དཔལ་གསང་བའི་སྙིང་པོ་རྡོ་རྗེ་སེམས་དཔའ་སྒྱུ་འཕྲུལ་ཞི་བའི་སྒྲུབ་ཐབས་རྣམ་གྲོལ་ཤིང་རྟ།
དཔལ་གསང་བའི་སྙིང་པོ་རྡོ་རྗེ་སེམས་དཔའ་སྒྱུ་འཕྲུལ་ཞི་བའི་སྒྲུབ་ཐབས་རྣམ་གྲོལ་ཤིང་རྟ་ཞེས་བྱ་བ་བཞུགས། །
དཔལ་གསང་བའི་སྙིང་པོ་རྡོ་རྗེ་སེམས་དཔའ་སྒྱུ་འཕྲུལ་ཞི་བའི་སྒྲུབ་ཐབས་རྣམ་གྲོལ་ཤིང་རྟ་ཞེས་བྱ་བ་ལྷག་པ་ཏིང་ངེ་འཛིན་གྱི་དཀྱིལ་འཁོར་ལ་ཕྱག་འཚལ་ལོ། །ཐབས་ལས་ཐབས་གྱུར་བདེ་ཆེན་སྒྱུ་མ་ནི། །རྣམ་ཐར་གསུམ་ལྡན་བཙུན་མོའི་རྫུ་འཕྲུལ་ཅན། །གདན་གསུམ་སྒྱུ་འཕྲུལ་དྲྭ་བའི་མངོན་རྟོགས་ལ། །ཡིད་ཆོས་གཉིས་སུ་མེད་པའི་ཕྱག་གིས་བཏུད། །དེ་ལ་རྒྱུད་ཐམས་ཅད་ཀྱི་སྤྱི། ལུང་ཐམས་ཅད་ཀྱི་མདུད། མན་ངག་ཐམས་ཅད་ཀྱི་མཛོད་ཁང༌། ཏནྟྲ་སྡེ་བཅོ་བརྒྱད་ཀྱི་རྩ་བར་གྱུར་པས་ཨོ་རྒྱན་སངས་རྒྱས་གཉིས་པས་ཀྱང་མན་ངག་ལྟ་བའི་ཕྲེང་བར་ཆེད་དུ་བརྗོད་ཅིང་བསྔགས་ལ། སློབ་དཔོན་བི་མ་ལ་དང༌། སངས་རྒྱས་གསང་བ། རྨ་གཉག་ལ་སོགས་
པའི་ལོ་པཎ་རྒྱལ་བའི་ཞལ་སྐྱིན་རྣམས་ཀྱིས་བཤད་སྒྲུབ་ཀྱིས་གཏན་ལ་ཕབ་པ་དཔལ་གསང་བའི་སྙིང་པོ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལས། ཞི་བ་རིན་པོ་ཆེའི་སྒྲུབ་ཐབས་རྣམ་གྲོལ་ཤིང་རྟ་བསྟན་པ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ལའང་དཀྱིལ་འཁོར་འདུ་བྱ་བ་དང༌། ཆོ་གའི་སྦྱོར་བ་གཉིས་ལས། དང་པོ་ནི། དབང་སྒྲུབ་ཆེན་མོའི་རིགས་དང་འབྲེལ་ན་སའི་ཆོ་ག་ནས་བཟུང་རྡུལ་ཚོན་གྱི་དཀྱིལ་འཁོར་སྒྲུབ་པའི་ལས་རིམ་གཞན་དུ་ཤེས་པར་བྱ་ཞིང༌། སྒྲུབ་མཆོད་འཇུག་བདེ་ཙམ་ལ་ནི་རྡུལ་ཚོན་གྱི་སྒོས་ཆོས་རྣམས་དོར་བའི་རས་བྲིས་ལའང་བརྟེན་དུ་རུང་ངོ༌། །གཉིས་པ་ལ་རྣམ་གྲངས་བདུན་ལས། དང་པོ་རྒྱུད་དག་པར་བྱ་བ་ནི། སྤྱི་
ཕྱག་དང་གྲལ་ཕྱག་སྔོན་དུ་འགྲོ་བས། ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། སོགས་ནས། ནོངས་པ་མཆིས་ནའང་རབ་ནོངས་བཟོད་པར་གསོལ། །ཞེས་དམིགས་འདོན་ཟུང་དུ་ཆུད་པར་བྱའོ། །གཉིས་པ་ཚོགས་བསགས་པ་ནི། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་དབུལ་ལོ། །ཚེ་རབས་བགྲངས་པའི་དགེ་བ་རྣམས། །བསྡུས་ཏེ་བྱང་ཆུབ་ཆེན་པོར་བསྔོ། །ལན་གསུམ་གྱིས་རྗེས་ཚོགས་ཞིང་རང་ལ་བསྡུའོ། །གསུམ་པ་སྔགས་སྡོམ་བཟུང་ཞིང་དམ་བཅའ་བ་ནི། ཧོཿ རྫོགས་སངས་རིན་ཆེན་དག་པའི་སེམས་ཉིད་དང༌། །རྟོགས་པའི་དྲི་མ་རབ་བྲལ་དམ་པའི་ཆོས། །བརྟུལ་ཞུགས་བཟང་པོའི་ཚོགས་ལ་སྐྱབས་སུ་མཆི། །སྲིད་དང་བྲལ་བ་རྣམས་ལ་གུས་ཕྱག་འཚལ། །དེང་ནས་བདག་
ནི་འགྲོ་ཀུན་ཉེར་འཚོའི་ཕྱིར། །མགོན་རྣམས་འབངས་སུ་བདག་ཉིད་འབུལ་ལགས་ཀྱི། །བརྩེ་བའི་ཐུགས་རྗེས་བཞེས་པར་མཛད་དུ་གསོལ། །བྱམས་པའི་ཞལ་བཟང་དུས་འདིར་གཟིགས་ནས་ཀྱང༌། །འགལ་འཁྲུལ་ཉམས་ཆག་ཐམས་ཅད་བསྐང་དུ་གསོལ། །ཇི་ལྟར་སྔོན་གྱི་རྒྱལ་བ་སྲས་བཅས་དང༌། །རིག་འཛིན་མཁའ་འགྲོ་རྒྱ་མཚོའི་ཚོགས་རྣམས་ཀྱིས། །ཕྱི་ནང་གསང་བ་མཆོག་གི་དམ་ཚིག་དང༌། །སྡོམ་པ་རྒྱ་མཚོ་མཐའ་ཡས་བཟུང་བ་ལྟར། །དེང་ནས་བདག་ཀྱང་ལམ་ཆེན་དེར་ཞུགས་ཏེ། །འགྲོ་ལ་ཕན་ཕྱིར་དེ་དག་གཟུང་བར་བགྱི། །གདོད་ནས་མ་སྐྱེས་མཁའ་ལྟར་རྣམ་དག་ཅིང༌། །མི་འགྱུར་ལྷུན་གྲུབ་རང་བྱུང་འོད་གསལ་ལ། །ཇི་བཞིན་མ་བཅོས་ཆོས་ཉིད་དོན་བསྒོམ་སྟེ། །ཆོས་སྐུ་ཡངས་པ་ཆེན་པོའི་མཁའ་དབྱིངས་སུ། །ཀུན་བཟང་དོན་གྱི་དམ་ཚིག་གཟུང་བར་བགྱི། །བདེ་བར་གཤེགས་པ་རིགས་ཀྱི་དམ་ཚིག་ཏུ། །སྡོམ་དང་ཆོས་སྡུད་སེམས་ཅན་དོན་བྱེད་ཅིང༌། །བྱང་ཆུབ་སྙིང་པོ་རང་ལ་མཚོན་པའི་ཕྱིར། །ཆོས་ཀྱི་འཁོར་ལོའི་རྫས་ཀྱང་གཟུང་བར་བགྱི། །མི་འགྱུར་རྡོ་རྗེ་རིགས་ཀྱི་དམ་ཚིག་ཏུ། །རང་བཞིན་བསྐྱེད་རྫོགས་དོན་ལས་མི་འདའ་ཞིང༌། །རྡོ་རྗེ་སློབ་དཔོན་མཆོག་ཏུ་བཀུར་བ་དང༌། །ཐབས་དང་ཤེས་རབ་རང་ལ་མཚོན་པའི་ཕྱིར། །རྡོ་རྗེ་དྲིལ་བུའི་རྫས་ཀྱང་
གཟུང་བར་བགྱི། །བསམ་འཕེལ་རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞིས་འགྲོ་ཀུན་བསྐྱང་བ་དང༌། །བསོད་ནམས་ཡེ་ཤེས་ཚོགས་ཆེན་རྫོགས་བྱེད་ཅིང༌། །ལྷུན་གྲུབ་ཡོན་ཏན་རང་ལ་མཚོན་པའི་ཕྱིར། །ནོར་བུ་རིན་ཆེན་རྫས་ཀྱང་གཟུང་བར་བགྱི། །མ་ཆགས་པདྨ་རིགས་ཀྱི་དམ་ཚིག་ཏུ། །ཕྱི་ནང་གསང་བའི་ཆོས་རྣམས་ཡོངས་གཟུང་ཞིང༌། །འགྲོ་ལ་ཚད་མེད་སྙིང་རྗེས་ཆགས་པ་དང༌། །སྐྱོན་བྲལ་ཆོས་ཉིད་རང་ལ་མཚོན་པའི་ཕྱིར། །ཡིད་འོང་པདྨ་མཆོག་ཀྱང་གཟུང་བར་བགྱི། །སྣ་ཚོགས་ལས་ཀྱི་རིགས་ཀྱི་དམ་ཚིག་ཏུ། །ཐེག་གསུམ་སྡོམ་པ་མཐའ་ཡས་བཟུང་བ་དང༌། །དོན་གཉིས་ལྷུན་གྲུབ་རང་ལ་མཚོན་པའི་ཕྱིར། །རྒྱ་གྲམ་རལ་གྲི་མཆོག་ཀྱང་གཟུང་བར་བགྱི། །བླ་མེད་རྡོ་རྗེ་ཐེག་པའི་དམ་ཚིག་ཏུ། །ཟུང་འཇུག་ལམ་དུ་ཐམས་ཅད་བླང་བ་དང༌། །སྤང་བླང་མེད་པའི་རོལ་པ་མཚོན་པའི་ཕྱིར། །ཁ་ཊྭཱཾ་ཐོད་པ་ཅང་ཏེའུ་གཟུང་བར་བགྱི། །མདོར་ན་གང་གིས་འཁོར་བ་རྣམ་སྦྱོང་བ། །ཕུང་པོ་སྐྱེ་མཆེད་ཁམས་རྣམས་དག་བྱེད་ཅིང༌། །དབང་པོའི་ཡུལ་དང་ཉོན་མོངས་རྣམ་སྦྱོང་བ། །སྐུ་ལྔ་ཡེ་ཤེས་ལྔ་དང་གསུང་ལྔ་དང༌། །ཡོན་ཏན་ཕྲིན་ལས་རིགས་ལྔ་སྒྲུབ་པའི་རྫས། །ནང་གི་དགོངས་སྤྱོད་རྒྱ་མཚོ་མཐའ་ཡས་དང༌། །ཕྱི་རོལ་དམ་རྫས་འདོད་ཡོན་ཐབས་ཆེན་ལྔ། །ཤ་ལྔ་བདུད་རྩི་ལྔ་ལ་སོགས་པ་དང༌། །རྩ་
བ་ཡན་ལག་དམ་ཚིག་ལྔ་རྣམས་ལ། །རྡོ་རྗེ་མཆོག་སྒྲུབ་སྐུ་གསུང་ཐུགས་གསུམ་དང༌། །ཤེས་དང་མི་སྤང་དང་དུ་བླང་བ་དང༌། །བསྒྲུབ་དང་སྤྱད་པར་བྱ་བ་ལྔ་ལྔ་སྟེ། །ཉི་ཤུ་རྩ་བརྒྱད་རྩ་བ་ཡན་ལག་བཅས། །གསང་སྔགས་རྡོ་རྗེ་སྙིང་པོའི་སྡོམ་པ་ཀུན། །དེང་ནས་བརྩམས་ཏེ་བདག་གིས་བསྲུང་བར་བགྱི། །གང་ལ་བརྟེན་ནས་སྲིད་པ་རྣམ་སྦྱོང་ཞིང༌། །ཞི་བ་ཐར་པའི་དམ་པ་ཐབས་ཆེན་ཀུན། །འགྲོ་བའི་དོན་དུ་བདག་གིས་ཡོངས་སུ་གཟུང༌། །སྲིད་ཞིར་མི་གནས་བྱང་ཆུབ་མཆོག་ཞུགས་ཏེ། །དཀྱིལ་འཁོར་དབང་ཕྱུག་རྡོ་རྗེ་སློབ་དཔོན་དང༌། །དཔའ་བོ་རྣལ་འབྱོར་མ་ཀུན་མཆོད་པ་དང༌། །ཚོགས་གཉིས་བརྩོན་པ་མཐའ་ཡས་རྒྱ་མཚོ་བསྒྲུབ། །འགྲོ་ལ་སྙིང་བརྩེ་ཕན་པ་མཆོག་ཏུ་བྱ། །གནོད་པར་མི་བྱ་བརྙས་པར་ཡོངས་མི་བགྱི། །གཅིག་པུ་ཞི་བ་དོན་དུ་མི་གཉེར་ཞིང༌། །གཞན་དོན་ཡང་དག་བསྒྲུབ་ལ་བརྩོན་པ་ཡི། །རང་གཞན་ཐར་པའི་སྒོ་ནི་དབྱེ་བར་བགྱི། །བཞི་པ་ཕྱི་རོལ་པ་བསྐྲད་པ་ནི། གཞི་བགེགས་སོ་སོར་གཏོར་མ་ཆ་གཉིས་བཤམས་ལ། ཨ་ཀཱ་རོས་བརླབ། ཧཱུྃ་ཡུལ་ཕྱོགས་འདི་དག་ཀུན་ལ་གནས་པ་ཡི། །ལྷ་ཀླུ་གནོད་སྦྱིན་སྲིན་པོ་འབྱུང་པོ་དང༌། །ཡི་དྭགས་ཤ་ཟ་བརྗེད་བྱེད་སྨྱོ་བྱེད་དང༌། །མཁའ་འགྲོ་མ་མོ་འཁོར་དང་བཅས་པ་རྣམས། །མཆོད་སྦྱིན་གཏོར་མ་བཟང་པོ་འདི་ཉིད་བཞེས། །
བར་དུ་གཅོད་པའི་བསམ་སྦྱོར་ཀུན་སྤོངས་ལ། །ཞི་དང་ཕན་པའི་སེམས་ཀྱིས་གནས་པར་གྱིས། །ཧཱུྃ་ཡེ་ཤེས་རོལ་པ་དཔལ་གྱི་སྐུར་གསལ་བའི། །སྐུ་གསུང་ཐུགས་ལས་སྤྲུལ་པའི་ཁྲོ་ཚོགས་ཀྱིས། །བགེགས་རིགས་མ་ལུས་རྒྱ་མཚོའི་མཐར་བསྐྲད་དོ། །ཧཱུྃ་བཞིའི་སྔགས་ཀྱིས་བསྐྲད། ལྔ་པ་སྲུང་འཁོར་ནི་འོད་རིམ་ལས། ཧཱུྃ་སྟོང་ཆེན་གསལ་བའི་རིག་པ་ཉིད། །སྐད་ཅིག་ས་བོན་རང་གི་ལྷར། །གསལ་བས་ཧཱུྃ་བསྐུལ་འཕྲོ་འདུ་ལས། །ཞེ་སྡང་རྡོ་རྗེར་གསལ་བ་ཡི། །ཐུགས་ཀྱི་ས་བོན་འོད་ཟེར་ལས། །མཚོན་ཆ་རིམ་སྤྲོས་བར་ཆད་བསྐྲད། །སླར་འདུས་རིམ་བཞིན་སྟེང་འོག་གུར། །ཛྭ་ལ་རཾ་གྱིས་མེ་དཔུང་འབར། །རྣམ་རྟོག་འདུ་ཤེས་ཀུན་སྤངས་ན། །བགེགས་ཀྱི་སྦྱོར་བ་ཡོང་མི་འགྱུར། །དེ་བས་རྣམ་རྟོག་གེགས་ཡིན་པས། །ཡང་དག་རིག་པ་ཉིད་ཀྱིས་སྲུང༌། །དྲུག་པ་བྱིན་འབེབས་ནི། ཆོས་ཉིད་སྤྲོས་པ་དང་བྲལ་བའི་ཀློང་ནས་ཡེ་ཤེས་ཀྱི་འཁོར་ལོ་སྐུ་ཕྱག་རྒྱ། གསུང་སྒྲ་ཚིག །ཐུགས་ཕྱག་མཚན་གྱི་རྣམ་པར་སད་པ་བདག་གནས་ཡོ་བྱད་རྣམས་ལ་ཐིམ་པར་བསམ་ལ། སྤོས་རོལ་དང་བཅས། ཨོཾ་ཧཱུྃ་ཨ་ལ་ལ་ཧོ། བྷ་ག་ཝཱན་ས་མ་ཡ་ཧོཿ ས་མ་ཡ་སྟྭཾ། འཕགས་མཆོག་ཐུགས་རྗེའི་དུས་ལ་བབ། །ཁྱད་པར་བསྟན་པའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྱིན་གྱིས་བརླབས་པའི་
དུས་ལ་བབ། །དབང་མཆོག་བསྐུར་བའི་དུས་ལ་བབ། །དངོས་གྲུབ་སྩོལ་བའི་དུས་ལ་བབ། །མཐུ་ཆེན་བདུད་འདུལ་བཅོམ་ལྡན་འདས། །བྱིན་ཆེན་བྱིན་ཕོབ་བཅོམ་ལྡན་འདས། །དབང་ཆེན་དབང་བསྐུར་བཅོམ་ལྡན་འདས། །དངོས་གྲུབ་མཆོག་སྩོལ་བཅོམ་ལྡན་འདས། །བདག་ཅག་ལས་འབྲས་མཆིས་པར་མཛོད། །རོལ་མོ་སྣ་ཆོགས་ཀྱི་སྒྲ་སྦྱར་ཞིང་ཧཱུྃ་ཧཱུྃ་ཧཱུྃ་ཧཱུྃ་གིས་བྱིན་བསྡུས། བདུན་པ་མཆོད་རྫས་བརླབ་པ་ནི། ཕྱི་མཆོད་ལ་དམིགས་ནས། བདག་ཉིད་ལྷར་གསལ་ཐུགས་ཀའི་ཧཱུྃ་ཡིག་ལས། །རཾ་ཡཾ་ཁཾ་འཕྲོས་ཡེ་ཤེས་མེ་རླུང་ཆུས། །མཆོད་རྫས་དངོས་འཛིན་སྐྱོན་སྦྱངས་སྟོང་པའི་ངང༌། །ཨ་ལས་སྟོང་གསུམ་བྷནྡྷར་རྫོགས་པའི་ནང༌། །འཁོར་འདས་བཅུད་དྲངས་ཧཱུྃ་ལས་ཉེར་སྤྱོད་ཀྱི། །དམ་རྫས་འདོད་ཡོན་སྤྲིན་ཕུང་རྒྱ་མཚོར་གྱུར། །ནམ་མཁའ་མཛོད་ཀྱི་སྔགས་རྒྱ་དང༌། ཨོཾ་བཛྲ་རཱ་ག །དྷུ་པེ་དྷུ། དེ་བཞིན་དུ། པུཥྤེ་པུ། ཨཱ་ལོ་ཀེ་ཧྲཱིཿ གྷནྡྷེ་གྷན། རྡོ་རྗེ་ཞབས་བསིལ་མ་ལ་སོགས་པ་མཆོད་པའི་ལྷ་མོས་ནམ་མཁའ་གང་བར་གྱུར། ནང་མཆོད་བསང་སྦྱང༌། སྟོང་པའི་ངང་ལས་ཀཾ་ཡིག་ཡོངས་གྱུར་ལས། །མི་མགོའི་སྒྱེད་སྟེང་ཨ་ལས་བྷནྡྷའི་ནང༌། །འཁོར་ལོ་རྩིབས་བཞི་ལྟེ་བར་བཅས་པའི་དབུས། །གོ་ཀུ་ད་ཧ་ན་ལས་ཤ་ལྔ་དང༌། །བི་མུ་མ་ར་ཤུ་ལས་བདུད་རྩི་ལྔ། །རང་རང་ས་
བོན་གྱིས་མཚན་ཡཾ་རཾ་ལས། །རླུང་གཡོས་མེ་སྦར་དམ་རྫས་ཞུ་བའི་སྟེང༌། །ཧཱུྃ་ཨོཾ་སྭཱ་ཨཾ་ཧཱ་ལས་ཕྱག་མཚན་ལྔ། །སོ་སོས་ཡུ་བ་བྱས་པའི་དྲིལ་བུ་རྣམས། །ཡོངས་གྱུར་རིགས་ལྔ་ཡབ་ཡུམ་མཉམ་སྦྱོར་གྱུར། ཨོཾ་ཧཱུྃ་ཏྲཱྃ་ཧྲཱིཿཨཱཿམཱུཾ་ལཱཾ་མཱཾ་པཱཾ་ཏཱཾ། ཟླ་བའི་ཁ་གཅོད་སྣ་ཚོགས་རྡོ་རྗེའི་ལྟེར། །རྟ་མགྲིན་དམར་པོ་པདྨ་རྒྱ་གྲམ་འཛིན། །རྭ་བཞིར་ཡུམ་བཞི་རྡོ་རྗེའི་ཏོག་གི་དབུས། །སྟངས་དཔྱལ་ཀུན་གྱི་བདེ་བའི་འོད་རླངས་སྤྲིན། །དབྱངས་གསལ་ལས་གྱུར་འབྲུ་གསུམ་བརྩེགས་མ་ཡི། །འོད་ཀྱིས་རྒྱལ་བ་མཆོད་ཅིང་གཞན་དོན་བྱས། །ཚུར་འདུས་དམ་ཚིག་རྫས་དང་དབྱེར་མེད་འདྲེས། །ཡེ་ཤེས་བདུད་རྩིའི་རྒྱ་མཚོ་ཆེན་པོར་གྱུར། །མཐེབ་སྲིན་རྟ་མགྲིན་ཡབ་ཡུམ་དུ་གསལ་བས་བདུད་རྩི་དཀྲུགས་ཅིང༌། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱཿཉེར་གཅིག་དང༌། བསངས་འཐོར་ཀྱང་བྱའོ། །གཏོར་མ་ལ་དམིགས་ནས། སྭ་བྷཱ་ཝས་སྦྱངས། སྟོང་པའི་ངང་ལས་གཏོར་གཞོང་པདྨའི་སྣོད། །གཏོར་རྫས་མཆོག་ཆེན་མི་དང་སེང་གེ་གླང༌། །བ་ལང་རྟ་ཤ་བདུད་རྩི་ལྔ་ཡི་སྟེང༌། །རིགས་ལྔ་ཡབ་ཡུམ་ཕྱག་མཚན་རྣམས་ཀྱིས་མཚན། །འོག་ནས་རླུང་གཡོས་མེ་སྦར་བདུད་རྩི་ཁོལ། །ཟག་མེད་རོ་བརྒྱ་ལྡན་པའི་གཏོར་མ་ནི། །དབང་པོ་དྲུག་ལ་དགྱེས་དགུའི་སྤྲིན་དུ་གྱུར། ཨོཾ་ཨཱཿཧཱུྃ་མ་ཧཱ་བྷ་ལཱིངྟ་ཏེ་ཛྭ་བ་ལིཾ་ཏ་བ་ལ་བཱ་ཏེ་གུ་ཧྱ་ས་མ་ཡེ་སྭཱ་ཧཱ།
