྲངས་མེད་པ་ནས། གནས་སྐབས་ཐམས་ཅད་དུ་བཞིན་འཛུམ་པ་དང་ལྡན་པ། སྔོན་དུ་གསོང་པོར་སྨྲ་བ། ཡིད་མི་བདེ་བ་མེད་པས་བཞིན་ཁྲོ་གཉེར་མེད་པ། སངས་རྒྱས་ཀྱི་ཞིང་དུ་གཤེགས་པའི་ལམ་དུ་བདག་ཉིད་དང་སྤྲུལ་པས་ཕ་རོལ་ལ་ཚིགས་སུ་བཅད་པའི་དབྱངས་སུ་ཆོས་བརྗོད་ཅིང་རྒྱལ་བ་རྣམས་ལ་ཚིགས་བཅད་ཀྱི་བསྟོད་པ་ལ་མཁས་པ། དབང་བཅུ་ཐོབ་པའི་དུས་ཐམས་ཅད་སྤོབས་པ་རྒྱུན་མི་ཆད་པ། འཁོར་གང་དུ་འགྲོ་བ་ལ་བག་ཚ་བ་མེད་པས་འཁོར་མཐའ་ཡས་པ། སྟོན་པ་འདིས་སྐར་རྒྱལ་བསྟོད་པས་བསྐལ་པ་དགུའི་ཚོགས་འདུམ་པ་ལྟ་བུ་བརྩོན་འགྲུས་ཆེར་བརྩམས་པས་བསྐལ་པ་བྱེ་བ་མཐའ་ཡས་པར་བསྟན། ཡེ་ཤེས་ཀྱི་ངེས་པར་འབྱུང་བ་ལ་མཁས་པ། ཆོས་ཐམས་ཅད་རྣམ་པར་འབྱེད་པའི་ཏིང་ངེ་འཛིན་ཐོབ་པས། ཆོས་ཐམས་ཅད་སྒྱུ་མ་དང༌། ཕྲེང་གཉིས་ན། ལྡན་པ། ཟབ་ཅིང་ཕྲ་བ་རྣམས་ཀྱང་རྟོགས་ནུས་པས་བཟོད་པ་རླབས་པོ་ཆེ། ཐམས་ཅད་ཀྱི་དེ་བཞིན་ཉིད་མཉམ་པ་ཉིད་དུ་རྟོགས། ཟབ་མོ་རྟོགས་དང་ལྡན་པས་དེ་དག་གི་སེམས་གཏིང་དཔག་དཀའ་བ། རང་གི་སེམས་ཉོན་མོངས་ཀྱི་དབང་དུ་མི་འགྱུར་བས་དེ་ལ་དབང་རབ་ཏུ་ཐོབ་པ། ཆོས་ཐམས་ཅད་རང་གི་སེམས་ཀྱི་ཅི་འདོད་པ་བསྒྱུར་ནུས་པས་དེ་ལ་དབང་ཤིན་ཏུ་ཐོབ་པ། བརྟེན་པ་སྟེ་རྟེན་ཅིང་འབྲེལ་བར་འབྱུང་བ་བཅུ་གཉིས་གཞན་གྱིས་རྟོགས་པར་བྱ་བའི་ཕྱིར་བསྟན་པ་ལ་མཁས་པ། རྟེན་ཅིང་འབྲེལ་བར་འབྱུང་བའི་ཚུལ་སྐྱེ་འགག་མེད་པས་ཟད་མི་ཤེས་པ་ལ་ཞུགས་པ། ལྟ་བ་ལྔ་དང༌། བག་ལ་ཉལ་བ་བདུན་དང༌། ཀུན་ནས་ལྡང་བ་བརྒྱད་པོ་ཐམས་ཅད་དང་གྲལ་བ། གནས་ཀྱི་ལས་དང་ཉོན་མོངས་པ། བདེན་པ་བཞི་པོ་རབ་ཏུ་རྟོགས་པ། ལུང་གི་ཆོས་ཀྱི་ཚུལ་བསྟན་པ། གདུལ་བྱའི་བདག་ཉིད་ཇི་ལྟ་བ་བཞིན་དུ་ཁོང་དུ་ཆུད་དེ་ལམ་གྱིས་གཟུང་བར་བྱ་བ་ལ་མཁས་པ། བདེ་བ་ཅན་དང༌། པད་མ་ཅན་ལ་སོགས་པའི་སངས་རྒྱས་ཀྱི་ཞིང་མཐའ་ཡས་པ། སྔོན་སངས་རྒྱས་རྗེས་སུ་དྲན་པ་བསྒོམས་པས་འཇིག་རྟེན་གྱི་ཁམས་གྲངས་མེད་པ་ན་བཞུགས་པའི། བྱུང་བ་ཐམས་ཅད་ཀྱི་དྲུང་དུ་ཉེ་བར་འགྲོ་བ་དཔག་ཏུ་མེད་པ་ལ་ཆོས་གསུངས་པ་དང༌། མྱ་ངན་ལས་མི་འདའ་བར། གསོལ་བ་བཏབ་པར་བྱ་བ་ལ་མཁས་པ། ཏིང་ངེ་འཛིན་གྱི་མཐུས་ཇི་ལྟར་འདོད་པ་བཞིན་བྱིན་གྱིས་བརླབས་པས། ཏིང་ངེ་འཛིན་བརྒྱ་སྟོང་མངོན་པར་བསྒྲུབ་པ་ལ། ཕྲེང་དྲུག་ན། དེ་ནས་དེའི་ཚེ་བཤད་པ་འདི་ཐུན་མོང་མ་ཡིན་པར་བསྟན་པ་དང༌། འཁོར་རྣམས་གདུལ་བྱའི་ཕྱིར། བཅོམ་ལྡན་འདས་ཉིད་ཀྱིས་ཉིད་ཀྱི་གདན། དེ་ནས་ཤོག་གུ་ཉི་ཤུ་རྩ་བདུན་ན། གླེང་གཞིའི་ལེའུ་སྟེ་དང་པོའོ།། །།
ཤེས་རབ་ཕ་རོལ་ཕྱིན་པ་ནི། །དངོས་པོ་བརྒྱད་ཀྱིས་ཡང་དག་བཤད། །རྣམ་ཀུན་མཁྱེན་ཉིད་ལམ་ཤེས་ཉིད། །དེ་ནས་ཐམས་ཅད་ཤེས་པ་ཉིད། །རྣམ་ཀུན་མངོན་རྫོགས་རྟོགས་པ་དང༌། །རྩེ་མོར་ཕྱིན་དང་མཐར་གྱིས་པ། །སྐད་ཅིག་གཅིག་མངོན་རྫོགས་བྱང་ཆུབ། །ཆོས་ཀྱི་སྐུ་དང་དེ་རྣམས་བརྒྱད། །དེའི་ཚེ་དེ་ལྟར་བཅོམ་ལྡན་འདས་ཀྱིས་འཇིག་རྟེན་ལྷ་དང་བཅས་པ། ཕྲེང་གཉིས་ན། བཀའ་སྩལ་པ། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །དེ་དང་དེ་ནི་མདོ་བཞིན་དུ། །བསྡུས་དང་། ཤཱ་ར་དྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་སྙེད་ཡོད་པའི་ཆོས་ཐམས་ཅད་རྣམ་པ་ཐམས་ཅད་དུ་ཇི་ལྟ་བ་བཞིན་དུ། མངོན་པར་རྫོགས་པར་འཚང་རྒྱ་བར་འདོད་པས་གཞི་ལམ་འབྲས་བུའི་ཤེས་རབ་ཀྱི་ཕ་རོལ་ཏུ་ཕྱིན་པ་བརྩོན་པར་བྱའོ། །འདིའི་མཐར་གསུངས་པའི་དོན་བདུན་ཅུའི་ཚིག་རྣམས་ནི་དོན་དེ་དང་དེ་རྣམས་རྫོགས་པའི་མཐར་ཕྱིན་པར་འགྱུར་རོ། །ཆོས་ཐམས་ཅད་ཅེས་བྱ་བ་ལ་ཆོས་ནི་རྣམ་པ་གཉིས་ཏེ། ཀུན་བརྟགས་པའི་ཆོས་རྣམས་དང་ཡོངས་སུ་གྲུབ་པའི་ཆོས་རྣམས་སོ། །རྣམ་པ་ཐམས་ཅད་དུ་ཞེས་བྱ་བ་ལ་རྣམ་པ་ནི་གཉིས་ཏེ། ཀུན་རྫོབ་ཀྱི་རྣམ་པ་དང༌། དོན་དམ་པའི་རྣམ་པའོ། །མངོན་པར་རྫོགས་པར་བྱང་ཆུབ་པར་འདོད་པས་ཞེས་བྱ་བ་ལ་མངོན་པར་རྫོགས་པར་བྱང་ཆུབ་པ་ནི་རྣམ་པ་གཉིས་ཏེ། ཐམས་ཅད་ཤེས་པ་ཉིད་ཀྱི་ཡེ་ཤེས་དང༌། རྣམ་པ་ཐམས་ཅད་མཁྱེན་པའི་ཡེ་ཤེས་སོ། །དེ་ལ་ཀུན་བརྟགས་པའི་ཆོས་འཇིག་རྟེན་གསུམ་དུ་གཏོགས་པ་དང༌། གསུམ་དུ་གཏོགས་པ་རྣམས་ནི་འཇིག་རྟེན་པའི་ཀུན་རྫོབ་ཀྱི་རྣམ་པ་ཐམས་ཅད་དུ་ཐམས་ཅད་ཤེས་པ་ཉིད་ཀྱི་ཡེ་ཤེས་ཀྱིས་མངོན་པར་བྱང་ཆུབ་པའོ། །ཡོངས་སུ་གྲུབ་པའི་ཆོས་རྣམས་ནི་འཇིག་རྟེན་ལས་འདས་པ་སྐྱེ་བ་མེད་པ་དང༌། འགག་པ་དང༌། གཟོད་མ་ནས་ཞི་བ་དང༌། རང་བཞིན་གྱིས་ཡོངས་སུ་མྱ་ངན་ལས་འདས་པ་དང༌། དངོས་པོ་མེད་པའི་ངོ་བོ་ཉིད་དང༌། སྟོང་པ་ཉིད་ལ་སོགས་པ་རྣམ་པར་རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་ཀྱིས་མངོན་པར་རྫོགས་པར་བྱང་ཆུབ་སྟེ། ཞེས་ཀུན་མཁྱེན་གཉིས་པས་གསུངས་ཤིང༌། འབུམ་ཏིག་ལས་ཀྱང༌། དེ་དང་མཐུན་པར་གསུངས་ལ་སྙིང་པོའི་མདོ་བཅུ་ལ་སོགས་པ་དང༌། སེམས་འགྲེལ་སྐོར་གསུམ་ལ་སོགས་དང་ཡང་ཤིན་ཏུ་མཐུན་ནོ། །རྒྱས་པའི་སྒོ་ནས་བརྗོད། །ཅེས་བཀའ་སྩལ་པ་དང༌། ཚེ་དང་ལྡན་པ་ཤཱ་ར་ཏྭ་ཏིའི་བུས། ཕྲེང་ཕྱེད་དང་བཞི་ན། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ། །ལྟུང་བ་དང་མི་ལྟུང་བ་བྱ་བ་མེད་པའི་ཕྱིར། འཁྲུག་པ་མེད་པའི་ཕྱིར། ལུས་དང་སེམས་ཀྱི་བརྩོན་འགྲུས་ཉམས་པ་མེད་པའི་ཕྱིར། རོ་མྱོང་བ་མེད་པའི་ཕྱིར། ཆོས་ཐམས་ཅད་མི་དམིགས་པའི་ཕྱིར། ཞེས་པ་ནི། གང་གིས་དེ་བཞིན་ཉིད་ཙམ་དུ་མཐོང་བས་ནི་འཇིག་རྟེན་པའི་ཀུན་བཏགས་པའི་ཆོས་ཐམས་ཅད་མི་དམིགས་ལ་འཇིག་རྟེན་ལས་འདས་པ་ལ་ཡང་མི་རྟོགས་ཏེ། ཞེས་དབུ་མ་པ་གསུངས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ཞེས་བྱ་བར་སྦྱར་བས་དམིགས་སུ་མེད་པའི་ཚུལ་གྱིས་སྒོམ་པར་བྱེད། ཅེས་བྱ་བར་ཤེས་པར་བྱའོ། །ཞེས་དབུ་མ་པ་གསུངས། དྲན་པ་མི་དམིགས་པའི་ཕྱིར། འཕགས་པའི་ཡན་ལག་བརྒྱད་པ་ཡོངས་སུ་རྫོགས་པར་བྱའོ། །སྟོང་པ་ཉིད་ཀྱི་ཏིང་ངེ་འཛིན་ནི། ཞེས་པ་ནི། ཡོངས་སུ་གྲུབ་པའི་མཚན་ཉིད་ཀུན་བརྟགས་པའི་མཚན་ཉིད་སྟོང་པ་ལས་ཀུན་བརྟགས་པའི་རྣམ་པ་དེས་ཞེས་སྟོང་པའི་རྣམ་པར་བསྒོམས་པ་ན་སེམས་རྩེ་གཅིག་པ་ཉིད་དུ་གྱུར་པ་ལ་སྟོང་པ་ཉིད་ཀྱི་ཏིང་ངེ་འཛིན་ཞེས་བྱའོ། །བརྗོད་དུ་མེད་པའི་དོན་དམ་པ་དེ་བཞིན་ཉིད་ནམ་མཁའ་བཞིན་དུ་གཟུགས་ལ་སོགས་པའི་མཚན་མ་ཐམས་ཅད་དང་བྲལ་མཚན་མའི་རྣམ་པ་མེད་པའི་མཚན་ཉིད་སྤྲོས་པ་ཐམས་ཅད་ཉེ་བར་ཞི་བ་ཡིན་པས་ཞི་བའི་རྣམ་པར་སྒོམ་པ་ན་སེམས་རྩེ་གཅིག་ཏུ་གྱུར་པ་ལ། འཛིན་དང༌། མཚན་མ་མེད་པའི་ཏིང་ངེ་འཛིན་དང༌། ཞེས་བྱའོ། །དེ་བཞིན་དུ་ཁམས་གསུམ་པོ་རྣམས་དངོས་པོ་མེད་པའི་ངོ་བོ་ཉིད་ཀྱི་རྣམ་པར་གཟིགས་པས། ཆོས་ཐམས་ཅད་ལ་མི་མཐུན་པའི་འདུ་ཤེས་ཉེ་བར་བཞག་ནས་ཕྱི་མ་འབུམ་ཏིག་གིས་མཐུན་པར་གསུངས་པ་སྟེ། ཡོངས་སུ་རྫོགས་པར་བྱའོ། །ཟས་ལ་མི་མཐུན་པའི་འདུ་ཤེས་བསྒོམ་པར་བྱའོ། །ཕྲེང་ཕྱེད་ལྔ་ན། སྒྲ་ཇི་བཞིན་བསྒོམ་པ་ཤེས་པར་བྱའོ། །ཕྲེང་གཉིས་ན། ཆུབ་པའི་སྐྱེ་མཆེད་དེ། ཟད་པར་གྱི་སྐྱེ་མཆེད་དང༌། བསྡུ་བའི་དངོས་པོ་བཞི་དང༌། ཆོས་བདེན་པ་རིགས་པ་ཐེག་པ་གདགས་པ་རྣམ་པར་དགོད་པ་སྟེ། རྣམ་པར་དགོད་པ་བཞི་དང༌། ཡི་གེ་འབྲི་སོགས་ཆོས་ཀྱི་སྤྱོད་པ་བཅུ་པ་དང༌། རང་བཞིན་གྱིས་བཟོད་པ། གཞན་གྱི་གནོད་པ་ལ་ཅི་མི་སྙམ་པའི་སྡུག་བསྔལ་དང་ལེན་གྱི་ཆོས་ལ་ངེས་པར་མོས་པའི་བྱ་དཀའ་བ་ལ་ཐམས་ཅད་ཀྱི་སྒོའི་སྐྱེས་བུ་དམ་པའི་རྣམ་པ་ཐམས་ཅད་དུ་ཕོངས་པ་འདོད་པ་ལ་འདི་དང་གཞན་དུ་སྡུག་བསྔལ་པ་ལ་བཟོད་པ་སྟེ། བཟོད་པ་བཅུ་དང༌། འབུམ་ཏིག་ཏུ་གསུངས་པའི་ལྷག་པའི་བསམ་པ་ཉི་ཤུ་དང༌། ཚིག་གཉིས་ན། སྔོན་གྱི་གནས་རྗེས་སུ་དྲན་པའི་རིག་པ་འཆི་འཕོ་དང་སྐྱེ་བ་ཤེས་པའི་རིག་པ། ཟག་ཟད་ཤེས་པའི་རིག་པ་སྟེ། རིག་པ་གསུམ་དང༌། ཚིག་བཞི་ན། དད་པ་ཐོབ་པ་གཏོང་བ་ཚུལ་ཁྲིམས་ཤེས་རབ་ངོ་ཚ་ཤེས་པ་ཁྲེལ་ཡོད་པ་སྟེ། ནོར་བདུན་དང༌། ནམ་སེམས་ཅན་ཐམས་ཅད་ཀྱི་སྡུག་བསྔལ་ཐམས་ཅད་སེལ་ནུས་སོ་སྙམ་པ་དང༌། ནམ་ཞིག་དབུལ་བས་ཉེན་པའི་སེམས་ཅན་འབྱོར་བ་ཆེན་པོ་ལ་འཇོག་པར་སྙམ་པ་དང༌། ནམ་ཞིག་ཤ་ཁྲག་དང་བཅས་པའི་ལུས་ཀྱི་སེམས་ཅན་རྣམས་ཀྱི་དོན་བྱེད་ནུས་སྙམ་པ་དང༌། དམྱལ་བ་ན་ཡུན་རིང་པོར་གནས་པས་ཀྱང་ནམ་ཞིག་སེམས་ཅན་རྣམས་ལ་ཕན་པ་འབའ་ཞིག་ཏུ་འགྱུར་སྙམ་པ་དང༌། འཇིག་རྟེན་དང་འཇིག་རྟེན་ལས་འདས་པའི་འབྱོར་བས་འཇིག་རྟེན་ཐམས་ཅད་ཀྱི་རེ་བ་ཡོངས་སུ་རྫོགས་པར་འགྱུར་སྙམ་པ་དང༌། སངས་རྒྱས་སུ་གྱུར་ནས་འཁོར་བའི་སྡུག་བསྔལ་ཐམས་ཅད་ལས་འབྱིན་པར་འགྱུར་སྙམ་པ་དང༌། སེམས་ཅན་ལ་ཕན་འདོགས་པ་མེད་པའི་སྐྱེ་བ་དང༌། སེམས་ཅན་གྱི་དོན་དུ་སྦྱོར་བ་མེད་པའི་སེམས་དང༌། དོན་དམ་པའི་རོ་གཅིག་པུའི་སྤྱོད་པ་དང༌། སྐྱེ་བོ་ཐམས་ཅད་སིམ་པར་བྱེད་པའི་ཚིག་མ་ཡིན་པ་དང༌། གཞན་ལ་མི་ཕན་པའི་འཚོ་བ་དང༌། གཞན་ལ་ཕན་བྱེད་མི་ནུས་པའི་ལུས་དང༌། མི་གསལ་བའི་བློ་དང༌། གཞན་ལ་མི་ཕན་པར་མི་སྤྱོད་པའི་ནོར་དང༌། གཞན་ལ་མི་ཕན་པའི་དབང་ཕྱུག་དང༌། གཞན་ལ་གནོད་པར་བྱེད་པར་དགའ་བར་ཚེ་རབས་སུ་མ་གྱུར་ཅིག་སྙམ་པ་དང༌། སྲོག་ཆགས་ཀུན་གྱི་སྡིག་པའི་ལས་ཀུན་གྱི་འབྲས་བུ་བདག་ལ་སྨིན་ལ། བདག་གིས་ལེགས་པར་སྤྱད་པའི་འབྲས་བུ་ཐམས་ཅད་སེམས་ཅན་ཀུན་ལ་སྨིན་པར་གྱུར་ཅིག་སྙམ་དུ་རྣམ་པར་རྟོག་པ་སྟེ། སྐྱེས་བུ་ཆེན་པོའི་རྣམ་པར་རྟོག་པ་བརྒྱད། འགྲེལ་མཆོག་གནོད་འཇོམས་ལས་གསུངས་པ་དང༌། ལུས་ཐ་དད་ལ་འདུ་ཤེས་ཀྱང་ཐ་དད་པ་འདུ་ཤེས་གཅིག །ལུས་གཅིག་ལ་འདུ་ཤེས་ཐ་དད། ལུས་ཀྱང་གཅིག་ལ་འདུ་ཤེས་ཀྱང་གཅིག །གཟུགས་མེད་འདུ་ཤེས་མེད་པའི་སེམས་ཅན་ཏེ། སེམས་ཅན་གྱི་གནས་དགུ་སྟེ། བཏང་སྙོམས་ཆེན་པོ་ཡོངས་སུ་རྫོགས་པར་བྱའོ། །ཐེག་པ་གསུམ་གྱི་འབྲས་བུ་དང་བཅས་པ་བསྟན་པ་ནི། རྣམ་པ་ཐམས་ཅད་མཁྱེན་པའི་ཡེ་ཤེས་རྣམ་པའི་མཆོག་ཐམས་ཅད་དང་ལྡན་པ། ཕྲེང་གཅིག་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱའོ། །ཞེས་སོགས་ཀྱི་རྣམ་པ་ཐམས་ཅད་མཁྱེན་པ་ཉིད་མངོན་པར་རྫོགས་པར་བྱང་ཆུབ་པར་འདོད་པས་བསྟན་ཏོ། །དེའི་འབྲས་བུ་བསྟན་པ་ནི། བག་ཆགས་ཀྱི་མཚམས་སྦྱོར་བའི་ཉོན་མོངས་པ། ཕྲེང་གཅིག་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །བྱང་ཆུབ་སེམས་དཔའ་ཆེ་བའི་ཡོན་ཏན་གྱི་བདུད་རྩི་བསྟན་པ་ནི། ཤཱ་ར་དྭ་ཏིའི་བུ། བྱང་ཆུབ་སེམས་དཔའི་སྐྱོན་མེད་པར་འཇུག་པར་འདོད་པ་འདིར་སྐྱོན་མེད་པ་ནི་ཉན་རང་གིས་ལས་ལྡོག་པའམ། དེ་བཞིན་གཤེགས་པའི་སྙིང་པོའམ། དེ་བཞིན་ཉིད་སྐྱོན་མེད་པ་ཐོབ་པར་འདོད་པར། ཞེས་རྒྱལ་བ་བྱམས་པའི་དངོས་སློབ་ཀུན་མཁྱེན་གཉིས་པས་གསུངས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཕྲེང་ཕྱེད་ན། ས་དེ་དག་ལས་འདའ་བར་འདོད་པ་ཞེས་བྱ་བ་ནི་དབང་པོའི་ཁྱད་པར་དང༌། བསྒྲུབ་པ་དང༌། ཡེ་ཤེས་དང༌། འབྲས་བུའི་ཁྱད་པར་གྱིས་ཉན་རང་ལས་འདས་པའོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས་དང༌། ཕྱིར་མི་ལྡོག་པའི་ས་ལ་གནས་པར་འདོད་པ་དང༌། ཞེས་བྱ་བ་ནི། སར་ཆུད་པའི་བྱང་ཆུབ་སེམས་དཔའ་ལ་རིགས་དང་མི་ལྡན་པའམ། སྡིག་གྲོགས་ཀྱིས་ཟིན་པའམ། སྙིང་རྗེ་ཆུང་བའམ། འཁོར་བའི་སྡུག་བསྔལ་གྱི་འཇིགས་པ་སྟེ། བྱང་ཆུབ་ལས་ལྡོག་པའི་རྒྱུ་བཞི་ཅར་ཡང་མེད་པའོ། །དེ་ལ་མངོན་པར་ཤེས་པ་དྲུག་ལ་གནས་པར་འདོད་པ་དང༌། ཕྲེང་གཉིས་ན། བསླབ་པར་བྱའོ། །ཉན་ཐོས་དང་རང་སངས་རྒྱས་ཀྱི་ཐེག་པ་པའི། ཕྲེང་གཅིག་ན། ཟིལ་གྱིས་མནན་པར་འདོད་པ་དང༌། ཞེས་བྱ་བ་ནི། བྱང་སེམས་ཀྱི་རྗེས་སུ་ཡི་རང་བ་ནི། སྲེད་པ་མེད་པ་དང༌། མི་རྟོག་པ་དང༌། མཚན་མའི་སྤྱོད་ཡུལ་མ་ཡིན་པ་དང༌། བདག་གཞན་ལ་ཕན་པ་བསྒྲུབ་པ་སྟེ། དེ་དག་གི་ཉན་རང་ལས་འདས་པའི་ཕྱིར། ཟིལ་གྱིས་གནོན་ཏོ། །ཚུལ་ཁྲིམས་ལ་སོགས་པའང་སྦྱོར། ཞེས་དབུ་མ་པ་ཆེན་པོ་དབྱིག་གཉེན་གསུངས། ཉན་ཐོས་དང་རང་སངས་རྒྱས་ཐམས་ཅད་ཀྱི་ཚུལ་ཁྲིམས་དང༌། ཕྲེང་གཉིས་ན། བསླབ་པར་བྱའོ། །ཆུང་དུ་ཕྱིན་ཡང་སེམས་ཅན་ཐམས་ཅད་ཀྱི་དོན་དུ་བསྔོས་པ་དང༌། རྣམ་མཁྱེན་དུ་བསྔོས་པ་དང༌། འཁོར་གསུམ་ཡོངས་སུ་དག་པའི་ཕྱིར་ཚད་མེད་པ་སྟེ། དེ་ལྟར་ན་ཐབས་མཁས་པས་ཡོངས་སུ་བསྔོ་བའི་ཚུལ་གྱིས། ཕྲེང་གཅིག་ན། བསླབ་པར་བྱའོ། །སེམས་ཅན་ཐམས་ཅད་ཀྱི་དོན་དུ་ཚུལ་ཁྲིམས་བསྲུང༌། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ལྔ་ན། བསླབ་པར་བྱའོ། །ཞེས་པ་ནི། ཐེག་ཆེན་གྱི་སྒྲུབ་པས་ཟིན་པའི་སྦྱིན་སོགས་ནི་དོན་དམ་གྱི་ཕ་རོལ་ཏུ་ཕྱིན་པའོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། ཇི་ལྟར་ན། ཚེ་རབས་ཐམས་ཅད་དུ་བདག་གིས། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་གཉིས་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དཔེ་བྱད་བཟང་པོ་ བརྒྱད་ཅུ་ཐོབ་པར་འདོད་པ་དང༌། ཕྲེང་གསུམ 
་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ན། སྒྲུབ་པར་འདོད་པ་དང༌། ཞེས་པ་ལ། དེ་བཞིན་གཤེགས་པའི་རིགས་ནི་འདིར་ཡོངས་སུ་གྲུབ་པའི་དེ་བཞིན་ཉིད་ལ་བྱ་སྟེ། ས་བརྒྱད་པ་ལ་རྣམ་པར་རྟོག་པ་ཐམས་ཅད་དང༌། རྩོལ་བ་ཐམས་ཅད་དང༌། མཚན་མ་ཐམས་ཅད་རྒྱུན་ཆད་པའི་ཕྱིར་རྣམ་པར་དག་པའི་དེ་བཞིན་ཉིད་དུ་བདག་ཉིད་གནས་གྱུར་པ་ལ། དེ་བཞིན་གཤེགས་པའི་རིགས་སུ་སྐྱེ་བ་ཞེས་བྱའོ། །ཞེས་ཀུན་མཁྱེན་གཉིས་པས་གསུངས། དཀོན་མཆོག་གསུམ་གྱི་གདུང་རྒྱུད་མི་གཅོད་པའི་དོན་དུ། ཚིག་གཅིག་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་གཞོན་ནུའི་ས་ནི་ཤིན་ཏུ་ཁ་ན་མ་ཐོ་བ་མེད་པའི་ཕྱིར། ས་བརྒྱད་པ་སྟེ། དེ་ཐོབ་པར་འདོད་པ་དང༌། ཕྲེང་གཉིས་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ། ཕྲེང་གཉིས་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ། ཕྲེང་བཞི་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གསུམ་ན། བསླབ་པར་བྱའོ། །བམ་པོ་གསུམ་པའི་རྗེས་སུ་ན། ཆོས་ཀྱི་དབྱིངས་ཀྱིས་ཀླས་པ། ཞེས་པ་ནི། སེམས་ཅན་གྱི་འཇིག་རྟེན་ལ་མཐའ་མེད་པའི་ཕྱིར། དེ་བཞིན་གཤེགས་པའི་སྙིང་པོས་ཀླས་པ་ཞེས་བྱའོ། །ཞེས་དབུ་མ་པ་གསུངས། སེམས་ཅན་ནམ་མཁའི་དབྱིངས་ཀྱི་མཐས་གཏུགས་པའི་སེམས་ཅན་ཐམས་ཅད། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང་ཕྲེང་གཅིག་ལྷག་ན། མི་ཟད་པའི་འདོད་པས་ཞེས་བྱ་བ་ནི། ཆུའི་ཐིགས་པ་རྒྱ་མཚོར་ལྷུང་བ་ཟད་པར་མི་འགྱུར་བ་བཞིན་དུ་རྣམ་མཁྱེན་ཐོབ་ཕྱིར་དུ་ཡོངས་སུ་བསྔོས་པ་ཡང་འཁོར་བའི་མཐའི་བར་དུ་སེམས་ཅན་གྱི་དོན་བྱེད་པའི་ཕྱིར་མི་ཟད་པ་ཞེས་བྱའོ། །ཞེས་དབུ་མ་པ་གསུངས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཕྲེང་གཉིས་ན། བྱང་དང༌། བྱང་ཤར་དང༌། ཤར་ལྷོ་དང༌། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཕྲེང་གཅིག་ལྷག་ན། བསླབ་པར་བྱའོ། །ལྷོ་དང༌། ནུབ་དང༌། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཕྲེང་ཕྱེད་དང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ལྷོ་དང༌། ནུབ་དང༌། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཕྲེང་ཕྱེད་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཆོས་ལ་བདག་མེད་པའི་སྒོ་ནས་ནང་སྟོང་པ་ཉིད་ལ་འདི་ལྟར་མིག་ལ་རྣམ་པ་གསུམ་སྟེ། ཀུན་བརྟགས་པའི་མིག་དང༌། རྣམ་པར་བརྟགས་པའི་མིག་དང༌། ཆོས་ཉིད་ཀྱི་མིག་གོ །དེ་ལ་བརྗོད་པར་བྱ་བ་དང༌། བརྗོད་པའི་རྣམ་པར་གཟུང་བའི་མིག །ཅེས་བྱ་བའི་དངོས་པོ་ནི་ཀུན་བརྟགས་པའི་མིག་གོ །གཟུང་བ་དང་འཛིན་པའི་བདག་ཉིད་དུ་གནས་པའི་མིག་གི་རྣམ་པར་སོ་སོར་སྣང་བ་ནི་རྣམ་པར་བརྟགས་པའི་མིག་གོ །བརྗོད་པར་བྱ་བ་དང༌། བརྗོད་པའི་རྣམ་པ་དང་བྲལ་ཞིང་བརྗོད་དུ་མེད་པ་སྣང་བ་དང་བཅས་པར་འགྱུར་བ་དང་བྲལ་ཏེ། སོ་སོ་རང་གི་རིག་པ་ཡོངས་སུ་གྲུབ་པའི་ངོ་བོ་ཉིད་ནི་ཆོས་ཀྱི་མིག་ཅེས་བྱའོ། །དེ་ལ་མིག་མིག་གིས་སྟོང་ཞེས་བྱ་བ་ལ། མིག་ཅེས་བྱ་བ་ནི་ཆོས་ཉིད་ཀྱི་མིག་གོ །མིག་གི་ཞེས་བྱ་བ་ནི་ཀུན་བརྟགས་པ་དང༌། རྣམ་པར་བརྟགས་པའི་མིག་གོ །སྟོང་ཞེས་བྱ་བ་ནི་བྲལ་བའི་ཐ་ཚིག་གོ །དེ་བཞིན་དུ། རྣ་བ་རྣ་བས་སྟོང་ཞེས་སོགས་ལ་ཡང་སྦྱོར་བར་བྱའོ། །དེ་ལྟར་ན་ཆོས་ཉིད་ལ་མིག་ལ་སོགས་པ་དེ་གང་ཡིན་པ་དེ་དག་ནང་གི་མིག་གི་སྐྱེ་མཆེད་ལ་སོགས་པའི་ངོ་བོ་ཉིད་དང་བྲལ་བའི་ཕྱིར། ནང་སྟོང་པ་ཉིད་ཅེས་བྱའོ། །དེ་ལ་གནས་པར་འདོད་པའི་བསླབ་པར་བྱའོ། །ཞེས་པའི་སྟོང་ལུགས་འདི་དབུ་མ་པ་ཆེན་པོ་རྣམས་ཀྱིས་གསུངས། རྫོགས་ལྡན་གྱི་ཆོས་ཏེ། ཕྱིས་བྱུང་བ་གསུམ་ལྡན་མར་བཅད་ཀྱི་སྟོང་ལུགས་དང་མི་མཐུན་ཡང་སྐྱོན་མེད་དོ། །སྟོང་ཉིད་ལྷག་མ་རྣམས་ཀྱང༌། དེ་བཞིན་ཏེ། ཕྱི་སྟོང་པ་ཉིད་དང༌། ཕྲེང་གསུམ་ན། ངོ་བོ་ཉིད་སྟོང་པ་ཉིད་དང༌། གང་གི་ཕྱིར་བཅོམ་ལྡན་འདས་ཀྱིས་ཀྱང༌། གང་ན་གང་མེད་པ་དེ་ནི་དེས་སྟོང་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། དེ་ལ་ལྷག་མ་ལུས་པ་གང་ཡིན་པ་དེ་ནི་འདིར་ཡོད་པའོ། །ཞེས་ཡང་དག་པ་ཇི་ལྟ་བ་རབ་ཏུ་ཤེས་སོ། །ཞེས་གསུངས་པས། ཆོས་ཐམས་ཅད་ཀྱི་དངོས་པོ་མེད་པའི་ངོ་བོ་ཉིད་ཀྱི་མཚན་ཉིད་རྟོགས་པ་ཡིན་ཏེ། འདི་ནི་དངོས་པོ་མེད་པའི་གཞིའི་ངོ་བོ་ཉིད་སྟོང་པ་ཉིད་ཅེས་བྱའོ། །གནས་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ལུང་ཡང་དག་འདི་རྣམས་ཀྱིས་ཀྱང་སྟོང་ཉིད་ཐམས་ཅད་རང་སྟོང་དང༌། མེད་དགག་ཏུ་འདོད་པ་བསལ་བ་ཡིན་ནོ། །ཤཱ་ར་དྭ་ཏིའི་བུ། དམིགས་རྐྱེན་དང༌། དབང་པོའི་སྡེའི་བདག་པོའི་རྐྱེན་དང༌། དེ་མཚུངས་པ་དེ་མ་ཐག་པའི་རྐྱེན་དང༌། རྒྱུའི་རྐྱེན་ཀུན་གཞི་རྣམ་ཤེས་ཁོང་དུ་ཆུད་པར་བྱ་བར་འདོད་པ་དང༌། དེ་བཞིན་ཉིད་ཀྱི་རྣམ་པ་ཀུན་ལྡན་རྣམ་པ་མེད་པ་དང༌། མཚན་ཉིད་གཞན་དུ་མི་འགྱུར་བ་ཁོང་དུ་ཆུད་པར་འདོད་པས་བསླབ་པར་བྱའོ། །ཆོས་ཐམས་ཅད་ཀྱི་དེ་བཞིན་ཉིད་ཅེས་པ་ནི། ཕྱི་ནང་གི་ཆོས་གང་ཡིན་པ་དེ་དག་གི་ཡོངས་སུ་གྲུབ་པའི་ངོ་བོ་ཉིད་གང་ཡིན་པ་དེ་ནི་ཆོས་ཐམས་ཅད་ཀྱི་དེ་བཞིན་ཉིད་ཅེས་བྱ་སྟེ། གཟུགས་ཀྱི་དེ་བཞིན་ཉིད་དང༌། ཞེས་པ་ལ་སོགས་པ་ལྟ་བུ། ཞེས་གསུངས་ཏེ། ཆོས་ཐམས་ཅད་ཀྱི་སྟོང་པའི་གཞི། ཆོས་ཉིད་དོན་དམ་བདེན་པའོ། །དེ་བཞིན་དུ། མ་ནོར་བ་དེ་བཞིན་ཉིད་དང༌། ཕྲེང་གཅིག་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ལྷག་ན། བསླབ་པར་བྱའོ། །ཕྲེང་ཕྱེད་དང་གསུམ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་གཉིས་ན། ཐམས་ཅད་དུས་གཅིག་ཏུ་བསོད་སྙོམས་གཅིག་གིས། ཕྲེང་གཉིས་ལྷག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་གསུམ་ན། བསླབ་པར་བྱའོ། །ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཉིས་ལྷག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཉིས་ན། བསླབ་པར་བྱའོ། །བྱང་ཆུབ། ཕྲེང་བཞི་ན། བསྟི་སྟང་སྟེ། ཕུ་དུད་བྱ་བར། ཕྲེང་ཕྱེད་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གསུམ་ན། རང་བྱང་ཆུབ་དང༌། ལམ་དང༌། ཡེ་ཤེས་དང༌། རྣམ་ཤེས་ནས། ཕུང་པོ་མ་ལུས་པའི། ཕྲེང་གཅིག་ན། བསླབ་པར་བྱའོ། །ཕྲེང་བཞི་ན། འདོད་པ་དང༌། ལམ་ཤེས་དང༌། རྣམ་མཁྱེན་ནས། ཕུང་པོ་མ་ལུས་པའི་བསླབ་པར་བྱའོ། །ཕྲེང་གཉིས་ན། བསླབ་པར་བྱའོ། །ཕྲེང་བཅུ་ན། བསླབ་པར་བྱའོ། ཤཱ་ར་དྭ་ཏིའི་བུ། ཕྲེང་ཕྱེད་དང་གསུམ་ན། བསླབ་པར་བྱའོ། །དེ་ནས་ཚེ་དང་ལྡན་པས། ཕྲེང་ལྔ་ན། འཁྲུགས་པ་དང༌། གཡེང་བ་དང༌། རྟོག་པ་མེད། ཕྲེང་གཅིག་ན། མི་དམིགས་པ་ཞེས་བྱ་བ་ནི་ཆོས་ཐམས་ཅད་ཤེས་རབ་ཀྱིས་ཤེས་སོ། །ཞེས་བྱ་བར་མི་དམིགས་པའོ། །ཞེས་དབུ་མ་པ་གསུངས་པས། དེའི་ཚུལ་གྱི། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་པ་ཡིན་ནོ། །ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ན། བསླབ་པར་བྱའོ། །བྱང་ཆུབ། ཕྲེང་གསུམ་ལྷག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ན། བསླབ་པར་བྱའོ། །བྱང་ཆུབ། ཕྲེང་གཅིག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་ན། ནང་གི་འཁོར་དུ་ཞེས་བྱ་བ་ནི། གང་སངས་རྒྱས་བཅོམ་ལྡན་འདས་ཀྱི་གསང་བར་འཇུག་པའི་ཡེ་ཤེས་དང༌། གསང་བར་འཇུག་པའི་ཡེ་ཤེས་ལ་ཞུགས་པར་གྱུར་པའོ། །ཞེས་འཕགས་པ་གྲོལ་སྡེའི་གསུངས་དེ་ཉིད་དུ་འགྱུར་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཕྲེང་གཅིག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་གསུམ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཉིས་ལྷག་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ། དེ་བཞིན་གཤེགས་པའི་མིག་ལྔ་རྣམ་པ་ཐམས་ཅད་དུ། ཕྲེང་ཕྱེད་ན། བསླབ་པར་བྱའོ། །འདི་ལྟ་སྟེ། ཤའི་མིག་སྟེ། གཟུགས་ཀྱི་སྐུའི་སྤྱན་དང༌། ལྷའི་མིག་སྟེ། ཏིང་ངེ་འཛིན་སྙོམས་འཇུག་པ་དང༌། མངོན་ཤེས་ཀྱི་ཡེ་ཤེས་ཐམས་ཅད་དང༌། ཤེས་རབ་ཀྱི་མིག་སྟེ། ཐམས་ཅད་མཁྱེན་པའི་ཡེ་ཤེས་དང༌། ཆོས་ཀྱི་མིག་སྟེ། ཐམས་ཅད་དུ་འགྲོ་བའི་ལམ་མཁྱེན་པ་དང༌། དབང་པོ་མཆོག་དང་མཆོག་མ་ཡིན་དང༌། མོས་པ་སྣ་ཚོགས་མཁྱེན་པ་དང༌། ཁམས་སྣ་ཚོགས་མཁྱེན་པ་སངས་རྒྱས་ཀྱི་མིག་སྟེ། རྡོ་རྗེ་ལྟ་བུའི་ཏིང་ངེ་འཛིན་གྱིས་བསྡུས་པ་དགྲ་བཅོམ་པའི་ཡེ་ཤེས་ཞེས་གནོད་འཇོམས་སུ་གསུངས་པས། དེ་རྣམས་ཡོངས་སུ་བསྒྲུབ་པར་འདོད་པས་བསླབ་པར་བྱའོ། །ཕྲེང་ལྔ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གསུམ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཕྲེང་ཕྱེད་དང་ལྔ་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང་ཕྲེང་བཞི་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང་ཕྲེང་ཕྱེད་ན། འཇིག་རྟེན་གྱི་བར་དག་གི །མུན་པ་མུན་ནག་སྨག་ཏུ་གྱུར་པ། ཕྲེང་གཉིས་ན། བསླབ་པར་བྱའོ། །ཕྲེང་གསུམ་ན། བསླབ་པར་བྱའོ། །ཕྲེང་ཕྱེད་དང་གསུམ་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ། ཕྲེང་གསུམ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་བཞི་ན། བསླབ་པར་བྱའོ། །ཇི་ལྟར་ན་ཕྲེང་ཕྱེད་དང་དྲུག་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་ན། སྤྱོད་ལམ་སྐུའི་གསང་བ་ལ། བསླབ་པར་འདོད་པ་དང༌། ཕྲེང་ཕྱེད་དང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་གཅིག་ན། ལྟ་སྟངས་ཀྱིས་ཞེས་པ་ནི་དམ་པ་རྣམས་ཀྱི་ལྟ་སྟངས་ཏེ། དེ་ནི་སྟེང་འོག་གཡས་གཡོན་ལ་སོགས་སུ་བསྒྱུར་ཏེ་མི་ལྟ། ཐག་ཉེ་རིང་ན་གནས་པ་ལྟ་ལུགས་ཁྱད་པར་མེད་པ་ལ་སོགས་པས་འཇིག་རྟེན་ཐམས་ཅད་དུ་སེམས་ཅན་ཐམས་ཅད་དུ་ཆོས་ཐམས་ཅད་ལ་ལྟ་བའོ། །ཚུལ་དེས་བལྟས་ཏེ། སེམས་ཅན་རྣམས་ལ་ཕྲེང་ཕྱེད་ན། རྣམ་པར་བསྒྱིངས་པ། དེ་བཞིན་གཤེགས་པའི་མཐུས་བདུད་དང་ཕས་རྒོལ་གྱིས་མནན་པས། རྣམ་པར་བསྒྱིངས་པར་འགྱུར། རྣམ་པར་གནོན་པས། གཟི་བྱིན་གྱིས་རྣམ་པར་གནན་ནས་ཆོས་ལ་འགོད་པར་བྱ། ཇི་ལྟར་ན་བདག་ས་ཆེན་པོ་ལ། ཕྲེང་བདུན་ན། བསླབ་པར་བྱའོ། །ཤཱ་ར་དྭ་ཏྀའི་བུ། ཕྲེང་གཉིས་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ལྔ་ན། བསླབ་པར་བྱའོ། །ཤཱ་ར་དྭ་ཏིའི་བུ། གཞན་ཡང༌། ཕྲེང་ཕྱེད་དང་ལྔ་ན། བསླབ་པར་བྱའོ། །ཕྲེང་ཕྱེད་དང་གསུམ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་གསུམ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་ཕྱེད་དང་ལྔ་ན། བསླབ་པར་བྱའོ། །ཤཱ་ར་དྭ་ཏིའི་བུ། ཕྲེང་བཞི་ན། བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ། ཕྲེང་གཉིས་ན། བསླབ་པར་བྱའོ། །བྱང་ཆུབ་སེམས་དཔའ། ཕྲེང་ཕྱེད་དང་གསུམ། བསླབ་པར་བྱའོ། །བྱང་ཆུབ་སེམས་དཔའ། ཕྲེང་གཅིག་ན། བསླབ་པར་བྱའོ། །བྱང་ཆུབ་སེམས་དཔའ། ཕྲེང་གཅིག་ལྷག་ན། ཤེས་རབ་ཀྱི་ཕ་རོལ་ཏུ་ཕྱིན་པ་བསླབ་པར་བྱའོ། །དེ་ལྟར་ན་སེམས་བསྐྱེད་དེ། མདོར་བསྟན་དང་རྒྱས་བཤད་ལ་རིམ་པ་ལྟར་གཞུང་འདི་མདོའི་དུམ་བུ་གཅིག་དང་དགུ་བཅུ་རྩ་བཞིའོ། །དེ་ནི་དེ་ལྟར་བརྩོན་པའི་ཕན་ཡོན་གཞན་ཡང་གསུང་སྟེ། ཤཱ་ར་དྭ་ཏིའི་བུ། གང་གི་ཚེ། དེ་ནས་ཤོག་གུ་གཉིས་དང་ཕྲེང་གཉིས་ན། སྡིག་ཏོའི་ལས་བྱེད་པར་འགྱུར་བ་ཡང་མེད་དོ། །དེ་ཡང་ས་གསེར་ཟླ་བ་མེ། །གཏེར་དང་རིན་ཆེན་འབྱུང་གནས་མཚོ། །རྡོ་རྗེ་རི་སྨན་བཤེས་གཉེན་དང༌། །ཡིད་བཞིན་ནོར་བུ་ཉི་མ་གླུ། །རྒྱལ་པོ་མཛོད་དང་ལམ་པོ་ཆེ། །བཞོན་པ་བཀོད་མའི་ཆུ་དང་ནི། །སྒྲ་སྙན་ཆུ་བོ་སྤྲིན་རྣམས་ཀྱིས། །རྣམ་པ་ཉི་ཤུ་རྩ་གཉིས་སོ། །ཞེས་པ་འདིའི་དོན་ནི་འཕགས་པ་རྣམ་གྲོལ་སྡེ་དང༌། སློབ་དཔོན་སེང་གེ་བཟང་པོ་དང༌། སློབ་དཔོན་རིན་ཆེན་འབྱུང་གནས་ཞི་བ་རྣམས་ཀྱིས་ཉི་ཁྲི་ལེ་བརྒྱད་མ་ལས་སོ་སོར་སྦྱར་ཡང༌། སློབ་དཔོན་དབུ་མ་པ་ཆེན་པོ་དབྱིག་གཉེན་ཞབས་དང༌། འབུམ་ཏིག་དང༌། བཙུན་པ་གྲོལ་སྡེས་མ་སྦྱར་ཞིང༌། འབུམ་དང༌། ཉི་ཁྲི་ལྔ་སྟོང་པ་དང༌། ཁྲི་བརྒྱད་སྟོང་པ་རྣམས་ལ་ཇི་ལྟ་བ་བཞིན་དུ་སྦྱར་དུ་མི་རུང་བའི་ཕྱིར་དང༌། དབུ་མ་པ་ཆེན་པོ་སློབ་དཔོན་དབྱིག་གཉེན་གྱི་ཞལ་དཔེ་ཉི་ཤུ་རྩ་གཉིས་དང་ལྡན་པའི་སེམས་བསྐྱེད་འདི་ནི། འཕགས་པ་བློ་གྲོས་མི་ཟད་པའི་མདོ་ལས། མི་ཟད་པ་ཉིད་འབྱུང་བ་དང༌། །སྦྱར་བར་ཁོང་དུ་ཆུད་པར་བྱའོ། །ཞེས་གསུངས་པའི་ཕྱིར་དང༌། སེམས་བསྐྱེད་ཉེར་གཉིས་དང༌། མི་ཟད་པ་བརྒྱད་ཅུ་དོན་གཅིག་ཏུ་སྦྱོར་དགོས་པའི་ཕྱིར་དེ་དང༌། སྦྱོར་བ་ཉིད་རྒྱལ་བ་བྱམས་པ་དཔོན་སློབ་ཀྱི་དགོངས་པ་ཡིན་ནོ། །རྣམ་མཁྱེན་གྱི་དོན་བཅུ་ལས། སེ༷མས་བསྐྱེ༷ད་པ༷་ད༷ང་། ཞེས་པ་དོན་དང་པོ་གསུངས་ཟིན་ཏོ། །
སྒྲུབ་དང་། དེ་ལྟར་སེམས་བསྐྱེད་ནས་སྒྲུབ་པ་ཉམས་སུ་ལེན་པ་ལ་བཅུ་ལས་དང་པོ་ནི། དེ་སྐད་ཅེས་བཀའ་སྩལ་པ་དང༌། ཕྲེང་གཉིས་ན། སེམས་དཔའ་ཆེན་པོ་ལམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་རྣལ་འབྱོར་དུ་བྱེད་པའི་ཚེ། ཅིར་ཡང་མི་རྟོག་ཅིང་མི་དམིགས་པ་དགོས་ཏེ། མདོ་སྡེའི་རྒྱན་དུ་ཡང༌། རྒྱལ་བའི་སྲས་རྣམས་ཀྱིས་ནི་མེད་དང་ཡོད་པ་དང༌། །སྒྲོ་འདོགས་སྐུར་བའི་རྟོག་དང་གཅིག་ཉིད་དུ་མ་ཉིད། །རང་དང་ཁྱད་པར་རྟོག་དང་མིང་དོན་ཇི་བཞིན་དུ། །མངོན་པར་ཞེན་པའི་རྟོག་པ་ཡང་དག་སྤང་བར་བྱ། །ཞེས་རྣམ་རྟོག་བཅུ་སྤང་བྱར་གསུངས་ཤིང༌། འཕགས་པ་ཐོགས་མེད་སྐུ་མཆེད་དང༌། འཕགས་པ་ཕྱོགས་ཀྱི་གླང་པོས་ཀྱང་དེ་དང་མཐུན་པར་གསུངས་པའི་ཕྱིར། བྱང་ཆུབ་སེམས་དཔའ་སྙམ་དུ་ཡང་དག་པར་རྗེས་སུ་མི་མཐོང་ཞིང་མི་རྟོག །དེ་བཞིན་དུ། བྱང་ཆུབ་སེམས་དཔའི་མིང་ཡང་ཡང་དག་པར་རྗེས་སུ་མི་མཐོང་ངོ༌། །ཞེས་པ་ནི་ཀུན་བཏགས་པའི་བདག་ཉིད་ཀྱིས་སོ། །ཞེས་དབུ་མ་པ་ཆེན་པོ་དབྱིག་གཉེན་གསུངས། འཕགས་པ་ཕྱོགས་གླང་གིས་ཀྱང༌། མེད་ཅེས་བྱ་ལ་སོགས་ཚིག་གིས་བརྟགས་པ་ཐམས་ཅད་འགོག་པ་སྟེ། ཞེས་བརྒྱད་སྟོང་དོན་བསྡུས་སུ་གསུངས་པས། ཕྱི་མ་རྣམས་ལ་ཡང་དེ་བཞིན་དུ་རིག་པར་བྱ། ཕྲེང་གཅིག་རུང་ན་མི་མཐོང་ངོ༌། །ཞེས་པ་ནི་ཆོས་དབྱིངས་རྣམ་དག་མ་གཏོགས་པར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་པའི་ཆོས་མེད་པའི་ཕྱིར། ཞེས་དབུ་མ་པས་གསུངས་ཏེ། ལུང་འདིས་ཀྱང་ཤེར་ཕྱིན་མཚན་ཉིད་པ་འདུས་མ་བྱས་སུ་བསྟན་ཅིང༌། ཡོངས་གྲུབ་དགུ་ལ་སོགས་པ་དང༌། དོན་གཅིག་ཏུ་བསྟན་པས་ཤེས་རབ་གང་ཡིན་འདུས་བྱས་སུ་འདོད་པ་བསལ་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་མིང་ཡང་ཡང་དག་པར་རྗེས་སུ་མི་མཐོང་ངོ༌། །ཆོས་ཐམས་ཅད་ལ་བྱ་བ་མེད་པས་སྤྱོད་ཅེས་བྱ་བར་ཡང་ཡང་དག་པར་རྗེས་སུ་མི་མཐོང་ངོ༌། །བྱེད་པ་མེད་ཀྱང་ཆོས་ཀྱི་དབྱིངས་སྦྱངས་པ་ཡོད་པས། མི་སྤྱོད་ཅེས་བྱ་བར་ཡང་ཡང་དག་པར་རྗེས་སུ་མི་མཐོང་ངོ༌། །ཕྲེང་གཉིས་ལྷག་ན། དེ་ནི་འདི་ལྟར་སྐབས་འདིའི་བྱང་ཆུབ་སེམས་དཔའི་ཡང་ཀུན་བཏགས་ཡིན་པས་བྱང་ཆུབ་སེམས་དཔའ་རང་བཞིན་གྱིས་སྟོང་ངོ༌། །བྱང་ཆུབ་སེམས་དཔའི་མིང་ཡང་ཀུན་བཏགས་ཡིན་པས་བྱང་ཆུབ་སེམས་དཔའི་མིང་གིས་སྟོང་ངོ༌། །དེ་ཅིའི་ཕྱིར་ཞེ་ན། ཀུན་རྫོབ་རང་བཞིན་རང་སྟོང་དེ་ཡིན་ཏེ། དེ་ནི་འདི་ལྟར་རང་རང་ངོ་བོས་སྟོང་པ་ཉིད་ཀྱང་ཀུན་རྫོབ་ཀྱི་གཟུགས་སྟོང་པ་མ་ཡིན། གཟུགས་ལས་གུད་ནས་ཡང་རང་ངོ་བོས་སྟོང་པ་ཉིད་མེད་དེ། སྟོང་པ་ཉིད་ཀྱང་གཟུགས་སོ། །ཞེས་པ་འདིས་ནི་ཀུན་རྫོབ་ཀྱི་སྣང་སྟོང་དབྱེར་མེད་བསྟན་པས་ཕྱི་མ་རྣམས་ལ་ཡང་དེ་བཞིན་དུ་རིག་པར་བྱའོ། །ཕྲེང་བཞི་ན། དེ་ནི་འདི་ལྟ་སྟེ། ཀུན་བཏགས་ཀྱི་བྱང་ཆུབ་ཅེས་བྱ་བ་འདི་ཡང་ཀུན་བཏགས་ཀྱི་བྱང་ཆུབ་སེམས་དཔའ་ཞེས་བྱ་བ་འདི་ཡང༌། ཀུན་བཏགས་ཀྱི་སྟོང་པ་ཉིད་ཅེས་བྱ་བ་འདི་ཡང༌། ཀུན་བཏགས་ཀྱི་གཟུགས་དང༌། ཚོར་བ་དང༌། དེ་ཡང་འདི་ལྟར་ཀུན་བཏགས་ཀྱི་གཟུགས་ནི་སྒྱུ་མ་ལྟ་བུའོ། །ཕྲེང་གཉིས་ལྷག་ན། སེམས་དཔའ་ཆེན་པོ་སྣང་བ་ཙམ་དུ་ཟད་པས་ཀུན་བཏགས་ཀྱི་ཆོས་གང་ལ་ཡང་སྐྱེ་བ་ཡང་དག་པར་མི་སྣང་བ་ཙམ་དུ་ཟད་པས་ཀུན་བཏགས་ལ་འགག་པ་ཡང༌། ཡང་དག་པར་ཀུན་བཏགས་ཙམ་དུ་ཟད་པས། གཞན་དབང་ལ་ནི། འཕེལ་བ་ཡང་དག་པར། ཡོངས་གྲུབ་ལ་ནི་ཉོན་མོངས་དང༌། རྣམ་བྱང་མེད་ཅིང༌། རང་བཞིན་གྱིས་དག་པའི་ཕྱིར། ཞེས་དབུ་མ་པ་གསུངས། ཀུན་ནས་ཉོན་མོངས་པར་ཡང་དག་པར་རྗེས་སུ་མི་མཐོང་ངོ༌། །ཕྲེང་གསུམ་ན། ཞེན་པར་གྱུར་པས། དེ་རྣམས་ཀུན་བཏགས་སོ། །དེའི་ཕྱིར་བྱང་ཆུབ་སེམས་དཔའ་སྤྱོད་པའི་ཚེ། ཅིར་ཡང་མི་རྟོག་པས། ཆོས་ཐམས་ཅད་ཡང་དག་པར། ཕྲེང་གཉིས་ན། འདི་ལྟར་ཡོངས་སུ་རྟོག་སྟེ། ཞེས་བྱ་བ་ལ་སོགས་པ་འདི་རྣམས་ཀྱི་དོན་ཇི་ལྟ་བ་བཞིན་དུ་མིང་དུ་རྟོག་པ་སྤང་དགོས་པར་བསྟན་ཏེ། བརྒྱད་སྟོང་དོན་བསྡུས་སུ། བདེན་དོན་རྣམ་རྟོག་སེལ་བ་ན། །ཤེས་རབ་ཕ་རོལ་ཕྱིན་པ་དང༌། །སངས་རྒྱས་དེ་བཞིན་བྱང་སེམས་དང༌། །མིང་ཙམ་ཞེས་ནི་རབ་ཏུ་གསུངས། །འདི་ནི་སྒྲ་དོན་འགོག་པ་སྟེ། །དངོས་པོ་སེལ་བར་བྱེད་པ་མིན། །ཞེས་གསུངས་སོ། །ཀུན་བཏགས་ཀྱི་འདི་ལྟར་བྱང་ཆུབ་སེམས་དཔའ་ཞེས་བྱ་བ་འདི་ནི་མིང་ཙམ་མོ། །བྱང་ཆུབ་ཅེས། སངས་རྒྱས་ཞེས། ཤེས་རབ་ཀྱི་ཕ་རོལ་ཏུ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །གཟུགས། ཚོར་བ། འདུ་ཤེས། འདུ་བྱེད། རྣམ་པར་ཤེས་པ། དཔེར་ན། བདག་བདག །སེམས་ཅན་སེམས་ཅན། སྲོག་སྲོག །དཔེར་ན། གསོ་བ་དང༌། སྐྱེས་བུ། གང་ཟག །ཤེད་ཅན། ཤེད་བདག །བྱེད་པ་པོ། བྱེད་དུ་འཇུག་པ་པོ། ཚོར་བ་པོ། ཚོར་བར་བྱེད་པ་པོ། སློང་བ་པོ། ཀུན་ཏུ་སློང་བ་པོ། ཤེས་བ་པོ། མཐོང་བ་པོ། རིག་པ་པོ། རྣམ་པར་ཤེས་པ་པོ། རྣམ་པར་ཤེས་པ་པོ་ཞེས་བྱ་བ་ནི། ཐ་སྙད་དུ་བརྗོད་མོད་ཀྱི། ཕྲེང་གཅིག་ལྷག་ན། སྤྱོད་པའི་ཚེ། ཆོས་གང་ལ་ཡང་མི་རྟོག་ཅིང་དམིགས་པ་མེད་པས། བྱང་ཆུབ་སེམས་དཔའ་ཡང་དག་པར་རྗེས་སུ་མི་མཐོང་ངོ༌། །ཞེས་བྱ་བ་ལ་སོགས་པ་འདི་དག་གིས་ནི་ཡོད་པའི་རྟོག་པ་སེལ་ཏེ། བརྒྱད་སྟོང་དོན་བསྡུས་སུ། བདག་གི་བྱང་ཆུབ་སེམས་དཔའ་ནི། །མ་མཐོང་ཞེས་སོགས་རྒྱས་རྣམས་ཀྱིས། །བཅོམ་ལྡན་དངོས་པོར་ཀུན་རྟོག་གི །འཁྲུལ་བ་འགོག་པར་མཛད་པ་ཡིན། །ཞེས་གསུངས་པ་དང་མཐུན་ནོ། །བྱང་ཆུབ་ཡང་དག་པར་རྗེས་སུ་མི་མཐོང་ངོ༌། །ཕྲེང་གསུམ་ན། སེམས་དཔའ་ཆེན་པོ་ནི་ཁྱད་པར་འཕགས་ཏེ། འདི་མན་ཆད་དེའི་ཕན་ཡོན་སྟོན་པ་དེ་བཞིན་གཤེགས་པའི་ཤེས་རབ་མ་གཏོགས་པར། ཕྲེང་གསུམ་གཉིས་ན། ཉེ་བར་བཟུང་བའི་ཡེ་ཤེས་དེས་ཟིལ་གྱིས་གནོན་ཏོ། །སེམས་དཔའ་ཆེན་པོ་རྣམ་པར་མི་རྟོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །ཕྲེང་གཉིས་ན། དེ་དག་གི་ཤེས་རབ་ཀྱི་སེམས་དང་པོ་བསྐྱེད་པའི་བྱང་ཆུབ་སེམས་དཔའ། ཕྲེང་བཞི་ན། བསྒོམ་པའི་རྣམ་པར་མི་རྟོག་པའི་ཤེས་རབ་ཅི་ཙམ་པ་དེས་ཀྱང༌། ཕྲེང་བཅུ་ན། རྒྱུར་ཡང་མི་ཕོད་དོ། །དེ་ལ་རྩོད་པ་སྤང་བ་ནི། ཤཱ་ར་དྭ་ཏིའི་བུས། གསོལ་པ། ཕྲེང་གཉིས་ན། ཤེས་རབ་དེ་དག་ཐམས་ཅད་གཅིག་པའི་བདག་ཉིད་ཡིན་པས་ཐ་མི་དད་པ་སྟེ། སྟོང་པ་རྣམ་པར་དག་པའི་ཕྱིར་དབེན་པ། འདུས་མ་བྱས་པའི་ཕྱིར། རང་བཞིན་གྱིས་མ་བྱུང་བ། ཡང་དག་པ་མ་ཡིན་པའི་ཀུན་རྟོག་གི་ངོ་བོ་ཉིད་དང་བྲལ་བས། ངོ་བོ་ཉིད་ཀྱིས་སྟོང་པ་སྟེ། ཞེས་པ་འབྲུ་ནོན་རྣམས་དབུ་མ་པའི་གསུངས་བཞིན་ནོ། །ཕྲེང་བདུན་ན། བདག་ཅག་གིས་ཕར་ཕྱིན་དྲུག་ལ་སྤྱད་ནས་བླ་ན་མེད་པ་ཡང་དག་པར། ཤོག་གུ་གཅིག་དང་ཕྲེང་གཅིག་ན། སེམས་བསྐྱེད་དང་པོ་བསྐྱེད་པ་སྟེ། ས་དང་པོ་ཐོབ་པ་ཉེ་བར་གཟུངས་ནས། ཕྲེང་གཅིག་ན། ས་ལས་འདས་ནས་ས་བརྒྱད་པ་ལས་ཕྱིར་མི་ལྡོག་པའི་ས་ཐོབ་སྟེ། རྣམ་པར་སྨིན་པའི་ཕ་རོལ་ཏུ་ཕྱིན་པ་རྣམས་ཀྱིས་བྱང་ཆུབ་ཀྱི་ལམ་ཡོངས་སུ་སྦྱོང་བར་བསྟན་ཏོ། །ཞེས་པ་གསུམ་དབུ་མ་པ་གསུངས། བྱང་ཆུབ་སེམས་དཔའི་ལམ་ཡང་སྦྱོང་ངོ༌། །ཞེས་པའི་ཚིག་འདི་གཞན་ན་མི་འདུག །ཕྲེང་གཉིས་ན། ཐོག་མ་སེམས་བསྐྱེད་པ་སྟེ། ས་དང་པོ་ཐོབ་ཕྱིན་ཆད། ཤོག་གུ་ཕྱེད་དང་གཉིས། སྦྱིན་པ་ཡོངས་སུ་གཏོང་ངོ༌། །དེ་རྣམས་ཀྱིས་ནི་ཅིར་ཡང་མི་རྟོག་པའི་ཤེར་ཕྱིན་ཟབ་མོ་སྒྲུབ་པ་རང་གི་ངོ་བོ་ཕན་ཡོན་དང་བཅས་པ་གསུངས་ཟིན།
