ཤོག་ལྷེབ་ ༤༠༡ ནས་ ༥༠༠ བར།
བ་ནི། བྱ་བའི་རྒྱུད་དང་ལ་སོགས་པ ས་སྤྱོད་པ་དང་རྣལ་འབྱོར་རྒྱུད་ལ་ར་རབ་ཏུ་ཞུགས་པ་རྣམས་ཀྱི་དབང་བསྐུར་བའི་སྤྱོད་པ་ཐམས་ཅད་དོ། །གསུམ་པོ་དེ་རྣམས་ཀྱི་སྟེང་ན་གནས་པས་ན་ཁཐམས་ཅད་ཀྱི་ཀའོག་མ་གསུམ་གྱི་དབང་བསྐུར་པའི་སྤྱོད་པའི་གམཆོག་གོ །དབང་ཕྱུག་དམ་པ་ཀུན་དོན་གྱིས་ཞེས་བྱ་བ་ལ། དངོས་གྲུབ་འདོད་པ་ཀུན་ཏེ་ཐམས་ཅད་ཀྱིས། དོན་དུ་གཉེར་ཞིང་གསོལ་བ་འདེབས་པས་ན་ཀུན་དོན་གྱིས་ཏེ་རྣམ་པར་སྣང་མཛད་ལ་སོགས་པའོ། །རིགས་ལྔ་པོ་དེ་རྣམས་ཀྱི་དབང་ཕྱུག་དམ་པ་ནི་དེ་བཞིན་གཤེགས་པ་དྲུག་པ་སྟེ། དེ་ལྟ་བུའི་བཅོམ་ལྡན་འདས་ཀྱིས་རྡོ་རྗེ་གསུམ་མི་ཕྱེད་པའི་དཀྱིལ་འཁོར་བཤད་དོ་ཞེས་བྱ་བར་སྦྱར་རོ། །སྐུ་གསུང་ཐུགས་ལ་ལོངས་སྤྱོད་པ་ཞེས་བྱ་བ་ནི། རྡོ་རྗེ་འཆང་བདག་ཉིད་ཀྱི་སྐུ་དང་གསུང་དང་ཐུགས་ཀྱི་ཁལོངས་སྤྱོད་ལ་སྟེ་ཀདཀྱིལ་འཁོར་གང་དུ་གཉེ་བར་ལོངས་སྤྱོད་པར་མཛད་པ་དེ་ནི་སྐུ་གསུང་ཐུགས་ལ་ལོངས་སྤྱོད་པའོ། ཞེས་ཆག་འགྱུར་དང་མཐུན་ནོ། །རྡོ་རྗེ་མི་ཕྱེད་གསུམ་ནི་རྣམ་པར་སྣང་མཛད་ལ་སོགས་པའི་སྐུ་གསུང་ཐུགས་ཀྱི་རྡོ་རྗེ་གསུམ་མོ་འོ་། །དེ་རྣམས་ཀྱི་དཀྱིལ་འཁོར་ནི་ཤིན་ཏུ་རྨད་དུ་བྱུང་བའི་དཀྱིལ་འཁོར་རོ། །སངས་རྒྱས་ཡེ་ཤེས་ཅན་གྱི་གསང་ཞེས་བྱ་བ་ནི།ཆག་འགྱུར་ལས། ཉམས་དགའ་ནི་རིན་པོ་ཆེའི་གང་ཟག་ཁོ་ནའི་ཡུལ་ཡིན་པའི་ཕྱིར་རོ། །མཆོག་ནི་ཤིན་ཏུ་
ཕུལ་དུ་བྱུང་བའོ། །གཞན་ལ་མི་བསྟན་པས་གསང་བའོ། །གང་ལ་ཞེ་ན། སངས་རྒྱས་ཐེག་པ་ཅན་ལ་སྟེ། སངས་རྒྱས་པའི་མུ་སྟེགས་ཅན་རྣམས་སྐྲག་པར་བྱེད་པས་སོ། ཞེས་བསྒྱུར་བ་ལེགས་པས། རྒྱུད་དུ། སངས་རྒྱས་ཡེ་ཤེས་ཅན་གྱི་གསང༌། ཞེས་པའང་སངས་རྒྱས་ཐེག་པ་ཅན་ལ་ཞེས་བསྒྱུར་བ་ལྟར་བྱའོ། སངས་རྒྱས་པའི་མུ་སྟེགས་ཅན་ནི་ཐེག་དམན་པའོ། །སྲོག་གཅོད་སོགས་ཀྱིས་བྱང་ཆུབ་བསྒྲུབ་པ་འདི་བསྐྱེད་རིམ་མཐར་ཕྱིན་པས་བྱེད་པས། རིན་པོ་ཆེ་ལྟ་བུའི་གང་ཟག་ཁོ་ནའི་ཡུལ་ཞེས་པ་ནི། འདི་རྣམས་ཀྱི་ངེས་དོན་ལ་དགོངས་སོ། །ཤིན་ཏུ་མཆོག་ཏུ་གྱུར་པས་རིན་པོ་ཆེ་ལྟ་བུའི་གང་ཟག་གི་ཡུལ་ཡིན་གྱི། །མདོ་སྡེའི་ཐེག་པ་ལ་སོགས་པར་སངས་རྒྱས་ཀྱི་མུ་སྟེགས་ཅན་རྣམས་སྐྲག་པར་བྱེད་པས་མ་གསུངས་པས་སོ། །རྣམ་པ་དེ་ལྟ་བུ་འཇིག་རྟེན་དང་འགལ་བའི་ཚིག་གི་སྒོ་ནས་བྱང་ཆུབ་ཐོབ་པའི་ཐབས་བཤད་དོ་ཞེས་བྱ་བ་སྟེ། སྒྲ་ཇི་བཞིན་པའོ། ༈ །ནམ་མཁའི་དབྱིངས་ཀྱི་དབུས་གནས་པར། ཞེས་བྱ་བ་ནི་ལྷག་མོས་འོད་གསལ་དུ་བསྡུས་པའི་དེ་བཞིན་ཉིད་ལས་བྱང་ཆུབ་པའོ། །སངས་རྒྱས་དཀྱིལ་འཁོར་བསྒོམ་པར་བྱ་ཞེས་བྱ་བ་ལ། སངས་རྒྱས་ཀྱི་དཀྱིལ་འཁོར་ནི་རྡོ་རྗེ་འཆང་ཆེན་པོའི་སྐུའོ། །ཞེས་པ་ནི་མངོན་བྱང་ལྔ་ལས་རྡོ་རྗེ་འཆང་དུ་བསྐྱེད་པ་ནས་སེམས་དཔའ་སུམ་བརྩེག་གི་བར་དུ་བྱེད་བའི་དོན་ནོ། །སྐལ་ལྡན་གྲགས་པས་ཀྱང༌། དང་པོ་སྦྱོར་བའི་ཏིང་ངེ་འཛིན་གྱིས་རྡོ་རྗེ་འཆང་གི་སྐུ་སྒོམ་པར་བཤད་དོ། །འདིར་བོད་ཀྱི་བླ་མ་རྣམས་ལེའུ་བཅུ་གསུམ་པར་བཤད་པ་བཞིན་དུ་ཉི་མ་ལས་བྱང་ཆུབ་པ་སོགས་ལས་མི་བསྐྱོད་པ་དྲག་པོར་བསྐྱེད་པ་དང༌། །རྡོ་རྗེ་འཆང་དུ་བསྒོམས་པ་ལྷག་མོས་
ཀྱི་སྐབས་ལ་འཆད་པ་ནི་ཤིན་ཏུ་མི་རིགས་ཏེ། དེ་ལྟར་ཡིན་ན་དེ་བཞིན་ཉིད་ལས་བྱང་ཆུབ་པའི་རྗེས་སུ། རྡོ་རྗེ་འཆང་དུ་བསྐྱེད་བ་དེ་ཡོངས་སུ་གྱུར་བ་ལས་མི་བསྐྱེད་པར་སྒོམ་པ་ཤིན་ཏུ་གསལ་བར་བཤད་པ་དང་འགལ་བའི་ཕྱིར་དང༌། ལེའུ་བཅུ་གསུམ་པར་བཤད་པ་ལས་འདི་ཚུལ་གཞན་ཡིན་པའི་ཕྱིར་རོ། །རིགས་པ་དེས་འོག་གི་རིགས་ལྷག་མ་རྣམས་ཀྱང་ཤེས་པར་བྱའོ། །རྡོ་རྗེ་མི་བསྐྱོད་རབ་བསྒོམས་ནས་ཞེས་བྱ་བ་ནི། སྔར་རྡོ་རྗེ་འཆང་དུ་བསྐྱེད་པ་དེ་ཡོངས་སུ་གྱུར་པ་ལས་མི་བསྐྱོད་པ་དྲག་པོའི་སྐུར་བསྐྱེད་པའོ། ། འདི་བླ་མ་རྣམས་ཞལ་བཞི་ཕྱག་དྲུག་པར་འདོད། སྐལ་ལྡན་གྲགས་པས་ཞལ་གསུམ་ཕྱག་དྲུག་པར་བཤད་དོ། །སྔར་མངོན་བྱང་ལྔ་ལས་རྡོ་རྗེ་འཆང་དུ་བསྐྱེད་པ་དེ་ཉིད་གྱུར་བ་ལས་མི་བསྐྱོད་པར་བསྐྱེད་པར་བཤད་པས། དང་པོའི་མགོན་པོར་བསྐྱེད་ནས་སྤྲུལ་སྐུར་བསྒྱུར་བ་མི་དགོས་པར་རྡོ་རྗེ་འཆང་སྔོན་པོར་བསྐྱེད་པར་མངོན་ཏོ། འོག་མ་རྣམས་ལའང་ཤེས་པར་བྱའོ། །ལག་ཏུ་རྡོ་རྗེ་བསྒོམ་པར་བྱ། ཞེས་བྱ་བ་ནི་ཕྱག་མཚན་གྱི་གཙོ་བོ་བཤད་པ་ཡིན་ཏེ། ཕྱག་ལྷག་མ་རྣམས་ཀྱི་ཕྱག་མཚན་གཞན་དག་ཀྱང་དགག་པ་ནི་མེད་དོ། །ཞེས་པ་ནི་ཕྱག་མཚན་གཞན་མི་འགོག་ཞེས་པའོ། །འོད་འཕྲོ་བ་ནི་མེ་སྟག་ལྟ་བུའི་འོད་ཟེར་རྣམ་པར་འཕྲོ་བ་སྟེ། འོད་ཟེར་དེ་རྣམས་ཀྱིས་མང་པོར་གྱུར་པ་སྟེ། འཐུག་པོ་དང་ལྡན་པའོ། །རྒྱུ་མཚན་དེ་ཉིད་ཀྱིས་ན་འོད་འབར་བ་དང་དཀར་པོ་ལ་སོགས་པའི་འོད་ཟེར་སྣ་ལྔས་རབ་ཏུ་གང་བའི་རྡོ་རྗེ་ཕྱག་གཡས་ཀྱི་དང་པོར་བསྒོམ་པར་བྱས་ལ། དེ་ནས་རྣལ་འབྱོར་བ་འདིས་ཁམས་གསུམ་ནི་ཆག་གིས་དུས་གསུམ་དུ་འབྱུང་
བའི་ཞེས་བསྒྱུར་བ་ལྟར་རམ། ཡང་ན་དུས་གསུམ་པ་སྟེ། ས་འོག་ས་སྟེང་ས་བླའི་ཁམས་གསུམ་དུ་བྱུང་བའི་སངས་རྒྱས་སམ་དེ་བཞིན་གཤེགས་པ་སྟེ་བསད་ལས་བྱ་བའི་ཡུལ་གྱི་མཚན་ཉིད་ཚང་བའི་དགྲ་བོ་རྣམས་མདུན་དུ་བསྒོམས་ནས། རྡོ་རྗེས་ཕྱེ་མར་བརླག་པ་སྟེ། དགྲ་བོ་དེ་རྣམས་ཀྱི་སྐུ་དང་གསུང་དང་ཐུགས་ཀྱི་ལོངས་སྤྱོད་ཀྱི་ཚོགས་དེ་རྡོ་རྗེ་དེས་ཕྱེ་མར་བརླགས་ལ་ནུབ་ནས་སྟེ། ནུབ་བ་དང་མེད་ཅིང་འཇིག་པར་གྱུར་བར་བསྒོམ་སྟེ། ༈ དེ་ལྟར་བཤད་མ་ཐག་པའི་དྲག་ལས་ཀྱི་བསམ་གཏན་གྱི་མཆོག་དེ་བསྒོམས་པས་ནི། ཐུགས་ཀྱི་དངོས་གྲུབ་འཐོབ་པར་འགྱུར་བ་སྟེ་སེམས་ཀྱི་དབང་ཕྱུག་འཐོབ་པར་འགྱུར་བའོ། །རྡོ་རྗེ་གསང་བ་བཤད་མ་ཐག་པ་འདི་ལྟ་བུས། བསད་ལས་ཀྱི་ཡུལ་གྱི་མཚན་ཉིད་ཚང་བའི་སེམས་ཅན་ཐམས་ཅད་བསད་ཅིང་སྟོང་པར་བྱས་པས་རྣམ་པར་གཞིག་པར་བྱའོ། །བསམ་གཏན་གྱི་ཁྱད་པར་འདི་ལྟ་བུས་རྣམ་པར་བཤིག་ན་མི་བསྐྱོད་པའི་སངས་རྒྱས་ཀྱི་ཞིང་དུ་རྒྱལ་བའི་སྲས་ཏེ། བྱང་ཆུབ་སེམས་དཔར་སྐྱེ་བར་འགྱུར་རོ་བ་གསོད་པའི་ལས་སྒྲུབ་པ་འདི་ནི་ཞེ་སྡང་མི་བསྐྱོད་པའི་གི་རིགས་ཀྱི་འདའ་བར་མི་བྱ་བའི་དམ་ཚིག་གི་དེ་ཁོ་ན་ཉིད་དེ་འདོད་པའི་དོན་ལ་མི་སླུ་བ། །བསད་ལས་སྒྲུབ་པ་འདིར་གང་ཞིག་སེམས་ཅན་གཅིག་པུ་ཞིག་བསད་པ་ལས། སེམས་ཅན་མང་པོར་མྱ་ངན་ལས་འདས་པ་འཐོབ་བར་འགྱུར་བའམ།
བདེ་བར་འགྱུར་བ་དེ་བྱས་ན་ཁ་ན་མ་ཐོ་བ་མི་སྐྱེད་བར་མ་ཟད་ཀྱི་ཏེ། བསོད་ནམས་ཀྱི་ཕུང་པོ་ཆེན་པོ་འཐོབ་པར་འགྱུར་གྱི། །དེ་འདྲ་ལས་གཞན་དུ་རང་གི་དོན་དུ་བསད་ལས་བྱས་ན་བསོད་ནམས་མི་འཐོབ་བར་མ་ཟད་སྡིག་པའི་ཕུལ་དུ་གྱུར་པ་སོགས་པ་ཡིན་ནོ། ཞེས་གསུངས་པའོ། ༈ །དེ་ནས་ཞེས་བྱ་བ་ལ་སོགས་པས་ནི། གཏི་མུག་གི་རིགས་ཀྱི་མ་བྱིན་པར་ལེན་པའི་དམ་ཚིག་གསུངས་པ་ཡིན་ཏེ། རྒྱལ་པོ་རྡོ་རྗེ་འཛིན་པ་རྡོ་རྗེ་འཆང་ཆེན་པོ་དེ་ཉིད་ཀྱིས་མི་ཤེས་པ་སྟེ། རྨོངས་ཤིང་མ་རིག་པ། །་དེས་ཐར་པ་སྒྲུབ་པ་ནི་སྟེ་།གཏི་མུག་གི་རིགས་རྣམ་སྣང་གི་སྒོ་ནས་སྒྲུབ་པའི་དོན་ཡིན་ཏེ། འོད་དཔག་མེད་ཀྱི་སྐབས་སུ། འདོད་ཆགས་ཐར་བ་རབ་སྒྲུབ་པ། ཞེས་གསུངས་པའི་རིགས་པས་སོ། །རང་དང་གཞན་གྱི་རྒྱུད་ལ་ཐར་བ་རབ་སྒྲུབ་པ་སྟེ། ཡང་དག་པའི་མཐར་ཐུག་པའི་ཡེ་ཤེས་འི་ཐོབ་པར་མཛད་པ་ནི་མི་ཤེས་ཐར་པ་རབ་སྒྲུབ་པའོ། །ངོ་བོ་ཉིད་ཀྱིས་དག་པ་ནི་རང་བཞིན་གྱིས་ཡོངས་སུ་དག་པའི་རང་བཞིན་རྣམ་དག་གོ་འོ་། །བདེ་འགྲོར་འཆིང་བའི་བསོད་ནམས་དང་ངན་འགྲོར་འཆིང་བའི་བསོད་ནམས་མ་ཡིན་པ་དག་གིས་མ་གོས་པ་ནི་གོས་པ་མེད་པའི་གློ་བུར་རྣམ་དག་གོ་འོ་། །སེམས་ཅན་ཐམས་ཅད་ཀྱི་རྒྱུད་ཐམས་ཅད་ལ་ཞུགས་པའི་སེར་སྣའི་ཉོན་མོངས་པ་སེལ་བའི་བདག་ཉིད་ཀྱི་སྤྱོད་པ་ནི་བྱང་ཆུབ་ཀྱི་སྤྱོད་པ་སྟེ། དེ་ཤིན་ཏུ་སྟོན་པར་མཛད་བས་ན་བྱང་ཆུབ་སྤྱོད་
བ་རབ་ཏུ་སྟོན་པས། སངས་རྒྱས་ཀྱི་བྱང་ཆུབ་སྒྲུབ་པ་སྟེ་སྐྱེད་ཅིང་ཕྱིན་ཅི་མ་ལོག་པས་ན །ཡང་དག་པའི་རྫས་དགུག་པའི་དམ་ཚིག་བཀའ་སྩལ་བའོ། ༈ །ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པའི་དོན་ནི། སྟོང་ཉིད་སྒོམ་པ་ལ་མང་དུ་བཤད་ཟིན་ཏོ། །འཁོར་ལོའི་དཀྱིལ་འཁོར་ནི་རྡོ་རྗེ་འཆང་ཆེན་པོའི་སྐུ་ཕྱག་རྒྱ་ཆེན་པོ་སྟེ། རྡོ་རྗེ་འཆང་དེ་ཡོངས་སུ་གྱུར་པ་ལས་རྣམ་པར་སྣང་མཛད་དུ་བདག་ཉིད་བསྒོམས་ལ། སངས་རྒྱས་ཐམས་ཅད་ཏེ། དཀྱིལ་འཁོར་པའི་ལྷ་ཐམས་ཅད་མངལ་དུ་རྣམ་པར་བསྒོམ་ཞིང་ཕྱིར་དབྱུང་པར་བྱའོ། །རིགས་ལྷག་མ་བཞི་གའི་སྐབས་སུ་དཀྱིལ་འཁོར་རྒྱལ་མཆོག་སྒོམ་པ་དང་། ཁྱད་པར་དུ་འདིར་དབྱུང་བར་བྱའོ་ཞེས་གསུངས་པས། མི་བསྐྱོད་པ་དང་རྣམ་སྣང་ལ་སོགས་པ་རིགས་ལྔར་བསྒྱུར་བའི་རྗེས་སུ་རང་རིགས་ཀྱི་ཡུམ་མཱ་མ་ཀཱི་དང་སྤྱན་མ་སོགས་སྐྱེད་པ་ནི། དང་པོ་སྦྱོར་བ་དང༌། ཡུམ་དང་སྙོམས་པར་ཞུགས་པ་ལས་དཀྱིལ་འཁོར་རྒྱལ་མཆོག་བསྐྱེད་པར་བྱ་ཞིང༌། །དེ་ནས་རིགས་སོ་སོའི་དམ་ཚིག་གི་ལས་སྒྲུབ་པ་ལས་རྒྱལ་མཆོག་བྱ་སྟེ། ཏིང་ངེ་འཛིན་གསུམ་དང་ལྡན་པར་བྱའོ། །དེ་ནས་ལས་སྒྲུབ་པ་ཇི་ལྟ ར་བྱ་ཞེ་ན། རིན་ཆེན་ཀུན་གྱི་སྦྱོར་བ་ཡིས་ཞེས་བྱ་བ་གསུངས་ཏེ་རིན་པོ་ཆེ་ཐམས་ཅད་ནི་དཀར་པོ་ལ་སོགས་པའི་མདོག་དང་ལྡན་པའི་རིན་པོ་ཆེའི་རིགས་སོ། །དེའི་དོན་དུ་རབ་ཏུ་སྦྱོར་བ་ནི་རིན་ཆེན་ཀུན་གྱི་སྦྱོར་བ་ཡིས་ཏེ། རིན་པོ་ཆེ་འགུགས་པའི་དོན་དུ་རབ་ཏུ་སྦྱོར་བ་དེས་རྡོ་རྗེའི་གཟུགས་ཏེ། མི་
བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་སུ་རབ་ཏུ་བརྟག་པ་ཏེ། བསྒོམ་ཞིང་ཅིང༌་། རིན་པོ་ཆེ་ཡོད་བའི་གནས་སུ་དེ་རྣམས་གཏོང་བ་སྟེ། རིན་པོ་ཆེ་གང་དང་གང་དེ་བཞིན་གཤེགས་པ་གང་དང་གང་མདོག་མཐུན་པ་དེ་དང་དེ། གནས་དེ་ནས་གདོན་པར་བྱ་བའི་ཕྱིར། དེ་བཞིན་གཤེགས་པ་དེ་དང་དེ་གཏང་བར་བྱ་སྟེ། དཔེར་ན་རིན་པོ་ཆེ་སྔོན་པོ་འགུགས་ན་མི་བསྐྱོད་པ་དེར་གཏོང་བ་ལྟ་བུ། །དེ་ལྟར་དེ་བཞིན་གཤེགས་པ་ཐམས་ཅད་ཡང་དག་པར་བཏང་བ་སྟེ། སྤྲོས་ནས། སྒྲུབ་པ་པོས་གང་ཞིག་ཉམས་སུ་བླང་བ་དེ་བསྟན་པར་བྱ་བའི་ཕྱིར། ནོར་རྣམས་ཐམས་ཅད་ཅེས་བྱ་བ་གསུངས་ཏེ། ཕྲོགས་པ་ནི་དེ་བཞིན་གཤེགས་པ་ཐམས་ཅད་ཀྱི་རྫས་དགུག་པའོ། །དེ་ཡང་རྡོ་རྗེ་གསུམ་གྱིས་ཞེས་བྱ་བ་ནི་སྐུ་དང་གསུང་དང་ཐུགས་སུ་རྣམ་པར་བསྒོམ་པ་སྟེ། དེ་ལ་སྐུའི་རྣམ་པར་བསྒོམ་པ་ནི་བ་སྤུའི་བུ་གའི་ཚོགས་ནས་བྱུང་བའི་འོད་ཟེར་དགུག་བྱའི་ནོར་དེའི་ཁ་དོག་དང་མཐུན་པའི་དཀར་པོ་ལ་སོགས་པའི་ཞགས་པ་རྣམས་ཀྱིས། གང་དགུག་པར་མངོན་པར་འདོད་པའི་རིན་པོ་ཆེའི་རིགས་ལ་སོགས་པའི་ནོར་བཅིངས་ལ་ནོར་བདག་གི་མི་མ་ཡིན་གྱིས་གཞན་དུ་སྤོ་བར་མི་ནུས་པའི་ཚུལ་གྱིས་མི་གཡོ་བར་བྱ་བ་སྟེ་བྱེད་པ། །གསུང་སྒོམ་པ་ནི་དེ་ནས་རང་གི་ལྕེ་པདྨར་བསྐྱེད་པའི་པདྨའི་འདབ་མ་ལས་བྱུང་བའི་ཡི་གེ་ཧྲིའི་ལྕགས་ཀྱུས་དྲངས་པའོ། །ཐུགས་སྒོམ་པ་ནི་
དྲངས་ནས་རང་གི་ཁྱིམ་དུ་གཞག་པར་ཡིད་ཀྱིས་བསྒོམ་པར་བྱ་བ་སྟེ། བྱེད་པ། ༈ །ནོར་གྱི་རྒྱ་མཚོས་ཞེས་བྱ་བ་ལ་སོགས་པས་ནི་དེ་ལྟར་བྱས་པས། སེར་སྣའི་ཉེས་པའི་རྙོག་མ་ཅན་གྱི་རྒྱུད་དང་ལྡན་པའི་རྫས་བདག་རྣམས་ཀྱི་སེར་སྣའི་སྒོ་ནས་བསགས་པའི་ལས་སྒྲིབ་རྣམ་པར་དག་པ ར་བྱེད་པ་གསུངས་ཏེ། ནོར་གྱི་རྒྱ་མཚོ་ནི་མི་ཟད་པའི་ཕྱིར་ན་རྒྱ་མཚོ་སྟེ་དེས་ཡོངས་སུ་གང་ཞིང་རྒྱས་པར་འགྱུར་པའོ། །ཡིད་བཞིན་ནོར་བུ་འདྲ་བར་འགྱུར་ཞེས་བྱ་བ་ནི། ཡིད་ལ་མངོན་པར་འདོད་པའི་དོན་རབ་ཏུ་སྐྱེད་པའི་ནོར་བུའི་བྱེ་བྲག་སྟེ། དེ་དང་འདྲ་བའི་ནོར་གྱི་རྒྱ་མཚོ་ཅན་གྱི་རྫས་ཀྱི་བདག་པོ་གང་ཡིན་པར་འགྱུར་པའོ། །འཇིག་རྟེན་པའི་ཕུན་སུམ་ཚོགས་པ་འབྱོར་བར་འགྱུར་བ་འབའ་ཞིག་ཏུ་མ་ཟད་ཀྱི། སངས་རྒྱས་ཀུན་གྱི་ཞེས་བྱ་བ་ལ་སོགས་པ་ནི་འཇིག་རྟེན་ལས་འདས་པའི་འབྲས་བུ་གསུངས་ཏེ། སངས་རྒྱས་ལས་སྐྱེས་པས་ན་སངས་རྒྱས་ཀྱི་སྲས་ཏེ་སངས་རྒྱས་ཐམས་ཅད་ཀྱི་སྲས་ཀྱི་གཙོ་བོར་འགྱུར་བ་དང༌། དེ་ནས་དུས་ཕྱིས་དེ་བཞིན་གཤེགས་པར་ཡང་འགྱུར་བའོ། །ཐབས་ལ་མཁས་པས་གཞན་གྱི་ནོར་འཕྲོག་པ་འདི་ནི་རིགས་ཀྱི་རྒྱ་མཚོ་ཐམས་ཅད་ལས་ཞེས་བྱ་བ་ནི། མི་བསྐྱོད་པ་ལ་སོགས་པའི་རིགས་ཀྱི་རྒྱ་མཚོའི་ནང་ནས་གཏི་མུག་གི་རིགས་ཏེ་རྣམ་པར་སྣང་མཛད་དང་འབྲེལ་བའི་ལྷ་རྣམས་ཀྱི་འཁོར་ལོའི་དེ་ཁོ་ན་སྟེ། མི་བསླུ་བ་ཡང་དག་པའི་གསང་བ་སྟེ། འདི་
ཉིད་ནི་འདའ་བར་མི་བྱ་བས་ན་དམ་ཚིག་གོ །གང་ཟག་མཆོག་རྣམས་ལ་སྲོག་གཅོད་སོགས་གནང་བ་དེ་བས་ན་བཅོམ་ལྡན་འདས་ཀྱིས་དཔལ་རྣམ་པར་སྣང་མཛད་མངོན་པར་བྱང་ཆུབ་པ་ཞེས་བྱ་བ་སྤྱོད་པའི་རྒྱུད་ལས། འདི་ན་བྱང་ཆུབ་སེམས་དཔའ་ཐམས་ཅད་ཀྱིས་སྦྱིར་བཏང་ལ་མ་བྱིན་པར་ལེན་པ་ཐམས་ཅད་ལས་སླར་ལག་པར་བྱ་སྟེ། གཞན་དུ་ན་སྟེ་དམིགས་བསལ་ནི་སེམས་ཅན་གང་དག་སེར་སྣ་ཅན་འཇུངས་པའི་ནོར་མ་བྱིན་བར་ལེན་པ་ཞེས་བྱ་བ་ལ་སོགས་པ་ལུས་ངག་གི་བདུན་གནང་བ་གསུངས་སོ། ༈ །དེ་ནས་ཞེས་བྱ་བ་ལ་སོགས་པས་ནི། འདོད་ཆགས་ཀྱི་རིགས་ཀྱི་དམ་ཚིག་ལ་འཇུག་པ་ཡིན་ཏེ། བཅོམ་ལྡན་འདས་རྡོ་རྗེ་འཆང་དེ་ཉིད་རང་གི་རང་བཞིན་གཟུགས་གཞན་དུ་བསྒྱུར་བས་ཆགས་ཅན་གྱི་རྣམ་པར་ཤེས་པ་ཆགས་པར་མཛད་པའི་གཟུགས་སྣང་མཐའ་བསྐྱེད་པས་ན་འདོད་ཆགས་སོ། །ཐར་པ་འདོད་པ་རྣམས་ལ་སྡུག་བསྔལ་ཐམས་ཅད་ཉེ་བར་ཞི་བའི་མཚན་ཉིད་ཅན་གྱི་ཐར་པ་སྒྲུབ་པར་མཛད་པ་སྟེ། དེ་བས་ན་འདོད་ཆགས་ཐར་པ་རབ་སྒྲུབ་པའོ། །བདེན་པ་གཉིས་ཀྱི་བདག་ཉིད་ཅན་ཡིན་པས་ན་གསང་བ་དག་པའོ། །མི་གནས་པའི་མྱ་ངན་ལས་འདས་པ་ལ་གནས་པས་ན་དམིགས་མེད་པ་སྟེ། འོད་དཔག་ཏུ་མེད་པའི་དམ་ཚིག་གི་དཀྱིལ་འཁོར་གྱི་འཁོར་ལོ་བཀའ་སྩལ་ཅིང་གསུངས་པའོ། ༈ །ནམ་
མཁའི་ཞེས་བྱ་བ་ལ་སོགས་པ་ལ། པདྨའི་དཀྱིལ་འཁོར་ནི་རྡོ་རྗེ་འཆང་ཆེན་པོའི་སྐུ་ཏེ། སྐུ་དེས་འོད་དཔག་ཏུ་མེད་པ་སྐྱེད་པར་མཛད་པའི་ཕྱིར་རྒྱུ་ལ་འབྲས་བུའི་མིང་གིས་ཉེ་བར་གདགས་པས་ན་སྔ་མ་བཞིན་ཏེ།ཞེས་པ་ནི་རྡོ་རྗེ་འཆང་སྒོམ་པ་ལ་འཁོར་ལོའི་དཀྱིལ་འཁོར་བསྒོམ་པར་བྱ་ཞེས་གསུངས་པ་བཞིན་ནོ། །རྡོ་རྗེ་འཆང་ཆེན་པོ་ཡོངས་སུ་གྱུར་ནས་འོད་དཔག་ཏུ་མེད་པར་རབ་ཏུ་བསྒོམས་པའི། དང་པོ་སྦྱོར་བ་བྱས་ལ། དེ་ནས་སངས་རྒྱས་རྣམས་ཀྱིས་ཏེ་དཀྱིལ་འཁོར་བའི་ལྷ་རྣམས་ཀྱིས་གཞལ་ཡས་ཁང་གི་ནང་ཐམས་ཅད་དགང་ཞིང༌། གནས་ཇི་ལྟ་བ་བཞིན་དུ་སྤྲོ་བར་བྱའོ། །འདིར་ལྷ་ཐམས་ཅད་སྐུ་མདོག་དམར་པོ་ལ། རྣམ་པ་ནི་ལྷ་མོའི་རྣམ་པ་ཅན། ཞལ་ཕྱག་གི་གྲངས་དང་ཕྱག་མཚན་ནི་སྒྲུབ་ཐབས་བཞིན་དུ་བྱའོ། །འདི་གང་ལ་འདོད་པ་སྤྱད་པས་གདུལ་བའི་བུད་མེད་དབང་དུ་བྱེད་པ་ཡིན་ན། འདིར་དེ་ལ་ཇི་ལྟར་བྱ་བ་མ་བཤད་པ་གང་ཡིན་སྙམ་ན། གླན་གྱིས་དབང་དུ་བྱ་རྒྱའི་བུད་མེད་དེ། རྣལ་འབྱོར་བཞིན་བུད་མེད་དུ་བསྐྱེད་པ་ཡིན་ཟེར་མོད་ཀྱང་། དེ་ནི་དོན་གཞན་ཡིན་པས་དང་པོ་སྦྱོར་བར་རིག་མ་འདུ་བྱ་བའི་སྐབས་སུ་དབང་དུ་བྱ་རྒྱུའི་བུད་མེད་གོས་དཀར་མོར་བསྐྱེད་པ་ཡིན་པས་རྟོགས་སླ་བ་ལ་དགོངས་ནས་ལོགས་སུ་གསལ་བར་མ་བཤད་དོ། །དཀྱིལ་འཁོར་དེར་རང་མ་གཏོགས་པའི་དཀྱིལ་འཁོར་པ་ཁཐམས་ཅད་ཀབུད་མེད་དང་སྐྱེས་པ་ལྟ་བུའི་རྣམ་པ་ཅན་ནི་གབུད་མེད་ལྟ་བུ་སྟེ། དེའི་རྣམ་པར་སྦྱར་བར་རྣམ་པར་བསྒོམ་ཞིང་བསམ་པའོ། །བུད་མེད་ལྟ་བུ་ནི་ལྷ་གཞན་ཐམས་ཅད་ལྷ་མོ་ལྟ་བུ་སྟེ། དེའི་
རྣམ་པར་བསྒོམ་པའོ། །དེ་ལྟ་བུའི་སྦྱོར་བས་ཏེ་ཡང་དག་པར་སྦྱར་བ་ནི་བུད་མེད་ཀྱི་རྣམ་པ་ལྟ་བུར་ཡོངས་སུ་གྱུར་པའོ། །དཀྱིལ་འཁོར་བ་གཞན་ཐམས་ཅད་བུད་མེད་དུ་སྒོམ་མཁན་རྡོ་རྗེ་འཆང་སྣང་མཐར་བསྒྱུར་བ་དེས། དང་པོ་སྦྱོར་བའི་སྐབས་སུ་ལྷའི་རྣལ་འབྱོར་ཇི་ལྟ་བུ ར་བསྒོམ་པར་བྱ་ཞེ་ན། དམ་ཚིག་བཞི་ཡི་སྦྱོར་བ་ཡིས་ཞེས་བྱ་བ་སྟེ། དམ་ཚིག་བཞི་ནི་རྣལ་འབྱོར་བཞི་སྟེ། རྣལ་འབྱོར་བཞི་པོ་དེས་ལྷའི་རྣམ་པ་ལྟ་བུར་བསྐྱེད་པས་ན་དམ་ཚིག་བཞི་ཡི་སྦྱོར་བ་ཞེས་བྱ་སྟེ། དམ་ཚིག་བཞི་ཡི་སྦྱོར་བས་ཏེ་རྣལ་འབྱོར་བཞི་བསྒོམས་པས་རང་སྣང་མཐར་བསྒྱུར་བ་དེས་འདིའི་དཀྱིལ་འཁོར་རྒྱལ་མཆོག་གི་ལྷ་གཞན་ཐམས་ཅད་བུད་མེད་ལྟ་བུར་བསྒོམ་པར་བྱའོ། ཞེས་བྱ་བར་སྦྱར་བར་བྱའོ། །དམ་ཚིག་བཞི་ཡི་སྦྱོར་བ་ཡིས། ཞེས་པ་འདིས་ནི་རིགས་སྔར་བཤད་པ་གཉིས་དང་། འོག་ནས་འཆད་པ་གཉིས་སྟེ་བཞི་ལ་དང་པོ་སྦྱོར་བའི་སྐབས་སུ་རྣལ་འབྱོར་བཞི་བསྒོམ་པ་མི་གསལ་བ་ཡང་འདི་ལ་དཔགས་ནས་ཤེས་པར་བྱ་བར་བསྟན་ཏོ། །འདི་ནི་ཞེས་བྱ་བ་ནི་བཤད་མ་ཐག་པའི་བསམ་གཏན་ནོ། །རྡོ་རྗེ་ཚུལ་ཞེས་བྱ་བ་ནི་ཐེག་པ་ཆེན་པོ་སྟེ། རྡོ་རྗེ་ཐེག་པ་དེ་ལ་ནི་འདོད་པའི་དབང་ཕྱུག་གཙོ་བོ་ཡིན་པས་མཆོག་གོ །དེ་ལྟར་བསྒོམས་ནས་ཅི་ཞིག་བྱ་ཞེ་ན། །དབང་པོ་གཉིས་ནི་ཞེས་བྱ་བ་ལ་སོགས་པ་གསུངས་ཏེ། རྗེས་སུ་ཆགས་པས་མཉེས་པ་ལ་སོགས་པ་སྔོན་དུ་འགྲོ་བའི་རྡོ་རྗེ་དང་པདྨ་མཉམ་པར་སྦྱོར་བས་ལྷ་མོ་དེ་དག་ཐམས་ཅད་ལ་སྣ་ཚོགས་པའི་དགའ་བ་ཞིང་
བདག་ཉིད་རོལ་བའི་བྱ་བ་དག་གིས་སྐད་ཅིག་ལ་ཉེ་བར་སྤྱད་པར་བྱ་ཞིང་རོལ་བར་བྱའོ། ༈ །འདི་ཞེས་པ་ནི་བཤད་མ་ཐག་པའོ། །རྡོ་རྗེ་ཐམས་ཅད་ཀྱི་ཞེས་བྱ་བ་ནི་སྒྲུབ་པ་པོ་ཐམས་ཅད་ཀྱིའོ། །མི་ཕྱེད་སྐུ་གསུམ་སྒོམ་པའོ་ཞེས་བྱ་བ་ནི། ཆོས་དང་ལོངས་སྤྱོད་རྫོགས་པ་དང་སྤྲུལ་བའི་ངོ་བོ་ཉིད་ཀྱི་སྐུ་གསུམ་མི་ཕྱེད་པ་བསྒྲུབ་ཅིང་སྐྱེད་ལ་སྒོམ་པ་སྟེ། འདི་ནི་འདོད་ཆགས་ཀྱི་རིགས་ཏེ་པདྨའི་རིགས་ཀྱི་དམ་ཚིག་ཏུ་བྱ་བའོ། །སྔགས་པས་ཞེས་པ་ནི། བསྐྱེད་པའི་རིམ་པ་ལ་བརྟན་པ་ནི་ར་རགས་པ་དང་ཕྲ་མོའི་བསྐྱེད་རིམ་མཐར་ཕྱིན་པར་བྱས་པ་ཡིན་ལ། འདི་ནི་རིགས་ལྔའི་ལས་སྦྱོར་འདིར་བསྟན་པ་ལྔ་ཀ་ལ་སྦྱར་རོ། །གནས་པས་བསྒོམ་པར་བྱ་ཞིང་སྒྲུབ་པ་ཉམས་སུ་བླང་བར་བྱའོ། ༈ །དེ་ནས་ཞེས་བྱ་བ་ལ་སོགས་པ་ནི་དོན་ཡོད་པར་གྲུབ་པའི་དམ་ཚིག་ལ་འཇུག་པ་ཡིན་ཏེ། བཅོམ་ལྡན་འདས་དེ་ཉིད་རྡོ་རྗེ་སྔགས་ཀྱིས་ཏེ་འཇུག་པ་ལ་སོགས་པའི་མཚན་ཉིད་ཅན་གྱི་ནི་རྡོ་རྗེ་བཟླས་པའོ། །དེ ས་སྟོན་པས་གདུལ་བྱ་རྣམས་ཀྱི་མངོན་པར་འདོད་པའི་དོན་སྒྲུབ་པར་མཛད་པས་ན་རྡོ་རྗེ་སྔགས་ཀྱི་དོན་སྒྲུབ་པའོ། །བདག་ཏུ་ཐ་སྙད་འདོགས་པའི་གཞི་ཐ་མལ་པའི་ཕུང་སོགས་དང་བྲལ་བ་གང་ཡིན་པ་དེ་ནི་བདག་མེད་པ་སྟེ། བདག་མེད་པ་དེ་ཉིད་ནི་སྒྱུ་མ་ལྟ་བུའི་སྐུ་དང་ལྡན་པས་རྡོ་རྗེ་འཆང་ཆེན་པོ་ལ་བྱའོ། །ཡང་ན་བདག་མེད་ཡེ་ཤེས་ནི་ཆོས་ཀྱི་སྐུའོ། །དེ་ལས་བྱུང་བས་ན་ཡེ་ཤེས་ལས་བྱུང་བ་སྟེ། འོག་ནས་འབྱུང་བའི་ཚིག་འདི་བཀའ་
སྩལ་ཏོ་ཞེས་བྱ་བ་སྟེ་སྡུད་པ་པོའོ་ཚིག་གོ ། ༈ ནམ་མཁའ་ཞེས་བྱ་བ་ལ་སོགས་པ་ལ། སངས་རྒྱས་དཀྱིལ་འཁོར་ནི་རྡོ་རྗེ་འཆང་ཆེན་པོར་བསྒོམ་པ་སྟེ། རྡོ་རྗེ་འཆང་དེ་ཡོངས་སུ་གྱུར་པ་ལས་རྡོ་རྗེ་ཐོགས་མེད་སྟེ། དོན་ཡོད་པར་གྲུབ་པར་བསྒོམས་པའི་དང་པོ་སྦྱོར་བ་བྱས་ལ་དེའི་འོག་ཏུ་སངས་རྒྱས་ཐམས་ཅད་སྟེ་དཀྱིལ་འཁོར་པ་ཐམས་ཅད་བསྒོམ་པར་བྱའོ། །ཐམས་ཅད་གཟུགས་སུ་རྣམ་བསྒོམས་ནས། ཞེས་བྱ་བ་ལ། ཐམས་ཅད་གཟུགས་ཏེ་སེམས་ཅན་ཐམས་ཅད་རང་གི་མདུན་དེ་ཉིད་དུ་གནས་པར་རྣམ་པར་བསྒོམ་ཞིང་ཡོངས་སུ་ཤེས་པར་བྱའོ། །རྡོ་རྗེའི་ཚིག་གི་རྫུན་སྨྲ་བས་ཞེས་བྱ་བ་ནི། ཆོས་ཐམས་ཅད་སྒྱུ་མ་ལྟ་བུ་ཡིན་པས་ཆོས་ཐམས་ཅད་ནི་རྫུན་པའོ་ཞེས་བྱ་བའི་རྡོ་རྗེའི་ཚིག་གི་དོན་ལ་ཡིད་གནས་པ ར་བྱ། །དེ་ནས་ཅི་ཞིག་བྱ་ཞེ་ན། རྒྱལ་བ་ཀུན་གྱི་ཞེས་བྱ་བ་ལ་སོགས་པ་གསུངས་ཏེ། རྒྱལ་བ་ཀུན་གྱི་གནས་ནི་སེམས་ཅན་ཐམས་ཅད་སྟེ། དེ་བཞིན་གཤེགས་བའི་སྙིང་པོ་ཅན་ཡིན་པའི་ཕྱིར་རོ། །འདིས་ནི། རྒྱལ་བ་ནི་དེ་བཞིན་གཤེགས་པ་དང་། དེ་དག་གི་གནས་ནི་སྙིང་པོའི་དོན་དུ་བསྟན་ཏེ་རྒྱུའི་དོན་ནོ། །རྒྱལ་བ་ཐམས་ཅད་ནི་དེ་བཞིན་གཤེགས་པ་རྣམས་ཏེ། རྒྱལ་བ་ཡང་ཡིན་ལ་ཐམས་ཅད་ཀྱང་ཡིན་པས་ན་རྒྱལ་པ་ཐམས་ཅད་སྟེ་དེ་དག་བསླ་བར་བྱ་སྟེ། སེམས་ཅན་ཐམས་ཅད་དང་དེ་བཞིན་གཤེགས་པ་ཐམས་ཅད་ལ་ཆོས་ཐམས་ཅད་བསླུ་བའོ། །སྒྱུ་མ་ལྟ་བུའི་ངོ་བོ་ཉིད་དོ་ཞེས་བྱ་བའི་