ལན་གསུམ། རཀྟ་ལ་དམིགས་ནས། ཨོཾ་སྭ་བྷཱ་ཝས་སྦྱངས། ཨ་ལས་ཡུམ་མཁའ་རྣམ་ཐར་གསུམ་ལྡན་དབྱིངས། །མ་ལས་ཉི་དཀྱིལ་ར་ཡིག་ཡོངས་གྱུར་ལས། །ཆགས་ཆེན་སྲིད་པའི་རཀྟ་འབར་བའི་ཀློང༌། །ངར་འཛིན་རཱུ་ཏྲའི་རྣམ་ཤེས་ཚོགས་བརྒྱད་རྣམས། །ཐབས་མཆོག་རྡོ་རྗེ་ནོར་བུས་སྦྱངས་པ་ཡིས། །འཁོར་བ་ལུགས་ལྡོག་སྐྱེ་མེད་ཆོས་སྐུར་བསྒྲལ། །ཟེགས་མའི་ཚོགས་ལ་ཞིང་གི་ལྷུ་དུམ་དང༌། །རྡོ་རྗེ་སྒེག་མོའི་མཆོད་སྤྲིན་སྤྲོ་བར་གྱུར། །ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜལ་ལ་ཧཱུྃ་ཧྲཱིཿཋཱཿལན་གསུམ། གཉིས་པ་དངོས་གཞི་ལ་ཐེག་པ་ཆེན་པོའི་ལམ་གྱི་རྩ་བ་བྱང་ཆུབ་ཆེན་པོར་སེམས་བསྐྱེད་པ་དང༌། ཕྱིན་དྲུག་གི་ཡན་ལག་བསྐྱེད་རྗོགས་ཀྱི་དངོས་པོར་སྡུད་པའོ། །དང་པོ་ལ་ཀུན་རྫོབ་དང་དོན་དམ་གཉིས་ལས། དང་པོར་ཆོས་དང་སེམས་ཅན་ལ་དམིགས་པ་ནི། བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང༌། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །གཉིས་པ་དམིགས་མེད་རྣམ་པར་སྨིན་པ་ནི། ཨེ་མ་ཧོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང༌། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མ་ཧོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང༌། །འགག་པ་
མེད་ལས་ཐམས་ཅད་འགག། །འགག་པ་ཉིད་ན་འགག་པ་མེད། །ཨེ་མ་ཧོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང༌། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མ་ཧོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང༌། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། །ཨེ་མ་ཧོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང༌། །འགྲོ་འོང་མེད་ལས་འགྲོ་དང་འོང༌། །འགྲོ་འོང་ཉིད་ན་འགྲོ་འོང་མེད། །གཉིས་པ་ལ་ཏིང་འཛིན་གསུམ་གྱིས་བསྐྱེད་གཞི་བསྟན་པ། རྟེན་དང་བརྟེན་པའི་དཀྱིལ་འཁོར་བསྐྱེད་པ། ཕྲིན་ལས་བྱ་བའི་ཡན་ལག་བསྒྲུབ་པའོ། །དང་པོ་ལ་གསུམ་གྱི། དང་པོ་རྡོ་རྗེ་ལྟ་བུ་དེ་བཞིན་ཉིད་ནི། གཞི་རྒྱུད་བདེ་གཤེགས་སྙིང་པོའི་དག་བྱ་ཚོགས་བརྒྱད་གློ་བུར་པའི་སྤྲོས་པ་གསལ་ལ། དངོས་རྣམས་ཉིད་ན་དངོས་མེད་པ། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཕྱིར་དངོས་པོ་མེད་པའོ། །གཉིས་པ་དཔའ་བར་འགྲོ་བ་ཀུན་སྣང་ནི། ཆོས་ཉིད་དེ་ལྟར་མ་རྟོགས་པའི་སེམས་ཅན་རྣམས་ལ་སྟོང་ཉིད་སྤྲོས་པ་མེད་པའི་གདངས་དམིགས་མེད་ཀྱི་སྙིང་རྗེར་ཤར་བས། དེ་བཞིན་ཉིད་ནི་སྤྲོས་མེད་ཀྱང༌། །རང་བཞིན་ཀུན་ཏུ་སྣང་བའི་དབྱིངས། །སེམས་ཅན་ཀུན་ལ་སྙིང་བརྩེའི་ཕྱིར། །
ནམ་མཁའ་ལ་ནི་ནམ་མཁའ་བསྒོམ། །གསུམ་པ་སྒྱུ་མ་ལྟ་བུ་རྒྱུའི་ཏིང་ངེ་འཛིན་ནི། སྟོང་ཉིད་སྙིང་རྗེ་ཟུང་དུ་འཇུག་པ་དེའི་ངང་ལས་ཡིད་བྱེད་པ་པོ་ཀུན་ཏུ་བཟང་པོའི་བདག་ཉིད་སྐྱེ་མེད་ཀྱི་ཡི་གེར་ལྡང་བསྟེ། དངོས་པོ་མེད་ལས་དངོས་པོའི་སྤྲིན། །སྣ་ཚོགས་རྣམ་པར་འབྱུང་ཞིང་འགྱུར། །གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡེ་གེའི་རང་བཞིན་ཏེ། །ཡི་གེ་ཡིད་བཞིན་རིན་ཆེན་སྤྲིན། །ཡི་གེ་མཆོག་ནི་བསྒོམ་པར་བྱ། །དེ་ལྟར་སྐྱེ་མེད་ཀྱི་ཡི་གེ་ལས་སྤྲོ་བསྡུའི་ཚིག་ཏུ་བསྟན་ཀྱང་འཕེལ་འགྲིབ་ལྟར་སྣང་བ་ནི་མེད་དེ། ཆོས་ཉིད་ཀྱི་དོན་ཡིག་འབྲུས་མཚོན་ནས་བསྐྱེད་རིམ་གྱི་རོལ་རྩལ་མཐའ་དག་ཆོས་བྱ་བ་མོ་ཀུན་ཏུ་བཟང་མོ་ལྷག་མཐོང་གསལ་བའི་བདག་ཉིད་དུ་བརྟན་པར་བྱ་བ་སྟེ། ཨཱཿརབ་ཏུ་བརྟན་གྱུར་ཨ་དཀར་ལས། །ཤིན་ཏུ་ཕྲ་བའི་ཨ་རྣམས་སྤྲོ། །ཕྱོགས་བཅུ་གང་བར་གསལ་གྱུར་ནས། །བསྡུས་ཀྱང་འཕེལ་འགྲིབ་མེད་པར་བརྟན། །དེ་ལས་མིང་ཚོགས་གསལ་འབར་ཀུན། །སྤྲོ་ཞིང་བསྡུ་བའང་དེ་བཞིན་ནོ། །འདི་ནི་རྡོ་རྗེ་དངོས་གྲུབ་ཀྱི། །བརྟན་འབྱུང་ཡེ་ཤེས་རྒྱུ་ཡིན་ནོ། །གཉིས་པ་རྟེན་གཞལ་ཡས་ཁང་དང་བརྟེན་པ་ལྷ་བསྒོམ་པ་གཉིས་ཀྱི། དང་པོ་ལ་གསུམ་ལས། དང་པོ་རྟེན་གཞི་འབྱུང་བའི་དཀྱིལ་འཁོར་སྒོམ་པ་ནི། ཨ་ལས་མཐའ་དབུས་མེད་པ་ཡི། །
འོག་མིན་ཆོས་འབྱུང་བསམ་པར་བྱ། །དེ་ནས་ཡཾ་ལས་བྱུང་བ་ཡི། །རླུང་གི་དཀྱིལ་འཁོར་བསམ་པར་བྱ། །དེ་སྟེང་ཡི་གེ་རཾ་ལས་ནི། །མེ་ཡི་དཀྱིལ་འཁོར་བསྐྱེད་པར་བྱ། །དེ་ཡི་སྟེང་དུ་བཾ་བསམས་ཏེ། །དེ་ལས་ཆུ་ཡི་དཀྱིལ་འཁོར་རོ། །ཆུ་ཡི་དཀྱིལ་འཁོར་སྟེང་དུ་ནི། །ལ་ལས་ཡེ་ཤེས་ས་གཞིར་བརྟག །གཉིས་པ་རྟེན་གཞལ་ཡས་ཁང་སྒོམ་པ་ནི། རྒྱུད་ལས། ཡེ་ཤེས་ཕྱོགས་བཞི་དབུས་བརྟགས་ཏེ། །དཀྱིལ་འཁོར་བསམ་ཡས་ལྷུན་གྲུབ་ནི། །རྫོགས་ཆེན་རྟོགས་པའི་རྣལ་འབྱོར་པས། །ཀུན་འབྱུང་དཀྱིལ་འཁོར་ཆེན་པོར་སྤྱོད། །འཁོར་ལོ་རྩིབས་བཞི་མུ་འཁྱུད་བཅས། །གྲུ་ཆད་བཞིས་བརྒྱན་བར་ཁྱམས་དང༌། །ཀུན་ཏུ་གྲུ་བཞི་སྒོ་ཁྱུད་ལྡན། །རོལ་མོ་སྣ་ཚོགས་སྤྲིན་ཕུང་བཞིན། །ཞེས་པས་སྡུག་བསྔལ་བདེན་པའི་རང་གཟུགས་སྣོད་ལྟར་སྣང་བའི་ཀུན་འབྱུང་བ་ཅན་ལས་སྣོད་མ་དག་པ་རྟེན་གཞལ་ཡས་ཁང་གིས་འགོག་པའི་ལམ་གྱི་བདེན་པ་ནི། ལྷུན་པོའི་སྟེང་དུ། བྷྲཱུྃ་བི་ཤྭ་བི་ཤུདྡྷེ་བཛྲ་ཛྙཱ་ན་ཙཀྲ་མཎྜལ་བྷྲཱུྃ། བྷྲཱུྃ་ཡིག་ཡོངས་སུ་གྱུར་པ་ལས། ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་གྲུ་བཞི་སྒོ་བཞི་པ་ནང་ནས་རིམ་པ་བཞིན། མཐིང༌། དཀར། སེར། དམར། ལྗང་བའི་རིན་པོ་ཆེའི་རྩིག་པ་རིམ་པ་ལྔ་དང་ལྡན་པའི་སྟེང་ན། རིན་པོ་ཆེའི་ཕ་གུ་སེར་པོ་རིན་པོ་ཆེ་སྣ་ཚོགས་པས་བཀྲ་བ་འཕྱར་ཐབས་སུ་བཀོད་པའི་མཐར་མུ་
ཏིག་གི་མགུལ་འཁོར་འཕྱང་བ། དེའི་སྟེང་ན་བྲེ་ཕུལ་གྱི་སྣམ་བུ་ལ་གསེར་གྱི་སྐ་རགས་བཞིའི་ཕྱི་ངོས་སུ་མ་ཀ་རའི་ཁ་ནས་རིན་པོ་ཆེའི་དྲྭ་བ་དང༌། དྲྭ་བ་ཕྱེད་པ། དར་དང་རྔ་ཡབ། དྲིལ་བུ་དང་མེ་ལོང༌། ཟླ་བ་རླུང་གིས་བསྐྱོད་པ་ལ་སོགས་པས་མཛེས་པ། དེའི་ཕྱི་ངོས་སུ་བྱ་འདབས་ལ་འཕྱང་བའི་རིན་པོ་ཆེའི་ཤར་བུ། སྟེང་ངོས་སུ་མདའ་ཡབ་པདྨ་འདབ་མ་ཕྱེད་པའི་དབྱིབས་ཅན། དེ་དག་གི་བར་བར་དུ་བུམ་པ་ལ་གནས་པའི་རྒྱལ་མཚན་དང༌། བ་དན་བརྒྱད་བརྒྱད་དང༌། ཟུར་བཞིར་རྣམ་པར་བཀྲ་བའི་གདུགས་ཀྱིས་མཚན་པ། རྩིག་པའི་འགྲམ་ནས་འདོད་ཡོན་གྱི་སྣམ་བུ་དམར་པོས་བསྐོར་བ་ལ་གཟུགས་རྡོ་རྗེ་མ་ལ་སོགས་ལྷ་མོ་རྣམས་ཀྱིས་མཆོད་པའི་སྤྲིན་རབ་འབྱམས་སྤྲོ་བ། སྒོ་དང་སྒོ་ཁྱུད་ཀྱི་མཚམས་དང་ཟུར་བཞིར་ཟླ་བ་ཕྱེད་པ་ལ་གནས་པའི་རྡོ་རྗེ་ནོར་བུས་བརྒྱན་པ། སྒོ་ལོགས་ཀྱི་ཟུར་བཞི་ནས་བུམ་པ་ལ་གནས་པའི་ཀ་བ་བཞི་བཞེས་བཏེག་པའི་རྟ་བབས། རྟ་རྐང་ཆུ་སྐྱེས་རིན་ཆེན་སྒྲོམ། །སྣ་འཕྱང་བཞི་ལས་ཟ་ར་ཚགས། །རིན་ཆེན་སྒྲིལ་འཕྱང་ཤར་བུ་ཁྱུང༌། །ཞེས་པས་རིམ་པ་ཅན་གྱི་སྣམ་བུ་བརྒྱད་པ་བསིལ་ཁང་དང་ལྡན་པའི་རྩེ་མོར་པདྨ་ལ་གནས་པའི་ཆོས་ཀྱི་འཁོར་ལོ་གཡས་གཡོན་དུ་རི་དྭགས་ཕོ་མོ་དང་བཅས་པ་གཞན་ཡང་གདུགས་དང་རྒྱལ་མཚན་བ་དན་སྣ་ཚོགས་པ་དང་གསེར་གྱི་དྲིལ་བུ་
ལ་སོགས་པས་བརྒྱན་པ། སྒོའི་གཡས་གཡོན་གྱི་གཞི་ལ་ཏཱ་ལའི་ལྗོན་པ་དང༌། དཔག་བསམ་གྱི་ཤིང་ལ་བཀྲ་ཤིས་པའི་བྱ་སྙན་པར་སྒྲོག་པ་སྣ་ཚོགས་གནས་པ། ཤིང་དེ་དག་ཀྱང་གསེར་གྱི་ཐ་གུས་བྲེས་ཤིང་དྲིལ་བུ་དང་གཡེར་ཁ་ཆོས་ཀྱི་སྒྲ་སྙན་པར་འཁྲོལ་བས་མཛེས་པ། ཡན་ལག་བརྒྱད་དང་ལྡན་པའི་ཁྲུས་ཀྱི་རྫིང་བུ་ལ་ལྷ་མོ་སྣ་ཚོགས་བདེ་བར་བརྩེ་བ། རིན་པོ་ཆེའི་ཕུང་པོ་འོད་འབར་བ་རེ་རེ་སྟེ་བརྒྱད་དང༌། གཞན་ཡང་རིན་པོ་ཆེ་སྣ་བདུན་དང༌། བཀྲ་ཤིས་པའི་རྫས་བརྒྱད་སོགས་འདོད་པའི་ཡོན་ཏན་ཐམས་ཅད་ཀྱིས་མཛེས་པར་གང་བའོ། །གཞལ་ཡས་ཁང་གི་ནང་བར་ཁྱམས་གྲུ་བཞི་པས་ཀུན་ནས་བསྐོར་ཞིང༌། གྲུ་ཆད་བཞི་གློ་འབུར་གྱིས་མཛེས་པའི་ནང་དུ། རྡོ་རྗེའི་ཕྲེང་བས་བསྐོར་བའི་འཁོར་ལོ་རྩིབས་བཞི་པ་ལྟེ་བ་དང་བཅས་པ་རྣམས་རིམ་པ་བཞིན་ཁྱད་པར་དུ་གྱུར་པས་འཕགས་པ་རྡོ་རྗེའི་ཟླུམ་བསྐོར་ལ་བརྟེན་པའི་ཀ་བ་རིགས་ཀྱི་མཚན་མ་ཅན་གཉིས་གཉིས་ཀྱིས་ཕྱོགས་རེ་ནས་བཏེག་པའི་སྟེང༌། རྡོ་རྗེའི་གདུང་གིས་མིག་མངས་རིས་སུ་བྲིས་ཤིང་མཛེས་པར་ཕུབ་པའི་དབུས་ཕྱུར་བུ་སངས་རྒྱས་ཀྱི་གཙུག་ཏོར་ལྟར་ཀུན་ནས་ཟླུམ་པོར་འཁྱིལ་བའི་རྩེ་མོ་རྡོ་རྗེ་རིན་པོ་ཆེའི་ཏོག་སྟོང་འོད་ཟེར་མཐའ་ཡས་པ་སྤྲོ་བས་མཛེས་པ། ནང་གི་སྟེང་དང་འོག་གི་གཞི་ཐམས་ཅད་ཤར་དཀར། ལྷོ་སེར། ནུབ་
དམར། བྱང་ལྗང༌། དབུས་སྔོ་བ། ལྷ་དང་མི་ལས་ཁྱད་པར་དུ་གྱུར་པའི་ངོ་མཚར་དུ་མས་འཕགས་པའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ་དངས་ཤིང་བསྒྲིབ་པ་མེད་པར་ཀུན་ཏུ་གསལ་བ་གཞི་ཚད་མེད་པའི་ཡེ་ཤེས་ཀྱི་འཁོར་ལོའི་ལྟེ་བ་ལ་རྫོགས་པར་གྱུར། གསུམ་པ་གདན་བསྐྱེད་པ་ནི་རྒྱུད་ལས། སེང་གེ་གླང་ཆེན་རྟ་དང་ཁྱུང༌། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །ཞེས་པས། གཞལ་ཡས་ཁང་གི་དབུས་ཀྱི་ལྟེ་བ་དང་རྩིབས་བཞིར་རིམ་པ་བཞིན། དབུས་སུ་སེང་གེཤར་དུ་གླང་པོ། ལྷོར་རྟ་མཆོགནུབ་ཏུ་རྨ་བྱ། བྱང་དུ་མཁའ་ལྡིང་རྣམས་ཀྱིས་བཏེག་པའི་རིན་པོ་ཆེའི་ཁྲི་བཀོད་པ་ཕུལ་དུ་བྱུང་བའི་སྟེང་དུ། པཾ་པདྨ་མཎྜ་ལ། མ་སཱུརྻ་མཎྜ་ལ། ཨ་ཙནྡ་མཎྜ་ལ། སྣ་ཚོགས་པདྨའི་ལྟེ་བར་ཉི་མའི་དཀྱིལ་འཁོར་དང༌། ཟླ་བ་ཉ་གང་བ་སྟེ་ལྔ་བརྩེགས། འཁོར་ལོའི་གོང་རས་དང༌། གྲུ་ཆད་ཀྱི་གྲ་བཞིར། པཾ་པདྨ་མཎྜ་ལ། མ་སཱུརྻ་མཎྜ་ལ། ཨ་ཙནྡྲ་མཎྜ་ལ། པདྨ་དང་ཉི་ཟླའི་གདན་སུམ་བརྩེགས། འཁྱམས་ཀྱི་ཤར་ནུབ་གཉིས་སུ་རིན་པོ་ཆེའི་ཁྲིར། པཾ་པདྨ་མཎྜ་ལ། མ་སཱུརྻ་མཎྜ་ལ། ཨ་ཙནྡྲ་མཎྜ་ལ། པད་ཉི་ཟླ་བའི་གདན་བཞི་བརྩེགས། ལྷོ་བྱང་དང་མཚམས་བཞིར། པཾ་པདྨ་མཎྜ་ལ། སྣ་ཚོགས་པདྨའི་
གདན་རེ་རེ་སྒོ་བཞིར། མ་སཱུརྻ་མཎྜ་ལ། ཉི་མའི་དཀྱིལ་འཁོར་རེ་རེ་རྣམས་གསལ་བར་གྱུར། གཉིས་པ་བརྟེན་པ་ལྷ་བསྐྱེད་པ་ལ་གསུམ་ལས། དང་པོ་ནི་རྒྱུད་ལས། གདན་ལ་རྫོགས་དང་སེམས་དཔའི་ཚུལ། །འཁོར་ལོ་རྒྱལ་པོ་རྒྱལ་མོ་དང༌། །གཡས་ནས་མཐོང་ཐོས་སྣོམ་པ་དང༌། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་མཐོང་བྱེད་དང༌། །ཐོས་བྱེད་སྣོམ་བྱེད་མྱོང་བྱེད་རྣམས། །བཙུན་མོའི་ཚོགས་དང་བཅས་པར་གནས། །བར་ཁྱམས་ལ་ནི་ཐུབ་དྲུག་དང༌། །མདུན་དང་རྒྱབ་ཏུ་བྱེད་པ་དང༌། །བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་ནི། །བཙུན་མོའི་ཚོགས་དང་ལྡན་པར་གནས། །རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུ་དང༌། །ཨུཏྤལ་ཀླུ་ཤིང་ལ་སོགས་མཚན། །མཛེས་ཚུལ་མཉེས་པའི་ཡོ་བྱད་འཛིན། །མཐིང་ག་དཀར་པོ་སེར་ལེ་བརྒན། །ལྗང་གུ་ལ་སོགས་སྣ་ཚོགས་པའི། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྡུག་གཟི་བྱིན་ལྡན། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བས་འཁྱིལ་བ་སྟེ། །མཐའ་དབུས་མེད་པར་ཁྱབ་པ་ཡི། །དཀྱིལ་འཁོར་བསམ་ཡས་ལྷུན་གྱིས་གྲུབ། །ཅེས་པས་སྦྱང་གཞི་ཕུང་ཁམས་སྐྱེ་མཆེད་ལྷར་ཤར་བའི་བཅུད་མ་དག་པ་དང་ཀུན་བརྟགས་ཀྱི་རྟོག་
ཚོགས་ལྷ་སྐུར་བསྒྲུབ་པ་ནི། གཞིའི་ཨ་ཡིག་ལས་ཡི་གེ་བཞི་བཅུ་རྩ་གཉིས་ཐོན་ཏེ་སོ་སོའི་གདན་སྟེང་དུ་འཁོད་པ་ནི་དབུས་སུ། ཋ་ཐ། རྩིབས་བཞིའི་ཤར་དུ། ཊ་ཏ། ལྷོར། ཌ་ད། ནུབ་ཏུ། ཌྷ་དྷ། བྱང་དུ། ཎ་ན། རྩིབས་མཆན་གྱི་ཤར་ལྷོའི་གདན་ལ། ཀ་ཙ། ལྷོ་ནུབ་དུ། ཁ་ཚ། ནུབ་བྱང་དུ། ག་ཛ། བྱང་ཤར་དུ། གྷ་ཛྷ། གྲུ་ཆད་ཀྱི་ཤར་ལྷོའི་གདན་ལ། པ་ཡ། ལྷོ་ནུབ་ཏུ། ཕ་ཝ། ནུབ་བྱང་དུ། བ་ར། བྱང་ཤར་དུ། བྷ་ལ། ཁྱམས་ཀྱི་ཤར་དུ། ཀྵ། ནུབ་ཏུ། ཨཱ། ཤར་ལྷོར། ཨི། བྱང་དུ། ཨཱི། ལྷོར། ཨུ། ནུབ་བྱང་དུ། ཨཱུ། ལྷོ་ནུབ་ཏུ། ཨེ། བྱང་ཤར་དུ། ཨཻ། སྒོ་བཞིའི་ཤར་སྒོར། ང་ཤ།།ལྷོར་སྒོར། ཉ་ཥ། ནུབ་སྒོར། མ་ས། བྱང་སྒོར། ཨོ་ཨཽ་ཧ། རྣམས་རང་རང་གི་ལྷའི་ཁ་དོག་དང་མཐུན་པར་སོ་སོའི་གདན་ལ་འཁོད་པའི་མཐར་ཨ་ཞེས་བརྗོད་པས། གཞིའི་ཨ་དེ་ཡིག་འབྲུ་རྣམས་ལ་ཁྱབ་པར་ཐིམ་པས་ཤིན་ཏུ་གསལ་ཞིང་འབར་བར་བསམས་ལ། ཨ་ཉིད་སྣ་ཚོགས་པར་སྣང་བའི། །ཀ་ལ་སོགས་པ་བཞི་བཅུ་གཉིས། །སྒྲ་ཡི་མིང་གིས་ཐམས་ཅད་བསྡུས། །མངོན་རྫོགས་རྒྱལ་པོ་དེ་ཉིད་ངེས། །ཨ་སྥ་ར་ཎ་ཕཊ་ཅེས་བརྗོད་པས་ཡིག་འབྲུ་རྣམས་ལས་འོད་ཟེར་འཕྲོས། སངས་རྒྱས་ཀྱི་མཛད་པ་བསྒྲུབ། སཾ་ཧ་ར་ཎ་ཧཱུྃ་སླར་འདུས་ནས་ཡིག་