གཉིས་པ་བདེན་པ་ལ་གདམས་པ་ནི། བདེན་པ་རྣམས་དང་ནི། །ཞེས་པ་ལ་བཞི་ལས། སྡུག་བསྔལ་གྱི་བདེན་པ་ལ་གདམས་པ་ནི། གསོལ་པ། བཅོམ་ལྡན་འདས། ཕྲེང་བཅུ་བཞི་ན། ཕུང་པོ་ཁམས་སྐྱེ་མཆེད། བདེན་པ་རྟེན་འབྲེལ། འདུས་བྱས། འདུས་མ་བྱས་སྟོང་པ་སྟེ། སྟོང་ཉིད་བདེན་པ་འདི་དག་ལ། བརྩོན་པར་ཅིར་ཡང་མི་རྟོག་པས། མི་བརྩོན་ཞེས་སེམས་དཔའ་མི་བརྗོད་དེ། རྗེས་སུ་མི་རྟོག་ཅིང་མི་སེམས་ལ་མི་མཐོང་ངོ༌། །རྣམ་པར་ཤེས་པ་ལ་ཅིར་ཡང་མི་རྟོག་པ་དང༌། སྐྱེ་མཆེད་དང་ཁམས་བདེན་པ་རྟེན་འབྲེལ་ལ་སོགས་གང་ལ་བརྩོན་ཞེས་བྱ་བའམ། ཀུན་འབྱུང་བ་ལ་གདམས་པ་ནི། གཟུགས་སྐྱེ་བའི་ཆོས་ཅན་ནམ། ཕྲེང་གསུམ་ན། གཟུགས་ནི་ཚོར་བ་དང་ལྷན་ཅིག་ཏུ་ཀུན་ཏུ་རྒྱུ་ཞེས་བྱ་བ་དང༌། ཚོར་བ་ནི་གཟུགས་དང་ལྷན་ཅིག་ཏུ་ཀུན་ཏུ་རྒྱུ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ༌། །དེ་བཞིན་དུ། ཚོར་བ་དང༌། འདུ་ཤེས་དང༌། འདུ་ཤེས་དང༌། ཚོར་བ་འདུ་ཤེས་དང༌། འདུ་བྱེད་དང༌། འདུ་བྱེད་དང༌། འདུ་ཤེས་དང་ལྷན་ཅིག་ཀུན་ཏུ་རྒྱུ་ཞེས་བྱ་བ་དང༌། འདུ་བྱེད་དང༌། རྣམ་པར་ཤེས་པ་དང་ལྷན་ཅིག་ཀུན་ཏུ་རྒྱུ་ཞེས་བྱ་བར། ཕྲེང་གཅིག་ལྷག་ན། ཆོས་གང་དང་ཡང་ལྷན་ཅིག་ཀུན་ཏུ་རྒྱུ་བ་མེད་དོ། །ནམ་མཁའ་དང་ནམ་མཁའ་ལྷན་ཅིག་འདུ་བ་མེད་པ་ལྟར། ཆོས་ཉིད་ཀྱི་གཟུགས་ལ་སོགས་པ་དེ་བཞིན་པས་དབུ་མ་པ་ཆེན་པོ་གསུངས། རང་བཞིན་གྱིས་སྟོང་པའི་ཕྱིར་འགྲོ་བ་མེད་དོ། །ཤཱ་ར་དྭ་ཏིའི་བུ། གཟུགས་ལ་སོགས་པ་དེ་དག་གི་མཚན་ཉིད་བསལ་བའི་ཕྱིར། གཟུགས་ཀྱི་སྟོང་པ་ཉིད་གང་ཡིན་པ་ཆོས་ཉིད་ཀྱི་གཟུགས་དེ་ནི་ཀུན་རྫོབ་ཀྱི་གཟུགས་མ་ཡིན། ཕྱི་མ་རྣམས་ལའང་དེ་བཞིན་དུ་སྦྱར་ཏེ། ཚོར་བའི་སྟོང་པ་ཉིད་གང་ཡིན་པ་དེ་ནི་ཚོར་བ་མ་ཡིན། ཕྲེང་གཅིག་ལྷག་ན། གཟུགས་ཀྱི་སྟོང་པ་ཉིད་གང་ཡིན་པ། ཆོས་ཉིད་ཀྱི་གཟུགས་དེ་ཐོགས་པར་མི་བྱེད་མེད་དོ། །ཕྱི་མ་རྣམས་ལའང་དེ་བཞིན་དུ་སྦྱར་ཏེ། ཚོར་བའི་སྟོང་པ་ཉིད་གང་ཡིན་པ་དེ་ཚོར་བར་མི་བྱེད་དོ། །ཕྲེང་གཉིས་ན། ཤཱ་ར་དྭ་ཏིའི་བུ། གཟུགས་ལ་སོགས་པའི་སྒྲ་ནི་ཆོས་ཉིད་ཀྱི་གཟུགས་ལ་སོགས་པ་ལ་བྱ་སྟེ། དེ་པས་སྟོང་པ་ཉིད་དང་གཟུགས་ལ་སོགས་པ་ཐ་དད་མེད་པར་གསུངས་པས་འདིར་ཡོངས་གྲུབ་ཀྱི་གཟུགས་གཞན་མ་ཡིན་ལ། དོན་དམ་སྟོང་པ་ཉིད་ཀྱང་གཞན་མ་ཡིན་ལ། སྟོང་པ་ཉིད་ཀྱང་གཞན་མ་ཡིན་ལ། ཆོས་ཉིད་ཀྱི་གཟུགས་ཀྱང་གཞན་མ་ཡིན་ཏེ། ཡོངས་གྲུབ་ཀྱི་སྐབས་ཐམས་ཅད་དུ་ཡང་གཟུགས་ལ་སོགས་པའི་སྒྲ་ནི་སྟོང་པ་ཉིད་ལ་བྱ་སྟེ། སྟོང་པ་ཉིད་ཀྱང་ཆོས་ཉིད་ཀྱི་གཟུགས་ལ་སོགས་པ་ལ་བྱ་བར་གསུངས་པས་ཡོངས་གྲུབ་ཀྱི་གཟུགས་ཉིད་ཀྱང་ཀུན་རྫོབ་ཀྱི་སྟོང་པ་ཉིད་ལ། དེས་སྟོང་པའི་གཞི་ཉིད་ཀྱང་ཆོས་ཉིད་ཀྱི་གཟུགས་སོ། །ཡོངས་གྲུབ་ཀྱི་ཚོར་བ་ཡང་གཞན་མ་ཡིན་ལ། དེས་ཀུན་བཏགས་ཀྱི་སྟོང་པའི་གཞི་ཉིད་ཀྱང་གཞན་མ་ཡིན། སྟོང་པའི་གཞི་ཉིད་ཀྱང་གཞན་མ་ཡིན་ལ། ཆོས་ཉིད་ཀྱི་ཚོར་བ་ཡང་གཞན་མ་ཡིན་ལ། ཚོར་བ་ཉིད་ཀྱང་དོན་དམ། སྟོང་པ་ཉིད་ལ་སྟོང་པ་ཉིད་ཀྱང་ཚོར་བའོ། །འདུ་ཤེས་ཀྱང་གཞན་མ་ཡིན་ལ་སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་མ་ཡིན་པ། འདུ་ཤེས་ཀྱང་གཞན་མ་ཡིན་ཏེ། འདུ་ཤེས་ཉིད་ཀྱང་སྟོང་པ་ཉིད་ལ། སྟོང་པ་ཉིད་ཀྱང་འདུ་ཤེས་སོ། །འདུ་བྱེད་རྣམས་ཀྱང་གཞན་མ་ཡིན་ལ། སྟོང་པ་ཉིད་ཀྱང་གཞན་མ་ཡིན་ལ། སྟོང་པ་ཉིད་ཀྱང་གཞན་མ་ཡིན་ལ། འདུ་བྱེད་རྣམས་ཀྱང་གཞན་མ་ཡིན་ཏེ། འདུ་བྱེད་རྣམས་ཀྱང་སྟོང་པ་ཉིད་ལ། སྟོང་པ་ཉིད་ཀྱང་འདུ་བྱེད་རྣམས་སོགས་རྣམ་པར་ཤེས་པ་ཡང་གཞན་མ་ཡིན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་མ་ཡིན་ལ། རྣམ་པར་ཤེས་པ་ཡང་གཞན་མ་ཡིན་ཏེ། རྣམ་པར་ཤེས་པ་ཉིད་ཀྱང་སྟོང་པ་ཉིད་ལས། སྟོང་པ་ཉིད་ཀྱང་རྣམ་པར་ཤེས་པའོ། །འདི་རྣམས་ཀྱིས་ནི་དོན་དམ་གྱི་སྣང་སྟོང་དབྱེར་མེད་ཟུང་འཇུག་བསྟན་ཏེ། བདེན་པ་གཉིས་ལ་བདེན་ལུགས་གཉིས་དང༌། སྟོང་ལུགས་གཉིས་ལ་སོགས་པ་རྫོགས་ལྡན་གྱི་ཆོས་ལ་གོམས་ཤིང་འདྲིས་པ་རྣམས་ཀྱི་སྤྱོད་ཡུལ་ཡིན་གྱི། གསུམ་ལྡན་མར་བཅད་ཀྱི་ཆོས་ཙམ་ལ་མཆོག་ཏུ་ལྟ་བ་རྣམས་ཀྱི་སྤྱོད་ཡུལ་ནི་མ་ཡིན་ནོ། །
འགོག་བདེན་ལ་གདམས་པ་ནི། ཤཱ་ར་དྭ་ཏིའི་བུ། དོན་དམ་སྟོང་པ་ཉིད་གང་ཡིན་པ་དེ་ནི་རྟེན་འབྲེལ་ལས་འདས་ཤིང་རང་བཞིན་གྱིས་འོད་གསལ་བདེ་བ་ཆེན་པོ་ཡིན་ལ། འདུས་མ་བྱས་པ་ཡང་ཡིན་པའི་ཕྱིར། མི་སྐྱེ་མི་འགག་ཅིང་ཀུན་ནས་ཉོན་མོངས་པར་འགྱུར་བ་མེད། རྣམ་པར་བྱང་བ་གདོད་ནས་གྲུབ་པ། དེ་ལས་ལྷག་པ་བསྟན་དུ་མེད་པའང༌། དེ་ནི་དུས་གསུམ་མཉམ་པ་ཉིད་དུས་གསུམ་དུས་མེད་རྟོགས་པ་པོའི་ཕྱིར། འདས་པ་ཡང་མ་ཡིན། ཕྲེང་ཕྱེད་དང་གཉིས་ན། དེ་ལྟར་བྱུང་བ་ཡང་མ་ཡིན་པའི་གཞི་འགོག་བདེན་མཐར་ཐུག་དེ་ལ་ནི། ཀུན་རྫོབ་ཀྱི་གཟུགས་གཟོད་མ་ནས་དབྱེར་མེད་དུ་མེད་དོ། །ཕྱི་མ་རྣམས་ལའང་དེ་བཞིན་དུ་སྦྱར་ཏེ། ཚོར་བ་མེད་དོ། །ཕྲེང་ལྔ་ན། ཡིད་ཀྱི་རྣམ་པར་ཤེས་པའི་ཁམས་མེད་དོ། །སྟོང་གཞི་དོན་དམ་གཞན་སྟོང་རང་བྱུང་ཡེ་ཤེས་འགྱུར་མེད་ཡོངས་གྲུབ་བདེ་གཤེགས་སྙིང་པོ་དབུ་མ་ཤེར་ཕྱིན་མཚན་ཉིད་གསང་སྔགས་མཐར་ཐུག་གང་ཡིན་པ་ཡོངས་གྲུབ་དེ་ལ་ནི་མ་རིག་པ་མེད་དོ། །མ་རིག་པ་འགག་རྒྱུ་མེད་པས་འགག་པ་མེད་དོ། །ཕྲེང་གསུམ་ན། ཡོངས་གྲུབ་དེ་ལ་ནི་སྡུག་བསྔལ་མེད་དོ། །སྡུག་བསྔལ་ཡོངས་སུ་ཤེས་པའི་བློ་འདུས་བྱས་མེད་དོ། །དྲི་མ་རང་བཞིན་གྱིས་འགགས་པ་ལས་ལྷག་པའི་འགོག་པ་མེད་འགོག་པ་མངོན་དུ་བྱ་བའི་བློ་འདུས་བྱས་མེད་དོ། །ཕྲེང་གསུམ་ན། བྱང་ཆུབ་མེད་དོ། །ཞེས་པ་འདིར་ཡང་བརྟགས་པ་ཐམས་ཅད་འགོག་པ་སྟེ། ཞེས་པ་དྲན་པར་བྱའོ། །ལམ་བདེན་ལ་གདམས་པ་ནི། ཤཱ་ར་དྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་པ་ནི། ཕྲེང་ཉེར་ལྔ་ན། འབྱེད་པ་དང་སྡུད་པ་ལ་སོགས་པ་ཅིར་ཡང་མི་རྟོག་པའི་ཕྱིར། སྟོང་པ་ཉིད་དང༌། སྟོང་པ་ཉིད་དུ་མི་སྡུད་མི་འབྱེད་དེ། ཕྲེང་གསུམ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །ཞེས་པ་འདིས་ནི་ལམ་གྱི་བདེན་པ་རྣམ་པར་མི་རྟོག་པ་ཉིད་ཡིན་པར་གསལ་བར་བསྟན་ཏོ། །ཞེས་འཕགས་པ་རྣམ་གྲོལ་སྡེས་གསུངས། ཕྲེང་གཅིག་ན། ཁོང་དུ་ཆུད་པར་བྱེད་པས། གཟུགས་ཆོས་ཉིད་ཀྱི་གཟུགས་ལ་སོགས་པ་ལ། རང་གི་མཚན་ཉིད་སྟོང་པ་ཉིད་ཀྱི་གཟུགས་སུ་ཡོད་པ་ལ་སོགས་པའི་མཚན་ཉིད་མ་མཐོང་བས། ཞེས་དབུ་མ་པ་ཆེན་པོ་གསུངས། མི་སྦྱོར་ཆོས་ཉིད་བདག་ཉིད་དུ་བསྒོམ་པར་བྱ་བ་ཡིན་པས། ཞེས་དབུ་མ་པ་ཆེན་པོ་གསུངས། མི་འབྱེད་དོ། །དེ་བཞིན་དུ་སྦྱར་ཏེ། ཚོར་བ་དང༌། འདུ་ཤེས་དང༌། ཤོག་གུ་གཅིག་ན། ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །
གསུམ་པ་དཀོན་མཆོག་ལ་གདམས་པ་ནི།
སངས་རྒྱས་ལ་སོགས་དཀོན་མཆོག་གསུམ་ལས། སངས་རྒྱས་ལ་གདམས་པ་ནི། ཤཱ་ར་དྭ་ཏིའི་བུ། གཞན་ཡང༌། ཕྲེང་སུམ་ཅུ་ན། ཕ་རོལ་ཏུ་ཕྱིན་པ་ལ་སྤྱོད་པའི་ཚེ། སངས་རྒྱས་དང༌། བྱང་ཆུབ་དང༌། རྣམ་པ་ཐམས་ཅད་མཁྱེན་པ་དག་ནི་མཚན་ཉིད་གཅིག་པས། ཆོས་ཀྱི་སྐུའི་བདག་ཏུ་ཐ་དད་པ་མེད་པས་ན། ཞེས་དབུ་མ་པ་ཆེན་པོ་གསུངས། སངས་རྒྱས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །ཕྲེང་གསུམ་ལྷག་ན། ལྟ་ག་ལ་ཡོད། དེ་ཅིའི་ཕྱིར་ཞེ་ན། སངས་རྒྱས་ཉིད་རྣམ་པ་ཐམས་ཅད་མཁྱེན་པ་ཉིད། རྣམ་པ་ཐམས་ཅད་མཁྱེན་པ་ཉིད་སངས་རྒྱས་སོ། །བྱང་ཆུབ་ཉིད་རྣམ་པ་ཐམས་ཅད་མཁྱེན་པ་ཉིད། རྣམ་པ་ཐམས་ཅད་མཁྱེན་པ་ཉིད་བྱང་ཆུབ་བོ། །ཞེས་པ་འདི་ལེ་བརྒྱད་མར་འབྱུང་ཞིང་ཁྲི་བརྒྱད་སྟོང་པར་ཡང་འབྱུང་ངོ༌། །ཤཱ་ར་དྭ་ཏིའི་བུ། ཕྲེང་དེ་ལ་བརྩོན་ཞེས་བྱའོ། །
ཆོས་དཀོན་མཆོག་ལ་གདམས་པ་ནི། ཤཱ་ར་དྭ་ཏིའི་བུ། གཞན་ཡང༌། ཕྲེང་ཕྱེད་ན། ཕ་རོལ་ཏུ་ཕྱིན་པ་ལ་སྤྱོད་ཅིང༌། མཉམ་པར་འཇོག་པའི་ཚེ། ཆོས་གང་ལའང་དངོས་པོ་མེད་དང༌། རྟག་མི་རྟག་དང༌། བདེ་སྡུག་དང༌། བདག་ཡོད་མེད་དང༌། ཞི་མ་ཞི་དང༌། སྟོང་མི་སྟོང་དང༌། མཚན་མ་ཡོད་མེད་དང༌། སྨོན་པ་ཡོད་མེད་དང༌། སྐྱེ་འགག་དང༌། དུས་གསུམ་དང༌། བརྟན་མི་བརྟན་དང་ཡོད་མེད་ལ་སོགས་པ་གང་དུ་མི་རྟོག་ཅིང་མི་སེམས་ལ། མི་དམིགས་པས་སྤྲོས་བྲལ་མཉམ་པ་ཉིད་ཀྱི་ངང་ལ་འཇོག་པའི་ཕྱིར། གཟུགས་དངོས་པོ་ཞེས་བྱ་བར་མི་སྦྱོར་རོ། །ཕྲེང་ལྔ་ན། ཀུན་བཏགས་པ་གཟུགས་ལ་སོགས་པ་ལ་མྱ་ངན་ལས་འདས་པའི་མཚན་ཉིད་མེད་པས་ན། ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། གཟུགས་ཞི་ཞེས་བྱ་བར་མི་སྦྱོར་རོ། །ཆོས་ཉིད་ལ་སོགས་པ་ལ་འཁོར་བའི་མཚན་ཉིད་མེད་པའི་ཕྱིར། ཞེས་དབུ་མ་པ་ཆེན་པོ་གསུངས། གཟུགས་མ་ཞི་ཞེས་བྱ་བར་མི་སྦྱོར་རོ། །ཕྲེང་བཅུ་གཅིག་ན། སྤྱོད་པའི་ཚེ། ཆོས་ཐམས་ཅད་ཆོས་ཉིད་དུ་ཐ་དད་མེད་པ་ལ་ཐ་དད་དུ་འཛིན་པ་མི་འཐད་པའི་ཕྱིར་ཏེ། ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ངོ་བོ་ཉིད་དུ་ཐ་མི་དད་པས་ན། ཞེས་དབུ་མ་པ་ཆེན་པོ་གསུངས། སྦྱིན་པའི་ཕ་རོལ་ཏུ་ཕྱིན་པའི་དོན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མི་སྤྱོད་དོ། །ཕྲེང་བཅོ་ལྔ་ན། ཐམས་ཅད་མངོན་པར་ཤེས་པ་དམིགས་པ་ལྟ་ག་ལས་འོང༌། ཞེས་པ་ནི་མངོན་པར་ཤེས་པ་རྣམས་ཀུན་བཏགས་པའི་ངོ་བོ་ཉིད་ཡིན་པ་དང༌། ཀུན་བཏགས་པའི་དམིགས་པ་ཡིན་པའི་ཕྱིར་དེ་སྐད་བཤད་དོ། །བྱ་བའི་འགྲེས་ལ་ཡང་དེ་བཞིན་དུ་སྦྱོར་ཞེས་དབུ་མ་པ་ཆེན་པོ་གསུངས། ཤཱ་ར་དྭ་ཏིའི་བུ། བྱང་ཆུབ་སེམས་དཔའ། ཤོག་གུ་ཕྱེད་དང་བཞི་ན། ཡང་དག་པར་རྫོགས་པའི་བྱང་ཆུབ་ཏུ། ས་བརྒྱད་པ་ཐོབ་པས་ལུང་བསྟན་པར་གྱུར་པའམ། ལུང་བསྟན་པར་འོས་པའི་ཕྱིར་ལུང་བསྟན་པར། ཞེས་དབུ་མ་པ་ཆེན་པོ་གསུངས། ཉེ་བར་གྱུར་པའོ། །ཕྲེང་གཅིག་གཉིས་ན། ཞེས་པ་འདི་དག་ནི་རྗེ་བཙུན་སྤྱན་རས་གཟིགས་ཀྱིས་བསྐྱེད་པའི་རིམ་པར་གསུངས་པའི་ཧཱུཾ་དང་ནི། ཕཊ་ཡིག་ལ་སོགས་པ་རྟོག་པ་དང་བྲལ་བ། རྫོགས་པའི་རིམ་པའི་རྣལ་འབྱོར་དེ་ཉིད་དེ་དེ་ཉིད་ཀྱི་ནི་སྒྲུབ་ཐབས་གཞན་ཡོད་མིན། ཞེས་དང༌། ཤིན་ཏུ་རྣམ་དག་རིམ་པ་གཅིག་པུ་ནི། །ཐར་པའི་སླད་དུ་སངས་རྒྱས་རྣམས་ཀྱིས་བསྟན། །ཞེས་གསུངས་པ་དང་དོན་གཅིག་གོ །ཤཱ་ར་དྭ་ཏིའི་བུ། འདི་ནི་ཕྲེང་ལྔ་ན། འཆལ་བའི་སེམས་མི་བསྐྱེད་དོ། །
དགེ་འདུན་དཀོན་མཆོག་ལ་གདམས་པ་ནི། དེ་སྐད་ཅེས་བཀའ་སྩལ་པ་དང༌། ཞེས་གསོལ་ཏོ། །དེ་ལ་དགེ་འདུན་དཀོན་མཆོག་ནི། འདིར་ཕྱིར་མི་ལྡོག་པའི་བྱང་ཆུབ་སེམས་དཔའ་ཡིན་པར་ཤེས་པར་བྱའོ། །ཞེས་འཕགས་པས་གསུངས། བཅོམ་ལྡན་འདས། ཕྲེང་བཞི་ན། འདིར་སྐྱེས་པ་དེ་ནི་དབང་པོ་རྣོ་བར་གྱུར་ཏེ། ཞེས་པ་ལེ་བརྒྱད་མར་བྱུང༌། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྲེང་བཞི་ན། འདིར་སྐྱེས་པ་དེ་ནི་དེའང་དབང་པོ་རྣོ་བར་འགྱུར་རོ། །ཞེས་པ་འདི་ལེ་བརྒྱད་མར་བྱུང༌། ཚེ་གཅིག་གིས་ཐོགས་པ་སྟེ། ཕྲེང་བཅུ་གཅིག་ན། རྣོ་བ་ཡང་མེད་དོ། །ཤཱའ་ར་དྭ་ཏིའི་བུ། ཕྲེང་ཕྱེད་དང་གཉིས་ན། འདོད་པའི་ཁམས་སུ་མིའི་ནང་དུ་སྐྱེ་བའང་ཡོད་དོ། །ཕྲེང་གཅིག་ན། རྣོ་བ་ཡང་ཡིན་ནོ། །ཤཱ་ར་དྭ་ཏིའི་བུ། ཕྲེང་དྲུག་ན། འཚང་རྒྱའོ། །ཤཱ་ར་དྭ་ཏིའི་བུ། ཕྲེང་ལྔ་ན། ཕྱིར་རོ། །ཤཱ་ར་དྭ་ཏིའི་བུ། ཕྲེང་དྲུག་ན། མཉེས་པར་བྱེད་དོ། །ཤཱའ་ར་དྭ་ཏིའི་བུ། ཕྲེང་བདུན་ན། གསོལ་བ་གདབ་པ་བྱེད་དོ། །ཕྲེང་བདུན་ན། དག་ཀྱང་ཡོད་དོ། །དཔེར་ན། བདག་ཅག་གི །བཅོམ་ལྡན་འདས་བྱམས་པ་ལྟ་བུའོ། །ཞེས་དབུ་མ་པ་གསུངས། ཕྲེང་གཉིས་ལྷག་ན། འདོད་པ་དག་ཀྱང་ཡོད་དོ། །ཤཱ་ར་དྭ་ཏིའི་བུ། ཕྲེང་གཉིས་ན། དག་ཀྱང་ཡོད་དོ། །ཤཱའ་ར་དྭ་ཏིའི་བུ། ཕྲེང་གཉིས་རུང་ན་དག་ཀྱང་ཡོད་དོ། །ཤཱ་ར་དྭ་ཏིའི་བུ། ཕྲེང་གསུམ་ན། བྱེད་པ་དག་ཀྱང་ཡོད་དོ། །ཕྲེང་གཅིག་ལྷག་ན། ས་འཐོབ་པར་ཡོད་དོ། །ཕྲེང་ཕྱེད་དང་གསུམ་ན། གནས་པ་དག་ཀྱང་ཡོད་དོ། །ཕྲེང་གསུམ་ཆད་ན། འདོད་པ་དག་ཀྱང་ཡོད་དོ། །ཕྲེང་བཅུ་གཅིག་ན། རྣམ་པར་མནན་ཅིང་ཐོད་རྒལ་དུ་ཞེས་ཁྲི་བརྒྱད་སྟོང་པར་གསུངས། དག་ཀྱང་ཡོད་དོ། །ཕྲེང་ཕྱེད་བཅུ་ན། ཤེས་པར་བྱའོ། །ཕྲེང་གཉིས་ན། བསྐལ་པ་བཟང་པོ་འདི་ལས་སངས་རྒྱས་པར་ཤེས་པར་བྱའོ། །ཕྲེང་བཞི་ན། ཐོགས་པར་ཤེས་པར་བྱའོ། །ཕྲེང་ཕྱེད་དང་གསུམ་ན། འཚང་རྒྱའོ། །དཔེར་ན་འཕགས་པ་འཇམ་དཔལ་གཞོན་ནུར་གྱུར་པ་ལ་སོགས་པ་ལྟ་བུའོ། །ཞེས་དབུ་མ་པ་གསུངས། ཕྲེང་གཉིས་ན། ཡིད་ཀྱི་ལས་མི་བྱེད་ཅིང་སེམས་ཅན་རྣམས་ལ་ཆོས་འཆད་པ་དག་ཀྱང་ཡོད་དོ། །ཕྲེང་གཉིས་ན། གཅོད་པ་དག་ཀྱང་ཡོད་དོ། །ཕྲེང་གསུམ་ན། སྒྲུབ་པ་དག་ཀྱང་ཡོད་དོ། །ཕྲེང་གཅིག་ན། དག་ཀྱང་ཡོད་དོ། །ཕྲེང་གཅིག་ན། འགོད་པ་དག་ཀྱང་ཡོད་དོ། །ཕྲེང་གསུམ་ན། སྟོན་པ་དག་ཀྱང་ཡོད་དོ། །ཕྲེང་བཞི་ན། བྱེད་པ་དག་ཀྱང་ཡོད་དོ། །དེ་བཞིན་དུ། ལྷོ་དང༌། ནུབ་དང༌། བྱང་དང༌། བྱང་ཤར་དང༌། ཤར་ལྷོ་དང༌། ལྷོ་ནུབ་དང༌། ནུབ་བྱང་དང༌། འོག་དང་སྟེང་གི་ཕྱོགས་རེ་རེ་ཞིང༌། ཕྲེང་གསུམ་ལྷག་ན། བྱེད་པ་དག་ཀྱང་ཡོད་དོ། །ཕྲེང་ལྔ་ན། བསླབ་པར་བྱའོ། །ཕྲེང་གཉིས་ན། མི་སྨོད་པ་དག་ཀྱང་ཡོད་དོ། །ཕྲེང་གཉིས་ན། མི་སྡུད་པ་དག་ཀྱང་ཡོད་དོ། །ཕྲེང་གཅིག་ན། མི་གཏོང་བ་དག་ཀྱང་ཡོད་དོ། །ཕྲེང་གཉིས་ན། སྡུད་པ་དག་ཀྱང་ཡོད་དོ། །ཕྲེང་གསུམ་ན། མཆོད་པ་བྱེད་པ་དག་ཀྱང་ཡོད་དོ། །ཕྲེང་གཉིས་ན། སྣང་བ་དེ་དང༌། དགེ་འདུན་དཀོན་མཆོག་ལ་ནམ་ཡང་འབྲལ་བར་མི་བྱེད་པ་དག་ཀྱང་ཡོད་དོ། །ཕྲེང་གཉིས་ན། མི་འབྱེད་དོ། །
བཞི་པ་མི་ཞེན་པ་ལ་གདམས་པ་ནི། མ་ཞེན། དེ་སྐད་ཅེས་བཀའ་སྩལ་པ་དང༌། ཕྲེང་ཉེར་བཞི་ན། སུས་ཀྱང་ཐུབ་པ་མེད་དོ། །
ལྔ་པ་མི་ངལ་བ་ལ་གདམས་པ་ནི། ཡོངས་སུ་མི་ངལ་དང༌། །གསོལ་པ། བཅོམ་ལྡན་འདས། ཕྲེང་ཉེར་གཉིས་ན། མི་འགྱུར་བ་དག་ཀྱང་ཡོད་དོ། །དྲུག་པ་ལམ་ཡོངས་སུ་འཛིན་ལ་གདམས་པ་ནི། ལམ་ནི་ཡོངས་སུ་འཛིན་པ་དང༌། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཕྲེང་ཉེར་གསུམ་ན། རྗེས་སུ་མི་མཐོང་ངོ༌། །དེ་ནས་མ་ཞེན་པ་ནི་ཡོངས་སུ་ཉམས་པར་མི་འགྱུར་ལ། མི་ངལ་བས་ནི་ཇི་སྲིད་དུ་བགྲོད་པར་བྱ་བ་འགྲོ་བར་འགྱུར་རོ། །ཡོངས་སུ་བཟུང་བས་ནི་ལམ་གཞན་དུ་འགྲོ་བར་མི་འགྱུར་རོ། །ཞེས་འཕགས་པ་རྣམ་གྲོལ་སྡེས་གསུངས། བདུན་པ་སྤྱན་ལྔ་ལ་གདམས་པ་ནི། སྤྱན་ལྔ་དང་ནི། ཤཱ་ར་དྭ་ཏིའི་བུ། འདི་ལྟར་ཡང༌། ཕྲེང་གཅིག་ན། ལྔ་གང་ཞེ་ན། འདི་ལྟ་སྟེ། གཟུགས་ཐམས་ཅད་ལ་འཇུག་པའི་ཤེས་པ་ནི་ཤའི་མིག་དང༌། ཏིང་ངེ་འཛིན་དང༌། སྙོམས་འཇུག་ཐམས་ཅད་ཤེས་པ་ནི། ལྷའི་མིག་དང་ཐམས་ཅད་མཁྱེན་པའི་ཡེ་ཤེས་ནི། ཤེས་རབ་ཀྱི་མིག་དང་གནས་དང༌། གནས་མ་ཡིན་པའི་མཁྱེན་པ་མ་གཏོགས་པའི་ཤེས་པ་དགུ་པ་ནི། ཆོས་ཀྱི་མིག་དང༌། རྡོ་རྗེ་ལྟ་བུའི་ཏིང་ངེ་འཛིན་གྱི་ཡེ་ཤེས་ནི། ཞེས་དབུ་མ་པ་ཆེན་པོ་གསུངས། སངས་རྒྱས་ཀྱི་མིག་གོ །དང་པོ་ཤའི་སྤྱན་ནི། གསོལ་པ། བཅོམ་ལྡན་འདས། ཕྲེང་བདུན་ན། ཤའི་མིག་ཡོངས་སུ་དག་པའོ། །གཉིས་པ་ལྷའི་སྤྱན་ནི། གསོལ་པ། བཅོམ་ལྡན་འདས། ཕྲེང་བཅུ་ལྷག་ན། ལྷའི་མིག་ཡོངས་སུ་དག་པའོ། །གསུམ་པ་ཤེས་རབ་ཀྱི་སྤྱན་ནི། གསོལ་པ། བཅོམ་ལྡན་འདས། ཕྲེང་དྲུག་ན། ཤེས་རབ་ཀྱི་མིག་ཡོངས་སུ་དག་པའོ། །བཞི་པ་ཆོས་ཀྱི་སྤྱན་ནི། གསོལ་པ། བཅོམ་ལྡན་འདས་ཤོག་གུ་གཉིས་དང་ཕྲེང་བཅུ་ན། ཆོས་ཀྱི་མིག་ཡོངས་སུ་དག་པ་ཡིན་ནོ། །ལྔ་པ་སངས་རྒྱས་ཀྱི་སྤྱན་ནི། གསོལ་པ། བཅོམ་ལྡན་འདས། ཕྲེང་བཅུ་གཅིག་ན། བརྒྱད་པ་མངོན་ཤེས་དྲུག་ལ་གདམས་པ་ནི། མངོན་ཤེས་ཀྱི། །ཡོན་ཏན་དྲུག་དང་། ཤཱ་ར་དྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སྤྱོད་པའི། ཕྲེང་ཕྱེད་ན། དང་པོ་རྫུ་འཕྲུལ་གྱི་མངོན་ཤེས་ནི་རྫུ་འཕྲུལ་གྱི་རྣམ་པ་དུ་མ། ཕྲེང་བརྒྱད་ན། གཉིས་པ་ལྷའི་རྣ་བའི་མངོན་ཤེས་ནི། དེ་ལྷའི་རྣ་བའི་མངོན་ཤེས་རྣམ་པར་དག་པ། ཕྲེང་བཞི་ན། བམ་པོ་དྲུག་པ།
གསུམ་པ་གཞན་གྱི་སེམས་ཤེས་པའི་མངོན་ཤེས་ནི། དེས་སེམས་ཅན་ཕ་རོལ་དང༌། ཕྲེང་བཅུ་བཞི་ན། སྒྲུབ་པ་ཡིན་ནོ། །བཞི་པ་སྔོན་གྱི་གནས་རྗེས་སུ་དྲན་པའི་མངོན་ཤེས་ནི། དེ་ནི་མངོན་ཤེས་ཀྱི་གནས་རྗེས་སུ་དྲན་པའི་ཕྲེང་བཅུ་ན། ལྔ་པ་ལྷའི་སྤྱན་གྱི། མངོན་ཤེས་ནི། དེ་ནི་ལྷའི་མིག་རྣམ་པར་དག་པ་མི་ལས་འདས་པས། ཕྲེང་བཅུ་གཅིག་ན། དྲུག་པ་གང་ཟག་གི་མངོན་ཤེས་ནི། དེ་ནི་ཟག་པ་ཟད་པ་མངོན་དུ་བྱ་བའི། ཕྲེང་བཞི་ན། དེ་ཡང་འདི་ལྟར་རང་བཞིན་སྟོང་པ་དངོས་པོ་མེད་པའི་ངོ་བོ་ཉིད་དང༌། རང་བཞིན་བདེན་པ་ཤིན་ཏུ་ཡོངས་སུ་དག་པ་ཉིད་དང༌། རང་བཞིན་མ་སྐྱེས་འདུས་མ་བྱས་པ་ངོ་བོ་ཉིད་ཡིན་པའི་ཕྱིར། གང་གི་རློམ་སེམས་སུ་འགྱུར་བའི། ཤོག་གུ་གཅིག་དང་ཕྲེང་བཞི་ན། ཉེ་བར་བཟུང་བ་ལས་གདགས་ཏེ། སེར་སྣ་ལ་སོགས་མི་མཐུན་ཕྱོགས་རྣམས་ལས་དེ་ནི་རྒལ་ཏོ། །ཞེས་བྱ་བར། ཕྲེང་ལྔ་ན། ཤཱ་ར་དྭ་ཏིའི་བུ། མ་སྐྱེས་པ་ཡང་དག་པའི་མཐའ་ནི་གསུངས་སོ། །ཞེས་བྱ་བར། ཕྲེང་བདུན་ན། བྱོན་ཅིང༌། ཁྲི་བརྒྱད་སྟོང་པར། སྡུག། ཅེས་པ་འབྱུང༌། དབེན་པར་བྱ་བ་ཡིན་ཏེ། ཕྲེང་བཅུ་ན། སངས་རྒྱས་དཔལ་ལམ་ཏོག་ཆེན་པོ། ཞེས་བྱ་བ་ལྟ་བུ་ཤ་སྟག །ཕྲེང་བཅུ་བཞི་ན། སངས་རྒྱས་བཀོད་པའི་ཞེས། ཁྲི་བརྒྱད་སྟོང་པར་བྱ། རྒྱན་གྱི་རྒྱལ་པོ་ཞེས་བྱ་བ་ཤ་སྟག་བྱམས་པ་ལ་སོགས་གཅིག་ན་མཉམ་པའོ། །ཁྲི་བརྒྱད་སྟོང་པར། འདི་ནི་ཕ་རོལ་ཏུ་ཕྱིན་པ་ཞི་བ་དང་དུལ་བ་ལ་སོགས་སོ། །ཞེས་པ་བྱུང༌། ཕ་རོལ་ཏུ་ཕྱིན་པ་འདི་ནི་འདྲ་བ་མ་མཆིས་པའོ། །ཤོག་གུ་གཉིས་དང་ཕྲེང་བཅུ་གཅིག་ན། འབུམ་ཏིག་དང༌། ལེ་བརྒྱད་མ་དང༌། ཁྲི་བརྒྱད་སྟོང་པར། བཻ་ཌཱུརྻ་བྱུ་རུའི་དུད་དང༌། ཤོག་གུ་གཉིས་དང་ཕྲེང་བཅུ་གཅིག་ན། ལེའུ་སྟེ་གཉིས་པའོ།། །།
དགུ་པ་མཐོང་ལམ་གདམས་པ་ནི། མཐོང་ལམ་དང༌། །དེ་ནས་བཅོམ་ལྡན་འདས་ཀྱིས། ཕྲེང་བཅུ་ན། ཡུལ་མ་ཡིན་ནོ། །སྡུག་བསྔལ་ལ་ཆོས་ཤེས་པའི་བཟོད་པ་ནི། དེ་ནས་ཚེ་དང་ལྡན་པ་རབ་འབྱོར་གྱིས། ཕྲེང་བདུན་ན། མི་དམིགས་སོ། །ཞེས་པ་ལ་སོགས་པ་འདི་དག་གིས་ཀྱང་དོན་ཇི་ལྟ་བར་མིང་དུ་རྟོག་པ་སེལ་ཏེ། འཕགས་པ་ཕྱོགས་གླང་གིས། བདེན་དོན་རྣམ་རྟོག་སེལ་བ་ནི། །ཤེས་རབ་ཕ་རོལ་ཕྱིན་པ་དང༌། །སངས་རྒྱས་དེ་བཞིན་བྱང་སེམས་པ། །མིང་ཙམ་ཞེས་ནི་རབ་ཏུ་གསུངས། །འདི་ནི་སྒྲ་དོན་འགོག་པ་སྟེ། །དངོས་པོ་སེལ་བར་བྱེད་པ་མིན། །ཞེས་གསུངས་པ་དང༌། མཐུན་ཞིང་ཀུན་བཏགས་པ་འགོག་པ་ཡང་ཡིན་ནོ། །སྡུག་བསྔལ་ལ་ཆོས་ཤེས་པ་ནི། རབ་འབྱོར། འདི་ལྟ་སྟེ། དཔེར་ན། ཤོག་གུ་གསུམ་དང་ཕྲེང་གཅིག་ན། ཆོས་སུ་བརྟགས་པ་ལ། བསླབ་པར་བྱའོ། །སྡུག་བསྔལ་ལ་རྗེས་སུ་ཤེས་པའི་བཟོད་པ་ནི། རབ་འབྱོར། ཕྲེང་བཅུ་བཞི་ན། རྗེས་སུ་མི་མཐོང་ངོ༌། །ཞེས་པ་མི་རྟག་པ་ནས། འདིའི་བར་ལ། རྟོག་པ་སུམ་ཅུ་རྩ་བཞིར་གནོད་འཇོམས་སུ་དབུ་མ་པ་གསུངས་སོ། །ཚོར་བ་ཞེས་བྱ་བ་དང༌། ཤོག་གུ་དྲུག་ན། མི་མཐོང་ངོ༌། །སྡུག་བསྔལ་ལས་རྗེས་སུ་ཤེས་པ་ནི། དེ་ཅིའི་ཕྱིར་ཞེ་ན། ཕྲེང་བཅུ་གསུམ་ན། དེ་ཅིའི་ཕྱིར་ཞེ་ན། ཀུན་འབྱུང་ལ་ཆོས་ཤེས་པའི་བཟོད་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་དེས། ཕྲེང་གཉིས་ལྷག་ན། ཀུན་འབྱུང་ལ་ཆོས་ཤེས་པ་ནི། དེ་ལྟར་དེས་མིང་དང་བརྡར་བྱ་བའི་ཆོས་སུ། ཕྲེང་བཅུ་ན། ཀུན་འབྱུང་ལ་རྗེས་སུ་ཤེས་པའི་བཟོད་པ་ནི། སྦྱིན་པའི་ཕ་རོལ་ཏུ་ཕྱིན་པ་ནི། ཕྲེང་བཅུ་གཉིས་ན། ཀུན་འབྱུང་ལ་རྗེས་སུ་ཤེས་པ་ནི། རབ་འབྱོར་དེ་ལྟར། ཕྲེང་གཉིས་ན། འགོག་པ་ལ་ཆོས་ཤེས་པའི་བཟོད་པ་ནི། ཕྱིར་མི་ལྡོག་པའི་ས་གནོན་པར་འགྱུར་རོ། །འགོག་པ་ལ་ཆོས་ཤེས་པ་ནི། མངོན་པར་ཤེས་པ་རྣམས། ཕྲེང་བདུན་ན། དེ་ལྟར་ཁོང་དུ་ཆུད་པར་བྱའོ། །འགོག་པ་ལ་རྗེས་སུ་ཤེས་པའི་བཟོད་པ་ནི། རབ་འབྱོར། གང་ཡང་ཁྱོད་ཀྱིས། ཕྲེང་གཅིག་ན། མཉམ་བཞག་ཟབ་མོའི་སྐབས་སུ། གཟུགས་བྱང་ཆུབ་སེམས་དཔའ་ཡིན་པར་རྟོག་སྙམ་མམ། གསོལ་པ། བཅོམ་ལྡན་འདས། དེ་ལྟ་བུ་རྟོགས་པ་མ་ལགས་སོ། །དེ་ཅིའི་ཕྱིར་ཞེ་ན། དེའི་སྐབས་སུ་ཅིར་ཡང་མི་རྟོགས་པའི་ཕྱིར། དེ་བཞིན་དུ་འོག་མ་རྣམས་ལའང་སྦྱར། བཅོམ་ལྡན་འདས་ཀྱིས་བཀའ་སྩལ་པ། ཤོག་གུ་བཞི་དང་ཕྲེང་གསུམ་ན། འགོག་པ་ལ་རྗེས་སུ་ཤེས་པ་ནི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་ནས་ཤོག་གུ་བརྒྱད་དང་ཕྲེང་བཅུ་ན། དེ་ལྟར་བསླབ་པར་བྱའོ། །ལམ་ལ་ཆོས་ཤེས་པའི་བཟོད་པ་ནི། རབ་འབྱོར། གང་ཡང་འདི་སྐད་དུ་འདི་ལྟ་སྟེ། ཤོག་གུ་བཞི་དང་ཕྲེང་ལྔ་ན། ལམ་ལ་ཆོས་ཤེས་པ་ནི། རབ་འབྱོར། གང་ཡང་ཁྱོད། ཕྲེང་ཕྱེད་ན། རབ་འབྱོར། ཀུན་བཏགས་ཀྱི་ཆོས་ཀྱིས་ཡོངས་གྲུབ་ཀྱི་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ༌། །གཞན་འབྱུང་ཡེ་ཤེས་ནི་མ་གཏོགས་སོ། །ཆོས་ཀྱི་དབྱིངས་ཀྱིས་ཀུན་བཏགས་ཀྱིས་ཆོས་ཡང་དག་པར་རྗེས་སུ་མི་མཐོང་སྟེ། དེ་ལ་དེ་སྣང་རུང་མ་ཡིན་པའི་ཕྱིར་རོ། །ལམ་ལ་རྗེས་སུ་ཤེས་པའི་བཟོད་པ་ནི། རབ་འབྱོར། གཟུགས་ཀྱི་དབྱིངས་ཀྱིས་ཆོས་ཀྱི་དབྱིངས་ཡོངས་སུ་གྲུབ་པའི་གཟུགས་ཡང་དག་པར་རྗེས་སུ་མི་མཐོང་ངོ༌། །ཆོས་ཀྱི་དབྱིངས་ཀྱིས་གཟུགས་ཀྱི་དབྱིངས་ཏེ་ཀུན་བཏགས་ཀྱི་གཟུགས་ཡང་དག་པར་རྗེས་སུ་མི་མཐོང་ངོ༌། །ཕྱི་མ་རྣམས་ལའང་དེ་བཞིན་དུ་སྦྱར་ཏེ། ཚོར་བའི་དབྱིངས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ༌། །ཕྲེང་ལྔ་ན། ལམ་ལ་རྗེས་སུ་ཤེས་པ་ནི། རབ་འབྱོར། གཞན་འབྱུང་ཡེ་ཤེས་གཏོགས་པའི་འདུས་བྱས་ཀྱི་དབྱིངས་ཀྱིས་འདུས་མ་བྱས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ༌། །ཕྲེང་གི་འཕྲོ་སོང་བ་ན། མི་ནུས་བསྒོམ་པ་ལ་གདམས་པ་ནི། སྒོམ་ཞེས་བྱ་ལ་གདམས་ངག་ནི། །བཅུ་ཡི་བདག་ཉིད་ཤེས་པར་བྱ། །འདུས་བྱས་ཀྱི་དབྱིངས་མ་ཡིན་པར་ཡང༌། ཕྲེང་ཕྱེད་སོང་བ་ན་མི་ནུས་ཏེ། འདིར་དྲི་བཅས་དེ་བཞིན་ཉིད་ལ་འདུས་བྱས་ཀྱི་མིང་གིས་བཏགས་ནས་གསུངས་ཤིང༌། དྲི་མེད་དེ་བཞིན་ཉིད་ལ་འདུས་མ་བྱས་སུ་གནོད་འཇོམས་གཉིས་ཀ་ནས་གསུངས་སོ། །རབ་འབྱོར། དེ་ལྟར་ན། ཕྲེང་བཅོ་ལྔ་ན། འདིར་འཇུག་པའི་རྣམ་ཤེས་དྲུག་དང༌། ཀུན་གཞིའི་རྣམ་ཤེས་ནི། སེམས་དང་དེ་རྣམས་དང་མཚུངས་ལྡན་གྱི་སེམས་ལས་བྱུང་བའི་ཆོས་ཡང་དག་པར་རྗེས་སུ་མི་མཐོང་ངོ༌། །ཕྲེང་གསུམ་ན། སེམས་དཔའ་ཆེན་པོས། ཉོན་མོངས་པ་ཅན་གྱི། ཡིད་དང༌། ཡིད་ཀྱི་ཁམས་ཏེ། དེ་དང་མཚུངས་ལྡན་གྱི་ཆོས་རྣམས་ཡང་དག་པར་རྗེས་སུ་མི་མཐོང་སྟེ། གནོད་འཇོམས་གཉིས་ཀར་མཐུན་པར་གསུངས་སོ། །རབ་འབྱོར། དེ་ལྟར་ན། ཤོག་གུ་བཞི་དང་ཕྲེང་དགུ་ན། བྱང་ཆུབ་སེམས་དཔའི་སྐྱོན་མེད་པས་དང་པོར་ཡང་མི་འཇུག་པ་འདི་ནི། ཕྲེང་གཉིས། རང་ན་ཆོས་ལ་སྲེད་པའོ། །དབང་པོ་རྟུལ་དང་རྣོན་པོ་དག །དད་དང་མཐོང་ཐོབ་རིགས་ནས་རིགས། །བར་ཆད་གཅིག་པར་སྐྱེས་ནས་དང༌། །བྱེད་དང་བྱེད་མིན་འོག་མིན་འགྲོ། །འཕར་གསུམ་སྲིད་རྩེའི་མཐར་ཐུག་འགྲོ། །གཟུགས་ཀྱི་ཆགས་བཅོམ་མཐོང་བ་ཡི། །ཆོས་ལ་ཞི་ལུས་མངོན་སུམ་བྱེད། །བསེ་རུ་དང་ནི་ཉི་ཤུའོ། །ཞེས་པ་འདི་དག་གི་དོན་འཕགས་པ་རྣམ་གྲོལ་སྡེ་དང༌། སློབ་དཔོན་སེང་བཟང་གིས་སྦྱར་བསྟན་པའི་རྒྱལ་སྲས་ཞེ་ལྔའི་ནས། འགའ་ཞིག་དང་སྦྱར་ལ། འགའ་ཞིག་ལེ་བརྒྱད་མ་སྦྱར་མོད། ལེ་བརྒྱད་མ་ནི་རྒྱལ་བའི་བཀའ་ལྷད་མེད་ཡང་ཡིན་མིན་དཔྱད་དགོས་ཤིང༌། ཚིགས་བཅད་འདི་གཉིས་དགེ་འདུན་དཀོན་མཆོག་གི་སྐབས་སུ་མ་བྱུང་གདམ་ངག་བཅུ་རྫོགས་པའི་མཐར་བྱུང་ཡང༌། དེའི་སྐབས་ན་དགེ་འདུན་དཀོན་མཆོག་སྟོན་པའི་མདོ་མི་སྣང་སྟེ། ཉི་ཤུ་པོ་ཐེག་ཆེན་འཕགས་པ་ཡིན་པར་སྟོན་པའི་མདོ་ཡང་མི་སྣང་ལ། ཕྱིར་མི་ལྡོག་པའི་འཁོར་ལོའི་མདོར་རྒྱལ་སྲས་འཕགས་པ་ལ་ཐེག་དམན་གྱི་མིང་གིས་བཏགས་པ་གསུངས་ཀྱང་ཉི་ཤུར་མ་ཚང་བས། དེ་དང་ཚིགས་བཅད་གཉིས་པོ་འདི་གཅིག་ཏུ་སྦྱར་ཡང་མི་འགྲིགས་ཅིང་བསེ་རུ་ལྟ་བུ་ལ་སོགས་པ་འགའ་ཞིག་གི་མདོ་ཤེར་ཕྱིན་གྱིས་གཞུང་ཉེར་གསུམ་པོ་གང་ནའང་མི་སྣང་ལ། ཡུམ་རྒྱས་འབྲིང་བསྡུས་གསུམ་དགེ་འདུན་དཀོན་མཆོག་གི་སྐབས་སུ་བཞི་བཅུ་རྩ་ལྔ་རྩ་ལྔ་མཐུན་པར་གསུངས་ཤིང༌། སློབ་དཔོན་དབུ་མ་པ་ཆེན་པོ་དབྱིག་གཉེན་དང༌། འབུམ་ཏིག་གིས་ཀྱང་བཞི་བཅུ་རྩ་ལྔ་མཐུན་པར་བཀྲལ་བའི་ཕྱིར། དགེ་འདུན་དཀོན་མཆོག་གི་སྐབས་སུ་གསུངས་པའི་རྒྱལ་སྲས་བཞི་བཅུ་རྩ་ལྔ་ནི་ཐེག་ཆེན་གྱི་སྐྱབས་གནས་སུ་གཏོགས་པའི་དགེ་འདུན་དཀོན་མཆོག་དངོས་ཡིན་ལ་ཕྱིས་ཉན་རང་ཉི་ཤུ་འཕགས་པ་བྱམས་པས་བསྣན་པ་ནི་ཞོར་བྱུང་བ་སྟེ། ཐེག་ཆེན་གྱི་སྐྱབས་གནས་སུ་མ་ཡིན་ཡང་སྤྱིར་དགེ་འདུན་དཀོན་མཆོག་གི་ཁོངས་སུ་གཏོགས་པ་ལ་དགོངས་པར་གསལ་ཏེ། ཉི་ཤུ་པོ་འདི་དགེ་འདུན་དཀོན་མཆོག་གི་སྐྱབས་སུ་མ་གསུངས་ཤིང༌། དགེ་འདུན་དཀོན་མཆོག་གསུངས་པའི། རྗེས་ན་གདམས་ངག་བཅུ་རྫོགས་པའི་མཐར་གསུངས་ཤིང༌། དེ་རྣམས་རྒྱལ་སྲས་ཡིན་པར་མ་གསུངས་པའི་ཕྱིར་དང༌། དབང་པོ་རྟུལ་དང་རྣོན་པོ་དག །ཅེས་པའི་ངག་ལ་རང་གི་བཤད་པ་བྱས་པ་ལ་སོགས་པ་འཁྲུལ་བ་མང་དུ་སྣང་བའི་ཕྱིར་རོ། །དེ་ལྟ་བས་ན་ཐེག་ཆེན་སྐྱབས་གནས་ཡིན་པའི་རྒྱལ་སྲས་ཞེ་ལྔ་དང༌། དེ་མ་ཡིན་པའི་འཕགས་པའི་ཉི་ཤུ་སྟེ། ཐེག་པ་གཉིས་ཀྱིས་བསྡུས་པའི་དགེ་འདུན་ལ་འཕགས་པ་དྲུག་ཅུ་རྩ་ལྔར་གསུངས་སོ། །གལ་ཏེ་འདི་ནི་ཐེག་ཆེན་གྱི་ཆོས་ཡིན་པས་ཐེག་ཆེན་གྱི་དགེ་འདུན་འཆད་པ་མི་རིགས་སོ་ཞེ་ན། དེ་ལྟར་ན་ཐེག་ཆེན་གྱི་ལམ་ཡང་གསུངས་པར་མི་རིགས་པར་འགྱུར་བ་ལགས་པས་བསལ་བ་ཡིན་ནོ། །གལ་ཏེ་དེ་ནི་ཤེས་པར་བྱ་བའི་ཕྱིར་གསུངས་པ་ཡིན་གྱི་མངོན་དུ་བྱ་བའི་ཕྱིར་གསུངས་པ་ནི་མ་ཡིན་ནོ། །ཞེ་ན། འདིར་ཡང་ཉི་ཤུ་པོ་དེ་སྤྱིར་དགེ་འདུན་དཀོན་མཆོག་ལ་གཏོགས་པས་གསུངས་པ་ཡིན་གྱི། ཐེག་ཆེན་གྱི་སྐྱབས་གནས་ལ་གཏོགས་པས་གསུངས་པ་ནི་མ་ཡིན་ནོ། །དེ་ན་འདི་ལ་སྐྱོན་དེ་ཡང་མེད་དོ། །བཙུན་པ་རྣམ་གྲོལ་སྡེས་ཀྱང་ཉི་ཤུ་པོའི་མདོ་ཤེར་ཕྱིན་དུ་མེད་ནས་མ་རྙེད་པ་ཡིན་གྱི། ཡོད་བཞིན་དུ་མ་རྙེད་པ་ནི་མ་ཡིན་པས་སྨད་ཅིང་སྐུར་བ་གདབ་པར་མི་བྱའོ། །དེ་ལྟར་ཤེར་ཕྱིན་སྒྲུབ་མི་དམིགས་པའི་རྣམ་པ་དང༌། དེའི་དམིགས་པ་བདེན་བཞི་དང༌། རྟེན་སྐྱབས་གསུམ་དང་ཁྱད་པར་དུ་འགྲོ་བའི་རྒྱུ་མ་ཆགས་པ་དང༌། མི་ལྡོག་པར་འགྲོ་བའི་རྒྱུ་ཡོངས་སུ་མི་ངལ་བ་དང༌། ཐེག་པ་དང༌། རྒྱུ་དང༌། ཡོངས་འཛིན་དང༌། གཞན་གྱི་དྲིང་མི་འཇོག་པར་འགྲོ་བའི་རྒྱུ་སྤྱན་ལྔ་དང༌། རྣམ་མཁྱེན་ཡོངས་སུ་རྫོགས་པའི་རྒྱུ་མངོན་ཤེས་དྲུག་དང༌། མཐར་ཐུག་པའི་རྒྱུ་མཐོང་བ་དང༌། སྒོམ་པའི་ལམ་གདམས་ཏེ། གད༷མས་ང༷ག་ད༷ང༌། །ཞེས་པ་གདམས་ངག་བཅུ་གསུངས་ཟིན་ཏོ། །དམིགས་པ་དང་ནི་རྣམ་པ་དང༌། །རྒྱུ་དང་ཡོངས་སུ་འཛིན་པ་ཡིས། །བྱང་ཆུབ་སེམས་དཔའ་སྐྱོབ་པ་ཡིས། །དྲོད་སོགས་བདག་ཉིད་ཇི་བཞིན་དུ། །རྣམ་རྟོག་བཞི་པོ་ལྡན་བརྟེན་པས། །ཆུང་དང་འབྲིང་དང་ཆེན་པོ་རྣམས། །ཉན་ཐོས་བསེ་རུ་ལྟ་བུ་དང༌། །བཅས་པ་དག་ལས་ཁྱད་པར་འཕགས། །སྨྲས་པ། ཚེ་དང་ལྡན་པ། རབ་འབྱོར། ཆོས་ལ་སྲེད་པ་གང་ཡིན། ཕྲེང་གཉིས་ལྷག་ན། སྐྱོན་དུ་འགྱུར་བའོ། །དམིགས་པ་མི་རྟག་ལ་སོགས་པ། །དབེན་པའི་རྟེན་ཅན་དེ་ཡི་ནི། །རྣམ་པ་མངོན་ཞེན་ལ་སོགས་འགོག །ཐེག་པ་གསུམ་ཆར་འཐོབ་པའི་རྒྱུ། །དྲོད་ཆུང་ངུའི་དམིགས་རྣམ་ནི། ཚེ་དང་ལྡན་པ་ཤཱ་ར་དྭ་ཏིའི་བུ། གཞན་ཡང༌། ཤོག་གུ་གསུམ་དང་ཕྲེང་དྲུག་ན། འདི་ལྟར་སེམས་དེ་སེམས་མ་ཡིན་ཏེ་ཞེས་པ་སེམས་ཞེས་བྱ་བ་ནི་ཀུན་བཏགས་པའི་སེམས་ལ་བྱའོ། །ཡོངས་སུ་གྲུབ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་ཆོས་ཀྱི་སྐུར་གྱུར་པ་ནི། ཡོངས་སུ་རྟོག་པ་དང་རྣམ་པར་མ་རྟོག་པའི་མཚན་ཉིད་ལས་འདས་པས་སེམས་ཅན་གྱི་མེད་པའི་ཕྱིར། སེམས་མ་ཡིན་པ་ཞེས་བྱའོ། །དེ་བས་ན་སེམས་ཀྱི་རང་བཞིན་འོད་གསལ་བའི་ཕྱིར། ཞེས་པ་གསུངས་ཏེ། ཆོས་ཀྱི་སྐུའི་སེམས་ཀྱི་རང་བཞིན་འོད་གསལ་བའོ། །དེས་ན་སེམས་མ་ཡིན་ཞེས་བྱ་བ་ནི་ཀུན་བཏགས་པའི་སེམས་མ་ཡིན་ནོ། །ཞེས་པའི་ཐ་ཚིག་གོ །ཞེས་ཀུན་མཁྱེན་གཉིས་པ་དབྱིག་གཉེན་གསུངས་སོ། །རྗེ་བཙུན་འཇིག་རྟེན་དབང་ཕྱུག་གི་ཞལ་སྔ་ནས། དེ་ལྟར་ཡང་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལས་སེམས། གང་ཞིག་ཡོད་པའི་སེམས་དེ་ནི་སེམས་མ་ཡིན་ནོ། །ཞེས་རང་བཞིན་གྱིས་འོད་གསལ་བར་གསུངས་ཏེ། དེ་ཉིད་ནི་འཁོར་བའི་བག་ཆགས་དང་བྲལ་བའོ། །དེའི་ཕྱིར་བདུད་ནི་དྲི་མ་དང་བཅས་པའི་སེམས་ཡིན་ལ། སངས་རྒྱས་ཉིད་ནི་དྲི་མ་མེད་པའི་སེམས་ཡིན་ནོ། །ཞེས་གསུངས་པའི་ཕྱིར། རང་བཞིན་འོད་གསལ་གྱི་དོན་རང་སྟོང་ལ་འདོད་པ་རྣམས་ནི་རྫོགས་ལྡན་གྱི་ཆོས་ལས་རིང་དུ་གྱུར་ཅིང༌། ཤིང་རྟ་ཆེན་པོ་རྣམས་ཀྱང་འདས་ནས་གསུམ་ལྡན་མར་བཅད་དུས་ཕྱིས་བྱུང་བའི་ཆོས་སྐད་གསར་པ་ལུང་རིགས་ཀྱི་གནོད་པ་ཡིན་པས་མཁས་པ་རྣམས་གཡུ་སར་ལྟ་བུར་རྟོགས་པར་བྱས་ནས། རིང་དུ་སྤང་བར་བྱའོ། །སྨྲས་པ། ཚེ་དང་ལྡན་པ་རབ་འབྱོར། སེམས་ཀྱི་རང་བཞིན་འོད་གསལ་བ་གང་ཡིན། རབ་འབྱོར། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ། སེམས་གང་འདོད་ཆགས་དང་ཡང་མི་ལྡན་མ་བྲལ། ཞེས་བྱ་བ་ནི་རང་བཞིན་འོད་གསལ་བ་ཉིད་སྟོན་ཏོ། །སྔོན་སོ་སོའི་སྐྱེ་བོའི་གནས་སྐབས་ན་འདོད་ཆགས་དང་ཞེ་སྡང་ལ་སོགས་པ་སྐྱེ་བའི་དུས་དག་ན་ཡང་ནམ་མཁའ་བཞིན་དུ་དྲི་མ་ཐམས་ཅད་ཀྱིས་མ་གོས་པའི་ཕྱིར་ལྡན་པ་ཡང་མ་ཡིན་ཞེས་བྱའོ། །ཕྱིས་སངས་རྒྱས་སུ་གྱུར་པའི་ཚེ་ཡང་སེམས་དེ་གློ་བུར་གྱི་ཉོན་མོངས་དང་བྲལ་བས་རང་བཞིན་གྱིས་རྣམ་པར་དག་པ་ཉིད་ལ་གནས་པའི་ཕྱིར། དྲི་མ་དེ་དག་ཤིན་ཏུ་མི་སྐྱེ་བས་སྤྲིན་ལ་སོགས་པ་དེ་དག་དང་མི་ལྡན་པའི་ནམ་མཁའ་བཞིན་དུ་འོད་གསལ་བའི་ཕྱིར། བྲལ་བ་ཡང་མ་ཡིན་ཞེས་བྱའོ། །གལ་ཏེ་སྔོན་ལྡན་གྱུར་ན་ནི། ཕྱིས་བྲལ་བ་ཡང་འགྱུར་བ་ཞིག་ན། འདི་ལྟར་སྔོན་གྱི་དྲི་མ་དང་བཅས་པའི་གནས་སྐབས་ན་ཡང་རང་བཞིན་གྱིས་ཡོངས་སུ་དག་པས་དེ་དག་དང་ལྡན་པ་མ་ཡིན། དེའི་ཕྱིར་ཕྱིས་ཀྱང་དེ་དག་བྲལ་བ་མ་ཡིན་ནོ། །ཞེས་དབུ་མ་པ་ཆེན་པོ་དབྱིག་གཉེན་གསུངས། ཞེ་སྡང་དང༌། གཏི་མུག་དང༌། ཀུན་ནས་ལྡང་བ་དང༌། ཕྲེང་གཉིས་གསུམ་ན། ཁྱོད་ནི་བཅོམ་ལྡན་འདས་ཀྱི་སྲས་ཐུ་བོ་ཡིན་ལ། ཐུགས་ལས་སྐྱེས་པ། བཤད་པའི་ཆོས་ལས་བྱུང་བས། ཞལ་ནས་བྱུང་བ། སྒྲུབ་པའི་ཆོས་ལས་བྱུང་བས། ཆོས་ལས་སྐྱེས་པ། རྟོག་པའི་ཆོས་ལས་བྱུང་བས། ཆོས་ཀྱི་སྤྲུལ་པ། མྱ་ངན་ལས་འདས་པའི་ཆོས་ཀྱི་བདག་པོ་ཡིན་པས། ཆོས་ཀྱི་བགོ་སྐལ་བ། སྲེད་པ་སྤངས་པས་ཟང་ཟིང་གི་བགོ་སྐལ་བ་མ་ཡིན་པས། ཆོས་ཉིད་ལས་གཞན་དག་གིས་མི་འཕྲོགས་པས་ཆོས་རྣམས་ལ་མངོན་སུམ་གྱི་མིག་དང་ལྡན་པ། ཆོས་སྐུ་མངོན་དུ་གྱུར་པས་ལུས་མངོན་དུ་གྱུར་པ་སྟེ། རྣམ་རྟོག་གི་སྤྲོས་པ་ཉན་ཐོས་ཉོན་མོངས་པ་མེད་པར། ཕྲེང་དེ་ལ་དེའི་ཚུལ་དང་འདྲའོ། །ཞེས་དབུ་མ་པའི་གསུང་བཞིན་འབྲུ་ནོན་བགྱིས་སོ། །ཚེ་དང་ལྡན་པ་རབ་འབྱོར། ཕྲེང་བརྒྱད་ན། ལེའུ་བཞི་པའོ།། །།