ཚིག་བརྗོད་ཅིང་སྟེ། བརྗོད་པར་བསྒོམ་མོ་ཞེས་བྱ་བའི་བར་དུ་སྟེ། དེ་སྔོན་དུ་བྱས་ནས་རྫུན་སྨྲ་དགོས་པའི་ཡུལ་ལ་དེ་སྨྲ་བར་བྱའོ། །དེ་ཡང་ལྷའི་བུ་ཆོས་ཐམས་ཅད་ནི་རྫུན་པ་སྒྱུ་མའོ། །དེ་ཡང་དེ་བཞིན་དུ་སྟོན་པར་བྱེད་དེ་དེས་ན་ང་ནི་རྫུན་དུ་སྨྲ་བའོ། ཞེས་གསུངས་པས་སོ། ༈ །འདི་ནི་ཞེས་བྱ་བ་ནི་བཤད་མ་ཐག་པའོ། །སངས་རྒྱས་ཐམས་ཅད་ཀྱི་ནི་དེ་བཞིན་གཤེགས་པ་ཐམས་ཅད་ཀྱི་གསུང་ནི་ནམ་མཁའ་དང་འདྲ་བར་དངོས་པོ་སྟེ། རང་བཞིན་མེད་པ ར་སྟོན་པ ས་ནམ་མཁའི་གསུང་སྟེ་དྲི་མ་མེད་པའོ། །ཡེ་ཤེས་བློ་ཅན་ཀུན་གྱི་གསང༌། །སྔགས་ཀྱི་དངོས་གྲུབ་ཐོབ་པར་བཤད། ཅེས་བྱ་བ་ནི། གཉིས་སུ་མེད་པའི་ཡེ་ཤེས་ལ་ལྷག་པར་མོས་པ་གང་ཡིན་པ་དེ་ནི་ཡེ་ཤེས་བློ་ཅན་ཏེ། སློབ་བཞིན་པའི་སྔགས་ཀྱི་དངོས་གྲུབ་རྣམས། དོན་གྲུབ་ཀྱི་དམ་ཚིག་འདིས་འགྲུབ་པར་བྱེད་པའོ། །འདི་ནི་ཞེས་བྱ་བ་ལ་སོགས་པ་ལ། །རང་གི་དམ་ཚིག་རྫུན་གྱི་ཚིག་གིས་སེམས་ཅན་ཐམས་ཅད་འགུགས་པར་བྱེད་པ་སྟེ་འདུལ་བ་གང་ཡིན་པ་དེ་ནི་དམ་ཚིག་འགུགས་པའི་རིགས་ཏེ་དོན་ཡོད་པར་གྲུབ་པའི་རིགས་སོ། །དེའི་དམ་ཚིག་ གི་ཡང་དག་པ་ནི་དེ་ཁོ་ན་ཉིད་ནི་ཇི་ལྟ་བར་ཞུགས་པའི་དམ་ཚིག་གོ །དོན་ཇི་ལྟ་བ་བཞིན་སྤྲོ་བར་བྱའོ་ཞེས་བྱ་བ་ནི། ཇི་ལྟ་བ་བཞིན་དུ་སྤྲོ་བ་སྟེ། བརྫུན་པ་སྒྱུ་མ་ལྟ་བུའི་དོན་ལ་ཡང་ནས་ཡང་དུ་བསླབ་པར་བྱ་སྟེ། འདི་བརྫུན་དུ་སྨྲ་བའི་ཁུངས་ནི་གཞན་རྣམས་བདེ་བར་
བྱ་ཕྱིར་དང༌། སློབ་དཔོན་བདེ་བའི་རྒྱུ་དང་ནི། དཀོན་མཆོག་གསུམ་ལ་གནོད་པ་སྤང་བའི་དོན་དུ་ལ་། རྟག་པར་རྫུན་དུ་སྨྲ་བར་བྱ། ཞེས་གསུངས་པས་སོ། ༈ །དེ་ནས་ཞེས་བྱ་བ་ལ་སོགས་པ་ནི། རིན་ཆེན་འབྱུང་ལྡན་གྱི་དམ་ཚིག་ལ་འཇུག་པ་ཡིན་ཏེ། བཅོམ་ལྡན་འདས་དེ་ཉིད་ནི་རྡོ་རྗེ་གསུམ་སྟེ། སྐུ་ལ་སོགས་པའི་རྡོ་རྗེ་བསྡུས་པ་ཡིན་པའི་ཕྱིར་རོ། །ཕྱེ་ཞིང་ཐ་དད་པར་བྱས་པ་ནི་ཕྱེད་པའོ། །མི་ཕྱེད་པས་ན་རྡོ་རྗེ་མི་ཕྱེད་གསུམ་སྟེ་ཐ་མི་དད་པའི་ངོ་བོ་ཉིད་གང་ཡིན་པ་དེ་ནི་རྡོ་རྗེ་མི་ཕྱེད་གསུམ་མོ། །རྒྱལ་བ་ནི་དུས་གསུམ་དུ་བཞུགས་པའི་སངས་རྒྱས་རྣམས་སོ། །དེ་རྣམས་ཀྱི་གནས་ཏེ་བསྐྱེད་པའི་གནས་ནི་དྲུག་པ་ཡིན་པའི་ཕྱིར་རོ། །རྡོ་རྗེ་མི་ཕྱེད་པ་གསུམ་ཡང་ཡིན་ལ་རྒྱལ་བའི་གནས་ཀྱང་ཡིན་པས་འདི་ནི་རྡོ་རྗེ་མི་ཕྱེད་གསུམ་རྒྱལ་གནས་སོ། །དངོས་གྲུབ་ནི་རྡོ་རྗེ་འཆང་བ་ཉིད་དོ། །དེ་ཉིད་མི་ཕྱེད་པས་ན་རྡོ་རྗེ་སྟེ་དེ་མཆོག་ཏུ་སྟོན་པར་མཛད་པས་ན་རྡོ་རྗེ་དངོས་གྲུབ་རབ་སྟོན་པའོ། །འདི་ཞེས་བྱ་བ་ནི་འོག་ནས་བཤད་པའི་གསུང་སྟེ་དེ་བཀའ་སྩལ་བའོ། ༈ །ནམ་མཁའི་དབྱིངས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །དམ་ཚིག་གི་དཀྱིལ་འཁོར་ནི་རྡོ་རྗེ་འཆང་ཆེན་པོའི་ཕྱག་རྒྱ་ཆེན་པོ་སྟེ། དེ་ཡོངས་སུ་གྱུར་པ་ལས་དཀོན་མཆོག་དཔལ་སྟེ། རིན་འབྱུང་དུ་རྣམ་པར་བསྒོམ་པའི་དང་པོ་སྦྱོར་བ་
བྱས་པའི་འོག་ཏུ། །གཟུགས་རྣམས་ཀུན་གྱིས་འདི་དག་དགང་ཞེས་བྱ་བ་ལ། གཟུགས་རྣམས་ཀུན་གྱིས་ནི་འཁོར་རྣམས་ཀུན་གྱིས་དེ་གཞལ་ཡས་ཁང་གི་ནང་འདི་དག་དགང་ཞིང་སྤྲོ་བར་བྱའོ། ༈ །རྩུབ་པའི་དག་ལ་སོགས་པ་ཞེས་བྱ་བ་ལ། རྩུབ་པ་ནི་བརྩེ་བ་མེད་པ་སྟེ། རྩུབ་པ་ཉིད་ཡིན་པས་ན་རྩུབ་པའོ། །རྩུབ་པ་ཡང་དེ་ཉིད་ཡིན་ལ་ངག་ཀྱང་དེ་ཉིད་ཡིན་པས་ན་རྩུབ་པའི་ངག་སྟེ། དེ་ལ་སོགས་པ་ཕྲ་མ་དང༌། ངག་བཀྱལ་པའི་ཚིག་སྨྲ་བའི་གི་ཐབས་དེས་འདུལ་བའི་སེམས་ཅན་རྣམས་བསྡུ་བའི་དོན་ཐམས་ཅད་འབྱུང་བར་འགྱུར་བ་སྟེ། དེས་རྡོ་རྗེ་འཆང་ཆེན་པོ་བསྟེན་ཅིང་མཉེས་པར་བྱས་ན་གཉིས་སུ་མེད་པའི་ཡེ་ཤེས་འཐོབ་པར་འགྱུར་རོ། ༈ །བཅོམ་ལྡན་འདས་ཞེས་བྱ་བ་ལ་སོགས་པས་ནི་སྡུད་པར་བྱེད་པས་དམ་ཚིག་ཉེ་བར་སྡུད་པར་མཛད་པའོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཀོད་པས་ཞེས་བྱ་བ་ནི་རྡོ་རྗེ་འཆང་ཆེན་པོའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་རྣམ་པ་འདི་ལྟ་བུས་གསུངས་སོ་ཞེས་བྱ་བ་སྟེ། དེ་ཡང་དྲང་བའི་དོན་ཏོ། ༈ །ལུང་སྟོན་གྱི་ལུང་གིས་དམ་ཚིག་ལྔའི་ངེས་དོན་བཤད་པ་བརྗོད་པར་བྱ་སྟེ། སྲོག་གཅོད་སོགས་ཀྱི་དྲང་དོན་གསུངས་པའི་འོག་དེ་ནས་དགོངས་གཞི་གང་ལ་དགོངས་ནས་གསུངས་པའི་ཆོས་གཅིག་པུ་སྟེ། མཚུངས་པ་མེད་པ་དམ་ཚིག་ལྔའི་ངེས་དོན་གྱི་དེ་ཉིད་དོན་གསུང་བ་སྟེ། གསུང་བའི་གཙོ་བོ་ཀུན་མཁྱེན་ཐམས་ཅད་རིག
།མགོན་ལ་ཕྱག་ན་རྡོ་རྗེ་གསོལ། །བ་བཏབ་བོ། །ཇི་ལྟར་བཏབ་ན། རྩ་རྒྱུད་ལས། དུས་གསུམ་པ་ཡི་སངས་རྒྱས་རྣམས། ཞེས་སོགས་ཀྱིས་སངས་རྒྱས་རྣམས་རྡོ་རྗེས་ཕྱེ་མར་རླག་པར་གསུངས་པ་ལ་དེ་བཞིན་ཉིད་ཆོས་ཀྱི་སྐུའི་ངོ་བོ་ཉིད་དུ་དངོས་ཏེ་རོ་གཅིག་པའི། །དུས་གསུམ་དུ་བྱུང་བའི་སངས་རྒྱས་གང་ཡིན་པ། །ཆོས་སྐུ་གཅིག་པུ་སྟེ། གཞན་དང་མཚུངས་པ་མེད་པ་ལས་འཁྲུངས་པ་རྣམས། །ཇི་ལྟར་ན་སྔགས་པ་མི་བསྐྱོད་པར་བསྒོམས་པའི་ཕྱག་གིས་རྡོ་རྗེ་ཕྱེ་མར་རླག་བར་ནུས། གལ་ཏེ་དེ་ལྟར་ནུས་སུ་ཆུག་ཀྱང་སྐུ་དེ་ནི་ཕྱེ་མར་རླགས་པར་གྱུར་པ་ལས། །ཇི་ལྟར་ན་ཡང་དག་པའི་སེམས་ཏེ། ཐུགས་ཀྱི་དངོས་གྲུབ་འགྲུབ་པར་འགྱུར་ཏེ། མི་འགྱུར་རོ། །ཁའདས་པ་ཡི་ནི་སྟོན་པ་དང༌། །ད་ལྟར་རྗེས་སུ་སྟོན་མཛད་དང༌། །ཀ སེམས་ཅན་རྣམས་ཀྱིས་མཉེས་པར་བྱ་དགོས་པ་གམ་བྱོན་བའི་དུས་གསུམ་གྱི་སངས་རྒྱས་རྣམས། །སེམས་ཅན་ལ རྫོགས་པའི་བྱང་ཆུབ་སྩོལ་བ་པོ་ཡིན་པའི་ཕྱིར ། །མི་བསྐྱོད་བར་བསྒོམས་པའི་གཟུགས་ཅན་གྱི་ཕྱག་མཚན་གྱི་རྡོ་རྗེ་ཡིས། །མགོན་པོ་སངས་རྒྱས་དེ་རྣམས་ཇི་ལྟར་གཞོམ་པར་རིགས། །དེས་མཚོན་པའི་དམ་ཚིག་ལྔའི་དེ་ཉིད་དྲང་ངེས་སྣ་ཚོགས་པའི་བརྗོད་བྱའི་དོན་དང་ལྡན་པའི་ཚིག །གི་ངེས་དོན། མ་འོངས་པའི་གདུལ་བྱ་དེ་
རྣམས་ཀྱིས་ནི་ཇི་ལྟར་རྟོགས། །དེས་དོན་གང་ཞིག་ཤེས་པས་རྒྱལ་སྲས་རྣམས། །སངས་རྒྱས་ཀྱི་དགོངས་པའི་དོན་ལ་རྟོག་པ་སྟེ་ཐེ་ཚོམ་མེད་པར་འགྱུར་བ། །མ་འོངས་པའི་སྐྱེ་བོའི་དོན་དུ་ནི། །ངེས་དོན་དེ་ཉིད་བཅོམ་ལྡན་འདས་ཀྱིས་བཤད་དུ་གསོལ་ཞེས་གསོལ་བ་བཏབ་པོ། ༈ །དེ་ནས་རྡོ་རྗེ་འཛིན་པ་ཕྱག་རྡོར་གྱིས། སྨྲ་བའི། །འགྲོ་ལ་ཕན་པའི་ཚིག་གསན་ནས། །དེ འི་འོག་ཏུ་གཙོ་བོ་རྡོ་རྗེ་འཆང༌། །རིགས་ཀུན་གྱི་ཁྱབ་བདག་གིས་ནི་དྲང་དོན་གྱི་དམ་ཚིག་གསུངས་བར་མ་ཟད་སླར་ཡང་ངེས་དོན་གསུངས་པ་ནི ། །ཁལེགས་སོ་ཀབུ་ཁྱོད་གཆེར་ལེགས་སོ་ཏེ་། །ཀུན་ཏུ་བཟང་པོ་ཁྱོད་ལེགས་སོ། །ཞེས་ལེགས་སོ་གསུམ་གསུངས་པ་ནི། དྲི་བ་དེ་ལ་ཤིན་ཏུ་དགྱེས་པར་སྟོན་པའོ། །དགོངས་པས་གསུངས་བའི་ངེས་དོན་བཤད་པའི་དོན་དུ་ནི། །ཁྱོད་ཀྱིས་ང་ལ་གང་དྲིས་པ། །གསུངས་པའི་དོན་ཇི་ལྟ་ཇི་ལྟ་བར། །དེ་ནི་ང་ཡིས་བཤད་པར་བྱ། ༈ །རྩ་རྒྱུད་ལས། རྡོ་རྗེ་མི་བསྐྱོད་རབ་བསྒོམས་ནས། ཞེས་པའི་མི་བསྐྱོད་པ་ནི་དེའི་ངེས་དོན་བཤད་པ་འདི་ན་རླུང་སེམས་ཙམ་ལས་སྤྲུལ་པའི་སྒྱུ་མའི་སྐུ་སྟེ། །དེ་ཡང་རྡོ་རྗེ་གསུམ་མི་ཕྱེད་པ་ཡིན་པས་སྐུ་དེ་རྡོ་རྗེ་ཞེས་བྱ་བ ར་འགྱུར་རོ། །མི་བསྐྱོད་པ་དེ་ཡི་ལག་པ་ཞེས་པ་ནི་འོད་གསལ་དུ་འཇུག་པའི་སྟོང་བ་གསུམ་པ་མ་རིག་པ་ཉེར་ཐོབ་ཡིན། །སྟེ། འོད་གསལ་ལེན་པར་བྱེད་པས་ལག་པའོ། །ལག་པ་དེར་ནི་འཛིན་པའི་རྡོ་རྗེ་ནི་འོད་གསལ་བའོ། །འོད་
གསལ་དེ་ལས་ཡེ་ཤེས་ཀྱི་རང་བཞིན་གྱི་དག་པའི་སྐུར་གྱུར་དེ། །དེ་ཡང་འོད་ཟེར་སྣ་ལྔས་ཡང་དག་པར་འབར། །ཞེས་པ་ནི། རྩ་རྒྱུད་ལས། འོད་འཕྲོ་མང་པོ་ཞེས་པའི་རྐང་པ་གཉིས་ཀྱི་དོན་ནོ། །རྩ་རྒྱུད་ལས། དུས་གསུམ་པ་ཡི་སངས་རྒྱས་རྣམས། །ཕྱེ་མར་བྱ་བར་གསུངས་པའི། ༼ཁ༽ཕུང་པོ་ལྔ་ལ་སོགས་པ་གང་བཤད་པ་རྣམས། ༼ཀ༽སངས་རྒྱས་ནི་སངས་རྒྱས་ལྔ་དང་སྤྱན་མ་ལ་སོགས་པར་༼ག༽ཏེ། །འདི་འོད་གསལ་དུ་གཞུག་རྒྱུ་ཡིན་པས་སྔར་བཤད་པའི་སྒྱུ་ལུས་ཀྱི་སྐབས་ཀྱི་ཕུང་སོགས་སོ། །༢ སྒྱུ་ལུས་རྡོ་རྗེ་གསུམ་གྱི་ངོ་བོར་སྐྱེས་པའོ། །རྩ་རྒྱུད་ལས་དུས་གསུམ་ཞེས། །པ་ནི། :ཁ༽སྒྱུ་ལུས་ཀྱི་སྐུ་ཡི་རྡོ་རྗེས་:ཀ༽:རྩ་རྒྱུད་ལས་ཕྱེ་མར་རླག་ཅེས་གསུངས་པས། །ནི། :ག༽:ཐ་མལ་པ་ཡི་ཕུང་པོ་སོགས་བཤིག་འདི་འོད་གསལ་དུ་ཞུགས་པ་ལ་སྦྱར་རྒྱུ་མིན་གྱི་སྒྱུ་ལུས་ལ་བྱ་དགོས་ཏེ། རྟོགས་དཀའ་བར་ཡོད་པས་གཞན་དུ་ཤེས་པར་བྱའོ། །པའོ། །སྲོག་གཅོད་ཀྱི་དམ་ཚིག་གི་ངེས་དོན་འདི་ནི་ཞེ་སྡང་གི་རིགས་ཡིད་དུ་འོང་བ ། །མི་བསྐྱོད་པའི་ཡེ་ཤེས་རྡོ་རྗེའི་རིགས་ལས་སྐྱེས། །པའི་རྫོགས་རིམ་གྱི་སྒྲུབ་པ་པོས་རྫོགས་རིམ་གྱི་ལམ་རྣམས་རྒྱུད་ལ་སྐྱེད་པའི་ཚུལ་ལོ། །རྩ་རྒྱུད་ལས། སྲོག་གཅོད་པའི་སེམས་ཅན་དེ་མི་འཁྲུགས་པ་དེ་ཡི་ཞིང་དུ་སྐྱེ་བ ར་གསུངས་པའི་དོན་ནི་སྔར་ལྟར་ལམ་བགྲོད་པས་མཆོག་གི །དངོས་གྲུབ་ཆེན་པོ་ཐོབ་པར་འགྱུར་བའོ། ༈ །སྲོག་གཅོད་ཀྱི་དམ་ཚིག་བཤད་པའི་རྗེས་དེ་ནས་
དཔལ་ལྡན་བདེ་བ་ཆེན་པོ། །ཡེ་ཤེས་ཀྱི་སྐད་དོད་ཛྙཱ་ན་ལ། ཛྙཱ་ནི་རྟོགས་པ་དང༌། ན་ནི་དགག་ཚིག་ཡིན་པས་སྣང་བ་གསུམ་གྱི་རྟོགས་པ་མེད་པ་འོད་གསལ་གྱི་ཡེ་ཤེས་ཀྱི་ཐར་པ་རབ་ཏུ་སྒྲུབ་པ་ལ་ཐུགས་རྗེ་ཞབས་ཀྱིས་བཤད་དོ་པོ་། །རང་བཞིན་གྱིས་དག་པ་དང་གོས་པ་མེད་པ་ནི་སྔར་བཤད་པ་བཞིན་ནོ། །བྱང་ཆུབ་ཀྱི་སྤྱོད་པ་གདུལ་བྱ་ལ་རབ་ཏུ་སྒྲུབ་པས། །ཕྱག་ན་རྡོ་རྗེ་འོད་ཆེན་པོ། །གསང་བ་ཀུན་གྱི་གཙོ་བོ་ལ། །བོས་ནས་རྫོགས་པའི་སངས་རྒྱས་ཀྱི། །གོ་འཕང་སྒྲུབ་པ ར་བྱེད་པའི་རྣམ་སྣང་གི་དམ་ཚིག་དེ་ཉིད་གསུངས། །སོ། །རྩ་རྒྱུད་ལས། རིན་ཆེན་ཀུན་གྱི་སྦྱོར་བ་ཡིས། ཞེས་གསུངས་པའི་རིན་ཆེན་ཀུན་ནི་འོད་གསལ་ལོ། །ཆོས་ནི་སྒྱུ་ལུས་སོ། །སྦྱོར་བ་ནི་སྒྱུ་མ་འོད་གསལ་དུ་རབ་ཏུ་འཇུག་པ འོ་ས་། །རྩ་རྒྱུད་ལས་རྡོ་རྗེ འི་གཟུགས་ནི་རབ་ཏུ་བརྟག །ཅེས་པ་ནི་འོད་གསལ་དུ་ཞུགས་པའི་འོག་ཏུ་ཟུང་འཇུག་གི་རྡོ་རྗེ་སེམས་དཔའི་སྐུ་འི་རྣམ་པར་བསྒོམས་པའོ་ཏེ་། །ཟུང་འཇུག་གི་ལུས་ཏེ་སྐུ་དེ་ཡིས་ནི་རྣམ་པ་ཀུན་ཏུ། །རྣམ་པར་སྨིན་པའི་ལུས་ཕྲོགས་པ་ནི། །རྫོགས་པའི་བྱང་ཆུབ་རབ་ཏུ་སྒྲུབ་པ། །འོ། །དེ་ནི་རྩ་རྒྱུད་ལས་རྫས་ཏེ་ནོར་རྣམས་ཐམས་ཅད་ཕྲོགས་པའོ། །ཞེས་གསུངས་བའི་དོན་ནོ། །དེ་ལྟར་བྱས་པ་དེས་ནི་ཡིད་བཞིན་གྱི་ནོར་བུ་དང་མཉམ་པ་སྟེ་འདྲ་བའི། །ནོར་གྱི་རྒྱ་མཚོས་རབ་ཏུ་འགེངས། །བ་སྟེ། རྩོལ་བར་བྱེད་པར་འགྱུར་རོ། །དམ་ཚིག་གི་ངེས་དོན་འདི་ནི་གཏི་མུག་རིགས་དག་གི་སྟེ། །
རྣམ་སྣང་གི་རིགས་ཀྱི་རྫོགས་རིམ་བའི་དམ་ཚིག་གི་དེ་ཉིད་ངེས་དོན་གྱི་ལམ་རྣམས་རྒྱུད་ལ་སྐྱེད་ཚུལ་ཡིན་པར་བསྒྲགས་སོ། ༈ །རྩ་རྒྱུད་ལས་དཔག་མེད་ཚེ་ནི་རབ་བསྒོམ་ཞེས་གསུངས་པ་ནི། སྒྱུ་མའི་སྐུ། །འདིས་ནི་རིགས་ལྷག་མ་བཞི་སྒོམ་པར་གསུངས་པ་རྣམས་ཀྱིས་ཀྱང༌། སྒྱུ་ལུས་སྟོན་པར་ཤེས་དགོས་སོ། །རྩ་རྒྱུད་ལས། སངས་རྒྱས་རྣམས་ཀྱིས་ཐམས་ཅད་དགང༌། ཞེས་གསུངས་པའི་སངས་རྒྱས་ནི་སྒྱུ་མའི་སྐུ་དེར་ནི་ཡོད་པའི་ཕུང་པོ་ལ་སོགས་པའོ། །དགང༌། །བ་ནི། ཁཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དོན་དམ་པའི་བདེན་པ་དང༌། ལྡན་པ་སྟེ། དབྱེར་མེད་ཏུ་ཞུགས་པའི། །ཀཕུང་པོ་ལ་སོགས་པ་རྣམས། གའོད་གསལ་དེར་གཞུག་པར་བྱ་བ་སྟེ། བྱེད་པ། །རྩ་རྒྱུད་ལས། དམ་ཚིག་བཞི་ཡི་སྦྱོར་བ་ཡིས། ཞེས་པའི་དམ་ཚིག་བཞི་ནི་སྟོང་པ་བཞི། །དེ་དང་རང་གི་སེམས་མཉམ་པར་ཏེ། དབྱེར་མེད་པར་སྦྱོར་བའི། །བྱང་ཆུབ་ཀྱི་ནི་ཚུལ་དེ་ཐབས་མཆོག་བྱ། །ཀུན་རྫོབ་སྒྱུ་མ་དང་ནི་དོན་དམ་འོད་གསལ་དག །འདི་ནི་རྩ་རྒྱུད་ལས་གསུངས་པའི་དབང་པོ་གཉིས་ཡིན་ལ། །ཟུང་དུ་འཇུག་པར་གྲགས་པ་ཡི། །གཉིས་པོ་དེ་དག་ངོ་བོ་ཐ་དད་པ་གཉིས་སུ་མེད་པར་སྦྱོར་བ་ནི་དབང་པོ་གཉིས་པོ་དེའི་སྦྱོར་བ། །ར་གསུངས་པའོ། །ཟུང་འཇུག་དེ་ལ་རྟག་ཏུ་མཉམ་པར་གཞག་པའི་སྦྱོར་བ་ཡིས། གནས་པ་ནི། རྩ་རྒྱུད་ལས། བུད་མེད་དེ་དག་ཐམས་ཅད་ལ་ཉེ་བར་སྤྱད། །ཅེས་
གསུངས་པའི་དོན་ནོ། །སྔར་བཤད་པའི་ངེས་དོན་འདི་ནི་སངས་རྒྱས་ཐམས་ཅད་ཀྱི། །འདོད་ཆགས་ཆེན་པོ་འོད་དཔག་མེད་ཀྱི་འི་ཚུལ་ཏེ་རིགས་ཀྱི་རྫོགས་རིམ་གྱི་སྒྲུབ་པ་པོས་རྫོགས་རིམ་གྱི་ལམ་རྣམས་རྒྱུད་ལ་སྐྱེད་པའི་མཆོག་གོ ། ༈ དེ་ནས་བཅོམ་ལྡན་འདས་རིགས་སྣ་ཚོགས་པ། །འི་བདག་ཉིད། རྡོ་རྗེ་མི་ཕྱེད་པ་གསུམ་རྒྱལ་བ་རྣམས་ཀྱི་བདག་པོ ། །རྡོ་རྗེ་འཆང་གི་དངོས་གྲུབ་རབ་ཏུ་སྟོན་པས། །གསུང་ནི་འདི་སྐད་བཀའ་སྩལ་ཏོ། །རྣལ་འབྱོར་བ་གང་ཞིག་ཕྱི་དང་ནང་གི་བདག་ཉིད་ཏེ། ངོ་བོ་ཉིད་ཆེ ན་པོ ། །འདི་དག་ཐམས་ཅད་རྫུན་པ་སྒྱུ་མ་ལྟ་བུ ར་བརྗོད། །པ་སྟེ། རིམ་ལྔར། སྒྱུ་མ་ལྟ་བུའི་ཏིང་འཛིན་གྱིས། །ཐམས་ཅད་དེ་དང་འདྲ་བར་མཐོང༌། ཞེས་གསུངས་པ་ལྟར་རོ། །རང་དང་སེམས་ཅན་གཞན་ཐམས་ཅད་སྒྱུ་མའི་སྐུར་ལྟ་བའི་ཏིང་ངེ་འཛིན་ལ་བསླབས་པས་རྣམ་རྟོག་གི་འཆིང་པ་ལས་གྲོལ་བའི་བྱང་ཆུབ་ཐོབ་པར་བྱེད་པ་ནི་རྫུན་དུ་སྨྲ་བར་བྱ་བའི་ངེས་དོན་ནོ། །དེ་འདྲ་བ་འདི་ནི་དོན་ཡོད་གྲུབ་པའི་རིགས་ཀྱི་རྫོགས་རིམ་པས། རྫོགས་རིམ་གྱི་ལམ་རྣམས་རྒྱུད་ལ་སྐྱེད་པའི་ངེས་དོན་གྱི་དམ་ཚིག་གོ ། ༈ དེ་ནས་མགོན་པོ་རྡོ་རྗེ་འཆང་རིན་ཆེན་དབང༌། །སྟེ། རིམ་འབྱུང་གི་ངོ་བོ། །མཉམ་པ་ཉིད་ཀྱི་ཡེ་ཤེས་དེ་བཞིན་ཉིད་དེ། དེ་ཁོ་ན་སྟོན་པ། །དངོས་གྲུབ་རྡོ་རྗེ་ལྟར། མི་མཐུན་ཕྱོགས་ཀྱིས་མེ་བྱེད་པའི་རབ་ཏུ་ཐོབ་པས། །དམ་ཚིག སྟེ། རྡོ་རྗེ་འཆང་གི གནས་
ནི་བཀའ་སྩལ་པ། །ཕུང་པོ་ལ་སོགས་པ་རང་བཞིན་མེད་པར་སྟོན་པའི་ཚིག །མཉན་བྱ་མིན་པ་ནི་དངོས་པོ་ལ་མངོན་པར་ཞེན་པ་རྣམས་ཀྱི་རྣར་མི་འོང་བ་གང་ཡིན་པ་ནི་རྩུབ་མོའི་ངག་གི་དེས་དོན་ནོ་སོགས་། །རྩུབ་ངག་སྨྲ་བ་དེ འི་ངེས་དོན་ནི་བདེ་སྟོང་དབྱེར་མེད་ལ་རྣལ་འབྱོར་པས་བསླབས་ན། །ཞེས་བྱ་བ་འདི་ནི་རིན་འབྱུང་གི་རིགས་ཀྱི་རྫོགས་རིམ་པའི་ལམ་སྐྱེད་ཚུལ་ལོ། །མྱུར་དུ་བྱང་ཆུབ་འཐོབ་པར་འགྱུར། ཞེས་བྱ་བ་སྟེ། ངེས་པའི་དོན་ཏོ། །རྒྱུད་ལ་སྐྱེད་བྱའི་ལམ་སྒྱུ་མ་དང་འོད་ཟུང་སོགས་ལ་མི་མཐུན་པ་མེད་ཀྱང༌། དེ་རྒྱུད་ལ་སྐྱེད་པ་པོ་ལ་རིགས་ལྔའི་སྒྲུབ་པ་པོར་དབྱེར་ཡོད་པས་དེའི་དབང་དུ་མཛད་ནས་སོ་སོར་གསུངས་སོ། །ནམ་མཁའི་དབྱིངས་ཀྱི་དབུས་སུ་གནས་པར་རིགས་སོ་སོའི་སྒྲུབ་པ་པོས་རྡོ་རྗེ་འཆང་ལྔ་བསྐྱེད་པར་གསུངས་པའི་ཕྱི་མ་སྒྱུ་ལུས་དང༌། ནམ་མཁའི་དབྱིངས་ཞེས་པ་རྣམས་འོད་གསལ་དུ་འཇུག་པ་ལ་སྔ་མ་རྣམས་འཆད་མོད་ཀྱང༌། འགྲེལ་པའི་དགོངས་པས་མི་བསྐྱོད་པ་སོགས་སྒོམ་པ་སྒྱུ་ལུས་ལ་བཞེད་པས། དེ་རྣམས་ལུང་སྟོན་གྱིས་མ་བཤད་པའི་ལུགས་སུ་བྱའོ། །འགྲེལ་པར་དྲངས་པ་འདི་རྣམས་ད་ལྟ་འགྱུར་བའི་ལུང་སྟོན་དུ། ལ་ལ་ཚིག་མི་འདྲ་ཡང་དོན་མཐུན་པ་མང་པོ་སྣང་མོད་ཀྱང༌། འདིར་དྲངས་པའི་ཚིག་དོན་གང་ཡང་མེད་པ་རྣམས་ནི་དེའི་རྒྱ་དཔེ་མ་དག་པར་ཤེས་པར་བྱའོ། ༈ །རྡོ་རྗེ་འཆང་ཆེན་པོའི་འཁོར་གྱི་ནང་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས། བཤད་མ་ཐག་པའི་དམ་ཚིག་གི་ཁྱད་པར་སྲོག་གཅོད་སོགས་
བྱ་བར་སྟོན་པའི་རྡོ་རྗེའི་ཚིག་རྣམས་ཀྱི། ངེས་པའི་དོན་མི་ཤེས་པའི་མ་འོངས་པའི་སེམས་ཅན་པདྨ་ལྟ་བུ་ལ་སོགས་པ་དབང་པོ་དམན་པ་རྣམས་ལ་ཕན་པར་བྱ་བའི་ཕྱིར། ཇི་སྐད་ཞུས་པ་དེ་སྡུད་པར་བྱེད་པ ས་སྟོན་པར་འདོད་པས། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་དམ་ཚིག་ལྔ་བསྟན་པའི་འོག་ཏུའོ། །དེ་བཞིན་གཤེགས་པ་ཐམས་ཅད་དད་མཉམ་པ་ཉིད་དུ་གྱུར་ཞེས་དམ་ཚིག་གི་སྐད་དོད་ས་མ་ཡ་ལ་ས་མ་ཏ་ཞེས་པ་མཉམ་པ་ཉིད་ལ་འཇུག་པས་འདི་ལྟར་བཤད་དོ། པས་ན་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གོ །གང་ཡིན་ཞེ་ན། རྡོ་རྗེ་དཔལ་ཏེ་རྡོ་རྗེ་མཚན་པས་ན་ཕྱག་ན་རྡོ་རྗེའོ། །དེ་ལ་སོགས་པ་ནི་དེ་སྔོན་དུ་འགྲོ་བ་སྟེ། དང་པོར་བྱས་པའི་བྱང་ཆུབ་སེམས་དཔའ་རྣམས་ཏེ། འཇིག་རྟེན་པ་དང་འགལ་བའི་ཚིག་དང་ལྡན་པའི་ཏིང་ངེ་འཛིན་གྱི་ཁྱད་པར་སྟོན་པར་མཛད་པས་ངོ་མཚན་དུ་གྱུར་ཅིང་རྨད་དུ་གྱུར་ནས་ཐོགས་པ་མེད་པར་སྨྲ་བའི་སྒྲའི་རྡོ་རྗེའི་ཚིག་འོག་ནས་བཤད་པ་འདི་སྨྲས་པར་གྱུར་པའོ། །བཅོམ་ལྡན་འདས་ཞེས་བྱ་བ་ལ་སོགས་པའི་དྲི་བ་ནི། འཁོར་དུ་གཏོགས་པའི་དེ་བཞིན་གཤེགས་པ་རྣམས་ལམ་ཤེས་པ་སྐད་དུ་བཅོས་མར་འདྲི་བས། བཅོམ་ལྡན་འདས་ཉིད་ལ་ཇི་ལྟར་ཡོངས་སུ་ཞུས་པ་དེ་བསྟན་པར་བྱ་བའི་ཕྱིར་གསུངས་པ་ཡིན་ཏེ། བཅོམ་ལྡན་འདས་རྡོ་རྗེ་འཆང་ཆེན་པོ་ནི་དེ་བཞིན་གཤེགས་པ་
ཐམས་ཅད་ཀྱི་བདག་པོ་ཁམས་གསུམ་ལས་འདས་པས། རྡོ་རྗེའི་ཚིག་འདི་ཅིའི་སླད་དུ་གསུངས་ཞེས་བྱ་བར་སྦྱར་རོ། །ཁམས་ནི་དྷཱ་ཏུ་ལ་དྷཱ་ར་ཎ་འཛིན་པ་སྟེ། རང་གི་མཚན་ཉིད་འཛིན་པ་སྟེ། རབ་ཏུ་རྣམ་པར་འབྱེད་པའི་མཚན་ཉིད་ཅན་གྱི་ཤེས་རབ་བོ། །དེ་ལ འང་ཤེས་རབ་རབ་དང་འབྲིང་དང་ཐ་མའི་དབྱེ་བས་རྣམ་པ་གསུམ་མོ། །ཁམས་གསུམ་པ་སྟེ་ལས་འི་ཁྱད་པར་གྱིས་འདས་ཤིང་རྒལ་ལ། རྗེས་སུ་སྟེ་སླར་ཡང་དེར་མི་འགྲོ་བས་ན་ཁམས་གསུམ་ལས་འདས་པའོ། །དེ་ཉིད་ཀྱིས་ནི་འཇིག་རྟེན་གྱི་ཁམས་ཐམས་ཅད་ལས་འདས་པ་སྟེ། འཇིག་རྟེན་གྱི་ཁམས་ཐམས་ཅད་ཀྱི་ཤེས་རབ་རབ་འབྲིང་ལ་སོགས་པའི་དབྱེ་བས་གནས་པ་དེ་ལས་འད ས་སོ། །དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱི་འཁོར་གྱི་ནང་དུ་མེས་བསིལ་བ་བྱེད་ཅེས་པ་བཞིན་ཏུ་རྨད་དུ་གྱུར་པ་སྟེ། ངག་གང་སྔོན་ཆད་མ་བྱུང་ལ་མི་སྲིད་པས་ན་ཡང་དག་པ་མ་ཡིན་པ་སྟེ། དེ་སྟོན་པའི་ཚིག་ནི་ཡང་དག་པ་མ་ཡིན་པའི་ཚིག་གོ །དེ་ཉིད་ནི་རབ་ཏུ་འཇུག་པར་བྱ་བ་ཡིན་པས་ན་ལམ་མོ། །མི་ཕྱེད་པས་ན་རྡོ་རྗེའོ། །དེ་བཞིན་གཤེགས་པ་ཐམས་ཅད་ཀྱི་གསུང་གི་རྗེས་སུ་འགྲོ་བ་ཡིན་པས་ན་གཟུང་བར་བྱ་བ་ཡིན་པའི་ཕྱིར་དེ་ཉིད་ནི་ཚིག་སྟེ། དེ་ལྟ་བུའི་ཡང་དག་པ་མ་ཡིན་པའི་ཚིག་གི་ལམ་རྡོ་རྗེའི་ཚིག་དེ་