འབྲུ་རྣམས་ལ་ཐིམ་པ་འོད་དུ་ཞུ་བ་ལས། བཛྲ་ཙཀྲ་རཏྣ་པདྨ་ཁངྒ་གྷནྚ་ཞེས་བརྗོད་པས། དབུས་སུ་རྡོ་རྗེ་དང་དྲིལ་བུ། རྩིབས་བཞིའི་ཤར་དུ་འཁོར་ལོ་དང་དྲིལ་བུ། ལྷོར་རིན་པོ་ཆེ་དང་དྲིལ་བུ། ནུབ་ཏུ་པདྨ་དང་དྲིལ་བུ། བྱང་དུ་རལ་གྲི་དང་དྲིལ་བུ། རྩིབས་མཆན་གྱི་ཤར་ལྷོར་རིན་པོ་ཆེའི་མྱུ་གུ་དང་མེ་ལོང༌། ལྷོ་ནུབ་ཏུ་རལ་གྲི་དང་ཕྲེང་བ། ནུབ་བྱང་དུ་པདྨ་དང་པི་ཝང༌། བྱང་ཤར་དུ་རྡོ་རྗེ་དང་རྔ་ཡབ། གྲུ་ཆད་བཞིའི་ཤར་ལྷོར་ཀླུ་ཤིང་དང་སྤོས་ཁང༌། ལྷོ་ནུབ་ཏུ་པུ་སྟི་དང་མེ་ཏོག །ནུབ་བྱང་དུ་རིན་པོ་ཆེའི་སྙེ་མ་དང་མར་མེ། བྱང་ཤར་དུ་ཨུཏྤལ་དང་དྲི་ཆབ། ཁྱམས་ཀྱི་ཤར་དུ་རྡོ་རྗེ། ནུབ་ཏུ་དྲིལ་བུ། ཤར་ལྷོར་པི་ཝང༌། བྱང་དུ་གོ་མཚོན། ལྷོར་གསེག་པར། ནུབ་བྱང་དུ་པུསྟི། ལྷོ་ནུབ་ཏུ་སྒྲོམ་བུ། བྱང་ཤར་དུ་མེ་ཆུ། ཤར་སྒོར་ནྲི་མགོ་གདེངས་པ་དང་ལྕགས་ཀྱུ། ལྷོ་སྒོར་རྡོ་རྗེ་རྩེ་ལྔ་དང་ཞགས་པ། ནུབ་སྒོར་ཐོད་པ་སྦྲུལ་གྱིས་དཀྲིས་པ་དང་ལྕགས་སྒྲོག །བྱང་དུ་རྡོ་རྗེ་རྒྱ་གྲམ་དང་དྲིལ་བུ་སྟེ་ཕྱག་མཚན་བཞི་བཅུ་རྩ་གཉིས་སུ་གྱུར། སྥ་ར་ཎ་ཕཊ། དེ་རྣམས་ལས་འོད་ཟེར་འཕྲོས། སངས་རྒྱས་ཀྱི་མཛད་པ་བསྒྲུབ། སཾ་ཧ་ར་ཎ་ཧཱུྃ་སླར་འདུས་ནས་ཕྱག་མཚན་རྣམས་ལ་ཐིམ་པ་ཡོངས་སུ་གྱུར་པ་ལས། ཧཱུྃ་བཛྲ་དྷྲིཀ །དཀྱིལ་འཁོར་ཆེན་པོའི་དབུས་དག་ཏུ། །བདག་ཉིད་བཅོམ་ལྡན་མི་བསྐྱོད་པ། །ཨིནྡྲ་ནཱི་ལའི་ཁ་དོག་འདྲ། །
སྐུ་གསུང་ཐུགས་ཀྱི་དབུ་གསུམ་ནི། །གཡས་དཀར་གཡོན་དམར་དབུས་མཐིང་ཞལ། །ཡེ་ཤེས་དྲུག་གི་ཕྱག་ཉིད་ལ། །རྡོ་རྗེ་པདྨ་རལ་གྲི་ནི། །གཡས་ཀྱི་ཕྱག་ན་བསྣམས་པར་མཛད། །དྲིལ་བུ་འཁོར་ལོ་རིན་ཆེན་འབར། །གཡོན་གྱི་ཡེ་ཤེས་ཕྱག་ན་བསྣམས། །གཡས་པས་རྡོ་རྗེ་ཐུགས་ཀར་བརྟེན། །གཡོན་པ་དྲིལ་བུ་ཡུམ་ལ་འཁྱུད། །ཐབས་དང་ཤེས་རབ་ཞབས་གཉིས་ནི། །མཉམ་པའི་བརྟུལ་ཞུགས་སྐྱིལ་མོ་ཀྲུང༌། །མདུན་དང་རྒྱབ་མེད་ཀུན་ཏུ་ཞལ། །མཚན་དང་དཔེ་བྱད་ཀུན་གྱིས་སྤྲས། །འོད་ཟེར་འཕྲོ་བའི་ཚོགས་ཆེན་ལས། །ཐུབ་པའི་དཀྱིལ་འཁོར་སྣ་ཚོགས་འཕྲོ། །རྒྱལ་བ་རིགས་ལྔས་དབུ་བརྒྱན་ཅིང༌། །སྣ་ཚོགས་རྒྱན་རྣམས་ཀུན་གྱིས་བརྒྱན། །བཙུན་མོ་སྣང་བའི་དབྱིངས་ཕྱུག་མ། །གཞོན་ཚུལ་འཁྲིལ་ལྡེམ་ཤིན་ཏུ་ཆགས། །ཆ་ལུགས་ལ་སོགས་ཡབ་དང་མཐུན། །གཡོན་པ་དྲིལ་བུ་ཐུགས་ཀར་བརྟེན། །གཡས་པ་ཉི་མ་ལས་ལ་འཁྲིལ། །གཉིས་ཀའང་ལྷ་རྫས་ཀྱི་དར་དཀར་པོ་གསེར་གྱི་ངང་རིས་ཅན་གྱི་སྟོད་གཡོགས་དང་ཚི་གུའི་སྨད་དཀྲིས། ཁ་དོག་སྣ་ཚོགས་པའི་ཅོད་པན་ཟི་ལྡིར། གར་གྱི་ཕུ་རུང་སྟེ་དར་གྱི་ཆས་གོས་ལྔ་དང༌། རིན་པོ་ཆེའི་དབུ་རྒྱན། སྙན་ཆ། མགུལ་རྒྱན། སེ་མོ་དོ། དོ་ཤལ། སྐ་རགས། ཕྱག་ཞབས་ཀྱི་གདུ་བུ་སྟེ་རིན་པོ་ཆེའི་རྒྱན་བརྒྱད་ཀྱིས་
མཛེས་པར་སྤྲས་པ། མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་མཚེར་ལྷུན་སྡུག་གཟི་བྱིན་འབར་བ་སྟེ། ཞི་བའི་ཉམས་དགུས་བརྒྱན་པ། འོད་ཟེར་ཁ་དོག་དྲུག་རེ་རེ་ཡང་བྱེ་བ་ཕྲག་དྲུག་དྲུག་ཏུ་འཕྲོ་ཞིང་འབར་བའི་ཀློང་ན་བདེ་སྟོང་གཉིས་སུ་མེད་པའི་ངོ་བོར་བཞུགས་པའོ། །ཨོཾ་ཛཱི་ན་ཛཱིཀ །ཤར་གྱི་རྩིབས་ལ་རྣམ་སྣང་དཀར་པོ། དཀར་མཐིང་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་འཁོར་ལོ་དང་དྲིལ་བུ་འཛིན་པས་ཡུམ་ལ་འཁྱུད་ཅིང༌། བར་པས་རྡོ་རྗེ་དང་རིན་པོ་ཆེ། ཐ་མས་པདྨ་དང་རལ་གྲི་འཛིན་པ། ལཱཾ་དེ་ཥ་ར་ཏི། ཡུམ་སྤྱན་མ་དཀར་མོ་གཡས་དྲིལ་བུ་འཛིན་པས་ཡབ་ལ་འཁྱུད་ཅིང༌། གཡོན་འཁོར་ལོ་འཛིན་པ། སྭཱཾ་རཏྣ་དྷྲྀཀ། ལྷོར་རིན་ཆེན་འབྱུང་ལྡན་སེར་པོ། སེར་དཀར་དམར་བའི་ཞལ་གསུམ་ཕྱག་དྲུག་གི །དང་པོ་གཉིས་ཀྱིས་རིན་པོ་ཆེ་དང་དྲིལ་བུ། བར་པས་འཁོར་ལོ་དང་རྡོ་རྗེ། ཐ་མས་པདྨ་དང་རལ་གྲི་འཛིན་པ། མཱཾ་མོ་ཧ་ཏི། མཱ་མ་ཀཱི་སེར་མོ་གཡས་དྲིལ་བུ་འཛིན་པས་ཡབ་ལ་འཁྱུད་ཅིང༌། གཡོན་རིན་པོ་ཆེ་འཛིན་པ། ཨཱཾ་ཨ་རོ་ལིཀ །ནུབ་ཏུ་སྣང་བ་མཐའ་ཡས་དམར་པོ། དམར་དཀར་སྔོ་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་པདྨ་དང་དྲིལ་བུ། བར་པས་འཁོར་ལོ་དང་རིན་པོ་ཆེ། ཐ་མས་རྡོ་རྗེ་དང་རལ་གྲི་འཛིན་པ། པཱཾ་རཱ་ག་ར་ཏི། གོས་
དཀར་མོ་དམར་མོ་གཡས་དྲིལ་བུ་འཛིན་པས་ཡབ་ལ་འཁྱུད་ཅིང༌། གཡོན་པདྨ་འཛིན་པ། ཧཱཾ་པྲཛྙཱ་དྷྲིཀ །བྱང་དུ་དོན་ཡོད་གྲུབ་པ་ལྗང་གུ། ལྗང་དཀར་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རལ་གྲི་དང་དྲིལ་བུ། བར་པས་འཁོར་ལོ་དང་རིན་པོ་ཆེ། ཐ་མས་པདྨ་དང་རྡོ་རྗེ་འཛིན་པ། ཏཱཾ་བཛྲ་ར་ཏི། དམ་ཚིག་སྒྲོལ་མ་ལྗང་གུ་གཡས་དྲིལ་བུ་འཛིན་པས་ཡབ་ལ་འཁྱུད་ཅིང༌། གཡོན་རལ་གྲི་འཛིན་པ་ཡབ་རྣམས་རྫོགས་པའི་སྐྱིལ་མོ་ཀྲུང་དང༌། ཡུམ་རྣམས་བརྟུལ་ཞུགས་ཀྱི་སྐྱིལ་མོ་ཀྲུང་གིས་རོལ་པའོ། །ཀྵིཾ་ཧི་རཱ་ཛ་ཡ། རྩིབས་མཆན་བཞིའི་ཤར་ལྷོར་ས་སྙིང་དཀར་པོ་གཡས་རིན་པོ་ཆེའི་མྱུ་གུ་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཧཱུྃ་ལཱ་སྱེ་ས་མ་ཡ་སྟྭཾ། སྒེག་མོ་དཀར་མོ་གཡས་ཡབ་ལ་འཁྱུད་ཅིང༌། གཡོན་མེ་ལོང་འཛིན་པ། ཏྲཱཾ་ཨཱ་གྷརྦྷ་ཡ། ལྷོ་ནུབ་ཏུ་ནམ་སྙིང་སེར་པོ་གཡས་རལ་གྲི་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཏྲཱཾ་མཱ་ལྱེ་ས་མ་ཡ་ཧོཿ ཕྲེང་བ་མ་སེར་མོ་རིན་པོ་ཆེའི་ཕྲེང་བ་འཛིན་པ། ཧྲཱིཾཧཱ་ཧཱུྃ་པདྨ་པྲ་ད་མ། ནུབ་བྱང་དུ་སྤྱན་རས་གཟིགས་དམར་པོ་གཡས་པདྨ་དཀར་པོ་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཧྲཱིཾཿགཱི་ཏི་རཱ་གོ་ཧཾཿ གླུ་མ་དམར་མོ་པི་ཝང་འཛིན་པ། ཛིཾ་ཀུ་རུ 
་པ་ཎི། བྱང་ཤར་དུ་ཕྱག་རྡོར་མཐིང་ག་གཡས་རྡོ་རྗེ་
འཛིན་ཞིང་། གཡོན་དྲིལ་བུ་དཀུར་བརྟེན་པ། ཨཾ་ནིརྟི་རཱ་ག་ཡ་མྱེ། གར་མ་ལྗང་གུ་གར་རྒྱ་མཛད་པ། མཻ་དྷཱ་ར་ཎི་སྭཱ་ཧཱ། གྲུ་ཆད་བཞིའི་ཤར་ལྷོར་བྱམས་པ་དཀར་སེར་གཡས་ཀླུ་ཤིང་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཛཿདྷཱུ་པེ་པྲ་བེ་ཤ།།བདུག་སྤོས་མ་དམར་སེར་སྤོས་ཁང་འཛིན་པ། ཐླྷིཾ་ནིསྶ་རཾ་བྷ་ཡ་སྭཱ་ཧཱ། ལྷོ་ནུབ་ཏུ་སྒྲིབ་སེལ་དམར་སེར་གཡས་ཆོས་ཀྱི་འཁོར་ལོ་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཧཱུྃ་པུཥྤེ་ཨཱ་བེ་ཤ།།མེ་ཏོག་མ་དམར་སེར་མེ་ཏོག་གི་ཕྲེང་བ་འཛིན་པ། ཧཱུྃ་ས་རཱ་ཛ་ཡ་སྭཱ་ཧཱ། ནུབ་བྱང་དུ་ཀུན་བཟང་དམར་ལྗང་གཡས་རིན་པོ་ཆེའི་སྙེ་མ་འཛིན་ཞིང༌། གཡོན་དྲིལ་བུ་དཀུར་བརྟེན་པ། པཱཾ་དཱི་བ་སུ་གི་རི། མར་མེ་མ་དམར་ལྗང་མར་མེ་འཛིན་པ། མཱུཾ་ཤྲཱི་ཨཾ་རཱ་ག་ཡ་སྭཱ་ཧཱ། བྱང་ཤར་དུ་འཇམ་དཔལ་དཀར་ལྗང་གཡས་ཨུཏྤལ་འཛིན་ཞིང༌། གཡོན་དྲིལ་བུ་དཀུར་བརྟེན་པ། ཧོཿགནྡྷེ་ཙིཏྟ། དྲི་ཆབ་མ་དཀར་ལྗང་དྲིའི་དུང་ཕོར་འཛིན་པ། སེམས་དཔའ་བརྒྱད་པོ་ཐམས་ཅད་ཀྱང་ཞབས་གཡས་ཅུང་ཟད་བརྐྱང་པའི་ཕྱེད་སྐྱིལ་གྱིས་བཞུགས་ཤིང༌། སེམས་མ་རྣམས་གཡོན་ཅུང་ཟད་བརྐྱང་པའི་ཕྱེད་སྐྱིལ་གྱིས་ཡབ་ལ་འཁྱུད་པའོ། །ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ཁྱམས་ཀྱི་ཤར་དུ་ཀུན་ཏུ་བཟང་པོ་མཐིང་ག་མཉམ་གཞག་གི་ཕྱག་རྒྱ་ཅན་རྡོ་རྗེའི་སྐྱིལ་མོ་ཀྲུང་གིས་བཞུགས་པ། ཨ་ཨ་
ཨ་བཛྲཱི་བྷ་དྲ་ས་མནྟ་ཨཱཿནུབ་ཏུ་ཀུན་ཏུ་བཟང་མོ་མཐིང་ག་གཡོན་སྟེང་དུ་བཞག་པའི་མཉམ་གཞག་གི་ཕྱག་རྒྱ་ཅན་པདྨའི་སྐྱིལ་ཀྲུང་གིས་བཞུགས་པ་གཤེགས་པ་གཤེགས་མ་སེམས་དཔའ་སེམས་མ་ཀུན་བཟང་ཡབ་ཡུམ་རྣམས་ཞི་བའི་རྒྱན་ཆ་བཅུ་གསུམ་གྱིས་མཛེས་ཤིང༌། ཚུལ་དགུའི་ཉམས་ཀྱིས་རྒྱས་པའོ། །ཨོཾ་མུ་ནེ་ཀྵཾ་སྭཱ་ཧཱ། ཁྱམས་ཀྱི་ཤར་ལྷོར་ལྷའི་ཐུབ་པ་དཀར་པོ་པི་ཝང་འཛིན་པ། ཨོཾ་མུ་ནེ་ཏྲཾ་སྭཱ་ཧཱ། བྱང་དུ་ལྷ་མིན་གྱི་ཐུབ་པ་མཐིང་ག་གོ་ཆ་འཛིན་པ། ཨོཾ་མུ་ནེ་ཏྲཱཾ་སྭཱ་ཧཱ། ལྷོར་མིའི་ཐུབ་པ་སེར་པོ་གསེག་པར་འཛིན་པ། ཨོཾ་མུ་ནེ་སྲུཾ་སྭཱ་ཧཱ། ནུབ་བྱང་དུ་བྱོལ་སོང་གི་ཐུབ་པ་དམར་པོ་པུ་སྟི་འཛིན་པ། ཨོཾ་མུ་ནི་བྲཾ་སྭཱ་ཧཱ། ལྷོ་ནུབ་ཏུ་ཡི་དྭགས་ཀྱི་ཐུབ་པ་སེར་ནག་རིན་པོ་ཆེའི་སྒྲོམ་བུ་འཛིན་པ། ཨོཾ་མུ་ནེ་ཡེ་སྭཱ་ཧཱ། བྱང་ཤར་དུ་དམྱལ་བའི་ཐུབ་པ་དུད་ཁ་མེ་ཆུ་འཛིན་པ། དྲུག་ཀའང་གཙུག་ཏོར་དང་ལྡན་ཞིང་ཚངས་པར་སྤྱོད་པའི་ཆ་ལུགས་ཅན། འགྲོ་བའི་དོན་ལ་འགྲེང་སྟབས་སུ་གཤེགས་པའི་ཚུལ་ཅན་ནོ། །ཧཱུྃ་ཡ་མཱནྟ་ཀྲིཏ་ཕཊ། ཤར་སྒོར་གཤིན་རྗེ་གཤེད་སྨུག་ནག་ནྲྀ་མགོ་གདེངས་པ་འཛིན་པ། ཨོཾ་མ་ཧཱ་བཛྲ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ལྕགས་ཀྱུ་མ་སྨུག་ནག་ལྕགས་ཀྱུ་འཛིན་པ་དང་མཉམ་པར་སྦྱོར་བ། ཧཱུྃ་པྲཛྙཱནྟ་ཀྲིཏ་ཕཊ། ལྷོ་སྒོར་སྟོབས་པོ་ཆེ་སེར་ནག་རྡོ་རྗེ་རྩེ་ལྔ་འཛིན་པ། ཨོཾ་མ་ཧཱ་རཏྣ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ཞགས་པ་མ་སེར་
ནག་ཞགས་པ་འཛིན་པ་དང་མཉམ་པར་སྦྱོར་བ། ཧཱུྃ་པདྨཱནྟ་ཀྲིཏ་ཕཊ། ནུབ་སྒོར་རྟ་མགྲིན་དམར་ནག་ཐོད་དབྱུག་སྦྲུལ་གྱིས་དཀྲིས་པ་འཛིན་པ། ཨོཾ་མ་ཧཱ་པདྨ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ལྕགས་སྒྲོག་མ་དམར་ནག་ལྕགས་སྒྲོག་འཛིན་པ་དང་མཉམ་པར་སྦྱོར་བ། ཧཱུྃ་བིགྣན་ཏ་ཀྲིཏ་ཕཊ། བྱང་སྒོར་བདུད་རྩི་འཁྱིལ་པ་ལྗང་ནག་རྡོ་རྗེ་རྒྱ་གྲམ་འཛིན་པ། ཨོཾ་མ་ཧཱ་ཀརྨ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། དྲིལ་བུ་མ་ལྗང་ནག་དྲིལ་བུ་འཛིན་པ་དང་མཉམ་པར་སྦྱོར་བ། ཁྲོ་བོ་བཞི་ཀའང་གཡོན་སྡིགས་མཛུབ་མཛད་ཅིང༌། ཡུམ་རྣམས་གཡོན་པས་དུང་ཁྲག་སྟོབས་པའི་ཚུལ་ཅན་ཐམས་ཅད་ཀྱང་ཁྲོ་ཞིང་གཏུམ་ལ་རྣམ་པར་འགྱུར་བའི་ཞལ་ཅན། གར་གྱིས་ཉམས་དགུས་སྒེག་ཅིང༌། དུར་ཁྲོད་རོལ་པའི་ཆས་ཀྱིས་བརྒྱན་ཏེ། བསྐལ་པའི་མེ་དཔུང་འབར་བའི་ཀློང་ན་གདུག་པ་ཅན་ཚར་གཅོད་པའི་ཚུལ་གྱིས་བཞུགས་པ། དེ་ལྟར་རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་ཀྱང་མེ་ལོང་ནང་གི་གཟུགས་བརྙན་ནམ་ཆུ་ནང་གི་ཟླ་བ་ལྟར་སྣང་སྟོང་སྒྱུ་འཕྲུལ་དྲྭ་བའི་ཡེ་ཤེས་ཀྱི་འཁོར་ལོར་བཞུགས་པའོ། །གཉིས་པ་ནི་དེ་ལ་གཞན་དབང་གིས་རྒྱས་འདེབས་དག་ཆེན་ཡེ་ཤེས་ཀྱི་ཆུས་དབང་བསྐུར་བ་ནི། གདན་གསུམ་རྫོགས་པའི་དཀྱིལ་འཁོར་གྱི་སྲོག་གི་གོར། རང་འདྲའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤངས་པར་རེ་རེའི་ཐུགས་
