(༡)ཟབ་མོ་ནང་གི་དོན་གྱི་རྣམ་པར་བཤད་པའི་།།། མ་དཔེ་ནས་གསལ་པོ་མཐོང་གི་མི་འདུག

(༢)དཔལ་ལྡན་གདོད་ནས་རྟོག་བྲལ་བདེ་བ་ཆེ། །རྣམ་པ་ཀུན་ལྡན་རྒྱུ་མའི་རང་བཞིན་ཅན། བརྟན་གཡོའི་ཆོས་རྣམས་ཀུན་ལ་ཁྱབ་པའི་བདག །ལྷན་གཅིག་སྐྱེས་དང་པོ་བླ་མར་ནུས་པས་འདུད། ཟབ་མོ་རྡོ་རྗེ་ཐེག་པའི་ནང་གི་དོན། མྱུར་བདེའི་ལམ་བཟང་ཀུན་གྱི་ཐིག་ལེ་ཆེ། རྗེ་བཙུན་གསུང་གི་གསང་བས་ལེགས་བཀྲལ་བའི། ངོ་མཚར་ལེགས་བཤད་པར་ས་འདི་ལྟོས་ཤིག །དེ་ཡང་དཔལ་ཟས་མོ་ནང་གི་དོན་ཞེས་བྱ་བའི་བསྟན་བཅོས་འདི་ནི། རྒྱུ་མཚན་རང་བྱུང་གི་ཞལ་སྔ་ནས་ནང་གི་དོན་ཤེས་པར་འདོད་པ་རྣམས་ཀྱི་དོན་དུ་རྒྱལ་བའི་བཀའ་དང་བསྟན་བཅོས་ཅི་སྙེད་པ་ཐམས་ཅད་དང་། ཁྱད་པར་གཤགས་བླ་ན་མེད་པའི་རྒྱུད་འགྲེལ་པ་དང་བཅས་པའི་བཅུད་ཐམས་ཅད་གཅིག་ཏུ་བསྡུས་ནས་གཞུང་དུ་བསྡེབ་ཅིང་། སླར་འགྲེལ་པས་ཀྱང་གསལ་བར་མཛད་པ་ཡིན་ལ། དེ་ལྟ་ཟབ་མོ་ནང་གི་དོན་ཞེས་པའི་རྒྱུ་མཚན་ཡང་། རྗེ་བཙུན་ཏེ་ལོ་པས་རྗེ་ནཱ་རོ་པ་ལ་དངོས་པོའི་གནས་ལུགས་ལམ་དང་ནི། འབྲས་བུ་སྲེ་བའི་རིམ་པའོ། ཞེས་གསུངས་པའི་དངོས་པོའི་གནས་ལུགས་དང་། སེམས་དང་སོ་སོའི་གནས་ལུགས་གཉིས་ལས། དང་པོ་ནི་རྩ་ཐིག་རླུང་གསུམ་དང་། ཕྱི་མ་ནི་སེམས་ཀྱི་རང་བཞིན་ཡེ་ཤེས་ཡིན་པ་ལས། རྩ་ཐོག་ཏུ་གཉིས་ཀྱི་ཡེ་ཤེས་ཀྱི་ཆ་ཟབ་པ།།། ཀླུ་གྲུབ་ལ་སོགས་པའི་བརྒྱུད་པའི་མན་ངག་ལ་བརྟེན་ནས་ནང་གཏད་དུ་འཆད་པ་ཡིན་པས་ན་ཟབ་མོ་ནང་གོ་དོན་ཞེས་བྱ་བ་ཡིན་ལ། དེ་ལྟ་བུའི་

(༣)།།།དཔལ་རྡོ་རྗེ་འཆང་ལ་ཕྱག་འཚལ་ལོ། ཞེས་བྱུང་།།།ཤྲི་ཡིག་ཡིན་ལ་།།། དེ་གཉིས་གདོད་མ་ནས་མི་ཁྱེད་པ་ཡིན་པས་རྡོ་རྗེ་དང་། །དེ་།།།གི་ངོ་བོ་ཉིད་དུ་སོ་སོ་རང་།།།འདི་ནི་འབྲས་བུའི་རྡོ་རྗེ་འཆང་རྒྱུད་སྟོན་།།།ཡིན་པས་ན་ཆེན་པོ་བླ་ཐབས་སུ་སྦྱར་བ་ཡིན་ལ། དེ་ཡང་།།།། ཐབས་དོན་དོན་དམ་གྱི་རྡོ་རྗེ་འཆང་།།།ལ། རང་གི་རང་གི་ཡེ་ཤེས་ནི། །།།ཟུང་འཇུག་དེ་མངོན་དུ་འགྱུར་བ་ཡིན་ནོ། དེ་ནི་གཞུང་ལ་འཇུག་པ་ལ། བསྟན་བཅོས་།།།རྟོགས་ལྡན་རྣམས་བསྟན་བཅོས་ལ་འཇུག་བར་མི་འགྱུར་བས་བརྗོད་ཁྱེད་དུམ་བུ་བཅུ་གཅིག་གིས་།།།རྒྱུན་ཆགས་།།། དེས་བརྗོད་བྱ་གང་ཡིན་།།།བརྗོད་བྱ་དང་བརྗོད་བྱེད་གྱི་འབྲེལ་པ། འབྲེལ་པ་བསྟན་པའི་དགོས་པ། དགོས་པའི་ཡང་དགོས་པ་སྟེ་བཞི་ལས་དང་

(༤)པོ་བརྗོད་བྱ་ནི། ཕ་རྒྱུད་མ་རྒྱུད་ཐམས་ཅད་ཀྱི་དོན་བསྡུས་ནས་རྒྱུད་གཉིས་དུ་བཞག་སྟེ། དེ་ཡང་སྤྱིར་རྒྱུད་གཉིས་ནི། གསང་འདུས་རྒྱུད་ཕྱི་མ་ནས་རྒྱུད་པའི་རྒྱུད་ནི་རྒྱུན་ཆགས་ཅེས་བྱ་སྟེ། ཞེས་པ་མ་སོགས་པ་ཡིན་ལ་ཁྱད་པར་དུ་དེ་དག་གི་ཟབ་མོ་ནང་གི་དོན་རྣམ་ཡིན་ནོ། ལེན་རྒྱུད་གཉིས་པོ་ཇི་ལྟ་བུར་ཞེ་ན། ཕ་རོལ་ཏུ་ཕྱིན་པའི་ཐེག་པར་དྲི་མ་དང་བཅས་པའི་དེ་བཞིན་ཉིད། བདེ་བར་གཤེགས་པའི་སྟོང་ཅེས་བཤད་ཅིང་། བྲག་ཀྱི་ཐེག་པ་།།། ལྡན་ན་སྐྱེས་པའི་ཡེ་ཤེས་དང་། མ་རིག་གི་ལམ་དུ་གཞི་དངོས་པོའི་གནས་ལུག་ཅེས་བྱ་བ། དངོས་པོའི་གནས་ལུག་དེ་ལ་ཡང་། མུས་དངོས་པོའི་གནས་ལུག་དང། སེམས་དངོས་པོའི་གནས་ལུག་གཉིས་སུ་བཤད་པ་ལས། དེ་ཡང་རྡོ་རྗེའི་ལུས་ནང་རྡོ་རྗེས་སེམས་ཡིན་པ། རྣམ་གྲངས་དེ་རྣམས་དང་ལྡན་པའི་ཡེ་ཤེས་དེ་ལ་རྒྱུའི་རྒྱུད་ཅེས་བྱ་སྟེ། དེ་ཡང་རྒྱུད་ཡིན་ཏེ་མཐར་ཐུག་གི་ཟུང་འཇུག་གི་སྡུ། དེའི་རིག་འདྲ་ཡིན་པའི་ཕྱིར་ན། རྒྱུད་ཡིན་ཏེ། སེམས་ཅན་ནས་སངས་རྒྱས་ཀྱི་བར་དུ་སྤུ་རེས་འགྱུར་བ་མེད་པར་རྒྱུན་བརྟན་པར་འཇུག་པའི་ཕྱིར་རོ། ལམ་སྨིན་ཁྱེད་སྐྱེས་དང་། གྲོལ་བྱེད་ཀྱི་ལམ་ལ་རྟོག་པས་སྡོམ་པ་བསྐྱེད་རིམ་དང་། མི་རྟོག་པས་སྟོན་བུམ་གྱི་ལམ་རྫོགས་རིམས་འཁོར་བཅས་ལ་ལམ་མམ་ཐབས་ཀྱི་རྒྱུད་ཅེས་བྱ་སྟེ། དེ་ཡང་ཐབས་ཡིན་ཏེ། མཐར་ཐུག་ཟུང་འཇུག་གི་སྐུ་དེ་མངོན་དུ་བྱེད་པ་ལ། འདི་ཉིད་ན་དངོས་པ་བརྒྱུད་པའི་སྒོ་ནས་མངོན་པར་གསལ་བྱེད་ཡིན་པའི་ཕྱིར་རྒྱུད་ཡིན་ཏེ། དབང་བསྐུར་བ་དགེ་དང་སྡོམ་པར་འབྲེལ། དེ་ལམ་བསྐྱེད་རྫོགས་གཉིས་དང་འབྲེལ། དེ་འབྲས་བུ་འབྲེལ་བའི་ཕྱིར་རོ། དེ་

(༥)ལྟར་རྒྱུད་གཉིས་པོ་དེའི་སྔ་མ་ནི་ནོར་ལེན་གྱི་རྒྱུན། ཕྱི་མ་ནི་ལྷན་གཅིག་བྱེད་པའི་རྐྱེན་ཡིན་ལ། དེ་གཅིག་ཀ་ཡང་མངོན་པར་གསལ་བྱེད་ཡིན་གྱི། སྔོན་མེད་གསར་དུ་བསྐྱེད་བྱེད་ནི་མ་ཡིན་ནོ། དེ་ལྟར་རྒྱུའི་རྒྱུད་དེ་ཉིད་ཐབས་རྒྱུད་ཀྱི་།།།དྲི་མ་སྦྱངས་ལ་ལས་གྲིབ་བྲལ་དུ་མངོན་དུ་གྱུར་པ་ནི་འབྲས་རྒྱུད་ཡིན་སྟེ། དེ་ནི་ནམ་མཁའ་ཇི་སྲིད་པར་རྐྱེན་གྱི་མི་འཕྲོག་པར་རྒྱུན་བརྟན་པར་གནས་པའི་ཕྱིར་རོ། གཉིས་པ་འབྲེལ་པ་ནི། །།། བརྗོད་བྱ་དང་བརྗོད་བྱེད་ཀྱི་མཚན་ཉིད་ཀྱི་འབྲེལ་པ་ཡིན་སྟེ། དེ་ཡང་སེམས་འགྲེལ་སྐོར་དུ། བརྗོད་བྱ་དང་བརྗོད་བྱེད་ཀྱི་མཚན་ཉིད་ནི་འདིར་འབྲེལ་པས་ཏེ་ཞེས་མཚན་ཉིད་འབྲེལ་པར་བཤད་བདེ་མཚན་ཉིད་དེ་ཡང་རྣམ་པ་ལམ་བྱེད་ཡིན་པས་ན། བརྗོད་བྱེད་དུམ་བུ་བཅུ་གཅིག་གི་མཚན་ཉིད་ཀྱི་བསྟན་བཅོས་ལ་བརྟེན་ནས་བརྗོད་བྱ་རྒྱུ་གསུམ་དང་བྱད་པར་བཅས་པའི་སྤྱི་རྣམས་འཆགས་སྟེ། དེ་ནི་བསྟན་བཅོས་ལ་མེད་ན་མི་འབྱུང་བའི་འབྲེལ་པ་ཡིན་ནོ། བརྗོད་བྱ་རང་བཞིན་གྱི་འབྲེལ་པ་ནི། རྒྱུ་རྒྱུད་ཕྱིན་ཅི་མ་ལོག་པར་རྟོག་པ་ལས་སྨིན་གྲོལ་གྱི་ལ་གྱིས་བྱེད་པ་འཆིང་ཁར་ནུས་ཤིང་། བྱེད་བཅིངས་འཁུམ་མེད་ལ་བརྟེན་ནས་འབྲས་བུ་གསུམ་མངོན་དུ་འགྱུར་བ་མ་ཡིན་ནོ། གསུམ་པ་དགོས་པ་ནི། རྣམ་པར་ཕ་མའི་རྒྱུད་རྣམས་སུ་རྩའི་རྣམ་བཞག་རྒྱས་བསྡུས་དང་། རླུང་དང་ཐིག་ལེ་དགོངས་པ་འདྲེས་པ་དང་། ཕྱི་སྣོད་ཀྱི་འཇིག་རྟེན། ནང་རྡོ་རྗེའི་ལུས། གཞན་བསྐྱེད་རིམས་ལ་དཀྱིལ་འཁོར་གྱི་འཁོར་ལོ་དང་། རྫོགས་རིམས་ལ་ཡེ་ཤེས་རྒྱས་གདབ་དང་བཅས་པ་རྣམས། མ་ལགས་རེ་རེ་དང་། ལ་ལར་གཉིས་གཉིས་དང་། །གསུམ་གསུམ་སོགས་དང་

(༦)ཡོངས་སུ་རྫོགས་པར་བསྟན་པ་རྣམས་ཀྱི་དོན་ཁོང་དུ་མ་ཆུད་པར། རྒྱུད་རྣམས་ཀྱི་དགོངས་པ་ཐ་དད་ཅིང་། དེ་དག་ལས་བཤད་པའི་མན་ངག་རྣམས་ཀྱང་ཐ་དད་པ་ཡིན་པའི་སེམས་པས་དྲུང་གི་ལམ་མ་ཞི་སྒོ་གཉིས་པ་ཡོད་ལགས་འཛིན་པ་རྣམས་བཟློག་པའི་དོན་དུ་བསྟན་བཅོས་རྩོམ་བྱེད་བརྟན་དཔྱད་ཀྱི་དགོས་པ་ཡིན་ཞིང་། རྩོད་དུས་ཀྱི་སྐྱེ་བོའི་འཇུག་པ་དགོངས་ནས། རྒྱུད་རྣམས་སུ་མན་ངག་གབ་སྟེ་གནས་པ་རྣམས་བྱང་ཆུབ་སེམས་དཔའི་འགྲེལ་བ་དང་། ཀླུ་སྒྲུབ་ལས་གོས་པ་མཁས་གྲུབ་གྱི་གཞུང་རྒྱ་ཆེན་པོ་རྣམས་ལས་རྟོག་པར་བྱ་བ་ཡིན་ལ། དེ་དག་ལ་ཡང་འོད་ཟེར་བ་ལྟ་བུར་གྱུར་ནས། སྐྱེ་བོ་བློ་གྲོས་དམན་པ་རྣམས་ཀྱི་རྟོགས་པར་མི་ནུས་པས་ན། དེ་དག་གི་དོན་བསྡུས་ཤིང་སྡུད་པ་པོ་ཡང་ཐོས་བསམ་གྱི་མིག་དང་ལྡན་པར་མ་ཟད། གང་གི་རྣམས་སྤྱོད་གི་མིག་དང་ལྡན་པས་བསྡུས་པ་ལས། རྒྱུད་རྣམས་དགོངས་པ་གཅིག་ཅིང་མན་ངག་རྣམས་གནད་གཅིག་པར་འགྱུར་བ་ནི་ཡོངས་དཔྱོད་ཀྱི་དགོས་པ་ཡིན་ནོ། བཞི་པ་དགོས་པའི་ཡང་དགོས་པ་ནི། གནད་མ་འཁྲུལ་བ་མན་ངག་གཅིག་ཆོད་དུ་ཆུ་པ་ལས། མན་ངག་དང་རྒྱུད་གྱི་དགོངས་པ་མཐའ་དག་ཁོང་དུ་ཆུད་པར་གྱུར་ནས་ཟུང་གི་སྐུ་མངོན་དུ་འགྱུར་བ་ནི་ཉིད་དགོས་ཡིན་ནོ། གཉིས་པ་འཇུག་བྱ་བསྟན་བཅོས་ཀྱི་རང་བཞིན་ལ། མཆོད་བར་བསྟོད་ཅིང་དམ་བཅའ་བ། བསྟན་བཅོས་ཀྱི་དོན་དངོས། མཇུག་བསྡུ་བ་བསྔོ་བ་དང་གསུམ་ལས། དང་པོ་ལ་མཆོད་བརྗོད་དང་། བཤད་པར་དམ་བཅའ་པ་གཉིས་ཀྱི་དང་པོ་ལ་ཡང་། དངོས་གྲུབ་ཀྱི་ལྡན་ན་བྱེད་།།།བླ་མ་ལ་ཕྱག་འཚལ་བ། རྣམས་དང་བཅས་པའི་ལྟ་བུ་བདེ་བ་ཆེན་པོ་ལ་ཕྱག་འཚལ་བ། དེའི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་བ་སྟེ་གསུམ་ལམ་དང་པོ་ནི་ཕྱག་འཚལ་ལོ་ཞེས་དྲང་། བུ་ཞིག་ལ་འཚལ་ན། རང་

(༧)ལས་བླ་མའམ་གོང་མར་གྱུར་པ་དེ་ལ་ཕྱག་འཚལ། དེ་ལ་ཡོན་ཏན་གྱི་ཁྱད་པར་ཅི་ཞིག་དང་ལྡན་ནས་ཕྱག་འཚལ་ཞེ་ན། དེ་ནི་དོན་གཉིས་གྱི་དཔལ་དང་ལྡན་པ་ཡིན་སྟེ། དེའི་རང་དོན་ནི་ཇི་ལྟ་བ་མཁྱེན་པའི་སྦོད་ནས་ཤེས་བྱ་ཐམས་ཅད་མཁྱེན་ཞིང་། མཁྱེན་པ་ཙམ་དུ་མ་ཟད་ཅི་ལྟ་བ་མཁྱེན་པའི་སྒོ་ནས་མཚན་ཉིད་སྒྲིབ་པ་དང་བྲལ་བར་གཅིགས་པ་ཡིན་ལ། ཐུན་མོངས་བའི་བསྟན་པའི་དབང་དུ་ན། ཐམས་ཅད་མཁྱེན་པ་ལས་ཐམས་ཅད་གཟིགས་པ་ལོག་དུ་སྨོས་པ་ནི། ཕྱི་རོལ་པ་རྣམས་ཁྱབ་འཇུག་སོགས་ལ་ཡང་ཐམས་ཅད་མཁྱེན་པར་བརྗོད་པ་དེ་དགག་པའི་སླད་དུ་ཡང་ཡིན་ནོ། ས་ནི་མཁྱེན་ནས་གཞན་ལ་མི་སྟོན་པར་རང་སངས་རྒྱས་དང་བླ་མ་ཡིན་པར། གཞན་དོན་ཕུན་ཚོགས་ཀྱི་ཁྱད་པར་བྱས་པ་ཡིན་ཏེ། དེ་ཡང་ཕྱི་འཇིག་རྟེན་གྱི་ཁམས་ནང་རྡོ་རྗེའི་ལུས་གཞན་བསྐྱེད་ནམས་དཀྱིལ་འཁོར་འཁོར་ལོ་དང་། རྫོགས་རིམ་པ་ཕྱག་རྒྱ་ཆེན་པོ་སྣང་སྟེ་དབྱེར་མེད་བདེན་གཉིས་ཟུང་དུ་འཇུག་པའི་དེ་ཁོ་ན་ཉིད་སྟོན་པ་ཡིན་ལ། དེའི་བྱེད་ལས་ནི་ཕྲིན་ལས་ཕུན་སུམ་ཚོགས་པ་ཡིན་ཏེ། དེ་ཡང་རྨི་ལམ་གཉིད་འཐུག །སྙོམས་འཇུག་སྟེ་བཞི་པའི་གནས་སྐབས། པད་པའི་གནས་སྐབས་ཏེ་བཞིའི་སྒྲིབ་པ་སྦྱང་བ་ལས། སྐུ་བཞི་པོ་ཡེ་ཤེས་ཀྱི་རང་བཞིན་ལ་གནས་པ་དེ་དབང་དུས་སུ་བརྡའི་སྒོ་ནས་སྨིན་པར་བྱས་ཤིང་། གྲོལ་བྱེད་ཀྱི་ཚད་མ་མངོན་སུམ་དུ་བསྐྱེད་པར་བྱེད་པ་ནི་ལྷ་དང་བཅས་པའི་འཇིག་རྟེན་མཐའ་དག་གི་དཔལ་དུ་གྱུར་པ་ཡིན་ནོ། གཉིས་པ་ནི། དེ་ལྟར་བདེན་པ་གཉིས། བདེ་སྟོང་ཟུང་དུ་འཇུག་པའི་བདག་ཉིད་ཅན་གྱི་དེས་དོན་གྱི་དཔལ་ལྡན་བླ་མ་དེ་ཉིད་རྣམ་པ་དང་བཅས་པའི་སྐུའི་དབྱེ་བས་སངས་རྒྱས་སུ་བསྟན་པའི་ཕྱིར། ལྷན་སྐྱེས་གཅིག་

(༨)དངོས་པོ་ཅེས་བྱ་བ་ལ་མགོས་པའི་ཤོ་ལོ་ཀ་གཅིག་གི་སྟོན་སྟེ། དེ་ཡང་ཕྱག་འཚལ་ལོ་ཞེས་དྲངས་སུ་ཞིག་ལ་ཞེ་ན། ལྷན་སྐྱེས་གཅིག་སུ་དེ་ལ་ཕྱག་འཚལ་ལོ། དེ་ཇི་ལྟ་བུ་ཞིག་ཡིན་ཞེ་ན། མཆོག་ཏུ་མི་འགྱུར་བའི་བདེ་ཆེན་པོ་དང་། དེའི་སྣང་ཆ་སྒྲིབ་པ་དང་བྲལ་བའི་རྣམ་ཀུན་མཆོག་ལྡན་གྱི་སྟོང་པ་ཉིད་གཉིས་པོ་དེ་གདོད་མ་ནས་རོ་མཉམ་པའི་ངོ་བོ་ཉིད་རང་བྱུང་བ་ནི་ལྷན་སྐྱེས་ཡིན་ལ། སྐུ་ཐམས་ཅད་ནི་སྐུ་གཅིག་དུ་ལམ་དངོས་དེར་མུར་ཐུག་པ་ཡིན་ཞིང་། གཞི་གཅིག་པོ་དེ་ཉིད་དག་པ་ལ་ལྟོས་ནས། གཉིས་དང་། གསུམ་སོགས་ནས་གྲངས་མེད་པའི་བར་དུ་འགྱུར་བ་ཡིན་སྟེ། དེ་ཡང་བདེན་པ་གཉིས་པོ་ཐབས་ཤེས་གཉིས་ཀྱི་དག་པ་ལས་དོན་དམ་ཆོས་དབྱིངས་དྲི་མ་མེད་པ་ཆོས་ཀྱི་སྐུ་དང་། ཀུན་རྫོབ་དེའི་རྒྱུ་མཐུན་ཟབ་པའི་སྐུ་སྟེ་སྐུ་གཉིས་གྱི་བདག་ཉིད་དུ་འགྱུར་ཞིང་། གཉིད་འཐུག་དང་བཞི་པའི་གནས་སྐབས་དག་ཅིང་ཀུན་གཞི་གནས་གྱུར་པ་ལས་ཆོས་སྐུ་དང་རྨི་ལམ་གནས་སྐབས་དག་ཅིང་ཉོན་ཡིད་གནས་གྱུར་པ་ལས་ལོངས་སྤྱོད་རྫོགས་པའི་སྐུ་དང་། ཐ་མལ་པའམ་པད་པའི་གནས་སྐབས་དག་ཅིང་འཇུག་ཤེས་གནས་གྱུར་པ་ལས་སྤྲུལ་པའི་སྐུ་སྟེ་སྐུ་གསུམ་དུ་འགྱུར་ཏེ་དེ་ཡང་རྩ་སྤྲུལ་སྐུ་རླུང་ལོངས་སྐུ་ཐིག་ལེ་ཆོས་སྐུའི་ཆོས་ཅན་ཡིན་པས་དེ་རྣམས་ཀྱི་ཁྱེད་པ་བཅིངས་པ་ལས་སྐུ་གསུམ་པོ་དེ་མངོན་དུ་འགྱུར་བ་ཡིན་ལ། ལྷན་སྐྱེས་དེ་ཉིད་ཤིན་ཏུ་གཉིད་གཟུག་པ་སེམས་མེད་པའི་གནས་སྐབས་ཆོས་སྐུ། སྲོག་རླུང་གི་བསྐྱེད་པ་ཡོད་པ་དང་མེད་པའི་མཚན་ཉིད་ཅན་གྱི་རྨི་ལམ་ནི་ལོངས་སྐུ། སད་པའི་གནས་སྐབས་སྣང་བ་སྣ་ཚོགས་པ་ཅན་སྤྲུལ་སྐུ། བཞི་པའི་གནས་སྐབས་

(༩)ཤིན་ཏུ་བཟློག་བར་དཀའ་བའི་ཆ་རིག་པ་གཞོམ་མེད་ནི་ཡེ་ཤེས་ཀྱི་སྐུ་སྟེ། །དེ་ལྟར་སྐུ་དང་པོ་དེ་སེམས་ཅན་གྱི་གནས་སྐབས་སུ་དཀྲིས་པ་དང་བཅས་པར་གནས་ཤིང་། སངས་རྒྱས་སྒྲིབ་པ་མེད་པར་གནས་པ་དང་། འདིར་མཆོད་བརྗོད་ཀྱི་སྐུ་ལ་ཕྱི་མ་ཉིད་བཟུང་བར་བྱ་བ་ཡིན་ལ། ལྷན་སྐྱེས་དེ་ཉིད་ཕུང་ཁམས་ཀྱི་དག་པ་ལ་ལྟོས་ནས་སྐུ་ལྔར་ཡང་འགྱུར་ཏེ། དེ་ཡང་གཟུག་ཕུང་དག་པ་ཆོས་དབྱིངས་ཡེ་ཤེས་དང་རྣམ་སྣང་མཛད། རྣམ་ཤེས་ཀྱི་ཕུང་པོ་དག་པ་མེ་ལོང་ལྟ་བུའི་ཡེ་ཤེས་དང་མི་བསྐྱོད་པ། ཚོར་ཕུང་དག་པ་མཚན་ཉིད་ཡེ་ཤེས་དང་རིན་ཆེན་འབྱུང་། འདུ་ཤེས་དག་པ་རྟོག་ཡེ་ཤེས་དང་འོད་དཔག་མེད། འདུ་བྱེད་ཀྱི་ཕུང་པོ་དག་པ་བྱ་གྲུབ་ཡེ་ཤེས་དང་དོན་ཡོད་གྲུབ་པ་ཏེ་ལྔར་འགྱུར་ལ། འདི་དག་ཀྱང་རག་པ་ཡིན་གྱི་ཕྲ་བར་ན་ཕྱེ་བའི་རིགས་ལས་ནི་རིག་ནི་གྲངས་མེད་ཉིད་དུ་འགྱུར་ཞིང་། རིག་ཇི་སྙེད་པར་ཡང་སྐུ་ཡང་དེ་སྙེད་དུ་འགྱུར་པ་ཡིན་ནོ། གཉིས་པ་ནི། དང་པོ་གཅིག་།།། ཕྱག་འཚལ་ཞེས་དྲངས། སུ་ཞིག་མ་ཞེ་ན། བདེ་ཆེན་གྱིས་ཡུམ་ལྷ་མོ་དེ་ལ་ཕྱག་འཚལ་མ། དེའི་མཚན་ཉིད་ཇི་ལྟ་བུ་ཞེ་ན། རྟེན་ཅིང་འབྲེལ་པར་འབྱུང་བའི་།།།ཆོས་རྣམས་ཀྱི་རང་བཞིན་ནི་དངོས་པོ་ནི་སྟོང་བ་ཉིད་གཅིག་རང་བཞིན་ཅན་ཡིན་ལ། སྟོང་ཉིད་དེ་ཡང་ཆད་སྟོང་རམ་བེམས་སྟོང་ལྟ་བུ་མ་ཡིན་གྱི། ནང་གི་སྟོང་པ་ཉིད་ཡུལ་ཡུལ་ཅན་གཉིས་སུ་མེད་པ་གཞོན་ནུ་མ་ལ་།།།དེ་ཉིད་བུ་མ་ཡིན་སྟེ་སྤྲོས་པ་དང་མཚན་མའི་མཐའ་ཐམས་ཅད་དང་བྲལ་བའི་ཕྱིར། བདེ་ཆེན་ཉིད་ཡིན་ཏེ། གདོད་མ་

(༡༠)ནས་བདེ་བ་དང་འབྲལ་བ་ལས།།། དེ་ནི་རྟེན་གྱི་དབང་དུ་བྱས་ན། དེས་ཐམས་ཅད་ཀྱི་ཁྱབ་བྱེད་རྩ་དབུ་མ། རླུང་ཐམས་ཅད་ཀྱི་ཁྱབ་བྱེད་དབུ་མ་ཡེ་ཤེས་ཀྱི་རླུང་། ཐིག་ལེ་ཐམས་ཅད་ཀྱི་ཁྱབ་བྱེད་དགྲ་གཅན་ཡེ་ཤེས་ཀྱི་ཐེག་ལེ་།།། མཐོང་སྒོ་གཉིས་ཀ་རྫོགས་པའི་མཐར་རྒྱུན་མཐའི་རྡོ་རྗེ་ལྟ་བུའི་རང་བཞིན་གྱི་སྒྲིབ་པ་གསུམ་བཅོམ་པ་མཐར་འབྲས་བུའི་ཆོས་ཉིད་།།། །སྒྲ་དོན་འདྲེས་འཛིན་གྱི་རྟོག་པས་མི་གཡོ་བའི་སེང་པོ་ཉིད་དུ་འཆར་ཞིང་། མཐོང་ལམ་དུ་མཐོང་སྤོང་ཀྱི་ཀུན་སྦྱོར་བརྟག་།།།མཆོག་མཐའ་དགའ་བྲལ་དང་པོ་ཅན། །།། །།། ཡང་དབང་དུས་སུ་འཆར་གསུངས་པ་དང་འགལ་བར་མི་འགྱུར་རམ་ཞེ། རྒྱུད་ཚིག་དེའི་དགོང་པ་ནི་རྗེས་དྲན་གྱི་།།། ནག་ཕྱོགས་མ་།།།བཅུག་པའི་དུས་སུ་འཆར་བ་ལ་དགོངས་པ་ཡིན་ཡང་། རྗེས་འབྱུང་།།། །དེར་མ་ཟད་ལམ་དུས་སུ་ཡང་སྤྱན་ལྔའང་མངོན་སུམ་བཞིའི་རང་བཞིན་ཅན་དུ་འཆགས་བ་ཡིན་ལ་།།།

(༡༡)དེ་ལྟ་བུའི་སྟོང་ཉིད་དེ་ནི་ངེས་སྟོན་གྱི་ལྷ་མོ་སྣ་ཚོགས་ཡུམ་དང་། རྡོ་རྗེ་ཕག་མོ་དང་། བདག་མེད་མ་ལ་སོགས་པའི་ལྷ་མོ་ཐམས་ཅད་པ་ཡིན་ནོ། དེ་ལྟར་མཆོད་པར་བརྗོད་པའི་ཡུལ་དོན་དམ་རྣམས་ལ་ནི་སོ་སོ་རང་རིག་གི་ཕྱག་གནང་། ཀུན་རྫོབ་པ་རྣམས་ལ་བརྡའི་ཕྱག་བྱེད་པ་ཡིན་ནོ། གཉིས་པ་བཤད་པར་དམ་བཅའ་བ་ནི། རྒྱུད་རྣམས་ཀུན་ཏུ་ཞེས་བྱ་བ་ལ་སོགས་པའི་ཤ་ལོ་ཀ་ཕྱེད་དང་བྱ་ཀྱི་ཡོན་ཏན་ཏེ། དེ་ཡང་དེ་ལྟར་མཆོད་པར་བརྗོད་ནས་བྱེད་ལས་ཅི་ཞིག་བྱེད་ཅེ་ན། ལུས་དང་སེམས་ཀྱི་དངོས་པོའི་གནས་ལུག་སྤྱི་དང་། ནང་གི་བདག་ཉིད་རྡོ་རྗེའི་ལུས་དང་རྡོ་རྗེའི་སེམས་ཡེ་ཤེས་ཀྱི་སེམས་ཡེ་ཤེས་ཀྱི་ཆོས་ཅན་དེ་ཤིན་ཏུ་རྟོག་པར་དཀའ་བ་ཡིན་པས་ན་དེ་བཤད་པར་བྱ་བ་ཡིན་ལ། དེ་ཉིད་རྟོག་པར་དཀའ་བའི་རྒྱུ་མཚན་ཡང་། བྱ་སྤྱོད་རྣལ་འབྱོར་གྱི་རྒྱུད་རྣམས་ཀུན་རྩ་རླུང་ཐིག་ལེའི་གནས་ཚུལ་དང་། དབང་བཞི་པའི་ལམ་འཁོར་ནང་བཅས་གསང་བ་ཡིན་པ་གང་ཞིག །རྒྱལ་བས་རྣལ་འབྱོར་བླ་ན་མེད་པའི་རྒྱུད་འདིར་རྡོ་རྗེའི་ཚིག་གི་ཅུ་དང་ཕྱེ་ལ། །རྡོ་རྗེའི་ཚིག་དེ་ཡང་ཤིན་ཏུ་བརླིང་བ་ཡིན་ཏེ། བརྗོད་བྱེད་མ་སྒྲ་ཇི་བཞིན་པ་དང་ཇི་བཞིན་མ་ཡིན་པ་གཉིས་དང་། བརྗོད་བྱའི་ཀུན་རྫོབ་ལ་དྲང་དེས་གཉིས་དང་། དོན་དམ་ལ་དགོངས་པ་ཅན་དང་དགོངས་པ་ཅན་མ་ཡིན་པ་གཉིས་ཏེ་མཐའ་དྲུག་གི་བཅིངས་པའི་ནང་གི་དོན་ཡིན་པའི་ཕྱིར་རོ། དེ་ཉིད་ནི་ཕྱི་རོལ་པའི་ཙ་བྲ་ཀ་ལ་སོགས་པ་ནང་། ནང་པའི་ཉན་ཐོས་ཀྱི་བྱེ་བྲག་དང་རྒྱུ་སྨྲ་བའི་ནང་ཚན་འཕགས་པ་མང་པོས་བཀུར་བ་ལས་སོགས་པ་གང་ཟག་དུ་སྨྲ་བ་རྣམས་ཀྱི་རྟོག་པར་

(༡༢)དཀའ་བས་དེ་དག་གིས་སྤྱོད་ཡུལ་མིན་ཞིང་། ཕ་རོལ་ཏུ་ཕྱིན་པའི་ཕྱོགས་གཅིག་སྟོང་པ་ཉིད་ཀྱི་སེམས་གཡེང་པའི་མིང་ཅན་གྱི་བྱང་ཆུབ་སེམས་དཔའ་རྣམས་ལ་ཡང་བཞིབ་ཏུ་གསང་བར་བྱ་བའི་ལུས་སེམས་ནང་གི་བདག་ཉིད་བཤད་བར་བྱའོ། གཉིས་པ་བསྟན་བཅོས་ཀྱི་དོན་དང་པོ་ལ། མ་ལུས་རྣམ་པར་བཞག་པ་དང་། ཡན་ལག་རྒྱས་པར་བཤད་པ་གཉིས་ཀྱི་དང་པོ་ལ་ཡང་། དགོས་པ་དང་བཅས་པའི་ངོ་བོར་རྣམ་པར་བཞག་པ་དང་། དུས་སུམ་བཅུ་གཅིག་གིས་ངེས་པ་བསྟན་པ་གཉིས་ཀྱི་དང་པོ་ནི། དྲི་མེད་ཅེས་བྱ་བ་ལས་སོགས་པས་བསྟན་སྟེ། དེ་ཡང་མཆོག་ཏུ་རྟོག་པར་དཀའ་བའི་རྡོ་རྗེ་ཐེག་པའི་བརྗོད་བྱའི་གཙོ་བོ་ནི་བསམ་གྱིས་མི་ཁྱབ་པའི་གནས་བཞེས་ན་ཁྱུད་ཅིང་སངས་རྒྱས་ཀྱི་བྱང་ཆུབ་ལ་བརྟེན་པའི་བདེ་བར་གཤེགས་པའི་སྙིང་པོ་ཉིད་གཏན་ལ་འབེབས་ཅིང་རྟོག་པར་བྱ་བ་ཡིན་ལ། འོ་ན་གནས་དེ་ཅི་ལྟ་བུ་ཞེ་ན། རང་བཞིན་རྣམ་དག་ཡིན་པས་དྲི་མ་མེད་ཅིང་རྒྱལ་བ་རྣམས་ཀྱི་རང་བཞིན་ནི་གཤིས་ཚུལ་ཡིན་པས་ན་རྒྱལ་བའི་སྙིང་པོ་ཅེས་བྱ་པ། དེ་ནི་མ་དག་པའི་གནས་སྐབས་སུ་སེམས་ཅན་དང་། མ་དག་དག་པའི་གནས་སྐབས་སུ་ལམ་ལ་གནས་པ་བྱང་ཆུབ་སེམས་དཔའ་དང་། ཤིན་ཏུ་རྣམ་དག་གི་གནས་སྐབས་སུ་དེ་བཞིན་གཤེགས་པ་རྣམས་སུ་རིམ་པ་འགྱུར་བས་།།།ཉིད་ལ་གཞི་ལ་འབྲས་བུ་གསུམ་དང་། རྒྱུ་རྒྱུད་ཐབས་རྒྱུད་འབྲས་རྒྱུད་སྟེ་གསུམ་དང་། གཞི་དངོས་པོའི་གནས་ཚུལ་ལ་སྐྱེ་བའི་རིམ་པ་དང་། འབྲས་བུ་མངོན་དུ་འགྱུར་ཚུལ་ཏེ་གསུམ་རྣམས་སུ་མདོ་རྒྱུད་རྣམས་དང་། མཁས་གྲུབ་ཀྱི་གཞུང་རྣམས་སུ་གསུངས་པའི་ཕྱིར་ན་དེ་ཉིད་ཀྱི་དོན་རྟོག་པར་བྱའོ། འོ་ན་བསམ་གྱི་མི་ཁྱབ་པའི་གནས་བཞི་པོ་གང་ཡིན་ཞེ་ན་

(༡༣)དགེ་གཤེགས་སྟོང་ཉིད་ནི་གདོད་མ་ནས་དྲི་མ་དང་བྲལ་པ་ཡིན་ཡང་། ཉོན་སྒྲིབ་དང་ཤེས་སྒྲིབ་ལས་མ་གྲོལ་བར་དུ་སངས་རྒྱས་སུ་མི་འགྱུར་བ་ཁམས་ཀྱི་དོན་དང་། གདོད་མ་ནས་དྲི་མ་དང་བྲལ་མ་མྱོང་ཡང་དྲི་མ་དེ་བློ་བུ་མ་ཡིན་པས་རྫས་སུ་མ་གྲུབ་པ་ནི་བྱང་ཆུབ་ཀྱི་དོན་དང་། གདོད་མ་ནས་སངས་རྒྱས་ཀྱི་ཡོན་ཏན་དྲུག་བཅུ་རྩ་བཞི་དང་ལྡན་ཡང་དཀར་པོའི་ཆོས་བློ་གྲོས་བསམ་གྱི་མི་ཁྱབ་པ་ཡིན་ནོ། །ཀྱི་ཡད་པར་མ་བྱས་ན་ནུས་པ་མི་ནུས་བ་ཡོན་ཏན་བརྒྱ་དོན། སེམས་ཅན་གྱི་ཕན་བདེ་ཐམས་ཅད་བསྐྱེད་པའི་འཕྲས་ལྷུན་གྱི་གྲུབ་པ་ཡིན་ཡང་། བྱ་བྱེད་ཀྱི་རྟོགས་པ་མེད་པ་འཕྲིན་ལས་ཀྱི་དོན་ཏེ། དེ་དག་ནི་རྟོག་གེ་བའི་བློ་གྲོས་བསམ་གྱི་མི་ཁྱབ་པ་ཡིན་ནོ། སངས་རྒྱས་ཀྱི་བྱང་ཆུབ་ལ་བརྟེན་པ་ནི། གང་བྱང་ཆུབ་པ་རྒྱུའི་དོན། གང་གིས་བྱང་ཆུབ་པ་ལམ་གྱི་དོན། གང་ཐུབ་བར་གྱུར་པ་འབྲས་བུའི་དོན་སྟེ། དེ་དག་ནི་བདེ་བར་གཤེགས་པའི་སྙིང་པོ་ཉིད་མ་བརྟེན་པ་ཡིན་ནོ། གཉིས་པ་ནི་ཐོག་མར་རྒྱུ་རྐྱེན་སྤྱིར་བསྟན་པ་དང་། མངལ་སྐྱེས་ཀྱི་ལུས་གྲུབ་པའི་ཚུལ་ལ་བྱེ་བྲག་སུ་བསྟན་པ་དང་། ལུས་དེ་ཉིད་ལ་གནས་པའི་རྩའི་རྣམ་པར་བཤད་པ་དང་། རྩ་ནང་དེ་དག་ཏུ་རླུང་གནས་པ་དང་རྒྱུ་བའི་ཚུལ་བསྟན་པ་དང་། དེའང་ལྷན་ན་ཐོག་གི་ཇི་ལྟར་རྒྱུ་བའི་ཚུལ་དང་། དེ་རྣམས་དང་གནས་སྐབས་བཞིའི་རྣམ་ཤེས་མ་སོགས་པ་འབྲེལ་པའི་དོན་དང་། དེ་དག་གྱི་སྣོད་ལ་སྦྱར་བ་དང་། གཞན་བསྐྱེད་པའི་ཕྱོགས་ལ་ལྷ་རྣམས་གང་ཡིན་པ་དང་། ཆོས་རྣམས་ཀྱི་རྐྱང་གཞི་སྦྱང་བྱེད་བསྟན་དང་། རྫོགས་རིམ་གཙོ་བོར་གྱུར་པའི་ལམ་གྱི་རིམ་པ་

(༡༤)དང་། ཕྱི་སྣོད་དང་ནང་ལུས་དང་དེ་རྣམས་བ་རིགས་ཅིང་བུད་པའི་ཚུལ་ཏེ་བཅུ་གཅིག་པོ་འདི་ཉིད་རྒྱལ་བས་རྣལ་འབྱོར་ཕ་མའི་རྒྱུད་རྣམ་དུ་ལ་ལར་ཕྱོགས་རེ་བ་དང་ལ་ལར་རྫོགས་པར་བསྟན་པ་རྣམས་བསྡུས་སྟེ་བཤད་པར་བྱ་བ་ཡིན་པ། འོ་ན་གོ་རིམ་དེ་ལྟར་འོང་བ་ཅི་ཞེ་ན། དང་པོ་རྒྱུ་རྐྱེན་སྤྱིར་བསྟན་པ་མ་ཤེས་ན་ཕྱི་རོལ་པ་དང་མཚུངས་པར་འགྱུར་དུ་དགོ་པས་དེ་བསལ་བའི་ཆེད་དུ་ཡིན་ལ། དེ་ནས་བསྐྱེད་རིམ་ཀྱི་སྦྱངས་གཞི་ཤེས་པར་བྱ་བའི་ཕྱིར་ལུས་གྲུབ་ཚུལ་ཤེས་དགོས་ལ། ལུས་དེ་ཡང་ཕྲ་བ་རྩ་ལ་རག་ལུས་པས་རྩའི་གནས་ཚུལ་ཤེས་དགོས་ཤིང་། རྩ་རྣམས་ཀྱང་རླུང་གི་བསྒྲུབ་ཤིང་རླུང་གནས་པ་ཡིན་པས་རླུང་རླ་བ་ལ་དགོས་པ་ཤེས་དགོས་ལ། རླུང་དང་ལྷན་གཅིག་དངས་སྙིགས་ཐིག་ལེ་རྣམས་རྩ་ནང་དུ་གནས་ཤིང་དེ་རྩས་བརྟེན་པ་ཡིན་པས་ཐིག་ལེ་ཤེས་དགོས་ཤིང་། དེ་ལྟར་རྩ་རླུང་ཐིག་ལེ་གསུམ་གྲུབ་ནས་གནས་སྐབས་བཞི་འབྱུང་བ་ཡིན་པས་དེ་གཉིས་ཇི་ལྟར་འབྲེལ་བའི་དོན་ཤེས་དགོས་པ། དེ་ལྟར་ན་འདུས་ལས་ཕྱི་རོལ་དུ་གྲུབ་པ་གཞན་མེད་པར་བསྟན་པའི་ཕྱིར་ནང་ཉིད་ཀྱི་སྣོད་ལ་སྦྱར་ཤེས་དགོས་ཤིང་། དེ་ལྟར་ཕྱི་ནང་གཉིས་པོ་ཤེས་ནས། ཀུན་བརྟག་པའི་ཏིང་ངེ་འཛིན་པ་དབང་འབྱོར་པའི་ཕྱིར་གཞན་བསྐྱེད་པའི་རིམ་པ་ཤེས་དགོས་ལ། ཕྱི་ནང་གཞན་གཉིས་ཤེས་ནས། སྤང་གཉེན་ཤེས་དགོས་པའི་ཕྱིར་སྦྱངས་གཞི་སྦྱངས་བྱེད་དང་། དེ་ནས་ལམ་གྱི་རིམས་པ་དང་། རྫོགས་རིམ་ཀྱི་སྦྱང་གཞི་ཤེས་པའི་ཕྱིར་སྣོད་བཅུད་ཀྱི་བསྡུད་པའི་ཚུལ་ཤེས་དགོས་པས་ན་གོ་རིམས་དེ་ལྟར་ངེས་པ་ཡིན་ཞིང་། དེའི་འོག་ཏུ་རིག་པ་འཛིན་པའི་སྡེ་སྣོད་ཇི་ལྟར་ཡིན་པའི་ཚུལ་

(༡༥)བཤད་པར་བྱ་བ་ཡིན་ནོ། གཉིས་པ་ཡན་ལག་རྒྱས་པར་བཤད་པ་ལ་དུམ་བུ་བཅུ་གཅིག་གི་དང་པོ། རྒྱུ་རྐྱེན་སྤྱིར་བསྟན་ལ་སེམས་འཁྲུལ་པ་དང་མ་འཁྲུལ་པའི་ངོ་བོ་བཤད་པ། སེམས་ཇི་ལྟར་འཁྲུལ་པའམ་ཚུལ་རྒྱུ་རྐྱེན་གྱི་དབྱེ་བ། གནས་སྐབས་གསུམ་གྱི་དབྱེ་བ་སྟེ་བཞི་ལས། དང་པོ་ལ་ཡང་། ངོ་བོ་བཤད་པ་དང་། རྣམ་པ་བཤད་པ་གཉིས་ལས། དང་པོ་ནི། འཁོར་བ་དང་མྱ་ངན་ལས་འདས་པའི་བདག་པོའི་དབང་གི་རྒྱུ་ནི་སེམས་ཉིད་ཡིན་ནོ་ཞེས་།།།མ་གྲགས་པ་ཡིན་ལ། སེམས་དེ་ལ་།།།དག་པ་དང་མ་དག་པ་གཉིས་ཡོད་པ་ལས། དག་པ་ནི། རྒྱུད་བླ་མ་ལས། ཚུལ་བཞིན་མ་ཡིན་ཡིད་བྱེད་ནི། སེམས་ཀྱི་དག་པ་ལ་རབ་གནས། ཅེས་པའི་ཡེ་ཤེས་ཀྱི་དག་པ་ནི་གཤེགས་སྙིང་རྗེ་ཉིད་ཡིན་ཞིང་། དེས་ན་སེམས་དག་བཞི་མྱ་ངན་ལས་འདས་པའི་རིགས་ལྟ་བུ་ཡིན་ལ། མ་དག་པ་ཀུན་གཞིའི་རྣམས་ནི་འཁོར་བའི་རྒྱུ་ཡིན་ཏེ། ཀྱེའི་རྡོ་རྗེ་ལས། འདི་ཉིད་འཁོར་བ་ཞེས་བྱ་སྟེ། འདི་ནི་མྱ་ངན་འདས་པ་ཉིད། ཅེས་སོགས་དང་། གྱུར་ལས། སངས་རྒྱས་མེད་ཅིང་ཡོན་མེད། ཅེས་དང་། བྲམ་ཟེ་ཆེན་ནས། ཡོངས་གཅིག་པུ་རྒྱུན་གྱི་ས་བོན་སྟེ། ཅེས་སོགས་གསུངས་པའི་ཕྱིར་རོ། འོ་ན་ཀུན་གཞིའི་རྣམ་ཤེས་ཇི་ལྟ་བུ་ཞེ་ན། སློབ་དཔོན་དབྱིག་གཞོན་གྱི་སུམ་བཅུ་བར། དེ་ལ་ཀུན་གཞིའམ་རྣམ་ཤེས་ནི། རྣམ་སྨིན་ས་བོན་ཐམས་ཅད་པ། རྟག་རྒྱུ་རེག་དང་ཡིད་བྱེད་དང་། ཚོར་དང་འདུ་ཤེས་།།།ལྡན། དེ་ནི་ཚོར་བ་བཏང་སྙོམས་ཏེ། དེ་ནི་མ་བསྒྲིབ་ལུང་མ་བསྟན། དེ་ནི་རྒྱུན་འབབ་ཆུ་བོ་བཞིན། །དགྲ་བཅོམ་ཉིད་།།།

(༡༦)ཞེས་གསུངས་བ་དེ་ཡིན་ནོ། འོ་ན་རྒྱན་སྡུག་པོ་བཀོད་བ་ལས། ས་རྣམས་སྣ་ཚོགས་ཀུན་གཞི་སྟེ། བདེ་བར་གཤེགས་སྣ་ཚོགས་དགེ་པའང་ཡིན། ཞེས་གསུངས་བས་ན་ཀུན་གཞི་ནི་འཁོར་འདས་ཐམས་ཅད་ཀྱི་།།།བདེ་བར་གཤེགས་པ་།།།ཡིན་ནོ་ཞེ་ན། དེ་།།།རྣམས་སྣ་ཚོགས་ཀུན་གཞི་སྟེ། ཞེས་སམ། ཀུན་གཞི་རྣམ་ཞེས་།།། བདེ་གཤེགས་སྣ་ཚོགས་དགེ་བ་འང་མིན་ཞེས་པས་ཀུན་གཞི་དག་ལ་བདེ་གཤེགས་སྙིང་པོ་བསྟན་པ་ཡིན་ལ། དེའི་དབང་དུ་བྱས་ནས། ཐེག་བསྡུས་སུ་འང་། །ཀུན་གཞི་ལ་དག་པ་དང་མ་དག་པ་གཉིས་སུ་བྱས་ནས་དག་པ་བ་ལ་མིང་ཐོས་པའི་།།། དེ་ནི་ཀུན་གཞི་མ་ཡིན་པར་ཀུན་གཞིའི་གཉེན་པོ་ཡིན་པར་གསུངས་པ་ཡིན་ནོ། དེ་ལྟ་བུའི་ཀུན་གཞི་དག་པ་ཡེ་ཤེས་ཀྱི་མཚན་ལ་ཐོག་པ་ཡིན་ཏེ། ཐོག་པས་།།།རྣལ་འབྱོར་རྟོགས་པ་བརྟག་པ་ཡིན་ལ། །།། ཀུན་གཞིའི་རྣམ་ཤེས་ནི། །།། བབས་ནས་པའི་རིགས་འདྲ་དེ་བཞིན་གཤེགས་པ་ཡང་།།།བའི་མཁྱེན་བབ་ཐོག་པ་མེད་པ། དེ་ལ་ཐ་མ་།།།ཡིན་སྟེ། ཐོག་མེད་གྱུར་ཀྱང་།།། དེ་ལྟར་ཀུན་གཞིའི་ཤེས་པ་ནི། སངས་རྒྱས་དང་སེམས་དཔའ་ལ་བོགས་ལ་།།།པའང་།།།རྒྱ་ཆད་བ་མེད་ཅིང་རྟག་ཆད་དང་བྲལ་བ་ཡིན་པས་ཕྱོགས་ལྷུང་མ་མཆིས་ལ། ཀུན་གཞིའི་

(༡༧)རྣམས་ནི་ལས་མཐུན་ལ་རྒྱ་ཆད་ཕྱོག་ལྷུང་མེད་པ་ཙམ་ཡིན་ནོ། གཉིས་པ་ནི། བརྒྱ་ཆད་ཕྱོགས་ལྷུང་མེད་པའི་སེམས་དེ་ཉིད་ཀྱི་རྣམ་རིག་པ་ཙམ་གྱི་སྐད་གཅིག་མའི་དང་ངོ་མ་འགག་པའི་རོལ་པ་ལས་ནི་ངོ་བོ་སྟོང་པ་ཉིད་ལ་མ་གཡོས་བཞིན་དུ་རང་བཞིན་ཏེ་རྣམ་པ་གསལ་བར་སྣང་པའི་སེམས་སྟོང་གསལ་དེ་ནི་འཁོར་འདས་ཐམས་ཅད་ཀྱི་གཞིར་གྱུར་པ་ཡིན་ཞིང་། དེ་ལ་རྣམ་པའམ་འཛིན་སྟོང་ནི་གཙོ་བོར་རྣམ་ཤེས་བདུན་དང་འཁོར་སེམས་འབྱུང་ལ་བཅུ་རྩ་གཅིག་ལས་སོགས་པ་འགག་པ་མེད་པ་ཡིན་ལ། དེ་ཉིད་ནི་འཁོར་བའི་གནས་སྐབས་སུ་སེམས་ཡིད་རྣམས་གསུམ་དང་། སངས་རྒྱས་ལ་སྐུ་གསུམ་དང་ཡེ་ཤེས་བཞི་པས་དགོས་པ་བར་ཡང་འཆགས་པ་ཡིན་ཏེ། ཆོས་དབྱངས་བསྡོད་པ་ལས། །སྙིང་པོས་སྨྲ་བས་གཡོག་པ་ལས།། ཅེས་སོགས་གསུང་པའི་ཕྱིར་རོ། གཉིས་པ་ཇི་ལྟར་འཁྲུལ་པའི་ཚུལ་ལ། ཀུན་གཞི་དང་དེ་ལ་བརྟེན་པའི་ཡིད་ཉོན་མོངས་ཅན་དང་བཅས་པ་དང་། ཚོགས་དྲུག་དང་ཕུང་པོ་ལྔའི་རིམ་པས་བསྟན་གཉིས་ལས། དང་པོ་ནི། མ་རིག་པས་འཁྲུལ་པ་ཡིན་ལ། དེ་ལ་གང་མ་རིག་ན། སེམས་དེ་ཉིད་རང་གི་ངོ་བོ་གདོད་མ་ནས་དག་པ་དེ་རང་གམ་རང་མ་རིག་པ་ཡིན་ཞིང་། སེམས་རིང་གི་ངོ་བོ་ཡུལ་ཡུལ་ཅན་ལྟར་སྣང་བ་སིམ་འགག་པའི་རྩལ་གྱིས་མ་རིག་པ་ཡིན་ལ། ཚུལ་ཇི་ལྟར་མ་རིག་ན། འདུ་བྱེད་ཡིད་ཀྱི་གཡོ་བ་རྒྱ་རྐྱེན་ལྟར་སྣང་བའི་ཡིད་དང་། དེ་ལ་བརྟེན་ནས་ཉོན་མོངས་པ་ཅན་དུ་བྱེད་པའི་ཡང་དག་པ་མ་ཡིན་པའི་ཀུན་ཏུ་རྟོག་པ་ལས་མ་རིག་པ་སྐྱེ་ཞིང་། དེ་ལས་འདུ་བྱེད་ཀྱི་ལས་བསགས་པས་འཁོར་བ་གྲུབ་པ་ཡིན་ལ། དེས་ན་སེམས་མ་དག་པ་ནི་འཁོར་བ་རྒྱུ་དང་

(༡༨)ཡིད་གཉིས་པོ་ནི་རྐྱེན་ཞིང་དེ་གཉིས་རྒྱུ་རྐྱེན་དུ་འགྱུར་བའི་ཚུལ་ཡང་། ཀུན་གཞི་ལས་ཡིད་དེས་ཆུ་རླབས་ལྟ་བུར་ཡང་དང་ཡང་དུ་གཡོས་ཤིང་འདུས་བྱས་པ་ལས་འཁོར་བ་འགྲུས་པ་ཡིན་ལ། དེ་ལྟར་།།།དེ་ལ་རྣམ་གཉིས་སུ་མེད་པའི་ཚུལ་ཡང་། ཐེག་བསྡུས་ལས། ཡིད་ནི་རྣམ་པ་གཉིས་སྟེ། རྣམ་པར་ཤེས་པ་སྐྱེས་པའི་གནས་དང་། རྣམ་པར་ཤེས་པ་ཀུན་ནས་ཉོན་མོངས་པར་བྱེད་པའི་ཡིད་སྟེ། ཞེས་གསུངས་བ་ལྟར་ཀུན་གཞི་ལམ་ཚོག་དྲུག་སྐྱེ་བའི་གནས་སུ་གྱུར་པའི་ཡིད་དང་། ཉོན་མོངས་པ་བཞི་དང་འབྲེལ་པའི་ཡིད་གཉིས་ཡོད་ལ། དེའི་ཡིད་ས་མ་ནི་དཀར་པོའི་མོས་དང་འགྲོག་པ་ལས་སངས་རྒྱས་ཀྱི་བྱང་ཆུབ་ཏུ་འགྱུར་ཞིང་། ཉོན་མོངས་པ་བཞི་དང་འབྲེལ་པ་ལས་འཁོར་བའི་རྒྱུར་འགྱུར་པ་ཡིན་ལ། རྣམ་ཤེས་ཚོགས་བརྒྱད་དུ་བྱེད་པའི་ཚེ་ཡིད་གཉིས་གཅིག་ཏུ་བྱས་ནས་ཉོན་ཡིད་ཅེས་བརྗོད་པ་ཡིན་ཞིང་། དྲུག་པོ་འགག་མ་ཐག་པ་ཡི། རྣམ་ཤེས་གང་ཡིན་དེ་ཡིད་དེ། ཅེས་པའི་ཡིད་དེ་ཡང་།།།དེ་ལ་བྱེད་དགོས་སྟེ། དྲུག་པོ་བཞག་ཙམ་དེ་ནི་འགག་པ་ཡིན་པས་རྒྱུར་མི་རུང་ལ། རྣམ་ཤེས་པ་སྔ་མ་འགག་པ་ལས་ཕྱི་མ་སྐྱེ་བ་ཡིན་ན་ནི་རྒྱུ་འབྲས་རིགས་མི་མཐུན་དུ་འགྱུར་བའི་ཕྱིར་དང་། ཆུ་མས་།།།ལྟར་ཀུན་གཞི་ལས་ཚོག་དྲུག་ཐིམ་ཞིང་སླར་ལྡང་བའི་ཚུལ་ཡང་ཁོང་དུ་མི་ཆུད་པའི་ཕྱིར་རོ། གཉིས་པ་ནི། དོན་སོགས་ཚིག་བཅད་གསུམ་ཀྱི་སྟོན་ནོ། དོན་ཐུགས་སོགས་ཡུལ་དྲུག་དང་། འཛིན་པ་མིག་གི་རྣམ་པར་ཤེས་པ་ལ་དགོས་པའི་རྣམ་ཤེས་དྲུག་པོ་གཉིས་དོན་ལ་ཐ་དད་མེད་ཀྱང་། ཐོག་མ་མེད་པའི་བག་ཆགས་གི་དབང་གི་གཉིས་སུ་སྣང་བའི་ཤེས་པ་སྐྱེ་མ། ཤེས་པའི་ཆ་ཡུལ་

(༡༩)རང་གི་རང་ལ་རྣམ་པར་གཏད་ཅིང་བཟུང་བ་ལས་ཡུལ་དག་རྣམས་གཉིས་འདུས་པའི་རྟེན་འབྲེལ་ལས་སྣང་བ་སྐྱེ། དེ་ནས་སྣང་བ་དེ་ཡུལ་མཆེད་པའི་མཆེད་པ་སྐྱེ། དེ་རྣམ་པར་རྟོག་པ་དང་འབྲེལ་པ་ལས་ཡུལ་ལ་ཐོབ་པ་སྐྱེ་བ་ཡིན་ལ། ཚོགས་དྲུག་གི་སྣང་བ་སྐད་དག་མ་དེའི་རང་རོ་ལ་འཁྲུལ་པ་མེད་ཀྱང་། སྐད་གཅིག་མ་དེ་ལས་མུ་མཐུད་ནས་ཡིད་དེ་ཕྱིར་འགྱུ་བའི་སྣང་ཆ་ལས། ཡུལ་དེ་ཉིད་ལ་དོན་དུ་བཟུང་བ་འབྱུང་ཞིང་། དེ་ལས་རྣམས་ཚོགས་དྲུག་འབྱུང་བ་ཡིན་ནོ། དོན་རྣམ་པར་འབྱེད་པའི་རྟེན་འབྲེལ་གྱི་ངོ་བོ་ཕུང་པོ་ལྔའི་གྲུབ་རིམས་ནི། སྔར་བཤད་པའི་སེམས་དེ་ཉིད་རྣམ་པར་ཤེས་པ་དང་། འདུ་བྱེད་ཡིད་ཀྱི་གཡོ་བ་ནི་འདུ་བྱེད་ཀྱི་ཕུང་པོ་ཡིན་ལ། དེ་ལས་ཡུལ་དབང་རྣམས་གསུམ་འདུས་པའི་ཐོབ་པ་དེས་བདེ་སྡུག་བར་མ་གཉིས་ཉམས་སུ་མྱོང་བའི་ཡུལ་ཡིད་དུ་འོང་བ་ལ་བླང་བྱ། ཡིད་དུ་མི་འོང་བ་དོར་བྱ་དང་། བར་མ་མ་བཏང་སྙོམས་བྱེད་པའི་ཚོར་བ་སྐྱེ་ཞིང་། དེ་ལས་ཡུལ་དེ་ལ་ངོ་བོ་དང་ཁྱད་པར་གྱི་མཚན་མར་འཛིན་པའི་འདུ་བྱེད་ཀྱི། འདུ་བྱེད་དེས་འདུས་བྱས་པའི་ཡུལ་སྣང་བ་གཞན་དུ་བརྟག་ཅིང་མངོན་པར་ཞེན་པ་ལས་གཟུགས་ཀྱི་ཕུང་པོ་གྲུབ་པ་པ་ཡིན་ལ། མདོར་ན་ཕྱི་ནང་གི་ཆོས་ཐམས་ཅད་རྣམས་ཚོགས་བརྒྱད་དུ་འདུས་ཤིང་། དེ་ཕུང་ཁམས་སྐྱེ་མཆེད་རྣམས་སུ་ཁྱེད་པའི་ཚོ་དུ་མ་ཡུང་པ་ལས་ཕུང་པོ་དང་། བྱེད་པ་པོ་དོན་དང་མཐུན་མེད་ཅིང་རང་གི་མཚན་ཉིད་འཛིན་པས་ནམ་མཁས་ཏེ་བཅོ་བརྒྱད་ཀྱི་དབྱེ་བ་དང་བཅས་པ་དང་། རྣམ་པར་ཤེས་པ་སྐྱེ་བའི་སྒོ་ཡིན་པས་ན་སྐྱེ་མཆེད་དེ། དེ་ལ་བཅུ་གཉིས་ཀྱི་དབྱེ་བ་ཡོད་པ་རྣམས་ཡིན་ནོ། གསུམ་པ་རྒྱུ་རྐྱེན་གྱི་དབྱེ་བ་ལ་རྒྱུ་

(༢༠)དྲུག་ནང་རྐྱེན་བཞི་ལས། དང་པོ་རྒྱུད་དྲུག་ནི། ཁམས་སོགས་རྐང་པ་གཉིས་ཀྱི་སྟོན་ཏེ། དེ་ཡང་། ས་ལ་སོགས་པའི་ཁམས་ལྔ་དང་། རྣམ་པར་ཤེས་པའི་ཁམས་ཏེ་དྲུག་པོ་ནི་ཕྱི་ནང་གི་ཆོས་རྣམས་ཀྱི་རྒྱུ་ཡིན་ཞེས་དོན་མཐུན་གྱི་རྟོག་པས་བཞེད་གསུངས་པ་ཡིན་ལ། ས་ལ་སོགས་པའི་ངོ་བོ་ནི་སྲ་སོགས་དང་། བྱེད་ལས་ནི་བརྟན་པོ་སོགས་ཡིན་ནོ། གཉིས་པ་ནི་དེའི་བག་ཆགས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་སྟེ། དེ་ཡང་ཕྱི་ནང་གིས་ཆོས་རྣམས་ཀྱི་བག་ཆགས་ཀུན་།།།ས་བོན་ཐམས་ཅད་པ་ལ་ནི་རྒྱུའི་རྐྱེན་ཞེས་བྱ་སྟེ། དེ་མེད་ན་སྣོད་བཅུད་རྣམས་སྣང་བར་བྱེད་པའི་རྒྱུ་གཞན་མེད་པའི་ཕྱིར་རོ། །།།རྐྱེན་ནི་རྫས་སུ་སྣང་བའི་མིག་ལ་སོགས་པའི་དབང་པོ་ལྔ་དང་ཡིད་དེ་དྲུག་པོ་ཡིན་ལ། བར་དུ་སྣང་བའི་ཚུལ་ཡང་། འབྱུང་བ་ཆེན་པོ་བཞི་རྒྱུར་གྱུར་པས་ན་གཟུགས་ཅན་དང་། མཚན་གཞི་ནི་མིག་གི་དབང་པོ་སར་མའི་མེ་ཏོག་ལྟ་བུ་མ་སོགས་པའི་ནང་གི་བདག་ཉིད་ཀྱི་དང་བའི་རྒྱུ་བ་ཡིན་ལ། སློབ་དཔོན་ཕྱོགས་ཀྱི་གླང་པོ་ལ་སོགས་པ། མིག་ཤེས་སྔ་མའི་སྟེང་ན། མིག་གཟུགས་ལ་འཇུག་པའི་ནུས་པ་ཁྱད་པར་བ་ཡོད་པ་ལ་མིག་དབང་པས་དགོས་པར་འདོད་པ་ཡང་ཡོད་དེ། ཡིད་ཀྱི་དབང་པོ་ནི། ཚིགས་དྲུག་སྐྱེ་བའི་གནས་སུ་གྱུར་པའི་ཡིད་དེའི་སྟེང་ན་མིག་ཤེས་ཡུལ་ལ་འཇུག་པ་ལ་སོགས་པའི་ནུས་པ་ཁྱད་པར་ཅན་ཡོད་པ་ལ་བྱེད་པ་ཡིན་ནོ། དམིགས་རྐྱེན་ནི། གཟུགས་ལ་སོགས་པའི་ཡུལ་ལྔ་དང་། རྣམ་ཤེས་ཏེ་དྲུག་ཡིན་ལ། དེ་ཡང་གཟུགས་ལ་ཁ་དོག་དང་དབྱིབས་

(༢༡)ལ་སོགས་པའི་དབྱེ་བ་དང་། རྣམས་པ་འདུས་བྱས་དང་མ་བྱས་སུ་ཕྱེ་བ་རྣམས་ཡིན་ལ། དེ་མ་ཐག་པའི་རྐྱེན་ནི། རྣམ་པར་ཤེས་པ་གང་དང་གང་ལ་བདག་པའི་དེ་ལ་ཐག་པའི་ཡིད་རྣམས་སྐྱེ་བའི་གནས་དེ་ཡིན་ཏེ། འགག་མ་ཐག་བ་ནི་མེད་དགག་ཡིན་པ་སོགས་སྔར་བཤད་པ་ལྟར་རོ། བཞི་པ་གནས་སྐབས་གསུམ་གྱི་དབྱེ་བ་ལ། མ་དག་པའི་གནས་སྐབས། གཉིས་ལྡན་གྱི་གནས་སྐབས་ཤིན་ཏུ་རྣམ་དག་དེ་གནས་སྐབས་དང་གཉིས་ལས། དང་པོ་ནི། དེ་ལྟར་རྒྱུ་རྐྱེན་སོགས་ཚིག་བཅད་གཉིས་དང་རྐང་པ་གསུམ་གྱི་སྟོན་ཏེ། དེ་ཡང་༴ དེ་ལྟར་ངོ་བོ་རྣམ་པར་འབྱེད་པའི་རྒྱུ་རྐྱེན་རྟེན་འབྲེལ་ལས། སྡུག་པ་དང་མི་སྡུག་པ་རྣམ་པར་འབྱེད་བའི་འཁོར་འདས་ཀྱི་རིམས་དང་སྡུད་རིམས་དུ་སྣང་བར་འགྱུར་ཞིང་། སྐྱེད་རིམས་ལས་འཁོར་བ་དང་། སྡུད་རིམས་ལས་མྱང་འདས་བསྒྲུབ་པ་ལེགས་པས་སུ་འགྱུར་བ་ཡིན་ཏེ། སྐྱེད་རིམ་དུ་འབྱུང་ཚུལ་ཡང་། མ་རིག་པས་འདུ་བྱེད་ཀྱི་ལས་བསག་པ་ཀུན་གཞི་ལ་བགོས་པ་ལས་རྣམ་ཤེས་ནས་ཚོར་བའི་བར་འགྲུབ་པ། དེ་ནས་སྐྱེ་བ་སྤྱིར་གྲུབ་པ་དྲེད་པ་དང་། བྱེ་བྲག་ཏུ་བགྲུབ་པ་ལེན་པས་འཚམ་སྦྱར་ནས་སྲིད་པ་འགྲུབ་པ་ལ། སྲིད་མེད་ལས་གཟུགས་མེད་ཁམས་འདོད་པའི་ཁམས་རྣམས་ཡིན་པ་ལ་དེ་དག་ཡང་། རིམ་པ་བཞིན་གཟུགས་མེད་པ་ནི་གཟུགས་པ་དང་འདོད་པའི་སྣང་བ་འགག་པས་ན་མཚན་འཛིན་ཆུང་ངུ་དང་། གཟུགས་ཁམས་ནི་གདོམ་ལ་ཆགས་པ་དང་བྲལ་ཞིང་བསྟེན་ལ་གནས་པས་ན་མཚན་འཛིན་འབྲིང་དང་། འདོད་ཁམས་ནི་གདོད་ཡོན་ལྔ་ལ་ཁ་ཕྱིར་བལྟས་གྱི་རྣམ་རྟོགས་དང་ལྡན་

(༢༢)པས་ན་མཚན་འཛིན་ཆེན་པོ་ཡིན་པ། དེ་ལྟར་ཁམས་གསུམ་པོ་ཐམས་ཅད་ཀྱང་།།།རོ་གཅིག་པར་མ་ཤེས་པར་བླང་དོར་དུ་རྟོག་པ་ཡིས། དགེ་བ་དང་མི་དགེ་བ་དང་ལུང་མ་བསྟན་བ་དང་རྣམ་པ་གསུམ་གྱི་རྐྱེན་མས་ནི། དགེ་བ་ཆུང་ངུས་འདོད་པ། མི་དགེ་བས་ངན་འགྲོ་འགྲོ་དང་། རྒྱུ་སྙོམས་འཇུག་གི་བསམ་གཏན་གྱི་གཟུགས་དང་། ལྷག་མཐོང་དང་བྲལ་བའི་ཞི་གནས་ཕྱོགས་གཅིག་པས་གཟུགས་མེད་འགྲུབ་ཅིང་། དེ་ལྟར་འབྲས་བུ་བསྐྱེད་པ་ཡང་ཉོན་མོངས་པ་ཅན་གྱི་ཡིད་དང་མ་བྲལ་བས་ན་སེམས་ཉིད་མ་དག་པའི་གནས་སྐབས་ཡིན་ནོ། གཉིས་པ་ནི། དྲི་མ་དེ་ཉིད་སོགས་རྐང་པ་གསུམ་གྱི་སྟོན་སྟེ། དེ་ཡང་། སེམས་ཀྱི་རང་བཞིན་དྲི་མ་མེད་བ་དེ་ཉིད་ལ། ཉོན་མོངས་ཤེས་བྱ་སྙོམས་འཇུག་སྟེ་ཐེག་པ་སྤྱི་སྐད་ལ་གྲགས་པའི་སྒྲིབ་པ་གསུམ་དང་། གསང་སྔགས་ལས་བཤད་པའི་འཕོ་པའི་བག་རྣམས་ཀྱི་བསྒྲིབ་ཀྱང་། སྒྲིབ་པ་དེ་གློ་བུར་བ་ཡིན་པས་གནས་ཚུལ་ལ་མ་ཞུགས་ཤིང་འབྲལ་དུ་ཡིན་པར་ཤེས་ནས། ཐེག་དམན་གྱི་ལམ་གཉིས་དང་། ཐེག་པ་ཆེན་པོའི་ལམ་སེམས་བསྐྱེད་དང་། ཐེག་པ་ཆེན་པོའི་ཡང་ཆེན་པོའི་ལམ་བསྐྱེད་རྫོགས་གཉིས་ཀྱི་ཐབས་དང་བཅས་པ་ས་སྐྱོང་བ་ཡིན་ལ། དེ་ལྟར་ལམ་ལྔ་དང་ས་བཅུའི་གནས་སྐབས་སུ་ཀྱི་བདེ་གཤེགས་སྙིང་པོ་དེ་ལ་ལམ་ས་ཅེས་བྱ་བར་རྒྱལ་བས་སྙིང་པོའི་མདོ་རྣམས་དང་གསང་སྔགས་སུ་གསུང་། དེ་ཡང་དག་ལ་མ་དག་པའི་གནས་སྐབས་ཡིན་ཏེ། ཉན་རང་གི་ལམ་དུ་བདག་མེད་ཕྱེད་གཉིས་ཀྱི་དག་ཅིང་ལྷག་མ་རྣམས་ཀྱི་མ་དག་ལ། ས་དང་པོར་འཁོར་བར་འཆིང་བྱེད་ཀྱི་ཉོན་སྒྲིབ་ཀྱི་དག་ཅིང་ལྷག་མ་གཞན་རྣམས་ཀྱི་མ་དག་པ། ས་བརྒྱད་པར་མཚན་རྩོལ་

(༢༣)གྱི་དག་ཅིང་ལྷག་མས་མ་དག་པ་དང་། ས་བཅུ་པར་སྒྲིབ་པ་གསུམ་དང་འཕོ་བའི་བག་ཆགས་ཕྲ་ཞིང་ཕྲ་བས་མ་དག་པ་ཡིན་ནོ། གསུམ་པ་ནི། །དྲི་མེད་དག་པ་སོག་ཚིག་རྐང་པ་གཉིས་ཀྱི་སྟོན་སྟེ། དེ་ཡང་རང་བཞིན་གྱི་དྲི་མ་མེད་པ་དང་གློ་བུར་སྒྲིབ་བྲལ་གཉིས་ལས། དང་པོའི་དབང་དུ་བྱས་བ་དེའི་ཕྱིར་ན་འགྲོ་ཀུན་སངས་རྒྱས་ཉིད་དུ་བརྗོད་པ་ཡིན་སྟེ། བདེ་གཤེགས་སྙིང་པོ་པ་འགྲོ་ཀུན་ཡོངས་ལ་ཁྱབ། ཅེས་སོགས་དང་། བྲམ་ཟེ་ཆེན་པོས། སེམས་ཉིད་གཅིག་སུ་ཀུན་གྱི་ས་བོན་སྟེ། ཞེས་སོགས་དང་། སེམས་རྣམས་ནི་སངས་རྒྱས་ཉིད། ཅེས་གསུངས་པ། རང་བཞིན་རྣམ་རྟོག་གི་ངོས་ནས་དེ་ལྟར་ཡིན་ཡང་། འོན་ཀྱང་གློ་བུར་དྲི་མས་བསྒྲིབ། དེ་བབ་པ་ནས་ནི་སངས་རྒྱས་ཉིད། ཅེས་གསུངས་པ་ལྟར་གློ་བུར་དྲི་མས་དག་པའི་དག་པ་གཉིས་ལྡན་དེ་ཉིད་ཤིན་ཏུ་རྣམས་དག་གི་སངས་རྒྱས་ཅེས་བྱ་བ་ཡིན་ནོ། ཟབ་མོ་གང་གི་དོན་རྣམ་པར་བཤད་པ་ལས་གཞི་བདེ་བར་གཤེགས་པའི་སྙིང་པོ་མེད་པར་བསྟན་པ་དང་། དེ་ལས་འཁོར་བ་འགྲུབ་པའི་རྒྱུ་རྐྱེན་སྤྱིར་བསྟན་པའི་ལེའུ་དང་པོ་རྣམ་པར་བཤད་པའོ། དེ་ལྟར་སེམས་དངོས་པོའི་གནས་ལུགས་ནི། ཆོས་ཅན་དང་ཆོས་ཉིད་ཀྱི་སེམས་གཉིས་སམ། རང་བཞིན་དང་རྣམ་འགྱུར་གྱི་སེམས་གཉིས་སམ། རྣམ་ཤེས་དང་ཡེ་ཤེས་ཀྱི་སེམས་གཉིས་ཀྱི་གོ་ནས་བསྟན་ཟིན་ནས། །།།གཉིས་པ་བྱེ་བྲག་ཏུ་ལུས་གྲུབ་པའི་ཚུལ་ནི། སྤྱིར་འཁོར་འདས་གཉིས་རྒྱུད་གཅིག་པར་ཕ་རོལ་ཏུ་ཕྱིན་པའི་ཚུལ་ལ་ཡང་གསུང་སྟེ། འཁོར་བ་དང་ནི་མྱ་ངན་འདས། གཉིས་སུ་ཡོད་པ་མ་ཡིན་ཏེ། འཁོར་བའི་རང་བཞིན་ཤེས་པ་ལས། མྱ་ངན་འདས་ཅེས་བརྗོད་པ་ཡིན། །

(༢༤)ཞེས་གསུང་ལ། གསུ་ནི་རྡོ་རྗེ་རྩེ་མོའི་རྒྱུད་ལས། རྒྱུད་ནི་རྒྱུན་ཆགས་ཅེས་བྱ་སྟེ། འཁོར་བ་རྒྱུད་དུ་འདོད་པ་ཡིན། ཞེས་འཁོར་འདས་རྒྱུད་གཅིག་ཏུ་གསུངས་ཤིང་། རང་བཞིན་གྱི་དབང་དུ་བྱས་ན། ཀྱེ་རྡོ་རྗེར། འདི་ཉིད་འཁོར་བ་ཞེས་བྱ་སྟེ། འདི་ཉིད་མྱ་ངན་འདས་པ་ཉིད། ཅེས་གསུངས་པ། འོ་ན་འཁོར་འདས་གཉིས་དུ་འགྱུར་བའི་རྒྱུན་མཚན་ཅི་ཞེ་ན། རྨོངས་ཕྱིར་འཁོར་བའི་གཟུགས་ཅན་ཏེ། རྨོངས་མེད་འཁོར་བ་དག་པ་ཉིད། །འཁོར་བ་ཉིད་ནི་མྱ་ངན་འདས། ཅེས་གསུངས་པ་ན་འཁོར་བ་ཉིད་ཅེས་པ་ནི་རང་བཞིན་ཡིན་པས་དེ་ནི་འཁོར་བ་བྱེད་པས་ངན་དུ་མ་སོང་ཞིང་། མྱ་ངན་ལས་འདས་པ་བྱས་པས་བཟང་དུ་མ་སོང་བར་འཕོ་འགྱུར་མེད་པར་གནས་པ་ཡིན་ལ། །།།རྨོངས་པར་འགྱུར་བ་ནི་རྟེན་གྱི་གཞན་དབང་ལས་ཡིན་པས། སེམས་ཅན་།།།འགྲོག་པ་དེ་ལ་ཕྲ་བའི་ལུས་ཅེས་བྱ་ཞིང་། དེ་ཉིད་དུས་མཐའི་རྡོ་རྗེ་ལྟ་བུའི་ཏིང་ངེ་འཛིན་མ་གཏོག་པ་གང་གིས་ཀྱང་གཞིག་པར་མི་ནུས་པས་ན། དེ་ལ་རྣམ་ཤེས་ཀྱི་མི་ཤིགས་པའི་།།། དེའི་ཡང་།།།ཡུལ་དང་། ཁུ་བབ་འཛིན་པ་ཡུལ་ཅན་བསྐྱེད་ཅིང་། དེ་གཉིས་རླུང་གི་དགྱེས་།།།ལ་བརྟེན་ནས་ཆགས་རང་རྨོངས་གསུམ་དང་། དེ་ལ་རྟེན་འབྲེལ་བཅུ་གཉིས་ཀྱི་རིམ་པས་འཁོར་བ་འགྲུབ་པ་ཡིན་ལ། དེ་ལྟ་བུའི་གཉིས་པའི་ལུས་དེ་ཡང་རག་པའི་ལུས་ལ་བསྟེན་པ་ཡིན་པས་ན་རྟེན་ལུས་ཀྱི་བྱེད་པ་བཅིངས་པ་ལས་བརྟེན་པ་ཨོཾ་ཀྱི་དེ་ཁོ་ན་ཉིད་མངོན་དུ་འགྱུར་བ་རྡོ་རྗེ་ཐེག་པའི་ཁྱད་ཆོས་ཡིན་ལ། ལུས་ཀྱི་བྱེད་པ་འཆེད་པ་ཡང་།

(༢༥)ལུས་འགུག་པའི་ཚུལ་ཤེས་པ་ལ་རག་ལས་པས་ན་དེ་བཤད་པར་བྱ་སྟེ། དེ་ལ་ཡང་མདོར་བསྟན་པ། རྒྱས་པར་བཤད་པ། མཇུག་བསྡུ་བ་གསུམ་གྱི་དང་པོ་ནི། ལུས་ནི་འགྲུབ་པའི་ཚུལ་བཤད་པ། ཅེས་སོགས་རྐང་པ་གསུམ་གྱི་སྟོན་ཏེ། དེ་ཡང་ཁམས་གསུམ་གྱིས་གང་དང་གང་དུ་སྐྱེ་འགྱུར་གྱི་ལས་ཀྱི་བག་ཆགས་ཀྱི་གོས་པའི་ཀུན་གཞི་ལུང་དུ་མ་བསྟན་པ་དེ་ཉིད་འདུ་བྱེད་ཀྱི་ཡིད་ཀྱི་གཡོ་བ་བྱེད་པའི་མཚན་ཉིད་ཅན་གྱི་ཁ་དྲང་ནས་ཁམས་གསུམ་དུ་སྐྱེ་བར་ཉིད་འཚམས་སྦྱོར་ལ། དེའི་འདུ་བྱེད་ཡིད་ཀྱི་གཡོ་བ་དེ་རྡོ་རྗེ་ཐེག་པ་འདིར་བྲག་གོ་གི་རླུང་ཞེས་བྱ་སྟེ། སྐྱེས་བུའི་སྲོག་འཛིན་པར་བྱེད་པ་དང་ཡང་ཞིང་གཡོ་བ་ཡིན་པའི་ཕྱིར་རོ། དེའི་དབང་དུ་བྱས་ནས། བཤད་རྒྱུད་རྡོ་རྗེ་ཕྲེང་བ་ལས། སྣ་རེ་གྱུར་པ་རང་སྲོག་ལས། ཁམས་གསུམ་པ་ནི་གཞན་མེད་དེ། སྒྱུ་མ་རླུང་གི་ཁམས་གསུམ་པ། །རྨི་ལམ་རྨི་བ་བཞིན་དུ་སྣང་། ཞེས་གསུངས་པ་ཡིན་ནོ། གཉིས་པ་རྒྱས་པར་བཤད་པ་ལ། ཁམས་གསུམ་གྱི་སྐྱེ་བའི་གྲུབ་པའི་ཚུལ་སྤྱིར་བཤད་པ་དང་། སྔགས་ཀྱི་སྦྱངས་གཞི་མོའི་ལུས་འགྲུབ་པའི་ཚུལ་བྱེ་བྲག་ཏུ་བཤད་པ་ལས། །།། གཟུགས་འདོད་པ་གཉིས་ཀྱི་དང་པོ་ནི། འདུ་ཤེས་བཅས་པའི་རྣམ་ཤེས་ཀྱི། ཅེས་སོགས་ཚིག་བཅད་གཅིག་གི་སྟོན་ཏེ། དེ་ཡང་གཟུགས་མེད་ཀྱི་འདུ་ཤེས་ཀྱི་ཡིད་འབྱུང་པས་།།།ཀུན་གཞིའི་རྣམ་ཤེས་ཀྱི་ནམ་མཁའ་མཐའ་ཡས་སྐྱེ་མཆེད་དང་། སོགས་པའོ། རྣམ་ཤེས་མཐའ་ཡས། ཅི་ཡང་མེད་པ། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་

(༢༦)རྣམས་ཀྱི་སྙོམས་འཇུག་ཡུལ་དུ་བྱས་ནས། དེ་དང་དེའི་དངོས་པོ་གསལ་སྣང་ཐོབ་ནས་དེ་དང་དེར་སྐྱེ་བ་ཡིན་པ། དེ་རྣམས་ལ་གཟུགས་མེད་ཅེས་བྱ་བ་ཡང་། དེར་སྐྱེས་པའི་འཕགས་པ་མ་གཏོགས་པ་རྣམས་ནི་སྟན་ནོ། ཡིད་ཀྱི་ང་རྒྱལ་ཙམ་གྱི་ཡིད་ལུས་ཡོད། འོ་ན་ཡིད་ལུས་ཡིན་ན་གཟུགས་མེད་པར་བཤད་པ་དང་མི་འགལ་ལམ་ཞེ་ན། མི་འགལ་ཏེ་གཟུགས་མེད་པར་བཤད་པ་ནི་རྡུལ་ཕྲན་ཚོགས་པའི་ལུས་རག་པ་མེད་པ་ལ་དགོངས་པ་ཡིན་གྱི། ཕྲ་བའི་ལུས་ཡོད་པར་ནི་མདོ་སྔགས་གཉིས་ཀ་ལས་གསུངས་ལ། གཟུགས་མེད་འདིར་འཕགས་པ་སྐྱེ་བ་ཡང་ཡོད་ཅིང་། འཕགས་པ་རྣམས་བསམ་བཞིན་དུ་སྐྱེ་བ་ལེན་པ་ནི་།།། །།། གཞན་དུ་འཕོ་བ་ན་རྣམ་པར་རྟོག་པ་གཞན་འབྱུང་བས་འཆི་བའི་ཐ་སྙད་བྱས་སོ། གཉིས་པ་གཟུགས་ནི། བསམ་གཏན་བཞི་བསྟན་གང་སྐྱེ་བ། ཅེས་སོགས་རྐང་པ་གསུམ་གྱི་སྟོན་ཏེ། དེ་ཡང་ཀུན་གཞི་སྲོག་རླུང་དང་བཅས་པ་དེ་འདྲེན་པར་བྱེད་པའི་བསམ་གཏན་བཞིའི་དངོས་པོ་ཉེར་བསྡོག་དང་བཅས་པ་ལ་བརྟེན་ནས། དེ་རྣམས་ཀྱི་འབྲས་བུ་སྐྱེ་བའི་བསམ་གཏན་ལ་གསལ་སྣང་ཆུང་འབྲིང་ཆེ་གསུམ་ཐོབ་པ་ལས་ཚང་རིས་ནས་འབྲས་བུ་ཆེ་བའི་བར་གྱི་གནས་གཞན་རྣམས་སུ་སྐྱེ་ཞིང་། བསྟན་དེ་ཟག་མེད་ཀྱི་ཤེས་རབ་དང་འབྲེལ་བ་ལས་གཙང་གནས་རྣམས་སུ་སྐྱེ། འདུ་ཤེས་མེད་པའི་གནས་གཞན་ནི་མངོན་དུ་མི་བགྲང་སྟེ། འབྲས་བུ་ཆེ་བ་དང་གྲོང་དང་དགོན་པའི་ཚུལ་དུ་གནས་པ་ཡིན་པས་ས་དེ་དག་ནི་འདོད་པ་ལས་གྱེན་དུ་འཕགས་པ་དང་། གཟུགས་ཀྱི་ང་རྒྱལ་དང་ལྡན་པས་ན་གཟུགས་ཁམས་

(༢༧)།།། རག་པ་སྟེ་མངོན་དུ་གྱུར་པ་བཅོམ་པ་ཡིན་ལ། སྐྱེ་བ་ནི་སྐྱེ་བ་ནས་བཞི་ལས་བརྫུས་སྐྱེས་ཏེ་ཀུན་རྫོབ་ཀྱི་ལུས་གོས་དང་བཅས་པ་ཡིད་ཞི་གནས་ཀྱི་།།།ཉོན་མོངས་པ་ཅན་གྱི་ཡིད་ཅུང་ཟད་མི་དགལ་བ་ཡིན་ནོ། སྔགས་ཀྱི་རྒྱུན་མོངས་མ་ཡིན་པའི་དབང་དུ་བྱས་ན། །ནམ་མཁའ་རླུང་མེ་ཆུ་དང་ས། ཅེས་སོགས་རྐང་པ་བདུན་གྱི་སྟོན་ཏེ། དེ་ཡང་ནམ་མཁའ་རླུང་མེ་ཆུ་ས་རྣམས་ལ། ནམ་མཁའ་རླུང་། ནམ་མཁའི་མེ། ནམ་མཁའི་ཆུ། ནམ་མཁའི་སས་ཕྱེ་བ་བཞིན་དུ་སའི་འབྱུང་ཆུང་བཞི་བཞིས་ཕྱེ་བའི་འཛག་པའི་དབང་ལས་།།།གཞན་ཉི་ཤུར་སྐྱེ་བ་ཡིན་ལ། འཛག་པའི་གོ་རིམ་ཡང་། ནམ་མཁའི་རླུང་གི་འཛག་པས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་སྐྱེ་བ་ནས། །།།ཚེ་རིང་དུ་སྐྱེ་བའི་བར་ཡིན་ཞིང་། ཇི་ལྟར་འཛག་པ་ཡང་། །ཁུ་བ་འཕོ་བ་ལྟ་བུའི་འཛག་པ་ནི་མ་ཡིན་གྱི། གཟུགས་མེད་རྣམས་ཀྱང་ནམ་མཁས་བསྡུས་པའི་དབུས་སུ་རླུང་གསུམ་ཡོད་པས། དེའི་།།།ཕྱེ་བ་ལས་བཟུང་འཛིན་དུ་འཛག་པ་སོགས་ཡིན་ལ། ཁམས་དེ་དག་ཇི་ལྟར་འདྲན་པའི་ཚུལ་ལ་ཡང་། གཟུགས་མེད་ན་ནམ་མཁའི་ཁམས་གཅིག་པུ་དང་ལྡན་པ་ནས། བསམ་གཏན་དང་པོ་ཁམས་ལྔ་དང་ལྡན་པའི་བར་ཡིན་ཞིང་། དེ་དག་དུ་སྐྱེ་བ་ཡང་རྟེན་འབྲེལ་བཅུ་གཅིག་ཀྱི་རིམས་པས་སྐྱེ་བ་ཡིན་པ་ལས། དེའི་

(༢༨)མ་རིག་པ་དེ་ལ་རྩ་བའི་མ་རིག་པ་དང་། ལས་ཀུན་ནས་སློང་བའི་མ་རིག་པ་གཉིས་ལས། སྔ་མ་ནི་སྔར་བཤད་པའི་འཛག་པ་དེ་ཉིད་ཡིན་ལ། ཕྱི་མ་འཛག་པ་དེ་ལས་ཆགས་སྡོང་རྨོང་གསུམ་དུ་སྐྱེ་བ་དེ་ཡིན་ནོ། གནས་གཞན་དེ་དག་གི་བཀོད་པ་ལ་སོགས་ནི་དྲན་པ་ཉེ་བར་བཞག་པའི་འགྲེལ་བར་བལྟ་བར་བྱའོ། གསུམ་པ་འདོད་ཁམས་ནི། འདོད་ཁམས་རིགས་དྲུག་ཐམས་ཅད་ཀྱང་། ཞེས་སོགས་ཚིག་བཅད་གསུམ་དང་རྐང་པ་གཅིག་ནི་སྟོན་ཏེ། དེ་ཡང་གདོད་མའི་ཡོན་ཏན་ལྔ་ལ་ལོངས་སྤྱོད་པའི་ཕྱིར་འདོད་ཁམས་ཅེས་བྱ་ལ། དེ་ཡང་ངན་འགྲོ་གསུམ་དང་། བདེ་འགྲོ༴ མི༴ ལྷ་མིན༴ འདོད་པའི་ལྷ་གསུམ་སྟེ་རིག་དྲུག །དེ་ཐམས་ཅད་ཀྱང་ཡེ་ཤེས་ནམ་མཁའ་རླུང་མེ་ཆུ་ས་སོགས་ཁམས་དྲུག་དང་ལྡན་པ་ཡིན་ཞིང་། ལུས་རྟེན་གྱི་དངོས་ཚད་ཀྱང་གཅིག་ཏུ་མ་ངེས་སྟེ། ཕྲ་བ་སིམ་བུ་ནས། རག་པ་འདོད་པའི་ལྷའི་བར་དུ་ཡོད། སྐྱེ་གནས་ཀྱང་བཞི་དང་ལྡན་པ་ཡིན་ལ། དེ་ལ་མི་མ་གཏོགས་པ་གཞན་རྣམས་ལས་ངན་སོང་གསུམ་ནི་དགེ་བའི་བློ་འབྱུང་བ་དཀོན་ཞིང་། མི་དགེ་བའི་ལས་ཀྱི་འབྲས་བུས་ཚན་པོ་ཆེ་ལ་སྤྱོད་པས་ན་མི་ཁོམ་པའི་གནས་ཡིན་ཞིང་། འདོད་པའི་ལྷ་དང་ལྷ་མིན་དང་སྒྲ་མི་བསྙན་པ་གསུམ་ནི་བསོད་ནམས་ཀྱི་དངོས་འབྲས་པར་ལོངས་སྤྱོད་པ་ཡིན་པས་གཉེན་པོ་སྟོབས་ཆེན་བསྐྱེད་པའི་རྒྱུ་དམན་ཏེ། དེས་ན་སོ་སོ་ཐར་པའི་སྣོད་དུ་ཡང་མི་རུང་པ། གཞན་གླིང་གསུམ་དུ་སྐྱེས་པའི་ཁམས་དྲུག་ལྡན་ནི། སྤྱིར་སངས་རྒྱས་ཉིད་ཀྱི་བསྟན་པ། བྱེ་བྲག་དུ་སོ་སོ་ཐར་པའི་སྣོད་རུང་ཡིན་ཞིང་། དེ་ལས་ཀྱང་མཆོག་

(༢༩)ཡིན་པ་ནི་འཛམ་བུའི་གླིང་འདིར་ལེགས་པར་སྐྱེས་པ་རྣམས་ཏེ། སོ་སོ་ཐར་པ་ནས་རྡོ་རྗེ་ཐེག་པའི་བར་གྱི་བརྟན་པ་མཐའ་དག་གི་སྣོད་རུང་ཡིན་པ། དེས་ན་སངས་རྒྱས་རྣམས་མཛད་པ་བཅུ་གཉིས་ཀྱི་ཚུལ་སྟོན་པ་ཡང་གླིང་འདི་ཉིད་དུ་སྟོན་ཞིང་། བྱང་ཆུབ་བསྒྲུབ་པ་ལ་སོགས་དགེ་བ་དང་མི་དགེ་བའི་ལས་ཐམས་ཅད་སྟོབས་དང་ལྡན་པ་ཡིན་པས་ན་ལས་ཀྱི་།།།གྲགས་སོ། གཉིས་པ་མིའི་སྐྱེ་བ་གྲུབ་པའི་ཚུལ་བྱེ་བྲག་ཏུ་བཤད་པ་ལ། བསྐལ་པ་དང་པོའི་མིའི་སྐྱེ་བ་འགྲུབ་པའི་ཚུལ་དང་། རྩོད་དུས་ཀྱི་མངལ་སྐྱེས་འགྲུབ་པའི་ཚུལ་གཉིས་ལས། དང་པོ་ནི། །གསང་དུས་ཀྱི་ལྷག་མོས་ཀྱི་སྦྱང་གཞི་ཡིན་ཏེ། ཀུན་གཞིའི་སྟེང་ནས་སྐལ་པ་དང་པོའི་བག་ཆགས་ཡོད་ལ། དེས་ན་།།།སྐྱེ་བ་འགྲུབ་ཚུལ་ནི། ཞེས་སོགས་ཚིགས་བཅད་གཉིས་ཀྱི་སྟོན་ཏེ། དེ་ཡང་དང་པོར་བར་སྐབས་ན་རྒྱུ་སྣོད་ཀྱི་འཇིག་རྟེན་ཆགས་ནས་དེ་ནས་ཡུལ་འདིར་སྐྱེ་བ་འགྲུབ་པའི་ཚུལ་ནི། མི་ཐམས་ཅད་དང་པོར་བརྫུས་ཏེ་སྐྱེས་པ་ལ་ཡིན་ཞིང་། དེ་ཡང་གཟུགས་ཁམས་ཀྱི་འོད་གསལ་གྱི་ལྷ་བཞིན་དུ། ལུས་ཀྱི་འོད་དང་། ཚེ་དང་བསོད་ནམ་དང་གོས་ཚད་དང་སྟོབས་ལ་སོགས་པ་ཐམས་ཅད་ཕུན་ཚོགས་པ་ཡིན་པས་དེ་ལ་རྫོགས་ལྡན་གྱི་དུས་ཅེས་བྱ་བ། དེ་ནས་གཉིས་ལྡན་སོགས་སུ་རིམ་གྱི་བྲི་བ་ཡང་། འདོད་པའི་ས་ཡིན་པའི་དབང་གི་ནང་དུ་སྲེད་པ་བྱུང་། དེའི་དབང་གི་དྲི་རོ་འཛིན་པའི་དབང་པོ་གྲུབ། དེ་ལས་དབང་པོའི་བདག་འབྲས་ཕྱི་རོལ་དུ་པ་མོ་ཞག་ཞེས་བྱ་བ་དྲི་དང་རོ་ཕུན་སུམ་ཚོགས་པ་བྱུང་ཞིང་། དེ་ལ་ཆགས་ནས་བསྣབ་།།།པ་ལས། དབང་པོའི་བདག་འབྲས་

(༣༠)ཡུལ་དུ་སྣང་བའི་རྣམ་ཤེས་ལ་དྲི་རོ་བཟང་བ་ལ་བླང་བྱ་དང་ངན་པ་ལ་དོར་བྱར་བྱས་ནས་བླང་དོར་བྱས་པ་ལས་ལུས་ཁམས་དེ་ཡང་རག་པ་དང་ལྕི་བ་ལ་སོགས་བྱུང་ཞིང་། དེ་ལ་བརྟེན་ཕོ་མོའི་དབང་པོ་གྲུབ། དེའི་དབང་གི་ནང་དུ་དཀར་དམར་གྲུབ། དེའི་དབང་གི་ཕྱི་རོལ་དུ་ནི་གཉིས་གྲུབ། དེ་ལས་སྣང་མུན་གཉིས་བྱུང་བ་ཡིན་ལ། དེ་ལས་བདེ་བ་ལ་ཆགས་པ་དང་། སྡུག་བསྔལ་ལ་སྡང་བའི་ཚིག་སྡང་དང་། དེ་ལས་ཚོར་བ་རྩ་བར་གྱུར་པའི་འཐབ་རྩོད་འབྱུང་སྟེ། དེ་ཐམས་ཅད་ཀྱང་འདོད་སྲིད་མཐུ་བརྟས་པ་ཁོ་ན་ལས་བྱུང་བ་ཡིན་ནོ། དེ་ལྟར་དུས་བཞིའི་འཇོག་ཚུལ་ལ་ཡང་། ལོངས་སྤྱོད་ལ་ཆ་བཞིར་བྱས་ནས་དེ་ཐམས་ཅད་རྫོགས་པ་ལ་དྲོགས་ལྡན། དེ་ལ་གཅིག་བྲི་བ་གསུམ་ལྡན། གཉིས་བྲི་བ་གཉིས་ལྡན། གཅིག་བྲི་བ་ཙོད་ལྡན་དུ་བཞག་པ་གཅིག་དང་། དགེ་བ་བཅུའི་རྐང་པ་ཐམས་ཅད་རྫོགས་པ་ལ་རྫོགས་ལྡན། དེ་ལས་རྐང་པ་གཅིག་བྲི་བ་གསུམ་ལྡན་དུ་བྱས་པ་ལ་སོགས་ལ་བཞག་པ་གཅིག་སྟེ། ཚུལ་གཉིས་ཡོད་པ་ལས་གཉིས་ཀ་རྡོ་རྗེ་ཐེག་པའི་སྦྱང་གཞི་ཡིན་ནོ། དེ་ལྟར་གཉིས་ལྡན་ཡན་རྫོགས་ནས། གཉིས་པ་རྩོད་དུས་ཀྱི་མངལ་སྐྱེས་འགྲུབ་པའི་ཚུལ། ཁམས་དྲུག་གི་རྒྱུ་རྐྱེན་ལ་བརྟེན་པའི་རིམ་པ། མངལ་དུ་འཇུག་པའི་ཚུལ། དེ་ལས་སྐྱེ་བའི་ཚུལ་ཏེ་གཉིས་ལས་དང་པོ་ནི། དེ་ནས་མངལ་སྐྱེས་གྲུབ་པ་ནང་ཞེས་སོགས་ཚིགས་བཅད་ཕྱེད་དང་དྲུག་གི་སྟོན་ཏེ། དེ་ཡང་མངལ་སྐྱེས་བུ་ཉིད་འཚམས་སྦྱོར་བ་དེའི་ཚ། སྤྱིར་ལུས་ངག་ཐམས་ཅད་སེམས་ཀྱི་རྣམ་འགྱུར་ཡིན་པས་ཐམས་ཅད་སེམས་ཀྱི་སྣང་བ་ཡིན་ཡང་། གཞན་རྟོགས་

(༣༡)མཐུ་བརྡས་པའི་དབང་གིས་རང་ལས་དོན་གཞན་པའི་ཕ་མའི་དཀར་དམར་དང་། དྲིའི་སེམས་གསུམ་པོ་དེ་ཉེར་ལེན་དང་ཉེར་ལེན་།།།དུ་གྱུར་པ་ལས། ནང་གི་རུས་པ་ལ་སོགས་པའི་ཁམས་སོ་དྲུག་འགྲུབ་སྟེ། དེ་ཡང་ཁམས་ཀྱི་ཚོགས་པ་དེ་ཉིད་ལས་ལུས་ལ་རོ་དྲུག་བཟའ་བ་དང་བརྒྱུད་བར་བྱམས་པ་ལས། ནང་དུ་གཉིས་བ་གཤེར་བ་དྲོ་བ་ཡང་བ་སྟེ་འབྱུང་བ་བཞི་འགྲུབ་པའི་རྐྱེན་བྱེད་པ་ཡིན་ལ། རོ་དྲུག་པོ་གང་དང་གང་གི་འབྱུང་བ་གང་དང་གང་སྐྱེད་ཅེ་ན། དཀུར་བ་ཡེ་ཤེས། སྐ་བ་ནམ་མཁའ་ཁ་བ་རླུང་། ཚ་བ་མེ། མངར་བ་ཆུ། ལན་ཚ་བ་ས་སྟེ། དེ་ལྟར་ཁྱབ་བྱའི་འབྱུང་བ་བཞིས་རྐྱེན་བྱས། ནམ་མཁས་གོ་ཕྱེ་ཞིང་གེ་བའི་ཡེ་ཤེས་སྟེ། ཕ་མའི་དཀར་དམར་ཁྲད་པའི་བདེ་བ་དྲིའི་ཡོན་གྱི་བདག་དུ་བཟུང་བ་དེས་དེ་ཐམས་ཅད་ཕྲད་པ་དང་སྦྱོར་བར་བྱས་པ་ལས་ལུས་བརྟན་པར་འགྲུབ་པ་ཡིན་ལ་རྐྱེན་བྱས། དེ་ཡང་དཀར་དམར་གཉིས་ཁོ་ནས་མི་འགྲུབ་སྟེ། པད་མར་ཆུད་པའི་ས་བོན་དེ་ཕྱིར་མི་བྱུང་བར་འཛིན་པར་བྱེད་པ་ཉི་མའི་མངལ་གྱི་ཁམས་ཀྱི་རང་བཞིན་དང་། དེ་བཞིན་དུ་ཆུས་སུ་བར་བྱེད། མེས་སྨིན་པར་བྱེད། རླུང་གི་གོང་ནས་གོང་དུ་འཕེལ་བར་བྱེད་ཅིང་། ནམ་མཁས་ལ་ཡལ་ཁ་དེས་གོ་སྐབས་འབྱེད་པར་ཡིན་ལ། ཐུན་མོངས་མ་ཡིན་པའི་ངེས་པ་ལས་ནི་ཡེ་ཤེས་ཀྱི་དེ་ཐམས་ཅད་ཀྱི་བདག་པོ་བྱེད་པ་ཡིན་ནོ། དེ་ཉིད་དུ་སྐྱེ་བའི་ཕྲོད་སྦྱོར་བྱེད་པ་ཡང་། ཕ་མ་གཉིས་དེས་འཇུག་བྱེད་པའི་ཁམས་ལྔའི་གནས་སྐབས་ཀྱི་འགྱུར་བ་ལྔ་ཡིན་ཏེ། དེ་ཡང་ཕ་མའི་།།།

(༣༢)ལ་སྦྱོར་བས་དཀར་དམར་ཕྲད་པའི་ཚེ་དྲི་མའི་སེམས་ཅན་འོང་ནས། དཀར་དམར་གྱི་དབུས་སུ་རེག་པའི་གཉིས་བ་དེ་བདག་ཏུ་བཟུང་བའི་བག་ཆགས་དེ་ཉིད་ལས། རང་གི་པ་ཁམས་ནི་སྐྱེ་བར་འགྱུར་ལ། དེ་བཞིན་དུ་བྱང་སེམས་ཞུ་བའི་གཤེར་བའི་རང་བཞིན་དེ་བདག་དུ་བཟུང་བ་ལས་ཆུ་ཁམས་འབྱུང་ཞིང་། བསྐྱོད་པ་བྱས་པ་ལས་ནི་དྲོད་སྐྱེ་སྟེ། དེ་བདག་དུ་བཟུང་བ་ལས་མེའི་ཁམས་དང་། ལུས་ཀྱི་རྩ་གནས་ཐམས་ཅད་ལ་བྱང་ཆུབ་ཀྱི་སེམས་གཡོ་བ་དེ་བདག་ཏུ་བཟུང་བས་རླུང་འབྱུང་བར་རབ་ཏུ་གྲགས་ལ། བདེ་བ་དེ་བདག་དུ་བཟུང་བ་ལས་ནམ་མཁའི་ཆོས་འབྱུང་ཞིང་། དེ་ལྟར་ཁམས་ལྔ་པོ་དེས་རྣམ་པར་ཤེས་པ་དེ་བསྐོར་ནས་གནས་པ་ཡིན་ནོ། སེམས་ནི་ཡིན་གཅིག་ཉིད་ལས། ལྔའི་གཟུགས་གྱི་རྣམ་པར་མཚོན། ཞེས་གཙོ་སེམས་གཅིག་ལ་སེམས་འབྱུང་ལྔས་བསྐོར་བའི་དབང་ལས། རག་པ་ཕོ་མོ་རྣམ་ཤེས་འཇུག་དུས་སུ་ཡང་འབྱུང་བ་ལྔའི་འགྲོ་དྲུབ་འཆགས་ཞིང་། ཕྲ་བ་སེམས་ཡུལ་གཅིག་ལ་འཇུག་པ་ཡང་འབྱུང་བ་ལྔའི་འགྲོས་སུ་འཆར་ལ། འདིའི་དབང་ལས་གཞི་ལ་རྟེན་ཕུང་པོ་ལྔ། ཁམས་འབྱུང་པ་ལྔ་ལ་སོགས་པར་འཆར་ཞིང་། ལམ་དུ་ལམ་གྱི་ཡེ་ཤེས་ལྔ་དང་། འབྲས་བུས་སྐུ་ལྔ་སོགས་པར་འཆར་བ་ཡིན་ནོ། གཉིས་པ་མངལ་དུ་འཇུག་པའི་ཚུལ་ནི། རྒྱུ་ནི་བར་དོའི་།།།རྣམ་ཤེས་སྟེ། ཅེས་སོ་ཚིག་བཅད་གསུམ་གྱི་ཉོན་ཏེ། དེ་ཡང་ན་།།།ཉིང་འཚམས་སྦྱོར་བའི་རྒྱུ་ནི་བར་དོའི་རྣམ་ཤེས་ཏེ་དྲིའི་སེམས་ཅན་དུ་གྲག་པ་དེ་ཡིན་ལས། བག་ཆགས་དང་བཅས་པའི་ཉོན་མོངས་པ་ཅན་གྱི་ཡིད་

(༣༣)སྔར་བཤད་པའི་མཚན་ཉིད་ཅན་རླུང་གི་ངོ་བོ་ཡིན་པས་ཡང་ཞིང་གཡོ་བ་དེས་རྨི་ལམ་ལྟ་བུར་རང་ལས་དོན་གཞན་པའི་ཕ་མའི་གཟུགས་མཐོང་ཞིང་། དེ་ཡང་རྟེན་འབྲེལ་ལ་དྲགས་པའི་རྒྱུ་རྐྱེན་གྱི་དོན་དང་རང་གི་ངོ་བོ་གང་ཡིན་པ་ནི་ངེས་པར་མི་ཤེས་པས་མ་རིག་པ་རླུང་ཙམ་གཅིག་སུས་རྨོངས་པ་དེ་སྲེད་པས་མཚམས་སྦྱར་བ་ལ་ལུས་མངོན་པར་འདུ་བྱེད་པ་ཡིན་ལ། དེས་ཀུན་གཞིའི་རྣམ་པར་ཤེས་པ་བཀུག་ནས་མངལ་དུ་འཇུག་གོ །དེའི་ཚེ་ཕོར་སྐྱེ་ན་མ་ལ་ཆགས་ཤིང་ཕ་སྡང་བ་དང་། མོར་སྐྱེ་ན་ཕ་ལ་ཆགས་ཤིང་མ་སྡང་བའི་ཆགས་སྡང་གི་བག་ཆགས་ལ་སྤྱོད་ལ། འདིར་ཉོན་ཡིད་སྲོག་རླུང་ལ་བྱེད་པས་ན་བག་ཆགས་ཉིད་ཀྱང་ཁམས་ཀྱི་དངས་མ་ཡིན་པས་དེས་རྟེན་དུ་བྱས་ནས་རྣམས་བརྟེན་པར་བཟུང་། དེའི་ཚེ་ཁུ་ཁྲག་ཞུ་བའི་ཐིག་པ་ལས་དྲི་ཟའི་སེམས་ཅན་འདྲེས་པར་གྱུར་པ་དང་། རྒྱུན་གཞིའི་རྣམས་རྒྱུ་དང་བཅས་པ་བདེ་བ་དམ་པས་བྱིན་གྱིས་བརླབས་ཏེ་ཇི་ལྟར་སྐྱེས་བུ་ཆང་གིས་མྱོས་པ་བཞིན་དུ་འགྱུར་ཞིང་། དུས་ནི་རྩ་མ་ཆག་པའི་ཟླ་བ་གཅིག་གི་བར་དུ་ཡིན་ལ་དེ་ལས་འཕྲོས་པའི་སྟོན་ནོ། མངལ་དུ་འཇུག་པ་གནས་པ་སྐྱེ་བ་གསུམ་ཀ་མ་དྲན་མི་ཤེས་པ་ནི་ཐ་མལ་པ་དང་། འཇུག་པ་དྲན་ཞིང་ཤེས་ལ། གནས་པ་དང་སྐྱེ་བ་མ་རྨོངས་པ་ནི་འཇིག་རྟེན་པ་འཁོར་ལོས་བསྒྱུར་བའི་རྒྱལ་པོ་དང་། འཇིག་རྟེན་ལས་འདས་པ་ཉན་ཐོས་རྒྱུན་ཞུགས་ཡིན་ཞིང་། འཇུག་པ་དང་སྐྱེ་བ་གཉིས་ཀ་དྲན་ཞིང་ཤེས་ལ་གནས་པ་ལ་རྨོངས་པ་ནི་བྱང་ཆུབ་སེམས་དཔའ་ལས་དང་པོ་པ་དང་རང་སངས་རྒྱས་

(༣༤)ཡིན་ཞིང་། གསུམ་དྲན་ཞིང་ཤེས་པ་ནི་བྱང་སེམས་དག་པའི་གནས་པ་རྣམས་ཀྱི་སྐྱེ་བ་ལེན་ཚུལ་ཡིན་པ། དེ་ཡང་མངལ་དུ་ཕ་མའི་ཁུ་ཁྲག་དང་དྲི་ཟའི་སེམས་ཅན་རླུང་དང་བཅས་པ་ཚོགས་པ་གཅིག་ཏུ་གྱུར་པ་ནི་རྒྱུ་རྡོ་རྗེ་འཛིན་པའི། གསང་འདུས་ས་ཚོ་ལ་གྲགས་པའི་དང་པོའི་མགོན་པོ་ཡིན་ཏེ། གསང་འདུས་རྣམ་གཉིས་སུ་འོང་བ་ཡང་དཀར་དམར་རླུང་གསུམ་དག་པ་ཡིན་ལ། དཀར་དམར་རླུང་གསུམ་ཡོད་།།།ཐབས་ཤེས་གཉིས་ཀྱི་ཕྱེ་བ་ལས་ཕྱག་དྲུག་འབྱུང་བ་ཡིན་ཞིང་། དེ་ལྟར་ཚོགས་པ་།།།གཞི་དུས་ཀྱི་ལྷ་རྫོགས་པའི་།།།བསྡུས་འབྲིང་རྒྱས་པ་གསུམ་ལས། དང་པོ་ནི། །རྡོ་རྗེ་ཆོ་ག་གསུམ་བསྐྱེད་ཡིན་ཏེ། དྲི་ཟའི་སེམས་ཅན་ནི་ས་བོན། དེ་ཡང་ཁམས་དཀར་དམར་གྱི།།། གཉིས་པ་ནི། རྡོ་རྗེ་བཞིའི་མངོན་བྱང་བཞི་ཡིན་ཏེ། འཆི་སྲེད་བར་དོ་དང་བཅས་པ་།།། །།། དེ་ལས་རིམ་གྱི་ལུས་འགྲུབ་པ་ནི་རྫོགས་པ། ཕྱི་རོལ་དུ་བཅོས་ནས་དབང་པོ་ཡུལ་ལ་།།། མངོན་པར་བྱང་ཆུབ་མེ་ལོང་ལྟ་བུའི་ཡེ་ཤེས་ཀྱི་རང་བཞིན། མའི་དམར་ཆ་ནི་ཉི་མ་ལས་མངོན་པར་བྱང་ཆུབ་པ་ཡིན་པ་ཉིད་ཀྱི་ཡེ་ཤེས་གྱི་རང་བཞིན། དྲི་ཟའི་སེམས་ཅན་ས་བོན་ལས་མངོན་པར་བྱང་ཆུབ་པ་དང་། དཀར་དམར་རྣམ་ཤེས་གསུམ་རྟེན་བརྟེན་པར་གྱུར་པ་

(༣༥)།།། དེ་གཉིས་ཀ་སོ་སོར་རྟོག་བའི་ཡེ་ཤེས། དེ་རྣམས་རེ་བ་ཏུ་གྱུར་པ་ནི་འདྲེས་པའི་མངོན་པར་བྱང་ཆུབ་བྱ་བ་གྲུབ་པའི་ཡེ་ཤེས། དེ་ལས་ལུས་གྲུབ་པ་ནི་སྒྱུ་ཡོངས་སུ་།།། གསུམ་པ་དེ་ལས་སྐྱེ་བའི་ཚུལ་ལ་སྲོག་ཆེན་པོའི་རླུང་ཇི་ལྟར་འགྲུབ་པའི་ཚུལ། ཟླ་བ་བཅུར་ཇི་ལྟར་འཕེལ་བའི་ཚུལ། །།། དང་པོ་ནི། ཉོན་མོངས་ཅན་ཡིད་སྲོག་རླུང་ཉིད། ཅེས་སོག་རྐང་པ་གཉིས་ཀྱི་སྟོན་ཏེ། དེ་ཡང་དཀར་དམར་གྱི་དབུས་སུ་ཞུགས་པའི་ཀུན་གཞིའི་རྣམས་ཤེས་།།།ཡིད་གཡོ་བའི་མཚན་ཉིད་ཅན་དེ་དང་། དཀར་དམར་གྱི་སྟེང་གི་རླུང་གཉིས་པོ་དེ་རྐྱེན་དང་རྐྱེན་ཅན་དུ་གྱུར་བ་ལས་སྲོག་ཆེན་པོའི་རླུང་།།། འཕེལ་བའི་རིམ་གྱི་སྐད་གཅིག་རེ་རེ་ཞིང་ལ་ཡང་གོང་ནས་གོང་དུ་ཡང་དག་པར་འགྲོ་བ་སྟེ་འཕེལ་བར་བྱེད་པ། དེ་ཡང་དམར་ཆ་དང་འགྲོག་པ་སྟེང་དུ་ཡོད་པ་ལས་སྲོག་དང་། །།།དང་འགྲོག་པ་འོག་ཏུ་ཡོང་བ་ལས་ཐུར་སེལ་ལོ། གཉིས་པ་ཟླ་བཅུར་ཇི་ལྟར་འཕེལ་བའི་ཚུལ་ནི། ནུར་ནུར་མེར་མེར་ལྟར་ལྟར་སོ། ཅེས་སོགས་ཚིག་བཅད་ཕྱེད་དང་བཅུས་སྟོན་སྟེ། དེ་ཡང་སྲོག་གྲུབ་ནས་བདུན་ཕྲག་གཅིག་ཏུ་སྲོག་ཉིད་དུ་གནས་ཤིང་། དེ་ནས་སྲོག་དེ་འབྱུང་བ་བཞི་དང་འགྲོག་པའི་དབང་ལས་གནས་སྐབས་

(༣༦)བཞིར་འགྱུར་བ་ལས། དང་པོའི་ཀུན་ནས་བསྡུད་པའི་རླུང་གི་ཞག་བདུན་ཕྲག་གཉིས་པར་ནུར་ནུར་པོ་དང་། དེ་མཛོད་ཀའི་རླུང་གི་བདུན་ཕྲག་གསུམ་པར་མེར་མེར་པོ་དང་། དེ་ནས་རབ་ཏུ་འབྱེད་པའི་རླུང་གི་བདུན་ཕྲག་བཞི་པར་ལྟར་ལྟར་པོ་དང་། དེ་ནས་ཡང་དག་པར་སྡུད་པའི་རླུང་གི་བདུན་ཕྲག་ལྔ་པར་གོ་གོར་པོ་སྟེ། བདུན་ཕྲག་ལྔ་འཕེལ་ཞིང་༴ རླུང་དེ་རྣམས་ཀྱང་ལས་རླུང་ཡིན་པའི་དབང་གི་དཀར་དམར་གྱི་རྡུལ་ཕྲ་རབ་རྣམས་དཀྲུག་ཅིང་ལུས་ཀྱི་གནས་ཐམས་ཅད་དུ་གཏོར་ནས་།།།ཞི་གནས་སུ་སྡུད་པར་བྱེད་ལ། དེ་ནས་ཟླ་བ་གཉིས་པར་མཁྲང་གྱུར་ཞེས་བྱ་བའི་ཞག་གི་དང་པོ་ནས་སྲོག་གི་རླུང་གི་དཀར་དམར་སྟེང་།།། ནང་དུ་སྲོག་གི་རླུང་དང་། སྟེང་འོག་གི་སྣ་གཉིས་སུ་དཀར་དམར་གྱི་ཐིག་ལེ་དང་བཅས་པ་གྲུབ་ཅིང་། དེ་ནས་གཙོ་བོ་སྲོག་ནི་རླུང་དང་། །།། སྒྱུ་མའི་ཁ་ཟས་ཀྱི་བསྐྱེད་ནས་སྙིང་རླུང་བཅུའི་རྟེན་དུ་གྱུར་པའི་རྩ་བཅུ་དང་། ལྟེ་བའི་འཁོར་ལོ་དུས་སྦྱོར་གྱི་རྟེན་གྱི་རྩ་ཆགས་ནས། སེམས་ཀྱི་རེ་རེ་འཆང་ལས་ལུས་གྲུབ་པས་ཕྱི་རོལ་ན་ཁྱབ་འཇུག་གི་འཇུག་པ་བཅུ་ཡོད་པ་བཞིན་དུ་ནང་དུ་ཡང་འཇུག་པ་བཅུ་ཡོད་པའི་དང་པོ་ཉའི་རྣམ་པར་འགྱུར་ཞིང་། དེའི་ཚེ་ལྟེ་བའི་དང་མའི་རོ་མའི་རྩ་གཉིས་འབྲེལ་པ་ལས་རླུང་ཁྲག་གི་ཞུས་པ་རྒྱས་པར་བྱེད་པར་འགྱུར་ལ། དེ་ནས་ཟླ་བ་གཉིས་པ་ནས་ཞག་རེ་རེ་ལ་རྩ་ཉིས་བརྒྱ་ཉིས་བརྒྱ་ཆགས་ཏེ། དེ་ཡང་སྲོག་ལས་ས་དང་ཡེ་ཤེས་ཀྱིས་

(༣༧)ཆོས་ཅན་གྱི་ཐུར་སེལ་འོག་ཏུ་འཕྲོས་ནས། གསང་བའི་འཁོར་ལོ་ལ་སོགས་པའི་སྨད་ཀྱི་ཆ་ཐམས་ཅད་འགྲུབ་ཅིང་། རུ་སྦལ་གྱི་རྣམ་པ་ལྟ་བུར་བྱེད་པའི་མགོ་རྩོམ་ལ། ཟླ་བ་གསུམ་པར་གྱེན་རྒྱུའི་རླུང་གི་སྟོབས་ཀྱི་སྡོད་ཀྱི་ཆ་རྣམས་བསྒྲུབ་པར་བྱེད་ཅིང་། ཟླ་བ་བཞི་པར་ཁྱབ་བྱེད་ཀྱི་རླུང་གི་དཔྲལ་བ་མགྲིན་པའི་འཁོར་ལོ་དང་། ཡན་ལག་ལྔ་དང་ཚིག་ཆེན་བཅུ་གཉིས་ཀྱི་རླུང་འཕྲོས་ནས་ནང་གི་གནས་གཞན་རུས་པ་དང་། དེ་ལ་བརྟེན་པའི་ཤ་ལ་སོགས་པ་འགྲུབ་པར་བྱེད། དེ་ནི་ཕག་རྒོད་སེང་གེའི་གནས་སྐབས་ཡིན་ལ། དེ་ལྟར་མཉམ་གནས་དང་ཁྱབ་བྱེད་གཉིས་ཀྱི་སྟོབས་རྫོགས་ནས། མངལ་དུ་ལུས་འགུལ་བ་སོགས་སུ་འགྱུར་ཞིང་། དེའི་དུས་སུ་དུས་ཚིག་ཀྱི་དུམ་བུ་སུམ་བརྒྱ་དྲུག་བཅུ་ལ་སོགས་པ་ཆགས་པ་དགའ་བོ་མངལ་གནས་ལས་གསུངས་ལ། དེ་ལྟར་ཟླ་བ་ལྔ་ལ་ཕུང་པོ་ལྔ་ཡང་རྫོགས་པར་འགྱུར་ཏེ། དེ་ཡང་ཟླ་བ་དང་པོ་གཉིས་རྣམ་ཤེས་འདུ་བྱེད། གསུམ་པ་དང་བཞི་པ་ལ་ཚོར་འདུ་གཉིས་དང་། ལྔ་པ་ལ་གཟུགས་ཕུང་རྫོགས་ནས། ཟླ་བ་དྲུག་པར་ཕྱིན་པ་ནས་ཡན་ལག་གི་རླུང་རྣམས་ཀྱི་དབང་པོ་རྣམས་བསྐྱེད་པར་བྱེད་དེ། དེ་ཡང་ཀླུའི་རླུང་ཡེ་ཤེས་ཀྱི་ཁམས་པ་དེའི་སྟོབས་བསྐྱེད་པ་ལ། མིག་གཉིས་པ་ཁམས་པ་གཏི་མུག་རྡོ་རྗེའི་རང་བཞིན་ཅན་བསྐྱེད་དེ། དེ་གཉིས་ཕྲ་རག་ཡིན་པའི་ཕྱིར། དེ་ལས་ཟླ་བ་བདུན་པར་རུ་སྦལ་གྱི་རླུང་རླུང་ཁམས་པ་དེ་སྤྲོས་ནས། རྣ་བ་ཆུ་ཁམས་པ་ཞེ་སྡང་རྡོ་རྗེ་བསྐྱེད་པར་བྱེད་ན། དེ་ཡང་ཕྲ་རག་ཡིན་པའི་ཕྱིར། ཟླ་བ་བརྒྱད་པར་རྩ་

(༣༨)པའི་རླུང་མས་ཁམས་པ་དེས་སྣ་བུག་རླུང་ཁམས་པ་སེར་སྣ་རྡོ་རྗེ་བསྐྱེད་དེ། དེ་གཉིས་གྲོགས་དང་གྲོགས་ཅན་ཡིན་པའི་ཕྱིར། ཟླ་བ་དགུ་པར་ལྷ་སྦྱིན་གྱི་རླུང་ཆུ་ཁམས་པ་དེས་ལྕེ་མེ་ཁམས་པ་འདོད་ཆགས་རྡོ་རྗེར་བསྐྱེད་དེ། དེ་གཅིག་ཐབས་ཤེས་ཡིན་པའི་ཕྱིར། ཟླ་བ་བཅུ་པར་ནོར་ལས་རྒྱལ་ས་ཁམས་པ་དེས་ལུས་ཀྱི་དབང་པོ་རླུང་ཁམས་པ་འཕྲོག་རྡོ་རྗེའི་ངོ་བོ་ཉིད་བསྐྱེད་དེ། དེ་ཡང་ཐབས་ཤེས་ཡིན་པའི་ཕྱིར། དེ་ལྟར་རླུང་བཅུའི་ནུས་པས་ཕྲ་རག་དང་། གྲོགས་དང་གྲོགས་ཅན་དང་། ཐབས་ཤེས་ཀྱི་སྒོ་ནས་དབང་པོ་རྣམས་བསྐྱེད་ནས། དེ་དག་གི་ཡུལ་འཛིན་པ་ཡང་། མིའི་ཆུའི་ཡོན་ཏན་གཟུགས་འཛིན། རྣ་བས་ནམ་མཁའི་ཡོན་ཏན་སྒྲ། སྣས་ས་ཡི་ཡོན་ཏན་དྲི། ལྕེས་མེའི་ཡོན་ཏན་རོ། ལུས་ཀྱི་རླུང་གི་ཡོན་ཏན་རེག་བྱ་འཛིན་པར་བྱེད་དོ། གསུམ་པ་རྩ་རླུང་ཐིག་ལེ་ཇི་ལྟར་གྲུབ་པའི་ཚུལ་ནི། དེ་ལྟར་ཁམས་དང་སྐྱེ་མཆེད་རྫོགས། ཅེས་སོག་ཚིག་བཅད་གསུམ་གྱི་སྟོན་ཏེ། དེ་ཡང་། དེ་ལྟར་ཕུང་པོ་དང་ཁམས་དང་སྐྱེ་མཆེད་དག་པ་རྫོགས་ནས། ཕྲ་བའི་རྩ་རྣམས་ནི་རྩ་འཆགས་པའི་ཉིན་ཞག་ནས་བཟུང་སྟེ། ཞག་རེ་ལ་རྩ་ཉིས་བརྒྱ་རེ་ཆག་པ་ལས་ཟླ་བ་རེ་ལ་རྩ་དྲུག་སྟོང་རི་ཆགས་པས་མངལ་གྱི་ཟླ་བ་དགུ་ལ་རྩ་སྟོང་ཕྲག་ལྔ་བཅུ་ལྔ་བཞི། དེའི་སྟེང་དུ་སྐྱེས་ནས་ཟླ་བ་གསུམ་དང་བཅས་པ་བདུན་ཅུ་རྩ་གཉིས་རྫོགས་ལ། དེ་ལྟར་རྫོགས་པ་ཐག་ནས་ཞག་རེ་ལ་རྩ་གཉིས་གཉིས་སྐམ་པར་གསུང་པ་ཡང་། རྩ་དེའི་བྱེད་

(༣༩)པ་ཉམས་འགྲོ་བ་ཡིན་གྱིས་རྩ་བ་ནས་སྐམ་འགྲོ་བ་ནི་མ་ཡིན་ཞིང་། རྩ་ཕྲ་བ་ནི་ལུས་ཀྱི་སྟོབས་མ་རྫོགས་ཀྱི་བར་དུ་སྐྱེ་བ་ཡིན་པས་རྩ་བྱེ་བ་ཕྲག་ཕྱེད་དང་བཞི་དང་། མདོ་རེ་ལས་དེ་ལས་ཀྱང་མང་བར་གསུངས་སོ། དེ་ལྟར་ཟླ་བ་བརྒྱད་པ་ཕན་ཆད་ལ་ལྕེ་དབང་མ་གྲུབ་པས་མའི་རྩ་རོ་མའི་མར་སྣ་དང་རང་གི་ལྟེ་བའི་རྩ་འབྲེལ་པ་ལས། མའི་ཁ་ཟས་ཀྱི་དངས་མས་ལུས་བརྟས་པར་བྱེད་ལ། དེ་ནས་ལྕེ་།།།ཟླ་བ་དགུ་པ་ནས་མི་གཙང་བ་ཟ་ཞིང་། དེ་ནས་དྲི་ཆུ་ལ་དག་པའི་སྙིག་མའི་ཁམས་རྣམས་འབྱུང་ཞིང་། བཀྲེས་སྐོམ་ཚོགས་བ་མ་དག་བདེ་དག་ཡང་ཉམ་དུ་མྱོང་ལ། བཙའ་བའི་དུས་ལ་བབ་པ་དེའི་ཚེ་འབྱིན་པའི་རླུང་གི་མགོ་མཇུག་བསྒྱུར་ནས་སྐྱེ་བར་བྱེད་པ་ཡིན་ཞིང་། དེ་ཡི་ཚེ་མའི་ལྟོ་བ་འདྲལ་བར་བྱེད་པས་ན་མའི་ཡི་།།།གནས་སྐབས་སོ། དེ་ལྟར་མངལ་དུ་གནས་པ་དང་སྐྱེ་བ་ལ་སོགས་པའི་གནས་སྐབས་ཀྱི་རླུང་གི་།།།དྲག་པོ་མྱོང་བར་འགྱུར་ཏེ། མངལ་དུ་གནས་པའི་ཚེ་བུམ་ནང་དུ་འཚེད་པ་ལྟ་བུ་དང་། སྐྱེ་བའི་ཚེ་།།།བ་ལྟ་བུ་དང་། སྐྱེས་ནས་ལྤགས་པ་བཤུས་ནས་ཚེར་མའི་དོང་དུ་ལྷུང་བ་ལྟ་བུ་འབྱུང་ཞིང་། མངལ་གྱི་ཞག་བདུན་ཕྲག་སུམ་བཅུ་རྩ་བརྒྱད་པོ་རེ་རེ་ལ་རླུང་མ་གཅིག་པ་རེ་རེ་བསྐྱེད་བར་བྱེད་དེ། དང་པོ་ལྔའི་ཡིད་ནི་བཤད་ཟིན་ལ། དེ་ནས་ཟབ་ཀྱི་རླུང་ལ་སོགས་པའི་མིང་རྣམས་ཞིང་དགའ་བོ་

(༤༠)མངལ་འཇུག་ལས་བཤད་དོ། གསུམ་པ་མཇུག་བསྡུ་བ་ནི། དེ་ལྟར་ཕུང་པོ་ཁམས་སྐྱེ་མཆེད། ཅེས་སོགས་ཚིག་བཅད་གཅིག་གི་སྟོན་ཏེ། དེ་ཡང་ཕུང་པོ་ཁམས་དང་སྐྱེ་མཆེད་རག་པ་དང་ཕྲ་བ་རྩ་རླུང་ཐིག་ལེ་ལས་གྲུབ་པ་ཐམས་ཅད་ཀྱང་དྲི་མ་དང་བཅས་པའི་སེམས་ཀྱི་དེ་བཞིན་ཉིད་རྒྱུ་རྒྱུད་འོད་གསལ་བ་མ་འབྱུང་ཞིང་། ཕྱི་རོལ་རྡུལ་ཕྲན་ལ་སོགས་ལས་བྱུང་བ་མ་ཡིན་ཏེ། ཐམས་ཅད་སེམས་ཀྱི་སྣང་བ་ཡིན་པས་སོ། དེ་ལྟར་ལུས་གྲུབ་ནས་སྐྱེ་བར་།།།གསུང་པའི་ངེས་པས་དྲི་མ་དང་བཅས་པའི་གཞི་དུས་ཀྱི་སྤྲུལ་པའི་སྐུ་ཡིན་ལ། དེ་ཡང་ཡུལ་སུ་ནི་ཆོས་ཀྱི་དབྱིངས་ལས་བྱུང་བ་ཡིན་བས་ན། །མའི་ཆོས་ཀྱི་འབྱུང་གནས་ནི་ཆོས་དབྱིངས། ཟླ་བ་བཅུ་ནི་ས་བཅུ། མ་ནི་མཁན་པོ། དབུ་མ་ཆོས་གོས། །ཨ་ན་ནི་ཕྲ་རག་གི་བཟླས་པ། བཅས་ནས་འཁུ་བ་སོགས་བྱམས་པའི་དབང་བདུན་དང་། གནས་སྐབས་བཞིའི་སེམས་ཀྱི་རང་བཞིན་ནི་སྐུ་བཞི་ཡིན་ལ། རང་བཞིན་དེ་ཡང་གཞི་ལམ་འབྲས་བུའི་གནས་སྐབས་ཐམས་ཅད་དུས་འགྱུར་བ་མེད་པར་རང་བཞིན་དུ་ཆག་པ་ཡིན་ཏེ། རྒྱུད་ནི་རྒྱུན་ཆག་ཅེས་བྱ་སྟེ། འཁོར་བ་རྒྱུད་དུ་འདོད་པ་ཡིན། ཅེས་གསུངས་པས་སོ། དེ་ལྟར་ཟབ་མོ་ནང་གི་དོན་རྒྱས་པར་བཤད་པ་ལས། མངལ་དུ་ལུས་འགྲུབ་པའི་ཚུལ་སྟེ་གཉིས་པའོ། དེ་ནས་གསུམ་རྩའི་བཀོད་པ་བཤད་པ་ནི། རག་པའི་ལུས་ལ་གནས་པའི་ཕྲ་བའི་རྩ་མ་ཤེས་ན་དེའི་ནང་དུ་གནས་པའི་རླུང་དང་ཐིག་ལེ་ཡེ་ཤེས་ལ་དེ་མ་ཤེས་ན་ཟབ་པའི་དོན་

(༤༡)མི་ཤེས་ཆལ་བའི་ཕོ་ནང་གི་དོན་ལྔ་དང་འགལ་བ་ཡིན་ལ་དེས་ན་རྩའི་བཀོད་པ་ལ་མདོར་བསྟན་པ་རྒྱས་པར་བཤད་པ། མཇུག་བསྡུ་པ་གསུམ་གྱི་དང་པོ་ནི། དེ་ནས་རྩ་རྣམས་གནས་ཚུལ་བཤད། ཅེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་ལུས་གྲུབ་པའི་ཚུལ་བཤད་པ། དེ་ནས་རག་པའི་ལུས་དེ་ལ་ཕྲ་བའི་རྩ་རྣམས་གནས་པའི་ཚུལ་བཤད་པ་ནི། དབུ་མ་རོ་རྐྱང་གསུམ་རྩའི་གཙོ་བོ་བཅུ་བཞི་རྩ་བཞི་ནས་སུམ་བཅུ་རྩ་གཉིས་དང་། བྱང་ཕྱོགས་སོ་བདུན་གྱི་རྩའི་བར་དང་། འཁོར་ལོ་བཞི་དང་། དྲུག་དང་། བཅོ་བརྒྱད་ཀྱི་བར་དང་། རླུང་འཁྲིས་བད་ཀན་གྱི་།།།སྐྱེས་པའི་རྩ་དང་བཅས་པའི་རྩ་སྟོང་ཕྲག་བདུན་ཅུ་རྩ་གཉིས་དང་། དེ་བས་ཀྱང་ཕྲ་བ་རྩ་བྱེ་བ་ཕྲག་བྱེད་བཞི་དང་། ཞར་ལ་རྩ་དེ་དག་ཁམས་གི་བསྐྱེད་པ་།།།གཉིས་པ་རྒྱས་པར་བཤད་པ་ནི། མདོར་བསྟན་གྱི་གོ་རིམ་བཞིན་འབྱུང་བ་ལས། དང་པོ་དབུ་མ་པ་ངོ་བོ་བཤད་པ་དང་། ལུང་གི་བསྒྲུབ་པ་གཉིས་ལས་དང་པོ་ནི། ཐོག་མར་།།། ཅེས་སོགས་ཚིག་བཅད་གསུམ་དང་རྐང་པ་གཉིས་གི་སྟོན་ཏེ། དེ་ཡང་ཐོག་མར་རག་པ་ཕུང་ཁམས་སོ་དྲུག་དང་། ཕྲལ་རྩ་ལ་སོགས་པ་ལུས་བསྐྱེད་པའི་གཞིར་གྱུར་པའི་དབུ་མ་གང་ཡིན་པ་ལ། ཁ་གཅིག་གི། དོན་དམ་པའི་དབུ་མ་དང་གནས་པའི་དབུ་མ་གཉིས་ཡོད་པ་ལས། སྔ་མ་ནི་རྣལ་འབྱོར་པས་ཏིང་ངེ་འཛིན་གྱི་སྤྱོད་ཡུལ་གཟུགས་ལ་མཐོང་

(༤༢)པ་ཡིན་ཞིང་། ཕྱི་མ་ནི་མ་ཤིའི་བར་དུ་ལུས་ཀྱི་དབུས་ན་གནས་ཤིང་། ཤི་ནས་འཇའ་བཞིན་ཡལ་འགྲོ་བར་བཤད་པ་དང་། ཁ་གཅིག་གི་སྒལ་ཚིག་གི་ནང་གི་གཞུང་པ་ལས་བཤད་ཅིང་། ཁ་གཅིག་གཞུགས་པའི་དབུས་ན་ཡར་རྟ་རྔ་ཙམ་ཞིག་ཡོད་པར་བཤད་པ་སོགས་དུ་མ་བྱུང་ཡང་། དེ་དག་ནི་དཔྱད་པ་གསུམ་གྱི་དག་པའི་རྒྱུད་ཀྱི་ལུང་འབྲེལ་པ་མེད་ལ། དེ་།།།སྔར་བཤད་པའི་སྲོག་རླུང་དེའི་རྟེན་བྱེད་པས་ན་དེ་དང་བཅས་པ། དེ་ཡང་འཁོར་ལོ་དྲུག་གི་རྩུས་ན་དྲང་སོགས་གནས་པ་ལས། འཁོར་ལོ་རྣམས་ཀྱི་བར་ཐག་ནི་རང་སོར་བཅུ་གཉིས་།།། པོའི་དབང་དུ་ན་གསང་གནས་ནས་སྤྱི་གཙུག་གི་བར་དང་། འཁོར་དང་བཅས་བའི་དབང་དུ་ན། མར་སྣ་རྡོ་རྗེ་ལྟ་བུར་དང་། ཡང་སྣ་སྨིན་འཚམས་གྱི་བར་དུ་སོན་ལ། །།།དཀར་ཆའི་དངས་མས་བཀག་པའི་ཚུལ་གྱི་གནས་ཤིང་མར་སྣ་ལྟེ་བའི་བོག་ཏུ་མ་ལས་ཐོབ་པའི་དམར་ཆ་ཁྲག་གི་དངས་མ་ལ་ཨ་ཐུང་ཞིང་རྣམ་པར་བརྗོད་དེ། དེ་གཉིས་ཀྱི་བར་ན་ཀུན་གཞིའི་རྟེན་སྲོག་རླུང་གི་གང་ནས་གནས་སྟེ་སྟེང་སང་ངེ་བ་དེ་ལ་ནམ་མཁའ་དང་འདྲ་བ་ཡིན་ལ། དེ་ལ་དུས་ཀྱི་འཁོར་ལོ་ལས། ལྟེ་བ་ཡན་ཆད་དགྲ་གཅན་གྱི་རྩ་དང་། མན་ཆད་ལ་དུས་མེ་ཡི་རྩར་ཤེས་པ་ཡིན་ནོ། ཅི་འོ་ན། ཀྱེ་རྡོ་རྗེ་ལས། ཤེས་རབ་ཟླ་བ་འབབ་བཤད་པ། དེ་ནི་ཀུན་འདར་མར་རབ་གྲགས། ཅེས་གསུངས་པས།

(༤༣)དབུ་མ་པ་ཁུ་བ་འབབ་པ་མ་ཡིན་ནམ་ཞེ་ན། དེ་ནི་བདེན་ཏེ། ལྟེ་འོག་རྩ་གསུམ་འདུས་མདོ་མན་ཆད་ཀྱི་དབུ་མ་པ་དུང་ཅན་མ་ཞེས་བྱ་ལ། དེས་ཁ་བདག་བྱས་ནས་རྩ་ཐམས་ཅད་ཀྱི་དཀར་ཆ་རྩ་གཉིས་འདུས་མདོ་ནས་རྒྱུད་གཅིག་ཏུ་འདྲིལ་ནས་འབབ་པས་བདེ་བའི་རྟེན་བྱེད་པས་དེ་སྐད་དུ་བཤད་པ་ཡིན་ནོ། གཉིས་པ་ལུང་གི་བསྒྲུབ་པ་ནི། འདི་ནི་སྡོམ་པ་འབྱུང་བ་ལས། ཅེས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་པ་ལས། དེ་འབྲུ་ཉོན་དང་སྦྱར་ན། དབུ་མ་ནི་སྙིང་གའི་ཆུ་སྐྱེས་ཀྱི་དབུས་སུ་སོན་པ་ལས་སྟེང་འོག་དུ་གྱེས་པ། ཆུ་ཤིང་གི་མེ་ཏོག་ལྟར་དངས་པ། དཀར་དམར་།།། དེའི་སྟེང་གི་རྩེ་མོར་ནམ་ནི་ཐུར་དུ་འཕྱང་ཞིང་མགོ་བོ་འོག་ཏུ་བལྟ་བས། མར་སྣ་ལྟེ་འོག་དུ་ཨ་ཤད་མར་མེ་ལྟ་བུ་གྱེན་དུ་འབར་བས་བརྒྱན་པ། དེས་འོག་རྩ་གསུམ་འདུས་མདོ་ནས་རྩ་ཐམས་ཅད་།།།སེམས་གཅིག་ཏུ་མཉམ་པར་འབབ་པ། དེ་ཉིད་ཨ་བ་དུ་ཏིར་ཤེས་པར་བྱ་སྟེ། དེ་ནི་རྒྱུ་འབྲས་ཀྱི་མཚན་ཉིད་ཅན་གྱི་ལྷན་གཅིག་སྐྱེས་པ་སྟེར་བར་བྱེད་པའོ། དེ་ཡང་མདོར་ན་ལུས་ཅན་རྣམས་ཀྱི་སྲོག་ཡིན་པར་བཤད་པ་ཡིན་ལ། འདི་ལ་དབུ་མ་པ་དང་། །ཨ་བྷུ་ཏྲི་སྟེ་ཀུན་སྤང་མ། ཡིད་བཟང་མ་དང་། ཕྲ་གཟུགས་མ་དང་། ཐར་པའི་ལམ་པོ་ཆེ་དང་། གདན་བཞི་ལས། ནང་གི་ཤིང་གཅིག་ཞེས་སོགས་མིང་དུ་མས་བསྟན་པ་ཡིན་ལ། རྙིང་མ་པ་རྣམས་ཀྱི་བཤད་པའི་སྙིང་ག་དངས་མ་ལྔའི་ཡེ་ཤེས་དང་། དེའི་རྟེན་དུ་གྱུར་པའི་ཐིག་ལེ་སྲན་མ་ཙམ་ཡོད་ཅེས་པ་ཡང་། ཤའི་དངས་མ་

(༤༤)རྩ་དབུ་མ་ཁྲག་གི་དངས་མ་ལ་ཤད། རུས་པའི་དངས་མ་མིག །རླུང་གི་དངས་མ་སྲོག་ཆེན་པོ། དངས་མའི་དངས་མ་ཀུན་གཞི་ཡིན་བས་འདི་ལ་དགོངས་པ་ཡིན་ཞིང་། དེ་ལས་གཞན་པའི་ཐིག་ལེ་བསྒོམ་བ་ནི་གྲངས་ཅན་པའི་བདག་ཉམ་པ་ལྟ་བུར་གྱུར་པས་སངས་རྒྱས་རྣམས་ཀྱི་བཀག་པ་ཡིན་ལ། སྐྱེ་བ་བདུན་པ་བསྒྲུབ་པའི་སྐབས་དུ་རོ་ཙ་ནའི་ཐིག་ལེ་ཡོད་པར་བཤད་པ་ཡང་། རྣམ་འབྱོར་གྱི་སྟོབས་ཀྱི་སྙིང་དཀར་དམར་ཕྲད་པའི་ཚེ་རོ་བཅུད་ཕུན་སུམ་ཚོགས་པ་འབྱུང་བས་དེ་ལ་དགོངས་པ་ཡིན་གྱི། ཐིག་ལེའི་དོན་གཞན་ཡོད་པ་ནི་མ་ཡིན་ནོ། འོ་ན་དབུ་མ་འདི་རྣམ་ཤེས་ཀྱི་དབུ་མ་ཞེས་བྱ་བ་ཡིན་ལ། ཡེ་ཤེས་གཉིས་ལས་གང་ཡིན་ཞེ་ན། འདི་ནི་རོ་རྐྱང་ལ་ལྟོས་ནས་འདིས་རྟོག་མེད་གྱི་རྟེན་བྱེད་ཡེ་ཤེས་ལ་ཉེ་བའི་ཕྱིར་དབུ་མར་བཞག་པ་ཡིན་ཞིང་། རང་གི་ངོ་བོ་ནི་ལས་རླུང་གི་རྟེན་བྱེད་པའི་ཕྱིར་རྣམ་ཤེས་ཀྱི་ཕྱོགས་ཡིན་པས་ལས་ཀྱི་དབུ་མ་ཞེས་བྱ་བ་ཡིན་ལ། ཡེ་ཤེས་ཀྱི་དབུ་མ་ཆེན་པོ་ནི་རྩ་ཐམས་ཅད་ཀྱི་ཁྱབ་བྱེད་ཡིན་ཏེ། ཀྱེ་རྡོ་རྗེ་ལས། སྲིད་གསུམ་ཡོངས་གྱུར་ཐམས་ཅད་ནི། ཅེས་དང་། མཁའ་འགྲོ་རྒྱ་མཚོ་ལས། འདི་ལྟར་དབུ་མ་ཐམས་ཅད་ཀྱི། ཁྱབ་བྱེད་དུ་ནི་རྣམ་པར་གནས། ཅེས་གསུངས་པའི་མཚན་ཉིད་ཅན་ཡིན་ནོ། གཉིས་པ་རོ་རྐྱང་བཤད་པ་ལ། ངོ་བོ་དང་། ལུང་གི་སྒྲུབ་པ་གཉིས་པས་དང་པོ་ནི། གཡས་གཡོན་རོ་རྐྱང་གཉིས་པོ་ནི། ཞེས་སོག་ཚིག་བཅད་ཕྱེད་དང་བཞིས་སྟོན་ཏེ། དེ་ཡང་དབུ་མའི་གཡས་གཡོན་དུ་རོ་རྐྱང་གཉིས་པོ་ནི། ལྟེ་བའི་འོག་རྩ་གསུམ་འདུས་

(༤༥)མདོ་ནས་གྱེས་ནས་མཁལ་མའི་རྩ་བོ་ཆེ་ལ་འབྲེལ། དེ་ནས་སྙིང་གར་ཅུང་ཟད་འདུས་ཏེ་གཡས་ཁྱབ་བྱེད་ཀྱི་རྟེན་གྱི་རྩ་དང་འབྲེལ་ཞིང་། གཡོན་ནས་ལྷ་སྦྱིན་གྱི་རྟེན་གྱི་རྩ་དང་འབྲེལ་ནས་མཆན་འབོད་བརྒྱུད་དེ་སྨན་དཔྱད་ནས་རྩ་རྡུལ་འདུ་དང་འབྲེལ་ནས་མགྲིན་པར་འདུས་ཏེ་ལྕེའུ་ཆུང་ངུ་ཟུག་ནས་རྣ་བའི་འགོ་བྲ་ཕུག་ཅིང་ལྗོན་ཤིང་རྩ་དང་འབྲེལ་ཏེ་ཀླད་རྒྱར་ཕུག་ན་སྤྱི་བོར་འབྲེལ་ན་སྣ་བུག་གཉིས་སུ་ཡར་སྣ་འབྱུང་བ་ཡིན་ལ། འོག་ཏུ་ཡང་རྩ་གསུམ་འདུས་ཡོད་ནས་གྱེས་ཏེ། ཁྲག་དང་དྲི་ཆེན་གཉིས་ཀྱི་འབྱིན་དོར་ཀྱི་ལས་ནི། གཡས་རོ་མ་བྱེད་ཅིང་། གཡོན་རྐྱང་མས་དྲི་ཆུའི་འབྱིན་སྡོམ་བྱེད་པར་བཤད་པ་ཡིན་ལ། ལྟེ་ནི་དུས་སྦྱོར་གྱི་རྟེན་མིན་ལ། ལྟེ་བར་ཕུང་པོ་སུམ་བཅུ་རྩ་དྲུག་དང་ཁམས་ལྟེ་བའི་སྟེང་ཕན་ཆད་རླུང་རྒྱུ་བ་ཡིན་ཏེ། ལྟེ་བར་རྩ་ནི་དབུ་མ་ལས་གྱེས་པའི་རྩ་བཞི་དེ་ལས་བར་ཐག་དང་འབྲེལ་སྟེ་གཉིས་གཉིས་སུ་གྱེས་པས་བཅུ་གཉིས། དེ་ལས་ལྔ་ལྔ་གྱེས་པས་དྲུག་བཅུ་དང་སྟོང་པའི་རྩ་བཞི་ལྟེ་དྲུག་བཅུ་རྩ་བཞི་ནི་དུས་སྦྱོར་གྱི་རྟེན་ཡིན་ལ། ལྟེ་བར་ཕུང་པོ་སུམ་བཅུ་རྩ་དྲུག་དང་ཁམས་སུམ་བཅུ་རྩ་དྲུག་སྟེ་བདུན་བཅུ་རྩ་གཉིས་ཀྱི་རྩ་ཡོད་པར་བཤད་པ་ཡང་དུས་སྦྱོར་གྱི་རྩ་སྐོར་ལ་བཤད་པ་ཡིན་ཞིང་། དེས་ནི་ཕྱི་རོལ་དུ་སྟེང་དུ་སྣ་བུག་དང་། སྒོ་གཉིས་ནས་རྒྱུ་བའི་རླུང་དང་། ནང་དུ་སྲོག་ཆེན་པོའི་རླུང་ཀུན་གྱི་གོས་བསྐྱེད་པ་ཡིན་ནོ། གཉིས་པ་ལུང་གི་བསྒྲུབ་པ་ནི། འདི་ནི་དང་པོའི་སངས་རྒྱས་ལས། ཅེས་སོགས་ཚིགས་བཅད་གཉིས་དང་རྐང་

(༤༦)པ་གསུམ་གྱི་སྟོན་ཏེ། ལུང་དེ་འབྲུ་ནོན་དང་སྦྱར་ན། རྩ་དེ་ནི་ཐུར་དུ་གཤང་གཅི་ཁུ་བ་འབབ་པའི་རྩེ་གསུམ་སྟེ། དེ་བཞིན་དུ་གྱེན་དུའང་རྩ་གསུམ་མོ། རྩེ་གཉིས་པོ་དེ་ཡང་དགྲ་ཅན་ཏེ་དབུ་མའི་རྩེ་མོའི་དབུས་ན་གནས་ཤིང་། ཉི་མ་སྟེ་རོ་མའི་རྩེ་མོ་གཡས་པ་ལའོ། ཟླ་བ་སྟེ་རྐྱང་མའི་རྩེ་མོ་གཡོན་པ་ལའོ། དེ་ཡང་ཀྱང་མ་ལས་ཆུ་རླུང་དང་། རོ་མ་ལས་མེའི་རླུང་དང་། དབུ་མ་ལས་ནམ་མཁའི་རླུང་རྒྱུ་ཞིང་། གཡས་གཡོན་དབུ་མ་གཉིས་པོའི་མར་སྣ་ནས་རིམ་པ་བཞིན་གཤང་བ་གཅི་མཁུལ་རྣམས་རྒྱུ་ལ། འཁོར་ལོའི་སོ་སོའི་ལྟེ་བར་ལྕགས་སྒྲོགས་བཅིངས་པ་ལྟ་བུར་རྩ་རྣམས་འདུད་ཏེ་གནས་ཤིང་། དེ་ལྟར་སྟེང་དུ་སྲོག་གི་ལམ་གསུམ་དང་འོག་དུ་ཐུར་སེལ་གྱི་ལམ་གཉིས་ཉིད་ཡིན་ཞེས་པའོ། གསུམ་རྩའི་གཙོ་མོ་ཉི་ཤུ་རྩ་བཞི་ནས། སུམ་བཅུ་རྩ་གཉིས་དང་རྩ་བདུན་གྱི་བར་བཤད་པ་ལ། སྤྱིར་བཤད་པ། རྩ་ཉི་ཤུ་རྩ་བཞིའི་ངོ་བོ་བཤད་པ། སྦས་པའི་རྩ་ལྔ་བྱེ་བྲག་དུ་བཤད་པ་གསུམ་ལས། དང་པོ་ནི། འདི་ལས་གྱེས་པའི་རྩ་ཆེན་པོ། ཅེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་རྩ་གཙོ་བོ་གཉིས་པོ་འཁོར་ལོ་སོ་སོའི་གནས་སུ་འདུ་ཏེ་ནང་ཁང་འབྲེལ་པ་འདི་ལ་གྱེས་པའི་མི་ཕྱེད་མ་ལ་སོགས་ཉི་ཤུ་རྩ་བཞི་སྟེ། ནང་ལུས་ལ་རྩ་དང་། སྤྱི་རོལ་དུ་ཡུལ་ཉི་ཤུ་རྩ་བཞི། གཞན་དུ་།།།རྣལ་འབྱོར་མ་ཉི་ཤུ་རྩ་བཞི་ཡིན་ལ། དེའི་སྟེང་དུ་སྙིང་གའི་ཡན་ལག་གི་རླུང་བརྟན་པའི་རྩ་ལྔ་དང་། རྩའི་གཙོ་བོ་གསུམ་སྟེ་བརྒྱད་བཅས་པས་སུམ་བཅུ་རྩ་གཉིས་སྟེ། དེ་ནི་དཀར་ཕྱོགས་བཅོ་ལྔ་དང་ནག་

(༤༧)ཕྱོགས་བཅོ་ལྔ་སྟེ་གཉིས་ཀྱི་ཆ་བཅུ་དྲུག་པ་རེ་སྟེ་སུམ་བཅུ་རྩ་གཉིས་ཀྱི་རྟེན་ཡིན་ཞིང་། དེ་ཡང་དཀར་ཕྱོགས་ཀྱི་ཆ་བཅུ་དྲུག་པའི་རྟེན་གྱི་ཀུན་འདར་མ་དང་། ནག་ཕྱོགས་ཀྱི་ཆ་བཅུ་དྲུག་པའི་རྟེན་བདུད་བྲལ་མ་ཡིན་སྟེ། དེ་ལྕེའུ་ཆུང་ལ་གནས་པ་ཀྱེའི་རྡོ་རྗེ་ལས་བཤད་དོ། དེའི་སྟེང་དུ་རྩ་བའི་རླུང་ལྔའི་རྟེན་གྱི་རྩ་དང་བཅས་པས་སུམ་བཅུ་རྩ་བདུན་ཡིན་ལ། རྩ་བའི་རླུང་ལྔ་ཡི་རྟེན་གྱི་ངོ་བོ་ནི། ལྟེ་འོག་མན་ནི་ཡེ་ཤེས་ཀྱི་ཁམས་ཐུར་སེལ་འབབ་པའི་རྩ་དང་། ལྟེ་བ་ཡན་ནམ་མཁའི་ཁམས་སྲོག་གི་སྟེན་བྱེད་པའི་རྩ་དང་། སྙིང་གའི་ནང་ནས་མེ་མཉམ་རྒྱུ་བའི་རྩ་སྣར་མ་དང་། མེ་འཚམས་ནས་གྱེན་རྒྱུའི་རྟེན་གླང་ཆེན་ལྕེ་དང་། ལྟེ་ནས་ཁྱབ་བྱེད་ཀྱི་རྟེན་པོར་སྐྱ་སྟེ། དེ་ལྟར་གཞི་ལ་ཕུང་སོག་པོ་དྲུག །ཁྱབ་བྱེད་བསམ་དུ་མེད་པའི་ཐུགས་རྡོ་རྗེ་དང་སོ་བདུན་ལམ་དུ་བྱང་ཕྱོགས་སོ་བདུན། འབྲས་བུ་ལ་འབྲས་དུས་ཀྱི་བྱང་ཕྱོགས་སོ་བདུན་དུ་འགྱུར་བ་ཡིན་ནོ། གཉིས་པ་ཉི་ཤུ་རྩ་བཞིའི་ངོ་བོ་ནི། ཤ་རམ་པས། དཀར་ཕྱོགས་བཅོ་ལྔ་ནག་ཕྱོགས་བཅོ་ལྔ་དེ་གཉིས་ཀྱི་ཆ་བཅུ་དྲུག་པ་རེ་རེ་སྟེ་སོ་གཉིས་པོ་དེའི་སྟེང་ནས། ཉི་ཤུ་རྩ་བཞི་ལ་མི་ཕྱེད་མ་སོགས་སུ་བྱས་ནས་ལྷག་མ་རྣམས་སྦས་བར་བཤད་པ་ཡིན་ལ། འདིར་ནི་བདེ་མཆོག་དང་། སམྦུ་ཊི་ལས། རྐྱང་མ་དང་འབྲེལ་པའི་རྩ་བཅུ་བཞི་སྟོད་ཀྱི་ཆ་མ་གནས་པ་དང་། རོ་མ་འབྲེལ་པའི་རྩ་བཅུ་སྨད་ཀྱི་ཆ་ལ་གནས་པ་དང་། དབུ་མ་དང་འབྲེལ་བའི་རྩ་བཅུ་སྟེ་སོ་བཞིར་བཤད་པ་ལས།

(༤༨)དབུ་མའི་བཅུ་པས་ནས་གཞན་རྣམས་ལ་མི་ཕྱེད་མ་ལ་སོགས་སུ་བཤད་དེ། དེ་ཡང་། འདི་ནི་གཡོན་གྱི་ཆར་སྐྱེས་པ། ཅེས་སོགས་ཚིག་བཅད་བདུན་དང་རྐང་པ་གཅིག་གི་སྟོན་ཏེ། དེ་ཡང་འདིའི་གཡོན་པ་རྐྱང་མའི་ཆ་ལས་གྱེས་པའི་རྩ་བཅུ་བཞི་ནི། མི་ཕྱེད་མ་ནི་ཚོགས་མར་གནས། ཕྲ་གཟུགས་མ་ནི་སྤྱི་གཙུག་འབྲེལ། བརྩེ་བ་མ་ནི་རྣ་གཡས་ཏེ། གཡོན་པ་མ་ནི་ལྟག་རྩའོ། །།།ཞེས་བྱ་རྣ་བ་གཡོག །རུས་པས་སྐྱེས་མ་སྨིན་དབུས་ཏེ། མིག་གི་ཕྱི་རོལ་ཞོམ་པ་མོ། དཔང་མ་ཕྲག་པ་གཉིས་ཀྱི་རྩ། སྐྱོན་མ་མཆན་ཁུང་རྩ་ཡིན་ཏེ། འཇུག་མ་དབུས་བྱ་ནུ་མའི་རྩ། མ་མ་ལྟེ་བའི་རྩ་ཡིན་ཏེ། སྣ་རྩེར་ཟུག་པ་མཚན་མོའོ། །ཁ་ལ་གནས་པའི་བསལ་།།།སྦྱིན་མ། མགྲིན་དབུས་ཚ་བ་མ་གནས་སོ། ཅེས་སྟེ། དེ་ལྟར་རྒྱང་མ་ལ་བཅུ་སྟེ་དེ་དག་ཀུན་བརྟེན་པ་ལས། འདི་དག་རྣམས་ཀྱང་བསམ་པའི་སྒོ་ནས་ཤེས་རབ་དང་། ལུས་ཀྱི་སྒོ་ནས་ཐབས་ཀྱི་རང་བཞིན་ཡིན་ནོ། རོ་མ་ལ་བརྟེན་པ་བཅུ་པོ་ཡང་བསམ་པའི་སྒོ་ནས་ཐབས་དང་། ལུས་གྱི་སྒོ་ནས་ཤེས་རབ་ཀྱི་མ་ཡིན་ཏེ། དེ་ཡང་། གཞོལ་མ་བྲང་གི་གཞུང་དུ་གནས། དྲངས་མ་ལྒང་བར་འབྲེལ་བ་ཏེ། ཤིན་ཏུ་གཟུགས་ཅན་མཚན་མར་གནས། སྤྱི་མ་འོག་སྒོར་འབྲེལ་བ་སྟེ། རྒྱུ་སྦྱིན་བརླ་ཡིད་རྩ་ཆེན་ཡིན། སྦྱོར་བྲལ་བས་ནི་

(༤༩)བྱིན་པར་གནས། སྡུག་གུ་རྐང་པའི་སོར་མོར་འབྲེལ། གྲུབ་མ་བོལ་གོང་རྩ་ཡིན་ཏེ། འཚེད་མ་རྐང་འཐེབ་སྤུ་འཁྲིལ་རྩ། ཡིད་བཟང་པུས་མོའི་གཉན་གོང་གནས། ཅེས་སྟེ། དེ་ལྟར་ལུས་ཀྱི་རྩ་གནས་དེ་རྣམས་སུ་ཁམས་ཀྱི་ནུས་པ་ཁྱད་པར་བ་རེ་མདོ་པར་འདོད་པ་ཡིན་ནོ། གསུམ་པ་སྦས་པའི་རྩ་ལྔ་བྱེ་བྲག་དུ་བཤད་པ་ནི། །།། ཞེས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་ཏེ། དེ་ཡང་། སུམ་སྐོར་མ་དང་། འདོད་པ་དང་། ཁྱི་མ་དང་། གཏུམ་མོ་ཞེས་བྱ་བའི་རྩ་བཞི་ནི། རིམ་པ་བཞིན་དུ་།།། འབྲེལ་ནས་གཟུགས་འཛིན་པ་ལ་སོགས་པའི་དབང་པོའི་བདག་རྐྱེན་བྱེད་ཅིང་། རྩ་བ་རྣམས་སྙིང་གའི་དབུས་ནས་རླུང་རྒྱུ་ལ། དབང་པོའི་བདག་ཡང་ཕྱོགས་གཅིག་བྱེད་པ་ཡིན་གྱི་དབང་པོ་དངོས་སུ་རྫོགས་པ་ལ་ནི་རྩ་དང་། དེའི་ནང་དུ་རྒྱུ་བའི་རླུང་དང་དེ་དང་ལྡན་གཅིག་ཏུ་གནས་པའི་ཐིག་སྟེ་ཐམས་ཅད་ཚོགས་པ་ལས་འབྱུང་བ་ཡིན་ལ། བཞི་པ་དེའི་སྟེང་དུ་བདུད་བྲལ་མ་ཞེས་བྱ་བ་རྩ་བ་སྙིང་སུ་ཟུག་ནས་རྩེ་མོ་ལྕེ་འུ་ཆུང་གི་དབུས་སུ་ཟུག་སྟེ་ནོར་ལས་རྒྱལ་གྱི་ཕྱོགས་གཅིག་གི་རྟེན་བྱེད་ཅིང་། རེག་བྱ་འཛིན་པ་དང་ཁམས་གྱེན་དུ་འདྲེན་པའི་ལས་བྱེད་ལ་དེར་མ་ཟད་འདིར་ནི་ལུས་ཀྱི་སྙིང་གི་དབུས་སུ་གནས་པའི་རྩ་བའི་རླུང་གི་རྩ་ལྔ་པོ་དེ་ཡང་དག་པར་གནས་པ་དེ་ལ་ཡང་སྦས་པའི་རྩ་ལྔར་བཤད་དེ། དེ་ཡང་སྲོག་གི་གནས་ནི་ཨ་བ་དྷུ་ཏི་དང་།

(༥༠)གཞན་གྱུར་སེལ་གྱི་རྟེན་དུང་དུང་ཅན་མ་ཡིན་པ་སོག་རྩ་བའི་རླུང་རྒྱུ་བའི་གནས་གོང་དུ་བཤད་པ་བཞིན་ཡིན་ལ། དེ་ལྟར་ཡན་ལག་གི་རླུང་གི་རྟེན་ལ་སྦས་པའི་རྩར་འཇོག་པ་ནི་ཡོན་ཏན་གྱི་སྒོ་ནས་བཞག་ཅིང་། རྩ་བའི་རླུང་ལྔའི་རྟེན་ལ་འཇོག་པ་ནི་ཁམས་ལྔའི་དབང་ལས་ཡིན་ལ། དེ་དག་ལ་སྦས་པའི་རྩར་འཇོག་པའི་རྒྱུ་མཚན་ཡང་། གཞི་ལ་སྙིང་གའི་མི་ཤོག་པ་གནས་སྐྱེ་མཆེད་གྱི་སྒོ་ལས་ཡུལ་ལ་མཆེད་པར་བྱེད་པ་དང་། དེ་རྣམས་བྱེད་བ་བཅིངས་པ་ལས་ལམ་དུ་སོར་བསམ་དུ། དུ་བ་ལ་སོགས་པའི་རྟག་བཅུ་འཆར་པ་དང་། སྲོག་འཛིན་དུ་ལུག་འབྱུང་ཟློག་གི་རྟེན་འབྲེལ་འགོག་པ་དང་། རྗེས་ཏིང་དུ་ལུག་ཟློག་གི་དགའ་རྩ་འཆར་བ་མ་སོགས་པའི་རྩ་ཡིན་པས་ན་འདི་ལ་སྦས་པའི་རྩ་ཞེས་བྱ་བ་ཡིན་ནོ། གཉིས་པ་འཁོར་ལོ་བཞི་དྲུག་འབྱེད་ལ་སོགས་པ་བཤད་པ་ལ། མདོར་བསྟན་པ་ལྟེ་བའི་འཁོར་ལོ་བཤད་པ༴ སྙིང་ག༴ མགྲིན་པ༴ སྤྱི་བོའི་འཁོར་ལོ་བཤད་པ། འཁོར་ལོ་དྲུག་བཤད་པ། བཅོ་བརྒྱད་དུ་བཤད་པ་སྟེ་བདུན་ལས། དང་པོ་ནི་དེ་ནས་འཁོར་ལོ་བཞི་དང་དྲུག །ཞེས་སོག་རྐང་པ་གཉིས་སྟེ། དེ་ཡང་འཁོར་ལོ་ཐམས་ཅད་ཀྱི་རྩ་བ་ནི་བཞི་ཡིན་པ་ལས། ལྟེ་བའི་འཁོར་ལོ་མ་འདས་མ་དྲུག་བཅུ་རྩ་བཞི་དང་། དེའི་ནང་སྐོར་ལ་འདབ་མ་བཅུ་གཉིས་ནི་དུས་སྦྱོར་གྱི་བདག་ཉིད་ཅན། དེར་བྱེད་པ་བཅིངས་པ་ལས་སད་པའི་གནས་སྐབས་དག་པར་བྱེད་ཅིང་། སྤྲུལ་པའི་སྐུའི་དགོངས་པ་འཆར་བར་བྱེད་དོ། ལམ་གཏུམ་མོ་མ་གནད་དུ་གཏོང་བའི་གནས་

(༥༡)ཡིན་ནོ། སྙིང་གའི་འཁོར་ལོ་འདབ་མ་བརྒྱད་ནི་ཐུན་ཚོད་གྱི་རང་བཞིན་ཅན། དེར་ཁྱེད་བ་བཅིངས་པ་ལས་གཉིད་འཐུག་གི་གནས་སྐབས་སྦྱོང་ཞིང་། ཆོས་སྐུའི་དགོངས་པ་འཆར་བར་བྱེད་པ། ལམ་འོད་གསལ་བ་གནད་དུ་གཏོང་བའི་གནས་ཡིན་ནོ། མགྲིན་པའི་འཁོར་ལོ་འདབ་མ་བཅུ་དྲུག་གི་འཕོ་བ་བཅུ་དྲུག་ནི་བདག་ཉིད་ཅན། དེའི་ཁྱེད་བ་བཅིངས་པ་ལས་རྨི་ལམ་གྱི་གནས་སྐབས་སྦྱོང་ཞིང་། ལོངས་སྐུའི་དགོངས་པ་འཆར་བར་བྱེད་ལ། ལམ་རྒྱུ་ལུས་ལ་གནད་དུ་གཏོང་བའི་གནས་ཡིན་ནོ། སྤྱི་བོ་བདེ་ཆེན་གྱི་འཁོར་ལོ་འདབ་མ་སོ་གཉིས་ནི་ཆུ་ཚོད་ཀྱི་བདག་ཉིད་ཅན། དེའི་བྱེད་པ་བཅིངས་པ་ལས་རྨི་ལམ་གྱི་གནས་སྐབས་སྐྱོང་ཞིང་། བདེ་བ་ཆེན་པོའི་སྐུའི་དགོངས་པ་འཆར་བར་བྱེད་པ། ལམ་ཐིག་ལེ་ལ་གནད་དུ་གཏོང་བའི་གནས་ཡིན་ནོ། དེ་ལྟར་བཞི་པོ་དེ་ཁྱབ་བྱར་བྱས་ནས། ཁྱབ་བྱེད་གསང་གནས་ཡེ་ཤེས་གྱི་འཁོར་ལོ་དང་། གཙུག་གཏོར་ནམ་མཁའི་འཁོར་ལོ་གཉིས་བསྟན་པ་འཁོར་ལོ་དྲུག་དང་། ཡན་ལག་གི་ཚིག་ཆེན་བཅུ་གཉིས་ཀྱི་འཁོར་ལོ་བསྣན་པས་བྱེད། ཉིང་ལག་གི་འཁོར་ལོ་ལ་སོགས་སུ་བར་དུ་ཕོད་དང་གཉིས་ལ་ལྟེ་བའི་འཁོར་ལོ་ཤེས་པ་ནི། ལྟེ་བ་སྤྲུལ་པའི་འཁོར་ལོ་ནི། ཞེས་སོག་ཚིག་བཅད་བརྒྱད་དང་རྐང་པ་གཅིག་གི་སྟོན་ཏེ། དེ་ཡང་ལྟེ་བ་སྤྲུལ་པའི་འཁོར་ལོ་ཟེར་བའི་རྒྱུ་མཚན་ནི། ཐོག་མར་ལུས་བསྐྱེད་པ་དང་སྤྲུལ་བའི་གནས་ཡིན་པས་ན་དེ་སྐད་བརྗོད་པ་ཡིན་ལ། དེ་ཡང་དབུས་བསལ་ལས་གྱེས་པའི་སྟོང་པའི་རྩ་བཞི་ལས་བརྒྱུད་དེ། འཕོ་བ་བཅུ་གཉིས་ཀྱི་རིམ་པས་རྩ་བཅུ་གཉིས། དེ་རེ་རེ་ལ་

(༥༢)ཁམས་ལྔའི་བདག་ཉིད་ཅན་གྱི་དཀྱིལ་འཁོར་འབབ་པའི་རྩ་ལྔ་ཚན་དུ་གྱེས་པས་དྲུག་བཅུ་སྟེ། དེ་ལས་གཡས་ཀྱི་སུམ་བཅུ་ནི་རོ་མ་དང་འབྲེལ་བ་གླང་ལ་སོགས་པ་མཉམ་པའི་དུས་སྦྱོར་དང་། གཡོན་པའི་སུམ་བཅུ་ནི་རྐྱང་མ་དང་འབྲེལ་བ་ལུག་སོགས་པ་མི་མཉམ་པའི་དུས་སྦྱོར་འཕོ་བའི་རྟེན་ཡིན་ཞིང་། སྟོང་པའི་རྩ་བཞི་པོ་ནི་དབུ་མའི་འཕོ་བའི་རྟེན་ཡིན་ལ། དེ་དག་གིས་མིང་ནི། རྡོ་རྗེ་འཕྲེང་བ་ལས། ཡང་དག་ཤུག་དང་ཤིན་ཏུ་ཤུགས། ཤིན་ཏུ་བཟང་དང་བཟང་པོར་འགྲོ། ཞེས་པ་ནི་སྟོང་པའི་རྩ་བཞིའི་མིང་ཡིན་ལ། དེ་ཡང་ཤར་རླུང་༴ ལྷོ་མོ་བྱང་ཆུབ་ནུབ་པའི་རང་བཞིན་ཡིན་ལ། རྩ་འདབ་དྲུག་བཅུ་པོའི་མིང་ནི། སྟོབས་ཆེན་དང་མི་བཟད་ཆེ། མཛེས་ཆེན་མདུན་དུ་སྐྱེས་པ་ཆེ། རྒྱགས་པའི་རྟགས་དང་རྒྱག་པའི་ཆ། རྒྱག་པའི་ཆུ་དང་རྒྱག་རྟོགས་བྱེད། རྒྱགས་དང་རྒྱགས་པའི་རྒྱུ་མཐུན་དང་། རྒྱགས་པའི་རླན་དང་རྒྱགས་པ་འཆང་། རྩུབས་དང་ཁ་ཆུ་གླང་པོ་དང་། དབུགས་མི་བདེ་དང་གཡའ་ཁ་འགྲོ། འདབ་ཆགས་ཡན་ལག་ཁྲ་ཡི་གདོང་། ཟ་ཕོད་མི་བཟད་སྒྲ་སྒྲོགས་དང་། དྲི་ལྡན་རྣམ་རྟོག་དང་བརྡུལ་བ་དང་། དབྱངས་དང་སྐྱེས་དང་ནི་སྤྲིན། ཆུ་བོ་མཐོ་དང་རྒྱ་ལྟར་སྔོ། ཡུད་ཙམ་གཙོ་བོ་བདུད་རྩི་སྐྱེས། རྒྱབ་དུ་ཁ་བལྟས་དབང་ཕྱུག་པ་དང་། དབང་ཕྱུག་སྣ་ཚོགས་དང་ནི་རྙིང་པ་དང་། ཚིག་ཀྱི་ལྷ་དང་ཚིག་ཀྱི་ཚིག །ཚིག་ཀྱི་ཚད་དང་བརྡུལ་བ་དང་། ཚིག་ཀྱི་གནས་

(༥༣)དང་ཚིག་ཀྱི་གདོང་། ཚིག་འོང་ཚིག་ཀྱི་ལུ་གུ་རྒྱུད། དུལ་བྱེད་དུལ་འགྲོ་གཟི་བརྗིད་དང་། དྲི་མེ་དུལ་བའི་སྙེ་མ་དང་། ཆུན་འཕྱང་ལྟོ་དང་ཆག་པ་ཆག །ཆུན་འཕྱང་ཆུང་འཕྱང་ཁྱེད་སྦྲང་བུ། ཕྲུ་གུ་ཕྲུ་གུ་ལྟེར་འགྲོ་བ། ལོ་མ་ལོ་མའི་མགྲིན་པ་དང་། རབ་མཆོག་མ་དང་རབ་གསལ་ཏེ། དེ་ལྟར་དྲུག་བཅུ་རྩ་བཞིའོ། ཞེས་ཏེ། དེ་ལ་ཡང་། སྟོབས་ཆེན་ནས་རིམ་པ་བཞིན་ལྔ་ལྔ་ལ་འདུག་གླང་ལ་སོགས་པ་རིམ་པ་བཞིན་སྦྱོར་བར་བཤད་པ་གཅིག་དང་། སྟོབས་ལེན་སོགས་དང་པོ་སུམ་བཅུ་ནི་གླང་སོག་མཉམ་པའི་དུས་སྦྱོར་དང་། དེ་ནས་སུམ་བཅུ་ཡུག་སོག་མི་མཉམ་པའི་དུས་སྦྱོར་བ་སྦྱོར་བར་བཤད་པ་སྟེ། ཚུལ་གཉིས་ཡོད་པ་ལས་ཕྱི་མ་ཉིད་ལེགས་ཏེ། འདི་དུས་སྦྱོར་གྱི་རླུང་རྒྱུ་བའི་རྟེན་ལ་བཞག་པ་ཡིན་པའི་ཕྱིར་རོ། གསུམ་པ་སྙིང་ག་བཤད་པ་ནི། སྙིང་གའི་འཁོར་ལོའི་ཞེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་སྙིང་གའི་འཁོར་ལོ་ལ་ཆོས་ཀྱི་འཁོར་ལོ་ཟེར་བའི་རྒྱུ་མཚན་ནི། སྐྱེ་མཆེད་ལ་ཆོས་སུ་བྱས་ནས་དེ་ཡི་སྒོ་ནས་རྣམ་པར་ཤེས་པ་ཡུལ་ལ་མཆེད་གི་རྒྱབ་པར་བྱེད་པས་ན། དེ་སྐད་བརྗོད་པ་ཡིན་ལ། དེ་ལ་ཡང་འདབ་མ་བརྒྱད་ཡོད་པ་ལས། སོ་སོའི་མིང་ནི། རིན་ཆེན་ཅོད་པན་ཞེས་པ་རིན་པོ་ཆེའི་རིག་དང་།།།མ་ཆེ་ཞེས་པས་པད་མའི་རིག་དང་། དེ་ཆེན་པོ་ཞེས་པ་རྡོ་རྗེ་རིགས་དང་། སྟོབས་པོ་ཆེ་ཞེས་པ་ལས་ཀྱི་རིག་ཏེ་རིག་བཞིའི་རྩར་གྱུར་པའི་རྩ་ཡིན་ལ། དེའི་སྟེང་དུ་མགོན་པོ་ཆེ་ཞེས་

(༥༤)གཟུགས་འཛིན་པའི་དོན་ཅན་སྒྲ་ཆེ་ཞེས་པ་སྒྲ་འཛིན་པའི་དོན་ཅན། ཉེར་དགའ་ཆེན་པོ་ཞེས་པ་དྲི་འཛིན་པའི་དོན་ཅན། མྱོས་པ་ཆེ་ཞེས་པ་རོ་འཛིན་པའི་དོན་ཅན་ཏེ། བརྒྱད་པོ་འདི་ནི་རྩ་བ་དང་ཡན་ལག་གི་རླུང་གི་སྐྱེ་གནས་ཡིན་ཞིང་། དུས་ཀྱི་འཁོར་ལོར་སྣར་མ་དང་གླང་ཆེན་ལྕེ་ལ་སོག་པའི་མིང་གི་བསྣད་པ་ཡིན་ལ། སྟེང་འོག་གི་རྩ་གཉིས་ནི་ལྟེ་བར་བྱས་ནས་འདབ་མར་མ་བགྲང་པ་ཡིན་ནོ། དེ་ལྟར་སྙིང་གའི་འཁོར་ལོ་ཐོག་མར་གྲུབ་ནས། དེ་ནས་རླུང་རྒྱུ་བའི་རྩ་ལུས་ཀྱི་སྟེང་འོག་ཏུ་ཀུན་ཏུ་ཁྱབ་པ་ཡིན་ལ། འོ་ན་གོང་དུ་ལུས་ཀྱི་ཐོག་མ་ལྟེ་བ་ནས་ཆགས་པར་བཤད་པ་དང་། འདིར་སྙིང་ག་ནས་ཆག་པར་བཤད་པ་གཉིས་མི་འགལ་ཞེས་ན་མི་འགལ་ཏེ་རག་པའི་ལུས་ནི་ཐོག་མར་ལྟེ་བ་ནས་ཆགས་ཤིང་ཕྲ་བའི་ལུས་ཀྱི་ཐོག་མ་སྙིང་ག་ནས་ཡིན་པས་སོ། བཞི་པ་མགྲིན་པའི་འཁོར་ལོ་ནི། མགྲིན་པར་རྩ་འདབ་བཅུ་དྲུག་ནི། ཞེས་སོག་ཚིག་བཅད་གཉིས་ཀྱི་སྟོན་ཏེ། དེ་ཡང་མགྲིན་པའི་འཁོར་ལོ་ལ་ལོངས་སྤྱོད་ཀྱི་འཁོར་ལོ་ཟེར་བའི་རྒྱུ་མཚན་ནི། རོ་དྲུག་ཉམས་སུ་མྱོང་བའི་སྒོ་ནས་ལོངས་སྤྱོད་པས་ན། དེ་སྐད་ཅེས་བྱ་ལ། དེའི་འདབ་མ་ལ་ཡང་སྤྱི་ཡིད་བྱེ་བྲག་ལ་བཏག་ནས། ལོངས་སྤྱོད་ལོངས་སྤྱོད་གཏེར་དང་གསང་། ཉི་འགྲོ་གསལ་དང་སྐལ་བ་དང་། སྒོམ་པ་དང་ནི་ཐལ་བའི་གདོང་། བཟའ་སྟེར་ཟ་དང་བཀྲེས་པ་དང་། བཅུད་

(༥༥)ལེན་རོས་ནི་བཀྱུར་བ་དང་། རོ་འཇིགས་པ་དང་རོ་དང་ནི། ལུང་ཁུང་ལོངས་སྤྱོད་འཁོར་ལོ་གནས། ཅེས་སོ། ལྔ་པ་སྤྱི་བོ་ནི། བྱིས་པོ་བདེ་ཆེན་འཁོར་ལོ་ནི། ཞེས་སོགས་ཚིག་བཅད་བཞི་དང་རྐང་པ་གཅིག་གི་སྟོན་ཏེ། དེ་ཡང་སྤྱིའི་འཁོར་ལོ་ལ་བདེ་བ་ཆེན་པོའི་ཟེར་བའི་རྒྱུ་མཚན་ནི། རྟེན་ལ་བརྟེན་པའི་མིང་གི་བཏག་པ་ཡིན་ཏེ། བདེ་བ་ཆེན་པོའི་རྟེན་བྱང་ཆུབ་ཀྱི་སེམས་དཀར་ཆ་ལྷག་པར་གནས་པས་ན་དེ་སྐད་དུ་བརྗོད་ལ་དེ་ཡང་རྩ་སུམ་བཅུ་རྩ་གཉིས་ཡོད་པ་ལས། མིང་ནི། །རིམ་རིག་དང་ནི་འདོད་པ་ཅན། འདོད་ཅན་མ་དང་སྲོག་གི་ལུས། །ཟླ་ཐུང་ཟླ་སྟེང་མཛེས་པ་ནི། འདོད་ཅན་མ་སྟེ་།།། གོས་རིགས་ཆང་ཏེར་བདུད་རྩི་དང་། དུང་ཅན་དང་ནི་དུང་སྣ་དང་། དུང་གི་མིག་དང་དུང་གི་རྣ། རྒྱས་དང་དབང་རྒྱགས་ངོ་མཚར་རྒྱགས། །།། རྣམ་ཤེས་པ་དང་ཚིག་གིས་རྟེན། སུམ་བཅུ་བཅུ་རྩ་གཉིས་ཞེས་ནི་བཤད། དེ་ལྟར་ལྟེ་བ་ས། སྙིང་ག་ཆུ། མགྲིན་པ་མེ། སྤྱི་བོ་རླུང་རྣམས་ཀྱི་འཁོར་ལོ་དྲིལ་བའི་རྩ་འདབ་བརྒྱ་ཉི་ཤུ་ནི་འཁོར་ལོ་ཐམས་ཅད་ཀྱི་གཙོ་བོ་དང་། འདབ་མ་རྣམས་རྩ་ཐམས་ཅད་ཀྱི་གཙོ་བོ་ཞེས་ནི་བཤད་པ་ཡིན་ནོ། འོ་ན་འདིར་མགྲིན་པ་ལས་བཅུ་དྲུག་དང་། སྤྱི་བོ་ལ་སོ་གཉིས་སུ་བཞག་ཅིང་། དུས་ཀྱི་འཁོར་ལོ་དེ་གཉིས་གཟུགས་

(༥༦)སྟེ་མགྲིན་པར་སོ་གཉིས་དང་། སྤྱི་བོར་བཅུ་དྲུག་ཏུ་བཞག་པ་ནི་གཞི་གཅིག་ལ་འགལ་བ་ཡིན་ཞེ་ན། མི་འགལ་སྟེ། བྱེད་བཅིངས་ལ་སོགས་པའི་དགོས་པའི་དབང་ལས་འཁོར་ལོའི་ཕྱི་རོལ་དང་ནང་རིམ་བགྲང་པའི་ཁྱད་པར་ཡིན་ནོ། དྲུག་པ་འཁོར་ལོ་དྲུག་བཤད་པ་ལ། བཤད་རྒྱུད་རྡོ་རྗེ་ཕྲེང་བ་ལས་བཤད་པའི་ཚུལ་དང་། རྒྱུད་གཞན་གྱི་དགོངས་པ་དང་གཉིས་ལས། དང་པོ་ནི་གཙུག་གཏོར་རླུང་དང་མགྲིན་པ་མེད། ཞེས་སོགས་རྐང་པ་བདུན་གྱི་སྟོན་ཏེ།། དེ་ཡང་གཙུག་གཏོར་དང་སྨིན་འཚམས་ཀྱི་སྒྲས་བརྗོད་པའི་གཙུག་གཏོར་གྱི་འཁོར་ལོར་རླུང་གི་རང་བཞིན་རྩ་འདབ་མ་དྲུག་དང་། གཙུག་གཏོར་གྱི་མགྲིན་པར་མེའི་རང་བཞིན་འདབ་མ་གསུམ་སྟེ། དེ་ལྟར་གཙུག་གཏོར་དུ་གནས་པའི་རྩ་དགུ་ཡོད་དོ། དེ་དག་ལ་ཡང་རྩ་བ་སྨིན་མའི་དབུས་ནས་ཟུག་ཅིང་རླུང་གི་འཁོར་ལོའི་རྩ་རྣམས་ཀྱི་མིང་ནི། བྱེ་བ་དང་། འཁྱིལ་པ་དང་། མི་ཟད་པ་དང་། མི་བཟང་དང་། བརྟན་པ་དང་། མཚང་ཅན་ཞེས་བྱ་ལ། མགྲིན་པའི་རྩའི་མིང་ནི། འཛིན་པ་རྟོག་མེད་གང་བ་སྟེ་རྩ་གསུམ་པོ་ནི་ལྷག་པར་མེའི་ཁམས་དང་ལྡན་པའོ། གཉིས་པ་ནི། དུས་ཀྱི་འཁོར་ལོ་ལས་གསུང་པ་ནི། གོང་གི་དགུ་པ་དེ་ལས་བདུན་ནི། རྡོ་རྗེ་ནོར་བུ་འདབ་མ་བཞི་དང་། རྩ་གསུམ་འདུས་མདོའི་མར་སྣར་གསང་གནས་སུ་གཤང་གཅི་ཁུ་བ་འབབ་པའི་རྩ་གཉིས་སྟེ་བདུན་དང་། དེའི་སྤྱི་སྒོར་ནི་བསྡུས་རྒྱུད་རྣམས་ནས་

(༥༧)གསུངས་པའི་སྤྱི་བོའི་འཁོར་ལོ་དང་མཚུངས་པར་གསང་གནས་ཀྱི་འཁོར་ལོ་འདབ་མ་སུམ་བཅུ་རྩ་གཉིས་གནས་པ་ཡིན་ལ། དེ་ཡན་ཆད་ཀྱི་དབུ་མ་ལ་དགྲ་དུས་མེའི་རྩ་གཉིས་སུ་ཕྱེ་བ་སྔར་གྱི་བདུན་པོའི་སྟེང་དུ་བསྟན་པ་ལས་དགུ་པོ་དེ་དབྱེ་བ་ལ་སོགས་པའི་མིང་གི་བསྟན་པ་ཡིན་ལ། དེ་ལྟར་རྩ་དགུ་པོ་དེ་བཤད་རྒྱུད་རྡོ་རྗེ་ཕྲེང་བ་ལས་སྡོད་དུ་གནས་པར། བཤད་པ་དང་དུས་ཀྱི་འཁོར་ལོ་སྨད་དུ་གནས་པར་བཤད་པ་གཉིས་ཀྱང་མི་འགལ་སྟེ། ལུས་བསམ་གྱིས་ངེས་པ་ལས་ཡིན་པས་སོ། ཡང་ན་སེམས་འགྲེལ་རྣམས་སུ་རྒྱུད་ཐམས་ཅད་ཀྱི་དགོངས་པ་གཅིག་ཏུ་སྦྱོར། སའི་ངེས་པས་འཁོར་ལོ་དྲུག་པོ་དེ་དག་གི་དབུས་ན་གནས་པའི་རྩ་དྲུག་ལ་བྱེ་བ་ལ་སོགས་བའི་མིང་དུ་བཤད་ཅིང་། དུས་ཀྱི་འཁོར་ལོ་སྟོང་པ་དྲུག་གི་རྩ་ཞེས་བཤད་པ་ཡིན། དེ་ལྟར་དྲུག་པོ་དེ་ལས་ཁྱབ་བྱའི་འཁོར་ལོ་བཞི་ནི་སྲོག་འབྱིན་འཇུག་བྱེད་པའི་ལམ་ཡིན་པས་ན་གཞན་དཀྱིལ་འཁོར་ལ་གསུང་དཀྱིལ་འཁོར་གྱི་སྒོ་བཞིར་དག་པ་ཡིན་ནོ། དེ་ཡང་འགྲེལ་ཆེན་དྲི་མ་མེད་པའི་འོད་དང་སྦྱར་ཏེ་རྒྱས་པར་བཤད་ན། ལུས་ངག་ཡིད་གསུམ་གྱི་ཐིག་ལེ་འཛིན་པའི་དབང་ལས་ལྟེ་གསང་།།།གསུམ་དུ་རིག་ཀྱི་དབང་ལས་འཁོར་ལོ་གསུམ་དང་། རིག་དྲུག་གིས་དབང་ལས་སྟེང་དུ་རོ་རྐྱང་རྒྱུས་སྟེ་གསུམ་དང་། འོག་ཏུ་གཤང་གཅིང་ཁུ་བ་འབབས་པའི་རྩ་གསུམ་སྟེ་དྲུག །རིག་སུམ་བཅུ་སོ་དྲུག་གི་ལས་འཁོར་ལོ་དྲུག་ལ་སྤྱིར་སྒྲ་འཛིན་པའི་རྩ་གཉིས༴ རེག་བྱ་འཛིན་པ་གཉིས༴ རོ་འཛིན་པ་གཉིས༴ གཟུགས་འཛིན་པ་གཉིས༴

(༥༨)དྲི་འཛིན་པ་གཉིས་སྟེ་བཅུ། དེའི་སྟེང་དུ་ལྟེ་བའི་དུས་སྦྱོར་གྱི་རྩ་བཅུ་གཉིས་དང་། སྙིང་གའི་རྒྱུན་བརྒྱད་ཀྱི་རྩ་བརྒྱད་དེ་ཉི་ཤུ་བསྣན་པས་སུམ་བཅུ། དེའི་སྟེང་དུ་གསང་བའི་འཁོར་ལོའི་ལྟེ་བའི་འཁོར་ལོ་དྲུག་གི་ནུས་པ་འཛིན་པའི་རྩ་དྲུག་སྟེ་སུམ་བཅུ་སོ་དྲུག་ཡིན་ལ། དེ་ལས་ཕུང་པོའི་གཟུགས་ཅན་མ་དྲུག །ཁམས་ཀྱི་དྲུག །དབང་པོའི་དྲུག །།།གྱི་དྲུག་ལས་དབང་གི་དྲུག །དེའི་ཡུལ་གྱི་དྲུག་སྟེ། སུམ་བཅུ་རྩ་དྲུག་དང་། ཕུང་པོའི་དབང་དུ་ན། གཟུགས་འཛིན་པ༴ ཚོར་པ༴ འདུ་ཤེས༴ འདུ་བྱེད༴ རྣམ་པར་ཤེས་པ༴ ཡེ་ཤེས་ཀྱིས་ཕུང་པོ་རྣམས་འཛིན་པ་དྲུག་དྲུག་སྟེ་སུམ་རྩ་དྲུག །དེ་དག་ཀྱང་ཐབས་ཤེས་འབྲས་བུ་དབྱེ་བ་ལས་རིག་བདུན་བཅུ་རྩ་གཉིས། དེ་རྣམས་སྟོང་སྟོང་གི་དབྱེ་བ་ལས་སྟོང་ཕྲག་བདུན་བཅུ་།།། དུས་ཀྱི་འཁོར་ལོ་ལས་གསུངས་པའི་འཁོར་ལོའི་གྲངས་ནི། གཙུག་གཏོར་དུ་ཐུན་ཆེན་པོའི་བཞིའི་རང་བཞིན་རྩ་འདབ་བཞི། སྤྱི་བོར་ཚེས་བཅུ་དྲུག་གི་རང་བཞིན་རྩ་འདབ་བཅུ་དྲུག །མགྲིན་པར་།།།བརྒྱད་དང་དབྱུག་གུ་བཞིའི་རྩ་འདབ་སོ་གཉིས་སོ། སྙིང་གར་གཟའ་བརྒྱད་ཀྱི་རང་བཞིན་རྩ་བརྒྱད། ལྟེ་བར་དབྱུག་གུ་།།།དྲུག་བཅུ་རྩ་བཞིའི་རང་བཞིན་གྱི་རྩ་འདབ་དྲུག་བཅུ་རྩ་བཞི། གསང་གནས་སུ་ཚེས་པོ་གཉིས་ཀྱི་རང་བཞིན་རྩ་འདབ་པོ་གཉིས་སོ། བདུན་པ་ཡན་ལག་གི་འཁོར་ལོ་རྒྱས་པར་བཤད་པ་ནི། ལག་པ་གཡས་པའི་ཚིག་གསུམ་ལ། ཞེས་ཚིག་བཅད་གསུམ་གྱི་སྟོན་ཏེ།

(༥༩)དེ་ཡང་ལག་པ་གཡས་པའི་ས་ཁམས་ཀྱི་བསྐྱེད་པའི་ཚིག་གསུམ་ལ་རླུང་ཁམས་ཀྱི་བསྐྱེད་པའི་རྩ་འདབ་སུམ་བཅུ་སུམ་བཅུ་སྟེ་དགུ་བཅུ་གནས་ཤིང་། དེ་དང་འབྲེལ་བའི་ཉིང་ལག་པོར་མོའི་ཚིག་བཅོ་ལྔ་པོ་རེ་རེ་ལ་རྩ་འདབ་དྲུག་དྲུག་ཏུ་འགྱུར་སྟེ། དྲིལ་བས་གྲང་ནི་གོད་གི་ཚིག་ཆེན་གྱི་འཁོར་ལོ་གསུམ་དང་མཚུངས་སྟེ་དགུ་བཅུའོ། དེ་བཞིན་དུ་ལག་པ་གཡོན་ཆུ་ལ་མེ་ཁམས་ཀྱི་བསྐྱེད་པའི་འཁོར་ལོ། རྐང་པ་གཡས་པ་མེ་ལ་ཆུ་ཁམས་ཀྱི་བསྐྱེད་པའི་འཁོར་ལོ། གཡོན་པ་རླུང་ལ་ས་ཐམས་ཅད་ཀྱི་བསྐྱེད་པའི་འཁོར་ལོ་གསུམ་གསུམ་སྟེ། དེ་ལྟར་ཡན་ལག་གི་འཁོར་ལོ་བཅུ་གཉིས་ལ་རྩ་འདབ་སུམ་བརྒྱ་དྲུག་བཅུ་དང་། ཉིང་ལག་གི་སོར་ཚིག་ཐམས་ཅད་དྲིལ་བ་ལ་ཡང་དེ་དང་མཉམ་པ་ཡིན་ནོ། ལྔ་པ་ནད་བསྐྱེད་པའི་རྩ་བཤད་པ་ནི། ནད་ནི་བསྐྱེད་པའི་བྱེད་པའི་རྩ། ཞེས་སོགས་ཚིག་བཅད་གསུམ་གྱི་སྟོན་ཏེ། དེ་ཡང་ནད་བསྐྱེད་པའི་རྩ་ནི། གཙུག་གཏོར་གྱི་འདབ་མ་བཞི་དང་། དཔྲལ་བའི་འདབ་མ་བཅུ་དྲུག་སྟེ་ཉི་ཤུ་ལ་བད་ཀན་ལྷག་པར་གནས་ཤིང་། སྙིག་མས་བད་ཀན་གྱི་ནད་བསྐྱེད་པར་བྱེད་ལ། མགྲིན་པའི་རྩ་སུམ་བཅུ་རྩ་གཉིས་དང་། སྙིང་གའི་བརྒྱད་དེ་བཞི་བཅུ་ལ་མཁྲིས་པ་ལྷག་པར་གནས་ཤིང་སྙིགས་མས་ནད་བསྐྱེད་ཅིང་། ལྟེ་བའི་དྲུག་བཅུ་རྩ་བཞི་དང་གསང་གནས་ཀྱི་ཕྱི་རོལ་གྱི་འདབ་མ་བཅུ་དྲུག་སྟེ་བརྒྱ་བཅུ་ལ་རླུང་ལྷག་པར་གནས་ཤིང་སྙིགས་མས་ནད་བསྐྱེད་ལ། གསང་གནས་ཀྱི་ནད་རིམ་བཅུ་དྲུག་གི་འདུས་པའི་ནད་བསྐྱེད་པར་བྱེད་དོ། དེ་

(༦༠)ལྟར་ནད་བསྐྱེད་པའི་རྩ་འདབ་བརྒྱ་དང་ལྔ་བཅུ་རྩ་དྲུག་པོ་འདི་རྣམས་ནི་འཁོར་ལོའི་ཕྱི་རིམ་ཡིན་ལ། གཞན་དག་འཁོར་ལོའི་ལྟེ་དང་ནང་གི་སྟོང་པའི་ཙ་བཞི་ལ་ནད་བསྐྱེད་པའི་རྩར་འདོད་པ་ནི་མི་ལེགས་སྟེ། འདི་རྣམས་ལ་ཁམས་གྱི་དངས་མ་ལྷག་པར་གནས་པ་ཡིན་པའི་ཕྱིར་རོ། དྲུག་རྩ་སྟོང་ཕྲག་བདུན་བཅུ་རྩ་གཉིས་བཤད་པ་ནི། སྟོང་ཕྲག་བདུན་བཅུ་རྩ་གཉིས་ཀྱི། ཅེས་སོགས་ཚིག་བཅད་ཕྱེད་དང་བཞིས་སྟོན་སྟེ། དེ་ཡང་སྟོང་ཕྲག་བདུན་བཅུ་རྩ་གཉིས་ཀྱི་རྩའི་རྣམ་དབྱེ་ནི་བཤད་རྒྱུད་རྡོ་རྗེ་ཕྲེང་བ་ལས། སྟོང་ཕྲག་ཉི་ཤུ་རྩ་བཞི་ནི། དགྲ་གཅན་རླུང་རྩ་ཁམས་རྒྱུ་བ་དབུ་མའི་རིགས་སུ་བརྗོད་པ། དེ་ལྟར་རྩའི་གཙོ་མོ་ཟླ་བ་ཁུ་བའི་ཁམས་འབབས་པ་རྐྱང་མའི་རིགས་དང་། སྟོང་ཕྲག་ཉི་ཤུ་རྩ་བཞི་ནི། ཉི་མ་ཁྲག་གི་ཁམས་འབབ་པ་རོ་མའི་རིག་དང་། སྟོང་ཕྲག་ཉི་ཤུ་རྩ་བཞི་ནི། དགྲ་གཅན་རླུང་གི་ཁམས་རྒྱུ་བ་དབུ་མའི་རིགས་སུ་བརྗོད་ལ། དེ་ལྟར་རྩའི་གཙོ་མོ་གསུམ་ལས་སྟོང་ཕྲག་བདུན་ཅུ་རྩ་གཉིས་སུ་འགྱུར་ཚུལ་ཡང་། །།།ལ་གནས་པའི་རྩ་མི་ཕྱེད་མ་ལ་སོགས་ཉི་ཤུ་རྩེ་བཞི་པོ་དེ་མི་ཕྱེད་མ་ནས་ཡིད་བཟང་མའི་བར་རེ་ཞིང་། ཐམས་ཅད་ལོངས་སྤྱོད་དབང་བྱེད་པའི་བདག་པོའི་དབྱེ་བས་གསུམ་གསུམ་སྟེ་བདུན་ཅུ་རྩ་གཉིས་སུ་འགྱུར་ལ། །།།དབང་བྱེད་ཅེས་པ་ཡང་བྱེད་ལས་ཀྱི་སྒོ་ནས་རྩ་ནང་དེ་དག་དུ་རླུང་དང་ཐིག་ལེས་བྱ་བ་བྱས་ཟིན་པ་ནི་ཐིམ་པ་ལྟ་བྱེད་བཞིན་པ་ནི་ལོངས་སྤྱོད་པ། མ་འོངས་པ་ན་བྱེད་འགྱུར་ནི་དབང་བྱེད་པའམ་བདག་པོ་ཡིན་ལ། ངོ་བོའི་སྒོ་

(༦༡)ནས་རླུང་རྒྱུ་བ་ནི་ཐིམ་པ། ཁུ་བ་འབབ་པ་ནི་ལོངས་སྤྱོད་པ། རྡུལ་འབབ་པ་ནི་དབང་བྱེད་པ་ཡིན་ནོ། དེ་རེ་རེ་ཡང་ཕུང་ཁམས་ཀྱི་དབྱེ་བས་བརྒྱ་བརྒྱ་དང་། དེ་རླུང་བཅུས་བསྒྱུར་བས་སྟོང་སྟོང་དུ་འགྱུར་བས་ན་སྟོང་ཕྲག་བདུན་བཅུ་རྩ་གཉིས་འབྱུང་སྟེ། དེ་ཡང་རྣལ་འབྱོར་པ་ལ་ཉེ་བར་མཁོ་བའི་དག་དུ་བྱས་པ་ཡིན་ནོ། བདུན་པ་དེ་ལས་འབྲེལ་པའི་རྩ་བཤད་པ་ནི། དཔེར་ན། སྡོང་པོ་བཀོད་ལས་ནི། ཞེས་སོགས་ཚིག་བཅད་གཅིག་དང་རྐང་པ་གཅིག་གི་ཡོན་ཏན་ཏེ། དེ་ཡང་དཔེར་ན། སྡོང་པོ་གཅིག་ལ་ཡལ་ག་དང་། དེ་ལས་མོ་འདབ་གྱེས་པ་བཞིན་དུ་སྟོང་ཕྲག་བདུན་བཅུ་རྩ་གཉིས་པོ་དེ་ལས་གྱེས་པའི་ཕྲ་བའི་རྩ་ནི་བྱེ་བ་ཕྲག་ཕྱེད་དང་བཞི་ལ་སོགས་པ་ཡོད་དེ། དེས་བ་སྤུའི་ཁམས་བསྐྱེད་པར་བྱེད་པ་ཡིན་ལ། དེ་དག་ཀྱང་མི་ཕྱེད་མ་ལ་སོགས་པའི་རྩ་ཉི་ཤུ་རྩ་བཞི་བོ་དེ་ལས་གྱེས་པ་ཡིན་ཞིང་། རྩ་སུམ་བཅུ་རྩ་དྲུག་ཏུ་བཤད་པའི་ཚེ་ན་ལྷག་མ་བཅུ་གཉིས་ཡོད་པས་དེ་ལས་གྱེས་པའི་རྩ་ཡང་ཡོད་པར་ངེས་ལ། དེར་མ་ཟད་དགའ་བོ་མངལ་འཇུག་ལས། ལུས་ལ་སྲིན་བུའི་རིག་བརྒྱད་ཁྲི་གནས་པས། དེའི་རྟེན་གྱི་རྩ་ཡང་བརྒྱད་ཁྲི་ཡོད་པར་གསུང་སྟེ། དེ་ཡང་དབྱེ་བ་ཕྲག་ཕྱེད་དང་བཞིའི་ནང་དུ་འདུས་པའི་ངེས་པ་མེད་པ་ཡིན་ནོ། ཞར་ལ་ཁམས་གང་གི་བསྐྱེད་པར་བསྟན་པ་ནི་འདི་རྣམས་ཁམས་གྱི་རིམ་པ་ནི། ཞེས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་ཏེ། དེ་ཡང་རྩ་འདི་རྣམས་ཀྱི་ཁམས་ཀྱི་རིམ་པ་ནི། ལྟེ་བ་ས་སྙིང་ག་རླུང་། མགྲིན་པ་མེ། སྤྱི་བོ་

(༦༢)ཆུ། གཙུག་གཏོར་ནམ་མཁའ། གསང་གནས་ཡེ་ཤེས་བདེ་བའི་རིག་དུ་གསུང་པ་ཡིན་ལ། དེ་དག་ལས་གཙུག་གཏོར་གནས་གཉིས་ཁྱབ་བྱེད་དང་། ལྷག་མ་རྣམས་ཁྱབ་བྱར་བྱས་པ་ཁྱབ་ཐུགས་ཀྱི་རིག་དང་གསང་གནས་ཡེ་ཤེས་ཀྱི་ཁམས་པ་དང་། ལྟེ་བ་རླུང་དུ་བྱས་པ་དང་། ཡང་བཟློག་སྟེ་ལྟེ་བ་ས་དང་གསང་གནས་རླུང་དུ་བྱས་པའི་ཐབས་ཤེས། གཙུག་གཏོར་ཡེ་ཤེས་ཀྱི་ཁམས་ས། སྤྱི་གཙུག་ཏུ་བྱས་པ་དང་། ཡང་དེ་ལས་བཟློག་པ། མགྲིན་པ་ཡེ། སྙིང་ག་ཆུ་ཐབས་ཤེས་སུ་བྱས་པ་སྟེ་ཐབས་ཀྱི་རིག་དང་། དེ་དག་གི་ཐབས་རྣམས་ལ་ཕ་དང་། ཤེས་རབ་རྣམས་ལ་མའི་།།།ཕ་མའི་རིག་དང་། ཁྱབ་བྱེད་གཉིས་ལས་ཤེས་རབ་དང་། ཁྱབ་བྱ་བཞི་ཀ་ལ་ཐབས་སུ་བཞག་པའི་རིག་གཅིག་དང་། ཁྱབ་བྱ་བཞི་པོ་དེ་ཡང་འཇིག་རྟེན་ཀུན་རྫོབ་ཏུ་དགྲ་གཤེད་ཡིན་པ་དེ་ཡེ་ཤེས་ཀྱི་།།།ལ་ཐབས་ཤེས་སུ་འགྱུར་བ་དང་། ས་རླུང་ཐབས་ཤེས། ཆུ་མེ་ཐབས་ཤེས་སོ། འཇིག་རྟེན་ཀུན་རྫོབ་ཏུ་ཐ་མལ་པ་ཡིན་པ་དེ་ཡེ་ཤེས་བསྐྱེད་བྱ་བསྐྱེད་བྱེད་དུ་འགྱུར་ཏེ། རླུང་མེ་གཉིས་བསྐྱེད་པ་བསྐྱེད་བྱེད། །ས་བཅུ་གཉིས་བསྐྱེད་བྱ་བསྐྱེད་བྱེད་དུ་འགྱུར་བ་ཡིན་ལ། དེ་ལྟར་འཁོར་ལོ་དྲུག་ཁམས་གྱི་བསྐྱེད་པ་དེ་བཞིན་དུ་བ་སྤུ་བྱེ་བ་ཕྲག་ཕྱེད་དང་བཞིའི་མཐར་ཐུག་པར་ཁམས་དྲུག་གི་རིམ་པར་བསྐྱེད་དེ། རིམ་པ་པ་ཡང་། ཁམས་དྲུག་ལས་ཡེ་ཤེས་ཁྱབ་བྱེད་དུ་བཏང་ནས་ཁམས་ལྔར་བཞག་པ་དང་། མཁའ་མེ་གཉིས་ཀ་ཁྱབ་བྱེད་དུ་བཏང་ནས་ཁམས་བཞིར་བཞག་པ་དང་། མཁའ་གཅིག་ཏུ་བྱས་

(༦༣)རླུང་མེ་གཅིག་ཏུ་བྱས། ས་ཆུ་གཉིས་གཅིག་ཏུ་བྱས་ནས། གཡས་གཡོན་དུ་དབུ་མའི་དབྱེ་བ་ལས་སྐུ་གསུང་ཐུགས་རིག་གསུམ་དང་། ས་མེ་ཡེ་ཤེས་གསུམ་པོ་ཤེས་རབ་དང་། ཆུ་རླུང་ནམ་མཁའ་གསུམ་པོ་ཐབས་སུ་བྱས་པས་ལབ་རིག་གཉིས་སུ་འགྱུར་བ་ཡིན་ནོ། གསུམ་པ་མཇུག་བསྡུ་བ་ནི། དེ་ལྟར་ཞེས་སོག་རྐང་པ་གཉིས་སྟེ། དེ་ཡང་དེ་ལྟར་ཕྲ་བའི་ལུང་རྩའི་མཚན་ཉིད་ཤེས་པ་ལས་རག་པའི་ལུས་ལ་གཅིག་དང་རྟག་པ་དང་རིལ་པོར་འཛིན་པ་ལ་སོགས་པའི་ལོག་རྟོག་ལྡོག་པར་ནུས་པ། དེ་ལས་རྩ་ཐམས་ཅད་ཀྱི་ཁྱབ་བྱེད་དབུ་མ་ཆེན་པོ་གཞི་དུ་མེད་པའི་རྡོ་རྗེའི་སྐུའི་གནས་ལུགས་རྟོགས་པར་འགྱུར་བ་ཡིན་ནོ། ཟབ་མོ་ནང་གི་དོན་རྣམ་པར་བཤད་པ་ལས་ལུས་ཀྱི་རྩ་རྒྱས་པར་བསྟན་པ་སྟེ་གསུམ་པའོ། ད་ནི་དུམ་བུ་བཞི་པ་རླུང་རྒྱས་པར་བཤད་པ་ནི། ཐོག་པར་རྩ་གྲུབ་ནས་དེ་ནས་རླུང་བཤད་པ་ནི་འབྲེལ་པ་ཡིན་ཏེ། རྩ་ནང་དེ་དག་ཏུ་རླུང་རྒྱུ་བ་ཡིན་པས་སོ། དེ་བས་ན་རླུང་བཤད་པ་ལ། འཚམས་སྦྱར་ཏེ་སྤྱིར་བསྟན་པ། རྒྱས་པར་བཤད་པ་མཇུག་བསྡུ་བ་སྟེ་གསུམ་ལས། དང་པོ་ནི། དེ་ནས་རླུང་གི་ངོ་བོ་དང་། ཞེས་སོགས་ཚིག་བཅད་དང་ངང་རྐང་པ་གཅིག་གི་སྟོན་ཏེ། དེ་ཡང་རླུང་དེ་དག་གི་ངོ་བོ་དང་། གནས་དང་། བྱེད་ལས་དང་། རྒྱུ་བའི་ཚུལ་དང་། སྟོབས་དང་། སྟོབས་མེད་པའི་རིམ་པ་དང་། འཇུག་པའི་སྒོ་དང་། བཟུང་ཐབས༴ སྐྱོན་དང་༴ ཡོན་ཏན་དང་༴ ཡོན་ཏན་དེ་ལ་ཡང་ཁ་སྒོམ་པའི་ཡོན་ཏན་དང་། རང་བཞིན་

(༦༤)གྱི་ཡོན་ཏན་གཉིས་ཀྱི་ཕྱི་མ་འདི་ལས་འཁོར་འདས་ཐམས་ཅད་འཆར་བ་ལ་སོགས་པ་རིམ་པ་བཞིན་དུ་འདིར་བཤད་པར་བྱ་བ་ཡིན་ནོ། གཉིས་པ་རྒྱས་པར་བཤད་པ་ལ། བསྐྱེད་བྱ་བསྐྱེད་བྱེད་ཀྱི་།།།པ་དང་། གནས་བྱེད་ལས་དང་བཅས་པ། རྒྱུ་བའི་ཚུལ་བྱེད་ལས་དང་བཅས་པ། འཇུག་པ་དང་བཟུང་ཐབས་དང་ཡོན་ཏན་དང་བཅས་པ། ཡོན་ཏན་དེ་ལས་ཀྱང་ཁྱད་པར་རང་བཞིན་གྱི་ཡོན་ཏན་ལྔ་ལས། དང་པོ་ལ་ཡང་མདོར་བསྟན་དང་། རྒྱས་བཤད་གཉིས་གྱི་དང་པོ་ནི། རླུང་ནི་ཞེས་སོགས་རྐང་པ་གཉིས་གྱི་སྟོན་ཏེ། དེ་ཡང་སྲོག་།།།རླུང་ནི་ལུས་ཅན་རྣམས་ཀྱི་ངག་ཐམས་ཅད་དང་། དབུགས་ནས་ཆུ་།།།ཞག་དང་ཟླ་བ་ལོ་དང་སྐལ་པའི་བར་ཐམས་ཅད་དང་། སྒྲ་དང་ཡི་གེ་ཐམས་ཅད་ཀྱང་འདི་ལས་སྒྱེབ་པ་ཡིན་སྟེ། དེ་ཡང་ཐོག་མར་མངལ་ཉིད་འཚམས་སྦྱར་བས་རྒྱུན་གཞིའི་རྣམས་ཤེས་དང་།།།འབྲུ་ཀུན་གྱི་མཆོག །སྲོག་ཆེན་པོ་སྟེ་སྐྱེ་བ་མེད། ཅེས་སོགས་བྱང་པའི་ཕྱིར་རོ། གཉིས་པ་རྒྱས་པར་བཤད་པ་ནི། ཐོག་མར་རྣམ་ཤེས་ལ་བརྟེན་པ། ཅེས་སོགས་ཚིག་བཅད་དྲུག་གི་སྟོན་ཏེ། དེ་ཡང་ཐོག་མར་མངལ་དུ་ཉིང་འཚམས་སྦྱར་བས་ཀུན་གཞིའི་རྣམ་ཤེས་དང་དེ་ལ་བརྟེན་པའི་འདུ་བྱེད་ཡིད་ཀྱི་གཡོ་བ་ལས་སྲོག་རླུང་ལ་ཡི་གེ་རྣམ་པ་སྟེ་རང་བཞིན་ཅན་ནམ་མཁའི་ཁམས་།།།སྦྱར་བ་ཅིང་། དེ་ནས་ཐུར་སེལ་རང་གི་ངོ་བོ་ཆུ་ཡིན་ཡང་འདིས་སེམས་ཀྱི་རྟེན་བྱེད་པས་ན་ས་ཁམས་པ་ལམ་ཡི་གེ་རང་བཞིན་དེ་གྲུབ། དེ་ནས་མགྲིན་པར་གནས་པའི་གྱེན་རྒྱུ་མེ་ཁམས་ལ་།།།

(༦༥)བའི་མདུན་དུ་གནས་པའི་མེ་མཉམ་གྱི་རླུང་རླུང་ཁམས་པ་ཨི་ཡི་གེ་རང་བཞིན་དང་། ཚིག་ཐམས་ཅད་ལ་གནས་པའི་ཁྱབ་བྱེད་ཆུ་ཁམས་པ་ཨུ་ཡིག་གི་རང་བཞིན་ཅན་དེ་འགྲུབ་པར་འགྱུར་ལ། རྒྱུད་གཞན་ལས། གྱེན་རྒྱུ་ཆུ་ཁམས་དང་། མེ་མཉམ་མེ་ཁམས་དང་། ཁྱབ་བྱེད་རླུང་ཁམས་སུ་བཞག་པ་ཡོད་དེ། དེ་ནི་བྱེད་ལས་ཀྱི་སྒོ་ནས་བཞག་པ་ཡིན་ཞིང་། དེ་ཡང་གྱེན་རྒྱུ་ནི། །ཁ་ནང་གི་རླུང་པོའི་བར་ནས་གྲངས་པས་བསིལ་བའི་བྱ་བ་བྱེད་ལ། མེ་མཉམ་གྱི་ཁ་ཟས་རྣམས་འཇུ་བར་བྱེད་པ་དང་། ཁྱབ་བྱེད་ཀྱི་ལུས་ཐམས་ཅད་ལ་ཁྱབ་པར་བྱེད་པའི་ཕྱིར། དེ་ལྟར་རྩ་བའི་རླུང་ལྔ་པོ་དེ་ཨ་ལ་སོགས་པ་རྩ་བའི་དབྱངས་ལྔར་འཇོག་པ་ཡང་། དེ་དག་གི་རྩ་བར་གྱུར་པའི་སྲོག་ཆེན་པོ་དེ་སྟོང་ཆེན་ཡིག་ལྔའི་རང་བཞིན་ཡིན་པའི་ཕྱིར་རོ། དེ་ནས་ཡན་ལག་གི་རླུང་ལྔ་ནི། ཀླུའི་རླུང་ས་ཁམས་ས་སྟེ་ཨེ་ཀྱི་བསྐྱེད་པ་ནམ་མཁའི་རང་བཞིན་ཨ་རུ་སྦལ་གྱི་རླུང་ནི་རླུང་ཁམས་ས་སྟེ་ཨེ་རྩད་པ་མེ་ཁམས་པ་སྟེ་ཨེ། ལྷ་སྦྱིན་ཆུ་ཁམས་པ་སྟེ་ཨོ། ནོར་ལས་རྒྱལ་ས་ཁམས་ས་སྟེ་ཨལ་གྱི་རང་བཞིན་ཡིན་ལ། དེ་ལྟར་རྩ་བ་དང་ཡན་ལག་གི་རླུང་རྣམས་ནི་མངལ་གྱི་ཟླ་བ་གཉིས་པའི་ཐོག་མ་ནས་ཟླ་བ་རེ་རེ་ལ་རླུང་རི་རིམ་པར་བསྐྱེད་དེ། དེ་ལྟར་རྩ་བའི་རླུང་ལྔས་ཕུང་པོ་ལྔའི་རྟེན་དང་། ཡན་ལག་གི་རླུང་ལྔས་དབང་པོ་ལྔའི་རྟེན་བྱེད་པ་ལ་སོགས་པའི་ལས་ཀུན་བྱེད་ཅིང་། སྡུད་པའི་ཚེ་ལོ་བཅུ་བཅུ་ལ་རླུང་རེ་རེའི་ངོ་བོའི་ནུས་པ་ཉམས་འགྲོ་བར་

(༦༦)བཤད་དེ་ཚེ་ལོ་བརྒྱད་པའི་དབང་དུ་བྱས་པའོ། ང་ནི་ཕུང་པོ་ལྔའི་ཁམས་གང་ཡིན་པ་དང་། དེའི་བསྐྱེད་བསྡུད་ཀྱི་རིམ་པ་ཡང་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས་གསུང་སྟེ། དེ་ཡང་སེམས་ཉིད་རང་བཞིན་གྱི་འོད་གསལ་བ་ནི་ཡེ་ཤེས་ཀྱི་རླུང་དང་། མུན་པའི་རྣམ་པའི་མཚན་ཉིད་ཅན་ཀུན་གཞི་ཉོན་ཡིད་དང་བཅས་པ་ནམ་མཁའ་དང་། འདུ་བྱེད་ནི་གཡོ་བའི་མཚན་ཉིད་ཡིན་པའི་ཕྱིར་རླུང་ཚོར་བ་ནི་རླུང་བསྲེགས་པར་བྱེད་པའི་ཕྱིར་མེ་དང་། འདུ་ཤེས་ནི་སྡུད་ཅིང་མཚན་མར་འཛིན་པས་ན་ཆུ་དང་། གཟུགས་ནི་ཕལ་ཆེར་རེག་པས་གཟུགས་སུ་ཡོད་པས་སྲ་བའི་ཕྱིར་པ་ཁམས་ཡིན་ལ། དེ་རྣམས་གྱི་རིམ་པ་བཞིན་དུ་འཁོར་ལོ་བའི་བསྐྱེད་བྱ་བསྐྱེད་བྱེད་དུ་ག་དུང་སྟེ། དེ་ཡང་རྣམ་ཤེས་ཀྱི་འཇུག་པ་གཅིག་ལ་ཡང་བསྐྱེད་བསྡུད་བྱེད་པའི་ཚུལ་ནི། ཐམས་ཅད་སྟོང་པ་འོད་གསལ་དེ་ལས་མུན་པའི་སྣང་བ་ཉིད་ཐོབ་རླུང་ཁམས་དང་། དེ་ལས་ཡུལ་དུ་སྣང་བའི་སྣང་བ་མཆེད་པ་མ་ཁམས་པ་དང་། དེ་ལས་ཡུལ་ལས་མཚན་མར་འཛིན་པའི་སྣང་བ་ཐོབ་པ་ཆུ་ཁམས་དང་། དེ་ལས་ཕུང་ཁམས་ལ་སོགས་པའི་རབ་སྣང་པ་ཁམས་པ་རྣམས་རིམ་པར་སྐྱེ་ལ། སྡུད་པའི་ཚེ་ཡང་རིམ་པ་བཞིན་རག་སྣང་ནས་ཐམས་ཅད་སྟོང་པ་འོད་གསལ་གྱི་བར་ཐིམ་འགྲོ་བ་ཡིན་ཏེ། ས་ལ་སོགས་པ་བཞི་པོ་དང་། དེ་བཞིན་སྟོང་པ་བཞི་པོ་དག སྐྱེ་བར་འཛིན་པའི་རྒྱུ་ཉིད་དུ། དངོས་པོ་བརྒྱད་པོ་རྣམ་ཤེས་བྱ། ཅེས་གསུངས་པའི་ཕྱིར་རོ། གཉིས་པ་གནས་བྱེད་ལས་དང་བཅས་པ་བཤད་པ་ནི། །ད་

(༦༧)ལྟར་ལུས་གནས་ལས་བྱེད་པ། ཅེས་སོགས་ཚིག་བཅད་དགུ་དང་རྐང་པ་གཅིག་གི་སྲོག་ལ་སོགས་པའི་རྩ་བ་དང་ཡན་ལག་གི་རླུང་བཅུའི་གནས་དང་བྱེད་ལས་རིམ་པར་སྟོན་ཏེ། དེ་ཡང་ཐོག་མར་སྲོག་འཛིན། ད་ལྟར་ལུས་ལ་གནས་པ་དང་ལས་བྱེད་པའི་ཚུལ་ནི། སྤྱིར་ནི་ཕྲ་བའི་ཚུལ་གྱི་ལུས་ཐམས་ཅད་ལ་ཁྱབ་ཀྱང་། རྩ་བ་ནི་ཀུན་གཞིའི་རྣམ་པར་ཤེས་པ་ལས་ལངས་པའི་འདུ་བྱེད་ཡིད་ཀྱི་གཡོ་བ་སྲོག་རླུང་ནི་ལུས་ཀྱི་དབུས་ན་གནས་ནས། རྐྱེན་དང་རྐྱེན་ཅན་གྱི་ཚུལ་གྱི་ཀུན་གཞི་བརྟེན་པར་བྱེད་ལ། ས་ལ་ལྷ་སྦྱིན་བརྟེན་པ་ལྟ་བུའི་རྟེན་བརྟེན་པ་ནི་མ་ཡིན་ཞིང་། ཉོན་མོངས་ཅན་ཡིད་སྲོག་རླུང་ཉིད། ཅེས་ཉོན་མོངས་པ་ཅན་གྱི་ཡིད་སྲོག་རླུང་གཅིག་པར་བཤད་པ་ཡང་། མཚན་གཞི་ལ་གཅིག་པ་ཡིན་གྱི་མཚན་ཉིད་ཀྱི་སྒོ་ནས་ནི་ཐ་དད་དུ་ཡོད་པ་ཡིན་ལ། སྲོག་དེའི་ཁམས་ནི་ནམ་མཁའ་དང་། གསང་འདུས་ལས་གསུང་པའི་མགོན་པོ་ལྔའི་རྒྱུ་བའི་ནང་ནས་ནམ་མཁའི་མགོན་པོ་རྣམ་པར་སྣང་མཛད་ཀྱི་རྒྱུ་བ་ཞེས་བྱ་ལ། འདིའི་ཆ་ཤས་ནི་དུས་སྦྱོར་ཐམས་ཅད་ཀྱི་མཐར་རྒྱུ་ཞིང་། འཆི་བའི་ཉིན་ཞག་གི་ཚེ་འབའ་ཞིག་ཉི་ཁྲི་གཅིག་སྟོང་དྲུག་བརྒྱ་ལོངས་པར་རྒྱུ་སྟེ། དུས་ཀྱི་འཁོར་ལོ་ལས་འཁོར་ལོའི་ལྟེ་བ་གཅོད་པའི་རླུང་ཞེས་བཤད་པ་དེ་ཡིན་ལ། ད་ལྟར་བྱེད་ལས་ནི། སྤྱིར་ཡིད་ཀྱི་ཤེས་པ་ལ་སྣང་བའི་རྣམ་རྟོག་དང་། བདག་འཛིན་ཐམས་ཅད་སྐྱེད་པ་ཡིན་མོད་ཀྱི། ཁྱད་པར་དུ་ཀུན་

(༦༨)གཞི་ལ་དམིགས་ནས་བདག་ཏུ་འཛིན་པ་བསྐྱེད་ཅིང་། དྲན་པ་ཡང་ཕྱིར་ཡིད་ཤེས་རྟོགས་པའི་དྲན་པ་ཐམས་ཅད་དང་། ཁྱད་པར་དུ་མ་ཡེངས་པའི་དྲན་པ་རྒྱུན་བརྟེན་པ་བསྐྱེད་ལ། རང་གནས་སུ་ལོག་པ་ལས་བརྒྱལ་བ་དང་སྨྱོ་བ་སོགས་བྱེད་ཅིང་། གཞི་དུས་སུ་སྙིང་གར་ཐིམ་རིམ་དུ་ལོག་པ་ལས་འཆི་བར་བྱེད་ལ། ད་ལྟར་ལས་གཡོ་བའི་མཚན་ཉིད་ཅན་རྣམ་ཤེས་ཀྱི་རླུང་དང་། ཡེ་ཤེས་ཀྱི་རླུང་རྣམ་པར་མི་རྟོག་པ་སྲ་ཕབ་པའི་མཚན་ཉིད་ཅན་ཁྱབ་བྱ་ཁྱབ་བྱེད་དམ་ཆོས་ཅན་དང་ཆོས་ཉིད་ཀྱི་ཚུལ་གྱིས་འདྲེས་པར་གནས་ཤིང་། ཁ་དོག་མེད་པའི་ཁ་དོག་ཅན་ནམ་མཁའ་ལྟ་བུར་བཤད་པ་ཡིན་ནོ། དེ་ནས་ཐུར་སེལ་ནི་ལྟེ་འོག་ཏུ་རྩ་གསུམ་འདུས་མདོར་གནས་ནས་འོག་ཏུ་འགྲོ་ཞིང་། བྱེད་ལས་གཤང་གཅི་ཁུ་བ་གསུམ་གྱི་དངས་སྙིག་བསྐྱེད་ཅིང་། སྐད་ཅིག་ཡ་འབྱིན་པ་དང་དངས་མ་།།།པ་ལ་སོགས་བྱེད་ལ། དུང་ཅན་གྱི་དྲུང་དུ་ཁམས་དཀར་ཆའི་བདེ་བའི་རྟེན་བྱེད་ཅིང་ལོག་པ་ལས་སྨད་ཀྱི་ནད་བསྐྱེད་པར་བྱེད་དོ། གྱེན་རྒྱུ་ནི་ལྟེ་བའི་མདུན་ཕྱོགས་ཀྱི་རྩ་ལས་བྱུང་ཞིང་། མགྲིན་པའི་གནས་སུ་ཕལ་བའི་ལྷག་མྱང་ལ་སོགས་པའི་ལས་ཀུན་བྱེད་ལ། གཙོ་བོར་ངག་གི་རྣམ་པ་རིག་བྱེད་ཐམས་ཅད་དང་ཁྱད་པར་དུ་གླུ་དང་དེ་ལས་བྱུང་བའི་གར་ལ་སོགས་པ་བྱེད་ཅིང་། ལོག་ན་སྡོད་ནད་ཕལ་ཆེར་བསྐྱེད་པར་བྱེད་དོ། མི་མཉམ་ནི་མེ་འཚམས་སྟེ་མདུན་ལས་གཡས་ཕྱོགས་ལ་ཉེ་བ་ལ་རྒྱུ་ཞིང་། ནད་གཞི་གསུམ་དང་འགྲོག་ནས་ཕོ་བར་ཟུག་སྟེ། ཁ་ཟས་ཀྱི་དངས་སྙིགས་