ཅིའི་སླད་དུ་གསུངས་ཞེས་ཞུས་པ་སྟེ། སྔོན་བྱུང་ལ་སངས་རྒྱས་དང་བྱང་སེམས་ཀྱི་འཁོར་གཉིས་དང༌། རྗེས་འཇུག་ལ་ཚོགས་དང་སློབ་མའི་འཁོར་གཉིས་ཀྱི་ནང་དུ་འགྱོད་པ་བསྐྱེད་པ་བཅོམ་ལྡན་འདས་ཀྱིས་ཅིའི་སླད་དུ་གསུང་སྟེ་མ་གསུང་ཞིག་ཅེས་བྱ་བའི་བར་དུའོ། ༈ །བཤད་མ་ཐག་པའི་བྱང་ཆུབ་སེམས་དཔའ་རྣམས་ཀྱིས་སྨྲས་པ་གསན་ནས། བཅོམ་ལྡན་འདས་ཀྱི་འཁོར་དུ་འདུས་པའི་དེ་བཞིན་གཤེགས་པ་རྣམས་ཀྱིས། །བཅོམ་ལྡན་འདས་ཀྱི་དགོངས་པ་མངོན་པར་མ་རྟོགས་པ་ནི་མ་རྟོགས་པ་ལྟར་བཅོས་པའོ་ར་གཟིགས་ནས། ཇི་ལྟ་བ་བཞིན་དུ་ལན་བཏབ་པ་སྡུད་པར་བྱེད་པས་དེ་བསྟན་པའི་གནས་རྣམ་པར་བཞག་པའི་ཕྱིར། དེ་ནས་ཞེས་བྱ་བ་ལ་སོགས་པ་སྨོས་ཏེ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ་ཞེས་བྱ་བར་སྦྱར་རོ། །བརྗོད་ཀྱིས་མི་ལང་བའི་ཞེས་བྱ་བ་ལ་སོགས་པའི་དོན་ནི་ལེའུ་དང་པོར་བཤད་ཟིན་ཏོ། །རིགས་ཀྱི་བུ་ཞེས་བྱ་བ་ལ་སོགས་པ་འདི་ནི་ལན་ཏེ། རིགས་ཀྱི་བུ་ཞེས་བྱ་བ་ནི་བོད་པ་སྟེ། རིགས་ནི་རྡོ་རྗེའི་རིགས་ལ་སོགས་པའི་རིགས་རྣམས་ཡིན་ལ། བྱང་ཆུབ་སེམས་དཔའ་དེ་རྣམས་རིགས་དེ་རྣམས་ལས་སྐྱེས་པས་ན་རིགས་ཀྱི་བུའོ། །སྲོག་གཅོད་སོགས་ཀྱི་དམ་ཚིག་ལ་ཐེ་ཚོམ་སྐྱེས་པའི་སྒོ་ནས་ངན་ཅིང་དམན་པའི་འདུ་ཤེས་ནི་དམན་པའི་འདུ་ཤེས་སོ། །འཇིག་རྟེན་གྱིས་སྨད་པའི་འདུ་ཤེས་ནི་སྨད་པའི་འདུ་ཤེས་ཏེ་བཤད་མ་ཐག་པ་དེ་
ལྟ་བུའི་འདུ་ཤེས་གཉི་ག་ཡང་མ་སྐྱེད་ཅིག་ཅེས་པ་སྟེ་མ་བྱེད་ཅིག་ཅེས་བཀག་པའོ། །དམན་པའི་འདུ་ཤེས་སྐྱེད་པའི་ཉེས་པ་བསྟན་པར་བྱ་བའི་ཕྱིར། དེ་ཅིའི་ཕྱིར་ཞེ་ན། ཞེས་བྱ་བ་ལ་སོགས་པ་གསུངས་སོ། །རྒྱུ་གང་གིས་ན་དེ་ལྟར་མི་བྱ་ཞེ་ན། རིགས་ཀྱི་བུ་ཞེས་བྱ་བ་ལ་སོགས་པ་གསུངས་ཏེ། འདི་ལྟ་སྟེ། སྔགས་ཀྱི་སྤྱོད་པ་ནི་སྤྱོད་པའི་མཆོག་གོ་ཞེས་བྱ་བ་ནི། ཉན་ཐོས་ལ་སོགས་པའི་སྤྱོད་པ་ལ་ལྟོས་ན་བྱང་ཆུབ་སེམས་དཔའི་སྤྱོད་པ་གང་ཡིན་པ་དེ་ནི་སྤྱོད་པའི་མཆོག་སྟེ། བྱང་ཆུབ་སེམས་དཔའི་སྤྱོད་པ་གང་ཡིན་པ་དེ་ལ་ནི། སྲོག་གཅོད་པ་སོགས་བྱའོ་ཞེས་པ་ལྟ་བུ་འཇིག་རྟེན་དང་འགལ་བའམ། སྲོག་གཅོད་སོགས་སྤང་ངོ་ཞེས་པ་ལྟ་བུ་འཇིག་རྟེན་དང་མི་འགལ་བ་ཡང་རུང༌། རྣམ་པ་གང་དང་གང་གིས་སེམས་ཅན་གྱི་དོན་རྫོགས་པར་འགྱུར་བའི་རྣམ་པ་དེ་དང་དེས་སྔགས་པ་རྣམས་ཅི་ནུས་པར་རབ་ཏུ་འཇུག་པ་ནི་བྱང་ཆུབ་སེམས་དཔའི་སྤྱོད་པའོ། །དེའི་ཕྱིར་སྲོག་གཅོད་པ་སོགས་ལ་འཇུག་པས་ཀྱང་སེམས་ཅན་གྱི་དོན་ཆེན་པོ་བྱེད་པས་སྨད་ན་སྡིག་སོག་པར་འགྱུར་རོ། །འདི་ལྟ་སྟེ། སྔགས་ཀྱི་སྤྱོད་པ་ནི་དེ་བཞིན་གཤེགས་པའི་སྤྱོད་པའོ་ཞེས་བྱ་བ་ནི། སློབ་དཔོན་གང་དག་ལས་ལུང་བླངས་ཏེ་དེ་ཁོ་ན་ཉིད་ཟློས་ཤིང་འདོན་པས་ན་སྔགས་ཏེ། རིན་པོ་ཆེ་ལྟ་བུའི་གང་ཟག་གོ །དེ་རྣམས་ཀྱི་སྤྱོད་པ་ནི་རྫོགས་པའི་གོ་རིམ་རྟོགས་པ་སྟེ། ཐོབ་ནས། གང་
མཉམ་པར་མ་བཞག་པ་རྗེས་ཐོབ་ཀྱི་འི་སྦྱོར་བས་འཇིག་རྟེན་དང་འགལ་བ་ལ་སྤྱོད་པ་དེ་ཉིད་ནི་དེ་བཞིན་གཤེགས་པའི་སྤྱོད་པ་སྟེ། འདོད་ཆགས་ལ་སོགས་པའི་སྤྱོད་པ་ལ་སྤྱད་པས་ཚེ་འདི་ཉིད་ལ་རང་གི་ངོ་བོ་ཉིད་རགས་པའི་ལུས་ཡོངས་སུ་བརྗེ ས་ནས་ཡེ་ཤེས་ཀྱི་སྐུ་ཐོབ་པར་བྱེད་པ་ཡིན་པས་སོ། ༈ །དེ་ལྟར་སྤྱོད་པ་གཉིས་ཀྱི་དོན་མདོ་ཙམ་དུ་བསྟན་པ་བཤད་ནས། བདེན་པ་གཉིས་ཀྱི་རྣམ་པར་དབྱེ་བས་སྤྱོད་པ་དེ་མཆོག་ཡིན་པར་སྒྲུབ་པ་བསྟན་པའི་ཕྱིར། རིགས་ཀྱི་བུ་འདི་ལྟ་སྟེ། ཞེས་བྱ་བ་ལ་སོགས་པ་གསུངས་ཏེ། འདི་འདི་ལྟ་སྟེ་ཞེས་བྱ་བའི་ཚིག་ཕྲད་ཀྱི་ཚོགས་ནི་དཔེར་ན་ཞེས་བྱ་བའི་ཚིག་ལ་འཇུག་གོ་ཞེས་པ་ལྟར་བྱའོ། །དེའི་དོན་ནི་འདི་ལྟ་སྟེ་ཞེས་མི་གསལ་བར་བཤད་པ་ནི། དཔེར་ན་ཞེས་པས་དོན་བྱེ་བྲག་པ་ལ་གསལ་བར་འཆད་པའི་དོན་ནོ། །ལྟ་སྟེ་ཞེས་བྱ་བ་ནི་ཚིག་གི་ཕྲད་ཀུན་འབྱུང་བ་སྟེ། དཔེར་ན་ཞེས་བྱ་བ་ནི་དོན་ལ་རབ་ཏུ་འཇུག་གོ །ནམ་མཁའ་ནི་དོན་དམ་པའི་བདེན་པ་ཆོས་རྣམས་རང་གི་མཚན་ཉིད་ཀྱིས་གྲུབ་པས་སྟོང་པའི་སྟོང་པ། །ཆོས་ཐམས་ཅད་ཀྱི་རྗེས་སུ་སོང་བ་ནི་རྟེན་ཅིང་འབྲེལ་བར་འབྱུང་བའི་ཆོས་ཐམས་ཅད་ལ་རྗེས་སུ་སོང་ཞིང་ཁྱབ་པའོ། །ཆོས་ཐམས་ཅད་ཞེས་པ་ནི་ཕུང་པོ་དང་ཁམས་དང་སྐྱེ་མཆེད་རྣམས་ཏེ། ཆོས་དེ་རྣམས་ཀྱང་ནམ་མཁ འི་ཁོངས་སུ་འ་གཏོགས་པ་ནི་ཆོས་ཅན་དང༌། དེའི་ཆོས་ཉིད་དག་ནི་ངོ་བོ་དབྱེར་མི་ཕྱེད་པ་ཡིན་པའི་ཕྱིར་རོ། །འདོད་པའི་ཁམས་ན་མི་གནས་ཞེས་
བྱ་བ་ལ་སོགས་པས་ནི་དོན་འདི་ཉིད་རྣམ་པར་འགྲེལ་ཏེ། གཟུགས་ལ་སོགས་པ་རྣམས་འདོད་ཅིང་ཚོལ་བས་ན་འདོད་པ་སྟེ། རྒྱལ་ཆེན་རིས་བཞི་ལ་སོགས་པ་འདོད་པའི་ལྷ་རྣམས་སོ། །དེ་རྣམས་འཛིན་པས་ན་ཁམས་ཏེ་གནས་སོ། །དེ་རྣམས་ཀྱི་ཕུང་པོ་ལ་སོགས་པ་དེར་ཡང་མི་གནས་ཏེ། འདོད་པའི་ཁམས་ཀྱང་དོན་དམ་པའི་བདེན་པར་གཏོགས་པའི་ཕྱིར་རོ། །སྲིད་པ་གང་ན་གཟུགས་ཙམ་ལ་ཆགས་པ་དེ་ནི། གཟུགས་ཀྱི་ཁམས་སོ། །ཙམ་གྱི་སྒྲས་ནི་འདོད་ཡོན་ལ་ཆགས་པ་གཅོད་དོ། །སྲིད་པ་གང་ན་གཟུགས་ཀྱི་འདོད་ཆགས་དང་བྲལ་བས་ན་རྣམ་པར་ཤེས་པ་ཙམ་དུ་ཙམ་གྱི་སྒྲས་ནི་ཕྱི་དོན་རྣམ་ཤེས་ལས་ངོ་བོ་ཐ་དད་པ་གཅོད་ཀྱི། རྣམ་ཤེས་ཀྱི་བཞོན་པའི་རླུང་མི་གཅོད་དེ། དེ་གཉིས་དེར་ངོ་བོ་གཅིག་པའི་ཕྱིར་རོ། །གནས་པ་དེ་ནི་གཟུགས་མེད་པའི་ཁམས་ཏེ་དེ་དག་ན་ཡང་ཕུང་པོ་ལ་སོགས་པའི་ཆོས་རྣམས་མི་གནས་སོ། །ཞེས་པ་ནི་དོན་དམ་ལས་ངོ་བོ་ཐ་དད་པའི་ཚུལ་གྱི་མི་གནས་པའོ། །འབྱུང་བ་ཆེན་པོ་བཞི་ལ་ཡང་མི་གནས་སོ་ཞེས་བྱ་བ་ནི། རླུང་གི་དཀྱིལ་འཁོར་ལ་སོགས་པའི་རིམ་གྱིས་གནས་པའི་དཀྱིལ་འཁོར་བཞི་གང་ཡིན་པ་རྒྱུ་བ་དང་མི་རྒྱུ་བའི་བཞིར་གྱུར་བ་དེ་ནི་འབྱུང་བ་ཆེན་པོ་བཞིའོ། །སྣོད་གཞན་གྱི་གཞིར་གྱུར་པའི་དཀྱིལ་འཁོར་ལ་མེའི་དཀྱིལ་འཁོར་ལོགས་པ་མེད་ཀྱང༌། རྣམ་གཞག་རིམ་པར་མེའི་རྡུལ་ཕྲ་རབ་རྣམས་
དཀྱིལ་འཁོར་གསུམ་གྱི་ཁྲོད་ན་གནས་པར་བཤད་པ་བཞིན་ནོ། །དེ་ལ་ཡང་མི་གནས་ཏེ་ཕུང་པོ་ལ་སོགས་པ་ཐམས་ཅད་ཀྱང་འོད་གསལ་བ་དོན་དམ་པའི་བདེན་པ་དང་ངོ་བོ་ཉིད་གཅིག་ཡིན་པའི་ཕྱིར་རོ། །ཆོས་ཐམས་ཅད་ནི་ཕུང་པོ་ལ་སོགས་པའོ། །དེ་ལྟར་ཞེས་པ་ནི། གཞིའི་འོད་གསལ་ལས་ངོ་བོ་ཐ་དད་དུ་མེད་པའི་རྣམ་པ་འདི་ཉིད་ཀྱིས་སོ། །རྗེས་སུ་རིག་བར་བྱའོ་ཞེས་བྱ་བ་ནི་ཤེས་པར་བྱ་བའོ། །དེ་བཞིན་གཤེགས་པ་རྣམས་ཀྱིས་དོན་གྱི་དབང་འདི་ལྟ་བུ་མཁྱེན་ཅིང་ཞེས་བྱ་བ་ནི། དེ་བཞིན་གཤེགས་པ་རྣམས་ནི་བཤད་མ་ཐག་པའི་རྟེན་ཅིང་འབྲེལ་པར་འབྱུང་བའི་དོན་འདི་ལྟ་བུ་སྟེ། དེ་རྣམས་ཀྱི་དབང་ནི་དོན་དམ་པའི་བདེན་པ་ཆོས་གཞན་གྱི་རྒྱུ་དང༌། རང་གི་རྒྱུ་ལས་ཀྱང་རང་དབང་དུ་མ་གྲུབ་པ་ཉིད་ཅེས་པས་རྟེན་འབྲེལ་གྱི་དོན་སྟོང་ཉིད་ཀྱི་དོན་དུ་བསྟན་ནོ། །དེ་ལྟ་བུ་མཁྱེན་ཅིང་ཐུགས་སུ་ཆུད་ནས། སེམས་ཅན་རྣམས་ཀྱི་དམན་པ་ལ་སོགས་པའི་དབྱེ་བས་གནས་པའི་བསམ་པ་སྟེ། ལྷག་པར་མོས་པ་མཁྱེན་ཅིང་ཡོངས་སུ་ཕྱེ་ནས་ཆོས་ཏེ་གསུང་དུ་བརྟགས་པའི་མཚན་ཉིད་ཅན་སེམས་ཅན་རྣམས་ལ་འཆད་པར་མཛད་ཅིང་རབ་ཏུ་སྟོན་པར་མཛད་དེ། ཡིད་བཞིན་གྱི་ནོར་བུ་དང་བུམ་པ་བཟང་པོ་དང་འདྲ་བར་འབད་པ་མི་མངའ་བས། སེམས་ཅན་རྣམས་ཀྱི་བསམ་པ་དང་རྗེས་སུ་མཐུན་པར་ཆོས་སྟོན་པར་མཛད་པས། འདིར་ཇི་ལྟ་བ་བཞིན་དུ་སྟོན་པ་འབྱུང་བར་འགྱུར་རོ། །དེ་ལྟར་རྣམ་པ་འདི་ཉིད་ཀྱིས་ནམ་མཁའི་ཚིག་ངེས་པར་བརྗོད་པ་སྟེ། ནམ་མཁའ་དང་མཉམ་པ་སྟེ། འདྲ་བའི་སྟོང་ཉིད་ཀྱི་དོན་སྟོན་པའི་ངེས་
པའི་ཚིག་ནི་ནམ་མཁའི་ཚིག་ངེས་པར་བརྗོད་པ་སྟེ། ངེས་པའི་ཚིག་དེས་ནམ་མཁའ་དེ་དང་མཉམ་པ་དེ་འདྲ་བ ར་དེ་བཞིན་གཤེགས་པའི་དམ་ཚིག་ཅེས་པ་བཤད་མ་ཐག་པ་དེ་དག་ཀྱང་སྟོང་པ་ཉིད་ཀྱི་ངོ་བོར་རྗེས་སུ་རིག་པར་བྱའོ། །འདིས་ནི་སྔགས་ཀྱི་སྤྱོད་པ་སྤྱད་པས་ཆོས་ཐམས་ཅད་རང་གི་མཚན་ཉིད་ཀྱིས་གྲུབ་པ་མེད་པའི་འོད་གསལ་པ་དེར་འཇུག་པར་འགྱུར་བས་ན། སྤྱོད་པ་དེ་མཆོག་ཏུ་བསྒྲུབས་སོ། ༈ །དེ་ལྟར་ཆོས་ཐམས་ཅད་ཀྱི་དོན་དམ་པའི་བདེན་པ ར་ཞུགས་པས་རྣམ་པར་དག་པ་བསྟན་ནས། ཐེག་པ་གཞན་ཕ་རོལ་ཏུ་ཕྱིན་པའི་ཐེག་པ་དང་ཐུན་མོང་དུ་མ་གྱུར་པའི་སྒྱུ་ལུས་རྡོ་རྗེའི་སྐུ་སྐྱེད་པའི་ཐབས་ཀྱི་བྲེ་བྲག་བསྟན་པར་བྱ་བའི་ཕྱིར། རིགས་ཀྱི་བུ་འདི་ལྟ་སྟེ་ཞེས་བྱ་བ་ལ་སོགས་པ་གསུངས་ཏེ། གཙུབ་ཤིང་ནི་འདིས་གཙུབས་པས་མེ་བསྐྱེད་པས་ན་གཙུབ་ཤིང་སྟེ་སྟེང་གི་ཤིང་བུའོ། །གཙུབ་སྟན་ནི་གཞི་སྟེ་མེ་གཙུབ་པའི་རྟེན་དུ་གྱུར་པའི་ཤིང་བུའོ། །མིའི་ལག་པ་ནི་བསྐྱོད་པའི་ཚེ་གཙུབ་པར་བྱེད་པ་སྟེ། གསུམ་པོ་དེ་དག་གི་རྐྱེན་ལ་བརྟེན་ཅིང་འབད་པས་དྲོ་བ་འབྱུང་ངོ༌། །དེའི་འོག་ཏུ་དུ་བ་རབ་ཏུ་འབྱུང་ངོ༌། །དུ་བ་འབྱུང་བའི་འོག་ཏུ་མེ་འབྱུང་ཞིང་འོད་དང་ལྡན་པའི་རྣམ་པར་འབར་བར་གྱུར་ནས་འདུས་ཏེ་འབྱུང་བར་འགྱུར་རོ། །མེ་དེ་ཡང་ཞེས་བྱ་བ་ནི་དྲོ་བ་དང་དུ་བ་དང་མེ་སྟེ་གསུམ་པོ་དེ་དག་ནི་དེ་ཁོ་ན་ཉིད་ལ་དཔྱོད་པའི་རིགས་པས་དཔྱད་པ་
ན། རིགས་ངོ་དེར་གཙུབ་ཤིང་ལ་ཡང་མི་གནས། གཙུབ་སྟན་ལ་ཡང་མི་གནས། མིའི་ལག་པའི་བསྐྱོད་པ་ལ་ཡང་མི་གནས་སོ། །དེ་ལྟ་བུར་ཞེས་བྱ་བ་ནི་ཇི་ལྟར་གཙུབ་ཤིང་ལ་སོགས་པ་རྣམས་ལ་དཔྱད་པ་ན། དྲོ་བ་ལ་སོགས་པ་གསུམ་པོ་སོ་སོར་འབྱུང་བ་དམིགས་སུ་མེད་དོ། །རིགས་ངོར་མེད་པ་དེ་ལྟ་མོད་ཀྱི་སྟེ། དེ་ལྟ་ནའང་རྒྱུ་རྐྱེན་ཚོགས་པ་ལས་དྲོ་བ་ལ་སོགས་པ་དེ་དག་ཉིད་གོང་ནས་གོང་དུ་སྐྱེ་བར་འགྱུར་རོ། །དེ་བཞིན་དུ་སྔགས་ཀྱི་སྤྱོད་པ་སྤྱད་པས་སྟོང་པ་བཞིའི་ཡེ་ཤེས་སྐྱེད་པ་ཡང་ཤེས་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་རྗེས་སུ་རིག་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་གནས་སུ་གྱུར་པ་ཡིན་པའི་ཕྱིར་ན་རོ་། །དེ་ལ་དེ་བཞིན་གཤེགས་པ་ཐམས་ཅད་ནི་ཐམས་ཅད་སྟོང་པ་ཉིད་འོད་གསལ་གྱི་ཡེ་ཤེས་སོ་དོ་། །རྡོ་རྗེ་ནི་ཆེན་པོ་སྟོང་པ་ཉིད་དོ། །དམ་ཚིག་ནི་ཤིན་ཏུ་སྟོང་པ་ཉིད་དོ། །རྗེས་སུ་རིག་པར་བྱའོ་ཞེས་པ་ནི་སྟོང་པ་ཉིད་དེ་གསུམ་པོ་དེ་དག་གི་རྗེས་ཏེ། ཕྱི་ནས་རིག་ཅིང་ཤེས་པར་བྱ་བ་ཡིན་པས་ན་སྟོང་པ་ཞེས་བྱ་སྟེ། དེ་བཞིན་གཤེགས་པ་ཐམས་ཅད་ལ་སོགས་པ་ནི་དེ་ལྟར་རིག་པར་བྱའོ། །འགྲོ་བ་དང་འོང་བ་ལ་སོགས་པ་ཞེས་བྱ་བ་ལ་སོགས་པ་ལ། འགྲོ་བ་ཞེས་བྱ་བ་ནི་སྟོང་པ་སྟེ། སྣང་མཆེད་ཐོབ་གསུམ་གྱི་རིམ་གྱིས་འོད་གསལ་དོན་དམ་པའི་བདེན་པར་ལུགས་མཐུན་དུ་འགྲོ་བའོ། །འོད་གསལ་དེ་ལས་ཆེན་པོ་སྟོང་པ་ཉིད་
དང་ཤིན་ཏུ་སྟོང་པ་ཉིད་དང་སྟོང་པ་ཉིད་ཐོབ་པ་ནི། ལུགས་བཟློག་ཏུ་འོང་བའོ། །སོགས་པ་ཞེས་བྱ་བའི་སྒྲ་ནི་སྟོང་པ་བཞི་ལ་ལུགས་མཐུན་དུ་འགྲོ་བ་དང༌། ལུགས་མི་མཐུན་དུ་འོང་བ་མེད་པ་ཡོངས་སུ་གཟུང་སྟེ། དེ་ཡང་སྤངས་རྟོགས་ཡོངས་སུ་རྫོགས་པ་སངས་རྒྱས་ཀྱི་ས་ལ་ནི་འཇུག་པ་དང་ལྡང་བ་མེད་པ་སྟེ། སངས་རྒྱས་རྣམས་ནི་འཁོར་བ་ཇི་སྲིད་པར་འོད་གསལ་ལས་མི་བཞེངས་པའི་ཕྱིར་རོ། །་འོ་། །སྔར་དོན་དམ་བཤད་པའི་སྐབས་སུ་ཆོས་ཐམས་ཅད་རང་གི་མཚན་ཉིད་ཀྱིས་གྲུབ་པ་མེད་པའི་དོན་དམ་དང༌། ཆོས་རྣམས་ངོ་བོ་དབྱེར་མེད་དུ་བཤད་པ་ན། དེ་ལྟ་ཡིན་ན་སྔགས་ཀྱི་སྤྱོད་པ་སྤྱད་པ་ལས། སྟོང་པ་བཞིའི་ཡེ་ཤེས་སྐྱེ་བའི་རྒྱུ་འབྲས་ཀྱི་རིམ་པ་མི་འཐད་དོ་སྙམ་པ་ལ། གཙུབ་ཤིང་ལ་སོགས་པ་དཔེར་བྱས་ནས། རིགས་ཤེས་ཀྱི་ངོར་རྒྱུ་འབྲས་མི་འགྲུབ་ཀྱང༌། ཐ་སྙད་པའི་ཚད་མའི་ངོར་འཇོག་པ་མི་འགལ་བར་བསྟན་ལ། དེ་ལྟར་ན་སྔགས་ཀྱི་སྤྱོད་པ་སྤྱད་པ་ལས་སྟོང་པ་བཞི་སྐྱེད་པ་ནི། རྡོ་རྗེའི་སྐུ་འགྲུབ་པའི་ཆེད་དུ་ཡིན་པས། སྔགས་ཀྱི་སྤྱོད་པ་མཆོག་ཏུ་གྲུབ། ཅེས་པའི་དོན་ནོ། ༈ །དེ་ལྟར་མཆོག་ཏུ་ཟབ་པའི་ཆོས་ཉིད་ཐོས་ཤིང་བཟུང་བས། འདིར་དགའ་བའི་ཡིད་ཀྱི་ཡིད་དང་རྗེས་སུ་མཐུན་པའི་ཆེད་དུ་བརྗོད་པ་ཆེད་དུ་བརྗོད་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་སྐད་ཅིག་དེ་ཉིད་ལ་སྣང་བ་གསུམ་སྐྱེས་པས་ངོ་མཚར་དུ་གྱུར་པ་ཐོབ་པ་དང༌། དེ་ནས་ཆོས་ཉིད་འོད་གསལ་རྟོགས་པས་རྨད་དུ་གྱུར་པས་མིག་གདངས་ཤིང་ཐབས་ཀྱི་ཡེ་ཤེས་ཀྱི་སྐུ་སྐྱེས་
པར་གྱུར་ནས། འོག་ནས་བཤད་པའི་སོ་སོ་རང་གིས་རིག་པའི་ཆོས་ཉིད་སྟོན་པའི་ངོ་བོ་ཉིད་ཀྱི་ཚིག་འདི་སྐད་ཅེས་སྨྲས་པར་གྱུར་ཏོ། །རྨད་བྱུང་ཞེས་བྱ་བ་ལ་སོགས་པ་ལ། འདིར་རྨད་བྱུང་ཆེན་པོའི་ཆོས་རྣམས་ནི་དོན་དམ་པའི་བདེན་པའོ། །དོན་དམ་དེས་ཐམས་ཅད་དུ་ཁྱབ་པས་ན་དེ་ཉིད་ནི་ནམ་མཁའ་དང་མཚུངས་པའོ། །ངེས་པའི་དོན་གྱི་ལུང་དང་བྲལ་བའི་རྟོག་གེ་པ་རྣམས་ཀྱིས་རྣམ་པར་བརྟག་པར་མི་ནུས་པས་རྣམ་པར་མི་རྟོག་པའོ། །ཀུན་རྫོབ་ཀྱི་བདེན་པ་སྒྱུ་ལུས་དེར་ཡོངས་སུ་དག་པས་ན་དག་པའོ། །དོན་དམ་པའི་བདེན་པ་དེ་ལ་ཡང་དག་པར་སྒྲིབ་ཅིང་ཀུན་ནས་འགེབས་ཞེས་པ་ནི་དོན་དམ་བདེན་པ་མངོན་སུམ་དུ་རྟོགས་པའི་ཇི་ལྟ་བའི་ཡེ་ཤེས་ཀྱི་ངོར་སྐུའི་སྣང་བ་འདི་ཡང་ནུབ་དགོས་པའོ། །ལ། འདི་ཟུང་འཇུག་གི་སྐུ་ཡིན་པས་ས་ཐོབ་པའི་མིག་གི་དབང་པོའི་ཡུལ་དུ་གྱུར་པས་ན་ཀུན་རྫོབ་སྟེ་རྡོ་རྗེ་འཆང་བའི་སྐུའོ། །:ཆག:ཡང་གི་སྒྲ་ནི་སླར་ཞེས་པའི་དོན་ནོ། །ཞེས་འབྱུང་བ་ལྟར་ཏེ། དེའི་དོན་ནི་དོན་དམ་པའི་བདེན་པ་མངོན་སུམ་དུ་རྟོགས་པ་ན་སྒྱུ་མའི་སྐུ་སྟོང་བར་སྟེ། དག་པར་གྱུར་ནས། སླར་ཡང་ཟུང་འཇུག་གི་སྐུར་སྣང་བར་གྱུར་པའོ་ཞེས་པའོ། །འང་ཞེས་བྱ་བའི་སྒྲ་ནི་ཡང་ཞེས་བྱ་བའི་དོན་ཏེ། དོན་དམ་པའི་བདེན་པ་མངོན་པར་རྟོགས་པས་སྟོང་པར་གྱུར་ནས། ཡང་སྣང་བར་གྱུར་པའོ་ཞེས་གང་བཤད་པ་དེ་ནི་ངོ་མཚར་ཆེའོ་ཞེས་བྱ་བའི་བར་དུའོ། ༈ །དོན་དམ་པ་ནི་འོད་གསལ་ཀྱི་ཡེ་ཤེས་སོ་བའོ་། །དེས་དག་
པར་བྱས་པས་ན་དོན་དམ་པའི་དག་པ་སྟེ། དོན་དམ་པའི་དག་པ་ཡང་ཡིན་ལ་དེ་ཁོ་ན་ཉིད་ཀྱི་དོན་ཀྱང་ཡིན་པས་ན་རྡོ་རྗེ་འཆང་སྟེ། དེ་ཉིད་ནི་འདའ་བར་མི་བྱ་བས་ན་དམ་ཚིག་གོ །དེ་སྟོན་པའི་གཞུང་གི་ཚོགས་ཀྱང་དོན་དམ་པའི་དག་པ་དེ་ཁོ་ན་ཉིད་ཀྱི་དོན་གྱི་དམ་ཚིག་ཅེས་བྱ་སྟེ། དགོངས་པས་བཤད་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་དགུ་པ་མཐའ་དྲུག་གིས་བཤད་པའོ། ། ། །བསྒྲུབ་པ་མཆོག་རྫོགས་རིམ་དང་ཐ་མལ་པ་བསྐྱེད་རིམ་ལ་གནས་ཤིང་། དེ་གཉིས་རེ་རེས་ཀྱང་སྤྲོས་པ་དང་བཅས་པ་ལ་སོགས་པའི་སྤྱོད་པ་གསུམ་པོ་གང་རུང་ལ་གོམས་པ་ཉམས་འོག་ཏུ་ཆུད་པའི་རྣལ་འབྱོར་པས་གང་གི་ཚེ་བསྒྲུབས་ཀྱང་དངོས་གྲུབ་རྙེད་པར་མ་གྱུར་ན་དེའི་ཚེ། རང་གི་ལྷ་ལ་སྙིང་པོ་བསྐུལ་བར་བྱའོ་ཞེས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་པ་ཉེ་བར་སྟོན་པར་མཛད་པ་ཡིན་ཏེ། ༈ །དེ་ནས་འདི་སྐད་ཅེས་གསོལ་ཏོ་ཞེས་བྱ་བར་སྦྱར་རོ། །ཡང་འདུས་ཏེ་ཞེས་བྱ་བ འི་ཡང་གི་དོན་ནི་སྔར་ལེའུ་དང་པོར་དེ་བཞིན་གཤེགས་པ་ཐམས་ཅད་འདུས་པར་བཤད་པའི་རིམ་པ་ལ་ལྟོས་ན་གྱི་ས་སོ། །བཅོམ་ལྡན་འདས་དམ་ཚིག་ཆེན་པོའི་རྡོ་རྗེ་ཞེས་བྱ་བ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེའི་དེ་ཁོ་ན་ཉིད་མངོན་པར་
རྫོགས་པར་བྱང་ཆུབ་པ་ནི་བདེན་པ་གཉིས་གཉིས་སུ་མེད་པར་གྱུར་པའི་མཚན་ཉིད་ཅན་ནོ། །ཟུང་འཇུག་དེ་ཉིད་ནི་སྐུ་དང་གསུང་དང་ཐུགས་ཀྱི་གསང་བ་ཡིན་པས་སྐུ་དང་གསུང་དང་ཐུགས་ཀྱི་གསང་བའོ། །གདུལ་བྱ་རྣམས་ཀྱི་བསམ་པའི་བྱེ་བྲག་ཇི་ལྟ་བ་བཞིན་དུ་མཁྱེན་པས་ན། དེ་བཞིན་གཤེགས་པ་སྟེ་དེ་ལ་ཕྱག་འཚལ་ཏེ་འདི་སྐད་ཅེས་གསོལ་ཏོ། །སྔགས་ནི་ཨཱ་ལི་དང་ཀཱ་ལི་ལས་སྐྱེས་པ་རྣམས་ཏེ། སྦྲུལ་དང་མགོ་མེད་ཅེས་བྱ་བ་ལ་སོགས་པ་བཞི། །བཞི་པོ་དེ་རྣམས་ཀྱི་སྙིང་པོ་ནི། སྔགས་ཀྱི་གཙོ་བོ་སྟེ་ཡི་གེ་ༀ་ལ་སོགས་པ་གསུམ་མོ། །སྔགས་དེ་རྣམས་ཀྱི་དོན་ཀུན་བསྡུས་པ་ནི། ཡི་གེ་གསུམ་དུ་གསལ་བར་བྱས་པའོ། །སྐུ་དང་གསུང་དང་ཐུགས་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་གསང་བར་བསྒྲགས་པ་ནི་གསང་བ་ཞེས་བཏགས་སོ། །དངོས་གྲུབ་ཆེན་པོའི་ཚུལ་ནི་དངོས་གྲུབ་ཆེན་པོའི་ཐབས་སོ། །དེ་རྣམས་ཀྱི་མཆོག་ནི་ཕུལ་དུ་བྱུང་བའོ། །ཡང་དག་པ་ནི་མི་སླུ་བ་སྟེ་དེ་ཁོ་ན་ཉིད་དེ་བཤད་དུ་གསོལ་ཞེས་པ་ནི། སྔགས་གང་གིས་སྙིང་པོ་བསྐུལ་བ་དེ་རབ་ཏུ་བསྟན་དུ་གསོལ་ཞེས་གསོལ་བ་བཏབ་པའོ། ༈ །དེ་ནས་ཞེས་པ་ནི་ཞུས་པའི་འོག་ཏུའོ། །ཤེས་རབ་སྣང་བ་དང་ཐབས་མཆེད་པ་དང་ཉེ་བར་ཐོབ་པ་ལ་ལྟོས་པས་ཏེ་ལྟོས་ན་རྣམ་པར་མཛེས་པར་གྱུར་པ་འོད་གསལ་གྱི་ངོ་བོ་ཡིན་པས་ན་རྒྱལ་པོའོ། །ཐབས་ཀྱི་ཡེ་ཤེས་ཀྱི་སྐུའི་བདག་ཉིད་ཅན་ཡིན་པས་
ན་རྡོ་རྗེ་འཛིན་པའོ། །ཉོན་མོངས་ཀུན་ནི་འདོད་ཆགས་ལ་སོགས་པ་གསུམ་མོ། །གསུམ་པོ་དེ་རྣམས་ཀྱང་རང་རང་གི་སོ་སོའི་དབྱེ་བ་དང༌ ཕྱེ་བ་དེ་ལས་ཀྱང་སླར་ཡང་ཕྱེ་བའི་རྗེས་སུ་དབྱེ་བས་ཕྱེ་ན། ཤིན་ཏུ་མང་བས་ན་རྒྱ་མཚོ་དང་མཉམ་པའི་ཕྱིར། །ཉོན་མོངས་པ་ཀུན་གྱི་རྒྱ་མཚོའོ། །དེ་རྣམས་ཀྱི་སྡུག་བསྔལ་བ་དང་ཡིད་མི་བདེ་བ་ལ་སོགས་པའི་རང་བཞིན་ཟིལ་གྱིས་མནན་ནས། མཆོག་ཏུ་དགའ་བའི་ངོ་བོ་ཉིད་ཀྱིས་འབྱུང་བར་མཛད་ཅིང་རོལ་པར་མཛད་པས་ན་གཙོ་བོའོ། །སེམས་ཅན་རྣམས་ཀྱི་སྡུག་བསྔལ་ཐམས་ཅད་རྗེས་སུ་སྲེག་པར་མཛད་པས་ན་འབར་བའོ། །རྒྱུ་མཚན་དེ་ཉིད་ཀྱིས་ན་དྲག་པོ་སྟེ་ཁྲོ་བོའི་བདག་ཉིད་ཅན་དུ་བྱུང་བའོ། །མིག་ཐ་མལ་པ་སྟེ། ཞི་བས་ཀྱང་རབ་ཏུ་རྒྱས་པའི་དྲག་པོའི་སྤྱན་བགྲད་པར་མཛད་པས་སྤྱན་ཡངས་པས་སོ། །གསུང་ནི་འདི་སྐད་བཀའ་སྩལ་ཏོ་ཞེས་བྱ་བ་ནི་གསུང་བ་ལ་རབ་ཏུ་འཇུག་པ་སྟེ། དེ་ལ་གཞལ་བར་མཛད་པ་ཡིན་པའི་ཕྱིར་རོ། ༈ །ལུས་དང་ཞེས་བྱ་བ་ལ་སོགས་པ་ལ། ལུས་ལ་སོགས་པ་སྐུ་དང་གསུང་དང་ཐུགས་སུ་བསྒོམ་པ་ནི་སྐུ་དང་གསུང་དང་ཐུགས་རྡོ་རྗེ་སྟེ། མི་ཕྱེད་པའི་ཚུལ་གྱིས་སྒོམ་པ་ཡོངས་སུ་ཤེས་པས་སྐུ་དང་གསུང་དང་ཐུགས་རྡོ་རྗེ་བསྒོམ་པར་བྱའོ། །མི་ཕྱེད་པའི་ཚུལ་གྱིས་སྒོམ་ཚུལ་དུ་ཇི་ལྟར་ཡིན་ཞེ་ན། རྣམ་པར་མི་རྟོག་མི་དམིགས་པ་ཞེས་བྱ་བ་སྟེ། བྱ་བའི་ཁྱད་པར་
འདི་ནི་ལུས་སོ། །འདི་ནི་ངག་གོ །འདི་ནི་ཡིད་དོ་ཞེས་དེ་ཁོ་ན་ཉིད་དུ་དེ་གསུམ་གྱི་དབྱེ་བ་བྱ ར་མེད་པར་རྟོགས་པས་ན་རྣམ་པར་མི་རྟོག་པའོ། །གསུམ་པོ་དེ་གཅིག་ལ་གཅིག་བརྟེན་པ་ངོ་བོ་ཉིད་ཀྱིས་གྲུབ་པ་མེད་པས་ན་མི་དམིགས་པའོ། །གསུམ་པོ་དེ་དག་གི་རོ་གཅིག་པ་སྟེ། དོན་དམ་པར་རང་བཞིན་དབྱེ་བ་མེད་པ་ནི་མཉམ་པ་ཉིད་དེ། དོན་དམ་པར་དབྱེ་བ་མེད་པ་དེས་ན་གང་ན་ཡང་མི་གནས་པ་སྟེ། གནས་པ་ངོ་བོ་ཉིད་ཀྱིས་གྲུབ་པ་མེད་པ་མཉམ་པ་ཉིད་ཅེས་བྱ་སྟེ། དགོངས་པ་མ་ཡིན་པས་བཤད་པའོ། ༈ །དེ་ལྟར་བཅོམ་ལྡན་འདས་ཀྱི་གསུང་གིས། ལུས་ལ་སོགས་པ་དོན་དམ་པར་དབྱེར་མེད་པ་བསྒོམ་པར་རབ་ཏུ་བསྟན་ནས། སྡུད་པར་བྱེད་པས་སྙིང་པོ་ཡང་དག་པར་བསྐུལ་བའི་ཐབས་ཀྱི་ཏིང་ངེ་འཛིན་དང་མཐུན་པའི་གཞི་རྣམ་པར་དགོད་པ་མདོར་བསྡུས་ནས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་བཤད་མ་ཐག་པའི་རིམ་གྱིས་སོ། །བཅོམ་ལྡན་འདས་དེ་བཞིན་གཤེགས་པ་རིགས་དྲུག་པ་དེ་རང་བཞིན་གྱིས་དག་པའི།་ཕ་རོལ་ཏུ་ཕྱིན་པ་ནི་སྤྱན་མ་ལ་སོགས་པའོ། །སྔགས་ནི་རྣམ་པར་སྣང་མཛད་ལ་སོགས་པ་སྟེ། དེ་དག་གི་ཚུལ་ནི་ཕན་ཚུན་ཀུན་ཏུ་ཆགས་པ་སྟེ། དེ་ཉིད་ནི་མི་འཇིག་པ་སྟེ། ཟད་པར་མི་འགྱུར་བ་ཉིད་ཡིན་པས་ན་རྡོ་རྗེའོ། །དེ་སྐད་ཅེས་བྱ་བའི་ཏིང་ངེ་འཛིན་ལ་ཐུགས་རྩེ་གཅིག་ཏུ་བཞག་ཅིང་སྙོམས་པར་
ཞུགས་པར་མཛད་ནས། བཅོམ་ལྡན་འདས་རྡོ་རྗེ་འཆང་གིས་རང་ལ་གསོལ་བ་འདེབས་པའི་དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་ཞེས་བྱ་བ་ལ་སོགས་པ་ལ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་ནི་བོད་པའོ། །མི་བསྐྱོད་པ་ལ་སོགས་པ་དེ་བཞིན་གཤེགས་པ་ཐམས་ཅད་ཅེས་བྱ་བ་འདི་ནི། འོག་ཏུ་འདི་བསྟན་པའི་སེམས་ཅན་གྱི་དོན་བྱ་བ་ལ་ཞེས་པ་དེ་དང་མངོན་པར་སྦྱར་རོ་སྦྱོར་བ་སྟེ་། དེ་བཞིན་གཤེགས་པ་ཐམས་ཅད་ཅེས་བྱ་བ་ནི་སྤངས་རྟོགས་ཡོངས་སུ་རྫོགས་པ་རྣམས་སོ་འོ་། །རིག་པ་ནི་ལྷ་མོ་རྣམས་ཏེ་དེ་རྣམས་ནི་ལྷན་ཅིག་སྤྱོད་པ་བཙུན་མོའི་གཙ་མ་དང་ལ་སོགས་པ ས་དེ འི་འོག་མའི་ལྷ་མོ་རྗེས་སུ་སྤྱོད་པའི་དབྱེ་བས་ཕྱེ་ན་བྱེ་བ་སྙེད་དེ། བྱེ་བ་ཁྲག་ཁྲིག་བརྒྱ་སྟོང་དུ་མ་དང་ཞེས་བྱ་བ་ནི། དེ་རྣམས་ཚད་མེད་པ་ཉིད་ཡིན་པས་ཉེ་བར་མཚོན་པ་ཙམ་དུ་གྱུར་པ་སྟེ་དེ་རྣམས་དང་ཐབས་ཅིག་ཏུའོ། །སེམས་ཅན་ནི་ཡུལ་ལ་ཉེ་བར་ལོངས་སྤྱོད་པས་ཐར་པ་ཐོབ་པར་འདོད་པ་ལམ་དེའི་གདུལ་བྱ་རྣམས་སོ་འོ་། །དེ་རྣམས་ཀྱི་དོན་བྱ་བ་ནི་འདུན་པ་སྟེ་བསམ་པ་དང་རྗེས་སུ་མཐུན་པས་ཏེ་པར་བྱང་ཆུབ་ཐོབ་པར་མཛད་པའོ། །དེའི་བདག་ཉིད་ཀྱིས་:ཆག:ཏེ་མཛད་པ་དེ་ཐམས་ཅད་གར་གྱི་གནས་སུ་ཞུགས་པའི་གར་མཁན་གཅིག་
ཉིད་ཆ་ལུགས་སྣ་ཚོགས་པར་སྟེན་པ་དང་འདྲུ་བར་རྡོ་རྗེ་འཆང་གཅིག་ཉིད་སྣ་ཚོགས་པའི་རྣམ་པ་ཅན་དུ་འཇུག་པས་གར་གྱི་རོལ་པ་དེ་སྟོན་པར་མཛད་དོ། །སྟེན་ཚུལ་དེ་ཇི་ལྟར་ཞེ་ན། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། འཇིན་རྟེན་ནི་སེམས་ཅན་རྣམས་སོ། །དེ་འཛིན་པར་བྱེད་པས་ན་འཇིག་རྟེན་གྱི་ཁམས་ཏེ་སྣོད་ཀྱི་འཇིག་རྟེན་ནི་ཕྱོགས་བཅུའི་འཇིག་རྟེན་གྱི་ཁམས་རྣམས་ཏེ། དེ་དག་ཉིད་ཀྱི་མཐས་ཀླས་པ་ནི་མཐར་ཐུག་པ་སྟེ། འདིར་མཐར་ཐུག་པ་མེད་པ་ཉིད་ལ་མཐར་གྱུར་པ་ཞེས་པའི་མིང་གིས་བཏགས་པ་ཡིན་ལ། ཕྱོས་བཅུའི་འཇིག་རྟེན་གྱི་ཁམས་མཐས་ཀླས་པའི་འཇིག་རྟེན་གྱི་ཁམས་དེ་རྣམས་སུ། འདོད་པའི་ཡོན་ཏན་ལྔ་པོ་རྟག་ཏུ་ཡིད་ཚིམ་པར་བྱེད་པའི་གཟུགས་ལ་སོགས་པ་རྣམས་ཀྱིས་རོལ་བ་ནི་རྣམ་པར་རོལ་བའོ། །དགྱེས་པ་ནི་སྣ་ཚོགས་པའི་དགའ་བས་ལྷ་མོ་རྣམས་དང་ལྷན་ཅིག་དགྱེས་པར་མཛད་པའོ། །ཡོངས་སུ་སྤྱོད་པ་ནི་རིག་པ་ལྷ་མོ འི་ཚོགས་ཀྱིས་ཡབ་ལ་ཚུར་མཆོད་ཅིང་ཡུམ་དེ་ལ་ཡང་ཡབ་ཀྱིས་སླར་ཡང་དགའ་བ་བསྐྱེད་པའི་མཆེད་པར་མཛད་པ་འཛིན་ཡོངས་སུ་སྤྱོད་པའོ། །ཡོད་ཀྱང་ཞེས་བྱ་བ་ནི་དོན་འདི་ལྟ་བུ་མཐའ་ཡས་ཡོད་པའོ། །དེ་དག་སྔགས་སྤྱོད་པ་ལ་མངོན་པར་བརྩོན་པ་རྣམས་ལ་ཞེས་བྱ་བ་ལ། དེ་དག་ནི་དེ་བཞིན་གཤེགས་པ་རྣམས་དགྱེས་པའི་སྒོ་ནས། མཆོག་ཏུ་དགའ་བའི་བདེ་བ་
ཉམས་སུ་མྱོང་བར་མཛད་པ་དེ་དག་གོ །སྔགས་ནི་སྔགས་སྨྲ་བ་རྣམ་པ་བཞི་སྟེ། གང་ཞེ་ན། སྔགས་ཀྱི་མིང་སྦྲུལ་ལ་སོགས་པ་དང༌། སྔགས་ཀྱི་དོན་བསྟོད་པ་དང་བོད་པ་དང་བསྐུལ་བ་སོགས་དང༌། སྔགས་སྤེལ་བ་ནི་ཞི་རྒྱས་སོགས་སོ་སོ་ལ་ཤཱནྟི་ཀུ་རུ་སོགས་སྦྱར་བའོ་དང༌་། རྡོ་རྗེའི་ཚིག་སྒྲ་སྤངས་པ་ནི་སྔགས་ཡིད་ཀྱིས་ཟློ་བ། །སྔགས་ཀྱི་ཐབས་དེ་དག་གིས་ནད་ཞི་བ་ལ་སོགས་པའི་སྒྲུབ་པ་ལ་རབ་ཏུ་འཇུག་པ་ནི་སྔགས་སྤྱོད་པའོ། །དེ་ལ་མངོན་པར་བརྩོན་པ་ནི་དེ་ལ་སེམས་མངོན་པར་ཞུགས་པ་སྟེ། དེ་ལ་སྤྱན་རས་ཀྱིས་མི་འཚོའོ། །སྤྱན་རས་ཀྱིས་མི་འཚོ་བའི་རྒྱུ་བསྟན་པར་བྱ་བའི་ཕྱིར། ཀྱེ་མ་འདི་དག་ནི་ཞེས་བྱ་བ་ལ་སོགས་པ་གསུངས་ཏེ། ཀྱེ་མ་ཞེས་བྱ་བ་ནི་སྨད་པ་སྨོན་པ་ཞུམ་པ་ངོ་མཚར་བ་ལ་འཇུག་པ་ལས་འདིར་ནི་མ་གུས་པ་སྨད་པ། །འདི་དག་ནི་ཞེས་བྱ་བ་ནི་སྔགས་ལ་གཞོལ་བ་རྣམས་སོ། །ཞེས་པ་ནི་འདིར་བསྐྱེད་རིམ་པའི་སྐབས་ཡིན་ལ། དེ་ལ་ཡང་སྔགས་དང་ནང་ལ་མཆོག་ཏུ་གཞོལ་བ་གཉིས་ཡང་ཀྱང༌། སྙིང་པོ་བསྐུལ་དགོས་པ་ནི་སྔ་མའོ་ཞེས་སྟོན་པའོ། །དེ་བཞིན་གཤེགས་པ་ནི་དུས་གསུམ་དུ་བྱུང་བ་རྣམས་སོ། །སྔགས་ནི་འདོན་ཞིང་སློབ་དཔོན་རྣམས་ཀྱིས་ཤུབ་བུར་ཟློས་པ་གང་ཡིན་པ་དེ་ནི་སྔགས་ཏེ། སྔགས་བཟླ་བའི་ཡུལ་དེ་ལ་སྤྱོད་པ་ནི་སྔགས་ཀྱི་སྤྱོད་པའོ། །སྤྱོད་པ་དེར་འདྲེན་ཞིང་དེ་ཐོབ་པར་བྱེད་པས་ན་དེའི་ཚུལ་ལོ། །ཚུལ་
ཞེས་པའི་སྒྲ་དེ་ཡང་དོན་རྣམ་པ་བདུན་ལ་འཇུག་སྟེ་ཏེ་། དེ་གང་ཞེ་ན། དཀྱིལ་འཁོར་ཚོགས་དང་ཐབ་དང་ནི། །གཏོར་མ་འདུས་དང་གོ་རིམ་དང༌། །དེ་ཉིད་དང་པོར་སྔགས་ཀྱི་སྤྱོད་པ་ལ་དབང་བ་དེར་འདྲེན་པའི་དཀྱིལ་འཁོར་བྲིས་ནས་དབང་བསྐུར་བ་དང༌། དེ་དང་སྐབས་གཞན་དུ་བྱ་བའི་ཚོགས་འཁོར་གྱི་ཆོ་ག་དང༌། རྒྱུད་སྣོད་དུ་རུང་ནས་རིམ་གྱིས་བསྒོམ་པར་བྱ་བའི་རིམ་པ་གཉིས་དང༌། རིགས་སོ་སོ་བ་བཞི་དང༌། ལས་ཐམས་ཅད་པའི་ཐབ་ཁུང་སོ་སོར་སྦྱིན་སྲེག་བྱས་པས་བཟླས་པའི་སྐྱོན་དག་པ་དང༌། ནུས་པ་བསྐྱེད་ཅིང་དངོས་གྲུབ་འགྲུབ་པར་བྱེད་པ་དང༌། དེ་རྣམས་ཀྱི་དུས་སུ་ཉེ་བར་མཁོ་བའི་འཇིག་རྟེན་ལས་འདས་མ་འདས་ཀྱི་གཏོར་མ་དང༌། དམ་ཚིག་ཅན་གྱི་རྣལ་འབྱོར་བ་ཕོ་མོ་ཕྱོགས་གཅིག་ཏུ་འདུ་བའི་རྣམ་གཞག་སྟོན་པ་དང༌། ཆོས་རྣམས་ཀྱི་ཡིན་ལུགས་དེ་ཁོ་ན་ཉིད་དེ་རྣམ་པ་བདུན་དུ་གྲགས་པ ། །དེ་ནི་གསང་སྔགས་ཀྱི་སྤྱོད་པའི་ཚུལ་ཞེས་བཤད་དོ། །ཅེས་བྱ་བའོ། །ཚུལ་གྱི་ཆོས་ཞེས་པའི་ཆོས་ཀྱི་སྐད་དད་ངྷརྨཱལ་ངྷརཎ་འཛིན་པ་ཡིན་ལ། འདིར་ཚུལ་དང་ཆོས་གཞི་མཐུན་དུ་བཤད་པ་ནི་ཚུལ་བདུན་པ་དེ་ཉིད་ཅེས་པ་སྟེ། དེ་ནི་གཙོ་བོར་རྫོགས་པའི་རིམ་པའི་ཏིང་ངེ་འཛིན་ལ་གནས་ནས། དེ་འཛིན་པར་བྱེད་པའི་ཕྱིར་དེ་ཉིད་དེ་ལ་ཆོས་ཞེས་བྱའོ་སོ་། །རྣམ་པ་དེ་ལྟ་བུའི་དེ་བཞིན་གཤེགས་པ་གཅིག་ནས་གཅིག་ཏུ་བརྒྱུད་བའི་སྔགས་ཀྱི་སྤྱོད་པའི་ཚུལ་གྱིས་པ་ཚབ་ཀྱིས། སྔགས་ཀྱི་སྤྱོད་པའི་ཚུལ་གྱི་ཆོས་ལས་སོང་བར་གྱུར་བ་སྟེ། སོན་ཞིང་ཕྱི་རོལ་ཏུ་གྱུར་ཏོ་ཞེས་བསྒྱུར་བ་ལྟར་བྱའོ། །ཆོས་རྫོགས་པར་གྱུར་བ་ནི་ཕྱིར་བྱུང་བར་གྱུར་པའོ། །སྒྲ་པ་ལྟར་ན་
ཆོས་ལས་སོང་ཞེས་བྱ་བ་ཡིན་མོད་ཀྱི་ཆོས་ཞེས་བྱ་བ་ནི་ལུང་གི་ཚིག་རྒྱལ་བའི་བཀའ་ཡིན་པས། སྒྲ་གཙོ་བོར་མ་བྱས་པའི་དོན་ནོ་གོ་།འདིར་སྙིང་པོ་བསྐུལ་དགོས་པ་དེས་དྲན་པ་གཅིག་པ་མཐར་ཕྱིན་པའི་འོག་ཏུ་སྤྱོད་པ་གསུམ་ལ་བསླབ་ཀྱང༌། དངོས་གྲུབ་མ་རྙེད་པ་ནི་སངས་རྒྱས་རྣམས་མངོན་ཏུ་ཕྱོགས་ཏེ། དངོས་གྲུབ་འགྲུབ་པར་བྱིན་གྱིས་རློབ་བ་མ་བྱུང་བས་ཡིན་ལ། དེའི་རྒྱུ་ཡང་ཆོས་ལས་ཕྱི་རོལ་དུ་གྱུར་པའོ། །སྙམ་དུ་དགོངས་པ་ཡིན་ཞེས་པའི་ཆོས་དེ་ཁོ་ན་ཉིད་ལ་བཤད་པ་ནི། སྔགས་ལ་གཞོལ་བའི་དབང་པོ་དམན་པ་འགའ་ཞིག་གིས་སྤྱོད་པའི་སྒོ་ནས་བདེ་སྟོང་སྦྱོར་བ་ལ་གོམས་པར་བྱས་ཀྱང་འཇིག་རྟེན་པའི་དངོས་གྲུབ་ཆེན་པོ་རྣམས་ཀྱང་འགྲུབ་པ་དང༌། དེའི་འོག་མ་རྣམས་མྱུར་དུ་འགྲུབ་པར་སངས་རྒྱས་རྣམས་ཀྱིས་བྱིན་གྱིས་རློབ་པའི་རྟོགས་པ་མ་སྐྱེས་པས་ལན་ལ། དེ་འདྲ་བའི་བདེ་སྟོང་དབྱེར་མེད་ཀྱི་རྟོགས་པའི་ཆོས་ལས་ཕྱི་རོལ་དུ་གྱུར་ཞེས་པའི་དོན་ཏོ། །སྤྱན་རས་ཀྱིས་མི་འཚོ་སྟེ་ཞེས་བྱ་བ་ནི་མང་དུ་གཅེས་པར་མི་མཛད་པའོ། །ཞེས་པ་ནི་ཐུགས་བརྩེ་བ་ཆེན་པོས་མི་དགོངས་པ་མིན་གྱིས། སྒྲུབ་པ་པོ་ལ་མངོན་དུ་ཕྱོགས་ནས་དངོས་གྲུབ་འགྲུབ་པར་བྱིན་གྱིས་མི་རློབ་པའོ། ༈ །དེ་ལྟར་སྔགས་ལ་མཆོག་ཏུ་གཞོལ་བ་རྣམས་ལ། དེ་བཞིན་གཤེགས་པ་རྣམས་རྒྱབ་གྱིས་ཕྱོགས་པ་ནི་སྔར་བཤད་པ་ལྟ ར་རྡོ་རྗེ་འཆང་གིས་གཟིགས་ནས། དངོས་གྲུབ་འདོད་པ་དེ་རྣམས་རྗེས་སུ་གཟུང་བར་མཛད་པའི་ཕྱིར། དེ་བཞིན་གཤེགས་པ། །སྦྱན་རས་ཀྱིས་འཚོ་བའི་ཐབས། བཅོམ་ལྡན་འདས་ཇི་ལྟར་
སྟོན་པར་མཛད་པ་དེ་བསྟན་པར་བྱ་བའི་ཕྱིར་སྡུད་པར་བྱད་པ་མ་དེ་བས་ན་ཞེས་བྱ་བ་ལ་སོགས་པ་གསུངས་ཏེ། གང་གི་ཕྱིར་འདོད་ཡོན་ལ་རོལ་པ་ལ་སོགས་པའི་སྒོ་ནས་མཆོག་ཏུ་དགའ་བའི་བདེ་བ་རྗེས་སུ་མྱོང་བར་མཛད་པ་དེ་བཞིན་གཤེགས་པ་རྣམས་སྒྲུབ་པ་པོ་ལ་གཟིགས་པར་མི་མཛད་དེ། དེ་བས་ན་སྐྱེས་བུ་དམ་པ་དེ་རྣམས་ལ་དེ་བཞིན་གཤེགས་པ་རྣམས་སྤྱན་རས་ཀྱིས་བཙའ་བར་བྱ་བའི་ཕྱིར་སྐྱེས་བུ་དམ་པ་སྒྲུབ་པ་པོ་དེ་རྣམས་ལ་མངོན་སུམ་དུ་མཛད་དེ། དངོས་གྲུབ་རྣམས་འགྲུབ་པར་བྱིན་གྱིས་བརླབ་པས་དད་པ་བསྐྱེད་པར་བྱ་བའི་ཕྱིར། འོག་ནས་བཤད་པ་འདི་གསུངས་པའོ། །དེ་གང་ཞེ་ན། དེ་བཞིན་གཤེགས་པ་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་གསང་བར་གྱུར་པའི་སྔགས་ཐམས་ཅད་ནི་སྦྲུལ་ལ་སོགས་པའི་གསང་སྔགས་ཀྱི་ལྷ་རྣམས་སོ། །དེ་རྣམས་ཀྱི་སྙིང་པོ་ནི་སྔགས་གང་གིས་ལྷ་རྣམས་ཀྱི་སྲོག་ཡང་དག་པར་བསྐུལ་བར་བྱེད་ཅིང་རབ་ཏུ་སད་པར་བྱེད་པ་དེ་ནི་སྔགས་ཐམས་ཅད་ཀྱི་སྙིང་པོ་ཀུན་ཏུ་བསྐུལ་བར་བྱེད་པ་ཞེས་བྱ་བ་རབ་ཏུ་གསང་བ་སྟེ། སྣོད་མ་ཡིན་པ་རྣམས་ལ་མཆོག་ཏུ་སྦ་པར་བྱ་བའོ། །དེ་བཞིན་གཤེགས་པ་ཐམས་ཅད་ནི་གཏི་མུག་གི་རིགས་ཅན་རྣམས་སོ། །དེ་རྣམས་ཀྱི་སྐུ་དང་གསུང་དང་ཐུགས་ཀྱི་མི་ཕྱེད་པའི་ངོ་བོ་ཉིད་ཀྱིས་དམ་ཚིག་གིས་སྐད་དོད་ས་མ་ཡ་ལ། སམྱཀ་ཡནྟི་ནི་ཡང་དག་པར་བྱོན་
པའོ། རྟགཙྪ་ནྟི་གཤེགས་པའོ། །ཡང་དག་པར་བྱོན་ཅིང་གཤེགས་པས་ན་དམ་ཚིག་གོ །དེ་ལ་སྔགས་པ་རྣམས་ཀྱིས་དམིགས་ཤིང་ཡིད་ལ་བྱས་པས་ན་དམིགས་པ་སྟེ་དམ་ཚིག་དེ་ལ་དམིགས་པ་ནི་ཡི་གེ་ༀ་མོ། །དེ་བཞིན་དུ་ཞེས་པ་ནི་སྐུ་དང་ཞེས་པ་ནས་དམིགས་པའི་བར་རྣམས་སྔ་མ་དང་འདྲ་བར་སྟོན་པའོ། །རྡོ་རྗེ་འཛིན་ཞེ་སྡང་གི་རིགས་ཐམས་ཅད་ཀྱི་སྐུ་ལ་སོགས་པ་ལ་དམིགས་པ་ནི་ཡི་གེ་ཧཱུཾ་མོ། །ཆོས་འཛིན་པ་འདོད་ཆགས་ཀྱི་རིགས་ཐམས་ཅད་ཀྱི་སྐུ་ལ་སོགས་པ་ལ་དམིགས་པ་ནི་ཡི་གེ་ཨཱཿ། །འདི་ཞེས་བྱ་བ་ནི་འོག་ནས་བཤད་པའོ། །ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཞེས་བྱ་བ་ནི་རྡོ་རྗེ་འཆང་ཆེན་པོ་ཉིད་དེ་དེའི་སྐུ་སྤྱི་པོ་ལས་ཡི་གེ་ༀ། གསུང་མགྲིན་པ་ལས་ཡི་གེ་ཨཱ༔། ཐུགས་ཀ་ལས་ཡི་གེ་ཧཱུཾ། ཡི་གེ་གསུམ་ༀ་ནས་བརྩེགས་པའི་གོ་རིམ་ཇི་ལྟ་བ་བཞིན་དུ་གསུངས་ཤིང་ཕྱུང་བར་གྱུར་པའོ། །གནས་དེ་རྣམས་ལས་གསུང༌། ལུགས་ཇི་ལྟ་བུ་ཞེ་ན། ཚིག་གི་ལམ་ངེས་པར་བརྗོད་པས་ཞེས་བྱ་བ་སྟེ། ཚིག་གི་ལམ་ནི་ཁ་སྟེ། རྡོ་རྗེ་འཆང་དེའི་ཞལ་ལོ། །ཞལ་དེ་ན ས་ངེས་པར་བརྗོད་པའི་ཞལ་ནས་ཡི་གེ་ཨཱཿ སྟོན་པའོ། །ཞལ་ནས་ཨཱཿ ངེས་པར་བརྗོད་པ་དེས། དེར་མ་ཟད་ཐུགས་ཧཱུཾ་ཡིག་དང་སྐུ་ༀ་ཡིག་དག་ཀྱང་གསལ་བའི་ཚིག་གིས་ཞལ་ནས་གསུངས་པ་དང༌། དུས་མཉམ་དུ་གནས་གསུམ་ལས་ཀྱང་ཡི་གེ་གསུམ་བྱུང་བ། །ཇི་ལྟ་བུའི་
གསུང་ཞེ་ན། བུད་མེད་དབྱངས་བཅུ་གཉིས་དང༌། སྐྱེས་པ་གསལ་བྱེད་སོ་གསུམ་དང་། མ་ནིང་གི་རི་རཱྀ་ལྀ་ལཱྀ་བཞིའི་ངོ་བོ་ཉིད་ཀྱི་ཡི་གེ་རྣམས་ཏེ། དེ་རྣམས་ཡང་དག་པར་བསགས་ཤིང་གང་དུ་བསྡུས་པར་གྱུར་པ་དེ་ནི་སྔགས་བསྡུས་པ་སྟེ་དེ་ཡི་གེ་གསུམ་དུ་གསུངས་པའོ། །དེ་ནས་ཞེས་བྱ་བ་ལ་སོགས་པ་ལ། དེ་ནས་སྔགས་བསྡུས་པ་གསུངས་པའི་འོག་ཏུ་ཡི་གེ་གསུམ་པོ་འདི་གསུངས་ཙམ་གྱིས་ཏེ་བརྗོད་པའི་སྐད་ཅིག་ལ་མི་བསྐྱོད་པ་ལ་སོགས་པའི་སངས་རྒྱས་ཐམས་ཅད་དང༌། སྲས་ཏེ་བྱང་ཆུབ་སེམས་དཔའི་ཚོགས་དང་བཅས་པ་རྡོ་རྗེ་འཆང་ཆེན་པོས་སྙིང་པོ་བསྐུལ་བའི་སྔགས་གསུངས་པས་རྗེས་སུ་གཟུང་བར་འོས་པའི་སེམས་ཅན་རྣམས་གཟིགས་པས་རབ་ཏུ་འདར་ཞིང་བརྒྱལ་བར་གྱུར་ཏོ། །རྡོ་རྗེས་སེམས་དཔའ་རྗེས་སུ་དྲན་ཞེས་བྱ་བ་ནི། རིགས་ཐམས་ཅད་ཀྱི་བདག་པོ་རྡོ་རྗེ་སེམས་དཔའ་རྗེས་སུ་དྲན་པ་སྟེ། སེམས་ཅན་ཐམས་ཅད་རྗེས་སུ་འཛིན་པར་མཛད་པའི་ངོ་བོ་ཉིད་དྲན་པས། བརྒྱལ་བ་ནི་དགའ་བ་རྒྱ་ཆེན་པོ་ཐོབ་པར་གྱུར་པ་སྟེ། གྱུར་པ་ཞེས་བྱ་བ་ནི་ཐོབ་པ་ལ་བྱའོ། ༈ །དེ་ནས་དེ་དྲན་པའི་འོག་ཏུ་ཕྱག་ན་རྡོ་རྗེ་སྟེ་རྡོ་རྗེ་འཆང་ཆེན་པོས། སྒྲུབ་པ་པོ་རྣམས་ལ་སྤྱན་རས་ཀྱིས་འཚོ་བ་ལ་ལྷ་ཐམས་ཅད་ཀྱིས་འདའ་བར་མི་བྱ་བའི་ངོ་བོ་ཉིད་ཀྱི་དམ་ཚིག་འོག་ནས་བཤད་པ་འདི་གསུངས་སོ། །ནམ་མཁའ་ཞེས་བྱ་བ་ལ་སོགས་པ་ལ། ནམ་མཁའ་ནི་དེ་བཞིན་ཉིད་དེ་འོད་གསལ་ལོ། །དེའི་ངོ་
བོར་འཇོག་ཅིང་བསླན་པས་ན་ནམ་མཁའི་དབྱིངས་ཞེས་པའི་དབྱིངས་ཀྱི་དོན་ཏེ་དམ་ཚིག་སེམས་དཔའོ། །དེ་ནི་རིགས་སུའི་ཟློས་པ་པོ་ཡིན་ཀྱང་འདིར་རྡོ་རྗེ་འཆང་དུ་སྐྱེད་པའི་དང་པོ་སྦྱོར་བ་བྱས་ནས་དེ་ལ་སེམས་དཔའ་གཞན་གཉིས་འགོད་པའོ། །དེའི་དབུས་ནི་སྙིང་ག་སྟེ་དེ་ལ་གནས་པར་བཀོད་པའི་དཀྱིལ་འཁོར་ཏེ། ཡེ་ཤེས་སེམས་དཔའ་རྡོ་རྗེ་འཆང་དམར་པོ་ཡུམ་དང་བཅས་པ་བསྒོམ་པར་བྱ་ཞིང་བསམ་པར་བྱའོ། །དེ་ཡི་སྟེ་ཡེ་ཤེས་སེམས་དཔའ་དེའི་དབུས་སུ་གནས་པ་ནི་ཡེ་ཤེས་སེམས་དཔའ་དེའི་སྙིང་གར་གནས་པ་སྟེ་ཡི་གེ་ཧཱུཾ་ནི་ཏིང་ངེ་འཛིན་སེམས་དཔའ་ཞེས་བྱའོ། །གསུམ་པོ་དེ་དག་རང་གི་གཟུགས་སུ་སྟེ་རང་གི་ངོ་རང་གི་ངོ་བོར་རབ་ཏུ་:པ་ཚབ:་བརྟག་ཅིང་ཟེར། བོ་ཉིད་ཀྱིས་རབ་ཏུ་བརྟག་ཅིང་བསྐྱེད་པར་བྱའོ། །སེམས་དཔའ་གསུམ་པོ་དེ་རྣམས་ལས་ཏེ། དེའི་ནང་ནས་ཏིང་ངེ་འཛིན་གྱི་སེམས་དཔའ་རྡོ་རྗེའི་འོད་ཟེར་ཤས་ཆེར་འབར་ཞིང་རྣམ་པར་འཕྲོ་བ་རྣམ་པར་བསམ་པར་བྱ་སྟེ། རྡོ་རྗེ་ནི་དེ་བཞིན་གཤེགས་པ་ལྔ་རྣམས་སོ། །དེ་རྣམས་ཀྱི་འོད་ཟེར་ནི་དཀར་པོ་ལ་སོགས་པའོ། །དེ་ཤས་ཆེར་འབར་བ་ནི་ཤིན་ཏུ་འབར་པའོ། །རྣམ་པར་འཕྲོ་བ་ནི་འབར་བར་གྱུར་པ་ཉིད་དུ་བསམ་པར་བྱ་བའོ། །སངས་རྒྱས་རྣམས་ཀྱི་ནི་རྣམ་པར་སྣང་མཛད་ལ་སོགས་པ་སྤངས་རྟོགས་ཡོངས་སུ་རྫོགས་པའི ག་དང༌། སྤངས་རྟོགས་མ་རྫོགས་པའི་བྱང་ཆུབ་སེམས་དཔའ་ཀདེ་བཞིན་
གཤེགས་པ་རྣམས་ཁཀྱི་སྟེ། ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་ཀྱིའོ། །སྐུ་དང་གསུང་དང་ཐུགས་ནི་དེ་རྣམས་ཀྱི་སྐུ་དང་གསུང་དང་ཐུགས་ཀྱི་ནུས་པ་སྟེ། :པ་ཚབ་ཆག:་ཏིང་ངེ་འཛིན་དམ་ཚིག་སེམས་དཔའ་ལས་བྱུང་བའི་དཀར་པོ་ལ་སོགས་པའི་འོད་ཟེར་གྱི་ལྕགས་ཀྱུས་ཐུགས་ཀ་ནས་ནུས་པ་ཐམས་ཅད་དྲངས་པར་རྣམ་པར་བསྒོམ་ཞིང་བསམ་པར་བྱའོ། །དེ་ལྟར་སློབ་པའི་སྒྲུབ་པ་པོས་སྐད་ཅིག་མ་དེ་མ་ཐག་ཉིད་དུ་དྲངས་ཤིང༌། དམ་ཚིག་སེམས་དཔའ་ལ་བཙུག་པ་ཙམ་ཉིད་ཀྱིས་ཐམས་ཅད་ཟིལ་གྱིས་མནན་ནས་རྡོ་རྗེ་འཆང་དང་འདྲ་བར་འགྱུར་རོ་ཞེས་བྱ་བར་སྦྱར་རོ། །དེ་ཇི་ལྟ་བུའི་ངོ་བོ་ཉིད་དུ་ཞེ་ན། སྐུ་གསུང་ཐུགས་ཀྱི་རྡོ་རྗེ་འཛིན། ཞེས་པ་སྟེ། སྐུ་ལ་སོགས་པ་མི་ཕྱེད་པའི་ངོ་བོ་ཉིད་ཡིན་པའི་ཕྱིར། སྐུ་གསུང་ཐུགས་ཀྱི་རྡོ་རྗེ་འཛིན་ཏོ། །ཆེན་པོ་ནི་དེ་བཞིན་གཤེགས་པ་རྣམས་ཏེ། དེ་རྣམས་དགྱེས་པར་བྱེད་པས་རྒྱལ་པོ་ཆེའོ། །ཀུན་ནི་རྒྱུ་བ་དང་མི་རྒྱུ་བའོ། །དེ་རྣམས་ཀྱི་གཙོ་བོ་ནི་ཚངས་པ་ལ་སོགས་པའོ། །དེ་རྣམས་ཀྱང་ཆད་པས་ཚར་གཅོད་པ་དང་རྗེས་སུ་འཛིན་པར་མཛད་པས་ཀུན་གྱི་གཙོ་བོ་དབང་ཕྱུག་མཆོག་སྟེ། རྣམ་པ་དེ་ལྟ་བུའི་རྡོ་རྗེ་འཆང་ཆེན་པོར་བདག་ཉིད་བསྒོམ་པར་བྱའོ་ཞེས་བྱ་བའི་བར་དུའོ། །རང་གི་དཀྱིལ་འཁོར་ནི་རང་རྡོ་རྗེ་འཆང་དུ་བསྒོམས་པའི་རང་གི་ལུས་ཀྱི་དཀྱིལ་འཁོར་རོ། །དེའི་རང་གི་རྡོ་རྗེས་ཏེ་རང་གི་སེམས་ཀྱིས་བསྐྱེད་པའི་ཆོ་ག་འདི་ཉིད་དོ། །
འདི་ནི་ཞེས་བྱ་བ་ནི་བཤད་མ་ཐག་པ་གང་ཡིན་པའོ། །སངས་རྒྱས་ཐམས་ཅད་ཀྱི་ཞེས་བྱ་བ་ནི་དུས་གསུམ་དུ་བྱུང་བ་རྣམས་ཀྱིའོ། །སྙིང་པོ་ནི་བརྟན་པར་གྱུར་པའོ། །རྡོ་རྗེ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་སོ། །དེ་རྣམས་ཀྱི་བསྡུས་པ་ནི་སངས་རྒྱས་བྱང་སེམས་གྱི་ནུས་མཐུ་རྣམས་བཀུག་པ འོ་སྟེ་། ཏིང་ངེ་འཛིན་སེམས་དཔའི་འོད་ཟེར་འདིས་བསྡུས་ཤིང་དྲངས་པས་ན་བསྡུས་པའོ། ༈ །དེ་ལྟར་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་ངོ་བོ་ཉིད་དུ་བདག་ཉིད་བསྐྱེད་ནས།ཞེས་པ་ནི་གོང་དུ་བདག་ཉིད་རྡོ་རྗེ་འཆང་དུ་བསྐྱེད་པར་བཤད་པ་དེའོ། །འཁོར་གྱི་དཀྱིལ་འཁོར་ཇི་ལྟར་བསྐྱེད་པ་དེ་བསྟན་པར་བྱ་བའི་ཕྱིར། རང་སྔགས་ཞེས་བྱ་བ་ལ་སོགས་པ་གསུངས་ཏེ། རང་ཉིད་སྔགས་ཀྱི་སྐྱེས་བུ་རྡོ་རྗེ་འཆང་དུ་བསྒོམས་ནས་རང་སྟེ་བདག་ཉིད་ཀྱི་གནས་བཞི་སྟེ་ཤར་ལ་སོགས་པའི་གནས་རྣམས་སུ་སྟེ། ཕྱོགས་བཞིར་གཟུགས་ཀྱི་ཚུལ་ཏེ། ལེའུ་གསུམ་པ་དང༌། མདོར་བྱས་ལས་ཇི་སྐད་དུ་གསུངས་པའི་སྐུ་མདོག་དང་ཕྱག་མཚན་གྱི་གཟུགས་ཀྱི་ཚུལ་དུ་བསྒོམ་མོ་འོ་། །ཞལ་གསུམ་ལྟ་བུའི་སྦྱོར་བ་ཡིས། ཞེས་བྱ་བ་ནི། ཆ་འདྲ་ཞིང་གསལ་བར་གཟུང་བ་ཡིན་པས་ན་ལྟ་བུ་སྟེ་འདོད་ཆགས་ལ་སོགས་པ་སྣང་བ་གསུམ་མོ་འོ་། །གསུམ་པོ་དེ་རྣམས་ཀྱིས་སྦྱོར་བས་ན་ཞལ་གསུམ་ལྟ་བུའི་སྦྱོར་བ་ཡིས། ཞེས་བྱ་བ་
སྟེ། ཞལ་གསུམ་པ་དེས་སྣང་བ་གསུམ་ཉེ་བར་མཚོན་པར་བྱས་པའོ། ཁ་དོག་ཁ་དོག་གི་སྐད་དོད་ཝརྣ་ཞེས་པ་ཡི་གེ་དང་ཁ་དོག་གཉིས་ཀ་ལ་འགྲོ་བ་ལ་འདིར་ཡི་གེ་ལ་བསྒྱུར་དགོས་སོ། །གསུམ་གྱིས་ཞེས་པ་ནི་ཡི་གེ་གསུམ་གྱིས་སྔགས་ཀྱི་སྐྱེས་བུ་སྟེ། རྣམ་པར་སྣང་མཛད་དང་ལ་སོགས་པ ས་རིན་འབྱུང་འོད་དཔག་མེད་དོན་གྲུབ་བཞི་གནས་བཞིར་བསྒོམ་ཞིང་བསམ་ལ་བསླབ་བར་བྱའོ། །རྡོ་རྗེ་འཆང་གིས་གཙོ་བོ་བྱས་བ་ན་མི་བསྐྱོད་པ་འདིར་མེད་དོ། །རྣམ་སྣང་སོགས་ཕྱོགས་བཞིར་བསྐྱེད་པའི་རིགས་པ་འདིས་ཇི་ལྟར་རྣམ་སྣང་སོགས་བཞི་པོ་སོ་སོའི་རང་གི་རིགས་དེ་དང་འབྲེལ་བའི་ལྷའི་ཚོགས་སྤྱན་མ་ནས་གནོད་མཛེས་ཀྱི་བར་སྤྲོ་བར་བྱས་པ་སྟེ། དེ་བཞིན་གཤེགས་པ་བཞིའི་གནས་ནི་ཉེ་བར་མཚོན་པ་ཉིད་ཀྱིས་ན། ལྷ་ལྷག་མ་དང༌། དེའི་གནས་ཀྱང་ཤེས་པར་བྱའོ་སོ་། །བཅོམ་ལྡན་འདས་རྡོ་རྗེ་དམ་ཚིག་ནི་རྡོ་རྗེ་འཆང་ཆེན་པོ་སྟེ། དེས་དེ་སྐད་ཅེས་བཀའ་སྩལ་པའོ། ༈ །དེ་ལྟར་བསྡུས་པའི་དཀྱིལ་འཁོར་ལྷ་སོ་གཉིས་མངོན་པར་སྤྲུལ་པའི་དཀྱིལ་འཁོར་རྒྱལ་མཆོག་བྱས་ནས་ཡང་ཅི་ཞིག་བྱ་ཞེ་ན། དེ་ལ་ཞེས་བྱ་བ་ལ་སོགས་པ་གསུངས་ཏེ། དེ་ལ་ཞེས་པ་ནི་དེ་བཞིན་གཤེགས་པའི་ཐུགས་ཡང་དག་པར་བསྐུལ་བ་ལའོ། །འདི་ནི་ཞེས་པ་ནི་འོག་ནས་བཤད་པའོ། །མཆོག་ནི་དམ་པའོ། །རྡོ་རྗེ་གསང་པ་ནི་དེ་བཞིན་གཤེགས་པའི་གསང་བ་སྟེ། དེ་བཞིན་གཤེགས་པ་རྣམས་ཀྱི་གསང་པ་མཆོག་གོ་འོ་། །སྙིང་གའི་དབུས་སུ་ཕྲ་མོ་
ཡི། དཀྱིལ་འཁོར་རྣམས་ནི་བསམ་པར་བྱ། ཞེས་བྱ་བ་ལ་སོགས་པ་ལ། རྟེན་གྱི་དཀྱིལ་འཁོར་ཉིད་དང་ངོ་བོ་དབྱེར་མེད་པས་དཀྱིལ་འཁོར་པའི་ལྷ་རྣམས་ལ་དཀྱིལ་འཁོར་ཞེས་བྱའོ་སོ་། །དཀྱིལ་འཁོར་པའི་ལྷ་དེ་རྣམས་ཀྱི་རེ་རེའི་སྙིང་གའི་དབུས་སུ་ཆུད་པར་སྙིང་གའི་ཟླ་བ་ལ་གནས་པ་ཕྲ་བ་བསྒོམ་པར་བྱ་ཞིང་ཁྱད་བསྒོམ་:ཆག:པར་བྱ་བ་ཡིན་པས་རྣམ་བསྒོམ་བྱའོ། །དེ་ནི་རྣམ་པ་ཁྱད་པར་ལ་བཤད་པའོ། །པར་དུ་བསམ་པར་བྱ་བ་ཡིན་པས་ན་བསམ་པར་བྱ་སྟེ། ཡེ་ཤེས་ཀྱི་རང་བཞིན་ཡིན་པས་ན་ཕྲ་བ་སྟེ་ཡེ་ཤེས་སེམས་དཔའ་བསྒོམ་པར་བྱ་བའོ་ཞེས་བྱ་བའི་དུའོ། །ཡི་གེ་མཆོག་ཏུ་གྱུར་པའི་ཚིག ། །དེ་ཡི་དབུས་སུ་བསམ་པར་བྱ། ཞེས་བྱ་བ་ནི། ཡེ་ཤེས་སེམས་དཔའ་དེ་ཡི་དབུས་སུ་ཆུད་ཅིང་ཐུགས་ཀྱི་ཟླ་བར་ཆུད་པ་དེ་བཞིན་དུ་སོ་སོའི་ཡི་གེ་སྟེ་ཡི་གེའི་སྐད་དོད་ཨཀྵ་ར་མི་འགྱུར་བ་ལ་འཇུག་པའོ། མི་འགྱུར་བའི་ངོ་བོ་ཉིད་མཆོག་ཏུ་གྱུར་པ་ནི་སྙིང་གའི་མི་ཤིགས་པ་ལས་བྱུང་བའི་ཕྱིར་ཕུལ་དུ་བྱུང་བ་ཡིན་ནོ། །ཚིག་ནི་ཡི་གེ་ཧཱུཾ་མོ། །རྡོ་རྗེ་ཆེན་པོ་རྩེ་ལྔ་པ། རྟག་ཏུ་སྦྱོར་བས་བསྒོམ་པར་བྱ་ཞེས་བྱ་བ་ནི། སྦྱོར་བས་ཞེས་པ་སྒྲུབ་པ་པོ་ངེས་པར་ལེགས་པ་ལ་སྦྱོར་བར་བྱེད་པས་ན་སྦྱོར་བ་སྟེ་ཏིང་ངེ་འཛིན་གྱི་སེམས་དཔའོ། །ཧཱུཾ དེ་ལས་རྡོ་རྗེ་ཆེན་པོ་རྩེ་ལྔ་པ་ཁ་རྣམ་པར་གྱེས་པའི་ལྟེ་བར་ཧཱུཾ་གིས་མཚན་པ་བསམ་ཞིང་བསྒོམ་