འབྲིང་གི་དམིགས་རྣམ་ནི།གཟུགས་སོགས་འདུ་འགོད་གནས་བྲལ་དང༌། །དེ་ནས་ཚེ་དང་ལྡན་པ་རབ་འབྱོར་གྱིས། ཕྲེང་བཞི་ན། མིང་དེ་ཡང་འདུས་བྱས་ཀྱི་ཆོས་ལྟར་གནས་པ་མ་མཆིས། འདུས་མ་བྱས་ནམ་མཁའ་ལ་སོགས་པ་ཐུག་པ་མ་མཆིས། ཞེས་དབུ་མ་པ་ཆེན་པོ་དབྱིག་གཉེན་གསུངས། བྱིན་གྱིས་བརླབ་པའི་དངོས་པོ་མཆིས་ཏེ། དེ་ཅིའི་སླད་དུ་ཞེ་ན། མིང་དེ་གཤིས་ལུགས་ལ་མ་མཆིས་པས། ཕྲེང་དེའི་འཇུག་ན། མ་མཆིས་ཏེ། ལ་ཟློ་བ་མཉམ་བཞག་ཟབ་མོའི་སྐབས་སུ་འཕེལ་འགྲིབ་ལ་སོགས་པ་གང་དུ་ཡང་མི་རྟོག་ཅིང་མི་དམིགས་པས། བཅོམ་ལྡན་འདས་བདག་གིས་གཟུགས་ལ་སོགས་ཀྱི་འཕེལ་བ་སྒྲོ་འདོགས་པ་དང༌། འགྲིབ་པ་སྐུར་འདེབས་སུ་ཞེས་གནོད་འཇོམས་གཉིས་སུ་གསུངས། མི་དམིགས། དེ་བཞིན་དུ་ཚོར་བ་དང༌། ཤོག་གུ་བཞི་དང་ཕྲེང་དགུ་ན། དེ་བཞིན་གཤེགས་པའི་མཚན་མ་མིང་དེ་ཡང་གནས་པ་མ་མཆིས། ཕྲེང་ལྔ་ན། བྱིན་གྱིས་བརླབས་པ་མ་མཆིས་སོ། །དྲོད་ཆེན་པོའི་དམིགས་རྣམ་ནི།
གནས་དང་བཏགས་དང་བརྗོད་དུ་མེད། །བཅོམ་ལྡན་འདས། འདི་ལྟ་སྟེ། ཀུན་བཏགས་ཀྱི་བྱང་ཆུབ་སེམས་དཔའ་ཞེས་ཆོས་ཀྱི་བརྡར་བགྱི་བ་དང༌། ཕྲེང་ལྔ་ན། གང་གིས་ཀྱང་བརྗོད་དུ་མ་མཆིས་སོ། །དེ་བཞིན་ཉིད་མ་ནོར་བ་དེ་བཞིན་ཉིད་ཅེས་བྱ་བ་ལ་སོགས་པའི་ཚིག་རྣམས་བྱེ་བྲག་ཅི་ཡོད་ཅེ་ན། ཡོངས་སུ་གྲུབ་པའི་འཇུག་པ་ཐ་དད་པས་ཐ་དད་དེ། འདི་ལས་ཡོངས་སུ་གྲུབ་པའི་མཚན་ཉིད་ནི་རྣམ་པ་དགུ་སྟེ། འཇིག་པ་མེད་པར་ཡོངས་སུ་གྲུབ་པ་དང༌། ཕྱིན་ཅི་མ་ལོག་པར་ཡོངས་སུ་གྲུབ་པ་དང༌། འགྱུར་བ་མེད་པ་ཡོངས་སུ་གྲུབ་པ་དང༌། ངོ་བོ་ཉིད་ཡོངས་སུ་གྲུབ་པ་དང༌། རྣམ་པར་བྱང་བའི་ཆོས་ཐམས་ཅད་ཀྱི་རྒྱུ་ཉིད་ཡོངས་སུ་གྲུབ་པ་དང༌། དུས་ཐམས་ཅད་དུ་ཡོངས་སུ་གྲུབ་པ་དང༌། ཕྱིར་མི་ལྡོག་པར་ཡོངས་སུ་གྲུབ་པ་དང༌། དེ་ཁོ་ན་ཉིད་དུ་ཡོངས་སུ་གྲུབ་པ་དང༌། རྟོག་གེའི་ལམ་ལས་འདས་པར་ཡོངས་སུ་གྲུབ་པའོ། །འཇིག་པ་མེད་པར་ཡོངས་སུ་གྲུབ་པ་ནི་དེ་བཞིན་ཉིད་ཅེས་གསུངས་ཏེ། རྟག་ཏུ་དེ་བཞིན་དུ་གནས་ཤིང་མི་འཇིག་པའི་ཕྱིར་རོ། །ཕྱིན་ཅི་མ་ལོག་པར་ཡོངས་སུ་གྲུབ་པ་ནི་མ་ནོར་བ་དེ་བཞིན་ཉིད་ཅེས་གསུངས་པ་སྟེ། ནོར་བ་དང་ཕྱིན་ཅི་ལོག་ཏུ་གྱུར་པ་མེད་པའི་ཕྱིར་རོ། །འགྱུར་བ་མེད་པར་ཡོངས་སུ་གྲུབ་པ་ནི་གཞན་མ་ཡིན་པ་དེ་བཞིན་ཉིད་ཅེས་གསུངས་པ་སྟེ། གཞན་དུ་འགྱུར་བ་མེད་པའི་ཕྱིར་རོ། །ངོ་བོ་ཉིད་ཡོངས་སུ་གྲུབ་པ་ནི་ཆོས་ཉིད་ཅེས་གསུངས་པ་སྟེ། ཆོས་ཐམས་ཅད་ཀྱི་སྤྱིའི་མཚན་ཉིད་སྟོང་པ་ཉིད་ཀྱི་ངོ་བོ་ཉིད་ཡིན་པའི་ཕྱིར་རོ། །རྣམ་པར་བྱང་བ་ཐམས་ཅད་ཀྱི་རྒྱུ་ཉིད་ཡོངས་སུ་གྲུབ་པ་ནི་ཆོས་ཀྱི་དབྱིངས་ཞེས་གསུངས་པ་སྟེ། སྟོབས་བཅུ་དང་མི་འཇིག་པ་ལ་སོགས་སངས་རྒྱས་ཀྱི་ཆོས་རྣམས་ཀྱི་དབྱིངས་དང་རྒྱུ་ཡིན་པའི་ཕྱིར་རོ། །དུས་ཐམས་ཅད་དུ་ཡོངས་སུ་གྲུབ་པའི་མཚན་ཉིད་ནི། ཆོས་གནས་པ་ཉིད་ཅེས་གསུངས་པ་སྟེ། དེ་བཞིན་གཤེགས་པ་རྣམས་བྱུང་ཡང་རུང༌། མ་བྱུང་ཡང་རུང༌། ཆོས་རྣམས་ཀྱི་ཆོས་ཉིད་ནི་གནས་ཉིད་དོ། །ཞེས་གསུངས་པས། དུས་ཐམས་ཅད་དུ་གནས་པའི་ཕྱིར་རོ། །ཕྱིར་མི་ལྡོག་པར་ཡོངས་སུ་གྲུབ་པ་ནི། ཆོས་སྐྱོན་མེད་པ་ཉིད་ཅེས་གསུངས་པ་སྟེ། ས་དང་པོ་ཡན་ཆད་དེ་རབ་ཏུ་རྟོགས་པས་ཡང་དག་པ་ཉིད་དུ་ངེས་པ་ལ་ཞུགས་པར་གྱུར་ཏེ། ཡང་དག་པར་རྫོགས་པའི་བྱང་ཆུབ་སྐྱོན་མེད་པ་ལ་ཞུགས་པར་གྱུར་པའི་ཕྱིར། དེ་ཁོ་ན་ཉིད་དུ་ཡོངས་སུ་གྲུབ་པ་ནི། ཡང་དག་པའི་མཐའ་ཞེས་གསུངས་པ་སྟེ། ཡང་དག་པ་ཉིད་དེ་ཁོ་ན་ཉིད་ཕྱིན་ཅི་མ་ལོག་པའི་མཐར་ཐུག་པའི་ཕྱིར་རོ། །རྟོག་པ་མེད་པའི་མཐའ་ལས་འདས་པ་ཡོངས་སུ་གྲུབ་པ་ནི། བསམ་གྱིས་མི་ཁྱབ་པའི་དབྱིངས་ཞེས་གསུངས་པ་སྟེ། བརྗོད་དུ་མེད་པ་དང༌། སོ་སོ་རང་གི་རིག་པ་ཡིན་པས་རྗེས་སུ་དཔག་པ་ཐམས་ཅད་ཀྱི་སྤྱོད་ཡུལ་ལས་འདས་པའི་ཕྱིར་རོ། །གཞན་ཡང་ཀུན་བཏགས་པའི་ཆོས་ཐམས་ཅད་ནི་རྨི་ལམ་ལྟ་བུ་སྟེ། རབ་ཏུ་རྟོགས་པར་གྱུར་པ་རྣམས་ལ་དེ་ལྟར་མི་འགྱུར་བས་དེ་ལས། ཟློག་པ་ནི་དེ་བཞིན་ཉིད་ཅེས་བྱ་སྟེ། དུས་ཐམས་ཅད་དུ་དེ་བཞིན་ཉིད་ཡོད་པའི་ཕྱིར་རོ། །ཆོས་ཐམས་ཅད་ནི་སྒྱུ་མ་ལྟ་བུ་སྟེ། ནོར་བ་སྣང་བའི་ཕྱིར་རོ། །དེ་ལས་ཟློག་པ་མ་ནོར་བ་དེ་བཞིན་ཉིད་བྱ་སྟེ། མ་ནོར་བའི་ངོ་བོ་ཉིད་ཡིན་པའི་ཕྱིར་རོ། །ཆོས་ཉིད་ནི་སྒྱུ་མ་ལྟ་བུ་སྟེ། གཞན་དུ་གནས་ལ་གཞན་དུ་སྣང་བའི་ཕྱིར་རོ། །དེ་ལས་ཟློག་པ་ནི་གཞན་མ་ཡིན་པ་དེ་བཞིན་ཉིད་ཅེས་བྱ་སྟེ། དུས་ཐམས་ཅད་དུ་གཞན་དུ་འགྱུར་བ་མེད་པའི་ཕྱིར་རོ། །ཆོས་ཐམས་ཅད་ནི་ཆུ་ཟླ་ལྟ་བུ་སྟེ། ཆོས་དེའི་བདག་ཉིད་མ་ཡིན་ལ་ཆོས་དེའི་བདག་ཉིད་དུ་སོ་སོར་སྣང་བའི་ཕྱིར་རོ། །ཆུ་ཟླ་ནི་ཟླ་བ་ཡང་དག་པ་མ་ཡིན་ཏེ། དེ་ལ་བཟློག་པ་ནི་ཆོས་ཉིད་ཅེས་བྱ་སྟེ། དོན་དམ་པའི་ཆོས་ཀྱི་ངོ་བོ་ཉིད་ཡིན་པའི་ཕྱིར་རོ། །ཆོས་ཐམས་ཅད་ནི་དྲི་ཟའི་གྲོང་ཁྱེར་ལྟ་བུ་སྟེ། དོན་དམ་པ་ཡིན་པའི་ཕྱིར་རོ། །དེ་ལས་བཟློག་པ་ནི་ཆོས་ཀྱི་དབྱིངས་ཞེས་བྱ་སྟེ། སངས་རྒྱས་ཀྱི་ཆོས་རྣམས་ཀྱི་རྒྱུ་ཡིན་ཞིང་དོན་ཡོད་པའི་ཕྱིར་རོ། །ཆོས་ཐམས་ཅད་ནི་བྲག་ཆ་ལྟ་བུ་སྟེ། ཡུན་ཐུང་བའི་ཕྱིར་རོ། །དེ་ལས་བཟློག་པ་ནི་ཆོས་གནས་པ་ཉིད་ཅེས་བྱ་སྟེ། གནས་པའི་མཚན་ཉིད་ཡིན་པའི་ཕྱིར་རོ། །ཆོས་ཐམས་ཅད་ནི་མིག་ཡོར་ལྟ་བུ་སྟེ། མ་ངེས་པའི་ངོ་བོ་ཉིད་ཡིན་པའི་ཕྱིར་རོ། །དེ་ལས་བཟློག་པ་ནི་ཆོས་སྐྱོན་མེད་པ་ཉིད་ཅེས་བྱ་སྟེ། ངེས་པའི་ངོ་བོ་ཉིད་མེད་པའི་ཕྱིར་རོ། །ཆོས་ཐམས་ཅད་ནི་གཟུགས་བརྙན་ལྟ་བུ་སྟེ། རྣམ་པར་ཤེས་པ་རྣམ་པར་འཕོས་པའི་ཕྱིར་རོ། །དེ་ལས་བཟློག་པ་ནི་ཡང་དག་པའི་མཐའ་ཞེས་བྱ། དེར་དོན་དམ་པའི་ཕྱིར་རོ། །ཆོས་ཐམས་ཅད་ནི་སྤྲུལ་པ་ལྟ་བུ་སྟེ། སེམས་ཅན་གྱི་འདུ་བྱེད་ལས་བྱུང་བའི་ཕྱིར་རོ། །དེ་ལས་བཟློག་པ་ནི་བསམ་གྱིས་མི་ཁྱབ་པའི་དབྱིངས་ཞེས་བྱ་སྟེ། ཡིད་ཀྱི་སྤྱོད་ཡུལ་ཐམས་ཅད་ལས་འདས་པའི་ཕྱིར་རོ། །དོན་དམ་པར་ནི་ཐམས་ཅད་ཀྱང་ཡོངས་སུ་གྲུབ་པའི་ཆོས་ཀྱི་རྣམ་གྲངས་སོ། །དབུ་མ་པ་ཆེན་པོ་གསུངས། མ་ནོར་བ་དེ་བཞིན་ཉིད་དང༌། གཞན་མ་ཡིན་པ་དེ་བཞིན་ཉིད་དང༌། ཤོག་གུ་གཅིག་ན། གནས་མ་མཆིས་པའི་ཚུལ་ལོ། །
རྩེ་མོ་ཆུང་ངུའི་དམིགས་རྣམ་ནི།གཟུགས་སོགས་མི་གནས་དེ་དག་ནི། །དེ་ཡི་ངོ་བོར་རང་བཞིན་མེད། །བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ལ་ཟློ་བ་མཉམ་གཞག་ཟབ་མོའི་སྐབས་སུ་ཅིར་ཡང་མི་རྟོག་ཅིང་གང་ལ་ཡང་གནས་པའི་རྣམ་རྟོག་ཅི་སྤང་དགོས་པའི་ཕྱིར་རོ། །དེས་གཟུགས་ལ་གནས་པར་རྟོག་པ་མི་བྱའོ། །དེ་བཞིན་དུ་ཚོར་བ་དང༌། འདུ་ཤེས་དང༌། ཤོག་ལོགས་གཅིག་ན། སྟོང་པ་ཉིད་ཀྱང་གཟུགས་སོ། །འདི་ལ་གཟུགས་ཀྱང་རྣམ་པ་གསུམ་སྟེ། ཀུན་བཏགས་པའི་གཟུགས་དང༌། རྣམ་པར་བཏགས་པའི་གཟུགས་དང༌། ཆོས་ཉིད་ཀྱི་གཟུགས་སོ། །དེ་ལ་བྱིས་པ་སོ་སོའི་སྐྱེ་བོ་རྣམས་ཀྱི་གཟུགས་སུ་རུང་བ་ལ་སོགས་པའི་མཚན་ཉིད་དུ་གཟུང་བའི་དངོས་པོའི་གཟུགས་གང་ཡིན་པ་དེ་ནི་ཀུན་བཏགས་པའི་གཟུགས་ཞེས་བྱའོ། །དེ་ཉིད་རྣམ་པ་གང་གི་དོན་དུ་སྣང་བའི་རྣམ་པར་ཤེས་པ་ཡུལ་དུ་འགྱུར་བ་དེ་ནི་རྣམ་པར་བཏགས་པའི་གཟུགས་ཞེས་བྱའོ། །ཀུན་བཏགས་པ་དང་རྣམ་པར་བཏགས་པ་དེ་གཉིས་ཀྱི་རྣམ་པ་དང་བྲལ་བ་ཡོངས་སུ་གྲུབ་པ་དེ་བཞིན་ཉིད་ཙམ་ཟད་པའི་དེ་ནི་ཆོས་ཉིད་ཀྱི་གཟུགས་ཞེས་བྱའོ། །དེ་ལ་ཡོངས་སུ་གྲུབ་པའི་ཆོས་ཉིད་ཀྱི་གཟུགས་གང་ཡིན་པ་དེ་ནི། ཀུན་བཏགས་པའི་གཟུགས་སུ་ཡོད་པ་ལ་སོགས་པའི་མཚན་ཉིད་དང་གཟུགས་སུ་རྣམ་པར་བཏགས་པ་ཡུལ་གྱི་རྣམ་པར་སྣང་བའི་གཟུགས་ཀྱིས་སྟོང་པས་ན། སྟོང་པ་ཞེས་བྱའོ། །དེ་སྐད་བཤད་པ་དང༌། ཀུན་བཏགས་པའི་གཟུགས་ཀྱིས་སྟོང་པའི་ཆོས་ཉིད་ཀྱི་གཟུགས་ཀྱི་གང་ཡིན་པ་དེ་ལ། ཅི་གཟུགས་ཀྱི་མཚན་ཉིད་གཞན་ཞིག་ཀྱང་ཡོད་དམ། གང་གི་ཕྱིར་དེ་ལ་ཡང་གཟུགས་ཞེས་བྱ་སྙམ་དུ་ཐེ་ཙོམ་ཟ་བ་དེའི་ཕྱིར། གཟུགས་ཀྱི་སྟོང་པ་ཉིད་གང་ལགས་པ་དེའང་གཟུགས་མ་ལགས་ཞེས་བྱ་བ་བཤད་དེ། ཀུན་བཏགས་པ་དང༌། རྣམ་པར་བཏགས་པའི་གཟུགས་ཀྱི་སྟོང་པ་གང་ཡིན་པ་དེ་བཞིན་ཉིད་ཡོངས་སུ་གྲུབ་པའི་མཚན་ཉིད། ཆོས་ཉིད་ཀྱི་གཟུགས་དེ་ནི། གཟུགས་ཀྱི་ངོ་བོ་ཉིད་མ་ཡིན་ཏེ། རྣམ་པ་ཐམས་ཅད་དུ་གཟུགས་ཀྱི་རྣམ་པ་ལས་བདེན་པའི་ཕྱིར་རོ། །ཞེས་བྱ་བའི་ཐ་ཚིག་གོ །དེ་སྐད་བཤད་པ་དང༌། གལ་ཏེ་གཟུགས་རྣམ་པ་ཐམས་ཅད་དུ་མེད་ན། འོ་ན་གང་གི་སྟོང་པ་ན་འདི་ལ་སྟོང་པ་ཉིད་ཅེས་བྱ། ཡུལ་མེད་པའི་སྟོང་པ་ཉིད་ཀྱང་མེད་ལ། ཆོས་ལས་ཆོས་ཉིད་གཞན་པ་ཡང་མི་རིགས་པ་དང༌། ཆོས་ཉིད་ལས་གཞན་པ་ཡང་མ་རིགས་སོ། །སྙམ་དུ་ཐེ་ཙོམ་ཟ་བ་དེའི་ཕྱིར་སྟོང་པ་ཉིད་ལས་གུད་ནའང་གཟུགས་མ་མཆིས་ཏེ། ཞེས་བྱ་བ་གསུངས་ཏེ། ཇི་སྐད་བསྟན་པར་འགྱུར་ཞེ་ན། དེ་ནི་འདི་ལྟར་ཆུ་མ་དྭངས་པའི་གནས་སྐབས་ན་ནི་རྙོག་པ་ཞེས་བྱ་ལ། དྭངས་པའི་གནས་སྐབས་ན་ཆུ་ཞེས་བྱ་བ་དང༌། ཇི་ལྟར་ནམ་མཁའ་མ་དྭངས་པའི་གནས་སྐབས་ན་ནི་རྨུགས་པ་ཞེས་བྱ་བ། དྭངས་པའི་གནས་སྐབས་ན་ནི་ནམ་མཁའ་གསལ་བ་ཞེས་བྱ་བ་དེ་བཞིན་དུ། སྟོང་པ་ཉིད་འདི་ཡང་མ་དག་པའི་གནས་སྐབས་ན། བྱིས་པ་སོ་སོའི་སྐྱེ་བོ་དང་ཐ་དད་པར་མ་གྱུར་པའི་ཕྱིར་གཟུགས་ལ་སོགས་པའི་ཚིག་ཏུ་བརྗོད་ལ། དག་པའི་གནས་སྐབས་ན་ནི་སྟོང་པ་ཉིད་ཅེས་བྱའོ། །དེ་བས་ན། སྟོང་པ་ཉིད་ལས་ཐ་དད་པར་གྱུར་པའི་གཟུགས་ལ་སོགས་པའི་ཆོས་ནི་མེད་དོ། །ཞེས་བྱ་བའི་ཐ་ཚིག་གོ །ཇི་ལྟར་ཆོས་དང་ཆོས་ཉིད་དག་ལ་ཐ་དད་པ་མེད་པར་འགྱུར་བས་གང་གི་ཚེ། ཆོས་ཉིད་ཀྱི་ཆོས་བརྗོད་པ་དེའི་ཚེ། གཟུགས་ཉིད་ཀྱང་སྟོང་པ་ཉིད་ཅེས་བྱའོ། །གང་གི་ཚེ་ཆོས་ཀྱི་ཆོས་ཉིད་བརྗོད་པར་གྱུར་པ་དེའི་ཚེ། སྟོང་པ་ཉིད་ཀྱང་གཟུགས་ཞེས་བྱའོ། །ཡང་ན་གཟུགས་ཀྱང་སྟོང་པ་ཉིད། སྟོང་པ་ཉིད་ཀྱང་གཟུགས་སོ། །ཞེས་བྱ་བ་ལ་སྟོང་པ་ཉིད་ནི་དེ་བཞིན་ཉིད་དེ། ཆོས་ཉིད་ཀྱི་གཟུགས་ལ་བྱའོ། །དེ་ལྟར་ཀུན་བཏགས་དང་རྣམ་པར་བཏགས་པའི་གཟུགས་དེ་དག་ཤིན་ཏུ་མེད་པ་དང༌། ཡོངས་སུ་གྲུབ་པའི་གཟུགས་ལ་ཡང་གཞན་དུ་མི་རུང་བའི་ཕྱིར་གཟུགས་ལ་གནས་པར་མི་བགྱིའོ། །ཞེས་བྱ་བ་གསུངས་ཏེ། དེ་བཞིན་དུ་ཚོར་བ་ལ་སོགས་པ་ལའང་སྦྱར་བར་བྱའོ། །ཞེས་དབུ་མ་པ་དེ་ཁོ་ན་བཞིན་དུ་དོན་ལ་གནས་སོ། །དེས་ན་ཡོངས་གྲུབ་ཀྱི་ཚོར་བ། ཀུན་བཏགས་ཀྱི་ཚོར་བས་སྟོང་སྟེ། ཚོར་བའི་སྟོང་པ་ཉིད་མེད་པས་གང་ལགས་པ་དེ་ཡང་ཚོར་བ་ཡོངས་གྲུབ་ཀྱི་མ་ལགས། ཚོར་བ་ལས་གུད་ན་ཡང་མེད་འགག་མ་ཡིན་པས་སྟོང་པ་ཉིད་མ་མཆིས་ཏེ། ཚོར་བ་ཉིད་ཀྱང་དོན་དམ་པ་སྟོང་པ་ཉིད། དོན་དམ་པ་སྟོང་པ་ཉིད་ཀྱང་ཚོར་བའོ། །འདུ་ཤེས་ལྷག་མ་རྣམས་ལའང་དེ་བཞིན་དུ་ཤེས་པར་བྱའོ། །དེ་ནས་ཤོག་གུ་
གསུམ་དང་ཕྲེང་བརྒྱད ་ན། ཡི་གེ་རྣམས་ལ་གནས་པར་མི་བགྱི་སྟེ། ཨ་ཞེས་ལ་སོགས་པའི་ཡི་གེ་རྣམས་ལ་བརྟེན་ནས་སྐྱེ་བ་མེད་པའི་དོན་གྱིས་རྗེས་སུ་འབྲང་བའི་གཟུགས་ཤེས་པ་སྐྱེ་བ་གང་ཡིན་པ་དེ་ལ་ཡི་གེ་མངོན་པར་བསྒྲུབ་པ་ཞེས་བྱ་སྟེ། དེ་ལ་གནས་པར་མི་བགྱི་ཞེས་དབུ་མ་པ་གསུངས། གཅིག་ཏུ་བརྗོད་པ་ལ་གནས་པར་མི་བགྱི། ཕྲེང་བཅུ་གཉིས་ན། གཟུགས་མི་རྟག་པ་ཉིད་ཀྱིས་དེ་བཞིན་ཉིད་གང་ཡིན་པ་དེ་ཀུན་བཏགས་པའི་གཟུགས་མི་རྟག་པའི་ངོ་བོ་ཉིད་ཀྱིས་སྟོང་སྟེ། གཟུགས་མི་རྟག་པ་ཉིད་ཀྱི་སྟོང་པ་ཉིད་དེ་བཞིན་ཉིད་གང་ལགས་དེ་ཀུན་བཏགས་པའི་གཟུགས་མི་རྟག་པ་ཉིད་མ་ལགས། གཟུགས་མི་རྟག་པ་ཉིད་ལས་གུད་ན་ཡང་སྟོང་པ་ཉིད་མ་མཆིས་ཏེ། དོན་དམ་པའི་མི་རྟག་པ་ཉིད་དེ་བཞིན་ཉིད་ལས་གུད་ན་ཀུན་བཏགས་པའི་གཟུགས་མི་རྟག་པ་ཉིད་ཡོད་པ་མ་ཡིན་ནོ། །ཞེས་བསྟན། ཞེས་གནོད་འཇོམས་གཉིས་སུ་མཐུན་པར་གསུངས། གཟུགས་མི་རྟག་པ་ཉིད་ཀྱང་སྟོང་པ་ཉིད། ཤོག་གུ་ གསུམ་དང་ཕྲེང་བརྒྱད ་ན། དེ་ནི་འདི་ལྟར་དེ་བཞིན་ཉིད་ཡོངས་སུ་གྲུབ་པ་ནི་དེ་བཞིན་ཉིད་དུ་བཏགས་པ་རྣམས་ཀྱིས་སྟོང་སྟེ། དེ་བཞིན་ཉིད་དུ་བཏགས་པ་མ་ལགས། དེ་བཞིན་ཉིད་ལས་གུད་ནའང་དོན་དམ་སྟོང་པ་ཉིད་མ་མཆིས་ཏེ། དེ་བཞིན་ཉིད་ཀྱང་དོན་དམ་པ་སྟོང་པ་ཉིད། དོན་དམ་པ་སྟོང་པ་ཉིད་ཀྱང་དེ་བཞིན་ཉིད་དོ། །ཕྲེང་གཅིག་ན་གནས་པར་མི་བགྱིའོ། །བཅོམ་ལྡན་འདས་ཀྱིས་འཁོར་ལོ་གཉིས་པའི་སྐབས་སུ་བླ་ན་མཆིས་ཏེ། སྐབས་མཆིས་པ། དྲང་བའི་དོན། རྩོད་པའི་ཚིག་གི་གནས་སུ་གྱུར་པ་ལགས་སོ། །ཞེས་དགོངས་པ་ངེས་འགྲེལ་གྱི་མདོར་གསུངས་པ། དེ་སྐབས་འདི་དག་ལ་སོགས་པ་རང་སྟོང་མ་ཡིན་རྣམས་རང་སྟོང་སྟོན་སྟོན་འདྲ་བའི་གཞུང་གི་སྐབས་ཐམས་ཅད་དུ་དྲང་དགོངས་སོ། །བརྒྱད་སྟོང་དོན་བསྡུས་སུ་ཡང༌། མེད་ཅེས་བྱ་ལ་སོགས་ཚིག་གིས་བཏགས་པ་ཐམས་ཅད་འགོག་པ་སྟེ། ཞེས་དང༌། འདི་ནི་བརྟགས་པ་འགོག་པ་ཡིན། །ཞེས་སོགས་མང་དུ་གསུངས་པ་ཡང་སྐབས་མང་པོར་དྲང་དགོས་ཏེ། གཞན་དུ་ན་ཀུན་བཏགས་ཀྱི་ཆོས་རྣམས་མེད་པར་དགོངས་ནས་གསུངས་པ་ལས་འཁྲུལ་ནས་ཡོངས་གྲུབ་ཀྱི་ཆོས་རྣམས་ཀྱང་མེད་པར་འཛིན་པའི་ལོག་ལྟ་བྱུང་བའི་ཕྱིར་རོ། །ཆོས་ཉིད་ལ་གནས་པར་མི་བགྱི་སྟེ། ཕྲེང་བཅུ་གཅིག་ན། མཐའ་ལ་གནས་པར་མི་བགྱིའོ། །གལ་ཏེ་དེ་ལས་བཟློག་པར་སྤྱོད་ན་ཉེས་དམིགས་ཆེན་པོ་ཡོད་དེ། བཅོམ་ལྡན་འདས་གལ་ཏེ། ཕྲེང་གཅིག་ན། གཟུགས་ལ་རྟོག་ཅིང་གནས་ནས། དེ་བཞིན་དུ་གལ་ཏེ་ཚོར་བ་དང༌། འདུ་ཤེས་དང༌། ཕྲེང་བདུན་ན། བཅོམ་ལྡན་འདས་འདི་ལྟར་ཡོངས་གྲུབ་ཀྱི་གཟུགས་ནི་ཡོངས་སུ་གཟུང་བ་མ་མཆིས་པ་སྟེ། གློ་བུར་ཐམས་ཅད་ཀྱི་རང་བཞིན་གྱིས་སྟོང་པའི་སླད་དུ། ཀུན་བཏགས་ཀྱི་གཟུགས་མ་ལགས། ཞེས་གསུངས་ཏེ། འདི་ལ་ཡོངས་སུ་བཟུང་བ་མེད་ཅེས་བྱ་བ་ནི་ཡོངས་སུ་གྲུབ་པའི་མཚན་ཉིད་ལ་བྱ་སྟེ། ཆོས་ཉིད་ཀྱི་གཟུགས་ཀྱི་ཡོངས་སུ་གཟུང་བ་མེད་པ་ཡོངས་སུ་གྲུབ་པའི་ངོ་བོ་ཉིད་གང་ཡིན་དེ་ནི་ཀུན་བཏགས་པའི་གཟུགས་ཀྱི་ངོ་བོ་ཉིད་མ་ཡིན་ཏེ། དེའི་ཕྱིར་ཆོས་ཉིད་ཀྱི་གཟུགས་ནི་ཡོངས་སུ་བཟུང་བ་མེད་དོ། །ཞེས་བྱ་བར་སྦྱོར། ཞེས་ཤིང་རྟ་ཆེན་པོ་དབྱིག་གཉེན་གསུངས། ཚོར་བ་དང༌། འདུ་ཤེས་དང༌། ཕྲེང་ལྔ་ན། ཡོངས་སུ་བཏགས་པ་སྟེ་བསྒོམ་པར་བྱའོ། །
ཕྲེང་དྲུག་ན། རྩེ་མོ་འབྲིང་གི་དམིགས་རྣམ་ནི། དེ་དག་གཅིག་གི་རང་བཞིན་གཅིག །དེ་མི་རྟག་སོགས་པར་མི་གནས། །དེ་རྣམས་དེ་ཡི་ངོ་བོས་སྟོང༌། །དེ་དག་གཅིག་གི་རང་བཞིན་གཅིག །ཆོས་རྣམས་མི་འཛིན་གང་ཡིན་དང༌། །དེ་ཅིའི་སླད་དུ་ཞེ་ན། དེ་ནི་མཚན་མས་བརྗོད་པ་ལགས་ཏེ། གང་ཞེ་ན། གཟུགས་ལ་རྟོགས་པ་ནི་མཚན་མའོ། །དེ་བཞིན་དུ་ཕྱི་མ་རྣམས་ལའང་སྦྱར་ཏེ། ཚོར་བ་ནི་མཚན་མའོ། །ཕྲེང་བཅུ་གསུམ་ན། མཚན་མ་སྟེ། བཟང་ངན་གང་ལ་རྟོགས་ཀྱང་རུང༌། རྟོག་པ་གང་ཡིན་པ་དེ་ནི་བྱང་ཆུབ་སེམས་དཔའ་རྣམས་ཀྱི་ཉོན་མོངས་པ་ཞེས་བྱའོ། །གལ་ཏེ་མཚན་མར་བཟུང་བར་ཞིག་ལགས་ན་ནི། མུ་སྟེགས་ཀྱི་ཀུན་ཏུ་རྒྱུ་བ་ཕྲེང་བ་ཅན་མཚན་མ་མེད་པ་ལ་མོས་པ་ཡང༌། བཅོམ་ལྡན་འདས་ལ་མཚན་མ་མེད་པའི་ཆོས་ཐོས་པས། ཐམས་ཅད་མཁྱེན་པའི་ཡེ་ཤེས་འདི་ལ་དད་པ་ཐོབ་པར་གྱུར་པ་དེ་ཡང་དེ་ལྟར་འོས་པར་མི་འགྱུར་བ་ཞིག་ན། དད་པ་ཐོབ་པར་ཡང་འགྱུར་རོ། །ཕྲེང་གསུམ་གཉིས་ན། དེ་ཡང་དོན་དམ་པར་མཚན་མའི་ཚུལ་དུ་སྐྱེས་མ་ལགས། ཀུན་རྫོབ་ཏུ་མཚན་མ་མཆིས་པའི་ཚུལ་དུ་ཡང་སྐྱེ་བ་མ་ལགས་སོ། །ཞེས་འབུམ་ཏིག་གསུངས། ཡང་ན་མཉམ་བཞག་ཏུ་མཚན་མའི་ཚུལ་ཏུ་མི་སྐྱེ། རྗེས་ཐོབ་ཏུ་མཚན་མ་མེད་པའི་ཚུལ་དུ་མི་སྐྱེ་ཞེས་པར་ཡང་རུང༌། དེ་ལྟར་ན་དེ་ནི་མཚན་མ་དང་བཟང་བ་མ་མཆིས་པས་ཆོས་ཉིད་ཡོངས་སུ་བཟུང་བ་ལགས་ཏེ། ཕྲེང་གཅིག་ན། ཉེ་ཚེ་བའི་རིམ་གྱིས་ཡེ་ཤེས་ཀྱིས་ཞུགས་ཏེ། ཕྲེང་བཞི་ན། འདི་ལྟར་ཀུན་ཏུ་རྒྱུ་དེས་མཚན་མ་མེད་པའི་ཡེ་ཤེས་ཏེ་ཤེས་པའི་ཆོས་གང་གིས་གནས་པར་བགྱི་བ་དང༌། གང་དག་གང་རྟོགས་པར་བགྱི་བ་དང༌། རྟོགས་བྱ་གང་རྟོགས་པར་བགྱི་བ། ཕྲེང་ཉེར་དྲུག་ན།
རྩེ་མོ་ཆེན་པོའི་དམིགས་རྣམ་ནི། དེ་དག་མཚན་མར་མི་མཐོང་ཕྱིར། །ཤེས་རབ་ཀྱིས་ནི་ཡོངས་རྟོག་པ། །ཐམས་ཅད་དམིགས་སུ་མེད་པར་རོ། །བཅོམ་ལྡན་འདས་གཞན་ཡང༌། ཕྲེང་བཅུ་གཉིས་ན། གཟུགས་མེད་ཅིང་མི་དམིགས་སོ། །ཞེས་སོགས་འདི་དག་ནི་ཀུན་བཏགས་པ་འགོག་པའམ། སྒྲོ་འདོགས་པའི་འགོག་པ་སྟེ། བརྒྱ་སྟོང་དོན་བསྡུས་སུ། དེས་ན་སངས་རྒྱས་དེ་བཞིན་དུ། །བྱང་ཆུབ་མཐོང་བར་བརྗོད་པ་དང༌། །ཡོངས་སུ་རྫོགས་པའི་བར་གྱིས་འདིར། །བརྟགས་རྣམས་བསལ་བར་ཤེས་པར་བྱ། །དངོས་པོ་སྟོང་པའི་གཟུགས་རྣམས་ལ། །གང་དུའང་གང་གིས་སྒྲོ་འདོགས་པ། །དེས་ན་ངག་གཞན་རྣམས་ལའང༌། །དེ་བཟློག་པར་ནི་ཤེས་པར་བྱ། །ཞེས་གསུངས་པ་དོན་གཅིག་གོ །ཚོར་བ་དང༌། འདུ་ཤེས་དང༌། ཕྲེང་བཅུ་ན། དེ་བཞིན་ཉིད་མེད་ཅིང་མི་དམིགས་སོ། །ཞེས་སོགས་འདི་དག་དེ་བཞིན་ཉིད་དུ་བརྟགས་པས་འགོག་ཅིང་མཉམ་བཞག་ལ་ཅིར་མི་རྟོག་པ་དགོས་པས་དེ་བཞིན་ཉིད་ལ་སོགས་པར་རྟག་པ་བཀག་པ་ཡིན། དེ་ལྟར་མ་ཡིན་པར་དེ་བཞིན་ཉིད་མེད་པར་འདོད་ན་ནི། དེ་བཞིན་ཉིད་ནམ་ཡང་མེད་པར་མི་འགྱུར་ཞིང་རྟག་ཏུ་གནས་པར་གསུངས་པ་རྣམས་དང་འགལ་བར་འགྱུར་རོ། །ཆོས་ཉིད་དང༌། ཆོས་ཀྱི་དབྱིངས་དང༌། ཕྲེང་བདུན་ན། མ་བྲལ་བར་ཤེས་པར་བྱའོ། །
བཟོད་པ་ཆུང་ངུའི་དམིགས་རྣམ་ནི། གཟུགས་སོགས་ངོ་བོ་ཉིད་མེད་ཕྱིར། །དེ་མེད་པ་ཉིད་ངོ་བོ་ཉིད། །སྨྲས་པ། ཚེ་དང་ལྡན་པ་རབ་འབྱོར། ཕྲེང་བཅུ་བཞི་ན། རང་བཞིན་དང་བྲལ་བ་སྟེ། འདི་རྣམས་ནི་མཐར་ཐུག་མེད་དགག་ལ་འདོད་པ་རྣམས་ཀྱི་འཁྲུལ་གཞི་ཡིན་ལ་དགོངས་པའི་དོན་ཟབ་མོ་ཡང་དག་ནི་དབུ་མ་པ་ཆེན་པོ་རྣམས་ཀྱིས་ལེགས་པར་ཕྱེ་སྟེ། གསུངས་པ་ཇི་ལྟ་བ་བཞིན་དུ་སྔར་བསྟན་ཟིན་ཏོ། །དེ་བྱང་ཆུབ་སེམས་དཔའ་སེམས་དཔའ། ཕྲེང་དགུ་ན། མཐའི་མཚན་ཉིད་མེད་དོ། །འདིའི་དོན་ཡང་དེ་མ་ཐག་ཏུ་བཤད་ཟིན་ཏོ། །ཕྲེང་དེ་ལ། རང་བཞིན་མེད་དོ། །འདི་ལྟར་མཚན་ཉིད་ཐམས་ཅད་ནི་ཀུན་བཏགས་པ་ཡོད་པ་མ་ཡིན་པས་དེའི་ཕྱིར་ཆོས་ཉིད་ནི་གཟུགས་ལ་སོགས་པའི་མཚན་ཉིད་དང་བྲལ་བའོ། །ཞེས་དབུ་མ་པ་གསུངས། སྨྲས་པ། ཚེ་དང༌། ཕྲེང་གཉིས་ན། འབྱུང་བར་འགྱུར་རོ། །བཟོད་པ་འབྲིང་གི་དམིགས་རྣམ་ནི། དེ་དག་སྐྱེ་མེད་ངེས་འབྱུང་མེད། །དག་དང་། དེ་ཅིའི་ཕྱིར་ཞེ་ན། ཕྲེང་གཉིས་ན་འབྱུང་བ་ཡང་མི་དམིགས་སོ། །ཞེས་བྱ་བ་ནི་འདི་ལྟར་ཡོངས་སུ་གྲུབ་པ་ཆོས་ཉིད་ཀྱི་གཟུགས་ནི་ཀུན་བཏགས་པའི་གཟུགས་ཀྱི་ངོ་བོ་ཉིད་སྟོང་སྟེ། དེའི་ཕྱིར་ཆོས་ཉིད་ཀྱི་གཟུགས་ལ་ནི་འཁོར་བའི་གནས་སྐབས་ཀྱིས་ཀུན་ནས་ཉོན་མོངས་པའི་ངོ་བོ་ཉིད་དང་སྐྱེ་བ་འབྱུང་བ་མེད་དོ། །དག་པའི་གནས་སྐབས་ན། རྣམ་པར་བྱང་བའི་བདག་ཉིད་ལ་ཕྱིན་ཅི་ལོག་གི་དངོས་པོ་མེད་པས་གློ་བུར་གྱི་ངེས་པར་འབྱུང་བ་མེད་དོ། །ངོ་བོ་ཉིད་ཀྱིས་རྣམ་པར་དག་པ་དང༌། ཆོས་ཉིད་ལ་འགྱུར་བ་མེད་པའི་ཕྱིར་རོ། །ཞེས་བྱ་བའི་ཐ་ཚིག་གོ །སྐྱེ་བ་མེད་ཅེས་བྱ་བ་ནི་དྲི་མ་དང་བཅས་པའི་གནས་སྐབས་ནའོ། །ངེས་པར་འབྱུང་བ་མེད་ཅེས་བྱ་བ་ནི། དྲི་མ་མེད་པའི་གནས་སྐབས་ནའོ། །ཞེས་དབུ་མ་པས་གསུངས་པས་ལྷག་མ་རྣམས་ལའང་དེ་བཞིན་དུ་སྦྱར་རོ། །ཆོས་ཉིད་ཀྱི་དོན་དམ་གྱི་ཚོར་བ་དང༌། འདུ་ཤེས་དང༌། འདུ་བྱེད་དང༌། རྣམ་པར་ཤེས་པ་ནི་ཀུན་རྫོབ་ཀྱི་རྣམ་པར་ཤེས་པས་སྟོང་སྟེ། ཕྲེང་གཅིག་རུང་ན། མཐས་སྟོང་སྟེ། འདི་དག་གི་དོན་ཡང་སྔར་སྟོན་པ་བཞིན་རིག་པར་བྱའོ། །དེ་ལ་སྐྱེ་བ་ཡང་མི་དམིགས། ཕྲེང་དྲུག་ན། སྲིད་པ་དང་ལྟ་བ་ངན་པ་ཞེས་པ། ལེ་བརྒྱད་མར་བྱུང༌། དང་ལྡན་པའི་སེམས་མི་སྐྱེད་པས། ཕྲེང་ལྔ་ན། ལེའུ་ལྔ་པའོ།། །།
བཟོད་པ་ཆེན་པོའི་དམིགས་རྣམ་ནི། དེ་དག་མཚན་མ་མེད། །དེ་ཡི་མཚན་མར་མི་རྟེན་པས། །མོས་མིན་འདུ་ཤེས་མེད་པ་ཡིན། །དེ་ནས་ཚེ་དང་ལྡན་པ་རབ་འབྱོར་གྱིས། ཤོག་གུ་གསུམ་དང་ཕྲེང་བཅུ་གཅིག་ན། བམ་པོ་བཅུ་གཅིག་ན། ཕྲེང་གཅིག་ན། འཚང་རྒྱ་བའི་སྐལ་བ་ཡོད་དོ། །འདིར་ཁྲི་བརྒྱད་སྟོང་པར། ཤེར་ཕྱིན་ལ་སྤྱོད་པ་དེ་གལ་ཏེ། ཆོས་འགའ་ཞིག་ཁས་ལེན་ན། ཤེར་ཕྱིན་ལ་སྤྱོད་པ་མ་ཡིན། དེ་བཞིན་དུ་ཁས་མ་ལེན་པ་དང༌། ཁས་ལེན་ཀྱང་ལེན་ལ། མི་ལེན་ཀྱང་མི་ལེན་པ་དང་ལེན་པ་ཡང་མ་ཡིན་མ་ལེན་པ་ཡང་མ་ཡིན་ཡང་ཤེར་ཕྱིན་ལ་སྤྱོད་པ་མ་ཡིན་ཞེས་པའི་གཞུང་བྱུང་སྟེ། འདི་དག་ཀྱང་ལ་ཟློ་བ་མཉམ་བཞག་ཟབ་མོ་ལ་རྟོག་པ་ཐམས་ཅད་དང་བྲལ་དགོས་པར་སྟོན་པ་ཡིན་ནོ། །འདི་དང་འདི་འདྲ་བ་དག་གི་གཞུང་གི་དགོངས་པ་འོང་བ་རྣམས་ཀྱི་རྗེས་ཐོབ་ཏུ་དོན་དང་མཐུན་པའི་ཁས་ལེན་ཡང་མེད་ཅེས་འདོད་པ་ནི་མཉམ་གཞག་ཏུ་ཁས་ལེན་གང་ཡང་མེད་པ་དང༌། རྗེས་ཐོབ་ཏུ་དོན་དང་མི་མཐུན་པའི་ཁས་ལེན་པ་ལ་དགོངས་ནས། ཁས་ལེན་མེད་ཅེས་གསུངས་པའི་དགོངས་པ་ལ་རིང་དུ་གྱུར་པ་ཡིན་ཞིང༌། དེ་དེ་ལྟར་འཁྲུལ་བའི་གཞི་ཡང་གཞུང་དེ་དང་དེ་འདྲ་བ་དག་ཡིན་ནོ། །དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ། ཕྲེང་གཅིག་ན། མི་སྤྱོད་ཡང་མ་ཡིན་ནོ། །པ་སྟེ་སྤྱོད་པ་དང་དམིགས་པ་ལ་སོགས་པའི་རྟོག་པ་རྣམས་མཚན་མ་ཡིན་པ་དེ་དང་དེ་ཞེས་བྱ་བར་མི་དམིགས་སོ། །ལོགས་གཅིག་ན། ཉེ་བར་གྱུར་པར་རིག་པར་བྱའོ། །
ཆོས་མཆོག་ཆུང་ངུའི་དམིགས་རྣམ་ནི། ཏིང་འཛིན་དེ་ཡི་བྱེད་པ་ཉིད། །རྣམ་པ་ཐམས་ཅད་གཉིས་སུ་བྱར་མེད་དོ། །ཞེས་བྱ་བ་ལ་སོགས་པས་བཤད་དེ། རྣམ་པ་ཐམས་ཅད་མཁྱེན་པ་ཉིད་ཅེས་བྱ་བ་ནི་ཆོས་ཐམས་ཅད་གཉིས་སུ་མེད་པའི་སྐབས་ལ་བྱ་སྟེ། འདིར་ཀུན་བཏགས་པའི་ཆོས་ཐམས་ཅད་ལ་གཟུང་བ་དང༌། འཛིན་པ་བྱེད་པ་དང༌། ཡོད་པ་དང༌། མེད་པ་དང༌། དངོས་པོ་དང༌། དངོས་པོ་མེད་པ་དང༌། རྟག་པ་དང༌། ཆད་པ་དང༌། འདུས་བྱས་དང༌། འདུས་མ་བྱས་དང༌། ཆོས་དང་ཆོས་མ་ཡིན་པ་ཞེས་བྱ་བ་ལ་སོགས་པ་དང༌། གང་ཡང་རྟག་པ་དང༌། མི་རྟག་པ་དང༌། བདེ་བ་དང༌། སྡུག་བསྔལ་བ་དང༌། བདག་དང༌། བདག་མེད་པ་དང༌། ཞི་བ་དང༌། མ་ཞི་བ་དང༌། སྟོང་པ་དང༌། མི་སྟོང་པ་དང༌། མཚན་མ་དང༌། མཚན་མ་མེད་པ་དང༌། སྨོན་པ་དང༌། སྨོན་པ་མེད་པ་ལ་སོགས་པ་གཉིས་པོ་དེ་དག་ཐམས་ཅད་ནི་ཀུན་བཏགས་པས་ཡིན་པས་ན། རྣམ་པ་ཐམས་ཅད་མཁྱེན་པ་ཉིད་ལ་མེད་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་ནི་གཉིས་སུ་མེད་པ་ཞེས་བྱའོ། །རྟོག་པས་བྱས་པའི་དངོས་པོ་རྣམ་པ་གསུམ་མེད་པས་གཉིས་སུ་བྱར་མེད་པ་ཞེས་བྱའོ། །ཞེས་གནོད་འཇོམས་གཉིས་ཀ་མཐུན་པར་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་ནི། ཕྲེང་གཉིས་རུང་ན། འཚང་རྒྱའོ། །སྨྲས་པ། ཕྲེང་དྲུག་ན། འཚང་རྒྱའོ། །དེ་བཞིན་དུ། རིན་ཆེན་ཕྱག་རྒྱ་ཞེས་བྱ་བའི་ཏིང་ངེ་འཛིན་ཡོད་དོ། །ཀུན་ལ་འདྲེའོ། །སེང་གེ་རྣམ་པར་བརྩེ་བ། ཟླ་བ་བཟང་པོ། ཟླ་བའི་རྒྱལ་མཚན་དཔལ། ཆོས་ཐམས་ཅད་ཤིན་ཏུ་འཕགས། ཆོས་ཐམས་ཅད་ཀྱི་ཕྱག་རྒྱ། སྤྱི་གཙུག་རྣམ་པར་ལྟ་བ། ཆོས་ཀྱི་དབྱིངས་སུ་ངེས་པ། ངེས་པའི་རྒྱལ་མཚན་དཔལ། རྡོ་རྗེ་ཆོས་ཐམས་ཅད་ལ་འཇུག་པའི་ཕྱག་རྒྱ། ཏིང་ངེ་འཛིན་ལ་རྒྱལ་པོ་ལྟར་རབ་ཏུ་གནས་པ། འོད་ཟེར་རབ་ཏུ་འགྱེད་པ། དཔུང་རྣམ་པར་བཀོད་པ། ཡང་དག་པར་འཕགས་པ་ངེས་པའི་ཚིག་ལ་གདོན་མི་ཟ་བར་འཇུག་པ། ཚིག་བླ་དྭགས་ལ་འཇུག་པ། ཕྱོགས་རྣམ་པར་ལྟ་བ། ཕྱག་རྒྱ་ཡོངས་སུ་འཛིན་པ། ཉམས་པ་མེད་པ། ཆོས་ཐམས་ཅད་ཡང་དག་པར་འདུ་བ། རྒྱ་མཚོ་ཕྱག་རྒྱ། ནམ་མཁའ་རྒྱས་པར་འགེངས་པ། རྡོ་རྗེའི་དཀྱིལ་འཁོར། རྒྱལ་མཚན་རྩེ་མོའི་དཔུང་རྒྱན། དང་པོའི་དཔལ། རྒྱུན་གྱི་རྗེས་སུ་སོང་བ། སེང་གེ་རྣམ་པར་བསྒྱིངས་པ། སྣེལ་གཞི། ཉོན་མོངས་སྤངས་པ། རྣམ་པར་སྣང་བ། ཚོལ་བ་མེད་པ། གནས་ལ་རྟེན་པ་མེད་པ། སེམས་མེད་པ། དྲི་མ་མེད་པའི་སྒྲོན་མ། འོད་མཐའ་ཡས་པ། འོད་བྱེད་པ། ཀུན་ཏུ་སྣང་བ། དག་པ་དམ་པ། འོད་དྲི་མ་མེད་པ། དགའ་བ་བྱེད་པ། གློག་གི་སྒྲོན་མ། ཟད་མི་ཤེས་པ། མི་ཕམ་པ། གཟི་བརྗིད་ཡོད་པ། ཟད་པ་དང་བྲལ་བ། མི་གཡོ་བ། འཇིགས་པ་མེད་པ། ཉི་མའི་སྒྲོན་མ། ཟླ་བའི་དྲི་མ་མེད་པ། ཤེས་རབ་སྒྲོན་མ། སྣང་བ་གསལ་བ། སྣང་བ་བྱེད་པ། བྱ་བ་བྱེད་པ། ཡེ་ཤེས་དཔལ། རྡོ་རྗེ་ལྟ་བུ། སེམས་གནས་པ། ཀུན་ཏུ་སྣང་བ། རབ་ཏུ་གནས་པ། རིན་ཆེན་མཐའ། ཆོས་དམ་པའི་ཕྱག་རྒྱ། ཆོས་ཐམས་ཅད་མཉམ་པ་ཉིད། དགའ་བ་སྤང་བ། ཆོས་ཀྱི་འཕགས་པ། རྣམ་པར་འཐོར་བ། ཆོས་ཐམས་ཅད་ཀྱི། ཚིག་རབ་ཏུ་འབྱེད་པ། ཡི་གེ་མཉམ་པར་དགོད་པ། ཡི་གེ་དང་བྲལ་བ། དམིགས་པ་གཅོད་པ། འགྱུར་བ་མེད་པ། རྣམ་པ་མེད་པ། མིང་ངེས་པར་འཇུག་པ། གནས་པར་སྤྱོད་པ། རབ་རིབ་མེད་པ། སྤྱོད་པ་དང་ལྡན་པ། གཡོ་བ་མེད་པ། ཡུལ་ལས་བརྒལ་བ། ཡོན་ཏན་ཐམས་ཅད་ཀྱི་ཚོགས་སུ་གྱུར་པ། སེམས་མེད་པར་གནས་པ། དགེ་བའི་མེ་ཏོག་རྒྱས་ཤིང་གསལ་བ། བྱང་ཆུབ་ཀྱི་ཡན་ལག་ཡོད་པ། སྤོབས་པ་མཐའ་ཡས་པ། མི་མཉམ་པ་དང་མཉམ་པ། ཆོས་ཐམས་ཅད་ལས་འདའ་བ། ཡོངས་སུ་གཅོད་པ། ནེམ་ནུར་རྣམ་པར་སེལ་བ། གནས་སུ་བྱ་བ་མེད་པ། གཅིག་ཏུ་རྣམ་པར་བཀོད་པ། རྣམ་པར་མངོན་པར་བསྒྲུབ་པ། རྣམ་པ་གཅིག་ཏུ་གྱུར་པ། རྣམ་པར་འདོར་བ་མེད་པ། སྲིད་པའི་གཞི་ཐམས་ཅད་རྟོགས་པར་ཁོང་དུ་ཆུད་པ། བརྡ་དང་སྒྲ་ལ་འཇུག་པ། སྒྲ་དབྱིངས་ཀྱི་ཡི་གེ་དང་བྲལ་བ། སྒྲོན་མ་འབར་བ། མཚན་ཉིད་ཡོངས་སུ་སྦྱོང་བ། མངོན་པར་དམིགས་པ་མེད་པ། རྣམ་པ་མཆོག་དང༌། ཐམས་ཅད་དང་ལྡན་པ། བདེ་བ་དང༌། སྡུག་བསྔལ་ཐམས་ཅད་མངོན་པར་དགའ་བ། ཟད་མི་ཤེས་པའི་ཟ་མ་ཏོག །གཟུངས་ཀྱི་བློ་གྲོས། ཡང་དག་པ་དང་ལོག་པ་ཐམས་ཅད་རྣམ་པར་སེལ་བ། འགལ་བ་དང་འགོག་པ་ཐམས་ཅད་ཡང་དག་པར་ཞི་བར་བྱེད་པ། མཐུན་པ་དང་འགལ་བ་མེད་པ། འོད་དྲི་མ་མེད་པ། སྙིང་པོ་དང་ལྡན་པ་ཟླ་བ་དྲི་མ་མེད་པར་རྒྱས་པའི་འོད། གློག་གི་འོད། རྒྱན་ཆེན་པོ། རྣམ་པ་ཐམས་ཅད་དུ་འོད་བྱེད་པ། ཏིང་ངེ་འཛིན་མཉམ་པ་ཉིད། རྡུལ་མེད་ཅིང་རྡུལ་དང་བྲལ་བ། ཉོན་མོངས་པ་མེད་པར་གཞོལ་བ། ཉོན་མོངས་པ་དང་བཅས་པ་ཐམས་ཅད་ཉོན་མོངས་པ་མེད་པར་ཡང་དག་པར་གཞོལ་བ། གནས་དམིགས་སུ་མེད་པ་ལ་བརྩོན་པ། དེ་བཞིན་ཉིད་ལ་གནས་ཤིང༌། སེམས་པ་མེད་པ། ལུས་ཀྱི་སྐྱོན་ཡང་དག་པར་སེལ་བས་རབ་ཏུ་འདུལ་བ། ངག་གི་སྐྱོན་རྣམ་པར་འཇིག་པས། ནམ་མཁའ་ལྟར་གྱུར་པ། ཤཱ་ར་དྭ་ཏིའི་བུ། ནམ་མཁའ་ལྟར་ཆགས་པ་མེད་པས་རྣམ་པར་གྲོལ་ཞིང་གོས་པ་མེད་པ་ཞེས་བྱ་བའི་ཏིང་ངེ་འཛིན་ཡོད་དེ། ཏིང་ངེ་འཛིན་དེས་རྣམ་པར་སྤྱོད་པའི། ཕྲེང་གསུམ་ན། འཚང་རྒྱའོ། །ཉི་ཁྲི་སྣང་བར། ཏིང་ངེ་འཛིན་ནི་བརྒྱ་རྩ་གཅིག །ཅེས་སོགས་པ་དང༌། ཉི་ཁྲི་རྣམ་འགྲེལ་དུ། ཏིང་ངེ་འཛིན་བརྒྱ་ལྷག་དང་བཅས་པ། ཞེས་འབྱུང་ཞིང༌། མདོ་འདི་དང༌། འབུམ་དུ་བརྒྱ་དང༌། ཉི་ཤུ་དང༌། ཁྲི་བརྒྱད་སྟོང་པར། བརྒྱ་ཉེར་གཅིག་བྱུང་བས་མཁས་པ་རྣམས་ཀྱིས་དཔྱད་པར་རིགས་སོ། །ཚེ་དང་ལྡན་པ་ཤཱ་ར་དྭ་ཏིའི་བུ། དེ་དག་ནི། ཕྲེང་གསུམ་ན། གཞན་དག་ཀྱང་ཡོད་དོ། །ཆོས་མཆོག་འབྲིང་གི་དམིགས་རྣམ་ནི། ལུང་བསྟན་པ་དང་རློམ་པ་ཟད། །དེ་ནས་སངས་རྒྱས་ཀྱི་མཐུས། ཕྲེང་གསུམ་ན། རྗེས་སུ་མི་མཐོང་ངོ༌། །ཞེས་པ་ནི་ཡོངས་སུ་གྲུབ་པའི་གནས་སྐབས་ན། དོན་དམ་གྱི་ཆོས་ཉིད་ཀྱང་དེ་བཞིན་ཉིད་ཙམ་དུ་གྱུར་པ་དང༌། འདི་ནི་ཏིང་ངེ་འཛིན་ཏོ། །བདག་ནི་མཉམ་པར་བཞག་པའོ། །ཞེས་བྱ་བ་ལ་སོགས་པ་ཀུན་བཏགས་པ་རྣམས་ཤིན་ཏུ་མེད་པའི་ཕྱིར་ཏིང་ངེ་འཛིན་དུ་རྣམ་པར་རྟོག་པ་དང༌། བདག་མཉམ་པར་བཞག་པར་རྣམ་པར་རྟོག་པ་དུས་ཀྱི་དབང་གིས། རྣམ་པ་གསུམ་དང༌། སྙོམས་པར་འཇུག་པའི་རྣམ་པར་རྟོག་པ་དང༌། རྣམ་པར་རྟོག་པ་དེ་དག་མེད་དོ། །ཞེས་མཁས་མཆོག་དབྱིག་གཉེན་གསུངས། བདག་ནི་སྙོམས་པར་ཞུགས་སོ། །ཞེས་བྱ་བར། ཕྲེང་གསུམ་གཉིས་ན། བདག་ནི་ད་ལྟར་སྙོམས་པར་ཞུགས་སོ། །བདག་གིས་མ་འོངས་པ་ན་མཉམ་པར་བཞག་པར་རིག་པར་བྱའོ། །བདག་ནི་སྔོན་མཉམ་པར་བཞག་པར་གྱུར་ཏོ། །ཕྲེང་གཅིག་ན་མི་རྒྱུའོ། །ཆོས་མཆོག་ཆེན་པོའི་དམིགས་རྣམ་ནི། གསུམ་པོ་ཕན་ཚུན་ངོ་བོ་གཅིག །ཏིང་འཛིན་རྣམ་པར་མི་རྟོག་པ། །དེ་ལྟར་ངེས་འབྱེད་ཆ་མཐུན་ནི། །ཆུང་དང་འབྲིང་དང་ཆེན་པོ་དང༌། །སྨྲས་པ། ཚེ་དང་ལྡན་པ། ཕྲེང་གསུམ་ལྷག་ན། བྱང་ཆུབ་སེམས་དཔའ་ཉིད་ཀྱང་ཏིང་ངེ་འཛིན་ཏོ། །ཞེས་གསུངས་ཏེ། དོན་དམ་གྱི་ཆོས་ཐམས་ཅད་ན་དེ་བཞིན་ཉིད་ཙམ་དུ་བདག་ཉིད་གཅིག་པའི་ཕྱིར། དེ་སྐད་ཅེས་བྱའོ། །ཞེས་དབུ་མ་པ་གསུངས། སྨྲས་པ། ཕྲེང་གཉིས་ཅུང་ན། ཡིན་ན་དེ་དག་ཐ་དད་མེད་པས། བྱང་ཆུབ་སེམས་དཔའ་དང༌། དེ་ཏིང་ངེ་འཛིན་ཐ་དད་དུ་བྱས་ཏེ་བསྟན་པར་ནུས་སམ་ཞེས། དྲིས་པས། རབ་འབྱོར་གྱིས། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ། ཏིང་ངེ་འཛིན་ཏེ། མཚན་ཉིད་པ་ཐ་དད་པ་མེད་པའི་ཕྱིར་དེ་ནི་མ་ཡིན་ནོ། །ཏིང་ངེ་འཛིན་དེ་རྣམས་ལ་ཉན་ཐོས་བཞིན་དུ་འདུ་ཤེས་བྱེད་དམ། ཕྲེང་གཉིས་ན། ཀུན་བཏགས་ཀྱི་ཆོས་ཐམས་ཅད། འཁྲུལ་ལུགས་ལ་ཡོད་ཀྱང་གཤིས་ལུགས་ལ་མེད་པའི་ཕྱིར་རྟོགས་པ་མེད་དེ། དེ་ལྟར་གཤིས་ལུགས་དང་མཐུན་པའི་ཏིང་ངེ་འཛིན་དེ་ལ་རྟོག་པ་མེད་དོ། །ཕྲེང་གཉིས་ན། གཞི་དང་། དེ་ནས་བཅོམ་ལྡན་འདས་ཀྱིས། ཕྲེང་ཕྱེད་གཉིས་ན། མཆོག་ཏུ་བཤད་པ་ལ། ཞེས་པ་ལ་ཉོན་མོངས་པ་ནི་རྣམ་པར་རྟོག་པ་ལ་གསུངས་ཏེ། རྣམ་པར་རྟོག་པ་ཐམས་ཅད་དང་བྲལ་བ་རྣམ་པར་མི་རྟོག་པ་ལ་སྙོམས་པར་འཇུག་པ་ནི་ཉོན་མོངས་པ་མེད་པ་སྙོམས་པར་འཇུག་པ་སྟེ། ཞེས་དབུ་མ་པ་ཆེན་པོ་གསུངས། དེས་བཤད་པ་ནི་འདི་ཡིན་ནོ། །འོག་གཅིག་སོང་བ་ནི། ཤཱ་ར་དྭ་ཏིའི་བུ། ཏིང་ངེ་འཛིན་རྣམ་པར་དག་པའི་དོན་ནི་དྲི་མ་གང་ཡང་ཡིན། མི་སྲིད་པའི་དོན་དེའི་ཕྱིར་བདག་མི་དམིགས་སོ། །ཕྲེང་བཅུ་གཅིག་ན། གང་ལགས། ཞེས་ཞུས་པ་དང༌། དེ་ནས་ཡོངས་སུ་གྲུབ་པ་དྲི་མ་མེད་པའི་དེ་བཞིན་ཉིད་ལ་རྣམ་པར་དག་པའོ། །ཞེས་བྱ་བར་བསྟན་པའི་ཕྱིར། ཞེས་དབུ་མ་པ་གསུངས། བཅོམ་ལྡན་འདས་ཀྱིས་བཀའ་སྩལ་པ། ཕྲེང་གཅིག་ན། འདི་ནི་རྣམ་པར་དག་པ་ཞེས་བྱ་སྟེ། སྔོན་དེ་བཞིན་ཉིད་དྲི་མ་དང་བཅས་པའི་གནས་སྐབས་ན་ནི་ཀུན་བཏགས་པས་ཆོས་རྣམས་སྐྱེ་བ་དང༌། འགོག་པ་དང༌། ཀུན་ནས་ཉོན་མོངས་པ་དང་རྣམ་པར་བྱང་བར་འགྱུར་ཏེ། སྐྱེས་པ་རྣམས་འབྱུང་ཞིང་བྱུང་ནས་ཀྱང་དེ་ལྟ། དེ་ལྟར་དམིགས་པར་འགྱུར་ལ། དེ་ལྟ་དེ་ལྟར་མངོན་པར་འདུ་བྱེད་པར་འགྱུར་རོ། །དྲི་མ་མེད་པའི་གནས་སྐབས་ན་ནི་དེ་བཞིན་ཉིད་དོ། །ཆོས་ཐམས་ཅད་ཀྱི་སྐྱེ་བ་ཐམས་ཅད་ཀྱིས་ཐམས་ཅད་དུ་མེད་དོ། །སྐྱེ་བ་མེད་པས་འགག་པ་ཡང་མེད་དོ། །དྲི་མ་མེད་པའི་ཕྱིར་ཀུན་ནས་ཉོན་མོངས་པ་མེད་པ་དང༌། རྣམ་པར་བྱང་བ་མེད་པ་དང་འབྱུང་བ་མེད་པར་འགྱུར་རོ། །འབྱུང་བ་མེད་པས་དམིགས་སུ་མེད་དོ། །དམིགས་སུ་མེད་པའི་ཕྱིར། མངོན་པར་འདུ་བྱེད་པ་མེད་དེ། འདི་ནི་ཤིན་ཏུ་རྣམ་པར་དག་པ་ཞེས་བྱའོ། །ཞེས་དབུ་མ་པ་གསུངས། ཤཱ་ར་དྭ་ཏིའི་བུ། དེ་ལྟར་ན། ཕྲེང་གཉིས་ན། སློབ་པ་མེད་དོ། །ཞེས་བྱ་བ་ནི་དྲི་མ་མེད་པའི་གནས་སྐབས་ན་ཆོས་ཐམས་ཅད་མ་མཐོང་བའི་ཕྱིར། ཞེས་དབུ་མ་པ་གསུངས། དེ་ཅིའི་ཕྱིར་ཞེ་ན། ཕྲེང་གཅིག་ལྷག་ན། བཀའ་སྩལ་པ། ཀུན་བཏགས་པའི་མཚན་ཉིད་དུ་ཡོད་པ་མ་ཡིན་པར་བསྟན་པའི་ཕྱིར། ཞེས་དབུ་མ་པ་ཆེན་པོ་གསུངས། ཇི་ལྟར་མེད་པ་དེ་ལྟ་ཡོད་དེ། ཀུན་བཏགས་པའི་དངོས་པོ་མེད་པའི་རྣམ་པ་བརྗོད་དུ་མེད་པའི་བདག་ཉིད་དུ་ཡོད་པར་བསྟན་པའི་ཕྱིར། ཞེས་དབུ་མ་པ་གསུངས། དེ་ལྟར་ཡོད་པ་མ་ཡིན་པས་དེའི་ཕྱིར་མེད་ཅེས་བྱའོ། །ཞེས་པའི་དོན་དུ་མ་རིག་པ་ཞེས་བྱའོ། །ཞེས་ཁྲི་བརྒྱད་སྟོང་པ་དང༌། དབུ་མ་པ་ཆེན་པོའི་གནོད་འཇོམས་དང༌། གྲོལ་སྡེ་གཉིས་འགྲེལ་པར་བྱུང༌། དབུ་མ་པ་ཆེན་པོའི་བྱམས་མགོན་གྱིས། དབུ་མ་པ་ཆེན་པོའི་གཞུང་མདོ་སྡེའི་རྒྱན་དུ། གང་ཞིག་ཡོད་པ་མི་མཐོང་མེད་མཐོང་བ། །འདི་འདྲའི་མུན་ནག་རྣམ་པ་དེ་གང་ཞིག །ཅེས་དང༌། འགྲོ་བ་དག་ན་དེ་ལས་གཞན་ཡང་ཅུང་ཟད་ཡོད་མིན་ལ། །འགྲོ་བ་མ་ལུས་པ་ཡང་དེ་ལ་ཀུན་ཏུ་རྨོངས་པའི་བློས། །ཡོད་པ་ཀུན་ལ་སྤངས་ཏེ་མེད་ལ་མངོན་ཞེན་གང་ཡིན་པ། །འཇིག་རྟེན་རྨོངས་པའི་རྣམ་པར་ཚབས་ཆེན་འདི་ཀོ་ཇི་ལྟ་བུ། །ཞེས་དང༌། དབུ་མ་པ་ཆེན་པོའི་གཞུང༌། ཆོས་དང་ཆོས་ཉིད་རྣམ་འབྱེད་དུ་ཡང༌། དེ་ལ་ཆོས་ཀྱི་མཚན་ཉིད་ནི། །གཉིས་དང་ཇི་ལྟར་མངོན་བརྗོད་པར། །སྣང་བ་ཡང་དག་མ་ཡིན་པའི། །ཀུན་རྟོག་པ་དེ་མེད་སྣང་ཕྱིར། །དེས་ན་ཡང་དག་མ་ཡིན་པའོ། །དེ་ཡང་ཐམས་ཅད་དོན་མེད་ཅིང༌། །རྟོག་ཙམ་ཡིན་པས་ཀུན་རྟོག་པའོ། །ཞེས་དང༌། མེད་པ་སྣང་ཕྱིར་འཁྲུལ་བ་ནི། །ཀུན་ནས་ཉོན་མོངས་རྒྱུ་ཡིན་ཏེ། །སྒྱུ་མའི་གླང་ཆེན་སོགས་སྣང་བཞིན། །ཡོད་པའང་སྣང་བ་མིན་ཕྱིར་རོ། །མེད་སྣང་དག་ལ་གང་རུང་ཞིག །མེད་ན་འཁྲུལ་དང་མ་འཁྲུལ་དག །དེ་བཞིན་ཀུན་ནས་ཉོན་མོངས་དང༌། །རྣམ་པར་བྱང་བ་མི་འཐད་དོ། །ཞེས་དང༌། འཕགས་པ་ཀླུ་སྒྲུབ་ཞབས་ཀྱིས་ཀྱང༌། འབྱུང་བ་དང་ནི་འཇིག་པ་དག །མཐོང་ངོ་སྙམ་དུ་ཁྱོད་སེམས་ན། །འབྱུང་བ་དང་ནི་འཇིག་པ་དག །གཏི་མུག་གིས་ནི་མཐོང་བ་ཡིན། །ཞེས་གསུངས་ལ། དབུ་མ་པ་ཆེན་པོ་སློབ་དཔོན་དབྱིག་གཉེན་གྱིས་ཀྱང༌། ཡང་དག་པར་མ་རིག་པ་སྟེ་ཡང་དག་པ་མ་ཡིན་པར་རིག་ཅིང་ཤེས་པར་བྱེད་པ་ནི་མ་རིག་པའོ། །ཞེས་བྱ་བའི་ཐ་ཚིག་གོ །ཞེས་སྐབས་འདིའི་འགྲེལ་པར་གསུངས་པ་རྣམས་དགོངས་པ་གཅིག་སྟེ། གཡུ་རྙིང་པ་ལྟ་བུ་རྫོགས་ལྡན་གྱི་ཆོས་ཡིན་པའི་ཕྱིར་རོ། །གསུམ་ལྡན་མར་བཅད་ཀྱི་ཆོས་སྐྱོན་ཅན་གཡུ་སར་པ་ལྟ་བུ་རྣམས་དང་མི་མཐུན་ཡང་སྐྱོན་མེད་དོ། །གསོལ་པ། བཅོམ་ལྡན་འདས། ཕྲེང་གཅིག་ན། ཕྱིར་ཡོད་པ་མ་ཡིན་ནོ། །ཞེས་བྱ་བ་ལ་སོགས་གསུངས་སོ། །དགོངས་པ་འདི་ལྟ་སྟེ། འདི་ལྟར་གཟུགས་ལ་སོགས་པའི་ཆོས་རྣམས་མེད་ཅིང་ཡང་དག་པ་མ་ཡིན་ཡང༌། ཡང་དག་པ་དང༌། ཡོད་པ་བཞིན་དུ་འཛིན་ཏེ། དེའི་ཕྱིར་དེ་ཡང་དག་པར་མི་རིག་པ་སྟེ། ཡང་དག་པར་མི་ཤེས་པས་མ་རིག་པ་ཞེས་བྱའོ། །ཞེས་བསྟན་པའི་ཕྱིར་གཟུགས་ལ་སོགས་པའི་ཆོས་རྣམས་བཀའ་སྩལ་ཏོ། །ཞེས་དབུ་མ་པ་གསུངས། ཚོར་བ་དང༌། འདུ་ཤེས་དང༌། ཕྲེང་བཞི་ན། མཐའ་གཉིས་ལ་ཆགས་པ་དེ་ཞེས་གསུངས་ཏེ། མ་རིག་པའི་དབང་གིས་ཡོད་པའི་རྣམ་པར་མངོན་པར་ཞེན་ནས། སྲིད་པའི་དབང་གིས་རོ་མྱང་བར་བྱ་བའི་སྒོ་ནས་མངོན་པར་ཞེན་ཏེ། རྟག་པ་དང་ཆད་པའི་མཐའ་གཉིས་ལ་ཆགས་པ་ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། དག་མི་ཤེས་མི་མཐོང་སྟེ། ཕྲེང་ཅིག་གཅིག་ན། བྱིས་པ་ཞེས་བྱའོ། །དེ་ཡི་གཉེན་པོ་ཡིས། །བཟུང་བར་རྟོག་པ་རྣམ་པ་གཉིས། །རྨོངས་དང་ཕུང་སོགས་བྱེ་བྲག་གི །དེ་ནི་སོ་སོར་རྣམ་པ་དགུ། །གསོལ་པ། ཤོག་གུ་དང་ཕྲེང་ལྔ་ན། ཤེས་པར་བྱའོ། །དེ་རྣམས་ཀྱིས་ཀྱང་ལ་ཟློ་བ་མཉམ་གཞག་ཟབ་མོའི་སྐབས་རྟོག་པ་ཐམས་ཅད་དང་བྲལ་བ་བསྟན་ཏོ། །ལེའུ་དྲུག་པའོ།། །།
རྫས་དང་། དེ་ནས། ཕྲེང་བདུན་ན། སྙམ་མམ་ཞེས་བྱ་བ་ལ་སོགས་པ་གསུངས་ཏེ། ཆོས་ཐམས་ཅད་དངོས་པོ་མེད་པའི་ངོ་བོ་ལ་མཁས་པའི་བྱང་ཆུབ་སེམས་དཔའ་དམིགས་སུ་མེད་པར་མཐོང་བ་དག་གིས་ནི་གཟུགས་ལ་སོགས་པ་ཀུན་བཏགས་པའི་ཆོས་ཀྱི་རྣམ་པ་སྒྱུ་མ་ལས་ལོགས་ཤིག་ན་ཡོད་པར་མི་མཐོང་སྟེ། ཞེས་དབུ་མ་པ་ཆེན་པོ་གསུངས། ཚོར་བ་དང༌། འདུ་ཤེས་དང༌། འདུ་བྱེད་དང༌། ཕྲེང་ཉི་ཤུ་རྩ་བདུན་ན། བྱང་ཆུབ་ཉིད་ཀྱང་སྒྱུ་མ། སྒྱུ་མ་ཉིད་ཀྱང་བྱང་ཆུབ་བོ། །ཞེས་བྱ་བའི་མཐར་ཐུག་པའི་གཞུང་གསུངས་ཏེ། ཐམས་ཅད་ཀྱང་ཀུན་བཏགས་པའི་ངོ་བོ་ཉིད་ཡིན་པའི་ཕྱིར། དངོས་པོ་མེད་པའི་ངོ་བོ་ཉིད་དུ་སྒྱུ་མ་དང་ཐ་དད་པ་མེད་དོ། །ཞེས་དབུ་མ་པ་ཆེན་པོ་གསུངས། བཅོམ་ལྡན་འདས་ཀྱིས་བཀའ་སྩལ་པ། ཕྲེང་གསུམ་ལྷག་ན། གསོལ་པ། བཅོམ་ལྡན་འདས་དེ་ནི་མི་འགྱུར་རོ། །བཏགས་པའི་རྟེན་ཅན་གྱི། །འཛིན་པའང་རྣམ་པ་གཉིས་སུ་འདོད། །རང་དབང་བདག་སོགས་ངོ་བོ་དང༌། །ཕུང་སོགས་རྟེན་ལས་དེ་བཞིན་ནོ། །ཞེས་པ་འདི་རྣམས་བཙུན་པ་རྣམ་གྲོལ་སྡེས། གཞུང་འདི་དང་སྦྱར་བ་ལྟར་བཀོད་ཅིང༌། སྨྲིས་ཏིས་ཀྱང་འདི་དང་ཅི་རིག་མཐུན་སྦྱར་ལ། འཕགས་པ་གྲོལ་སྡེ་དང༌། སློབ་དཔོན་སེང་བཟང༌། ཤནྟི་བ་རྣམས་ཀྱིས་ལེ་བརྒྱད་མ་དང་སྦྱར་ནས་བཀྲལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཕྲེང་ཉི་ཤུ་རྩ་དྲུག་ན། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་ཕྱིར་མི་དམིགས་སོ། །སེམས་མི་འགོང་བ་ཉིད་ལ་སོགས། །ངོ་བོ་ཉིད་མེད་སོགས་སྟོན་བྱེད། །དེ་ཡི་མི་མཐུན་ཕྱོགས་བོར་བ། །རྣམ་པ་ཀུན་ཏུ་ཡོངས་འཛིན་ཡིན། །གསོལ་པ། ཤོག་གུ་གསུམ་དུ་ཕྲེང་གསུམ་ཅུང་ཟད་ལས་སོང་བ་ན། རྣམ་པ་འདི་ལྟར་རབ་ཏུ་རྟོག་སྟེ། ཆོས་ཉིད་ཀྱི་གཟུགས་སྟོང་པ་ཉིད་ཀྱིས་ཆོས་ཉིད་གཟུགས་རང་སྟོང་པ་ཞེས་པ་ནི། ཆོས་ཉིད་ཀྱི་གཟུགས་ཀུན་བཏགས་པའི་གཟུགས་ཀྱི་སྟོང་པ་ཉིད་ཀྱི་རྒྱུས་གློ་བུར་དུ་སྟོང་པར་གྱུར་པ་མ་ཡིན་ཏེ། གདོད་གདོད་ནས་ངོ་བོ་ཉིད་ཀྱིས་སྟོང་པའི་ཕྱིར་རོ། །ཞེས་དབུ་མ་པ་གསུངས། མ་ཡིན་གྱི། ཆོས་ཉིད་ཀྱི་གཟུགས་ཉིད་ཀྱང་དོན་དམ་པ་སྟོང་པ་ཉིད་དོ། །དོན་དམ་པ་སྟོང་པ་ཉིད་ཀྱང་ཆོས་ཉིད་ཀྱི་གཟུགས་སོ། །ཞེས་པ་གསུངས་ཏེ། སྟོང་པ་ཉིད་དང་ཆོས་ཉིད་ཀྱི་གཟུགས་དག་ངོ་བོ་གཅིག་གོ །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་གསུངས། དེ་བཞིན་དུ། ཚོར་བ་དང༌། འདུ་ཤེས་དང༌། ཕྲེང་གཅིག་རུང་ན། ཆོས་ཉིད་ཀྱི་མིག་གི་སྟོང་པ་ཉིད་ཀྱི་ཆོས་ཉིད་ཀྱི་མིག་རང་སྟོང་པ་མ་ཡིན་གྱི། ཆོས་ཉིད་ཀྱི་མིག་ཉིད་ཀྱང་དོན་དམ་པ་སྟོང་པ་ཉིད་དོ། །དོན་དམ་པ་སྟོང་པ་ཉིད་ཀྱང་ཆོས་ཉིད་མིག་གོ །དེ་བཞིན་དུ། སངས་རྒྱས་ཀྱི་ཆོས་མ་འདྲེས་པའི་བར་འོག་མ་རྣམས་ལའང་སྦྱར་རོ། །རྣ་བ་དང༌། སྣ་དང༌། ལྕེ་དང༌། ལུས་དང༌། ཡིད་ཀྱི་སྟོང་པ་ཉིད་ཀྱིས། ཕྲེང་བཅོ་ལྔ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཆོས་ཐམས་ཅད་ཀྱི་སྟོང་པའི་གཞི། ཆོས་ཉིད་དོན་དམ་བདེན་པ་རང་བྱུང་ཡེ་ཤེས་འགྱུར་མེད་ཡོངས་གྲུབ། དབུ་མ་པ་ཆེན་པོ། མྱང་འདས་ཆེན་པོ། ཕྱག་རྒྱ་ཆེན་པོ། ཤིན་ཏུ་རྣལ་འབྱོར། རྡོ་རྗེའི་རྣལ་འབྱོར། བདེ་གཤེགས་སྙིང་པོ། དུས་འཁོར་དང་པོའི་སངས་རྒྱས། རང་བཞིན་གཉུག་མའི་བདེ་གཤེགས། གསང་འདུས་ལ་སོགས་འདུས་མ་བྱས་ཀྱི་ལྷ་དང༌། སྔགས་དང༌། རྒྱུད་དང༌། དཀྱིལ་འཁོར་དང༌། ཕྱག་རྒྱ་ཆ་མེད་ཀུན་འགྲོ་ཁྱབ་པ་པོ། །ཐམས་ཅད་ཀྱི་བདག་ཉིད་གཞི་འབྲས་ངོ་བོ་དབྱེར་མེད་ཀྱི་ཤེར་ཕྱིན་དང༌། དེ་མངོན་དུ་བྱེད་པའི་ལམ་ཤེར་ཕྱིན་རླུང་སེམས་ཀྱི་རྒྱུན་ངང་གི་འགགས་ནས། མི་རྟོག་ཡེ་ཤེས་ངང་གི་སྐྱེ་ཞིང་འཆར་བའི་ཐབས་མཆོག་ཟབ་མོ་ཁྱད་འཕགས་བསྟན་པ་འདི་ཐོས་ནས་མི་འཇིགས་མི་སྔངས་སྐྲག་པར་མི་འགྱུར་རོ། །ཤོག་གུ་བཅུ་ན། དེ་ལྟར་ཐབས་མི་མཁས་པས་ནི་ཆོས་ཐམས་ཅད་ཀྱི་སྟོང་པའི་གཞི་ཆོས་ཉིད་དོན་དམ་བདེན་པ། ཞེས་པ་ནས། ཐབས་མཆོག་ཟབ་མོ་ཁྱད་འཕགས། ཞེས་པའི་བར། སྔར་བྲིས་པའི་ཤེས་རབ་ཀྱི་ཕ་རོལ་ཏུ། དེ་ནས་ཕྲེང་ཕྱེད་དང་གསུམ་ན། སྡིག་པའི་གྲོགས་པོ་ནི། ཆོས་ཐམས་ཅད་ཀྱི་སྟོང་པའི་གཞི། ཆོས་ཉིད་དོན་དམ་བདེན་པ། ཞེས་པ་ནས། ཐབས་མཆོག་ཟབ་མོ་ཁྱད་འཕགས། ཞེས་པའི་བར་སྔར་བྲིས་པའི། ཕྲེང་དྲུག་ན། སངས་རྒྱས་ཀྱི་ཆ་བྱད་དུ་བྱས་པ་དག །ཞེས་པ་ལ་སོགས་པ་འདི་དག་ནི། རྗེ་བཙུན་སྤྱན་རས་གཟིགས་དབང་ཕྱུག་གིས། རྫོགས་སངས་རྒྱས་དང་བྱང་ཆུབ་སེམས་དཔའ་དང༌། །ཕ་དང་མ་དང་བུ་མོ་དང་སྲིང་མོ་དང༌། །བུ་དང་སྤུན་ཟླ་འདོད་པའི་ཆུང་མ་ཡི། །གཟུགས་རྣམས་ཀྱིས་ནི་བདུད་རྣམས་བགེགས་བྱེད་དོ། །ཞེས་གསུངས་པ་དང་མཐུན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། ཤོག་གུ་བཞིར་ཕྲེང་སུམ་ཆད་པ་ན། ལེའུ་བདུན་པ།། །།
དེ་རྣམས་ཀྱིས་ནི། ངེ༷ས་འབྱེ༷ད་ཡ༷ན་ལ༷ག་རྣ༷མ་བཞི༷་ད༷ང༌། །ཞེས་པ་དོན་གསུམ་པ་གསུངས་ཟིན་ཏོ། །
རྟོགས་པ་ཡི་ནི་ཆོས་དྲུག་དང༌། །དེ་ནས་ཚེ་དང་ལྡན་པ། ཕྲེང་གཉིས་སོང་བ་ན། ཚིག་གི་དོན་མེད་པ་སྟེ། བྱང་ཆུབ་སེམས་དཔའ་རྣམས་ལ་དོན་རྣམ་པ་ཡོད་དེ་བྱང་ཆུབ་སེམས་དཔའ་དང༌། ཕུང་པོའི་བདག་ཉིད་ཀུན་རྫོབ་ཀྱི་བྱང་ཆུབ་སེམས་དཔའ་དང༌། དོན་དམ་པའི་བྱང་ཆུབ་སེམས་དཔའོ། །དེ་བཞི་ཆར་ཡང་དངོས་པོ་མེད་པའི་ངོ་བོ་ཉིད་ཡིན་པའི་ཕྱིར་རོ། །བྱང་ཆུབ་སེམས་དཔའ་ཞེས་བྱ་བའི་ཚིག་གི་དོན་ནི་གཞིའི། དོན་དམ་པ་ཡིན་ཏེ། གཞིའི་དོན་མེད་པ་ལ་བྱའོ། །གལ་ཏེ་བྱང་ཆུབ་སེམས་དཔའ་ཞེས་བྱ་བ་དངོས་པོའི་བདག་ཉིད་འགའ་ཞིག་ཡོད་པར་གྱུར་ན། དེའི་ཚིག་གི་དོན་གཞི་དང་བཅས་ཤིང་གནས་དང་བཅས་པར་འགྱུར་བ་ཞིག་ན། འདི་ལྟར་བྱང་ཆུབ་དང༌། སེམས་དཔའ་དང༌། བྱང་ཆུབ་སེམས་དཔའ་གཉིས་ཀྱང་མེད་དེ། དེའི་ཕྱིར། བྱང་ཆུབ་སེམས་དཔའི་ཚིག་གི་དོན་གྱི་གཞི་མེད་དེ། གནས་མེད་ཅེས་བྱ་བའི་ཐ་ཚིག་གོ །དེ་ཅིའི་ཕྱིར་ཞེ་ན། བྱང་ཆུབ་ཀྱང་འདུས་མ་བྱས་པའི་ཏིང་ངེ་འཛིན་ཕྱིར་མ་སྐྱེས་ལ། སེམས་ཅན་ཏེ་སེམས་དཔའ་ཡང་ཡོད་པ་མ་ཡིན་པའི་ཕྱིར། མ་སྐྱེས་པའི་ཕྱིར་ཏེ། ཞེས་པ་དེ་གཉིས་ཀའང་དབུ་མ་པ་ཆེན་པོ་གསུངས། རང་བྱང་ཆུབ་ལའང་ཚིག་མེད། སེམས་ཅན་དེ་སེམས་དཔའ་འང་ཚིག་མེད་པས། ཚིག་གི་དོན་ཤེས་ལ་མེད་པའོ། །དེ་ཉིད་རྣམ་པ་བཅུ་གཅིག་གིས་སྟོན་ཏེ། བྱང་ཆུབ་ལ་རྣམ་པར་བཏགས་པའི་གཞི་མེད་པ་དང༌། ཀུན་བཏགས་པའི་བྱང་ཆུབ་སེམས་དཔའ་ཞེས་བྱ་བའི་གཞི་གང་ཡང་མེད་པ་དང༌། བྱང་ཆུབ་ལས་གུད་ན་གཞི་མེད་པ་དང༌། ཀུན་རྫོབ་ཀྱི་བྱང་ཆུབ་སེམས་དཔའ་ལས་གུད་ན་གཞི་མེད་པ་དང༌། ཆོས་ཉིད་ཀྱི་བྱང་ཆུབ་སེམས་དཔའི་གཞི་མེད་པ་དང༌། བྱང་ཆུབ་སེམས་དཔའ་གཞི་མེད་པ་དང༌། སེམས་དཔའ་ལ་བྱང་ཆུབ་ཀྱི་གཞི་མེད་པ་དང༌། བྱང་ཆུབ་ཅེས་བྱ་བའི་གཞིའི་དོན་མེད་པ་དང༌། ཀུན་བཏགས་པའི་བྱང་ཆུབ་སེམས་དཔའ་ལ་ཆོས་ཉིད་ཀྱི་བྱང་ཆུབ་སེམས་དཔའི་ཚིག་གི་དོན་དམ་མེད་པ་དང༌། དོན་དམ་པའི་བྱང་ཆུབ་སེམས་དཔའ་ལ་ཀུན་བཏགས་པའི་བྱང་ཆུབ་སེམས་དཔའི་ཚིག་གི་དོན་དམ་མེད་པ་དང༌། དོན་དམ་པའི་བྱང་ཆུབ་སེམས་དཔའ་ལ་གཞི་མེད་པ་དང༌།
དང་པོ་ནི། རབ་འབྱོར། འདི་ལྟ་སྟེ། དཔེར་ན། ནམ་མཁའ་ལ་བྱ་རྒྱུ་ཡང་དེའི་རྗེས་མེད་དོ། །རབ་འབྱོར།དེ་བཞིན་དུ། དེ་བཞིན་ཉིད་ཀྱི་བདག་ཉིད་ཀྱི། བྱང་ཆུབ་སེམས་དཔའི་གཞི་ལ་གནས་པའི་ཚིག་གི་དོན་གཤིས་ལ་མེད་དོ། །
གཉིས་པ། ཀུན་བཏགས་པའི་བྱང་ཆུབ་སེམས་དཔའ་ཞེས་བྱ་བའི་གཞི་གང་ཡང་མེད་པ་ནི་རབ་འབྱོར་འདི་ལྟ་སྟེ་དཔེར་ན། རྨི་ལམ་ལ་གནས་མེད་དོ། །རབ་འབྱོར། དེ་བཞིན་དུ། ཀུན་བཏགས་པའི་བྱང་ཆུབ་སེམས་དཔའི་ཚིག་གི་དོན་གཤིས་ལ་མེད་དོ། །རབ་འབྱོར། འདི་ལྟ་སྟེ། དཔེར་ན། སྨིག་རྒྱུ་ལ་གནས་མེད་དོ། །དེ་དག་ནི་ཤིན་ཏུ་མེད་པའི་ཕྱིར་རོ། །རབ་འབྱོར། དེ་བཞིན་དུ། ཀུན་བཏགས་པའི་བྱང་ཆུབ་སེམས་དཔའི་ཚིག་གི་དོན་གཤིས་ལ་མེད་དོ། །ཕྲེང་གཅིག་ན། རབ་འབྱོར། དེ་བཞིན་དུ། ཀུན་བཏགས་པའི་བྱང་ཆུབ་སེམས་དཔའི་ཚིག་གི་དོན་གཤིས་ལ་མེད་དོ།།
གསུམ་པ་བྱང་ཆུབ་ལས་གུད་ན་གཞི་མེད་པ་ན། རབ་འབྱོར། འདི་ལྟ་སྟེ། དཔེར་ན། ཡང་དག་པའི་མཐའ་ལ་ཡང་དག་པའི་མཐའ་ལས་གུད་ནས་གནས་མེད་དོ། །རབ་འབྱོར། དེ་བཞིན་དུ། བྱང་ཆུབ་སེམས་དཔའི་ཚིག་གི་དོན་བྱང་ཆུབ་ལས་གུད་ན་མེད་དོ། །རབ་འབྱོར། འདི་ལྟ་སྟེ། དཔེར་ན། དེ་བཞིན་ཉིད་ལ། དེ་བཞིན་ཉིད་ལས། གུད་ན་གནས་མེད་དོ། །དེ་བཞིན་དུ། མ་ནོར་བ་དེ་བཞིན་ཉིད་དང༌། ཕྲེང་ཕྱེད་ན། ཆོས་སྐྱོན་མེད་པ་ཉིད་ལ་ཡང༌། དེ་རྣམས་ལས་གུད་ན་གནས་མེད་དོ། །རབ་འབྱོར། དེ་བཞིན་དུ། བྱང་ཆུབ་སེམས་དཔའི་ཚིག་གི་དོན་བྱང་ཆུབ་ལས་གུད་ན་མེད་དོ། །
བཞི་པ་ཀུན་རྫོབ་ཀྱི་བྱང་ཆུབ་སེམས་དཔའ་ལས་གུད་ན་གཞི་མེད་པ་ནི། རབ་འབྱོར། འདི་ལྟ་སྟེ། དཔེར་ན། སྒྱུ་མའི་བདག་ཉིད་ཀྱི་སྐྱེས་བུའི་གཟུགས་ལས་གུད་ན་མེད་དོ། །དེ་ཉིད་ཤིན་ཏུ་མེད་པའི་ཕྱིར། རབ་འབྱོར། ཀུན་རྫོབ་ཀྱི་བྱང་ཆུབ་ཚིག་གི་དོན་ཀུན་རྫོབ་ཀྱི་བྱང་ཆུབ་སེམས་དཔའ་ལས་གུད་ན་མེད་དོ། །ཕྱི་མ་རྣམས་ལ་ཡང་དེ་བཞིན་ཏེ། རབ་འབྱོར། ཕྲེང་གཉིས་ན།
ལྔ་པ་ཆོས་ཉིད་ཀྱི་བྱང་ཆུབ་སེམས་དཔའི་གཞི་མེད་པ་ན། རབ་འབྱོར། འདི་ལྟ་སྟེ། དཔེར་ན། དོན་དམ་གྱི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གཟུགས་ཀྱིས་ཞེས་ཁྲི་བརྒྱད་སྟོང་པར་བྱུང༌། ཀྱི་གཟུགས་ལ་གནས་པ་མེད་དོ། །དེ་ཅིའི་ཕྱིར་ཞེ་ན། གཟུགས་ཀུན་རྫོབ་དེ་གཤིས་ལ་མེད་པའི་ཕྱིར་ཏེ། རབ་འབྱོར། དེ་བཞིན་དུ། ཆོས་ཉིད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ། ཕྲེང་ཕྱེད་ན། ཚིག་གི་དོན་ཀུན་རྫོབ་ན་མེད་དོ། །ཕྱི་མ་རྣམས་ལའང་དེ་བཞིན་དུ་སྦྱར་ཏེ། དོན་དམ་གྱི་ཆོས་གང་ཡིན་པ་ཀུན་རྫོབ་ཀྱི་ཆོས་གང་དུའང་མེད་པའི་ཕྱིར་རོ། །རབ་འབྱོར། འདི་ལྟ་སྟེ་དཔེར་ན། ཕྲེང་གཉིས་ན། ཚིག་གི་དོན་མེད་དོ། །ཇི་ལྟར་ཆོས་ཀྱི་སྐུའི་དེ་བཞིན་གཤེགས་པ་ལ་ཀུན་རྫོབ་ཀྱི་ཕུང་པོ་ལྔ་ལ་སོགས་པ་དབྱེར་མེད་དུ་མེད་པ་དེ་བཞིན་དུ། དོན་དམ་པའི་བྱང་ཆུབ་སེམས་དཔའ་ལ་ཀུན་རྫོབ་ཀྱི་ཕུང་པོ་ལྔ་ལ་སོགས་པ་དབྱེར་མེད་དུ་མེད་དོ། །ཞེས་བྱ་བའི་ཐ་ཚིག་གོ །ཞེས་ཤིང་རྟ་ཆེན་པོ་དབྱིག་གཉེན་གསུངས། རབ་འབྱོར། འདི་ལྟ་སྟེ། དཔེར་ན། ཤོག་གུ་ཕྱེད་དང་གསུམ་ན། ཚིག་གི་དོན་མེད་དོ། །དྲུག་པ་བྱང་ཆུབ་སེམས་དཔའི་གཞི་མེད་པ་ནི། རབ་འབྱོར། འདི་ལྟ་སྟེ་དཔེར་ན། མྱང་འདས་འཁོར་བ་མེད་པ་དེ་བཞིན་དུ་འདུས་མ་བྱས་ཀྱི་དབྱིངས་ལ་འདུས་བྱས་ཀྱི་ཁམས་ཀྱི་གནས་མེད་དོ། །
བདུན་པ་སེམས་དཔའ་ལ་བྱང་ཆུབ་ཀྱི་གཞི་མེད་པ་ནི། འདུས་བྱས་ཀྱི་ཁམས་ལ། འདུས་མ་བྱས་ཀྱི་དབྱིངས་ཀྱི་གནས་མེད་དེ། འཁོར་བ་ལ་མྱང་འདས་མེད་པ་བཞིན་ནོ། །ཕྲེང་ཕྱེད་ན། ཚིག་གི་དོན་མེད་དོ། །
བརྒྱད་པ་བྱང་ཆུབ་ཅེས་བྱ་བའི་གཞིའི་དོན་མེད་པ་ནི། རབ་འབྱོར། འདི་ལྟ་སྟེ། ཕྲེང་གཉིས་ན། ཚིག་གི་དོན་མེད་དོ། །ཇི་ལྟར་སྐྱེ་བ་མེད་པ་ལ་སོགས་པ་ལ་གཞིའི་དོན་མེད་པ། དེ་བཞིན་དུ། བྱང་ཆུབ་སེམས་དཔའ་ལ་ཡང་གཞིའི་དོན་མེད་དོ། །དབུ་མ་པ་ཆེན་པོ་དབྱིག་གཉེན་གསུངས།
དགུ་པ་ཀུན་བཏགས་པའི་བྱང་ཆུབ་སེམས་དཔའ་ལ། ཆོས་ཉིད་ཀྱི་བྱང་ཆུབ་སེམས་དཔའ་ཚིག་གི་དོན་མེད་པ་ནི། གསོལ་པ། བཅོམ་ལྡན་འདས། ཕྲེང་བཅུ་གཉིས་ན། ཚིག་གི་དོན་མེད་དོ། །ཇི་ལྟར་ཕུང་པོ་ལ་སོགས་པའི་ཚིག་གི་དོན་རྣམས་ལ་སྐྱེ་བ་མེད་པ་ལ་སོགས་པ་འདུས་མ་བྱས་ཀྱི་ཚིག་གི་དོན་རྣམས་མེད་པ་དེ་བཞིན་དུ། ཀུན་བཏགས་པའི་ཕུང་པོ་ལྔའི་བདག་ཉིད་ཀྱི་བྱང་ཆུབ་སེམས་དཔའ་ལ་ཆོས་ཉིད་ཀྱི་བྱང་ཆུབ་སེམས་དཔའ་མེད་དོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་དབྱིག་གཉེན་གསུངས།
བཅུ་པ་དོན་དམ་པའི་བྱང་ཆུབ་སེམས་དཔའ་ལ་ཀུན་བཏགས་པའི་བྱང་ཆུབ་སེམས་དཔའི་ཚིག་གི་དོན་མེད་པ་ནི། རབ་འབྱོར། འདི་ལྟ་སྟེ། དཔེར་ན། གཟུགས་ཤིན་ཏུ་རྣམ་པར་དག་པ་ལ་མཚན་མའི་གནས་མེད་དོ། །ཞེས་པ་ལ་སོགས་པ་གསུང་སྟེ། ཇི་ལྟར་གཟིགས་ལ་སོགས་པ་ཕུང་པོ་ལྔ་ལ་སོགས་པའི་ཆོས་ཀྱི་དབྱིངས་ཀྱི་ཡེ་ཤེས་འདུས་མ་བྱས་ཤིན་ཏུ་རྣམ་པར་དག་པ་ལ་འདུས་བྱས་ཀྱི་མཚན་མ་རྣམས་ཀྱི་གཞི་མེད་པ་དང༌། ཞེས་དབུ་མ་པ་གསུངས། ཚོར་བ་དང༌། འདུ་ཤེས་དང༌། ཕྲེང་བརྒྱད་ན། རབ་འབྱོར། འདི་ལྟ་སྟེ། དཔེར་ན། ཀུན་བཏགས་གྱི་བདེན་པའི་ཕྱིར། ཡོངས་སུ་གྲུབ་པ་དག་ཤིན་ཏུ་རྣམ་པར་དག་པ་ལ་མཚན་མའི་གནས་མེད་དོ། །ཀུན་བཏགས་ཀྱི་སེམས་ཅན་དང༌། ཕྲེང་གཅིག་ན། ཡོངས་གྲུབ་ཀྱི་སེམས་ཅན་དང༌། སྲོག་དང༌། ཕྲེང་གཉིས་ན། ཚིག་གི་དོན་མེད་དོ། །འདི་རྣམས་ཀྱིས་ནི་ཤིན་ཏུ་རྣམ་དག་གི་དོན་རང་སྟོང་དང་མེད་དགག་ལ་འདོད་པ་བསལ་བ་ཡིན་ནོ། །གཉེན་པོ་དང་ནི། རབ་འབྱོར། ཕྲེང་གཅིག་ན། སྤང་བ་དང༌། །རབ་འབྱོར། ཕྲེང་གཅིག་ན། དེ་དག་ཡོངས་སུ་གཏུགས་པ་དང༌། །རབ་འབྱོར། འདི་ལྟ་སྟེ། དཔེར་ན། ལོགས་ཅིག་ལྷག་ཙམ་ན། ཚིག་གི་དོན་མེད་དོ། །དེ་རྣམས་ཀྱིས་ནི་ཀུན་བཏགས་དང་ཡོངས་གྲུབ་ཕན་ཚུན་མི་གཅིག་པར་བསྟན་ཅིང༌། ཀུན་རྫོབ་དང་དོན་དམ། ཆོས་དང་ཆོས་ཉིད། མཐའ་དང་དབུས། བཅོས་མ་དང་རང་བཞིན། གློ་བུར་དང་གཉུག་མ། ཤུན་པ་དང་སྙིང་པོ། འདུས་བྱས་དང་འདུས་མ་བྱས་ལ་སོགས་པ་ཡང་ཐ་དད་པར་བསྟན་པ་ཉིད་དོ། །འདིར་དབུ་མ་པ་ཆེན་པོ་དབྱིག་གཉེན་ཞབས་ཀྱིས། དོན་དམ་པའི་བྱང་ཆུབ་སེམས་དཔའ་ཆོས་ཀྱི་དབྱིངས་ཀྱི་བདག་ཉིད་ལ་ཀུན་བཏགས་པ་ཕུང་པོ་ལྔའི་བདག་ཉིད་ཀྱི་བྱང་ཆུབ་སེམས་དཔའ་མེད་དོ། །ཞེས་གསུངས་པ་ཉིད་དོ། །
བཅུ་གཅིག་པ་དོན་དམ་པའི་བྱང་ཆུབ་སེམས་དཔའ་ལ་གཞི་མེད་པ་ནི། ཤེས་རབ་སྙིང་རྗེར་བཅས་པ་དང༌། །རབ་འབྱོར། ཕྲེང་གཅིག་ན། སློབ་མ་ཐུན་མོང་མིན་ཉིད་དང༌། །རབ་འབྱོར། འདི་ལྟ་སྟེ། དཔེར་ན། གཟའ་དང༌། སྐར་མ་དང༌། ཕྲེང་གཅིག་ན། གཞན་གྱི་དོན་གྱི་གོ་རིམ་དང༌། །རབ་འབྱོར། འདི་ལྟ་སྟེ། དཔེར་ན། རྒྱལ་ཆེན་བཞིའི་རིས་ཀྱི། ཕྲེང་གཉིས་ན། འདི་ལེ་བརྒྱད་མ་ན་མེད། རབ་འབྱོར། འདི་ལྟ་སྟེ། དཔེར་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འོད་ལ་ཚང་མེད་དོ། །ཡེ་ཤེས་རྩོལ་བ་མི་མངའ་བར། །འཇུག་པའི་རྟེན་ལ་རིགས་ཤེས་བྱ། །དེ་བཞིན་གཤེགས་པ་དགྲ་བཅོམ་པ་ཡང་དག་པའི་སངས་རྒྱས། ཕྲེང་གཅིག་ན། ཚིག་གི་དོན་མེད་དེ། དབུ་མ་པ་ཆེན་པོ་སློབ་དཔོན་དབྱིག་གཉེན་ཞབས་ཀྱི་ཞལ་སྔ་ནས། དོན་དམ་པའི་བྱང་ཆུབ་སེམས་དཔའ་ཡང་གནས་མེད་པར་འགྲོ་བ་དག་ཏུ་རྒྱུའོ། །ཞེས་གསུངས་པ་ཉིད་དོ། །དེ་ཅིའི་ཕྱིར་ཞེ་ན། ཕྲེང་ཕྱེད་ན། གང་ཡིན་པའི་ཆོས། འདུས་བྱས་དང་འདུས་མ་བྱས་དེ་དག་ཐམས་ཅད་ཀྱང༌། ཆོས་ཉིད་ཀྱི་གནས་སྐབས་ན། ཀུན་ནས་ཉོན་མོངས་པའི་ངོ་བོ་ཉིད་མ་ཡིན་པའི་ཕྱིར། ལྡན་པ་ཡང་མ་ཡིན། རྣམ་པར་བྱང་བའི་མཚན་ཉིད་མ་ཡིན་པའི་ཕྱིར། མི་ལྡན་པ་ཡང་མ་ཡིན་ཏེ། ཕྲེང་ཕྱེད་ན། ཤ་སྟག་སྟེ། མཚན་ཉིད་ཐམས་ཅད་དང་བྲལ་བས་ནི། མཚན་ཉིད་མེད་པའི་མཚན་ཉིད་དོ། །ཞེས་གསུངས། ཆོས་ཀྱི་དབྱིངས་ལས་དབྱེར་མེད་ཕྱིར། །རིགས་ནི་ཐ་དད་རུང་མ་ཡིན། །བརྟེན་པའི་ཆོས་ཀྱི་བྱེ་བྲག་གིས། །དེ་ཡི་དབྱེ་བ་ཡོངས་སུ་བརྗོད། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་མེད་པ་ཡང་དག་པ་ཉིད་ལ་བསླབ་པར་བྱའོ། །ཞེས་གསུངས་ཏེ། བརྟག་ཏུ་མེད་པ་ཉིད་ཡིན་པའི་ཕྱིར་རོ། །དེ་ལ་རྟག་ཏུ་མེད་པ་དང༌། བརྟག་པ་མེད་པ་དང་ནི་དངོས་པོ་དང༌། དེའི་མཚན་མ་ལ་མངོན་པར་ཞེན་པ་ཡིན་ཏེ། དེ་དག་མེད་པས་ཞེན་པ་མེད་པར་བྱའོ། །མེད་པ་ཉིད་ཆོས་ཐམས་ཅད་ཀྱི་དེ་བཞིན་ཉིད་དེ། དེ་ནི་ཆོས་ཀྱི་དབྱིངས་འདི་ཉིད་ཁོ་ན་འཕགས་པའི་ཆོས་རྣམས་ཀྱི་རྒྱུར་གྱུར་པ་ཡིན་པར་རང་བཞིན་གྱིས་གནས་པའི་རིགས་སྒྲུབ་པའི་རྟེན་ཡིན་ནོ། །ཞེས་བསྟན་ཏོ། །ཞེས་འཕགས་པ་རྣམ་གྲོལ་སྡེ་གསུངས་པའི་ཕྱིར་རོ། །འདི་ཡང་རང་བཞིན་གྱི་རིགས་ཆོས་ཀྱི་དབྱིངས་ལ་བཞེད་པ་རྫོགས་ལྡན་གྱི་ཆོས་དང་མཐུན་ནོ། །རྒྱལ་བ་བྱམས་པའི་དགོངས་པ་ལ་བརྟེན་པ། རྒྱས་པའི་རིགས་ལ་དབྱེ་བ་ཡོད་ཀྱང་རྟེན། རང་བཞིན་རིགས་ལ་དབྱེ་བ་མེད་ཅེས། དོན་ལ་ཇི་ལྟར་གནས་པ་བཞིན་གསུངས་པ་ཡིན་པས། རྩོད་ལམ་དུ་མ་སྦྱར་ཡང་རུང་ཞིང༌། སྦྱོར་བ་ལ་མོས་ན་ཡང་འཕགས་པའི་གཞུང་ན་གསལ་ལོ། །རང་བཞིན་གྱི་རིགས་ཆོས་ཀྱི་དབྱིངས་ལ་མི་འདོད་པ་རྣམས་ནི་རྫོགས་ལྡན་གྱི་ཆོས་རྣམས་དང་ཤིན་ཏུ་འགལ་ཞིང་ཤིང་རྟ་ཆེན་པོ་རྣམས་ཀྱང་འདས་ནས། གསུམ་ལྡན་མར་བཅད་དུས་ཕྱིས་བྱུང་བའི་ཆོས་སྐད་གསར་བ་ལུང་རིགས་ཡང་དག་གིས་གནོད་པ་ཅན་ཡིན་པས། མཁས་པའི་ཡང་མཁས་པ་རྣམས་ཀྱིས་གཡུ་སར་བཞིན་དུ་རིགས་པར་བྱའོ། །དེ་ལྟར་འཁྲུལ་བའི་གཞི་ནི་ཆོས་དབྱིངས་རང་སྟོང་དུ་འདོད་པས་བྱས་པ་ཡིན་ལ། འཁྲུལ་བ་གཞན་དཔག་ཏུ་མེད་པ་ཡང་དེ་ལ་བྱུང་ངོ༌། །བྱང་ཆུབ་སེམས་དཔའ་སེམས་དཔའ་ཆེན་པོས། གཉིས་སུ་མེད་པའི་ཚུལ་གྱིས་ཆོས་ཐམས་ཅད་རིག་པར་བྱའོ། །དེ་རྣམས་ཀྱིས་ནི། སྒྲུ༷བ་པ༷་ཡི༷་ནི༷་རྟེ༷ན་གྱུ༷ར་པ༷། །ཆོ༷ས་ཀྱི༷་དབྱི༷ངས་ཀྱི༷་ར༷ང་བཞི༷ན་ད༷ང༌། །ཞེས་པ་དོན་བཞི་པ་གསུངས་ཟིན་ཏོ། །དམིགས་པ་ཆོས་རྣམས་ཐམས་ཅད་དེ། །གསོལ་པ། བཅོམ་ལྡན་འདས། ཆོས་ཐམས་ཅད་ནི་གང་ལགས། ཕྲེང་བཞི་ན། ཆོས་ཐམས་ཅད་པོ་དེ་དག་ཉིད་དོ། །དེ་ཡང་དགེ་ལ་སོགས་པ་ཡིན། །གསོལ་པ། བཅོམ་ལྡན་འདས། འཇིག་རྟེན་པའི་དགེ་བའི་ཆོས་གང་ལགས། ཕྲེང་ཕྱེད་དང་བཅུ་བཞི་ན། ལུང་མ་བསྟན་པའི་ཆོས་སུ་ཞེས་བྱའོ། །འཇིག་རྟཻན་པ་ཡི་རྟོགས་པ་དང༌། །གསོལ་པ། བཅོམ་ལྡན་འདས། འཇིག་རྟེན་པའི་ཆོས་གང་ལགས། ཕྲེང་གཉིས་ན། འཇིག་རྟེན་པའི་ཆོས་ཞེས་བྱའོ། །གང་དག་འཇིག་རྟེན་འདས་འདོད་དང༌། །གསོལ་པ། བཅོམ་ལྡན་འདས། འཇིག་རྟེན་ལས་འདས་པའི་ཆོས་གང་ལགས། ཕྲེང་ཉེར་བརྒྱད་ན། ཟག་བཅས། གསོལ་པ། བཅོམ་ལྡན་འདས། ཟག་པ་དང་བཅས་པའི་ཆོས་གང་ལགས། ཕྲེང་གཉིས་ལྷག་ན། ཟག་པ་མེད་ཆོས་དང༌། །གསོལ་པ། བཅོམ་ལྡན་འདས། ཟག་པ་མ་མཆིས་པའི་ཆོས་གང་ལགས། ཕྲེང་བཞི་ན། གང་དག་འདུས་བྱས། གསོལ་པ། བཅོམ་ལྡན་འདས། འདུས་བྱས་ཀྱི། ཕྲེང་གཉིས་ན། འདུས་མ་བྱས། །གསོལ་པ། བཅོམ་ལྡན་འདས། འདུས་མ་བྱས་ཀྱི། ཕྲེང་གསུམ་ན། སློབ་མ་ཐུན་མོང་ཆོས་རྣམས་དང༌། །གསོལ་པ། བཅོམ་ལྡན་འདས། ཐུན་མོང་གི །ཕྲེང་གཉིས་ན། གང་དག་ཐུབ་པའི་ཐུན་མོང་མིན། །གསོལ་པ། བཅོམ་ལྡན་འདས། ཐུན་མོང་མ་ལགས་པའི་ཆོས་གང་ལགས། ཕྲེང་གསུམ་ན། ཁོང་དུ་ཆུད་པར་བྱའོ། །དེ་རྣམས་ཀྱིས་ནི། དམི༷གས་པ༷་ད༷ག་ད༷ང་། ཞེས་པ་དོན་ལྔ་པ་གསུངས་ཟིན་ཏོ། །སེམས་ཅན་ཀུན་མཆོག་ཉིད་སེམས་དང༌། །དེ་ནས་ཚེ་དང་ལྡན་པ་རབ་འབྱོར་གྱིས། ལོགས་གཅིག་སོང་བ་ན། རྡོ་རྗེ་ལྟ་བུའི་སེམས་བསྐྱེད་པ་གང་ལགས་ཞེས་པ། རྡོ་རྗེ་ལྟ་བུའི་སེམས་བསྐྱེད་པ་ནི་ཡོན་ཏན་ལྔས་བརྒྱན་པ་སྟེ། ངེས་པར་འཇོམས་པ། རིན་ཆེ་བ་དང༌། སྐྱོན་མེད་པ་དང༌། མི་ཕྱེད་པ་དང༌། དོན་སྒྲུབ་པར་བྱེད་པའོ། །ཞེས་དབུ་མ་པ་གསུངས། བཅོམ་ལྡན་འདས་ཀྱིས་བཀའ་སྩལ་པ། ཕྲེང་གཅིག་ན། གོ་ཆ་བགོ་བར་བྱ་སྟེ། དེ་ལ་ངེས་པར་འཇོམས་པ་ནི་ཤེར་ཕྱིན་གྱི་དབང་གིས་ཡོན་ཏན་བརྒྱད་ཀྱིས་ངེས་པར་འཇོམས་པ་སྟེ། སེར་སྣ་ལ་སོགས་པ་ངེས་པར་གཞོམ་པའི་ཕྱིར་རོ། །ཞེས་དབུ་མ་པ་གསུངས། བདག་གིས་བདོག་པ་ཐམས་ཅད་ཡོངས་སུ་སྤང་བར་བྱའོ། །རྗེས་སུ་ཆགས་པ་དང་ཁོང་ཁྲོ་ལ་སོགས་པ་ངེས་པར་གཞོམ་པའི་ཕྱིར་རོ། །བདག་གིས་སེམས་ཅན་ཐམས་ཅད་ལ་སེམས་མཉམ་པ་ཉིད་བསྐྱེད་པར་བྱའོ། །ལྟ་བ་ཉེས་པ་ཐམས་ཅད་ངེས་པར་གཞོམ་པའི་ཕྱིར། བདག་གིས་སེམས་ཅན་ཐམས་ཅད་ཐེག་པ་གསུམ་ལས། ཕྲེང་གཅིག་ན། ཆོས་ཐམས་ཅད་ངེས་པར་གཞོམ་པའི་ཕྱིར། ཆོས་ཐམས་ཅད་སྐྱེ་བ་མེད་པ་དང༌། ཐེག་པ་དམན་པའི་ངེས་པར་གཞོམ་པའི་ཕྱིར། བདག་གིས་མ་འདྲེས་པའི་ངན་འགྲོ་ཐམས་ཅད་ངེས་པར་གཞོམ་པའི་ཕྱིར། བདག་གིས་ཆོས་རྟོགས་པ་ཐམས་ཅད་ཀྱི་རྗེས་སུ་འགྲོ་བ་ཕུན་སུམ་ཚོགས་པ་ལ་བསླབ་པར་བྱའོ། །ཞེས་པ་སྟེ། ས་དང་པོར་དེ་བཞིན་ཉིད་ལ་ཀུན་ཏུ་འགྲོ་བའི་དོན་དུ་རྟོགས་པ་དང༌། ཞེས་དབུ་མ་པ་གསུངས། འཁོར་བ་པའི་རྣམ་པར་རྟོག་པ་ཐམས་ཅད་གཞོམ་པའི་ཕྱིར། བདག་གི་ཆོས་ཚུལ་གཅིག་ཏུ་སྒྲུབ་པར་ཁོང་དུ་བྱའོ། །སྙམ་པ་སྟེ། ཕུང་པོ་ཁམས་དང༌། སྐྱེ་མཆེད་དང༌། རྟེན་ཅིང་འབྲེལ་བར་འབྱུང་བ་དང༌། ཤེས་རབ་ཀྱི་ཕ་རོལ་ཏུ་ཕྱིན་པའི་ཆོས་རྣམས་སྟོང་པ་ཉིད་ཀྱི་ཚུལ་དུ་རྟོགས་པ་དང༌། རྣམ་པར་བྱང་བའི་རྟོག་པ་ཐམས་ཅད་ངེས་པར་གཞོམ་པའི་ཕྱིར། བདག་གིས་ཆོས་དཔག་ཏུ་མེད་པ། ཕྲེང་གཅིག་ན་ཚུལ་གྱིས་བྱེད་དོ། །དེ་དག་ནི་སྒོམ་པ་ཡོངས་སུ་རྫོགས་པར་བྱ་བ་རྟོགས་པ་སྟེ། དེ་ལྟར་ཤེས་རབ་ཀྱི་ཡོན་ཏན་བརྒྱད་བསྟན་པས་སེམས་དེའི་སྙིང་རྗེའི་སྟོབས་རིན་ཆེ་བ་བསྟན་པའི་ཕྱིར། རབ་འབྱོར། གཞན་ཡང༌། ཕྲེང་བརྒྱད་ན། མི་དམིགས་པའི་ཚུལ་གྱིས་བྱེད་དོ། །སེམས་རིན་པོ་ཆེ་སྐྱོན་མེད་པའི་ཕྱིར། རབ་འབྱོར། གཞན་ཡང༌། བྱང་ཆུབ། ཕྲེང་གསུམ་ལྷག་ན། རློམ་སེམས་སུ་མི་བྱའོ། །སེམས་རྡོ་རྗེ་ལྷ་བུ་དེའི་མི་བྱེད་པ་ཉིད་ནི། རབ་འབྱོར། ཕྲེང་གཉིས་ན། སེམས་མི་སྐུལ་བའོ། །ཞེས་པ་ནི་བདུད་ལ་སོགས་པ་མི་མཐུན་པའི་ཕྱོགས་རྣམས་ཀྱིས་མི་ཕྱེད་པའི་ཕྱིར་རོ། །སེམས་ངེས། ཚིག་གཅིག་ན། དོན་སྒྲུབ་པར་བྱེད་པ་རིན་པོ་ཆེ་དང་འདྲ་བ་ནི། རབ་འབྱོར། གཞན་ཡང༌། ཕྲེང་ལྔ་ན། དབྱེར་མེད་པ་སྟེ། ཞེས་བྱ་བ་ནི་དཀར་པོའི་ཆོས་ཐམས་ཅད་དོན་ཐ་དད་པ་མེད་པའི་ཕྱིར། ཆོས་ཀྱི་སྐུ་ལ་བྱའོ། །ཞེས་དབུ་མ་པ་ཆེན་པོ་ཀུན་མཁྱེན་གཉིས་པས་གསུངས་པའི་ཕྱིར། དོན་དམ་གྱི་འདི་ནི་ཆོས་ཞེས་བྱའོ། །དེ་ལ་ཆོས་འདོད་པ་གང་ཞེ་ན། གང་ཆོས་ཉིད་འདུས་མ་བྱས་ཀྱི་ཆོས་དེ་ལ་འདོད་ཅིང་མོས་པ་སྟེ། གང་འགྱུར་མེད་ཡོངས་གྲུབ་ཀྱི་ཆོས་དེ་ལ་དགའ་ཞིང་མངོན་པར་དགའ་སྟེ། གང་བདེ་གཤེགས་སྙིང་པོའི་ཆོས་དེ་ལ་ཡོན་ཏན་དུ་ལྟ་བ་སྟེ། ཕྲེང་ཕྱེད་ན། ཆོས་དེ་རང་བཞིན་འོད་གསལ། དབུ་མ་ཆེན་པོ། ཕྱག་རྒྱ་ཆེན་པོ། མྱང་འདས་ཆེན་པོ། ཨ་ཏི་ཡོ་ག་ལ་སོགས་མཐར་ཐུག་གཞི་འབྲས་ངོ་བོ་དབྱེར་མེད་ཉིད་ལ་བསྒོམ་ཞིང་མང་དུ་བྱེད་པ་སྟེ། ཕྲེང་བཅུ་ལྷག་ཙམ་ན། ཞེས་བྱའོ། །སྤོང་དང་། དེ་ནས་ཚེ་དང་ལྡན་པ། ཕྲེང་བཞི་ན། དེ་རྣམས་སྤངས་པས་གང་ཟག་ལ་བདེན་པ་བསྟན་ཏོ། །ཕུང་པོར་ལྟ་བ་དང༌། ཕྲེང་གསུམ་ན། དེ་མི་དམིགས་པའི་ཚུལ་གྱིས་བགྱིད་དེ། དེ་རྣམས་ཀྱིས་ཆོས་ལ་བདག་མེད་པ་བསྟན་ཏོ། །དེའི་སླད་དུ། ཕྲེང་བཞི་ལྷག་ན། གཟུགས་དམིགས་ཤིང་དམིགས་པའི་ཚུལ་གྱིས་ལྟ་བ་བསྐྱེད་དོ། །ཞེས་པ་ནི་གཟུགས་ཀྱི་ཕུང་པོ་ལ་སོགས་པ་ལ་དམིགས་པའི་རྒྱུས་རྣམ་པར་རྟོག་པ་བསྐྱེད་པའོ། །ཞེས་དབུ་མ་པ་ཆེན་པོ་གསུངས། ཚོར་བ། ཕྲེང་དགུ་ལྷག་ཙམ་ན། ཚུལ་གྱིས་སྟོན་ཏོ། །རྟོགས་དང་གསུམ་པོ་ལ། །ཆེན་པོ་གསུམ་གྱི་རང་འབྱུང་གི །ཆེད་དུ་བྱ་བ་འདི་ཤེས་བྱ། །དེ་ནས་ཚེ་དང་ལྡན་པ་རབ་འབྱོར་གྱིས། ཕྲེང་བཞི་ལྷག་ཙམ་ན། ཁམས་གསུམ་དང་དུས་གསུམ་གྱི་ཁོངས་སུ་ཆུད་པ་མ་མཆིས་པའི། ཕྲེང་གཅིག་ན། འདི་ལྟར་སེམས་ན་སེམས་མེད་པ་སྟེ། སེམས་མེད་པའི་ཕྱིར། དེ་ལ་ཆགས་པ་མེད་དོ། །ཞེས་བྱ་བ་ནི། དོན་དམ་ཆོས་ཉིད་ཀྱི་སེམས་ནི། ཀུན་བཏགས་པའི་སེམས་ཀྱིས་མཚན་ཉིད་ཐམས་ཅད་དང་བྲལ་བའི་ཕྱིར་སེམས་མེད་པ་ཞེས་བྱའོ། །དེ་བས་ན་སེམས་མེད་པའི་ཕྱིར། བྱང་ཆུབ་ཀྱི་སེམས་ཞེས་བྱ་བའི་སེམས་ནི་ཀུན་བཏགས་པའི་སེམས་དེ་ལ་ཆགས་པ་མེད་དོ། །ཞེས་དབུ་མ་པ་གསུངས། དེ་ནས་ཚེ་དང་ལྡན་པ། ཕྲེང་གཅིག་ལྷག་ཙམ་ན། ཐུན་མོང་མ་ཡིན་པའི་སེམས་གང་ཡིན་ཞེས་པ་ནི་བྱང་ཆུབ་ཀྱི་སེམས་ཀྱི་མཚན་ཉིད་འདྲི་བའོ། །ཕྲེང་ཕྱེད་ན། ཟག་མེད་ཀྱི་སེམས་དང་པོ་བསྐྱེད་ཕྱིན་ཆད། ཅེས་པ་ལ་སོགས་པས་དོན་དམ་པའི་སེམས་ཀྱི་མཚན་ཉིད་སྟོན་ཏོ། །ས་རབ་ཏུ་དགའ་བ་ཡན་ཆད་ཀྱི་རྣམ་པར་མི་རྟོག་པའི་སེམས་ལ་བྱང་ཆུབ་ཀྱི་སེམས་ཞེས་བྱའོ། །ཞེས་དབུ་མ་པ་གསུངས། ཆོས་གང་ཡང་སྐྱེ་བར་ཡང་དག་པར་རྗེས་སུ་མི་མཐོང༌། ཕྲེང་གཉིས་ན། རྣམ་པར་བྱང་བ་མེད་དེ་ལ། ཀུན་བཏགས་པའི་གནས་སྐབས་ན་སྒྱུ་མ་ལྟ་བུའི་ཆོས་དེ་དག་སྐྱེ་བ་ལ་སོགས་པ་དང་ལྡན་པ་འདྲ་བར་སྣང་ངོ༌། །ཞེས་སམ། གང་གིས་རྟོགས་པ་དེས་མཉམ་པ་དང་མཉམ་པའི་སེམས་དང༌། ཐུན་མོང་མ་ཡིན་པའི་སེམས་ཡིན་པས། ཉན་ཐོས་ཀྱི་སེམས་མེད་དོ། །ཕྲེང་གཅིག་ན། སེམས་ཀུན་རྫོབ་པ་མེད་དོ། །ཕྲེང་གཅིག་དང་ཕྱེད་ན། ཁམས་གསུམ་དང་དུས་གསུམ་གྱི་ཁོངས་སུ་ཆུད་པ་མེད་པ་དེ་ལྟ་བུའི། ཕྲེང་ཕྱེད་ན། དེ་བས་ཆོས་ཉིད་ཀྱི་གཟུགས་ཀྱང༌། ཚོར་བ་དང༌། ཕྲེང་གཅིག །དེ་དེ་བཞིན་དང༌། གཟུགས་ཀྱང་ཆགས་པ་མེད་དོ། །ཚོར་བ་དང༌། སྐྱེ་མཆེད་དང༌། ཁམས་དང༌། རྟེན་ཅིང་འབྲེལ་བར་འབྱུང༌། བྱང་ཆུབ་ཀྱི་ཕྱོགས་ཀྱི། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ཡང་ཆགས་པ་མེད་དོ། །ཕྲེང་གཅིག་ན། སྐྱེ་བོ་རྣམས་ལ་ཁྱབ་པར་བཞུགས་པའི་ཆོས་ཉིད་ཀྱི། ཕྲེང་ཕྱེད་ན། རང་སངས་རྒྱས་རྣམས་ཀྱི་སེམས་དང༌། སངས་རྒྱས་བཅོམ་ལྡན་འདས་ཀྱི་ཐུགས་ཀྱང༌། ཕྲེང་གཅིག་ན། སྐྱེ་བོ་རྣམས་སེམས་ཀྱང༌། རང་སངས་རྒྱས་རྣམས་ཀྱི་སེམས་ཀྱང༌། སངས་རྒྱས་བཅོམ་ལྡན་འདས་རྣམས་ཀྱི་ཐུགས་ཀྱང༌། ཟག་པ་མེད་ཅིང་ཁམས་གསུམ་དང༌། དུས་གསུམ་ཁོངས་སུ་ཆུད་པར་མེད་དོ། །གཟུགས་ཀྱང་ཚོར་བ་དང༌། ཕྲེང་ཕྱེད་དང་གཉིས་ན། དེར་ཡང་མི་ཟད་དེ། ཀུན་བཏགས་ཀྱི་གཟུགས་མེད་པའི་གཞི་ཆོས་ཉིད་ཀྱི་གཟུགས་དེ་ཡང་ཀུན་བཏགས་ཀྱི་གཟུགས་ལ་ཆགས་པ་མེད་དོ། །དེ་ནས་ཞེས་པ་ནི། ཀུན་བཏགས་པའི་སེམས་ཀྱི་མཚན་ཉིད་དང་བྲལ་བའི་ཕྱིར་ཏེ། ཇི་ལྟར་ཡོངས་སུ་གྲུབ་པའི་སེམས་མ་ཡིན་ཞེས་བྱ་བ་དེ་བཞིན་དུ་ཀུན་བཏགས་པའི་གཟུགས་ཀྱི་མཚན་ཉིད་དང་བྲལ་བའི་ཕྱིར། ཆོས་ཉིད་ཀྱི་གཟུགས་ལ་གཟུགས་མེད་པ་ཞེས་བྱའོ། །གཟུགས་མེད་པར་གྱུར་པ། ཆོས་ཉིད་ཀྱི་ངོ་བོ་ཉིད་དེ། ཀུན་བཏགས་པའི་གཟུགས་ལ་ཆགས་པ་མེད་དོ། །ཞེས་བྱ་བ་དང༌། ཚོར་བའི་བདག་ཉིད་མ་ཡིན་པའི་ཆོས་ཉིད་དེ་ཀུན་བཏགས་པའི་ཚོར་བ་ལ་ཆགས་པ་མེད་དོ། །ཞེས་བྱ་བར་སྦྱར་རོ། །ཞེས་དབུ་མ་པ་ཆེན་པོ་དབྱིག་གཉེན་གསུངས་ཤིང༌། འབུམ་ཏིག་ཀྱང་དེ་དག་དང་མཐུན་ཏེ། ཇི་སྐད་དུ། ཡོངས་སུ་གྲུབ་པའི་མཚན་ཉིད་ཆོས་ཉིད་ཀྱི་སེམས་ལ་ཀུན་བཏགས་པའི་སེམས་མེད་པའི་ཕྱིར་སེམས་མེད་པ་ཞེས་བྱའོ། །གཟུགས་མེད་པ་ཡང་གཟུགས་ལ་ཆགས་པ་མེད་དོ། །ཞེས་བྱ་བ་ལ། གཟུགས་མེད་པ་ཞེས་བྱ་བ་ནི་ཡོངས་སུ་གྲུབ་པའི་མཚན་ཉིད། ཆོས་ཉིད་ཀྱི་གཟུགས་ཀུན་བཏགས་པའི་གཟུགས་ཡོད་པ་མ་ཡིན་པའི་ཕྱིར། གཟུགས་མེད་པ་ཞེས་བྱ་སྟེ། ཡོངས་སུ་གྲུབ་པའི་རང་བཞིན་གཟུགས་མེད་པ་དེ་ཀུན་བཏགས་པའི་གཟུགས་ལ་ཆགས་པ་མེད་དོ། །ཞེས་བསྟན་པའོ། །དེ་བཞིན་ཚོར་བ་ལ་སོགས་པ་ནས། རྒ་ཤིའི་བར་དུ་འཇིག་རྟེན་པའི་ཆོས་རྣམས་དང༌། སྦྱིན་པའི་ཕ་རོལ་ཏུ་ཕྱིན་པ་ལ་སོགས་པ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་འཇིག་རྟེན་ལས་འདས་པའི་ཆོས་རྣམས་ལ་ཡང་སྦྱར་བར་བྱའོ། །ཞེས་གསུངས་པའི་ཕྱིར་རོ། །ཚོར་བ་མེད་པ་དང༌། ལོགས་གཅིག་སོང་བ་ན། ཞེས་བྱའོ། །དེ་རྣམས་ཀྱིས་ནི། ཆེ༷ད་ད༷ང་ནི༷། །ཞེས་པ་དོན་དྲུག་པ་གསུངས་ཟིན་ཏོ། །དེ་དག་སོ་སོར་སྦྱིན་ལ་སོགས། །རྣམ་པ་དྲུག་ཏུ་བསྡུས་པ་ཡིས། །གོ་ཆའི་སྒྲུབ་པ་གང་ཡིན་ཏེ། །དྲུག་ཚན་དྲུག་གིས་ཇི་བཞིན་བཤད། །འདི་བཙུན་པ་རྣམ་གྲོལ་སྡེ་དང༌། སྨྲི་ཏིས་སྐབས་འདིར་སྦྱར་བ་ནི་ལེགས་ཏེ། མདོ་དང་མཐུན་པའི་ཕྱིར་རོ། །གཞན་གྱིས་ནི་གཞན་དུ་སྦྱར་རོ། །དེ་ནས་ཚེ་དང་ལྡན་པ་བྱམས་གང་གི་བུས། ཕྲེང་གཉིས་ན། དེ་ནི་དང་པོའི་སེམས་ནས་བཟུང་ནས་བསམ་པ་རྒྱ་ཆེ་བའི་ཕྱིར། གོ་ཆ་ཆེན་པོ་བགོས་པའི། དེ་ནི། མོས་སྤྱོད་ཀྱིས་ནས་བཟུང་སྟེ། ས་བདུན་པའི་བར་རྟོག་པ་དང༌། རྩོལ་བ་དང་བཅས་པས། སྤྱོད་པའི་ཕྱིར། ཐེག་པ་ཆེན་པོ་ལ་ཡང་དག་པར་བཞུགས། དེ་ནི་ས་ བརྒྱད་པ་ཡན་ཆད་དོན་དམ་པའི་སྤྱོད་པས་གནས་པའི་ཕྱིར། ཞེས་པ་འདི་གསུམ ་དབུ་མ་པའི་དགོངས་པ་བྲིས་སོ། །ཐེག་པ་ཆེན་པོ་ལ་ཡང་དག་པར་གནས་པའི་སེམས་ཅན་ལགས་པས། དེ་ལ་གོ་ཆ་བགོས་པ་ཡང་རྣམ་པ་གཉིས་སུ་བསྟན་ཏེ། སེམས་ཅན་ཐམས་ཅད་ཀྱི་དོན་ལ་བརྩོན་པའི་ཕྱིར། བསམ་པ་རྒྱ་ཆེ་བ་དང༌། སྒྲུབ་པ་གཅིག་གིས་སྒྲུབ་པ་ཐམས་ཅད་ཡོངས་སུ་རྫོགས་པར་བྱེད་པས་སྒྲུབ་པ་རྒྱ་ཆེ་བའོ། །དེ་ལ་བསམ་པ་རྒྱ་ཆེ་བ་ནི། ཞེས་དབུ་མ་པ་གསུངས། དེ་ནས་ཚེ་དང་ལྡན་པ་ཤོག་གུ་གཅིག་དང་ཕྲེང་གསུམ་ན། བམ་པོ་བཅུ་བཞི་པའོ། །སྒྲུབ་པ་རྒྱ་ཆེ་བ་ནི། ཚེ་དང་ལྡན་པ་ཤཱ་ར་དྭ་ཏིའི་བུ། དེ་ནས་ཤོག་གུ་བརྒྱད་དང་ཕྲེང་བཅུ་ན། དབྱངས་རྗེས་སུ་སྒྲོག་གོ །དེ་རྣམས་ཀྱིས་ནི། གོ༷་ཆ༷། ཞེས་པ་དོན་བདུན་པ་གསུངས་ཟིན་ཏོ། །བསམ་གཏན་གཟུགས་མེད་སྦྱིན་སོགས་དང༌། །སྨྲས་པ། ཚེ་དང་ལྡན་པ་ཤོག་གུ་གསུམ་དང་ཕྲེང་དགུ་ན། ཐེག་པ་ཆེན་པོའོ། །[གསལ་བཤད། མངོན་རྟོགས་རྒྱན་ལས། ལམ་དང་བྱམས་ལ་སོགས་པ་དང༌། །ཞེས་འདིར་མི་བཞུགས་པར་དཔགས་ན་མ་དཔེ་ལས་ཆད་སྙམ།] དམིགས་པ་མེད་དང་ལྡན་པ་དང༌། །ཚེ་དང་ལྡན་པ། ཕྲེང་དྲུག་ན། མི་ཤེས་པ་ཡང་མེད་པ་འདི་ནི། ཞེས་པའི་དོན་ནི་དབུ་མ་པ་ཆེན་པོ་དུས་གསུམ་མཉམ་པ་ཉིད་ཐེག་པ་ཆེན་པོ་ཡིན་པ་དང༌། དེ་ལ་མི་ཤེས་པ་མེད་པ་དང༌། མི་དམིགས་པའི་ཤེས་པ་ཡང་དག་པར་ཞུགས་པ་ཡིན་ནོ། །ཞེས་གསུངས། ཕྲེང་གཉིས་ཅུང་མེད་ན། གཟུགས་མེད་པའི་ཁམས་མི་ཤེས་པ་ཡང་མེད་པ་སྟེ། ཞེས་པ་འདིའི་དོན་དབུ་མ་པ་ཆེན་པོས་ཁམས་གསུམ་མཉམ་པ་ཉིད་ཐེག་པ་ཆེན་པོ་ཡིན་པ་དང༌། དེ་ལ་མི་ཤེས་པ་མེད་པ་དང༌། མི་དམིགས་པའི་ཤེས་པ་ཡང་དག་པར་ཞུགས་པ་ཡིན་ནོ། །ཞེས་གསུངས། ཚེ་དང་ལྡན་པ་ཤཱ་ར་དྭ་ཏིའི་བུ། ཕྲེང་ཕྱེད་ན། ཐེག་པ་ཆེན་པོའོ། །ཞེས་པ་ནི་དོན་དམ་པར་ཁམས་གསུམ་མཉམ་པ་ཉིད་དུ་རྟོགས་པ་དང༌། ཀུན་རྫོབ་ཏུ་ཁམས་གསུམ་གྱི་མཚན་ཉིད་མི་ཤེས་པ་ཡང་མ་ཡིན་པ་ཉིད་ཐེག་པ་ཆེན་པོ་ཡིན་ལ། དེ་ལྟར་སྤྱོད་པ་ཐེག་པ་ཆེན་པོ་ལ་ཡང་དག་པར་ཞུགས་པ་ཡིན་ནོ། །ཞེས་བསྟན་པ་སྟེ། ཞེས་འབུམ་ཏིག་གསུངས། ཕྲེང་ལྔ་ལྷག་ཙམ་ན། ཐེག་པ་ཆེན་པོའོ། །འཁོར་ གསུམ་རྣམ་པར་དག་པ་དང༌། །སྨྲས་པ། ཚེ་དང་ལྡན་པ། ཕྲེང་བརྒྱད ་ན། གནས་ཞེས་བྱའོ། །ཆེད་དུ་བྱ་དང་། ཚེ་དང་ལྡན་པ། ཤོག་གུ་གཅིག་དང་ཕྲེང་བཅུ་གཉིས་ན། ཡང་དག་པར་གནས་ཞེས་བྱའོ། །མངོན་ཤེས་དྲུག །ཚེ་དང་ལྡན་པ་ཤཱ་ར་དྭ་ཏིའི་བུ། ཕྲེང་ཕྱེད་དང་བདུན་ན། ནམ་དུ་ཡང་མི་འབྲལ་ཏོ། །རྣམ་ཀུན་མཁྱེན་པའི་ཚུལ་ལ་ནི། །འཇུག་པའི་སྒྲུབ་པ་ཐེག་ཆེན་ལ། །འཛེག་པ་ཡིན་པར་ཤེས་པར་བྱ། །དེས་རྣམ་པ་ཐམས་ཅད་མཁྱེན་པ་ཉིད་ཀྱི། ཕྲེང་དགུ་ན། གནས་ཤེས་བྱའོ། །དེ་རྣམས་ཀྱིས་ནི། འཇུ༷ག་པ༷འི་བྱ༷་བ༷་ད༷ང༌། །ཞེས་པ་དོན་བརྒྱད་པ་གསུངས་ཟིན་ཏོ།།བརྩེ་དང་། ཤོག་གུ་གཅིག་དང་ཕྲེང་བཅུ་གཉིས་ན། བགོས་ཤེས་བྱའོ། །སྦྱིན་ལ་སོགས་པ་དྲུག །རབ་འབྱོར། གཞན་ཡང༌། ཤོག་གུ་བཞི་ན། བགོས་པ་ཞེས་བྱའོ། །ཞི་གནས། རབ་འབྱོར། གཞན་ཡང༌། ཤོག་གུ་གཉིས་ན། ལྷག་མཐོང་བཅས་པ་དང༌། །རབ་འབྱོར། འདི་ལྟ་སྟེ། དཔེར་ན། ལོགས་གཅིག་ན། སྟོང་པ་ཉིད་ཀྱི་སླད་དུ། ཀུན་བཏགས་ཀྱི་གོ་ཆ་མ་མཆིས་པ། ཡོངས་གྲུབ་གོ་ཆ་བགོ་པར་རིག་པར་བྱའོ། །ཞེས་པ་ནི་སྔར་བཤད་པའི་གོ་ཆ་ཐམས་ཅད་ཀུན་བཏགས་པ་ཡིན་པའི་ཕྱིར། གོ་ཆ་དེ་དག་མེད་པའི་རང་བཞིན་ཉིད་ཀྱིས་ངོ་བོ་ཉིད་ཀྱི་གོ་ཆ་བགོས་པའི་བྱང་ཆུབ་སེམས་དཔའ་ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་དབྱིག་གཉེན་གསུངས། དེ་ནི་འདི་ལྟར་ཡོངས་གྲུབ་ཀྱི་གཟུགས་ཀུན་བཏགས་ཀྱི་གཟུགས་ཀྱིས་སྟོང་ངོ༌། །ཞེས་པ་ལ་སོགས་པ་བཤད་དེ། འདི་ལྟར་ཡོངས་སུ་གྲུབ་པའི་ཚོར་བ་ཀུན་བཏགས་པའི་ཚོར་བས་སྟོང་སྟེ། དེའི་ཕྱིར་དོན་དམ་པ་ཀུན་བཏགས་པའི་གོ་ཆས་སྟོང་ངོ༌། །ཞེས་བྱ་བར་སྦྱར་རོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས་ཤིང་དོན་དང་མཐུན་ལ། ངེས་དོན་མདོ་བཅུ་དང༌། སྙིང་པོའི་མདོ་ལྔ་ལ་སོགས་པ་དང༌། དུས་ཀྱི་འཁོར་ལོ་དང༌། སེམས་འགྲེལ་སྐོར་གསུམ་ལ་སོགས་པ་མདོ་སྔགས་ཟབ་མོའི་མཐར་ཐུག་པ་རྣམས་དང་ཤིན་ཏུ་མཐུན་པས་དོན་དམ་གཞན་སྟོང་གི་ཚུལ་འདི་ནི་རྫོགས་ལྡན་གྱི་ཆོས་ཚུལ་ཟབ་མོ་ཁྱད་འཕགས་ཡིན་པས་ཐམས་ཅད་རང་སྟོང་ཉིད་དུ་འདོད་པ་རྣམས་ནི་རྫོགས་ལྡན་ལས་འདས་ཤིང༌། ཤིང་རྟ་ཆེན་པོ་རྣམས་ཀྱང་འདས་པའི་རྗེས་ལ་གསུམ་ལྡན་ལ་སོགས་སངས་རྒྱས་ཀྱི་བསྟན་པ་ལ་སྐྱོན་ཞུགས་ནས་བྱུང་བ་ཡིན་ཞིང༌། དེ་ལྟར་ཆོས་ཚུལ་སྔ་ཕྱི་དེ་གཉིས་ནི་གཡུ་རྙིང་དང༌། གཡུ་སར་བཞིན་དུ་ཁྱད་ཤིན་ཏུ་ཆེ་སྟེ། གཤིས་ལ་གནས་མི་གནས་དང༌། ལུང་རིགས་རྣམ་དག་གིས་གནོད་པ་དང༌། མི་གནོད་པའི་ཁྱད་པར་ཤིན་ཏུ་ཆེ་བའི་ཕྱིར་རོ། །དེ་ན་ཡོངས་གྲུབ་ཀྱི་ཚོར་བ་དང༌། ཕྲེང་གཉིས་དང་ཕྱེད་ན། ཡོངས་གྲུབ་ཀྱི་ཡིད་ཀྱི་འདུས་ཏེ་རེག་པ། ཕྲེང་གཅིག་ན། ཡོངས་གྲུབ་ཀྱི་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཀུན་བཏགས་ཀྱི་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བས་སྟོང་ངོ༌། །ཡོངས་གྲུབ་སྦྱིན་པའི་ཕ་རོལ་ཏུ་ཕྱིན་པ། དེ་བཞིན་དུ། ཀུན་བཏགས་ཀྱི་སྦྱིན་པ། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཡོངས་གྲུབ་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ། ཀུན་བཏགས་ཀྱི་ཕ་རོལ་ཏུ་ཕྱིན་པས་སྟོང་ངོ༌། །ཡོངས་གྲུབ་ཀྱི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཀུན་བཏགས་ཀྱི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱིས་སྟོང་ངོ༌། །ཡོངས་གྲུབ་ཀྱི་འཕགས་པའི་བདེན་པ་དང༌། ཕྲེང་གཉིས་ན། ཡོངས་གྲུབ་ཀྱི་ཆོས་མ་འདྲེས་པ་རྣམས་ཀུན་བཏགས་ཀྱི་སངས་རྒྱས་ཀྱི་ཆོས་མ་འདྲེས་པ་རྣམས་ཀྱིས་སྟོང་ངོ༌། །ཡོངས་གྲུབ་ཀྱི་བྱང་ཆུབ་སེམས་དཔའ་ཀུན་བཏགས་ཀྱི་བྱང་ཆུབ་སེམས་དཔས་སྟོང་ངོ༌། །ཡོངས་གྲུབ་ཀྱི་གོ་ཆ་ཆེན་པོ་ཡང་ཀུན་བཏགས་ཀྱི་གོ་ཆ་ཆེན་པོས་སྟོང་སྟེ། ཀུན་བཏགས་ཀྱི་གོ་ཆ་མ་མཆིས་པའི་གཞི་ཡོངས་གྲུབ་ཀྱི་གོ་ཆ་བགོས་པར་རིག་པར་བགྱིའོ། །ཕྲེང་གསུམ་གཉིས་ན། རབ་འབྱོར། དེ་ནི་གཞི་འབྲས་ངོ་བོ་དབྱེར་མེད་འདུས་མ་བྱས་ཀྱི། རྣམ་པ་ཐམས་ཅད་མཁྱེན་པ་ཉིད་ཀྱང་མ་བྱས། ཕྲེང་གཉིས་ལྷག་ན། ཅིའི་སླད་དུ། གཞི་འབྲས་ངོ་བོ་དབྱེར་མེད་འདུས་མ་བྱས་ཀྱི་རྣམ་པ་ཐམས་ཅད་མཁྱེན་པ་ཉིད་མ་བགྱིས། ཕྲེང་གཅིག་དང་ཕྱེད་ན། བྱེད་པ་གཤིས་ལ་མེད་ཅིང་དམིགས་སུ་མེད་པའི་ཕྱིར། གཞི་འབྲས་ངོ་བོ་དབྱེར་མེད་འདུས་མ་བྱས་ཀྱི་རྣམ་པ་ཐམས་ཅད་མཁྱེན་པ་ཉིད་མ་བྱས། ཕྲེང་གཅིག་ན། འདི་ལྟར་བྱེད་པ་དང༌། བྱེད་པ་པོ་གཤིས་ལ་མེད་པའི་ཕྱིར། ཀུན་བཏགས་ཀྱི་གཟུགས་མ་བྱེད། ཕྲེང་བརྒྱད་ན། དེ་ཅིའི་ཕྱིར་ཞེ་ན། བྱེད་པ་དེ་གཤིས་ལ་ཤིན་ཏུ་མེད་ཅིང་མི་རྟོག་པ་ཡིན་པས་གང་ཡང་མི་དམིགས་པའི་ཕྱིར་རོ། །ཕྲེང་ཕྱེད་ན། དེ་ཤིན་ཏུ་མེད་ཅིང་མི་དམིགས་པའི་ཕྱིར་རོ། །རབ་འབྱོར། འདུས་མ་བྱས་ཀྱི་རྣམ་པ་ཐམས་ཅད་མཁྱེན་པ། འདི་ལྟར་འདུས་མ་བྱས་ཀྱི། ཕྲེང་གཅིག་ན། དེ་དག་ཀྱང་ཀུན་བཏགས་ཡིན་པས་མ་བྱས། ཕྲེང་གཅིག་ན། ཀུན་བཏགས་ཀྱི་གོ་ཆ་མེད་པའི་གཞི་ཡོངས་གྲུབ་ཀྱི་གོ་ཆ་ཆེན་པོ། བགོས་ཤེས་བྱའོ། །ཟུང་དུ་འབྲེལ་བའི་ལམ་གང་དང༌། །གསོལ་པ། བཅོམ་ལྡན་འདས་བདག་གིས། ཕྲེང་ཕྱེད་ན། གཟུགས་ནི་མ་བཅིངས་མ་གྲོལ་བའོ། །ཞེས་པ་ལ་སོགས་པ་སྨོས་ཏེ། བཅིང་བ་དང་གྲོལ་བ་གཉིས་ཡོད་པར་ལས་འགྱུར་ན། འདི་ལྟར་གཟུགས་ལ་སོགས་པ་ནི་ཤིན་ཏུ་མེད་པ་ཡིན་པས། ཡོད་པ་མ་ཡིན་པ་དེ་དག་ལ་བཅིངས་པ་དང༌། གྲོལ་བ་གང་ལ་ཡོད་དེ། མ་འགྲུབ་བོ། །ཀུན་བཏགས་པའི་དབང་གིས་ནི་བཅིངས་པ་དང༌། གྲོལ་བ་གཉིས་བསྟན་ཀྱི། དོན་དམ་པར་ནི་མ་ཡིན་ནོ། །ཞེས་པའི་ཐ་ཚིག་གོ །ཞེས་དབུ་མ་པ་ཆེན་པོ་དབྱིག་གཉེན་གསུངས། ཚོར་བ་དང༌། འདུ་ཤེས་དང༌། འདུ་བྱེད་དང༌། ཕྲེང་གཅིག་ན། རབ་འབྱོར། ཡོངས་གྲུབ་ཀྱི་གཟུགས་ནི་མ་བཅིངས་མ་གྲོལ་བ་ཡིན་ནམ། ཕྲེང་གཅིག་ན། གང་པོ་ཡོངས་གྲུབ་ཀྱི་གཟུགས་ནི་མ་བཅིངས་མ་གྲོལ་བའོ། །ཕྲེང་གཉིས་ན། རྣམ་པར་ཤེས་པ་འདུས་མ་བྱས་པ་གང་ཡིན། གང་འདི་ཡོངས་གྲུབ་རྨི་ལམ་ལྟ་བུའི་གཟུགས། འདུས་མ་བྱས་ཀྱི་གཟུགས་དེ་ནི་མ་བཅིངས་མ་གྲོལ་བའོ། །ཞེས་པ་ལ་སོགས་པ་ནི་ཡོངས་སུ་གྲུབ་པའི་གཟུགས་ཀྱང་མ་བཅིངས་མ་གྲོལ་བ་ཉིད་དུ་བསྟན་ཏོ། །བདེན་པ་དང༌། ཞི་བ་དང༌། སྟོང་པའི་ཕྱིར། ཞེས་བྱ་བ་ནི་ནམ་མཁའ་བཞིན་དུ་གནས་པ་ལ་བཅིངས་པ་དང་གྲོལ་བ་གཉིས་མི་རིགས་སོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། གང་འདི་རྨི་ལམ་ལྟ་བུའི་ཚོར་བ། འདུས་མ་བྱས་པ་དང༌། འདུ་ཤེས་དང༌། འདུ་བྱེད་དང༌། རྣམ་པར་ཤེས་པ་འདུས་མ་བྱས་དེ་ནི། མ་བཅིངས་མ་གྲོལ་བའོ། །ཕྲེང་གཅིག་ན། སྤྲུལ་པ་ལྟ་བུའི་གཟུགས་འདུས་མ་བྱས་པ་དེ་ནི། མ་བཅིངས་མ་གྲོལ་བའོ། །ཕྲེང་གསུམ་གཉིས་ན། སྤྲུལ་པ་ལྟ་བུའི་རྣམ་པར་ཤེས་པ། འདུས་མ་བྱས་པ་དེ་ནི་མ་བཅིངས་མ་གྲོལ་བའོ། །གང་པོ་ཡོངས་གྲུབ་ཀྱི་འདས་པའི་གཟུགས། འདུས་མ་བྱས་པ་དེ་ནི་མ་བཅིངས་མ་གྲོལ་བའོ། །གང་པོ་ཡོངས་གྲུབ་ཀྱི་མ་འོངས་པའི་གཟུགས་འདུས་མ་བྱས་པ་དེ་ནི་མ་བཅིངས་མ་གྲོལ་བའོ། །གང་པོ་ཡོངས་གྲུབ་ཀྱི་ད་ལྟར་བྱུང་བའི་གཟུགས་དུས་གསུམ་མཉམ་པ་ཉིད་ཀྱི་གཟུགས་དེ་ནི་མ་བཅིངས་མ་གྲོལ་བའོ། །ཕྲེང་གཅིག་ན། ད་ལྟར་བྱུང་བའི་དུས་གསུམ་མཉམ་པ་ཉིད་ཀྱི་གཟུགས་དེ་ནི་མ་བཅིངས། ཕྲེང་གཅིག་ན། གང་པོ་ཡོངས་གྲུབ་ཀྱི་གཟུགས་ནི་ཀུན་བཏགས་ཀྱི་གཟུགས་སུ་མེད་པའི་ཕྱིར། ཆོས་ཉིད་ཀྱི་གཟུགས་མ་བཅིངས་མ་གྲོལ་བའོ། །ཆོས་ཉིད་ཀྱི་ཚོར་བ་དང༌། རྣམ་པར་ཤེས་པ་ཀུན་བཏགས་ཀྱི་ཆོས་ཐམས་ཅད་དུ་མ་སྐྱེས་པའི་ཕྱིར་རོ། །གང་པོ་ཡོངས་གྲུབ་གཟུགས་ཀུན་བརྟགས་ཀྱིས་དབེན་པའི་ཕྱིར། ཕྲེང་གཅིག་ན། དོན་དམ་གྱི་གཟུགས་མ་སྐྱེས་པའི་ཕྱིར། ཆོས་ཉིད་ཀྱི་གཟུགས་མ་བཅིངས་མ་གྲོལ་བའོ། །ཕྲེང་གཅིག་ན། གང་པོ་དོན་དམ་པའི་དགེ་བའི་གཟུགས་ནི། དོན་དམ་པའི་དགེ་བའི་ཚོར་བ་དང༌། རྣམ་པར་ཤེས་པ་ནི་མ་བཅིངས་མ་གྲོལ་བའོ། །དོན་དམ་པའི་དགེ་བ་གང་ཞེ་ན། དེ་བཞིན་ཉིད་དོ། །ཞེས་འཕགས་པ་ཐོགས་མེད་ཀྱང་གསུངས། གང་པོ་མི་དགེ་བའི་རྣམ་པ་ཅན་གྱི་ཆོས་ཉིད་ཀྱི་གཟུགས་ནི་མ་བཅིངས་མ་གྲོལ་བའོ། །མི་དགེ་བའི་རྣམ་པ་ཅན་གྱི་ཆོས་ཉིད་ཀྱི་ཚོར་བ་དང༌། འདུ་ཤེས་དང༌། ཕྲེང་གཅིག་ན། ལུང་དུ་མ་བསྟན་པའི་རྣམ་པ་ཅན་གྱི་དོན་དམ་གྱི་ཚོར་བ་དང༌། འདུ་ཤེས་དང༌། གང་པོ་འཇིག་རྟེན་པའི་རྣམ་པ་ཅན་གྱི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་ཕྱི་མ་རྣམས་ལའང་སྦྱར་ཏེ། འཇིག་རྟེན་པའི་ཚོར་བ་དང༌། གང་པོ་གདོད་ནས་རང་བཞིན་གྱིས་འཇིག་རྟེན་ལས་འདས་པའི་གཟུགས་འདུས་མ་བྱས་ནི་མ་བཅིངས་མ་གྲོལ་བའོ། །གདོད་ནས་རང་བཞིན་གྱིས་འཇིག་རྟེན་ལས་འདས་པའི་ཚོར་བ་དང༌། རྣམ་པར་ཤེས་པ་འདུས་མ་བྱས་པ་ནི་མ་བཅིངས་མ་གྲོལ་བའོ། །གང་པོ་ཟག་པ་དང་བཅས་པའི་རྣམ་པ་ཅན་གྱི་ཆོས་ཉིད་ཀྱི་གཟུགས་ནི་མ་བཅིངས་མ་གྲོལ་པའོ། །གང་པོ་གདོད་ནས་རང་བཞིན་གྱིས་ཟག་པ་མེད་པའི་གཟུགས་ནི་མ་བཅིངས་མ་གྲོལ་བའོ། །རྣམ་པར་ཤེས་པ་ནི་མ་བཅིངས་མ་གྲོལ་བ་སྟེ། ཟད་པ་གཉེན་པོས་ཟད་པ་མ་ཡིན་ཏེ། །སྔོན་ནས་ཟད་པ་དེའི་ཕྱིར་ཟད་ཅེས་བསྟན། །ཞེས་གཟུངས་ཀྱི་དབང་ཕྱུག་རྒྱལ་པོའི་མདོར་གསུངས་པ། གང་པོ་དེ་ཅིའི་ཕྱིར་ཞེ་ན། ཆོས་ཉིད་ཀྱི་གཟུགས་ཀུན་བཏགས་སུ་མེད་པའི་ཕྱིར། ཆོས་ཉིད་ཀྱི་གཟུགས་ཀུན་བཏགས་ཀྱིས་དབེན་པའི་ཕྱིར། ཆོས་ཉིད་ཀྱི་གཟུགས་མ་སྐྱེས་པའི་ཕྱིར། གང་པོ་དོན་དམ་གཞན་སྟོང་གི་ཆོས་ཐམས་ཅད་ཀྱང་མ་བཅིངས་མ་གྲོལ་བ་སྟེ། ཀུན་རྫོབ་རང་སྟོང་གི་ཆོས་ཐམས་ཅད་དུ་མེད་པའི་ཕྱིར། ཀུན་རྫོབ་རང་སྟོང་གི་ཆོས་ཐམས་ཅད་ཀྱིས་དབེན་པའི་ཕྱིར་རྒྱུ་རྐྱེན་གང་ལས་ཀྱང་མ་སྐྱེས་པའི་ཕྱིར། གང་པོ་དོན་དམ་གཞན་སྟོང་གི་སྦྱིན་པའི། ཚུལ་ཁྲིམས་ཀྱི། བཟོད་པའི། བརྩོན་འགྲུས་ཀྱི། བསམ་གཏན་གྱི། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བ་སྟེ། གང་པོ་ཀུན་རྫོབ་ཀྱི་ཆོས་གང་དུ་ཡང་མེད་པའི་ཕྱིར། སྦྱིན་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །ཀུན་རྫོབ་ཀྱི་ཆོས་ཐམས་ཅད་ཀྱིས་དབེན་པའི་ཕྱིར། རྒྱུ་རྐྱེན་གང་ལས་ཀྱང་མ་སྐྱེས་པའི་ཕྱིར་མ་བཅིངས་མ་གྲོལ་བའོ། །ཀུན་རྫོབ་ཀྱི་ཆོས་གང་དུ་ཡང་མེད་པའི་ཕྱིར། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བ་སྟེ། ཀུན་རྫོབ་ཀྱི་ཆོས་ཐམས་ཅད་ཀྱིས་དབེན་པའི་ཕྱིར། མ་བཅིངས་མ་གྲོལ་བའོ། །གང་པོ་ཆོས་ཉིད་ཀྱི་མ་སྟོང་པ་ཉིད་མ་བཅིངས་མ་གྲོལ་བའོ། །གང་པོ་ཀུན་རྫོབ་ཐམས་ཅད་གཤིས་ལུགས་ལ་མེད་པའི་ཕྱིར། ཀུན་རྫོབ་ཐམས་ཅད་ཀྱིས་དབེན་པའི་ཕྱིར། ཀུན་རྫོབ་ཐམས་ཅད་ལ་གཤིས་ལུགས་མ་སྐྱེས་པའི་ཕྱིར། ཕྲེང་གསུམ་ན། གང་པོ་ཀུན་རྫོབ་ཏུ་ཐམས་ཅད་གཤིས་ལ་མེད་པའི་ཕྱིར། བྱང་ཆུབ་ཀྱི་ཕྱོགས་ཀྱི་ཆོས། ཀུན་རྫོབ་ཐམས་ཅད་ཀྱིས་དབེན་པའི་ཕྱིར། ཀུན་རྫོབ་ཐམས་ཅད་གཤིས་ལས་མ་སྐྱེས་པའི་ཕྱིར། གང་པོ་ཆོས་ཉིད་ན་སྟོང་པ་ཉིད་ཀྱང་མ་བཅིངས་མ་གྲོལ་བའོ། །གང་པོ་ཀུན་རྫོབ་ཐམས་ཅད་གཤིས་ལུགས་ལ་མེད་པའི་ཕྱིར། ཀུན་རྫོབ་ཐམས་ཅད་ཀྱིས་དབེན་པའི་ཕྱིར། ཀུན་རྫོབ་གཤིས་ལུགས་ལ་མ་སྐྱེས་པའི་ཕྱིར། མ་བཅིངས་མ་གྲོལ་བའོ། །ཕྲེང་གསུམ་ན། གང་པོ་ཀུན་རྫོབ་ཐམས་ཅད་གཤིས་ལ་མེད་པའི་ཕྱིར། ཀུན་རྫོབ་ཐམས་ཅད་ཀྱིས་དབེན་པའི་ཕྱིར། ཀུན་རྫོབ་ཐམས་ཅད་གཤིས་ལ་མ་སྐྱེས་པའི་ཕྱིར། གང་པོ་ཆོས་ཉིད་ཀྱི་དེ་བཞིན་གཤེགས་པའི་སྟོབས་བཅུའི་བར་དང༌། གང་པོ་ཀུན་རྫོབ་ཀྱི་ཆོས་ཐམས་ཅད་གཤིས་ལ་མེད་པའི་ཕྱིར། ཀུན་རྫོབ་ཀུན་བཏགས་ཀྱིས་ཐམས་ཅད་ཀྱིས་དབེན་པའི་ཕྱིར། གཤིས་ལ་མེད་པའི་ཕྱིར། གང་པོ་དོན་དམ་པའི་ཡོངས་གྲུབ་ཀྱི་རྣམ་པ་ཐམས་ཅད་མཁྱེན་པ་ཉིད། གང་པོ་ཀུན་རྫོབ་ཀྱི་ཀུན་བཏགས་ཀྱི་ཆོས་ཐམས་ཅད་གཤིས་ལ་མེད་པའི་ཕྱིར། ཀུན་རྫོབ་ཀྱིས་དབེན་པའི་ཕྱིར། གཤིས་ལ་མ་སྐྱེས་པའི་ཕྱིར། གང་པོ་དོན་དམ་ཡོངས་གྲུབ་ཀྱི་བྱང་ཆུབ་སེམས་དཔའ་ཡང༌། གང་པོ་ཀུན་རྫོབ་ཐམས་ཅད་གཤིས་ལ་མེད་པའི་ཕྱིར། ཀུན་རྫོབ་ཀྱིས་དབེན་པའི་ཕྱིར། གཤིས་ལ་མ་སྐྱེས་པའི་ཕྱིར། ཚེ་དང་ལྡན་པ་གང་པོ་ཀུན་རྫོབ་ཀུན་བཏགས་ཀྱི་ཆོས་ཐམས་ཅད་དུ་མེད་པའི་ཕྱིར། ཀུན་རྫོབ་ཐམས་ཅད་ཡིན་པས་དབེན་པའི་ཕྱིར། རྒྱུ་རྐྱེན་གང་ལས་མ་སྐྱེས་པའི་ཕྱིར་རོ། །གཤིས་ལ་མེད་པའི་ཕྱིར། ཀུན་རྫོབ་ཐམས་ཅད་ཡིན་པས་དབེན་པའི་ཕྱིར། རྒྱུ་རྐྱེན་གང་ལས་ཡང་མ་སྐྱེས་པའི་ཕྱིར། གང་པོ་འདུས་བྱས་ཐམས་ཅད་དུ་མེད་པའི་ཕྱིར། འདུས་བྱས་ཀྱིས་དབེན་པའི་ཕྱིར། འདི་ནི་འདུས་མ་བྱས་ཀྱི་སྦྱིན་པའི་ཕ་རོལ་ཏུ་ཕྱིན་པ། འདུས་མ་བྱས་ཀྱི་ཚུལ་ཁྲིམས། འདུས་མ་བྱས་ཀྱི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ། འདུས་མ་བྱས་ཀྱི་བྱང་ཆུབ་སེམས་དཔའ། འདུས་མ་བྱས་སངས་རྒྱས། དེ་ལྟར་རྟོགས་པའི་རྒྱལ་སྲས་ཆེན་པོ་དེ་མ་བཅིངས་མ་གྲོལ་བའི་སྦྱིན་པའི་ཕ་རོལ་ཏུ་ཕྱིན་པ་མངོན་དུ་བྱ་བ་ལ་གནས། ཕྲེང་གཉིས་ན། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་དུ་བྱ་བ་ལ་གནས། ཕྲེང་གསུམ་ན། མ་གྲོལ་བ་མངོན་དུ་བྱས་པ་ལ་རྒྱལ་སྲས་དེ་མ་བཅིངས་མ་གྲོལ་བའི་སྙིང་པོ་ཅན་གྱི་སེམས་ཅན་རྣམས་ཡོངས་སུ་མ་གྲོལ་བ་ལ་མངོན་དུ་བྱ་བའི་རྒྱལ་སྲས། དེ་མ་བཅིངས་མ་གྲོལ་བའི། མ་གྲོལ་བ་ལ་མངོན་དུ་བྱས་པའི་རྒྱལ་སྲས། དེ་མ་བཅིངས་མ་གྲོལ་བའི་སངས་རྒྱས། མ་གྲོལ། དེ་མ་བཅིངས། མ་གྲོལ། དེ་མ་བཅིངས་མ་གྲོལ་བའི་མིག་ལྔ་དང༌། དེ་མ་བཅིངས་མ་གྲོལ་བའི་གཟུགས་རྣམས་དང༌། དེ་མ་བཅིངས་མ་གྲོལ་བའི་ཏིང་ངེ་འཛིན་རྣམས་དང༌། དེ་མ་བཅིངས་མ་གྲོལ་བའི་ལམ་གྱི་རྣམ་པར་ཤེས་པ། དེ་མ་བཅིངས་མ་གྲོལ་བའི་རྣམ་པ་ཐམས་ཅད་མཁྱེན་པ་ཉིད་དུ། དེ་མ་བཅིངས་མ་གྲོལ་བའི་ཆོས་ཀྱི་འཁོར་ལོ་བསྐོར་བར་འགྱུར་རོ། །དེ་མ་བཅིངས་མ་གྲོལ་བའི་སེམས་ཅན་རྣམས་ཐེག་པ་གསུམ་ལ་རབ་ཏུ་འགོད་པར་འགྱུར་རོ། །དོན་དམ་གཞན་སྟོང་ཆོས་ཉིད་ཡོངས་གྲུབ་ཀྱི་ཕ་རོལ་ཏུ་ཕྱིན་པ་དྲུག་པོ་མ་བཅིངས་མ་གྲོལ་བའོ། །ཀུན་རྫོབ་ཀུན་བཏགས་ཀྱི་ཆོས་གང་དུ་ཡང་མེད་པ་དང༌། ཕྲེང་གཅིག་ན། ཐབས་ལ་མཁས་པ་གང་ཡིན་དང༌། །དེ་ནས་ཚེ་དང་ལྡན་པ། ཤོག་གུ་ཕྱེད་དང་གཉིས་ན། ཡེ་ཤེས་དང་ནི། རབ་འབྱོར། གཞན་ཡང༌། ཕྲེང་ཕྱེད་དང་གསུམ་ན། ཟ་བ་བཟའ་དང་དེ་ཡི་ལུས། །གནས་ཀྱི་གཞི་ཡི་སྟོང་པ་ཉིད། །དེ་དག་གང་གིས་ཇི་ལྟར་མཐོང༌། །གང་ཕྱིར་དེ་ཡང་སྟོང་པ་ཉིད། །དགེ་གཉིས་འཐོབ་པར་བྱ་བའི་ཕྱིར། །རྟག་ཏུ་སེམས་ཅན་ཕན་བྱའི་ཕྱིར། །འཁོར་བ་བཏང་བར་མི་བྱའི་ཕྱིར། །དགེ་བ་མི་ཟད་བྱ་བའི་ཕྱིར། །རིགས་ཀྱང་རྣམ་པར་དག་བྱའི་ཕྱིར། །མཚན་དང་དཔེ་བྱད་འཐོབ་བྱའི་ཕྱིར། །སངས་རྒྱས་ཆོས་རྣམས་དག་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །གང་ཟག་དང་ནི་ཆོས་རྣམས་ཀྱི། །དངོས་པོ་མེད་འདིར་སྟོང་པ་ཉིད། །དེ་དངོས་མེད་པའི་དངོས་ཡོད་པ། །དེ་ནི་དེ་བས་སྟོང་ཉིད་གཞན། །གལ་ཏེ་ཉོན་མོངས་དེ་མ་གྱུར། །ལུས་ཅན་ཐམས་ཅད་གྲོལ་བར་འགྱུར། །གལ་ཏེ་རྣམ་དག་དེ་མ་གྱུར། །འབད་པ་འབྲས་བུ་མེད་པར་འགྱུར། །ཉོན་མོངས་མ་ཡིན་མི་མོངས་མིན། །དེ་ནི་དག་དང་མ་དག་མིན། །ཞེས་རྡོ་རྗེ་འཆང་དང༌། རྒྱལ་བ་བྱམས་པས་གསུངས་ཤིང༌། དབུ་མ་པ་ཆེན་པོ་སངས་རྒྱས་གཉིས་པས། སམ་བུ་ཊིའི་རྒྱུད་ཕྱི་མར། ཇི་སྐད་གསུངས་པ་དེ་ཁོ་ན་བཞིན་དུ་བཀྲལ་བས་དེའི་རྗེས་སུ་ཞུགས་ནས་འདིར་ཡང༌། སྟོང་ཉིད་ཀྱི་རྟོགས་པ་ཕྱིན་ཅི་མ་ལོག་ཅིང་ཡང་དག་པ་ཇི་ལྟ་བ་བཞིན་དུ་རང་རྒྱུད་ལ་བསྐྱེད་པར་བྱའོ། །དེ་ལ་ནང་སྟོང་པ་ཉིད་གང་ཞེ་ན། ནང་གི་ཆོས་ཞེས་བྱ་བ་ནི། ཟ་བའམ་ལོངས་སྤྱོད་པ་སྟེ། མིག་དང༌། རྣ་བ་དང༌། དེ་ལ་འདུས་བྱས་ཀྱི་ཆོས་རྣམས་མི་རྟག་འདུས་མ་བྱས་ཆོས་ཉིད་མི་འཇིག་པའི་ཕྱིར། ཆོས་ཉིད་འདུས་མ་བྱས་ཀྱི་མིག་ཆོས་འདུས་བྱས་ཀྱི་མིག་གིས་སྟོང་ངོ༌། །དོན་དམ་གཞན་སྟོང་དེའི་རང་བཞིན་ཀུན་རྫོབ་ཐམས་ཅད་ཀྱིས་སྟོང་པའི་གཞི་དེ་ཡིན་པའི་ཕྱིར་རོ། །ཕྲེང་གཅིག་ན། ཕྱིའི་ཆོས་ཞེས་བྱ་བ་ནི་བཟའ་བའམ། ལོངས་སྤྱོད་བྱ་སྟེ། གཟུགས་དང༌། སྒྲ་དང༌། ཕྲེང་གཉིས་ན། གང་ཞེ་ན། དེའི་ལུས་ཏེ་ནང་གི་སྐྱེ་མཆེད་དྲུག་དང༌། ཕྱིའི་སྐྱེ་མཆེད་དྲུག་དང་ལྡན་པ་རྟེན་ཁོག་པ་འདི་དག་ནི། ཕྲེང་ཕྱེད་དང་གཉིས་ན། དེ་ལ་སྟོང་པ་ཉིད་སྟོང་པ་ཉིད་གང་ཞེ་ན། དེ་ཡང་གང་གིས་སྟོང་པར་མཐོང་བ་སྟེ། སྟོང་ཉིད་ཤེས་པས་སྟོང་པར་མཐོང་བའོ། །ཕྲེང་གཅིག་ན། དེ་ལ་ཆེན་པོ་སྟོང་པ་ཉིད་གང་ཞེ་ན། གནས་ཀྱི་གཞི་སྟོང་པ་ཉིད་དེ། མི་རྟག་མི་འཇིག་པའི་ཕྱིར། ཕྲེང་ཕྱེད་དང་གསུམ་ན། དོན་དམ་པ་ནི་མྱ་ངན་ལས་འདས་པ་ཆེན་པོ། ཕྱག་རྒྱ་ཆེན་པོ། དབུ་མ་པ་ཆེན་པོ། ཨེ་ཝཾ་ཡི་གེ །རྡོ་རྗེ་སེམས་དཔའ་མ་ནིང་གི་གོ་འཕང༌། དོན་དམ་གྱི་ལྷ་དང༌། སྔགས་དང༌། རྒྱུད་དང༌། དཀྱིལ་འཁོར་དང༌། ཕྱག་རྒྱ་དང༌། དངོས་གྲུབ་ཐམས་ཅད་དང༌། དོན་གཅིག་པའི་ཤིན་ཏུ་རྣལ་འབྱོར། སངས་རྒྱས་མཉམ་སྦྱོར། ལྷན་ཅིག་སྐྱེས་སྦྱོར་རྣམས་ཀྱི་དོན་ཤེར་ཕྱིན་མཚན་ཉིད་པ་རྣམས་ཇི་ལྟར་མཐོང་ན་དོན་དམ་པའི་རྣམ་པར་མཐོང་བ་སྟེ། འདུས་བྱས་ཐམས་ཅད་མི་རྟག །བདེ་གཤེགས་སྙིང་པོ་མི་འཇིག་པའི་ཕྱིར། དོན་དམ་གཞན་སྟོང་གི་མྱ་ངན་ལས་འདས་པ། དེ་ཡང་ཀུན་རྫོབ་རང་སྟོང་གི་མྱ་ངན་ལས་འདས་པས་སྟོང་ངོ༌། །ཞེས་བྱ་བ་ནི་དོན་དམ་པའི་མྱ་ངན་ལས་འདས་པ་ནི་ཀུན་བཏགས་པའི་མྱ་ངན་ལས་འདས་པས་ངོ་བོ་ཉིད་ཀྱི་སྟོང་ངོ༌། །ཞེས་དབུ་མ་པ་ཆེན་པོ་དབྱིག་གཉེན་གསུངས། དེ་ཅིའི་ཕྱིར་ཞེ་ན། དོན་དམ་གྱི་མྱང་འདས་དེའི་རང་བཞིན་ཀུན་རྫོབ་ཀྱི་མྱང་འདས་ཀྱི་སྟོང་པའི་གཞི་དེ་ཡིན་པའི་ཕྱིར་ཏེ། འདི་ནི་དོན་དམ་རང་གིས་མི་སྟོང་ལ་དེ་ལས་གཞན་པའི་ཆོས་ཐམས་ཅད་ཀྱིས་སྟོང་པ་ཉིད་ཅེས་བྱའོ། །དེ་ལ་འདུས་བྱས་སྟོང་པ་ཉིད་གང་ཞེ་ན། དེ་ལ་འདུས་བྱས་ཀྱི་དགེ་བ་འཐོབ་པར་བྱ་བའི་ཕྱིར། བྱང་ཆུབ་སེམས་དཔའ་སྒྲུབ་པར་བྱེད་པ་སྟེ། འདུས་བྱས་ཞེས་བྱ་བ་ནི། དེ་ལ་འདུས་བྱས་ཀྱི་ཁམས་གསུམ་མི་རྟག །དེའི་ཆོས་ཉིད་འདུས་མ་བྱས་ཀྱི་ཁམས་གསུམ་མི་འཇིག་པའི་ཕྱིར། འདུས་བྱས་ཀྱི་འདོད་པའི་ཁམས། ཕྲེང་གསུམ་གཉིས་ན། དེ་ཅིའི་ཕྱིར་ཞེ་ན། འདུས་བྱས་དེའི་རང་བཞིན་རང་རང་ངོ་བོས་སྟོང་པ་དེ་ཡིན་པའི་ཕྱིར་ཏེ། གང་ཞེ་ན། འདུས་མ་བྱས་ཀྱི་དགེ་བ་འཐོབ་པར་བྱ་བའི་ཕྱིར། བྱང་ཆུབ་སེམས་དཔའ་སྒྲུབ་པར་བྱེད་པ་སྟེ། འདུས་མ་བྱས་ཞེས་བྱ་བ་ནི། ཆོས་དབྱིངས་གང་ལ་སྐྱེ་བ་མེད་པ་དང༌། ཆོས་དབྱིངས་འདུས་མ་བྱས་འགག་པ་མེད་པ་དང༌། འདུས་མ་བྱས་ཀྱི་དགེ་བ་ཞེས་བྱ་སྟེ། ཆོས་དབྱིངས་གནས་གྱུར་པའི་ཚེ། དྲི་བཅས་དྲི་མེད་དུ་གྱུར་པ་ལ་མི་རྟག་པ་ཞེས་བརྟགས་ནས་གསུངས་པའི་ཕྱིར། འདི་ཡང་མི་རྟག་པ་ནི་བརྟགས་པ་དང་མི་འཇིག་པ་ནི་མཚན་ཉིད་པའི་ཕྱིར། འདུས་མ་བྱས་ཡོངས་གྲུབ་དེ་ནི་འདུས་མ་བྱས་ཀྱི་ཀུན་བཏགས་ཀྱིས་སྟོང་ངོ༌། །ཆོས་དབྱིངས་འདུས་བྱས་དེའི་རང་བཞིན་དོན་དམ་གཞན་སྟོང་དེ་ཡིན་པའི་ཕྱིར་ཏེ། རྟག་ཏུ་སེམས་ཅན་ཕན་བྱའི་ཕྱིར། གཞན་ལ་ཕན་པ་གང་ལ་མཐའ་མི་དམིགས་པ་འདི་ནི། ཕྲེང་ཕྱེད་དང་གཉིས་ན། གང་ཞེ་ན། འཁོར་བ་བཏང་བར་མི་བྱ་བའི་ཕྱིར། འཁོར་བ་གང་ལ་ཐོག་མ་མི་དམིགས་ཤིང་ཐ་མ་ཡང་མི་དམིགས་པ་དེ་གཤིས་ལུགས་ལ་རི་བོང་གི་རྭ་ལྟར་མ་གྲུབ་པ་ལ་འགྲོ་བ་མི་དམིགས། འོང་བ་ཡང་ཀུན་རྫོབ་ཏུ་མི་དམིགས་ཏེ། ཀུན་རྫོབ་མི་རྟག་ཀྱང་དོན་དམ་དུ་མི་འཇིག་པའི་ཕྱིར། ཡོངས་གྲུབ་ཀྱི་ཐོག་མ་དང་ཐ་མ་མེད་པ་ཀུན་བཏགས་ཀྱིས་སྟོང་ངོ༌། །འཁོར་བའི་དེའི་རང་བཞིན་རང་རང་ངོ་བོས་སྟོང་པ་དེ་ཡིན་པའི་ཕྱིར་ཏེ། དོར་བ་མེད་པ་སྟོང་པ་ཉིད་གང་ཞེ་ན། ཕུང་པོ་མ་ཟད་པར་བྱ་བའི་ཕྱིར། ཕུང་པོ་ལྷག་མ་མེད་པའི་མྱ་ངན་ལས་འདས་པ་ན་ཡང་གང་ལ་དགེ་བ་གང་ཡང་དོར་བ་མེད་པ་སྟེ། ཡོངས་གྲུབ་ཀྱི་དོར་བ་མེད་པ་ཀུན་བཏགས་ཀྱི་དོར་བ་མེད་པས་སྟོང་ངོ༌། །གང་ཞེ་ན། རིགས་ཀྱང་རྣམ་པར་དག་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །འདུས་བྱས་སམ། རང་བཞིན་འོད་གསལ། རང་བཞིན་ལྷན་སྐྱེས། རང་བཞིན་གཉུག་མ། རང་བཞིན་འགྱུར་མེད། རང་བཞིན་ཡོངས་གྲུབ། རང་བཞིན་ལྷུན་གྲུབ། རང་བཞིན་བརྟན་པ། རང་བཞིན་ཁྱབ་བྱེད། རང་བཞིན་པའི་སྐུ་ལ་སོགས་པ་གང་ཡིན་པ་དེ་ནི་གང་གིས་ཀྱང་འདུས་མ་བྱས་པའི་ཕྱིར། ཉོན་མོངས་རྣམས་ཀྱིས་མ་བྱས། ཕྲེང་གཅིག་ན། མ་བྱས་ཏེ། མི་རྟག་དོན་ནི་མེད་དོན་དང༌། །སྐྱེ་ཞིང་འཇིག་པའི་མཚན་ཉིད་དང༌། །དྲི་བཅས་དྲི་མ་མེད་དོན་ཏེ། །རྩ་བའི་ཁོ་ནར་གོ་རིམ་བཞིན། །ཞེས་ངོ་བོ་ཉིད་གསུམ་ལ་མི་རྟག་པའི་ཚུལ་མི་འདྲ་བ་གསུམ་རྒྱལ་བ་བྱམས་པས་གསུངས་པ་ལས། ཡོངས་གྲུབ་ཀྱི་མི་རྟག་པ་ནི་དྲི་བཅས་དྲི་མེད་དུ་གྱུར་པ་ཙམ་ལ་ཉེ་བར་བཏགས་ནས་གསུངས་པ་ལྟར་འདི་ཡང་བརྟགས་པ་སྟེ། མི་རྟག་པ་ནི་བཏགས་པ་བ་དང༌། མི་འཇིག་པ་ནི་མཚན་ཉིད་པ་ཡིན་པའི་ཕྱིར། རང་བཞིན་གྱི་རིགས་ནི་ཀུན་བཏགས་ཀྱིས་རང་བཞིན་གྱིས་སྟོང་ངོ༌། །དེའི་རང་བཞིན་ཀུན་རྫོབ་ཀྱིས་སྟོང་པའི་གཞི་དེ་ཡིན་པའི་ཕྱིར་ཏེ། སྟོང་པ་ཉིད་གང་ཞེ་ན། སངས་རྒྱས་ཆོས་རྣམས་དག་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །ཅེས་པ་ལྟར་རམ། ཡང་ཆོས་ཐམས་ཅད་ཅེས་བྱ་བ་ནི། ཕྲེང་བདུན་ན། གང་ཞེ་ན། མཚན་དང་དཔེ་བྱད་ཐོབ་བྱའི་ཕྱིར། །བྱང་ཆུབ་སེམས་དཔའ་སྒྲུབ་པར་བྱེད། །ཅེས་པ་ལྟར་རམ། ཡང༌། གཟུགས་ནི་འཇིག་པའི་མཚན་ཉིད། །ཕྲེང་དྲུག་ན། འདི་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱའོ། །གང་ཟག་དང་ནི་ཆོས་རྣམས་ཀྱི། །དངོས་པོ་མེད་འདིར་སྟོང་པ་ཉིད། །དེ་དངོས་མེད་པའི་དངོས་ཡོད་པ། །དེ་ནི་དེ་ལས་སྟོང་ཉིད་གཞན། །ཞེས་བྱ་བའོ། །གང་ཟག་དང་ཆོས་ཀྱི་དངོས་པོ་མེད་པ་ནི་སྟོང་པ་ཉིད་དོ། །དངོས་པོ་མེད་པ་དེའི་དངོས་པོ་ཡོད་པ་ཡང་སྟོང་པ་ཉིད་དོ། །ཟ་བ་ལ་སོགས་པ་སྟོང་པ་ཉིད་ཅེས་ཇི་སྐད་སློབ་པ་དེར་སྟོང་པ་ཉིད་ཀྱི་མཚན་ཉིད་བསྟན་པའི་ཕྱིར། དངོས་པོ་མེད་པ་སྟོང་པ་ཉིད་དང༌། དངོས་པོ་མེད་པའི་ངོ་བོ་ཉིད། སྟོང་པ་ཉིད་དང༌། སྟོང་པ་ཉིད་རྣམ་པ་གཉིས་ཐ་མར་འཇོག་སྟེ། གང་ཟག་དང༌། ཆོས་སུ་སྒྲོ་འདོགས་པ་དང༌། དེའི་སྟོང་པ་ཉིད་ལ་སྐུར་བ་འདེབས་པ་བསལ་བའི་ཕྱིར། གོ་རིམ་བཞིན་ནོ། །ཞེས་རྡོ་རྗེ་འཆང་གི་བཀའ་བཞིན་དུ་དབུ་མ་པ་ཆེན་པོ་འཕགས་པ་བྱམས་མགོན་དང༌། དེས་བྱིན་གྱིས་བརླབས་པའི་དངོས་སློབ་དབུ་མ་པ་དབྱིག་གཉེན་ཞབས་ཀྱིས་གསུངས་པ་ལྟར་ངེས་པའི་དོན་དུ་དོན་ལ་གནས་པས་དེ་ཉིད་ལ་མཆོག་ཏུ་གཅེས་པར་བཟུང་ངོ༌། །ཕྲེང་གསུམ་ན། དངོས་པོ་མེད་པ་ཞེས་བྱ་བ་ནི་འདིར་དོན་དམ་པ་མ་ཡིན་པས་འདུས་མ་བྱས་ཏེ། ཕྲེང་གཅིག་ན། རང་བཞིན་གྱིས་སྟོང་ཞེ་ན། རང་བཞིན་དག་ནི་བཅོས་མིན་དང༌། །གཞན་ལ་ལྟོས་པ་མེད་པ་ཡིན། །རང་བཞིན་གཞན་དུ་འགྱུར་བ་ནི། །ནམ་ཡང་འཐད་པ་མ་ཡིན་ནོ། །ཞེས་དང༌། རང་བཞིན་རྒྱུ་དང་རྐྱེན་ལས་ནི། །འབྱུང་བར་རིགས་པ་མ་ཡིན་ནོ། །རྒྱུ་དང་རྐྱེན་ལས་བྱུང་བ་ཡི། །རང་བཞིན་བྱས་པ་ཅན་དུ་གྱུར། །ཞེས་པ་འཕགས་པ་ཀླུ་སྒྲུབ་ཀྱིས་གསུངས་ཤིང༌། དབུ་མ་པ་ཆེན་པོ་ཆོས་ཀྱི་གྲགས་པའི་ཞལ་སྔ་ནས་ཀྱང༌། སེམས་འདིའི་རང་བཞིན་འོད་གསལ་ཏེ། །དྲི་མ་རྣམས་ནི་གློ་བུར་བ། །སེམས་དེའི་རང་བཞིན་འོད་གསལ་བས་ན་ཉོན་མོངས་ངོ་བོ་མེད་གཟིགས་སོ། །ཞེས་སོགས་གསུངས་པའི་ཕྱིར། རང་བཞིན་ཞེས་བྱ་བ་ནི། རང་བཞིན་འོད་གསལ་ལ་སོགས་པ་ངོ་བོ་ཉིད་ཀྱི་སྐུ་མ་ནོར་བ་དོན་དམ་གཞན་སྟོང་སྟེ། དེ་ལ་ཀུན་རྫོབ་ཐམས་ཅད་སྟོང་པ་ཉིད་གང་ཡིན་པ་དེ་ནི། ཤེས་པས་མ་བྱས། མཐོང་བས་མ་བྱས། གང་གིས་ཀྱང་མ་བྱས་པར་ཡུལ་དུས་གནས་སྐབས་ཐམས་ཅད་ན་ངོ་བོ་ཉིད་ཀྱིས། ལྷུན་གྲུབ་ཏུ་བཞུགས་ཤིང་ནམ་མཁའ་ལྟར་ཆ་མེད་ཀུན་གྲོལ་ཀུན་ཁྱབ་ཏུ་ནམ་ཡང་བཞུགས་པ་ཉིད་དེ། འདི་ནི་རང་བཞིན་དུ་གྲུབ་ཅིང་རང་བཞིན་གྱིས་གྲུབ་པའི་དོན་དམ་པ་སྟོང་པ་ཉིད་དོ། །ཀུན་རྫོབ་ཀྱི་དེ་བཞིན་གཤེགས་པ་རྣམས་བྱུང་ཡང་རུང༌། དངོས་པོའི་དེ་བཞིན་གཤེགས་པ་རྣམས་མ་བྱུང་ཡང་རུང༌། གང་ཟག་རྣམས་ཀྱིས་རྟོགས་ཀྱང་རུང༌། མ་རྟོགས་ཀྱང་རུང༌། མཐོང་ནས་ཀྱང་རུང༌། མ་མཐོང་ཡང་རུང༌། ཐོབ་ཀྱང་རུང༌། མ་ཐོབ་ཀྱང་རུང༌། ངོ་ཤེས་ཀྱང་རུང༌། མ་ཤེས་ཀྱང་རུང༌། ཡིད་ཆེས་ཀྱང་རུང༌། མ་ཆེས་ཀྱང་རུང༌། གློ་བུར་དྲི་མ་བྲལ་ཡང་རུང༌། མ་བྲལ་ཡང་རུང་སྟེ། ཆོས་ཀྱི་གནས་ཉིད་དང༌། ཕྲེང་གཅིག་ན། ཡང་དག་པའི་མཐའ་ནི་ནམ་ཡང་འགྱུར་མེད་དུ་རྟག་ཏུ་དེ་བཞིན་དུ་གནས་པ་སྟེ། ཉེས་པ་གློ་བུར་དང་ལྡན་དང༌། །ཡོན་ཏན་རང་བཞིན་ཉིད་ལྡན་ཕྱིར། །ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པ་ཡི་ཆོས་ཉིད་དོ། །ཞེས་རྒྱལ་བ་བྱམས་མགོན་གྱིས་གསུངས་པ་དང༌། དོན་གཅིག་གོ །དེ་ལྟར་དོན་དམ་གྱིས་ཆོས་དེ་དག་གི་རང་གི་མི་སྟོང་ཡང་རང་ལས་གཞན་ཀུན་རྫོབ་ཐམས་ཅད་ཀྱིས་སྟོང་པ་གང་ཡིན་པ་དེ་ནི། ཕྲེང་ཕྱེད་ན། བསོད་ནམས་དང༌། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་འདི་ལྟ་སྟེ། དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་དང༌། རིན་ཆེན་ཕྱག་རྒྱ། སེང་གེ །ཟླ་བ། ཟླ་བའི། ཆོས་ཐམས་ཅད་ལས། ཆོས་ཐམས་ཅད་ཀྱི། སྤྱི་གཙུག །ཆོས་ཀྱི། ངེས་པའི་རྡོ་རྗེ། ཆོས་ཐམས་ཅད་ལ་ཏིང་ངེ་འོད་ཟེར། དཔུང༌། ཡང་དག་པར། ངེས་པའི་ཚིག །ཚིག་བླ་དྭགས། ཕྱོགས། ཕྱག་རྒྱ། ཉམས་པ། ཆོས་ཐམས་ཅད། ནམ་མཁའ། རྡོ་རྗེའི་དཔལ། རྒྱལ་མཚན། རྩེ་མོའི། དཔའ་བོའི། རྒྱུན་གྱི། སེང་གེ་རྣམ་པར། སྣེ་ལ་ཞི། ཉོན་མོངས་པ་སྤོང༌། རྣམ་པར་སྣང་བ། ཚོལ་བ་མེད་པ། གནས་ལ་རྟེན་པ་མེད་པ། སེམས་མེད་པ། དྲི་མ་མེད་པའི་སྒྲོན་མ། འོད་མཐའ་ཡས་པ། འོད་བྱེད་པ། ཀུན་ཏུ་སྣང་བ། དག་པ་དམ་པ། འོད་དྲི་མ་མེད་པ། དགའ་བ་བྱེད་པ། གློག་གི་སྒྲོན་མ། ཟད་མི་ཤེས་པ། མི་ཕམ་པ། གཟི་བརྗིད་ཡོད་པ། ཟད་པ་དང་བྲལ་བ། མི་གཡོ་བ། འཇིག་པ་མེད་པ། ཉི་མའི་སྒྲོན་མ། ཟླ་བ་དྲི་མ་མེད་པ། ཤེས་རབ་སྒྲོན་མ། སྣང་བ་གསལ་བ། སྣང་བ་བྱེད་དང༌། བྱ་བ་བྱེད་པ། ཡེ་ཤེས་དཔལ། རྡོ་རྗེ་ལྟ་བུ། སེམས་གནས་པ། ཀུན་ཏུ་སྣང་བ། རབ་ཏུ་གནས་པ། རིན་ཆེན་མཐའ། ཆོས་དམ་པའི་ཕྱག་རྒྱ། ཆོས་ཐམས་ཅད་མཉམ་པ་ཉིད། དགའ་བ་སྤོང་བ། ཆོས་ཀྱི་འཕགས་པ། རྣམ་པར་འཐོར་བ། ཆོས་ཐམས་ཅད་ཚིག་རབ་ཏུ་འབྱེད་པ། ཡི་གེ་མཉམ་པར་འགོད་པ། ཡི་གེ་དང་བྲལ་བ། དམིགས་པ་གཅོད་པ། འགྱུར་བ་མེད་པ། རྣམ་པ་མེད་པ། མིང་ངེས་པར་འཇུག་པ། གནས་མེད་པར་སྤྱོད་པ། རབ་རིབ་མེད་པ། སྤྱོད་པ་དང་ལྡན་པ། གཡོ་བ་མེད་པ། ཡུལ་ལས་རྒལ་བ། ཡོན་ཏན་ཐམས་ཅད་ཀྱི་ཚོགས་སུ་གྱུར་པ། སེམས་མེད་པར་གནས་པ། དགེ་བའི་མེ་ཏོག་རྒྱས་ཤིང་གསལ་བ། བྱང་ཆུབ་ཀྱི་ཡན་ལག་ཡོད་པ། སྤོབས་པ་མཐའ་ཡས་པ། མཉམ་པ་དང་མཉམ་པ། ཆོས་ཐམས་ཅད་ལས་འདའ་བ། ཡོངས་སུ་གཅོད་པ། ནེམ་ནུར་རྣམ་པར་སེལ་བ། གནས་སུ་བྱ་བ་མེད་པ། གཅིག་ཏུ་རྣམ་པར་བཀོད་པ། རྣམ་པར་མངོན་པར་བསྒྲུབ་པ། རྣམ་པ་གཅིག་ཏུ་གྱུར་པ། རྣམ་པར་འདོར་བ་མེད་པ། རྟོགས་པས་སྲིད་པ་གཞི་ཐམས་ཅད་ཁོང་དུ་ཆུད་པ། བརྡ་དང་སྒྲ་ལ་འཇུག་པ། སྒྲ་དབྱངས་ཀྱི་ཡི་གེ་དང་བྲལ་བ། སྒྲོན་མ་འབར་བ། མཚན་ཉིད་ཡོངས་སུ་སྦྱོར་བ། མངོན་པར་དམིགས་པ་མེད་པ། རྣམ་པའི་མཆོག་ཐམས་ཅད་དང་ལྡན་པ། བདེ་བ་དང་སྡུག་བསྔལ་ཐམས་ཅད་ལས་མངོན་པར་དགའ་བ་མེད་པ། ཟད་མི་ཤེས་པའི་ཟ་མ་ཏོག །གཟུངས་ཀྱི་བློ་གྲོས། ཡང་དག་པར་ལོག་པ་ཐམས་ཅད་ཡང་དག་པར་སེལ་བ། འགལ་བ་དང༌། འགོག་པ་ཐམས་ཅད་ཡང་དག་པར་ཞི་བར་བྱེད་པ། མཐུན་པ་དང༌། འགལ་བ་མེད་པ། འོད་དྲི་མ་མེད་པ། སྙིང་པོ་དང་ལྡན་པ། ཟླ་བ་དྲི་མ་མེད་པར་རྒྱས་པའི་འོད། གློག་གི་འོད། རྒྱན་ཆེན་པོ། རྣམ་པ་ཐམས་ཅད་དུ་འོད་བྱེད་པ། ཏིང་ངེ་འཛིན་མཉམ་པ་ཉིད། རྡུལ་མེད་ཅིང་རྡུལ་དང་བྲལ་བའི་ཚུལ་དང་ལྡན་པ། ཉོན་མོངས་པ་མེད་པར་ཡང་དག་པར་གཞོལ་བ། ཉོན་མོངས་པ་དང་བཅས་པ་ཐམས་ཅད་ཉོན་མོངས་པ་མེད་པར་ཡང་དག་པར་གཞོལ་བ། གནས་དམིགས་སུ་མེད་པ་ལ། བརྩོན་པ། དེ་བཞིན་ཉིད་ལ་གནས་ཤིང་སེམས་མེད་པ། ལུས་ཀྱི་སྐྱོན་ཡང་དག་པར་སེལ་བ། ངག་གི་སྐྱོན་རྣམ་པར་འཇིག་པས་ནམ་མཁའ་ལྟར་གྱུར་པ་ཞེས་བྱ་བའི་ཏིང་ངེ་འཛིན་དང༌། ནམ་མཁའ་ལྟར་ཆགས་པ་མེད་པས་རྣམ་པར་གྲོལ་ཞིང་གོས་པ་མེད་པ་ཞེས་བྱ་བའི་ཏིང་ངེ་འཛིན་ཏོ། །སྔར་ཆོས་མཆོག་གི་སྐབས་སུ་ཏིང་ངེ་འཛིན་ཆོས་ཐམས་ཅད་སྐྱེ་བ་མེད་པ་ཞེས་བྱ་བའི་རྒྱ་ཆེ་བ། མཆོག་ཏུ་བྱ་བ་དང༌། ཚད་མེད་པར་ངས་ཉན་རང་ཐམས་ཅད་ཀྱིས་མི་འཕྲོགས་པ་ཞེས་པ་གཅིག་ཀུན་གྱི་མགོར་བྱུང་བས་བརྒྱ་ཉི་ཤུ་ཚང༌། འདིར་ཡང་དེ་བསྣན་ན་སྔ་ཕྱི་གཉིས་ཀ་གྲངས་མཚུངས་པར་འགྱུར་རོ། །ཕྲེང་བདུན་ན། ཆོས་ཐམས་ཅད་ལས་ཤིན་ཏུ་འཕགས་པ་ཞེས་བྱ་བའི་ཏིང་ངེ་འཛིན་ཏོ། །འདིར་དེ་ལ་ཆོས་ཐམས་ཅད་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་གང་ཞེ་ན། ཏིང་ངེ་འཛིན་ལ་གནས་ཤིང༌། ཆོས་ཐམས་ཅད་མི་འགྱུར་བའི་ཕྱག་རྒྱས་བཏབ་པ་སྟེ། འདི་ནི་ཆོས་ཐམས་ཅད་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་ཏོ། །ཞེས་པ་བསྡུས་དོན་འགྲེལ་པ་ལ་ལར་མ་བྱུང༌། ལ་ལར་བྱུང༌། འདིར་ཆོས་ཐམས་ཅད་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་གྱིས་རྒྱས་བཤད་མ་ཚང་ཞིང༌། འབུམ་དང༌། ཁྲི་བརྒྱད་སྟོང་པར་མ་ཚང་ལ། འགྲེལ་པ་རྣམས་སུ་ཡང་མ་བྱུང་བས་མཁས་པ་རྣམས་ཀྱི་དཔྱད་པར་རིགས་སོ། །དེ་ནས་ཤོག་གུ་བདུན་དང་ཕྲེང་བཅུ་གཅིག་ན། ལེའུ་བརྒྱད་དོ།། །།
ལམ་དང་། རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདི་ལྟ་སྟེ། ལམ་བདུན་དུ་གཏོགས་ཤིང་ལམ་ཤེར་ཕྱིན་དུ་གཏོགས་པ་གཞན་འབྱུང་ཡེ་ཤེས་དང༌། ཡང་དག་ཡེ་ཤེས་དང༌། ཕྱིན་ཅི་མ་ལོག་པའི་ཡོངས་གྲུབ་ཏུ་གཏོགས་པའི་དྲན་པ་ཉེ་བར་གཞག་པ་བཞི་སྟེ། ཤོག་གུ་ཕྱེད་དང་གསུམ་ན། གླང་རྒྱས་དང༌། རྔུ་མ་སྟེ། མིག་རྣག་དང༌། རྣ་སྦབས་དག་ཀྱང་ཡོད་དོ། །ཕྲེང་དྲུག་ན། རྒྱུ་མ་སྟེ། མིག་རྣག་དང༌། རྣ་སྦབས་དག་ཀྱང་ཡོད་དོ། །ཤོག་གུ་ཕྱེད་དང་ལྔ་ན། སྨོན་པ་མེད་པའི་ཏིང་ངེ་འཛིན་ཏོ། །ཞེས་བྱ་བ་ནི། དེ་ལ་བྱིས་པའི་སྤྱོད་ཡུལ་ཀུན་བཏགས་པའི་མཚན་ཉིད་གང་ཡིན་པའི་མཚན་ཉིད་དེ་དང་བྲལ་བ་ཡོངས་སུ་གྲུབ་པའི་མཚན་ཉིད་བརྗོད་དུ་མེད་ཅིང་སྟོང་པའི་རྣམ་པར་ཡང་དག་པར་རྗེས་སུ་མཐོང་བའི་སེམས་རྩེ་གཅིག་ཏུ་གྱུར་པ་གང་ཡིན་པ་དེ་ནི་སྟོང་པ་ཉིད་ཀྱི་ཏིང་ངེ་འཛིན་ཏོ། །ཡོངས་སུ་གྲུབ་པའི་དངོས་པོ་གང་ཡིན་པ་དེ་ཡོངས་སུ་རྟོག་པ་དང༌། རྣམ་པར་རྟོག་པའི་སྤྲོས་པ་ཐམས་ཅད་ཀྱི་མཚན་མའི་རྣམ་པ་དང་བྲལ་བ་ནམ་མཁའ་བཞིན་དུ་མཚན་མ་མེད་པའི་རྣམ་པར་ཞི་བ་ཉིད་དུ་ཡིད་ལ་བྱེད་པའི་སེམས་རྩེ་གཅིག་ཏུ་གྱུར་པ་གང་ཡིན་པ་དེ་ནི་མཚན་མ་མེད་པའི་ཏིང་ངེ་འཛིན་ཏོ། །ཡང་གཞན་གྱི་དབང་གིས་ཡོངས་སུ་གྲུབ་པའི་དངོས་པོ་དེ་ཉིད་གཟུངས་ནས། དེ་ལྟར་ཤིན་ཏུ་ཡོངས་སུ་དག་པའི་དངོས་པོ་ཡོངས་སུ་རྟོག་པའི་སྤྲོས་པ་ལས་བྱུང་བའི་ཉོན་མོངས་པ་རྣམས་ཀྱིས་ཉེ་བར་ཉོན་མོངས་པ་ནི་སྨད་པ་ཡིན་ནོ། །སྙམ་ནས་དེ་ལ་མཐུན་པར་འདུ་ཤེས་ཏེ། ཕྱིན་ཆད་ཁམས་གསུམ་པ་ལ་མི་སྨོན་ཅིང་གནས་པར་མི་བྱའོ། །སྙམ་དུ་བསམས་ནས་དེ་ལྟར་ཡིད་ལ་བྱེད་པའི་སེམས་རྩེ་གཅིག་ཏུ་གྱུར་པ་གང་ཡིན་པ་དེ་ནི་སྨོན་པ་མེད་པའི་ཏིང་ངེ་འཛིན་ཏོ། །དེ་ལ་ཀུན་བཏགས་པ་རྣམས་མཚན་ཉིད་མེད་པར་མཐོང་བ་ནི་སྟོང་པ་ཉིད་ཀྱི་ཏིང་ངེ་འཛིན་ཏོ། །ཡོངས་སུ་གྲུབ་པ་ལ་ཞི་བའི་མཚན་ཉིད་དུ་མཐོང་བ་ནི་མཚན་མ་མེད་པའི་ཏིང་ངེ་འཛིན་ཏོ། །གཞན་གྱི་དབང་ལ་མི་མཐུན་པར་མཐོང་བ་ནི་སྨོན་པ་མེད་པའི་ཏིང་ངེ་འཛིན་ཏོ། །ཞེས་དབུ་མ་པ་སློབ་དཔོན་ཆེན་པོ་དབྱིག་གཉེན་གསུངས། དེ་ལ་སྟོང་པ་ཉིད་ཀྱི་ཏིང་ངེ་འཛིན་གང་ཞེ་ན། ཤོག་གུ་དྲུག་དང་ཕྲེང་བཞི་ན། གཟུངས་དང་། རབ་འབྱོར། གཞན་ཡང༌། ཤོག་གུ་གཉིས་རུང་ཙམ་ན། ལེའུ་དགུ་པའོ།། །།
ས་བཅུ་དང༌། གཉེན་པོ་ཚོགས་ཀྱི་སྒྲུབ་པ་ཡི། །རིམ་པ་ཡིན་པར་ཤེས་པར་བྱ། །རབ་འབྱོར། གང་ཡང་ཁྱོད་འདི་སྐད་དུ། ཕྲེང་བཞི་ན། རྗེས་སུ་མི་མཐོང་ངོ༌། །ཡོངས་སུ་སྦྱོང་བ་རྣམ་བཅུ་ཡིས། །ས་ནི་དང་པོ་འཐོབ་འགྱུར་ཏེ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི། ཤོག་གུ་གསུམ་ན། བསམ་དང་། དེ་སྐད་ཅེས་བཀའ་སྩལ་པ་དང༌། ཕྲེང་གསུམ། འགྲོ་ལ་ཁད་ན་ཡོངས་སུ་སྦྱང་བའོ། །ཕན་པའི་དངོས་ཉིད་དང༌། །སེམས་ཅན་རྣམས་ལ་སེམས་མཉམ་ཉིད། །འདིར་ཕན་པར་བྱ་བའི་དངོས་པོ་སྦྱང་བ། ཆད་ཀྱང་མདོར་བསྟན་དུ་བྱུང་བ་དྲན་པར་བྱའོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི། ཕྲེང་གཉིས་ན། གཏོང་དང་། དེ་ལ་བྱང་ཆུབ། བཤེས་གཉེན་བསྟེན་པ་དང༌། །དེ་ལ་བྱང་ཆུབ། ཕྲེང་གསུམ་ན། དམ་ཆོས་དམིགས་པ་ཚོལ་བ་དང༌། །དེ་ལ་བྱང་ཆུབ་སེམས་དཔའ། ཕྲེང་གཅིག་ན། རྟག་ཏུ་ངེས་འབྱུང་སེམས་ཉིད་དང༌། །དེ་ལ་བྱང་ཆུབ། ཕྲེང་ཕྱེད་དང་གཉིས་ན། སངས་རྒྱས་སྐུ་འདོད་དགའ་བ་དང༌། །དེ་ལ་བྱང་ཆུབ་སེམས་དཔའ། ཕྲེང་གཉིས་ན། ཆོས་སྟོན་པ་དང་། དེ་ལ་བྱང་ཆུབ། ཕྲེང་དྲུག་ན། བམ་པོ་བཅོ་བརྒྱད་པ།
བདེན་པ་ཡི། །ཚིག་ནི་བཅུ་པ་ཡིན་པར་འདོད། །འདི་དག་རང་བཞིན་མི་དམིགས་པས། །ཡོངས་སུ་སྦྱོང་བར་ཤེས་པར་བྱ། །དེ་ལ་ཕྲེང་གཉིས་ན། ཚུལ་ཁྲིམས། རབ་འབྱོར། དེ་ལ། ཕྲེང་གཉིས་ན། བྱས་པ་གཟོ་དང་། དེ་ལ་བྱང་ཆུབ། ཕྲེང་གཉིས་ན། བཟོད། །དེ་ལ་བྱང་ཆུབ། ཕྲེང་གཉིས་ན། རབ་ཏུ་དགའ་དང་། དེ་ལ་བྱང་ཆུབ། ཕྲེང་གཉིས་དང་ཕྱེད་ན། སྙིང་བརྩེ་ཆེ། །དེ་ལ་བྱང་ཆུབ། ཕྲེང་བཞི་སོང་ལ་ཁད་ན། བཀུར་སྟི་བླ་མ་ལ་གུས་ཉན། །དེ་ལ། ཕྲེང་གཅིག་ལྷག་པ་ན། བརྒྱད་པ་སྦྱིན་ལ་སོགས་ལ་བརྩོན། །དེ་ལ་བྱང་ཆུབ། ཕྲེང་གཉིས་ན། ཐོས་པས་མི་ངོམས་ཉིད་དང་ནི། །དེ་ལ་བྱང་ཆུབ། ཕྲེང་གཉིས་ན། ཟང་ཟིང་མེད་པར་ཆོས་སྦྱིན་དང༌། །དེ་ལ་བྱང་ཆུབ། ཕྲེང་གཉིས་ན། སངས་རྒྱས་ཀྱི་ཞིང་ཀུན་སྦྱོང་བ་དང༌། །དེ་ལ་བྱང་ཆུབ། ཕྲེང་གཉིས་ལྷག་ན། འཁོར་བས་ཡོངས་སུ་མི་སྐྱོ་དང༌། །དེ་ལ་བྱང་ཆུབ། ཕྲེང་གཉིས་ལྷག་ན། ངོ་ཚ་ཁྲེལ་ཡོད་ཅེས་བྱ་བ། །རློམ་སེམས་བདག་ཉིད་དེ་རྣམ་ལྔ། །དེ་ལ་བྱང་ཆུབ། ཕྲེང་གཅིག །ནགས་གནས། དེ་ལ་བྱང་ཆུབ། ཕྲེང་གཅིག་ན། འདོད་ཆུང་། དེ་ལ་བྱང་ཆུབ། ཕྲེང་གཅིག་ན། ཆོག་ཤེས་དང༌། །དེ་ལ་བྱང་ཆུབ། སྦྱངས་པ་ཡང་དག་སྡོམ་བརྟེན་དང༌། །དེ་ལ་བྱང་ཆུབ། བསླབ་པ་ཡོངས་སུ་མི་གཏོང་དང༌། །དེ་ལ་བྱང་ཆུབ། བསླབ་པ་ཐམས་ཅད་རྒྱུ་བ་མེད་པ་སྟེ། ཞེས་པ་ནི། རྣམ་པར་མི་རྟོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པར་བྱའོ། །ཞེས་དབུ་མ་པ་ཆེན་པོ་གསུངས། དེ་ནི་བྱང་ཆུབ། འདོད་པ་རྣམས་ལ་སྨོད་པ་དང༌། །དེ་ལ་བྱང་ཆུབ། མྱ་ངན་འདས་དང་། དེ་ལ་བྱང་ཆུབ། འདུ་མི་བྱེད་པ་སྟེ། ཞེས་པ་ནི། གང་ཆོས་ཐམས་ཅད་ལ་གཡོ་བ་ཡོངས་སུ་བཏང་བའོ། །ཞེས་དབུ་མ་པ་གསུངས། འདི་ནི་བྱང་ཆུབ། བདོག་ཀུན་གཏོང༌། །དེ་ལ་བྱང་ཆུབ། མི་ཞུམ་པ་དང་། དེ་ལ་བྱང་ཆུབ། དེའི་སེམས་མི་གནས་པ་སྟེ། ཞེས་པ་ནི། ཀུན་ཏུ་འདྲི་བར་མི་འགྱུར་ཞིང༌། བག་ལ་ཉལ་དུ་མི་འགྱུར་ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་གསུངས། འདི་ནི་བྱང་ཆུབ། ལྟ་བ་མེད། །དེ་ལ་བྱང་ཆུབ། འདྲིས་དང་། དེ་ལ་བྱང་ཆུབ། ཕྲེང་བཞི་ན། ཁྱིམ་ལ་འཁྲེན་པ་དང༌། །དེ་ལ་བྱང་ཆུབ། ཕྲེང་གཉིས་ལྷག་ན། འདུ་འཛིར་གྱུར་པའི་གནས་དང་ནི། །དེ་ལ་ཇི་ལྟར་ན། ཕྲེང་གསུམ་ལྷག་ན། བདག་བསྟོད། དེ་ལ་བྱང་ཆུབ། གཞན་ལ་བརྙས་པ་དང༌། །དེ་ལ་བྱང་ཆུབ། མི་དགེའི་ལས་ཀྱི་ལམ་བཅུ་དང༌། །དེ་ལ་ཇི་ལྟར་ན། ཕྲེང་གཉིས་ན། རློམ་པས་ཁེངས་དང་། དེ་ལ་ཇི་ལྟར་ན། ཕྲེང་ཕྱེད་དང་བཞི་ན། ཕྱིན་ཅི་ལོག །དེ་ལ་ཇི་ལྟར་ན། བྱང་ཆུབ། བློ་ངན་དང་ནི་ཉོན་མོངས་བཟོད། །བཅུ་པོ་འདི་ནི་རྣམ་སྤངས་ན། །ས་ལྔ་པ་ནི་ཡང་དག་འཐོབ། །དེ་ལ་ཇི་ལྟར་ན། བྱང་ཆུབ། སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་རབ་རྫོགས་པས། །དེ་ལ་དྲུག་ལ་ཆོས་དྲུག །ཕྲེང་བཞི་ན། སློབ་མ་དང་ནི། དེ་ལ་ཇི་ལྟར་ན། བསེ་རུ་ལ། །དགའ་དང་སྐྲག་པའི་སེམས་སྤངས་པ། །འདི་ལྟར་དེ་ནི་བྱང་ཆུབ་ཀྱི་ལམ་མ་ཡིན་པས། བསླངས་ན་མི་ཞུམ། འདི་ལྟར་དེ་ནི། བདོག་པ་ཀུན། །བཏང་ཡང་མི་དགའ་མེད་པ་དང༌། །འདི་ལྟར་དེ་ནི་བྱང་ཆུབ་ཀྱིས། དབུལ་ཡང་སློང་བ་མི་སྤོང་བས། །ས་ནི་དྲུག་པ་ཡང་དག་འཐོབ། །འདི་ལྟར་དེ་ནི་བྱང་ཆུབ་ཀྱི་ལམ་མ་ཡིན་པས། ཐོག་མར་སེམས་བསྐྱེད་ནས། བདག་དང་། དེ་ལ་ཇི་ལྟར་བྱང་ཆུབ། སེམས་ཅན་འཛིན་པ་དང༌། །སྲོག་དང་གང་ཟག་དང༌། དེ་ལ་ཇི་ལྟར་ན། སེམས་ཅན་དང༌། ཆད་པ། དེ་ལ་ཇི་ལྟར་ན། རྟག་དང༌། །དེ་ལ་ཇི་ལྟར་ན། མཚན་མ། དེ་ལ་ཇི་ལྟར་ན། རྒྱུ་དང་། དེ་ལ་ཇི་ལྟར་ན། ཕྲེང་གསུམ་ན། ཕུང་པོ་དང༌། །ཁམས་དང་སྐྱེ་མཆེད་དག་དང་ནི། །དེ་ལ་ཇི་ལྟར་ན། ཕྲེང་ཕྱེད་དང་གསུམ་ན། ཁམས་གསུམ་པོ་ལ་གནས་དང་ཆགས། །སེམས་ནི་ཀུན་ཏུ་ཞུམ་པ་དང༌། །དེ་ལ་ཇི་ལྟར་ན། ཕྲེང་གཉིས་ལྷག་ན། དཀོན་མཆོག་གསུམ་དང་། དེ་ལ་ཇི་ལྟར་ན། མི་འགྱུར་བའི་ཕྱིར་ཏེ། ཞེས་པ་ནི་སངས་རྒྱས་མཐོང་ངོ༌། །སྙམ་ནས་སངས་རྒྱས་སུ་དམིགས་པའི་ལྟ་བས་སངས་རྒྱས་སུ་ལྟ་བ་ལ་གནས་པའི་ཕྱིར། སངས་རྒྱས་མཐོང་བ་མེད་དེ། མི་དམིགས་པའི་ཡེ་ཤེས་ཉིད་ཀྱིས་སངས་རྒྱས་མཐོང་ངོ༌། །ཞེས་བྱ་བའི་ཐ་ཚིག་གོ །ཆོས་དང༌། དགེ་འདུན་ལ་ཡང་དེ་བཞིན་ནོ། །ཞེས་དབུ་མ་པ་ཆེན་པོ་གསུངས། དེ་ལྟར་བྱང་ཆུབ། ཕྲེང་བཞི་ན། ཆགས་པར་མི་བྱའོ། །ཚུལ་ཁྲིམས་ལ། །དེ་ལྟ་བ་ཡི་མངོན་ཞེན་དང༌། །དེ་ལ་ཇི་ལྟར་ན་བྱང་ཆུབ། ཕྲེང་གཉིས་ན། ཆགས་པར་མི་བྱའོ། །སྟོང་པ་ཉིད་ལ་རྩོད་པ་དང༌། །དེ་ལ་ཇི་ལྟར་ན། ཕྲེང་གཉིས་ན། ཞུམ་པར་མི་བྱའོ། །ཞེས་པ་ནི། འདི་ལྟར་གཟུགས་ལ་སོགས་པའི་ཆོས་རྣམས། གཟུགས་ལ་སོགས་པའི་ཀུན་བཏགས་པའི་མཚན་ཉིད་དུ་ནི་ཡོད་པ་མ་ཡིན་གྱི། བརྗོད་དུ་མེད་པའི་མཚན་ཉིད་དོན་དམ་པ་སྟོང་པ་ཉིད་ཀྱི་ངོ་བོ་ཉིད་དུ་ནི་ཡོད་པ་མ་ཡིན་ཏེ། དེའི་ཕྱིར་སྟོང་པ་ཉིད་ལ་ཐམས་ཅད་ཆགས་པར་ལྟ་བའི་རྒྱུ་ལས་བྱུང་བའི་འཇིགས་པར་བྱའོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་དབྱིག་གཉེན་གསུངས། དེ་དང་འགལ་བའི་ཉེས་པ་ནི། །ཉི་ཤུ་གང་ལ་རྣམ་ཆད་པ། །དེ་ཡིས་ས་ནི་བདུན་པ་འཐོབ། །དེ་ལ་ཇི་ལྟར་ན། ཕྲེང་ཕྱེད་དང་གཉིས་ན། རྣམ་ཐར་སྒོ་གསུམ་ཤེས་པ་དང༌། །དེ་ལ་ཇི་ལྟར་ན། ཕྲེང་གསུམ་ལྷག་ན། འཁོར་གསུམ་རྣམ་པར་དག་ཉིད་དང༌། །དེ་ལ་ཇི་ལྟར་ན། ཕྲེང་གཅིག་ན། འཁོར་གསུམ་ཡོངས་སུ་དག་པའོ། །ཞེས་བྱ་བ་ནི། ལུས་དང༌། ངག་དང༌། ཡིད་ཀྱི་འཁོར་གསུམ་ཡོངས་སུ་དག་པའོ། །ཞེས་དབུ་མ་པ་ཆེན་པོ་གསུངས། སྙིང་རྗེ་དང་ནི། དེ་ལ་ཇི་ལྟར་ན། རློམ་མེད་དང༌། །དེ་ལ་ཇི་ལྟར་ན། བརྙས་པར་མི་བྱ་ཞེ་ན། སྐབས་འདིའི་ཁྲི་བརྒྱད་སྟོང་པར། སེམས་ཅན་གྱི་ཞིང་ཡོངས་སུ་དག་པའི་ཕྱིར། ཞེས་པའི་འགྲེལ་པར། སེམས་ཅན་ཐམས་ཅད་དེ་བཞིན་གཤེགས་པའི་སྙིང་པོ་ཉིད་ཡིན་པས་སེམས་ཅན་གྱི་ཞིང་ཡོངས་སུ་དག་པའོ། །ཞེས་དབུ་མ་པ་ཆེན་པོ་གསུངས། བྱམས་པ་ཡོངས་སུ་རྫོགས་པའི་ཕྱིར་ཏེ། བརྙེས་པར་མི་བྱའོ། །ཆོས་མཉམ་ཉིད་དང་། དེ་ལ་བྱང་ཆུབ་མཉམ་པ་ཉིད་དང་ལྟ་བས་སོ། །ཞེས་པ་ལ་ཡོད་པ་ལ་སྐུར་བ་མི་འདེབས་པ་ནི་དབྲི་བ་མེད་པའོ། །མེད་པ་སྒྲོ་མི་འདོག་པ་ནི་སྨོན་པ་མེད་པ་སྟེ། ཡང་དག་པར་ཡོད་པ་ལ་སྐུར་བ་འདེབས་པ་དང༌། མེད་པ་ལ་སྒྲོ་མི་འདོགས་པས་མཉམ་པ་ཉིད་དུ་མཐོང་ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། ཚུལ་གཅིག་ཤེས། །དེ་ལ་བྱང་ཆུབ་ཡང་དག་པའི་ཆོས་ཐམས་ཅད་ཚུལ་གཅིག་ཏུ་ཡེ་ཤེས་ཀྱིས་རྟོགས་ཀྱང༌། རྣམ་ཤེས་ཀྱི་རྟོག་པ་མེད་པ་དེ་ནི། བཟོད་ཤེས་དང༌། །དེ་ལ་བྱང་ཆུབ་སེམས་དཔའ། མི་སྐྱེ་བ་དང་། དེ་ལ་བྱང་ཆུབ། ཆོས་རྣམས་རྣམ་པ་གཅིག་ཏུ་སྟོན། །དེ་ལ་བྱང་ཆུབ། ཚུལ་གཅིག་ཏུ་སྟོན་པའོ། །ཞེས་པ་ནི། དཔེར་ན། ནམ་མཁའ་གཅིག་པུའི་ངོ་བོ་ཡིན་པས་ངོ་བོ་ཉིད་ལ་ཐ་དད་དུ་དབྱེ་བ་མེད་པ་དེ་བཞིན་དུ། དེ་བཞིན་ཉིད་ཀྱང་རྣམ་པ་གཅིག་པའི་ཕྱིར། ཡོད་པ་དང༌། མེད་པ་དང༌། ཆོས་དང༌། ཆོས་མ་ཡིན་པ་དང༌། རྟག་པ་དང༌། མི་རྟག་པ་ལ་སོགས་པའི་ཆོས་གཉིས་ལ་ཀུན་ཏུ་སྤྱོད་པ་མེད་པས་ཚུལ་གཅིག་ཏུ་བསྟན་ཏོ། །ཞེས་དབུ་མ་པ་ཆེན་པོ་གསུངས། རྟོགས་པ་ཀུན་ཏུ་འཇོམས་པ་དང༌། །དེ་ལ་བྱང་ཆུབ། འདུ་ཤེས་ལྟ་དང་། དེ་ལ་བྱང་ཆུབ། ཉོན་མོངས་སྤོང༌། །དེ་ལ་བྱང་ཆུབ། ཞི་གནས་ངེས་པར་སེམས་པ་དང༌། །ལྷག་མཐོང་ལ་ནི་མཁས་པ་དང༌། །དེ་ལ་བྱང་ཆུབ། སེམས་འདུལ་བ་དང་། དེ་ལ་བྱང་ཆུབ། ཐམས་ཅད་ལ། །ཐོགས་པ་མེད་པའི་ཡེ་ཤེས་དང༌། །དེ་ལ་བྱང་ཆུབ། ཆགས་པའི་ས་མིན་གར་འདོད་པར། །ཞིང་གཞན་དུ་ནི་མཉམ་འགྲོ་དང༌། །ཀུན་ཏུ་བདག་གི་ངོ་བོ་ནི། །སྟོན་པ་ཉིད་དང་ཉི་ཤུའོ། །དེ་ལ་བྱང་ཆུབ། སེམས་ཅན་ཀུན་ཡིད་ཤེས་པ་དང༌། །དེ་ལ་བྱང་ཆུབ། མངོན་པར་ཤེས་པས་བརྩེ་བ་དང༌། །དེ་ལ་བྱང་ཆུབ། སངས་རྒྱས་ཞིང་བཟང་སྒྲུབ་པ་དང༌། །དེ་ལ་སངས་རྒྱས་ཀྱི་ཞིང་གི། ཕྲེང་གསུམ་ན། སངས་རྒྱས་བསྟེན། །དེ་ལ་བྱང་ཆུབ། ཆོས་ལ་བསྙེན་བཀུར་བ་སྟེ། ཞེས་པ་ནི། སུས་ཆོས་མཐོང་བ་དེས་སངས་རྒྱས་མཐོང་ངོ༌། །ཞེས་གསུངས་པའི་ཕྱིར་རོ། །ཞེས་དབུ་མ་པ་གསུངས། དེ་ནི་བྱང་ཆུབ་སེམས་དཔའ། ཡོངས་སུ་བརྟག་ཕྱིར། དེ་ལ་བྱང་ཆུབ། དབང་པོ་ཤེས་དང་། དེ་ལ་བྱང་ཆུབ། རྒྱལ་བ་ཡི། །ཞིང་སྦྱོང་། དེ་ལ་བྱང་ཆུབ། སྒྱུ་མ་ལྟར་གནས་དང༌། །དེ་ལ་བྱང་ཆུབ། ཕྲེང་གཉིས་དང་ཕྱེད་ན། རྣམ་པར་སྨིན་པ་ལ་སྐྱེས་པ་ས་བརྒྱད་པ་ལྷུན་གྱིས་གྲུབ་པའི་ཏིང་ངེ་འཛིན་ཏོ། །དེ་ནི་བྱང་ཆུབ་སེམས་དཔའ། བསམ་བཞིན་སྐྱེ་བ་ལེན་པ་དང༌། །ལས་ནི་རྣམ་པ་འདི་བརྒྱད་བཤད། །དེ་ལ་བྱང་ཆུབ། ཕྲེང་བཞི་ན། སྨོན་ལམ་དག་ནི་མཐའ་ཡས་དང༌། །དེ་ལ་ཇི་ལྟར་ན། བྱང་ཆུབ་སེམས་དཔའ། ལྷ་ལ་སོགས་པའི་སྐད་ཤེས་དང༌། །དེ་ལ་ཇི་ལྟར་ན། བྱང་ཆུབ་སེམས་དཔའ། སྤོབས་པ་ཆུ་བོ་ལྟ་བུ་དང༌། །དེ་ལ་ཇི་ལྟར་ན། བྱང་ཆུབ་སེམས་དཔའ། ཤེས་པར་བྱ་བ་རྟོགས་པ་ཡིན་ཞེ་ན། དེ་ལ། མངལ་དུ་འཇུག་པ་མཆོག་དང་ནི། །དེ་ལ་བྱང་ཆུབ། ཐམས་ཅད་དུ་བསྡུ་ཞིང་སྐྱེ་བ་སྟེ། ཞེས་པ་ནི་ས་བརྒྱད་པ་ཡན་ཆད་ལ་མངལ་ན་གནས་པ་མེད་དེ། སེམས་ཅན་ཡོངས་སུ་སྨིན་པར་བྱ་བའི་དོན་དུ་ནི་དེ་ལྟ་བུ་ཡང་སྟོན་ཏོ། །ཞེས་དབུ་མ་པ་ཆེན་པོ་གསུངས། དེ་ནི་བྱང་ཆུབ། རིགས་དང་། དེ་ལ་བྱང་ཆུབ། ཆོ་འབྲང་དང༌། །དེ་ལ་བྱང་ཆུབ། རུས་དང་། དེ་ལ་བྱང་ཆུབ། འཁོར་དང་། དེ་ལ་བྱང་ཆུབ། སྐྱེ་བ་དག་དང་ནི། །དེ་ལ་བྱང་ཆུབ། ངེས་འབྱུང་། དེ་ལ་བྱང་ཆུབ། བྱང་ཆུབ་ཤིང་རྣམས་དང༌། །དེ་ལ་བྱང་ཆུབ། ཕྲེང་གསུམ་ན། ཡོན་ཏན་ཕུན་སུམ་ཚོགས་པ་ཡིན། །དེ་ལ་བྱང་ཆུབ། ས་དགུ་འདས་ནས་ཡེ་ཤེས་ནི། །གང་གིས་སངས་རྒྱས་སར་གནས་པ། །དེ་ནི་བྱང་ཆུབ་སེམས་དཔའི་ས། །བཅུ་པ་ཡིན་པར་ཤེས་པར་བྱ། །དེ་ལ་བྱང་ཆུབ། ཕྲེང་བརྒྱད་ན། དཀར་པོ་རྣམ་པར་མཐོང་བའི་ས། །ཞེས་པ་ནི་མོས་པ་སྤྱོད་པའི་ས་སྟེ། དེ་ལས་ཡང་དག་པར་འདའ། རིགས་ཀྱི་ས་ཞེས་བྱ་བ་ནི། བཟོད་པ་ཆེན་པོའི་ས་དང༌། བརྒྱད་པའི་ས་ནི་རྒྱུན་དུ་ཞུགས་པའི་འབྲས་བུ་ལ་འཇུག་པའི་ས་སྟེ། དེ་ནི་དགྲ་བཅོམ་པའི་འབྲས་བུ་ལ་གནས་པ་ནས་བཟུང་སྟེ། བགྲང་ནས་བརྒྱད་པར་གྱུར་པ་དང༌། མཐོང་བའི་ས་ནི་རྒྱུན་དུ་ཞུགས་པའི་འབྲས་བུ་ལ་གནས་པའི་ས་དང༌། བསྲབས་པའི་ས་ནི། ལན་ཅིག་ཕྱིར་འོང་གི་ས་དང༌། འདོད་པ་ལ་འདོད་ཆགས་དང་བྲལ་བའི་ས་ནི། ཕྱིར་མི་འོང་དང༌། བྱས་པ་རྟོགས་པའི་ས་ནི་དགྲ་བཅོམ་པ་ཉིད། འདི་རྣམས་དབུ་མ་པས་གསུངས་བཞིན་བཀོད། ཐེག་པ་ཆེན་པོ་ལ་ཡང་དག་པར་བཞུགས་པར་རིག་པར་བྱའོ། །མཐོང་དང་གོམས་པའི་ལམ་དག་ལ། །བཟུང་དང་འཛིན་པའི་རྣམ་རྟོག་རྣམས། །ཉེ་བར་ཞི་བར་བྱ་བའི་ཕྱིར། །གཉེན་པོ་རྣམ་པར་བརྒྱད་ཅེས་བྱ། །མཐོང་བའི་ལམ་གྱི་གཟུང་བའི་རྟོགས་པ་དང་པོའི། རབ་འབྱོར། ཁྱོད་ཀྱི་གང་ཡང་འདི་སྐད་དུ། ཕྲེང་ཕྱེད་དང་གཉིས་ན། ལྡན་པ་ཡང་མ་ཡིན། ཞེས་པ་ལ་གཅིག་ཆེན་པོ་པ་མེད་པའི་ཕྱིར་ལྡན་པ་ཡང་མ་ཡིན་ནོ། །མི་ལྡན་པ་ཡང་མ་ཡིན། ཐ་དད་པ་མེད་པའི་ཕྱིར། མི་ལྡན་པ་ཡང་མ་ཡིན། ཞེས་དབུ་མ་པ་ཆེན་པོ་གསུངས། འབྱུང་བའམ་བྱུང་བར་ནི་གྱུར་པ་མེད་དེ། ཞེས་པ་ནི། འདི་ལྟར་ཡོངས་སུ་གྲུབ་པའི་ཆོས་ནི་ཀུན་བཏགས་པའི་མཚན་ཉིད་ཐམས་ཅད་དང་བྲལ་ཞིང་རང་བཞིན་གྱི་ཡོངས་སུ་དག་པ་སྟེ། དེའི་ཕྱིར་དེ་ཡང་རང་བཞིན་གྱིས་ངེས་པར་འབྱུང་ཟིན་པས་དེ་ལ་གློ་བུར་གྱིས་ངེས་པར་འབྱུང་བ་མེད་དོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། རབ་འབྱོར། མཚན་ཉིད་མེད་པའི། ཕྲེང་གཅིག་ན། འབྱུང་བར་འདོད་དུ་ཟད་དོ། །ཞེས་བྱ་བ་ལ་སོགས་པས་གློ་བུར་གྱི་ངེས་པར་འབྱུང་བ་མེད་པ་དེ་ཉིད་རྒྱ་ཆེར་བསྟན་ཏོ། །དེ་བཞིན་ཉིད་ནི་རང་བཞིན་གྱིས་ཞེས་ཀྱང༌། མ་གོས་ཤིང་ནམ་མཁའ་ལྟ་བུ་ལ་ངེས་པར་འབྱུང་བ་མེད་དོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། ཕྲེང་གསུམ་ན། འབྱུང་བར་འདོད་པ་ནི་ཤེས་སྒྲིབ་ཀྱི་སྤྱོད་པ་ཐམས་ཅད་སྤོང་བའི་རྒྱུ་ཡིན་པས་རབ་ཏུ་འབྱུང་བའི་དབྱིངས་འབྱུང་བར་འདོད་དུ་ཟད་དོ། །སྲིད་པ་གསུམ་གྱི་འདོད་ཆགས་དང་བྲལ་བའི་དབྱིངས་སྡུག་བསྔལ་ཐམས་ཅད་འགག་པ་འགོག་པའི་དབྱིངས། ཤོག་གུ་གཉིས་དང་ཕྲེང་བཞི་ན། མཐོང་བའི་ལམ་གྱི་གཟུང་བའི་རྟོག་པ་གཉིས་པའི་གཉེན་པོ་ནི། རབ་འབྱོར། གང་མཚན་ཉིད་མེད་པའི་ཆོས་རྣམས། ཤོག་གུ་གཉིས་དང་ཕྲེང་བཞི་ན། སངས་རྒྱས་ཀྱི་ཆོས་མ་འདྲེས་པའི་ངོ་བོ་ཉིད་ཀྱིས་སྟོང་པའི་ཕྱིར། མཐོང་བའི་ལམ་གྱི་འཛིན་པའི་རྟོག་པ་དང་པོའི་གཉེན་པོ་ནི། རབ་འབྱོར། གང་མཚན་ཉིད་མེད་པའི་ཆོས་རྣམས། ཕྲེང་བཅུ་གཉིས་ན། མཐོང་ལམ་ལ་འཛིན་པའི་རྟོག་པ་གཉིས་པའི་གཉེན་པོ་ནི། རབ་འབྱོར། གང་མཚན་ཉིད་མེད་པའི་ཆོས་རྣམས་འབྱུང་བར་འདོད་པ་དེ་ནི། ཀུན་བཏགས་ཀྱི་མི་འབྱུང་བར་འདོད་དུ་ཟད་དོ། །ཀུན་བཏགས་ཀྱི་མཚན་མ་ཀུན་བཏགས་ཀྱི་བརྡ། ཀུན་བཏགས་ཀྱི་ཐ་སྙད་ཀུན་བཏགས་ཀྱི་གདགས་པ་འབྱུང་བར་འདོད་དུ་ཟད་དོ། །ཕྲེང་བཞི་ན། སྐྱེ་བ་མེད་པའི་ཡོངས་གྲུབ་འབྱུང་བར་འདོད་དུ་ཟད་དོ། །ཞེས་སོགས་ཀྱིས་ཚིག་ལྔས་ཡོངས་སུ་གྲུབ་པའི་བསྡུས་ཏེ། སྐྱེ་བ་མེད་པའི་ཕྱིར་མི་སྐྱེ་བའོ། །འགག་པ་མེད་པའི་ཕྱིར་མི་འགག་པའོ། །གོམས་པ་མེད་པའི་ཕྱིར། ཀུན་ནས་ཉོན་མོངས་པ་མེད་པའོ། །རང་བཞིན་གྱི་ཡོངས་སུ་དག་པའི་ཕྱིར། རྣམ་པར་བྱང་བ་མེད་པའོ། །རྣམ་པར་དག་པའི་རྒྱུར་མངོན་པར་འདུ་བྱེད་པ་མེད་པའི་ཕྱིར། མངོན་པར་འདུ་བྱ་བ་མེད་པའོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། འགག་པ་མེད་པའི་ཡོངས་གྲུབ་དང༌། ཀུན་ནས་ཉོན་མོངས་པ་མེད་པའི་ཡོངས་གྲུབ་དང༌། རྣམ་པར་བྱང་བ་མེད་པའི་ཡོངས་གྲུབ་དང༌། མངོན་པར་འདུ་བྱ་བ་མེད་པའི་ཡོངས་གྲུབ་འབྱུང་བར་འདོད་དུ་ཟད་དོ། །སྐྱེ་བ་མེད་པའི་ངོ་བོ་ཉིད་ཡོངས་གྲུབ་ནི་ཁམས་གསུམ་ནས་གདོད་ནས་རང་བཞིན་གྱི་འབྱུང་ཟིན་པའི་ཕྱིར་གསར་དུ་འབྱུང་བ་མེད་དོ། །རྣམ་པ་ཐམས་ཅད་མཁྱེན་པ་ཉིད་དུ་གདོད་ནས་ངོ་བོ་ཉིད་ཀྱི་གནས་པའི་ཕྱིར། དེ་བས་ལྷག་པར་གནས་པ་མེད་དོ། །མངོན་པར་འདུ་བྱ་བའི་ངོ་བོ་ཉིད་ཀྱིས་སྟོང་པའི་ཕྱིར། འདི་རྣམས་ཀྱི་དགོངས་པ་ནི་འདི་ཡིན་ཏེ། ཀུན་བཏགས་ཀྱི་ཆོས་ཐམས་ཅད་རང་སྟོང་ཡིན་པས། གཤིས་ལུགས་ལ་མ་གྲུབ་པའི་ཕྱིར། ཁམས་གསུམ་ནས་འབྱུང་བ་དང༌། རྣམ་མཁྱེན་དུ་གནས་པ་ཡང་གཤིས་ལུགས་ལ་གྲུབ་པ་མེད་པ་སྟོང་གཞི་ཡོངས་གྲུབ་ཀྱི་ཆོས་ཐམས་ཅད་ནི། གདོད་ནས་རང་བཞིན་གྱི་ཁམས་གསུམ་ནས་བྱུང་ཞིང༌། རྣམ་མཁྱེན་པའི་ཕྱིར། གསར་དུ་འབྱུང་བ་དང༌། གནས་པ་མེད་ཅེས་པའི་དོན་ཏོ། །གནས་དེ་ནི་བསྐྱོད་དུ་མེད་པའོ། །དེས་ན་རིགས་པ་གང་དུ་ཡང་མི་བསྐྱོད་ཅིང་གང་དུ་ཡང་མི་གནས་ལ་རྟོགས་པ་དང་སྤྲོས་པ་ཐམས་ཅད་ཉེ་བར་ཞི་བའི་ཤེར་ཕྱིན་ཟབ་མོ་ལ་མན་ངག་བཞིན་དུ་མཉམ་པར་བཞག་པར་བྱ་སྟེ། མི་རྟོག་ཡེ་ཤེས་ཀྱི་རྣལ་འབྱོར་ཉམས་སུ་མྱོང་བ་རྣམས་ཀྱིས་སྤྱོད་ཡུལ་ཡིན་གྱི། རྟོག་གེ་རྣམ་ཤེས་ཀྱི་ཡུལ་ནི་མ་ཡིན་ནོ། །བམ་པོ་བཅུ་དགུ་པ།
སྒོམས་པའི་ལམ་ལ་གཟུང་བའི་རྟོག་པ་དང་པོའི་གཉེན་པོ་ནི། རབ་འབྱོར། གཞན་ཡང་ཁྱོད་ཀྱིས། གང་དུ་ཡང་གནས་པར་འགྱུར་བ་མེད་དེ། ཞེས་པ་ནི་ཇི་ལྟར་ནམ་མཁའ་གང་ན་ཡང་མི་གནས་པ། དེ་བཞིན་དུ་ཐེག་པ་ཆེན་པོ་ཡང་མཐར་ཕྱིན་ཅིང༌། ཆོས་ཀྱི་སྐུའི་བདག་ཉིད་ཡིན་པས་གང་དུ་ཡང་གནས་པར་མི་འགྱུར་ཏེ། ཐེག་པ་ཆེན་པོ་འབའ་ཞིག་གནས་པར་མི་འགྱུར་བར་མ་ཟད་ཀྱི་ཀུན་བཏགས་པའི་ཆོས་ཐམས་ཅད་གང་ནས་ཡང་མི་གནས་སོ། །ཞེས་བྱ་བར་སྟོན་ཏོ། །ཞེས་དབུ་མ་པ་དབྱིག་གཉེན་ཆེན་པོ་གསུངས། དེ་ཅིའི་ཕྱིར་ཞེ་ན། འདི་ལྟར་ཡོངས་གྲུབ་ཀྱི་ཆོས་ཐམས་ཅད་ནི་གནས། ཀུན་བཏགས་ཀྱི་ཆོས་ཐམས་ཅད་ལ་ནི་གཤིས་ལ་མེད་ཅིང་མི་དམིགས་པའི་ཕྱིར། དེ་ལ་འབྲེལ་ནས། མི་གནས་པ་སྟེ། རབ་འབྱོར། དེ་ལྟར་ཐེག་པ་ཆེན་པོ་ཆོས་སྐུ་ཡོངས་གྲུབ་དེ་ནི་ཆོས་ཐམས་ཅད་ལ་འབྲེལ་ཏེ། མི་གནས་པའི་ཚུལ་གྱི་ཆོས་ཐམས་ཅད་ལ་ཁྱབ་པར་བྱའོ། །ཆོས་ཀྱི་དབྱིངས་དེ་ནི་ཆོས་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱད་པར་མི་གནས་པ་ཡང་མ་ཡིན་ནོ། །ཐེག་པ་ཆེན་པོ་དེ་ཡང་ཆོས་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མི་འབྲེལ་བཞིན་དུ་ཁྱབ་པར་མི་གནས་པ་ཡང་མ་ཡིན་ནོ། །ཕྲེང་ཕྱེད་དང་གཉིས་ན། མ་ཡིན་ནོ། །ཞེས་པ་ནི་དོན་དམ་པར་རྟེན་པའི་མཚན་ཉིད་མེད་པའི་ཕྱིར། གནས་པ་ཡང་མ་ཡིན་ནོ། །མི་གནས་པའི་མཚན་ཉིད་དུ་གནས་པའི་ཕྱིར། ཐ་སྙད་དུ་མི་གནས་པ་ཡང་མ་ཡིན་ནོ། །དེ་བཞིན་དུ། གནས་པ་དང་མི་གནས་པའི་མཚན་ཉིད་ཐམས་ཅད་ལ་ཡང་སྦྱར་བར་བྱའོ། །ཞེས་དབུ་མ་པ་གསུངས། དེ་ཅིའི་ཕྱིར་ཞེ་ན། ངོ་བོ་ཉིད་ལ་ནི་ཆོས་ཐམས་ཅད་ལ་འབྲེལ་ཏེ། གནས་པའམ། མ་འབྲེལ་བཞིན་དུ་ཁྱད་པར་མི་གནས་པ་མེད་དོ། །འདི་ལྟར་ཆོས་ཀྱི་དབྱིངས་ཡོངས་གྲུབ་ནི་ཆོས་ཀྱི་དབྱིངས་སུ་ཀུན་བཏགས་པ་ཉིད་ཀྱི་ངོ་བོ་ཉིད་ཀྱི་སྟོང་པའི་ཕྱིར་རོ། །དེ་བཞིན་ཉིད་དེ་བཞིན་ཉིད་ཀྱི་ངོ་བོ་ཉིད་ཀྱིས་སྟོང་པའི་ཕྱིར་རོ། །ཞེས་པ་ནི་དེ་བཞིན་ཉིད་ལ་དེ་བཞིན་ཉིད་ཅེས་བྱ་བ་ཀུན་བཏགས་པ་གང་ཡང་མེད་ན། གང་གི་ཕྱིར་ཏེ། དེ་ནས་ངེས་པར་འབྱུང་བར་འགྱུར། ཞེས་དབུ་མ་པ་གསུངས། ཡང་དག་པའི་མཐའ། ཕྲེང་གཅིག་ན། ནམ་མཁའི་དབྱིངས་ནི་ཆོས་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱད་པར་མི་གནས་པ་ཡང་མ་ཡིན་ནོ། །ཐེག་པ་ཆེན་པོ་དོན་དམ་ཆོས་སྐུ་དེ་ཡང་ཆོས་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱད་པར་མི་གནས་པ་མ་ཡིན་ནོ། །འདོད་ཆགས་ཟད་པའི་དབྱིངས་རང་བྱུང་ཡེ་ཤེས་ནི་ཆོས་ཐམས་ཅད་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱད་པར་མི་གནས་པ་ཡང་མ་ཡིན་ནོ། །ཐེག་པ་ཆེན་པོ་དོན་དམ་ཆོས་སྐུ་ཡང་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། འདི་ལྟ་སྟེ། དཔེར་ན། གདོད་ནས་རང་བཞིན་གྱི་རབ་ཏུ་བྱང་བ་དོན་དམ་པའི་དབྱིངས་དང༌། འགོག་པའམ་འགོག་པའི་དབྱིངས་ལ་ནི་སྔར་བཞིན་གནས་པའམ། དེ་བཞིན་དུ། ཐེག་པ་ཆེན་པོ་དབུ་མ་པ་ཆེན་པོར་འབྱུང་བས། དེ་ཡང་གནས་པ་ཡང་མ་ཡིན་ནོ། །ནམ་མཁའི་དབྱིངས་ཀྱི་ངོ་བོ་ཉིད་ལ་ནི་འདུས་བྱས་ཐམས་ཅད་ལ་འབྲེལ་ཏེ་གནས་པའམ། མ་འབྲེལ་བཞིན་དུ་ཁྱད་པར་མི་གནས་པ་མེད་དོ། །གཟོད་ནས་འདོད་ཆགས་ཟད་པའི་དབྱིངས་དང༌། འདོད་ཆགས་དང་གཟོད་ནས་འབྲེལ་བའི་དབྱིངས་དང༌། དྲི་མ་གཟོད་ནས་འགོག་པའམ། འགག་པའི་དབྱིངས་ཀྱི་ངོ་བོ་ཉིད་ལ་ནི། ཀུན་རྫོབ་ལ་འབྲེལ་ཏེ། གནས་པའམ། མ་འབྲེལ་བཞིན་དུ་ཁྱད་པར་མི་གནས་པ་མེད་དོ། །ཕྲེང་གཅིག་ན། འདོད་ཆགས་ཟད་པའི་དབྱིངས་ཀྱི་རང་བཞིན་དུ་ཀུན་བཏགས་པ་རྣམས་ཀྱིས་སྟོང་པའི་ཕྱིར་རོ། །དཔེར་ན་གཟུགས་ཀྱི་སྟོང་པ་ཉིད། ཡོངས་གྲུབ་ནི་ཀུན་རྫོབ་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱད་པར་མི་གནས་པ་ཡང་མ་ཡིན་ནོ། །ཐེག་པ་ཆེན་པོ་དེ་ཡང་སྔར་བཤད་པ་བཞིན་དུ་གནས་པ་ཡང་མ་ཡིན། ཕྲེང་གཅིག་ན། གཟུགས་ཀྱི་ངོ་བོ་ཉིད་ཡོངས་གྲུབ་ཀྱི་གཟུགས་ལ་ནི་གནས་པའམ། རྣམ་པར་ཤེས་པའི་ངོ་བོ་ཉིད་ཡོངས་གྲུབ་ཀྱི་རྣམ་ཤེས་ལ་ན་གནས་པའམ། དེ་ནི་འདི་ལྟར་ཡོངས་གྲུབ་ཀྱི་གཟུགས་ཀུན་བཏགས་ཀྱི་གཟུགས་ཀྱིས་སྟོང་པའི་ཕྱིར་རོ། །དེ་བཞིན་དུ། ཕྱི་མ་རྣམས་ལ་ཡང་སྦྱར་ཏེ། ཚོར་བ་དང༌། འདུ་ཤེས་དང༌། ཤོག་གུ་གཅིག་དང་ཕྲེང་དགུ་ན། འདི་ལྟ་སྟེ། དཔེར་ན། དོན་དམ་གྱི་སྦྱིན་པའི་ཕ་རོལ་ཏུ་ཕྱིན་པ་ནི་ཀུན་རྫོབ་ཐམས་ཅད་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱབ་པར་མི་གནས་པ་ཡང་མ་ཡིན་ནོ། །ཐེག་པ་ཆེན་པོ་ཡོངས་གྲུབ་དེ་ཡང་ཀུན་བཏགས་ཐམས་ཅད་ལ་འབྲེལ་ཏེ་གནས་པ་ཡང་མ་ཡིན། མ་འབྲེལ་བཞིན་དུ་ཁྱབ་པར་མི་གནས་པ་ཡང་མ་ཡིན། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང༌། ཕྲེང་གཉིས་ན། སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ཆོས་ཉིད་ཀྱི་སྦྱིན་པའི་ཕ་རོལ་ཏུ་ཕྱིན་པ་ལ་ནི། ཆོས་ཅན་སྣ་ཚོགས་ལ་འབྲེལ་ཏེ། གནས་པའམ་མི་འབྲེལ་བཞིན་དུ་ཁྱབ་པར་མི་གནས་པར་མེད་དོ། །ཕྲེང་གཅིག་ལྷག་ན། དེ་ནི་འདི་ལྟར་ཆོས་ཉིད་ཀྱི་སྦྱིན་པའི་ཕ་རོལ་ཏུ་ཕྱིན་པས་སྟོང་པའི་ཕྱིར་རོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང༌། ཕྲེང་བཞི་ན། ནང་སྟོང་པ་ཉིད་ཀྱི་ངོ་བོ་ཉིད་ཆོས་ཉིད་ཀྱི་ནང་སྟོང་པ་ཉིད་ལ་ནི་གནས་པའམ། རབ་འབྱོར། དེ་ནི་འདི་ལྟར་ཡོངས་གྲུབ་ཀྱི་ནང་སྟོང་པ་ཉིད་ཀུན་བཏགས་ཀྱི་ནང་སྟོང་པ་ཉིད་ཀྱིས་སྟོང་པའི་ཕྱིར་རོ། །རབ་འབྱོར། འདི་ལྟ་སྟེ། དཔེར་ན། ཆོས་ཉིད་ཀྱི་དྲན་པ་ཉེ་བར་བཞག་པ་རྣམས་ནི། ཆོས་ཅན་སྣ་ཚོགས་ལ་འབྲེལ་ཏེ། གནས་པ་ཡང་མ་ཡིན། མ་འབྲེལ་བཞིན་དུ་ཁྱབ་པར་མི་གནས་པ་ཡང་མ་ཡིན་ནོ། །ཕྲེང་གསུམ་ན། དྲན་པ་ཉེ་བར་བཞག་པ་རྣམས་ཀྱི་ངོ་བོ་ཉིད་དོན་དམ་གྱི་དྲན་པ་ཉེ་བར་བཞག་པ་རྣམས་ལ་གནས་པའམ། དེ་ཅིའི་ཕྱིར་ཞེ་ན། རབ་འབྱོར། ཡོངས་གྲུབ་ཀྱི་དྲན་པ་ཉེ་བར་བཞག་པ་རྣམ་པ་ཀུན་བཏགས་ཀྱི་དྲན་པ་ཉེ་བར་བཞག་པ་རྣམས་ཀྱི་སྟོང་པའི་ཕྱིར་རོ། །ཕྱི་མ་རྣམས་ལའང་དེ་བཞིན་དུ་སྦྱར་ཏེ། ཡང་དག་པར་སྤོང་བ་རྣམས་དང༌། ཕྲེང་བཅུ་བཞི་ན། ཟག་པ་ཟད་པ་དོན་དམ་གྱི་རྒྱལ་ཁམས་ཆེན་པོར་གཏོགས་པས་ནི། ཀུན་རྫོབ་ཀྱི་རྒྱལ་ཁམས་ལ་འབྲེལ་ཏེ་གནས་པ་ཡང་མ་ཡིན་ནོ། །མ་འབྲེལ་བཞིན་དུ་ཁྱབ་པར་མི་གནས་པ་ཡང་མ་ཡིན་ནོ། །དེ་བཞིན་དུ་རང་སངས་རྒྱས་ནི་དགྲ་བཅོམ་པའི་ངོ་བོ་ཉིད་དོན་དམ་གྱི་དགྲ་བཅོམ་པ་ལ་ནི་གནས་པའམ་མི་གནས་པ་མེད་དོ། །རང་སངས་རྒྱས་ཀྱི་ངོ་བོ་ཉིད། དོན་དམ་གྱི་རང་སངས་རྒྱས་ལ་ནི་གནས་པའམ་མི་གནས་པ་མེད་དོ། །འདི་ལྟར་ཡོངས་གྲུབ་ཀྱི་དགྲ་བཅོམ་པའི་ངོ་བོ་ཉིད་ཀུན་