(༦༩)འབྱེད་ཅིང་དངས་མ་འདུས་ཀྱི་གནས་ཀུན་ཏུ་འཁྱེར་བར་བྱེད་ལ། ལོག་ན་སོ་འཁྲོག་དང་འཁྲུ་བ་དང་མ་རུངས་པར་བྱེད་དོ། ཁྱབ་བྱེད་ནི་གཡས་ནས་རོ་མ་དང་འབྲེལ་ནས་ལུས་ཚིག་ཀུན་ལ་གནས་ཤིང་། ལུས་ལྡེག་འཇོག་དང་སྟོབས་ལ་སོག་པ་བྱེད་ལ། ལོག་པ་ལས་ཡན་ལག་ཞ་རོངས་ལ་སོགས་པའི་ལས་ཀུན་བྱེད་དོ། དེ་ནས་སྙིང་གའི་བདེན་བྲལ་དང་། རྒྱལ་ཕྱོགས་དང་། རླུང་འཚམས་དང་། གཡོན་ཕྱོགས་དང་། དག་ལྡན་རྣམས་པ་རིམ་པ་ལྟར་ཀླུ་ལ་སོགས་པའི་ཡན་ལག་གི་རླུང་ལྔ་གནས་སྟེ། དེ་དག་གི་བྱེད་ལས་ནི། ཀླུའི་རླུང་ནི་གཟུགས་འཛིན་ཞིང་ལུས་ཀྱི་སྒོག་ཆོས་རྣམས་བསྐྱེད་པར་བྱེད་ལ། རུས་སྦལ་གྱི་སྒྲ་འཛིན་པ་དང་རྐང་ལག་བསྐྱོད་པ་སོགས་བྱེད། རྩང་པས་དྲི་འཛིན་པ་དང་ཁྲོ་འཁྲུག་བྱེད། ལྷ་སྦྱིན་གྱི་རོ་འཛིན་པ་དང་གྲ་པ་བའི་ལས་བྱེད། ནོར་ལྷས་རྒྱལ་གྱི་རེག་བྱ་འཛིན་པ་དང་ལུས་འདི་ཤི་ནས་ཆ་ཤས་སུ་མ་འཐོར་གྱི་བར་དུ་གནས་པར་བྱེད་ལ། དེ་ལྟར་རླུང་བཅུ་པོ་ནི་དེ་ལྟ་སྙིང་གའི་ཐུན་བརྒྱད་ཀྱི་རང་བཞིན་དུ་འབབ་ཅིང་། ཁམས་ཀུན་འབྱུང་ཡིན་པའི་ངེས་པས་རེ་རེ་ཡང་ཁམས་ལྔའམ་དྲུག་གི་བདག་ཉིད་ཅན་ཡིན་ཏེ། རླུང་ཕྱིར་འགྲོ་བ་ན་སྡུད་རིམ་དང་། ནང་དུ་བྱུང་བ་ན་བསྐྱེད་རིམ་དུ་འབྱུང་བ་ཡིན་ལ། དེ་ལྟར་རྩ་བ་དང་ཡན་ལག་གི་རླུང་འདི་རྣམས་ནི་གཙོ་བོར་བསྟན་པ་ཡིན་ནོ། གསུམ་པ་རྒྱུ་བའི་ཚུལ་བྱེད་ལས་དང་བཅས་པ་བཤད་པ་ལ། ནང་དུ་རྒྱུ་བའི་ཚུལ། ཕྱིར་རྒྱུ་བའི་ཚུལ་

(༧༠)རྒྱུ་བའི་རིམ་པ་ཁ་དོག་དང་སྟོབས་དང་ཡོན་ཏན་དང་བཅས་པ། རྒྱུད་ཕན་ཚུན་གྱིས་དགོངས་པ་གཅིག་ཏུ་བསྟན་པ་སྟེ་བཞི་ལས། དང་པོ་ནི། རྒྱུ་ཚུལ་ཕྱི་ནང་གཉིས་ཡིན་ཏེ། ཞེས་སོག་ཚིག་བཅད་བཅུ་གཅིག་དང་རྐང་པ་གཅིག་གི་སྟོན་ཏེ། དེ་ཡང་རྒྱུ་བའི་ཚུལ་ནི་ཕྱི་ནང་གཉིས་ལས། ནང་དུ་རྒྱུ་བ་ལ་དོན་ཚན་ལྔ་སྟེ། འཁོར་བཞིར་རྒྱུ་བ། སྤྱིའི་ཁམས་བསྟན་པ་ཚིག་ཆེན་བཅུ་གཉིས་ལ་རྒྱུ་བའི་ཚུལ། ཕྲ་མོ་རྣམས་ལ་རྒྱུ་བའི་ཚུལ། དེ་དག་དགག་པའི་རིམ་པ་རྣམས་སུ་ཡོད་པ་ལས། འཁོར་ལོ་བཞིར་རྒྱུ་བའི་ཚུལ་ནི། སྔར་བཤད་པའི་མཚན་ཉིད་ཅན་གྱི་སྲོག་རླུང་དགྲ་གཅན་གྱི་རང་བཞིན་ཅན་ནི། ལུས་ཀྱི་དབུས་དབུ་མའི་ནང་ན་གནས་ནས་རྩ་ཐམས་ཅད་ཀྱི་རྟེན་དང་འཕེལ་འགྲིབ་ཀྱི་བདག་པོ་བྱེད་དེ་དཔེར་ན་རྒྱལ་པོ་ལྟ་བུ་ཡིན་ལ། དེ་ནས་ཇི་ལྟར་སྙིང་གའི་འཁོར་ལོ་ལ་ནི་དབུ་མ་ལས་གྱེས་པའི་སྟོང་པའི་རྩ་བ་བཞི། དེ་ལས་གཉིས་གཉིས་སུ་གྱེས་པས་བརྒྱད་ཡོད་པ་ལྟར་གསང་གནས་དང་གཙུག་གཏོར་མ་གཏོག་པའི་འཁོར་ལོ་རྣམས་ལ་ཡང་བརྒྱད་ཀྱི་བར་དུ་ཡོད་དེ། དེ་ནི་ཁམས་བཞི་དང་ཡོན་ཏན་བཞིའི་རང་བཞིན་ཅན་ནམ་ཡང་ན་ཕུང་ཁམས་གྱི་དབྱེ་བའི་དབང་ལས་ཡིན་ལ། དེ་དག་གི་སྟེང་འོག་ཏུ་ནམ་མཁའ་དང་ཡེ་ཤེས་ཀྱི་རྩ་གཉིས་གཉིས་དང་བཅས་པས་བཅུ་བཅུར་འགྱུར་བ་ལས། བྱེ་བྲག་ཏུ་སྤྱི་བོའི་འཁོར་ལོ་ནི་བསྡུས་རྒྱུད་ཐུན་མོང་བ་རྣམས་སུ་དེ་ལས་གྱེས་ནས་རྩ་འདབ་སུམ་བཅུ་རྩ་གཉིས་ཡོད་པར་བཤད་དེ། དེ་ནི་ནང་སྐོར་གྱི་བཅུ་དྲུག་ལས་ཁམས་དཀར་ཆ་ལྷག་པར་གནས་ཤིང་། ཕྱི་བསྐོར་གྱི་བཅུ་དྲུག་ལ་

(༧༡)དམར་ཆ་གནས་པ་ཡིན་པས་དེ་གཉིས་ཀ་བསྡོམ་པའི་དབང་དུ་བྱས་པ་ཡིན་ལ། དུས་ཀྱི་འཁོར་ལོ་ཟླ་བའི་རྐང་པ་དང་མཚུངས་པའི་རླུང་རྒྱུ་བའི་ཕྱིར་བཅུག་ཏུ་བཤད་ལ། དེ་ལ་ཟླ་རྐང་དུ་འཇོག་པའི་རྒྱུ་མཚན་ནི། འཁོར་ལོ་འདིར་དཀར་ཆ་ལྷག་པར་གནས་པ་ཡིན་པ་ལས་འཕེལ་འགྲིབ་ཀྱི་མཐའི་བརྒྱད་པ་གཉིས་ནི་སྟོང་པའི་རང་བཞིན་ཡིན་ཏེ། གཞན་བཅུ་བཞི་ནི་རིམ་པ་ལྟར། །གཟུགས་སྒྲ་དྲི་རོ་རེག་བྱ་སྟེ་ཡོན་ཏན་ལྔ་ལྔ་དང་ལྡན་པའི་རྩ་གསུམ་དང་། དེ་ལས་སྒྲས་དམན་པའི་ཡོན་ཏན་བཞི་དང་ལྡན་པ་གཅིག །དེ་ལས་རེག་བྱས་དམན་པའི་ཡོན་ཏན་གསུམ་དང་ལྡན་པ་གཅིག །དེ་ལས་རོས་དམན་པའི་ཡོན་ཏན་གཉིས་ལྡན་གཅིག །དེ་ལས་གཟུགས་ཀྱི་དམན་པའི་ཡོན་ཏན་གཅིག་ལྡན་གཅིག་སྟེ། དེ་ལྟར་བདུན་པོ་དེ་ནི་སྔ་རྐང་ཡིན་ལ། དེ་ལས་བཟློག་ཏེ་རྩ་དང་པོ་ཡོན་ཏན་གཅིག་ལྡན་ནས་ཐ་མ་གསུམ་ཡོན་ཏན་ལྔ་ལྡན་ཡིན་པའི་བར་ནི་ཕྱི་རྐང་ཡིན་ལ། བསྡུས་རྒྱུད་ཐུན་མོང་བ་ལས་བཤད་པའི་དག་པ་ནི། དབང་ཕྱུག་གུ་ཉེར་བརྒྱད་དང་སྟོང་པ་གཞི་འབབ་པའི་དབང་ལས་སོ་གཉིས་སུ་བཞག་པ་དང་། སྤྱིར་ནི་ཞག་གཅིག་གི་ཉིན་མཚན་རེ་རེ་ལ་ཆུ་ཚོད་སུམ་བཅུ་སོ་གཉིས་རེ་ཡོད་པའི་དབང་ལས་རྩ་ཡང་དེ་སྙེད་དུ་བཞག་ཅིང་། རླུང་ཡང་དེ་སྙེད་དུ་རྒྱུ་བར་བཤད་པ་དང་། དེ་ལས་སྟོང་པའི་རྩ་གཉིས་གཅིག་ཏུ་བསྡོམ་ནས་སུམ་བཅུ་ནི་ཡུད་ཙམ་སུམ་བཅུའི་བདག་ཉིད་ཅན་ཡིན་པར་བརྗོད་དོ། མགྲིན་པའི་འཁོར་ལོ་ལ། བསྡུས་རྒྱུད་ཐུན་མོང་བ་རྣམས་ལ་བཅུ་དྲུག་དུ་བཤད་ཅིང་། དུས་ཀྱི་འཁོར་ལོ་ལ་སོགས་ལས་ཐབས་ཤེས་སུ་

(༧༢)བྱ་བས་སུམ་བཅུ་རྩ་གཉིས་སུ་བཤད་དེ། དེ་ལ་འཚམས་ཀྱི་རྩ་བཞི་སྟོང་པ་རྒྱུ་ཞིང་། ཕྱོགས་བཞིར་བདུན་བདུན་ཏེ་ཉི་ཤུ་རྩ་བརྒྱད་དུ་རྒྱུ་སྐར་གྱི་ལོངས་སྤྱོད་མཚུངས་པའི་རླུང་རྒྱུ་བ་ཡིན་ལ། གཞན་བཤད་རྒྱུད་རྣམ་ཕྲེང་བ་དང་། བདེ་མཆོག་དང་ཀྱཻ་རྡོར་ལ་སོགས་པ་ནས་ཐུན་བརྒྱད་ལ་ཕྱེད་མར་བྱས་པའི་འཕོ་བའི་བཅུ་དྲུག་གི་དེས་པས་རྩ་འདབ་བཅུ་དྲུག་ཏུ་བཤད་པ་ཡིན་ནོ། ལྟེ་བའི་འཁོར་ལོའི་རྩ་འདབ་དྲུག་བཅུ་རྩ་བཞི་ནི། ཁྱིམ་རེ་རེ་ལ་དཀྱིལ་འཁོར་ལྔ་ལྔའི་དབྱེ་བས་ཕྱེ་བས་ལྔ་ཚན་བཅུ་གཉིས། དེ་ཐམས་བསྡོམ་པས་དྲུག་བཅུ་སྟེ། དེ་ཡང་གཡོན་ནས་སུ་གཡོག་མི་མཉམ་པའི་དུས་སྦྱོར་དང་། གཡས་ནས་གླང་སོག་མཉམ་པའི་དུས་སྦྱོར་འབབ་པ་ལས། དབུགས་རེ་རེའི་ཡང་པོ་གཉིས་ཆ་དེ་ཡེ་ཤེས་ཀྱི་ཆ་ཡིན་པས་མི་རྒྱུ་ཞིང་། དེ་བསགས་པ་ལས་དཀྱིལ་འཁོར་སོ་སོའི་འཚམས་སུ་བཅུ་གཅིག་གི་རྐང་བཅས་སུ་ལངས་སྟེ། དེ་ཡང་།།།ཡིན་ལ། དེ་དུས་སྦྱོར་དུ་ལོངས་པ་ན་ལྔ་བཅུ་རྩ་དྲུག་རྐང་བཅས་སུ་ལོངས་ནས་སྟོང་པའི་རྩ་བཞི་དབུ་མ་མཉམ་རྒྱུའི་ངོ་བོར་རྒྱུ་བ་ཡིན་ནོ། དེ་ནས་སྤྱིའི་ཁམས་བཤད་པ་ནི། འཁོར་ལོ་དྲུག་པོ་ཀུན་ཡང་། མདུན་ཕྱོགས་ཐམས་ཅད་རླུང་དང་། གཡས་མེ། གཡོན་ཆུ། རྒྱབ་ཕྱོག་ས་ཡིན་ཞིང་། དཀྱིལ་འཁོར་འབབ་པའི་རྩ་རྣམས་ཀྱི་ཡང་དབུ་མ་ནམ་མཁའ་དང་། ཤར་རླུང་ཡིན་པ་སོགས་དང་། འཚམས་ཀྱི་རྩ་རྣམས་ཀྱང་ཕྱོགས་ཀྱི་རྗེས་སུ་འབྲང་སྟེ། ཤར་ལྷོ་རླུང་ཡིན་པ་ནས། ནུབ་བྱང་ས་ཡིན་པའི་བར་དང་བཅས་པས་རག་པ་ཡིན་ནོ། དེ་བཞིན་དུ་ཚིག་

(༧༣)ཆེན་བཅུ་གཉིས་སུ་རླུང་རྒྱུ་བའི་ཚུལ་ནི། ཡན་ལག་རེ་རེ་ལ་ཚིག་གསུམ་གསུམ་སྟེ་བཅུ་གཉིས། དེ་རེ་རེའི་འཁོར་ལོ་སུམ་བཅུ་སུམ་བཅུ་སྟེ་དྲིལ་བས་སུམ་བརྒྱ་དྲུག་བཅུ་སྟེ། དེའི་ནང་ནས་སྲོག་རྒྱུ་ཞིང་དེ་ཡང་དཀར་ཆ་དང་འབྲེལ་བ་ལས་དབྱངས་དང་། དམར་ཆ་དང་འབྲེལ་པ་ལས་གསལ་བྱེད་ཀྱི་ངོ་བོ་ཉིད་དུ་རྒྱུ་བ་ཡིན་ལ། ཉིང་ལག་གི་ཚིག་རེ་རེ་ལ་རྩ་འདབ་དྲུག་དྲུག་སྟེ། དྲིལ་བས་གོང་དང་མཚུངས་པ་ཡིན་ནོ། རྩ་ཕྲ་མོ་རྣམས་སུ་རྒྱུ་བའི་ཚུལ་ནི། སྟོང་ཕྲག་ཉི་ཤུ་རྩ་བཞིར་དབུ་མ་དགྲ་གཅན་གྱི་རླུང་རྒྱུ་བ་ཐུགས་རྡོ་རྗེའི་བདག་ཉིད་དང་། སྟོང་ཕྲག་ཉི་ཤུ་རྩ་བཞིར་ནི་རོ་མ་དམར་ཆ་འབབ་པ་གསུང་རྡོ་རྗེའི་བདག་ཉིད་དེ། དེ་དག་བསྡོམ་པ་ལས་སྟོང་ཕྲག་བདུན་ཅུ་རྩ་གཉིས་སུ་ཉི་ཁྲི་ཆིག་སྟོང་དྲུག་བརྒྱའི་རླུང་རྒྱུ་བ་ཡིན་ལ། འོ་ན་སྟོང་ཕྲག་བདུན་བཅུ་རྩ་གཉིས་གྱི་རྩར་རླུང་གནས་པ་དང་རྒྱུ་བ་ཡིན་ན། ཉི་ཁྲི་ཆིག་སྟོང་དྲུག་བརྒྱ་ནི་རོ་རྐྱང་ལམ་ནས་སྣ་སྒོར་འབབ་པ་ཡིན་པས་ན། སྟོང་ཕྲག་བདུན་བཅུ་རྩ་གཉིས་ལས། ཉི་ཁྲི་ཆིག་སྟོང་དྲུག་བརྒྱ་འབབ་པ་ནི་མི་འཐད་དོ་སྙམས་ན། དེ་ལ་སྐྱོན་མེད་དེ། སྣ་སྒོར་འབབ་པའི་རླུང་ནི་ཕྱིར་འགྲོ་བ་བསྡུད་རིམ་རོ་མའི་ཆོས་ཅན་དང་། ནང་དུ་འོང་བ་བསྐྱེད་རིམ་བྱུང་བའི་ཆོས་ཅན་དང་། །དེ་ཡི་སོ་གཉིས་རྩ་ནི་ནུ་མའི་ཆོས་ཅན་ཡིན་ཞིང་། འཁོར་ལོ་ལྔའི་ལྟེ་བའི་ཁམས་ལྔས་བྱིན་གྱིས་བརླབས་ནས་འབབ་པ་ཡིན་ལ། སྟོང་ཕྲག་བདུན་

(༧༤)བཅུ་རྩ་གཉིས་སུ་གནས་པའི་རླུང་ཡང་རྩ་གསུམ་འཁོར་ལོ་ལྔའི་ཁམས་ལྔས་བྱིན་གྱིས་བརླབ་པ་ཡིན་པས་ནི། དེ་ལྟར་ནང་ནས་རྒྱུ་བར་འགྱུར་རོ། མཐར་འགག་པའི་རིམ་པ་ནི། དབུ་མ་དུས་འཚེ་།།།དབང་དུ་བྱས་ནས་འཆི་བའི་ཚེ་ལུག་ལ་སོགས་པའི་དུས་སྦྱོར་གང་ཡང་རྒྱུད་བའི་རྩ་གཅིག་ཏུ་རླུང་རྒྱུ་བ་འགག་པ་དེའི་ཚེ་རྩའི་གཙོ་མོ་ཉི་ཤུ་རྩ་བཞི་དང་། དེ་ལས་གྱེས་པའི་རྩ་ཐམས་ཅད་ཀྱི་རླུང་གི་ཕྱོག་ཀུན་ཏེ་ཆ་ཐམས་ཅད་འགག་པར་འདྲ་ལ། འདི་དག་ལ་ཕྱི་ནང་གི་སྦྱར་བཤད་ཀྱི་དབྱེ་བ་དཔག་ཏུ་མེད་ཀྱང་། ཕལ་ཆེར་ཕྱི་རོལ་གྱི་རྩིས་གཞི་དང་མཚུངས་པས་ན་ཕྱི་རོལ་གྱི་གཅིག་དང་ནང་གི་ཞག་གཅིག་ཆོས་མཚུངས་སྟེ། ཇི་ལྟར་ཞེ་ན། ཕྱི་རོལ་དུ་ལོ་གཅིག་ལ་ཟླ་བ་བཅུ་གཉིས་ཡོད་པ་དང་། ནང་དུ་ཞག་གཅིག་ལ་འཕོ་བ་བཅུ་གཉིས་ཡོད་པ་ཆོས་མཚུངས་ཤིང་། ཕྱི་རོལ་དུ་ཁྱིམ་རེ་ལ་དབྱུག་གུ་ལྔ་ལྔ་ཡོད་པ་དང་། ནང་དུ་འཕོ་བ་རེ་ལ་དཀྱིལ་འཁོར་ལྔ་ལྔ་ཡོད་པ་ཆོས་མཚུངས་ལ། ཕྱི་རོལ་ཏུ་ལོ་གཅིག་ལ་ཆུ་ཚོད་ཉི་ཁྲི་གཅིག་སྟོང་དྲུག་བརྒྱ་ཡོད་པ་པ་དང་། །ནང་དུ་ཞག་གཅིག་ལ་དབུགས་ཉི་ཁྲི་སྟོང་དྲུག་བརྒྱ་ཡོད་པ་ཆོས་མཚུངས་པ་ཡིན་ནོ། གཉིས་པ་ཕྱི་རོལ་དུ་རྒྱུ་བའི་ཚུལ་ལ། སྤྱིར་བཤད་པ། དུས་སྦྱོར་རྒྱས་པར་བཤད་པ། དབུ་མའི་རླུང་བཤད་བ་སྟེ་གསུམ་ལས་དང་པོ་ཉིད། དེ་ནས་ཕྱི་རོལ་རྒྱུ་བ་བཤད། ཅེས་སོགས་ཚིག་བཅད་བཞི་དང་རྐང་པ་གསུམ་གྱི་སྟོན་ཏེ། དེ་ཡང་ཕྱི་རོལ་དུ་རྒྱུ་བའི་ཚུལ་ནི། ཕྲ་བར་བ་སྤུ་བྱེ་བ་

(༧༥)ཕྲག་ཕྱེད་དང་བཞི་དང་། དྲག་པར་དག་པོའི་སྒོ་ཐམས་ཅད་ནས་རྒྱུ་བ་ཡིན་ཡང་། བྱེད་ལས་ཁྱད་པར་ཅན་གྱི་སྒོ་ནས་འཇུག་པའི་སྒོ་ནི། ལྟེ་བའི་རྩ་ཆེན་གཉིས་བརྒྱུད་ནས་སྣ་བུག་གཉིས་ནས་རྒྱུ་བ་ལས། དེ་ཡི་གཡས་རོ་མ་མེའི་ཉི་མའི་ཆོས་ཅན་བསམ་པའི་སྒོ་ནས་ཐབས་དང་ལུས་ཀྱི་སྒོ་ནས་ཤེས་རབ་ཀྱི་བདག་ཉིད་དུ་གསུང་རྡོ་རྗེ་རང་བཞིན་ཡིན་ལ། བྱེད་ལས་ནི་དུག་གི་རླུང་ཞེས་བྱ་སྟེ། སྡུད་རིམ་ཡིན་པའི་ཕྱིར་འཁོར་བ་ཇི་སྲིད་པར་མི་དགེ་བའི་ལྟས་སྟོན་པར་བྱེད་དོ། གཡོན་པ་རྐྱང་མ་ཟླ་བ་ཆུའི་ཆོས་ཅན་བསམ་པ་ཤེས་རབ་དང་ལུས་ཐབས་གྱི་བདག་ཉིད་པ་རྡོ་རྗེའི་རང་བཞིན་བྱེད་ལས་བདུད་རྩི་ཡིན་ཏེ། སྐྱེད་རིམ་ཡིན་པས་ན་འཁོར་བའི་གནས་སྐབས་སུ་དགེ་བའི་ལྟས་སྟོན་པ་ཡིན་པའི་ཕྱིར་རོ། དེ་གཉིས་ནི་ཐབས་དང་ཤེས་རབ་ཀྱི་རང་བཞིན་ཏེ། དེ་རེ་རེ་ཡང་ཞག་རེ་བཞིན་ཁྲི་དང་བཞི་བརྒྱ་དྲུག་བཅུ་ཕྱེད་དང་རྩ་གསུམ་རེ་རྒྱུ་ཞིང་། དེ་གཉིས་ལ་ནང་གི་ཉི་ཟླའི་རླུང་ཞེས་བརྗོད་ཅིང་བསྡོམ་པ་ལས་ཉི་ཁྲི་དགུ་བརྒྱད་དང་ཉི་ཤུ་རྩ་ལྔ་ཡོད་ལ། དེ་གསུམ་ཀྱི་དབུས་ནས་རྒྱུ་བའི་རླུང་དྲུག་བརྒྱ་བདུན་བཅུ་རྩ་ལྔ་ནི། ཟླ་ཉི་ལ་ལྟོས་པའི་དགྲ་གཅན་དང་ཁམས་ལས་ནམ་མཁའ་དང་། དེ་རྐྱང་གཉིས་ཀྱི་བཟུང་འཛིན་བསྐྱེད་པས་དེ་ལ་ལྟོས་ནས་ཡེ་ཤེས་ཀྱི་རླུང་ཡིན་ཞིང་ཐབས་ཤེས་གཉིས་སུ་མེད་པ་ཐུག་རྡོ་རྗེའི་རང་བཞིན་ཡིན་ཏེ། བཤད་རྒྱུད་རྡོ་རྗེ་ཕྲེང་པ་ལས། རྣམ་པར་རྟོག་པའི་རླུང་གཉིས་ནི། སྣའི་བུ་ག་གཉིས་ནས་རྒྱུ། ཡང་དབང་ཟླ་བ་ཉི་མ་གཉིས། སྦས་པ་

(༧༦)ནང་ནས་རྒྱུ་བར་བྱེད། ཅེས་གསུངས་པའི་ཕྱིར་རོ། དེ་ལ་ངོ་བོའི་སྒོ་ནས་དབྱེ་ན་ས་སོགས་ཁམས་ལྔའི་བདག་ཉིད་ཡིན་པར་འོག་ནས་འཆད་པ་ལྟར་ཡིན་ལ། སྐྱེ་བ་ཡང་བཙའ་བའི་དུས་སུ་ལ་མི་ཡི་ལྟེ་བ་དང་འབྲེལ་བའི་རླུང་ཆད་ཅིང་། དེ་ནས་སྣའི་སྒོར་རྒྱུ་བས་ན་ཀརྐ་ཌའི་ཁྱིམ་དུ་བཤད་ཅིང་། ཉི་མ་ཀརྐ་ཌའི་ཁྱིམ་དུ་སྐྱེས་པ་ཡིན་པའི་ཕྱིར་རོ། གཉིས་པ་དུས་སྦྱོར་རྒྱས་པར་བཤད་པ་ནི། ད་ནི་དུས་སྦྱོར་བཤད་པར་བྱ། ཅེས་སོགས་ཚིག་བཅད་བཞིའི་སྟོན་སྟེ། དེ་ཡང་རྩ་བ་ཡན་ལག་དང་བཅས་པའི་རླུང་བཅུ་དང་། འཁོར་ལོ་རྣམས་དང་། ཚིགས་ཆེན་བཅུ་གཉིས་དང་། ལུས་ཀུན་ཏེ་ཡུལ་ཉི་ཤུ་རྩ་བཞིའི་རྩ་རྣམས་ལས་རིམ་པར་བརྒྱུད་དེ་ལྟེ་བའི་འཁོར་ལོ་སྲོག་གི་ནུས་པ་བསྐྱེད་ནས་སྣ་སྒོ་གཉིས་ནས་འབབ་སྟེ། དེ་ཡང་གཡས་ནས་གླང་སོག་མཉམ་པ་དང་། གཡོན་ནས་ལུག་སོགས་མི་མཉམ་པའི་ཁྱིམ་བཅུ་གཉིས་སུ་རེ་མོས་འབྱུང་སྟེ། ཕྱི་རོལ་དུ་ཉི་མ་ལྷོར་བགྱོད་ཀྱི་དང་པོ་ཀརྐ་ཌའི་ཁྱིམ་དུ་སྐྱེས་ནས་ཟླ་བ་དྲུག་དུ་ཉི་མའི་སྟོབས་འབྲི་ཞིང་། ཟླ་བའི་སྟོབས་འཕེལ་ལ། ཆུ་སྲིན་ལ་སོགས་པའི་བྱང་བགྲོད་དྲུག་ལ་ཟླ་བའི་སྟོབས་འབྲི་ཞིང་། ཉི་མའི་སྟོབས་འཕེལ་བ་ཡིན་པས་བྱང་བགྲོད་དང་། རང་གི་སྣ་བུག་གཡས་གཉིས་ཆོས་མཚུངས་རྒྱུ་ཡིན། དྲི་མེད་འོད་དུ། ཀརྐ་ཌ་སོགས་དང་གཡས་སྦྱར་བྱུང་བ་ནི། གཡས་ནས་འབྱུང་བའི་རླུང་ཉི་མ་ཡིན་ལ། དེ་སྡུད་རིམ་ཡིན་ཞིང་འབྱུང་

(༧༧)འཇུག་གཉིས་ལས་འབྱུང་བའི་ཆོས་ཅན་ཡིན་པས་ཉི་མའི་སྟོབས་ནུས་ལ་ཉམས་པའི་ཆོས་ཅན་ཡིན་པའི་ཕྱིར་ལྷོར་བགྲོད་དང་མཚུངས་པ་ཡིན་ལ། གཡས་ཀྱི་དུས་སྦྱོར་རེ་རེ་ཡང་ས་ཆུ་མེ་རླུང་ནམ་མཁའི་དཀྱིལ་འཁོར་ལྔ་དང་། དེ་རེ་རེ་ལ་སུམ་བརྒྱ་དྲུག་བཅུ་སྟེ་སྡོམ་པ་ལས་འཕོ་ཆེན་གཅིག་ལ་སྟོང་བརྒྱད་བརྒྱ་འབྱུང་བ་ཡིན་ལ། དེ་ནས་གཡོན་ནས་ཟླ་བ་ཆུའི་ཆོས་ཅན་གྱི་རླུང་ནི་ནམ་མཁའ་རླུང་མེ་ཆུ་པའི་རིམ་པས་སྐྱེད་རིམ་དུ་འབབ་ཅིང་། གྲངས་ནི་གོང་དང་མཚུངས་ལ། དེ་ལྟར་འཕོ་བ་བཅུ་གཉིས་སྡོམ་པ་ལས་ཉི་ཁྲི་གཅིག་སྟོང་དྲུག་བརྒྱ་ཡིན་ནོ། གསུམ་པ་དུ་མའི་རླུང་ནི། དེ་ལས་ཡེ་ཤེས་རླུང་བཤད་པ། ཞེས་སོགས་ཚིག་བཅད་གསུམ་དང་རྐང་པ་གསུམ་གྱི་སྟོན་ཏེ། དེ་ཡང་ཞག་གཅིག་གི་ཉི་ཁྲི་ཆིག་སྟོང་དྲུག་བརྒྱ་པོ་དེའི་ཁོང་དུ་གཏོག་པའི་ཡེ་ཤེས་ཀྱི་རླུང་གི་དྲུག་བརྒྱ་བདུན་བཅུའི་རྩ་ལྔ་ཡིན་ལ། དེའི་ཚུལ་ཡང་འཆི་ཆེན་རེའི་མཐར་ལྔ་བཅུ་རྩ་དྲུག་དང་བཞི་ཆ་གཅིག་དང་། དེ་ཡང་དབྱུག་གུའི་དཀྱིལ་འཁོར་གཅིག་གི་མཐར་བཅུ་གཅིག་གི་དང་བཞི་ཆ་སྟེ། མདོར་ན་དབུགས་གཅིག་གི་སོ་གཉིས་ཆ་བསགས་པ་ལས་དེ་ལྟར་འགྱུར་བ་ཡིན་ལ། སོ་གཉིས་ཆ་དེའི་ཡང་ཕྱེད་ནི་ཕྱིར་རྒྱུ་ཞིང་ཕྱེད་ནི་དབུ་མར་ནང་དུ་རྒྱུ་བ་འཕེལ་བར་འགྱུར་ཞིང་། འདི་ནི་གཟའ་ལྔ་དང་གཟའི་གཙོ་བོ་ཉི་ཟླ་གཉིས་མཇུག་རིངས་སྟེ་གཟའ་རྣམས་ཀྱི་རྐང་པའི་དག་པ་ཡང་འདི་ལས་འབྱུང་སྟེ། ནང་དུ་སྣ་བུག་གཉིས་དང་དབང་པོའི་སྒོ་

(༧༨)དང་སྤྱི་གཙུག་།།།རླུང་རྒྱུ་བ་ཐམས་ཅད་ཀྱི་རྩ་བ་ཡིན་ལ། ཕྱིར་འགྲོ་བ་འཕེལ་བས་འཆི་ལྟས་སུ་འགྱུར་ཞིང་། ནང་དུ་ཟིན་ན་འཆི་མེད་རྡོ་རྗེའི་སྒྱུ་འགྲུབ་ཅིང་ལོ་བརྒྱའི་དབུ་མ་ཡེ་ཤེས་སྐྱེ་།།།། དེ་ལྟར་ཞག་དང་ཟླ་བ་ལ་སོགས་པའི་ཤོལ་དང་འཕེལ་འགྲིབ་རྣམས་ཀྱང་འདིའི་དོན་རྟོག་པ་ལས་འཆར་བ་ཡིན་ནོ། གསུམ་པ་རྒྱུ་བའི་རིམ་པ་དགེ་སྟོབས་།།།ཡོན་ཏན་དང་བཅས་པ་བཤད་པ་ལ། །།།རྩའི་ཕྱོག་གང་ནས་རྒྱུ་བ། དེ་དག་ཁ་དོག་གི་གང་ཡིན་པ། དེ་ཕྱི་རོལ་གྱི་གཟའ་དང་སྦྱར་པ་།།། །།། དང་པོ་ནི། རྒྱུ་རིམ་ཁ་དོག་སྟོབས་ཡོན་ཏན། ཞེས་ཚིག་བཅད་ཕྱེད་གཉིས་ཀྱི་སྟོན་ཏེ། དེ་ཡང་།།། །།།གཡས་གཡོན་གཉིས་ཀའི་བྱང་ཡིན་ཞིང་། རླུང་དེ་ཡང་ཆུ་རླུང་ཡིན་ལ་།།། །།།ཕྱི་རོལ་གཤོག་པ་གཉིས་ནི་།།། སྟེང་གཉིས་ནས་རླུང་གི་རླུང་དང་འོག་གཉིས་།།། རླུང་དང་། །།། གཉིས་པ་ཁ་དོག་ནི། ས་ཆུ་མེ་རླུང་།།།རྣམས་རིམ་པ་བཞིན་པོར་དཀར་དམར་།།།སྔོ་བར་འདོད་པ། འདིར་ནམ་།།།མཁའ་

(༧༩)སྔོན་ནི་བསམ་པའི་སྒོ་ནས་བཞག་པ་ཡིན་གྱིས། ལུས་ཀྱི་སྒོ་ནས་ལྗང་གུ་ཡིན་ནོ། གསུམ་པ་གཟའ་དང་སྦྱར་བ་ནི། རླུང་འདི་དག་ལ་གཟའ་གང་དང་གང་བཏག་པར་གནས་པ་ལས་སྟོབས་ལ་སོགས་པ་ཤེས་པ་ཡིན་ཏེ། དེ་ཡང་གཡས་པའི་དཀྱིལ་འཁོར་ལྔ་ལ་དབྱངས་རིང་པོ་ལྔ་དང་དྲག་གཟའ་ལྷག་པར་གནས་ཏེ། སྡུད་རིམ་གྱི་ངེས་པ། ས་རླུང་ལ་ལཱི་དང་སྤེན་པ། ཆུ་རླུང་ལ་ཨུ་དང་ཕུར་བུ། མེ་རླུང་ལ་རེ་དང་བཀྲ་ཤིས། རླུང་གི་རླུང་ལ་ཨཱི་དང་ཉི་མ། ནམ་མཁའི་རླུང་ལ་ཨཱ་དང་དུས་མེ་རྣམས་དང་། གཡོན་པའི་དཀྱིལ་འཁོར་།།། དབྱངས་ཐུང་ངུ་ལྔ་དང་ཞི་གཟའ་ལྷག་པར་གནས་ཏེ། སྐྱེད་རིམ་དུ་ཨ་དང་སྒྲ་གཅན། རླུང་ལ་ཨི་དང་ཟླ་བ། མེ་ལ་རེ་དང་གཟའ་ལྷག །ཆུ་ལ་ཨུ་དང་པ་སངས། ས་ལ་ལམ་དང་མཇུག་རིང་རྣམས་རིམ་པ་བཞིན་དུ་གནས་པ་ཡིན་ནོ། བཞི་པ་ལས་གང་འགྲུབ་པ་ནི། ནང་གི་ཕུང་པོ་དང་ཁམས་དང་སྐྱེ་མཆེད་སོགས་དང་། དེའི་ཆོས་ཅན་ཕྱི་རོལ་གྱི་དངོས་པོ་རྣམས་བྱ་བྱེད་མཐུན་པ་ནི་བསམ་གྱིས་མི་ཁྱབ་པའི་རྟེན་འབྲེལ་ཡིན་པས་ན། ནམ་མཁས་ནི་བསད་གསོའི་ལས་ཐམས་ཅད་འགྲུབ་ཅིང་། རླུང་གི་བསྐྲད་པ་དང་བསད་པ་གཉིས། མེས་དབང་དགུག་པ་གཉིས། ཆུས་ནི་ཞི་དང་དེ་རྒྱས་གཉིས་པས་རྨོངས་རེང་གཉིས་དང་། ཡེ་ཤེས་ཀྱི་ལས་ཐམས་ཅད་འགྲུབ་སྟེ། ཡེ་ཤེས་ནི་ཐུན་འཚམས་མཉམ་རྒྱུའི་དུས་སུ་།།།

(༨༠)ལྔ་པ་ཇི་ཉམ་དུ་རྒྱུ་བའི་ཚད་ནི། ཕྱི་རོལ་པ་ནི་སོར་བཅུ་གཉིས། ཞེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་སྣ་སྒོ་ནས་ཕྱི་རོལ་དུ་ས་རླུང་པོར་བཅུ་གཉིས་དུ་འགྲོ་ཞིང་། ཆུ་པོར་བཅུ་གཉིས། མེ་བཅུ་བཞི། རླུང་བཅོ་ལྔ་ནམ་མཁའ་སོར་བཅུ་དྲུག་གི་བར་དུ་འགྲོ་སྟེ། དེ་དག་ཡང་པ་ཡོན་ཏན་ལྔ་ལྡན་པའི་དབང་གི་ལྕི་ཞིང་། དེ་ནས་རིམ་པ་བཞིན་དུ་ཡོན་ཏན་རེ་རེ་བྲི་བ་ལས་ཡང་ནི་རིང་དུ་སོང་བ་ཡིན་ལ། ཕྱི་རོལ་གྱི་དུས་རྟེན་འབྲེལ་བཅུ་གཉིས་མཚན་ཉིད་ཅན་དང་། ནང་གི་དུས་སྦྱོར་བཅུ་གཉིས་པོ་ཆོས་མཚུངས་པ་ཡིན་བས་དགེ་བ་དང་མི་དགེ་བའི་དྲི་པ་པོ་བྱུང་བའི་ཚེ། གཡས་ཀྱི་དུས་སྦྱོར་ལ་བྱུང་ན་ཡི་དགེ་ཞིང་། གཡོན་གྱི་དུས་སྦྱོར་ལ་བྱུང་ན་དགེ་བར་ལུང་སྟོན་ལ། དུས་སྦྱོར་དེ་ཡང་དཀྱིལ་འཁོར་དང་། ཕྱི་རོལ་གྱི་དབྱངས་འཆགས་གཉིས་མཚུངས་པ་ཡིན་པས་ན་གཡུལ་ལ་སོགས་པའི་ཚ་གཡས་ཀྱི་ནམ་མཁའི་དཀྱིལ་འཁོར་འབབ་པའི་ཚེ་གཡུལ་དུ་ཞུགས་ན་དམགས་དཔོན་འཆི་བ་དང་། གཡོན་གྱི་ནམ་མཁའི་དཀྱིལ་འཁོར་འབབ་པའི་ཚེ་གསུམ་ལས་རྒྱལ་བར་འགྱུར་བ་སོག་ཡིན་ཏེ། ཞིབ་པར་ནི་རྩིས་ཀུན་ལས་བཏུས་པར་བཤད་དེ་དེར་བལྟ་བར་བྱའོ། བཞི་པ་རྒྱུད་ཕན་ཚུན་གྱི་དགོངས་པ་མི་འགལ་བར་བསྟན་པ་ནི། འདི་ནི་རྡོ་རྗེ་ཕྲེང་བ་ལས། ཅེས་སོག་ཚིག་བཅད་བརྒྱད་དང་རྐང་པ་གཅིག་གི་སྟོན་ཏེ། དེ་ཡང་དུས་ཀྱི་འཁོར་ལོ་ལས། ཞག་གཅིག་གི་རླུང་ཉི་ཁྲི་ཆིག་སྟོང་དྲུག་བརྒྱ་ལ་དུས་སྦྱོར་བཅུ་གཉིས་དུ་བཤད་ཅིང་། གསང་སྔགས་

(༨༡)སུ་མགོན་པོ་བཞིའི་རྒྱུ་བ་དང་སྦྱར་ནས་བཤད་དེ། དེ་ཡང་སྟེང་དུ་སྣའི་བུ་ག་ལས་བྱུང་པའི་རླུང་ལྔ་ཡང་དག་པར་རྒྱུ་བ་ལས། གཡོན་པ་ཁོ་ན་དང་། གཡས་པ་ཁོ་ན་དང་། གཉིས་ཀ་ནས་དྲག་ཏུ་རྒྱུ་བ་དང་། གཉིས་ཀ་ནས་དལ་བར་རྒྱུ་བ་སྟེ་རྣམ་པ་བཞི་ལ་མགོན་པོ་བཞིར་བཤད་དེ། གཡས་ཁོ་ན་ནས་འབྱུང་བ་མེའི་ཁམས་ཀྱི་དཀྱིལ་འཁོར་ལྔ་ཉིད་ཡིན་པ་ལས། དེ་ཡང་མེ་ཡིན་པས་ནམ་མཁའ་དང་རོ་དམར་པོ། དབང་དགུག་ལ་སོགས་པའི་ལས་འགྲུབ་པས་བཟང་པོ་ཡིན་ལ། འདི་ནི་པད་མ་མགོན་པོ་འོད་དཔག་མེད་ཀྱི་རིག་པད་མ་མཐར་བྱེད་ཀྱི་ཏིང་ངེ་འཛིན་ཡིན་ནམ། གསུང་རྡོ་རྗེའི་བཟླས་གཞིར་གྱུར་པའི་རྒྱུ་བ་ཡིན་པས། ཨ་ཡིག་མཚོན་བྱ་དང་མཚོན་བྱེད་ཀྱི་སྒོ་ནས་བསྐྱེད་རྫོགས་གཉིས་ལ་ལྟོས་ནས་བརྗོད་པ་དང་བརྡ་གྱུར་བཟླས་པ་བྱ་བ་ཡིན་ལ། གཡོན་ཁོ་ན་ནས་འབྱུང་པ་ནི་ངོ་བོའི་ཆུ་ཁམས་ཡིན་ཡང་། རླུང་གི་དཀྱིལ་འཁོར་ལྔ་དང་འདྲེས་པས་ན་ཁ་དོག་ལྗང་སེར་དག་དུ་སྣང་བ་སྟེ། འདིས་ནི་ཞི་རྒྱས་ལ་སོགས་པའི་ལས་འགྲུབ་པས་ན་ལས་ཀྱི་མགོན་པོ་དོན་ཡོད་གྲུབ་པའི་རྒྱུ་བ་སྐུ་རྡོ་རྗེའི་བཟླས་གཞི་ཡིན་པས། ཨོཾ་ཡིག་མཚོན་བྱ་དང་མཚོན་བྱེད་གཉིས་ཀྱི་སྒོ་ནས་བཟླ་བར་བྱ་བ་ཡིན་ནོ། སྣ་བུག་གཉིས་ཀ་ནས་དྲག་པོར་རྒྱུ་བ་ནི། དབང་ཆེན་ཉེ་པའི་དཀྱིལ་འཁོར་ལྔ་ཁ་དོག་གསེར་མདོག །རྒྱས་པའི་ལས་འགྲུབ་བས་ན་རིན་ཆེན་མགོན་པོའི་རྒྱུ་བ་ཡིན་ལ། འདི་ནི་ལྟེ་བ་མན་ཆད་དུ་དཀར་དམར་གཉིས་དང་ལྷན་གཅིག་སྲོག་ཐུར་འོག་གི་སྣ་རྩེར་གོང་བུར་བྱེད་པའི་སྦྱོར་བས་ཐིག་ལེའི་རྣལ་འབྱོར་

(༨༢)ལ་བརྟེན་བའི་སྲོག་རྩོལ་འགྲུབ་བོ། ཡང་ཡེ་ཤེས་ཀྱི་རང་བཞིན་ཡིན་པས་དལ་ཞིང་ཕྱོགས་གཅིག་ཏུ་རྒྱུ་བ་མེད་པའི་ཁམས་ཁ་དོག་དག་པའི་ཤེལ་ལྟར་སྣང་བ་ནི་ཆུའི་དཀྱིལ་འཁོར་ལ་སྟེ། འདིས་ནི་ཞི་རྐྱང་གི་ལས་འགྲུབ་པས་ན་རྡོ་རྗེ་མགོན་པོ་མི་བསྐྱོད་པའི་རྒྱུད་པའི་རྒྱུ་བ་ཐུགས་རྡོ་རྗེའི་བཟླས་གཞི་ཡིན་ཏེ། ཧཱུྃ་ཡིག་གི་མཚོན་བྱ་དང་མཚོན་བྱེད་གཉིས་ཀྱི་སྒོ་ནས་དབུ་མ་དབྱེར་མེད་པའི་ངང་དུ་བཟླ་པར་བྱ་བ་ཡིན་ནོ། ས་ལ་སོགས་པའི་ཁམས་ཀུན་ལས་ཡང་དག་པར་འབྱུང་ཞིང་ཐམས་ཅད་ཀྱི་ཁྱབ་བྱེད་དུ་གནས་པ། རྟེན་འོད་གསལ་དང་བརྟེན་པ་ཀུན་གཞིའི་རྣམ་ཤེས་གཞོན་པར་གྱུར་པའི་ཚུལ་གྱི་བཟུང་བ་དང་ནམ་མཁའི་ཁམས་ནི་རྣམ་པར་སྣང་མཛད་ཀྱི་རང་བཞིན་ཡིན་ཏེ། འདིའི་ཆ་ཤས་དཀྱིལ་འཁོར་ཐམས་ཅད་འདྲེས་ནས་འབབ་ཀྱང་འབའ་ཞིག་པ་ནི་འཆི་བའི་ཉིན་ཞག་གི་མཐར་འབྱུང་བར་ཡིན་ལ་འགྱུར་པ་ཡིན་ལ། དེ་ལྟར་གྱི་དཀྱིལ་འཁོར་བཞི་པོ་དེ་དག་ནི་སྲོག་རྩོལ་གྱི་རྣལ་འབྱོར་པས་རྡོ་རྗེ་བཞི་དང་སྦྱར་ནས་།།།པར་བྱ་བ་ཡིན་ཏེ། དེ་ཡང་པད་མ་མགོན་པོ་ནི་གསུང་རྡོ་རྗེ་བཟླས་པ། ལས་ཀྱི་མགོན་པོ་སྐུ་རྡོ་རྗེ་ཡེ་ཤེས་།།། དེ་ནི་བཤད་རྒྱུད་རྡོ་རྗེ་གྲེང་བ་ལས་གསུངས་པའི་དོན་ཡིན་ཏེ། འདི་ནི་གཞིའི་གནས་སྐབས་མ་ཡིན་ལམ་དུ་རྣལ་འབྱོར་པས་རྡོ་རྗེའི་བཟླས་པ་བྱ་བའི་གཞོར་མགོན་པོ་བཞི་དང་དག་པ་བྱར་ནས་སྦྱར་ནས་བསྟན་པ་ཡིན་ལ་གོང་གི་དུས་འཁོར་ལས་བཤད་པ་ནི་གཞི་གནས་ཚུལ་ལ་བཤད་པ་ཡིན་པས་འདི་གཉིས་

(༨༣)འགལ་བའི་ཐེ་ཙོམ་ཅུང་ཟད་ཀྱང་མི་བྱ་སྟེ། དེ་གཉིས་གནས་སྐབས་མི་མཚུངས་པའི་ཕྱིར་རོ། དེ་ལྟར་གཡས་གཡོན་རེ་རེ་བ་དང་གཉིས་ཀ་བ་རྣམས་ལ་རྡོ་རྗེའི་བཟླས་པ་བྱེད་པ་ལྟར་སྒྲ་རྩེ་སྟེ་འཁོར་ལོ་བཞིའི་ལྟེ་བར་ཁ་དོག་ལྔའི་རླུང་གི་བྱེད་པ་བཅིངས་པའི་སྒོ་ནས་རྣམ་པར་བསྒོམ་ལ། ཇི་ལྟར་བསྒོམ་པའི་ཚུལ་ཡང་། རྡོ་རྗེའི་སྔགས་བཟླས་པའི་གྲངས་ཀྱི་ཉིན་མཚན་གྱི་ཉི་ཁྲི་ཆིག་སྟོང་དྲུག་བརྒྱ་རྡོ་རྗེ་བཞི་དང་སྦྱར་ནས་བཟླ་བ་ཡིན་ཏེ། དེ་ཡང་མགྲིན་པར་པྱང་རྡོ་རྗེ། དཔྲལ་བར་སྐུ་རྡོ་རྗེ། ལྟེ་བར་ཡེ་ཤེས་རྡོ་རྗེ། སྙིང་གར་ཐུགས་རྡོ་རྗེའི་བཟླས་པར་གསུངས་པ་ཡིན་ནོ། བཞི་པ་འཇུག་སྒོ་ཕན་ཡོན་དང་བཅས་པ་བཞི། འཇུག་སྒོ་བཟུང་ཐབས་ཕན་ཡོན་སྟེ་གསུམ་ལས། དང་པོ་ནི། འཇུག་སྒོ་ཞེས་སོག་རྐང་པ་གསུམ་གྱི་སྟོན་ཏེ། དེ་ཡང་རླུང་འཇུག་པའི་སྒོ་ནི་སྟེང་གི་སྣ་གཉིས་དང་ཁ་སྟེ་གཉིས། འོག་ཏུ་ལམ་གསུམ་ལ་གཅིག་ཏུ་བྱས་པ་དང་། ལུས་ཀུན་ཏེ་རྣམ་པ་བཞི་ཡིན་ཏེ། དེ་ཡང་མན་ངག་དང་སྦྱར་ན། སྣ་ནས་མེ་རླུང་དང་རླུང་གཉིས་འཇུག་ཅིང་། ཁ་ནས་ཆུ་རླུང་། འོག་གི་ལམ་གསུམ་ནས་ས་རླུང་། ལུས་ཀུན་ནས་ནམ་མཁའི་རླུང་འཇུག་པ་ཡིན་ཏེ། རྗེ་མར་པས། ཕྱི་སྒོ་གཉིས་ནི་སྟེང་ནས་སྡོམ། ནང་གི་སྒོ་གཉིས་འོག་ནས་སྡོམ། མཆོད་ཁང་ནི་དབུས་ནས་སྡོམ། ཞེས་གསུངས་པ་ཡིན་ནོ། གཉིས་པ་བཟུང་ཐབས་བཞི་ལས། དང་པོ་ནི། བཟུང་ཐབས་དབྱུང་རྔུབ་གནས་ལྡོག་དང་། ཞེས་སོག་རྐང་པ་གཉིས་ཀྱི་སྟོན་ཏེ། དེ་ཡང་ཐུན་མོང་བ་ལས་

(༨༤)བཤད་པ་པའི། བགྲང་དང་རྗེས་འགྲོ་འཇོག་པ་དང་། ཉེ་བར་བསྒྱུར་དང་རྟོག་པ་དང་། ཡང་དག་རྣམ་པ་དྲུག་ཡིན་ནོ། ཞེས་ཡན་ལག་དྲུག་ཏུ་བཤད་པ་དང་སྦྱར་ནས་བཤད་ན། རྣམ་པར་རྟོག་པ་ཤས་ཆེ་བ་ནི་རླུང་བགྲང་ཞིང་རྩི་པ་ལ་བསླབ་སྟེ། དེའི་ཚུལ་ནི། ལུས་གནད་བཅས་ཤིང་སེམས་རྣལ་དུ་གནས་བར་བྱས་ནས་དབུགས་དབྱུང་བ་རྔུབ་པ་གཅིག་ནས་ཆུ་ཚོད་གཅིག་གི་བར་ཙམ་དུ་བགྲང་པས་སེམས་འཛིན་པ་ཡིན་ཏེ། ཐུན་མོང་བའི་རླུང་བགྲང་བ་གཅིག་ལ་གནས་ལྡོག་ནི་རྩ་གནས་ཐམས་ཅད་རླུང་གནས་པ་དང་འགྲོ་ལྡོག་བྱེད་པ་ལ་སེམས་བཟུང་ནས་རྣམ་པར་མི་རྟོག་པར་འཇོག་པ་ཡིན་ཏེ། རྗེས་འགྲོ་དང་ན་ལ་འཇོག་པ་ནི་ལུས་ཐམས་ཅད་དུ་ཁྱབ་པའི་རླུང་ལ་དམིག་ནས་རྣམ་པར་མི་རྟོག་པའི་ངང་དུ་འཇོག་པ་ཡིན་ཞིང་། ཉེ་བར་བསྒྱུར་བ་ནི། རླུང་འཛིན་པ་ལ་སོགས་བཞག་ནས་འཇིག་རྟེན་དང་འཇིག་རྟེན་ལས་འདས་པའི་ལམ་ལ་དམིག་ནས་རྣམ་པར་མི་རྟོག་པར་འཇོག་ལ། རྟོག་པ་ནི་འབྱུང་བས་ཕྱེ་བའི་རླུང་སོ་སོའི་མཚན་ཉིད་ལ་དམིགས་ནས་རྣམ་པར་མི་རྟོག་པར་འཇོག་ཅིང་། ཡོངས་དག་ནི། རྣམ་པར་མི་རྟོགས་པའི་ལམ་གྱི་མཚན་མས་མཚོན་ནུས་པ་ཡིན་ལ། དེ་ལྟར་ཡན་ལག་དྲུག་པོ་དེ་ལ་རྡོ་རྗེ་བཟླས་པ་བྱ་བའི་ཚུལ་ནི། བརྗོད་བྱ་དང་དམིགས་པར་བཅས་པ་ཡི། བརྡ་གྱུར་དང་ནི་དོན་དམ་མོ། ཞེས་པའི་བརྗོད་དམིག་གཉིས་ནི་ཀུན་རྫོབ་དང་། བརྡར་གྱུར་དོན་དམ་གཉིས་ནི་དོན་དམ་གྱི་བཟླས་པ་ཡིན་པ་ལ། སྔ་མ་གཉིས་ཀྱི་གཙོ་བོར་ཞི་གནས་དང་། ཕྱི་མ་

(༨༥)གཉིས་ཀྱི་ལྷག་མཐོང་སྒྲུབ་པ་ཡིན་ལ། ཞི་ལྷག་གཉིས་ཀྱི་ངོ་བོ་གང་ཡིན་པ་ཡང་། དགོངས་པ་ལུང་སྟོན་ལས། གཟུགས་སོགས་ནང་གི་ཆོས་རྣམས་ནི། མཐོང་བ་ལྷག་མཐོང་ཞེས་བྱ་སྟེ། སྤྱི་བོ་ལ་སོགས་གྲངས་བཞིན་དུ། ལྷག་པ་དག་ལ་ཞི་གནས་བྱ། ཞེས་གསུངས་པ་ལྟར་ཡིན་ནོ། བཟུང་ཐབས་གཉིས་པ་རླུང་མི་རྟོག་སོག་རྐང་པ་གཉིས་ཀྱི་སྟོན་ཏེ། མི་རྟོག་རྒྱ་ཡན་འཆིང་བ་ནི། སེམས་དང་སེམས་ཀྱི་རྟེན་རླུང་གཉིས་ཀ་རང་སར་ལྷུག་པར་བཞག་པ་ལས་ཞི་གནས་བསྐྱེད་པར་སྦྱངས་པ་ཡིན་ཏེ། ལག་ལེན་ནི་སོར་སྡུད་ཀྱི་སྐབས་སུ་འབྱུང་ངོ་། བཟུང་ཐབས་གསུམ་ཁ་དོག་སོགས་རྐང་པ་གཉིས་ཀྱི་སྟོན་ཏེ། ཁ་དོག་དང་དབྱིབས་ལ་བཟུང་བ་ནི། དཀྱིལ་འཁོར་ལྔའི་ཁ་དོག་ལ་སེམས་བཟུང་སྟེ་མཉམ་བར་བཞག་པ་ལས་གསལ་སྣང་འཆར་ལ། དེ་ནས་ས་ལ་སོག་པ་དང་བསྲེས་ནས་བསྒོམ་ལས་ཟད་པར་པ་ལ་སོགས་པ་འཆར་ཞིང་། དབྱིབས་མ་བཟུང་བ་ནི། སྙིང་གར་ཀུན་གཞིའི་ཟླ་བ་དྲི་མ་མེད་པ་ལྷུར་དམིག་ནས་བསྒོམ་པས་གསལ་སྣང་འཆར་ལ་དེ་ནས་གཞན་གྱི་སེམས་དང་བསྲེས་ནས་བསྒོམ་པ་ལས་གཞན་སེམས་ཤེས་པའི་མངོན་ཤེས་འཆར་བ་ཡིན་ནོ། བཟུང་ཐབས་བཞི་པ་ནི། བུམ་ཅན་ཞེས་སོག་རྐང་པ་གཉིས་ཀྱི་སྟོན་ཏེ། དེ་ཡང་སྟེང་གི་སྲོག་རྩོལ་འཆིང་བ་གནས་ལྟེ་བ་དང་། འོག་གི་ཐུར་སེལ་འཆིང་བའི་གནས་གསང་གནས་དང་། བར་དུ་རླུང་གཉིས་རོ་མཉམ་དུ་བྱ་བའི་གནས་ལྟེ་འཁོར་ཡིན་པ་ལས། བུམ་པ་ཅན་

(༨༦)འདི་ལ་ཡང་། ཀྱཻ་རྡོ་རྗེ་ལ་གཉིས་།།།བཞི་ལྡན་དུ་བཤད་དེ། དེ་ལྟར་བཟུང་ཐབས་དེ་རྣམས་ཀྱི་རྩ་བའི་རླུང་རྣམས་བཟུང་ཞིང་སེང་གེ་རྣམ་རོལ་གྱིས་ཡག་ལག་གི་རླུང་རྣམས་བཅིངས་པ་ལས་སྲོག་གཟུགས་འགྲུབ་ཅིང་། དེ་ནས་ཞི་བ་ལ་སོགས་པའི་ལས་ཀུན་བྱེད་པར་ནུས་པ་ཡིན་ནོ། གསུམ་པ་ཕན་ཡོན་ནི། ཕན་ཡོན་རྣམ་པ་བརྒྱད་ཡིན་ཏེ། ཞེས་སོག་ཚིག་བཅད་གཉིས་དང་རྐང་པ་གསུམ་གྱི་སྟོན་ཏེ། དེ་ཡང་རླུང་ཐམས་ཅད་ཀྱི་རྩ་བ་བ་ཟླ་ཉིའི་ཐབས་ཤེས་ཡིན་པས་ན། ཕན་ཡོན་ཡང་ཟླ་ཉིའི་ཡོན་ཏན་རྣམ་པ་བརྒྱད་ཡིན་པ་ལས། ཐོག་མར་སྟེང་དུ་ཉི་ཟླ་དགྲ་གཅན་གྱི་རྩ་གསུམ་ལ་བརྟེན་པའི་རླུང་ནི་སྲོག་ཡིན་པའི་ཕྱིར་ཉི་མའི་།།། རང་བཞིན་མི་རྟག་བ་དེའི་ཡོན་ཏན་གི་གཙོ་བོ་རྡུལ་བདུན་སྙིང་སྟོབས་གསུམ་ནི་ལྟེ་པ་ཕན་ཆད་དུ་འབྱུང་ལ། དེ་རྣམས་ཀྱི་བྱེད་པ་བཅིངས་པ་ལས་སྤངས་པའི་དབང་དུ་བྱས་ན་དུག་གསུམ་གྱི་རྣམ་རྟོག་འཇོམ་སྟེ་རྐྱང་མ་བཅིངས་པས་འདོད་ཆགས་ རོ་མས་ཞེ་སྡང་། དབུ་མས་གཏི་མུག་འཇོམས་པ་དང་། རྟོག་པའི་དབང་དུ་ན། རྐྱང་མའི་བྱེད་པ་བཅིངས་པ་སྐུ་རྡོ་རྗེ་རོ་མས་ལ་སོགས་རྡོ་རྗེ། རེ་རེ་རྣམ་པ་གསུམ་ཐོབ་པར་བྱེད་པ་དེ་ནི་ཉི་མའི་ཡོན་ཏན་དུ་གསུངས་ལ། འོག་གི་གཤང་གཅི་ཁུ་བ་འབབ་བའི་རྩ་གསུམ་ལ་བརྟེན་པའི་རླུང་ནི་ཐུར་སེལ་ཡིན་པའི་ཕྱིར། ཟླ་བའི་རང་བཞིན་ཡིན་པས་དེའི་ཡོན་ཏན་གཟུགས་སྒྲ་དྲི་རོ་རེག་བྱའི་ཡུལ་ལྔ་ལ་དབང་བྱེད་པ་ནི་ལྟེ་བ་ཡན་ཆད་དུ་འབྱུང་སྟེ་དེའི་བྱེད་པ་བཅིངས་པ་ལས་སྤངས་པའི་དབང་དུ་ན་མིག་སོག་

(༨༧)དབང་པོ་ལྔ་གཟུགས་སོག་ཡུལ་ལྔ་ལ་འཇུག་པའི་བཟུང་འཛིན་དག་པར་བྱེད་ལ། རྟོག་པའི་དབང་དུ་ནི་ཡེ་ཤེས་ལྔ་ཐོབ་པར་བྱེད་ཅིང་། གནས་སྐབས་ཀྱི་ཡོན་ཏན་ས་རླུང་ཟིན་པས་ལུས་བརྟན་པ་དང་། ཆུ་རླུང་གི་སྡུམ་པ་དང་། མེ་རླུང་གིས་མདངས་གསལ་བ་དང་། རླུང་གི་རླུང་གི་སྤྱོད་ལ་མྱུར་ཞིང་མགྱོག་པ་དང་། ནམ་མཁའི་རླུང་གི་དབང་པོ་དག་ཅིང་ཤེས་རབ་ཆེ་བ་དང་ལྡན་བ་སྟེ། དེ་ལྟར་ས་སོགས་རླུང་ལྔ་ལུས་ལ་གནས་པའི་ཕན་ཡོན་བཤད་པ་ཡིན་ནོ། ལྔ་པ་ཁམས་གསུམ་རླུང་གི་བསྐྱེད་པར་བསྟན་པ་ནི། མདོར་ན་རླུང་ནི་ཐོག་པ་སྟེ། ཞེས་སོགས་ཚིག་བཅད་བཞི་དང་རྐང་པ་གཉིས་ཀྱི་སྟོན་ཏེ། དེ་ཡང་སྤྱིར་རླུང་ལ་རྣམ་ཤེས་དང་ཡེ་ཤེས་ཀྱི་རླུང་གཉིས་སམ། ཆོས་ཅན་དང་ཆོས་ཉིད་ཀྱི་རླུང་གཉིས་སུ་ཡོད་པ་ལས། རྣམ་ཤེས་གྱི་རླུང་དེ་ལ་ཡང་ཕྲ་རག་གཉིས་སུ་ཡོད་པའི་མདོར་ན་ཕྲ་བའི་རླུང་ནི་རྣམ་རྟོག་ཡིན་ཏེ། བརྟན་པ་མ་ཡིན་པར་གཡོ་བ་དང་། རག་པ་ལས་ལོག་སྟེ་ཕྲ་བ་དང་།་ གོས་པ་འཛིན་མི་ནུས་པར་གཞན་དུ་སྐྱེད་པར་བྱེད་པས་ན་མཚན་ཉིད་མཚུངས་པའི་ཕྱིར་ལ། དེ་དག་གི་གཞིའམ་རང་བཞིན་དུ་གྱུར་པ་ནི་ཡེ་ཤེས་ཀྱི་རླུང་ཆེན་པོ་ཡིན་ཞིང་། དེའི་མཚོན་གཞི་ནི་སེམས་ཉིད་གསལ་ལ་མི་རྟོག་པ་དེ་ཉིད་ཡིན་ལ། གཞི་ལ་དེ་ལྟར་ཡིན་པར་མ་ཟད། འབྲས་བུ་དང་རྒྱུ་འཐུན་པའི་གཉེན་པོ་ལམ་གྱི་ཤེས་པ་ཡང་ཡེ་ཤེས་ཀྱི་རླུང་ཆེན་པོ་ཡིན་ཏེ། བྱང་ཆུབ་ཀྱི་ཆོས་དང་རྗེས་སུ་མཐུན་པའི་ཡང་དག་པའི་ཀུན་ཏུ་རྟོག་པས་འདུ་བྱེད་

(༨༨)པའི་ལམ་འཁོར་བཅས་ཡིན་ནོ། ཡང་དག་པ་མ་ཡིན་པའི་ཀུན་ཏུ་རྟོག་པ་དུག་སུམ་པོ་ཡང་རླུང་ཡིན་ཏེ། ཀུན་གཞི་ལ་གནས་པའི་ཉོན་མོངས་པ་ཅན་གྱི་ཡིད་ནི་གཏི་མུག་བསྐྱེད་པའི་རླུང་དུ་བཤད་དེ་བདག་མེད་ལ་བདག་དུ་རྟོག་བས་རྨོངས་པའི་ཕྱིར། སེམས་ཡུལ་ལ་འདུ་བྱེད་པའི་སེམས་ཀྱི་རང་ཡུལ་ཡེ་ཤེས་ཀྱི་སྣང་ཆ་འདོ་ལྔའི་སྣང་བ་ལ་གཞན་དུ་རྟོག་པ་ནི་འདོད་ཆགས་སྐྱེད་པའི་རླུང་ཞེས་བྱ་སྟེ། སྲེད་ལེན་གྱི་དབང་གི་ཀུན་ཏུ་དགའ་བའི་འདོད་ཆགས་སྐྱེད་པའི་ཕྱིར། རྣམ་ཤེས་ཚོགས་དྲུག་གི་རང་སྣང་ལ་དོན་གཞན་དུ་རྟོག་པས་བླང་དོར་དུ་སྤྱོད་པའི་རླུང་དེ་ལ་ཞེ་སྡང་བསྐྱེད་པའི་རླུང་ཞེས་བྱ་སྟེ་།།།དོགས་གྱི་གཞན་ལ་སྡང་བ་བསྐྱེད་པའི་ཕྱིར། དེས་ན་རྣམས་ཤེས་ཚོགས་བརྒྱད་ནི་མཚན་ཉིད་གྱི་སྒོ་ནས་རླུང་ཡིན་ལ། དེས་ཁམས་གསུམ་བསྐྱེད་པས་ན་ཁམས་གསུམ་རླུང་གི་འདུ་བྱེད་ཅེས་གསུངས་ཤིང་མདོར་ན་འཁོར་འདས་ཀྱི་སྐྱོན་དང་ཡོན་ཏན་ཀུན་རླུང་ལ་བརྟེན་ནས་འབྱུང་བ་ཡིན་ལ། དེ་ལྟར་རྟོག་པར་བྱས་ནས་ཡེ་ཤེས་ཀྱི་རླུང་གི་སྦྱོར་བ་ཤེས་པ་ལས་འཁོར་བའི་ཕ་རོལ་ཏུ་འགྲོ་ཞིང་། རྣམས་ཤེས་ཀྱི་རླུང་གི་འཁོར་བར་འཁོར་བར་བྱེད་ལ། དེའི་བྱེད་པ་བཅིངས་པ་ལས་རྣམས་ཤེས་ཀྱི་རླུང་གཅོད་པར་བྱེད་པ་དང་། ཡེ་ཤེས་ཀྱི་རླུང་འགྲུབ་པར་བྱེད་པ་ཡིན་ནོ། གསུམ་པ་འཇུག་བསྡུ་བ་ནི། ཕྱི་ནང་རླུང་མིང་བྱེད་ལས་རྒྱུན། ཞེས་སོགས་རྐང་པ་གསུམ་གྱི་སྟོན་ཏེ། དེ་ཡང་ཕྱི་ནང་གི་རླུང་རྣམས་ཀྱི་ངོ་བོ་དང་མིང་དང་བྱེད་ལས་ལ་སོགས་ཀུན་རྒྱལ་བས་མདོ་རྒྱུད་རྣམས་

(༨༩)ལས་རྒྱས་པར་གསུངས་པ་དང་། འདིར་རྣལ་འབྱོར་པ་ལ་མན་ངག་གི་ལམ་དུ་ཉེ་བར་མཁོ་བ་རྣམས་བསྡུས་ཏེ་བསྟན་པ་ཡིན་ནོ། ཟབ་མོ་ནང་གི་དོན་རྣམ་པར་བཤད་པ་ལས་རླུང་གི་རྒྱུ་ཚུལ་བསྟན་པ་སྟེ་བཞི་པའོ། ད་ནི་དུ་བུ་ལྔ་པ་ཐིག་ལེའི་རྣམ་པར་བཤད་པ་ལ། མདོར་བསྟན་པ། རྒྱས་པར་བཤད་པ། མཇུག་བསྡུ་བ་གསུམ་ལས། དང་པོ་ལ་ཡང་འཚམས་སྦྱར་བ་དང་། མདོར་བསྟན་དངོས་གཉིས་ཀྱི་དང་པོ་ནི། དེ་ནས་ཤེས་སོགས་རུང་པ་གཉིས་སྟེ། དེ་ཡང་རྩ་རླུང་གཉིས་བཤད་པའི་རྗེས་སུ་ཐིག་ལེའི་གནས་ལུགས་དང་རྒྱུ་བའི་ཚུལ་ལ་སོགས་པ་འཆད་པ་རིག་པ་ཡིན་ཏེ། དེ་རྣམས་རྟེན་དང་བརྟེན་པ་ཡིན་པའི་ཕྱིར་རོ། གསུམ་པ་ལ། རྩ་བ་སྤྲོལ་གྱི་ཐིག་ལེ་དང་། འཁྲུལ་པ་མ་རིག་པའི་ཐིག་ལེ་དང་། གཉེན་པོ་ཡེ་ཤེས་ཀྱི་ཐིག་ལེ་སྟེ་གསུམ་ལས་དང་པོ་ནི་གཞིའི་རང་བཞིན་ལ་བཤད་ཅིང་། གཉིས་པ་ནི་གཞིའི་གནས་སྐབས་ལ་བཤད་པ། གསུམ་པ་ནི་ལམ་གྱི་གནས་སྐབས་ལ་བཤད་པ་ཡིན་ནོ། གཉིས་པ་རྒྱས་པར་བཤད་པ་ལ། རྩ་བ་སྤྲོལ་གྱི་ཐིག་ལེ་མདོར་བསྟན་པ་དང་། འཁྲུལ་པ་མ་མ་རིག་པའི་ཐིག་ལེ་མདོར་བསྟན་པ། རྫས་ཀྱི་ཐིག་ལེ་རྒྱས་པར་བཤད་པ། གཉེན་པོའི་ཐིག་ལེ་འཆིང་བའི་ཐབས། ཐིག་ལེའི་སྐྱོན་བསལ་བ་སྟེ་ལྔ་ལས་དང་པོ་ནི། དང་པོ་རང་སེམས་ལྷན་གཅིག་སྐྱེས། ཅེས་སོགས་ཚིག་བཅད་གསུམ་དང་རྐང་པ་གཅིག་གི་སྟོན་ཏེ། དེ་ཡང་ངོ་བོ་རང་བཞིན་ཐུགས་རྗེ་གསུམ་དུ་ཡོད་པའི་དེ་ཡིན་ནོ། རང་གི་སེམས་གདོད་མ་ནས་གསལ་རིག་ལྷན་གཅིག་སྐྱེས་པ། སྤྲོས་པའི་མཐའ་ཐམས་ཅད་དང་བྲལ་བའི་སྟོང་

(༨༩)ཕྱེད་དང་གཉིས་ཀྱི་སྟོན་ཏེ། དེ་ཡང་རྩ་བ་སྤྲོལ་གྱི་ཐིག་ལེ་རླུང་དང་འགྲོག་ཅིང་དཀར་དམར་དང་ལྷན་གཅིག་ཏུ་གྱུར་པ་ལས་དཀར་ཆས་འཛིན་བ་དང་དམར་ཆས་བཟུང་བ་བསྐྱེད་ལ། དེ་ལ་མ་རིག་བ་ཟེར་ཏེ་རང་གི་ངོ་བོ་གཉིས་མེད་རིས་མེད་ཡིན་པ་ལ་ཡིན་པར་མ་རིག་པའི་ཕྱིར། དེ་ལ་ཐིག་ལེ་ཟེར་སྟེ་འཁོར་བ་ཇི་སྲིད་པར་གང་གིས་ཀྱང་མི་ཤིག་པའི་ཕྱིར་རོ། དེ་ལྟར་གཟུང་འཛིན་ནི་གཉིས་ཀྱི་རང་ལ་ཆགས་པ་དང་། གཞན་ལ་སྡང་བ་དང་། བླང་དོར་ལ་རྨོངས་པ་སོགས་ཀྱི་དུག་གསུམ་གྱི་མ་རིག་པ་སྐྱེ། དེས་ལས་མངོན་པར་འདུ་བྱེད་ཅིང་། ལས་དེས་ཀུན་གཞི་སྟེང་དུ་གོས་པ་ལས་ཀུན་བརྟག་པའི་ཚོར་བ་དང་འདུ་བྱེད་འདུ་བྱེད་རྣམས་སྟེ་མིང་བཞིའི་ཕུང་པོའི་རང་གི་སྣང་བ་ལ་གཞན་དུ་འཁྲུལ་པ་ལས། བླང་དོར་ལ་རྨོངས་པ་སོགས་ཀྱི་དུག་གསུམ་གྱི་མ་རིག་པ། དེའི་གཉེན་པོ་བསྐྱེད་རིམ་བསྒྱུར་ལམ་དུ་རྟོག་པས་ལྷ་ཡབ་ཡུམ་གཉིས་མེད་བསྒོམ་པ་དང་། སྔགས་བཟླས་པ་ལ་སོགས་ལ་ནི་སྔགས་ཀྱི་ཐིག་ལེ་ཞེས་བྱ་ལ། མཚན་ཉིད་གསུམ་ལ་ཀུན་བཏག་ཡིན་ཞིང་། བདག་རྐྱེན། དམིགས་རྐྱེན། དེ་མ་ཐག་རྐྱེན་སྟེ་གསུམ་ལ་བརྟེན་ནས་ཡིད་ཡུལ་ལ་འཇུག་པའི་ནུས་པ་ནི་རླུང་ཡིན་ལ། དེའི་བྱེད་པ་འཆིང་བ་ལ་རླུང་གི་ཐིག་ལེ་ཞེས་བཤད་དེ། དེ་ནི། མཚན་ཉིད་གསུམ་ལས་གཞན་དབང་ཡིན་ནོ། གསུམ་པ་ནི། ཡུལ་སྣང་ཞེས་སོགས་རྐང་པ་གསུམ་གྱི་སྟོན་ཏེ། དེ་ཡང་ཤེས་པའི་ཡུལ་དུ་སྣང་བ་ཇི་སྙེད་པ་དང་གཟུགས་ཀྱི་ཕུང་པོ་ལས་བྱུང་བའི་ཁམས་ལྔའི་རང་བཞིན་གྱིས་

(༩༠)ས་ཆོས་ཀྱི་སྐུ་དེ་ཉིད་ཡིན་ལ། རང་བཞིན་ནི་རྣམ་པ་ཡིན་ཏེ། ཆོས་སྐུ་དེའི་རང་སྣང་རྣམ་པ་ཐམས་ཅད་པར་གསལ་བ་ལོངས་སྤྱོད་རྫོགས་པའི་སྐུ་ཉིད་ཡིན་ཞིང། ཐུགས་རྗེ་ནི་རྟེན་འབྲེལ་གྱི་རང་རྩལ་འགག་པ་མེད་པ་ལས། ལས་འབྲས་འཆོལ་མེད་ཏུ་འགྲུབ་པ་ནི་སྤྲུལ་སྐུ་དེ་ཉིད་ཡིན་ལ། དེ་གསུམ་གྱི་རྟག་ནི་སོ་སོ་སྐྱེ་བོ་མཚན་མ་དང་བཅས་པའི་བློ་ལ་ནི་ད་ལྟ་ཡང་མཚོན་དུ་ཡོད་སྟེ། ཕྱི་ནང་གི་ཆོས་ཐམས་ཅད་ལ་རིག་པས་དཔྱད་པ་ལས་རིག་ཤེས་རྗེས་དཔག་གི་སྟོང་པ་ཉིད་དུ་འཆགས་ཞིང་། ཤེས་པ་སྐད་གཅིག་མའི་རང་ངོ་ལ་ཡང་སོ་སོ་རང་རིག་ཏུ་འཆགས་དུ་རུང་བས་ངོ་བོ་མཚོན་ལ། ཅུང་ཟད་བཞི་པས་ནི་ཤའི་མིག་ལ་སོགས་བས་དབྱིངས་རིག་དབྱེར་མེད་པའི་རྟག་བཅུ་འཆར་བ་མཐོང་བས་ནི་རང་བཞིན་དུ་མཚོན་པ་ཡིན་ཞིང་། ཚོག་དྲུག་གི་ཡུལ་སྣང་ལ་བྱ་བྱེད་ཀྱི་ནུས་པ་སོ་སོར་འབྱིན་པ་ནི་ཐུགས་རྗེ་མཚོན་པ་ས་སྟེ། དེ་གསུམ་དབྱེར་མེད་དུ་འབྱུང་བ་ནི་ཡུལ་གྱི་རྟག་ཡིན་ལ། དེ་གསུམ་དབྱེར་མེད་དུ་འབྱུང་བ་ནི་ཡུལ་གྱི་རྟག་ཡིན་པ། ཡུལ་ཅན་གྱི་རྟག་ནི་རང་རིག་གི་ཤེས་པ་རྟོག་པ་དང་བྲལ་ཞིང་འཁྲུལ་བ་ཡིན་ཏེ། དེ་ཉིད་རྩ་བ་སྤྲོལ་གྱི་ཐིག་ལེ་ཡིན་པར་རྒྱལ་བས་མདོ་རྒྱུད་ཀུན་ཏུ་ལ་མར་དྲང་དོན་དང་། ལ་ལར་ངེས་དོན་དང་། ལ་ལར་སྦས་ཅིང་། ལ་ལར་གསལ་བར་གསུངས་པ་ཡིན་ནོ། གཉིས་པ་འཁྲུལ་པ་མ་རིག་པའི་ཐིག་ལེ་མདོར་བསྟན་པ་ལ་རླུང་གི་ཐིག་ལེ་དང་། རྫས་ཀྱི་ཐིག་ལེ་གཉིས་ཀྱི་དང་པོ་ནི། འཁྲུལ་པ་མ་རིག་ཐིག་ལེ་ནི། ཞེས་སོགས་ཚིག་བཅད་

(༩༠)དཀར་དམར་གྱི་ཐིག་ལེ་ལ་རྫས་ཀྱི་ཐིག་ལེ་ཞེས་ཟེར་ལ། དེ་ལྟར་རླུང་སྔགས་རྫས་ཀྱི་ཐིག་ལེ་གསུམ་པོ་དེ་ནི་རྒྱལ་བ་རྡོ་རྗེ་འཆང་གི་རྣལ་འབྱོར་གྱི་བཤད་རྒྱུད་རྡོ་རྗེ་ཕྲེང་བར་གསུངས་པ་ཡིན་ནོ། གསུམ་པ་རྫས་ཀྱི་ཐིག་ལེ་རྒྱས་པར་བཤད་པ་ལ། བར་དོའི་རྐྱེན་ཉེ་བར་སྦྱོར་བའི་ཚུལ། དངས་མ་གཉིས་རྒྱས་པར་བཤད་པ་ཁམས་སོ་དྲུག་རྒྱས་པར་བཤད་པ། དཀར་ཆ་འཕོ་བའི་རིམ་ས་སྟེ་ལྔ་ལས་དང་པོ་ནི། དེ་ལ་རྫས་ཀྱི་ཐིག་ལེ་ལ། ཞེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་མའི་མངལ་དུ་ཉིང་འཚམས་སྦྱར་ནས་ཐིག་ལེ་གྲུབ་པ་ལ་ཕྱི་ནང་གཉིས་ཡོད་པ་ལས། ནང་གི་དོན་ནི། དང་པོར་མའི་མངལ་དུ་སྲེད་ལེན་གྱི་ཉིང་འཚམས་སྦྱོར་བའི་ཚེ་བར་དོའི་རྣམ་ཤེས་དཀར་དམར་ཚོགས་པ་གཅིག་ངོ་བོ་དེ་རྐྱེན་ཅན་དང་། ཕ་མའི་དཀར་དམར་ལ་བདག་ཏུ་ཞེན་པའི་རྐྱེན་ཁམས་རྣམས་རག་བར་འགྱུར་ཞིང་། གནས་སྐབས་བཅུའི་རིམ་གྱི་གོང་ནས་གོང་དུ་འཕེལ་བར་འགྱུར་བའི་ཚུལ་གོང་དུ་བསྟན་པ་ཡིན་ནོ། གཉིས་པ་དངས་མ་གཉིས་བཤད་པ་ནི། ད་ལྟར་གནས་ཚེ་དངས་སྙིག་གཉིས། ཞེས་སོགས་ཚིག་བཅད་དང་ཕྱེད་དང་བཞིས་སྟོན་ཏེ། དེ་ཡང་སྤྱིར་དངས་སྙིག་ཀྱི་ཚུལ་ལ། རྣམ་ཤེས་དང་ཡེ་ཤེས་ལ་དངས་སྙིག་དུ་བྱས་པ་དང་། དེ་གཉིས་སོ་སོའི་ཕྲ་རག་མ་དངས་སྙིག་དུ་བྱས་པ་སོགས་དུ་མ་ཡོད་པ་ལས། འདིར་ཕྲ་རགས་ཀྱི་དབང་དུ་བྱས་ནས། ད་ལྟ་ལུས་ལ་གནས་པའི་ཚེ་རླུང་སེམས་ཐིག་ལེ་གསུམ་པོ་རེ་རེ་ལ་དཀར་དམར་གཉིས་སུ་ཡོད་པ་ལས། རླུང་གི་དངས་མ་ཡེ་ཤེས་ཀྱི་རླུང་དང་སེམས་

(༩༡)ཀྱི་དངས་མ་འདོལ་ཡིན་པ་སོགས་གང་དུ་བསྟན་ཟིན་ནས། ཐིག་ལེའི་དངས་མ་ནི་དཀར་དམར་གཉིས་ལས། དང་པོ་དཀར་ཆ་ནི་གནས་དབུ་མའི་ཡར་སྣ་ན། ཧཾ་གི་རང་བཞིན་གྱི་རྣམ་པ་ཅན། ཚད་ཡུང་དཀར་ཙམ་ས་ཆུའི་རང་བཞིན་ཡིན་པས་ན་ཁ་དོག་དཀར་ལ་སྣུམ་པ། དཔེ་ཤེལ་དང་མཚུངས་པ། རྒྱུ་ཕ་ལས་ཐོབ་པ། ཁམས་སོ་གཉིས་པོ་ཀུན་གྱི་མཆོག་ཏུ་གྱུར་པ་ཡིན་ལ། དམར་ཆ་ནི། གནས་ལྟེ་འོག་རྩ་གསུམ་འདུས་མདོ་ན། ཁ་དོག་དམར་ཞིང་གསལ་བ། དཔེ་རྒོད་མ་ཁའི་མེ་དང་འདྲ་བ། ཨ་ཐུང་སྟེ་ཧཾ་ལ་བཏག་པའི་ཨ་ཤད་ཀྱི་རྣམ་པ་ཅན་རྡོ་རྗེ་ཕག་མོའི་ངོ་བོ་ཤེས་རབ་ཀྱི་རང་བཞིན་ཡིན་ལ། འདིའི་རིགས་པས། གོང་གི་ཧཾ་ཡིག་ལ་འང་ཧེ་རུ་ཀའི་ངོ་བོ་ཐབས་ཀྱི་རང་བཞིན་དུ་འཐོབ་ཅིང་། བདེ་མཆོག་དུ་དཀར་ཆ་ལ་དཔྱིད་ཅེས་དང་དམར་ཆ་ལ་ཐིག་ལེ་ཞེས་ཀྱང་བཤད་ལ། དེ་གཉིས་ལ་ཀུན་གཞི་སྲོག་རླུང་དང་བཅས་པ་བརྟེན་ནས་གནས་ཅིང་། ཐུབ་པའི་ཉི་མ་རྣམས་བྱང་ཆུབ་ནས་རྡོ་རྗེ་གདན་ལ་བྱང་ཆུབ་སྙིང་པོའི་གཞི་ཟེར་བ་བཞིན་དུ། དཀར་དམར་གཉིས་པོ་འདི་ལ་ཡང་བྱང་ཆུབ་ཀྱི་མཚན་ཉིད་ཅན་གྱི་ཟུང་ངག་མངོན་དུ་བྱེད་པའི་གཞི་ཡིན་བས་ན། བྱང་ཆུབ་སྙིང་པོའི་ངོ་བོ་ཞེས་པར་སྡོམ་འབྱུང་དང་རྡོ་རྗེ་མཁའ་འགྲོར་གསུངས་པ་ཡིན་ནོ། གསུམ་པ་སྙིགས་མ་རྒྱས་པར་བཤད་པ་ནི། དེ་བརྟེན་སྙིགས་ཀྱང་དངས་སྙིག་གཉིས། ཅེས་སོགས་ཚིག་བཅད་བདུན་དང་རྐང་པ་གསུམ་གྱི་སྟོན་ཏེ། དེ་ཡང་ཀུན་གཞི་སྲོག་རླུང་དང་བཅས་པ་དེ་

(༩༢)ཡི་རྟེན་གྱི་ཐིག་ལེ་དཀར་དམར་དེ་གཉིས་ཀྱང་ནང་གསེས་ཀྱི་དངས་སྙིག་གཉིས་གཉིས་སུ་ཡོད་པ་ལས། དང་པོ་དམར་ཆའི་དངས་མ་ནི་མེའི་རང་བཞིན་ཡིན་པས་ལུས་ཀྱི་དྲོད་ཐམས་ཅད་བསྐྱེད་པ་དེ་དྲོད་ཐམས་ཅད་ཀྱི་ཁ་བདག་བྱེད་བྱེད་ཅིང་། མེའི་མཚན་ཉིད་ཡིན་པས་གྱེན་དུ་འགྲོ་ལ། དཀར་ཆའི་དངས་མ་ནི་སྤྱི་བོར་གནས་ནས་ལུས་ཀྱི་དཀར་ཆ་ཐམས་ཅད་ཀྱི་བདག་བྱེད་ཅིང་། ཆུའི་མཚན་ཉིད་ཡིན་པས་འོག་ཏུ་ཐུར་དུ་འགྲོ་བ་ཡིན་ལ། སྙིགས་མ་ནི་དངོས་པོ་གཞི་དུས་ཀྱི་ནང་གི་།།།གི་རུས་བསྐྱེད་པ་ཡིན་ཏེ། དེའི་ཚུལ་ཡང་ཕྱི་རོལ་གྱི་ཁ་ཟས་ཀྱི་དངོས་པོ་རྣམས་བསྲེགས་རྫས་དང་། རོ་རྐྱང་དང་འབྲེལ་པའི་ལག་པ་གཉིས་དགང་བུག་ཁ་ནི་ཐབས་ཁུང་ཕུང་པོ་དང་ཁམས་དང་སྐྱེ་མཆེད་རྣམས་གདོད་མ་ནས་རང་བཞིན་གྱི་ལྷར་གྲུབ་པ་ནི་འཇིག་རྟེན་ལས་འདས་པའི་མཆོད་ཡུལ་གྱི་ལྷ། ཕོ་བར་དངས་སྙིགས་འབྱེད་པའི་ལས་བྱེད་པ་ནི་འཇིག་རྟེན་པའི་མེ་ལྷ་ཞལ་གཉིས་པ་ཡིན་ཏེ། ཞལ་གསུམ་ནི། རླུང་མེ་མཉམ། བད་ཀན་མྱག་བྱེད། མཁྲིས་པ་མདོག་འགྱུར་གསུམ་པོ་ཡིན་ལ། དེ་རྣམས་ཀྱི་བྱེད་པས་ནི། དང་པོས་བསྲེགས། གཉིས་པས་བཞུ། གསུམ་པས་སྦྱངས་ནས་དེའི་དངས་མ་མཆིན་པར་རྩ་ཆེན་བཞི་ལ་རྒྱུད་དེ་ཁྲག་ཆེན་དུ་གྱུར་ནས་རྩའི་གནས་ཀུན་ཏུ་ཁྱབ་པར་འགྲོ་ཞིང་། ཁྲག་གི་དངས་མས་ཤ་བསྐྱེད། དེའི་དངས་མས་ཚལ་སྐྱེད། དེའི་དངས་མས་སྡུས་པ། དེའི་དངས་མས་རྐང་། དེའི་དངས་མས་ཁུ་བ་སྐྱེད་སྟེ། དེ་ལ་ལུས་ཟུང་གྱིས་དངས་མ་བདུན་བརྒྱུད་ཅེས་ཟེར་ཞིང་། ཁུ་བ་ལ་སྐྱེ་བ་བདུན་པ་ཟེར་བའི་དོན་ཡང་འདི་

(༩༣)ཉིད་ཡིན་ནོ། སྙིགས་མ་ནི། ཡོ་བའི་སྙིག་མ་ལ་སྐ་སླ་གཉིས་ལས། བྱུང་བ་བཤད་པ་ཡིན་ཏེ། རྒྱུ་མར་བརྒྱུད་ནས་འོག་ཏུ་འགྲོ་ཞིང་། སླ་བ་གཅི་བ་ཡིན་ཏེ་རྒྱུ་སྒྲོག་ནང་ནས་སོང་ནས་ལྒང་པ་ནས་འབབ་པར་བྱེད་ལ། ཁྲག་གི་སྙིགས་མ་མཆིན་པ་དང་འབྲེལ་བ་ལས་མཁྲིས་པ་བསྐྱེད་ནས། དེའི་སྙིགས་མ་འོག་ཏུ་འགྲོ་ཞིང་། མཁྲིས་པའི་སྙིགས་མ་ནི་ཆུའི་ཀུ་ཡ་དང་། དྲི་ཆེན་གྱི་སེར་པོའི་ཆ་དེ་བྱེད་ལ། ཤའི་སྙིག་མ་ལྷག་པ་དང་དྲི་མ། ཚལ་གྱི་སྙིག་མ་སྨན་བུགས་འགྱུར་ཞིང་། རུས་པའི་སྙིག་མ་སོ་དང་སེན་མོ་དང་ཆུ་རྒྱུས་ལ་སོགས་པ་ཡིན་ལ། ནང་གི་སྙིག་མ་རྐང་སྦུབ་ཡི་མཆིལ་སྣབས་ཀྱི་རྣམ་པ་དང་། ཁུ་བའི་སྙིག་མ་ནི་དུང་ཅན་མ་ནས་འོག་ཏུ་འབབ་ཅིང་། དངས་མས་སྟོབས་དང་ཁ་དོག་ལ་སོགས་བྱེད་སྟེ། དེ་ནི་ཁམས་ཀྱི་དངས་སྙིག་སྤྱི་ཙམ་བཤད་པ་ཡིན་ནོ། བཞི་པ་ཁམས་སུམ་བཅུ་སོ་དྲུག་གི་རྒྱས་པར་བཤད་པ་ལ། སྤྱིར་བཤད་པ་དང་། བྱེ་བྲག་ཏུ་བཤད་པ་གཉིས་ལས། དང་པོ་ནི་གསུམ་པ་བཤད་ཁམས་ནི་སུམ་བཅུ་དྲུག །ཞེས་པའི་རྐང་པ་འདིས་སྟོན་ཏེ། དེ་ཡང་རྒྱས་པར་ཅན་ན་སུམ་བཅུ་རྩ་དྲུག་ཡོད་དོ། གསུམ་པ་བྱེ་བྲག་དུ་བཤད་པ་ལ་ཡང་དངས་མ་བཅུ་གཉིས་བཤད་པ་དང་སྙིགས་མ་ཉི་ཤུ་རྩ་བཞི་བཤད་པ་གཉིས་ལ། དང་པོ་ནི། བཞི་ནི་མིག་སོགས་ཤེས་པ་དང་། ཞེས་སོགས་ཚིག་བཅད་ལྔ་དང་རྐང་པ་གསུམ་གྱི་སྟོན་ཏེ། དེ་ཡང་སྙིང་གའི་ཡན་ལག་གི་རླུང་གི་རྟེན་གྱི་རྩ་བཞིའི་

(༩༤)ཐིག་ལེ་ནི་མིག་དང་། སོག་པས་རྣ་བ་སྣ་ལྕེ་རྣམས་ཀྱི་ཤེས་པ་དང་འབྲེལ་ནས་གཟུགས་འཛིན་པ་ལ་སོགས་པའི་བདག་རྐྱེན་བྱེད་པའི་དངས་མ་ནི་ནང་གི་མཆོད་པ་བཞི་ཞེས་བྱ་ལ། བདུད་བྲལ་ནས་བྱུང་བའི་ཁམས་དཀར་ཆ་དེ་ནི་སྟེང་དུ་འགྲོ་ཞིང་ལྕེའུ་ཆུང་གི་དབུས་སུ་ཟུག་པ་ཡིན་ཞིང་། རྒྱུ་མཚན་དེས་ན་ཁམས་ལུགས་བཟློག་ཡིན་པས་ཟླ་བའི་ཕྱོགས་དང་མཐུན་པར་བཤད་ལ། །།།དང་བྲལ་ཡར་གནས་པའི་ཐིག་ལེ་དེ་ཡང་རེག་བྱེའི་ཕྱོགས་གཅིག་འཛིན་པས་ན་ཡན་ལག་གི་རླུང་གི་ཕྱོགས་གཅིག་ཏུ་བཞག་པ་ཡིན་ཞིང་། རྩ་བའི་རླུང་ལྔ་དང་འབྲེལ་པའི་ཐིག་ལེ་བྱེད་ལས་ནི་སྔར་བཤད་པའི་རྩའི་བྱེད་ལས་དང་མཐུན་པ་ཡིན་ལ། ཐིག་ལེ་འཆད་པའི་སྐབས་འདིར་ཡང་དབུ་མ་ལ་ཆ་གཉིས་དུ་བྱས་པའི་སྟེང་དུ་ཟླ་ཉི་དགྲ་གཅན་གྱི་རྩ་གསུམ་ལ་བརྟེན་པའི་ཐིག་ལེ་དང་། འོག་ཏུ་བཤང་གཅི་ཕུང་རྣམ་གསུམ་ཡོད་པ་ལས་སྟེང་སྲོག་ཉི་མའི་ཆོས་ཅན་ཡིན་པས་ན་སྟེང་གི་གསུམ་པོ་གཅིག་ཏུ་བྱས་ནས་ཉི་མའི་ཐིག་ལེ་དང་། འོག་གི་གསུམ་པོ་ཐུར་སེལ་ཟླ་བའི་ཆོས་ཅན་ཡིན་པས་གཅིག་ཏུ་བྱས་ནས་ཟླ་བའི་ཐིག་ལེ་ཏེ། དེ་ལྟར་དངས་མ་བཅུ་གཉིས་ཡིན་ལ། འོ་ན་དབུ་མའི་ཡར་དར་དགྲ་གཅན་དང་། མར་སྣ་དུས་མེར་བཤད་པ་དེ་གཉིས་ལས་གནས་པའི་ཐིག་ལེ་གཉིས་པོ་ཡོད་པ་ལས། དེ་གཉིས་།།།ཞེ་ན། དགྲ་གཅན་ནི་ཟླ་བ་དང་། དུས་མེ་ཉི་མའི་ཁོངས་སུ་བསྡུ་བ་ཡིན་ནོ། ཁྱད་པར་དུ་མར་སྣ་དུང་ཅན་མ་ལས་བཅོ་ལྔའི་ཆའི་དཀར་ཆའི་།།།

(༩༥)དག་ནི་བདེ་བ་སྐྱེ་བའི་རྩ་ཡིན་ལ། དེ་རྡོ་རྗེ་ནོར་བུའི་བར་དུ་འབྲེལ་ཞིང་། བུད་མེད་ལ་རྩ་རོ་མ་དང་འབྲེལ་བ་ལས་ཁྲག་གིས་ཁམས་འཛིན་པ་ན། སྐྱེས་པ་དང་བུད་མེད་ཀྱི་ཁྱད་པར་དེས་བྱེད་ལ། དག་པོའི་མཆོག་གསུམ་ཀྱང་བསྐྱེད་པར་བྱེད་པའོ། །།། འདི་ནི་ཁ་སྦྱོར་ཅིག་གི་ལས། སྙིང་གའི་ཐིག་ལེ་བཅུ་པོ་དེའི་ངོ་བོ་ཕྱོགས་བཞིའི་འདབ་མའི་རྩ་ལ་གནས་པའི་འབྱུང་བཞིའི་ཐིག་ལེ་དང་། སྙིང་གའི་།།།ཕྱོགས་གྱི་ཐིག་ལེ་རྣམས་ནི་མར་མེ་ཉེ་སྒྲོན་མ་ལྔའི་དངོས་པོ་ཤེས་རབ་ཀྱི་རང་བཞིན་དང་། འཚམས་བཞི་དང་འོག་ཏུ་གནས་ཐིག་ལེ་ལྔ་ནི་བདུད་རྩི་ལྔའི་རང་བཞིན་འབབ་པའི་གནས་སྐབས་ཀྱི་རང་བཞིན་ཡིན་ལ། ཐིག་ལེ་ལ་ནང་གི་མཆོད་པ་བཞི་ཞེས་བཤད་ཅིང་། འདི་ལུས་ཀྱི་སྙིང་དབུས་སུ་སུམ་སྐོར་མ་དང་འདོད་མ་དང་ཁྱིམ་མ་དང་གཏུམ་མོ་།།། བདུན་།།།མ་སྟེ་རྩ་ལྔ་པོ་ནི་ཡང་དག་པར་གནས་པ་ཡིན་ནོ། གཉིས་པ་སྐད་ཅིག་མ་ཉི་ཤུ་རྩ་བཞི་ནི། སྐུ་གསུང་ཐུགས་ཀྱི་བྱེད་དྲག་གིས། ཅེས་སོགས་ཚིག་བཅད་ཕྱེད་དང་བཅུ་དྲུག་གི་སྟོན་ཏེ། དེ་ཡང་།།།ཉི་ཤུ་རྩ་བཞིར་ཉེ་བར་བརྗོད་ལ། གནས་སོགས་ཉི་ཤུ་རྩ་བཞི་པོ་དེ་དག་གི་བྱེ་བྲག་ལ་བརྟེན་ནས་ཕྱི་རོལ་ཏུ་གནས་ཉེར་བཞི་དང་། ནང་དུའང་གནས་ཉེར་བཞིར་ཉེ་བར་བརྗོད་ཏེ་ཅེས་མདོར་བསྟན་པ། དེ་ནས་ལུས་གྱི་རྩ་ཉེར་བཞི་པོ་དེ་རྣམས་ལས་བྱུང་བའི་ཁམས་ཉི་ཤུ་རྩ་བཞི་པོ་ནི་སྔར་བཤད་པའི་རྩ་དང་

(༩༦)བཅས་པས་གནས་ཉི་ཤུ་རྩ་བཞིར་བཤད་པའི་ཚུལ་ནི། མི་ཕྱེད་མ་ནི་ཕྱི་ནང་གཉིས་ཀར་ཕྱི་གནས་སུ་པུ་ལླི་ར་ཡིན་ཏེ་ལུས་ཀྱི་མོག་དང་། ཁམས་སེ་དང་སེན་མོ་འབབ་པར་བྱེད་དེ། དེ་བཞིན་དུ་ཕྲ་གཟུགས་མ་ནི་ཕྱི་ནང་གི་ཛཱ་ལན་དྷ་ར་དང་ལུས་ཀྱི་སྤྱི་གཙུག་སྟེ་སྐྲ་དང་བ་སྤུའི་ཁམས་འབབ་པར་བྱེད་ལ། རྩེ་བ་མ་ནི་ཕྱི་ནང་གི་ཨྱན་དང་ལུས་ཀྱི་རྣ་བ་གཡས་པ་སྟེ་ལྤགས་པ་འབབ་པ་ཡིན་ནོ། གཡོན་པ་མ་ནི་ཕྱི་ནང་གི་ཨདྷུ་ཏ་དང་ལུས་ཀྱི་ལྟག་པ་སྟེ་རྒྱབ་ལ་སོགས་པའི་ཤ་རྣམས་འབབ་པར་བྱེད་ལ། དེ་ལྟར་བཞི་པོ་དེ་ནི་ཕྱི་རོལ་དུ་མཁའ་འགྲོ་མ་རྣམས་རྟགས་ཏུ་གནས་ཅིང་ནང་དུ་དཀར་ཆ་རྟག་ཏུ་གནས་ཕྱིར་གནས་ཅེས་བྱའོ། བྱུང་ཡུལ་ནི་ཕྱི་ནང་གི་གོ་ར་བ་རི་དང་ལུས་ཀྱི་རྣ་བ་གཡོན་ཏེ་རུས་པའི་ཁམས་འབབ་པར་བྱེད་ཅིང་། རུས་སྦལ་སྐྱེས་པ་ནི་ཕྱི་ནང་གི་རཱ་མེ་ཤཱ་རི་སྨིན་འཚམས་སྟེ་རུས་པའི་ཕྲེང་བ་འབབ་པ་ཡིན་ལ། སྒོམ་པ་མ་ནི་དེ་ཝེ་ཀོ་ཊི་དང་།།།སྟེ་མཆིན་པའི་ཤ་ཀུན་བསྐྱེད་པའི་ཁམས་འབབ་པ་ཡིན་ཞིང་། དབང་བསྒྱུར་མ་ནི་མ་ལ་ཝ་དང་ཕྲག་པ་སྟེ་སྟིང་གའི་ཤ་བསྐྱེད་པར་བྱེད་པ་སྟེ། དེ་ལྟར་བཞི་པོ་དེ་ཕྱི་རོལ་མཁའ་འགྲོ་མ་རྣམས་ཕལ་ཆེར་གནས་ཅིང་། ནང་དུ་དཀར་ཕལ་ཆེར་གནས་པས་ཉེ་བའི་གནས་ཅེས་བྱའོ། སྐྱོབ་མ་ནི་ཕྱི་ནང་གི་ཀ་མ་རུ་པ་དང་ལུས་ཀྱི་མཆན་ཁུང་སྟེ་མིག་འབྲས་གཉིས་ཀྱི་ཤ་འབབ་པ་ཡིན་ལ། འཇུག་མ་ནི་ཨོ་ཊེ་དང་དབུ་མ་

(༩༧)ཡིན་ཏེ། བུ་འཚམས་ནས་བརྒྱུད་མེད་མཁྲིས་པ་བསྐྱེད་པར་བྱེད་ཅིང་། མ་མོ་ནི་ཏྲི་ཤ་ཀུ་ན་ལྟེ་བ་སྟེ་གློ་བའི་ཁམས་བསྐྱེད་པར་བྱེད་པའོ། མཚན་མོ་ནི་གོ་པ་ལ་དང་སྣ་རྩེ་སྟེ་རྒྱུ་མའི་ཕྲེང་བ་འབབ་པར་བྱེད་ལ། དེ་ལྟར་བཞི་པོ་དེ་ལས་དང་པོ་གཉིས་ནི་ཕྱི་རོལ་དུ་མཁའ་འགྲོ་མ་རྣམས་ལོངས་སྤྱོད་པའི་ཞིང་དང་ནང་དུ་དཀར་ཆ་ལ་ལོངས་སྤྱོད་པའི་ཞིང་ཡིན་པས་ན་ཞིང་ཞེས་བརྗོད་ལ། ཕྱི་མ་གཉིས་ནི་དེ་དང་ཉེ་བའི་ཕྱིར་ཉེ་བའི་ཞིང་ཞེས་བརྗོད་དེ། བསིལ་སྦྱིན་མ་ནི་ཕྱི་ནང་གི་ཀ་ལིང་ག་དང་ལུས་ཀྱི་ཁ་ཡིན་ཏེ། ཁམས་ནི་སྟ་ཟུར་ནས་འབྲེལ་ནས་དྲོད་པ་བསྐྱེད་པར་བྱེད་ལ། ཚ་བ་མ་ནི་ལམྦ་ཀ་དང་མགྲིན་པ་སྟེ་ལྟེ་བ་ནས་འབྲེལ་སྟེ་གཉེ་མ་བསྐྱེད་པར་བྱེད་ཅིང་། གཞོལ་མ་ནི་ཀཉྩི་ར་དང་སྙིང་སྟེ། བཤད་པ་འབབ་པའི་བདག་རྐྱེན་བྱེད་ལ། རངས་མ་ནི་ཧཾ་མ་ལ་ཡ་དང་འབྲས་བུ་སྟེ། འཚོགས་མ་ནས་གསང་གནས་ཀྱི་བར་གྱི་ལུས་ཀྱི་དབུས་འགེངས་བའི་བརྒྱུངས་པ་ས་འབབ་ཅིང་། དེ་ལྟར་བཞི་པོ་ལས་དང་པོ་གཉིས་ནི་ཕྱི་རོལ་དུ་མཁའ་འགྲོ་རྣམས་རིག་འདྲེས་ནས་གནས་ཅིང་། ནང་དུ་དངས་སྙིག་འདྲེས་པར་གནས་པས་ན་ཚནྡོ་ཞེས་བྱས་པ། ཕྱི་མ་གཉིས་ནི་དེ་དང་ཉེ་བའི་ཕྱིར་ཉེ་བའི་ཚནྡོ་ཞེས་བཤད་དོ། གཟུགས་ཅན་མ་ནི་ཕྱི་ནང་གིས་སྲེ་ཏ་སྡུ་རི་དང་མཚན་མ་སྟེ་རྟག་ཏུ་རྣག་གི་ཁམས་འབབ་པར་བྱེད་ཅིང་། ཐུངས་མོངས་མའི་སྤྱི་མ་ནི་གྲྀ་ན་དེ་བ་བཤད་ལམ་སྟེ་བད་ཀན་

(༩༨)འབབ་པར་བྱེད་ལ། རྒྱུ་སྦྱིན་མ་ནི་སོ་སོ་རཥྚ་དང་བརླ་སྟེ། ཁྲག་གི་ནུས་པ་བསྐྱེད་པར་བྱེད་ཅིང་། སྦྱོར་བྲལ་མ་ནི་སུ་ཝརྞ་དཱི་པ་དང་བྱིན་པ་སྟེ། རྟག་ཏུ་རྔལ་གྱི་ཁམས་འབབ་པར་བྱེད་སྟེ། དེ་ལྟར་བཞི་མས་དང་པོ་གཉིས་ཉིད་ཕྱི་རོལ་དུ་མཁའ་འགྲོ་མ་རྣམས་ཚོགས་ལ་འདུ་ཞིང་། ནང་དུ་དངས་སྙིག་རྣམས་འདུ་བས་ན་འདུ་གཅིག་གིས་བྱ་ལ། ཕྱི་མ་གཉིས་ནི་དེ་དང་ཉེ་བའི་ཕྱིར་ཉེ་བར་འདུ་བ་གསུངས་པ་ཡིན་ནོ། ཤུ་ཁུ་མ་ནི་ཕྱི་ནང་གི་གི་ནཱ་ག་ར་དང་ལུས་ཀྱི་སོར་མོ་སྟེ། ཚིལ་གྱིས་ཁམས་འབབ་པར་བྱེད་ལ། གྲུབ་མ་ནི་སིནྷུ་ར་དང་བོལ་གོང་སྟེ་མཆི་མ་བསྐྱེད་པར་བྱེད་ཅིང་། འཆེད་མ་ནི་མ་རུ་དང་མཐོ་བོ་སྟེ། ལུད་པ་དང་མཆིལ་མ་བསྐྱེད་ཅིང་འབབ་པར་བྱེད་ལ། ཡིད་བཟང་མ་ནི་ཀུ་ལུ་ཏ་དང་སུས་མོ་སྟེ། རྟག་ཏུ་སྣ་ཆུ་དང་སྣབས་འབབ་པར་བྱེད་ཅིང་། དེ་ལྟར་བཞི་པ་ལས་དང་པོ་གཉིས་ནི། ཕྱི་རོལ་དུ་ཁུ་བ་འདོར་ཞིང་། ནང་དུ་བདེ་བའི་ཚོར་བ་མེད་པས་ན་དུད་བྱེད་ཅེས་བྱ་ལ། ཕྱི་མ་གཉིས་ནི་དེ་དང་ཉེ་བའི་ཕྱིར་ཉེ་བའི་དུད་བྱེད་ཅེས་བྱའོ། དེ་ལྟར་གནས་པའི་ལུང་དང་སྦྱར་བ་ནི། རྣལ་འབྱོར་མ་ཀུན་སྤྱོད་ལས། ཡོངས་སུ་ལེ་ར་ཡིན་ཏེ། སོ་དང་ལེན་མོ་འབབ་པར་བྱེད། ཅེས་སོགས་གསུངས་པ་ཡིན་ལ། མི་ཕྱེད་མ་ནས་ཚ་བ་མའི་བར་བཅུ་གཉིས་ནི་རྐྱང་མ་དང་འབྲེལ་ཞིང་ལུས་ཀྱི་གཡོན་ཕྱོག་ལ་ཕར་ཆེར་གནས་ཤིང་། གཞོལ་མ་ནི་ཡིད་བཟང་མའི་བར་བཅུ་གཉིས་ནི་རོ་དང་འབྲེལ་ནས་ཕལ་ཆེར་གཡས་ལ་གནས་པ་ཡིན་ནོ། །

(༩༩)ལྔ་པ་དཀར་ཆ་འཕོ་བའི་རིམ་པ་ནི། དེ་ལྟར་ཁམས་ནི་ཉི་ཤུ་བཞི། ཞེས་སོགས་ཚིག་བཅད་བཞིས་སྟོན་ཏེ། དེ་ཡང་རྩའི་གཙོ་མོ་ཉི་ཤུ་རྩ་བཞི་ལས་གྱེས་ནས་སྟོང་ཕྲག་བདུན་བཅུ་རྩ་གཉིས་ལ་སོགས་སུ་འགྱུར་བ་དེ་ལྟར་ཁམས་ཀྱི་གཙོ་བོ་ཉི་ཤུ་རྩ་བཞི་ལའང་ཐིམ་ལོངས་སྤྱོད་བདག་པོའི་དབྱེ་བས་སྟོང་ཕྲག་བདུན་ཅུ་རྩ་གཉིས་ལ་སོགས་པར་འགྱུར་ཏེ། དེ་ཡང་ཐིལ་པ་ནི་སྙིགས་མར་གྱུར་པ་དང་། ལོངས་སྤྱོད་པ་ནི་དཀར་ཆ་དང་། བདག་པོ་རྩ་བ་རླུང་ཁྲག་འདྲེས་པ་ཡིན་ལ། ཉི་ཤུ་རྩ་བཞི་པོ་དེ་རེ་རེ་ཡང་སྟོང་ཕྲག་གསུམ་གཉིས་གྱི་བསྒྱུར་བ་ལས། སྟོང་ཕྲག་བདུན་པ་བཅུ་རྩ་གཉིས་སུ་འགྱུར་ཏེ། དེ་ཡང་གཙོ་བོའི་དབང་དུ་བྱས་པ་ཡིན་གྱི་འཁོར་དང་བཅས་པའི་དབང་དུ་བ་རླུང་དང་དཀར་ཆ་དང་དམར་ཆ་གསུམ་གྱི་དངས་མ་ནི་བ་ཡུའི་མཐར་ཐུག་པ་ཀུན་ཏུ་ཁྱབ་ལ། ཁྱད་པར་དུ་དངས་མ་ཟླ་བ་ནི་སྤྱི་བོ་ནས་རྩ་བཅུ་དྲུག་བརྒྱུད་ནས། རྩ་བའི་འབྱུང་ངམ་བཞི་ལ་འབྱུང་ཆུང་བཞི་བཞིས་ཕྱེ་བ་ལས་ཐིག་ལེ་བཅུ་དྲུག་གི་རིམ་པས་མགྲིན་པར་འབབ། དེའི་ཐབས་ཤེས་གཉིས་གཉིས་སྡོམ་པ་ལས་བཅུ་དྲུག་གི་ཕྱེད་གྱི་ངོ་བོར་སྙིང་གར་བབ་ལ། དེའི་ཕྱེད་བཞིའི་ངོ་བོར་ལྟེ་བར་བབ་ནས་ལྟེ་བར་ནི་མེ་ལ་རོ་གཅིག་ཏུ་གྱུར་ནས་འབབ་སྟེ། དུང་ཅན་མའི་མཐར་ཆ་བཅོ་ལྔས་གང་ནས་ཆ་བཅུ་དྲུག་པའི་ངོ་བོར་གནས་ཅིང་། འཆིང་བར་མི་ནུས་པ་ལ་ནི་སྤྱིར་འཛག་པར་བྱེད་ཅིང་། དཀར་ཆ་དེ་ཡང་ལུས་ཅན་ཀུན་གྱི་སྙིང་དགའ་བར་བྱེད་པས་དཔྱིད་ཅེས་བྱ་ལ། འཆིང་བའི་དབུས་པ་མེད་པ་རྣམས་

(༡༠༠)པ་ནི་འདོད་ཆགས་བསྐྱེད་ཅིང་། དེ་ལས་ཞེ་སྡང་དང་། དེ་གཉིས་ཀྱི་བར་དུ་བླང་དོར་ལ་རྨོངས་པའི་གཏི་མུག་བསྐྱེད་ནས་འཁོར་བ་གྲུབ་པ་ཡིན་ཏེ། འདོད་ཆགས་ལས་ནི་སྡིག་སྟེ་བད་ཕྱིར་ཤིན་ཏུ་སྡུག་མ་ལའང་ཞེ་སྡང་སྐྱེ། ཞེས་སོགས་དང་། རྣལ་འབྱོར་མ་ཀུན་སྤྱོད་ལས། འོད་དཔག་མེད་དང་རིན་ཆེན་འབྱུང་། འཁོར་བ་བསྐྱེད་པའི་རྩ་བ་གཉིས། ཅེས་གསུངས་པའི་ཕྱིར་རོ། འདི་གཞུ་ནུ་མི་འབྱུང་ཡང་འགྲེལ་པ་ལས་བྱུང་བ་ནི། འཚོ་བའི་རྟེན་བྱེད་ཅིང་གནས་དེ་དང་དེར་གཏར་སྲེགས་ལ་སོགས་པ་བྱས་ན་ཉེས་པ་བསྐྱེད་པར་བྱེད་པས་བླ་གནས་ཅེས་བྱ་བ་ནི་ཚེས་རེ་ལ་ལུས་ཀྱི་གནས་དེར་འཕོ་སྟེ། དེ་ལ་ཡང་རྩ་རྒྱུད་ཀྱི་དབང་དུ་བྱས་པ་དང་། བསྡུས་རྒྱུད་ཀྱི་དབང་དུ་བྱས་པ་གཉིས་ལས། དང་པོ་ནི། དཀར་ཕྱོགས་ཀྱི་ཚེས་གཅིག་ལ་རྐང་པ་གཡོན་པའི་ཚིག་དང་པོ་ལ་ཨ་ཡི་ངོ་བོར་འཕོ་ཞིང་། ཚེས་གཉིས་ལ་ཚིག་གཉིས་པ་ལ་ཨི་ནས་རིམ་པ་བཞིན་དུ། རྩ་བའི་དབྱངས་ལྔ་དང་། ཡོན་ཏན་ལྔ། མཎ་ལྔའི་རིམ་པ་དཀར་ཕྱོགས་ཀྱི་ཚེས་བཅོ་ལྔའི་བར་དུ་སྤྱི་བོའི་བར་དུ་འཕོ་ཞིང་། ཆ་བཅུ་དྲུག་པ་གཙུག་གཏོར་དུ་ལམ་གྱི་ངོ་བོར་གནས་ལ་ནག་པོ་ཕྱོག་ཀྱི་ཚེས་བཅོ་ལྔ་ལ་རིམ་པ་བཞིན་གཡས་ཕྱོགས་ལ་ལུགས་བཟློགས་དུ། རྩ་བའི་དབྱངས་རིང་པོ་ལྔ། འཕེལ་བ་ལྔ། ཡ་ཎ་རིང་པོ་ལྔའི་རིམ་པས་བོར་ཚིག་དང་པོའི་བར་དུ་འཕོ་ཞིང་། ཆ་བཅུ་དྲུག་པ་ཨའི་ངོ་བོར་གནས་ཅིང་། བསྡུས་རྒྱུད་ཐུན་མོང་བ་ལས་

(༡༠༡)བཤད་པ་དང་། དབྱངས་རྣམས་མི་མཐུན་ལ། གནས་རྣམས་ཀྱང་ཅུང་ཟད་མི་མཐུན་ཡོད་དོ། བཞི་པ་གཉེན་པོའི་ཐིག་ལེས་འཆིང་བའི་རིམ་པ་ལ། གང་གིས་འཆིང་བ་འཆིང་བའི་རིམ་པ། བཅིངས་པའི་འབྲས་བུས་སྟེ་གསུམ་ལ་དང་པོ་ནི། གསུམ་པ་བས་གསུང་པའི་ཐབས་ལྡན་པས། ཅེས་སོགས་ཚིག་རྐང་གསུམ་གྱི་སྟོན་ཏེ། དེ་ཡང་བྱང་ཆུབ་ཀྱི་སེམས་འཕེས་པ་ལས་ནི་གཉིས་སྣང་དུ་མཆེད་ནས་འཁོར་བའི་རྒྱུ་བྱེད་ལ། འཕོ་མེད་དུ་བཅིངས་བ་ལས་ལྡན་གཅིག་སྐྱེས་པའི་ཡེ་ཤེས་ཀྱི་སྒོ་ནས་མྱ་ངན་ལས་འདས་པའི་རྒྱུ་བྱེད་ཡིན་པས་ན་འཕོ་མེད་དུ་བཅིངས་པའི་ཐབས་དང་ལ་འབད་དགོས་ཅིང་། འཆིང་བའི་ཐབས་ནི། དཔེར་ན་མེ་ནི་དངུལ་ཆུའི་དགྲ་ཡིན་ཡང་། །སྦྲུམ་དང་སྨན་ལ་སོགས་པའི་ཐབས་མཁས་ཀྱི་སྒོ་ནས་འཆིང་ནུས་པ་བཞིན་དུ། ཕྱག་རྒྱའི་སྐྱེ་གནས་ནི་བྱང་ཆུབ་ཀྱི་སེམས་གནས་པའི་དགྲ་ཡིན་ཡང་། རྒྱལ་བས་གསུངས་པའི་ཐབས་དང་ལྡན་བས་འཛག་མེད་དུ་འཆིང་ནུས་པ་ཡིན་ལ། ཕྱག་རྒྱ་དེ་ལ་ཡང་། འགྱུར་བཅས་ལས་ཀྱི་ཕྱག་རྒྱ། གཡོ་བཅས་ཡེ་ཤེས་གྱི་ཕྱག་རྒྱ། གཡོ་མེད་ཕྱག་རྒྱ་ཆེན་མོ་དང་གསུམ་ལས། ཕྱི་མ་ནི་ཐར་པའི་དངོས་རྒྱུ་དང་། སྔ་མ་གཉིས་ནི་ཐར་པའི་བརྒྱུད་པའི་རྒྱུཡིན་ཞིང་། དེ་གཉིས་ཀྱི་དངོས་འབྲས་ནི་འདོད་པ་དང་གཟུགས་ཀྱི་དངོས་གྲུབ་འགྲུབ་པ་ཡིན་ནོ། གཉིས་པ་ནི་འཆིང་བའི་རིམ་པ་ནི། རྒྱལ་མཚན་རྩ་བཞི་དག་པ་རུ།

(༡༠༢)ཞེས་སོགས་ཚིག་བཅད་གཅིག་དང་རྐང་པ་གསུམ་གྱི་སྟོན་ཏེ། དེ་ཡང་སོར་སྡུད་བསམ་གཏན་གསུམ་པོ་སྲོག་རྩོལ་གསུམ་པོ་སྦྱངས་ནས། འཇིག་རྟེན་པའི་སྐབས་སུ་རྒྱལ་མཚན་ཏེ་གསང་བའི་རྩ་བཞིར་འཕོ་མེད་ཀྱི་རྟེན་དུ་དག་པར་བྱས་ཏེ། དེར་སྐ་པའི་ཐིག་ལེ་འཕོ་མེད་དུ་འགག་པ་ལས་གནས་སྐབས་དེའི་བདེན་པ་མཐོང་བའི་དོན་ལ་སྦྱོར་ཞིང་། རྗེས་དྲན་དུ་བསྒོམ་ལམ་གྱི་མཚན་ཉིད་ཅན་གྱི་དགའ་བ་དང་བཅུ་དྲུག་དང་ལྡན་པས་ཐིག་ལེ་བརྟན་པར་བྱས་ནས། ཏིང་ངེ་འཛིན་དུ་རང་འབྱུང་དུ་གྱེན་ལ་འགྲོ་བ་ཡིན་ལ། དེ་ལྟར་གྱེན་དུ་སོང་བའི་ལས་འཁོར་ལོ་རེ་རེ་ལས་རླུང་བརྒྱ་ཕྲག་སུམ་སུམ་བཅུ་རྩ་དྲུག་པ་རེ་འགགས་པ་ལས་གཉིས་གཉིས་འཐོབ་སྟེ་གཙུག་གཏོར་དུ་ས་བཅུ་གཉིས་འཐོབ་པ་ཡིན་ཏེ། དེས་ན་ལུགས་བཟློགས་གི་དགའ་བ་བཅུ་དྲུག་མཐར་སོན་པའི་ཚེ་སྟོང་མོངས་པ་དུག་གསུམ་འགག་ཅིང་། དེ་ནས་འདུ་བྱེད་ལ་སོགས་པའི་རྟེན་འབྲེལ་བཅུ་གཉིས་དག་པར་འགྱུར་རོ། གསུམ་པ་འབྲས་བུ་ནི། ལུས་ཀུན་མཚན་དཔེའི་མེ་ཏོག་རྒྱས། ཅེས་སོགས་ཚིག་རྐང་གསུམ་གྱི་སྟོན་ཏེ་དེ་ཡང་གནས་སྐབས་ཀྱི་འབྲས་བུ་སློབ་པའི་ཟུང་འཇུག་གི་སྐུ་དང་། མཐར་ཐུག་གིས་འབྲས་བུ་ལུས་ཀུན་མཚན་དཔེའི་མེ་ཏོག་གི་བརྒྱན་པ་སངས་རྒྱས་རང་པའི་སྐུ་གསུངས་གཉིས་དང་། སྐད་གཅིག་གཅིག་གི་མངོན་བར་བྱང་ཆུབ་བའི་ཆོས་སྐུ་དང་། བདེ་བ་ཆེན་པོའི་སྐུ་སྟེ་རང་བའི་ཐུགས་མི་རྒྱན་གྱི་འཁོར་ལོ་འགྲུབ་ཅིང་། གདུལ་བྱ་གཞན་སྣང་ལ་ལྟོས་ནས་སྔ་མ་

(༡༠༣)གཉིས་གཟུགས་སྐུ་གཉིས་པ། ཕྱི་མ་ནི་རང་དོན་ཆོས་སྐུ་ཡིན་ཞེས་བཅོམ་ལྡན་དེ་ཉིད་གཟིགས་པས་གསུངས་བ་ཡིན་ནོ། ལྔ་པ་ཐིག་ལེའི་སྐྱོན་བསལ་བ་ནི། སྙིག་མ་ཕལ་ཆེར་ནད་བསྐྱེད་ལ། ཅེས་སོགས་ཚིག་བཅད་ལྔ་དང་རྐང་བཔ་གཅིག་གི་སྟོན་ཏེ། དེ་ཡང་དངས་སྙིག་གཉིས་ལས་སྙིགས་མ་ཕལ་ཆེ་བས་ནད་བསྐྱེད་པ་ཡིན་ཏེ། དཀར་ཆའི་སྙིགས་མ་བད་ཀན་ནི་གླད་པ་བརྟེན་པ་སྟེང་དུ་གནས་ཀྱང་། ས་དང་ཆུའི་རང་བཞིན་ཡིན་པས་གྱུར་ལ་འབྱུང་ཞིང་། ལྟེ་མ་དང་གསང་བ་རླུང་གི་རང་བཞིན་ཡིན་པས་འོག་ཏུ་གནས་ཀྱང་། མེ་དང་འགྲོག་པ་ལས་གྱེན་དུ་འགྲོ་ལ། མཁྲིས་ཁྲག་གཉིས་པ་ཆིན་པ་ལ་བརྟེན་ནས་བར་ན་གནས་ཀྱང་། རླུང་དང་ལྡན་པ་ལས་མེ་བཞིན་དུ་གྱེན་དུ་འབར་ཞིང་། བད་ཀན་དང་ལྡན་པ་ལས་ཆུ་བཞིན་དུ་འོག་ཏུ་འགྲོ་ལ། དེ་ལྟར་ནད་གཞི་གསུམ་པོ་དེའི་རྩ་བ་ཡང་དུག་གསུམ་ཡིན་ཏེ། བད་ཀན་ནི་གཏི་མུག་ལྡན་པ་སྟེ་དེས་བསྐྱེད་ལ། མཁྲིས་པ་ཞེ་སྡང་གི་བསྐྱེད་ཅིང་། རླུང་ནི་འདོད་ཆགས་དང་འདྲན་པ་ལས་སྒྱུ་སྟེ། ཆུ་མེ་རླུང་གསུམ་གྱི་སྐད་ཅིག་ལ་སྣོད་དུ་སོང་བ་ཡིན་ལ། ལུས་ལ་ནད་བྱེད་པའི་རྩ་བ་ཡང་སེམས་ཡིན་པས། སེམས་ལ་བདེ་བ་དང་། རྟོགས་དཔྱོད་དང་། རྟོག་པ་གཡོ་བ་གསུམ་གྱི་བསམ་གཏན་གྱིས་ཡང་སྐྱོན་བྱེད་ལ། དེའི་རྒྱུ་མཚན་གྱིས་སྣོད་གྱི་འཇིག་རྟེན་འཇིག་པའི་རྐྱེན་བྱེད་སྟེ། བསམ་གཏན་དང་པོ་ན་དགའ་བདེ་ཆུ་ལྟ་བུ་ཡོད་པས་དེའི་གནས་

(༡༠༤)ཆུས་འཇིག །བསམ་གཏན་གཉིས་པ་ན་རྟོག་དཔྱོད་མེ་ལྟ་བུ་ཡོད་པས་དེའི་གནས་མེས་འཇིག །བསམ་གཏན་གསུམ་པ་ན་དབུག་དབྱུང་རྔུབ་རླུང་ལྟ་བུ་ཡོད་པས་ན་དེའི་རླུང་གི་འཇིག་ཤིང་། ནམ་མཁའ་དང་པ་གཉིས་ནི་དེ་དག་གི་རྟེན་བྱེད་པས་འཇིགས་པ་ལ་སོགས་པའི་སྐྱོན་མི་བྱེད་པ་ཡིན་ལ། དེར་མ་ཟད་ནང་དུ་གེགས་སེལ་བ་ལ་སོགས་ཀྱང་འདི་ཉིད་ཀྱི་བྱེད་པས། དེའི་ཕྱིར་མཁས་པས་དེ་ཉིད་ཀྱི་གནད་ཤེས་གནད་གཞི་གསུམ་པོ་དེའི་སྐྱོན་གཞོམ་པར་བྱ་སྟེ། དེའི་གནད་ནི་རླུང་ཕྱིར་འབྱུང་བ་གཙུག་གཏོར་དུ་ནམ་མཁས་བྱིན་གྱིས་བརླབས་པས་ནམ་མཁའི་ཁམས་ཡིན་ཞིང་། ལྟེ་བ་མན་ཆད་དུ་ཀྱི་རླུང་ནི་ཐུར་སེལ་ཡིན་པའི་དེས་པས་ས་ཁམས་ཡིན་ལ། དེས་ན་རླུང་ཕྱིར་དབྱུང་བས་མཁྲིས་པ་འཇོམས་ཤིང་། སྟེང་འོག་དུ་ཁ་སྦྱར་དུ་བཟུང་བ་ལས་བད་ཀན་དང་། འོག་རླུང་ཁོ་ན་བཟུང་བས་རླུང་གི་ནད་གཞོམ་པར་བྱ་བ་ཡིན་ནོ། གསུམ་པ་མཇུག་བསྡུ་བ་ནི། དེ་ལྟར་རྫས་སྔགས་རླུང་གསུམ་གྱིས། ཞེས་སོགས་ཚིག་བཅད་ལྔ་དང་རྐང་པ་གཅིག་གི་སྟོན་ཏེ། དེ་ཡང་། དེ་ལྟར་བཤད་པའི་རྫས་སྔགས་རླུང་གསུམ་གྱི་ཐིག་ལེ་དེ་།།།མ་རིག་པ་དང་འབྲེལ་བ་ལས་འཁོར་བ་བསྐྱེད་པར་གསུངས་ཤིང་། ཐབས་ཀྱི་ཟིན་པས་ནི། གཉེན་པོར་འགྱུར་བར་བཤད་དེ་རྣམས་བསྒོམ་པར་བྱེད་པའི་རྒྱུ་མཚན་ཡང་། བཅོམ་ལྡན་འདས་རྡོ་རྗེ་སེམས་དཔའ། ཀྱཻ་རྡོ་རྗེ་དང་། བཤད་རྒྱུད་རྡོ་རྗེ་ཕྲེང་བར་གསུངས་སྟེ། བཟློག་པའི་བསྒོམ་པ་འདི་དག་ནི། སངས་རྒྱས་མུ་སྟེགས་ཀྱིས་མི་ཤེས། ཅེས་གསུངས་པ་ལྟར་འཇིག་རྟེན་ཀུན་

(༡༠༥)རྫོབ་ཏུ་བཟློག་བསྒོམ་དུ་གྲགས་པ་དེ་ཡིན་ཏེ། དེ་ཡང་ཐོག་མ་མེད་པ་ནས་ཡུན་རིང་པོར་འདོད་ཆགས་ཆེན་པོའི་དབང་དུ་སོང་བས་སྲིད་པ་གསུམ་དུ་སྐྱེས་པ་རྣམས་ལ་དེ་དག་གིས་རྒྱུད་གྲོལ་བའི་དོན་དུ་ནི་དཀར་དམར་གྱི་མཚན་ཉིད་ཅན་གྱི་རྫས་ཀྱི་ཐིག་ལེ་གསུངས་ཞིང་། ཞེ་སྡང་ཆེན་པོའི་དབང་དུ་སོང་བས་མི་གང་མི་བསྲུན་པ་རྣམས་ལ། དེ་དག་མྱུར་དུ་གྲོལ་བའི་དོན་དུ་ཀུན་བརྟགས་ཀྱི་མཚན་ཉིད་ཅན་གྱིས་སྔགས་ཀྱིས་ཐིག་ལེ་གསུངས་པ་ཡིན་ལ། མི་གང་གཏི་མུག་ཆེན་པོས་ཀུན་ནས་འཁྲུལ་པ་རྣམས་ལ། དེ་དག་སྲིད་པ་ལས་སྐྱོབ་པ་དང་། མི་སྣང་བ་ལོ་སོགས་པའི་དངོས་གྲུབ་བརྒྱད་ཐོབ་པའི་ཕྱིར་དང་། ཡེ་ཤེས་ཀྱི་འབྲས་བུ་ཐོབ་པའི་ཕྱིར་རླུང་གིས་གསུང་པ་ཡིན་ཞིང་། དེ་ལྟར་རྩ་རླུང་ཐིག་ལེ་གསུམ་གྱི་དུམ་བུ་རྣམས་ཀྱང་སྣང་བ་ཙམ་གྱི་རྟེན་ཅིང་འབྲེལ་པར་སྣང་བ་ཡིན་ལ། དེའི་རྩ་བ་།།།གནས་ཡིན་པས་དེའི་རྟེན་དུ་གྱུར་པའི་རྩ་རླུང་ཐིག་ལེ་གསུམ་འཚོགས་པའི་རྡོ་རྗེའི་ལུས་ཅེས་གསུངས་པ་ན། འོད་གསལ་དེ་མངོན་དུ་འགྱུར་བ་ལ་རྟེན་རྡོ་རྗེའི་ལུས་ཤེས་དགོས་པར་གསུངས་པ་ཡིན་ནོ། ཟབ་མོ་ནང་གི་དོན་གསལ་བར་བྱེད་པ་ལས་ཐིག་ལེ་གསུམ་བསྟན་པ་སྟེ་ལྔ་པའོ། ད་ནི་དུམ་བུ་དྲུག་པ་གནས་སྐབས་བཞི་དང་ཡེ་ཤེས་འབྲེལ་བར་བསྟན་པ་ལ། མདོར་བསྟན་པ་རྒྱས་པར་བཤད་པ་འཇུག་བསྡུ་བ་སྟེ་གསུམ་ལས། དང་པོ་ནི། དེ་ནས་རྣམས་སོགས་རྐང་པ་གཉིས་ཀྱི་སྟོན་ཏེ། དེ་ཡང་རྩ་རླུང་ཐིག་ལེ་གསུམ་བཤད་པ་དེ་ནས་གཞི་ལ་རྣམ་ཤེས་ཚོགས་བརྒྱད་དང་གནས་སྐབས་བཞི། དེའི་རང་

(༡༠༦)བཞིན་ཡེ་ཤེས་བཞི། ལམ་གྱི་ཕྱག་རྒྱ་བཞི། འབྲས་བུ་སྐུ་བཞི་ལ་སོགས་པ་ཆོས་ཐམས་ཅད་འདུས་པའི་ཕྱིར་བཤད་སྒོ་དཔག་ཏུ་མེད་པ་ཡོད་ཀྱང་། འདིར་མདོར་བསྡུས་ནས་རགས་པ་ཙམ་ཞིག་བཤད་པར་བྱའོ། གསུམ་པ་རྒྱས་པར་བཤད་པ་ལ། སྤྱིར་བཤད་པ། གཉིད་འཐུག་བཤད་པ། ཆགས་པའི་གནས་སྐབས་བཤད་པ། ཐ་མལ་པའི་གནས་སྐབས་བཤད་པ་སྟེ་ལྔ་ལས། དང་པོ་ནི། ཐོག་མར་སྐྱེ་ཚུལ་གོང་དུ་བཤད། ཅེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་ཐོག་མར་གནས་སྐབས་བཞིའི་འཆར་གཞི་ལུས་བསྐྱེད་པའི་ཚུལ་གོང་དུ་བཤད་ནས། ད་ལྟ་ལུས་ལ་སེམས་གནས་པའི་དུས་ལ་གནས་སྐབས་བཞི་ཡིན་ཏེ། གཉིད་དང་རྨི་ལམ་དང་སྙོམས་འཇུག་དང་། ཐ་མལ་པའི་དུས་སྟེ་རྣམ་པ་བཞི་ཡིན་ལ། དེ་དག་གཞི་ལ་མ་དག་པའི་སྐུ་བཞིའི་གནས་སྐབས་སུ་བཤད་པ་ཡིན་ནོ། གཉིས་པ་གཉིད་འཐུག་ནི། དབྱེ་བ་རྣམ་པ་མང་བཤད་ཀྱང་། ཞེས་སོགས་ཚིག་བཅད་ལྔས་སྟོན་ཏེ། དེ་ཡང་རྒྱུད་འགྲེལ་རྣམས་སུ་གཞི་ལ་འབྲས་བུའི་དབྱེ་བ་མང་དུ་བཤད་ཀྱང་། དེས་དོན་མཐར་ཐུག་དུས་ཀྱི་འཁོར་ལོ་ལོར་གཞི་ལམ་འབྲས་བུའི་ཆོས་ཐམས་ཅད་བཞི་འགྲོ་དུ་འཆར་བའི་ངེས་པས། འདིར་ནི་གནས་སྐབས་བཞི་ལས་གཉིད་འཐུག་དང་། ཚོགས་བརྒྱད་ལས་ཀུན་གཞི་གཙོ་བོ་ཡིན་ལ། གནས་ནི་སྙིང་ག་ཆོས་ཀྱི་འཁོར་ལོའི་གནས་ཡིན་ཞིང་། ཀུན་གཞི་རང་གི་ངོ་བོ་ནི་ཚོགས་དྲུག་མི་གསལ་ཞིང་རྣམ་རིག་ཙམ་དུ་གཅིག་

(༡༠༧)ཏུ་བསྡུས་པ། མ་དག་པའི་གནས་སྐབས་སུ་སེམས་ཅན་དང་། །དག་པ་ན་འོད་གསལ་གྱི་འབྲས་བུ་འགྲུབ་པ་ཡིན་ལ། དེ་ལ་མེ་ལོང་ལྟ་བུའི་ཡེ་ཤེས་ཅེས་ཀྱང་བྱ་ཞིང་། སྐུ་བཞི་ལས་ཆོས་ཀྱི་སྐུ་ཡིན་ལ། ཡང་ན། སྤྲོལ་གྱི་ངོ་བོ་ཉིད་ཡིན་པས་ན་ཆོས་དབྱིངས་ཡེ་ཤེས་སུ་བཞག་སྟེ། དེ་ཡང་འདི་ཆོས་དབྱིངས་ཡེ་ཤེས་སུ་བཞག་པའི་ཚེ་ན་ཆགས་པའི་གནས་སྐབས་མེ་ལོང་ལྟ་བུར་འཇོག་ཅིང་། འདི་མེ་ལོང་ལྟ་བུར་བཞག་ན་ཆགས་པའི་གནས་སྐབས་ཆོས་ཀྱི་དབྱིངས་སུ་བཞག་དགོས་སོ། དེ་ལྟ་བུའི་ཀུན་གཞི་དེ་བཤད་ཆགས་ཀྱི་རྟེན་བྱེད་ཀྱང་དམིགས་རྣམས་མི་གསལ་ཞིང་། འདུ་བྱེད་ཡིད་ཀྱི་གཡོ་བའི་རྐྱེན་ཡོད་པའི་ཕྱིར་ན་དེའི་རྐྱེན་ཅན་ཡིན་ལ། མ་དག་པའི་གནས་སྐབས་སུ་ངོ་བོ་མ་རིག་པ་ཡིན་པས་དྲི་མ་ཅན་ཞེས་བྱ་བ་ཡིན་ནོ། འོ་ན་ཀུན་གཞི་གང་གི་སྤོངས་ན། ཉན་ཐོས་ཀྱི་ལམ་དུ་ཕུང་པོ་ལ་བདག་ཏུ་འཛིན་པའི་ཕྱིན་ཅི་ལོག་གི་བློ་བཞིའི་གཉེན་པོར་མི་རྟག་ལ་སོགས་བཅུ་དྲུག་བསྒོམས་པ་ལས་གང་ཟག་གི་བདག་མེད་པ་དེའི་རང་ལམ་གྱི་མཐོང་བསྒོམས་གཉིས་ཀྱི་རྒྱུན་མཐའ་དེ་ལ་རྡོ་རྗེ་ལྟ་བུའི་ཏིང་ངེ་འཛིན་ཟེར་ལ། རང་རྒྱལ་གྱི་ལམ་དུ་བཟུང་བ་རང་བཞིན་མེད་པར་རྟོགས་པས་ན་བདག་མེད་ཕྱེད་དང་གཉིས་ཀྱི་ཆེ་བའི་རང་ལམ་གྱི་མཐོང་བསྒོམ་གཉིས་ཀྱི་རྒྱུན་མཐའ་དེ་ལ་རྡོ་རྗེ་ལྟ་བུའི་དོན་ཟེར་ཞིང་། བདག་མེད་གཉིས་ཀྱི་ཆེ་བའི་ཐེག་ཆེན་གྱི་ལམ་གྱི་རྒྱུན་མཐའ་རྡོ་རྗེ་ལྟ་བུའི་ཏིང་ངེ་འཛིན་ཏེ། དེ་རྣམས་

(༡༠༨)རིམ་པར་གཉེན་པོའི་ཤེས་པ་བསྐྱེད་པ་ལས་སྤོང་བ་ཡིན་ཏེ། དེ་ཡང་ཐེག་ཆེན་རྒྱུན་མཐའི་རྡོ་རྗེ་ལྟ་བུའི་ཏིང་ངེ་འཛིན་གྱི་ཀུན་གཞི་ཡོངས་སུ་སྤོང་ཞིང་། ཐེག་དམན་གཉིས་ཀྱི་ནི་བརྒྱུད་པས་ཡང་བ་ཡིན་ལ། དངོས་སུ་ཐེག་དམན་གཉིས་ལ་ཀུན་གཞིའི་རྣམ་བཞག་མེད་སྟེ་ཀུན་གཞི་མ་མཐོང་བར་རང་གི་བྱང་ཆུབ་འཐོབ་བུས་པའི་ཕྱིར་རོ། གསང་སྔགས་སུ་འཛིན་པ་དང་སེམས་དབེན་དུ་ཀུན་གཞི་མཐོང་ཞིང་། ཏིང་ངེ་འཛིན་དང་འོད་གསལ་གྱི་མཐར་ཀུན་གཞི་བཟློག་པར་བཤད་ལ། འོ་ན་སྔགས་སུ་ཀུན་གཞི་མཐོང་འཆོས་དང་བཟློགས་འཚམས་ལོག་པའི་འོང་བ་ཅི་ཞེ་ན། ཐེག་པ་གསུམ་གྱི་ངེས་འབྱུང་ལ། ཐེག་པ་གཅིག་གི་འབྲས་བུར་གནས་པ་ནི་འདི་ལྟེ་སྟེ་སྔགས་ཀྱི་ཐེག་པའོ། ཞེས་གསུངས་པའི་ངེས་པས། ཀུན་གཞི་སྤང་བའི་ལམ་ཡོངས་སུ་རྫོག་པ་ནི་སྔགས་ལ་རག་ལས་པ་ཡིན་ལ། དེའི་ལམ་དེ་གང་ཡིན་ཞེ་ན། ཡེ་ཤེས་ཡིན་པས་ན་གསལ་བ། རྣམ་རྟོགས་ལ་ལྟོས་ནས་མི་རྟོགས་པའི་མཚན་ཉིད་ཅན་གྱི་ཉིན་མཚན་གཉིས་ཀྱི་གོ་གསལ་བསྒོམ་པ་ཡིན་ལ། ཉིན་མཚན་གྱི་འོད་གསལ་དེ་ལ་ཡང་། མཚན་མོ་ལ་སྲབ་འཐུག་གཉིས་དང་། ཉིན་མོའི་འོད་གསལ་གཉིས་སུ་བྱས་བ་དང་། ཡང་ན་ཉིན་མཚན་གྱི་རྣལ་འབྱོར་གཉིས་སུ་བྱ་ཞིང་། འོད་གསལ་དེ་ནི་རྣམ་ཀུན་མཆོག་ལྡན་གྱི་སྟོང་པ་ཉིད་ཡིན་ཏེ། དེ་བསྒོམ་པ་ལ་ཕྱག་རྒྱ་ཆེ་ལ་རོལ་པ་བྱ་ཞེས་བྱའོ། རྣམ་ཀུན་མཆོག་ལྡན་དེ་ལ་ཡང་། ཤེས་བྱའི་རྣམ་པ་ཐམས་ཅད་གསལ་བ་ལ་བཞག་པ་གཅིག་དང་

(༡༠༩)སྦྱིན་པ་ལ་སོགས་ཐབས་ཀྱི་ཆའི་རྣམ་པ་ཐམས་ཅད་དང་ལྡན་པ་ལ་བཞག་པ་གཉིས་ལས། འདིར་ནི་གཉིས་ཀ་ལ་བྱ་སྟེ། ནོར་རྣམས་ཡང་བ་སྦྱིན་པ་ཅེས་སོགས་གསུངས་པ་ཡིན་ནོ། གསུམ་པ་རྨི་ལམ་རྒྱས་པར་བཤད་པ་ལ། དག་པ་དང་མ་དག་པའི་ངོ་བོ་བཤད་པ། རྨི་ལམ་གྱི་སྣང་བ་བཤད་པ། གནད་འཆིང་ཚུལ་འབྲས་བུ་དང་བཅས་པ་སྟེ་གསུམ་པས། དང་པོ་ནི། གཉིས་པ་རྨི་ལམ་ཤེས་པ་ནི། ཞེས་སོགས་ཚིག་བཅད་གཅིག་དང་རྐང་པ་གསུམ་གྱི་སྟོན་ཏེ། དེ་ཡང་གནས་སྐབས་གཉིས་པ་རྨི་ལམ་གྱི་ཤེས་པ་ནི། ཀུན་གཞི་ལས་སྐྱེས་པའི་དྲུག་པ་ཡོད་ཀྱི་ཤེས་པ་དེ་བག་ཆགས་ཀྱི་རྐྱེན་གྱིས་ཉོན་མོངས་པ་ཅན་གྱི་ཡིད་སྲོག་གི་རླུང་གི་མཚན་ཉིད་ཅན་གྱི་འདུ་བྱེད་དང་བཅས་པར་ལོངས་པ་ཡིན་ལ། དེའི་ཚེ་སྣང་བ་འབྱུང་བ་ནི་རྩ་གནས་བརྒྱུད་མེད་གཟུང་བ་དང་འཛིན་པའི་མཚན་ཉིད་ཅན་གྱི་གཉིས་སྣང་གིས་འཁྲུལ་པར་བྱེད་པ་ནི་མ་དག་པའི་གནས་སྐབས་ཡིན་ཞིང་། དག་པ་ལོངས་སྤྱོད་རྫོགས་པ་སྟེ། པད་གནས་སྐབས་ཀྱི་སྟོང་པར་གནས་པ་ཡིན་ནོ། གཉིས་པ་རྨི་ལམ་གྱི་སྣང་བ་བཤད་པ་ནི། མ་དག་འཁྲུལ་པའི་སྣང་བ་ཡང་། ཞེས་སོགས་ཚིག་བཅད་དྲུག་དང་རྐང་པ་གསུམ་གྱི་སྟོན་ཏེ། དེ་ཡང་མ་དག་པའི་འཁྲུལ་པའི་རྨི་ལམ་གྱི་སྣང་བ་འོང་བ་ཡང་། རླུང་སེམས་སྙིང་ག་ནས་སྟེང་དུ་སྤྱི་བོར་གནས་པ་ལས། ལྷ་ཡུལ་གྱིས་སྣང་བ་དང་། ནམ་མཁའི་སྣང་བ་དང་། རི་མཐོན་པོར་ཕྱིན་པ་དང་། གྱེན་དུ་འགྲོ་བ་དང་། མིག་དང་རྣ་བ་ལ་སོགས་པར་འདུས་པ་ལས་གཟུགས་སྒྲ་

(༡༡༠)ལ་སོགས་པ་མ་འདྲེས་པར་འཆགས་ལ། འོག་དུ་སོང་བ་ལས་དམྱལ་བ་ལ་སོགས་པའི་སྣང་བ་དང་། ཐུར་དུ་འགྲོ་བ་དང་། བྲག་རོང་འཐིབ་པོ་དང་། མུན་ཁུང་ལ་སོགས་པའི་སྣང་བ་འབྱུང་ཞིང་། བར་དུ་སོང་བ་ལས་གླིང་བཞི་ལ་སོགས་པ་ས་སྟེང་གི་སྣང་བ་དང་། མདུན་གཡས་རྒྱབ་གཡོན་ཕྱོགས་རྣམས་སུ་སོང་བ་ལས་རིམ་པ་བཞིན་ཤར་ལྷོ་ནུབ་བྱང་རྣམས་གྱིས་སྣང་བ་འབྱུང་ལ། རྩ་གནས་ཡངས་པར་སོང་པ་ལས་ཡང་པའི་སྣང་བ་དང་། དགེ་པར་སོང་བ་ལས་དོག་པར་སྣང་འབྱུང་ཞིང་། དེ་བཞིན་དུ་ཁ་དོག་ལ་སོགས་པ་ཡང་ཁམས་ཀྱི་རྐྱེན་གྱི་འབྱུང་སྟེ། ཡུལ་དེར་ཡང་། རླུང་གི་གན་དུ་རླུང་སེམས་འདུས་པ་ལས་རས་དང་གོས་སྔོན་པོ་དང་། ནག་པོ་དང་། བྱ་ནག་འཕུར་བ་དང་། རྟ་ནག་ཞོན་པ་དང་། །།།སྔོན་པོ་ལ་དག་པའི་སྣང་བ་དང་། རིག་པ་དངས་པ་དང་། ཡང་ན་།།།སྣང་རྣམས་མི་བརྟེན་པ་དང་། དུ་མར་འཆར་བ་ལ་སོགས་འཆར་ཞིང་། མཁྲིས་ཁྲག་གིས་གནས་སུ་ཡོད་ན། མེ་དང་གོས་དམར་པོ་དང་། ས་དང་གསེར་དུ་སྣང་བ་དང་། བཙུན་པ་ལ་སོགས་པ་དམར་པོའི་སྣང་བ་སྣ་ཚོགས་དང་། བད་ཀན་དམར་ཆའི་གནས་སུ་རེག་པ་སྟེ་སོང་བ་ལས་ཆུ་དང་ཁ་བ་དང་མུ་ཏིག་དང་གོས་དཀར་པོ་དང་། བུད་མེད་དང་གླང་པོ་དང་དངུལ་ལ་སོགས་པ་དུ་མར་སྣང་བ་ཡིན་ལ་ཇི་ལྟར་རྩ་རླུང་དང་ཁམས་རྣམས་དག་པ་ལས། སད་པའི་དུས་ཀྱི་བག་ཆགས་ལས་བརྟེན་པ་རྨི་ལམ་བཟང་ན་སྣང་བ་ཡིན། རྒྱལ་།།།བས་འཇམ་དཔལ་རྩ་བརྒྱུད་དང་རྨི་ལམ་དྲི་བའི་སྐབས་སུ་མ་དུང་པ་ཡིན་ནོ། །

(༡༡༡)གསུམ་པ་གནད་འཆིང་ཚུལ་འབྲས་བུ་དང་བཅས་པ་ནི། དེ་ཕྱིར་རྣལ་འབྱོར་བསྒོམ་པ་ན། ཞེས་སོགས་ཚིག་བཅད་གསུམ་དང་རྐང་པ་གསུམ་གྱི་སྟོན་ཏེ། དེ་ཡང་རྩ་རླུང་ཐིག་ལེའི་རྣལ་འབྱོར་བསྒོམས་པའི་རྣལ་འབྱོར་པ་གང་དང་གང་གིས་རྩ་ཁམས་དང་བག་ཆགས་གང་རྣམས་དག་པ་དང་མ་དག་པའི་དབྱེ་བ་ཡང་རྨི་ལམ་གྱི་ཚོད་འཛིན་པ་གིས་ཤེས་ཤིང་། ཕྱི་མར་འཕོ་བའི་བར་དོའི་སྣང་དཀར་ལམ་ལ་སོགས་པ་གསུམ་གྱི་ཚོད་འཛིན་ཡང་རྨི་ལམ་གྱི་བྱེད་ལ། དེའི་ཕྱིར་སྣང་བ་ལྷ་དང་བརྗོད་པ་སྔགས་ལ་སོགས་པ་སྔགས་ཀྱི་ཐིག་ལེའི་སྒོ་ནས་ཡེ་ཤེས་ཀྱི་ཕྱད་བཅིངས་པ་ཡིན་པས། རྨི་ལམ་དེ་ཡང་སྦྱངས་བ་དང་བསྒྱུར་བ་དང་སྤེལ་བ་དང་། དེ་ལ་སོགས་པའི་རྒྱུ་དང་འབྲས་བུ་དུ་མ་རྣམས་འདིར་རྒྱས་པར་བསྟན་ཏོ། འོ་ན་རྨི་ལམ་དེ་གཉེན་པོར་འགྱུར་བ་ཡོད་དེ་མེད་ཞེ་ན། འཁྲུལ་པའི་རྨི་ལམ་གྱི་འཁོར་པར་འགྱུར་ཞིང་། མ་འཁྲུལ་པའི་རྨི་ལམ་ནི་གཉེན་པོ་ཡིན་ལ། དེའི་ཕྱིར་རྒྱལ་སྲས་ས་བཅུ་པ་ལ་གནས་པ་ལ་ཡད་རྨི་ལམ་བརྒྱ་རྩ་བརྒྱད་ལ་སོགས་པར་བསྟན་པ་ནི་མདོ་སྡེ་ས་བཅུ་པ་ལས་གསུངས་ཤིང་། འོ་ན་རྨི་ལམ་ནི་རླུང་མཁྲིས་བད་ཀན་གསུམ་ལས་འབྱུང་ལ། དེ་ནི་དུག་གསུམ་ལས་འབྱུང་བ་ཡིན་པས་ན། སར་གནས་ཀྱི་བྱང་ཆུབ་སེམས་དཔའ་ལ་དུག་གསུམ་ཡོད་དམ་ཞེ་ན་དེ་ལ་དུག་གསུམ་མེད་ཀྱང་དེས་འདུས་མ་བྱས་ཀྱི་འཁོར་བར་ཟག་མེད་ཀྱི་ཕུང་ཁམས་བཟུང་བའི་ཕྱིར་རྨི་ལམ་འབྱུང་བ་ཡིན་ལ། བཅོམ་ལྡན་འདས་ནི་རྨི་ལམ་བྲལ་བ་ཡིན་ཏེ། ཟག་མེད་ཀྱི་ལུས་འདུ་བྱེད་པའི་རྐྱེན་དང་བྲལ་བའི་ཕྱིར་རོ། བཞི་པ་ཆགས་པའི་གནས་རྒྱུ་

(༡༡༢)སྐབས་ཀྱི་སེམས་དེ་ཇི་ལྟ་བུ་ཞེ་ན། ཐ་མལ་པའི་ཕོ་མོ་སྙོམས་འཇུག་བྱེད་པའི་ཚེ། གཞི་དུས་ཀྱི་དགའ་བ་བཞིའི་གོ་རིམ་བཞིན་དུ་འབྱུང་ཞིང་རྣམ་པར་ཤེས་པ་ཡང་དེ་དང་ལྡན་པ་ཡིན་ཏེ་དེའི་ཆོས་ཅན་ཡིན་པའི་ཕྱིར། དེ་ལྟས་འདོད་སྲེད་ཀྱི་སྐད་གཅིག་མ་དང་པོ་སྤྱི་བོར་རྣམ་ཤེས་འདུས་པའི་ཚེ་གཡོ་བའི་མཚན་ཉིད་ཅན་དང་། སྐད་གཅིག་མ་གཉིས་པར་མགྲིན་པའི་གནས་སུ་དགའ་བ་དང་སྐད་གཅིག་མ་གསུམ་པར་ལྟེ་བར་རྣམ་ཤེས་འདུས་པ་ལས་མཆོག་དགའ་དང་། དབུ་མའི་མར་སྣའི་མེ་དང་ཡར་སྣའི་ཟླ་བ་གཉིས་འདྲེ་ཚེ་དུང་ཅན་མའི་ནང་དུ་ལྷན་སྐྱེས་ཉམས་སུ་མྱོང་བར་འགྱུར་ལ་ལྷན་སྐྱེས་དེ་ལ་ཡང་།།།བ་དང་ཁྱད་པར་ཅན་གཉིས་ལས། ཕྱི་མ་དེ་ནི་དུས་མཐའི་སྐད་གཅིག་མ་གཅིག་གིས་ཤེས་པ་ཡིན་ཏེ། དེ་ཡང་ཚོགས་བརྒྱད་མ་འགག་པར་སོ་སོར་གསལ་བ། ཉམས་བདེ་པ་ཡིན་ལ། ངོ་བོ་མི་རྟོག་པ་སྟེ་ཆོས་གསུམ་ལྡན་ཡིན་ཞིང་། དེ་ཉོན་མོངས་པ་མ་ཡིན་ཡང་འཁོར་བའི་གནས་སྐབས་མ་རིག་པར་གནས་ལ། དེའི་ཕྱིར་འདི་ལ་གཞི་དུས་ཀྱི་ཡེ་ཤེས་ཀྱི་སྐུ་ཞེས་བྱ་སྟེ། ཚོགས་བརྒྱད་ཀྱི་རང་ངོ་ལམ་རང་བཞིན་ལ་རྫོགས་པའི་ཕྱིར། དེ་གཉེན་པོས་དག་པ་ན་ཚོགས་བརྒྱད་ལྷན་སྐྱེས་དེའི་བདག་ཉིད་ཡིན་པའི་ཕྱིར། ཚོགས་དྲུག་འགག་པ་མེད་པར་སོ་སོར་གསལ་བ་སྤྲུལ་སྐུ། ལམ་དུ་རྟེན་།།།གི་ཆེན་འཆར་བ་བཞིན་དུ། གཞི་དུས་སུ་ཡང་བདེ་བ་གང་ཡོད་ན་འཛག་པ་དང་བྲལ་བ་ཡིན་པས་དེ་ལོངས་སྤྱོད་རྫོགས་པའི་སྐུ། སྤྱི་

(༡༡༣)དོན་གྱི་སྟོང་པ་ཉིད་དང་ལྡན་པ་ཆོས་སྐུ་ཡིན་ལ། ལྷན་སྐྱེས་དེ་གཞི་ལམ་འབྲས་བུའི་གནས་སྐབས་ཀུན་ཏུ་འགྲོ་ཞིང་ཀུན་ལ་ཁྱབ་པའི་བདག་ཉིད་ཡིན་པས་ན། དེ་མངོན་དུ་འགྱུར་བའི་ཐབས་ལ་གནད་དུ་བསྣུན་པར་བྱའོ། གཉིས་པ་འཁོར་བའི་འགྲུབ་པའི་ཚུལ་ནི། མ་དག་འཁྲུལ་པའི་སེམས་ཅན་རྣམས། ཅེས་སོགས་ཚིག་རྐང་པ་གཉིས་གྱི་སྟོན་ཏེ། དེ་ཡང་བཞི་པའི་ཆགས་པའི་སྐན་ནས་དེའི་རང་བཞིན་ཡེ་ཤེས་ཡིན་པ་དེ་མ་ཤེས་པར་འཁྲུལ་བ་ཡིན་ལ། དེ་གང་གིས་ཤེས་ན་མ་དག་པའི་སེམས་ཅན་རྣམས་ཀྱི་མ་ཤེས་ལ། གང་མ་ཤེས་ན། སྐད་གཅིག་མ་ཡི་མཚན་ཉིད་ཅན་གྱི་ལྷན་གཅིག་སྐྱེས་པ་བདེ་ཆེན་དེ་མ་ཤེས་ལ། ཇི་ལྟར་མ་ཤེས་ན། རང་ལ་གནས་བའི་ལྷན་གཅིག་སྐྱེས་པ་དེ་སོ་སོ་རང་རིག་ཡིན་པ་ལ། དེ་ལ་དོན་གཞན་དུ་བཟུང་སྟེ། སྤྱིར་ཁུ་རྔུལ་རླུང་གསུམ་གྱིས་རང་བཞིན་འཛག་མེད་ཡིན་ཡང་། རླུང་གི་དབྱེ་བ་ཕྱེ་བ་ལས་གཉིས་སྣང་དུ་འཛག་ཏེ་བདེ་བ་ཉམས་པ་ལས་དུག་གསུམ་བསྐྱེད་ཅིང་། དེས་མི་འདོད་བཞིན་དུ་འཁོར་བར་རྒྱུ་བ་ཡིན་ལ། ཆགས་པའི་གནས་སྐབས་མངོན་འགྱུར་བ་དེ་ཡང་དུག་གསུམ་དུ་ཡོད་དེ། དང་པོ་ཆགས་ཡུལ་ལ་དགའ་བ་དང་ལྡན་པ་འདོད་ཆགས་ཡིན་ལ། བར་དུ་ལྷན་སྐྱེས་དེ་མ་རྟོགས་པས་གཏི་མུག་སྟེ། རྗེས་ལ་ཁུ་བ་འཛག་སྟེ་ཆགས་བྲལ་དུ་འགྱུར་བ་ལས་ཞེ་སྡང་གི་སེམས་དང་། སླར་ཡང་བདེ་བ་འདོད་པའི་སྲེད་པ་དང་། རང་ཉིད་ལ་ཆགས་པ་དང་། ཆགས་

(༡༡༤)ཡུལ་བཏང་མི་བྲ་བའི་སེར་སྣ་དང་། ཆགས་པས་གཞན་གྱི་ལོངས་སྤྱོད་ལ་མི་འདོད་པའི་ཕྲག་དོག་ལ་སོགས་པ་ཀུན་བསྐྱེད་པས་མི་དགེ་བ་འདུས་བྱས་སྟེ་མི་དགེ་བ་ལ་སྤྱོད་ཅིང་། དེ་ཡིས་ངན་འགྲོ་ཀུན་བསྐྱེད་པར་བྱེད་པ་ཡིན་ནོ། གསུམ་པ་མྱ་ངན་ལས་འདས་པ་འགྲུབ་པའི་རིམ་པ་ནི། དེ་ལས་ཅུང་ཟད་ལོག་བྱས་ནས། ཅེས་སོགས་ཚིག་བཅད་བཞིས་སྟོན་ཏེ། དེ་ཡང་སྔར་བཤད་པ་དེ་རྣམས་ལས་ཅུང་ཟད་ལོག་པར་བྱས་ནས། རང་གཞན་ལ་ཕན་པར་འདོད་པའི་བསམ་པ་ལྡན་ཞིང་། ལོངས་སྤྱོད་བཏང་མི་བྲ་བའི་སེར་ན་དང་། གཞན་གྱི་ཕུན་ཚོགས་མི་འདོད་པའི་ཕྲོག །ཞེན་པའི་མཚན་ཉིད་ཅན་གྱི་ཆགས་པ་རྣམས་དོར་བར་བྱས་ནས། ཟང་ཟིང་གི་སྦྱིན་པ་དང་ལྡན་ཞིང་ཁྲོ་བ་དོར་བ་སྟེ་མི་འཚེ་བ་ལ་སོགས་དགེ་བ་བཅུའི་ཚུལ་ཁྲིམས་དང་ལྡན་པས་བདེ་བར་འདོད་པའི་མཐོ་རིས་ནི་འདོད་པའི་མངོན་མཐོ་དང་། འདོད་སྲེད་དེ་ཞི་རག་གི་རྣམ་པ་ཅན་གྱི་བསམ་གཏན་གྱི་བཅད་ནས་ཚོར་བ་དང་འདུ་ཤེས་ལས་ཡིད་འབྱུང་བའི་བསམ་གཏན་དང་སྙོམས་འཇུག་ལ་བརྟེན་ནས་བདེ་བ་ཚོལ་ཞིང་གཟུགས་དང་གཟུགས་མེད་དུ་སྐྱེ་བ་ལེན་པ་ནམ་ཁམས་གོང་མའི་མངོན་མཐོ་ཡིན་ལ། དེ་ཡང་སྔར་ལྟར་རོ་མྱོང་ལ་ཞེན་པས་བསམ་གཏན་དྲི་མ་ཅན་དུ་བྱས་པ་ལ་ཆགས་པ་དང་ལྡན་ཞིང་། དེས་གཞན་གཉིས་དྲང་སྟེ་དུག་གསུམ་གྱི་དབང་གི་འཁོར་བར་འགྱུར་ལ། ངེས་ལེགས་གྱི་བསམ་པས་ཟིན་ན་ཐར་པའི་གཞི་རྟེན་དུ་འགྱུར་བ་ཡིན་ཏེ། མི་ཡི་ཆོས་ལུགས་ལེགས་སྤྱད་ན།

(༡༡༥)ལྷ་ཡུལ་བསྒྲོད་པ་ཐག་མི་རིང་། ལྷ་དང་མི་ཡི་ཐེམ་སྐས་ལ། འཛེགས་ན་ཐར་པའང་གམ་ན་འདུག །ཞེས་གསུངས་པའི་ཕྱིར་རོ། དེ་ལྟར་ཁམས་གསུམ་གྱི་འཛག་པ་བདག་མེད་རྟོགས་པའི་ཟག་མེད་ཀྱི་བྲེས་ཀྱི་བཅད་སྟེ། ཁམས་གསུམ་པོ་སེམས་སུ་ཤེས་ནས་ཁམས་གསུམ་གྱི་ཆགས་སོགས་རང་ལམ་གྱི་མཐོང་བསྒོམ་གྱི་བཅོམ་ནས། མྱོང་འདས་ཕྱོགས་གཅིག་པ་ལ་སྲེད་སྟེ་ཐོབ་པར་འདོད་པས། སློབ་པ་དང་མི་སློབ་པའི་ལམ་དེར་གནས་པ་ལ་ནི་ཉན་རང་ཞེས་བརྗོད་དེ། ཞི་བར་ཕྱོགས་གཅིག་པ་དེ་སྙིང་རྗེས་བསལ་ཞིང་། ཤེས་རབ་གྱི་སྲིད་པ་བསལ་ནས་མཐའ་གཉིས་ལ་སྲེད་པ་སྤངས་ནས་སྲིད་ཞི་མཉམ་པ་ཉིད་དུ་སྦྱོར་བ་ནི་ཐེག་ཆེན་ཐུན་མོངས་བ་ཡིན་ལ། འཛག་མེད་ཀྱི་ཆོན་གྱི་བདེ་བ་ཆེན་པོ་ལ་དབང་ཐོབ་པ་ནི་རྡོ་རྗེ་ཐེག་པ་ཡིན་ཞིང་། དེ་ལྟར་མངོན་མཐོ་ནས་རྡོ་རྗེ་ཐེག་པའི་བར་མཐའ་དག་ནི། བྱང་ཆུབ་ཀྱི་རིང་རྒྱུ་དང་། དེ་ལ་ཉེ་བའི་རྒྱུ་དང་། དངོས་རྒྱུ་རྣམས་སུ་རིམ་པར་འགྱུར་བ་ཡིན་ལ། འཛགས་མེད་གྱི་ཆོས་ཅན་གྱི་བདེ་ཆེན་དེ་རྡོ་རྗེ་ཐེག་པའི་ལམ་ཡིན་ན། འཛག་མེད་དེའི་མི་མཐུན་ཕྱོགས་གྱི་འཛགས་པ་དེ་གང་ཡིན་ཞེ་ན། དེ་ལ་རྟེན་གྱི་འཛག་པའི་སྒོ་བཞི་དང་། བརྟེན་པ་སེམས་གྱི་འཛགས་པ་བཞི་ལས་དང་པོ་ནི། སྟེང་འོག་གཉིས། བ་སྤུའི་སྒོ། དབང་པོ་སྟེ་བཞི་དང་། ཕྱི་མ་ནི་འདོད་པ་སྲིད་བ་ལྟ་བ་མ་རིག་པ་སྟེ་བཞི་ཡིན་ལ། རྟེན་གྱི་འཛགས་པ་བཞིའི་བྱེད་པ་བཅིངས་པ་ལས་ཡེ་ཤེས་ཀྱི་སྐུ་འགྲུབ་ཅིང་། བརྟེན་པའི་འཛག་པ་བཞིའི་བྱེད་

(༡༡༦)བ་བཅིངས་བ་ལས། མི་གནས་པའི་མྱ་ངན་ལས་འདས་པ་གྲུབ་པ་ཡིན་ནོ། བཞི་པ་གནད་འཆིང་ཚུལ་དངོས་ནི། དགའ་བཞིའི་ངོ་བོ་གོ་རིམ་དང་། ཞེས་སོགས་ཚིག་བཅད་གཅིག་དང་རྐང་པ་གཉིས་གྱི་ཡོན་ཏན་ཏེ། དེ་ཡང་མཚོན་བྱེད་དཔེའི་དགའ་བ་བཞི་འཛིན་པའི་མཚན་ཉིད་ཅན་དང་། མཚོན་བྱ་དོན་གྱི་དགའ་བ་བཞི་འཇིག་རྟེན་ལས་འདས་པའི་མཚན་ཉིད་ཅན་གྱི་ངོ་བོ་དང་། དགའ་བ་བཞིའི་གོ་རིམ་དང་། དེ་རེ་རེ་ལ་ཡང་བཞིར་ཕྱེ་བས་བཅུ་དྲུག་དུ་དབྱེ་བ་དང་། འཛག་སྐྱོན་དང་། འཆིང་བའི་ཐབས་དང་། བཅིངས་པའི་ཕན་ཡོན་དང་། རྣམ་པར་དག་པ་དང་རྒྱུ་ལུགས་འབྱུང་དང་འབྲས་བུ་ལུས་ལྡོག་ལ་སོགས་པ་ཀུན་རྒྱལ་བས་བླ་ན་མེད་པའི་རྒྱུད་ཏུ་རྒྱས་པར་གསུངས་ལ། ནང་གི་དམ་ཚིག་གི་ཕྱག་རྒྱ་ལས་རུང་དུ་བྱ་བའི་ཕྱིར་ལས་ཀྱི་ཕྱག་རྒྱ་འཆིང་ཞིང་། འདིར་ནི་རྒྱས་པར་བྲིས་ཏེ། འདི་མན་ངག་དང་འབྲེལ་བས་ན་སློབ་བཤད་གྱི་དགོས་པའི་ཕྱིར་ལ། གཞིའི་གནས་སྐབས་གྱི་མདོ་ཙམ་ཞིག་ནི་སྔར་ཐིག་ལེའི་སྐབས་སུ་བཤད་དོ། ལྔ་པ་ཐ་མལ་པའི་གནས་སྐབས་ལ། ངོ་བོ་བཤད་པ། དག་པ་བཤད་པ། སྤངས་གཉེན་འབྲས་བུ་དང་བཅས་པ་སྟེ་གསུམ་ལས་དང་པོ་ནི། ཐ་མལ་དུས་གྱི་ཤེས་པ་ནི། ཞེས་སོགས་ཚིག་བཅད་ཕྱེད་དང་གསུམ་གྱི་སྟོན་ཏེ། དེ་ཡང་སད་པའི་ཐ་མལ་པའི་དུས་ཀྱི་ཤེས་པ་ནི་གང་ལས་བྱུང་ན། ཀུན་གཞིའི་སྟེང་གི་འདུ་བྱེད་ཡིད་གྱི་གཡོ་བ་ལས། སྔར་བཤད་པའི་རྒྱུའི་རྐྱེན། བདག་རྐྱེན།

(༡༡༧)དམིགས་རྐྱེན། དེ་མ་ཐག་རྐྱེན་སྟེ་བཞི་ཉེ་བར་སྦྱོར་བ་ལས། མིག་སོགས་རྣམ་ཤེས་དྲུག་པོ་རྣམས་མིག་སོག་དབང་པོ་དྲུག་དང་འབྲེལ་བར་བྱས་པ་ལས་གཟུགས་སོགས་ཡུལ་ངག་རྣམས་སུ་རང་གིས་རང་སྣང་བ་ཡིན་པ་ལས། དེ་སེམས་ཀྱི་སྣང་བར་མ་ཤེས་པར་བདེ་སྡུག་བཏང་སྙོམས་གྱི་ཚོར་བ་གསུམ་གྱི་བདེ་བ་ལ་ཆགས་པ་དང་། སྡུག་བསྔལ་ཞེ་སྡང་བ་དང་། དེ་གཉིས་ཀྱི་བར་ནས་བཏང་སྙོམས་གྱི་གཏི་མུག་བསྐྱེད་ནས། དུག་གཉིས་པོ་མངོན་འགྱུར་བ་དེ་དེ་མ་ཐག་པའི་ཡིད་ཀྱི་ཁྱེར་ནས་ཀུན་གཞིའི་སྙིང་དུ་བག་ཆགས་བཞག་ཅིང་། སླར་ཡང་ལས་མངོན་པར་འདུ་བྱས་པ་ལས་ལས་ཉོན་སྐྱེ་བ་གསུམ་གྱི་རིམ་པས་འཁོར་བ་ཡིན་ནོ། གཉིས་པ་དག་ནི། འདི་ཉིད་པ་དག་ཞེས་སོགས་ཚིག་བཅད་གཅིག་གི་སྟོན་ཏེ། དེ་ཡང་རྣམས་ཚོགས་བརྒྱད་པོ་འདི་ཉིད་ཀྱི་དག་པ་སེམས་གཉིས་ཡིན་ཏེ། རྒྱུན་ཅན་གྱི་ཡིད་ནི་མི་གཡོ་བ་མཉམ་པ་ཉིད་ཀྱི་ཡེ་ཤེས་ཡིད་ཀུན་ཏུ་རྟོག་པ་དག་པ་སོ་སོར་རྟོག་པའི་ཡེ་ཤེས། སྒོ་ལྔའི་ཤེས་པ་ཡུལ་དང་བཅས་པ་དག་པ་བྱ་བ་གྲུབ་པའི་ཡེ་ཤེས་སྟེ་གསུམ་དང་། སྔར་བཤད་པ་ཀུན་གཞི་དག་པ་མེ་ལོང་ལྟ་བུའི་ཡེ་ཤེས་དང་། དེ་རྣམས་རང་བཞིན་ཆོས་ཀྱི་དབྱིངས་ཀྱི་ཡེ་ཤེས་ཡིན་ནོ། གསུམ་པ་སྤང་གཉེན་འབྲས་བུ་དང་བཅས་པ་ནི། སྒྲིབ་པ་མཐོང་སྤངས་བསྒོམ་པ་དང་སྟེ། ཞེས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་ཏེ། དེ་ཡང་སྒོ་ལྔའི་ཤེས་པ་ཡིད་ཤེས་དང་བཅས་ཡེ་ཤེས་ལ་སྒྲིབ་པའི་དབང་དུ་བྱས་ནས་མཐོང་སྤངས་བསྒོམ་པ་སྤངས་གཉིས་ཀྱི་སྒྲིབ་པ་གཉིས་དང་།

(༡༡༨)རྣམ་ཤེས་ཚོགས་བརྒྱད་ཀའི་སྒྲིབ་པའི་དབང་དུ་བྱས་ནས་ཉོན་མོངས་ཤེས་བྱའི་སྒྲིབ་པ་གཉིས་དུ་བཞག་ལ། དེ་དབང་གི་གཉེན་པོ་ནི་དུ་མ་ཡོད་ཀྱང་། གཙོ་བོའི་སྒོ་ནས། ཐེག་ཆེན་གྱི་གཞི་དང་ཆོས་མོས་པ་བདག་མེད་རྟོགས་པའི་ཤེས་རབ་གཉིས་ནམ་མཁའ་མཛོད་ལ་སོགས་པའི་ཏིང་ངེ་འཛིན། དེ་རྣམས་ཀྱི་རྐྱེན་སྦྱོར་བར་བྱེད་པ་སྙིང་རྗེ་སྟེ་རྣམ་པ་བཞི་ཡིན་ལ། དེས་སྦྱངས་པ་ལས་འབྲས་བུ་ལ་ཐུན་མོང་བ་དང་། ཐུན་མོངས་མ་ཡིན་པ་གཉིས་ལས། དང་པོ་ནི་ཚོགས་བརྒྱད་འདིའི་འབྲས་བུའི་དབང་དུ་བྱས་ནས། ཀུན་གཞི་དག་པ་ཆོས་སྐུ། ཡིད་དག་པ་ལོངས་སྐུ། དངོས་པོ་ལ་འཇུག་པ་དག་པ་སྤྲུལ་སྐུ་དང་། གཉིས་པ་ནི་གནས་སྐབས་བཞིའི་དབང་དུ་བྱས་ནས། ཡིད་དང་རྨི་ལམ་འཇུག་པ་གཉིས་པའི་ཕྱིར། དེ་གཉིས་དག་པ་ལོངས་སྐུ། གཉིད་འཐུག་པ་དག་པ་ཆོས་སྐུ། སད་པ་དག་པ་ཡུལ་སྒྲུབ་འགྲོ་དོན་མཛད་པ་དེ་རྣམས་འབྲས་བུ་ཡིན་ལ་རྒྱས་པར་མདོ་དང་སྔགས་གྱི་ཆོས་རྣམས་ཐམས་ཅད་དུ་གསུངས་པའི་ཕྱིར་འདིར་མདོར་བསྡུས་པ་ཡིན་ཞིང་། དེའི་ཕྱིར་ཆོས་ནི་ཆོས་ནི་ཚོག་དྲུག་ཡིན་པས་དེའི་སྟེང་དུ་བསལ་བཞག་མེད་པར་འཇོག་པ་ནི་ཕྱག་རྒྱ་འཆིང་བ་ཡིན་ནོ། གསུམ་པ་མཇུག་བསྡུ་བ་ནི། གནས་སྐབས་བཞི་དང་འཁྲུལ་པ་དང་། ཞེས་སོག་ཚིག་བཅད་གཅིག་གི་སྟོན་ཏེ། དེ་ཡང་གནས་སྐབས་བཞིའི་ངོ་བོ་ནི། གནས་སྐབས་བཞིའི་འཁྲུལ་པའི་ཚུལ་དང་། མ་འཁྲུལ་པའི་ཡེ་ཤེས་དང་། ལམ་ཕྱག་རྒྱ་བཞི་དང་། འབྲས་བུ་སྐུ་བཞི་ལ་དྲགས་པ་གཞི་ལམ་འབྲས་བུར་འབྲེལ་བའི་རྟེན་དང་བརྟེན་པའི་རྟེན་ཅིང་འབྲེལ་བར་འབྱུང་བ་ལས་

(༡༡༩)ཡིན་ནོ། ཟབ་མོ་ནང་གི་རྣམ་པར་བཤད་པ་ལས་རྣམས་དང་ཡེ་ཤེས་གཞི་ལམ་འབྲས་བུའི་འབྲེལ་པ་བསྟན་པ་སྟེ་དྲུག་པའོ། ད་ནི་དུམ་བུ་བདུན་པ་ཕྱི་སྣོད་ལ་སྦྱར་བ་བཤད་པ་ལ། མདོར་བསྟན། རྒྱས་པར་བཤད་པ། འཇུག་བསྡུ་བ་གསུམ་ལས། དང་པོ་ནི། དེ་ནས་ཇི་ལྟར་ནང་གི་ལུས། ཅེས་སོགས་རྐང་པ་གསུམ་གྱི་སྟོན་ཏེ། དེ་ཡང་གནས་སྐབས་བཞི་དང་ཡེ་ཤེས་འབྲེལ་བའི་ཚུལ་བཤད་པ་དེ་ནས་ཇི་ལྟར་ནང་གི་རྡོ་རྗེ་ལུས་ནི་ཕྱི་རོལ་གྱི་འཇིག་རྟེན་ཇི་ལྟ་བ་བཞིན་གནས་པ་ཡིན་ཏེ། ཕྱི་ནང་གཉིས་ཀ་སེམས་གྱི་སྣང་བ་ཡིན་བའི་ཕྱིར་རོ། འོ་ན་འདོད་པའི་ལུས་འདོད་པའི་སྣོད་ཀྱི་འཇིག་རྟེན་ཉིད་དང་མཚུངས་པ་ལྟ་བུ་ཡིན་ནམ། ཁམས་གསུམ་ག་དང་མཚུངས་ཅེ་ན་སེམས་ཀྱི་སྣང་བ་ཡིན་པའི་ཕྱིར་ཁམས་གསུམ་ག་ནང་གི་བདག་ཉིད་ཡིན་ཏེ། དེ་ལྟར་ཕྱི་ནང་ཐམས་ཅད་སེམས་གྱི་སྣང་བ་ཡིན་པར་མ་ཤེས་པར་ཕྱི་རོལ་པ་རྣམས་ཚངས་པ་དང་ཁྱབ་འཇུག་གི་འཇིག་རྟེན་བྱས་པར་འདོད་པ་དང་། རང་སྡེའི་དོན་སྨྲ་བ་གཉིས་གྱི་ཕྱི་དོན་བདེན་པ་བའི་རྡུལ་ཕྲན་འཚོག་པ་ཡིན་པར་བཤད་པ་སོགས་གྱི་རྒོལ་བ་ནི་ཀླུ་གྲུབ་ལ་སོགས་པས་མཛད་པའི་བསྟན་བཅོས་ཆེན་པོ་རྣམས་སུ་བཀག་པ་ཡིན་ལ། འོ་ན་་འཇིག་རྟེན་གྱི་ཚད་དང་བཀོད་པ་ལ་སོགས་པ་རྣམས། དུས་ཀྱི་འཁོར་ལོ་ལས་བཤད་པ་དང་། ཆོས་མངོན་པ་ལ་སོགས་མི་མཐུན་པ་ཇི་སྙེད་གཅིག་བྱུང་བ་རྣམས་ཀྱི་ནང་ནས་གང་དང་གང་གཉིས་མཚུངས་པ་ཡིན་ཞེ་ན། གང་དང་སྦྱར་ཡང་འགལ་བ་མེད་སྟེ། དཔེར་ན་ཕུག་ཁྲུ་ལྔ་པའི་ནང་དུ་འཁོར་ལོས་བསྒྱུར་བ་དཔུང་དང་བཅས་པ་བཞུགས་

(༡༢༠)པའི་ཚེ་དེའི་བསོད་ནམས་ཀྱི་སྟོབས་ཀྱི་དོག་པའི་སྣང་བ་མེད་པ་དང་། ཆགས་བྲལ་གྱི་དེ་བཞིར་པ་འཁོར་དང་བཅས་པ་བཞུགས་ཀྱང་དོག་པ་མེད་པ་ཡིན་ལ། དེའི་ཚེ་ཕུག་ཁྲུ་ལྔ་པར་སྣང་བ་ལ་ཡང་དེར་སྣང་གི་ཚད་མ་ཡོད་ཅིང་། འཁོར་ལོས་བསྒྱུར་བ་དཔུང་བཅས་ཤོང་བ་ཡང་དེར་སྣང་གི་ཚད་མ་ཡོད་པ་བཞིན་དུ། འཇིག་རྟེན་གྱི་ཁམས་གྱི་ཚད་དང་བཀོད་པ་མི་གཅིག་པ་ཐམས་ཅད་ལ་དེར་སྣང་གི་ཚད་མ་ཡོད་ལ། དོན་དམ་པར་ནི་བདེན་པར་མ་གྲུབ་པའི་ཕྱིར་རོ། གཉིས་པ་རྒྱས་པར་བཤད་པ་ལ། གནས་གཞན་ནང་ལ་སྦྱར་ཏེ་བཤད་པ། འབྱུང་བ་རིམ་བརྩེགས་བཤད་པ། རི་བདུན་བཤད་པ། གླིང་དྲུག་བཤད་པ། རྐྱེ་བདུན་བཤད་པ་གཟའ་དགུ་ནང་ལ་སྦྱར་བ། མེ་གསུམ་ནང་ལ་སྦྱར་བ། སྐྱེ་གནས་དང་དུས་སྦྱོར་ནང་ལ་སྦྱར་བ་སྟེ་དགུ་ལ་དང་པོ་ནི། སྤྱི་པོ་ནས་ནི་སོར་བཞི་པོ། ཅེས་སོགས་ཚིག་བཅད་གཅིག་དང་རྐང་པ་གསུམ་གྱི་སྟོན་ཏེ། དེ་ཡང་མགོ་ནས་ལྟེ་བའི་བར་མ་གཟུགས་གཟུགས་མེད་ཀྱི་ལྷ་དང་། འདོད་ལྷའི་མི་དང་བཅས་པའི་མཐོ་རིས་པ་རྣམས་དང་། ལྟེ་བ་མན་ཆད་ལ་ལྷ་མིན། ཀླུ། ཡི་དགས། དམྱལ་བ་རྣམས་གནས་ཏེ། དེ་ཡང་རིམ་པ་བཞིན་སྦྱར་ནས། སྤྱི་བོ་ནས་སོར་བཞི་པོ་ལ་གཟུགས་མེད་གྱི་གནས་དང་། དེའི་འོག་ཏུ་སོར་བཅུ་དྲུག་ལ་གཟུགས་ཁམས་བཅུ་དྲུག །དེའི་འོག་ལྟེ་བ་ནས་རྐང་མཐིལ་གྱི་བར་ལ་རིམ་པ་བཞིན་གནས་པ་ནི། ལྟེ་བ་ནས་སུམ་མདོའི་བར་ས་དཀྱིལ་ཀྱི་ཕྱེད་སྟེ་།།།ཡིན་དང་ཡི་དགས། ཕྱེད་འོག་མ་ལ་དམྱལ་བའི་གནས་དང་པོ་གསེག་མ་ཆུའི་དམྱལ་བ་དང་། བརླ་གཉིས་ཆུ་དཀྱིལ་ཏེ། དེའི་ཕྱེད་སྟེང་

(༡༢༡)དམ་ལ་བྱེ་མའི་ཆུ་ཆེན་དང་འོག་མ་ལ་འདམ་གྱི་ཆུ་ཆེན་ཏེ་ཆུའི་དམྱལ་བ་གཉིས། རྗེ་ངར་གཉིས་མེ་དཀྱིལ་ཏེ། དེའི་ཕྱེད་སྟེང་མ་ལ་མེའི་དང་འོག་མ་ལ་མེའི་དང་འོག་མ་ལ་དུ་བ་མི་བཟད་པ་སྟེ་མེའི་དམྱལ་བ་གཉིས། བོལ་འཚམས་མན་རླུང་དཀྱིལ་ཏེ། དེའི་ཕྱེད་སྟེང་མ་ལ་མུན་པ་མི་བཟད་པ་དང་། འོག་མ་ལ་དུ་འབོད་སྟེ་རླུང་གི་དམྱལ་བ་གཉིས་དང་དམྱལ་བ་བརྒྱད་པ་ལ་གནས་གཞན་ལོག་པ་མེད་པས་རྐང་མཐིལ་དུ་གནས་པ་རིམ་པར་གསུངས་སོ། གཉིས་པ་འབྱུང་བ་རིམ་བརྩེགས་ནང་ལ་སྦྱར་བ་ནི། རྐང་ལག་ཞེས་སོགས་རྐང་པ་གཉིས་གྱི་སྟོན་ཏེ། དེ་ཡང་དབང་ཀྱི་དབང་དུ་བྱས་ནས་རྐང་པའི་ཚིག་གསུམ་རིམ་པ་ལྟར་རླུང་མེ་ཆུའི་དཀྱིལ་འཁོར་དང་སུམ་མདོ་ཡིན་ལ། ཞེང་གི་དབང་དུ་ན་ལག་པའི་ཚིག་གསུམ་རིམ་པ་ལྟར་རླུང་མེ་ཆུའི་དཀྱིལ་འཁོར་དང་། བྲང་ནི་ས་ཡིན་ལ་སྒལ་ཚིག་རི་རབ་བོ། གསུམ་པ་རི་བདུན་ནང་ལ་སྦྱར་བ་ནི། རི་རབ་དེ་བཞིན་རི་བདུན་ནི། ཞེས་སོགས་ཚིག་བཅད་གཅིག་དང་རྐང་པ་བདུན་གྱི་སྟོན་ཏེ། དེ་ཡང་རི་བདུན་ནི། ནང་གི་བརླ་དང་རྗེ་ངར་དེའི་འོག་དུ་བོལ་གོང་། དཔུང་པ། ལག་ངར། ལག་མགོ །སེན་མོ་རྣམས་རིམ་པ་ལྟར་ཕྱི་རོལ་དུ། འོད་སྔོན། མནྡ་ར། མཚན་མོ། ནོར་བུར་བྱེད། བྲེ་བོ། ཁ་བ་ཅན། རྡོ་རྗེའི་རི་རྣམས་ཡིན་ནོ། བཞི་པ་གླིང་དྲུག་ནད་ལ་སྦྱར་བ་ནི། གླིང་དྲུག་ནང་ན་བད་ཀན་དང་། ཞེས་སོགས་ཚིག་བཅད་གཅིག་དང་རྐང་པ་གཉིས་གྱི་སྟོན་ཏེ། དེ་ཡང་གླིང་དྲུག་ནང་ལ་སྦྱར་ན། ནང་གི་བད་ཀན། རྒྱུ་མ་ཚལ་སྙིང་མཆིན་པ་ཤ་རྣམས་རིམ་པ་བཞིན་དུ་ཕྱི་རོལ་དུ་ཟླ་བའི་

(༡༢༢)གླིང་དང་། དཀར་པོ་དང་། ཀུ་ཤ་དང་། མིའམ་ཅི་དང་། ཁྲུང་ཁྲུང་དང་། དྲག་པོའི་གླིང་རྣམས་ཡིན་ལ། རྐང་ལག་གི་དུམ་བུ་བཅུ་གཉིས་ནི་འཛམ་བུའི་གླིང་ལ་དྲགས་པའི་གླིང་བཞི་གླིང་ཕྲན་བརྒྱད་དང་བཅས་པ་ཡིན་ནོ། ལྔ་པ་ཁམས་ལྔ་ནང་དང་སྦྱར་བ་ནི། སྲ་བ་རླན་དང་རྡོ་དང་བུག །ཅེས་སོགས་རྐང་པ་གཉིས་སྟེ། དེ་ཡང་ནང་གི་སྲ་བ་དང་། རླན་པ་དང་དྲོད་དང་དབུགས་སུ་རྣམས་རིམ་བ་བཞིན་ཕྱི་རོལ་གྱི་ས་ཆུ་མེ་རླུང་རྣམས་དང་ནང་གི་བུ་གཞི་ནམ་མཁའ་ཡིན་ནོ། དྲུག་པ་རྒྱ་མཚོ་བདུན་ནང་ལ་སྦྱར་བ་ནི། ཁུ་བ་ཞག་དང་གླད་པ་དང་། ཞེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་ནང་གི་ཁུ་བ་ནང་། ཞག་དང་། གླད་པ་དང་། སྐྱེས་པ་ལ་བད་ཀན་དང་། བུད་མེད་ལ་འོ་མ་དང་། མཆིལ་མ། རྡུལ། དྲི་ཆུ་སྟེ་ནང་གི་རྒྱ་མཚོ་བདུན་ནི། ཕྱི་རོལ་དུ་རིམ་པ་བཞིན། སྦྲང་རྩི། མར། ཞོ། འོ་མ། ཆུ། ཆང་དང་། བ་ཚྭའི་རང་བཞིན་གྱི་རྒྱ་མཚོ་བདུན་ནོ། བདུན་པ་གཟའ་དགུ་ནང་ལ་སྦྱར་བ་ནི། དབང་པོ་གཟའ་དགུའི་རང་བཞིན་ཏེ། ཞེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་དབང་པོ་དགུ་གཟའ་དགུའི་རང་བཞིན་ཡིན་ཏེ། སྣ་བུག་གཉིས་རླུང་གི་གཟའ་ཉི་ཟླ་གཉིས། མིག་བྲ་མེའི་གཟའ་དམིག་དམར་དང་ཕུར་བུ། ཁ་དང་དྲི་ཆུའི་སྒོ་གཉིས་ཆུའི་གཟའ་པ་སངས་གཟའ་ལྷག་གཉིས། བཤང་ལམ་དང་ཡན་ལག་གི་གཉིས་པའི་གཟའ་སྤེན་པ་དང་མཇུག་རིང་། རྣ་བ་གཉིས་ནམ་མཁའི་གཟའ་དགྲ་ཅན་དང་དུས་མེ་གཉིས་ཡིན་ལ། སོ་སོ་གཉིས་ནི་ཕྱི་རོལ་གྱི་རྒྱུ་སྐར་ཉི་ཤུ་རྩ་བརྒྱད་དང་དབྱུག་གུ་བཞི། ཁམས་

(༡༢༣)

(༡༢༤)

(༡༢༥)འབབ་པའི་རྩ་རྣམས་ཕྱི་རོལ་དུ་ཆུ་བོ་དང་། རྒྱུ་མ་ནི་ཕྱི་རོལ་གྱི་སྤྲིན་ཏེ་རྒྱུ་མ་ལས་རོ་འབབ་པ་དང་སྤྲིན་ལས་ཆར་འབབ་པ་གཉིས་མཚུངས་ཞིང་། ནང་གི་རླུང་ཡན་པ་རྩ་ནང་ལ་རྒྱུ་བ་ནི་ཕྱི་རས་གྱི་དཀྱིལ་འཁོར་ལ་མ་གཏོག་པའི་རླུང་ཡིན་པ། སྙིང་གའི་གཞོ་མེད་ཀྱི་དགྲ་ནི་ཕྱི་རོལ་གྱི་ཐོག་གི་སྒྲ་དང་། ལྟེ་བའི་སྒྲ་ནི་ཕྱི་རོལ་གྱི་འབྲུག་དུ་གསུངས་པ་ཡིན་ནོ། བརྒྱད་པ་མེ་གསུམ་ནང་ལ་སྦྱར་བ་ནི་སྙིང་གའི་སོག་རྐང་པ་གཉིས་སྟེ། དེ་ཡང་སྙིང་གའི་མེ་དང་། མགྲིན་པའི་མེ་དང་། ལྟེ་བའི་མེ་ནི་རིམ་བཞིན་གྱི་རོལ་གྱི་གློག་དང་། ཉི་དྲོད་དང་། བསྲེགས་བྱེད་ཀྱི་མེ་ཡིན་ཏེ་མེས་ཟས་དགུག་འདྲེན་གྱི་ལས་བྱེད་ཅིང་། ཉི་མས་ཁྱི་བཅུ་གཉིས་ལ་བགྲོད་པའི་ལས་བྱེད་ལ། ལྟེ་བ་དང་སྲོག་བྱེད་ཀྱི་མེས་ནི་ཟས་སྲོག་པ་དང་བཞུ་བ་སོགས་བྱེད་པ་ཡིན་ནོ། དགུ་པ་སྐྱེ་གནས་དང་དུས་སྦྱོར་ནང་ལ་སྦྱར་བ་ནི་གཞན་ཡང་ལྤགས་པ་དྲོད་དང་སྤུ། ཞེས་སོགས་ཚིག་བཅད་གསུམ་གྱི་སྟོན་ཏེ། དེ་ཡང་ནང་གི་ཆོས་གཞན་ཡང་པགས་པ་དང་། དྲོད་དང་སྤུ་ནི་མེ་དང་རླུང་གི་རང་བཞིན་ཡིན་ལ། ནང་དུ་ལུས་སྐྱེས་ཀྱི་སྲིན་བུ་སྐྱེ་གནས་བཞི་ནི་ཕྱི་རོལ་དུ་འབྱུང་བའི་སྐྱེ་གནས་བཞི་དང་། ཆར་ནི་ལྕེའུ་ཆུང་གི་བདུད་རྩི་ཡིན་ཞིང་། ཐུན་ཆེན་པོ་བཞི་དང་། དེའི་ཕྱེད་བརྒྱད་ལ་སོགས་པ་ནས་སྐད་གཅིག་མ་ལ་སོགས་པའི་དུས་སྦྱོར་ཐམས་ཅད་ནི། ཕྱི་རོལ་གྱི་ལོ་གཅིག་དང་། ནང་གི་ཞག་གཅིག་ཆོས་མཚུངས་སུ་སྦྱར་བ་སོགས་སྔར་བསྟན་པ་བཞིན་ནོ། དེ་ཐམས་ཅད་ཀྱང་རྩ་རླུང་སེམས་དང་བཅས་པ་ལས་བྱུང་བ་ཡིན་ལ། ནང་དུ་བྱེད་བྲག་གི་རླུང་དང་

(༡༢༦)དཀར་དམར་གཉིས་སྦྱོར་བ་སྟེ་ཕྲད་པ་ན། ཕྱི་རོལ་དུ་ཟླ་ཉི་འཛིན་པར་སྣང་བ་ཡིན་པ་དང་། དེ་ལ་སོགས་པའི་རྣམ་བཤད་དག་པ་སྦྱར་བར་བྱ་བ་དུ་མ་ཡོད་པ་རྣམས་ནི། ཕྱི་སྣོད་ཀྱི་འཇིག་རྟེན་དང་། ནང་ལུས་གཞན་དཀྱིལ་འཁོར་གྱི་འཁོར་ལོ་གསུམ་པོ་དེའི་རང་བཞིན་ཡེ་ཤེས་སུ་སྦྱོར་བའི་ཕྱིར་དཔག་ཏུ་མེད་པ་གསུངས་སོ། གསུམ་པ་མཇུག་བསྡུ་བ་ནི། དེ་སོགས་རྟེན་འབྲེལ་རྟོགས་པ་ན། ཞེས་སོགས་ཚིག་བཅད་གཅིག་གི་སྟོན་ཏེ། དེ་ཡང་ཕྱི་ནང་སྦྱར་བ་དེ་ལ་སོགས་པའི་རྟེན་འབྲེལ་རྟོགས་པ་ན། ཐབས་དང་ཤེས་རབ་དང་། ལུས་དང་བསམ་པ་དང་། རྣམ་ཤེས་དང་ཡེ་ཤེས་སྦྱོར་བ་ཤེས་ཅིང་། གནས་སྐབས་དང་མཐར་ཐུག་གི་སྣ་ཚོགས་པའི་ཡོན་ཏན་རྣམས་མངོན་དུས་གྱུར་བའི་ཕྱིར་འདིར་མི་ཤེས་སུ་མི་རུང་བ་རྣམས་མདོར་བསྡུས་ནས་ཅུང་ཟད་བརྗོད་པ་ཡིན་ནོ། ཟབ་མོ་ནང་གི་དོན་རྣམ་པར་བཤད་པ་ལས་སྣོད་ལ་སྦྱར་བ་བསྟན་པ་སྟེ་བདུན་པའོ། ད་ནི་དུམ་བུ་བརྒྱད་པ་ཀུན་བརྟག་གྱི་ལྷ་བཅོད་པའི་ཚུལ་ལ། མདོར་བསྟན། རྒྱས་བཤད། འཇུག་བསྡུ་བ་གསུམ་ལས་དང་པོ་ནི། དེ་ནས་སེམས་ཅན་ཀུན་རྟོག་ལ། ཞེས་སོག་ཚིག་བཅད་ཕྱེད་དང་གཉིས་གྱི་སྟོན་ཏེ། དེ་ཡང་ནང་དང་ཕྱི་རོལ་བཤད་པ་དེ་ནས། སེམས་ཅན་གྱི་ཀུན་རྟོག་ལ། བདེན་པར་མེད་བཞིན་དུ་ཀུན་བརྟག་གྱི་ལྷ་རྣམས་བཅོམ་ལ། དེ་ལ་དགོངས་པའི་དོན་གསུམ་ཡོད་དེ། ལས་དང་པོ་ས་རྣམས་གྱི་ཞི་གནས་ལ་སེམས་འཛིན་པའི་ཕྱིར་དང་། ལམ་དུ་ཕྱི་དཀྱིལ་འཁོར་དང་། ནད་ལྷའི་དོན་ཤེས་པའི་ཕྱིར་དང་། འབྲས་དུས་སུ་གཟུགས་སྐུ་སྟོན་པའི་ཕྱིར་དུ་ལྷ་དཔའ་བོ་གཅིག་པ་ནས་མཐའ་ཡས་པའི་བར་བསྒོམ་པར་བྱང་པའི་ངེས་པ་ནི་འདི་ལྟ་སྟེ་ཞེས་

(༡༢༧)འཚམས་སྦྱར་རོ། གཉིས་པ་རྒྱས་པར་བཤད་པ་ལ། ལྷ་གྲངས་ཀྱི་ངེས་པ། དཀྱིལ་འཁོར་གྱི་ངེས་པ། ཐབས་དང་ཤེས་རབ་གྱི་རང་བཞིན། བསྐྱེད་རྫོགས་གྱི་ངེས་པ་སྟེ་བཞི་ལས་དང་པོ་ནི། དབུ་མ་ཀུན་གཞི་།།། ཞེས་སོགས་ཚིག་བཅད་དྲུག་དང་རྐང་པ་གསུམ་གྱི་སྟོན་ཏེ། དེ་ཡང་དབུ་མ་དང་དེ་ལ་གནས་པའི་ཀུན་གཞི་དང་། དེའི་རང་བཞིན་ཡང་དག་པའི་དོན་དང་། ཡེ་ཤེས་ཀྱི་རླུང་དང་། ཐིག་ལེ་རྣམས་གྱི་ཆོས་ཉེ་བར་བཟུང་སྟེ། དེ་རྣམས་ཀྱི་རང་བཞིན་ཡེ་ཤེས་ནི་རྣམ་པ་ཐམས་ཅད་པ་ཡིན་པས་ལྷ་ཐམས་ཅད་དུ་འཆར་རུང་ཡིན་ལ། དེས་ན་ལྷ་དཔའ་བོ་གཅིག་པ་ཧེ་རུ་ཀའོ། འབྲས་བུ་སྐུ་གཉིས་དང་། ལམ་ཐབས་དང་ཤེས་རབ་གཉིས་རྟེན་སྟེང་འོག་གི་དཀར་དམར་གཉིས། སྤྱིའི་མཚན་ཉིད་བདེན་པ་གཉིས་སྟེ། དེ་ལ་སོགས་པའི་ཆོས་ཉེ་བར་བཟུང་ནས་ལྷ་ཡབ་ཡུམ་གཉིས་པའོ། ལུས་ངག་ཡིད་གསུམ་རྡོ་རྗེ་གསུམ་དང་། ཟླ་ཉི་དགྲ་གཅན་གྱི་ཐིག་ལེ་གསུམ་དང་། རྩ་རོ་རྐྱང་དབུ་མ་གསུམ་དང་། སྟེང་འོག་བར་འོག་བར་གྱི་ས་འོག་ས་སྟེང་ས་བླ་གསུམ་དང་། ཨོཾ་ཨཱཧཱུྃ་གི་ཡི་གེ་གསུམ་དང་། རོ་རྐྱང་དྷུ་ཏིའི་རླུང་གཉིས་དང་། དེ་ལ་སོགས་པའི་ཆོས་ཉེ་བར་བཟུང་བའི་བྱར་ལྷ་གཙོ་འཁོར་གསུམ་པ་དང་། ཁབ་བྱའི་ཁམས་བཞི་ལ་སོགས་པ་ཁྱབ་བྱེད་གཉིས་དང་ལྡན་པའི་ཁྱབ་བྱ་བཞི་ལས། ལྷ་བཞི་དང་། ཡེ་ཤེས་ལྔ། ཕུང་པོ་ལྔ། རྩ་འཁོར་ལོ་ལྔ། རླུང་ལྔ། ཁྱབ་བྱེད་ནམ་མཁའ་དང་བཅས་པ་ལས་ཁམས་ལྔ་སྟེ། དེ་དག་གི་ཆོས་ཉེ་བར་བཟུང་བས་ལྔ་པར་བསྟན་ཏེ། དེ་ལྟ་བུ་རྒྱུད་སྡེ་དུ་མ་ནས་གསུངས་སོ། ཁམས་བཞིའི་སྟེང་དུ་ནམ་མཁའ་ཡེ་ཤེས་གཉིས་བསྟན་པ་ལ་དྲུག་དང་། རྣམ་

(༡༢༨)ཤེས་དྲུག་ལས་ལྷ་དྲུག་པ་དང་། དེའི་སྟེང་དུ་ཉོན་ཡིད་བསྣན་པས་བདུན་ལས། ལྷ་བདུན་པ་དང་། ཚོགས་བརྒྱད་ལ་སོགས་པའི་དག་པའི་ཕྱིར་ལྷ་བརྒྱད་པ་དང་། སྙིང་གའི་རྩ་དགུ་དག་པའི་ལྷ་དགུ་པ་དང་། རླུང་བཅུ་ས་བཅུ་སྟོབས་བཅུ་ལས་ལྷ་བཅུ་པ་དང་། ཕུང་པོ་ལྔ་དང་ཁམས་ལྔ་སྟེ་བཅུ་དང་། དབང་པོ་ལྔ་ཡུལ་བཅས་ལས་ལྷ་བཅོ་ལྔ་པ་དང་། ཕུང་པོ་དྲུག་ཁམས་དྲུག་ལས་དབང་དྲུག་དེའི་བྱ་བ་དྲུག་དབང་པོ་དྲུག་དེའི་ཡུལ་དྲུག་སྟེ་སུམ་བཅུ་རྩ་དྲུག་ལས། དེ་དག་གི་ནང་ནས་ཅི་རིག་པ་དང་སྦྱར་ཏེ། བར་ལྔ་དང་། ལྷ་དགུ་དང་། བཅུ་གསུམ་དང་། བཅུ་དགུ་དང་། ཉེར་ལྔ་དང་། སོ་གཉིས་དང་། སོ་བཞི་པ་དང་། སོ་བདུན་གྱི་བར་དང་། རིག་བརྒྱ་ལ་སོགས་པ་དུ་མར་འགྱུར་བའི་བར་སྟེ། དེ་དག་ཡང་རྩ་རླུང་ཐིག་ལེ་དང་འཁོར་ལོའི་གྲངས་ཀྱི་དབང་དུ་བྱས་པའི་རག་པའི་རིམ་པ་ཡིན་ལ། གཞན་དུ་ན་རྣམ་རྟོག་གི་གྲངས་བཞིན་ཇི་སྲིད་པའི་ལྷར་བསྟན་པ་ཡིན་ཏེ། ཞལ་དང་ཕྱག་དང་མཚན་ལ་སོགས་པའི་གྲང་ཀྱང་འདིས་མཚོན་ཏེ་ཤེས་པར་བྱ་བ་ཡིན་ནོ། གཉིས་པ་དཀྱིལ་འཁོར་གྱི་ངེས་པ་ནི། ལུས་ལ་དཀྱིལ་འཁོར། ལུས་ལ་དཀྱིལ་འཁོར་ཞེས་སོགས་ཚིག་བཅད་གཅིག་གི་སྟོན་ཏེ། དེ་ཡང་ལུས་ལ་ཕྱི་རོལ་འཇིག་རྟེན་གྱི་ཁམས་ཚངས་བར་བཤད་པ་ལྟར། གཞན་དཀྱིལ་འཁོར་ཡང་མང་བར་བཤད་པ་སྟེ། ཕྱི་རོལ་གྱི་དཀྱིལ་འཁོར་ཇི་ལྟ་བ་བཞིན་དུ་ནང་ལུས་ལ་སྦྱར་ན། རྐང་མཐིལ་རྩོམ་བྱེད་རླུང་ཡིན་པ་ན། སུམ་མདོ་ས་ཡིན་པའི་བར་དང་། དཀྱིལ་འཁོར་གྱི་ཐིག་དང་དབྱིབ་གྲུ་བཞི་

(༡༢༩)པ་ནི། འདོམ་གང་གྲུ་བཞིར་མཉམ་པའི་ལུས། གཡས་གཡོན་མདུན་རྒྱབ་ཟུར་བཞི་དང་། སྟེང་འོག་བུ་ག་བཞི་སྒོ་བཞི། སྣ་རྩེ་བཞི་རྟ་བབས་བཞི་ལ་སོགས་པ་ཡིན་པའི་ཚུལ་ནི་འདིར་མདོར་བསྡུས་པའི་ཚུལ་ཡིན་གྱི། རྒྱས་པར་ནི་རྒྱུད་སྡེ་རྣམས་དང་། མཁས་གྲུབ་གྱི་གཞུང་རྣམས་དང་། ཁྱད་པར་སློབ་དཔོན་འདི་ཉིད་ཀྱི་མཛད་པའི་དཀྱིལ་འཁོར་སྣང་བར་བཤད་པ་དེར་བལྟ་བར་བྱའོ། གསུམ་པ་ཐབས་དང་ཤེས་རབ་ཀྱི་རང་བཞིན་བཤད་པ་ནི། ཕན་ཚུན་ཐབས་དང་ཤེས་རབ་དང་། ཞེས་སོགས་ཚིག་བཅད་བཞི་དང་རྐང་པ་གསུམ་གྱི་སྟོན་ཏེ། དེ་ཡང་ཕ་རི་དང་ཚུ་རི་ཐབས་ཤེས་ཡིན་ཏེ། ཕན་ཚུན་གཅིག་ལ་ན་ལྟོས་ནས་བཞག་པ་ཡིན་པའི་ཕྱིར། གཡས་ཐབས་དང་གཡོན་ཤེས་རབ་ཏུ་བཞག་པ་ནི་རྟེན་འབྲེལ་གྱི་ཐབས་ཤེས་ཡིན་ལ། ལུས་དང་སེམས་ཐབས་ཤེས་སུ་བཞག་པ་ནི་རྟེན་དང་བརྟེན་པའི་ཐབས་ཤེས་པ་ཡིན་ཏེ་དེ་ལ་བརྟེན་ནས་སེམས་སྐྱེ་བ་ཡིན་པའི་ཕྱིར། ཕ་རྒྱུད་དུ་དཀར་ཆ་ཤེས་རབ་དང་དམར་ཆ་ཐབས་སུ་བཞག་པ་ནི་ལྟོས་བཞག་ཡིན་པའི་ཕྱིར་ཐབས་ཤེས་སུ་བཞག་པ། སྣོད་ཀྱི་འཇིག་རྟེན་དང་བཅུད་ཀྱི་སེམས་ཅན་ནི་རྟེན་དང་བརྟེན་པའི་ཐབས་ཤེས་ཡིན་ཏེ་རྟེན་འབྲེལ་གྱི་དབང་ལས་ཡིན་པའི་ཕྱིར། དེ་ལྟར་ཐབས་དང་ཤེས་རབ་ཀྱི་རང་བཞིན་དངོས་སུ་གསུངས་པ་ལྔ་པོ་དེ་ལས། ལུས་བསམ་གྱི་སྒོ་ནས་བཟློགས་པའི་ཐབས་ཤེས་ལྔ་སྡེ་རྩ་བའི། ཐབས་ཤེས་བཅུ་རུ་འགྱུར་བ་ཡིན་ཞིང་། དེ་ལས་འཕྲོས་པའི་དོན་ནི། ཤེས་རབ་བརྗོད་བྱའི་གཙོ་བོར་སྟོན་པ་ཤེས་རབ་མའི་རྒྱུད་དང་། ཐབས་བརྗོད་བྱའི་གཙོ་བོར་སྟོན་པ་ཐབས་

(༡༣༠)ཕ་རྒྱུད་དེ། ཕ་མའི་རྒྱུད་ཀུན་ཡང་དོན་ལ་གཉིས་མེད་ཀྱི་རྒྱུད་ཡིན་ཏེ་བརྗོད་བྱ་ཟུང་འཇུག་སྟོན་པའི་ཕྱིར། དེ་སྐད་དུ་ཡང་། རྣལ་འབྱོར་ཐབས་ཀྱི་ལུས་དང་ནི། ཤེས་རབ་གཅིག་རུས་གྱུར་མ་ཡིན། ཐབས་དང་ཤེས་རབ་སྙོམས་འཇུག་པ། རྣལ་འབྱོར་དེ་བཞིན་གཤེགས་པས་སྦྱར། ཅེས་གསུངས་པ་ཡིན་ནོ། ཡན་ལག་གི་དབང་དུ་ན། མིག་ཐབས་ཡིན་པའི་ཚེ་ན་གཟུགས་ཤེས་རབ་དང་། དེ་ལས་བཟློགས་ཏེ་གཟུགས་ཐབས་དང་མིག་ཤེས་རབ་ཏུ་འགྱུར་ལ། དེ་བཞིན་དུ་རྣ་བ་དང་སྒྲ་ལ་སོགས་པ་ཚོག་དྲུག་ག་ལ་ཤེས་པར་ཞིང་། རྩའི་དབང་དུ་ན། རོ་མ་ཐབས་སུ་བཞག་པའི་ཚེ་ན་དེའི་སྡང་གི་རླུང་ཤེས་རབ་དང་། རྐྱང་མ་ཤེས་རབ་དུ་བཞག་པའི་ཚེ་ན་དེའི་ནང་གི་རླུང་ནི་ཐབས་སུ་འགྱུར་ལ། རྟེན་གྱི་དབང་དུ་ན། ལུས་སྐྱེས་པ་ཐབས་ཡིན་པའི་ཚེ་ན་སེམས་ཤེས་རབ་དང་། ལུས་བུད་མེད་ཤེས་རབ་ཡིན་པའི་ཚེ་ན་ཕྱོག་ནི་ཐབས་ཡིན་ཡིན་ལ། བདེན་གཉིས་གྱི་དབང་དུ་ན། དོན་དམ་བདེན་པ་འོད་གསལ་ཐབས་དང་། ཀུན་རྫོབ་བདེན་པ་སྒྱུ་མ་ལྟ་བུ་ཤེས་རབ་སྟེ། མ་རྒྱུད་ཀྱི་དབང་དུ་བྱས་པའི་ཐབས་ཤེས་ཡིན་ཞིང་། ཡན་ལག་གི་ཐབས་ཤེས་དེ་རྣམས་ཀྱང་བཟློགས་ཏེ་ཤེས་པར་བྱ་བ་ཡིན་ལ། སྐྱེད་རིམ་དེ་ལ་ཡང་རྩ་རླུང་ཐིག་ལེ་དེ་ལ་སོགས་པའི་ཐབས་ཀྱི་དབྱེ་བ་དཔག་ཏུ་མེད་པ་ཤེས་པར་བྱ་ཞིང་། ཁ་དོག་དང་ཡོན་ཏན་གྱི་རིམ་པ་རྣམས་ཐབས་ཤེས་སུ་བཞག་པ་ནི་སྔར་རླུང་གི་སྐབས་སོ་ཇི་སྐད་བསྟན་པ་བཞིན་དུ་འདིར་ཡང་གསུངས་པ་ཡིན་ནོ། བཞི་པ་བསྐྱེད་རྫོགས་གྱི་ངེས་པ་ནི། དབྱིབས་སྐུ་རླུང་དང་། བརྗོད་པ་སྔགས། ཅེས་སོགས་ཚིག་

(༡༣༡)བཅད་ཕྱེད་དང་གསུམ་གྱི་སྟོན་ཏེ། དེ་ཡང་བསྐྱེད་རིམ་གྱི་གདགས་གཞི་གང་ཡིན་ཞེ་ན། སྐུའི་དབྱིབ་ནས་རྩ་བཏགས་ཅིང་། དེ་བཞིན་དུ་བརྗོད་པ་སྔགས་ནི་རླུང་། ཡིད་ཐུགས་ནི་ཐིག་ལེ་ལ་བཏག་པ་ཡིན་ལ། སྐྱེད་རིམ་དེ་ལ་ཡང་རྩ་རླུང་ཐིག་ལེ་གནད་དུ་བསྣུན་པ་དང་མ་འབྲེལ་བ་ནི་མི་ཟབ་པའི་བསྐྱེད་རིམ་དང་། འབྲེལ་བ་ནི་ཟབ་མོ་བསྐྱེད་རིམ་ཡིན་ཞིང་། འདི་ལ་རྫོགས་རིམ་གྱི་སྒྲ་ཡང་འཇུག་སྟེ་བསྐྱེད་པའི་རྫོགས་པ་ཡིན་པའི་ཕྱིར། དེ་ལ་རྫོགས་པའི་སྒྲ་དོན་མཐུན་དུ་འཇུག་པའི་རྒྱུ་མཚན་ཡང་། དྲི་མེད་འོད་དུ། གང་གི་ཕྱིར་མངལ་དུ་ལུས་རྫོགས་པ་དེའི་ཚེ་ལྷ་རྫོགས་པ་ནི་དཀྱིལ་འཁོར་རྒྱལ་མཆོག་ཏེ་བསྙེན་པའི་ཡན་ལག་གོ། ཞེས་སོགས་གསུངས་པའི་ཕྱིར། དེ་ཡང་གདགས་གཞི་རྩ་རླུང་ཐིག་ལེ་གསུམ་གྱི་བྱེད་པ་བཅིངས་པ་ལས་མངོན་སུམ་གྱི་ལྷ་མཐོང་བ་ནི་རྫོགས་རིམ་དངོས་པོ་ཡིན་ནོ། སྦྱང་གཞིའི་དབང་དུ་ན། སྐྱེ་བས་མཚོན་པའི་བསྐྱེད་རིམ་དང་མཐུན་པ་ནི་བསྐྱེད་རིམ། འཆི་བས་མཚོན་པའི་སྡུད་རིམ་དང་མཐུན་པ་ནི་རྫོགས་རིམ་ཉིད་ཡིན་ལ། མཚན་ཉིད་གསུམ་གྱི་དབང་དུ་ན། ཀུན་ཏུ་རྟོག་པས་བརྟག་པའི་ལྷ་ཞལ་ཕྱག་གི་རྣམ་པ་ཅན་ནི་ཀུན་བརྟག་དང་འབྲེལ་པ་བསྐྱེད་རིམ་དང་། ཞལ་ཕྱག་ལ་སོགས་བསྡུས་ནས་ཐིག་ལེ་དང་ན་ད་ལ་སོགས་པ་ལ་སེམས་འཛིན་པ་གཞན་དབང་དང་འབྲེལ་བའི་རྫོགས་རིམ་ཡིན་ཞིང་། རྫོགས་རིམ་དེ་ཡང་བསྐྱེད་པའི་རྫོགས་པ་ཡིན་གྱི། རྫོགས་རིམ་དང་པོ་ནི་ཡོང་གྲུབ་དང་འབྲེལ་བ་ཡིན་ལ། བདེན་གཉིས་ཀྱི་

(༡༣༢)དབང་དུ་ན། སྐུན་རྫོབ་བདེན་པ་འཁོར་བཅས་བསྐྱེད་རིམ་དང་། དོན་དམ་བདེན་པ་འཁོར་བཅས་རྫོགས་རིམ་དུ་བཤད་ཅིང་། བསྐྱེད་རྫོགས་ཀྱི་མིང་འཇུག་པའི་དབང་དུ་ན། བདེན་གཉིས་དབྱེར་མེད་པའི་ཟུང་འཇུག་མངོན་དུ་བྱེད་པའི་ཐབས་རྣམས་བསྐྱེད་རིམ་ཡིན་ཏེ། ཡེ་ཤེས་གྱི་ཡོན་ཏན་གོང་ནས་གོང་དུ་འཕེལ་བར་བྱེད་པ་ཡིན་པའི་ཕྱིར། བདེན་གཉིས་དབྱེར་མེད་པའི་ཤེས་རབ་བདེ་གཤེགས་སྙིང་པོ་ནི་རྫོགས་རིམ་ཡིན་ཏེ་ཡོན་ཏན་ཐམས་ཅད་གདོད་མ་ནས་རྫོགས་པ་ཡིན་པའི་ཕྱིར་རོ། གསུམ་པ་འཇུག་བ་ནི། དེ་ལ་སོགས་པ་ཐམས་ཅད་ཀྱང་། ཞེས་སོགས་ཚིག་བཅད་ཕྱེད་དང་བྲ་ཀྱི་སྟོན་ཏེ། དེ་ཡང་ཐབས་ཤེས་ཀྱི་ངེས་པ་བསྟན་པ་དེ་ལ་སོགས་པ་ཐམས་ཅད་ཀྱང་། ཕྱི་སྣོད་ཀྱི་འཇིག་རྟེན་དང་། ནད་ལུས་དང་། གཞན་སྐྱེད་པ་དང་རྫོགས་པའི་རིམ་པ་ལ་སོགས་པ་ཐམས་ཅད་ཡེ་ཤེས་གཅིག་རུ་སྦྱར་བ་ནི་རྒྱུད་ཐམས་ཅད་ཀྱི་རྩ་བ་ཡིན་པས་དེ་མདོར་བསྡུས་ནས་བརྗོད་པ་ཡིན་ཏེ། སངས་རྒྱས་ཀུན་གྱི་སྡོམ་པ་ནི། ཨེ་ཝཾ་རྣམ་པར་རབ་ཏུ་གནས། ཅེས་ཧེ་བཛྲ་ལས་གསུངས་པའི་ཕྱིར། ཇི་ལྟར་གཞི་ལམ་འབྲས་བུའི་ཆོས་ཐམས་ཅད་ཨེ་ཝཾ་དུ་བཤད་པ་བཞིན་དུ་ཤེས་བྱ་བཟུང་བ་དང་། འཛིན་པ་དོན་གཞན་མེད་པར་རོ་གཅིག་པའི་ངང་དུ་སྦྱར་བར་བྱའོ། ཟབ་མོ་ནང་གི་དོན་རྒྱས་པར་བཤད་པ་ལས་ཀུན་བརྟག་ཀྱི་ལྷ་འབྱུང་བའི་ཚུལ་བསྟན་པ་སྟེ་བརྒྱད་པའོ། ད་ནི་དུམ་བུ་དགུ་པ་ཆོས་ཐམས་ཅད་ཀྱི་སྦྱང་གཞི་དང་སྦྱོངས་བྱེད་བསྟན་པ་ལ། མདོར་བསྟན་པ། རྒྱས་པར་བཤད་པ། མཇུག་བསྡུ་བ་སྟེ་གསུམ་ལས་དང་པོ་ནི། དེ་ནས་ཅེས་སོགས་རྐང་པ་གསུམ་གྱི་སྟོན་ཏེ། དེ་ཡང་འཁོར་འདས་ཀྱི་བསྡུས་

(༡༣༣)པའི་ཆོས་རྣམས་ཐམས་ཅད་སེམས་དག་པ་དང་མ་དག་པའི་སྣང་བ་ཡིན་པའི་ཚུལ་སྔར་བཤད་པ་ལྟར་དང་། སྦྱོང་གཞི་ཐམས་ཅད་སྦྱོང་བྱེད་ཀྱི་གཉེན་པོ་ལྷའི་དཀྱིལ་འཁོར་ལ་སོགས་པ་ཀུན་བརྟགས་ཀྱི་ལྷ་བསྒོམ་པའི་སྐབས་སུ་གསུངས་པའི་ངེས་པ་འདིར་མི་བསྟན་པར་བྱའོ། གཉིས་པ་རྒྱས་པར་བཤད་པ་ལ། ཡང་དག་པའི་བདེན་པ་གཉིས་བཤད་པ། དེའི་ཚུལ་མ་རྟོག་པས་འཁྲུལ་པའི་ལོག་རྟོག་སྤངས་པ་དང་། སྤང་གཉེན་གྱི་རྩ་བ་བཤད་པ། བྱེ་བྲག་དུ་སྤང་གཉེན་མདོར་བསྟན་པ། རྒྱས་པར་བཤད་པ། རྒྱུད་ཀྱི་ལྷ་གྲངས་བསྟན་པ་སྟེ་དྲུག་ལས་དང་པོ་ནི། སེམས་ཁམས་ནི་སངས་རྒྱས་ཀྱི། ཅེས་སོགས་ཚིག་བཅད་ཕྱེད་དང་གསུམ་གྱི་སྟོན་ཏེ། དེ་ཡང་རྡོ་རྗེ་ཐེག་པ་འདིར་འབྲས་བུ་ལམ་དུ་བྱེད་པའི་ངེས་པས་གཞི་དུས་ཀྱི་སེམས་ཅན་གྱི་ཁམས་རང་བཞིན་གྱི་དག་པ་ནི། སངས་རྒྱས་ཀྱི་སྙིང་པོ་ཡིན་པས་ཚོགས་བརྒྱད་ཀྱི་འཁྲུལ་པའི་དྲི་མ་མེད་པ་ཁོ་ན་ཡིན་མདོ་ཀྱི་འོན་ཡང་བདེན་པ་གཉིས་ཀྱི་དོན་དང་ལྡན་པས་ན། དེའི་དོན་མངོན་དུ་མ་བྱས་པ་ནི་རྟེན་ཅིང་འབྲེལ་པར་འབྱུང་བའི་ཚུལ་ལ་རྨོང་ནས་ལྟ་བ་ཐ་དད་དུ་འཛིན་པ་འཁོར་ལ། བདེན་པ་གཉིས་པོ་ཡང་ཡེ་ཤེས་རྡོ་རྗེ་ཀུན་ལས་བཏུས་པར་བྱས་པའི་དོན་འདིར་བསྡུས་ནས། ཀུན་རྫོབ་ནི་ཐམས་ཅད་མི་བདེན་པའི་སྒྲ་ཡིན་པས་ཐམས་ཅད་གཟུང་འཛིན་གཉིས་སུ་སྣང་བ་སྟེ། རྣམ་པ་ཐམས་ཅད་དུ་མེད་པ་ཡིན་ལ་བདེན་པ་ནི་མེད་བཞིན་དུ་སྣང་བ་ཆུ་ཟླ་ལྟ་བུ་ཙམ་ལ་བྱ་སྟེ། དེའི་ངོ་བོར་མི་བསླུ་བ་ཡིན་པའི་ཕྱིར་རོ། དོན་དམ་པ་ནི་ཆོས་ཀྱི་རིག་པའི་རྗེས་སུ་འབྲེང་བ་སྟོང་པ་ཉིད་བཅོ་བརྒྱད་ཀྱི་རྣམ་པར་བཤད་པ་ཉིད་ཡིན་ཏེ། དེ་ལྟར་བདེན་

(༡༣༤)པ་གཉིས་པོ་འདི་ཡང་ཆོས་རྣམས་དང་ཆོས་ཉིད་ཇི་ལྟ་བ་བཞིན་དུ། དེ་ཉིད་དང་གཞན་དང་གཅིག་དང་ཐ་དད་ལ་སོགས་པའི་ཆོས་ཐམས་ཅད་མེད་པའི་ཡེ་ཤེས་བརྗོད་དུ་མེད་པ་ཉིད་ཡིན་ནོ། འོ་ན་ཆོས་ཐམས་ཅད་སྐྱེ་བ་མེད་པ་ཅེས་བྱ་བ་དོན་དམ་པ་ཡིན་ན། ཐ་སྙེད་ཀུན་རྫོབ་འདི་ཅི་དགོས་སྙམས་ན། ཐ་སྙེད་ལ་བརྟེན་པ་དོན་དམ་དེ་རྟོག་པར་བྱེད་པའི་སྤྱི་རྣམས་འཆར་ཞིང་། དེ་ལྟ་བུའི་རྟོག་པས་བསྐྱེད་ནས་ཡང་དག་པའི་རྟོགས་པ་དང་ལྟ་བ་འབྱུང་པས་དེ་ཉིད་གཉེན་པོའི་ཤེས་པ་འཁོར་བ་སྦྱོང་བྱེད་ཡིན་པར་བཤད་སྟེ། དེ་ཡང་སྦྱང་གཞི་ཅི་སྙེད་པ་མདོར་བསྡུས་དྲུག་བཅུ་རྩ་བཞིའི་གྲང་བཞིན་རྣམ་པར་སྦྱངས་པ་ལས། དྲི་མ་མེད་པའི་སངས་རྒྱས་ཀྱི་ཡོན་ཏན་གྱི་ཆོས་དྲུག་བཅུ་རྩ་བཞི་པོ་ཀུན་སྣང་བར་བསྟན་པ་ཡིན་ནོ། གཉིས་པ་དེའི་ཚུལ་མ་རྟོག་པས་འཁྲུལ་པའི་ལོག་རྟོག་སྤང་བ་ལ། ཕྱི་རོལ་པ་དང་། ཐེག་དམན་པའི་གྲུབ་མཐའ་གཉིས་ལས། དང་པོ་ནི་ཚངས་སོགས་གྲུབ་མཐའ་ཐམས་ཅད་ཀྱང་། ཞེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་པ་ལས། དེ་ཡང་ཚངས་པ་དང་། སོགས་ཀྱི་ཁྱབ་འཇུག་དང་། དབྱུག་པ་དང་། ལྷའི་བླ་མ་ཕུར་བུ་པ་དང་། ར་མ་ཎ་དང་། གྲངས་ཅན་པ་དང་། གཅེར་བུ་པ་ལ་སོགས་པ་མུ་སྟེགས་པ་རྣམས་ཀྱི་སོ་སོའི་རང་གཞུང་དང་གྲུབ་མཐའ་ཐམས་ཅད་རྣམ་རྟོག་གི་སྒྲོ་བཏག་ནས་བྱས་པའི་ཤེས་བྱ་ཡིན་པས་ལོག་ལྟ་ཡིན་ཞིང་། དེ་དག་ཡང་རྒྱུ་དང་རྐྱེན་ལྡན་པ་དང་འདུ་པའི་འབྲེལ་པ་འདོད་བའི་གྲངས་པ་དང་། རྒྱུ་དང་རྐྱེན་མེད་པར་འཛིན་པ་ལ་སོགས་ཆད་པར་ལྟ་བ་།།།འཕེན་པ་སྟེ་གཉིས་སུ་འདུ་ལ།