པར་བྱའོ། །སྙིང་གའི་དབུས་སུ་ཕྲ་མོ་ཡི་ཞེས་པའི་རྐང་པ་དྲུག་གིས་བསྟན་ཚུལ་འདིས་ན་དམ་ཚིག་དང་ཡེ་ཤེས་དང་ཏིང་ངེ་འཛིན་སེམས་དཔའ་ཞེས་གྲགས་པའི་གསུམ་པོ་དེ་དག་མི་ཕྱེད་པས་ན་རྡོ་རྗེ་སྟེ་དེ་གསུམ་ལྷ་ཐམས་ཅད་ལ་བསམ་ཞིང་བསྒོམ་པར་བྱའོ། ༈ །རྡོ་རྗེ་ཀྱོ་བའི་སྦྱོར་བ་ཡིས། ཞེས་བྱ་བ་ལ། རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི ས་སྤྲོས་པའི་འོད་ཟེར་ནི། སངས་རྒྱས་རྣམས་ཀྱི་ནུས་མཐུ་འགུགས་བ་ལ་ལྕགས་ཀྱུ་དང་འདྲ་བས་ན་ཀྱོ་བ་སྟེ་གླང་པོ་ཆེ་འགུགས་པའི་ལྕགས་ཀྱུ་བཞིན་ནོ། །དེའི་སྦྱོར་པ་ནི་རྡོ་རྗེ་ཀྱོ་བའི་སྦྱོར་བ་སྟེ། རྡོ་རྗེ་ཀྱོ་བའི་སྦྱོར་པ་དེ་ལས། ཞེས་པ་འོད་ཟེར་སྤྲོས་པའི་འོད་ཀྱི་སྣང་བས་རྡོ་རྗེ་གསུམ་སྟེ། སེམས་དཔའ་སུམ་རྩེག་ཏུ་བྱས་པ་རྣམས་གསལ་བར་བྱས་པར་རྣམ་པར་བསྒོམ་པར་བྱའོ། །ཞེས་པའི་དོན་ནོ། །ཀྱོ་བའི་སྦྱོར་བ་དེ་ཉིད་བསྟན་པར་བྱ་བའི་ཕྱིར། དེ་ཡིས་སྙིང་ཁར་ཞེས་བྱ་བ་ལ་སོགས་པ་གསུངས་ཏེ། དེ་ཡིས་ཞེས་པ་རྡོ་རྗེ་གསུམ་གྱིས་ཏེ། སེམས་དཔའ་སུམ་རྩེག་གི་འོད་ཟེར་གྱིས་སངས་རྒྱས་ཀྱི་ཞིང་ན་བཞུགས་པའི་སྙིང་ཁ་སྟེ། བསྒྲུབ་པར་བྱ་བའི་ལྷ་རྣམས་ཀྱི་འི་སྙིང་ཁར་བརྡབ་པར་བྱ་ཞིང་བསྐྱོད་པར་བྱ་སྟེ། དཀྱིལ་འཁོར་གྱི་བདག་པོ་ལ་སོགས་པ་སེམས་དཔའ་གསུམ་གྱི་བདག་ཉིད་ཅན་གྱི་དཀྱིལ་འཁོར་བའི་ལྷ་རྣམས་ཀྱིས་སྤྲོས་པའི་འོད་ཟེར་གྱི་ཚོགས་རྣམས་གཅིག་ཏུ་གྱུར་བའི་འོད་ཟེར་གྱི་ཚོགས་ཀྱི་ལྕགས་ཀྱུས་བསྒྲུབ་པར་བྱ་བའི་ལྷའི་ཐུགས་ཀར་ཞེས་པ་སེམས་དཔའ་གསུམ་དུ་གྲགས་པ་བསྐུལ་པར་བྱའོ། །
ཞེས་བྱ་བའི་:ཆག:ལྷ་ཡང་རབ་ཏུ་བསྐུལ་བར་བྱ། ཞེས་པ་ལ་ཡང་གི་སྒྲ་ནི་བསྡུ་བ་སྟེ་ཞེས་པ་ལྟར་བྱའོ། །དེའི་དོན་ནི་འོད་ཟེར་གྱི་ཀྱོ་བ་བཏང་སྟེ། ལྷ་རྣམས་ཀྱི་ནུས་མཐུ་བཀུག་ནས་རང་ལ་བསྟིམ་པར་མ་ཟད། ལྷ་གནོད་མཛེས་ཀྱང་རབ་ཏུ་བསྐུལ། ཞེས་པ་སྟེ་འཆད་པར་འགྱུར་རོ། །སྒྲས་ནི་ཇི་སྙེད་པའི་ལྷ་རྣམས་ཀྱི་ཚོགས་བསྐུལ་བར་བྱ་བའོ། །རྡོ་རྗེ་ལྕགས་ཀྱུས་བརྡབ་པས་སྒྲུབ་པ་པོ་ལ་དགོངས་པར་བྱ་བ་བསྐྱེད་པའི་འོག་ཏུ། པ་ཚབ:ལྷ་སྟེ་གནོད་མཛེས་རྒྱལ་པོ་བཀུག་ལ། དེ་རང་གི་མདུན་དུ་འདུག་སྟེ། བདག་གིས་ཅི་ཞིག་བགྱི་ཞེས་བཀའ་ལུང་ནོད་པར་བསམས་ལ་གནོད་མཛེས་དེ་ལ་དེ་བཞིན་གཤེགས་པ་རྣམས་ཀྱིས་བདག་ལ་དངོས་གྲུབ་སྦྱིན་པར་བསྐུལ་ཅིག་ཅེས་ལུང་སྟེ། བཀའ་བསྒོ་ཞིང་འོ་། །དེས་ཀྱང་སངས་རྒྱས་ཀྱི་ཞིང་དུ་བྱོན་ནས་མིང་འདི་ཞེས་བྱ་བའི་སྒྲུབ་པ་པོ་ཁྱེད་ཀྱི་བསྟན་པ་ལ་དགའ་ཞིང་། དངོས་གྲུབ་མྱུར་དུ་འགྲུབ་པ་དོན་དུ་གཉེར་བ་འདི་ལ་དངོས་གྲུབ་སྩོལ་བར་མཛོད་ཅིག་ཅེས་བསྐུལ་བ་དང༌། ཐུགས་ཀར་ལྕགས་ཀྱུས་བརྡབ་ནས་དེ་རྣམས་ཀྱི་ནུས་པ་བསྡུས་པ་དྲངས་ཏེ་རང་ལ་བཅུག་པར་བསམ་མོ། ༈ །འདི་ནི་ཞེས་པ་ནི་བཤད་མ་ཐག་པའི་ཆོ་ག་སྟེ། དེ་ནི་རྡོ་རྗེ་ཅན་ཐམས་ཅད་ཀྱི་ཞེས་པ་སྒྲུབ་པ་པོ་ཐམས་ཅད་ཀྱིའོ། །སངས་རྒྱས་བྱང་ཆུབ་རབ་བསྒྲུབ་པའོ། །ཞེས་བྱ་བ་ནི། སངས་རྒྱས་ནི་དེ་བཞིན་གཤེགས་པ་རྣམས་སོ་ཏེ་། ཁདེ་རྣམས་ཀྱི་བྱང་ཆུབ་ཀྱི་གསེམས་སོ། །རབ་ཏུ་བསྒྲུབ་པའི་འགུགས་པའོ། །ཞེས་པ་ནི་དེ་རྣམས་ཀྱི་ཐུགས་ཀྱི་ནུས་པ་བསྒྲུབ་པ་པོ་ལ་འགུགས་པའོ། །
རྡོ་རྗེ་ཞེས་བྱ་བ་ལ་སོགས་པ་ལ། བཤད་མ་ཐག་པའི་སེམས་དཔའ་གསུམ་གྱི་བདག་ཉིད་ཅན་གྱི་རྡོ་རྗེ་ཀྱོ་བ་བསྒོམ་པ་འདི་ནི། རྡོ་རྗེ་པདྨོ་རིགས་ལ་སོགས་ཞེས་བྱ་བ་སྟེ། རྡོ་རྗེ་དང༌། པདྨའི་རིགས་དང༌། སོགས་པ ས་ནི་དེ་བཞིན་གཤེགས་པ་དང༌། རིན་པོ་ཆེ་དང་ལས་ཀྱི་རིགས་ཀྱི་སྒྲུབ་པ་པོས་ཀྱང་ཉམས་སུ་བླང་བའོ། །འདིར་རིགས་ལྔ་པོ་སུའིཟློས་པ་པོ་ཡིན་ཀྱང་གཙོ་བོ་རྡོ་རྗེ་འཆང་གིས་བྱའོ། ༈ །འདི་ནི་ཞེས་པ་བཤད་མ་ཐག་པའི་སྙིང་ཁ་བསྐུལ་བ་སྟེ། དེ་བཞིན་གཤེགས་པའི་ཐུགས་རབ་ཏུ་བསྐུལ་བ་དེ་ནི་རོལ་མོ་ལྟར་འབྱུང་བས་ན་རོལ་མོའི་འབྱུང་བ་སྟེ། །ཇི་ལྟར་རོལ་མོ་ལ་གར་མཁན་ནི་གཅིག་པུ་ཉིད་ལས་བསྒྱུར་བས། ལྷའི་དབང་པོ་ལ་སོགས་པ་གཞན་དུ་ཡོངས་སུ་རྟོག་པར་བྱེད་དེ། །དེ་བཞིན་དུ་འདིར་ཡང་ཐུགས་རྡོ་རྗེ་གཅིག་པུ་བསྒྲུབ་པར་བྱ་བ་དང༌། སྒྲུབ་པ་པོ་དང་བསྒྲུབ་པའི་ཚུལ་གྱིས་ཡོངས་སུ་རྟོག་གོ་ཞེས་བྱ་བའི་བར་དུའོ། ༈ །ཐུགས་ཡང་དག་པར་བསྐུལ་བ་འདི་ཡི་དུས་ཀྱི་ཚད་བསྟན་པར་བྱ་བའི་ཕྱིར། རྡོ་རྗེ་ཡི་ནི་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ཡི་ནི་ཚུལ་མཆོག་འདི་ཞེས་བྱ་བ་ལ། རྡོ་རྗེ་ནི་དེ་བཞིན་གཤེགས་པ་རྣམས་ཏེ། དེ་རྣམས་ཀྱི་ཐུགས་སྙིང་པོ་བསྐུལ་བའི་ཆོ་ག་གང་གིས་གདུལ་བྱ་ལ་དགོངས་པར་ཁྲིད་ཅིང་དྲངས་པ་གང་ཡིན་པ་དེ་ནི་རྡོ་རྗེ་ཡི་ཚུལ་འདི་ནི་ཚུལ་གྱི་སྐད་དོད་ན་ཡ་ལ་ཚིག་གིས། ནཱི་ཡནྟེ་ཁྲིད་པ་དང༌། ཨ་ཀྲི་ཥྱ་དྲང་བར་བྱ་བ་ལ་འཇུག་པའོ། །ལོ། །ཐུགས་
བསྐུལ་བ་དེ་ལ་མཆོག་ཏུ་གྱུར་ཅིང་ཕུལ་དུ་བྱུང་བས་ན་རྡོ་རྗེ་ཡི་ནི་ཚུལ་མཆོག་སྟེ། ཐུགས་བསྐུལ་བ་དེའི་ཆོ་ག་ནི། རྡོ་རྗེ་འཆང་གིས་གཅོ་བོ་བྱས་པའི་དང་པོ་སྦྱོར་པ་དང༌། དཀྱིལ་འཁོར་རྒྱལ་མཆོག་དང་འོད་ཟེར་གྱིས་ཀྱོ་བ་དང༌། གནོད་མཛེས་གཏོང་བ་སོགས་ཀྱི་ལས་རྒྱལ་མཆོག་དང༌། ཕྱག་རྒྱ་ལ་བརྟེན་ནས་བདེ་བ་བསྐྱེད་དེ། ལུས་ངག་ཡིད་གསུམ་དེ་ཁོ་ནར་མ་གྲུབ་པའི་སྟོང་པ་ཉིད་ཀྱི་ལྟ་བ་དང་སྦྱར་ཏེ་སྒོམ་པ་དང༌། ཡི་གེ་གསུམ་གྱི་བཟླས་པ་བྱེད་པ་རྣམས་ཏེ། དེ་རྣམས་རྗེས་སུ་བསྒྲུབ་པར་བྱའོ། །ཞག་བདུན་པར་དུ་བྱས་ན་ནི་ཞེས་བྱ་བ་ནི། བརྩམས་པའི་ཉིན་མོ་ནས་བཟུང་སྟེ་ཉིན་ཞག་བདུན་གྱི་བར་དུ་བྱ་བའོ། ༈ །ཡེ་ཤེས་རྡོ་རྗེ་ཞེས་བྱ་བ་ལ་སོགས་པ་ནི་ཆོ་གའི་ཕན་ཡོན་གསུངས་པ་ཡིན་ཏེ། ཡེ་ཤེས་རྡོ་རྗེ་ཅན་ནི་སྒྲུབ་པ་པའོ། །གསང་བ་ནི་བླ་མའི་ལུང་སྟེ། མན་ངག་ལས་རྙེད་པ་ཡིན་པས་སོ། །སྐུ་དང་གསུང་དང་ཐུགས་ཞེས་བྱ་བ་ནི་བསྒྲུབ་པར་བྱ་བའི་དེ་བཞིན་གཤེགས་པའི་སྐུ་དང་གསུང་དང་ཐུགས་སོ། །འགྲུབ་པར་འགྱུར་བ་ནི་སྒྲུབ་པ་པོ་ལ་འགྲུབ་པོ་འོ་། །འཇིགས་ཤིང་ཞེས་བྱ་བ་ནི་འཇིགས་པར་གྱུར་པ་སྟེ། འགྲུབ་ཚུལ་ནི། སངས་རྒྱས་རྣམས་ཀྱིས་འདི་ལྟར་གྱིས་ལ་སྒྲུབས་ཤིག་དང་འགྲུབ་པར་འགྱུར་རོ་ཞེས་དམ་བཅས་པའི་དམ་ཚིག་ལས་འདའ་བས་འཇིགས་པའོ། །དེ་ལྟར་གྱུར་པའི་དེ་བཞིན་གཤེགས་པ་རྣམས་ཀྱང་སྐྲག་གྱུར་ནས་ཞེས་བྱ་བ་སྟེ། ཐུགས་རྗེའི་དབང་དུ་གྱུར་པས། བར་དུ་གཅོད་པའི་བགེགས་མེད་པའི་ཐུགས་ཀྱིས་སྒྲུབ་པ་པོ་ལ་
མཆོག་སྩོལ་བར་གཟིགས་པར་འགྱུར་ཏེ། ཡིད་ལ་འདོད་པའི་དངོས་གྲུབ་སྩོལ་བས་རྗེས་སུ་འཛིན་པར་མཛད་པའོ། །རྗེས་སུ་གཟུང་བར་མཛད་ནས་ཅི་ཞིག་མཛད་ཅེ་ན། ཡིད་ལ་མགུ་ཞིང་ཞེས་བྱ་བ་ལ་སོགས་པ་གསུངས་ཏེ། ཡིད་ལ་མངོན་པར་མགུ་བས་དགའ་ཞིང་སྡུག་པར་གྱུར་པའི་དངོས་གྲུབ་རྒྱ་ཆེ་ཞིང་ཡངས་པའི་འཇིག་རྟེན་པ་རྣམས་དངོས་སུ་དང་འཇིག་རྟེན་ལས་འདས་པ་དབང་ཕྱུག་བརྒྱད་ལ་སོགས་པའི་མཚན་ཉིད་ཅན་བརྒྱུད་ནས་སྩོལ་ཅིང་སྟེར་བར་འགྱུར་རོ། །སུ་ཞིག་གིས་སྩོལ་བར་འགྱུར་ཞེ་ན། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་མི་བསྐྱོད་པ་ལ་སོགས་པའོ། །བྱང་ཆུབ་སེམས་དཔའ་ནི་བྱམས་པ་ལ་སོགས་པའོ། །སྔགས་ཀྱི་སྤྱོད་པའི་མཆོག་སྒྲུབ་པས་ཞེ་བྱ་བ་ནི། བྱང་ཆུབ་ཉིད་ལ་སློབ་པའི་གྲུབ་པའི་སྐྱེས་བུ་རྣམས་ཏེ། དེ་རྣམས་ཀྱིས་སྟེར་བར་འགྱུར་རོ།་སོ་། ༈ །སྔར་བཤད་པ་དེ་ལྟར་སྙིང་པོ་བསྐུལ་བའི་ཐབས་རྣམས་ལ་ནན་ཏན་ཏུ་མི་བྱེད་པའི་སྒྲུབ་པ་པོ་ཅིར་འགྱུར་ཞེ་ན། སྨོངས་པས་ཞེས་བྱ་བ་ལ་སོགས་པ་གསུངས་ཏེ། གལ་ཏེ་སྒྲུབ་པ་པོ་རྨོངས་པའི་བདག་ཉིད་ཅན་སྙིང་པོ་བསྐུལ་བར་བྱ་བའི་ཡུལ་འདི་ནི་མཐུ་ཆེན་པོ་དང་ལྡན་པའི་དེ་བཞིན་གཤེགས་པའོ། །བདག་ནི་མཐུ་ཤིན་ཏུ་ཆུང་བའི་ཐ་མལ་པའོ། །དེའི་ཕྱིར་བདག་གིས་དེ་བསྐུལ་མི་ནུས་སོ། ཞེས་གང་ཡོངས་སུ་རྟོག་པ་སྟེ། བརྟགས་ནས་
སྙིང་པ་བསྐུལ་བ་མི་བྱེད་པ་དེ་ནི་རྨོངས་པའོ། །དེ་ལྟ་བུའི་གཏི་མུག་གི་བདག་ཉིད་ཅན་གྱི་ངོ་བོ་ཉིད་གང་ཡིན་པ་དེ་ནི་རྨོངས་པའི་བདག་ཉིད་ཅན་ཏེ། དངོས་གྲུབ་སྒྲུབ་པ་དེ་ནི་སྒྲུབ་པ་པོས་ད་ཡི་སྲོག་གི་ཐ་མ་བར་དུ་ཡིན་ཏེ། དངོས་གྲུབ་སྒྲུབ་པའི་ལས་གང་གིས་དངོས་གྲུབ་ཏུ་འདོད་པ་སྟེ། དངོས་གྲུབ་འགྲུབ་ཏུ་རེ་བ འི་ལས་བྱད་པ་དེས་སྲོག་ཟད་པར་འགྱུར་གྱི་དངོས་གྲུབ་ཐོབ་པར་ཡང་མི་འགྱུར་ཏེ། སྙིང་པོ་ཡང་དག་པར་བསྐུལ་བ་དང་བྲལ་བའི་ཕྱིར་རོ། ཞེས་བྱ་བར་དགོངས་ཏེ། སྒྲ་ཇི་བཞིན་པའོ། ༈ །དེ་ལྟར་ཐུན་མོང་གི་སྒྲུབ་པ་བསྐྱེད་རིམ་ལ་ཞུགས་པ་སྔགས་ལ་གཞོལ་པ་རྣམས་ཀྱི་སྙིང་པོ་ཡང་དག་པར་བསྐུལ་བའི་སྦྱོར་བ་བསྟན་ནས། དེ་ནི་དངོས་གྲུབ་མཆོག་སྟེ། སྒྲུབ་པ་མཆོག་རྫོགས་རིམ་ལ་གནས་པ་རྣམས་ཀྱི་སྙིང་པོ་བསྐུལ་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །གསུང་ནི་འདི་སྐད་ཅེས་བྱ་བ་ནི་ཚིག་འདི་སྐད་དོ། །བཀའ་སྩལ་ཏོ་ཞེས་བྱ་བ་ནི་གསུངས་པའོ། ༈ །:ཆག:སྔགས་ནི་གསང་ཆེན་ནོ། །དེ་ལ་ཞུགས་པའི་སྐྱེས་བུ་གང་སུ་ཡང་རུང་བ་ནི། སྔགས་ཀྱི་སྐྱེས་བུ་ཇི་སྙེད་པའོ། །ཞེས་འབྱུང་བ་ལྟར་བདེའོ། །དེའི་དོན་ནི་གསང་ཆེན་རྫོགས་རིམ་ལ་གནས་པའི་སྙིང་པོ་བསྐུལ་དགོས་པ་ཇི་སྙེད་
པ་རྣམས་སོ། །གང་སུ་ཡང་རུང་བའི་སྔགས་ཀྱི་གསང་བ་ལ་ཞུགས་པའི་སྐྱེས་བུ་ནི་སྔགས་ཀྱི་སྐྱེས་བུ་ཇི་སྙེད་པའོ། །རྡོ་རྗེ་གསུམ་གྱི་ཡེ་ཤེས་ནི་སྣང་མཆེད་ཐོབ་གསུམ་གྱིས་བསྒྲུབ་པར་བྱ་བའི་དེ་བཞིན་གཤེགས་པ་རྣམས་སོ། །སྣང་བ་གསུམ་གྱིས་བསྒྲུབས་པའི་ལུས་དེ་བཞིན་གཤེགས་པ་དེ་དག་གི ས་ཡོངས་སུ་གང་བས་ན་ཡོངས་སུ་རྫོགས་པ་དེའི་དོན་ནི། རྡོ་རྗེ་གསུམ་གྱི་ཡེ་ཤེས་སྣང་བ་གསུམ་ལས་བསྒྲུབས་པའི་སྒྱུ་ལུས་རྡོ་རྗེ་འཆང་གི་ཕུང་སོགས། དེ་བཞིན་གཤེགས་པ་ལ་སོགས་པར་བཤད་པའི་སྐུ་དེ་རྫོགས་པ། །སྒྱུ་ལུས་གྲུབ་པ་དེ་རྣམས་ཀྱི ས་དངོས་པོ་ཐམས་ཅད་བརྟག་པ་ནི་དབང་པོ་གཉིས་ཀྱི་སྦྱར་བས་འགྱུར་གྱི་གཞན་གྱིས་ནི་མ་ཡིན་ཏེ། དངོས་པོ་ཐམས་ཅད་བརྟག་པར་བྱ་ཞེས་བྱ་བ་ལ། དངོས་པོ་ཐམས་ཅད་ནི་བཤད་མ་ཐག་པ་དང༌། འོག་ནས་བཤད་པ་སྟེ་སྒྲུབ་པ་ནི་སྒྲུབ་པ་པོ་དང་སྒྲུབ་བྱེད་ཀྱི་ཐབས་དང་བསྒྲུབ་པར་བྱ་བ་ལ་སོགས་པའི་རབ་ཏུ་སྦྱོར་བ་ཇི་སྙེད་པ་ཐམས་ཅད་ནི་བརྟག་པར་བྱ་བའི་གཞི། །དེ་རྣམས་ཀྱི་བརྟག་པ་ནི་སྒྱུ་ལུས་པ་དེས་བསྐྱེད་པ་སྟེ། ལེའུ་བཅོ་ལྔ་བར་འཆད་པ་ལྟར་སྣོད་བཅུད་ཀུན། ཀུན་རྫོབ་པ་སྒྱུ་མའི་ངོ་བོར་བལྟ་བ་དང༌། དེ་ཐམས་ཅད་ཀྱང་དོན་དམ་འོད་གསལ་གྱི་ངོ་བོར་འཇུག་པ། །དེ་ནི་དབང་པོ་གཉིས་ཀྱི་སྦྱོར་པ་ཡིས་ཞེས་བྱ་བ་སྟེ། དབང་པོ་གཉིས་ནི་བདེན་པ་གཉིས་སོ། །དེ གཉིས་ཀྱི་འི་། །སྦྱོར་བ་ནི་གཅིག་ཏུ་འདུས་པ་སྟེ། ཟུང་འཇུག་གོ །ཟུང་འཇུག་དེས་འགྲུབ་པར་འགྱུར་བ་ནི་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་གང་ཅི་ཡང་རུང་བ་དེ་ཐམས་ཅད་འབད་རྩོལ་ཆེན་པོ་ལ་མི་ལྟོས་པར་འགྲུབ་པ་ནི་
དབང་པོ་གཉིས་ཀྱི་སྦྱར་བ་ཟུང་འཇུག་དང་བྲལ་བས་འགྲུབ་པར་མི་འགྱུར་རོ། །ཞེས་བྱ་བར་དགོངས་སོ། །འདི་ནི་ཞེས་བྱ་བ་ལ་སོགས་པ་ལ་གང་བཤད་མ་ཐག་པའི་སྦྱོར་བས་སྒྲུབ་པ་རྫོགས་པར་བྱེད་པ་འདི་ནི་སངས་རྒྱས་ཐམས་ཅད་ཀྱི་སྟེ། དེ་བཞིན་གཤེགས་པ་ཐམས་ཅད་དང་འབྲེལ་བའི་སྔགས་ཀྱི་དམ་ཚིག་སྟེ་འདའ་བར་མི་བྱ་བ་གང་ཡིན་པ་དེ་ནི་སྔགས་ཀྱི་དམ་ཚིག་གོ །དེ་རྣམས་ཀྱི་བསྒོམ་པ་ནི་བསྒོམ་པའི་ཐབས་སོ། ༈ །རིག་མའི་དབང་ཕྱུག་ཅེས་བྱ་བ་ལ་སོགས་པས་ནི། དབང་པོ་གཉིས་ཀྱི་སྦྱོར་བ་ཟུང་འཇུག་འགྲུབ་པའི་ཐབས་གསུངས་པ་ཡིན་ཏེ། རིག་མའི་དབང་ཕྱུག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་ལོ་འོ་། །དེར་ཞུགས་པས་ཕུང་པོ་ལ་སོགས་པ་རྣམས་མི་སྣང་བར་བྱས་པའི་སྤྱོད་པ་བྱས་ནས་མཐར་ཟུང་འཇུག་བསྐྱེད་ནས་དེ་བསྒོམ་པར་བྱའོ་ཞེས་སྟོན་པ་ནི་རྡོ་རྗེའི་སྦྱོར་བ་སྟེ། ཀུན་རྫོབ་དང་དོན་དམ་པའི་བདེན་པ་ཞེས་གྲགས་པའི་སྦྱོར་བ་སྟེ། སྦྱོར་བ་ནི་གཅིག་ཏུ་བྱས་པ་ཟུང་འཇུག་ཡིན་ལ་དེ་བསྒོམ་པར་བྱ་བའོ། ༈ །དེ་ནས་ཟུང་འཇུག་གྲུབ་པར་གྱུར་ན་ཅི་ཞིག་བྱ་ཞེ་ན། ཆགས་ལ་ཞེས་བྱ་བ་ལ་སོགས་པ་གསུངས་ཏེ། དོན་དམ་པའི་བདེན་པ་ལ་ཞུགས་པའི་འོག་ཏུ་བདེན་པ་གཉིས་ཀྱི་བདག་ཉིན་ཅན་གྱི་རང་གི་ཕྱག་རྒྱ་ཆེན་པོ་ཟུང་འཇུག་གི་སྐུ་བསྐྱེད་ལ། ཟུང་འཇུག་དེ ས་ཁམས་གསུམ་དུ་སེམས་ཅན་དེ་རྣམས་ཡོངས་སུ་མི་སྤོང་བ་ལོངས་སྐུ་སེམས་ཅན་གཞན་
གྱིས་མི་མཐོང་བ་གཞན་གྱིས་མཐོང་བའི་དོན་དུ་སྤྲུལ་སྐུར་བསྒྱུར་བ འི་སྦྱོར་བ་བྱས་པས་སེམས་ཅན་རྣམས་ཀྱིས་དེ་མཐོང་ན ས་ཆགས་ཤིང་ཞེན་པའི་དང། ཆགས་པས་ལྟ་བ་ནི་ཁམས་གསུམ་ན་གནས་པའི་སེམས་ཅན་གྱི་ཚོགས་རྣམས་ཀྱིས་འདི་ནི་བདག་ཅག་གི་ཕའོ་ཞེས་བྱ་བ་ལ་སོགས་པའི་བློ་བསྐྱེད་དེ། ཆགས་པ་དང་བཅས་ཤིང་མང་དུ་གཅེས་པར་འཛིན་པའི་བལྟ་བས་ཏེ། བསམ་པས་ཟུང་འཇུག་དེ་ལ་ལྟ་བར་ཤེས་པར་བྱའོ། །འདི་ནི་ཞེས་པ་བཤད་མ་ཐག་པ་གང་ཡིན་པ་དེ་ནི་དམ་ཚིག་གི་དཀྱིལ་འཁོར་ཏེ། དམ་ཚིག་ནི་རྡོ་རྗེ་འཆང་ཆེན་པོའི། །དེའི་དཀྱིལ་ནི་སྙིང་པོར་གྱུར་པའོ། །དེ་ལེན་ཅིང་འཛིན་པས་ན་དམ་ཚིག་གི་དཀྱིལ་འཁོར་ཏེ། དེ་གང་ཞེ་ན། སློབ་པའི་ཟུང་འཇུག་གིས་མི་སློབ་པའི་ཟུང་འཇུག་གི་སྙིང་པོ་ལེན་པས་ཆོ་གའོ། ༈ །དེ་ལྟར་དངོས་གྲུབ་འགྲུབ་པའི་ཐབས་དང་བཅས་ཤིང་དེ་གྲུབ་པའི་འབྲས་བུ་དང་བཅས་པའི་ཐུགས་ཡང་དག་པར་བསྐུལ་བ་བསྟན་ནས། འབྲས་བུ་དེ་གྲུབ་པའི་རྣལ་འབྱོར་པ་རྣམས་ཀྱི་རབ་ཏུ་འཇུག་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཀུན་ནི་རྣམ་པར་སྣང་མཛད་ལ་སོགས་པར་ཡོངས་སུ་བརྟགས་པའི་གཟུགས་ཀྱི་ཕུང་པོ་ལ་སོགས་པའོ། །ཕུང་སོགས་དེ་རྣམས་ཀྱི་བདག་ཉིད་ནི་ངོ་བོ་ཉིད་དེ་དོན་དམ་པའི་བདེན་པ ར་ཞུགས་པའི་འོད་གསལ་ལོ་འོ་། །དེ་ལས་སྐྱེས་པས་ན་དེ་བཞིན་གཤེགས་པ་ཀུན་གྱི་སྲས་ཏེ་རྡོ་རྗེ་འཆང་ཆེན་པོའི། །སངས་རྒྱས་
ཐམས་ཅད་ཀྱིས་དབང་བསྐུར་བར་གྱུར་པས་ན་ཐམས་ཅད་དབང་བསྐུར་རོ། །དེ་ཉིད་ཀྱིས་ན་སངས་རྒྱས་ཀུན་གྱི་གཙོ་བོ་སྟེ་དེས་འོག་ནས་བཤད་པའི་གསུང་འདི་སྐད་ཅེས་བཀའ་སྩལ་པའོ། ༈ །འཇིག་རྟེན་ཁམས་ནི་ཞེས་བྱ་བ་ལ་སོགས་པ་ལ་འཇིག་རྟེན་གྱི་ཁམས་མཐའ་ཡས་ཤིང་མུ་མེད་པ་ཐམས་ཅད་ན་ཐ་མ་དང་འབྲིང་དང་མཆོག་གི་དབྱེ་བས་ཕྱེ་བའི་བུད་མེད་ཇི་སྙེད་ཡོད་པར་གྲགས་པ་ཀུན་གཟུགས་རྡོ་རྗེ་ལ་སོགས་པར་ཡོངས་སུ་བརྟགས་པ་སྟེ། བསྒོམས་ལ་སྤྱད་པར་བྱའོ་ཞེས་སྦྱར་རོ། །ཕྱག་རྒྱ་ཆེན་པོ་ནི་རྣམ་པ་གཉིས་ཏེ། གང་ཡིན་ཞེ་ན། བསྐྱེད་རིམ་པའི་སྔགས་ཀྱི་སྐུ་དང༌། རྫོགས་རིམ་པའི་ཡེ་ཤེས་ཀྱི་སྐུའོ། །དེ་ལ་སོགས་སོགས་ཀྱི་སྐད་དོད་དང་པོ་ལའང་འཇུག་པས། དེའི་སྦྱོར་བ་:པ་ཚབ:དང་པོ་དེ་ཁོ་ན་ཉིད་ལ་དམིགས་པ་སྟེ། པའི་སྦྱོར་བ་ནི་དེ་ཁོ་ན་ཉིད་ལ་དམིགས་པ་སྟེ། དེ་ཁོ་ན་ཉིད་ལ་དམིགས་པའི་རྣལ་འབྱོར་དེས་གཟུགས་ལ་སོགས་པའི་ཡུལ་དེ་རྣམས་ཉེ་བར་ལོངས་སྤྱད་པར་བྱའོ། །བྱེ་བ་གྲངས་མེད་རྡོ་རྗེ་འཛིན། །སངས་རྒྱས་གནས་ནི་དེར་སྒྲོ་བྱ། ཞེས་བྱ་བ་ལ། བྱེ་བ་གྲངས་མེད་པའི་ཚད་དང་ལྡན་པའི་སངས་རྒྱས་གནས་ཏེ་སངས་རྒྱས་ཀྱི་སྤྲུལ་པ་འདི་ག གང་ནས་སྤྲོ་ན་ཟུང་འཇུག་སྤྲུལ་སྐུའི་ཕྱག་རྒྱ་ཆེན་པོ འི་ལ་པ་ཚབ་ཀྱི་འགྱུར་ལ་སོགས་མེད་ལ། ཆག་འགྱུར་ལས། ཕྱག་རྒྱ་ཆེན་པོའི་སྔོན་གྱི་སྦྱར་བ་དང༌། ཞེས་པ་ལྟར་ན། ཟུང་འཇུག་
པའི་སྤྲུལ་སྐུར་བསྒྱུར་བའི་ཕྱག་རྒྱ་ཆེན་པོ་དེ་ཡི་སྔོན་ལ་ཟུང་འཇུག་ལོངས་སྐུ་དེ་ནས་སྤྲོ་བའི་དོན་ནོ། །སོགས་པའི་སྦྱོར་བ་དེར་ནི་སྟེ། དེ་ནས་སོ་རྡོ་རྗེ་འཛིན་ཅེས་ཀཔ་ཀརྡོ་རྗེ་ཅན་གྱིས་སྤྲོ་བར་བྱའོ་ཁཞེས་ཁབཅོམ་ལྡན་འདས་བྱང་ཆུབ་ཀྱི་དམ་ཚིག་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། ༈ །བྱང་ཆུབ་འདི་ཡིས་ཐོབ་པར་འགྱུར། ཞེས་བྱ་བ་ནི་འདི་ཆོས་ཐམས་ཅད་ཀྱི་རང་གི་ངོ་བོ་ཡིན་ལུགས་ཇི་བཞིན་དུ་རྟོགས་པར་མཛད་པ་ལས་མི་གཡོ་བ ས་ན་བྱང་ཆུབ་སྟེ། དེ་ཟུང་འཇུག་གི་སྦྱོར་བ་འདི་ཡིས་ཐོབ་པར་འགྱུར་རོ། །བྱང་ཆུབ་དེ་ཇི་ལྟ་བུ་ཞེ་ན། རྡོ་རྗེ་གསུམ་པོ་མཁའ་འདྲ་བའི་ཞེས་བྱ་སྟེ། སྐུ་རྡོ་རྗེ་ལ་སོགས་པའི་ངོ་བོ་ཉིད་ནི་རེག་པར་བྱར་མེད་པས་ནམ་མཁའ་ལྟ་བུ་སྟེ། འབྲས་བུའི་བྱང་ཆུབ་དེ་འཐོབ་པར་འགྱུར་པའོ། །སློབ་བཞིན་པ་ལ་གནས་པའི་ཕན་ཡོན་བསྟན་པར་བྱ་བའི་ཕྱིར། བྱང་ཆུབ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། སློབ་བཞིན་པའི་བྱང་ཆུབ་སེམས་དཔའ་ལ་ཉེ་བར་གདགས་པ་སྟེ། བཏགས་ནས་རྒྱལ་བ་ཞེས་གསུངས་སོ་ས་ན་། རྒྱལ་བའི་ཡོན་ཏན་ཉིད་རྒྱལ་བ་སྟེ་དེ་རྣམས་ཀྱི་འབྱུང་གནས་སུ་འགྱུར་བ་ནི་ཇི་ལྟར་རྒྱ་མཚོ་རིན་པོ་ཆེ་ཀུན་གྱི་འབྱུང་གནས་སུ་གྱུར་བ་བཞིན་ནོ། ཟུང་འཇུག་སློབ་བཞིན་པ་ལ་གནས་པའི་བྱང་ཆུབ་སེམས་དཔའ་ཉིད་ཀྱིས་རྡོ་རྗེ་སེམས་དཔའ་ལྟ་བུའི་བདེ་བ་དམ་པ་དང༌། ནད་མེད་པ་ལ་སོགས་པ་ཐོབ་ཅིང་ཚེ་རིང་པ་གང་ཡིན་པ་དེ་ནི་རྡོ་རྗེ་སེམས་དཔའི་ཚེ་སྟེ་དེས་
རྒྱལ་བའི་ཡོན་ཏན་རྣམས་འཐོབ་པར་འགྱུར་བ་སྟེ། དགོངས་པས་བཤད་པའོ། ༈ །འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་འགྲུབ་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྙིང་པོ་བསྐུལ་བའི་ལེའུའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་པ་མཐའ་དྲུག་གིས་བཤད་པའོ། ། ༈ ། །དེ་ལྟར་རིམ་པ་གཉིས་ཀྱི་རྣལ་འབྱོར་བ་གཉིས་ཀྱི་སྙིང་པོ་བསྐུལ་བ་རྣམ་པ་གཉིས་བཤད་ནས། རྟོག་པ་སྟེ། བཏགས་པ་བསྐྱེད་རིམ་དང་རྫོགས་པའི་རིམ་པའི་རྣལ་འབྱོར་བ་རྣམས་ཀྱི་སྔགས་དང་ཡེ་ཤེས་ཀྱི་ལྷའི་སྐུ་རྣམ་པ་གཉིས་པོ་ལེའུ་དང་པོ་ལས་གསུངས་པ་གསལ་བར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་གཅིག་པ་གསུངས་ཏེ། ༈ །དེ་བཞིན་གཤེགས་པ་ཐམསཅད་ཀྱི་རྡོ་རྗེ་ནི་ༀ་ལ་སོགས་པའི་ཡི་གེ་གསུམ་མོ། །གསུམ་པ་དེས་བསྐྱེད་པར་གྱུར་པའི་སྐྱེས་བུའི་མཆོག་ནི་ལྷ་སྟེ་ཏིང་ངེ་འཛིན་གང་ལ་མིང་དེ་སྐད་ཅེས་བྱ་བའི་ཏིང་ངེ་འཛིན་ལྷ་བསྐྱེད་ཚུལ་སྟོན་པ་དེ་ལ་ཐུགས་རྩེ་གཅིག་ཏུ་བཞག་ནས་སྙོམས་པར་ཞུགས་ཤིང་མངོན་སུམ་དུ་མཛད་ནས་འདི་གསུངས་ཏེ། དེ་གང་ཞེ་ན། དེ་བཞིན་གཤེགས་པ་ཐམས་ཅད་ཀྱི་སྔགས་གསང་བར་གྱུར་པའི་རྡོ་རྗེ་རིག་པ་ནི་ༀ་ལ་སོགས་པ་ཡི་གེ་གསུམ་པོ་ཉིད་དོ། །དེ་རྣམས་ཀྱིས་གང་དུ་སྐྱེས་བུ་
སྟེ་ལྷ་སྐྱེད་པའི་ལེའུ་དེ་གསུངས་སོ་ཞེས་པ་སྟེ་སྡུད་པ་པོའི་ཚིག་གོ ། ༈ ལེའུའི་མཚན་དོན་འདི་ཉིད་བཅོམ་ལྡན་འདས་ཀྱི་གསུང་གིས་བསྟན་པར་བྱ་བའི་ཕྱིར། རྡོ་རྗེ་གསུམ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་གསུམ་ནི་སྐུ་དང་གསུང་དང་ཐུགས་རྡོ་རྗེའོ། །དེ་སྐྱེད་པར་བྱེད་པའི་ཡི་གེ་ༀ་ལ་སོགས་པ་ནི་རྡོ་རྗེ་གསུམ་ཡིག་སྟེ། དེ་ལས་སྔགས་ཐམས་ཅད་འབྱུང་བས་ན་སྔགས་ཀྱི་མཆོག་ཡིན་ལ། སྔགས་དེས་ཏེ། དེ་ལ་བརྟེན་ནས་ལྷའི་སྐུ་ཕྱག་རྒྱ་ཆེན་པོ་རྣམ་པར་བསྒོམ་པར་བྱའོ། །ཕྱག་ཕྱག་རྒྱ་ཆེན་པོའི་སྐད་དོད་ལ་མ་ཧཱ་མུ་དྲཱ་ལ་པྲ་པུ་ཛྱ་ཏྭང་མཧཱ་ཏ່་ཞེས་པས། རབ་ཏུ་མཆོད་:པ་ཚབ་ཆག:པར་བྱ་བ་ཡིན་པའི་ཕྱིར་ཆེན་པོའོ། །མུ་ངཾ་དགའ་བ་ཧ་ར་ཥཾ་མགུ་བ་ཏྲ་བ་ཏི་སོང་ཞིང་གཙྪ་ཏི་སོན་པས་ཕྱག་རྒྱ་ཆེན་པོ་སྟེ། བསྡུ་ན་མཆོད་བྱ་ཆེན་པོ་དགའ་ཞིང་མགུ་བར་བྱེད་པ་དེར་སོང་ཞིང༌། དེར་སློབ་པ་ཕྱག་ཆེན་གྱི་དོན་ཡིན་ལ། རིགས་སོ་སོའི་ལྷའི་སྐུར་སྐྱེད་པ་ལ་ཡང་དོན་དེ་ཚང་བས་ཕྱག་ཆེན་ནོ། །རྒྱ་ཆེན་པོ་ཞེས་བྱ་བ་ནི་ས་འོག་ས་སྟེང་ས་བླ་ན་རབ་ཏུ་མཆོད་པ་ཡིན་པའི་ཕྱིར། མཆོད་པས་ཆེ་བའི་དགའ་ཞིང་མགུ་བར་འགྲོ་ཞིང་སོན་པར་གྱུར་པས་ན་ཕྱག་རྒྱ་ཆེན་པོའོ། །དེ་རྣམ་པར་བསྒོམ་པ་ནི་ཉམས་སུ་བླངས་པའོ། །བྱང་ཆུབ་ཐམས་ཅད་ནི་མངོན་པར་བྱང་ཆུབ་པ་རྣམ་པ་ལྔ་སྟེ་སྐུ་ཕྱག་རྒྱ་ཆེན་པོ་དེ་འཐོབ་པ་ན་འོ་། །པ་ཚབ་ཀྱིས། བྱང་ཆུབ་ཐམས་ཅད་འདྲེན་བྱེད་པ། །ཡེ་ཤེས་རྡོ་རྗེ་དག་གིས་བྱ། ཞེས་བསྒྱུར་བ་ལེགས་སོ། །ཡེ་ཤེས་རྡོ་རྗེ་ནི་སྒྲུབ་པ་པོ་སྟེ་དེས་བྱ་བའོ། །ༀ་ཞེས་བྱ་བ་ལ་སོགས་པས་ནི་ཡི་གེ་