ཀར་རང་རང་གི་ཕྱག་མཚན་ས་བོན་སྔགས་ཕྲེང་དང་བཅས་པ་ལས་འོད་ཟེར་འཕྲོས་པས་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་དབང་གི་ལྷ་རིགས་ལྔ་སྟངས་དཔྱལ་གྱི་རྣམ་པར་བཛྲ་ས་མཱ་ཛཿས་སྤྱན་དྲངས། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿཞེས་བསྐུལ་བས་རྗེས་ཆགས་ཞུ་བདེའི་ཆུ་རྒྱུན་གྱིས་དབང་བསྐུར། ཕུང་པོ་ལྔ་རིགས་ལྔའི་སངས་རྒྱས་དང༌། ཉོན་མོངས་པ་ཡེ་ཤེས་ལྔ། ཁམས་ལྔ་ཡུམ་ལྔ། སྐྱེ་མཆེད་སེམས་དཔའ་སེམས་མ། ལས་དབང་ཁྲོ་བོ་ཁྲོ་མོར་གནས་འགྱུར། ཆུའི་ལྷག་མ་སྤྱི་བོར་བརྟན་པ་ཡོངས་སུ་གྱུར་པ་ལས་རང་རིགས་གཙོ་བོར་གྱུར་པའི་རིགས་ལྔ། སྤྲུལ་སྐུའི་ཆ་བྱད་ཅན་གྱིས་དབུ་བརྒྱན་པར་གྱུར། ཅེས་བརྗོད་ལ་སོ་སོའི་དབང་རྒྱ་དང་རང་སྔགས་བསྟུན་ཞིང༌། དེ་ཡང་མི་བསྐྱོད་པ་ལ་མཚོན་ན། རྡོ་རྗེ་ཕྱི་བསྡམས་ལས་གུང་མོ་གཉིས་བརྐྱང་པ་སྤྱི་བོར་བཞག་ལ། ཨོཾ་མ་ཧཱ་ཤཱུ་ནྱ་ཧཱཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ། ཕྱག་རྒྱ་དེ་ལས་མཛུབ་མོ་གཉིས་བརྐྱང་པ་དཔྲལ་བར་བཞག་ལ། ཨོཾ་མ་ཧཱ་ཨཱ་དརྴ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ སྲིན་ལག་བརྐྱང་བ་རྣ་ལྟག་གཡས་པར་བཞག་ལ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾཿ མཐེ་བོང་བརྐྱང་བ་ལྟག་པར་བཞག་ལ། ཨོཾ་མ་ཧཱ་པྲཱ་ཏྱ་བེཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ མཐེའུ་ཆུང་བརྐྱང་བ་རྣ་ལྟག་
གཡོན་པར་བཞག་ལ། ཨོཾ་མ་ཧཱ་ཀྲྀ་ཏྱ་ཨ་ནུཥྛཱ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ དཀྱིལ་འཁོར་བདག་པོ་སྟངས་དཔྱལ་དང༌། །བྱ་བྱེད་ཡབ་ཡུམ་ཐུབ་དྲུག་ལ། །མི་བསྐྱོད་དབུས་ན་བཞུགས་པ་ཡི། །རྒྱལ་བ་རིགས་ལྔས་དབུ་བརྒྱན་གྱུར། །དེས་མཚོན་ནས་རིགས་གཞན་བཞི་ལའང་རིགས་གང་ཡིན་དེའི་སྔགས་དང་པོ་དང་ཕྱག་རྒྱ་དབུས་སུ་འཇོག་ལ། གང་དབུས་སུ་སོང་བའི་ཤུལ་དུ་མི་བསྐྱོད་པ་འཇོག་པ་ལས། རྣམ་སྣང་གི་དབང་རྒྱ་མཛུབ་མོ་བརྐྱང་བ་དང་ཨཱ་དརྴ་དང་པོར་བརྗོད་པའི་ལྔ་ཚན་ལྔའི་སྔགས་རྒྱའི་མཐར། རྣམ་སྣང་ས་སྙིང་བྱམས་པ་དང༌། །གཤིན་རྗེ་ཡུམ་དང་བཅས་པ་ལ། །སྣང་མཛད་དབུས་ན་བཞུགས་པ་ཡི། །རྒྱལ་བ་རིགས་ལྔས་དབུ་བརྒྱན་གྱུར། །རིན་འབྱུང་གི་དབང་རྒྱ་སྲིན་ལག་བརྐྱང་བ་དང་ས་མ་ཏཱ་ཐོག་མར་བརྗོད་པའི་ལྔ་ཚན་ལྔའི་མཐར། རིན་འབྱུང་ནམ་སྙིང་སྒྲིབ་སེལ་དང༌། །སྟོབས་ཆེན་ཡུམ་དང་བཅས་པ་ལ། །རིན་འབྱུང་དབུས་ན་བཞུགས་པ་ཡི། །རྒྱལ་བ་རིགས་ལྔས་དབུ་བརྒྱན་གྱུར། །སྣང་མཐའི་དབང་རྒྱ་མཐེ་བོང་བརྐྱང་པ་དང༌། པྲཱཏྱ་དང་པོར་བརྗོད་པའི་ལྔ་ཚན་ལྔའི་མཐར། སྣང་བ་མཐའ་ཡས་སྤྱན་རས་གཟིགས། །ཀུན་བཟང་རྟ་མགྲིན་ཡབ་ཡུམ་ལ། །སྣང་མཐའ་དབུས་སུ་བཞུགས་པ་ཡི། །རྒྱལ་བ་རིགས་ལྔས་དབུ་བརྒྱན་གྱུར། །དོན་གྲུབ་ཀྱི་དབང་རྒྱ་མཐེའུ་
ཆུང་བརྐྱང་པ་དང༌། ཀྲྀ་ཏྱ་དང་པོར་བརྗོད་པའི་ལྔ་ཚན་ལྔའི་མཐར། དོན་ཡོད་གྲུབ་པ་ཕྱག་རྡོར་དང༌། །འཇམ་དཔལ་བདུད་རྩི་འཁྱིལ་པ་ལ། །དོན་གྲུབ་བདག་པོར་གྱུར་པ་ཡི། །རྒྱལ་བ་རིགས་ལྔས་དབུ་བརྒྱན་གྱུར། །གསུམ་པ་ཡོངས་གྲུབ་རྡོ་རྗེ་གསུམ་དུ་བྱིན་གྱིས་བརླབ་པ་ནི། ལྷ་ཐམས་ཅད་ཀྱི་སྤྱི་བོར་ཟླ་བ་ལ་གནས་པའི་ཨོཾ་དཀར་པོ། དེའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ། སྐུ་རྡོ་རྗེའི་ལྷ་ཚོགས་ནམ་མཁའ་གང་བར་བྱོན་ནས་ཨོཾ་ལ་ཐིམ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གཉིས་སུ་མེད་པར་གྱུར། ཨོཾ་ཡོངས་སུ་གྱུར་པ་ལས་རྣམ་སྣང་དཀར་པོ་འཁོར་ལོ་འཛིན་པས་རྒྱས་བཏབ་པར་གྱུར། རྡོ་རྗེའི་ཕྱག་རྒྱ་སྤྱི་བོར་གཏུགས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭཱ་བྷཱ་ཝ་ཨཱཏྨ་ཀོ྅་ཧཾཿ མགྲིན་པར་པདྨ་ལ་གནས་པའི་ཨཱཾཿདམར་པོ་དེའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་བརྒྱུད་བསྐུལ། གསུང་རྡོ་རྗེའི་ལྷ་ཚོགས་ནམ་མཁའ་གང་བར་བྱོན་ནས་ཨཱཾཿལ་ཐིམ། དེ་བཞིན་གཤེགས་པ་ཐམས་ཅད་ཀྱི་གསུང་དང་གཉིས་སུ་མེད་པར་གྱུར། ཨཱཾཿཡོངས་སུ་གྱུར་པ་ལས་སྣང་མཐའ་དམར་པོ་པདྨ་འཛིན་པས་རྒྱས་བཏབ་པར་གྱུར། རྡོ་རྗེའི་ཕྱག་རྒྱ་མགྲིན་པར་གཏུགས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཝཱཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ སྙིང་གར་ཉི་མ་ལ་
གནས་པའི་ཧཱུྃ་སྔོན་པོ། དེའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ་བས། ཐུགས་རྡོ་རྗེའི་ལྷ་ཚོགས་ནམ་མཁའ་གང་བར་བྱོན་ནས་ཧཱུྃ་ལ་ཐིམ། དེ་བཞིན་གཤེགས་པ་ཐམས་ཅད་ཀྱི་ཐུགས་དང་གཉིས་སུ་མེད་པར་གྱུར། ཧཱུྃ་ཡོངས་སུ་གྱུར་པ་ལས་མི་བསྐྱོད་པ་སྔོན་པོ་རྡོ་རྗེ་འཛིན་པས་རྒྱས་བཏབ་པར་གྱུར། རྡོ་རྗེའི་ཕྱག་རྒྱ་སྙིང་གར་གཏུགས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾཿ གསུམ་པ་ཕྲིན་ལས་བྱ་བའི་ཡན་ལག་ལ་དྲུག་སྟེ། བསམ་གཏན་གྱི་ངང་ནས་ཡེ་ཤེས་པ་སྤྱན་དྲང་བ། སྦྱིན་པའི་རང་བཞིན་མཆོད་པ་འབུལ་བ། བཟོད་པའི་ངོ་བོ་བཤགས་པ་བྱ་བ། བརྩོན་འགྲུས་ཀྱི་བདག་ཉིད་དངོས་གྲུབ་བསྐུལ་བ། ཚུལ་ཁྲིམས་ཀྱི་ངོ་བོ་དམ་བཅའ་བ། ཤེས་རབ་ཀྱི་རང་བཞིན་བཟླས་པ་བྱ་བ་དང་དྲུག་གིདང་པོ་ལའང་གསུམ་སྟེ། དང་པོ་རྡོ་རྗེའི་གླུས་བསྐུལ་བ་ནི། རྒྱལ་བ་རྣམས་ཀྱི་ཡེ་ཤེས་སྟོང་ཉིད་བཅུ་དྲུག་གི་བདག་ཉིད་རང་བཞིན་དང་ངོ་བོ་ཉིད་མེད་པ་དང༌། ཡོད་མེད་ཀྱི་མཐའ་གཞིག་པའི་རྣལ་འབྱོར་གྱི་དོན་དྲན་པར་བྱེད་པ་སྟེ། ཧཱུྃ་སྟོང་པ་ཤིན་ཏུ་ཡོད་མེད་རྣལ་འབྱོར་མཐུས། །ནམ་མཁའ་བཞིན་ལས་དམ་ཚིག་ཉེ་བར་གནས། །བདེ་གཤེགས་བདེ་བར་གཤེགས་མཛད་དགོངས་སུ་གསོལ། །རྡོ་རྗེ་སེམས་དཔའ་ཁྱོད་བདག་སྐལ་བཟང་དཔལ།
གཉིས་པ་ནི། ལྷ་ཚོགས་རྣམས་ཀྱི་ཐུགས་ཀའི་འོད་ཟེར་གྱིས་བསྐུལ་བས། རྣམ་པར་ཐར་པའི་སྒོ་སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པ་སྟེ་རང་བཞིན་གྱི་གནས་ནས་ཕྱོགས་བཅུ་དུས་བཞིའི་རྒྱལ་བ་རབ་འབྱམས་མ་ལུས་ཤིང་ལུས་པ་མེད་པ་སྒྱུ་འཕྲུལ་དྲྭ་བའི་གདན་གསུམ་གྱི་འཁོར་ལོར་སད་པར་བསམས་ལ་སྤོས་རོལ་དང་བཅས། ཕྱོགས་དུས་དཀྱིལ་འཁོར་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་ནས། །དཀྱིལ་འཁོར་ཐམས་ཅད་སྤྱན་དྲང་ངོ༌། །རང་སྣང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བ། །ཕྱོགས་དུས་ཀུན་ནས་གཤེགས་པ་ཡི། །བསྙེན་པའི་དཀྱིལ་འཁོར་རབ་ཏུ་རྫོགས། །ཉེ་བར་གྱུར་པའི་དམ་ཚིག་མཆོག །ཨོཾ་ཨེ་ཧྱེ་ཧི་བྷ་ག་ཝཱན་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོཿཛཿཧཱུྃ་བྃ་ཧོཿ། ཞེས་དམ་ཡེ་རོ་གཅིག་ཏུ་བསྲེའོ། གསུམ་པ་ནི། རིག་པ་བདེ་གཤེགས་སྙིང་པོའི་མེ་ཏོག་ཕུང་ཁམས་ཚོགས་བརྒྱད་དཀྱིལ་འཁོར་གྱི་འཁོར་ལོར་དག་པའི་དབྱིངས་སུ་དོར་བས་རང་བཞིན་དབྱེར་མེད་དུ་འདྲེས་པར་བསམས་ལ། ཨོཾ་བཛྲ་ས་མ་ཡ་ཨོཾ། ཨཱཾཿབཛྲ་ས་མ་ཡ་ཨཱཾཿཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ཞེས་པས་རང་བཞིན་གྱི་དཀྱིལ་འཁོར་དང༌། ཏིང་འཛིན་སྤྲུལ་པའི་དཀྱིལ་འཁོར་གཉིས་སོ་སོའི་སྐུ་གསུང་ཐུགས་ཡོན་
ཏན་ཕྲིན་ལས་རྣམས་ཀྱི་དམ་ཚིག་གི་ངོ་བོར་གྲུབ་པར་བསམས་ལ། དངོས་གྲུབ་ཀྱི་དོན་དུ་གསོལ་བ་གདབ་པ་ནི། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བས། །ཕྱག་རྒྱ་ཆེན་པོ་བདག་སྦྱོར་ཅིག །ཅེས་པས་ལྷ་རྣམས་དངོས་གྲུབ་སྩོལ་བ་ལ་ཕྱོགས་པ་དང༌། ཨོཾ་བཛྲ་ས་མ་ཡ་ཧཱུྃ་གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ། ཨོཾ་བཛྲ་ས་མ་ཡ་སྟྭཾ་གྱིས་རང་ཉིད་ལྷའི་དཀྱིལ་འཁོར་དུ་འཚང་མ་རྒྱས་ཀྱི་བར་དུ་བརྟན་པ་བཞུགས་པར་བསམ། ཨོཾ་བཛྲ་ས་མ་ཡ་ཧོཿས་དབང་དུ་གྱུར་ཅིང་དགྱེས་པར་བསམ་ཛཿཧཱུྃ་བྃ་ཧོཿས་བརྟན་ཞིང་གསལ་བར་བྱས་ནས། རིན་ཆེན་སེང་གེའི་གདན་ལ་ཡང་དག་ངེས་བཞུགས་ཤིང༌། །རང་གི་ལྷ་མོ་དག་དང་སྲས་དང་གཡོག་འཁོར་བཅས་པ་རྣམས། །ཀུན་ཏུ་བཟང་པོའི་སྨོན་ལམ་རྗེས་སུ་དགོངས་མཛད་དེ། །འཇིག་རྟེན་ལྷ་དང་བཅས་པ་རྣམས་ལ་ཕན་ཕྱིར་བཞུགས་སུ་གསོལ། །ཀཱ་ཡ་ཝཱཀྐ་ཙིཏྟ་ཏིཥྛ་བཛྲ། ཞེས་བཞུགས་སུ་གསོལ་ལོ། །གཉིས་པ་ཕྱག་དང་མཆོད་པ་ནི། པཉྩ་དྲྭ་མ་ལས། ཇི་ལྟར་ཆུ་ལ་ཆུ་བཞག་དང༌། །ཇི་ལྟར་མར་ལ་མར་བཞག་བཞིན། །རང་གིས་རང་གི་ཡེ་ཤེས་གང༌། །ལེགས་མཐོང་གང་ཡིན་འདིར་ཕྱག་འཚལ། །ཞེས་པ་ལྟར་
ཆོས་ཉིད་མངོན་དུ་མཐོང་བ་རྣམས་ལ་བྱ་བྱེད་ཀྱི་གཉིས་རྟོག་མི་དགོས་ཀྱང༌། དང་པོའི་བློ་ཅན་རྣམས་ནི་རང་ཉིད་དཀྱིལ་འཁོར་གྱི་གཙོ་བོ་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་རྡོ་རྗེ་སེམས་དཔའ་ཞལ་གཅིག་ཕྱག་གཉིས་པའི་རྣམ་པས་ཐོན་ནས་དཀྱིལ་འཁོར་གྱི་ཤར་སྒོར་འཁོད་དེ། སེམས་ཅན་ཐམས་ཅད་དང་བྱ་བྱེད་ཐུན་མོང་བར་གྱུར་ནས་ཕྱག་དང་མཆོད་པ་ལ་སོགས་པ་ལས་ཀྱི་རིམ་པ་ལ་འཇུག་པར་མོས་པའོ། །དེའི་དང་པོ་ཕྱག་འཚལ་བ་ནི། མི་རྟོག་རྡོ་རྗེ་ཐབས་ཀྱི་ཡེ་ཤེས་ནི། །དམིགས་མེད་ཤེས་རབ་ཡུམ་གྱི་ངང་དུ་རྟོགས། །ཐུགས་རྗེ་བྱེ་བྲག་སྣ་ཚོགས་ཅིར་ཡང་སྟོན། །རྡོ་རྗེ་སེམས་དཔའ་ཆེ་ལ་ཕྱག་འཚལ་ལོ། །ཆོས་རྣམས་རྣམ་དག་ཡེ་ནས་ལྷུན་གྲུབ་པའི། །བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང༌། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །ངོ་མཚར་ཕོ་བྲང་བདེ་བར་གཤེགས་པའི་ཡུམ། །དུས་གསུམ་རྒྱལ་བ་ཐམས་ཅད་བསྐྱེད་མཛད་མ། །རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོ། །རྣམ་ཤེས་དབང་པོ་དག་པའི་སྐུ་
གསུང་ཐུགས། །བདེ་བར་གཤེགས་པ་རྣམས་ཀྱི་སྲས་མཆོག་སྟེ། །སེམས་དཔའ་ཆེན་པོ་བརྒྱད་ལ་ཕྱག་འཚལ་ལོ། །སྒེག་མོ་ཕྲེང་ཐོགས་རིན་ཆེན་གླུ་གར་མ། །ནམ་མཁའ་མཉམ་པའི་མཆོད་པས་རྒྱལ་བ་མཆོད། །བྱང་ཆུབ་ལྷ་མོའི་ཚོགས་ལ་ཕྱག་འཚལ་ལོ། །བདུག་པ་མེ་ཏོག་མར་མེ་དྲི་ཆབ་མ། །རྒྱལ་བ་རྒྱ་མཚོ་རྣམས་ལ་མཆོད་འབུལ་མ། །མཆོད་པའི་ལྷ་མོ་རྣམས་ལ་ཕྱག་འཚལ་ལོ། །དྲག་ཤུལ་ཐབས་ཀྱིས་འགྲོ་བ་འདུལ་མཛད་པ། །ཚད་མེད་བཞི་ལྡན་སྒོ་བཞི་ཐུབ་པར་སྲུང༌། །མཐར་བྱེད་སྒོ་བ་བཞི་ལ་ཕྱག་འཚལ་ལོ། །རྟག་ཆད་ལྟ་འབྱིན་གསང་བ་ཡུམ་གྱི་ངང༌། །ལྕགས་ཀྱུ་ཞགས་པ་ལྕགས་སྒྲོག་དྲིལ་འཁྲོལ་མ། །ཡེ་ཤེས་སྒོ་མ་བཞི་ལ་ཕྱག་འཚལ་ལོ། །སྟེང་འོག་ཕྱོགས་བཞིར་འཇིག་རྟེན་གདུལ་བའི་གཙོ། །ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང༌། །བཅོམ་ལྡན་ཐུབ་པ་དྲུག་ལ་ཕྱག་འཚལ་ལོ། །དམིགས་མེད་ཆོས་ཀྱི་སྐུ་ལ་ཕྱག་འཚལ་ལོ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། །ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ། །མི་འགྱུར་རྡོ་རྗེའི་སྐུ་ལ་ཕྱག་འཚལ་ལོ། །མངོན་པར་བྱང་ཆུབ་སྐུ་ལ་ཕྱག་འཚལ་ལོ། །དུས་གསུམ་སངས་རྒྱས་ཀུན་གྱིས་བསྒྲུབས་པ་ཡི། །ཚོགས་གཉིས་རྫོགས་ཤིང་ཡོན་ཏན་མཐར་ཕྱིན་པའི། །སྐུ་དང་ཡེ་ཤེས་ཚོགས་ལ་ཕྱག་འཚལ་ལོ། །
ཨ་ཏི་པུ་ཧོཿཔྲ་ཏི་པུ་ཧོཿ། ཞེས་ཕྱག་བྱའོ། །གཉིས་པ་མཆོད་པ་ལ་བཅུ་གསུམ་ལས། དང་པོ་ཕྱག་རྒྱའི་མཆོད་པ་ནི། སྔགས་བླ་མེད་སྤྱིའི་གྲུབ་མཐའི་མངོན་རྟོགས་ཕྱག་རྒྱའི་ཁོང་ནས་འདོན་པ་ལས། འདིར་མཆོད་པ་ལ་མཚོན་ན། ལྷར་སྣང་ཕྱག་ཆེན། ས་བོན་ཆོས་རྒྱ། བཅའ་བ་དམ་རྒྱ། དགྲོལ་བ་ལས་རྒྱའི་དོན་ངེས་པས། ལག་པ་གཡས་ཀྱི་སོར་མོའི་བྲེ་ཁ་ལྔ་ལ། མ་སཱུརྱ་མཎྜལ། ཉི་མའི་དཀྱིལ་འཁོར་ལྔ། གུང་མཛུབ་སྲིན་ལག་མཐེ་བོང་མཐེའུ་ཆུང་རྣམས་ལ། ཧཱུྃ་ཨོཾ་སྭཱ་ཨཱཾཿཧཱ། གཡོན་གྱི་སོར་མོའི་བྲེ་ཁ་ལྔ་ལ། ཨ་ཙནྡྲ་མཎྜལ། ཟླ་བའི་དཀྱིལ་འཁོར་ལྔ། གུང་མཛུབ་སོགས་ལྔ་ལ། མཱུཾ་ལཱཾ་མཱཾ་པཱཾ་ཏཱཾ། རྣམས་ཀྱིས་མཚན་པར་བསམས་ལ། ཧཱུྃ་སྒྱུ་འཕྲུལ་དྲྭ་བ་མངོན་རྫོགས་པའི། །ཐམས་ཅད་བྱང་ཆུབ་མཆོག་གི་རྒྱ། །གསང་བ་དེ་ཉིད་ངེས་པ་ཡི། །སྙིང་པོའི་ཕྱག་རྒྱ་འདའ་དཀའོ། །མི་བསྐྱོད་ཉི་མའི་དཀྱིལ་ཡི་གེ། །རིན་ཆེན་ཟླ་བའི་དཀྱིལ་ཡི་གེ། །ལྔ་གཉིས་ཟུང་དུ་འདི་ནས་སྤྲད་པ་ལས། །སྦྱར་བས་ཕྱག་རྒྱ་འབྱུང་བའི་རྒྱུ། །ཨོཾ་དང་མཱུཾ་གཉིས་གཡས་ཀྱི་མཛུབ་མོ་དང་གཡོན་གྱི་གུང་མོ་རྩེ་སྦྱར་ཏེ། །འབྲུ་བརྒྱད་བསྣོལ་ནས་རྩེ་སྤྲད་པ། །རྒྱལ་བ་ཀུན་དང་མཉམ་སྦྱོར་བའི། །བདེ་བ་གཡོན་དུ་དགྲོལ་ཆེན་པོ་སྦྱིན་པའི་རྒྱ། །འབྲུ་བཞི་པད་སྐོར་སྦས་ནས་ཐུགས་ཀར་བཀན། །ཧཱུྃ་སྒྲེང་རྩེ་གཡས་ཀྱི་གུང་མོ།