(༡༣༥)དེ་ལྟར་སྣ་ཚོགས་པའི་ལྟ་བ་ཐམས་ཅད་ཀྱང་ལུས་སེམས་གྱི་བཟུང་འཛིན་ལ་བརྟེན་ནས་འབྱུང་བར་བཅོམ་ལྡན་འདས་ཀྱི་ཚངས་པ་གྲ་བའི་མདོ་ལས་གསུངས་སྟེ། ལྟ་བ་ངན་པ་དེ་དག་མངོན་སུམ་དང་རྗེས་སུ་དཔག་པའི་རིག་པས་དགག་པའི་ཚུལ་ནི། དཔལ་དུས་གྱི་འཁོར་ལོ་དང་། དབུ་ཚད་ཀྱི་བསྟན་བཅོས་རྣམས་སུ་བལྟ་བར་བྱའོ། གཉིས་པ་ཐེག་པ་དམན་པའི་གྲུབ་མཐའ་ནི། ཕྱི་རོལ་རྡུལ་ཕྲན་བག་ན་མོ། ཞེས་སོགས་ཚིག་བཅད་གཉིས་དང་རྐང་པ་གསུམ་གྱི་སྟོན་ཏེ། དེ་ཡང་རང་སྡེའི་ཉན་ཐོས་བྱེ་མདོ་གཉིས་པོ་ཡང་། ཕྱི་རོལ་གྱི་དོན་སེམས་ལས་གཞན་པའི་རྡུལ་ཕྲན་ཆ་བཅས་དང་ཆ་མེད་པས་བཏོང་བར་།།། བར་བཅས་དང་བར་མེར་སོགས་ཕྱི་རོལ་གྱི་དོན་མངོན་སུམ་པ་དང་། ཕག་ན་མོ་སོགས་འདོད་པ་དེ་དག་ཡང་། ཀུན་གཞི་ཡིད་དང་བཅས་པ་ཡུལ་དུ་སྣང་བའི་ནུས་པ་ཡིན་པ་མ་རྟོག་པའི་དབང་གི་གཞན་དུ་སྣང་བར་འཁྲུལ་པ་ཡིན་གྱིས། སེམས་ལ་ཐ་དད་པའི་ཕྱི་དོན་བདེན་པ་མེད་ལ། འོན་ཡང་བདག་དང་བྱེད་པ་པོ་ལ་སོགས་ཡོད་པར་རྟོག་པ་དགག་པའི་ཕྱིར་རྒྱལ་བས་རྡུལ་ཕྲན་།།།པའི་ཁམས་ཀྱི་རང་བཞིན་གསུངས་པ་ཡོད་ལ། རང་སྡེ་ཉན་ཐོས་འགའ་ཞིག་བདག་དང་གང་ཟག་ལ་སོགས་པ་ཡོད་པར་སྨྲ་བ་དེ་དག་ཡང་། ཡིད་ཙམ་དུ་བཏག་ནས་བརྗོད་པར་ཟད་གྱི་བདག་དང་གང་ཟག་བདེན་པའི་རྫས་སུ་གྲུབ་བ་ནི་རྡུལ་ཙམ་ཡང་མེད་ལ། གལ་ཏེ་ཡོད་ན། རྫས་དེ་འཁོར་བའི་ཆོས་སུ་བདེན་པར་ཡོད་དམ། མྱ་ངན་ལས་འདས་པའི་ཆོས་སུ་

(༡༣༦)བདེན་པར་ཡོད། འཁོར་བའི་ཆོས་སུ་བདེན་པ་ཡོད་ན་ཐར་པ་མེད་པའི་སྐྱོན་དུ་འགྱུར་ལ། མྱང་འདས་ཀྱི་ཆོས་སུ་བདེན་པར་ཡོད་ན་འབད་མེད་དུ་ཐར་བར་འགྱུར་རོ། དེ་ལ་སོགས་པའི་བྱེ་བྲག་སྨྲ་པས་ཕྱི་དོན་བདེན་པར་འདོད་པ་དང་། མདོ་སྡེ་པས་ཕྱི་དོན་བདེན་པ་ཡིན་ཡང་རང་དུས་ཀྱི་སེམས་སྣང་དུ་འདོད་པ་དང་། སེམས་ཙམ་པས་སེམས་རང་རིག་རང་གསལ་བདེན་པར་འདོད་པ་དང་། དབུ་མ་པས་སེམས་ཀྱང་བདེན་མེད་དུ་འདོད་ལ། དབུ་མ་ཆེན་པོ་པ་རྣམས་གྱི་མེད་ཙམ་གྱིས་མེད་དགག་དེ་ཡང་མ་ཡིན་པར་སོ་སོ་རང་རིག་དུ་འདོད་པ་ལ་སོགས་སྤང་གཉེན་མཁས་པ་རྣམས་ཀྱི་གསུངས་པ་བཞིན་ཡིན་ནོ། གསུམ་པ་སྤང་གཉེན་གྱི་རྩ་བ་བཤད་པ་ནི། འདིར་ནི་ཡུལ་སྣང་ལུས་འདི་ལ། ཞེས་སོགས་ཚིག་བཅད་ཁྱེད་དང་གསུམ་གྱི་སྟོན་ཏེ། དེ་ཡང་། རྡོ་རྗེ་ཐེག་པ་འོད་ཟེར་ཀུན་གཞི་རྣམ་ཤེས་ཀྱི་ཡུལ་སྣང་གི་ལུས་འདི་ལ་རྩ་རླུང་ཐིག་ལེ་དག་པ་དང་མ་དག་པའི་ངེས་པ་ལས་སྤང་གཉེན་དེ་བཞིན་གཤེགས་པས་གསུངས་པ་ཡིན་ལ། ཁྱད་པར་ཁམས་དྲུག་ལྡན་གྱི་རྡོ་རྗེའི་ལུས་དང་ལྡན་པའི་སྐྱེས་བུའི་ལོ་བརྒྱའི་རླུང་ཇི་སྙེད་པ་སྡོམ་ན་བྱེ་བ་བདུན་བཅུ་རྩ་བདུན་དང་ས་ཡ་བདུན་དང་འབུམ་ཕྲག་ཡོད་པས་དེ་སྦྱངས་གཞིར་བྱས་ནས་དེ་སྦྱང་བར་བྱེད་པའི་ཆོས་སྒོམ་ཡང་དེ་དང་མཉམ་པར་གསུངས་པ་ཡིན་ཞིང་། ལོ་བརྒྱའི་ཡེ་ཤེས་ཀྱི་ཆ་ལ་བརྒྱད་ཁྲི་བཞི་སྟོང་ཡོད་པ་སྦྱོང་གཞིར་བྱས་ནས། སྦྱོར་བྱེད་ཆོས་སྒོ་བརྒྱད་ཁྲི་སྟོང་གསུངས་པ་ནི་རག་རིམ་པ་ཡིན་པར་གྲགས་པ་ཡིན་ནོ།

(༡༣༧)བཞི་པ་རྒྱུད་ཀྱི་སྤང་གཉེན་ཡོད་པར་བསྟན་པ་ནི། དེ་ལ་ཡེ་ཤེས་རླུང་ཇི་སྙེད་ཅེས་སོགས་ཚིག་བཅད་བཞིས་སྟོན་ཏེ། དེ་ཡང་རྒྱུད་ཀྱི་གཉེན་པོ་དེ་ལོ་བརྒྱའི་ཡེ་ཤེས་ཀྱི་རླུང་ཇི་སྙེད་པ་རྣམས་ནི། རྒྱུ་བ་མེད་པ་མྱ་ངན་ལས་འདས་པའི་ལམ་དང་ལྡན་པས་སྤྱིར་གཉེན་པོའི་མཆོག་དང་ཁྱད་པར་བླ་ན་མེད་པའི་རྒྱུད་ཀྱི་གཉེན་པོའི་མཆོག་ཡིན་ཞིང་། དེའི་ཕྱིར་རོལ་བརྒྱའི་ཡེ་ཤེས་ཀྱི་རླུང་སྡོམ་པས་ལོ་གསུམ་ཕྱོགས་སུ་འབྱུང་བ་ལས། ལོ་གསུམ་པོ་དེ་ལ་ཞག་སྟོང་དང་བརྒྱད་བཅུ་འབྱུང་ལ། ལོ་གསུམ་པོ་དེ་ལ་ཡང་སྐུ་གསུངས་ཐུགས་ཡིན་པས་དེའི་དབྱེ་བས་རྒྱུད་སྡེ་ཡང་སྐུ་གསུངས་ཐུགས་ཀྱི་རྒྱུད་གསུམ་དང་ལོ་གསུམ་པོ་དེ་ལ་བགྲོད་པ་གཉིས་གཉིས་སྟེ་རླུང་གི་དབྱེ་བས་རིག་དྲུག་གི་རྒྱུད་དུ་བཤད་ཅིང་། ལོ་གསུམ་པོ་དེ་ལ་ཟླ་བ་སུམ་བཅུ་རྩ་དྲུག་འབྱུང་བའི་དབྱེ་བས་རིག་སུམ་བཅུ་རྩ་དྲུག་གི་རྒྱུད་དེ། དེ་དག་ནི་བསྡུས་རྒྱུད་ཡིན་ཞིང་། སུམ་བཅུ་རྩ་དྲུག་པོ་དེ་རེ་ལ་གཡས་གཡོན་ཐབས་དང་ཤེས་རབ་ཀྱི་དབྱེ་བས་ཕྱེ་བ་ལས། ཐབས་ཤེས་གྱི་རྒྱུད་རྩ་རྒྱུད་བདུན་བཅུ་རྩ་གཉིས་ཡོད་ལ། འདི་ནི་བདག་མེད་།།།རྒྱ་མཚོར་ཕྱག་གི་གྲངས་ཀྱི་དག་པ་གསུངས་པ་ཡིན་ནོ། ལྔ་པ་དེ་ཉིད་རྒྱས་པར་བཤད་པ་ནི། ཨ་སོག་དབྱངས་ནི་སུམ་བཅུ་དྲུག །ཞེས་སོགས་ཚིག་བཅད་བཞི་དང་རྐང་པ་གསུམ་གྱིས་སྟོན་ཏེ། དེ་ཡང་། ཨ་ལ་སོགས་པའི་དབྱངས་སུམ་བཅུ་དང་། སྟོང་ཆེན་ཡིག་ལྔ་རྗེས་སུ་ད་རེ་སྟེ་སུམ་བཅུ་རྩ་དྲུག་དང་། ཀ་སོགས་གསལ་བྱེད་ཀྱང་སུམ་བཅུ་པོའི་སྟེང་དུ་ཧ་ཡ་ར་ཝ་

(༡༣༨)ལ་ཀྵ་སྟེ་དྲུག་བསྣན་པས་སུམ་བཅུ་སོ་དྲུག་འབྱུང་བ་ནི་བརྗོད་བྱེད་ཀྱི་ཡི་གེའི་གཙོ་བོ་གསུངས་པ་ཡིན་ལ། དེ་ཡང་གསལ་བྱེད་སུམ་བཅུ་པོ་རེ་རེ་ཡང་དབྱངས་སུམ་བཅུས་བསྒྱུར་བ་ལ་སྡོམ་པ་ལས་དགུ་བརྒྱ་དང་། དབྱངས་གསལ་སོ་སོར་ཕྱེ་བ་ལས་སྟོང་བརྒྱད་བརྒྱ་ཡིན་ཞིང་། དེ་དུ་སྦྱོར་གཅིག་གི་རླུང་གྲངས་དང་མཉམ་པ་ཡིན་པས་རྒྱུད་སྡེའི་དབྱེ་བ་ཡང་དེ་དང་མཉམ་པ་དང་། དུས་སྦྱོར་དེ་ཞག་དུ་ལོངས་པ་ན་ཉི་ཁྲི་ཆིག་སྟོང་དྲུག་བརྒྱ་སོང་བས་རྒྱུད་སྡེའི་ཡན་ལག་གི་གྲངས་ཀྱང་དེ་དང་ལྡན་པ་ཡིན་ལ། དེ་རེ་རེ་ཡང་ཐིག་ལེ་སྐུ། ཚེག་དྲག་གསུངས། གྲི་གུག་ཐུགས་རྣམས་ཀྱི་དབྱེ་བས་ཐུང་ངུ་རིང་པོ་་ཤིན་ཏུ་རིང་པོ་རྣམས་སུ་འགྱུར་ཞིང་། གསལ་བྱེད་སུམ་བཅུ་དབྱངས་དྲུག་གིས་བསྒྱུར་བ་ལ་ཡང་བརྒྱ་རྩ་བརྒྱད་བཅུ་དང་། དེ་ཡང་དབྱངས་གསལ་སོ་སོར་ཕྱེ་བ་ལས་སུམ་བརྒྱ་དྲུག་བཅུ་རྩ་བའི་དབྱངས་དང་། ཉིན་མཚན་ཆུ་ཚོད་དྲུག་བཅུའི་དབྱངས་ཀྱང་དྲུག་བཅུ་སྟེ། དེའི་ཕྱིར་ཞག་གཅིག་གི་དབུགས་གྱི་གྲངས་དང་པོ་གཅིག་གི་ཆུ་ཚོད་གཉིས་དབྱངས་ཀྱི་གྲངས་མཐུན་པའི་ཕྱིར་གསལ་བྱེད་ཀྱང་དེ་དང་མཚུངས་པ་ཡིན་ཏེ། ཞིབ་དུ་དབྱངས་འཆར་ནང་དུ་བལྟ་བར་བྱ་ཞིང་། དེ་ལྟར་བླ་ན་མེད་པའི་རྒྱུད་ཀྱི་ཚོགས་ཀྱི་རྣམ་པར་དབྱེ་བ་བསྡུས་པ་བསྟན་པ་ཡིན་ནོ། དྲུག་པ་རྒྱུད་ཀྱི་ལྷ་གྲངས་བསྟན་པ། ཡེ་ཤེས་ཀྱི་རླུང་ལ་སྦྱར་བ་དང་རྩ་ལ་སྦྱར་བ་གཉིས་ལས་དང་པོ་ལ་དུས་གྱི་འཁོར་ལོའི་ལྷ་གྲངས། སྡོམ་པ་ཆེ་ཆུང་གི་ལྷ་གྲངས། །སྒྱུ་འཕྲུལ་དྲ་བའི་ལྷ་གྲངས། གསང་བ་འདུས་པའི་ལྷ་གྲངས། རྒྱུད་ནས་བཤད་

(༡༣༩)པའི་ལྷ་གྲངས་སྟེ་ལྔ་ལས། དང་པོ་ནི། ད་ནི་ཐབས་ཤེས་གཉིས་མེད་རྒྱུད། ཅེས་སོགས་ཚིག་བཅད་ཕྱེད་དང་གཉིས་གྱི་སྟོན་སྟེ། དེ་ཡང་དོན་དམ་ལ་རྒྱུད་ཐམས་ཅད་ཐབས་ཤེས་གཉིས་དེ་ཡིན་ཡང་། ཀུན་རྫོབ་དུ་ཐབས་གཙོ་བོར་བརྟེན་པ་མ་རྒྱུད་དང་། ཤེས་རབ་གཙོ་བོར་སྟོན་པ་མ་རྒྱུད། ཆ་མཉམ་དུ་སྟོན་པ་གཉིས་མེད་ཀྱི་རྒྱུད་ཡིན་པ་ལས། གཉིས་མེད་ཀྱི་རྒྱུད་དཔལ་དུས་ཀྱི་འཁོར་ལོའི་ལྷ་གྲངས་ནི། ལོ་བརྒྱའི་ཡེ་ཤེས་ཀྱི་ཆ་ལོ་གསུམ་ཀྱི་ཞག་སྟོང་བརྒྱད་བཅུ་མ་ཞག་རེ་ལ་རེས་ཀྱི་ལོངས་སྤྱོད་པའི་རེས་གཟའ་བདུན་གྱིས་བགོས་པ་ལས་བརྒྱ་དང་ལྔ་བཅུ་ང་བཞི་འབྱུང་བ་ནི་དུས་འཁོར་ཉུང་ངུ་སད་མ་གདན་ཅན་གྱི་ལྷ་གྲངས་དང་ལྷག་མ་གཉིས་ཐབས་དང་ཤེས་རབ་ཀྱི་བདག་ཉིད་དུ་གསུངས་པ་ཡིན་ནོ། གཉིས་པ་སྡོམ་ཆེ་ཆུང་གི་ལྷ་གྲངས་ནི། ཟླ་བའི་ཆ་ནི་བཅོ་ལྔ་སྟེ། ཞེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་ཡེ་ཤེས་ཀྱི་ཆ་ལོ་གསུམ་གྱི་ཞག་སྟོང་བརྒྱད་བཅུ་ལ་ཟླ་བའི་ཆ་བཅོ་ལྔས་བགོས་པ་ལས་ཐོབ་པ་བདུན་བཅུ་རྩ་གཉིས་དང་། བདག་པོ་འཁྲིག་ཐབས་དང་བཅས་པའི་རྣལ་འབྱོར་མའི་ལྷ་གྲངས་ནི་རྩ་བའི་རྒྱུད་སྡོམ་པ་ཆེན་པོའི་ལྷ་གྲངས་སྟེ་ངེས་བརྗོད་དམ་མངོན་བརྗོད་ཀྱི་རྒྱུད་ཡི་ལྷ་གྲངས་སུ་བཤད་ལ། དེ་ལྟར་རྣལ་འབྱོར་མ་བདུན་བཅུ་རྩ་གཉིས་ལས་གཉིས་གཉིས་སྡོམ་པ་ལས་དཔའ་མོ་སུམ་བཅུ་རྩ་བདུན་དང་། ཐབས་དཔའ་བོ་གཅིག་དང་བཅས་པ་ནི་སྡོམ་པ་ཆུང་ངུའི་ལྷ་གྲངས་ཡིན་ཞིང་། དེ་ལྟར་སྡོམ་པ་ཆེ་ཆུང་གཉིས་ཀ་ལ་ལྷ་དཔའ་བོ་གཅིག་ལས་མི་འོང་བ་ཅི་ཞེ་ན། བདེ་ཆེན་

(༡༤༠)གྱི་དག་པས་ལྷ་དཔའ་བོ་དང་། སྟོང་པ་ཉིད་གྱི་དག་པས་ལྷ་མོར་བཞག་པ་ཡིན་པས་ན། བདེ་ཆེན་ནི་རིས་མེད་ཅིང་རྣམ་པ་མེད་པའི་ཕྱིར་གཅིག་ཏུ་ངེས་ལ། སྟོང་ཉིད་ནི་རྣམ་པ་དང་བཅས་པ་ཡིན་པས་དབྱེ་བ་དུ་མར་འགྱུར་བ་ཡིན་ཏེ། དེ་དག་ཐམས་ཅད་ཀྱང་ལུས་ལ་གནས་པའི་ཡེ་ཤེས་ཀྱི་རླུང་གི་དབང་ལས་བྱུང་བ་ཡིན་ནོ། གསུམ་པ་སྒྱུ་འཕྲུལ་དྲ་བའི་ལྷ་གྲངས་ནི། ཟླ་ཕྱེད་གསུམ་གྱི་ཞག་དེ་དག །ཞེས་སོགས་ཚིག་བཅད་གཉིས་གྱི་སྟོན་ཏེ། དེ་ཡང་ཡེ་ཤེས་ཀྱི་ཆ་ཕྱོགས་གསུམ་སྟེ་ཟླ་བ་ཕྱེད་པ་གསུམ་གྱི་ནག་གཞག་དེ་དག་ཡང་ཕ་རྒྱུད་ཀྱི་ལྷ་གྲངས་སུ་འཆར་ཞིང་། ཁྱད་པར་ཐབས་ཀྱི་རྒྱུད་སྒྱུ་འཕྲུལ་དྲ་བའི་ལྷ་གྲངས་སུ་ཇི་ལྟར་འཆར་བ་ནི། ཟླ་བ་ཁྱེད་བ་གསུམ་གྱི་ཞག་བཞི་བཅུ་རྩ་ལྔ་ལ་དུས་སྦྱོར་བཅུ་གཉིས་ཀྱི་བསྒྱུར་བ་ལས། ལྔ་བརྒྱ་བཞི་བཅུ་འབྱུང་བ་ཡིན་ལ། དེ་ལས་སྒྱུ་འཕྲུལ་དྲ་བ་རྣམ་པ་གསུམ་སྟེ། ཞེས་དགུ་མའི་དཀྱིལ་འཁོར་དང་། ཞེ་ལྔ་མ། ཞེ་གསུམ་མ་རྣམས་སྟེ། དེ་དག་ཟུང་ཡིན་པས་ན། ཕྱེ་བ་ལ་ཉིས་བརྒྱ་དང་བདུན་བཅུ་རྩ་བཞི་འབྱུང་བ་ཡིན་ནོ། བཞི་པ་གསང་བ་འདུས་པའི་ལྷ་གྲངས་ནི། དཔལ་ལྡན་འདུས་པ་རྣམ་དྲུག་སྟེ། ཞེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་སྒྱུ་འཕྲུལ་དྲ་བའི་ལྷ་གྲངས་གྱི་ལྷག་མ་རྣམས་ནི་འདུས་པ་རྣམ་པ་དྲུག་གི་རྒྱུ་འཆར་སྟེ། ལྷ་དགུ་མ། ལྷ་བཅུ་གསུམ་མ། བཅུ་དགུ་མ། ཉེར་ལྔ་མ། སོ་གཉིས་མ། སོ་བཞི་མ་སྟེ། དེ་དག་ཐབས་དང་ཤེས་རབ་

(༡༤༡)ཀྱི་དབྱེ་མ་ཕྱེ་བ་ལས་ཉིས་བརྒྱ་དྲུག་བཅུ་རྩ་བཞི་འབྱུང་བ་ནི། ཐབས་དང་ཤེས་རབ་ཀྱི་རྒྱུད་གྱི་རྣམས་གྲངས་སོ། ལྔ་པ་རྒྱུད་གཞན་ལས་འབྱུང་བའི་ལྷ་གྲངས་ནི། ཐོད་པ་རྡོ་རྗེ་བདུད་རྩི་དང་། ཞེས་སོགས་ཚིག་བཅད་གཉིས་རྐང་པ་གསུམ་གྱི་སྟོན་ཏེ། དེ་ཡང་ཐོད་པ་ཉེར་ལྔ་མ་ལ་སོགས་པ་དང་། རྡོ་རྗེ་བདུད་རྩི་དང་། དགྱེས་རྡོར་ལ་སོགས་པ་མ་རྒྱུད་ཀྱི་སྡོམ་པ་ཆེ་ཆུང་གི་ནང་དུ་འདུས་ལ། གཤིན་རྗེ་གཤེད་དང་། རྟ་མགྲིན་ལ་སོགས་པ་ཕ་རྒྱུད་ཡིན་པས་གསང་བ་འདུས་པར་བསྡུ་ཞིང་། ཆོས་དབྱིངས་གསུང་དག་དང་། དཔལ་ལྡན་རྒྱུ་ཤར་གྱི་དཀྱིལ་འཁོར་ལ་སོགས་པ་ཤི་དུས་ཀྱི་འཁོར་ལོ་བསྡུ་ལ། དེ་བཞིན་དུ་རྣལ་འབྱོར་གྱི་རྒྱུད་རྣམས་ཀྱང་ཁ་རྒྱུད་དུ་འདུ་ཞིང་། བྱ་སྤྱོད་རྣམས་ཀྱང་དེའི་ཡན་ལག་ཡིན་ཏེ། དེ་ནི་ཡེ་ཤེས་ཀྱི་རླུང་ལ་ལྷ་ཐམས་ཅད་སྦྱར་བ་བཤད་པ་ཡིན་ནོ། གཉིས་པ་རྩ་དང་སྦྱར་བ་ནི། རྩ་ཡང་དེ་བཞིན་གསུངས་པ་ནི། ཞེས་སོག་ཚིག་བཅད་ཕྱེད་དང་བཅུ་དྲུག་གི་སྟོན་ཏེ། དེ་ཡང་རྒྱུད་གྱི་ལྷ་གྲངས་ཡེ་ཤེས་ཀྱི་རླུང་ལ་སྦྱར་བ་བཤད་པ་ནས། རྩ་ལ་ཡང་དེ་བཞིན་དུ་སྦྱར་བར་གསུངས་པ་ཡིན་ལ། ཐིག་ལེ་དང་སྦྱར་བ་ནི། དཀར་ཆ་ཐམས་ཅད་རླུང་དང་། དམར་ཆ་ཐམས་ཅད་རྩ་དང་། ཆོས་འཐུན་པའི་ཕྱིར་འདི་ཉིད་ཀྱི་ཁོངས་སུ་འདུ་བ་ཡིན་ལ། དེས་ན་རྩ་ལ་སྦྱར་བ་ནི་སྙིང་གའི་སྲོག་རླུང་གནས་པའི་དབུ་མ་ནི་དུས་ཀྱི་འཁོར་ལོའི་གཙོ་བོ་དང་། རོ་རྐྱང་གཉིས་ནི་ཞབས་དཀར་དམར་གཉིས་ཡིན་ལ། འཁོར་ལོ་དྲུག་གི་ལྟེ་བའི་མི་ཤིག་པ་ནི་སངས་རྒྱས་དྲུག་དང་སྙིང་གའི་རྩ་བརྒྱད་དུ་བ་

(༡༤༢)མ་ལ་སོགས་པའི་ལྷ་མོ་བརྒྱད་དང་། ཡེ་ཤེས་ཀྱི་རང་བཞིན་བདུད་བྲལ་མ་ནི་སྣ་ཚོགས་ཡུམ། བུམ་པ་བརྒྱད་ནི་གཤང་བ། གཅི་པ་ཤ་རྐང་ཁུ་བ་ཁྲག་རྣམས་ཀྱི་རྩ་ཡིན་ལ། ནོར་བུ། གཎྜི། དཔག་བསམ་ཤིང་། དུང་རྣམས་གཙུག་གཏོར་གྱི་རྩ་འདབ་བཞི། ཕུང་པོ་དྲུག །ཁམས་དྲུག་གི་རྩ་རྣམས་སངས་རྒྱས་དྲུག་དང་དེའི་ཡུམ་ལྷ་མོ་དྲུག །མིག་སོག་དབང་པོ་དྲུག་དང་། གཟུགས་སོག་ཡུལ་དྲུག་གི་རྩ་ནི་བྱང་ཆུབ་སེམས་དཔའ་དྲུག་དང་། སེམས་མ་དྲུག །རྐང་པ་ལ་སོགས་པའི་ལས་དབང་དྲུག་དང་། དེའི་བྱ་བ་དྲུག་གི་རྩ་ནི་ཁྲོ་བོ་དྲུག་དང་། ཁྲོ་མོ་དྲུག །ལྟེ་བའི་རྩ་རྣམས་ནི་འཇིགས་མ་ལ་སོགས་པའི་གསུང་དཀྱིལ་གྱི་རྣལ་འབྱོར་མ་དང་། ཚིག་ཆེན་བཅུ་གཉིས་ནི་སྒྱུ་དཀྱིལ་གྱི་ལྷ་ཆེན་བཅུ་གཉིས་ཚེས་ལྔ་དང་བཅས་པ་སོགས་ཚིག་ཀྱི་རྩ་རྣམས་ཀླུ་དང་གཏུམ་མོ། བ་སྤུ་རྣམས་འབྱུང་པོ་དང་། འདོད་པ་དང་མི་འདོད་པའི་རྟོག་པ་ཀུན་མཆོད་པའི་ལྷ་མོ་དང་བཅས་པ་ཡིན་ལ། དེ་དག་ཡང་རྩ་ཐམས་ཅད་ཤེས་རབ་དང་ཁམས་ཐམས་ཅད་ཐབས་ཀྱི་དབྱེ་བས་ཕྱེ་བ་ལས་སྟོང་དང་བརྒྱད་བཅུའོ། དེ་ནས་དཔལ་ལྡན་འཁོར་ལོ་སྡོམ་པའི་ལྷ་ཚོགས་རྩ་དང་སྦྱར་ན། སྡོམ་པའི་གཙོ་བོ་ནི་དབུ་མ་དང་། རོ་རྐྱང་གཉིས་ཞབས་དང་། བདུད་བྲལ་མ་ཕག་མོ་དང་བཅས་པ། སྙིང་གའི་ཕྱོག་ཀྱི་རྩ་བཞི་ཡུམ་བཞི་དང་། འཚམ་ཀྱི་རྩ་བཞི་མཆོད་པ་བཞི། རྩ་ཆེན་ཉེར་བཞི་རབ་ཏུ་གཏུམ་མ་ལ་སོགས་པའི་རྣལ་འབྱོར་མ་ཉེར་བཞི་དང་། དེའི་ནང་གི་ཁམས་རྣམས་ཐོད་པའི་དུམ་བུ་ལ་སོགས་པའི་དཔའ་བོ་ཉེར་བཞིར་གསུངས་ལ། ཁྲ་གདོང་

(༡༤༣)མ་ལ་སོགས་པ་བརྒྱད་ནི་ཁྲོ་བོ་བཅུ་དང་མཚུངས་སྟེ། རྩའི་རྩ་བ་སྙིང་ཁ་དང་། མཐའ་དབང་པོའི་སྒོ་ལ་ཐུག་པ་ཡིན་ལ། ཉིས་འགྱུར་གྱི་སྡོམ་པ་ཆེན་པོ་ནི། རྩ་ཆེན་ཉེར་བཞི་ལ་ཐིམས་ལོངས་སྤྱོད་བདག་པོའི་དབྱེ་བ་ལས། རྣལ་འབྱོར་མ་བདུན་བཅུ་རྩ་གཉིས་དང་། རྒྱས་པར་ན་འཁོར་ལོའི་རྩ་འདབ་བརྒྱ་ཉི་ཤུ་ལས། དཀྱིལ་འཁོར་གྱི་ལྷ་ཚོགས་ཀྱང་དེ་དང་མཉམ་པར་མངོན་བརྗོད་དང་རྡོ་རྗེ་མཁའ་འགྲོ་ལ་གསུང་པ་ཡིན་ནོ། དཔལ་ལྡན་འདུས་པ་རྩ་དང་སྦྱར་ནས་བཤད་ན། ཕུང་པོ་ལྔའི་རྩ་སངས་རྒྱས་ལྔ་ཁམས་བཞི་རེག་བྱ་དང་བཅས་པ་ལྷ་མོ་ལྔ། མིག་གཉིས་ཀྱི་རྩ་ས་སྙིང་། རྣ་བ་ཕྱག་ན་རྡོ་རྗེ། སྣ་ནམ་མཁའི་སྙིང་། ལྕེ་འཇིག་རྟེན་དབང་ཕྱུག །ཡིད་ཀྱི་ཁམས་འཇམ་དཔལ། ཆོས་ཁམས་སྒྲིབ་སེལ། ལུས་ཀུན་ཏུ་བཟང་པོ། རྩ་རྒྱུས་བྱམས་པ། ཡན་ལག་གི་ཚིག་དང་ཁ་དང་གསང་བ་ནི་ཁྲོ་བོ་བཅུ་དང་། རིགས་ཀྱི་དབང་དུ་ན། ལྟེ་བ་པའི་དཀྱིལ་འཁོར་ལ་ལས་ཀྱི་རིག་ལས་སྐྱེས་པ་མཁྱེན་མ་དང་གཏུམ་མོ་ལ་སོགས་པའི་ལྷ་མོ་དྲུག་བཅུ་རྩ་བཞི་དང་། སྙིང་ག་རླུང་གི་དཀྱིལ་འཁོར་ལ་རྡོ་རྗེའི་རིག་རྡོ་རྗེ་དབྱིངས་ལ་སོགས་པའི་ལྷ་དགུ །མགྲིན་པར་པདྨའི་རིག་པད་མའི་སྒྲོན་མ་ལ་སོགས་པའི་ལྷ་བཅུ་དྲུག །སྤྱི་བོར་རྣམ་སྣང་གི་རིག་རབ་ཏུ་པད་མ་ལ་སོགས་པའི་ལྷ་སུམ་བཅུ་སོ་གཉིས་ཡོད་པར་སོགས་སུ་གསུངས། རྒྱས་པར་རྡོ་རྗེ་ཕྲེང་བར་ནི་གསུངས་པ་ཡིན་ལ། དེ་ལ་སོགས་པའི་དཀྱིལ་འཁོར་དུ་མ་རྣམས་ལས་རྐྱན་པ་དང་ཕྱོགས་དེའི་ཆ་དང་ལྡན་པར་གསུངས་པ་ཐམས་ཅད་འདིར་འདུས་ཏེ། རྐྱང་པའི་དབང་དུ་གཅིག །དཔེར་ན་དགྱེས་རྡོར་ལྷ་དགུ་སྙིང་གའི་འཁོར་ལོ་རྐྱང་པ་ལ་བཞག་པ་བཞིན་ཡིན་ལ། དེ་ཐམས་ཅད་ཀྱང་ལུས་ཀྱི་རྩ་རླུང་ཐིག་ལེའི་

(༡༤༤)དབང་ལས་བྱུང་བ་ཡིན་ཏེ། སྤྱི་བོར་སྐུའི་ལྷ་འཇམ་དཔལ་དང་གཤིན་རྗེ་གཤེད་ལ་སོགས། མགྲིན་པར་གསུང་གི་ལྷ་འོད་དཔག་མེད་དང་རྟ་མགྲིན་ལ་སོགས་པ་དང་། སྙིང་གར་ཡང་དག་དགྱེས་རྡོར་ལ་སོགས་པ་ཐུགས་གྱི་ལྷ་ཚོགས་དང་། ལྟེ་བར་རིན་ཆེན་འབྱུང་དང་བདུད་རྩི་ལ་སོགས་པ་ཡོན་ཏན་གྱི་ལྷ་ཚོགས་དང་། གསང་གནས་སུ་ཕུར་པ་དང་དོན་ཡོད་གྲུབ་པ་ལ་སོགས་ཕྲིན་ལས་ཀྱི་ལྷ་ཚོགས་དང་། ཡན་ལག་ལ་མ་མོ་དང་ཉིང་ལག་ལ་འཇིག་རྟེན་མཆོད་བསྟོད་དང་སྨོད་པ་དྲག་སྔགས་ཀྱི་ལྷ་ཚོགས་རྣམས་ལ་གནས་པ་ཡིན་ནོ། གསུམ་པ་མཇུག་བསྡུ་བ་ནི། མདོར་ན་རྩ་ནི་སྐུ་ཡིན་ཏེ། ཞེས་སོགས་ཚིག་བཅད་ཕྱེད་དང་གསུམ་གྱི་སྟོན་ཏེ། དེ་ཡང་མདོར་ན་རྩ་ནི་།།།ཡིན་ཏེ་ལམ་དུ་སྐྱེད་རིམ་སྒོམ་བདེ་ཞིང་། རླུང་ནི་སྔགས་དང་ཡི་གེ་ཡིན་ཏེ་ལམ་དུ་སྔར་བཟླ་བ་དང་། ཐིག་ལེ་ནི་ཕྲ་མོ་བདེ་བ་ཡིན་ཏེ་ལམ་དུ་རྫོགས་རིམ་བསྒོམ་པ་ལ་དབང་བ་ཡིན་ནོ། དེ་བཞིན་དུ་སྦྱིན་སྲེགས་ལ་སོགས་པའི་ལས་རྣམས་ཀྱང་ནང་གི་སྦྱང་གཞིའི་དབང་གི་སྦྱོང་བྱེད་ཡིན་ཞིང་འདིར་ནི་ཕྱོགས་ཙམ་བརྗོད་པའོ། དེ་བཞིན་ས་དང་ལམ་དང་གཟུང་དང་ཏིང་ངེ་འཛིན་རབ་འབྱམ་ལ་སོགས་ཐུན་མོངས་པ་རྣམས་ཀྱང་ལྷ་དང་སྔགས་སུ་འཆར་བ་ཡིན་ཏེ། ལུས་དང་སེམས་ཀྱི་སྣང་བའི་དབྱེ་བ་ལས་བརྟེན་པ་ཐམས་ཅད་གཟིགས་པས་གསུངས་པ་ཡིན་ནོ། ཟབ་མོ་ནང་གི་དོན་གསལ་བར་བྱེད་པ་ལས་ཆོས་ཀྱི་སྦྱངས་གཞི་དང་སྦྱངས་བྱེད་བསྟན་པ་སྟེ་དགུ་པའོ། ད་ནི་དུམ་བུ་བཅུ་པ་ལམ་ལ་ཇི་ལྟར་སྦྱར་བ་བཤད་པ་ལ། མདོར་བསྟན་པ་དང་། རྒྱས་པར་བཤད་པ། མཇུག་བསྡུ་བ་སྟེ་གསུམ་ལས། དང་པོ་ནི། དེ་

(༡༤༥)ལྟར་རྩ་རླུང་ཐིག་ལེ་གསུམ། ཞེས་སོགས་ཚིག་བཅད་གཅིག་གི་སྟོན་ཏེ། དེ་ཡང་སྔར་བཤད་པ་དེ་ལྟར་ན་རྩ་རླུང་ཐིག་ལེ་གསུམ་པོ་ཡང་གཞན་སེམས་ཀྱི་ཆ་ལས་སྣང་བ་ཡིན་པས་སེམས་ཀྱི་རྫས་ཡིན་ལ། སེམས་གྱི་ངོ་བོ་ལ་འཁོར་འདས་གཉིས་སུ་མེད་ཀྱང་། སེམས་ཀྱི་རྟེན་རྩ་ཐིག་རླུང་གསུམ་པོ་དག་པ་དང་མ་དག་པའི་དབང་གི་འཁོར་འདས་སུ་སྣང་བ་ཡིན་པས་ན་དེའི་ཕྱིར་འདི་དག་གི་དོན་གྱི་གནད་འཆིང་བ་ནི། དམན་པ་ཉན་རང་དང་། ཐེག་ཆེན་ཕ་རོལ་ཏུ་ཕྱིན་པའི་ལམ་རིམ་ཀུན་ལས་ཁྱད་པར་འཕགས་པ་ཡིན་ཏེ། དེ་ཐམས་ཅད་ཀྱི་དེས་དོན་ཡང་སྔགས་ཀྱི་ལམ་རིམ་འདི་ཉིད་ཡིན་པའི་ཕྱིར་དང་། མཐར་འཚང་རྒྱ་བ་ཡང་ལམ་འདི་ཉིད་ལ་བརྟེན་དགོས་པའི་ཕྱིར་རོ། གསུམ་པ་རྒྱས་པར་བཤད་པ་ལ། ཐུན་མོང་བའི་ཐེག་པ་དང་། ཐུན་མོང་མ་ཡིན་པའི་ཐེག་པ་གཉིས་ལས། དང་པོ་ལ། ཉན་ཐོས་དང་། རང་སངས་རྒྱས་།།།སྟེ་གསུམ་ལས། དང་པོ་ནི། གང་ཟག་བདག་མེད་ཞི་བ་ཙམ། ཞེས་སོགས་ཚིག་བཅད་གཅིག་གི་སྟོན་ཏེ། དེ་ཡང་ཉན་ཐོས་ནི་འཕག་པའི་བདེན་བ་བཞིས་ཆེ་བ་ཡིན་པས་ན། སྡུག་བསྔལ་དང་ཀུན་འབྱུང་གི་བདེན་པ་སྤང་ཤིང་། །།།བདུན་ལ་བརྟེན་ནས་འགོག་པ་ལ་མངོན་སུམ་དུ་བྱེད་པ་ནི་སྤྱིའི་མཚན་ཉིད་ཡིན་ལ། དེ་ཉིད་ཀྱི་ལྟ་བའི་ཁྱད་པར་གང་ཟག་གི་བདག་མེད་རྟོགས་ཤིང་། བབ་པའི་ཁྱད་པར་རང་ཉིད་།།། ཙམ་འདོད་པ་དེས། ཚུལ་གནས་ཐོས་དང་བསམ་ལྡན་པ། སྒོམ་པ་ལ་ནི་རབ་ཏུ་སྦྱོར། ཞེས་པ་ལྟར་བསྒོམ་པ་ལས་ཇི་ལྟར་རིག་པར་རང་གི་བྱང་ཆུབ་མངོན་དུ་བྱེད་མ། སྲིད་པ་ལས་

(༡༤༦)འདའ་བའི་མྱུར་བུམ་གྱི་ཁྱད་པར་ཡང་། ཤིན་ཏུ་མྱུར་བས་ནི་ཚེ་གཅིག་ལ་རྒྱུན་ཞུག་ནས་དགྲ་བཅོམ་གྱི་བར་མངོན་དུ་བྱེད་ཅིང་། མྱུར་བ་ཙམ་པོས་ནི། ཚེ་གཅིག་ལ་རྒྱུན་ཞུགས། ཚེ་གཉིས་པ་ལ་ཕྱིར་འོང་ཕྱིར་མི་འོང་གཉིས་དང་། ཚེ་གསུམ་པ་ལ་དགྲ་བཅོམ་པ་མངོན་དུ་བྱེད་ལ། རྒྱུན་ཞུགས་ཅི་ལྟར་འགོར་ན་ཡང་། ལྷའི་སྐྱེ་བ་བདུན་དང་མིའི་སྐྱེ་བ་བདུན། དེ་གཉིས་ཀྱི་བར་སྲིད་བདུན་ཏེ་དེ་དག་བདུན་དུ་ཆོས་མཚུངས་པའི་ཕྱིར། དེ་ལ་དགྲ་བཅོམ་པ་ཐོབ་པ་ཡིན་ཏེ། དེའི་འབྲས་བུ་ནི་རང་དོན་ཞི་བ་ཙམ་ཐོབ་པ་ཡིན་ཏེ། འདི་ལ་ཡང་ལྷག་མ་ལྷག་མེད་གཉིས་ཡོད་པ་ཡིན་ནོ། གཉིས་པ་རྒྱས་པར་བཤད་པ་ནི། རང་རྒྱལ། ཞེས་སོགས་རྐང་པ་གཉིས་སྟེ། དེ་ཡང་རང་རྒྱལ་ནི་རང་བཞིན་གྱི་དབང་པོ་འབྲིང་པོ་ཡིན་ཞིང་། ང་རྒྱལ་ཆེ་བ་ཡིན་ལ། དེའི་ལྟེ་བ་ནི། གང་གི་བདག་མེད་དང་བཟུང་བ་རང་བཞིན་མེད་པར་རྟོག་པའི་ཕྱིར་ན་བདག་མེད་གཉིས་རྟོགས་ཅིང་། བསམ་པ་ནི། ང་རྒྱལ་ཆེ་བའི་ཕྱིར་སངས་རྒྱས་མ་བྱོན་པའི་འཇིག་རྟེན་དུ་རང་གི་བྱང་ཆུབ་མངོན་དུ་བྱེད་པར་འདོད་པ་ཡིན་ནོ། དེས་ཀྱང་། ཚུལ་གནས་ཐོབ་དང་བསམ་པ་དང་། སྒོམ་པ་ལ་ནི་རབ་ཏུ་སྦྱོར་བའོ་རིམ་གྱི་ཚོགས་སྤྱོད་ཆུང་བ་བསྐལ་པ་ཉི་ཤུ་དང་ཆེ་བས་བསྐལ་པ་ལྔ་བཅུ་པ་རང་གི་བྱང་ཆུབ་འགྲུབ་ཅིང་། ཅེས་རུ་ལྟ་བུས་ནི་བསྐལ་པ་བརྒྱ་ཡིས་རང་གི་བྱང་ཆུབ་འགྲུབ་པ། དེ་ཡང་རང་ལམ་ལ་ལྟོས་ནས་སྔ་མ་གཉིས་པོ་འདི་དབང་པོ་རྣོ་བ་ཡིན་ནོ། གསུམ་པ་བྱང་སེམས་ནི། སེམས་ཅན་ཞེས་སེམས་རྐང་པ་གཉིས་སྟེ། དེ་ཡང་ཕ་རོལ་ཏུ་ཕྱིན་པའི་ཐེག་པ་པ་ནི་

(༡༤༧)།།།ཕན་པར་བྱེད་པའི་སྨོན་འཇུག་གི་སེམས་གཉིས་དང་ལྡན་ཞིང་། ལྟ་པ་སྲི་ཞིའི་མཐའ་ལ་མི་གནས་པའི་བདག་མེད་གཉིས་རྟོགས་པའི་ཤེས་རབ་དང་ལྡན་པའི་བྱང་ཆུབ་སེམས་དཔའ་དེས། ལམ་ཕ་རོལ་ཏུ་ཕྱིན་པ་དྲུག་ལ་སྤྱད་པ་ལ། བསྐལ་པ་གྲངས་མེད་གསུམ་ལ་བྱང་ཆུབ་ཐོབ་པར་གསུངས་ལ། གྲངས་མེད་གསུམ་པོ་དེ་ཡང་ཚོགས་སྡོམ་པ་ཡིན་གྱི། གྲངས་མེད་གསུམ་གྱི་ལོ་གྲངས་དེས་ངེས་པར་བགྲངས་དགོས་པ་ནི་མ་ཡིན་ནོ། །གཉིས་པ་ཐུན་མོང་མ་ཡིན་པ་ལ། རྒྱུད་སྡེ་བཞིའི་དུས་ཀྱི་ཁྱད་པར་བསྟན་པ་དང་། ལམ་དངོས་གཉིས་ལས། དང་པོ་ནི། འདིར་ནི་ཐབས་ཀྱི་ཁྱད་པར་གྱི། ཅེས་སོགས་ཚིག་བཅད་གཅིག་དང་རྐང་པ་གཉིས་གྱི་སྟོན་ཏེ། དེ་ཡང་ཐེག་པ་འོག་མ་རྣམས་དང་སྔགས་ཀྱི་ཐེག་པ་གཉིས་པོ་ངེས་དོན་ལ་ལྟོས་ནས་མཐར་ཐུག་གི་བགྲོད་པ་ནི་གཅིག་ཡིན་ཡང་། སྔགས་ཀྱི་ཐེག་པ་ནི་ཐབས་མང་བ་ལ་སོགས་པས་ཁྱད་པར་དུ་རྒྱས་པ་ཡིན་ལ། དེ་དག་ལ་ཡང་མདོར་བསྡུ་ན་ལམ་བདེ་སྐྱོབ་དང་མྱུར་སྐྱོབ་གཉིས་ཀྱི་ཁྱད་པར་དུ་བྱས་པས་ན། ཕ་རོལ་ཏུ་ཕྱིན་པའི་ལམ་དེ་ལས་བྱ་སྤྱོད་གཉིས་ཀྱི་ཚུལ་གྱིས་ཐབས་མཁས་ཐམ་དང་ལྡན་པས་ཀྱང་མི་ཚེ་དྲུག་བཅུས་ཀྱང་བྱང་ཆུབ་འཐོབ་སྟེ། འདི་ཉིད་ཚེ་ལོ་བརྒྱ་པའི་དུས་སུ་གསུངས་པས་ན། མི་ཚེ་རེ་དང་ལོ་བརྒྱ་དོན་གཅིག་པས་ན་ལོའི་དབང་དུ་བྱས་ན་ལོ་དྲུག་སྟོང་ཡིན་ནོ། རྣལ་འབྱོར་རྒྱུད་ཀྱི་སྔགས་དང་ཕྱག་རྒྱ་དང་ལྡན་པས་ན་མི་ཚེ་བཅུ་དྲུག་དང་། བླ་ན་མེད་པའི་ལམ་གྱིས་ནི་ཚེ་གཅིག་གི་ངེས་པར་འགྲུབ་སྟེ། དེ་ཡང་ལོ་གསུམ་ཕྱོགས་གསུམ་གྱི་ངེས་པར་པས་འགྲུབ་པ་ཡིན་ནོ། གཉིས་པ་ལམ་དངོས་པོ་ལ། ཚོགས་

(༡༤༨)ལམ། སྦྱོར་ལམ། བསྒོམ་ལམ། མི་སློབ་པའི་ལམ་སྟེ་ལྔ་ལམ། དང་པོར་ཞེས་སོགས་རྐང་པ་གཉིས་སྟེ། དེ་ཡང་དང་པོར་མཚན་ཉིད་དང་ལྡན་པའི་བླ་མ་ལ་དབང་བསྐུར་བ་ཐོབ་ཅིང་དག་དོན་ངོ་འཕྲོད་པ་ལས། དམ་ཚིག་གི་དང་རྫོགས་པར་ལྡན་པའི་རྣལ་འབྱོར་མ་བདག་པའི་བསྐྱེད་རིམ་དང་མངོན་དུ་གྲུབ་པའི་རྫོགས་རིམ་གྱི་དོན་ལ་རྒྱུད་ལ་ཡིད་ཆེས་པ་ལུང་ཚད་མ་དང་། དེ་ནས་སློབ་དཔོན་ལ་ཡིད་ཆེས་པ་རྗེས་དཔག་ཚད་མ་དང་། དེ་ནས་རང་ཉིད་ཀྱི་མྱོང་བ་ལ་སོགས་པ་ཡིད་ཆེས་པ་མངོན་སུམ་ཚད་མ་སྟེ། ཚད་མ་གསུམ་གྱི་སྒོ་ནས་ལེགས་པར་ཤེས་ཤིང་། ཉེར་ལེན་གྱི་རྒྱུ་བདེ་བར་གཤེགས་པའི་སྙིང་པོ་དང་། ལྷན་གཅིག་བྱེད་རྐྱེན་བླ་ལ་ཡིད་ཆེས་བ་ལ་སོགས་པའི་མོས་པའི་དགེ་བ་ཕུན་ཙུམ་ཚོགས་པ་དང་ལྡན་ཞིང་། དེ་ནས་ཐུན་བཞི་ལ་སོགས་པའི་ཐུན་དུ་བཅད་པའི་བསྙེན་པ་དང་། དབེན་པའི་གནས་སུ་རྒྱུན་སྦྱོར་གྱི་བརྩོན་འགྲུས་བར་མ་ཆད་པ་ནི་བསྒྲུབ་པ་ཡིན་སྟེ། དེ་རྣམས་དང་ལྡན་པ་ནི་ཚོགས་ལམ་ཡིན་ཏེ། ཐུན་མོངས་པའི་ཐེག་པར། ཚོགས་ལམ་ཆུང་ངུར་དྲན་པ་ཉེ་བར་བཞག་པ་བཞི་དང་། འབྲིང་པོ་ལ་ཡང་དག་པར་སྤོང་བ་བཞི་དང་། ཆེན་པོར་རྫུ་འཕྲུལ་གྱི་རྐང་པ་བཞི་ལ་སོགས་པ་བསྒོམ་པར་གསུངས་པ་ཡང་། འདི་ཉིད་དུ་ལྷའི་རྣམ་པར་བྱས་ནས་སྒོམ་པ་ཡོད་ཅིང་། ཚོགས་ལམ་ཆེན་པོར། དེ་ཚེ་ཆོས་ཀྱི་རྒྱུན་ལས་ནི། ཡེ་ཤེས་ཡང་དག་ཐོབ་བྱའི་ཕྱིར། སངས་རྒྱས་རྣམས་པ་ཞི་གནས་དང་། གདམས་ངག་རྒྱ་ཆེན་པོར་ནོད་པར་འགྱུར། ཞེས་ཆོས་བརྒྱུན་གྱི་ཏིང་ངེ་འཛིན་ཐོབ་པར་གསུངས་པའི་དོན་ཡང་ཚང་བ་ཡིན་ཏེ། རྒྱུན་སྦྱོར་གྱི་བརྩོན་འགྲུས་ནི་ཆོས་རྒྱུན་གྱི་ཏིང་ངེ་འཛིན་དང་། མཚན་ཉིད་ལྡན་

(༡༤༩)པའི་བླ་མ་ནི་རང་ལ་སྣང་བའི་སངས་རྒྱས་ཡིན་པས་ན། དེ་ལ་གདམས་ངག་སྟོད་པ་ནི། སངས་རྒྱས་རྣམས་ལ་གདམས་ངག་ནོད་པའི་དོན་དུ་འགྱུར་བ་ཡིན་ནོ། དེ་ལས་འཕྲོས་པ་ནི། ཚོགས་ལམ་ཆུང་ངུའི་མངོན་རྟོག་དྲན་པ་ཉེར་བཞི་ལྟ་བུ་ལ་མཚོན་ན། སྤྱིར་གསང་སྔགས་སྔ་འགྱུར་བ་རྣམས། གཞི་སྤོང་བའི་ལམ། གཞི་བསྒྱུར་བའི་ལམ། གཞི་དངོས་པོ་ལམ་དུ་བྱེད་པའི། ངོ་བོ་ཉིད་ལམ་དུ་བྱེད་པ་ཟེར་བ་ཡོད་པའི། གཞི་ཡོང་བའི་ལམ་ནི། ལུས་གཙང་བར་འཛིན་པའི་གཉེན་པོར། རང་གི་མཚན་ཉིད་བདག་མེད་པར་སྒོམ་པ་ཏེ། མི་གཙང་བར་འཛིན་པ་དང་། ཚོར་བ་བདེ་བར་འཛིན་པའི་གཉེན་པོར་རང་གི་མཚན་ཉིད་།།།བར་སྒོམ་པ། སེམས་རྟག་པར་འཛིན་པའི་གཉེན་པོར་རང་གི་མཚན་ཉིད་མི་རྟག་པར་སྒོམ་པ། ཆོས་ལ་བདག་དུ་འཛིན་པའི་གཉེན་པོར་རང་གི་མཚན་ཉིད་བདག་མེད་པར་བསྒོམ་པ་སྟེ། དེ་ནི་ཕར་ཕྱིན་ཐེག་པ་མན་ཆད་དུ་གྲགས་པའི་དྲན་བ་ཉེ་བར་གཞག་པ་ཡིན་པས་ན་འཛིན་འགལ་བའི་གཉེན་པོ་ཡིན་ལ། གཞི་བསྒྱུར་བའི་ལམ་ནི། །།།ལྟ་བུ་ལ་མཚོན་ན། མཁའ་འགྲོ་མ་ལ་སོགས་པའི་ལྷ་མོ་བཞི་པོ་བསྒོམ་པ་དྲན་པ་ཉེ་བཞག་བཞི་ཡིན་ཏེ། དེ་ཡི་རྒྱུ་མཚན་ཡང་། གཞི་སྤོང་པའི་ལམ་དེ་རྟོགས་ཅིང་རྒྱུར་བྱས་ནས། ལུས་མི་གཙང་པ་ལ་གཙང་པར་འཛིན་པའི་བློ་འབྱུང་པའི་རྒྱུ་དེ་གང་ཡིན་བརྟག་པ་ལས། དེའི་རྒྱུ་སེམས་ཡིན་ཡང་བྱེད་བོ་རླུང་དང་ཐིག་ལེ་ཡིན་པས་ན། མཁའ་འགྲོ་མའི་ས་བོན་འདི་མིག་གི་གདོང་ལ་སེམས་བཟུང་བས་རླུང་དེ་འཆིང་ཞིང་། དེ་ནས་ཡི་གེའི་གཟུགས་དང་ཁ་དོག་ལ་སོགས་པ་བསྒོམ་པས་ཐིག་ལེ་དེ་འཆིང་

(༡༥༠)བ་ཡིན་ལ། དེ་ལ་གཟུགས་སུ་བསྒོམ་པ་ཡང་རླུང་འཆིང་པ་ཡིན་ལ། དེ་ནི་ཕྱིན་ཅི་ལོག་དུ་སྒྲོ་འདོག་པའི་འཛིན་སྟོང་གྱི་གཉེན་པོར་འགྱུར་ཞིང་། དེའི་སྒྲོ་འདོག་གང་ཡིན་ཐ་མལ་གྱི་སྣང་ཞེན་ཡིན་པས། དེའི་གཉེན་པོར་ལྷ་ཞལ་ཕྱག་གི་རྣམ་པ་ཅན་དུ་བསྒོམ་པ་དང་། གཟུངས་ཀྱི་དཀྱིལ་འཁོར་ལ་སོགས་པ་ཡིག་གཟུགས་བསྒོམ་པ་ཡང་རུང་བ་ཡིན་ལ། བསྒྱུར་བའི་ལམ་འདིར་འཛིན་སྟངས་འགལ་བའི་གཉེན་པོ་ཡོད་པར་མ་ངེས་སྟེ། འདིར་ནི་ཞེ་སྡང་གི་གཉེན་པོར་ལྷ་ཡང་ཞེ་སྡང་ཅན་གྱི་རྣམ་པར་བསྒོམ་ནས་ཞེ་སྡང་དེའི་སྟེང་དུ་བསྣན་ནས་སྒོམ་པ་ཡིན་ལ། འོ་ན་སྤང་བའི་ལམ་དུ་འཛིན་སྟོང་འགལ་བའི་གཉེན་པོ་བསྒོམ་ཞིང་འདི་ཞེ་སྡང་གི་སྟེང་དུ་བསྣན་ནས་བསྒོམ་པ་གཉེན་པོར་འགྱུར་བ་ཡིན་ན། འདི་གཉིས་འགལ་བ་ཡིན་ནོ་ཞེ་ན། དུས་ཀྱི་འཁོར་ལོའི་ངེས་པས། འཛིན་སྟངས་འགལ་བ་ཡང་། ལུས་གྱི་སྒོ་ནས་འཛིན་སྟངས་འགལ་བ་ཡང་། བསམ་པའི་སྒོ་ནས་རང་བཞིན་ཤེས་པའི་གཉེན་པོར་འགྱུར་དེ་དཔེར་ན། ཞེ་སྡང་གི་གཉེན་པོར་བྱམས་པ་བསྒོམ་པ་ནི། ལུས་ཀྱི་སྒོ་ནས་ཞེ་སྡང་ནི་དམར་ཆས་བསྐྱེད་པ་ཡིན་པས་མེ་ཡིན་ཞིང་། བྱང་སེམས་དཀར་ཆ་ཡིན་པས་ཆུ་ཡིན་ལ། དེ་གཉིས་འཛིན་ཀུན་རྫོབ་ཏུ་དགྲ་ཡིན་པས་འཛིན་སྟོང་འགལ་བའི་གཉེན་པོར་འགྱུར་བ་ཡིན་ཡང་། ཁམས་པའི་སྒོ་ནས་ཞེ་སྡང་། ཡང་ཆུ་ཡིན་པས་ན་བྱམས་པ་ཉིད་རང་བཞིན་ཤེས་པའི་གཉེན་པོར་འགྱུར་བ་ཡིན་ཞིང་། དེ་དང་ཞེ་སྡང་གི་སྟེང་དུམ་བསྣན་ནས་བསྒོམ་པ་གཉིས་མི་འགལ་བ་ཡིན་ལ། དེས་འཛིན་སྟངས་འགལ་བའི་གཉེན་པོར་ནི་

(༡༥༡)ཉོན་མོངས་པ་ཀུན་བཏགས་ཀྱི་ཆ་སྤངས་བར་ནུས་ཤིང་། བསྒྱུར་བའི་ལམ་འདིས་ནི་ལྷན་སྐྱེས་གྱི་ཆ་དེ་ཡོང་ནུས་པ་ཡིན་པས། བསྒྱུར་ལམ་འདི་ཉིད་བདེ་གྱུར་གཉིས་ཀྱི་སྒོ་ནས་ཁྱད་པར་དུ་འཕགས་པ་ཡིན་ལ། དེ་ཡང་། འདི་ཉིད་མྱུར་བསྒྱུར་བ་ཡིན་ཏེ་རྣམ་པར་རྟོགས་པ་ལྷའི་རྣམ་པར་བསྒོམ་པའི་ཕྱིར། ལམ་ཡིན་ཏེ་རྣམ་པར་རྟོགས་པས་བརྟགས་པ་དེ་ཡང་དངོས་པོ་དང་མཐུན་པར་བརྟགས་པའི་ཕྱིར་རོ། འདམས་ཆོར་བ་སོགས་གསུམ་ལ་ཡང་མཚོན་ཏེ་ཤེས་པར་བྱ་བ་ཡིན་ནོ། གཞི་དངོས་པོ་ལམ་དུ་བྱེད་པའི་རང་བཞིན་ལམ་དུ་བྱེད་པ་ནི་རྫོགས་རིམས་ཡིན་ཏེ། རག་པ་དང་ཕྲ་བའི་ལུས་ཀྱི་བྱེད་པ་བཅིངས་པ་ལས། ཤིན་ཏུ་ཕྲ་བའི་ལུས་སྟོང་གཟུགས་མངོན་དུ་འགྱུར་བ་ནི་ལུས་དྲན་པ་ཉེ་པར་བཞག་པ་དང་། ཚོར་བ་བདེ་བ་དེ་ཉིད་བདེ་ཆེན་དུ་ཤར་བ་ཚོར་བ་དྲན་པ་ཉེ་བར་བཞག་པ་དང་། སེམས་སོ་སོ་རང་གི་རིག་པ་ནི་སེམས་དྲན་པ་ཉེ་བར་བཞག་པ་དང་། ཆོས་ཐམས་ཅད་ཀྱི་རང་བཞིན་ཟུང་འཇུག་མངོན་དུ་གྱུར་པ་ནི་ཆོས་དྲན་པ་ཉེ་བར་བཞག་པ་ཡིན་ལ། དེ་བཞིན་དུ་ཡང་དག་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་ལ་།།།གསུམ་པོ་དེ་ཡོད་པ་ཡིན་བྱང་། གཉིས་པ་སྦྱོར་བའི་ལམ་ནི་རྩ་རླུང་ཐིག་ལེའི་གན་ཤེས་ནས། ཅེས་སོགས་ཚིག་བཅད་གཉིས་དང་རྐང་པ་གསུམ་གྱི་སྟོན་ཏེ། དེ་ཡང་རྣལ་འབྱོར་ཆེན་པོའི་ངེས་པས་རྩ་རླུང་ཐིག་ལེ་གསུམ་གྱི་གནད་འཆིང་ཚུལ་ཤེས་ནས། རྫོགས་རིམ་གྱི་ཉམས་ལེན་རྒྱུན་ཆད་མེད་པ་ནི་ཀུན་ཏུ་བཟང་པོའི་སྤྱོད་པ་ཡིན་ཞིང་། དེ་ལ་གནས་ནས་དྲོད་ཐོབ་པ་ན་ནི་སྦྱོར་ལམ་ཉིད་ལ་གནས་པ་ཡིན་ལ། དྲོད་དེ་ལ་ཆུང་འབྲིང་ཆེན་གསུམ་ལས། འཇིགས་པ་དང་། ཁྲོ་བ་དང་། མྱ་

(༡༥༢)ངན་ལ་སོགས་པས་ལམ་གནོད་པར་དེ་དག་ཕར་ལ་ཟིལ་གྱིས་གནོན་པར་ནུས་པ་ནི་ཆུང་ངུ་དང་། ཞེ་སྡང་ལ་སོགས་པ་ཉོན་མོངས་པ་ཆེན་པོས་མི་གནོད་པར་ཕར་ལ་ཟིལ་གྱིས་གནོན་པ་འབྲིང་པོ། མངོན་ཤེས་ལ་སོགས་པའི་ཡོན་ཏན་ཁྱད་པར་ཅན་ཐོབ་པ་ཡིན་ཏེ། འདི་དག་ནི་ཐུན་མོང་བའི་སྦྱོར་ལམ་དང་པོ་གསུམ་དང་གཅིག་ལ། དེའི་ཚེ་སྦྱོར་ལམ་སྦྱོང་བ་ལ། སྤྲོས་བཅས་དང་སྤྲོས་མེད་གྱི་བརྟུལ་ཞུགས་གཉིས་ཡོད་པ་ལས། སྤྲོས་བཅས་ནི་རྐྱེན་སྣ་ཚོགས་དང་བསྲེ་ནས་བསྒོམ་པ་ཡིན་ཞིང་། སྤྲོས་མེད་དམ་ནང་གི་བརྟུལ་ཞུགས་ནི། ཕྱག་རྒྱ་དང་པོ་གསུམ་དོར་ནས་ཕྱག་རྒྱ་ཆེན་པོ་དང་སྦྱར་ཏེ་བརྩོན་འགྲུས་བར་ཆད་དུ་བསྒོམ་པ་ལས་སྦྱོར་བའི་ལམ་བགྲོད་ནས་མཐོང་བའི་ལམ་ལ་སྦྱོར་བ་ཡིན་ལ། འདི་ཉིད་ཀྱི་མཚན་གཞི་ནི། དབང་ཡུལ་གྱི་འབྲེལ་པ་གཅོད་པ་སོ་སོར་སྡུད་པ་དང་། ཡིད་ཆོས་ཀྱི་འབྲེལ་པ་གཅོད་པ་བསམ་གཏན་གྱི་ཡན་ལག་བཞི་ཡིན་ཏེ། དེ་ཡང་ཕ་རྒྱུད་ལྟར་ན་སེམས་རྩེ་གཅིག་པ་ལ་བསམ་གཏན་གྱི་དངོས་གཞིར་བྱས་ནས་རྟོགས་པ་སོགས་བཞི་ལ་ཡན་ལག་བཞིར་བྱས་པ་དང་། དུས་གྱི་འཁོར་ལོའི་ཚུལ་ལས། གཡོ་མེད་བདེ་བ་ལ་བསམ་གཏན་གྱི་དངོས་གཞིར་བྱས་ནས། ཤེས་རབ་སོགས་བཞི་ལ་ཡན་ལག་བཞིར་བྱས་པ་ཡིན་ལ། འདི་ནི་གཙོ་བོར་རྩའི་བྱེད་པའི་འཆིང་བ་ཡིན་པའི་ཕྱིར་རྩ་སྦྱངས་པའི་རྣལ་འབྱོར་ཞེས་བྱ་བ་ཞིང་། བསམ་གཏན་གྱི་ཡན་ལག་ཡོངས་སུ་རྫོགས་པའི་འབྲས་བུ་ནི་མངོན་པར་ཤེས་པ་ལྔ་ཐོབ་པར་གསུངས་པ་ཡིན་ཏེ། མངོན་པར་ཤེས་པ་ལྔ་ནི་འཐོབ་པར་འགྱུར་ཏེ་མི་ཡི་བདག་པོ་བསམ་གཏན་སྦྱོར་བ་དག་པོས། ཅེས་འབྱུང་བའི་ཕྱིར་འདི་ཉིད་ནི་དཀྱིལ་འཁོར་དུ་ཞུགས་པ་ཡིན་པའི་ཕྱིར་ལམ་དུས་ཀྱི་སྐུ་རྡོ་རྗེ་དང་དཔལ་པའི་སྐུ་ཞེས་བྱའོ། གསུམ་པ་མཐོང་བའི་ལམ་

(༡༥༣)ནི། དེ་ནས་སྲོག་རྩོལ་སྦྱོར་ལྡན་པས། ཅེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་སོར་བསམ་གཅིག་གྲུབ་པ་དེ་ནས་མཐོང་ལམ་ལ་སྦྱོར་བ་ཡིན་ནམ་ཞེ་ན། མ་ཡིན་ཏེ། དེ་གཉིས་ཀྱི་སྟེང་དུ་སྲོག་འཛིན་གྱི་སྦྱོར་བ་དང་ལྡན་པས་མཐོང་ལམ་ལ་སྦྱོར་བར་བྱེད་པ་ཡིན་ཏེ། དེ་ཡང་སྲོག་རྩོལ་གྱི་རོ་རྐྱང་གི་རླུང་དབུ་མར་བཀག་ཅིང་། འཛིན་པས་འཁོར་ལོའི་སོ་སོའི་ལྟེ་བའི་མི་ཤིག་པ་ལ་སྲོག་ཐུར་བཅིངས་པ་ལས། ལས་རླུང་སྟོང་ཕྲག་གུ་འགག་ཅིང་། དེ་དང་མཉམ་པའི་བྱང་ཆུབ་ཀྱི་སེམས་འཕོ་བ་ཡང་འགགས་ཤིང་། དེ་ནས་དེ་ལ་བརྟེན་པའི་རྣམ་རྟོག་ཡང་སྟོང་བརྒྱད་བརྒྱ་འགག་པ་ལས་འཇིག་རྟེན་གྱི་ཁམས་བརྒྱ་ཕྲག་བཅུའི་མ་མཐོང་བའི་དོན་ཡང་དག་པར་མཐོང་པས་ན་མཐོང་ཡིན་ཏེ། དེས་ན་འཛིན་པ་དང་སེམས་དབེན་གྱི་གཟོད་མཐར་བདེན་པ་མཐོང་ཞིང་བདེན་པ་མཐོང་ལམ་ཡིན་པར་ནི། སྤྱོད་བསྡུས་སུ་བཟང་སྐྱོང་གི་མདོ་དྲང་ནས་བཤད་པ་རྒྱུས་འཁོར་རྩ་རྒྱུད་ལས་ཀྱང་། རྟག་ཏུ་འཛིན་པའི་སྟོབས་ཀྱི་ནི། རྡོ་རྗེ་སེམས་དཔར་ཡང་དག་འཇུག །ཞེས་གསུངས་པའི་རྡོ་རྗེ་སེམས་དཔའ་ནི། རྡོ་རྗེ་མི་ཕྱེད་ཞེས་བྱར་བརྗོད། སེམས་དཔའི་སྲིད་པ་གསུམ་གཅིག་པ། ཅེས་གསུངས་པ་ཡིན་ཞིང་། འདི་ནི་རླུང་གི་གནད་འཆིང་བའི་གཙོ་བོ་ཡིན་པའི་ཕྱིར་རླུང་གི་རྣལ་འབྱོར་ཞེས་བྱ་ལ། ལམ་དུས་ཀྱི་གསུངས་རྡོ་རྗེ་དང་ལོངས་སྤྱོད་རྫོགས་པའི་སྐུ་ཡིན། བཞི་པ་བསྒོམ་མམ་ལ། ལམ་དངོས་བསྟན་པ་དང་། མཐོང་བསྒོམ་གྱི་རླུང་འགག་ཚུལ་བསྟན་པ་གཉིས་ལས། དང་པོ་ནི། སྤྲོས་མེད་ཤིན་ཏུ་སྤྲོས་མེད་ཀྱི། ཅེས་སོགས་ཚིག་བཅད་གཅིག་དང་རྐང་པ་གཅིག་གི་སྟོན་ཏེ། དེ་ཡང་སློབ་མེད་རྗེས་ཐོབ་སྒྱུ་མ་ལྟ་བུ་དང་། ཤིན་ཏུ་སྤྲོས་མེད་

(༡༥༤)མཉམ་དག་རྣམ་པར་མི་རྟོག་པ་གཉིས་ཀྱི་ཤེས་རབ་ཀྱི་ཆགས་པ་རྗེས་སུ་དྲན་པའི་རྗེས་གྱི་ཡན་ལག་ལ། བྷ་གར་ལིང་ག་རབ་བཞག་ནས། སངས་རྒྱས་རྗེས་སུ་དྲན་པ་བསྒོམ། ཞེས་སོགས་རྗེས་དྲན་བཅུས་སྦྱང་བ་བྱས་བ་ལས། ཡན་ལག་རླག་ལས་ཏིང་ངེ་འཛིན་དང་། ཡེ་ཤེས་སྦྱོར་བ་སྟེ། འདུས་པ་ལས་བཤད་བའི་རིམ་པ་བཞི་པའི་འདོལ་ལ་སྦྱོར་བ་ཡིན་ལ། དེ་ཡང་བདུད་དམན་པའི་ཕྱོགས་ལས་རྒྱལ་བས་ན་ཕྱོགས་ལས་རྣམ་རྒྱལ་གྱི་སྤྱོད་པ་སྤྱད་པ་ལས། ཏིང་ངེ་འཛིན་ནི་འདོལ་དེ་འགྲུབ་པ་ཡིན་ཞིང་། དེ་གཞན་དོན་ཕུན་སུམ་ཚོགས་པ་དང་འབྲེལ་བ་ལས་ཚོགས་སྤྱོད་ཆེན་པོ་ཅེས་བྱ་བ་ཡིན་ནོ། གཉིས་པ་མཐོང་ཀྱི་རླུང་འགག་ཚུལ་ནི། དང་པོ་བརྒྱ་ཕྲག་བཅོ་བརྒྱད་ཀྱི། ཅེས་སོགས་ཚིག་བཅད་གཉིས་གཉིས་དང་རྐང་བ་གསུམ་གྱི་སྟོན་ཏེ། དེ་ཡང་དང་པོར་རྩ་འགག་པའི་སྟོབས་གྱི་དུས་སྦྱོར་དང་པོ་བརྒྱ་ཕྲག་བཅོ་བརྒྱད་ཀྱི་རླུང་དང་། དེ་དང་གྲངས་མཉམ་པའི་རྟོགས་པ་མངོན་དུ་གྱུར་པའི་ལྷན་གཅིག་དུ་འགག་པ་དེ་ནི་འཇིག་རྟེན་པའི་ལམ་ཚོགས་སྦྱོར་གཉིས་ཡིན་ཞིང་། དུས་སྦྱོར་གཉིས་པའི་རླུང་དང་ཐིག་ལེ་ལྷན་གཅིག་ཏུ་གསང་གནས་སུ་འགག་པ་ལས་མཐོང་བའི་ལམ་ཐོབ་པ་ཡིན་ལ། དེའི་མ་རིག་པའི་ལུས་གྱི་ཆ་དེ་འགག་ཤིང་། དེ་ནས་ས་རེ་བཞིན་རྒ་ཤི་དང་སྐྱེ་བ་ལ་སོགས་མཐོ་རིམ་གྱི་ལུག་བཟློག་ཏུ་འགག་པ་ཡིན་ནོ། དེ་བཞིན་དུ་སྦྱོར་གསུམ་པའི་རླུང་དེ་ལ་བརྟེན་པའི་རྟོགས་པ་ཡང་དེ་དང་མཉམ་པ་གསང་བའི་གནས་དེ་ཉིད་དུ་འགག་ཅིང་པ་གཉིས་པ་འཐོབ། ལྟེ་བར་དུས་སྦྱོར་བཞི་པ་དང་ལྔ་པའི་རླུང་དང་རྟོག་པ་འགག་པ་ལས་ས་གསུམ་པ་དང་བཞི་པ་འཐོབ། ལྟེ་བར་དུས་སྦྱོར་བཞི་པ་དང་ལྔ་པའི་རླུང་དང་རྟོགས་པ་འགག་པ་ལས་ས་གསུམ་པ་དང་བཞི་པ་འཐོབ། སྙིང་གར་དུས་སྦྱོར་དྲུག་པ་དང་བདུན་

(༡༥༥)པའི་རླུང་དང་རྟོགས་པ་འགག་པ་ལས་ས་ལྔ་པ་དང་དྲུག་པ་འཐོབ། མགྲིན་པར་དུས་སྦྱོར་བརྒྱད་པ་དང་དགུ་པའི་རླུང་དང་རྟོགས་པ་འགག་པ་ལས་ས་བདུན་པ་དང་བརྒྱད་པ་འཐོབ་ལ། སྤྱི་བོའི་འཁོར་ལོར་དུས་སྦྱོར་བཅུ་པ་དང་བཅུ་གཅིག་པའི་རླུང་དང་རྟོག་པ་འགག་པ་ལས་ས་དགུ་པ་དང་བཅུ་པ་འཐོབ་པར་བཤད་པ་ཡིན་ནོ། ལྔ་པ་མི་སློབ་པའི་ལམ་ནི། དེ་ནས་གཙུག་གཏོར་རླུང་འགག་པས། ཅེས་སོགས་ཚིག་གཅིག་རྐང་པ་གསུམ་གྱི་སྟོན་ཏེ། དེ་ཡང་སྤྱི་བོར་རླུང་འགག་པ་དེ་ནས་མི་སློབ་པའི་ལམ་གྱི་སྤང་བྱར་གྱུར་པའི་དུས་སྦྱོར་བཅུ་གཉིས་པའི་རླུང་དང་རྟོག་པ་གཙུག་གཏོར་དུ་འགག་པ་ལས། དེའི་ཚེ་སངས་རྒྱས་འཐོབ་བར་འགྱུར་བ་ཡིན་ཏེ། ལས་རླུང་ཉི་ཁྲི་གཅིག་སྟོང་དྲུག་བརྒྱ་འགག་ཅིང་། དེ་དང་མཉམ་པའི་བྱང་ཆུབ་སེམས་ཀྱི་འཕོ་བ་དང་། དེ་ལ་བརྟེན་པའི་རྟོགས་པ་ཡང་དེ་དང་གྲངས་མཉམ་དུ་འགག་པ་ལས་མི་འགྱུར་བའི་བདེ་བ་ཉི་ཁྲི་གཅིག་སྟོང་དྲུག་བརྒྱ་རྫོགས་པ་ཡིན་པའི་ཕྱིར། དེའི་ཚེ་རྟེན་འབྲེལ་ཡན་ལག་བཅུ་གཉིས་ཀྱང་ལུགས་བཟློག་ཏུ་འགག་པ་ཡིན་ལ། འོ་ན་གོང་དུ་མཐོང་ལམ་དུ་མ་རིག་པ་འགག་པར་བཤད་པས་ན་ལུགས་འབྱུང་དུ་འགག་པ་མ་ཡིན་ནམ་ཞེ་ན། མ་ཡིན་ཏེ། རྟེན་འབྲེལ་རེ་རེ་ལ་ལུས་ངག་ཡིད་ཡེ་ཤེས་བཞི་བཞིར་ཡོད་པ་ལས་མཐོང་ལམ་དུ་མ་རིག་པའི་ལུས་ཀྱི་ཆ་དེ་འགག་པ་ཡིན་གྱིས། ངག་ལ་སོགས་པ་གསུམ་ནི་ལུགས་བཟློག་གིས་མཐར་འགག་པ་ཡིན་ལ། དུས་སྦྱོར་འགག་པ་ཡང་མས་བརྟན་གྱི་དགའ་བ་བཅུ་དྲུག་ཡིན་ཏེ། དེ་ཡང་ཕྱི་རོལ་དུ་ཟླ་བ་ལ་དཀར་ཕྱོགས་ཀྱི་ཆ་བཅོ་ལྔ་དང་དེའི་མཐའི་ཆ་བཅུ་དྲུག་པ་གཅིག་དང་

(༡༥༦)ནག་ཕྱོགས་ཀྱི་ཆ་བཅོ་ལྔ་དང་དེའི་མཐའི་ཆ་བཅུ་དྲུག་པ་སྟེ་སུམ་བཅུ་རྩ་གཉིས་ཡོད་པ་ལས། དཀར་ཕྱོགས་ཀྱི་ཚེས་གཅིག་ནས་ལྔའི་བར་ཕུང་པོ་ལྔ་འགག་པའི་དགའ་བ་ལྔ། ཚེ་དྲུག་ནས་བཅུ་ཡི་བར་ཁམས་ལྔ་འགག་པའི་དགའ་བ་ལྔ། བཅུ་གཅིག་ནས་བཅོ་ལྔའི་བར་དབང་པོ་ལྔ་འགག་པའི་དགའ་བ་ལྔ། ཆ་བཅུ་དྲུག་པ་ནི་ཕུང་ཁམས་སྐྱེ་མཆེད་ཀྱི་ཆ་རྣམས་འགག་པའི་དགའ་བ་ཡིན་ལ། སྟོང་ཉིད་བཅུ་དྲུག་ནི། ཕྱི་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་བ་ཉིད་ཀྱི་བར་ཡིན་ཞིང་། ནག་ཕྱོགས་དང་མཐུན་པའི་སྙིང་རྗེ་བཅུ་དྲུག་ནི། སེམས་ཅན་ལ་དམིགས་པའི་སྙིང་རྗེ་ལྔ། ཆོས་ལ་དམིགས་པའི་སྙིང་རྗེ་ལྔ། དམིགས་པ་མེད་པའི་སྙིང་རྗེ་ལྔ། ཆ་བཅུ་དྲུག་པ་ནི་སངས་རྒྱས་ཀྱི་སྙིང་རྗེ་ཆེན་པོ་སྟེ། དེ་ལྟར་དགའ་བ་བཅུ་དྲུག་དང་སྟོང་ཉིད་བཅུ་དྲུག །སྙིང་རྗེ་བཅུ་དྲུག་རྣམས་དབྱེར་མེད་པ་ནི་མི་སློབ་པའི་ལམ་འགྲུབ་པ་ཡིན་ལ། དེའི་དག་པ་ནི་ལོ་གསུམ་དང་ཟླ་བ་ཕྱེད་བ་གསུམ་ཡིན་ཞིང་། དེས་འབྲས་བུ་ཡེ་ཤེས་ཀྱི་སྐུ་འགྲུབ་པ་ཡིན་ལ། ཡེ་ཤེས་ཀྱི་སྐུ་དེ་ཡང་ལྔའི་རིམ་པ་ཡིན་ཏེ། སྔ་མའི་སྦྱངས་གཞི་ཕུང་པོ་ལྔའི་དག་པ་དང་མཚུངས་པར་ཐོབ་པ་ཡིན་པས་ན། གཟུགས་ཕུང་མེ་ལོང་ལྟ་བུའི་ཡེ་ཤེས། ཚོར་ཕུང་མཉམ་ཉིད་ཡེ་ཤེས། འདུ་ཤེས་སོ་སོར་རྟོག །འདུ་བྱེད་བྱ་གྲུབ། རྣམ་ཤེས་ཀྱི་ཕུང་པོ་ཆོས་དབྱིངས་ཡེ་ཤེས་ཡིན་ནོ། གསུམ་པ་མཇུག་བསྡུ་བ་ནི། རྩ་རླུང་ཞེས་སོགས་ཚིག་བཅད་གཅིག་དང་རྐང་པ་གསུམ་སྟེ། དེ་ཡང་རྩ་རླུང་ཐིག་ལེ་གསུམ་གྱི་བྱེད་པ་མ་བཅིངས་པ་ལ་འཁོར་བར་འགྱུར་ཞིང་། བྱེད་པ་བཅིངས་པ་ལས་མྱ་ངན་ལས་འདས་པ་འགྲུབ་བ་ཡིན་

(༡༥༧)ལ། བྱེད་པ་འཆིང་བའི་ཐབས་ཀྱང་རྣལ་འབྱོར་ཡན་ལག་དྲུག་ཡིན་ཏེ། རྩའི་བྱེད་པ་འཆིང་བར་སོར་བསམ་གཉིས་ཀྱི་མ་དག་པའི་ལུས་ཀྱི་བྱེད་པ་བཅིང་པ་ལས་སྐུ་རྡོ་རྗེ་མངོན་དུ་འགྱུར་ཞིང་། རླུང་གི་བྱེད་པ་འཆིང་བ་སྲོག་འཛིན་གཉིས་མ་དག་པའི་ངག་གི་ཁྱེད་པ་བཅིངས་པ་ལས་གསུངས་རྡོ་རྗེ་མངོན་དུ་འགྱུར་བ་དང་། ཐིག་ལེའི་བྱེད་པ་འཆིང་བ་རྗེས་ཏིང་གཉིས་ཀྱི་མ་དག་པའི་སེམས་དང་ཡེ་ཤེས་ཀྱི་བྱེད་པ་བཅིངས་པ་ལས་ཐུགས་རྡོ་རྗེ་དང་ཡེ་ཤེས་རྡོ་རྗེ་མངོན་དུ་འགྱུར་བ་ཡིན་ལ། འདི་ཡི་མན་ངག་གི་ངེས་པ་ནི་ཡན་ལག་དྲུག་པོ་འདིར་གསུངས་རབས་ཐམས་ཅད་ཀྱི་དོན་དྲངས་ངེས་ཀྱི་སྒོ་ནས་འདུས་ཤིང་། མཐར་ཕྱིན་པའི་འབྲས་བུ་རྣམ་པར་རག་པའི་བརྒྱས་ཡིན་པ་སོགས་དབྱེ་བ་ལག་ཏུ་མེད་པ་ཡོད་ཀྱང་འདིར་མ་བརྗོད་དོ། ཡེ་ཤེས་རིམ་པ་ཐམས་ཅད་ཀྱང་། སྔ་མའི་སྦྱངས་གཞི་དང་མཚུངས་འཐོབས། ཅེས་པ་ལ་འགྲེལ་པ་མི་སྣང་ཡང་གོ་སླའོ།།། ཟབ་མོ་ནང་གི་དོན་རྣམ་པར་གསལ་བར་སྣང་བ་ལས། ལམ་གྱི་རིམ་པ་དང་སྦྱར་བ་སྟེ་བཅུ་པའོ། །ད་ནི་དུམ་བུ་བཅུ་གཅིག་པ་བརྒྱུད་པའི་རིམ་པ་བཤད་པ་ལ། མདོར་བསྟན། རྒྱས་བཤད། མཇུག་བསྡུས་གསུམ་ལས། དང་པོ་ནི། དེ་ནས་རྩ་རླུང་ཐིག་ལེ་རྣམས་ཅེས་སོགས་ཚིག་བཅད་གཅིག་སྟེ། དེ་ཡང་། ལམ་གྱི་རིམ་པ་དང་སྦྱར་བ་བཤད་པ་དེ་ནས་རྩ་དང་རླུང་དང་ཐིག་ལེ་རྣམས་སྡུད་པའི་རིམ་པ་འཆད་པ་ལས། འཆི་བ་རྫོགས་རིམ་གྱི་སྦྱར་གཞི་དང་། སྐྱེ་བ་སྐྱེ་རིམ་གྱི་སྦྱང་གཞི་ཡིན་པས་ན། གོང་གི་རྫོགས་རིམ་བཤད་པ་ཉིད་ཀྱི་སྡུད་རིམ་རག་པ་བཤད་པར་འགྱུར་ལ། འོན་ཡང་། སྐྱེས་མ་ཐག་རྒྱུ་འཆི་ལྟས་ཞུགས་པར་ཤེས་བས་ཡིད་བྱུང་ནས་ཆོས་ལ་འཇུག་པའི་སྒོ་

(༡༥༨)ལ་སྦྱོར་བ་དང་། དུས་མིན་གྱི་འཆི་ལྟས་ཤེས་པས་འཆི་བ་བསླུ་བ་ལ་སོགས་པའི་དགོས་པ་ཡོད་ཅིང་། འཆི་བའི་ངོ་བོ་ནི་ས་གང་དང་གང་གི་རིག་མཐུན་གྱི་ཕུང་པོ་དོར་བ་སྲིད་པ་གཞན་དུ་འཕོ་བ་ཡིན་ཏེ། ཚེ་དང་དབང་ཐང་དང་དྲོད་འདོར་བས་ལྡན་མིན་འདུ་བྱེད་ཡིན་ལ། དེ་ཡང་སོ་སོ་སྐྱེ་བོ་ཐ་མལ་པ་རྣམས་ལ་ཡིན་གྱི། ཡེ་ཤེས་གྲུབ་པ་བསམ་བཞིན་སྐྱེ་བ་བླངས་པ་དང་རྩ་རླུང་ཐིག་ལེའི་གནད་འཆིང་བའི་རྣལ་འབྱོར་གྲུབ་པ་རྣམས་ལ་དེར་མ་ཟད་རིགས་སྔགས་དང་བཅུད་ལེན་ལ་སོགས་པའི་འཇིག་རྟེན་པའི་ལམ་ལ་བརྟེན་པའི་ཚེ་གྲུབ་པ་རྣམས་ལ་ནི་ངེས་པ་མེད་དེ་དེ་དག་རླུང་སེམས་ལ་དབང་ཐོབ་པའི་ཕྱིར་རོ། གཉིས་པ་རྒྱས་པར་བཤད་པ་ལ། རྩ་སྡུད་པའི་ཚུལ་རླུང་གི་འཆི་ལྟས། ཐིག་ལེ་འགག་པའི་རིམ་པ། ཞར་ལ་གནས་གཞན་དུ་འཕོ་བའི་ཚུལ་སྟེ་བཞི་ལས། དང་པོ་ལ་རྩ་ཕལ་པ་སྡུད་པའི་རིམ་པ། འཁོར་ལོ་བཅོ་བརྒྱད་གྱི་རྩ་སྡུད་པ། རྩའི་གཙོ་མོ་ཉི་ཤུ་རྩ་བཞི་སྡུད་པའི་ཚུལ་སྟེ་གསུམ་ལས། དང་པོ་ནི། ཐ་མལ་རྡོ་རྗེའི་ལུས་འདི་ལ། ཞེས་སོགས་ཚིག་བཅད་གསུམ་གྱི་སྟོན་ཏེ། དེ་ཡང་སོ་སྐྱེ་ཐ་མལ་པའི་རང་བཞིན་རྡོ་རྗེ་ལུས་འདི་ལ་སྐྱེས་པ་སྟེ་རྩ་ཆགས་གསལ་ནས་ལོ་གཅིག་གི་བར་དུ་ནི་རྣལ་འབྱོར་པ་ཉེ་བར་མཁོ་བའི་རྩ་སྟོང་ཕྲག་བདུན་བཅུ་རྩ་གཉིས་པོ་ཐམས་ཅད་བསྐྱེད་པར་བྱེད་པ། བསྐྱེད་པ་དེ་རྫོགས་མ་ཐག་པ་ནས་ཞག་རེ་ལ་ཐབས་ཤེས་གྱི་རྩ་གཉིས་གཉིས་ཀྱི་ནུས་པ་སྐམས་བར་བཤད་པ་ཡིན་པ་ལས། ལོ་བརྒྱ་ལ་རྩ་སྟོང་ཕྲག་བདུན་བཅུ་རྩ་གཉིས་སྡུད་པར་བྱ་བ་ནི་རག་པའི་རིམ་པའོ། དུས་གྱི་འཁོར་ལོའི་དེས་པ་དང་སྦྱར་ནས་ཞིབ་པར་ན། ལོ་བརྒྱ་ལས་ལོ་གསུམ་ཕྱོགས་གསུམ་གྱི་དམན་བའི་ལོ་དགུ་

(༡༥༩)བཅུ་རྩ་དྲུག་ཟླ་བ་ཕྱེད་བཅུ་གཅིག་གི་བར་ཕྲད་བའི་རྩ་ཀུན་སྡུད་ཏེ། དེའི་གྲངས་ནི་སྟོང་ཕྲག་བདུན་བཅུ་རྩ་གཉིས་ཀྱི་ནང་ནས་དྲུག་ཁྲི་དགུ་སྟོང་བདུན་བརྒྱ་དང་ལྔ་བཅུ་སྡུད་པར་འགྱུར་ཏེ། དེ་ཡང་ཞག་རེ་རེ་ལ་རྩ་གཉིས་གཉིས་སྡུད་པ་ཡིན་ནོ། གཉིས་པ་འཁོར་ལོ་བཅུ་བརྒྱད་ཀྱི་རྩ་སྡུད་པའི་ཚུལ་ནི། དེ་འོག་ལོ་གསུམ་ཕྱོགས་གསུམ་ན། ཞེས་སོགས་ཚིག་བཅད་གསུམ་གྱི་སྟོན་ཏེ། དེ་ཡང་། དྲུག་ཁྲི་དགུ་སྟོང་བདུན་བརྒྱ་ལྔ་བཅུ་བསྡུས་པའི་འོག་ཏུ་ལོ་གསུམ་ཕྱོགས་གསུམ་གྱི་རིང་ལ། ལྷག་མ་གཉིས་སྟོང་གཉིས་བརྒྱ་ལྔ་བཅུ་པོ་དེ་སྡུད་དེ། དེའི་ཚུལ་ཡང་། ཚིག་ཆེན་བཅུ་གཉིས་ཀྱི་རྩ་སུམ་བརྒྱ་དྲུག་བཅུ་ནི་ཞག་གསུམ་གསུམ་ལ་རེ་རེ་སྐམས་ལ། སོར་ཚིག་གྱི་རྩ་སུམ་བརྒྱ་དྲུག་བཅུ་ཡང་ཞག་གསུམ་གསུམ་ལ་རེ་རེ་སྐམས་ཞིང་། ལྟེ་བའི་ཁྱིམ་གྱི་རྩ་དྲུག་བཅུ་ཡང་རླུང་གི་མཚུངས་པར་ལོ་གསུམ་ལ་སྡུད་ལ། སྤྱིའི་ཟླ་རྐང་གི་རྩ་འདབ་བཅུ་དྲུག་ལས། བཅུ་བཞི་ཞག་བཅོ་ལྔ་དང་མགྲིན་པའི་སུམ་བཅུ་རྩ་བཞི་ལས་ཉི་ཤུ་རྩ་བརྒྱད་ནི་ཟླ་གཅིག་ལ་སྡུད་དེ། གསང་གནས་གྱི་རྩ་དེ་ཡང་དེ་དང་མཚུངས་པས་ལོགས་སུ་མི་བགྲང་ལ། སྙིང་གའི་རྩ་འདབ་བརྒྱད་ནི་ཞག་བརྒྱད་ཀྱི་ནང་དུ་འདོར་ཏེ། དེ་ལྟར་བརྒྱ་དྲུག་བཅུ་ལས་དབུ་མའི་ཕྱོགས་གྱི་རྩ་རྣམས་མ་གཏོགས་ཤིང་གཙུག་གཏོར་གྱི་རྩ་བཞི་དང་བཅས་པ་ཡིན་ནོ། གསུམ་པ་རྩའི་གཙོ་མོ་ཉི་ཤུ་རྩ་བཞི་སྡུད་ཚུལ་ནི། རྩ་ནི་ཉི་ཤུ་རྩ་བཞི་པོ། ཅེས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་ཏེ། དེ་ཡང་རྩ་ཆེན་ཉི་ཤུ་རྩ་བཞི་པོ་རེ་ལ་རྩ་ཆེན་དྲུག་བཅུ་དྲུག་བཅུ་ནི། ལྟེ་བའི་ཁྱིམ་གྱི་འཁོར་ལོ་དང་བུས་པ་མཚུངས་པའི་ཕྱིར་ལོ་གསུམ་ན་སྡུད་ལ། ཐིམ་པ་དང་ལོངས་སྤྱོད་པ་དང་བདག་པོས་ཕྱེ་

(༡༦༠)བའི་རྩའི་རྩལ་བདུན་བཅུ་རྩ་གཉིས་པོ་དེ་ལས། དབུ་མའི་ཆའི་རྩ་ཉེར་བཞི་མ་གཏོགས་པའི་དཀར་དམར་གྱི་རྩ་ཞེ་བརྒྱད་ནི་ཕྱོགས་གསུམ་གྱི་ནང་དུ་སྡུད་པ་ཡིན་ཞིང་། དེ་ལྟར་འཁོར་ལོའི་རྩ་ཆེན་རྣམས་སྐམས་སྟེ་རླུང་དང་བྱང་ཆུབ་ཀྱི་སེམས་མི་རྒྱུ་བ་དེ་ནས་ཞག་གཅིག་ནས་འཕོ་ལ། ཞག་གཅིག་པོའི་རིང་ལ་དབུ་མའི་རྩ་སུམ་བཅུ་རྩ་དྲུག་སྡུད་དེ། སུམ་བཅུ་རྩ་དྲུག་ནི། རྩ་བདུན་བཅུ་རྩ་གཉིས་ཀྱི་ལྷག་པ་ཉེར་བཞིའི་སྟེང་དུ། སྤྱི་བོའི་གཉིས། མགྲིན་པའི་གཉིས་སྙིང་གའི་སྟེང་འོག་གི་རྩ་གཉིས་ལྟེ་བའི་བཞི་དང་དབུ་མའི་ཡར་སྣ་མར་སྣ་གཉིས་སྟེ་བཅུ་གཉིས་བསྣན་པ་ལས་སུམ་བཅུ་རྩ་དྲུག་འབྱུང་ངོ་། གཉིས་པ་རླུང་གི་འཆི་ལྟས་ལ། རླུང་བཅུའི་སྡུད་རིམ་བསྟན་པ། དབུ་མའི་དུས་དང་དུས་མ་ཡིན་བར་འཆི་ལྟས། གཡས་ཉི་མའི་འཆི་ལྟས། གཡོན་ཟླ་བའི་འཆི་ལྟས། དེ་དག་གི་ངེས་པ་བསྟན་པ་སྟེ་ལྔ་ལས། དང་པོ་ནི། རླུང་གི་སྡུད་རིམ་བསྟན་པ་ནི། ཞེས་སོགས་ཚིག་བཅད་གཉིས་དང་རྐང་པ་གཅིག་གི་སྟོན་ཏེ། དེ་ཡང་རླུང་བཅུ་པོ་སྐྱེས་ནས་ཟླ་བ་བཅུ་ནས་རྫོགས་ཏེ། སྐྱེས་ནས་ལོ་བརྒྱའི་དུས་སུ་འཆི་བ་གང་ཞིག ལོ་བཅུ་བཅུའི་རིམ་པ་ལྟར་སྡུད་དེ། ལོ་བཅུ་ལས་ནོར་ལས་རྒྱལ་དང་། ཉི་ཤུ་ལ་ལྷ་སྦྱིན་དང་། སུམ་བཅུ་པ་རྩངས་པ། བཞི་བཅུས་ལ་རུ་སྦལ། ལྔ་བཅུ་ལ་ཀླུའི་རླུང་རྣམས་ཀྱི་སྟོབས་སྔ་མ་སྔ་མ་ཕྱི་མ་ཕྱི་མ་ལ་ཐིམ་ཞིང་། ལྔ་བཅུ་ནས་དྲུག་བཅུའི་བར་ཀླུ་དང་ཁྱབ་བྱེད་གཉིས་ལྷན་གཅིག་དུ་ལས་བྱེད་པས་དྲུག་བཅུ་པ་ལ་མཉམ་གནས་ལ་ཐིམ། བདུན་བཅུ་པ་མ་གྱེན་རྒྱུ་མ་ཐིམ། དེ་བརྒྱད་བཅུ་པ་ལ་ཐུར་སེལ་ལ་ཐིམ། དགུ་བཅུ་པ་ལ་སྲོག་ལ་

(༡༦༡)ལ་ཐིམ། སྲོག་གི་སྟོབས་རྣམས་ལོ་བརྒྱ་ལ་ཐིམ་པར་འགྱུར་བར་རྡོ་རྗེ་ཕྲེང་བ་ལས་སྔགས་པ་ཡིན་ནོ། གཉིས་པ་དབུ་མའི་དུས་དང་མིན་གྱི་འཆི་བའི་ལྟས་ལ། འཆི་ལྟས་སྐྱེ་བའི་རིམ་པ་དང་། འཆི་ལྟས་དངོས་གཉིས་ལས་དང་པོ་ནི། རྒྱས་པར་དུས་གྱི་འཁོར་ལོ་ལ། ཅེས་སོགས་ཚིག་བཅད་གསུམ་དང་རྐང་པ་གཅིག་གི་སྟོན་ཏེ། དེ་ཡང་། དུས་ཀྱི་འཁོར་ལོ་ལས་གསུངས་པ་ནི། སྐྱེས་བུ་ཚེ་ལོ་བརྒྱ་ཐུབ་པ་གང་ཞིག །སྐྱེས་ལོ་གཅིག་ལ་བགྲོད་པ་གཉིས་སུ་བྱས་པ་ལས། དེ་གཉིས་ཀྱི་རླུང་རྣམས་ནི་འཆི་བའི་ལྟས་གྱི་།།།མེད་པར་དུས་སྦྱོར་ཐམས་ཅད་མཉམ་པར་རྒྱུ་ལ། དེའི་སྟེང་དུ་ཡང་ལོ་དྲུག་པ་ལས་ལོ་རེ་ལ་བགྲོད་པ་གཉིས་གཉིས་སུ་བྱས་ཏེ་རྩེགས་ན། ལོ་གཉིས་པའི་བགྲོད་པ་དང་པོ་དེ་ལ་དང་པོ་ལ་ལྟོས་པའི་བགྲོད་པ་གསུམ་པ་ཡིན་ལ། དེ་ལ་གཡོན་དུ་ནམ་མཁའི་དཀྱིལ་འཁོར་དུ་འཆི་ལྟས་གྱི་རློང་གཅིག་རྒྱུ་ཞིང་། བཞི་པ་ལ་འགྲིབ་མེད་ལ། བགྲོད་པ་ལྔ་པ་ལ་གཡས་གྱི་བ་རླུང་གི་དཀྱིལ་འཁོར་དུ་འཆི་ལྟས་གྱི་རླུང་གཉིས་འཕེལ་ཞིང་།།།འགྲིབ་མེད་ལ། བགྲོད་པ་ལྔ་པ་ལ་གཡས་གྱི་ས་རླུང་། དེ་བཞིན་དུ་བདུན་པ་ལ་གཡོན་དུ་གསུམ་བརྒྱད་པ་ལ་མི་རྒྱུ་ཞིང་དགུ་པ་ལ་གཡས་སུ་བཞི་བཅུ་པ་ལ་མི་རྒྱུ་ཞིང་། བཅུ་གཅིག་པ་མ་གཡོན་དུ་ལྔ། །།།བཅུ་གཉིས་པ་ལ་མི་རྒྱུ། བཅུ་གསུམ་པ་ལ་གཡས་སུ་དྲུག་འཕེལ་ལ། བཅུ་བཞི་པ་ལ་མི་རྒྱུ་སྟེ། དེ་ལྟར་ཕྱོག་གསུམ་སྟེ་ཟླ་བ་ཕྱེད་དང་གཉིས་ཀྱི་མཆོག་པའི་ལོ་བདུན་ལ་འཆི་ལྟས་སྟེ་ཆུ་སྲང་གཅིག་རུ་ཡོད་པ་ཡིན་ཞིང་། དེ་ནས་ལོ་དྲུག་བཅུའི་རིང་ལ་ལོ་དང་པོ་ལ་རྩ་གཡོན་ནས་ཆུ་སྲང་གཅིག་འཕེལ་ཞིང་། ལོ་གཉིས་པ་ལ་གཡས་ནས་ཆུ་

(༡༦༢)སྲང་གཉིས། དེ་བཞིན་དུ་གསུམ་བ་ལ་གཡོན་ནས་གསུམ་དང་། བཞི་པ་ལ་གཡས་ནས་བཞིས་སེལ་བ་སོགས་ཀྱི་རིམ་པས་ལོ་གྲངས་པ་རྣམས་གཡོན་ནས་ལོ་དེ་དང་གྲངས་མཉམ་དང་། ཐུང་རྣམས་ལ་གཡས་ནས་དེ་དང་གྲངས་མཉམ་པ་ལས། ལོ་དྲུག་བཅུ་པ་ལ་གཡས་ནས་འཆི་ལྟས་ཀྱི་རླུང་དྲུག་བཅུར་འཕེལ་སྟེ་ཆུ་ཚོད་དུ་ལོ་གཅིག་ཟིན་ན། དེ་ནས་ལོ་སུམ་བཅུ་ལ་ལོ་རེ་རེ་ལ་བགྲོད་པ་གཉིས་གཉིས་སུ་བྱས་པ་ལས་བགྲོད་པ་དྲུག་བཅུ་འབྱུང་མ་ལས། །།། །།། ཡང་བགྲོད་པ་དང་པོ་ལ་གཡོན་ནས་ཆུ་ཚོད་གཅིག་དང་། གཉིས་པ་ལ་གཡས་ནས་གཉིས་འབབ་པ་སོགས་གྱི་རིམ་པས། གཡོན་ནས་བགྲོད་པས་རྣམས་དང་། གཡས་ནས་ཟུང་རྣམས་ལ་བགྲོད་པའི་གྲངས་དང་མཉམ་པས་འབབ་ལ། བགྲོད་པ་དྲུག་བཅུ་པ་ལ་གཡས་ནས་ཆུ་ཚོད་དྲུག་བཅུ་འཕེལ་སྟེ་འཆི་ལྟས་ཏེ་ཞག་དུ་གཞོམ་པ་ཡིན་ལ། །།།ནས་ཆི་ལྟས་ཆུ་སྲང་ལོངས་པའི་བར་ལ་ལོ་བདུན་དང་ཟླ་བ་ཕྱེད་དང་གཉིས་ཀྱི་མཆོག་པར་དང་། དེ་ཆུ་ཚོད་ལོངས་པ་ལ་ལོ་དྲུག་བཅུ། དེ་ཞག་དུ་ལོངས་པ་ལ་ལོ་སུམ་བཅུ་སྟེ། དྲིལ་བས་ལོ་དགུ་བཅུ་རྩ་དྲུག་དང་ཟླ་བ་ཕྱེད་མཐུན་གཅིག་སོང་ནས། དེ་ནས་ལོ་གཉིས་།།།གསུམ་ནས་འཕོ་བར་འགྱུར་བ་ནི་ལོ་བརྒྱའི་འཆི་ཞག་འཕེལ་བའི་རིམ་པ་ཡིན་ནོ། གཉིས་པ་འཆི་

(༡༦༣)ལྟས་དངོས་ནི། ད་ནི་ལོ་གསུམ་ཕྱོགས་གསུམ་གྱིས། ཞེས་སོགས་ཚིག་བཅད་།།།དྲུག་གི་སྟོན་ཏེ། དེའི་དོན་ནི་འཆི་ཞག་འཕེལ་བ་དེ་ནས་ལོ་གསུམ་ཕྱོག་གསུམ་ན་འཆི་ངེས་པ་ཡིན་ལ། ལོ་གསུམ་ཕྱོགས་གསུམ་པོ་དེ་ལ་ཟླ་བ་ཕྱེད་པོ་བརྒྱད་ཡོད་པ་དེ་ལས། དེའི་ནང་ནས་ཟླ་བ་ཕྱེད་དང་སོ་ལྔའི་རིང་ལ་།།།ཞག་སོ་གསུམ་འཕེལ་སྟེ། དེ་ཡང་ཞག་ཕྱེད་སོ་ལྔ་ལ་གཡོན་ནས་ནམ་མཁའི་དཀྱིལ་འཁོར་དུ་ཞག་གཅིག་འབབ། དེ་ནས་ཞག་ཕྱེད་དང་པོ་བཞི་ལ་ཐ་མལ་པའི་རླུང་རྒྱུ་ཞིང་། དེ་ནས་གཡས་སུ་བ་རླུང་དུ་འཆི་།།། དེ་བཞིན་དུ། ཞག་ཕྱེད་དང་པོ་གསུམ་ལ་གཡོན་ནས་གསུམ་ཕྱེད་དང་པོ་གཉིས་པ་ལ་གཡས་ནས་བཞི། ཕྱེད་དང་པོ་གཅིག་པ་ལ་གཡོན་ནས་ལྔ། ཕྱེད་དང་སུམ་བཅུ་ལ་གཡས་ནས་དྲུག་འབབ་ལ། དེ་ལྟར་གཡོན་གྱི་།།།གཅིག་གསུམ་ལྔ་སྟེ་ཚན་པ་གསུམ་པོ་དེས་ལྟེ་བའི་འཁོར་ལོའི་རྩ་འདབ་དྲུག་བཅུའི་ནང་ནས་གཡོན་གྱི་ནམ་མཁའི་དཀྱིལ་འཁོར་དྲུག་པོ་གཅོད་ཅིང་། གཡས་ནས་གཉིས་བཞི་དྲུག་སྟེ་ཚན་པ་གསུམ་གྱི་ལྟེ་བའི་གཡས་ཀྱི་དྲུག་།།། དེ་བཞིན་དུ། ཞག་ཕྱེད་དང་དགུ་ལམ་གཡོན་ནས་འཆི་ཞག་དགུ་འབབ་པ་ནས། རིམ་བཞིན་པ་རྣམས་ལ་འཆི་ཞག་ཡ་རྣམས་དང་། ཟུང་རྣམས་ལ་འཆི་ཞག་ཡང་ཟུང་ཟུང་འཐབ་པ་ལས། ལྟེ་བ་།།།རླུང་མེ་ཆུའི་དཀྱིལ་འཁོར་སྡུད་རིམ་དང་། གཡས་ནས་ཆུ་མེ་རླུང་གི་དཀྱིལ་འཁོར་རྣམས་གཙོ་སྟེ། ཞག་ཕྱེད་བདུན་པ་ལ་གཡོན་ནས་འཆི་ཞག་ཉི་ཤུ་རྩ་དགུ་འབབ་པས། ལྟེ་བའི་གཡོན་གྱི་པའི་དཀྱིལ་འཁོར་དྲུག་གཅོད་ཅིང་། ཞག་ཕྱེད་དང་དྲུག་པ་ལ་གཡས་ནས་འཆི་ཞག་གསུམ་འབབ་པས་གཡས་ཀྱི་ནམ་མཁའི་དཀྱིལ་འཁོར་དྲུག་གཅོད་པའི་བར་གྱི་གོ་རིམ་ཤེས་

(༡༦༤)པར་བྱ་ལ། དེས་ནི་ལྟེ་བའི་འཁོར་ལོའི་ཕྱི་རིམ་སྟོང་པ་ཡིན་ནོ། དེ་ནས་འཚོ་ཞག་ཟླ་བ་གསུམ་དང་ཞག་དྲུག་ཡོད་པ་ལས། གཡོན་པས་འཆི་ཞག་པོ་གཅིག་འབབ་པ་ལས་ལུས་ཀྱི་སྙིང་སྟོབས་དང་བད་ཀན་ཀྱི་ཁམས་རྣམས་འདོར་ཞིང་། ལྟེ་བའི་ནང་སྐོར་གྱི་བཅུ་གཉིས་ལས་གཡོན་གྱི་དུས་སྦྱོར་དྲུག་གི་རྩ་ཆེན་དང་། ལུག་ལ་སོགས་གསལ་མི་མཉམ་པའི་ཁྱིམ་དྲུག་བཅད་དེ་ཟླ་བའི་འཕོ་བ་མཐར་ཐུག་པ་ཡིན་ལ། དེ་བཞིན་དུ་གཡས་ནས་ཞག་སོ་གཉིས་འབབ་པ་ལས། ལུས་ཀྱི་རྡུལ་དང་མཁྲིས་པའི་ཁམས་འདོར་ཞིང་། ལྟེ་བའི་གཡས་ཀྱི་དུས་སྦྱོར་དང་གླང་ལ་སོགས་པ་མཉམ་པའི་ཁྱིམ་དྲུག་བཅད་དེ་ཉི་མའི་བགྲོད་པ་མཐར་ཐུག་པ་ཡིན་ལ། དེ་ནས་སྣ་བུག་གཉིས་ཀ་ནས་རྒྱུ་བའི་ཞག་པོ་གསུམ་གྱི་རླུང་གི་ཁམས་འདོར་ཞིང་། སྤྱིའི་རྩ་འདབ་བཅུ་བཞི། མགྲིན་པའི་ཉེར་བརྒྱད། སྙིང་གའི་བརྒྱད། གསང་གནས་ཀྱི་འཁོར་ལོ་དྲུག་གི་ནུས་པ་འཛིན་པའི་རྩ་དྲུག་རྣམས་བཅད་དེ་དགྲན་གྱི་འཕོ་བ་མཐར་ཐུག་པ་ཡིན་ལ། དེ་ནས་ཞག་གཅིག་རྒྱུས་པས་དབུ་མའི་རྩ་སོ་དྲུག་དང་འཁོར་ལོའི་ལྟེ་བ་རྣམས་བཅད་ནས་རླུང་རྣམས་འགག་ཅིང་ཁམས་ཐམས་ཅད་དོར་ནས་སྲིད་པ་གཞན་དུ་འཕོ་བ་ཡིན་ལ། དེ་ལྟར་ལོ་བརྒྱ་པོ་དེ། ཟླ་བ། ཞག །ཆུ་ཚོད། ཆུ་བྲང་། དབུགས་ཀྱི་བར་དུ་བསིལ་ནས་སོ་གཉིས་ཕྱེད་བཅས་ཀྱི་བགོས་པ་ལས་དབུ་མའི་འཆི་ལྟས་ངེས་ཐུབ་པ་ཡིན་ནོ། གསུམ་པ་གཡས་ཉི་མའི་འཆི་ལྟས་ནི། དེ་ནས་དུས་མིན་ཉི་མ་ཡི། ཞེས་སོགས་ཚིག་བཅད་དྲུག་དང་རྐང་པ་གཅིག་གི་སྟོན་ཏེ། དེ་ཡང་དབུ་མའི་འཆི་ལྟས་བཤད་པ་དེ་ནས་དུས་མིན་འཆི་བ་ཉི་མའི་འཆི་ལྟས་ངེས་པ་ནི་འདི་ལྟ་སྟེ་ཞེས་མདོར་བསྟན་པའི་ཚུལ་

(༡༦༥)གྱི་འཚམས་སྦྱོར་ཏེ། ལྟས་།།། ནད་ལ་སོགས་པའི་།།།མ་ཡིན་པའི་འཆི་ལྟས་ཡིན་ངེས་ཀྱི་ཡོན་པོ་གཡས་ནས་ཞག་གཅིག་རྒྱུ་ན་ལོ་གསུམ་དང་ཕྱོག་གསུམ་ན་འཆི་ལ། དེ་ནས་གཡས་སུ་སོན་པོ་ལྔ་རྒྱུས་ན་གཡས་ཀྱི་དུས་སྦྱོར་གླང་གི་དཀྱིལ་འཁོར་ལྔ་བཅད་ཏེ། །།།ཚེ་ལོ་གསུམ་ཡོད་ལ། དེའི་སྟེང་དུ་ལོ་གཅིག་ལ་འཆི་ཞག་ལྔ་འཕེལ་ཏེ་གཡས་འཆི་ཞག་བཅུ་རྒྱུས་པ་ལས་གཡངས་གྱི་དུས་སྦྱོར་གཉིས་པའི་རྩ་ལྔ་བཅད་ནས། དེ་ཚེའི་ལྷག་མ་ལོ་གཉིས་ཡོད་ཅིང་། །།།འཆི་ཞག་ལྔ་འཕེལ་ནས་ལོ་བཅོ་ལྔ་རྒྱུས་པས་དུས་སྦྱོར་གསུམ་པའི་རྩ་ལྔ་བཅད་དེ། འཚོ་བའི་ཞག་ལོ་གཅིག་ཡོད་ལ། དེ་ནས་ཟླ་བ་དྲུག་ལ་ལྔ་འཕེལ་ནས་ཉི་ཤུ་རྒྱུས་པས་དུས་སྦྱོར་བཞི་བའི་རྩ་ལྔ་བཅད་དེ། །།།ཟླ་བ་དྲུག་ཡོད་ཅིང་། དེ་ནས་ཟླ་བ་གསུམ་གྱི་རིང་ལ་འཆི་ཞག་ལྔ་འཕེལ་ནས་ཞག་ཉི་ཤུ་རྩ་ལྔ་དུས་སྦྱོར་ལྔ་པའི་རྩ་ལྔ་བཅད་ཏེ། དེ་རྣམས་ནི་ལྔ་ཚན་འཕེལ་བ་སྟེ། དེ་ལྟར་ཁྱིམ་ལྔ་སྟེ་།།། དེ་ནས་འཚོ་བའི་ཞག་ཟླ་བ་གསུམ་ཡོད་པ་ལས། འཆམ་ཞག་རེ་རེ་འཕེལ་བས་ཁྱིམ་རེ་འོདར་བ་ཡིན་སྟེ། དེ་ཡང་གཡོན་ནས་ཞག་བཞི་ཐ་མལ་པའི་རླུང་རྒྱུས་ནས། དེ་ནས་གཡས་།།།ཞག་ཉེར་དྲུག་གིས་དུས་སྦྱོར་དྲུག་པའི་རྩ་ལྔ་གཅོད། ལྷག་མ་ཟླ་བ་གཉིས་ཡོད་ཅིང་། དེ་ནས་ཐ་མལ་པ་ཞག་གསུམ་དང་། འཆི་ཞག་ཉེར་བདུན་གྱི་དུས་སྦྱོར་བདུན་པའི་རྩ་བཅད་ཏེ། འཚོ་།།།གཅིག་ཡོད་ལ། དེ་ལྟར་ཁྱིམ་བདུན་པ་ཕན་ལ་ནི་བསླུ་བར་ནུས་ཤིང་། དེ་འདས་ནས་བཟློགས་པའི་དབུས་ཀྱི་སྟོབས་རྒྱས་

(༡༦༦)པའི་ཕྱིར་སུས་ཀྱང་བཟློགས་པར་མི་ནུས་ལ། དེ་ནས་ཞིབ་མོར་འཆི་བའི་ཞག་སོ་གསུམ་ཡོད་པ་ལས། འཆི་ཞག་བཅོ་ལྔ་རྒྱུས་པས་དུས་སྦྱོར་བརྒྱད་པའི་རྩ་ལྔ་གཅོད། བཅུ་རྒྱུས་པས་དུས་སྦྱོར་དགུ་པའི་རྩ་ལྔ་དང་། ལྔ་བརྒྱུས་པས་དུས་སྦྱོར་བཅུ་པའི་རྩ་ལྔ་དང་། གསུམ་རྒྱུས་པས་དུས་སྦྱོར་བཅུ་གཅིག་པའི་རྩ་ལྔ་སྟེ། དེ་ལྟར་ཁྱིམ་བཅུ་གཅིག་སྟོང་ནས་ཉི་མའི་སྟོབས་ཟད་དེ། དེའི་འོག་ཏུ་ཟླ་བ་ཟད་པར་བྱེད་པའི་རླུང་གཡོན་ནས་ཞག་གཉིས་རྒྱུ་བར་བྱེད་པས་དེས་ཁྱིམ་བཅུ་གཉིས་པའི་རྩ་ལྔ་སྟོངས་ཅིང་། དེ་ནས་དབུ་མར་མུན་པ་ཆེན་པོའི་རླུང་མཉམ་རྒྱུ་ཞག་གཅིག་གི་འཁོར་ལོའི་ལྟེ་བ་བཅད་ནས་རྣམ་ཤེས་ཕ་རོལ་ཏུ་འགྲོ་བྱེད་དོ། བཞི་པ་གཡོན་ཟླ་བའི་འཆི་ལྟས་ནི། གཡོན་གྱི་ཟླ་བའི་རྟགས་བཤད་པ། ཅེས་སོགས་ཚིག་བཅད་བཞི་དང་རྐང་པ་གསུམ་གྱི་སྟོན་ཏེ། དེ་ཡང་། གཡོན་གྱི་ཟླ་བའི་འཆི་ལྟས་ཞུགས་པའི་རྟགས་བཤད་པ་ནི། ཞེས་པས་མདོར་བསྟན་ནས། དེ་ནས་རྒྱས་པར་བཤད་པ་ནི། ལྟས་ངན་སྟོན་པ་དང་། ནད་ལ་སོགས་པའི་སྐྱོན་མ་ཡིན་པར་གཡོན་ནས་ཡོན་པོ་ཞག་གཅིག་རྒྱུ་བ་ནི་ལོ་གསུམ་དང་ཕྱོགས་གསུམ་གྱི་ནང་དུ་འཕོ་བའི་རྟག་ཡིན་ལ། དེ་ནས་ཟླ་བ་གཉིས་ལ་འཆི་ཞག་རེ་རེ་འཕེལ་བ་ལས་ཟླ་བ་དྲུག་ལ་འཆི་ཞག །གསུམ་རྒྱུ་སྟེ། དེས་གཡོན་གྱི་དུས་སྦྱོར་དང་པོ་ལུག་གི་རྩ་ལྔ་གཅོད་ཅིང་། དེ་ནས་འཚོ་བའི་ཟླ་བ་སུམ་བཅུ་ཡོད་པ་ལས་ཟླ་བ་རེ་རེ་ཞིང་འཆི་ལྟས་ཞག་རེ་རེ་འཕེལ་བ་ལས། ཟླ་བ་གསུམ་གསུམ་གྱི་ཁྱིམ་རེ་རེ་འདོར་སྟེ། གཡོན་ནས་འཆི་ཞག་གི་གྲངས་འཕེལ་བ་བཞིན་དུ་འཚོ་བའི་ཞག་འབྲི་བ་ཡིན་ལ། དེའི་ཚུལ་མང་སྔར་གྱི་

(༡༦༧)འཆི་ཞག་གསུམ་པོའི་སྟེང་དུ་ཟླ་བ་གཉིས་གྱི་རིང་ལ་བསགས་པའི་།།།གསུམ་དང་བཅས་པའི་འཆི་ཞག་དྲུག་གི་དུས་སྦྱོར་གཉིས་པའི་རྩ་ལྔ་གཅོད་ཅིང་། དེ་ནས་འཚོ་བའི་ཚེ་ཟླ་བ་ཉེར་བདུན་ཡོད་ལ། དེ་བཞིན་དུ་འཆི་ཞག་དགུ་དང་བཅས་པའི་ཟླ་བ་གསུམ་གྱི་དུས་སྦྱོར་གསུམ་པའི་རྩ་ལྔ་བཅད་ཏེ། འཚོ་བའི་ཚེ་ཟླ་བ་ཉེར་བཞི་ཡོད་པ་ནས་འཆི་ཞག་པོ་གསུམ་དང་བཅས་པའི་ཟླ་བ་ཐ་མ་གསུམ་གྱི་ཁྱིམ་བཅུ་གཅིག་པ་སྟོང་པར་འགྱུར་བའི་བར་ཡིན་ལ། དེ་ནས་ཞག་གཉིས་གཡས་འབའ་ཞིག་ནས་རྒྱུ་བས་ཉི་མའི་ཁམས་།།།ཅིང་། དུས་སྦྱོར་བཅུ་གཉིས་བ་བཅད་ནས། དེའི་འོག་དུ་དབུ་མའི་མཉམ་རྒྱུ་ཞག་གཅིག་གི་འཁོར་ལོའི་ལྟེ་བ་བཅད་ཏེ་རྣམ་ཤེས་གཞན་དུ་འཕོ་བ་ཡིན་ནོ། ལྔ་པ་དེ་དག་གིས་ངེས་པ་བསྟན་པ་ནི། དེ་ལྟར་ནི་།།།ཅེས་སོགས་ཚིག་བཅད་ལྔས་སྟོན་ཏེ། དེ་ཡང་དེ་ལྟར་ཉི་ཟླའི་རྟགས་འབྱུང་བའི་ངེས་པ་ཡང་། ལྟེ་བའི་མི་མཉམ་པ་ལུག་སོགས་ཀྱི་ཁྱིམ་ནས་རླུང་ཐོག་མར་འཐུང་བ་ནི་གཡོན་ཟླ་བའི་འཆི་ལྟས་།།། གླང་སོག་མཉམ་པའི་ཁྱིམ་རྣམས་ལས་ཐོག་མར་རླུང་འབྱུང་བ་ནི་གཡས་ཉི་མའི་འཆི་ལྟས་གཙོ་བོ་ཡིན་ལ། དེ་ལྟར་སྔ་མ་དབུ་མའི་དུས་འཆི་ལོ་བརྒྱ་ཐུབ་པ་ནས། སྐྱེས་ནས་ཞག་གཅིག་ཐུབ་པའི་བར་ནི། །།།པའི་གཞུང་རྣམས་སུ་སྐྱེས་ནས་ཡོན་པོ་དབྱུག་གྱུ་ལྔ་བརྒྱ་ན་ལོ་བརྒྱ་ན་འཆི་བ་དང་། ཞག་གཅིག་ཏུ་འཕེན་པ་རྒྱུ་ན་ལོ་བཅུ་ཐུབ་པོ་བཅས་སོགས་བཟུངས་ཅན་གྱི་ཚིགས་སྨྲ་བ་དེ་དགག་པའི་ཕྱིར། རྩ་ཀུན་ཏུ་རྒྱུ་བ་ནི་།།།ལོ་བརྒྱའི་འཆི་ལྟས་ཡིན་ཏེ་རྩ་ནང་རླུང་ཐམས་ཅད་ཀྱི་ལོ་གཉིས་ཆ་བསགས་པ་ལས་འཆི་ལྟས་སུ་ལོངས་པའི་ཕྱིར་ལ། སྐྱེས་ནས་ཞག་

(༡༦༨)གཅིག་ན་འཆི་བ་ནི་དབུ་མ་གཅིག་སུ་ནས་རྒྱུ་བ་ཡིན་ཞིང་། ཞག་གསུམ་ལ་སོགས་གསལ་ནས་འཆི་ན་ཡང་། རྩ་ཉིས་སྟོང་ཉིས་བརྒྱ་ལྔ་བཅུར་རྒྱུ་ཞིང་། གཞན་རྣམས་སུ་མི་རྒྱུ་ལ། གང་ཚེ་དུག་དང་། མཚོན་དང་། ནད་དྲག་པོས་འཆི་བ་རྣམས་ལ་རྩ་རྣམས་གཅིག་ཆར་དུ་འགག་ཞིང་། རྒྱུ་དེས་བློ་བུར་དུ་འཆི་བར་གསུངས་ལ། ཇི་ལྟར་ལྟེ་བའི་འཁོར་ལོ་རྣམས་འགག་པ་བཞིན་དུ། སྙིང་གའི་ཐུན་གྱི་རྩ་བརྒྱུད་དང་། མགྲིན་པར་རྒྱུ་སྐར་གྱི་ཉེར་བརྒྱད་དང་། དཔྲལ་བར་ཟླ་རྐང་གི་རྩ་རྣམས་རིམ་པར་འགག་པ་ཡིན་པ་ནི་གོང་དུ་རྩ་འགག་པའི་གནས་སྐབས་སུ་བཤད་པ་ལྟར་ཡིན་ལ། ལྟེ་བ་མ་གཏོག་པའི་འཁོར་ལོ་ལྔ་དང་། ཡན་ལག་གི་འཁོར་ལོའི་ཚིག་ཀུན་ཡང་ཁམས་ལྔ་ལ་དབྱུག་གུ་བཅུ་གཉིས་བཅུ་གཉིས་གྱི་ཕྱེ་བའི་དྲུག་བཅུ་དྲུག་བཅུ་ཡོད་པ་ནི། མཐར་ཞག་དྲུག་བརྒྱུས་ནས་ཐད་པར་འགྱུར་བ་ནི་རླུང་གི་འཆི་ལྟས་བསྟན་པ་ཡིན་ནོ། གསུམ་པ་ཐིག་ལེ་འགག་པའི་རིམ་པ་ལ་ལོ་དགུ་བཅུ་རྩ་བདུན་གྱི་ཐིག་ལེ་བཞག་པའི་ཚུལ་བཤད་པ་ཡིན་ཏེ། རྩ་འཕེལ་བའི་ལོ་གཅིག་པོ་དེའི་རིང་ལ་ནང་གི་ཁམས་བྱང་ཆུབ་སེམས་ཀྱང་འཕེལ་ཞིང་། དེ་ནས་རླུང་གི་ནུས་པའི་ཕྱིར་སྐོར་བ་ནས་ཞག་རེ་དཀར་ནག་གི་ཐབས་ཤེས་ཀྱི་རྩ་གཉིས་གཉིས་སྐམ་པ་བཞིན་དུ་ཆི་ལྟས་སུ་འདོར་བའི་ཚུལ་དང་། ལོ་གསུམ་གྱི་འཆི་ལྟས་དངོས་གཉིས་ལས། དང་པོ་ནི། དེ་ནས་ཐིག་ལེ་འགག་པ་ནི། ཞེས་སོགས་ཚིགས་བཅད་ཕྱེད་དང་བཞིས་སྟོན་ཏེ། དེ་ཡང་རྩ་རླུང་གཉིས་འགག་པའི་ཚུལ་བཤད་པ་དེ་ནས་ཐིག་ལེ་འགག་པའི་ཚུལ་བཤད་པ་ཡིན་ཏེ། རྩ་འཕེལ་བའི་ལོ་གཅིག་པོ་དེའི་རིང་ལ་ནང་གི་ཁམས་བྱང་ཆུབ་སེམས་ཀྱང་འཕེལ་ཞིང་། དེ་ནས་རླུང་གི་ནུས་པའི་ཕྱིར་།།།

(༡༦༩)ནས་དཀར་ནག་གི་ཐབས་ཤེས་གྱི་རྩ་གཉིས་གཉིས་སྐམ་པ་བཞིན་དུ་འཆི་ལྟས་སུ་གྱུར་པའི་ཐིག་ལེ་འགག་ལ། སྤྱིར་ཐིག་ལེ་ནི་ལོ་བཅུ་དྲུག་གི་བར་དུ་འཕེལ་སྟེ། དེ་ནས་དཀར་ཆ་འདོར་ཞིང་འགྲིབ་པ་ཡིན་ཞིང་། དེ་ནས་ལོ་བཅུ་དྲུག་ཏུ་དམར་ཆ་འཕེལ་སྟེ། ལོ་སོ་གཉིས་ནས་འདོར་ལ། དེ་བཞིན་དུ་ལོ་བཅུ་དྲུག་རླུང་དང་། བཅུ་དྲུག་དུ་མེ་དང་། བཅུ་དྲུག་དུ་ཆུང་དང་། བཅུ་དྲུག་དུ་པའི་སྟོབས་འཕེལ་ནས། བཅུ་དྲུག་རེ་བོང་བའི་མཐའ་ནས་འགྲིབ་པ་ཡིན་ཏེ། དེ་ལྟར་རག་པར་ན་ལོ་དགུ་བཅུ་རྩ་བདུན་ལ་སྟོབས་ཀུན་དོར་ནས། ལོ་གསུམ་ན་འཆི་བར་ངེས་པར་ཤེས་པར་བྱའོ། གསུམ་པ་འཆི་ལྟས་དངོས་ནི། ལྟེ་བའི་རྩ་གཅིག་ཆད་པ་དང་། ཞེས་སོགས་ཚིག་བཅད་གསུམ་དང་རྐང་པར་གཉིས་ཀྱི་སྟོན་ཏེ། དེ་ཡང་ལྟེ་བའི་དུས་སྦྱོར་གྱི་རྩ་གཅིག་ཆད་པ་དང་། སྣ་བུག་པས་གཡོན་གང་ཡང་རུང་བའི་ཞག་གཅིག་གི་དུས་སྦྱོར་ཆད་པ་མཉམ་པ་ཡིན་ལ། དེ་ནས་གཅི་བ་འགྱུར་བ་ནི་ཟླ་བ་དྲུག་ན་འཆི་ཞིང་། རྣ་བའི་སྒྲ་འདོར་བ་ཞག་དྲུག་ན་འཆི་བ་དང་། ལྕེའི་རོ་འདོར་བ་ཞག་ལྔ། མིག་དབུས་སུ་ཚངས་པའི་རི་མོ་བྱུང་ན་ཞག་བཞི། སྣ་ཞོ་དྲི་འདོར་བ་ཞག་གསུམ། རེག་བྱ་འདོར་བ་ཞག་གཉིས། ཆོས་ཁམས་ཁུ་བ་སྟེང་འོག་དུ་མཉམ་པ་ཞག་གཅིག་ན་འཆི་ལ། སྟེང་འོག་དུ་ཁུ་འཕོ་བའི་ཚུལ་ནི། དཀར་ཆ་སྤྱི་བོ་ནས་སྙིང་གར་འོག་དུ་ལྟུང་སྟེ། དམར་ཆ་ལྟེ་བ་ནས་སྙིང་གར་གྱེན་དུ་འགྲོ་བ་ཡིན་ལ། དེ་ནས་དཀྱིལ་འཁོར་གྱི་རླུང་རྣམས་སྣ་སྒོ་ནས་ཕྱིར་འགྲོ་ཞིང་ནང་དུ་མི་ལྡོག་སྟེ། དེ་ནས་ཕུང་ཁམས་ཐམས་ཅད་རྣམ་ཤེས་ཀུན་གཞི་ལ་ཐིམ་པ་ཡིན་ནོ། བཞི་པ་ཞར་ལ་གནས་གཞན་གང་དུ་འཕོ་བའི་ཚུལ་བསྟན་པ་ནི། ཚངས་བུག་ནས་གི་གཟུགས་མེད་སྟེ། ཞེས་སོགས་

(༡༧༠)ཚིག་བཅད་ཕྱེད་དང་གསུམ་གྱི་སྟོན་ཏེ། དེ་ཡང་རྣམ་པར་ཤེས་པ་ཀུན་གཞི་ལ་ཐིམ་ནས་འོད་གསལ་དུ་གནས་པ་སྟེ། ཚངས་བུག་ནས་དཀར་དམར་གྱི་སྙིག་མ་དང་ལྡན་གཅིག་དུ་འཕོས་ན་གཟུགས་མེད་དང་། སྨིན་འཚམས་ཐིག་ལེ་གནས་ནས་གཟུགས་སུ་འགྲོ་ལ། ལྷ་མོ་ཆེ་ཞེས་པ་བོད་པའི། ལྟེ་བ་ནས་འདོད་ལྷ་རིག་དྲུག་དང་། མིག་ལས་འདོད་པའི་མིའི་དབང་པོར་འགྱུར་ཞིང་། སྣ་ལས་གནོད་སྦྱིན་།།།གནས་དང་། རྣ་བ་ལས་གྲུབ་པའི་ལྷ་ཞེས་བྱ་བ་རྩ་སུམ་བཅུ་རྩ་གསུམ་པ་དང་སྐལ་མཉམ་གྱི་རིག་འཛིན་དང་། ཡང་ན་རྣ་བ་ལས་ལྷ་ཡིན་དུ་སྐྱེ་བར་བཤད་པ་ཡང་ཡོད་སྟེ། དེ་དག་ནི་མཐོ་རིས་སུ་འཕོ་བ་ཡིན་ལ། སྲིད་པའི་སྒོ་སྟེ་ཁུ་བའི་ལམ་ལས་ཡི་དགས་དང་། དྲི་ཆུའི་ལམ་ནས་དུད་འགྲོ་དང་། འོག་སྒོ་ལས་འཕོས་ན་དམྱལ་བ་བརྒྱད་དུ་སྐྱེ་ལ། དེ་ལྟར་ལམ་དེ་རྣམས་ལས་འཕོས་ནས་ཉིང་མཚམས་མ་སྦྱར་བར་དེ་ལ་བར་དོ་ཅེས་བྱ་སྟེ། བར་དོ་དེ་ཕང་ཆོས་མངོན་བར་བཤད་པ་ཉིད་གཞིར་བྱས་ཀྱི་སྟེང་དུ། སྔགས་ཀྱི་ཚུལ་དང་། རྒྱལ་པོ་གདམས་པའི་མདོ་ལ་སོགས་པར། ཚེ་འདིའི་སྣང་བ་ཤེས་ཆེར་འབྱུང་ཞིང་གང་དུ་སྐྱེ་འགྱུར་གྱི་སྣང་བ་ཡང་ཡད་ཡུད་འབྱུང་བར་བྱང་བ་ཡང་བཞེད་པ་ཡིན་ལ། དེ་ལྟར་འཆི་དྲི་བར་སྲིད་སྐྱེ་སྲིད་གསུམ་པོ་ནི་སྐུ་གསུམ་པོ་ཡིན་ནོ། གསུམ་པ་མཇུག་བསྡུ་བ་ནི། སྣང་མཆེད་ཐོབ་གསུམ་ཐིམ་པ་ནི། ཞེས་སོགས་ཚིག་བཅད་གཅིག་དང་རྐང་པ་གསུམ་གྱི་སྟོན་ཏེ། དེ་ཡང་རྟེན་སྣང་མཆེད་ཐོབ་གསུམ་ཐིམ་པ་ལས་བརྟེན་ནས་རྣམ་ཤེས་།།།པར་འགྱུར་བ་ཡིན་ཏེ། རྣམ་ཤེས་ཚོགས་དྲུག་ཐིམ་པ་སྤྲུལ་པའི་སྐུ་དང་། ཡིད་རྒྱུན་ཅན་དང་རྣམ་རྟོག་ཕྲ་བ་ཐིམ་པ་མཆེད་པ་ལོང་སྐུ། ཀུན་གཞི་

(༡༧༡)ཆོས་ཀྱི་དབྱིངས་སུ་ཐིམ་པ་ཉེར་ཐོབ་ཆོས་གྱི་སྐུ་ཡིན་ལ། དེ་ལྟར་སྐུ་གསུམ་པོ་རང་བཞིན་ཡིན་པ་ཉིད་ཡིན་པར་མ་ཤེས་ཅིང་། སེམས་ཀུན་གཞིའི་རང་བཞིན་འོད་གསལ་བའི་སྣང་བའི་བདག་ཉིད་ཡིན་ཡང་། འདུ་བྱེད་ཡིད་གྱི་གཡོ་བའི་དབང་གི་མུན་བར་གྱུར་པ་ཡིན་ལ། སྣང་བ་གསུམ་པོ་དེ་ཡང་། རྣམ་ཤེས་ཚོགས་དྲུག་གིས་སྟོང་པའི་སྟོང་པ་དང་། ཡིད་རྒྱུན་ཅན་གྱིས་སྟོང་པའི་ཤིན་ཏུ་སྟོང་པ་དང་། ཀུན་གཞིས་སྟོང་པའི་སྟོང་པ་ཆེན་པོ་ཡིན་པ་དེ་ཉིད་མ་རྟོགས་པས་འཁོར་བར་འཁྱམས་ཅིང་། དེ་ཉིད་སྦྱངས་པ་ལས་ཡེ་ཤེས་ཏེ་རྣམ་པར་དག་པའི་མྱ་ངན་ལས་འདས་པ་འཐོབ་པར་འགྱུར་བ་ཡིན་ནོ། ཟབ་མོ་ནང་གི་དོན་སྣང་བར་བྱེད་པ་ལས་རྩ་རླུང་ཐིག་ལེ་སྡུད་པའི་ཚུལ་བསྟན་པ་སྟེ་བཅུ་གཅིག་པའོ། དེ་ནས་དུམ་བུ་བཅུ་གཅིག་གི་དོན་བསྡུ་བ་རིག་པ་འཛིན་པའི་སྡེ་སྣོད་གྱི་རྒྱུ་མཚན་བསྟན་བསྔོ་བ་སྨོན་ལམ་དང་བཅས་པ་ལ། སྡེ་སྣོད་གསུམ་སྤྱིར་བཤད་པ། སྡེ་སྣོད་སོ་སོ་ལ་སྦྱར་བ་དང་། སྔགས་ཀྱི་ཚུལ་དང་སྦྱར་བའི་དགོས་པ། འབྲས་བུའི་ཚུལ་བསྡུ་བ། དེ་གང་ལ་རྙེད་པ། སངས་རྒྱས་ཀྱི་ཕྲིན་ལས་ལ་གུས་བསྟོད་པ་སྟེ་དྲུག་ལས་དང་པོ་ནི། རྒྱལ་བས་རྒྱུད་རྣམས་ཐམས་ཅད་དུ། ཅེས་སོགས་ཚིག་བཅད་གཉིས་ཀྱི་སྟོན་ཏེ། དེ་ཡང་དལ་བ་སངས་རྒྱས་བཅོམ་ལྡན་འདས་ཀྱི་གསང་སྔགས་གྱི་རྒྱུད་རྣམས་ཐམས་ཅད་དུ། ཕྱི་རོལ་དུ་ཐུན་མོང་བའི་རྣམ་རིག་ཙམ་གྱི་སྣང་བ་དང་། ནང་རྡོ་རྗེའི་ལུས་ལ་རྩ་རླུང་ཐིག་ལེ་དང་། གཞན་ལམ་དུ་ཀུན་བརྟགས་གྱི་ལྷ་དང་སྔགས་ལ་སོགས་པ་རྣམས་ནི། ཉོན་མོངས་དང་ཤེས་བྱའི་དྲི་མ་དང་བཅས་པས་སེམས་ལ་ཟག་པ་དེ་སྲིད་རྒྱུ་གཞི་ཞེས་བྱ་ལ། དྲི་མ་དེ་དག་པ་མེད་པ་ཇི་ལྟ་བ་དང་ཇི་སྙེད་མཁྱེན་པའི་ཡེ་ཤེས་གཉིས་ཀྱི་འབྲས་བུ་དང་། དྲི་མ་དེ་དག་སྦྱངས་པའི་ཐབས་འཁོར་བཅས་ནི་ལམ་ཡིན་ལ་

(༡༧༢)དེ་ལྟར་གཞི་ལམ་འབྲས་བུ་ཐམས་ཅད་དོན་དམ་རང་བཞིན་དང་། ཀུན་རྫོབ་ཐ་སྙེད་པས་བརྩམས་ཏེ་གསུང་ཅིང་། གསུངས་ཚུལ་སྤྲོས་མིང་ཚིག་ཡིག་གེ་ལ་སོགས་པ་ལུང་དང་། སྤྲོས་མེད་སོ་སོར་རང་རིག་གི་མངོན་གསུམ་དུ་གསུངས་པ་ཡིན་ནོ། གཉིས་པ་སྡེ་སྣོད་སོ་སོ་ལ་སྦྱར་བ་ནི། སྡེ་སྣོད་རེ་རེ་ལ་ཡང་ཕི་ནང་གཉིས་གཉིས་དུ་ཡོད་པ་ལས། དང་པོ་མངོན་པ་ལ་ཕྱི་ནང་གཉིས་ལས། ཕྱིའི་མངོན་པ་ནི། ཕྱི་རོལ་བྱེད་པོ་གཞན་མེད་པ། ཅེས་སོགས་ཚིག་བཅད་ཕྱེད་གཉིས་གྱི་སྟོན་ཏེ། དེ་ཡང་སེམས་ཅན་ལྟ་བ་ཐ་དད་པར་།།། ཕྱི་རོལ་གྱི་དོན་འདི་དག་མ་བྱེད་པ་པོ་གཞན་ན་མེད་པར་བསྟན་པ་དང་། རྟེན་ཅིང་འབྲེལ་པར་འབྱུང་བའི་སྣང་བ་ལུས་དང་སེམས་ཕྱི་རོལ་གྱི་ཁམས་ལ་སོགས་པའི་སྣང་བ་སེམས་དང་སེམས་ལས་བྱུང་བའི་ཆོས་དང་། སྤང་བྱ་དང་གཉེན་པོའི་རྣམ་བཞག་དང་། དེ་དག་ཡན་ལག་ཏུ་རྟོགས་པས་ལྡན་མིན་དུ་བྱེད་གྱི་རྣམ་བཞག་དང་། སྣོད་བཅུད་ཕྲ་རག་དང་། མིང་དང་ཚིག་དང་ཡི་གེ་དང་། གཞན་ཡང་ཕྱོགས་དང་འདུས་ལ་སོགས་པའི་རྣམ་བཞག་གསུངས་པ་རྣམས་ནི་ཕྱི་རོལ་གྱི་མངོན་པ་ཡིན་ཏེ། མཚན་གཞི་ནི་ཀུན་ལས་བཏུས་དང་མཛོད་ལ་སོགས་པར་གསུངས་པ་བཞིན་ནོ། ནང་གི་མངོན་པའི་ཚུལ་ནི། ཇི་ལྟར་ཕྱི་བཞིན་ནང་ན་གནས། ཅེས་སོགས་ཚིག་བཅད་ཕྱེད་དང་བཞིས་སྟོན་ཏེ། དེ་ཡང་། འཇིག་རྟེན་གྱི་ཁམས་ལ་སོགས་པ་ཇི་ལྟར་ཕྱི་རོལ་ན་གནས་པ་བཞིན་དུ་ནང་ན་གནས་པ་ཡིན་ཏེ། ནང་གི་རྩ་དང་ལུས་གྱི་དབྱིབས་མ་སོགས་པས་ཕྱི་རོལ་གྱིས་འཇིག་རྟེན་གྱི་ཚད་དབྱིབས་ལ་སོགས་པ་སྐྱེད་ལ། རང་གི་རླུང་གིས་ནི་ངག་ཐམས་ཅད་དང་། དུས་སྦྱོར་དང་ཡིག་གེ་ལ་སོགས་པ་བསྐྱེད་ཅིང་། ཐིག་ལེ་ནི་གཟའ་དང་རྒྱུ་སྐར་དང་། ཁམས་འབབ་པ་ཆུ་བོ་དང་མེ་གསུམ་ནང་ལ་སྦྱར་བ་ལ་སོགས་པ་ངེས་

(༡༧༣)པ་ལ་སྔར་ནང་ལ་གཟུགས་ཀྱི་སྐབས་སུ་བསྟན་པར་ལྟར་ཤེས་བྱ་ཞིང་། གཞན་ཡང་ཡང་དག་པའི་ལམ་དུ་འཇུག་པར་འདོད་པ་དག་གིས་ནང་གིས་ནང་གིས་ཐབས་མཁས་པའི་ཁྱད་པར་ཤེས་པར་བྱ་བ་ནི། ཇི་ལྟར་མིག་བཙུམ་ནས་གཟུགས་མི་མཐོང་ལ། ཕྱེ་བས་ཟླ་བ་ལ་སོགས་པའི་གཟུགས་སྣང་བར་འགྱུར་བ་དང་། མིག་བཙིར་ན་ཟླ་བ་གཉིས་སུ་མཐོང་བ་ལྟར་རྟེན་རྩ་རླུང་བྱང་ཆུབ་སེམས་གྱི་གནད་འཆིང་མ་ཤེས་བས་སྲིད་ཞི་དབྱེར་མེད་ལ་དབང་བྱེད་པའི་ཡེ་ཤེས་མཐོང་བར་སྡུས་པ་མ་ཡིན་ལ། རྟེན་དེ་དག་གིས་གནད་ཤེས་ཅིང་བཅིངས་པ་ལས་རྟགས་བཅུས་མཚོན་པའི་བདེ་གསལ་མི་རྟོག་པའི་ཡོན་ཏན་སྣང་སྟོང་དབྱེར་མེད་པའི་ལམ་གྱི་ཡེ་ཤེས་མངོན་སུམ་དུ་མཐོང་བར་ནུས་ཏེ། མིག་བཙུམ་པ་དང་ཕྱེ་བའི་ཁྱད་པར་ལྟ་བུའོ། གཞན་ཡང་སྐྱེད་རིམ་ཡན་ལག་དང་བཅས་པའི་དོན་ཡང་སེམས་ལས་གཞན་པ་ཕྱི་རོལ་ན་གྲུབ་པ་མེད་ཀྱང་གདུལ་བྱ་གཞན་གྱི་སྣང་བ་ལ་དབང་འབྱོར་བའི་སྤྲུལ་པ་དུ་མ་སྤྲོ་བར་ནུས་པའི་སྤྱིར་ཐུན་བརྟགས་གྱི་ལྷ་དང་དཀྱིལ་འཁོར་ལ་སོགས་པ་བསྟན་པ་ཡིན་ཏེ། འདི་ནི་ཡིན་བཙིར་བས་ཟླ་བ་གཉིས་སུ་མཐོང་པ་ལྟ་བུ་ཡིན་ཏེ་བདེན་པར་མེད་བཞིན་དུ་སྣང་བར་མཚུངས་པའི་ཕྱིར་རོ། དེའི་ཕྱིར་ན་སྔགས་ཐམས་ཅད་ནང་གི་དོན་མངོན་པ་ཡིན་པར་བསྟན་ནོ། མདོ་སྡེ་ཡིན་པའི་ཚུལ་ནི། གཞན་བཤད་ལྷ་དང་དཀྱིལ་འཁོར་ཡང་། ཞེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་ས་དང་ལམ་ལ་སོགས་པ་མདོ་རེ་རེ་ལས་གསུངས་པའི་ལྟར། འདིར་ཡང་གཞན་སྐྱེད་རིམ་དུ་བཤད་པའི་ལྷ་དང་དཀྱིལ་འཁོར་ལ་སོགས་པ་ཡང་ནང་གི་གནས་ལ་སོགས་པའི་ས་བཅུ་དང་། ལམ་ལྔ་དང་། ཕ་རོལ་ཏུ་ཕྱིན་པ་བཅུ་དང་། གཟུངས་སྔགས་

(༡༧༤)དང་། གསང་སྔགས་དང་། རིགས་སྔགས་ལྷ་དང་བཅས་པ། ལམ་གྱི་རིམ་བ་བྱང་ཆུབ་ཀྱི་ཕྱོགས་གྱི་ཆོས་སུམ་བཅུ་རྩ་བདུན་དང་། སྐྱེད་རྫོགས་གྱི་ལམ་གྱི་ཡན་ལག་ཟད་པར་ཟིལ་གནོན་ལ་སོགས་པས་རང་བཞིན་གྱི་གཞན་གྱི་དོན་བསྒྲུབ་པའི་ཏིང་ངེ་འཛིན་དང་འབྲེལ་པའི་ཕྱིར་ཟབ་པ་དང་རྒྱ་ཆེ་བ་དུ་མ་སྟོན་པར་བྱེད་ལ། དེའི་ཕྱིར་ན་སྔགས་ཀྱི་ཐེག་པ་འདི་ནི་ནང་གི་མདོ་སྡེ་དང་ཕ་རོལ་ཏུ་ཕྱིན་པ་ཡིན་པར་བརྗོད་པའོ། འདུལ་བ་ཡིན་པའི་ཚུལ་ནི། ཕྱི་རོལ་ལུས་ངག་སྲུང་སྡོམ་དང་། ཞེས་སོགས་ཚིག་བཅད་ཕྱེད་དང་གཉིས་ཀྱི་སྟོན་ཏེ། དེ་ཡང་འདུལ་བ་ལས་གསུངས་པ་བཞིན་དུ་ཕྱི་རོལ་གྱི་ལུས་ངག་གི་སྲུང་སྡོམ་དང་། རང་བཞིན་དང་བཅས་པའི་ཁ་ན་མཐོ་བསྲུང་བའི་ཚུལ་ཁྲིམས་དང་ལྡན་ཞིང་རང་གི་ཞི་མངོན་སུམ་དུ་བྱེད་པའི་འདུལ་བ་ནི་ཕྱིའི་འདུལ་བ་ཡིན་ལ། ན་དུ་རང་གཞན་གྱི་དོན་ལ་མ་རྨོངས་པར་ཀུན་རྫོབ་དོན་དམ་རྟེན་དང་བརྟེན་པའི་བྱང་ཆུབ་ཀྱི་སེམས་བསྐྱེད་ནས། སྡོམ་པའི་ཚུལ་ཁྲིམས་ཐབས་མཁས་པའི་ཁྱད་པར་དང་བཅས་པ་རྣམས་གྱི་ཉོན་མོངས་པའི་ཚོགས་ཇི་སྙེད་པ་ཐམས་ཅད་ཡེ་ཤེས་སུ་བསྒྱུར་བར་བྱེད་པ་དང་། ཉོན་མོངས་པའི་ཁ་ན་མ་ཐོ་བ་སེལ་བར་བྱེད་ཅིང་འཁོར་བའི་ཉེས་པ་ནས་།།།བར་བྱེད་ཏེ། དེའི་ཕྱིར་ན་སྔགས་གྱི་ཐེག་པ་འདི་ནི་ནང་གི་འདུལ་བར་གསུངས་པ་ཡིན་ནོ། དེ་བས་ན་སྡེ་སྣོད་གསུམ་ག་དང་མཐུན་པའི་ཕྱིར་ན་སྔགས་གྱི་ཐེག་བ་འདི་ཉིད་ལ་རིག་པ་འཛིན་པའི་སྡེ་སྣོད་ཅེས་བྱའོ། གསུམ་པ་སྔགས་གྱི་ཚུལ་དང་སྦྱར་བའི་དགོས་པ་ནི། འདུལ་དང་མདོ་སྡེ་ཕྱིར་ཤེས་པས། ཅེས་སོག་ཚིག་བཅད་གཉིས་ཀྱི་སྟོན་ཏེ། དེ་ཡང་འདུལ་བ་དང་མདོ་སྡེ་དང་མངོན་པ་ལ་སོགས་པ་ཕྱི་རོལ་

(༡༧༥)དུ་ཤེས་པས་ཐེག་པ་འོག་མ་ཉན་རང་གི་ཐེག་པ་ཤེས་ཅིང་དེའི་འབྲས་བུ་ཐོབ་བར་བྱེད་པ་ཡིན་ཏེ་དགོས་པ་གཅིག་གོ །དེ་ལས་ཆོས་རྨད་དུ་བྱུང་བའི་ཟབ་པ་དང་རྒྱ་ཆེ་བའི་ཚུལ་དང་ལྡན་པ་ཐེག་པ་ཆེན་པོའི་མདོ་སྡེ་དང་། འདུལ་བ་དང་མངོན་པ་རྣམས་ཤེས་ཅིང་། དེ་དག་ལ་སྤྱོད་ཅིང་བསྒྲུབ་པར་བྱེད་པ་ནི་བྱང་ཆུབ་སེམས་དཔའ་ཞེས་བྱ་བར་འགྱུར་ཏེ་དགོས་པ་གཉིས་སོ། དེའི་སྟེང་དུ་ཐབས་མཁའ་པའི་ཁྱད་པར་གཞུང་འདི་ནས་གསུངས་པ་ལྟ་བུའི་ནང་གི་དོན་རྒྱས་པར་ཤེས་ཅིང་། སངས་རྒྱས་གྱི་སྙིང་པོའི་ཚུལ་ཕྱིན་ཅི་མ་ལོགས་པར་རྟོགས་ནས་འབྲས་བུས་རྟོགས་པ་ལམ་བྱེད་པ་ནི། བླ་ན་མེད་པའི་སངས་རྒྱས་མྱུར་དུ་ཐོབ་པར་བྱེད་པའི་དགོས་པ་དང་ལྡན་པས་ན། སྔགས་གྱི་ཚུལ་ཐམས་ཅད་ལས་གསུངས་པའི་དོན་གོ་བར་བྱ་བའི་ཕྱིར་ཟབ་མོའི་དོན་ཉེ་བར་མཚོན་པའི་མིང་གཅིག་དང་ཚིག་གི་རྣམས་གྲངས་འདིར་བསྡུས་ཏེ་བསྟན་པ་ཡིན་ནོ། བཞི་པ་འབྲས་བུའི་ཚུལ་བསྡུ་བ་ནི། ཐམས་ཅད་ཡེ་ཤེས་རང་བཞིན་ཏེ། ཞེས་སོགས་ཚིག་བཅད་བཞིས་སྟོན་ཏེ། དེ་ཡང་ལྔར་རྒྱས་པར་བཤད་པ་བཞིན། དབང་པོའི་མངོན་སུམ་དང་ཡིད་གྱི་མངོན་སུམ་རང་རིག་པའི་མངོན་སུམ་སྟེ། ཐམས་ཅད་ཡང་དག་པའི་རྣལ་འབྱོར་གྱི་ཟིན་པའི་དུས་ན་རྣལ་འབྱོར་མངོན་སུམ་ལྡན་གཅིག་སྐྱེས་པའི་ཡེ་ཤེས་ཀྱི་རང་ངོ་ཡིན་ལ། དེ་ནི་ཡེ་ཤེས་ལྔའི་རང་བཞིན་ཡིན་ཏེ། འདིར་མཚོན་པ་ཙམ་ལས་མ་སྤྲོས་སོ། འོ་ན་ཡེ་ཤེས་དེའི་སྒྲིབ་པ་གང་ནས་བྱུང་ཞེ་ན། དེའི་སྒྲིབ་བ་ནི་སྔར་ཉོན་ཡིད་གང་ནས་བྱུང་བསྟན་པ་ཐམས་ཅད་ཀྱི་རྩ་བ་བདག་དུ་ལྟ་བ་ལས་འབྱུང་ཞིང་། དེ་ལ་བརྟེན་ནས་གཞན་དུ་འཁྲུལ་པའི་རྟོགས་པ་བྱུང་བས་གཟུང་འཛིན་གྱི་ཤེས་པ་བློ་བུར་བར་སྐྱེས་ནས་ཆགས་སྡང་རྨོངས་གསུམ་དུ་ཡོངས་ཏེ་འདུ་བྱེད་ཀྱི་ལས་མངོན་

(༡༧༦)པར་འདུ་བྱས་ནས་ཡང་དག་པའི་གནས་ལུགས་གདོད་མ་ནས་ཡོད་པ་ཇི་ལྟ་བ་བཞིན་དུ་མཐོང་ཞིང་། སྨིག་རྒྱུ་ལ་ཆུར་འཁྲུལ་པ་ལྟར་དོན་ལ་མེད་བཞིན་དུ་སྣང་བའི་གཟུང་འཛིན་དུ་མཐོང་ནས། རྣམ་པར་རྟོགས་པའི་འདམ་དུ་བྱིང་བར་གྱུར་པས་ན་བྱིས་པ་རྣམས་འཁོར་བའི་འདམ་དུ་བྱིང་ཞེས་སྨོས་པ་ཡིན་ལ། དེས་ན་གཟུང་འཛིན་གྱི་འཁྲུལ་པ་དང་བྲལ་ན་ཕྱི་ནང་གཞན་གསུམ་ཡེ་ཤེས་སུ་སྔར་བསྟན་པ་ལྟར་རྟོགས་པས་སེམས་ཀྱི་རང་བཞིན་དུ་འཆར་ཏེ་དེ་ཡང་སྔར་བདེན་གཉིས་ཀྱི་སྐབས་སུ་བཤད་བཞིན་ཀུན་རྫོབ་བདེན་པའི་མཚན་ཉིད་ཅན་གྱི་གཉིས་སུ་སྣང་བ་རྣམས་ནི་ཆུ་ཟླ་ལྟ་བུར་དོན་དུ་སྣང་བ་ཙམ་དུ་གཟིགས་ཅིང་། དོན་དམ་བདེན་པ་སྟོང་པ་ཉིད་བཅོ་བརྒྱད་པོ་ནི་དབྱེར་མེད་གཅིག་ཏུ་བདེན་པར་གཟིགས་ནས། དེའི་ཚེ་ན་ཉོན་མོངས་པ་དང་ཤེས་བྱ་དང་སྙོམས་འཇུག་གི་སྒྲིབ་པ་གསུམ་དང་བདེན་པ་གཉིས་ཀྱི་གནས་ལུགས་ཇི་ལྟ་བ་བཞིན་དུ་སོ་སོ་རང་གི་རིག་དེ་ཉིད་ནི་ཇི་ལྟ་བ་དང་ཇི་སྙེད་མཁྱེན་པའི་ཡེ་ཤེས་ཡིན་པར་གསུངས་སྟེ་འདི་ལྟར་རྟོགས་ན་སྔགས་ཀྱི་འབྲས་བུ་མཐར་ཐུག་པ་རྟོགས་པར་འགྱུར་བ་ཡིན་ནོ། ལྔ་པ་བསྟན་བཅོས་འདི་གང་ལས་རྙེད་པ་ནི། དེ་བས་རྡོ་རྗེ་ཐེག་བསྡུ། ཞེས་སོགས་ཚིག་བཅད་གསུམ་དང་རྐང་པ་གསུམ་གྱི་སྟོན་ཏེ། དེ་ཡང་གོང་དུ་བསྟན་པའི་རྒྱུ་མཚན་དེ་བས་ན། རྡོ་རྗེ་ཐེག་པ་འདི་རུ་གསུངས་པའི་གནས་ལུགས་རྣམ་རྟོག་བྱི་བའི་ཕྱིར། གཞུང་འདིར་ནི་ཕྱོགས་ཙམ་ཞིག་གི་བསྡུས་པ་ཡིན་ལ། བློ་གྲོས་རྒྱ་ཆེ་བ་དག་གིས་ཕྱི་ནང་གཞན་གསུམ་གྱི་ཤེས་བྱ་ལ་འཇུག་པར་བྱ་བ་ནི་རྒྱས་པར་བསྟན་པ་དཔག་ཏུ་མེད་པ་ཡོད་ཀྱང་། རྒྱལ་སྲས་རྣམས་ཀྱི་བསྟན་པའི་རྒྱུད་འགྲེལ་རྣམས་སུ་གསལ་བས་དེ་དག་ལྟ་བར་གྱིས་གཅིག །དེ་བས་ན་དེ་རྣམས་ཀུན་ལ་འཇུག་པར་བྱེད་པའི་སྒོ་ལ་ཡང་གཞུང་འདི་ལྟ་བུ་

(༡༧༧)དགོས་པ་ཉིད་ཡིན་ནོ། དེ་ལྟ་བུའི་ཟབ་མོ་ནང་གི་དོན་བཤད་པ་འདི་ནི་རང་བཟོར་བྱས་ནས་བཤད་པ་མ་ཡིན་ཏེ། རྒྱལ་བ་ཐམས་ཅད་མཁྱེན་པ་བཅོམ་ལྡན་འདས་ཀྱི་གསུང་པ་ཁོ་ན་བྲིས་པ་ཡིན་ལ། འོ་ན་རྒྱལ་བས་བྱ་བའི་རྒྱུད་རྣམས་མཐའ་དྲུག་ལ་སོགས་པའི་།།།པ་ཤིན་ཏུ་གོ་བར་དཀའ་བ་མ་ཡིན་ནམ་ཞེ་ན། དེ་ལྟར་ཡིན་མདོ་ཀྱང་། གསང་བའི་བདག་པོ་ཆེན་པོ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་སོགས་པ་རྣམས་གྱི་རྒྱུད་ཀྱི་དྲི་བ་དང་། །།།ཅིང་གྲུབ་པ་མཉེས་པ་རྣམས་དང་། རྡོ་རྗེ་ཐེག་པའི་དེ་ཁོ་ན་ཉིད་གཟིགས་པའི་བླ་མ་དམ་པ་རྣམས་ཀྱིས་རྣམ་འགྲེལ་གྱི་མཐུ་ལ་རབ་ཏུ་བརྟེན་ནས་བློ་གྲོས་ཀྱི་མིག་གི་མཐོང་བ་ལས། རྡོ་རྗེ་ཐེག་པའི་ནང་གི་དོན་ཕྱིན་ཅི་མ་ལོགས་པ་བརྙེད་པ་ཡིན་ནོ། དྲུག་པ་སངས་རྒྱས་ཀྱི་།།།ཕྲིན་ལས་ལ་གུས་པར་བསྟོད་ཅིང་བསྔོ་བ་དང་སྨོན་ལམ་དང་བཅས་པ་ལ། བསྟོད་པ་སྔོ་བ་བཟོད་གསོལ་ཏེ་གསུམ་ལས་དང་པོ་ནི། རྒྱལ་བ་ནམ་མཁའི་མདོག་ཅན་སྐུ་ཅན་ཞེས་སོགས་ཚིགས་བཅད་གཉིས་སྟེ། དེའི་དོན་ཡང་། གང་གི་རྡོ་རྗེ་ཐེག་པ་བླ་ན་མེད་པ་བསྒྲུབ་ཅིང་མཐར་སོན་པའི་སངས་རྒྱས་ནི་མི་མཐུན་པའི་ཕྱོགས་ཐམས་ཅད་ལས་རྒྱལ་བ་སྟེ་སྒྲིབ་པ་ཐམས་ཅད་ལས་གྲོལ་བ་ཡིན་ལ། དེ་ཡང་འདུས་མ་བྱས་ཅིང་ལྷུན་གྱིས་གྲུབ་པས་ནམ་མཁའི་སྐུ་ཅན་ཏེ། རང་གི་ངོ་བོ་སེམས་ཀུན་གཞིའི་རྣམ་པར་ཤེས་པ་འགག་ཅིང་དག་པས་སྐྱེ་བ་མེད་ཅིང་འགག་པ་མེད་པ་ཞི་པ་ཆེན་པོ་མཐར་སོན་པ་ནི་དེ་བཞིན་གཤེགས་པའི་ཡེ་ཤེས་གྱི་སྐུ་མངོན་སུམ་དུ་མཛད་པ་ཏེ། དེ་ནི་ཆོས་ཀྱི་དབྱིངས་ཤིན་ཏུ་དྲི་མ་མེད་པ་དང་། དེ་ཡི་རྒྱུ་མཐུན་རབ་ཏུ་ཟབ་པས་

(༡༧༨)བསྒྲུབ་པའི་ཆོས་སྐུ་ནི་ཡེ་ཤེས་བཞི་པོ་ཡིན་པའི་ཕྱིར། ཡེ་ཤེས་དེ་ལ་དུས་ཀྱི་འཁོར་ལོར་ཉི་མའི་སྐུར་ཡང་གསུངས་བས་ན། དཔེ་དང་སྦྱར་ནས་ཡེ་ཤེས་ཉི་མའི་དཀྱིལ་འཁོར་ཞེས་བརྗོད་པ་ཡིན་ནོ། དེ་ལྟ་བུའི་ཡེ་ཤེས་ཀྱི་འཕྲིན་ལས་ནི། ཕྱོགས་བཅུའི་འཇིག་རྟེན་གྱི་ཁམས་རྒྱུན་ཏུ་གཟུགས་ཀྱི་སྐུ་ཇི་སྙེད་པ་སྟོན་པར་མཛད་ནས་འཁོར་བ་མ་སོང་གི་བར་ཇི་སྲིད་པར་རྒྱུན་མི་འཆད་པར་བཞུགས་པར་སྟོན་ཏེ་སྐུའི་གསང་བའོ། དེ་བཞིན་དུ་གསུངས་ཡང་ལྷའི་རྔ་བོ་ཆེའི་སྒྲ་ལྟ་བུར་སེམས་ཅན་།།།ལས་སྐྱབ་ཅིང་། འཇིག་རྟེན་དང་འཇིག་རྟེན་ལས་འདས་པའི་དགའ་བདེ་འཕེལ་བར་བྱེད་པའི་གསུངས་དག་གི་རྩོལ་བའི་འདུ་མི་མཛད་པར་ཡང་ནམ་མཁའི་ཁམས་དང་མཉམ་པར་འགལ་མེད་བཞིན་དུ་འགྲོ་བ་ཀུན་གྱི་ཐོས་པ་མཛད་པ་ནི་གསུངས་གི་གསང་བའོ། དེ་བཞིན་དུ་ཤུགས་ནི་ཡིད་བཞིན་གྱི་ནོར་བུ་དྲི་མ་དང་། བྲལ་བ་ལྟར་།།།མཚན་མ་ཅུང་ཟད་ཀྱང་མི་མངའ་བཞིན་དུ་སྡོད་པ་དང་ལྡན་པའི་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་དང་སོ་སོ་སྐྱེ་བོ་རྣམས་ལ་ཡང་སོ་སོ་སེམས་དེ་བཞིན་དུ་རེ་བ་ཐམས་ཅད་བསྐང་བར་མཛད་པ་ནི་ཐུགས་ཀྱི་གསང་བའོ། དེ་ལྟ་བུའི་སྐུ་གསུངས་ཐུགས་ཀྱི་ཕྲིན་ལས་གྱི་ཁྱད་པར་སེམས་ཅན་གྱི་ཁམས་ཇི་སྙེད་པའི་ཉོན་མོངས་པ་ཐམས་ཅད་ལྷན་གཅིག་ཏུ་འཇུག་ཅིང་མཁྱེན་ཡང་། བཅོམ་ལྡན་འདས་ཁྱེད་ཀྱི་སྐུ་གསུངས་ཐུགས་ཡེ་ཤེས་ལ་ཉེས་པའི་ཚོགས་གསུངས་ཟུང་ཟད་ཀྱང་གོས་བ་བཞུགས་པ་འདི་ལ་ངེས་ཤེས་

(༡༧༩)སྐྱེས་པས། དེའི་ཕྱིར་ན་རང་བྱུང་རྒྱལ་བ་ཁྱོད་ལ་བདག་ནི་གུས་པས་ཕྱག་འཚལ་ལོ། ཞེས་སྨོས་པ་ཡིན་ནོ། གཉིས་པ་སྔོ་བ་ནི། རྒྱུད་ཐམས་ཅད་ཀྱི་ཟབ་མོའི་ནང་གི་དོན་བསམ་གྱིས་མི་ཁྱབ་པའི་གནས་འདི་ལྟ་བུ་ནི་ཡེ་ཤེས་ཀྱི་རྒྱུ་རྨད་དུ་བྱུང་བ་ཡིན་པའི་ཕྱིར། འདི་བཤད་པ་ལ་དགེ་བའི་མཐུ་ཡང་ཅི་ཡོད་པ་དེས་ནམ་མཁའ་དང་མཉམ་པའི་འགྲོ་བ་ཀུན་གྱི་དེ་བཞིན་གཤེགས་པའི་ཡེ་ཤེས་གྱི་སྐུ་ཉིང་ཐོབ་པར་ཤོག་ཞིག་ཞེས་བསྔོས་པ་ཡིན་ནོ། གསུམ་པ་བཟོད་གསོལ་ནི། དེ་ལྟར་བསྟན་པས་ཕྱོགས་འཛིན་གྱི་བློ་བུར་སྤངས་ནས་རྒྱུད་འགྲེལ་རྣམས་ཀྱི་དོན་ཇི་ལྟ་པར་བཤད་མདོ་ཀྱང་། ཅུང་ཟད་ཙམ་ཞིག་འགལ་བར་གྱུར་པ་སྲིད་ན་ཡང་བཅོམ་ལྡན་འདས་གྱི་བསྟན་པ་བརྙས་པར་འགྱུར་བས། མཁའ་འགྲོའི་ཚོགས་ཀྱི་བཟོད་པར་གསོ་མཛོད་གཅིག་ཞེས་པའོ། དེ་ཡང་དམ་ཚིག་གི་ཉེས་པ་ཕྲ་ཞིང་རྩུབ་པ་དག་གིས་ཀྱང་མ་གོས་པར་བྱ་བའི་ཕྱིར་དེ་སྐད་བརྗོད་ཀྱི་མ་གོ་མ་རྟོགས་བཞིན་དུ་མཁས་པའི་ང་རྒྱལ་དང་རློམ་པས་བརྗོད་པའི་ཚིགས་དེ་ནས་གསོལ་བ་མ་ཡིན་ནོ། དེ་བས་ན་གཞུང་འདི་ལྟ་བ་དང་སེམས་པ་དང་འཆད་པར་བྱེད་པ་དག་གི་ཀྱང་ཉེས་པའི་ཚོགས་ཀྱི་མི་གོས་པར་བྱའོ། ཟབ་མོ་ནང་གི་དོན་གསལ་བར་བྱེད་པའི་རྣམ་པར་བཤད་པ་རྒྱུད་ཐམས་ཅད་ཀྱི་སྙིང་པོ་ཕྱུང་བ་དུམ་བུ་བཅུ་གཅིག་པ། རང་འབྱུང་རྡོ་རྗེའི་མིང་ཅན་གྱི་བླ་ན་མེད་པའི་རྒྱུད་འགྲེལ་ཇི་ལྟ་བར་ནང་གི་དོན་ཤེས་པར་འདོད་པ་རྣམས་ཀྱི་དོན་དུ་བསྟན་པའོ། མཁས་པས་རློམ་པ་དང་། བསྒོམ་ནས་ཉམས་མྱོང་མངོན་ཤེས་ཤར་བར་འདོད་པ་རྣམས་ཀུན་གྱིས་ཀྱང་ཕྱོགས་རེ་ལ་གོ་བར་

(༡༨༠)འདུག་པས་བསྟན་པ་ཡིན་ནོ། ཞེས་བྱ་བ་ནི་གསུངས་ཡིན་ནོ། དེ་ལྟར་ཟབ་མོ་གསང་སྔགས་ཀྱི་ནང་གི་དོན་བཤད་པ་འདི་ཉིད་ནི། བདེན་པ་གཉིས་དབྱེར་མེད་བའི་ཡང་དག་པའི་ལྟ་བ་ལ། རྩ་རླུང་ཐིག་ལེ་འཆིང་བར་བྱེད་པའི་ཐབས་ཀྱི་བསྒོམ་པས་བརྒྱན་ཞིང་། རང་གཞན་གྱི་དོན་འགྲུབ་བར་བྱེད་པའི་སྤྱོད་པ་ཅན། སངས་རྒྱས་ཀྱི་སྙིང་པོ་མངོན་སུམ་དུ་སྣང་བར་བྱེད་བའི་འབྲས་བུ་དང་ལྡན་པ་ཡིན་ནོ། ཞེས་གཟུགས་བ་ནི་ཐམས་ཅད་གྱི་དོན་བསྡུའོ། རྒྱལ་བའི་བཀའ་དང་མཁས་དང་གྲུབ་པའི་གཞུང་། སྨད་བྱུང་རབ་འབྱམ་བསྟན་པའི་ཆུ་བོ་སྟོང་། རང་འབྱུང་མཁྱེན་པའི་ཀློང་དུ་འདྲེས་པ་ལས། ནང་དོན་ཟབ་མོའི་གཞུང་དོན་རྒྱ་མཚོ་འབྱུང་། དེ་ན་རྗེ་བཙུན་ཐམས་ཅད་མཁྱེན་པ་ཡི། ཞལ་བཟང་དེད་དཔོན་པར་པ་དང་འགྲོག་པའི། དཔལ་ལྡན་ལེགས་བཤད་ཡིད་བཞིན་རིན་པོ་ཆེ། སྐལ་བཟང་དད་པའམ་སྤྱི་བོར་འགོད་པ་ཐོབ། འདི་ནི་མཐའ་དག་བསྟན་པའི་སྙིང་པོ་སྟེ། སྐྱེ་བ་དུ་མར་སྨིན་པའི་ལེགས་བྱས་ཅན། བདེ་གཤེགས་སྙིང་པོའི་ཚུལ་ལ་ཡིད་ཆེས་པའི། བློ་ཆེན་སྐྱེས་བུས་ལག་དུ་བླང་བར་རིག །དེ་སླད་འདིར་འབད་དགེ་བའི་སྤྲིན་ཆེན་པོ། སྒྲིབ་བྲལ་ཆོས་དབྱིངས་མཁའ་ལ་རྟག་འཁྲིག་པས། ཐེག་མཆོག་ལམ་གྱི་ཆར་རྒྱུན་ལེགས་ཕབ་སྟེ། འགྲོ་འདི་ཐར་པའི་ལོ་ཐོག་རྒྱས་གྱུར་གཅིག །དེ་ལྟར་དཔལ་ལྡན་ཀརྨ་པ་ཆེན་པོ་རང་བྱུང་རྡོ་རྗེའི་ཞལ་སྔ་ནས་མཛད་པའི་ཟབ་མོ་ནང་གི་དོན་འདི་ཉིད། རྗེ་བཙུན་ཐམས་ཅད་མཁྱེན་པ་ལོ་ཙ་བ་ཆེན་པོ་དཔལ་ལྡན་བླ་མ་བསོད་ནམས་རྒྱ་མཚོའི་སྡེའི་ཞལ་སྔ་ནས་

(༡༨༡)སྡེ་སྣོད་དང་རྒྱུད་སྡེ་འཛིན་པའི་བཤེས་གཉེན་མཁས་པ་རྒྱ་མཚོའི་དབུས་སུ། རང་འགྲེལ་དཔང་པོར་མཛད་ཏེ་གཞུང་ཉིད་ལ་དཀྲིས་ནས་ལེགས་པར་རྩལ་བ་རྣམས་ཞབས་དྲུང་ཉིད་དུ་སྦྱར་བཅས་བགྱི་སྟེ། ཡུལ་སྨན་བཟང་ནས་བྱུང་བའི་བྱ་དུལ་བ་རིན་ཆེན་བཟང་པོ་ཅེས་བྱ་བས་རྩིགས་བྲིས་སུ་བགྱིས་པ་འདིས་སྐྱེ་འགྲོ་ཐམས་ཅད་ཀྱི་ཟབ་མོ་ནང་གི་དོན་རྟོགས་པར་གྱུར་གཅིག །

(༡༨༢)ཟབ་མོ་ནང་དོན་གྱི་འགྲེལ་བཤད་བདེ་བར་གཤེགས་པའི་སྙིང་པོ་གསལ་བར་བྱེད་པ་ཉིན་བྱེད་འོད་ཀྱི་ཕྲེང་བ་བཞུགས།

(༡༨༣)རྒྱ་གར་སྐད་དུ། །།། བོད་སྐད་དུ། ཟབ་མོ་ནང་གི་དོན་ཞེས་བྱ་བའི་རྒྱ་ཆེར་བཤད་པ་རང་གི་འགྲེལ་པ་དང་བཅས་པའི་རྒྱས་འགྲེལ་བདེ་བར་གཤེགས་པའི་སྙིང་པོ་གསལ་བར་བྱེད་པའི་ཉིན་བྱེད་འོད་ཀྱི་འཕྲེང་བ་དྲང་བ་དང་ངེས་པའི་དོན་རྣམ་པར་འབྱེད་པའི་སྣང་བ་ཞེས་བྱ་བ། བླ་མ་དང་དབྱེར་མི་ཕྱེད་པའི་སེམས་ཀྱི་རྡོ་རྗེ་ལ་ཕྱག་འཚལ་ལོ། ཁྱེད་སྐུའི་དཔལ་ནི་བསྟན་དུ་མེད་ཀྱང་འགག་མེད་སེམས་ཀྱི་ཐུགས་རྗེ་ལས་ནི་ཅིར་ཡང་སྤྲུལ་པ་སྣ་ཚོགས་གཟུགས། སྙན་འཇེམ་གསུང་ནི་བརྗོད་དུ་མེད་ཀྱང་སེམས་ཀྱི་རང་བཞིན་གསལ་བ་ལས་ནི་རྫོགས་པར་ལོངས་སྤྱོད་དང་པོའི་དབྱངས། ཟབ་གསལ་ཐུགས་ནི་བསམ་དུ་མེད་ཀྱང་སྐྱེ་མེད་སེམས་ཀྱི་ངོ་བོ་ལས་ནི་ཆོས་སྐུའི་རྣམ་པ་ཀུན་དང་ལྡན། བླ་མ་མཆོག་གི་སྐུ་གསུངས་ཐུགས་ནི་རང་གི་སེམས་དང་ནམ་ཡང་དབྱེར་མེད་རང་རིག་ཉིད་དུ་ཕྱག་འཚལ་འདུད། བདེ་ཆེན་འགྱུར་བ་མེད་པའི་རྡོ་རྗེ་ནི། རྣམ་ཀུན་མཆོག་ལྡན་སྟོང་པ་ཉིད་དབྱིངས་དང་། ཡེ་ནས་ཟུང་ངག་དབྱེ་བ་མེད་འཆང་བ། སངས་རྒྱས་ཀུན་གྱི་ཡབ་དེར་གུས་ཕྱག་འཚལ། །རྣམ་པར་བཅས་ཀྱང་རྣམ་མེད་མ། །ཡང་དུ་བརྗོད་ཀྱང་བརྗོད་བྲལ་བ། ཇི་ལྟར་བསམ་ཀྱང་བསམ་ཡས་མ། རྒྱལ་བ་བསྐྱེད་མ་ཕྱག་འཚལ། སྣ་ཚོགས་གཟུགས་འདི་ཚངས་པས་

(༡༨༤)མ་བྱས་གྲུབ་མཆོག་རྣམས་ཀྱི་སྐུའི་གསང་བདག་གློགས་འཆང་བ་ཉིད། མང་པོར་སྒྲོགས་འདི་ཞི་བའི་ཚིག་མིན་ཆོས་ལ་ལོངས་སྤྱོད་གསུང་གི་གསུང་བདག་པད་དཀར་འཛིན་པའི་དབྱངས། སྟོང་གསལ་དབྱིངས་འདི་དྲག་པོས་མ་བསམ་ཆོས་སྐུའི་ངང་ཡིན་ཐུགས་གྱི་གསང་བདག་ཕྱག་ན་རྡོ་རྗེ་སྟེ། གསུང་རབ་མ་ལུས་གཅིག་ཏུ་སྡུད་འདི་སེམས་ཅན་གྱིས་ཡིན་གསང་གསུམ་བདག་པོ་རྒྱལ་སྲས་རྣམས་ལ་འདུ། ཇི་ལྟ་ཇི་སྙེད་ཆོས་རྣམས་ཐམས་ཅད་གསལ་བར་མཁྱེན་ཞིང་སྒྲིབ་མེད་གཟིགས་པའི་ཡེ་ཤེས་སྐུ་མངའ་བས། འཇིག་རྟེན་ཁམས་དང་རྣལ་འབྱོར་རྗེའི་ལུས་ནི་དཀྱིལ་འཁོར་ལྷ་དང་ནམ་ཡང་དབྱེར་མེད་དེ་བཞིན་ཉིད་དུ་སྟོན། གཉིད་དང་རྨི་ལམ་སད་པ་དང་ནི་སྙོམས་པར་འཇུག་གང་གནས་སྐབས་རྣམ་བཞིའི་འཁྲུལ་པ་སེལ་མཛད་པ། སྲིད་ཞིའི་ཁྱབ་བདག་དཔལ་དང་ལྡན་པའི་བླ་མ་ཞེས་གྲགས་རྒྱལ་བའི་དབང་པོ་དེ་ལ་བདག་ཕྱག་འཚལ། གཞོམ་དུ་མེད་པའི་ཐིག་ལེ་དེ་ནི་ཨེ་ཝཾ་ལ་སོགས་ཟུང་དུ་འཇུག་པའི་བདག་ཉིད་དེ་ཁོ་ན་སྟེ། ཁུ་བ་རྡུལ་དང་མུན་པ་རྣམས་ནི་རྡོ་རྗེ་གསུམ་དུ་རྣམ་པར་དག་པའི་འབྲས་བུ་སྐུ་གསུམ་ཅན། གནས་སྐབས་བཞི་ཡི་འཁྲུལ་པ་མཐའ་དག་ཕྱག་རྒྱ་རྣམ་བཞིས་ངེས་པར་བཅིངས་ལས་བཅོམ་ལྡན་སྐུ་བཞི་ཉིད། ཕུང་ཁམས་རྣམ་དག་མེ་ལོང་ལ་སོགས་ཡེ་ཤེས་ལྔ་ལྡན་རྒྱལ་བ་སྐུ་ལྔའི་བདག་ཉིད་ལ་ཕྱག་འཚལ། ཆོས་དབྱིངས་ཤེས་བྱ་གཅིག་སུའི་ཉམས་ནི་དུ་མའི་གར་བསྒྱུར་

(༡༨༥)སྣང་སྲིད་ཀུན་གྱི་ཁྱབ་བདག་རྒྱུད་མའི་དངོས། ཤེས་རབ་ཕ་རོལ་ཕྱིན་པའི་ཡུམ་ཁྱོད་དབུ་མའི་རང་བཞིན་གཉུག་མའི་ཡིད་ནི་ལྷན་སྐྱེས་བདེ་གཅིག་ཉིད། རྡོ་རྗེ་ལྟ་བུའི་ཏིང་ངེ་འཛིན་མཐར་རྣམ་པ་ཀུན་མཁྱེན་མི་གཡོ་རབ་དགའ་དཔེ་ཡི་མཚོན་པ་གང་། སྣ་ཚོགས་ཡུམ་དང་བདག་མེད་མ་བགོས་ལྷ་མོའི་མིང་གིས་འབོད་པ་དེ་ལ་གུས་པར་ཕྱག་འཚལ་ལོ། རྒྱལ་བ་ཉིད་ཀྱི་རྒྱུད་སྡེ་དུ་མར་ནང་གི་དོན་འདི་མཐའ་དྲུག་ཚུལ་བཞིའི་ཕྱག་རྒྱས་བཅིངས་ཏེ་སྦས། ལ་ལ་དག་དུ་ཕྱོགས་རེ་ཕྱོགས་རེ་གསལ་བར་གསུངས་ཤིང་འགབ་ཞིག་ཏུ་ནི་མཚོན་པའི་ཚིགས་གྲུབ་པའི་གནས་སུ་མཁའ་ལ་སྤྱོད་པའི་རིག་འཛིན་རྣམས་དང་ཌཱ་ཀིའི་ཚོགས་ཀྱི་རྡོ་རྗེའི་ཚིག་གི་བཤུས། འཕགས་པའི་ཡུལ་དུ་འགྲེལ་མཛད་མང་པོས་རྒྱུད་དོན་ཇི་བཞིན་གསལ་བར་ཕྱེ་ནས་བརྡ་ཡི་ཚིག་གིས་སྦས། གངས་ཅན་འདིར་ཡང་སྔོན་བྱོན་དུ་མས་རང་གཞུང་དག་དང་གཞན་འགྲེལ་ཉིད་དུ་བྱས་པ་མང་ཡོད་ཀྱི། ལ་ལ་རྒྱས་དང་འགའ་ཞིག་བསྡུས་ཆོས་དེ་ཉིད་གྱིས་ན་མི་གསལ་འཐོར་བ་དང་ནི་འཁྲུགས་ཤིང་མ་ཚང་བ། ཇི་བཞིན་བཟིགས་ཡེ་ཤེས་སྤྱན་ཅན་རང་བྱུང་རྡོ་རྗེས་ཟབ་མོའི་གཞུང་ལས་གཅིག་ཏུ་ལེགས་བསྡུས་ནས། གབ་པ་མངོན་ཕྱུང་ཚངས་མ་འཛིང་རྒྱས་དང་བསྡུས་མིན་ཚིག་སྦྱོར་ལྡན་པའི་གཞུང་དེ་བསྡུ་བར་མཛད། ལྷག་བསམ་གྱིས་ནི་ཐར་འདོད་འགའ་ལ་ཕན་པར་བཞེད་ནས་རང་གི་འགྲེལ་པས་རྒྱས་

(༡༨༦)པར་བགྲོལ་མོད་ཀྱང་། རབ་ཏུ་བརླིང་ཕྱིར་རྡོ་རྗེའི་ཚིག་གང་རྟོག་གེ་པ་དང་བྱིས་པ་ཡི་ནི་ཡུལ་དུ་མ་གྱུར་པས། དཔྱོད་ལྡན་ཕལ་གྱི་རྟོགས་པར་མ་ནུས་དེ་རྟོགས་བྱ་འབྱིར་རིག་པའི་རལ་གྲིས་སླར་ཡང་དེ་ཉིད་བགྲལ། མཁས་གཞན་དག་གི་རང་འགྲེལ་ལ་ནི་ཟུར་གྱི་རྒོལ་བའི་བཤད་པ་མཛད་མདོ་ཆོས་རྗེས་འབྲང་ཕྱིར་དགེ །ཚུལ་འདི་བདག་གིས་རྒྱལ་བའི་དབང་པོ་ཉིད་ལས་ལན་མང་ནོད་ཅིང་མཁས་པ་གཞན་ལའང་དགོས་པ་དཔྱད། རང་གི་འགྲེལ་པ་འགྲེལ་བཤད་བཅས་ལ་ནན་ཏན་གྱིས་སྦྱངས་ཁངས་སུ་སྨོས་པ་ཕལ་མོ་ཆེ་ཡང་མཐོང་། མཁས་གྲུབ་དུ་མས་བྱིན་གྱིས་བརླབས་ཤིང་མན་ངག་མཐའ་དག་ལྷུག་པར་བརྩལ་ཉིད་ཉམས་སུ་བླངས་པ་ལས། ནང་གི་དོན་ལ་ངེས་པ་རྙེད་ནས་གཞན་ལ་ཕན་ཕྱིར་འགྲེལ་པའི་བཤད་པ་རྩོམ་ལ་སྤྲོ་བ་སྐྱེས། །སྣང་བའི་མུ་སྟེགས་ཕྱི་རོལ་པར་བཅས་ཕ་རོལ་ཕྱིན་པ་ཕྱོགས་གཅིག་པས་ནི་མྱོང་བར་མ་བྱས་ཤིང་། བྱ་བ་སྤྱོད་དང་རྣལ་འབྱོར་གྱིས་ནི་རྒྱུད་རྣམས་ཀུན་ཏུ་གསང་པ་གང་དེ་རྡོ་རྗེ་འཆང་གིས་ནི། བླ་ན་མེད་པའི་རྒྱུད་སྡེ་ལས་ནི་རྒྱས་པར་བསྟན་པའི་ཟབ་གནད་ལུས་སེམས་ནང་གི་བདག་ཉིད་རྣམས། མཐའ་དྲུག་ཚུལ་བཞིའི་ཕྱག་རྒྱ་བཀྲོལ་ནས་བློ་ལྡན་རྣམས་ལ་ཕན་པར་བསམ་ཏེ་གཞུང་འདི་དབྱེ་བར་བྱ། རྟོགས་དཀའ་ཟབ་མོའི་དོན་མཚོན་རྡོ་རྗེའི་ཚིག །མངོན་ཤེས་དྲུག་ལྡན་གཅིག་པུའི་ཡུལ་

(༡༨༧)ཡིན་གྱིས། རྒྱལ་བའི་མྱུ་གུ་ལ་མང་ལྐོག་གྱུར་ན། ཚུར་རོལ་མཐོང་བའི་སྤྱོད་ཡུལ་ལྟ་ཅི་སྨོས། དེ་ལྟར་མདོ་ཀྱི་དུས་མཐར་སྐྱེས་ཤིང་ཤེས་རབ་མིག་ལྟོ་མཐོས་ལམ་དོར་རེ་ལེ་ལོའི་འདམ་དུ་བྱིང་། བྲིཏྟ་ཛཱ་ཏའི་ཚིག་སྦྱོར་ཤེས་པའི་སྨྲ་བ་མི་ལྡན་སྐལ་བ་དམན་པའི་བླུན་པོ་བདག་འདྲ་ཡིས། འབྲེལ་འོས་མིན་ཀྱང་གཞུང་ལུགས་མང་དང་རང་གིས་འགྲེལ་པའི་མན་ངག་དང་ནི་རྒྱལ་བའི་དབང་པོ་ཡིད། བཀའ་དྲིན་མཐུ་ལས་གསལ་བར་མཐོང་འདི་རྟོག་གེས་མ་སླད་དེས་དོན་བཞིན་དུ་འཆང་བར་རིགས་སྙམས། འདི་ནི་བཟང་འགྲོར་འགྲོ་བ་རྣམས་གྱི་བགྲོད་གཅིག་ལམ་དང་ལྟ་ངན་མཚོ་ལས་སྒྲོལ་བའི་གྲུ་ཆེན་ཡིན། རྣམ་གྲོལ་ཡིད་བཞིན་ནོ་བུར་ལེན་བའི་དེད་དཔོན་དུང་ནི་འཛག་བདེ་།།།འཕྲད་ལས་སྒྲོལ་བའི་སྐྱབས་ཀྱིས་མཆོག །ལས་དང་ཉོན་མོངས་ཚད་གདུང་སིམ་བྱེད་ཐུགས་རྗེའི་ཆར་དང་སེམས་ཉིད་རང་ཞལ་སྟོན་པའི་མེ་ལོང་སྟེ། དྲི་མེད་རྒྱལ་བའི་སྙིང་པོ་འདི་ལ་དད་པས་འཇུག་པའི་ཐར་འདོད་རྣམས་ནི་མཆོག་གི་སྐལ་ལྡན་ནོ། དེ་ལ་འདིར་བཤད་པར་བྱ་བའི་ཆོས་ནི་ཟབ་མོ་ནང་ནི་དོན་ཞེས་བྱ་བའི་རྒྱ་ཆེར་བཤད་པ་རང་གི་འགྲེལ་པ་དང་བཅས་པ་སྟེ། དེ་དག་ཀྱང་རྒྱལ་བའི་གསུངས་རབ་སྤྱི་དང་བླ་ན་མེད་པའི་རྒྱུད་སྡེ་མཐའ་དག་གིས་སྦས་པའི་དོན་གྱི་ཟ་མ་ཏོག་ཁ་འབྱེད་བའི་ལྟེ་མིག་ལྟ་བུར་གསུང་པས་ན་སྟོན་པ་བླ་ན་མེད་པ་དེའི་བསྟན་པ་མཐའ་དག་གི་ངེས་པའི་དོན་མ་ལུས་པ་ཕྱོགས་གཅིག་ཏུ་

(༡༨༨)གསལ་བར་བྱེད་པ་ཡིན་ནོ། དེ་ལ་བདག་ཅིག་གི་སྟོན་པ་མི་མཉམ་པའི་སྐྱེ་ཅན་ཆོས་ཀྱི་རྗེ་ཐུབ་པའི་དབང་ པོ་འདིས་ཐོག་མ་མེད་པ་ནས་ཡང་ནས་ཡང་དུ་གྱུར་པ་ནམ་མཁའི་མཐའ་ཀླས་པའི་ལུས་ཅན་མ་རིག་པའི་མིང་ཐོག་གིས་ལྟོངས་ཏེ། འཇིག་ཚོགས་སུ་ལྟ་བ་ལ་སོགས་པ་ལྟ་བ་སྣ་ཚོགས་པའི་རིའི་རྩེ་མོ་མཐོ་ཞིང་བརླིང་བས་ཀུན་ནས་བསྐོར་ཏེ་དེ་ཁོ་ན་ཉིད་ལ་རྟེན་ཅིང་འབྲེལ་པར་འབྱུང་བའི་འདུ་འཕྲོད་ལ་རྨོངས་པ་མ་རིག་པའི་མུན་པ་འཐུག་པོ་དང་། སྒྱུ་མ་ལྟ་བུའི་ཕུང་པོ་ལ་ད་ཡིར་འཛིན་པ་སོགས་བ་རྒྱས་ཀྱི་དུག་གི་ལྗོན་ཤིང་སྡུག་བསྔལ་གྱིས་འབྲས་བུ་ཡིད་དུ་མི་འོང་བ་འབྱིན་པ་ལ་དཀྲིས་པའི་མཚན་མར་འཛིན་པ། རྫོགས་པའི་འཁྲི་ཤིང་གི་ཡལ་ག་འབྱུག་པོས་ཐར་པའི་ལམ་མ་ལུས་པ་བསྒྲིབ་ཤིང་། སྲེད་པའི་ཆུ་ཀླུང་གི་འོབས་ཆེན་ལས་དང་ཉོན་མོངས་པས་གཏིང་མཐའ་མེད་པར་གང་བའི་རྒྱ་མཚོ་ཆེན་པོར་ལྷུང་ནས། སྡུག་བསྔལ་དཔག་ཏུ་མེད་པས་ཉམས་ཉེས་པར་བྱས་པ་རྣམས། ཐར་པ་བླ་ན་མེད་པའི་བདེ་བ་དམ་པ་ལ་འགོད་པར་བཞེད་པས་ཚད་མེད་པའི་ཐུགས་རྗེ་ཆེན་པོས་ཁྱབ་པར་མཛད་དེ་བསྐལ་པ་དཔག་ཏུ་མེད་པའི་སྔ་རོལ་ནས་ཐབས་ལ་མཁས་པ་དང་ཤེས་རབ་ཀྱི་ཕ་རོལ་ཏུ་ཕྱིན་པའི་གྲུ་བོ་ཆེ་ལ་བརྟེན་ནས་ཚོགས་གཉིས་ཀྱི་རྒྱ་མཚོ་གཏིང་མཐའ་ཡོད་པ་ལས་རྒལ་ཏེ། འོག་མིན་གྱི་གནས་མཆོག་ཆོས་ཀྱི་སྐུའི་གླིང་ཆེན་པོ་ལ་མངའ་དབང་དུ་མཛད་པ་ལས་འདོད་བའི་འབྲས་བུ་མཐའ་

(༡༨༩)དག་དུས་གཅིག་ལ་གཏེར་བར་བྱེད་པའི་ཡིད་བཞིན་གྱིས་ནོར་བུར་ཆོས་ཀྱི་སྐུ་རྣམ་པར་གྲོལ་བའི་ཡེ་ཤེས་ཆེན་པོ་ལག་ཏུ་བླངས་ནས། སླར་ཡང་འཛམ་བུའི་གླིང་འདིར་དགའ་ལྡན་གྱི་གནས་ནས་འཕོ་བ་ལ་སོགས་པ་ནས་བརྩམས་ཏེ་ཤིང་ས་ལ་ཟུང་གི་ཚལ་དུ་མྱ་ངན་ལས་འདའ་བའི་ཚུལ་བསྟན་པའི་བར་ཏུ། སྤྲུལ་པའི་སྐུའི་མཛད་པ་ངོ་མཚར་རྨད་དུ་བྱུང་བའི་སྒོ་བས་འགྲོ་བ་མཐའ་དག་གི་ཁམས་དང་བསམ་པ་དང་དབང་པོ་བག་ལ་ཉལ་བ་རྣམས་མཁྱེན་པས་དེ་དང་མཚམ་པར། སེམས་ཅན་རང་གི་སྐད་དུ་ལེས་ཀྱི་འཁོར་ལོ་མ་ལུས་པ་རྣམ་པ་ཐམས་ཅད་དུ་བསྐོར་བར་མཛད་དོ། དེ་ནས་དགྲ་བཅོམ་པ་ཆོས་ཀྱིས་རྒྱན་དང་ལྡན་པ་རྣམས་ཀྱི་བཀའ་བསྡུ་བ་རིམ་པར་མཛད་ཅིང་སྡེ་སྣོད་གསུམ་གྱི་གླེགས་བམ་ཡང་བཀོད་ལ། དབང་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོའི་ཆོས་ཀྱི་ཕུང་པོ་རྣམས་ཀྱང་ལེགས་པར་བསྡུས་ཤིང་། ཤམ་བྷ་ལ་དང་། ཨཽ་དྷི་ཡ་ན་ལ་སོགས་པ་སྤྲུལ་པའི་གནས་རྣམས་སུ་འཁོར་ཌཱ་ཀི་ཏིལ་གྱི་གང་བུ་ཁ་ཕྱེ་བ་ལྟ་བུས་གང་བའི་དབུས་སུ་སྐུ་གསུངས་ཐུགས་གི་གསང་བའི་བདག་པོ་རྣམས་ཀྱི་བླ་ན་མེད་པའི་རྒྱུད་སྡེ་མཐའ་དག་བསྡུས་ནས་གླེགས་བམ་དུ་མཛད་པ་ལས། གྲུབ་པའི་སྐྱེས་བུ་དུ་མས་རྫུ་འཕྲུལ་མངོན་བར་འདུ་མཛད་དེ་མིའི་ཡུལ་དུའང་སྤྱན་དྲང་ནས་དར་བར་མཛད་པས་སྐྱེ་འགྲོ་ཕལ་མོ་ཆེ་མཁའ་ལ་སྤྱོད་པའི་རིག་པ་འཛིན་པ་ན་སྟག་ཏུ་གྱུར་ཅིང་། སྐལ་བ་དང་ལྡན་པའི་གདུལ་བྱ་དཔག་ཏུ་མེད་པ་

(༡༩༠)སྨིན་གྲོལ་གྱི་ལམ་ལ་འགོད་པར་མཛད་དོ། སླད་གྱི་རྒྱན་དྲུག་དང་། མཆོག་གཉིས་ལ་སོགས་པའི་སྐྱེས་ཆེན་དུ་མས་ཐུབ་བསྟན་གྱི་ཉིན་བྱེད་ས་ཆེན་པོ་འཁོར་ཡུག་དང་བཅས་པའི་བར་དུ་གསལ་བར་མཛད་ཅིང་། དངོས་གྲུབ་རྣམ་པ་གཉིས་ལ་དབང་བསྒྱུར་བའི་གྲུབ་པའི་དབང་ཕྱུག་ཨིནྡྲ་བྷུ་ཏི་དང་ས་ར་ཧ་དང་བིར་ཝ་པ་དང་ཌོམྦྷི་པ་དང་ནག་པོ་སྤྱོད་པ་ལ་སོགས་པ་རྣམས་དང་རྣལ་འབྱོར་གྱི་དབང་ཕྱུག་ཏེ་ལོ་པ་དང་ནཱ་རོ་པ་དང་མཻ་ཏྲི་པ་ལ་སོགས་པ་སྔར་གྱི་ལམ་གྱུར་བདེ་ལ་བརྟེན་ནས་གྲུབ་པ་ཐོབ་པའི་སྐྱེས་ཆེན་དཔག་ཏུ་མེད་པས་ཟབ་མོ་རྡོ་རྗེའི་ཐེག་པ་རྒྱས་པར་མཛད་ལ། རིག་གསུམ་མགོན་པོའི་རྣམ་པར་འཕྲུལ་པ་ཆོས་སྐྱོང་བའི་རྒྱལ་པོ་རྣམས་དང་། འཇིག་རྟེན་གྱི་མིག་རྣམས་ཀྱི་བཀའ་དྲིན་ལས། བོད་ཡུལ་མུན་པའི་གླིང་འདིར་དམ་པའི་ཆོས་ཀྱི་ཉི་འོད་སྙོམས་པར་བརྡལ་བ་སྐྱེ་དགུ་ཐམས་ཅད་ཐར་པའི་མཐའ་དག་ལ་ཐར་པའི་ལམ་བཟང་སྣང་བར་མཛད་དོ། དེའི་ཚེ་མངའ་ལྷག་མར་པ་ལོ་ཙཱ་ཞེས་སྙན་པའི་གྲགས་པ་ས་གསུམ་དུ་སྒྲོགས་པ་དེ་ཉིད་ཀྱི་བསྟན་པ་དང་སེམས་ཅན་གྱི་དོན་དུ་སྐུ་ལུས་དང་སྲོག་ལའང་ལྟོས་པ་མེད་པར་རྒྱ་གར་འཕགས་པའི་ཡུལ་དུ་ལན་མང་དུ་བྱོན་ནས་བཀའ་བབས་བཞིའི་བརྒྱུད་པ་ལས་ལེགས་པར་འོངས་པའི་རྒྱུད་སྡེ་མཐའ་དག་གི་བཤད་སྲོལ་རིམ་པ་གཉིས་ཀྱི་སྔག་ལས་རབ་འབྱམས་སྒྲུབ་པའི་ཚུལ་ལ་སོགས་།།།བཅས་པ་གངས་ཅན་གྱི་ལྗོངས་འདིར་སྤྱན་དྲངས་ནས་མོས་རྔོག་མཚུར་ལ་སོགས་པ་རྣམས་དང་། ཁྱད་པར་དུ་རྗེ་བཙུན་ཆེན་པོ་མི་ལ་རས་

(༡༩༡)པ་ལ་རྗེས་སུ་གདམས་ཞིང་དེ་ལས་བྱང་ཆུབ་སེམས་དཔའ་སེམས་དཔའ་ཆེན་པོ་ཟླ་འོད་གཞོན་ནུར་གྱུར་པས་ནོད་དེ་ཐུ་ཉམས་སུ་བསྟར་བའི་ཕྲིན་ལས་ཀྱི་ཟབ་མོ་རྒྱ་ཆེན་པོའི་གཏམ་གྱི་གངས་ཅན་གྱི་སའི་ཐིག་ལེ་མ་ལུས་པ་ཁྱབ་པར་གསལ་བར་བཀའ་དྲིན་ལས་སྐྱེས་པའི་བརྒྱུད་རིན་པོ་ཆེ་ནོར་བུའི་ཕྲེང་བ་ལྟར་བྱོན་པ་ནི་དཔལ་དང་ལྡན་པའི་དགས་པོའི་བཀྱུད་དོ། ཁྱད་པར་དུ་ཡང་མཐའ་ཡས་པའི་གདུལ་བྱ་རྣམས་ཀྱི་དོན་དུ་སྐལ་པ་དཔག་ཏུ་མེད་པའི་སྔ་རོལ་ནས་བླ་ན་མེད་པའི་བྱང་ཆུབ་ཆེན་པོར་ཐུགས་བསྐྱེད་ཅིང་། ཕ་རོལ་ཏུ་ཕྱིན་པ་དྲུག་གི་ལམ་ལ་བརྟན་ནས་རྣམ་པར་གྲོལ་བའི་ཕུང་པོ་ཆོས་ཀྱི་སྐུ་མངོན་དུ་མཛད་པར་རྒྱལ་བ་ཉིད་དང་མཚུངས་ཀྱང་རྒྱལ་བའི་བསྟན་པ་ལ་བྱང་ཆུབ་སེམས་དཔའི་ཚུལ་བཟུང་ནང་དམིགས་པ་མེད་པའི་མཁྱེན་རབ་དང་ཐུགས་རྗེ་ཚད་མེད་པ་མངའ་བ་ཆོས་ཀྱི་རྗེ་རང་བྱུང་རྡོ་རྗེ་ཞེས་མཚན་ཡོངས་སུ་གྲགས་པ་དེ་ཉིད་ཀྱི་རྒྱུ་དང་འབྲས་བུའི་ཐེག་པ་ཐམས་ཅད་ནས་བྱང་པའི་ངེས་པའི་དོན་རྣམས་དང་། ཐེག་པ་ཆེན་པོ་ཟབ་པ་དང་རྒྱ་ཆེ་བའི་ཚུལ་རྣམས་ཕྱིན་ཅི་མ་ལོག་པར་བསྟོན་པའི་བསྟན་བཅོས། མཐའ་དྲུག་དང་ཚུལ་བཞིའི་ཕྱག་རྒྱས་ཡང་དག་པར་མཁས་པའི་།།།ཐམས་ཅད་ཀྱི་རྡོ་རྗེའི་ཚིག་མཐའ་དག་རྫོགས་པར་ཚང་བ། ཟབ་མོའི་ངེས་པ་གསང་བའི་ཚིག་གིས་སྒྲོལ་བུར་སོན་པའི་རྡོ་རྗེའི་ཚིག་མ་ལུས་པ་ཁ་ཕྱེ་བ་མེད་པ། དེ་བཞིན་གཤེགས་པའི་སྙིང་པོ་ཡིད་བཞིན་གྱི་ནོར་བུར་རིན་པོ་ཆེའི་ཟ་མ་ཏོག་ཁ་འབྱེད་པ། འཇིག་རྟེན་དང་འཇིག་རྟེན་ལས་འདས་པའི་བདེན་པ་ལ་བརྟེན་བ། གཞི་དང་ལམ་དང་འབྲས་བུའི་རྒྱུད་

(༡༩༢)གསུམ་གྱི་ངེས་པ་ཕྱིན་ཅི་མ་ལོག་པར་བརྟེན་པ། བརྡའི་སྐད་དང་རྡོ་རྗེའི་ཚིག་མ་ལུས་ཤིང་ལུས་པ་མེད་པ་དག་གསལ་བར་བྱེད་པ། འཇིག་རྟེན་གྱི་ཁམས་དང་རྡོ་རྗེའི་ལུས་དང་དཀྱིལ་འཁོར་གྱི་འཁོར་ལོ་དང་བཅས་ཡེ་ཤེས་ཆེན་པོ་རྣམས་མ་འཇིངས་བར་ཇི་ལྟ་བ་བཞིན་སྟོན་པ། བརྗོད་བྱ་དང་རྗེས་སུ་མཐུན་པའི་དུམ་བུའམ་ལེའུ་བཅུ་གཅིག་གི་བདག་ཉིད་ཅན་རྡོ་རྗེ་ཐེག་པའི་ཟབ་མོ་ནང་གིས་དོན་གྱི་རྒྱ་ཆེར་བཤད་པ་འདི་རྩོམ་པར་མཛད་དོ། དེ་ལྟ་བུའི་བསྟན་ཆོས་འདི་འཆད་པར་བྱེད་པ་ལ་གཉིས་སྟེ། བཤད་བྱ་བསྟན་བཅོས་ཀྱི་ཆེ་བ་བརྗོད་པ་དང་། འཆད་བྱེད་བསྟན་བཅོས་ཀྱི་དོན་དངོས་པོ། དང་པོ་ལ་གཉིས། བསྟན་བཅོས་བརྩོམ་པ་པོའི་ཆེ་ན་དང་། བརྩམས་པའི་བསྟན་བཅོས་ཁུང་བཙུན་པའི་རྒྱུ་མཚན་ནོ། དང་པོ་ནི། བསྐལ་བཟང་གི་སངས་རྒྱས་དྲུག་པ་དེ་བཞིན་གཤེགས་པ་སེང་གེའི་རྣམ་པར་འཕྲུལ་པ་རྒྱལ་བའི་དབང་པོ་ཀརྨ་པར་གྲགས་པའི་སྤྲུལ་སྐུ་རིམ་པར་བྱོན་པ་རྣམས་ཀྱི་སྐུ་ཆེ་བའི་སྟོན་བསྟན་ཏེ། འདི་ཉིད་ཀྱི་བྱང་ཆུབ་ཀྱི་མཆོག་ཏུ་ཐུགས་བསྐྱེད་པ་ལ་གོས་པའི་ཚུལ་ནི། སྙིང་པད་མ་དཀར་པོའི་མདོ་ལས། སྔོན་སྐལ་པ་དཔག་ཏུ་མེད་པའི་སྔ་རོལ་ཏུ། བསྐལ་པ་འཛིན་པ་ཞེས་བྱ་བ་ལ། འཁོར་ལོས་བསྒྱུར་བའི་རྒྱལ་པོ་རྩིབ་ཀྱི་མུད་ཅེས་བྱ་བ་བྱུང་སྟེ། དེའི་བཅོམ་ལྡན་འདས་ཐུབ་པའི་དབང་པོ་འདི་ཉིད། རྒྱལ་པོ་དེའི་མདུན་ན་འདོན་བྲམ་ཟེ་རྒྱ་མཚོ་རྡུལ་ཞེས་བྱ་བར་སྐུ་འཁྲུངས་

(༡༩༣)ནས། རང་གི་སྲས་སངས་རྒྱས་པའི་མཚན་རིན་ཆེན་སྙིང་པོ་ཞེས་བྱ་བའི་དྲུང་དུ། བྱང་ཆུབ་ཏུ་ཐུགས་བསྐྱེད་ཅིང་། མ་དག་པའི་ཞིང་འདི་ཡོངས་སུ་བཟུང་བའི་ཚེ་ན། རང་ཅག་རྣམས་ཀྱིས་འདྲེན་པ་འདིས་ཀྱང་བྱང་ཆུབ་མཆོག་ཏུ་ཐུགས་བསྐྱེད་ནས། ཞིང་ཡོངས་སུ་བཟུང་བར་བཤད་པ་དང་། གསང་བ་བསམ་གྱིས་མི་ཁྱབ་པའི་མདོ་ལས། འདས་པའི་དུས་ན། འཇིག་རྟེན་གྱིས་ཁམས་རྣམ་པར་རྒྱལ་བ་ཞེས་བྱ་བར། དེ་བཞིན་གཤེགས་པ་ཡོན་ཏན་མཐའ་ཡས་རིན་ཆེན་སྣ་ཚོགས་བཀོད་པའི་རྒྱལ་པོ་ཞེས་བྱ་བ་བྱོན་པའི་ཚེ། བདག་ཉིད་ཆེན་པོ་འཁོར་ལོ་བསྒྱུར་བའི་རྒྱལ་པོ་ཡུལ་འཁོར་བསྲུང་ལ་བུ་སྟོང་ཡོད་པའི་དྲུག་པ་མཆོག་གི་བློ་གྲོས་ཤེས་བྱ་བར་འཁྲུངས་ནས། རྒྱལ་བ་དེའི་དྲུང་དུ། སེམས་བསྐྱེད་ཅིང་ཡབ་ཀྱི་ཐོག་མར་གང་འཚང་རྒྱ་བ་བརྟགས་པའི་ཚེ་ན་བསྐལ་པ་བཟང་པོའི་སངས་རྒྱས་དྲུག་པར་ལུང་བསྟན་པ་ཐོབ་ཅེས་བཤད་ཅིང་། བསྐལ་བཟང་གི་སེམས་དཔའ་ཐམས་ཅད་ཐོག་མ་མེད་པ་ནས་སངས་རྒྱས་ཟིན་པར་ས་བཅུ་པ་སོགས་མདོ་སྡེ་དུ་མ་ལས་གསུངས་པའི་ཕྱིར་རོ། དེ་ལྟར་ན་བསྟན་པ་འདི་ལ་སྐྱེས་པའི་རབས་སྣ་ཚོགས་པའི་སྒོ་ནས་ཚོགས་གཉིས་བསགས་པ་དང་དཀའ་སྤྱད་མཛད་དེ་ལམ་ལ་རིམ་གྱི་འཇུག་དགོས་པ་ལ་འགལ་ལོ་ཞེ་ན། རང་དོན་དུ་དེ་ལྟར་མིན་ཀྱང་བསྟན་པ་འདིའི་སྒོ་ནས་འདུལ་བར་འོས་པ་རྣམས་ཀྱི་དོན་དུ་དེ་དང་དེའི་ཚུལ་བཟུང་ནས་ཤཀྱའི་སྲས་ཀྱི་དམ་པའི་ཆོས་ཀྱི་གདུལ་བྱ་རྗེས་སུ་འཛིན་པའི་ཆེད་དུ་

(༡༩༤)ཡིན་ཏེ། སྨོན་ལམ་གྱི་མཐུ་བསམ་གྱི་མི་ཁྱབ་པའི་ཕྱིར་དང་། གཅིག་གི་བསྟན་པ་ལ་གཅིག་ཤོས་ཀྱི་བྱ་བ་བྱེད་པ་མི་འགལ་བས་སོ། དཔེར་ན་།།།བསྟན་པ་ལ་ཕན་གནོད་འབྱུང་ཚུལ་འོང་བསྲུངས་ཀྱི་ལུང་བསྟན་པ་བཞིན་ནོ། སེམས་ཅན་གྱི་ཚུལ་འཛིན་པ་དེ་ཡང་གཞན་སྣང་ཙམ་ཡིན་གྱི་ངེས་པའི་དོན་དུ་བསྐལ་བཟང་གི་སངས་རྒྱས་ཐམས་ཅད་འོག་མིན་དུ་ཆོས་སྐུ་མངོན་དུ་མཛད་དེ་ལས་མ་གཡོས་བཞིན་དུ་འཛམ་བུའི་གླིང་དུ་སྤྲུལ་པའི་སྐུའི་རྣམ་པར་རོལ་བ་སྣ་ཚོགས་སུ་བསྟན་པ་ཡིན་ཏེ། ཐེག་པ་ཆེན་པོ་བརྒྱུད་བླ་མ་ལས། ཐུགས་རྗེ་ཆེན་པོས་འཇིག་རྟེན་མཁྱེན། འཇིག་རྟེན་ཀུན་ལ་གཟིགས་ནས་ནི། ཆོས་ཀྱི་སྐུ་ལས་མ་གཡོས་པར། སྤྲུལ་པའི་རང་བཞིན་སྣ་ཚོགས་གྱི། སྐྱེ་བ་མངོན་པར་སྐྱེ་བ་དང་། དགའ་ལྡན་གནས་ནས་འཕོ་བ་བཞི། ཞེས་སོགས་དང་། སམ་བྷུ་ཌི་ལས་ཀྱང་། བརྒྱས་ཀུན་གྱི་རྫུ་འཕྲུལ་ཆེ། རྣམ་པར་མཛད་ཅིང་རབ་ཏུ་བསྒྱུར། ཁ་གཅིག་ཏུ་བྱང་ཆུབ་ཆེན་པོའི་སེམས། ཁ་གཅིག་ཏུ་ནི་ཇི་ལྟར་སྤྱོད་རྗེས་འབྲང་། ཁ་གཅིག་ཏུ་ནི་དགའ་ལྡན་ལྷ་རྣམས་ལས། མཆོག་ཏུ་ཡང་ནི་འབབ་པར་འགྱུར་པ་དང་། ཁ་གཅིག་ཏུ་ནི་བལྟམས་པ་རྣམ་དབང་ཅིང་། ཁ་གཅིག་ཏུ་ནི་ཁ་ནས་གསལ་བྱུང་དང་། ཁ་གཅིག་ཏུ་ནི་བྱང་ཆུབ་ཆེན་པོ་མཆོད། ཁ་གཅིག་

(༡༩༥)ཏུ་ནི་ཐུབ་པ་མངོན་བྱང་ཆུབ། ཁ་གཅིག་ཏུ་ནི་འཁོར་ལོ་རབ་ཏུ་བསྐོར། ཁ་གཅིག་ཏུ་ནི་ཕས་ཀྱི་རྒོལ་བ་དང་། ལྷན་གཅིག་ཆོས་ཀྱི་ཚར་ནི་གཅོད་པའོ། ཞེས་གསུངས་སོ། འོ་ན་བསྟན་པ་གཅིག་ལ་བསྟོན་པ་གཉིས་མི་འབྱུང་བར་བཤད་པ་དང་འགལ་ལོ་ཞེ་ན་མི་འགལ་ཏེ། དེ་ནི་བསྟན་པ་གཅིག་ལ་མཛད་པ་བཅུ་གཉིས་ཀྱི་ཚུལ་བསྟོན་པའི་སྟོན་པ་གཉིས་མི་འབྱུང་བའི་དོན་ཡིན་པས་སོ། དེས་ན་ཤཀྱ་ཐུབ་པའི་བསྟན་པ་འདི་ལ་གསང་སྔགས་ཟབ་མོའི་ཉེ་ལམ་ལ་བརྟེན་ཏེ། ཚེ་གཅིག་ལུས་གཅིག་ལ་སངས་རྒྱས་ནས། སླར་ཡང་ཐུབ་པའི་བསྟན་པ་ཆེས་ཆེར་གསལ་བར་མཛད་པའི་རྣལ་འབྱོར་གྱི་དབང་ཕྱུག་དཔག་ཏུ་མེད་པ་ཡོད་པས་སོ། དེའི་ཕྱིར་སངས་རྒྱས་རྣམས་ཀྱིས་ཀྱང་ཆོས་ཀྱི་སྐུའི་གནས་ལ་གཡོ་བ་མི་མངའ་བར། སྤྲུལ་པའི་སྐུའི་སྤྱོད་པ་སྣ་ཚོགས་པས་དུས་གཅིག་ཆར་དུ་ཆོས་ཀྱི་འཁོར་ལོ་བསྐོར་བ་དང་། ལ་ལས་སྐྱེ་ཞིང་མི་སྣང་བའི་ཚུལ་དང་། སྐྱེ་བའི་ཀུན་ཏུ་སྤྱོད་པ་སྣ་ཚོགས་བ་དང་། མངོན་པར་བྱང་ཆུབ་པ་དང་མྱ་ངན་ལས་འདའ་བའི་ཚུལ་བསྟོན་པ་ལ་བགོས་པ་མིག་འཕྲུལ་ཙམ་དུ་བསྟོན་པར་མཛད་དེ། སངས་རྒྱས་རྣམས་ནི་བདག་གི་ལུས་ཅན་རྣམས་རབ་ཏུ་སྨིན་པར་བྱ་བ་ཏུ་སྨིན་པར་བྱ། སྙམས་པ་ལ་སོགས་པའི་ཀུན་སློང་མངོན་པར་འདུ་ནི་མཛད་ཀྱང་། སྨོན་ལམ་དང་ཐུགས་རྗེའི་དབང་དང་ལས་དང་སྐལ་པའི་དབང་ལས་གང་ལ་གང་འདུལ་གྱི་སྐུ་གསུངས་ཐུགས་ཀྱི་བཀོད་པ་མི་ཟད་པས་གདུལ་བྱ་སྨིན་པར་འགྱུར་བ་རྟེན་འབྲེལ་

(༡༩༦)གྱི་ཆོས་ཉིད་ཡིན་བས་སོ། དཔེར་ན་ཉིན་མོར་བྱེད་པ་ལ་རྣམ་པར་རྟོག་པ་དང་འབད་རྩོལ་མི་མངའ་ཡང་། དེའི་འོད་ཟེར་ཆེན་པོ་ཕྱོགས་བཅུར་གསལ་བས་ལོ་ཐོག་མང་པོ་སྨིན་པར་བྱེད་པ་བཞིན་ནོ། དེ་སྐད་དུ་ཡང་ཐེག་པ་ཆེན་པོ་མདོ་སྡེའི་རྒྱན་ལས། དེ་ནི་གཅིག་བར་ལ་ཡང་སྒོ་མང་བརྒྱ་ནས་ཆོས་ཀྱི་འཁོར་ལོ་དང་། ལ་ལར་སྐྱེ་བ་མི་གནད་ལ་ལར་སྐྱེ་བའི་སྤྱོད་པ་སྣ་ཚོགས་དང་། ལ་ལར་བྱང་ཆུབ་ཐམས་ཅད་ལ་ལར་དེ་ནི་མྱ་ངན་འདས་སྟོན་ཀྱང་། དེ་ནི་གནས་དེ་ལས་ཀྱང་རྣམ་པར་གཡོ་མི་མངའ་ལ་ཐམས་ཅད་མཛད་སངས་རྒྱས་རྣམས་ནི་འདི་སྙམས་ལུས་ཅན་འདི་ནི་བདག་གི་སྨིན་བྱ་ཞེའམ། འདི་ནི་རབ་ཏུ་སྨིན་བྱ་གཞན་ཡང་སྨིན་པར་བྱ་སྙམས་དུ། འདུ་མཛད་མི་མངའ་བར་ཡང་ཕྱོགས་ཕྱོགས་ཀུན་ཏུ་རྟག་པར་སྒོ་གསུམ་ནས། དག་པའི་ཆོས་ཀྱིས་ནི་སྐྱེ་བོ་རབ་ཏུ་སྨིན་བར་འགྱུར་བ་ཉིད། ཇི་ལྟར་ཉི་མ་འབད་མེད་ཕྱོགས་ཕྱོགས་ཀུན་ཏུ་འོད་ཟེར་དག །རབ་འབྱམས་གསལ་བ་མང་པོས་ལོ་ཐོག་རྣམ་སྨིན་བྱེད་པ་ལྟར། དེ་བཞིན་ཆོས་ལྡན་ཉི་མའང་རབ་ཞི་བྱེད་དང་ཆོས་ཀྱི་འོང་། རབ་འབྱམས་དག་གིས་ཕྱོགས་ཕྱོགས་ཀུན་ཏུ་སེམས་ཅན་རྣམས་སྨིན་མཛད། ཞེས་གསུངས་སོ། རྒྱུ་མཚན་དེས་ན་བདག་ཉིད་ཆེན་པོ་འདིས་ཀྱང་བསྐལ་པ་མང་པོའི་སྔ་རོལ་ནས་བྱང་ཆུབ་ཆེན་པོ་ཐུགས་སུ་ཚུད་ཅིང་སྔོན་འདས་པའི་དུས་སུ་དེ་བཞིན་གཤེགས་པ་གཞན་ཕན་རྣམ་

(༡༩༧)རོལ་དང་། སྤོས་འོད་སེང་གེ་ལ་སོགས་པ་མཆོག་གི་སྤྲུལ་པའི་སྐུའི་མཛད་པའང་བསམ་གྱིས་མི་ཁྱབ་པ་བསྟན་མདོ་ཀྱི་བསྟན་པ་འདི་ལ་ཡང་དགའ་ལྡན་གྱི་གནས་སུ་བྱང་ཆུབ་སེམས་དཔའ་བློ་གྲོབ་རིན་ཆེན་དང་། འཕགས་པའི་ཡུལ་དུ་དཔལ་ས་ར་ཧ་དང་རྣལ་འབྱོར་གྱི་དབང་ཕྱུག་མཚོ་སྐྱེས་རྡོ་རྗེ་དང་། སློབ་དཔོན་ཆེན་པོ་ཀ་མ་དྷེ་བུ་ལ་སོགས་པ་དང་། གངས་ཅན་གྱི་ལྗོངས་འདིར་ཡང་ངན་ནམ་རྒྱལ་བ་མཆོག་དབྱངས་དང་པོ་ཏོ་བ་ཆེན་པོ་རིན་ཆེན་གསལ་ལ་སོགས་པའི་སྐུའི་རྣམ་པར་བསྟན་ནས་ཐུབ་པའི་བསྟན་པ་ལ་བྱ་བ་རྒྱ་ཆེན་པོ་མཛད་ཅིང་། དེང་སང་གི་དུས་ཀྱང་ཡུལ་དང་སའི་ཆ་རིག་མི་འདྲ་བ་མང་པོར་ཁ་གཅིག་ཏུ་སངས་རྒྱས་པའི་ཚུལ་དང་གཞན་དག་དུ་བྱང་ཆུབ་སེམས་དཔའི་མྱང་པ་སྤྱོད་པའི་རྣམ་པས་རྣལ་འབྱོར་གྱི་དབང་ཕྱུག་དང་པཎྜི་ཏ་དང་འཁོར་ལོ་བསྒྱུར་བ་དང་། ཁྱིམ་བདག་དང་། དམག་དཔོན་དང་། བཙུན་མོ་དང་། འགྲོ་བ་གཞན་གྱི་རྣམ་པ་དང་རྫིངས་དང་ཟམ་པ་དང་སྨན་པ་སོགས་པ་གང་ལ་གང་འདུལ་གྱི་སྐུའི་བཀོད་པ་མི་ཟད་པ་རྒྱན་གྱི་འཁོར་ལོ་བསྟན་ནས་མཐའ་ཡས་པ་མཐའ་ཡས་པའི་སེམས་ཅན་གྱི་ཚོགས་རྣམས་མཐའ་ཡས་པའི་མཐའ་ཡས་པའི་སྲིད་པའི་མཚོ་ལས་བསྒྲལ་ཏེ། མཐའ་ཡས་པ་མཐའ་ཡས་པའི་ཞིང་ཁམས་རྒྱ་མཚོ་རྣམས་སུ་མཐའ་ཡས་པ་མཐའ་ཡས་པའི་།།།མཆོག་ལ་འབོད་པར་མཛད་པའི་ཚུལ་ནི་རྣམ་པར་ཐར་པ་རྒྱ་མཚོ་རྣམས་ལས་ཤེས་པར་བྱའོ། དེ་དག་ལས་ཀྱང་རང་ཅག་རྣམས་འདུལ་བའི་སླད་དུ་དབུའི་ཅོད་པཎ་མཐོན་མཐིང་གི་

(༡༩༨)"མཛེས་པར་བརྒྱན་པའི་སྤྲུལ་པའི་སྐུ་རིམ་པར་བྱོན་པ་རྣམས་ཀྱི་དང་པོ་ནི། རྗེ་དུས་གསུམ་མཁྱེན་པ་སྟེ། དེ་ཉིད་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཏེ་དུས་སུམ་གྱི་བདེ་བར་གཤེགས་པ་མཐའ་དག་གིས་འཕྲིན་ལས་ཀྱི་བདག་པོར་མངོན་པར་དབང་བསྐུར་བའི་རྟགས་སུ་ཅོད་པཎ་མཐོན་ཁ་ཆེན་པོའི་མདངས་ཀྱི་ཉེ་བར་མཛེས་པ་འདི་ཉིད་བུའི་རྒྱན་དུ་བཀོད་པ་བས་བཟུང་སྟེ། ཞྭ་ནག་ཅོད་པཎ་འཛིན་པ་ཞེས་བྱ་བའི་མཚན་དུ་སྒྲོགས་ཅིང་། བསྟན་པ་དང་སྟོན་པ་སྲིད་དེ་མཚལ་གྱི་སྲོག་དང་མིག་དང་སྙིང་ལྟ་བུར་གྱུར་ཏེ། དེ་ཡང་བསྐལ་བཟང་གི་སངས་རྒྱས་སྟོང་ག་བསྟན་པ་མ་རྫོགས་ཀྱི་བར་དུ་འདི་ཉིད་ཀྱི་རྣམ་པར་འཕྲུལ་པ་ཡང་རྒྱུན་མི་འཆད་པར་གསུངས་ལ། གྲུབ་ཆེན་ཀརྨ་པག་ཤིའི་རྣམ་ཐར་དགོངས་པ་ལུང་བསྟོན་ལས་ཞྭ་ནག་ཅན་བཅུ་གསུམ་འབྱོན་པར་གསུངས་པའི་གཉིས་པ་ནི་གྲུབ་པའི་དབང་ཕྱུག་ཀརྨ་པ་ཡིན་ལ། གསུམ་པ་དཔལ་རང་བྱུང་གི་ཞལ་སྔ་ནས་དང་། བཞི་བ་རང་བྱུང་རོལ་པའི་རྡོ་རྗེ། ལྔ་པ་དེ་བཞིན་གཤེགས་པ། དྲུག་པ་མཐོང་བ་དོན་ལྡན། བདུན་པ་བདག་གི་བླ་མ་ཐམས་ཅད་མཁྱེན་པའི་ཞལ་སྔ་ནས་ཀྱི་བར་དུ་བྱོན་ཞིང་། བརྒྱད་པ་སྤྲུལ་པའི་སྐུ་མི་བསྐྱོད་རྡོ་རྗེ་ནི་གདུལ་བྱ་དཔག་ཏུ་མེད་པའི་དོན་མཛད་ཅིང་།།།ཞིང་བཞེས་པར་བཞུགས་པ་སྟེ། དགུ་པ་ལ་སོགས་པའང་སེམས་ཅན་གྱི་དོན་དུ་སླད་ནས་འབྱོན་པར་འགྱུར་རོ། སྔོན་བྱོན་པ་དེ་