གསུམ་གྱི ས་གང་བྱེད་པའི་བྱ་བ་གང་ཡིན་པ་སྟོན་ཏེ། ཡི་གེ་ༀ་ནི་ཡེ་ཤེས་ཏེ་དེ་བཞིན་གཤེགས་པ་རྣམ་སྣང་གི་འི་སྙིང་པོ་སྟེ་ས་བོན་ནོ། །ༀ་ཡིག་དེས་རྣལ་འབྱོར་བའི་མི་ཕྱེད་པ་རྡོ་རྗེ འི་ལུས་ཏེ་སྐུ་སྐྱེད་པས་ན་རྡོ་རྗེ་སྐུ་ནི་ཐོབ་བྱེད་པའོ། །བྱང་ཆུབ་ནི་དེ་ཁོ་ན་ཉིད་འོད་གསལ་ལོ་དོ་། །འོད་གསལ་དེ་ལས་སྤྲུལ་ཅིང་བྱུང་བའི་བདག་ཉིད་གང་ཡིན་པ་དེ་ནི་བདག་མེད་པ་སྟེ་འོད་དཔག་ཏུ་མེད་པའོ། །འོད་དཔག་མེད་དེའི་ངོ་བོ་ཉིད་ནི་བདག་མེད་པ་སྟེ་བདག་མེད་པ་ནི་ཡི་གེ་ཨཱཿ། །ཡི་གེ་དེའི་ངོ་བོ་ཉིད་ཀྱིས་རྣལ་འབྱོར་བ་རྣམས་ཀྱི་མི་ཕྱེད་པ་རྡོ་རྗེ འི་གསུང་སྐྱེད་པར་བྱེད་པས་ན་རྡོ་རྗེ་གསུང་ནི་འཐོབ་བྱེད་པའོ། །:པ་ཚབ་ཆག:སྐུ་དང་གསུང་གི་རྟེན་དུ་གྱུར་སྐུ་དང་གསུང་ལ་བརྟེན་པར་གྱུར་པའི་ཐུགས་ནི་སྐུ་གསུང་ཐུགས་ཏེ། མི་བསྐྱེད་པ། །དེ འི་ངོ་བོ་ཉིད་ཀྱི་རྡོ་རྗེ་གསུམ་དང་མི་ཕྱེད་པས་ཐ་མི་དད་པ་ཉིད་གང་ཡིན་པ་དེ་ནི་རྡོ་རྗེ་མི་ཕྱེད་གསུམ་མོ། །ཐུགས་དེ་རྣལ་འབྱོར་བའི་རྒྱུད་ལ་སྐྱེད་པར་བྱེད་པས་ན་རྡོ་རྗེ་མི་ཕྱེད་གསུམ་འཐོབ་པ་སྟེ་ཡི་གེ་ཧཱུཾ་མོ་ལ་། དེ་སྐད་ཅེས་ཁགསུངས་སོ། །ཀདེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྔགས་ཀྱི་སྐྱེས་བུ་ནི་རྡོ་རྗེ་འཆང་ཆེན་པོས་འོ་། ༈ །བཤད་མ་ཐག་པའི་ཕྱག་རྒྱ་ཆེན་པོ་རིགས་སོ་སོའི་སྐུ་བསྐྱེད་པ་རིམ་པ་བཞིན་དུ་བསྟན་པར་བྱ་བའི་ཕྱིར། ནམ་མཁའ་རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། ནམ་མཁའ་རྡོ་རྗེ་ནི། ནམ་མཁའ་སྟོང་པ་ཉིད་སྒོམ་པ་ཡེ་ཤེས་ཀྱི་ས་ཏེ།
དེའི་དབུས་སུ་ཆོས་འབྱུང་དེར་ཆུད་ཅིང་གནས་པར་དཀྱིལ་འཁོར་རྡོ་རྗེ་ཀུན་ལས་སྐྱེས་པ་བསམ་པར་བྱ་སྟེ། རྡོ་རྗེ་ཀུན་ནི་སྤྱན་ལ་སོགས་པ་ལྷ་མོ་བཞི་ཡིན་ལ། ལྷ་མོ་བཞིའི་ངོ་བོར་གྱུར་པའི་འབྱུང་བཞིའི་དཀྱིལ་འཁོར་དེ་རྣམས་ཀྱི་དཀྱིལ་འཁོར་རིམ་གྱིས་བསྒོམས་པ་རྣམས་གཅིག་ཏུ་འདྲེས་པ་ལས་བསྐྱེད་པའི་དཀྱིལ་འཁོར་ཏེ། རྡོ་རྗེའི་ས་སྣ་ཚོགས་རྡོ་རྗེ་བསྒོམ་པར་བྱ་བའོ། །དེ་རུ་སྟེ་སའི་ཆ་དེའི་སྟེང་དུ་ཡི་གེ་བྷྲུཾ་གཞལ་ཡས་ཁང་སྐྱེད་པའི་རྒྱུར་གྱུར་པ་བསམ་པར་བྱའོ། །རྡོ་རྗེའི་སྤྲིན་ནི་དེ་བཞིན་གཤེགས་པའི་ཚོགས་ཏེ། ཡི་གེ་དེ འི་ཁྱད་པར་ནི་སེམས་ཅན་རྣམས་ཀྱི་ལྷག་པར་མོས་པའི་བསམ་པ ས་ཇི་ལྟ་བ་བཞིན་དུ་སྤྲོ་བ་ནི་འཕྲོ་བ་སྟེ། དེ་བསྐྱེད་ཅིང་འཛིན་པར་བྱེད་པས་ན་རྡོ་རྗེ་སྤྲིན་ནི་འཕྲོ་སྐྱེད་པ་སྟེ་ཡི་གེ་བྷྲུཾ་མོ། །འདིས་ཡི་གེ་དེ་ལས་སངས་རྒྱས་ཀྱི་སྤྲིན་གྱི་འོད་ཟེར་འཕྲོ་བར་སྟོན་གྱི། ཡི་གེ་དེས་ལྷག་མོས་ཀྱི་དཀྱིལ་འཁོར་བསྐྱེད་པར་སྟོན་པ་མིན་ནོ། །པ་ཚབ་ཀྱི་འགྱུར་ལའང། མོས་པ་ཇི་ལྟ་བ་བཞིན་ཞེས་པ་ལས་མེད་དོ། །དེ་ལ་ཞེས་བྱ་བ་ལ་སོགས་པས་ནི་ཡི་གེ་བྷྲུཾ་སྟོན་ཏོ། །བྷཱུཾ་ཡིག་འདི་ནི་ཡེ་ཤེས་རྡོ་རྗེ་རྣམ་སྣང་གི་སྙིང་པོ་སྟེ་ས་བོན་ཡིན་ལ། དེ་ཡོངས་སུ་གྱུར་པ་ལས་གཞལ་ཡས་ཁང་རྫོགས་པར་བསྒོམ་མོ། །དེ་ནས་ལྷག་མོས་སྒོམ་པ་དང༌། དེ་འོད་གསལ་དུ་སྡུད་པ་འོག་ནས་སྟོན་པ་ལྟར་བྱས་པའི་དེ་བཞིན་ཉིད་ལས་བྱང་ཆུབ་བའི་རྗེས་སུ་རྡོ་རྗེའི་དཀྱིལ་འཁོར་ནི་ཉི་མའི་དཀྱིལ་འཁོར་ཏེ། དེའི་དབུས་སུ་ཡི་གེ་ཧཱུྃ་གནས་པར་བསྒོམ་པར་བྱ་བ་སྟེ། ཡི་གེ་ཧཱུྃ་ལས་བྱུང་བའི་ཉི་མའི་དཀྱིལ་འཁོར་བསྒོམ་པར་བྱའོ་ཞེས་བྱ་བར་དགོངས་
སོ། །དེ་བཞིན་དུ་ཞེས་པ་ནི་གསལ་བའི་དཀྱིལ་འཁོར་ཟླ་བའི་དབུས་སུ་གནས་པར་ༀ་དང༌། ཆོས་ཀྱི་དཀྱིལ་འཁོར་པདྨའི་དབུས་སུ་གནས་པར་ཨཱཿ བསྒོམ་པར་གསུངས་པའི་དོན་ཡང་ཡི་གེ་ༀ་དང་ཨཱཿ ལས་བྱུང་བའི་ཟླ་བ་དང་པདྨའི་དཀྱིལ་འཁོར་ཡང་བསྒོམ་པར་བྱ་བའི་དོན་ནོ་འོ་། །དེ་ལྟར་དཀྱིལ་འཁོར་གསུམ་པོ་འོག་ཏུ་ཉི་མ། དེའི་སྟེང་དུ་ཟླ་བ། དེའི་སྟེང་དུ་པདྨ་བསྐྱེད་ནས་པདྨའི་ལྟེ་བའི་སྟེང་དུ་ས་བོན་གསུམ་པོ་དེ་ཉིད་རྣམ་པར་དགོད་པར་བྱའོ་ཞེས་བྱ་བ་ནི། དངོས་སུ་མེད་ཀྱང་ཀླུ་སྒྲུབ་ཀྱི་མན་ངག་ཡིན་ནོ། །ཡི་གེ་བྷྲུཾ་གྱིས་གནས་བསྒོམས་ཏེ་ཞེས་བྱ་བ་ལ་སོགས་པ་རྐང་པ་གཉིས་ཀྱི ས་ནི། སྔར་བཤད་པའི་དོན་སྔོན་དུ་གཞལ་ཡས་ཁང་བསྐྱེད་ནས་དེའི་འོག་ཏུ་དཀྱིལ་འཁོར་གསུམ་སྒོམ་པར་བཤད་པ་དེའི་གོ་རིམས་དེ་ཁོ་ན་ལྟར་བྱའོ་ཞེས་ངེས་པར་བྱེད་དེ་སྔར་བཤད་པའི་རིམ་པ་དེ་བཞིན་དུ་ཡི་གེ་བྷྲུཾ་གྱིས་གནས་བསྒོམས་ཏེ། རྡོ་རྗེ་གསུམ་འབྱུང་བསྒོམ་པར་བྱ་ཞེས་པ་འདིས་སྔོན་དུ་གཞིའི་དཀྱིལ་འཁོར་བསམས་ལ། དེའི་འོག་ཏུ་དཀྱིལ་འཁོར་དེའི་དབུས་སུ་རྡོ་རྗེ་གསུམ་གྱི་ས་བོན་ལས་འབྱུང་བའི་ཉི་ཟླ་པད་གསུམ་གྱི་མཚན་མ་གསུམ་བསྒོམ་པར་བྱའི་གཞན་དུ་སྟེ། གཞན་མ་བསྒོམས་པར་དེ་གསུམ་སྒོམ་པ་དང༌། གོ་རིམས་བཟློག་ནས་སྒོམ་པ་ནི་མ་ཡིན་ནོ། །ཞེས་སྟོན་ཏེ།མདོ་བསྲེ་ལས། དཀྱིལ་འཁོར་གསུམ་གྱི་དབུས་སུ་ཡི་གེ་གསུམ་གནས་པར་སྒོམ་པར་གསུངས་པའི་དོན། སྐུ་གསུང་ཐུགས་བྱིན་བརླབས་ཀྱི་སྐབས་ལ་སྦྱར་བ་དང༌། ཡང་མདོ་བསྲེ་དང་རྣམ་གཞག་ལས། རྡོ་རྗེ་གསུམ་འབྱུང་བསྒོམ་པར་བྱ། ཞེས་པ་འདི་ལྷག་མོས་ཀྱི་གཙོ་བོ་སྐྱེད་པ་ལ་
སྦྱར་བ་དང། འགྲེལ་པའི་བཤད་པ་གཉིས་འགལ་བར་མི་བསམ་སྟེ། ཡབ་སྲས་ཀྱི་གཞུང་ནས་རྒྱུད་ཀྱི་རྡོ་རྗེའི་ཚིག་རེ་རེ་ཡང་དོན་མི་འདྲ་བ་དུ་མ་ལ་སྦྱོར་བ་སྔར་ལེའུ་བདུན་པའི་སྐབས་སུ་བཤད་པ་བཞིན་ཡིན་པའི་ཕྱིར་དང༌། དགོངས་པ་ལུང་སྟོན་ལས་ཀྱང་། ཚིག་གཅིག་ལ་ཡང་སྣ་ཚོགས་དོན། ཞེས་འདུས་པའི་རྒྱུད་ཀྱི་ཚིག་གཅིག་ལ་ཡང་དོན་སྣ་ཚོགས་པ་ཡོད་པར་གསུངས་པའི་ཕྱིར་རོ། །མདོར་བྱས་ལས། ཐུགས་བྱིན་བརླབས་ཀྱི་སྐབས་སུ། ཧཱུཾ་ཡིག་གནས་པའི་རྟེན་ཉི་མ་ལ་བཤད་ཅིང༌། རྡོར་སེམས་ཀྱི་སྒྲུབ་ཐབས་སུ་དེའི་རྟེན་རྡོ་རྗེ་ལ་བཤད་པ་ཡང་མི་འགལ་ཏེ། དཔེར་ན་གསུང་བྱིན་བརླབས་ཀྱི་སྐབས་སུ་མདོར་བྱས་ལས། ཨ་ཡིག་ལྕེའི་སྟེང་དུ་བསྒོམ་པར་བཤད་ལ། མདོ་བསྲེ་ལས་ལྐོག་མར་བསྒོམ་པར་གསུངས་པ་དང་འདྲ་སྟེ། དེ་གཉིས་གང་བྱས་ཀྱང་ཆོག་པའི་ཕྱིར་རོ། ༈ །སྙིང་པོ་ཞེས་བྱ་བ་ལ་སོགས་པ་ལ། དུས་གསུམ་སངས་རྒྱས་ཀྱི་ནི་དུས་གསུམ་གྱི་དེ་བཞིན་གཤེགས་པ་རྣམས་ཀྱིའོ། །སྙིང་པོ་ནི་མཚན་མ་དང་ཡི་གེ་གསུམ་འདྲེས་པ་ལས་ཟླ་བའི་དཀྱིལ་འཁོར་སྒོམ་པ་ཡིན་ཏེ་ཐུགས་ཀྱི་མཚན་མར་གྱུར་པ་ཡིན་པའི་ཕྱིར་རོ། །སྐུ་གསུང་ཐུགས་ནི་ཡི་གེ་གསུམ་མོ། །ཡི་གེ་གསུམ་བཀོད་པ་ལ་དམིགས་པ་དེས་གཞི་གང་ལ་སྟེ་དུ་སེམས་ཀྱིས་ཞེན་ཅིང་གནས་པའི་གཞི་དེ་ནི་སྐུ་གསུང་ཐུགས་ནི་མཉེས་བྱེད་པ་སྟེ། ཟླ་བའི་གཟུགས་དང་མཚན་ཟླ་བའི་གཟུགས་ཉི་ཟླ་:ཆག:ལ་སོགས་པའི་མཚན་མ་གསུམ་ཉེ་བར་འདྲེས་པ་ལས་བྱུང་བ་བསྒོམ་པར་བྱའོ། །མ་གསུམ་ཉེ་བར་གོམས་པ་བསྒོམ་པར་བྱའོ། །ཟླ་བ་ལས་བྱང་ཆུབ་པ་བསྒོམ་པ་དེ་ནས་
ཅི་ཞིག་བྱ་ཞེ་ཅེ་ན་ༀ་ནི་ཞེས་བྱ་བ་ལ་སོགས་པ་གསུངས་ཏེ། ཟླ་བའི་དཀྱིལ་འཁོར་དེར་སངས་རྒྱས་ཀྱི་སྐུ་ཞེས་བྱ་བར་ཡིད་ཀྱིས་བཏགས་པའི་ཡི་གེ་ༀ་དང༌། དེ་བཞིན་དུ་སངས་རྒྱས་ཀྱི་གསུང་གི་ལམ་ཡི་གེ་ཨཱཿ དང༌། ཡེ་ཤེས་ཀྱི་རང་བཞིན་གྱི་ཚོགས་གང་ལ་ཡོད་པ་དེ་ནི། ཡེ་ཤེས་འཇིང་སྟེ་ཐུགས་སོ། །དེའི་ངོ་བོ་ཉིད་ནི་ཡི་གེ་ཧཱུཾ་མོ། །དེ་དག་གིས་ནི་ས་བོན་ལས་བྱང་ཆུབ་པ་སྟོན་ནོ། །དེ་ལྟ་ན་ཡི་གེ་གསུམ་འདི་ནི་ཡི་གེ་:པ་ཚབ:གསུམ་མོ་ཞེས་པ་ལྟར་བྱའོ། །པོ་འདི་ནི་བྱང་ཆུབ་ཚུལ་མཆོག་འདི་ཡིན་ཏེ་ཞེས་བྱ་བ་སྟེ། བྱང་ཆུབ་ནི་བདེ་བ་ཆེན་པོའི་གནས་འབྲས་བུའི་སྐབས་སོ། །དེར་འཁྲིད་ཅིང་ཐོབ་པར་བྱེད་པས་ན་ཚུལ་ཏེ། དེ་གང་ཡིན་ཞེ་ན། ཡི་གེ་གསུམ་ཡོངས་སུ་གྱུར་པ་ལས་ཡང་དག་པར་བྱུང་བའི་མངོན་པར་བྱང་ཆུབ་པ་ལྔ་སྟོན་པ་སྟེ་མཚོན་པར་བྱེད་པའི་རྡོ་རྗེ་རྩེ་ལྔ་པ། །འདིས་ཕྱག་མཚན་ལས་བྱང་ཆུབ་པ་སྟོན་ལ། དེ་ཉིད་བྱང་ཆུབ་ཀྱི་ཚུལ་དུ་འཆད་པས་ན། ཡི་གེ་གསུམ་བྱང་ཆུབ་ཀྱི་ཚུལ་དུ་སྟོན་པ་མ་ཡིན་ནོ། །དེ་ཉིད་མཆོག་སྟེ་རིགས་ཐམས་ཅད་ཀྱི་དམ་པ་ཡིན་པའི་ཕྱིར་རོ་ཏེ་། །འདིར་མངོན་བྱང་ལྔ་ལས་རིགས་དྲུག་ཏུ་བསྐྱེད་པའི་བསྒྲུབ་ཐབས་མི་འདྲ་བ་དྲུག་ཡོད་པའི་ནང་ནས། རྡོ་རྗེ་འཆང་དུ་བསྐྱེད་པ་འདི་མཆོག་ཏུ་གསུངས་ལ། དེའི་གནད་ཀྱིས་མདོ་བྱས་དང་མདོ་བསྲེ་དང་རྣམ་གཞག་རིམ་པ་དང༌། རྡོ་རྗེ་སེམས་དཔའི་བསྒྲུབ་ཐབས་ཐམས་ཅད་ལས། རིགས་དྲུག་པའི་དབང་དུ་བྱས་པའི་སྒྲུབ་
ཐབས་མཛད་ཀྱི། རིགས་ལྷག་མ་ལྔའི་སྒྲུབ་ཐབས་ལོགས་སུ་གསལ་བར་མ་མཛད་པར་ཤེས་པར་བྱའོ། །དེ་ནི་ཡི་གེ་གསུམ་པོ་འདི་ཡིན་ནོ། །དེ་ནི་ཞེས་པ་ནས་ཡིན་ནོ་ཞེས་པའི་བར་འགྱུར་གསར་གཉིས་ལ་མེད་དོ། །འདི་ནི་ཞེས་བྱ་བ་ནི་བཤད་མ་ཐག་པའི་རྡོ་རྗེ་གང་ཡིན་པ་དེ་ནི་སངས་རྒྱས་ཐམས་ཅད་དེ། རྡོ་རྗེ་འཆང་ཆེན་པོའི་རྣལ་འབྱོར་པ་རྣམས་ཀྱི་སངས་རྒྱས་ཀྱི་བྱང་ཆུབ་རབ་ཏུ་སྒྲུབ་པར་བྱེད་པ་སྟེ། བསྐྱེད་པའི་རིམ་གྱིས་ཕྱག་རྒྱ་ཆེན་པོ་རྫོགས་པར་བྱེད་པའོ། །ཡེ་ཤེས་རྡོ་རྗེ་ཞེས་བྱ་བ་ལ་སོགས་པ་ལ། ཁའདི་དག་ནི་ཀ རིགས་རྣམས་ཀྱི་སྐུ་ཕྱག་རྒྱ་ཆེན་པོའི་ངོ་བོ་གཡེ་ཤེས་ཀྱི་རྡོ་རྗེ་སྟེ་རྡོ་རྗེ་འཆང་ཆེན་པོས་སྤྲུལ་པ་སྟེ་རབ་ཏུ་བསྟན་པ་ཡིན་ནོ། །དགོས་པ་ཅིའི་ཕྱིར་བསྟན་ཞེ་ན། སངས་རྒྱས་ཏེ་རིན་པོ་ཆེ་ལྟ་བུའི་གང་ཟག་གོ །གང་ཟག་དེ་རྣམས་ཀྱི་ལམ་གྱི་སྐབས་ཀྱི་རྒྱུ་ནི་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ་འོད་གསལ་གྱི་རྒྱུ། །འབྲས་བུ་ནི་དོན་དམ་པའི་བདེན་པ ར་ཞུགས་པའི་འོད་གསལ་ལོ་སྟེ་། རྒྱུ་དང་འབྲས་བུ་དག་འབྱུང་བ་ཞེས་བྱ་བ་ནི་དེ་གཉིས་དབྱེར་མེད་པར་སྐྱེད་པ་ཞེས་པ་སྟེ། རྒྱུ་སྒྱུ་ལུས་དང་དེའི་འབྲས་བུ་འོད་གསལ་ལས་བྱུང་བའི་ཡོངས་སུ་དག་པའི་ཟུང་འཇུག་གི་ལྷའི་སྐུ་ཡིན་ལ། དེ་འགྲུབ་པའི་དོན་དུ་རྡོ་རྗེ་འཆང་ཆེན་པོས་སྤྲུལ་པ་སྟེ་བསྟན་ནོ་འོ་། །འདི་དག་ཅེས་བྱ་བ་ལ་སོགས་པ་ལ། སྔགས་ཀྱི་རིག་པ་ཞེས་བྱ་བ་རྟོག་པ་དང་ལ་སོགས་པ ས་རྒྱུད་ཅེས་བྱ་བ ར་བསྒྲགས་སོ་པ་ནི་། གང་བསྒྲགས་ན།
རྫོགས་དང་:པ་ཚབ:དམ་ཚིག་སོགས་རྣམས་དང༌། ཞེས་འབྱུང་བ་ལྟར་ཡིན་ལ། རྫོགས་པ་ནི་མི་བསྐྱོད་པ་ལ་སོགས་པའི་ལྷའི་སྐུར་རྫོགས་པར་བྱས་པ་སྔོན་དུ་ཐུན་བཞིའི་བསྙེན་པ་ལྷ་བསྒོམ་པའོ། །དམ་ཚིག་ནི་བསྲུང་བ་དང་བཟའ་བ་སོགས་དང་བཅས་པར་བསྒྲགས་པ་སྟེ། བཤད་པ་འདི་དག་གོ །དམ་ཚིག་དག་གིས་རྫོགས་པར་འགྱུར། ཞེས་བྱ་བ་སྟེ། དམ་ཚིག་ནི་བསྲུང་བ་དང་བཟའ་བ་ལ་སོགས་པ་དང་བཅས་པར་བཤད་པའོ། །རྫོགས་པར་འགྱུར་བ་ནི་སྔོན་དུ་བསྙེན་པ་དང་བཅས་པར་གསུངས་པའོ། །འདི་དག་ནི་སངས་རྒྱས་སྐྱེས་བུ་ནི་སྒྲུབ་པ་པོས་སྟེ་མི་བསྐྱོད་པ་ལ་སོགས་པ ར་བསྐྱེད་པ་ཉིད་དེ་ཁོ་ན་ཡིན་གྱི་ཏེ་དེ་ལས་གཞན་འབྲས་བུའི་སྐབས་མ་ཡིན་པའོ། །གང་གིས་བསྒྲགས་ཞེ་ན། རྡོ་རྗེ་མི་ཕྱེད་གསུམ་བསྒོམས་པ ས་:པ་ཚབ་ཆག:འི་ཞེས་བྱ་བ་གསུངས་ཏེ། དེ་བཞིན་གཤེགས་པ་རྣམས་ཀྱིས་གསུངས་སོ། ༈ །དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པས་ནི་དོན་འདི་ཉིད་ཉེ་བར་སྡུད་པར་མཛད་པ་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ནི་ཡི་གེ་གསུམ་མོ། །དེའི་དམ་ཚིག་ནི་དེ་ལས་བྱུང་བ་ཉི་མའི་དཀྱིལ་འཁོར་ལ་སོགས་པ་རྣམ་པ་གསུམ་མོ། །དེ་ལ་དེའི་དེ་ཁོ་པདྨའི་སྟེང་དུ་ཡི་གེ་གསུམ་བསྒོམ་པ་ལ་དེ་ཁོ་ན་ཉིད་ཅེས་པ་འདི་ཙམ་ཞིག་རྒྱུད་ན་ཡོད་ཀྱང་གསལ་བར་མེད་དོ། །ན་ཉིད་ནི་པདྨའི་སྟེང་གི་ཡི་གེ་གསུམ་མོ། །ཡེ་ཤེས་ཞེས་བྱ་བ་ནི་ཟླ་ཉི་སོགས་ཐམས་ཅད་འདྲེས་པ་ཡོངས་སུ་གྱུར་པ་ལས་བྱུང་བའི་ཟླ་བའི་དཀྱིལ་འཁོར་རོ། །
རྡོ་རྗེ་ནི་ཟླ་བའི་དཀྱིལ་འཁོར་གྱི་སྟེང་དུ་རྣམ་པར་བཀོད་པའི་ཡི་གེ་གསུམ་ལས་བྱུང་བ་རྡོ་རྗེ་ཆེན་པོ་རྩེ་ལྔ་པའོ། །དེས་བྱིན་གྱིས་བརླབས་ཤིང་སྐྱེད་པས་ན་བྱིན་གྱིས་རློབ་པ་འགྱུར་རྙིང་གི་རྒྱུད་དུ། སྟེ། རྡོ་རྗེ་འཆང་གི་ཕྱག་རྒྱ་ཆེན་པོའི་གཟུགས་སོ། །དེའི་རྒྱུ་ནི་བྱེད་པ་སྟེ་དེ་སྐྱེད་པ་སྟོན་པ་ལ་ཐུགས་རྩེ་གཅིག་ཏུ་མཛད་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། ༈ །དབེན་དཔལ་ཞེས་འབྱུང་བ་ཡང༌། པ་ཚབ་ཀྱིས། བྱིན་གྱིས་རློབ་པའི་རྒྱུར་བསྒྱུར་བ་འགྲེལ་པ་དང་མཐུན་ནོ། །ཞིང་ཞེས་བྱ་བ་ལ་སོགས་པ་ནི། སྒྲུབ་པ་པོའི་སྒྲུབ་པ་ལ་ནན་ཏན་ལྷུར་བྱ་བའི་གནས་གསུངས་པ་ཡིན་ཏེ། དབེན་པ་ནི་སྐྱེ་བོ་འདུས་པའི་འདུ་འཛིན་དང་བྲལ་བར་རོ། །ཉམས་དགའ་བ་ཞེས་བྱ་བ་ནི་མེ་ཏོག་དང་འབྲས་བུ་དང་ལོ་མ་དང་ལྡན་པའི་ཤིང་རྣམ་པ་སྣ་ཚོགས་ཀྱི་ཡལ་གས་ཁེབས་པ། ཡིད་དུ་འོང་བའི་ཆུའི་ཚོགས་ཀྱིས་རྣམ་པར་མཛེས་པ། ཡིད་དང་རྗེས་སུ་མཐུན་པའི་གནས་སུ་འདུག་པའི་སྒྲུབ་པ་པོ་གང་ཡིན་པས་བཤད་མ་ཐག་པའི་མངོན་བྱང་ལྔས་རྡོ་རྗེ་འཆང་དུ་བསྐྱེད་པའི་སྦྱོར་བ་འདི་ནི་ཀུན་ཏུ་བརྩམ་ཞིང་བསླབ་པར་བྱ་སྟེ། དེས་ནི་རྡོ་རྗེའི་སྐུ་དང་གསུང་དང་ཐུགས་ཏེ་རྡོ་རྗེ་འཆང་ཆེན་པོ་འགྲུབ་པར་བསྒྲུབ་པར་བྱའོ། །ཟླ་བ་ཕྱེད་ཀྱིས་ཞེས་བྱ་བ་ནི་ཟླ་ཕྱེད་ཀྱི་སྐད་དོད་པཀྵ་ཨེ་ཀ་ཕྱོགས་གཅིག་ཡིན་ལ། དེ་ལ་ངེས་ཚིག་གིས་ས་ནིས་སཔྲ་ཏྱ་ཡ་ཡིད་ཆེས་པ། ཀྵེ་ནི་བི་ཤ་ཡ་ཡུལ་ཏེ། བླ་མའི་གདམས་ངག་དང་ལྷ་རྣམས་ཀྱི་
ཡུལ་ལ་ཡིད་ཆེས་པར་གྱུར་པ་སྟེ།ཨེ་ཀ་ནི་གཅིག་སྟེ་བསྐྱེད་རིམ་བསྒོམ་པ་དེ་ལ་གཅིག་ཏུ་ངེས་ཤིང་བརྟུན་པས་སམ་བརྩོན་པས་གསུང་དང་ཐུགས་འགྲུབ་པར་ཐེ་ཚོམ་མེད་པས་ངེས་པར་སྐུ་དང་གསུང་དང་ཐུགས་སྒྲུབ་པ་སྟེ།བསྐྱེད་རིམ་ལ་ཐུན་བཞི་བྱེད་པའི་རིམ་པ་འདིས་བསྐྱེད་པའི་རིམ་པ་ལ་སློབ་པའི་སྔགས་པས། རྫོགས་པའི་ཏིང་ངེ་འཛིན་མངོན་པར་རྟོགས་པར་ཏེ་ཐོབ་པར་བྱས་ན་ངེས་པར་ཚེ་འདི་ཉིད་ལ་རྡོ་རྗེ་འཆང་ཆེན་པོ་ཉིད་འཐོབ་པར་འགྱུར་རོ་ཞེས་བྱ་བར་དགོངས་སོ། ༈ །དེ་ལྟར་རྡོ་རྗེ་འཆང་ཆེན་པོའི་རྣལ་འབྱོར་བའི་བསྐྱེད་པའི་རིམ་པ་བསྒྲུབ་པ་ཡང་དག་པར་བསྟན་ནས། རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱི་མཐའ་གཅིག་ཏུ་ལྷ་དྲན་པའམ། རང་དང་ལྷ་གཅིག་ཏུ་དྲན་པའི་དྲན་པ་གཅིག་པ་བསྐྱེད་རིམ་པའི་ཏིང་ངེ་འཛིན་བསྟན་པར་བྱ་བའི་ཕྱིར། གསལ་བའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། གསལ་བའི་དཀྱིལ་འཁོར་དམ་པ་ནི། ནམ་མཁའ་རྡོ་རྗེའི་དབུས་བསམས་ཏེ། ཞེས་བྱ་བ་ནི་དངོས་པོ་མེད་པར་བསྒོམ་པའི་དངོས་ཞེས་བྱ་བ་ལ་སོགས་པའི་ཚིགས་སུ་བཅད་པའི་རིམ་གྱིས། གཞལ་ཡས་ཁང་གི་ནང་དུ་ལྷ་སུམ་ཅུ་རྩ་གཉིས་རྣམ་པར་དགོད་པའི་མཐར་ཐུག་པར་ལྷག་པ་མོས་པས་སྙོམས་པར་ཞུགས་ཏེ། ༀ་ཤཱུ་ནྱཏཱ་ཞེས་བྱ་བ་ལ་སོགས་པའི་སྔགས་ཀྱིས་ཐམས་ཅད་དངོས་པོ་མེད་
པར་བྱས་ལ། ༀ་ལ་སོགས་པའི་ཡི་གེ་གསུམ་གྱིས་ཟླ་བ་དང་ཉི་མ་དང༌། པདྨ་བསྐྱེད་ལ། པདྨའི་ལྟེ་བའི་སྟེང་དུ་ཡི་གེ་གསུམ་རྣམ་པར་བསམས་ནས། དེ་དག་ཐམས་ཅད་ཡོངས་སུ་གྱུར་པ་ལས་གསལ་བའི་དཀྱིལ་འཁོར་ཏེ།སྔ་མ་མང་པོས་མདོར་བྱས་ལས། སྔགས་དང་པདྨ་ཉི་མ་དག །ཟླ་བའི་དཀྱིལ་འཁོར་ལ་ཞུགས་པས། །ཟླ་བའི་དཀྱིལ་འཁོར་ཀུན་རྫོགས་པ། །བྱང་ཆུབ་སེམས་སུ་རྣམ་པར་བརྟག །ཅེས་གསུངས་པའི་དོན་དུ་བསམས་ནས། བར་གྱི་ཟླ་བ་ལ་པདྨ་དང་ཡི་གེ་གསུམ་ཡས་ཞུགས་དང༌། ཉི་མ་མས་ཞུགས་པའི་ཟླ་བ་དེ་ཉིད་ཟླ་བ་ལས་བྱང་ཆུབ་པའི་ཟླ་བར་འདོད་པ་ནི་དོན་མིན་ཏེ། འགྲེལ་པ་འདིར་དེ་དག་ཐམས་ཅད་ཡོངས་སུ་གྱུར་པ་ལས་གསལ་བའི་དཀྱིལ་འཁོར་ཏེ་ཞེས་ཟླ་ཉི་པད་གསུམ་སྔགས་དང་བཅས་པ་ཐམས་ཅད་ཡོངས་སུ་གྱུར་པ་ལས་ཟླ་བ་བསྐྱེད་པ་མང་དུ་གསུངས་ལ། རྡོར་སེམས་ཀྱི་སྒྲུབ་ཐབས་སུ་ཡང་དེ་བཞིན་དུ་བཤད་ཅིང༌། མདོ་བསྲེ་ལས་ཀྱང༌། དེ་ཐམས་ཅད་བསྡུས་ནས་ཟླ་བའི་དཀྱིལ་འཁོར་འདྲ་བར་ཡོངས་སུ་གྱུར་པར་བལྟས་ལ། ཞེས་གསུངས་པའི་ཕྱིར་རོ། །དེས་ན་མདོར་བྱས་ཀྱི་དགོངས་པ་སྟེང་འོག་གཉིས་ཟླ་བ་ལ་ཞུགས་པ་ལས་ཟླ་བ་ཕྱི་མ་བསྐྱོད་པའི་དོན་དུ་བྱའོ། །ཟླ་བའི་དཀྱིལ་འཁོར་རྣམ་པར་བསམ་པར་བྱའོ། །ཡེ་ཤེས་ཀྱི་ས་བསྐྱེད་པ་ནས་ལྷག་མོས་འོད་གསལ་དུ་སྡུད་པ་དང༌། མཚན་མ་གསུམ་དང་ཡི་གེ་གསུམ་དང༌། རང་གི་སྔགས་ཀྱི་དམ་ཚིག་བསྐྱེད་ཅེས་བྱ་བ་ནི། ཟླ་བའི་དཀྱིལ་འཁོར་གྱི་སྟེང་དུ་ཡི་གེ་གསུམ་རྣམ་པར་བཀོད་ལ། དེ་ཡོངས་སུ་གྱུར་པ་ཟླ་བ་ལས་བྱང་ཆུབ་བའི་བར་འདིར་བཤད་པ་ནི། རིགས་ལྷག་མ་བཞི་ལ་ཡང་སྦྱར་དགོས་ལ། རྡོ་རྗེ་འཆང་གི་སྐབས་སུ་མ་བཤད་པ་ཡང་འདི་བཞིན་བྱའོ། །རང་གི་སྔགས་ཀྱི་དམ་ཚིག་བསྐྱེད་ཅེས་བྱ་བ་ནི། ཟླ་བའི་དཀྱིལ་འཁོར་གྱི་སྟེང་དུ་ཡི་གེ་གསུམ་རྣམ་པར་བཀོད་ལ། དེ་ཡོངས་སུ་
གྱུར་པ་ལས་འཁོར་ལོར་བསྒོམས་ལ། དེ་ལས་བྱུང་བའི་རྣམ་པར་སྣང་མཛད་ཀྱི་དམ་ཚིག་སེམས་དཔའ་བསྒོམ་པར་བྱའོ། །དེའི་ཐུགས་ཀར་ཡེ་ཤེས་སེམས་དཔའ་བསྒོམས་ལ། [དེ་ཇི་ལྟ་བུ་ཞིག་བསྒོམ་སྙམ་ན། བྷ་བྱ་ཀཱིརྟིས་མདོར་བྱས་ཀྱི་འགྲེལ་པར། རྣམ་སྣང་ཞལ་གཅིག་ཕྱག་གཉིས་པ་འཁོར་ལོ་དང་ དྲིལ་བུ 
་འཛིན་པ་ལ་བཤད་དེ། དེའི་རིགས་པ་རིན་འབྱུང་འོད་དཔག་མེད་དོན་གྲུབ་གསུམ་ལའང་སྦྱར་རོ། །མི་བསྐྱོད་པ་ལ་རྡོ་རྗེ་འཆང་དང་འདྲ་པར་རྡོ་རྗེ་འཆང་དམར་པོའམ་ཡང་ན་རང་འདྲ་ཞལ་གཅིག་ཕྱག་གཉིས་པའོ། །དེའི་ཡང་ཐུགས་ཀར་ཡི་གེ་ༀ་ཏིང་ངེ་འཛིན་སེམས་དཔའ་ཞེས་གྲགས་པ་སྙིང་པོར་གྱུར་པ་འོད་ཟེར་ལྔ་སྟེ་འོད་ཟེར་རྣམ་པ་ལྔ་དང་ལྡན་པ་དགོད་པར་བྱའོ་བས་རྣམ་པར་སྣང་མཛད་མཆོག་ཏུ་བསྒོམས་པ་ནི་:པ་ཚབ་ཆག:ལ། རྣམ་པར་སྣང་མཛད་ཀྱི་རྣལ་འབྱོར་པ་རྣམས་ཀྱིས་སྤྲིན་ཆེན་པོ་སྟེ། རྣམ་པར་སྣང་མཛད་ཀྱི་ཚོགས་དེ་རྣམས་ཡི་གེ་ༀ་ལས་སྤྲོ་བར་ཏེ་འཕྲོ་བར་བསྒོམ་པར་བྱའོ། ༈ །འདི་ཡིས་ཞེས་པ་ཏིང་ངེ་འཛིན་འདི་ཡིས་སངས་རྒྱས་ཏེ་བསྐྱེད་པའི་རིམ་པ་ཤེས་པ་རྣམས་ཀྱི་བསྒྲུབ་བྱ་རྣམ་པར་སྣང་མཛད་ནི་ཀྱི་ཁརང་གི་རིགས་རྣམས་ཀརྒྱ་མཚོ་དང་འདྲ་བ་ཏེ་ར་གའབྱུང་པར་འགྱུར་བས་སོ་ན་རྣམ་སྣང་དེ་སྒྲུབ་པ་པོ་གང་གི་བསྒྲུབ་བྱ་ཡིན་པ་སྒྲུབ་པ་པོ་དེའི་ལུས་ཏེ། རྡོ་རྗེའི་སྐུ་འགྲུབ་པར་འགྱུར་རོ། །ཡེ་ཤེས་ལྔ་ལྡན་བསྟེན་ན་ནི། ཞེས་བྱ་བ་ལ། ཤེས་པ་ལྔ་ནི་མིག་ལ་སོགས་པའི་