མོར་རྡོ་རྗེ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང༌། །འཁྲིལ་བའི་ཚུལ་གྱིས་ཆོས་ལ་བསྟེན། །ཧཱུྃ་བཛྲ་དྷྲི་ག་གཡོན་དུ་དགྲོལ། འབྲུ་བཞི་སྦས་པད་སྐོར། ནས་ཐུགས་ཀར་བཀན། །མཱུཾ་སྒྲེང་གཡོན་གྱི་གུང་མོ། རྩེ་མོར་དྲིལ་བསིལ་འབར། །ཉི་མ་འབྲུ་ལྔ་དྲིལ་བསིལ། ལས་སུ་འཁྲིལ། །བཏུད་དེ་པད་སྐོར། འཛུམ་པའི་མདངས་ཀྱིས་བལྟ། །མཱུྃ་དྷ་ཏྭེ་གཡས་སུ་དགྲོལ་བ། ཤྭ་རི། འབྲུ་བཞི་སྦས་ནས་ཐུགས་ཀར་བཀན། །ཨོཾ་སྒྲེང་རྩེ་མོར་འཁོར་ལོ་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང༌། །འཁྲིལ་བའི་ཚུལ་གྱིས་ཆོས་ལ་བསྟེན། །ཨོཾ་ཛི་ན་ཛིཀ །འབྲུ་བཞི་སྦས་ནས་ཐུགས་ཀར་བཀན། །ལཱཾ་སྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འབར། །བཏུད་དེ་འཛུམ་པའི་མདངས་ཀྱིས་བལྟ། །ལཱཾ་དྭེ་ཥ་རཱ་ཏི། འབྲུ་བཞི་སྦས་ནས་ཐུགས་ཀར་བཀན། །སྭཱ་སྒྲེང་རྩེ་མོར་རིན་ཆེན་འབར། །ཟླ་བརྟུལ་འབྲུ་སྦས་དྲིལ་གསིལ་ཞིང༌། །འཁྲིལ་བའི་ཚུལ་གྱིས་ཆོས་ལ་བསྟེན། །སྭཱཾ་རཏྣ་དྷྲིཀ །འབྲུ་བཞི་སྦས་ནས་ཐུགས་ཀར་བཀན། །མཱཾ་སྒྲེང་རྩེ་མོར་དྲིལ་གསིལ་འབར། །ཉི་མ་འབྲུ་ལྔ་ལས་སུ་འབར། །བཏུད་དེ་འཛུམ་པའི་མདངས་ཀྱིས་བལྟ། །མཱཾ་མོ་ཧ་ར་ཏི། འབྲུ་བཞི་སྦས་ནས་ཐུགས་ཀར་བཀན། །ཨཱཾ་སྒྲེང་རྩེ་མོར་པདྨ་འབར། །ཟླ་བཏུལ་འབྲུ་སྦས་དྲིལ་བསིལ་ཞིང༌། །འཁྲིལ་བའི་
ཚུལ་གྱིས་ཆོས་ལ་བསྟེན། །ཨཱཾ་ཨ་རོ་ལིཀ །འབྲུ་བཞི་སྦས་ནས་ཐུགས་ཀར་བཀན། །པཱཾ་སྒྲེང་རྩེ་མོར་དྲིལ་བསིལ་འབར། །ཉི་མ་འབྲུ་ལྔ་ལས་སུ་འབར། །བཏུད་དེ་འཛུམ་པའི་མདངས་ཀྱིས་བལྟ། །པཱཾ་ར་ག་ར་ཏི། འབྲུ་བཞི་སྦས་ནས་ཐུགས་ཀར་བཀན། །ཧཱ་སྒྲེང་རྩེ་མོར་རལ་གྲི་འབར། །ཟླ་བརྟུལ་འབྲུ་སྦས་དྲིལ་བསིལ་ཞིང༌། །འཁྲིལ་བའི་ཚུལ་གྱིས་ཆོས་ལ་བསྟེན། །ཧཱཾ་པྲ་ཛྙཱ་དྷྲིཀ །འབྲུ་བཞི་སྦས་ནས་ཐུགས་ཀར་བཀན། །ཏཾ་སྒྲེང་རྩེ་མོར་དྲིལ་བསིལ་འབར། །ཉི་མ་འབྲུ་ལྔ་ལས་སུ་འབར། །བཏུད་དེ་འཛུམ་པའི་མདངས་ཀྱིས་བལྟ། །ཏྲཱཾ་བཛྲ་ར་ཏི། ཨོཾ་ཧཱུྃ་སོགས་བསྒྲེང་རྒྱ་གཡས་གཡོན་སོ་སོའི་གུང་མཛུབ་ནས་རེ་མོས་ཁོ་ནར་བསྒྲེང་བའོ། །འདི་ནི་རྒྱལ་བ་ཐམས་ཅད་ཀུན། །དགྱེས་པ་ཆེན་པོ་བསྐྱེད་པའི་ཕྱིར། །ཕྱག་རྒྱའི་མཆོད་པ་ཆེན་པོ་ཡིན། །ཨ་ལ་ལ་སྟེ་མཆོད་པར་འབུལ། །ཨ་ལ་ལ་སྟེ་དགྱེས་པར་མཛོད། །ཅེས་རིམ་པ་བཞིན་རིགས་ལྔ་སོ་སོའི་ཕྱག་རྒྱ་བཅའ་བ་སྟེ། དེ་ཡང་ཕྱག་རྒྱ་མདུན་དུ་བསྒྱུར་ནས་ཡབ་གཡོན་དང༌། ཡུམ་གཡས་སུ་དགྲོལ་བའོ། །གཉིས་པ་ཀུན་བཟང་ནི། ཨོཾ་ཧཱུྃ། བདེ་བར་གཤེགས་སོ་བཅོམ་ལྡན་འདས། །རྒྱལ་བ་རྒྱ་མཚོའི་ཡེ་ཤེས་ཀྱིས། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་མཆོག་ཏུ་རོལ། །ཨོཾ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏཏྑཾ་ཨུཏྒ་ཏེ་སྥ་ར་ཎ་ཧི་མཾ་
ག་ག་ན་ཁཾ་སྭཱ་ཧཱ། ཞེས་ཕྱི་ནང་གསང་བའི་འདོད་ཡོན་གྱི་དངོས་པོ་མཐའ་དག་སྤྱོད་ཡུལ་ཡོངས་སུ་དག་པ་ཀུན་ཏུ་བཟང་པོའི་མཆོད་སྤྲིན་ཆེན་པོར་འབུལ་ལོ། །གསུམ་པ་ཞབས་བསིལ་ནི། ཡང་དག་དོན་དུ་དག་མོད་ཀྱང༌། །འགྲོ་བ་ཡོངས་ཀྱི་དོན་སླད་དུ། །ཕྱག་དང་ཞབས་ནི་བསིལ་ནས་ཀྱང༌། །རྡོ་རྗེའི་གདན་ལ་བཞུགས་སུ་གསོལ། །ཨོཾ་ཨ་ཧ་ར་ཨ་ཧ་ར་སརྦ་བིདྱ་དྷ་ར་པཱུ་ཛི་ཏེ་ན་མསྶ་མནྟ་བུདྡྷ་ནཾ་ག་ག་ན་ཁཾ་ས་མ་ཡེ་སྭཱ་ཧཱ། ཞེས་ཕྱག་ཞབས་ལ་ཉེ་རེག་དང་མཆོད་ཡོན་དུ་དབུལ་ལོ། །བཞི་པ་བཞི་བསྣོལ་ནི། སོ་སོའི་ཕྱག་རྒྱ་དང་བཅས། ཨོཾ་ཧཱུྃ་སྤོས་ཀྱི་སྤྲིན་ལྡིང་བདུག་པ་མོ། །རྒྱལ་བའི་དཀྱིལ་འཁོར་གདུགས་ཀྱིས་འགེབས། །བྱམས་པ་ཐབས་དང་ཤེས་རབ་ལས། །བཛྲ་དྷཱུ་པེའི་མཆོད་པར་རོལ། ཨོཾ་པ་ན་པེཾ་པེ་ནུ་སུ་ར་ཏོ། ཏི་པུ་པ་ར་མུ། སརྦ་ཏ་ཐཱ་ག་ཏ་སིདྡྷི་ཧུ། ས་མ་ཡོ་ཏ་མུཿ སརྦ་མ་ཧཱ་སུ་ཁ་སིདྡྷི་ཧུ། ཨོཾ་ཤྲཱི་བཛྲ་རཱ་ག་དྷུ་པེ་དྷུ། ཨུཏྤལ་མཐིང་ག་མེ་ཏོག་འཐོར། སྣ་ཚོགས་རིན་ཆེན་འོད་དུ་འཕྲོ། །སྙིང་རྗེ་ཐབས་དང་ཤེས་རབ་ལས། །བཛྲ་པུཥྤེའི་མཆོད་པར་རོལ། ཨོཾ་པ་ན་པེཾ་སོགས་དང༌། ཨོཾ་ཤྲཱི་བཛྲ་རཱ་ག་པུཥྤེ་པུ། དབང་གི་ཕྱག་ན་སྒྲོན་མ་བསྣམས། །ཆོས་ཀྱི་རྒྱལ་པོ་འབར་བ་འཛིན། །དགའ་བ་ཐབས་དང་ཤེས་རབ་ ལས། །བཛྲ་ལོ་ཀེའི་མཆོད་པར་རོལ། །ཨོཾ་པ་ན་པེཾ་སོགས་དང༌། ཨོཾ་ཤྲཱི་བཛྲ་རཱ་ག་ཨཱ་ལོ་ཀེ་ཧྲཱིཿཙན་དན་བདུད་རྩིའི་ཆར་འབེབས་མ། །དཀྱིལ་འཁོར་གསལ་བའི་ཐིག་ལེ་འབེབས། །བཏང་སྙོམས་ཐབས་དང་ཤེས་རབ་ལས། །བཛྲ་གནྡྷེའི་མཆོད་པར་རོལ། ཨོཾ་པ་ན་པེཾ་
སོགས་དང༌། ཨོཾ་ཤྲཱི་བཛྲ་རཱ་ག་གནྡྷེ་གན། ལྷ་མོ་རྣམས་ཀྱིས་དཀྱིལ་འཁོར་གྱི་ལྷ་ཚོགས་མཆོད་ནས་ཤངས་ལ་སོགས་པའི་དབང་པོའི་སྒོ་སོ་སོ་ལ་ཐིམ་པར་བསམ། ཨོཾ་ཨཱཿཧཱུྃ་རབ་ཏུ་དགའ་བའི་བདག་ལ་ཕྱག་འཚལ་ལོ། །དེ་བཞིན་གཤེགས་པའི་དམ་ཚིག་དམ་པ་གྲུབ་པར་མཛོད། །མཆོད་ཆེན་ཐམས་ཅད་དག་ཅིང་ལྷུན་གྱིས་གྲུབ་པར་མཛོད། །ལྔ་པ་སྨན་མཆོད་ནི། ཨོཾ་ཧཱུྃ། སངས་རྒྱས་ཀུན་དང་མཉམ་སྦྱོར་བའི། །རང་བྱུང་གདོད་ནས་རྣམ་པར་དག །རྩ་བརྒྱད་སྟོང་ལས་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔ་སེམས་ཅན་ཀུན་སྒྲོལ་བ། །དུག་ལྔ་སེལ་བའི་བདུད་རྩི་སྨན། །ཐམས་ཅད་བདུད་རྩིའི་རྣལ་འབྱོར་ཆེ། །བྱང་ཆུབ་སེམས་ནི་རྡོ་རྗེ་སྟེ། །ཤ་ཆེན་མཆོད་པ་རིན་པོ་ཆེ། །པདྨ་མེ་ཏོག་ཡང་དག་ལྡན། །རྡོ་རྗེ་ཆུ་སྟེ་ལས་ཀྱི་མཆོག །ཟས་མཆོག་ཚེ་ཡི་དྲི་ཆེན་པོ། །ག་པུར་ཤེལ་གྱི་པོག་ཕོར་དྲི། །རིན་ཆེན་མེ་ལྟར་འབར་བའི་ཚོགས། །མ་ལུས་འདུས་པའི་ཐིག་
ལེ་ཆེ། །གཅིག་ཏུ་དཔའ་བོའི་རོ་རྣམས་དང༌། །གཉིས་སུ་མེད་པར་མཉམ་སྦྱོར་ནས། །བདུད་རྩི་དམ་པ་རིན་ཆེན་བཅུད། །བདེ་གཤེགས་རྣམས་ཀྱི་ཐུགས་དམ་ཉིད། །རྒྱལ་བ་རྒྱ་མཚོའི་དངོས་གྲུབ་མཆོག །ཐུགས་རྗེ་ཆེན་པོའི་དཀྱིལ་འཁོར་འདིར། །བདག་ཅག་དད་པས་འབུལ་ལགས་ན། །ཐུགས་རྗེས་དགོངས་ཏེ་བཞེས་སུ་གསོལ། །བཞེས་ནས་ཀུན་ཏུ་དགྱེས་མཛོད་ལ། །བླ་མེད་དངོས་གྲུབ་སྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་སྤྱིར་འབུལ་ཞིང༌། བྱེ་བྲག་ཏུ་དཀོན་མཆོག་འགྲེལ་ལས། དཀོན་མཆོག་གསུམ་གྱི་རང་བཞིན་བྱང་ཆུབ་སེམས། །དེ་སྩོལ་བླ་མ་དེ་རྒྱ་ལྷག་ པའི་ལྷ། །དེ་དབང་སྤྲུལ་པའི་འཁོར་ལོར་བཅས་པ་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་དང༌། ཀུན་བཟང་རིགས་ལྔ་རིགས་གསུམ་དྲ་མ་ལྔ། །ལུང་བསྟན་རྡོ་རྗེ་ཨུ་པ་རཱ་ཛ་དང༌། །དྲང་སྲོང་བྷ་ཤི་པྲ་བྷ་ཧསྟི་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །སརྦ༴ རྒྱལ་དབང་པདྨ་ཀཱ་ར་གཉགས་ལོ་དང༌། །སོག་པོ་ལྷ་དཔལ་གནུབས་ཆེན་སྲས་སློབ་བརྒྱུད། །ཤེས་རབ་མཆོག་དང་ཡེ་ཤེས་འབྱུང་གནས་ལ། །སྨན་མཆོད་འབུལ། སརྦ༴ གྲུབ་ཐོབ་ཟུར་ཆེན་ཟུར་ཆུང་ཀ་ཆེན་བཞི། །
གསང་བདག་སྒྲོ་ཕུག་རོང་པས་དགུང་ལོ་བརྒྱ་དང་ཉི་ཤུ་སྐོར་བཞུགས་ཤིང་རྣམ་ཐར་ན་མདོ་སྟོན་སེདྒེ་ལས་གསན་ཚུལ་ཡོད་པ་སྒྲོ་ཕུག་པ་ཤཱཀྱ་སེངྒེ་ཡིན། པཎ་ཆེན་རོང་པའི་ཞབས། །ཤཱཀྱ་འབྱུང་གནས་ཤཱཀ་འབྱུང་རྡོ་རྗེ་འོད། །སྨན་མཆོད། སརྦ༴ པུརྞེེ་དྷྭ་ཛ་ཆོས་སེང་བུདྡྷ་ཤྲཱི། །བསོད་ནམས་མགོན་པོ་སྒྲོལ་ཆེན་དགེ་འདུན་འབུམ། །ཤཱཀྱ་བཤེས་གཉེན་བྲ་བོ་ཆོས་འབུམ་ལ། །སྨན་མཆོད༴ སརྦ་ཏ་ཐཱ༴ རཏྣ་བྷ་དྲ་རྡོ་རྗེ་དཔལ་བཟང་པོ། །དན་འབག་གཞོན་ནུ་ཀུན་མཁྱེན་དྲི་མེད་འོད། །གཏད་རྒྱ་ལུང་རྫོགས་འཇིགས་མེད་གླིང་པ་ལ། །སྨན་མཆོད༴ སརྦ༴ ཕུང་ཁམས་དག་པའི་གཤེགས་པ་གཤེགས་མ་དང༌། །དབང་ཡུལ་དག་པའི་བྱང་ཆུབ་ལྕམ་དྲལ་ཚོགས། །ལས་ལ་དབང་བའི་སྒོ་སྐྱོང་ཐུབ་དྲུག་ལ། །སྨན་མཆོད༴ སརྦ༴ མདོར་ན་རབ་འབྱམས་དཀྱིལ་འཁོར་རྒྱ་མཚོའི་སྡེ། །གནས་ཡུལ་ཌཱཀྐི་དམ་ཅན་ཆོས་སྐྱོང་དང༌། །ཞིང་སྐྱོང་གཞི་བདག་དཀར་ཕྱོགས་སྐྱོང་བའི་ཚོགས། །དུས་གསུམ་ཕ་མ་འགྲོ་བ་རིགས་དྲུག་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་གུ་ཧྱ་ལག་གི་ཕྱག་རྒྱས་གཏོར་བས། ཡེ་ཤེས་ཀྱི་བདུད་རྩིའི་ཟེགས་མ་མཁའ་ལ་སྤྲིན་བཞིན་དུ་ཆགས་པ་ལས་བདུད་རྩིའི་ཆར་ཆེན་པོ་བབས་ཏེ་ལྷ་ཚོགས་ཐམས་ཅད་མཉེས་
ཤིང་ཚིམ་པར་བསམས་ལ། མཐར་དངོས་གྲུབ་བླང་བ་ནི། རང་གི་ལྕེ་ལ་ཧཱུྃ་ཡིག་དང༌། སྨན་གྱི་སྟེང་དུ་ཨོཾ་ཨཱཿཧཱུྃ་གསུམ་བསྒོམ་སྟེ། ཨོཾ་ཨཱཿཧཱུྃ་རྡོ་རྗེ་ལྕེ་ཡི་དམ་ཚིག་ལ། །རྡོ་རྗེ་ཅན་གྱི་འབྲུ་གསུམ་སྒོམ། །བདུད་རྩི་ལྔ་དང་སྦྱར་བའི་སྨན། །མྱོངས་ན་དངོས་གྲུབ་ཐོབ་པར་འགྱུར། །ཨོཾ་སརྦ་ཏ་ཐཱ་ག་ཏ་ཀཱ་ཡ་སིདྡྷི་ཨོཾ། ཝཱཀྐ་སིདྡྷི་ཨཱ་ཙིཏྟ་སིདྡྷི་ཧཱུྃ། ཞེས་རིམ་པར་བརྗོད་ཅིང་བླངས་ནས་ལྕེ་ལ་བཞག་པས་སྐུ་གསུང་ཐུགས་ཀྱི་དངོས་གྲུབ་ཐོབ་པར་བསམ་མོ། །དྲུག་པ་གཏོར་མའི་མཆོད་པ་ནི། འདོད་ཡོན་གྱི་ལྷ་མོ་དཔག་ཏུ་མེད་པས་དཀྱིལ་འཁོར་བ་རྣམས་དགྱེས་པ་བསྐྱེད་ནས་རང་ལ་གཉིས་མེད་དུ་གྱུར་པར་བསམ་ཞིང༌། ཨོཾ་ཧཱུྃ་བླ་མེད་མཆོག་གི་མཆོད་པ་དམ་པ་འདི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ཨོཾ་ཨཱཿཧཱུྃ་སུ་ར་ཏོ་ཨུ་པ་བྷྱཿཀ་མ་ལ་མཱ་ལ་བཛྲ་ཨ་མྲྀ་ཏ་ཧ་ར་ཎ་པྲ་ཏཱིཙྪ་བྷ་ག་ཝཱན་ཛཿཧཱུྃ་བྃ་ཧོཿ། ཨ་ལ་ལ་ཧོ། ཞེས་དང༌། ཨོཾ་པ་ན་པེཾ་སོགས་བཞི་བསྣོལ་གྱིས་ཀྱང་མཆོད་དོ། །བདུན་པ་བདུད་རྩི་གསང་ནན་གྱི་མཆོད་པ་ནི། བདུད་རྩི་བཟེད་ཞལ་དུ་ལན་གསུམ་འཕྱར་ཞིང༌། ཨོཾ་ཨཱཿཧཱུྃ་མི་བསྐྱོད་ཡེ་ཤེས་བདེ་བའི་མཆོག་དང་ལྡན་པའི་རོ་ལ་བསྣམ་དུ་གསོལ། ཨ་ལ་ལ་ཧོ། བྱང་ཆུབ་སེམས་དཔའི་བདེ་མཆོག་དེ་ཉིད་འགོག་པ་
རྣམས་ལས་བསླང་བའི་ཕྱིར། །ཆགས་པ་མེད་པའི་བདེ་མཆོག་ཀུན་ཏུ་མྱོང་མཛད་བཞེས་ཤིང་བསྣམ་དུ་གསོལ། །ཨོཾ་ཨཱཿཧཱུྃ། མཆོག་ཏུ་གསང་བའི་བདེ་ལ་རོལ་ཞིང་དམ་བཅས་འཇིག་རྟེན་སྒྲོལ། །བྱང་ཆུབ་སྐྱེ་གནས་བདེ་མཆོག་དབྱིངས་ལས་མི་ཉམས་བདེ་བའི་གར་མཛོད་ཅིག །ཨ་ལ་ལ་ཧོ། ཞེན་ཅིང་ཆགས་པའི་མཐའ་ལ་ཉོན་མོངས་རྣོ་བརྐམ་གཟིར་བ་ཡི། །མྱོང་བྱེད་བདེ་མཆོག་བརྒྱད་དང་ལྡན་པས་ཐབས་ཀྱི་སྐུ་ལ་སྨྲེ་བར་མཛོད། །འགྲོ་ཀུན་ཚངས་པར་སྤྱོད་པའི་བྱང་ཆུབ་སྒོ་མོར་ལམ་སྟོན་ཅིག །བདེ་མཆོག་བདུད་རྩི་ཁྱད་པར་མེད་པའི་ཚོགས་ལ་བཀའ་སྩོལ་ཅིག། ཨ་ལ་ལ་ཧོ། ཞེས་དང་པོས་དཀྱིལ་འཁོར་པ་དགྱེས་པ་བསྐྱེད། གཉིས་པས་བྱང་ཆུབ་སེམས་དཔའི་བདེ་མཆོག་མ་རྟོགས་པའི་ཉན་ཐོས་རྣམས་འགོག་པ་ལས་བསླང༌། གསུམ་པས་དེ་གཞིན་གཤེགས་པ་རྣམས་གཞན་དོན་ལ་བསྐུལ་ཞིང་གཏོར་མ་ལ་སྦྲན་ནོ། །བརྒྱད་པ་ལྷག་པ་ཏིང་ངེ་འཛིན་གྱི་མཆོད་པ་ནི། ཨོཾ་མཆོད་པའི་ཕྱག་རྒྱ་ཆེན་པོ་ནི། །སེམས་ཀྱིས་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཞིང༌། །མཉེན་འཇམ་རེག་ན་བདེ་བ་དང༌། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲེས་ཤིང་སྤྲས་པ་དང༌། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །
རིན་ཆེན་ཁང་པ་སྣ་ཚོགས་དང༌། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་རེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང༌། །རང་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ཀུན་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱིས། །རིམ་གྱིས་ཡང་ན་ཅིག་ཆར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང༌། །མཆོད་པའི་ཕྱག་རྒྱ་ཆེན་པོར་སྒོམ། །དགུ་པ་བསྒྲལ་མཆོད་ནི། རང་གི་ཐུགས་ཀ་ནས་རཾ་དཔག་ཏུ་མེད་པ་ཆད། རཾ་ཛྭ་ལ་རཾ། རཾ་ལས་ཡེ་ཤེས་ཀྱི་མེ་འབར་བས་སེམས་ཅན་ཐམས་ཅད་ཀྱི་སྙིང་ནང་ན་གནས་པའི་རིགས་དྲུག་གི་ས་བོན་བག་ཆགས་དང་བཅས་པ་བསྲེགས། རྣམ་ཤེས་ཆོས་ཀྱི་དབྱིངས་སུ་བསྒྲལ་བར་བསམ་ཞིང༌། ཧཱུྃ། ཐོག་མར་བདག་ཉིད་རྟོགས་གོམས་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་བྱ། །བཅུ་པ་སྦྱོར་མཆོད་ནི། ཡབ་ཀྱི་ནོར་བུ་ཧཱུྃ་ལས་རྩེ་ལྔ་པའི། །རྡོ་རྗེའི་དབྱིབས་ཅན་ཟླ་བར་ཨོཾ་གྱིས་མཚན། །ཡུམ་གྱི་ཆོས་འབྱུང་པཱཾ་ལས་འདབ་བརྒྱད་ཀྱི། །པདྨའི་ཟེ་འབྲུ་ཉི་མར་མཱུཾ་གྱིས་མཚན། །ཡབ་ཀྱིས་ས་མ་
ཧོ་ཡི་བརྡས་བསྐུལ་བས། །ཡུམ་གྱིས་ས་མ་ཡ་སྟྭཾ་ལན་བཏབ་པ། །ཡབ་ཀྱིས་རཱ་ག་ཡ་ཧོའི་བརྡ་སྦྱར་བས། །ཡུམ་གྱིས་རཱ་ག་ཡ་མིའི་བརྡ་ཡིས་བསྐུལ། །ཛཿཧཱུྃ་བཾ་ཧོཿ། བོ་དྷི་ཙིཏྟ་མ་ཧཱ་སུ་ཁ་ཧོ། ཞེས་དགའ་བ་བཞིའི་རོལ་མོ་སོ་སོར་རྟོག་པའི་ཡེ་ཤེས་སུ་སད་པར་བསམས་ལ། ཨོཾ་ཧཱུྃ། འཁྲིལ་བའི་མཆོད་ཆེན་མཉམ་སྦྱོར་བས། །བདག་ཉིད་མཉེས་པས་མཉེས་པར་བྱ། །མཉམ་པའི་གྲུབ་རྫས་ཆེན་པོ་དག །བདག་དང་མཉམ་པའི་ཚོགས་ལ་འབུལ། །ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པས་དེ་བཞིན་གཤེགས་པ་ཐམས་ཅད་ཀྱི་རྗེས་སུ་ཆགས་པ་དང་དབྱེར་མེད་པའི་ང་རྒྱལ་བྱའོ། །བཅུ་གཅིག་པ་འདོད་ཡོན་རོ་མཉམ་གྱི་མཆོད་པ་ནི། ཨོཾ་ཧཱུྃ། བཟའ་དང་བཅའ་དང་བཏུང་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ཡང་དཀྱིལ་འཁོར་ཐིམ། །ཆོས་ཉིད་ལ་ཡང་ཆོས་ཉིད་རོལ། །འདོད་ཡོན་གྱི་སྣང་བ་ཐམས་ཅད་ལྷ་དང་ལྷ་མོར་དག་པ་དང༌། དཀྱིལ་འཁོར་གྱི་ལྷ་ཐམས་ཅད་བདེ་བ་ཆེན་པོར་རོ་གཅིག་ཏུ་གྱུར་པར་བསམས་པ་ནི་བླ་ན་མེད་པའི་དུག་གསུམ་ལམ་དུ་སློང་བའི་མཆོད་པའོ། །བཅུ་གཉིས་པ་རོལ་མོ་ཡེ་ཤེས་ཀྱི་མཆོད་པ་ནི། ཨོཾ་དབང་པོའི་སྤྱོད་ཡུལ་རང་བཞིན་དངོས་པོ་མེད། །རྣམ་དག་བདུད་རྩིའི་རང་བཞིན་དུག་ལྔ་སེལ། །དམ་རྫས་དག་པ་
ལྔ་དང་ཞལ་ཟས་ལྔ། །སྐུ་ལྔ་ཆོས་ལྔ་རང་བཞིན་དབྱེར་མེད་མཉམ། །དེ་ཕྱིར་དག་པས་དག་པ་ཉིད་མཆོད་ཕྱིར། །ཆོས་ཉིད་ལ་ནི་ཆོས་ཉིད་ཐིམ་པར་དབུལ། །དྲི་མེད་རྣམ་དག་ནམ་མཁའི་རང་བཞིན་ལ། །ལོག་རྟོག་མཚན་མ་མང་པོའི་སྤྲིན་སྤུངས་ཏེ། །ཡེ་ཤེས་ཉི་མའི་འོད་ཀྱིས་རབ་བརྒྱན་ནས། །དག་པའི་དོན་ཕྱིར་རྟོགས་ནས་མཆོད་པར་འབུལ། །མཉམ་ཉིད་བླང་དོར་མེད་ལ་སྙོམས་པར་འཇུག་པ་དང༌། །བདེ་ཆེན་ལོངས་སྤྱོད་རྫོགས་པ་སྐུ་ཡི་རྒྱན། །འདོད་ཡོན་ལྔ་ཡི་ལྷ་མོར་བྱིན་བརླབས་པ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ཞེས་པའི་རོལ་མོ་ཇི་སྙེད་པ་ཐམས་ཅད་ཀྱིས་འཁོར་གསུམ་ཡེ་ཤེས་སུ་དག་པར་མངོན་དུ་བྱས་ནས། ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་མཆོད་པའི་ང་རྒྱལ་བྱ་ཞིང་རོལ་མོ་ཡེ་ཤེས་ཀྱི་སྒྲས་བསྐུལ་ལོ། །བཅུ་གསུམ་པ་གླུ་ཡེ་ཤེས་ཀྱི་མཆོད་པས་བསྟོད་པ་ནི། ཨོཾ་ཕྱོགས་དྲིལ་སྟབས་དང་བཅས་བསོར་དཀྲོལ་བཅུ་དུས་བཞི་རྫོགས་པ་ཡི། །ཡེ་ཤེས་དཀྱིལ་འཁོར་ཐིག་ལེ་པད་སྐོར། ཆེ། །བསོད་ནམས་དཀྱིལ་འཁོར་རང་ཕྱག་སྐུ་ཡི་ཚོགས། །སྣང་སྟོང་ནང་སྐོར་ཐར་སྦྱར་ཐིག་ལེ་ཀུན་ཏུ་རྫོགས་ཧོ། །ཨོཾ་རྡོ་རྗེ་བསོད་ནམས་ཐིག་ལེ་ཆེ། །རྡོ་རྗེ་ཡེ་ཤེས་དཀྱིལ་འཁོར་ལྡན། །རྡོ་རྗེ་སྒྲ་ཆེན་མཐའ་ཡས་པ། །རྡོ་རྗེ་རྒྱལ་པོ་ཐིག་ལེ་ཆེ་ཧོ། །ཨོཾ་སྐུ་གསུང་ཐུགས་ཀྱི་
རྫོགས་པ་ཆེ། །ཡོན་ཏན་ཕྲིན་ལས་ཀུན་ཏུ་རྫོགས། །ཡེ་ནས་ལྷུན་རྫོགས་ཀུན་ཏུ་བཟང༌། །འདུས་པའི་ཚོགས་ཆེན་ཐིག་ལེ་ཆེ་ཧོ། །ཨོཾ་མི་དམིགས་སྒྱུ་འཕྲུལ་མཉམ་པའི་དབྱིངས། །མཐའ་ཡས་ཀུན་ནས་སྣ་ཚོགས་སྤྲོ། །མཐའ་ཡས་ཀུན་ནས་ལྷུན་གྱིས་ཐིམ། །སྣ་ཚོགས་སྐུ་གསུང་ཐུགས་ཆེན་པོ་ཧོ། །ཨོཾ་ཕྱོགས་བཅུའི་འཇིག་རྟེན་རྡུལ་སྙེད་དུ། །རྒྱལ་བའི་དོན་རྣམས་རྡུལ་ཕྲན་སྙེད། །སྤྲུལ་པ་རྡུལ་ཕྲན་བསམ་ཡས་ཀྱིས། །སྐད་ཅིག་ཡུད་ལ་ལྷུན་གྱིས་གྲུབ་ཧོ། །ཨོཾ་ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱི་བདག་ཉིད་ཆེ། །སྐུ་གསུང་སྤྱི་ཕྱག་ཐུགས་ཀྱིས་ཀུན་ཏུ་ཁྱབ། །སྐུ་གསུང་ཐུགས་ཀྱི་ཐིག་ལེ་ཆེ་ཧོ། །ཞེས་ཡོན་ཏན་རྗེས་སུ་དྲན་པའི་སྒོ་ནས་ཆོས་ཉིད་ཀྱི་རང་སྒྲས་བསྟོད་པར་བྱའོ། །གསུམ་པ་བཤགས་པ་བྱ་བ་ནི། ཧོ། སྤྲོས་པ་མེད་པའི་དབྱིངས་རང་བཞིན་གྱི་དཀྱིལ་འཁོར་རྣམ་པར་དག་པ་ན་དུས་གསུམ་དུ་གཤེགས་ཤིང་བཞུགས་པའི་སངས་རྒྱས་བཅོམ་ལྡན་འདས། རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་བྱེ་བྲག་དང་ལྡན་པ་བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་སོགས་པའི་རིགས་ལྔའི་བདེ་བར་གཤེགས་པ། རིགས་མཆོག་གཟུངས་ཀྱི་ཡུམ་གྱི་དབྱིངས་ན་རྣམ་པར་བཞུགས་པ་སེམས་དཔའི་ཚོགས། སེམས་མའི་འཁོར། ཡེ་ཤེས་ཆེན་པོའི་དབང་ཕྱུག་ཐབས་ལ་མཁས་པའི་བདག་ཉིད། སྒྲོལ་
བའི་མཁའ་འགྲོ་རང་བཞིན་གྱི་རྣལ་འབྱོར། ངོ་བོ་ཉིད་ཀྱི་སྐུ། མ་ལུས་མི་ལུས་ལུས་པ་མེད་པ་ཐམས་ཅད་དགོངས་སུ་གསོལ། བདག་ཅག་གསང་བའི་དཀྱིལ་འཁོར་འདིར་ཚོགས་པ་རྣམས་ཀྱིས། དང་པོ་གསང་བ་རྡོ་རྗེ་ཐེག་པའི་སྒོར་ཁས་འཆེས་ཏེ། དམ་ཚིག་གཉེན་པོ་མ་ནོར་བར་མནོས་པ་ལས། རྩ་བ་དང་ཡན་ལག་གི་དམ་ཚིག་ཉམས་ཆག་འགལ་འཁྲུལ་དུ་གྱུར་པ། ལྷ་ཉེ་བར་མ་བསྒོམས་པ། སྙིང་པོ་དག་པར་མ་བགྲངས་པ། སྦྱོར་བ་མང་པོས་བར་བསྐུམས་པ། དད་པ་ཅན་གྱི་ཚོགས་བཅག་པ། དགེ་བ་ཅན་གྱི་ཐུགས་དཀྲུགས་པ། མཆོད་པ་ལོ་ཟླ་ལས་འདས་པ། དམ་རྫས་ལག་ལེན་རྔོ་མ་ཐོགས་པ། ཛ་བཟླས་གྲངས་ཉུང་བ། བསྙེན་པ་ཡུན་ཐུང་བ། ཏིང་འཛིན་ཐང་ལྷོད་དུ་གྱུར་པ། དེ་བཞིན་གཤེགས་པའི་མཛད་སྤྱོད་དམ་པ་ཀློང་དུ་མ་གྱུར་ཅིང༌། སེམས་ཅན་གྱི་སྤྱོད་པ་རང་ཐད་དུ་གྱུར་པ་དང༌། ཁྱད་པར་དུ་སྒྲུབ་པའི་དམ་ཚིག་དང༌། ཁྱད་པར་གྱི་དམ་ཚིག་གཉེན་པོ་མངོན་པར་ནོས་པ་ལས། ཉམས་ཤིང་ཞིག་རལ་དུ་གྱུར་པ་ཅི་མཆིས་པ་ཐམས་ཅད་ཤིན་ཏུ་གནོང་ཞིང་འགྱོད་པའི་སེམས་ཀྱིས་མཐོལ་ཞིང་བཤགས་པར་མཆིས་ན། དབྱིངས་ཉིད་ནམ་མཁའ་དང་འདྲ་བའི་ངང་གིས་སྐུ་བཟོད་པ་ཆེན་པོ་དང་དུ་བཞེས་ནས། ཚངས་པ་མཆོག་ཡིད་བཞིན་དུ་ཐོབ་པར་སྩལ་དུ་གསོལ། བཞི་པ་དངོས་གྲུབ་
གསོལ་བ་ནི། ཤེས་བྱ་ཐམས་ཅད་ལ་ཐོགས་པ་མེད་པའི་ཤེས་རབ། མི་བརྗེད་པའི་གཟུངས། མངོན་པར་ཤེས་པ་དྲུག །རྒྱུན་གྱི་ཏིང་ངེ་འཛིན། རྡོ་རྗེ་ལྟ་བུའི་ཚེ། གཡུང་དྲུང་ལྟ་བུའི་ལུས། དཔལ་རྡོ་རྗེ་སེམས་དཔའི་སྐུ་གསུང་ཐུགས་ཀྱི་བླ་མན་ཆད་ནས། དངོས་གྲུབ་ཀྱི་སྐལ་བ་དང་རིགས་བརྒྱུད་གང་ལགས་པ་ཐམས་ཅད་ཕྱི་མར་བསྡད་མི་འཚལ་བར་དུས་ད་ལྟ་ཉིད་དུ་ཐོབ་པར་མཛད་དུ་གསོལ། རྣལ་འབྱོར་པ་ལ་བར་དུ་གཅོད་པར་བྱེད་པ་སྡང་བའི་དགྲ། གནོད་པའི་བགེགས། གདུག་པའི་དབལ། སྦྱོར་བའི་དུག །རྣོ་བའི་མཚོན། ནད་བཞི་བརྒྱ་རྩ་བཞི། གདོན་སྟོང་ཕྲག་བརྒྱད་ཅུ། སོ་སོའི་རྨི་ལམ་ངན་པ་དང་ལྟས་ངན་པ། མི་ཤིས་པའི་རྐྱེན་དེ་དག་ཐམས་ཅད་ཕྱིར་བཟློག་ཅིང་མིང་ཡང་མི་གྲག་པ་ཞི་བ་ཆེན་པོ་མཛད་དུ་གསོལ། གལ་ཏེ་ཞི་བས་བསྒྱུར་དུ་མི་བཏུབ་པ་དག་དྲག་པོའི་ཕྲིན་ལས་ཀྱི་དབང་དུ་བསྡུ་བ་དང༌། གཟིར་ཞིང་མནན་པ་དང༌། བསྒྲལ་ཞིང་སྦར་བ་ལ་སོགས་ཏེ། ཕྲིན་ལས་དྲག་ཐབས་རྣམ་པ་བཞིས། ཇི་ལྟར་འདུལ་བར་འཚམས་པ་བཞིན་མཛད་ནས་མིང་ཙམ་ཡང་མི་གྲགས་པར་མཛད་དུ་གསོལ། བདག་ཅག་དམ་ཚིག་འདི་ལ་མངོན་དུ་ཞུགས་པ་རྣམས། །གཅད་གཏུབས་སྡུག་བསྔལ་ལུས་ལ་འབྱུང་བར་མི་འགྱུར་ཡང༌། །གྲིབ་མ་ཕོག་པའི་སྡུག་བསྔལ་ཤིན་ཏུ་མི་བཟོད་པ། །
སྐུ་ཡི་ཕྱོགས་ཙམ་མཐོང་བས་མོད་ལ་འཚོ་བ་དང༌། །གཟི་མདངས་ལུས་ལ་འཇུག་པའི་ཉི་མ་སྟོང་ཕྲག་གི །འོད་བཞིན་འཇིག་རྟེན་ཁམས་འདིར་རྟག་ཏུ་འབྱུང་བ་དང༌། །ལུས་ངག་སེམས་ལ་ཚེ་འདི་རྡོ་རྗེ་རབ་སྣང་སྟེ། །རེ་སྨོན་ཐམས་ཅད་དུས་འདི་ཉིད་དུ་སྩལ་དུ་གསོལ། །ཞེས་འདོད་དོན་གསོལ། ལྔ་པ་དམ་བཅའ་བ་ནི། ལྷག་པའི་བསམ་པ་རྩེ་གཅིག་པས། ཨོཾ་ཧཱུྃ། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་གྱུར་ཅིག །སྤྱོད་པ་རྨད་བྱུང་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱད། །བྱང་ཆུབ་སེམས་མཆོག་དམ་པ་དང༌། །སྐུ་གསུང་ཐུགས་ཀྱི་ཕྱག་རྒྱ་འདི། །སྲོག་གི་ཕྱིར་ཡང་མི་གཏང་ན། །རྡོ་རྗེ་རྒྱལ་པོས་བྱིན་བརླབ་མཛོད། །དུས་ངན་ཐ་མའི་འཇིག་རྟེན་འདིར། །སངས་རྒྱས་མཛད་དཀའ་བདག་གིས་བསྒྲུབ། །བྱང་ཆུབ་སྤྱོད་དཀའ་བདག་གིས་སྤྱད། །རྡོ་རྗེ་རྣལ་འབྱོར་དཀྱིལ་འཁོར་འདིར། །བདག་ཅག་བསམ་པ་འགྲུབ་གྱུར་ཅིག །དྲུག་པ་ཛཔ྄་ལ། དེ་ཉིད་བརྗོད་པ། ཛཔྲ་ཁང་དབྱེ་བ། ཛཔ྄་དངོས། སྐབས་ཀྱི་མཇུག་བསྡུ་བ་དང་བཞི་ལས། དང་པོ་ནི། ཡང་དག་དོན་གྱི་སྙིང་པོ་ནི། །བརྗོད་པ་དུ་མའི་ཁ་བརྒྱུད་ཀྱང༌། །གང་ནས་བཙལ་ཀྱང་མི་རྙེད་པས། །རང་རིག་དྲི་མེད་དག་པ་ཡིན། །དེ་ལ་རྟག་ཏུ་མོས་པ་ནི། །བསྙེན་པའི་དམ་པ་མཆོག་ཡིན་ནོ། །
སེམས་ཉིད་ཐེག་པར་རབ་ངེས་ན། །སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །དྲྭ་བའི་དཀྱིལ་འཁོར་མངོན་རྫོགས་པ། །ད་ལྟ་ཉིད་དུ་མངོན་གྱུར་ཅིག །ཅེས་དེ་ཁོ་ན་ཉིད་ཀྱི་དོན་དྲན་པར་བྱའོ། །གཉིས་པ་ནི། དབྱེ་གཞིའི་དཀྱིལ་འཁོར་ལེགས་པར་གསལ་བཏབ་ནས། བྷྲཱུྃ་བི་ཤྭ་བི་ཤུདྡྷེ་ཕཊཿ ཛཿཧཱུྃ་ཨོཾ་སྭཱ་ཨཱཾཿཧཱ་ཕཊ་ཛཿཞེས་བརྗོད་པས་དམ་ཚིག་གི་འཁོར་ལོ་ལས་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ལོགས་སུ་ཕྱེ་ནས། མདུན་གྱི་ནམ་མཁར་མེ་རི་འདབས་འབྱར་གྱི་ཚུལ་དུ་བཞུགས་པར་མོས་པའོ། །གསུམ་པ་ནི། བདག་མདུན་གྱི་ལྷ་རྣམས་ཀྱི་ཡེ་ཤེས་སེམས་དཔའ་སོ་སོའི་ཐུགས་ཀར་རང་རང་གི་ཕྱག་མཚན་གྱི་ལྟེ་བ་དྭངས་མའི་ཐུགས་སྲོག་ཧཱུྃ་ཡིག་ལ་སོགས་པའི་མཐར་བཟླ་བྱའི་སྔགས་ཀྱི་ཕྲེང་བས་བསྐོར་བར་གསལ་བཏབ་ལ། སྔགས་ཟློས་པའི་ཚེ་བདག་གི་ཐུགས་ཀ་ནས་སྔགས་ཀྱི་འོད་ཟེར་མཆོད་པའི་ཚུལ་དུ་སྤྲོས་པས་ཡེ་ཤེས་ཀྱི་ལྷ་ཚོགས་རྣམས་དགྱེས་པ་བསྐྱེད། ཐུགས་དམ་གྱི་རྒྱུད་བསྐུལ། སྐུ་གསུང་ཐུགས་ཀྱི་བྱིན་རླབས་དང་དངོས་གྲུབ་ཐམས་ཅད་འོད་དང་འོད་ཟེར་གྱི་རྣམ་པས་བདག་ལ་སྩལ་ཞིང་ཐིམ་པར་བསམས་ལ། དེ་ཡང་དབང་པོ་མཆོག་ཏུ་གྱུར་པ་རྣམས་ཀྱིས་དམ་ཡེ། འཕྲོ་འདུ་སྟེ་གསལ་བ་གསུམ་དང་ལྡན་པའི་ངང་ནས་བདུད་བཞི་བཅོམ་པའི་མཚན་ཉིད་རིག་