(༡༩༩)དག་ཐམས་ཅད་ཀྱི་ཟབ་པ་དང་རྒྱ་ཆེ་བའི་དམ་པའི་ཆོས་དཔག་ཏུ་མེད་པ་བསྟན་ནས་གདུལ་བྱ་མང་པོ་ཐར་པའི་ལམ་ལ་རིམ་གྱི་འཁྲིད་པར་མཛད་པ་ལས། ཁྱད་པར་དུ་རྗེ་རང་བྱུང་བའི་ཞལ་སྔ་ནས་ནི་ཨ་ཐོད་ཀྱི་པའི་ཆར་སྤྲུལ་པའི་སྐུའི་ཚུལ་དུ་བསྟན་ཏེ། ཆུང་ངུའི་དུས་ནས་བསྟན་པ་རིན་པོ་ཆེ་ལ་རབ་ཏུ་བྱུང་ཞིང་། ཐེག་པ་ལ་འཇུག་པའི་རིམ་པས་ཕྱི་རིག་པའི་བསྟན་བཅོས་མཐའ་དག་དང་། སྡེ་སྣོད་གསུམ་དང་། རྒྱུད་སྡེ་བཞིའི་དབང་དུ་བྱས་པའི་བཀའ་བསྟན་བཅོས་མ་ལུས་པ་ལ་ལེགས་པར་སྦྱངས་ཤིང་ཇི་ལྟ་བ་བཞིན་ཐུགས་ཉམས་སུ་བཞེས་པས། ས་དང་ལམ་གྱི་མངོན་པར་རྟོགས་པ་མཐའ་དག་ཐུགས་རྒྱུད་ལ་འཁྲུངས་སྟེ། མཁའ་ཁྱབ་གྱི་སེམས་ཅན་མུས་པ་ལ་ཕན་བདེ་རབ་འབྱམས་མུ་མེད་པར་བརྩོལ་བར་མཛད་པས་མཁས་པ་དང་། དངོས་གྲུབ་རྙེས་པ་མཐའ་གི་གཙུག་གི་ནོར་བུར་གྱུར་བ་ལ་སོགས་པའི་ཚུལ་ནི་རྒྱས་པར་རྣམ་པར་ཐར་པ་རྣམས་ལས་ཤེས་པར་བྱའོ། གཉིས་པ་བསྟན་བཅོས་འདི་ཉིད་ཁུང་བཙུན་པའི་རྒྱུ་མཚན་ནི། ཡང་དག་པར་རྫོགས་པའི་སངས་རྒྱས་ཀྱི་བསྟན་པ་ཁོ་ནའི་དབང་དུ་བྱས་ནས་རྩོལ་པོ་གསུང་རབ་གྱི་དོན་ལ་ཐུགས་གཞོལ་བའི་དབང་གི་གདུལ་བྱ་ཐར་པའི་ལམ་ལ་འཁྲིད་པར་བྱེད་པའི་བསྟན་བཅོས་རྣམས་ནི་རྒྱལ་བའི་བཀའ་ཇི་ལྟ་བ་བཞིན་དུ་འཇུག་པར་བྱ་བ་ཡིན་ཏེ། རྒྱུད་བླ་ལས། གང་ཞིག་རྒྱལ་བའི་བསྟན་པ་འབའ་ཞིག་གིས། །དབང་བྱས་རྣམ་གཡེངས་མེད་ཡིད་ཅན་གྱིས་བཤད། །

(༢༠༠)ཐར་པ་ཐོབ་པའི་ལམ་དང་རྗེས་མཐུན་པ། དེ་ཡང་དྲང་སྲོང་བཀའ་བཞིན་སྤྱི་བོས་བླངས། ཞེས་གསུངས་པས་སོ། དེའི་ཕྱིར་དཔལ་རང་བྱུང་གི་ཞལ་སྔ་ནས་མཛད་པའི་གཞུང་འགྲེལ་པ་དང་བཅས་པ་འདི་ནི་བཤད་མ་ཐག་པའི་བསྟན་བཅོས་རྣམ་དག་གི་མཚན་ཉིད་དེ་དང་ཡང་དག་པར་ལྡན་ཏེ། གཞུང་འདི་ཉིད་ལས། ཟབ་མོ་ནང་གི་དོན་བཤད་པ་དང་། འདི་ནི་རང་བཟོ་མ་ཡིན་ཏེ། ཐམས་ཅད་མཁྱེན་པ་བཅོམ་ལྡན་འདས། རྒྱལ་བས་བསྟན་པ་ཁོ་ན་བྲིས། གསང་བའི་བདག་པོ་མཁས་རྣམས་ཀྱི། རྣམ་འགྲེལ་མཐུ་ལ་རབ་བརྟན་ནས། རྡོ་རྗེ་ཐེག་པའི་ནང་གི་དོན། ཕྱིན་ཅི་མ་ལོག་རྙེད་པ་ཡིན། ཞེས་དང་། རང་གི་འགྲེལ་པ་ལས་ཀྱང་། གསང་བའི་བདག་པོ་བྱང་ཆུབ་སེམས་དཔའ་རྣམས་དང་། མཁས་ཤིང་གྲུབ་པ་རྣམས་ཀྱི་རྣམ་པར་འགྲེལ་པ་དུ་མ་བླ་མ་དམ་པ་ལས་འདོས་པ་ཡང་དག་པའི་བསྟན་བཅོས་འབུམ་ཕྲག་དུ་མ་མཐོང་བའི་ཕྱིར་དང་། ནང་གི་དོན་ཅུང་ཟད་མཐོང་བའི་ཕྱིར་དང་། ནང་གི་དོན་ཅུང་ཟད་ངེས་པའི་ཕྱིར་དང་། འདི་བརྩམས་པ་ལ་སྐྱོན་མེད་དོ། ཞེས་གསུངས་པའི་ཕྱིར་དང་། བསྟན་བཅོས་འདི་བརྩམས་པའི་ཚེ་ན་ནང་གི་ཏིང་ངེ་འཛིན་ལ་ཞག་དུ་མར་སྙོམས་པར་འཇུག་ཅིང་ཕྱི་ནང་གཞན་གསུམ་གྱི་རྣམ་བཞག་གཞུང་ལས་བཤད་པ་དང་། ནང་དུ་འཆར་བ་དོན་གཅིག་པར་རྟོག་པ་དང་། འདི་དང་དམ་ཚིག་གི་རྒྱ་མཚོ་

(༢༠༡)མཛད་པའི་ཚེ། བླ་མ་དང་ཧེ་རུ་ཀས་བྱིན་གྱིས་བརླབས་པའི་རྟགས་སུ། ནམ་མཁའི་ཁམས་སུ་འཇའ་དང་འོད་གྱི་ཕྲེང་བ་ཕང་ཕུང་དུ་འཁྲིགས་ཤིང་། མེ་ཏོག་གི་ཆར་ཆེན་པོ་འབབ་པས་ས་གཞི་དང་བར་སྣང་ཐམས་ཅད་དུ་ཁྱབ་པར་གདལ་བ་དང་། རྣམ་པ་ཀུན་གྱི་མཆོག་དང་ལྡན་པའི་སྟོང་གཟུགས་རྣམས་ཀྱང་དབྱངས་དང་གསལ་བྱེད་ཀྱི་ཡི་གེའི་རྣམ་པར་དངོས་སུ་གཟིགས་པ་སོགས་ངོ་མཚར་བའི་ལྟས་བསམ་པའི་ར་བ་ལས་འདས་པ་བྱུང་པའི་ཕྱིར་ཁུངས་བཙུན་པར་ཤེས་པར་བྱའོ། འདི་ལ་འཇུག་པའི་རིམ་པ་དགོས་པའི་དོན་དང་བཅས་པ་ཡང་རང་འགྲེལ་ལས། སྤྲོ་བ་དང་ནི་རྩོམ་པ་ཆེན་པོས་རྡོ་རྗེའི་ཐེག་ལ་འཇུག་འདོད་གང་། ལུས་དང་ལོངས་སྤྱོད་ལྟོས་པ་མེད་པར་དབུལ་ཟབ་མོའི་དབང་རྣམས་བླང་བར་བྱ། དེའི་འོག་ཏུ་རྒྱུད་དང་གདམས་ངག་ཉན་ཞིང་བསམ་ཏེ་སྒོམས་པས་ངེས་པར་འཇུག་པར་བྱ། རྒྱུད་ཀུན་སྣ་ཚོགས་ཚིག་དང་དོན་ལྡན་དགོས་པའི་སྐད་རྣམས་དུ་མར་ལྡན། ཕྱི་ནང་གཞན་དང་ཡེ་ཤེས་རྒྱ་ཆེན་རྣམ་པ་མང་ལྡན་ཕལ་གྱིས་བསྡུ་བར་མི་ནུས་པ། བསྡུས་པ་གང་དེ་མཐོང་བར་གྱུར་ན་མུན་ཁུང་གནས་པའི་ནོར་བུའི་སྒྲོམ་ལ་སྣང་བ་ཡི། སྒྲོན་མེ་དང་ལྡེ་མིག་ལག་ཏུ་ཕྱིན་པས་ངེས་པར་དོན་ལ་འཇུག་པར་འགྱུར་བ་བཞིན། བློ་ལྡན་ངེས་པར་བདག་ལ་མོས་དང་ཐེ་ཚོམ་ལྡན་ལ་འང་ཕན་པར་འགྱུར་སྙམས་གཞུང་འདི་བསྡུས། ཤེས་གསུང་པ་ཇི་ལྟ་བ་བཞིན་

(༢༠༢)ཏེ། རྒྱས་པར་འོག་ནས་འཆད་དོ། གཉིས་པ་འཆད་བྱེད་བསྟན་བཅོས་ཀྱི་དོན་དངོས་ལ་གསུམ་སྟེ། བཤད་པ་ལ་འཇུག་པ། ཀླད་ཀྱི་དོན་དང་། བཤད་པ་ཉིད་དགོད་པ་གཞུང་གི་དོན། བཤད་པ་མཐར་ཕྱིན་པ་འཇུག་གི་དོན་ནོ། དང་པོ་ལ་གཉིས། མཆོད་པར་བརྗོད་པ་དང་། བཤད་པར་དམ་བཅའ་བའོ། དང་པོ་ནི། ཕྱག་འཚལ་ལོ། ཞེས་པ་བཤད་པའི་གཞིར་ཞོག །ཡུལ་གང་ལ་ན། བླ་མ་དང་དཔལ་རྡོ་རྗེ་སེམས་དཔའི་དབྱེར་མེད་པ་དེ་ལའོ། གང་ཟག་གང་གིས་ན་རང་བྱུང་རྡོ་རྗེའི་ཞལ་སྔ་ནས་སོ། དུས་ནམ་གྱིས་ཚེ་ན་བསྟན་བཅོས་རྩོམ་པའི་ཐོག་མར་རོ། དགོས་པ་གང་གི་ཆེད་དུ་ན། གནས་སྐབས་སུ་བསྟན་བཅོས་རྩོམ་པ་མཐར་ཕྱིན་ཞིང་མཐར་ཐུག་སངས་རྒྱས་ཐོབ་པའི་ཆེད་དུའོ། ཚུལ་ཇི་ལྟར་ན། སྒོ་གསུམ་གུས་པའི་ཚུལ་གྱིས་སོ། རྩོམ་པའི་ཐོག་མར་དཔལ་རང་བྱུང་གི་ཞལ་སྔ་ནས་ཕྱག་མཛད་པ་དེ་བཞིན་དུ་བདག་ཅག་རྣམས་ཀྱིས་ཀྱང་འཆང་ཉན་ལ་འཇུག་པའི་དང་པོར་ཡུལ་ཁྱད་པར་ཅན་ལ་གུས་པ་ན་ཕྱག་འཚལ་ནས་འཇུག་པར་བྱའོ། ད་ནི་དེ་དག་ཅུང་ཟད་སྤྲོས་ནས་བཤད་པར་བྱ་སྟེ། འདིར་ཕྱག་འཚལ་བའི་ཡུལ་ནི་བླ་ན་མེད་པའི་རྒྱུད་སྡེ་མཐའ་དག་གི་སྟོན་པ་ཕུན་སུམ་ཚོགས་པ་དེ་ཉིད་བླ་མ་དང་དབྱེར་མི་ཕྱེད་པའི་རྡོ་རྗེ་སེམས་དཔའ་ཞེས་བྱ་བའི་མཚན་དུ་བོས་པའོ། དེ་ཡང་གང་ལས་ཤེས་ན། འདི་

(༢༠༣)ཉིད་ལས། བཅོམ་ལྡན་འདས་དཔལ་རྡོ་རྗེ་འཆང་ཆེན་པོས་བློ་གྲོས་མཆོག་ཏུ་གྱུར་པ་རྣམས་ལ་བླ་ན་མེད་པའི་ཆེན་པོ་མྱུར་དུ་ཐོབ་པར་བྱ་བའི་ཕྱིར་དུ་རྡོ་རྗེ་ཐེག་པ་བླ་ན་མེད་པ་གསུངས་པ། ཞེས་གསུངས་པ་ལས་ཤེས་སོ། དེ་ལྟར་ན་བླ་མ་དང་དཔལ་རྡོ་རྗེ་འཆང་ཆེན་ཞེས་བརྗོད་རིག་པ་ལ། འདིར་རྡོ་རྗེ་སེམས་དཔའ་ཞེས་གསུངས་པ་མ་ཡིན་ནམ་ཞེ་ན། སྐྱོན་མེད་དེ། བཛྲ་དྷ་ར་ཞེས་བྱ་བའི་སྒྲ་གཅིག་ཉིད་རྡོ་རྗེ་འཆང་དང་རྡོ་རྗེ་སེམས་དཔའ་གཉིས་ཀ་ལ་འཇུག་ཅིང་། མི་ཕྱེད་པའི་རྡོ་རྗེ་ཐུགས་ལ་སེམས་དཔའ་ཉིད་དོན་དམ་པའི་རྡོ་རྗེ་འཛིན་པའི་འཆང་བའི་དོན་ཡིན་པས་སོ། དེ་ལ། བླ་མ་ཞེས་བྱ་བའི་དོན་ནི། དེའི་གོང་ན་གཞན་མེད་པས་བླ། སེམས་ཅན་ཐམས་ཅད་ལ་བུ་གཅིག་པ་ལྟར་བརྩེ་བའི་སྙིང་རྗེ་ཆེན་པོ་དང་ལྡན་པས་མའོ། དེའི་ཕྱིར་བླ་མའི་སྐད་དོད་དུ། ཨུཏྟ་ར་ཞེས་གསུངས་པ་སྟེ། དེ་ནི་བླ་མ་དང་། གོང་མ་དང་། མཆོག་དང་། ཕྱི་མ་སོགས་ལ་འཇུག་ཅིང་། ཡང་། ཨུ་པ་ཉེ་བ། ཏ་ར་བསྒྲོལ་བའི་དོན་ཡིན་པས། ཉེ་བའི་གདུལ་བྱ་རྣམས། འཁོར་བ་ལ་བསྒྲོལ་བའམ། འཁོར་བའི་གདུལ་བྱ་རྣམས་སངས་རྒྱས་ལ་ཉེ་བའི་སར་སྒྲོལ་བར་མཛད་པས་ན་བླ་མའོ། གཞན་ཡང་། ལེགས་སྦྱར་ཀྱི་སྐད་དུ་ག་རུ་ཞེས་པའི་ཞེས་སྒྲ་ལས་དྲངས་ན། གུ་ཎ་ནི་ཡོན་ཏན་དང་། རུ་ཨུ་པ་།།།ན་ནི་འབྱུང་གནས་སམ། ལྕེ་བ་ལ་འཇུག་པས། རང་

(༢༠༤)གཞན་གྱི་རྒྱུད་ལ་ཡོན་ཏན་མཐའ་དག་སྐྱེས་པས་ན་ཡོན་ཏན་གྱི་འབྱུང་གནས་སམ། ཡོན་ཏན་གྱི་ཁུར་གྱི་ལྕི་བའམ་དོན་གྱིས་ན་སྒྲ་དེ་སྐད་ཅེས་པ་སྦྱར་བའི། གུ་རུ་ནི་བརླིང་བ་ལ་ཡང་འཇུག་ལ། དེ་ནི་འཐུག་པའི་དོན་ཏེ། བྱིན་བརླབས། ཡོན་ཏན་གྱི་འཐུག་པས་ན་བླ་མའོ། ཡང་ན། དབང་བསྐུར་བ། རྒྱུད་བཤད་པ། མན་ངག་བསྟན་པ་སྟེ། དེ་གསུམ་ལས་གང་ཡང་རུང་བ་གཅིག་ནོད་ན་གཅིག་ལྡན་གྱི་བླ་མ་དང་། གཉིས་ནོད་ན་གཉིས་ལྡན་གྱི་བླ་མ་དང་། གསུམ་ནོད་ན་གསུམ་ལྡན་གྱི་བླ་མ་ཞེས་བྱ་སྟེ། དམ་ཚིག་རྒྱ་མཚོ་ལས། སློབ་དཔོན་ནི་སྔར་བསྟན་པ་ལྟ་བུ་ལ་སློབ་མས་དབང་བསྐུར་བ་དང་རྒྱུད་བཤད་པ་དང་གདམས་ངག་ནོད་པར་བྱས་པ་ནི་གསུམ་ལྡན་ནོ། དེ་བཞིན་དུ་གཉིས་ཐོབ་པ་དང་། གཅིག་ཐོབ་པ་སྟེ་དབྱེ་བ་གསུམ་མོ། ཞེས་གསུངས་པ་ལྟ་བུའོ། ཡང་ན་སྤྱོད་པ་དང་རྟོགས་པ་དང་ཡེ་ཤེས་དང་འཕྲིན་ལས་མ་འདྲེས་པ་སྟེ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ལྡན་པའི་ལས་ནི་ཉན་ཐོས་དང་རང་སངས་རྒྱས་ཐམས་ཅད་ཀྱི་བླ་ན་གཉན་བས་བླ་མ་སྟེ། མདོ་སྡེ་རྒྱན་ལས། དཔྱོད་པ་དང་ནི་རྟོག་པ་དང་། ཡེ་ཤེས་དང་ནི་འཕྲིན་ལས་ཀྱིས། ཉན་ཐོས་རང་སངས་རྒྱས་ཀུན་གྱི། བླ་མ་ཁྱོད་ལ་ཕྱག་འཚལ་ལོ། ཞེས་གསུངས་པས་སོ། མདོར་ན་སམ་བུ་ཊི་ལས། ནང་མི་དབྱེ་བ་འདི་ཉིད་ནི། བླ་མའི་ཞལ་ལས་རྙེད་པར་

(༢༠༥)འགྱུར། ཞེས་དང་། བཤད་རྒྱུད་རྡོ་རྗེ་ཕྲེང་བ་ལས། དཔལ་ལྡན་སློབ་དཔོན་ཞེས་ནི་བརྗོད། ནང་གི་འདུས་པ་ལ་རབ་དགའ། ཕྱི་རོལ་ཉན་ཐོས་གྱིས་སྤྱོད་པ། ཞེས་དང་། བླ་མ་ལྔ་བཅུ་པ་ལས། དཔལ་ལྡན་རྡོ་རྗེ་སེམས་དཔའི་གནས་ཐོབ་རྒྱུར་གྱུར་པ། བླ་མའི་ཞབས་ཀྱི་ཞེས་དང་། འཇམ་དཔལ་ཞལ་ལུང་ལས། དེ་བས་དེ་དག་ཐམས་ཅད་ཀྱང་ཡང་དག་མིན་པ་བླ་དང་བཅས། འོག་མ་འོག་མའི་རྣལ་འབྱོར་བློས། གོང་མ་གོང་མ་ཁྱད་པར་འཕགས། འོག་མའི་བློ་ནི་གོང་མ་ཡི། ཤེས་རབ་ཀྱིས་ནི་སྡུན་འབྱིན་ཏོ། དེ་བས་གོང་མའི་རིམ་པ་ཡིས། ལྷན་གཅིག་སྐྱེས་པའི་བློ་གྲོས་ཀྱིས། བྱིན་གྱིས་བརློབས་པ་ཡང་དག་བྱས། གསལ་ཞིང་རབ་དགའ་ནམ་མཁའ་འདྲ། རང་བྱུང་ལྷག་པའི་ལྷ་ཆེན་པོ། ཞེས་དང་། ཨཱརྱ་དེ་བས་ཀྱང་། བསྐལ་པ་བྱེ་བ་དུ་མ་རུ། ཐོས་པའི་ཕ་རོལ་སོན་གྱུར་ཀྱང་། བླ་མའི་ལུང་དང་བྲལ་བ་ཡེ་ཤེས་བདག་བྱིན་བརླབས་པ་རྙེད་མི་འགྱུར། ཞེས་གསུངས་པ་རྣམས་ཀྱི་བརྗོད་བྱའི་དོན་དང་ལྡན་པས་ན་བླ་མའོ། དང་ཞེས་པ་འབྱེད་ཚིག་དང་སྡུད་ཚིག་གཉིས་ཀ་ཡིན་ཀྱང་། དཔལ་རྡོ་རྗེ་སེམས་དཔའ་ཞེས་པའི་སྒྲ་དང་འབྲེལ་།།། དེའི་ཕྱིར་བླ་མ་དང་དབྱེར་མི་ཕྱེད་པ་ཞེས་པའི་སྒྲ་སྦྱར་བ་ཡིན་ཏེ། མཁའ་འགྲོ་མ་རྡོ་རྗེ་གྱུར་ལས། གང་ཉིད་རྡོ་རྗེ་སེམས་དཔའ་ཞེས། དེ་ཉིད་སློབ་དཔོན་གཟུགས་སུ་

(༢༠༦)འཛིན། སེམས་ཅན་ཕན་གདགས་དམིགས་ནས་ནི། ཐ་མལ་པའི་གཟུགས་སུ་གནས། ཤེས་གསུངས་པས་སོ། དེས་ན་བླ་མ་དང་སངས་རྒྱས་དབྱེར་མི་ཕྱེད་པར་བལྟ་བར་བྱ་སྟེ། འཇམ་དཔལ་རྩ་རྒྱུད་ལས། སློབ་དཔོན་ལ་སློབ་མས་ཇི་ལྟར་ལྟ་བར་བྱ་ཞེས་ན། བཅོམ་ལྡན་འདས་ལ་ཇི་ལྟ་བ་བཞིན་དུའོ། ཞེས་དང་། རྡོ་རྗེ་སྙིང་པོ་བརྒྱན་གྱི་རྒྱུད་ལས། རྟག་ཏུ་བླ་མ་ལ་གུས་པའི། སློབ་མས་བླ་མ་ཇི་ལྟར་བལྟ། བླ་མ་སངས་རྒྱས་ཀུན་དང་མཉམ། དེ་ཉིད་རྟག་ཏུ་རྡོ་རྗེ་འཆང་། ཞེས་དང་། གུར་ལས། རྟག་ཏུ་རྣམ་པར་སྣ་དེ་མགོན། བླ་མ་རྡོ་རྗེ་སེམས་དཔའ་ནི། ཇི་ལྟར་ནམ་མཁའ་མཛོད་ཆེན་དང་། ཐུབ་པ་རྡོ་རྗེ་ཆོས་ཇི་བཞིན། མགོན་པོ་རྟ་བདུན་རྒྱལ་པོ་ལྟར། དེ་བཞིན་སློབ་དཔོན་རབ་ཏུ་གྲགས། ཤེས་སོགས་གཞན་ལས་ཀྱང་རྒྱ་ཆེར་འབྱུང་ངོ་། དེས་ན་བླ་མ་བསྟན་པས་ཡོན་ཏན་ཐམས་ཅད་ཐོབ་ཅིང་གོང་འཕེལ་དུ་འགྱུར་སྟེ། མདོ་བསྡུད་པ་ལས། བླ་མ་མཁས་པ་དག་ལ་རྟག་ཏུ་བསྟན་པར་བྱ། ཅི་ཕྱིར་ཞེ་ན། མཁས་པའི་ཡོན་བསྟན་དེ་ལས་འབྱུང་། ཞེས་དང་། སྤྱོད་འཇུག་ལས་ཀྱང་། དགེ་བའི་བཤེས་གཉེན་བསྟན་པ་ཚངས་པར་སྤྱོད། ཡོངས་སུ་རྫོགས་པས་ཐུབ་པས་གསུངས་དེའི་ཕྱིར། སྐྱེས་བུ་དམ་པ་བརྟན་གྱིས་

(༢༠༧)རྒྱལ་བ་ལ། བརྟེན་ནས་རབ་ཏུ་མང་པོས་ཞི་བ་ཐོབ། ཅེས་སོགས། ཕ་རོལ་ཏུ་ཕྱིན་པའི་ཕྱོགས་ནས་ཀྱང་མང་དུ་གསུངས་ལ། དཔལ་ཡེ་ཤེས་གྲུབ་པ་ལས་བླ་མ་མཁས་པ་སྐྱ་བ་འཛིན། གྲུ་ནི་ཐམས་ཅད་རབ་བསྟོན་པ། འཁོར་བའི་ཕ་རོལ་འགྲོ་རྣམས་ལ། རྡོ་རྗེ་སེམས་དཔའ་གསུངས་པ་ཡིན། སྐྱེ་བ་འཛིན་པ་མེད་པར་ནི། གྲུ་ཡིས་ཕ་རོལ་བགྲོད་མི་ནུས། ཡོན་ཏན་ཐམས་ཅད་རབ་རྟོགས་ཀྱང་། དེ་བས་ངེས་པ་ཉིད་དུ་འདི། །བརྟུལ་ཞུགས་བསྟན་པ་དེ་བཞིན་དུ། ཕྱི་ནང་བདག་ཉིད་ཅན་རྣམས་ཀྱི། རྟག་ཏུ་རྣལ་འབྱོར་པ་མཆོད་བྱ། ཞེས་དང་། ཨ་ཏི་བཀོད་པའི་རྒྱུད་ལས། དྲན་དང་ལྡན་པའི་བླ་མ་དེ། སྙིང་གི་དཀྱིལ་ལམ་སྤྱི་བོའི་གཙུག །ཡན་ལག་ཐིལ་དུ་གང་བཀོད་པ། སངས་རྒྱས་སྟོང་གི་ཡོན་ཏན་ཀྱང་། གང་ཟག་དེ་ཡི་འཛིན་པར་འགྱུར། ཞེས་དང་། རིམ་ལྔ་ལས་རི་དབང་རྩེ་ནས་ཐུར་དུ་ལྟུང་གྱུར་ན། ལྟུང་བར་མི་བྱ་སྙམས་ཡང་ལྟུང་བར་འགྱུར། བླ་མའི་དྲིན་གྱི་ཕན་པའི་ལམ་རྙེད་ན། གྲོལ་བར་མི་བྱ་སྙམས་ཡང་གྲོལ་བར་འགྱུར། ཞེས་དང་། དཔལ་དོན་དམ་པའི་སྙེན་པ་ལས། སློབ་མ་དམ་པ་རྣམས་ལམ་དག་ནི། བླ་མ་དམ་པའི་དྲིན་ལས་འབྱུང་བར་འགྱུར། ཞེས་སོགས་གཞན་

(༢༠༨)ལས་ཀྱང་རྒྱ་ཆེར་འབྱུང་ངོ་། དཔལ་ནི་འགྲོ་བ་ཐམས་ཅད་ཀྱི་མགོན་སྐྱབས་དང་དཔུང་གཉེན་དུ་གྱུར་པས་སམ། སྲིད་པ་དང་ཞི་བ་མཐའ་དག་གི་དཔལ་དུ་གྱུར་པས་དཔལ་ཞེས་བྱའོ། ཡང་ནི་ཞེས་པའི་སྒྲ་ལས་བརྟེན་པར་བྱ་བའི་དོན་ཅན་ཡིན་པས་དཔལ་ཏེ། སྐད་ཀྱི་བྱིངས་ལས་ཤྲཱི་གཉིས་བསྟེན་པ་ལའོ། ཞེས་གསུངས་པས་སོ། དེའི་ཕྱིར་སྣང་བ་དང་སྟོང་པའམ། ཐབས་དང་ཤེས་རབ་བམ་སྐུ་དང་ཡེ་ཤེས་སམ། བདེ་བ་དང་སྟོང་པ་གཉིས་སུ་མེད་པར་བསྟེན་པར་བྱ་བ་ཡིན་པའི་དོན་གྱིས་ན་དཔལ་ལོ། བོན་པོ་རྣམས་ལ་གྲགས་པའི་གཡང་ཞེས་ཟེར་བ་འདིའི་སྐད་དོད་ཀྱང་ཤྲཱི་ཡིན་པར་གྲགས་པས་དགེ་ལེགས་ཀྱི་དཔལ་ཉིད་ཤྲཱི་སྒྲ་དོན་ཡིན་ནོ། ངེས་པའི་དོན་དུ་ནི་ཤྲཱི་སྒྲ་ལས་ཀྱང་བདེ་སྟོང་གཉིས་སུ་མེད་པའི་ཡེ་ཤེས་ལ་དཔལ་ཞེས་བྱ་སྟེ། ཀྱཻ་རྡོར་ལས། ཤྲཱི་ནི་གཉིད་མེད་ཡེ་ཤེས་སྟེ། ཞེས་དང་། མཁའ་འགྲོ་རྒྱ་མཚོ་ལས། ཤྲཱི་ཡིག་འབྱུང་བ་ཀུན་གྱི་དོན། ཕྱི་དང་ནང་གི་བདག་ཉིད་འདོད། འདི་དག་ཀུན་རྫོབ་གཟུགས་དང་ནི། གཟུགས་མེད་བདེ་བའི་མཐའ་ཅན་གང་། ཨེ་ཝཾ་ལ་སོགས་གཉིད་མེད་པས། ཤྲཱི་ཞེས་བྱ་བའི་ཡི་གེར་བརྗོད། ཅེས་གསུངས་པས་སོ། དེའི་སྦས་དོན་འཆད་པ་ན་སངས་རྒྱས་ཡེ་ཤེས་དང་སྨན་ཞབས་ཀྱི། ཤྲཱི་དོན། བདག་གི་དཔལ་དང་གཞན་གྱི་དཔལ་དང་གཉིས་ཀའི་དཔལ་ལམ་ལྷན་གཅིག་

(༢༠༩)སྐྱེས་པའི་དཔལ་དུ་བཤད་ནས། དེ་ཡང་རྡོ་རྗེ་སྙིང་པོ་རྒྱན་གྱིས་རྒྱུད་དང་མཐུན་པར་བཞེད་དེ། རྒྱུད་དེ་ཉིད་ལས། སྟོང་ཕྲག་བདུན་བཅུ་རྩ་གཉིས་ལས། བཅུ་དྲུག་གནས་སུ་ཡང་དག་གནས། དེ་ལས་སྙིང་དབུས་རབ་ཞུགས་ཏེ། རླུང་གི་སྦྱོར་བས་ཕུལ་བྱས་པས། སྟེང་འོག་རབ་འཛག་བདེ་རྫོགས་སྐུ། བདག་གིས་དཔལ་དུ་ཤེས་པར་བྱ། ནོར་བུ་གང་གིས་མཐོང་བྱས་ལ། དེ་ཡིས་བདེ་བ་རྟོགས་བྲལ་བ། ནམ་མཁའ་རབ་ཏུ་གསལ་བ་ནི། ལྷན་གཅིག་སྐྱེས་པར་ཤེས་པར་བྱ། དེ་ལས་ཐིག་ལེ་འགོག་པ་སྟེ། ནམ་མཁའི་ཁམས་ཀུན་གང་བའི་གཟུགས། བྲལ་བའི་ཤེས་པ་དོན་བྱེད་པ། གཞན་གྱི་དཔལ་དུ་ཤེས་པར་བྱ། ཞེས་གསུངས་པའི་དོན་ནི། རླུང་དང་སྦྱར་ནས་གཏུམ་མོ་འབར་བའི་སྟོབས་ཀྱི་ཧ་ལས་འཛག་པའི་བདེ་སྟོང་ཡུལ་དང་ཡུལ་ཅན་དབྱེར་མེད་པའི་ཡེ་ཤེས་ནི་གཞན་དང་ལྷན་གཅིག་སྐྱེས་པའི་དཔལ་ལོ་ཞེས་པར་འགྱུར་ལ། གཞན་ཡང་གཟུང་འཛིན་གཉིས་མེད་ཀྱི་གཞིའི་ཡོན་ཏན་ཐམས་ཅད་སྐྱེ་བའི་གཞི་ཡིན་པས། དཔལ་གྱི་བརྡ་སྦྱར་དུ་རུང་བ་ཡིན་ཏེ། དེ་ཧ་ལས། སེམས་ཉིད་གཅིག་སུ་ཀུན་གྱི་ས་བོན་ཏེ། གང་ལ་སྲིད་དང་མྱ་ངན་འདས་འཕྲོ་བ། འདོད་པའི་འབྲས་བུ་བསྟེར་བར་བྱེད་པ་ཡིས། ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། །

(༢༡༠)ཞེས་གསུངས་པས་སོ། རྡོ་རྗེ་ནི་ཡུལ་སྟོང་པ་ཉིད་དང་། དེ་མངོན་གསུམ་དུ་རྟོག་པའི་ཡེ་ཤེས་དབྱེར་མི་ཕྱེད་པ་ལ་རྡོ་རྗེར་བརྗོད་དེ། རྒྱུད་རྡོ་རྗེ་རྩོ་བོ་ལས། རྡོ་རྗེ་རྡོ་རྗེ་ཞེས་གསུངས་པ། ཅི་ཕྱིར་རྡོ་རྗེར་བརྗོད་པར་བགྱི། སྲ་ཞིང་སྙིང་པོ་ཁོང་སྟོང་མེད། བཅད་དང་གཞིག་པར་བྱ་མིན་པ། བྲེག་པར་བྱ་མིན་འཇིགས་མེད་པས། སྟོང་ཉིད་རྡོ་རྗེར་བརྗོད་པར་བྱ། འགྲོ་དྲུག་འཁོར་བ་སྤོང་བྱེད་ཅིང་། སྡིག་པ་དྲལ་བར་བྱེད་པ་ཡིས། བྱང་ཆུབ་སེམས་གང་དེ་རྡོ་རྗེ། ཉོན་མོངས་ཐམས་ཅད་སེལ་བར་བྱེད། ཅེས་དང་། རྡོ་རྗེའི་གསུམ་ནི་སྟོང་དེ། མི་ཆོད་མི་ཕྱེད་མཚན་ཉིད་ཅན། ཁོག་སྟོང་མ་ཡིན་སྲ་ཞིང་བརྟན། མི་ཚིག་མི་རླག་པ་ཡིས་ན། རྡོ་རྗེ་སྟོང་སྟོང་པ་ཉིད་དུ་བཤད། ཅེས་གསུངས་ལ། རྣམ་འཇོམས་ལས། མི་ཆོད་པ། མི་ཤིག་པ་སོགས་རྡོ་རྗེའི་ཆོས་བདུན་དང་ལྡན་པར་གསུངས་ཞིང་། མཚན་བརྗོད་པས་ཀྱང་། རྡོ་རྗེ་སྙིང་པོ་ལྤགས་པ་འཁྲེགས། །ཤེས་བྱང་ལ་མི་ཕྱེད་བས་རྡོ་རྗེར་བཤད་པ་དེ་ཡང་། རྫས་ཀྱི་རྡོ་རྗེ་ཕ་ལམ་དང་ཆོས་མཐུན་པའི་དོན་གྱིས་ན་རྡོ་རྗེ་ཞེས་བྱ་སྟེ། རཏྣ་ཀ་ར་ཤཱནྟིས། ཀྱཻ་རྡོ་རྗེའི་འགྲེལ་པ་མུ་ཏིག་གི་ཕྲེང་བར། རྡོ་རྗེ་མི་ཕྱེད་ཅེས་བྱར་བརྗོད། ཅེས་པ་ལ་འབྲུ་གཉེར་བ་ན། མི་ཕྱེད་བ་ནི། དབྱེ་བར་མ་ནུས་པས་སོ།

(༢༡༡)རྡོ་རྗེ་ཞེས་པ་ནི་རྡོ་རྗེ་དང་ཆོས་དང་མཐུན་པས་སོ། ཤེས་གསུང་ལ། ཆོས་མཐུན་པའི་ཚུལ་ཡང་། རྫས་ཀྱི་རྡོ་རྗེ་དེས། རིན་པོ་ཆེ་རྣམས་ཀྱང་འབིགས་ཤིང་དེས་འཇོམས་པར་མི་ནུས་པ་གང་ཀྱང་མེད་ལ། དེ་ཉིད་རིན་པོ་ཆེ་གང་གིས་ཀྱང་འབིགས་པ་དང་བཤིགས་པར་མི་ནུས་ཏེ། དཀོན་མཆོག་འབྱུང་གནས་ཀྱི་ཐེག་པ་ཆེན་པོའི་མདོ་ལས། འདི་ལྟ་སྟེ། འཇམ་དཔལ་རྡོ་རྗེ་རིན་པོ་ཆེས་ནི་རིན་ཆེན་རྣམས་འབིགས་པར་བྱེད་པ་དེ་བཞིན་དུ། རྡོ་རྗེ་རིན་པོ་ཆེ་རྣམས་ལ་ནི་དེས་ཀྱང་འབིགས་པར་བྱེད་པ་མིན་ནོ། ཞེས་གསུངས་པས་སོ། དེ་ཡང་ཁྱད་པར་འཕགས་བསྟོད་ཀྱི་འགྲེལ་པར། མིའི་ཡུལ་གྱི་རྡོ་རྗེ་ཕ་ལམ་དེས། ཕྱི་རོལ་གྱི་རྫས་ཕལ་པ་ཐམས་ཅད་འཇོམས་པར་ནུས་ཤིང་། ཚུར་གང་གི་ཀྱང་བཤིག་པར་མི་ནུས་པ་ཞིག་ཡོད་པས། དབང་ཕྱུག་གི་རྩེ་གསུམ་གྱི་རྒྱུ་ཡང་དེ་ཡིན་བར་བཤད་ལ། ལྷ་ལས་ཕུལ་བྱུང་གི་འགྲེལ་པར། སྔོན་ལྷ་དང་ལྷ་མ་ཡིན་འཐབ་པའི་ཚེ་ལྷ་རྣམས་ལ་མཚོན་ཆ་མེད་པས། དྲང་སྲོང་ཆེན་པོའི་བུ་ཞོ་འཐུང་ཞེས་པ་ལོ་བྱེ་བ་ཕྲག་བདུན་གྱི་བར་དུ་དཀའ་ཐུབ་ལ་གནས་པ་དེའི་རུས་པ་རྡོ་རྗེར་སོང་བ་ལ་མཚོན་ཆ་རུང་བར་དྲང་སྲོང་ཕུར་བུས་ལུང་བསྟན་ནས། དེ་ལས་རྡོ་རྗེ་རྩེ་ལྔ་པ་དང་། རྩེ་གསུམ་པ་ལ་སོགས་པའི་དབྱིབས་ཅན་གྱི་ཕྱག་མཚན་བྱུང་བ་ན། བརྒྱ་བྱིན་གྱི་རྡོ་རྗེ་རྩེ་ལྔ་པ་ལ་ཕྱག་མཚན་བྱས་ཤིང་ཁྱམ་འཇུག་གིས་ཀྱང་དེའི་སྡུས་པ་ལ་བྱས་པའི་དབང་ཕྱུག་པ་བསྣམས་པར་བཤད་དོ། དཔེ་དེ་

(༢༡༢)དང་ཆོས་མཚུངས་པའི་དོན་དམ་པ་སྟོང་པ་ཉིད་ཀྱི་རྡོ་རྗེ་དེ་ཡང་། རྡོ་རྗེ་སེམས་དཔའ་ཞེས་པའི་སྒྲ་དང་སྦྲེལ་ནས་རྟེན་དང་བརྟེན་པར་སྦྱར་བའི་དབང་དུ་བྱས་ན། རྡོ་རྗེ་ནི་གཞོམ་དུ་མེད་པའི་དོན་དམ་ཆོས་ཀྱི་སྐུ་དང་། སེམས་དཔའ་ནི་གཞན་སྣང་གཟུགས་ཀྱི་སྐུར་འཆད་དགོས་ཏེ། དཔལ་གསང་བ་འདུས་པའི་བཤད་རྒྱུད་རྡོ་རྗེ་ཕྲེང་བ་ལས། ཅི་ཕྱིར་རྡོ་རྗེ་སེམས་དཔའ་ལགས། བྱང་ཆུབ་མཆོག་གི་ཡེ་ཤེས་གང་། དེ་ནི་རྡོ་རྗེར་ངེས་པར་བརྗོད་དོ། ཡེ་ཤེས་རྡོ་རྗེ་ལས་བྱུང་བ། དེ་ནི་རྡོ་རྗེ་སེམས་དཔར་བརྗོད། ཅེས་གསུངས་པས་སོ། ཡང་ན་རྡོ་རྗེ་ནི་སྟོང་པ་ཉིད་དང་སེམས་དཔའ་ནི་ཡེ་ཤེས་སོ། དེ་གཉིས་པོ་གདོད་མ་ནས་རེ་གཅིག་ཏུ་གྲུབ་པ་ནི་རྡོ་རྗེ་སེམས་དཔའ་སྟེ། མཉམ་སྦྱོར་ལས། རྡོ་རྗེ་སྟོང་པ་ཉིད་དུ་བརྗོད། སེམས་དཔའ་ཡེ་ཤེས་ཙམ་ཉིད་དེ། དེ་དག་བདག་ཉིད་གྲུབ་པ་ནི། རྡོ་རྗེ་སེམས་དཔའ་ཞེས་བརྗོད་དོ། ཞེས་གསུངས་པས་སོ། ཡང་ན་རྒྱུད་ཐམས་ཅད་ཀྱི་གླེ་གཞི་ཨེ་ཝཾ་གྱི་དོན་ཀྱང་འདི་ལ་ཚང་བས། ཨེ་ཡིག་ནི་བདེ་སྟོང་བདེ་སྟོང་དབྱེར་མེད་དུ་རྟོགས་པའི་སྐུ་གསུངས་ཐུགས་གྱི་སྤྲུལ་སྐུ་དང་། ཝཾ་ཡིག་ནི་བདེ་སྟོང་དབྱེར་མི་ཕྱེད་པའི་དོན་དམ་ཆོས་ཉིད་ཀྱི་རྡོ་རྗེ་ལ་བརྗོད་དེ། ཀྱཻ་རྡོ་རྗེའི་རྒྱུད་འབུམ་ལྔའི་ལུང་བྱང་ཆུབ་སེམས་དཔའི་རྡོ་རྗེ་སྙིང་པོས་དྲངས་པ་ལས། མི་ཕྱེད་རྡོ་རྗེར་གང་བརྗོད་པ། ཡི་གེ་ཝཾ་ནི་ཡང་དག་བསྟན། མི་ཕྱེད་སྐུ་དང་གསུང་ཐུགས་ནི། ཡི་གེ་ཝཾ་གྱི་མངོན་པར་བརྗོད། སེམས་དཔའ་སྲིད་

(༢༡༣)པ་གསུམ་གཅིག་པ། ཨེ་ཡིག་ཤེས་རབ་ལྷན་གཅིག་ཏུ། རིག་གསུམ་བདག་ཉིད་ཝ་ཡིག་གོ། ཞེས་གསུངས་པས་སོ། དེས་ན་སེམས་དཔའ་ཞེས་བའི་སེམས་དང་དཔའ་བ་སོ་སོར་བཤད་ན། སེམས་དཔའ་ནི་ཡིད་ལ་བྱེད་པ་སྟེ། བདེ་སྟོང་གཉིས་སུ་མེད་པའི་ཡེ་ཤེས་གྱི་ངོ་བོ་ཉིད་དུ་ཡིད་ལ་བྱེད་པས་ན་མི་འབྲལ་པར་འཆང་བ་དང་དུས་གཅིག་ཏུ་སེམས་དོན་གཅིག་པས། བཛྲ་བྷ་ར་ཞེས་པའི་སྒྲ། རྡོ་རྗེ་འཆང་དང་། རྡོ་རྗེ་སེམས་དཔའ་གཉིས་ཀ་ལ་ཁྱད་མེད་དུ་འཇུག་པར་མཁས་པ་རྣམས་བཞེད་པ་ཡིན་ནོ། དཔའ་ཞེས་པ་གདུལ་བྱའི་གཟུང་འཛིན་གྱི་རྣམ་རྟོག་གཅོད་པ་ལ་དཔའ་བའི་དོན་གྱིས་ན་དེ་སྐད་བྱ་སྟེ། ཡོན་ཏན་རིན་པོ་ཆེ་བསྡུད་པ་ལས། གང་ལ་དཔའ་རྣམས་སྤྱོད་བ་དེ་ནི་མཉན་པར་གྱིས། ཤེས་དང་། བྱང་ཆུབ་སེམས་དཔའ་གང་དག་གནས། ཤེས་པའི་འགྲེལ་པ་དོན་གསལ་ལས། དཔའ་བོ་གང་དག་ངེས་པར་འབྱེད་པའི་ཆ་དང་མཐུན་པ་ཐོབ་ནས། ཤེས་གསུང་པ་དང་གནད་གཅིག་པས་སོ། རྡོ་རྗེ་སེམས་དཔའི་དེ་ཉིད་ནང་ལ་སྦྱར་ན། རིན་ཆེན་རྒྱན་འདྲ་ལས། རྡོ་རྗེ་སེམས་དཔའ་ནི་ཞལ་གཅིག་ཕྱག་གཉིས་པའི་བསྐྱེད་རིམ་དང་། འོད་གསལ་གྱི་རྫོགས་རིམ་མོ། ཞེས་གསུངས་ལ། དཔལ་རང་འབྱུང་གི་ཞལ་སྔ་ནས་རྟག་གཉིས་ཀྱི་ཌཱི་ཀར་འདི་ནི་ལྟེ་བ་སྤྲུལ་པའི་འཁོར་ལོ་ལྷན་གཅིག་སྐྱེས་པའི་དགའ་བའི་རང་བཞིན་འདྲ་བའི་གནས་སྐབས་ཧེ་རུ་ཀ་ཞལ་གཅིག་ཕྱག་གཉིས་པ་ཙཎྜ་ལིའི་རང་བཞིན་རྟོག་པ་ལས། གཟུང་བ་དང་འཛིན་པས་མི་

(༢༡༤)བྱེད་ཅིང་། ཡེ་ཤེས་ཀྱི་རྡོ་རྗེ་སོ་སོར་རྟོག་པ་མངོན་དུ་འཆར་བར་བྱེད་པ་རྒྱུ་མཐུན་པའི་འབྲས་བུ་སྟེ་རྡོ་རྗེ་སེམས་དཔའ་དོན་ཏེ། ཞེས་གསུངས་ཤིང་། དེ་ཡང་རྡོ་རྗེ་སྙིང་འགྲེལ་དུ་དྲངས་པའི་འབུམ་ལྔའི་ལུང་ལས། ལྟེ་བའི་དབུས་གནས་དཔའ་བོ་དེ། ཟེའུ་འབྲུ་སྦས་པའི་སྤྱོད་ཡུལ་ཅན། མཉམ་ཉིད་ཤེས་རབ་ཐབས་ལྡན་པ། རྡོ་རྗེ་སེམས་དཔའ་རབ་ཏུ་བཤད། དེ་ཉིད་འཇིག་རྟེན་གསུམ་འདས་པས། ཧེ་རུ་ཀ་ཕྱག་གཉིས་པར་བརྗོད། རང་གི་ངོ་བོ་རང་བཞིན་ཅན། ས་ལ་བདེ་བ་ཆེན་པོའི་སྐུ། དེ་ནི་ཡེ་ཤེས་རྡོ་རྗེ་སྟེ། དེ་ཉིད་རང་བཞིན་དགའ་བ་ཡིན། རྒྱུ་མཐུན་པར་ཡང་དེ་ཉིད་བརྗོད། རྡོ་རྗེ་རྩེ་གཅིག་པར་དེ་བཤད། རྒྱུ་ཡི་གནས་སྐབས་འགོག་པའང་ཡིན། དག་པའི་ཡེ་ཤེས་མཆོག་ཀྱང་དེའོ། ཞེས་གསུངས་པའི་དགོངས་པ་ཡིན་ལ། གཞི་ལམ་འབྲས་བུ་གསུམ་ཀ་དང་སྦྱོར་བར་མཛད་པ་བཞིན་རྒྱས་པར་འོག་ནས་འཆད་དེ། རྡོ་རྗེ་སེམས་དཔའ་ཞེས་པའི་ངེས་པའམ་དོན་ནི། སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་དོན་ནི་ཡེ་ཤེས་སྟོང་པ་ཉིད་ཀྱི་རྡོ་རྗེ་དེ་ཉིད་ལ་རྡོ་རྗེ་སེམས་དཔར་བརྗོད་དེ། ཀྱཻ་རྡོར་ལས། རྡོ་རྗེ་མི་ཕྱེད་ཅེས་བྱར་བརྗོད། སེམས་དཔའ་སྲིད་པ་གསུམ་གཅིག་པ། འདི་ནི་ཤེས་རབ་རིག་པ་ཡི། རྡོ་རྗེ་སེམས་དཔར་ཞེས་བྱར་བརྗོད། ཅེས་དང་། དེའི་ཐད་ཀྱི་འགྲེལ་པ་མུ་ཏིག་གི་ཕྲེང་བ་ལས། འདི་རྡོ་རྗེ་ཡང་ཡིན་ལ། སེམས་དཔའི་ཡང་ཡིན་

(༢༡༥)པ་རྡོ་རྗེ་སེམས་དཔའ་འོ། ཞེས་དང་། དེ་བས་ན་བཅོམ་ལྡན་འདས་རྡོ་རྗེ་འཛིན་པ་འདི་ཆོས་ཀྱི་སྐུས་རྡོ་རྗེ་སེམས་དཔའ་འོ། ཞེས་དང་། བརྟག་གཉིས་ཀྱི་ཌཱི་ཀ་རྗེ་ཉིད་ཀྱི་མཛད་པ་ལས་ཀྱང་། སྟོང་པ་ཉིད་ཀྱི་རྡོ་རྗེ་ནི་རྣམ་པར་རྟོགས་པས་མི་ཕྱེད་ལ། སྙིང་པོ་ཆེན་པོའི་སེམས་དཔའི་འདོད་པ་དང་གཟུགས་དང་གཟུགས་མེད་པའི་སྲིད་པ་གསུམ་དུས་གཅིག་ཏུ་སྒྲོལ་བར་བྱེད་པས། རྒྱུ་མཚན་འདིས་ནི་ཐབས་དང་ཤེས་རབ་དབྱེར་མེད་པ་རིག་པ་འདི་ཡིས་དོན་རྟོགས་པས་རྡོ་རྗེ་སེམས་དཔའ་ཞེས་བྱ་བར་བརྗོད་དོ། ཞེས་གསུངས་པས་སོ། གཞན་ཡང་། ཀྱེའི་རྡོ་རྗེའི་འགྲེལ་མཐའ་དག་ལས། ཆོས་ཀྱི་སྐུ་ལ་རྡོ་རྗེ་སེམས་དཔའ་དང་། ལོངས་སྤྱོད་རྫོགས་པའི་སྐུ་ལ་སེམས་དཔའ་ཆེན་པོ་དང་། སྤྲུལ་པའི་སྐུ་ལ་དམ་ཚིག་གི་སེམས་དཔར་གསུང་པས། ཆོས་ཀྱི་སྐུ་ནི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་ཁོ་ན་ཡིན་པའི་ཕྱིར། སངས་རྒྱས་ཀྱི་ཡེ་ཤེས་ལ་རྡོ་རྗེ་སེམས་དཔའ་ཞེས་བྱ་བར་གསུངས་པ་རྟོགས་སླ་བ་ཉིད་དོ། དོན་འདི་ཉིད་མུ་ཏིག་གི་ཕྲེང་བ་ལས་ཀྱང་། དེ་བས་ན་བཅོམ་ལྡན་འདས་རྡོ་རྗེ་འཛིན་པ་འདི་ཆོས་ཀྱི་སྡུས་རྡོ་རྗེ་སེམས་དཔའོ། ལོངས་སྤྱོད་རྫོགས་པའི་སྐུས་སེམས་དཔའ་ཆེན་པོ་དེ། སྤྲུལ་པའི་སྐུས་དམ་ཚིག་གི་ཆེན་པོའི་སེམས་དཔའ་ཞེས་བྱའོ། ཞེས་གསུངས་སོ། མདོར་ན་རྡོ་རྗེ་སེམས་དཔའ་ཞེས་པའི་རྡོ་རྗེ་ནི་དོན་དམ་པའི་བདེན་པ་སྟོང་པ་ཉིད་ཡིན་ལ། སེམས་དཔའ་ནི་སྲིད་པ་གསུམ་གྱི་མཚོན་པ་ཀུན་རྫོབ་ཀྱི་སྣང་བའི་ཆ་སྟེ། དེ་གཉིས་དབྱེར་མེད་གཅིག་ཏུ་སྦྱོར་བས་ན། རྡོ་རྗེ་སེམས་དཔའ་སྟོང་ཉིད་རྟོག་པའི་

(༢༡༦)ཡེ་ཤེས་ཀྱི་གཟིགས་པའོ། ཆོས་ཐམས་ཅད་བདེན་མེད་མཉམ་པ་ཉིད་དུ་གཅིག་བ་ནི་རྡོ་རྗེ་སེམས་དཔའི་དོན་ཏེ། མུ་ཏིག་གི་ཕྲེང་བ་ལས། རྡོ་རྗེ་ཞེས་པ་ནི་རྡོ་རྗེ་དང་ཆོས་མཐུན་པའོ། །།། གང་གིས་ཕྱིར་འདིར་སངས་རྒྱས་ཀྱི་ཆོས་རྗེས་བྲི་བ་ཁོ་ནའི་སྲིད་པ་མིན་ཞེ་ན། གཙོ་བོ་ཡིན་པས་སོ། །།། གསུམ་ཇི་ལྟ་བུ་ཡིན་ཞེ་ན། སྐུ་དང་གསུང་དང་ཐུགས་ཀྱི་དབྱེ་བས་སོ། དེ་ལ་སྲིད་པ་གསུམ་ཉིད་སྲིད་པ་གསུམ་མོ། །།། །།། ཟག་པ་དང་བཅས་པའི་ཆོས་ཐམས་ཅད་གྱི་ས་བོན་ཟད་པས་ལུས་དང་གནས་དང་ལོངས་སྤྱོད་དུ་སྣང་བའི་རྣམ་པར་ཤེས་པ་འགག་པ་གཅིག་ཏུ་དྲི་མ་མེད་པ་མཐའ་ཡས་པ་ནམ་མཁའི་དཀྱིལ་ལྟ་བུ་ཞེས་སོགས་རྒྱ་ཆེར་གསུངསཤིང་། མན་ངག་སྙེ་མ་ལས་ཀྱང་། རྡོ་རྗེ་སེམས་དཔའི་ནི་སྟོང་བ་ཉིད་ཀྱི་བདག་ཉིད་ཆོས་ཀྱི་སྐུ་དང་སྙིང་རྗེ་བདེ་བའི་བདག་ཉིད་ལྡན་དང་སྐྱེས་པའི་སྐུ་དབྱེར་མེད་པའི་བྱང་ཆུབ་ཀྱི་སེམས་ཀྱི་རང་བཞིན་ཤེས་རབ་དང་ཐབས་ཀྱི་བདག་ཉིད་དེ། ཞེས་གསུངས་སོ། དེ་ལྟར་ན། ཡེ་ཤེས་ཀྱི་སྐུའི་རང་བཞིན་དུ་གྱུར་པའི་རྡོ་རྗེ་སེམས་དཔའི་འདི་དག་ནི་གཞི་ལམ་འབྲས་བུའི་རྡོ་རྗེ་།།།སེམས་འདི་དག་ནི་གཞི་ལམ་འབྲས་བུའི་རྡོ་རྗེ་སེམས་དཔའ་ལ་གསུམ་དུ་གནས་སྟེ། གཞིའི་གནས་སྐབས་སུ་གཟུང་འཛིན་དུ་སྒྲོ་བཏག་པའི་རང་བཞིན་དང་

(༢༡༧)བྲལ་པ་གཉིས་སུ་མེད་པའི་དེ་བཞིན་ཉིད་ནི་རྡོ་རྗེའི་ཤེས་རབ་དང་། གདུལ་བྱའི་དབང་གིས་སྣ་ཚོགས་སུ་སྣང་བ་ནི་བདེ་བའི་ཐབས་སྟེ། འདུས་པ་ལས། གང་ཞིག་དངོས་མེད་ཤེས་རབ་སྟེ། ཐབས་ནི་དངོས་པོའི་མཚན་ཉིད་དོ། ཞེས་སོ། དེ་གཉིས་དབྱེར་མི་ཕྱེད་པ་ནི་རྡོ་རྗེ་སེམས་དཔའ་འོ། ལམ་ལ་སྨིན་བྱེད་དབང་ནི་སེམས་དཔའི་ཐབས། གྲོལ་བྱེད་ལམ་ནི་རྡོ་རྗེའི་ཤེས་རབ། དེ་གཉིས་དབྱེར་མི་ཕྱེད་པ་ནི་རྡོ་རྗེ་སེམས་དཔའ་འོ། ཡང་ན་ཐབས་ཤེས་ལྟོས་པའི་དག་ལས། སྨིན་བྱེད་རྡོ་རྗེ། གྲོལ་བྱེད་བདེའམ་དབྱེར་མི་ཕྱེད་པ་རྡོ་རྗེ་སེམས་དཔའ་འོ། དེ་བཞིན་དུ་དབང་ལའང་བུམ་དབང་ནི་སེམས་དཔའ། དབང་གོང་མ་གསུམ་པོ་ནི་རྡོ་རྗེ། དབྱེར་མི་ཕྱེད་པ་རྡོ་རྗེ་སེམས་དཔའ་དང་། སྐྱོང་པ་ལ་ཡབ་ཡུམ་ཐབས་ཤེས་དབྱེར་མི་ཕྱེད་པ་རྡོ་རྗེ་སེམས་དཔའ་དང་། རྫོགས་པ་ལ་རང་བྱིན་གྱི་བརླབས་དང་། དཀྱིལ་འཁོར་འཁོར་ལོ་ཐབས་ཤེས་དབྱེར་མི་ཕྱེད་པ་རྡོ་རྗེ་སེམས་དཔའ་དང་། རང་བྱིན་བརླབས་ལ། དམིགས་བཅས་དམིགས་མེད་ཐབས་ཤེས་དབྱེར་མི་ཕྱེད་པ་རྡོ་རྗེ་སེམས་དཔའ་དང་། དཀྱིལ་འཁོར་ལག་བསྒྲུབ་པ་པོ་དང་། རིགས་མ་ཐབས་ཤེས་དབྱེར་མི་ཕྱེད་པ་རྡོ་རྗེ་སེམས་དཔའ་སོགས་དང་། འབྲས་བུ་ཆོས་སྐུ་དང་གཟུགས་སྐུ་ཐབས་ཤེས་དབྱེར་མི་ཁྱེད་པ་རྡོ་རྗེ་སེམས་དཔའ་དང་། ཆོས་སྐུ་ལའང་དབྱིངས་དང་ཡེ་ཤེས་ཐབས་ཤེས་དབྱེར་མི་ཕྱེད་པ་རྡོ་རྗེ་སེམས་དཔའ་དང་། གཟུགས་སྐུ་ལའང་སྐུ་དང་ཞིང་ཁམས་ཐབས་ཤེས་དབྱེར་མི་ཕྱེད་པ་རྡོ་རྗེ་བདེའམ་སྟེ། མདོར་ན། སམ་བུ་ཊི་ལས། སྤྲོས་པ་མེད་པའི་རང་བཞིན་ཉིད། ཤེས་རབ་ཅེས་ནི་ཡོངས་སུ་གྲགས། ཡིད་བཞིན་ནོར་ལྟར་མ་

(༢༡༨)ལུས་བའི། ཐམས་ཅད་སྟོན་མཛད་སྙིང་རྗེ་ཉིད། ཅེས་གསུངས་པ་ལྟར། ཆོས་ཐམས་ཅད་ཐབས་དང་ཤེས་རབ་ཀྱི་ཆར་མ་གྱུར་པ་མེད་པས་ཐམས་ཅད་ཁྱབ་བདག་རྡོ་རྗེ་སེམས་དཔའི་རང་བཞིན་ཡིན་ནོ། དེ་ན་རྒྱུ་ཆོས་ཅན་དང་ཆོས་ཉིད་ལམ་ཐབས་དང་ཤེས་རབ་འབྲས་བུ་སྐུ་དང་ཡེ་ཤེས་སོགས་ཀྱང་རྡོ་རྗེ་སེམས་དཔའ་ཡིན་པས་དེ་དག་བརྗོད་བྱར་སྟོན་པའི་གསུང་རབ་རྣམས་ལ་འང་གཞུང་རྡོ་རྗེ་སེམས་དཔའ་ཞེས་པའི་སྒྲ་སྦྱར་དུ་རུང་སྟེ་སློབ་དཔོན་ཕྱོགས་ཀྱི་གླང་པོས་བརྒྱད་སྟོང་དོན་བསྡུས་སུ། ཤེས་རབ་ཕ་རོལ་ཕྱིན་གཉིས་མེད། ཡེ་ཤེས་དེ་ནི་དེ་བཞིན་གཤེགས། བསྒྲུབ་བྱའི་དོན་དེ་དང་ལྡན་པས། གཞུང་ལམ་དག་ལ་དེ་སྒྲ་ཡི་ཞེས་གསུངས་པ་ལྟར་འདིར་ཡང་། རྡོ་རྗེ་སེམས་དཔའི་གཉིས་སུ་མེད། ཡེ་ཤེས་དེ་ནི་དེ་བཞིན་གཤེགས། བསྒྲུབ་བྱའི་དོན་དེ་དང་ལྡན་པས། གཞུང་ལམ་དག་ལ་དེ་སྒྲ་ཡིན། ཞེས་གསུངས་པས་།།།ཞེས་པ་ཚིག་གི་ཕྲད་ཡིན་ཞིང་། ཕྱག་འཚལ་བ་ལ་གཉིས་ཏེ། ཀུན་རྫོབ་དང་དོན་དམ་མོ། དང་པོ་ལ་ཡང་གཉིས་སྟེ། མཚོན་བྱེད་བརྡའི་ཕྱག་དང་། མཚོན་བྱ་དོན་གྱི་ཕྱག་གོ། དང་པོ་ལ་ལུས་ངག་ཡིད་གསུམ་ལས། ལུས་ཀྱི་ཕྱག་ནི། སོར་མོ་བཅུའི་ཐལ་མོ་སྤྱི་བོར་སྦྱར་ཏེ་དཔུང་མོ་གཉིས་ས་ལ་གཙུགས་ནས་འདུད་ཅིང་འཚལ་བ་སྟེ། དེ་ལ་ཡང་གནས་ལྔ་པ་ལ་གཏུགས་པ་དཀྱིལ་འཁོར་ལྔ་པ་དང་། ཡན་ལག་ལྔ་བརྐྱང་བའི་ཕྱག་དང་། ཡུལ་གྱི་ཞབས་ལ་བཏུགས་པ་སྒྱིད་པ་ལ་འཁྲིལ་བའི་ཕྱག་དང་གསུམ་ཡོད་པ། ངག་གིས་

(༢༡༩)ཕྱག་ནི་གསུང་རབས་ཟབ་མོ་བསྙོན་དུ་བྱེད་པ་སྟེ། བསྟོད་ཚིག་འདོན་པ་དང་། གསོལ་བ་འདེབས་པ་དང་། ཡུལ་ཁྱད་པར་ཅན་སྨོས་ཏེ་ཕྱག་འཚལ་ལོ། ཞེས་བརྗོད་པ་ལྟ་བུ་ཡང་ངོ་། ཡིད་ཀྱི་ཕྱག་ནི་རྩེ་གཅིག་པའི་སེམས་ཀྱི་ཤོ་བསྒོམ་པ་སྟེ། ཡིད་དང་བ་གུས་པར་བྱེད་པ་ལ་སོགས་པའོ། མདོར་ན་ལུས་ཀྱི་སྒོ་ནས་ཐལ་མོ་སྤྱི་བོར་སྦྱར་ཞིང་པུས་མོའི་ལྷ་ང་ས་ལ་གཙུག །ངག་གི་སྒོ་ནས་གསུང་རབ་ཟབ་མོ་ཁ་ཏོན་དུ་འདོན། ཡིད་ཀྱི་སྒོ་ནས་རྩེ་གཅིག་ཏུ་དོན་བསྒོམ། ཡེ་ཤེས་ཀྱི་དོན་རྟོག་པའི་ཚུལ་གྱི་ཕྱག་འཚལ་བའོ། གཉིས་པ་དེས་མཚོན་པ་དོན་གྱི་ཕྱག་ནི་གཡས་གཡོན་གྱི་རླུང་གི་དཀྱིལ་འཁོར་བཅུ་དབུ་མའི་སྤྱི་བོར་བཅིང་པས་གཅིག་ཏུ་བྱེད་པས་ནི་ཟབ་མོ་ཁ་ཏོན་དུ་བྱེད་པ་སྟེ། དེས་གཟུང་འཛིན་།།། རླུང་འགགས་པ་དེས་བྱང་སེམས་ནོར་བུ་དང་པད་མར་འཛིན་པ་ནི་པུས་མོ་ས་ལ་བཙུགས་པ་སྟེ། དེས་འོག་ཏུ་ལྟུང་བ་བཅད་ནས་གོང་དུ་འཕོ་བར་བྱེད་དོ། །།། དྲི་མ་སྦྱངས་ཞིང་གོམས་བ་མཐར་འབྱིན་པར་བྱེད་དོ། དེ་ལས་དྲི་མ་མེད་པ་ཐོབ་པ་ནི་ཡེ་ཤེས་ཀྱི་དོན་རྟོག་པ་སྟེ། དབང་མདོར་བསྟན་ལས། སེར་མོ་རྣམས་ནི་ཕན་ཚུན་དུ། དཀྱིལ་འཁོར་བཅུ་པོ་ཡང་དག་སྦྱོར། སྤྱི་བོར་ལག་པའི་ཐིལ་སྦྱར་དག །རྩེ་

(༢༢༠)གཅིག་དེ་ནི་གྲི་གུག་གོ །ཞེས་གསུངས་པས་སོ། གཉིས་པ་དོན་དམ་གྱི་ཕྱག་ནི། རང་སེམས་སྟོང་པ་ཉིད་དམ། གནས་ལུགས་ངོ་འཕྲོད་པ་ཉིད་ཕྱག་གི་དོན་དུ་འདོད་དེ། སློབ་དཔོན་ཀླུ་གྲུབ་ཀྱི་རིམ་ལྔར། ཕྱག་འཚལ་འདུད་ཅིང་ཕྱག་འཚལ་འདུད། ཕྱག་འཚལ་ཕྱག་འཚལ་ཕྱག་འཚལ་འདུད། ཇི་ལྟར་བསྟོད་ཅིང་ཕྱག་འཚལ་བ། གང་གི་བསྟོད་ཅིང་གང་ལ་བསྟོད། ཇི་ལྟར་ཆུ་ལ་ཆུ་བཞག་དང་། ཇི་ལྟར་མར་ལ་མར་བཞག་ལྟར། རང་གི་རང་གི་ཡེ་ཤེས་ནི། ལེགས་ཐོང་གང་ཡིན་འདིར་ཕྱག་ཡིན། ཞེས་གསུངས་པས་སོ། དེའི་ཕྱིར་བསྙེན་བརྒྱུད་རྡོ་རྗེའི་ཚིག་རྐང་དུ་གཉིད་མེད་རང་བྱུང་ཕྱག་རྒྱ་ཆེན་པོ་འཆད་པ་ན། ཕྱག་ནི་གཉིས་མེད་ཡེ་ཤེས་ངོ་ཡིས་བཟུང་། རྒྱ་ནི་འཁོར་བའི་འདུད་པ་གྲོལ་བ་སྟེ། ཆེན་པོ་ཟུང་འཇུག་སྒྲོན་མེ་གཏམ་པ་ལས། ཞེས་གསུངས་པའི་དོན་ཀྱང་གནས་ལུགས་མངོན་གསུམ་དུ་རྟོགས་པའི་ཕྱག་གི་འཁོར་བའི་གཉིས་འཛིན་གྱི་རྒྱ་མདུད་པ་ལྟར་བསྡམ་པ་གྲོལ་བར་བྱས་པའི་།།།ཕྱག་རྒྱ་ཡེ་ཤེས་ཀྱི་སྒྲོན་མ་དེ་ནི་གཉིས་ཆོས་མཐའ་དག་ལས་འདས་པས་ན་ཆེན་པོའོ། ཞེས་དོན་དམ་པའི་ཕྱག་རྒྱ་ངོ་སྤྲོད་པའི་རྡོ་རྗེའི་ཚིག་ཡིན་གྱི། མ་ཧ་མུ་དྲ་ཞེས་པ་ཕྱག་རྒྱ་ཆེན་པོའི་སྐད་དོད་ཡིན་པ་མ་མཁྱེན་པར། ཕྱག་རྒྱ་ཆེན་པོའི་སྒྲ་བཤད་ལ་རྨོངས་ནས་བོད་སྐད་ལས་སྒྲ་བཤད་པའམ། ལག་པའི་སྒྲ་དོན་ལ་བཤད་པ་ནི་མ་ཡིན་ནོ། འདིར་

(༢༢༡""སྨྲས་པ། སྐལ་བཟང་ཐར་ལམ་འདོད་རྣམས་འདི་ལོང་དང་། འདི་ལ་དུས་སུམ་རྒྱལ་བའི་བགྲོད་གཅིག་ལམ། སྡེ་སྣོད་གསུམ་དང་རྒྱུད་སྡེ་བཞི་ལ་སོགས། གསུང་རབས་ཀུན་གྱི་སྙིང་པོའི་མཐར་ཐུག་ཡོད། དེ་ལྟར་ཕྱག་འཚལ་ནས་ལས་སུ་བྱ་བ་ནི་ཅི་ཞེ་ན། དེ་ནི་བརྩོམ་པ་མཐར་ཕྱིན་པའི་ཆེད་དུ་སྟེ་ད་ནི་བཤད་པར་བྱའོ་ཞེས། གཉིས་པ་བཤད་པར་དམ་བཅའ་བ་ནི། བཟུང་འཛིན་གྱི་སྣ་ཚོགས་རྟོགས་པ་ལ་སོགས་པ་བདུད་བཞི་བག་ཆགས་དང་བཅས་པ་བཅོམ་ཞིང་། དབང་ཕྱུག་ལ་སོགས་པའི་ཡོན་ཏན་དྲུག་དང་ལྡན་ལ། འཁོར་ལོ་འདས་རྟག་ཆད་ཀྱི་མཐའ་ལས་འདས་པའི་ཆོས་ཀྱི་སྐུ་མེ་ལོང་ལྟ་བུ་ལ་སོགས་པ་ཡེ་ཤེས་ལྔའི་བདག་ཉིད་སྲིད་ཞི་ཐམས་ཅད་ཀྱི་དཔལ་ད་གྱུར་ཞིང་། བདེ་སྟོང་དབྱེར་མེད་ཐུགས་སུ་ཆུད་པའི་རྡོ་རྗེ་འཆང་ཆེན་པོ་ནས་གདུལ་བྱ་བློ་གྲོས་དང་སྐལ་བ་མཆོག་ཏུ་གྱུར་པས། སྣོད་དང་ལྡན་པ་རྣམས་ལ་དགོས་བྱེད་བླ་ན་མེད་པའི་བྱང་ཆུབ་ཆེན་པོ་སྒྲིབ་པ་དང་བྲལ་བའི་སྐུ་བཞི་ཡེ་ཤེས་ལྔའི་གོ་འཕང་དུས་།།།གྱུར་དུ་སྟེ། མིའི་ཚེ་གཅིག་གི་ཐོབ་པར་བྱ་བའི་ཕྱིར། ཆོས་ཟུང་ངག་རྡོ་རྗེའི་རྩེགས་པ་བླ་ན་ཏེ་གོང་ན་མེད་པའི་རྒྱུད་སྡེ་མཐའ་ཡས་པ་གསུང་པ་ལས། བླ་མེད་ཀྱི་རྒྱུད་སྡེ་དེའི་དོན་རྟོག་པར་དཀའ་བས་ན། ཟབ་མོ་ལུས་དང་ངག་དང་སེམས་ཀྱི་བདག་ཉིད་དུ་གསུང་པ་ནི། ནང་གི་དོན། དེ་དག་ཉེ་བར་བསྡུས་སྟེ་བསྟན་པའི་བསྟན་བཅོས་འདི་བཤད་པར་བྱའོ། ཞེས་འགྲེལ་བ་བརྩོམ་པར་དམ་བཅའ་བ་མཛད་དོ། ད་ནི་ཚིག་རེ་རེ་ལྟར་འབྲུ་གཉེར་

(༢༢༢)བའི་ཚུལ་གྱི་སྤྲོས་ནས་འཕྲོས་ཅུང་ཟད་བཤད་པར་བྱ་སྟེ། བཅོམ་ལྡན་འདས་ནི། བྷ་ག་ཝནྟིའི་སྒྲ་ལས་བཤད་ན། བྷ་ག་ནི་བཅོམ་པ་དང་། ཝནྟ་ནི་ལྡན་པ་སྟེ། འདས་ཤེས་པ་ལོ་ཙ་བ་རྣམས་ཀྱི་བཀས་བཅད་ནས་སྦྱར་བ་ཡིན་ལ། དེ་ཡང་བྷ་གའི་སྒྲ་སྐལ་པ་དྲུག་ལ་འཇུག་སྟེ། སམ་བུ་ཊི་ལས། དབང་ཕྱུག་དང་ནི་གཟུགས་བཟངས་དང་། དཔལ་དང་གྲགས་དང་ཡེ་ཤེས་དང་། བརྩོན་འགྲུས་ཕུན་སུམ་ཚོགས་པ་སྟེ། དྲུག་པོ་རྣམས་ལ་སྐལ་ཞེས་བྱ། ཞེས་གསུངས་པས་སྔོ། དེ་ལྟ་བུའི་སྐལ་པ་དྲུག་དང་ལྡན་པས་བདུད་བཞི་ལ་སོགས་པ་ཡི་མཐུན་པའི་ཕྱོགས་ཐམས་ཅད་བཅོམ་ཞིང་བཅོམ་པའི་ཡོན་ཏན་དྲུག་པོ་དེ་དང་ལྡན་པས་བཅོམ་ལྡན་ཡིན་ལ། གང་བཅོམ་ལྡན་ཡིན་པ་དེ་ཉིད་འཇིག་རྟེན་ལས་འདས་པ་ཡིན་པའི་དོན་གྱིས་ན། བཅོམ་ལྡན་འདས་ཤེས་བོད་དུ་སྦྱར་བ་ཡིན་ནོ། མདོར་ན་བཅོམ་པ་དང་ལྡན་པ་སྒྲ་གཅིག་པ་སྟེ། རྡོ་རྗེ་རྩེ་མོ་ལས། ཉོན་མོངས་ལས་དང་དེ་བཞིན་སྐྱེ། ཉོན་མོངས་ཤེས་བྱའི་སྒྲིབ་པ་རྣམས། གང་ཡང་མི་མཐུན་ཕྱོགས་ཆོས་བཅོམ། དེ་འདྲ་བཅོམ་ལྡན་འདས་སུ་བཤད། ཞེས་གསུངས་པས་སོ། དེས་ན་བཅོམ་ལྡན་པའི་དོན་གྱིས་ཀྱང་བཅོམ་ལྡན་ཡིན་ལ། ལྡན་པའི་དོན་གྱིས་ཀྱང་བཅོམ་ལྡན་ཡིན་ནོ། དེ་ལ་ལོ་ཙཱ་བ་ཆེན་པོ་རྣམས་ཀྱི་འདས་ཤེས་པའི་སྒྲ་སྦྱར་བའི་དོན་ཀྱང་། བཅོམ་ལྡན་དེའི་མཚན་གཞི་ནི། འཁོར་འདས་རྟགས་ཆད་ཀྱི་མཐའ་ལས་འདས་པའི་ཆོས་ཀྱི་སྐུ་ཡེ་ཤེས་ལྔ་པོ་ཉིད་

(༢༢༣)ཡིན་པས་དེ་སྐད་བྱ་བའི་སྒྲ་སྦྱར་བ་ཡིན་ནོ། ཇི་སྐད་དུ་དུས་ཀྱི་འཁོར་ལོའི་འགྲེལ་ཆེན་དྲི་མ་མེད་པའི་འོད་ལས། བཅོམ་ལྡན་ནི་བདུད་དང་ཉོན་མོངས་པ་བཅོམ་པའི་ཕྱིར་བཅོམ་པའི་དབང་ཕྱུག་ལ་སོགས་པ་ཐམས་ཅད་མཁྱེན་བའི་ཡོན་ཏན་སོགས་ཀྱི་སྐལ་བ་སྟེ། འདི་ལ་ལྡན་པའི་ཕྱིར་བཅོམ་ལྡན་ནོ། ཞེས་དང་། རྟགས་གཉིས་ཀྱི་ཌཱི་ཀ་རྗེ་ཉིད་ཀྱི་མཛད་པ་ལས་ཀྱང་། བཅོམ་པ་ནི་བདུད་བཞི་ལ་སོགས་པ་མི་མཐུན་པའི་ཕྱོགས་མ་ལུས་པ་བཅོམ་པའོ། ལྡན་པ་ནི་དབང་ཆུག་ལ་སོགས་པ་དྲུག་སྟེ། དཔལ་དང་གྲགས་དང་ཡེ་ཤེས་དང་། དབང་ཕྱུག་དང་ནི་གཟུགས་བཟང་དང་། བརྩོན་འགྲུས་ཕུན་སུམ་ཚོགས་ལྡན་པ། དྲུག་པོ་དེ་ལ་ལྡན་ཞེས་བརྗོད། ཅེས་གསུངས་པའི་དོན་དབང་ཕྱུག་ལ་སོགས་པ་ནི། བག་ཆགས་མ་ལུས་པ་བཅོམ་པའི་བདག་ཉིད་ཤིན་ཏུ་རྣམ་པར་དག་པའི་ཡེ་ཤེས། ཕུན་སུམ་ཚོགས་པ་དང་གཟུགས་བཟང་བ་ནི་ཡོན་ཏན་གྱི་འབྱུང་གནས་ཀྱི་ཕྱིར་མེ་ལོང་ལྟ་བུ་ཡིན་ལ། གྲགས་པ་དང་དཔལ་ནི་འགྲོ་བ་ལ་ཡོན་ཏན་གཏེར་བའི་ཕྱིར་མི་གཡོ་བ་མཉམ་པ་ཉིད་ཡིན་ཏེ། ཡེ་ཤེས་ནི་ཇི་རྙེད་པ་མཁྱེན་པས་སོ་སོར་རྟོགས་པ་ཡིན་ལ། བརྩོན་འགྲུས་ཕུན་སུམ་ཚོགས་པ་ནི་བྱ་བ་གྲུབ་པའི་ཡེ་ཤེས་སོ་ཞེས་གསུངས་པ་འདི་རྣམས་དང་ལྡན་ཞིང་འཁོར་བ་དང་མྱང་འདས་ལས་འདས་པའི་མཐའ་གཉིས་ལས་འདས་པས་ན་བཅོམ་ལྡན་འདས་སོ། འདི་ཉིད་ལས་ཀྱང་། སངས་རྒྱས་འདི་ལ་བྷ་ག་མངའ། བཅོམ་ལྡན་འདས་ཞེས་བརྗོད་པར་བྱ། བྷ་ག་རྣམ་པ་དྲུག་དུ་བརྗོད། དབང་

(༢༢༤)ཕྱུག་ལ་སོགས་ཀུན། ཡང་ན་ཉོན་མོངས་ལ་སོགས་ལ་བདུད། འཇོམས་ཕྱིར་བཅོམ་ལྡན་འདས་ཞེས་བྱ། ཞེས་གསུངས་པས་སོ། དཔལ་རྡོ་རྗེ་འཆང་ནི་བཤད་ཟིན་པ་ཆེན་པོ་ནི་སྣང་སྲིད་འཁོར་འདས་ཐམས་ཅད་ཀྱི་ཁྱབ་བདག་ཡིན་པས་འདིས་མ་ཁྱབ་པ་མེད་པའི་ཕྱིར་ཆེན་པོའོ། གདུལ་བྱ་བློ་གྲོས་མཆོག་ཏུ་གྱུར་པ་རྣམས་ལ་ཞེས་པའི་གདུལ་བྱ་ནི་རྡོ་རྗེ་དེས་རྒྱུུད་བསྟན་ནས་གདུལ་བར་བྱ་བའི་གང་ཟག་སྟེ། ལམ་གྱི་རྟེན་དང་ལམ་གྱི་ངོ་བོ་དང་ལམ་གྱི་འབྲས་བུ་ལ་འགོད་དུ་རུང་བའི་སེམས་ཅན་རྣམས་ཡིན་ལ། དེ་ཡང་། ཁམས་དང་། བསམ་པ་དང་། བག་ལ་ཉམ་དང་། དབང་པོའི་རིམ་པ་མི་འདྲ་བ་མཐའ་མས་པར་གསུངས་ཀྱང་། ཡེ་ཤེས་རྡོ་རྗེ་ཀུན་ལས་བཏུས་པ་ལས་ལུཏྤལ་ལྟ་བུ་དང་པད་དཀར་དང་པད་མ་ཙན་དན་དང་རིན་པོ་ཆེ་ལྟ་བུའི་གང་ཟག་སྟེ་སྔར་བསྡུས་ནས་གསུངས་ཤིང་། དེ་རྣམས་ཀྱང་སྒྲོན་གསལ་ལས། ཚིགས་སུ་བཅད་དེ་གསུངས་པའི། དང་པོ་ནི། དེ་ནི་མ་ལུས་ཐོས་གྱུར་ལ། འཛིན་པ་ལ་ནི་རྣམ་པར་མཁས། སྐད་གཅིག་གིས་ནི་བརྗོད་འགྱུར་བ། ཨུཏྤལ་ཞེས་བྱའི་གང་ཟག་གོ། ཞེས་གསུངས། བླ་མ་ལས། ཐོས་པའི་ཆོས་འཛིན་པ་ལས་མཁས་ཤིང་མྱུར་དུ་བརྗོད་པར་འགྱུར་བ་དེ་ནི་ཨུཏྤལ་ལྟ་བུ་སྟེ། ཨུཏྤལ་ཆུ་ནང་དུ་མཛེས་ཤིང་དྲི་ཞིམ་ཀྱང་། ཆུ་ནས་བཏོན་མ་ཐག་དེ་དག་ཉམ་པར་འགྱུར་བ་དང་ཆོས་མཚུངས་པས་སོ། གཉིས་

(༢༢༥)པ་ནི། བཟུང་བྱ་མང་དུ་ཐོས་གྱུར་ཀྱང་། སྟོན་པ་ཡི་ནི་ནུས་མེད་པ། བུམ་པའི་རས་བལ་ས་བོན་འདྲ། པད་དཀར་ཞེས་བྱའི་གང་ཟག་གོ། ཞེས་གསུངས་ཏེ། བཟུང་བྱའི་ཆོས་མང་དུ་ཐོས་ཤིང་འཛིན་ནུས་པར་གྱུར་ཀྱང་གཞན་ལ་སྟོན་མི་ནུས་པ། དཔེར་ན་བུམ་པར་རས་བལ་གྱི་ས་བོན་དྲུག་པ་འཕེལ་ནས་སླར་མི་ཐོན་པ་དང་འདྲ་བ་དེ་ནི་པད་དཀར་ལྟ་བུ་སྟེ། པད་མ་དཀར་པོའི་དྲི་ལྟེ་བའི་ཐུབས་སུ་འཁོར་ནས་གཞན་དུ་མི་འཕྲོ་བ་དང་ཆོས་མཚུངས་སོ། གསུམ་པ་ནི། དད་དང་ལྡན་ཞིང་སྙིང་རྗེ་ཤེས། ཐོས་ན་བློ་ཡི་ཁ་འབྱེད་ལ། ཚིག་མེད་འདོ་མ་བཞིན་འཛག་པ། པད་མ་ཞེས་བྱའི་གང་ཟག་གོ། ཞེས་ཏེ། དད་རྩེ་ཤེས་རབ་གསུམ་ལྡན་ཆོས་ཐོས་ལ་ཤེས་རབ་མྱུར་དུ་འཕེལ་ཀྱང་ཚིགས་པ་མེད་པའི་འདོ་མར་ཆུ་བླུག་པ་འཛག་ནས་མི་སྡོད་པ་བཞིན་དུ་ཐོས་ཤིང་ཤེས་པའི་དོན་རིང་དུ་མི་གནས་པ་ནི་པད་མ་ལྟ་བུ་སྟེ། པད་མའི་དྲི་ཞིམ་པོ་ལྟེ་བར་གནས་པ་ཟིལ་པ་ལ་བརྟེན་པའི་ཕྱིར། ཉི་མས་ཁ་བྱེ་མ་ཐག་ཟིལ་པ་སྐམས་ནས་དྲི་མི་འབྱུང་བ་དང་ཆོས་མཚུངས་པས་སོ། བཞི་པ་ནི། ཐོས་པ་ཉུང་ཞིང་ང་རྒྱལ་ལྡན། རྩ་བ་མེད་པར་མང་དུ་སྒྲ། རྗེས་སུ་བཟུང་བར་མི་ནུས་པ། ཙན་དན་ཞེས་བྱའི་གང་ཟག་གོ། ཞེས་ཏེ། ཐོས་པ་ཆུང་ཞིང་ཐོས་པའི་ང་རྒྱལ་དང་ལྡན་པ་ལུང་རིག་ཀྱི་

(༢༢༦)གནད་མི་ཤེས་པས་ཡོན་ཏན་གྱི་རྩ་བ་མེད་པར་རྩོད་པའི་ཚེ་ལྟར་སྣང་མང་དུ་སྨྲ་ཞིང་སྐྱོན་དེ་དག་བསལ་ནས་རྗེས་སུ་བཟུང་བར་མི་ནུས་པ་དེ་ནི་ཙན་དན་འབྲས་བུ་མེད་པ་དྲི་ཆུང་བ་ཚེ་མ་མང་བ་སྦྲུལ་དུག་པས་དཀྲིས་པ་ལྟ་བུ་སྟེ། དེ་གཉིས་ཉེར་མི་རུང་བར་ཆོས་མཚུངས་པས་སོ། ལྔ་པ་ནི། ཚུལ་ཁྲིམས་དག་ཅིང་མཁའ་ལ་སྒྲིན། ཤེས་རབ་ལྡན་ཞིང་རྒྱུད་གཅིག་པ། ཐོས་ནས་ལེགས་པར་བསྟོན་པ་ནི། རིན་ཆེན་ཞེས་བྱའི་གང་ཟག་གོ། ཞེས་ཏེ། ཚུལ་ཁྲིམས་ཡོངས་སུ་དག་ཅིང་ཐོས་པ་རྒྱ་ཆེ་བའི་དོན་ལ་མཁས་པ་དགེ་བ་ལ་སྒྲིན་པའི་བརྩོན་འགྲུས་དང་མགོ་སྨོས་པས་གོ་བའི་ཤེས་རབ་ཅན་རྡོ་རྗེ་ཐེག་པར་རིགས་ངེས་པ་རྐྱེན་གྱི་པད་པས་རྒྱུད་གཅིག་པ། རང་གི་ཆོས་ཕྱིན་ཅི་མ་ལོག་པ་ཐོས་ཤིང་གཞན་ལ་ལེག་པར་བསྟོན་ནུས་པ་དེ་ནི་རིན་ཆེན་ལྟ་བུ་སྟེ། རྙེད་དཀའ་ཞིང་རྙེད་ན་དོན་ཆེ་བས་སོ། དེ་ལྟར་ལྔ་ལས་སྔ་མ་བཞི་ནི་སྣོད་དམན་པའི་ཕྱིར་ཚོགས་བཤད་ཀྱི་སྣོད་དེ། དེ་དག་ལ་ཐུན་མོང་བའི་སྐྱེ་རིམས་ཙམ་བསྟན་པར་བྱའོ། ཕྱི་མ་ནི་སྣོད་མཆོག་ཡིན་པའི་ཕྱིར་སློབ་བཤད་ཀྱི་སྣོད་ཡིན་ཏེ། དེ་ལ་ནི་ཐུན་མོང་མ་ཡིན་པའི་རྫོགས་རིམས་ཟབ་མོ་ལ་སོགས་པ་གདམས་ངག་ཐམས་ཅད་ཡོངས་སུ་རྫོགས་པ་བཤད་པར་བྱ་སྟེ། ཨུཏྤལ་དེ་བཞིན་པད་དཀར་དང་། པད་མ་ཙན་དན་ཉིད་དག་སྟེ། གང་ཟག་བཞི་པོ་འདི་དག་ནི། ཚོགས་པ་ལ་བཤད་གང་ཟག་གོ། རྫོགས་པའི་

(༢༢༧)རིམ་གྱི་སྐལ་ལྡན་ཞིང་། རྟག་ཏུ་སྤྱོད་བས་རྣམ་བརྒྱན་པས། འདི་ནི་རིན་ཆེན་གང་ཟག་སྟེ། སློབ་མ་ལ་བཤད་སྣོད་ཡིན་ནོ། ཞེས་འབྱུང་བས་སོ། དེ་ལྟར་སློབ་མའི་སྐྱོན་ཡོན་ཤེས་པར་བྱས་ནས་ཆོས་སྟོན་དགོས་སྟེ། གང་ཟག་ཤེས་པའི་དབྱེ་བ་ཡི། སྣོད་དང་སྣོད་མིན་ཡོངས་བརྟག་ནས། རྡོ་རྗེ་སློབ་དཔོན་མཁས་པས་ནི། བཤད་པ་རྣམ་པ་གཉིས་བྱའོ། ཞེས་གསུངས་པས་སོ། བློ་གྲོས་ནི་ཤེས་རབ་སྟེ། ངེས་བརྗོད་ཀྱི་བསྟན་བཅོས་ལས། བློ་གྲོས་དང་ཡིད་འགྲོ་དང་ཤེས་རབ་དང་རྩོལ་བྱེད་ལ་སོགས་པ་མིང་གི་རྣམ་གྲངས་སུ་གསུངས་པས་སོ། དེའི་ཕྱིར་བློ་གྲོས་མཆོག་ཏུ་གྱུར་པ་ནི། ཤེས་རབ་ཀྱི་དབང་པོ་ཡང་རབ་ཏུ་གྱུར་པ་རྣམས་ཏེ། དེ་ནི་བཤད་མ་ཐག་པའི་གང་ཟག་ལྔ་ལས་རིན་ཆེན་ལྟ་བུ་གཞན་ཡང་རྡོ་རྗེ་ཐེག་པ་བླ་ན་མེད་པའི་སྣོད་མཆོག་ཏུ་གསུངས་པའི་གང་ཟག་རྣམས་སོ། ཐོག་བྱ་བླ་ན་མེད་པ་ནི་ཨུརྟ་རའི་སྒྲ་ལས་གོང་ན་མེད་པ་ཡིན་པར་བླ་མའི་སྒྲ་བཤད་པ་ལྟར་རོ། བྱང་ཆུབ་ཆེན་པོ་ནི་སངས་རྒྱས་ཀྱི་བྱང་ཆུབ་ཡིན་ལ། དེ་ཡང་མཐར་ཐུག་པའི་འགོག་བདེན་མི་གནས་པའི་མྱ་ངན་ལས་འདས་པ་སྟེ་ཉན་ཐོས་དང་རང་སངས་རྒྱས་ཀྱི་བྱང་ཆུབ་ནི་ཕུང་པོ་ལྷག་མ་དང་བཅས་པ་ལྷག་མ་མེད་པའི་མཚན་ཉིད་ཅན་གྱི་མྱ་ངན་ལས་འདས་པ་གང་རུང་དུ་ངེས་པའི་ཕྱིར། བྱང་ཆུབ་ཆེན་པོ་མ་ཡིན་ལ། རྒྱལ་བའི་སྲས་པོ་དག་གི་མངོན་དུ་བྱས་པའི་སོ་སོར་བརྟག་པའི་འགོག་པ་རྣམས་ཀྱང་

(༢༢༨)གནས་སྐབས་ཀྱི་བྱང་ཆུབ་ཏུ་བཤད་པའི་བྱང་ཆུབ་ཆེན་པོ་མ་ཡིན་ནོ། དེའི་ཕྱིར་བླ་ན་མེད་པའི་བྱང་ཆུབ་ཆེན་པོ་ནི་ཡང་དག་པར་རྫོགས་པའི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་གཟུགས་ཀྱི་ཕུང་པོ་གནས་ཡོངས་སུ་སྒྱུར་པ་ལས་ཐོབ་པ་ཆོས་ཀྱི་བྱིངས་ཀྱི་ཡེ་ཤེས་ངོ་བོ་ཉིད་ཀྱི་སྐུ་ཁོ་ནའོ། མྱུར་དུ་ཐོབ་པར་བྱ་བའི་ཕྱིར་ཞེས་པ་ནི། ཚེ་གཅིག་ལ་བླ་ན་མེད་པའི་བྱང་ཆུབ་ཆེན་པོ་དེ་ཐོབ་པར་བྱ་བའི་ཕྱིར་དུ་སྟེ། དེ་ཡང་བྱང་ཆུབ་ཐོབ་པར་བྱེད་པའི་ཐེག་པ་གསུམ་དུ་གསུངས་པ་ལས། ཉན་ཐོས་དང་རང་སངས་རྒྱས་ཀྱི་ཐེག་པས་ནི་ཞི་བ་ཕྱོགས་གཅིག་པ་ཙམ་ལས། བླ་ན་མེད་པའི་བྱང་ཆུབ་ཏུ་བསྒྲོད་པར་མི་ནུས་པས། ཐེག་པ་དེ་དང་གཉིས་ལ་ནི། བླ་ན་མེད་པའི་ལམ་རྩམ་ཀྱང་མེད་ལ། ཐེག་པ་ཆེན་པོ་ཉིད་ལ་ཡང་རྒྱུ་འབྲས་ཀྱི་ཐེག་པ་གཉིས་ལས། རྒྱུ་ཕ་རོལ་ཏུ་ཕྱིན་པའི་ལམ་གྱིས་ནི་མོས་པས་སྤྱོད་པའི་ས་དང་མ་དག་པ་དང་དག་པ་སྟེ་ས་གསུམ་ལ་བསྐལ་པ་གྲངས་མེད་པ་གསུམ་དུ་སྤྱད་པ་སྤྱོད་པར་བྱས་པས་བླ་ན་མེད་པའི་བྱང་ཆུབ་ཆེན་པོ་འགྲུབ་པའམ་བརྒྱད་སྟོང་འགྲེལ་ཆེན་ལ་སོགས་པའི་གཞུང་འགའ་ཞིག་ལས་གྲངས་མེད་སུམ་བཅུ་དང་སོ་བདུན་ལ་སོགས་པར་ཚོགས་གཉིས་གསོག་དགོས་པར་གསུངས་ལ། འབྲས་བུ་སྔགས་ཀྱི་ཐེག་པའི་ལམ་ལ་སྐལ་བ་མཆོག་བརྩོན་འགྲུས་དང་མོས་པ་ཆེན་པོ་དབང་པོ་རབ་ཀྱི་ནི་ཚེ་འདི་ཉིད་ལ་སྒྲིབ་པ་ཐམས་ཅད་བྲལ་བ་མི་སློབ་པའི་རྡོ་རྗེ་ཁ་སྦྱོར་ཡན་ལག་བདུན་དང་ལྡན་པ་ཉིད་འགྲུབ་ལ། སྐལ་བ་སོགས་འབྲིང་དུ་

(༢༢༩)གྱུར་པ་དག་གིས་ནི་ཚེ་འདི་ཉིད་ལ་སློབ་པའི་རྡོ་རྗེ་འཛིན་པ་རབ་ཏུ་དགའ་པའི་པའི་དབང་ཕྱུག་ཐོབ་པར་བྱེད་ཅིང་། སྐལ་དམན་མཆོག་བརྩོན་འགྲུས་དང་མི་ལྡན་པས་ཀྱང་སྲིད་པ་བར་དོའི་སྐྱེ་བ་རྒྱུད་ནས་སློབ་མི་སློབ་ཀྱི་རྡོ་རྗེ་འཆང་འགྲུབ་སྟེ། རྒྱུད་ཀྱི་རྒྱལ་པོ་ལས། སྡུག་བསྔལ་ཀུན་མཁྱེན་པ་དང་སྲིད་གསུམ་བླ་མ་ཉིད་ནི་རྣལ་འབྱོར་རྣམས་ཀྱི་སྐྱེ་བ་འདི་ལ་སྟེ། གལ་ཏེ་ལམ་དུ་རབ་རྒྱུགས་འཆི་བར་འགྱུར་བ་དེ་ཚེ་དེའི་འཛིན་པས་སྐྱེ་བ་གཞན་པའོ། ཞེས་དང་། ཡེ་ཤེས་ཐིག་ལེའི་རྒྱུད་ལས། བློ་གྲོས་ཆེ་ཡང་ཐེག་གཞན་གྱི། གྲངས་མེད་གསུམ་གྱི་བརྒྱས་ཡིན། སྔགས་ཀྱི་ཐེག་པ་ལ་མོས་ན། ཚེ་འདི་ཉིད་ལ་སངས་རྒྱས་རྒྱའོ། ཡང་ན་རྡོ་རྗེ་འཛིན་པ་ཉིད། ཅེས་དང་། ཡང་ན་ལུས་ངག་འདི་ཡང་མ་ཐག །བླ་ན་མེད་པའི་ཡེ་ཤེས་དག །བརྩོན་པར་མི་ལྡན་པས་ཀྱང་རྙེད། བརྩོན་འགྲུས་ལྡན་པས་སྨོས་ཅི་དགོས། ཤེས་གསུངས་པའི་འགྲེལ་པར་རྡོ་རྗེ་གསང་བའམ་ཞལ་སྔ་ནས། ཚེ་འདི་ལ་ནི་སངས་རྒྱས་སོ་ཞེས་པ་ནི་ཚེ་འདི་ལས་གཞན་མི་འཕོ་བ་ཕུང་པོ་ལྷག་མ་མེད་པའི་བདེ་བ་ཆེན་པོའི་སྐུའོ། དཔེར་ན་རྒྱལ་པོ་ཆེན་པོ་རྣལ་འབྱོར་གྱི་དབང་ཕྱུག་ཆེན་པོ་ཨིནྟྲ་བྷུ་ཏི་མགོན་པོ་ལྟ་བུའོ། ཡང་ན་རྡོ་རྗེ་འཛིན་པའོ་ཞེས་པ་ནི་སངས་རྒྱས་པའི་རང་བཞིན་ཏོ། ཡང་ན་ཕུང་པོ་སྤངས་པ་ཙམ་ཞེས་པ་ནི་ཡེ་ཤེས་ཀྱི་བག་ཆགས་དང་བཅས་ནས་གནས་པའོ། ཞེས་སོགས་རྒྱ་ཆེར་གསུངས་པ་དང་།

(༢༣༠)རྣམ་པར་དེ་མངོན་པར་བྱང་ཆུབ་པའི་རྒྱུད་ཕྱི་མ་ལས་ཀྱང་། བྱང་ཆུབ་སེམས་དཔའ་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱི་ཚེ་འདི་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འགྱུར་རོ་ཞེས་དང་། འཇམ་དཔལ་རྩ་རྒྱུད་ལས། ཚེ་འདིར་དཀའ་བ་ལེགས་སྤྱད་ཅིང་། ལས་ལྡན་ཚེ་འདི་ཉིད་ལ་ཡང་། འབད་པ་བ་དེར་སྔགས་རྣམས་འགྲུབ། སྐྱེ་བ་འདི་ལ་གྲུབ་པར་གྱུར། ཞེས་གསུངས་པས་སོ། ཚེ་གཅིག་ལ་སངས་རྒྱས་འགྲུབ་ཅེས་པའང་མིའི་སྐྱེ་བ་འདི་ཉིད་ལ་འགྲུབ་པའི་དོན་ཡིན་ཏེ། དུས་འཁོར་འགྲེལ་ཆེན་ལས། མིའི་སྐྱེ་བ་ལ་སངས་རྒྱས་ཉིད་ཀྱི་གསུངས་རབ་ཏུ་སྟེར་བ་བསྡུད་ཀྱི་རྒྱལ་པའོ། ལྷ་ལ་སོགས་པའི་འགྲོ་བ་ལྔའི་སྐྱེ་བ་ལ་ནི་མིན་ནོ། དེ་ཅིའི་ཕྱིར་ཞེ་ན། ལས་ཀྱི་ས་མ་ཡིན་བར་སྐྱེས་པའི་ཕྱིར་རོ་ཞེས་གསུངས་པས་སོ། དེ་ཡང་སྔོན་ལེགས་པར་སྦྱངས་པའི་འཕག་པ་ལྟ་བུ་ལ་དགོངས་པ་མ་ཡིན་གྱི། སྐྱེ་བོ་ཐ་མལ་པའི་དབང་དུ་མཛད་པ་ཡིན་ནོ། རྡོ་རྗེ་རྩེ་མོ་ལས། སོ་སོ་སྐྱེ་བོ་སངས་རྒྱས་ཉིད། འགྲུབ་པར་འགྱུར་ཏེ་གཞན་དུ་ཡིན། ཞེས་གསུངས་བས་སོ། སྐྱེ་བོ་ཙམ་དུ་མ་ཟད་སྡིག་པ་མི་དགེ་བ་ལ་གཞོལ་བ་རིག་དམན་པ་དག་གིས་ཀྱང་སྔགས་ཀྱི་ལམ་ལ་བརྟེན་ནས་མྱུར་དུ་འགྲུབ་པར་གསུངས་ཏེ། དུས་འཁོར་འགྲེལ་ཆེན་དུ་དྲངས་པ་དུས་བབས། གདོལ་བ་མིག་མ་མཁན་སོག་དང་། འཚམས་མེད་ལྔ་ནི་བྱེད་པ་རྣམས། སྔགས་ཀྱི་སྤྱོད་པ་རྗེས་སྤྱད་ན། སྐྱེ་

(༢༣༡)འདི་ཉིད་ལ་སངས་རྒྱས་འགྱུར། ཞེས་དང་། ཀྱཻ་རྡོ་རྗེ་ལས། གདོལ་པ་སྨིག་མཁན་ལ་སོགས་པ། གསོད་དོན་དོན་དུ་སེམས་པ་པོ། དེ་རྣམས་ཀྱཻ་རྡོ་རྗེ་ཤེས་ན། འགྲུབ་འགྱུར་འདི་ལ་ཐེ་ཚོམ་མེད། ཅེས་དང་། འཚམས་མེད་ལྔ་ནི་བྱེད་པ་དང་། སྲོག་ཆགས་གསོད་ལ་དགའ་བ་དང་། གཞན་ཡང་སྐྱེ་བ་དམན་གང་དང་། རྨངས་དང་མ་རུངས་ལས་བྱེད་དང་། གཟུགས་ངན་ཡན་ལག་མ་ཚང་བ། བསམ་པས་དེ་རྣམས་འགྲུབ་པར་འགྱུར། ཞེས་དང་། འདུས་པ་ལས། རིག་ངན་སྨིག་མ་མཁན་ལ་སོགས། གསོད་དོན་དོན་གཉེར་སེམས་པ་རྣམས། ཐེག་ཆེན་བླ་ན་མེད་པ་ཡིས། ཐེག་མཆོག་འདི་ལ་འགྲུབ་པར་འགྱུར། འཚམས་མེད་སོགས་དང་སེམས་ཅན་ནི་སྡིག་པ་ཆེན་པོ་བྱེད་པ་ཡང་། རྡོ་རྗེ་ཐེག་པ་རྒྱ་མཚོ་ཆེའོ། ཐེག་པ་མཆོག་ནི་འདི་ལ་འགྲུབ། ཅེས་སོགས་བླ་མེད་ཀྱི་རྒྱུད་དུ་མ་ལས་རྒྱ་ཆེར་གསུངས་པས་སོ། དེ་ཡང་སྔགས་ཀྱི་ཐེག་པ་ལ་ཞུགས་ནས་མི་དགེ་བ་ལ་གཞོལ་བས་རྩ་བའི་ལྟུང་བ་དང་བཅས་པ་དག་གིས་ཚེ་འདི་ལ་འགྲུབ་པ་མ་ཡིན་ཏེ། དུས་འཁོར་འགྲེལ་ཆེན་ལས། སྔགས་ཀྱི་ཐེག་པར་ཞུགས་པའི་རྗེས་ལ་མཚམས་མེད་པ་ལྔ་ལ་སོགས་པ་མི་ཟད་པའི་ལས་བྱེད་པ་རྣམས་ཀྱང་སྐྱེ་བ་འདི་ལ་སངས་རྒྱས་ཉིད་ཀྱི་འབྲས་བུ་ཐོབ་པར་འགྱུར་རོ། ཞེས་པ་ནི། དེ་བཞིན་གཤེགས་པ་ཡང་དག་པར་བཞེད་

(༢༣༢)བ་མ་ཡིན་ནོ། ཞེས་དང་། སྔགས་ཀྱི་ཐེགས་པ་ལ་ཞུགས་པའི་རྗེས་ལ་སྡིག་པ་བྱས་ཀྱང་སངས་རྒྱས་ཉིད་ཀྱི་འབྲས་བུ་ཐོབ་པར་འགྱུར་རོ། ཞེས་པ་ནི་དེ་བཞིན་གཤེགས་པའི་ངེས་པ་མ་ཡིན་ནོ། ཞེས་གསུངས་པས་སོ། དེའི་ཕྱིར་མི་ཟད་པའི་ལས་རྣམ་པར་རྟག་པ་ཚན་པོ་ཆེ་བྱས་པས་ཀྱང་རྡོ་རྗེ་ཐེག་པ་ཉམས་སུ་བླངས་ན་ཐབས་མཁས་པའི་ཁྱད་པར་ལ་བརྟེན་ནས་སྡིག་པ་མི་ཟད་པ་ཡང་ཡུད་ཀྱི་དག་ནས་བླ་ན་མེད་པའི་ཡེ་ཤེས་འགྲུབ་པར་གསུངས་ཏེ། དེ་ཉིད་ལས། སྐྱེ་བ་འདི་ལ་སྔར་མཚམས་མེད་པ་ལྔ་ལ་སོག་པ་མི་ཟད་པའི་ལས་གང་བྱས་པ་དེ་རྣམས་སྔགས་ཀྱི་ཐེག་པ་འདིར་ཕྱག་རྒྱ་ཆེན་པོ་མི་འགྱུར་བའི་བདེ་བའི་ཏིང་ངེ་འཛིན་གྱི་བཅོམ་ནས། མི་དགེ་བ་བློ་བུར་བ་གཞན་མི་འཇུག་པར་བྱ་བའི་ཕྱིར། རྡོ་རྗེ་ཆོས་འབྱུང་གི་ཁང་པར་བདུད་བཞི་དང་། བགེགས་ཀྱི་དགྲ་འཇུག་པའི་སྒོ་རྣམས་ལ་བྱམས་པ་དང་། སྙིང་རྗེ་དགའ་བ་དང་བཏང་སྙོམས་ལ་སོགས་པ་དང་བྱང་ཆུབ་ཀྱི་ཕྱོགས་ཀྱི་ཆོས་ཀྱི་སྒོ་གླེགས་རྣམས་བཅུག་ནས་དེ་ཉིད་དུ་རྡོ་རྗེ་སེམས་དཔའ་ཕྱག་རྒྱ་ཆེན་མོ་ལྷན་གཅིག་ཏུ་བསྒྲུབ་ན་མཚམས་མེད་པ་ལྔ་བྱེད་པོ་རྣམས་ཀྱང་སྐྱེ་བ་འདི་མ་སངས་རྒྱས་ཉིད་ཀྱི་འབྲས་བུ་ཐོབ་པར་འགྱུར་རོ། ཞེས་གསུངས་པས་སོ། དྲངས་མ་ཐག་པའི་འགྲེལ་པར། སྐྱེ་བ་མི་ལ་སྔར་ཞེས་སོགས་གསུངས་པས། སྔགས་ལ་ཞུགས་ནས་འཚམས་མེད་སོགས་རྩ་བའི་ལྟུང་བས་གོས་པ་དག་ཀྱང་དབང་བསྐུར་བ་ལེགས་པར་ནོད་

(༢༣༣)དེ་རྣམ་པར་དག་ནས་ཟབ་མོའི་ལམ་ཉམས་སུ་བླངས་ན་མིའི་ཚེ་འདི་ཉིད་ལ་འགྲུབ་པར་དོན་གྱི་བསྟན་ནོ། བླ་ན་མེད་པའི་སྐབས་འདིར་མིའི་ཚེ་གཅིག་ལ་སངས་རྒྱས་ཐོབ་པ་དེ་ཡང་རྣམ་སྣང་མངོན་བྱང་ལ་ཚེ་རིང་པོ་ཡང་རབ་ཏུ་ཐོབ་ནས་འདོད་པའི་ཡོན་ཏན་ལྔ་དག་གི་རྩེ་དགའ་ཡོངས་སུ་སྤྱོད་ལ། སངས་རྒྱས་བཅོམ་ལྡན་འདས་རྣམས་ལ་མཆོད་པ་བྱེད་ཅིང་། འཇིག་རྟེན་དང་མཐུན་པའི་ལམ་འདི་འགྲུབ་པར་འགྱུར་རོ། ཞེས་གསུངས་པ་ལྟར་སྔགས་ཀྱི་ལམ་གྱི་ཚེའི་རིན་པོ་ཆེ་ལ་སོགས་པ་བསྒྲུབ་ནས། བསྐལ་པ་མང་པོ་ལས་ཀྱང་ལྷག་པར་ལམ་བསྒོམ་པས་སངས་རྒྱས་འགྲུབ་པར་འདོད་པ་བྱ་སྤྱོད་ཀྱི་ལུགས་ལྟ་བུ་མ་ཡིན་གྱི་བློད་གྱི་ཐབས་ལ་མཁས་པའི་ཁྱད་པར་ཀྱིས་སྐལ་པ་མང་པོར་ཚོགས་བསོག་དགོས་པ་ཡང་སྐ་ན་མ་ཉིད་ལ་རྫོགས་ནས་མིའི་ཚེ་ཚང་གཅིག་ལ་སངས་རྒྱས་འགྲུབ་པ་སྟེ། རྡོ་རྗེ་རྩེ་མོ་ལས། བསྐལ་པ་གྲངས་མེད་པ་རུ་བྱུང་དང་། ས་ཡི་ཕ་རོལ་ཕྱིན་པ་མཆོག །གང་ཕྱིར་གསང་བ་མཐོ་བ་ཐོབ། རབ་ཏུ་དགའ་བ་ཐོབ་པར་འགྱུར། གལ་ཏེ་རྣལ་འབྱོར་པ་དེ་མཚོན། རབ་ཏུ་དགའ་བའི་ས་ཐོབ་ཅིང་། རྡོ་རྗེ་ཉིད་ནི་ཐེ་ཚོམ་མེད། ཡང་ན་མཐོང་བ་ཙམ་གྱིས་ནི། སྐྱེ་བ་བཅུ་དྲུག་མྱ་ངན་འདའ། རབ་ཏུ་དགའ་བ་ཐོབ་པའམ། ཡང་རྡོ་རྗེ་ཉིད་ཀྱང་ངོ་། ཞེས་གསུངས་པས་སོ། མཁས་པ་ཁ་གཅིག་གིས་བཞེད་པས། འདིར་ཚེ་གཅིག་ལ་ས་རྣམས་བསྒྲོད་ནས་རབ་ཏུ་དགའི་ས་དང་། རྡོ་རྗེ་

(༢༣༤)འཛིན་པའི་ས་ཐོབ་པར་གསུང་པ་ནི། མོས་སྤྱོད་ཀྱི་ས་ཉིད་ལ་ས་བཅུ་གཉིས་སུ་བྱས་པ་སྟེ། སྦྱོར་ལམ་དྲོད་སོང་བཞི་ལ་ཆུང་ངུ་འབྲིང་ཆེན་པོ་གསུམ་གསུམ་དུ་ཕྱེ་བའི་བཅུ་གཉིས་དང་། ས་བཅུ་གཉིས་གོ་རིམ་བཞིན་དུ་སྦྱར་བའི་བཤད་པ། རྒྱུད་འགྲེལ་རྣམས་སུ་འབྱུང་ལ་ཕ་རོལ་ཏུ་ཕྱིན་པ་ལས་ཀྱང་། མོས་སྤྱོད་ཀྱི་ས་ལ་ས་བཅུར་བཤད་པ་ཡོད་ཅིང་། རྒྱུའི་ས་བཅུ་གཉིས་པོ་སྟེ་བསྒྲོད་ནས་འབྲས་བུ་རྡོ་རྗེ་འཛིན་པའི་ས་ཐོབ་པ་ནི་འཕགས་པའི་ས་དང་པོ་རབ་ཏུ་དགའ་བ་ཡིན་ལ། དེ་ཡང་རྒྱུད་ལས། ཆོ་ག་ཆོས་དང་རྣལ་འབྱོར་ཏེ། གསང་བའི་ཐེག་པ་ཡང་དག་བསྟེན། ཚེ་འདི་ཉིད་ནི་ཁོ་ན་ལ། རབ་དགའ་ཐོབ་པར་བྱེད་པ་ཡིན། ཞེས་འཚེ་འདི་ཉིད་ལ་འབྲས་བུའི་མཆོག་པ་རབ་ཏུ་དགའ་བ་ཐོབ་པར་གསུངས་པ་དང་། དྲངས་ལ་ཐག་པའི་རྡོ་རྗེ་རྩེ་མོའི་ལུང་ལས། རབ་ཏུ་དགའ་བའི་ས་ཐོབ་ཅིང་། རྡོ་རྗེ་ཉིད་ནི་ཐེ་ཚོམ་མེད་ཅེས་པ་དང་། རབ་ཏུ་དགའ་བ་ཐོབ་པའམ། ཡང་ན་རྡོ་རྗེ་ཉིད་ཀྱང་ངོ་། ཞེས་པའི་དགོངས་པད་བྱིས་ཕྱིན་པ་ཡིན་ནོ། ཞེས་གསུངས་མདོ། བདག་གི་བླ་མ་ཐམས་ཅད་མཁྱེན་པའི་ཞལ་སྔ་ནས། དེ་སྐད་སྨྲ་བ་པོ་དེས་ནི། བླ་ན་མེད་པའི་ལམ་འདི་ཉིད་ལ་ལམ་ཚངས་ཤིང་མྱུར་དུ་བགྲོད་པ་ལ་བསྐུར་པ་བཏབ་པས་ཐབས་མངས་དཀའ་བ་མེད་པ་དང་། ཞེས་པའི་གཞུང་ལས་རྒྱ་ཚོམས་སུ་རྒལ་བ་ཡིན་ནོ། ཅི་སྟེ་

(༢༣༥)ཞེ་ན། བླ་ན་མེད་པའི་ལམ་གྱིས་སྙིང་པོར་གྱུར་པ་ནི་རྣལ་འབྱོར་ཡན་ལག་དྲུག་པ་ཡིན་ལ། དེའི་སྔོན་འགྲོ་དབང་ཐོབ་ནས་བསྐྱེད་རྫོགས་ལེགས་པར་ཤེས་ཤིང་མོས་པས་བསྒྲུབ་པའི་སྐབས་ནི། ཚོགས་ལམ་དང་པོར་བསམ་གྱིས་སྦྱོར་ལམ་དྲོད་རྩེ་བགྲོད་ཅིང་སྲོག་འཛིན་གྱི་བཟོད་མཆོག་བསྒྲོད་ནས་འཛིན་པའི་ཡན་ལག་གི། སྟོང་ཉིད་མངོན་སུམ་དུ་མཐོང་བ་ལ་མཐོང་ལམ་མམ་ས་དང་པོ་རབ་ཏུ་དགའ་བ་ཐོབ་པར་བཤད་དེ། སྒོམ་ལམ། དུ་སྦྱོར་བ་སེང་གེ་རྣམ་པར་བསྒྱིང་པ་དང་། དངོས་པོ་ཐོད་རྒལ་གྱི་ཏིང་ངེ་འཛིན་ལ་ཡུན་རིང་དུ་སྙོམས་པར་འཇུག་ཚུལ་ཕ་རོལ་ཏུ་ཕྱིན་བ་ལས་རྒྱས་པར་གསུངས་པའི་དོན་ནི། འདིར་རྗེས་ཏིང་གཉིས་ལས་རྒྱུན་མཐའི་རྡོ་རྗེ་ལྟ་བུའི་ཏིང་ངེ་འཛིན་གྱིས་གནས་ངན་ལེན་གྱི་སྒྲིབ་པ་ཕྲ་མོ་དག་ཀྱང་བཅོམ་ནས་རྣམ་པ་ཐམས་ཅད་མཁྱེན་པའི་ཡེ་ཤེས་མངོན་དུ་བྱས་པ་ནི་ཏིང་ངེ་འཛིན་གྱི་ཡན་ལག་མཐར་ཕྱིན་ནས་རྡོ་རྗེ་འཛིན་པའི་ཡེ་ཤེས་ཀྱི་སྐུ་འགྲུབ་པ་ཡིན་པ་དུས་ཀྱི་འཁོར་ལོ་ལས་གསལ་བར་གསུངས་ཤིང་། རྣལ་འབྱོར་ཡན་ལག་དྲུག་གི་ཐ་མ་ཏིང་ངེ་འཛིན་གྱི་ཡན་ལག་མཐར་ཕྱིན་པས་ཐོབ་པའི་རྡོ་རྗེ་འཛིན་པ་ཡེ་ཤེས་ཀྱི་སྐུ་དེ་ནི། ས་དང་པོ་རབ་ཏུ་དགའ་བ་ཡིན་པར་ཁོང་ཅག་བཞེད་པར་སྣང་བས། རྣལ་འབྱོར་ཡན་ལག་དྲུག་ལ། བྱང་སེམས་འཕགས་པའི་ས་གཉིས་པ་ནས་སངས་རྒྱས་ཀྱི་སའི་བར་དུ་བསྒྲོད་པར་བྱེད་པའི་ལམ་ཁས་བླངས་ཤིང་། དྲངས་མ་ཐག་པའི་ལུང་རྣམས་ལས། རབ་ཏུ་དགའ་བ་དང་རྡོ་རྗེ་འཛིན་པའི་ས་ཞེས་གཉིས་གཉིས་གསུངས་པས་དེ་གཉིས་དོན་

(༢༣༦)མི་གཅིག་པར་རྟོག་སླ་བ་ཉིད་དོ། ཞེས་གསུངས་སྟེ། ལུང་རིགཀྱི་གནད་མཐའ་དག་མངོན་གསུམ་དུ་གཟིགས་པའི་ཡེ་ཤེས་ཀྱི་སྤྱན་རྣམ་པར་ཡངས་པའི་ལེགས་བཤད་དོ། རྡོ་རྗེ་ཐེག་པ་ཞེས་པའི་རྡོ་རྗེ་ནི་བཤད་ཟིན་ལ། ཐེག་པ་ནི་འདེགས་པའི་དོན་གྱིས་ན་ཐེག་པའམ། བཏེག་པ་དེ་ཉིད་མི་ལྟུང་བར་འདེགས་བུས་པའི་དོན་གྱིས་ན་ཐོག་པ་སྟེ། དཔེར་ན་ཁུར་ཆེན་པོ་འཁུར་བར་ནུས་པ་ལ་ཁུར་ཐེག་ཅེས་ཟེར་བ་བཞིན་ནོ། དེས་ན་འདིས་འདེགས་པས་ན་ཐེག་པ་སྟེ་རྒྱུའི་ཐེག་པ་སློབ་ལམ་དང་། འདིར་འདེག་པས་ན་ཐེག་པ་སྟེ་འབྲས་བུའི་ཐེག་པ་མི་སློབ་པའི་ལམ་རྣམས་ནི་ཐེག་པ་ཡིན་ལ། དེ་ཡང་ཡོན་ཏན་རིན་པོ་ཆེ་བསྡུད་པ་ལས། ཐེག་པ་འདི་ནི་མཁའ་འདྲ་གཞལ་མེད་ཁང་ཆེན་སྟེ། དགའ་སྐྱིད་བདེ་བ་མངོན་པར་ཐོབ་བྱེད་ཐེག་པའི་མཆོག །ཅེས་གསུངས་པ་ལྟ་བུའོ། དེ་ལས་ཆེན་པོ་བདུན་དང་ལྡན་པའི་ཐེག་པ་ནི་ཐེག་པ་ཆེན་པོ་སྟེ། མདོ་སྡེ་རྒྱན་ལས། །།།དམིགས་པ་ཆེ་ན་ཉིད་དང་།།།ནི་དེ་བཞིན་སྒྲུབ་པ་ཉིད་དག་དང་། ཡེ་ཤེས་བརྩོན་འགྲུས་བརྩོམས་པ་དང་། ཐབས་ལ་མཁས་པར་གྱུར་བ་དང་། ཡང་དག་འགྲུབ་བ་ཆེན་པོ་དང་། སངས་རྒྱས་ཕྲིན་ལས་ཆེན་པོ་སྟེ། ཆོས་ཅན་འདི་དང་ལྡན་པའི་ཕྱིར། ཐེག་ཆེན་ཞེས་ནི་དེས་པར་བརྗོད། ཞེས་གསུངས་པས་སོ། དེ་དག་ལས་ཀྱང་མི་ཕྱེད་པའི་ཡེ་ཤེས་ཀྱི་རྡོ་རྗེ་གཞི་དང་ལམ་དང་འབྲས་བུ་གཅིག་ཏུ་རྟོགས་པའི་ཐེག་པ་ནི་རྡོ་རྗེ་ཐེག་

(༢༣༧)པ་སྟེ། རང་འགྲེལ་ལས། དེ་ལ་རྡོ་རྗེ་ནི་འགྱུར་བ་མེད་པ་སངས་རྒྱས་ཡིན་ལ་དེའི་ལམ་དུ་འགྲོ་བ་ནི་ཐེག་པ་སྟེ། རྒྱལ་བའི་སྲས་རྣམས་དེར་ཕྱིན་པར་བྱེད་པའམ། ཡང་ན་མི་གཤིགས་པའི་སངས་རྒྱས་ཀྱི་སྙིང་པོ་ནི་འཁོར་འདས་ཐམས་ཅད་དེ་ལས་མི་གཡོ་བའི་གཞི་ཡིན་པས་རྡོ་རྗེ་ཐེག་པའོ། ཞེས་གཞི་ལམ་གྱི་རྡོ་རྗེ་ཐེག་པ་ངོས་འཛིན་པར་མཛད་པས། འབྲས་དུས་ཀྱིས་རྡོ་རྗེ་ཐེག་པའང་ཞར་ལ་ཤེས་པར་འགྱུར་བས་སོ། མདོར་ན་རྡོ་རྗེ་ཡང་ཡིན་ལ་ཐེག་པ་ཡང་ཡིན་པས་རྡོ་རྗེའི་ཐེག་པ་ཞེས་བྱ་སྟེ། དུས་འཁོར་འགྲེལ་ཆེན་ལས། རྡོ་རྗེ་ནི་མི་ཕྱེད་པ་དང་མི་ཆོད་པ་ཆེན་པོ་ཡིན་ལ་དེ་ཉིད་ཐེག་པ་ཆེན་པོ་ཡིན་པ་ནི་རྡོ་རྗེ་ཐེག་པ་སྟེ། སྔགས་ཀྱི་ཚུལ་དང་ཕ་རོལ་ཏུ་ཕྱིན་པའི་ཚུལ་འབྲས་བུས་དང་རྒྱུའི་བདག་ཉིད་གཅིག་ཏུ་འདྲེས་པར་གྱུར་པའོ། ཞེས་དང་། སྙིམ་པའི་མེ་ཏོག་ལས། རྡོ་རྗེ་ཡང་དེ་ཡིན་ལ་ཐེག་པ་ཡང་ཡིན་པས་ན་རྡོ་རྗེ་ཐེག་པ་སྟེ་སྔགས་ཀྱི་ཐེག་པ་ཞེས་པའི་དོན་ནོ། ཞེས་གསུངས་པས་སོ། དེ་ལྟར་བཤད་པ་དབང་པོའི་འགྲེལ་ཆེན་ལས། མུ་སྟེགས་དང་ཉན་རང་གི་ཐེག་པས་མི་ཕྱེད་པས་ན་རྡོ་རྗེ་དང་ཐར་པར་འགྲོ་པས་ཐེག་པར་གསུངས་སྟེ། དེ་ལས། འདིར་རྡོ་རྗེ་ཐེག་པ་ནི་ཡང་དག་པར་རྫོགས་པའི་སངས་རྒྱས་ཀྱི་ཐེག་པ་སྟེ། མུ་སྟེགས་པ་དང་ཉན་ཐོས་དང་རང་རྒྱལ་གྱི་ཐེག་པ་རྣམས་ཀྱི་མི་ཕྱེད་པའི་ཕྱིར་རྡོ་རྗེ་སྟེ། ཐར་པར་འདིས་འགྲོ་བའི་ཕྱིར་རྡོ་རྗེ་ཐེག་པའོ། ཞེས་གསུངས་པས་སོ། དེ་ལྟར་བཤད་པ་འདི་ནི་བླ་མེད་ཁོ་ནའི་དབང་དུ་

(༢༣༨)བྱས་པ་སྟེ། འདི་ཉིད་ལས། རྡོ་རྗེའི་ཐེག་པ་བླ་ན་མེད་པ་གསུངས་པ་ལས། ཤེས་གསུངས་པས་སོ། འདི་ནི་བརྗོད་བྱ་དོན་གྱི་རྡོ་རྗེའི་ཐེག་པ་ཡིན་ལ། དེ་དག་བརྗོད་བྱར་བསྟོན་པའི་གསུང་རབ་ནི་བརྗོད་བྱེད་ཚིག་གི་རྡོ་རྗེ་ཐེག་པའམ་གཞུང་རྡོ་རྗེ་ཐེག་པ་ཞེས་བྱ་བའི་སྒྲ་སྦྱར་བར་བྱ་བ་ཉིད་ཡིན་ནོ། ཡང་ན་ཐབས་ཤེས་དབྱེར་མི་ཕྱེད་པའི་ཐེག་པ་ཡིན། ཨ་རྡོ་རྗེའི་ཐེག་པའམ་འབྲས་བུ་ལམ་དུ་བྱེད་པའི་དོན་གྱི་འབྲས་བུའི་ཐེག་པའམ། ཕར་ཕྱིན་ཐེག་པ་ལས། ཐབས་མཁས་པ་ཆེ་བའི་ཕྱིར་ཐབས་ཀྱི་ཐེག་པའམ། རྒྱུད་མ་མ་སྨིན་པ་ལ་གསང་བར་བྱ་བ་ཡིན་པས་གསང་བའི་ཐེག་པ་ཞེས་ཀྱང་བྱ་སྟེ། མཐའ་གཉིས་སེལ་བ་ལས། དབྱེར་མེད་པ་དང་འབྲས་བུ་ཉིད་ལམ་དུ་གྱུར་པ་དང་ཐབས་ཀྱི་ཆེ་བ་དང་ཤིན་ཏུ་གསང་བར་བྱ་བའི་ཕྱིར་རྡོ་རྗེ་ཐེག་པ་དང་། འབྲས་བུའི་ཐེག་པ་དང་། ཐབས་ཀྱི་ཐེག་པ་དང་གསང་བའི་ཐེག་པ་ཞེས་བྱའོ། ཞེས་རྒྱུད་སྡེ་ཐུན་མོང་བའི་དབང་དུ་བྱས་ནས་ཀྱང་གསུངས་སོ། ངེས་པའི་དོན་དུ་ནི་སེམས་མ་བཅོས་པའི་རང་བཅས་གསལ་ལ་མི་རྟོགས་པའི་རང་མཚངས་རིག་པ་ཉིད་རྡོ་རྗེའི་ཐེག་པ་སྟེ། གཞིའི་གནས་ཚུལ་དཔྱིད་ཕྱིན་པ་མངོན་དུ་གྱུར་པ་ལས་གཞན་པའི་མཐར་ཐུག་གི་འབྲས་བུ་བཞག་ཏུ་མེད་པའི་ཕྱིར། བཙུན་མོ་དོ་ཧ་ལས། གཞི་དང་ལམ་དང་སངས་རྒྱས་ཐམས་ཅད་རོ་གཅིག་པའི། གཉུག་མའི་ཡེ་ཤེས་འདི་ནི་ཡིད་ཀྱིས་ཡིད་ལ་དྲིས་

(༢༣༩)ཤེས་གསུངས་པ་བཞིན་ནོ། དེས་ན་ཐེག་པ་ཐམས་ཅད་པ་ནི་རྡོ་རྗེའི་ཐེག་པ་ཡིན་པས། དོན་ལ་ཐེག་པ་ཐམས་ཅད་ཀྱང་རྡོ་རྗེའི་ཐེག་པར་འདུ་སྟེ། མཚམས་ཡང་དག་པར་བརྗོད་པ་ལས། ཐོབ་པ་གསུམ་གྱི་ངེས་འབྱུང་ལ། ཐེག་པ་གཅིག་གི་འབྲས་བུ་གནས། ཤེས་གསུངས་པས་སོ། དེ་ལྟ་མདོ་ཀྱང་། གནས་སྐབས་ཀྱི་ངེས་པར་འབྱུང་བའི་དབང་དུ་བྱས་ནས་ཐེག་པའི་རིམ་པའང་སོ་སོའི་བཤད་ཚུལ་ཇི་ལྟ་བ་བཞིན་ཏེ། དེའི་ཕྱིར་རྡོ་རྗེ་ཐེག་པའི་ངོས་འཛིན་ཀྱང་མཐའ་ཡས་སོ། སྣ་ཚོགས་གྲུབ་མཐའ་མང་པོའི་ལམ་བགྲོད་དེ། དྲང་དོན་བརྫུན་གྱིས་ཐོས་སྐས་ལ་འགོངས་བ། ངེས་དོན་གཞལ་མེད་ཁང་དུ་འཇུག་འདོད་ན། ལེགས་བཤད་པ་མཁན་འདི་དག་བསྟན་ཞིག་གོ། ཟབ་མོ་ནང་གི་དོན་ཞེས་པའི་ཟབ་མོ་ནི། ལུས་ངག་ཡིད་གསུམ་གྱི་གནས་ལུགས་དོན་དམ་བདེན་པ་ཆོས་ཀྱི་དབྱིངས་དང་རོ་གཅིག་ཏུ་འདྲེས་ནས་རྟོགས་པར་དཀའ་བས་ན་ཟབ་མོ་སྟེ་ཕྲ་བ་དང་ཟབ་པ་དང་རྟོགས་དཀའ་བ་དང་མཆོག་ཏུ་རྟོགས་དཀའ་བ་རྣམས་རྣམ་གྲངས་ཡིན་པའི་ཕྱིར་རོ། ཇི་སྐད་དུ་དགོངས་པ་ངེས་པར་འགྲེལ་པའི་མདོ་ལས། བཅོམ་ལྡན་འདས་ཀྱི་གོང་གི་སླད་དུ་འདི་སྐད་ཅེས། དོན་དམ་པ་ནི་ཕྲ་བ། ཟབ་པ་རྟོགས་པར་དཀའ་བ། མཆོག་ཏུ་རྟོགས་པར་དཀའ་བ། ཐམས་ཅད་རོ་གཅིག་པའི་མཚན་ཉིད་ཡིན་ནོ། ཞེས་བཀའ་རྩལ་པ་ཇི་ཙམ་དུ་བཅོམ་ལྡན་འདས་ཀྱི་ལེགས་པར་གསུངས་

(༢༤༠)པ་དེ་ངོ་མཚར་བ་ལགས་སྟེ། བཅོམ་ལྡན་འདས་དོན་དམ་པ་ཐམས་ཅད་དུ་རོ་གཅིག་པའི་མཚན་ཉིད་ནི། བཅོམ་ལྡན་འདས་ཀྱི་བསྟན་པ་འདི་ཉིད་ལ་ཞུགས་པ། དགེ་སློང་དུ་གྱུར་པའི་སེམས་ཅན་རྣམས་ཀྱིས་ཀྱང་། དེ་ལྟར་རྟོགས་དཀའ་བ་ལགས་ན། འདི་ལས། སླར་ཕྱི་རོལ་པའི་མུ་སྟེགས་ཅན་རྣམས་ཀྱི་ལྟ་སྨོས་ཀྱང་ཅི་འཚལ། བཅོམ་ལྡན་འདས་ཀྱི་བཀའ་རྩལ་པ། རབ་འབྱོར་དེ་དེ་བཞིན་ནོ། དེ་དེ་བཞིན་ཏེ། ངས་ནི་དོན་དམ་པ་ཐམས་ཅད་དུ་རོ་གཅིག་པའི་མཚན་ཉིད་ཕྲ་བ། མཆོག་ཏུ་ཕྲ་བ། ཟབ་པ་མཆོག་ཏུ་ཟབ་པ། རྟོགས་པར་དཀའ་བ། མཆོག་ཏུ་རྟོགས་པར་དཀའ་བ། མངོན་པར་རྫོགས་པར་སངས་རྒྱས་སྟེ། མངོན་པར་རྫོགས་པར་སངས་རྒྱས་ནས་བསྙད་ཅིང་གསལ་བར་བྱས། རྣམ་པར་ཕྱེ། གདམས་ངག་པར་བྱས། རབ་ཏུ་བསྟན་ཏེ། ཞེས་སོགས་རྒྱ་ཆེར་གསུངས་པ་དང་། འཇུག་འགྲེལ་ལས། མདོར་བསྡུ་ན་བསྟན་བཅོས་འདི་ལ་སངས་རྒྱས་ཀྱི་ཡོན་ཏན་ཟབ་པས་སྟེ་ཆོས་ཉིད་དང་། རྒྱ་ཆེ་བ་ཉེ་བར་བསྟན་ཏེ། དེ་ལ་ཟབ་མོ་སྟོང་པ་ཉིད་ཡིན་ཏེ། ཡོན་ཏན་གཞན་རྣམས་རྒྱ་ཆེ་བའོ། ཟབ་པ་དང་རྒྱ་ཆེའི་ཚུལ་ཤེས་པས། ཡོན་ཏན་འདི་དག་ཐོབ་པར་འགྱུར། ཞེས་ཟབ་མོའི་དོན་ཆོས་ཉིད། སྟོང་པ་ཉིད་དུ་བཤད་པའང་། དེ་གཉིས་རྟོགས་དཀའ་བར་དགོངས་པ་ཡིན་ལ། དེའི་ཕྱིར། ལྟོས་ནས་གྲུབ་པའི་ཆོས་ཉིད་ནི་དབྱིག་གཉེན་ལ་སོགས་

(༢༤༡)པས་ཀྱང་མ་རྟོགས་པས། ཟབ་པར་གསུངས་སྟེ། དེ་ཉིད་ལས། གལ་ཏེ་གནས་བརྟན་དབྱིག་གཉེན་དང་ཕྱོགས་ཀྱི་གླང་པོ་དང་ཆོས་སྐྱོང་ལ་སོགས་པ་བསྟན་བཅོས་རྣམས་ཀྱི་མཛད་པ་པོ་བྱོན་ཟིན་པར་གྱུར་པ་དེ་དག་གིས་ཀྱང་ཡིག་གེ་ཙམ་ཐོས་པས་འཇིགས་ཏེ། རྟེན་ཅིང་འབྲེལ་པར་འབྱུང་བའི་དོན་ཕྱིན་ཅི་མ་ལོག་པར་སྟོན་པ་འདི་ཡོངས་སུ་སྤངས་སམ་ཞེ་ན། དེ་སྐད་དུ་སྨྲའོ། ཡང་འདི་ཇི་ལྟར་རྟོགས་པར་བྱ་ཞེ་ན། བཤད་པར་བྱ་སྟེ། དེ་ཉིད་བཤད་ཟིན། ཟབ་མོ་འཇིགས་རུང་འདི་ནི་སྔོན་གོམས་ཉིད་ལས་སྐྱེ་བོ་ཡིས། ངེས་པར་རྟོགས་འགྱུར་འདི་ནི་གསན་རྒྱ་ཆེ་ཡང་གཞན་དུ་གཟུགས་སུ་ཆུད་མི་འགྱུར། ཞེས་གསུངས་པས་སོ། དེས་ན་ཟབ་མོའི་སྐད་དོད་གམྦྷི་ར་ཞེས་པ་ཁ་སྒྱུར་འགྱུར་བས། གརྦྦྷ་ནི་སྙིང་པོ་སྟེ་སྦས་པ་ལྟར། སྦུབ་སུ་སོན་པས་རྟོག་དཀའ་བའི་དོན་ཡིན་ལ། དེ་ཡང་མངལ་གྱི་སྦུབས་སུ་སོན་པའི་སྐད་དོད་ལ་གརྦྦྷི་ཞེས་འབྱུང་བ་ལས་ཀྱང་ཤེས་པར་བྱོས་ཤིག །ནང་གི་དོན་ནི། ཕྱི་ནང་གི་འཆད་ཚུལ་གནས་སྐབས་སོ་སོའི་ཁང་གི་དུ་མར་འགྱུར་ཏེ། ཕར་ཕྱིན་ཐེག་པ་ལ་ཕྱི་དང་རྡོ་རྗེ་ཐེག་པ་ལ་ནང་དུ་བྱས་པ་ལྟ་བུ་ཐེག་པའི་ཕྱི་ནང་དང་། ཕར་ཕྱིན་ཐེག་པ་ལ་ཡང་མཛོད་ལས། འཇིག་རྟེན་སྣ་ཚོགས་ལས་ལས་སྐྱེས། ཤེས་གསུངས་པ་ལྟ་བུ་སེམས་པའི་མཚན་ཉིད་ཅན་ཀྱི་ལས་ནང་དང་དེས་སྐྱེད་པའི་འཇིག་རྟེན་སྣ་ཚོགས་ཕྱིར་བཤད་པ་དང་། དབང་པོ་གཟུགས་ཅན་པ་

(༢༤༢)ལ་ནང་དོན་བེམ་པོ་དང་ཕྱི་རོལ་གྱི་དོན་ལ་ཕྱི་དོན་བེམ་པོར་བཤད་པ་ལྟ་བུ་སེམས་ཀྱི་ཟིན་མ་ཟིན་ལ་ཕྱི་ནང་དུ་བཤད་པ་དང་། སེམས་རྩམ་པ་དག་གིས་ནི། སྣོད་བཅུད་ཐམས་ཅད་ཀུན་གཞིའི་ཐུན་མོང་དང་ཐུན་མོང་མ་ཡིན་བས་བསྡུས་པའི་སྣང་བའོ། ཞེས་འདོད་པས། ཀུན་གཞི་ནད་དང་། དེའི་སྣང་བ་ཕྱི་རོལ་དང་། སྣོད་བཅུད་ཙམ་ལ་ཕྱི་ནང་དུ་བྱས་པ་དང་། སློབ་དཔོན་ཨ་བྷྱས། རྡོ་རྗེ་འཆང་གི་ཕྱི་ནང་རྡོ་རྗེ་བཞིན། རིམ་པར་རྒྱུད་པ་སྙིང་ལ་གཟུང་བར་མཛོད། དཀྱིལ་འཁོར་ལ་སོགས་ཆོ་ག་ནི། སྟོན་པས་རྒྱུད་སྡེ་གཉིས་སུ་སྤྲོས། ཤེས་དང་། མན་ངག་སྙེ་མར། དམ་པའི་ཆོས་ཕྱི་ནི་བྱ་བའི་རྒྱུད་ལ་སོགས་པའོ། གསང་བ་ཡི་ནི་རྣལ་འབྱོར་རྒྱུད་ལ་སོགས་པ་སྟེ་ཞེས་གསུངས་པ་ལྟར། བྱ་སྤྱོད་རྣལ་འབྱོར་རྒྱུད་ཡན་ལ་ཕྱི་གསང་ངམ་ཕྱི་ནང་དུ་བྱས་པ་དང་། རྡོ་རྗེ་སྙིང་པོ་རྒྱན་གྱི་བརྒྱུད་ལས། ཕྱི་ནང་དབྱེ་བ་ཤེས་པ་ཡིས། རྒྱུད་ཀྱི་དབྱེ་བ་ཤེས་པར་བྱ། ནང་དུ་བསྟན་པ་བླ་མ་ལས། ཡང་དག་བླངས་སྟེ་བསྒྲུབ་པར་བྱ། ཞེས་གསུངས་པ་རྣལ་འབྱོར་རྒྱུད་མན་དང་། བླ་མེད་ལ་ཕྱི་ནང་དུ་བྱས་པ་དང་། བྱེ་བྲག་ཏུ་ཁམས་དྲུག་གི་ལུས་དང་། དེའི་དབང་གི་བྱུང་བའི་སྣོད་ཀྱི་འཇིག་རྟེན་ལ་ཕྱི་ནང་དུ་བྱས་པ་དང་། དེ་ལས་དབང་གོང་མའི་སྐབས་སོ་སོར་རྩ་ཐིག་དང་རླུང་ཕྲ་རགས་ལ་ཕྱི་ནང་དུ་བྱས་པ་དང་། གཞན་དལ་ལ་ཡང་། གནས་སྐབས་ཀྱི་དབང་ལས་ཕྱི་ནང་དུ་བཞག་པ་དང་། དེ་ཁོ་ཉིད་རྟོགས་

(༢༤༣)པའི་ཡེ་ཤེས་ལ་ཡང་དཔེ་དོན་ལ་ཕྱི་ནང་དུ་བྱས་པ་དང་། གརྦྦྷ་བ་དང་གརྦྦྷའི་སྒྲ་ལས་དྲངས་པའི་སྒྲ་བཤད་བྱས་ཟིན་པ་བཞིན། སྦུགས་སམ་ཟ་མ་ཏོག་ལྟ་བུའི་ནང་དུ་ཆུད་པ་དང་མ་ཆུད་པ་ལ་ཕྱི་ནང་དུ་བྱས་པ་དང་། མི་ཤིག་པའི་ཐིག་ལེ་ཆེན་པོ་དང་། མི་ཤིག་པ་ཉིད་ལ་གཞན་རྟོགས་ཞུགས་ནས་ཕྱི་རོལ་ཏུ་སྣང་བ་ལ་ཕྱི་ནང་དུ་བྱས་པ་སོགས་ཕྱི་ནང་གི་རྣམ་གྲངས་རྟོགས་པས་གཞག་པའི་ཚེ་མཐའ་ཡས།་པ་ཡོད་ཀྱང་། ངེས་པའི་དོན་དུ་ནི་མི་ཤིག་པའི་ཐིག་ལེའི་རང་གི་ངོ་བོ་ལས་ལ་འདས་པས། གནས་ལུགས་དུ་མར་ཡང་མི་གྱུར་ཏེ། རྣལ་འབྱོར་མའི་ཀུན་ཏུ་སྤྱོ་པའི་རྒྱུད་ལས་གང་ཡང་དྲུག་པའི་སངས་རྒྱས་ཤེས་བྱ་བ། གཅིག་པུའི་ཉམས་ནི་དུ་མས་གར་མཛད་དོ། ཞེས་གསུངས་པས་སོ། འདི་དག་ཀྱང་རྩ་བ་ཤྲཱི་ཡིག་མི་ཤིག་པ་ལས་ནམ་ཡང་གཡོ་བ་མེད་བཞིན་དུ། བདག་པོར་གྱུར་པས་སྐྱེ་བ་དང་། ལོངས་སྤྱོད་པས་གནས་པ་དང་། ཐིམ་པས་འཇིགས་པར་ཡང་སྣང་སྟེ། དེ་ཡང་གཞི་རྡུལ་མུན་སྙིང་སྟོབས་གསུམ་མམ། རྟེན་ཁུ་རྡུལ་རླུང་གསུམ་མམ་ཡུལ་སྣང་མཆོད་ཐོབ་གསུམ་གྱི་འགྲོས་ལས་ཡིན་པས། སྐྱེ་བ་སྐྱེ་མེད་སྤྲུལ་སྐུ་ཀཱ་ཡིག་གམ་ཧེ་ཡིག་སོགས། གནས་པ་གནས་མེད་ལོངས་སྐུ་ལ་ཡིག་གམ་རུ་ཡིག་སོགས། ཐིམ་པས་ཐིམ་མེད་ཆོས་སྐུ་ཙཀྲའི་ཀ་ཡིག་སོག་ཏེ་ཐམས་ཅད་མི་ཤིག་པའི་བདེ་བ་ཆེན་པོའི་སྐུ་རང་བབས་སུ་གནས་པའོ་ཞེས་བྱ་བ་ནི་གཞིའི་ངེས་པ་མཐར་ཐུགས་པ་ཡིན་ཏེ། ཤྲཱི་ཀཱ་ལ་ཙཀྲ་དང་། ཤྲཱི་ཧེ་

(༢༤༤)རུ་ཀ་ལ་སོགས་པའོ། ཇི་སྐད་དུ། དུས་འཁོར་འགྲེལ་ཆེན་ལས། ཀ་ཡིག་གིས་ནི་རྒྱུ་ཞི་བ། ལ་ཡིག་འདི་ལ་ཐིམ་པ་ཉིད། རྦ་ཡིག་གིས་ནི་གཡོ་བའི་སེམས། འདྲ་ཡིག་རིམ་པ་བཅིངས་ལས་སོ། ཞེས་གསུངས་དང་། བདེ་མཆོག་བསྟོད་འགྲེལ་དུ་དྲངས་པའི་ལུང་ལས། ཤྲཱི་ཡིག་གཉེད་མེད་ཡེ་ཤེས་སྟེ། ཧེ་ཡིག་རྒྱུ་དང་བྲལ་བའོ། རྒྱུ་ཡིག་གཟུགས་ལས་ངེས་པར་གྲོལ། ཀ་ཡིག་བྱེད་པ་ཡངས་པའོ། ཞེས་གསུངས་པས་སོ། ཚུལ་དེ་ལྟ་བུ་སྟོན་པར་བཞེད་ནས། དཔལ་རང་བྱུང་གི་ཞལ་སྔ་ནས་དེ་ལྟར་དུ་རྟོགས་པར་དཀའ་བ་དེ་ཡང་ཞེས་སོགས། མདོ་རྒྱུད་བསྟན་བཅོས་མཐའ་དག་གི་ཡང་སྙིང་གཅིག་ཏུ་དྲིལ་ནས་གསུངས་པ་སྟེ། འདི་འདྲ་བ་གཅིག་མ་གོ་ན་ཟབ་མོའི་མདོ་རྒྱུད་བསྟན་བཅོས་ཅི་འཆད་ཀྱང་དམུས་ལོང་གི་ཟློས་གར་འབའ་ཞིག་ཏུ་ཟད་དོ། དེ་ལྟར་ན་སྐབས་སུ་བབས་པའི་ནད་གི་དོན་དེ་གང་ཞེ་ན། འདི་ནི་རྣལ་འབྱོར་གྱི་བརྒྱུད་མན་ཆད་དང་། བླ་མ་དེ་ལ་ཕྱི་ནང་དུ་བཤད་པའི་ནང་གི་དོན་ཏེ། རྩ་རླུང་ཐིག་ལེ་དང་ནང་གི་དོན་ཏེ། རྩ་རླུང་ཐིག་ལེ་དང་དབང་གོང་མའི་དོན་དུ་སོགས་ཀྱི་རྟགས་དང་འབྲེལ་བའི་ལམ་དང་འབྲས་བུ་སོགས་གཙོ་བོར་འཆད་པས་སོ། ཇི་སྐད་དུ་གཞུང་ལས། ཕྱི་ནང་ཉན་ཐོས་སྤྱོད་ཡུལ་མིན། ཕ་རོལ་ཕྱིན་པར་རབ་གསང་བ། ལུས་སེམས་ནང་གི་བདག་ཉིད་བཤད། ཅེས་དང་། དེའི་འགྲེལ་

(༢༤༥)པར། བྱ་བ་དང་སྤྱོད་པ་དང་རྣལ་འབྱོར་གྱི་རྒྱུད་ཕལ་དུ་གསངས་པ་ནི་ཡང་དག་པའི་རྩ་རླུང་བྱང་ཆུབ་ཀྱི་སེམས་ཀྱི་གནད་ཐབས་མཁས་པའི་ཁྱད་པར་བླ་ན་མེད་པའི་དམ་ཚིག་གི་ཆེན་པོ་དགོངས་པ་དང་ལྡན་པ་རྣམས་དང་གསུམ་པ་དང་བཞི་པའི་དབང་གི་དོན་དུ་བ་ལ་སོགས་པའི་རྟགས་རྟགས་ཅན་འབྲེལ་བ་ལམ་དང་འབྲས་བུ་རྣམ་པ་ཀུན་ཏུ་གསང་བ་གང་ཡིན་པའོ། ཞེས་དང་། ཕྱི་རོལ་པའི་ཉན་ཐོས་ཀུན་ཏུ་རྒྱུ་དང་ཙ་ར་ཀ་ལ་སོགས་པ་རྣམས་དང་རང་གི་ཉན་ཐོས་བྱེ་བྲག་དུ་སྨྲ་བ་ལ་སོགས་པ་བདག་དང་གང་ཟག་དུ་བདེན་པར་རྟོགས་པ་སེམས་ཀྱི་གནས་ལུགས་ལ་རྨོངས་པ་དང་། ཆོས་འདི་པ་ཕ་རོལ་ཏུ་ཕྱིན་པ་ཕྱོགས་རེ་ལ་ཞུགས་པ་རྣམས་ཀྱིས་ཀྱང་རྟོགས་པར་དཀའ་བས་རང་གསང་དུ་གནས་ཏེ། ཞེས་གསུངས་སོ། ཡང་ཟ་མ་ཏོག་ལ་སོགས་པའི་ནང་དུ་ཆུད་མ་ཆུད་ལ་ཕྱི་ནང་དུ་བྱས་པའི་ནང་གི་དོན་ཏེ་ལུས་ངག་ཡིད་གསུམ་བདེ་བར་གཤེགས་པའི་སྙིང་པོ་རྩ་རླུང་ཐིག་ལེའི་རང་བཞིན་དུ་ཞུགས་པ་དེད་བསྟན་བྱའི་གཙོ་བོ་བྱེད་པས་སོ། འགྲེལ་པ་ལས། དེ་ལྟར་དུ་རྟོག་དཀའ་བ་དེ་ཡང་རྡོ་རྗེའི་ལུས་དེ་བཞིན་གཤེགས་པའི་སྙིང་པོ་ལས་སྣང་བ་རྒྱུ་མཐུན་པར་རབ་ཏུ་ཟབ་པའི་གཟུགས་ཀྱི་སྐུ་མཚན་དང་དཔེ་བྱང་ཐམས་ཅད་དང་ལྡན་པ་དྲི་མ་མེད་པ་ཉིད་དྲི་མ་དང་བཅས་པའི་ལུས་ལ་གནས་པར་གསུངས་པ་དང་། སེམས་དྲི་མ་དང་བཅས་པ་ཉོན་མོངས་པའི་སླབས་དུ་མས་བསྒྲིབ་པ་འདི་སངས་རྒྱས་ཀྱི་སྙིང་པོ་གནས་དང་གནས་མ་ཡིན་པ་མཁྱེན་པ་ལ་སོགས་པའི་སྟོབས་དང་མི་འཇིགས་པ་དང་མ་འདྲིས་པའི་ཆོས་རྣམས་ཀྱི་ཡོན་ཏན་དང་ལྡན་པར་བཞུགས་སོ་ཞེས་

(༢༤༦)བྱ་བ་ནང་གི་དོན་ཤིན་ཏུ་ལྐོག་ཏུ་གྱུར་པ་དག་མངོན་དུ་བསྟན་པ་རྡོ་རྗེའི་གནས་རྣམས་འདིར་སྟོན་པར་འདོད་ནས་ཤེས་གསུངས་པ་དང་། དེའི་ཤུགས་ལ་རྡོ་རྗེའི་ངག་དེ་བཞིན་གཤེགས་པའི་སྙིང་པོ་ལས་སྣང་བ་རྒྱུ་མཐུན་ པ་རབ་ཏུ་ཟབ་པའི་ལོངས་སྤྱོད་དོགས ་པའི་སྐུ་མཚན་དང་དཔེ་བྱད་ཐམས་ཅད་དང་ལྡན་པ་དྲི་མ་མེད་པ་ཉིད་དྲི་མ་དང་བཅས་པའི་རླུང་ལ་གནས་པ་དང་ཞེས་པ་ཡང་དོན་ལ་ཐོབ་པས་སོ། དཔེར་ན་ཀྱི་རྡོར་ལས། རྣལ་འབྱོར་མུས་དབུས་གནས་སུ། ཨ་གི་རྣམ་པ་བསྡོམ་པའི་གནས། ཇི་ལྟར་ཕྱག་འཚལ་ལོ་དེ་ལྟར་ནང་། སྡོམ་པའི་དེ་ཉིད་རབ་ཏུ་དབྱེ། ཞེས་ལུས་ཀྱི་དལ་ལ་ནང་བརྟུལ་མཚན་གྱི་དལ་ལ་ཕྱིར་བཤད་པ་ལྟ་བུའོ། དེ་ནི་ངེས་དོན་དུ་འང་། ནང་དུ་ཆུད་མ་ཆུད་ལ་ཕྱི་ནང་དུ་བྱས་པའི་ནང་གི་དོན་ཏེ། ཟབ་མོ་ནང་དོན་གྱིས་ཚིག་གཉིས་འབྲེལ་བའི་དབང་གིས་རྟོགས་པར་དཀའ་བས་ན་ནང་གིས་དོན་དང་། རྟོགས་པར་སླ་བས་ཕྱིའི་དོན་དུ་བཞག་པའོ། དེའི་ཕྱིར་ལུས་ངག་ཡིད་གསུམ་ལ་གནས་པའི་བདེ་བར་གཤེགས་པའི་སྙིང་པོ་སྐུ་གསུམ་གྱི་བདག་ཉིད་ཅན་དེ་ཉིད་གནས་སྐབས་སུ་དྲི་མ་དང་བཅས་པའི་དབང་གིས་རྩ་རླུང་ཐིག་ལེ་སོགས་ཀྱི་རྣམ་པར་སྣང་བ་དེ་ཉིད་མཐའ་དྲུག་དང་ཚུལ་བཞི་ལ་སོགས་པའི་ཟ་མ་ཏོག་ཏུ་ཆུད་པས་ནང་གི་དོན་དུ་རྣམ་པར་བཞག་པའི་ཕྱིར་རོ། ནང་དུ་ཆུད་པ་ལ་ནང་གི་དོན་དུ་འཆད་མི་རིགས་སོ་སྙམས་ན། རིགས་ཏེ་མཛོད་དུ་ཆུད་པའི་ནོར་ལ་མཛོད་ཅེས་བརྗོད་པ་བཞིན་ནོ། ཡང་ན། འདི་དེའི་

(༢༤༧)དོན་དུ་ཡང་དག་ཆུད་ཕྱིར་རམ། འདི་ཡི་གནས་དེ་ཡིན་པས་ཆོས་མངོན་མཛོད། ཅེས་གསུངས་པ་དང་མཐུན་པར། ནང་ན་ཡོད་པའི་དོན་ཡིན་པས་ནང་གི་དོན་ཡིན་ནམ། འདིའི་གནས་ནང་ཡིན་པས་ནང་གི་དོན་ཞེས་བཤད་པ་ལ་འགལ་བ་མེད་པ་ཁོ་ནའོ། གཞན་ཡང་ནང་གི་སྐད་དོད་དུ། ཨཱཏྨ་།།།ཏ་ཞེས་འབྱུང་ལ། དེ་ནི་ཁོང་དང་གཏིང་ལ་ཡང་འཇུག་སྟེ། ཀྱཻ་རྡོར་གྱི་ཨཥྚ་ལས། ཨཱཏྨ་།།།ཀྲུ་ར་ཞེས་པ་ཁོང་ནས་འཁྲུགས་པའམ། གཏིང་ནས་འཁྲུགས་པའི་དོན་ཡིན་པས་སོ། དེས་ན་ཁོང་དུ་ཆུད་པས་ན་ནང་དེ། གཏིང་དུ་ཆུད་པས་ན་ནད་ཞེས་བྱ་བའི་སྒྲ་སྦྱར་བ་ཡིན་ལ། ཡང་ན། ནང་གི་སྐད་དོད་དུ། ཨནྟར་ཞེས་ཀྱང་འབྱུང་ཞིང་། དེ་ནི་དབུ་མ་ལ་ཡང་འཇུགས་པས། མཐའ་དྲུག་ལ་སོགས་པའི་དབུས་སུ་ཆུད་པའི་དོན་ཡིན་པས་ན། ནང་གི་དོན་ཞེས་བྱའོ། གང་དག་ཕྱི་ནང་གཞན་གསུམ་གྱི་ཟླས་ཕྱེ་བའི་ནང་གི་དོན་ཡིན་ཏེ། གཞུང་ཉིད་ལས། ཕྱི་ནང་གཞན་གསུམ་དེ་ཉིད་སྟོན། ཞེས་པའི་འགྲེལ་པར་ཕྱི་འཇིག་རྟེན་གྱི་ཁམས་དང་ནང་རྡོ་རྗེའི་ལུས་དང་གཞན་དབང་བསྐུར་བ་དང་བསྐྱེད་པའི་རིམ་པ་དང་། དེ་ཁོ་ན་ཉིད་ཕྱག་རྒྱ་ཆེན་པོ་སྣང་བ་དང་སྟོང་པ་དབྱེར་མེད་པ་བདེན་པ་གཉིས་ཀྱི་དོན་མ་ནོར་བར་བསྟོན་པ། ཞེས་གསུངས་པས་སོ། སྙམས་དུ་རྟོགས་ དེ་ནི་མ་ཡིན་ཏེ། ཕྱི་དང་གཞན་དང་དེ་ཁོ་ན་ཉིད་རྣམས་

(༢༤༨)ཀྱི་གནས་ལུགས་ཀྱང་སྟོན་པས་སོ། དེ་ལྟར་ན་ཁྱོད་ཉིད་ཀྱིས་ཀྱང་འཇིག་རྟེན་གྱི་ཁམས་དང་རྡོ་རྗེའི་ལུས་མ་ཕྱི་ནང་དུ་བྱས་པའི་ནང་དུ་ཁས་བླངས་པ་དེ་ཡང་འཐད་པར་མི་འགྱུར་ཏེ། འཇིག་རྟེན་གྱི་དེ་ཁོ་ན་ཉིད་ཀྱང་བསྟན་པས་སོ། ཇི་ལྟར་ཁམས་བླངས་སྟེ། ལུས་ངག་ཡིད་གསུམ་ལ་བདེ་བར་གཤེགས་པའི་སྙིང་པོ་རྩ་རླུང་ཐིག་ལེའི་རྣམ་པར་གནས་པ་ཉིད་ལ་ནང་གི་དོན་དུ་སྨྲས་པས་སོ། སྙམས་ན་དེ་ཉིད་བློས་རྩོད་བདེ་སྟེ། ཕྱི་དང་གཞན་དང་ཡེ་ཤེས་གྱི་དེ་ཁོ་ན་ཉིད་རྣམས་རྡོ་རྗེའི་ལུས་མ་ཡིན་པའི་ཕྱིར་དང་། ལུས་ངག་ཡིད་གསུམ་གྱི་ཟླས་ཕྱེ་བའི་ངག་དང་ཡིད་ཀྱང་། ལུས་ལ་མ་རྟོགས་པའི་ཕྱིར་དང་། ལུས་དང་ལུས་ལ་གནས་པའི་བདེ་བར་གཤེགས་པའི་སྙིང་པོ་གཅིག་ཏུ་བཟུང་བས། ཁྱད་གཞི་དང་ཁྱད་ཆོས་ལ་ཁྱེད་པར་བརྒྱ་ཚོམས་སུ་སྨྲས་པའི་ཕྱིར་རོ། འདིས་ནི་ཟབ་མོ་ནང་གི་དོན་ཞེས་བྱ་བའི་མཚན་གྱི་དོན་ལེགས་པར་བཤད་པ་ཡིན་ནོ། ཉེ་བར་བསྡུས་ཏེ་བསྟན་པ་བཤད་པར་བྱའོ་ཞེས་པ་ནི། མདོར་བསྡུས་ཏེ་བསྟན་པ་དེ་དག་བཤད་བར་བྱའོ། ཞེས་བྱ་བའི་དོན་ཡིན་ཏེ། ཚིག་ཉུང་ངུར་བྱས་པ་ལ། ཉེ་ཚིག་གིས་ཉེ་བར་བསྡུས་ཏེ་ཞེས་པའི་ཕྱིར། དེས་ན་རྡོ་རྗེ་ཐེག་པའི་ཟབ་མོ་ནང་གི་དོན་མཐའ་དག་གཞུང་རྩ་བས་མདོར་བསྡུས་སྟེ་བསྟན་པ་དེ་ཉིད་རང་གི་འགྲེལ་པའི་སྒོ་ནས་བཤད་པར་བྱའོ་ཞེས་གཞུང་འཆད་པར་དམ་བཅའ་བ་མཛད་པ་ཡིན་ནོ། ཕྱོགས་ལས་རྣམ་རྒྱལ་ངང་པའི་རྒྱལ་པོ་ངག་གཞུང་

(༢༤༩)མང་རྒྱ་མཚོའི་ནང་དུ་རབ་ཞུགས་སྟེ། ལེགས་བཤད་བ་ཚའི་རྙོག་ཆུ་མ་བཏུངས་པས། ལེགས་བཤད་འོ་མའི་ཉིང་ཁུ་འདི་འདྲ་ལོན། མང་ཐོས་རྣམ་དཔྱོད་མིག་དང་མི་ལྡན་ཞིང་། བླ་མ་དམ་པའི་མིག་བུ་དང་བྲལ་བས། རྟོག་པའི་གཡང་སར་ལྷུང་རྣམས་ལ་འུར་ལོངས། ངེས་དོན་ལམ་སྲོལ་ཡངས་པོ་འདི་ན་ཡོད། བླ་མེད་རྒྱུད་དང་ཟབ་མོའི་མདོ་སྡེ་དང་། བྱམས་ཆོས་རྗེས་འབྲང་བཅས་པའི་སྙིང་པོའི་དོན། དཔལ་ལྡན་རང་བྱུང་རྡོ་རྗེས་གང་གསུངས་པ། ཇི་བཞིན་ཤེས་པ་ཁོ་བོ་གཅིག་པུ་ཙམ། གཉིས་པ་བཤད་པ་ཉིད་དགོད་པ་གཞུང་གི་དོན་ལ་གཉིས། སྤྱིའི་དོན་དང་ཡན་ལག་གི་དོན་ནོ། དང་པོ་ནི། འགྲེལ་པ་འཆད་བའི་ཐོག་།།།མར་བཤད་བྱའི་འགྲེལ་པ་འདི་ཉིད་ཀྱི་གཞུང་མཚམས་སོ་སོར་བཅད་པ་འགྲེལ་པ་དེས། རང་གི་རྩ་བ་ཇི་ལྟར་བཤད་པ་རྣམས་བསྟན་ན་དཀྱུས་པ་བསྟན་པའི་རྟ་བཞིན་དུ་འཆད་པ་པོ་དང་ཉན་པ་པོ་རྣམས་ཀྱི་བློ་མི་འཁྲུགས་ཅིང་། དོན་ཚན་རྣམས་སོ་སོར་ཕྱེད་པར་འགྱུར་བས་འཆད་ཉན་བྱ་སླ་བའི་དགོས་པ་ཡོད་དེ། དུས་འཁོར་འགྲེལ་ཆེན་ལས་ཀྱང་། མཆོག་གི་འདོད་པའི་ལྷ་དང་དམ་པའི་ལམ་ངེས་པའི་མདོར་བསྡུས་ཆེན་པོ་ཐོག་མར་བཀོད་ནས་དེའི་རྗེས་སུ་བརྗོད་བྱ་བརྗོད་བྱེད་དང་། འབྲེལ་པ་ལ་སོགས་པ་གསུངས་སྟེ། དང་པོར་རྟགས་པའམ་ལེའུ་ལྔའི་བདག་ཉིད་དུ་སྤྱིར་བསྟན་ནས་ནང་སེལ་དུ་ལེའུ་དང་པོ་ལ་གནས་པ་ཉི་ཤུ་རྩ་བཞི་དང་

(༢༥༠)ལེའུ་གཉིས་པ་ལ་གནས་པ་བཅོ་བརྒྱད་དང་། ལེའི་གསུམ་པ་ལ་གནས་པ་བཅུ་གཉིས་དང་། ལེའུ་བཞི་པ་ལ་གནས་པ་བདུན་དང་། ལེའུ་ལྔ་པ་ལ་གནས་པ་ཉི་ཤུ་ཐམ་པ་སྟེ་གནས་པ་བརྒྱད་བཅུ་རྩ་གཅིག་གི་ངོ་བོ་ཉིད་དུ་གནས་པ་སོག་དོན་ཚན་རྣམས་སོ་སོར་ཕྱེ་ནས་གསལ་བར་གསུངས་པས། འཆད་ཉན་བྱ་སླ་ཞིང་བདེ་བླག་ཏུ་རྟོགས་པར་འགྱུར་བ་བཞིན་དུ། འདིར་ཡང་འཆད་ཉན་བྱ་སླ་བའི་དགོས་པ་ཡོད་པས་སོ། འགྲེལ་པ་དོན་གསལ་ལས་ཀྱང་། གདུལ་བྱ་རྣམས་ཀྱི་བདེ་བླག་ཏུ་རྟོག་པར་བྱ་བའི་ཕྱིར་དང་བསྟན་བཅོས་ཀྱི་དོན་རྣམ་པར་དབྱེ་བར་བྱས་པ་ཡང་མ་འཇིགས་པ་ཉིད་ཀྱི་བཤད་པ་སླ་བར་གཟིགས་ནས་ཤེས་གསུངས་པ་དང་རྗེས་སུ་མཐུན་ནོ། དེ་ཡང་མངོན་པ་ཀུན་ལས་བཏུས་སུ། རྣམ་པར་ཤེས་པའི་སྒོ་དྲུག་དང་། བཅུའི་སྒོ་ནས་འཆད་པར་གསུང་ལ། གོ་སྔ་རབས་པ་རྣམས་ལ་གྲགས་པ་ནི། བཀའ་འཆད་ན་སྟོན་པ་ཕུན་སུམ་ཚོགས་པ་དང་། འཁོར་དང་། གནས་དང་། དུས་དང་། ཆོས་ཏེ་ཕུན་སུམ་ཚོགས་པ་ལྔའི་སྒོ་ནས་འཆང་ཅིང་། བསྟན་བཅོས་འཆད་པ་ན། རྩོམ་པ་པོ་གང་གིས་མཛད། ཕྱོགས་གང་དུ་གཏོགས། མཚན་ཅི་ལས་བཏག་དགོས་པ་གང་གི་ཆེད་དུ་མཛད་དབུ་ཞགས་སུ་དོན་ཚན་དུ་ཞིག་གི་སྒོ་ནས་བསྟན་པ་སྟེ། རྩིས་མགོ་རྣམ་པ་ལྔའི་སྒོ་ནས་འཆད་དོ། ཞེས་གྲགས་ཤིང་ལྔ་པོ་དེའི་སྟེང་དུ་མིའི་ཡུལ་དུ་གང་གི་དར་བར་མཛད་བསྟན་

(༢༥༡)ཏེ། རྩིས་མགོ་དྲུག་གི་སྒོ་ནས་རྒྱུད་འཆད་བར་ཡང་མཛད་དོ། རྔོག་ལོ་ཆེན་ལ་སོགས་པའི་བཤད་པའི་སྲོལ་ལ། དོན་གྱི་ཁོག་དབུབ་པ། དཀྱུས་ཀྱི་ས་བཅད་པ། ཚིག་གི་འབྲུ་གཉེར་བ་སྟེ་དོན་ཚན་གསུམ་གྱི་སྒོ་ནས་འཆད་པར་མཛད་ལ། དེང་སང་ནི། སྤྱིའི་དོན་དང་། ཡན་ལག་གི་དོན་གཉིས་ཀྱི་སྒོ་ནས་ཀྱང་འཆད་པར་བྱེད་དོ། དེ་ལྟ་མོད་ཀྱི། དཔལ་རང་བྱུང་གི་ཞལ་སྔ་ནས་རང་འགྲེལ་འདིར་ནི་སློབ་དཔོན་དབྱིག་གཉེན་གྱི་རྗེས་སུ་འབྲང་ནས་བཤད་ཐབས་ཀྱི་ཡན་ལག་ལྔའི་སྒོ་ནས་འཆད་པར་མཛད་དེ། ཇི་སྐད་དུ་རྣམ་བཤད་རིག་པ་ལས། གང་ཞིག་བདག་ལས་བློ་དམན་ཞིང་། མདོ་རྣམས་འཆད་འདོད་དེ་དག་ལ། མན་ངག་ཅུང་ཟད་སྦྱིན་པར་བྱ། དགོས་པ་བསྡུས་པའི་དོན་བཅས་དང་། ཚིག་དོན་བཅས་དང་འཚམ་སྦྱར་བཅས། བརྒལ་ལན་བཅས་ཏེ་བརྙད་པར་བྱ། ཞེས་བཤད་ཐབས་ཀྱི་ཡན་ལག་ལྔ་གསུངས་པ་ལས། དགོས་སོག་གསུམ་ནི་གོ་རིམ་བཞིན་དུ་དང་། མཚམས་སྦྱར་དང་། བརྒལ་ལེན་ནི་ཅི་རིག་པར་སྟོན་པར་བྱེད་དོ། དེ་ལྟར་ན་བཤད་ཐབས་ཀྱི་ཡན་ལག་ལྔ་ཅིའི་ཕྱིར་དགོས་ཤེས་ན། རྣམ་བཤད་རིག་པ་ལས། མདོ་དོན་ཆེ་བ་ཉིད་ཐོས་ནས། ཉན་པ་དང་ནི་འཛིན་པ་ལ། ཉན་པ་པོ་ནི་གུས་བྱེད་པས། ཐོག་མར་དགོས་པ་བརྗོད་པར་བྱ། དེ་འགྲུབ་དེ་ནི་བསྡུས་དོན་ལབ། །བསྡུས་པའི་དོན་ནི་ཚིག་དོན་ལས་

(༢༥༢)གོ་རིམ་རིགས་པ་སྔ་ཕྱི་དག །མི་འགལ་བ་ནི་གཉིས་ལས་སོ། ཞེས་གསུངས་པའི་དགོས་སོག་གསུམ་ནི་ཀླག་པ་ཙམ་གྱིས་རྟོག་པར་ནུས་ལ། མཚམས་སྦྱོར་བརྗོད་བས་ཚིག་གི་གོ་རིམ་རྣམས་འགྲེལ་ཞིང་བརྒལ་ནས་བརྗོད་པས་རིག་པ་སྔ་ཕྱི་དང་མི་འགལ་ལོ། འོ་ན་བརྒལ་བ་དང་ལན་གཉིས་ཡོད་པས་བཤད་ཐབས་ཀྱི་ཡན་ལག་དྲུག་ཏུ་ཡང་ཐལ་བར་མི་འགྱུར་སྙམས་ན་མི་འགྱུར་ཏེ། རྣམ་བཤད་རིག་པ་ལས། བརྒལ་བ་དང་ལན་གཉིས་གཅིག་ཏུ་བྱ་བ་ནི་བརྒལ་བའི་ལན་གདབ་པའི་དོན་གྱི་ཕྱིར་རོ། ཞེས་གསུངས་པས་སོ། དེ་ལ་གཞུང་རྩ་བའི་དགོས་དོན་ནི་བཤད་པར་དམ་བཅའ་དང་དོན་གྱི་ལུས་རྣམ་པར་བཞག་པས་བསྟན་ཞིང་། བསྡུས་དོན་ནི་ལུས་རྣམ་བཞག་དང་། ཚིག་དོན་གྱི་ཡན་ལག་རྒྱས་བཤད་ཀྱིས་སོ། མཚམས་སྦྱར་བ་།།།དབུག་ལས་བསྟན་ཞིང་། དེ་ནས་རྩ་ཡི་རྣམ་བཤད་དང་ཞེས་དང་། དེ་ནས་རྩ་རྣམས་གནས་ཚུལ་བཤད་ཅེས་དང་། དེ་ནས་འཁོར་བཞི་དང་དྲུག་ཅེས་སོག་ཀྱི་དངོས་སུ་བསྟན་ལ། བརྒལ་ལན་ནི་ལེའུ་བཞི་པའི་རྡོ་རྗེའི་བཟླས་པ་འཆད་པའི་སྐབས་སུ་གོང་མ་དང་། འགལ་བའི་ཐེ་ཚོམ་ཞེས་བརྒལ་བ་དངོས་སུ་བཀོད་ནས། བཟླས་པ་ཡི། དག་པ་བསྟན་དེ་ཐེ་ཚོམ་བསྐྱེད་མི་བྱ། ཞེས་ལན་དངོས་སུ་གསུངས་པ་དང་ལེའུ་དགུ་པར། ཚོགས་སོགས་གྲུབ་མཐའ་ཐམས་ཅད་ཀྱང་། ཞེ་འབྱོར་སྔ་དངོས་སུ་བརྗོད་ནས། རྣམ་དག་གི་བྱས་།།།ཡིན། ཞེས་

(༢༥༣)བཀག་ཅིང་། རྒྱུ་རྐྱེན་ལྡན་དང་མེད་འཛིན་སོག །སྣ་ཚོགས་ལྟ་བ། ཞེས་ཕྱོགས་སྔ་བརྗོད་ནས། ལུས་སེམས་ཀྱི། གཟུང་འཛིན་ལ་བརྟེན་འབྱུང་བར་གསུངས། ཤེས་དངོས་སུ་བཀག་པ་སོགས་བརྒལ་ལན་གཉིས་ཀ་དངོས་སུ་བསྟན་པ་དང་། དགོས་འབྲེལ་ཏུ་རྒྱལ་བས་བླ་ན་མེད་པར་ཕྱེ། ཞེས་པའི་ཤུགས་ལ་དེ་ལྟར་ན་གཞུང་འདི་བརྩོམ་མི་རིགས་པར་ཐལ་བའི་བརྒལ་བ་ཁོང་ན་གནས་པ་ལ། མཐའ་དྲུག་གིས་བཅིངས་ནང་གི་དོན། ཞེས་ལན་དངོས་སུ་བཏབ་པ་སོགས་ཀྱང་ཡོད་དེ། དེ་དག་ནི་རྩ་བས་རྒྱུད་འཆད་པའི་བཤད་ཐབས་ཡན་ལག་ལྔ་ཡིན་ལ། འགྲེལ་པས་རྩ་བ་འཆད་པའི་ཚུལ་ཡང་བསྟན་བཅོས་འཆད་བར་ཞེས་པ་ནས། བརྩོལ་བར་བྱེད། ཅེས་པའི་བར་གྱི་དགོས་པའི་དོན་དང་། དེ་ལྟར་དགོས་པ་ཞེས་པ་ནས་རྟོགས་པར་བྱའོ། ཞེས་པའི་བར་གྱི་བསྡུས་དོན་དང་། ད་ནི་བརྩོམ་པ་ཞེས་པ་ནས་ཡོངས་སུ་རྫོགས་པའི་བར་གྱི་ཚིག་གི་དོན་བསྟན་ལ། གཞུང་རྩ་བས་ཤུགས་ལ་བསྟན་པའི་མཚམས་སྦྱོར་རྣམས་ཀྱི་དང་པོ་ནི། བསྟན་བཅོས་འཆར་པར་ཞེས་སོགས་ཡིན་ཞིང་། གཞན་རྣམས་ཀྱང་གཞུང་སོ་སོའི་བར་བར་དུ་འགྲེལ་པ་ཁ་བཀང་བའི་མཚམས་སྦྱོར་རྣམས་སོ། བརྒལ་ལན་ནི་དེ་ལྟ་བུ་ཞེས་སོགས་དགོས་པ་ཁོང་ནས་བསླངས་ཏེ་གསང་ཡིང་བདག་པོ་ཞེས་སོགས་ཀྱི་ལན་དངོས་སུ་བཏབ་པ་དང་གཞན་ཡང་ཁ་གཅིག་སོགས། ཕྱོགས་གཉིས་དངོས་སུ་བཀོད་ནས་ཐམས་ཅད་མཁྱེན་པའི་ལམ་ཞེས་སོགས་

(༢༥༤)ཀྱི་དགག་པ་མཛད་པ་སོགས་སྟོང་སྨད་བར་གསུམ་གྱི་གནས་སྐབས་ཅི་རིག་པར་བརྒལ་ལན་དུ་བཀོད་པ་རྣམས་སོ། གཉིས་པ་ལ་བཞི། དགོས་པའི་དོན། བསྡུས་པའི་དོན། འབྲེལ་པའི་དོན། ཚིག་གི་དོན་ནོ། དང་པོ་ལ་གཉིས། སྤྱིའི་དོན་དང་། ཡན་ལག་གི་དོན་ནོ། དང་པོ་ལ་གསུམ། དགོས་འབྲེལ་བཀོད་པའི་དགོས་པ། ཐུན་མོང་བའི་ལུགས་སྤྱིར་བསྟན། རྡོ་རྗེ་ཐེག་པ་ལས་གསུངས་པ་བྱེ་བྲག་ཏུ་བཤད་པའོ། དང་པོ་ལ་རྒྱ་གར་གྱིས་པཎྜི་ཏ་ཁ་གཅིག །བསྟན་བཅོས་འདི་ནི་བརྩམས་པར་བྱ་བ་མ་ཡིན་ཏེ། དགོས་སོགས་དང་མི་ལྡན་པའི་ཕྱིར། དཔེར་ན་གཟུགས་རོག་སོ་རྟོག་གིས་བསྟན་བཅོས་བཞིན། ཞེས་རྩོམས་པའི་སྐབས་འགོག་པ་ལ། འདི་ནི་རྩོམ་པར་བྱ་བ་ཡིན་ཏེ། དགོས་སོགས་དང་ལྡན་པའི་ཕྱིར། དཔེར་ན་གསོ་བ་རིག་པའི་བསྟན་བཅོས་བཞིན་ཞེས་དགོས་པ་བཟློགས་ནས་བརྩོམས་པའི་སྐབས་འབྱེད་པའི་ཕྱིར་དུ་དགོས་དོན་སྨོས་པར་བཞེད་ལ་གཞན་དག་ནི། དགོས་འབྲེལ་ངག་ལ་བརྟེན་ནས་དགོས་སོགས་བཞི་ཡོད་པ་ལ་ཚད་མའི་ངེས་པ་སྐྱེས་ནས་འཇུག་པ་འགོག་པའོ། ཞེས་ཟེར་ཞིང་། ལ་ལ། དགོས་འབྲེལ་བཀོད་པས་གཞུང་གི་ཡིག་གེ་མཛེས་པར་བྱས་བའོ། ཞེས་ཟེར་ལ། སློབ་དཔོན་སེང་གེ་བཟང་པོ་དང་སློབ་དཔོན་ཆོས་མཆོག་ནི། བསྟན་བཅོས་རྩོམ་མི་རིག་པའི་འགོལ་བཟློགས་ནས་དོན་འགྱུར་གྱི་ཐེ་ཚོམ་བསྐྱེད་དེ་རྟོགས་ལྡན་བསྟན་བཅོས་མ་འཇུག་པའི་ཡན་ལག་ཏུ་དགོས་འབྲེལ་བཀོད་པར་བཞེད་དོ། ལུགས་

(༢༥༥)དེ་དག་ལས་དང་པོས་ནི། རྩོམ་པའི་སྐབས་འབྱེད་པ་རྩམ་དགོས་འབྲེལ་བཀོད་པའི་དགོས་པར་སྨྲས་པས། བསྟན་བཅོས་རྩོམ་མི་རིག་པའི་དགོས་པ་བཟློགས་མདོ་ཀྱི། དོན་འགྱུར་གྱི་ཐེ་ཚོམ་བསྐྱེད་ནས་བསྟན་བཅོས་ལ་འཇུག་པར་འགྱུར་བ་དགོས་དོན་གྱི་གཙོ་བོ་ཡིན་པས། དེ་མ་སྨོས་པས་ནོངས་ཤིང་། གཉིས་པས་ནི་ངག་ཙམ་ལས་བརྗོད་བྱ་ལ་ཚད་མའི་ངེས་པ་བསྐྱེད་ནུས་པར་མ་ཁྱབ་པ། རྟགས་ཆོས་ཀྱི་འབྲེལ་བ་མ་ངེས་པས་ནོངས་ལ། གསུམ་པས་ནི་མཛེས་པ་ཁོ་ན་དགོས་པར་ཁས་བླངས་པས་གཞུང་མཛེས་པ་ཙམ་ནི་དགོས་འབྲེལ་མ་བཀོད་པའི་བསྟན་བཅོས་ཆུང་ངུ་བཞི་སྙན་ངག་དང་གྱི་།།།བསྟན་བཅོས་ཆུང་ངུ་ལའང་ཡོད་པས་སོ། དེ་ནས་ཕྱི་མ་གཉིས་ཀྱི་བཞེད་པ་ལྟར། གཞུང་ལ་བརྗོད་བྱ་དགོས་ཉིང་དགོས་འབྲེལ་པ་དང་བཅས་པ་མེད་སྙམས་པའི་ལོགས་རྟོགས་བཞི་བསལ་ནས། ཕལ་ཆེར་ཡོད་ལ་ཆེ་སྙམ་པའི་དོན་འགྱུར་གྱི་ཐེ་ཚོམ་བཞི་བསྐྱེད་དེ། རྟོག་དཔྱོད་དང་ལྡན་པའི་གདུལ་བྱ་རྣམས་གཞུང་ལ་འཇུག་པ་སྟེ། གང་ཕྱིར་འཇིག་རྟེན་དོན་གཉེར་ནི། ཐེ་ཚོམ་པས་ཀྱང་འཇུག་ཕྱིར་རོ། ཞེས་གསུངས་པ་བཞིན་ནོ། རང་འགྲེལ་ལས་ཀྱང་བློ་ལྡན་ངེས་པར་བདག་ལ་མོས་དང་ཐེ་ཚོམ་ལྡན་ལའང་ཕན་པར་འགྱུར་སྙམས་གཞུང་འདི་བསྡུས་ཤེས་དང་། རྡོ་རྗེའི་ཐེག་པ་ཟབ་པ་དཔག་ཏུ་མེད་བའི་མིང་དང་དོན་ལྡན་པ་མི་ཤེས་པས་ལེགས་པར་འགྱུར་བ་དག་ལ་རྩེ་བ་དང་། ཞེས་དང་། མོས་དང་བསམ་མི་ཁྱབ་དྲན་ཐར་པའི་

(༢༥༦)།།། ཆོས་ཀྱི་རྗེས་སུ་འབྲང་བའི་དབང་རྣོན་རྣམས་ལ་ནི་།།། འགྱུར་པ་ཡིན་ནོ། ཐེ་ཚོམ་མང་འཇུག་པའི་ཚུལ་ཡར་བསྟན་བཅོས་ལུས་ཀྱི་།།། དེ་སྐྱེས་བ་ན་འདི་སྙམ་དུ་།།། ཇི་ལྟར་དམ་བཅས་པ་ལྟར་དགོས་པོར་།།།སྒོ་ནས་འཇུག་པར་འགྱུར་བས། ལུས་གྱི་སྔ་རོལ་ཏུ་དགོས་འབྲེལ་གྱི་ངག་བཀོད་པ་ཡིན་ནོ། །མི་རིགས་ཏེ། ཐོག་མར་ཕྱག་འཚལ་ནས་བསྟན་བཅོས་བརྩོམ་པ་ལ་འཇུག་དགོས་པ་།།། ལས་ཟིན་པ་ཚེས་གྲངས་རྟགས་བས་ཅི་ཞིག་བྱ་བ་བཞིན་ནོ། གཞན་ཡང་མཆོད་བརྗོད་ཀྱི་གདུལ་བྱ་།།།རྟོགས་དཔྱོད་འཇུག་པར་འགྱུར་བས། མཆོད་བརྗོད་ཀྱི་འོག་ཏུ་དགོས་འབྲེལ་གྱི་ངག་བཀོད་པར་རིག་པ་ཡིན་ནོ། གཉིས་པ་

(༢༥༧)ལ་གསུམ། དགོས་སོགས་བཞི་སོ་སོའི་དོན། གྲངས་ངེས་པ། གཞུང་ལས་བསྟན་པའི་ཚུལ་ལོ། དང་པོ་ནི། བརྗོད་བྱ་དང་དགོས་པ་དང་ཉིང་དགོས་དང་འབྲེལ་པ་སྟེ། དེ་ལྟར་དང་པོ་དེ་དང་མི་ལྡན་ན། རྟོགས་ལྡན་བསྟན་བཅོས་ལ་འཇུག་པར་མི་འགྱུར་ཏེ། སྨྱོན་པའི་ཚིག་བཞིན་དུ་བརྗོད་བྱ་མེད་པ་དང་། བྱ་རོག་སོ་རྟོག་གི་བསྟན་བཅོས་བཞིན་དུ་དགོས་པ་མེད་པ་དང་། ཀླ་ཀློའི་།།།བསྟན་བཅོས་བཞིན་དུ་ཉིང་དགོས་པ་མེད་པ། ཀླུའི་རྒྱལ་པོའི་གཙུག་གི་ནོར་བུར་ལེན་པའི་བསྟན་བཅོས་བཞིན་དུ་འབྲེལ་པ་མེད་པས་སོ། དགོས་སོག་བཞི་པོ་དེ་ཡང་རྒྱས་པར་ཕྱེ་ན་དགོས་འབྲེལ་བཞི་གསུམ་བཅུ་གཉིས་སུ་འགྱུར་ཏེ། ངག་ཙམ་ལས་ཡོད་པ་བཞི་དང་། དགོས་འབྲེལ་གྱི་ངག་ཙམ་ལས་ཡོད་པ་བཞི་དང་། བསྟན་བཅོས་ཀྱི་ལུས་ལ་ཡོད་པ་བཞིའོ། དང་པོ་ནི་ངག་དོན་མཐུན་མིན་གྱི་།།།དགོས་སོགས་བཞིས་ཁྱབ་ཏེ། ངག་དེས་བསྟན་པར་བྱ་བའི་དོན་གི་བརྗོད་བྱ་དང་། ངག་དེ་ལས་བརྗོད་བྱའི་དོན་ཏེ་རྟོགས་པ་ནི་དགོས་པ་ངག་དེ་ལ་བརྟེན་ནས་སྐྱེས་བུའི་དོན་འགྲུབ་པ་ནི་ཉིང་དགོས། ཉིང་དགོས་དགོས་པ་དང་དགོས་པ་བརྗོད་བྱ་ལ་འབྲེལ་བ་ནི་འབྲེལ་པའོ། གཉིས་པ་དགོས་འབྲེལ་ངག་ལས་ཡོད་པའི་ཆོས་བཞི་ནི་བསྟན་བཅོས་ལུས་ཀྱི་དགོས་སོགས་བཞི་པོ་ནི་དེའི་བརྗོད་བྱ་དང་། དགོས་འབྲེལ་གྱི་དག་ལ་བརྟེན་ནས་བསྟན་བཅོས་ཀྱི་ལུས་ལ་དགོས་སོགས་བཞི་ཡོད་པར་རྟོགས་བ་དེའི་

(༢༥༨)དགོས་པ། དེ་ལྟར་རྟོགས་པ་ལ་བརྟེན་ནས་རྟོགས་ལྡན་བསྟན་བཅོས་ལ་འཇུག་པ་ནི་ཉིང་དགོས་དང་། འབྲེལ་པ་ནི་གོང་མ་བཞིན་ནོ། གསུམ་པ་བསྟན་བཅོས་ལུས་ལ་ཡོད་པའི་དགོས་སོགས་བཞི་ནི། རྡོ་རྗེ་ཐེག་པའི་བཤད་བྱ་ལུས་ངག་ཡིད་གསུམ་གྱི་དེ་ཁོ་ན་ཉིད་བདེ་བར་གཤེགས་པའི་སྙིང་པོ་གཞི་ལམ་འབྲས་བུའི་གནས་སྐབས་སུ་རྒྱུན་ཆགས་པ་ནི་དེའི་བརྗོད་བྱ། བསྟན་བཅོས་འདི་ལ་བརྟེན་ནས་ཕྱིན་ཅི་མ་ལོག་པར་རྟོག་དགོས་པ། དེ་ལས་བླ་ན་མེད་པའི་བྱང་ཆུབ་ཐོབ་པ་ནི་ཉིང་དགོས་ཏེ། འབྲེལ་པ་ནི་སྔ་མ་གཉིས་དང་འདྲའོ། གཉིས་པ་ནི། རྟོགས་ལྡན་བསྟན་བཅོས་ལ་འཇུག་པའི་གེགས་ནི་བཞི་སྟེ། འདི་ལྟར་བསྟན་བཅོས་འདི་ལ་བརྗོད་བྱ་མེད་པའམ་ཡོད་ཀྱང་དགོས་པ་མེད་པའམ་དེ་ཡོད་ཀྱང་དེ་བསྒྲུབ་མི་ནུས་པའམ་ནུས་ཀྱང་འདི་ལ་མ་འབྲེལ་ལོ་སྙམ་པའོ། དེ་ལྟ་བུའི་ལོགས་པར་རྟོག་པ་བཞི་བསལ་ནས། བསྟན་བཅོས་ལ་འཇུག་པའི་ཡན་ལག་དགོས་སོགས་བཞི་པོ་འདིར་གྲངས་ངེས་སྟེ། དེ་ལས་མང་མི་དགོས་ཤིང་ཉུངས་ནས་མི་འདུས་བས་སོ། དེའི་ཅིའི་ཕྱིར་ཞེ་ན། སྤྱིར་བྱ་བའི་རྒྱུད་དོན་ཞིག་སྒྲུབ་པ་ལ་འཇུག་པ་ན་དོན་དེ་འགྲུབ་ན། རང་གི་དགོས་པ་ཁྱད་པར་ཅན་ཞིག་འགྲུབ་བར་མཐོང་དགོས་ལ། དོན་དེ་བསྒྲུབ་པ་ལ་མི་འཇུག་པའི་རྐྱེན་ཡང་གཉིས་སྟེ། སྤྱིར་བསྒྲུབ་མི་ནུས་པའི་ནུས་ཀྱང་ཐབས་དེས་བསྒྲུབ་མི་ནུས་པར་མཐོང་པའོ། དེ་ལ་སྤྱིར་དགོས་པ་དང་ཁྱད་པར་འདོད་

(༢༥༩)བྱ་མཆོག་གི་ཉིད་དགོས་ཡོད་པར་བསྟན་པས་དོན་དེ་བསྒྲུབ་པ་ལ་འཇུགས་པའི་བློ་སྐྱེ་ཞིང་། དེ་ཡང་བརྗོད་བྱ་དེ་ཕྱིན་ཅི་མ་ལོགས་པར་རྟོགས་པ་ན་བསྒྲུབ་ནུས་སུ་ཤེས་པར་འགྱུར་ལ། དེ་ཡང་ཐབས་འདི་ལ་བརྟེན་ནས་བསྒྲུབ་ནུས་པར་ཤེས་ན་ཐབས་དེའི་སྒོ་ནས་དོན་དེ་བསྒྲུབ་པ་ལ་འཇུག་པར་འགྱུར་བས། མི་འཇུག་པའི་རྐྱེན་གཉིས་པོ་དེ་བཟློགས་པ་དགོས་སོགས་ཆོས་བཞིས་ཆོག་ལ་བཞི་ལས་མང་མི་དགོས་ཤིང་། གང་རུང་གཅིག་མེད་ན་རྟོགས་དཔྱོད་དང་ལྡན་པའི་དགོས་པ་བཟློགས་མི་ནུས་པས་ཉུངས་ན་མི་འདུ་བའི་ཕྱིར་རོ། གསུམ་པ་ལ་གཉིས། རྩ་བས་བསྟན་པའི་ཚུལ་དང་འགྲེལ་པས་བསྟན་པའི་ཚུལ་ལོ། དང་པོ་ནི། དྲི་མེད་རྒྱལ་བའི་སྙིང་པོ་ནི་གསུངས་ཕྱིར་ཞེས་པས་བརྗོད་བྱ་དང་། དེ་དོན་རྟོགས་པར་བྱ་ཞེས་པས་དགོས་པ་དང་ཉིང་དགོས་སུ་དངོས་སུ་བསྟན་ནས་མ་དག་ཅེས་སོགས་ཤོ་ལོ་ཀ་གཅིག་གི་རྒྱུད་གསུམ་གྱི་དོན་གྱི་འབྲེལ་དངོས་སུ་དང་། དགོས་སོགས་གསུམ་གྱི་འབྲེལ་པ་ནི་ཤུགས་ལ་བསྟན་ཏེ་ཇི་སྐད་དུ། འབྲེ་པ་བསྟོན་པར་བྱེད་པའི་སྒྲ། དངོས་སུ་ཡོད་པ་མ་ཡིན་ཡང་། འོན་ཀྱང་དེ་ནི་རྣམ་དཔྱད་ལ། དོན་གྱི་གོ་བར་བསྟན་པ་ཡིན། ཞེས་གསུངས་པ་བཞིན་ནོ། འདི་ཁོ་ན་ལྟར་བཤད་པར་དམ་བཅའ་བའི་ཚིག་རྐང་པ་དྲུག་གིས་ཀྱང་དགོས་སོགས་བཞི་བསྟན་པར་ཤེས་པར་བྱའོ། གཉིས་པ་ནི། རྒྱུད་ཀུན་སོགས་རྐང་པ་གཉིས་ཀྱི་བརྗོད་བྱ་དང་དེ་ནས་རྐང་པ་གཉིས་ཀྱི་ཉིང་དགོས་དང་། བློ་ལྡན་སོགས་རྐང་པ་གཅིག་གི་དགོས་པ་བསྟན་ཞིང་།

(༢༦༠)འབྲེལ་པ་ནི་ཁོང་ན་གནས་པ་ཏེ། ཉིང་དགོས་དགོས་དགོས་པ་བརྗོད་བྱ་ལ་འབྲེལ་བའི་ཕྱིར་རོ། རྩོམ་པར་དམ་བཅའི་གཞུང་གི་དགོས་སོགས་བཞི་བསྟན་པའི་ཚུལ་བཤད་ཟིན་ཏོ། གསུམ་པ་རྡོ་རྗེ་ཐེག་པ་ལས་གསུངས་བ་བྱེ་བྲག་དུ་བཤད་པ་ནི། དུས་འཁོར་འགྲེལ་ཆེན་དང་། བདག་གི་སྟོང་འགྲེལ་སོགས་སུ་བརྗོད་བྱ་བརྗོད་བྱེད་འབྲེལ་པ་དགོས་ཉིང་དགོས་ཏེ་ལྔ་བྱང་བ་ནི་འདིར་ཡང་བཞེད་པ་སྟེ། རང་འགྲེལ་ལས། དེ་ལྟར་བརྗོད་བྱ་བ་དང་། རྗོད་པར་བྱེད་པ་དང་འབྲེལ་པ་དང་དགོས་པས་དང་དགོས་པ་དེ་ཡང་དགོས་བ་རྟོག་པར་བྱའོ་ཞེས་བཞི་བརྟག་གཉིས་ཀྱི་ཊིཀྐ་ལས་ཀྱང་། རྒྱུད་འདིའི་བརྗོད་བྱ་དང་བརྗོད་བྱེད་གྱི་དོན་བསྡུས་ཏེ་བསྟན་བ་ནི་འདིར་བརྗོད་པར་བྱ་བ་དང་། རྗོད་པར་བྱེད་པ་དང་། འབྲེལ་པ་དང་། དགོས་པ་དང་དགོས་པའི་ཡང་དགོས་པ་མཐོང་ནས་དོན་ངེས་པར་འགྱུར་བས། བརྗོད་བར་བྱ་སྟེ། གཞི་དང་ལམ་དང་འབྲས་བུ་བཞི་ཏུ་གྱུར་པའི་དགྱེས་པའི་རྡོ་རྗེ་འདི་བརྗོད་པར་བྱ་བའོ། འདི་ཁོང་དུ་ཆུད་པར་བྱ་བའི་ཕྱིར་བརྟག་པ་གཉིས་ཀྱིས་དབང་ཉིད་ལེའུ་ཉི་ཤུ་རྩ་གསུམ་པ་ཤོ་ལོ་ཀ་བདུན་བརྒྱ་ལྔ་བཅུ་བ་འདི་ནི་བརྗོད་བར་བྱེད་པའོ། འདི་གཉིས་ཡན་ཚུན་འབྲེལ་ཞིང་རྒྱུན་ཆགས་པར་མ་ཚངས་པ་མེད་པར་འབྲེལ་བ་འདི་ནི་འབྲེལ་པའོ། དེ་ལྟར་བསྟན་པ་ལས་དཀྱིལ་འཁོར་དུ་དབང་བསྐུར་བ་ཐོབ་པར་འགྱུར་ཞིང་། ཕྱིན་ཅི་མ་ལོགས་པའི་ལམ་མངོན་དུ་གྱུར་པ་ནི་དགོས་པའོ། དེ་

(༢༦༡)ལྟར་ཉམས་སུ་བླངས་པས་གཞི་ལམ་འབྲས་བུ་དབྱེར་མི་ཕྱེད་པའི་དགྱེས་པ་རྡོ་རྗེའི་གོ་འཕངས་མཆོག་ཏུ་གྱུར་པའི་འབྲས་བུ་ཐོབ་པ་ནི་དགོས་པའི་ཡང་དགོས་པ་ཡིན་ནོ། ཞེས་གསུངས་པས་སོ། འོ་ན་བརྗོད་བྱ་སོགས་ལྔ་པོ་དེ་འགྲེལ་ཆེན་ལས་གསུངས་པའི་ཚུལ་ནི་གང་། གཞུང་འདི་ལ་དེ་ལྔ་པོ་ཇི་ལྟར་ལྡན་ཞེ་ན། དང་པོའི་ལན་ནི། དུས་འཁོར་འགྲེལ་ཆེན་ལས། འདིར་དང་པོར་རེ་ཤིག་རྩ་བའི་རྒྱུད་ཀྱི་རྗེས་སུ་འབྲང་ཏེ་བརྗོད་བྱ་དང་བརྗོད་བྱེད་དང་འབྲེལ་པ་ལ་སོགས་པ་དང་། སྡུད་པའི་རྒྱུད་ལ་སོགས་པ་ལུང་བསྟན་པ་བརྗོད་པར་བྱས་ཏེ། ཕྱི་ནས་བསྡུས་པའི་རྒྱུད་ལ་དགོས་པ་དང་དགོས་པའི་དགོས་པ་ལ་སོགས་པ་ཡང་ངོ་། འདི་ལ་དང་པོར་རེ་ཤིག་བརྗོད་བྱ་དང་བརྗོད་བྱེད་དང་འབྲེལ་པ་དང་དགོས་པ་དང་དགོས་པའི་དགོས་པ་རྣམས་མངོན་པར་གཟིགས་ནས་ཤེས་དང་། ལྔ་པ་དེ་ངོས་འཛིན་པའི་སྐབས་སུ། དེས་ན་རིམ་པ་འདིས་གསུངས་པའི་ཕྱིར་ལེའུ་ལྔའི་དབང་པོ་ཉིད་ཀྱི་གནས་པའི་བཅོམ་ལྡན་འདས་དུས་ཀྱི་འཁོར་ལོ་ནི་འདིར་བརྗོད་པར་བྱའོ། འདི་བསྟན་འདིས་བསྟོན་པར་བྱེད་པའི་ལེའུའི་ཚོགས་རྒྱུད་ཀྱི་རྒྱལ་པོ་ནི་བརྗོད་པར་བྱེད་པའོ། བརྗོད་བྱ་བརྗོད་བྱེད་འདི་དག་ཕན་ཚུན་རྗོད་བྱ་རྗོད་བྱེད་ཀྱི་མཚན་ཉིད་ནི་འབྲེལ་པ་སྟེ། ཞེས་སོགས་དང་། དེ་།།།པ་ལས། འཛིན་པའི་དབང་སྦྱིན་པས། བསོད་ཀྱི་ཚོགས་ཀྱི་དོན་བྱེད་པ་ནི་ཁོངས་པའོ། ཤེས་རབ་ཆེན་པོ་འཇིག་རྟེན་ལས་འདས་པའི་དབང་བཞི་པ་སྦྱིན་པས་རིས་མེད་

(༢༦༢)བ་ཕྱག་རྒྱ་ཆེན་པོའི་དངོས་གྲུབ་ཐོབ་པ་དང་བསོད་ནམས་དང་ཡེ་ཤེས་ཀྱི་ཚོགས་ཀྱི་དོན་བྱེད་པ་ནི་དགོས་པའི་དགོས་པ་སྟེ། ཞེས་སོགས་དང་། མདོར་བསྡུས་ལྔ་པ་ནས་ཀྱང་རྒྱ་ཆེར་གསུངས་སོ། དྲི་བ་བཞི་པའི་ལན་ནི་དུམ་བུ་བཅུ་གཅིག་གི་ངོ་བོ་ཉིད་ཀྱིས་བ་ནས་པའི་བདེ་བར་གཤེགས་པའི་སྙིང་པོ་ནི་འདིར་བརྗོད་པར་བྱའོ། དེ་བརྗོད་པར་བྱེད་པའི་ལེའུ་བཅུ་གཅིག་གི་ཚོགས་བསྟན་བཅོས་ཆེན་པོ་ནི་བརྗོད་པར་བྱེད་པའོ། བརྗོད་བྱ་དང་བརྗོད་བྱེད་ཀྱི་མཚན་ཉིད་ནི་འབྲེལ་པའོ། འདི་ལ་ཐོས་བསམ་གྱིས་ཞུགས་པས་རྒྱུད་དོན་མཐའ་དྲུག་ཚུལ་བཞིས་བཅིངས་པའི་ཕྱག་རྒྱ་བཀྲོལ་ནས། ལུས་ངག་ཡིད་གསུམ་ལ་གནས་བའི་བདེ་བར་གཤེགས་པའི་སྙིང་པོ་རྩ་རླུང་ཐིག་གེ་གི་རང་བཞིན་སྦྱིན་ཅི་མ་ལོག་པར་ཤེས་པ་ནི་དགོས་པའོ། དེ་དག་ཚུལ་བཞིན་དུ་ཉམས་སུ་བླངས་པ་ལས་ཕྱག་རྒྱ་ཆེན་པོ་མཆོག་ཏུ་མི་འགྱུར་བའི་ཡེ་ཤེས་ཀྱི་སྐུ་སྒྲིབ་པ་ཐམས་ཅད་བྲལ་པའི་བྱང་ཆུབ་ཆེན་པོ་ཐོབ་པ་ནི་དགོས་པའི་མང་དགོས་པ་སྟེ། ཞེས་འདོན་པ་སྤོས་ལས་ལྟོ་པ་འཇོ་བར་འགྱུར་རོ། དེའི་ཕྱིར་དེ་དག་གཞུང་ལས་བསྟན་པའི་ཚུལ་ཡང་བརྗོད་པར་བྱ་སྟེ། གཞུང་རྩ་བར། ལུས་སེམས་ནང་གི་བདག་ཉིད་བཤད། ཅེས་པས་བརྗོད་བྱ་ཟབ་མོ་ནང་གི་དོན་དང་། བརྗོད་བྱེད་ཟབ་མོ་ནང་གི་དོན་གཉིས་ཀ་བསྟན་པ། རྒྱུད་རྣམས་ཀུན་ཏུ་གསང་བ་གང་། ཞེས་པ་ནས། རབ་གསད་པ་ཞེས་པའི་བར་གྱི་དགོས་པ་དང་། ཉིང་དགོས་བསྟན་ཞིང་འབྲེལ་པ་ནི་ཁོང་ན་གནས་

(༢༦༣)ལ། དྲི་མེད་རྒྱལ་བའི་སྙིང་པོ་ནི་གསུང་ཕྱིར་ཞེས་པས་བརྗོད་བྱ་བརྗོད་བྱེད་དང་། དེ་དོན་རྟོགས་པར་བྱ་ཞེས་པས་དགོས་ཉིང་དགོས་དང་། མ་དག་ཅེས་པ་ནས་རིམ་པ་བཞིན་ཞེས་པས་རྒྱུད་གསུམ་གྱི་དོན་གྱི་འབྲེལ་པ་བསྟན་ལམ། བརྗོད་བྱ་རྗོད་བྱེད་ཀྱི་འབྲེལ་པ་ནི་ཁོང་ན་གནས་པ་བསྟན་བཅོས་སྤྱི་ལུགས་དང་མཐུན་ནོ། དེ་བཞིན་དུ་འགྲེལ་མེད་ལྔ་བསྟོན་པའི་ཚུལ་ཡང་ཤེས་པར་བྱའོ། རབ་ལ་།།།པའི་ནམ་མཁའ་ལས། ལུང་རིག་ཉིན་མོར་བྱེད་པ་འདི་ཤར་ཚེ། བློ་ལྡན་།།།པད་ཚལ་གཞད་པ་དང་། ལྷན་གཅིག་ལོགས་རྟོག་མུན་པ་སངས་པར་བྱས་གཉིས་པ་ཡན་ལག་གི་དོན་ལ་གཉིས། དགོས་སོགས་བཞི་སྤྱིར་བསྟན་པ། བརྩོམ་པའི་རྒྱུ་མཚན་ནི། དེ་དག་གི་དོན་བསྡུས་ནས་བརྗོད་པའོ། དང་པོ་ལ་གཉིས། ཚམས་སྦྱར་བ་དང་དངོས་པོ། དང་པོ་མཚམས་སྦྱར་བ་ནི་བཀའ་དང་བསྟན་བཅོས་འཆད་བར་བྱེད་པོ་དག་ནི། འཆད་ཉན་ལ་འཇུག་པ་དེའི་ཐོག་མར་རྣམ་བཤད་རིགས་པ་ལས། ཐོག་མར་དགོས་པ་བརྗོད་པར་བྱ། ཞེས་པ་ལྟར། དགོས་པའི་དོན་དེ་ནི་འབྲས་བུ་ཡིན་བས་དེ་དག་དང་པོར་བརྗོད་པར་བྱ་བ་སྐབས་སུ་བབ་པ་ཡིན་ཏེ་དེ་མཐོང་བས་རྐྱེན་བྱས་ནས་གདུལ་བྱ་རྣམས་འབྲས་བུ་མ་སྤྲོ་བ་སྐྱེ་སྟེ་ཐོས་ཁམས་སྒོ་གསུམ་གྱི་སྒོ་ནས་ཆོས་དེ་མ་འཇུག་པར་འགྱུར་བས་སོ། དཔེར་ན་འབྲས་བུ་སྟོན་ཐོག་མཐོང་ནས་རྒྱུ་པོ་ནམས་ལ་འཇུག་པ་བཞིན་ནོ། དེས་ན་འབྲས་བུ་དགོས་པ་དེ་ཐོག་མར་བརྗོད་བྱའོ། གཉིས་པ་དགོས་སོགས་དངོས་བཤད་

(༢༦༤)པ་ལ་གཉིས། འཇུག་པའི་གོ་རིམ་དང་། དགོས་སོགས་ཉིད་དོ། དང་པོ་ནི། གུས་སྦྱོར་གྱི་བརྩོན་འགྲུས་དང་། རྟག་སྦྱོར་གྱི་བརྩོན་འགྲུས་དང་། མི་ལྡོག་པའི་བརྩོན་འགྲུས་ཏེ་གསུམ་དང་ལྡན་པའི་སྤྲོ་བ་ཆེན་པོ་དང་ནི་བརྩོན་འགྲུས་དེ་གསུམ་བརྩོམ་པའི་གོ་ཆ་ཆེན་པོ་ལེ་ལོ་དང་བྲལ་བས་འབྲས་བུ་ལམ་དུ་བྱེད་པ་རྡོ་རྗེའི་ཐེག་པ་ལ་འཇུག་པར་འདོད་པ་གང་ཡིན་པ་དེས་ནི། གཏོང་བ་དང་། ཡོངས་སུ་གཏོང་ཆེན་གཏོང་བ་ཆེན་པོ་གསུམ་གྱི་སྒོ་ནས། ལུས་དང་ལོངས་སྤྱོད་ལ་སོགས་པ་ལ་ལྟོས་པ་མེད་པར་བླ་མ་དམ་པ་ལ་འབུལ་ཞིང་དེ་ལྟར་ཕུལ་ནས་ལུས་མ་སྨིན་པ་སྨིན་པར་བྱེད་པ་བུམ་པའི་དབང་། ངག་མ་སྨིན་པ་སྨིན་པར་བྱེད་པ་གསང་བའི་དབང་། སེམས་མ་སྨིན་པ་སྨིན་པར་བྱེད་པ་ཤེས་རབ་ཡེ་ཤེས་ཀྱི་དབང་། ལུས་ངག་ཡིད་གསུམ་མ་སྨིན་པ་སྨིན་པར་བྱེད་པ་ཚིག་དབང་རིན་པོ་ཆེ་སྟེ། ཟབ་མོའི་དབང་བཞི་པོ་རྣམས་མཐར་བརྟེན་དང་བཅས་པ་རྫོགས་པར་བླང་བར་བྱ་ཞིང་དབང་བཞིས་རྒྱུད་ཡོངས་སུ་སྨིན་པར་བྱས་པ་དེའི་འོག་ཏུ་གཙོ་བོར་བདག་རྐྱེན་ཐོས་པ་ལ་འབྱུང་བའི་ཆོས་རབ་ཏུ་རྣམ་འབྱེད་ཀྱི་བློ་ཐོས་བྱུང་གི་ཤེས་རབ་དང་། གཙོ་བོར་བདག་རྐྱེན་བསམ་པ་ལ་བརྟེན་ནས་འབྱུང་བའི་ཆོས་རབ་ཏུ་རྣམ་འབྱེད་ཀྱི་བློ་བསམ་བྱུང་གི་ཤེས་རབ་དང་། གཙོ་བོར་བདག་རྐྱེན་བསྒོམ་པ་ལས་འབྱུང་བའི་ཆོས་རབ་ཏུ་རྣམ་འབྱེད་ཀྱི་བློ་སྒོམ་བྱུང་གི་ཤེས་རབ་སྟེ། ཤེས་རབ་དེ་རྣམས་བསྐྱེད་པའི་ཕྱིར་དུ། བྱ་བ་དང་སྤྱོད་པ་དང་རྣལ་འབྱོར་དང་བླ་ན་མེད་པའི་རྒྱུད་དགོངས་འགྲེལ་གྱི་བསྟན་བཅོས་དང་བཅས་པ་དང་དེ་ལ་བརྟེན་པའི་གདམས་ངག་རྣལ་འབྱོར་ཡན་ལག་དྲུག་པ་དང་། དཔལ་

(༢༦༥)ནཱ་རོ་བའི་ཆོས་དྲུག་དང་། རིམ་ལྔ་ལ་སོགས་པ་བསྐྱེད་རྫོགས་དང་མཚན་བཅས་མཚན་མེད་ཀྱི་གདམ་པ་རྣམས་ཉན་ཅིང་དེ་ལྟར་ཐོས་པ་བྱས་པའི་དོན་མ་ཡིད་ནང་དུ་གཞོལ་བས་བསམས་ཏེ། རིམ་གཉིས་ལ་སོགས་པའི་མན་ངག་སྒོམ་ནས་ས་ལམ་མཐར་འབྱིན་པའི་རིམ་པས་ངེས་པར་འཇུག་པར་བྱའོ། གཉིས་པ་ནི་རྒྱུད་སྡེ་མུས་པ་ཀུན་གདུལ་བྱ་འདུལ་བའི་ཐབས་མི་འདྲ་བ་ལ་དགོངས་ནས་བརྗོད་བྱེད་སྣ་ཚོགས་པའི་ཚིག་དང་། བརྗོད་བྱ་སྣ་ཚོགས་པའི་དོན་དང་ལྡན་ལ། དགོངས་གཞི་མི་འདྲ་བ་མ་དགོངས་པའི་སྐད་རྣམས་ཀྱང་སྣ་ཚོགས་པ་དུ་མར་ལྡན་པས་མཐའ་དྲུག་དང་ཚུལ་བཞིའི་དབུས་སུ་ཆུད་ཅིང་གཏིང་དཔག་པར་དཀའ་ལ་ཕྱི་འཇིག་རྟེན་གྱི་ཁམས་མཐའ་མེད་ཅིང་རྣམ་པ་མང་པོ་དང་། ནང་རྡོ་རྗེའི་ལུས་རིག་མི་འདྲ་ཞིང་རྣམ་པ་མང་བ་དང་གཞན་དཀྱིལ་འཁོར་གྱི་འཁོར་ལོ་བཀོད་པ་དང་ལྷ་ཚོགས་མི་འདྲ་ཞིང་རྣམ་པ་མང་བ་དང་། དེ་ཁོ་ན་ཉིད་ཕྱག་རྒྱ་ཆེན་པོ་བདེ་བ་དང་སྟོང་པ་གཉིས་སུ་མེད་པའི་རང་བྱུང་གི་ཡེ་ཤེས་རྒྱ་ཆེན་པོ་རྣམ་པ་མང་བ་དང་ལྡན་པ་སྟེ་དེ་ལྟ་བུའི་ཤེས་བྱ་ཕྱི་ནང་གཞན་གསུམ་དེ་ཁོ་ཉིད་དང་བཅས་པ་ཕྱིན་ཅི་མ་ལོག་པར་སྟོན་པའི་གཞུང་འདི་ལྟ་བུ་གང་ཟག་ཕལ་གྱི་སྡུ་བར་ནུས་པ་མ་ཡིན་པས་བསྟན་བཅོས་འདིར་ཤེས་བྱ་ཕྱི་ནང་ལ་སོགས་པ་དེ་རྣམས་གཞི་ལམ་འབྲས་བུའི་དོན་དང་བཅས་པ་ཕྱིན་ཅི་མ་ལོག་པར་སྡུས་པ་གང་ཡིན་པ་དེ་མཐོང་བར་གྱུར་ན་བློ་ལྡན་མཐོང་བ་པོ་དེའི་དོན་འགྲུབ་པར་འགྱུར་ཏེ། དཔེར་ན་མུན་ཁུང་ན་གནས་པའི་ནོར་བུའི་སྒྲོམ་ལ་ནོར་བུར་ཐོབ་པར་འདོད་པ་པོ་ལ་དེ་སྣང་བའི་སྒྲོན་མེ་དང་ནི་ལྡེ་མིག་ལག་ཏུ་ཕྱིན་པས་ངེས་པར་དོན་ནོར་བུར་

(༢༦༦)ཐོབ་པ་ལ་འཇུག་པར་འགྱུར་བ་བཞིན་ནོ། དེ་ཡང་མུན་ཁུང་དུ་ནོར་བུར་རིན་པོ་ཆེའི་སྒྲོམ་བུ་ཡོད་པ་ལ་ནོར་བུར་དོན་གཉེར་གྱི་སྐྱེས་བུའི་ལག་དུ་ཡུལ་སྣང་བྱེད་ཀྱི་སྒྲོན་མེ་ཐོག་པས་གསལ་བར་བྱས་ཏེ་ལྡེ་མིག་གིས་སྒོ་ལྕགས་ཕྱེ་ནས་ནོར་བུར་ཐོབ་པའི་དཔེ་དེས་མཚོན་པའི་དོན་ནི་མུན་ཁུང་དང་འདྲ་བ་རང་ངོ་མ་ཤེས་པའི་མ་རིག་པས་སྒྲིབས་ཏེ། སྒྲོམ་བུ་དང་འདྲ་བའི་སེམས་ཅན་གྱི་ཤེས་རྒྱུད་ལ་ནོར་བུར་དང་འདྲ་བའི་རང་བྱུང་གི་ཡེ་ཤེས་ཡོང་པ་སྒོ་ལྕགས་དང་འདྲ་བའི་གཟུང་འཛིན་གྱི་བསྡམ་པ་ལས། ཐོས་བསམ་ལས་བྱུང་བའི་ཤེས་རབ་ཀྱི་སྒྲོན་མེ་དང་ནི་སྒོམ་བྱུང་རྣམ་པར་མི་རྟོགས་པའི་ཡེ་ཤེས་ཀྱི་ལྟེ་མིག་ལག་དུ་ཕྱིན་པས་ངེས་པར་ཡང་དོན་རང་བྱུང་གི་ཡེ་ཤེས་རྟོག་པ་ལ་འཇུག་པར་འགྱུར་རོ། ཞེས་པ་སྟེ། རང་ལ་གནས་པའི་ཡེ་ཤེས་རང་གི་མངོན་གསུམ་དུ་རྟོགས་འགྱུར་བའི་དོན་ཏེ། འདིར་ཁ་གཅིག་གིས་ཕྱི་རྣམ་པ་མང་ལྷན་ནི་རིང་གླིང་རྒྱ་མཚོ་གཟའ་སྐར་པ་ཆུ་ལ་སོགས་པ་རྣམས་དང་། ནང་རྣམ་པ་མང་ལྡན་ནི་རྩ་རླུང་ཐིག་ལེ་ཤ་ལྤགས་བསྡུས་སྙིང་གློ་བ་ལ་སོགས་པ་དང་། གཞན་རྣམ་པ་མང་ལྡན་ནི་ལྷ་དཔའ་བོ་གཅིག་པ་དང་གཉིས་པ་ནས་བརྒྱ་སྟོང་འབུམ་ལ་སོགས་པའི་བར་དང་། ཡེ་ཤེས་རྣམ་པ་མང་ལྡན་ནི་རིག་པའི་རང་རྩལ་ལས་གྲུབ་པའི་ལམ་ལྔ་པ་བཅུ་སངས་རྒྱས་ཀྱི་ཡེ་ཤེས་བསམ་གྱིས་མི་ཁྱབ་པ་ལ་སོགས་པའོ་ཞེས་ཟེར་མོ། དེ་ཙམ་དུ་མ་ཟད་བརྗོད་བྱ་དང་བརྗོད་བྱེད་བརྗོད་ཚུལ་ལ་སོགས་པ་མཐའ་ཡས་ཤིང་མང་བའི་ཕྱིར་རྣམ་པ་མང་ལྡན་ཞེས་པའི་ཚིག་གསུངས་པ་ཡིན་ནོ། རྟོགས་དཀའ་བ་རྟོགས་པའི་

(༢༦༧)ཐབས་དམ་པར་གྱུར་པ་དེའི་ཕྱིར་བློ་གྲོས་དང་ལྡན་པའི་གདུལ་བྱ་ངེས་པར་ཏེ་གདོན་མི་ཟ་བར་བརྩོམ་པ་པོ་རང་བྱུང་རྡོ་རྗེ་བདག་ལ་ཡིད་ཆེས་པའི་མོས་པ་དང་ལྡན་པ་ལ་ཕན་པར་འགྱུར་བ་དང་དེར་མ་ཟད་འདི་ནི་ཅི་ལྟ་བུ་སྙམས་སུ་ཐེ་ཚོམ་དང་ལྡན་པ་ལ་ཡང་ཕན་པར་འགྱུར་རམ་སྙམས་དུ་བསམ་ནས་ཟབ་མོ་ནང་གི་དོན་ཞེས་བྱ་བའི་གཞུང་འདི་བསྡུས་པ་ཡིན་ནོ། འདིས་ནི་གཞུང་ལུགས་རྣམ་པར་དག་པ་འདི་ལྟ་བུ་ལ་ཐོས་བསམ་གྱི་སྒོ་ནས་ཞུགས་ཏེ་དེའི་དོན་སྒོམ་བྱུང་གི་སྒོ་ནས་ཕྱིན་ཅི་མ་ལོག་པར་ཉམས་སུ་བླངས་ན་ལེགས་པའི་མཆོག་ཐམས་ཅད་ཐོབ་པར་འགྱུར་བར་བསྟན་པས་ནན་ཏན་གྱི་སློབ་དགོས་པར་གདམ་པ་ཡིན་ནོ། གཉིས་པ་རྩོམ་བའི་རྒྱུ་མཚན་ནི། རྒྱལ་བས་གསུངས་པའི་རྒྱུད་སྡེ་རྣམས་མཐའ་དྲུག་དང་ཚུལ་བཞི་ལ་སོགས་པའི་དབུས་སུ་ཆུད་པ་ནི་ཤིན་ཏུ་བརླིང་བས་གོ་དཀའ་བའི་ཕྱིར། གང་ཟག་ཕལ་གྱི་བསྡུ་བར་མི་ནུས་པ་ཡིན། ཞེ་ན། དེ་ལྟར་ཡིན་མོད་ཀྱང་། ཕྱི་ནང་གཞན་གསུམ་དེ་ཁོ་ན་ཉིད་ཕྱག་རྒྱ་ཆེན་པོའི་གནས་ལུགས་དང་བཅས་པ་ཕྱིན་ཅི་མ་ལོག་པར་བསྟོན་པའི་བསྟན་བཅོས་དེ་ལྟ་བུ་སྡུད་པར་བྱེད་པ་ཡང་བརྩོམ་པ་པོ་བདག་ལྟ་བུའི་ཡུལ་མ་ཡིན་མོད། ཅེས་ཁེངས་སྡུད་བར་མཛད་ནས་དེ་ལྟ་མདོ་ཀྱང་རྒྱུ་གཉིས་ཀྱི་ཕྱིར་ན་བསྟན་བཅོས་བརྩོམ་པ་ཡིན་ཏེ། སྐུའི་གསང་བའི་བདག་པོ་བྱང་ཆུབ་སེམས་དཔའ་འཇམ་པའི་དབྱངས་དང་གསུང་གི་གསང་བའི་བདག་པོ་བྱང་ཆུབ་སེམས་དཔའ་སྤྱན་རས་གཟིགས་དང་། ཐུགས་ཀྱི་གསང་བའི་བདག་པོ་བྱང་ཆུབ་སེམས་དཔའ་ཕྱག་ན་རྡོ་རྗེ་དང་། དཔལ་ས་ར་ཧ་དང་། མཚོ་སྐྱེས་རྡོ་རྗེ་ལ་སོགས་པ་རྣལ་འབྱོར་གྱི་དབང་ཕྱུག་རྣམས་དང་།

(༢༦༨)འཕགས་པ་ཀླུ་སྒྲུབ་ཡབ་སྲས་དང་། ཐོག་མེད་སྐུ་མཆེད་ལ་སོགས་པ་མཁས་ཤིང་དངོས་གྲུབ་བརྙེས་པ་རྣམས་དང་། མཁས་པ་ཆེན་པོ་ཤིན་པ་དང་། དུས་འཁོར་ཞབས་དང་། རྣལ་འབྱོར་གྱི་དབང་ཕྱུག་ཏེ་མོ་ས་ཆེན་དང་། ནཱ་རོ་མཻ་ཏྲི་ལ་སོགས་པས་ཕྱིན་བྱོན་པའི་མཁས་ཤིང་གྲུབ་པ་ཐོབ་པ་རྣམས་ཀྱི་རྣམ་པར་འགྲེལ་བ་དུ་མ་དང་། རྡོ་རྗེ་ཐེག་པའི་དེ་ཁོ་ན་ཉིད་གཟིགས་པའི་བླ་མ་དམ་པ་རྣམས་ཀྱི་ཞལ་དང་སྙན་ལས་རྒྱུད་མེད་ལེགས་པར་འོངས་པ་ཡང་དག་པའི་བསྟན་བཅོས་འབུམ་ཕྲག་དུ་མཐོང་ཞིང་མན་ངག་ཟབ་མོ་དཔག་ཏུ་མེད་པ་ཐོས་པའི་གཞན་རྐྱེན་ཕུན་སུམ་ཚོགས་པ་དང་ལྡན་པའི་ཕྱིར་དང་། བརྩོམ་པ་པོ་རང་བྱུང་རྡོ་རྗེ་བདག་ཉིད་ཀྱི་ནང་གི་དོན་རྡོ་རྗེའི་ལུས་ཀྱི་གནས་ལུགས་དང་སེམས་ཉིད་ཆོས་ཀྱི་སྐུ་ཅུང་ཟད་ངེས་པ་ཞེས་ཟུར་གྱི་སྨོས་ཀྱང་དོན་དེ་དག་མངོན་གསུམ་དུ་རྟོག་པའི་ཕྱིར་ན་བསྟན་བཅོས་འདི་ལྟ་བུ་བརྩམ་པ་ལ་སྐྱོན་མེད་དོ། དེར་མ་ཟད་བསྟན་བཅོས་བརྩོམ་པའི་རྒྱུ་མཚན་གང་ཟག་ཁ་ཅིག་གི་མ་རྒྱུད་གསང་བ་འདུས་པ་སོགས་ལ་ལ་ན་རྩའི་གནས་ལུགས་རྒྱས་པར་བཤད་པ་དང་། མ་རྒྱུད་ཀྱཻ་རྡོར་དང་དག་ཅེས་པར་གཉིས་ཚིག་ཡིན་པས་།།།དང་མ་ཧཱ་མ་ཡ་སོགས་ལ་ན་རོ་པའི་གནས་ལུགས་གནས་ཤིང་རླུང་དང་ཐིག་ལེ་རྒྱས་པར་བཤད་པ་དང་། རླུང་དང་ཐིག་ལེའི་དགོངས་པ་དག་འདྲེས་པ་རྣམས་ཀྱི་རྟོགས་དཀའ་བའི་གནས་ཁོང་དུ་མ་ཆུད་པ་དང་། ཕྱི་འཇིག་རྟེན་གྱི་ཁམས་དང་། ནང་རྡོ་རྗེའི་ལུས་དང་གཞན་དཀྱིལ་འཁོར་གྱི་འཁོར་ལོ་བརྩོམ་པ་དང་། ཕྱག་རྒྱ་ཆེན་པོ་བདེ་བ་དང་སྟོང་པ་གཉིས་སུ་མེད་པའི་ཡེ་ཤེས་ཀྱི་གནས་ལུགས་དང་རྒྱས་གདབ་པ་ནི་བདེ་ཀྱཻ་