བཏགས་ཀྱི་དགྲ་བཅོམ་པའི། དཔེར་ན། དོན་དམ་བྱང་ཆུབ་སེམས་དཔའི་ངོ་བོ་ཉིད། དོན་དམ་གྱི་བྱང་ཆུབ་སེམས་དཔའ་ལ་ནི། ཀུན་རྫོབ་ལ་འབྲེལ་ཏེ། གནས་པའམ། མི་འབྲེལ་བཞིན་དུ་ཁྱབ་པར་མི་གནས་པ་མེད་དོ། །རབ་འབྱོར། དེ་ནི་འདི་ལྟར་དོན་དམ་གྱི་བྱང་ཆུབ་སེམས་དཔའི་ངོ་བོ་ཉིད་སྟོང་པའི་ཕྱིར་རོ། །དོན་དམ་གྱི་དེ་བཞིན་གཤེགས་པའི་ངོ་བོ་ཉིད་ཀུན་རྫོབ་ཀྱི་དེ་བཞིན་གཤེགས་པའི་ངོ་བོ་ཉིད་ཀྱིས་སྟོང་པའི་ཕྱིར། འདི་ལྟ་སྟེ། དཔེར་ན། དོན་དམ་གྱི་རྒྱུན་དུ་ཞུགས་པའི། ཕྲེང་བཞི་ན། དེ་ནི་འདི་ལྟར་ཡོངས་གྲུབ་ཀྱི་རྒྱུན་དུ་ཞུགས་པའི་འབྲས་བུའི་ངོ་བོ་ཉིད་ཀུན་བཏགས་ཀྱི་རྒྱུན་དུ་ཞུགས་པའི་འབྲས་བུའི། ཆོས་ཉིད་ལམ་གྱི་རྣམ་པར་ཤེས་པ་ཉིད་ནི། ཕྲེང་ཕྱེད་དང་གསུམ་ན། འདི་ལྟར་ཡོངས་གྲུབ་ཀྱི་ལམ་གྱི་རྣམ་པར་ཤེས་པ་ཉིད་ཀྱི་ངོ་བོ་ཉིད་ཀུན་བཏགས་ཀྱི་ལམ་གྱི་རྣམ་པ་ཤེས་པ་ཉིད་ཀྱི་དཔེར་ན། མིང་དང༌། མཚན་མ་ལ་སོགས་པ། ཤེས་བྱ་ཐམས་ཅད་ལ། བདེན་གཉིས་རྣམ་དབྱེ་ཤེས་པར་བྱས་ནས། གནས་མི་གནས་ལ་སོགས་པའི་དོན་ཤེས་པར་བྱ་སྟེ། མིང་ནི་གནས་པ་མ་ཡིན། ཕྲེང་གསུམ་ན། རབ་འབྱོར། ཡོངས་གྲུབ་ཀྱི་མིང་གི་ངོ་བོ་ཉིད་ཀུན་བཏགས་ཀྱི་མིང་གི་ངོ་བོ་ཉིད་ཀྱིས་སྟོང་པའི་ཕྱིར་རོ། །ཕྲེང་གཉིས་ན། སྐྱེ་བ་མེད་པའི་གཞི་ཆོས་ཉིད་ཡོངས་གྲུབ་ནི་གནས་པ་ཡང་མ་ཡིན། འགག་པ་མེད་པའི་གཞི་དང༌། ཀུན་ནས་ཉོན་མོངས་པའི་གཞི་མེད་པ་དང༌། རྣམ་པར་བྱང་བ་མེད་པའི་གཞི་ནི་གནས་པ་ཡང་མ་ཡིན། ཕྲེང་གཉིས་ན། སྐྱེ་བ་མེད་པའི་ངོ་བོ་ཉིད་ཡོངས་གྲུབ་ནི་སྐྱེ་བ་མེད་པའི་ངོ་བོ་ཉིད་དུ་ཀུན་བཏགས་པ་རྣམས་ཀྱིས་སྟོང་པའི་ཕྱིར་རོ། །ཀུན་ནས་ཉོན་མོངས་པ་མེད་པའི་ངོ་བོ་ཉིད་དུ་ཀུན་བཏགས་པ་རྣམས་ཀྱི་སྟོང་པའི་ཕྱིར་རོ། །རྣམ་པར་བྱང་བ་མེད་པའི་ངོ་བོ་ཉིད་དུ་ཀུན་བཏགས་པ་རྣམས་ཀྱིས་སྟོང་པའི་ཕྱིར་རོ། །མངོན་པར་འདུ་བྱ་བ་མེད་པའི་གཞི་ཡོངས་གྲུབ་ནི་གནས་པ་ཡང་མ་ཡིན། ཕྲེང་གཉིས་ན། ངོ་བོ་ཉིད་དུ་ཀུན་བཏགས་པ་རྣམས་ཀྱིས་སྟོང་པའི་ཕྱིར་རོ། །ཐེག་པ་དེ་ནི་ཀུན་རྫོབ་ཐམས་ཅད་ལ་འབྲེལ་ཏེ། མི་གནས་པར་འབྲེལ་བཞིན་དུ་ཁྱབ་པར་གནས་པའི་ཕྱིར། ཚུལ་དང༌། བསྐྱོད་དུ་མེད་པའི་ཚུལ་གྱིས། ཀུན་རྫོབ་གང་དུའང་འབྲེལ་ཏེ། གནས་པར་འགྱུར་བ་མེད་དོ། །སྒོམ་པའི་ལམ་ལ་གཟུང་བའི་རྣམ་པར་རྟོག་པ་གཉིས་པའི་གཉེན་པོ་ནི། རབ་འབྱོར། ཕྲེང་བཞི་ན། བདག་དམིགས་སུ་མེད་དོ། །ཞེས་པ་ནི། གལ་ཏེ་བདག་ལ་སོགས་པ་དང༌། གཟུགས་ལ་སོགས་ཡོད་དུ་ཟིན་ན། ཡོངས་གྲུབ་པའི་ཤིན་ཏུ་རྣམ་པར་དག་པ་གང་ཡིན་པ་དེ་ཉམས་པར་འགྱུར་རོ། །ཞེས་སྟོན་ཏོ། །ཞེས་དབུ་མ་པ་གསུངས། མཐའ་ལས་འདས་པས། ཕྲེང་བཅུ་ན། བཅོ་བརྒྱད་དམིགས་སུ་མེད་དོ། །སྒོམ་པའི་ལམ་ལ་འཛིན་པའི་རྟོག་པ་དང་པོའི་གཉེན་པོ་ནི། ཤིན་ཏུ་རྣམ་པར་དག་པའི་ཕྱིར། ཕྲེང་གཉིས་ན། སྒོམ་པའི་ལམ་ལ་འཛིན་པའི་རྣམ་པར་རྟོག་པ་གཉིས་པའི་གཉེན་པོ་ནི། ཤིན་ཏུ་རྣམ་པར་དག་པའི་ཕྱིར། ཕྲེང་ཕྱེད་དང་གཉིས་ན། སྐྱེ་བ་མེད་པའི་གཞི་ཡོངས་གྲུབ་དེ་རྣམ་ཤེས་ཀྱི་དམིགས་སུ་མེད་དོ། །ཕྲེང་ཕྱེད་ན། མངོན་པར་འདུ་བྱ་བ་མེད་པའི་གཞིའི་ཡོངས་གྲུབ་ནི་རྣམ་ཤེས་ཀྱིས་དམིགས་སུ་མེད་དོ། །སྔོན་གྱི་མཐའ་ནི་རྣམ་ཤེས་ཀྱིས་དམིགས་སུ་མེད་དོ། །ཕྱི་མའི་མཐའ་ནི་གཞན་དོན་དམ་པའི་ཕྱི་མའི་མཐའ་ནི་རྣམ་ཤེས་ཀྱིས་དམིགས་སུ་མེད་དོ། །ད་ལྟར་བྱུང་བ་གཞན་དོན་དམ་པའི་ད་ལྟར་བྱུང་བ་ནི་རྣམ་ཤེས་ཀྱིས་དམིགས་སུ་མེད་དེ་འགལ་འདུས་སྐྱོན་མེད་དུས་གསུམ་མཉམ་པ་ཉིད་དོ། །འགྲིབ་པ་དང་འཕེལ་བ་གཞན་རྣམས་ཀྱང་དོན་དམ་ཡིན་པས་རྣམ་ཤེས་ཀྱིས་དམིགས་སུ་མེད་དོ། །ཆོས་ཀྱི་དབྱིངས་རྣམ་ཤེས་ཀྱིས་མི་དམིགས་པས། རྣམ་ཤེས་ཀྱིས་དམིགས་པ་ཡང་མ་ཡིན། ཡེ་ཤེས་ཀྱིས་མི་དམིགས་པ་ཡང་མ་ཡིན་ནོ། །ཕྱི་མ་རྣམས་ལ་ཡང་དེ་བཞིན་དུ་སྦྱར་ཏེ། དེ་བཞིན་ཉིད། ཕྲེང་གསུམ་ན། ཆོས་ཉིད་ཀྱི་ཕུང་པོ་དང་སྐྱེ་མཆེད་དང༌། ཁམས་རྣམ་ཤེས་ཀྱིས་མི་དམིགས་པས། ཕྲེང་གསུམ་གཉིས་ན། རྣམ་ཤེས་ཀྱིས་དམིགས་པ་ཡང་མ་ཡིན། ཡེ་ཤེས་ཀྱིས་མི་དམིགས་པ་ཡང་མ་ཡིན། འབུམ་དང༌། ཕལ་ཆེན་དུ་འདུས་མ་བྱས་ཀྱི་རྟེན་འབྲེལ་གསུངས་པ་དང་དོན་གཅིག་ཅིང༌། སྔགས་སུ་བདེན་དོན་བཅུ་གཉིས་དང༌། གནས་སོགས་བཅུ་གཉིས་དང༌། ཕྱག་བཅུ་གཉིས་དང༌། སྒོ་བཅུ་གཉིས་དང༌། རྟ་བབས་བཅུ་གཉིས་ལ་སོགས་གསུངས་པ་དང་དོན་གཅིག་པ་ཆོས་ཉིད་ཀྱི་རྟེན་ཅིང་འབྲེལ་བར་འབྱུང་བ་རྣམས་རྣམ་ཤེས་མི་དམིགས་པ། ཕྲེང་ཕྱེད་ན། དམིགས་སུ་མེད་པ་དེ་ནི་རྣམ་ཤེས་ཀྱིས་དམིགས་པ་ཡང་མ་ཡིན། ཡེ་ཤེས་ཀྱིས་མི་དམིགས་པ་ཡང་མ་ཡིན་ནོ། །མདོར་ན་ཆོས་ཐམས་ཅད་ལ་བདེན་གཉིས་རྣམ་དབྱེ་དགོས་ཤིང༌། དོན་དམ་གྱི་གཟུགས་ནས་རྣམ་མཁྱེན་གྱི་བར་ཐམས་ཅད་གཞན་སྟོང་ཡིན་པ་དང༌། རྣམ་ཤེས་ཀྱིས་དམིགས་སུ་མེད་ཅིང་ཡེ་ཤེས་ཀྱིས་དམིགས་སུ་ཡོད་པ་དང༌། ཀུན་རྫོབ་ཐམས་ཅད་ལ་འབྲེལ་ཏེ་མི་གནས་ཀྱང་མ་འབྲེལ་བཞིན་དུ་ཁྱབ་པར་བྱས་པ་དང༌། རྟག་ཅིང་བརྟན་པ་ནི་ཐེར་ཟུག་མི་འགྱུར་སྟོང་ཉིད་སྙིང་རྗེའི་སྙིང་པོ་ཅན་སངས་རྒྱས་རིན་ཆེན་ཟ་མ་ཏོག་ཆ་མེད་ཀུན་འགྲོ་ཞུགས་པ་ལ་སོགས་པ་དང༌། ཀུན་རྫོབ་ཀྱི་གཟུགས་ནས་རྣམ་མཁྱེན་གྱི་བར་ཐམས་ཅད་གཤིས་ལ་མེད་པ་དང༌། རང་རང་ངོ་བོས་སྟོང་པ་ལ་སོགས་པས་གནས་པས་བཤད་པའི་ཚུལ་ཡང་སྔ་ཕྱི་ཐམས་ཅད་དུ་དེ་ལྟར་ཤེས་དགོས་སོ། །སྦྱིན་པའི་ཕ་རོལ་ཏུ་ཕྱིན་པ་མི་དམིགས་པས། ཤོག་གུ་ཕྱེད་དང་གཉིས་ན། མ་ཡིན་ནོ། །ཡོངས་གྲུབ་ཀྱི་ཆོས་ལྔ་ཡང་དེ་བཞིན་དེ། སྐྱེ་བ་མེད་པས་མི་དམིགས་པས། ཕྲེང་ལྔ་ན། དེ་བཞིན་དུ་དུས་མེད་དུ་ས་གསུམ་དུས་མེད་མཉམ་པ་ཉིད་ཀྱི་དུས་ཀྱང་དེ་བཞིན་ཏེ། སྔོན་གྱི་མཐའ་དང༌། ཕྱི་མའི་མཐའ་དང༌། ད་ལྟར་བྱུང་བ་དང་ཆོས་ཉིད་རྣམ་པ་ཐམས་ཅད་པའི་འོང་བ་དང་འགྲོ་བ་དང་འཕེལ་བ་རྣམ་ཤེས་ཀྱི་མི་དམིགས་པས། ཕྲེང་བཅུ་གསུམ་ན། ཆོས་ཐམས་ཅད་ཅེས་བྱ་བ་ལ་ཆོས་ནི་རྣམ་པ་གཉིས་ཏེ། ཀུན་བཏགས་པའི་ཆོས་རྣམས་དང་ཡོངས་སུ་གྲུབ་པའི་ཆོས་རྣམས་སོ། །ཞེས་གསུངས་པའི་ཕྱིར་རོ། །ཀུན་བཏགས་པའི་ཆོས་རྣམས་ནི། གཤིས་ནམ་མཁའི་མེ་ཏོག་ལྟར་ཅིར་ཡང་མ་གྲུབ་པས་ཅིར་ཡང་དམིགས་སུ་མེད་དོ། །ཡོངས་སུ་གྲུབ་པའི་ཆོས་རྣམས་ནི་ཀུན་རྫོབ་ཀྱི་ཆོས་གང་དུ་ཡང་མ་གྲུབ་མོད་ཀྱི། རང་བཞིན་གཉུག་མ་འོད་གསལ་ཆོས་སྐུ་འགྱུར་མེད་བདེ་བ་ཆེན་པོ། བདེན་དོན་བཅུ་གཉིས་དེ་ཉིད་བཅུ་དྲུག་རྡོ་རྗེའི་ཉི་ཟླ་ཨེ་ཝཾ་ཡི་གེ་རྡོ་རྗེ་སེམས་དཔའ་མ་ནིང་གི་གོ་འཕང་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ། ཤེས་བཅུ་རྣམ་དག་བདག་ཉིད་ཅན། །དེ་བཞིན་ཉིད་བདག་དག་པའི་བདག །དཔལ་ལྡན་རྒྱུ་སྐར་དཀྱིལ་འཁོར་ལ་སོགས་པ་ནམ་ཡང་གང་ན་ཡང་ཁྱབ་པར་བཞུགས་ཤིང༌། སྐད་ཅིག་དང༌། རྟེན་འབྲེལ་དང༌། རྟོག་གེ་དང༌། རྣམ་ཤེས་ལས་ཤིན་ཏུ་འདས་པའི་ཕྱིར། རྣམ་ཤེས་ཀྱི་མི་དམིགས་པའི་ཚུལ་གྱིས། ལེའུ་བཅུའོ།། །།དེ་རྣམས་ཀྱིས་ནི། ཚོ༷གས་ནི༷། ཞེས་པ་དོན་དགུ་པ་གསུངས་ཟིན་ཏོ། །
ཆེད་དུ་བྱ་དང་། དེ་ནས་ཚེ་དང་ལྡན་པ། རབ་འབྱོར། ཆོས་ཉིད་རྟོགས་ཤིང་ཉམས་སུ་མྱོང་ནས། དྲི་མ་དང་བྲལ་ཏེ། ལྷ་དང༌། མི་དང༌། བཅོམ་ལྡན་འདས། ཇི་ལྟར་ནམ་མཁའ་གང་ན་ཡང་མི་གནས་པ་དེ་བཞིན་དུ་ཐེག་པ་ཆེན་པོ་ཡང་མཐར་ཕྱིན་ཅིང་ཆོས་ཀྱི་སྐུའི་བདག་ཉིད་ཡིན་པས། ཞེས་གསུངས་པའི་ཕྱིར། གཞི་འབྲས་ཀྱི་ཐེག་པ་དེ་ནི་མཐར་ཐུག །དོན་དམ་ཆོས་སྐུ་ཡིན་པས་མཁའ་དང་མཉམ་པ་སྟེ། ཕྲེང་ཕྱེད་དང་གཉིས། ཐེག་པ་ཆེན་པོ་འདུས་མ་བྱས་ཀྱི་དབྱིངས། དེ་ལ་འགྲོ་བ་དང་འོང་བ་ཞེས་བགྱི་བའམ། གློ་བུར་དུ་གནས་པ་ཡང་མ་མཆིས། ཕྲེང་གཉིས་ན། སྔོན་གྱི་མཐའ་མེད་ཅིང་མི་དམིགས། དེ་བཞིན་དུ་ཐེག་པ་ཆེན་པོ། དོན་དམ་བདེ་གཤེགས་སྙིང་པོ་འདི་ཡང་དུས་གསུམ་དུས་མེད་རྟོགས་པ་པོ་ཡིན་པར་བཀའ་སྩལ་པ། དུས་གསུམ་མཉམ་པ་ཉིད་ཀྱི་སླད་དེ། ཕྲེང་གཅིག་ན། མཉམ་པ་ཉིད་ཀྱི་ཐེག་པ་ཡིན་པས། ཕྲེང་གསུམ་གཉིས་ན། འདི་ལྟ་སྟེ། བདེན་པ་གཉིས་ཀྱིས་བསྡུས་པས། ཕ་རོལ་ཏུ་ཕྱིན་པ། ཕྲེང་གསུམ་ན། འདི་ལྟ་སྟེ། ལམ་བདེན་དང༌། འགོག་བདེན་གཉིས་ཀྱིས་བསྡུས་པས་གཟུངས་ཀྱི་སྒོ་ཐམས་ཅད་དང༌། ཕྲེང་ཕྱེད་དང་དགུ་ན། རབ་འབྱོར། གལ་ཏེ་ཞེས་པ་ལ་སོགས་པ་ཇི་སྐད་བསྟན་པར་འགྱུར་ཞེ་ན། གལ་ཏེ་འདོད་པའི་ཁམས་ལ་སོགས་པ་ཆོས་ཐམས་ཅད་ཀུན་བཏགས་པ་དང༌། ཡང་དག་པ་མ་ཡིན་ཏེ། ཡོངས་སུ་གྲུབ་པ་དེ་ཁོ་ན་ཉིད་ཀྱི་ངོ་བོ་ཞིག་ཡིན་ཟིན་ཐེག་པ་ཆེན་པོ་འདི་དག་ལ་ངེས་པར་འབྱུང་བར་མི་འགྱུར་ཞིང༌། དེ་དག་ཡོངས་སུ་སྤོང་བར་མི་འགྱུར་བ་ཞིག་ན་འདི་ལྟར་ཆོས་དེ་དག་ཀུན་བཏགས་པ་སྟེ། ཡང་དག་པ་མ་ཡིན་པས་དེའི་ཕྱིར། ཐེག་པ་ཆེན་པོ་འདི་དེ་དག་ཡོངས་སུ་སྤོང་པར་འགྱུར་རོ། །ཞེས་བསྟན་ཏོ། །ཞེས་དབུ་མ་པ་ཆེན་པོ་དབྱིག་གཉེན་གསུངས་པས། འདོད་པའི་ཁམས་དེ་བཞིན། གཞན་མ་ཡིན་པ་དེ་བཞིན་ཏེ། ཞེས་བྱ་བ་ཚིག་གསུམ་གྱིས་ནི་ཡོངས་སུ་གྲུབ་པའི་མཚན་ཉིད་བསྟན་ཏོ། །ཕྱིན་ཅི་ལོག་མ་ཡིན་ལ་ཇི་ལྟ་བ་བཞིན་དུ། ཞེས་བྱ་བའི་ཚིག་ལྔས་ནི་བདེན་པ་བསྟན་ཏོ། །རྟག་ཅིང་བརྟན་ལ་ཐེར་ཟུག་མི་འགྱུར་བའི་ཆོས་ཅན་ཞེས་བྱ་བ་ཚིག་བཞིས་ནི་འདུས་མ་བྱས་ཀྱི་མཚན་ཉིད་བསྟན་ཏོ། །དེ་ལ་ཡོངས་སུ་གྲུབ་པའི་མཚན་ཉིད་ནི་རྣམ་པ་གསུམ་སྟེ། མི་འཇིགས་པ་ཡོངས་སུ་གྲུབ་པ་དང༌། ཕྱིན་ཅི་མ་ལོག་པར་ཡོངས་སུ་གྲུབ་པ་དང༌། མི་འགྱུར་བར་ཡོངས་སུ་གྲུབ་པའོ། །དེ་ལ་དེ་བཞིན་དུ་གྱུར་ཞེས་བྱ་བས་ནི་མི་འཇིགས་པས་ཡོངས་སུ་གྲུབ་པ་བསྟན་ཏོ། །མ་ནོར་ཞེས་བྱ་བ་ནི་ཕྱིན་ཅི་མ་ལོག་པར་ཡོངས་སུ་གྲུབ་པ་བསྟན་ཏོ། །གཞན་མ་ཡིན་པ་ཞེས་བྱ་བས་ནི་མི་འགྱུར་བར་ཡོངས་སུ་གྲུབ་པ་བསྟན་ཏོ། །བདེན་པའི་མཚན་ཉིད་ཀྱང་རྣམ་པ་ལྔ་སྟེ། ཕྱིན་ཅི་མ་ལོག་པའི་མཚན་ཉིད་ནི། དཔེར་ན་སྨིག་རྒྱུ་ལ་ཆུར་ཕྱིན་ཅི་ལོག་ཏུ་གྱུར་པ་མེད་པ་ལྟ་བུ་སྟེ། དེ་ཕྱིན་ཅི་མ་ལོག་པ་ཞེས་བྱ་བ་བསྟན་ཏོ། །ངོ་བོ་ཉིད་ཀྱི་མཚན་ཉིད་ནི་དཔེར་ན། སྒྱུ་མ་ལ་ངོ་བོ་ཉིད་མེད་པའི་དངོས་པོ་ལྟ་བུ་སྟེ། དེ་ནི་དེ་ཁོ་ན་ཞེས་བྱ་བར་བསྟན་ཏོ། །ཡོད་པའི་མཚན་ཉིད་ནི། དཔེར་ན་སྐྲ་ཤད་འཛིང་པ་ལ་སོགས་པ་ལ་ཡོད་པ་མ་ཡིན་པའི་མཚན་ཉིད་དུ་གྱུར་པ་མེད་པ་ལྟ་བུ་སྟེ། དེ་ནི་ཡང་དག་པ་ཞེས་བྱ་བས་བསྟན་ཏོ། །མི་བསླུ་པའི་མཚན་ཉིད་ནི་དཔེར་ན་ཟླ་བ་གཉིས་སུ་གྱུར་པར་ལ་སོགས་པར་འཁྲུལ་བའི་མཚན་ཉིད་མེད་པ་ལྟ་བུ་སྟེ། དེ་ནི་བདེན་པ་ཞེས་བྱ་བས་བསྟན་ཏོ། །རིགས་པའི་མཚན་ཉིད་ནི། དཔེར་ན། རྟག་པ་དང༌། བདེ་བ་དང༌། བདག་ལ་སོགས་པ་འཐད་པ་དང་བྲལ་བར་གྱུར་པ་མེད་པ་ལྟ་བུ་སྟེ། དེ་ནི་ཇི་ལྟ་བ་བཞིན་ཞེས་བྱ་བས་བསྟན་ཏོ། །འདུས་མ་བྱས་ཀྱི་མཚན་ཉིད་ནི་རྣམ་པ་བཞི་སྟེ། སྐྱེ་བ་དང༌། འགགས་པ་མེད་པའི་མཚན་ཉིད་ནི། འདི་ལྟ་སྟེ། རྟག་པ་ཞེས་གསུངས་པའོ། །རྟག་ཏུ་གནས་པའི་མཚན་ཉིད་ནི། འདི་ལྟ་སྟེ། བརྟན་པ་ཞེས་གསུངས་པའོ། །མི་ཆད་པའི་མཚན་ཉིད་ནི། འདི་ལྟ་སྟེ། ཐེར་ཟུག་ཞེས་གསུངས་སོ། །མི་འགྱུར་བའི་མཚན་ཉིད་ནི། འདི་ལྟ་སྟེ། མི་འགྱུར་བའི་ཆོས་ཅན་ཞེས་གསུངས་པའོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། དེ་ལྟ་བུའི་ཚུལ་གྱིས་དངོས་པོ་ཞིག་ཡིན་ན་ནི། ཐེག་པ་ཆེན་པོ་འདིས་ཀྱང༌། ཕྲེང་ཕྱེད་དང་ གསུམ་ན། ཕྱིན་ཅི་ལོག་མ་ཡིན་པ་ཞེས་པའི་ཚིག་གཅིག་པོ་འདི། ཁྲི་བརྒྱད ་སྟོང་པ། དབུ་མ་པ་ཆེན་པོ་དབྱིག་གཉེན་གྱི་འགྲེལ་པ་གནོད་འཇོམས་སུ་བྱུང༌། མདོ་འདི་དང༌། འབུམ་དུ་མ་བྱུང༌། བདེན་པ་ཡང་དག་པ་སྟེ།དེ་ནས། པོ་ཏི་ཁ་པའི་མགོ་ནས། ཤོག་གུ་ཕྱེད་དང་ གསུམ་ཅུང་མེད་ན། ཟིལ་གྱིས་མནན་ཏེ་འབྱུང་བ་ཡིན་ནོ། །སྐབས་འདིར། ཁྲི་བརྒྱད ་སྟོང་པ་དང༌། དེའི་འགྲེལ་པ་གནོད་འཇོམས་སུ། དེ་བཞིན་ཉིད་ལ་སོགས་པ་ཡོངས་གྲུབ་དགུ་བྱུང༌། གཞུང་འདི་དང༌། འབུམ་དུ་མ་བྱུང༌། རབ་འབྱོར། གལ་ཏེ་བདེན་པ་གཉིས་ཀྱིས་བསྡུས་པའི་སྦྱིན་པའི་ཕ་རོལ་ཏུ་ཕྱིན་པ། ཤོག་གུ་གསུམ། ཕྲེང་གཉིས་ན། རབ་འབྱོར། གལ་ཏེ་ཆོས་ཀྱི་དབྱིངས་ལ་སོགས་པ་ཡོངས་གྲུབ་བཞི་པ་འདི་འབུམ་དུ་བྱུང་ཞིང༌། ཁྲི་བརྒྱད་སྟོང་པ། འགྲེལ་པ་གནོད་འཇོམས་དང་བཅས་པར་མ་བྱུང༌། དངོས་པོ་ཡོད་པ་ཞིག་ཡིན་ཏེ། ཕྲེང་ཉེར་བདུན་ན། གསུང་ཡན་ལག་དྲུག་ཅུ་དང་ལྡན་པ། འགྲེལ་པ་གནོད་འཇོམས་གཉིས་དང༌། ཉི་ཁྲི་སྣང་བ་ལ་སོགས་པར་གསུངས་པ། དངོས་པོ་ཡོད་པ་ཞིག་ཡིན་ཏེ། ཕྲེང་གཉིས་ན། སངས་རྒྱས་ཀྱི་གསུངས། མཉེན་འཇམ་ཡིད་འོང་ཡིད་དུ་འཐད། །དག་པ་དྲི་མེད་རབ་ཏུ་གསལ། །སྙན་ཅིང་འཇེབས་ལ་མཉན་པར་འོས། །མི་ཚུགས་སྙན་པ་དུལ་མི་རྩུབ། །མི་བརླང་རབ་དུལ་རྣ་བར་སྙན། །ལུས་སིམ་བྱེད་དང་སེམས་སིམ་བྱེད། །སྙིང་དགར་བྱེད་དང་དགའ་བདེ་བསྐྱེད། །ཡོངས་སུ་གདུང་མེད་ཀུན་ཤེས་བྱ། །རྣམ་པར་རིག་བྱ་རྣམ་གསལ་བ། །དགའ་བར་བྱེད་དང་མངོན་དགའ་བྱེད། །ཀུན་ཤེས་བྱེད་དང་རྣམ་རིག་བྱེད། །རིག་པ་འབྲེལ་བ་བཟློས་སྐྱོན་མེད། །སེང་གེའི་སྒྲ་ཡི་ཤུགས་ཅན་དང༌། །གླང་ཆེན་སྒྲ་སྐད་འབྲུག་སྒྲའི་དབྱངས། །ཀླུ་དབང་སྒྲ་དང་དྲི་ཟའི་གླུ། །ཀ་ལ་པིང་ཀའི་སྒྲ་དབྱངས་དང༌། །ཚངས་པའི་སྒྲ་དབྱངས་བསྒྲགས་པ་དང༌། །ཤང་ཤང་ཏེའུ་སྒྲ་དབྱངས་གྲག །ལྷ་ཡི་དབང་པོའི་དབྱངས་ལྟར་སྙན། །རྔ་སྒྲ་མ་ཁེངས་མི་དམའ་བ། །སྒྲ་ཀུན་གྱིས་ནི་རྗེས་སུ་ཞུགས། །ཚིག་ཟུར་མ་ཆགས་མ་ཚང་མེད། །མ་ཞུམ་མི་ཞན་རབ་དགར་ཁྱབ། །ཆུབ་དང་རྒྱུན་ཆགས་འབྲེལ་བ་དང༌། །སྒྲ་ཀུན་རྫོགས་པར་བྱེད་པ་དང༌། །དབང་ཀུན་ཚིམ་བྱེད་མ་སྨད་པ། །མི་འགྱུར་མ་བརྡབས་འཁོར་ཀུན་གྲགས། །རྣམ་པ་ཀུན་གྱི་མཆོག་ལྡན་ཏེ། །ཡན་ལག་དྲུག་ཅུ་དང་ལྡན་པ། །ཕྲེང་བཅུ་ན། མྱ་ངན་ལས་འདའ་བར་འགྱུར་རོ། །མཉམ་ཉིད་དང༌། །རབ་འབྱོར། གང་ཡང་ཁྱོད་འདི་སྐད་དུ། གཞི་འབྲས་ངོ་བོ་དབྱེར་མེད་ཀྱི་ཐེག་པ་ཆེན་པོ་དེ་ནི་སྟོང་གཞི་དོན་དམ་ཆོས་སྐུ་ཡིན་པའི་ཕྱིར། ནམ་མཁའ་དང་མཉམ་མོ། །ཕྲེང་གཅིག་ན། ཐེག་པ་ཆེན་པོ་ལ་ནི་འགྱུར་མེད་ཡོངས་གྲུབ་ཤར་ཕྱོགས་དམིགས་སུ་མེད་དོ། །ཕྲེང་གཉིས་ན། ཐེག་པ་ཆེན་པོ་རང་བྱུང་ཡེ་ཤེས་མཁའ་ཁྱབ་དེ་ཡང་ཀུན་རྫོབ་ཀྱི་རིང་པོ་མ་ཡིན། མི་མཉམ་པ་མ་ཡིན་ཏེ། དེ་ནི་རིང་མིན་ཐུང་མིན་དང༌། །གྲུ་བཞི་མ་ཡིན་ཟླུམ་པོ་མིན། །དྲི་དང་རོ་དང་མྱང་ལས་འདས། །ལྷན་ཅིག་སྐྱེས་དགའ་བྱེད་པ་ཅན། །ཞེས་གང་གསུངས་པ་དང་དོན་གཅིག་ཉིད་དུ་བྱ་རྒོད་ཀྱི་ལྟ་ལུགས་བཞིན་ནམ་མཁའ་འཕང་མཐོན་པོ་ནས་བལྟས་པས་མཐོང་བ་ཡིན་ནོ། །དེའི་ཕྱིར་ཐེག་པ་ཆེན་པོ། ཕྲེང་གཅིག་ལྷག་ན། ཐེག་པ་ཆེན་པོ་དོན་དམ་པའི་དབྱིངས་རིག་དབྱེར་མེད་མཁའ་ཁྱབ་དེ་ཡང་ཀུན་རྫོབ་ཀྱི་སྔོན་པོ་མ་ཡིན། ཕྲེང་ཕྱེད་དང་གཉིས་ན། ཐེག་པ་ཆེན་པོ། མྱང་འདས་ཆེན་པོ། དབུ་མ་ཆེན་པོ། ཕྱག་རྒྱ་ཆེན་པོ། རང་བཞིན་ལྷན་སྐྱེས་ཀྱི་བདེ་བ་ཆེན་པོ། སྟོང་པ་ཆེན་པོ། འགྱུར་མེད་ལྔ་དང༌། ཐིག་ལེ་སྟོང་པ་འགྱུར་མེད་དྲུག །དབྱེར་མེད་པ་དོན་དམ་པའི་ཨཱ་ལི་ཀཱ་ལི། ཐིག་ལེ་གྲུ་གསུམ། རྡོ་རྗེ་བྷ་ག །རྡོ་རྗེ་སེམས་དཔའ། རྡོ་རྗེ་འཇིགས་བྱེད། རྡོ་རྗེ་ཕག་མོ། རྡོ་རྗེ་བདག་མེད་མ། རྡོ་རྗེ་མཁའ་འགྲོ་ལ་སོགས་པ་རང་བཞིན་གཉུག་མ་རང་བཞིན་ལྷུན་གྲུབ་མཁའ་ཁྱབ་ཀྱི་ལྷ་དང་སྔགས་ལ་སོགས་པ་འདུས་མ་བྱས་ཀྱི་གཟུགས་ནས་རྣམ་མཁྱེན་གྱི་བར་གང་ཡིན་པ་དེ་ཡང་ཀུན་རྫོབ་ཀྱི་འདས་པ་ཡང་མ་ཡིན། ཕྲེང་ཕྱེད་དང་གཉིས་ན། ཐེག་པ་ཆེན་པོ་ཤེར་ཕྱིན་མཚན་ཉིད་པ་འདུས་མ་བྱས་ཀྱི་ཤེར་ཕྱིན་དེ་ཡང་འགྲིབ་པ་མེད། ཕྲེང་གཅིག་ན། ཐེག་པ་ཆེན་པོ་རྒྱུད་གཞན་དང་འབྲས་བུ་གཞན་གྱི་ཁྱད་པར་མེད་པ་དོན་དམ་འདུས་མ་བྱས་ཀྱི་བདེ་བ་དང་སྟོང་པ་ཐབས་དང་ཤེས་རབ་སྟོང་པ་ཉིད་སྙིང་རྗེ་དབྱེར་མེད་པ་ཀུན་ཁྱབ་ཏུ་ནམ་མཁའ་ལ་ཞུགས་པ་དེ་ལ་ཀུན་ནས་ཉོན་མོངས་པ་མེད། གློ་བུར་གྱི་རྣམ་པར་བྱང་པ་མེད་དེ། ཕྲེང་གཉིས་ན། དེ་བཞིན་དུ་ཐེག་པ་ཆེན་པོ་དོན་དམ་འདུས་མ་བྱས་ཀྱི་དུས་དང་འཁོར་ལོ་དབྱེར་མེད་དེ་ཧེ་རུ་ཀ་དང་བཛྲ་དབྱེར་མེད། འཁོར་ལོ་དང་སྡོམ་པ་དབྱེར་མེད། གསང་བ་དང་འདུས་པ་དབྱེར་མེད། རྡོ་རྗེ་དང་པད་མ་དབྱེར་མེད་ལ་སོགས་པ་རྟོག་ཅན་གྱི་སྤྱོད་ཡུལ་ལས་འདས་ཤིང༌། རྣལ་འབྱོར་ཅན་གྱིས་སྤྱོད་ཡུལ་དུ་གྱུར་པ་དེ་ལ་ཡང་སྐྱེ་བ་མེད་དོ། །འགག་པ་མེད་དོ། །ཀུན་རྫོབ་གང་ལ་ཡང་འབྲེལ་ཏེ་གནས་པ་མེད་དོ། །ཕྲེང་གཅིག་ན། ལུང་དུ་བསྟན་པའི་ལས་མ་ཡིན་ཐེག་པ་ཆེན་པོ། གྲགས་པ་བཀྲ་ཤིས་སྙན་གྲགས་དགེ །ཞེས་པ་དང༌། ཆོས་ཁམས་དགེ་བ་ཡང་ཞེས་གསུངས་པ་གང་ཡིན་པ་དེ་ཡང་འདུས་མ་བྱས་ཀྱི་དགེ་བ་ཡིན་པས། འདུས་བྱས་ཀྱི་དགེ་བ་མ་ཡིན། ཕྲེང་གཉིས་ན། ཐེག་པ་ཆེན་པོ་དོན་དམ་པའི་སངས་རྒྱས་མཉམ་སྦྱོར་དང༌། ལྷན་ཅིག་སྐྱེས་སྦྱོར་དང༌། རྣལ་འབྱོར་དང་རྣལ་འབྱོར་ཆེན་པོ་དང༌། རྗེས་སུ་རྣལ་འབྱོར་དང༌། ཤིན་ཏུ་རྣམ་འབྱོར་དང༌། རྡོ་རྗེའི་རྣལ་འབྱོར་དང༌། རྡོ་རྗེ་བདག་མེད་མའི་རྣལ་འབྱོར་ལ་སོགས་པའི་གཞི་འབྲས་ངོ་བོ་དབྱེར་མེད་འདུས་མ་བྱས་ཀྱི་རྣལ་འབྱོར་དུ་མ་རོ་གཅིག་འཁོར་འདས་དབྱེར་མེད། བདེན་གཉིས་དབྱེར་མེད། བདེན་བཞི་དབྱེར་མེད། མཁས་རློམ་མང་པོའི་བློ་ལས་འདས་ཤིང་མཁས་པ་ལས་ཀྱང་མཁས་པའི་སྤྱོད་ཡུལ་གང་ཡིན་པ་དེ་ཡང་རྣམ་པར་ཤེས་པ་རྟོག་གེས་མཐོང་བ་མ་ཡིན། ཕྲེང་གཉིས་ལྷག་ན། དེ་བཞིན་དུ་ཐེག་པ་ཆེན་པོ་དྲི་མ་གནས་པའི་གཞི་ཡང་ཡིན་ལ་དྲི་མ་དག་པའི་གཞི་ཡང་ཡིན་པས་ཀུན་གཞི་ཡེ་ཤེས་མཁའ་ཁྱབ་གང་ཡིན་པ་དེ་ཡང་རྣམ་ཤེས་ཀྱིས་ཤེས་པར་བྱ་བ་གང་ཡིན་པ་དེ་ཡང་རྣམ་ཤེས་ཀྱིས་ཤེས་པར་བྱ་བ་ཡང་མ་ཡིན། ཡེ་ཤེས་ཀྱིས་ཤེས་པར་མི་བྱ་བ་མ་ཡིན། སྡུག་བསྔལ་ཀུན་འབྱུང་དུ་གཏོགས་པའི་ཤེས་པ་ཐམས་ཅད་ཀྱིས་རྣམ་པར་ཤེས་པ་ཐམས་ཅད་ཀྱི་རྣམ་པར་ཤེས་པར་བྱ་བ་ཡང་མ་ཡིན། ཕྲེང་གཉིས་ན། ཐེག་པ་ཆེན་པོ་སྟོང་གཞི་དོན་དམ་གཞན་སྟོང་འགོག་བདེན་མཁའ་ཁྱབ་གང་ཡིན་པ་དེ་ཡང་རྣམ་པར་སྨོན་པ་ཡང་མ་ཡིན། ཕྲེང་གཅིག་རུང་ན། ཐེག་པ་ཆེན་པོ་འགལ་འདུས་སྐྱོན་མེད་འཇིག་རྟེན་དཔེ་ལས་འདས་ཤིང༌། དཔེར་བྱ་ཀུན་ལས་འདས་པ་བསམ་གྱིས་མི་ཁྱབ་པའི་དབྱིངས་རིག་དབྱེར་མེད་མཁའ་ཁྱབ་གང་ཡིན་པ་དེ་ཡང་ཀུན་རྫོབ་ཀྱིས་འདོད་པའི་ཁམས་ཀྱི་ཁོང་དུ་ཆུད་པ་མ་ཡིན། ཕྲེང་གཉིས་ན། ཐེག་པ་ཆེན་པོ་གཞི་འབྲས་ངོ་བོ་དབྱེར་མེད་ཀྱི་ཤེར་ཕྱིན་མཚན་ཉིད་དབུ་མ་པ་མཚན་ཉིད་པ། ཡིད་སྐྱོབ་མཚན་ཉིད་པ། ཕྱག་རྒྱ་ཆེན་པོ་མཚན་ཉིད་པ། གང་ཡིན་པ་དེ་ཡང་ཐོབ་ཟིན་པ་རྣམས་ལ་འདོད་ཆགས་དང་ལྡན་པ་ཡང་མ་ཡིན། མ་ཐོབ་པ་རྣམས་ལ་འདོད་ཆགས་དང་བྲལ་བ་ཡང་མ་ཡིན། དབྱེར་མེད་དུ་ཞེ་སྡང་དང་ལྡན་པ་ཡང་མ་ཡིན། ཞེ་སྡང་དང་ཐ་དད་དུ་ལྡན་པ་དང་བྲལ་བ་ཡང་མ་ཡིན། ཡིན་པའི་ཚུལ་གྱིས་གཏི་མུག་དང་ལྡན་པ་ཡང་མ་ཡིན། ཡོད་པའི་ཚུལ་གྱིས་གཏི་མུག་དང་བྲལ་བ་ཡང་མ་ཡིན་ཏེ། ཕྲེང་གཉིས་ལྷག་ན། ཐེག་པ་ཆེན་པོ་དོན་དམ་བྱང་ཆུབ་ཀྱི་སེམས་འདུས་མ་བྱས་ཀྱི་དབྱིངས་རིག་དབྱེར་མེད། མཁའ་ཁྱབ་དེ་ཡང་དོན་དམ་གྱི་སེམས་བསྐྱེད་ཡིན་པ། སེམས་དང་པོ་བསྐྱེད་པ་ལ་སོགས་པ་ཀུན་རྫོབ་ཀྱི་སེམས་བསྐྱེད་ཐམས་ཅད་དབྱེར་མེད་དུ་མེད་དོ། །ཕྲེང་གསུམ་ན། ཐེག་པ་ཆེན་པོ་ཕྱི་ནང་ཀུན་རྫོབ་འདི་ལ་གཞན་མཆོག་ཕ་རོལ་དོན་དམ་པ་དང་པོའི་སངས་རྒྱས་གཞིའི་སངས་རྒྱས་ཀུན་བས་སྔར་སངས་རྒྱས། གདོད་ནས་གྲོལ་བའི་དེ་བཞིན་གཤེགས་པ་ནམ་མཁའི་རང་བཞིན་གཟོད་ནས་རྣམ་གྲོལ་ཐུགས་གང་ཡིན་པ་དེ་ཡང་དཀར་པོ་རྣམ་པར་མཐོང་བའི་ས་ལ་སོགས་པ་དབྱེར་མེད་དུ་མེད་དོ། །རིགས་ཀྱིས་མེད་དོ། །ཕྲེང་ཕྱེད་དང་གསུམ་ན། ཐེག་པ་ཆེན་པོ། རྣམ་པ་ཀུན་ལྡན་རྣམ་པ་མེད། །དངོས་པོ་ཀུན་གྱི་རང་བཞིན་མཆོག །དངོས་པོ་ཀུན་གྱི་རང་བཞིན་འཛིན། །སྐྱེ་མེད་ཆོས་ཏེ་སྣ་ཚོགས་སྟོན། །ལུས་མེད་ལུས་སྟེ་ལུས་ཀྱི་མཆོག །ལུས་ཀྱི་མཐའ་ནི་རྟོགས་པ་པོ། །གཟུགས་མེད་གཟུགས་བཟང་དམ་པ་སྟེ། །སྣ་ཚོགས་གཟུགས་ཅན་ཡིད་ལ་སྐྱེས། །གཟུགས་རྣམས་ཐམས་ཅད་སྣང་བའི་དཔལ། །གང་ཡིན་པ་དེ་ལ་ཡང་དོན་དམ་གྱི་འཕགས་པ་ཀུན་ལུས་ཡིན་ཡང་ཀུན་རྫོབ་ཀྱི་རྒྱུན་དུ་ཞུགས་པའི་འབྲས་བུ་ལ་སོགས་པ་ཀུན་རྫོབ་ཀྱི་འཕགས་པ་ཐམས་ཅད་དབྱེར་མེད་དུ་མེད་དོ། །ཕྲེང་གཉིས་ལྷག་ན། ཐེག་པ་ཆེན་པོ། སངས་རྒྱས་སྐུ་ལྔའི་བདག་ཉིད་ཅན། །ཁྱབ་བདག་ཡེ་ཤེས་ལྔ་ཡི་བདག །ཐེག་པ་ཆེན་པོའི་ཚུལ་ལ་གནས། །ཐེག་པ་ཆེན་པོའི་ཚུལ་གྱིས་མཆོག ། གསང་སྔགས་ཚུལ་ཆེན་ལས་བྱུང་བ། །གསང་སྔགས་ཚུལ་ཆེན་བདག་ཉིད་ཅན། །སངས་རྒྱས་རྣམ་པར་སྣང་མཛད་ཆེ། །ཐུབ་པ་ཆེན་པོ་ཐུབ་ཆེན་ལྡན། །གང་ཡིན་པ་འདུས་མ་བྱས་ཀྱི་ཐེག་པ་དེ་ལ་ཡང་དོན་དམ་འདུས་མ་བྱས་ཀྱི་ཐེག་པ་དེ་ལ་ཡང་དོན་དམ་འདུས་མ་བྱས་ཀྱིས་ཐམས་ཅད་གདོད་ནས་རང་བཞིན་གྱིས་དབྱེར་མེད་དུ་ཚང་ཡང་ཀུན་རྫོབ་འདུས་བྱས་ཀྱི་ཉན་ཐོས་ཀྱི་ས་ལ་སོགས་པ་ཀུན་རྫོབ་ཀྱི་ས་ཐམས་ཅད་དབྱེར་མེད་དུ་མེད་དོ། །ཕྲེང་ཕྱེད་དང་གཉིས་ན། གཟུགས་དང་ལྡན་པ་མ་ཡིན། སྤྲིན་ལ་སོགས་པའི་གཟུགས་མེད་པ་ཡིན། བསྟན་དུ་ཡོད་པ་མ་ཡིན། ནམ་མཁའི་ཁ་དོག་བསྟན་དུ་མེད་པ་མ་ཡིན། ཐོགས་པ་མེད་པའི་ཆོས་ཉིད་མ་ཡིན། འདུས་བྱས་རྣམས་ལྡན་པ་མ་ཡིན། དེའི་ཆོས་ཉིད་མི་ལྡན་པ་མ་ཡིན། ཐེག་པ་ཆེན་པོ་མཁའ་ཁྱབ། དེ་ཡང་ཀུན་རྫོབ་ཀྱི་གཟུགས་དང་དབྱེར་མེད་དུ་ལྡན་པ་མ་ཡིན། དོན་དམ་པའི་གཟུགས་དབྱེར་མེད་དུ་མེད་པ་མ་ཡིན། རྣམ་རྟོག་རྣམ་ཤེས་ལ་བསྟན་དུ་ཡོད་པ་མ་ཡིན། མི་རྟོག་ཡེ་ཤེས་ལ་བསྟན་དུ་མེད་པ་མ་ཡིན། ཀུན་རྫོབ་ཀྱི་རྣམ་ཤེས་དང་ནམ་མཁའ་ལ་སོགས་པ་ཐོགས་པ་མེད་པ་ཐམས་ཅད་མ་ཡིན། ཀུན་རྫོབ་ཀྱི་ཆོས་ཀུན་དབྱེར་མེད་དུ་ལྡན་པ་མ་ཡིན། དོན་དམ་གྱི་ཡོན་ཏན་གང་གཱའི་ཀླུང་གི་རྡུལ་སྙེད་ལས་འདས་པ་ཆ་མེད་ཀུན་གྲོལ་ཁྱབ་པ་པོ་ཐམས་ཅད་དབྱེར་མེད་དུ་མི་ལྡན་པ་མ་ཡིན་ཏེ། ཕྲེང་ཕྱེད་ན། དཔེར་ན་རྒྱན་ནམ་མཁའ་ལ་སོགས་པ་ལ་ནི་རྟག་པ་མ་ཡིན། འདུས་མ་བྱས་ནམ་མཁའ་ནི་མི་རྟག་པ་མ་ཡིན། བདག་མེད་པའི་ཆོས་ཉིད་མ་ཡིན། ཐེག་པ་ཆེན་པོ། ཆ་མེད་ཀུན་འགྲོ་ཁྱབ་པ་པོ། །ཡོངས་སུ་མི་ཉམས་པའི་ཆོས་ཉིད་དང༌། རྟག་ཏུ་བཏང་སྙོམས་སུ་གནས་པའི་ཡེ་ཤེས་འདུས་མ་བྱས་དེ་ཡང་རྣམ་པ་རྟག་པ་ཡང་མ་ཡིན། ངོ་བོ་མི་རྟག་པ་ཡང་མ་ཡིན། སྡུག་བསྔལ་བ་མ་ཡིན་ཏེ། བདེ་སྡུག་སེལ་བ་མཐར་གྱུར་པ། །ཆགས་བྲལ་ལུས་ལ་འདས་པ་པོ། །ཞེས་པའོ། །ཀུན་རྫོབ་ཀྱི་བདག་ཡོད་པ་མ་ཡིན། དོན་དམ་གྱི་བདག་མེད་པ་མ་ཡིན་ཏེ། དེ་བཞིན་ཉིད་བདག་དག་པའི་བདག་ཡིན་པའི་ཕྱིར་རོ། །ཀུན་རྫོབ་ཀྱི་སྡུག་པ་མ་ཡིན། མི་སྡུག་པ་མ་ཡིན་ཏེ། དཔེར་ན་ནམ་མཁའ་ནི་སྤྲིན་ལ་སོགས་པ་ཡོད་པས་སྟོང་པ་མ་ཡིན། རང་གི་ངོ་བོ་མི་སྟོང་པ་མ་ཡིན། མཚན་མ་མེད་པའི་ཆོས་ཉིད་མ་ཡིན། སྨོན་པ་མེད་པའི་ཆོས་དབྱིངས་མ་ཡིན་ནོ། །ཐེག་པ་ཆེན་པོ་སྟོང་གཞི་བདེ་གཤེགས་སྙིང་པོ་མཁའ་ཁྱབ་དེ་ཡང་རང་གི་སྟོང་པ་མ་ཡིན། གཞན་ཀུན་རྫོབ་ཀྱི་མི་སྟོང་པ་མ་ཡིན། མཚན་མ་ཡོད་པ་མ་ཡིན། མཚན་མ་རང་བཞིན་གྱི་མེད་པས་མཚན་མ་མེད་པ་གློ་བུར་དུ་བྱུང་བ་མ་ཡིན། སྨོན་པ་ཡོད་པ་མ་ཡིན། སྨོན་པ་རང་བཞིན་གྱི་མེད་པས་སྨོན་པ་མེད་པ་གློ་བུར་དུ་བྱུང་བ་མ་ཡིན་ཏེ། ནུད་ཙམ་ན། དཔེར་ན། ནམ་མཁའ་ནི་ཞི་བའི་ཡེ་ཤེས་མ་ཡིན། དབེན་པའི་ཡེ་ཤེས་མ་ཡིན། འདུས་བྱས་ཀྱི་མི་དབེན་པ་མ་ཡིན། ཐེག་པ་ཆེན་པོ་འགལ་འདུས་སྐྱོན་མེད་ཀྱི་ཆོས་དབྱིངས་མཁའ་ཁྱབ། དེ་ཡང་རང་བཞིན་གྱི་ཞི་བ་ཡིན་པས་ཞི་བ་གློ་བུར་དུ་བྱུང་བ་མ་ཡིན། རང་གི་རང་དབེན་པ་ཡིན། གཞན་ཀུན་རྫོབ་ཡིན་པས་མི་དབེན་པ་མ་ཡིན་ཏེ། ཕྲེང་གཅིག་ན། ཐེག་པ་ཆེན་པོ། ཐུབ་དབང་སྟོབས་བཅུ་ཁྱབ་པའི་བདག །ཀུན་གྱི་དོན་ནི་མ་ལུས་བྱེད། །གང་ཡིན་པ་དེ་ཡང་ཀུན་རྫོབ་ཀྱི་སྣང་བ་མ་ཡིན། ཕྲེང་ཕྱེད་ན། ནམ་མཁའ་ནི་དབང་ཤེས་ཀྱིས་དམིགས་སུ་ཡོད་པ་མ་ཡིན། ཡིད་ཤེས་ཀྱིས་དམིགས་སུ་མེད་པ་ཡང་མ་ཡིན་ནོ། །ཐེག་པ་ཆེན་པོ་འདུས་མ་བྱས་ཀྱི་གཟུགས་ནས་མ་འདྲེས་པ་བཅོ་བརྒྱད་ཀྱི་བར་གང་ཡིན་པ་དེ་ཡང་རྣམ་ཤེས་ཀྱིས་དམིགས་སུ་ཡོད་པ་མ་ཡིན། ཡེ་ཤེས་ཀྱིས་དམིགས་སུ་མེད་པ་ཡང་མ་ཡིན་ཏེ། དམིགས་སུ་ཡོད་མེད་འདིའི་ཚབ་ཏུ་ཁྲི་བརྒྱད་སྟོང་པར་འཐོབ་པར་མ་ཡིན། ཞེས་དམིགས་སུ་ཡོད་པ་མ་ཡིན། ཞེས་པ་འབྱུང་ཞིང་འགྲེལ་པ་གནོད་འཇོམས་ཀྱང་དེ་དང་མཐུན། ཐེག་པ་ཆེན་པོ་དོན་དམ་གྱི་ཨ་ཧཾ་དང་ཧཾ་ཀྵ་ལ་སོགས་མཁའ་ཁྱབ་གང་ཡིན་པ་དེ་ཡང་ཀུན་རྫོབ་ཀྱིས་མིང་ཚིག་ཡོད་དུ་ཡི་གེ་བརྗོད་དུ་ཡོད་པ་ཡང་མ་ཡིན། དོན་དམ་གྱི་མིང་ཚིག་ཡི་གེ་བརྗོད་དུ་མེད་པ་ཡང་མ་ཡིན་ཏེ། ནམ་མཁའ་དང་མཉམ་ཞིང་མཚུངས་ཞེས་བྱའོ། །ནུད་ཙམ་ན། ནམ་མཁའ་དང་མཉམ་པ་སྟེ། འདིར་གཞི་འབྲས་ཀྱི་ཐེག་ཆེན་མཐར་ཐུག་ནི་དེ་བཞིན་ཉིད་དེ། ལམ་གྱི་ཐེག་ཆེན་ནི་ཐེག་ཆེན་གྱི་ལྟ་སྤྱོད་གསུམ་རྣམ་དག་སྟེ། འདི་ལྟར་ཐེག་པ་ཆེན་པོའོ། །སེམས་ཅན་དོན་དང་། རབ་འབྱོར། གང་ཡང༌། ཕྲེང་གསུམ་ན། རིགས་པར་བྱ་སྟེ། འདི་འདྲ་བ་དག་ལ་དགོངས་ནས། བཅོམ་ལྡན་འདས་ཀྱི་ཉིད་ཀྱི་རང་འགྲེལ་གྱི་འཁོར་ལོ་གཉིས་པའི་སྐབས་སུ་བླ་ན་མཆིས་པ། སྐབས་མཆིས་པ། དྲང་བའི་དོན། རྩོད་པའི་ཚིག་གི་གནས་སུ་གྱུར། ཞེས་གསུངས་པ་ཡང་ཡང་དྲན་པར་བྱའོ། །རབ་འབྱོར། རྣམ་གྲངས་འདས་ཀྱང༌། ཕྲེང་བཅུ་གཉིས་ན། དེ་བཞིན་ཉིད་མེད་པར་རིགས་པར་བྱའོ། །ཞེས་པ་ནི་སེམས་ཅན་མེད་པས་ཀུན་བཏགས་པའི་གཟུགས་ཀྱི་དེ་བཞིན་ཉིད་དང༌། སྒྲའི་དེ་བཞིན་ཉིད་ལ་སོགས་པ་མེད་པར་བྱའོ། །ཞེས་དབུ་མ་པ་གསུངས། དེ་བཞིན་ཉིད་མེད་པའི་ཕྱིར། ཤོག་གུ་བཅུ་གཉིས་དང་ཕྲེང་གཉིས་ན། གོ །འབྱེད་དོ། །འབད་མེད་དང༌། །རབ་འབྱོར། ཕྲེང་ཕྱེད་དང་གསུམ་ན། འགྱུར་བ་མེད་དོ། །ཞེས་པ་ནི་མཐར་ཐུག་པའི་ཐེག་པ་ཆེན་པོའི་གནས་སྐབས་ན་ཆོས་ཐམས་ཅད་དེ་བཞིན་ཉིད་ཙམ་དུ་ཟད་པའི་ཕྱིར་སྐྱེ་བ་དང་འགག་པ་དང་གནས་པ་མེད་པས་མི་གཡོ་བར་སྣང་ངོ༌། །ཞེས་དབུ་མ་པ་གསུངས། ཅིའི་ཕྱིར་ཞེ་ན། ཕྲེང་བརྒྱད་ན། འགྱུར་བ་མེད་དོ། །ཞེས་པ་ནི་མཐར་ཐུག་པ་ཆེན་པོའི་ས་ལ་ཆོས་ཀྱི་དབྱིངས་དེ་ཉིད་རང་ཉིད་ངོ་བོ་ཉིད་དང་མཚན་ཉིད་ཁོ་ནར་བཟུང་སྟེ། དེ་ཉིད་རང་བཞིན་ཡིན་གྱི་གཞན་མེད་དོ། །དེ་ཉིད་དེ་བཞིན་ཉིད་ཡིན་གྱི་གཞན་མ་ཡིན་ནོ། །དེ་ཉིད་ངོ་བོ་ཉིད་ཡིན་གྱི་གཞན་མ་ཡིན་ནོ། །དེ་ཉིད་མཚན་ཉིད་ཡིན་གྱི་གཞན་མ་ཡིན་ཏེ། དེ་ལས་ཕྱེ་སྟེ་སྨོས་པ་ཙམ་དུ་ཟད་དོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གྱིས་གསུངས། མིག་ནི་གང་ནས་ཀྱང་འོང་བ་མེད། ཤོག་གུ་དགུ་ན། གནས་པ་ཡང་མེད་དོ། །མཐའ་ལས་འདས་པར་ངེས་འབྱུང་དང༌། །རབ་འབྱོར། གང་ཡང༌། ཕྲེང་དྲུག་ན། སེམས་དཔའ་ཆེན་པོ་རྣམས་ཀྱི་མཉམ་པ་ཉིད་དུས་གསུམ་གྱི་ཐེག་པ་ཞེས་བྱ་བས། མཇུག་བསྡུས་ཏེ་བསྟན་པ་ཅི་ལས་དགོངས་ཞེ་ན། དུས་གསུམ་མཉམ་པ་ཉིད་ཀྱི་ཐེག་པ་ཞེས་བྱ་བ་ནི་མཐར་ཐུག་པའི་ཐེག་པ་ཆེན་པོ་ལ་བྱའོ། །ཐེག་པ་ཆེན་པོ་ཡང་ཐ་དད་དུ་བྱ་བ་ཐམས་ཅད་དང་བྲལ་བས་གཅིག་པུའི་བདག་ཉིད་དེ། དེ་ལ་ནི་དུས་ཞེས་བྱ་བ་དང༌། དུས་མཉམ་པ་ཉིད་ཅེས་བྱ་བ་དང༌། ཐེག་པ་ཆེན་པོ་ཞེས་བྱ་བ་དང༌། བྱང་ཆུབ་སེམས་དཔའ་ཞེས་བྱ་བ་ཐམས་ཅད་སྟོང་པ་ཉིད་ཙམ་དུ་ཟད་པའི་ཐེག་པའོ། །སྟོང་པ་ཉིད་ཙམ་དུ་ཟད་པ་དེ་ལ་ནི་ཀུན་བཏགས་པའི་ཆོས་དེ་དག་མེད་པའི་ཕྱིར་ཐམས་ཅད་སེལ་ལོ། །ཞེས་དབུ་མ་པ་གསུངས་ཏེ། དེ་ལ་མཉམ་པ་དང་མི་མཉམ། ཕྲེང་བཅུ་གཉིས་ན། ལྟ་ཅི་ཞིག་སྨོས་ཞེས་པ་ལ་གཟུགས་སྟོང་པ་ཞེས་བྱ་བ་ནི་གང་གི་ཚེ་གཟུགས་དང་འབྲེལ་བའི་སྟོང་ཉིད་སྨོས་པ་དེའི་ཚེ་སྟོང་པ་དེ་ཉིད་ཀྱང་ཀུན་བཏགས་པ་ཡིན་པའི་ཕྱིར་ཡོད་པ་མ་ཡིན་ན། སྟོང་པ་ཉིད་དེ་ལ་གཟུགས་ཡོད་པར་ག་ལ་འགྱུར། ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། སྟོང་པ་ཉིད་ལ་འདས་པའི་ཚོར་བ་དང༌། ཕྲེང་བཅུ་ན། དུས་དམིགས་པ་ལྟ་ཅི་ཞིག་སྨོས། ཞེས་བྱ་བ་ཅི་ལ་དགོངས་ཞེ་ན། མཐར་ཐུག་པའི་ཐེག་པ་ཆེན་པོའི་ས་ལ་ནི་ཕ་རོལ་ཏུ་ཕྱིན་པ་ལ་སོགས་པའི་ཆོས་ཐམས་ཅད་རྣམ་པར་སྨིན་པའི་བདག་ཉིད་དུ་གྱུར་ནས་སྟོང་པ་ཉིད་ཀྱི་རྗེས་སུ་ཞུགས་ཏེ་དེ་བས་ན་དེ་ལ་དུས་མཉམ་པ་ཉིད་ཅེས་བྱ་བ་ཡང་མེད་ལ་དུས་གསུམ་དུ་གཏོགས་པའི་སྦྱིན་པའི་ཕ་རོལ་ཏུ་ཕྱིན་པ་ལ་སོགས་པ་ཡང་མེད་དོ། །ཞེས་དབུ་མ་པ་གསུངས་ཤིང༌། ལ་ཟློ་བ་མཉམ་གཞག་ཟབ་མོའི་སྐབས་ལ་དགོངས་པ་མ་ཡིན་ལ། སྐབས་གཞན་ཤིན་ཏུ་མང་པོར་ཡང་ལ་ཟློ་བ་ལ་དགོངས་ནས་མེད་ཅིང༌། མི་དམིགས་ལ་སོགས་པ་གསུངས་པ་རྣམས་ཀྱི་དགོངས་པ་མ་ཤེས་པ་རྣམས་ཀྱིས་རྗེས་ཐོབ་ཤན་འབྱེད་པའི་སྐབས་ལ་སྦྱར་བ་ཐམས་ཅད་ནི་ནོར་བ་ལས་ཀྱང༌། ནོར་བ་ཡིན་པས། རྣམ་པ་ཐམས་ཅད་དུ་དོར་བར་བྱའོ། །མ་འོངས་པའི་དུས་དང༌། ཤོག་གུ་གཉིས་དང་ཕྲེང་ཕྱེད་བརྒྱད་ན། ཉིད་དུ་འབྱུང་ངོ༌། །ཐོབ་པའི་མཚན་ཉིད་ངེས་འབྱུང་དང༌། །དེ་ནས་ཚེ་དང་ལྡན་པ་རབ་འབྱོར་གྱིས། ཕྲེང་བཅུ་གཅིག་ན། བསྟན་པར་མ་གྱུར་ལགས་གྲངས་ཞེས་བྱ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང༌། ཐེག་པ་ཆེན་པོ་གཉིས་ཐ་མི་དད་པའི་ཕྱིར། ཐེག་པ་ཆེན་པོ་བསྟན་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་བསྟན་པ་ཡིན་པར་དགོངས་པ་སྟེ། ཞེས་དབུ་མ་པ་ཆེན་པོ་གསུངས། བཅོམ་ལྡན་འདས་ཀྱིས་བཀའ་སྩལ་པ། ཤོག་གུ་གསུམ་དང་ཕྲེང་བདུན་ན། མཐའ་ཡས་པ་རིག་པར་བྱའོ། །ཞེས་པ་ལ་སོགས་པ་གསུངས་ཏེ། གཟུགས་ལ་སོགས་པ་ཆོས་ཐམས་ཅད་ལ། སྔོན་གྱི་མཐའ་ལ་སོགས་པ་མཐའ་གསུམ་མེད་པས་ཀུན་ཏུ་མཐའ་ཡས་པ་ཉིད་དེ། དེ་བཞིན་དུ། བྱང་ཆུབ་སེམས་དཔའ་ཡང་ཀུན་ཏུ་མཐའ་ཡས་པ་རིག་པར་བྱའོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། ཚོར་བ་དང༌། ཕྲེང་གཅིག་ན། མ་མཆིས་མི་དམིགས་སོ། །ཞེས་པ་ལ་སོགས་པ་གསུངས་སོ། །དེ་ལྟར་དུས་གསུམ་ལ་བྱང་ཆུབ་སེམས་དཔའ་མི་དམིགས་པས་གཟུགས་ལ་སོགས་པ་ཡང་བྱང་ཆུབ་སེམས་དཔའི་ངོ་བོར་མི་དམིགས་པའི་ཕྱིར། བྱང་ཆུབ་སེམས་དཔའ་དམིགས་སུ་མེད་དོ། །དེ་མི་དམིགས་པས་གདམས་པ་དང༌། རྗེས་སུ་བསྟན་པ་གཉིས་ཀྱང་མེད་དོ། །ཞེས་དབུ་མ་པ་གསུངས། ཚོར་བ་དང༌། ཕྲེང་གསུམ་ལྷག་ན། མིང་ཙམ་དུ་བས་ཏེ། ཞེས་པ་ནི་དེ་ལྟར་དམིགས་སུ་མེད་པའི་ཕྱིར། བྱང་ཆུབ་སེམས་དཔའ་ཀུན་བཏགས་པ་ཙམ་དུ་ཟད་པར་སྟོན་ཏོ། །དེ་ལྟར་བྱང་ཆུབ་སེམས་དཔའ་དོན་དམ་པར་མེད་པར་བསྟན་ནས། དཔེ་བསྟན་པའི་ཕྱིར། ཞེས་དབུ་མ་པ་གསུངས། བཅོམ་ལྡན་འདས་ཇི་ལྟར་ན། ཕྲེང་གསུམ་ནུས་ན། གཟུགས་མ་ལགས་ཞེས་པ་ལ་སོགས་པ་གསུངས་ཏེ། མངོན་པར་གྲུབ་པ་མེད་པའི་མཚན་ཉིད་ནི་ཡོངས་སུ་གྲུབ་པའི་མཚན་ཉིད་ཡིན་གྱི་ཀུན་བཏགས་པའི་གཟུགས་ལ་སོགས་པ་ནི་མ་ཡིན་ནོ། །ཞེས་བྱ་བའི་ཐ་ཚིག་གོ ། ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། གང་མངོན་པར་མ་གྲུབ་པ་དེ་ནི། ཚོར་བ་དང༌། ཕྲེང་ཕྱེད་ན། མ་ལགས་ཏེ། དེ་ལྟར་ཀུན་བཏགས་པའི་བྱང་ཆུབ་སེམས་དཔའ་མེད་པའི་ཕྱིར་གདམས་པའི་འོས་མ་ཡིན་པར་བསྟན་ནས། ད་ནི་དོན་དམ་ཆོས་ཉིད་ཀྱི་བྱང་ཆུབ་སེམས་དཔའི་དབང་དུ་བྱས་ཏེ། བཅོམ་ལྡན་འདས་དེ་ལྟ་ལགས་ལ། ཕྲེང་གཅིག་ལྷག་ན། གདམས་སུ་མཆིས་སམ། དོན་དམ་པའི་བྱང་ཆུབ་སེམས་དཔའ་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཡིན་པས་མངོན་པར་མ་གྲུབ་པའི་མཚན་ཉིད་ཡིན་ཏེ། དེ་ཡང་སྤྲོས་པ་ཐམས་ཅད་ལས་འདས་པའི་ཕྱིར། གདམས་པ་དང་རྗེས་སུ་བསྟན་པའི་འོས་མ་ཡིན་ནོ། །ཞེས་བྱ་བའི་ཐ་ཚིག་གོ ། ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས་སོ། །དེ་ལྟར་དོན་དམ་པའི་བྱང་ཆུབ་སེམས་དཔའ་བསྟན་ནས། གལ་ཏེ་དེ་ལྟར་བསྟན་པའི་ཚེ། ཕྲེང་གཅིག་ན། ཕ་རོལ་ཏུ་ཕྱིན་པ་ལ་སྤྱོད་དོ། །ཞེས་པས་ནི་དོན་དམ་པའི་སྤྱོད་པ་བསྟན་ཏོ། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཤོག་གུ་གཅིག་དང་ཕྲེང་ལྔ་ན། དབུས་སུ་མི་དམིགས་སོ། །ཞེས་པ་ནི་གང་ཟག་ལ་བདག་མེད་པའི་ཕྱིར་ཏེ། བྱང་ཆུབ་སེམས་དཔའ་འདས་པའི་དུས་ན་བྱུང་ངོ༌། །བྱང་ཆུབ་སེམས་དཔའ་མ་འོངས་པ་ནས་འབྱུང་བར་འགྱུར་རོ། །བྱང་ཆུབ་སེམས་དཔའ་ད་ལྟར་བྱུང་བ་ན་ཡོད་དོ། །ཞེས་བྱ་བ་དུས་གསུམ་དུ་ཉེ་བར་འགྲོ་བ་མེད་དོ། །ཞེས་བྱ་བ་བསྟན་ཏོ། །ཞེས་དབུ་མ་པ་གསུངས། སེམས་ཅན་སྟོང་པ་དང༌། ཕྲེང་དྲུག་ན། གཉིས་སུ་དབྱེར་མེད་དོ། །ཞེས་པ་ནི་ཡོངས་སུ་གྲུབ་པའི་མཚན་ཉིད་དུ་ཐམས་ཅད་གཅིག་པར་དགོངས་པའོ། །ཞེས་དབུ་མ་པ་གསུངས། ཚེ་དང་ལྡན་པ། ཤོག་གུ་དགུ་དང་ཕྲེང་གཉིས་ན། བསམ་གྱིས་མི་ཁྱབ་པའི་དབྱིངས། ལ་སོགས་པ་དེ་དང༌། དེ་ལ་རྟོག་པ་སྣང་ཡུལ་དང་བཅས་པ་ཀུན་བཏགས་དེ་རྣམས་གཤིས་ལ་མེད་པའི་ཕྱིར། ཤོག་གུ་ལྔར་ཕྲེང་གསུམ་ཆད་པ་ན། གཟུགས་ནི་གཟུགས་ཀྱིས་སྟོང་ཞེས་པ་ནི་ཡོངས་སུ་གྲུབ་པ་ཆོས་ཉིད་ཀྱི་གཟུགས་ནི་ཀུན་བཏགས་པའི་གཟུགས་ཀྱིས་སྟོང་ངོ༌། །ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། ཚོར་བ་དང༌། ཕྲེང་ཕྱེད་ན། སྟོང་པ་ཉིད་ལ་གཟུགས་མེད་ཅེས་པ་ནི་གཟུགས་ཀྱིས་སྟོང་པ་ཉིད་ལ་ཀུན་བཏགས་གཟུགས་མེད་ཅེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། སྟོང་པ་ཉིད་ལ། ཤོག་གུ་གཅིག་དང་ཕྲེང་གཉིས་ན། བྱང་ཆུབ་སེམས་དཔའ་མེད་དོ། །འདི་ལྟ་བུའི་གཞུང་ལ་སྒྲ་ཇི་བཞིན་པར་བཟུང་ནས་ཐམས་ཅད་རང་སྟོང་ཉིད་དུ་འདོད་པ་རྣམས་ནི་ཕྱི་རོལ་པ་ལ་སོགས་པར་ལྟ་བ་ཡིན་ཏེ། ཤེར་ཕྱིན་ལྔ་བརྒྱ་པར། རབ་འབྱོར། གང་ཡང་བཅོམ་ལྡན་འདས་ཀྱི་གཟུགས་རང་བཞིན་མེད་པ་དང༌། སྐྱེ་བ་མེད་པ་དང༌། འགག་པ་མེད་པ་དང༌། གདོད་མ་ནས་ཞི་བ་དང་རང་བཞིན་གྱིས་ཡོངས་སུ་མྱ་ངན་ལས་འདས་པར་བསྟན་པ་གང་ཡིན་པའི་བསྟན་པ་དེ་ཐམས་ཅད་ནི་ལྡེམ་པོར་དགོངས་པ་མ་ཡིན་པ་སྟེ། སྒྲ་ཇི་བཞིན་དུ་ཤེས་པར་བྱའོ། །ཞེས་དེ་སྐད་སྨྲ་ན་དེ་ནི་ཕྱི་རོལ་པས་ཀྱང་ཕྱི་རོལ་པ་སོ་སོའི་སྐྱེ་བོའི་ཕྱོགས་ལ་གནས་པ་སྟེ་ལོག་པར་ལྟ་བའོ། །ཞེས་ང་སྨྲའོ། །ཞེས་སོགས་རྒྱ་ཆེར་གསུངས་པའི་ཕྱིར་རོ། །དེས་ན་ཐམས་ཅད་རང་མེད་དགག་ཏུ་ལྟ་བ་ནི་ཐ་ཆད་པ་ཡིན་པས་སྤང་བར་བྱའོ། །ཉན་ཐོས་ཀྱི་ཐེག་པ་ནི། ཕྲེང་དྲུག་ན། གཟུགས་ནི་ཚོར་བ་ལ་མེད་ཅིང་མི་དམིགས་སོ། །ཞེས་པ་ལ་སོགས་པས། རང་གི་དངོས་པོ་དང༌། གཞན་གྱི་དངོས་པོ་ལ་བཙལ་ན་ཆོས་ཐམས་ཅད་མི་དམིགས་པར་བསྟན་པ་སྟེ། ཞེས་དབུ་མ་པ་གསུངས། ཤོག་གུ་ལྔ་དང་ཕྲེང་གསུམ་ན། བྱང་ཆུབ་སེམས་དཔའ་ཞེས་བྱ་བ་ནི་མིང་ཙམ་ཞེས་བྱའོ། །ཞེས་བྱ་བ་ནི་བྱང་ཆུབ་སེམས་དཔའ་ནི་དོན་དམ་པ་སྟོང་པ་ཉིད་ཀྱི་རང་བཞིན་ན་ཀུན་རྫོབ་ཏུ་དེ་ལ་ཐ་སྙད་དུ་བྱ་བའི་ཕྱིར། བྱང་ཆུབ་སེམས་དཔའ་ཞེས་བྱ་བའི་ཕྱིར་བྱང་ཆུབ་སེམས་དཔའ་ཞེས་བྱ་བའི་མིང་གློ་བུར་དུ་བཏགས་པ་སྟེ། གློ་བུར་ཞེས་བྱ་བ་ནི་ངོ་བོ་ཉིད་དུ་ཡོད་པ་མ་ཡིན་ནོ། །ཞེས་བྱ་བའི་ཐ་ཚིག་གོ། ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། གཟུགས་ཞེས་བྱ་བ་དང༌། ཞེས་སོགས་ནི་ཀུན་བཏགས་པའི་ཆོས་ཐམས་ཅད་མིང་ཙམ་དུ་ཟད་པར་བསྟན་ཏོ། །ཕྲེང་གཉིས་ན། རྣམ་པར་ཤེས་པ་མ་ཡིན་ནོ། །ཞེས་སོགས་ཀྱིས་ནི་ཆོས་ཉིད་ཀྱི་གཟུགས་ལ་སོགས་པ་དང་མིང་དག་ཐ་དད་པ་ཡིན་པར་བསྟན་ཏེ། གཟུགས་ཞེས་བྱ་བའི་མིང་ཀུན་བཏགས་པ་གང་ཡིན་པ་དེ་དོན་དམ་པའི་གཟུགས་མ་ཡིན། ཞེས་བྱ་བའི་ཐ་ཚིག་གོ །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། དེ་ཅིའི་ཕྱིར་ཞེ་ན། ཕྲེང་ཕྱེད་ན། མིང་མ་ཡིན་ཏེ། ཞེས་པས་མིང་དང་སྟོང་པ་གཉིས་ཐ་དད་པའི་གཏན་ཚིགས་བསྟན་ཏེ། ཀུན་བཏགས་པའི་མིང་གང་ཡིན་པ་དེ་ནི་མིང་གི་ངོ་བོ་ཉིད་ཀྱིས་སྟོང་ལ་དེའི་སྟོང་པ་ཉིད་གང་ཡིན་པ་དེ་ནི་མིང་གི་ངོ་བོ་ཉིད་མ་ཡིན་ནོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། དེའི་འདི་ལྟ་སྟེ། ཕྲེང་ཕྱེད་དང་གསུམ་ན། དེ་ལྟར་མིང་ཡོད་པ་མ་ཡིན་པ་དང༌། དོན་དམ་པའི་ཆོས་རྣམས་ཡོད་པའི་ཕྱིར། ཆོས་དེ་དག་མིང་གི་རང་བཞིན་མ་ཡིན་ནོ། །དེ་བས་ན་དོན་དམ་པའི་བྱང་ཆུབ་སེམས་དཔའ་ཡང་མིང་གི་ངོ་བོ་ཉིད་མ་ཡིན་ནོ། །དེ་བས་ན་བྱང་ཆུབ་སེམས་དཔའ་ཞེས་བྱ་བ་གློ་བུར་བཏགས་པ་ཡིན་པར་བསྟན་པའི་ཕྱིར། ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། དེའི་ཕྱིར་འདི་ལྟ་སྟེ། ཕྲེང་གཉིས་ནང་ན། གཉིས་ཀ་ཡང་མེད་ཅིང་མི་དམིགས་ཏེ། ཞེས་པ་ནི་སྦྱིན་པའི་ཕ་རོལ་ཏུ་ཕྱིན་པ་ལ་སོགས་པ་ཡང་ཀུན་བཏགས་པ་ཡིན་ལ། མིང་ཡང་ཀུན་བཏགས་པ་ཉིད་དོ། །དེ་ལ་སྦྱིན་པའི་ཕ་རོལ་ཏུ་ཕྱིན་པ་ལ་མི་གནས་པ་ཡང་མ་ཡིན། མིང་ལ་སྦྱིན་པའི་ཕ་རོལ་ཏུ་ཕྱིན་པ་ལ་གནས་པ་མ་ཡིན། གཉིས་ཀ་ཡང་སྒྱུ་མ་དང་མཚུངས་པས་དངོས་པོ་མེད་པའི་ཕྱིར་རོ། །ཞེས་དབུ་མ་པས་གསུངས་ཤིང༌། སློབ་དཔོན་ཕྱོགས་གླང་གིས། མེད་ཅེས་བྱ་ལ་སོགས་ཚིག་གི །བརྟགས་པ་ཐམས་ཅད་འགོག་པ་སྟེ། །ཞེས་པ་ཡང་འདི་ལྟ་བུ་ལ་དགོངས་སོ། །ཕྲེང་ཉེར་གསུམ་ན། དེ་མངོན་པར་འགྲུབ་པར་འགྱུར་བར་ལྟ་ག་ལ་ཡོད། ཅེས་པ་ལ་སོགས་པས་བདག་ལ་སོགས་པ་གང་ཟག་རྣམས་དང་གཟུགས་ལ་སོགས་པ་ཆོས་རྣམས་ཤིན་ཏུ་མེད་ལ་ཡོད་པ་མ་ཡིན་པ་ལ་མངོན་པར་འགྲུབ་པ་དང་འབྱུང་བར་འགྱུར་བ་ལྟ་ག་ལ་ཡོད་དེ། དེ་བས་ན་ཆོས་ཐམས་ཅད་མངོན་པར་འགྲུབ་པར་ཤིན་ཏུ་མེད་པའི་མཚན་ཉིད་དུ་བསྟན་ཏོ། །མངོན་པར་འགྲུབ་པ་མེད་པ་མེད་པ་ཞེས་བྱ་བ་ནི་སྟོང་པ་ཉིད་ལ་བྱའོ། །ཞེས་དབུ་མ་པ་ཆེན་པོ་གསུངས། མཐོང་བ་པོའི་བར་དུ། ཤོག་གུ་གཉིས་སུ་ཕྲེང་གཉིས་ཆད་པ་ན། འདུ་བ་ལས་བྱུང་བའི་ངོ་བོ་ཉིད་མེད་དོ། །འདུས་ནས་བྱུང་བས་ན། འདུས་པ་ལས་བྱུང་བས་ཞེས་བྱ་སྟེ་རྒྱུ་དང་རྐྱེན་ཚོགས་པ་ལས་འབྱུང་ཞེས་བྱ་བའི་ཐ་ཚིག་གོ། ཞེས་དབུ་མ་པ་གསུངས། ཤཱ་ར་དྭ་ཏིའི་བུས་སྨྲས་པ། ཤོག་གུ་གཅིག་དང་ཕྲེང་དྲུག་ན། ཆོས་ཐམས་ཅད་ནི་མི་རྟག་པ་སྟེ། མི་རྟག་ཅེས་བྱ་བ་ནི། གང་རྟག་ཏུ་མེད་པ་དེ་ལ་བྱའོ། །གང་དུས་ཐམས་ཅད་དུ་མེད་པ་དེ་ལ་མི་རྟག་ཅེས་བྱའོ། །ཞེས་དབུ་མ་པ་གསུངས། གང་དང་ཡང་བྲལ་བས་མ་ཡིན་ནོ། །ཤོག་གུ་གཅིག་དང་ཕྲེང་བདུན་ན། དངོས་པོ་མེད་དང་ཟད་པ་སྟེ། ཞེས་བྱ་བ་ལ་མི་རྟག་པ་ཞེས་བྱ་བའི་སྒྲ་ནི་མེད་པ་དང་དངོས་པོ་མ་ཡིན་པ་སྟེ། སྟོང་པ་ཉིད་ལ་བྱའོ། །ཟད་ཅེས་བྱ་བའི་སྒྲ་ནི་ཀུན་བཏགས་པའི་ཆོས་རྣམས་ལ་བྱའོ། །དེ་ལྟར་ན་མི་རྟག་པ་གང་ཡིན་པ་དེ་སྟོང་པ་ཉིད་དང་ཀུན་བཏགས་པའི་ཆོས་ཟད་པ་དངོས་པོ་མེད་པ་ཡིན་ནོ། །ཞེས་བྱ་བའི་ཐ་ཚིག་གོ །དེ་ལྟར་ཆོས་ཐམས་ཅད་མི་རྟག་གོ །ཞེས་བྱ་བ་ནི་ཆོས་ཐམས་ཅད་དངོས་པོ་མེད་པའོ། །ཞེས་བྱ་བ་ཉིད་དུ་བསྟན་པ་ཡིན་ནོ། །དེ་བས་ན་ཆོས་ཐམས་ཅད་ཀྱི་ཡོངས་སུ་གྲུབ་པ་དེ་བཞིན་ཉིད་ཀྱི་མཉམ་ཉིད་བསྟན་པ་ཡིན་ཏེ། ཆོས་ཐམས་ཅད་ནི་དངོས་པོའི་ངོ་བོ་ཉིད་དོ། །ཞེས་དབུ་མ་པ་གསུངས། ཚེ་དང་ལྡན་པ། ཕྲེང་ཕྱེད་ན། དངོས་པོ་མེད་པའི་བདག་ཡིན་པའི་ཕྱིར་རོ། །ཀུན་བཏགས་པའི་ཆོས་ཐམས་ཅད་ནི་སྡུག་བསྔལ་བ། ཕྲེང་བཞི་ན། འདིར་ཡང་སྔ་ཕྱི་འགལ་བ་ལྟར་སྣང་པ་ནི་དགོངས་འགྲེལ་གྱི་མདོར་གསུངས་པ་དྲན་པར་བྱའོ། །ཆོས་ཐམས་ཅད་ནི་འདུས་མ་བྱས་པ་སྟེ། ཕྲེང་གཉིས་ན། འཇིགས་པ་ཡིན་ནོ། །གལ་ཏེ་ཀུན་བཏགས་པ་རྣམས་ལ་ངོ་བོ་ཉིད་འགའ་ཞིག་ཡོད་ན་ནི། དེ་ཐེར་ཟུག་ཏུ་གནས་པ་རྟག་པའམ། འཇིག་པ་མི་རྟག་པ་ཞིག་ཏུ་འགྱུར་གྲང་ན་དེ་ནི་འདི་ལྟར་སྒྱུ་མའི་གཟུགས་བཞིན་དུ་ངོ་བོ་ཉིད་མེད་པས་རྟག་པ་ཡང་མ་ཡིན། མི་རྟག་པ་ཡང་མ་ཡིན། སྒྱུ་མའི་གཟུགས་ལ་རྟག་ཅེས་བྱ་བའམ། དོན་དམ་གྱི་གཟུགས་མི་རྟག་ཅེས་བྱ་བར་བརྗོད་པར་མི་ནུས་པ་དེའི་ཕྱིར་ཆོས་ཐམས་ཅད་ནི་ཐེར་ཟུག་ཏུ་གནས་པ་མ་ཡིན་འཇིག་པ་མ་ཡིན་ནོ། །ཞེས་དབུ་མ་པ་གསུངས། སྨྲས་པ། ཕྲེང་ཕྱེད་ན། ཤཱ་ར་དྭ་ཏིའི་བུ། ཀུན་རྫོབ་ཀྱི་གཟུགས་རྟག་པ་མ་ཡིན། དོན་དམ་གྱི་གཟུགས་འཇིག་པ་མ་ཡིན་ཏེ། དེ་ཅིའི་ཕྱིར་ཞེ་ན། དོན་དམ་དང༌། ཀུན་རྫོབ་ཀྱི་གཟུགས་དེའི་རང་བཞིན་དག་ནི་མི་རྟག་པ་དང༌། མི་འཇིག་པ་དེ་ཡིན་ནོ། །ཚོར་བ་དང༌། ཕྲེང་གཅིག་ན། ཤཱ་ར་དྭ་ཏིའི་བུ། ཀུན་བཏགས་མི་རྟག་པ་མ་ཡིན། ཡོངས་གྲུབ་ཀྱི་མི་འཇིག་པ་མ་ཡིན་ཏེ། ཕྲེང་གཅིག་ལྷག་ན། ཤཱ་ར་དྭ་ཏིའི་བུ། བཅོས་མ་གློ་བུར་བའི་གཟུགས་རྟག་པ་མ་ཡིན། རང་བཞིན་གཉུག་མའི་གཟུགས་འཇིག་པ་མ་ཡིན་ཏེ། ཤོག་གུ་ཕྲེང་གཅིག་ལྷག་ན། མཐའི་མིག་གི་རྣམ་པར་ཤེས་པ་རྟག་པ་མ་ཡིན། དབུ་མའི་མིག་གི་རྣམ་པར་ཤེས་པ་འཇིག་པ་མ་ཡིན་ཏེ། ཕྲེང་གཉིས་ན། ཆོས་ཀྱི་མིག་གི་འདུ་ཤེས་ཏེ། རེག་པ་རྟག་པ་མ་ཡིན་ཏེ། ཆོས་ཉིད་ཀྱི་མིག་གི་འདུས་ཏེ་རེག་པ་འཇིག་པ་མ་ཡིན་ཏེ། ཤོག་གུ་གཅིག་ལྷག་ན། ཀུན་རྫོབ་དོན་དམ་དག་གི་དགེ་བའི་ཆོས་དང༌། མི་དགེ་བའི་ཆོས་དང༌། འདུས་བྱས་ཀྱི། འདུས་མ་བྱས་ཀྱི་ཟག་པ་དང་བཅས་པའི། ཟག་པ་མེད་པའི་ཆོས་རྣམས་རིམ་པ་བཞིན་རྟག་པ་མ་ཡིན། རང་བཞིན་ནི་དེ་ཡིན་ནོ། །གལ་ཏེ་དོན་དམ་གྱི་མི་དགེ་བ་དང༌། འདུས་བྱས་དང༌། ཟག་བཅས་རྣམས་མི་སྲིད་པས་ཁྱེད་ཀྱི་བཤད་པ་དེ་ཕྱིན་ཅི་ལོག་ཅེ་ན། ངེད་ཀྱི་བཤད་པ་ནི་མ་ཡིན་གྱི། བཅོམ་ལྡན་འདས་ཉིད་ཀྱིས་བཀའ་སྩལ་པ་སྟེ། མདོ་འདི་དང༌། ཁྲི་བརྒྱད་སྟོང་པར། བྱང་ཆུབ་སེམས་དཔའི་བསླབ་པ་རབ་ཏུ་དབྱེ་བའི་ལེའུར་གཟུགས་ནས་སངས་རྒྱས་ཀྱི་ཆོས་རྣམས་ཀྱི་བར་འདྲེས་རྐང་བརྒྱ་དང་ཉི་ཤུ་རྩ་བརྒྱད་གསུངས་པ་ལས། ཀུན་བཏགས་ཚར་གཅིག །གཞན་དབང་ཚར་གཅིག །ཆོས་ཉིད་ཡོངས་གྲུབ་ཚར་གཅིག་སྟེ། དེ་ལྟར་ཚར་གསུམ་གསུངས་པའི་ནང་ནས། ཆོས་ཉིད་ཀྱི་གཟུགས་ནས་རྒ་ཤིའི་བར་དང༌། ཆོས་ཉིད་ཀྱི་སྡུག་བསྔལ་ཀུན་འབྱུང་འགོག་པ་ཁམས་དང༌། ཆོས་ཉིད་ཀྱི་གཟུགས་ཅན་གཟུགས་མེད། བསྟན་ཡོད་བསྟན་མེད། ཐོགས་བཅས་ཐོགས་མེད། འདུས་བྱས་འདུས་མ་བྱས། ཟག་བཅས་ཟག་མེད། ཁ་ན་མ་ཐོ་བ་ཡོད་མེད། བསྟེན་བྱ་ཡིན་མིན། ངན་པ། གྱ་ནོམ། ནང༌། ཕྱི། མཐོང་བ། ཐོས་པ། བྱེ་བྲག་ཕྱེད་དང༌། རྣམ་པར་ཤེས་པ། འདས་མ་འོངས་ད་ལྟར་བྱུང་བ། དགེ་མི་དགེ་ལུང་མ་བསྟན། འདོད་པ་དང་རབ་ལྡན། གཟུགས་དང་རབ་ལྡན། གཟུགས་མེད་དང་རབ་ལྡན། ལྡན་པ་མ་ཡིན་པ་སློབ་པ། འདོད་ཆགས། ཁོང་ཁྲོ། ང་རྒྱལ། མ་རིག་པ། ལྟ་བ། ཐེ་ཙོམ། སེར་སྣ། སྦྱིན་པ། ཚུལ་ཁྲིམས། འཆལ་བ། ཚུལ་ཁྲིམས། བཟོད་པ། གནོད་སེམས། བཟོད་པ། བརྩོན་འགྲུས། རྣམ་གཡེང༌། བསམ་གཏན། ཤེས་རབ། འཆལ་པ། ཤེས་རབ། རྣམ་རྟོག །སྟོང་ཉིད། མཚན་མ། མཚན་མེད། ལོག་པའི། སྨོན་ལམ། སྨོན་པ་མེད་པ། མི་སྡུག་པའི་ཆོས། མི་རྟག་པའམ། སྡུག་བསྔལ་བ། བདག་མེད་པ། ཉོན་མོངས་སྤངས་པ། ཀུན་ནས་ཉོན་མོངས། རྣམ་བྱང༌། འཁོར་བ། མྱང་འདས། བྱང་ཆུབ། སངས་རྒྱས་ཀྱི་ཆོས་རྣམས་ཞེས་ལེགས་པར་བཀའ་སྩལ་པའི་ཕྱིར། སྐྱོན་བརྗོད་ན་སངས་རྒྱས་ལ་བརྗོད་ཅིག །བདག་ཅག་ནི་སངས་རྒྱས་ཀྱི་བཀའ་ཇི་ལྟ་བ་བཞིན་དུ་བརྗོད་པ་ལགས་སོ། །ཚེ་དང་ལྡན་པ་ཤཱ་ར་དྭ་ཏིའི་བུ། ཕྲེང་གཉིས་ན། འདི་ལྟར་ཆོས་ཉིད་ཀྱི། གཟུགས་ནི་མངོན་པར་འདུས་མ་བྱས་པའོ། །མངོན་པར་འདུ་བྱེད་པ་པོ་གང་ཡང་མེད་པའི་ཕྱིར་གཟུགས་ལ་སོགས་པ་མངོན་པར་འདུས་མ་བྱས་པའོ། །ཞེས་དབུ་མ་པ་གསུངས། ཚོར་བ་དང༌། ཕྲེང་གཅིག་ན། དོན་དམ་གྱི་མིག་ནི་མངོན་པར་འདུས་མ་བྱས་པ་སྟེ། ཕྲེང་གཅིག་ན། དེ་བཞིན་ཉིད་ཀྱི་གཟུགས་ནི་མངོན་པར་འདུས་མ་བྱས་པ་སྟེ། ཕྲེང་གཅིག་ལྷག་ན། འགྱུར་མེད་ཡོངས་གྲུབ་ཀྱི་མིག་གི་རྣམ་པར་ཤེས་པ་ནི། ཕྲེང་གཉིས་ན། ཆོས་དབྱིངས་ཀྱི་མིག་གི་འདུས་ཏེ་རེག་པ་ནི། ཕྲེང་གཉིས་ན། མྱང་འདས་ཆེན་པོར་འདུས་མ་བྱས་པ་སྟེ། མིག་གི་འདུས་ཏེ་རེག་པའི། ཕྲེང་གཉིས་ན། ཕྱག་རྒྱ་ཆེན་པོ་སའི་ཁམས་ནི། ཕྲེང་གཉིས་ན། དབུ་མ་ཆེན་པོའི་མ་རིག་པ་ནི། ཕྲེང་གཉིས་ན། ཤིན་ཏུ་རྣལ་འབྱོར་གྱི་སྦྱིན་པའི་ཕ་རོལ་ཏུ་ཕྱིན་པ་ནི། ཕྲེང་གཉིས་ལྷག་ན། རྡོ་རྗེའི་རྣལ་འབྱོར་གྱི་ནང་སྟོང་པ་ཉིད་ན། ཕྲེང་གཉིས་ན། གཞན་མཆོག་ཕ་རོལ་དམ་པའི། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ནི། ཕྲེང་ཕྱེད་ན། བདེ་གཤེགས་སྙིང་པོའི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ནི། ཕྲེང་སོ་གཉིས་ན། ཀུན་བཏགས་ཀྱི་གཟུགས་མངོན་པར་མ་གྲུབ་པའི་གཞི་ཡོངས་སུ་གྲུབ་པའོ། །ཚོར་བ་དང༌། མངོན་པར་མ་གྲུབ་པའི་གཞི་ཡོངས་གྲུབ་བོ། །ཕྲེང་ཕྱེད་ན། གང་མངོན་པར་མ་གྲུབ་པའི་གཞི་ཡོངས་གྲུབ་དེ་ཀུན་བཏགས་ཀྱི་གཟུགས་མ་ཡིན། ཕྲེང་གཅིག་ན། སྟོང་གཞི་དོན་དམ་གྱི་གཟུགས་གདོད་ནས་རང་བཞིན་གྱིས་སྟོང་པ་སྟེ། ཕྲེང་གཅིག་ནུད་ན། འགྱུར་བ་མེད་དོ། །ཞེས་པ་གཟུགས་ལ་སོགས་པའི་ཆོས་རྣམས་ཀྱི་རང་བཞིན་ནི་ངོ་བོ་ཉིད་དེ། ཆོས་ཉིད་དེ། སྟོང་པ་ཉིད་ནི་ཆོས་ཐམས་ཅད་སྟོང་པ་ཉིད་ངོ་བོ་ཉིད་དོ། །རང་བཞིན་གྱི་སྟོང་པ་གང་ཡིན་པ་དེ་ལ་སྐྱེ་བ་མེད་ཅིང་འཇིག་པ་མེད་དོ། །ཞེས་བྱ་བ་ནི་སྟོང་པའི་བདག་ཉིད་ཅན་གྱི་ཆོས་ལ་སྐྱེ་བ་དང་འགག་པ་གཉིས་མེད་དོ། །དེ་གཉིས་མེད་པས་གཞན་དུ་འགྱུར་བ་འགོག་པ་མེད་དོ། །དེ་ལྟར་ངོ་བོ་ཉིད་ཀྱིས་སྐྱེ་བ་དང༌། འགོག་པ་དང་གཞན་དུ་འགྱུར་བ་རྣམས་མེད་པའི་ཕྱིར། སྐྱེ་བ་དང་འགག་པ་དང༌། གཞན་དུ་འགྱུར་བ་དང༌། ལྡན་པར་ཀུན་བཏགས་ཤིང་མངོན་པར་གྲུབ་པའི་མཚན་ཉིད་ཅན་གྱི་གཟུགས་ལ་སོགས་པ་གང་ཡིན་པ་དེ་དག་དོན་དམ་པར་མངོན་པར་མ་གྲུབ་པས་མེད་པའི་ཕྱིར་རོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། ཚོར་བ་དང༌། འདུ་ཤེས་དང༌། ཕྲེང་གཅིག་ལྷག་ན། གནས་པ་ལས་གཞན་དུ་འགྱུར་བ་མེད་དོ། །ཕྱི་མ་རྣམས་ལ་ཡང་དེ་བཞིན་དུ་སྦྱར་རོ། །མིག་རང་བཞིན་གྱིས་སྟོང་པ་སྟེ། ཤོག་གུ་གཉིས་དང་ཕྲེང་བདུན་ན། འདི་ལྟར་མངོན་པར་མ་གྲུབ་པའི་གཞི་གང་ཡིན་པ་དེ། ཕྲེང་ཕྱེད་ན། མ་གྲུབ་པའི་གཞི་སྟེ། ཞེས་བྱ་བ་ལ་མངོན་པར་མ་གྲུབ་པ་ཞེས་བྱ་བ། ཞེས་བྱ་བའི་སྒྲ་ནི་དེ་བཞིན་ཉིད་དེ་སྟོང་པ་ཉིད་ལ་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་སྒྲ་ཡང་དེ་ཉིད་ལ་བྱའོ། །དེ་བས་ན་མངོན་པར་མ་གྲུབ་པ་དང༌། ཤེས་རབ་ཀྱི་ཕ་རོལ་ཏུ་ཕྱིན་པ་གཉིས་ལ་ཐ་དད་པ་མེད་དོ། །ཞེས་དབུ་མ་པ་གསུངས། དེ་ལྟར་ན་མངོན་པར་མ་གྲུབ་པ་དང༌། ཕྲེང་བཞི་ན། མངོན་པར་མ་གྲུབ་པའི་གཞི་མ་གཏོགས་པར་གཉིས་སུ་བྱར་མེད་དོ། །ཞེས་པ་ནི། ཆོས་ཉིད་ཀྱི་གཟུགས་བཟུང་ནས་བསྟན་པའོ། །ཞེས་དབུ་མ་པ་ཆེན་པོ་གསུངས། ཤོག་གུ་གསུམ་དང་ཕྲེང་གཅིག་ན། གཟུགས་འདུ་ཤེས་ཀྱི་མི་དམིགས་ཤིང་མི་འཛིན་ཡིད་ཀྱིས་མི་ལེན་ཤེས་རབ་ཀྱིས་མི་གནས་ཏེ། གནས་པར་མི་བྱེད་དེ་ལྟ་བས་ན་མངོན་པར་ཞེན་པར་མི་བགྱིད་ལ་ཚིག་གི་གཞན་འདོགས་པར་མི་བགྱིད་དོ། །འདི་དག་དབུ་མ་པའི་གསུངས་བཞིན་བྲིས། དེའི་ཚེ་ལ་ཟློ་བ་མཉམ་བཞག་ཟབ་མོའི་སྐབས་ཡིན་པས། འདི་ནི་ཚོར་བ་དང༌། ཤོག་གུ་གཉིས་ན། ཕ་རོལ་ཏུ་ཕྱིན་པ་ལ་སྤྱོད་པའི་མཉམ་བཞག་ཟབ་མོའི་ཚེ་གཟུགས་ཡང་དག་པར་རྗེས་སུ་མི་མཐོང༌། ཕྲེང་དྲུག་ན། གཟུགས་ཀྱི་མ་སྐྱེས་པའི་གཞི་གང་ལགས་པ་ཡོངས་གྲུབ་དེ་ཀུན་བཏགས་ཀྱི་གཟུགས་མ་ལགས་ཏེ། ཕྲེང་གཅིག་ན། མང་བ་མ་ལགས། ཞེས་པ་མ་སྐྱེས་ཞེས་བྱ་བ་དེ་བཞིན་ཉིད་དེ། དེ་བཞིན་ཉིད་ལ་ནི་གཅིག་ཅེའམ་གཉིས་ཞེའམ་གསུམ་ཞེས་བྱ་བའི་གྲངས་ཀྱི་བྱེ་བྲག་ཡོད་པ་མ་ཡིན་ཏེ། དེ་བས་ན་མི་སྐྱེ་བ་ལ་བྱེ་བྲག་མེད་པའི་ཕྱིར། ཡོངས་སུ་གྲུབ་པའི་ཚིག་གཟུགས་ལ་སོགས་པ་ཐམས་ཅད་ཀྱང་རང་བཞིན་གཅིག་ཏུ་འགྱུར་རོ། །ཞེས་བྱ་བའི་ཐ་ཚིག་གོ །དེ་ལྟ་བས་ན། གཟུགས་ཀྱི་མ་སྐྱེས་པ་གང་ལགས་ཏེ་གཟུགས་མ་ལགས་ཞེས་བྱ་བ་ནི་ཆོས་ཉིད་ཀྱི་གཟུགས་ཀྱི་སྐྱེ་བ་མེད་པའི་ཆོས་ཉིད་གང་ཡིན་པ་དེ་ལ་ཀུན་བཏགས་པའི་གཟུགས་ཀྱི་ངོ་བོ་ཉིད་མ་ཡིན་ནོ། །ཞེས་བྱ་བའི་ཐ་ཚིག་གོ །ཞེས་སློབ་དཔོན་དབུ་མ་པ་ཆེན་པོ་དབྱིག་གཉེན་གསུངས། ཐ་དད་པ་མ་ལགས་ཏེ། གཟུགས་མ་ལགས་སོ། །ཞེས་བྱ་བ་ལ་གཟུགས་མ་སྐྱེས་པ་ཞེས་བྱ་བ་ནི་ཆོས་ཉིད་ཀྱི་གཟུགས་མ་སྐྱེས་ཞེས་བྱ་བའི་ཐ་ཚིག་གོ །གཟུགས་མ་སྐྱེས་པ་གང་ལགས་པ་ཏེ་གཟུགས་མ་ལགས། ཞེས་བྱ་བ་ནི་ཆོས་ཉིད་ཀྱི་གཟུགས་དེའི་མ་སྐྱེས་པ་ཞེས་བྱ་བའི། དེ་བཞིན་ཉིད་གང་ཡིན་པ་དེ་ཀུན་བཏགས་པའི་གཟུགས་ཀྱི་ངོ་བོ་ཉིད་མ་ཡིན་པའོ། །དེ་ལྟར་ན་གཟུགས་དང་མ་སྐྱེས་པ་དེ་གཉིས་སུ་མ་མཆིས་ཏེ་གཉིས་སུ་བགྱིར་མ་མཆིས་སོ་ཞེས་བྱ་བས་ཅི་བསྟན་ཞེ་ན། དེ་ལ་གཟུགས་མ་སྐྱེས་པ་ཞེས་བྱ་བའི་ཐ་ཚིག་གིས་ནི་ཡོངས་སུ་གྲུབ་པ་མ་སྐྱེས་པའི་ངོ་བོ་ཉིད་བསྟན་པ་ཡིན་ནོ། །གཟུགས་ཀྱི་མ་སྐྱེས་པ་གང་ལགས་པ་དེ་གཟུགས་མ་ལགས་ཞེས་བྱ་བའི་དེ་ནི་མི་སྐྱེ་བ་ལ་ཀུན་བཏགས་པའི་མཚན་ཉིད་མེད་པར་བསྟན་པ་ཡིན་ཏེ། དེ་ལྟར་ཆོས་ཉིད་ཀྱི་གཟུགས་མི་སྐྱེ་བའི་ངོ་བོ་ཡིན་པའི་ཕྱིར་གཟུགས་ཞེས་བྱ་བ་དང་མ་སྐྱེས་པ་ཞེས་བྱ་བ་ནི་གཅིག་པ་ཉིད་དེ་ཐ་དད་པ་མ་ཡིན་ནོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། བཅོམ་ལྡན་འདས། ཚོར་བ་དང༌། ཤོག་གུ་བཞི་དང་ཕྲེང་ལྔ་ན། གཉིས་སུ་བགྱིར་མ་མཆིས་སོ། །ཞེས་པ་ལ་དེ་བཞིན་ཉིད་དྲི་མ་དང་བཅས་པ་དང༌། དྲི་མ་མེད་པ་གཟུང་ནས་སྦྱར་བར་བྱའོ། །ཞེས་དབུ་མ་པ་ཆེན་པོ་གསུངས། དེ་ཅིའི་སླད་དུ་ཞེ་ན། ཤོག་གུ་ལྔ་དང་ཕྲེང་གཅིག་ན། རྣམ་གྲངས་སུ་བགྱིས་པའོ། །ཞེས་བྱ་བ་ལ་གཉིས་སུ་མེད་པ་ཞེས་བྱ་བ་ནི་ཆོས་ཉིད་དེ་དོན་དམ་པའོ། །དོན་དམ་པ་དེའི་གྲངས་སུ་བྱ་བ་ནི། འདི་ལྟ་སྟེ་གཟུགས་དང་ཚོར་བ་ཞེས་བྱ་བ་ལ་སོགས་པ་བྱས་པའོ། །དེས་ཅི་བསྟན་ཅེ་ན། ཆོས་ཉིད་ཀྱི་གཟུགས། ཆོས་ཉིད་ཀྱི་ཚོར་བ། ཆོས་ཉིད་ཀྱི་འདུ་བྱེད། ཆོས་ཉིད་ཀྱི་རྣམ་པར་ཤེས་པ་ཞེས་བྱ་བ་ལ་སོགས་པའི་ཚིག་གིས་དོན་དམ་པར་གཅིག་སྟེ། གཉིས་སུ་མེད་པ་ལ་རྣམ་པ་མང་པོར་ཕྱེ་ནས་བསྟན་ཞེས་བྱ་བའི་ཐ་ཚིག་གོ །ཞེས་ཤིང་རྟ་ཆེན་པོ་དབྱིག་གཉེན་གསུངས། གང་ཡང༌། ཚོར་བ་དང༌། འདུ་ཤེས་དང༌། ཤོག་གུ་གཅིག་ན། ལེའུ་བཅུ་གཉིས་པའོ།། །།
རྣམ་པ་ཐམས་ཅད་མཁྱེན་ཉིད་དང༌། །དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཕྲེང་གསུམ་ན། སེམས་ཅན་བྱང་ཆུབ་ཆེན་པོའི་སྙིང་པོ་ཅན་ཡིན་པ་དེའི་ཕྱིར་བྱང་ཆུབ་སེམས་དཔའ་ཞེས་བྱའོ། །ཞེས་བྱ་བ་ལ་བྱང་ཆུབ་ཅེས་བྱ་བ་ནི་ཆོས་ཀྱི་སྐུ་ལ་བྱའོ། །སེམས་ཅན་ཐམས་ཅད་ཀྱང་ཆོས་ཀྱི་སྐུའི་བདག་ཉིད་ཡིན་ཏེ། དེ་བས་ན་བྱང་ཆུབ་སེམས་དཔའ་ཡང་བྱང་ཆུབ་ཀྱི་བདག་ཉིད་ཁོ་ནའོ། །དེ་ལྟ་བས་ན། བྱང་ཆུབ་ཀྱི་ངོ་བོ་ཉིད་ནི་སེམས་ཡིན་པའི་ཕྱིར། བྱང་ཆུབ་སེམས་དཔའ། ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། བྱང་ཆུབ་དེས་ཀྱང༌། ཕྲེང་དགུ་ན། གང་ལ་གཞི་འབྲས་ངོ་བོ་དབྱེར་མེད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་དེ་ནི། ཕྲེང་ཕྱེད་དང་བཞི་ན། གཞུང་ལམ་གྱི་ཕ་རོལ་ཏུ་ཕྱིན་པ། ལས་སམ་ཀུན་བཏགས་ཀྱི་ཕ་རོལ་ཏུ་ཕྱིན་སོགས་ལས་རིང་དུ་སོང་བ་ན། ཕྲེང་བདུན་ལྷག་ན། དེ་ཉིད་ཀྱི་བར་ལས་སྔར་བསྟན་པ་བཞིན་དུ་རིང་དུ་སོང་བས་ན། ཕྲེང་གཉིས་ན། སྤྱོད་པ་མཉམ་བཞག་ཟབ་མོའི་ཚེ་གཟུགས་རྟག་ཅེས་བྱ་བ་དང༌། ཤོག་གུ་དྲུག་དང་ཕྲེང་བཅུ་གཅིག་ན། གཟུགས་ནི་གཟུགས་ཀྱིས་སྟོང་སྟེ། ཞེས་བྱ་བ་ནི་རྣམ་པར་བཏགས་པའི་གཟུགས་ཏེ་གཟུགས་ཀྱི་དངོས་པོར་ཡོད་པ་མ་ཡིན་ནོ། །ཞེས་བྱ་བའི་ཐ་ཚིག་གོ །སྐྱེ་བ་མེད་དོ། །ཞེས་བྱ་བ་ནི་ཆོས་ཉིད་ཀྱི་གཟུགས་ཀྱི་རང་བཞིན་སྟོང་པ་ཉིད་གང་ཡིན་པ་དེ་ནི་གཟུགས་ཀྱི་ངོ་བོ་ཉིད་མ་ཡིན་ཞིང་སྐྱེ་བའི་ངོ་བོ་ཉིད་ཀྱང་མ་ཡིན་ནོ། །ཞེས་པ་གཉིས་དབུ་མ་པ་གསུངས། གཟུགས་མ་ཡིན་ནོ། །ཞེས་བྱ་བ་ནི་འདི་ལྟར་ཀུན་བཏགས་པའི་གཟུགས་ནི་མེད་པ་སྟེ་སྐྱེ་བའི་ངོ་བོ་ཉིད་ཀྱང་མ་ཡིན་ནོ། །དེ་བས་ན་མི་སྐྱེ་བ་གཟུགས་མ་ཡིན་པར་དེ་ལྟར་གྲུབ་བོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། ཚེ་དང་ལྡན་པ་ཤཱ་ར་དྭ་ཏིའི་བུ། ཤོག་གུ་གསུམ་དང་ཕྲེང་བཞི་ན། དེ་སྐད་དུ་གང་འདི་ཆོས་ཉིད་ཀྱི་གཟུགས་ཞེས་བྱ་བ་དེ་ནི། ཤོག་གུ་གཅིག་ནུད་ན། གཟུགས་ཀྱི་མ་སྐྱེས་པ་ཆོས་ཉིད་ཀྱི་གཟུགས་མཐོང་བར་འགྱུར། ཞེས་བྱ་བ་ནི་དེ་བཞིན་ཉིད་མངོན་སུམ་དུ་བྱེད་ཅེས་བྱ་བའི་ཐ་ཚིག་གོ །གཟུགས་མ་སྐྱེས་པ་ཞེས་བྱ་བ་ནི་སྔ་མ་བཞིན་དུ་ཆོས་ཉིད་ཀྱི་གཟུགས་དང༌། དེ་བཞིན་ཉིད་གཅིག་པའི་ཕྱིར། དེ་སྐད་བསྟན་ཏོ། །ཞེས་དབུ་མ་པ་གསུངས། ཤིན་ཏུ་རྣམ་པར་དག་པའི་སླད་དུ། ཤོག་གུ་གཉིས་དང༌། ཕྲེང་བརྒྱད་ན། རྒྱུན་དུ་ཞུགས་པའི་འབྲས་བུ་ཡོད་པར་མི་འདོད་དོ། །ཞེས་པ་ནི། ཆོས་མ་སྐྱེས་པ་ནི་སུས་ཀྱང་ཐོབ་པའམ། མངོན་པར་རྟོགས་པར་མི་ནུས་མ་སྐྱེས་པ་ལ་གང་ཡང་རྒྱུན་དུ་ཞུགས་པར་མི་འགྱུར་གྱི། ཀུན་བཏགས་པའི་སྒྲིབ་པ་ཙམ་བསལ་བ་ནི་གཟུང་བ་དང་འཛིན་པའི་རྣམ་པར་རྟོག་པ་མེད་པའི་ཐོབ་པ་དང་མངོན་པར་རྟོགས་པ་འདོད་དོ། །ཞེས་དབུ་མ་པ་ཆེན་པོ་སློབ་དཔོན་དབྱིག་གཉེན་གསུངས། ཕྲེང་བརྒྱད་ནུད་ན། དེ་བཞིན་གཤེགས་པ་ཡོད་པར་མི་འདོད་དོ། །ཞེས་པ་ལ་སོགས་པ་ནི་མ་སྐྱེས་པ་ཆོས་ཀྱི་སྐུ་ལ་དེ་བཞིན་གཤེགས་པ་གང་གིས་མ་སྐྱེས་པར་རྟོགས་པར་འགྱུར་བའི་དེ་བཞིན་གཤེགས་པ་གཉིས་ཡོད་པར་མི་འདོད་པའོ། །དེ་བས་ན་མ་སྐྱེས་པ་ཉིད་དེ་བཞིན་གཤེགས་པ་མ་སྐྱེས་པ་ཉིད་ཡང་དག་པར་རྫོགས་པའི་བྱང་ཆུབ་ཡིན་ནོ། །ཞེས་བསྟན་ཏོ། །ཞེས་དབུ་མ་པ་གསུངས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང༌། ཕྲེང་བཅུ་ན། ཀུན་རྫོབ་ཏུ་སྐྱེས་པའི་ཆོས་ཐམས་ཅད་དུ་སྐྱེ་བར་འགྱུར། བམ་པོ་བདུན་པ།
ཕྲེང་གཅིག་ལྷག་ན། ཤཱའ་ར་དྭ་ཏིའི་བུ། བདག་ནི་ཆོས་ཉིད་ཀྱི་གཟུགས་མ་སྐྱེས་པ། ཕྲེང་དྲུག་ན། བདག་ནི་ཆོས་ཉིད་ཀྱི་རྣམ་པ་ཐམས་ཅད། ཕྲེང་གཅིག་ན། བདག་ནི་ཀུན་རྫོབ་ཀྱི་གཟུགས་སྐྱེས་པ། སྟོང་པ་དོན་དམ་དུ་སྐྱེ་བ་མི་འདོད་དོ། །ཕྲེང་ལྔ་ན། བདག་ནི་ཀུན་རྫོབ་ཀྱི་རྣམ་པ་ཐམས་ཅད། རང་བཞིན་གྱི་སྟོང་པ་དོན་དམ་དུ་སྐྱེ་བར་མི་འདོད་དོ། །ཕྲེང་གཅིག་ན། མི་སྐྱེ་བ་ཡང་མི་སྐྱེའོ། །ཞེས་བྱ་བ་གསུངས་ཏེ། མ་སྐྱེས་པ་ནི་ཡོངས་སུ་གྲུབ་པ་ཡིན་པས་མི་སྐྱེའོ། །སྐྱེས་པ་ནི་ཀུན་བཏགས་ཡིན་ཏེ་མེད་པའི་ཕྱིར་མི་སྐྱེའོ། །དེ་བས་ན་རྣམ་གྲངས་འདི་ལ་སྐྱེ་བ་ཡང་མེད་དོ། །ཞེས་བྱ་བའི་ཐ་ཚིག་གོ །ཞེས་དབུ་མ་པ་གསུངས། སྐྱེ་བ་ཀུན་བཏགས་ཡིན་པ་དང༌། སྐྱེ་བ་མེད་པ་གང་ཡིན་པའི་ཡོངས་གྲུབ་ཀྱི་ཆོས་དེ་གཉིས་ཀ་དྲི་མེད་དེ་བཞིན་ཉིད་ཀྱི་གནས་སྐབས་ན་ལྡན་པ་ཡང་མ་ཡིན། དྲི་བཅས་དེ་བཞིན་ཉིད་ཀྱི་གནས་སྐབས་ན་མི་ལྡན་པ་ཡང་མ་ཡིན། རྡུལ་ཕྲ་རབ་འདུས་པའི་གཟུགས་མེད་པ། རྣམ་ཤེས་ཀྱི་ལྟར་མེད་པ། ནམ་མཁའ་ལྟར་གང་ལ་ཡང་ཐོགས་པ་མེད་པ། ཕྲེང་ཕྱེད་ན། ཀུན་རྫོབ་ཏུ་སྐྱེ་བ་ཡང་དོན་དམ་དུ་མི་སྐྱེ། ཕྲེང་བཞི་ལྷག་ན། ཐམས་ཅད་ཀྱང་སྔར་བསྟན་པ་བཞིན་དུ་ལྡན་པ་ཡང་མ་ཡིན། ཤོག་གུ་གཅིག་དང་ཕྲེང་ལྔ་ན། དྲིས་པ་དེ་དང་དེ་ལས་སྤོབས་པ་ཐོགས་པ་མེད་དོ། །ཆོས་ཐམས་ཅད་ལ་འབྲེལ་ཏེ་གནས་པ་མེད་པ། ཕྲེང་ཕྱེད་ན། འདི་ལྟར་ཆོས་ཉིད་ཡོངས་གྲུབ་ཀྱི་ཆོས་ཐམས་ཅད་ནི་མ་འབྲེལ་བཞིན་དུ་ཀུན་རྫོབ་ཀྱི་ཆོས་ཐམས་ཅད་ལ་ཁྱབ་པར་བཞུགས་ཀྱང་འབྲེལ་བའི་ཚུལ་གྱིས་མི་གནས་པའི་ཕྱིར་རོ། །ཇི་ལྟར་ན་དོན་དམ་གྱི་ཆོས་སྟོབས་བཅུ་ལ་སོགས་གང་གཱའི་ཀླུང་གི་རྡུལ་སྙེད་མཁའ་ཁྱབ་ཐམས་ཅད་རང་གིས་མི་སྟོང་བས་སྟོང་པ་ཉིད་ཀུན་རྫོབ་ཐམས་ཅད་ལས་འབྲེལ་ཏེ། མི་གནས་པ་ཡིན། ཕྲེང་ཕྱེད་ན། སྟོང་པ་སྟོང་ཞེས་པ་ནི་ཆོས་ཉིད་གཟུགས་བསྟན་པ་སྟེ། དེ་བས་ན། ཞེས་དབུ་མ་པ་གསུངས། ཤཱ་ར་དྭ་ཏིའི་བུ། ཆོས་ཉིད་ཀྱི་ཚོར་བ་དང༌། རང་བཞིན་གྱི་སྟོང་པ་ཆོས་ཉིད་ཀྱི་རྣམ་པར་ཤེས་པའི་བར་དུ་སྟེ། ཕྲེང་སོ་གཉིས་ན། ཤཱ་ར་དྭ་ཏིའི་བུ། ཆོས་ཉིད་ཀྱི་མིག་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། དེ་ནི་འབྲེལ་བའི་ཚུལ་གྱིས་གང་ན་ཡང་མི་གནས་པས་ནང་ན་ཡང་མི་གནས། ཕྲེང་ཕྱེད་ན། དེ་བཞིན་དུ་རྣ་བ་དང༌། ཕྲེང་ཕྱེད་ན། གཉིས་ཀ་མེད་པའང་མ་ཡིན་པར་ཡང་མི་གནས་པས་མི་དམིགས་སོ། །ཚེ་དང་ལྡན་པ་ཤཱ་ར་དྭ་ཏིའི་བུ། ཆོས་ཉིད་ཀྱི་གཟུགས་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། དེ་ནི་འབྲེལ་བའི་ཚུལ་གྱིས་གང་ལ་ཡང་མི་གནས་པས་ནང་ལ་ཡང་མི་གནས། ནུད་ཙམ་ན། གཉིས་ཀ་མེད་པའང་མ་ཡིན་པར་ཡང་མི་གནས་པའི་ཕྱིར་མི་དམིགས་སོ། །ཤཱ་ར་དྭ་ཏིའི་བུ། དེ་བཞིན་དུ། སྒྲ་དང༌། དྲི་དང༌། ཕྲེང་གཅིག་ན། ཤཱ་ར་དྭ་ཏིའི་བུ། ཆོས་ཉིད་ཀྱི་མིག་གི་རྣམ་པར་ཤེས་པ་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། དེ་ནི་འབྲེལ་བའི་ཚུལ་གྱིས་གང་ན་ཡང་མི་གནས་པའི་ཕྱིར་ནང་ན་ཡང་མི་གནས། ནུད་ཙམ་ན། གཉིས་ཀ་མེད་པའང་མ་ཡིན་པར་ཡང་མི་གནས་པས་མི་དམིགས་སོ། །ཚུལ་འདི་ཕྱི་མ་རྣམས་ལ་ཡང་སྦྱར་རོ། །ཕྲེང་གཉིས་ན། ཤཱ་ར་དྭ་ཏིའི་བུ། ཆོས་ཉིད་ཀྱི་མིག་གི་འདུས་ཏེ་རེག་པ་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། དེ་ནི་ནང་ན་ཡང་མི་གནས། ཕྲེང་གཉིས་ན། སྟོང་པ་ཆད་པའི་སྟོང་པ་ཉིད་ལས་རིང་དུ་གྱུར་པས་སྟོང་པ་སྟེ། དེ་ནི་ནང་ན་ཡང་མི་གནས། ཤཱ་ར་དྭ་ཏིའི་བུ། ཆོས་ཉིད་ཀྱི་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། ཕྲེང་གཉིས་ན། རང་བཞིན་གྱིས་སྟོང་པ་རྡུལ་དང་སྐད་ཅིག་དང་རྣམ་ཤེས་དང་རྟེན་འབྲེལ་ལས་འདས་པའི་སྟོང་པ་སྟེ། དེ་ནི་ནང་ན་ཡང་མི་གནས། ཕྲེང་ཕྱེད་ན། ཤཱ་ར་དྭ་ཏིའི་བུ། ཆོས་ཉིད་ཀྱི་སའི་ཁམས་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། ཕྲེང་གཅིག་ལྷག་ན། རྣམ་པར་ཤེས་པའི་ཁམས་ནི། རང་བཞིན་གྱིས་སྟོང་པ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་སྟེ། ཤཱ་ར་དྭ་ཏིའི་བུ། ཆོས་ཉིད་ཀྱི་མ་རིག་པ་ནི་རང་བཞིན་གྱིས་སྟོང་པ་དོན་དམ་གཞན་སྟོང་སྟེ། ཕྲེང་ཕྱེད་དང་གཉིས་ན། རྒ་ཤི་རང་བཞིན་གྱིས་སྟོང་པ་དམིགས་མེད་སྙིང་རྗེ་འགྱུར་མེད་བདེ་ཆེན་མཁའ་ཁྱབ་དང་དབྱེར་མེད་པའི་སྟོང་ཉིད་མཁའ་ཁྱབ་སྟེ། ཕྲེང་སོ་གཉིས་ན། ཤཱ་ར་དྭ་ཏིའི་བུ། ཆོས་ཉིད་ཀྱི་སྦྱིན་པའི་ཕ་རོལ་ཏུ་ཕྱིན་པ་ནི་རང་བཞིན་གྱིས་སྟོང་པ་གཞན་གྱི་དངོས་པོ་སྟོང་པ་སྟེ། ཤཱ་ར་དྭ་ཏིའི་བུ། དོན་དམ་གཞན་སྟོང་གི་ཚུལ་ཁྲིམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ནི་རང་བཞིན་གྱིས་སྟོང་པ་དོན་དམ་གྱི་སངས་རྒྱས་རིན་ཆེན་ཟ་མ་ཏོག་ཏུ་གྱུར་པའི་སྟོང་པ་སྟེ། ཤཱ་ར་དྭ་ཏིའི་བུ། ཆོས་ཉིད་ཀྱི་ནང་སྟོང་པ་ཉིད་ནི་རང་བཞིན་གྱིས་སྟོང་པ་གཞན་སྟོང་དངོས་པོ་སྟོང་པ་སྟེ། དངོས་པོ་མེད་པའི་གཞིའི་ངོ་བོ་ཉིད་སྟོང་པ་ཉིད་ཀྱི་བར་ནི་རང་བཞིན་གྱིས་སྟོང་པ་མ་སྟོང་པ་མ་སྐྱེས་པའི་སྟོང་པ་དོན་དམ་གཞན་སྟོང་སྟེ། ཕྲེང་ཕྱེད་ལྷག་ན། ཤཱ་ར་དྭ་ཏིའི་བུ། ཆོས་ཉིད་དྲན་པ་ཉེ་བར་བཞག་པ་རྣམས་ནི། རང་བཞིན་གྱིས་སྟོང་པ་སྐྱེས་པའི་སྟོང་པ། དོན་དམ་གཞན་སྟོང་སྟེ། ཤཱ་ར་དྭ་ཏིའི་བུ། དོན་དམ་གཞན་སྟོང་གི་ཡང་དག་པར་སྤོང་བ་རྣམས་དང༌། ཕྲེང་ཕྱེད་ན། འཕགས་པའི་ལམ་ཡན་ལག་བརྒྱད་པ་ནི། རང་བཞིན་གྱི་སྟོང་པ་ཀ་རྡོ་རྗེའི་རྒྱུད་ལ་སོགས་པ་དོན་དམ་གྱི་རྒྱུད་སུམ་ཅུ་རྩ་དྲུག །ལྷ་སུམ་ཅུ་རྩ་དྲུག །ཁྱབ་བྱེད་བསམ་དུ་མེད་པའི་ཐུགས་རྗེ་དང་བཅས་པ་དོན་དམ་གྱི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དབྱེར་མེད་པའི་སྟོང་ཉིད་སྙིང་རྗེ་ཟུང་འཇུག་སྟེ། ཤཱ་ར་དྭ་ཏིའི་བུ། ཆོས་ཉིད་ཀྱི་འཕགས་པའི་བདེན་པ་རྣམས་དང༌། ཕྲེང་ཕྱེད་དང་ གསུམ་ན། བཅོ་བརྒྱད ་ནི། རང་བཞིན་གྱིས་སྟོང་པ་དངོས་པོ་མེད་པའི་གཞིའི་ངོ་བོ་ཉིད་སྟོང་པ་དོན་དམ་གཞན་སྟོང་སྟེ། ཕྲེང་ཕྱེད་ན། ཤཱ་ར་དྭ་ཏིའི་བུ། ཆོས་ཉིད་ཡོངས་གྲུབ་ཀྱི་རྣམ་པ་ཐམས་ཅད་མཁྱེན་པ་ཉིད་བར་ནི་རང་བཞིན་གྱིས་སྟོང་དངོས་པོ་མེད་པའི་གཞིའི་ངོ་བོ་ཉིད་སྟོང་པ་ཉིད་སྟོང་པ་དོན་དམ་གཞན་སྟོང་སྟེ། རྣམ་གྲངས་ངེས་ན་རང་བཞིན་གཉུག་མའི་དོན་དམ་གྱི་ཆོས་ཐམས་ཅད་ནི་རང་བཞིན་གྱིས་སྟོང་པ་ཉིད་ཀྱི་ཕྱིར། མ་འབྲེལ་བཞིན་དུ་ཀུན་རྫོབ་ཀྱི་ཆོས་ཐམས་ཅད་ལ་ཁྱབ་པར་བཞུགས་ཀྱང་འབྲེལ་བའི་ཚུལ་གྱི་མི་གནས་སོ། །ཕྲེང་ཕྱེད་ལྷག་ན། ཡོངས་སུ་སྦྱང་བར་བྱའོ། །ཞེས་པ་ནི་འགོག་བདེན་གྱི་ཆོས་ཐམས་ཅད་ལ་མ་འབྲེལ་བཞིན་དུ་གནས་པའི་སྡུག་བསྔལ་ཀུན་འབྱུང་གི་ཆོས་ཐམས་ཅད་ལམ་བདེན་གྱི་ཆོས་ཐམས་ཅད་ཀྱིས་སྦྱངས་ན་དག་པ་གཉིས་ལྡན་གྱི་འགོག་བདེན་འཐོབ་པར་བྱའོ་ཞེས་བྱ་བའི་དོན་ཏོ། །ཚོར་བ་དང༌། འདུ་ཤེས་དང༌། ཕྲེང་ལྔ་ན། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྦྱང་བའི་གཞི། སྦྱང་བྱའི་དྲི་མ། སྦྱོང་བྱེད་ལམ། སྦྱངས་པའི་འབྲས་བུ། བྲལ་འབྲས་རྣམས་ཀྱི་ཚུལ་ནམ་མཁའ་དང༌། སྤྲིན་དང༌། རླུང་དང༌། དེས་ནམ་མཁའ་དག་པར་བྱས་པ་ལྟར་ཡོངས་སུ་སྦྱང་བས་བྱའོ། །ལམ་གྱི་ཡུལ་ཅན་ངེས་འབྱུང་སྟེ། །རྣམ་པ་བརྒྱད་ཀྱི་བདག་ཉིད་འདི། །ངེས་འབྱུང་བསྒྲུབ་པ་ཡིན་ཞེས་བྱ། །དེ་ནས་ཡང་ཚེ་དང་ལྡན་པ་ཤཱ་ར་དྭ་ཏིའི་བུས། ཤོག་གུ་དགུ་དང་ཕྲེང་བརྒྱད་ན། རིགས་པར་བྱའོ། །མེད་ཅེས་བྱ་བའི་སོགས་ཚིག་གིས། །བརྟགས་པ་ཐམས་ཅད་འགོག་པ་སྟེ། །ཞེས་གསུངས་པ་འདིར་ཡང་དྲན་པར་བྱས་ནས། ཚེ་དང་ལྡན་པ། ཤོག་གུ་གཅིག་དང་ཕྲེང་བཞི་ན། བྱང་ཆུབ་ཏུ་སེམས་སྐྱེས་སོ། །དེ་རྣམས་ཀྱིས་ནི། ངེ༷ས་པ༷ར་འབྱུ༷ང་བཅ༷ས་རྣ༷མས། །ཐུ༷བ་པ༷འི་རྣ༷མ་ཀུ༷ན་མཁྱེ༷ན་པ༷་ཉི༷ད། །ཅེས་པ་དོན་བཅུ་པ་གསུངས་ཟིན་ཏོ། །ལེའུ་བཅུ་གསུམ་པའོ།། །།
ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཅེས་བྱ་བ་ལས། རྣམ་པ་ཐམས་ཅད་མཁྱེན་པའི་སྐབས་ཏེ་དང་པོའོ།། །།