པར་བྱ་སྟེ། མན་ངག་ལྟ་བའི་ཕྲེང་བ་ལས། འདི་ལྟར་བསྙེན་པའང་བྱང་ཆུབ་ཀྱི་སེམས་ཤེས་པའི་མཚན་ཉིད། མ་སྐྱེས་པའི་ཏིང་ངེ་འཛིན་གྱིས་འཆི་བདག་གི་བདུད་བཅོམ་མོ། །ཉེ་བའི་བསྙེན་པ་བདག་ཉིད་ལྷར་ཤེས་པའི་མཚན་ཉིད། སྒྱུ་མ་ལྟ་བུའི་ཏིང་ངེ་འཛིན་གྱིས་ཕུང་པོའི་བདུད་བཅོམ་མོ། །སྒྲུབ་པ་ཡུམ་བསྐྱེད་པའི་མཚན་ཉིད། རྡུལ་དང་བྲལ་བའི་ཏིང་ངེ་འཛིན་གྱིས་ཉོན་མོངས་པའི་བདུད་བཅོམ་མོ། །སྒྲུབ་པ་ཆེན་པོ་ཐབས་དང་ཤེས་རབ་ཟུང་དུ་འབྲེལ་བའི་མཚན་ཉིད། མི་དམིགས་མཁའ་དང་མཉམ་པའི་ཏིང་ངེ་འཛིན་གྱིས་ལྷའི་བུའི་བདུད་བར་ཆད་གཡེང་བའི་བདུད་བཅོམ་མོ། །དེ་ལྟར་གང་ལ་བདུད་རྣམ་པ་བཞི་འདུལ་བར་བྱེད་པའི་མཐུ་ཡོད་པའི་ལམ་དེ་ནི་རྣམ་པར་དག་པའི་ལམ་ཡིན་ལ། བཟླ་བྱའི་སྔགས་ནི། ཧཱུྃ་བཛྲ་དྷྲིཀ །མཱུཾ་དྷཱ་ཏེ་ཤྭ་རཱི། ཨོཾ་ཛི་ན་ཛིཀ །ལཱཾ་དེ་ཥ་ར་ཏི། སྭཱཾ་རཏྣ་དྷྲིཀ །མཱཾ་མོ་ཧ་ར་ཏི། ཨཱཾ་ཨ་རོ་ལིཀ །པཱཾ་རཱ་ག་ར་ཏི། ཧཱུྃ་པྲཛྙཱ་དྷྲིཀ །ཏཱཾ་བཛྲ་ར་ཏི། ཀྵིཾ་ཧི་རཱ་ཛ་ཡ། ཧཱུྃ་ལཱ་སྱེ་ས་མ་ཡ་སྟྭཾ། ཏྲཱཾ་ཨ་གརྦྷ་ཡ། ཏྲཱཾ་མ་ལེ་ས་མ་ཡ་ཧོཾ། ཧྲཱིཾ་ཧཱ་ཧཱུྃ་པདྨ་པྲ་ད་མ། ཧྲཱིཾ་གཱི་ཏི་རཱ་གོ་ཧཾ། ཛིཾ་ཀུ་རུ་པཱ་ཎ། ཨཱཾ་ནིརྟི་རཱ་ག་ཡ་མྱེ། མཻ་དྷ་ར་ནཻ་སྭཱ་ཧཱ། ཛཿདྷཱུ་པ་པྲ་བེ་ཤ །ཐླྷིཾ་ནི་ས་རཾ་བྷ་ཡ་སྭཱ་ཧཱ། ཧཱུྃ་པུཥྤེ་ཨ་བེ་ཤ །ཧཱུྃ་ས་རཱ་ཛ་ཡ་སྭཱ་ཧཱ། བཾ་དཱི་པ་སུ་གི་རཱི། མཱུཾ་ཤྲི་ཨཾ་རཱ་གཱ་ཡ་སྭཱ་ཧཱ། ཧོཿགནྡྷེ་ཙིཏྟ། ཧཱུྃ་ཡ་མཱནྟ་
ཀྲིཏ་ཕཊ། ཨོཾ་མཧཱ་བཛྲ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ཧཱུྃ་པྲཛྙཱནྟ་ཀྲིཏ་ཕཊ། ཨོཾ་མ་ཧཱ་རཏྣ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ཧཱུྃ་པདྨནྟ་ཀྲིཏ་ཕཊ། ཨོཾ་མ་ཧཱ་པདྨ་དྷ་རོ་མ་ཧཱ་ཀྲོ་དྷི་ཤྭ་རཱི་ཛྭ་ལ་ནི་ཧཱུྃ་ཕཊ། ཧཱུྃ་བིགྷྣནྟ་ཀྲི་ཏ་ཕཊ། ཨོཾ་མ་ཧཱ་ཀརྨ་དྷ་རོ་མ་ཧཱ་ཀྲོ་དྷི་ཤྭ་རི་ཛྭ་ལ་ནི་ཧཱུྃ་ཕཊཿ ཧཱུྃ་ཧཱུྃ་ཧཱུྃ་བཛྲ་ཙིཏྟ་ཨོཾ། ཨ་ཨ་ཨ་བཛྲི་བྷ་དྲ་ས་མནྟ་ཨ། ཨོཾ་མུ་ནེ་ཀྲཾ་སྭཱ་ཧཱ། ཨོཾ་མུ་ནེ་ཧཱུྃ་ཏྲུཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་པྲེཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཞེས་པ་རྣམས་རིམ་པ་བཞིན་གཙོ་འཁོར་གྱི་འགྲོས་དང་སྦྱར་ནས་བཟླའོ། །བཞི་པ་སྐབས་ཀྱི་མཇུག་བསྡུ་བ་ལ། བསྟོད་པ། བཤགས་པ། ཡེ་ཤེས་པ་བསྡུ་བ་དང་གསུམ། དང་པོ་ནི། ཧཱུྃ་རྣམ་ཤེས་རྣམ་དག་བཅོམ་ལྡན་དྲིལ་སྟབས་དང་བཅས་རྡོ་རྗེ་གསོར། རྡོ་རྗེ་སེམས། །ཞེ་སྡང་པད་སྐོར། རྣམ་དག་ཆོས་དབྱིངས་ཡེ་ཤེས་ངང༌། །མཐིང་ག་རྡོ་རྗེ་གཏོད་དེ་དྲིལ་བུ་དཀུར་བརྟེན། ཕྱག་ན་རྡོ་རྗེ་འབར་བ་བསྣམས། །ཐུགས་མཆོག་ནང་སྐོར་ཐར་སྦྱར། རྡོ་རྗེ་སེམས་ལ་ཕྱག་འཚལ་བསྟོད། །གཟུགས་ཕུང་རྣམ་དག་བཅོམ་ལྡན་རྣམ་སྣང་མཛད། །གཏི་མུག་རྣམ་དག་མེ་ལོང་ཡེ་ཤེས་ངང༌། །དུང་མདོག་ཕྱག་ན་འཁོར་རང་གི་རྒྱ་སྟབས། ལོ་འབར་བ་བསྣམས། །སྐུ་མཆོག་རྣམ་སྣང་མཛད་ལ་ཕྱག་འཚལ་བསྟོད། །ཚོར་བ་རྣམ་དག་བཅོམ་ལྡན་རིན་ཆེན་འབྱུང༌། །ང་རྒྱལ་རྣམ་དག་མཉམ་ཉིད་ཡེ་ཤེས་ངང༌། །གསེར་
མདོག་ཕྱག་ན་རིན་ཆེན་འབར་བ་བསྣམས། །ཡོན་ཏན་རིན་ཆེན་འབྱུང་ལ་ཕྱག་འཚལ་བསྟོད། །འདུ་ཤེས་རྣམ་དག་བཅོམ་ལྡན་སྣང་མཐའ་ཡས། །འདོད་ཆགས་རྣམ་དག་ཀུན་རྟོག་ཡེ་ཤེས་ངང༌། །ལེ་བརྒན་ཕྱག་ན་པདྨ་འབར་བ་བསྣམས། །གསུང་མཆོག་སྣང་མཐའ་ཡས་ལ་ཕྱག་འཚལ་བསྟོད། །འདུ་བྱེད་རྣམ་དག་བཅོམ་ལྡན་དོན་ཡོད་གྲུབ། །ཕྲག་དོག་རྣམ་དག་བྱ་གྲུབ་ཡེ་ཤེས་ངང༌། །ལྗང་གུ་ཕྱག་ན་རལ་གྲི་འབར་བ་བསྣམས། །ཕྲིན་ལས་དོན་ཡོད་གྲུབ་ལ་ཕྱག་འཚལ་བསྟོད། །འབྱུང་བ་རྣམ་དག་རིགས་ཀྱི་ཡུམ་ཆེན་ལྔ། །ཀུན་བཟང་སྤྱན་མ་མཱ་མ་གོས་དཀར་སྒྲོལ། །ཐབས་ཀྱི་སྐུ་ལ་ཤེས་རབ་དགྱེས་འཁྲིལ་འཁྱུད་རྒྱ། མ། །རིགས་ཀྱི་ཡུམ་ཆེན་ལྔ་ལ་ཕྱག་འཚལ་བསྟོད། །གསོར་དགྲོལ། བསྐལ་བཟང་བྱང་ཆུབ་སེམས་དཔའ་བརྒྱད་རྣམས་ནི། །བདེ་བར་གཤེགས་པ་ཀུན་གྱི་སྲས་པད་སྐོར། མཆོག་སྟེ། །ཡོན་ཏན་པད་སྐོར། མི་ཟད་སྤྲུལ་པ་བསམ་ཡས་པའི། །སེམས་དཔའ་ཆེན་པོ་བརྒྱད་ལ་ཕྱག་འཚལ་བསྟོད། །སྒེག་གསོར་དཀྲོལ། མོ་ཕྲེང་ཐོགས་རིན་ཆེན་གླུ་གར་ཅན། །བདུག་པ་མེ་ཏོག་མར་མེ་རང་རང་གི་ཕྱག་རྒྱ། དྲི་ཆབ་མ། །རྒྱལ་བ་རྒྱ་མཚོ་པད་སྐོར། རྣམས་ལ་མཆོད་འབུལ་ཐལ་སྦྱར། མ། །མཆོད་པའི་ལྷ་མོ་ཐལ་སྦྱར། བརྒྱད་ལ་ཕྱག་འཚལ་བསྟོད། །ཡེ་ཤེས་སྒོ་བ་ཆེན་པོ་ཡབ་ཡུམ་བརྒྱད། །གཤིན་རྗེ་སྟོབས་ཆེན་རྟ་མགྲིན་བདུད་རྩི་
འཁྱིལ། །ལྕགས་ཀྱུ་རང་རང་ཕྱག་རྒྱ། ཞགས་པ་ལྕགས་སྒྲོག་དྲིལ་བུ་མ། །སྒོ་བ་ཡབ་ཡུམ་བརྒྱད་ལ་ཕྱག་འཚལ་བསྟོད། །ཆོས་ཉིད་སྟོང་པའི་ངང་ལས་མ་གཡོས་ཀྱང༌། །ཆོས་ཉིད་ཀུན་ཏུ་བཟང་པོ་འདུ་འབྲལ་མེད། །ཆོས་ཉིད་མཉམ་གཞག །ཁྱབ་གདལ་ཆེན་པོའི་ཡེ་ཤེས་ཀྱི། །ཀུན་བཟང་ཡབ་ཡུམ་གཉིས་ལ་ཕྱག་འཚལ་བསྟོད། །ཡེ་ཤེས་བཞི་ལ་རིགས་བཞིའི་ཕྲིན་ལས་ཀྱིས། །འཇིག་རྟེན་དྲུག་གི་བྱེ་བ་ཕྲག་བརྒྱ་རུ། །སྤྲུལ་པད་སྐོར་རང༌། པ་བྱེ་བ་ཕྲག་བརྒྱས་འགྲོ་དྲུག་གི །དོན་མཛད་ཐུབ་པ་དྲུག་ལ་ཕྱག་འཚལ་བསྟོད། །འདི་ནས་ཐར་སྦྱོར་ལས་མེད། རྒྱལ་བ་སངས་རྒྱས་བཞི་བཅུ་རྩ་གཉིས་ཀྱི། །ཆེ་བའི་ཡོན་ཏན་བརྗོད་ཀྱིས་མི་ལང་ཡང༌། །ཡོན་ཏན་ཆ་ཤས་བརྗོད་པའི་བྱིན་རླབས་ཀྱིས། །རིག་འཛིན་སྔགས་འཆང་རྣལ་འབྱོར་བདག་ཅག་གི །ལས་དང་ཉོན་མོངས་བག་ཆགས་གཏན་སྦྱངས་ནས། །ཚེ་འདི་ཉིད་ལ་རིག་འཛིན་མཆོག་ཐོབ་སྟེ། །དཔལ་ལྡན་རྡོ་རྗེ་སེམས་དཔའི་གནས་ཐོབ་ཤོག། །ཅེས་བསྟོད། གཉིས་པ་ནི། ཡེ་ནས་གཉིས་མེད་ཆོས་སྐུར་དག་པ་ལས། །མ་རིག་དབང་གིས་སྒྲོ་དང་སྐུར་བཏབ་སྟེ། །བདེ་དང་སྡུག་བསྔལ་སྣ་ཚོགས་ངོ་བོར་སྨིན། །དེ་ལྡོག་དོན་ཕྱིར་རྒྱལ་བའི་དམ་ནོས་ཏེ། །བདག་ཅག་མ་རིག་ལུས་དང་ངག་སེམས་ཀྱིས། །བག་མེད་ཚུལ་གྱིས་དམ་ལས་འགལ་གྱུར་པར། །རྒྱལ་བ་འཁོར་བཅས་
ཐུགས་དང་ཅི་འགལ་བ། །ཐུགས་རྗེ་ཆེ་མངའ་ཁྱོད་ལ་བཟོད་པར་གསོལ། །ཞེས་བཟླས་པའི་ཉེས་བྱས་སུ་གྱུར་པ་ཐམས་ཅད་བཤགས་ཤིང་དག་པར་བྱའོ། །གསུམ་པ་ནི། རང་བཞིན་དང་ཏིང་ངེ་འཛིན་གྱི་དཀྱིལ་འཁོར་གཉིས་རང་བཞིན་དབྱེར་མེད་དུ་རྟོགས་པའི་ཕྱིར། ཨོཾ་བཛྲ་ས་མ་ཡ་ཨོཾ་སོགས་ལྔ་དང༌། ཡེ་ཤེས་རྒྱལ་པོ་སྐུ་གསུང་ཐུགས་སོགས་ཀྱིས་རིག་པའི་མེ་ཏོག་དོར་ཞིང་དངོས་གྲུབ་བསྐུལ་ནས་ཨོཾ་བཛྲ་ས་མ་ཡ་ཧཱུྃ་ཞེས་བརྗོད་པས་ཡེ་ཤེས་ཀྱི་འཁོར་ལོ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ། ཨོཾ་བཛྲ་ས་མ་ཡ་སྟྭཾ། ཞེས་བརྟན་པར་བྱས། ཨོཾ་བཛྲ་ས་མ་ཡ་ཧོཿ། ཞེས་དབང་དུ་སྒྱུར་ནས་དགྱེས་ཤིང་ཆགས་པར་བྱས། ཛཿཧཱུྃ་བྃ་ཧོཿ། ཞེས་ཕྱག་རྒྱ་བཞིས་བརྟན་ཅིང་གསལ་བར་བྱས་ནས་ཡི་གེ་བརྒྱ་པ་ཡང་བཟླའོ། །༈ གསུམ་པ་རྗེས་ཀྱི་ཆོ་ག་ལ་ཚོགས་ཀྱི་མཆོད་པ། བརྟན་མ་སྐྱོང་བ། ཉེར་བསྡུ་བྱ་བ། གོ་བགོ་ལུས་བསྲུང་དང་བཞི་སྟེ། དང་པོ་ཚོགས་མཆོད་ལ་ལྔ་ལས། དང་པོ་བཤམས་ཤིང་བྱིན་གྱིས་བརླབ་པ་ནི། ཛ་གད་དང་མཱཾ་ས་གཙོ་བོར་གྱུར་པའི་ཡོ་བྱད་ཅི་འབྱོར་པ་བཤམས་ནས། བསང་ཆུ་གཏོར་ལ། ཨོཾ་མ་ཧཱ་ཀྲོ་དྷི་ཤྭ་རཱི་སརྦ་དྲ་ཕྱཾ་ཤོ་དྷ་ནི་ཧཱུྃ་ཕཊ། ཀྱིས་བསངས། རཾ་ཡཾ་ཁཾ་གིས་བསྲེགས་གཏོར་བཀྲུས་ཏེ་སྟོང་པར་སྦྱངས། མ་སཱུརྱ་མཎྜ་ལ། ཞལ་ཟས་ཀྱི་སྣོད་དུ་ཉི་མ་ལ་ཧཱུྃ་ཨོཾ་སྭཱ་ཨཱཾ་ཧཱ་ལས་
བཟའ་བཏུང་གི་དངོས་པོ་ཡེ་ཤེས་ལྔའི་རང་བཞིན་བདུད་རྩི་རོ་བརྒྱ་པ་འདོད་ཡོན་གྱི་རྣམ་པ་མ་ཚང་བ་མེད་པ་སོ་སོའི་ལྷ་མོའི་རོལ་པ་བསམ་གྱིས་མི་ཁྱབ་པ་དང་བཅས་པའི་སྤྲིན་འཕྲོ་བར་བསམས་ལ་ཡི་གེ་གསུམ་ལན་གསུམ་བརྗོད་པས་བྱིན་གྱིས་བརླབས། གཉིས་པ་ཚོགས་ཞིང་སྤྱན་འདྲེན་ནི། ཨོཾ་བསོད་ནམས་ཡེ་ཤེས་ཚོགས་རྫོགས་ཤིང༌། །རང་རིག་མཐའ་དབུས་མེད་པའི་དཀྱིལ། །ཡེ་ཤེས་བཞི་འཕྲོ་འཁོར་ལོའི་ཚུལ། །ཚོགས་མཆོག་དཀྱིལ་འཁོར་གཤེགས་སུ་གསོལ། །ཨོཾ་ཨེ་ཧྱེ་ཧི་སོགས་ཀྱིས་ཚོགས་ཞིང་མཁའ་ཁྱབ་ཏུ་སད་པར་བྱ། གསུམ་པ་མཆོད་པ་ལ་གཉིས་ཀྱི། དང་པོ་ཏིང་ངེ་འཛིན་གྱི་མཆོད་པ་ནི། ཨོཾ་ཧཱུྃ། སྤོས་ཀྱི་སྤྲིན་ལྡིང་བདུག་པ་མོ། །རྒྱལ་བའི་དཀྱིལ་འཁོར་གདུགས་ཀྱིས་འགེབས། །བྱམས་པ་ཐབས་དང་ཤེས་རབ་ལས། །བཛྲ་དྷཱུ་པེའི་མཆོད་པར་རོལ། ཨོཾ་ཤྲཱི་བཛྲ་རཱ་ག་དྷཱུ་པེ་དྷཱུ། ཨུཏྤལ་མཐིང་ག་མེ་ཏོག་འཐོར། །སྣ་ཚོགས་རིན་ཆེན་འོད་དུ་འཕྲོ། །སྙིང་རྗེ་ཐབས་དང་ཤེས་རབ་ལས། །བཛྲ་པུཥྤེའི་མཆོད་པར་རོལ། །ཨོཾ་ཤྲཱི་བཛྲ་རཱ་ག་པུཥྤེ་པུ། །དབང་གི་ཕྱག་ན་སྒྲོན་མ་བསྣམས། །ཆོས་ཀྱི་རྒྱལ་པོ་འབར་བ་འཛིན། །དགའ་བ་ཐབས་དང་ཤེས་རབ་ལས། །བཛྲ་ལོ་ཀེའི་མཆོད་པར་རོལ། །ཨོཾ་ཤྲཱི་བཛྲ་རཱ་ག་ཨཱ་ལོ་ཀེ་ཧྲཱིཿ། ཙནྡན་བདུད་རྩིའི་ཆར་འབེབས་མ། །དཀྱིལ་
འཁོར་གསལ་བའི་ཐིག་ལེ་འབེབས། །བཏང་སྙོམས་ཐབས་དང་ཤེས་རབ་ལས། །བཛྲ་གནྡྷེའི་མཆོད་པར་རོལ། ཨོཾ་ཤྲཱི་བཛྲ་རཱ་ག་གནྡྷེ་གན། ཞེས་བཞི་བསྣོལ་དང༌། ཧཱུྃ་རྡོ་རྗེ་སྒེག་མོ་རྡོ་རྗེ་ཅན། །སེམས་དཔའ་སྔོན་པོའི་ཡེ་ཤེས་འབེབས། །མེ་ལོང་ལྟ་བུའི་ཡེ་ཤེས་ལས། །བཛྲ་ལཱ་སྱེའི་མཆོད་པར་རོལ། །ཨོཾ་ཤྲཱི་བཛྲ་རཱ་ག་ལཱ་སྱེ་ཧཱུྃ། །ཡིད་བཞིན་རིན་ཆེན་འོད་འབར་མ། །འཇམ་དཔལ་རྣོན་པོའི་དངོས་གྲུབ་འཛིན། །མཉམ་པ་ཉིད་ཀྱི་ཡེ་ཤེས་ལས། །བཛྲ་མཱ་ལེའི་མཆོད་པར་རོལ། །ཨོཾ་ཤྲཱི་བཛྲ་རཱ་ག་མཱ་ལེ་ཏྲཱཾ། པདྨ་དབྱངས་མཁན་རྨ་བྱའི་མགྲིན། །སྤྱན་རས་གཟིགས་ཀྱི་དངོས་གྲུབ་འཛིན། །སོ་སོར་རྟོག་པའི་ཡེ་ཤེས་ལས། །བཛྲ་གཱིརྟིའི་མཆོད་པར་རོལ། །ཨོཾ་ཤྲཱི་བཛྲ་རཱ་ག་གིརྟི་ཧྲཱིཿ། གར་མཁན་འགྱིང་བག་གཟི་ལྡན་མ། །ལས་ཀྱི་འཁོར་ལོ་རྣམ་པར་འཇོམས། །བྱ་བ་ནན་ཏན་ཡེ་ཤེས་ལས། །བཛྲ་ནིརྟིའི་མཆོད་པར་རོལ། །ཨོཾ་ཤྲཱི་བཛྲ་རཱ་ག་ནིརྟི་ཨཿ། གཉིས་པ་ཚོགས་རྫས་ཀྱི་མཆོད་པ་ནི། ཞལ་ཟས་ཀྱི་ཕུད་རིམ་པར་སྤྲོས་ལ། ཧཱུྃ་ཐབས་དང་ཤེས་རབ་ལྡན་གྱུར་ཅིང༌། །བྱང་ཆུབ་སེམས་དང་མ་ཆགས་པའི། །གཉིས་སུ་མེད་པར་ཐིམ་གྱུར་ནས། །ཚོགས་ཆེན་གཉིས་ཀྱང་རྫོགས་པར་རོལ། །འདོད་ཡོན་ལྔ་པོ་ཐམས་ཅད་དང༌། །སྣ་ཚོགས་སྣང་བ་ཐམས་ཅད་ཀུན། །དེ་བཞིན་གཤེགས་པའི་
དཀྱིལ་འཁོར་དང༌། །གཟུགས་མཛེས་ལྷ་དང་ལྷ་མོར་བརྟག། སྣ་ཚོགས་གཟུགས་ནི་ཐམས་ཅད་ཀུན། །སྣང་སྟོང་ངོ་བོ་ཉིད་ཀྱི་གཞི། །ཆོས་དབྱིངས་དག་པའི་ཡེ་ཤེས་ཏེ། །རྡོ་རྗེ་ལྷ་མོ་གཟུགས་མཛེས་མ། །ཐམས་ཅད་མ་ལུས་སྒྲ་རྣམས་ནི། །གྲག་སྟོང་ངོ་བོ་ཉིད་ཀྱི་གཞི། །མེ་ལོང་ལྟ་བུའི་ཡེ་ཤེས་ཏེ། །རྡོ་རྗེ་ལྷ་མོ་འཇམ་པའི་སྒྲ། །བདེ་བ་ཚིམ་བྱེད་བསོད་ནམས་ཏེ། །ཚིམ་སྟོང་ངོ་བོ་ཉིད་ཀྱི་གཞི། །བརྗོད་མེད་མི་གནས་ཡེ་ཤེས་ཏེ། །རྡོ་རྗེ་ཆགས་མེད་པདྨའི་གསུང༌། །བདེ་གཤེགས་དཀྱིལ་འཁོར་མ་ལུས་པ། །བདེ་བ་རོ་ཡིས་ཚིམ་བྱེད་པ། །རོ་སྟོང་ངོ་བོ་ཉིད་ཀྱི་གཞི། །སོ་སོར་རྟོག་པའི་ཡེ་ཤེས་ཏེ། །ཐམས་ཅད་ཚིམ་བྱེད་རོ་ཡི་ལྷ། །རྡོ་རྗེ་རེག་བྱ་མྱོང་བྱེད་མ། །དཀྱིལ་འཁོར་བསམ་ཡས་ལྷུན་གྱིས་གྲུབ། །བདེ་མཆོག་དཀྱིལ་འཁོར་ཡང་བྱེད་མ། །བྱ་བ་གྲུབ་པའི་ཡེ་ཤེས་ཏེ། །རྡོ་རྗེ་རེག་བྱའི་ལྷ་མོ་རྣམས། །འདོད་ཡོན་ཕྱག་ན་བསྣམས་ནས་ནི། །རྐང་པས་སྟབས་བྱེད་ལག་གར་བསྒྱུར། །སྙན་པའི་གླུ་དབྱངས་བླང་ནས་ནི། །དཀྱིལ་འཁོར་ལྷ་ལ་མཆོད་པར་འབུལ། །ཧོ་བདེ་བར་གཤེགས་པའི་དཀྱིལ་འཁོར་ཀྱི་ལྷ་ཚོགས་རྣམས་ལ་ཚོགས་ཀྱི་མཆོད་པ་ཆེན་པོ་འབུལ་ཞིང་མཆིས་ན། སྐུ་གསུང་ཐུགས་ཀྱི་རྒྱུད་མཉེས་ཤིང་ཚིམས་ནས། དམ་ཚིག་ཉམས་ཆག་ཐམས་ཅད་བསྐངས་ཏེ་བླ་ན་མེད་