(༢༦༩)འདུལ་པ་རྣམས་ལས་རྣམ་སྣང་ལས་སྤྱི་བོ་ལས་རྒྱས་འདེབས་པ་ལྟ་བུ་ལུས་ལ་སེམས་ཀྱི་རྒྱས་གདབ། མི་སྐྱོད་པ་ལ་རྣམ་སྣང་གི་རྒྱས་འདེབ་པ་ལྟ་བུ་སེམས་ལ་ལུས་ཀྱི་རྒྱས་གདབ་དང་། དེ་བཞིན་དུ། འོད་དཔག་མེད་ལ་རིན་ཆེན་འབྱུང་ལྡན་གྱི་རྒྱས་འདེབས་པ་ནི་རྒྱུ་འདོད་ཆགས་ལ་འབྲས་བུ་སེར་སྣ་རྣམ་པར་དག་པས་རྒྱས་གདབ་དང་། རིན་ཆེན་འབྱུང་ལྡན་ལ་འོད་དཔག་མེད་ཀྱི་རྒྱས་འདེབ་པ་ནི་འབྲས་བུ་འདོད་ཆགས་རྣམ་པར་དག་པས་རྒྱུ་སེར་སྣ་ལ་རྒྱས་འདེབས་པ་སྟེ། འབྲས་བུ་རྒྱུ་ལ་རྒྱས་གདབ་དང་། རྒྱུས་འབྲས་བུ་ལ་རྒྱས་གདབ་པའོ། དཔལ་དུས་ཀྱི་འཁོར་ལོ་ལས་རིག་གཞན་གྱི་རྒྱས་གདབ་གསུངས་པ་ནི་ཤར་ནུབ་དང་ལྷོ་བྱང་བདེན་བར་རྣམས་ཕན་ཚུན་དུ་འཁྱུད་པ་ཐབས་ཤེས་ཡིན་ཏེ། དེ་ཡང་མེ་ཁམས་རྣམ་པར་དག་པ་རིན་ཆེན་འབྱུང་ལྡན་དང་ཆུ་ཁམས་རྣམ་པར་དག་པ་མཱ་མ་ཀི་ཐབས་ཤེས། དོན་ནི་རླུང་དོན་ཡོད་གྲུབ་པ་དང་ས་སངས་རྒྱས་སྤྱན་མ་ཐབས་ཤེས། རླུང་དམ་ཚིག་གི་སྒྲོལ་མ་དང་པ་རྣམ་པར་སྣང་དེ་ཐབས་ཤེས། ཆུ་ཁམས་རྣམ་པར་དག་པ་འོད་དཔག་དང་མེ་ཁམས་རྣམ་པར་དག་པ་གོས་དཀར་པོ་ཐབས་ཤེས་སོ། གཞན་ཡང་མེ་དང་གཟུགས་ཆུ་ཕན་ཚུན་ཐབས་ཤེས། རྣ་བ་ནམ་མཁའ་དང་སྒྲ་ཡེ་ཤེས་ཐབས་ཤེས། སྣ་རླུང་དང་དྲི་ས་ཐབས་ཤེས། ལྕེ་ཆུ་དང་རོ་མེ་ཐབས་ཤེས་ལུས་ས་དང་རེག་རླུང་ཐབས་ཤེས། ཡིད་ཡེ་ཤེས་དང་ཆོས་ནམ་མཁའི་ཕན་ཚུན་དུ་ཐབས་ཤེས་ཡིན་པས། ཐབས་དང་ཤེས་རབ་ཕན་ཚུན་དུ་རྒྱས་གདབ་པ་ཡིན་ལ། དེའི་དོན་ཡང་སྣང་སྟོང་དབྱེར་མེད་དང་ཐབས་ཤེས་དབྱེར་མེད་མཚོན་པ་ཡིན་ནོ། དེ་ལ་སོགས་

(༢༧༠)པ་བཤད་མ་ཐག་པའི་རྩ་ནས་རྒྱས་གདབ་དང་བཅས་པའི་བར་གླིང་གཞིའི་སྐབས་སུ་འཆད་པར་འགྱུར་བ་བཞི་འཐུན་པར་རྣམ་གྲངས་རེ་རེར་བསྟན་པ་གཅིག་ཆོས་རྣམས་དང་། རྩ་རླུང་ལྟ་བུ་གཉིས་ཆོས་རྣམས་དང་། དེའི་ཐོག་ཏུ་ཐིག་ལེ་དང་བཅས་པ་ལྟ་བུ་གསུམ་ཆོས་རྣམས་དང་། བཞི་ཆོས་ནས་ཡོངས་སུ་རྫོགས་པའི་བར་ཏུ་ཅི་རིག་པར་གསུངས་པ་རྣམས་ཀྱི་གནས་ཚུལ་ཁོང་དུ་མ་ཆུད་པར་རྒྱུད་སྡེའི་བཤད་སྲོལ་མི་འདྲ་བ་རྣམས་དང་། རྒྱུད་དེ་ལ་བརྟེན་པའི་མན་ངག་རྣལ་འབྱོར་ཡན་ལག་དྲུག་པ་ལ་སོགས་པ་དང་། འཕགས་བསྐོར་ནས་བཤད་པའི་གདམ་པ་རིམ་ལྔ་ལ་སོགས་པ་རྣམས་ནི་དོན་མི་གཅིག་གོ་སྙམ་པ་དང་། བརྩོམ་པའི་ཏིང་ངེ་འཛིན་ཕྱོགས་རེ་བ་དང་། གཞུང་ལུགས་ལ་ཐོས་བསམ་བྱས་པའི་ཁ་ཕྱིར་བལྟའི་ཤེས་རབ་ཀྱི་མཐུས་གསུངས་རབས་ཀྱི་དགོངས་པ་ཕྱོགས་རེ་ཕྱོགས་རེ་ཙམ་མཐོང་བ་དག་ཀྱང་རང་གི་མཐོང་བ་འདི་ནི་བདེན་གྱི་གཞན་ནི་གཏི་མུག་རྣམས་སུ་རང་ཉིད་ཀྱི་རྟོག་ཅིང་དེ་སྐད་ཅེས་གཞན་ལ་སྒྲོགས་པ་ནི་ཐམས་ཅད་མཁྱེན་པ་སངས་རྒྱས་ཀྱི་ལམ་ལས་རིང་པའི་ཕྱིར། རྡོ་རྗེའི་ཐེག་པ་རྟོག་པར་དཀའ་བས་ཟབ་པ་བརྗོད་བྱ་རྗོད་བྱེད་རྗོད་ཚུལ་ལ་སོགས་པ་དཔག་ཏུ་མེད་པའི་མིང་དང་དོན་མང་པོར་ལྡན་པ་མི་ཤེས་པས། མིང་དོན་ལ་སོགས་པ་ནས་མཐར་ཐུག་གི་འབྲས་བུའི་བར་དུ་ཕྱི་ཅི་མ་ལོག་པར་གྱུར་པའི་སེམས་ཅན་དག་ལ་ཐུགས་བརྩེ་བའི་གཞན་གྱི་དོན་དང་བརྩོམ་པ་པོ་བདག་ཉིད་ཀྱང་གཞན་དེར་ཤེས་བྱའི་སྒྲིབ་པ་ལས་ཐུགས་རྒྱུད་རྣམ་པར་སྦྱང་བའི་ཕྱིར་བསྟན་བཅོས་རང་འགྲེལ་དང་བཅས་པ་འདི་བྱས་སོ། མདོར་ན་གནས་ལུགས་མ་རྟོགས་པ་རྣམས་ལ་ཐུགས་རྩེ་བའི་

(༢༧༡)དམིགས་མེད་ཀྱི་སྙིང་པོ་ནི་མངའ་བས་གཞན་གྱི་དོན་དང་རང་ཉིད་གཞན་ངོར་སྤངས་རྟོགས་ཕུན་སུམ་ཚོགས་པ་མངོན་དུ་བྱེད་པའི་རང་གི་དོན་ཏེ། དོན་གཉིས་ཕུན་སུམ་ཚོགས་སུ་སྒྲུབ་པའི་དགོས་པ་ཡོད་པས་རྩོམས་པར་མཛད་པ་ཡིན་ནོ། འདིར་རྒྱལ་བའི་དབང་པོའི་ཞབས་སྔ་ནས། མཆན་བུ་མ་དག་པ་འགའ་ཞིག་ལས་ཏིང་ངེ་འཛིན་གྱི་མཐུས་ཕྱོགས་རེ་ཙམ་།།། ཤེས་རབ་ཀྱི་མཐུས་ཕྱོགས་རེ་ཙམ་མཐོང་བ་ས་སྐྱ་པཎྜི་ཏ་ལ་སོགས་པ་དག་ཁོང་ཅག་གི་ལུགས་འདི་ནི་བདེན་གྱི་གཞན་ནི་གཏི་མུག་གོ། ཞེས་སྨྲ་བས། ཤེས་ཕྱོགས་སྔ་མར་བཀོད་།།།མེ་དཔུང་ཆོས་ཆེར་འབར་བའི་རང་གི་ཚུལ་གསལ་བར་བྱེད་པ་ཡིན་གྱི། འགྲེལ་པའི་དགོངས་པ་ནི། འབྲུ་གཉེར་བ་ཁོ་ན་ཡིན་ནོ། ཞེས་གསུངས་སོ། གཟུ་བོར་གནས་པའི་མཁྱེན་།།།རྣམ་པར་ཡངས་པ་ལས་བྱུང་བའི་གསུངས་དུ་ངེས་སོ། གསུམ་པ་དེ་དག་གི་དོན་བསྡུས་ནས་བརྗོད་པ་ནི། ཚེ་འདི་ཉིད་ལ་སངས་རྒྱས་པར་འདོད་པའི་གདུལ་བྱ་ཁིག་ཟབ་མོ་ནང་གི་དོན་འདིའི་བརྗོད་བྱའི་དོན་གཞི་ལམ་འབྲས་བུ་གསུམ་མམ། ཕྱི་ནང་གཞན་གསུམ་དེ་ཁོ་ན་ཉིད་དང་བཅས་པའི་གནས་ལུགས་ཕྱི་ཅི་མ་ལོག་པར་ཤེས་ན་གནས་སྐབས་དང་མཐར་ཐུག་ཏུ་རང་དང་གཞན་གྱི་དོན་གཉིས་ཕུན་སུམ་ཚོགས་པའི་དགོས་པ་དང་ལྡན་ཞིང་། བརྩོམ་པ་པོ་བསྟན་བཅོས་དང་བཅས་པ་ལ་མོས་པ་དང་དེ་ལྟ་བུ་བསམ་གྱིས་མི་ཁྱབ་པའི་གནས་སུ་དྲན་པའང་ཐར་པ་བླ་ན་མེད་པའི་བྱང་ཆུབ་ལ་ཉེ་བར་སྦྱོར་བའི་རྒྱུ་ཡིན་ནོ། དེས་ན་མཁའ་ལྡིང་ནམ་མཁའ་ལ་མཐའ་དབུས་མེད་པར་སྤྱོད་པའི་རྗེས་སུ་བྱང་ཕྲན་རྣམས་

(༢༧༢)ཀྱང་ཕུར་ལྡིང་དུ་རྩོལ་བ་བཞིན་དུ་མཁས་གྲུབ་གོང་མ་རྣམས་ཀྱི་རྗེས་སུ་རྩོམ་པ་པོ་རང་བྱུང་རྡོ་རྗེ་བདག་ཀྱང་རྩོམ་པར་བྱེད་པས། བསྟན་བཅོས་རྩོམ་པར་རིག་བའོ། གཉིས་པ་ལྟུས་པའི་དོན་ལ་གཉིས། མདོར་བསྡུས་པ་དང་། ཅུང་ཟད་ཕྱེ་བའོ། དང་པོ་ནི། དེ་ལྟར་བསྟན་བཅོས་འདིའི་དགོས་པའི་དོན་བཤད་ནས། གཉིས་པ་འདི་ཉིད་ཀྱི་བསྡུས་པའི་དོན་ནི་གཞུང་མུས་བ་དོན་ཚན་གསུམ་དུ་འདུས་ཏེ། ཐོག་མར་ཀླད་ཀྱི་དོན་ཡུལ་ཁྱད་པར་ཅན་ལ་མཆོད་པར་བརྗོད་ཅིང་གཞུང་བཤད་པར་དམ་བཅའ་བ་དང་། དེ་ནས་གཞུང་གི་དོན་མཐའ་དག་རྒྱས་པར་བཤད་པ་དང་། མཐར་འཇུག་གི་དོན་འཇུག་བསྡུ་བ། དགེ་རྩ་བསྔོ་བ་དང་བཅས་པ་འདུབ་པས་སོ། གཉིས་པ་ནི། དེ་ལྟར་གསུམ་གྱི་དང་པོ་མཆོད་པར་བརྗོད་ཅིང་བཤད་པར་དམ་བཅའ་བ་ལ་ཡང་དོན་ཚན་བཞི་སྟེ། བླ་མ་ལ་ཕྱག་འཚལ་བ་དང་། རྣམ་པ་དང་བཅས་པའི་སངས་རྒྱས་ཀྱི་སྐུ་ལ་ཕྱག་འཚལ་བ་དང་། བདེ་བ་ཆེན་པོ་སངས་རྒྱས་ཐམས་ཅད་བསྐྱེད་པའི་ཡུལ་ལ་ཕྱག་འཚལ་བ་དང་། གཞུང་བཤད་པར་དམ་བཅའ་བ་རྣམས་སུ་ཡོད་པའོ། དེ་ལྟར་བཞི་ལས། དང་པོ་གསུམ་ལ་ཚིག་བཅད་རེ་རེ་དང་བཞི་པ་ལ་ཚིག་བཅད་ཕྱེད་དང་གཉིས་ཡོད་དོ། གཉིས་པ་གཞུང་གི་དོན་ཚན་བཅུ་གཉིས་སྟེ། དོན་གྱི་ལུས་རྣམ་པར་བཞག་ཅིང་དུམ་བུ་བཅུ་གཅིག་པོ་མདོར་བསྟན་པ་དང་། འཁོར་འདས་ཀྱི་རྒྱུ་རྐྱེན་སྤྱིར་བསྟན་པ་དང་། བྱེ་བྲག་ཏུ་ལུས་འགྲུབ་པའི་ཚུལ་བསྐྱེད་རིམ་གྱི་སྦྱང་

(༢༧༣)གཞི་དང་། སྐུ་རྡོ་རྗེའི་སྦྱང་གཞི་རྩ་བཤད་པ་དང་། གསུང་རྡོ་རྗེའི་སྦྱང་གཞི་རླུང་བཤད་པ་དང་། ཐུགས་རྡོ་རྗེའི་སྦྱང་གཞི་ཐིག་ལེ་བཤད་པ་དང་། གཉིད་དང་རྨི་ལམ་སོགས་གནས་སྐབས་བཞིའི་རྣམ་པར་ཤེས་པ་དང་འབྲེལ་པའི་ཚུལ་བཤད་པ་དང་། ཕྱི་སྣོད་ཀྱི་འཇིག་རྟེན་གྱི་དོན་ནང་དུ་ལུས་ལ་སྦྱར་བའི་དོན་བཤད་པ་དང་། སྐྱེད་རིམས་ཀྱི་ཚུལ་ལ་སྦྱར་བའི་བཤད་པ་དང་། ཆོས་རྣམས་ཀྱི་སྦྱང་གཞི་སྦྱོང་བྱེད་བསྟན་པ་དང་། ལམ་རིམ་གྱི་བསྒྲོད་པའི་རིམ་པ་དང་། མཐར་ལུས་འཇིགས་ཅིང་།།།ཐིག་ལེ་ནུད་པའི་ཚུལ་བཤད་པ་དང་བཅས་པས་བཅུ་གཉིས་ཡོད་པའོ། དང་པོ་ལ་དགོས་པ་དང་བཅས་པའི་ངོ་བོ་རྣམ་པར་བཞག་པ་དང་། དུམ་བུ་བཅུ་གཅིག་གི་ངེས་བརྗོད་པ་གཉིས་ལས། གོ་རིམ་པ་བཞིན་དུ་ཚིག་བཅད་ཕྱེད་དང་གཉིས་དང་། གསུམ་མོ། གཉིས་པ་རྒྱུ་རྐྱེན་སྤྱིར་བསྟན་པའི་དུམ་བུ་ལ་དག་མ་དག་གི་ངོ་བོ། ཇི་ལྟར་འཁྲུལ་བའི་ཚུལ། རྒྱུ་རྐྱེན་གྱི་དབྱེ་བ། གནས་སྐབས་གསུམ་གྱི་དབྱེ་བ་བཤད་པ་སྟེ་དོན་ཚན་བཞི་ལ་རིམས་པ་བཞི་ཚིག་རྐང་ལྔ་དང་བཅུ་གཅིག་དང་། བཅུ་གཅིག་དང་བཅུ་བདུན་ནོ། དེ་ནས་ཡང་པ་སྐྱེས་ཀྱི་ལུས་འགྲུབ་ཚུལ་གྱི་དུམ་བུ་ལ། བསྟན་བཤད་བསྡུ་གསུམ་ལས། དང་པོ་ལ་ཚིག་རྐང་གསུམ་མོ། གཉིས་པ་ལ་གཟུགས་མེད་པ། གཟུགས་ཁམས་ཞར་བཅས། འདོད་ཁམས་སྟེ་ཁམས་གསུམ་གྱི་སྐྱེ་ཚུལ་སྤྱིར་བསྟན་པ་དང་། བསྐལ་པ་དང་པོའི་ཚུལ་དང་། མངལ་ནས་སྐྱེ་ཚུལ་

(༢༧༤)གཉིས་ཀྱི་མིའི་སྐྱེ་བ་ལེན་ཚུལ་བྱེ་བྲག་དུ་བཤད་པ་གཉིས་ལས། དང་པོ་གསུམ་ལ་ཚིག་རྐང་བཞི་དང་། བཅུ་དང་དགུའོ། གཉིས་པའི་དང་པོ་ལ་རྐང་པ་བརྒྱད་དོ། གཉིས་པ་མངལ་ནས་སྐྱེ་བའི་ཚུལ་ལ། ཁམས་དྲུག་གི་རྒྱུ་མཚན་ལ་བརྟེན་ནས་འབྱུང་བའི་རིམ་པ་དང་བཅས་པ་དང་། མངལ་དུ་ཇི་ལྟར་འཇུག་པའི་ཚུལ་དང་། སྲོག་ཆེན་པོའི་རླུང་ཇི་ལྟར་འབྱུང་བ། ཟླ་བ་བཅུ་ཇི་ལྟར་འཕེལ་བའི་རིམ་པ། རྩ་རླུང་ཐིག་ལེ་རྫོགས་ཤིང་སྐྱེ་ཚུལ་དང་གསུམ་གྱི་སྐྱེ་བའི་རིམ་པ་བསྟན་པ་སྟེ་གསུམ་ལ། དང་པོ་གཉིས་ལ་རྐང་པ་ཉེར་གཉིས་དང་བཅུ་གཉིས་པོ། གསུམ་པའི་དོན་ཚན་གསུམ་པོ་ལ་རྐང་པ་གཉིས་དང་སོ་བརྒྱད་དང་། བཅུ་གཉིས་དང་། སྤྱིའི་བསྡུ་བ་ནི་རྐང་པ་བཞིའོ། རྩའི་དུ་བུ་ལ་ཡང་བསྟན། བཤད་སྐུ་གསུམ་ལས། དང་པོ་ལ་རྐང་པ་ལྔའོ། གཉིས་པ་རྒྱས་བཤད་ལ། དབུ་མ་དང་། རོ་རྐྱང་དང་། སྤྱིར་བསྟན་པ། ཉི་ཤུ་རྩ་བཞིའི་ངོས་བཟུང་བ། སྦས་པ་རྩ་ལྔ་སྟེ་གསུམ་གྱི་རྩའི་གཙོ་མོ་དང་། མདོར་བསྟན་ལྟེ་བ། སྙིང་ག་མགྲིན་པ། སྤྱི་བོ། འཁོར་ལོ་དྲུག །ཚིག་ཀྱི་འཁོར་ལོ་སྟེ་བདུན་གྱི་རྩའི་འཁོར་ལོ་དང་། ནད་བསྐྱེད་པ་དང་། སྟོང་ཕྲག་བདུན་བཅུ་རྩ་གཉིས་དང་། རྩ་ཕྲ་མོ་དང་ཁམས་གང་གི་བསྐྱེད་པ་སྟེ་བརྒྱད་ལས་དང་པོ་གཉིས་རྐང་པ་ཉེར་གཉིས་དང་ཉེར་ལྔའོ། གསུམ་པའི་དོན་ཚན་གསུམ་ལ་རྐང་པ་དྲུག་དང་། ཉེར་དགུ་དང་། བདུན་ནོ། བཞི་པའི་བདུན་ལ། རྐང་པ་གཉིས་

(༢༧༥)དང་སུམ་བཅུ་སོ་བདུན་དང་། དྲུག་དང་། བརྒྱད་དང་། བཅུ་བདུན་དང་། བཅུ་བཞི་དང་། བཅུ་གཉིས་པོ། ལྷག་མ་བཞི་ལ། བཅུ་གཉིས་དང་། བཅུ་དྲུག་དང་། གསུམ་དང་། དགུ་དང་། སྤྱིའི་འཇུག་བསྡུ་བ་རྐང་པ་གཉིས་པོ། རླུང་གི་དུམ་བུ་ལ་ཡང་། བསྟན་བཤད་བསྡུ་གསུམ་ལས། དང་པོ་ལ་རྐང་པ་ལྔའོ། གཉིས་པ་རྒྱས་བཤད་ལ། བསྐྱེད་བྱ་བསྐྱེད་ཀྱི་ངོ་བོ་དང་། གནས་བྱེད་ལས་དང་བཅས་པ་དང་། ནང་དུ་རྒྱུ་བ་དང་། ཕྱིར་རྒྱུ་བ། ཇི་ལྟར་རྒྱུ་བའི་རིམ་པ། ཁ་དོག་དང་སྟོབས་དང་ཡོན་ཏན་བཤད་པ། རྒྱུ་ཕན་ཚུན་གྱི་དགོངས་པ་མི་འགལ་བར་བསྟན་པ་དང་བཞིས་ཕྱི་ནང་དུ་རྒྱུ་བའི་རིམ་པ་བྱེད་ལས་དང་བཅས་པ་བཤད་པ་དང་། འཇུག་སྒོ། ཟུང་ཐབས། ཕན་ཡོན་དང་གསུམ་གྱི་འཇུག་སྒོ་ཕན་ཡོན་དང་བཅས་པ་བཤད་པ་དང་། འཁོར་འདས་ཐམས་ཅད་རླུང་གི་རང་བཞིན་དུ་བསྟན་པ་དང་ལྔ་ལས། དང་པོ་གཉིས་ལ་ཚིག་བཅད་དྲུག་དང་རྐང་པ་དང་བཅས་པའི་ཚིག་བཅད་དགུའོ། གསུམ་པའི་དང་པོ་།།།ཚུལ་ལ། སྤྱིར་བསྟན། སྙིང་གར་རྒྱུ་ཚུལ། སྤྱི་བོར། མགྲིན་པར་ལྟེ་བར་རྒྱུ་ཚུལ། སྤྱིའི་ཁམས་ཚིག་ཀྱི་འཁོར་ལོ་ན་རྒྱུ་ཚུལ། རྩ་ཐམས་ཅད་ཀྱི་རྒྱུ་ལུགས། ཞར་ལ་རྩ་དག་པའི་ངེས་པ་སྟེ་དགུ་ལས། རྐང་པ་གཅིག་དང་། བཞི་དང་། བཅུ་གཉིས་དང་། དྲུག་དང་། ལྔ་དང་། གསུམ་དང་། བཞི་དང་། དྲུག་དང་བཞིའོ། གཉིས་པ་ཕྱིར་རྒྱུ་ཚུལ་ལ། སྤྱིར་བསྟན། དུས་སྦྱོར་རྒྱས་བཤད། དབུ་མའི་རྩ་བཤད་པ་གསུམ་ལས། རྐང་པ་བཅུ་དགུ་དང་། བཅུ་དྲུག་དང་།

(༢༧༦)བཅོ་ལྔའོ། གསུམ་པ་ཇི་ལྟར་རྒྱུ་བའི་རིམ་པ་ཁ་དོག་དང་སྟོབས་དང་ཡོན་ཏན་བཤད་པ་ལ། མདོར་བསྟན། སྣའི་ཕྱོགས་གང་དུ་འབྱུང་བ། ཁ་དོག །གཟའ་རྣམས་ལ་སྦྱར་བ། ལས་གང་འགྲུབ་པ། ཕྱིར་འགྲོ་བའི་རིང་ཐུང་དང་དྲུག་ལས། རྐང་པ་གཅིག་དང་། ལྔ་དང་། གཉིས་དང་། ལྔ་དང་། བརྒྱད་དང་ལྔའོ། བཞི་པ་རྒྱུད་ཕན་ཚུན་དགོངས་པ་མི་འགལ་བར་བསྟན་པ་ལ་རྐང་པ་དང་བཅས་པའི་ཚིག་བཅད་བརྒྱད་དོ། རྩ་བའི་བཞི་བ་འཇུག་སྒོ་ཕན་ཡོན་དང་བཅས་པའི་ནང་ཚན་གསུམ་ལ། རྐང་པ་གསུམ་དང་། བརྒྱད་དང་། བཅུ་གཅིག་གོ། ལྔ་པ་འཁོར་འདས་ཐམས་ཅད་རླུང་གི་རང་བཞིན་དུ་བསྟན་པ་ལ་བཅོ་བརྒྱད་དང་། སྤྱིའི་དོན་བསྡུ་རྐང་པ་གསུམ་མོ། ཐིག་ལེའི་དུམ་བུ་ལ་ཡང་། བསྟན་བཤད་སྐུ་གསུམ་ལས། དང་པོ་ལ་ཚིགས་རྐང་ལྔའོ། གཉིས་པ་སྐྱབ་བཤད་ལ་རྩ་བ་སྤྲོལ་གྱི་ཐིག་ལེ་དང་། འཁྲུལ་པ་མ་རིག་པའི་ཐིག་ལེ་མདོར་བསྟན་དང་། བར་དོའི་རྐྱེན་ཉེ་བར་སྦྱོར་བ། དངས་མ་གཉིས། སྙིགས་མ་འབྱུང་ཚུལ། ཁམས་སུམ་བཅུ་སོ་དྲུག་གི་རྒྱས་བཤད། དཀར་ཆའི་འཐོད་བའི་རིམ་པ་སྟེ་ལས་རྫས་ཀྱི་ཐིག་ལེ་རྒྱས་པར་བཤད་པ་དང་། གཉེན་པོའི་ཐིག་ལེ་འཆིང་བའི་རིམ་པ་དང་། ཞར་ལ་སྐྱོན་བསལ་བ་བསྟན་པ་དང་ལྔ་ལས་དང་པོ་གཉིས་ལ་རྐང་པ་བཅུ་གསུམ་དང་། དགུའོ། གཉིས་པའི་དང་པོ་གསུམ་ལ་རྐང་པ་དྲུག་དང་། བཅུ་གཉིས་དང་། སོ་གཅིག་གོ། ཁམས་སུམ་པོ་དྲུག་གི་རྒྱས་བཤད་ལ། དངས་པ་བཅུ་གཉིས་ཇི་ལྟར་རྒྱུ་བ་དང་།

(༢༧༧)སྙིགས་མ་ཉི་ཤུ་རྩ་བཞིའི་རྒྱས་བཤད་དེ་གཉིས་ལ་ཚིག་བཅད་དྲུག་དང་ཕྱེད་དང་བཅུ་དྲུག་གོ། དཀར་ཆའི་འཕོ་བའི་རིམ་པ་ཚིགས་བཅད་བཞི་དང་། འཆིང་བའི་རིམ་པ་ལ། གང་གི་འཆིང་། འཆིང་རིམ། འབྲས་བུ་གསུམ་ལ་ཚིག་རྐང་གསུམ་དང་བདུན་དང་གསུམ་མོ། སྐྱོན་བསལ་བ་ལ་རྐང་པ་ཉེར་གཅིག་དང་། འཇུག་བསྡུ་བ་ལ་ཡང་རྐང་པ་ཉེར་གཅིག་གོ། རྣམས་དང་ཡེ་ཤེས་སོགས་དང་འབྲེལ་པ་གཞི་ལམ་འབྲས་བུའི་དུམ་བུ་ལ་ཡང་། བསྟན་བཤད་སྡུ་གསུམ་ལས། དང་པོ་ལ་རྐང་པ་གཉིས་པོ། གཉིས་པ་རྒྱས་བཤད་པ། སྤྱིར་བསྟན་པ་དང་། གཉིད་ཐུག་པོའི་གནས་སྐབས་དང་། དག་མ་དག་གི་ངོ་བོ། རྨི་ལམ་གྱི་སྣང་བ་རྒྱས་བཤད། གནད་འཆིང་པ་འབྲས་བུ་དང་བཅས་པ་སྟེ། གཉིས་ཀྱི་རྨི་ལམ་གྱི་གནས་སྐབས་དང་། དག་མ་དག་གི་ངོ་བོ། འཁོར་བ་བསྐྱེད་ཚུལ། མྱང་འདས་སུ་འགྲོ་བའི་གོ་རིམ། གནད་འཆིང་དངོས་བཞིས་ཆགས་པའི་གནས་སྐབས་དང་། དང་པོ་ནི། དག་པ་ཡང་གཉེན་འབྲས་བུ་དང་བཅས་པ་སྟེ་གསུམ་གྱི་ཐ་མལ་པའི་གནས་སྐབས་རྒྱས་བཤད་དང་ལྔ་ལས། དང་པོ་གཉིས་ལས། རྐང་པ་ལྔ་དང་ཉི་ཤུའོ། གསུམ་པའི་དོན་ཚན་གསུམ་ལས། རྐང་པ་བདུན་དང་། ཉེར་བདུན་དང་། བཅོ་ལྔའོ། བཞི་པའི་དོན་ཚན་བཞི་ལ་རྐང་པ་བཅུ་བཞི་དང་། བཅུ་གཅིག་དང་། བཅུ་དྲུག་དང་། །།།བདུན་མཚན། ལྔ་པའི་དོན་མཚན་གཉིས་ལ་རྐང་པ་བཅུ་དང་བཞི་དང་དགུ་དང་། མཇུག་སྡུ་བ་ལ་ཚིག་བཅད་གཅིག་གོ། སྣོད་ལ་

(༢༧༨)སྦྱར་བ་ལ་ཡང་། བསྟན་བཤད་སྐུ་གསུམ་ལས། དང་པོ་ལ་རྐང་པ་གསུམ་མོ། གཉིས་པ་རྒྱས་བཤད་པ། གནས་གཞན་བསྟན་པ་དང་། འབྱུང་བ་རིམ་རྩེགས་དང་། རི་རྣམས་དང་། གླིང་བདུན་དང་། ནང་གི་འབྱུང་བ་ལྔ་དང་། རྒྱ་མཚོ་བདུན་དང་། གཟའ་ལ་སོགས་པ་རྣམས་དང་། མེ་གསུམ་དང་། སྐྱེ་གནས་དང་། དུས་སྦྱོར་ལ་སོགས་པ་སྟེ་དགུ་ལ་རྐང་པ་བདུན་དང་ཕྱེད་དང་གསུམ་དང་ཕྱེད་བཅས་བདུན་དང་། བདུན་དང་། གཉིས་དང་། ལྔ་དང། ལྔ་གཉིས་དང་། བཅུ་གཉིས་དང་། མཇུག་བསྡུ་བ་ལ་བཞིའོ། སྐྱེད་རིམ་ཀྱི་དུམ་བུ་ལ་ཡང་། བསྟན་བཤད་བསྡུ་གསུམ་ལས། དང་པོ་ལ་རྐང་པ་དྲུག་གོ །གཉིས་པ་རྒྱས་བཤད་ལ། ལྷའི་གྲངས་ཀྱི་ངེས་པ་དང་། དཀྱིལ་འཁོར་གྱི་ངེས་པ་དང་། ཐབས་ཤེས་ཀྱི་རང་བཞིན་དང་། སྐྱེད་རྫོགས་ཀྱི་ངེས་པ་བཞི་ལ། རྐང་པ་ཉེར་བདུན་དང་། བཞི་དང་། གཅིག་དགུ་དང་། བཅུ་དང་། མཇུག་བསྡུ་བ་ལ་ཡང་རྐང་པ་དྲུག་གོ །སྦྱར་གཞི་སྦྱོང་བྱེད་ཀྱི་དུམ་བུ་ལ་ཡང་། བསྟན་བཤད་བསྡུ་གསུམ་ལས། དང་པོ་ལ་རྐང་པ་གསུམ་མོ། གཉིས་པ་རྒྱས་བཤད་ལ། ཡང་དག་པའི་བདེན་པ་གཉིས་བཤད་པ་དང་། ཕྱི་རོལ་པ་དང་། ཐེག་དམན་གྱི་སྒྲུབ་མཐའ་གཉིས་ཀྱི་དེའི་ཚུལ་མ་རྟོག་པས་འཁྲུལ་པའི་ལོག་རྟོག་སྤང་བ་དང་། སྤང་གཉན་གྱི་རྩ་བ་དང་། བྱེ་བྲག་ཏུ་རྒྱུད་སྡེའི་གཉེན་པོའི་ངེས་པ་མདོར་བསྟན་པ་དང་། རྒྱས་བཤད། ཡེ་ཤེས་ཀྱི་རླུང་དང་། རྩ་ཁམས་ལམ་སྦྱར་བ་གཉིས་ཀྱི་དེ་ཉིད་རྒྱུད་ཀྱི་ལྷ་ཐམས་ཅད་ལ་སྦྱར་བ་དང་

(༢༧༩)དྲུག་ལས། དང་པོ་ལ་ཚིག་རྐང་བཅུའོ། གཉིས་པའི་དོན་ཚན་གཉིས་ལ་ལྔ་དང་བཅུ་གཅིག་གོ། གསུམ་པ་བཞི་པ་ལྔ་པ་གསུམ་ལ་བཅུ་དང་། བཅུ་དྲུག་དང་། བཅོ་བརྒྱད་དོ། དྲུག་པའི་དང་པོ་རྒྱུད་ཀྱི་ལྷ་ཡེ་ཤེས་ཀྱི་རླུང་དང་སྦྱར་བ་ལ། དུས་འཁོར། སྡོམ་པ་ཆེ་ཆུང་། སྒྱུ་འཕྲུལ་དྲ་བ། གསང་འདུས། རྒྱུད་གཞན་ལ་སྦྱར་བ་དང་ལྔ་ལས། དྲུག་དང་། དྲུག་དང་། བརྒྱ་དང་། དྲུག་དང་། དགུའོ། གཉིས་པ་རྩ་ཁམས་ལ་སྦྱར་བ་ལ། གཉིས་མེད་རྒྱུད། མ་རྒྱུད། ཕ་རྒྱུད། རྒྱུད་གཞན་ལ་སྦྱར་བ་དང་བཞི་ལ། ཉེར་གཉིས་དང་། བཅུ་གཅིག་དང་། ཉེར་གསུམ་དང་དྲུག་དང་། མཇུག་བསྡུ་བ་ལ་བཅུའོ། ཡེ་རིམ་གྱི་དུམ་བུ་ལ་ཡང་། བསྟན་ བཤད་ སྡུ་གསུམ་ལས། དང་པོ་ལ་རྐང་པ་བཞིའོ། གཉིས་པ་རྒྱས་བཤད་ལ། ཉན་ཐོས། རང་རྒྱལ། སངས་རྒྱས་ཀྱི་ལམ་དང་གསུམ་གྱི་ཐུན་མོང་གི་ལམ་དང་རྒྱུད་སྡེ་བཞིའི་དུས་ཀྱི་ཁྱད་པར་བསྟན་པ་དང་། ལམ་དངོས་ཏེ་གཉིས་ཀྱི་ཐུན་མོངས་མ་ཡིན་པའི་ལམ་བཤད་པ་གཉིས་ལས། དང་པོའི་དོན་ཚན་གསུམ་ལ། རྐང་པ་བཞི་དང་། གཉིས་དང་། གཉིས་པོ། གཉིས་པའི་དང་པོ་ལ་བདུན་དང་། གཉིས་པ་ལམ་དངོས་ལ་ཚོགས་ལམ་དང་། སྦྱོར་ལམ་དང་། མཐོང་ལམ་དང་། ངོ་བོ་དང་། མཐོང་བསྒོམ་གྱི་རླུང་འགག་ལུགས་གཉིས་ཀྱི་སྒོམ་ལམ་དང་། མཐར་ཕྱིན་པའི་ལམ་སྟེ་ལྔ་ལས། དང་པོ་གསུམ་ལ་གཉིས་དང་། བཅུ་གཅིག་དང་། ལྔའོ། བཞི་པའི་དོན་ཚན་གཉིས་ལ་ལྔ་དང་བཅུ་གཅིག་གོ། ལྔ་པ་བདུན་དང་། མཇུག་བསྡུ་བ་ལ་ལྔའོ། སྡུད་རིམ་ཀྱི་དུམ་བུ་ལ་ཡང་། མདོར་བསྟན་ཞིང་། བསམ་གྱིས་མ་ཁྱབ་པའི་

(༢༨༠)ཚུལ་རྒྱས་བཤད། སྡུ་གསུམ་ལས། དང་པོ་ལ་རྐང་པ་བཞིའོ། གཉིས་པ་རྒྱས་བཤད་ལ། རྩ་ཕལ་པ་བསྡུད་ཚུལ། འཁོར་ལོ་བཅོ་བརྒྱད་བསྡུད་རིམ། རྩ་ཆེན་ཉེར་བཞི་བསྡུལ་ཚུལ་དང་གསུམ་གྱི་རྩ་བསྡུད་པའི་རིམ་པ་དང་། སྤྱིར་རླུང་བཅུ་བསྡུད་རིམ། དབུ་མའི་དུས་དང་དུས་མ་ཡིན་པའི་འཆི་ལྟས། ཉི་མའི་མཆི་ལྟས། ཟླ་བའི་མཆི་ལྟས། དེ་དག་གིས་ངེས་པ་བསྟན་པ་དང་ལྔས་རླུང་གི་མཆི་ལྟས་དང་། ལོ་དགུ་བཅུ་གོ་བདུན་གྱི་སྟོབས་འདོར་བ་དང་། ལོ་གསུམ་གྱི་མཆི་ལྟས་དངོས་ཏེ་གཉིས་ཀྱི་ཐིག་ལེ་འགག་པའི་རིམ་པ་དང་། ཞར་ལ་གོང་དུ་འཕོ་བའི་ངེས་པ་བཤད་པ་དང་བཞི་ལས། དང་པོའི་ནང་ཚན་གསུམ་ལ་བཅུ་གཉིས་དང་། བཅུ་གཉིས་དང་། དགུའོ། གཉིས་པའི་དང་པོ་ལ་དགུ །དབུ་མའི་དུས་དང་དུས་མ་ཡིན་པའི་འཆི་ལྟས་ལ། འཕེལ་བའི་རིམ་པ་དང་། ལོ་གསུམ་ཕྱོགས་གསུམ་གྱི་འཆི་ལྟས་དངོས་ཏེ་དོན་ཚན་གཉིས་ཀྱི་དང་པོ་ལ་ཉེར་ལྔ་དང་། གཉིས་པའི་བསྟན་བཤད་གཉིས་ལ་དྲུག་དང་བཅུ་དྲུག་གོ། ཉི་མའི་མཆི་ལྟས་ཀྱི་བསྟན་བཤད་གཉིས་ལ། གཉིས་དང་གསུམ། ཉེར་གསུམ་མོ། ཟླ་བའི་མཆི་ལྟས་ཀྱི་བསྟན་བཤད་གཉིས་ལ། གཅིག་དང་བཅོ་བརྒྱད་དོ། དེ་དག་གི་ངེས་པ་བསྟན་པ་ལ་ཉི་ཤུའོ། གསུམ་པ་ཐིག་ལེ་འགག་རིམ་ཀྱི་དོན་ཚན་གཉིས་ལས། བཅུ་བཞི་དང་། བཅུ་གསུམ་མོ། བཞི་པ་གོང་དུ་འཕོ་བ་ལ་བཅུ་དང་། མཇུག་བསྡུད་ལ་རྐང་པ་བརྒྱད་དོ། གསུམ་པ་མཇུག་བསྡུ་བ་སྔོ་བ་དང་བཅས་པ་ལ། སྤྱིའི་དོན་སྡུ་དང་། མངོན་པ། མདོ་སྡེ། འདུལ་བ་དང་སྦྱར་

(༢༨༡)བ་སྟེ་གསུམ་གྱི་སྡེ་སྣོད་གསུམ་པོ་དང་སྦྱར་བ་དང་། བྱེ་བྲག་དུ་སྔགས་ཀྱི་ཚུལ་ཤེས་དགོས་པ་དང་། འབྲས་བུའི་རང་བཞིན་བསྡུ་བ་དང་། འདི་གད་ལབ་རྙེད་པ་དང་། བསྟོད་པ། སྔོ་བ། བཟོད་གསོལ་གསུམ་གྱི་བཅོམ་ལྡན་འདས་གྱི་ཕྲིན་ལས་ལ་བསྟོད་ཅིང་བསྔོ་བ་སྨོན་ལམ་དང་བཅས་པ་སྟེ་དྲུག་ལས། དང་པོ་ལ་རྐང་པ་བརྒྱད་དོ། མངོན་པ་དང་སྦྱར་བའི་ཕྱི་ནང་གཉིས་ལ་དྲུག་དང་། བཅུ་གཅིག་གོ། མདོ་སྡེ་དང་འདུལ་བ་ཡིན་ཚུལ་ལ་དྲུག་དང་དྲུག་གོ །གསུམ་པ། བཞི་པ། ལྔ་པ། གསུམ་ལ། བརྒྱད་དང་། བཅོ་ལྔའོ། དྲུག་པའི་དོན་ཚན་གྱི་དང་པོ་ལ། ཤིན་ཏུ་སྐྱེ་འགྲོའི་སྡེབ་སྦྱོར་དང་མཐུན་པར་ཚེག་བར་བཅུ་གསུམ་མའི་ཚིག་བཅད་གཉིས་གསུངས་ལ། གཞུང་གཞན་རྣམས་རབ་དགའི་སྡེབ་སྦྱོར་དོང་མཐུན་པར་ཚིག་བར་བདུན་མར་ཡོད་པས་དེའི་དབང་དུ་བྱས་ན་རྐང་པ་བཅོ་ལྔ་དང་། ཕྱི་མ་གཉིས་ལ་བཞི་དང་གཉིས་པོ། དེ་ལྟར་ན་མཆོད་བརྗོད་དམ་བཅའ་དང་བཅས་པས་ཚིག་བཅད་ཕྱེད་དང་ལྔ་དང་ཚིག་དོན་གྱི་ལུས་རྣམ་བཞག་གཉིས་ལ་ཕྱེད་དད་ལྔ་སྟེ་སྡོམས་ན་ཚིག་བཅད་དགུ་ཡོད་ལ། རྒྱུ་རྐྱེན་སྤྱིར་བསྟན་པའི་དུམ་བུ་ལ་ཚིགས་བཅད་བཅུ་གཅིག །ལུས་འགྲུབ་ཚུལ་གྱི་དུམ་བུ་ལ་རྐང་པ་དང་བཅས་པའི་ཚིག་བཅད་སུམ་བཅུ་དང་། རྩའི་དུམ་བུ་ལ་ཚིགས་བཅད་ལྔ་བཅུ་རྩ་བརྒྱད་དང་། རླུང་གི་དུམ་བུ་ལ་རྐང་པས་དམན་པའི་ཚིགས་བཅད་བཞི། གཞི་ལམ་འབྲས་བུའི་དུམ་བུ་ལ་རྐང་པས་དམན་པའི་ཚིགས་བཅད་སུམ་བཅུ་སོ་བརྒྱད་དང་། སྣོད་ལ་སྦྱར་བ་ལ་རྐང་པས་དམན་པའི་ཚིག་བཅད་བཅོ་ལྔ་

(༢༨༢)བསྐྱེད་རིམས་ཀྱི་དུམ་བུ་ལ་ཡང་ཚིག་བཅད་བཅོ་བརྒྱད། སྦྱང་གཞི་སྦྱོང་བྱེད་ཀྱི་དུམ་བུ་ལ་ཚིག་བཅད་བཞི་བཅུ་ཞེ་ལྔ་དང་། ལམ་རིམས་གྱི་དུམ་བུ་ལ་རྐང་པ་དང་བཅས་པའི་ཚིགས་བཅད་བཅུ་དྲུག་དང་། སྡུད་རིམས་ཀྱི་དུམ་བུ་ལ་ཚིག་བཅད་ཕྱེད་དང་བཅས་པའི་ལྔ་བཅུ་དང་། མཇུག་གི་དོན་ལ་ཚིགས་བཅད་ཉེར་ལྔའོ། མདོར་བསྡུ་ན་གཞུང་རྩ་བ་ལ་རབ་དགའི་སྡེབ་སྦྱོར་གྱི་དབང་དུ་བྱས་པའི་ཚིག་བཅད་བཞི་བརྒྱ་དང་བཅུ་དྲུག་རྐང་པ་གཉིས་བཞུགས་སྟེ། ཡིག་གེ་པའི་ངོར་བྱས་པའི་མཆོད་བརྗོད་ལེའུ་སོ་སོའི་མཚན་དང་མཛད་བྱང་རྣམས་ཀྱི་ཚེགས་བར་གྱི་གྲངས་ནི་མ་རྟོགས་སོ། དེ་ལྟར་བསྡུས་པའི་གཞུང་གི་སྒོ་ནས་གཞུང་དབུ་ཞབས་ཡོངས་སུ་རྫོགས་པའི་བརྗོད་བྱ་མཐའ་དག་གི་ཚོམ་བསྟན་པ་འདི་ནི། དུས་འཁོར་འགྲེལ་ཆེན་ལས། ཆོས་ཡང་དག་པར་བསྡུད་པ་ཤེས་ནས་དུས་ཀྱི་འཁོར་ལོའི་རྣལ་འབྱོར་ལ་འཇུག་པར་བྱའོ། ཞེས་དང་། སྒྲོན་གསལ་པས། རིམ་པ་ལྔ་ཡི་བསྡུས་པའི་དོན། ཤེས་ནས་མཐའ་དྲུག་ལ་འཇུག་གོ། ཞེས་དང་། རྗེ་བཙུན་མར་པའི་ཞལ་སྔ་ནས་ཀྱང་། རྒྱུད་ཀྱི་དབུ་ཞབས་ཀྱི་དོན་ཐམས་ཅད་ཆོས་ཐུན་གཅིག་གི་ནང་དུ་དྲིལ་ནས་འཆད་ཤེས་ན་རྒྱུད་འཆད་པ་ལ་མཁས་པ་ཟེར་བ་ཡིན། ཞེས་གསུངས་པ་ལྟར་བཀོད་པ་སྟེ་འཆད་པ་པོ་རྣམས་ཀྱི་འཆད་སླ་ཞིང་། ཉན་པ་པོ་རྣམས་ཀྱི་རྟོགས་སླ་བའི་ཆེད་ཡོད་པའི་ཕྱིར་རོ། དཔེར་ན་རྟ་བརྒྱུག་པའི་སྔ་རོལ་ཏུ་དཀྱུས་པ་བསྟོན་པ་བཞིན་ནོ། རྣམ་དཔྱོད་ཤར་རིའི་རྩེ་ལ་

(༢༨༣)བཟློས་གར་མཁན། ལེགས་བཤད་འོད་དཀར་རྒྱས་པ་འདི་ཤར་ཚེ། མི་ཤེས་མུན་པ་མཐའ་དག་སངས་པ་དང་། ལྷན་གཅིག་གཞུང་དོན་ཀུ་མུད་འཛུམ་པར་བྱས། གསུམ་པ་འབྲེལ་པའི་དོན་ལ་གསུམ། བརྗོད་བྱ་བརྗོད་བྱེད་ཀྱི་འབྲེལ། གཞི་ལམ་འབྲས་གསུམ་གྱི་འབྲེལ། དུམ་བུ་བཅུ་གཅིག་གི་འབྲེལ་ལོ། དང་པོ་ནི། དེ་ལྟར་བསྡུས་པའི་དོན་དེ་ཉིད་རྒྱས་པར་བཤད་པ་ལ་སོགས་པའམ་སྒོ་ནས་བདེ་བར་གཤེགས་པའི་སྙིང་པོ་གཞི་ལམ་འབྲས་བུའི་རང་བཞིན་དུ་བརྗོད་པར་བྱེད་པའི་བསྟན་བཅོས་ཟབ་མོ་ནང་གི་དོན་ཞེས་བྱ་བའི་རྒྱ་ཆེར་བཤད་པ་འདིས་ལུས་ངག་ཡིད་གསུམ་གྱི་ནང་གི་དོན་རྟོགས་པར་དཀའ་བས་ཤིན་ཏུ་ཟབ་པ་དག་སྟོན་བར་བྱེད་པའི་ཕྱིར་བརྗོད་བྱེད་ཀྱི་ངག་དེ་ལ་བརྟེན་ནས་བརྗོད་བྱའི་དོན་རྟོགས་པར་བྱེད་པ་ནི། རྗོད་བྱེད་ངག་དང་བརྗོད་བྱ་ངག་ཅན་གྱི་འབྲེལ་པའོ། སོགས་འགྲེལ་ལས། འདི་ཡང་བསྡུས་དོན་གྱི་འཕྲོ་ལ་སྦྱར་མོད་ཀྱི། བདག་གིས་བླ་མ་ཐམས་ཅད་མཁྱེན་པའི་བཞེད་པས། འབྲེལ་པ་ལ་སྦྱོར་བར་མཛད་པ་ནི་རྒྱུད་འགྲེལ་རྣམས་དང་མཐུན་ནོ། གཉིས་པ་ལ་གཉིས། དངོས་ཀྱི་དོན་དང་། རྒྱུད་གསུམ་གྱི་རྣམ་པར་བཞག་པའོ། དང་པོ་ནི། གཞི་ལུས་ངག་སེམས་གསུམ་གྱི་གནས་ལུགས་ཀྱི་དོན་སྐུ་གསུམ་ཡིན་པ་ཚུལ་བཞིན་དུ་ཤེས་པ་ལ་བརྟེན་ནས་ལུས་ངག་སེམས་གསུམ་པོ་དེའི་གནད་འཆིང་བའི་ཐབས་སྐྱེད་རྫོགས་དང་། ཟུང་འཇུག་གསུམ་ནི་ལམ་གྱི་རིམ་པ་ཡིན་ལ། ལམ་དེ་ཉིད་ཉམས་སུ་བླངས་པ་ལ་བརྟེན་ནས་གནས་སྐབས་ཀྱི་འཁྲུལ་པ་གཟུང་འཛིན་གྱི་ཐ་དད་དུ་སྣང་བ་རྣམ་པར་སྦྱངས་ནས་འཁྲུལ་པ་དེ་གསུམ་གྱི་དྲི་མ་མེད་པའི་སངས་རྒྱས་ཀྱིས་སྙིང་

(༢༨༤)པོའི་ཡོན་ཏན་དྲུག་བཅུ་རྩ་བཞི་མངོན་སུམ་དུ་སྣང་བར་བྱེད་པས་འབྲས་བུ་སྐུ་གསུམ་ཐོབ་པར་བྱེད་པ་ནི་གཞི་ལམ་འབྲས་བུའི་རྒྱུད་རྣམས་ཀྱི་རང་བཞིན་གྱི་འབྲེལ་པ་སྟེ། རང་བཞིན་གྱི་འབྲེལ་པ་འདི་ནི་གཞི་ལམ་འབྲས་བུའི་རྒྱུད་ཐམས་ཅད་ཀྱི་དོན་གྱི་འབྲེལ་པའོ། ཚིག་དོན་འཆད་པའི་སྐབས་འདིར་བདག་གི་བླ་མ་ཐམས་ཅད་མཁྱེན་པའི་བྱང་རྒྱུན་ཇི་ལྟ་བ་བཞིན་ཟབ་མོ་ནང་གི་དོན་ཞེས་བྱ་བའི་མཚན་གྱི་དོན་ཞེས་བྱ་བའི་མཚན་གྱི་དོན་དང་གོ་བསྟུན་ཏེ། གསུམ་ཆོས་ལ་སྦྱར་པའི་བཤད་པ་བྱས་ཀྱི། གཞན་ཡང་བཤད་ཚུལ་མཐའ་ཡས་པས་འཆད་རུང་སྟེ། གཞི་བདེ་གཤེགས་སྙིང་པོའི་གནས་ལུགས་སངས་རྒྱས་ཀྱི་སྐུ་ཡིན་པ་ཤེས་ནས་དེའི་གནད་འཆིང་བ་མ་བཅོས་པའི་ཉམས་ལེན་ལམ་ཡིན་ལ། དེས་གནས་སྐབས་ཀྱི་འཁྲུལ་པར་རང་ངོ་མ་ཤེས་པ་སྦྱངས་ནས་མ་རིག་པའི་དྲི་མ་མེད་པ་འབྲས་བུ་གསར་ཆེན་རིག་གཅིག་གི་སྐུ་ཐོབ་པ་ནི་གཞི་ལམ་འབྲས་བུའི་རྒྱུད་གསུམ་གྱི་འབྲེལ་པ་གཅིག་ཆོས་དང་སྦྱར་བའི་བཤད་པ་ཡིན་ལ། གཞི་ལུས་སེམས་གཉིས་ཆོས་སྐུ་དང་གཟུགས་སྐུ་ཡིན་པ་ཤེས་ནས་དེའི་གནད་འཆིང་བའི་བསྐྱེད་རྫོགས་གཉིས་ནི་ལམ། དེས་གནས་སྐབས་ཀྱི་འཁྲུལ་པ་གཟུང་འཛིན་གཉིས་སྦྱངས་ནས་འབྲས་བུ་སྐུ་གཉིས་ཐོབ་པར་བྱེད་པ་ནི་གཞི་ལམ་འབྲས་གསུམ་གྱི་འབྲེལ་པ་གཉིས་ཆོས་དང་སྦྱར་བ་ཡིན་ནོ། གཞི་གནས་སྐབས་བཞི་སྐུ་བཞི་ཡིན་པ་ཤེས་ནས་དེའི་གནད་འཆིང་བ་སྐྱེད་རིམས་རྡོ་རྗེ་བཞིས་བསྐྱེད་པ་དང་། བསྙེན་བསྒྲུབ་ཡན་ལག་བཞིས་བསྒྲུབ་བ་དང་ཧེ་རུ་ཀ་གཙོ་འཁོར་བཞི་པ་དང་ཕྱག་རྒྱ་བཞིས་རྒྱས་འདེབ་པ་སོགས་དང་། རྫོགས་རིམ་ལ་ལས་ཆོས་དམ་ཚིག་ཕྱག་

(༢༨༥)ཆེན་བཞིའི། རྣལ་འབྱོར་ཡན་ལག་དྲུག་པའི་སྐུ་གསུངས་ཐུགས་ཡེ་ཤེས་རྡོ་རྗེའི་ཁྲིད་རིམ་བཞིའམ། ཆོས་དྲུག་གི་རྩ་བའི་གདམས་པ་བཞིའམ། དགའ་བ་བཞི་དང་སྟོང་པ་བཞིའམ། དྲན་པ་དྲན་མེད་སྐྱེ་མེད་བློ་འདས་ནས་ཉམས་སུ་ལེན་པ་ནི་ལམ་དང་། དེས་གནས་སྐབས་བཞིའི་འཁྲུལ་པ་གཉིད་རྨི་ཆགས་སོགས་བཞི་ཆོས་རྣམས་སྦྱངས་ནས་སྐུ་བཞི་ལ་སོགས་པ་བཞི་ཆོས་ཀྱི་འབྲས་བུ་རྣམས་ཐོབ་པར་བྱེད་པ་ནི་གཞི་ལམ་འབྲས་གསུམ་གྱི་འབྲེལ་པ་བཞི་ཆོས་དང་སྦྱར་བའོ། དེ་བཞིན་དུ་གཞི་ལ་ཕུང་པོ་ལྔ་དང་ཉོན་མོངས་པ་ལྔ་ལ་སོགས་པ། ལམ་བསྐྱེད་རིམས་ལ་མངོན་བྱང་ལས་བསྐྱེད་དང་ལྷ་གཙོ་འཁོར་ལྔ་པའི་སྒྲུབ་ཐབས། རྫོགས་རིམས་ལ་རིག་ལྔ་དང་ཡེ་ཤེས་ལྔའི་རྫོགས་རིམས་དང་རིམ་ལྔ་ལ་སོགས་པ་དང་། འབྲས་བུ་སྐུ་ལྔ་དང་ཡེ་ཤེས་ལྔ་ལ་སོགས་པ་སྦྱར་བ། ལྔ་ཆོས་ཀྱི་འབྲེལ་དང་། གཞི་ལ་ཕུང་པོ་དྲུག་ཁམས་དྲུག་རྩ་ཉོན་དྲུག་ལ་སོགས་པ་དང་། ལམ་བསྐྱེད་རིམས་ལ་ལྷ་གཙོ་འཁོར་དྲུག་དྲུག་པ་དང་རྫོགས་རིམས་རྣལ་འབྱོར་ཡན་ལག་དྲུག །ནཱ་རོའི་ཆོས་དྲུག་ལ་སོགས་དང་། འབྲས་བུ་རིག་དྲུག་ལ་སོགས་པ་དྲུག་ཆོས་དང་། སྦྱར་བའི་འབྲེལ་ནས་མཐའ་ཡས་པའི་བར་དུ་སྦྱར་བའི་འབྲེལ་རྣམས་ཀྱང་ཤེས་བར་བྱའོ། གཉིས་པ་ལ། སྤྱིའི་དོན་དང་། ཡན་ལག་གི་དོན་གཉིས་ལས། དང་པོ་ལ་གཉིས། བཤད་བྱའི་ལུང་བཀོད་པ་དང་། ལུང་དོན་གཏན་ལ་ཕབ་པའོ། དང་པོ་ནི། གསང་བ་འདུས་པའི་རྒྱུད་ཕྱི་མ་ལས། རྒྱུད་ནི་རྒྱུན་ཅེས་བྱ་བར་བརྗོད། རྒྱུན་དེ་རྣམ་པ་གསུམ་དུ་འགྱུར། གཞི་དང་རང་བཞིན་

(༢༨༦)བཞི་དང་ནི། མི་འཕྲོག་པ་ཡི་རབ་དབྱེ་ལས། རང་བཞིན་རྣམ་པ་རྒྱུ་ཡིན་ཏེ། དེ་བཞིན་མི་འཕྲོག་འབྲས་བུའོ། གཞི་ནི་ཐབས་ཤེས་བྱ་བ་སྟེ། གསུམ་གྱིས་རྒྱུད་ཀྱི་དོན་བསྡུས་པའོ། ཞེས་དང་། ཨ་བྷ་ཡཱ་ཀ་རས་མན་ངག་སྙེ་མར་ཀྱང་། རྒྱུད་ནི་རྒྱུན་ཞེས་བྱ་བར་བརྗོད། རྒྱུད་དེ་རྣམ་པ་གསུམ་འགྱུར་ཏེ། རྟེན་དང་དེ་བཞིན་རང་བཞིན་དང་། མི་འཕྲོག་པ་ཡིས་རབ་ཏུ་ཕྱེ། ཞེས་པས་ནི་མདོར་བསྟན་པའི་ཚིག་རྣམས་རྒྱས་པར་གསུངས་བ། རང་བཞིན་བཅོས་མིན་རྒྱུ་ཡིན་ཏེ། དེ་བཞིན་མི་འཕྲོག་འབྲས་བུ་ལ། རྟེན་ནི་ཐབས་ཤེས་བྱ་བ་སྟེ། གསུམ་གྱི་རྒྱུད་དོན་བསྡུས་པའོ། ཞེས་གསུངས་སོ། དངོས་པོ་རྣམས་སྟོང་པ་ཀྱི་ངོ་བོ་ནི། རང་བཞིན་ལ་མ་བཅོས་པ་ཞེས་པ་དང་། དོན་གཞན་མིན་ཏེ། ངོ་བོ་ཉིད་ཅེས་ངག་གི་དོན་ནི་རྒྱུད་ཉེ་བར་ལེན་པའི་རྒྱུད་ནི་རྒྱུའི་རོ་འཛིན་པའོ། གོང་དུ་འདི་དག་གི་ཐོག་མ་མེད་པའི་བག་ཆགས་ཀྱི་དྲི་མ་དང་བཅས་པ་དང་། དེ་ཉིད་ཀྱི་སངས་རྒྱས་འགྲུབ་པས་དྲི་མ་དང་བྲལ་བ་ཐོབ་པའི་མཚན་ཉིད་ཀྱི་སངས་རྒྱས་ཀྱི་རྒྱུ་ཞེས་པའི་དོན་ཏོ། གལ་ཏེ་སྦྱངས་ཀྱང་ཡང་རང་བཞིན་གྱི་འོད་གསལ་བ་མེད་ན་སེལ་བ་བཀླུས་པ་བཞིན་དྲི་མ་མེད་པར་མི་འགྱུར་ཏེ། དེ་ཉིད་འཕགས་པ་བྱམས་པས་གསུངས་པ་ནི། དེ་བཞིན་ཉིད་དག་ལས་རྒྱུད་པར། ཀུན་ལ་ཁྱབ་པར་ཡོད་མིན་པར། དེ་ཕྱིར་དེ་བཞིན་གཤེགས་ཉིད། ལུས་ཅན་དེའི་སྙིང་པོ་ཅན། ཞེས་གསུངས་སོ། རྒྱུད་དེ་བློ་བུར་གྱི་

(༢༨༧)དྲི་མས་མ་གོས་པ་དྲི་མ་མེད་པ་ཐོབ་པའི་མཚན་ཉིད་ཀྱི་འབྲས་བུ་རྡོ་རྗེ་འཛིན་པ་ཆེན་པོའི་མི་འཕྲོག་པར་བརྗོད་དེ། བག་ཆགས་ཀྱི་དྲི་མས་མི་འཕྲོག་པའི་ཕྱིར་རོ། འཕྲོག་པ་ནི་ཡང་དག་པར་བསྡུས་པས་ན་འཕྲོག་པའི་བསྡུས་པའོ། དྲི་མ་མེད་པ་ཐོབ་པའི་ཐབས་ཀྱི་ལྷན་གཅིག་བྱེད་པའི་རྐྱེན་ནི་སྐྱེད་པའི་རིམ་པ་དང་རྫོགས་པའི་ངོ་བོ་ལ་ནི་རྟེན་ཞེས་བརྗོད་དེ། དེ་ལ་བརྟེན་ནས་སྐྱེ་བ་དང་གནས་པ་སྟེ་ས་ལ་གྱུ་གྱུ་བཞིན་ནོ། དེའི་རང་བཞིན་དང་བསྟན་བཅོས་ཀྱི་ཕྱག་རྒྱ་ཆེན་པོ་འགྲུབ་པའི་དུས་ཀྱི་ཕྱག་རྒྱའི་སྦྱོར་བ་འཆད་པར་འགྱུར་བ་ལ་རྗེས་སུ་བསྒྲུབ་པའོ། དེའི་ནང་དངོས་ཀྱི་ཐབས་རྫོགས་པའི་རིམ་པ་ལ་དེའི་བརྟེན་ནི་བསྐྱེད་པའི་རིམ་པའོ། དེའི་ཡན་ལག་ནི་ལས་ཚོགས་དང་དབང་བསྐུར་བ་ལ་སོགས་ཏེ། དེ་ལྟར་རྒྱུའི་རྒྱུད་དང་ཐབས་ཀྱི་རྒྱུད་དང་འབྲས་བུའི་རྒྱུད་ཅེས་པ་གསུམ་གྱི་རྒྱུད་རྣམ་པར་ཕྱེ་བས་བསྡུས་སོ། ཞེས་རྒྱས་པར་གསུངས་པ་དང་། སྤྱོད་བསྡུས་ཀྱི་འགྲེལ་པ་ཤཱཀྱ་བཤེས་གཉེན་གྱི་མཛད་པར། དོན་ནི་རྣམ་པར་གསུམ་དུ་འདུས། རྒྱུ་དང་ཐབས་དང་འབྲས་བུའོ། རྒྱུ་ནི་ཐེག་ཆེན་རིགས་ཅན་སྟེ། དགེ་བའི་ཆོས་ཀྱི་རྣམ་པར་བརྒྱན། ཐབས་ནི་རྣམ་པ་གཉིས་ཡིན་ཏེ། དབང་བསྐུར་དེ་ཉིད་སྤྱོད་བཅས། འབྲས་བུ་སྐུ་གསུམ་ཐུན་མོངས་འགྲུབ། ཡང་ན་ཡང་ན་སྤོང་བར་བྱེད་དང་བཅས། ཤེས་དང་། དཔལ་མཆོག་དང་པོ་ལས་ཀྱང་། རྒྱུད་ནི་རྒྱུན་ཅེས་བྱ་བར་བཤད། ཕྱི་མ་ཉིད་ནི་ཐོག་མར་བརྗོད། དེ་ཉིད་གསང་བ་གསང་ཆེན་

(༢༨༨)གྱི་མི་ཁྱབ་དུ་མ་མྱོང་ཡང་མྱོང་བ་པོ་ཡི་བདག་གི་སེམས་འདི་ནི། འདོལ་ནམ་མཁར་ཐིམ་ཞིང་བདེ་ཆེན་གཉིད་འཐུག་གིས་ནོན་རྨི་ལམ་ཅི་ཡང་མྱོར་བ་མེད། ཞེས་གསུངས་པ་བོར་ངེས་དོན་གྱི་གསུངས་རབ་མཐའ་དག་ནས་འབྱུང་ངོ་། གཉིས་པ་རྒྱུད་གསུམ་སོ་སོའི་སྟོན་ནི། རྗེ་ནཱ་རོ་པའི་བཞེད་པས་རྒྱུད་སྡེ་ཐམས་ཅད། གཞི་དངོས་པོའི་གནས་ལུགས། ལམ་གྱི་རིམ་པ། འབྲས་བུ་སྐྱེ་བའི་རིམ་པ་དང་། གསུམ་དུ་བསྡུས་ནས་འཆད་པར་མཛད་པས། དང་པོ་གཞི་རྒྱུད་ལ་ཡང་གཉིས། གཞི་དངོས་དང་། ལམ་གྱི་གཞི་དབང་ངོ་། དང་པོ་ལ་གཉིས། ལུས་དངོས་པོའི་གནས་ལུགས། སེམས་དངོས་པོའི་གནས་ལུགས་སོ། དང་པོ་ལ་གསུམ། ལུས་རྫོགས་པའི་བརྒྱས་སུ་བསྟན་པ། ལུས་ཐབས་དང་ཤེས་རབ་དུ་བསྟན་པ། ལུས་ཀྱི་གནད་བསྟན་པའོ། དང་པོ་ནི། འདུས་པ་ལས། ལུས་ནི་བྱང་ཆུབ་རྣམ་པ་ལྔ། རྩ་དང་བྱང་ཆུབ་སེམས་དང་ནི། མི་གཙང་རྫས་དང་རྣམ་དོག་གིས། ལུས་ཀྱི་ཆོས་ནི་བསྡུས་པ་ཡིན། ཞེས་གསུངས་བ་ལྟར། དང་པོར་སྐྱེ་བའི་ཚེ་མངོན་པར་རྫོགས་པར་བྱང་ཆུབ་པ་ལྔ་ལས་གྲུབ་པའི་ཕྱིར་སྐྱེ་བ་སྤྲུལ་བའི་སྐུ་དང་། བར་དུ་གནས་པའི་ཚེ་རྩ་རླུང་ཐིག་ལེ་ལ་སོགས་པའི་རང་བཞིན་དུ་གནས་ཤིང་གནས་སྐབས་བཞི་དང་སྐུ་ལྔ་དང་ཡེ་ཤེས་ལྔ་ལ་སོགས་པའི་ངོ་བོར་གནས་པའི་ཕྱིར་གནས་པ་ལོངས་སྤྱོད་རྫོགས་པའི་སྐུ་དང་། མཐར་འཆི་བའི་ཚེ་ཡང་སྐུ་ལྔའི་རང་བཞིན་དུ་འཆི་ཞིང་རང་བཞིན་བརྒྱ་བཅུའི་རྟོག་པ་ཆོས་ཀྱི་དབྱིངས་ལ་ཐིམ་ནས་མཁའ་ཁྱབ་ཀྱི་ཏིང་ངེ་འཛིན་མངོན་དུ་བྱེད་པའི་ཕྱིར་

(༢༨༩)འཆི་བ་ཆོས་ཀྱི་སྐུ་སྟེ། འཆི་བའི་དོན་གྱིས་ན་ལུས་རྫོགས་པའི་སངས་རྒྱས་སུ་གྲུབ་བོ། དེ་ལ་ལུས་མངོན་བྱང་ལྔ་ལས་གྲུབ་པའི་ཚུལ་ནི། རྒྱས་པར་དུམ་བུ་གཉིས་པར་རྟག་གི་།།། དཔལ་སྡོམ་པ་འབྱུང་པའི་རྒྱུད་ལས་ཀྱང་། ནུར་ནུར་རང་བཞིན་།།།ནོར་མེར་པོ་ནི་རིན་ཆེན་འབྱུང་། འོད་དཔག་མེད་པ་ལྟར་ལྟར་པོ། །།།རྣམ་པར་སྔར་ནི་བསྟན་པ་ཡིན། ཞེས་གསུངས་སོ། དེ་ལྟར་ལུས་རིགས་ལྔའི་སངས་རྒྱས་ལས་གྲུབ་།།།སངས་རྒྱས་ཉིད་དུ་ཐེ་ཚོམ་མེད།།།།སེམས་ཅན་ས་བཅུའི་།།།དབྱུག་གོ། ཞེས་གསུངས་པས་སོ། །།།ལྔའི་བདག་ཉིད་དུ་གྲུབ་པར་བསྟན་པས་གནས་པའི་ཚེ་།།།གནས་བར་དོན་གྱི་ཐོབ་ཅིང་གཞན་ཡང་པད་པ་དང་རྨི་ལམ་དང་གཉིད་འཐུག་པོ་།།།སོགས་པ་བཞི་ལོངས་སྤྱོད་རྫོགས་བའི་སྐུའི་རང་བཞིན་དུ་གནས་ལ། དེ་བཞིན་དུ་འཆི་བའི་ཚེ་ན་།།།ཆོས་གྱི་སྐུའི་རང་བཞིན་དུ་འཆི་སྟེ། ནཱ་རོ་ཆོས་དྲུག་གི་ཀ་དཔེ་ལས། སྣང་བ་ཐིམ་དང་རྟོག་པ་ཐིམ། ཕྲ་བ་ཐིམ་དང་རག་པ་ཐིམ། ཐིམ་པའི་རྗེས་མ་གོམས་པ་ཡིས། རང་བཞིན་གྱིས་ནི་འདོལ་འཆར། ཞེས་གསུངས་

(༢༩༠)དག་ཏུ། མིང་གསུམ་གྱི་ནི་བསྟན་པ་ཡིན། ཞེས་དང་། དཔལ་ནཱ་རོ་པའི་ལྟ་བ་མདོར་བསྡུས་པ་ལས། འོན་ཀྱང་སེམས་དེ་བློ་བུར་གྱི། རྣམ་རྟོག་དྲི་མས་ཉོན་མོངས་ཏེ། ཆུ་དང་གསེར་དང་ནམ་མཁའ་ལྟར། གནས་སྐབས་དག་དང་ཡང་དག་གཉིས། རང་བཞིན་འོད་གསལ་སེམས་དེ་ལ། དངོས་པོ་སྐྲའི་ཆ་ཙམ་མེད། དཔེར་ན་ནམ་མཁའི་པད་མོ་བཞིན། ཞེས་དང་། རང་རིག་སྤྲོལ་དེ་ཉིད་ནི། འཁོར་བའི་དངོས་པོ་དེ་ཉིད་ངོ་། མྱ་ངན་འདས་པའང་དེ་ཉིད་ཡིན། དབུ་མ་ཆེན་པོ་འང་དེ་ཉིད་ཡིན། མཐོང་བར་བྱ་བའང་དེ་ཉིད་ཡིན། ཐོས་པར་བྱ་བའང་དེ་ཉིད་ཡིན། ཚད་མའི་བདེན་པའང་དེ་ཉིད་ཡིན། རྒྱུ་དང་ཐབས་དང་འབྲས་བུ་ཡི། རྒྱུད་རྣམས་གསུམ་དུ་གྲགས་པ་དང་། གཞི་ལམ་འབྲས་བུར་གྲགས་པ་ཡང་། དེ་ཉིད་ཀྱིས་ནི་གནས་སྐབས་སོ། རྩ་བ་རྣམས་ཀུན་གཞི་དང་། འཁོར་བ་ཇི་སྙེད་ཕུང་པོ་དང་། གཞན་དབང་ཤེས་པ་ལ་སོགས་གྲགས། ཨེ་མ་ཧོ་སེམས་ཉིད་དྲི་མ་དང་བཅས་ཏེ། རྣམ་འཕྲུལ་འགྲོ་བ་དྲུག་ལ་སོགས། ནམ་མཁའི་ཁམས་ཀྱི་མཐའ་ཀླས་པ། སྡུག་བསྔལ་འཁོར་ཡུག་བསམ་ལས་འདས། རྣམ་རྟོགས་དྲི་མ་དང་བྲལ་ནི། རང་རིག་སྤྲོལ་དེ་ཉིད་ནི། མི་གནས་མྱ་ངན་འདས་པ་ཡིན། ཞེས་སོགས་རྣམ་གྲངས་མང་པོ་གསུངས་པའི་འཕྲོགས། ཨེ་མ་ཧོ། སེམས་ཉིད་དྲི་མ་མེད་དེ་ཡི། རྣམ་འཕྲུལ་གཟུགས་སྡུས་བསྡུས་པ་ཡི། ཞིང་

(༢༩༡)ཁམས་རྣམ་པར་དག་པ་དང་། དཀྱིལ་འཁོར་རྣམ་འཕྲུལ་ལ་སོགས་པ། ངོ་མཚར་ཆེ་བའི་རྣམ་འཕྲུལ་དག །ནམ་མཁའི་མཐའ་ཀླས་ཁྱབ་པར་རང་དང་། ཞེས་དང་། གཞུང་ལས། དྲི་མེད་རྒྱལ་པའི་སྙིང་པོ་ནི། མ་དག་དང་མ་དག་དག་པ་དང་། ཤིན་ཏུ་རྣམ་དག་གོ་རིམ་བཞིན། སེམས་ཅན་ལམ་ལ་གནས་པ་དང་། དེ་བཞིན་གཤེགས་རྣམས་རིམ་པ་བཞིན། གསུངས་ཕྱིར་དེ་དོན་རྟོགས་པར་བྱ། ཞེས་དང་། དེའི་འགྲེལ་པར་རྡོ་རྗེའི་ཐེགས་པ་ངོས་བཟུང་བའི་རྗེས་སུ། གནས་འདི་ལ་དྲི་མ་ཐམས་ཅད་ཀྱི་གོས་པ་མེད་པས་ན། དྲི་མ་མེད་པའོ། དེ་ཉིད་སངས་རྒྱས་ཐམས་ཅད་ཀྱི་ངོ་བོ་ཡིན་པས་སངས་རྒྱས་ཀྱི་སྙིང་པོ་ཞེས་བྱའོ། དེ་ལ་གནས་སྐབས་གསུམ་དུ་འགྱུར་ཏེ་མ་དག་པ་དང་བཅས་པ་སེམས་ཅན་གྱི་གནས་སྐབས་དང་། མ་དག་པ་དང་དག་པ་གཉིས་ཀ་ལྡན་པ་ཐམས་ཅད་དུ་ལམ་པའི་གནས་སྐབས་དང་། ཤིན་ཏུ་རྣམ་པར་དག་པ་དེ་བཞིན་གཤེགས་པའི་གནས་སྐབས་དང་། དེ་ལྟར་རྣམ་པ་གསུམ་པོ་འདི་ལ་མིང་གི་ཐ་སྙད་ཀྱི་རྣམ་གྲངས་སུ་གཞི་དང་ལམ་དང་འབྲས་བུ་དང་། གཞི་རྒྱུད་དང་ཐབས་རྒྱུད་འབྲས་བུའི་རྒྱུད་གསུམ་དང་། གཞི་དང་དངོས་པོའི་གནས་ལུགས་དང་ལམ་གྱི་རིམ་པ་དང་འབྲས་བུ་སྐྱེ་བའི་རིམ་བ་ཞེས་བྱ་བ་ལ་སོགས་པ་སྔོན་གྱི་མཁས་གྲུབ་རྣམས་ཀྱི་གསུངས་སོ། ཞེས་དང་། རྒྱལ་བའི་དབང་པོའི་རྡོ་རྗེའི་གསུངས་ལས་ཀྱང་། སྒྲ་འདི་ཐོས་པའི་སྒྱུ་མའི་སྐྱེས་བུ་དག་གི་སྲིད་གསུམ་འཁོར་བའི་རྨི་ལམ་དུ་མ་དང་། ཐར་ལམ་བགྲོད་དང་བྱང་ཆུབ་ཆེན་པོ་ཡིན་ཞེས་སྐུ་དང་ཞིང་ཁམས་འདུལ་བར་བྱ་ལ་སོགས། རྨི་ལམ་བསམ་

(༢༩༢)བསྡུས་ཀྱི་འགྲེལ་པའི་ལུང་། རྐང་པ་དང་པོ་གཉིས་ཀྱི་མདོར་བསྟན་པ་དེ། དང་པོས་དོན་དང་གཉིས་པས་མིང་བསྟན་ཏོ། དེ་ནས་རྐང་པ་དྲུག་གི་གཞི་ལམ་འབྲས་བུའི་རྒྱུད་གསུམ་བཤད་པ་སྟེ། དེ་ཡང་རྐང་ པ་གཅིག་གི་རང་བཞིན་གནས་དོགས ་དང་། དེ་ནས་གཅིག་གི་གཞི་རྒྱུད་ཀྱི་རྒྱས་འགྱུར་གྱི་རིགས་ཏེ་གཞི་རྒྱུད་དང་། དེ་ནས་གཅིག་གི་དབྱེ་བ་དང་། དེ་ནས་གཅིག་གི་དབྱེ་བ་སོ་སོའི་ངོ་བོ་སྟེ་ཐབས་རྒྱུད། དེ་ནས་གཅིག་གི་ངོ་བོ་དང་། དེ་ནས་གཅིག་གི་རྣམ་གྲངས་ཏེ་འབྲས་རྒྱུད་བསྟན་ནོ། དཔལ་མཆོག་དང་པོའི་ལུང་གི་རྐང་པ་དང་པོས་རྒྱུད་ཀྱི་གོ་དོན་དང་། ལྷག་མ་གསུམ་གྱི་རྒྱུད་ཁྱད་པར་ཅན་གྱི་སྒྲ་དོན་བསྟན་ལ། རྡོ་རྗེ་རྩེ་མོའི་ལུང་གི་རྐང་པ་དང་པོས་རྒྱུད་ཁྱད་པར་ཅན་གྱི་སྒྲའི་དོན་དྲིས་ནས། གཉིས་པས་རྒྱུད་ཅེས་པའི་སྒྲ་དོན་དང་། གསུམ་པས་རྒྱུད་སྔ་མ་འཁོར་བ་ལ་བཤད་ཅིང་། དེ་ནས་གཉིས་ཀྱི་རྒྱུད་ཕྱི་མའི་དོན་བཤད། དེ་ནས་བཞིས་འཁོར་འདས་བསྡོམ་པའི་རྒྱུན་རྣམ་པར་།།།སྔ་མ་འཁོར་པའི་རྒྱུད་ལས་བྱུང་བའི་རྒྱུ་མཚན་གྱི་ཕྱེ་མར་བཞག་པ་དང་། དེ་ནས་གཅིག་གི་གོང་དུ་ཕྱི་མའི་དོན་ཕྱི་མའི་ཕ་རོལ་བཤད་ན་ཕ་རོལ་ཕྱིན་མ་ཡིན་པའི་རྒྱུ་མཚན་དུ་ཇི་ལྟར་དུ་འགྱུར་དྲིས་པ་ལ། རྐང་པ་བཞིས་ལན་བཏབ་བོ། གཉིས་པ་ཕྱེ་ཏེ་བཤད་པ་ལ་གསུམ། སྤྱིར་བསྟན་པ། རྒྱུད་གསུམ་སོ་སོའི་དོན། རྗོད་བྱེད་ཚིག་གི་རྒྱུད་བཤད་པའོ། དང་པོ་ནི་རྒྱུད་ཀྱི་སྐད་དོད། ཏནྟྲ་ཞེས་རྒྱུན་ཆགས་པ་ལ་འཇུག་པས། འཆད་པར་འགྱུར་བའི་དེ་བར་གཤེགས་པའི་སྙིང་པོ། གདོད་མའི་མི་ཤིག་པའི་ཐིག་ལེ་ཆེན་པོ་དེ་ཡང་། གཞི་ལམ་འབྲས་བུའི་གནས་

(༢༩༣)སྐབས་ཐམས་ཅད་དུ་རྒྱུན་ཆགས་པའི་དོན་གྱིས། དེ་ལ་རྒྱུད་ཅེས་གསུངས་པའམ་ཡང་ན་ཧསྦ་ཞེས་པའི། ཏ་བུ་ལུས་དང་། ཏྲ་ཡ་སྐྱོབ་པ་ལ་འཇུག་པས་ལུས་སྐྱོབ་པའི་དོན་གྱིས་ན་རྒྱུད་ཅེས་བྱ་སྟེ། བདེ་བར་གཤེགས་པའི་སྙིན་པོའི་བྱིན་གྱི་རླབས་ཀྱི་ལུས་ངག་ཡིད་གསུམ་སྐྱོབ་པར་བྱེད་པས་སམ། ཡང་ན་རྒྱུད་སྡེ་རྣམས་ཀྱི་བརྗོད་བྱའི་དོན་སངས་རྒྱས་ཀྱི་གསུངས་པའི་ཐབས་ཀྱི་ཚོགས་རྣམས་ལ་ལྷན་གཅིག་སྐྱེས་པའི་ཡེ་ཤེས་བསྟན་ནས་ཉམས་ལེན་གྱི་རྩོལ་པས་གཅིག་ཏུ་བསྡུས་ན། སྐྱེས་བུའི་ལུས་སྐྱེ་རྒ་ན་འཆི་ལ་སོགས་པའི་འཚེ་བ་ལས་སྐྱོབ་པའི་དོན་གྱིས་ན་རྒྱུད་ཅེས་བྱ་སྟེ། དཔེར་ན་སྣལ་མའི་ཚོགས་རྣམས་ཐག་ཤ་ལ་རྒྱངས་ནས་སྐྱེས་བུའི་རྩོལ་བས་གཅིག་ཏུ་བསྡུས་ཏེ་སྣམ་བུར་གྲུབ་པ་ན་ལུས་ཚ་གྲངས་ལས་སྐྱོབ་པའི་དོན་གྱིས་ན་ཐག་ལ་ཡང་རྒྱུད་ཅེས་གྲགས་པ་བཞིན་ནོ། ཡང་ན་ཏབྟྲ་ཕྲལ་བའི་ཏ་ར་ན་སྒྲེང་པ་དང་། ཏྲ་ཡ་སྐྱོབ་པ་ལ་འཇུག་པས་བདེ་བར་གཤེགས་པའི་སྙིང་པོའི་མཐུ་ལས་འཁོར་བ་ལས་སྒྲོལ་ཞིང་མཚན་རྟོགས་ལས་སྐྱོབ་པའི་དོན་གྱིས་ན་རྒྱུད་ཅེས་བྱའོ། དེའི་མཚན་གཞི་ནི་ཐ་མལ་གྱི་ཤེས་པ་འདི་ཉིད་ཡིན་ལ། རྣམ་རྟོག་དང་ཡེ་ཤེས་ཆུ་དང་འོ་མ་ལྟར་འདྲེས་པའི་གནས་སྐབས་ལ་གཞི་རྒྱུད་དང་། རྟོགས་པའི་ཚོགས་རྣམ་པར་དག་ནས་ཡེ་ཤེས་ཀྱི་སྐུ་ནམ་མཁའ་ལྟ་བུར་གྱུར་པའི་གནས་སྐབས་སུ་འབྲས་རྒྱུད་ཅེས་བྱ་སྟེ། རྒྱུད་འགྲེལ་པ་དང་བཅས་པའི་ལུང་གོང་དུ་དྲངས་པ་རྣམས་དང་། ཐེག་པ་ཆེན་པོ་རྒྱུད་བླ་མའི་བསྟན་བཅོས་ལས་ཀྱང་། རིགས་ནི་གནས་སྐབས་སུ་

(༢༩༤)ནམ། ཕྱི་མའི་རྒྱུད་ནི་ཡིན་པར་འདོད། ཅེས་དང་། རྣལ་འབྱོར་ཆེན་པོའི་རྒྱུད་རྡོ་རྗེ་རྩོམ་ལས། ཅི་ཕྱིར་འདི་ནི་རྒྱུད་ཕྱི་མ། རྒྱུད་ནི་རྒྱུན་ཆགས་ཤེས་བྱ་སྟེ། འཁོར་བ་རྒྱུད་དུ་འདོད་པ་ཡིན། ཕྱི་མ་ཞེས་བྱ་ཕ་རོལ་སྟེ། རྒྱུད་ནི་ཕྱི་མར་བརྗོད་པ་ཡིན། རྒྱུད་ནི་རྒྱུན་ཆགས་ཤེས་བྱ་སྟེ། ཕྱི་མ་སྔ་མ་ལས་བྱུང་བའི། དེ་ཉིད་གསང་བ་སྦས་ཤེས་པའི། རྒྱུད་ནི་ཕྱི་མར་བརྗོད་པ་མིན། ཅི་ཕྱིར་རྒྱུད་དང་ཕྱི་མ་ལགས། ས་མཐར་ཕྱིན་པའི་རྒྱལ་བའི་མཆོག །སྲིད་པའི་གཙོན་ར་ལས་རྒལ་ཡིན། ཡང་ན་གང་ཞིག་ཞལ་གྱུར་པ། རྒྱུད་ཀྱི་ཕྱི་མ་ཡིན་པར་བཤད། ཅེས་སོགས་རྒྱུད་འགྲེལ་རྣམས་ལས་རྒྱ་ཆེར་གསུངས་སོ། གཉིས་པ་ལ་གཉིས། བསྡུས་སྟེ་བསྟན་པ་དང་། ཕྱེ་ཏེ་བཤད་པའོ། དང་པོ་ནི། ལུས་ཀྱི་རྒྱུད་ཕྱི་མའི་ལུང་། རྒྱུད་ནི་ཞེས་སོགས་ཚིགས་བཅད་གཅིག་གི་མདོར་བསྟན་ལ། དེ་ཡང་། རྐང་པ་དང་པོས་རྒྱུད་ཀྱི་སྒྲའི་དོན་དང་། དེ་ནས་གཅིག་གི་རྒྱུད་གསུམ་གྱི་དབྱེ་བ་དང་། དེ་ནས་གཉིས་ཀྱི་དབྱེ་བའི་རང་།།།དེ་ནས་ཚིགས་བཅད་གཅིག་གི་རྒྱས་པར་བཤད་ཅིང་དོན་བསྡུས་པ་སྟེ། དེ་ཡང་རྐང་པ་དང་པོས་གཞི་རྒྱུ་དང་། གཉིས་པས་འབྲས་རྒྱུད་དང་། གསུམ་པས་ཐབས་རྒྱུད་ངོས་བཟུང་། རྐང་པ་ཐ་མས་དོན་བསྡུས་སོ། མན་ངག་སྙེ་མ་ལས་ཀྱང་། ལུང་དེ་ཉིད་བཤད་པའི་ཕྱིར། ཐོག་མར་ལུང་གི་གཞུང་འཚམ་སོ་སོར་ཕྱེ་ནས། དངོས་པོ་རྣམ་ཤེས་ས་ནས་བྱང་སེམས་བར་གྱིས་

(༢༩༥)གཞི་རྒྱུད་དང་། རྒྱུ་དེ་ཞེས་པ་ནས་བསྡུས་པོའི་ཞེས་པའི་བར་ཀྱི་འབྲས་རྒྱུད་དང་། དྲི་མ་།།།པ་ཞེས་།།།ཐབས་རྒྱུད་ངོས་བཟུང་། དེ་ལྟར་སོག་ཀྱི་དོན་བསྡུས་སོ། དེ་ཡང་གཞི་བརྒྱུད་གྱི་གནས་སྐབས་སུ་ཆོས་ཐམས་ཅད་ཀྱི་གནས་ལུགས་དེ་ཁོ་ན་ཉིད་བདེ་བར་གཤེགས་པའི་།།།གནས་སྐབས་ཐམས་ཅད་དུ་རྒྱུན་ཆགས་པའི་ཕྱིར་གཞི་དུས་ཀྱི་བདེ་གཤེགས་སྙིང་པོ་དེ་ཉིད་།།།རྒྱུ་རྡོ་རྗེ་འཛིན་བསམ། གཞི་རྒྱུད་དུ་།།།བསྡུད་ཡིན་པའི་སྒྲུབ་བྱེད་དུ་།།།བྱས་པའི་ལུང་དྲངས་སོ། འབྲས་རྒྱུད་།།།དྲི་མ་དག་པའི་འབྲས་བུ་རྡོ་རྗེ་འཛིན་པའམ། འབྲས་རྒྱུད་ཡིན་པའི་།།།བག་ཆགས་ཀྱི་དྲི་མས་མི་འཕྲོག་པ་བཀོད་ཅིང་། དྲི་མས་འཕྲོག་མི་འཕྲོག་གི་དོན། །།ཐབས་ཀྱི་སྐབས་སུ་གཞི་རྒྱུད་ཀྱི་དྲི་མ་སྦྱར་བ་།།།རྡོ་རྗེ་ཐབས་རྒྱུད་དུ་འཇོག་མ་དེ་།།།དེ་ལ་བརྟེན་ནས་སྤངས་རྟོགས་ཀྱི་ཡོན་ཏན་སྐྱེ་སྙིང་པོ་གནས་པ་བཀོད་ལ། ས་ལ་མྱུ་ཁུ་སྐྱེལ་པ་།།།དང་པོ་རྒྱུ་དང་བརྒྱུད་རྒྱུའི་སྒོ་ནས་སྐྱེད་རྫོགས་ཀྱི་ཁྱད་པར་ཅུང་ཟད་ཀྱང་གསུངས་སོ། སྤྱོད་

(༢༩༦)འབྱུང་བ་སོགས་བསྡུད་མའི་རིམ་པའང་སྡོམ་འབྱུང་ལས། སེམས་ཅན་རྣམས་ནི་འཆི་བ་ནི། ཡན་ལག་ཉིང་ལག་ཐམས་ཅད་ཀྱི། རླུང་ནི་ཐམས་ཅད་བསྡུས་བར་འགྱུར། སྐད་གཅིག་རེ་ལ་ལོ་རྟོགས་འདོར། ཆུ་ནི་རྟག་ཏུ་སྐམས་གྱུར་ནས། ཚིགས་དང་ཚིག་ནི་ཐམས་ཅད་དུ། དེ་ལས་ཚོགས་མེད་བར་འགྱུར། ཞེས་སོ། དེ་ལྟར་ཕྲ་རག་དང་སྣང་མཆེད་ཐོབ་གསུམ་འདོལ་ལ་ཐིམ་པས་གཞིའི་འདོལ་མཆེད་ཡ་གཅིག་ཚར་ཏེ་འཆི་བ་དོན་དམ་པའི་བདེན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཀྱང་བྱའོ། དེ་ངོ་མ་ཤེས་ཤིང་བདུན་ཡིད་གཡོས་པས་རྣམ་པར་ཤེས་པ་སྒོ་དགུ་པ་ཕྱུང་ནས་ཐོན་ཏེ་བར་དོའི་སྣང་བ་མངོན་དུ་བྱེད་བར་འགྱུར་རོ། ཇི་སྐད་དུ་སྡོམ་འབྱུང་ལས། ཐོག་མེད་དུས་ཀྱི་ཉོན་མོངས་ཀྱི། བག་ཆགས་རབ་ཏུ་བསགས་བྱས་པས། དེ་ཕྱིར་སྔོན་བྱས་ལས་ཀྱི་ནི། སྐྱེ་དང་འཆི་བ་ཡང་དག་འབྱུང་། ཚོགས་པ་མ་རྙེད་དེ་སྲིད་དུ། ཞག་བདུན་བར་དོའི་སྲིད་པར་གནས། ཞེས་སོགས་གསུངས་སོ། བར་དོ་དེ་ཡང་ཆོས་དྲུག་གི་ཀ་དེས་ལས། འཆི་བ་སྟོང་པ་ཆོས་སྐུ་ལ་བར་མ་དོར་ནི་ལོངས་སྤྱོད་རྫོགས། ཤེས་གསུངས་པ་ལྟར། ལོངས་སྤྱོད་རྫོགས་པ་སྒྱུ་ལུས་ཀྱི་སྐུར་གྲུབ་པའི་ཕྱིར། ལུས་རྫོགས་པའི་སངས་རྒྱས་སུ་གཏན་ལ་ཕབ་པའོ། གཉིས་པ་ལུས་ཐབས་འཁྲེབ་ཏུ་གཏན་པ་ཕབ་པ་ནི། ལུས་གྲུབ་པའི་དུས་ན་ཕ་ནི་ཐབས། མ་ནི་ཤེས་རབ། དེ་བཞིན་དུ་དཀར་ཆ་དང་དམར་ཆ་ཐབས་ཤེས་ཁམས་ལྔ་དང་བར་དོའི་རྣམས་ཤེས་ཐབས་ཤེས་སོ། གནས་

(༢༩༧)པའི་ཚེས་།།། །ཤ་ཁྲག་ལ་སོགས་མ་ཐོབ་པ་རྣམས་ཐབས་ཤེས་སྣོད་བཅུ་།།།དེའི་རང་བཞིན་སྟོང་པ་ཉིད་ཐབས་ཤེས་ཡི་གེ་དང་རྩ་ཐབས་ཤེས་ལ་།།། འཆི་བའམ་ཚེ་ཐིམ་རིམ་དང་འོད་གསལ་བ་ཐབས་ཤེས་ཏེ། ཀྱེ་རྡོར་ལས། ཟླ་བ་དང་ཉི་མ་དང་ཤེས་རབ་དང་ཐབས་སོ། ཤེས་གསུངས་སོ། །།། དེ་ལྟར་ལུས་ནི་རྫོགས་པའི་སངས་རྒྱས་ཡིན་ཞིང་། ཐབས་ཤེས་ཀྱི་རང་བཞིན་ཀྱང་ཡིན་བ་ལ་རང་ངོ་མ་ཤེས་པའི་དབང་ལས་ཡེ་གཙང་པའི་དབུས་སུ་།།།སྣང་པ་དེ་ཡང་རྩ་རླུང་ཐིག་ལེ་བོག་སུ་གྲུབ་པས་རྩ་སྟོང་ཕྲག་བདུན་བཅུ་རྩ་གཉིས་ལ་སོགས་པ་རྣམས་སུ་ལས་དང་ཡེ་ཤེས་ཀྱི་རླུང་དང་སྙིགས་དང་ཡེ་ཤེས་ཀྱི་ཐིག་ལེ་རྣམས་དཔའ་བོ་དང་ཌ་ཀིའི་བདག་ཉིད་དུ་གནས་པ་དང་རྒྱུ་བའི་རིམ་པ་ཕྱིན་ཅི་མ་འདོག་པར་ཤེས་བར་བྱས་ནས་གནད་བཅིངས་པས་ལུས་སྤྲུལ་པའི་སྐུ་དང་། ངག་ལོངས་སྤྱོད་རྫོགས་པའི་སྐུར་རྣམ་པར་དག་པར་འགྱུར་བ་ནི་འདུས་ཀྱི་གནོད། གཉིས་པ་སོགས་དངོས་པོའི་གནས་ལུགས་ནི། ཀྱཻ་རྡོར་ལས། སེམས་ཅན་རྣམས་ནི་སངས་རྒྱས་ཉིད། འོན་ཀྱང་བློ་བུར་དྲི་མས་སྒྲིབ། ཤེས་གསུངས་པ་ལྟར། གདོད་མ་ནས་བློ་བུར་གྱི་དྲི་མ་དང་ལྷན་གཅིག་ཏུ་འགྲོག་ཀྱང་དྲི་མ་དེས་ཅུང་ཟད་ཀྱང་མ་གོས་མའི་སེམས་ཀྱི་ཆོས་སྤྲོས་བ་ཐམས་ཅད་ཞི་བའི་དེ་ཁོ་ན་ཉིད་ནི་གཞིའི་དུས་ཀྱི་བདེ་བར་གཤེགས་བའི་སྙིང་པོ་སྟེ། སྒྲིབ་པ་མཐའ་དག་དང་བྲལ་བའི་སེམས་ཀྱི་ཆོས་ཉིད་སྤྲོས་

(༢༩༨)བ་ཐམས་ཅད་ཞི་བའི་དེ་ཁོ་ན་ཉིད་ནི་གཞིའི་དུས་ཀྱི་བདེ་བར་གཤེགས་པའི་སྙིང་པོ་སྟེ་ཞི་གཅིག་དྲ་བ་ལས་འདས་པའི་དེ་ཁོ་ན་ཉིད་འདི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་ཡིན་པའོ། བདེ་བར་གཤེགས་པའི་སྙིང་པོ་དེས་ནི་སེམས་ཐམས་ཅད་ལ་དབྱེ་བ་མེད་པར་ཁྱབ་སྟེ། ཏིང་ངེ་འཛིན་རྒྱལ་པོ་ལས། བདེ་བར་གཤེགས་སྙིང་པོས་འགྲོ་ཀུན་ཡང་ལ་ཁྱབ། འདི་ན་སྣོད་མིན་སེམས་ཅན་གང་ཡང་མེད། ཅེས་གསུངས་སོ། དེས་ན་ལུས་ངག་ཡིད་གསུམ་ཀའི་གནས་ལུགས་དེ་ཁོ་ན་ཉིད་རང་ལྡོག་གི་སྒོ་ནས་སོ་སོར་མ་ཕྱེ་བར་སྣང་སྲིད་དང་འཁོར་འདས་ཐམས་ཅད་ཀྱི་ཁྱབ་བདག་གདོད་མའི་མི་ཤིག་བའི་ཐིག་ལེ་ཆེན་པོ་མ་རིག་པའི་སྦུབས་སུ་སོན་པ་དེ་ཉིད་མ་རིག་པའི་སྦུབ་དེ་ལས་གྲོལ་བ་ནས་སངས་རྒྱས་ཀྱི་སྐུ་ཡེ་ཤེས་སུ་རྣམ་པར་དག་པར་འགྱུར་པའི་ཕྱིར། སངས་རྒྱས་སྒྲུབ་པའི་གཞི་ཡིན་པས་ན་གཞི་དང་རྒྱུན་ཆགས་པས་ན་རྒྱུད་དེ། གཞིའམ་རྒྱུད་ཕྱིན་ཅི་མ་ལོག་པར་དེས་བཟུང་བ་ཡིན་ནོ། གཉིས་པ་ལམ་གྱི་གཞི་དབང་ལ། ངོ་བོ་ནི་ལུས་ངག་ཡིད་གསུམ་མ་སྨིན་པ་སྨིན་པར་བྱེད་པའི་ཐབས་ཁྱད་པར་ཅན་ནོ། ངེས་ཚིག་ནི་ལུས་ངག་ཡིད་གསུམ་གྱི་དྲི་མ་འཁྲུ་བ་དང་རྣམ་རྟོག་གཏོར་བ་དང་། ཡེ་ཤེས་དྲུག་པ་དང་སྐལ་པ་འཇོག་པས་དབང་ཞེས་བྱ་སྟེ། ཀྱཻ་རྡོར་ལས། གཏོར་དང་བླུག་པ་ཞེས་བྱ་འདིས། དེས་ན་དབང་ཞེས་བརྗོད་པར་བྱ་ཞེས། དབྱེ་ན་བུམ་པ་སོགས་དབང་བཞིའམ། དུས་འཁོར་ལས་བཅུ་གཅིག་ཏུ་གསུངས་སོ། དབང་བསྐུར་བའི་དགོས་པ་ནི། གསང་བ་མཛོད་ཀྱི་རྒྱུད་ལས། ཡང་དག་དབང་བསྐུར་སྦྱིན་བཞིན་

(༢༩༩)ན། སྐྱེ་ཞིང་སྐྱེ་བ་ཐམས་ཅད་དུ། ཡང་དག་དབང་བསྐུར་སྦྱིན་ལྡན་ཞིང་། དེ་ཡི་སྐྱེ་བ་བདུན་པ་ལ། མ་བསྒྲུབ་པར་ཡང་དངོས་གྲུབ་འགྱུར། ཞེས་སོ། དེ་ལྟར་བསྟན་པའི་དབང་འདི་ལམ་གྱི་གཞི་ཡིན་པའི་ཆ་ནས་གཞི་ཞེས་བཏགས་ཀྱི་རང་གི་ངོ་བོའི་སྒོ་ནས་ལམ་ཡིན་ཏེ། ལུས་སེམས་ཀྱི་དོན་རྟོག་པར་བྱེད་པའི་ཐབས་ཁྱད་པར་ཅན་གྱི་སྨིན་བྱེད་ཡིན་པས་སོ། ཇི་སྐད་དུ་རྡོ་རྗེ་རྩོ་མོ་ལས་སྨིན་པ་དང་ནི་གྲོལ་བའི་ལམ། སངས་རྒྱས་བྱང་ཆུབ་སེམས་དཔའ་མཆོག །ཅེས་གསུངས་སོ། གཉིས་པ་ལམ་གྱི་རིམ་པ་ནི། སྒྲིབ་པ་དག་བྱེད་ཀྱི་ཐབས་སུ་གྱུར་པ་དང་པོ་སྐྱབས་འགྲོ་ནས་རྡོ་རྗེ་ལྟ་བུའི་ཏིང་ངེ་འཛིན་ལ་ཐུག་གི་བར་གྱི་ལམ་ལྔ་རྗེས་མཐུན་པ་དང་བཅས་པ་རྣམས་དང་ས་བཅུ་ལ་སོགས་པ་ཐམས་ཅད་ལམ་གྱི་རིམ་པ་ཡིན་མདོ་ཀྱི། བྱེ་བྲག་དུ་སྐབས་འདིར་ནི་བསྐྱེད་པའི་རིམ་པ་དང་། རྫོགས་པའི་རིམ་པ་སྟེ། ཀྱཻ་རྡོར་ལས། སྐྱེད་པའི་རིམ་པ་ཉིད་དང་ནི། རྫོགས་པ་ཡང་ནི་རིམ་པ་ནི། རིམ་གཉིས་མཉམ་པར་གནས་ནས་ནི། རྡོ་རྗེ་ཅན་གྱི་ཆོས་འཆད་དོ། ཞེས་དང་། འདུས་པ་ལས། སངས་རྒྱས་རྣམས་ཀྱི་ཆོས་བསྟན་པ། རིམ་པ་གཉིས་ལ་ཡང་དག་བརྟེན། སྐྱེད་པ་ཡི་ནི་རིམ་པ་དང་། དེ་བཞིན་རྫོགས་པའི་རིམ་ཉིད་དེ། ཞེས་གསུངས་པས་སོ། དེ་ཡང་སྐྱེད་རིམས་ཀྱི་སྐྱེ་སྲིད་སྦྱོང་ཞིང་རྫོགས་རིམ་ཀྱི་འཆི་སྲིད་སྦྱོང་བའི་སྒོ་ནས། ཚེ་གཅིག་ལ་སངས་རྒྱས་པར་བྱེད་དེ། རིམ་ལྔ་ལས། གང་ཞིག་སྐྱེ་བ་ཀུན་རྫོབ་བདེན་པ་ཏེ། འཆི་བའི་

(༣༠༠)དོན་ཡང་དོན་དམ་བདེན་པར་འདོད། རིམ་གཉིས་འདི་དག་བླ་མའི་དྲིན་ལས་ནི། རྙེད་པ་འདི་ཀ་མ་འོངས་སངས་རྒྱས་ཡིན། ཞེས་གསུངས་པ་ལྟ་བུའོ། དེ་ལྟར་རིམ་པ་གཉིས་ཉམས་སུ་བླང་པ་ལས་བྱུང་བའི་ཡོན་ཏན་གྱི་ཆོས་རྣམས་འབྲས་བུར་བརྗོད་པ་ཡིན་པ་ལས། གསུམ་པ་འབྲས་བུ་སྐྱེ་བའི་རིམ་པ་ལ་གསུམ་སྟེ། སྐྱེད་རིམ་ཀྱི་འབྲས་བུ་དང་། རྫོགས་རིམ་གྱི་འབྲས་བུ་དང་། གཉིས་ཀའི་མཐར་ཐུག་གིས་འབྲས་བུའོ། དང་པོ་ནི། ལུས་ཐ་མལ་དུ་འཛིན་པའི་ཞེས་པ་སྤངས་ཞིང་ཕྲིན་ལས་ཆེན་པོ་དང་འགྲན་ཚགས་རྣམས་འགྲུབ་པ་གཞན་གྱི་དོན་བྱེད་པའོ། གཉིས་པ་ལ། རྟགས་དང་ཡོན་ཏན་གཉིས་ལས། དང་པོ་ནི། དུས་སོགས་ཀྱི་རྟག་བཅུ་དང་། །།།ལས་སུ་རུང་ཞིང་དབང་ཐོབ་པ་དང་། མངོན་ཤེས་འཆར་ཞིང་ཡེ་ཤེས་ཀྱི་རླུང་དབུ་མར་ཟིན་པ་ལ་སོགས་པའོ། གཉིས་པ་ལ། ཐུན་མོང་བ་དང་།།།།མ་ཡིན་པའོ། དང་པོ་ཐུན་མོང་བ་ནི། ལྟ་སྟངས་བཞི་དང་གྲུབ་པ་བརྒྱད་ལ་སོགས་པ་སྟེ། ཀྱཻ་རྡོར་ལས། ལྟ་སྟངས་བཞི་པོ་གྲུབ་ནས་ནི། ཞེས་དང་། གྱུར་ལས། མིག་སྨན་དང་ནི་རྐང་མགྱོག་དང་། རལ་གྲིས་འགོ་རབ་ཕབ་པ་དང་། རིལ་བུ་མཁའ་ལ་སྤྱོད་པ་དང་། མི་སྣང་བ་དང་བཅུད་ཀྱི་ལེན། ཞེས་གསུངས་པས་སོ། ཐུན་མོང་མ་ཡིན་པའི་ཡོན་ཏན་ནི། གསང་གནས་ནས་གཙུག་གཏོར་གྱི་བར་དུ་རྩ་རླུང་བྱང་སེམས་རིམ་ཀྱི་བརྟེན་པས་བཅུ་གཉིས་ཐོབ་པར་གྱུར་པ་རྣམས་ཏེ། དེ་ཡང་གསང་བའི་རྡོ་རྗེ་ནོར་བུས་རྒྱན་གྱི་རྩ་བཞིར། ལས་རླུང་སྟོང་བརྒྱད་བརྒྱ་དང་། གྲངས་དེ་དང་མཉམ་པའི་རྣམ་རྟོག་དང་

(༣༠༡)ཁུ་བ་འཕོ་བ་རྣམས་འགགས་ཤིང་། དེ་ཉིད་དུ་མི་འགྱུར་བའི་བདེ་བ་སྐད་གཅིག་དང་། ཡེ་རླུང་དང་། ཡེ་ཤེས་ཀྱང་གྲངས་དེ་ཙམ་རེ་འཕེལ་བས་མོས་སྤྱོད་ཀྱི་ས་མཐར་ཕྱིན་པར་འགྱུར་ལ། གསང་གནས་ཀྱི་འཁོར་ལོ་རླུང་དང་རྟོག་པ་རག་པ་དང་། ཐིག་ལེ་སྐ་བ་གྲངས་དེ་ཙམ་གཅིག་འགག་ཤིང་ཡེ་རླུང་སོག་གྲངས་དེ་ཙམ་ཞིག་འཕེལ་བས་ས་རབ་ཏུ་དགའ་བ་དང་། འཁོར་ལོ་དེ་ཉིད་དུ་རླུང་རྟོགས་ཕྲ་བ་གྲངས་དེ་རྙེད་གཅིག་དང་ཐིག་ལེ་སླ་བ་གྲངས་དེ་ཙམ་ཞིག་འགག་ཤིང་། ཡེ་རླུང་དེ་ཙམ་ཞིག་འཕེལ་བས་དྲི་མ་མེད་པ་མཐར་ཕྱིན་པར་འགྱུར་རོ། དེས་ན་གསང་འཁོར་དུ་རླུང་རྟོགས་པ་ཕྲ་རག་ཐིག་ལེས་སྐ་སླ་དྲིལ་བས་སུམ་སྟོང་དྲུག་བརྒྱ་འགགས་ཤིང་ཡེ་རླུང་སོགས་སུམ་སྟོང་དྲུག་བརྒྱ་འཕེལ་བས་ས་གཉིས་ཐོབ་པ་དེ་བཞིན་དུ། ལྟེ་བའི་འཁོར་ལོར་རླུང་ཡོག་སུམ་སྟོང་དྲུག་བརྒྱ་འགགས་ཤིང་ཡེ་རླུང་སོགས་སུམ་སྟོང་དྲུག་བརྒྱ་འཕེལ་བས་ས་འོད་བྱེད་པ་དང་འོད་འཕྲོ་བ་ཐོབས་པ། སྙིང་གའི་འཁོར་ལོར་སུམ་སྟོང་དྲུག་བརྒྱ་འགག་འཕེལ་དེ་ལྟ་བུས་པ་སྦྱངས་དགའ་བ་དང་མངོན་དུ་གྱུར་པ་ཐོབ་ཅིང་། མགྲིན་པའི་འཁོར་ལོར་སུམ་སྟོང་དྲུག་བརྒྱའི་འགགས་འཕེལ་དེ་ལྟ་བུས་སྙིང་དུ་སོང་བ་དང་ས་མི་གཡོ་བ་ཐོབ་སྟེ། སྤྱི་བོའི་འཁོར་ལོར་སུམ་སྟོང་དྲུག་བརྒྱའི་འགག་འཕེལ་དེ་ལྟ་བུ་ས་ལེགས་པའི་བློ་གྲོས་དང་ས་ཆོས་ཀྱི་སྤྲིན་ཐོབ་བོ། གཙུག་གཏོར་གྱི་འཁོར་ལོ་ལས་རླུང་དང་རྣམ་རྟོག་གི་ཐིག་ལེ་འཕོ་བ་རྣམས་བརྒྱད་བརྒྱ་འགགས་ཤིང་ཡེ་རླུང་སོགས་གྲངས་དེ་རྙེད་གཅིག་འཕེལ་བས་མོས་སྤྱོད་ནས་བགྲངས་བའི་ས་བཅུ་གཉིས་པ་སངས་རྒྱས་ཀྱི་ས་ཐོབ་པར་འགྱུར་ཏེ། མཆོག་

(༣༠༢)གི་དང་པོའི་སངས་རྒྱས་ལས། མཆོག་ཏུ་མི་འགྱུར་ཉི་ཁྲི་དང་། སྟོང་ཕྲག་གཅིག་དང་དྲུག་བརྒྱ་ཡིས། སྐད་གཅིག་གཅིག་རྫོག་རྒྱལ་པོ་ཀྱཻ། རང་ཉིད་རྡོ་རྗེ་སེམས་དཔར་འགྱུར། ཞེས་བྱ་བ་གསུངས་སོ། དེ་ནས་རྒྱལ་མཚན་རྩ་བཞི་ནས་གཙུག་གཏོར་འཁོར་ལོའི་བར་དུ་སྐྱོན་ཉི་ཁྲི་ཆིག་སྟོང་དྲུག་བརྒྱ་འགགས་ཤིང་། ཡོན་ཏན་ཉི་ཁྲི་གཅིག་སྟོང་དྲུག་བརྒྱ་འཕེལ་བ་རྣམས་སོ། གསུམ་པ་ལ་གཉིས། མཐར་ཐུག་གི་འབྲས་བུ་ནི། སྐུ་བཞི་ཡེ་ཤེས་ལྔ་དབང་ཕྱུག་གི་ཡོན་ཏན་བརྒྱད་དང་ལྡན་པའི་རིགས་དྲུག་པ་རྡོ་རྗེ་འཆང་ཆེན་པོའོ། དེ་ལ་སྐུ་བཞི་ནི། སྤྲུལ་པའི་སྐུ་དང་ལོངས་སྤྱོད་རྫོགས་པའི་སྐུ་དང་ཆོས་ཀྱི་སྐུ་དོང་ངོ་བོ་ཉིད་ཀྱི་སྐུའོ། དང་པོ་ནི། སྦྱང་གཞི་ལུས་ཀྱི་སྟེང་དུ་སྦྱོང་བྱ་ཐ་མལ་པའི་རྣམ་རྟོགས། སྦྱོར་བྱེད་བསྐྱེད་རིམས་ཀྱི་སྦྱངས་པས། འཇུག་པའི་རྣམ་པར་ཤེས་པ་དྲུག་གནས་གྱུར་ནས་ཞིང་ཁམས་སྣ་ཚོགས་པར་གདུལ་བྱ་དག་མ་དག་སྣ་ཚོགས་ལ། གང་ལ་གང་འདུལ་གྱི་གཟུགས་ཀྱི་སྒྱུར་སྣང་བའོ། གཉིས་པ་ནི། སྦྱང་གཞི་ངག་གི་སྟེང་དུ་སྦྱང་བྱ་།།།ལྟར་ཞེན་གྱི་རྣམ་རྟོག་སོགས་གཉིས་སྣང་གི་འཁྲུལ་པ་རྣམས་སྒྱུ་མ་ལྟ་བུའི་བདེ་ཆེན་གྱི་སྦྱངས་པས། ཉོན་མོངས་པ་ཅན་གྱི་ཡིད་དང་དྲུག་ཡིད་ཀྱི་ཁ་ནང་ལྟའོ་ཆ་རྣལ་འབྱོར་དག་ནས་འོག་མིན་ལ་སོགས་པའི་ཞིང་རྣམས་སུ་ཐེག་པ་ཆེན་པོའི་ཆོས་ལ་རྫོགས་པར་ལོངས་སྤྱོད་ཅིང་དག་པའི་གདུལ་བྱ་ལ་མཚན་དང་དཔེ་བྱད་ཀྱི་བརྒྱན་པའི་སྐུར་གཟུགས་ཀྱི་སྐུར་སྣང་བའོ། གསུམ་པ་ནི། སྦྱང་གཞི་ཡིད་ཀྱི་སྟེང་དུ་སྦྱང་བྱ་བློ་བུར་བའི་དྲི་མ་དང་རང་ངོ་མ་ཤེས་པའི་མ་རིག་པ་སྦྱོང་བྱེད་ཟུང་ངག་གི་ལམ་གྱི་སྦྱངས་པས། ཀུན་གཞི་རྣམ་པར་དག་པ་རབ་འབྱམས་ནམ་མཁའི་

(༣༠༣)མཐའ་ཀླས་པའི་ཞིང་རྣམས་སུ་སངས་རྒྱས་ཀྱི་རང་སྣང་ཆོས་ཐམས་ཅད་རྣམ་པ་གཅིག་ཏུ་ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་བྱང་ཆུབ་པར་ཡེ་ཤེས་ཀྱི་རོལ་པར་སྣང་བའོ། བཞི་པ་ནི། སྦྱང་གཞི་ལུས་ངག་ཡིད་གསུམ་གྱི་སྟེང་དུ་སྦྱང་བྱ་སྐད་གཅིག་མའི་འགྱུར་བ་འཕོ་བའི་བག་ཆགས་སམ། སེམས་བོ་མ་རང་ཚུག་མི་ཐུབ་པའི་སྒྲིབ་པ་སྦྱོང་བྱེད་ཕྱག་རྒྱ་ཆེན་པོ་རང་རིག་པའི་ལམ་གྱི་སྦྱངས་པས་སེམས་ཀྱི་ཟུང་འཇུག་གི་ཆ་རྣམ་པར་དག་ནས། སྐུ་གསུམ་པོ་དེ་ཉིད་ཕྱོགས་དང་རིགས་སུ་མ་ཆད་ཅིང་དབྱེར་མི་ཕྱེད་པ་ལྷན་གཅིག་སྐྱེས་པའི་རང་བཞིན་དུ་སྣང་བའོ། དེ་ཡང་། གཞི་འབྲས་དབྱེར་མེད་ཀྱི་དབང་དུ་བྱས་ན། ཐ་མལ་གྱི་དུས་སུ་པས་བརྟན་པ་དང་། ཆུས་བསྡུ་བ་དང་། མེས་སྨིན་པ་དང་། རླུང་གི་གོ་འབྱེད་པར་བྱེད་པ་སོགས་སྣང་བ་ཐམས་ཅད་གང་ལ་གང་འདུལ་དུ་གྲུབ་པ་དང་། བར་དོའི་དུས་སུ་ཐོག་བཅས་ཀྱི་གཟུགས་དུ་གྲུབ་པ་མེད་ཀྱང་ལྷའི་མིག་དག་པ་ལ་སོགས་པའི་ངོ་བོར་གཟུགས་མཛེས་ཤིང་ལྟ་ན་སྡུག་བའམ་ཁྱེའུ་སོགས་སྒྱུ་མ་ལྟ་བུའི་ལུས་སུ་སྣང་བས། འཆི་བ་འདོལ་གྱི་དུས་སུ་རང་བཞིན་བརྒྱ་བཅུའི་རྣམ་པར་རྟོག་པ་སོགས་བཟུང་འཛིན་གྱི་སྤྲོས་པ་ཐམས་ཅད་སེམས་ཉིད་།།།རང་བཞིན་གྱི་འོད་གསལ་བ་གདོད་མའི་ཡེ་ཤེས་འབའ་ཞིག་ཏུ་རྣམ་པར་བྱང་བ་དང་། ཀུན་ཏུ་རུ་ལ་སོགས་པའི་དུས་སུ་སྐྱེ་འགག་འགྲོ་འོང་རྟག་ཆད་ཞེན་བཟུང་གང་གིས་ཀྱང་མ་གོས་པའི་གདོད་མའི་རང་བབས་བདེ་སྟོང་དབྱེར་མེད་སྐད་གཅིག་མའི་སྨྲ་བསམ་གྱི་ར་བ་ལས་འདས་པ་རྣམས་སོ། དེ་ལྟར་ཡིན་མོད་ཀྱི་འདིར་ནི་འབྲས་དུས་ཀྱི་སྐུ་བཞི་པོ་ཉིད་བཤད་པར་

(༣༠༤)བྱའོ། །དེ་ལ། ངེས་པའི་དོན་དུ། སངས་རྒྱས་ཀྱི་ཡེ་ཤེས་འབའ་ཞིག་ལ་སྣང་ཚུལ་གྱི་དབང་གི་སྐུ་བཞིར་རྣམ་པར་བཞག་པ་ཡིན་ཏེ། སོ་སོར་རྟོག་པ་དང་། བྱ་བ་སྒྲུབ་པའི་ཡེ་ཤེས་ལས་སྤྲུལ་པའི་སྐུ་དང་། མཉམ་པ་ཉིད་ཀྱི་ཡེ་ཤེས་ལ་ལོངས་སྤྱོད་རྫོགས་པའི་སྐུ་དང་། མེ་ལོང་ལྟ་བུའི་ཡེ་ཤེས་ལ་ཆོས་ཀྱི་སྐུ་དང་། ཆོས་ཀྱི་དབྱིངས་ཀྱི་ཡེ་ཤེས་ལ་ངོ་བོ་ཉིད་ཀྱི་སྐུ་རྣམ་པར་བཞགས་པའོ། ཇི་སྐད་དུ་རྟག་གཉིས་ཀྱི་ཊིཀྐ་རྗེ་ཉིད་ཀྱི་མཛད་པ་ལས། དངོས་པོ་ལ་འཇུག་པའི་རྣམ་པར་ཤེས་པ་བསྐྱེད་པའི་རིམ་པས་སྦྱངས་པས། གང་ལ་གང་འདུལ་གྱི་དོན་བྱེད་པ་སྤྲུལ་སྐུའོ། ཀུན་གཞི་ལ་གནས་པའི་ཡིད་སྒྱུ་མ་ལྟ་བུའི་བདེ་ཆེན་གྱི་སྦྱངས་པས། ཐེག་པ་ཆེན་པོ་ལོངས་སྤྱོད་པ་ཡོངས་སུ་རྫོགས་པ་ནི་ལོངས་སྤྱོད་རྫོགས་པའི་སྐུའོ། ཀུན་གཞིའི་དྲི་མ་བློ་བུར་བའི་རྐྱེན་དག་པ་ཉིད་ནི་ཆོས་སྐུའོ། དེ་གསུམ་དབྱེར་མི་ཕྱེད་པ་ནི་ངོ་བོ་ཉིད་ཀྱི་སྐུ་ཞེས་བྱའོ། དེ་ནི་འབྲས་བུ་མཐར་ཐུག་པར་གསང་བ་འདུས་པ་ནས། སངས་རྒྱས་ཉིད་འགྲུབ་སངས་རྒྱས་ཡིན། དངོས་གྲུབ་མཆོག་ཅེས་བཤད་པ་ཡིན། ཞེས་སོ། ཞེས་གསུངས་སོ། སྐུ་བཞི་པོ་དེ་དག་ཀྱང་གསུམ་དུ་འདུས་སྟེ། སྐུ་སྤྲུལ་སྐུ་གསུངས་ལོངས་སྐུ་ཐུགས་ཆོས་སྐུ་ཡིན་པས་སོ། ཡང་ན། གཟུགས་སྐུ་དང་ཆོས་སྐུ་གཉིས་སུ་ཡང་འདུས་ཏེ། རང་དང་གཞན་གྱི་སྣང་བ་ཙམ་ཡིན་པས་སོ། ཐམས་ཅད་ཀྱང་གསང་ཆེན་རིག་གཅིག་གི་སྐུའི་རྣམ་འགྱུར་ཏེ། ཀུན་སྤྱོད་ལས། གཅིག་པུའི་ཉམས་ནི་དུ་མས་གར་བྱེད་དོ། ཞེས་གསུངས་པས་སོ། ཡེ་ཤེས་ལྔ་ནི། རྡོ་རྗེ་ཕྲེང་

(༣༠༥)།།།།། མྱ་ངན་འདས་བཅས་ཀུན་སྟོང་དང་། ཆོས་ཀྱི་སྐུ་ཡང་བཤད་པ་ཡིན། ཞེས་གསུངས་པའི་གཟུགས་ཕུང་གཏོག་ཤེས་།།། གསལ་བྱེད་དུ་སྦྱར་དགོས་པས། རིགས་ལྔ་པོ་རི་བཞིན་ཕུང་པོ་དང་། ཡེ་ཤེས་དང་ཁམས་དང་དབང་པོ་དང་ཡུལ་དང་ལྷ་སྟེ་སྦྱོང་གཞི་སྦྱོང་བྱེད་དག་བྱ་དབང་བྱེད་དོན་ཚན་དྲུག་དྲུག་དང་སྦྱར་བའི་སྒོ་ནས་ཡེ་ཤེས་ལྔ་ངོས་འཛིན་པར་མཛད་པ་དང་། སྡོམ་འབྱུང་ལས། གཟུགས་དང་ཚོར་བ་འདུ་ཤེས་དང་། འདུ་བྱེད་རྣམས་ཀྱང་སྟེ། མེ་ལོང་མཉམ་གཉིད་དང་ནི། སོ་སོར་ཀུན་རྟོག་བྱ་སྒྲུབ་ཉིད། ཆོས་དབྱིངས་ཤིན་ཏུ་རྣམ་དག་སྟེ། ཡེ་ཤེས་འདི་རྣམས་རབ་ཏུ་གནས། རྣམ་པར་སྣང་དེ་རིན་ཆེན་འབྱུང་། སྣང་མཐའ་དོན་ཡོད་ལོངས་སྤྱོད་ཉིད། རྣམ་

(༣༠༦)ལྔ་གཅིག་ཏུ་རྫོགས་བྱང་ཆུབ། ཅེས་ཕུང་པོ་ལྔ་དག་པས་ཡེ་ཤེས་ལྔར་གྲུབ་པ་ཉིད་རིག་ལྔར་སྣང་བར་གསུངས་པ་དང་། རྡོ་རྗེ་གྱུར་ལས། སངས་རྒྱས་ཉིད་དེ་ཅི་ལགས། རྣམ་པ་ཐམས་ཅད་མཁྱེན་པ་ཉིད་དོ། དེ་ཅི་ལག །ལུས་ཅན་ཏེ་འདི་ནི་བདེན་པའོ། དེ་རྒྱུ་ཅིའི་སླད་དུ་ཅེ་ན། བཀའ་སྩལ་པ། འདི་ལྟར་ང་ནི་མཚན་བཟང་པོ་བརྒྱ་བཅུས་བརྒྱན་པའོ། ཅིའི་ཕྱིར་ཞེ་ན། མི་འདྲ་བའི་ཕྱིར་བསྒྲུབ་པར་བྱ་བ་ཡིན་ནོ། ཕྱག་ན་རྡོ་རྗེས་གསོལ་པ། ཅི་བཅོམ་ལྡན་འདས་བེམ་པོ་ལགས་སམ། རྡོ་རྗེ་འཛིན་པས་བཀའ་རྩལ་པ། ང་ཉིད་མེ་ལོང་ཡེ་ཤེས་སོ། །མེ་ལོང་ལྟ་བུའི་ཡེ་ཤེས་དེ་ཅི་ལག །རྡོ་རྗེ་འཛིན་པའི་བཀའ་རྩལ་བ། བདེན་པ་མ་ཡིན་པ་དང་བརྫུན་པ་མ་ཡིན་པ་དང་རྒྱུ་མ་ཡིན་པ་དང་སྐྱེ་བ་མིན་པ་སྟེ། དེ་ལྟར་བཞི་ཉིད་མཉམ་པ་ཉིད་ཀྱི་ཡེ་ཤེས་དང་། ང་ཉིད་བྱ་བ་ནན་ཏན་གྱི་ཡེ་ཤེས་དང་། ང་ཉིད་སོ་སོར་རྟོགས་པའི་ཡེ་ཤེས་དང་། དེ་ལྟར་ཆོས་ཀྱི་དབྱིངས་ཤིན་ཏུ་རྣམ་པར་དག་པའོ། དེའི་ཕྱིར་བྱང་ཆུབ་སེམས་དཔའ་རྣམས་དང་བྲལ་བའི་བྱང་ཆུབ་དེ་སྐད་མ་སྨྲ་ན། ང་ཉིད་དངོས་པོ་མེད་དང་། དངོས་པོའི་དེ་བཞིན་གཤེགས་པར་བརྗོད། གཟུགས་མེད་གཟུགས་དང་ལྡན་པའི་མཆོག །ཟབ་མོ་ཞི་བའི་གཟུགས་དང་ལྡན། ཞེས་གསུངས་ཀྱི་ངོ་བོ་རྣམ་པ་ཐམས་ཅད་མཁྱེན་པའི་ཡེ་ཤེས་སུ་བཤད་ནས་དེ་ཉིད་གཞན་སྣང་ལ་མཚན་དཔེས་བརྒྱན་པའི་གཟུགས་ཀྱི་སྐུར་སྣང་ཡང་། གཟུགས་སྐུ་དེ་བེམ་པོ་མ་ཡིན་པ། སངས་རྒྱས་ཀྱི་ཡེ་ཤེས་ལྔ་པོ་ཉིད་སྣང་ཚུལ་ལས་གཟུགས་སྐར་བསྟན་པར་བཤད་ནས་ཡེ་ཤེས་ལྔ་པོ་ཉིད་ཀྱང་རྒྱས་པར་བཤད་དེ། ཡེ་

(༣༠༧)ཤེས་ཀྱི་སྐུ་ང་ཉིད་མཚན་དཔེ་དང་བཅས་པ། དངོས་པོར་སྣང་ཞིང་ཡེ་ཤེས་ཀྱི་སྐུ་ཡིན་པས་དངོས་པོ་མེད་པ་ཡིན་ལ། སྐུ་གཉིས་པོ་དེ་ཐོག་མ་མེད་ནས་གྲུབ་པས། དང་པོ་དེ་བཞིན་གཤེགས་བརྗོད་དོ། ཡེ་ཤེས་ཀྱི་སྐུ་གཟུགས་མེད་པ་ཉིད་མཚན་དཔེ་སོགས་གཟུགས་དང་ལྡན་པའི་མཆོག་ཏུ་སྣང་པ་དང་། རྟོགས་དཀའ་བས་ཟབ་མོ་ཡེ་ཤེས་ཀྱི་སྐུ་ནི་སྤྲོས་པ་ཞི་བའི་གཟུགས་ཀྱི་སྣང་བ་དང་ལྡན་ནོ། ཞེས་ཚིགས་བཅད་གཅིག་གི་དོན་བསྡུས་པའོ། སངས་རྒྱས་ཀྱི་ས་ལས་ཀྱང་། སངས་རྒྱས་ཀྱི་ས་ནི་རྣམ་པ་ལྔ་པོ་འདིས་ཡང་དག་པར་བསྡུས་པར་རིག་བར་བྱའོ། ལྔ་གང་ཞེ་ན། ཆོས་ཀྱི་དབྱིངས་རྣམ་པར་དག་པ་དང་། མེ་ལོང་ལྟ་བུའི་ཡེ་ཤེས་དང་། སོ་སོར་ཀུན་ཏུ་རྟོགས་པའི་ཡེ་ཤེས་དང་། བྱ་བ་བསྒྲུབ་པའི་ཡེ་ཤེས་སོ། ཞེས་གསུངས་པ། གཞན་ཡང་རྒྱུད་འགྲེལ་རྣམས་ལས། ཡེ་ཤེས་ལྔ་འཆད་པར་བྱེད་པའི་ལུང་མཐའ་ཡས་པ་གསུངས་ཀྱང་། མདོར་བསྡུས་ན། ཡེ་ཤེས་ལྔ་ནི། མེ་ལོང་ལྟ་བུའི་ཡེ་ཤེས་དང་། མཉམ་པ་ཉིད་དང་། སོ་སོར་རྟོགས་པ་དང་། བྱ་བ་བསྒྲུབ་པ་དང་། ཆོས་ཀྱི་དབྱིངས་ཀྱི་ཡེ་ཤེས་སོ། དེ་ལ་མེ་ལོང་ལྟ་བུའི་ཡེ་ཤེས་ནི། ཡེ་ཤེས་དེ་ལ་ཁམས་སུམ་པོ་གཟུགས་བརྙན་གྱི་ཚུལ་དུ་སྣང་བས་ཡེ་ཤེས་དང་ཁམས་སུ་དབྱེར་མེད་པ་མེ་ལོང་སྣང་གི་གཟུགས་བརྙན་ལྟ་བུ་ཡིན་པའི་ཕྱིར། མེ་ལོང་ལྟ་བུའི་ཡེ་ཤེས་ཤེས་བྱ་སྟེ། མདོ་སྡེ་རྒྱན་ལས། ཡེ་ཤེས་གཟུགས་རྙན་འབྱུང་ཕྱིར་དེ། ཞེས་གསུངས་པས་སོ། མཉམ་པ་ཉིད་ཀྱི་ཡེ་ཤེས་ནི་ལམ་གྱི་དུས་སུ། ཆོས་ཐམས་ཅད་བདེན་མེད་མཉམ་པ་ཉིད་དུ་རྟོག་པའི་ཡེ་ཤེས་ཐོབ་པ་དེ་ཉིད་བསྒོམ་པའི་སྟོབས་ཀྱི་མངོན་བར་

(༣༠༨)རྫོགས་པར་བྱང་ཆུབ་པ་ན་ཡེ་ཤེས་དེ་ལ་ཆོས་ཐམས་ཅད་མཉམ་པ་ཉིད་ཀྱི་ཡེ་ཤེས་ཤེས་བྱ་སྟེ། དེ་ལས། སྒོམ་པ་དག་པས་སེམས་ཅན་ལ། མཉམ་པ་ཉིད་ཀྱི་ཡེ་ཤེས་འདོད། མི་གནས་ཞི་བར་ཞུགས་པ་ནི། མཉམ་ཉིད་ཡེ་ཤེས་ཡིན་པར་འདོད། ཞེས་གསུངས་པས་སོ། སོ་སོར་རྟོག་པའི་ཡེ་ཤེས་ནི། ཡེ་ཤེས་དེ་ཤེས་བྱ་ཐམས་ཅད་ལ་སོ་སོར་རྟོག་པའི་ཚུལ་དུ་ཐོག་བ་མེད་པར་འཇུག་ཅིང་ཏིང་ངེ་འཛིན་དཔག་ཏུ་མེད་པ་ལ་གནས་པ་བཞིན་དུ་འཁོར་གྱི་དཀྱིལ་འཁོར་དུ་དམ་པའི་ཆོས་མང་པོ་མ་འདྲེས་པར་སོ་སོར་སྟོན་པའི་ཕྱིར་སོ་སོར་རྟོགས་པའི་ཡེ་ཤེས་ཤེས་བྱ་སྟེ། དེ་ལས། སོ་སོར་རྟོགས་པའི་ཡེ་ཤེས་ནི། ཤེས་བྱ་ཀུན་ལ་རྟག་མི་ཐོག །ཏིང་ངེ་འཛིན་དང་གཟུང་རྣམས་ཀྱི། གཏེར་དང་འདྲ་བ་ཁོ་ན་ཡིན། འཁོར་གྱི་དཀྱིལ་འཁོར་རྣམས་སུ་ཡང་། འབྱོར་པ་ཐམས་ཅད་སྟོན་མཛད་ཅིང་། ཐེ་ཚོམ་ཐམས་ཅད་གཅོད་པ་ཡིན། ཆོས་ཆེན་ཆར་ནི་རབ་ཏུ་འབེབ། ཤེས་གསུངས་པས་སོ། བྱ་བ་སྒྲུབ་པའི་ཡེ་ཤེས་ནི། ཡེ་ཤེས་དེས་འཇིག་རྟེན་གྱི་ཁམས་ཀུན་ཏུ་སྤྲུལ་པ་དཔག་ཏུ་མེད་པས་སེམས་ཅན་གྱི་དོན་གྱི་བྱ་བ་འབད་མེད་དུ་བསྒྲུབ་པའི་ཕྱིར་བྱ་བ་བསྒྲུབ་པའི་ཡེ་ཤེས་ཤེས་བྱ་སྟེ། དེ་ལས། བྱ་བ་སྒྲུབ་པའི་ཡེ་ཤེས་ནི། ཁམས་སུ་ཀུན་ཏུ་སྣ་ཚོགས་ཤིང་། དཔག་མེད་བསམ་ཡས་སྤྲུལ་པ་ཡེ་ཤེས། སེམས་ཅན་ཀུན་དོན་བསྒྲུབ་པའོ། ཞེས་གསུངས་པས་སོ། ཆོས་ཀྱི་དབྱིངས་ཀྱི་ཡེ་ཤེས་ནི་ཡེ་ཤེས་བཞི་པོ་དེ་དག་གི་རང་གི་ངོ་བོ་ཆོས་ཐམས་ཅད་ཀྱི་གནས་ལུགས་སུ་ལྷུན་གྱིས་གྲུབ་པ་ཉིད། སོ་སོ་རང་གི་རིག་པའི་ཕྱིར། ཆོས་

(༣༠༩)ཀྱི་དབྱིངས་ཀྱི་ཡེ་ཤེས་ཤེས་བྱའོ། འདི་ལ་འདོད་བ་མི་འདྲ་བ་གཉིས་སྣང་སྟེ། གངས་ཅན་པ་ཕལ་མོ་ཆེ་ནི་ཆོས་ཀྱི་དབྱིངས་ནི་འདུས་མ་བྱས་ཤིང་། དངོས་པོར་མེད་པས་རྟགས་པ་ཡིན་ལ་ཡེ་ཤེས་ནི་ལམ་བསྒོམ་པ་སོགས་རྒྱུ་རྐྱེན་འདུས་བྱས་པ་ལས་ཐོབ་པའི་ཆོས་དབྱིངས་ཡུལ་དུ་བྱེད་པའི་ཡུལ་ཅན་གྱི་ཤེས་པ་ཡིན་པས་ན། དངོས་པོར་གྲུབ་ཅིང་མི་རྟག་པའོ། དེའི་ཕྱིར་ཆོས་དབྱིངས་ཡེ་ཤེས་ནི་མིང་ཙམ་སྟེ་ཆོས་དབྱིངས་དང་ཡེ་ཤེས་ཀྱི་གཞི་མཐུན་ནི་མེད་དོ་ཞེས། རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་སྐུ་ལ་སྐུར་པ་འདེབས་ཤིང་། ཆད་པར་བལྟ་བའི་གཏམ་སྣ་ཚོགས་པ་མུ་བཅོར་སྒྲོགས་པར་བྱེད་དོ། དེ་ཡང་ཕ་རོལ་ཏུ་ཕྱིན་པའི་ཕྱོགས་ཀྱི་གཞུང་མང་པོ་ལས། ཆོས་ཀྱི་དབྱིངས་རྣམ་པར་དག་པ་ཞེས་མི་གསལ་བའི་ཚུལ་དུ་གསུངས་ཀྱང་། ཆོས་ཀྱི་དབྱིངས་ཉིད་ཡེ་ཤེས་ཡིན་པར་དངོས་སུ་གསལ་པོར་ནི་མ་གསུངས་པས། མགོ་རྨོངས་པ་ཡིན་ལ། ངེས་པའི་དོན་དུ་ནི། ཆོས་དབྱིངས་ཡུལ་དང་ཡེ་ཤེས་ཡུལ་ཅན་དུ་བཤད་པ་ཁོ་ནས་ཆོས་དབྱིངས་དང་ཡེ་ཤེས་ཀྱི་གཞི་མཐུན་གྲུབ་པ་སྟེ། ཡུལ་ཡུལ་ཅན་དབྱེར་མེད་དུ་རྟོག་པ་ཉིད་གནས་ལུགས་ཀྱི་དོན་ལ་ཡང་དག་པར་རྟོགས་པ་ནི་ཞུགས་པའི་ཡེ་ཤེས་ཡིན་པས་སོ། དོན་འདི་ལ་དགོངས་ནས། རྗེ་ཟླ་འོད་གཞོན་ནུས་ཐར་པ་རིན་པོ་ཆེའི་རྒྱན་དུ་ཡང་། དེ་ལ་ཇི་ལྟར་མཁྱེན་བའི་ཡེ་ཤེས་ནི། དོན་དམ་མཁྱེན་པ་སྟེ། སྔར་བརྗོད་པ་ལྟར། རྡོ་རྗེ་ལྟ་བུའི་ཏིང་ངེ་འཛིན་གྱི་མཐར་ཐུག་པ་དེ་ཁོ་ན་ཡོངས་སུ་གསུངས་པས། ཡུལ་གྱི་སྤྲོས་པ་

(༣༡༠)མ་ལུས་པར་བཅད་པ་ན་བློའི་འཇུག་པ་མཐའ་དག་རབ་ཏུ་ཞི་བས་ཆོས་ཀྱི་དབྱིངས་སྤྲོས་པ་མེད་པ་དང་། ཡེ་ཤེས་སྤྲོས་པ་མེད་པ་གཉིས་རོ་གཅིག་པས་ཆུ་ལ་ཆུ་ལ་བཞག་པའམ། མར་ལ་མར་བཞག་པ་ལྟར་དབྱེར་མེད་པའམ། གཟུགས་ཅི་ཡང་མ་མཐོང་བ་ལ་ནམ་མཁའ་མཐོང་བར་བསྙད་པ་ལྟར་རམ། སྣང་བ་མེད་པའི་ཤེས་རབ་ཆེན་པོ་ཡོན་ཏན་རིན་པོ་ཐམས་ཅད་ཀྱི་རྟེན་དུ་གྱུར་པ་སྟེ། དེ་ལྟར་ནའང་། ཇི་ལྟར་ཆུ་ལ་ཆུ་བཞག་དང་། མར་མ་མར་ནི་རྗེས་ཞུགས་ལྟར། ཤེས་བྱ་སྤྲོལ་དེ་ཉིད་དང་། དབྱེར་མེད་ཡེ་ཤེས་རྣམ་འདྲེས་པས། དེ་ནི་སངས་རྒྱས་ཐམས་ཅད་ཀྱི། རང་བཞིན་ཆོས་སྐུ་ཞེས་བྱང་བརྗོད། ཅེས་པ་དང་། ནམ་མཁའ་མཐོང་ཞེས་སེམས་ཅན་ཚིག་ཏུ་རབ་བརྗོད་པ། ནམ་མཁའ་ཇི་ལྟར་མཐོང་སྟེ་དོན་འདི་བརྟག་པར་གྱིས། དེ་ལྟར་ཆོས་མཐོང་བ་ཡང་དེ་བཞིན་གཤེགས་པས་བསྟན། མཐོང་བ་དཔེ་གཞན་གྱིས་ནི་བསྙེད་པར་ནུས་མ་ཡིན། ཞེས་གསུངས་སོ། ཞེས་ཇི་ལྟ་བ་མཁྱེན་པའི་ཡེ་ཤེས་ཀྱི་གོ་དོན་ཆོས་ཉིད་ཇི་ལྟ་བ་དང་། རོ་གཅིག་ཏུ་གྱུར་པའི་ཡེ་ཤེས་ལ་བཤད་དོ། དེ་ལྟ་བས་ན་ངེས་དོན་གྱི་གསུང་རབས་རྣམས་པས་ནི། ཆོས་ཀྱི་དབྱིངས་དེ་ཉིད་ཡེ་ཤེས་ཡིན་པས་ཆོས་དབྱིངས་ཡེ་ཤེས་སྟེ་ཆོས་ཐམས་ཅད་མཚན་མེད་པའི་དབྱིངས་སུ་རོ་གཅིག་པར་རིག་པ་ནི་ཆོས་དབྱིངས་ཡེ་ཤེས་སོ། དེས་ན་མཚན་མ་ཞི་བའི་ཆ་ནས་དབྱིངས་དང་། རང་རིག་པའི་ཆ་ནས་ཡེ་ཤེས་ཡིན་པ་སོགས་དབྱིངས་དང་ཡེ་ཤེས་དབྱེར་མེད་པ་ལ་བདེ་བར་གཤེགས་པའི་སྙིང་པོར་འདོད་པ་པོར་རྒྱས་པར་འོག་ནས་འཆད་པར་འགྱུར་རོ།

(༣༡༡)ཡེ་ཤེས་ལྔ་པོ་འདི་ཡང་། གཞིའམ་འདུས་ན་ལྷུན་གྱིས་གྲུབ་པ་རང་ངོ་མ་ཤེས་པའི་མ་རིག་པས་སྒྲིབ་པ་ཉིད། ལམ་གྱི་སྦྱངས་པ་ལས་འབྲས་བུ་མངོན་དུ་གྱུར་པའི་ཆ་ནས་ཡེ་ཤེས་ལྔ་ཞེས་བརྗོད་མེད་གཞིའི་དུས་ན་ཡེ་ཤེས་ལྔ་མེད་ན། འབྲས་བུའི་དུས་སུ་མངོན་དུ་འགྱུར་བ་ཡང་དཀའ་བར་གནས་སོ། དེས་ན་གཞི་རྣམ་པར་དག་ནས་འབྲས་བུའི་ཆོས་སུ་གྱུར་པ་ལ། གནས་གྱུར་པ་ཞེས་པའི་ཐ་སྙད་དུ་གསུང་ཏེ། སྒྲིབ་པས་སྒྲིབ་པའི་ཚེ་མི་གསལ་བར་གནས་པ་ལམ་གྱི་སྦྱངས་པ་ལས། གསལ་པོར་གྱུར་པ་ལ་གནས་པ་ཞེས་བྱའོ། འཕགས་པ་ཐོག་མེད་ཀྱི་གནས་ནི་སྒྲིབ་པའོ། གྱུར་པ་ནི་སྤངས་པའོ་ཞེས་གསུངས་པ་དང་འཐུན་པར་འཆད་ནུས་སོ། དེའི་ཕྱིར་རྣམ་ཤེས་གནས་གྱུར་པ་ལས། ཡེ་ཤེས་སུ་གྱུར་པའི་ཚུལ་བརྗོད་པར་བྱ་སྟེ། ཀུན་གཞིའི་རྣམ་པར་ཤེས་པའི་ཆོས་ཉིད་གནས་གྱུར་པ་ནི་ཆོས་ཀྱི་དབྱིངས་ཀྱི་ཡེ་ཤེས་དང་། ཀུན་གཞི་ཉིད་གནས་གྱུར་པ་ནི་མེ་ལོང་ལྟ་བུའི་ཡེ་ཤེས་དང་། ཉོན་མོངས་པ་ཅན་གྱི་ཡིད་དང་དྲུག་ཡིད་ཀྱི་ཁ་ནང་ལྟའི་ཆ་ནས་མཉམ་པ་ཉིད་ཀྱི་ཡེ་ཤེས་དང་། དེའི་ཕྱིར་ལྟའི་ཆ་གནས་གྱུར་པ་སོ་སོར་རྟོག་པའི་ཡེ་ཤེས་དང་། སྒོ་ལྔའི་གནས་གྱུར་པ་བྱ་བ་སྒྲུབ་པའི་ཡེ་ཤེས་ཡིན། བཤད་པའི་རྒྱུད་ཕྱི་མ་ལས། རང་གི་ངོ་བོ་ཡོངས་སུ་གྱུར་པ་ཞེས་བྱ་བ་ནི་རང་རྣམས་དང་དེ་རྣམས་ཀྱི་གཟུགས་ཅན་ནི། རང་གི་གཟུགས་ཅན་ཏེ། ཀུན་གཞི་དང་། ཉོན་མོངས་པ་ཅན་དང་། ཡིད་དང་། མིག་དང་། རྣ་བ་དང་། སྣ་དང་། ལྕེ་དང་། ལུས་ཀྱི་རྣམ་པར་ཤེས་པ། དེ་རྣམས་ཡོངས་སུ་

(༣༡༢)།།། དབང་པོ་ལྔའི་རྣམ་ཤེས་གཞན། དེ་ཡི་དོན་ཀུན་ཡོངས་སུ་འཛིན། ཐོས་ནས་སེམས་དོན་ཀུན་དུ། དེ་ཡི་བྱ་བ་བསྒྲུབ་པ་ཙམ། དུས་ཇི་ལྟར་དང་བསམ་ཇི་ལྟར། སྤྲུལ་

(༣༡༣)པའི་སྐུ་སྟེ་སངས་རྒྱས་རྣམས། ཐམས་ཅད་ཡུལ་སྐུའི་རྒྱུ་ཡིན་ནོ། འགའ་ཞིག་དག་གི་ཡིད་ཉིད་ལ། སྤྲུལ་པའི་སྐུ་ནི་དེར་རྟོག་སྟེ། དབང་པོ་ལྔའི་རྣམས་རྣམ་ཤེས་གང་། དེ་ནི་ལོངས་སྤྱོད་རྫོགས་སྐུར་རོ། ཞེས་གསུངས་སོ། མདོར་ན། སྐུ་ལྔ་དང་ཡེ་ཤེས་ལྔ་ནི་སྣང་ཚུལ་ཙམ་ལས་དོན་དམ་ཐ་དད་པ་ནི་བཞེད་དོ། དེའི་ཕྱིར་རིགས་ལྔ་ཞེས་སྐུ་དང་ཡེ་ཤེས་ལྔ་བོ་ཉིད་ཡིན་ནོ། ད་ནི་རིག་དྲུག་པ་ཞེས་སྨྲས་པ་དེ་བཤད་པར་བྱའོ། དེ་ཡང་མདོར་བསྡུ་ན། རིག་ལྔ་དང་རིག་ལྔ་པོ་ཐམས་ཅད་ཀྱི་གཞིར་གྱུར་པའི་གསང་ཆེན་།།། དེ་དྲུག་ལ་རིགས་དྲུག་དུ་གསུངས་པའོ། དེ་ཡང་ཐབས་རྒྱུད་དུ་རྣམ་པར་སྣ་དེ་སོགས་རིག་ལྔ་རྡོ་རྗེ་དང་དྲུག་པ་རིག་དྲུག་དུ་གསུངས་ཤིང་། མ་རྒྱུད་དུ། རྟག་པ། ཧེ་རུ་ཀ །རྡོ་རྗེ་ཉི་མ། པདྨ་གར་དབང་། རྟ་མཆོག །རྡོ་རྗེ་སེམས་དཔའ་སྟེ། དྲུག་དུ་གསུངས་ཀྱང་དེ་གཉིས་དགོངས་པ་མཐུན་ཏེ། ངེས་བརྗོད་བླ་མ་ལས། ཡང་ན། རྡོ་རྗེ་སེམས་དཔའ་དང་། རྣམ་སྣང་རྡོ་རྗེ་ཉི་མ་དང་། པད་མ་གར་དབང་རྒྱལ་པོ་དང་། དབང་ཕྱུག་རྟ་མཆོག་ཧེ་རུ་ཀ །ཞེས་གསུངས་པས་སོ། དེ་ལ་ཁ་གཅིག་ན་རེ། ཕ་རྒྱུད་གསང་བ་འདུས་པ་ལས་རིག་དྲུག་ཏུ་མ་གསུངས་སྟེ། རིག་ལྔ་ལས་མ་བཤད་པའི་ཕྱིར་རོ། ཞེས་ཟེར་པ་མི་འཐེད། གསང་འདུས་རྒྱུད་ཕྱི་མ་ལས་རིག་རྒྱལ་རྡོ་རྗེ་ཅན་རྣམས་ཀྱིས། འཁོར་ལོ་བསྒྱུར་བ་དྲུག་གི་རྒྱ། ཞེས་འཁོར་བསྒྱུར་བ་དྲུག་གསུང་པས་སོ། དུས་ཀྱི་འཁོར་ལོས་ལས་ནི། གཞིའི་དུས་ཀྱི་གཟུགས་སོགས་ཕུང་པོ་ལྔ་ཡེ་ཤེས་ཀྱི་ཕུང་པོ་དང་དྲུག་

(༣༡༤)པ་སོགས་ཁམས་ལྔ་ཡེ་ཤེས་ཀྱི་ཁམས་དང་དྲུག་ལ་སྒྲིབ་པ་དང་བཅས་པའི་རིག་དྲུག་དང་འབྲས་བུའི་དུས་ཀྱི་མེ་ལོང་ལྟ་བུ་ལ་སོགས་པའི་ཡེ་ཤེས་ལྔ་དང་། ཡེ་ཤེས་ལྔ་པོ་དེ་རོ་གཅིག་ཏུ་གྱུར་པ་ལྷན་གཅིག་སྐྱེས་པ་བདེ་བ་ཆེན་པོའི་ཡེ་ཤེས་སྟེ་དྲུག་ལ་སྒྲིབ་པ་དང་བྲལ་བའི་ཡེ་ཤེས་དྲུག་གམ། དེ་ཉིད་ལྷའི་རྣམ་པར་བཞེངས་པ་མི་སྐྱོད་པ་སོགས་རིགས་ལྔ། རྡོ་རྗེ་སེམས་དཔའི་སྐུ་སྟེ་དྲུག་ལ་སྒྲིབ་པ་དང་བྲལ་བའི་རིག་དྲུག་ཏུ་གསུངས་ཏེ། དུས་འཁོར་འགྲེལ་ཆེན་ལས། རིགས་དྲུག་ནི་མི་འགྱུར་བའི་བདེ་བ་ཡེ་ཤེས་ཀྱི་ཁམས་དང་། རྣམ་པར་ཤེས་པ་ནམ་མཁའི་ཁམས་དང་། འདུ་བྱེད་རླུང་གི་ཁམས་དང་། ཚོར་བ་མེའི་ཁམས་དང་། འདུ་ཤེས་ཆུའི་ཁམས་དང་། གཟུགས་པའི་ཁམས་སྟེ། རིགས་དྲུག་ནི་མངལ་སྐྱེས་རྣམས་ཀྱི་སྒྲིབ་པ་དང་བཅས་པ་ཡིན་ལ། སངས་རྒྱས་རྣམས་ཀྱིས་ནི་སྒྲིབ་པ་དང་བྲལ་བའོ། ཞེས་གསུངས་པས་སོ། ཡང་ན་དེ་བཞིན་གཤེགས་པ་ལ་སོགས་པའི་རིགས་ལྔ་རང་བཞིན་གྱི་རིགས་དང་དྲུག་ལ་རིག་དྲུག་ཅེས་བྱ་སྟེ། འགྲེལ་ཆེན་ལས། དེ་བཞིན་དུ་རིགས་ལྔའི་བདག་ཉིད་རང་བཞིན་གཅིག་དང་།།།དྲུག་གི་བདག་ཉིད་དུ་འགྱུར་རོ། ཞེས་གསུངས་པས་སོ། ཡན་ལག་བདུན་ནི། སློབ་དཔོན་ངག་གི་དབང་ཕྱུག་གྲགས་བས། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། སྙིང་རྗེས་ཡོངས་གང་རྒྱུན་མི་འཆད་དང་འགོག་པ་མེད། ཡན་ལག་བདུན་དང་ལྡན་པའི་སངས་རྒྱས་འདི་ཉིད་ནི། བདག་འདོད་ཆགས་ཚད་མས་ཡོངས་དགོས་བློ་ཅན་རྣམས་ཀྱང་འདོད། ཞེས་གསུངས་པ་ལྟར། དམ་པའི་ཆོས་ཀྱི་ལོངས་སྤྱོད་ཆེན་པོ་ལ་རྫོགས་པར་ལོངས་སྤྱོད་པ་དང་། ཐབས་ཤེས་ཟུང་དུ་འཇུག་པའི་རང་བཞིན་ཁ་སྦྱོར་དུ་གནས་པ་དང་། ཟག་པ་མེད་པའི་བདེ་བ་ཆེན་པོ་ཐུགས་རྒྱུད་ཡོངས་སུ་གང་བ་དང་། སྤྲོས་པ་དང་མཚན་མའི་རང་བཞིན་གྱི་ངོ་བོ་ཉིད་མེད་པ་དང་། ཐུགས་རྗེ་ཆེན་པོའི་དབང་ལས་སེམས་ཅན་གྱི་དོན་ལ་གཡེལ་བ་མི་མདའ་བ་དང་། ཁྱབ་པ་

(༣༡༥)དང་རྟག་པའི་བདག་ཉིད་ཅན་གྱི་མཛད་པ་ཕྲིན་ལས་རྒྱུན་མི་འཆད་པ་དང་། འགོག་མི་འགོག་གཉིས་ཀ་ལས་འདས་པས་འགོག་པ་མེད་པ་ནི་མི་གནས་པའི་མྱ་ངན་ལས་འདས་པ་སྟེ། ཡན་ལག་དེ་བདུན་དང་ལྡན་པའོ། དེ་ཡང་འབྲས་བུའི་མཐར་ཐུགས་རྫོགས་པའི་སངས་རྒྱས་ནི་སྐུ་གསུམ་གྱི་བདག་ཉིད་ཡིན་པའི་ཕྱིར། སྐུ་གསུམ་དུ་ཕྱེ་ནས་ཡན་ལག་བདུན་ལྡན་དུ་བཤད་པར་བྱ་སྟེ། དེ་ལ་སྤྱིར་བསྟན་དུ་སངས་རྒྱས་ཀྱི་རྫུ་འཕྲུལ་གྱི་རྣམ་པར་རོལ་པ་བསམ་གྱིས་མི་ཁྱབ་པའི་ཕྱིར། སྐུའི་རྣམ་པར་གཞག་པ་ཡང་མཐའ་ཡས་ཏེ། གསང་བ་བ་བསམ་གྱིས་མི་ཁྱབ་པའི་མདོར། ནམ་མཁའ་ཇི་སྙེད་ཁྱབ་གྱུར་པ། ཞེས་སོགས་མཁྱེན་པ་དང་ཐུགས་དང་སྐུ་ཡིས་ཀྱང་དེ་རྙེད་ཁྱབ་པར་གསུངས་པས་སོ། དེ་ལྟ་མདོ་ཀྱང་། སངས་རྒྱས་ཀྱི་སྐུ་ལ་གསུམ་དུ་དབྱེ་བའི་ཚེ། ཆོས་ཀྱི་སྐུ་དང་། ལོངས་སྤྱོད་རྫོགས་པའི་སྐུ་དང་སྤྲུལ་པའི་སྐུ་སྟེ་འདི་གསུམ་ལ་སྐུ་གསུམ་རྣམ་པར་འཇོག་པ་ལ་མདོ་སྔག་གཉིས་བཞེད་པ་མཐུན་ནོ། དེ་ལྟ་ན་ཡང་། སྦྱངས་གཞིའི་སྐབས་སུ་རྩ་སྤྲུལ་སྐུ། རླུང་ལོངས་སྐུ། ཐིག་ལེ་ཆོས་སྐུར་བཤད་པ་དང་། སྦྱོང་བྱེད་ལ་སྨིན་ལམ་དུམ་བུ་དབང་གི་སྤྲུལ་སྐུ་དང་། གསང་དབང་གིས་ལོངས་སྐུ་དང་། ཤེས་རབ་ཡེ་ཤེས་ཀྱི་ཆོས་སྐུའི་ས་བོན་འདེབས་པར་གསུངས་པ་དང་། གྲོལ་ལམ་དུ། འོད་གསལ་གྱི་གདམས་པས་ཆོས་སྐུ་དང་། རྨི་ལམ་གྱིས་ལོངས་སྐུ་དང་། སྒྱུ་ལུས་ཀྱི་སྤྲུལ་སྐུ་འགྲུབ་པར་གསུངས་པ་སོགས་དང་། སྦྱང་འབྲས་ཀྱི་སྐབས་སུ་སྐུ་རྡོ་རྗེ་སྤྲུལ་པའི་སྐུ་དང་། གསུངས་རྡོ་རྗེ་ལོངས་སྤྱོད་རྫོགས་པའི་སྐུ་དང་༴

(༣༡༦)ཐུགས་རྡོ་རྗེ་ཆོས་ཀྱི་སྐུར་གསུངས་པ་སོགས་ནི་རྡོ་རྗེའི་ཐེག་པ་ཁོ་ན་ལས་བྱུང་བའི་ཕྱིར། ཁྱད་པར་ཤིན་ཏུ་ཆེའོ། དེའི་ཕྱིར། ཡན་ལག་བདུན་ལ་སོགས་པའི་བཤད་པ་ཡང་རྡོ་རྗེ་ཐེག་པའམ་ཁྱད་ཆོས་སོ། དེ་ཡང་སེམས་གནས་གྱུར་པ་ཆོས་ཀྱི་སྐུ་ནི། སོ་སོ་རང་གི་རིག་པར་བྱ་བ་ཡིན་ཀྱང་སྨྲ་བསམ་ལས་འདས་པ་གཉིས་ཀྱི་ཆོས་སུ་གྲུབ་པ་མེད་ཀྱང་ཟུང་དུ་འཇུག་པ། འདི་ཡིན་དང་འདི་མིན་གྱི་ངོས་གཟུང་མེད་ཀྱང་། སྟོང་པ་དང་སྙིང་གཉིས་སུ་མེད་པའི་རང་གི་ངོ་བོ་ཉིད་ཡིན་པའི་ཕྱིར། ཡན་ལག་བཞི་པ་རང་བཞིན་མེད་པའི་ཡན་ལག་གི་བསྡུས་པ་ཡིན་ལ། ངག་གནས་གྱུར་པ་ལོངས་སྤྱོད་རྫོགས་པའི་སྐུ་ནི་གནས་ངེས་པ་འོག་མིན་བསྡུག་པོ་བཀོད་པ་ཁོ་ནར་འཁོར་ངེས་པར་དག་པ་པའི་བྱ་སེམས་འཕགས་པ་འབའ་ཞིག་གི་དང་ཐབས་གཅིག་ཏུ་ཆོས་ངེས་པ་ཐེག་པ་ཆེན་པོའི་དམ་ཆོས་ཀྱི་རྫོགས་པར་ལོངས་སྤྱོད་པའི་ཕྱིར། ཡན་ལག་དང་པོ་དང་། ངོ་བོ་ངེས་པ་མཚན་དང་དཔེ་བྱད་བཟང་པོ་འབར་བས་རང་འོད་ཀྱི་ཤེས་རབ་དང་ནམ་ཡང་མི་འབྲལ་བར་སྦྱོར་བའི་ཕྱིར། ཡན་ལག་གཉིས་པ་དང་། དུས་ངེས་པ་འཁོར་བ་ཇི་སྲིད་ཀྱི་བར་ཏུ་རྟག་པ་མེད་པའི་བདེ་བ་ཆེན་པོ་མཁའ་ཁྱབ་ཀྱི་ཏིང་ངེ་འཛིན་ལས་གཞར་ཡང་མི་གཡོ་བའི་ཕྱིར། ཡན་ལག་གསུམ་པ་སྟེ། ལོང་སྤྱོད་དང་ཁ་སྦྱོར་བདེ་ཆེན་གསུམ་གྱིས་བསྡུས་པ་ཡིན་ཞིང་། ལུས་གནས་གྱུར་པ་སྤྲུལ་པའི་སྐུ་ནི། གདུལ་བྱའི་ཁམས་དང་དབང་པོ་དང་བག་ལ་ཉལ་སྣ་ཚོགས་པ་རྣམས་ལ་གང་ལ་གང་ལ་འདུལ་གྱི་སྐུར་བསྟན་ནས་ཐབས་སྣ་ཚོགས་ཀྱི་རྗེས་སུ་

(༣༡༧)འཛིན་པའི་ཐུགས་རྗེ་ཆེན་པོས་ནས་ཐུགས་བརྒྱུད་ཡོངས་སུ་གང་བའི་ཕྱིར་ཡན་ལག་ལྔ་པ་དང་། གདུལ་བྱའི་དོན་མཛད་པའི་ཕྲིན་ལས་ཆེན་པོ་ཁྱབ་རྟག་གི་རང་བཞིན་ཅན་དུ་ལྷུན་གྱི་གྲུབ་པས་གཞར་ཡང་གཡེལ་བ་མེད་པར་གཞན་དོན་མཛད་པའི་ཕྱིར། ཡན་ལག་དྲུག་པ་དང་འཁོར་བ་དང་མྱ་ངན་ལས་འདས་པ་ཐ་དད་མ་ཡིན་ཉིད་ཀྱི་འགོག་པ་དང་མི་འགོག་པའི་རང་བཞིན་རོ་སྙོམས་པ་སྣ་ཚོགས་སུ་སྣང་ཡང་གང་དུ་ཡང་གྲུབ་པ་མེད་པས་སྲིད་པ་དང་ཞི་བ་ལ་མི་གནས་ཤིང་ཆོས་ཀྱི་དབྱིངས་ཀྱི་མིག་གཡོར་ཙམ་དུ་སྣང་བའི་རི། ཡན་ལག་བདུན་པ་སྟེ། སྙིང་རྗེས་ངེས་གང་རྒྱུན་ལམ་འཆད་དང་འགོག་པ་མེད་པ་གསུམ་གྱི་བསྡུས་པ་ཡིན་ནོ། དབང་ཕྱུག་གི་ཡོན་ཏན་བརྒྱད་པ་འཇིག་རྟེན་པ་དང་། འདས་པའི་དབྱེ་བ་བརྒྱད་ཚན་གཉིས་ལས། དང་པོ་ནི། ཕྲ་བ་དང་། ཡང་བ་དང་། བདག་པོར་གྱུར་པ་དང་། གར་དང་ཕྱིན་པ་དང་། མཆོད་པར་འོས་པ་དང་། འདོད་དགྱུར་སྒྱུར་བ་དང་། དགའ་མགྱུར་གནས་པ་དང་། དབང་དུ་གྱུར་པ་སྟེ། དེ་དག་ནི་འཇིག་རྟེན་པའི་དབང་ཕྱུག་གི་ཡོན་ཏན་བརྒྱད་ཡིན་ལ། གཉིས་པ་ནི་སྒྲོན་གསལ་དུ་གྲངས་པའི་ལུང་ལས། སྐུའི་དབང་ཕྱུག་གསུངས་གི་དབང་ཕྱུག་དང་། དེ་བཞིན་དུ་ནི་ཐུགས་རྗེ་དབང་ཕྱུག་དང་། རྫུ་འཕྲུལ་ཀུན་ཏུ་འགྲོ་བའི་དབང་ཕྱུག་དང་། ཅི་འདོད་ཕྲིན་ལས་ཡོན་ཏན་བརྒྱད་པའོ། ཞེས་གསུངས་པ་ལྟར་སྐུའི་དབང་ཕྱུག་དང་། གསུངས་གི་དབང་ཕྱུག་དང་། ཐུགས་ཀྱི་དབང་ཕྱུག་དང་། རྫུ་འཕྲུལ་གྱི་དབང་ཕྱུག་དང་། ཀུན་ཏུ་འགྲོ་བའི་དབང་ཕྱུག་དང་། ཅི་འདོད་པའི་དབང་ཕྱུག་དང་། བྱེད་པ་ཕྲིན་ལས་ཀྱི་དབང་ཕྱུག་དང་། ཡོན་ཏན་གྱི་དབང་ཕྱུག་སྟེ།

(༣༡༨)འདི་དག་ནི་འཇིག་རྟེན་ལས་འདས་པའི་དབང་ཕྱུག་གི་ཡོན་ཏན་བརྒྱད་ཡིན་ཞིང་། ཕྱི་མ་བརྒྱད་པོའི་གོ་དོན་ཀྱང་དག་པ་རྡོ་རྗེའི་སྒྲོན་མེ་ལས། སྐུ་མཐའ་ཡས་པ་ནི་སྐུའི་དབང་ཕྱུག་དང་། སེམས་ཅན་གྱི་སྐད་དུ་སྨྲ་བས་།།།དབང་ཕྱུག་དང་། སེམས་ཅན་གྱི་སེམས་ཤེས་པས་ཐུགས་ཀྱི་དབང་ཕྱུག་དང་། རྫུ་འཕྲུལ་གྱི་འཇིག་རྟེན་གྱི་ཁམས་མཐའ་ཡས་པ་མཐོང་ནས་རྫུ་འཕྲུལ་གྱི་དབང་ཕྱུག་དང་། འཇིག་རྟེན་གསུམ་གཅིག་པའི་སྐུ་ནི་ཀུན་ཏུ་འགྲོ་བའི་དབང་ཕྱུག་དང་། འདོད་པས་བདེ་བ་ཆེན་པོའི་རང་བཞིན་སེམས་ཅན་རྣམས་མངོན་པར་འདོད་པས། འདོད་པའི་དབང་ཕྱུག་ཏེ། འདོད་པའི་སྨྲས་འདོད་པ་བརྗོད་ནའོ། བྱང་པ་པོ་ཞེས་པར་ནི་རྡོ་རྗེ་འཛིན་པ་ཉིད་ཀྱི་བྱེད་པའི་དབང་ཕྱུག་གོ། ཟབ་མོའི་ལྷ་ཉིད་ཀྱི་རྣམ་པ་ལས་མྱ་ངན་ལས་འདས་བར་གཤེགས་ཤིང་མྱ་ངན་ལས་འདས་ནས་ལྷ་ཉིད་ཀྱི་རྣམ་པར་རྒྱུ་བས་ཡོན་ཏན་གྱི་དབང་ཕྱུག་སྟེ། ཞེས་འབྱུང་བ་བཞིན་ནོ། གསུམ་པ་བརྗོད་བྱ་ཚིག་གི་རྒྱུད་ནི། དོན་གྱི་རྒྱུད་དེ་དག་བརྗོད་བྱར་སྟོན་པའི་བཀའ་རྣམས་ལ་བརྗོད་བྱའི་མིང་གི་བཏག་ནས་རྒྱུད་ཅེས་བྱ་སྟེ། དཔེར་ན་གཞུང་ཤེར་ཕྱིན་བཞིན་ནོ། རྗོད་བྱེད་རྒྱུད་ཀྱི་ཚོགས་སམ་རིག་མང་དུ་འདུས་པ་ལས་རྒྱུད་ཅེས་བྱ་སྟེ། སྐྱེ་བོའི་ཚོགས་མང་དུ་འདུས་པ་ལ་སྡེ་པ་ཞེས་གྲགས་པ་བཞིན་ནོ། དེ་ལྟར་ན་སྒྲ་ལ་རྒྱུན་ཡོད་པར་འགྱུར་ཏེ། རྒྱུད་ཀྱི་དོན་ནི་རྒྱུན་ཆགས་པ་ཡིན་ལ། རྗོད་བྱེད་ཚིག་གི་རྒྱུད་ཀྱང་ཡོད་པས་སོ། ཞེ་ན། སྐྱོན་མེད་དེ། སྐབས་ཐོབ་ཀྱི་དབང་གི་གནས་སྐབས་སུ་རྒྱུན་ཅུང་ཟད་ཡོད་ལྟར་སྣང་བ་ལ་ཡང་རྒྱུད་ཅེས་པའི་སྒྲ་སྦྱར་བ་ཡོད་པས་སོ། དཔེར་ན། གཎྜིའི་སྒྲ་ལ་རྒྱུད་གསུམ། རྟོག་གཅིག་

(༣༡༩)ཅེས་བརྗོད་པ་ལྟ་བུ་དང་། བསྟོད་པ་དང་མདོ་འདོན་པ་སྔོ་བ་བྱེད་པ་རྣམས་ལ་ཡང་འདུལ་བ་ལས་རྒྱུན་ཆགས་གསུམ་པ་ལ་དབྱངས་ཀྱི་ང་རོ་ཞེས་གསུངས་པ་ལྟ་བུའོ། བདག་བློ་ཉིན་མོར་བྱེད་པའི་འོད་སྟོང་གིས་རྒྱུད་གསུམ་པད་ཚལ་གཞད་པར་བྱས་ཡོད་ཀྱི། རྗེས་དོན་ཟབ་མོའི་སྦྲང་རྩི་མྱང་འདོད་པའི། བློ་ལྡན་བུང་བའི་འཚོགས་རྣམས་འདིར་ཞུགས་ཤིག །གཉིས་པ་ཡན་ལག་གི་དོན་ལ་གསུམ། ཁུངས་འགོད་པ་བརྐལ་ལན་གྱིས་གཏན་ལ་དབབ་པ། བླ་ན་མེད་པའི་གཞི་ལམ་འབྲས་གསུམ་བྱེ་བྲག་དུ་བསྟན་པའོ། དང་པོ་ནི། སྔར་སྨོས་པའི་གཞི་ལམ་གསུམ་པོ་དེ་ལ་རྒྱུད་སྡེ་རྣམས་སུ་རྒྱུད་གསུམ་གསུངས་པ་དེ་ཡང་དཔལ་གསང་བ་འདུས་པའི་རྒྱུད་ཕྱི་མའི་ལེའུ་བཅོ་བརྒྱད་པ་ལས། རྒྱུད་ཅེས་བྱ་བ་དེ་ལ་རང་གི་ངོ་བོའི་སྒོ་ནས་འཐད་པའི་དབྱེ་བ་མེད་ཀྱང་ཀུན་རྫོབ་ཆེན་པོ་གྱི་ངོས་ནས་འབྲེལ་བའི་དོན་ཅན་ཞིག་ལ་རྒྱུད་ཅེས་བྱ་བའི་སྒྲར་གསུངས་པ་ཡིན་ལ། དེ་ཡང་ཆོས་ཐམས་ཅད་ཀྱི་གནས་ལུགས་རང་བྱུང་ལྷན་ཅིག་གི་སྐྱེས་པའི་ཡེ་ཤེས་དེ་ཉིད་གཞི་ལམ་འབྲས་གསུམ་དུ་འབྲེལ་ཞིང་རྒྱུན་ཆགས་པས་ན་རྒྱུད་ཅེས་བྱའོ། དེ་ལྟ་བུའི་འབྲེལ་པ་དེ་ལ་ཡང་རྣམ་པ་གསུམ་སྟེ། གསུམ་པོ་དེ་ཡང་གང་ཞེ་ན། གཞི་རང་བཞིན་གྱི་རྣམ་པར་དག་པ་གནས་སྐབས་བློ་བུར་གྱི་དྲི་མ་དང་བཅས་པ་དང་། གཞི་རང་བཞིན་རྣམ་དག་དེ་ཉིད་འབྲས་བུ་ལ་ཡིན་པས་དེ་མངོན་དུ་གྱུར་པའི་རང་བཞིན་དེ་ལས་དོན་གཞན་དུ་གྱུར་པའི་དུས་འབྲས་བུ་མེད་པས་ན་འབྲས་བུ་དང་། ཞེས་རྒྱུད་གསུམ་ཡང་ངོ་བོ་གཅིག་ལ་ཆོས་ཅན་གྱི་ཕྱེ་བས། རང་བཞིན་རྣམ་དག་དེ་ལ་དྲི་མས་འཕྲོགས་པ་དང་། འཕྲོགས་མི་འཕྲོགས་གཉིས་ཀ་

(༣༢༠)དང་། མི་འཕྲོགས་པ་དང་གསུམ་དུ་ཡོད་པ་ལས་འབྲས་བུའི་རྒྱུད་ནི་དྲི་མ་མཐའ་དག་གི་མི་འཕྲོག་པ་ཡིས་ཕྱེ་བ་ཉིད་ཡིན་ནོ། ཞེས་གཞི་འབྲས་ལྷན་གཅིག་ཏུ་མདོར་བསྟན་པའི་ཚུལ་དུ་གསུང་ཤིང་། དེ་ཉིད་རྒྱས་པར་བཤད་ན། གཞི་རང་བཞིན་གྱི་རྣམ་པར་དག་པ་གནས་སྐབས་བློ་བུར་གྱི་དྲི་མ་དང་བཅས་པ་དེ་རྒྱུའི་རྒྱུད་ཡིན་ཏེ། དེ་བཞིན་དྲི་མ་མཐའ་དག་གིས་མི་འཕྲོག་པ་འབྲས་བུའོ། དེ་ལྟར་ཐབས་ཀྱི་རྒྱུད་གང་ཞེ་ན། གཞི་ལུས་སེམས་ཀྱི་སྣང་ཚུལ་ངོ་ཤེས་ནས་དེ་ལ་གནས་སུ་སྣུན་པའི་ལམ་སྐྱེད་རྫོགས་ནི་ཐབས་ཀྱི་རྒྱུད་ཅེས་བྱ་བ་ཡིན་ཏེ། མདོར་ན་གཞི་ལམ་འབྲས་གསུམ་གྱི་རྒྱུད་ཀྱི་དོན་བསྡུས་པའོ། ཞེས་གསུངས་སོ། གཉིས་པ་ལ་གཉིས། ཕྱོགས་སྔ་བརྗོད་པ་དང་། དེ་དགག་པའོ། དང་པོ་ནི། དྲངས་མ་ཐག་པའི་རྒྱུད་ཀྱི་འདི་ཉིད་ལ་ དོགས་དཔྱོད་བཤད་པར་བྱ་སྟེ། འདི་ལ་བོད་ཡུལ་དུ་བྱོན་པའི་མཁས་གྲུབ་སྔ་རབས་པ ་ཁ་གཅིག །གཞི་ལམ་འབྲས་གསུམ་གྱི་ཕྱེ་བའི་གཞི་ནི། བྱག་ཆུབ་ཀྱི་སེམས་གཉེན་པོའི་རྣམ་པར་སྐྱེས་པ་ཡིན་ནོ། ཞེས་གཞེད་པ་དང་། ཡང་ལ་ལ་ནི། དབང་ཉིད་གཞིའོ། ཞེས་བཞེད་པ་དང་། གཞན་ཡང་ཁ་གཅིག །གཞི་ནི་ལུས་ཉིད་ཡིན་ནོ། ཞེས་གསུངས་མོད་ཀྱི། གཉིས་པ་ལ། སྤྱིར་དགག་པ་དང་། སོ་སོར་དགག་པ་གཉིས་ལས། དང་པོ་ནི། དེ་ལྟ་བུའི་བཞེད་པ་གསུམ་ཀ་འང་འཐེད་པ་མ་ཡིན་ཏེ། རྒྱུད་འགྲེལ་གྱི་ལུང་དང་མི་མཐུན་པས་སོ། དང་ཞེས་པ་ཕྱི་མ་འདྲེན་པ་སྟེ། ཉེས་པ་གཞན་ཡང་ཡོད་པར་སྟོན་པའོ། གཉིས་པ་ནི་བཞེད་

(༣༢༡)པ་དེ་གསུམ་ལས། དང་པོ་མི་འཐད་དེ། གང་ཡང་བྱང་ཆུབ་ཀྱི་སེམས་གཉེན་པོའི་རྣམ་པར་སྐྱེས་པའི་ཚེ་ན་ལམ་དུ་འགྱུར་བས་གཞིར་མི་འཐད་པའི་ཕྱིར་དང་། གཉིས་པ་འང་མི་འཐད་དེ། དབང་ཡང་ལམ་སྐྱེད་རྫོགས་ཀྱི་གཞི་ཡིན་ལ་དབང་དེ་ལ་གཞི་གཞན་དགོས་པའི་ཕྱིར་གཞི་ཐུགས་མེད་དུ་འགྱུར་བའི་སྐྱོན་ཡོད་པ་དང་། བཞེད་པ་གསུམ་པའང་མི་འཐད་དེ། ལུས་ནི། ཕུང་པོ་ལྔ་ཡ་བརྒྱལ་ཡིན་པའི་ཕྱིར་སྒྲ་དེ་ཐམས་ཅད་ཀྱི་གཞི་ཡིན་པར་མི་འཐད་དོ། གསུམ་པ་བླ་ན་མེད་པའི་གཞི་ལམ་འབྲས་བུ་གསུམ་བྱེ་བྲག་ཏུ་བསྟན་པ་ལ་གཉིས། མདོ་ཙམ་དུ་བཤད་པ་དང་། རྒྱས་པར་མི་སྤྲོ་བའི་རྒྱུ་མཚན་ནོ། དང་པོ་ནི་རྡོ་རྗེ་ཐེག་པ་བླ་ན་མེད་པའི་རྒྱུད་འདིར་ནི་གཞི་ལམ་འབྲས་བུ་གསུམ་དུ་བཞེད་པའི་གཞིའམ་དངོས་པོའི་གནས་ལུགས་ནི། ལུས་སེམས་རང་བཞིན་གྱི་རྣམ་པར་དག་པ་སྤང་བྱ་བློ་བུར་གྱི་དྲི་མ་དང་བཅས་པ་སྟེ། ཐ་མལ་པའི་ལུས་སེམས་གཉིས་ནི་གཞིར་བཞེད་དོ། གཞི་དེ་ལ་བློ་བུར་གྱི་དྲི་མས་འཕྲོག་པར་མཐར་ཐུག་པའི་སངས་རྒྱས་ཀྱི་སྙིང་པོ་དེ་ནི་འབྲས་བུའོ། དེ་ལྟར་བསྟན་པ་གང་ཡིན་པའི་གཞི་ལུས་སེམས་གཉིས་པོ་དེ་ལ་ལམ་དང་ལམ་གྱི་རྟེན་དུ་མ་སྨིན་པ་སྨིན་པར་བྱེད་པའི་དབང་བཞི་ལ་སོགས་པ་དང་། སྨིན་པ་གྲོལ་བར་བྱེད་པའི་ལམ་གྱི་དངོས་གཞི་སྐྱེད་རྫོགས་ཀྱི་གནད་རྩ་རླུང་ཐིག་ལེ་འཆིང་བའི་ཐབས་དང་། སེམས་ཕྱག་རྒྱ་ཆེན་པོ་སོ་སོར་བསྡུད་པའི་རང་བཞིན་དུ་བཅིངས་པས་ལམ་གྱི་རིམ་པར་འགྱུར་རོ། གཉིས་པ་ནི། འདིར་བསྟན་པའི་གཞི་ལམ་འབྲས་གསུམ་པོ་འདིའི་དོན་རྒྱས་པར་བཤད་ པ་ནི། འོག་ཏུ་ལེའུ་ཐམས་ཅད་

(༣༢༢)ནས་སྟོན་ཞིང་དོགས ་དཔྱོད་ཀྱི་དམག་སྒྲུབ་དང་། ཤེས་བྱེད་ཀྱི་ལུང་འདྲེན་མང་པོ་རྣམས་ནི་གདུལ་བྱ་དབང་པོ་བཏུལ་པོ་རྣམས་ཀྱི་བློ་མུལ་དུ་འཆར་བར་དཀའ་བར་ཕྱིར་དང་ཡི་གེ་མངས་པར་འགྱུར་བས་འཕྲོས་པ་རྒྱ་ཆེན་པོ་བཞག་ནས་སྐབས་སུ་བབས་པ་མདོར་བསྡུས་ཙམ་བཤད་པར་བྱའོ། ཞེས། རང་གི་འགྲེལ་པ་འདི་ཉིད་རྒྱས་བསྡུས་ཀྱི་བར་མར་གསུངས་པ་ཡིན་ནོ། གསུམ་པ་དུམ་བུ་བཅུ་གཅིག་གི་འབྲེལ་པ་གཉིས། མཚམས་སྦྱར་བ་དང་། དོན་དངོས་པོ། དང་པོ་ནི། དེ་ལྟར་བརྒྱུད་གསུམ་གྱི་འབྲེལ་པ་བཤད་ནས་རེ་ཤིག་དང་པོར་ནང་གི་དོན་གྱི་བསྒོམས་འདི་ཉིད་ཀྱི་ལེའུ་བཅུ་གཅིག་པའི་འབྲེལ་དང་། རིག་པ་འཛིན་པའི་སྡེ་སྣོད་ཀྱི་རྒྱུ་མཚན་རྟོག་པའི་འབྲེལ་དང་བཅས་པ་བཤད་པའི་དགོས་པ་ནི་འབྲེལ་པ་དང་། མདོར་བསྟན་ལུས་རྣམ་བཞག་རྒོད་པ་ལས། བསྟན་བཅོས་འཆད་ཉན་བྱ་སླ་བའི་དགོས་པ་ཡོད་པར་གཟིགས་ནས་སྨོས་པ་སྟེ། ལེའུ་བཅུ་གཅིག་པོ་རྣམས་ཀྱི་དང་པོར་རྒྱུ་རྐྱེན་ཕྱིར་བསྟན་པའི་དུམ་གསུངས་པའི་དགོས་པ་ནི། རྒྱུ་རྐྱེན་སྤྱིའི་གནས་ལུགས་མ་གོ་ན། རྒྱུ་འབྲས་ལ་ཕྱིན་ཅི་ལོག་ཏུ་རྟོགས་པར་དགོས་པས། ཕྱི་རོལ་པ་གྲངས་ཅན་པ་སོགས་ཏུ་རྒྱུ་འབྲས་ངོ་བོ་ཉིད་ཀྱི་གྲུབ་པར་འདོད་པ་དང་། རྒྱང་འཕེན་སོགས་རྒྱུ་མེད་དུ་འདོད་ པ་དང་མཚུངས་པར་འགྱུར་དུ་དོགས ་པས་རྒྱུ་དྲུག་དང་། རྐྱེན་བཞི་སྤྱིར་བསྟན་པའི་དུམ་བུ་དང་པོར་བསྟན་ཏོ། དེའི་རྗེས་ནས་དེ་མ་ཐག་བྱེ་བྲག་ཏུ་སྦྱང་གཞི་ལུ་འགྲུབ་པའི་ཚུལ་ཤེས་པ། ལམ་བསྐྱེད་པའི་རིམ་པའི་སྦྱང་གཞི་

(༣༢༣)རྟོགས་པར་བྱ་བའི་ཕྱིར། གཉིས་པར་ཡང་མང་པ་སྐྱེས་ཀྱི་ལུས་འགྲུབ་ཚུལ་གྱི་དུམ་བུ་བསྟན་ཏོ། དེ་ཡང་སྦྱང་གཞི་ལུས་འགྲུབ་ཚུལ་མ་ཤེས་ན། སྦྱོང་བྱེད་ཀྱི་ལམ་བསྐྱེད་རིམ་པ་བསྒོམ་པ་ལ། འཇུག་པར་མི་འགྱུར་ཞིང་། དེ་ལ་མ་ཞུགས་ན་འབྲས་བུ་གཟུགས་སྐུ་མངོན་དུ་བྱེད་པར་མི་ནུས་སོ། དེའི་རྗེས་འགྲོ་ནི། སྦྱང་གཞི་ལུས་ཀྱི་གནས་ལུགས་གྲུབ་ཚུལ་དང་བཅས་པ་ཤེས་པ་ཀུན་བཏག་སྐྱེད་རིམས་བསྒོམ་པ་ལ་འཇུག་ཅིང་དེ་ལ་ཞུགས་པས་འབྲས་བུ་གཟུགས་སྐུ་གཉིས་མངོན་དུ་བྱེད་པའོ། རྒྱུ་མཚན་དེས་ན། རྒྱུ་རྐྱེན་སྤྱིར་བསྟན་པའི་དུམ་བུའི་རྗེས་སུ་སྐྱེད་རིམས་ཀྱི་སྦྱང་གཞི་སྟོན་པའི་དུམ་བུ་གསུངས་པ་ཡིན་ནོ། དེའི་རྗེས་སུ་རྩའའི་རྣམ་བཤད་ཀྱི་དུམ་བུ་འཆད་པའི་རྒྱུ་མཚན་ནི། ལུས་དེ་ཇི་ལྟར་གནས་པ་ཤེས་པ་ལ་རྩའི་གཙོ་བོ་གསུམ་དང་གཙོ་མོ་ཉེར་བཞི་སོགས་དང་འཁོར་ལོ་དང་ནད་སྐྱེད་པའི་རྩ་ཕྲ་མོ་དང་བཅས་པ་ཤེས་དགོས་ཤིང་། རྩ་ལམ་དུ་སློང་པ་ལ། རྩའི་གནས་ལུགས་ཤེས་དགོས་པས། དེ་དང་འབྲེལ་པ་ངག་པ་འདྲ་བའི་རྩ་སྟོན་པའི་དུམ་བུ་བསྟན་ཏོ། དེའི་འོག་ཏུ་རླུང་གི་དུམ་བུ་འཆད་པའི་རྒྱུ་མཚན་ནི། རྩ་དེ་ཡང་རླུང་གི་བསྒྲུབ་ཤིང་། རྩ་ནང་དུ་ལས་དང་ཡེ་ཤེས་ཀྱི་རླུང་རྒྱུ་བའི་ཕྱིར་དང་། རླུང་ལམ་དུ་སློང་བ་ལ། རླུང་གི་ངོ་བོ་གནས་བྱེད་ལས་རྒྱུ་ཚུལ་སྟོབས་སྟོབས་མེད་ཀྱི་རིམ་པ་འཇུག་པ་གཟུང་ཐབས་སྐྱོན་ཡོན་ཤེས་དགོས་པས། རླུང་གི་དུམ་བུ་བསྟན་ཏོ། དེའི་འོག་ཏུ་ཐིག་ལེ་གནས་པ་དང་སྟོན་པའི་རྒྱུ་མཚན་ནི། རྩ་གནས་དེར་དངས་མ་བཅུ་གཉིས་དང་སྙིག་མ་ཉི་ཤུ་རྩ་བཞི་ལ་སོགས་པའི་ཐིག་ལེ་རྣམས་ལ་གནས་

(༣༢༤)ཤིང་བརྟེན་པའི་དོན་དང་། ཐིག་ལེ་ལམ་དུ་སློང་བ་ལ་ཐིག་ལེའི་གནས་ཚུལ་ཤེས་དགོས་བས་ཐིག་ལེའི་དུམ་བུ་བསྟན་ཏོ། དེའི་འོག་ཏུ་རྣམ་ཤེས་དང་ཡེ་ཤེས་སོགས་བཞི་འབྲེལ་བ་གནས་སྐབས་བཞི་སྟོན་པའི་དུམ་བུ་འཆད་པའི་རྒྱུ་མཚན་ནི། གོང་དུ་བཤད་པ་དེ་ལྟར་རྩ་རླུང་ཐིག་ལེ་རྫོགས་པས་ཚོག་དྲུག་ཡུལ་ལ་གཏད་པའམ་རྣམས་མི་གསལ་བར་ཀུན་གཞི་ལ་བསྡུས་པ་གཉིད་འཐུག་གི་གནས་སྐབས་དང་ཀུན་གཞིའི་སྟེངས་ནས་ཡིད་སྲོག་རླུང་དང་ལྷན་གཅིག་པར་ལུས་སྟོད་སྨད་ཀྱི་རྩ་གནས་བརྒྱུད་མེད་འཁྲུལ་སྣང་སྐྱེས་པ་རྨི་ལམ་གྱི་གནས་སྐབས་དང་། ཚོགས་དྲུག་གི་འཁྲུལ་སྣང་གི་ནུས་པ་ཐ་མལ་གྱི་གནས་སྐབས་དང་། ཚོགས་བརྒྱད་མ་འཛག་བར་གསལ་ཞིང་འཕོ་བའི་བག་ཉམས་སུ་མྱོང་བ་ཚོགས་པའི་གནས་སྐབས་སྟེ། གནས་སྐབས་བཞིའི་འཁྲུལ་པ་ནའང་མ་ཐག་པ་དེ་རྣམས་རྐྱེད་པོའི་གནས་སྐབས་བཞི་པོ་དེ་དག་གི་རྣམ་པར་ཤེས་པ་དང་འབྲེལ་པའི་ཚུལ་དང་། དེ་རྣམས་ལམ་དུ་སློང་བ་ལ་དེ་དང་དེའི་གནས་ལུགས་ཤེས་དགོས་པ་འབྲེལ་ཚུལ་གྱི་དུམ་བུ་བསྟན་ཏོ། དེའི་འོག་ཏུ་ཕྱི་ནང་སྦྱར་བཤད་ཀྱི་དུམ་བུ་འཆད་པའི་རྒྱུ་མཚན་ནི། ཇི་ལྟར་ཕྱི་རོལ་ཇི་བཞིན་ནང་། ཤེས་པ་ལྟར་གནས་སྐབས་བཞི་པོ་དེ་ལ། ཕྱི་འཇིག་རྟེན་གྱི་ཁམས་ཇི་ལྟར་སྡུང་ཡང་སེམས་ལས་དོན་གཞན་དུ་མ་གྲུབ་ཅིང་། ནང་རྡོ་རྗེའི་ལུས་ལ་གདགས་པར་གསུངས་སོ། ཞེས་བསྟན་པའི་ཕྱིར། ཕྱི་ནང་སྦྱར་བཤད་ཀྱི་དུམ་བུ་བསྟན་ཏོ། དེའི་འོག་ཏུ་སྐྱེད་རིམས་འཆད་པའི་རྒྱུ་མཚན་ནི། དོན་ལ་བདེན་པར་མ་གྲུབ་བཞིན་དུ། ཀུན་

(༣༢༥)བཏགས་པ་ལ་དབང་འབྱོར་བར་བྱ་བའི་ཕྱིར་སྐྱེད་རིམ་སྒོམ་པའི་མན་ངག་བསྟན་པའི་ངེས་པ་ལ་སྦྱར་བའི་ཚུལ་བསྟན་བས་དགོས་པ་རྣམ་གསུམ་འགྲུབ་ཅིང་འཆིང་བྱེད་ཀྱི་ཤེས་པའི་དགོས་པ་ཡོད་པས་ཀུན་བཏགས་ཀྱི་ལྷ་བསྐྱེད་ཚུལ་དུམ་བུ་བསྟན་ཏོ། དེའི་འོག་ཏུ་སྦྱང་གཞི་དང་སྦྱང་བྱེད་གྲངས་མཐུན་པའི་རིམ་པ་འཆད་པའི་རྒྱུ་མཚན་ནི། འཆིང་བྱེད་ཀྱི་ཐབས་སྐྱེད་རིམས་དེར་མ་ཟད་ཀྱི་སྲས་པ་དང་གཉེན་པོའི་ཆོས་ཐམས་ཅད་ཀྱི་སྦྱང་གཞིའི་གྲངས་ཇི་སྙེད་གཅིག་ཡོད་པར་སྦྱོང་བྱེད་ཀྱི་གཉེན་པོ་ཡང་གྲངས་དེ་རྙེད་དུ་བསྟན་པའི་རྒྱུ་མཚན་གོ་བར་བྱ་བའི་དོན་དུ་སྦྱོང་གཞི་སྦྱོང་བྱེད་ཀྱི་དུམ་བུ་བསྟན་ཏོ། དེའི་འོག་དུ་ས་ལམ་གྱི་རིམ་པ་འཆང་པའི་རྒྱུ་མཚན། བསྐྱེད་རྫོགས་ཀྱི་གནད་འཆིང་ཁྱེད་ཀྱི་ཐབས་རྣམས་ཉམས་སུ་བླངས་པས་ལམ་རིམ་གྱི་བསྒྲོད་པའི་ཚུལ་རྣམས་འབྱུང་བས་ཐེག་པ་ཐམས་ཅད་ཀྱི་ལམ་རིམ་པས་བགྲོད་ཚུལ་དང་བཅས་པའི་དུམ་བུར་བསྟན་ཏོ། དེའི་འོག་ཏུ་བསྡུད་རིམ་གྱི་དུམ་འཆད་པའི་རྒྱུ་མཚན་ནི། མི་རྟག་པ་སྒྱུ་མ་ལྟ་བུ་ཁོང་དུ་ཆུད་པར་བྱ་བའི་ཕྱིར། འཆི་བ་དང་རྫོགས་པའི་རིམ་པའི་སྦྱང་གཞི་ཤེས་པའི་དོན་དུ་བསྡུད་བྱའི་ཚུལ་སྦྱར་བ་རྟོག་པས་དག་པ་འཕགས་པ་དང་མ་དག་པ་སོ་སྐྱེའི་ཉིང་མཚམས་སྦྱོར་བ་རྟོགས་པར་བྱ་བའི་དུམ་བུ་བསྟན་ཏོ། དེའི་འོག་ཏུ་དུམ་བུ་བཅུ་བདུན་པོ་དེ་ཐམས་ཅད་ཀྱི་དོན་བསྡུས་ཏེ་བསྟན་ཞིང་གསུངས་རྡོ་རྗེ་ཐེག་པའི་གཞུང་རིག་པ་འཛིན་པའི་སྡེ་སྣོད་གསུམ་གྱི་རྒྱུ་མཚན་རྟོགས་པར་བྱ་བ་ནི་བསྟན་བཅོས་འདིའི་གོ་རིམས་ཡིན་ནོ་ཞེས་པ། བཅུ་གཅིག་པོ་འདི་རྩམ་ཁོ་ནས་བླ་ན་མེད་པའི་བྱང་ཆུབ་ཚར་

(༣༢༦)གཅིག་ལ་བསྒྲུབ་པའི་དོན་ཐམས་ཅད་ཕུན་སུམ་ཚོགས་འགྱུར་བས། བརྗོད་བྱ་དང་བརྗོད་བྱེད་དེ་སྙེད་དུ་ངེས་སོ། ད་ནི་བསྟན་བཅོས་ཀྱི་དགོས་འབྲེལ་བསྡུ་བ་བརྗོད་པར་བྱ་ཏེ། གོང་དུ་བཤད་པ་དེ་ལྟར་བརྗོད་པར་བྱ་སྟེ། ནང་གཞན་གསུམ་ལམ། གཞི་ལམ་འབྲས་བུའི་རྣམ་པར་བཞག་པ་ཇི་རྙེད་པ་དང་། ལེའུ་བཅུ་གཅིག་གི་དོན་བསྡུད་དང་བཅས་པའི་གཞུང་གི་ཚོགས་ནི་བརྗོད་པར་བྱེད་པ་དང་། དེ་གཉིས་བརྗོད་བྱ་བརྗོད་བྱེད་དུ་འབྲེལ་བ་ནི། ངག་དང་དག་ཅན་བརྡ་དབང་གི་འབྲེལ་པ་དང་། དེ་ལྟར་ནང་དོན་གྱི་དོན་འདིས་བླ་ན་མེད་པའི་ཀུན་རྫོབ་སྒྲུབ་པར་བྱེད་པའི་ཐབས་མ་ཚར་བ་མེད་པར་བརྗོད་པས་།།། ལམ་རིམ་པ་གཉིས་ཉམས་སུ་ལེན་པ་ནི་དགོས་པ་དང་། དེ་ལྟར་དཀྱིལ་འཁོར་དུ་ཞུགས་ཤིང་ཉམས་སུ་བླངས་པས་སྐུ་བཞི་ཡེ་ཤེས་ལྔའི་དབང་ཕྱུག་གི་ཡོན་ཏན་སྔ་རང་ལྡན་པའི་བཅོམ་ལྡན་འདས་རྡོ་རྗེ་འཆང་ཆེན་པོ་ནི་དགོས་པའི་དགོས་པ་ཡིན་པར་བློ་བྲ་བ་རྣམས་ཀྱི་རྟོགས་པར་བྱའོ། དེའི་དོན་བསྡུ་ན། སོག་འགྲེལ་ལས། ཟབ་མོ་ནང་གིས་བསྟན་བཅོས་ཆོས་ཅན། ཁྱོད་ལ་བརྗོད་བྱ་ཡོད་དེ། གཞི་ལམ་འབྲས་གསུམ་གྱི་ཕྱི་ནང་གཞན་དེ་ཁོ་ནའི་གནས་ལུགས་དང་བཅས་པ་དེ་ཁྱོད་ཀྱི་བསྟན་བྱའི་གཙོ་བོ་ཡིན་པའི་ཕྱིར། ཟབ་མོ་ནང་གི་དོན་གྱི་བསྟན་བཅོས་ཆོས་ཅན། ཁྱོད་ལ་དགོས་པ་ཡོད་དེ། །།།རིམ་གཉིས་ཉམས་སུ་ལེན་པ་དེ་ཁྱོད་ཀྱི་དགོས་པ་ཡིན་པའི་ཕྱིར། ཟབ་མོ་ནང་དོན་གྱི་བསྟན་བཅོས་ཆོས་ཅན། ཁྱོད་ལ་ཉིང་དགོས་ཡོད་དེ། རིམས་གཉིས་ཉམས་སུ་

(༣༢༧)བླངས་པས་རྡོ་རྗེ་འཆང་ཆེན་འགྲུབ་པ་དེ་ཁྱོད་ཀྱི་ཉིང་དགོས་མཐར་ཐུག་ཡིན་པའི་ཕྱིར། ཟབ་མོ་ནང་གི་དོན་གྱི་བསྟན་བཅོས་ཆོས་ཅན་ཁྱོད་ལ་འབྲེལ་པ་ཡོད་དེ། ཁྱོད་ལ་རྟེན་ནས་གཞི་ལམ་འབྲས་གསུམ་བདེ་བླག་ཏུ་རྟོགས་པའི་ཤེས་རབ་དེ་ཁྱོད་རང་བཞིན་གྱི་འབྲེལ་བའི་ཕྱིར་རོ། གཞུང་སྟོད་སྨད་ཐམས་ཅད་དུ་འདི་ལྟ་བུའི་དག་དོན་བྱས་ན། གསུངས་རབ་སྤྱི་དང་མཐུན་ཞིང་གོ་རྒྱུ་ཆེ་ཡང་རིགས་པ་མི་ཤེས་པ་ངག་གི་གོ་དཀའ་བས་སྤྲོས་པ་བཞག་པར་བྱའོ། ཞེས་གསུངས་སོ། བཞི་པ་ཚིག་གི་དོན་ལ་གསུམ། མཆོད་པར་བརྗོད་ཅིང་བཤད་བར་དམ་བཅའ་བ། གཞུང་དོན་དངོས་འཇུག་བསྡུ་བ་བསྔོ་བ་དང་བཅས་པའོ། དང་པོ་ལ་གཉིས། མཆོད་པར་བརྗོད་པ། བཤད་པར་དམ་བཅའ་བའོ། དང་པོ་ལ་གསུམ། བཤད་བླ་རྒྱུད་ཀྱི་གླིང་གཞི་དང་། འཆད་བྱེད་བསྟན་བཅོས་འདི་ཉིད་ཀྱི་མཆོད་བརྗོད་དོ། དང་པོ་ལ་གསུམ། འདུས་པ་ལས་བཤད་ཚུལ། དུར་ཁྲོད་ལས་བཤད་ཚུལ། དང་པོ་ནི། སྒྲོན་མ་གསལ་བར་བྱེད་པ་ཞེས་བྱའི་རྒྱ་ཆེར་བཤད་པ་ལས་ཇི་ལྟར་འབྱུང་བ་བཞིན་བརྗོད་པར་བྱ་སྟེ། དེ་ལ་གཉིས། ཕུན་སུམ་ཚོགས་པ་གསུམ་ཚུལ་བཞིའི་སྒོ་ནས་བཤད་པ་དང་། འཁོར་ཕུན་སུམ་ཚོགས་དྲང་ངེས་ཀྱི་མཐར་བཤད་པའོ། དང་པོ་ལ་གསུམ། བཤད་བྱ་རྒྱུད་ཚིག་དགོད་པ་དང་། དེ་དག་བཤད་རྒྱུད་འགྲེལ་ཆེན་དང་བཅས་པ་ཇི་ལྟར་བཤད་པའི་ཚུལ་ལོ། དང་པོ་ནི། རྩ་བའི་རྒྱུད་ལས། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུངས་དང་། ཐུགས་ཀྱི་སྙིང་པོ་རྡོ་རྗེ་བཙུན་མོའི་བྷ་རྣམས་ལ་བཞུགས་སོ། ཞེས་

(༣༢༨)འབྱུང་བ་འདི་དག་གོ། གཉིས་པ་ལ་བཞི། ཡི་གེའི་དོན་གྱི་ཚུལ་དུ་བཤད་པ། སྤྱིའི་དོན་གྱི། སྦས་དོན་གྱི། མཐར་ཐུག་གི་དོན་གྱི་ཚུལ་དུ་བཤད་པའོ། དང་པོ་ལ་གསུམ། དུས་ཕུན་ཚོགས་བཤད་པ། སྟོན་པ་དང་གནས་ཕུན་ཚོགས་བཤད་པ། དོན་བསྡུ་བའོ། དང་པོ་ལ་གཉིས། རྒྱུ་མཚན་དང་བཅས་པ་རྩ་བའི་ཚིག་སྣ་འགོད་པ་དང་། དེའི་ཚིག་དོན་བཤད་པའོ། དང་པོ་ནི་འདིར་བསྡུད་པར་བྱེད་པ་འཕགས་པ་ཕྱག་ན་རྡོ་རྗེས་ཇི་སྐད་དུ་ཐོས་པ་ཐུགས་ལ་བཞག་ནས་གདུལ་བྱ་རྣམས་ལ་བསྟན་པའི་ཕྱིར། འདི་སྐད་བདག་གིས་ཐོས་པ། ཞེས་བྱ་བ་ལ་སོགས་པ་གསུངས་པ་ཡིན་ཏེ། ཞེས་གསུངས་པ་ནི། གསང་འདུས་རྩ་རྒྱུད་ཀྱི་དབུགས་འདིར་བཀའ་བསྡུད་པར་བྱེད་པ་ཀུན་དགའ་བོ་དང་ཐ་མི་ཐད་པའི་འཕགས་པ་ཕྱག་ན་རྡོ་རྗེས་རྒྱུད་འདི་ཉིད་སྟོན་པས་སྦྱང་པའི་ཚེ་ཇི་སྐད་དུ་ཐོས་བ་རྣམས་མི་བརྗོད་པར་གཟུང་དང་ལྡན་པའི་ཐུགས་ལ་ལེགས་པར་བཞག་ནས་མ་འོངས་པའི་གདུལ་བྱ་རྣམས་ལ་ཇི་ལྟ་བ་བཞིན་དུ་བསྟན་པར་བཞེད་པས་འདི་སྐད་བདག་གི་ཐོས་པ་ཞེས་བྱ་བ་ནས་ལ་སོགས་བབ་དུས་གཅིག་ནའི་བར་གསུངས་པ་ཡིན་ནའི་བར་དུ་གསུངས་བ་ཡིན་ནོ། གཉིས་པ་ནི། འདི་སྐད་ཅེས་བྱ་བ་ནི། རྒྱུད་ཀྱི་དོན་མ་ལུས་པར་སྟོན་པའི་ཚིག་གི་ཕྲང་ངོ་། བདག་གིས་ཐོས་པ་ཞེས་བྱ་བ་ནི། བདག་ཉིད་ཀྱི་མངོན་སུམ་དུ་ཐོབ་ཀྱི། གཞན་དག་ལ་གཅིག་ནས་གཅིག་ཏུ་བརྒྱུད་པ་མ་ཡིན་པ་དང་། རྟོགས་པ་མ་ཡིན་པའི། དུས་གཅིག་ཅེས་བ་ནི། དུས་གཅིག་གི་ཚེ་ན་འདི་ཐོས་ལ་གཞན་དུ་ནི་གཞན་དག་ཐོས་པའོ། ཡང་ན་གཞན་དུ་ནི་འདི་མ་ཐོས་པའོ།

(༣༢༩)ཡང་ན་དུས་གཅིག་སྟེ། སྐད་གཅིག་མ་གཅིག་ལའོ། གསུམ་པོ་འདི་དག་གིས་ནི་བདག་ཉིད་ཐོས་པ་མང་བ་དང་། རྒྱུད་རྙེད་པར་དཀའ་བ་དང་། ཤེས་རབ་ཕུལ་དུ་བྱུང་བ་ཡིན་པར་རབ་ཏུ་སྟོན་ཏེ། ཞེས་གསུངས་ཏེ། དེ་ཡང་འདི་སྐད་ཅེས་བྱ་བ་སྨོས་པ་ནི། བཤད་བྱ་རྒྱུད་ཀྱི་ཚིག་དོན་མ་ལུས་པ་འོག་ཏུ་འཆད་བར་འགྱུར་བ་འདི་ཁོ་ན་སྐད་དུ་ཐོས་པ་ཇི་ལྟར་ཐོས་པ་བཞིན་དུ་སྟོན་ཏེ། ཞེས་ཆོས་ཕུན་སུམ་ཚོགས་པ་སྟོན་པའི་ཚིག་གི་ཕྲང་དེ་ཚིག་ཕྲང་དྲངས་ནས་རྒྱུད་འབྱུང་བའི་གླེང་གཞི་ཕུན་སུམ་ཚོགས་པ་རྣམས་འཆད་དོ། བདག་གིས་ཐོས་ཞེས་བྱ་བ་སྨོས་པ་ནི་དགོས་པ་གཉིས་སྟེ། སྡུད་པ་པོ་ཕྱག་ན་རྡོ་རྗེ་བདག་ཉིད་ཀྱི་སྟོན་པ་རྡོ་རྗེ་འཆང་ལས་མངོན་གསུམ་དུ་ཐོས་ཀྱི་སྟོན་བས་རང་ཉིད་ལས་གཞན་པའི་སློབ་མ་དག་ལ་གསུངས་པ་ལས་སློབ་མ་གཅིག་ནས་གཅིག་ཏུ་རྒྱུད་པ་ལས་ཐོས་པ་མ་ཡིན་པ་སྟེ། གལ་ཏེ་དེ་ལྟར་ཡིན་ན། བརྗོད་ཟློས་ནོར་བར་སྲིད་པས་སོ། གཞན་ཡང་ཐོས་པ་ཞེས་སྨོས་པས་ནི་ཚིག་རྣ་བའི་རྣམས་ཀྱི་ཐོབ་ནས་དེའི་དོན་ཐོས་བྱུང་གི་ཤེས་རབ་ཀྱི་བཟུང་བ་ཙམ་ཡིན་གྱི་བསྒོམ་བྱུང་ཤེས་རབ་ཀྱི་དོན་མཐའ་དག་མངོན་དུ་བྱས་པའི་ཚུལ་གྱིས་རྟོགས་པ་ནི་མ་ཡིན་པ་སྟེ། སྟོན་པ་དང་འཁོར་གྱི་ཁྱད་པར་ཡང་བསྟན་པའོ། དུས་གཅིག་ན་ཞེས་སྨོས་པས་ནི་ཆོས་ཀྱི་ཚེ་བ་གཅིག་དང་སྡུད་པ་པོའི་ཚེ་བ་གཉིས་སྟེ། ཁྱད་ཆོས་གསུམ་བསྟན་ཏེ། སྟོན་པ་ཆོས་གསུངས་པའི་དུས་འཁོར་མར་ཡོད་ཀྱི་དུས་ལན་གཅིག་གི་ཚེ་ན་རྒྱུད་འདི་ཐོས་ཀྱི། དང་པོ་དེ་ལས་གཞན་པའི་དུས་དག་ཏུ་ནི་ཆོས་ཀྱང་གཞན་དག་ཐོས་པའོ། ཞེས་པ་ནི་སྡུད་པ་པོ་བདག་ཉིད་ཐོས་པ་མང་བར་བསྟན་ཏེ། སྟོན་

(༣༣༠)པས་གསུངས་པའི་ཆོས་ཐམས་ཅད་ཐོས་པར་བསྟན་པས་སོ། ཡང་ན་དུས་ལན་གཅིག་གི་ཚེ་ན་རྒྱུད་འདི་ཐོས་ཀྱི་དེ་ལས་དུས་གཞན་དུ་ནི་རྒྱུད་འདི་མ་ཐོས་པའོ་ཞེས་པས་ནི་རྒྱུད་འདི་རྙེད་པར་དཀའ་བ་བསྟན་ཏེ། སྟོན་པས་ཀྱང་ལན་གཅིག་ཁོ་ན་ལས་མ་གསུངས་ན་གཞན་སུ་ཞིག་གིས་ཀྱང་གསུངས་པར་མི་འགྱུར་བས་སོ། ཡང་ན་དུས་གཅིག་སྟེ་དུས་མཐའི་སྐད་གཅིག་མ་གཅིག་ལ་རྒྱུད་འདི་ཐོན་པའོ་ཞེས་པ་སྟེ་འདིས་ནི་སྡུད་པ་པོ་ཤེས་རབ་ཕུལ་དུ་བྱུང་བ་ཡིན་པར་རབ་ཏུ་སྟོན་ཏེ་ཚོགས་ཆུངས་ངུས་དོན་ཆེན་པོ་དང་ལྡན་པའི་རྒྱུད་ཁོང་དུ་ཆུད་པར་བསྟན་པས་སོ། གཉིས་པ་ལ་གསུམ། རྒྱུ་མཚན་དང་བཅས་ནས་རྩ་ཚིག་འགོད་པ། སྟོན་པ་ཕུན་ཚོགས་བཤད་པ། གནས་ཕུན་ཚོགས་བཤད་པའོ། དང་པོ་ནི་གང་ལས། གང་དུ། གང་དང་ལྷན་ཅིག་ཐོས་ཞེས་གླིང་གཞི་བསྟན་པའི་ཕྱིར། བཅོམ་ལྡན་ཞེས་བྱ་བ་ལ་སོགས་པ་གསུངས་ཏེ། ཞེས་པ་ནི་བསྡུད་པ་པོ་ཁྱོད་ཀྱི་རྒྱུད་འདི་ཐོས་ན། སྟོན་པ་གང་ལས་ཐོས། གནས་གང་དུ་ཐོས། འཁོར་གང་དང་ལྷན་ཅིག་ཏུ་ཐོས་པ་ཡིན་ཞེས་རྒྱུད་ཀྱི་གླེང་གཞི་སྟེ་རྒྱུ་འབྱུང་བའི་རྒྱུ་གསུམ་པོ་བསྟན་པའི་ཕྱིར་དུ་བཅོམ་ལྡན་འདས་ཞེས་བྱ་བ་ནས་ལ་སོགས་པས་བྷ་ག་ལ་བཞུགས་སོ་ཞེས་བར་གསུངས་སྟེ། ཞེས་རྩ་བའི་ཚིག་སྣ་བཀོད་པའོ། གཉིས་པ་ནི། བཅོམ་ལྡན་འདས་ཞེས་པས་ནི། སྟོན་པ་ཕུན་སུམ་ཚོགས་པ་བསྟན་པ་ཡིན་ཏེ། སྐལ་བ་ཕུན་སུམ་ཚོགས་པ་བསྟན་ཉིད་ཀྱི་ཕྱིར་དང་། མི་མཐུན་པའི་ཕྱོགས་མ་ལུས་པ་བཅོམ་པས་ན། བཅོམ་ལྡན་འདས་ཞེས་གསུངས་སྟེ། བཅོམ་ལྡན་འདས་ཞེས་སྨོས་པས་ནི་བཤད་བྱ་རྒྱུད་འདིའི་སྟོན་པ་ཕུན་སུམ་ཚོགས་པ་བསྟན་

(༣༣༡)པ་ཡིན་ཏེ། བཅོམ་ལྡན་འདས་ཀྱི་སྐད་དེ་བྷ་ག་ཝན་ཞེས་པའི་བྷ་གའི་སྐལ་བ་དང་། ཝན་ཏ་ནི་ལྡན་པ་ལ་འཇུག་པས། སྐལ་བ་དྲུག་ཕུན་སུམ་ཚོགས་པ་དང་ལྡན་པ་ཉིད་ཀྱི་ཕྱིར་བཅོམ་ལྡན་ཞེས་སམ། ཡང་ན་བྷ་ག་ལ་ངེས་ཚིག་གམ་ཚུལ་གྱི་བྷ་གན་ཞེས་སྦྱར་ན་བཅོམ་པ་ལ་འཇུག་པས་བདུད་བཞི་ལ་སོགས་པ་མི་མཐུན་པའི་ཕྱོགས་མ་ལུས་པ་བཅོམ་པའི་ཡོན་ཏན་དང་ལྡན་པས་ན་བཅོམ་ལྡན་ཏེ། རྒྱུད་གཞན་ལས། སངས་རྒྱས་འདི་ལ་བྷ་མངའ། བྷ་ག་རྣམ་པ་དྲུག་ཏུ་བརྗོད། ཡང་ན་ཉོན་མོངས་ལ་སོགས་བདུད། འཇོམས་ཕྱིར་བཅོམ་ལྡན་འདས་ཞེས། ཞེས་གསུངས་པ་བཞིན་ནོ། འདས་ཞེས་པ་ལོ་ཙཱ་བ་རྣམས་ཀྱི་བཀས་བཅད་ནས་བོད་དུ་སྦྱར་བའོ། དེ་ལྟ་བུའི་སྟོན་པ་དེ་ལས་ཐོས་ཤེས་དྲི་བ་དང་པོའི་ལན་དུ་གསུངས་སོ། གསུམ་པ་ལ་གསུམ།  དོགས་པ ་གསལ་བ་སྔོན་བྱུང་གི་རྣམ་འཕྲུལ་ལྟར་བཤད་པ། རྗེས་འཇུག་གི་ཉམས་ལེན་ལྟར་བཤད་པའོ། དང་པོ་ནི། དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པས་ནི། གནས་ཕུན་སུམ་ཚོགས་པ་བསྟན་པ་ཡིན་ནོ། ཞེས་གསུངས་པ་ནི། སྟོན་བའི་ཁྱད་པར་ལ་སྦྱར་རྒྱུ་དང་། གནས་ཀྱི་ཁྱད་པར་ལ་སྦྱར་རྒྱུ་གང་ཡིན་ལ་རྨོངས་ནས་འདི་མན་སྟོན་པའི་ཁྱད་པར་ལ་སྦྱོར་བ་མི་བྱ་སྟེ། དེ་བཞིན་གཤེགས་ཅེས་བྱ་བ་ནས་ལ་སོགས་པ་ཞུགས་སོ་ཞེས་བྱ་བའི་བར་གྱི་གཞུང་རྣམས་ཀྱི་ནི་གནས་ཕུན་སུམ་ཚོགས་པ་ཁྱད་ཆོས་དང་བཅས་པ་ཡིན་ནོ། དེ་ཡང་གོང་གིས་དྲི་བ་གཅིག་པ་གོང་དུ་ཐོས་ཞེས་པའི་ལེན་ནི། བྷ་གའི་མིང་གའི་མིང་ཅན་ཆོས་འབྱུང་གི་གནས་དེར་སྟོན་པ་

(༣༣༢)བཞུགས་ནས་རྒྱུད་གསུངས་པས་དེར་ཐོས་ཞེས་པའོ། ཆོས་འབྱུང་དེའི་ངོ་བོ་ནི་གང་། ཁྱད་པར་ནི་ཇི་ལྟ་བུ་ཞེ་ན། དེ་ནི་རྡོ་རྗེ་བཙུན་མོ་སྟེ་ཤེས་རབ་ཀྱི་ཕ་རོལ་ཏུ་ཕྱིན་མ་ཡིན་ལ། དེ་ལ་བྷ་ག་ཞེས་པའི་སྒྲས་བརྗོད་པར་རིགས་སྟེ། ཤོར་ཕྱིན་དེ་ཉིད་ནི་ཉོན་མོངས་པ་བག་ཆགས་དང་བཅས་པ་རྣམས་འཇོམས་པས་ནའོ། དེ་ནི་གོང་དུ་བྷ་གན་བཅོམ་པ་ལ་འཇུག་པར་བཤད་པ་དང་འདྲའོ། དེ་ལ་རྡོ་རྗེ་བཙུན་མོ་ཞེས་ཀྱང་བྱ་སྟེ། རྡོ་རྗེ་འཆང་ཆེན་པོའི་རོ་མཉམ་ཡིན་པས་སོ། རྡོ་རྗེ་འཆང་ཆེན་པོ་དེ་ཡང་ཇི་ལྟ་བུ་ཞེ་ན། དེ་ནི་དོན་དམ་གྱི་ས་ཐམས་ཅད་ཀྱི་བདག་ཉིད་ཀྱང་ཡིན་ལ་སྐུ་དང་གསུངས་དང་ཐུགས་ཀྱི་སྙིང་པོ་ཡང་ཡིན་ནོ། ཞེས་འཆད་པར་དགོས་སོ། གཉིས་པ་ནི། དེ་བཞིན་ཉིད་དུ་གཤེགས་པས་ན། དེ་བཞིན་གཤེགས་པའོ། དེ་བཞིན་གཤེགས་པ་ཡང་ཡིན་ལ་ཐམས་ཅད་ཀྱང་ཡིན་པས་ན། དེ་བཞིན་གཤེགས་པ་ཐམས་ཅད་དེ། བཅོམ་ལྡན་དེ་ཉིད་ནི་དེ་པ་ཐམས་ཅད་ཀྱི་བདག་ཉིད་ཡིན་པའི་ཕྱིར་རོ། དེ་བས་ན་དེ་བཞིན་གཤེགས་པ་ཐམས་ཅད་ཀྱང་ཡིན་ལ། སྐུ་དང་གསུངས་དང་ཐུགས་ཀྱི་སྙིང་པོ་ཡང་ཡིན་པས་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུངས་དང་ཐུགས་ཀྱི་སྙིང་པོ་སྟེ་རྡོ་རྗེ་འཆང་ཆེན་པོའོ། དེའི་རྡོ་རྗེ་བཙུན་མོ་ནི་ཤེས་རབ་ཏེ། དེ་ཉིད་ནི་ཉོན་མོངས་པ་རྣམས་འཇོམས་པས་སྭ་བྷ་གའོ། དེར་བཞུགས་པ་ནི་གནས་པར་མཛད་པའོ། ཞེས་གསུངས་ཏེ། ཆོས་ཉིད་དེ་བཞིན་ཉིད་ཀྱི་ངང་དུ་གཤེགས་པ་ན་དེ་བཞིན་གཤེགས་པ་ཞེས་བྱའོ། དེ་ལྟ་བུའི་དེ་བཞིན་གཤེགས་པ་ཡང་ཡིན་ལ་དབྱེར་མེད་པ་ཐམས་ཅད་ཀྱང་ཡིན་པས་ན་དེ་བཞིན་གཤེགས་པ་ཐམས་ཅད་བྱའོ། སྟོན་པོ་བུ་གཅིག་དེ་ཉིད་ཅིའི་ཕྱིར། དེ་བཞིན་གཤེགས་པ་ཐམས་ཅད་ཡིན་ཞེ་ན། ཡིན་ཏེ། སྟོན་པ་བཅོམ་ལྡན་འདས་དེ་ཉིད་ནི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ངོ་བོ་ཉིད་ཡིན་པའི་ཕྱིར་རོ།

(༣༣༣)རྒྱུ་མཚན་དེ་བས་ན། བཅོམ་ལྡན་འདས་དེ་ནི་དོན་དམ་གྱི་ས་ཐམས་ཅད་ཀྱི་སྐུ་དང་གསུངས་དང་ཐུགས་ཀྱི་སྙིང་པོ་ཡིན་ཏེ། དེ་ནི་དེ་བཞིན་གཤེགས་པ་ཐམས་ཅད་ཀྱང་ཡིན་ལ། སྐུ་སྤྲུལ་པའི་སྐུ་དང་གསུངས་ལོངས་སྤྱོད་རྫོགས་པའི་སྐུ་སྟེ་སྐུ་གསུམ་པོ་ཐམས་ཅད་ཀྱི་སྙིང་པོར་གྱུར་པ་བདེ་བ་ཆེན་པོའི་སྐུའི་བདག་ཉིད་ཡིན་པས་སོ། དེ་ཡང་གང་ཞེ་ན། བཅོམ་ལྡན་འདས་རྡོ་རྗེ་འཆང་ཆེན་པོའོ། བཅོམ་ལྡན་འདས་དེའི་རྡོ་རྗེ་བཙུན་མོ་ནི་ཤེས་རབ་སྟེ། བདེ་བ་ཆེན་པོའི་སྐུ་དེ་ཉིད་ཀྱི་ཡེ་ཤེས་ཀྱི་རང་འོད་དམ་ཡེ་ཤེས་དེ་ཉིད་ནི་ཉོན་མོངས་པ་བག་ཆགས་དང་བཅས་པ་རྣམས་འཇོམས་པར་བྱེད་པས་ན་བྷ་ག་ཞེས་བྱ་སྟེ། བྷ་ག་བཅོམ་པ་ལ་འཇུག་བར་བཤད་པ་ལྟར་རོ། དེས་ན་རྡོ་རྗེ་བཙུན་མོ་ཡང་ཡིན་ལ་བྷ་ག་ཡང་ཡིན་པས་ན་རྡོ་རྗེ་བཙུན་མོའི་བྷ་ག་ཏེ། དེ་ནི་ཆོས་ཀྱི་འབྱུང་གནས་སོ། དེ་ཡང་རྣམ་པར་ཐར་པའི་སྒོ་གསུམ་མཚོན་པའི་ཕྱིར་རོ་ཟུགས་གསུམ་པའི་རྣམ་པ་ཅན་ཨེ་ཡིག་གི་གཟུགས་ཏེ་བཤད་མ་ཐག་པའི་སྐུ་དང་གསུངས་དང་ཐུགས་ཀྱི་ཞེས་པས་བསྟན་ཏོ། ཇི་སྐད་དུ་རྒྱུད་ཕྱི་མ་ལས། རིག་མའི་སྐྱེས་བུ་རྡོ་རྗེ་ཅན། ལོངས་སྤྱོད་བཞི་དང་ཡང་དག་ལྡན། སྐུ་གསུངས་ཐུགས་སུ་དབྱེ་བ་ཡིས། སྐུ་གསུམ་རྣམས་སུ་བསྒོམ་པར་བྱ། ཞེས་འབྱུང་བ་བཞིན་ནོ། ཡང་ན་དབྱིབས་ལས་ཀྱང་ཆོས་ཀྱི་འབྱུང་གནས་ལ་བྷ་ག་ཞེས་གསུངས་སོ། ཤེས་རབ་མའི་བྷ་ག་དང་ཆོས་འབྱུང་གྲུ་གསུམ་པའི་དབྱིབ་ཅན་དུ་མཚུངས་པས་སོ། དེ་ལྟ་བུའི་ཆོས་འབྱུང་གམ་གནས་དེར་བཞུགས་པ་ནི་ཆོས་ཀྱི་དབྱིང་དེ་བཞིན་ཉིད་ལ་རྩེ་གཅིག་ཏུ་གནས་པར་མཛད་པའོ། དེས་ན་བཅོམ་ལྡན་འདས་དེ་ལྟར་དུ་བཞུགས་པའི་གནས་དེར་ཐོས་སོ། ཞེས་པའི་དོན་ཅན་ནོ། གསུམ་པ་ནི། འདི་སྐད་བཏོན་པ་ཡིན་ཏེ། དེ་

(༣༣༤)བཞིན་ཉིད་དང་། ཟླ་བ་དང་། ས་བོན་དང་། ཕྱག་ཚན་དང་། སྐུའི་རིམས་ཀྱི་གྱུར་ནས། བཅོམ་ལྡན་འདས་ཟླ་བའི་དཀྱིལ་འཁོར་གྱི་སྟེངས་ན། ཇི་སྐད་དུ་བཤད་པའི་གཞལ་ཡས་ཁང་གི་ནད་ན་བཞུགས་པའོ། ཞེས་གསུངས་སོ། ཡང་ན་དོན་དམ་ནས་ཞུགས་སོ་ཞེས་པའི་བར་གྱི་གླེང་གཞིའི་ཚིག་དེ་རྣམས་ཀྱི་ཉམས་སུ་ལེན་ཚུལ་འདི་སྐད་དུ་སྟོན་པ་ཡིན་ཏེ། དེ་བཞིན་གཤེགས་པ་ཞེས་པས་ནི་ཆོས་ཉིད་དེ་བཞིན་ཉིད་ཀྱི་ངང་དུ་མི་གཡོ་པར་གསུངས་པས། ལྷག་མོས་འོད་གསལ་རྡུལ་བསྡུས་པའི་སྟོང་པ་ཉིད་དེ་གཞི་སྟོང་པ་ལས་བྱང་ཆུབ་པ་དང་། སྐུ་ཞེས་པ་ནི་པད་མ་དང་ཟླ་བ་དང་ཉི་མ་འདྲེས་པ་སྟེ་གདན་པད་ཟླ་ལས་བྱང་ཆུབ་པ་དང་། གཟུང་བཞི་ཞེས་པ་ནི་ས་བོན་ཡིག་འབྲུ་ལས་བྱང་ཆུབ་པ་དང་། ཐུགས་ཤེས་པ་ནི་ཕྱག་མཚན་ལས་བྱང་ཆུབ་པ་དང་། དེ་ཐམས་ཅད་ཀྱི་སྙིང་པོ་ནི་སྐུ་རྫོགས་པ་ལ་བྱང་ཆུབ་པ་སྟེ་མངོན་པར་རྫོགས་པར་བྱང་ཆུབ་པ་ལྔའི་རིམ་གྱི་བྱུང་ནས་སེམས་ཅན་གྱི་དོན་མཛད་པའི་བཅོམ་ལྡན་འདས་སོ། རྡོ་རྗེ་བཙུན་མོ་ནི། བཅོམ་ལྡན་འདས་དེ་ཉིད་ཀྱི་རང་བོད་ལས་གྲུབ་པའི་ཞིང་ཁམས་དེ། གཞལ་མས་ཁང་ངོ་། དེར་བཞུགས་པ་ནི་བྷ་ལ་བཞུགས་པ་སྟེ། བཅོམ་ལྡན་འདས་དེ་ཉིད་གདན་པད་མ་དང་ཟླ་བའི་གདན་གྱི་སྟེང་ན་རྒྱུད་ལས་ཇི་སྐད་དུ་བཤད་པའི་གཞུང་གི་ནང་བཙུན་མོ་དང་མཉམ་པར་སྦྱོར་བའི་འཁོར་ལོས་བསྒྱུར་བའི་ཆ་ལུགས་ཀྱི་བཞུགས་པའོ། གསུམ་པ་དོན་བསྡུ་བ་ནི། ཞེས་བྱ་བ་ནི་ཡི་གེའི་དོན་ཏོ། ཚོགས་པ་ལ་བཤད་པའོ། ཞེས་གསུངས་སོ། ཞེས་བྱ་བའི་ཚུལ་གྱི་བཤད་པ་དེ་ནི་ཡི་གེའི་དོན་ཏེ་ཚིག་གི་ཐོབ་ཚོད་དང་བསྟུན་ནས་བཤད་པའོ། བཤད་པའི་