རྣམ་པར་ཤེས་པ་ལྔ་རྣམས་ཏེ། ཤེས་པ་ལྔ་པོ་དེ་རྣམས་གང་ལ་གནས་པ་སྟེ། དམིགས་པའི་གཟུགས་ལ་སོགས་པའི་ཡུལ་རྣམས་གང་ཡིན་པ་དེ་ནི་ཡེ་ཤེས་ལྔ་ལྡན་ཏེ། འདོད་ཡོན་ལྔ་པོ་དེ་ཉམས་སུ་མྱོང་བས་ཏེ། བསྟེན་པས་འཁོར་བ་ཇི་སྲིད་བར་གནས་པའོ། །སངས་རྒྱས་སྐུ་ནི་ཞེས་པ་ནི་མཚན་ཐམས་ཅད་དང་ལྡན་པའི་རྡོ་རྗེའི་སྐུའོ། །དེ་དང་འདྲ་བའི་མདོག་ནི་དེ་དང་འདྲ་བའི་རྫུ་འཕྲུལ་འགྲུབ་པའོ། །རྡོ་རྗེ་བསྐལ་པ་གསུམ་དུ་གནས། ཞེས་པ་ནི། རྡོ་རྗེ་སེམས་དཔར་འི་ཀགཙོ་བོར་གགྱུར་ནས་བསྐལ་པ་གསུམ་དུ་གནས་པས་བཞུགས་པའོ། །ཟླ་བ་ཕྱེད་ཀྱིས་འགྲུབ་པར་འགྱུར་ཞེས་པའི་ཟླ་ཕྱེད་ནི་སྔར་ལྟར་ཡིད་ཆེས་བ་སྟེ་ཏིང་ངེ་འཛིན་ལ་ཀུན་ཏུ་ཞེན་པ་ཙམ་གྱིས་འགྲུབ་ཏེ། ལུས་ངག་གི་བྱ་བའི་སྤྲོས་པ་ལ་ལྟོས་པ་མེད་པ་ཉིད་ཀྱིས་སོ་ཞེས་བྱ་བར་དགོངས་སོ་ཞེས་བཅོམ་ལྡན་འདས་སྐུ་རྡོ་རྗེ་གསང་བ་སྟེ་རྡོ་རྗེ་འཆང་ཆེན་པོས་གསུངས་པའོ། ༈ །དེ་བཞིན་གཤེགས་པ་ཐམས་ཅད་ནི་ཟླ་བའི་དཀྱིལ་འཁོར་རོ། །དེར་རྡོ་རྗེ་ནི་མི་ཕྱེད་བའི་ངོ་བོ་ཉིད་ཀྱི་འཁོར་ལོའོ། །དེའི་འོད་ཟེར་གྱི་བཀོད་པ་ནི་ཕྱག་རྒྱ་ཆེན་པོའི་གཟུགས་ཏེ། དེ་སྐྱེད་པའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེ་འོད་ཟེར་བཀོད་པ་ཞེས་བྱའོ། ༈ །ཆོས་ཀྱི་དཀྱིལ་འཁོར་ཞེས་བྱ་བ་ལ་སོགས་པ་ལ། དེ་བཞིན་དུ་ཐམས་ཅད་བསྐྱེད་ལ་ཅེས་པ་ནི་རྣམ་སྣང་གི་སྐབས་བཞིན་དུ་ཡེ་ཤེས་ཀྱི་ས་ནས་ཟླ་བ་ལས་བྱང་ཆུབ་བའི་བར་རྣམས་བསྐྱེད་པའོ། །
ཆོས་ཀྱི་དཀྱིལ་འཁོར་ཏེ་ཟླ་བ་ལ་གནས་པའི་པདྨའི་མཆོག་དམར་པོ་འདབ་མ་བརྒྱད་པ་བསམས་ལ། དེ་ཡོངས་སུ་གྱུར་པ་ལས་རང་གི་སྔགས་ཀྱི་སྐྱེས་བུ་འོད་དཔག་ཏུ་མེད་པ་བསྐྱེད་ལ་དེའི་ཐུགས་ཀར་ཡེ་ཤེས་སེམས་དཔའ་བསྒོམས་ནས། ངག་གི་ལམ་ཡེ་ཤེས་སེམས་དཔའ་ལ་ཏིང་ངེ་འཛིན་གྱི་སེམས་དཔའ་ཡི་གེ་ཨཱཿ བསམ་པ་སྟེ། ཁ་དོག་སྣ་ལྔ་པའི་པདྨ་ཆེན་པོ་མི་ཕྱེད་པའི་ངོ་བོ་ཉིད་འཇིག་རྟེན་དབང་ཕྱུག་གི་མཆོག་བསྒོམ་པ་སྟེ། རང་འོད་དཔག་ཏུ་མེ་པར་བསྐྱེད་པ་དེར་གཏོགས་པའི་སེམས་ཀྱི་འཇུག་པས་བཀོད་པའོ། །དམ་ཚིག་ཡེ་ཤེས་རྫོགས་བྱས་ཏེ། །ཚིག་གི་དམ་ཚིག་ལྔ་ཡི་མཆོག །ཅེས་བྱ་བ་ལ། དམ་ཚིག་ནི་དམ་ཚིག་གི་སེམས་དཔའོ། །ཡེ་ཤེས་ནི་ཡེ་ཤེས་སེམས་དཔའོ། །ཚིག་གི་དམ་ཚིག་ནི་ཏིང་ངེ་འཛིན་གྱི་སེམས་དཔའ་སྟེ། རྫོགས་པར་བྱ་བ་ནི་སེམས་དཔའ་གསུམ་པོ་དེ་དག་ངོ་བོ་དབྱེར་མེད་གཅིག་ཏུ་བྱས་ནས་བསྒོམ་པའོ། །སེམས་དཔའ་སུམ་བརྩེག་གི་ཚུལ་འདི་ཉིད་ཀྱིས་ནི་ལྔ་ཡི་མཆོག་སྟེ་དེ་བཞིན་གཤེགས་པ་ལྔ་པོ་རྣམས་སེམས་དཔའ་གསུམ་བརྩེག་པ་བྱས་ནས་བསྒོམ་པར་བྱ་བའོ། །འདིས་རིགས་སོ་སོ་བ་ལྔ་སྒོམ་པ་ན་སེམས་དཔའ་སུམ་བརྩེག་བྱ་བར་སྟོན་གྱི། རིགས་ཐམས་ཅད་ཀྱི་ཁྱབ་
བདག་རྡོ་རྗེ་འཆང་སེམས་དཔའ་སུམ་བརྩེག་ཏུ་བྱ་བ་མི་འགོག་གོ ། ༈ ཆོས་ཀྱི་ཚིག་གི་ལམ་ནི་འོད་དཔག་ཏུ་མེད་པའི་ཏིང་ངེ་འཛིན་ཏོ། །གནས་པ་ནི་ཡང་དག་པར་ཐོབ་པའོ། །རྡོ་རྗེ་ནི་ཀུན་རྫོབ་ཀྱི་བདེན་པའོ། །ཆོས་ནི་དོན་དམ་པའི་བདེན་པ་སྟེ། ཆོས་དང་ལྡན་པའི་རྡོ་རྗེ་ནི་རྡོ་རྗེ་ཆོས་ཏེ། རྡོ་རྗེ་འཆང་ཆེན་པོའི་གོ་འཕང་སྟེ་དེ་འཐོབ་པར་འགྱུར་པའོ། །ཡེ་ཤེས་ལྔ་ལྡན་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། ༈ །དེ་བཞིན་གཤེགས་པ་ཐམས་ཅད་ནི་ཡེ་ཤེས་སེམས་དཔའོ། །གསུང་རྡོ་རྗེ་ནི་ཏིང་ངེ་འཛིན་སེམས་དཔའོ། །དམ་ཚིག་ནི་དམ་ཚིག་སེམས་དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེའི་དམ་ཚིག་གང་དུ་འབྱུང་བའི་ཏིང་ངེ་འཛིན་དེ་ལ་དེ་སྐད་ཅེས་བྱའོ། ༈ །རྡོ་རྗེའི་དཀྱིལ་འཁོར་ཞེས་བྱ་བ་ལ་སོགས་པ་ནི། རྡོ་རྗེ་འཆང་ཆེན་པོ་དང་འདྲ་བར་ཞེས་པ་ནི་རྡོ་རྗེ་འཆང་དང་མི་བསྐྱོད་པ་གཉིས་ཕྱག་མཚན་ལས་བྱང་ཆུབ་པའི་སྐབས་ཀྱི་རྡོ་རྗེ་རྩེ་ལྔ་པ་འདྲ་བར་སྟོན་ནོ། རྡོ་རྗེ་ཡོངས་སུ་གྱུར་པ་ལས་ནི་ལེའུ་གསུམ་པར་བཤད་པ་ལྟར་མི་བསྐྱོད་པར་བསྐྱེད་ཀྱི། རྡོ་རྗེ་འཆང་དུ་བསྐྱེད་ནས་བསྒྱུར་བ་མ་ཡིན་ནོ། །ཐམས་ཅད་བསྐྱེད་ལ། རང་གི་སྔགས་ཀྱི་སྐྱེས་བུ་དམ་ཚིག་གི་སེམས་དཔའ་བསྐྱེད་ནས། སེམས་དེ་ཡེ་ཤེས་སེམས་དཔའ་ལ་ཏིང་ངེ་འཛིན་སེམས་དཔའ་ཞེས་བྱ་བ་ཡི་གེ་ཧཱུཾ་དེ་ལ་གནས་པ་སྟེ། ཡེ་ཤེས་སེམས་དཔའི་ཐུགས་ཀར་གནས་པར་བསམ་པར་བྱའོ། །དེ་ལྟར་སེམས་དཔའི་གསུམ་གྱི་བདག་ཉིད་ཅན། དམ་ཚིག་ཆེན་པོའི་དེ་ཁོ་ན་ཉིད་མི་བསྐྱོད་པའི་ཁ་དོག་ལྔ་པའི་འོད་ཟེར་ཅན་གྱི་འོད་ཀྱི་དཀྱིལ་འཁོར་དང་ལྡན་པར་རྣམ་པར་བསྒོམ་
པར་བྱ་བའོ། །རྡོ་རྗེའི་རིགས་ཀུན་བསྡུས་པའི་དང་རྒྱལ་བ་ནི་འབྲས་བུའི་མི་བསྐྱོད་པའོ། །དེའི་གནས་ནི་རང་མི་བསྐྱོད་པར་བསྐྱེད་པའི་ཕྱག་རྒྱ་ཆེན་པོའི་གཟུགས་སོ། །ཡེ་ཤེས་རྡོ་རྗེ་ནི་མི་བསྐྱོད་པའི་སྒྲུབ་པ་པོས་སོ། །བྱ་བ་ནི་བསྐྱེད་པའོ། ༈ །[དེ་ལྟར་སྔར་བཤད་པའི་རིགས་བཞི་ལ་ཤིན་ཏུ་རྣལ་འབྱོར་དང་རྣལ་འབྱོར་ཆེན་པོ་བྱ་བར་དངོས་སུ་མ་བཤད་ཀྱང༌། རྣལ་འབྱོར་དེ་གཉིས་བྱ་དགོས་ལ། དཀྱིལ་འཁོར་རྒྱལ་མཆོག་དང་ལས་རྒྱལ་མཆོག་མ་བཤད་པ་ནི་ཁ་བསྐང་བའམ་ཡང་ན་མངོན་རྟོགས་བསྡུས་པ་ལ་དགོངས་ཏེ། རིན་འབྱུང་དང་དོན་གྲུབ་གཉིས་ལའང་འདྲ་བར་ཤེས་པར་བྱའོ། དེ་ལྟར་རིམ་པ་དང་པོ་ལ་རྟག་པ་ཉིད་ཀྱིས་ཏེ། རྟག་ཏུ་ཉི་མ་རེ་རེ་ཞིང་ཐུན་བཞིར་བསླབ་པ་སྟེ། གོམས་པར་བྱས་ན། དེ་ལྟར་གོམས་པ་དེའི་རྒྱུད་ལ་རྫོགས་རིམ་ཚང་བར་སྐྱེ་བའི་དགེ་བའི་རྩ་བ་ཡོངས་སུ་སྨིན་པས་རྡོ་རྗེ་ལྟ་བུའི་ཏིང་ངེ་འཛིན་ཟུང་འཇུག་མངོན་པར་རྟོགས་ནས། ཚེ་འདི་ཉིད་ལ་ཕྱག་རྒྱ་ཆེན་པོའི་དངོས་གྲུབ་འཐོབ་པར་འགྱུར་རོ་ཞེས་བསྟན་པར་བྱ་བའི་ཕྱིར། སྟོན་པ་རྡོ་རྗེ་ཐུགས་འདྲ་བ་ཞེས་བྱ་བ་ལ་སོགས་པ་གསུངས་ཏེ། ལྷ་དང་མི་རྣམས་ལ་རྗེས་སུ་སྟོན་པར་མཛད་པས་ན་སྟོན་པའོ། །རྡོ་རྗེ་ནི་དོན་དམ་པའི་བདེན་པའོ། །ཐུགས་ནི་ཀུན་རྫོབ་ཀྱི་བདེན་པའོ། །དེ་དག་ལས་བསྒྲུབས་པས་ན་རྡོ་རྗེ་ཐུགས་འདྲ་བའོ། །ཡེ་ཤེས་ཡོན་ཏན་ནི་འདོད་པའི་དབང་ཕྱུག་ལ་སོགས་པ་བརྒྱད་དོ། །དེ་རྣམས་ཀྱི་རྒྱ་མཚོར་
འགྱུར་བ་ནི་འབྱུང་གནས་ཡིན་པའི་ཕྱིར་རོ། །ཡེ་ཤེས་ལྔ་ལྡན་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །རྡོ་རྗེ་ནི་དམ་ཚིག་གི་སེམས་དཔའོ། །ཐུགས་ནི་ཡེ་ཤེས་སེམས་དཔའོ། །གསང་བ་ནི་ཏིང་ངེ་འཛིན་གྱི་སེམས་དཔའ་སྟེ། དེ་ལྟར་ཏིང་ངེ་འཛིན་གསུམ་གྱི་བདག་ཉིད་ཅན་ཡིན་པས་རྡོ་རྗེ་ཐུགས་ཀྱི་གསང་བ་ཞེས་བྱ་བ་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ། ༈ །དེ་བཞིན་གཤེགས་པ་ཞེས་བྱ་བ་ལ་སོགས་པས་ནི་རབ་ཏུ་བྱེད་པའི་དོན་སྡུད་པ་ཡིན་ཏེ། དེ་བཞིན་གཤེགས་པ་ཐམས་ཅད་ནི་རྡོ་རྗེ་འཆང་ཆེན་པོའོ། །སྐུ་དང་གསུང་དང་ཐུགས་ནི་རྣམ་པར་སྣང་མཛད་ལ་སོགས་པ་གསུམ་མོ། །དམ་ཚིག་ནི་དོན་ཡོད་པར་གྲུབ་པའོ། །རྡོ་རྗེ་ནི་རིན་ཆེན་འབྱུང་ལྡན་ཏེ་འདི་རྣམས་ཀྱི་ཏིང་ངེ་འཛིན་ཏེ། སྒྲུབ་ཐབས་ནི་གསལ་བར་མ་བཤད་ཀྱང་ལྔའི་མཆོག །ཅེས་པས་དེ་གཉིས་སེམས་དཔའ་སུམ་བརྩེག་ཏུ་བསྒོམ་པར་བཤད་ཅིང་རིགས་གཞན་བཞི་དང༌།ཐ་མི་དད་པར་ཏེ་འདྲ་བར་ཉེ་བར་བཏགས་པ་སྟེ། བཤད་པས་ན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཞེས་བྱ་སྟེ། སྒྲ་ཇི་བཞིན་པའོ། ༈ །དེ་ལྟར་རྟོག་པ་སྟེ། བརྟགས་པའི་རྣལ་འབྱོར་བསྐྱེད་རིམ་གྱི་འབྲས་བུ་ཕན་ཡོན་གྱི་འི་ཚུལ་གྱིས་མཚོན་ནས་རྫོགས་པའི་རིམ་པ་བསྟན་ནས། མཚོན་དོན་གྱི་རྫོགས་རིམ་དེ་མངོན་སུམ་ཉིད་དུ་སྟེ། དངོས་སུ་བསྟན་བསྐྱེད་རིམ་གྱི་
འབྲས་བུར་བཤད་པའི་རྫོགས་རིམ་དེ་སྔར་སོ་སོར་མ་ཕྱེ་བར་མི་གསལ་བར་བསྟན་པ་དེ། སྐབས་འདིར་རིགས་དྲུག་གི་སྒྲུབ་ཐབས་ཀྱི་སྐབས་སུ། སྐྱེ་ཤི་བར་དོ་གསུམ་སྐུ་གསུམ་དུ་འཁྱེར་བའི་ལམ་འཁྱེར་གྱིས། སྦྱང་གཞི་སྦྱོང་བ་བསྒོམས་པས་རྒྱུད་སྨིན་ནས་རྫོགས་རིམ་དངོས་ཀྱི་རྟོགས་པ་སྐྱེ་བ་ན། སྒྱུ་མའི་སྐུས་འཆི་རིམ་བཞིན་དུ་སྟོང་པར་འཇུག་པའི་འོད་གསལ་དང༌། དེ་ལས་བར་དོ་བཞིན་དུ་རླུང་སེམས་ཙམ་གྱི་སྐུར་ལྡང་བའི་ལོངས་སྐུ་དང༌། དེས་སྐྱེ་བ་ལེན་པ་དང་འདྲ་བའི་སྤྲུལ་སྐུ་འཛིན་པ་རྣམས་འདིར་སྟོན་པ་ཡིན་ནོ། །པར་བྱ་བའི་ཕྱིར། ཡེ་ཤེས་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། ཡེ་ཤེས་དང་ཤེས་པ་གཉིས་ཀ་སྐད་དོད་གཅིག་པས་དོན་གྱིས་སྐབས་གང་བབས་ལ་བསྒྱུར་བ་ཡིན་པ་ལ། འདིར་ཤེས་པ་ལ་བསྒྱུར་ན་ལེགས་ཤིང༌། དེ་ལ་ཡང་བྱེད་པ་དང་ལས་སུ་བྱ་བ་གཉིས་ལས། འདིས་ཤེས་པར་བྱེད་པའི་ཤེས་པ་མིན་གྱི་ཤེས་པར་བྱ་བས་ན་ལས་སུ་བྱ་བ་ཡེ་ཤེས་སམ། ཤེས་པ་སྟེ་ཏེ་། ཤེས་བྱ་རྒྱུ་བ་སེམས་ཅན་དང་མི་རྒྱུ་བའི་སྣོད་དོ་འོ་། །སྣོད་བཅུད་དེའི་དཀྱིལ་འཁོར་ནི་ཚོགས་ཏེ་འཇིག་རྟེན་གསུམ་མོ། །གསུམ་པོ་དེའི་དབུས་སུ་རྡོ་རྗེ་ཆེན་པོ་སྟེ་རང་གི་ལུས་ཕྱག་རྒྱ་ཆེན་པོ་སྒྱུ་མའི་གཟུགས་སུ་བསྒོམ་པར་བྱ་ཞིང་སྟེ། རིགས་ཐམས་ཅད་ཀྱི་བདག་པོ་རྡོ་རྗེ་འཆང་ཉིད་དུ་བཞག་ནས་ལུས་རྣམས་ཀུན་ཏེ་རྒྱུ་པ་དང་མི་རྒྱུ་པ་རྣམས་ལ། ཡི་གེ་ཁྃ་ཞེས་གསུངས་པའི་དོན་ནི་སྐུ་དེ་ནམ་མཁར་ཏེ་འོད་གསལ་དུ་འཇུག་པར།བྱེད་པ་ཡིན་ཏེ་ས་རྗེས་སུ་གཞིག་པའི་བསམ་
གཏན་གྱི་རིམ་གྱིས་སྔོན་དུ་སྣོད་བཅུད་གཞནདངོས་པོ་མེད་པ་སྟེ་མི་སྣང་བར་བྱས་ལ། དེའི་རྗེས་སུ་སྒྱུ་མའི་ལུས་བདག་ཉིད་ཀྱང་རིམ་རིམ་པ་གསུམ་པའི་སྒྱུ་མའི་སྐུ་དོན་གྱི་འོད་གསལ་མངོན་དུ་བྱས་པའི་དུས་སུ་ནམ་མཁའ་ལ་འཇའ་ཡལ་བ་ལྟར་འགྱུར་ལ། རིམ་པ་ལྔ་པ་སློབ་པའི་ཟུང་འཇུག་གི་སྒྱུ་མའི་སྐུ་ནི། འོད་གསལ་དུ་ཞུགས་ནས་འཇའ་ཡལ་བ་ལྟར་མི་འགྱུར་བས། རྒྱུད་དང་འགྲེལ་པར་སྒྱུ་མའི་སྐུ་འོད་གསལ་དུ་འཇུག་པར་བཤད་པ་ཐམས་ཅད་རིམ་པ་གསུམ་པའི་སྒྱུ་མའི་སྐུ་ལ་གོ་བར་བྱའོ། །གྱིས་ཞུགས་པ་དེ་བྱས་ན། འོད་གསལ་གྱི་རྡོ་རྗེ་ཡེ་ཤེས་ནམ་མཁའ་དང་མཉམ་པ་སྟེ། འདྲ་བ་དེར་འགྱུར་ཞིང་ཞེས་པ་སེམས་དཔའ་གསུམ་གྱི་བདག་ཉིད་ཅན་སྒྱུ་མའི་སྐུ་དེ་དང་འོད་གསལ་གཉིས་གཅིག་ཏུ་འགྱུར་རོ། །ཁྃ་ཞེས་བྱ་བ་ནི་འོད་གསལ་བ་མཚོན་པའོ། །འོད་གསལ་དེ་ལ་ཡང་སངས་རྒྱས་ཏེ་དེ་རྣམ་པར་སྣང་མཛད་ལ་སོགས་པའི་ངོ་བོ་ཉིད་དུ་བཤད་པའི་གཟུགས་ཀྱི་ཕུང་པོ་ལ་སོགས་པའི་ཕུང་པོ་ལྔ་རྣམས་དང༌། བྱང་ཆུབ་སེམས་དཔའ་སྟེ་སའི་སྙིང་པོ་ལ་སོགས་པའི་ངོ་བོ་ཉིད་དུ་བཤད་པའི་མིག་ལ་སོགས་པ་རྣམས་ཀྱིས་ཀྱང་ཡང་དང་ཡང་དུ་སྟེ། རྡོ་རྗེ་འཕྲེང་བ་ལས་གཟུགས་ཀྱི་ཕུང་པོར་གཏོགས་པ་ཞེས་བྱ་བ་ལ་སོགས་པའོད་གསལ་དུ་འཇུག་པར་བཤད་པའི་རིམ་གྱིས་སྐད་ཅིག་རེ་རེ་ཞིང་མཆོད་པ་སྟེ་:པ་ཚབ་ཆག:ར་གྱུར་པས་སོ་། །ཡེ་ཤེས་གསུམ་གྱི་བདག་ཉིད་ཅན་དུ་རང་ཉིད་ལ་རབ་ཏུ་ཞུགས་པར་གྱུར་པས། ཤེས་རབ་དང་ཐབས་དང་ཉེ་བར་ཐོབ་པའི་ངོ་བོ་ཉིད་ཀྱིས་རྟོག་པ་
སྟེ་བརྟག་པར་བྱ་བ་ཡིན་པས་ན་ཀལྤ་བསྐལ་པ་གསུམ་སྟེ་ཡེ་ཤེས་གསུམ་མོ། །དེ་གང་དུ་:པ་ཚབ་ཆག:དང་མཉམ་པར་གྱུར་ཅིང་རྣམ་པར་ཞུ་བ་སྟེ་ཐིམ་པར་གྱུར་པ་གང་ཡིན་པ་དེ་ནི་བསྐལ་པ་གསུམ་གྱི་དམ་ཚིག་སྟེ་འོད་གསལ་བར་གནས་པའོ། །དེར་གནས་ན་སངས་རྒྱས་ཀྱིས་ཀྱང་གཟིགས་པར་མི་འགྱུར་ཏེ། སངས་རྒྱས་ཀྱི་སྐད་དང་བུདྡྷ་ནི་རྟོགས་པ་ལ་འཇུག་པས།སངས་རྒྱས་ནི་འདིར་ཡེ་ཤེས་གསུམ་ཡིན་ལ། ཡེ་ཤེས་གསུམ་པོ་དེས་ཀྱང་མཐོང་བར་མི་འགྱུར་བ་སྟེ། ཇི་ལྟ་བ་བཞིན་དུ་མི་མཐོང་བ་ནི་འོད་གསལ་དུ་ཞུགས་ན་ཇི་ལྟར་མཐོང་བ་མེད་ཅིང་སྣང་བ་མེད་པ་དེ་བཞིན་དུ་གནས་པའོ། །བཅོམ་ལྡན་འདས་ནམ་མཁའ་རྡོ་རྗེའི་དམ་ཚིག་གིས་དེ་སྐད་ཅེས་བཀའ་སྩལ་ཏེ། །ཞེས་བྱ་བ་ལ། ནམ་མཁའ་རྡོ་རྗེ་ནི་འོད་གསལ་བའོ། །འོད་གསལ་དེ་ལས་འོད་ཟུང་གཉིས་མཉམ་པར་བྱུང་བར་གྱུར་པས་ན་ནམ་མཁའ་རྡོ་རྗེའི་དམ་ཚིག་སྟེ་རྡོ་རྗེ་འཆང་ཆེན་པའོ། ༈ །འོག་ནས་བཤད་པའི་འོད་གསལ་ལས་ལྡང་པའི་དམ་ཚིག་བསྟན་པར་བྱ་བའི་ཕྱིར། སྐུ་དང་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ནི་རིམ་པ་གསུམ་པའི་ཕྱག་རྒྱ་ཆེན་པོ་སྒྱུ་མའི་སྐུའོ། །དེའི་མི་སྣང་བ་ནི་དེ་འོད་གསལ་དུ་ཞུགས་པའོ། །དེ་ལས་བྱུང་བར་གྱུར་པས་ན་འབྱུང་བའོ། །བཀོད་པ་ནི་གཡོ་བ་དང་མི་གཡོ་བའི་དངོས་པོ་ཐམས་ཅད་ཀྱི་རྩ་བ་མཐར་གཏུགས་པ་ན་རླུང་དང་སེམས་ཀྱི་བདག་ཉིད་ཅན་ཡིན་
ལ་ཏེ་། དེ་ལས་བསྒྲུབ་པའི་ཟུང་འཇུག་པའི་ཡེ་ཤེས་ཀྱི་སྐུའོ། །དེའི་འཕྲེང་བ་ནི་གདུལ་བྱའི་བསམ་པ་ཇི་ལྟ་བ་བཞིན་དུ་རྣམ་པར་སྣང་མཛད་ལ་སོགས་པའི་སྤྲུལ་བའི་སྐུས་གཞན་དོན་ལ་རབ་ཏུ་འཇུག་པའོ། །དེའི་ཏིང་ངེ་འཛིན་གང་ལ་སེམས་ཀྱི་སྐད་ཅིག་མ་རྩེ་གཅིག་ཏུ་དམིགས་པ་དེ་ལ་དེ་སྐད་ཅེས་བྱའོ། ༈ །ཏིང་ངེ་འཛིན་འོད་ཟུང་དེ་དག་ཐམས་ཅད་ཉིད་བསྟན་པར་བྱ་བའི་ཕྱིར། རྡོ་རྗེ་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། རྡོ་རྗེའི་དཀྱིལ་འཁོར་དབུས་སུ་ནི། ཞེས་པའི་རྡོ་རྗེའི་དཀྱིལ་འཁོར་ནི་འོད་གསལ་བའོ་དེའི་དབུས་སུ་ཞེས་པ་ནི་འོད་གསལ་དེ་ལས་བྱུང་བའོ། །རང་སྔགས་སྐྱེས་བུ་ནི་འདིར་ཡོངས་སུ་དག་པའི་ཕྱག་རྒྱ་ཆེན་པོ་ལོངས་སྐུའི་གཟུགས་སུ་བསམ་ཞིང་བསྒོམ་མོ། །ལོངས་སྐུར་བསྐྱེད་པ་དེའི་འོག་ཏུ་སེམས་ཅན་ཐ་མལ་བའི་ཡུལ་དུ་གྱུར་པའི་ལུས་རགས་པའི་སྤྲུལ་པའི་སྐུ་ཡོངས་སུ་གཟུང་ལ། ཞེས་པ་ནི་ཟུང་འཇུག་པའི་ལོངས་སྐུ་དེ་སོ་སོ་སྐྱེ་པོས་དངོས་སུ་མ་མཐོང་བས། དེ་རྣམས་ཀྱི་དོན་དུ་འཛིན་པ་སྟེ། འདིས་ནི་ཤིན་ཏུ་ཕྲ་བའི་རླུང་སེམས་ཀྱི་སྐུ་ལོགས་སུ་གྲུབ་ཀྱང༌། སྔར་གྱི་ཕུང་པོ་རགས་པ་ད་དུང་འཛིན་པའི་གནད་ཀྱང་ཤེས་བར་བྱའོ། །དེ་ལྟར་ལུས་རགས་པ་བཟུང་པའི་རྡོ་རྗེས་སུ་སྲོག་གི་དང་རྩོལ་པའི་རླུང་འབྱུང་རྔུབ་ཀྱི་སྐྱེ་བའི་ཡན་ལག་ཏུ་ཏེ་རྒྱུར་གྱུར་པའི་རྡོ་རྗེ་སྟེ་ཅིང་མི་ཤིགས་པའི་ཡི་གེ་ཧ་ཞེས་བྱ་བའི་ས་བོན་སྙིང་གར་བཞག་སྟེ། དེའི་འོག་ཏུ་འོད་ཟེར་རྣམ་པར་བསྒོམ་པར་བྱ་སྟེ། སྲོག་གི་དང་རྩོལ་བ་འབྱུང་
རྔུབ་ལ་གནས་པའི་འོད་ཟེར་ཏེ་རླུང་བཅུ་པོ་དེ་རྣམས་ཀྱི་བསྒོམ་པ་ནི། སྣ་བུག་གཡས་དང་ལ་སོགས་པས་གཡོན་དང་གཉིས་ཀ་ནས་རྒྱུ་བའི་དབྱེ་བས་འཇུག་པ་ལ་སོགས་པའི་རིམ་གྱིས་རབ་ཏུ་ཞུགས་པའོ། །ཧ་ཞེས་བྱ་བ་ནི་བརྗོད་དུ་མེད་པའི་ཡང་བརྗོད་དུ་མེད་པ་སྟོན་པ་སྟེ་མཚོན་པའོ། །མི་ཤིགས་པའི་ཡི་གེ་ལ་ཨ་དང་ཧཱུཾ་ཡང་བཤད་པ་ཡོད་དོ། །འདིར་ཟུང་འཇུག་པས་རགས་པའི་སྐུ་ལ་བརྟེན་ནས་རྡོར་བཟླས་བྱ་བར་གསུངས་ཏེ། ཞི་སོགས་ཀྱི་ལས་དང་མངོན་ཤེས་སོགས་བསྒྲུབ་པའི་དོན་དུའོ། །འཇམ་པ་ནི་རྣམ་པར་མི་འཇིག་པའོ། །དཔལ་ནི་འོད་གསལ་བའོ། །དེ་ལས་བྱུང་བས་ན་འཇམ་དཔལ་གྱི་དམ་ཚིག་དེ་ནི་ཟུང་འཇུག་ལོངས་སྐུའོ་གོ་།སྐུ་དེ་ལས་ཐོབ་པའི་ཕྱིར་མི་ལྡོག་པ་རྣམས་ཀྱིས་ཡང་དག་པར་ལོངས་སྤྱོད་ཅིང་ཡུལ་དུ་བྱས་པས་ན་དེ་ཉིད་ནི་ལོངས་སྤྱོད་པ་སྟེ་ཡེ་ཤེས་ཀྱི་རང་བཞིན་གྱི་ལུས་སོ། །དེ་ཐོབ་ནས་སྐུ་དང་གསུང་དང་ཐུགས་རྡོ་རྗེའི་སྤྲུལ་པའི་སྐུའི་སྐུ་དང་གསུང་དང་ཐུགས་གང་ལ་མངའ་བ་དེ་ནི་སྐུ་གསུང་ཐུགས་ཀྱི་རྡོ་རྗེ་ཅན་ནོ། །ས་བཅུ་ནི་འོད་ཟེར་རླུང་བཅུ་སྟེ། རླུང་དེ་ལ་རབ་ཏུ་གནས་པ་སྟེ། དམིགས་ནས་རྡོར་བཟླས་ཀྱིས་དངོས་གྲུབ་བསྒྲུབ་པའོ། །བྱང་ཆུབ་ནི་དོན་དམ་པའི་བདེན་པའོ། །སེམས་དཔའ་ནི་ཀུན་རྫོབ་ཀྱི་བདེན་པ་སྟེ། དེའི་བདག་ཉིད་ཀྱི་སྐུ་གང་ཡིན་པ་དེ་ནི་བྱང་ཆུབ་སེམས་དཔའི་བདག་སྟེ། གང་བཤད་མ་ཐག་འདིས་ནི་རྡོ་རྗེ་བཟླས་པ་ལ་བསྔགས་ཤིང༌། དེའི་བྱེད་
ཚུལ་ཡང་ཟུང་འཇུག་པས་སྙིང་གའི་མི་ཤིགས་པ་ལས་བྱེད་པ་འདི་ལྟར་དུ་བྱ་བར་བསྟན་ཏེ། འདི་གནད་ཆེ་བར་ཡོད་ཅིང༌། ལེའུ་གསུམ་པར་ཕྲ་མོ་བསྒོམ་པ་མཐར་ཐུག་ཏུ་བཤད་པ་ཡང་འདི་ལ་བརྟེན་ནས་དཔྱད་ན་ཤེས་པར་འགྱུར་རོ། །པ་སྙིང་གའི་མི་ཤིགས་པ་ལས་རྡོར་བཟླས་བྱེད་པའི་རིམ་གྱིས་ཏེ་རིམ་པ་དེས་ངག་དབེན་བསྒོམ་པ་པོ་དེ་ནི་ཟུང་འཇུག་གི་བདག་ཉིད་འདི་ལྟ་བུ་ཐོབ་པར་འགྱུར་པའོ། ༈ །བྱང་ཆུབ་སེམས་དཔའ་ཞེས་བྱ་བ་ལ་སོགས་པས་ནི་ཏིང་ངེ་འཛིན་གསལ་བར་བྱེད་དོ། །བདེན་པ་གཉིས་ཀྱིས་ཡོངས་སུ་གཟུང་བའི་གཟུགས་ནི་བྱང་ཆུབ་སེམས་དཔའི་ཡེ་ཤེས་སོ། །དེ་ཉིད་དམ་ཚིག་ཡིན་ལ་དེ་ཉིད་ནི་ཁམས་གསུམ་པ་རྣམས་ཚིམ་པར་བྱེད་པས་ན་ཟླ་བའོ། །འཁོར་བ་ཇི་སྲིད་པར་གནས་ནས་སེམས་ཅན་གྱི་དོན་མཛད་པས་ན་རྡོ་རྗེ་སྟེ། དེ་སྐྱེད་པའི་ཏིང་ངེ་འཛིན་ལ་ཡང་དེ་སྐད་ཅེས་བྱ་སྟེ་དགོངས་པས་བཤད་པའོ། ༈ །བཤད་མ་ཐག་པ་ནི་ཟུང་འཇུག་ལོངས་སྐུ་བསྐྱེད་ནས་རགས་པའི་སྤྲུལ་སྐུ་བཟུང་བ་སྟེ། དེའི་རིམ་པས་བཟུང་བའི་སྤྲུལ་པའི་སྐུས་ནི་སྔ་མ་དང་རྗེས་སུ་མཐུན་པའི་རིམ་པས་བསྐྱེད་རིམ་པའི་སྐབས་སུ་མངོན་བྱང་ལྔ་ལས་ལོངས་སྐུ་རྡོ་རྗེ་འཆང་དུ་བསྐྱེད་པ་སྤྲུལ་སྐུ་རྡོར་སེམས་སུ་བསྒྱུར་བ་བསྟན་ཞིང་6༌། དེའི་མིག་ལ་སོགས་པར་ཐླ່ཱ་སོགས་ཀྱི་ཡི་གེ་འགོད་པ་ཡིན་པས་བསྐྱེད་རིམ་པས་མངོན་ཤེས་བསྒྲུབ་པའི་སྐབས་འདིར། སྔར་བཤད་པ་ལྟར་རིགས་དྲུག་གི་དབང་དུ་བྱས་པའི་སྒྲུབ་ཐབས་དྲུག་ཡོད་ཀྱང༌། མངོན་བྱང་ལྔ་ལས་རྡོ་རྗེ་འཆང་བསྐྱེད་ནས། སྤྲུལ་སྐུར་བསྒྱུར་བའི་སྒྲུབ་ཐབས་དེ་ཁོ་ན་ལྟར་བྱ་དགོས་ཏེ། འཆད་འགྱུར་གྱི་ནམ་སྙིང་གི་སྐབས་སུ་
ཡང༌། ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་དམ་པ་བསམ། ཞེས་པའི་འགྲེལ་པར་རྡོ་རྗེ་འཆང་གི་ལུས་དཀྱིལ་སྒོམ་པར་གསུངས་པའི་ཕྱིར་རོ། །རྡོ་རྗེ་འཆང་དུ་བསྒོམས་པས་དཀྱིལ་འཁོར་རྒྱལ་མཆོག་གི་སྐབས་སུ་མི་བསྐྱོད་པ་སོགས་སུ་བསྒྱུར་པ་ཡང་མིན་ཏེ། སྤྲུལ་སྐུར་བསྒྱུར་བའི་མིག་སོགས་སུ་ཡི་གེ་རྣམས་དགོད་པར་གསུངས་པས་སོ། །འདིར་སྒྲིབ་སེལ་གྱི་སྐབས་སུ་དང་པོ་སྤྱོར་བ་བྱེད་པར་བཤད་པ་དང༌། རྡོ་རྗེ་འཆང་གི་ཤིན་ཏུ་རྣལ་འབྱོར་བྱེད་པར་བཤད་པས། དང་པོ་སྦྱོར་བ་དགོས་ལ། བླ་མ་རྣམས་ཏིང་ངེ་འཛིན་གསུམ་ག་མཛད་པ་ལྟར་ལེགས་པས་ཐམས་ཅད་ལ་ཏིང་ངེ་འཛིན་གཉིས་བྱས་པའི་འོག །ལས་རྒྱལ་མཆོག་གི་སྐབས་སུ། མིག་ནས་ལྕེའི་བར་བཞི་དབང་རྟེན་དང་བཅས་པ་དང༌། ལུས་དབང་གི་ཕྱོགས་གཅིག་གི་གནས་གསང་བའི་རྡོ་རྗེ་རྣམས་སྟོང་པར་སྦྱངས་ནས། ཁོང་སྟོང་དུ་བྱ་བ་དང་གནས་དེ་རྣམས་སུ་ཐླ່ཱ་ལ་སོགས་པའི་ཡི་གེ་འོད་འབར་བ་བཀོད་ཏེ། ས་སྙིང་སོགས་དང་ངོ་བོ་དབྱེར་མེད་དུ་སྒོམ་པ་དང༌། དབང་པོའི་ཡུལ་དུ་ཡུལ་ལྔ་ཐམས་ཅད་གསལ་བོར་བྱུང་བར་མོས་པ་ཡང་དང་ཡང་དུ་རྒྱུན་ལྡན་དུ་གོམས་པར་བྱས་པས། མིག་ལ་སོགས་པའི་མངོན་ཤེས་ལྔ་འགྲུབ་པར་འགྱུར་ཏེ། འདི་འདྲ་བ་རྣམས་ནི་ནང་ལ་གཞོལ་བའི་དངོས་གྲུབ་བསྒྲུབ་པའི་ལས་ཚོགས་ཡིན་ན། །འི་མིག་ལ་སོགས་པའི་སྐྱེ་མཆེད་རྣམ་པར་དག་པའི་སྒོ་ནས་འབྲས་བུ་མངོན་ཤེས་སྒྲུབ་པ་བསྟན་པར་བྱ་བའི་ཕྱིར། འོད་ཟེར་འབར་བའི་ཞེས་བྱ་བ་ལ་སོགས་པ་གསུངས་ཏེ། དང་པོ་མིག་གི་སྦུབས་སྟོང་པར་བྱས་པས་ཁོང་སྟོང་དུ་བྱ་བ་ཐོབ་པ་གང་ཡིན་པ་དེ་ནི་ནམ་མཁའ་སྟེ། དེའི་དབུས་སུ་ཆུད་པར་ཡི་གེ་ཐླ່ཱ་འོད་ཟེར་ཤིན་ཏུ་འབར་བ་སྟེ། ཉི་མ་དང་ཟླ་བའི་འོད་ཟེར་རྣམས་ཀྱིས་འབར་བར་གྱུར་པ་གང་གིས། མཚོན་ཆའི་སྐད་
དོད་ཨསྟྲ་ལ་ངེས་ཚིག་གིས་ཨ་སྱ་ནྟི་འཕེན་པར་བྱ། ཀྵི་སྱནྟེ་གཞུག་པར་བྱ་བའོ། །འཕེན་ཅིང་བཅུག་པ་དེ་ནི་མཚོན་ཆ༡ འོ་འི་མཆོག་སྟེ། མཆོག་ནི་བརྒྱ་བྱིན་ལ་སོགས་པའི་བགེགས་ཀྱི་ཚོགས་རྣམས་སོ། །བགེགས་དེ་འཇོམས་པའི་དོན་གྱི་མཚོན་ཆ་ཡིན་པས་ན་མཚོན་མཆོག་གོ །འཇོམས་ཚུལ་དེ་ཡང་ཡི་གེ་དེ་ལས་བྱུང་བའི་མིག་བསྐྱོད་པ་ལས་འོད་ཟེར་འཕྲོས་པས་བགེགས་ཐམས་ཅད་རྣམ་པར་འཇོམས་པས་ན་མཚོན་ཆའི་མཆོག་སྟེ་ཡི་གེ་ཐླ່ཱ་ངོ༌། །དེ་ནི་རྡོ་རྗེའི་ལུས་ངག་གིས་ཏེ། སའི་སྙིང་པོའི་ངོ་བོ་ཉིད་ཀྱིས་བསྒོམ་པར་བྱའོ། །རྡོ་རྗེའི་སྐུ་དང་འདྲ་བར་འགྱུར། ཞེས་བྱ་བ་ནི། རྡོ་རྗེ་འཆང་ཆེན་པོ་དང་འདྲ་པར་འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་གཟུགས་ཀྱི་དངོས་པོ་ཐམས་ཅད་ལག་མཐིལ་གྱི་སྐྱུ་རུ་ར་བཞིན་དུ་མཐོང་བར་འགྱུར་བའོ། །ཐླ່ཱ་ཞེས་བྱ་བ་ནི། སྔར་བཤད་པའི་དོན་ས་སྙིང་སྟོན་པ་སྟེ་མཚོན་པའི་ས་བོན་ནོ། །ནམ་མཁའ་རྡོ་རྗེའི་དམ་ཚིག་ནི་རྡོ་རྗེ་འཆང་ཆེན་པོའོ། །དེའི་བཀོད་པ་ནི་སྐུ་ཕྱག་རྒྱ་ཆེན་པོའོ། །དེ་ནི་གནས་ཏེ་སའི་སྙིང་པོ་སྤྲུལ་བའི་གནས་ཡིན་པས་ན་དེ་ནི་ནམ་མཁའ་རྡོ་རྗེའི་དམ་ཚིག་གི་བཀོད་པའི་གནས་ཞེས་བྱ་ལ། དེ་སྟོན་པའི་ཏིང་ངེ་འཛིན་ལ་ཡང་དེ་སྐད་ཅེས་བྱའོ། །དེ་ལྟར་བཤད་མ་ཐག་པའི་རིམ་པ་དང༌། འོག་ནས་བཤད་པ་དག་གིས། ལྷའི་མིག་དང་རྣ་བ་ལ་སོགས་པ་སྒོམ་པ་གང་ཡིན་པའི་རྣལ་འབྱོར་པ་དེ་ནི། པ་ཚབ་ཀྱིས། སངས་རྒྱས་མངོན་ཤེས་དམ་ཚིག་ནི། །