པའི་དངོས་གྲུབ་ཐོབ་པར་མཛད་དུ་གསོལ། བཞི་པ་ཚོགས་ལ་རོལ་པ་ནི། ལས་ཀྱི་རྡོ་རྗེས་འཁོར་ལོ་འདུས་པའི་གཙོ་བོ་ལ་ཕྱག་བྱས། ཐབས་ཤེས་ཀྱི་རྫས་བསྣོལ་མར་འབུལ་ཞིང༌། མཉམ་ཉིད་མི་གཡོ་མཉམ་པའི་སངས་རྒྱས་དཔལ། །ལོག་རྟོག་མཚན་མའི་སྤྲོས་པ་ངང་གིས་ཞི། །དམ་ཚིག་བཞིན་ལས་ཅི་བདེར་སྤྱད་ནས་ཀྱང༌། །མཉམ་རྫོགས་ཆེན་པོའི་མཆོད་པ་བཞེས་སུ་གསོལ། །ཞེས་སྟོབ་དེས་ཀྱང་པདྨའི་ཕྱག་རྒྱ་བསྐོར་ཞིང༌། ཨ་ལ་ལ་ཧོ། ཞེས་བླངས་ནས། ཧོ་བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །བསྒུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱིས་སྒྲིབ་པར་མི་འགྱུར་ཞིང༌། །གཏན་པ་མེད་པའི་སྦྱིན་བདག་ཀྱང༌། །ཐེག་ཆེན་འབྲས་བུར་སྤྱོད་པར་ཤོག །ཅེས་རོལ་ནས། ཧོཿབདག་ཅག་རྡོ་རྗེ་སློབ་དཔོན་མཆེད་དང་ལྕམ་དྲལ་རྣམས་ཀྱིས་ཛ་གད་དཔའ་བོ་གསོལ་བས་འགྲོ་བ་མ་ལུས་པ་དབང་དུ་འདུ་བར་གྱུར་ཅིག །མ་ཧཱ་མཱཾ་ས་གསོལ་བས་རྣལ་འབྱོར་གྱི་དབང་ཕྱུག་ཆེན་པོར་གྱུར་ཅིག །རྡོ་རྗེའི་ཚེ་གསོལ་བས་རྡོ་རྗེ་སེམས་དཔའི་ཚེ་དང་དཔེ་བྱད་ལ་མངའ་བརྙེས་པར་གྱུར་ཅིག །ཞལ་ཟས་ཀྱི་བྱེ་བྲག་མང་པོ་
གསོལ་བས་ཞི་ཁྲོའི་ཕྲིན་ལས་ཀྱི་རྫུ་འཕྲུལ་སྣ་ཚོགས་ལ་དབང་འབྱོར་བར་གྱུར་ཅིག །ཅེས་སྨོན་ལམ་གདབ་བོ། །ལྔ་པ་ལྷག་མའི་མཆོད་པ་ནི། ལྷག་མ་རྣམས་གསོག་འཇོག་མེད་པར་བསྡུས། ལྷ་མཆོད་པའི་ལྷག་མས་བསྣན་པ་དཀྱིལ་འཁོར་དང་ཧ་ཅང་མི་ཉེ་བའི་ཤར་ལྷོར་དྲིའི་མཎྜལ་ཟླུམ་པོ་བྱས་པའི་སྟེང་དུ་གཞག །རྩ་བའི་དཀྱིལ་འཁོར་གསལ་བ་ལས་ཁྱད་པར་ལྷག་མའི་གནས་སུ། བྷྲཱུྃ་བི་ཤྭ་བི་ཤུདྡྷེ་བཛྲ་ཛྙཱ་ན་ཙཀྲ་མཎྜ་ལ་བྷྲཱུྃ་ལྷག་མའི་དཀྱིལ་འཁོར་མཚན་ཉིད་རྫོགས་པར་གདན་དང་བཅས་པའི་ནང་གི་དབུས་དང་ཕྱོགས་བཞིར་ཧཱུྃ་བཛྲ་དྷྲིཀ །ཨོཾ་ཛི་ན་ཛིཀ །སྭཱ་རཏྣ་དྷྲིཀ །ཨཱཾ་ཨཱ་རོ་ལིཀ །ཧཱཾ་པྲཛྙཱ་དྷྲིཀ །རིགས་ཀྱི་ཡབ་ལྔ་སྐད་ཅིག་གིས་གསལ་བར་གྱུར། གཏོར་མ་དམ་ཚིག་གསང་བའི་ལོངས་སྤྱོད་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་བསམས་ལ། ཨོཾ་ཨཱཿཧཱུྃ། ལན་གསུམ་བརྗོད་པས་བྱིན་གྱིས་བརླབས་ཏེ། ཧཱུྃ་ལས་ཀྱི་རྡོ་རྗེ་བྱེད་པར་དབང་བསྐུར་བའི། །མཁའ་འགྲོ་ལྷག་སྡུད་མ་སྲིང་གིང་གི་ཚོགས། །ལྷག་མ་ཁ་ཆུའི་དམ་ལ་གཏོགས་པ་རྣམས། །དམ་ཚིག་བཞིན་དུ་མཆོད་ཀྱིས་གཤེགས་སུ་གསོལ། །ཧོ། མཁའ་འགྲོ་གསང་བའི་རྒྱུད་དུ་གཏོགས་པའི་མཁའ་འགྲོ་སུམ་ཅུ་རྩ་གཉིས་སྔོན་གྱི་ཐུགས་དམ་དུས་ལས་མི་འདའ་བར་སྒྲུབ་པའི་སྟོང་གྲོགས་ལ་
གཤེགས་ཤིག །ཨེ་ཨ་ར་ལི་ཧྲཱིཾ་ཧྲཱིཾ་ཛཿཧཱུྃ་བྃ་ཧོཿཌཱཀྐི་ནི་ཧཱུྃ་ཛཿཞེས་བརྗོད་ཅིང་ཧེ་རུ་ཀའི་དམ་རྒྱ་དཔྲལ་བར་བཅིངས་ནས་སྤྱུག་པའི་བརྡ་དང་བཅས་པས་སྤྱན་དྲངས་པས། མཁའ་འགྲོ་སོ་གཉིས་སྤྲིན་གཏིབས་པ་བཞིན་བྱོན་ཏེ། རིགས་ལྔའི་གཙོ་བོ་ལ་གཙོ་མོ་བདུན། དོན་གྲུབ་ལ་དྲུག །གཞན་གསུམ་ལ་ལྔ་ལྔ་འཁྲིལ་ཞིང༌། སྒོ་མ་བཞི་གཙོ་བོའི་གདན་གྱི་ཚུལ་དུ་བཞུགས་པ་ལ། མེ་ཏོག་ལ་སོགས་པས་སྤྱིར་མཆོད་ནས། དམར་གྱི་རཀྟ་གཏོར་མ་ལ་སྦྲེང་ཞིང་ཧེ་རུ་ཀའི་ཐོད་པའི་ཐལ་མོའི་རྒྱ་དང་བཅས་པས། ཨོཾ་བཛྲ་ཌཱཀྐི་ནི་པྲ་ཏཱིཙྪ་མཾ་བ་ལིཾ་ཏ་ཧཱུྃ་ཕཊ། དེ་བཞིན་དུ་བུདྡྷ་ཌཱཀྐི་ནི་སོགས་ནས། ཨོཾ་ཕཊ། ཨོཾ་རཏྣ་ཌཱཀྐི་ནི་སོགས་ཏྲཱཾ་ཕཊ། ཨོཾ་པདྨ་ཌཱཀྐི་ནི་སོགས་ཧྲཱིཿཕཊ། ཨོཾ་ཀརྨཱ་ཌཱཀྐི་ནི་སོགས་ཨ་ཕཊ། ཅེས་པས་གཏོར་མ་ཕུལ་ལ། ཧཱུྃ་རྣམ་དག་ཆོས་དབྱིངས་ཞི་བ་ལས། །ཐུགས་རྗེ་ཆེན་པོའི་སྤྲུལ་པ་བྱུང༌། །རང་རང་ལས་ཀྱིས་བསྐུལ་གྱུར་པས། །སྤྲུལ་པ་བསམ་ཡས་མཁའ་ལ་འགྲོ། །འཇའ་ཚོན་མདོག་འཛིན་རིགས་ལས་སྤྲུལ། །མི་རོ་སྐམ་པོའི་གདན་སྟེང་ལ། །ཐུགས་རྗེས་སྤྲུལ་པ་ཅིར་ཡང་སྟོན། །མཐིང་ག་མི་བསྐྱོད་ལ་སོགས་གཟུགས། །སུམ་ཅུ་རྩ་གཉིས་ཀུན་འཛིན་ཞིང༌། །མི་ཐོད་ཁྲག་གིས་བཀང་བ་དང༌། །ཁ་ཊྭཱཾ་ཏྲི་ཤུལ་གཤོལ་གྲི་བསྣམས། །རང་རང་ལག་ཆ་སྣ་ཚོགས་ལྡན། །དཔའ་བོའི་གཟུགས་ཅན་
ཁ་མིག་བགྲད། །ཉི་ཟླའི་ཚུལ་དུ་མཁའ་ལ་འགྲོ། །ཟས་སུ་ཤ་དང་ཁྲག་དང་ནི། །རྐང་དང་ཚིལ་བུ་རྒྱུ་མ་ཟ། །ཡང་དག་ཉིད་དེ་འཇིག་རྟེན་ཉིད། །སྤྲུལ་པའི་ཚུལ་གྱིས་གཟུགས་ལས་སྤྲུལ། །མཁའ་འགྲོ་མ་མོ་ཁྱོད་རྣམས་ཀྱང༌། །སྔོན་ཚེ་བཅོམ་ལྡན་རིགས་ལྔ་ལ། །ཡེ་ཤེས་དབྱིངས་ལ་ཆགས་ཚུལ་དུ། །འཁྲིལ་ཞིང་རིགས་ལྔའི་སྲས་སུ་བྱས། །བསྟན་པ་བསྲུང་བར་མནའ་བོར་བའི། །ཁས་བླངས་འགལ་བར་མི་བྱའི་ཕྱིར། །རྣལ་འབྱོར་བཅོལ་བའི་ཕྲིན་ལས་མཛོད། །ཅེས་དང༌། ཧཱུྃ་མཁའ་འགྲོ་གིང་དང་དབང་ཕྱུག་མ། །མ་བདུན་སྲིང་བཞི་འབར་མ་བརྒྱད། །ཕོ་ཉ་ལ་སོགས་ལྷག་སྡུད་ཚོགས། །དཔལ་གྱི་ཕམ་ཕབས་འདི་གསོལ་ལ། །བཅོལ་བའི་ཕྲིན་ལས་གྲུབ་པར་མཛོད། །ཅེས་བརྗོད་ཅིང་སྨན་དང་རཀྟས་ཀྱང་མཆོད་ནས། ཧོ་ལྷག་སྡུད་ཀྱི་དམ་ཚིག་ལ་གཏོགས་པའི་མཁའ་འགྲོ་དམ་ཅན་རྒྱ་མཚོའི་ཚོགས་འཁོར་དང་བཅས་པ་རྣམས་ལྷག་མའི་དམ་ཚིག་འདིས་ཚིམ་ཞིང་དགྱེས་པར་གྱུར་ཏེ། དམ་ཚིག་ཉམས་ཆག་ཐམས་ཅད་བསྐངས་ནས་སངས་རྒྱས་ཀྱིས་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོང༌། འཇིག་རྟེན་གྱི་རྒུད་པ་སོལ། སེམས་ཅན་གྱི་ཕན་བདེ་སྤེལ། རྣལ་འབྱོར་པ་རྣམས་ཀྱི་སྟོང་གྲོགས་མཛོད། སྔགས་འཆང་རྣམས་
ཀྱི་ཕྲིན་ལས་སྒྲུབས། ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང༌། མཆོག་དང་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་གྲོགས་མཛོད་ཅིག །ཅེས་ཕྲིན་ལས་བཅོལ། ཡ་ཧི་གཙྪ། ཞེས་པས་མགྲོན་རྣམས་རང་གནས་སུ་གཤེགས་པར་བསམས་ལ། གཏོར་མ་ཕྱི་རོལ་དུ་བསྐྱལ། ཧཱུྃ་ཞེས་པས་ལྷག་མའི་དཀྱིལ་འཁོར་རིགས་ལྔ་རང་ལ་བསྟིམ་ནས། མཎྜལ་ཀྱང་བསྡུའོ། །གཉིས་པ་བརྟན་མ་སྐྱོང་བ་ནི། ཕྱི་རོལ་དུ་བརྟན་མའི་གཏོར་མ་སྨན་ཕུད་ཀྱིས་བྲན་ལ། ཏྲཱཾ་སྥ་ར་ཎ་ཕཊ། སཾ་ཧ་ར་ཎ་ཧཱུྃ། ཏྲཱཾ་རཏྣ་ཏྲཻ་ལོ་ཀྱ་ཕཊ། གཏོར་མའི་རྡུལ་ཕྲ་རབ་རེ་རེ་བཞིན་རིན་པོ་ཆེའི་གུར་ཁང་ལོངས་སྤྱོད་ཟད་མི་ཤེས་པས་ནམ་མཁའ་གང་བར་བསམས་ལ། འབྲུ་གསུམ་གྱིས་བྱིན་གྱིས་བརླབ། ཧཱུྃ་ཚོགས་དང་བཀའ་ཡི་ཚོགས་བཅས་ཉིད། །ཁྲག་འཐུང་དེ་བཞིན་ནམ་མཁའི་སྐུ། །ཚུར་གཤེགས་ཚུར་གཤེགས་སྐྱོང་མ་རྣམས། །འདིར་སྤྱོན་དམ་སྐོང་ཕྲིན་ལས་མཛོད། །བདག་ཉིད་ཆེན་མོ་ལ་སོགས་བདུད་མོ་བཞི། །གངས་དཀར་ཤ་མེད་ལ་སོགས་གནོད་སྦྱིན་བཞི། །ཀོང་བཙུན་དེ་མོ་ལ་སོགས་སྨན་མོ་བཞི། །བོད་ཁམས་སྐྱོང་བའི་ཆེ་ཞེ་ཆེན་མོ་རྣམས། །བྲན་གཡོག་མང་པོའི་འཁོར་དང་བཅས། །ལྷབ་ལྷུབ་མང་པོའི་རྒྱན་དང་བཅས། །སིལ་སྙན་རོལ་མོའི་སྒྲ་དང་བཅས། །
འདིར་སྤྱོན་དམ་སྐོང་ཕྲིན་ལས་མཛོད། །ཆེ་ཞེ་ཆེན་མོ་ཁྱོད་རྣམས་ཀྱང༌། །ཨ་སུ་ར་ཡི་བྲག་ཕུག་ཏུ། །སློབ་དཔོན་པདྨ་འབྱུང་གནས་དང༌། །རླངས་ཆེན་དཔལ་གྱི་སེང་གེ་ཡིས། །ཞིང་ཆེན་སྟན་ལ་བཀོད་ནས་ཀྱང༌། །ལག་ཏུ་རྡོ་རྗེ་གཏད་ནས་ནི། །དབང་བསྐུར་གསང་བའི་མཚན་ནས་བརྗོད། །རྡོ་རྗེ་འཆང་གི་གྲལ་དུ་བཞག །བོད་ཁམས་བསྲུང་ཞིང་སྐྱོང་བ་དང༌། །རྣལ་འབྱོར་སྒྲུབ་པའི་གྲོགས་བྱ་ཞེས། །ཇི་ལྟར་ཁས་བླངས་དམ་བཅས་པའི། །གཡར་དམ་གཉེན་པོ་རྗེས་དགོངས་ལ། །དམ་རྫས་བཀའ་ཡི་གཏོར་མ་ལོངས། །བཅོལ་བའི་ཕྲིན་ལས་གྲུབ་པར་མཛོད། །ཨོཾ་ལ་ལ། ལེ་ལེ། ཏཾ་ཏཾ། ཏེ་ཏེ་ཁ་རགྨ། མ་མ་སྲིཾ་འགྲོ་མ་ཧཱུྃ་བྷྱོ་ཧཱུྃ་ཧཱུྃ། ཞེས་དང༌། མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི། ཞེས་སྨན་རཀ་སྦྲེང༌། ཕྲིན་ལས་བཅོལ་ནས་ཡ་ཧི་གཙྪས་གཤེགས་གསོལ་བྱས་ལ། གཏོར་མ་གཙང་སར་བསྐྱལ་ལོ། །གསུམ་པ་ཉེར་བསྡུ་བྱ་བ་ནི། ཐུན་མཚམས་ལ་འཇུག་པའམ་ཉལ་བ་ན། བྷྲཱུྃ་བི་ཤྭ་བི་ཤུདྡྷེ་ཧཱུྃ་ཨོཾ་སྭཱ་ཨཱཾ་ཧཱ་ཞེས་པས་དཀྱིལ་འཁོར་གསལ་བཏབ་ལ། བཛྲ་པདྨ་ས་མ་ཡ་སྟྭཾ། ས་མ་ཡ་ཧོཿཨ་ནུ་རཱ་གོ་ཧཾཿ། ཨ་ནུ་རཱ་ག་ཡ་མྱེ། ཛཿཧཱུྃ་བཾ་ཧོ། བོ་དྷི་ཙིཏྟ་སྥ་ར་ཎ་ཕཊ། ཅེས་བརྗོད་ཅིང༌། ཡབ་ཡུམ་སྙོམ་པར་འཇུག་པའི་སྦྱོར་མཚམས་ནས་བྱང་ཆུབ་སེམས་ཀྱི་འོད་ཟེར་གྱི་སྤྲིན་འཕྲོས་པས་སྣོད་བཅུད་ཐམས་ཅད་
དག་ཅིང་འོད་གསལ་བར་བྱ། སཾ་ཧ་ར་ཎ་ཧཱུྃ་ཞེས་བརྗོད་པས་དག་པའི་སྣོད་བཅུད་ཐམས་ཅད་གཞལ་ཡས་ཁང་སྲུང་འཁོར་དང་བཅས་པ་ལ་ཐིམ། གཞལ་ཡས་ཁང་གི་རྒྱན་ཐམས་ཅད་ཡབ་རྣམས་ལ་ཐིམ། དངོས་པོ་ཐམས་ཅད་ཡུམ་རྣམས་ལ། ལྷ་ཡབ་ཐམས་ཅད་གཙོ་བོ་རྡོ་རྗེ་སེམས་དཔའ་ལ། ཡུམ་ཐམས་ཅད་དབྱིངས་ཕྱུག་མ་ལ། དེ་ཡབ་ལ། དེ་ཡེ་ཤེས་སེམས་དཔའ་ལ། དེ་ཏིང་ངེ་འཛིན་སེམས་དཔའ་ལ། དེ་ཧཱུྃ་ལ། ཧཱུྃ་གྱེན་རྫོགས་ནཱ་དའི་བར་དུ་ཐིམ་ནས་རྣམ་པར་རྟོག་མེད་ལྷུན་གྲུབ་ནམ་མཁའ་ལྟ་བུའི་ངང་ལས་མཉམ་པར་གཞག །ཉལ་བ་ལས་ལངས་པའམ་སྤྱོད་ལམ་ལ་འཇུག་པ་ནི། ཧཱུྃ་བཛྲ་དྷྲིཀ །ཅེས་བརྗོད་པས་རྡོ་རྗེ་སེམས་དཔའ་ཞལ་གཅིག་ཕྱག་གཉིས་པ་སྣང་སྟོང་སྒྱུ་འཕྲུལ་དྲྭ་བའི་སྐུར་ལྡང་ངོ༌། །བཞི་པ་གོ་ཆ་བགོ་ཞིང་ལུས་བསྲུང་བ་ནི། རང་ཉིད་རྡོར་སེམས་སུ་གསལ་བའི་སྤྱི་བོར་ཨོཾ། མགྲིན་པར་ཨཱཿ། སྙིང་གར་ཧཱུྃ་ཡིག་རྣམས་ཀྱིས་མཚན་པར་གྱུར། བཛྲ་ཀཱ་ཝཱ་ཙི་རཀྵ་ཧཾཿ། ཞེས་བརྗོད་པས་ལུས་ཐམས་ཅད་རྡོ་རྗེ་རྒྱ་གྲམ་གྱི་གོ་ཆས་བཞུ་ལུགས་སུ་གཡོགས་པས་སྒོ་གསུམ་རྡོ་རྗེ་གསུམ་དང་དབྱེར་མེད་དུ་བཅིངས་པར་བལྟས་ལ། ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱིས་ཀུན་ལ་ཁྱབ། ཅེས་བརྗོད་ཅིང་ང་རྒྱལ་བྱ། དེ་ནས་མཛུབ་མོ་གཡས་སུ་ཏྲཱཾ་
ལས་ཁྲོ་བོ་རྡོ་རྗེ་གནོད་སྦྱིན་ནག་པོ་ཕྱག་གཉིས་ཀྱིས་མཆེ་བ་དང་སྡིགས་མཛུབ། གཡོན་དུ་ཨོཾ་ལས་ཁྲོ་བོ་མི་འཆི་ཐབས་སྦྱོར་དམར་པོ་རྒྱ་གྲམ་དང་སྡིགས་མཛུབ་ཅན་དུ་བསྐྱེད་ལ། ལྟེ་བ་སྙིང་ག་ལྟག་པ་དང༌། དཔྲལ་བ་སྤྱི་བོ་གནས་ལྔ་རུ། ཨོཾ་ཏྲུྃ། ཞེས་བརྗོད་བཞིན་པར་མཛུབ་མོ་གཉིས་བསྣོལ་ནས་རིམ་པར་རེག་པས། གནས་དེ་དང་དེར་ཁྲོ་བོ་གཉིས་པོ་ཟུང་རེ་ཞབས་བསྣོལ་ནས་ཞལ་ཕྱིར་གཟིགས་ཏེ་སྲུང་བའི་ལས་མཛད་པའི་ཐུགས་ཀ་ནས་རྡོ་རྗེའི་ལུ་གུ་རྒྱུད་བྱུང་བས་བསྲུངས་ཤིང་བརྟན་པར་བྱས་ལ། ཨོཾ་རཏྣ་མུ་ཀུ་ཊ་ཨ་བྷི་ཥིཉྩ་ཏྲཱཾ་ཏྲཱཾ་ཞེས་རིགས་ལྔའི་དབུ་རྒྱན་གྱིས་དབང་བསྐུར་བར་མོས། ཨོཾ་རཏྣ་མཱ་ལེ་ཨ་བྷི་ཥིཉྩ་ཏྲཱཾ་ཏྲཱཾ། རིན་པོ་ཆེའི་ཕྲེང་བས་བཅིངས་པར་བསམ་མོ། །ཨོཾ་ཨཱ་རྱ་ལཾ་བྷོ་དྷ་ར་ཨ་བྷི་ཥིཉྩ་ཧྲཱིཾཿཧྲཱིཾཿ། དར་མཐིང་དམར་གྱི་ཅོད་པན་གྱིས་བརྒྱན་པར་བསམ་མོ། །ཨོཾ་གུ་ཧྱ་ས་མ་ཡ་སྟྭཾ། ཞེས་བརྟན་པར་བསམ་ཞིང་ཡི་གེ་བརྒྱ་པ་ལན་གསུམ་ལ་སོགས་པར་བཟླས་པས་ཤིན་ཏུ་བརྟན་པར་བྱས་ལ། དགེ་བ་བསྔོ་ཞིང་བཀྲ་ཤིས་བརྗོད་པ་རྣམས་ཀྱིས་མཐའ་བརྒྱན་པར་བྱའོ། །དེ་ལྟར་འགྲུབ་པའི་རྒྱུ་དང༌། དེས་གྲུབ་པའི་འབྲས་བུ་ནི། ཆོ་གས་བསྟན་པའི་ཐུན་དང་མཚམས་ཀྱི་ངེས་པ་ཐམས་ཅད་དུ།
ཕྱིན་དྲུག་གི་ཡན་ལག་བསྐྱེད་རྫོགས་ཀྱི་དངོས་པོར་སྡུད་པ་ལས་མི་འདའ་ན། བསོད་ནམས་དང་ཡེ་ཤེས་ཀྱི་ཚོགས་མྱུར་དུ་རྫོགས་པར་འགྱུར་ལ། དེ་ཡང་རྡོ་རྗེ་ཐེག་པའི་གྲུབ་མཐའ་ལས་དང༌། དམ་ཚིག་དང༌། ཆོས་དང༌། ཕྱག་ཆེན་ཏེ་ཕྱག་རྒྱ་བཞིའི་སྒོ་ནས་སློང་བ་ལ་མཉམ་རྗེས་ཀུན་ཏུ་བསླབས་པས་རིམ་པ་དང་པོའི་དག་རྫོགས་སྨིན་གསུམ་ལྷོངས་སུ་གྱུར་ནས་སྐྱེ་གནས་བཞིའི་བག་ཆགས་སྦྱོང་ཞིང༌། མངོན་པར་བྱང་ཆུབ་པའི་གཟུགས་ཀྱི་སྐུ་མྱུར་དུ་འགྲུབ་ལ། དེ་ཡང་སྔ་འགྱུར་རང་གཞུང་གི་གྲུབ་མཐའ་ལམ་ལྔ་དང༌། ས་བཅུའི་སྤང་རྟོགས་རིག་འཛིན་བཞིའི་གོ་འཕང་ལ་བརྟེན་ནས་རྫོགས་པའི་ཚུལ་པཎྜི་ཏ་རོང་པ་ཆོས་ཀྱི་བཟང་པོ་དང༌། རྒྱལ་བ་གཉིས་པ་ཀུན་མཁྱེན་ངག་གི་དབང་པོའི་རྒྱུད་འགྲེལ་ལས་རྟོགས་པར་བྱའོ།། །།དགེའོ། །དགེའོ། །དགེའོ། །