(༣༣༥)ཚུལ་འདི་ནི་ཐུན་མོངས་དུ་འཚོགས་བ་ལ་བཤད་པར་བྱའོ། གཉིས་པ་སྤྱི་དོན་གྱི་ཚུལ་དུ་བཤད་པ་ལ་གཉིས། ཅུང་ཟད་སྤྲོས་ནས་བཤད་པ་དང་། ཚིག་གི་དོན་བཤད་པའོ། དང་པོ་ནི། དེ་ལྟར་ཡི་གེའི་དོན་གྱིས་སྒོ་ནས་རྒྱུད་སྟོན་པ་པོ་དང་བསྡུད་པ་པོ་རྒྱུད་ཐ་དད་པར་བཤད་ནས་དད་ནི་སྤྱིའི་དོན་གྱི་སྒོ་ནས་དེ་གཉིས་རྒྱུད་གཉིས་བར་བསྟན་ཏེ་ཨེ་ཝཾ་ལ་བོགས་པ་བཤད་པར་བྱའོ། དེ་ཡང་། འགྲེལ་ཆེན་འདིར་ནི་འདུས་པའི་བཤད་སྒྱུ་ལྷའི་དབང་པོས་ཞུས་པ་ཞེས་བྱ་བ་ཞིག་རྒྱ་གར་ན་བཞུགས་པས་བཤད་རྒྱུད་དེས་གླེང་གཞི་ཇི་ལྟར་བཤད་པའི་རྗེས་སུ་འབྲང་ནས། དེའི་ལུང་དང་གཙོ་བོར་སྦྱར་ཞིང་ཐུན་མོངས་མ་ཡིན་པའི་གསང་བ་སོགས་ལུང་གཞན་ཡང་དྲ་བ་ལས་ལུང་དེ་རྣམས་ནི་འོག་ནས་འཆད་ལ་གསང་པ་གྲུབ་པར་ཡང་དེ་གཉིས་གཅིག་པར་གསུངས་སྟེ། ཇི་སྐད་དུ། སློབ་དཔོན་ཕལ་ཆེར་འདི་སྐད་ཟེར། དཔལ་ལྡན་འདུས་པ་གསང་ཆེན་གྱི། རྒྱུད་ཀྱི་བསྡུད་པར་བྱེད་པ་པོ། དཔའ་བོ་འཇིག་རྟེན་དབང་ཕྱུག་ཟེར། །།།སྒྲུབ་ཀྱི་བཀའ་དྲིན་གྱིས། དེ་ཡིས་བསྡུད་པར་བྱེད་པ་པོ། གཞན་དབང་ཡོད་པར་མ་ཡིན་ཞེས་བདག་ཉིད་འབའ་ཞིག་སྨྲ་བར་བྱེད། རྒྱུད་མཛད་པ་ནི་ཐུགས་རྡོ་རྗེ། གསུངས་བ་པོ་འང་བརྗོད་པའང་དེ། དེ་ལས་གཞན་དག་ཡོད་མིན་པས། བདེ་ཆེན་ལས་གཞན་གསུངས་བ་མེད། འདི་སྐད་ཐོས་པའི་ཚག་གང་དང་། བཞུགས་ཤེས་བྱ་བའི་ཚིག་གནས་པ། ཐུགས་རྡོ་རྗེ་བདག་ཉིད་ཀྱི། སངས་རྒྱས་ཀུན་ལ་བསྟན་པ་ཡིན། ཞེས་འབྱུང་པས་སོ། ཀྱཻ་རྡོ་རྗེའི་བཤད་རྒྱུད་ཡེ་

(༣༣༦)ཤེས་ཐིག་ལེ་ལས་ཀྱང་། ཀྱཻ་བཅོམ་ལྡན་འདས་མ་འོངས་པའི་དུས་སུ་ཡང་དག་པར་གསང་བའི་རྒྱུད་འདི་སྐལ་བ་དང་ལྡན་པའི་སེམས་ཅན་རྣམས་ལ་སུས་འཆད་པར་འགྱུར། བཅོམ་ལྡན་འདས་ཀྱི་བཀའ་རྩལ་པ། དཔལ་ཕྱག་ན་རྡོ་རྗེ་མགོན་པོ་ནས་བཤད་པར་བྱེད་དོ། ཞེས་སོགས་ཀྱི་འཕྲོགས། ལྟ་བ་ཀུན་གྱི་བསྲུང་དོན་ཕྱིར། སྣ་ཚོགས་པ་ཡི་གཟུགས་སུ་སྤྱོད། ལ་ལར་རྡོ་རྗེ་འཛིན་པ་དང་། ལ་ལར་སངས་རྒྱས་ཀྱིས་ནི་གཟུགས། ལ་ལར་ཧེ་རུ་ཀའི་གཟུགས། ལ་ལར་དེ་བཞིན་གཤེགས་པ་དང་། ལ་ལར་བྱང་ཆུབ་སེམས་དཔའི་གཟུགས། ལ་ལར་ཉན་པ་ལྟ་བུར་བཞུགས། ལ་ལར་འཆོད་རབ་དགྱེས་མ། ལ་ལར་ཀློག་པའི་ཚུལ་དུ་བཞུག །ལ་ལར་རྒྱུད་དང་བསྟན་བཅོས་ནི། མཛད་པ་དང་ནི་ལ་ལར་འཛིན། མང་དུ་བརྗོད་ལྟ་ཅི་ཞིག་དགོས། དེ་སྟོན་ཕྱག་ན་རྡོ་རྗེ་རྒྱལ། ཞེས་འབྱུང་ཞིང་། སམྦུ་ཊི་ལས་ཀྱང་། འཆད་པ་པོ་ང་ཆོས་ཀྱང་ང་། རང་གི་ཚོགས་ལྡན་ཉན་པ་ང་། དེ་དག་ཐ་དད་ཀྱི་སྣང་བ་ལ་ཇི་ལྟར་འཚལ་བར་བགྱི། གོང་དུ་བདེ་བ་ཆེན་པོའི་མགོན་པོ་གར་མཛད་པ་ན་གཅིག་ཉིད་དུ་མའི་རོ་ཞེས་བྱ་བས་རོལ་པ་མཛད་པའོ། ཞེས་གསུངས་སོ། རྒྱུད་ཕན་ཚུན་དགོངས་པ་གཅིག་ཏུ་གནས་སོ། གཉིས་པ་ལ་གསུམ། མཐའ་བཅད་པ། བཤད་རྒྱུད་ལྷས་ཞུས་ཀྱི་གླེང་གཞི་བཤད་ཚུལ་དངོས། མཇུག་བསྡུ་བའོ། དང་པོ་ལ་གསུམ། ཨེ་ཝཾ་དགོས་མི་དགོས་ཀྱི་མཐའ་བཅད་པ། གཙོ་བོ་འཁོར་རྒྱུད་གཅིག་དང་ཐ་དད་པའི་ དོགས་པ ་བཅད་པ་

(༣༣༧)དོན་བསྡུ་བའོ། དང་པོ་ལ་གཉིས། དྲི་བ་དང་། ལན་ནོ། དང་པོ་ནི། འདིར་གསོལ་པ། དགོས་པ་གང་གིས་ན་སྡུད་པར་བྱེད་པས་དེ་བཞིན་གཤེགས་པ་ཐམས་ཅད་ཀྱི་གསུངས་རབ་རྣམས་ལ་འདི་སྐད་བདག་གིས་ཤེས་སྟོན་པར་བྱེད་འདི་དག་བདག་གི་ཞེ་འམ། འདི་བདག་གིས་ཤེས་བྱ་བ་ལ་སོགས་པས་ཀྱང་། སྟོན་པར་ནུས་པ་ཉིད་ཡིན་ནོ། ཞེས་གསུངས་སོ། གླེང་གཞི་སྤྱི་དོན་གྱི་སྒོ་ནས་འཆད་པའི་སྐབས་འདིར་ དོགས་པ ་ཤར་བའི་ཉན་པ་པོས་འཆད་པ་པོ་ལ་གསོལ་པ། དགོས་པ་གང་གི་ཆེད་དུ་གོངས་པ་གང་གི་ན་བཀའ་བསྡུད་པར་བྱེད་པ་པོས་དེ་བཞིན་གཤེགས་པ་ཐམས་ཅད་ཀྱི་གསུང་རབས་གླེགས་བམ་དུ་བཀོད་པ་རྣམས་ལ། གླེང་གཞིའི་ཐོག་མར་འདི་སྐད་བདག་གིས་ཤེས་པའི་སྐད་དོད་པ་ཨེ་ཝཾ་མ་ཡ་ཞེས་པའི་སྒྲ་འདི་ཁོ་ན་ངེས་པར་སྟོན་པར་བྱེད་དགོས་ཏེ་མི་དགོས་སོ། ཅིས་སྟེ་ན། འདི་དག་བདག་གིས་ཞེས་པའི་སྐད་དོད་ཨི་དམ་མ་ཡ་ཞེས་བྱ་བ་ལ་སོགས་པའི་གསུངས་ཀྱང་ཆོས་འདི་སྟོན་པ་བདོག་གིས་ཐོས་པའི་གོ་དོན་སྟོན་པར་ནུས་པ་ཉིད་མ་ཡིན་སྟེ་ཡིན་ནོ། ཞེས་དྲིས་པའོ། གཉིས་པ་ནི། སྨྲས་པ། དེ་བཞིན་གཤེགས་པ་ཐམས་ཅད་ཀྱི་བརྡར་གྱུར་པ་ཤེས་རབ་དང་ཐབས་སྟོན་པ་ཉིད་ཀྱི་གསུང་རབས་ཀྱི་དང་པོར་ངེས་པར་བརྗོད་དགོས་སོ། ཞེས་གསུངས་ཏེ། དྲི་བ་དེའི་ལན་དུ་འཆད་པ་པོས་སྨྲས་བ། གླེང་གཞིའི་དང་པོར་ཨེ་ཝཾ་སྟོན་པའི་རྒྱུ་མཚན་དགོས་པ་ནི། སྟོན་པ་ཉིད་ཀྱིས་ཐབས་ཤེས་ཀྱི་བརྡར་ཡིག་གི་དེ་གཉིས་ཐོག་མར་མཛད་པས་དེ་བཞིན་གཤེགས་པ་ཐམས་ཅད་ཀྱི་བརྡར་གྱུར་པ་ཡིན་ཞིང་། ཨེ་ཡིག་གི་ཤེས་རབ་དང་། ཝཾ་ཡིག་གི་ཐབས་མཚོན་བར་བྱེད་པས་ཐབས་ཤེས་ཁྱད་པར་ཅན་སྟོན་པ་ཉིད་ཀྱི་

(༣༣༨)ན་ཡིག་གེ་དེ་གཉིས་དང་པོར་སྟོན་དགོས་ཤིང་། ཨེ་ཝཾ་གྱི་མཚོན་དོན་འདྲ་བ་ཨི་ཡཾ་སོགས་ལ་མེད་པས་ཁྱད་ཞུགས་པའི་ཕྱིར་གསུང་རབས་ཀྱི་གླེང་གཞིའི་དང་པོར་བདག་གི་ཐོས་པའི་ཚིག་གི་སྤྲིང་ཚིག་དེའི་འདྲེན་ལ་ཝམ་ཉིད་ངེས་པར་བརྗོད་དགོས་ཀྱི་ཨི་དམ་སོགས་དང་མི་མཚུངས་སོ། གཉིས་པ་གཙོ་འཁོར་རྒྱུད་གཅིག་དང་ཐ་དད་པའི་ དོགས་པ ་དཔྱད་པ་གཉིས། རྒྱུད་གཅིག་པར་སྟོན་པའི་དྲི་ལན་དང་། དེ་ལ་ དོགས་པ ་བསལ་བའི་དྲི་ལན་ནོ། དང་པོ་ལ་གཉིས། དགོས་པ་འགོད་པ་དང་། ལན་གདབ་པའོ། དང་པོ་ནི། གསོལ་པ། གལ་ཏེ་དེ་ལྟ་ན་ནི། སྡུད་པར་བྱེད་པ་མེད་པར་ཤེས་པར་བྱའོ། དེས་ན་བདག་གིས་ཤེས་བྱ་བ་ལ་སོགས་པའི་ཚིག་འབྲེལ་བ་མེད་པར་འགྱུར་རོ། ཨེ་ཝཾ་དེ་བཞིན་གཤེགས་པ་ཉིད་ཀྱི་བརྡར་འཆད་པ་པོ་དེ་ལ་ དོགས་པ ་འདི་ཤར་བའི་ཉན་པ་པོས་ དོགས་པ ་འགོད་པའི་ཚིག་གསོལ་བ། གལ་ཏེ་གླེང་གཞིའི་དང་པོར་བཀོད་པའི་ཨེ་ཝཾ་འདི་དག་སྟོན་པ་ཉིད་ཀྱི་ཐབས་ཤེས་ཀྱི་བརྡར་ཐོག་མར་མཛད་པར་དེ་བཞིན་གཤེགས་པ་ཐམས་ཅད་ཀྱི་བརྡའ་ཡིན་པ་དེ་ལྟ་ན་ནི་འདི་སྐད་སོགས་གསུང་བ་པོ་ཡང་སྟོན་པ་ཉིད་བས་རང་ཉིད་ལས་སྡུད་པར་བྱེད་པ་པོ་མེད་པར་ཤེས་པར་བྱའོ། རྒྱུ་མཚན་དེས་ན་འདི་སྐད་ཅེས་པ་དང་བདག་གི་ཐོས་བ་ཞེས་བྱ་བ་ལ་སོགས་པས་དུས་གཅིག་ན་ཞེས་པའི་ཚིག་ལ་འབྲེལ་པ་མེད་པར་འགྱུར་ཏེ། ཚིག་དེ་བདག་ཉིད་ཀྱི་སྨྲས་པ་ཡིན་གྱི། གཞན་ལས་བདག་ཐོས་པ་མ་ཡིན་པས་སོ། དེས་ན་གསང་སྙིང་གི་གླིང་གཞི་འབྱུང་བ་ལྟར། འདི་སྐད་བཤད་པའི་དུས་གཅིག་ན་ཞེས་འགོད་པར་རིགས་པ་མ་ཡིན་ནམ་ཞེས་དྲིས་པའོ། གཉིས་པ་ནི། སྨྲས་པ།

(༣༣༩)དེ་ནི་བདེན་ཏེ་འདིར་སྡུད་པར་བྱེད་པ་ནི་མེད་དོ། ཞེས་གསུངས་སོ། དེའི་ལན་དུ་འཆད་པ་པོས་སྨྲས་པ། སྟོན་པ་རང་ཉིད་ལས་རྒྱུད་གཞན་པའི་སྡུད་པར་བྱེད་པ་པོ་མེད་པར་ཤེས་པར་བྱའོ། ཞེས་པ་དེ་ནི་བདེན་ཏེ་གླེང་གཞིའི་སྤྱི་དོན་གྱི་ཚུལ་གྱི་སྒོ་ནས་འཆད་པའི་སྐབས་འདིར་རྒྱུད་གསུང་བ་པོ་སྟོན་པ་ལས་རྒྱུད་ཐ་དད་པའི་སྡུད་པར་བྱེད་པ་པོ་ནི་མེད་དོ། དེ་ཡང་གོང་དུ་སྤྲོས་ནས་བཤད་པའི་སྐབས་སུ། གསང་བ་གྲུབ་པ་དང་། ཡེ་ཤེས་ཐིག་ལེ་དང་། སཾ་ཊིའི་ལུང་གི་བསྒྲུབ་བ་དང་། འོག་ཏུ་རྒྱས་པར་འཆད་པར་འགྱུར་བ་ལྟར་རོ། དེས་ན་གསང་སྙིང་གི་གླིང་གཞིར་བཀོད་པ་ལྟ་བུའང་དོན་ལ་ཐོབ་སྟེ། བཅོམ་ལྡན་རལ་གྲིས། གསང་སྙིང་བསྒྲུབ་པ་རྒྱན་གྱི་མེ་ཏོག་དུ། གསང་སྙིང་གི་གླིང་གཞི་དེ་ལ་བཤད་པ་མཛད་པའི་ཚེ། གསང་བ་གྲུབ་པའི་ལུང་། སློབ་དཔོན་ཞེས་པ་ནས་ཐུགས་རྡོ་རྗེ། ཞེས་པའི་བར་རྐང་པ་དགུ་དྲངས་ནས། འདིར་གསུང་བ་པོ་རང་ཉིད་ཀྱི་སྡུད་པའི་ལུགས་ཡིན་ནོ། ཞེས་གསུངས་པས་སོ། དེ་ལྟ་མདོ་ཀྱང་། འདི་སྐད་བདག་གི་ཐོས་པ་ཞེས་སོགས་གསུང་བ་པོ་དང་བསྡུད་པ་པོ་རྒྱུད་ཐ་དད་པ་ལྟར་གསུངས་པ་ནི། ཚུལ་བཞི་པོ་གང་གི་སྒོ་ནས་ཀྱང་འཆད་དུ་རུང་བའི་དབང་དུ་བྱས་པ་དང་། ལས་དང་པོ་པའི་སེམས་ཅན་རྣམས་གཞུག་པར་བྱ་བའི་ཕྱིར་དུ་དགོངས་ཏེ་གསུངས་པ་ཡིན་ནོ། གཉིས་པ་དེ་ལ་ དོགས་པ ་བསལ་བ་ལ་གཉིས།  དོགས་པ ་བཀོད་ནས་དྲི་མ་དང་། དེ་ལ་ལན་བཏབ་པའོ་། དང་པོ་ནི། གསོལ་བ། འོ་ན་བཙུན་པ་ཀུན་དགའ་བོ་ལ་སོགས་བ་སྡུད་པར་བྱ་བ་ཅིའི་ཕྱིར་འཇིག་རྟེན་དུ་གྲགས། ཤེས་གསུངས་སོ། དེ་གཉིས་རྒྱུད་གཅིག་ཏུ་འཆད་པ་པོ་དེ་ལ། དེ་ལྟར་ན་སྡུད་པ་པོའི་མིར་སྨོས་མི་དགོས་སྙམས་དུ་ དོགས་པ ་ཤར་བའི་

(༣༤༠)ཉན་པ་པོས་གསོལ་པ། སྟོན་པ་དང་བསྡུ་བ་པོ་རྒྱུད་ཐ་དད་པ་མ་ཡིན་པ། འོ་ན་ཉན་ཐོས་དགྲ་བཅོམ་པ་བཙུན་པ་ཀུན་དགའ་བོ་དང་། ལ་སོགས་པས་ས་བཅུའི་བྱང་ཆུབ་སེམས་དཔའ་ཕྱག་ན་རྡོ་རྗེ་དང་འཇིག་རྟེན་དབང་ཕྱུག་ལ་སོགས་ཡང་རྟོགས་དང་རྒྱུད་ཐ་དད་པ་དུ་མ་བཀའ་སོ་སོའི་སྡུད་པར་བྱེད་པ་པོར་བཅོམ་ལྡན་འདས་ཉིད་ཀྱི་ཅིའི་ཕྱིར་ལུང་དུ་བསྟན། འཇིག་རྟེན་དུ་ཡང་དེ་དག་བསྡུད་པ་པོར་གྲགས་པ་འདི་ཅི་ལས་གྲགས་ཤེས་དྲིས་པའོ། གཉིས་པ་ལ་གསུམ། དེ་དག་རྒྱུད་གཅིག་པར་རིག་པས་བསྒྲུབ་པ་དང་། ལུང་གི་བསྒྲུབ་པ། ཐ་དད་དུ་གསུང་བ་དྲང་དོན་དོན་དུ་བསྟན་པའོ། དང་པོ་ནི། སྨྲས་པ། ཀུན་དགའ་པོ་ན་འདིར་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ། ཕྱག་ན་ཡིན་ལ། རྡོ་རྗེ་འཆང་ཆེན་པོ་ཡང་དེ་ཉིད་ལས་མ་ཡིན་ཏེ་གཞན་དུ་མདོ་སྡེ་ལ་སོགས་པ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་པོ་འདི་དེ་བཞིན་གཤེགས་པ་ལས་ཕྱག་ན་རྡོ་རྗེས་ཐོས་ནས། ལྷག་ཆད་མེད་པར་ལན་གཅིག་གིས་འཛིན་པར་ག་ལ་ནུས། ཤེས་གསུངས་སོ།  དོགས་པ ་དེ་ལ་གསུང་བ་སེམས་ལན་སྨྲས་པ། བླ་ན་མེད་པའི་སྐབས་འདིར་སྡུད་པར་བྱེད་པ་པོ་དེ་རྣམས་མིང་སོ་སོར་སྨོས་པས། སྟོན་པ་པོ་དང་སྡུད་པ་པོ་རྒྱུད་ཐ་དད་ཡིན་པར་མི་འགྱུར་ཏེ། བཙུན་པ་ཀུན་དགའ་པོ་ནི་སྐབས་འདིར་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ཡིན་ཏེ། ཀུན་ཏུ་བཟང་པོ་དེ་ནི་རྒྱུད་འདིའི་བསྡུ་བ་པོ་ཕྱག་ན་རྡོ་རྗེ་ཉིད་ཡིན་ལ། སྟོན་པ་པོ་རང་བཞིན་དེ་ཡང་ཕྱག་ན་རྡོ་རྗེ་དེ་ཉིད་ལས་རྒྱུད་གཞན་མ་ཡིན་ཏེ། ཕྱག་ན་རྡོ་རྗེ་ནི་སངས་རྒྱས་ཐམས་ཅད་ཀྱི་ཐུགས་ཀྱི་གསང་བའི་བདག་པོ་ཡིན་པས་སོ། སྡུད་པ་པོ་སྟོན་པ་པོ་དང་རྒྱུད་གཅིག་པ་ལས་གཞན་དུ་དེ་དག་ཉན་ཐོས་རང་རྒྱུད་པ་

(༣༤༡)དང་བྱང་སེམས་སློབ་པ་ཡིན་ན། མདོ་སྡེ་ལ་སོགས་པ་ཆོས་ཀྱི་ཕུང་པོ་བརྒྱད་ཁྲིད་བཞི་སྟོང་པོ་འདི་དག་དང་རྡོ་རྗེ་ཐེག་པའི་གསུང་རབས་སོགས་ཆོས་ཀྱི་སྒོ་མོ་དུང་ཕྱུར་ཕྲག་བདུན་ལ་སོགས་པ་རྣམས་དེ་བཞིན་གཤེགས་པ་ལས། ཀུན་དགའ་བོ་དང་ཕྱག་ན་རྡོ་རྗེས་དུས་མཐའི་སྐད་གཅིག་མར་ཐོས་ནས། ལྷག་ཆད་མེད་པར་ལན་གཅིག་གི་འཛིན་པར་ག་ལ་ནུས་ཏེ། དེ་ལྟ་བུ་མི་སྲིད་དོ། གཉིས་པ་ནི། བཅོམ་ལྡན་འདས་གྱིས་ཀྱང་འདི་ཉིད་ཐུན་མོངས་མ་ཡིན་པའི་གསང་བ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་གསུངས་སྟེ། དེ་ནས་གཞན་ཡང་ཐམས་ཅད་མཁྱེན་པའི་འཁོར་ཕུན་ཚོགས་པ་བཤད་པར་བྱའོ། འདི་ལྟ་སྟེ། འཇམ་དཔལ་ནི་རྒྱལ་པོ་ཆེན་པོ་ཟས་གཙང་མར་གྱུར་ཏོ། འཇིག་རྟེན་དབང་ཕྱུག་གི་ལྷ་མོ་ཆེན་མོ་སྒྱུ་འཕྲུལ་དུ་གྱུར་ཏེ། དཔལ་ལྷ་མོ་ནི་གྲགས་འཛིན་ནོ། རྡོ་རྗེ་སེམས་དཔའ་ནི་སྒྲ་གཅན་འཛིན་ནོ། སྒྲིབ་པ་ཐམས་ཅད་རྣམ་པར་སེལ་བ་ནི་ཤ་རིའི་བུའོ། ཀུན་ཏུ་བཟང་པོ་ནི་གནས་བརྟན་ཀུན་དགའ་བོར་གྱུར་ཏེ། ལྷའི་དབང་པོ་བརྒྱ་བྱིན་ནི་གནས་བརྟན་བར་བྱིན་ནོ། རྣམ་པར་དེ་ཆེན་པོ་ནི་ཡང་དག་པར་རྫོགས་པའི་སངས་རྒྱས་དཔལ་ཤཱཀྱ་ཐུབ་པར་གྱུར་ཏོ། ཞེས་གསུངས་སོ། རིག་པས་བསྒྲུབ་པ་དེ་ཙམ་དུ་མ་ཟད་བཅོམ་ལྡན་འདས་ཀྱིས་ཀྱང་མ་འོངས་པའི་གདུལ་བྱའི་བསམ་པ་མཁྱེན་པ་དོན་འདི་ཉིད་ལས་བརྩམས་སྟེ་ཐུན་མོངས་མ་ཡིན་པའི་གསང་བ་ཞེས་བྱ་བ་རྣལ་འབྱོར་ཆེན་པོའི་ཕ་རྒྱུད་ལས་གསུངས་སྟེ། ཇི་སྐད་དུ། དེ་ནས་གཞན་ཡང་ཐམས་ཅད་མཁྱེན་པའི་འཁོར་ཕུན་སུམ་ཚོགས་པ་བཤད་པར་བྱའོ། འདི་ལྟ་སྟེ། འཇམ་དཔལ་ནི་རྒྱལ་པོ་ཟས་གཙང་མར་གྱུར་ཏེ། འཇིག་རྟེན་དབང་ཕྱུག་ནི་ལྷ་མོ་ཆེན་མོ་སྒྱུ་འཕྲུལ་དུ་གྱུར་ཏོ། དཔལ་ལྷ་མོ་གྲགས་འཛོན་ནོ།

(༣༤༢)རྡོ་རྗེ་སེམས་དཔའ་ནི་སྒྲ་ཅན་འཛིན་ནོ། སྒྲིབ་པ་ཐམས་ཅད་རྣམ་པར་སེལ་བ་ནི་ཤ་རིའི་བུའོ། ཀུན་ཏུ་བཟང་པོ་ནི་གནས་ཀུན་དགའ་བོར་གྱུར་ཏོ། ལྷའི་དབང་པོ་བརྒྱ་བྱིན་ནི་གནས་ལྷ་སྦྱིན་ནོ། རྣམ་པར་དེ་ཆེན་པོ་ནི་ཡང་དག་པར་རྫོགས་པའི་སངས་རྒྱས་དཔལ་ཤཱཀྱ་ཐུབ་པར་གྱུར་ཏོ། ཞེས་འབྱུང་བས་སོ། གཉིས་པ་ལ་གཉིས། དངོས་དང་། དེ་ལུང་དང་སྦྱར་བའོ། དང་པོ་ནི། རིགས་པ་འདིས་ནི་བསྡུད་པར་བྱེད་པ་ཞེས་བྱ་བ་དང་། འཁོར་ཞེས་བྱ་བ་ནི་ལས་དང་པོ་པའི་སེམས་ཅན་ལ་འཇུག་པར་བྱ་བའི་ཕྱིར། སངས་རྒྱས་ཀྱི་རོལ་མོ་འདི་བསྟན་པ་ཡིན་ནོ། ཞེས་གསུངས་སོ། སྔར་བཀོད་པའི་རིག་པ་དང་སྨོས་མ་ཐག་བའི་ལུང་འདིས་ན་ཀུན་དགའ་པོ་དང་ཕྱག་ན་རྡོ་རྗེ་སོགས་བསྡུད་བར་བྱེད་པ་ཞེས་བྱ་བ་དང་། འཇིག་རྟེན་པ་དང་བཞི་པ་པའི་འཁོར་ཞེས་བྱ་བ་སྟོན་པ་ལས་རྒྱུད་ཐ་དད་པ་ལྟ་བུར་བསྟན་པ་འདི་ནི། གདུལ་བྱ་ལས་དང་པོ་པའི་སེམས་ཅན་རྣམས་ནམ་མཁའི་ཆོས་ལ་འཇུག་པར་བྱ་བའི་ཕྱིར་དུ་སངས་རྒྱས་བཅོམ་ལྡན་འདས་ཉིད་ཀྱི་རྫུ་འཕྲུལ་སྣ་ཚོགས་པའི་རོལ་མོ་བསམ་གྱིས་མི་ཁྱབ་པའི་ངོ་མཚར་གྱིས་ལྟད་མོ་འདི་གཞན་སྣང་དུ་བསྟན་པ་ཡིན་ནོ། གཉིས་པ་ནི། འདིར་གསུང་བ། སངས་རྒྱས་མྱ་ངན་མི་འདའ་ཞིང་། ཆོས་ཀྱང་ནུས་པར་མི་འགྱུར་ཏེ། སེམས་ཅན་རྣམས་ནི་འདུལ་བའི་ཕྱིར། མྱ་ངན་འདས་པ་ཉེ་བར་སྟོན། ཞེས་པའོ། ཞེས་གསུངས་སོ། དོན་ལ་མེད་བཞིན་དུ་སེམས་པའི་ལྟད་མོས་སེམས་ཅན་གྱི་དོན་མཛད་པའི་བླང་དུ་སངས་རྒྱས་ཀྱི་རྫུ་འཕྲུལ་གྱི་རྣམ་པར་རོལ་པ་མཐའ་ཡས་པ་བསྟན་པ་འདི་ལུང་གི་ཀྱང་གྲུབ་ཏེ། སྐབས་འདིས་དྲང་བར་འོས་པའི་ལུང་

(༣༤༣)གསེར་འོད་དམ་པ་ལས་གསུངས་པ་ནི། སངས་རྒྱས་མྱ་ངན་མི་འདའ་ཞིང་། ཆོས་ཀྱང་ནུས་པར་མི་འགྱུར་ཏེ། སེམས་ཅན་རྣམས་ནི་འདུལ་བའི་ཕྱིར། མྱ་ངན་འདས་པ་ཉེ་བར་སྟོན། ཞེས་གསུངས་པ་ལྟ་བུའོ་གསུམ་པ་དོན་བསྡུ་བ་ནི། དེ་བས་ན་འདི་ཅེས་བྱ་བའི་ཡིག་གེ་གཉིས་ནི་ཤེས་རབ་དང་ཐབས་ཀྱི་བདག་ཉིད་ཡིན་པར་ངེས་སོ། ཞེས་གསུངས་སོ། རྒྱས་པར་བཤད་པ་དེ་ལྟ་བས་ན་འདི་སྐད་ཅེས་བྱ་བའི་སྐད་དོད་ཨེ་ཝཾ་གྱི་ཡིག་གེ་གཉིས་པོ་འདི་ནི་ཤེས་རབ་ཀྱི་བདག་ཉིད་མཚོན་པ་ཨེ་ཡིག་དང་ཐབས་ཀྱི་བདག་ཉིད་མཚོན་པ་རྣམས་ཝཾ་ཡིག་སྟེ་ཐབས་ཤེས་ཁྱད་པར་ཅན་གཉིས་པོ་ཟུང་དུ་འཇུག་པ་མཚོན་པ་ནི་དེ་གཉིས་ཀྱི་གཙོ་བོའི་གཙོ་བོའི་དོན་ཡིན་པར་ངེས་དགོས་ཏེ། ཆོས་འདི་ཐོས་ཤེས་པ་ཙམ་ནི་ཨི་དམ་དང་ཨི་ཡཾ་སོགས་ཀྱི་ཀྱང་སྟོན་པར་ནུས་པས་སོ། དེ་ཡང་རྒྱུད་སྡེ་ཐམས་ཅད་ཀྱི་བརྗོད་བྱའི་གཙོ་བོ་ནི་རྣམ་ཀུན་མཆོག་ལྡན་གྱི་སྟོང་པ་ཉིད་དང་། མཆོགས་ཏུ་མི་འགྱུར་བའི་བདེ་བ་ཆེན་པོ་ཟུང་འཇུག་དབྱེར་མི་ཕྱེད་པ་གཞི་ལམ་འབྲས་བུའི་གནས་སྐབས་གསུམ་དུ་རྒྱུན་ཆག་པ་དེ་ཉིད་ཡིན་ལ། དེ་མཚོན་པའི་ཕྱིར་ཡིག་གེ་གཉིས་པོ་འདི་གླེང་གཞིའི་ཐོག་མར་སྨོས་པ་སྟེ། རྒྱུད་མཐའ་དག་གི་མདོར་བསྟན་ནི་གླེང་གཞི་དང་། གླེང་གཞིའི་མདོར་བསྟན་ནི་ཨེ་ཝཾ་མིན་པའི་ཕྱིར་ན། ཡིག་གེ་གཉིས་པོ་འདིའི་སྒོ་ནས་རྒྱུད་སྡེ་མཐའ་དག་འཆད་པའི་ཚུལ་འདི་ནི་རྨད་དུ་བྱུང་བ་ཡིན་ནོ། གཉིས་པ་བཤད་རྒྱུད་ལྷས་ཞུས་ཀྱི་གླེང་གཞི་ཇི་ལྟར་འཆད་པའི་ཚུལ་ལ་གཉིས། འདི་སྐད་ཀྱིས་སྐད་དོད་ཨེ་ཝཾ་བཤད་པའི་ཚུལ་དང་། བདག་ཐོས་སོགས་བཤད་པའི་ཚུལ་ལོ། དང་པོ་ལ་གཉིས་

(༣༤༤)འཚམས་སྦྱར་བ་དང་། རྒྱུད་ཚིག་འགོད་པ་དངོས་པོ། དང་པོ་ནི། དེ་དག་ཀྱང་གང་ལས་ཤེས་ཞེ་ན། སྨྲས་པ། བཅོམ་ལྡན་འདས་ཉིད་ཀྱི་ལྷའི་དབང་པོས་ཞུས་པ་ལས་གསུངས་སྟེ། ཞེས་གསུངས་པ་ནི། ཡིག་གེ་དེ་གཉིས་དེ་བཞིན་གཤེགས་པ་ཐམས་ཅད་ཀྱི་བརྡའ་ཡིན་པ་དང་ཐབས་ཤེས་སྟོན་པ་དང་གསུང་རབ་ཀྱི་དང་པོར་བརྗོད་དགོས་པ་དེ་དག་ཀྱང་ལུང་གང་ལས་ཤེས་ཤེ་ན། སྨྲས་པ། དེ་ནི། བཅོམ་ལྡན་འདས་ཉིད་ཀྱི་གསང་བ་འདུས་པའི་བཤད་རྒྱུད་ལྷའི་དབང་པོས་ཞུས་པ་ལས་གསུངས་ཏེའོ། གཉིས་པ་ལ་གཉིས། ཞུས་པ་དང་། ལོན་ནོ། དང་པོ་ནི། རྒྱལ་བྱིན་གྱི་གསོལ་པ། ཅིའི་འདི་སྐད་ཅེས་བྱ་འདི། གང་ཕྱིར་དང་པོར་རབ་ཏུ་སྦྱར། འདི་ཅི་བདེ་གཤེགས་གསུང་ཡིན་ནམ། ཉན་ཐོས་གྱིས་བཤད་ཡིན་ནམ་ཅི། བདག་གི་སོམ་ཉི་འདི་དག་ཀུན། སྲིད་མཐར་ཕྱིན་པས་བསལ་ལམ་དུ་གསོལ། ཞེས་གསུངས་སོ། བཤད་རྒྱུད་དེ་ལས་ཇི་སྐད་དུ་གསུངས་ཤེ་ན། ལྷའི་དབང་པོ་བརྒྱ་བྱིན་གྱི་བཅོམ་ལྡན་འདས་ལ་གསོལ་པ། བརྗོད་བྱའི་དོན་ཅི་ཞིག་མཚོན་པའི་སྐད་དོད་ཕྱིར་དུ་འདི་སྐད་ཅེས་བྱ་བའི་སྐད་དོད་ཨེ་ཝཾ་གྱི་ཡིག་གེ་གཉིས་པོ་འདི་གསུངས་པ་ལགས། རྒྱུ་མཚན་གང་གི་ཕྱིར་གླེང་གཞིའི་དང་པོར་འདི་སྐད་བདག་གིས་ཤེས། ཨེ་ཝཾ་གྱི་ཡིག་གེ་རབ་ཏུ་སྦྱར་བ་ལགས། ཨེ་ཝཾ་ཞེས་པ་འདི་ཅི། བདེ་བར་གཤེགས་པ་སངས་རྒྱས་ཀྱི་གསུང་ཡིན་ནམ་སྟོན་པ་དང་རྒྱུད་ཐ་དད་པ་སྟོན་པ་ལ་ཆོས་ཉན་ནས་ཉན་ཤེས་ཀྱི་ཐོས་པ་རྣམས་བསྡུད་པར་བྱེད་པ་པོ་བདག་གི་བཤད་པའི་ཚིག་ཡིན་ནམ་ཅི་སྙམས་དུ་སེམས་པ་སྟེ། བདག་གི་སོམ་ཉི་རིམ་པ་གསུམ་པོ་འདི་དག་ཀུན་དྲིད་པའི་མཐའ། སངས་རྒྱས་ཀྱི་སར་བྱོན་པ་ཁྱེད་ཀྱི་བསལ་དུ་གསོལ་

(༣༤༥)ཞེས་ཞུས་པའོ། གཉིས་པ་ལ་གསུམ། ལེགས་སོ་གནད་བས་མཚམས་སྦྱར། ལན་གསུམ་པོ་རྒྱས་པར་བཤད། ཨེ་ཝཾ་ལ་བསྔགས་པས་འཇུག་བསྡུ་བའོ། དང་པོ་ནི། དམ་ཆོས་ཡོན་ཏན་སྨྲ་བ་ཡིས། ལྷ་ཡི་དབང་པོའི་ཚིག་ནས། དེ་ནས་ལེགས་སོ་ཞེས་བྱིན་ཏེ། བཅོམ་ལྡན་འདས་ཀྱི་འདི་སྐད་གསུངས། ཤེས་གསུངས་སོ། དམ་ཆོས་ཨེ་ཝཾ་གྱི་ཆེ་བའི་ཡོན་ཏན་སྨྲ་བར་མཛད་པ་སངས་རྒྱས་བཅོམ་ལྡན་འདས་ཀྱི་ལྷའི་དབང་པོས་དྲི་བ་གསུམ་ཞུས་པའི་ཚིག་དེ་རྣམས་གསན་ནས། དེ་ནས་བཅོམ་ལྡན་འདས་ཀྱི་ལྷའི་དབང་པོ་མ་ལེགས་སོ་ལེགས་སོ། ཞེས་བྱ་བ་བྱིན་ཏེ་ལན་འདི་སྐད་ཅེས་བྱ་བ་གསུངས་པའོ། གཉིས་པ་ལ་གསུམ། ཉན་པར་གདམས་པ། དྲི་བ་ཕྱི་མའི་ལན། སྔ་མ་གཉིས་ཀྱི་ལེན་ནོ། དང་པོ་ནི། སྡེབ་སྦྱོར་གྱི་དབང་གི་ལོ་ཙཱ་བའི་འགྱུར་གྱི་དབང་ལས་གང་ཕྱིར་སོག་རྐང་པ་གཉིས་འོག་ཏུ་བྲིས་བའོ། དེ་ནི་གོ་རིམས་ཇི་བཞིན་དུ། ལྷ་ཡི་དབང་པོས་ཉན་པར་བགྱིས། ཤེས་གསུངས་སོ། དྲི་བ་གསུམ་པོ་དེ་ཡི་ལན་ནི་དྲིས་པའི་རིམ་པ་ལས་དཀྲུགས་སྟེ་སྐབས་སུ་གང་བབ་ཀྱི་གོ་རིམ་ཇི་ལྟ་བ་བཞིན་དུ་བཤད་ཀྱི། ལྷའི་དབང་པོ་ལ་སོགས་པའི་འཁོར་རྣམས་ཀྱིས་ཕྱིན་ཅི་མ་ལོག་པར་ཉན་པར་གྱིས་ལས་ཡིད་ལ་གཟུང་ཞིག་གུ། གཉིས་པ་ནི། དེའི་གོང་གི་གང་ཕྱིར་ཐམས་ཅད་གཟིགས་པ་ཡིས། དང་པོར་འདི་སྐད་ཅེས་གསུང་པ། ཞེས་གསུང་སྟེ། གང་ཕྱིར་ཞེས་པ་ནི། སྐབས་ཐོབ་ཀྱི་གང་ཞིག་ཅེས་པའི་དོན་ནོ། ཇི་ལྟ་བ་ཇི་རྙེད་པའི་ཆོས་ཐམས་ཅད་མངོན་གསུམ་དུ་གཟིག་པའི་སངས་རྒྱས་ཉིད་ཀྱི་རྩ་རྒྱུད་ཀྱི་གླིང་གཞིའི་དང་པོར་འདི་སྐད་ཅེས་པའི་ཚིག་གསུངས་པ་ཡིན་གྱི་ཐུགས་རྒྱུད་

(༣༤༦)ཐ་དད་པའི་ཉན་ཐོས་ཀྱི་བཤད་པའི་ཚིག་ནི་མ་ཡིན་ནོ། གསུམ་པ་ལ་གཉིས། རྗོད་དོན་བསྡུས་ཏེ་བཤད་པ་དང་། ཚིག་དོན་ཕྱེ་སྟེ་བཤད་པའོ། དང་པོ་ནི། ཆོས་ཀྱི་ཕུང་པོ་ཞེས་པ་ནས། བླ་མར་གྱི་ཤེས་པའི་བར་ཚིག་བཅད་བརྒྱད་ཀྱི་བསྟན་པ་སྟེ། འདིའི་སྡུས་པའི་དོན་ནི་ཚིགས་སུ་བཅད་པ་དང་པོ་གཉིས་ཀྱི་གསུང་རབ་མ་ལུས་པ་ཨེ་ཝཾ་གྱི་ཡིག་གེ་གཉིས་པོ་དེས་བསྒྲུབ་གཞི་བྱས་པ་ལ་བརྟན་ནས་བྱུང་བ་དང་། ཡིག་གེ་དེ་གཉིས་ཀྱི་བརྗོད་དོན་གྱི་ནང་དུ་གསུང་རབ་ཀུན་འདུ་བར་གསུངས་པས། ཨེ་ཝཾ་གྱི་ཕྱག་རྒྱས་གསུང་རབ་ཐམས་ཅད་ཀྱི་ཚིག་དོན་མཐའ་དག་ལ་རྒྱས་འདེབ་པར་བསྟན་ལ། དེ་ནས་གཅིག་གི་འདྲེན་བྱེད་རྟག་གྱི་ཨེ་ཝཾ་དང་དེ་གཉིས་སྦྱར་བའི་བདེ་བ་ཆེན་པོ་འདྲེན་པའི་ཚུལ་བསྟན་ཞིང་། དེ་ནས་གཅིག་གི་རྟགས་ཀྱི་ཨེ་ཝཾ་སྦྱར་བ་དེས་དྲངས་པའི་ཐབས་ཤེས་དབྱེར་མེད་ལམ་གྱི་ཨེ་ཝཾ་བདེ་སྟོང་སྦྱར་བའམ་ཉམས་ལེན་དང་ཉམས་ལེན་དེས་ཆོས་ཀྱི་འཁོར་ལོ་བསྐོར་བའི་རྒྱུའི་གཙོ་བོ་རྐྱེན་མངོན་དུ་བྱེད་པར་བསྟེན་ནས། དེའི་འོག་ཏུ་གཅིག་གི་རྐང་པ་རྗེས་མ་དེ་རྒྱས་པར་བཤད་པའི་ཚུལ་གྱི་ཨེ་ཝཾ་ཕྱིན་ཅི་མ་ལོག་པར་ཤེས་པའི་དགོས་པ་དང་གཅིག་གི་མ་ཤེས་པའི་སྐྱོན་དང་། དེ་ནས་གཅིག་གི་ཐོབ་བྱ་འབྲས་བུའི་ཨེ་ཝཾ་དང་། དེ་ནས་གཅིག་གི་ཨེ་ཝཾ་ལ་བསླབ་དགོས་པར་བསྟན་པ་སྟེ། དེ་ལྟར་ན། གཞིའི་དུས་སུ་ཆོས་ཉིད་དོན་ནི་ཉིད་གཏན་ལ་འབེབས་པའི་གསུང་རབ་ཀྱང་ཨེ་ཝཾ། དེའི་བརྗོད་བྱ་ཐོས་བསམ་སྒོམ་གསུམ་རྒྱུ་ཡང་ཨེ་ཝཾ། ཐོས་བསམ་བྱས་ནས་ཉམས་སུ་བླང་བྱའི་ལམ་ཀྱང་ཨེ་ཝཾ། ཉམས་སུ་བླང་ནས་ཐོབ་པའི་འབྲས་བུ་ཡང་ཨེ་ཝཾ་ཁོ་ནའོ། ཞེས་ཨེ་ཝཾ་ལ་མ་

(༣༤༧)བརྟན་པའི་དམ་པའི་ཆོས་ཅུང་ཟད་ཀྱང་མེད་པར་བསྟན་པའི་ཚུལ་གྱིས། ཨེ་ཝཾ་གྱི་མཚོན་དོན་ཁྱད་པར་དུ་གྱུར་པའི་དོན་གྱིས་ན་གླིང་གཞིར་བདག་གིས་ཐོས་པ་ཞེས་པའི་ཕྲང་ལ་ཨི་དམ་སོགས་སྨོས་པས་མི་ཆོག་པར་འདི་སྐད་ཅེས་ཨེ་ཝཾ་ཁོ་ན་སྨོས་དགོས་པར་བསྟན་པ་ཡིན་ནོ། གཉིས་པ་ལ་གསུམ། དྲི་བ་དང་པོའི་ལན་བར་པའི་ལན་དོན་བསྡུས་ཏེ་ཨེ་ཝཾ་ཁོ་ན་བསྟན་བྱར་བསྟན་པའོ། དང་པོ་ལ་གཉིས། སྤྱིར་བསྟན་པ་དང་། གཞི་ལམ་འབྲས་བུ་གསུམ་དང་སྦྱར་ནས་བཤད་པའོ། དང་པོ་ནི། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་ནི་གྲངས་རྙེད་ཀྱི། ཀུན་གྱི་གཞི་དང་ཕ་མ་ནི། ཡིག་གེ་གཉིས་སུ་དེ་ནི་བཞིན་བསྟན། ཡི་གེ་ཨེ་ནི་མར་གྱུར་ལ། ཝཾ་ནི་ཕ་ཞེས་བྱ་བར་གྲགས། ཐིག་ལེ་དེར་ནི་སྦྱོར་བ་སྟེ། སྦྱོར་དེ་ཤིན་ཏུ་རྨད་བྱུང་པའོ། ཞེས་གསུངས་སོ། ཆོས་ཀྱི་ཕུང་པོ་བརྒྱད་ཁྲི་དང་། བཞི་སྟོང་གི་ནི་གྲངས་ཇི་རྙེད་པ་དེ་རྙེད་ཀྱིས་གསུང་རབ་ཀུན་གྱི་སྐྱེད་བྱེད་དམ་གཞི་ནི་ཨེ་ཝཾ་ཡི་ཡིག་གེ་གཉིས་སུ་རྒྱུད་ལས་གསུང་སྟེ། དཔེར་ན་བུ་སྐྱེད་པ་ལ་ཕ་མ་ཇི་ལྟ་བ་དེ་བཞིན་དུ་བསྟན་ཏོ། དེའི་དཔེ་དོན་སྦྱོར་ཚུལ་ཇི་ལྟ་བུ་སྙམས་དུ་ཕ་མ་བུ་བསྐྱེད་པའི་གཞི་ཡིན་པ་བཞིན་དུ་ཡིག་གེ་འདི་གཉིས་ཀ་གསུང་རབ་ཀུན་གྱི་གཞི་ཡིན་པའི་ཚུལ་ནི། ཡིག་གེ་ཨེས་མཚོན་པ་དབྱངས་ཀྱི་ཡིག་གེ་རྣམས་ནི་མ་དང་འདྲ་བར་གྱུར་པ་ཡིན་ཏེ། ཡིག་གེ་ཐམས་ཅད་ཀྱི་སྲོགས་མཚོ་ཞིང་། ཤེས་རབ་ཀྱི་བདག་ཉིད་དུ་གྱུར་པའི་ཡིག་གེ་ཡིན་པས་སོ། ཡིག་གེ་ཝས་མཚོན་པ་གསལ་བྱེད་ཀྱི་ཡིག་གེ་རྣམས་ནི་ཕ་དང་འདྲ་བ་ཞེས་བྱ་བར་གྲགས་ཏེ། ཡིག་གེ་ཐམས་ཅད་ཀྱི་ལུས་མཚོ་

(༣༤༨)ཞིང་། ཐབས་ཀྱི་བདག་ཉིད་དུ་གྱུར་པ་ཡིན་བས་སོ། ཝའི་སྟེང་གི་ཐིག་ལེ་ནི་ཕ་མ་མཉམ་པར་སྦྱོར་བ་དང་འདྲ་སྟེ། ཡིག་གེའི་སྐབས་དེར་ནི་དབྱངས་གསལ་མཉམ་པར་སྦྱོར་ཞིང་མི་ཤིག་པའི་བདག་ཉིད་དུ་གྱུར་པ་ཡིན་པས་སོ། དེས་ན་ཐབས་ཤེས་ཟུང་འཇུག་དུ་སྦྱོར་བའི་ཚུལ་དེ་ནི་ཤིན་ཏུ་ངོ་མཚར་ཞིང་རྨད་དུ་བྱུང་བའོ། འཆད་ཚུལ་འདི་གང་དང་གང་གིས་སྤྱིའི་དོན་ཡིན་ནམ་སྙམ་ན། སྔགས་ཀྱི་ཐེགས་དང་ཕར་ཕྱིན་ཐེག་པ་ཐུན་མོང་བའི་སྤྱི་དོན་ཡིན་ནོ། གཉིས་པ་ནི། ཨེ་ནི་པད་མ་ཞེས་བཤད་ལ། ཝ་ནི་རྡོ་རྗེ་ཉིད་ཡིན་ནོ། ཐིག་ལེ་དེར་ནི་ས་བོན་ཏེ། དེ་ལས་འགྲོ་བ་གསུམ་རྣམས་ཀྱི། ཨེ་ནི་ཤེས་རབ་ཉིད་གྱུར་ལ། ཝ་ནི་རབ་དགའི་བདག་པོའོ། ཐིག་ལེ་མི་ཤིགས་དེ་ཉིད་དེ། དེ་ལས་ཡིག་གེ་ཉིད་ཀྱང་སྐྱེ། ཞེས་གསུངས་སོ། ཨེའི་ གཟུགས་ནི་ཟུར་གསུམ་དུ་ཡོད་པས་བྷ་ག་དང་དབྱིབས་མཐུན་པའི་དོན་གྱིས་ན་ཡུམ་གྱི་པད་མ་ཞེས་བཤད་པས་ཤེས་རབ་སྟོང་པ་ཉིད་མཚོན་པ་མིན་ལ། ཝ་ནི་ཟླུམ་པོར་ཡོད་པས་ནོར་བུར་དང་དབྱིབས་མཐུན་པའི་དོན་གྱིས་ན་ཡབ་ཀྱི་རྡོ་རྗེ་ཡིན་པས་ཐབས་བདེ་བ་ཆེན་པོ་མཚོན་པ་ཡིན་ནོ། ཝའི་སྟེང་གི་ཐིག་ལེ་ངོ་བོ་ལ་དང་ཀ་ཀོ་ལ་སྦྱར་བ་དེར་ནི་བྱུང་བའི་ས་བོན་སྟེ། ཡབ་ཡུམ་གཉིས་ཀ་ལས་དབྱུང་བའི་ས་བོན་ཏེ། ཡབ་ཡུམ་གཉིས་ཀ་ལས་བྱུང་བ་དག་རོ་གཅིག་གཅིག་འདྲེས་པའི་དོན་གྱིས་ན་གཉིས་ཀའི་ཆ་ཤས་ཅན་དུ་གྱུར་པས་ཟུང་འཇུག་མི་ཕྱེད་པ་མཚོན་པ་ཡིན་ནོ། དེ་ཡང་གཞི་ལ་སྦྱར་ན། དེ་འདྲའི་ས་བོན་དེ་ལས་འགྲོ་བ་རབ་འབྲིང་ཐ་མ་གསུམ་པོ་རྣམས་བསྐྱེད་ལ། ལམ་ལ་སྦྱར་ན་བསྐྱེད་རྫོགས་གཉིས་ལས་

(༣༤༩)བསྐྱེད་རིམ་ལ། སྐྱེ་བ་སྦྱོང་བྱེད་གཤེགས་པ་དང་སེམས་དཔའ་དང་ཁྲོ་བོ་རྣམས་ཀྱང་སྲིད་པར་སེམས་ཅན་སྐྱེ་བའི་རིམ་པ་དང་མཐུན་པར་སྐྱེ་ཞིང་། རྫོགས་རིམ་ལ་སྦྱར་ན། བཤད་ཟིན་པ་དེ་ཉིད་ཀྱིས་ན་ཡིག་གེ་སེམས་དང་ཝ་དང་ཐིག་ལེ་གསུམ་ལས། ཨེ་ནི་ཤེས་རབ་མཚོན་བྱེད་ཉིད་དུ་འགྱུར་ལ། ཝ་ནི་རབ་ཏུ་དགའ་བའི་བདག་པོ་མཆོག་ཏུ་མི་འགྱུར་བའི་བདེ་ཆེན་མཚོན་པའོ། ཝའི་སྟེང་གི་ཐིག་ལེ་དེ་ནི་བདེ་སྟོང་དེ་གཉིས་མི་ཤིག་པར་ཟུང་འཇུག་ཏུ་སྦྱོར་བ་དེ་ཉིད་མཚོན་པར་བྱེད་པའོ། འབྲས་བུ་ལ་སྦྱར་ན། བསྐྱེད་རྫོགས་དེ་ཉམས་སུ་བླངས་པ་ལས་མངོན་པར་རྫོགས་པ་སངས་རྒྱས་ཏེ་ཆོས་ཀྱི་འཁོར་ལོ་བསྐོར་བར་མཛད་པས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་ཡིག་གེ་ཉིད་ཀྱང་སྐྱེ་བ་ཡིན་ནོ། ཐབས་ཤེས་སྦྱོར་བ་ལ་སོགས་པ་འདི་ནི་ཕ་རོལ་ཏུ་ཕྱིན་པ་དང་ཐུན་མོངས་མ་ཡིན་མདོ། རིམ་པ་གཉིས་ཀྱི་ཐུན་མོང་བ་མ་ཡིན་པས་སྤྱིའི་དོན་གྱི་ཚུལ་དུ་བཤད་པར་འགྱུར་རོ། དེ་ལྟར་གསུང་པ་དེས་ནི། ཞུ་བའི་སྐབས་སུ། ཅི་ཕྱིར་འདི་སྐད་ཅེས་བྱའོ། ཞེས་ཅི་ཞིག་མཚོན་པའི་ཕྱིར་དུ་ཨེ་ཝཾ་སྨོས་ཤེས་གསོལ་བ་ལན་རྒྱས་པར་གསུངས་པ་ཡིན་ནོ། གསུམ་པ་ལ་གསུམ་ཨེ་ཝཾ་ཇི་ལྟ་བ་བཞིན་ཤེས་པའི་དགོས་པ། མ་ཤེས་པའི་སྐྱོན། དྲིས་པའི་ལན་དངོས་པོ། དང་པོ་ནི། ཆོས་ཀྱི་ཕྱག་རྒྱ་ཡིག་གེ་གཉིས། དེ་ཉིད་ཤེས་པ་གང་གི་ཤེས། དེ་ནི་སེམས་ཅན་ཐམས་ཅད་ལ། ཆོས་ཀྱི་འཁོར་ལོ་བྱེད་འགྱུར། ཞེས་གསུངས་སོ། དེ་ལས་ཡིག་གེ་ཉིད་ཀྱང་སྐྱེ། ཞེས་པ་ལ་འཕྲོས་ནས། ཨེ་ཝཾ་ལས་ཆོས་ཕུང་བརྒྱད་ཁྲི་བཞི་སྟོང་གི་ཡིག་གེ་ཅི་ལྟར་སྐྱེ་ཞེ་ན་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་པོ་ཐམས་ཅད་ཀྱི་བརྗོད་

(༣༥༠)བྱའི་དོན་ལ་རྒྱས་འདེབས་པའི་ཆོས་ཀྱི་ཕྱག་རྒྱ་ཨེ་ཝཾ་གྱི་ཡིག་གེ་གཉིས་པོ་འདིའི་དེ་ཁོ་ན་ཉིད་ཤེས་པའི་ཡེ་ཤེས་ཐབས་ཤེས་དབྱེར་མེད་པ་གང་གིས་ཆོས་ཐམས་ཅད་མངོན་སུམ་དུ་ཤེས་པའི་རྣམ་མཁྱེན་དེ་ནི་སེམས་ཅན་ཐམས་ཅད་ལ་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བར་བྱེད་པའི་ཐུན་མོང་མ་ཡིན་པའི་བདག་རྐྱེན་དུ་འགྱུར་བ་ཡིན་ནོ། གཉིས་པ་ནི། འགྲོ་བ་གང་གིས་ཡིག་གེ་གཉིས། མི་ཤེས་རྟག་ཏུ་འདོན་པ་དག །དེ་ནི་སངས་རྒྱས་ཆོས་རྣམས་ལས། ཕྱི་རོལ་སྦྱོར་སྤངས་ཐུབ་པ་བཞིན། ཞེས་གསུངས་སོ། འགྲོ་བ་སེམས་ཅན་གང་གིས་ཨེ་ཝཾ་གྱི་ཡིག་གེ་གཉིས་ཀྱི་རྣམ་པར་བཞག་པ་དང་དེའི་གནས་ལུགས་མི་ཤེས་པར་རྟགས་ཏུ་འདོན་པར་བྱེད་པ་དག་དེ་ནི་སངས་རྒྱས་ཀྱི་ཆོས་རྣམས་ལས་ཕྱི་རོལ་དུ་གྱུར་པ་སྟེ། ཐབས་ཤེས་དབྱེར་མེད་དུ་སྦྱོར་བའི་ཚུལ་དང་དེ་ཁོ་ན་ཉིད་ཤེས་པ་སྤངས་པས་སོ། དཔེར་ན། མུ་སྟེགས་ཀྱི་ཐུབ་པ་དྲང་སྲོང་ཇི་ལྟ་བ་བཞིན་ནོ། གསུམ་པ་ནི། ཨེ་ཝཾ་ཡིག་གཉིས་སྒྱུ་མ་ལས། ཐམས་ཅད་མཁྱེན་པ་འདིར་བཞུགས་པས། དམ་ཆོས་བསྟན་པའི་ཐོག་མར་ནི། ཨེ་ཝཾ་དེ་ཕྱིར་རབ་ཏུ་བཤད། ཅེས་གསུངས་སྟེ། རྒྱུད་ཀྱི་སྟོན་པ་ཐམས་ཅད་མཁྱེན་པ་དེས་དམ་ཆོས་བསྟན་པའི་ཐོག་མར་ནི་ཚིག་གི་ཕྲད་གཞན་མ་བརྗོད་པར་ཨེ་ཝཾ་ཁོ་ན་དང་པོར་རབ་ཏུ་བཤད་དེ། སྟོན་པས་རྒྱུད་འདི་བསྟོན་པའི་སྐབས་འདིར་ཨེ་ཝཾ་གྱི་ཡིག་གེ་གཉིས་པོ་དེའི་བརྗོད་བྱའི་དོན་དག་པའི་ཟུང་འཇུག་སྒྱུ་མ་ལྟ་བུའི་ཏིང་ངེ་འཛིན་ལ་རྩེ་གཅིག་ཏུ་བཞུགས་པས་ཆོས་བསྟན་པ་དེའི་ཕྱིར་རོ། དཔེར་ན། བཅོམ་ལྡན་འདས་ཆོས་ཐམས་ཅད་མཉམ་པ་ཉིད་རྣམ་པར་སྤྲོས་པ་ཏིང་ངེ་འཛིན་གྱི་རྒྱལ་པོ་ལ་སྙོམ་པར་ཞུགས་པ་ནི་མདོ་ལ། མདོ་ཏིང་ངེ་འཛིན་གྱི་རྒྱལ་པོ་

(༣༥༡)ཞེས་ཟེར་བ་ལྟ་བུའོ། གཉིས་པ་དོན་བསྡུས་སྟེ་ཨེ་ཝཾ་ཁོ་ན་བསྟེན་པར་གདམས་པ་ནི། དེ་བས་བརྒྱ་བྱིན་ལྷའི་བདག །གལ་ཏེ་རྟག་པའི་གནས་འདོད་ན། ཡིག་གཉིས་དང་རྒྱུ་མ་དྲན་བྱ་ཞིང་། དམ་པའི་ཆོས་ལ་བླ་མར་བགྱིས། ཤེས་གསུངས་སོ། བརྒྱ་བྱིན་ལྷའི་བདག་པོ་རྒྱལ་བོས་ནས། རྒྱུ་མཚན་རྒྱས་པར་བཤད་པ་དེ་ལྟ་བས་ན། བརྒྱ་བྱིན་ཁྱོད་གལ་ཏེ། རྟག་པ་དམ་པའི་ཕ་རོལ་ཏུ་ཕྱིན་པའི་གནས་མཆོག་སངས་རྒྱས་ཐོབ་པར་འདོད་ན་ཨེ་ཝཾ་གྱི་ཡིག་གཉིས་ཀྱི་མཚོན་པའི་དོན་བདེ་སྟོང་དབྱེར་མེད་པར་དག་པའི་སྒྱུ་མ་ཟུང་ངག་ཆེན་པོ་དྲན་པར་བྱ་ཞིང་དམ་པའི་ཆོས་ཨེ་ཝཾ་གྱི་རྣམ་པར་བཞག་པ་དང་དེའི་རྗོད་དོན་བདེ་སྟོང་དབྱེར་མེད་པའི་གནས་ལུགས་དེ་ཁོ་ཉིད་ལ་བླ་མར་བགྱིས་ལས་གུས་པས་བསྟན་ཞིང་འབྲལ་མེད་དུ་འཇུག་པར་བྱོས་ཤིག །འདིར་བླ་མ་ཞེས་པའི་སྐད་དོ། ཨུཏྟ་ར། བླ་མ་དང་གོང་མ་དང་མཆོག་སོགས་དོན་མང་པོ་ལ་འཇུག་ཅིང་། བླ་ཞེས་པ་ཀླད་དམ་གོང་མའི་དོན་ཡིན་པས། ཟུང་འཇུག་ཉིད་ཀླད་དུ་བ་ཏེན་ནས་སྤྱིར་བོར་བཟུང་། ཞེས་པའམ། ཆོས་ཐམས་ཅད་ཀྱི་གོང་དུ་ཁུར་ཞེས་སམ། ཟུང་འཇུག་འདི་ཐོབ་བྱ་ཕྱི་མ་མཐར་ཐུག་གི་དོན་དུ་བསྟན་པའམ། ཟུང་འཇུག་འདི་བསླབ་པར་བྱ་བ་དང་ཐོབ་བྱ་འབྲས་བུ་ཐམས་ཅད་ཀྱི་མཆོག་ཏུ་བསྟེན་པར་གྱིས་ཤིག །ཅེས་པའི་དོན་ཅན་ནོ། གཉིས་པ་བདག་ཐོས་སོགས་བཤད་པའི་ཚུལ་ལ་གསུམ། མཚམས་སྦྱར་བ། རྒྱུད་ཚིག་བཀོད་པས་རྒྱས་པར་བཤད་པ། མཇུག་བསྡུ་བའོ། དང་པོ་ནི། བདག་གིས། ཤེས་བྱ་བ་ལ་སོགས་པ་རྡོ་རྗེའི་ཚིག་རྣམས་ཀྱི་དོན་ཀྱང་བཤད་པའི་རྒྱུད་ལས་བསྟན་པ་ལ་འཇུག་པར་བྱ་སྟེ། ཞེས་གསུང་པ་ནི་

(༣༥༢)དེ་ལྟར་འདི་སྐད་ཅེས་པའི་སྐད་དོད་ཨེ་ཝཾ་གྱི་རྣམ་པར་བཞག་པ་ལྷའི་དབང་པོས་ཞུས་པའི་བཤད་རྒྱུད་དང་སྦྱར་བ་ལེགས་པར་བཤད་ནས། རང་བཞིན་བདག་གིས་ཐོས་པ་ཞེས་བྱ་བ་ནས་ལ་སོགས་པས་བྷ་ག་ལ་བཞུགས་སོ། ཞེས་པའི་བར། གླེང་གཞིའི་རྡོ་རྗེའི་ཚིག་ལྷག་མ་རྣམས་ཀྱི་དོན་ཀྱང་བཤད་པའི་རྒྱུད་དེ་ཉིད་ལས་སྤྱིའི་དོན་དུ་འཆད་པའི་རྣམ་པར་བཞག་པ་བསྟན་པ་ལ་འཇུག་པར་བྱ་སྟེ་དེ་སྐབས་སུ་བབ་པས་སོ། གཉིས་པ་ལ་བཞི། བདག་ཐོས་ཀྱི་དོན་བཤད་པ། དུས་གཅིག་གི་དོན་བཤད་པ། སྟོན་པ་བཤད་པ། གནས་ཁྱད་པར་དང་བཅས་པ་བཤད་པའོ། དང་པོ་ནི། འཁོར་ལོ་སྤྲུལ་པའི་ངོ་བོ་ལ། བདག་གི་ཐོས་པ་ཞེས་གསུངས་སོ། ས་བོན་ངོ་བོས་གང་སྤྲུལ་པ། ལྷ་རྣམས་ཀྱི་འཁོར་ལོ་མཆོག །ཅེས་གསུངས་སོ། འཁོར་ལོ་བསྒྱུར་བ་ཞེས་པའི་འགྱུར་ཀྱང་ཡོད་པས་དཀྱིལ་འཁོར་གྱིས་གཙོ་བོ་འཁོར་ལོས་བསྒྱུར་བའི་སྤྲུལ་པའི་ངོ་བོ་བསྡུ་བ་པོ་ལ་ནི་བདག་གིས་ཞེས་རྒྱུད་གཅིག་ཀྱང་དགོས་པའི་དབང་གི་རྒྱུད་ཐ་དད་པ་ལྟར་གསུངས་སོ། ཐོས་པ་ཞེས་པའི་དོན་ནི་སྐབས་འདིར་ཡབ་ཡུམ་སྙོམ་པར་ཞུགས་པའི་བྱང་སེམས་ཀྱི་ས་བོན་འཛག་པ་དེ་ཡིས་ངོ་བོས་སྤྲུལ་པ་དཀྱིལ་འཁོར་གྱི་ལྷ་ཡབ་ཡུམ་གྱི་པད་མར་བསྐྱེད་ནས་མངལ་འབྱིན་གྱི་ཚུལ་དུ་སྤྲོས་པ་རྣམས་ཀྱི་འཁོར་ལོ་དང་པོར་ནི་རྒྱལ་མཆོག་གི་ལྷ་སྟེ། སམྦུ་ཊི་ལས། ཤུ་ཞེས་བྱ་བ་ནི་འཛག་པར་གསུངས་སོ། ཞེས་ཐོས་པའི་སྐད་དངོས་གྲུབ་ཏའི། ཤུའི་དོན་ས་བོན་འཇག་པ་ལ་བཤད་ཅིང་། དེ་ནི་སྐབས་ཐོབ་ཀྱི་བཤད་མ་ཐག་པ་དེ་ལས་མ་འདས་པས་སོ། གཉིས་པ་

(༣༥༣)ནི། མཆོག་ཏུ་དགའ་བའི་དུས་གང་ཡིན། དུས་གཅིག་ན་ཞེས་བཤད་པ་ཡིན། ཞེས་གསུངས་སོ། རྩ་རྒྱུ་དུ་དུས་གཅིག་ན་ཞེས་གསུངས་པ་དེའི་དོན་ནི་སྐབས་འདིར་དེ་ལྟར་སྤྲུལ་པའི་དུས་གཅིག་ན་ཞེས་བའི་དོན་ཏོ། ཡབ་ཡུམ་སྙོམ་པར་ཞུག་ནས་མཆོག་ཏུ་དགའ་བའི་ཡེ་ཤེས་སྐྱེས་ཤིང་ཡུམ་གྱི་པད་མར་བྱང་སེམས་ཞུགས་པའི་དུས་གང་ཡིན་པ་དེ་ལ་ནི་རྩ་རྒྱུད་ཀྱི་གླིང་གཞིར་དུས་གཅིག་ན་ཞེས་བཤད་པ་ཡིན་ནོ། གསུམ་པ་ནི། དབང་ཕྱུག་བརྒྱད་ཀྱིས་བཅོམ་ལྡན་འདས། ཞེས་གསུངས་སོ། རྒྱུད་གསུང་བའི་སྟོན་པ་ནི་སངས་རྒྱས་བཅོམ་ལྡན་འདས་ཏེ། དེ་ནི་དབང་ཕྱུག་གི་ཡོན་ཏན་བརྒྱད་ཀྱི་ཡང་དག་པར་བརྒྱན་པའོ། བཞི་པ་ལ་གསུམ། གནས་ཀྱི་ངོ་བོ་མདོར་བསྟན། དེའི་ཁྱད་པར་རྒྱས་བཤད་བཞུགས་པའི་ཚུལ་ལོ། དང་པོ་ནི། བདེ་བ་ཆེན་པོའི་གནས་ལ་བཞུགས། ཤེས་གསུངས་སོ། སྟོན་པ་དེས་རྩ་བའི་རྒྱུད་གནས་གང་དུ་གསུངས་ཤེ་ན། བདེ་བ་ཆེན་པོའི་འབྱུང་གནས་བཙུན་མོའི་བྷ་ག་ལ་ཞུགས་ནས་དེར་གསུངས་སོ། གཉིས་པ་ལ་གཉིས། ཁྱད་ཆོས་དང་། ཁྱད་བཞིའོ། དང་པོ་ནི། འདིར་བཤད་བ། གླེང་བཞི་སྤྱི་དོན་གྱི་ཚུལ་དུ་འཆད་པའི་སྐབས་འདིར་བཅོམ་ལྡན་འདས་ཀྱི་ཡུམ་གྱི་བྷ་གར་ཐིག་ལེའི་གཟུགས་ཀྱི་བཞུགས་བར། འདི་ཡི་ཕུང་པོ་ལྔ་རྒྱལ་བ། དེ་བཞིན་གཤེགས་པ་ཐམས་ཅད་ཡིན། དེ་ཡི་བདག་ཉིད་སྐུ་གསུངས་ཐུགས། རྡོ་རྗེ་ཐུགས་འདིར་བདེ་ཆེན་པོ། ཞེས་གསུངས་སོ། དེ་བཞིན་གཤེགས་པ་ཐམས་ཅད་ཅེས་པའི་དོན་ནི། དཔལ་གསང་བ་འདུས་པའི་ལམ་གྱི་བསྒྲུབ་པ་པོ་འདི་ཡི་ཕུང་པོ་ལྔ་ནི་རྒྱལ་བ་རིག་ལྔའི་དེ་བཞིན་གཤེགས་པ་ལྔ་པོ་ཐམས་ཅད་ཡིན་ཏེ། ས་ཚབ་འགྱུར་ལས། དེ་བཞིན་གཤེགས་པ་ཐམས་ཅད་འདིར། རྒྱལ་བས་ཕུང་པོ་ལྔར་གསུངས་སོ། ཞེས་འབྱུང་བས་སོ། སྐུ་དང་གསུངས་དང་ཐུགས་ཤེས་པའི་དོན་ནི་

(༣༥༤)སྒྲུབ་པ་དེའི་ཕུང་པོ་ལྔ་བོ་དེའི་བདག་ཉིད་ཀྱི་ལུས་ངག་ཡིད་གསུམ་ནི་སྐུ་དང་གསུངས་དང་ཐུགས་སོ། དེའི་སྙིང་པོ་དང་རྡོ་རྗེའི་དོན་ལ་རྡོ་རྗེ་ནི་ཐུགས་ཏེ་སྐབས་འདིར་སྙིང་པོ་ནི་ཡབ་ཡུམ་སྙོམས་པར་ཞུགས་པ་ལས་བྱུང་བའི་བདེ་བ་ཆེན་པོ་སྟེ། ཆག་འགྱུར་ལས། དེ་ཡི་བདག་ཉིད་སྐུ་གསུངས་ཐུགས། སྙིང་པོ་རྡོ་རྗེ་བདེ་ཆེན་འདི། ཞེས་འབྱུང་བས་སོ། གཉིས་པ་ནི། བཙུན་མོ་ལེགས་སྦྱངས་ཕྱག་རྒྱ་སྟེ། ལེགས་སྦྱངས་པད་མ་བྷ་ག་ཡིན་ཞེས་གསུངས་སོ། བཙུན་མོའི་བྷ་ག་ཅེས་པའི་དོན་ལ། བཙུན་མོ་ནི་རྒྱུད་ལེགས་པར་སྦྱངས་པའི་ཕྱག་རྒྱ་དེ་དབང་གི་སྨིན་པའི་རིག་མ་དམ་ཚིག་གི་ལ་གནས་པ་ཡུམ་དུ་བསྐྱེད་ནས་ལུས་ལ་ལྷ་བཀོད་པ་སོགས་མཚན་ཉིད་དང་ལྡན་པའི་ལས་རྒྱའམ། ཀུན་བརྟག་པ་ཡིད་ལས་སྐྱེས་པའི་ཡེ་རྒྱའོ། བྷ་ག་ནི་རིག་མ་དེའི་མཁའ་སྭཱ་བྷ་ཝས་ལེགས་པར་གསུངས་ཤིང་སྟོང་པའི་ངང་ལས་ཨཱལས་པདྨ་ཨཱ་ས་མཚན་པར་བསྐྱེད་བྱེད་བྱིན་གྱི་བརླབས་པའི་ཡུམ་གྱིས་པདྨ་ནི་འདིར་བྷ་ག་ཞེས་བྱ་བ་དེ་ཡིན་ནོ། གསུམ་པ་ལ་གཉིས། བཞུགས་ཚུལ་དངོས་དང་། དེ་ལྷ་མོ་བཞིས་ཞུས་དང་སྦྱར་བའོ། དང་པོ་ནི། བཞུགས་པ་རྡོ་རྗེ་འཛིན་པ་དེར། ཐིག་ལེའི་གཟུགས་ཀྱི་གནས་པའི། ཞེས་གསུངས་སོ། བཞུགས་སོ་ཞེས་པའི་དོན་ནི། སུ་བཞུགས་ཤ། བཅོམ་ལྡན་འདས་རྡོ་རྗེ་འཛིན་པ་བཞུགས་སོ། གང་དུ་བཞུག་ན་བཤད་མ་ཐག་པའི་བཙུན་མོའི་བྷ་ག་དེར་རོ། ཚུལ་ཅི་འདྲ་བས་བཞུགས་ན་བདེ་བ་ཆེན་པོ་ཐིག་ལེའི་གཟུགས་ཀྱི་གནས་པའོ། གཉིས་པ་ལ་གཉིས། མཚམས་སྦྱར་བ་དང་། རྒྱུད་ཚིག་དངོས་པོ། དང་པོ་ནི། འདིར་བཤད་པ། གླེང་བཞི་སྤྱི་དོན་གྱི་ཚུལ་དུ་འཆད་པའི་སྐབས་འདིར་

(༣༥༥)བཅོམ་ལྡན་འདས་ཀྱི་ཡུམ་གྱི་བྷ་གར་ཐིག་ལེའི་གཟུགས་ཀྱི་བཞུགས་པར་བཤད་པའི་ཐིག་ལེ་དེ་ཡང་ཇི་ལྟ་བུ་ཞེ་ན། དེ་ནི་ལྷ་མོ་བཞིས་ཞུས་ཀྱི་ཚིག་བཅད་གཅིག་གི་བཤད་པ། ཞེས་མཚམས་སྦྱར་ནས། གཉིས་པ་ནི། ཆ་གཉིས་པ་ནི་དགུ་པ་ཉིད་ཀྱི་བཤད། སུམ་བཅུ་བཅུ་པ་ལྔ་པའི་ས་བོན་ཉིད། ཆ་ལྔ་པ་དྲུག་པས་ཕྱེ་བ་ལས། བྱུང་བ་འདི་ནི་ཐིག་ལེ་ཡིན་ཞེས་བཤད། ཅེས་གསུངས་སོ། རྒྱུད་ཚིག་འདིའི་ཞེན་པའི་བརྗོད་བྱ་ནི། །།།གྱི་འཁོར་ལོ་མངལ་འབྱིན་གྱི་ཚུལ་དུ་བསྐྱེད་པ་ན། ཡུམ་གྱི་པད་མར་བབ་པའི་ཐིག་ལེ་ལས་ས་བོན་དང་ས་བོན་ཡོངས་སུ་འགྱུར་པ་ལས་ལྷར་འགྱུར་བའི་ཚུལ་ཏེ། དེ་ཡང་ཐིག་ལེ་དཀར་པོའི་གཞི་ནི་ཨཱ་ལི་དང་། དམར་པོའི་གཞི་ནི་ཀཱ་ལི་ཡིན་ལ། དེའི་དབང་ཐིག་གེ་ལས་ས་བོན་དུ་འགྱུར་བ་ཡིན་ནོ། དེས་ན། ལྷ་སོ་སོ་ལས་ས་བོན་སོ་སོ་བ་ཡོད་ཀྱང་། ཐུན་མོང་བའི་དབང་དུ་བྱས་ན། སྐུ་གསུངས་ཐུགས་ཀྱི་རྡོ་རྗེ་གསུམ་པོའི་ས་བོན་ནི་ཨོཾ་ཨཱ་ཧཱུྃ་གསུམ་པོ་ཡིན་པས། ས་བོན་དེ་གསུམ་འཐུ་བའི་དབང་དུ་མཛད་ནས་རྒྱུད་ཚིག་འདི་གསུངས་པ་ཡིན་ནོ། དེ་ཡང་ཐིག་ལེ་དེའི་ཆ་ཤས་དབྱངས་ཡིག་གཉིས་པ་ནི་ཨཱ་ཡིན་ལ་དབྱངས་བཅུ་དྲུག་ལས་མ་ནིང་གི་ཡིག་རེ་རེ་ལམ་ལྟྀ་བཞི་པོ་དོར་བའི་ལྷག་མ་བཅུ་གཉིས་པོ་ལ་ཨ་ནས་བགྲང་པ་ནི་ཨོ་ཉིད་དུ་བཤད་དོ། ཀྱིས་ཤེས་འབྱུང་བ་ནི་འགྱུར་བྱེད་དུས་ཀྱི་ཡིག་གེ་པའི་བྲིས་ནོར་ཏེ་ཉིད་དུ་བཤད། ཅེས་པ་ཉིད་ཀྱི་བཤད་ཅེས་པར་བྲིས་པ་ཡིན་ནོ། དབྱངས་བཅུ་གཉིས་པ་དེའི་མཐར། གསལ་བྱེད་པོ་བཞི་དང་བཅས་པ་ལས། ཨ་ནས་གྲངས་པའི་སུམ་བཅུ་པ་ནི་ཏ་སྡེའི་གསུམ་པའོ།

(༣༥༦)དེའི་འོག་མ་དྷ་ནས་བགྲང་པའི་བཅུ་པ་ནི་ཡ་སྡེའི་གསུམ་པ་ལའོ། དེའི་འོག་མ་ཝ་ནས་གྲངས་པའི་ལྔ་པ་ནི་ཤ་སྡེའི་མཐའ་མ་ཧ་ཡིན་པས་ས་བོན་གྱི་ཡིག་གེ་ལྷ་ཉིད་བཟུང་བར་བྱ་སྟེ་ང་དང་ལ་ནི་ཧེ་དེ་ཉིད་ལ་འཇུག་པའི་ངལ་སོའི་སྟེགས་ཙམ་ཡིན་གྱི་དེ་གཉིས་ས་བོན་གྱི་ཡིག་གེ་འབྲུ་གསུམ་གྱི་བསྒྲུབ་གཞིར་འཐུ་བ་ནི་མ་ཡིན་ནོ། དེས་ན། ཆ་གཉིས་ནས་ཉིད་ཀྱི་བར་རྐང་པ་གཉིས་པོས་བསྟན་པ། ཨཱ་དང་ཨོ་དང་ཧ་ཏེ་ཡིག་གེ་དེ་གསུམ་པོ་འབྲུ་གསུམ་གྱི་བསྒྲུབ་གཞིར་བཞག་པར་བྱའོ། དེ་ནས་ཆ་ནས་དབྱངས་ཡིག་གཉིས་པ་ཨཱ། དེ་ལ་རྣམ་པར་བཅད་པས་བརྒྱན་པས། གསུངས་རྡོ་རྗེའི་ས་བོན་ཨཱའགྲུབ་བོ། སྔར་གྱི་ཨོ་དེ་ལས་རྡོ་རྗེའི་ལྔ་པ་མ་ཡིག་གི་ཕྱེ་ཞིང་བརྒྱན་པས་སྐུའི་ས་བོན་འགྲུབ་བོ། སྔར་གྱི་ཧ་ཡིག་གི་དེ་ལ་ཨ་ནས་གྲངས་པའི་དྲུག་པ་ཨུ་རིང་པོས་ཕྱེ་ཞིང་བརྒྱན་པས་ཧཱུྃ་རིང་པོ་སྟེ། དེ་ལ་སླར་ཡང་ལྔ་པའི་ལྔ་པ་མ་ཡིག་རྗེས་སུ་ང་རོར་བྱིན་པས། ཐུགས་རྡོ་རྗེའི་ས་བོན་ཧཱུྃ་འགྲུབ་བོ། དེ་ལྟར་བསྡུས་པ་ལས་བྱུང་བའི་འབྲུ་གསུམ་པོ་འདི་ནི་ཡུམ་གྱི་པད་མར་བྱུང་བའི་ཐིག་ལེ་དཀར་དམར་གྱི་གཞི་ཨཱ་ལི་ཀཱ་ལི་ལས་གྱུར་པ་སྟེ། དེའི་ཕྱིར། འབྲུ་གསུམ་པོ་འདི་ནི་ཡུམ་གྱི་པདྨར་བྱུང་བའི་ཐིག་ལེ་ལས་གྱུར་པ་ཡིན་ཞེས་བཅོམ་ལྡན་འདས་ཀྱི་བཤད་དོ། གསུམ་པ་འཇུག་བསྡུད་བ་ནི། ཞེས་བྱ་བ་སྟེ། སྤྱིའི་དོན་ཏོ། ཞེས་གསུངས་སོ། བཤད་མ་ཐག་པ་དེ་སྐད་ཅེས་བྱ་བ་གསུངས་པ་དེ་ནི་ཡུམ་གི་པདྨ་བར་བསྐྱེད་པའི་དོན་ཡིན་ནོ། ཡུམ་སྙོམ་པར་ཞུགས་པ་ལ་ལྷ་བསྐྱེད་པ་ཙམ་ནི་བསྐྱེད་རྫོགས་གཉིས་ཀ་ལ་ཡོད་པས་རིམ་གཉིས་ཀྱི་སྤྱིའི་དོན་ཏོ། གསུམ་པ་རྒྱུད་ཀྱི་གླེང་གཞི་

(༣༥༧)སྦས་དོན་གྱི་ཚུལ་དུ་བཤད་པ་ནི། ཡང་ལུང་གི་བཤད་པ། ཞེས་པ་ནས། སྦས་པའོ། ཞེས་པའི་བར་ཏེ། འདི་ནི་བཤད་པའི་རྒྱུད་རྡོ་རྗེ་ཕྲེང་བས་དཀྱུད་ཀྱི་གླེང་གཞི་ཇི་ལྟར་བཤད་པའི་ཚུལ་ཏེ། དེ་ཡང་འདི་སྐད་བདག་ཐོས་ནས་བྷ་ག་ལ་བཞུགས་པོའི་བར་གྱི་རྒྱ་སྐད་ཨེ་ཝཾ་ནས་བི་ཛ་ཏ་ར་ཞེས་པའི་བར་ལ་རྒྱུད་འགྲེལ་རྣམས་སུ་ཡིག་གེའི་གྲངས་བཞི་བཅུར་ལོངས་པ་གཅིག་དང་། སུམ་བཅུ་སོ་བརྒྱད་དུ་བྱས་པ་དང་། སོ་བདུན་དུ་བྱས་པ་སོགས། ཡིག་གེ་མང་ཉུང་ཅི་རིག་ལ་བཤད་པ་མཛད་པར་སྣང་ནའང་། འདི་ནི་ཡིག་གེ་མང་བའི་ཕྱོགས་ཏེ། བཤད་རྒྱུད་ཀྱི་ལུང་འགྲེལ་ཆེན་དུ་གྲངས་འདི་ཉིད་དུ་ཡིག་གེ་ཚན་པ་བཞི་བཅུར་བཅད་ནས། ཡིག་གེའི་རེ་རེའི་བཤད་པ་ལ་ཤོ་ལོག་རེ་རེར་མཛད་པ་ལ་ཤོ་ལོག་བཞི་བཅུ་ཡོད་པས་སོ། བཤད་རྒྱུད་འདི་ཉིད་ཀྱི་ལྷ་གསུངས་པས་ཟུར་དུ་བསྒྱུར་བ་དང་འདིར་དྲངས་པ་ཚིགས་རིགས་འདྲ་མིན་དང་ཡིག་གེའི་གྲངས་ཀྱང་ཅུང་ཟད་མི་མཐུན་པར་འདུག་པ་ལ། ཁ་གཅིག་ན་རེ། རྒྱུད་འདི་ལ་རྒྱ་དཔེ་མི་འདྲ་བ་དུ་མ་ཡོད་པ་ལ། ལྷ་བླ་མས་རྒྱ་དཔེ་མ་དག་པ་ཞིག་ལས་བསྒྱུར་བ་ཡིན་ནོ། ཞེས་ཟེར་ཏེ་བཏག་པར་བྱའོ། འདིར་ནི་ལུང་དུ་དྲངས་པའི་རྒྱུད་ཚིག་དེ་ཉིད་གཞིར་གཞག་སྟེ་ཡིག་གེ་བཞི་བཅུ་པོ་ཟུར་དུ་བཀོད་ནས་དེ་དག་བཤད་པར་བྱ་བ་ཡིན་པས། ཡང་ལུང་གི་བཤད་པ་བཀོད་པ་ནི། ཨོ་ཝཾ་མ་ཡ་བུ་ཏཾ་ཨེ་ཀསྨི། །།། དེ་ལྟར་ཡིག་བཞི་བཅུ་པོ་འདིའི་སྦ་འདོན་དུ་འཆད་པ་ལ། རྡོ་རྗེ་ཕྲེང་བ་ལས་

(༣༥༨)རྒྱུད་དུ་ཐོགས་གསུང་པ་ཡི། འདི་སྐད་བདག་སོགས་ཇི་ལྟ་བུ། འདི་སྐད་ཅེས་སོགས་དང་པོའི་ངག །དོན་རྒྱས་པར་ནི་ཇི་ལྟར་འགྱུར། ཞེས་རྐང་པ་སྔ་མ་གཉིས་ཀྱི་རྒྱུད་ཀྱི་གླིང་གཞིའི་དང་པོར་གསུངས་པའི་ཨེ་ཝཾ་གཉིས་པོའི་དོན་ཇི་ལྟ་བུ་ཞེས་པ་དང་། རྐང་པ་ཕྱི་མ་གཉིས་ཀྱི་ཨེ་ཝཾ་ཞེས་སོགས་ཀྱི་ཡིག་གེ་རེ་རེ་བཞིན་གྱི་དོན་རྒྱས་པར་བཤད་ན་ཇི་ལྟར་འགྱུར། ཞེས་དྲི་བ་གཉིས་མཛད་པ་ལས། སྔ་མའི་ལན་འགྲེལ་ཆེན་འདིར་དངོས་སུ་མ་དྲངས་པས་དེ་ཅུང་ཟད་ཙམ་བཤད་པར་བྱའོ། དེ་ལ་ཨེ་ཝཾ་གྱི་སྦས་པའི་དོན་མདོར་བསྡུས་ནས་བཤད་ན་གསུམ། ཐོབ་བྱ་འབྲས་བུའི་ཨེ་ཝཾ་དང་། ཐོབ་བྱེད་ལམ་གྱི་ཨེ་ཝཾ་དང་། འདྲེན་བྱེད་རྟག་གྱི་ཨེ་ཝཾ་མོ། དང་པོ་ལ་ཨའི་དོན་ནི། སྟོན་པ་གང་ལ་བཞུགས་ནས་ཆོས་བསྟོན་པའི་གནས་ཕུན་ཚོགས་ཀྱི་སྒྲས་གསུངས་པ་ནི། རྒྱུད་ལ་ལར་གསང་བ་མཆོག་དང་། གཞན་ཡང་མཁའ་དབྱངས་དང་། བཙུན་མོའི་བྷ་ག་དང་། ཆེ་ཆུང་དང་། པད་མ་དང་། སེང་གེའི་ཁྲི་ཞེས་སོགས་བྱང་པ་རྣམས་ཏེ། དུས་འཁོར་རྩ་རྒྱུད་ལས། ཨེ་གསང་མཁའ་དབྱིངས་བྷ་གའམ། ཆེ་ཆུང་ཆུ་སྐྱེས་སེང་གེའི་ཁྲིར། ཞེས་འབྱུང་བ་བཞིན་ནོ། ཝཾ་གྱིི་དོན་ནི་གནས་དེ་ལ་བརྟེན་ནས་ཆོས་སྟོན་བར་མཛད་པའི་སྟོན་པ་ཕུན་ཚོགས་ཀྱི་སྒྲས་གསུངས་པ་ནི། རྒྱུད་འགའ་ཞིག་ཏུ་རྡོ་རྗེ་ཅན་དང་། གཞན་ཡང་རྡོ་རྗེ་སེམས་དཔའ་དང་། རྡོ་རྗེ་འཇིག་བྱེད། རྡོ་རྗེ་དབང་ཕྱུག་དང་། ཧེ་རུ་ཀ་དང་། དུས་འཁོར་དང་། དང་པོའི་སངས་རྒྱས་ཤེས་སོགས་སྦྱང་བ་རྣམས་ཏེ། དེ་ལས་བཞུགས་པའི་རྡོ་རྗེ་ཅན་ཝཾ་དང་། རྡོ་རྗེ་ཅན་དང་རྡོ་རྗེ་སེམས། རྡོ་རྗེ་འཇིགས་བྱེད་དབང་ཕྱུག་དང་། ཧེ་རུ་ཀ་དང་དུས་འཁོར་དང་། དང་པོའི་སངས་རྒྱས་ལ་

(༣༥༩)སོགས་མིང་དང་། ཞེས་འབྱུང་བ་བཞིན་ནོ། མདོར་བསྡུ་ན་དེ་ལྟར་གསུང་པའི་གསང་བ་ལ་སོགས་པའི་དེས་དོན་ནི་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་དང་། རྡོ་རྗེ་ཅན་ལ་སོགས་པའི་དེས་དོན་ནི་འགྱུར་མེད་ཀྱི་སྙིང་རྗེ་ཆེན་པོ་སྟེ། སྟོང་པ་དང་སྙིང་རྗེ་དབྱེར་མེད་གཅིག་ཏུ་སྦྱོར་བ་ནི་ཨེ་ཝཾ་གྱི་ངེས་པའི་དོན་ནོ། ཇི་སྐད་དུ། རྡོ་རྗེ་ཕྲེང་བ་ལས། ཨེ་ཝཾ་དེ་ནི་དེ་བཞིན་གཤེགས་པའི་རྒྱ། གཉིས་སུ་མེད་པའི་མཚོན་བྱེད་དང་། སྟོང་ཉིད་སྙིང་རྗེ་དབྱེར་མེད་པ་དང་། གང་ལ་དེ་ཉིད་མངོན་པར་བརྗོད། དེ་ལ་དེ་བཞིན་གཤེགས་པའི་རྒྱ། གཉིས་མེད་ཡེ་ཤེས་མཚོན་པ་ནི། རྒྱུད་ཀུན་གྱི་གླིང་གཞིར་གསུངས། ཞེས་འབྱུང་ངོ་། ལམ་གྱི་ཨེ་ཝཾ་ལས། ཨེའི་དོན་ནི་ཤེས་རབ་སྟོང་པ་ཉིད་དང་། ཝ་ཡི་དོན་ནི་ཐབས་སྙིང་པོ་ཅན་དང་། ཐིག་ལེའི་དོན་ནི་ཐབས་ཤེས་དེ་གཉིས་དབྱེར་མེད་དུ་སྦྱོར་བ་དང་། ཟུང་ངག་དེ་གཉིས་ཀྱི་ཆོས་ཕུང་བརྒྱད་ཁྲི་བཞི་སྟོང་ལ་ཁྱབ་པའི་དོན་གྱི་ཆོས་ཐམས་ཅད་ལ་ཆོས་ཀྱི་རྒྱལ་པོ་ཆེན་པོའི་རྒྱས་འདེབས་པར་བྱེད་པའི་ཕྱག་རྒྱར་གསུངས་ཏེ། རྡོ་རྗེ་ཕྲེང་བ་ལས། ཨེ་ནི་སྟོང་པ་ཉིད་དུ་གསུངས། དེ་བཞིན་ཝ་ནི་ཐུགས་རྗེར་གསུངས། ཐིག་ལེ་དེ་གཉིས་སྦྱོར་ལས་གྱུར། དེ་སྦྱོར་བ་ནི་རྨད་མཆོག་གོ། ཆོས་ཕུང་བརྒྱད་ཁྲི་སྟོང་ཁྱབ། མདོར་བསྡུས་ཆོས་ཀྱི་ཕྱག་རྒྱའོ། རྒྱལ་པོ་ཆེན་པོའི་ཕྱག་རྒྱ་ཉིད། རྒྱུད་རྣམས་སུ་ནི་ཐོག་མར་གསུངས། ཞེས་འབྱུང་བས་སོ། དེ་ལྟ་བུའི་ཡེ་ཤེས་གཉིས་མེད་དེ་རྒྱུད་གང་ལས་བརྗོད་པ་དེ་ལ་ནི་དེ་བཞིན་གཤེགས་པའི་ཕྱག་རྒྱས་བཏབ་ཡོད་པའི་དོན་གྱིས་ན་སྙིང་པོ་དེ་ཁོ་ན་ཉིད་ཡོད་ལ། དེ་མི་བརྗོད་ན་དེ་ཁོ་ན་ཉིད་མེད་པར་གསུང་སྟེ། དེ་ལས་རྒྱུད་ཀུན་གྱི་ནི་དོན་བསྡུས་པ། གང་ལ་དེ་ཉིད་མངོན་པར་བརྗོད། དེ་ནི་དེ་བཞིན་གཤེགས་པའི་རྒྱ། ཨེ་ཝཾ་ཞེས་རྒྱའི་

(༣༦༠)ཡིག་གེ་གཉིས། གང་ལ་འདི་གཉིས་མེད་པ་ནི། དེ་ལ་དེ་ཁོ་ན་ཉིད་མེད། ཅེས་དང་། གསང་བ་གྲུབ་པ་ལས་ཀྱང་། རྒྱུད་ཀྱི་དང་པོ་རྣམ་གནས་པ། སྙིང་པོ་ལས་ནི་སྙིང་པོ་མཆོག །དེ་ཉིད་བདེ་ཆེན་མགོན་པོ་ཡིས། གསང་བ་དེ་ཉིད་ཅེས་བྱར་གསུངས། སངས་རྒྱས་བྱང་ཆུབ་སེམས་དཔའ་དང་། སེམས་ཅན་ཀུན་གྱི་བདེ་འབྱུང་བ། གསང་བའི་རྟོགས་པའི་རྒྱུད་རྒྱལ་པོ། དཔལ་ལྡན་འདུས་པ་རྣམ་པར་གནས། ཤེས་དང་། ཡིག་གེ་དེ་ཡི་དེ་ཁོ་ན། སྟེན་པར་བྱས་པའི་ཐབས་ཉིད་ཀྱི། སངས་རྒྱས་བྱང་ཆུབ་སེམས་དཔའ་རྣམས། བླ་མེད་གོ་འཕང་ཐོབ་པར་འགྱུར། ཞེས་ཨེ་ཝཾ་གྱི་དོན་ཟུང་ངག་ཁོ་ན་ལམ་གྱི་སྙིང་པོར་གསུངས་སོ། རྟགས་ཀྱི་ཨེ་ཝཾ་ལས། ཨེའི་དོན་ནི་བྷ་ག་སྟེ་རྟེན་ཡིན་ལ། ཝའི་དོན་ནི་རྡོ་རྗེ་སྟེ་བསྟེན་པ་ཡིན་ཞིང་། ཝ་ལ་གནས་པའི་ཐིག་ལེ་ནི་སྤྲུལ་པ་སྟོན་བྱེད་བདེ་བ་ཆེན་པོའི་གཞི་ཡིན་ཏེ། དེ་ལས། ཨེ་ནི་བྷ་གའི་མཚན་ཉིད། པད་ལ་རྟེན་དུ་ཤེས་པར་བྱ། བརྟེན་པ་རྡོ་རྗེ་ཞེས་ནི་གསུངས། བརྟེན་པ་རྡོ་རྗེ་འཆང་བ་ཡི། དེ་ལ་གནས་པའི་ཐིག་ལེའི་གཟུགས། སྣ་ཚོགས་སྤྲུལ་པ་སྟོན་པར་བྱེད། བདེ་བ་ཀུན་གྱི་གཞིའི་གནས། རྡོ་རྗེ་སེམས་དཔའ་བདེ་བ་ཆེ། ཞེས་འབྱུང་བས་སོ། མདོར་ན་ཡབ་ཡུམ་ཀྱི་རྟགས་ཀྱི་ཨེ་ཝཾ་སྦྱར་བ་ལས་ལམ་གྱི་ཨེ་ཝཾ་ཐབས་ཤེས་གཉིད་མེད་འདྲེན་ཞིང་། དེ་ལས་འབྲས་བུའི་ཨེ་ཝཾ་མཐར་ཐུག་གི་ཟུང་འཇུག་ཆེན་པོ་ཐོབ་བར་འགྱུར་བའི་དོན་ཡིན་ནོ། དྭ་ནི་རྐང་པ་ཕྱི་མ་གཉིས་ཀྱི་ཨེ་ཝཾ་ཞེས་སོགས་ཀྱི་ཡིག་གེ་རེ་རེ་འབྱི་དོན་རྒྱས་པར་བཤད་ན་ཇི་ལྟར་འགྱུར། ཞེས་དྲིས་པ་དེའི་ལེན་བརྗོད་པར་བྱའོ། དེའི་ཕྱིར་འགྲེལ་པའི་དཀྱུས་ཉིད་ལ་འཇུག་པར་བྱ་སྟེ། འདི་ལ་བཞི། མཚམས་སྦྱར་

(༣༦༡)བ། རྡོ་རྗེ་ཕྲེང་བའི་རྒྱུད་ཚིག་བཀོད་པ། ཇི་ལྟར་བཤད་པའི་ཚུལ། མཇུག་བསྡུ་བའོ། དང་པོ་ནི། ཡང་ལུང་གི་བཤད་པ། ཞེས་གསུངས་སོ། འདི་སྐད་ཅེས་པ་ནས་བཞུགས་སོ་ཞེས་པའི་བར་རྣམས་ཡིག་གེའི་དོན་དང་སྤྱིའི་དོན་གྱི་སྒོ་ནས་བཤད་པར་མ་ཟད་སླར་ཡང་དེ་རྣམས་སྦས་དོན་གྱི་སྒོ་ནས་རྡོ་རྗེ་ཕྲེང་བའི་ལུང་གི་བཤད་པར་བྱའོ། གཉིས་པ་ལ། ཡིག་གེ་བཞི་བཅུ་པོ་རེ་རེ་ལ་བཤད་རྒྱུད་ཀྱི་ལུང་ཚིག་བཅད་རེ་རེ་ཡོད་པས། བཞི་བཅུ་ལས། དང་པོ་ནི་ཨེ་ཨོ་ནི་ཤེས་རབ་དམ་པ་སྟེ། འདོད་ཆགས་བྲལ་སོགས་སྐད་ཅིག་བདག །སྲིད་པ་གསུམ་ནི་ཡོངས་ཤེས་པའི། འདི་ནི་རྩ་བར་རྣམ་པར་བསྟན། ཞེས་གསུངས་སོ། ཡིག་གེ་བཞི་བཅུའི་དང་པོ་ཨེ་ཞེས་གསུངས་པའི་དགོངས་པ་ཨེའི་སྦས་དོན་ནི་ཤེས་རབ་དམ་པ་སྣང་བ་མཚོན་པ་སྟེ། དེ་ཡང་འདོད་ཆགས་པ་དང་། ཆགས་བྲལ་དང་། སོགས་ཁོང་ནས་ཆགས་ཆགས་བྲལ་བར་མ་ནས་འཕྲོག་གི་བར་རང་བཞིན་སུམ་བཅུ་རྩ་གསུམ། སྐད་ཅིག་ཅེས་པ་ནི། སྣང་བ་དེ་ལས་རང་བཞིན་རྣམས་སྐད་ཅིག་ཐང་གཅིག་ཡུད་ཙམ་སོགས་སུ་འབྱུང་བའི་བདག་ཉིད་ཅན་འདོད་ཁམས་གཟུགས་གཟུགས་མེད་ཀྱི་སྲིད་པ་གསུམ་ན་ཉམས་སུ་མྱོང་བའི་སྒོ་ནས་ཡོངས་སུ་ཤེས་པའི་རྩ་བར་ཨེས་མཚོན་པའི་སྣང་བ་འདི་ནི་རྒྱུད་ལས་རྣམ་པར་བསྟན་ནོ། གཉིས་པ་ནི། ཝཾ་འོད་མ་འགྲེང་བ་ལྟར་མཛེས་ཤིང་ཆགས་ལ་སོགས་པ་རབ་བསྐྱེད་ལྡན། སྣང་བ་མཆོད་པ་རྣམ་པར་ཤེས། མིང་ནི་ཐབས་ཤེས་བྱ་བ་ཡིན། ཞེས་གསུངས་སོ། ཝཾ་གྱི་སྦས་དོན་ནི། མཆེད་པའི་ཡེ་ཤེས་མཚོན་པ་སྟེ། བཾ་ལས་ཤསྟྲི་བསྣན་ནས་བཾ་ཤསྟྲི་ནི་བོད་སྐད་དུ་འོད་མ་འགྲེང་བ་ཞེས་པར་འགྱུར་བས། འོད་མའི་ལོ་མ་འགྲེང་བ་ལྟར་ཡིད་ལ་མཛེས་ཤིང་། ཆགས་པ་དང་། ལ་སོགས་པས་ཀུན་ཏུ་ཆག་པ་ནས་གྱ་གྱུའམ་

(༣༦༢)བར་གྱི་རང་བཞིན་བཞི་བཅུ་སྐད་ཅིག་དང་ཐང་གཅིག་ལ་རབ་ཏུ་བསྐྱེད་པའི་ནུས་པ་དང་ལྡན་པས་སྣང་བ་མཆེད་པའི་རྣམ་པར་ཤེས་པ་ཞེས་པའི་མིང་གིས་བདེ་པར་བྱ་བ་དེ་ནི་ཐབས་ཤེས་བྱ་བའི་སྒྲར་བསྟན་པ་ཡིན་ནོ། གསུམ་པ་ནི་མ་རིག་ཆེན་རང་ཉིད་རྩ་བ་སྟེ། ལུགས་ལས་བཟློགས་པའི་མ་རིག་པའི། མ་རིག་པ་ལས་ཀྱང་འདི་འབྱུང་། དེ་ལས་སྣང་བ་འབྱུང་བའོ། ཞེས་གསུངས་སོ། མའི་སྦས་དོན་ནི། ཉེར་ཐོབ་ཀྱི་ཡེ་ཤེས་མཚོན་ཞིང་། ཞར་ལས་སྣང་གསུམ་གྱི་གོ་རིམ་ཀྱང་སྟོན་ཏེ། མ་ལ་ཧ་བི་དེ་བསྣན་པས། མ་ཧཱ་བི་དྱ་ནི་རིག་པ་ཆེན་པོའོ། རིག་པ་ཆེན་པོ་ནི་འོད་གསལ་ཏེ། དེ་ནི་གཞན་ལ་མ་ལྟོས་པས་ན་རང་ཉིད་རྩ་བ་སྟེ་རྒྱུ་ཡིན་ནོ། གང་གིས་རྒྱུ་ཡིན་ན་ལུག་ལས་བཟློག་པ་སྟེ། འོད་གསལ་ལྟ་བས་ན་མ་རིག་པ་སྟེ། ཀུན་ཏུ་འཇུག་པའི་རྒྱུ་ཡིན་པའི་ཕྱིར། ཉེར་ཐོབ་ནམ་མཁའི་མཚན་ཉིད་ཅན་དངོས་པོ་མེད་པའི་གཟུགས་ཅན་ལུས་ངག་མེད་པ་སྟེ། ཐུན་ཚམས་ཀྱི་མུན་པ་བཞིན་ཁྱབ་པ། ཕྲ་ཞིང་བདག་མེད་པ། རླུང་མི་རྒྱུ་ཞིང་སེམས་མེད་པ་མི་གཡོ་བ་སྟེ། འདི་མ་ནིང་གི་ཚིག་གི་མཚོན་པས་ཉེར་ཐོབ་སྟེ། མི་གསལ་བ་ཡིན་ལ། ཆག་པ་བར་མ་སོགས་རང་བཞིན་བདུན་བསྐྱེད་མེད་པའོ། མ་རིག་པ་ལས་ལུགས་འབྱུང་དུ་ཐིམ་པའི་ཚེ་ན་མ་རིག་པ་ལས་ཀྱང་འོད་གསལ་འདི་འབྱུང་ལ། དེས་ན་འོད་གསལ་དེ་ལས་སྣང་བ་འབྱུང་བའོ། བཞི་པ་ནི། ཡཱ། རྣམས་དང་པོ་འཇུག་པ་ནི། སྣང་བ་མཆོད་བའི་མིང་དུ་སྟེ། དེ་ནི་སྟོང་པ་ཆེར་འཇུག་ལ། དེ་ཡང་འོད་གསལ་བར་འགྲོའོ་

(༣༦༣)ཞེས་གསུངས་སོ། ཡཱའི་སྦས་དོན་ནི། སྣང་གསུམ་གྱི་ཐིམ་པ་ལུགས་འབྱུང་གི་གོ་རིམས་སྟེ། ཡཱ་ལ་ཏི་བསྣན་པས། ཡཱ་ཏི་ཞེས་པ་འགྲོའོ་ཞེས་པ་སྟེ། དེ་ཡང་། སྲིད་གསུམ་འགག་པའི་ཚེ་ཕུང་པོ་ལྔ་ཁམས་བཞི་ལ་ཐིམ། ས་ཁམས་ཆུ་ལ། དེ་མེད་ལ། དེ་རླུང་ལ། དེ་རྣམས་དང་པོ་སྣང་བའི་ཡེ་ཤེས་འཇུག་ཅིང་འགྲོ་བའོ། དེ་ནི་སྣང་བ་མཆེད་པའི་མིང་དུ་བོད་པ་དེར་འགྲོ་སྟེ། མཆེད་པ་དེ་ནི་སྟོང་པ་ཆེན་པོ་ཉེར་ཐོན་ཏུ་འཇུག་པར་འགྱུར་ལ། ཉེར་ཐོབ་དེ་ཡང་འོད་གསལ་བར་ཐིམ་འགྲོ་བའོ། ལྔ་པ་ནི། སྣང་བ་གསུམ་གྱི་མཚན་ཉིད་ཅན། གང་འདིར་རྣམས་གསུམ་ཐོབ་པ། སེམས་ཅན་ཁམས་ནི་མུས་པའི། །རང་བཞིན་རྩ་བ་འདི་ཡིན་ནོ། ཞེས་གསུངས་སོ། ཤུའི་སྦས་དོན་ནི་སྐྱེ་བ་ལུགས་བཟློག་གིས་ཚེ་སྣང་གསུམ་ལས་རང་བཞིན་བརྒྱད་བཅུ་པོའི་འབྱུང་ཚུལ་ཏེ། ཤུ་ལ་ཏཾ་བསྟན་པས་ཤུ་ཏཾ་ནི་ཐོས་པ་སྟེ། གང་ན་སྣང་བ་གསུམ་གྱི་མཚན་ཉིད་ཅན་གྱི་རྣམས་གསུམ་ཐོས་སོ། གང་དུ་ན། སྐབས་འདིར་རོ། ཚུལ་ཇི་ལྟར་ན། སེམས་ཅན་གྱི་ཁམས་ནི་མུས་པའི་རང་བཞིན་བརྒྱད་བཅུའི་རྩ་བའི་རྒྱུ་ནི་སྣང་གསུམ་འདི་ཡིན་ནོ། ཞེས་པའི་ཚུལ་གྱི་ཐོས་ཏེ། དེ་ཡང་འོད་གསལ་ལས་མ་རིག་བ། དེ་ལས་མཆོད་པ། དེ་ལས་སྣང་བ། དེ་གསུམ་གྱི་གཞོན་པ་རླུང་ལས་མེད། དེ་ལས་ཆུ། དེ་ལས་ས། དེ་ལས་ཕུང་པོར། དེ་ལས་སྣང་གསུམ། དེ་ལས་རང་བཞིན་བརྒྱད་བཅུ་སོགས་རིམ་གྱི་སྐྱེ་གནས་བཞིའི་སེམས་ཅན་རྣམས་ཀྱི་རབ་ཏུ་བྱུང་བས་སོ། དྲུག་པ་ནི། ཏཾ། དེ་ནི་རེ་རེའི་དོན་སྣང་བ། རླུང་གིས་བླངས་ནས་འཛིན་བྱེད་ལ། རླུང་དང་ལྡན་པའི་རྣམས་ནི། རྟགས་

(༣༦༤)ཏུ་འགྲོ་ལ་གནས་པར་འགྱུར། ཞེས་གསུངས་སོ། ཏམ་གྱིས་སྦས་དོན་ནི། སྐྱེ་སྲིད་དུ་ཡུལ་ལྔའི་སྣང་བ་འབྱུང་བའི་ཚུལ་ཏེ། ཏམ་ལས་ཡིག་གེ་གཞན་མ་བསྣན་ཀྱང་དེ་ནི་ཞེས་པར་འགྱུར་བས། སྣང་སྒྲ་དེ་ནི་སྒོ་ལྔའི་རྣམས་དབང་པོ་ལྔ་པོ་སོ་སོ་བ་རེ་རེའི་ཡུལ་དུ་གཟུགས་སོག་དོན་ལྔ་པོ་སྣང་པ་དེ་དབང་ཤེས་སོ་སོའི་གཞོན་པར་འགྱུར་བའི་རླུང་གི་ཤེས་པའི་མཚན་ཉིད་བླངས་ཤིང་བསྐྱོད་ནས་རླུང་སེམས་འདྲེས་པ་དེས་ཡུལ་འཛིན་པར་བྱེད་ལ། བཞོན་པ་རླུང་དང་འདྲེས་པར་ལྡན་པའི་རྣམས་སྣང་གསུམ་ནི་དུས་རྟག་ཏུ་བར་མ་ཆད་པར་འགྲོ་བས་ན་སེམས་ཀྱི་རྒྱུན་གནས་པར་འགྱུར་རོ། བདུན་པ་ནི། ཨེ་འོད་ནི་རླུང་ཁམས་ཆེན་པོ་སྟེ། རྣམས་གསུམ་གྱི་བཞོན་པ་ཡིན། དེ་ཡིས་རང་བཞིན་རྟག་ཏུ་ནི། ཇི་ལྟ་ཇི་ལྟར་འགྲོ་བར་འགྱུར། ཞེས་གསུངས་སོ། ཨེ་འདིའི་སྦས་དོན་ནི། རང་བཞིན་བརྒྱད་བཅུ་ལས་འཁྲུལ་སྣང་རག་པ་འབྱུང་ཚུལ་ཏེ། ཨེ་ལ་ཧ་བསྣན་པ་ཨེ་ཧ་ནི་འདི་ཞེས་པ་འགྱུར་ནས། ལུས་ཀྱི་རླུང་འདི་ནི་བྱེད་པ་ཆེ་བའི་དོན་གྱི་རླུང་ཁམས་ཆེན་པོ་ཡིན་ཏེ། དེ་དག་ནི་སྣང་མཆེད་ཐོབ་གསུམ་གྱི་རྣམས་གསུམ་གྱི་གཞོན་པ་ཡིན་ལ། སེམས་གསུམ་རླུང་དང་བཅས་པ་དེ་ཡིས་ཇེ་ཆེར་བསྐྱོད་པས་རང་བཞིན་བརྒྱད་བཅུ་པོ་རྣམས་དུས་དུ་མར་བར་མ་ཆད་པར་ཇི་ལྟ་ཇི་ལྟར་ཇེ་རགས་ཇེ་རགས་སུ་འགྲོ་བར་འགྱུར་རོ། དེས་ན་རང་བཞིན་བརྒྱད་བཅུ་འཁྲུལ་སྣང་སྣ་ཚོགས་དང་བཅས་པའི་རྒྱུ་ནི། སྣང་གསུམ་རླུང་དང་བཅས་པའོ། བརྒྱད་པ་ནི། ཀ །སྲ་བའི་ཁམས་དང་ཆུ་ཉིད་དང་། དེ་ནི་མེ་དང་རླུང་དག་ནི། རྣམ་པར་ཤེས་པས་བླངས་ནས་སུ། སྲིད་གསུམ་གནས་སུ་སྐྱེ་བར་འགྱུར། ཞེས་གསུངས། ཀའི་སྦས་

(༣༦༥)དོན་ནི། འབྱུང་བཞི་དང་རྣམ་ཤེས་རྟེན་བརྟེན་པར་འཕེལ་ཚུལ་སྟོན་པ་སྟེ། ཀ་ལ་ནྱ་ཌ་བསྣན་པས་ཀནྱ་ཌ་ནི་སྲ་བ་སྟེ། ཉིང་མཚམས་སྦྱོར་ཚེ་སྲ་བའི་ཁམས། ས་དང་། ཆུ་ཁམས་ཉིད་དང་། དེ་བན་དུ་མེ་ཁམས་དང་། རླུང་ཁམས་དག་ནི་རྣམ་པར་ཤེས་པས་བླངས་ཤིང་བཟུང་ནས་སུ་སྲིད་པ་གསུམ་གྱི་གནས་སུ་སྐྱེ་ཞིང་འཕེལ་བར་འགྱུར་རོ། དགུ་པ་ནི། སྨིན། འདི་ནི་ཕུང་པོ་ལྔ་རྣམས་སུ། འབྱུང་བ་འདུས་བྱས་མཚན་ཉིད་ནི། གཟུགས་ཚོགས་འདུ་ཤེས་འདུ་བྱེད་དང་། རྣམས་ཉིད་ནི་ལྔ་པའོ། ཞེས་གསུངས། སྨིན་གྱི་སྦས་དོན་ནི། འབྱུང་བ་དེ་དག་ལས་ཕུང་པོ་ལྔར་འགྱུར་ཚུལ་ཏེ་སྨིན་ལ་གླད་དུ་ཨ་བསྣན་པས་ཨ་སྨིན་ནི་འདི་ནི་ཞེས་པ་སྟེ། འབྱུང་བཞི་འདི་ནི་ཡོད་ན་འདུས་བྱས་ཀྱི་མཚན་ཉིད་ཅན་གྱི་ཕུང་པོ་ལྔ་རྣམས་སུ་འབྱུང་བ་སྟེ། ལྔ་གང་ཞེ་ན། གཟུགས་དང་ཚོར་བ་དང་འདུ་ཤེས་དང་འདུ་བྱེད་རྣམས་ཀྱི་ཕུང་པོ་ཉིད་ནི་ལྔ་པའོ། ཀྱེ་རྡོར་ལས་ཀྱང་རེག་པ་སྲ་བ་བག་ཆགས་ཏེ། ས་ནི་དེ་ལས་སྐྱེ་བར་འགྱུར། ཞེས་སོགས་འབྱུང་བར་ལྟར་རོ། བཅུ་པ་ནི། ས། མཉམ་ཉིད་སོ་སོར་རྟོགས་པ་དང་། བྱ་བ་བསྒྲུབ་པ་ཉིད་དང་ནི། མེ་ལོང་དང་ནི་ཆོས་ཀྱི་དབྱིངས། འདི་རྣམས་ལྔ་པོ་ཡིན། ཞེས་གསུངས་སོ། སའི་སྦས་དོན་ནི། གཞི་འབྲས་ཀྱི་ཡེ་ཤེས་ལྔ་མཚོན་པ་སྟེ་ས་ལ་མ་ཏཱ་བསྣན་པས་ས་མ་ཏཱ་ནི་མཉམ་པ་ཉིད། མཉམ་པ་ཉིད་ཀྱི་ཡེ་ཤེས་དང་། སོ་སོར་རྟོག་པའི་ཡེ་ཤེས་དང་། བྱ་བ་བསྒྲུབ་པའི་ཡེ་ཤེས་ཉིད་དང་ནི། མེ་ལོང་ལྟ་བུའི་ཡེ་ཤེས་དང་ནི། ཆོས་ཀྱི་དབྱིངས་ཀྱི་ཡེ་ཤེས་ཏེ། ལྔ་པོ་འདི་ནི་གཞི་དུས་ཀྱི་ཡེ་ཤེས་ཡིན་པས་སྒྲིབ་པ་དང་

(༣༦༦)བཅས་པའི་ཕྱིར་རྣམས་ལྔ་པོ་ཞེས་པའི་མིང་གི་བསྟན་པ་ཡིན་ལ། སྒྲིབ་པ་དང་བྲལ་བ་ན་རྣམ་པར་ཤེས་པའི་ཆོས་ཉིད་ལས་འདས་པའི་ཕྱིར། ཡེ་ཤེས་གཉིས་མེད་ཚུལ་འཆང་བ་སྟེ། རྣམ་ཤེས་ཡེ་ཤེས་གཉིས་ལས་འདས་པའི་ཡེ་ཤེས་ཡིན་ནོ། བཅུ་གཅིག་པ་ནི། མ། ཡིད་ཀྱི་སྐྱེ་མཆེད་ཉིད་དང་ནི། མིག་དང་དོན་ནི་རྣ་བ་དང་། སྣ་དང་ལྕེ་དང་ལུས་རྣམས་སྟེ། འདི་ནི་སྐྱེ་མཆེད་རྣམས་འབྱུང་བའོ། ཞེས་གསུངས་པའི། འདུས་དོན་ནི། མངལ་དུ་སྐྱེ་མཆེད་དྲུག་འབྱུང་བའི་ཚུལ་ཏེ། མ་ལ་རིང་ཆ་ན་བསྣན་པས། མ་ན་ནི་ཡིད་དེ། མངལ་དུ་ཡིད་གཟུགས་གྲུབ་པའི་རྐྱེན་གྱིས། ཡིད་ཀྱི་སྐྱེ་མཆེད་ཉིད་དང་ནི། མིག་དང་དེ་བཞིན་རྣ་བ་དང་། སྣ་དང་ལྕེ་དང་ལུས་རྣམས་ཀྱི་སྐྱེ་མཆེད་དེ་སྐྱེ་མཆེད་དྲུག་པོ་རྣམས་བསྐྱེ་སྟེ། འདི་ནི་མངལ་དུ་སྐྱེ་མཆེད་དྲུག་པོ་རྣམས་འབྱུང་བའི་རིམ་པའོ། ཡིད་དང་ལུས་སྔར་གྲུབ་ཟིན་ཀྱང་སྐྱེ་མཆེད་དྲུག་ཀ་ཚང་བ་ལ་ལྟོས་ནས་ཕྱོགས་གཅིག་ཏུ་གསུངས་སོ། བཅུ་གཉིས་པ་ནི། གང་ཡང་ཁམས་སུ་སེམས་ཅན་རྣམས། སྲོག་དང་རྩོལ་ལ་བརྟེན་པའི། གསང་སྔགས་རྒྱལ་པོ་བཟློག་བཞིན་དུ། མི་ཤེས་བསྟན་བཅོས་ཀྱི་ཀློག་པ་སྤངས། ཤེས་གསུངས་སོ། །།།སྦས་དོན་ནི། །།།བཟླས་བཟློ་བར་སྟོན་པ་སྟེ། ཡེ་ལ་ཝེ་བསྣན་པས་ཡེ་ཝེ་ནི་གང་ཡང་སྟེ། གང་ཡང་ཁམས་སུམ་གྱི་སེམས་ཅན་རྣམས་ནི་སྲོག་རླུང་དང་རྩོལ་བའི་རླུང་།།།འཇུག་གནས་གསུམ་ལ་བརྟེན་པའི་གསང་སྔགས་ཀྱི་ཆོས་།།།གསུམ་དུས་ཀུན་ཏུ་རླུང་གིས་།།།བཟློས་བཞིན་དུ། རང་གི་དེ་ལྟར་ཡིན་པ་མི་ཤེས་པར་བསྟན་དང་ཟབ་དོན་ཀློག་ཅིང་། རྡོར་བཟླ་སོགས་

(༣༦༧)ལ་བརྩོན་པས་འཇུག་པ་སྤངས་སོ། བཅུ་གསུམ་པ་ནི། བྷ་འབྱུང་བ་འདི་ལས་རང་བཞིན་ཡང་། ཆགས་དང་ཆགས་མེད་ལ་སོགས་པ། དེ་ལས་དགེ་དང་མི་དགེ་ལས། དེ་ལས་སྐྱེ་བ་འབྱུང་བ་ཡིན། ཞེས་གསུངས་སོ། བྷའི་སྦས་དོན་ནི། སྣང་གསུམ་ལས། རང་བཞིན་བརྒྱད་བཅུ་སོགས་འཁོར་བའི་ཆོས་རྣམས་སྐྱེ་བ་ལུགས་བཟློག་དང་། ཐིམ་པ་ལུག་འབྱུང་གི་ཚུལ་དུ་བསྟན་ཏེ། བྷ་ལ་ཝན་ཏི་བསྣན་བས་བྷ་ཝན་ཏི་ནི་འབྱུང་བ་སྟེ། འབྱུང་བའོ། ཞེས་པ་བཤད་གཞི་གང་ལས་ན། སྣང་གསུམ་འདི་ལས་འབྱུང། གང་ན་རང་བཞིན་བརྒྱད་བཅུའི་རྟོག་པ་སླར་ཡང་འབྱུང་ངོ་། བརྒྱད་བཅུ་དེ་དག་ཞེ་སྡང་འདོད་ཆགས་པ་དང་། ཆགས་མེད་དང་ལ་སོགས་པས་ཆག་ཆག་བྲལ་བར་མའི་རྟོགས་པ་རྣམས་སོ། དེ་ལས་གང་འབྱུང་ན། རྟོགས་པ་དེ་རྣམས་ལས་ཉོན་མོངས་པ་དེ་ལས་འགྲོ་བ་བཟང་ངན་དུ་འབྲིད་པའི་དགེ་བ་དང་མི་དགེ་བའི་ལས་རྣམས་མངོན་པར་འདུ་བྱེད་དོ། ལས་དེ་གཉིས་ལས་འབྲས་བུའི་བརྟེན་འབྲེལ་རྣམས་འགྲུབ་སྟེ། འཆི་བ་འོད་གསལ། བར་དོ་ནས་མངལ་ལ་སོགས་པར་སྐྱེ་བ་འགྲུབ་པ་ཡིན་པས་འཁོར་ལོ་བཞིན་དུ་འཁོར་བར་འགྱུར་རོ། བཅུ་གཉིས་པ་ནི། ག །འགྲོ་བར་འབྱུང་བའི་ཕུང་པོ་ཡང་། སངས་རྒྱས་ལྔའི་བདག་ཉིད་དེ། མངོན་པར་བྱང་ཆུབ་རྣམ་ལྔ་ཞེས། མིང་གི་རབ་ཏུ་བསྐུལ་བ་ཡིན། ཞེས་གསུངས་སོ། གའི་སྦས་དོན་ནི། ཕུང་པོ་ལྔ་རིགས་ལྔར་བསྒོམ་པའི་ལུས་དབེན་ཏེ། ག་ལ་ཏེ་བ་བསྣན་པས་ག་ཏེ་ནི་འགྲོ་བ་སྟེ། རིག་དྲུག་གི་འགྲོ་བར་རང་གི་སྐྱེ་གནས་སུ་འབྱུང་བའི་ཕུང་པོ་

(༣༦༨)ལྔ་ཡང་། གཟུགས་ཕུང་རྣམ་སྣང་སོགས་སངས་རྒྱས་ལྔའི་བདག་ཉིད་ཡིན་ཏེ། རེ་རེ་ལ་ཡང་རིག་ལྔའི་མངོན་པར་བྱང་ཆུབ་པ་རྣམ་པ་ལྔ་ཞེས་པའི་མིང་གི་རབ་ཏུ་བསྐུལ་བའི་ཚུལ་གྱི་གསུང་པ་ཡིན་ནོ། བཅོ་ལྔ་པ་ནི། ཝན། རླུང་དང་མེ་དང་ཆུ་ལས། སྤྱན་ལ་སོགས་པ་བཞི་པོ་སྟེ། ཡེ་ཤེས་བདག་ཉིད་ཅན་གསུམ་དུ། ཡེ་ཤེས་བདག་ཉིད་ཅན་གསུམ་དུ། ཤེས་བྱ་སངས་རྒྱས་བྱང་ཆུབ་ཏེ། ཞེས་གསུངས་སོ། ཝན་གྱིས་སྦས་དོན་ནི། ཁམས་བཞི་ཡུམ་བཞིར་བྷཻ་པའི་ལུས་དབེན་ཏེ། ཝན་གྱིས་ཝ་ལ་ཡུ་བསྣན་པས། ཝ་ཡུ་ནི་རླུང་སྟེ། རླུང་དང་མེ་དང་ཆུ་དང་སའི་ཁམས་སྟེ། དེ་བཞི་ནི་སྤྱན་མ་དང་། སོགས་ཁོང་ནས་མ་མ་ཀི་ལ་སོགས་པ་ཡུམ་བཞི་པོའི་ངོ་བོར་བྷཻ་པ་སྟེ། སྣང་མཆེད་ཐོབ་གསུམ་གྱི་ཡེ་ཤེས་གསུམ་པོ་དེའི་བདག་ཉིད་ཅན་དུ་ཤེས་པར་བྱས་ནས་བྷཻ་པས། སངས་རྒྱས་ཀྱི་བྱང་ཆུབ་ཚེ་འདི་ཉིད་ལ་སྟེ་བར་འགྱུར་རོ། བཅུ་དྲུག་པ་ནི། ས། ཐམས་ཅད་དེ་བཞིན་གཤེགས་པའི་ལུས་ཕྱག་རྒྱ་བཞིས་ནི་རྒྱས་བཏབ་ཅིང་། མིག་ལ་སོགས་པའི་བདག་ཉིད་དེར། ས་སྙིང་ལ་སོགས་རྒྱལ་བའི་སྲས། ཤེས་གསུངས་སོ། སའི་སྦས་དོན་ནི། དབང་པོ་སེམས་དཔར་བྷཻ་པའི་ལུས་དབེན་ཏེ། ས་ལ་རྦ་བསྙན་པས་སརྦ་ནི་ཐམས་ཅད་སྟེ། དེ་ཡང་རང་ཉིད་དེ་བཞིན་གཤེགས་པ་ཐམས་ཅད་ཀྱི་ལུས་ཏེ་སྐུར་བྷཻ་པའི་དོན་ཅན་ནོ། ཇི་ལྟར་བྷཻ་ན། ཕྱག་རྒྱ་བཞི་སྟེ། སྐུ་ཕྱག་ཆེན། གསུངས་ཆོས་རྒྱ་ཐུགས་དམ་རྒྱ་ཕྲིན་ལས་ལས་རྒྱ་རྣམས་ཀྱི་ནི། རྒྱས་བཏབ་ཅིང་བྷཻ་པའོ། དེ་ལྟར་བྷཻ་པའི་སྐབས་དེར་དབང་པོ་ཡང་སེམས་དཔར་བྷཻ་པར་བྱ་སྟེ། མིག་པའི་སྙིང་པོ་དང་ལ་སོགས་པས་རྣ་བ་སོགས་དབང་པོའི་བདག་ཉིད་རྣམས་ལ་སོགས་ཕྱི་མས་ཕྱག་རྣལ་འབྱོར་སོགས་རྒྱལ་བའི་སྲས་པོ་

(༣༦༩)རྣམས་སུ་བྷཻ་པར་བྱའོ། བཅུ་བདུན་པ་ནི། རྦ་རོལ་བས་དགའ་བ་གང་ཡིན་པའི། ཁྲོ་བོའི་རྒྱལ་པོ་སྟོབས་ཆེན་རྣམས། དེ་ནི་ཕྱོགས་འཚམས་ངོ་བོ་རུ། དཔུང་པ་རྣམས་སུ་བརྟག །ཅེས་གསུངས་སོ། རྦའི་སྦས་དོན་ནི། དཔུང་པ་སོགས་ཁྲོ་བོར་བྷཻ་པའི་ལུས་དབེན་ཏེ། རྦ་ལ་ནྟི་བསྣན་སྟེ་ཉེར་རྒྱུར་ཨ་སྔོན་དུ་བྱིན་པས། ཨརྦནྟི་ནི་འདུལ་བའམ་རོལ་པ་སྟེ། གདུག་པ་འདུལ་བའི་ཕྱིར། རོལ་པས་དགའ་བ་གང་ཡིན་པའི་ཁྲོ་བོའི་རྒྱལ་པོ་སྟོབས་ཆེན་ཕྱོགས་མཚམས་བའི་ངོ་བོ་ཉིད་དུ་གནས་པ་དེ་རྣམས་ནི་དཔུང་པ་ལ་སོགས་པ་ཡན་ལག་བཅུ་པོ་རྣམས་སུ་བརྟག་ཅིང་བྷཻ་པར་བྱའོ། བཅོ་བརྒྱད་པ་ནི། ཏ་དེ་དང་དེའི་རིག་འབྱུང་བའི། ལྷ་དང་ལྷ་མོ་ཐ་དད་པ། དེ་ནི་ཡོད་མེད་མིན་དེ་མེད་ཀྱང་། འགྲོ་བའི་དོན་ཕྱིར་རབ་ཏུ་བསྟོན། ཞེས་གསུངས་སོ། ཏའི་སྦས་དོན་ནི། ལུས་དབེན་གྱི་ལྷ་སོ་གཉིས་པོ་ཐམས་ཅད་ངོ་བོ་གཅིག་ཏུ་སྟོན་པ་སྟེ་ཏས་མཚོན་པ་ནི། ཏྟ་ཏྟ་སྟེ། དེ་དང་དེ་ཞེས་པར་འགྱུར་བས། རིགས་ལྔ་པོ་དེ་དང་དེའི་རིག་ལས་བྱུང་བའི་ལུས་དབེན་གྱི་ལྷ་དང་ལྷ་མོ་ལ་ངོ་བོ་ཐ་དད་པ་དེ་ནི་ཡོད་པ་མིན་ཏེ་གསང་ཆེན་རིག་གཅིག་གི་སྐུ་འདུ་བས་སོ། ཐ་དད་པ་དེ་མེད་ཀྱང་རྣམ་པ་དུ་མར་བསྒོམ་པའི་རིམ་པ་རབ་ཏུ་བསྟོན་ཏེ། མོས་པ་སྣ་ཚོགས་པའི་འགྲོ་བའི་དོན་བྱེད་པའི་ཕྱིར་རོ། བཅུ་དགུ་པ་ནི། ཐཱ་དེ་བས་གཉིས་མེད་མཐོང་བ་ཡི། རྣལ་འབྱོར་པས་ནི་ཡེ་ཤེས་གསུམ། མཐོང་ཕྱིར་དམན་དང་བར་མ་དང་། དམ་པའི་ཡུལ་ལ་གཞག་པར་བྱ། ཞེས་གསུངས་སོ། ཐཱའི་སྦས་དོན་ནི་

(༣༧༠)སྣང་བ་སེམས་དབེན་གྱི་གཉིས་མེད་ཡེ་ཤེས་མཉམ་དག་ཏུ་སྐྱངས་པའི་རྗེས་ཐོབ་སྐྱོགས་ཚུལ་བསྟན་ཏེ། ལུས་ངག་དབེན་པ་ལ་ཡང་སྦྱར་རོ། ཐཱ་ལ་ཏ་བྱམ་བསྣན་པས། ཐཱ་ཏི་བྱམ་ནི་བཞག་པར་བྱ་བ་སྟེ། དེ་བས་བཞག་པར་བྱ། ཞེས་དྲངས། གང་གིས་ན། བདེ་སྟོང་གཉིས་མེད་ཀྱི་ཡེ་ཤེས་མཐོང་ཞིང་མངོན་དུ་བྱས་པའི་རྣལ་འབྱོར་པས་ནིའོ། སྐབས་གང་དུ་ན། མཉམ་དག་ཏུ་སྣང་མཆེད་སོགས་ཡེ་ཤེས་གསུམ་མཐོང་བ་ལས་ལངས་པའི་དུས་སུ་ཡང་ངོ་། མང་གིས་ཆེད་དུ་ན། སྔར་མཐོང་བ་དེ་ཉིད་རྒྱུན་སྐྱོང་བའི་ཕྱིར་དུའོ། ཇི་ལྟར་བཞག་ན། ཡུལ་གཟུགས་སོགས་དམན་པ་དང་བར་མ་དང་མཆོག་གི་དམ་པ་དང་གསུམ་པོ་གང་ཤར་གྱི་ངང་ལ་བཟོ་བཅོས་མེད་པར་བཞག་པར་བྱའོ། ཉི་ཤུ་པ་ནི། ག་དབང་པོ་རང་ཉིད་རང་ཡུལ་ལ། འགྲོ་བར་གྱུར་པ་དེ་དང་དེ། དབང་པོ་གང་དང་གང་སྤྱོད་ཡུལ། དེ་དེ་སྣང་བ་ཙམ་ཉིད་དོ། ཞེས་གསུངས་སོ། གའི་སྦས་དོན་ཀྱང་སྔ་མ་དེ་ཉིད་དེ། ག་ལ་ཙྪ་ཏི་བསྣན་པས། གཙྪ་ཏི་ནི། འགྲོ་བར་འགྱུར་བར་སྟེ། མིག་སོགས་དབང་པོ་རྣམས་རང་ཉིད་ཡུལ་ལ་འགྲོ་བར་གྱུར་པའི་ཡུལ་དེ་དང་དེ། དབང་པོ་གང་དང་གང་གི་སྤྱོད་ཡུལ་དུ་ལོངས་སྤྱོད་པ་དེ་དང་དེ་ནི་སྣང་བ་གསུམ་གྱི་ཡེ་ཤེས་ཙམ་ཉིད་དེ། ཉེར་གཅིག་པ་ནི། ཏ་དབང་པོ་དེ་དང་དེ་ཡི་ལམ་ནས་ནི། སྒྲུབ་པ་པོས་ནི་ཡུལ་ཐོབ་པ། དེ་བཞིན་དེ་རྣམས་མ་ལུས་པར། ཚིམ་པར་བྱ་ཕྱིར་དབུལ་བར་བྱ། ཞེས་གསུངས་སོ། ཏའི་སྦས་དོན་ནི། ཡུལ་ལྔ་རྡོ་རྗེ་མ་ལྔར་བསྒོམ་པའི་ལུས་དབེན་ཏེ། ཏ་ལ་ཏ་དང་ཏ་བསྣན་པས། ཏྟ་ཏྟ་ནི་དེ་དང་དེའོ།

(༣༧༡)མིག་སོགས་དབང་པོ་དེ་དང་དེའི་ལམ་ནས་ནི། བསྒྲུབ་པ་པོས་ཡུལ་ལོངས་སྤྱད་བྱར་ཐོབ་པ་རྣམས་གཟུགས་རྡོ་རྗེ་མ་སོགས་སུ་བསྒོམ་ནས་རང་གཤེགས་པ་རྣམས་སུ་བྱ་སྟེ། རྡོ་རྗེ་མས་གཤེགས་པ་ལ་མཆེད་པ་དེ་བཞིན་དུ། ཡུལ་དེ་རྣམས་ཀྱི་དབང་པོ་མ་ལུས་པར་ཚིམས་པར་བྱ་བའི་ཕྱིར་འདོད་ཡོན་དབུལ་བར་བྱའོ། ཉེར་གཉིས་པ་ནི། ཀ །སྐུ་གསུམ་དག་ནི་ཐ་དད་པར། སྐྱོབ་པ་ཡིས་ནི་ཡང་དག་བསྟན། རྫོགས་པའི་རིམ་གྱི་སྦྱོར་བ་ཡིས། གཅིག་ཏུ་ཡང་ནི་འགྱུར་བ་ཡིན། ཞེས་གསུངས་སོ། གཞི་དུས་དུ་འཆི་བ་འོད་གསལ་གྱི་རླུང་སེམས་ཙམ་ལས་བར་དོ་སྒྱུ་ལུས་སུ་གྲུབ་པ་ལྟར། ལམ་དུས་སུ་དཔེའི་འོད་གསལ་གྱི་རླུང་སེམས་ཙམ་ལས་སྒྱུ་ལུས་འགྲུབ་པའི་ཀུན་རྫོབ་སྒྱུ་མའི་སྦས་པ་འཆད་པ་སྟེ། ཀ་ལ་ཡ་བསྣན་པས་ཀ་ཡི་ནི་སྐུའོ། དེ་ཡང་ལྷག་མོས་ཀྱི་ལྷ་འོད་གསལ་དུ་བརྟུལ་བའི་ཆོས་སྐུ་དང་། མངོན་བྱང་ལྔ་ལས་དང་། མགོན་བསྐྱེད་པའི་ལོངས་སྐུ་དང་། དེ་དག་སྤྲུལ་སྐུ་རྡོར་སེམས་སུ་བསྒྱུར་བའི་སྐུ་གསུམ་པོ་དག་ནི་ཐ་དད་པར་སྐྱོབ་པ་སངས་རྒྱས་ཀྱི་ནི་ཡང་དག་པར་བརྟན་པར། རིམ་པ་དང་པོར་སྐུ་གསུམ་པོ་མོས་པ་ཡིད་བྱེད་ཙམ་དུ་བྷཻ་པ་ཡིན་ལ། སྐུ་གསུམ་པོ་ངོ་བོ་གཅིག་ཏུ་བྷཻ་པ་ནི་རྫོགས་རིམ་གྱི་རྣལ་འབྱོར་གྱི་སྦྱོར་བས་མོས་པ་ཡིད་བྱེད་ཙམ་མ་ཡིན་པར་ངོ་བོ་གཅིག་ཏུ་ཡང་ནི་སྦྱོར་བར་འགྱུར་བ་ཡིན་ནོ། ཉེར་གསུམ་པ་ནི། ཡཱ། གང་ཞིག་སངས་རྒྱས་སྐུ་མཚན་ཉིད། ཀུན་རྫོབ་བདེན་པར་གསུངས་པ་ནི། དེ་ཉིད་རྫོགས་པའི་སྦྱོར་འགྱུར་བས། འོད་གསལ་བར་ནི་རྣམ་པར་དག །ཞེས་གསུངས་སོ། ཡཱའི་སྦས་དོན་ཀྱང་སྔར་བཤད་པའི་སྐུ་གསུམ་ངོ་བོ་གཅིག་ཏུ་སྦྱོར་བའི་ཐབས་བསྟོན་པ་སྟེ། ཡཱ་ལ་ད་བསྣན་

(༣༧༢)པས་ཡཱ་ད་ནི་།།། གང་ཟག་གི་སངས་རྒྱས་རྡོ་རྗེ་འཆང་གི་མཚན་དཔེས་བརྒྱན་པའི་སྐུའི་མཚན་ཉིད་དེ་ནི། ལམ་དུས་སུ་ཀུན་རྫོབ་བདེན་པ་སྒྱུ་ལུས་སྦྱང་པ་དེ་ཉིད་ནི་འོད་གསལ་བར་ནི་རྣམ་པར་དག་པར་བྱས་པས་རྫོགས་པའི་རིམ་པའི་སྐུ་གསུམ་ངོ་བོ་གཅིག་ཏུ་སྦྱོར་བར་འགྱུར་ཏེ། ས་ཚབ་འགྱུར་དུ། དེ་ཉིད་འོད་གསལ་བས་དག་པས། རྫོགས་པ་ཡི་ནི་རྣལ་འབྱོར་འགྱུར། ཞེས་འབྱུང་བས་སོ། ཉེར་བཞི་པ་ནི། ཝཱཀ་ཚིག་གི་ལམ་གྱི་ཡུལ་འདི་ནི། གཙོ་བོའི་ཡེ་ཤེས་སྐུ་རང་བཞིན། སེམས་ཅན་ཀུན་ལ་ཕན་པའི་ཕྱིར། འཇལ་ཚོན་བཞིན་དུ་སྣང་བ་ཡིན། ཞེས་གསུངས་སོ། ཝཀཱ་སྦས་དོན་ནི་བཤད་མ་ཐག་པའི་སྒྱུ་ལུས་ནི། འོད་གསལ་གྱི་རླུང་སེམས་ཙམ་ལས་སྐྱེས་པ་ཡེ་ཤེས་ཀྱི་འཇའ་ལུས་རྡོ་རྗེ་འཆང་གི་སྐུར་བསྟོན་པ་སྟེ། ཝཱཀ་མ་ལ་བསྣན་པས། ཝཱཀ་པ་ཐ་ནི་ཚིག་གི་ལམ་མོ། ཚིག་གི་ལམ་ནས་སློབ་མ་ལ་སྒྱུ་མ་སོག་དང་དཔེ་དོན་དང་སྦྱར་བའི་སྒོ་ནས་བསྟན་བྱའི་ཡུལ་སྒྱུ་ལུས་འདི་ཉིད་ནི། གཙོ་བོ་ཁྱབ་བདག་གི་ཡེ་ཤེས་ཀྱི་སྐུའི་རང་བཞིན་ཡིན་པས་འོད་གསལ་གྱི་སྐུ་ཡིན་ལ། དེ་ཡང་སེམས་ཅན་ཀུན་པའི་གཟུགས་སྐུའི་རྒྱུ་བསྒྲུབ་པའི་ཕྱིར་དུ། འཇའ་ཚོན་བཞིན་དུ་སྣང་བའི་སྐུར་བསྐྱེད་པ་ཡིན་ནོ། ཉེར་ལྔ་བ་ནི་ཙིཏ་སེམས་དང་སེམས་འབྱུང་མ་རིག་པ། ཤེས་རབ་ཐབས་དང་ཉེར་ཐོབ་དང་། སྟོང་དང་ཤིན་ཏུ་སྟོང་བ་དང་། སྟོང་ཆེན་ཞེས་ཀྱང་རབ་ཏུ་བརྗོད། ཞེས་གསུངས་སོ། ཙིཏ་ཀྱི་སྦས་དོན་ནི། སྣང་གསུམ་གྱི་མིང་གི་རྣམ་གྲངས་སྟེ། ཙིཏ་ལ་ཏ་བསྣན་པས། ཙིཏྟ་ནི་སེམས་ཏེ་སྣང་བའི་མིང་ལ་སེམས་དང་མཆེད་པ་ལ་སེམས་འབྱུང་དང་ཉེར་ཐོབ་ལ་མ་རིག་པ་དང་། གཞན་བྱང་དེ་གསུམ་ལ་ཤེས་རབ་དང་ཐབས་དང་ཉེ་བར་ཐོབ་པ་ཞེན་

(༣༧༣)དང་། ཡང་སྟོང་པ་ཤིན་ཏུ་སྟོང་པ་དང་སྟོང་པ་ཆེན་པོ་ཞེས་ཀྱང་རབ་ཏུ་བརྗོད་དོ། ཉེར་དྲུག་པ་ནི། ཏ་རང་བཞིན་སྣང་བའི་དབྱེ་ཤེས་ནས། དེ་ནས་སྤྱོད་པ་རབ་ཏུ་བྱ། ལས་ཀྱི་ལུས་ནི་ཡོངས་སྤངས་ནས་རྡོ་རྗེ་སྐུ་ཉིད་ཐོབ་པར་འགྱུར། ཞེས་གསུངས་སོ། ཏའི་སྦས་དོན་ནི། རྫོགས་རིམས་ཀྱི་སྤྱོད་པ་བྱེད་པའི་དུས་ཏེ། ཏ་ལ་ཏ་བསྣན་པས་ཏ་ཏ་ནི་དེ་ནས་ཏེ་རྐང་པ་གཉིས་ཀའི་དང་པོར་བསྒྱུར་རོ། རྫོགས་རིམས་ཀྱི་སྤྱོད་པ་རབ་ཏུ་བྱའོ། ཞེས་དང་།།།ནམ་གྱི་ཚེ་བྱ་ན། རང་བཞིན་བརྒྱད་བཅུ་དང་སྣང་བ་གསུམ་གྱི་ཡེ་ཤེས་ཀྱི་དབྱེ་བའི་ཁྱད་པར་ཤེས་པ་དེ་ནས་ཏ་དེའི་འོག་ཏུ་བྱའོ། དེ་ཡང་། ཐོས་བྱུང་གི་གོ་བ་སྐྱེས་པ་ཙམ་མ་ཡིན་གྱི། སྒོམ་བྱུང་གི་ཉམས་མྱོང་སྐྱེས་ཏེ་སྣང་གསུམ་དང་རང་བཞིན་སྐྱེ་ཚུལ་རྣམས་ཕྱིན་ཅི་མ་ལོག་པར་ཇི་ལྟ་བ་བཞིན་རྟོགས་པའོ། དེ་ནི། དབེན་པ་གསུམ་ཀའི་སྐབས་སུ་འབྱུང་མདོ་འདིར་སེམས་དབེན་གྱི་རྗེས་ནས་སོ། དེ་ལ་ཡང་། སྒྱུ་ལས་བསྒྲུབ་པའི་ཆེད་དུ་དང་། དེ་གྲུབ་ནས་སློབ་པའི་ཟུང་ངག་གི་ཆེད་དུ་དང་། དེ་ཐོབ་ནས་མི་སློབ་པའི་ཟུང་ངག་གི་འཆེད་དུ་སྤྱོད་པ་བྱེད་པ་དང་གསུམ་ཡོད་ཀྱང་། འདིར་ནི་སྔ་མ་གཉིས་ཀྱི་དུས་སྐབས་སོ། གང་གི་ཕྱིར་དུ་ཕྱོ་ལ་བྱ་ན། ལས་ཉོན་གྱི་འཕངས་པའི་རྣམ་སྨིན་གྱི་ལུས་ནི་ཡོངས་སུ་སྤངས་ནས་སྒྱུ་ལུས་རྡོ་རྗེའི་སྐུ་ཉིད་ནི་ཐོབ་པར་འགྱུར་བའི་ཕྱིར་དུའོ། ཉེར་བདུན་པ་ནི། ཧྲི། ཐུགས་ལ་འཇིག་རྟེན་པ་རྣམས་ཀྱི་དོན་སྤྱོད་བཞག་ནས་དེ་བཞིན་གཤེགས་དེ། ཀུན་རྫོབ་ཏུ་ནི་སྐུ་སྤྲུལ་ན། ཇི་ལྟ་ཇི་ལྟར་འདོད་ལ་སྤྱོད། ཅེས་གསུངས་སོ། ཧྲིའི་སྦས་དོན་ནི། སྤྱོད་པ་བྱེད་པའི་ཚེ་ཆས་སུ་འཇུག་ཚུལ་སྟོན་པ་སྟེ། ཧྲི་ལ་

(༣༧༤)བསྣན་པས་ཧྲི་ད་ནི་སྙིང་དམ་ཐུགས་སོ། དེ་ཡང་རང་གི་ཐུགས་སམ་སེམས་ལ་འཇིག་རྟེན་པའི་སེམས་ཅན་རྣམས་ཀྱི་དོན་དུ་སྤྱོད་པ་བྱའོ་སྙམ་པའི་བསམ་པ་གཞག་ནས། དེ་བཞིན་གཤེགས་རིགས་ལྔའི་ཆས་སུ་ཞུགས་པ་ནི། ཀུན་ཆོས་ཙམ་དུ་ནི་སངས་རྒྱས་ཀྱི་སྐུར་སྤྲུལ་པ་སྟེ། ཀུན་རྫོབ་ཀྱི་གོ་དོན་ནི་བཅོས་མ་ཡིན་ལ། དེའི་ཆས་སུ་ཞུགས་པ་ནི་སྤྲུལ་པ་དང་ཆ་འདྲའོ། དེ་ལྟར་ཆས་སུ་ཞུག་ནས་འདོད་ཡོན་ལ་རང་ཉིད་ཇི་ལྟ་ཇི་ལྟར་ལོངས་སྤྱོད་འདོད་པ་ལ་དེ་ལྟ་དེ་ལྟར་དུ་ལོངས་སྤྱོད་པར་བྱེད་དོ། ཉེར་བརྒྱད་པ་ནི། ཡིད་བཞིན་ནོར་བུར་མཆོག་བཞིན་ཏུ། འདོད་པ་ཐམས་ཅད་སྟེར་བར་འགྱུར། སངས་རྒྱས་རྣམས་ཀྱི་ཕུན་ཚོགས་ཀྱང་། སྟོབས་ཀྱི་བླངས་ནས་སྤྱོད་པར་འགྱུར། ཞེས་གསུངས་སོ། དའི་སྦས་དོན་ནི། སྤྱོད་པ་བྱས་པའི་ཕན་ཡོན་ཏེ། ད་ལ་རིང་པོ་དང་ཏི་བསྣན་པས། ད་ཏི་ན་སྟེར་བའོ། སྟེར་བར་འགྱུར་ཞེས་དྲང་། གང་ན། གནས་སྐབས་སུ་འདོད་པའི་འཇིག་རྟེན་པའི་དངོས་གྲུབ་ཐམས་ཅད་དང་། མཐར་ཐུག་སངས་རྒྱས་ཀྱི་ཕུན་ཚོགས་རྣམས་སོ། ཀྱང་ནི་འཇིག་རྟེན་པའི་དངོས་གྲུབ་ཏུ་མ་ཟད་འདས་པའི་དངོས་གྲུབ་ཀྱང་སྟེར་ཞེས་པའོ། དེས་ཇི་ལྟར་ན། ཡིད་བཞིན་ནོར་བུར་མཆོག་ལས་དགོས་འདོད་ཐམས་ཅད་འབྱུང་བ་བཞིན་དུའོ། ཐབས་གང་ལ་བརྟེན་ནས་ན། སྤྱོད་པ་བྱས་པའི་སྟོབས་ཀྱི་དངོས་གྲུབ་གཉིས་པོ་བླངས་པ་ལ་བརྟེན་ནས་སྟེར་ཞིང་བྱིན་པ་དེ་ལ་ལོངས་སྤྱོད་པར་འགྱུར་རོ། ཉེར་དགུ་པ་ནི། ཡ། རྣལ་འབྱོར་དབང་པོ་གང་གང་འདོད། དེ་དེ་ཐོག་པ་མེད་པར་བྱ། མཉམ་པར་མ་བཞག་རྣལ་འབྱོར་གྱི། རྟག་གི་ཏུ་མཉམ་པར་འཇོག་པར་འགྱུར། ཞེས་གསུངས་སོ། ཡའི་སྦས་དོན་ནི། སྤྱོད་པའི་ཆེས་བ་སྟེ། ཡ་ལ་ད་དང་ཡང་བསྣན་པས་ཡང་ཡང་ནི། གང་

(༣༧༥)བ་བཞིན་ནོ། སྤྱོད་པ་བྱེད་པའི་རྣལ་འབྱོར་དབང་པོས་ནི་རང་འདོད་ཡོན་གང་དང་གང་ལ་ལོངས་སྤྱོད་པ་དེ་དང་དེ་ལ་ནི་ཐོག་པ་དང་དགག་བྱ་མེད་པར་ལོངས་སྤྱོད་པར་བྱའོ། རྗེས་ཐོབ་མཉམ་མ་གཞག་པའི་རྣལ་འབྱོར་གྱིས་ནི་དུས་རྟག་ཏུ་མཉམ་འཇོག་པར་འགྱུར་ཏེ། སྤྱོད་བ་བྱས་པས་མཉམ་རྗེས་ཀུན་ཏུ་བདེ་སྟོང་གི་ཏིང་ངེ་འཛིན་དང་མི་འབྲལ་བར་འགྱུར་བས་སོ། སུམ་བཅུ་པ་ནི། བ། རྡོ་རྗེ་པད་མ་མཉམ་སྦྱོར་བས། ཡེ་ཤེས་གསུམ་གྱི་ཚ་རིག་པ་བློ་ལ་སོགས་དང་མ་གོས་པས། དེར་མི་བདེ་བས་རྟག་ཏུ་གནས། ཤེས་གསུངས་སོ། བའི་སྦས་དོན་ནི། ཕྱག་རྒྱ་ལ་བརྟེན་ནས་མཉམ་དག་ཏུ་སེམས་དབེན་གྱི་ཡེ་ཤེས་སྐྱེ་ཚུལ་ཏེ། འདོད་ཆགས་ཆོས་སྦས་སོ། བ་ལ་ཛྲ་བསྣན་པས་བཛྲ་ནི་རྡོ་རྗེའོ། རྡོ་རྗེ་དང་པད་མ་མཉམ་པར་སྦྱོར་བ་ལ་བསྟེན་ནས་རླུང་ཐིམ་པའི་རིམ་བས་སྣང་མཆེད་ཐོབ་གསུམ་གྱི་ཡེ་ཤེས་གསུམ་གྱི་ཆ་ཤས་ཀྱི་དབྱེ་བ་རྣམས་རིག་པར་བྱས་པའི་གནས་སྐབས་དེར་ནི་བདེ་བ་དང་སྟོང་པ་དབྱེར་མེད་དུ་སྦྱོར་བས་རྟག་ཏུ་མཉམ་དག་ལ་གནས་པ་ལྟར་ཡུན་རིང་དུ་སྙོམས་པར་འཇུག་པར་བྱའོ། ཕྱག་རྒྱ་དང་སྙོམ་འཇུག་དེ་ཡང་རང་གི་བློ་ལ་ཉོན་མོངས་ཀྱི་གོས་པ་དེ་ལམ་དུ་བྱེད་ཐུབ་པས་དེས་མ་གོས་པའི་རྣམ་དབྱེ་ཤེས་ནས་འཇུག་དགོས་པའོ། སོ་གཅིག་པ་ནི། ཛྲ་སྒྱུ་མ་ལྟ་བུའི་ཏིང་ངེ་འཛིན་གྱི། དངོས་བདག་ཀུན་ལ་རྣམ་པར་རོལ། སངས་རྒྱས་མཛད་པ་བྱེད་བཞིན་དུ། གཏན་ལ་ཕབ་པའི་གཞི་ལ་གནས། ཞེས་གསུངས་སོ། ཛྲའི་སྦས་དོན་ནི། སྒྱུ་ལུས་བྷཻ་པའི་རྣལ་འབྱོར་པས་སྣང་གྲགས་ཐམས་ཅད་སྒྱུ་མ་ལྟ་བུར་བྷཻ་པའི་ཚུལ་ཏེ། ཛྲ་གཟུགས་སྒྱུར་ནས་ཛིམྦྷ་ཞེས་པ་ནི་རོལ་པ་སྟེ། རྣམ་པར་རོལ་ཞེས་དྲང་

(༣༧༦)དག་རོལ་ན། རང་ཉིད་སྒྱུ་མ་ལྟ་བུའི་ཏིང་ངེ་འཛིན་ལ་གནས་པའི་ང་རྒྱལ་ཅན་གྱི་རྣལ་འབྱོར་པ་དེས་རོལ་པར་བྱའོ། གང་ལ་ན། སྣང་གྲགས་ཀྱི་དངོས་པོའི་བདག་ཉིད་ཆོས་ཀུན་ལ་རོལ། ཇི་ལྟར་རོལ་ན། རིམ་ལྔ་ལས། སྒྱུ་མ་ལྟ་བུའི་ཏིང་ངེ་འཛིན་གནས། ཐམས་ཅད་དེ་དང་འདྲ་བར་མཐོང་། ཞེས་གསུངས་པ་ལྟར། རང་སྒྱུ་མར་སྣང་བ་དེ་དང་ཆ་འདྲ་བར་ཆོས་ཐམས་ཅད་ཀྱང་སྒྱུ་མ་ལྟ་བུའི་ཚུལ་དུ་རོལ་དེ་ཡང་དཔེར་ན། སངས་རྒྱས་རྣམས་ཀྱི་མཛད་པ་ནི་སེམས་ཅན་གྱི་དོན་མཛད་པ་ཡིན་ལ། དེ་དང་མཐུན་པར་སྒྱུ་ལུས་ཀྱི་རྣལ་འབྱོར་པ་དེས་ཀྱང་སེམས་ཅན་གྱི་དོན་བྱེད་པའི་ཚུལ་སངས་རྒྱས་བཞིན་དུ་བྱེད་པ་སྟེ། དེའི་ཕྱིར། ཆོས་ཐམས་ཅད་སྒྱུ་མ་ལྟ་བུར་གཏན་ལ་ཕབ་པའི་གཞིར་འོད་གསལ་ལ་གནས་ཤིང་རོལ་པར་མཛད་དོ། སོ་གཉིས་པ་ནི། ཡོ། རྣལ་འབྱོར་ལྷག་པའི་རྣལ་འབྱོར་དང་། རྣལ་འབྱོར་ཆེན་པོ་རང་ཉིད་འགྱུར། རྡོ་རྗེ་ཅན་དང་མཁའ་འགྲོ་དང་། གང་ཡང་རྣལ་འབྱོར་དེ་རང་ཉིད། ཅེས་གསུངས་སོ། ཡོའི་སྦས་དོན་ནི། སྒྱུ་ལུས་པ་དེ་ཉིད་རྣལ་འབྱོར་བཞིའི་དང་པོ་སྦྱོར་བ་པོ་དད་དཀྱིལ་འཁོར་རྒྱལ་མཆོག་གི་རྣལ་འབྱོར་པར་འགྱུར་བར་སྟོན་པ་སྟེ། ཡོ་ལ་ག་བསྣན་པས་ཡོ་ག་ནི་རྣལ་འབྱོར་རོ། དེས་ན་རྣལ་འབྱོར་དང་རྗེས་སུ་རྣལ་འབྱོར་དང་དེ་དང་གཉིས་ལས་ལྷག་པའི་ཤིན་ཏུ་རྣལ་འབྱོར་དང་རྣལ་འབྱོར་ཆེན་པོ་སྟེ། རྣལ་འབྱོར་བཞིའི་དང་པོར་སྦྱོར་བར་ཡང་སྒྱུ་ལུས་པ་རང་ཉིད་འགྱུར་ལ། དཀྱིལ་འཁོར་རྒྱལ་མཆོག་གཙོ་བོ་རྡོ་རྗེ་ཅན་དང་འཁོར་མཁའ་འགྲོ་ཕོ་མོ་དང་རྟེན་དང་བརྟེན་པ་གང་ཡང་ཉམས་སུ་ལེན་པའི་རྣལ་འབྱོར་པ་སྒྱུ་ལུས་བསྒོམ་པོ་དེ་རང་ཉིད་འགྱུར་བ་ཡིན་ནོ། སོ་གསུམ་པ་ནི། ཥིད། བཀག་པ་དག་ཀྱང་བྱེད་པས་ན། བྱ་དང་བྱ་མིན་རྣམ་ཡངས་སྟེ།

(༣༧༧)པད་མ་ལ་ནི་འདམ་གྱི་བཞིན། ངོ་བོ་ཉིད་ཤེས་གོས་མི་འགྱུར། ཞེས་གསུངས་སོ། ཥིད་ཀྱི་སྦས་དོན་ནི། དམན་ལམ་དུ་བཀག་པ་དག་ཀྱང་འདིར་སྣང་བའི་ཐབས་ཀྱི་ཁྱད་པར་སྟོན་པ་སྟེ། ཥིད་ལ་ནི། དྷ་བསྣན་པས་ཥིད་ནི་དྷ་ནི་བཀག་པའོ། དེས་ན། ཐེག་པ་དམན་པར་བཀག་པ་རིག་མའི་འདོད་ཡོན་ལ་ལོངས་སྤྱོད་པ་དག་ཀྱང་འདིར་ཉམས་སུ་བླང་བྱར་བྱེད་བས་ན། འདི་ལྟ་བུ་བྱ་རུང་བ་དང་བྱར་རུང་མིན་པའི་བློ་རྣམ་པར་སྤངས་སྟེ་གནས་ལུགས་ངོ་བོ་འདི་ཤེས་པའི་སྒོ་ནས་ཐབས་དང་ལྡན་པས་སྤྱད་ན་ཉེས་པས་གོས་པར་མི་འགྱུར་བའི་དཔེ་ཡོད་དེ། འདམ་ལས་སྐྱེས་པའི་པད་མ་ལ་ནི་འདམ་གྱི་མི་གཡོས་བཞིན་ནོ། སོ་བཞི་པ་ནི། བྷ་ཡོན་ཏན་བརྒྱད་དང་ཉེར་ལྡན་པར། སེམས་ཅན་རིག་འགྱུར་ཞིང་། འཇིག་རྟེན་ཁམས་ནི་མ་ལུས་པར། བདག་ཉིད་ཡེ་ཤེས་ལུས་ཀྱི་སྤྱོད། ཅེས་གསུངས་སོ། བྷའི་སྦས་དོན་ནི། ཕྱག་རྒྱ་དང་སྦྱོར་བའི་སྤྱོད་པ་བྱས་བྱས་པའི་ཕན་ཡོན་ཏེ། བྷ་ལ་ཝ་ཏ་བསྣན་པས་བྷ་ཝ་ཏ་ནི་འགྱུར་རོ། ཞེས་པའོ། འགྱུར་རོ་ཞེས་དྲངས། གང་དུ་ན། མཐའ་དྲུག་དང་གནས་སྐབས་གཉིས་ལས། དང་པོ་ནི། དབང་ཕྱུག་གི་ཡོན་ཏན་བརྒྱད་ཉེ་བར་ལྡན་པས་སེམས་ཅན་ཐམས་ཅད་ཀྱི་སྤྱོད་པ་རིག་པར་འགྱུར་ཞིང་། གནས་སྐབས་སུ་འང་། འཇིག་རྟེན་གྱི་ཁམས་ནི་མུས་པར་རྣལ་འབྱོར་པ་བདག་ཉིད་ཡེ་ཤེས་ཀྱི་ལུས་ཀྱི་ཐབས་མཁས་པའི་སྤྱོད་པ་རྒྱ་ཆེན་པོ་སྤྱོད་པ་ལ་དབང་འབྱོར་བ་ཐོས་པར་འགྱུར་རོ། གང་ལ་བརྟེན་ནས་ཐོབ་པར་འགྱུར་ན། སྤྱོད་པ་དེ་སྤྱད་པའི་ཕན་ཡིན་ལ་བརྟེན་ནས་ཐོབ་པར་འགྱུར་རོ། སོ་ལྔ་པ་ནི། གོ། གཙོ་བོ་གང་དུ་སྤྱོད་པ་ཡིས། དེའི་ཁྱིམ་

(༣༧༨)ནི་ནམ་མཁའ་ཉིད། བདེ་བ་ཆེན་པོའི་ཏིང་ངེ་འཛིན་གྱི། དེ་ཉིད་དུ་ནི་རྟག་ཏུ་དགྱེས། ཤེས་གསུངས་སོ། གེའི་སྦས་དོན་ཀྱང་། སྤྱོད་པའི་ཕན་ཡོན་ཏེ། བདེ་ལ་ཧ་བསྣན་པས། གེ་ཧ་ནི་ཁྱིམ་ཡོད། དེང་སང་གཙོ་བོ་གནས་གང་དུ་སྤྱོད་པ་དེའི་ཁྱིམ་ནི་ནམ་མཁའ་ཉིད་ཡིན་ལ། ལྷན་སྐྱེས་ཀྱི་བདེ་བ་ཆེན་པོའི་ཏིང་ངེ་འཛིན་གྱི་ནམ་མཁའ་ཉིད་དུ་ནི་རྟག་ཏུ་དགྱེས་པར་རོལ། སོ་དྲུག་པ་ནི། བུ་འདི་ལ་སྣང་བ་དབྱེ་བ་ལས། ཐུན་མཚམས་ཉིན་མོ་མཚན་མོ་ཡིས། འཇིག་རྟེན་ཐ་སྙད་བྱས་པ་ཡིས། ཡེ་ཤེས་གསུམ་ནི་མཐོང་ཕྱིར་རོ། ཞེས་གསུངས་སོ། ཥུའི་སྦས་དོན་ནི། ཡེ་ཤེས་གསུམ་གྱི་མིང་གི་རྣམ་གྲངས་སྟེ། ཥུའི་གོང་དུ་ཨེ་བསྣན་པས་ཨེ་ཥུ་ནི་འདི་ལའོ། སྣང་བ་གསུམ་གྱི་དབྱེ་བ་འདི་ལ། ཐུན་མཚམས་དང་ཉི་མོ་མཚན་མོ་དང་འཇིག་རྟེན་གྱི་ཐ་རྙད་བྱས་པའི་མིང་གི་རྣམ་གྲངས་གཞན་ཡང་ཡོད་དེ། ཡེ་ཤེས་གསུམ་པོ་འདི་ལ་ནི་ཐ་རྙད་རྣམས་གྲངས་དུ་མ་དགོས་པའི་རྒྱུ་མཚན་མཐའ་ཡས་པ་མཐོང་པའི་ཕྱིར་རོ། སོ་བདུན་པ་ནི། བི། སྣ་ཚོགས་པ་ཡི་ཐ་རྙད་དག །འཇིག་རྟེན་པས་ནི་ཡོངས་བརྟག་པ། ལམ་གསུམ་གྱི་ནི་དབྱེ་བ་ཡིས། ཡེ་ཤེས་རྣམ་པ་གསུམ་འབྱུང་ངོ་། ཞེས་གསུངས་སོ། བིའི་སྦས་དོན་ནི་ཀྱང་སྔ་མ་དེ་ཉིད་དེ། འཇིག་རྟེན་ཐ་རྙེད་བྱས་པ་ཡིས། ཤེས་པའི་རྒྱས་བཤད་འཕྲོས་དོན་དང་འཆད་པས་སོ། བི་ལ་ཙ་ཏྲ་བསྣན་པས་བི་ཙི་ཏྲ་ནི་སྣ་ཚོགས་པའོ། འཇིག་རྟེན་གྱི་ཐ་རྙད་བྱས་པའི་རྣམ་གྲངས་དེ་ནི་གང་ཞེས་ན། འཇིག་རྟེན་པས་རྟོག་པས་ཡོངས་སུ་བརྟགས་པའི་ཐ་རྙད་ཀྱི་རྣམ་གྲངས་སྣ་ཚོགས་པ་དག་བྱས་ཏེ་

(༣༧༩)དཔེར་ན། ཕོ་མོ་མ་ནིང་གསུམ་དང་གཡས་གཡོན་དབུ་མ་གསུམ་དང་རབ་འབྲིང་ཐ་མ་སོགས་གསུམ་བཞིན་ནོ། གཞན་ཡང་། འོད་གསལ་དུ་བགྲོད་པའི་ལམ་གྱིས་སམ། སྐྱེ་བའི་རིམ་པ་དུས་སུམ་གྱི་དབྱེ་བ་ཡེ་ཤེས་ཀྱང་། ཡེ་ཤེས་རྣམ་པ་གསུམ་གྱི་མིང་གི་རྣམ་གྲངས་འབྱུང་ངོ་། སོ་བརྒྱད་པ་ནི། ཛ། སྐྱེད་དང་གནས་དང་འཇིགས་པ་དང་། སྲིད་པ་བར་མར་གནས་པ་སྟེ། ཇི་རྙེད་འཇིག་རྟེན་གྱིས་བཏག་པ། སེམས་ནི་རླུང་གི་རྣམ་འཕྲུལ་ལོ། ཞེས་གསུངས་སོ། ཛའི་སྦས་དོན་ནི། རླུང་སེམས་ལས་རྣམ་པར་སྤྲུལ་པའི་ལུས་ཉིད་སྒྱུ་མ་ལྟ་བུའི་ལུས་སུ་ལངས་པར་བསྟན་པ་སྟེ། ཛ་ལ་ན་མ་བསྣན་པས། ཛ་ན་མ་ནི་སྐྱེ་བའོ། སྐྱེ་བ་དང་གནས་པ་དང་འཆི་བས་འཇིགས་པ་དང་། དེའི་འོག་ཏུ་སྲིད་པ་བར་མ་ལ་གནས་པ་སྟེ། སྐྱེ་སོགས་འཁོར་བའི་སྣང་བ་ཇི་རྙེད་པ་ཐམས་ཅད་དོན་ལ་མེད་ཅིང་འཇིག་རྟེན་གྱི་རྣམ་པར་རྟོགས་པས་བཏགས་པ། སེམས་དང་སེམས་ཀྱི་བཞོན་པར་གྱུར་པའི་རླུང་གི་རྣམ་པར་སྤྲུལ་པ། སྒྱུ་མའི་དཔེ་བཅུ་གཉིས་ཀྱི་ཁྱད་པར་དུ་བྱས་པའོ། དེས་ན་ཐ་མལ་པའི་ལུས་འདི་ཉིད་སྒྱུ་ལུས་ཀྱི་བསྒྲུབ་གཞི་སྟེ། ཐ་མལ་པའི་སེམས་འདི་ཉིད་ཕྱག་རྒྱ་ཆེན་པོ་ཡིན་པ་བཞིན་ནོ། སོ་དགུ་པ་ནི། ཧཱ། རྒོད་དང་རྩེད་མོ་བྱེད་པ་དང་། གར་གྱི་རོ་དགུར་ལྡན་པ་དང་། སྔགས་དང་ཕྱག་རྒྱ་རྣམ་རྟོགས་པ། རྡོ་རྗེ་སེམས་དཔའི་སེམས་དཔའི་སྤྱོད་པའོ། ཞེས་གསུངས་སོ། ཧཱའི་སྦས་དོན་ནི། སྤྱོད་པའི་སྐབས་སུ་ཐེག་པ་གཞན་ནས་བཀག་པ་ལ་སྤྱད་ཀྱང་ཉེས་པས་མི་གོས་པར་འགྱུར་བའི་རྒྱུ་མཚན་སྟོན་པ་སྟེ། དེའི་ཕྱིར། ཡིག་གེ་སོ་གསུམ་པ་ཥིད་ཀྱི་བཤད་པ་མཛད་པ་ན་

(༣༨༠)ངོ་བོ་ཉིད་ཤེས་གོས་མི་འགྱུར། ཞེས་གསུངས་པ་དེ་དག་རྒྱུ་མཚན་གྱི་སྒོ་ནས་རྒྱས་པར་འཆད་པའོ། དེ་ཡང་ཧཱ་ལས་ས་བསྣན་པས་ཧ་ས་ནི་རྒོད་པའོ། དེས་ན་སྤྱོད་བ་བྱེད་པའི་ཚེ་རྒོད་པ་དང་གུ་གར་སོགས་རྩེད་མོ་བྱེད་པ་དང་། སྒེགས་ས་བོགས་གར་གྱི་ཉམས་དགུའི་རོ་ལྡན་པ་དང་། ངག་གི་སྔགས་བཟློས་པ་དང་། ལུས་ཀྱི་ཕྱག་རྒྱ་བཅིངས་ལ་སོགས་ཀྱི་རྣམ་པར་རྟོག་པ་ཐམས་ཅད་རྣལ་འབྱོར་པ་རང་ཉིད་རྡོ་རྗེ་སེམས་དཔའ་གནས་ལ་གནས་པའི་སྤྱོད་པ་ཡིན་པས། ཉེས་པས་ནམ་ཡང་གོས་པར་མི་འགྱུར་ཏེ། སྦྱོང་རྒྱུད་ལས་ཀྱང་། རྡོ་རྗེ་སེམས་དཔའི་གནས་འདུག་སྟེ། འགྲུབ་འགྱུར་ཉེས་བར་མི་འགྱུར་ན། སྙིང་པོར་ལྡན་པས་སྨོས་ཅི་དགོས་ཤེས་འབྱུང་ན་སྐབས་འདིར་ནི་དེ་བས་ཀྱང་ཆོས་མཆོག་ཏུ་འགྱུར་བས་སོ། བཞི་བཅུ་པ་ནི། བདག་བྱིན་རླབས་ཆེན་མ་གཏོར་བར། རིན་ཆེན་གཞན་དག་འདི་ན་མེད། མེ་ཡིས་སྦྱངས་པའི་ནོར་བུར་བཞིན། རང་བཞིན་འོད་གསལ་རྣམ་དག་པའོ། ཞེས་གསུངས་སོ། རའི་སྦས་དོན་ནོ། བདག་བྱིན་རླབས་ཀྱི་སྒྱུ་ལུས་ལ་བསྔགས་པ་སྟེ། དེ་ཡང་ར་ལ་ཏ་སྲོག་མེད་དང་ན་བསྣན་པས། རང་ན་ནི་རིན་ཆེན་ནོ། སྦས་དོན་འཆད་པའི་སྐབས་འདིར་ཡིད་བཞིན་གྱི་ནོར་བུར་རིན་པོ་ཆེ་དང་མཚུངས་པ་ནི་བདག་བྱིན་རླབས་པ་ཆེན་པོའི་སྒྱུ་ལུས་ཀྱི་སྐུ་སྟེ། རྙེད་པར་དཀའ་ཞིང་རྙེད་ན་དོན་ཆེ་བས་སོ། དེ་ཉིད་རྙེད་པར་དཀའ་སྟེ། སྐལ་ལྡན་ལ་སྲིད་པ་ཙམ་མོ། རྙེད་ན་དོན་ཆེ་སྟེ་ཚེ་འདི་ཉིད་ལ་སངས་རྒྱས་སྟེར་བས་སོ། ཇི་སྐད་དུ་རིམ་པ་ལྔ་ལས། བདག་ལ་བྱིན་རླབས་རིམ་ཐོབ་པ། གཙོ་བོ་སངས་རྒྱས་ཀུན་བདག་ཉིད། ཚེ་འདི་ཉིད་དུ་སངས་རྒྱས་ནི། ཐེ་ཚོམ་མེད་པར་ཐོབ་པར་འགྱུར་

(༣༨༡)ཞེས་གསུངས་ལ། དེ་ཡང་བླ་མ་དམ་པའི་བཀའ་དྲིན་ལས་ཤེས་པར་བྱ་སྟེ། བདག་བྱིན་རླབས་ལས། རྨི་ལམ་སྒྱུ་མ་ལྟ་བུའི་ཆོས། སངས་རྒྱས་པ་ཀུན་སྨྲ་བ་ནི། བདེན་ཡང་དེས་ནི་ཤེས་པ་མིན། བདག་བྱིན་རླབས་ལས་ཁ་ཕྱིར་ལྟས། རྣམས་རླུང་དང་ལྡན་པ་ཡིས། ཡིད་ཀྱི་རང་བཞིན་གཞུ་འདྲ་བ། རང་གི་ཡེ་ཤེས་དེ་མ་མཐོང་། སྒྱུ་མའི་དཔེ་ལ་རྨོངས་གྱུར་པས། བསྐལ་པ་དཔག་ཏུ་མེད་པར་ནི། ཐོས་པའི་ཕ་རོལ་ཕྱིན་པས་ཀྱང་། བླ་མའི་བཀའ་མེད་སྒྱུ་མ་ནི། མངོན་སུམ་བྱ་བར་མི་ནུས་སོ། ཞེས་འབྱུང་བས་སོ། འདི་ཉིད་ཁོ་ན་མ་རྟོགས་དང་མཚུངས་པ་གཞན་དག་འདི་ན་མེད་དེ། འདི་མ་ཐོས་པའི་ཡོན་ཏན་གྱི་ཆོས་གང་བསྒྲུབ་ཀྱང་ངལ་བ་དོན་མེད་ཁོ་ན་ཡིན་པས་སོ། དེ་ཡང་བདག་བྱིན་རླབས་ལས། བདག་ལ་བྱིན་གྱི་རླབས་པའི་རིམས། གང་གིས་རྙེད་པར་མ་གྱུར་པ་མདོ་དེ་རྒྱུད་དང་རྟོགས་པ་ལ། དེ་ཡི་ངལ་བ་དོན་མེད་འགྱུར། ཞེས་འབྱུང་ལ། བདག་བྱིན་བརླབས་པ་ཆེན་པོའི་སྒྱུ་ལུས་ནི་བླ་ན་མེད་པ་བྱང་ཆུབ་ཀྱི་རྙེར་རྒྱུ་ཡིན་པར་རྒྱུད་གཞན་ལས་ཀྱང་བསྔགས་སྟེ། །།།རྒྱ་མཚོ་ལས་ཀྱང་། ལྷའི་རྣམ་པའི་རྣལ་འབྱོར་བདག །སྐད་གཅིག་མ་བུམ་བྱེད་པ་པོ། ལུགས་མ་ལ་སོགས་རྣལ་འབྱོར་གྱི། རྣམ་པར་བྱས་པའི་།།།འགྱུར། སྟོང་ཉིད་རྣལ་འབྱོར་རང་བཞིན་གཟུགས། བདག་བྱིན་རླབས་པའི་མདོ་དོ། བདག་བྱིན་བརླབས་བྲལ་རྣལ་འབྱོར་པ། པུན་ལྐོག་དུམ་བུ་བཞིན་ཤེས་བྱ། འདི་འདྲའི་མཚན་ཉིད་མཆོག་གྱུར་པ། སྐྱེ་བོ་ཕྱུག་རྣམས་ཀྱིས་མི་ཤེས། དེ་ཕྱིར་སྒྱུ་འཕྲུལ་འདི་བྷ་

(༣༨༢)ན། བླ་ན་མེད་པའི་དབང་ཕྱུག་ཐོབ། ཅེས་འབྱུང་བ་དང་། རྒྱུད་གཞན་ཀྱང་དེའི་རིགས་ཅན་མང་དུ་གསུངས་སོ། དེ་ལྟ་བུའི་སྒྱུ་ལུས་ཀྱི་སྒྱུ་དེ་རང་བཞིན་འོད་གསལ་དུ་ཞུགས་པས་རྣམ་པར་དག་པར་འགྱུར་པའི་དཔེ་ཡོད་དེ། མེ་ཡིས་དྲི་མ་ལེགས་པར་སྦྱངས་བའི་ནོར་བུར་འོད་འབར་བར་འགྱུར་བ་བཞིན་ནོ། གསུམ་པ་ཇི་ལྟར་བཤད་པའི་ཚུལ་ནི། དཔལ་ལྡན་འདུས་པ་ཡོངས་གསལ་བའི། བཞུགས་པའི་ཚིག་དོན་འདི་དག་ནི། རྡོ་རྗེ་ཕྲེང་བའི་རྗེས་འབྲང་ནས། འཇམ་པའི་དབྱངས་ཀྱི་བཤད་པ་ཡིན། ཞེས་གསུངས་སོ། དཔལ་ལྡན་གསང་བ་འདུས་པའི་རྩ་རྒྱུད་ཀྱི་འདི་སྐད་བདག་ཐོས་ནས་བྷ་ག་ལ་བཞུགས་པོའི་བར་རྒྱུད་ཀྱི་མདོར་བསྟན་ཡོངས་སུ་གསལ་བར་བྱེད་པ་ཨེ་ཝཾ་ནས་བི་ཛ་ཧཱ་རིའི་བར་གྱི་ཡིག་གེ་བཞི་པོ་འདིའི་ཚིག་གི་དོན་སྦས་དོན་གྱི་སྒོ་ནས་འཆད་ཚུལ་འདི་དག་ནི། བཤད་རྒྱུད་རྡོ་རྗེ་ཕྲེང་བས་གླིང་གཞི་ཇི་ལྟར་བཤད་པའི་རྗེས་སུ་འབྲང་སྟེ་འཆད་འདོད་པ་རྣམས་ཀྱི་དབང་དུ་བྱས་ནས་རྡོ་རྗེ་འཆང་གི་འཇམ་ཞིང་སྙན་པའི་དབྱངས་ཀྱི་བཤད་པ་ཡིན་ནོ། ས་ཚབ་འགྱུར་ལས་ཀྱང་། དཔལ་ལྡན་འདུས་པ་བཞུགས་པའི་ཚིག །རྡོ་རྗེ་ཕྲེང་བའི་རྗེས་འབྲང་ནས། དེ་ལྟར་ཡོངས་སུ་གསལ་བར་ནི། འཇམ་པའི་དབྱངས་ཀྱི་བཤད་པ་ཡིན། ཞེས་གསུངས་སོ། འདི་དང་དགོངས་པ་མཐུན་ནོ། བཞི་པ་མཇུག་བསྡུ་བ་ནི། སྦས་པའོ། ཞེས་གསུངས་སོ། དེ་ལྟ་བུའི་བཤད་ཚུལ་གྱི་བཤད་པ་འདི་ནི། སྣང་བ་སེམས་ཀྱི་སྦས་པ་དང་། འདོད་ཆགས་ཆོས་ཀྱི་སྦས་པ་དང་། ཀུན་རྫོབ་སྒྱུ་མའི་སྦས་པ་སྟེ། སྦས་པ་གསུམ་ཀ་སྟོན་པའི་ཚུལ་དུ་བཤད་པ་ཡིན་ནོ། བཞི་པ་མཐར་ཐུག་གིས་

(༣༨༣)ཚུལ་དུ་བཤད་པ་ནི། བཤད་རྒྱུད་དགོངས་པ་ལུང་སྟོན་གྱི་གླེང་གཞི་ཇི་ལྟར་བཤད་པའི་ཚུལ་རྒྱུད་འདི་ཉིད་ཀྱི་ལུང་ཚིག་དང་སྦྱར་ནས་བཤད་པ་སྟེ། འདི་ལ་གསུམ། མཚམས་སྦྱར་བ། ལུང་ཚིག་དངོས། འཇུགས་བསྡུ་པའོ། དང་པོ་ནི། ཡང་ལུང་གི་བཤད་པ་གསུངས་པ་ནི། ཞེས་གསུངས་སོ། སྦས་དོན་གྱི་ཚུལ་དུ་བཤད་པར་མ་ཟད་སླར་ཡང་བཤད་པའི་རྒྱུད་དགོངས་པ་ལུང་སྟོན་གྱིས་ལུང་གི་མཐར་ཐུག་གི་ཚུལ་དུ་བཤད་པ་གསུངས་པ་ནི་དང་པོ་སྔགས་ཀྱི་ཚིག་བཅད་གསུམ་གྱི་འཆད་དོ། གཉིས་པ་ལ་གསུམ། དུས་སྟོན་པ་གནས་བཤད་པའི་ལུང་དོན་ནོ། དང་པོ་ནི། རྩ་རྒྱུད་དང་འདི་སྐད་བདག་གི་ཐོས་པ་དུས་གཅིག་ན་ཞེས་པ་དེ་དག་མཐར་ཐུག་གིས་ཚུལ་དུ་འཆད་པ་ལ། དགོངས་པ་ལུང་སྟོན་ལས། འདི་ཉིད་འདི་སྐད་བདག་གི་ཐོས། གསལ་བ་འགའ་ཞིག་དུས་ཡིན་ཏེ། ཞེས་གསུངས་སོ། འདི་སྐད་ཅེས་པའི་སྐད་དོད། ཨེ་ཝཾ་གྱི་དོན་མཐའ་རྒྱས་པ་ལས། སྐབས་འདིར་ནི་འོད་གསལ་གྱི་ཨེ་ཝཾ་གེ་སྟོང་དབྱེར་མེད་དང་། ཟུང་ངག་གི་ཨེ་ཝཾ་བདེན་དབྱེར་མེད་ཀྱི་དེ་ཁོ་ན་ཉིད་རྣལ་འབྱོར་པ་བདག་གིས་དོན་མངོན་དུ་གྱུར་པའི་སྒོ་ནས་རྟོགས་ཤིང་ཐོས་པའོ། ཇི་སྐད་དུ། དགོངས་པ་ལུང་སྟོན་ལས། བདག་གི་ཤེས་རྟོགས་དེ་འགྱུར་བ། ཞེས་གསུངས་སོ། དེ་དང་དགོངས་པ་མཐུན་པར་སམ་བྷུ་ཊི་ལས་ཀྱང་། ཐོས་པ་ཞེས་བྱ་བ་ནི་ལྷག་པར་སོན་པ་སྟེ། འདིས་ནི་རྣམ་པར་ཐར་པ་བསམ་གྱིས་མི་ཁྱབ་པ་ལ་ལྷག་པར་མོས་པའི་ཏིང་ངེ་འཛིན་རྙེད་དོ་ཞེས་བྱ་བར་རྟོགས་སོ། ཞེས་འབྱུང་ངོ་། རྐང་པ་ཕྱི་མ་ལམ་འགྱུར་མི་འདྲ་བ་འགའ་ཞིག་ཡོད་ཀྱང་། རྒྱུད་ཉིད་དུ་གསལ་བ་དུས་གཅིག་ན། ཞེས་པར་

(༣༨༤)བསྒྱུར་བས་དེ་དང་མཐུན་པར་འཆད་ན་བཤད་མ་ཐག་པའི་བདེ་སྟོང་དབྱེར་མེད་དང་། བདེན་གཉིས་དབྱེར་མེད་ཀྱི་བླ་ན་མེད་པའི་བསྒྲོད་པ་ནི་ཤིན་ཏུ་མྱུར་ཞིང་གསལ་བས་དུས་སྐད་གཅིག་མ་གཅིག་ལ་ཐོབ་པར་མཛད་དེ། དགོངས་པ་ལུང་སྟོན་ལས། ཤིན་ཏུ་གྲངས་མེད་བསྐལ་པ་ཏུ། སངས་རྒྱས་རྣམས་ཀྱི་གང་མཁྱེན་པ། སྔགས་པ་རྣམས་ཀྱི་དུས་གཅིག་ན། སྐ་གཅིག་ལ་རྫོགས་བྱང་ཆུབ་ཐོབ། ཅེས་གསུངས་པའི་སྐད་གཅིག་ལ་ཞེས་པའི་བྱ་བ་རྫོགས་པའི་སྐད་གཅིག་མ་ལའམ། ཡང་ན་དུས་གྱུར་བས་སྐད་ཅིག་མ་ཞེས་གསུངས་ཀྱིས། དུས་མཐའི་སྐད་ཅིག་མ་ལ་ཞེས་པ་ནི་མ་ཡིན་ནོ། གཉིས་པ་ནི། རྩ་རྒྱུད་དུ་བཅོམ་ལྡན་འདས་ཤེས་གསུངས་པ་སྟེ་མཐར་ཐུག་གི་ཚུལ་དུ་འཆད་པ་ལ། དགོངས་པ་ལུང་སྟོན་ལས། རྡོ་རྗེ་གསང་དབང་བཅོམ་ལྡན་འདས། ཤེས་གསུངས་སོ། རྒྱུད་ཀྱི་སྟོན་པ་ཕུན་ཚོགས་ནི་བཅོམ་ལྡན་འདས་སོ། དེ་ནི་རྡོ་རྗེ་སྟེ། སྐུ་གཉིས་ཟུང་དུ་འཇུག་པ་མི་ཁྱེད་པས་སོ། གསང་བ་སྟེ། གསང་སྔགས་ཀྱི་དོན་ཀུན་བསྡུས་པས་གཞན་གྱི་རྟོགས་པར་དཀའ་བའོ། དབང་པོ་སྟེ། ཆོས་ཐམས་ཅད་ལ་མངའ་བསྒྱུར་བའི་གཙོ་བོ་ཡིན་པས་སོ། གསུམ་པ་ལ་བཞི་གནས་ཀྱི་ཁྱད་པར། ཇི་ལྟར་བཞུགས་པའི་ཚུལ། གནས་དངོས། བཞུགས་པའོ། དང་པོ་ནི། རྩ་རྒྱུད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུངས་དང་ཐུགས་ཀྱི་སྙིང་པོ་ཞེས་གསུངས་པ་མཐར་ཐུག་གི་ཚུལ་དུ་འཆད་པ་ལ། རྡོ་རྗེ་དམ་ཚིག་གི་གསུམ་གྱིས་མཆོག །ཡེ་ཤེས་དེ་བཞིན་གཤེགས་པ་ཀུན། ཡེ་ཤེས་ཕུན་ཚོགས་བསམ་མི་ཁྱབ། ཅེས་གསུངས་སོ། དེ་བཞིན་གཤེགས་པ་ནི་ཡུལ་ཆོད་དེ་བཞིན་ཉིད་སྤྲོས་པ་ཐམས་ཅད་ཀྱི་སྟོང་པའི་རང་བཞིན་དུ་གནས་པ་ལ། མུན་གྱི་ཡེ་ཤེས་ཀྱང་ཡུལ་ཇི་ལྟ་བ་

(༣༨༥)དེ་བཞིན་དུ་གཤེགས་ཤིང་གཉིས་སུ་མེད་པར་སྦྱོར་བ་དེ་བཞིན་གཤེགས་པའོ། ཀུན་ཞེས་པ་རྩ་རྒྱུད་ལས་ཐམས་ཅད་ཅེས་པའི་དོན་ཏེ། ཡེ་ཤེས་ཀྱི་ཡོན་ཏན་ཕུན་སུམ་ཚོགས་པ་བསམ་གྱིས་མི་ཁྱབ་པ་ཀུན་ཚང་བའོ། ཇི་སྐད་དུ་དགོངས་པ་ལུང་སྟོན་ལས། ཐམས་ཅད་གྱུར་པ་གང་གང་ཡིན། དེ་དེ་སྟོང་པ་ཉིད་དུ་འགྱུར། དེ་བཞིན་སྦྱོར་བ་དེ་མཐོང་བས། ཀུན་རིག་དེ་ནི་དེ་བཞིན་གཤེགས། ཅེས་སོ། འདིར་ཡེ་ཤེས་པ་རྐང་པ་གཉིས་ཀར་ཕྱུང་ཡང་། རྒྱུད་ལོགས་སུ་སྒྱུར་བ་ལས། དེ་བཞིན་གཤེགས་པ་ཀུན་ཡེ་ཤེས་ནི། ཡོན་ཏན་ཕུན་ཚོགས་བསམ་མི་ཁྱབ། ཅེས་དང་། འགྲེལ་པའི་འགྱུར་གཞན་ལས་ཀྱང་། ཡེ་ཤེས་ས་ལན་གཉིས་འབྱུང་བ་བཞིན་དུ་བཤད་པའོ། སྐུ་དང་གསུངས་དང་ཐུགས་ནི། སྐུ་རྡོ་རྗེ་དང་གསུངས་རྡོ་རྗེ་དང་།ཐུགས་རྡོ་རྗེ་ཡིན་ལ། དེ་གསུམ་གྱི་སྙིང་པོ་ནི། རྡོ་རྗེ་གསུམ་པོ་མི་ཕྱེད་པའི་རྡོ་རྗེ་དམ་ཚིག་གི་མཆོག་སྟེ། ཆག་འགྱུར་ལས། རྡོ་རྗེ་གསུམ་ནི་དམ་ཚིག་གི་མཆོག །ཅེས་གསུངས་པ་བཞིན་ནོ། གཉིས་པ་ནི། རྩ་རྒྱུད་ལས་བཞུགས་སོ། ཞེས་པ་གཉིས་ལས། ཚུལ་ཇི་ལྟར་བཞུགས་མཐར་ཐུག་གི་ཚུལ་དུ་འཆད་པ་ལས། དགོངས་པ་ལུང་སྟོན་ལས། ཡོད་མེད་གཉིས་ཀ་ལས་འདས་པའི། གནས་མེད་གནས་པ་ཞེས་བྱའོ། ནམ་མཁའི་རང་བཞིན་འདི་ལ་ནི། ཐམས་ཅད་མཁྱེན་པའི་ཡེ་ཤེས་བྷཻ། ཞེས་གསུངས་སོ། འོག་ཏུ་འབྱུང་བའི་བཞུགས་སོ། ཞེས་པའི་དོན་ནི་གནས་སོ་ཞེས་པའི་དོན་ཅན་ཏེ། ཇི་ལྟར་གནས་ན་བདེན་གྲུབ་ཏུ་ཡོད་པ་དང་གཏན་ནས་མེད་པ་དང་དེ་གཉིས་ཀ་དང་གཉིས་ཀ་མ་ཡིན་པར་ངོ་བོ་ཉིད་ཀྱི་གནས་པ་སྟེ་མཐའ་བཞི་ལས་འདས་པའི་གནས་ལུགས་ཀྱི་ངང་དུ་གནས་པ་མེད་པའི་ཚུལ་གྱི་གནས་སོ། ཞེས་བྱའོ་ཞེས་པ་

(༣༨༦)ནི་སྡེབས་སྦྱོར་གྱི་དབང་གིས་ཚིག་གི་ཕྲོད་སྦྱོར་རོ། དེ་ལྟར་གནས་པས་ཅིར་འགྱུར་སྙམས་ན། ནམ་མཁའི་རང་བཞིན་ཐམས་ཅད་སྟོང་པ་འོད་གསལ་འདི་ལ་གནས་པས་ནི་ཐམས་ཅད་མཁྱེན་པའི་ཡེ་ཤེསཟུང་ངག་གི་བསྒོམ་པའི་ཡེ་ཤེས་འབྱུང་བས། སྟོན་པ་ཏིང་ངེ་འཛིན་དེ་ལ་བཞུགས་པའི་བྱིན་བརླབས་ཀྱི་གདུལ་བྱ་དེ་རྒྱུད་ལ་ལམ་གྱི་ཡེ་ཤེས་འབད་མེད་དུ་འབྱུང་བའོ། གསུམ་པ་ནི། རྩ་རྒྱུད་ལས། རྡོ་རྗེ་བཙུན་མོའི་བྷ་ག །ཞེས་གསུངས་པ་མཐར་ཐུག་གི་ཚུལ་དུ་འཆད་པ་ལ། དགོངས་པ་ལུང་སྟོན་ལས། འགྲོ་སྙིང་རྣམ་དག་ཅེས་བྱ་ལ། ཞེས་གསུངས་སོ། འགྲོ་བ་རྣམས་ཀྱི་སྙིང་ལ་གནས་པའི་སེམས་ཀྱི་རང་བཞིན་རྣམ་དག་གཉུག་མའི་ཡིད་དེ་ལ་རྡོ་རྗེ་བཙུན་མོ་དང་བྷ་ག་ཅེས་བྱ་སྟེ། །།།།རོ་མཉམ་དུ་འགྱུར་ཞིང་བདེ་བའི་དོན་དུ་བསྟོན་པར་བྱ་བ་ཡིན་པའི་ཕྱིར་དང་། བླ་ན་མེད་པའི་ཡོན་ཏན་ཐམས་ཅད་སྐྱེ་བའི་གནས་ཡིན་པའོ། ཇི་སྐད་དུ། དགོངས་པ་ལུང་སྟོན་ལས། སེམས་ཅན་ཀུན་གྱི་སེམས་གང་ཡིན། ནམ་མཁའ་ཡོངས་སུ་བརྟགས་པ་སྟེ། དེ་ཡང་དེ་རུ་ཀུན་གནས་པ་དང་། བུད་མེད་ཆོས་གཅིག་པུའི་གཟུགས། སངས་རྒྱས་ཀུན་གྱི་གང་བརྟེན་པ། ས་གྱུར་དེ་ནི་བཅུ་གསུམ་པ། དེ་ནི་བུད་མེད་ཅེས་བཤད་དེ། དེ་བས་མཆོག་སྟེ་བྷ་ཡིན། ཞེས་སོ། བཞི་པ་ནི། རྩ་རྒྱུད་ལས་བཞུགས་སོ། ཞེས་པའི་དོན་ལ་གཉིས་ལས། གནས་དེ་ན་སུ་བཞུགས་པ་མཐར་ཐུག་གིས་ཚུལ་དུ་འཆད་པ་ལས། དགོངས་པ་ལུང་སྟོན་ལས། ཐུབ་པ་ཆེན་པོ་བཞུགས་པར་མཛད། ཅེས་གསུངས་སོ། བྷ་གའི་མིང་གིས་སྨོས་པ་གཉུག་མའི་གནས་དེ་ན་སུ་ཞིག་བཞུགས་སྙམ་ན། དེ་ན་

(༣༨༧)ཐུག་པ་ཆེན་པོ་སངས་རྒྱས་བཅོམ་ལྡན་འདས་བཞུགས་པར་མཛད་དེ། དེར་བཞུགས་པའི་ཚུལ་ནི། ཡོད་མེད་གཉིས་ཀ་ལས་འདས་པའི། ཞེས་སོགས་ཚིག་བཅད་གཅིག་གི་བཤད་ཟིན་ཏེ། སྡེབས་སྦྱོར་གྱི་དབང་གིས་གཞུང་འདི་གཉིས་ཀྱི་བར་དུ། གནས་དངོས་སྟོན་པའི་ཚིག་རྐང་གཅིག་གསུང་པ་ལོ་ཙ་བས་ཀྱང་གོ་རིམ་དེ་ཁོ་ན་ལྟར་བསྒྱུར་བ་ཡིན་ནོ། གསུམ་པ་འཇུག་བསྡུ་བ་ནི་མཐར་ཐུག་པ་སྟེ། བློས་བསལ་བཤད་པའོ། ཞེས་གསུངས་སོ། བཤད་རྒྱུད་དགོངས་པ་ལུང་སྟོན་གྱི་ལུང་ཚིག་དེ་རྣམས་ཀྱི་གླེང་གཞི་འཆད་པའི་ཚུལ་དེ་དག་ནི་འོད་གསལ་དང་ཟུང་འཇུག་གི་མཐར་ཐུག་པའི་ཚུལ་དུ་བཤད་པ་སྟེ། མཐར་ཐུག་གི་ཚུལ་འདི་ནི་སློབ་མའི་གཙོ་བོ་རྣམས་ལ་བཤད་པར་བྱའོ། དེ་ལྟར་ན་དུས་དང་སྟོན་པ་དང་གནས་ཏེ། ཕུན་གསུམ་ཚོགས་པ་དང་པོ་ཚུལ་བཞིའི་སྒོ་ནས་རྒྱས་པར་བཤད་ཅིང་། དུས་ཕུན་ཚོགས་འཆད་པའི་ཚིག་གི་ཕྲད་ལས་ཆོས་ཕུན་ཚོགས་ཀྱང་མདོ་ཙམ་བསྟན་པ་སྟེ། དེ་དག་ནི་བཤད་བྱའི་རྒྱུད་གྱི་མདོར་བསྟན་ཡིན་ལ། མདོར་བསྟན་དེའི་ཡང་མདོར་བསྟན་པ་ནི་ཨེ་ཝཾ་སྟེ། དེ་དག་ཀྱང་འགྲེལ་ཆེན་འདི་ཉིད་ཀྱི་བཤད་པའི་སྲོལ་ལས་འབྱུང་བ་རྣམས་ནི་བཤད་ཟིན་པས། དྭ་ནི། སྤྱི་དོན་གཉིས་པ་དུས་འཁོར་ལས་གསུང་པའི་གླེང་གཞི་འཆད་ཚུལ་བཤད་པར་བྱ་སྟེ། འདི་ལ་གསུམ། རྩོད་པ་སྤང་བ་དུས་འཁོར་སོགས་ཨེ་ཝཾ་དངོས་སུ་མེད་པ་རྣམས་ཀྱི་གླིང་གཞི་འཆད་ཚུལ། གླེང་གཞིའི་མདོར་བསྟན་ཨེ་ཝཾ་གྱི་གཟུགས་དང་སྒྲ་བསྒྲུབ་པའི་ཚུལ་ལོ། དང་པོ་ལ་གཉིས། རྩོད་པ་དང་། ལན་ནོ།

(༣༨༨)དང་པོ་ནི། ཁ་གཅིག་ན་རེ། གསང་བ་འདུས་པའི་བཤད་རྒྱུད་རྡོ་རྗེ་ཕྲེང་བ་ལས། ཨེ་ནི་སྟོང་པ་ཉིད་དུ་གསུང་། དེ་བཞིན་ཝཾ་ནི་ཐུགས་རྗེ་དང་། ཐིག་ལེ་དེ་ཉིད་སྦྱོར་ལས་བྱུང་དེ་ཡི་སྦྱོར་བ་རྨད་མཆོག་གོ། ཆོས་ཕུང་བརྒྱད་ཁྲི་བཞི་སྟོང་ཁྱབ། མདོར་བསྡུས་ཆོས་ཀྱི་ཕྱག་རྒྱའོ། རྒྱལ་པོ་ཆེན་པོའི་ཕྱག་རྒྱ་ཉིད། རྒྱུད་རྣམས་སུ་ནི་ཐོག་མར་སྦྱར། ཤེས་འབྱུང་བ་རྣམས་ཤེས་པ་མང་ཚིག་ཡིན་པས་རྒྱུད་ཐམས་ཅད་ཀྱི་ཐོག་མར་ཨེ་ཝཾ་འབྱུང་བར་གསུངས་པ་ལྟར། འདིར་ཡང་། དེ་བཞིན་གཤེགས་པ་ཐམས་ཅད་ཀྱི་བརྡར་གྱུར་པ་ཤེས་རབ་དང་ཐབས་སྟོན་པ་ཉིད་ཀྱིས་ན་གསུང་རབས་ཀྱི་དང་པོར་ངེས་པར་བརྗོད་དགོས་སོ། ཞེས་སངས་རྒྱས་ཀྱི་བཀའ་མ་ལུས་པའི་གླེང་གཞིའི་དང་པོར་ཨེ་ཝཾ་གྱི་སྒྲ་ངེས་བར་བརྗོད་དགོས་པར་གསུངས་སོ། སྙམས་པ་དག་ལ་བརྗོད་པར་བྱ་སྟེ། དེ་ནི་དུས་གྱི་འཁོར་ལོ་ལ་ཁ་ཟེར་བ་དག་གིས། རྩ་བའི་རྒྱུད་ལས་ཨེ་ཝཾ་ཡིག་གཉིས་མེད། ཅེས་རྒོལ་བ་དེའི་རྗེས་སུ་འབྲང་པས་ལེགས་པར་བཤད་པ་མ་ཡིན་ནོ། ཅི་སྟེ་ན། གླིང་གཞིའི་དང་བོར་ཨེ་ཝཾ་མེད་པའི་གསུང་རབས་རྣམས་མ་ཐོས་པར་ཟད་པ་དང་། སངས་རྒྱས་ཀྱི་གསུང་རྣམ་པ་ཐམས་ཅད་པ་ལ་བསྐུར་པ་བཏབ་པར་འགྱུར་བ་དང་། ཆོས་མང་པོ་སྤངས་པ་སོགས་ཀྱི་སྐྱོན་དང་བཅས་པ་ཡིན་ནོ། །།།ཉིད་ཀྱི་དྲི་མ་མེད་པའི་འོད་ལས་མ་འོངས་པ་ལུང་སྟོན་པའི་ཚུལ་དུ་གསུངས་སྟེ། ཇི་སྐད་དུ། རྒྱུད་ཀྱི་རྒྱལ་པོ་ཐམས་ཅད་དུ་འདི་སྐད་བདག་གིས་ཐོས་པ་ཞེས་པ་ལ་སོགས་པས་བཅོམ་ལྡན་འདས་རྡོ་རྗེ་སྐུ་

(༣༨༩)འཛིན་པ་བཞུགས་པའི་གནས་ངེས་པར་བསྟན་པ་དེ་བཞིན་གཤེགས་པས་གསུང་པ་མ་ཡིན་ནམ། ཇི་ལྟར་རྒྱུད་ཀྱི་རྒྱལ་པོ་འདི་ཐམས་ཅད་མཁྱེན་པ་ཞེས་པ་ལ་སོགས་པས་འདི་སྐད་བདག་གིས་ལ་སོགས་པ་དང་བྲལ་བར་སངས་རྒྱས་བཅོམ་ལྡན་འདས་ཀྱི་ཡང་དག་པར་བསྟན་པ་ཡིན། འདི་སྐད་བདག་གིས་ཐོས་པ་ལ་སོགས་པས་བཞུགས་པའི་གནས་ངེས་པར་བསྟན་པ་མེད་པའི་ཕྱིར་རྒྱུད་ཀྱི་རྒྱལ་པོ་འདིས་སངས་རྒྱས་བཅོམ་ལྡན་འདས་ཀྱི་གསུངས་པ་མ་ཡིན་ནོ། ཞེས་མིང་དང་ཚིག་ལ་སྟོན་པ་ལ་བརྟེན་པ་འགའ་ཞིག་གི་ཚིག་འདིར་འབྱུང་བར་འགྱུར་ཏེ། ཞེས་བཟུང་བས་སོ། གཉིས་པ་ལན་ནི། དེ་ཡང་དུས་ཀྱི་འཁོར་ལོའི་འགྲེལ་ཆེན་ལས། འདུས་པ་སྟོང་ཕྲག་ཉེར་ལྔ་པ་དང་། སྒྱུ་འཕྲུལ་དྲ་བ་སྟོང་ཕྲག་བཅུ་དྲུག་པ་སོག་ལ་ཨེ་ཝཾ་ཡོད་པར་བཤད་ཅིང་། དུས་འཁོར་སྟོང་ཕྲག་བཅུ་གཉིས་པ་དང་། འཇིགས་བྱེད་སྟོང་ཕྲག་པོ་དྲུག་དང་། བདེ་མཆོག་མངོན་བརྗོད་འབུམ་པ་སོགས་ལ་ཨེ་ཝཾ་མེད་པར་བཤད་ནས། དེ་བཞིན་དུ་རྩ་རྒྱུད་གཞན་དང་སྡུས་རྒྱུད་སོགས་ལ་ཨེ་ཝཾ་ཡོད་མེད་ཅི་རིག་པར་གསུངས་པས་མ་ངེས་ལ། བདེ་མཆོག་སྐུ་བཞི་དང་རྡོ་རྗེ་གྱུར་པ་སོགས་པའི་རྒྱུད་མང་པོ་ལ་ཨེ་ཝཾ་མེད་པས་དེ་རྣམ་མ་ཐོས་པར་ཟད་ཅིང་། བཅོམ་ལྡན་འདས་ཀྱི་གདུལ་བྱ་དབང་པོ་ཐ་དད་པ་རྣམས་ལ། མཐའ་ཡས་པ་མཐའ་ཡས་པའི་སྐད་ཀྱི་ཆོས་སྟོན་པའི་ཕྱིར་།།།རྣམས་ལ་ཨེ་ཝམ་དང་། དེ་ལས་གཞན་པའི་སྒྲས་འདུལ་བ་རྣམས་ལ་སྒྲ་གཞན་སྔོན་དུ་འགྲོ་བས་ཆོས་སྟེན་པ་དང་། ནམ་མཁའ་དང་ལྗོན་ཤིང་རྔ་བོ་ཆེ་དང་དྲིལ་བུ་གཡེར་ཁ་

(༣༩༠)ལས་ཆོས་ཀྱི་སྒྲ་འབྱུང་བ་སོགས། སྣ་ཚོགས་པའི་སྐད་ཀྱི་ཆོས་བསྟན་པ་དང་སྐུ་ཡིད་བཀོད་པ་དང་ཐུགས་རྗེ་དང་རྫུ་འཕྲུལ་དང་ཏིང་ངེ་འཛིན་ལ་སོགས་པའི་སྒོ་ནས་ཆོས་བསྟན་པ་དག་ལས། བཀའ་བསྡུ་བ་པོ་རྣམས་ཀྱི་ལྕེ་རྐན་ལེགས་པར་སྦྱར་བ་སམ་གྲི་ཏའི་སྐད་དུ་བསྡུས་པའི་།།།།རྒྱས་པ་ཕལ་ཆེ་བ་ལ། འདི་སྐད་བདག་གི་ཐོས་པའི་དུས་གཅིག་ན། ཞེས་ཨེ་ཝཾ་གྱི་སྒྲ་སྔོན་དུ་འགྲོ་བས་གླེགས་བམ་ལ་བཀོད་དོ། དཔེར་ན། འདུས་པ་ལ་སོགས་པ་བཞིན་ནོ། སྐད་གཞན་དུ་བསྡུས་པ་དག་ལ་ཨེ་ཝཾ་སྔོན་དུ་འགྲོ་བས། གླེགས་བམ་ལ་བཀོད་པར་མ་ངེས་སྟེ། དཔེར་ན། དུས་འཁོར་བཞིན་ནོ། ལྕེ་རྐན་ལེགས་པར་སྦྱར་བའི་བསྡུས་པ་སོ་ཅོག་ལ་ཡང་ཨེ་ཝཾ་སྔོན་དུ་གླེགས་བམ་བཀོད་པར་མ་ངེས་ཏེ། དེ་ལྟར་བསྡུས་པའི་རྩ་རྒྱུད་བསྡུས་པ་འདི་སྐད་བདག་ཐོས་མེད་པ་རྣམས་དང་། བཤད་རྒྱུད་སོགས་དེ་དག་མེད་པ་རྣམས་ལྟ་བུའོ། དེས་ན་བཅོམ་ལྡན་འདས་ཀྱི་གསུངས་རབ་མཐའ་དག་ཨེ་ཝཾ་གྱི་སྒྲ་སྔོན་དུ་འགྲོ་བ་མགྲིན་རྐན་ལས་བྱུང་བའི་སྐད་ཉི་ཚེ་བར་སྨྲ་བ་དེས་ནི་སངས་རྒྱས་ཀྱི་གསུངས་རྣམ་པ་ཐམས་ཅད་ལ་སྐུར་པ་བཏབ་པ་ཡིན་ཞིང་། དེ་དག་ཁོ་ནས་ཆོས་བསྟན་པ་དང་། དེ་ཁོ་ན་གླེགས་བམ་དུ་བཀོད་པར་འདོད་པ་དེ་དག་ནི་ཐམས་ཅད་མཁྱེན་པའི་ཡེ་ཤེས་ལ་བསྐུར་པ་བཏབ་པ་སྟེ། མཐའ་ཡས་པའི་སྐད་ཀྱི་ཆོས་གསུངས་མི་མཁྱེན་བར་སྨྲས་ཤིང་། གལ་ཏེ་མཁྱེན་དུ་ཟིན་ཀྱང་སྡུད་པར་མ་ནུས་སོ་ཞེས་ཁས་འཆེ་བས་སོ། ཇི་སྐད་དུ། དྲི་མ་མེད་པའི་མདོ་ལས། དེའི་

(༣༩༡)ཕྱིར་བརྗོད་པ། འདིར་མ་འོངས་པའི་དུས་ན་བྱིས་པའི་སྐྱེ་བོ་མིང་དང་ཚིག་ལ་རྟོན་པ་ལ་བརྟེན་པ་དག་གི་རྒྱུད་ཀྱི་རྒྱལ་པོ་ཐམས་ཅད་དུ་འདི་སྐད་བདག་གིས་ཐོས་པ་ཞེས་པ་ལ་སོགས་པས་བཅོམ་ལྡན་འདས་རྡོ་རྗེ་འཛིན་པ་བཞུགས་པའི་གནས་ངེས་པར་བསྟན་པར་དེ་བཞིན་གཤེགས་བས་གསུང་བར་གང་བརྗོད་པ་དེ་ནི་མ་ཡིན་ཏེ། གང་གི་ཕྱིར་ཆོས་སྟོན་པ་པོ་དོན་ལམ་བརྟེན་པ་ཉིད་ཀྱི་ཕྱིར་དང་། སྡུད་པར་བྱེད་པ་པོ་རྣམས་ཀྱང་ཡུལ་སྣ་ཚོགས་ཀྱི་སྐད་གཞན་གྱི་ཡང་དག་པར་བྱེད་པའི་ཕྱིར་རོ། འདིར་གལ་ཏེ་འདི་སྐད་བདག་གིས་ཐོས་པ་ཞེས་པ་ལ་སོགས་བ་ལེགས་པར་སྦྱར་བའི་ཚིག་མགྲིན་པ་དང་རྒན་ལ་སོགས་པའི་འབད་རྩོལ་གྱི་སྐྱེད་བ་ཉི་ཚེ་པས་དེ་བཞིན་གཤེགས་པ་ཆོས་སྟོན་པར་བྱེད་པ་དེ་ལྟར་ན། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དུས་སུ་མར་ཡང་དེ་བཞིན་གཤེགས་པས་བསྟན་པ་དང་སྡུད་པ་པོས་ཀྱང་བྲི་བར་མི་ནུས་སྟེ་ཉི་ཚེ་བ་ལེགས་པར་སྦྱར་བའི་ཚིག་གཅིག་བུ་ཡིན་པའི་ཕྱིར་རོ། འདིར་སྤྲུལ་པའི་སྐུ་མཐའ་ཡས་བ་མེད་པའི་ཕྱིར། མཐའ་ཡས་པ་མཐའ་ཡས་པའི་འཇིག་རྟེན་གྱི་ཁམས་རྣམས་སུ་མཐའ་ཡས་པ་མཐའ་ཡས་པའི་སེམས་ཅན་རྣམས་ཀྱི་སྒྲ་དག་གིས་གཅིག་བར་ཆོས་སྟོན་པ་ཡང་མེད་པར་འགྱུར་རོ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སྟོན་པར་བྱེད་པ་མེད་པའི་ཕྱིར་ཐམས་ཅད་མཁྱེན་པ་མ་ཡིན་པར་འགྱུར་ཏེ། དེ་ལྟར་ཡང་མ་ཡིན་ནོ། ཞེས་གསུངས་སོ། གཉིས་པ་ལ་གཉིས། དགོས་པ་བཀོད་དེ་མཚམས་སྦྱར་བ་དང་། ལན་གདབ་པའི་ཚུལ་གྱིས་གླེང་གཞི་བཤད་པ་དངོས་པོ། དང་པོ་ནི། དེ་ལྟར་ན། དུས་འཁོར་རྩ་རྒྱུད་ལ་སོགས་པ་ཨེ་

(༣༩༢)ཝཾ་མེད་པའི་རྩ་རྒྱུད་རྒྱས་པ་དེ་རྣམས་ལ་གནས་འདིར་བཞུགས་པའི་ཚེ། ཆོས་འདི་སྐད་བྱ་བ་ཐོབ་ཞེས་བཞུགས་པའི་གནས་ངེས་པར་བསྟན་པ་མེད་པས་རྒྱུད་ཀྱི་མདོར་བསྟན་པ་།།།རྒྱུད་ཀྱི་མདོར་བསྟན་གླེང་གཞི་མེད་ཅེ་ན་དེ་ལྟར་དུ་འདོད་པ་ནི་མ་ཡིན་ཏེ། གཉིས་པ་ལ་གསུམ། དུས་འཁོར་སོགས་ཀྱི་གླེང་གཞི་རྒྱས་པར་བཤད་པ་དང་། དེ་དང་འདུས་པ་སོགས་ཀྱི་འཆད་ཚུལ་མི་འགལ་བར་བསྟན་པ་ཞར་བྱུང་ནག་པོ་པའི་གཞུང་ལ་ དོགས་པ ་དཔྱད་པའོ། དང་པོ་ནི། མཆོག་གི་གི་དང་པོའི་སངས་རྒྱས་པ། ཐམས་ཅད་མཁྱེན་པའི་ཡེ་ཤེས་སྐུ། ཉི་མའི་སྐུ་གད་མི་ཟད་པ། དཔལ་ལྡན་པད་འདབ་རྒྱས་པའི་སྤྱན། སངས་རྒྱས་ཤེས་གསུངས་པ་ནི་སྟོན་པ་ཕུན་ཚོགས་སྟེ། དེ་ཡང་རྐང་པ་གཉིས་པའི་མི་ཟད་པ་ཞེས་པ་གསལ་བྱེད་དུ་སྦྱར་ལ། རྐང་པ་དང་པོའི་ཕྱེད་སྔ་མས་ལྷན་གཅིག་སྐྱེས་པའི་སྐུ་མི་ཟད་པ་དང་། ཕྱེད་ཕྱི་མས་ཆོས་ཀྱི་སྐུ་མི་ཟད་པ་དང་། གསུམ་པའི་ཕྱེད་སྔ་མས་ལོངས་སྐུ་གསུང་མི་ཟད་པ་དང་། གསུམ་པས་སྤྲུལ་སྐུ་སྐུ་མི་ཟད་པ་སྟེ། ཐམས་ཅད་མཁྱེན་པའི་ལྷན་གཅིག་སྐྱེས་པའི་སྐུ་དང་། ཡེ་ཤེས་ཀྱི་སྐུ་ནི་ཆོས་ཀྱི་སྐུ་སྟེ། སྐུ་གསུངས་ཐུགས་གསུམ་གྱི་ཟླས་ཕྱེ་བའི་ཚེ་ཐུགས་གཉིས་སུ་མེད་པའི་ཡེ་ཤེས་ཡིན་པས་སོ། ཉི་མའི་སྐུ་ནི་ལོངས་སྐུ་སྟེ་དེ་གསུམ་གྱི་ཟླས་ཕྱེ་བའི་གསུང་དང་། དཔལ་ལྡན་པད་འདབ་རྒྱས་པའི་སྤྱན་ནི་སྤྲུལ་སྐུ་སྟེ་དེ་གསུམ་གྱི་ཟླས་ཕྱེ་བའི་སྐུ་ཡིན་ནོ། དེ་རྣམས་རྐང་པ་བཞི་པའི་ཕྱེད་སྔ་མ་དང་སྦྱར་ན་དེ་ལྟ་བུའི་སྐུ་བཞིའི་བདག་ཉིད་

(༣༩༣)ཅན་གྱི་སངས་རྒྱས་བཅོམ་ལྡན་འདས་དེ་ནི་མཆོག་གི་དང་པོའི་སངས་རྒྱས་ཤེས་པ་དུས་ཀྱི་འཁོར་ལོའི་རྩ་རྒྱུད་སྟོང་ཕྲག་བཅུ་གཉིས་པོ་གསུང་བ་པོའི་སྟོན་པའོ། ཞེས་པར་འགྱུར་རོ། སྟོན་པ་དེས་གནས་གང་དུ་བཞུགས་ནས་གསུང་ཤེས་ན། སིང་གེའི་ཁྲིར་བཞུགས་པ་ཞེས་གསུངས་སྟེ། སྟོན་པ་དེས། རྣམ་པ་ཐམས་ཅད་པའི་མཁའི་ཁམས་མཚོན་པར་བྱེད་པ་སེང་གེའི་ཁྲི་ལ་བཞུགས་ནས་གསུངས་སོ། ཞེས་པའི་དོན་ཅན་དེ། འགྲེལ་ཆེན་ལས། འདིར་སེང་གེའི་ཁྲིའི་སྒྲབ་ནམ་མཁའི་ཁམས་རྣམ་བ་ཐམས་ཅད་བ་སྟེ་སེང་གེའི་ཁྲི་དེ་ལ་བཞུགས་པ་ནི་སེང་གེའི་ཁྲི་ལ་བཞུགས་པའོ། ཞེས་འབྱུང་བས་སོ། རྣམ་པ་ཐམས་ཅད་པའམ་མཁའ་ཁམས་དེ་ནི་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་ཆོས་ཀྱི་དབྱིངས་སོ། དེ་ནི་ཨེ་ཡིག་དང་རྗེས་སུ་མཐུན་ནོ། དེ་བཞིན་དུ་དགྱེས་གསང་སོགས་ལས་རྡོ་རྗེ་བཙུན་མོའི་བྷ་ག་ལ་བཞུགས་པར་གསུངས་པ་དང་། བདེ་མཆོག་ཏུ་གསང་བ་མཆོག་གི་དགྱེས་པ་ན། ཞེས་གསུངས་པ་དང་། འཇིག་བྱེད་དུ། རྡོ་རྗེ་མཁའ་འགྲོའི་པད་མར་གནས། ཞེས་དང་། མངོན་བརྗོད་དུ། ཕོ་ཉ་ཀུན་གྱི་གསང་བ་ལ། ཞེས་སོགས་གསུངས་པ། མཐའ་དག་ཆོས་ཀྱི་དབྱིངས་མཚོན་པར་བྱེད་པ་སྟེ། དུས་འཁོར་རྩ་རྒྱུད་ལས། ཨེ་གསང་མཁའ་ཁམས་བྷ་གའམ། ཆོས་འབྱུང་ཆུ་སྐྱེས་པ་སེང་གེའིི་ཁྲིར། ཞེས་དང་། དྲི་མ་མེད་པའི་འོད་ལས། དེ་བཞིན་དུ་ཨེ་ཡིག་དང་གསང་བ་དང་པད་མ་དང་ཆོས་འབྱུང་དང་ནམ་མཁའི་ཁམས་དང་བདེ་བ་ཆེན་པོའི་གནས་དང་སེང་གེའི་ཁྲི་དང་བྷ་ག་དང་། གསང་བའི་མིང་རྣམས་ཀྱི་ནང་ནས་གཉིས་སུ་གཙོ་བོའི་མིང་མ་ཡིན་

(༣༩༤)ཏེ་ཐམས་ཅད་ཀྱི་རྣམ་པ་ཐམས་ཅད་པའི་སྟོང་པ་ཉིད་གོ་བར་བྱ་བའི་ཕྱིར་རོ། ཞེས་གསུངས་པས་སོ། ཚུལ་ཇི་ལྟ་བུས། བཞུགས་པ་གང་དུ། རྣམ་པ་གང་གིས་བཞུགས་ཤེ་ན། སྐུ་དང་ཐུགས་དང་ཆགས་པ་ཡིས། སྐུ་གསུང་ཐུགས་ཀྱི་དཀྱིལ་འཁོར་ལ། སྐུ་གསུང་ཐུགས་དང་ཆགས་པའི་བདག །རྡོ་རྗེ་སེམས་དཔའི་ལྷག་པའི་ལྷ། ཞེས་གསུངས་སྟེ། ཆགས་པ་ནི་ཡེ་ཤེས་ཀྱི་དོན་ཡིན་ལ་རྐང་བ་གཉིས་ལ་ཡང་གསལ་བྱེད་དོ། དེས་ན་རྐང་པ་དང་པོ་རྡོ་རྗེ་བཞི་དབྱེར་མི་ཕྱེད་བའི་ཚུལ་གྱི་བཞུགས་པ་དང་། གཉིས་པས་སྐུ་གསུང་ཐུགས་ཡེ་ཤེས་ཀྱི་དཀྱིལ་འཁོར་དང་བཞིའི་དབུས་སུ་བཞུགས་པ་དང་། ཕྱི་མ་གཉིས་ཀྱི་སྐུ་ཐུགས་ཀྱི་སེམས་དཔའ་གསུམ་དང་ཡེ་ཤེས་གྱི་སེམས་དཔའ་རྡོ་རྗེ་སེམས་དཔའ་སྟེ་སེམས་དཔའ་བཞིའི་བདག་ཉིད་དུ་གྱུར་པའི་ལྷག་པའི་ལྷ་བཅོམ་ལྡན་འདས་དུས་ཀྱི་འཁོར་ལོའི་སྐུའི་རྣམ་པས་སོ། དུས་ཀྱི་འཁོར་ལོ་དེ་ཡང་གང་ཞེ་ན། མི་ཕྱེད་རྡོ་རྗེའི་རྣལ་འབྱོར་འདི། དུས་ཀྱི་འཁོར་ལོ་མི་འགྱུར་བདེ། སངས་རྒྱས་ཐོག་མ་མཐའ་མ་མེ། དང་པོའི་སངས་རྒྱས་རིས་མེད་པ། ཀུན་ནས་རྡོ་རྗེ་བསྐལ་བཟང་ཉིད། ཀུན་ནས་སྣ་ཚོགས་སྡོམ་བ་སྟེ། བདེ་དོན་རྣམ་པ་བཅུ་གཉིས་དང་། དེ་ཉིད་རྣམ་པ་བཅུ་དྲུག་འཛིན། ཞེས་གསུངས་སོ། ཐབས་ཤེས་དབྱེར་མི་ཕྱེད་པའི་རྡོ་རྗེའི་རྣལ་འབྱོར་འདི་ནི་དུས་ཀྱི་འཁོར་ལོ་སྟེ། དེའི་མཚན་གྱི་རྣམ་གྲངས་ལས། མི་འགྱུར་བའི་བདེ་བ་ཆེན་པོའི་སྐུ་དང་། ཐོག་མཐའ་མེད་པའི་སངས་རྒྱས་དང་། དང་པོའི་སངས་རྒྱས་དང་། རིས་མེད་པའི་སངས་རྒྱས་དང་། ཀུན་ནས་མི་ཕྱེད་པའི་རྡོ་རྗེ་དང་། སྐལ་བ་བཟང་པོ་དང་། ཀུན་ནས་སྣ་ཚོགས་སྡོམ་པ་དང་། བདེ་དོན་བཅུ་གཉིས་རིག་པ་དང་། དེ་ཉིད་བཅུ་དྲུག་འཛིན་པ་ཞེས་སོག་མཐའ་ཡས་སོ།

(༣༩༥)འདིར་ཆགས་པའི་བདག་དང་། རྡོ་རྗེ་སེམས་དཔའ་དང་། མི་ཕྱེད་རྡོ་རྗེ་དང་། དུས་འཁོར་དང་། མི་འགྱུར་བདེ་དང་། དང་པོའི་སངས་རྒྱས་དང་། རིས་མེད་པའི་སངས་རྒྱས་དང་། ཀུན་ནས་རྡོ་རྗེ་སོགས་གསུང་པ་ནི་ཝཾ་ཡིག་དང་རྗེས་སུ་མཐུན་ནོ། དེ་བཞིན་དུ་དགྱེས་གསང་སོགས་ལས། བཅོམ་ལྡན་འདས་ཤེས་སོག །གསུང་པ་དང་། བདེ་མཆོག་ཏུ། ཐམས་ཅད་བདག་ཉིད་ཅེས་གསུངས་པ་དང་། འཇིགས་བྱེད་དུ། ལྷན་སྐྱེས་དགའ་བའི་གཟུགས་ཀྱི་ནི། སྲིད་གསུམ་བདག་ཉིད་ཅེས་གསུངས་པ་དང་། མངོན་བརྗོད་འབུམ་པ་ལས། སེམས་དཔའ་ཀུན་གྱི་བདག་ཉིད་གནས། ཤེས་དང་། རྡོ་རྗེ་སེམས་དཔའ་བདེ་པ་ཆེ། ཞེས་སོགས་སྦྱང་པ་མཐའ་དག་མི་འགྱུར་བའི་བདེ་པ་མཚོན་པ་སྟེ། དུས་འཁོར་རྩ་རྒྱུད་ལས། བཞུགས་པའི་རྡོ་རྗེ་ཅན་ཝཾ་དང་། རྡོ་རྗེ་ཅན་དང་རྡོ་རྗེ་སེམས། རྡོ་རྗེ་འཇིགས་བྱེད་དབང་ཕྱུག་དང་། ཧེ་རུ་ཀ་དད་དུས་འཁོར་དང་། དང་པོའི་སངས་རྒྱས་ལ་སོགས་མིང་། ཞེས་དང་། འགྲེལ་ཆེན་ལས། དེ་བཞིན་དུ་ཝཾ་མིག་དང་བདེ་བ་ཆེན་པོ་དང་ལྷན་གཅིག་སྐྱེས་པ་དང་མཆོག་ཏུ་མི་འགྱུར་བ་དང་། ཐིག་ལེ་དང་དེ་ཉིད་དང་ཡེ་ཤེས་དང་རྣམ་པར་དག་པའི་སེམས་གྱི་མིང་རྣམས་ཀྱི་ནང་ནས་ཝཾ་ཡིག་གཅིག་སུ་གཙོ་བོའི་མིང་མ་ཡིན་ཏེ། ཐམས་ཅད་ཀྱི་ཕྱག་རྒྱ་ཆེན་པོ་ལྷན་གཅིག་སྐྱེས་པའི་དགའ་བ་འགྱུར་བ་མེད་པའི་བདེ་བ་གོ་བར་བྱེད་པའི་ཕྱིར་རོ། ཞེས་གསུངས་བས་སོ། མདོར་ན་ཐམས་ཅད་མཁྱེན་པ་ཡེ་ཤེས་སྐུ། ཞེས་སོགས་བཤད་མ་ཐག་པའི་ཚིག་བཅད་བཞི་པོ་འདིས་མཆོག་གི་དང་པོའི་སངས་རྒྱས་ལས་བཞུགས་པའི་གནས་ངེས་པར་བསྟན་པ་གསུངས་ཤིང་། དེར་མ་ཟད་མཆོག་གི་དང་པོའི་སངས་རྒྱས་སུ་