མཆོག་གི་མངོན་ཤེས་ལྔ་འདྲར་འགྱུར། ཞེས་བསྒྱུར་བ་ནི་འགྲེལ་པ་དང་མཐུན་ནོ། །མངོན་པར་ཤེས་པ་ལྔ་དང་འདྲ་བ་སྟེ་རྡོ་རྗེ་འཆང་ཆེན་པོ་དང་མཚུངས་པར་འགྱུར་བའོ། །མཚུངས་ལུགས་ཇི་ལྟར་ཡིན་ཞེ་ན། སངས་རྒྱས་མངོན་ཤེས་དམ་ཚིག་མཆོག །ཅེས་བྱ་བ་གསུངས་ཏེ། སངས་རྒྱས་ནི་དུས་གསུམ་དུ་བྱུང་བའི་རྒྱལ་བ་རྣམས་སོ། །དེ་རྣམས་ཀྱི་མངོན་པར་ཤེས་པའི་དམ་ཚིག་མཆོག་ནི་ལྷའི་མིག་ལ་སོགས་པ་སྟེ། མངོན་ཤེས་ལྔ་པོ་དེ་རྣམས་ཀྱི་ཕྱོགས་གཅིག་ནས་རྡོ་རྗེ་འཆང་ཆེན་པོ་དང་འདྲ་བར་འགྱུར་བའོ། །འདི་ནི་ཞེས་བྱ་བ་ནི་གང་བཤད་མ་ཐག་པའི་ལྷའི་མིག་གོ །དངོས་གྲུབ་ཐམས་ཅད་ཀྱི་ཞེས་བྱ་བ་ལ། ཐམས་ཅད་ནི་རང་དང་གཞན་གྱི་ཚོགས་ཏེ། དེ་རྣམས་ཀྱི་དངོས་གྲུབ་རྣམས་ཀྱིའོ། །སངས་རྒྱས་ཞེས་པའི་བུདྡྷ་ནི་ཁོང་དུ་ཆུད་པ་ཡིན་ལ་རང་གི་སེམས་སོ། །དེ་ ཇི་ལྟ་བ་བཞིན་དུ་མངོན་པར་ཤེས་ཤིང་ཁོང་དུ་ཆུད་པས་ན་སངས་རྒྱས་མངོན་ཤེས་ཏེ། རྣལ་འབྱོར་བ་ཆེན་པོ་རྣམས་ཏེ་དེ་རྣམས་ཀྱི་མཆོག་བསྒྲུབ་པ་ནི་དངོས་གྲུབ་ཐམས་ཅད་ཀྱི་ཡང་གཙོ་བོ་སྒྲུབ་པར་བྱེད་པའོ། ༈ །རྣ་བའི་མངོན་ཤེས་སྒྲུབ་པ་སྟོན་པ་ལ་སངས་རྒྱས་དཀྱིལ་འཁོར་ནི་དེ་བཞིན་གཤེགས་པ་ཐསམ་ཅད་དོ། །ཞེས་པ་ནི། མངོན་བྱང་ལྔས་རྡོ་རྗེ་སེམས་དཔའ་བསྒོམས་ནས་ལུས་དཀྱིལ་བསྒོམ་པའོ། །དམ་ཚིག་ནི་དམ་ཚིག་ཅེས་པ་འགྱུར་གསར་གཉིས་ལ་
མེད་ཅིང་དམ་པ་ནི་ཡོད་དོ། །དམ་པ་ནི་མཆོག་གི་དོན་ཡིན་ལ་དེ་ནི་རྡོ་རྗེ་སེམས་དཔའོ། །རྡོ་རྗེ་ལྟར་མི་ཕྱེད་པའི་སེམས་དཔའ་ནི་རྡོ་རྗེ་སེམས་དཔའ་སྟེ་དེ་རབ་ཏུ་བསྒོམ་ཞིང་བསྐྱེད་པའོ། །ནམ་མཁའི་དབྱིངས་ཀྱི་དབུས་སུ་ནི། ཞེས་བྱ་བ་ནི། རྣ་བའི་གནས་འོད་གསལ་བར་བསྒོམས་པའི་དབུས་སུ་གནས་པར་རོ། །ཡེ་ཤེས་ནི་ཕྱག་ན་རྡོ་རྗེ་སྟེ་དེ་བསྐྱེད་པར་བྱེད་པ་ཡི་གེ་ༀ་ནི་ཡེ་ཤེས་ༀ་ཡིག་:ཆག:ནི་བསྒོམ་པར་བྱ་ཞེས་པའོ། །རྡོ་རྗེ་དམ་ཚིག་གསུམ་ནི་ཕྱག་ན་རྡོ་རྗེའོ། །དེ་བསྒོམས་པས་ནི་ཞེས་པ་ནི་ༀ་ཡིག་དེ་ཕྱག་རྡོར་དེའི་རང་བཞིན་དུ་བྱས་པས་སོ། །མི་བསྐྱོད་རྡོ་རྗེ་གསུམ་ནི་རྡོ་རྗེ་འཆང་ཆེན་པོ་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་སྒྲ་རྣམ་པ་སྣ་ཚོགས་པ་རྣམས་རྣ་བའི་ལམ་དུ་གྲག་པར་གྱུར་པ་ན་སྒྲ་གཅིག་འཛིན་པ་བཞིན་དུ་ཐམས་ཅད་འཛིན་པས་དེ་དང་འདྲ་བར་གྱུར་པས་ན། མི་བསྐྱོད་པའི་རྡོ་རྗེ་གསུམ་དང་རྣལ་འབྱོར་པ་རྣམས་འདྲ་བར་འགྱུར་རོ། ཞེས་བཅོམ་ལྡན་འདས་རྡོ་རྗེ་མི་བསྐྱོད་པས་ཏེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །མི་བསྐྱོད་པ་ཡི་སྐུ་འདྲ་དང་ཞེས་བྱ་བ་ནི་རྡོ་རྗེ་འཆང་ཆེན་པོ་དང་མཚུངས་པའི་སྐུའོ། །དེ་བཞིན་དུ་ཐ་མལ་པ་མ་ཡིན་པའི་གསུང་དང་ཐུགས་འཛིན་པས་གསུང་དང་ཐུགས་མཆོག་འདྲ་བ་འཛིན་ཞེས་བྱའོ། །འཇིག་རྟེན་ཁམས་ཞེས་བྱ་བ་ནི་རྟག་ཏུ་འཇིག་རྟེན་གྱི་ཁམས་ཐམས་ཅད་དུའོ། །མི་བསྐྱོད་རྡོ་རྗེས་མཆོད་པར་འགྱུར། ཞེས་བྱ་བ་ནི་རྣ་བ་ལ་གནས་པའི་ཕྱག་ན་རྡོ་རྗེས་མཆོད་ཅིང་སྟེ། དངོས་གྲུབ་ལ་ཁད་ཉེ་བར་བྱེད་པས་བསྙེན་པར་འགྱུར་རོ་འོ་། །མི་བསྐྱོད་
པའི་དམ་ཚིག་ནི་མི་བསྐྱོད་པའོ། །དེ་ལས་བྱུང་བས་ན་མི་བསྐྱོད་པའི་དམ་ཚིག་ལས་མངོན་པར་བྱུང་བའི་རྡོ་རྗེ་ནི་ཕྱག་ན་རྡོ་རྗེ་སྟེ་དེ་སྐྱེད་པར་བྱེད་པའི་ཏིང་ངེ་འཛིན་ལ་ཡང་དེ་སྐད་ཅེས་བྱའོ། ༈ །ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པས་ནི་ནམ་མཁའི་སྙིང་པོའི་ཏིང་ངེ་འཛིན་གསུངས་པ་ཡིན་ཏེ། ནམ་མཁའི་དབྱིངས་ཀྱི་དབུས་སུ་གནས་པ་ནི་འོད་གསལ་བའི་དབུས་སུ་གནས་པ་ནི་དེ་བཞིན་ཉིད་ལས་བྱང་ཆུབ་པའོ། །དེ་ནས་མངོན་བྱང་ལྔས་དང་པོའི་མགོན་པོར་བསྐྱེད་པ་སྤྲུལ་སྐུར་བསྒྱུར་ལ་ར་རོ་། །སངས་རྒྱས་དཀྱིལ་འཁོར་འོད་བཟང་བསམ་ཞེས་ཏེ་རྡོ་རྗེ་འཆང་ཆེན་པོའི་སྐུའི་དཀྱིལ་འཁོར་བསམ་པར་བྱའོ། །ནམ་མཁའི་རྡོ་རྗེ་རབ་བསྒོམས་ལ་ཞེས་བྱ་བ་ནི། རྡོ་རྗེ་འཆང་གི་ཕྱག་རྒྱ་ཆེན་པོའི་གཟུགས་ཀྱི་ཡང་སྣའི་དབང་པོ་ལ་ནམ་མཁའི་རྡོ་རྗེ་སྟེ། འོད་གསལ་བ་བསྒོམ་པའོ། །རིན་ཆེན་ནི་ནམ་མཁའི་སྙིང་པོ་སྟེ་དེ་སྐྱེད་པའི་ཡི་གེ་ༀ་རིན་པོ་ཆེ་རྣམ་པར་བསྒོམ་པར་བྱའོ། །རྡོ་རྗེ་དམ་ཚིག་གསུམ་བསྒོམས་པས། ཞེས་བྱ་བ་ལ། རྡོ་རྗེ་གསུམ་ནི་དྲི་ཡིད་དུ་འོང་མི་འོང་བར་མ་རྣམ་པ་གསུམ་སྟེ། དྲི་གསུམ་པོ་དེ་དང་མཉམ་པར་གྱུར་པར་མཛད་པའི་ཕྱིར་རྡོ་རྗེ་དམ་ཚིག་གསུམ་སྟེ། ནམ་མཁའི་སྙིང་པོའོ། །དེ་བསྒོམས་པས་ཞེས་པ་ནི། ༀ་ཡིག་དེ་ནམ་སྙིང་དེའི་ངོ་བོ་ཉིད་དུ་དམིགས་པས་རྡོ་རྗེ་གསུམ་འགྱུར་རྙིང་ལས། རྡོ་རྗེ་གསུམ་དཔག་མེད་འདྲར་འགྱུར། ཞེས་པ་ལ། པ་ཚབ་ཀྱིས། རྡོ་རྗེ་གསུམ་གྱི་ཏོག་
འདྲར་འགྱུར། ཞེས་བསྒྱུར་རོ། །ཞེས་པ་རྡོ་རྗེ་འཆང་ཆེན་པོ་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་དྲི་ལ་སྤྱོད་པས་དེ་དང་འདྲ་བར་འགྱུར་བའོ། །ཞེས་དཀོན་མཆོག་དཔལ་ཞེས་བྱ་བ། བཅོམ་ལྡན་འདས་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །ལུས་དང་ཞེས་བྱ་བ་ལ་སོགས་པ་ལ། དེ་ལྟར་སྒོམ་པར་བྱེད་པ་ནི་ཐ་མལ་པ་མ་ཡིན་པའི་ལུས་དང་ངག་དང་སེམས་ཀྱིས་རྡོ་རྗེ་ཡིས་སོ། །དཀོན་མཆོག་དཔལ་གྱི་འོད་དང་འདྲ་ཞེས་བྱ་བ་ནི། ནམ་མཁའ་མཛོད་ཀྱི་ཏིང་ངེ་འཛིན་གྱིས་དེ་དཀོན་མཆོག་དཔལ་དང་རྫུ་འཕྲུལ་འདྲ་བར་འགྱུར་བའོ། །སུ་ཞིག་དེར་འགྱུར་ཞེ་ན་བདག་མེད་བྱང་ཆུབ་ནི་འོད་གསལ་བའོ། །དེར་ཡེ་ཤེས་ནི་སྟོང་པ་ཉིད་བཞིའི་བདག་ཉིད་ཅན་རྡོ་རྗེ་འཆང་ཆེན་པོའི་སྐུའོ། །དེ་ཉིད་ནི་ཉན་ཐོས་ལ་སོགས་པའི་ཡུལ་མ་ཡིན་པས་ན་གསང་བའོ། །དེ་དང་མཉམ་པའི་གནས་སུ་གྱུར་པའི་སྐུ་གང་ཡིན་པ་དེ་ནི་བདག་མེད་པའི་བྱང་ཆུབ་ཡེ་ཤེས་གསང་བ་འདྲ་བའི་གནས་ཏེ་སྒྲུབ་པ་པོའོ། །རིན་པོ་ཆེའི་དམ་ཚིག་དྲི་རྣམ་པ་གསུམ་གང་གིས་ལོངས་སྤྱོད་ཅིང་རྗེས་སུ་མྱོང་བ་དེ་ནི་རིན་པོ་ཆེའི་དམ་ཚིག་ལོངས་སྤྱོད་པ་རྡོ་རྗེ་སྟེ་ནམ་མཁའི་སྙིང་པོ་ཡིན་ལ་དེ་སྐྱེད་པའི་ཏིང་ངེ་འཛིན་ལ་ཡང་དེ་སྐད་ཅེས་བྱའོ། ༈ །ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པས་ལྕེའི་མངོན་ཤེས་སྒྲུབ་པ་སྟོན་པ་ལ། སྔ་མ་ནམ་སྙིང་གི་སྐབས་སུ་བཤད་པ་བཞིན་དུ་རྡོ་རྗེ་འཆང་གི་ཕྱག་རྒྱ་ཆེན་པོའི་གཟུགས་བསྐྱེད་ལ་
རྡོ་རྗེ་འཆང་དེའི་ལྕེའི་ཕྱོགས་སུ་འཇིག་རྟེན་དབང་ཕྱུག་ཅེས་པ་ཡང་དག་པའི་མཐའ་སྟེ། སྟོང་པ་ཉིད་དེ་བསྒོམས་ལ། ཆོས་ནི་འཇིག་རྟེན་གྱི་དབང་ཕྱུག་སྟེ། དེ་སྐྱེད་པར་བྱེད་པའི་ཡི་གེ་ༀ་ནི་ཆོས་ཀྱི་ༀ་སྟེ། འཇིག་རྟེན་དབང་ཕྱུག་གི་ངོ་བོར་ཡི་གེ་དེ་བསྒོམ་པར་བྱའོ། །རྡོ་རྗེ་དམ་ཚིག་ཅེས་བྱ་བ་ལ་སོགས་པ་ལ། རྡོ་རྗེ་གསུམ་ནི་རོ་རྣམ་པ་གསུམ་མོ། །དེ་དང་མཉམ་པར་གྱུར་པ་ཉིད་ནི་རྡོ་རྗེ་དམ་ཚིག་གསུམ་སྟེ་འཇིག་རྟེན་དབང་ཕྱུག་གོ །དེ་བསྒོམས་པས་ཞེས་པ་ནི་ལྕེ་ལ་ༀ་བསྒོམས་པ་དེའི་སྒོ་ནས་རོ་རྣམ་པ་གསུམ་རྗེས་སུ་མྱོང་བར་གྱུར་པས་སོ། །རྡོ་རྗེ་གསུམ་དཔག་མེད་ནི་རྡོ་རྗེ་འཆང་ཆེན་པོ་སྟེ། ཕྱོགས་བཅུའི་འཇིག་རྟེན་གྱི་ཁམས་སུ་གཏོགས་པའི་རོ་རྗེས་སུ་མྱོང་པས་དེ་དང་འདྲ་བར་འགྱུར་པའོ། །གང་འདི་ལྟར་དམིགས་པར་བྱེད་པ་དེ་ནི་ལུས་ལ་སོགས་པའི་གཟི་བརྗིད་འོད་དཔག་ཏུ་མེད་པ་དང་འདྲ་བར་འགྱུར་བའོ། །དབང་པོ་དམན་པ་ལ་སོགས་པའི་སེམས་ཅན་ཐམས་ཅད་ལ། ཐེག་པ་ཆེན་པོའི་ལམ་སྟེ་སངས་རྒྱས་ཉིད་དུ་འགྱུར་བའི་ལམ་དེའི་དོན་གྱི་ཐབས་ཡོད་པ་གང་ཡིན་པ་དེ་ནི་ཐེག་པ་ཆེན་པོའི་ལམ་སྟེ། དེ་སྐྱེད་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འོད་དཔག་ཏུ་མེད་པ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །ཡོན་ཏན་དཔག་ཏུ་མེད་པ་ནི་རྡོ་རྗེ་འཆང་ཆེན་པོའོ། །དེ་ལ་ཁམས་གསུམ་ན་གནས་པའི་རོ་ཐམས་ཅད་ལྕེའི་དབང་པོ་ན་
གནས་པའི་རོ་གཅིག་དང་འདྲ་བར་སྦྱོར་པ་ནི་འོད་དེ། དེས་མཛེས་པར་གྱུར་པའི་དཔལ་གང་ཡིན་པ་དེ་ནི་ཡོན་ཏན་དཔག་ཏུ་མེད་པའི་འོད་དཔལ་ཏེ་འཇིག་རྟེན་དབང་ཕྱུག་ཡིན་ལ། དེ་སྟོན་པའི་ཏིང་ངེ་འཛིན་ལ་ཡང་དེ་སྐད་ཅེས་བྱའོ། ༈ །ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པས་ལུས་ཀྱི་མངོན་ཤེས་སྒྲུབ་པ་སྟོན་པ་ལ། སྔ་མ་བཞིན་དུ་དང་པོའི་རྣལ་འབྱོར་ཏེ་སྦྱོར་བ་བྱས་ཏེ། དམ་ཚིག་ༀ་རབ་ཏུ་བསྒོམས་ལ། རྡོ་རྗེ་ཨུཏྤ་ལ་ཁ་ཟུམ་པའི་རྣམ་པ་ཅན་བསྒོམ་པར་བྱའོ། ཞེས་བྱ་བ་ནི་ཀླུ་སྒྲུབ་ཀྱི་མན་ངག་གོ །དམ་ཚིག་ནི་སྒྲིབ་པ་ཐམས་ཅད་རྣམ་པར་སེལ་བ་སྟེ་དེ་སྐྱེད་པར་བྱེད་པའི་ཡི་གེ་ༀ་ཡང་དམ་ཚིག་ༀ་ཡིན་ཏེ། འདིས་རེག་:པ་ཚབ:རེག་པའི་དབང་པོ་ཞེས་ཟེར། བྱ་ལ་རེག་པས་ལུས་ཀྱི་འི་དབང་པོའི་གནས་སུ་འོད་གསལ་བས་སྦྱང་བ་སྔོན་དུ་འགྲོ་བས། དེས་ཁན་སྒྲིབ་སེལ་དེའི་དམ་ཚིག་ཡི་གེ་ༀ་རབ་ཏུ་བསྒོམ་མོ་ས་ལ་། ཀདང་པོར་རྡོ་རྗེ་ཉིད་ཨུཏྤ་ལ་སྟེ། ཁ་ཟུམ་པའི་རྣམ་པས་ན་རྡོ་རྗེ་ཨུཏྤལ་ཞེས་བྱ་སྟེ་དེ་བསྒོམ་པར་བྱའོ། །ག རྡོ་རྗེ་གསུམ་ནི་རེག་བྱ་རྣམ་པ་མངོན་ཤེས་བསྒྲུབ་པ་ལ་རྣམ་གནས་དགོས་པ་ལ། འདིར་དབང་བོ་རྣམས་ཀྱི་གནས་སུ་ས་བོན་ལྔ་དང་སྐུ་ལྔ་བཀོད་ནས་དབང་པོའི་ངོ་བོར་སྒོམ་པ་ལས་གཞན་པའི་སྒྲུབ་ཚུལ་མ་བཤད་པ་ཇི་ལྟར་ཡིན་སྙམ་ན། འདིར་ས་སྙིང་དང་ཕྱག་རྡོར་གྱི་སྐབས་གཉིས་དང༌། རིགས་བཞིའི་སྐབས་སུ་རྣམ་གནས་མ་གསུངས་ཀྱང༌། རྣམ་སྣང་དང་ནམ་སྙིང་དང་འཇིག་རྟེན་དབང་ཕྱུག་དང༌། སྒྲིབ་སེལ་གྱི་སྐབས་སུ། རྡོ་རྗེ་དམ་ཚིག་གསུམ་བསྒོམས་པས། ཞེས་གསུངས་པའི་དོན་རྡོ་རྗེ་གསུམ་ནི། དྲི་རོ་རེག་བྱ་ཡིད་དུ་
འོང་མི་འདུ་བར་མ་གསུམ་དང༌། དམ་ཚིག་ནི་ས་མ་ཡ་ལ་ས་མ་ཏ་མཉམ་པ་ཉིད་ཀྱི་དོན། ཡུལ་གསུམ་ལ་མཉམ་པར་ཞུགས་པའི་ནམ་སྙིང་སོགས་གསུམ་སྒོམ་པ་ལ་བཤད་པའི་དོན་ནི། ནམ་སྙིང་སོགས་གསུམ་གྱི་ངོ་བོ་སྣའི་དབང་པོ་སོགས་གསུམ་དང༌། ཡུལ་དེ་ཐམས་ཅད་མཉམ་པོར་ཞུགས་པར་གསལ་བར་སྒོམ་པས་བསྟན་ལ། ལྷག་མ་མི་གསལ་བ་རྣམས་ལ་ཡང་དེ་ལྟར་དུ་ཤེས་པར་བྱའོ། །གསུམ་སྟེ་དེ་དང་མཉམ་པར་གྱུར་པས་ན་རྡོ་རྗེ་དམ་ཚིག་གསུམ་སྟེ། ༀ་ཡིག་དེ་སྒྲིབ་པ་ཐམས་ཅད་རྣམ་པར་སེལ་བ་དེའི་ངོ་བོར་བསྒོམས་པས་སོ། །རྡོ་རྗེ་གསུམ་ནི་གདོན་མི་ཟ་བར་གྲུབ་པ་རྡོ་རྗེ་འཆང་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་རེག་བྱ་དཔག་ཏུ་མེད་པ་རྣམས་ཕྱག་རྒྱ་གཅིག་གི་པདྨོར་གཏོགས་པའི་རེག་བྱ་མྱོང་བ་རྡོ་རྗེ་རྡོ་རྗེ་ཞེས་པ། པ་ཚབ་ཀྱི་འགྱུར་ལ་མེད་དོ། །དང་འདྲ་བར་རེག་བྱ་གཞན་རྗེས་སུ་མྱོང་བས་རྡོ་རྗེ་འཆང་དེ་དང་འདྲ་བར་འགྱུར་བའོ། །འདིའི་ཕན་ཡོན་བསྟན་པ་ནི་ལུས་ཞེས་བྱ་བ་ལ་སོགས་པ་སྟེ། གང་དེ་ལྟར་སྒོམ་པ་དེ་ལུས་ལ་སོགས་པ་རྡོ་རྗེ་ཐོགས་མེད་དེ་དོན་ཡོད་པར་གྲུབ་པ་དེ་དང་འདྲ་བར་འགྱུར་པ་གང་ཡིན་པ་དེ་ལ་དེ་སྐད་ཅེས་བྱའོ། །དཔལ་ནི་མཆོག་ཏུ་དགའ་བའི་བདེ་བ་སྟེ་དེ་འདི་ལ་ཡོད་པས་ན་དཔལ་ལྡན་ལུས་ཀྱི་མངོན་ཤེས་སྒྲུབ་པ་དེས་ཕྱག་རྒྱ་གཅིག་དང་སྙོམས་པར་ཞུགས་པ་ན་ཕྱག་རྒྱ་གཞན་དཔག་ཏུ་མེད་པའི་པདྨའི་རེག་བྱ་ཡང་རྗེས་སུ་མྱོང་བས་དེ་ལ་བརྟེན་ནས་བྱང་ཆུབ་ཀྱི་སེམས་ཞུ་བ་དང༌། དེས་དྲངས་པའི་བདེ་བ་ཡང་
དེ་བཞིན་དུ་མྱོང་བར་འགྱུར་རོ། །ནོ། །ཡེ་ཤེས་ནི་སྒྲིབ་བ་ཐམས་ཅད་རྣམ་པར་སེལ་བའོ། །དེའི་རྒྱ་མཚོ་ནི་གནས་ཏེ་དོན་ཡོད་པར་གྲུབ་པའོ། །སེམས་ཅན་ཐམས་ཅད་ཀྱི་དོན་ནི་སེམས་ཅན་ཀུན་དོན་ཏེ། སེམས་ཅན་ཐམས་ཅད་ཀྱི་མངོན་པར་འདོད་པའི་དོན་སྐྱེད་པའི་མཚན་ཉིད་ཅན་ནོ། །གང་ལས་དེ་འབྱུང་བར་འགྱུར་བ་ནི་སེམས་ཅན་ཀུན་དོན་འབྱུང་བར་འགྱུར་རོ། ཞེས་བཅོམ་ལྡན་འདས་རྡོ་རྗེ་གདོན་མི་ཟ་བ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །གདོན་མི་ཟ་བའི་དམ་ཚིག་ནི་དོན་ཡོད་པར་གྲུབ་པའོ། །དེ་ལས་འབྱུང་བ་ནི་སྒྲིབ་པ་ཐམས་ཅད་རྣམ་པར་སེལ་བ་གང་ཡིན་པ་སྟེ། དེའི་འོད་ཟེར་ནི་བདེ་བ་བསྐྱེད་པ་ལ་འོད་ཟེར་དེ་དང་འདྲ་བར་བྱུང་བའི་བྱང་ཆུབ་ཀྱི་སེམས་ཀྱི་ཐིག་ལེ་སྟེ། དེ་རྣམས་གང་དུ་འབྱུང་བའི་ཏིང་ངེ་འཛིན་དང་ལྡན་པ་དེ་ལ་དེ་སྐད་ཅེས་བྱའོ། ༈ །དེ་ལྟར་ས་སྙིང་ལ་སོགས་པའི་བྱང་ཆུབ་སེམས་དཔའ་རྣམས་ཀྱི་ས་བོན་ལྔ་མིག་ལ་སོགས་པ་ལྔར་དགོད་པ་ལ་བརྟེན་ནས་མངོན་ཤེས་སྒྲུབ་པ་བསྟན་ནས། དེ་བཞིན་གཤེགས་པའི་སྐུ་དགོད་པས་ཀྱང་མངོན་ཤེས་བསྐྱེད་པར་བྱའོ་ཞེས་བསྟན་པར་བྱ་བའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་དེ་བཞིན་ཉིད་ལས་བྱང་ཆུབ་པའོ་དོ། །དེའི་དབུས་སུ་ཆུད་པས་ན་ནམ་མཁའི་དབྱིངས་ཀྱི་དབུས་གནས་པ་སྟེ། དེའི་ངང་ནས་མངོན་བྱང་ལྔ་ལས་བསྐྱེད་པའི་རིམ་གྱིས་ལྷའི་སྐུར་རྫོགས་པའི་སངས་
རྒྱས་ཀྱི་དཀྱིལ་འཁོར་འོད་བཟང་པོ་སྟེ་རྡོ་རྗེ་འཆང་ཆེན་པོའི་སྐུར་བསམ་ཞིང་བདག་ཉིད་བསྒོམ་པར་བྱས་པའི་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་གི་བར་དུ་བྱེད་པ་ནི་དེ་བཞིན་གཤེགས་པ་གཞན་དགོད་པ་ལ་ཡང་འདྲའོ་ལ། ལས་རྒྱལ་མཆོག་ནི་རྡོ་རྗེ་འཆང་དེའི་མིག་གི་གནས་སུ་རྡོ་རྗེ་རྣམ་པར་སྣང་མཛད་རབ་ཏུ་བསྒོམས་ལ། སྐུ་གསུམ་ༀ་ནི་རབ་ཏུ་བསྒོམ་ཞེས་བྱ་བ་ལ། སྐུ་གསུམ་ༀ་ནི་རྡོ་རྗེ་རྣམ་པར་སྣང་མཛད་དོ། །རབ་ཏུ་བསྒོམ་ཞེས་བྱ་བ་ནི་རིམ་པ་བཞིན་དུ་བསྒོམ་ཞེས་བྱ་བར་སྦྱར་ཏེ་སྔོན་ལ་ༀ་དང་དེའི་རྗེས་སུ་རྣམ་སྣང་སྒོམ་པའོ། །རྣམ་སྣང་སྐུ་གཙོ་བོ་ཡིན་ཀྱང་གསུང་དང་ཐུགས་ཀྱང་ཕལ་པར་ལྡན་པས་སྐུ་གསུམ་ཞེས་པ་ནི་རྡོ་རྗེ་གསུམ་གྱི་ངོ་བོའི་རྣམ་པར་སྣང་མཛད་ཡིན་ཏེ། དེ་སྐྱེད་པའི་ཡི་གེ་ༀ་ནི་སྐུ་གསུམ་ༀ་སྟེ་དེ་མིག་གི་སྦུབས་སུ་བསྒོམས་ལ། དེ་ཡོངས་སུ་གྱུར་པ་ལས་རྣམ་པར་སྣང་མཛད་དུ་སྐྱེད་པ་ཉིད་མིག་གི་དབང་པོའི་རང་བཞིན་དུ་བསྒོམ་མོ། །རྡོ་རྗེ་གསུམ་ནི་གཟུགས་རྣམ་པར་གསུམ་སྟེ། རྣམ་སྣང་མིག་གི་དབང་པོའི་ངོ་བོ་ཉིད་དུ་བསྒོམས་པ་ཉིད་ཀྱིས་དམ་ཚིག་གི་དོན་ཡུལ་གསུམ་དང་མཉམ་པར་དམིགས་པས་ན་རྡོ་རྗེ་དམ་ཚིག་གསུམ་ནི་རྣམ་པར་སྣང་མཛད་དོ། །དེ་མིག་ཏུ་བསྒོམས་ཤིང་རྣམ་པར་བསམས་པས་རྣམ་པར་སྣང་མཛད་དེ་རྡོ་རྗེ་འཆང་ཆེན་པོ་དང་སྔ་མ་བཞིན་དུ་དེ་མཉམ་པར་འགྱུར་རོ། །དེའི་ཕན་ཡོན་བསྟན་པ་ནི། ལུས་དང་
ཞེས་བྱ་བ་ལ་སོགས་པ་སྟེ། དེ་ལྟར་བསྒོམ་པའི་སྒྲུབ་པ་པོ་གང་ཡིན་པ་ལུས་ལ་སོགས་པའི་རྡོ་རྗེས་རྣམ་པར་སྣང་མཛད་དང་འདྲ་བའི་འོད་དེ་རྣམ་པར་སྣང་མཛད་དང་གཟི་བརྗིད་འདྲ་ཞིང་ཡེ་ཤེས་ཀྱི་ངོ་བོ་ཉིད་དང༌། ཡེ་ཤེས་ཀྱི་ལུས་ཀྱིས་མངོན་པར་བྱང་ཆུབ་ཅིང་རྟོགས་པར་འགྱུར་བའི་ཕྱིར་ན་ཡེ་ཤེས་བྱང་ཆུབ་པའོ། །སྐུ་གསུམ་མི་ཕྱེད་པ་ནི་རྡོ་རྗེ་འཆང་ཆེན་པོའི་གོ་འཕང་ངོ༌། །དེ་སྒྲུབ་པར་བྱེད་པས་ན་སྐུ་གསུམ་མི་ཕྱེད་སྒྲུབ་བྱེད་འགྱུར་ཞེས་བྱའོ། ཞེས་བཅོམ་ལྡན་འདས་རྡོ་རྗེ་རྣམ་པར་སྣང་མཛད་ཀྱིས་དེ་སྐད་ཅེས་བཀའ་སྩལ་ཏོ། །ལུས་དང་ངག་དང་སེམས་ཉིད་དུ་:པ་ཚབ:ཀྱིས་དམིགས་ཤིང་གཟུང་བས་ན་ལུས་དང་ངག་དང་ཡིད་དམིགས་པ་སྟེ་རྡོ་རྗེ་འཆང་ཆེན་པོའི་སྐུའོ། །དེའི་མིག་གི་དབང་པོའི་གནས་ན་གནས་ནས་གཟུགས་རྣམ་པ་གསུམ་ཤེས་ཤིང་མངོན་པར་རྟོགས་པས་ན་མངོན་པར་བྱང་ཆུབ་པའོ། །དེ་ཉིད་མི་ཤིགས་པར་ཏེ་མི་ཟློག་པར་འབྱུང་བས་ན་རྡོ་རྗེ་སྟེ་དེ་སྐྱེད་པར་བྱེད་པའི་ཏིང་ངེ་འཛིན་དེ་སྟོན་པར་བྱེད་པ་ལ་ནི་ལུས་དང་ངག་དང་ཡིད་དམིགས་པ་མངོན་པར་བྱང་ཆུབ་པའི་རྡོ་རྗེའི་ཏིང་ངེ་འཛིན་ཅེས་བྱ་སྟེ། དགོངས་པ་མ་ཡིན་པས་བཤད་པའོ། ༈ །རྣམ་པར་དབེན་པའི་ཞེས་བྱ་བ་ལ་སོགས་པས་ནི་མངོན་ཤེས་ལ་སོགས་པ་སྒྲུབ་པའི་སྒྲུབ་པ་པོའི་གནས་གསུངས་པ་ཡིན་ཏེ། སྐྱེ་བོ་འདུས་པའི་འདུ་འཛི་རྣམ་པར་སྤངས་པས་རྣམ་པར་དབེན་པའི་རིའི་རྩེ་མོ་མེ་ཏོག་དང་
འབྲས་བུ་ལ་སོགས་པས་བརྒྱན་པ་དང༌། ཀླུང་སྟེ་ཆུ་བོ་འབབ་པ་སྐྱེད་མོས་ཚལ་ལ་སོགས་པ་དང་ཉེ་བའི་ཕྱོགས་རྣམས་དང༌། དུར་ཁྲོད་ལ་སོགས་ཞེས་བྱ་བ་ལ། ལ་སོགས་པ་ཞེས་བྱ་བའི་སྒྲས་ནི་ཤིང་གཅིག་པ་ནི་ཤིང་དེའི་གྲིབ་མས་ཤིང་གཞན་མི་ནོན། ཤིང་གཞན་གྱི་གྲིབ་མས་ཤིང་དེ་མི་ནོན་པའམ། ཡང་ན་རྒྱང་གྲགས་གཅིག་གི་ཁོར་ཡུག་ཏུ་ཤིང་གཞན་མེད་པའོ། །དང༌། ཁང་སྟོང་དང༌། ལྷའི་ཁང་པ་ལ་སོགས་པ་ཡིད་དང་མཐུན་པའི་གནས་གཞན་དག་ཏུ་ཡང་བསམ་གཏན་བསྡུས་པ་སྟེ། སའི་སྙིང་པོ་ལ་སོགས་པའི་ཏིང་ངེ་འཛིན་གྱི་ཚོགས་སུ་བྱ་བ་བཤད་མ་ཐག་པ་དེ་དག་བསྒོམ་པར་བྱའོ་ཞེས་བྱ་བ་སྟེ། དྲང་བའི་དོན་ཏོ། ༈ །རི་བོ་རྣམ་པར་དབེན་པ་སྟེ། སྐྱེས་པ་གཞན་བསྟེན་པ་ལས་དབེན་པ་དང། ནུ་མ་དང་རྐེད་པ་རྒྱས་པ་ལ་སོགས་པ་དང་ལྡན་པའི་བུད་མེད་ཀྱི་རི་བོ་དང༌། ཁསྤྲུལ་འཚོང་སྟེ་སྨད་འཚོང་མ་ལ་སོགས་པའིཀ་འགོ་བ་ཐམས་ཅད་དང་ཐུན་མོང་དུ་གྱུར་པའི་གབུད་མེད་ཀྱི་འགྲོ་བ་ནི་འི་ཀླུང་དང༌། འབབ་ཆུ་རྣམས་དང༌། འདྲ་བར་ཐུན་མོང་པའོ། །དུར་ཁྲོད་ཅེས་བྱ་བ་དུར་ཁྲོད་དང་འདྲ་བར་འཇིག་རྟེན་པ་རྣམས་ཀྱིས་སྨད་པ་གདོལ་བ་དང་ཁྲུས་མཁན་མོ་ལ་སོགས་པའི་བུད་མེད་ཀྱི་འགྲོ་བ་རྣམས་དང༌། ལྷན་ཅིག་ཏུ་བསམ་གཏན་བསྡུས་པ་སྔར་བཤད་པ་འདི་དག་བསྒོམ་པར་བྱའོ་ཞེས་བྱ་བ་ནི། ངེས་པའི་དོན་ཏོ། །འདིས་
ནི་ལས་རྒྱ་ལ་བརྟེན་ནས་བསྒྲུབ་པར་བསྟན་ཏེ། དངོས་གྲུབ་སྒྲུབ་པ་ཕལ་ཆེ་བ་ལ་དེ་དགོས་སོ། ༈ །དེ་ལྟར་གནས་ཕུན་སུམ་ཚོགས་པ་བསྟན་ཅིང་རྣམ་པར་སྣང་མཛད་དགོད་བས་ལྷའི་མིག་བསྒྲུབ་བ་བྱས་ནས། རྣམ་སྣང་ལ་བཤད་པ་དེ་བཞིན་དུ་བདག་པོ་མི་བསྐྱོད་པ་ལ་སོགས་པ་དགོད་པས། ལྷའི་རྣ་བ་ལ་སོགས་པ་བསྒྲུབ་པ་བསྟན་པར་བྱ་བའི་ཕྱིར། མི་བསྐྱོད་ཡེ་ཤེས་ཞེས་བྱ་བ་ལ་སོགས་པ་གསུངས་ཏེ། མི་བསྐྱོད་པའི་ཡེ་ཤེས་སྐྱེད་པའི་ས་བོན་ཡི་གེ་ༀ་དེ་ཡོངས་སུ་གྱུར་པ་ལས་བྱུང་བ་ནི་རྡོ་རྗེ་མི་བསྐྱོད་པ་སྟེ། མི་བསྐྱོད་ཡེ་ཤེས་དག་ལ་སོགས། ཞེས་པ་ནི། མི་བསྐྱོད་པ་དང་སོགས་ཀྱི་བསྡུས་པ་རིན་ཆེན་འབྱུང་ལྡན་དང་སྣང་བ་མཐའ་ཡས་དང་དོན་ཡོད་པར་གྲུབ་པ་སྟེ། བཞི་པོ་དེ་རྣམས་སྔ་མ་རྣམ་སྣང་ལ་བཤད་པ་བཞིན་དུ་དབང་པོ་སོ་སོའི་གནས་སུ་རང་རང་གི་ས་བོན་ལས་རང་རང་གི་སྐུར་བསྐྱེད་ནས་རྣ་བའི་སྐྱེ་མཆེད་ལ་སོགས་པ་ལ། དགོད་དོ། དེ་ཡང་དབང་པོ་རྟེན་བཅས་རྣམས་འོད་གསལ་བ་ལ་དམིགས་པས་སྟོང་པར་སྦྱང་བ་སྔོན་དུ་འགྲོ་བས་བསྒོམས་ལ། མངོན་པར་ཤེས་པ་ལྔ་པོའི་སྦྱོར་བ་ཡིས། ཞེས་པ་རྡོ་རྗེ་འཆང་ཆེན་པོའི་སྦྱོར་བས་སའི་སྙིང་པོ་ལ་སོགས་པའི་གནས་སུ་སྟེ་མིག་ལ་སོགས་བའི་གནས་སུ་སངས་རྒྱས་ཏེ་རྣམ་པར་སྣང་མཛད་ལ་སོགས་པ་དེ་རྣམས་ཀྱི་སྐུ་སྒོམ་པ་དང་ཡུལ་ལྔ་པོ་ལྐོག་ཏུ་གྱུར་པ་ཐམས་ཅད་དབང་པོ་སོ་སོའི་ཡུལ་དུ་གསལ་བར་བྱུང་བར་བསྒོམ་པ་སྔར་བཤད་པ་བཞིན་བྱའོ། །