(༣༩༦)གསོལ་བ་འདེབས་པའི་འཁོར་ཀྱང་བཤད་པར་བསྟན་པ་ཡོད་དོ། རྩ་བའི་རྒྱུད་ཀྱི་རྒྱལ་པོ་ལས། དེ་ནས་།།།གྲགས་ནས། ཕྱག་ན་རྡོ་རྗེ་།།། མི་བདག་ཟླ་བཟང་རྫུ་འཕྲུལ་གྱིས། རང་ཉིད་དཔལ་ལྡན་ཆོས་དབྱིངས་བྱོན། དང་པོར་གཡས་སུ་སྐོར་བྱས་ནས། སྟོན་པའི་ཞབས་ཀྱི་ཆུ་སྐྱེས་གཉིས། རིན་ཆེན་མེ་ཏོག་རྣམས་ཀྱི་མཆོད། །ཡང་དང་ཡང་དུ་ཕྱག་འཚལ་ཏེ། ཐལ་མོ་སྦྱར་བ་བྱས་གྱུར་ནས། རྫོགས་སངས་རྒྱས་ཀྱི་སྤྱན་སྔར་འདུག །ཅེས་གསུངས་བ་ལྟར། སེམས་ཅན་ཉོན་མོངས་གཞིལ་བའི་བླ། སྐུ་གསུངས་ཐུགས་ཀྱི་སྦྱོར་བ་ཡིས། བཅོམ་ལྡན་འདས་ཀྱི་བསྐུལ་གྱུར་བས། སྟོན་པའི་ཞབས་ཀྱི་པད་མ་གཉིས། རིན་ཆེན་མེ་ཏོག་རྣམས་ཀྱི་མཆོད། སླར་ཡང་རྣམ་པར་རིན་ཆེན་བཅས། པུས་མོ་གཉིས་ནི་ཡར་གཙུགས་ཤིང་། སྤྱི་བློ་ཡིས་ཀྱང་ཕྱག་འཚལ་ཏེ། དེ་ནས་པུས་མོ་གཡས་པ་ཡིས། ལྷ་ང་ས་ལ་བཙུག་ནས་ནི། དཔྲལ་བར་ཐལ་མོ་སྦྱར་བྱས་ཏེ། མི་བདག་གསོལ་བ་འདེབས་པར་བྱེད། རྒྱུད་རྣམས་ཀུན་གྱི་བླ་ན་མེད། དང་པོའི་ཕྱག་རྟག་ཏུ་ནི། དངོས་གྲུབ་ཀུན་ཚོགས་མཚོན་ཉིད་ཅན། ཨཱ་ལི་ཀཱ་ལི་ལེགས་ལྡན་དཔལ། དུས་འཁོར་འདི་ལ་རྣལ་འབྱོར་ནམ། སྐད་ཅིག་གཅིག་མངོན་རྫོགས་སངས་རྒྱས། སྐད་གཅིག་བཞི་ཡིས་རྣམ་དབྱེ་ཅན། དེ་ཉིད་བཅུ་དྲུག་དབྱེ་བ་ཡིས། ཐ་དད་ཡིག་གེ་བཞི་འཛིན་པ། སྟོང་པ་ཡེ་ཤེས་ཐིག་ལེ་དང་། མཆོག་དང་

(༣༩༧)རྡོ་རྗེ་འཛིན་པ་ཆེ། སྟོང་པ་ཆེན་པོ་ཡིག་གེ་ལྔ། ཐིག་ལེ་སྟོང་པ་ཡིག་གེ་དྲུག །ཕྱི་དང་ལུས་དང་གཞན་ལ་ཡང་། སངས་རྒྱས་ལྷ་དང་ལྷ་མིན་ཉིད། སྐྱེས་བུ་ཉི་ཤུ་ལྔ་པ་གཞན། ལུས་ལ་སྣ་ཚོགས་ཚད་དང་གསད། འཇིག་རྟེན་གསུམ་པོ་འབྱུང་བའི་རྒྱུ། ལྷ་དང་ལྷ་མིན་ལོངས་སྤྱོད་པ། ཇི་བཞིན་གསལ་བ་འདི་དག་ཀུན། མ་ལུས་སྟོན་པས་བཤད་དུ་གསོལ། ཞེས་རྒྱལ་པོ་ཟླ་བ་བཟང་པོས་གསོལ་བ་བཏབ་པའོ། དེ་བཞིན་དུ་རྡོ་རྗེ་འཇིགས་བྱེད་ཀྱི་རྩ་རྒྱུད་རྒྱས་པ། རྣལ་འབྱོར་རྗེས་སུ་རིག་པ་སྟོང་ཕྲག་སུམ་བཅུ་རྩ་དྲུག་པར། རྡོ་རྗེ་མཁའ་འགྲོའི་པད་མར་གནས། ཤེས་གནས་དང་པོར་གསུངས་ནས། དེར་སུ་དག་བཞུགས་ཤེ་ན། སྟོན་པ་སྟེ། ལྷག་པའི་ལྷ་ནི་གཅིག་སུ་ཉིད། ཅེས་སོ། ཚུལ་ཇི་ལྟ་བུས་ཤེས་ན། ལྷན་སྐྱེས་དགའ་བའི་གཟུགས་ཀྱི་ནི། སྲིད་གསུམ་བདག་ཉིད་དག་ལ་གནས། ཤེས་བྱ་ལྟུགས་པའི་གནས་ངེས་པར་བསྟན་པ་གསུང་ནས། དཔལ་ལྡན་སྣ་ཚོགས་གཟུགས་ཅན་ལས། རྡོ་རྗེ་འཇིགས་བྱེད་ལ་བཏུད་ཞུས། རྣལ་འབྱོར་རྗེས་སུ་རིག་པའི་རྒྱུད། རྡོ་རྗེ་སེམས་དཔའི་མཆོག་བདེ་ཅིང་། ཞེས་སོགས་ཀྱི་གསོལ་བ་བཏབ་པར་གསུང་ལ། མངོན་བརྗོད་འགྲེལ་པར་ཡང་། ཕོ་ཉ་ཀུན་གྱི་གསང་བ་ལས། སེམས་དཔའི་ཀུན་གྱི་བདག་ཉིད་གནས། སེམས་དཔའི་ཕོ་ཉ་ཀུན་རང་བཞིན། རྡོ་རྗེ་སེམས་དཔའི་བདེ་བ་ཆེ། ཞེས་གནས་ངེས་པར་བསྟན་པ་དང་། སྲིད་གསུམ་བདག་ཉིད་ཧེ་རུ་ཀར། རྡོ་རྗེ་ཕག་མོས་ཕྱག་འཚལ་ཏེ། མངོན་པར་བརྗོད་པ་འབུམ་པའི་རྒྱུད། རྡོ་རྗེ་སེམས་དཔའི་མཆོག་

(༣༩༨)བདེ་ཅིང་། ཞེས་རྡོ་རྗེ་ཕག་མོས་གསོལ་བ་བཏབ་པས། རྒྱུད་འདི་དག་ལ་ཨེ་ཝཾ་ཐོག་མར་མེད་ཀྱང་རྒྱུད་ཀྱི་མདོར་བསྟན་གླེང་གཞི་ནི་ཡོད་དེ། གཉིས་པ་ནི། དེ་ལྟ་མདོ་ཀྱང་། རྒྱུད་ཀུན་གྱི་གླེང་གཞི་ཨེ་ཝཾ་སྔོན་དུ་འགྲོ་བ་ཅན་དུ་གསུང་པའི་རྒྱུད་འགྲེལ་རྣམས་དང་འགལ་བར་མི་འགྱུར་ཏེ། དེ་ནི་དཔལ་གསང་པ་འདུས་པ་ལ་སོགས་པ་སཾ་སྐྲི་ཏའི་སྐད་ཀྱི་གསུངས་ཤིང་། བསྡུ་བ་པོས་ཀྱང་དེ་སྐད་གླེགས་བམ་ལ་བཀོད་པའི་རྒྱུད་རྣམས་ཕལ་ཆེ་བ་ཐམས་ཅད་ལ། ཨེ་ཝཾ་གྱི་ཡིག་གེ་གཉིས་པོ་ངེས་པར་ཡོད་པ་ལ་དགོངས་ཀྱི༴ སྐད་གཞན་གྱི་གསུངས་པ་སོགས་ལ་དེ་ལྟར་དུ་མ་ངེས་སོ། སཾ་སྐྲི་ཏའི་སྐད་ཀྱི་གསུང་པའི་དགོས་པ་ཡང་། སྐད་དེས་འདུལ་བར་བྱ་བ་རྣམས་ཡོངས་སུ་སྨིན་པར་མཛད་པའི་ཆེད་ཡིན་ནོ། ཇི་སྐད་དུ། དྲི་མ་མེད་པའི་འོད་ལས། འདིར་འདུས་པ་ལ་སོགས་པའི་རྒྱུད་ཀྱི་རྒྱལ་པོ་ལ་རྒྱུད་ཀྱི་དང་པོར་ཨེ་ཡིག་དང་ཝཾ་ཡིག་བཅོམ་ལྡན་འདས་ཀྱི་ངེས་པའི་ཚིག་གི་ཚུལ་གྱི་ངེས་པར་བསྟན་ཞིང་སྡུད་པར་བྱེད་པ་པོ་རྣམས་ཀྱི་ཀྱང་རྒྱུད་ཀྱི་དང་པོར་བྲིས་པ་གང་ཡིན་པ་དེ་ནི་ལྷ་རྣམས་ལྷའི་སྐད་ཀྱི་ཡོངས་སུ་སྨིན་པར་བྱ་བའི་སླད་དུའོ། དེའི་ཕྱིར་འདུས་པ་ལ་སོགས་པའི་རྒྱུད་ཀྱི་རྒྱལ་པོ་ལ་ཡིག་གེ་གཉིས་པོ་འདི་དབྱེ་བར་མི་འདོད་དེ་ཡིག་གེ་གཉིས་པོ་འདི་བཅོམ་ལྡན་འདས་ཀྱི་རྐན་ལ་སོགས་པས་མ་གསུངས་པ་ཡང་མ་ཡིན་ལ། སྡུད་པར་བྱེད་པ་པོ་རྣམས་ཀྱི་མ་ཐོས་པར་ཡང་མ་ཡིན་ནོ། །།། གསུམ་པ་ནི། འདིར་ཁ་གཅིག་འདི་སྙམ་དུ་རྟོགས་སྟེ། སློབ་དཔོན་ནག་པོ་སྤྱོད་པས། འདི་སྐད་བདག་གིས་བྱ་བ་དང་། དེ་རྗེས་ཐོས་པ་ཞེས་བྱ་བ་སྟེ། གཞན་ཡང་དུས་

(༣༩༩)ཞེས་བྱ་བ་ནི། གཅིག་ན་ཞེས་སྦྱར་བཅས་པ་དང་། དེ་ཡི་འོག་ཏུ་གཞན་ཡང་ནི། དེ་བཞིན་གཤེགས་པ་ཐམས་ཅད་དེ། སྐུ་དང་གསུངས་དང་ཐུགས་རྡོ་རྗེར། བཙུན་མོའི་བྷ་ག་རྣམས་ལ་ནི། བཅོམ་ལྡན་འདས་ནི་བཞུགས་སོ་ཅེས། རྣལ་འབྱོར་རྒྱུད་ལས་རབ་ཏུ་གྲགས། གསང་བ་མཆོག་གི་དགྱེས་པ་ན། ཐམས་ཅད་བདག་ཉིད་རྟག་ཏུ་བཞུགས། མཁའ་འགྲོ་ཀུན་དངོས་སེམས་དཔའ་ནི། རྡོ་རྗེ་སེམས་དཔའི་བདེ་བའི་མཆོག །ཅེས་བྱར་གཞན་དུ་བསྟན་པ་དག །ཐོག་མ་མཐའ་བར་གནས་པའི་ཚིག །རྣལ་འབྱོར་མ་རྒྱུད་བསྟན་པ་དེ། གཞན་དག་མེས་སྲེགས་རྩ་དང་འདྲ། ཞེས་དེ་ཁོ་ན་ཉིད་རབ་ཏུ་གསལ་བར་བྱེད་པར་འབྱུང་བས་ན། འདི་སྐད་བདག་ཐོས་སོགས་ཀྱི་ཐོག་དྲངས་པ་ཕ་རྒྱུད་དང་། གསང་བ་མཆོག་གི་དགྱེས་པ་ན་སོགས་ཀྱི་ཐོག་དྲངས་པ་མ་རྒྱུད་དུ་གསུངས་པའི་ཕྱིར་གླིང་གཞི་ལ་ཨེ་ཝཾ་ཡོད་པ་དང་མེད་པ་ནི་ཕ་རྒྱུད་དང་མ་རྒྱུད་ཀྱི་ཁྱད་པར་རོ། ཞེས་ཟེར་རོ། དེ་ལྟར་ན་རྣལ་འབྱོར་རྗེས་སུ་རིག་པའི་རྒྱུད་མ་རྒྱུད་དང་། སྒྱུ་འཕྲུལ་དྲ་བ་སྟོང་ཕྲག་བཅུ་དྲུག་པ་ཕ་རྒྱུད་དུ་ཐལ་བ་བཟློགས་དུ་མེད་ལ། བདེ་དུ་ཕེབ་པ་ལ་ཡང་ཀྱཻ་རྡོར་གྱི་རྩ་རྒྱུད་ཕ་རྒྱུད་ཡིན་པ་དང་། བཤད་རྒྱུད་རྡོ་རྗེ་གྱུར་མ་རྒྱུད་ཡིན་པའི་ཁྱད་པར་འཐད་པར་ཐལ་པ་དང་། བདེ་མཆོག་གི་རྩ་རྒྱུད་མ་དང་བཤད་རྒྱུད་མངོན་བརྗོད་བླ་མ་ཕ་ཡིན་བར་ཐལ་བ་སོགས་ཀྱི་འདོད་པ་དེ་འཐད་པ་མ་ཡིན་ནོ། དེས་ན་ནག་པོ་སྤྱོད་པའི་གཞུང་དེ་ཡི་དགོངས་པ་ནི། ཕ་རྒྱུད་ཕལ་དུ་འདི་སྐད་བདག་ཐོས་སོགས་གསུངས་པ་དང་། བརྒྱུད་འགའ་ཞིག་ཏུ་དེ་མཚན་ཉིད་ལ་གསང་བ་མཆོག་གི་དགྱེས་པ་སོགས་གསུངས་པ་གཉིས། བདེ་སྟོང་སྦྱོར་བ་མ་ཁྱད་མེད་ཅེས་

(༤༠༠)པའི་དོན་ཡིན་གྱིས། དེ་གཉིས་རྒྱུད་སྡེ་གཉིས་སུ་འཇོག་པའི་འཇོག་བྱེད་དུ་བཞེད་པ་ནི་མ་ཡིན་ནོ། གསུམ་པ་གླེང་གཞིའི་མདོར་བསྟན་ཨེ་ཝཾ་གྱི་གཟུགས་དང་སྒྲ་སྒྲུབ་པའི་ཚུལ་ལ་གཉིས། སྒྲ་སྒྲུབ་དང་། གཟུགས་བསྒྲུབ་པའོ། དང་པོ་ནི་ཨེ་ཝཾ་དུ་བསྒྲུབ་པའི་གཞིར་བཀོད་པར་བྱ་བའི་ཡིག་གེ་ནི་བཞི་སྟེ། ཨ་དང་རྣམ་པར་བཅད་པ་དང་ཨ་དང་རྗེས་སུ་ང་རོའོ། དེ་ཡང་ཨ་ཡིག་སྔ་མ་ནི་ཕྱི་རོལ་ཏུ་ནམ་མཁའི་ཁམས་དང་ནང་དུ་གསང་བའི་པད་མ། རྣམ་པར་དཔྱད་པ་ནི་ཕྱི་རོལ་ཏུ་ཉི་མ་དང་ནང་དུ་རྡུལ། ཨ་ཡིག་རྗེས་མ་ནི་ཕྱི་རོལ་ཏུ་སྒྲ་གཅན་དང་ནང་དུ་རྣམ་པར་ཤེས་པ་བདེ་བས་བྱིན་གྱིས་བརླབས་པ། རྗེས་སུ་ང་རོ་ནི་ཕྱི་རོལ་དུ་ཟླ་བ་དང་ནང་དུ་ཁུ་བ་ཡིན་ཏེ། འགྲེལ་ཆེན་ལས། དང་པོར་ཨ་ཡིག་ནི་ནམ་མཁའི་ཁམས་དང་གསང་བའི་པད་མའོ། དེའི་འོག་ཏུ་རྣམ་པར་བཅད་པ་ཉི་མ་དང་རྡུལ་ལོ། དེའི་འོག་ཏུ་ཨ་ཡིག་སྒྲ་ཅན་རྣམ་པར་ཤེས་པ་བདེ་བས་བྱིན་གྱིས་བརླབས་པའོ། དེའི་འོག་ཏུ་རྗེས་སུ་ང་རོ་ཟླ་བ་དང་ཁུ་བའོ། ཞེས་གསུངས་པས་སོ། དེའི་ཕྱིར་ཐོག་མར་ཨ་གཉིས་ཀྱི་བར་དུ་རྣམ་པར་བཅད་པ་དང་། མཐར་རྗེས་སུ་ང་རོ་དང་ཡིག་གེ་བཞི་བཞག་པར་བྱའོ། དེ་ལྟར་བཀོད་པ་ནི། ཨ་གཉིས་ཀྱི་བར་ན་གནས་པའི་རྣམ་པར་བཅད་པ་ནི་ཨུ་ཡིག་དུ་བསྒྱུར་བར་བྱ་སྟེ། ཀཱ་ལཱ་པ་ལས། ཨ་དག་གི་བར་དུ་ཨུའོ། ཞེས་དང་། འགྲེལ་ཆེན་ལས། ཨ་ཡིག་ནམ་མཁའི་ཁམས་དང་སྒྲ་ཅན་རྣམ་ཤེས་འདི་གཉིས་ཀྱི་བར་དུ་རྣམ་པར་བཅད་པ་ཉི་མ་དང་རྡུལ་ནི་ཨུ་ཉིད་ཐོབ་སྟེ། ཞེས་གསུངས་པས་སོ། དེས་ན་སྔར་བཀོད་པའི་

(༤༠༡)རྣམ་པར་བཅད་པ་གནུབ་ནས་ཨུ་བྲི་བར་བྱའོ། འདི་ནི་རྣམ་པར་བཅད་པས་ཨ་ཡིག་སྔ་མ་དེ་མཐོང་བས་གཟུགས་འགྱུར་བ་ཡིན་ཏེ། དབང་ལེན་ནི་འགྲེལ་ཆེན་ལས། ཨ་ཡིག་ལས་ཕ་རོལ་གྱི་རྣམ་པར་བཅད་པ་ནི་ཨུ་ཡིག་ཏུ་འགྱུར་ཏེ། ཞེས་གསུངས་པས་སོ། གཞན་དག་ན་རེ། རྣམ་བཅད་ཨུ་ཡིག་ཏུ་བསྒྱུར་བ་ན། ཨུ་ཡིག་ཀྱང་ཕྱིས་ཏེ་ཨོ་ཡིག་ཏུ་བསྒྱུར་བ་འཐད་པར་ཐལ༴ ཨ་སྔོན་མ་ཅན་གྱི་ཨུ་ཡིག་ཡོན་ཏན་ཨོ་ཡིག་དུ་བསྒྱུར་བ་ཐོབ་པར་འགྱུར་བས་སོ། ཇི་སྐད་དུ། ཨ་ཡིག་ཡོན་ཏན་གྱུར་པ་ན་ཨོ་ཡིག་གོ། ཞེས་འབྱུང་བ་བཞིན་ནོ། ཟེར་ན། མི་འཐད་དེ། དོན་དམ་པའི་བདེན་པ་ལས་རྡུལ་དང་མུན་པ་བགོས་ཀྱི་ཡོན་ཏན་མེད་པས་སོ། ཞེས་སོགས། དགོས་པ་དཔྱད་པར་བྱ་སྟེ། འགྲེལ་ཆེན་ལས། དེའི་ཕྱིར་རྣམ་པར་བཅད་པ་ཉི་མ་དང་རྡུལ་ཨུ་ཉིད་ཐོབ་པར་འགྱུར་པ་ན་དོན་དམ་པའི་བདེན་པ་ལས་ཡོན་ཏན་མེད་དོ། ཞེས་གསུངས་པས་སོ། དེས་ན་ཡོན་ཏན་མེད་པ་དེ་མཚོན་པའི་ཕྱིར་ཨུ་ཡིག་དེ་ལ་ཨ་ཎའི་ཡིག་གེ་ཝ་སྲོག་མེད་དུ་བསྒྱུར་དགོས་པས་ཨུ་ཕྱིས་ནས་ཝ་སྲོག་མེད་པ་ཧ་ལནྟ་བཏག་པ་ཞིག་བྲི་བར་བྱ་སྟེ། འགྲེལ་ཆེན་ལས། ཡོན་ཏན་མེད་པའི་ཕྱིར་ཡ་ཎར་བསྒྱུར་བར་འགྱུར་ཏེ་ཞེས་དང་། ཀ་ལཱ་པ་ལས་ཀྱང་། ཨུ་ཝའོ། ཞེས་འབྱུང་བས་སོ། ཝ་སྲོག་མེད་དེས་ཨ་ཡིག་ཕྱི་མ་མཐོང་བ་ན། ཀཱ་ལཱ་པ་ལས། གསལ་བྱེད་དབྱངས་མེད་ཕོར་གྱི་ཡིག་གེར་དྲངས། ཞེས་འབྱུང་བས། ཨ་དེ་དག་ཝའི་སྲོག་ཏུ་བཅུགས་

(༤༠༢)སྟེ་ཝ་སྲོག་མེད་དང་སྲོག་གི་ཡིག་གེ་ཨཱ་གཅིག་ཏུ་མ་བསྲེས་པས་ཝ་སྲོག་དང་ལྡན་པར་འགྱུར་ཏེ། འགྲེལ་ཆེན་ལས། ཕྱི་མའི་ཨ་ཡིག་སྒྲ་གཅན་དང་རྣམ་པར་ཤེས་པ་དང་ལྷན་གཅིག་ཝ་ཉིད་དོ། ཞེས་གསུངས་སོ། ཀཱ་ལཱ་པ་ལས། རྗེས་སུ་སྣ་ལྡན་སྔ་མའི་ཡང་ངོ་། རྗེས་སུ་ད་རོ་ཡང་ངོ་། ཞེས་འབྱུང་བས་རྗེས་སུ་ད་རོ་ཝ་ཡིག་གེ་མགོ་བོར་སྦྱར་བར་བྱའོ། དེ་ལྟར་ན་ཡིག་གེ་ཕྱི་མ་གསུམ་ལས། ཝ་ཡིག་གེ་གྲུབ་སྟེ། འགྲེལ་ཆེན་ལས། རྗེས་སུ་རོ་ཟླ་བ་དང་ཁུ་བ་དང་ཡང་དག་པར་སྦྱར་ཏེ་དེའི་ཕྱིར་ཝ་ཡིག་གོ། ཞེས་གསུངས་པས་སོ། དེ་བཞིན་དུ་ཨེ་ཡིག་བསྒྲུབ་པ་ནི། ཨ་ཡིག་དང་པོ་དེ་ཝ་ཡིག་གི་རྟེན་ཡིན་པས་བདུན་པ་གནས་གཞིའི་སྒྲའི་མཐའ་ཅན་ཏེ། བདུན་པའི་ཚིག་གི་དམ་སྦྱར་སྟེ་ད་ཡིག་ཁྱད་པར་གྱི་དོན་ཡིན་པས་ཕྱིན་ནས་བྲོག་གི་ཨི་ཡིག་བཞག་སྟེ། ཨ་ཡིག་དང་པོ་ཕོལ་གྱི་ཨེ་ཡིག་ཏུ་སྦྱར་བ་ན། ཀ་ལཱ་པ་ལས། ཨའི་ཡིག་གེ་ཨིའི་ཡིག་གེ་ལ་ཨེའོ། ཕ་རོལ་ཡང་དབྱིའོ། ཞེས་འབྱུང་བ་ལྟར་ཨེར་འགྱུར་ཏེ་ཨི་ཕྱིའོ། དེའི་ཕྱིར་ཨི་ཡིག་ལེགས་པར་གྲུབ་སྟེ། དེ་ལས། དེ་བཞིན་དུ་དང་པོའི་ཨ་ཡིག་ནམ་མཁའི་ཁམས་དང་གསང་བའི་པད་མ་ནི་བདུན་པའི་མཐའ་ཅན་ཏེ། ཨ་ཡིག་ཕ་རོལ་གྱི་ཨི་ཡིག་གེ་དང་ལྷན་གཅིག་ཡོན་བཏན་དང་ལྡན་པར་འགྱུར་ཏེ། དེའི་ཕྱིར་ཨེ་ཡིག་གོ། ཞེས་གསུངས་པས་སོ། དེས་ན་རྟེན་ཨི་ཡིག་གི་དབུས་སུ་བརྟེན་པ་ཝཾ་ཡིག་གནས་པ་ནི། ཕྱི་ནང་གཞན་གསུམ་མཐའ་

(༤༠༣)ལ་སྦྱར་བར་བྱའོ། དེ་ཡང་ཨེ་ཡིག་ནི་ཕྱིར་ནམ་མཁའི་ཁམས་དང་ནང་དུ་བྷ་ག་དང་གཞན་དུ་ཆོས་འབྱུང་ངམ་གཞལ་ཡས་ཁང་ཏེ་རྟེན་ནོ། བརྟེན་པ་ཝཾ་ཡིག་གི་བསྒྲུབ་གཞི་ཡིག་གེ་གསུམ་ལས་རྣམ་པར་བཅད་པ་གཟུགས་བསྒྱུར་བའི་ཝ་ཡིག་སྲོག་མེད་ནི་ཕྱིར་ཉི་མ་དང་ནང་དུ་རྡུལ་དང་གཞན་དུ་གསུང་རྡོ་རྗེའོ། ཝའི་སྲོག་ཡིག་གེ་ཨ་ནི་ཕྱིར་སྒྲན་དང་ནང་དུ་ཀུན་གཞིའི་རྣམ་ཤེས་དང་། གཞན་དུ་ཐུགས་རྡོ་རྗེའོ། དེའི་གླད་ཀོར་རྗེས་སུ་ད་རོ་ནི་ཕྱིར་ཟླ་བ་དང་ནང་དུ་ཁུ་བ་དང་གཞན་དུ་སྐུ་རྡོ་རྗེའོ། ཨེ་ཝཾ་རྟེན་བརྟེན་པ་ཟུང་ངག་རྫོགས་པར་གྲུབ་བ་ནི། ཕྱི་སྣོད་བཅུད་རྟེན་བཞི་བརྟེན་པ་ལྟོས་ནས་གྲུབ་པ་དང་། ནང་དུ་ལུས་སེམས་རྟེན་དང་བརྟེན་པར་ཕན་ཚུན་དུ་འབྲེལ་བ་དང་། གཞན་དུ་སྐུ་དང་ཞིང་ཁམས་ཟུང་དུ་འཇུག་པ་སོགས། རྟེན་དང་བརྟེན་པའི་ཚུལ་རྣམས་ཕྱིན་ཅི་མ་ལོག་པར་རྟོག་པར་བྱ་དགོས་སྟེ། དེ་ལས་ཨེ་ཡིག་ནམ་མཁའི་ཁམས་རྟེན་འདིའི་དབུས་སུ་ཝ་ཡིག་རྣམ་པར་བཅད་པ་དང་ཨ་ཡིག་བཞི་རྗེས་སུ་ང་རོ་དང་ཉི་མ་དང་སྒྲ་ཅན་དང་ཟླ་བ་དང་ཁུ་བ་དང་རྡུལ་དང་ཀུན་གཞིའི་རྣམ་པར་ཤེས་པ་དང་ཁུ་བའི་བདག་ཉིད་བརྟེན་པ་ཡིན་པར་ཕྱི་དང་ལུས་དང་གཞན་ལ་ཡང་རྟོག་པར་བྱའོ། ཞེས་གསུངས་པས་སོ། འགྲེལ་པར་བཤད་པ་ནི་ཡང་རྩ་བའི་རྒྱུད་ཀྱི་དགོངས་བ་ཇི་ལྟ་བ་བཞིན་ཏེ། ཇི་སྐད་དུ། ཨེ་ཡིག་མཁའ་ཁམས་དབུས་སུ་ནི། སངས་རྒྱས་ཀུན་གྱི་བདེ་བ་ལེན། ཝཾ་ཡིག་རྡོ་རྗེ་སེམས་དཔའ་ནི། སྐུ་གསུང་ཐུག་ཀྱི་རྣལ་འབྱོར་

(༤༠༤)ལས། ཐིག་ལེ་ཟླ་བ་ཁུ་བ་སྐུ། རྣམ་པར་བཅད་པ་རྡུལ་ཉིད་གསུང་། ཨ་ཡིག་མུན་ཅན་ཐུགས་རབ་བརྗོད། མངའ་བ་ཁམས་ཨེ་ལ་རྣམ་པར་གནས། སྐུ་གསུང་ཐུགས་ཀྱི་རྣལ་འབྱོར་གྱི། སྐུ་གསུང་ཐུགས་ཀྱི་དལ་ལ། སྐུ་གསུངས་ཐུགས་དང་ཆགས་པ་ཡིག །སྲིད་གསུམ་བདག་ཉིད་དག་ལ་གནས། ཞེས་གསུངས་སོ། དེ་ལྟར་ཨེ་ཝཾ་སྒྲ་བསྒྲུབ་ཀྱི་འགྲེལ་ཚིག་རྣམས་བཤད་ནས། ད་ནི་དེའི་གཟུགས་བསྒྲུབས་ཀྱི་འགྲེལ་ཚིག་རྣམས་བཤད་པར་བྱ་སྟེ། དེ་ཡང་སྟོང་པ་ཆེན་པོ་འགྱུར་མེད་ལྔ་ལས་བདེ་བ་ཆེན་པོ་མཚོན་པའི་གཟུགས་ཝཾ་ཡིག་དང་། སྟོང་པ་ཆེན་པོར་འགྱུར་མེད་དྲུག་ལས་ཨེ་དབྱིངས་སྟོང་པ་ཉིད་མཚོན་བའི་གཟུགས་ཆོས་།།།བསྒྲུབས་ཡིན་པས། དེ་དག་བསྒྲུབ་པའི་གཞི་ནི། ཕུང་པོ་དྲུག །ཁམས་དྲུག །དབང་པོ་དྲུག །ལས་དབང་དྲུག །བྱེད་ལས་དྲུག་སྟེ། ཆོས་སུམ་བཅུ་སོ་དྲུག་པོ་འདིའི་ཟུང་འཇུག་གི་ཆད་མས་བསྒྲུབ་པ་ཡིན་ནོ། དེ་ལ་ཝཾ་ཡིག་མཆོག་ཏུ་མི་འགྱུར་བ་བདེ་བ་ཆེན་པོ་བསྒྲུབ་པའི་ཚུལ་ནི། རྒྱུད་ཀྱི་རྒྱལ་པོ་ལས། སྟོང་པ་དང་ཡེ་ཤེས་ཀྱང་སྒོ་ཐིག་ལེ་མཆོག་མཆོག་རྡོ་རྗེ་འཛིན་པ། ཞེས་གསུངས་སྟེ། ཡིག་གེ་བཅུ་བཞི་པོ་འདིས་སྟོང་པ་ཞེས་པ་ལ་སོགས་པའི་མིང་རྣམས་ཀྱི་བརྗོད་བྱ་རྡོ་རྗེ་ཐེག་པའི་སྦྱང་གཞི་ཁམས་དྲུག་རང་སར་བདག་པའི་སྐྱེས་བུ་ཆེན་པོའི་གང་ཟག་འདིས་བསྡུས་པ་སྟེ། དེ་ཡང་སྟོང་པ་ཞེས་པས། ཡེ་ཤེས་ཀྱི་ཕུང་པོ་ནས་ཁུ་བ་འཕོ་བའི་བར། ལུང་ཁམས་དབང་ཡུལ་ལས་དབང་བྱེད་

(༤༠༥)ལས་དང་བཅགས་བཅུ་གཉིས་ཀྱི་ཟུང་ངག་གི་ཆ་སོ་སོ་རང་རིག་ལ་སྟོང་པ་ཉིད་ཀྱི་མིང་གི་བསྟན་ཞིང་། དེའི་མཚན་མ་ཨ་ཡི་གཞོམ་དུ་མེད་པའི་བརྡར་གྱི་གྱུག་ལྟ་བུའི་རི་མོ་བྲ་བར་བསྟན་ལ། ཡེ་ཤེས་ཤེས་པས་ཚོགས་ཡུང་ནས་འགྲོ་བའི་བར་གྱི་ཆོས་དྲུག་གི་རང་རིག་ལ་ཡེ་ཤེས་ཀྱི་གསུང་ནས། དེའི་མཚན་མ་རི་ཡིག་བརྗོད་དུ་མེད་པའི་བརྡར་ཐིག་ལེ་གཉིས་བྲི་བར་བསྟན་ཞིང་། ཀྱང་སྟེ་ཞེས་པའི་ཀྱང་ནི་བསྡུད་ཚིག་སྟེ་ཕྱི་མ་བཞི་ཀའི་གསལ་བྱེད་དུ་སྦྱར་བར་བྱའོ། ཐིག་ལེ་ཞེས་པས། འདུ་ཤེས་ནས་ལེན་པའི་བར་དྲུག་གི་རང་རིག་ལ་ཐིག་ལེའི་མིང་གིས་གསུངས་ནས་དེའི་མཚན་མ་ཨུ་ཡིག་བརྗོད་དུ་མེད་པའི་བརྡར་ཐིག་ལེ་གཅིག་བྲི་བར་བསྟན་ཏེ། མཆོག་སྔ་མས་འདུ་བྱེད་ནས་བཤད་བ་འཛག་པའི་བར་དྲུག་གི་རང་རིག་ལ་མཆོག་གི་མིང་གི་གསུངས་ནས་དེ་ཡི་མཚན་མ་ཨ་ཡིག་བརྗོད་དུ་མེད་པའི་བརྡར་དབང་ཕྱུགས་པའི་རྣམ་པ་བྲི་བར་བསྟན་ལ། མཆོག་ཕྱི་མས་གཟུགས་ཕུང་ནས་སྨྲ་བའི་བར་དྲུག་གི་རང་རིག་ལ་མཆོག་གི་མིང་སྨོས་ཏེ་དེའི་མཚན་མ་ལམ་ཡིག་བརྗོད་དུ་མེད་པའི་བརྡར་ཐོད་པའི་རྣམ་པ་བྲི་བར་བསྟན་ཞིང་། རྡོ་རྗེ་འཛིན་པ་ཞེས་པས། སྟོང་པ་ཆེན་པོ་འགྱུར་མེད་ལྔའི་མཚན་མ་ལྔ་པོ་དེ་སྡོམ་པས་ཡིག་གེ་རྡ་རིའི་ཝཾ་གྱི་གཟུགས་སུ་གྲུབ་པ་དེ་ནི་ཁམས་སུམ་རྩ་དྲུག་གི་དག་པ་གཉིས་ལྡན་ཟུང་ངག་ཆེན་པོར་མི་ཕྱེད་པས་སྡེའོ། དེ་འཛིན་པས་ན་རྡོ་རྗེ་འཛིན་པ་ཞེས་བྱ་བར་བསྟན་ནོ། དེ་ལྟར་རྩ་བའི་ཚིག་དོན་བསྡུས་ཏེ་བརྗོད་ནས། ད་ནི་འགྲེལ་ཚིག་དང་སྦྱར་ཏེ་སྒྲུབ་ཚུལ་རྒྱས་

(༤༠༦)པར་བཤད་པར་བྱ་སྟེ། ཕུང་པོ་དྲུག་གི་ནང་ནས་ཡེ་ཤེས་ཀྱི་ཕུང་པོ་དང་རྣམ་ཤེས་ཀྱི་ཕུང་པོ། ཁམས་དྲུག་གི་ནང་ནས་ཡེ་ཤེས་ཀྱི་ཁམས་དང་ནམ་མཁའི་ཁམས། དབང་པོ་དྲུག་གི་ནང་ནས་ཡིད་དབང་དང་རྣ་བའི་དབང་པོ། ཡུལ་དྲུག་གི་ནང་ནས་སྒྲ་དང་ཆོས་གྱི་ཁམས། ལས་དབང་དྲུག་གི་ནང་ནས་མཆོག་གི་དབང་པོ་དང་བྷ་གའི་དབང་པོ། དེའི་བྱ་བ་དྲུག་གིས་ནང་ནས་དྲི་ཆུ་འཛག་པ་ཁུ་བ་འཕོ་བ་སྟེ། ཆོས་བཅུ་གཉིས་པོ་རྣམས་རང་བཞིན་གྱི་དྲི་མས་རྣམ་པར་དག་ཅིང་བློ་བུར་གྱི་སྒྲིབ་པ་དང་བྲལ་བའི་དག་པ་གཉིས་ལྡན་དུ་གྱུར་པ་དང་། དེ་རྣམས་བདེ་སྟོང་དུ་རོ་མཉམ་པར་གྱུར་བ་དང་། ཟག་པ་མེད་པའི་ཚོགས་གཅིག་ཏུ་གྱུར་པ་ཉིད་ཀྱི་མིང་ལ་རྒྱུད་ལས་སྟོང་པ་ཞེས་བརྗོད་དེ། འདི་སྐད་དུ་འགྲེལ་ཆེན་ལས། ཡེ་ཤེས་ཀྱི་ཕུང་པོ་དང་རྣམ་པར་ཤེས་པའི་ཕུང་པོ་དང་ཡེ་ཤེས་ཀྱི་ཁམས་དང་ནམ་མཁའི་ཁམས་དང་ཡིད་དང་རྣ་བ་དང་སྒྲ་དང་ཆོས་ཀྱི་དབྱིངས་དང་མཆོག་གི་དག་པོ་དང་བྷ་ག་དང་དྲི་ཆུ་འཛག་པ་དང་ཁུ་བ་འཕོ་བ་སྟེ། འདི་རྣམས་སྒྲིབ་པ་དང་བྲལ་བ་ཉིད་དང་རོ་མཉམ་པ་ཉིད། འདི་རྣམས་སྒྲིབ་པ་དང་བྲལ་བ་ཉིད་དང་རོ་མཉམ་པ་ཉིད་དང་གཅིག་ཏུ་འདྲེས་པར་གྱུར་པ་ཉིད་ལ་སྟོང་པ་ཞེས་བརྗོད་དེ། ཞེས་གསུངས་བས་སོ། སྟོང་པ་ཉིད་དེ་ཡང་དཔྱད་པས་མ་རྙེད་བ་ལྟ་བུ་མེད་པར་དགག་པ་ནི་མ་ཡིན་ཏེ། སོ་སོ་རང་རིག་པའི་ཡེ་ཤེས་ཀྱི་ཉམས་སུ་མྱོང་བར་བྱ་བ་ཡིན་པས་སོ། འགྲེལ་ཆེན་ལས། ཐམས་ཅད་དངོས་པོ་མེད་པ་ནི་མ་ཡིན་ཏེ་རྣལ་འབྱོར་པས་རང་རིག་པ་ཉིད་ཀྱི་ཕྱིར་རོ། ཞེས་གསུངས་སོ། དེ་ལྟ་བུའི་སྟོང་པ་ཉིད་ལ་ནི་སངས་རྒྱས་ཀྱི་གཞོམ་དུ་མེད་པ་ཞེས་གསུང་སྟེ། ཐོག་

(༤༠༧)བཅས་མ་ཡིན་པས་དྲུག་མཚོན་སོགས་ཀྱི་གཞོམ་དུ་མེད། རྟགས་ཀྱི་དགག་བྱ་མ་ཡིན་པས་ལུང་རིག་ཀྱི་གཞོམ་དུ་མེད། སྤང་བྱ་མ་ཡིན་པས་གཉེན་པོས་གཞོམ་དུ་མེད་པ་སོགས་སུ་མཁྱེན་པས་སོ། གཞོམ་དུ་མེད་པ་འདིའི་མིང་གི་མཚན་མ་ནི་དབུས་སུ་གྲི་གུག་གི་རྣམ་པ་བརྗོད་དུ་མེད་པའི་རི་མོ་ཙམ་ཞིག་བྲི་བར་བྱའོ། འདི་ནི་སྟོང་པ་ཆེན་པོ་འགྱུར་མེད་དང་པོ་སྟེ། འགྲེལ་ཆེན་ལས། དེ་ཉིད་ནི་རྒྱལ་བ་རྣམས་ཀྱི་གཞོམ་དུ་མེད་པར་གསུང་སྟེ། གཞོམ་དུ་མེད་པ་འདིའི་མིང་གི་ལྷོ་དང་བྱང་དང་ཤར་དང་ནུབ་ཀྱི་དབུས་སུ་གྲི་གུག་གི་རྣམ་པ་རི་མོ་ཙམ་དུ་བརྗོད་དུ་མེད་བ་སྟེ། སྟོང་པ་ཆེན་པོའི་ཡིག་གེ་དང་པོའོ། ཞེས་གསུངས་པས་སོ། ཕུང་པོ་དྲུག་ལ་ཚོགས་ཕུང་དང་ཁམས་དྲུག་ལས་མེ་ཁམས་དང་དབང་པོ་དྲུག་ལས་མིག་དང་ཡུལ་དྲུག་ལས་རོ་དང་ལས་དབང་དྲུག་ལས་ལག་པའི་དབང་པོ་དང་དེའི་བྱ་བ་དྲུག་ལས་འགྲོ་བ་སྟེ་མེས་མཚོན་པ་མེ་ཁམས་པ་དྲུག་པོ་འདི་རྣམས་སྔར་བཤད་པ་ལྟར་དག་པ་གཉིས་ལྡན་དང་རོ་མཉམ་པ་དང་འདྲེས་པར་གྱུར་པས་རང་རིག་དེའི་མིང་ལ་རྒྱུད་ལས་ཡེ་ཤེས་སྟོང་པ་ཆེན་པོ། ཞེས་པ་སྟོང་ཆེན་འགྱུར་མེད་གསུམ་པ་སྟེ། འགྲེལ་ཆེན་ལས། ཡེ་ཤེས་ཤེས་པའི་མིང་འདིས་སྟོང་པ་གསུམ་པ་ཞེས་པ་རྟོགས་པར་བྱ་བ་འདི་ལྟ་སྟེ། ཚོར་བའི་ཕུང་པོ་དང་མེའི་ཁམས་དང་མིག་དང་རོ་དང་ལག་པ་དང་འགྲོ་བ་སྟེ། འདི་རྣམས་སྒྲིབ་པ་མེད་པ་ཉིད་རོ་མཉམ་པ་ཉིད་དང་གཅིག་ཏུ་འདྲེས་པར་གྱུར་པ་འདི་ནི་ཡེ་ཤེས་སྟེ་སྟོང་པ་ཆེན་པོ་ཡི་གེ་གསུམ་པའོ། ཞེས་གསུངས་སོ། འདིའི་མིང་གི་མཚན་མ་ནི་དབུས་མ་གྲི་གུག་གི་རྣམ་པ་ཅན་དེའི་གཡས་སུ་བརྗོད་དུ་མེད་པ་མཚོན་པའི་ཐིག་ལེ་

(༤༠༨)གཉིས་བྲི་བར་བྱ་སྟེ། འགྲེལ་ཆེན་ལས། འདིའི་མིང་གིས་མཚན་མ་ནི་དབུས་མ་གཞོམ་དུ་མེད་པའི་མཚན་མའི་ལྷོ་རུ་ཐིག་ལེ་གཉིས་ཏེ་བརྗོད་དུ་མེད་པའོ། ཞེས་གསུངས་པས་སོ། ཕུང་པོ་དྲུག་ལས་ཤེས་སོགས་སྔ་མ་ལྟར་སྦྱར་ཏེ། འདུ་ཤེས་ཀྱི་ཕུང་པོ་དང་ཆུ་ཁམས་དང་ལྕེ་དབང་དང་གཟུགས་དང་རྐང་པ་དང་ལེན་པ་སྟེ་ཆུ་ཁམས་པ་དྲུག་པོ་འདི་རྣམས་དག་པ་གཉིས་ལྡན་ནས་རང་རིག་དང་འདྲེས་པ་དེའི་མིང་ལ་རྒྱུད་ལས་ཐིག་ལེ་སྟོང་པ་ཆེན་པོ་ཞེས་སྟོང་ཆེན་འགྱུར་མེད་བཞི་པར་གསུངས་སྟེ། འགྲེལ་ཆེན་ལས། ཐིག་ལེ་ཞེས་པའི་མིང་འདིས་སྟོང་པ་བཞི་པ་རྟོག་པར་བྱ་སྟེ་སྔ་མའི་ཀྱང་ཡིག་གི་ཕྱིར་རོ། འདི་ལྟ་སྟེ་འདུ་ཤེས་ཀྱི་ཕུང་པོ་དང་ཆུའི་ཁམས་དང་ལྕེ་དང་གཟུགས་དང་རྐང་པ་ལེན་པ་སྟེ། འདི་རྣམས་སྒྲིབ་པ་མེད་པ་ཉིད་དང་རོ་མཉམ་པ་ཉིད་གཅིག་ཏུ་འདྲེས་པར་གྱུར་པ་ཉིད་ནི་ཐིག་ལེ་སྟེ་སྟོང་པ་ཆེན་པོ་ཡིག་གེ་བཞི་པའོ། ཞེས་གསུངས་པས་སོ། འདིའི་མིང་གི་མཚན་མ་ནི་གྲི་གུག་གི་རྣམ་པའི་གཡོན་དུ་བརྗོད་དུ་མེད་པ་མཚོན་པའི་ཐིག་ལེ་གཅིག་བྲི་བར་བྱ་སྟེ། འགྲེལ་ཆེན་ལས། འདིའི་མིང་གི་མཚན་མ་ནི་དབུས་ཀྱི་མཚན་མའི་བྱང་དུ་ཐིག་ལེ་གཅིག་པ་སྟེ་བརྗོད་དུ་མེད་པའོ། ཞེས་གསུངས་པས་སོ། སྔར་བཞིན་འདུ་བྱེད་ཀྱི་ཕུང་པོ་དང་རླུང་ཁམས་དང་སྣང་དང་རེག་བྱ་དང་། ངག་གི་དབང་པོ་དང་བཤད་བ་འཛག་པ་སྟེ། རླུང་ཁམས་པ་དྲུག་པོ་འདི་རྣམས་དག་པ་གཉིས་ལྡན་སོགས་སུ་གྱུར་པའི་མིང་ལ་རྒྱུད་ལས་མཆོག་སྟོང་པ་ཆེན་པོ་ཞེས་སྟོང་ཆེན་འགྱུར་མེད་གཉིས་པར་གསུངས་སྟེ། འགྲེལ་ཆེན་ལས། མཆོག་མཆོག་རྡོ་རྗེ་འཛིན་པ་ཞེས་པ་ནི་མཆོག་དང་མཆོག་དང་རྡོ་རྗེ་འཛིན་པ་ནི་མཆོག་མཆོག་

(༤༠༩)རྡོ་རྗེ་འཛིན་པ་སྟེ་གཅིག་གི་ཟླས་དབྱེ་བའི་ཕྱིར་རོ། སྔར་གྱི་ཀྱང་ཡིག་ལས་གསུམ་པོ་འདི་སྟོང་པའི་མིང་དུ་འགྱུར་རོ། མཆོག་དང་པོའི་མིང་གི་སྟོང་པ་གཉིས་པ་ཞེས་བརྗོད་པ་འདི་ལྟ་སྟེ། འདུ་བྱེད་ཀྱི་ཕུང་པོ་དང་རླུང་གི་ཁམས་དང་སྣ་དང་རེག་བྱ་དང་དག་གི་དབང་པོ་དང་བཤང་པ་འཛག་པ་སྟེ། འདི་རྣམས་སྒྲིབ་པ་དང་བྲལ་བ་ཉིད་པོ་མཉམ་པ་ཉིད་དང་གཅིག་ཏུ་འདྲེས་པར་གྱུར་བ་ཉིད་ནི་མཆོག་སྟེ་སྟོང་པ་ཆེན་པོ་ཡིག་གེ་གཉིས་པའོ། ཞེས་གསུངས་སོ། འདིའི་མིང་གི་མཚན་མ་ནི་གྲི་གུག་གི་རྣམ་པའི་མདུན་དུ་དབང་ཕྱུག་པ་འདྲ་བ་ཞིག་བྲི་བར་བྱ་སྟེ། འགྲེལ་ཆེན་ལས། འདིའི་མིང་གི་མཚན་མ་ནི་དབུས་མ་གཞོམ་དུ་མེད་པའི་ཤར་དུ་དབང་ཕྱུག་པའི་རྣམ་པ་ཙམ་བརྗོད་དུ་མེད་པའོ། ཞེས་གསུངས་པས་སོ། སྔར་བཞིན་གཟུགས་ཕུང་དང་ས་ཁམས་དང་ལུས་དབང་དང་དྲི་དང་བཤད་ལམ་དང་སྨྲ་བ་སྟེ་ས་ཁམས་པ་དྲུག་པོ་འདི་རྣམས་དག་པ་གཉིས་ལྡན་སོགས་སུ་གྱུར་པའི་མིང་ལ་རྒྱུད་ལས་མཆོག་གཉིས་པ་སྟོང་པ་ཆེན་པོ་ཞེས་སྟོང་ཆེན་འགྱུར་མེད་ལྔ་པར་གསུང་སྟེ། འགྲེལ་ཆེན་ལས། མཆོག་གཉིས་པའི་མིང་གི་སྟོང་པ་ལྔ་པ་ཞེས་བརྗོད་པ་འདི་ལྟ་སྟེ། གཟུགས་ཀྱི་ཕུང་པོ་དང་སའི་ཁམས་དང་ལུས་ཀྱི་དབང་པོ་དང་དྲི་དང་གཤང་ལམ་དང་བརྗོད་པ་སྟེ་འདི་རྣམས་སྒྲིབ་པ་མེད་བ་ཉིད་དང་རོ་མཉམ་པ་ཉིད་དང་གཅིག་ཏུ་འདྲེས་པར་གྱུར་པ་ཉིད་ནི་མཆོག་སྟེ་སྟོང་པ་ལྔ་པའོ། ཞེས་གསུངས་པས་སོ། འདིའི་མིང་གི་མཚན་མ་ནི་གྲུ་གུག་གི་རྣམ་པའི་རྒྱབ་དུ་ཐོང་པ་འདྲ་བ་ཞིག་བྲི་བར་བྱ་སྟེ། འགྲེལ་ཆེན་ལས། འདིའི་མིང་གི་མཚན་མ་ནི་དབུས་མ་གཞོམ་དུ་མེད་པའི་ནུབ་ཏུ་ཐོང་པའི་རྣམ་པ་བརྗོད་དུ་མེད་པའོ། ཞེས་གསུངས་པས་སོ། དེ་

(༤༡༠)ལྟར་བརྗོད་པའི་རིམ་པས་ཁམས་ལྔས་བསྡུས་པའི་ཆོས་དྲུག་མཚན་དེ་རྣམས་གཅིག་ཏུ་འདྲེས་པར་གྱུར་པ་ཁམས་ལྔའི་ཕྱེ་བ་ལྔ་ནི་སྟོང་ཆེན་འགྱུར་མེད་ལྔ་པ་ཝ་ཡིག་གི་སྒྲས་བསྟན་པའོ། དེ་ཡང་བཤད་མ་ཐག་པའི་མིང་གི་མཚན་མ་ལྔའི་གྲི་གུག་གི་ལྟོ་བ། ཐོང་པས་མོག །དབང་ཕྱུག་པས་སུག་པོ། ཐིག་ལེ་གསུམ་གྱི་ཟླ་ཚེས། ཐིག་ལེ་གཅིག་གི་ཟླ་ཚེས་ཀྱི་སྟེང་དུ་ཐིག་ལེ་ནཱ་དང་བཅས་པའི་གཟུགས་སུ་བསྒྲུབ་པ་ན། རྡོ་རྗེ་སེམས་དཔའ་དང་། བདེ་བ་ཆེན་པོ་དང་། དོན་དམ་པའི་རྡོ་རྗེར་བརྗོད་དེ། འགྲེལ་ཆེན་ལས། དེ་ལྟར་བརྗོད་པའི་རིམ་པས་གཅིག་ཏུ་འདྲེས་པར་གྱུར་པ་ལྔ་ནི་སྟོང་པ་ཆེན་པོ་ཡིག་གེ་ལྔ་པ་ཝཾ་ཡིག་རྡོ་རྗེ་སེམས་དཔའ་བདེ་བ་ཆེན་པོ་རྡོར་བརྗོད་དེ། ཞེས་གསུང་པས་སོ། དེ་ཡང་དབྱངས་ཡིག་ལྔ་བརྗོད་དུ་མེད་པའི་བརྡར་དེའི་མིང་ཅན། གྲི་གུག་ལྟ་བུ་ལ་སོགས་པའི་ཡིག་གེ་ལྔར་བྲིས་པ་ཉིད་གཅིག་ཏུ་བསྡོམ་པ་ལས་ཝཾ་ཡིག་གེ་གཟུགས་སུ་གྲུབ་པ་སྟེ། དབུས་ཨ་ཡིག་གི་མིང་ཅན་སྟོང་བ་ཆེན་པོ་གྲི་གུག་གི་རྣམ་པ་དང་། ལྷོར་རམ་ཡིག་གི་མིང་ཅན་ཐིག་ལེ་གཉིས་དང་། བྱང་དུ་ཨུ་ཡིག་གི་མིང་ཅན་ཐིག་ལེ་གཅིག་དང་། ཤར་དུ་ཨེ་ཡིག་གི་མིང་ཅན་དབང་ཕྱུག་པ་དང་འདྲ་བ་དང་། ནུབ་ཏུ་ལི་ཡིག་གི་མིང་ཅན་ཐོང་པ་འདྲ་བ་རྣམས་སོ་སོར་བྲིས་པ་གཅིག་ཏུ་བསྡོམ་པ་ལས་དེའི་གཟུགས་སུ་གྲུབ་པས་སོ། ཇི་སྐད་དུ། འགྲེལ་ཆེན་ལས། འདིར་དབྱངས་གྱི་མིང་ཅན་བརྗོད་དུ་མེད་པའི་ཡི་གེ་ལྔ་ནི་འདི་ལྟ་སྟེ། དབུས་སུ་ཨ་ཡིག་སྟོང་པ་ཨ་ཡིག་གྲི་གུག་གི་རྣམ་པའོ། ལྷོར་རི་ཡིག་སྟོང་པ་ཐིག་ལེ་གཉིས་པོ། བྱང་དུ་ཨུ་ཡིག་སྟོང་པ་ཐིག་ལེ་གཅིག་གོ། ཤར་དུ་ཨེ་ཡིག་སྟོང་པ་དབང་ཕྱུག་པའི་རྣམ་པའོ། ནུབ་ཏུ་ལི་ཡིག་སྟོང་པ་ཐོང་པའི་རྣམ་པ་སྟེ། ཞེས་སོགས་

(༤༡༡)གསུངས་སོ། རྩ་བའི་དབྱངས་ལྔ་ལ་སྦྱར་བ་དེ་བཞིན་དུ་ཡོན་ཏན་དུ་བསྒྱུར་བའི་ཨ་ཨེ་ཨར་ཨོ་ཨལ་གྱི་ཡི་གེ་ལྔ་དང་། འཕེལ་བར་བསྒྱུར་བའི་ཡིག་གེ་ཨ་ཨཻ་ཨར་ཨཽ་ཨལ་གྱི་ཡི་གེ་ལྔ། དང་། ཡཎར་བསྒྱུར་བའི་ཡིག་གེ་ཧ་ཡ་ར་ཝ་ལའི་ཡི་གེ་ལྔའི་རྣམ་པར་འགྱུར་བ་རྣམས་ཀྱིས་ཀྱང་སྟོང་ཆེན་ལྔ་བསྟན་པར་བྱ་སྟེ། འགྲེལ་ཆེན་ལས། དེ་བཞིན་དུ་ཡོན་ཏན་དང་འཕེལ་བ་དང་། ཡཎར་བསྒྱུར་བའི་རྣམ་པར་འགྱུར་བ་རྣམས་ཤེས་པར་བྱའོ། ཞེས་གསུངས་སོ། དེ་ལྟར་བསྒྲུབ་པའི་ཝཾ་ཡིག་ནི་སྟོང་པ་ཆེན་པོ་འགྱུར་མེད་ལྔ་པ་དམིགས་པ་མེད་པའི་སྙིང་རྗེ་ཆེན་པོའི་བདག་ཉིད་རྡུལ་ཕྲ་རབ་ཀྱི་ཆོས་ཉིད་རྣམ་པར་ཤེས་པའི་ཆོས་ཉིད་ལས་འདས་པས་གཞོན་ནུ་མ་ལ་སྲ་ཕབ་པའི་རང་བཞིན་དང་མཚུངས་པ་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་དུ་རྣལ་འབྱོར་པས་རྟོག་པར་བྱ་སྟེ། འགྲེལ་ཆེན་ལས། དེ་ལྟར་ཝཾ་ཡིག་ནི་སྟོང་པ་ཆེན་པོ་ཡིག་གེ་ལྔ་པ་དམིགས་པ་མེད་པའི་སྙིང་རྗེའི་བདག་ཉིད་རྡུལ་ཕྲ་རབ་ཀྱི་ཆོས་ཉིད་ལས་འདས་པ་སྲ་བབ་པའི་རང་བཞིན་དང་མཚུངས་པ་རྣལ་འབྱོར་པས་རྟོགས་པར་བྱའོ། ཞེས་འབྱུང་བས་སོ། ད་ནི་ཕུང་ཁམས་སོགས་ཆོས་སོ་དྲུག་པོ་དེའི་ས་བོན་དུ་གྱུར་པའི་དབྱངས་ཀྱི་ཡི་གེ་སོ་དྲུག་དང་སྟོང་ཆེན་འགྱུར་མེད་ལྔའི་མཚན་མ་རྣམས་སྦྱར་བའི་ཚུལ་བརྗོད་པར་བྱ་སྟེ། ཡེ་ཤེས་ཀྱི་ཕུང་པོའི་ས་བོན་ཨཾ་དང་། རྣམ་ཤེས་ཀྱི་ཕུང་པོའི་ས་བོན་ཨ་དང་། ཡེ་ཤེས་ཀྱི་ཁམས་ཀྱི་ཨཱ། ནམ་མཁའི་ཁམས་ཀྱི་ཨཱ༴ ཡིད་དབང་གི་ཨཾ། རྣ་དབང་གི་ཨ། སྒྲའི་ཨ། ཆོས་ཁམས་གྱི་ཨཱ། བྷ་གའི་ཧ། དྲི་ཆུ་འཛག་པའི་ཧ། མཆོག་དབང་གི་ཧ། ཁུ་བ་འཕོ་བའི་ས་བོན་བྷ་སྟེ་ས་བོན་ཀྱི་དབྱངས་ཡིག་བཅུ་གཉིས་

(༤༡༢)པོ་འདི་རྣམས་སྒྲིབ་པ་དང་བྲལ་བ་ནི་དབུས་མ་གཞོམ་དུ་མེད་པ་སྟེ་གྲི་གུག་གི་རྣམ་པའི་མིང་གི་མཚན་མས་རྟོགས་པར་བྱ་སྟེ། འགྲེལ་ཆེན་ལས། འདིར་ཡེ་ཤེས་དང་རྣམ་པར་ཤེས་པའི་ཕུང་པོ་ལ་སོགས་པའི་དབྱངས་རྣམས་ནི་འདི་ལྟ་སྟེ། ཡེ་ཤེས་ཀྱི་ཕུང་པོ་ཨཾ། རྣམ་པར་ཤེས་པའི་ཕུང་པོ་ཨ ཡེ་ཤེས་ཀྱི་ཁམས་ཨཱ། ནམ་མཁའི་ཁམས་ཨཱ། ཡིད་ཀྱི་དབང་པོ་ཨཾ། རྣམ་བའི་དབང་པོ་ཨ། སྒྲ་ཨ ཆོས་ཀྱི་དབྱིངས་ཨ། བྷ་ག་ཧ། དྲི་ཆུ་འཛགས་པས། མཆོག་གི་དབང་པོ་ནི། ཁུ་བ་འཕོ་བ་དང་། འདི་དག་ནི་དབུས་མ་གཞོམ་དུ་མེད་པའི་སྒྲིབ་པ་དང་བྲལ་བ་སྟེ་གྲི་གུག་གི་རྣམ་པའི་མིང་གི་མཚན་མས་རྟོགས་པར་བྱའོ། ཞེས་གསུངས་པས་སོ། འདུ་བྱེད་ཀྱི་ཕུང་པོའི་ས་བོན་ལམ་དང་རླུང་བསམ་ཀྱི་ཨི། སྣའི་ཨེ། རེག་བྱའི་ཨཻ། ངག་གི་ཡ། གཤང་བ་འཛག་པའི་།།།སྟེ། དབྱངས་དྲུག་པོ་འདི་རྣམས་སྒྲིབ་བྲལ་ནི། ཤར་དུ་དབང་ཕྱུག་པའི་རྣམ་པས་རྟོགས་པར་བྱ་སྟེ། འགྲེལ་ཆེན་ལས། འདུ་བྱེད་ཀྱི་ཕུང་པོ་ཨི་རླུང་གི་ཁམས་ཨཱི། རྣ་བའི་དབང་པོ་ཨེ། རེག་བྱའི་ཨཻ། ངག་གི་དབང་པོ་ཡ། བཤད་བ་འཛག་པ་ཨཱ། འདི་དག་སྒྲིབ་བ་དང་བྲལ་བ་ཤར་དུ་དབང་ཕྱུག་པའི་རྣམ་པའི་མཚན་མས་རྟོག་ཞེས་གསུངས་པས་སོ། ཚོར་ཕུང་གི་རི་མེ་ཁམས་སྟེ། མིག་དབང་ཨར། རོ་ཨཱར། ལག་པ་ར། འགྲོ་བ་ར་སྟེ། དབྱངས་དྲུག་པོ་འདི་དག་སྒྲིབ་བྲལ་འདི་ལྷོར་ཐིག་ལེ་གཉིས་ཀྱི་མཚན་མས་རྟོག་པར་བྱས་སྟེ། འགྲེལ་ཆེན་ལས། ཚོར་བའི་ཕུང་པོ་རོ། མེའི་ཁམས་ཌཱི། མིག་གི་དབང་པོ་ཨར། རོ་ཨཱར། ལག་པའི་དབང་པོ་ར། འགྲོ་བ་དཱ། འདི་དག་སྒྲིབ་པ་དང་བྲལ་བ་ལྷོར་ཐིག་ལེ་གཉིས་ཀྱི་མཚན་མས་རྟོགས་

(༤༡༣)བར་བྱའོ། ཞེས་གསུངས་སོ། འདུ་ཤེས་ཀྱི་ཨུ། ཆུ་ཁམས་ཨཱུ། ལྕེ་དབང་ཨོ། གཟུགས་ཨོ། རྐང་པའི་དབང་པོ་ཝ། ལེན་པ་ཝ་སྟེ་དབྱངས་དྲུག་པོ་འདི་།།།དེ་སྒྲིབ་བྲལ་དུ་དག་པ་ནི་བྱར་དུ་ཐིག་ལེའི་མཚན་མས་རྟོགས་པར་བྱ་སྟེ། འགྲེལ་ཆེན་ལས། འདུ་ཤེས་ཀྱི་ཕུང་པོ་ཨུ། ཆུའི་ཁམས་ཨཱུ། ལྕེའི་དབང་པོ་ཨོ། ཡུལ་གཟུགས་ཨཽ། རྐང་པའི་དབང་པོ་ཝ། ལེན་པ་ཝཱ། འདི་དག་སྒྲིབ་པ་དང་བྲལ་བ་དབུས་ཀྱི་མཚན་མའི་བྱང་དུ་ཐིག་ལེའི་མཚན་མས་རྟོགས་པར་བྱའོ། ཞེས་གསུངས་སོ། གཟུགས་ཕུང་ལམ། ས་ཁམས་ཡེ། ཡུལ་དབང་ཨལ། དྲི་ཨལ། གཤང་ལམ་ལ། སྨྲ་བ་ལ་སྟེ་དབྱངས་དྲུག་པོ་དེ་སྒྲིབ་བྲལ་དུ་དག་པ་ནི་ནུབ་ཏུ་ཐོང་པའི་མཚན་མས་རྟོགས་པར་བྱའོ། ཞེས་གསུངས་པས་སོ། མདོར་ན་སྟོང་ཆེན་འགྱུར་མེད་ལྔ་སུམ་བཅུ་རྩ་དྲུག་གི་བདག་ཉིད་དེ་ཉིད་རྒྱལ་བ་རྣམས་ཀྱི་རྡོ་རྗེར་འཛིན་པའི་ཕྱིར་རྡོ་རྗེ་འཛིན་པའོ། དེ་ལྟར་སྟོང་པ་ཆེན་པོ་འགྱུར་མེད་ལྔ་ལས་ཝཾ་ཡིག་མཆོག་ཏུ་མི་འགྱུར་བ་བདེ་བ་ཆེན་པོ་བསྒྲུབ་པའི་ཚུལ་བཤད་ནས། ད་ནི་སྟོང་པ་ཆེན་པོ་འགྱུར་མེད་དྲུག་ལས་ཨེ་ཡིག་ཆོས་འབྱུང་རྣམ་ཀུན་མཆོག་ལྡན་གྱི་སྟོང་པ་ཉིད་ཀྱི་གཟུགས་བསྒྲུབ་པའི་ཚུལ་བཤད་པར་བྱ་སྟེ། དེ་ཡང་འདིར་ལྟར། གོང་དུ་སྨོས་པའི་ཆོས་དྲུག་ཚན་དྲུག་ལས། རྣམས་ཀྱི་ཕུང་པོ་དང་། མཁའ་ཁམས་དང་། རྣ་བ་དང་། ཆོས་དབྱིངས་དང་། བྷ་ག་དང་། ཁུ་བ་འཕོ་བ་སྟེ་ཆོས་དྲུག་ཚན་གཅིག་རང་བཞིན་གྱི་རྣམ་པར་དག་ཅིང་བློ་བུར་གྱི་སྒྲིབ་པ་མེད་པ་རྣམ་པ་ཐམས་ཅད་པའི་སྟོང་པའོ། དབུས་མ་གཞོམ་དུ་མེད་པའི་མཚན་མ་གྲི་གུག་གི་རྣམ་པའི་སྟེང་དུ། འདིའི་མིང་གིས་མཚན་མ་ཀ་སྡེའི་བདག་ཉིད་ཀ་

(༤༡༤)ཡིག་གསལ་བྱེད་སྒྲ་རང་མཚན་པས་བརྡལ་ལ་མ་ལྟོས་པར་བརྗོད་དུ་མེད་པ་མཚོན་བར་བྱེད་པ་སྟེ་ཐིག་ལེ་སྟོང་པ་འགྱུར་མེད་དང་པོའོ། འདུ་བྱེད་ཀྱི་ཕུང་པོ་དང་། རླུང་ཁམས་དང་། སྣ་དང་། རེག་བྱ་དང་། ངག་དང་། གཤང་བ་འཛག་པ་སྟེ། འདི་རྣམས་རང་བཞིན་གྱི་རྣམ་པར་དག་ཅིང་བློ་བུར་གྱི་སྒྲིབ་པ་མེད་པ་རྣམས་པ་ཐམས་ཅད་པའི་སྟོང་པའོ། ཤར་གྱི་མཚན་མ་དབང་ཕྱུག་པའི་རྣམ་པར་ཤར་དུ་སྟོང་པ་གཉིས་པ་འདིའི་མིང་གི་མཚན་མ་ཙ་སྡེའི་བདག་ཉིད་ཙ་ཡིག་གསལ་བྱེད་བརྗོད་དུ་མེད་པ་མཚོན་པ་སྟེ། ཐིག་ལེ་སྟོང་པ་འགྱུར་མེད་གཉིས་པའོ། ཚོར་བའི་ཕུང་པོ་དང་། མེ་ཁམས་དང་། མིག་དང་། རོ་དང་། ལག་པ་དང་། འགྲོ་བ་སྟེ་འདི་རྣམས་རང་བཞིན་གྱི་རྣམ་པར་དག་ཅིང་བློ་བུར་གྱི་སྒྲིབ་པ་མེད་པ་རྣམ་བ་ཐམས་ཅད་པའི་སྟོང་པའོ། ལྷོའི་མཚན་མ་ཐིག་ལེ་གཉིས་པའི་ལྷོར་སྟོང་པ་འདིའི་མིང་གི་མཚན་མ་ཌ་སྡེའི་བདག་ཉིད་ཌ་ཡིག་གསལ་བྱེད་བརྗོད་དུ་མེད་པ་སྟེ་ཐིག་ལེ་སྟོང་པ་འགྱུར་མེད་གསུམ་པའོ། འདུ་ཤེས་ཀྱི་ཕུང་པོ་དང་། ཆུ་ཁམས་དང་། ལྕེ་དང་། གཟུགས་དང་། རྐང་བའི་དབང་པོ་དང་། ལེན་པ་སྟེ་འདི་རྣམས་རང་བཞིན་གྱི་རྣམ་པར་དག་ཅིང་བློ་བུར་གྱི་སྒྲིབ་པ་མེད་པ་རྣམ་པ་ཐམས་ཅད་པའི་སྟོང་པའོ། བྱང་གི་།།།མཚན་མ་ཐིག་ལེ་གཅིག་གི་བྱང་དུ་སྟོང་པ་འདིའི་མིང་གིས་མཚན་མ་ས་སྡེའི་བདག་ཉིད་པ་ཡིག་གསལ་བྱེད་བརྗོད་དུ་མེད་པ་མཚོན་པ་སྟེ་ཐིག་ལེ་སྟོང་པ་འགྱུར་མེད་བཞི་པའོ། གཟུགས་ཀྱི་ཕུང་པོ་དང་། ས་ཁམས་དང་། ལུས་དབང་དང་། དྲི་དང་། གཤང་ལམ་དང་། བརྗོད་པ་སྟེ། འདི་རྣམས་རང་བཞིན་གྱི་རྣམ་པར་དག་ཅིང་བློ་བུར་གྱི་སྒྲིབ་པ་མེད་པ་རྣམ་པ་ཐམས་ཅད་པའི་སྟོང་པའོ། ནུབ་ཀྱི་མཚན་མ་ཐོང་པའི་གཟུགས་

(༤༡༥)གྱི་ནུབ་ཏུ་སྟོང་པ་འདིའི་མིང་གིས་མཚན་མ་ཏ་སྡེའི་བདག་ཉིད་ཏ་ཡིག་གསལ་བྱེད་བརྗོད་དུ་མེད་པ་མཚོན་པ་སྟེ། ཐིག་ལེ་སྟོང་པ་འགྱུར་མེད་མེད་ལྔ་པའོ། ཡེ་ཤེས་ཀྱི་ཕུང་པོ་དང་། མེ་ཁམས་དང་། ཡིད་དང་། སྒྲ་དང་། མཆོག་དབང་དང་། དྲི་ཆུ་འཛག་པ་སྟེ་འདི་རྣམས་རང་བཞིན་གྱི་རྣམ་པར་དག་ཅིང་བློ་བུར་གྱི་སྒྲིབ་པ་མེད་པ་རྣམ་པ་ཐམས་ཅད་པའི་སྟོང་པའོ། དབུས་མ་གཞོམ་དུ་མེད་པའི་མཚན་མ་གྲི་གུག་གི་རྣམ་པའི་འོག་ཏུ་སྟོང་པ་འདིའི་མིང་གི་མཚན་མ་ས་སྡེའི་བདག་ཉིད་ཡིག་གསལ་བྱེད་བརྗོད་དུ་མེད་པ་མཚོན་པ་སྟེ། ཐིག་ལེ་སྟོང་པ་འགྱུར་མེད་དྲུག་པའོ། དེ་ལྟར་ན་ཐིག་ལེ་སྟོང་པ་འགྱུར་མེད་དྲུག་མཚོན་པར་བྱེད་པའི་སྟོང་ཉིད་ཀྱི་གཟུགས་སྣང་དྲུག་པོ་འདི་ནི། ཨེ་དབྱིངས་ཆོས་འབྱུང་གི་སྒྲས་བསྟན་པ་འགྱུར་མེད་དྲུག་གི་རྡོ་རྗེ་འཛིན་པའི་སྣང་བརྙན་ཨེ་ཡིག་རྣམ་པ་ཀུན་གྱི་མཆོག་དང་ལྡན་པ་སྟེ། སྟོང་པ་ཉིད་འོད་གསལ་གྱི་དམིགས་པ་དང་བཅས་པས་གཞོན་ནུ་མ་སྲ་ཕབ་པ་ལྟ་བུའི་རང་བཞིན་ཅན་ཡིན་ཏེ། འགྲེལ་ཆེན་ལས། དེ་ལྟར་ན་ཐིག་ལེ་སྟོང་པ། ཡིག་གེ་དྲུག་ནི་ཆོས་འབྱུང་རྡོ་རྗེ་འཛིན་པ་ཨེ་ཡིག་སྟེ་སྟོང་པ་ཉིད་ཀྱི་དམིགས་པ་དང་བཅས་པས་སྲ་ཕབ་པའི་རང་བཞིན་ཅན། ཞེས་གསུངས་སོ། ཡིག་གེ་འདི་རྣམས་སྟོང་པ་ཆེན་པོ་ཡིག་གེ་ལྔའི་དབྱངས་ཀྱི་ཕྱི་རོལ་ཏུ་བྲི་བ་ནི་འགྱུར་མེད་ལྔ་ཡང་ཨེ་ཆེ་ཆུང་ནམ་མཁའི་ཁམས་ལ་བརྟེན་པ་མཚོན་ལ་འདིར་དབྱངས་རྣམས་ལས་གསལ་བྱེད་ཝཾ་དང་། གསལ་བྱེད་རྣམས་ལས་དབྱངས་ཨེ་ཡིག་བསྒྲུབ་པས་ཐབས་ཤེས་རབ་གཉིས་ཀ་ཡང་ཐབས་ཤེས་གཉིས་ཀའི་རང་བཞིན་དུ་དབྱེར་མེད་པ་མཚོན་པ་ཡིན་ནོ། ཐུབ་པའི་དམ་ཆོས་ཀུན་ལ་ཁྱབ་བའི་བདག །སྣང་སྟོང་ཐབས་ཤེས་རང་དང་གཞན་དོན་སྐུ།

(༤༡༦)གཞི་ལམ་འབྲས་བུའི་ཟུང་ངག་རྒྱུན་ཆགས་པ། ཀུན་གྱི་བྱེད་པོ་ཨེ་ཝཾ་ཡི་གེ་གཉིས། སྒྲ་དང་གཟུགས་ཀྱི་རྣམ་འགྱུར་བསྒྲུབ་པའི་ཚུལ། དུས་ཀྱི་འཁོར་ལོའི་རྒྱུད་འགྲེལ་ཆེན་པོ་ལས་རྒྱས་པར་གསུང་པའི་ཚིག་དོན་མ་ལུས་པ། ཉུད་ངུར་བསྡུས་སྟེ་རྟོགས་པར་སླ་བ་འདི། དཔལ་ལྡན་ཕྱོགས་ལས་རྣམ་པར་རྒྱལ་བའི་ལྷ། ཀརྨ་ཕྲིན་ལས་པ་ཡི་རྣམས་དཔྱོད་ཀྱི། འོད་དཀར་ཤེས་བྱའི་འཁོར་ལོ་ལ་ཁྱབ་པས། ངོ་མཚར་ལྟད་མོའི་མིག་འཕྲུལ་འདི་བསྟན་ཏེ། ཞེས་བྱ་བ་ནི་བར་སྐབས་ཀྱི་ཚིགས་སུ་བཅད་པའོ། གསུམ་མེད་གཉིས་གྱི་རྒྱུད་སྡེ་གཞན་ནས་བཤད་པའི་གླེང་གཞི་རྣམས་མཚོན་ནུས་པའི་ཚུལ་ནི། དེ་ལྟར་སྒྲོན་གསལ་ལས། གསང་བ་འདུས་པའི་རྩ་རྒྱུད་ཀྱི་གླིང་གཞི་ལ་བཤད་པ་རྒྱས་པར་མཛད་པ་འདི་རྣམས་དང་། དུས་འཁོར་འགྲེལ་ཆེན་དུ། དུས་འཁོར་གྱི་གླེང་གཞི་གསུངས་ཚུལ་ལས་འཕྲོས་ཏེ་འཇིག་སྡོམ་སོགས་རྒྱུད་སྡེ་གཞན་རྣམས་ཀྱི་གླེང་གཞིའི་བཤད་པའི་རྣམ་གྲངས་འབྱུང་བ་རྣམས་འཕྲོས་དོན་དང་བཅས་པ་བཤད་ནས་གླིང་གཞིའི་མདོར་བསྟན་ཨེ་ཝཾ་གྱི་ཡིག་གེ་སྒྲ་སྒྲུབ་དང་གཟུགས་སྒྲུབ་ཀྱི་རྣམ་བཞག་ལུང་སྦྱོར་དང་བཅས་པ་རྒྱས་པར་བཀོད་པ་འདི་གཉིས་ཀྱི་ནི་དགྱེས་པ་རྡོ་རྗེའི་རྩ་རྒྱུད་དུ་གླེང་གཞི་ཕུན་གསུམ་ཚོགས་པ་ལྔའི་སྒོ་ནས་གསུངས་པ། ཀུན་སྤྱོད་རྣམས་མདོག་གེའི་བཤད་རྒྱུད་འགའ་ཞིག་ཏུ་གླིང་གཞི་ཕུན་ཚོགས་ལྔའི་སྒོ་ནས་བཤད་པ་གསོག་ལ་སཾ་བྷུ་ཊི་ལ་སོགས་པའི་བཤད་རྒྱུད་རྣམས་གྱི་བཤད་པ་མཛད་པའི་ཚུལ་རྣམས་ཇི་ལྟ་བ་བཞིན་ཤེས་པར་ནུས་ལ། དེས་མཚོན་རྒྱུད་སྡེ་འོག་མ་འགའ་དང་། མདོའི་ཕྱོགས་རྣམས་གླེང་གཞི་ཕུན་ཚོགས་

(༤༡༧)ལྔའི་སྒོ་ནས་གསུངས་པ་ནི། བརྡ་ཆད་གཞག་མཚམས་ཕྲན་བུ་མི་འདྲ་བ་རེ་རེ་ཙམ་ལས། དགོངས་པའི་གཙོ་བོ་རྒྱུད་སྡེ་གོད་མ་རྣམས་སུ་གསུངས་པ་དག་ཕྱིན་ཅི་མ་ལོག་པར་ཤེས་ན་དེའི་ཞར་ལ་ཤེས་པར་འགྱུར་བས། འདིར་ནི་ཡི་གེ་མངས་སུ་ དོགས་ནས་རེ་རེ་བཞིན་མ་བྲིས་པ ་ཡིན་ནོ། གཉིས་པ་འཆད་བྱེད་བསྟན་བཅོས་ཀྱི་མཆོད་བརྗོད་ལ་གཉིས། ཡིག་གེ་པའི་ངོ་བོར་མཛད་པའི་མཆོད་བརྗོད་དང་། རྩོམ་པ་པོ་རང་ཉིད་ཀྱི་མཆོད་བརྗོད་དོ། དང་པོ་ནི། གཞུང་རྩ་བའི་ཁུར་དཔལ་རྡོ་རྗེ་འཆང་ལ་ཕྱག་འཚལ་ལོ། ཞེས་གསུངས་སྟེ། དེ་ཡང་། གཞི་ལ་སྦྱར་ན། ཕྱག་འཚལ་ལོ་ཞེས་དྲངས། གང་ལ་ན། སྣང་བ་དང་སྟོང་པ་དབྱེར་མི་ཕྱེད་པའི་རྡོ་རྗེ་ལྷན་གཅིག་སྐྱེས་པའི་ཚུལ་དུ་འཆང་བ་སྟེ་རང་བཞིན་གྱི་འོད་གསལ་བའི་སེམས་ཉིད་དེ་ལའོ། དེའི་ཡོན་ཏན་གྱི་ཆོས་ནི། འཁོར་འདས་གཉིས་ཀའི་དཔལ་དུ་གྱུར་པའོ། ཞེས་སམ། ལམ་དང་སྦྱར་ན། གཞི་སྔར་བཞིན་གང་ལ་ན་ཐབས་དང་ཤེས་རབ་གཉིས་སུ་མེད་པའི་རྡོ་རྗེ་རང་རིག་པའི་ཚུལ་གྱི་འཆང་བར་བྱེད་པའི་སེམས་ཉིད་དེ་ལའོ། དེའི་ཡོན་ཏན་གྱི་ཁྱད་པར་ནི། ཐབས་དམིགས་པ་མེད་པའི་སྙིང་རྗེ་ཆེན་པོ་དང་ཤེས་རབ་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་གཉིས་སུ་མེད་པའི་དཔལ་དང་ལྡན་པས་ན་རྡོ་རྗེ་འཆང་སྟེ། རྡོ་རྗེ་མི་ཕྱེད་ཞེས་བྱར་བརྗོད། ཅེས་གསུངས་པའི་ཚུལ་གྱི་གཟུང་བ་དང་འཛིན་པའི་རྣམ་པར་རྟོགས་པས་མི་ཕྱེད་པའི་ཕྱིར་རོ། དེ་ལྟ་བུའི་གཉིས་མེད་ཀྱི་ཡེ་ཤེས་སོ་སོ་རང་རིག་པའི་ཚུལ་གྱི་ཡོན་ཏན་དུ་ལྡན་པ་ནི་དཔལ་རྡོ་རྗེ་འཆང་གི་དོན་ཡིན་གྱི། རྫས་ཀྱི་རྡོ་རྗེ་དང་དྲིལ་བུ་ལག་པས་འཛིན་པ་ལྟར། གཟུང་འཛིན་ཐ་དད་དུ་མ་སེམས་ཤིག །འབྲས་བུ་ལ་སྦྱར་བ་ཡང་

(༤༡༨)གཞི་སྔ་མ་ལྟར། གང་ལ་ན། གཞོམ་དུ་མེད་པའི་སྟོན་དམ་ཆོས་ཀྱི་ཤུ་དང་། གཞན་སྣང་ཀུན་རྫོབ་པ་གཟུགས་ཀྱི་སྐུ་དག་ཉི་མ་དང་འོད་ཀྱི་ཚུལ་ལས་ཐ་དད་དུ་མི་ཕྱེད་པའི་རྡོ་རྗེ་ཟུང་ངག་ཏུ་འཆང་བའི་སེམས་ཉིད་དེ་ལའོ། དེའི་ཡོན་ཏན་ནི། སྲིད་ཞིའི་གནས་ཐམས་ཅད་དུ་བསྟན་པར་འོས་པའི་དཔལ་དུ་གྱུར་པ་ཉིད་དོ། དུས་དང་གང་ཟག་དང་ཚུལ་ནི་བསྟན་བཅོས་རྩོམ་པའི་ཐོག་མར་དཔལ་རང་བྱུང་གི་ཞལ་སྔ་ནས་གུས་པས་ཕྱག་མཛད་པ་དེ་བཞིན་དུ་བདག་ཅག་རྣམས་ཀྱིས་ཀྱང་འཆད་ཉན་ལ་འཇུག་པའི་དང་པོར་ཕྱག་བྱས་ནས་སོ། དགོས་པ་ནི་བཤད་པ་མཐར་ཕྱིན་པའི་ཆེད་དུའོ། དེ་ལ་ཤྲཱི་ཞེས་པའི་སྒྲ་ལས་དཔལ་ནི་གཉིས་སུ་མེད་པའི་བསྟེན་པར་བྱ་བའི་དོན་ཅན་ཏེ། ཨེ་བཛྲ་ལས། ཤྲཱི་ནི་གཉིས་མེད་ཡེ་ཤེས་ཏེ། ཞེས་དང་། སྐད་ཀྱི་དབྱིངས་ལས་ཤྲཱི་ཉ་བསྟན་པ་ལའོ། ཞེས་གསུངས་སོ། དེས་ན་སྣང་བ་དང་སྟོང་པའི་ཐབས་དང་ཤེས་རབ་བམ། སྐུ་དང་ཡེ་ཤེས་གཉིས་སུ་མེད་པའི་དོན་གྱིས་ན་དཔལ་རྡོ་རྗེ་འཆང་ངམ། དེ་དག་གཉིས་མེད་དུ་བསྟན་པར་བྱ་བ་ཡིན་པས་ན་དཔལ་རྡོ་རྗེ་འཆང་ངོ་། དེའི་ཕྱིར་དཔལ་ཞེས་མདོར་བསྟན་ནས་རྡོ་རྗེ་འཆང་གི་རྒྱས་པར་བཤད་དོ། ཕྱག་འཚལ་བ་ནི་གསུམ་སྟེ། ལུས་དང་ངག་དང་ཡིད་ཀྱི་འོ། ལུས་གྱི་ཕྱག་ལ་ཡང་དཀྱིལ་འཁོར་ལྔ་པ་དང་། རྐྱང་ཕྱག་དང་། སྒྱིད་པ་ལ་འཁྲིལ་བའི་ཕྱག་སྟེ། ཡན་ལག་གི་གནས་ལྔ་པ་ ལ་གཏུག་པ་དང་། ཡན་ལག་ལྔ་རྐྱང་བ་དང་། ཡུལ་གྱི་ཞབས་ལ་གཏུག་པའི་ཕྱག་དང་གསུམ་མོ། གཉིས་པ་ནི། དག་གི་སྒོ་ནས་འདུད་པ་སྟེ། ཕྱག་འཚལ་ལོ་ཞེས་བྱ་བ་དང་བསྟོད་ཚིག་བརྗོད་པ་དང་གསོལ་བ་འདེབ་པ་ལ་སོགས་པ་དག་ཀྱང་ངོ་།

(༤༡༩)གསུམ་བ་ནི་ཡིད་དང་བ་སྟེ། དད་པ་དང་མོས་པ་དང་གུས་པ་ལ་སོགས་པའོ། མདོར་ན། རང་བྱུང་རྣམས་ཀྱི་དོན་དམ་དེ། དད་པ་ཉིད་ཀྱི་རྟོགས་བྱ་ཡིན། ཞེས་ཇི་སྐད་གསུང་པའི་ཚུལ་གྱིས། ཡང་དག་པའི་དོན་ཕྱིན་ཅི་མ་ལོག་པར་རྟོགས་པའི་དད་པ་རྣམ་པར་དག་པ་ནི་ཕྱག་འཚལ་བའི་དོན་ཏེ། ཀླུ་སྒྲུབ་ཀྱི་ཞལ་སྔ་ནས། ཇི་ལྟར་ཆུ་ལ་ཆུ་བཞག་དང་། ཇི་ལྟར་མར་ལ་མར་བཞག་ལྟར། རང་གི་རང་རིག་ཡེ་ཤེས་ནི་ལེགས་མཐོང་གང་ཡིན་འདིར་ཕྱག་ཡིན། ཞེས་གསུངས་པས་སོ། དེ་ལྟར་བཀོད་པའི་ཕྱག་འདི་ནི་ཡིག་གེ་པའི་ངོར་མཛད་པའི་ཕྱིར། རང་གིས་འགྲེལ་པར་ཚིག་དེ་དག་ལ་བཤད་པ་དངོས་སུ་མཛད་མདོ་ཀྱི། མཆོད་བརྗོད་གྱི་ཚིག་སུ་བཅད་པ་གསུམ་ཀ་སྡོམས་པ་དང་ཡང་བསྟན་བཤད་དུ་སྦྱར་བར་འོས་པ་ཡིན་ལ། བྱེ་བྲག་ཏུ་འང་ཚིག་བཅད་དང་པོའི་མདོར་བསྟན་དུ་འཆད་པའི་ཚུལ་ཀྱང་རྟོག་པར་སླ་བ་ཉིད་དོ། གསུམ་པ་ལ་གསུམ། བླ་མ་ལ་ཕྱག་འཚལ་བ། རྣམ་པ་དང་བཅས་པའི་སྐུ་ལ་ཕྱག་འཚལ་བ། བདེ་བ་ཆེན་པོའི་སྐུ་ལ་ཕྱག་འཚལ་བའོ། དང་པོ་ལ་གསུམ། འཚམས་སྦྱར་བ། རྩ་བ་འགྲེལ་པའོ། དང་པོ་ནི། དེ་ལྟར་བསྟན་བཅོས་གྱི་དགོས་སོགས་བཤད་ནས། ད་ནི་བསྟན་བཅོས་རྩོམ་པ་མཐར་ཕྱིན་པ་བྱ་བའི་ཕྱིར་བརྗོད་པའི་ཚིག་སུ་བཅད་པ་གསུམ་ཡོད་པ་ལས་དེ་གསུམ་གྱི་དང་པོར་བླ་མོ་དང་སངས་རྒྱས་རྡོ་རྗེ་འཆང་དབྱེར་མེད་པ་ལ་ཕྱག་འཚལ་བའི་ཚིགས་བཅད་གཅིག་འཆད་དེ། བླ་མ་སངས་རྒྱས་ཐམས་ཅད་ཀྱི་བདག་ཉིད་ཡིན་པས་དང་པོ་ཕྱག་འཚལ་བར་ནི་རིག་པས་སོ། གཉིས་པ་ནི། ཐམས་ཅད་མཁྱེན་ཅིང་ཐམས་ཅད་གཟིགས། ཕྱི་ནང་གཞན་གསུམ་དེ་ཉིད་སྟོན། གནས་སྐབས་བཞི་ནི་

(༤༢༠)འཁྲུལ་པ་སེལ། དཔལ་ལྡན་བླ་མ་ལ་ཕྱག་འཚལ། ཞེས་གསུངས་སྟེ། ཚིགས་སུ་བཅད་པ་འདིས་ནི་སངས་རྒྱས་དང་དབྱེར་མེད་པའི་དཔལ་ལྡན་བླ་མ་དེ་དག་ལ་རང་བཞིན་གྱི་དོན་ཕུན་གསུམ་ཚོགས་པའི་སྒོ་ནས་བསྟོད་ཅིང་ཕྱག་འཚལ་བ་སྟེ། ཤེས་བྱ་ཐམས་ཅད་མངོན་གསུམ་དུ་མཁྱེན་པའི་རྟོག་པ་ཕུན་ཚོགས་དང་། མཁྱེན་པ་དེ་ཡང་མཚན་ཉིད་སྒྲིབ་བྲལ་དུ་མངོན་གསུམ་དུ་གཟིགས་པས་སྤངས་བ་ཕུན་ཚོགས་ཏེ། རང་གིས་དོན་དང་། ཕྱི་ནང་གཞན་གསུམ་དང་དེ་ཁོ་ན་ཉིད་ཕྱག་རྒྱ་ཆེན་པོའི་དོན་རྣམས་མ་ནོར་བར་གདུལ་བྱ་ལ་སྟོན་ཅིང་བསྟན་ནས་ཀྱང་དེའི་རྒྱུད་ཀྱི་གཉིད་དང་རྨི་ལམ་སད་པ་དང་སྙོམས་འཇུག་སྟེ་གནས་སྐབས་བཞིའི་འཁྲུལ་པ་མཐའ་དག་སེལ་བར་མཛད་པ་གཞན་དོན་གྱི་ཡོན་ཏན་ཏེ། དོན་གཉིས་དང་ལྡན་པའི་དཔལ་ལྡན་བླ་མ་དེ་ལ་གུས་པས་ཕྱག་འཚལ་བའོ། བསྡུས་པའི་དོན་ནི་རྐང་པ་དང་པོའི་ཕྱེད་སྔ་མས་རྟོག་པ་དང་། ཕྱི་མས་སྤངས་བ་སྟེ་རང་གི་དོན་དང་གཞན་དོན་ལ་མཁྱེན་བརྩེ་ནུས་གཉིས་སྟེ། གཉིས་པ་ཕལ་ཆེ་བ་དང་སྟོན་ཞེས་པ་དང་གསུམ་པ་རྣམས་རིམ་བཞིན་དང་། བཞི་པས་ནི་དོན་བསྡུས་ཏེ་ཕྱག་འཚལ་བའོ། འདིའི་འགྲེལ་པར། མཁྱེན་ཞེས་པ་ལས་ལོགས་སུ་གཟིགས་ཤེས་སྨོས་པས་གཞན་གྱི་སྒྲ་ཙམ་ལ་བརྟེན་ནས་ཀུན་མཁྱེན་དུ་རློམ་པ་ཚངས་པ་དང་ཁྱབ་འཇུག་སོགས་རྣམ་པར་བཅད་ནས། ཡོངས་དཔྱོད་ལ་སྒྲིབ་པ་སྤངས་པའི་ཡོན་ཏན་དང་ལྡན་པར་གསུང་ལ། གཟུང་བ་རང་བཞིན་མེད་པ་ད་ལྟར་དུ་རྟོག་ཀྱང་གཞན་དག་ལ་སྟོན་པར་རང་གཅིག་པུར་གནས་པའི་རྒྱལ་གྱི་སྤྱོད་པ་དོར་ནས་ཕྱི་ནང་གཞན་གསུམ་དེ་ཉིད་སྟོན་ཞེས་པས་ནི་རྩེ་བའི་ཡོན་ཏན་བསྟན་ཏེ། ཁ་གཅིག་ཇི་ལྟ་བ་མཁྱེན་པའི་ཆ་ནས་

(༤༢༡)ཐམས་ཅད་མཁྱེན་པ་དང་། ཇི་རྙེད་པ་མཁྱེན་པའི་ཆ་ནས་ཐམས་ཅད་གཟིགས་པ་ཞེས་འཆོད་པ་དག་མཐོང་སྟེ། འགྲེལ་པ་ལས། ཐམས་ཅད་མཁྱེན་པ་ནི་ཤེས་བྱ་ཐམས་ཅད་མཁྱེན་པའོ། ཐམས་ཅད་གཟིགས་པ་ནི་ཚིག་ཟློས་པ་མ་ཡིན་གྱི་མཚན་ཉིད་སྒྲིབ་པ་མེད་པ་མངོན་གསུམ་དུ་རྟོགས་པའི་ཕྱིར་ཡིན་ནོ། ཞེས་གསུང་པ་ལས་གྱ་ཚོམས་སུ་བརྒལ་བའི་བཤད་པ་སྣང་ངོ་། ཡང་ལ་ལ་དག །གདུལ་བྱའི་སྣང་ཚུལ་རྒྱུ་དང་བཅས་པའི་ཤེས་བྱ་ཇི་རྙེད་པ་ཐམས་ཅད་མཁྱེན་ཅིང་། ཆོས་ཐམས་ཅད་ཀྱི་མཚན་ཉིད་དམ་གནས་ཚུལ་ཇི་ལྟ་བ་ཐམས་ཅད་སྒྲིབ་པ་མེད་པར་མངོན་སུམ་དུ་གཟིགས་པའི་ཡེ་ཤེས་མངའ་བས་ཤེས་པར་འབྲུ་གཉེར་ནས། སངས་རྒྱས་ཀྱི་ཆོས་ཅན་ཇི་རྙེད་པ་རྣམ་མཁྱེན་ཀྱང་མ་གཟིགས་སོ་ཞེས་པ་གཞུང་འདིའི་དོན་དུ་སྨྲ་མོད། ཐམས་ཅད་མ་གཟིགས་ལ་ཐམས་ཅད་ཀྱི་མཚན་ཉིད་ནི་གཟིགས་སོ་ཞེས་འགལ་བའི་ཚིག་སྨྲས་ལ་སུ་ཞིག་ཡིད་སྟོན་པར་བྱེད། མཁྱེན་པ་ལས་ལོགས་སུ་གཟིགས་པ་ཞེས་སྨོས་པའི་རྣམ་དཔྱད་དང་ཡོངས་དཔྱོད་ཀྱི་དགོས་པ་རང་འགྲེལ་དུ་གསུང་པ་སུན་དབྱུང་བར་མ་བྱེད་གཅིག །མཚན་ཉིད་སྒྲིབ་མེད་དུ་གཟིགས་པའི་དཔེར་སྒྱུར་རུ་རང་རློན་པ་ལག་མཐིལ་དུ་བཞག་པ་ལྟར་ཞེས་ཟེར་བ་ཡང་ངེས་དོན་གྱི་བརྡ་ལ་མ་བྱང་བའི་གཏམ་སྟེ། ཡུལ་ཡུལ་ཅན་སོ་སོར་འདོད་པའི་རྟོག་གེ་བ་ལ་གྲགས་པའི་དཔེ་དཔེ་ཡུལ་དང་ཡུལ་ཅན་དབྱེར་མེད་དུ་རྟོགས་པའི་སངས་རྒྱས་ཀྱི་ཡེ་ཤེས་མཚོན་པ་ལྟ་ཅིག་ཞིག །ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་སངས་རྒྱས་པ་ཞེས་པའི་ཚུལ་ལ་གོ་བ་གཏིང་ཚུག་པར་གྱིས་ཤིག །ཕྱི་ནང་གཞན་གསུམ་དེ་ཉིད་སྟོན། ཞེས་པའི་དོན་ལ། ཕྱི་ནང་གཞན་གསུམ་གྱི་དེ་

(༤༢༢)ཁོ་ན་ཉིད་རང་གིས་རྟོགས་པ་ལྟར་མ་ནོར་བར་གཞན་ལ་སྟོན། ཞེས་པ་ཡང་། གླེང་གཞི་ལ་འཕྲོས་པ་བཞི་འགྲོས་ཀྱི་རྣམ་བཞག་བློ་ཡུལ་དུ་མ་ཤར་པའི་ཚིག་སྟེ། གཞུང་ཉིད་དུ་ཕྱི་ནང་གཞན་གཉིས་པས་ལོགས་སུ་དེ་ཉིད་ཅེས་གསུངས་པ་དང་། འགྲེལ་པར་ཕྱི་འཇིག་རྟེན་གྱི་ཁམས་དང་། ནང་རྡོ་རྗེའི་ལུས་དང་། གཞན་དབང་བསྐུར་བ་དང་། བསྐྱེད་བའི་རིམ་པ་དང་། དེ་ཁོ་ན་ཉིད་ཕྱག་རྒྱ་ཆེན་པོ་སྣང་བ་དང་སྟོང་པ་དབྱེར་མེད་པ་བདེན་པ་གཉིས་ཀྱི་དོན་མ་ནོར་བར་མཛད། ཅེས་གསལ་བོར་གསུངས་བ་ཉིད་ལ་རྟོག་དཔྱོད་འཇུག་དགོས་སོ། དེ་ལྟར་ཁྱད་པར་དུ་བྱེད་པའི་ཆོས་མ་དཔྱད་ནས་ཁྱད་པར་གྱི་གཞི་དཔལ་ལྡན་བླ་མ་ནི། རྒྱུད་ཀྱི་རྒྱལ་པོ་ལས། སངས་རྒྱས་ཞལ་ནི་གང་གི་བྱུགས་དང་ཞལ་ལ་གནས་པར་གྱུར་པ་དེ་ནི་དཔལ་ལྡན་བླ་མའོ། ཞེས་གསུངས་པ་ལྟར། སངས་རྒྱས་སྟེ་དུས་ཀྱི་འཁོར་ལོའི་ཞལ་བཞེས་མཚོན་པ་དབང་བཞི་པའི་དོན་ལྷན་གཅིག་སྐྱེས་པའི་ཡེ་ཤེས་བསྒོམ་སྟོབས་གྱི་ཤུགས་སུ་ཆུད་ནས་ཞལ་གྱི་སྒོ་ལས་གདུལ་བྱ་ལ་སྟོན་པ་སྟེ། དེ་ཡང་ཤྲཱི་ཡིག་གཉིས་མེད་ཡེ་ཤེས་སྟེ། ཞེས་པ་ལྟར་ལྷན་གཅིག་སྐྱེས་པའི་ཡེ་ཤེས་ནི་དཔལ་ཡིན་ལ། རང་དེ་དང་ལྡན་པའམ། གདུལ་བྱ་དེ་དང་ལྡན་པར་བྱེད་པས་ན་དཔལ་ལྡན་ནོ། བླ་མ་ནི། དེའི་གོད་ན་གཞན་མེད་པའི་དོན་གྱིས་ཏེ། ཨུཏྟ་ར་ཞེས་པའི་སྒྲ་ལས་སོ། གསུམ་པ་ལ་གཉིས། ཁྱད་གཞི་བཤད་པ་དང་། ཁྱད་ཆོས་བཤད་པའོ། དང་པོ་ནི། འདིར་ཕྱག་འཚལ་པའི་ཡུལ་ཁྱད་པར་གྱི་གཞི་ནི་སྲིད་ཞི་ཐམས་ཅད་གྱི་དཔལ་དུ་གྱུར་པ་དང་ལྡན་པའི་བླ་མ་སངས་རྒྱས་ཐམས་ཅད་ཀྱི་བདག་ཉིད་དེ་ཡིན་པས། དེ་

(༤༢༣)ལ་སྒོ་གསུམ་གུས་པས་ཕྱག་འཚལ་ལོ། གཉིས་པ་ལ་བཞི། མཚམས་སྦྱར་བ། རང་དོན་གྱི་ཡོན་ཏན་བཤད་པ། གཞན་དོན་གྱི་ཡོན་ཏན་བཤད་པ་མཇུག་བསྡུ་བའོ། དང་པོ་ནི། དེ་སྐད་ཅེས་ཁྱད་པར་གྱི་གཞི་གང་ལ་ཕྱག་བྱ་བའི་ཡུལ་སླད་དུ་དྲང་སྟེ། བརྗོད་ནས་གང་གིས་ཁྱད་པར་དུ་བྱེད་པའི་ཆོས་དོན་གཉིས་ཕུན་སུམ་ཚོགས་པའི་ཡོན་ཏན་འོག་ནས་འབྱུང་བ་འདི་རྣམས་དང་ལྡན་པར་སྟོན་པའི་ཚིག་ནི་ཐམས་ཅད་མཁྱེན་ཞེས་པ་ལ་སོགས་པའི་གཞུང་ཏེ་དེའི་འཆད་དོ། གཉིས་པ་ནི། བླ་མའི་ཁྱད་པར་གྱི་ཆོས་དེ་ཡང་རང་དོན་ཕུན་གསུམ་ཚོགས་པ་དང་གཞན་དོན་ཕུན་སུམ་ཚོགས་པ་གཉིས་ཡིན་པས། དང་པོའི་དབང་དུ་བྱས་པའང་། ཡང་རྟོགས་གཉིས་པ། ཐམས་ཅད་མཁྱེན་པ་ནི་ཤེས་བྱ་ཇི་ལྟ་བ་དང་ཇི་རྙེད་པའི་ཆོས་ཐམས་ཅད་མངོན་སུམ་དུ་མཁྱེན་པས་རྟོགས་པ་ཕུན་སུམ་ཚོགས་པའོ། གཞན་དག་ན་རེ། ཐམས་ཅད་མཁྱེན་པ་གང་ཡིན་པ་དེ་ནི་ཐམས་ཅད་གཟིགས་པ་ཉིད་ཡིན་པའི་ཕྱིར། མིང་གཉིས་ཀྱི་དོན་གཅིག་བརྗོད་པ་མ་ཡིན་ནམ། ཅིའི་ཕྱིར་ཐམས་ཅད་མཁྱེན་པ་ལས་སོགས་སུ་ཐམས་ཅད་གཟིགས་པ་ཞེས་ཟློས་པའི་ཚིག་འདི་སྨོས་ཤེས་ན། མཁྱེན་པ་ལས་སོགས་སུ་ཐམས་ཅད་གཟིགས་ཞེས་སྨོས་པ་ནི་ཚིག་བཟློས་པ་མ་ཡིན་གྱི། སྤངས་པ་ཕུན་གསུམ་ཚོགས་པ་དང་ལྡན་བར་སྟོན་པ་སྟེ། ཤེས་བྱ་ཐམས་ཅད་མཚན་ཉིད་ཆགས་ཐོག་གི་སྒྲིབ་པ་མེད་པར་མངོན་གསུམ་དུ་རྟོགས་པ་ལ་སྒྲིབ་བྱེད་ཀྱི་དྲི་མ་ཟད་པར་སྤངས་པའི་སྒོ་ནས་རྟོགས་པའི་ཕྱིར་སྤངས་པ་ཕུན་སུམ་ཚོགས་པ་དང་ལྡན་པ་ཡིན་ནོ། དེར་མ་ཟད་ཐམས་ཅད་མཁྱེན་པ་ཞེས་པའི་སྒྲ་ཙམ་ནི་མུ་སྟེག་པ་དམ་ཚིག་གི་ཚངས་པ་ལས་།།།རང་བྱུང་དང་ཀུན་མཁྱེན་དུ་འདོད་ལ། ཁྱབ་འཇུག་

(༤༢༤)དང་། དབང་ཕྱུག་དང་། དྲག་པོ་སོག་ལའང་སྟོན་པར་བྱེད་ཅིང་། བྱིས་པའི་སྐྱེ་བོ་དག་གི་སྒྲོ་བཏག་པ་དུ་མར་ཡོད་པ་དང་། གཞན་གྱི་སྒྲ་ལས་བརྟེན་ནས་གནས་ལུགས་དོན་སྤྱིའི་ཚུལ་དུ་རྟོགས་པ་ལ་གནས་ལུགས་རྟོགས་པར་གོད་པའང་ཡོད་པ་ན་གཟིགས་ཤེས་པའི་སྒྲ་འདི་བརྗོད་དོ། ཡང་ཞེས་པ། ཡོངས་སྤྱོད་ལ་སྤངས་པ་ཕུན་ཚོགས་སུ་སྒྲུབ་པར་མ་ཟད་རྣམས་དཔྱད་ལ་མུ་སྟེགས་ཀྱི་སྟོན་པ་སོགས་སྟོན་པ་ཕལ་པ་རྣམས་ཐམས་ཅད་མཁྱེན་པ་ཡིན་པ་སེལ་བའི་ཕྱིར་དུ་སྨོས་པ་ཡིན་ནོ། གསུམ་པ་གཞན་དོན་གྱི་ཡོན་ཏན་ནི། དེ་ལྟར་ན་རང་ཉིད་ཀྱི་ཕྱིན་ཙམ་མ་ལོག་པར་རྟོག་པའི་དོན་གང་ཡིན་པ་དེ་ཉིད་གཞན་ལ་སྟོན་པས་ཁྱབ་བམ། ཞེ་ན། གཟུང་བ་ཕྱི་རོལ་གྱི་དོན་རང་བཞིན་མེད་པ་དེ་ལྟར་དུ་མངོན་སུམ་དུ་རྟོགས་ཀྱང་རང་གི་རྟོག་པ་ལྟར་གཞན་མི་སྟོན་པའི་རང་སངས་རྒྱས་དག་ཀྱང་ཡོད་པས་བདག་ཅག་གི་བླ་མ་རྡོ་རྗེ་འཆང་ཆེན་པོ་ནི་རང་ཉིད་ཀྱི་རྟོག་ནས་གཞན་ལ་མི་སྟོན་པ་དེ་ལྟ་མ་ཡིན་ཏེ། དེས་ན་བླ་མ་དམ་པ་དེ་ནི་གཞན་གྱི་དོན་ཕུན་གསུམ་ཚོགས་པའི་ཡོན་ཏན་དང་ཡང་དག་ལྡན་པ་སྟེ། གདུལ་བྱ་ལ། ཕྱི་འཇིག་རྟེན་གྱི་ཁམས་དང་། ནང་རྡོ་རྗེའི་ལུས་དང་གཞན་དཀྱིལ་འཁོར་གྱི་འཁོར་ལོ་ལ་བརྟེན་པ་དབང་བསྐུར་བ་དང་སྐྱེད་པའི་རིམ་པ་དང་དེ་ཁོ་ན་ཉིད་ཕྱག་རྒྱ་ཆེན་པོ་སྣང་བ་དང་སྟོང་པ་དབྱེར་མེད་མི་ཕྱེད་པའི་བདེ་བ་དང་སྟོང་པ་དབྱེར་མེད་པ་སྟེ་བདེན་པ་གཉིས་ཀྱི་དོན་མ་ནོར་བར་སྟོན་པར་མཛད་ཅིང་དེ་ལྟར་བསྟན་ནས་ཀྱང་དེའི་ལས་ཀྱི་གདུལ་བྱའི་རྒྱུད་ཀྱི་མུན་པས་ཟིལ་གྱིས་མནན་པ་གཉིད་འཐུག་དང་སྲོག་གི་བསྐྱེད་པ་རྨི་ལམ་དང་། ཟློགས་པར་དཀའ་པའི་འདོད་ཆགས་

(༤༢༥)ཀྱི་དྲི་མས་སྒོས་པ་སྙོམས་འཇུག་དང་དངོས་པོའི་འདུ་ཤེས་དང་ལྡན་པ་ཐ་མལ་གྱི་སྣང་བས་རྒྱུད་ཀུན་ནས་དཀྲུག་པ་སྟེ་བདེན་པ་གཉིས་ཀྱི་དོན་མ་ནོར་པ་གནས་སྐབས་བཞིའི་འཁྲུལ་པ་བསལ་ནས་ཆོས་སྐུ་ལོངས་སྐུ་སྤྲུལ་སྐུ་བདེ་བ་ཆེན་པོའི་སྐུ་སྟེ་སྐུ་བཞིའི་འབྲས་བུ་མངོན་གསུམ་དུ་སྟོན་པར་མཛད་དོ། འདིར་ཡང་རྣམ་བཅད་ལ་རང་སངས་རྒྱས་ལ་སོགས་སྟོན་པ་ཕུན་སུམ་ཚོགས་ཡིན་པ་བསལ་ནས་ཡོངས་སྤྱོད་དཔལ་ལྡན་བླ་མ་དམ་པས་གཞན་དོན་ཕུན་སུམ་ཚོགས་སུ་བསྒྲུབ་པ་སྟེ། རྒལ་ལན་འདི་དག་ནི་ཐམས་ཅད་མཁྱེན་པ་ཡེ་ཤེས་སྐུ་དང་ཞེས་སྐབས་སུ་དྲི་མ་མེད་པའི་འོད་ལས་འགལ་སྤང་མཛད་པ་ཇི་ལྟ་བ་བཞིན་དུ་བཀོད་པར་སྣང་ལ། ཁ་ཅིག་དེ་ལྟར་རྟོགས་ཀྱང་ཞེས་པ་ཐམས་ཅད་མཁྱེན་ཅིང་ཐམས་ཅད་གཟིགས། ཤེས་པ་ལ་ལྷག་དགོས་བས་རང་སངས་རྒྱས་ཀྱི་ཐམས་ཅད་མཁྱེན་ཅིང་ཐམས་ཅད་གཟིགས་པར། དཔལ་རང་བྱུང་གིས་བཞེད་དོ། ཟེར་བ་ནི་རྟོགས་དཔྱོད་དམན་པའི་སྐྱོན་ཏེ། བདག་གིས་བླ་མ་ཐམས་ཅད་མཁྱེན་པའི་ཞལ་སྔ་ནས། བསེ་རུ་ལྟ་བུའི་རང་སངས་རྒྱས་ཟླ་མེད་གཅིག་པུར་གནས་པ་རྣམས་ནི་སྐྲག་མེད་ཀྱི་ལུས་ཀྱི་རྣམ་འགྱུར་གྱི་སྒོ་ནས་ཀྱང་ཆོས་སྟོན་པར་མི་མཛད་པས། དེས་རང་གི་རྟོག་པའི་རང་རྒྱལ་གྱི་ལྟ་བ་གདུལ་བྱ་ལ་མི་སྟོན་པ་བྱེ་བྲག་ཏུ་དཀར་ནས་བྱང་བ་སྟེ་དེ་ལྟར་རྟོག་ཀྱང་མི་སྟོན་པའི་རང་སངས་རྒྱས་ཞེས་པ་བཟུང་བ་ཆོས་ཀྱི་བདག་མེད་པ་ལ་མེད་པ་དེ་ལྟར་དུ་རྟོག་ཀྱང་རང་ཉིད་ཀྱི་རྟོག་པ་ལྟར་དུ་མི་སྟོན་པའི་རང་སངས་རྒྱས་བསེ་རུ་ལྟ་བུ་དག་ཀྱང་ཡོད། ཅེས་འཆད་དགོས་ཤེས་གསུངས་སོ། ཌཱིཀ་བྱེད་འགའ་ཞིག་གི་འོ་ན་རང་གི་མཁྱེན་པ་ལྟར་མི་སྟོན་པ་ཡོད་ལ་ཞེ་ན། ཡོད་དེ། རང་སངས་རྒྱས་དགྲ་བཅོམ་པ་རྣམས་ཀྱི་གང་ཟག་གི་

(༤༢༦)བདག་མེད་དང་། གཟུང་པ་ཕྱག་འཚལ་ལོ་གྱི་དོན་བདེན་མེད་ཙམ་ཞིག་མཁྱེན་ཡང་རང་གིས་མཁྱེན་པ་ལྟར་གཞན་ལ་མི་སྟོན་པས་ཤེས་བྲིས་མདོ། རང་སངས་རྒྱས་དགྲ་བཅོམ་པ་རྣམས་ཀྱི་ཁོངས་སུ་ཚོགས་ནས་སྤྱོད་པའི་རང་རྒྱལ་དགྲ་བཅོམ་ཀྱང་གཏོགས་བས་དེས་ཀྱང་གདུལ་བྱ་ལ་ཆོས་སྟོན་པར་མི་མཛད་དམ་ཞེས་དྲི་བར་བྱའོ། བཞི་པ་ནི་དེ་ལྟར་རང་གཞན་གྱིས་དོན་གཉིས་ཕུན་སུམ་ཚོགས་དད་ལྡན་པའི་བླ་མ་དེ་ནི་ལྷ་དང་བཅས་པའི་འཇིག་རྟེན་ཐམས་ཅད་ཀྱི་དཔལ་ཡིན་པའི་ཕྱིར་ནི་དཔལ་དང་ལྡན་པའི་བླ་མ་དེ་དག་ཕྱག་འཚལ་བའི་ཡུལ་མཆོག་ཏུ་གྱུར་པ་ཡིན་ནོ། གཉིས་པ་རྣམ་པ་དང་བཅས་པའི་སྐུ་ལ་ཕྱག་འཚལ་བ་ལ་གསུམ། མཚམས་སྦྱར་བ། རྩ་བ། འགྲེལ་པའོ། དང་པོ་ནི། དེ་ལྟར་སངས་རྒྱས་ཐམས་ཅད་དང་དབྱེར་མེད་པའི་བླ་མ་ལ་ཕྱག་འཚལ་ནས་བཤད་མ་ཐག་པའི་བླ་མ་དེ་ཉིད་རྣམ་པ་དང་བཅས་པའི་སངས་རྒྱས་ཀྱི་ངོ་བོར་བསྟན་པའི་ཕྱིར་དེའི་འོག་ཏུ་ལྷན་ཅིག་ཅེས་སོགས། ཚིགས་སུ་བཅད་པ་གཉིས་པོ་འདི་ནི་འཆད་དོ། གཉིས་པ་ནི། ལྷན་གཅིག་སྐྱེས་དངོས་གཉིས་ཀྱི་བདག །སྐུ་གསུམ་རྩ་རླུང་ཐིག་ལེ་ཅན། གནས་སྐབས་བཞི་པོ་སྐུ་བཞི་ཉིད། སྐུ་ལྔའི་བདག་ཉིད་ལ་ཕྱག་འཚལ་ཞེས་གསུངས་སྟེ། ཕྱག་འཚལ་གང་ལ་ན། བླ་མ་དེ་ཉིད་རྣམ་པ་དང་བཅས་པའི་སངས་རྒྱས་ཀྱི་སྐུར་བཞེངས་པ་དེ་ལའོ། དེ་ཇི་ལྟ་བུ་ཞེ་ན། རྣམ་བཅས་ཀྱི་སྐུ་དེ་ལ་གཅིག་ནས་ལྔའི་བདག་ཉིད་ཀྱི་བར་དང་དུ་མར་འགྱུར་ཚུལ་ཏེ། དྲུག་ལས། དང་པོ་ནི། གཞི་ལམ་འབྲས་བུའི་ལྷག་གི་སྐྱེས་པའི་དངོས་པོ་དེ་ཉིད་ཡིན་ལ་གཉིས་ཀྱི་བདག་ཉིད་ཀྱང་གཞི་ལམ་འབྲས་བུའི་ཟུང་ངག་གོ །གསུམ་གྱི་བདག་ཉིད་ནི་གཞི་དུས་ཀྱི་

(༤༢༧)རྩ་རླུང་ཐིག་ལེ་གསུམ་དང་། ལམ་སྐྱེད་རྫོགས་ཟུང་འཇུག་གསུམ་དང་འབྲས་བུ་སྐུ་གསུམ་མོ། བཞིའི་བདག་ཉིད་ནི་གཞི་དུས་ཀྱི་གནས་སྐབས་བཞི་པོ་དང་ལམ་ཕྱག་རྒྱ་བཞི་དང་འབྲས་བུ་སྐུ་བཞི་པོ་ཉིད་དོ། ལྔའི་བདག་ཉིད་ནི་གཞི་དུས་ཀྱི་ཕུང་པོ་ལྔ་སོགས་ལྔ་ཆོས་རྣམས་དང་ལམ་རིག་ལྔའི་སྐྱེད་རྫོགས་དང་འབྲུ་སྐུ་ལྔའི་བདག་ཉིད་དོ། དེ་ཉིད་རིགས་དུ་མར་ཡང་འགྱུར་ཏེ། ཧེ་བཛྲ་ལས། རིགས་ནི་ལྔ་པོ་དེ་དག་ལས་སྟོང་ཕྲག་དུ་མ་སྒྲེས་པ་ཉིད། དེ་ཕྱིར་དེ་དག་རང་བཞིན་གཅིག །བདེ་ཆེན་མཆོག་ཏུ་ཕན་པ་ཉིད། ཅེས་དང་རིགས་གཅིག་ལ་ནི་དེ་བཞིན་གཤེགས་པའི་ཚོགས། རིགས་ཀྱི་ཚོགས་ལས་རིགས་ནི་རྣམ་པ་བརྒྱད། དེ་ མི་རིགས་ལས་འབུམ་ཕྲག་རིགས་བཅས་དང་། བྱེ་བའི་རིགས་ལས་གྲངས་ནི་མེད་པར་འགྱུར། ཞེས་གསུངས་སོ། དེ་རྣམས་ཀྱང་བདེ་བ་ཆེན་པོ་གཅིག་པུ་ཉམས་ཀྱི་རྣམ་འགྱུར་ཡིན་ཏེ། ཀུན་སྤྱོད་ལས། གང་ཡང་དྲུག་པའི་སངས་རྒྱས་ཤེས་བྱ་བ། གཅིག་པུའི་ཉམས་ནི་དུ་མའི་གང་མཛད་དོ། ཞེས་གསུངས་སོ། གསུམ་འགྲོས་ཀྱི་སྐབས་སུ་ཊཱིཀ་བྱེད་འགའ་ཞིག་གིས། སྙོམས་འཇུག་ལས་སྐྱེས་པའི་བདེ་བ་ཆེན་པོ་ནི་ཆོས་ཀྱི་སྐུ་དང་། རྨི་ལམ་དང་གཉིད་འཐུག་པོ་ནི་ལོངས་སྤྱོད་རྫོགས་པའི་སྐུ་དང་། ཐ་མལ་གྱི་གནས་སྐབས་ནི་སྤྲུལ་པའི་སྐུ་སྟེ། སྐུ་གསུམ་གྱི་བདག་ཉིད་དང་། ཞེས་གནས་སྐབས་བཞི་དང་སྐུ་གསུམ་སྦྱར་བའི་བཤད་པ་མཛད་མདོ། འགྲེལ་པར། དོན་དམ་པ་བདེ་བ་ཆེན་པོ་ཆོས་ཀྱི་དབྱིངས་ནི་ཆོས་ཀྱི་སྐུ་ཡིན་ལ། ཞེས་པའི་བདེ་བ་ཆེན་པོ་ནི་ཆོས་ཉིད་དེ་བཞིན་ཉིད་གྱི་མིང་གིས་རྣམ་གྲངས་

(༤༢༨)ཡིན་གྱིས། སྙོམས་འཇུག་ལས་སྐྱེས་པའི་བདེ་བ་ཆེན་པོ་དང་གནད་མི་གཅིག་ལ། གཉིད་འཐུག་པོ་ལོངས་སྤྱོད་རྫོགས་པའི་སྐུར་འདོད་ན། ཆོས་སྐུ་ལོངས་སྐུར་འདོད་དགོས་པས། སྐུ་གསུམ་གྱི་བདག་ཉིད་ཞེས་པ་དང་རང་ཚིག་འགལ་ཞིང་། གཉིད་འཐུག་པོ་ལོངས་སྤྱོད་རྫོགས་པའི་སྐུ་དང་སྦྱར་བའི་ཁུང་ཀྱང་མ་མཐོང་ངོ་། དེས་ན་གནས་སྐབས་བཞི་དང་། སྐུ་གསུམ་སྦྱར་བ་གཞུང་གི་དགོངས་པ་མ་ཡིན་ཏེ། གནས་སྐབས་བཞི་པོ་སྐུ་བཞི་ཉིད་ཅེས། གཞི་འབྲས་གྲངས་མཐུན་པར་གསུངས་པས་སོ། ད་ནི་འཕྲོས་བརྗོད་པར་བྱ་སྟེ། དེ་ཡང་འཁོར་འདས་ཐམས་ཅད་ཀྱི་རྩ་བ་གཞིར་གྱུར་པ་ནི་གདོད་མའི་མི་ཤིག་པའི་ཐིག་ལེ་ཆེན་པོ་སྟེ། དེ་ནི་གཞུང་ལས། རྒྱུ་ནི་སེམས་ཉིད་ཐོག་མེད་ལ། རྒྱ་ཆད་ཕྱོགས་ལྷུང་མ་མཆིས་ཀྱང་། ཞེས་གསུངས་པ་ལྟར། སེམས་ཅན་ནས་སངས་རྒྱས་ཀྱི་བར་ལ་ཁྱད་པར་མེད་པའི་སེམས་ཀྱི་ངོ་བོ། ཐོག་མ་དང་ཐ་མ་མེད་ཅིང་། རྟག་ཆད་དང་མཐའ་དབུས་སོགས་ཀྱི་རྒྱུ་མ་ཆད་ལ། ཡན་ལག་གཉེན་དང་ཞེན་བཟུང་གི་ཕྱོགས་སུ་མ་ལྷུང་བ། མཚན་མ་དང་རྣམ་པར་རྟོགས་པས་མ་བསླད་པའི་གཤིས་བབས་མ་བཅོས་པ་འདུས་མ་བྱས་ཤིང་ལྷུན་གྱིས་གྲུབ་པ་འདི་ཉིད་ཡིན་ནོ། དེ་ལ་མིང་གིས་རྣམ་གྲངས་སུ་ནི། ཐ་མལ་གྱིས་ཤེས་པ་དང་། སེམས་སོ་བ་དང་། གཉུག་མའི་ཡིད་དང་ཕྱག་རྒྱ་ཆེན་པོ་དང་། བདེ་བ་ཆེན་པོ་དང་། །།། གཞོམ་མེད་ཀྱི་།།།དང་། མཁའ་སངས་རྒྱས་ནམ་མཁའི་རྡོ་རྗེ་དང་། དེ་བཞིན་གཤེགས་པའི་སྙིང་པོ་དང་། ཡེ་ཤེས་ཀྱི་རླུང་དང་། ཡེ་ཤེས་ཀྱི་རྩ་དབུ་མ་དང་། གཞོམ་

(༤༢༩)མེད་ཀྱི་ཐིག་ལེ་དང་། ཕ་རོལ་རུ་ཕྱིན་པའི་ཕྱོགས་ལས། ཤེས་རབ་ཀྱི་ཕ་རོལ་ཏུ་ཕྱིན་མ་ཞེས་སོགས་རྣམ་གྲངས་མཐའ་ཡས་པ་གསུངས་སོ། འདི་ཉིད་ལས། སྣང་ཉིད་འཁོར་འདས་ཀྱི་ཆོས་ཐམས་ཅད་སྣང་བ་སྟེ། རྩ་བའི་མི་ཤིགས་པ་ཆེན་པོ་དེ་ཡང་སེམས་ཅན་གྱི་ཁམས་འབྱུང་བས་དབང་བྱས་པར་གནས་པ་ལས། རང་སྦ་འདྲེས་པ་ལྟ་བུའི་རླུང་གི་ཡིད་གཡོས་པའི་འགྱུ་བ་རང་ངོ་མ་ཤེས་པ་ལྷན་གཅིག་སྐྱེས་པའི་མ་རིག་པའི་སྣང་བ་ཡར་ཆས་དབང་བྱས་པ་ལས་འཁོར་འདས་ཀྱི་སྣང་བ་ཤར་བ་ལ་གཞན་དུ་རྟོགས་ཅིང་། དཀར་ཆས་དབང་བྱས་པ་ལས་བདག་ཏུ་རྟོག་པ་འབྱུང་སྟེ། གཞུང་ལས། དེ་ཉིད་རང་གི་རང་མ་རིག་འདུ་བྱེད་མཚན་ཉིད་ཀྱི་གཡོ་བ་ནི། ཆུ་རླབ་ལྟ་བུར་གཡོས་པ་ལས། དོན་དང་འཛིན་པ་གཉིས་སྣང་བས། ཞེས་གསུངས་པ་ཇི་ལྟ་བ་བཞིན་ནོ། དེའི་ཕྱིར་དཀར་རླུང་གི་གཡོ་བས་གཉིས་ཆོས་སུ་གྱེས་པ་ལ་གཟུང་འཛིན་སྣང་སེམས་བདག་གཞན་ནི་ཡུལ་ཡུལ་ཅན་སོགས་སུ་རྟོགས་པ་སྟེ། དོན་ལ་གཟུང་བ་དང་སྣང་བ་དང་གཞན་དང་ཡུལ་ལ་སོགས་པ་ལ་གཞན་རྟོག་འཇུག་པ་ཐམས་ཅད་སེམས་དེའི་རང་འོད་དམ་སྣང་ཆ་ཡིན་ལ། འཛིན་པ་དང་སེམས་དང་བདག་དང་ཡུལ་ཅན་དུ་བདག་རྟོག་འཇུག་པ་དེ་ནི་སེམས་དེའི་སྟོང་ཆ་ཡིན་པས། སེམས་ཀྱི་གཤིས་སྐྱེ་མེད་དང་གདངས་འགག་མེད་ལ་སོ་སོར་རྟོགས་པ་སྟེ། །རྗེ་ཟླ་འོད་གཞོན་ནུས། སེམས་ཉིད་ལྷན་གཅིག་སྐྱེས་པ་ཆོས་ཀྱི་སྐུ་དང་། སྣང་བ་ལྷན་གཅིག་སྐྱེས་པ་ཆོས་སྐུའི་འོད་ཅེས་གསུངས་པ་བཞིན་ནོ། དེའི་ཕྱིར་འཁོར་འདས་ཀྱི་རྩ་བ་ནི་སེམས་ཉིད་གཅིག་

(༤༣༠)པུ་ཁོ་ན་སྟེ། མདོ་ལས། ཆོས་ཐམས་ཅད་ཆོས་ཀྱི་དབྱིངས་ལས་བྱུང་བར་གསུངས་པ་དང་། དཔལ་མདའ་བསྣུན་གྱི་ཞལ་བྱ་ནས། སེམས་ཉིད་གཅིག་པུ་ཀུན་གྱི་ས་བོན་སྟེ། གང་ལ་སྲིད་དང་མྱ་ངན་འདས་འཕྲོ་བ། འདོད་པའི་འབྲས་བུ་སྟེར་བར་བྱེད་པ་ཡི། ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། ཞེས་གསུངས་སོ། དེ་ཡང་། གནས་ཚུལ་ལ་མར་མེ་དང་འོད་བཞིན་དུ་སྣང་སེམས་དབྱེར་མེད་དངོས་པོའི་གཤིས་ལུགས་ལ་གྲུབ་པ་ཡིན་པས་སྣང་བ་སེམས་སུ་བཞེད་པ་མདོ་རྒྱུད་ཐམས་ཅད་ཀྱི་དགོངས་པའི་ཡང་སྙིང་ཡིན་གྱི། རྣམ་པར་རིག་པ་ཙམ་དུ་སྨྲ་བ་རྣམས་ཀྱི་བཏག་པའི་གྲུབ་པའི་མཐའ་ནི་མ་ཡིན་ནོ། དེ་ཕྱིར་སེམས་ཉིད་རང་གི་སྣང་ཆ་ལ་གཞན་རྟོག་ཞུགས་ནས་ཤེས་བརྗོད་ཀྱི་བསྡུས་པའི་གཞི་ལམ་འབྲས་བུའི་ཆོས་ཐམས་ཅད་བཞག་པ་ཡིན་ཏེ། གཞི་ལ་རྩ་བ་དཀར་དམར་གྱི་དབང་གི་བདག་གཞན་དུ་རྟོགས་པ་གཟུང་འཛིན་གཉིས་དང་རླུང་དང་བཅས་པ་ལས་གསུམ་འགྲོས་སམ། དམར་ཆ་ལམ་ཡེ་ཤེས་ཕྱེ་བས་བཞི་འགྲོས་སུ་འབྱུང་བ་ནི་རླུང་ཐམས་ཅད་ཀྱི་གླེང་གཞི་ཨེ་ཝཾ་མ་པའི་དགོངས་པ་ཡིན་ནོ། དེ་ལས་འཁོར་བ་སྣང་བའི་ཚུལ་ཀྱང་། མི་ཤིག་པའི་ཐིག་ལེ་ལྷན་གཅིག་སྐྱེས་པའི་མ་རིག་པའི་གཡོ་བ་དང་བཅས་པ། དཀར་ཆས་དབང་བྱས་པ་ལས་བདག་ཏུ་རྟོགས་པའི་སྣང་བ་གསུམ་གྱི་འཆར་སྒོ་ལས་དཀར་དམར་རླུང་གསུམ་གྱི་ངེས་པ་ཡུལ་དུ་སྣང་བ་ཉིད་ཀྱིས། འདོད་པ་དང་གཟུགས་དང་གཟུགས་མེད་པ་སྟེ། ཁམས་སུམ་གྱི་སྣང་བ་འབྱུང་ཞིང་། འཆར་སྒོ་བཞི་འགྲོས་སུ་ཕྱེ་ན་དམྱལ་བ་ཡེ་ཤེས་ཀྱི་རང་སྣང་དུ་འཆད་དགོས་སོ། ལྔ་

(༤༣༡)འགྲོས་ལ་སོགས་པ་འབྱུང་བའི་ཚུལ་ཡང་། མི་ཤིག་པའི་ཐིག་ལེ་དེ་ཉིད་ཁམས་ལྔའི་བདག་ཉིད་ཅན་ཡིན་པས། དེ་ལས་གཞན་རྟོག་ལ་ཕུང་པོ་ལྔ་ལ་སོགས་པར་སྣང་ཞིང་། བཞི་ཆོས་ཀྱི་ས་ལས་ཡེ་ཤེས་དང་རླུང་ལས་ནམ་མཁའ་ཕྱེ་བས་དྲུག་ཆོས་དང་། ལྔ་ཆོས་ལས་དབྱུང་ཆུང་གི་དབྱེ་བས་ཉི་ཤུ་རྩ་ལྔ་སོགས་དུ་མའི་བར་དུ་འབྱུང་བ་རྣམས་སྤྲོས་པས་ཆོག་གོ། །མྱང་འདས་ཀྱི་སྣང་བ་འཆར་བའི་ཚུལ་ནི། གཞུང་ལས། དེ་ཉིད་མ་འགག་རོལ་པ་ལས། ངོ་བོ་སྟོང་ལ་རང་བཞིན་བསལ། རྣམ་པ་འགག་མེད་ཅིར་ཡང་འཆར། ཞེས་གསུང་པ་ལྟར། མི་ཤིག་པའི་ཐིག་ལེ་རང་ངོ་ཤེས་པས་ལྷན་གཅིག་སྐྱེས་པའི་ཡེ་ཤེས་ཀྱི་སྣང་གསུམ་གྱི་འཆར་སྒོ་ལས་དཀར་དམར་རླུང་གསུམ་གྱི་རང་གི་ངོ་བོ་ཡུལ་དུ་སྣང་བ་ཉིད་ཀྱི། སྤྲུལ་པ་དང་ལོངས་སྤྱོད་རྫོགས་པ་དང་ཆོས་ཀྱི་སྐུ་སྟེ་སྐུ་གསུམ་གྱི་སྣང་བ་འབྱུང་ཞིང་། འཆར་སྒོ་བཞི་འགྲོས་སུ་ཕྱེ་ན་ངོ་བོ་ཉིད་ཀྱི་རང་སྣང་དུ་འདོད་དགོས་སོ། དེ་ལས་སྐུ་ལྔ་དང་རིགས་དྲུག་དང་རིག་ཆུང་ཉི་ཤུ་རྩ་ལྔ་དང་དམ་པ་རིགས་བརྒྱ་ལ་སོགས་པ་མཐའ་ཡས་པའི་ཚུལ་ཡང་སྤྲོས་ཏེ་ཤེས་པར་བྱའོ། ལམ་གྱི་སྣང་བ་འབྱུང་བའི་ཚུལ་ཡང་། མྱ་ངན་ལས་འདས་པའི་ཕྱོགས་སུ་གཏོགས་པ་སྟེ། སྐུ་དེ་དག་ཐོབ་པར་བྱེད་པའི་ལམ་ཡང་གཉིས་སམ་གསུམ་མམ་བཞི་ལ་སོགས་པར་ཕྱེ་ན་སྨིན་གྲོལ་གྱི་ལམ་ལ་ཡང་། གསུམ་འགྲོས་དང་བཞི་འགྲོས་སོགས་མཐའ་ཡས་པའི་བར་དུ་འགྱུར་རོ། དེའི་ཕྱིར་གདོད་མའི་མི་ཤིག་པ་ཆེན་པོ་དེ་ཉིད་འཁོར་འདས་ཐམས་ཅད་ཀྱི་གཞི་ཡིན་ཀྱང་། གཞི་ལམ་འབྲས་བུ་གསུམ་གྱི་ཟླས་ཕྱེ་བའི་གཞི་ནི་མ་

(༤༣༢)ཡིན་ཏེ། གཞི་ལམ་འབྲས་བུ་གསུམ་གང་གི་ཡང་ཕྱོགས་སུ་ལྷུང་བ་མེད་པའི་ཕྱིར་རོ། དེས་ན་མི་ཤིག་པའི་ཐིག་ལེ་ཆེན་པོ་ནས་འཆར་གཞི་བྱས་པའི་འཁོར་འདས་ཀྱི་འཆགས་སྒོ་ནི་བསམ་གྱིས་མི་ཁྱབ་སྟེ། འཁོར་འདས་མ་ལུས་ཤིང་ལུས་པ་མེད་པ་ཐམས་ཅད་དུ་འཆར་ཡང་འཁོར་འདས་ཀྱི་བསྡུས་པའི་ཆོས་གང་ཡང་མ་ཡིན་པས་སོ། གསུམ་པ་ལ་དྲུག །ལྷན་གཅིག་སྐྱེས་གཅིག་ཆོས་ཀྱི་སྦྱར་བཤད། གཉིས་ཆོས་ཀྱི་སྦྱར་བཤད། གསུམ་ཆོས་ཀྱི་སྦྱར་བཤད། བཞི་ཆོས་ཀྱི་སྦྱར་བཤད། ལྔ་ཆོས་ཀྱི་སྦྱར་བཤད་རོ། དོན་བསྡུ་བའོ། དང་པོ་ནི། གཞུང་རྩ་བར། ལྷན་གཅིག་སྐྱེས་དངོས་ཤེས་གསུང་པ་ནི་ལྷན་གཅིག་སྐྱེས་པ་གཅིག་གི་དངོས་པོ་ནི་གཞི་ལམ་འབྲས་བུ་གསུམ་དུ་རྒྱུན་ཆག་པའི་ཕྱིར། གཞིའི་དབང་དུ་བྱས་ན། གནས་སོ་ཞེས་གྲངས། གང་ལ་གནས་ན་བཟང་ངན་གྱི་དབྱེ་བ་མེད་པར་སེམས་ཅན་ཐམས་ཅད་ལ་གནས། ཇི་ལྟར་གནས་ན་བློ་བུར་གྱིས་དྲི་མ་དང་བཅས་ཏེ་ཐམས་ཅད་ལ་ཁྱབ་པའི་ཚུལ་དུ་གནས། གང་གནས་ན། སངས་རྒྱས་ཐམས་ཅད་ཀྱི་ཆོས་ཀྱི་སྐུ་ཡོན་ཏན་དྲུག་བཅུ་རྩ་བཞི་ཕྲིན་ལས་དང་བཅས་པ་དེ་ཉིད་གནས་པ་ཡིན་ལ་ཞེས་འོག་མ་འདྲེན་པའི་ཚིག་གོ། གཅིག་ཆོས་དེ་དག་ལམ་དང་འབྲས་བུ་ལ་སྦྱར་ན། གཞི་དེ་ལ་ལམ་གྱི་སྐབས་སུ་གསལ་ལ་མི་རྟོག་པས་གཅིག་པུ་བསྒོམ་པས། འབྲས་བུའི་སྐབས་སུ་གསང་ཆེན་རིག་གཅིག་གི་སྐུར་བྱང་ཆུབ་པར་འགྱུར་རོ། གཉིས་པ་ནི། གཉིས་ཀྱི་བདག་ཉིད་ནི། གཞིའི་དུས་སུ་སྣང་སྟོང་གཉིས་སམ། ཐབས་དང་ཤེས་རབ་བམ་ཀུན་རྫོབ་དང་དོན་དམ་པ་སོག་གཉིས་ཆོས་ཀྱི་རང་བཞིན་ཆོས་ཀྱི་དབྱིངས་

(༤༣༣)ཤིན་ཏུ་དྲི་མ་མེད་པའི་སྐུ་དང་དེའི་རྒྱུ་མཐུན་པར་རབ་ཏུ་ཟབ་ཏུ་ཟབ་པའི་སྐུ་གཉིས་སུ་སེམས་ཅན་ཐམས་ཅད་ལ་དབྱེ་བ་མེད་པར་དྲི་མ་མེད་པར་དྲི་མ་དང་བཅས་སྟེ་གནས་པའི། དྲི་མ་དེ་ཉིད་ལམ་གྱི་དུས་སུ་ཚོགས་གཉིས་སམ་རིམ་པ་གཉིས་ཀྱི་སྦྱངས་པས། འབྲས་བུའི་།།།སྒྲིབ་པ་ཐམས་ཅད་འཁྲུལ་བའི་རང་དོན་ཆོས་ཀྱི་སྐུ་དང་གཞན་དོན་གཟུགས་ཀྱི་སྐུ་གཉིས་པོ་མངོན་དུ་འགྱུར་བའོ། གསུམ་བ་ནི། སྐུ་གསུམ་རྩ་རླུང་ཐིག་ལེ་ཅན་ཞེས་གསུངས་པའི་དོན་ནི་དོན་དམ་པའི་བདེན་པ་བདེ་བ་ཆེན་པོ་ཆོས་ཀྱི་དབྱིངས་དེ་བཞིན་ཉིད་དྲི་མ་དག་པ་ནི་ཆོས་ཀྱི་སྐུ་ཡིན་ལ། ཀུན་རྫོབ་ཀྱི་བདེན་པ་ལ་བརྟེན་པའི་རྒྱུ་མཐུན་པ་རབ་ཏུ་ཟབ་པའི་གཟུགས་ཀྱི་སྐུ་ནི་གཉིས་སྟེ་ལོངས་སྐུ་དང་སྤྲུལ་སྐུའོ། དེ་ལ་རྨི་ལམ་གྱི་ཉིད་འཁྲུལ་དག་པ་དང་ཀུན་གཞི་ལ་བརྟེན་བའི་བདུན་ཡིད་ཀྱི་ངོ་བོ་སྲོག་གི་རླུང་དང་དྲུག་ཡིད་ཀྱི་ཁམས་དང་ལྷའི་ཆ་དང་བཅས་པ་གནས་གྱུར་བ་ནི་ལོངས་སྤྱོད་རྫོགས་པའི་སྐུ་དང་། ཐ་མལ་པ་སད་པའི་དུས་ཀྱི་སྣང་བ་སྣ་ཚོགས་དངོས་པོ་མ་འཇུག་པའི་རྣམ་པར་ཤེས་པ་ཚོགས་དྲུག་སེམས་འབྱུང་དང་བཅས་པ་གཉིས་སྣང་དག་ཅིང་གནས་གྱུར་པས་སྤྲུལ་པའི་སྐུ་བྱུང་སྟེ། འདི་དག་གཞིའི་དུས་སུ་སེམས་ཅན་དམ་ལ་དབྱེ་བ་མེད་པར་དྲི་མ་དང་བཅས་ཏེ་གནས་པས་རྩ་ནི་སྐུ་རྡོ་རྗེ་སྤྲུལ་སྐུ། རླུང་ནི་གསུང་རྡོ་རྗེ་ལོངས་སྐུ། ཐིག་ལེ་ནི་ཐུགས་རྡོ་རྗེ་ཆོས་སྐུ་སྟེ། ལམ་གྱི་དུས་སུ་རྡོ་རྗེ་གསུམ་གྱི་ཁྲིད་ལྟ་བུ་གསུམ་ཆོས་ཀྱི་མན་ངག་རྣམས་ཉམ་དུ་བླངས་ནས་རྩ་རླུང་ཐིག་ལེ་འདི་གསུམ་གྱི་དྲི་མ་རྣམ་པར་སྦྱངས་བས་དྲི་མེད་ཀྱི་སྐུ་གསུམ་ཐོབ་པར་གསུང་པའི་ཕྱིར། འབྲས་བུའི་དུས་སུ་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་ངོ་བོ་

(༤༣༤)ཡིན་པར་གསུངས་སོ། བཞི་པ་ནི། སྦྱངས་གཞི་གཉིས་འཐུག་པོ་ལ་སོགས་པའི་གནས་སྐབས་བཞི་པོ་དྲི་མ་དང་བཅས་པའི་སྐུ་བཞི་ཉིད་ཡིན། ཞེས་བྱ་བའི་དོན་ནི་དུས་ཀྱི་འཁོར་ལོའི་འགྲེལ་ཆེན་དྲི་མ་མེད་པའི་འོད་དུ། འདིར་སེམས་ཀྱི་རྡོ་རྗེ་རྣམ་པ་བཞི་རྣམ་པར་དག་པ་ནི་སྐུ་བཞིའི་མཚན་ཉིད་དུ་འགྱུར་ཏེ། བཟློག་པར་དཀའ་བའི་འདོད་ཆགས་གྱི་དྲི་མས་ཀུན་ནས་བསྒོས་པ་བྷ་ག་དང་བྷ་ག་དང་དབང་པོའི་བདག་ཉིད་བཞི་པའི་སེམས་ཀྱི་དངོས་པོ་མེད་པའི་སེམས་ནི་ངོ་བོ་ཉིད་ཀྱི་སྐུ་སྟེ་ཐམས་ཅད་མཁྱེན་པ་ཞེས་པའོ། མུན་པས་ཟིལ་གྱི་མནན་བ་ཤིན་ཏུ་གཉིད་ལོག་པའི་སེམས་ཀྱི་དངོས་པོ་མེད་པའི་སེམས་ནི་ཆོས་ཀྱི་སྐུ་སྟེ་ཡེ་ཤེས་ཀྱི་སྐུ་ཞེས་པའོ། སྲོག་གི་བསྐྱེད་པ་ཡོད་པ་དང་མེད་པའི་རྨི་ལམ་གྱི་སེམས་ཀྱི་དངོས་པོ་མེད་པའི་སེམས་ནི་ལོངས་སྤྱོད་རྫོགས་པའི་སྐུ་སྟེ་ཉིན་མོར་བྱེད་པའི་སྐུ་ཞེས་པའོ། རྣམ་པར་རྟོག་པ་དུ་མའི་དངོས་པོའི་འདུ་ཤེས་སད་པའི་སེམས་ཀྱི་དངོས་པོ་མེད་པའི་སེམས་ནི་སྤྲུལ་པའི་སྐུ་སྟེ་པད་མ་འདབ་མ་རྒྱས་པའི་སྤྱན་ཞེས་པའོ། ཞེས་དང་། ཀུན་མཁྱེན་ཡེ་ཤེས་སྐུ་ནི་རྒྱལ་པའི་བདག་པོའི་ལྷན་གཅིག་སྐྱེས་པ་དེ་བཞིན་ཆོས་ཀྱི་སྐུ། ལོངས་སྤྱོད་རྫོགས་དང་སྤྲུལ་པའི་སྐུ་ཡང་ཉིན་བྱེད་སྐུ་དང་པད་མའི་འདབ་མ་རྒྱས་པའི་སྤྱན། རྣལ་འབྱོར་དག་པ་རྣམ་པར་ཐར་དང་སྲིད་གནས་སྐུ་གསུང་གཟུགས་ཆགས་ཤེས་རབ་དང་། ཐབས་འདི་གཉིས་མེད་གང་ཞིག་ལྷ་མི་ལྷ་མིན་གྱིས་བསྟོད་དང་པོའི་སངས་རྒྱས་དེ་ལ་འདུ། ཅེས་གསུངས་པ་ལྟར། གཉིད་འཐུག་པོ་ཤིན་ཏུ་ལོག་བ་སེམས་ཡུལ་ལ་གཏད་པའི་རྣམ་པ་མི་གསལ་བ་སེམས་མེད་པ་ལྟ་བུའི་

(༤༣༥)གནས་སྐབས་ནི་རྟོགས་པ་ཕལ་ཆེར་ཀུན་གཞི་ལ་བསྡུས་ནས་ཀུན་གཞི་འོད་གསལ་བའི་བདག་ཉིད་དུ་གནས་པའི་ཕྱིར་ཆོས་ཀྱི་སྐུ་སྟེ་ཡེ་ཤེས་ཀྱི་སྐུ་ཞེས་བྱའོ། རྨི་ལམ་གི་གནས་སྐབས་ཀུན་གཞིའི་སྟོང་ནས་བདུན་ཡིད་སྲོག་གི་རླུང་གི་བསྐྱེད་པས་གཉིས་སྣང་ཤར་ཏེ་རྨི་ལམ་གྱི་དུས་སུ་ཡོད་པ་དང་། སད་པ་ན་མེད་པ་ལྟ་བུ་ནི་སྒྱུ་མ་ལྟ་བུའི་ལུས་སུ་སྣང་བའི་ཕྱིར་ལོངས་སྤྱོད་རྫོགས་པའི་སྐུ་སྟེ་ཉིན་མོར་བྱེད་པའི་སྐུ་ཞེས་བྱའོ། གཉིད་སད་པའི་གནས་སྐབས་ཀྱི་ཚོགས་དྲུག་གི་སྣང་བ་རག་པ་དང་བཅས་པ་ནི་ཅིར་ཡང་སྣང་ཞིང་ཅིར་ཡང་འཆར་བའི་ཕྱིར་སྤྲུལ་པའི་སྐུ་སྟེ་པད་མའི་འདབ་མ་རྒྱས་པའི་སྤྱན་ཞེས་བྱའོ། ཆགས་པ་དང་བཅས་པའི་སྙོམས་པར་འཇུག་བའི་གནས་སྐབས་སུ་ལྷན་གཅིག་སྐྱེས་པའི་ཡེ་ཤེས་མངོན་འགྱུར་དུ་སྐྱེ་ཡང་སྐད་གཅིག་མའི་དབང་ལས་འདོད་ཆགས་རང་ག་མར་འཆོར་ཞིང་ཆགས་པ་དེ་ལས་བཟློགས་དཀའ་བས་ན་བཟློགས་པར་དཀའ་བའི་འདོད་ཆགས་ཀྱི་དྲི་མས་རྨོངས་པར་གྱུར་པའི་ལྷན་སྐྱེས་ཀྱི་ཡེ་ཤེས་དེ་ནི་སྨྲ་བསམ་བརྗོད་མེད་མཁའ་ཁྱབ་ཀྱི་རང་བཞིན་དུ་རིག་པར་བྱ་བ་ཡིན་པའི་ཕྱིར་ཐམས་ཅད་མཁྱེན་པའི་ཡེ་ཤེས་ཀྱི་སྐུ་ཞེས་བྱ་སྟེ་ངོ་བོ་ཉིད་ཀྱི་སྐུའོ། སྐུ་བཞི་པོ་འདི་ཡང་། སེམས་ཅན་རྣམས་ཀྱི་སྐུ་བཞི་ནི་སྒྲིབ་པ་དང་བཅས་པའོ། སངས་རྒྱས་རྣམས་ཀྱི་སྐུ་བཞི་ནི་སྒྲིབ་པ་མེད་པས་སོ། ཞེས་དུས་འཁོར་ལས་གསུངས་པ་སྟེ་དེ་ནི་རྒྱུ་སེམས་ཅན་གྱི་གནས་སྐབས་ཀྱི་སྐུ་བཞི་དང་འབྲས་བུ་སངས་རྒྱས་ཀྱི་གནས་སྐབས་ཀྱི་སྐུ་བཞིའི་དབྱེ་བའི་ཁྱར་གསུང་པའོ། ལྔ་པ་ནི། སྐུ་ལྔའི་བདག་ཉིད་ལ་ཕྱག་འཚལ་ཞེས་བྱ་བ་གསུངས་པའི་དོན་ནི། གདོད་མའི་མི་ཤིགས་པའི་ཐིག་ལེ་དེ་ཉིད་ལ་ནང་སེལ་དུ་དབྱེ་བའི་

(༤༣༦)ལྔ་ཆོས་ཀྱི་དབྱེ་བས་ཕྱེ་ན་ཡེ་ཤེས་ལྔ་སྐུ་ལྔར་ཡང་གསུངས་སྟེ་ཡང་ཞེས་པ་སྐུ་གསུམ་དང་བཞིར་དབྱེ་བ་མ་ཟད་ཅེས་གསུང་པའོ། ཇི་ལྟར་གསུངས་ན་སྦྱངས་གཞི་གཟུགས་ཀྱི་ཕུང་པོའི་སྟེང་དུ་སྦྱངས་བྱ་བ་གཏི་མུག་སྦྱངས་པས་འབྲས་བུ་ཆོས་ཀྱི་དབྱིངས་ཀྱི་ཡེ་ཤེས་ཐོབ་པའི་ཕྱིར་དུ་སྦྱོངས་བྱེད་རྣམ་པར་སྣང་དེ་ཀྱི་བསྐྱེད་རྫོགས་ཉམས་སུ་ལེན་པ་དང་། དེ་བཞིན་དུ་སྦྱང་གཞི་རྣམ་པར་ཤེས་པའི་ཕུང་པོ། སྦྱང་བྱ་ཞེ་སྡང་། སྦྱང་འབྲས་མེ་ལོང་ལྟ་བུའི་ཡེ་ཤེས། སྦྱོང་བྱེད་མི་སྤྱོད་པ་རྡོ་རྗེ་སེམས་དཔའི་བསྐྱེད་རྫོགས་དང་། སྦྱང་གཞི་ཚོར་བའི་ཕུང་པོ། སྦྱང་བྱ་ང་རྒྱལ། སྦྱངས་འབྲས་མཉམ་པ་ཉིད་གྱི་ཡེ་ཤེས། སྦྱོང་བྱེད་རིན་ཆེན་འབྱུང་ལྡན་གྱི་བསྐྱེད་རྫོགས་དང་། སྦྱང་གཞི་འདུ་ཤེས་ཀྱི་ཕུང་པོ། སྦྱངས་བྱ་འདོད་ཆགས། སྦྱང་འབྲས་སོ་སོར་རྟོག་པའི་ཡེ་ཤེས། སྦྱོང་བྱེད་འོད་དཔག་ཏུ་མེད་པའི་བསྐྱེད་རྫོགས་དང་། སྦྱང་གཞི་འདུ་བྱེད་ཀྱི་ཕུང་པོ། སྦྱང་བྱ་ཕྲག་དོག །སྦྱངས་འབྲས་བྱ་བ་བསྒྲུབ་པའི་ཡེ་ཤེས། སྦྱོང་བྱེད་དོན་ཡོད་གྲུབ་པའི་བསྐྱེད་རྫོགས་ཏེ་ལྔ་ཆོས་གཞན་ཡང་གཞིའི་གནས་སྐབས་སུ་ཁམས་ལྔ་ལ་སོགས་པ་དང་། ལམ་རིམ་ལྔ་སོགས་དང་། འབྲས་བུ་སྐུ་ལྔ་ལ་སོགས་པ་ཡང་སྔ་མ་ཁོ་ན་བཞིན་སྦྱར་བར་བྱའོ། དྲུག་པ་ནི། གོང་དུ་བཤད་པ་དེ་ལྟར་འབྲས་བུ་སྐུ་ལྔ་དང་ཡེ་ཤེས་ལྔ་དང་། གཞིའི་སྐབས་སུ་ཕུང་པོ་ལྔ་པོ་སོགས་ལྔ་ཆོས་ལ་བརྟེན་པའི་དབྱེ་བ་ཐམས་ཅད་དང་། དེ་བཞིན་དུ་རིག་དྲུག་དང་རིག་ཉི་ཤུ་རྩ་ལྔ་དང་། རིགས་སུམ་བཅུ་སོ་དྲུག་དང་། རིགས་ལྔ་བཅུ་དང་། རིགས་བདུན་བཅུ་རྩ་གཉིས་དང་། རིགས་བརྒྱ་ལ་སོགས་པའི་བར་ཏུ་སྦྱང་གཞི་སྦྱོང་བྱེད་ལ་སོགས་ཐམས་ཅད་ཀྱང་། བདེ་བ་ཆེན་པོ་ལྷན་སྐྱེས་

(༤༣༧)ཀྱི་ཡེ་ཤེས་གཅིག་པུའི་རྣམ་པར་དབྱེ་བ་སྟེ། ཧེ་བཛྲ་ལས། རྣམ་སྣང་སོགས་རྩ་བའི་རིག་ནི་ལྔ་པོ་དེ་ཉིད་ལས་རིག་ཀྱི་དབྱེ་བ་སྟོང་ཕྲག་དུ་མ་སྐྱེས་པ་ཉིད་དེ་དུ་མའི་བར་དུ་སྐྱེས་པ་དེའི་ཕྱིར་རིགས་དུ་མ་འདི་དག་རང་བཞིན་གཅིག་པ་ཉིད་ཡིན་ནོ། གཅིག་པོ་དེ་ནི་ལྷན་གཅིག་སྐྱེས་པའི་བདེ་བ་ཆེན་པོ་ཞེས་བྱ་བ་ཐམས་ཅད་ལ་མཆོག་ཏུ་ཕན་པར་འདོད་པ་ཉིད་ཡིན་གྱི་བདེ་བ་ཆེན་པོ་དེ་ཉིད་སྒྲིབ་པ་དང་འབྲེལ་བའི་དབང་ལས། འདོད་ཆགས་ལ་སོགས་བ་སེམས་ལྔའི་དབྱེ་བས་ཕྱེ་ན་ལྔ་རུ་འགྲོ་བར་འགྱུར་རོ། ཞེས་བྱ་བ་ལ་སོགས་པ་གསུངས་སོ། རིགས་གཅིག་ནས་དུ་མའི་བར་དུ་འགྱུར་བའི་ཚུལ་ནི། གསང་ཆེན་རིགས་གཅིག་གི་སྐུ་དེ་ཉིད་ཡེ་ཤེས་ལྔའི་རང་བཞིན་དུ་ལྷུན་གྱི་གྲུབ་པའི་ཕྱིར་རིག་ལྔར་འགྱུར་ལ། རྣམ་སྣང་ལས་རིགས་དྲུག་པ་རྡོ་རྗེ་འཆང་དུ་དབྱེ་བས་རིགས་དྲུག་དང་། དེ་རེ་རེ་འང་ནང་སེལ་དུ་དྲུག་དྲུག་དུ་ཕྱེ་ནས་རིག་ཆུང་སུམ་བཅུ་སོ་དྲུག་དང་། དེ་ལ་ཐབས་ཤེས་ཀྱི་དབྱེ་བས་རིགས་བདུན་བཅུ་དོན་གཉིས་དང་། རྩ་བདུན་བཅུ་དོན་གཉིས། རྩ་བའི་རྒྱུད་བདུན་བཅུ་དོན་གཉིས་ལ་སོགས་པའི་ཡང་ན་རྩ་བའི་རིགས་ལྔ་ལས། ནང་སེལ་རིགས་ཆུང་ལྔ་ལྔར་ཕྱེ་བས་ཉི་ཤུ་རྩ་ལྔ་དང་། དེ་ལ་ཐབས་ཤེས་རབ་ཀྱི་དབྱེ་བས་རིགས་ལྔ་བཅུ་དང་། དེ་ལ་ལུས་དང་བསམ་པའི་དབྱེ་བས་རིག་བརྒྱའོ། དེ་ལྟར་བརྒྱ་ལས་འབུམ་དང་བྱེ་བ་དང་གྲངས་མེད་པར་ཡང་འགྱུར་ཏེ། ཐམས་ཅད་ཀྱང་མཆོག་ཏུ་དགའ་བའི་རིགས་ལས་འབྱུང་བར་དུས་འཁོར་གྱི་འགྲེལ་ཆེན་ལས་གསུངས་པ་དང་། རྣལ་འབྱོར་མའི་ཀུན་ཏུ་སྤྱོད་པའི་རྒྱུད་ལས་ཀྱང་། གང་ཡང་རིག་དྲུག་པའི་སངས་རྒྱས་རྡོ་རྗེ་འཆང་ཆེན་པོ་ཞེས་བྱ་བ་གཅིག་པུ་

(༤༣༨)དེའི་ཉམས་དེ་ནི་དུ་མས་གར་མཛད་དོ། ཞེས་བྱ་བ་ལ་སོགས་པ་གཞན་ཡང་རྒྱུད་ཐམས་ཅད་དུ་རྒྱ་ཆེར་གསུང་པས། བདེ་བ་ཆེན་པོའི་རྣམ་པ་ཐམས་ཅད་པ་ལ་ཕྱག་འཚལ་བར་གཞེད་པའོ། འདི་ལ་ཊཱིཀ་བྱེད་འགའ་ཞིག་གིས། ལྔའི་བདག་ཉིད་ལ་ཁྱད་གཞི་དང་ལྷན་གཅིག་སྐྱེས་པ་གཅིག་གིས་དངོས་པོ་ནས་གཞིའི་བར་རྣམས་ཁྱོས་སུ་བྱས་པའི་བཤད་པ་མཛད་མདོ། འགྲེལ་པ་དགོངས་པ་མ་ཡིན་པ་ནི། རང་འགྲེལ་ཉིད་བཀྲུགས་པ་ཙམ་གྱི་ཤེས་པར་འགྱུར་རོ། གསུམ་པ་བདེ་བ་ཆེན་པོའི་སྐུ་ལ་ཕྱག་འཚལ་ཞལ་གསུམ་ འཚམས་སྦྱར། རྩ་བ། འགྲེལ་པའོ། དང་པོ་ནི། དེ་ལྟར་རྣམ་པ་དང་བཅས་པའི་སྐུ་ལ་ཕྱག་འཚལ་ནས། དེའི་འོག་ཏུ་ཕྱག་འཚལ་བའི་ཚིགས་སུ་བཅད་པ་གསུམ་པ་སྨོས་པའི་དོན་ནི། དེ་ཡང་ལྷན་གཅིག་སྐྱེས་པའི་བདེ་བ་ཆེན་པོ་དུས་སུམ་གྱི་སངས་རྒྱས་ཐམས་ཅད་བསྐྱེད་པར་བྱེད་པའི་ཡུམ་ཡིན་པའི་དོན་གྱིས་ན། ལྷ་མོའི་མིང་གི་བོས་པའི་ཤེས་རབ་ཀྱི་ཕ་རོལ་ཏུ་ཕྱིན་མ་སྟེ། གནས་ལུགས་རྟོགས་པའི་ཤེས་རབ་བདེ་བ་དམ་པ་དང་གཉིས་སུ་མེད་པས་འཁོར་འདས་གཉིས་ཀའི་ཕ་རོལ་ཏུ་ཕྱིན་མ། དེ་ལ་ཕྱག་འཚལ་བ་སྐབས་སུ་བབ་པས། གཞུང་ཚིགས་སུ་བཅད་པ་གཅིག་གསུངས་སོ། གཉིས་པ་ནི། དངོས་གཅིག་ཆོས་ཀུན་རང་བཞིན་ཅན། དབུ་མའི་རང་བཞིན་བདེ་གཅིག་ཉིད། གང་མཐར་སྐྱེས་པའི་རང་བཞིན་ཅན། ལྷ་མོ་དེ་ལ་ཕྱག་འཚལ་ལོ། ཞེས་གསུངས་སྟེ། ཕྱག་འཚལ། གང་ལ་ན། ལྷ་མོ་སྟེ་སྣ་ཚོགས་མུམ་སོགས་ཀྱི་སྒྲས་བསྟན་པ་དེ་ཁོ་ན་ཉིད་ལའོ། ཇི་ལྟ་བུ་ཞེ་ན། ལྷན་སྐྱེས་ཀྱི་དངོས་པོ་གཅིག་ཉིད་ཆོས་ཀུན་།།།དུ་འཇུག་པའི་རང་བཞིན་དེ་ཡིན་ལ། དེའི་མིང་གི་རྣམ་གྲངས་སུ་དབུ་མའི་རང་བཞིན་དང་

(༤༣༩)བདེ་བ་ཆེན་པོ་ལྟ་བུའི་སྐུ་དང་ཤེར་ཕྱིན་མ་ཞེས་ཀྱང་བྱའོ། དེ་མངོན་དུ་གྱུར་བའི་དུས་ནི་རྒྱུན་མ་།།།རྡོར་རིང་གང་གིས་སྒྲིབ་པ་བཅོམ་པའི་མཐར་སྐྱེས་པ་མཚན་མ་དང་བྲལ་བའི་རང་བཞིན་ཅན་རྣམ་མཁྱེན་སྐད་གཅིག་དང་པོ་ནི་དངོས་ཡིན་ལ། རྗེས་མཐུན་པ་ནི་ས་བདུན་བའི་མཐར་སྐྱེས་པ་བརྒྱད་པ་མི་རྟོགས་།།།དག་ཐོབ་པའི་ཡེ་ཤེས་དང་། སྦྱོར་ལམ་གྱི་མཐར་སྐྱེས་པ་མཐོང་ལམ་མི་རྟོག་ཡེ་ཤེས་སྣང་བའི་ཏིང་ངེ་འཛིན་ཏོ། དེ་མཚོན་བྱེད་རྨི་དབང་དུས་ཀྱི་དཔེ་ཡིན་པ་སྟེ། བདེ་བ་དང་སྟོང་པ་གཉིས་སུ་མེད་པ་དུག་གསུམ་གྱི་སེམས་དང་བྲལ་ཞིང་ཡོད་མེད་ལས་འདས་པ་འཛག་པ་མེད་པའི་བདེ་བ་པྲ་རྣམས་ཀྱི་རང་བཞིན་ཅན་ཏེ། དེ་ཡང་མི་འཇིགས་པའི་ཞལ་ལུང་ལས། ཆོས་སྐུ་རབ་དགའ་མཁའ་འདྲ་བ། གཉིད་དུས་གྲུབ་དང་འཁྲེགས་ལ་སོགས། མྱོང་བར་འགྱུར་།།།སོགས་ནས། ལུས་ཅན་རྣམས་གྱི་ཡིད་ནི་སྤོང་། ཞེས་གསུངས་པ་ལྟར་ངོ་སྤྲད་པར་བྱའོ། བདག་གི་བླ་མ་ཐམས་ཅད་མཁྱེན་པའི་ཞལ་སྔ་བས་འདིའི་སྒྲིབ་པ་སྤངས་པ་གང་གི་མཐའ་དང་ས་བརྒྱད་པ་དང་མཐོང་སྤོངས་སྤངས་པ་ལས་ཡེ་ཤེས་སྐྱེ་བར་བཤད་པ་ནི་སྤྱིར་བཏང་བ་ཙམ་ཡིན་གྱིས་གཙོ་བོར་དབང་གིས་བྱིན་གྱི་བརླབས་པ་གང་གི་མཐར་ལྷན་གཅིག་སྐྱེས་པའི་ཡེ་ཤེས་སྐྱེ་བ་ནི་གཞུང་གི་དགོངས་པ་མཐར་ཐུག་སྟེ། སེམས་ཅན་ཐམས་ཅད་ལ་ལྷན་གཅིག་སྐྱེས་པའི་ཡེ་ཤེས་ཡོད་ཀྱང་དེ་རྟོགས་པར་འགྱུར་བ་ནི་དབང་གི་བྱིན་གྱི་རླབས་པ་ལ་དྲག་ལས་བས་སོ། ཞེས་གསུངས་ངོ་། གསུམ་པ་ལ་བཞི། ངོ་བོ་ངོས་བཟུང་བ། མིང་གིས་རྣམ་གྲངས། མངོན་དུ་འགྱུར་བའི་དུས། དོན་བསྡུ་བའོ། དང་པོ་ནི། ཤེས་རབ་

(༤༤༠)ཀྱི་ཕ་རོལ་ཏུ་ཕྱིན་ལ་སོགས་ཀྱི་མིང་དུ་སྨོས་པའི་སྣང་སྟོང་དབྱེར་མེད་དམ་སྟོང་ཉིད་སྙིང་རྗེ་དབྱེར་མེད་གཅིག་པུ་ནི་འཁོར་བ་དང་མྱ་ངན་ལས་འདས་པའི་ཆོས་ཀུན་ལས་དབྱེ་བ་མེད་པར་ཁྱབ་པས་ཆོས་ཀུན་གྱི་རང་བཞིན་ཅན་ཡིན་ནོ། རང་བཞིན་ཞེས་བྱ་བ་ནི་གནས་ལུགས་དང་། ཅན་ཞེས་བྱ་བ་ནི་དེའི་བདག་ཉིད་ཡིན་པས་དེ་སྐད་ཅེས་གསུངས་སྟེ། བརྡའ་སྤྲོད་ཀྱི་གཞུང་ལས། ས་དང་ཅན་གི་བདག་པོའི་ཚིག་ཅེས་གསུང་པ་ལྟ་བུའོ། ཟུང་འཇུག་དེ་ཉིད་ཆོས་ཀུན་གྱི་རང་བཞིན་ཡིན་ཏེ། རྡོ་རྗེ་གུར་གྱི་རྒྱུད་ལས། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་དེའི་ཐབས་ནི་སྙིང་པོ་ཆེན་འོད་གསལ་བའོ། སྟོང་ཉིད་སྙིང་པོ་ཆེན་ཉིད་ཀྱི་མིང་ལ་རྣལ་འབྱོར་མ་ཞེས་སམ། སོ་སོ་རང་རིག་པའི་ཡེ་ཤེས་སངས་རྒྱས་ཐམས་ཅད་བསྐྱེད་མར་བརྗོད་དེ། རྒྱུ་མཚན་གང་གིས་ཕྱིར་ན། སྟོང་ཉིད་སྙིང་རྗེ་དབྱེར་མེད་དེ་ཉིད་ལ་ཉམས་སུ་ལེན་པའི་ཚུལ་གྱི་འཇུག་པ་ནི་ཕྱག་རྒྱ་ཆེན་པོ་བདེ་སྟོང་གཉིས་སུ་མེད་པའི་ཡེ་ཤེས་ལ་རབ་ཏུ་སྦྱོར་བར་ནི་སྒོམ་ཞེས་བྱ་བའི་ཐ་ཚིག་ཏུ་གསུང་སྟེ། དེ་ལྟ་བུའི་སྣང་སྟོང་དབྱེར་མེད་ཀྱི་དངོས་པོ་གཅིག་པུ་ནི། ཆོས་ཐམས་ཅད་ཀྱི་རང་བཞིན་ཡིན་ནོ། ཆོས་ཐམས་ཅད་ཅེས་པ་དེ་ཇི་ལྟ་བུ་སྙམས་ན། ཆོས་ཐམས་ཅད་ཆོས་ཐམས་ཅད་ཞེས་བྱ་བ་དེ་ཡང་མ་བརྟགས་གཅིག་པུར་ཉམས་དགའ་བའི་རྟེན་ཅིང་འབྲེལ་པར་འབྱུང་བ་འདི་ས་ཙམ་ལ་བྱ་སྟེ། རྟེན་འབྲེལ་དེ་ཡང་སྤྲོས་པའི་མཐའ་ཐམས་ཅད་དང་བྲལ་བས་རང་བཞིན་སྟོང་པ་ཉིད་དོ། དེའི་དོན་ནི། ཡོད་པའི་ཆོས་ལ་རིག་པས་དཔྱད་པས་མ་རྙེད་པའི་སྟོང་པ་ཡང་མ་ཡིན། དྭ་ལྟར་གྱི་སྣང་བ་རྣམས་རི་བོང་གི་རྭ་ལྟར་གཏན་ནས་མེད་པའི་སྟོང་པ་ཡང་མིན། བུམ་པ་ཆུས་སྟོང་བའམ། ཁོང་པ་མིས་སྟོང་

(༤༤༡)བ་ལྟ་བུ་ཡང་མ་ཡིན་ནོ། འོ་ན་ཅིའི་ཕྱིར་ཞེ་ན། སྒྲ་ཉིད་འཁོར་འདས་ཀྱི་བསྡུས་བའི་ཆོས་ཐམས་ཅད་ལྟོས་གཞག་ཙམ་དུ་གྲུབ་པས་རྟེན་འབྲེལ་དེའི་འགག་པ་མེད་པའི་རྩལ་ཚོགས་སུ་སྣང་ཡང་སྣང་ཙམ་ལས་ཐེར་ཟུག་ཏུ་གྲུབ་པ་མེད་བས་འདི་བ་ཙམ་གཟོ་བཅོས་དང་རྩིས་གདབ་ལས་གདས་པའི་ཆ་ནས་མ་རྟགས་གཅིག་པུར་ཉམས་དགའ་བ། དེའི་གནས་ལུགས་རང་བཞིན་ནི། ངོས་བཟུང་དང་མཚན་མ་ཐམས་ཅད་ལས་འདས་པས་ན་སྟོང་པ། ཆོས་ཐམས་ཅད་ཀྱི་གནས་ལུགས་དེ་ཁོ་ན་ཉིད་དུ་གྲུབ་པས་ན་ཉིད་ཅེས་བྱ་སྟེ། ཟབ་མོ་སྟོང་པ་ཉིད་འདི་ནི་ཡོད་ཅེས་མི་བརྗོད་དེ། ཡོད་པའི་སྤྲོས་པ་ལས་འདབ་པའི་ཕྱིར། མེད་ཅེས་མི་བརྗོད་དེ་མེད་པའི་སྤྲོས་པ་ལས་འདས་པའི་ཕྱིར། དེ་བཞིན་དུ་གཉིས་ཀ་དང་གཉིས་ཡིན་སོགས་སུ་ཡང་མི་བརྗོད་དེ། དེ་དག་གིས་རྫོགས་པ་ལས་སྐུ་འདས་བའི་ཕྱིར་རོ། དེས་ན་སྣང་བཞིན་དུ་སྟོང་སྟོང་བཞིན་དུ་སྣང་བས་སྣང་སྟོང་དབྱེར་མེད་དེ། སོ་སོ་རང་རིག་པའི་ཡེ་ཤེས་ཀྱི་རིགས་པར་བྱ་བ་ཡིན་ཀྱང་མཚན་མར་མི་དམིགས་པས་རིག་སྟོང་དབྱེར་མེད། བདེ་བ་དམ་པ་ཡིན་ཀྱང་འཕོ་འགྱུར་མེད་བས་བདེ་སྟོང་དབྱེར་མེད། གནས་ལུགས་རྟོགས་པའི་ཤེས་རབ་ཡིན་ཀྱང་སྲིད་ཞིའི་ཕ་མཐར་སོན་པས་ཤེས་རབ་ཀྱི་ཕ་རོལ་ཏུ་ཕྱིན་པ། ཟུང་ངག་གི་ཕྱག་རྒྱ་དེས་ཆོས་ཐམས་ཅད་ལ་ཁྱབ་པས་ཕྱག་རྒྱ་ཆེན་པོ། ཕྱག་རྒྱ་དེ་ཉིད་རྒྱལ་བ་ཐམས་ཅད་བསྐྱེད་པའི་ཡུམ་དུ་གྱུར་པས་ན་ཕྱག་རྒྱ་ཆེན་མོ། བདེ་བར་གཤེགས་པ་ཐམས་ཅད་ཀྱི་རང་བཞིན་དུ་བཞུགས་པས་ན་བདེ་གཤེགས་སྙིང་པོ། ཟག་པ་མེད་པའི་ཆོས་ཐམས་ཅད་ཀྱི་གནས་ལུགས་ཀྱང་འདི་ལས་མ་གཡོས་པས་ཆོས་ཀྱི་སྐུ། བཅོས་སླད་མེད་

(༤༤༢)ཅིང་སྤང་གཉེན་དང་བཟང་ངན་སོགས་ཀྱི་ཕྱོགས་སུ་མ་ཆད་པས་ཐ་མལ་གྱི་ཤེས་པ། ཟུང་ངག་མི་ཕྱེད་པ་འདིས་སངས་རྒྱས་སུ་འདེག་པས། རྡོ་རྗེའི་ཐེག་པ་ཞེས་བྱ་བ་ལ་སོགས་པ་མིང་གི་རྣམ་གྲངས་མཐའ་ཡས་ཀྱང་། ཆོས་ཐམས་ཅད་ཀྱི་གནས་ལུགས་རང་བྱུང་གི་ཡེ་ཤེས་རང་སེམས་འོད་གསལ་ཆོས་ཀྱི་སྐུ་ལ། ཆ་ཤས་སོ་སོ་ནས་བརྗོད་པར་ཁོང་དུ་ཆུད་པར་བྱའོ། དེ་སྐད་དུ་ཡང་། འཕགས་པ་ཀླུ་སྒྲུབ་གྱི་ཞལ་སྔ་ནས། ལྟོས་ནས་གྲུབ་པའི་རྟེན་ཅིང་འབྲེལ་པར་འབྱུང་བ་མ་གཏོགས་པའི་ཆོས་འགའ་ཡང་ཡོད་པ་མ་ཡིན་ནོ། རྒྱུ་མཚན་དེའི་ཕྱིར་ན། རང་བཞིན་གྱི་སྟོང་པ་ཉིད་མ་ཡིན་པའི་ཆོས་ཀྱང་འགའ་ཞིག་ཡོད་པ་མ་ཡིན་ཏེ། རྟེན་འབྲེལ་ཡིན་ན་རང་བཞིན་གྱི་སྟོང་བས་ཁྱབ་པ་ཡིན་ནོ། ཞེས་གསུངས་ཤིང་། ཤེས་རབ་ཀྱི་ཕ་རོལ་ཏུ་ཕྱིན་པ་འབུམ་ལས་ཀྱང་། ཆོས་ཐམས་ཅད་ནི་ཕན་ཚུན་རྟེན་ཅིང་འབྲེལ་པར་འབྱུང་བ་སྟེ། དེ་ཡང་དང་པོ་མ་སྐྱེས་པ། བར་དུ་མི་གནས་པ། ཐ་མར་མ་འགག་པ། གང་ཟག་དང་ཆོས་ཀྱི་བདག་གཉིས་ཀྱི་སྟོང་པ་གཟུང་འཛིན་གྱི་དབེན་པ་ལས་དང་ཉོན་མོངས་པ་ཞི་བའོ། ཞེས་བྱ་བ་ལ་སོགས་པ་རྒྱ་ཆེར་གསུངས་སོ། གཉིས་པ་ནི། དེ་ཡང་སྔགས་ཀྱི་ཐེག་པ་ལ་གནས་ལུགས་ཀྱི་དོན་གྱི་མིང་གི་རྣམ་གྲངས་སུ། དབུ་མའི་རང་བཞིན་བདེ་གཅིག་ཉིད། ཅེས་བྱ་སྟེ། རྟག་ཆད་ཡོད་མེད་ལ་སོགས་པའི་མཐའ་ཐམས་ཅད་དང་བྲལ་བས་དབུ་མ་སྟེ། ལུས་གྱི་དབུས་ན་གནས་པའི་རྩ་དབུ་མ་དང་། དེ་ལ་བརྟེན་པའི་ཡེ་ཤེས་གྱི་རླུང་དབུ་མ་དང་། སྤྲོས་པ་དང་བྲལ་བ་བདེ་བ་

(༤༤༣)ཆེན་པོའི་ཐིག་ལེ་དབུ་མ་དང་། ཡུལ་དང་ཡུལ་ཅན་དབྱེར་མེད་པ་གཞོན་ནུ་མ་ཁམས་མ་ཉམས་པ་པྲ་ཕབ་པས་ཡོད་མོ་བཞིན་དུ་སྣང་བའི་སྣང་བ་སྣ་ཚོགས། སྟོན་པ་ལྟ་བུ་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་ཅེས་གསུང་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་མ་སངས་རྒྱས་ཐམས་ཅད་བསྐྱེད་བར་བྱེད་པའི་ཡུམ་དེའི་མིང་གི་རྣམ་གྲངས་སུ་གསུངས་པ་ཡིན་ནོ། རྣམ་ཀུན་མཆོག་ལྡན་གྱི་སྟོང་པ་ཉིད་ངོས་འཛིན་པ་ན། སྔ་རབ་པ་ཕལ་ཆེར་གྱིས། སྦྱིན་སོགས་ཐབས་ཀྱི་རྣམ་པ་ཀུན་གྱི་མཆོག་དང་ལྡན་པ་ཞེས་ཟེར་ཞིང་། རང་འགྲེལ་དུའང་། རྒྱུད་བླ་མའི་ལུང་དང་སྦྱར་ཏེ་གསུངས་པ་བཞིན་ཊཱིཀ་སྔ་མ་གཉིས་སུ་ཡང་དེ་ཁོ་ན་ལྟར་གསུང་མདོ་ཀྱི་བདག་གི་བླ་མ་ཐམས་ཅད་མཁྱེན་པའི་ཞལ་སྔ་ནས། ཕ་རོལ་ཏུ་ཕྱིན་པ་ལས་གསུངས་པའི་རྣམ་ཀུན་མཆོག་ལྡན་གྱི་སྟོང་པ་ཉིད་དེ་ནི་འདིར་བཤད་པའི་རྣམ་ཀུན་མཆོག་ལྡན་མ་ཡིན་ཏེ། འདི་ནི་དུས་ཀྱི་འཁོར་ལོའི་བཞེད་པ་ཇི་ལྟ་བ་བཞིན་འཆད་དགོས་སོ། དེ་ཡང་གང་ཞེ་ན། རྣམ་ཀུན་མཆོག་ལྡན་གྱི་སྟོང་པ་ཉིད་ནི། བདེ་བར་གཤེགས་པའི་སྙིང་པོ་ལ་བྱ་སྟེ། དེ་ལ་བྲལ་རྣམ་སྨིན་གྱི་ཡོན་ཏན་གང་གའི་ཀླུང་གི་བྱེ་མ་རྙེད་དྲུག་བཅུ་རྩ་བཞིའི་རྣམ་པ་ཀུན་གྱི་མཆོག་དང་ལྡན་ཡང་། ངོས་བཟུང་དང་བྲལ་བས་རྣམ་ཀུན་མཆོག་ལྡན་གྱི་སྟོང་པ་ཉིད་ཅེས་བྱའོ། དེ་ནི་ཡུལ་དང་ཡུལ་ཅན་དབྱེར་མེད་པ་གཞོན་ནུ་མ་ལ་སྲ་ཕབ་པ་ལྟ་བུའི་གཟུགས་སུ་སྣང་བས་སྟོང་གཟུགས་དང་། ཟུང་ངག་གི་ཕྱག་རྒྱ་ཡིན་པས་ཕྱག་རྒྱ་དང་། སངས་རྒྱས་ཐམས་ཅད་བསྐྱེད་པར་བྱེད་པས་ཡུམ་གྱི་སྒྲར་བརྗོད་པ་སྟེ། རྒྱུ་མཚན་དེའི་ཕྱིར་

(༤༤༤)ན་བདེ་བར་གཤེགས་པའི་སྙིང་པོ་ལ་སྟོང་གཟུགས་ཕྱག་རྒྱ་ཆེན་མོ་ཞེས་གསུངས་པ་ཡིན་ནོ། རྗེ་རང་བྱུང་པས། རྒྱུད་བླའི་ལུང་དང་སྦྱར་བའི་བཤད་པ་མཛད་པ་ནི། སྤྱིའི་དོན་གྱི་བཤད་པ་ཙམ་སྟེ། སྦས་པའི་དོན་ནི། བཤད་མ་ཐག་པའི་དེ་ཁོ་ནའོ། ཞེས་གསུངས་སྟེ་ཤིན་ཏུ་ལེགས་སོ། གསུམ་པ་ལ་གཉིས། དངོས་དང་། དགོས་པ་སྤྱད་པའོ། དང་པོ་ནི། རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་དེ་ཡང་རྟོགས་པར་བྱ་བའི་དུས་ཀྱི་དབང་དུ་བྱས་ནས། གཞུང་རྩ་བར་གང་མཐར་སྐྱེས་པའི་རང་བཞིན་ཅན། ཞེས་པའི་ཚིག་སྨོས་སྟེ། གང་མཐར་ཞེས་གང་གའི་སྒྲ་གཅིག་གི་དོན་མང་པོ་འཛིན་པས་རྣམ་གྲངས་འགའ་ཞིག་འདིར་བརྗོད་པ་ན། གང་བསྒོམ་པའི་ལམ་མཐར་ཐུག་པ་དེའི་ཚེ་ན། རྒྱུན་མཐའི་རྡོ་རྗེ་ལྟ་བུའི་ཏིང་ངེ་འཛིན་གྱིས་སྤང་བྱ་ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པ་དང་། སྙོམས་འཇུག་གི་སྒྲིབ་པ་སྟེ། སྒྲིབ་གསུམ་གྱི་བག་ཆགས་དང་བཅས་པ་རྣམས་བཅོས་པ་དེའི་ཚེ། སྐྱེས་པའི་རྣམ་མཁྱེན་སྐད་ཅིག་དང་པོའི་ཡེ་ཤེས་དེ་ནི་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་ཀྱི་ཡེ་ཤེས་མཚན་མ་ཐམས་ཅད་དང་བྲལ་བ་ཐོབ་པའོ། འདི་ནི་ཐེག་པ་ཆེན་པོ་རྒྱུད་བླ་མའི་བསྟན་བཅོས་ལས། ཁམས་ཀྱི་སྐབས་ནས་འགྱུར་བ་མེད་པའི་ཚུལ་དང་། བྱང་ཆུབ་ཡོན་ཏན་གྱི་ལེའུ་རྣམས་ལས་རྒྱ་ཆེར་གསུངས་སོ། དེ་དང་རྗེས་སུ་མཐུན་པ་ཡང་། ལམ་པའི་སྐབས་སུ་ས་བདུན་པ་གང་གིས་མཐར་སྐྱེས་པའི་ས་བརྒྱད་པར་རྣམ་པར་མི་རྟོག་པ་ལ་དབང་བསྒྱུར་ཐོབ་པའི་ཡེ་ཤེས་སྐྱེའོ། དེའི་

(༤༤༥)རྒྱུ་མཐུན་པ་སྦྱོར་ལམ་ཆོས་མཆོག་ཆེན་པོ་གང་གིས་མཐར་སྐྱེས་པའི་རང་བཞིན་ཅན་པ་དང་པོ་ལ་མཐོང་བས་སྤང་བར་བྱ་བ་སྤངས་པའི་མཐར་རྣམ་པར་མི་རྟོག་པའི་ཡེ་ཤེས་སྣང་བའི་ཏིང་ངེ་འཛིན་སྐྱེ་བར་འགྱུར་ཏེ་དོན་གྱི་ཡེ་ཤེས་དེའི་དཔེ་ནི། དབང་གི་ཡེ་ཤེས་ཕབ་པའི་དུས་སུ་སྐྱེས་པའི་མི་རྟོག་པ་སྙིག་མའི་མཚན་ཉིད་ཅན་འབྱུང་བ་དེ་ལྟ་བུ་ཡིན་ནོ། གཉིས་པ་ལ་གཉིས། དགོས་པ་བཀོད་པ་དང་། ལན་བཏབ་པའོ། དང་པོ་ནི། རྣམ་ཀུན་མཆོག་ལྡན་གྱི་སྟོང་ཉིད་རྟོགས་པའི་ཡེ་ཤེས་དེ་ཆོས་མཆོག་མན་དུ་མི་སྐྱེ་བ་འོ་ན། བླ་ན་མེད་པའི་རྒྱུད་བརྟག་གཉིས་ལས། མཆོག་དགའི་མཐའ་དགའ་བྲལ་གྱི་དང་པོར་རྟོག་པ་དང་བྲལ་བའི་ཡེ་ཤེས་སྐྱེས་པ་དེ་མཐར་ཕྱིན་ན། མུན་པ་ལས་ནི་མར་མེ་བཏེག་པ་ལྟར་འགྱུར་བའི་ཕྱིར། ཚུལ་དེ་བཞིན་དུ་དཔེ་དང་དོན་གྱི་ཡེ་ཤེས་ལ། བུས་ཀྱང་ཡིད་ཆོས་པར་གྱིས་ཤིག །ཅེས་དབང་དུས་སུ་མཆོག་དགའི་མཐར་སྐྱེ་བར་གསུང་པ་འདི་ཅི་ལྟ་བུ་ཡིན་ཞེ་ན། གཉིས་པ་ལ་གཉིས། དོན་སྤྱི་ལམ་དུ་བྱེད་ཚུལ་གྱི་ལན་དང་། མངོན་གསུམ་ལམ་དུ་འཁྱེར་ཚུལ་གྱི་ལེན་ནོ། དང་པོ་ནི། གཞི་ལམ་གྱིས་དུས་སུ་གསར་སྐྱེས་མ་ཡིན་པར་ཡེ་གདོད་མ་ནས་ལྷུན་གྱི་གྲུབ་ཅིང་། འབྲས་དུས་སུ་སློབ་དཔོན་གཞན་གྱི་གདམ་ངག་ལ་མི་ལྟོས་པར་རང་བྱུང་བ་སངས་རྒྱས་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་ཆོས་སྐུ་དོན་དམ་པའི་བདེན་པ་དེ་ནི། ས་མ་ཐོབ་ཀྱི་བར་དུ་དད་པ་ཙམ་ཉིད་ཀྱི་དོན་སྤྱིའི་ཚུལ་དུ་རྟོག་པར་བྱ་བ་ཡིན་གྱིས། མངོན་སུམ་དུ་ནི་མ་ཡིན་ནོ། ཞེས་རྒྱུད་བླ་མ་

(༤༤༦)ལས་ཀྱང་གསུངས་སྟེ། རྟེན་གྱི་གང་ཟག་སོ་སོ་སྐྱེ་བོ་དང་ཉན་རང་ལ་སོགས་པ་རྣམས་ཀྱི་སངས་རྒྱས་ཀྱི་གསུང་རབས་ལ་ཡིད་ཆེས་པའི་དད་པ་ཐོས་བསམ་གྱི་ཞུགས་པ་ན། གནས་ལུགས་ཀྱི་དོན་གྱི་ཆ་ཤས་རེ་རེ་སྤྱིའི་ཚུལ་དུ་རྟོག་པར་འགྱུར་བས། སངས་རྒྱས་ཀྱི་གསུང་ཉིད་ཐམས་ཅད་དུ་དཔང་དུ་བྱས་ཏེ་སངས་རྒྱས་ཀྱི་གསུང་ཚད་མར་གྱུར་པ་ལ་ཡིད་ཆེས་པར་བྱའོ། གཉིས་པ་ལ་གཉིས། དོན་གྱི་ཡེ་ཤེས་དངོས་བཤད་པ་དང་། དེ་རང་ངོ་མ་ཤེས་ན་འཁོར་བའི་རྩ་བར་བསྟན་པའོ། དང་པོ་ནི། དོན་གྱི་ཡེ་ཤེས་དེ་ཡང་། ཤེས་རབ་ཡེ་ཤེས་ཀྱི་དབང་གི་སྟོབས་ཀྱི་སྐྱེས་སམ་གནས་ལུགས་བསྒོམས་པའི་སྟོབས་ཀྱི་སྐྱེས་ཀྱང་རུང་སྟེ། རྩ་གཡོ་མེད། རླུང་འཕོ་མེད་བྱང་ཆུབ་ཀྱི་སེམས་འཛག་མེད་དུ་རྣམ་པར་དག་པའི་དགའ་བ་བཞི་ལས་མཆོག་ཏུ་དགའ་བའི་ཡེ་ཤེས་ཀྱི་མ་མཐའ་བྲལ་གྱི་དགའ་བའི་ཡ་མཐར་སྐྱེས་པའི་ཡེ་ཤེས་ཡིན་ལ། དེ་ནི་ངོ་བོ་བདེ་བ་དང་སྟོང་པ་གཉིས་སུ་མེད་པ། རྣམ་པ་འདོད་ཆགས་པ་དང་གཏི་མུག་པ་དང་། ཞེ་སྡང་གི་སེམས་སོགས་ཉོན་མོངས་པ་དང་བྲལ་བ། སྣང་ལ་རང་བཞིན་མེད་པ་ཆུ་ནང་གི་ཟླ་བ་ལྟར་བདེན་པ་དང་བརྫུན་པའི་ངོས་བཟུང་དང་བྲལ་བ། ཟག་པའི་སྒོ་དྲུག་པོ་གང་དུལ་འཛག་པ་མེད་པས་ཟག་མེད་ཀྱི་བདེ་བ་འཕོ་བ་མེད་ཅིང་དུས་སྐད་མ་ཡིན་པས་མཆོག་ཏུ་མི་འགྱུར་བའི་སྐད་གཅིག་གིས་ལས་ཀྱི་རླུང་བརྒྱ་ཕྲག་བཅོ་བརྒྱད་ཡེ་ཤེས་ཀྱི་རླུང་དུ་དག །རྣམ་པར་རྟོག་པ་དེ་རྙེད་གཅིག་མི་རྟོག་པའི་ཡེ་ཤེས་སུ་གྱུར། བྱང་ཆུབ་ཀྱི་སེམས་ཀྱི་ཐིག་ལེ་སྐ་བ་མི་འཛག་པར་འགག་ནས། མི་འགྱུར་བའི་བདེ་བར་གྱུར་པའི་སྐད་གཅིག་ལ་ས་དང་པོར་སྦྱོར་བ་སོགས་རག་

(༤༤༧)ཙམ་དུ་རྩ་འཁོར་ལོ་རེ་ལ་ས་གཉིས་གཉིས་བགྲོད་པའི་རིམ་པ་ནི་བྱང་ཆུབ་སེམས་དཔའི་འགྲེལ་པ་སྐོར་གསུམ་ནས་དངོས་བསྟན་ལ་རྒྱ་ཆེར་གསུང་ཏེ་རྒྱས་པར་དུམ་བུ་ལྔ་པ་དང་བཅུ་པར་འཆད་དེ། གཉིས་པ་ནི། མཆོག་ཏུ་མི་འགྱུར་བ་དེ་དང་གཞི་མཐུན་པའི་ཆ་འདྲ་བ་ནི། ལུས་ཅན་ཐམས་ཅད་ལ་སྐྱེ་ཡང་། རང་ངོ་མ་ཤེས་པའི་སྒྲིབ་པས་བསྒྲིབ་པའི་ཕྱིར། འཛག་པའི་བདེ་བ་ནི། ཁམས་སུམ་དུ་འཁོར་པའི་རྩ་བར་གྱུར་ཏེ། དེ་སྐད་དུ་ཡང་མི་འཇིགས་བའི་ཞལ་ལུང་ལས། ཆོས་སྐུ་རབ་དགའ་མཁའ་འདྲ་བ། གཉིད་དུས་གླལ་དང་འཁྲིག་ལ་སོགས། མྱོང་བར་འགྱུར་བ་རབ་གོམས་ནས། ལུས་ཅན་རྣམས་ཀྱི་ཡིད་དེ་སྤོང་། ཞེས་དང་། གཞུང་ཉིད་ལས། དང་པོ་དགའ་ལྡན་འདོད་ཆགས་སྟེ། བར་མ་མ་རྟོགས་གཏི་མུག་གོ། རྗེས་ལ་ཆགས་བྲལ་ཞེ་སྡང་སེམས། ཤེས་དང་། ཆགས་བྱེད་རྨོང་སེམས་ཞེ་སྡང་སྐྱེད། འཁོར་བ་སྐྱེ་མཆེད་གཞིར་གྱུར་རོ། ཞེས་གསུངས་སོ། བཞི་པ་དོན་བསྡུ་པ་ནི། བཤད་མ་ཐག་པའི་རྣམ་པ་ཀུན་ལྡན་གྱི་མཆོག་དང་ལྡན་པའི་སྟོང་ཉིད་ཀྱི་ཡེ་ཤེས་དེ་ནི། སངས་རྒྱས་ཐམས་ཅད་ཀྱི་ཡུམ་ཡིན་པས་ལྷ་མོ་སྟེ་རྣམ་པ་ཀུན་གྱི་མཆོག་དང་ལྡན་པའི་སྟོང་གཟུགས་སུ་སྣང་བས་སྣ་ཚོགས་ཡུམ་དང་ཟུང་ངག་གི་རྡོ་རྗེ་ལ་གཙང་རྨེ་མེད་པས་རྡོ་རྗེ་ཕག་མོ་དང་། བདག་དང་བདག་མེད་ཀྱི་སྤྲོས་པ་ལས་འདབ་པས་བདག་མེད་མ་ཞེས་བྱ་བ་ལ་སོགས་པའི་མིང་དུ་རྣམ་གྲངས་དུ་མའི་སྒོ་ནས་གསུངས་པས་གཞུང་འདིར་ཡང་། ལྷ་མོ་དེ་ལ་ཕྱག་འཚལ་ལོ་ཞེས་སྨོས་པ་ཡིན་ནོ། བཞི་པ་བཤད་པར་དམ་བཅའ་པ་ལ་གསུམ་

(༤༤༨)མཚམས་སྦྱར་བ་རྩ་བ་འགྲེལ་པའོ། དང་པོ་ནི། དེ་ལྟར་བསྟན་བཅོས་ལུས་ཀྱི་བརྗོད་བྱ་དང་མཐུན་པར་མཆོད་པར་བརྗོད་ནས། ཅི་ཞིག་བྱེད་ཅེ་ན། ཟབ་མོ་ནང་གི་བསྟན་བཅོས་འདི་སྟོན་པར་བྱེད་དོ་ཞེས་བཤད་པར་དམ་བཅའ་བའི་གཞུང་ནི་ཚིག་རྐང་པ་དྲུག་ལས། དེ་ཡང་ཚུལ་ཇི་ལྟ་བུའི་སྒོ་ནས་སྟོན་ཞེ་ན། དེའི་ལན་གདབ་པའི་ཆེད་དུའོ། གཉིས་པ་ནི། རྒྱུད་རྣམས་ཀུན་ཏུ་གསང་བ་གང་དང་རྒྱལ་བས་བླ་ན་མེད་པར་ཕྱེ། མཐའ་དྲུག་གིས་བཅིངས་ནང་གི་དོན། ཕྱི་ནང་ཉན་ཐོས་སྤྱོད་ཡུལ་མིན། ཕ་རོལ་ཕྱིན་པར་རབ་གསང་བ། ལུས་སེམས་ནང་གིས་བདག་ཉིད་བཤད། ཞེས་གསུང་སྟེ་བཤད་དོ། གང་ན། བྱ་སྤྱོད་རྣལ་འབྱོར་གྱི་རྒྱུད་རྣམས་ཀུན་ཏུ་གསང་པ་གང་ཡིན་པའི་ཟབ་དོན། ཕྱི་པའི་ཉན་ཐོས་ཙ་ར་ཀ་སོགས་དང་། ནང་པའི་ཉན་ཐོས་དབྱེ་མདོ་སོག་ཀྱི་སྤྱོད་ཡུལ་མ་ཡིན་ཞིང་། ཕ་རོལ་ཏུ་ཕྱིན་པ་ཕྱོགས་རེ་བ་ལ་རབ་ཏུ་གསངས་པའི་ལུས་སེམས་ནང་གི་བདག་ཉིད་དེའོ། དེ་ལྟར་གསངས་ན། གང་ལས་ཤེས་ཤེ་ན། རྒྱལ་བས་བླ་ན་མེད་པའི་རྒྱུད་སྡེར་ཕྱེ་བ་ལ་རྟེན་ནས་སོ། དེས་ཆོག་མདོ་ཅེ་ན། རྒྱུད་རྣམས་སུ་མཐའ་དྲུག་དང་ཚུལ་བཞིས་བཅིངས་སྟེ། ནད་གིས་དོན་དུ་སྦས་ནས་གསུངས་པ་དེ་ཉིད་གོ་སླ་བར་བྱ་བའི་ཕྱིར་དུ་གཞུང་འདི་འཆད་དོ། འདིར་འཕྲོས་པའི་དོན་ཅུང་ཟད་ཙམ་བཤད་ན་མཐའ་དྲུག་ཚུལ་བཞི་ནི་དུས་འཁོར་རྩ་རྒྱུད་ལས། དགོངས་པའི་སྐད་དང་དེ་བཞིན་མིན། ཇི་བཞིན་སྒྲ་དང་དེ་བཞིན་མིན། དྲང་བའི་དོན་དང་ངེས་དོན་ཏོ། རྒྱུད་

(༤༤༩)ནི་མཐའ་དྲུག་མཚན་ཉིད་དོ། ཞེས་དང་། ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས། མཐའ་དྲུག་ཏུ་བཤད་པ་ནི་འདི་ལྟ་སྟེ། དགོངས་པ་བཤད་པ་དང་དགོངས་མིན་བཤད་པ་དང་དྲང་བའི་དོན་དང་ངེས་པའི་དོན་དང་སྒྲ་ཇི་བཞིན་པ་དང་ཇི་བཞིན་པ་མ་ཡིན་པ་རྣམས་སོ། ཞེས་དང་། བཤད་པ་བཞི་ནི། ཡི་གེ་དང་སྤྱི་དང་སྦས་པ་དང་མཐར་ཐུག་པའོ། ཞེས་གསུངས་པ་ལྟར་ཏེ། མཐའ་དྲུག་ནི་དགོངས་པ་ཅན་དང་དགོངས་པ་ཅན་མ་ཡིན་པའི་མཐའ། དྲང་དོན་དང་ངེས་དོན་གྱི་མཐའ་སྒྲ་ཇི་བཞིན་པ་དང་སྒྲ་ཇི་བཞིན་མ་ཡིན་པའི་མཐའ་སྟེ་དྲུག་གོ། དང་པོ་དགོངས་པ་ཅན་ཡང་གསུམ་སྟེ། དུས་ལ་དགོངས་པ་དང་། དོན་ལ་དགོངས་པ་དང་། བསམ་པ་ལ་དགོངས་པའོ། དང་པོ་ནི། མ་འོངས་པའི་དུས་འབྱུང་བ་ལ་དགོངས་ནས། སྐད་གཅིག་གཅིག་གིས་རྫོགས་སངས་རྒྱས། ཤེས་གསུངས་པ་ལྟ་བུ་དང་། གཉིས་བ་ནི། སངས་རྒྱས་ཐམས་ཅད་ཀྱི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་པྲ་རྣམས་ཀྱི་རང་བཞིན་ལྟ་བུ་ལ་དུས་རྟག་ཏུ་ལོངས་སྤྱོད་དགོས་པར་དགོངས་ནས་སངས་རྒྱས་ཀུན་ལ་ཕྲོག་ནས་ནི། ལྷ་མཆོག་ལས་སྐྱེས་བུ་མོ་སྤྱོད། ཅེས་མ་ཧ་མ་ཡ་ལས་གསུངས་པ་ལྟ་བུ་དང་། གསུམ་པ་ནི། སྲོག་ཆེན་པོའི་རླུང་གི་མིང་དུ་བསྟན་པ་བདག་འཛིན་བསོད་དགོས་པ་ལ་དགོངས་ནས། ཧེ་བཛྲ་ལས། ཁྱོད་ཀྱི་སྲོག་ཆགས་བསད་པར་བྱ། ཞེས་གསུངས་པ་ལྟ་བུའོ། གཉིས་པ་དགོངས་པ་ཅན་མ་ཡིན་པ་ནི། ཁྱོད་ཀྱི་སྲོག་ཆགས་བསད་མི་

(༤༥༠)བྱ། བརྫུན་གྱིས་ཚིག་ཀྱང་སྨྲ་མི་བྱ། ཞེས་གསུངས་པ་ལྟ་བུའོ། གསུམ་པ་དྲང་དོན་ནི། རྡུལ་ཚོན་གྱི་དཀྱིལ་འཁོར་དང་མཆོད་པ་དང་བརྡ་དང་ལག་པའི་ཕྱག་རྒྱ་དང་སྦྱིན་སྲོགས་དང་བསྐྱེད་རིམ་དང་ལས་ཚོགས་བསྒྲུབ་པ་ལ་སོགས་པ་ནང་གི་ཚུལ་ལ་འཇུག་པའི་ཐབས་གསུངས་པ་རྣམས་ཏེ། ཧེ་བཛྲ་ལས། བཅོམ་ལྡན་འདས་ཀྱི་བཀའ་རྩལ་པ། ཅི་གསུངས་སྦྱིན་སྲེགས་བྱས་ནས་ནི། དལ་དམ་པ་བཞེངས་པ་དང་། སྔ་བར་སྐུ་གཟུགས་སྦྱང་བ་དང་། ཞེས་སོགས་གསུངས་པ་ལྟ་བུའོ། བཞི་པ་ངེས་དོན་ནི། རྩ་རླུང་བྱང་ཆུབ་ཀྱི་སེམས་བཅིངས་པ་དང་། རང་བཞིན་གྱི་འོད་གསལ་བའི་སེམས་ཀྱི་གནས་ལུགས་ཀུན་གཞི་དང་དེ་བཞིན་གཤེགས་པའི་སྙིང་པོ་དང་། ཕྱག་རྒྱ་ཆེན་པོ་མཆོག་ཏུ་མི་འགྱུར་བ་སྟོན་པའི་གཞུང་རྣམས་ཏེ། ཧེ་བཛྲ་ལས། ལུས་ལ་ཡེ་ཤེས་ཆེན་པོ་གནས། རྟོག་བ་ཐམས་ཅད་ཡང་དག་སྤངས། དངོས་པོ་ཀུན་ལ་ཁྱབ་པ་པོ། ལུས་གནས་ལུས་ལ་མ་སྐྱེས་པའོ། ཞེས་གསུངས་པ་ལྟ་བུའོ། ལྔ་པ་སྒྲ་ཇི་བཞིན་པ་ནི། དོན་དང་མིང་འཇིག་རྟེན་པའི་བསྟན་བཅོས་ལ་གྲགས་པ་དང་མཐུན་པར་སྟོན་པའི་གཞུང་རྣམས་ཏེ། དེས་བརྗོད་ནི་གོ་བར་སླའོ། དྲུག་པ་སྒྲ་ཇི་བཞིན་པ་མ་ཡིན་པ་ནི། རྩ་བ་དང་ཡན་ལག་གི་རླུང་བཅུའི་མིང་ལ། ཀོ་ཊ་ཁྱ། ཀོ་ཊ་ཝ། ཀོཊྐ། ཀོ་ཊ་ཝཥྠ། ཀོ་ཊ་ར་ག །ཀོ་ལ་ཁྱ། ཀོ་མ་ཝ། ཀོ་ལ། ཀོ་མ་བཥྩ། ཞེས་གསུངས་པ་ལྟ་བུ་འཇིག་རྟེན་པའི་བསྟན་བཅོས་ཀྱི་བརྡ་ལ་མེད་ཅིང་

(༤༥༡)དེ་བཞིན་གཤེགས་པའི་གསང་བའི་སྐད་ཀྱི་གསུངས་པ་རྣམས་ཏེ། སྒྲོན་གསལ་ལས། ཀོ་ཊ་ཁྱ་ལ་སོགས་པའི་སྒྲ། འཇིག་རྟེན་བསྟན་བཅོས་ལ་མེད་ཅིང་། དེ་བཞིན་གཤེགས་པའི་སྒྲར་གྱུར་པ་འདི་ནི་ཇི་བཞིན་མིན་པར་གྲགས། ཤེས་གསུངས་པས་སོ། ཚུལ་བཞི་ནི་ཡི་གེ་དོན་གྱི་ཚུལ་དང་། སྤྱིའི་དོན་གྱི་ཚུལ་དང་། སྦས་པའི་དོན་གྱི་ཚུལ་དང་། མཐར་ཐུག་གི་དོན་གྱི་ཚུལ་ཏེ་སྒྲོན་བསལ་ལས། ཚིག་གི་དོན་དང་སྤྱིའི་དོན། སྦས་དང་དེ་བཞིན་མཐར་ཐུག་པའོ། ཞེས་གསུངས་པ་དང་། དེའི་དཔེ་བརྗོད་ཀྱང་དེ་ཉིད་ལས། སྒྲ་ཙམ་ལ་ནི་རབ་གཞོལ་བའི། ཕྱི་རོལ་བསྟན་བཅོས་མཁས་པ་ཡིས། དེ་མི་བཀོད་པ་རབ་བསྟན་པ། ཡི་གེའི་དོན་ནི་ཡིན་པར་བཤད། མདོ་སོགས་ལ་ནི་རབ་ཞུགས་པའི། འགྱོད་སམ་བཟློག་པར་བྱེད་པ་དང་། བསྐྱེད་པའི་རིམ་དང་ལྡན་པ་དག །སྤྱིའི་དོན་ནི་ཡིན་པར་བཤད། འདོད་ཆགས་ཆོས་ནི་རབ་སྟོན་དང་། ཀུན་རྫོབ་བདེན་པ་རྟོག་པ་དང་། ཡེ་ཤེས་གསུམ་པོ་རྣམ་དག་པའི། སྙིང་པོ་ཡོད་བས་སྦས་པའོ། འོད་བབ་པ་བ་ནི་རབ་སྟོན་དང་། ཟུང་དུ་འཇུག་པར་རྟོགས་པ་སྟེ། རྣམ་པ་གཉིས་སུ་མཐའ་བཤད་དེ། མཐའ་ནི་མུར་ཐུག་པ་ཡི་ཚིག །ཅེས་གསུངས་པ་ཇི་ལྟ་བ་བཞིན་ནོ། ཕྱི་ནང་ཐོས་ཤེས་སོགས་ཀྱི་དོན་ཁ་གཅིག་ན་རེ། འགྲེལ་པར་ཕྱི་རོལ་པའི་ཉན་ཐོས་ཀུན་ཏུ་རྒྱུ་དང་ཙ་ར་ཀ་ཞེས་སོ་ཕྱི་རོལ་པ་ཡང་ཉན་ཐོས་ཀྱི་ཐ་སྙད་གསུངས་ཀྱང་། ཕྱི་རོལ་པ་དང་ནང་པའི་ཉན་ཐོས་ཤེས་བཤད་ན་བརྡ་ཆད་དང་

(༤༥༢)མཚུངས་པ་འདྲ་ཞེས་ཟེར་མདོ། དེས་ནི་རང་འགྲེལ་གསུང་རབས་གྱི་བརྡ་ཆད་དང་མི་མཚུངས་པར་ཟུར་གྱིས་སྨྲས་ཤིང་། དཀོན་བརྩེགས་ལས། དགེ་སློང་ལྔ་བརྒྱ་པོ་འདི་ནི་དེ་བཞིན་གཤེགས་འོད་སྲུངས་ཀྱི་གསུང་རབ་ལ་མུ་སྟེག་ཀྱི་ཉན་ཐོས་སུ་གྱུར་སྟེ། ཞེས་དང་། ལུང་ཞུ་བ་ལས། གཅེར་བུ་པ་དང་། གཅེར་བུ་མ་དང་། གཅེར་བུ་བའི་ཉན་ཐོས་རྣམས་ལ་ནི་སྒོ་བཅད། ཅེས་སོགས་གསུང་པ་རྣམས་མ་མཐོང་བར་ཟད་པ། གཞན་ཡང་། ཉན་ཐོས་ཀྱི་སྐད་དོད་དུ་བྲ་བ་ཀ་ཞེས་པ་ཐོས་པ་སྒྲོག་པ་ལ་འཇུག་པས། ཕྱི་པ་ལའང་བསྟན་ལ་གཙོ་བོར་མི་བྱེད་པར་གདམས་ངག་ཐོས་པ་གཞན་ལ་སྒྲོག་པ་གཙོ་ཆེ་བའི་རིག་ཅན་ཡོད་པས། དེའི་ཕྱིར་ཕྱི་རོལ་པ་ལ་ཡང་ཉན་ཐོས་ཡོད་དོ། དེར་མ་ཟད་ཉན་ཐོས་ནི་སློབ་མའི་དོན་དུ་འཆད་པ་མང་བས་ལུགས་འདི་ལ་ཁ་ན་མ་ཐོ་བ་ཅུང་ཟད་ཀྱང་མེད་དེ། འོ་ན་ལུས་སེམས་ནང་གི་བདག་ཉིད་དེ་གང་ཞེ་ན། འགྲེལ་པ་ལས། རྡོ་རྗེའི་ལུས་དེ་བཞིན་གཤེགས་པའི་སྙིང་པོ་ལ་སྣང་བ་རྒྱུ་མཐུན་པ་རབ་ཏུ་ཟབ་པའི་གཟུགས་ཀྱི་སྐུ་མཚན་དང་དཔེ་བྱད་ཐམས་ཅད་དང་ལྡན་པ་དྲི་མ་དང་བཅས་པའི་ལུས་ལ་གནས་པར་གསུངས་བས་ནི་ལུས་ནང་གི་བདག་ཉིད་དང་། སེམས་དྲི་མ་དང་བཅས་པ་ཉོན་མོངས་པའི་སྦུབས་དུ་མས་བསྒྲིབ་པ་འདི་སངས་རྒྱས་ཀྱི་སྙིང་པོ་གནས་དང་གནས་མ་ཡིན་པ་མཁྱེན་པ་ལ་སོགས་པའི་སྟོབས་དང་མི་འཇིགས་པ་མ་འདྲེས་པའི་ཆོས་རྣམས་ཀྱི་ཡོན་ཏན་དང་ལྡན་པར་བཞུགས་སོ། ཞེས་པས་ནི་སེམས་ནང་གི་བདག་ཉིད་གསལ་བར་གསུངས་སོ། དེ་ལྟར་ན་དབང་ནང་གི་བདག་ཉིད་ཅིའི་ཕྱིར་དངོས་སུ་།།། ལུས་ནང་གིས་

(༤༥༣)བདག་ཉིད་ཀྱི་ཞར་ལ་ཤེས་པར་འགྱུར་བས་སྟེ། རྒྱུ་མཐུན་པ་རབ་ཏུ་ཟབ་པའི་གཟུགས་ཀྱི་སྐུ་གཉིས་ལས། ལོངས་སྤྱོད་རྫོགས་པའི་སྐུ་ནི་རླུང་གི་དེ་ཁོ་ན་ཉིད་ཡིན་པས་སོ། དེ་ཡང་། རྡོ་རྗེའི་ངག་དེ་ནི་དེ་བཞིན་གཤེགས་པའི་སྙིང་པོ་ལས་སྣང་བ་རྒྱུ་མཐུན་པར་རབ་ཏུ་ཟབ་པའི་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་ཐམས་ཅད་དང་ལྡན་པ་དྲི་མ་མེད་པ་ཉིད་དྲི་མ་དང་བཅས་པའི་རླུང་ལ་གནས་པ་དང་། ཞེས་བྱ་བ་དོན་གྱི་ཐོབ་པའོ། གསུམ་པ་ལ་གསུམ། བཤད་པར་བྱ་བའི་དོན་ངོས་བཟུང་བ། དོན་དེ་རྟོགས་དཀའ་བའི་ཚུལ། དེ་ལ་དགོངས་པ་དཔྱད་པའོ། དང་པོ་ལ་གསུམ། དོན་དངོས་དེ་གང་ལས་གསུངས་པ། ཇི་ལྟ་བུར་གསུངས་པའི་ཚུལ་ལོ། དང་པོ་ནི། བཤད་པར་བྱ་བའི་ནང་གི་དོན་དེ་གང་ཞེ་ན། ཕྱི་ལུས་ངག་གི་བྱ་བ་གཙོ་ཆེ་བར་སྟོན་པ་བྱ་བའི་རྒྱུད་དང་། ཕྱི་ལུས་ངག་དང་ནང་ཏིང་ངེ་འཛིན་ཆ་མཉམ་དུ་སྤྱོད་པ་སྤྱོད་རྒྱུད་དང་། ཏིང་ངེ་འཛིན་ལ་རྣལ་འབྱོར་དུ་བྱེད་པ་གཙོ་ཆེ་བ་རྣལ་འབྱོར་གྱི་རྒྱུད་དེ་རྒྱུད་སྡེ་འོག་མ་ཕལ་དུ་བསངས་པའི་ནང་གི་དོན་དེ་ནི་ཡང་དག་པའི་རྩ་རླུང་བྱང་ཆུབ་ཀྱི་སེམས་ཀྱི་གནད་རྩ་ཐིག་རླུང་གསུམ་ལམ་དུ་བྱེད་པའི་ཐབས་ལ་མཁས་པའི་ཁྱད་པར་བླ་བ་སྟེ་གང་ན་མེད་པའི་དམ་ཚིག་གི་ཆེན་པོ་ཟློག་པ་དང་བསམ་པ་དང་བསྒྱུར་བ་དང་རིགས་འདྲ་རྣམས་གཉེན་པོར་ཆེ་བ་ལ་སོགས་པའི་སྒོ་ནས་འདོད་པའི་ཡོན་ཏན་ལམ་དུ་བྱེད་པའི་མན་ངག་དང་། དགོངས་གཞི་དགོས་པ་དང་བཅས་པ་ལ་དགོངས་པ་དང་ལྡན་པའི་ཚུལ་།།།རྣམས། གསུམ་པ་ཤེས་རབ་ཡེ་ཤེས་ཀྱི་དབང་གི་དོན་ཞུ་བདེ་ལྷན་སྐྱེས་དང་། བཞི་པ་ཚིག་དབང་གི་དོན་རང་བཞིན་སྐྱེས་སམ། ཡང་ན་དབང་གསུམ་པའི་ཞུ་བདེ་ལྷན་སྐྱེས་དཔེ་དང་རང་བཞིན་ལྷན་སྐྱེས་དོན་གྱི་ཡེ་ཤེས་སུ་གསུངས་

(༤༥༤)པའི་དོན་དང་། དུ་བ་ལ་སོགས་པའི་རྟགས་བཅུ་དང་རྟགས་ཅན་གྱི་ཡེ་ཤེས་འབྲེལ་བའི་ལམ་དང་འབྲས་བུ་གཞི་དུས་ན་རྣམ་པ་ཀུན་དང་ལྡན་པར་བཞུགས་པ་སོགས་དོན་དེ་རྣམས་རྒྱུད་སྡེ་འོག་མ་མན་ཆོད་ཀུན་ཏུ་བསངས་ཤིང་སྦས་པ་གང་ཡིན་པ་དེའོ། གཉིས་པ་ནི། དེ་ལྟ་བུའི་དོན་དེ་གང་ཟག་གང་གིས་གཞུང་གང་ལས་ཚུལ་ཅི་ལྟར་དུ་བཤད་ཅེ་ན། བདུད་བཞི་ལས་རྒྱལ་བ་རྡོ་རྗེ་འཆང་ཆེན་པོ་ནས་གསང་སྔགས་བླ་ན་མེད་པའི་རྒྱུད་སྡེ་རྣམས་སུ་རྒྱས་པར་ཕྱེ་ནས་བསྟན་པའི་ཚུལ་ནི་ཡང་དག་པའི་རྩ་རླུང་བྱང་སེམས་ཀྱི་གནད་ལ་སོགས་པ་གོང་དུ་སྨོས་པ་དེ་ལྟ་བུའི་དོན་རྣམས་གསང་སྔགས་བླ་ན་མེད་པའི་རྒྱུད་དུ་ཇི་ལྟ་བ་བཞིན་མཚོན་བར་བུགས་པའི་ཚིག་མཐའ་དྲུག་དང་ཚུལ་བཞི་ལ་སོགས་པའི་ཕྱག་རྒྱས་བཅིངས་སྟེ་ཅུང་ཟད་མི་གསལ་བའི་ཚུལ་དུ་གསུངས་སོ། གསུམ་པ་ལ་གསུམ། མདོར་བསྟན་པ། མཐའ་དྲུག་གིས་རྒྱས་བཤད། ཁུངས་སྨོས་བས་འཇུག་བསྡུ་བའོ། དང་པོ་ནི། དེ་ཡང་རྟོག་པར་དཀའ་བས་རྡོ་རྗེའི་ཚིག་གོ་དཀའ་ཞིང་སྦྲེ་བས་ཤིན་ཏུ་བརླིང་བར་གནས་པ་སྟེ་གཞུང་རྩ་བར་མཐའ་དྲུག་གིས་བཅིངས་ནང་གི་དོན་ཞེས་གསུངས་པའི་དོན་ནི་དགོངས་པ་ཅན་དང་དགོངས་པ་ཅན་མ་ཡིན་པ་དང་། དྲང་བའི་དོན་དང་ངེས་པའི་དོན་དང་སྒྲ་ཇི་བཞིན་སྔ་མ་ཡིན་པ་སྟེ་མཐའ་དྲུག་དང་། དེའི་ཤུགས་ལ་སྟན་པ། སྤྱི་སྦས་ཡི་གེ་མཐར་ཐུག་སྟེ། ཚུལ་བཞི་དང་ལྡན་པའི་ཕྱག་རྒྱས་བཅིངས་ནས་མཐའ་དྲུག་དེའི་དབུས་སུ་སོན་བས་ནང་གི་དོན་དུ་སྦས་ཏེ་གསུངས་སོ། གཉིས་པ་ལ་དྲུག །དགོངས་པ་ཅན་དང་། དགོངས་པ་ཅན་མ་ཡིན་པ། དྲང་བའི་དོན་ངེས་པའི་

(༤༥༥)དོན། སྒྲ་ཅི་བཞིན་མ་ཡིན་པ་དང་། ཇི་བཞིན་པའོ། དང་པོ་ལ་གཉིས། དབྱེ་བས་མདོར་བསྟན་པ་དང་། དཔེར་བརྗོད་རྒྱས་བཤད་དོ། དང་པོ་ནི། དགོངས་པ་ཅན་དུ་གསུངས་པ་ལ་དབྱེ་ན་གསུམ་སྟེ་དུས་གཞན་ལ་དགོངས་པ་དང་། དོན་གཞན་ལ་དགོངས་པ་དང་། བསམ་པ་གཞན་ལ་དགོངས་པ་སྟེ་དགོངས་གཞི་དེ་གསུམ་ལ་བརྟེན་ནས་གསུངས་པའོ། གཉིས་པ་ནི། དུས་གཞན་ལ་དགོངས་པ་ནི་དཔེར་ན་རྒྱུན་མཐའི་སྐབས་སུ། དུས་སྐད་གཅིག་མ་གཅིག་ལ་སངས་རྒྱ་བ་ལ་དགོངས་ནས། མཚན་བརྗོད་ལས། སྐད་གཅིག་གཅིག་གིས་རྫོགས་སངས་རྒྱས། ཤེས་མངོན་པར་རྫོགས་པར་བྱང་ཆུབ་པའི་དུས་ཀྱི་སྐད་གཅིག་མ་བརྗོད་པ་ལྟ་བུ་དང་། དོན་གཞན་ལ་དགོངས་པ་ནི། སངས་རྒྱས་ཐམས་ཅད་ཀྱི་ཡུམ་རྣམ་ཀུན་མཆོག་ལྡན་གྱི་སྟོང་པ་ཉིད་ལ་ལོངས་སྤྱོད་དགོས་པ་ལ་དགོངས་ནས། སྒྱུ་མ་ཆེན་མོའི་རྒྱུད་ལས། སངས་རྒྱས་ཀུན་བསྐྱེད་པར་བྱེད་པའི་ཡུམ་རྣམ་ཀུན་མཆོག་ལྡན་གྱི་སྟོང་ཉིད། སངས་རྒྱས་ལས་ཕྲོག་པའི་ཚུལ་དུ། རང་དབང་བར་བྱས་ནས་ནི། ལོངས་སྤྱོད་དགོས་ཏེ། དཔེར་ན། ལྷ་རྣམས་ཀྱི་མཆོག་དབང་པོ་བརྒྱ་བྱིན་ལས་སྐྱེས་པའི་བུ་མོ་གཟུགས་བཟང་ཞིང་ཡིད་ང་བོང་བ་ལ་དགའ་བས་ལོངས་སྤྱོད་དགོས་པ་བཞིན་ནོ། ཞེས་གསུང་པ་ལྟ་བུའོ། བསམ་པ་གཞན་ལ་དགོངས་པ་ནི། དཔེར་ན། ཕྱི་ཞིང་བཅུ། ནང་རླུང་བཅུ། གསང་བ་གཟུང་འཛིན་དུ་རྒྱུ་བ་བཅད་ནས་གཉིས་མེད་དུ་གནས་དགོས་པ་ལ་དགོངས་ནས། ཧེ་བཛྲ་སྟེ་ཀྱཻ་རྡོར་ཀྱི་རྒྱུད་ལ་སོགས་པར། ཁྱོད་ཀྱི་སྲོག་ཆགས་བསད་པར་བྱ། ཞེས་གང་གསུང་བ་ལྟ་བུའོ་

(༤༥༦)མདོར་ན། དགོངས་བཞི་དང་མཐུན་པར་ཚིག་གཞན་དུ་བསྒྱུར་བ་ལྟེམ་པོར་དགོངས་པ་དང་མཐུན་པ་སྟེ། དེ་ལྟར་ན་དགོངས་པ་ཅན་གསུམ་དང་། གཉིས་པ་དགོངས་པ་ཅན་མ་ཡིན་པ་ནི་མི་དགེ་བ་བཅུ་སྤྱད་ན་ངན་སོང་དུ་ལྟུང་བས། རྣལ་འབྱོར་གྱི་སྦྱོངས་རྒྱུད་ལ་སོགས་པ་རྣམས་སུ། ཁྱོད་ཀྱི་སྲོག་ཆགས་བསད་མི་བྱ། རྫུན་གྱི་ཚིག་ཀྱང་སྨྲ་མི་བྱ། ཞེས་པ་ལ་སོགས་པ་རྒྱ་ཆེར་གསུངས་པ་ལྟ་བུ་དང་། གསུམ་པ་ནི། དྲང་བའི་དོན་གྱི་མཚན་གཞི་ནི། རྡུལ་ཚོན་གྱི་དལ་དང་། མེ་ཏོག་ལ་སོགས་པ་ཕྱིའི་མཆོད་པ་དང་། གང་གི་གུང་མོ་སྟོན་པ་ལ། དེ་ལ་སྲིན་ལག་བསྟན་བར་བྱ་ཞེས་གསུངས་པ་ལྟ་བུ། བརྡ་དང་བརྡའི་ལེན་དང་། མཆོད་ཡོན་གྱི་ཕྱག་རྒྱ་ལ་སོགས་པ་ལག་པའི་ཕྱག་རྒྱ་དང་། ཞི་རྒྱས་དབང་དྲག་སོགས་ཕྱིའི་སྦྱིན་སྲེགས་དང་། སྐྱེས་གནས་བཞི་སྦྱོང་བའི་ཀུན་བཏག་ཀྱི་ལྷ་བསྐྱེད་པའི་རིམ་པ་དང་། ཕྲིན་ལས་བཞི་གྲུབ་ཆེན་བརྒྱད་ལ་སོགས་པ་ལས་ཚོགས་མང་པོ་སྒྲུབ་པའི་ཐབས་ལ་སོགས་པ་ནང་གི་ཚུལ་ལ་འཇུག་པའི་ཐབས་སུ་གསུངས་པ་རྣམས་ལྟ་བུ་དང་། བཞི་པ་ནི། ངེས་པའི་དོན་གྱི་མཚན་གཞི་ནི། རྩ་གཡོ་མེད། རླུང་འཕོ་མེད། བྱང་ཆུབ་ཀྱི་སེམས་འཛག་མེད་དུ་བཅིང་བའི་ཐབས་དང་། རང་བཞིན་གྱི་འོད་གསལ་བའི་སེམས་ཀྱི་གནས་ལུགས་དེ་ཁོ་ན་ཉིད་དང་། ཀུན་གཞིའི་ཡེ་ཤེས་དང་། དེ་བཞིན་གཤེགས་པའི་སྙིང་པོ་དང་། ཕྱག་རྒྱ་ཆེན་པོ་མཆོག་དུ་མི་འགྱུར་བའི་བདེ་བ་ཆེན་པོ་གསལ་བར་སྟོན་པའི་གཞུང་རྣམས་ལྟ་བུ་དང་། ལྔ་པ་ནི། སྒྲ་ཇི་བཞིན་མ་ཡིན་པའི་མཚན་གཞི་ནི། ཀོ་ཊ་ཁྱ་ཞེས་

(༤༥༧)བྱ་བ་དང་། ལ་སོགས་བས། ཀོ་ཊཱ་ཝ། ཀོ་ཊཱ། ཀོ་ཊཱ་ཝཥྩ། ཀོ་ཊཱ་ར་ག །ཀོ་ལ་ཁྱ། ཀོ་ལ་ཝ། ཀོ་ལ། ཀོ་ལ་ཝཥྩ། ཀོ་ལ་།།། ཞེས་པ་ལྟ་བུ་། འཇིག་རྟེན་པའི་བསྟན་བཅོས་ལ་མེད་ཅིང་དེ་བཞིན་གཤེགས་པའི་བརྡར་གྱུར་པ་རྣམས་དང་། དྲུག་པ་ནི། སྒྲ་ཇི་བཞིན་པའི་མཚན་གཞི་ནི། དོན་དང་མིང་སྔར་དྲང་དོན་གྱི་སྐབས་སུ་བརྗོད་པ། འཇིག་རྟེན་པའི་བསྟན་བཅོས་པ་གྲགས་པ་རྣམས་ཏེ། དེ་དག་ནི་མཐའ་དྲུག་གོ། གསུམ་པ་ཁུང་སྨོས་པས་མཇུག་བསྡུ་བ་ནི། མཐའ་དྲུག་གི་རྣམ་བཞག་རྒྱས་པར་ཡེ་ཤེས་རྡོ་རྗེ་ཀུན་ལ་བཏུས་པའི་རྒྱུད་ལས། བཅོམ་ལྡན་འདས་ཀྱི་བཀའ་རྩལ་པ། གླེང་གླང་བ་རྣམ་པ་ལྔ་དང་། མཐའ་དྲུག་གི་བཤད་པ་དང་། རིགས་པ་རྣམ་པ་བཞི་དང་། བཤད་པ་རྣམ་པ་བཞི་དང་། དབྱེ་བ་རྣམ་པ་གཉིས་དང་། གང་ཟག་རྣམ་པ་ལྔའི་སློབ་མ་རྟག་པ་དང་། བདེན་པ་གཉིས་ཀྱི་དགོས་པ་རྣམས་སོ། གླེང་གླང་བ་རྣམ་པ་ལྔ་ནི། འདི་ལྟ་སྟེ། མིང་དང་། གང་གི་དོན་དུ་བྱས་པ་དང་། བྱེད་པ་པོ་དང་། ཚད་དང་། དགོས་པ་རྣམས་སོ། མཐའ་དྲུག་ཏུ་བཤད་པ་ནི་འདི་ལྟ་སྟེ། དགོངས་པ་བཤད་པ་དང་། དགོངས་མིན་བཤད་པ་དང་། དྲང་བའི་དོན་དང་། ངེས་པའི་དོན་དང་། སྒྲ་ཇི་བཞིན་པ་དང་། སྒྲ་ཇི་བཞིན་པ་མ་ཡིན་པ་རྣམས་སོ། རིགས་པ་བཞི་ནི། རྒྱུད་དང་། ངེས་ཚིག་དང་། གླེང་གཞི་དང་། རྒྱུ་རྣམས་སོ་བཤད་པ་བཞི་ནི། ཡི་གེ་དང་། སྤྱི་དང་། སྦས་པ་དང་། མཐར་ཐུག་པའོ། དབྱེ་བ་གཉིས་ནི། ཚོགས་ལ་བཤད་པ། སློབ་མ་ལ་བཤད་པའོ། གང་ཟག་ལྔ་ནི་འདི་ལྟ་སྟེ། རིན་ཆེན་དང་། ཙན་དན་དང་།

(༤༥༨)པད་མ་དང་། པད་མ་དཀར་པོ་དང་། ཨུཏྤལ་རྣམས་སོ། བདེན་པ་གཉིས་ནི། ཀུན་རྫོབ་དང་དོན་དམ་པའི་བདེན་པའོ། ཞེས་གསུང་པ་དང་། མཆོག་གི་དང་པོའི་སངས་རྒྱས་ལས། ཟླ་བ་བཟང་པོ་ད་ཡང་ཉོན། རྡོ་རྗེ་ཐེག་བར་རབ་ཞུགས་ནས། འཚམས་མེད་ལྔ་པོ་བྱས་གྱུར་ཀྱང་། ཚེ་འདི་ཉིད་ལ་འགྲུབ་པར་འགྱུར། དེ་སོགས་དགོངས་པ་གཙོར་བསྟན་ཡིན། འཚམས་མེད་ལྔ་པོ་བྱེད་པ་དག །རྡོ་རྗེ་འཆང་ལས་རིགས་འགྱུར་ཞེས། དགོངས་མིན་ཁྱོད་ཀྱི་སྲོག་ཆགས་བསད། གཞན་གྱི་ནོར་བླངས་བུད་མེད་ཕྲོགས། བརྫུན་སྨྲ་ཅི་བཞིན་མིན་པའི་སྒྲ། སྲོག་གཅོད་མ་བྱིན་ལན་དང་བརྫུན། བུད་མེད་སྤངས་སོགས་ཅི་བཞིན་སྒྲ། མྱུ་གུ་ས་བོན་ལས་ཅི་བཞིན། དགེ་སྡིག་ལས་བྱས་བདེ་སྡུག་མྱོང་། ཐེག་པ་གསུམ་བཤད་དྲང་དོན་ཡིན། ཆོས་ཀུན་བདག་མེད་སྟོང་པ་ཞེས། དེ་སོགས་དེས་དོན་གཙོར་བསྟན་ཏེ། རྒྱུད་ཀུན་མཐའ་དྲུག་མཚན་ཉིད་ཅན། མི་བདག་རེ་རེའང་དྲུག་དྲུག་སྟེ། སུམ་བཅུ་རྩ་དྲུག་མཚན་ཉིད་ཅན། ཞེས་གསུངས་པ་དང་། གཞན་ཡང་། བླ་མའི་ཡོན་ཏན་ཡོངས་སུ་བཟུང་བའི་རྒྱུད་ལ་སོགས་པ་དང་། སྒྲོན་གསལ་ལ་སོགས་འགྲེལ་ཆེན་རྣམས་སུ་རྒྱ་ཆེར་གསུངས་བ་ལྟ་བུས་རྒྱུད་ཀྱི་ཚིག་ཐམས་ཅད་འདྲེས་པར་གནས་བས། རྟོག་པར་དཀའ་བ་རྣམས་ལས་ཀྱང་། ཁྱད་པར་དུ་གཞི་ལམ་འབྲས་གསུམ་དབྱེར་མེད་པའི་བདེ་གཤེགས་སྙིང་པོ་བསམ་གྱིས་མི་ཁྱབ་པའི་གནས་གཞི་འཁྱུད་པ། འོག་ནས་འཆད་བར་འགྱུར་བ་ལྟ་བུ་ནང་གི་དོན་བློ་དམན་པ་རྣམས་

(༤༥༩)ཀྱི་ཤིན་ཏུ་ཡང་དཔག་བར་དཀའ་བ་སྟེ། རྒྱུ་མཚན་དེས་ན། བསྟན་བཅོས་འདིར། རྟོག་པར་དཀའ་བའི་དོན་དེ་ཉིད་རྟོག་པར་འདོད་པའི་གདུལ་བྱ་དག་ལ་ཕྱིན་ཅི་མ་ལོག་པར་སྟོན་པར་བྱེད་དོ། གཉིས་པ་དོན་དེ་རྟོག་པར་དཀའ་བའི་ཚུལ་ལ་གཉིས། དངོས་དང་། རྟོག་དཀའ་བའི་དོན་ངོས་བཟུང་པའོ། དང་པོ་ནི། གཞུང་རྩ་བར། ཕྱི་ནང་ཉན་ཐོས་སྤྱོད་ཡུལ་མིན། ཕ་རོལ་ཕྱིན་པར་རབ་བསང་བ། ཞེས་བྱ་བ་གསུང་སྟེ། ཕྱི་རོལ་པའི་ཉན་ཐོས་ཀུན་ཏུ་རྒྱུ་གྲངས་ཅན་པ་དང་ཙ་ར་ཀ་རྒྱང་འཕེན་ལ་སོགས་པ་རྣམས་དང་། ལྟ་བ་དཀའ་བརྟག་ཀྱི་ཕྱག་རྒྱ་བཞི་ཁས་ལེན་པས་ནང་པ་སངས་རྒྱས་པ་རང་གི་ཉན་ཐོས་བྱེ་བྲག་དུ་སྨྲ་བའི་ནད་མཚན་རྣལ་བར་བུ་པའི་སྡེ་པ་འགའ་ཞིག་བདག་ཁས་ལེན་པ་དང་གང་ཟག་རང་སྐྱ་ཐུབ་པའི་རྫས་ཡོད་དུ་བདེན་པར་རྟོགས་པ་དང་། མ་སོགས་པས། མདོ་སྡེ་པས་ཕྱི་དོན་འཕག་ན་སོར་འདོད་པ་དང་། རང་སངས་རྒྱས་དང་སེམས་ཙམ་པ་སྣང་བ་སེམས་སུ་འདོད་ཀྱང་། སེམས་ལ་བདེན་པར་འཛིན་པའི་ཆ་མ་སྤངས་པས། སེམས་ཀྱི་གནས་ལུགས་བདེ་བར་གཤེགས་པའི་སྙིང་པོ་སྤྲོལ་གྱི་དོན་ལ་རྨོང་པ་དག་དང་། ཐེག་ཆེན་པར་རྟོགས་པ་ཆོས་འདི་པ་ཕ་རོལ་ཏུ་ཕྱིན་པའི་ཐེག་པ་ལ་ཕྱོགས་ཏེ་ཞུགས་པ་སྟོང་པ་ཉིད་ཀྱི་སེམས་རྣམ་པར་གཡེངས་པ་རྣམས་ཀྱིས་ཀྱང་། རྟོག་པར་དཀའ་བས་སྐལ་བ་དམེན་པ་དེ་རྣམས་ལ་མི་སྟོན་པ་ཡིན་ཀྱང་། རང་གསང་དུ་གནས་ཏེ། དཔལ་ཕྲེང་སེང་གེའི་ང་རོའི་མདོ་ལས་ཀྱང་། བཅོམ་ལྡན་འདས་དེ་བཞིན་གཤེགས་པའི་དོན་ལས་ཕྱི་རོལ་ཏུ་གྱུར་པ་ནི། གསུམ་སྡེ། བརྡའ་ལ་མ་བྱང་བས་བྱིས་པ་སོ་

(༤༦༠)སོའི་སྐྱེ་བོ་ལམ་དུ་མ་ཞུགས་པ་དང་། ཤ་བ་ཀ་ཞེས་པའི་སྒྲ་ལས་ཐོས་པ་སྒྲོགས་པ་ཉན་ཐོས་དང་རང་ཉིད་གཅིག་པུ་ཞི་བ་ཕྱོགས་ཀ་བར་བྱང་ཆུབ་པ་རང་སངས་རྒྱས་དང་། ཐེག་ཆེན་ལས་དང་པོ་ས་སྟོང་པ་ཉིད་ཀྱི་སེམས་རྣམ་པར་གཡེང་པ་དེ་སྟོང་ཉིད་ལ་སྐྲག་པ་སྐྱེ་སྲིད་པའི་བྱང་ཆུབ་སེམས་དཔའ་ཚོགས་ལམ་པ་དབང་པོ་བརྟུལ་བོ་རྣམས་ལགས་སོ། ཞེས་བྱ་བ་ལ་སོགས་པ་རྒྱ་ཆེར་གསུངས་སོ། འདིར་ཊིཀ་བྱེད་འགའ་ཞིག་གི་ཕ་རོལ་ཏུ་ཕྱིན་པའང་སྟོང་པ་ཉིད་ལས་སེམས་ཕྱི་རོལ་ཏུ་གཡེང་པ་རྣམས་ཀྱི་སྤྱོད་ཡུལ་མིན་པས། ཤེས་ནང་གིས་ཏིང་ངེ་འཛིན་ལས་ཕྱི་རོལ་ཏུ་རྣམ་པར་གཡེང་པ་ཙམ་སྟོང་བ་ཉིད་ལས་སེམས་རྣམ་པར་གཡེང་པའི་མཚན་གཞིར་སྨྲས་སོ། དེ་ནི་ཟུང་ཟད་དོན་ལ་མ་ཞུགས་པ་སྟེ། འདིར་གསུངས་པའི་སྟོང་ཉིད་ཀྱི་སེམས་རྣམ་པར་གཡེང་པའི་བྱང་ཆུབ་སེམས་དཔའ་དེ་ནི། སྟོང་པ་ལ་སྐྲག་པ་སྐྱེ་སྲིད་པའི་བྱང་ཆུབ་སེམས་དཔའ་སྟེ། ཕར་ཕྱིན་ལས། ཚོགས་ཆེན་པོ་ནས་ཡུན་རིང་པོ་ནས་བྱང་ཆུབ་པའི་སྦྱོར་བ། ཞེས་གསུངས་པ་དང་གནད་ན་ཅིང་། མདོ་ལས། ཆོས་སྤོང་གིས་ལས་འབྲིང་པོ་མ་སྤངས་པ། ཞེས་སོགས་གསུངས་པ་དང་མཐུན་ནོ། ཁ་གཅིག །ས་དང་པོ་ནས་ས་བདུན་པའི་བར་ལ་གནས་པའི་བྱང་སེམས་ལ་འདོད་པ་སྤང་སྣང་ངོ་ཞེས་སོགས་འགྲེལ་པ་ལས་འབྱུང་མདོ་ཀྱི། བྱང་སེམས་འཕགས་པ་ལ། བྱང་སེམས་ལས་དང་པོ་པར་བཤད་པའི་ཁུང་ནི་མ་མཐོང་ངོ་། གཉིས་པ་ནི་དེ་ལྟར་དུ་རྟོག་པར་དཀའ་བ། དེ་ཡང་ལུས་ངག་ཡིད་གསུམ་ལས། ལུས་ནང་གིས་བདག་ཉིད་རྩ་རླུང་ཐིག་ལེ་སོགས་མི་ཕྱེད་བས་རྡོ་རྗེའི་ལུས། དེ་བཞིན་གཤེགས་པའི་སྙིང་པོ། ཆོས་ཉིད་དེ་བཞིན་ཉིད་ལས་སྣང་བ། དྲི་

(༤༦༡)བྲལ་གྱི་གཟུགས་སྐུའི་རྒྱུ་མཐུན་པ། རབ་ཏུ་ཟབ་པའི་གཟུགས་ཀྱི་སྐུ་མཚན་བཟང་པོ་སུམ་བཅུ་རྩ་གཉིས་དང་དཔེ་བྱད་བཟང་པོ་བརྒྱ་བཅུ་ལ་སོགས་པ་ཡོན་ཏན་ཐམས་ཅད་དང་ལྡན་པ་རང་བཞིན་གྱི་དྲི་མ་མེད་པ་ཉིད་བློ་བུར་གྱི་དྲི་མ་དང་བཅས་པའི་ལུས་ལ་ཡེ་གདོད་མ་ནས་རྩ་རླུང་ཐིག་ལེའི་རྣམ་པར་གནས་པར་གནས་པར་གསུངས་པ་དང་། སེམས་ནང་གི་བདག་ཉིད་ནི་སེམས་བློ་བུར་གྱི་དྲི་མ་དང་བཅས་པ་ཚོགས་བརྒྱད་བཟུང་འཛིན་དུ་སྣང་བ་ཆགས་སོགས་ཉོན་མོངས་པའི་སྦུབས་དུ་མས་བསྒྲིབས་པ་འདི་སངས་རྒྱས་ཀྱི་སྙིང་པོ་གནས་དང་གནས་མ་ཡིན་པ་མཁྱེན་པ་ལ་སོགས་པའི་སྟོབས་བཅུ་དང་། མི་འཇིགས་པ་བཞི་དང་། སྤྱོད་པས་བསྡུས་བ་དྲུག །རྟོགས་པས་བསྡུས་པ་དྲུག་ཡེ་ཤེས་ཀྱི་བསྡུས་པ་གསུམ། ཕྲིན་ལས་ཀྱི་བསྡུས་པ་གསུམ་སྟེ། སེམས་ཅན་དང་མ་འདྲེས་པའི་སངས་རྒྱས་ཀྱི་ཐུན་མོངས་མ་ཡིན་བའི་ཁྱད་ཆོས་བཅོ་བརྒྱད་པོ་རྣམས་ཀྱི་ཡོན་ཏན་དང་ལྡན་པར་ཡེ་གདོད་མ་ནས་ལྷུན་གྲུབ་ཏུ་བཞུགས་སོ་ཞེས་བྱ་བ་དང་། འདི་གཉིས་ཀྱི་དབུགས་ལས། ངག་ནང་གི་བདག་ཉིད་བསྟན་པར་རྒྱལ་བའི་དབང་པོའི་བཞེད་བ་གོང་དུ་སྨོས་ཟིན་པ་ལྟར། ལུས་ངག་ཡིད་གསུམ་གྱི་ནང་གི་དོན་ཤིན་ཏུ་ལྐོག་ཏུ་གྱུར་པས་རྟོགས་པར་དཀའ་བ་དག་མངོན་སུམ་དུ་བསྟན་པ། ལུས་ངག་ཡིད་གསུམ་གྱི་རྡོ་རྗེའི་གནད་རྣམས་ཕྱིན་ཅི་མ་ལོག་པ་བསྟན་བཅོས་འདི་སྟོན་པར་འདོད་ནས། ལུས་སེམས་ནང་གི་བདག་ཉིད་བཤད། ཞེས་པའི་རྩ་ཚིག་སྨོས་པ་ཡིན་ནོ། གསུམ་པ་དགོས་པ་ལྔ་ཁྱད་པ་ནི། བར་སྐབས་འདིར་ཞར་བྱུང་གི་ཚུལ་དུ་ཚིགས་སུ་བཅད་པ་གཉིས་གསུངས་པའི་དོན་ནི། ཁ་གཅིག་ནི། དེ་ལྟར་ཤིན་ཏུ་རྟོག་པར་དཀའ་བ་ཡིན་ན་གཞུང་འདིར་དེ་ནི་གསུང་པ་ལ་དགོས་པ་མེད་དོ། ཅིའི་

(༤༦༢)ཕྱིར་ཞེ་ན། རྟོགས་པར་དཀའ་བའི་དོན་དེ་ནི་འདིར་གསུངས་ཀྱང་རྟོགས་མི་ནུས་པས་སོ། ཞེས་ཟེར། དེའི།།།བརྗོད་པར་བྱའོ། ཁྱོད་ཀྱི་དེ་ལྟར་བརྗོད་པའི་དགོས་པ་དེ་དག་སེལ་བའི་ཕྱིར་དུ། བླ་མའི་རྒྱུད་དེ་གསང་སྔགས་།།།བླ་ན་མེད་པའི་རྒྱུད་རྣམས་ལས། རྡོ་རྗེའི་ཚིག་རྣམས་དགྲོལ་ཏེ་སྣོད་དུ་གྱུར་པ་རྣམས་ལ་སྟོན་པའི་ཚུལ་།།།གསུངས་པ་རྣམས་ཤེས་པར་བྱོས་ཤིག །འདིར་དོན་བསྡུས་ནས་གསལ་བར་བཤད་པས་དོན་ཡོད་པའོ། །།། ཐེག་པ་ཆེན་པོ་རྒྱུད་བླ་མའི་བསྟན་བཅོས་ལས། སྤྲིན་དང་རྨི་ལམ་།།།ཞེས་པ་ཚིགས་སུ་བཅད་པ་གཅིག་གི་རྒོལ་བ་དང་། སེམས་སུམ་སེམས་ཅན་དམན་ལ་བརྙས་པ་དང་། །།།རྒྱས་བཤད་ཀྱིས་དེའི་ལན་བསྟན་པ་དང་། ཞེས་གསུངས་པ་ལ། བདག་གི་།།།བླ་ཞལ་སྔ་ནས། དེ་ནི་གཞུང་ལས། ཕ་རོལ་ཕྱིན་པར་རབ་གསང་བ། ཞེ་གསུངས་པ་དང་།།།རྒྱུད་ཅེས་ས་གོང་ན་གཞན་མེད་པའི་དོན་གྱིས་ན། གསང་བླ་མེད་ཀྱི་རྒྱུད་མ་།།།རྒྱལ་བས་བླ་ན་མེད་པར་ཕྱེ། ཞེས་གསུངས་པ་དང་དོན་གཅིག་གོ། ཞེས་གསུངས་།།།བླ་ན་མེད་པའི་རྒྱུད་ཀྱི་བརྗོད་བྱའི་དོན་ཟབ་མོ་རྣམས་རྒྱལ་བའི་སྲས་པོ་ན་ཆེན་པོ་ལ་།།།ཀྱང་བཤད་པར་དཀའ་བ་ཡིན་ན། དེ་ལྟ་བུ་ཁྱོད་ཀྱི་བརྗོད་པར་མི་ནུས་སོ་ཞེ་ན། དེའི་ལན་བརྗོད་པར་བྱའོ། དེ་ལྟར་དུ་རྟོག་པའི་ དོགས་པ ་དེ་ནི་སྔར་དེ་ལྟ་བུ་བསྡུད་པར་བྱེད་པ་ཡང་།།།ལྟ་བུ་མ་ཡིན་མདོ། ཅེས་སོགས་སུ་བསལ་ཟིན་ལ། དེ་བས་ན་

(༤༦༣)གང་ཞིག་དོན་ལྡན་ཆོས་དང་ཉེར་འབྲེལ་ཞིང་། ཁམས་སུམ་ཀུན་ནས་ཉོན་མོངས་སྤོང་བྱེད་གསུངས། ཞི་བའི་ཕན་ཡོན་སྟོན་པར་བྱེད་པ་གང་། དེ་ནི་དྲང་སྲོང་གསུངས་པ་ཡིན། ཞེས་གསུངས་པ་ལྟ་བུའི་རྒྱལ་བའི་བཀའ་ཇི་ལྟ་བ་བཞིན་ཏེ། གང་ཞིག་རྒྱལ་བའི་བསྟན་པ་འབའ་ཞིག་གི། དབང་བྱས་རྣམ་གཡེང་མེད་ཡིད་ཅན་གྱིས་བཤད། ཐར་པ་ཐོབ་པའི་ལམ་དང་རྗེས་མཐུན་པ། དེ་ཡང་དྲང་སྲོང་བཀའ་བཞིན་སྤྱི་བོས་བླང་། ཞེས་གསུངས་པ་ལྟར་ལྟོས་འདི་ཡང་གུས་པའི་སྒོ་ནས་བརྟེན་པར་རིགས་སྟེ། གནས་སྐབས་དང་མཐར་ཐུག་གི་དོན་ཕུན་སུམ་ཚོགས་པར་འགྱུར་བས་སོ། གཉིས་པ་གཞུང་དོན་དངོས་ལ་གཉིས། ལུས་རྣམ་པར་བཞག་པ་དང་། ཡན་ལག་རྒྱས་པར་བཤད་པའོ། དང་པོ་ལ་གཉིས། འཚམས་སྦྱར་བ་དང་། ལུས་དངོས་པོ། དང་པོ་ནི། དེ་ལྟར་མཆོད་པར་བརྗོད་པ་དང་བཤད་པར་དམ་བཅའ་བ་སྔོན་དུ་བཏང་ནས་ད་ནི་བསྟན་བཅོས་དངོས་བཤད་པར་བྱ་བ་ཡིན་པ་ལས། དེ་ཡང་། ལུས་རྣམ་བཞག་དང་ཡན་ལག་རྒྱས་བཤད་གཉིས་ཀྱི་སྒོ་ནས་བཤད་ན། ལུས་དང་ཡན་ལག་སྦྱར་ཏེ་བཤད་པས་འཆད་ཉན་བྱས་སླ་ཞིང་བདེ་ཀླག་ཏུ་རྟོག་པར་འགྱུར་རོ། དེའི་ཕྱིར། ཐོག་མར་བསྟན་བཅོས་ནང་དོན་གྱི་ལུས་རྣམ་པར་བཞག་པ་བཤད་པར་བྱའོ། གཉིས་པ་ནི། དེ་ལ་གཉིས་སྟེ། དགོས་པ་དང་བཅས་པའི་ངོ་བོ་རྣམ་པར་བཞག་པ་དང་། དུམ་བུ་བཅུ་གཅིག་གི་ངེས་པ་ངེས་པ་བརྗོད་པའོ། དང་པོ་ལ་གཉིས། སྤྱིའི་དོན་དང་། གཞུང་གི་དོན་ཏེ། དང་པོ་ལ། དགོས་འབྲེལ་གྱི་སྤྱི་དོན་དང་། བདེ་གཤེགས་སྙིང་པོའི་སྤྱི་དོན་གཉིས་ལས། དང་པོ་ནི། འགྲེལ་པའི་དགོས་འབྲེལ་གྱིས་སྐབས་

(༤༦༤)སུ་བཤད་ཟིན་དང་།།།པ་ལ་གཉིས། བཤད་།།།ས་མདོ་ཙམ་བཀོད་པ་དང་། རང་ལུགས་ཕྱེ་སྟེ་བཤད་།།། གཞུང་འདི་དགོས་སོགས་བཞི་བསྟན་པར་མ་ཟད། དོན་གྱི་ལུས་རྣམ་པར་བཞག་པ་ཡང་བསྟན་ཏེ། བརྗོད་བྱའི་དོན་དེ་ཉིད་ལ་དོན་གྱི་ལུས་སུ་འདོད་པས་སོ། རང་འགྲེལ་ལས། །།།ངོ་བོ་རྣམ་པར་བཞག་པ་ཞེས་གསུངས་པའི་ངོ་བོ་དང་། རྗོད་བྱའི་དོན་གནད་གཅིག་ཏུ་མ་གོ་བར་།།།གི་གཞུང་འདི་དགོས་འབྲེལ་འབའ་ཞིག་ལ་སྦྱར་མདོ། བདག་གི་།།།ཞལ་སྔ་ནས། གཞུང་འདི་ལས་བཅོད་པ་ན། དོན་གྱིས་ལུས་རྣམ་པར་བཞག་པ་གསུངས་སྟེ། འདི་ཉིད་རང་འགྲེལ་གྱི་དགོངས་པའོ། དེའི་ཕྱིར་རྗོད་བྱའི་གཙོ་བདེ་བར་གཤེགས་།།།འདི་ཉིད་དུ་སྐབས་སུ་བབ་པོ། དེས་ན་རྒྱུ་བདེ་བར་གཤེགས་པའི་སྙིང་པོ་ལ་རིགས་ཤེས་།།།དེ་ནི་གྲུབ་མཐའ་སྨྲ་བའི་འདོད་པ་མི་འདྲ་བ་དུ་མར་གནས་ཏེ། །།།འཕགས་རིགས་དེ་དག་ལས། གསུམ་གྱི་ཚུལ་བསྟན་ཐ་མ་ལས། ཤེས་གསུངས་པ་ལྟར། བྱེ་བྲག་ཏུ་སྨྲ་བ་དག་སྲིད་པའི་ཡོ་བྱད་ལ་མ་ཆགས་པའི་སེམས་བྱུང་འདོད་པ་ཆུང་ཞིང་།།།རིགས་སུ་འདོད་དེ། དེ་ལ་ཡང་ཆོས་གོས་ངན་དོན་ཙམ་གྱིས་ཆོག་ཤེས་པ་དང་། གནས་།།།ཙམ་གྱིས་ཆོག་ཤེས་པ་སྟེ་གསུམ་དང་། སྤོང་བ་དང་སྒོམ་པ་ལ་དགའ་བ་ཏེ་བཞི་ལས།།། སྔ་མ་གསུམ་གྱི་དང་ཕྱི་མས་ལས་བསྟན་པ་སྟེ། ཚུལ་དེ་ལ་གནས་ནས་ལས་དེ་

(༤༦༥)སྒྲུབ་ན་འཕགས་པའི་ཆོས་མྱུར་དུ་འགྲུབ་པས་སོ། ཞེས་བཞེད་དོ། མདོ་སྡེ་པ་ནི། འགྲེལ་བཤད་རྒྱལ་པོ་སྲས་ལས། མདོ་སྡེ་པ་དག་གིས་རིགས་ཤེས་བྱ་བ་ནི་སེམས་ཀྱི་ས་བོན་ནུས་པ་ཡིན་ཏེ། སོ་སོ་སྐྱེ་བོ་དང་སློབ་པའི་གནས་སྐབས་ན་ཡང་ཡངས་སུ་ཉམས་པའི་ཆོས་ཅན་གྱི་ས་བོན་ལ་རིགས་ཤེས་བྱའོ། ཞེས་གསུངས་པ་ལྟར། སེམས་ཀྱི་ས་བོན་ཟག་མེད་ཀྱི་ཡེ་ཤེས་འབྱུང་རུང་གི་ནུས་པ་ལ་བཞེད་ཅིང་། རྣལ་འབྱོར་སྤྱོད་པ་བས་ནི། བྱང་པ་ལས། དེ་ལ་རིགས་གང་ཞེ་ན། མདོར་ན་རྣམ་པ་གཉིས་སྟེ། རང་བཞིན་གྱི་གནས་པ་དང་ཡང་དག་པར་བསྒྲུབ་པའོ། དེ་ལ་རང་བཞིན་གྱིས་གནས་པའི་རིགས་ནི་བྱང་ཆུབ་སེམས་དཔའ་རྣམས་ཀྱི་སྐྱེ་མཆེད་དྲུག་གིས་ཁྱད་པར་གང་ཡིན་པ་སྟེ། དེ་གཅིག་ནས་གཅིག་ཏུ་རྒྱུད་དེ་འོངས་པ་ཐོག་མ་མེད་པའི་དུས་ཅན་ཆོས་ཉིད་ཀྱི་ཐོབ་པ་དེ་ལྟ་བུ་ཡིན་ནོ། དེ་ལ་ཡང་དག་བར་བསྒྲུབ་པའི་རིགས་ནི་སྔོན་དགེ་བའི་རྩ་བ་གོམས་པར་བྱས་པ་ལས་ཐོབ་པ་གང་ཡིན་པ་སྟེ། ཞེས་གསུངས་པ་ལྟར། ཐོག་མ་མེད་པ་ནས་སེམས་རྒྱུད་ལ་གནས་པའི་ཟག་མེད་ཀྱི་ཆོས་བསྐྱེད་པར་བྱེད་པའི་ནུས་བ་ཆོས་ཉིད་ཀྱིས་ཐོབ་པ་ལ་བཞེད་དེ། རྒྱ་མཚོ་སྤྲིན་ལས་སྐྱེ་མཆེད་དྲུག་གི་ཁྱད་བར་ནི་ཀུན་གཞིའི་རྣམ་ཤེས་ལ་གནས་པའི་ས་བོན་ཟག་པ་མེད་པའི་ཆོས་བསྐྱེད་བར་བྱེད་པའི་ནུས་པའོ། ཞེས་གསུངས་པས་སོ། དབུ་མ་པའི་ལུགས་ལ། དྲི་མ་དང་བཅས་པའི་ཆོས་ཉིད་དེ་བཞིན་ཉིད་རིགས་སུ་འདོད་པ་ལ་ཕལ་ཆེར་མཐུན་ཡང་། ཆོས་ཉིད་དེ་བཞིན་ཉིད་ཀྱི་ངོས་འཛིན་ལུགས་མི་འདྲ་བ་ཡང་ཆེས་པས། བོད་ཀྱི་ཡུལ་འདིར་ལྟ་བ་ཐ་དད་པ་སྣ་ཚོགས་པ་གཟིངས་ཏེ། མུ་ཅོར་སྨྲ་བ་དཔག་ཏུ་མེད་

(༤༦༦)པ་ཞིག་སྣང་དང་། །།།སོ་སོར་མཐའ་མའི་མདོ་སྡེ་ཟབ་མོ་རྣམས་དང་། རྡོ་རྗེ་ཐེག་པ་ལ་བཤད་བའི་བདེ་བར་།།། དཔལ་ལྡན་པ་།།།།།།།སེམས་ཉིད་རང་བཞིན་གྱི་རྣམ་པར་དག་པ་རྩ་བཤད་།།། དེ་ལ་ཡོན་ཏན་གྱི་ཆོས་རྣམས་དངོས་སུ་མེད་ཀྱང་རྒྱུ་མི་ཚུལ་གྱི་ལྷུན་སྒྲུབ་རྒྱུ་ཡོད། རྐྱེན་ཚོགས་གཉིས་སམ་རིམ་གཉིས་ཉམས་སུ་བླངས་པས་འབྲས་བུ་མངོན་དུ་བྱས་པ་ན་རྒྱུ་དེ་དག་གནས་གྱུར་ནས་ཡོན་ཏན་གྱི་ཆོས་རྣམས་ཐོབ་པར་གསུངས་ཤིང་། ཀུན་མཁྱེན་ཆེན་པོ་ཇོ་མོ་ནང་པས་ནི་རང་བཞིན་གནས་རིགས་།།།བསྟན་སུམ་བཅུ་རྩ་གཉིས་དང་བཅས་པ་སེམས་ཅན་ཐམས་ཅད་ལ་ཡེ་གདོད་མ་ནས་རང་ཆས་སུ་ཡོད་ཅིང་དེ་ཡང་སངས་རྒྱས་དངོས་ཡིན་ལ། །།།འགྱུར་གྱི་རིགས་ནི་ཐོས་པ་ལ་སོགས་པའི་བག་ཆགས་རྐྱེན་གྱི་བསྐྱེད་ནས་།།།བཞེད་དོ། བོད་ཀྱི་སློབ་དཔོན་ཆེན་པོ་གསང་བ་བྱིན་གྱིས་ནི། དངས་མ་མི་ཤིག་པ་ཁྱད་པར་གསུམ་ལྡན་།།།ལུས་ངག་ཡིད་གསུམ་གྱིས་དངས་མ་ལ་བཤད་ཅིང་། བོད་ལ་ལ་དག་གི་ནི་།།།སྟོང་ཉིད་ཅེས་བྱ་བ་མེད་པར་དགག་པའི་ཕྱོགས་ལ་བཤད་དོ། གཉིས་པ་རང་ལུགས་ཕྱེ་སྟེ་བཤད་།།། མཚན་ཉིད་དངོས་བཟུང་བ། དེའི་དོན་ཅུང་ཟད་བཤད་པ། མཚོན་བྱ་བདེ་གཤེགས་སྙིང་པོ་།།།།རྒྱས་བཤད། དེ་དག་ལ་རྩོད་པ་སྤང་བའོ། དང་པོ་ནི།།།རང་བྱུང་།།།དབྱེར་མེད་མེད་པའི་རང་བཞིན་ཆུ་ཟླ་ལྟར་བདེན་བརྫུན་དང་བྲལ་ཞིང་ངོས་བཟུང་དང་མཚན་མ་།།།ཐ་མལ་གྱི་ཤེས་པ་ཉིད་ལ་བདེ་བར་གཤེགས་པའི་སྙིང་པོར་བཞེད་དེ་

(༤༦༧)རྗེ་ཉིད་ཀྱི་མཛད་བའི་དེ་བཞིན་གཤེགས་པའི་སྙིང་པོ་བསྟན་པ་ཞེས་བྱ་བའི་བསྟན་བཅོས་ལས། ཐམས་ཅད་བདེན་མིན་བརྫུན་མིན་ཏེ། ཆུ་ཟླ་བཞིན་དུ་མཁས་རྣམས་བཞེད། ཐ་མལ་ཤེས་པ་དེ་ཉིད་ལ། ཆོས་དབྱིངས་རྒྱལ་བའི་སྙིང་པོ་ཟེར། ཞེས་གསུངས་སོ། གཉིས་པ་ལྔ། དབྱིངས་ཀྱི་གོ་དོན། ཡེ་ཤེས་ཀྱི་གོ་དོན། དབྱེར་མེད་ཀྱི་གོ་དོན། གོ་སླ་བ། ཐ་མལ་གྱི་ཤེས་པའི་གོ་དོན་ནོ། དང་པོ་ལ་གཉིས། དངོས་དང་། འཕྲོས་དོན་རང་བཞིན་འོད་གསལ་གྱི་གོ་དོན་ནོ། དང་པོ་ནི། དེ་ལ་དབྱིངས་ནི། ཆོས་ཀྱི་དབྱིངས་རང་བཞིན་གྱི་འོད་གསལ་བ་དེ་ཉིད་དོ། དེ་ཕྱིར་ཆོས་ཀྱི་དབྱིངས་ཤེས་པའི་གོ་དོན་ནི། འཁོར་བ་དང་མྱ་ངན་ལས་འདས་པ་གཉིས་ཀ་རང་ངོས་ནས་ཐ་དད་དུ་བདེན་པར་གྲུབ་པ་མེད་པའི་ཕྱིར། འཁོར་འདས་སྤང་གཉན་ནི་བཟུང་འཛིན་ནམ་བརྗོད་བྱ་བརྗོད་བྱེད་ལ་སོགས་པ་གཉིས་ཆོས་སུ་སྣང་བ་མཐའ་དག་གཉིས་སུ་མེད་པའི་རང་གི་ངོ་བོ་གདོད་མའི་མི་ཤིག་པའི་ཐིག་ལེ་ཆེན་པོ་དང་རོ་མཉམ་པ་ལ་ཆོས་ཀྱི་དབྱིངས་ཤེས་བྱ་སྟེ། ཆོས་དབྱིངས་བསྟོད་པ་རྗེ་ཉིད་ཀྱི་མཛད་པ་ལས། ཆོས་ནི་སྤང་བྱ་དང་གཉེན་པོའི་ཚུལ་གཉིས་སྟེ། དེ་ཉིད་ཀྱི་དབྱིངས་ནི་ཐ་དད་དུ་དཔྱད་དུ་མེད་པ་བཟུང་བ་དང་འཛིན་པ་དང་བརྗོད་པར་བྱ་བ་དང་བརྗོད་པར་བྱེད་པ་ལ་ཁྱད་པར་མེད་པའི་དེ་བཞིན་ཉིད་ཡིན་ཏེ། དེའི་རང་བཞིན་དུ་གྱུར་པ་ནི་སངས་རྒྱས་ཀྱི་ངོ་བོ་ཡིན་པས། ཤེས་གསུངས་ལ། དེའི་ཁུངས་ཀྱང་ཆོས་རྣམ་འབྱེད་ལས་བཟུང་བ་དང་འཛིན་པ་དང་བརྗོད་པར་བྱ་བ་དང་བརྗོད་པར་བྱེད་པ་ཁྱད་པར་མེད་པ་ནི་དེ་བཞིན་ཉིད་དེ་ཆོས་ཉིད་ཀྱི་མཚན་ཉིད་དོ། ཞེས་གསུངས་པ་ལ་བརྟེན་པར་སྣང་བས་སོ། གཉིས་པ་ནི་རང་བཞིན་གྱི་འོད་གསལ་བ་ཞེས་པའི་དོན་ནི། རང་བཞིན་

(༤༦༨)།།།རྣམས་ནི་གྲངས་ཡིན་པར་གཞན་དུ་བཤད་ཟིན་ལ། །།།མཚན་མ་ལས་འདས་པའི་རང་འོད་དེ། དེའི་ཕྱིར། གནས་ཚུལ་ལ་ཅིར་ཡང་མ་གྲུབ་པའི་རང་གདངས་།།།རྩལ་སྣ་ཚོགས་བར་ཤར་ཡང་འདི་ཡིན་དང་འདི་མིན་གྱི་།།།།།། གཉིས་པ་ཡེ་ཤེས་ཀྱི་གོ་དོན་ནི། ཡེ་ཤེས་ནི་།།།བ་ཞེས་པ་ཡེ་ཤེས་དང་ཤེས་པ་ཁོང་དུ་ཆུད་པ་ལ་།།།ཡེ་ཤེས་རིགས་ནི་སྐབས་འདིར་ཡེ་ཤེས་ཀྱི་གོ་དོན་ཡིན་པའི་ཕྱིར། གསལ་།།།ཡེ་ཤེས་སུ་བརྗོད་དོ། གསུམ་པ་ནི། དེས་ན་ཟབ་གསལ་གཉིས་མེད་དུ་སོ་སོ་རང་རིགས་ནི་།།།།།།གོ་དོན་ཏེ། རྟག་།།།གཉིས་ཀྱི་ཊིཀྐ་རྗེ་ཉིད་ཀྱི་མཛད་པ་ལས། ཡེ་ཤེས་ནི་ཆོས་།།།རང་རིག་བདེ་བ། བདེ་པ་སྤྲོས་པ་དང་བྲལ་བའི་རྒྱས་བཏབ་ན་།།།།དེ་ཁོ་ན་རྟོགས་པའི་ཡེ་ཤེས་སོ། ཞེས་དང་། ཆོས་ཐམས་ཅད་སེམས་ཀྱི་།།།དོན་གྱི་རྟོགས་པ་སྤངས། སེམས་རང་རིག་ཏུ་རྟོགས་པའི་དུས་སུ་དཀར་དམར་།།།།།།དུས་སུ་སྡུག་བསྔལ་དང་བཏང་སྙོམས་གྱི་རྟོགས་པ་སྤངས། བདེ་བ་སྤྲོལ་དུ་རྟོགས་པའི་།།།ཞེན་པའི་རྣམ་རྟོག་སྤངས་པའོ། ཞེས་གསུངས་སོ། བཞི་པ་ནི། ཆུ་།།།མཚན་མ་ལས་འདས་པའི་དོན་ནི་གོ་བར་སླ་ལ། ལྔ་པ་ནི།།།ཤེས་པ་རང་བཞིན་པ་བཟོ་བཅོས་དང་ཅིས་གཏབ་སོགས་ཀྱི་།།།།

(༤༦༩)པའི་ད་ལྟའི་ཤེས་པ་འདི་ཉིད་དེ། སྨན་དཔྱད་ཀྱི་གཞུང་ལས། ཐ་མལ་རྩ་ལ་རྩ་རྒྱུད་གསུམ་དུ་བསྟན། ཞེས་མི་ནད་མེད་པ་རང་བཞིན་པའི་རྩ་ལ་ཐ་མལ་པའི་རྩར་གསུངས་པ་དང་གནད་གཅིག་གོ། གཉིས་པ་བདེ་གཤེགས་སྙིང་པོ་འཕྲོས་དོན་དང་བཅས་པའི་རྒྱས་བཤད་ལ་གསུམ་མོ། ངོ་བོའི་ཁྱད་པར་མདོར་བསྟན་པ། དེ་ཉིད་རྒྱས་པར་བཤད་པ། དབྱེ་བ་སོ་སོའི་རང་བཞིན་དང་བཅས་པ་བཤད་པའོ། དང་པོ་ནི་སྙིང་པོ་དེ་ཡང་རྒྱར་མ་ཆད་ཕྱོགས་སུ་མ་ལྷུང་ཡང་གཉེན་པོའི་ཕྱོགས་དགེ་བ་ཞེས་པའི་སྒྲས་བརྗོད་དུ་རུང་ལ། སེམས་ཅན་ནས་སངས་རྒྱས་ཀྱི་བར་ལ་བཟང་ངན་གྱི་དབྱེ་བ་མེད་ཅིང་ཐ་སྙེད་དང་སྨྲ་བརྗོད་ལས་འདས་ཀྱང་ཐོག་མ་མེད་པ་ན་རྔ་རྒྱུད་དེ་འོངས་པ། ངོ་བོ་ལ་འགྱུར་བླ་མེད་ཅིང་རྒྱུའི་ངོ་བོ་ཉིད་དུ་གནས་ཀྱང་ཡོན་ཏན་གྱི་ཆོས་དུ་མས་ཕྱུག་པ། གཞི་འབྲས་དབྱེ་བ་མེད་ཀྱང་དག་མ་དག་ཅི་རིག་པར་སྣང་བའོ། གཉིས་པ་ནི་དབྱིངས་རིག་དབྱེར་མེད་ཀྱི་ངོ་བོ་ལ་ནི་རྟག་ཆད་སོགས་ཀྱི་རྒྱར་ཆད་པ་དང་སྤང་གཉེན་སོགས་ཀྱི་ཕྱོགས་སུ་ལྷུང་བ་མེད་པའི་ཕྱིར། ཀུན་གྱི་ཁྱབ་བདག་ཏུ་གྲུབ་སྟེ། གཞུང་ལས། རྒྱུ་ནི་སེམས་ཉིད་ཐོག་མེད་ལ། རྒྱ་ཆད་ཕྱོགས་ལྷུང་མ་མཆིས་ཀྱང་ཞེས་གསུངས་པས་སོ། མི་དགེ་བའི་མཚན་མ་ལས་འདས་པས་དགེ་བར་བརྗོད་ཀྱང་ལས་ཀྱི་ངོ་བོ་ཉིད་མ་ཡིན་པའི་ཕྱིར། དགེ་བའི་དངོས་པོ་ནི་མ་ཡིན་ལ། སངས་རྒྱས་ཐམས་ཅད་ཀྱི་སྐུའི་ས་བོན་ཡིན་པའི་ཕྱིར་ཀུན་གཞིའི་རྣམ་པར་ཤེས་པ་དག་པར་བྱེད་པའི་གཉེན་པོར་བརྗོད་ཅིང་། འཛིན་པའི་གནས་སྐབས་ཐམས་ཅད་དུ་ཁྱབ་ཀྱང་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་རྒྱུ་མཐུན་པ་ཡིན་པའི་ཕྱིར། འཕགས་པའི་ཆོས་རྟོག་

(༤༧༠)པར་འགྱུར་བའི་རྒྱུའི་ངོ་བོ་ཉིད་དུ་འདོད་དེ། རང་འགྲེལ་དུ་དྲངས་པའི་ཐོག་བསྡུས་ཀྱི་ལུང་ལས། དེ་ནི་ཆོས་ཀྱི་སྐུའི་ས་བོནདུ་ལྟ་སྟེ། ཀུན་གཞིའི་རྣམ་ཤེས་ཀྱི་གཉེན་པོ་ཡིན་པས་ཀུན་གཞིའི་རྣམ་ཤེས་ཀྱི་ངོ་བོ་མ་ཡིན་པ་དང་། འཇིག་རྟེན་པ་ཡིན་ཡང་འཇིག་རྟེན་ལས་འདས་པའི་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་རྒྱུ་མཐུན་པ་ཡིན་པས་འཇིག་རྟེན་ལས་འདས་པའི་སེམས་ཀྱི་ས་བོན་དུ་གྱུར་པའོ། ཞེས་སོ། དེ་དག་ཇི་ལྟ་བ་བཞིན་མངོན་དུ་མ་གྱུར་ཀྱང་དེ་ལ་དམིགས་ པ་ཙམ་གྱི་འཁོར་བ་དོགས ་ནས་བྱང་ཆུབ་ལ་སྦྱོང་ཏེ། ལུང་དེ་ལས། དེ་ནི་འཇིག་རྟེན་ལས་འདས་པའི་སེམས་མ་བྱུང་དུ་ཟིན་ཀྱང་ཉོན་མོངས་པའི་ཀུན་ནས་དཀྲིས་པ་དང་ངན་འགྲོ་དང་ཉེས་པ་ཐམས་ཅད་དག་པར་བྱེད་པའི་གཉེན་པོ་ཡིན་ནོ། སངས་རྒྱས་དང་བྱང་ཆུབ་སེམས་དཔའ་དང་ཕྲད་པའི་རྗེས་སུ་མཐུན་པའོ། ཞེས་དང་། རིན་ཆེན་ཕྲེང་བ་ལས། བསོད་ནམས་ཆུང་བ་ཆོས་འདི་ལ། ཐེ་ཙོ་ཙམ་ཀྱང་མི་སྐྱེ་སྟེ། འདི་ལ་ཐེ་ཙོམ་སྐྱེས་པས་ཀྱང་། སྲིད་པ་ཧྲུལ་བོར་བྱེད་པར་འགྱུར། ཞེས་སོ། སེམས་ཉིད་རང་བཞིན་གྱི་འོད་གསལ་བ་ཆོས་ཀྱི་དབྱིངས་ཀྱི་ངོ་བོ་སྟོང་པ་ཉིད་ཡིན་པས་གནས་སྐབས་ཐམས་ཅད་དུ་འགྱུར་བ་མེད་པའི་ཕྱིར། གཞི་སེམས་ཅན་གྱི་དེ་ཁོ་ན་ཉིད་དང་ལམ་བྱང་སེམས་གྱི་དེ་ཁོ་ན་ཉིད་དང་འབྲས་བུ་སངས་རྒྱས་ཀྱི་དེ་ཁོ་ན་ཉིད་རྣམས་ལ་བཟང་ངན་ནམ་མཐོན་དམན་ལ་སོགས་ཀྱི་སྒོ་ནས་ཐ་དད་དུ་དབྱེ་བ་མེད་དེ། སྙིང་པོ་བསྟན་པ་ལས། བཟང་དུ་འཕགས་པ་བཏང་བ་མེད། ངན་དུ་སེམས་ཅན་གྱིས་མ་བཏང་། ཞེས་སོ། དེ་ཇི་ལྟ་བཞིན་རྟོགས་པ་ནི་སངས་རྒྱས་ཀྱི་ཡེ་ཤེས་ཁོ་ནའི་ཡུལ་ཡིན་གྱི་ས་བཅུའི་བྱང་ཆུབ་སེམས་དཔས་ཀྱང་བསམ་གྱིས་

(༤༧༡)མི་ཁྱབ་བའི་ཕྱིར། སྒྲ་རྟོགས་ལས་འདས་ཤིང་ཚིག་ཐ་སྙད་དུ་མ་དག་གིས་བརྗོད་ཀྱང་བརྗོད་པར་མི་ནུས་ཏེ། གཞུང་དེ་ལས། ཐ་སྙད་དུ་མས་བརྗོད་མདོ་ཀྱང་། བརྗོད་པས་དེའི་དོན་མི་ཤེས། ཤེས་སོ། རང་བཞིན་རྣམ་དག་དེ་ཡི་སྔ་རོལ་ན་དེ་ལས་མ་འབྱུང་བའི་སངས་རྒྱས་དང་སེམས་ཅན་འགའ་ཡང་མེད་ལ། བདེན་པའི་རྫས་སུ་གྲུབ་པ་མེད་བ་རྟེན་ཅིང་འབྲེལ་པར་འབྱུང་བའི་ངོ་བོ་ཉིད་ཡིན་པའི་ཕྱིར། དང་པོར་བྱུང་བའི་དུས་ཀྱི་ཐོག་མ་དང་བདེན་པའི་རྫས་ཀྱི་ཐོག་མ་དག་མེད་དེ། དེ་ལས། དེ་ལ་ཐོག་མེད་ཅེས་བྱ་བ། དེ་ཡི་སྔོན་ན་མེད་པ་ཉིད་ཅེས་སོ། ཁམས་བདེ་བར་གཤེགས་པའི་སྙིང་པོ་ཅན་དེ་ལ་སངས་རྒྱས་ཀྱི་ཡོན་ཏན་གྱི་ཆོས་རྣམ་སྔར་མེད་གསར་དུ་བྱེད་པ་པོ་གཞན་མེད་ཀྱང་གདོད་མ་ནས་ཡོན་ཏན་ཐམས་ཅད་དང་དབྱེ་བ་མེད་པར་གནས་པ་ཉིད་རང་གི་མཚན་ཉིད་ངོ་བོ་གཞན་དུ་མི་འགྱུར་བར་འཛིན་པའི་ཕྱིར། ཁམས་སམ་རྒྱུའི་དོན་དུ་རྣམ་པར་བཞག་ཏེ། དེ་ལས་ཁམས་ནི་བྱེད་པ་མེད་ཀྱང་ནི། རང་མཚན་འཛིན་པས་དེ་སྐད་བརྗོད། ཅེས་སོ། སྙིང་པོ་དེའི་གདངས་མ་འགག་པའི་རྩལ་ལ་འབྲལ་མི་ཤེས་པའི་སྟོན་གྱི་ཆོས་བྲལ་བ་དང་རྣམ་པར་སྨིན་པས་བསྡུས་པ་བྱེ་བ་ཕྲག་དྲུག་བཅུ་རྩ་བཞི་དབྱེ་བ་མེད་པའི་ཚུལ་དུ་གནས་སྟེ། དེ་ལས། དེ་ཉིད་མ་འགག་རོལ་པ་ལ། ཡོན་ཏན་དྲུག་བཅུ་རྩ་བཞི་པོ། རག་པ་ཡིན་ཏེ་རེ་རེ་ཡང་། བྱེ་བ་ཕྲག་རེ་རེར་གསུངས་པ་ཡིན། ཞེས་སོ། ཡོན་ཏན་གྱི་ཆོས་དེ་རྣམས་ལ་སངས་རྒྱས་པའི་ཚེ་ན་དྲི་མ་མེད་པའི་ཡོན་ཏན་དང་སེམས་ཅན་གྱི་གནས་སྐབས་སུ་དྲི་མ་དང་བཅས་པའི་ཡོན་ཏན་ཞེས་བྱ་སྟེ། དེ་ལས། དེ་བས་རྩ་རླུང་

(༤༧༢)ཐིག་ལེ་རྣམས། དག་པ་དག་པའི་གཟུགས་སྐུ་སྟེ། མ་སྦྱངས་མ་དག་གཟུགས་སྐུའོ། ཞེས་དང་། རང་གིས་འགྲེལ་པ་ལས་ཀྱང་། སེམས་ཅན་གྱི་གནས་སྐབས་སུ་ནི་སྒྲིབ་པ་དང་བཅས་པའོ། སངས་རྒྱས་ཀྱི་གནས་སྐབས་སུ་ནི་སྒྲིབ་པ་མེད་པའོ། ཞེ་སོགས་སྟོད་སྨད་རྣམས་སུ་ལེན་མང་དུ་གསུངས་སོ། རང་བཞིན་རྣམ་དག་གི་གཞི་དེ་ཉིད་དྲི་མ་སྦྱོང་བའི་ཐབས་ལ་མཁས་པས་སྦྱངས་པ་ན་མཚན་མ་ལས་གྲོལ་བའི་ཚེ་ཆོས་ཀྱི་སྐུ་མཁའ་ཁྱབ་ཀྱི་ཏིང་ངེ་འཛིན་མངོན་དུ་མཛད་པས། ངོས་བཟུང་དང་བྲལ་བ་ནམ་མཁའ་ལྟ་བུའི་སྐུ་ལ་མ་གཡོས་བཞིན་དུ་མཚན་དཔེས་བརྒྱན་པའི་གཟུགས་སྐུས་འགྲོ་དོན་ལྷུན་གྲུབ་དུ་མཛད་པ་འབྱུང་བའི་ཕྱིར། དྲི་མའི་ཆ་ཤས་ཙམ་ཡང་མ་དག་པའི་གནས་སྐབས་ལ་སེམས་ཅན་དང་། དྲི་མ་སྦྱོང་བ་ལ་ཞུགས་ཀྱང་མ་ལུས་པ་མ་དག་པ་ལ་ཆ་ཤས་འགའ་ཙམ་ཡང་དག་པའི་གནས་སྐབས་ལ་བྱང་ཆུབ་སེམས་དཔའ་དང་ཤིན་ཏུ་རྣམ་པར་དག་པའི་གནས་སྐབས་ལ་སངས་རྒྱས་ཤེས་བྱ་སྟེ། དེ་ལས། དེ་ཚེ་ནམ་མཁའི་སྐུ་ཆེན་ལ། མཚན་གྱི་མེ་ཏོག་རྒྱས་པར་འགྱུར། མ་དག་མ་དག་དག་པ་དང་། ཤིན་ཏུ་རྣམ་དག་གོ་རིམ་བཞིན། སེམས་ཅན་བྱང་ཆུབ་སེམས་དཔའ་དང་། དེ་བཞིན་གཤེགས་པའི་གནས་སྐབས་གསུམ། ཞེས་སོ། གསུམ་པ་ནི། དེ་ལྟ་བུའི་སངས་རྒྱས་ཀྱི་སྙིང་པོ་དེ་ཡང་མ་རིག་པའི་སྦུབས་སུ་ཆུད་པ་དེའི་ཚེ་ན་རྒྱུའི་ཆ་ནས་རིགས་ཤེས་བརྗོད་པ་དེ་ལ་གཉིས་སྟེ། རང་བཞིན་གནས་རིགས་དང་། རྒྱས་འགྱུར་གྱི་རིགས་སོ། དང་པོ་ནི། སངས་རྒྱས་ཀྱི་ཡོན་ཏན་དྲུག་བཅུ་རྩ་བཞི་དང་དབྱེ་བ་མེད་པའི་སེམས་ཉིད་རང་བཞིན་གྱི་རྣམ་པར་དག་པ་ཆོས་ཀྱི་དབྱིངས་སྟོང་པ་ཉིད་འོད་གསལ་བའི་

(༤༧༣)བདག་ཉིད་དེའོ། དེའི་ངོ་བོ་ལ་དབྱེ་བ་མེད་ཀྱང་། བརྟེན་པའི་ཆོས་ཀྱི་བྱེ་བྲག་གིས། དེ་ཡི་དབྱེ་བ་ཡོངས་སུ་བརྗོད། ཅེས་གསུངས་པ་ལྟར། དྲི་མས་དག་རྒྱུའི་རིག་དེའི་སྟེང་དུ་རྣམ་པར་དག་པའི་ཆ་ཤས་ཇི་ལྟར་རྟོགས་པའི་རིམ་པས་ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའ་ཏེ། འཕགས་པའི་གང་ཟག་རྣམས་རབ་ཏུ་ཕྱེ་བ་ཡིན་ལ། སེམས་རང་བཞིན་རྣམ་དག་ལ་རྣམ་པར་ཤེས་པའི་དྲི་མས་མ་གོས་ཀྱང་། རྣམ་ཤེས་ཚོགས་བརྒྱད་དུ་རྣམ་པར་བཞག་པ་ནི་ཡང་དག་པ་མ་ཡིན་པའི་ཀུན་ཏུ་རྟོགས་པས་སོ་སོར་ཕྱེ་ནས་བཞག་པའོ། གཉིས་པ་ནི་སེམས་ཉིད་རང་བཞིན་གྱི་རྣམ་པར་དག་པ་ཆོས་ཀྱི་དབྱིངས་སྟོང་པ་ཉིད་དང་དབྱེ་བ་མེད་པར་རྣམས་ཚོགས་བརྒྱད་ཀྱི་དྲི་མ་མེད་པའི་རང་གི་ངོ་བོ་ཡེ་ཤེས་བཞིའི་རང་བཞིན་དུ་ཞུགས་པ་དེ་ཡིན་ཏེ། དེ་གཟུགས་སྐུ་གཉིས་རྒྱས་པར་འགྱུར་རྒྱུའི་རིགས་ཡིན་པའི་ཕྱིར། དེའི་དོན་ཡང་། དཀར་པོའི་ཆོས་ཡང་དག་པར་བླངས་པས་ཚོགས་བརྒྱད་ཀྱི་རང་ངོ་མ་ཤེས་པའི་དྲི་མ་བཅོམ་པ་ལས། ཚོགས་བརྒྱད་རང་རིག་ཏུ་གྲོལ་བ་ན་རྣམ་ཤེས་ཚོགས་བརྒྱད་ཡེ་ཤེས་བཞིར་གནས་གྱུར་བ་ཞེས་བྱ་བའི་མིང་ཐོབ་ཅིང་དེ་དག་གཞན་ལ་གཟུགས་ཀྱི་སྐུར་སྣང་བ་ཡིན་ནོ། མདོར་ན་རིགས་འདི་གཉིས་ནི་ཟུང་ངག་ལས་ཕྱེ་བ་སྟེ། རྗེ་ཟླ་བོད་གཞོན་ནུས། སེམས་ཉིད་ལྷན་གཅིག་སྐྱེས་པ་ཆོས་ཀྱི་སྐུ་དང་སྣང་བ་ལྷན་གཅིག་སྐྱེས་པ་ཆོས་སྐུའི་འོད་ཅེས་གསུངས་པ་ལྟར། དྲི་མ་དང་བཅས་པའི་སེམས་ཉིད་ཀྱི་གཤིས་སྐྱེད་ནི་རང་བཞིན་གནས་རིགས་དང་གདངས་འགག་མེད་ནི་རྒྱས་འགྱུར་གྱི་རིགས་ཡིན་པས། དེ་ལ་དྲི་བཅས་ཀྱི་སྐུ་གཉིས་ཟུང་ངག་ཅེས་བྱ་ཞིང་། དྲི་མ་རྣམ་པར་དག་པའི་སེམས་ཉིད་ཀྱི་གཤིས་སྐྱེ་མེད་ནི་

(༤༧༤)རང་དོན་ཆོས་ཀྱི་སྐུ་དང་གདངས་འགག་མེད་ནི་གཞན་དོན་གཟུགས་ཀྱི་སྐུར་སྣང་བས། དེ་ལ་དྲི་བྲལ་གྱི་སྐུ་ཟུང་ངག་ཅེས་བརྗོད་པ་ཡིན་ཏེ། རང་གི་འགྲེལ་པ་ལས། ཡང་རྒྱས་འགྱུར་གྱི་རིགས་དེ་གསར་དུ་བྱུང་པ་སྙམས་དུ་ཁ་གཅིག་སེམས་ན། དེ་ལྟ་མ་ཡིན་ཏེ། རང་བཞིན་དུ་གནས་པའི་རིགས་ཆོས་ཀྱི་དབྱིངས་དེ་ལ། ཀུན་གཞི་རྣམ་ཤེས་ལ་སོགས་པ་བརྒྱད་རྣམ་པར་བཞག་པ་དེ་ནི། ཡང་དག་པ་མ་ཡིན་པའི་ཀུན་ཏུ་རྟོགས་པས་བཞག་ཅིང་ཕྱེ་བ་དེ་ལྟར། ཚོགས་བརྒྱད་པོ་དེ་རྣམས་ཀྱི་དྲི་མ་མེད་པའི་རང་གི་ངོ་བོ་ཡེ་ཤེས་བཞིའི་རང་བཞིན་དུ་ཡོད་དེ། དེ་ཡང་ཡང་དག་པའི་སངས་རྒྱས་ཀྱི་བྱང་ཆུབ་ལ་བརྟེན་པའི་དཀར་པོའི་ཆོས་ཀྱིས་སྔར་གྱི་དྲི་མ་དེ་བཅོམ་པ་ལས་ཚོགས་བརྒྱད་ཀྱི་འཁྲུལ་པ་མེད་པས་གནས་གྱུར་པའི་ཡེ་ཤེས་ཀྱི་མིང་ཐོབ་སྟེ། རྒྱུ་མཚན་དེས་ན། ཆུ་ཁམས་གསེར་དང་ནམ་མཁའ་ལྟར། དག་པ་བཞིན་དུ་རྣམ་དག་འདོད། ཅེས་དབུས་མཐར་གསུངས་པ་ལྟར། དྲི་མ་མེད་པ་ནི་ཡེ་ཤེས་ཡིན་ལ་དྲི་མ་དང་བཅས་པ་ནི་རྣམ་པར་ཤེས་པ་ཡིན་པར་ལྟའོ། ཞེས་པ་དང་། རྗེ་རོལ་པའི་རྡོ་རྗེས་ཀྱང་། སྙིང་པོ་དེའི་འོད་ཟེར་ནི། རྒྱས་པའི་རིགས་ཤེས་བྱ་བ་ཡོད་ཅེས་དང་། གཞི་ནི་དྲི་མ་དང་བཅས་པའི། རང་བཞིན་དང་ནི་རྒྱས་པའི་རིགས། འདི་གཉིས་འགྲོ་བ་ཀུན་ལ་ནི། འདི་གཉིས་འགྲོ་བ་ཀུན་ལ་ནི། གདོད་ནས་གནས་པར་འདོད་པ་ཡིན། ཞེས་གསུངས་པས་སོ། བཞི་པ་དེ་ལ་རྩོད་པ་སྤང་བ་ནི། ཁ་གཅིག་ན་རེ། གསལ་ཞིང་ཡུལ་རིག་པའི་ཆ་ནས་ཤེས་པར་འཇོག་པའི་ཕྱིར་དང་། སེམས་ཤེས་ལྡན་མིན་འདུ་བྱེད་གསུམ་ནི་འདུས་བྱས་ཀྱི་དབྱེ་བའི་མ་ཡ་གྱལ་ཡིན་པའི་ཕྱིར་

(༤༧༥)ཤེས་པ་ནི་རང་གི་གཞལ་བྱ་འཇལ་བར་བྱེད་པའི་ཕྱིར་ན། ཐ་མལ་གྱིས་ཤེས་པ་ནི་བདེ་བར་གཤེགས་པའི་སྙིང་པོ་མ་ཡིན་ཏེ། སྙིང་པོ་དེ་ནི་འདུས་མ་བྱས་ཤིང་ལྷུན་གྱི་གྲུབ་པར་བཤད་པའོ། ཞེ་ན། རིག་པ་དང་ཁམས་གྱི་གཞི་མཐུན་ཡོད་པར་ལུང་གི་གྲུབ་སྟེ། ཐེག་པ་ཆེན་པོ་རྒྱུད་བླ་མ་ལས། རིགས་ཁམས་སྦྲང་རྩི་དང་འདྲ་འདི་གཟིགས་ནས། ཤེས་དང་། ལུས་ཅན་ལ་ཡོད་ཟག་པ་མེད་པའི་ཤེས་པ་སྦྲང་མའི་རྩི་དང་འདྲ། ཞེས་གསུངས་པས་སོ། རིག་ཁམས་དེ་ནི་ཐོག་མར་རྒྱུས་མ་བསྐྱེད། བར་དུ་ཅིའི་འང་ངོ་བོར་མ་གྲུབ། ཐ་མར་རྐྱེན་གང་གིས་ཡང་མི་འགྱུར་བའི་ཕྱིར། འདུས་པ་བྱས་ཡིན་ཏེ། ཐོག་མ་དབུས་མཐའ་མེད་པ་ཡི། རང་བཞིན་ཡིན་ཕྱིར་འདུས་མ་བྱས། ཤེས་གསུངས་པས་སོ། གཞན་ཡང་། ཁྱོད་དག་སངས་རྒྱས་ཀྱི་ཡེ་ཤེས་འདུས་བྱས་སུ་འདོད་དམ། གསལ་ཞིང་ཡུལ་རིག་པ་མ་ཡིན་པར་འདོད། དང་པོ་ལྟར་ན། ཆོས་ཀྱི་སྐུ་འདུས་བྱས་སུ་ཁས་ལེན་པ། ངེས་དོན་གྱི་བརྡ་ལ་མ་བྱང་བའི་གཏམ་ཡིན་ལ། གཉིས་པ་ལྟར་ན། རྣམ་པ་ཐམས་ཅད་མཁྱེན་པའི་ཡེ་ཤེས་ལ་བསྐུར་པ་བཏབ་པར་འགྱུར་རོ་གཞན་ཡང་འདུས་བྱས་ཀྱི་དབྱེ་བའི་མ་ཡ་གྱལ་དུ་བེམས་པོ་དང་ཤེས་པ་དང་ལྡན་པ་མ་ཡིན་པའི་འདུ་བྱེད། ཅེས་སྨྲ་བ་ནི་གཏམ་གྱི་རྗེས་སུ་འབྲངས་པ་སྟེ་རྡོ་རྗེ་ཐེག་པ་ལ་སོགས་པ་ངེས་དོན་གྱི་གཞུང་ལས། དེ་ལྟར་བཤད་པའི་ཁུང་སྨྲ་དགོས་ཤིང་། རང་གི་གཞལ་བྱ་འཇལ་བའི་ཕྱིར་ན་འདུས་བྱས་པོ་ཞེས་སྨྲ་བ་ནི་རྟག་ཆོས་ཀྱི་འབྲེལ་པ་ལ་རྨོངས་པ་སྟེ། ཡང་དག་པར་རྫོགས་པའི་སངས་རྒྱས་ཀྱི་ཆོས་ཐམས་ཅད་

(༤༧༦)མངོན་སུམ་དུ་མཁྱེན་ཀྱང་། དེ་ནི་འདུས་བྱས་སུ་མི་འདོད་དོ། ལ་ལ་དག་སེམས་རང་བཞིན་འོད་གསལ་དེ་ཉིད་ལ་འདུས་བྱས་རང་བཞིན་གནས་རིགས་ཤེས་བྱ་བའི་ཐ་སྙད་བྱེད་དེ། རང་བཞིན་དུ་གནས་པ་རྒྱུ་མཚན་གྱིས་འདུས་བྱས་པ་ནི། འགལ་བ་ཁོ་ན་སྟེ། དེ་ཕྱིར་སྐྱེ་འགག་དང་བཅས་པའི་རང་བཞིན་གནས་རིགས་ནི་གད་མོའི་གནས་སོ། སྤང་ཁ་གཅིག་ན་རེ། དབྱིངས་ནི་འདུས་མ་བྱས་ཡིན་ལ། ཡེ་ཤེས་ནི་འདུས་བྱས་ཏེ། དེ་གཉིས་དབྱེར་མེད་པའི་རང་བཞིན་ནི་མི་སྲིད་དོ། ཞེས་ཟེར་རོ། དེ་ལྟར་ན། གདོད་མའི་ཡེ་ཤེས་དང་ལྷན་གཅིག་སྐྱེས་པའི་ཡེ་ཤེས་ཀྱང་འདུས་བྱས་སུ་འདོད་དམ། ཞེས་དྲི་བར་བྱའོ། ཡང་ཁ་གཅིག་ན་རེ། སྙིང་པོ་དེ་ལ་ཡོན་ཏན་དྲུག་བཅུ་རྩ་བཞི་གདོད་མ་ནས་ཡོད་ན། སེམས་ཅན་གྱིས་རྒྱུད་ལ་རྫོགས་པའི་སངས་རྒྱས་ཀྱི་ཡོན་ཏན་ཡོད་པར་འགྱུར་ཞིང་། དེ་ལྟ་ན། སེམས་ཅན་དམྱལ་བ་པའི་རྒྱུད་ཀྱི་སངས་རྒྱས་ཡེ་ཤེས་དེས། དམྱལ་བའི་སྡུག་བསྔལ་ཉམས་སུ་མྱོང་བར་བྱེད་དམ། ཞེས་ཟེར་མདོ། དེ་ཉིད་ཀྱི་ཕྱིར། སེམས་ཅན་གྱི་སྐབས་སུ་ནི་དྲི་མ་དང་བཅས་པ་དང་། སངས་རྒྱས་ཀྱི་སྐབས་སུ་ནི་དྲི་མ་མེད་པའོ། ཞེས་ཁྱད་པར་ཕྱེ་སྟེ་སྨྲས་ཏེ། སེམས་ཅན་གྱི་རྒྱུད་ལ་རྫོགས་པའི་སངས་རྒྱས་བཞི་དེའི་སྟོབས་ལ་སོགས་པ་ན་མེད་དོ། དེ་ལྟ་མདོ་ཀྱི་དྲི་མ་དང་བཅས་པའི་སངས་རྒྱས་དང་དེའི་སྟོབས་ལ་སོགས་པ་ནི་ཡོད་དོ། ཞེས་ཡང་ཡང་སྨྲས་པ་ཉིད་ཀྱི་ཤེས་པར་འགྱུར་རོ། ཡང་ཁ་གཅིག་ན་རེ་རང་བཞིན་གནས་རིགས་ཐོག་མ་མེད་པ་ནས་བརྒྱུད་དེ་འོངས་པ་ནི་གསུང་རབས་མཐའ་དག་གི་དགོངས་པ་ཡིན་པས་འཐད་མདོ་ཀྱི། རྒྱས་འགྱུར་གྱི་རིགས་གསར་དུ་བྱུང་བ་མ་ཡིན་པར་སྨྲས་པ་འདི་ནི་མཉན་པར་བྱ་

(༤༧༧)བ་མ་ཡིན་ནོ། ཅི་སྟེ་ན། ཡང་དག་བླངས་པ་མཆོག་ཉིད་དོ། ཞེས་དགེ་རྩ་གསར་དུ་བླངས་པ་ལ་དེར་བཤད་པས་སོ། གཞན་ཡང་རྒྱས་འགྱུར་གྱི་རིགས་ཐོག་མ་མེད་པ་ནས་བརྒྱུད་དེ་སེམས་ཅན་ཐམས་ཅད་ལ་ཁྱབ་པར་གནས་ན། ཐེག་པ་ཆེན་པོ་མདོ་སྡེ་རྒྱན་ལས། ལ་ལ་གཅིག་ཏུ་ཉེས་པར་སྤྱོད་ངེས་ཡོད། མངལ་དཀར་པོའི་ཆོས་རྣམས་ཀུན་ཏུ་བཅོམ། ལ་ལ་ཐར་པ་ཆ་མཐུན་དགེ་པ་མེད། དཀར་པོ་དམན་པ་ཡོད་པ་རྒྱུ་དང་འབྲས། ཞེས་གསུངས་པ་ཇི་ལྟར་དྲང་ཞེས་ཟེར་རོ། དེ་ཉིད་ཀྱིས་ན། ཅུང་ཟད་བཤད་པར་བྱ་སྟེ། སའི་འོག་གི་གཏེར་ལ། དགོས་འདོད་འབྱུང་བའི་ཡོན་ཏན་དང་པོ་ཉིད་ནས་ཡོད་པ་བཞིན་དུ། སེམས་ཉིད་ལས་རྒྱས་ཀྱི་ཡོན་ཏན་ཡེ་གདོད་མ་ནས་འབྲལ་མི་ཤེས་པར་གནས་པའི་ཆོས་ཀྱི་དབྱིངས་རང་བཞིན་གྱི་འོད་གསལ་བ་ནི། རང་བཞིན་གནས་རིགས་སྟེ། དེ་དྲི་མས་རྣམ་པར་དག་པ་ལ། རང་དོན་ཆོས་སྐུ་ཐོབ་པ་ཞེས་བྱ་ཞིང་། ཏ་ལའི་ཤིང་ཐོག་དང་ཨ་འབྲས་ཀྱི་ཤིང་འབྲས་སོ་སོའི་སྦུབས་ཀྱི་ནང་དུ་གནས་པའི་དུས་ན་ཏ་ལའི་ལོ་མ་དད་པས་འབྲས་ཀྱི་སྙིང་པོ་རྒྱས་པར་འགྱུར་རྒྱུའི་རིགས་ཡོད་པ་དེ། ཆུ་ལུད་དྲོད་གཤེར་སོགས་ཀྱི་རྒྱས་པར་འགྱུར་བ་བཞིན་དུ། སེམས་ཉིད་རང་བཞིན་འོད་གསལ་ཆོས་དབྱིངས་སྟོང་པ་དེ་དང་དབྱེར་མེད་དུ། ཚོགས་བརྒྱད་ཀྱི་ངོ་བོ་ཡེ་ཤེས་བཞིའི་རང་བཞིན་དུ་བཞུགས་པ་ནི། རྒྱས་འགྱུར་གྱི་རིགས་ཏེ། དགེ་རྩ་ཡང་དག་པར་བླངས་པ་དེ་འཕེལ་བ་ལྟར་གྱུར་ནས་ཕྲིན་ལས་རྒྱས་པ་ལ་གཞན་དོན་གཟུགས་སྐུ་གཉིས་ཐོབ་པ་ཞེས་བྱ་སྟེ། ཐེག་པ་རྒྱུད་བླ་མ་ལས། གཏེར་དང་འབྲུ་ཡི་ཤིང་བཞིན་དུ། རིགས་དེ་རྣམ་གཉིས་ཤེས་བྱ་སྟེ། ཐོག་མེད་རང་བཞིན་

(༤༧༨)གནས་པ་དང་། ཡང་དག་བླངས་པ་མཆོག་ཉིད་དོ། རིགས་དེ་ཉིད་ལས་སངས་རྒྱས་ཀྱི། སྐུ་གསུམ་ཐོབ་པར་འདོད་པ་སྟེ། དང་པོའི་སྐུ་ནི་དང་པོ་སྟེ། གཉིས་པ་ཡིས་ནི་ཕྱི་མ་གཉིས། ཤེས་གསུངས་སོ། དེས་ན་རང་བཞིན་གནས་རིག་ཐོག་མ་མེད་པ་ནས་ངོ་བོ་མི་འགྱུར་བར་ཡོད་ཀྱང་། དྲི་མ་སྦྱངས་པས་ཆོས་སྐུ་ཐོབ་པར་འགྱུར་བ་བཞིན་དུ། རྒྱས་འགྱུར་ཀྱི་རིགས་ཀྱང་ཐོག་མ་མེད་པ་ནས་ཡོད་མེད་ཀྱི་དགེ་རྩ་ཡང་དག་པར་བླངས་པས་ཕྲིན་ལས་ཀྱི་མཆོག་གཟུགས་སྐུ་རྣམ་པ་གཉིས་རྒྱས་པར་འགྱུར་བའི་ཕྱིར། ཡང་དག་བླངས་པ་མཆོག་ཉིད་དེ། ཞེས་གསུངས་པ་ཡིན་ནོ། མདོར་ན་དགེ་རྩ་ཡང་དག་པར་བླངས་པས་ཕྲིན་ལས་རྒྱས་པ་ལྟར་འགྱུར་བའི་ཆ་ནས་རྒྱས་འགྱུར་གྱི་རིགས་ཤེས་གསུངས་ཀྱི། དགེ་རྩ་ཡང་དག་པར་བླངས་པ་ཉིད་ནི་རྒྱས་འགྱུར་གྱི་རིགས་མ་ཡིན་ཏེ། རིགས་ཀྱི་སྐད་དོད་དུ། ཧཱ་ཏུ་ཞེས་འབྱུང་བ་རིགས་དང་། ཁམས་དང་། རྒྱུ་དང་། རང་བཞིན་དང་། བྱི་བ་ལ་སོགས་པ་མ་འཇུག་པས། དགེ་རྩ་ཡང་དག་པར་བླངས་པས་དེ་ནི་དབྱིངས་མ་ཡིན་པའི་ཕྱིར། རྒྱས་འགྱུར་གྱི་དབྱིངས་མ་ཡིན་ལ་དགེ་རྩ་ཡང་དག་པར་བླངས་པ་རྒྱས་འགྱུར་གྱིས་རིགས་སུ་འདོད་ན། ཡེ་ཤེས་ཀྱི་ཚོགས་བསགས་པ་ཡང་རང་བཞིན་གནས་རིགས་སུ་ཐལ་བར་འགྱུར་རོ་ཞེས་བསྒྲེས་སོ། དེ་འདོད་ན་ནི། ཁྱོད་ཉིད་ཀྱིས་ཀྱང་རང་བཞིན་གནས་རིགས་དང་རྒྱས་འགྱུར་གྱི་རིགས་ཀྱི་གཞི་མཐུན་པ་ཁས་བླངས་པའི་ཕྱིར། འཁོར་གསུམ་ཀ་བཟློགས་དུ་མེད་དོ། དེས་དགུ་དོན་དགུའི་སྐབས་སུའང་ཤིང་འབྲས་ཀྱི་དཔེས་བསྟན་པ་དེ་ཉིད་རྒྱས་འགྱུར་གྱི་རིགས་ཡིན་ལ། ཇི་ལྟར་ཨ་འབྲས་ལ་སོགས་

(༤༧༩)ཤིང་འབྲས་ལ། ཡོད་པའི་ས་བོན་མྱུ་གུ་འཇིགས་མེད་ཆོས། ས་རྨོས་ཆུ་སོགས་ལྡན་ལས་ལྗོན་ཤིང་གིས། རྒྱལ་པོའི་དངོས་པོར་རིམ་གྱི་འགྲུབ་པ་ལྟར། ཞེས་སོགས་ཀྱི། ཏ་ལའི་ས་བོན་དང་རྒྱས་འགྱུར་གྱི་རིགས་དཔེ་དོན་དུ་སྦྱར་ཞིང་། ས་རྨོས་སོགས་ཀྱི་རྒྱས་པར་འགྱུར་བ་དང་དགེ་རྩ་ཡང་དག་པར་བླངས་པས་ཕྲིན་ལས་རྒྱས་པར་འགྱུར་བ། དཔེ་དོན་དུ་སྦྱར་བ་ལའང་རྟོགས་དཔྱོད་འཇུག་དགོས་ལ་དོན་འདི་ལ་དགོངས་ནས། ཆོས་དབྱིངས་སྟོད་པ་ལས། དད་པ་ལ་སོགས་པ་ཁམས་རྒྱས་བྱེད་དུ་གསུངས་ཀྱི། ཁམས་དངོས་སུ་མ་གསུངས་པའི་དགོངས་པ་ཤེས་དགོས་སོ། མདོ་སྡེ་རྒྱན་ལས་ཀྱང་། རྒྱས་འགྱུར་གྱི་རིགས་མི་ཆད་གསུངས་སྟེ། རྣམ་པར་པར་རིགས་པའི་གཞུང་མ་ཡིན་པས་སོ། དེས་ན་གནས་སྐབས་སུ་རྒྱས་འགྱུར་གྱི་རིགས་པད་བྱེེད་ཀྱི་རྐྱེན་དང་བྲལ་བ་ལ་དགོངས་ནས། ལ་ལ་ཐར་པ་ཆ་མཐུན་ཞེས་སོགས་དང་། གནས་སྐབས་སུ་རང་བཞིན་གནས་རིགས་པ་བྱེད་ཀྱི་རྐྱེན་དང་མི་ལྡན་པ་ལ་དགོངས་ནས། དཀར་པོ་ཞེས་སོགས་གསུངས་པ་ཡིན་ནོ། དེས་ན། གཞིའི་སྐབས་སུ་རིགས་དང་འདུས་བྱས་ཀྱི་གཞི་མཐུན་ཁས་ལེན་བ་དང་། འབྲས་བུའི་སྐབས་སུ་སངས་རྒྱས་འདུས་བྱས་ཀྱི་གཞི་འཐུན་པར་ཁས་ལེན་པ་ནི། །།།ལ་མངོན་པར་ཞེན་པའི་རི་རབ་ཀྱིས། ངེས་དོན་ལ་བལྟ་བའི་མིག་ལྡོངས་པ་ལས་གྱུར་པར་བྱའོ། གཉིས་པ་གཞུང་གི་དོན་ལ་གཉིས། རྩ་བ་དང་། འགྲེལ་པའོ། དང་པོ་ནི། དྲི་མེད་རྒྱལ་བའི་སྙིང་པོ་ནི། མ་དག་མ་དག་དག་པ་དང་། ཤིན་ཏུ་རྣམ་དག་གོ་རིམས་བཞིན། སེམས་ཅན་

(༤༨༠)ལམ་ལ་གནས་པ་དང་། དེ་བཞིན་གཤེགས་རྣམས་རིམ་པ་བཞིན། གསུངས་ཕྱི་དེ་དོན་རྟོགས་པར་བྱ། ཞེས་གསུངས་སྟེ། རྟོགས་བར་བྱའོ། གང་ན་དྲི་མ་མེད་པའི་རྒྱལ་བའི་སྙིང་པོ་དེའི་དོན་ནོ། དེ་ཡང་ངོ་བོ་དང་མཚན་གཞི་གོ་རིམས་བཞིན་དུ་སྦྱར་ན། ལམ་ལ་ཞུགས་ཀྱི་སེམས་ཅན་གྱི་སྙིང་པོ་ལ། མ་དག་པའི་དང་། ལམ་བསྐྱེད་རྫོགས་ལ་གནས་པའི་སྙིང་པོ་ལ་མ་དག་པ་དག་པའི་དང་། དེ་བཞིན་གཤེགས་པའི་སྙིང་པོ་ལ་ཤིན་ཏུ་རྣམ་པར་དག་པ་ཞེས་གསུངས་པའི་ཕྱིར་ན། དེ་བཞིན་དུ་ཤེས་པར་བྱའོ། གང་ལས་གསུང་ན། རྒྱུད་ལས། གཞི་རྒྱུད། ཐབས་རྒྱུད། འབྲས་རྒྱུད་རྣམས་དང་རིམ་པ་བཞིན་དུ་སྦྱར་ནས་གསུངས་སོ། དེ་ལས་འཕྲོས་པའི་དོན་ནི་དྲི་མེད་ལས། ཁ་གཅིག་རང་བཞིན་དྲི་མེད་ཁོ་ནར་འཆད་མདོ། བདག་གི་བླ་མ་ཐམས་ཅད་ཐམས་ཅད་མཁྱེན་པའི་ཞལ་སྔ་ནས། འདིར་དྲི་མ་མེད་པ་ནི་གཉིས་སྟེ། རང་བཞིན་གྱི་དྲི་མ་མེད་པ་དང་། བློ་བུར་གྱི་དྲི་མ་མེད་པའོ། དང་པོ་ནི། ངོས་བཟུངས་དང་མཚན་མ་ཐམས་ཅད་དང་བྲལ་བ་ཡིན་ལ། གཉིས་པ་ལ། བྲལ་བྱ་བློ་བུར་གྱིས་དྲི་མ་ནི། གཟུང་འཛིན་གྱི་རྣམ་རྟོགས་པ་སྟེ། དེའི་ཕྱིར་ངོས་བཟུང་དང་མཚན་མ་ཐམས་ཅད་དང་བྲལ་བའི་སེམས་ཉིད་ནི། སྐབས་འདིར་རང་བཞིན་རྣམ་དག་དང་། གཟུང་འཛིན་གྱི་རྣམ་རྟོགས་དང་བྲལ་བའི་སེམས་ཉིད་ནི། སྐབས་འདིར་བློ་བུར་རྣམ་དག་གོ། དེས་ན། ཐ་མལ་གྱི་ཤེས་པ་གཞི་དུས་ཀྱི་དག་པ་གཉིས་ལྡན་དུ་ངོ་སྤྲོད་པར་བཞེད་ནས། དྲི་མེད་རྒྱལ་བའི་སྙིང་པོ་ནི། ཞེས་གསུངས་པ་ཡིན་ནོ། ཞེས་གསུངས་སོ། རྒྱལ་བའི་སྙིང་པོའི་དོན་ལ། ཁ་གཅིག་ན་རེ། སྙིང་པོ་ནི་སྦུབས་ཀྱི་བཏུམ་པའི་དོན་ཡིན་པས། སེམས་ཅན་གྱི་གནས་སྐབས་

(༤༨༡)ན་བདེ་བར་གཤེགས་པའི་སྙིང་པོ་ཡོད་ཀྱང་། སངས་རྒྱས་པའི་ཚེ་ན་སྒྲིབ་པའི་སྦུབས་མཐའ་དག་ལས་གྲོལ་བའི་ཕྱིར་བདེ་བར་གཤེགས་པའི་སྙིང་པོ་མེད་དོ། ཞེས་ཟེར་ལ། གཞན་དག་ནི། བདེ་བར་གཤེགས་པའི་སྙིང་པོ་ནི་བདེ་བར་གཤེགས་པ་ཉིད་ཡིན་པའི་ཕྱིར། སངས་རྒྱས་ཀྱི་ས་ཁོ་ན་ན་ཡོད་ཀྱི་སེམས་ཅན་གྱི་རྒྱུད་ལ་ནི་བདེ་གཤེགས་སྙིང་པོ་མེད་དོ། ཞེས་ཟེར་རོ། ལུགས་དེ་གཉིས་ཀྱིས་ནི། བདེ་བར་གཤེགས་སྙིང་པོ་ལ་སྐུར་པ་བཏབ་པ་སྟེ། གཅིག་གིས་སངས་རྒྱས་པ་དང་གཅིག་ཤོས་ཀྱི་སེམས་ཅན་ལ་བདེ་གཤེགས་སྙིང་པོ་མེད་པར་སྨྲས་པས་སོ། དཔལ་རང་བྱུང་གི་ཞལ་སྔ་ནས་ནི། དྲི་མ་དང་བཅས་པའི་བདེ་བར་གཤེགས་སྙིང་པོ་དང་། དྲི་མ་མེད་པའི་བདེ་གཤེགས་སྙིང་པོ་ཞེས་བཞེད་པས། སེམས་སངས་རྒྱས་གཉིས་ཀ་སྙིང་པོ་ཅན་དུ་བཞེད་དོ། གསུང་ཕྱིར་ཞེས་པ་ལ། ཁ་གཅིག །རྒྱུད་བླ་མ་ལས། མ་དག་མ་དག་དག་པ་དང་། ཤིན་ཏུ་རྣམ་དག་གོ་རིམ་བཞིན། སེམས་ཅན་བྱང་ཆུབ་སེམས་དཔའ་དང་། དེ་བཞིན་གཤེགས་པ་ཞེས་བརྗོད་དོ། ཞེས་གསུངས་པ་ཉིད་ཁུངས་སུ་འདྲེན་མདོ། རྒྱལ་བའི་དབང་པོའི་ཞལ་སྔ་ནས། སྨྲ་བ་པོ་དེས་ནི། ཕ་རོལ་ཕྱིན་པར་རབ་གསང་བ། ཞེས་པའི་གཞུང་དང་དངོས་སུ་འགལ་བ་ཁས་བླངས་པས། འདིར་གང་ལས་གསུང་པའི་ཁུང་ནི། གསང་བ་འདུས་པ་ལས། རྒྱུད་ཅེས་བྱ་བ་འབྲེལ་པའི་དོན། འབྲེལ་པ་ལ་ཡང་རྣམ་གསུམ་སྟེ། གཞི་དང་རང་བཞིན་འབྲས་བུ་དང་། མི་འཕྲོག་པ་ཡིས་ཕྱེ་བ་ཉིད། གཞི་དང་རང་བཞིན་རྒྱུ་ཡིན་ཏེ། དེ་བཞིན་མི་འཕྲོག་འབྲས་བུའོ། གཞི་ཐབས་ཤེས་བྱ་བ་སྟེ། གསུམ་གྱི་རྒྱུད་ཀྱི་དོན་བསྡུས་པའོ། ཞེས་གསུངས་པ་ལྟར། རྒྱུད་སྡེ་མཐའ་

(༤༨༢)དག་ལས། གནས་སྐབས་གསུམ་དང་རྒྱུད་གསུམ་པོ་སྦྱར་ནས་གསུངས་པ་ཉིད་དཔལ་རང་བྱུང་གི་ཁུངས་སུ་མཛད་དོ། ཞེས་གསུངས་པ་ནི། ལེགས་པར་བཤད་པ་སྟེ་འདིའི་ཐད་ཀྱི་རང་འགྲེལ་ལས་འདི་ནི་མཆོག་ཏུ་རྟོགས་པར་དཀའ་བའི་རྡོ་རྗེ་ཐེག་པའི་བརྗོད་བྱ་སྟེ། ཞེས་སོགས་ནས། དེ་ལྟར་རྣམ་པ་གསུམ་པོ་འདི་ལ་མིང་གི་ཐ་སྐད་གྱི་རྣམ་གྲངས་སུ། གཞི་ལམ་འབྲས་བུ་དང་། གཞི་རྒྱུད་དང་ཐབས་རྒྱུད་དང་འབྲས་བུའི་རྒྱུད་གསུམ་དང་། གཞི་དངོས་པོའི་གནས་ལུགས་དང་ལམ་གྱི་རིམ་པ་དང་འབྲས་བུ་སྐྱེ་བའི་རིམ་པ། ཞེས་བྱ་བ་ལ་སོགས་པ་སྔོན་གྱི་མཁས་གྲུབ་རྣམས་ཀྱི་གསུངས་སོ། ཞེས་པའི་དགོངས་པ་དཔྱིས་ཕྱིན་པའོ། བོགས་འགྲེལ་ལས། མཐོང་སྤངས་གི་མ་དག་པའི་གནས་སྐབས་སུ་སེམས་ཅན་གྱི་ཁམས་ཤེས་བཤད་པ་ནི་སོར་བས་སྲོག་འཛིན་གྱི་ལམ་ལ་བསྐུར་པ་བཏབ་པར་འགྱུར་ཏེ། མཐོང་ལམ་རྣམ་གྲོལ་ལམ་མ་ཐོབ་ཀྱི་བར་དུ་ལམ་ལ་གནས་པ་མ་ཡིན་པར་དོན་གྱིས་ཁས་བླངས་བས་སོ། ཁྱབ་སྟེ། འཛིན་པའི་ཡན་ལག་གི་སྟོང་ཉིད་མངོན་སུམ་དུ་གསར་དུ་རྟོགས་པ་ལ་བརྟེན་ནས། མཐོང་སྤང་གྱི་ས་བོན་རྩད་ནས་གཅོད་ཅིང་། དེ་ལས་ཐོབ་པའི་རྣམ་པར་གྲོལ་བའི་ལམ་ནི་སེང་གེ་རྣམ་པར་བསྒྱིང་བའི་ཏིང་ངེ་འཛིན་ཡིན་པས་རྗེས་དྲན་གྱི་ལམ་དུ་འདོད་དགོས་པས་སོ། ཡང་ཁ་གཅིག་གཉེན་པོའི་སྟོབས་ཀྱི་དྲི་མ་རག་པ་དག་ཅིང་། དྲི་མ་ལ་ལ་མ་དག་པས་གཉིས་ལྡན་ལམ་པའི་གནས་སྐབས་ཤེས་གསུང་མདོ། འདི་ཡང་། བསྐྱེད་རིམས་གྱི་ལམ་ལ་སྐུར་པ་འདེབས་སྟེ། སྦྱོར་ལམ་དྲོད་རྩེར་མ་ཕྱིན་གྱི་བར་དུ་གཉེན་པོའི་སྟོབས་ཀྱི་དྲི་མ་རག་པ་དག་པར་མི་འགྱུར་བས་སོ། ཁྱབ་སྟེ། དབང་ཐོབ་ནས་བསྐྱེད་རིམས་

(༤༨༣)མོས་པས་བསྒོམ་པའི་གནས་སྐབས་ལ། ཚོགས་ལམ་དུ་གསུང་པས་སོ། ཇི་སྐད་དུ། གཞུང་ལས། དང་པོར་དབང་ཐོབ་སྐྱེད་རྫོགས་ནི། ལེགས་ཤེས་མོས་སྒྲུབ་ཚོགས་ལམ་སྟེ། ཞེས་གསུངས་སོ། གསུམ་པ་ལ་གསུམ་བསྡུས་སྟེ་བསྟན་པ། ཕྱེ་ཏེ་བཤད་པ། རྗེས་སུ་གདམས་ཤིང་དོན་བསྡུ་བའོ། དང་པོ་ནི། བདེ་བར་གཤེགས་པའི་སྙིང་པོ་འདི་ནི་གཞན་ལས་མཆོག་ཏུ་རྟོགས་པར་དཀའ་བའི་ཟབ་དོན་རྡོ་རྗེ་ཐེག་པ་སྟོན་པའི་གཞུང་རྣམས་ཀྱི་བརྗོད་བྱ་མཐར་ཐུག་པ་ཡིན་ཏེ། དེ་དག་འཆད་དོ། གཉིས་པ་ལ་གཉིས། རྟོགས་དཀའ་བའི་དོན་དང་། རྡོ་རྗེ་ཐེག་པའི་གོ་དོན་ནོ། དང་པོ་ནི། ཉོན་མོངས་པ་རང་བཞིན་གྱི་དག་ཀྱང་། གཞི་དུས་སུ་ཉོན་མོངས་བློ་བུར་བ་དང་ལྡན་པ་དང་། ཀུན་ནས་ཉོན་མོངས་པ་རང་བཞིན་གྱི་མེད་ཀྱང་། དེ་དག་པར་བྱ་དགོས་པ་དང་། སེམས་ཅན་ཐམས་ཅད་ལ་རྣམ་པར་དབྱེ་བ་མེད་པར་སངས་རྒྱས་ཀྱི་ཡོན་ཏན་དྲུག་བཅུ་རྩ་བཞི་པོས་ཁྱབ་ཀྱང་། དཀར་པོའི་ཆོས་རྣམས་ཀྱི་མ་བསྐྱེད་ན་ནུས་བ་མི་འབྱིན་པ་དང་ལྷུན་གྱི་གྲུབ་ཅིང་རྣམ་པར་མི་རྟོགས་པའི་ཕྲིན་ལས་འཇུག་པ་སྟེ། བསམ་གྱིས་མི་ཁྱབ་པའི་གནས་རྣམ་པ་བཞིས་དམ་དུ་འཁྱུད་ཅིང་སྦས་པ་སངས་རྒྱས་ཀྱི་བྱང་ཆུབ་ཆོས་ཀྱི་དབྱིངས་ཤིན་ཏུ་དྲི་མ་མེད་པ་ལ་བརྟེན་པ་རྡོ་རྗེ་ཐེག་པ་ལས་བཤད་པའི་བདེ་བར་གཤེགས་པའི་སྙིང་པོ་དེ་ཉིད་ཡིན་ནོ། གཉིས་པ་ནི། རྡོ་རྗེ་ཐེག་པའི་དོན་གཞི་ལམ་འབྲས་གསུམ་དུ་བཤད་རུང་བས་གསུམ་ཡོད་པ་དེ་ལ་འབྲས་བུ་དང་ལམ་གྱི་དབང་དུ་བྱས་ན་རྡོ་རྗེའི་དོན་ནི་མི་འགྱུར་བས་རྡོ་རྗེ་སྟེ་སྐྱེ་འཇིགས་སོགས་ཀྱི་འགྱུར་བ་མེད་པ་ཡང་དག་པར་རྫོགས་པའི་སངས་རྒྱས་ཡིན་ལ། སེམས་ཅན་ཐམས་ཅད་མཐར་སངས་རྒྱས་དེའི་ལམ་དུ་འགྲོ་བར་བྱེད་པས་འབྲས་བུའི་རྡོ་རྗེ་ཐེག་པ་སྟེ། འདིར་འདེགས་པའི་དོན་གྱིས་ན་ཐེག་པར་བཤད་

(༤༨༤)པའོ། རྡོ་རྗེའི་གནས་སངས་རྒྱས་ཀྱི་ས་དེར་བགྲོད་པར་བྱེད་པའི་ཐབས་ནི་ལམ་གྱི་རྡོ་རྗེ་ཐེག་པ་སྟེ་རྒྱལ་བའི་སྲས་པོ་བྱང་ཆུབ་སེམས་དཔའ་རྣམས་སངས་རྒྱས་ཀྱི་ས་དེར་ཕྱིན་པར་བྱེད་པས་འདིས་འདེགས་པའི་དོན་གྱིས་ན་ལེགས་པར་བཤད་པའི། འཆད་ཚུལ་དེ་ལས་ཡང་ན་རྡོ་རྗེའི་དོན་ནི་མི་ཤིག་པས་རྡོ་རྗེ་སྟེ་གཟུང་འཛིན་གྱི་རྣམ་པར་རྟོགས་པས་མི་ཤིགས་པའི་ཐིག་ལེ་ཆེན་པོ་བདེ་བར་གཤེགས་པ་སངས་རྒྱས་ཀྱི་སྙིང་པོ་ཡིན་ལ། སྙིང་པོ་དེ་ནི་སྣང་སྲིད་འཁོར་འདས་ཀྱི་བསྡུས་པའི་ཆོས་ཐམས་ཅད་བདེ་བར་གཤེགས་པའི་སྙིང་པོ་དེ་ལས་མི་གཡོ་བའི་གཞི་ཡིན་པའི་དོན་གྱིས་ན་གཞིའི་རྡོ་རྗེ་ཐེག་པའོ། དེ་ལྟར་ན་རྡོ་རྗེའི་དོན་ལ་པྲ་བ་བརྟེན་པ་མི་ཆོད་པ་མི་ཕྱེད་པ་གཞོམ་དུ་མེད་པ་བཤིགས་ཏུ་མེད་པ་མི་འགྱུར་བ་མི་ཤིག་པ་སོགས་མང་དུ་གསུང་པ་ལས་འདིར་ཕྱི་མ་གཉིས་སྨོས་པ་ཡིན་ལ། ཐེག་པའི་དོན་ལ་ཡང་། འདིར་འདེགས་པས་ན་ཐེག་པ་རྡ་སྐྲོད་པ་འབྲས་བུའི་ཐེག་པ་སློབ་པའི་ལམ་དང་། འདིས་འདེགས་པས་ན་ཐེག་པ་སྟེ་བགྲོད་བྱེད་ལམ་གྱི་ཐེག་པ་སློབ་ལམ་བཞི་དང་། འདེགས་པའི་གཞི་ཡིན་པས་ཐེག་པ་སྟེ་བགྲོད་བྱ་གཞིའི་ཐེག་པ་བདེ་བར་གཤེགས་པའི་སྙིང་པོ་དང་། འདི་ནས་མི་ལྟུང་བར་འདེགས་པས་ཐེག་པ་སྟེ་ཐོབ་བྱ་འབྲས་བུའི་ཐེག་པ་སྐུ་བཞི་དང་། འདི་ལ་བརྟེན་ནས་འདེག་པས་ན་ཐེག་པ་སྟེ་འདོར་བྱེད་ཐབས་ཀྱི་ཐེག་པ་རིམ་པ་གཉིས་དང་། འདི་ནས་འདེག་པའི་དོན་གྱིས་ན་ཐེག་པ་སྟེ་སྤང་བྱ་སྒྲིབ་པའི་ཐེག་པ་འཁོར་བའི་ཆོས་དང་། གཞན་ཡང་ཉན་ཐོས་ཀྱི་ཐེག་པ་དང་རང་སངས་རྒྱས་ཀྱི་ཐེག་པ་དང་ཐེག་པ་ཆེན་པོ་སྟེ་ཡོངས་སུ་གྲགས་པའི་ཐེག་པ་གསུམ་དང་། ཕྱི་པ་ཐུབ་པ་རྒྱུད་ཀྱི་ཐེག་པ་གསུམ་དང་ནང་པ་ཐབ་རྒྱུད་ཀྱི་ཐེགས་

(༤༨༥)པ་དྲུག་སྟེ་སྔ་འགྱུར་ལས་བཤད་པའི་ཐེག་པ་དགུ་དང་། ལྷའི་ཐེག་པ་དང་ཚངས་པའི་ཐེག་པ་ལ་སོགས་པ་ཐེག་པའི་སྒྲས་བརྗོད་པ་དུ་མ་ཞིག་ལས་འདིར་སྔ་མ་གསུམ་བཟུང་བར་མཛད་ནས། རྡོ་རྗེ་ཐེག་པའི་གོ་དོན་དང་སྦྱར་ཏེ་གསུངས་པ་ཡིན་ནོ། གཉིས་པ་ཕྱེ་སྟེ་བཤད་པ་ལ་གསུམ། རྩ་བའི་དོན་བཤད་པ། བསམ་གྱིས་མི་ཁྱབ་པའི་ཚུལ། དེ་དཔེ་དང་སྦྱར་བའོ། དང་པོ་ནི། གནས་བདེ་བར་གཤེགས་པའི་སྙིང་པོ་འདི་ལ་སྒྲིབ་པའི་དྲི་མ་ཐམས་ཅད་ཀྱི་གོས་པ་མེད་པས་ན་དྲི་མ་མེད་པ་སྟེ། གཞུང་རྩ་བར་དྲི་མེད་ཅེས་གསུང་པའི་དོན་ཡིན་པས་སོ། དྲི་མེད་ཀྱི་སྙིང་པོ་དེ་ཉིད་རྫོགས་པའི་སངས་རྒྱས་ཐམས་ཅད་ཀྱི་ངོ་བོ་ཡིན་པས་སངས་རྒྱས་ཀྱི་སྙིང་པོ་བདེ་བར་གཤེགས་པའི་སྙིང་པོ་སྟེ། རྩ་བར་རྒྱལ་བའི་སྙིང་པོ་ནི་ཞེས་བྱ་བ་གསུང་པའོ། སྙིང་པོ་དེ་ལ་གནས་སྐབས་རྣམ་པ་གསུམ་དུ་འགྱུར་ཏེ་དྲི་མ་ཅུང་ཟད་ཀྱང་མ་དག་པ་དང་བཅས་པ་སེམས་ཅན་གྱི་གནས་སྐབས་དང་། དྲི་མ་རྫོགས་པར་མ་དག་པ་དང་། དྲི་མའི་ཕྱོགས་གཅིག་གི་དག་པ་གཉིས་ཀ་དང་ལྡན་པ་བྱང་ཆུབ་སེམས་དཔའ་ལམ་པའི་གནས་སྐབས་དང་། དྲི་མ་ཤིན་ཏུ་རྣམ་པར་དག་པ་དེ་བཞིན་གཤེགས་པའི་གནས་སྐབས་ཏེ། དེ་ལྟར་གནས་སྐབས་རྣམ་པ་གསུམ་པོ་འདིས་མིང་གི་ཐ་སྙད་མི་འདྲ་བ་ཙམ་གྱི་རྣམ་གྲངས་སུ་མ་དག་པའི་གནས་སྐབས་ལ་གཞི་དང་། གཉིས་ལྡན་ལ་ལམ་དང་ཤིན་ཏུ་རྣམ་དག་ལ་འབྲས་བུར་གསུང་པ་དང་། དེ་བཞིན་དུ་མ་དག་པའི་གཞི་རྒྱུད་དང་གཉིས་ལྡན་ལ་ཐབས་རྒྱུད་དང་ཤིན་ཏུ་རྣམ་དག་ལ་འབྲས་བུའི་རྒྱུད་མེད་རྒྱུད་གསུམ་དུ་གསུང་པ་དང་མ་དག་བའི་གནས་སྐབས་ལ་གཞི་དངོས་པོའི་གནས་ལུགས་དང་། གཉིས་ལྡན་ལ་ལམ་གྱི་རིལ་པ་དང་ཤིན་ཏུ་རྣམ་དག་ལ་འབྲས་བུ་སྐྱེ་བའི་རིམ་པ་ཞེས་བྱ་བ་ལ་སོགས་པ། སྔོན་

(༤༨༦)གྱི་མཁས་པ་པཎྜིཏ་དང་། གྲུབ་པ་ཐོབ་པའི་རྣལ་འབྱོར་གྱི་དབང་ཕྱུག་རྣམས་ཀྱི་གསུངས་སོ། ཞེས་པ་གཞུང་རྩ་བར། མ་དག་མ་དག་སོགས་ཤོ་ལོ་ཀ་གཅིག་གི་དོན་ཡིན་ལ་གོ་རིམ་བཞིན་ཞེས་པ་ནི་གནས་སྐབས་གསུམ་དང་། སེམས་ཅན་སོགས་གོ་རིམས་བཞིན་དུ་སྦྱར་དགོས་པའི་ཚིག་དང་། རིམ་པ་བཞིན་གསུང་ཕྱིར་ཞེས་པ་རྒྱུད་སྡེ་རྣམས་ལས་གནས་སྐབས་གསུམ་པོ་རིམ་པ་བཞིན་དུ་གཞི་རྒྱུད་ཐབས་རྒྱུད་འབྲས་རྒྱུད་གསུམ་དང་སྦྱར་ནས་གསུངས་སོ། ཞེས་པའི་དོན་ཡིན་ནོ། གཉིས་པ་བསམ་གྱིས་མི་ཁྱབ་པའི་ཚུལ་ནི། རྡོ་རྗེ་ཐེག་པ་ལས་གསུངས་པའི་བདེ་བར་གཤེགས་པའི་སྙིང་པོ་འདི་ལ་བསམ་གྱིས་མི་ཁྱབ་པའི་གནས་བཞིས་མཁྱུད་པའི་དབང་གི་རྟོགས་བར་དཀའ་ན། བསམ་གྱིས་མི་ཁྱབ་པའི་ཚུལ་བཞི་པོ་དེ་ཡང་གང་ཞེ་ན། རྒྱུད་བླ་མ་ལས། དག་དང་ཉོན་མོངས་དག་ལྡན་ཕྱིར། ཞེས་གསུངས་པ་ལྟར། སངས་རྒྱས་ཀྱི་སྙིང་པོ་དེ་ལ་ཡེ་གདོད་མ་ནས་སྒྲིབ་གཉིས་ཀྱི་དྲི་མས་གོས་པ་མེད་ཀྱང་། སེར་སྣ་ལ་སོགས་པ་ཉོན་མོངས་པའི་སྒྲིབ་པ་དང་། འཁོར་གསུམ་དུ་རྟོགས་པ། སོགས་ཤེས་བྱའི་སྒྲིབ་པ་སྟེ་སྒྲིབ་གཉིས་ཀྱི་དྲི་མ་བག་ཆགས་དང་བཅས་པ་མཐའ་དག་ཟད་པར་མ་སྤངས་ཀྱི་བར་ལ་ཡང་དག་པར་རྫོགས་པའི་སངས་རྒྱས་སུ་མི་འགྱུར་བ་ནི་ཁམས་གྱི་དོན་བསམ་གྱིས་མི་ཁྱབ་པ་དང་། ཀུན་ནས་ཉོན་མོངས་མེད་དག་ཕྱིར། ཞེས་གསུངས་པ་ལྟར། སྒྲིབ་གཉིས་ཀྱི་དྲི་མ་དེ་ཉིད་ཐོག་མ་མེད་དུས་ནས་སེམས་དང་ལྷན་གཅིག་ཏུ་སྐྱེས་ཤིང་། འབྲེལ་ཀྱང་སེམས་དང་འབྲལ་དུ་རུང་བའི་བློ་བུར་བ་ཡིན་པས་དྲི་མ་དེ་རྫས་བདེན་པར་གྲུབ་པ་མེད་པ་བྱང་ཆུབ་ཀྱི་དོན་བསམ་གྱིས་མི་ཁྱབ་པ་དང་། རྣལ་འབྱོར་དབྱེ་བ་མེད་ཆོས་ཕྱིར་

(༤༨༧)བདེ་གསུངས་པ་ལྟར། དྭ་ལྟར་གཞིའི་དུས་ན་དྲི་མ་དང་བཅས་པའི་སེམས་ཅན་ཐམས་ཅད་ལ་བྲལ་བའི་ཡོན་ཏན་སོ་གཉིས་དང་རྣམ་སྨིན་གྱི་ཡོན་ཏན་སོ་གཉིས་སྟེ་སངས་རྒྱས་ཀྱི་ཡོན་ཏན་དྲུག་བཅུ་རྩ་བཞི་པོ་རྫོགས་བར་ཡོད་ཀྱང་སེམས་ཅན་གྱི་སྐབས་སུ་ཡོན་ཏན་དེ་རྣམས་ཀྱི་ནུས་པ་མི་འབྱུང་བ་ནི་ཆོས་ཀྱི་དབྱིངས་ཤིན་ཏུ་དྲི་མ་མེད་པའི་རྒྱུ་མཐུན་པར་རབ་ཏུ་ཟབ་པ་དཀར་པོ་དགེ་བའི་ཆོས་ཐོས་བསམ་སྒོ་གསུམ་གྱི་རྐྱེན་གྱི་མ་བསྐྱེད་ན་གཞིའི་དུས་སུ་ཡོན་ཏན་དྲུག་བཅུ་རྩ་བཞི་པོ་རྣམས་ཀྱི་ནུས་པ་དངོས་སུ་མི་འབྱིན་པ་ཡོན་ཏན་བསམ་གྱིས་མི་ཁྱབ་པའི་དོན་དང་། ལྷུན་གྲུབ་རྣམ་པར་མི་རྟོགས་ཕྱིར། ཞེས་གསུངས་པ་ལྟར། ཕྲིན་ལས་ཀྱི་ཡུལ་སེམས་ཅན་དང་བདག་པོ་སངས་རྒྱས་དང་འཇུག་བྱ་ཕྲིན་ལས་ཐམས་ཅད་ལ་འཇུག་ཡུལ་འཇུག་བྱེད་འཇུག་བྱ་རྣམས་གཅིག་པ་ཉིད་དང་ཐ་དད་པ་ཉིད་དུ་རྣམ་པར་མི་རྟོགས་པར་ལྷུན་གྲུབ་ཕྲིན་ལས་འཇུག་པ་ལ་དབྱེ་བ་མེད་པས་ཡང་དག་པར་ན་བརྗོད་བ་ཐམས་ཅད་དང་བྲལ་ཀྱང་ཐ་སྙད་ཙམ་དུ་བརྗོད་པ་ཐམས་ཅད་གྱི་གཞིར་གྱུར་པ་ནི་ཕྲིན་ལས་བསམ་གྱིས་མི་ཁྱབ་པའི་དོན་ཏེ། བསམ་གྱིས་མི་ཁྱབ་པ་བཞི་པོ་མདོར་བསྡུ་ན། གདོད་མ་ནས་དྲི་མས་མ་གོས་པར་དག་པ་དང་ཉོན་མོངས་བློ་བུར་བ་དང་ལྡན་པས་ཁམས་བསམ་གྱིས་མི་ཁྱབ་པའི་ཕྱིར་དང་། ཀུན་ནས་ཉོན་མོངས་པ་རང་བཞིན་གྱི་མེད་ཀྱང་གཉེན་པོས་དག་པར་བྱ་དགོས་པས་བྱང་ཆུབ་བསམ་གྱིས་མི་ཁྱབ་པའི་ཕྱིར་དང་། གཞི་དུས་ནས་ཡོན་ཏན་དྲུག་བཅུ་རྩ་བཞི་པོ་སེམས་དང་རྣམ་པར་དབྱེ་བ་མེད་པའི་ཁྱད་ཆོས་ཡིན་པས་ཡོན་ཏན་བསམ་གྱིས་མི་ཁྱབ་པའི་ཕྱིར་དང་། ལྷུན་གྱི་གྲུབ་ཅིང་རྣམ་པར་མི་རྟོག་བཞིན་དུ་སེམས་ཅན་གྱིས་དོན་བྱེད་པ་ཕྲིན་ལས་བསམ་གྱིས་མི་ཁྱབ་པའི་ཕྱིར་ན། བསམ་གྱིས་གནས་

(༤༨༨)བཞི་ཞེས་ཐེག་པ་ཆེན་པོ་རྒྱུད་བླ་མར་རྒྱལ་བ་བྱམས་པས་གསུངས་པ་ཡིན་ནོ། སོགས་འགྲེལ་དུ། རྗེ་རང་བྱུང་པས། རྒྱུད་བླའི་གཞུང་འདིས་སེམས་ཅན་གྱིས་རྒྱུད་ལ་མདོ་པའི་བྱང་ཆུབ་ཡོན་ཕྲིན་ལས་གསུམ་སྟོན་པ་ལྟ་བུར་འབྲུ་གནོན་མཛད་འདུག །ཅེས་རང་གི་འགྲེལ་པ་ལ་ཚིག་གི་ཟུར་ཅུང་ཟད་བསྟན་ནས། ཁོང་ཉིད་ཀྱི་བཞེད་པས། ཡང་ན་འདི་བཞིན་དུ་བཤད་དེ། དྲི་བཅས་ཀྱི་དེ་བཞིན་ཉིད་ནི་རང་བཞིན་གྱི་རྣམ་པར་དག་པ་དང་ཡིན་པ་དང་བློ་བུར་གྱི་ཀུན་ནས་ཉོན་མོངས་པ་དང་ལྡན་པ་གཉིས་འགལ་བ་ལྟར་སྣང་ཡང་མི་སྣང་བ་ནི་བསམ་གྱིས་མི་ཁྱབ་པ་ཡིན་ཏེ། ཟབ་མོའི་ཚུལ་ལ་མོས་པ་རང་སངས་རྒྱས་དག་གིས་ཡང་སྤྱོད་ཡུལ་དུ་མ་གྱུར་པས་རྟོགས་པར་དཀའ་བ་ཡིན་པའི་ཕྱིར་དང་། དྲི་མ་མེད་པའི་དེ་བཞིན་ཉིད་ནི་ཀུན་ནས་ཉོན་མོངས་པ་རང་བཞིན་མེད་པ་སྟེ་དག་པ་ཡིན་པ་དང་དྲི་མ་བློ་བུར་དུ་དག་པ་གཉིས་འགལ་བ་ལྟར་སྣང་ཡང་མི་འགལ་བ་ནི་བསམ་གྱིས་མི་ཁྱབ་ཏེ་རྒྱུ་མཚན་སྔར་བཞིན་ནོ། དྲི་མ་མེད་པའི་ཡོན་ཏན་ནི། ཉོན་མོངས་པ་མཐའ་དག་དང་བཅས་པའི་སོ་སོ་སྐྱེ་བོ་རྣམས་ལ་རྣམ་པར་དབྱེ་བ་མེད་པར་ཡོད་པའི་ཆོས་ཡིན་པས་སྔོན་འཁོར་བ་དང་ཕྱིས་མྱ་ངན་ལས་འདས་པའི་དུས་ཁྱད་པར་མེད་པ་ཡིན་པ་ཡིན་པ་དང་གཉེན་པོས་དྲི་མ་བསལ་བས་ཐོབ་པ་ཡང་ཡིན་པ་གཉིས་འགལ་བ་ལྟར་སྣང་ཡང་མི་འགལ་བ་ནི་བསམ་གྱིས་མི་ཁྱབ་སྟེ། རྒྱུ་མཚན་སྔར་བཤད་པའི་ཕྱིར་རོ། ཞེས་བྲིས་སོ། འགྲེལ་བཤད་མཛད་པ་པོ་མཁས་གྲུབ་ཆེན་པོ་འདིས་ནི། ཁམས་ཀྱི་དོན་ནི་རྒྱུའི་དོན་ནོ། ཞེས་པ་ཁོ་ན་ལ་དགོངས་སྟེ་ཁམས་ཀྱི་བསམ་གྱི་མི་ཁྱབ་དྲི་བཅས་ཁོ་ན་ལ་སྦྱར། བྱང་ཆུབ་དང་ཡོན་ཏན་ནི་འབྲས་དུས་ཁོ་ནའོ། སྙམས་དུ་དགོངས་

(༤༨༩)ནས་དེ་གཉིས་བསམ་མི་ཁྱབ་དྲི་མེད་ཁོ་ན་ལ་སྦྱར། འཕྲིན་ལས་བྱ་བ་ཡུལ་ལ་ཡོད་བ་དང་བྱེད་པ་པོ་ལ་ཡོད་པ་གཉིས་སུ་གྲགས་བ་ཅུང་ཟད་དཀའ་བར་དགོངས་ནས། ཕྲིན་ལས་ཀྱི་བསམ་མི་ཁྱབ་བཏང་སྙོམས་སུ་མཛད་ཅིང་བསམ་མི་ཁྱབ་ཕྱི་མ་འདི་འཆད་བྱེད་ཀྱི་འགྲེལ་པའི་འབྲུ་མནོན་ཀྱང་གོ་དཀའ་བར་བཀོད་ནས། ཁོང་ཉིད་ཀྱི་བཞེད་པ་དེ་ཉིད་རྒྱུད་བླ་མ་རྩ་འགྲེལ་གྱི་དངོས་བརྟེན་དང་ཡང་མཐུན་བར་དགོངས་སོ། བཤད་པ་འདི་ཡང་ཕྱོགས་གཅིག་བ་ཁོ་ན་སྟེ། བླ་ན་མེད་པའི་རྒྱུད་སྡེ་ལས་གསུངས་པའི་བདེ་བར་གཤེགས་པའི་སྙིང་པོ་གཞི་ལམ་འབྲས་བུའི་གནས་སྐབས་གསུམ་དུ་རྒྱུན་ཆགས་པས་རྒྱུད་གསུམ་ལ་སོགས་པ་མིང་གི་རྣམ་གྲངས་དུ་མས་བརྟན་པ་འདི་ནི་རྟོག་གེ་པ་དབང་དང་ཕུང་པོ་ཙམ་གྱི་གནས་ལུགས་ཤེས་པ་ཉན་ཐོས་དང་ཟབ་མོའི་ཚུལ་ལ་མོས་པ་རང་སངས་རྒྱས་དང་། ཟབ་མོའི་ཚུལ་ལ་ཞུགས་པ་ཕ་རོལ་ཏུ་ཕྱིན་པ་ཕྱོགས་གཅིག་པའི་བྱང་ཆུབ་སེམས་དཔའ་ཀྱང་རྟོགས་པར་དཀའ་བའི་ཕྱིར་བསམ་གྱིས་མི་ཁྱབ་པར་གསུངས་པ་སྟེ། དེའི་ཕྱིར་ཐེག་པ་ཆེན་པོ་རྒྱུད་བླ་མ་རྩ་འགྲེལ་གྱི་དངོས་བསྟན་ཙམ་གྱི་ཚུལ་འདི་མཚོན་པར་ནུས་པ་མ་ཡིན་ནོ། དོན་འདི་ལ་དགོངས་ནས། ཕ་རོལ་ཕྱིན་བར་རབ་གསང་བ། ལུས་སེམས་ནང་གི་བདག་ཉིད་བཤད། ཅེས་ཕ་རོལ་ཏུ་ཕྱིན་པ་ཕྱོགས་གཅིག་པ་ལ་རབ་ཏུ་གསང་པའི་ལུས་ངག་སེམས་གསུམ་གྱི་དེ་ཁོ་ན་ཉིད་ནང་གི་བདག་ཉིད་བདེ་བར་གཤེགས་པའི་སྙིང་པོ་རྡོ་རྗེ་ཐེག་པའི་སྒྲས་བསྟན་བ་དེ་དག་བཤད་པར་བྱའོ་ཞེས་དམ་བཅའ་བ་མཛད་པ་ཡིན་ནོ། དེ་ལྟར་ན། དག་དང་ཉོན་མོངས་དག་ལྡན་ཕྱིར། ཞེས་སོགས་ཀྱི་ལུང་དང་སྦྱར་བར་མི་རིགས་སོ་ཞེ་ན་སྐྱོན་མེད་དེ། བསམ་གྱིས་མི་ཁྱབ་པའི་ཚུལ་

(༤༩༠)བཞི་པོ་དེ་ལུང་དེ་དང་སྦྱར་བ་ཡིན་གྱིས་བསམ་གྱིས་ཁྱབ་རྒྱུ་བདེ་བར་གཤེགས་པའི་སྙིང་པོ་ལུང་དེ་དང་སྦྱར་བ་མ་ཡིན་པས་སོ། དེའི་ཕྱིར་ཅུང་ཟད་བཤད་པར་བྱ་སྟེ། སྣང་སྲིད་འཁོར་འདས་ཀྱི་བསྡུས་བའི་ཆོས་ཐམས་ཅད་སེམས་ཀྱི་སྣང་བ་ཙམ་ཡིན་པས། གཞི་ལམ་འབྲས་བུའི་གནས་སྐབས་གསུམ་དུ་རྒྱུན་ཆགས་པའི་བདེ་བར་གཤེགས་པའི་སྙིང་པོ་དེ་ཡང་སེམས་ཀྱི་སྣང་བ་ཙམ་སྟེ་ཇི་ལྟར་སྣང་བའི་ཚུལ་ནི་མཐའ་ཡས་སོ། དེས་ན་ཁམས་ཀྱི་དོན་རྒྱུའི་དོན་དུ་བཞེད་པ་བསྐྱེད་བྱེད་ཁོ་ནར་ཞེན་པ་མི་བྱ་སྟེ། དཔལ་རང་བྱུང་གི་ཞལ་སྔ་ནས། སྙིང་པོ་བསྟན་པར། ཁམས་ནི་བྱེད་པོ་མེད་ཀྱང་ནི། རང་མཚན་འཛིན་པས་དེ་སྐད་བརྗོད་ཅེས་བྱེད་པ་པོ་གཞན་མེད་ཀྱང་གདོད་མ་ནས་ཡོན་ཏན་ཐམས་ཅད་དང་དབྱེ་བ་མེད་པར་གནས་པ་ཉིད་རང་གི་མཚན་ཉིད་ངོ་བོ་གཞན་དུ་མི་འགྱུར་བར་འཛིན་པས་ཁམས་སུ་བཤད་པའི་ཕྱིར། ཁམས་དང་དབྱིངས་ལ་སོགས་པའི་སྒྲས་བརྗོད་དུ་རུང་བ་སངས་རྒྱས་ཀྱི་ཡོན་ཏན་ཀྱང་བགྲང་བ་ལས་འདས་པ་ཡོད་དོ། དེས་ན་ཁམས་བསམ་གྱིས་མི་ཁྱབ་པའི་ཚུལ་ཀྱང་གཞི་ལམ་འབྲས་བུ་གསུམ་ཀ་དང་སྦྱར་དུ་ཡོད་ཅིང་། གཞིའི་ཐོག་ཏུ་འབྲས་བུ་ལྷུན་གྱི་གྲུབ་ཅིང་གཞི་འབྲས་དབྱེར་མེད་དུ་བཞེད་པས། སེམས་ཅན་གྱི་དུས་ན་བྱང་ཆུབ་དང་ཡོན་ཏན་ཀྱང་ཡོད་ལ། ཕྲིན་ལས་ཀྱང་གཞི་འབྲས་བུའི་གནས་སྐབས་ཐམས་ཅད་དུ་ཁྱབ་པ་དང་རྟགས་པར་མཛད་པས་ན། ཁམས་བྱང་ཆུབ་ཡོན་ཏན་ཕྲིན་ལས་བཞི་ཀ་གཞི་ལམ་འབྲས་བུའི་གནས་སྐབས་གསུམ་དུ་བསམ་གྱི་མི་ཁྱབ་པའོ། དེས་ན། དཔལ་རང་བྱུང་གི་ཞལ་སྔ་ནས་རང་གི་འགྲེལ་པར་གཞི་ལ་སྦྱར་ནས་བསམ་གྱིས་མི་ཁྱབ་པའི་ཚུལ་བཞིས་བསམ་གྱིས་མི་

(༤༩༡)ཁྱབ་པར་གསུངས་པ་ནི་མཚོན་པ་སྟེ། དེ་ཁོ་ན་ལྟར་ལམ་དང་འབྲས་བུ་ལ་སྦྱར་བའི་བསམ་གྱིས་མི་ཁྱབ་པའི་ཚུལ་ཀྱང་ཤེས་པར་བྱའོ། གསུམ་པ་དེ་དཔེ་དང་སྦྱར་བ་ནི། བསམ་གྱིས་མི་ཁྱབ་པའི་ཚུལ་བཞི་པོ་འདི་བདག་མེད་པའི་དོན་ལ་མཁས་པ་ཉན་ཐོས་དང་རྟེན་ཅིང་འབྲེལ་པར་འབྱུང་བ་ཕྱིན་ཅི་མ་ལོགས་པར་རྟོགས་པའི་རང་སངས་རྒྱས་དང་སྟོང་པ་ཉིད་ལ་མོས་པས་ཐེག་པ་ཆེན་པོ་ལ་གསར་དུ་ཞུགས་པའི་བྱང་ཆུབ་སེམས་དཔའ་ལས་དང་པོ་ས་རྣམས་ཀྱི་ཇི་ལྟ་བ་བཞིན་རྟོགས་པར་དཀའ་བར་གསུངས་ཀྱང་། དེ་རྟོགས་པའི་ཐབས་སུ་རེ་ཞིག་ནོར་བུའི་དཔེས་མཚོན་ནས་བསྟན་པར་བྱ་སྟེ། ཁམས་ཀྱི་དོན་བསམ་གྱིས་མི་ཁྱབ་པའི་ཚུལ་དེ་ནི། དཔེར་ན་ས་འོག་ན་གནས་པའི་ནོར་བུར་རིན་པོ་ཆེ་བཻ་ཌཱུརྱ་ཆེན་པོ་ས་འདམ་གཡའ་སོགས་དང་ནོར་བུར་འཕྲད་པ་ལས་སྐྱེས་པའི་ཤུན་པ་དང་བཅས་པའི་ཚེ་ན་ནོར་བུར་དེའི་ཤུན་པ་དང་བཅས་པའི་ཚེ་ཀྱང་ཤུན་པའི་ནང་དུ་ནོར་བུ་ཉིད་ལ་ཤུན་པ་འདྲེས་པ་མེད་པ་ལྟར་གཞི་སེམས་ཅན་གྱི་དུས་ན་བདེ་བར་གཤེགས་པ་སངས་རྒྱས་ཀྱི་སྙིང་པོ་དེ་བློ་བུར་བའི་དྲི་མ་རྣམས་ཀྱི་སྒྲིབ་ཀྱང་དྲི་མ་དང་སྙིང་པོ་མ་འདྲེས་པས་ན་ངོ་བོ་དག་མ་གནས་སྐབས་ཉོན་མོངས་པ་ལྡན་པའི་དཔེ་དང་དོན་འབྱོར་བ་ཡིན་ནོ། ཡང་བྱང་ཆུབ་གྱི་དོན་བསམ་གྱི་མི་ཁྱབ་པའི་ཚུལ་དེ་ནི། དཔེར་ན། ས་འོག་གི་ནོར་བུར་དེ་ནི་ཕྱིའི་ཤུན་པ་དང་བཅས་པའི་ནོར་བུར་ཡིན་ཀྱང་ནོར་བུའི་ཤུན་པ་དེ་ནི་ནོར་བུར་རང་ཉིད་ལས་བྱུང་བ་ཡང་མ་ཡིན་ནོར་བུར་རང་ཉིད་ལས་གཞན་ཞིག་ནས་ཀྱང་བྱུང་བ་མ་ཡིན་ཏེ། རང་གཞན་གང་ནས་ཀྱང་མ་བྱུང་བའི་ནོར་བུའི་ཤུན་པ་དེ་བཀྲུ་བ་གསུམ་དང་ཕྱི་བ་གསུམ་ལ་སོགས་པས་རྣམ་པར་དག་པར་བྱས་བས། ནོར་བུར་ཤུན་པས་དག་པར་འགྱུར་བ་ལྟར། སེམས་སངས་རྒྱས་ཀྱི་སྙིང་པོ་དང་ལྷན་

(༤༩༢)གཅིག་པའི་བློ་བུར་བའི་སྒྲིབ་པ་དེ་ནི་སེམས་ལས་ཀྱང་བྱུང་བ་མ་ཡིན། སེམས་ལས་གཞན་ནས་ཀྱང་བྱུང་བ་མ་ཡིན། གང་ནས་ཀྱང་མ་བྱུང་བའི་བློ་བུར་བའི་སྒྲིབ་པ་དེ། གཉེན་པོའི་སྟོབས་ཀྱི་དག་པར་བྱས་པའི་སངས་རྒྱས་ཀྱང་། ནོར་བུའི་དཔེ་དེ་ཁོ་ན་བཞིན་དུ་སྒྲིབ་པ་གང་ནས་ཀྱང་བྱུང་བ་མེད་ལ་གཉེན་པོས་དག་པར་བྱས་པ་དཔེ་དང་དོན་དུ་འབྱོར་རོ། ཡང་ཡོན་ཏན་གྱིས་དོན་བསམ་གྱིས་མི་ཁྱབ་བའི་ཚུལ་དེ་ནི། དཔེར་ན། ནོར་བུའི་ཡོན་ཏན་དགོས་འདོད་འབྱུང་བ་ལ་སོགས་པ་དེ་རྣམས། དོང་ཤུན་པ་དང་བཅས་བའི་དུས་དང་། ཐ་མ་ཤུན་པ་སྦྱངས་ནས་རྒྱལ་མཚན་གྱི་རྩེར་བཀོད་པ་ཁྱད་པར་མེད་ཀྱང་། སྔ་མ་ཤུན་པ་དང་བཅས་པ་ལ་ནི། གཞན་ངོར་ཡོན་ཏན་མི་སྣང་ལ། ཕྱི་མ་ཤུན་པ་སྦྱང་ནས་དྲི་མ་མེད་པའི་ནོར་བུར་དེ། རྒྱལ་མཚན་གྱི་རྩེར་བཏག་ཏེ་གསོལ་བ་བཏབ་ན་གང་ལ་གང་འདོད་འབྱུང་བའི་ཡོན་ཏན་འབྱིན་པ་དེ་བཞིན་དུ་སངས་རྒྱས་ཀྱི་ཡོན་ཏན་དྲུག་བཅུ་རྩ་བཞི་པོ་ཐམས་ཅད་དྭ་ལྟ་གཞི་དུས་ན་ཡོད་ཀྱང་། སྐྱོན་མེད་པའི་རྣམ་པར་དཀར་བ་དགེ་རྩ་ཡང་དག་པར་བླངས་བ་སོགས་ཀྱི་མ་བསྐྱེད་ན། ཡོན་ཏན་གྱི་ནུས་པ་དོན་གཉིས་ཕུན་སུམ་ཚོགས་པ་མི་འབྱིན་པས་ཡོན་ཏན་གནས་སྐབས་གསུམ་དུ་རྣམ་པར་དབྱེ་བ་མེད་པའི་ཆོས་ཉིད་ཀྱང་ནོར་བུར་དང་དཔེ་དོན་དང་འབྱོར་བ་ཡིན་ནོ། ཕྲིན་ལས་ཀྱི་དོན་བསམ་གྱིས་དོན་བསམ་གྱིས་མི་ཁྱབ་པའི་ཚུལ་དེ་ནི། དཔེར་ན་གོང་དུ་བཤད་པ་དེ་ལྟ་བུའི་ནོར་བུ་རིན་པོ་དེ་ལ་དང་པོ་ཤུན་པ་དང་བཅས་པའི་ཚེ། ང་ནི་ཤུན་པ་ཅན་ནོ་སྙམས་པ་དང་། ཕྱིས་དག་པའི་ཚེ་ན་ང་ནི་ཤུན་པ་མེད་པའི་སྙམ་པ་དང་། རྒྱལ་མཚན་གྱི་རྩེར་བཀོད་ནས་གསོལ་བ་བཏབ་པའི་ཚེ་

(༤༩༣)གསོལ་བ་འདེབས་པ་པོ་ལ་དགོས་འདོད་ཀྱི་ཡོན་ཏན་འབྱིན་ནོ་སྙམ་པ་དང་། ས་འོག་ཏུ་གནས་པའི་ཚེ་ཡོན་ཏན་མི་འབྱིན་ནོ་ཞེས་རྣམ་པར་མི་རྟོག་ཅིང་དགོས་འདོད་འབྱུང་བར་ལྷུན་གྱི་གྲུབ་པ་དེ་བཞིན་དུ། སངས་རྒྱས་ཀྱི་སྙིང་པོས་ཀྱང་རྣམ་པར་མི་རྟོགས་བཞིན་དུ་གདུལ་བྱ་ལ་འབད་མེད་ལྷུན་གྲུབ་ཀྱི་ཕྲིན་ལས་འཇུག་སྟེ། རྒྱུ་མཚན་དེས་ན། སངས་རྒྱས་ཀྱི་སྙིང་པོ་ཡང་ཡོན་ཏན་ལྷུན་གྱི་གྲུབ་ཅིང་རྣམ་པར་མི་རྟོགས་སྟེ། ནོར་བུར་དང་དཔེ་དོན་འབྱོར་བའི་ཚུལ་དེ་ལྟར་དུ་རྟོག་པར་བྱའོ། གསུམ་པ་དོན་བསྡུ་བ་ནི། གོང་དུ་རྒྱས་པར་བཤད་པའི་རྒྱུ་མཚན་འདི་རྣམས་ལ་རྟོགས་པར། ཁ་གཅིག །དྭ་ལྟར་གཞིའི་དུས་ན་སྐྱོན་ཀུན་ཟད་ཡོན་ཏན་ཀུན་རྫོགས་ཀྱི་འབྲས་བུ་ཡོད་པར་འཆད་པ་དང་གཞན་དག་སྤངས་བླངས་དགག་སྒྲུབ་ཐམས་ཅད་དང་བྲལ་བའི་ཕྱིར། ཉོན་མོངས་པ་གཉེན་པོ་སྤངས་དུ་མེད་པ་དང་། སྤང་བྱའི་གཉེན་པོ་ཡེ་ཤེས་སྔར་མེད་པའི་གསར་པ་སྐྱེད་དུ་མེད་པར་འདོད་པ་དང་། ལ་ལ་བདེ་བར་གཤེགས་པའི་སྙིང་པོ་རང་བཞིན་གྱིས་དག་བ་སྟོང་རྐྱང་མེད་འགའ་འབའ་ཞིག་གི་ཕྱོགས་སུ་འཆད་པར་སྣང་སྟེ། ལུགས་གསུམ་པོ་དེ་རྣམས་ནི་རྟག་ཆད་ཀྱི་མཐར་ལྟུང་ནས་ཟུང་ངག་གི་དོན་མ་ཤེས་པའི་ཕྱིར། ཟབ་མོ་རྡོ་རྗེ་ཐེག་པ་ལས་རིང་ངོ་། རྒྱུ་མཚན་དེ་ལྟ་བས་ན་གོང་དུ་བཤད་པའི་བསམ་གྱིས་མི་ཁྱབ་པའི་གནས་བཞི་པོ་འདི་ནི། གནས་ཚུལ་དོན་དམ་དང་སྣང་ཚུལ་ཀུན་རྫོབ་དང་འབྲས་བུ་སངས་རྒྱས་དང་རྒྱུ་སེམས་ཅན་དང་གདངས་འགག་མེད་ལ་སྣང་བ་དང་གཤིས་སྐྱེ་མེད་ལ་སྟོང་པ་ལ་སོགས་པ་མ་བརྟག་གཅིག་པུར་ཉམས་དགའ་བ་རྟེན་ཅིང་འབྲེལ་པར་འབྱུང་བའི་རང་གི་ངོ་བོ་ཉིད་དུ་གཞི་ལམ་འབྲས་བུའི་གནས་སྐབས་གསུམ་གྱི་བསྡུས་པར་རིག་པར་བྱའོ། སྙིང་པོ་

(༤༩༤)དེའི་ངོ་བོ་ནི་རྒྱལ་བ་བྱམས་པའི་ཞལ་སྔ་ནས། དུས་རྒྱུད་བའི་ཐོག་མ་དང་རྫས་བདེན་པའི་ཐོག་མ་མེད་པས་ན་ཐོག་མེད་གྱུར་ཀྱང་དྲི་མ་སྦྱངས་པས་དྲི་བྲལ་གྱི་སངས་རྒྱས་སུ་འགྱུར་བས། ཐ་མ་དང་ལྡན་པ་དྲི་མ་རང་བཞིན་གྱི་དག་ཅིང་ངོ་བོ་འགྱུར་བ་མེད་པས་རྟགས་པའི་ཆོས་ཅན་གྱི་སྙིང་པོ་དེ་ནི་གདོད་མ་ནས་རང་ལ་གནས་ཀྱང་ཐོག་མ་མེད་པ་ནས་ཉོན་མོངས་པའི་སྦུབ་ཀྱི་སྒྲིབ་པའི་ཕྱིར་རང་ལ་གནས་ཀྱང་སྒྲིབ་པ་མ་དག་གི་བར་ཏུ་གསལ་བར་མི་མཐོང་སྟེ། དཔེར་ན་གསེར་གྱི་གཟུགས་ནི་གཡའ་སོགས་ཀྱི་བསྒྲིབ་པ་ན་གསེར་དུ་མི་སྣང་བ་བཞིན་ནོ། ཞེས་གང་གསུངས་པ་སྟེ། འདིའི་དོན་རྒྱས་པར་བཤད་པ་ནི། རང་བྱུང་རྡོ་རྗེ་ཁོ་བོས་བྱམས་པའི་སངས་རྒྱས་ཀྱི་སྙིང་པོ་གཏན་ལ་དབབ་པའི་བསྟན་བཅོས་སུ་ལེགས་པར་བཤད་ཟིན་པས་དེ་ལྟོས་ཤིག །གསུམ་པ་དུམ་བུ་བཅུ་གཅིག་གི་ངེས་པ་བསྟན་པ་ལ་གཉིས། རྩ་བ་དང་། འགྲེལ་པའོ། དང་པོ་ནི། ཐོག་མར་རྒྱུ་མཚན་བསྟན་པ་དང་། མངལ་སྐྱེས་མུས་ནི་གྲུབ་པའི་ཚུལ། དེ་ཉིད་རྩ་ཡི་རྣམ་བཤད་དང་། རླུང་གི་གནས་དང་རྒྱུ་བའི་ཚུལ། ཐིག་ལེ་ཇི་ལྟར་རྒྱུ་བ་དང་། རྣམས་ལ་སོགས་འབྲེལ་པའི་དོན། དེ་དག་སྣོད་ལ་སྦྱར་བ་དང་། བསྐྱེད་པའི་ལྷ་རྣམས་གང་ཡིན་དང་། ཆོས་ཀྱི་སྦྱང་གཞིར་བསྟན་པ་དང་། ལམ་གྱི་རིམ་པར་བསྟན་པ་དང་། དེ་རྣམས་འཇིགས་ཤིང་བསྡུད་པའི་ཚུལ། རྒྱལ་བས་བསྟན་པ་བཞིན་བཤད་བྱ། ཞེས་གསུངས་སྟེ། གཞི་ལམ་འབྲས་གསུམ་དུ་རྒྱུན་ཆགས་པའི་བདེ་གཤེགས་པའི་སྙིང་པོ་དེ་ཉིད་དོན་ཚན་དུ་ཞིག་གི་སྒོ་ནས་འཆང་ཅེ་ན། དུམ་བུ་རྣམས་ཀྱི་ཐོག་མར་རྒྱུ་རྐྱེན་ཕྱིར་བསྟན་པའི་དུམ་བུ་

(༤༩༥)དང་། དེ་ནས་མངལ་སྐྱེས་གྱི་ལུས་ནི་འགྲུབ་པའི་ཚུལ་བསྟན་པའི་ཚུལ་བསྟན་པའི་དུམ་བུ་དང་ལུས་དེ་ཉིད་ལ་གནས་པའི་རྩའི་དུམ་བུ་དང་། རླུང་ནི་གནས་པའི་ས་དང་རྒྱུ་བའི་ཚུལ་བསྟན་པའི་དུམ་བུ་དང་ཐིག་ལེ་ཇི་ལྟར་རྒྱུ་བའི་ཚུལ་བསྟན་པའི་དུམ་བུ་དང་། རྣམས་དང་ཡེ་ཤེས་ལ་སོགས་པས་གནས་སྐབས་བཞི་དང་ཕྱག་རྒྱ་བཞི་སོགས་དང་འབྲེལ་བའི་དོན་གཞི་ལམ་གསུམ་སྟོན་པའི་དུམ་བུ་དང་། དེ་དག་སྣོད་ལ་སྦྱར་བའི་དུམ་བུ་དང་། ཀུན་བཏག་ཀྱི་ལྷ་རྣམས་བསྐྱེད་བའི་རིམས་པ་གང་ཡིན་པ་བསྐྱེད་རིམ་ཀྱི་དུམ་བུ་དང་། གཉེན་པོ་ཡེ་ཤེས་ཀྱི་ཆོས་ཀྱི་སྒྲིབ་པ་སྦྱོང་བའི་སྦྱང་གཞི་བསྟན་པ་སྦྱང་གཞི་སྦྱོང་བྱེད་ཀྱི་དུམ་བུ་དང་། ས་དང་ལམ་གྱི་རིམ་བ་བསྟན་པའི་དུམ་བུ་དང་། མཐར་དེ་རྣམས་འཇིག་ཅིང་བསྡུད་པའི་ཚུལ་བསྟན་པའི་དུམ་བུ་སྟེ། དུམ་བུ་བཅུ་གཅིག་གི་སྒོ་ནས་སོ། ཚུལ་ཇི་ལྟར་ན། རྒྱལ་བ་རྡོ་རྗེ་འཆང་གི་རྒྱུད་རྣམ་དུ་བསྟན་པའི་ཚུལ་ཇི་ལྟ་བ་བཞིན་དུ་བཤད་པར་བྱའོ། གཉིས་པ་ནི་དུམ་བུ་བཅུ་གཅིག་གི་ཐོག་མར་འཁོར་འདས་སྤྱིའི་རྒྱུ་མཚན་བསྟན་པའི་དུམ་བུ་དང་། དེ་ནས་ལུས་འགྲུབ་ཚུལ་བསྟན་པའི་དུམ་བུ་དང་། དེ་ནས་རྩའི་དུམ་བུ་དང་། དེ་ནས་ཐེགས་ལེའི་དུམ་བུ་དེ་ནས་རླུང་གི་དུམ་བུ་དང་། དེ་ནས་ཐིག་ལེའི་དུམ་བུ་དང་། དེ་ནས་རྣམ་པར་ཤེས་པ་དང་ཡེ་ཤེས་འབྲེལ་པ་གཞི་ལམ་འབྲས་བུའི་དུམ་བུ་དང་། དེ་ནས་ཕྱི་སྣོད་ལ་སྦྱར་བའི་དུམ་བུ་དང་། དེ་ནས་ཀུན་བཏགས་ཀྱི་ལྷ་བསྐྱེད་ཚུལ་ལ་སྦྱར་བའི་དུམ་བུ་དང་། དེ་ནས་ཆོས་ཐམས་ཅད་ཀྱི་སྦྱང་གཞི་སྦྱོང་བྱེད་དང་སྦྱར་བའི་དུམ་བུ་དང་། དེ་ནས་ལམ་གྱི་རིམ་པ་བསྟན་པའི་དུམ་བུ་དང་། མཐར་དེ་རྣམས་འཇིག་ཅིང་བསྡུད་པའི་ཚུལ་རྣམས་དུམ་བུ་

(༤༩༦)བཅུ་གཅིག་གི་རྒྱས་བཤད་དུ་རིམ་པས་སྟོན་པར་བྱེད་དེ། དེའི་ཕྱིར། སྐབས་འདིར་རྒྱས་པར་མ་བསྟན་ཏེ་ཞེས་བསྟན་བཅོས་ཀྱི་ལུས་མདོར་བསྟན་པ་སྟེ། ལེའུ་བཅུ་གཅིག་པོ་གོ་རིམས་སྔ་ཕྱིར་འབྲེལ་བའི་ཚུལ་ནི་སྔར་དུམ་བུ་བཅུ་གཅིག་གིས་འབྲེལ་བསྟན་པའི་སྐབས་སུ་བཤད་པ་ཇི་ལྟ་བ་བཞིན་ཡིན་ནོ། དེ་ལྟར་ཚིག་གི་དོན་བཤད་ནས། དེ་ལས་འཕྲོས་པའི་དོན་ཀྱང་ཅུང་ཟད་བཤད་པར་བྱ་སྟེ། དེ་ལ་བཞི་དུམ་བུ་བཅུ་གཅིག་པོ་སོ་སོའི་དོན་དང་། གྲངས་ངེས་པའི་དོན། གོ་རིམས་ངེས་པའི་དོན། བསྡུས་དོན་ནོ། དང་པོ་ནི། ལེའུ་སོ་སོའི་སྐབས་སུ་རྒྱས་བར་འཆད་པར་འགྱུར་བ་ལས་ཤེས་པར་བྱ་ཞིང་། གཉིས་པ་ནི། ནང་དོན་གྱི་བརྗོད་བྱའི་དོན་ལ་དོན་ཚན་བཅུ་གཅིག་པོ་འདིར་གྲངས་ངེས་ཤིང་། དེ་ལས་མང་མི་དགོས་ཤིང་ཉུངས་ན་མི་འདུ་བའི་ཕྱིར། འདི་བས་མང་མི་དགོས་ཏེ། བཅུ་གཅིག་པོ་འདི་ཙམ་ཁོ་ནས་ཚེ་གཅིག་མ་ཟུང་ངག་གི་རྡོ་རྗེ་འཆང་ཆེན་པོའི་གོ་འཕངས་མངོན་དུ་བྱེད་པར་འདོད་པའི་གདུལ་བྱ་རྣམས་ལ་འདོད་པའི་དོན་བདེ་བླག་ཏུ་འགྲུབ་བར་འགྱུར་བས་སོ། ཉུངས་ནས་མི་འདུ་སྟེ། གདུལ་བྱ་དེའི་འདོད་དོན་ལ་ལ་མི་ཚང་བར་འགྱུར་བས་སོ། གསུམ་པ་ནི། གོ་རིམས་དེ་ལྟར་དུ་ངེས་སྟེ། རྒྱུ་མཚན་གྱི་རྣམ་བཞག་མ་ཤེས་ན་རྒྱུ་མེད་པ་དང་ངོ་བོ་ཉིད་རྒྱུར་འདོད་པ་དང་རིགས་མི་མཐུན་རྒྱུར་འདོད་པ་སོགས་ཕྱི་རོལ་པ་དང་མཚུངས་དུ་འགྱུར་དུ་དགོས་པས་རྒྱུ་མཚན་སྤྱིར་བསྟན་པའི་དུམ་བུ་དེ་དང་པོར་བཤད། དེའི་རྗེས་སུ་ལུས་འགྲུབ་ཚུལ་འཆད་པའི་རྒྱུ་མཚན་ནི། ཀུན་རྫོབ་ལ་བརྟེན་ནས་དོན་དམ་ལ་འཇུག་དགོས་བས་བསྐྱེད་རིམས་ཀྱི་སྦྱང་གཞི་ངོ་ཤེས་པའི་དབང་དུ་བྱས་ནས་

(༤༩༧)གཉིས་པ་དང་། དེའི་རྗེས་སུ་རྩ་འཆད་པའི་རྒྱུ་མཚན་ནི། ལུས་དེ་ཉིད་ཀྱང་རྩ་ལ་བརྟེན་ཞིང་རྩ་ལ་གནད་དུ་བསྣུན་པ་ལ་རྩའི་གནས་ཚུལ་ཤེས་དགོས་པའི་དབང་དུ་བྱས་ནས་གསུམ་པ་དང་། དེའི་རྗེས་སུ་རླུང་འཆད་པའི་རྒྱུ་མཚན་ནི། རྩ་དེ་ཡང་རླུང་གི་བསྒྲུབ་ཤིང་རླུང་གི་གནད་དུ་བསྣུན་པ་ལ་རླུང་གི་གནས་ཚུལ་ཤེས་དགོས་པའི་དབང་དུ་བྱས་ནས་བཞི་བ་དང་། དེའི་རྗེས་སུ་ཐིག་ལེ་འཆད་པའི་རྒྱུ་མཚན་ནི། རྩའི་ནང་དུ་ཐིག་ལེ་རྒྱུ་ཞིང་ཐིག་ལེ་ལ་གནད་དུ་བསྣུན་པ་ལ་ཐིག་ལེའི་གནས་ཚུལ་ཤེས་དགོས་བས་དེའི་དབང་དུ་བྱས་ནས་ལྔ་པ་དང་། དེའི་རྗེས་སུ་དུམ་བུ་དྲུག་པ་འཆད་པའི་རྒྱུ་མཚན་ནི། རྩ་རླུང་ཐིག་ལེ་རྫོགས་པ་ལ་བརྟེན་ནས་གནས་སྐབས་བཞི་པོ་འབྱུང་བས་གནས་སྐབས་བཞི་དང་ཕྱག་རྒྱ་བཞི་སོགས་དང་འབྲེལ་བའི་དོན་གཞི་ལམ་འབྲས་གསུམ་སྟོན་པའི་དུམ་བུ་དང་། དེའི་རྗེས་སུ་བདུན་པ་འཆད་པའི་རྒྱུ་མཚན་ནི། འཁྲུལ་པའི་སྣང་བ་ཐམས་ཅད་ལུས་ལ་བརྟེན་ཅིང་ལུས་དེ་ཡང་སེམས་གྱི་སྣང་ཆ་ལས་གྲུབ་པས་དེ་ངོ་ཤེས་པའི་དབང་དུ་བྱས་ནས་དེ་དག་ཕྱི་སྣོད་ཀྱི་འཇིག་རྟེན་ལ་སྦྱར་བའི་དུམ་བུ་དང་། དེའི་རྗེས་སུ་བརྒྱད་པ་འཆད་པའི་རྒྱུ་མཚན་ནི། འཁྲུལ་པ་འཆིང་བའི་ཐབས་སེམས་འཛིན་པ་དང་ཕྱི་ནང་གི་དོན་ཤེས་པ་དང་གཞན་དོན་གཟུགས་སྐུ་ལ་དབང་འབྱོར་བའི་དགོས་པ་གསུམ་གྱི་དབང་དུ་བྱས་ནས་བསྐྱེད་རིམས་ཀྱི་དུམ་བུ་དང་། དེའི་རྗེས་སུ་དགུ་པ་འཆད་པའི་རྒྱུ་མཚན་ནི། འཁྲུལ་པ་འཆིང་བའི་ཐབས་རག་པ་བསྐྱེད་རིམ་ཙམ་ཡིན་པར་སྦྱངས་གཞིའི་གྲངས་དང་མཉམ་པའི་སྦྱོང་བྱེད་ཀྱང་ཡོད་པའི་དབང་དུ་བྱས་ནས་སྦྱོང་གཞི་སྦྱོང་བྱེད་ཀྱི་དུམ་བུ་དང་། དེའི་རྗེས་སུ་བཅུ་པ་འཆད་པའི་རྒྱུ་མཚན་ནི༴

(༤༩༨)བསྐྱེད་རྫོགས་བྲ་ཉམས་སུ་བླངས་པ་ལ་བརྟེན་ནས་ལམ་ལྔ་རིམ་གྱི་རྒྱུད་ལ་སྐྱེ་བའི་དབང་དུ་བྱས་ནས་ས་ལམ་གྱི་རིམ་པ་བསྟན་པའི་དུམ་བུ་དང་། དེའི་རྗེས་སུ་བཅུ་གཅིག་པ་འཆད་བའི་རྒྱུ་མཚན་ནི། མཐར་དེ་རྣམས་ཀྱང་ཆོས་རྣམས་ཀྱི་གནས་ཚུལ་དེ་ཁོ་ན་ཉིད་ལས་མ་འདས་པས་སྟོང་པ་ཉིད་ལ་འཇུག་པའི་དབང་དུ་བྱས་ནས་དུམ་བུ་རྣམས་ཀྱི་མཐའ་མར་བཅུ་གཅིག་པ་བསྡུད་རིམ་གྱི་དུམ་བུ་གསུངས་པ་ཡིན་ནོ། གཅིག་པ་ནི། བཅུ་གཅིག་པོ་དེ་དག་ཀྱང་བསྡུ་ན། གཞི་ལམ་འབྲས་བུ་གསུམ་ཀ་བརྗོད་བྱར་སྟོན་པ་གཞི་གཙོ་བོར་སྟོན་པ། ལམ་དང་འབྲས་བུ་གཙོ་བོར་སྟོན་པ་དང་གསུམ་དུ་འདུས་པས། དང་པོའི་དབང་དུ་བྱས་ནས། ལེའུ་དང་པོ་དང་དྲུག་པ་གཉིས་གསུངས་ལ། གཉིས་པ་ལ་བརྟན་པ་སེམས་ཅན་གྱི་དབང་དུ་བྱས་པ་དང་། རྟེན་སྣོད་ཀྱི་དབང་དུ་བྱས་པ་གཉིས། དང་པོ་ལ། ཆགས་ཚུལ་གནས་ཚུལ། འཇིགས་ཚུལ་གསུམ་ལས། དང་པོའི་དབང་དུ་བྱས་ནས་དུམ་བུ་གཉིས་པ་དང་། གཉིས་པའི་དབང་དུ་བྱས་ནས་རྩ་རླུང་ཐིག་ལེ་གསུམ་སྟོན་པའི་དུམ་བུ་གསུམ་དང་། གསུམ་པའི་དབང་དུ་བྱས་ནས་དུམ་བུ་བཅི་གཅིག་པ་གསུངས་སོ། གཉིས་པ་རྟེན་སྣོད་ཀྱི་དབང་དུ་བྱས་ནས་སྣོད་ལ་སྦྱར་བའི་དུམ་བུ་གསུངས་ལ། གསུམ་པ་ལམ་དང་འབྲས་བུ་གཙོ་བོར་སྟོན་པ་ལ་ཡང་། ལམ་བསྐྱེད་རིམས་ཀྱི་དབང་དུ་བྱས་པ་དང་། རྫོགས་རིམས་ཀྱི་དབང་དུ་བྱས་པ་དང་གཉིས། གཉིས་ཀའི་དབང་དུ་བྱས་པ་དང་གསུམ། དང་པོ་ནི་བསྐྱེད་རིམས་སྟོན་པའི་དུམ་བུ། གཉིས་པ་ནི་སྦྱོང་གཞི་སྦྱོང་བྱེད་ཀྱི་དུམ་བུ། གསུམ་པ་ནི་ལམ་རིམ་སྟོན་པར་བྱེད་པའི་དུམ་བུ་དེའོ། འདི་དག་གི་རྒྱས་པར་བཤད་པ་ནི་དུམ་བུ་སོ་སོའི་གཞུང་གི་རྣམ་པར་བཤད་པའི་ཕྱིར། འདི་ཉིད་དུ་འཆད་པར་འགྱུར་བས་ཟློས་པར་དགོས་ཏེ་འདི་ནི་དབང་པོ་རྣོན་པོ་འཇུག་པའི་སྒོ་ཙམ་ཞིག་བསྡུས་ཏེ་བསྟན་

(༤༩༩)བ་ཡིན་ནོ། གཉིས་པ་ཡན་ལག་རྒྱས་པར་བཤད་པ་ལ། དུམ་བུ་བཅུ་གཅིག་ལས། དང་པོ་རྒྱུ་རྐྱེན་སྤྱིར་བསྟན་པའི་དུམ་བུ་ལ་གསུམ། ལེའུ་སྔ་ཕྱིའི་འབྲེལ། འབྲེལ་པ་ཅན་ལེའུའི་གཞུང་བཤད་པ། ལེའུའི་མཚན་བསྟན་པའོ། དང་པོ་ནི། དེ་ལྟར་བསྡུས་པའི་དོན་གྱི་བསྟན་བཅོས་མདོར་བསྟན་པ་བརྗོད་ནས། དྭ་ནི་བསྟན་བཅོས་ཀྱི་ཀྱི་ཡན་ལག་རྒྱས་པར་བཤད་པ་འཆད་དོ། དེ་ལ་དུམ་བུ་བཅུ་གཅིག་ཡོད་པ་ལས་དང་པོ་རྒྱུ་རྐྱེན་ཅིར་བསྟན་པའི་དུམ་བུ་འཆད་པའི་རྒྱུ་མཚན་ནི། རང་གི་འགྲེལ་པ་ལས། དང་པོར་རྒྱུ་རྐྱེན་སྤྱིའི་གནས་ལུགས་མ་གོ་ན་ཕྱི་རོལ་ པ་དང་མཚུངས་པར་འགྱུར་དུ་དོགས ་པས་རྒྱུ་རྐྱེན་སྤྱིར་བསྟན་ཏོ། ཞེས་གསུངས་པ་ལྟར། དུམ་བུ་བཅུ་གཅིག་གི་དང་པོར་རྒྱུ་རྐྱེན་སྤྱིར་བསྟན་པའི་དུམ་བུ་འཆད་བ་སྐབས་སུ་བབ་པས་དེ་བཤད་པར་བྱའོ། གཉིས་པ་ལ་བཞི། སེམས་དག་པ་དང་མ་དག་པའི་ངོ་བོ་བཤད་པ། ཇི་ལྟར་འཁྲུལ་པའི་ཚུལ། རྒྱུ་རྐྱེན་གྱི་དབྱེ་བ། གནས་སྐབས་གསུམ་གྱི་དབྱེ་བ་བཤད་པའོ། དང་པོ་ལ་གཉིས། སེམས་ཀྱི་ངོ་བོ་བཤད་པ་དང་། སེམས་ཀྱི་རྣམ་པ་བཤད་པའོ། དང་པོ་ལ་གཉིས། རྩ་བ་དང་། འབྲེལ་པའོ། དང་པོ་ནི། རྒྱུ་ནི་སེམས་ཉིད་ཐོག་མེད་ལ། རྒྱ་ཆད་ཕྱོགས་ལྷུང་མ་མཆིས་ཀྱང་། ཞེས་གསུངས་སྟེ། འཁོར་འདས་ཐམས་ཅད་ཀྱི་གཞིའི་རྒྱུ་ནི། སེམས་ཉིད་ཐོག་མ་དང་ཐ་མ་མེད་ལ་རྒྱར་མ་ཆད་ཅིང་རྟག་ཆད་སྤང་བླངས་སོགས་ཀྱི་ཕྱོགས་སུ་ལྷུང་བ་མ་མཆིས་པ་དེ་ཉིད་ཡིན་ནོ། ཀྱང་ཞེས་པ་འོག་མ་འདྲེན་པའི་ཆོག་གོ །གཉིས་པ་ལ་གསུམ། སེམས་ཉིད་ཀྱི་མཐའ་དཔྱད་པ། ཐོག་མ་མེད་པའི་དོན། མཐའ་བྲལ་གྱི་དོན་ནོ། དང་པོ་

(༥༠༠)ལ་བཞི་སྟེ། སྤྱིར་བསྟན་པ། དག་པའི་སེམས་ཉིད་ངོས་བཟུང་བ། མ་དག་པའི་སེམས་ངོས་བཟུང་བ། དེ་ལ་ དོགས་པ ་དཔྱད་པའོ། དང་པོ་ནི། རྒྱུ་འབྲས་ཀྱི་ཐེག་པ་ཐམས་ཅད་ཀྱི་ཐུན་མོང་བ་སྤྱིའི་སྐད་ལ་སེམས་ཉིད་ཅེས་གསུངས་ཀྱང་། དག་པ་དང་བཅས་པའི་བདེ་བར་གཤེགས་པའི་སྙིང་པོ་དང་། མ་དག་པ་ཀུན་གཞིའི་རྣམ་ཤེས་ཏེ། དག་མ་དག་གི་སེམས་རྣམ་པ་གཉིས་སུ་ཤེས་པར་བྱའོ། གཉིས་པ་ནི། དེ་ལྟར་དག་མ་དག་གཉིས་ལས། དང་པོར་དག་པ་དང་བཅས་པ་བདེ་བར་གཤེགས་པའི་སྙིང་པོ་ལ་སེམས་སུ་བསྟན་པའི་ཁུང་ནི། ཐེག་པ་ཆེན་པོ་རྒྱུད་བླ་མ་ལས། དཔེར་ན། སའི་དཀྱིལ་འཁོར་ནི་ཆུའི་ཕུང་པོ་ལ་བརྟེན་ཅིང་ཆུ་ནི་རླུང་དཀྱིལ་འཁོར་ལ་བརྟེན་ལ། རླུང་གི་དཀྱིལ་འཁོར་དེ་ནི་ནམ་མཁའ་ལ་རབ་ཏུ་གནས་པ་ཡིན་གྱི་དེ་ལས་གཞན་པའི་རྟེན་ནི་མེད་དོ། ནམ་མཁའི་དེ་བཞིན་རླུང་དང་ཆུ་དག་དང་པའི་ཁམས་ལ་སོགས་པ་གང་ལ་ཡང་རྟེན་པའི་ཚུལ་དུ་གནས་པ་མེད་དེ། རྒྱུ་རྐྱེན་སོགས་ལ་མི་བརྟེན་པས་སོ། དཔེ་དེ་བཞིན་དུ་ཟག་བཅས་ཀྱི་ཕུང་པོ་ལྔ་དང་། ཁམས་བཅོ་བརྒྱད་དང་། དབང་པོའི་སྒྲས་བསྟན་པ་སྐྱེ་མཆེད་བཅུ་གཉིས་རྣམས་ནི་རང་བསྐྱེད་བྱེད་ཀྱི་རྒྱུ་ཟག་པ་དང་བཅས་པའི་ལས་དང་ཉོན་མོངས་པ་དག་ལ་བརྟེན་ནས་གནས་ཤིང་། ཟག་བཅས་ཀྱི་ལས་དང་ཉོན་མོངས་པ་དེ་དག་ནི་རང་གི་རྒྱུ་ཚུལ་བཞིན་མ་ཡིན་པ་ཡིད་ལ་བྱེད་པའི་རྣམ་པར་རྟོག་བྲལ་རབ་ཏུ་བརྟེན་ནས་གནས་ལ། ཚུལ་བཞིན་མ་ཡིན་པ་ཡིད་ལ་བྱེད་པ་དེ་ནི། སེམས་ཀྱི་རྣམ་པར་དག་པ་བདེ་བར་གཤེགས་པའི་སྙིང་པོ་ལ་རབ་ཏུ་བརྟེན་ནས་གནས་སོ། སེམས་ཀྱི་རང་བཞིན་བདེ་བར་གཤེགས་པའི་སྙིང་པོ་དེ་ནི་ཀུན་རྫོབ་ཀྱི་ཆོས་

(༥༠༡)རྣམས་ནི། གང་དང་གང་ལ་ཡང་ལ་མི་གནས་མེད་དེ། རྒྱུ་དང་རྐྱེན་ལ་མི་བརྟན་པའི་ཕྱིར་རོ། ཞེས་གསུངས་སོ། གཞུང་འདི་ནི་བདེ་བར་གཤེགས་པ་སངས་རྒྱས་གྱི་སྙིང་པོ་ལ། དག་པའི་སེམས་སུ་བརྗོད་ཅིང་སྙིང་པོ་དེ་ཉིད་འཁོར་བ་དང་མྱ་ངན་ལས་འདས་པ་ཐམས་ཅད་ཀྱི་གཞི་ཡིན་པའི་དོན་ཅན་དུ་གསུངས་པ་ཡིན་ནོ། དཔལ་ས་ར་ཧས་དོ་ཧ་ལས་ཀྱང་སེམས་ཉིད་བདེ་བར་གཤེགས་པའི་སྙིང་པོ་གཅིག་པུ་ནི་འཁོར་འདས་ཀུན་གྱིས་ས་བོན་ནི་རྒྱུའི་གཞི་ཡིན་ཏེ། སེམས་ཉིད་གང་ལ་མ་རྟོགས་པའི་ཚེ་ན། སྲིད་པ་སྟེ་འཁོར་བའི་སྣང་བ་སྣ་ཚོགས་པ་དང་། རྟོགས་པའི་ཚེ་ན་མྱ་ངན་ལས་འདས་པ་སྤྲུལ་པའི་སྐུ་གང་ལ་གང་འདུལ་དུ་འཕྲོ་བས་ན། གནས་སྐབས་དང་མཐར་ཐུག་གི་འབྲས་བུ་སྟེར་བར་བྱེད་པའི་ཡིད་བཞིན་གྱི་ནོར་བུར་དང་འདྲ་ན་སེམས་ལ་ཕྱག་འཚལ་ལོ། ཤེས་གསུངས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ཀྱང་། སེམས་ཀྱི་རང་བཞིན་བདེ་གཤེགས་སྙིང་པོའི་གདོད་མའི་མི་ཤིག་པའི་ཐིག་ལེ་ཆེན་པོ་དེ་ལ་ནི། གཟུང་འཛིན་གཉིས་སུ་སྣང་བའི་སེམས་མ་མཆིས་པ་སྟེ། སེམས་ཀྱི་རང་བཞིན་བདེ་གཤེགས་སྙིང་པོ་དེ་ནི་རང་བཞིན་གྱིས་འོད་གསལ་བའོ། ཞེས་གསུངས་བ་དང་། ལ་སོགས་པས། དེ་བཞིན་གཤེགས་པའི་སྙིང་པོའི་མདོ་ལས། དེས་ན། དེ་བཞིན་གཤེགས་པའི་སྙིང་པོ་ནི། རྣམ་པར་དབྱེ་བ་ཡོད་པ། འབྲེལ་ཤེས་པ། ཉོན་མོངས་པའི་སྦུབས་ཐམས་ཅད་ཀྱི་ནི་སྟོང་པ་ཡིན་ལ། རྣམ་པར་དབྱེ་བ་མེད་བ། འབྲལ་མི་ཤེས་པ་བསམ་གྱིས་མི་ཁྱབ་པའི་སངས་རྒྱས་ཀྱི་ཆོས་གང་ག་རླུང་གི་བྱེ་མ་ལས་འདས་པས་ནི་མི་སྟོང་ངོ་ཞེས་དང་། བཅོམ་ལྡན་འདས་དེ་བཞིན་གཤེགས་བའི་སྙིང་པོ་གང་ཡིན་པ་འདི་ནི་འཇིག་རྟེན་ལས་འདས་པའི་ཆོས་ཉིད་ཀྱི་སྙིང་པོ་རང་བཞིན་གྱིས་ཡོངས་སུ་དག་པའི་ཆོས་ཀྱི་སྙིང་པོའོ། ཞེས་སོགས། ཐེག་པ་ཆེན་པོའི་མདོ་སྡེ་

(༥༠༢)དུ་མ་ནས་རྒྱ་ཆེར་ལྷུང་ཞིང་། རྒྱུད་ལས་འབྱུང་བའི་ཚུལ་ཡང་། མཚན་ཡང་དག་པར་བརྗོད་པ་ལས། སངས་རྒྱས་ཀུན་གྱི་སྙིང་པོ་ཆེ། ཞེས་དང་། སངས་རྒྱས་ཀུན་གྱི་ཡེ་ཤེས་སྐུ། ཞེས་དང་། ནམ་མཁའ་ལས་བྱུང་རང་བྱུང་བ། ཞེས་དང་། ཀྱཻ་རྡོར་ལས། ལུས་ལ་ཡེ་ཤེས་ཆེན་པོ་གནས། རྟོགས་པ་ཐམས་ཅད་ཡང་དག་སྤངས། དངོས་པོ་ཀུན་ལ་ཁྱབ་པ་བོ། ལུས་གནས་ལུས་ལ་མ་སྐྱེས་པའོ། ཞེས་དང་། དོ་ཧ་ལས། སེམས་ཉིད་གཅིག་པུ་ཞེས་སོགས་དྲང་མ་ཐག་པ་དང་། འབྲས་བུ་ཐོག་པ་མེད་པར་རང་ལ་གནས། ཤེས་དང་། ཀླུ་སྒྲུབ་ཀྱི། ཆོས་ཀྱི་དབྱིངས་སུ་བསྡོད་པ་ལས། གང་ཞིག་ཀུན་ཏུ་མ་ཤེས་ན། སྲིད་པས་།།།གཉིས་དུ་འཁོར་བ། སེམས་ཅན་ཀུན་ཏུ་ངེས་གནས་པའི། ཆོས་ཀྱི་དབྱིངས་ལ་ཕྱག་འཚལ་འདུ། གང་ཞིག་འཁོར་བའི་རྒྱུར་གྱུར་པ། དེ་ཉིད་སྦྱང་བ་བྱས་པ་ལས། དག་པ་དེ་ཉིད་མྱ་ངན་འདས། ཆོས་ཀྱི་སྐུ་ཡང་དེ་ཉིད་དོ། ཞེས་དང་། ཆོས་ཀྱི་དབྱིངས་ནི་ཀྱེ་མ་ཡིན། ནམ་ཡང་འགག་པར་འགྱུར་བ་མེད། དུས་རྣམས་ཀུན་ཏུ་ཉོན་མོངས་མེད། ཐོག་མ་བར་མཐའ་དྲི་མ་མེད། ཇི་ལྟར་རིན་ཆེན་བཻ་ཌཱུརྱ་དུས་རྣམས་ཀུན་ཏུ་འོད་གསལ་ཡང་། རྡོའི་ནང་ན་གནས་གྱུར་ན། དེའི་འོད་ནི་གསལ་མ་ཡིན། དེ་ནི་ཉོན་མོངས་ཀྱིས་བསྒྲིབ་པའི། ཆོས་དབྱིངས་ཤིན་ཏུ་དྲི་མེད་པའང། འཁོར་བར་ལོ་ནི་གསལ་མ་ཡིན། མྱ་ངན་འདས་ན་འོད་གསལ་འགྱུར། ཞེས་དང་། གཞན་ཡང་། བྱམ་ཆོས་རྗེས་འབྲང་དང་བཅས་ པ་ལས་རྒྱ་ཆེར་གསུངས་ཀྱང་འདིར་ཚིག་མང་སུ་དོགས ་ནས་མ་བྲིས་ཏེ། མདོ་སྡེ་དང་རྒྱུད་སྡེ་

(༥༠༣)དང་ལྟོས་རྣམས་ལས་བདེ་གཤེགས་སྙིང་པོ་སྟོན་པའི་ལུང་མང་དུ་གསུངས་པ་རྣམས་ནི་དག་པ་དང་བཅས་པ་བདེ་བར་གཤེགས་པའི་སྙིང་པོ་ལ་སེམས་ཉིད་དུ་བརྗོད་པ་ཡིན་ནོ། གསུམ་པ་ལ་གསུམ། ཀུན་ལས་བཏུས་པའི་ལུང་དང་སྦྱར་བས་མདོར་བསྟན་པ་དང་། སུམ་བཅུ་བའི་ལུང་དང་སྦྱར་བས་ཅུང་ཟད་བཤད་པ། ཐེག་བསྡུས་ཀྱི་ལུང་དང་སྦྱར་བས་ཤིན་ཏུ་རྒྱས་བཤད་དོ། དང་པོ་ནི། དེ་ལྟར་དག་པའི་སེམས་ཉིད་ངོས་བཟུང་ནས། དེའི་འོག་ཏུ་མ་དག་པ་ཀུན་གཞི་རྣམ་ཤེས་ལ་སེམས་སུ་བརྗོད་པ་དེ་བཤད་པར་བྱ་སྟེ། དེ་ནི། མདོ་རྒྱུད་བསྟན་བཅོས་རྣམས་ནས་ཀུན་གཞིའི་རྣམ་པར་ཤེས་པ་ཞེས་གསུངས་གང་ཡིན་པ་སྟེ། ཆོས་མངོན་པ་ཀུན་ལས་བཏུས་པ་ནས། སེམས་ཡིད་རྣམས་གསུམ་གསུངས་པ་ལས། སེམས་ནི་ཀུན་གཞིའི་རྣམ་པར་ཤེས་པ་ཡིན་ལ། དེ་ཡང་གཟུགས་སོགས་ཕུང་པོ་ལྔ་དང་། མི་སོགས་ཁམས་བཅོ་བརྒྱད་དང་། མིག་སོགས་སྐྱེ་མཆེད་བཅུ་གཉིས་ཀྱི་དགེ་མི་དགེ་ལུང་མ་བསྟན་ཅིང་རིག་པའི་བག་ཆགས་ཐམས་ཅད་ཀྱི་བགོས་བ་འཁོར་བའི་སྣང་བ་དཔག་ཏུ་མེད་པར་བསྐྱེད་པའི་བག་ཆགས་སམ་ས་བོན་ཐམས་ཅད་པ་འཁོར་བའི་ཆོས་ཀུན་གྱི་གཞི་དང་། རྣམ་པར་སྣང་བའི་གཞིའི་ངོ་བོ་ཉིད་ཡིན་པས་ཀུན་གཞིའི་རྣམ་པར་ཤེས་གསུངས་སྟེ། ཀུན་གཞིའི་རྣམས་འདི་ནི་བག་ཆགས་ཀྱི་རྩ་བ་གཟུང་བ་དང་འཛིན་པར་ཡིད་ལ་བྱེད་པས་ཡང་དག་པ་མ་ཡིན་པའི་ཀུན་ཏུ་རྟོགས་པས་མཁྱུད་པ། འདོད་པ་དང་གཟུགས་དང་གཟུགས་མེད་པའི་ཁམས་སྟེ། ཁམས་གསུམ་གྱི་རྣམ་པ་ཅན་དོན་གྱི་ངོ་བོ་རང་སྟོབས་ཀྱི་རིག་བའི་སེམས་དང་། དོན་གྱི་ཁྱད་པར་རང་སྟོབས་ཀྱི་རིག་པའི་སེམས་ལས་བྱུང་བ་ཅི་རིག་པས་བསྡུས་པ་ཉོན་སྒྲིབ་ཤེས་སྒྲིབ་སྙོམ་འཇུག་གི་སྒྲིབ་པ་སྟེ། སྒྲིབ་པ་གསུམ་པོ་ཐམས་ཅད་ཀྱི་རྩ་བར་གྱུར་པ། རང་གི་

(༥༠༤)གཉེན་པོ་རྒྱུན་མཐའི་རྡོ་རྗེ་ལྟ་བུའི་ཏིང་ངེ་འཛིན་གྱི་བཅོམ་ནས། སངས་རྒྱས་ཀྱི་ཡེ་ཤེས་ཀྱི་ཐག་སྲིང་བའི་ཚུལ་གྱི་གཞོམ་པར་བྱ་བ་ཡིན་ནོ། དོན་དེ་ལ་དགོངས་ནས་ལང་དཀར་གཤེགས་པའི་མདོ་ལས་ཀྱང་། ཀྱོ་རྒྱལ་བའི་སྲས་དག །ཁམས་གསུམ་པོ་འདི་ནི་ཀུན་གཞིའི་སྣང་བ་སེམས་ཙམ་མོ་ཞེས་གསུངས་སྟེ། ཕྱི་རོལ་གྱི་དོན་དུ་སྣང་ཀྱང་ཕྱི་དོན་དུ་གྲུབ་པ་མེད་པ་སེམས་ཀུན་གཞིའི་རྣམ་པར་ཤེས་པའི་སྣང་ཆ་ཙམ་ལས་གྲུབ་པར་བསྟན་པ་ཡིན་ནོ། དབུས་མཐའ་ལས་ཀྱང་། ཡང་དག་པ་མ་ཡིན་པའི་ཀུན་ཏུ་རྟོག་པའི་མཚན་ཉིད་ནི། སེམས་དང་སེམས་ལས་བྱུང་བས་བསྡུས་པ། ཁམས་སུམ་པའི་རྣམ་པ་ཅན། གཟུང་བ་དང་འཛིན་པ་གཉིས་སུ་སྣང་བའོ་ཞེས་གསུངས་སོ། རྒྱུ་མཚན་དེ་ལྟ་བས་ན་རེ་ཞིག་སྐབས་འདིར་ཀུན་གཞིའི་རྣམ་པར་ཤེས་པ་ཉིད་བཤད་པར་བྱའོ། གཉིས་པ་སུམ་བཅུ་པའི་ལུང་དང་སྦྱར་བས་ཅུང་ཟད་རྒྱས་པར་བཤད་བ་ནི། ཀུན་གཞིའི་རྣམས་འདི་ནི། སློབ་དཔོན་དབྱིག་གཉེན་གྱི་མཛད་པའི་སུམ་བཅུ་པའི་རབ་ཏུ་བྱེད་པ་ལས་གསུངས་པའི་ལུང་འགོད་པ་དང་། དེའི་དོན་བཤད་པ་གཉིས་ཀྱི་ཤེས་པར་བྱ་བ་ལས། དང་པོ་ནི། གཞུང་དེ་ལས། དེ་ལ་ཀུན་གཞིའི་རྣམ་ཤེས་ནི། ཤེས་པ་རྣམ་ཤེས་ཚོགས་བརྒྱད་ཡོད་པ་དེ་ལས་རྩ་བའི་རྣམས་འདི་ཀུན་ནས་ཉོན་མོངས་པའི་ཆོས་ཐམས་ཅད་གྱི་ས་བོན་གྱི་གནས་ཡིན་པས་ཀུན་གཞི་སྟེ་ཀུན་གྱི་གཞི་དང་ཀུན་གྱི་རྒྱུད་དང་ཀུན་གྱི་རྟེན་ཞེས་པ་རྣམས་ནི་རྣམ་གྲངས་སོ། རྣམ་པར་ཤེས་པར་བྱེད་པའི་དོན་གྱིས་ན་རྣམས་སྟེ། དེའི་སྐད་དོད་དུ་བི་ཛྙཱ་ན། ཞེས་འབྱུང་བའི་བི་རྣམ་པ་ལ་འཇུག་ཅིང་སྐབས་ཐོབ་ཀྱི་དགག་ཚིག་དུ་འང་འགྱུར་བ་ཡོད་ལ། ཛྙཱ་ན་ནི་ཤེས་པ་དང་ཡེ་ཤེས་དང་ཁོང་དུ་ཆུད་པ་སོགས་ལ་ཡང་

(༥༠༥)འཇུག་པས། རྣམ་པ་དང་བཅས་པའི་སྒོ་ནས་ཤེས་བས་སམ། བི་དགག་ཚིག་དུ་སྦྱར་ན་སེམས་ཅན་གྱི་སྐབས་སུ་ཡེ་ཤེས་མི་གསལ་བ་རྣམ་ཤེས་སོ། རྣམ་སྨིན་ས་བོན་ཐམས་ཅད་ལ། ཞེས་པ་ཀུན་གཞིའི་རྣམ་ཤེས་དེ་ནི་ཁམས་གསུམ་དང་འགྲོ་བ་དྲུག་དང་སྐྱེ་གནས་བཞི་ལ་སོགས་པ་ཅི་རིག་པར་དགེ་མི་དགེ་ལ་སོགས་པའི་རྣམ་པར་སྨིན་པས་ན་རྣམ་སྨིན་དང་། འཁོར་བའི་ཆོས་ཐམས་ཅད་ཀྱི་ས་བོན་ཡིན་པས་ས་བོན་ཐམས་ཅད་པའོ། རྟག་ཏུ་རེག་དང་ཡིད་བྱེད་དང་། ཚོར་དང་འདུ་ཤེས་སེམས་པར་ལྡན། ཞེས་པ་རྣམས་དེའི་འཁོར་དུ་སེམས་བྱུང་དུ་ཞིག་ལྡན་ཞེ་ན། དེ་ནི་དུས་རྟག་ཏུ་རེག་པ་དང་ཡིད་ལ་བྱེད་པ་དང་ཚོར་བ་དང་འདུ་ཤེས་དང་། སེམས་པ་སྟེ་སེམས་ལས་བྱུང་བ་ཀུན་འགྲོ་ལྔ་དང་མཚུངས་པར་ལྡན་ནོ། དེ་ལ་ཚོར་བ་བཏང་སྙོམས་སྟེ། ཞེས་པ་ཚོར་བའི་ཚོགས་ལྔ་ལས་ཀུན་གཞི་དེ་ལ་འཁོར་དུ་ནི་ཚོར་བ་བཏང་སྙོམས་ཁོ་ན་ལྡན་པ་སྟེ་སེམས་པ་དང་གདུང་བར་ཉམས་སུ་མྱོང་བའི་ཚོར་བ་ནི་མི་ལྡན་ནོ། དེ་ནི་མ་བསྒྲིབ་ལུང་མ་བསྟན་ཞེས་པ་ཀུན་གཞིའི་རྣམས་འཁོར་དང་བཅས་པ་དེ་ནི་ཡིད་ཀྱི་ས་པའི་ཉོན་མོངས་པ་རྣམས་དང་མཚུངས་པར་མི་ལྡན་པས་མ་བསྒྲིབ་པ་དང་དགེ་མི་དགེ་།།།མ་ཡིན་པས་ལུང་དུ་མ་བསྟན་པའོ། དེ་ནི་རྒྱུན་འབབ་ཆུ་བོ་བཞིན། ཞེས་པ་རྒྱུ་དང་འབྲས་བུ་བར་མ་ཆད་པ་མེད་པར་རྒྱུན་དུ་འབབ་པ་སྟེ་དཔེར་ན་ཆུ་བོ་ལ་ཆུ་རྒྱུན་སྔ་ཕྱི་རྒྱུན་མི་འཆད་པ་དེ་བཞིན་ནོ། དགྲ་བཅོམ་ཉིད་ན་དེ་ཟློག་གོ། ཞེས་པ་ཐེག་པ་ཆེན་པོའི་དགྲ་བཅོམ་པ་ཐོབ་པ་ཉིད་ན། ཀུན་གཞིའི་རྣམ་ཤེས་དེ་ཟློག་གོ་སྟེ་བར་འཇོག་པའི་གནས་མེད་ཅིང་སྐབས་མེད་པའོ། གསུམ་པ་སུམ་བཅུ་པའི་ལུང་དེའི་དོན་དཔལ་རང་བྱུང་གི་ཞལ་སྔ་ནས་གྱིས་འགྲེལ་

(༥༠༦)པར་བཤད་པའི་ཚུལ་ནི། ཀུན་གཞིའི་རྣམ་ཤེས་ཞེས་ཀུན་གཞི་ལས་ལོག་སུ་རྣམ་ཤེས་ཞེས་གསུང་པ་འདིའི་དོན་ཡང་ཀུན་གཞི་ཞེས་བྱ་བ་ལ་རྣམ་པར་ཤེས་པ་ཞེས་བྱ་བའི་སྒྲ་མ་སྨོས་ན་དག་པའི་སེམས་ཀྱི་གནས་ལུགས་ཆོས་ཉིད་དེ་བཞིན་ཉིད་ལའང་ཀུན་གཞི་ཞེས་བྱ་བའི་སྒྲས་བརྗོད་དུ་རུང་བའི་ཕྱིར་ན་བདེ་བར་གཤེགས་པའི་སྙིང་པོ་དང་ཀུན་གཞིའི་རྣམས་གཅིག་ཏུ་འཁྲུལ་བའི་ལོག་རྟོག་བསལ་བའི་ཆེད་དུ་རྣམ་པར་ཤེས་པ་ཞེས་པའི་ཚིག་སྨོས་སོ། འོ་ན་རྣམ་པར་ཤེས་པ་ནི་རང་གི་བཟུང་བའི་དོན་མཐོང་བ་ལ་རྣམ་ཤེས་སུ་བརྗོད་ན་ཀུན་གཞིའི་དམིགས་པ་འདི་བཟུང་བའི་དོན་དུ་ཇི་ལྟར་བཞག་སྟེ་ཀུན་གཞིས་བཟུང་དོན་ཇི་ལྟ་བུ་ཞིག་མཐོང་ཞེ་ན། རྣམ་པར་སྨིན་བ་འབྲས་བུའི་ཆ་དང་ས་བོན་རྒྱུའི་ཆ་ནས་ཀུན་གཞི་དང་དེ་ལ་བརྟེན་པ་བཟུང་བའི་དོན་དུ་རྣམ་པར་ཤེས་པའི་ཚོགས་གཞན་བདུན་པོ་དག་ལས་ཕན་ཚུན་རྒྱུ་དང་རྐྱེན་གྱི་དངོས་པོར་འགྱུར་བའི་ཕྱིར་ན་ཀུན་གཞི་ལ་ཡང་རྣམ་པར་ཤེས་པ་ཞེས་བྱའོ། ཞེས་པ་རྐང་པ་དང་པོའི་ཚིག་གི་དོན་ནོ། ཚོགས་བདུན་གྱི་བག་ཆགས་ཐམས་ཅད་ཀུན་གཞི་དེར་བསགས་པའི་ཕྱིར་ཚོགས་བདུན་གྱི་སྣང་བ་སྣ་ཚོགས་པ་ཐམས་ཅད་ཀུན་གཞིའི་སྟེང་གི་བར་དོའི་རྣམ་པར་སྨིན་པ་སྟེ། དཔེར་ན། ཆར་ཆུའི་རྒྱུན་བསགས་པ་ལས་རྒྱ་མཚོ་ཆེན་པོར་གང་བ་བཞིན་ནོ། ཚོགས་བདུན་གྱི་རྐྱེན་ཉེ་བར་གནས་པ་ཐམས་ཅད་བསྐྱེད་པའི་རྒྱུར་གྱུར་པའི་ཆ་ནས་ཀུན་གཞིའི་རྣམས་དེ་ལ་ས་བོན་ཐམས་ཅད་ལ་ཞེས་བྱའོ། ཞེས་པ་རྐང་པ་གཉིས་པའི་དང་། གཙོ་བོ་སེམས་ཀུན་གྱི་འཁོར་དུ་འགྲོ་ཞིང་ཁམས་ཀུན་དང་དགེ་མི་དགེའི་སེམས་ཀུན་གྱི་རྗེས་སུ་འགྲོ་བས་ན་ཀུན་ཏུ་འགྲོ་བའི་སེམས་བྱུང་ནི་ལྔ་སྟེ། ཡུལ་དབང་རྣམ་

(༥༠༧)ཤེས་གསུམ་འདུས་ནས་ཡུལ་ཡོངས་སུ་དཔྱོད་པའི་རེག་པ་དང་། དམིགས་པ་ལ་སེམས་གཏོད་པའི་ཡིད་ལ་བྱེད་པ་དང་། ཉམས་སུ་མྱོང་བའི་ཚོར་བ་དང་། ཡུལ་གྱིས་སུ་རིས་སོ་སོར་འབྱེད་པའི་འདུ་ཤེས་དང་ཡིད་གཡོ་ཞིང་སེམས་པར་བྱེད་བའི་སེམས་པ་དང་། དེ་རྣམ་ལྔ་པོས་དུས་ཐམས་ཅད་དུ་འཁོར་དུ་བསྐོར་བས་སེམས་བྱུང་དེ་རྣམས་ཀྱང་ཀུན་གཞིའི་རྣམ་པར་ཤེས་པའི་ཁྱད་པར་དུ་འགྱུར་བ་སྟེ། ཀུན་གཞི་ཉིད་ནི་བདེ་སྡུག་གི་རིགས་སུ་མ་ཆད་པས་དེའི་འཁོར་དུ་འབྱུང་བའི་ཚོར་བ་ཡང་།།།གདུང་བར་མར་མྱོང་བའི་བཏང་སྙོམས་པའོ། ཞེས་པ་རྐང་པ་གསུམ་པ་སོགས་གསུམ་གྱི་དང་། ཀུན་གཞིའི་ངོ་བོ་ནི་མ་བསྒྲིབ་ལ་ལུང་དུ་མ་བསྟན་པ་སྟེ། མེ་ལོང་གི་གསལ་བ་བཞིན་ནོ། ཞེས་པ་དྲུག་པའི་སྟེ། འདིར་མ་བསྒྲིབས་མ་ལུང་དུ་མ་བསྟན་པ་ཞེས་སྨོས་པའི་དོན་ནི་ཉོན་མོངས་ཅན་གྱི་ཡིད་ལ་སོགས་པ་སྒྲིབས་ལ་ལུང་དུ་མ་བསྟན་པའང་ཡོད་པས་དེ་ལས་ལོགས་སུ་དཀར་བ་ཡིན་ནོ། ཀུན་གཞིའི་རྣམ་པར་ཤེས་པ་དེ་ནི། དཔེར་ན་རྒྱུན་འབབ་པའི་ཆུ་བོ་བཞིན་དུ་ཡུལ་གཟུང་བ་དང་ཡུལ་ཅན་འཛིན་པ་དང་དབང་བྱེད་པ་དབང་པོ་དང་དབང་དུ་བྱ་རྒྱུའི་ཆོས་ལ་སོགས་པ་ཀུན་ནས་ཉོན་མོངས་པའི་ས་བོན་ཐམས་ཅད་རྒྱུན་འཆད་པ་མེད་པར་འབབ་པ་ཡིན་ནོ། ཞེས་པ་བདུན་པའི་སྟེ། དེ་ཡང་ཆུ་བོས་རྩ་དང་ཤིང་དང་ལྕི་བ་ལ་སོགས་པའི་འདོད་ཅིང་འབབ་པ་དེ་བཞིན་དུ་ཀུན་གཞིའི་རྣམ་པར་ཤེས་པ་ལ་བསོད་ནམས་དང་བསོད་ནམས་མ་ཡིན་པ་དང་། མི་གཡོ་བའི་ལས་བག་ཆགས་ཐམས་ཅད་རྒྱུན་མི་འཆད་དུ་འབྱུང་བ་ཀུན་འགྲོ་ལྔས་འདོད་ཅིང་འཁོར་བ་རྒྱུན་མི་འཆད་པར་བྱེད་པ་དཔེ་དོན་དུ་མཛད་པ་ཡིན་ནོ། དགྲ་བཅོམ་ཉིད་ན་དེ་བཟློགས་གོ་ཞེས་པ་ནི་

(༥༠༨)སུམ་བཅུ་པའི་འགྲེལ་པ་ནས། ཀུན་གཞིའི་རྣམ་པར་ཤེས་པ་ཟློག་པར་འགྱུར་ཏེ། དེ་ཉིད་ཀྱི་དུས་ན་དགྲ་བཅོམ་པའོ། ཞེས་གསུངས་པ་ལྟར། ཤེས་སྒྲིབ་ཀྱི་དགྲ་བཅོམ་ནས་སངས་རྒྱས་པ་ལ་དགོངས་པ་སྟེ་ཉན་ཐོས་ཀྱི་དགྲ་བཅོམ་པ་ལ་ནི་ཀུན་གཞིའི་རྣམ་པར་ཤེས་པ་ཡོད་པ་ཉིད་དོ། འོན་ཀྱང་གང་ཟག་གི་བདག་ཏུ་འཛིན་པའི་ཉོན་མོངས་ཀྱི་རྟེན་དུ་གྱུར་པའི་ཀུན་གཞིའི་རྣམ་ཤེས་ལོག་པ་ལ་ཡང་ཀུན་གཞིའི་རྣམ་ཤེས་ཀྱི་ཆ་ཤས་གཅིག་ལོགས་པར་བཤད་དུ་རུང་ངོ་། ཞེས་པས་རྐང་པ་བརྒྱད་པའི་ཚིག་གི་དོན་ལེགས་པར་བཤད་པ་ཡིན་ནོ། གསུམ་པ་ཐོག་བསྡུས་ཀྱི་ལུང་དང་སྦྱར་བས་ཤིན་ཏུ་རྒྱས་བཤད་ནི། གོང་དུ་སྨོས་པ་འདི་རྣམས་ཀྱི་རྒྱས་པར་བཤད་པ་ནི། ཐེག་པ་ཆེན་པོ་བསྡུས་པ་ལས། བཅོམ་ལྡན་འདས་ཀྱི་གསུངས་པའི་ཆོས་མངོན་པའི་མདོའི་གཞུང་། དགེ་མི་དགེ་ལུང་དུ་མ་བསྟན་པའི་ཆོས་ཀུན་གྱིས་ཉོན་མོངས་པར་བྱས་པའི་ཀུན་གཞིའི་སྟེང་དུ་འཁོར་བའི་ས་བོན་ནི་བག་ཆགས་ཐམས་ཅད་དང་ལྡན་པས་ས་བོན་ཐམས་ཅད་བའི་ཀུན་གཞིའི་རྣམ་པར་ཤེས་པ་ནི། འཁོར་བའི་ཆོས་ཀུན་གྱི་གཞི་སྟེ། རྒྱུ་མཚན་དེ་བས་ན་ཀུན་གཞིའི་རྣམ་པར་ཤེས་པ་དེ་ནི་སྐྱེས་བུ་དམ་པ་བྱང་ཆུབ་སེམས་དཔའ་དག་ལ་སངས་རྒྱས་ངས་བཤད་དོ། ཞེས་གསུངས་སྟེ། ཀུན་གཞིའི་རྣམས་དེ་ལ་རྒྱུ་མཚན་ཅིའི་ཕྱིར་ཀུན་གཞིའི་རྣམ་ཤེས་དོན་བྱ་ཞེ་ན། འཁོར་བའི་ཆོས་ཐམས་ཅད་སྐྱེ་བ་ཅན་གྱི་ཀུན་གཞི་དེ་ནི་ཀུན་ནས་ཉོན་མོངས་པའི་ཆོས་རྣམ་ཤེས་ཚོགས་བདུན་འཁོར་བཅས་ཀྱི་བསྡུས་པ་ཐམས་ཅད་འབྲས་བུའི་ཀུན་གཞིའི་རྣམ་སྨིན་གྱི་དངོས་པོར་འཁོར་བ་དེར་སྦྱོར་བའམ། སྦྱོར་བ་དེ་འང་ཚོགས་བདུན་འཁོར་བཅས་དེ་དག་ཏུ་རྒྱུ་ཀུན་གཞིའི་ས་བོན་གྱི་དངོས་པོར་སྦྱོར་བའི་ཕྱིར་ཀུན་གཞིའི་རྣམ་པར་ཤེས་པ་ཞེས་བྱའོ། ཀུན་གཞིའི་རྣམས་ཀྱི་སྒྲ་

(༥༠༩)དོན་ནི། གོང་དུ་བཤད་པ་དང་གནད་གཅིག་སྟེ་རྣམ་པར་ཤེས་པ་ཚོགས་བདུན་ཕན་ཚུན་རྒྱུ་རྐྱེན་དུ་འབྲེལ་བས་རྣམ་པར་ཤེས་པ་སྟེ། འབྲས་བུ་ཚོགས་བདུན་པོས་རང་གི་གཟུང་དོན་གྱི་རྣམ་པ་མ་འདྲེས་པ་སོ་སོར་ཤེས་པས་དེའི་མིང་གི་རྒྱུ་ཀུན་གཞི་ལའང་རྣམ་ཤེས་སུ་བཤད་པའི། ཡང་ན་ཚོགས་བདུན་པོ་རང་གི་ཡུལ་ལ་མཚན་མར་གཟུང་ནས་མངོན་པར་ཞེན་པས་ཡེ་ཤེས་ཀྱི་རང་བཞིན་འོད་གསལ་བ་སྒྲིབ་པའི་ཕྱིར་ཡེ་ཤེས་མི་གསལ་བས་རྣམ་ཤེས་སུ་གསུངས་པ་ཡིན་ནོ། བཤད་པའི་རྣམ་གྲངས་སྔ་མོ་ལས་ཡང་ན་སེམས་ཅན་རྣམ་སྨིན་དང་དེའི་བདག་ཉིད་དུ་སྦྱོར་ཞིང་ཡོངས་སུ་འཛིན་པའི་ཕྱིར་ཀུན་གཞིའི་རྣམ་པར་ཤེས་པ་ཞེས་བྱའོ། ཀུན་གཞིའི་རྣམ་ཤེས་དེ་ལ་ནི་མིང་གི་རྣམ་གྲངས་གཞན་ལེན་པའི་རྣམ་པར་ཤེས་པ་ཞེས་ཀྱང་བྱ་སྟེ། འདོད་གཟུགས་སུ་ཕུང་པོ་ལྔ་དང་གཟུགས་མེད་མིང་བཞིའི་ཕུང་པོ་ལེན་པས་སོ། ཇི་སྐད་དུ་མདོ་སྡེ་དགོངས་པ་ངེས་པར་འགྲེལ་པ་ལས། ཁམས་སུམ་དུ་ཟག་བཅས་ཀྱི་ཕུང་པོ་ཉེ་བར་ལེན་པའི་རྣམ་པར་ཤེས་པའི་དེ་ནི་རྟོགས་པར་དཀའ་བས་ཟབ་ཅིང་མཐོང་བར་དཀའ་བས་ཕྲ་བའོ། ཁམས་གསུམ་གྱི་ས་བོན་ཐམས་ཅད་ཆུ་བོ་ཆེན་པོའི་རྒྱུན་བཞིན་དུ་རྒྱུན་མི་འཆད་པར་འབབ་ལ། འཁོར་བ་ཇི་སྲིད་པར་འགྱུར་བ་མེད་ཅིང་བདག་འཛིན་གྱི་དམིགས་པ་ཡིན་པས་ཀུན་གཞི་ལ་དམིགས་ནས་བདག་ཏུ་རྟོགས་པར་འགྱུར་ན་མི་རུང་ངོ་ཞེས་དགོངས་ཏེ། ཀུན་གཞིའི་རྣམ་ཤེས་འདི་ནི་བྱིས་པ་མི་ཤེས་པའི་ངང་ཚུལ་ཅན་རྣམས་ལ་སངས་རྒྱས་ངས་མ་བསྟན་ནོ། ཞེས་གསུངས་པ་ལྟ་བུ་སྟེ། ཚིག་བཅད་དེའི་གོང་དུ། མདོ་དེ་ལས། འདི་ལྟར་གནས་དང་བཅས་པའི་དབང་པོ་གཟུགས་ཅན་ཉེ་བར་ལེན་པ་དང་། མཚན་དང་མིང་དང་རྣམ་པར་རྟོགས་པ་ནི་སྙད་འདོགས་པའི་སྤྲོས་

(༥༡༠)པའི་བག་ཆགས་ཉེ་བར་ལེན་པ་དང་།་ མཚན་མ་དང་མིང་དང་རྣམ་པར་རྟོགས་པ་ནི་ཉེ་བར་ལེན་པ་རྣམ་པ་གཉིས་ལ་བརྟེན་ནས་དེར་ཐོག་མ་ཁོ་ནར་ས་བོན་ཐམས་ཅད་པའི་སེམས་རྣམ་པར་སྨིན་ཞིང་ཆགས་ལ་འཕེལ་ཞིང་རྒྱས་པ། ཡངས་པར་འགྱུར་རོ། དེ་ལ་གཟུགས་ཡོད་པའི་ཁམས་ཉེ་བར་ལེན་པ་གཉིས་སོ། གཟུགས་མེད་པའི་ཁམས་ན་ནི་ཉེར་ལེན་དུ་གཉིས་སུ་མེད་དོ། བློ་གྲོས་ཡངས་པ་རྣམ་པར་ཤེས་པ་དཔེ་དེ་ལྟར་ལུས་འདི་ཉེ་བར་གཟུང་ཞིང་བླངས་པས་ན་ལེན་པའི་རྣམ་པར་ཤེས་པ་བྱའོ། དེ་ལྟར་དེ་ནི་ལུས་འདི་ལ་གྲུབ་པ་དང་སྡེ་པ་གཅིག་པའི་ཕྱིར་འབྲེལ་པ་དང་རབ་ཏུ་འབྲེལ་བས་ཀུན་གཞིའི་རྣམ་པར་ཤེས་པ་ཞེས་ཀྱང་བྱའོ། ཞེས་སོགས་རྒྱ་ཆེར་གསུངས་སོ། ཀུན་གཞི་དེ་ནི། དབང་པོ་གཟུགས་ཅན་པ་ཐམས་ཅད་ཀྱི་རྒྱུ་ཡིན་པ་དང་། ཁམས་སུམ་གྱི་ལུས་ཐམས་ཅད་ཉེ་བར་ལེན་པའི་གཞིའི་གནས་སུ་གྱུར་པའི་ཕྱིར་རོ། དབང་པོ་གཟུགས་ཅན་པ་ཐམས་ཅད་ཀྱི་རྒྱུ་ཡིན་པའི་རྒྱུ་མཚན་འདི་ལྟར་ཚེ་ཇི་སྲིད་པར་རྗེས་སུ་འཇུག་པ་སྟེ། ཇི་སྲིད་མཚོའི་བར་དུ་ཀུན་གཞི་དེས་དབང་པོ་གཟུགས་ཅན་ལྔ་པོ་དག་མ་ཞིག་པར་ཉེ་བར་གཟུང་བའི་ཕྱིར་དང་། ལུས་ཐམས་ཅད་ཉེ་བར་ལེན་པའི་རྒྱུ་མཚན་འདི་ལྟར། ལུས་ཉིང་མཚམས་སྦྱོར་བ་རྐྱེན་དང་སྦྲེལ་ཏེ་ཁམས་གསུམ་གང་དང་གང་གིས་ལུས་སུ་ཡོངས་སུ་འཛིན་པ་ན་ཡང་ཀུན་གཞིའི་སྟེང་གི་བག་ཆགས་ལ་བརྟེན་ནས་ལུས་དེ་དག་མངོན་པར་གྲུབ་པ་ཉེ་བར་འཛིན་པའི་ཕྱིར། ཀུན་གཞིའི་རྣམ་ཤེས་ཀྱི་ལུས་བཟུང་བ་ཡིན་ཏེ། ཁམས་གསུམ་གྱི་ལུས་མཐའ་དག་གི་བག་ཆགས་གོས་པ་དེ་ལྟ་བས་ན་ཀུན་གཞིའི་རྣམས་དེ་ལ་ཁམས་སུམ་གྱི་ལུས་ལེན་པའི་རྣམ་པར་ཤེས་པ་ཞེས་བྱའོ། ཞེས་

(༥༡༡)གསུངས་པ་དང་། གཞན་ཡང་གཞུང་དེ་ལས། མཚན་ཉིད་རྣམ་པར་བཞག་པ་ནི་གསུམ་སྟེ། རང་གི་མཚན་ཉིད་དང་། མིང་གི་མཚན་ཉིད་དང་། རྒྱུ་ཉིད་ཀྱི་མཚན་ཉིད་དང་། འབྲས་བུའི་མཚན་ཉིད་དོ། དང་པོ་ཀུན་གཞིའི་རྣམ་པར་ཤེས་པ་རང་གི་མཚན་ཉིད་ནི་གང་ཀུན་ནས་ཉོན་མོངས་པའི་ཆོས་ཁམས་གསུམ་པོ་ཐམས་ཅད་ཀྱི་བག་ཆགས་ལ་བརྟེན་ནས་འཁོར་བའི་ས་བོན་ཐམས་ཅད་ཡོངས་སུ་འཛིན་པ་དང་ལྡན་པས་ཁམས་སུམ་པོ་དེ་སྐྱེ་བའི་རྒྱུ་བྱེད་པའི་མཚན་ཉིད་དོ། གཉིས་པ་ཀུན་གཞི་དེ་ལ་རྒྱུ་ཉིད་མཚན་ཉིད་ནི་གོང་དུ་བཤད་པ་དེ་ལྟར་ཀུན་གཞིའི་རྣམ་ཤེས་པ་ས་བོན་ཐམས་ཅད་པ་དེ་ཆགས་སོགས་ཀུན་ནས་ཉོན་མོངས་པའི་ཆོས་དེ་དག་ཉིད་ཀྱི་རྒྱུ་ཉིད་ཡིན་པས་དུས་ཐམས་ཅད་དུ་ཁམས་གསུམ་པོ་ཐམས་ཅད་ཉེ་བར་ལེན་པ་ཡིན་ནོ། གསུམ་པ་ཀུན་གཞི་དེ་ལ་འབྲས་བུའི་མཚན་ཉིད་དུ་རྣམ་པར་བཞག་པ་ནི། གང་ཀུན་གཞིའི་རྣམ་པར་ཤེས་པ་ཆགས་སོགས་ཀུན་ནས་ཉོན་མོངས་པའི་ཆོས་ཀུན་ཏུ་འབྱུང་བ་ཀུན་གཞི་དེ་དག་ཉིད་ཀྱི་ཐོག་མ་མེད་པའི་དུས་ཀྱི་བག་ཆགས་ལ་བརྟེན་ནས་འབྱུང་བའོ། ཞེས་གསུངས་པ་དང་། བག་ཆགས་དེ་ཇི་ལྟ་བུ་སྙམས་ན། ཐེག་བསྡུས་ཀྱི་ཚིག་སྣ་བསྡུད་བས་གསུངས་པ་ནི། བག་ཆགས་ཐམས་ཅད་ཀྱི་རྟེན་དུ་གྱུར་པ་ཀུན་གཞིའི་རྣམ་ཤེས་དེ་ཡང་དཀར་བ་དགེ་བའི་ཆོས་དང་། གནག་པ་སྡིག་པའི་ཆོས་དེ་དག་དང་ལྷན་གཅིག་ཏུ་འབྱུང་ཞིང་སྐྱེ་ལ། ལྷན་གཅིག་ཏུ་འཇིགས་ཤིང་འགག་ཀྱང་ཀུན་གཞིའི་རྣམ་ཤེས་ནི་དགེ་སྡིག་གི་བག་ཆགས་དེའི་རྒྱུ་ཉིད་དུ་འབྱུང་སྟེ། དགེ་སྡིག་གི་ཚེས་དང་ཀུན་གཞི་ལྷན་གཅིག་ཏུ་གནས་པས། དགེ་སྡིག་དེའི་བག་ཆགས་ཀུན་གཞི་ལ་སོགས་ནས། ཀུན་གཞིའི་བག་ཆགས་

(༥༡༢)དེ་ཉིད་བདེ་སྡུག་བསྐྱེད་པའི་རྒྱུར་འགྱུར་བ་སྟེ། དཔེར་ན་ཏིལ་དང་སྣ་མའི་མེ་ཏོག་ལྷན་གཅིག་ཡུན་རིང་དུ་བཞག་པས། མེ་ཏོག་དེའི་དྲི་ཏིལ་ལ་བགོས་ནས། ཏིལ་ལས་སྣ་མའི་མེ་ཏོག་གི་དྲི་འབྱུང་བ་བཞིན་ནོ། དེ་ལྟར་ཀུན་གཞིའི་སྟེང་གི་བག་ཆགས་དེ་བདེ་སྡུག་བསྐྱེད་པའི་རྒྱུ་ཉིད་དུ་འབྱུང་ཞིང་། བག་ཆགས་དེ་ལས་ཀྱང་ཆགས་སོགས་ཀུན་ནས་ཉོན་མོངས་པའི་ཆོས་དེ་རྣམས་ཀྱི་ཀུན་གཞིའི་རྣམ་ཤེས་ཡིན་པ་ལྟར། ཆགས་སོགས་ཀུན་ནས་ཉོན་མོངས་པའི་ཆོས་རྣམས་ཀྱང་ཀུན་གཞིའི་རྣམ་པར་ཤེས་པའི་རྒྱུ་རྐྱེན་དུམ་རྣམ་པར་བཞག་སྟེ། ཕན་ཚུན་ལྟོས་པ་ལས། རྒྱུའི་རྐྱེན་གཞན་མི་དམིས་པའི་ཕྱིར་རོ། ཀུན་གཞིའི་རྣམས་ཀྱི་སྟེང་དུ་སྣ་ཚོགས་པའི་བག་ཆགས་བསགས་པ་དེས་བག་ཆགས་འཛིན་ཅིང་། བརྟེན་པར་བྱེད་ཀྱང་། བག་ཆགས་རྣམས་སྣ་ཚོགས་སུ་གནས་པར་མི་གསལ་བའི་ཚུལ་དུ་གནས་བས་སྣ་ཚོགས་སུ་གསལ་མ་དམིགས་ཤིང་། ཀུན་གཞིའི་སྟེང་དུ་བག་ཆགས་རྣམས་སྣ་ཚོགས་པར་མི་གསལ་བར་གནས་ཀྱང་ཕྱིས་འདོད་ཆགས་ལྟ་བུའི་རྐྱེན་གཅིག་འབྱུང་བས་ན། སྔར་བསགས་པའི་འདོད་ཆགས་ཀྱི་ལས་བསྐྱེད་པ་ལྟ་བུ། རྐྱེན་གང་ཕྲད་པའི་ལས་སོ་སོར་བསྐྱེད་པས་ན། འབྲས་བུ་ཐ་དད་དུ་སྣང་བ་ནི། དཔེར་ན། རས་དཀར་པོ་ལ་ཚིག་གུའི་རི་མོ་མི་འདྲ་བའི་རྐྱེན་དང་ལྡན་པ། ཚོན་གྱི་ཁ་བསྒྱུར་བས་རས་དེ་ཉིད་ཁ་དོག་སྣ་ཚོགས་སུ་ཁྲ་ཁྲ་འོར་འགྱུར་བ་བཞིན་ཏེ། ཀུན་གཞིའི་བག་ཆགས་ལས། ཆོས་རྣམ་པ་སྣ་ཚོགས་པ་བསྐྱེད་ཅིན་སྟོན་པའི་ཕྱིར་རོ། དེ་སྐད་དུ་ཡང་ཐེག་བསྡུས་ལས། བག་ཆགས་ཐ་དད་པ་མ་ཡིན་

(༥༡༣)ཞིང་། སྣ་ཚོགས་པ་མ་ཡིན་པ་ཆོས་ཐ་དད་པ་སྣ་ཚོགས་པ་དག་གི་རྒྱུར་ཇི་ལྟར་རུང་ཞེ་ན། དཔེར་ན་ཚི་གུ་རྩི་སྣ་ཚོགས་སུ་བསྒྱུར་བའི་རས་སྣ་ཚོགས་སུ་མི་སྣང་བ་གང་གི་ཚེ་མཚོན་གྱི་སྣོད་དུ་བཅུག་པ་དེའི་ཚེ་རས་ལ་མཚོན་གྱི་དབྱེ་བ་ཐ་དད་པ་སྣ་ཚོགས་པ་སྟོན་པ་དེ་བཞིན་དུ། ཀུན་གཞིའི་རྣམ་པར་ཤེས་པ་བག་ཆགས་སྣ་ཚོགས་ཀྱི་བགོས་པའི་ཡང་བག་ཆགས་ཀྱི་དུས་ན་སྣ་ཚོགས་མ་ཡིན་ཡང་། འབྲས་བུ་མངོན་པར་གྲུབ་པའི་ཚོན་གྱི་སྣོད་དུ་མངོན་པར་ཕྱོགས་ན་ཆོས་སྣ་ཚོགས་ཚད་མེད་པ་དག་སྟོན་ཏེ། ཞེས་འབྱུང་ངོ་། བག་ཆགས་བསགས་པ་དེ་སྣ་ཚོགས་སུ་ཐ་དད་དུ་མི་གསལ་ཡང་། ཕྱིས་རྐྱེན་དང་ཕྲད་ན་འབྲས་བུ་སྣ་ཚོགས་ཐ་དད་དུ་སྣང་བ་འདི་ནི་མཆོག་ཏུ་ཟབ་པ་ཡིན་ཏེ། ཉང་ལ་སོགས་པས་རྟོགས་པར་དཀའ་བའི་ཕྱིར། ངོ་བོ་ཉིད་རྣམས་འབྱེད་ཅན་ཞེས་ཀྱང་བྱ་སྟེ། ཆོས་སྣ་ཚོགས་པའི་ངོ་བོ་མི་འདྲ་བ་སོ་སོར་རྣམ་པར་འབྱེད་པས་སོ། རྟེན་ཅིང་འབྲེལ་པར་འབྱུང་བ་ཞེས་བྱ་སྟེ། ཕན་ཚུན་གཅིག་ལ་གཅིག་ལྟོས་ནས་གྲུབ་པའི་ཕྱིར། འཇུག་པའི་རྣམ་པར་ཤེས་པ་ཀུན་གཞི་ལས་རྣམ་ཤེས་ཚོགས་བདུན་དང་ཀུན་གཞིའི་རྣམ་པར་ཤེས་པ་ཕན་ཚུན་དུ་རྒྱུ་དང་རྐྱེན་གྱི་མཚན་ཉིད་དུ་ལྟས་སོ། དཔེར་ན་མ་ལ་བུ་རྣམས་ཀྱི་བདག་ཅག་ནི་ཁྱོད་ཀྱི་བུ་ཡིན་ནོ། ཞེས་སྨྲ་ལ། མས་བུ་ལ་ཁྱེད་རྣམས་ངའི་བུ་ཡིན་ཞེས་སྨྲ་བ་ཡང་ཕན་ཚུན་ལྟོས་པའི་དབང་གི་དེ་སྐད་སྨྲས་པ་སྟེ། མས་བསྐྱེད་པའི་དོན་གྱིས་ན་ངའི་བུ། ཞེས་སྨྲས་ཤིང་། མ་ལས་སྐྱེས་པའི་དོན་གྱིས་ན་ཁྱོད་ཀྱི་བུ་བདག་ཡིན་ནོ། ཞེས་སྨྲས་བས་སོ། དེ་ལྟ་བས་ན། ཀུན་གཞི་དང་འཇུག་ཤེས་ཀྱང་གཅིག་མ་གཅིག་འབྱུང་བའི་

(༥༡༤)དོན་གྱིས་ན་ཕན་ཚུན་རྒྱུ་དང་རྐྱེན་དུ་རྣམ་པར་བཞག་པ་ཡིན་ནོ། དེ་སྐད་དུ་ཡང་། སློབ་དཔོན་དབྱིག་གཉེན་གྱི་ཞལ་སྔ་ནས། ཀུན་གཞིའི་རྣམ་པར་ཤེས་པ་གཅིག་པུ་ནི་རྣམ་པར་ཤེས་པ་གཞན་རྣམས་ཀྱི་རྐྱེན་ཡིན་པས། རྐྱེན་གྱི་རྣམ་པར་ཤེས་པ་ཞེས་བྱ་ལ་ཀུན་གཞི་དེ་ལས་བྱུང་བས་འདྲ་པ་ཞེས་པའི་སྒྲར་སྨོས་པ་འཇུག་པའི་རྣམ་པར་ཤེས་པ་རྣམས་ལ་ནི་ཉེ་བར་སྤྱོད་པ་ཅན་ཞེས་བྱ་སྟེ། གཟུང་བའི་ཡུལ་ལ་ལོངས་སྤྱོད་པས་སོ། ཚོར་བ་རྣམས་ལ་ཐེ་བར་སྤྱོད་པ་ཞེས་བྱ་སྟེ། ཡུལ་ཉམས་སུ་མྱོང་བར་བྱེད་པས་སོ། འདུ་ཤེས་རྣམས་ལ་ཡང་བཅོད་པ་ཞེས་བྱ་སྟེ། ཡུལ་ལ་མཚན་མ་འཛིན་བས་སོ། འདུ་བྱེད་ཀྱི་ཚོགས་སེམས་ལས་བྱུང་བ་སེམས་པ་དང་ཡིད་ལ་བྱེད་པ་ལ་སོགས་པ་རྣམས་ལ་རྣམས་དེའི་འཇུག་བྱེད་ཅེས་བྱ་སྟེ། རྣམ་པར་ཤེས་པ་ཡུལ་ལ་འཇུག་བར་བྱེད་པའི་ཕྱིར། ཞེས་དབུས་མཐའི་འགྲེལ་པ་ལས་འབྱུང་བ་ཇི་ལྟ་བ་བཞིན་ནོ། ཞེས་བྱ་བ་ལ་སོགས་བ་རྒྱ་ཆེར་གསུངས་སོ། བཞི་བ་ དོགས་པ ་དཔྱད་པ་ལ་གསུམ། རྒྱུ་བྱེད་ཚུལ་ལ་ དོགས་པ ་དཔྱད་པ། ཐར་པའི་ས་བོན་གྱི་རྟེན་ལ་ དོགས་པ ་དཔྱད་པ། འཁྲོས་དོན་རྒྱས་འགྱུར་གྱིས་རིགས་ལ་ དོགས་པ ་དཔྱད་བའོ། དང་པོ་ནི་ཀུན་གཞིའི་རྣམས་དེ་ཁམས་སུམ་ལ་སོགས་པ་ཀུན་ནས་ཉོན་མོངས་པའི་བག་ཆགས་ཐམས་ཅད་ཀྱི་གནས་ཡིན་པ་དང་། ཁམས་སུམ་པོ་ཐམས་ཅད་ཉེ་བར་ལེན་པའི་རྒྱུ་ཡིན་བར་བཤད་པའི་རྒྱུ་མཚན་འདིས་ནི་ཀུན་གཞིའི་རྣམ་ཤེས་དེ་ནི་སེམས་ཅན་གྱི་གནས་དང་རྟེན་དང་རྒྱུ་དང་གཞི་ཁྱད་པར་ཅན་དུ་བརྗོད་དེ། ཀུན་གཞིའི་རྣམ་ཤེས་ཡོད་ན་འཁོར་བའི་སེམས་ཅན་ཡོད་ཅིང་། དེ་ལོག་ན་སྲིད་པ་གསུམ་གྱི་རྒྱུན་ཟློགས་པས་སོ། རྒྱུ་མཚན་དེ་བས་ན། མྱ་

(༥༡༥)ངན་ལས་འདས་པ་ཆེན་པོ་སངས་རྒྱས་ཀྱི་ཡེ་ཤེས་ཀྱི་རྒྱུ་ནི། ཀུན་གཞིའི་རྣམ་ཤེས་སེམས་ཅན་གྱི་གནས་ཁྱད་པར་ཅན་ཡིན་པ་བོ་ན། ཁ་གཅིག་ན་རེ། ཀུན་གཞིའི་རྣམ་ཤེས་ཁམས་སུ་ཀུན་གྱི་གཞི་ཡིན་ཀྱང་། རྣམ་པར་བྱང་བ་མྱང་ཀྱི་རྒྱུའི་གཞི་ནི་མ་ཡིན་ཞེས་བྱ་བའི་གཞུང་གིས་དེ་རྣམ་བྱང་གི་རྒྱུ་མ་ཡིན་པར་བསྟན་པ་ལ། འགའ་ཞིག་གི་དེ་འཁོར་བའི་རྒྱུ་ཡིན་པར་མ་ཟད། ཀུན་གཞིའི་རྣམ་ཤེས་ཉིད་ཀུན་གཞི་རྒྱུར་རྒྱུད་དུ་ཁས་བླངས་ནས། རྣམ་བྱང་གི་རྒྱུད་དུ་སྟོན་པ་ཡང་ཡོད་བས་ལུགས་ཕྱི་མ་འདི་ཇི་ལྟར་ཡིན་ཞེ་ན། དེའི་ལེན་ནི། ཀུན་གཞིའི་རྣམ་ཤེས་དེ་དག་པ་བདེ་བར་གཤེགས་པའི་སྙིང་པོ་ལ་རྣམ་པར་བྱང་བ་མྱང་འདས་ཀྱིས་རྒྱུ་ཉིད་ཀྱི་ཐ་སྙད་དུ་བརྗོད་པར་བྱེད་ན་རུང་གིས། ཀུན་གཞིའི་རྣམ་པར་ཤེས་པ་དེ་ཉིད་མྱ་ངན་ལས་འདས་པ་རྣམས་བྱང་བ་སངས་རྒྱས་ཀྱི་རྒྱུར་བཤད་ན་མི་རུང་བ་ཉིད་ཡིན་ནོ། གཉིས་པ་ནི། ཀུན་གཞིའི་རྣམས་སངས་རྒྱས་ཀྱི་ཡེ་ཤེས་ཀྱི་རྒྱུ་མ་ཡིན་པ་འོ་ན། སྦྱིན་སོགས་དཀར་པོའི་ཆོས་སངས་རྒྱས་ཀྱི་བྱང་ཆུབ་ཀྱི་རྒྱུ་དང་དབྱེ་བ་མེད་པ་ཡུལ་གྱི་གནས་ཚུལ་ལ་ཕྱིན་ཅི་མ་ལོག་པར་ཞུགས་པ་ཡང་དག་པའི་ལྟ་བ་ལ་བརྟེན་པའི་རྟོགས་པ་ཡང་ཀུན་གཞིའི་རྣམ་ཤེས་ཀྱི་སྟེང་དུ་འཇོག་པ་མ་ཡིན་ནམ། རྣམ་པར་བྱང་བ་དཀར་པོའི་ཆོས་ཡང་དག་པའི་ལྟ་བ་ལ་བརྟེན་པའི་རྟོགས་བ་དེ་དག་གོང་ན་གོང་དུ་ཇི་ལྟར་བསྐྱེད་ཅིང་འཕེལ་བར་བྱེད་ཅེ་ན། དཀར་པོའི་ཆོས་འདི་ནི། སྔར་རྒྱུད་བླ་སོགས་ཀྱི་ལུང་དང་སྦྱར་ནས་བརྗོད་པའི་སེམས་ཀྱི་དག་པ་གཞི་དུས་ཀྱི་སྐུ་དེ་བཞིན་གཤེགས་པའི་སྙིང་པོ་ལ་བརྟེན་པ་ཏེ། རྒྱུད་བླ་མ་ལས། རིགས་གཉིས་པོ་དཔེ་དང་སྦྱར་ནས་གསུངས་པ་ནི། མཐར་

(༥༡༦)ཐུག་སངས་རྒྱས་ཀྱི་སྐུ་གསུམ་འབྱུང་བའི་རིགས་དེ་ནི་རང་བཞིན་དུ་གནས་པ་དང་། རྒྱས་འགྱུར་གྱིས་རིགས་ཏེ་རིགས་རྣམ་པ་གཉིས་སུ་ཤེས་པར་བྱ་སྟེ། དེ་ཡང་གང་ཞེ་ན། ཐོག་མ་མེད་པ་ནས་རང་བཞིན་དུ་གནས་པའི་སྡིགས་དེ་ནི། དཔེར་ན་ས་འོག་གི་གཏེར་ལ་དགོས་འདོད་ཐམས་ཅད་འབྱུང་བའི་ཡོན་ཏན་ཡོད་ཀྱང་གཏེར་དུ་སྦས་བཞིན་པའི་སྐབས་སུ་ཡོན་ཏན་མངོན་དུ་མི་འབྱུང་བ་བཞིན་དུ། སེམས་ཉིད་ལྷན་གཅིག་སྐྱེས་པ་ཆོས་ཀྱི་སྐུ་ལ་སྟོབས་བཅུ་ལ་སོགས་པ་ཡོན་ཏན་ཐམས་ཅད་གདོད་མ་ནས་ཡོད་ཀྱང་རང་ངོ་མ་ཤེས་པའི་མ་རིག་པའི་སྦུབ་ནས་མ་ཐོན་གྱི་བར་དུ་ཡོན་ཏན་དེ་རྣམས་མངོན་གྱུར་དུ་མི་འབྱུང་བ་དང་། དགེ་རྩ་ཡང་དག་པར་བྱངས་པས་རྒྱས་པར་འགྱུར་བའི་རིགས་ཉིད་ནི། དཔེར་ན། ཨ་འབྲས་སོགས་འབྲས་བུ་འབྱུང་བ་རྣམས་དང་། རྟ་ལ་སོགས་ལོ་འདབ་རྒྱས་པར་འགྱུར་བའི་ཤིང་རྣམས་ས་བོན་གྱི་དུས་ནས་འབྲས་བུ་དང་ལོ་འདབ་ཀྱི་རིག་ཕུན་སུམ་ཚོགས་པ་ཡོད་ཀྱང་། ས་སྨོས་ཆུ་ལུང་དྲོད་གཤེར་སོགས་ཀྱི་མ་སྐྱེད་ན་འབྲས་བུ་དང་ལོ་འདབ་རྒྱས་པར་མི་འགྱུར་བ་བཞིན་དུ། སྣང་བ་ལྷན་གཅིག་སྐྱེས་པ་ཆོས་སྐུའི་འོད་ལ་ཡེ་གདོད་མ་ནས་མཚན་དང་དཔེ་བྱད་ལ་སོགས་པ་རྣམ་སྨིན་གྱི་ཡོན་ཏན་རྣམས་བཞུགས་ཀྱང་བསོད་ནམས་ཀྱི་ཚོགས་མ་རྫོགས་ཀྱི་བར་དུ་རྣམ་སྨིན་རྣམས་རྒྱས་པར་མི་འགྱུར་བ་བཞིན་དུ། དཔེ་དོན་སྦྱར་ནས་བསྟན་པ་ཡིན་ལ། རང་བཞིན་དང་རྒྱས་འགྱུར་གྱི་རིག་དེ་གཉིས་ལས་འབྲས་བུ་རྫོགས་པའི་སངས་རྒྱས་ཀྱི་སྐུ་ཐོབ་པར་འདོད་པ་ཡིན་ནོ། རིགས་གང་ལས་སྐུ་གང་ཐོབ་ཅེ་ན། རིགས་གཉིས་ཀྱི་དང་པོ་རང་བཞིན་གནས་རིགས་དེས་སྐུ་གསུམ་གྱི་ནི་དང་པོ་ཆོས་ཀྱི་སྐུ་ཐོབ་སྟེ། སེམས་ཀྱི་གཤིས་སྐྱེ་མེད་མ་རིག་པ་

(༥༡༧)བྲལ་བ་ཉིད་ལ་སྒྲིབ་བྲལ་གྱི་སྟོབས་ལ་སོགས་པར་འདོད་བས་སོ། རིགས་གཉིས་པ་རྒྱས་འགྱུར་གྱི་རིགས་དེས་ནི་སྐུ་ཕྱི་མ་གཟུགས་སྐུ་གཉིས་ཐོབ་སྟེ། སེམས་ཀྱི་གདང་འགག་མེད་མཚན་དང་དཔེ་བྱད་ལ་སོགས་པའི་རྣམ་པར་སྣང་བ་ཉིད་ལ་སྒྲིབ་བྲལ་གྱི་ཡོན་ཏན་རྒྱས་པར་འདོད་པས་སོ། ཞེས་བྱ་བ་གསུངས་ཤིང་རྒྱས་པར་ནི། ཐེག་པ་ཆེན་པོ་བསྡུས་པ་ལས། ཀུན་གཞི་ས་བོན་དེ་ལ་རྣམ་པར་སྨིན་པའི་རྣམ་པར་ཤེས་པ་དེ་ནི་ཀུན་ནས་ཉོན་མོངས་པའི་རྒྱུ་ཡིན་ན། ཀུན་ནས་ཉོན་མོངས་པ་དེའི་གཉེན་པོ་འཇིག་རྟེན་ལས་འདས་པའི་སེམས་རྣམ་པར་མི་རྟོགས་པའི་ཡེ་ཤེས་ཀྱི་ས་བོན་དུ་ཇི་ལྟར་རུང་སྟེ་མི་རུང་ངོ་། དེ་ཅིའི་ཕྱིར་ཞེ་ན་འཇིག་རྟེན་ལས་འདས་པའི་སེམས་རྣམ་པར་མ་རྟོག་པའི་ཡེ་ཤེས་ནི་རྣམ་པར་རྟོག་པ་དང་མ་འདྲེས་ཤིང་ཀུན་གཞིའི་རྣམ་པར་ཤེས་པ་དང་དམིགས་ནི་མི་མཐུན་པས་མི་རྟོགས་ཡེ་ཤེས་དེའི་བག་ཆགས་ཀུན་གཞི་ལ་མེད་བ་ཉིད་ཡིན་པའི་ཕྱིར་རོ། འཇིག་རྟེན་ལས་འདས་པའི་ཡེ་ཤེས་ཀྱི་བག་ཆགས་དེ་ཀུན་གཞིའི་རྣམ་ཤེས་ལ་མེད་ན་ཡེ་ཤེས་དེ་ས་བོན་ནི་རྒྱུ་གང་ལས་བྱུང་བ་བརྗོད་དགོས་སོ་ཞེ་ན། རང་བཞིན་གྱི་འོད་གསལ་བའི་ཆོས་ཀྱི་དབྱིངས་བློ་བུར་གྱི་སྒྲིབ་པས་ཤིན་ཏུ་རྣམ་པར་དག་པའི་འབྲས་བུ་དུས་ཀྱི་དག་པ་གཉིས་ལྡན་གྱི་སངས་རྒྱས་དེའི་རྒྱུ་མཐུན་པ་གསུངས་རབས་ཡན་ལག་བཅུ་གཉིས་ཐོས་པའི་བག་ཆགས་གོང་ནས་གོང་དུ་སོན་པ་ལས་ཡེ་ཤེས་དེ་བྱུང་ངོ་། གསུང་རབས་ཡན་ལག་བཅུ་གཉིས་ཐོས་པའི་བག་ཆགས་ཆགས་གང་ཡིན་པ་དེ་ཡང་ཅི་ཀུན་གཞིའི་སྟེང་དུ་བསགས་པའི་བག་ཆགས་ཀྱི་ངོ་བོ་ཉིད་ཡིན་ནམ་འོན་ཏེ་མ་ཡིན། ཐོས་པའི་བག་ཆགས་དེ་གལ་ཏེ་ཀུན་གཞིའི་རྣམ་པར་ཤེས་པའི་སྟེང་དུ་བསག་པའི་བག་ཆགས་ཀྱི་ངོ་བོ་ཉིད་

(༥༡༨)མིན་ན་ནི་ཇི་ལྟར་ཀུན་གཞིའི་རྣམ་པར་ཤེས་པ་དེའི་གཉེན་པོའི་ས་བོན་དུ་རུང་སྟེ་མི་རུང་ངོ་། ཅི་སྟེ། ཐོས་པའི་བག་ཆགས་དེ་ཀུན་གཞིའི་དེའི་སྟེང་དུ་བསགས་པའི་ངོ་བོ་ཉིད་མ་ཡིན་ན་ནི་ཐོས་པའི་བག་ཆགས་དེའི་ས་བོན་གྱི་གནས་གང་ཞིག་ཡིན་བར་ལྟ་ཞེ་ན། རྣམ་པ་ཐམས་ཅད་སྐྱེ་བ་མེད་པ་ཐུགས་སུ་ཆུད་པའི་སངས་རྒྱས་ཀྱི་བྱང་ཆུབ་ལ་བརྟེན་ནས་ཆོས་ཀྱི་འཁོར་ལོ་མུ་མེད་པར་བསྐོར་བ་རྣམས་ཐོས་པའི་།།།བར་སུ་གྱུར་པ་ཟག་པ་མེད་བའི་ཡེ་ཤེས་ཀྱི་རྒྱུ་དེའི་གནས་ནི་སངས་རྒྱས་ཀྱི་བྱང་ཆུབ་དེ་ཡིན་གྱི་ཀུན་གཞིའི་རྣམ་པར་ཤེས་པ་ནི་ཐོས་པའི་བག་ཆགས་དེའི་གནས་མ་ཡིན་ནོ། ཐོས་པའི་བག་ཆགས་དེའི་གནས་ཏེ་བག་ཆགས་དེ་རྒྱུ་གང་ལས་འཇུག་པ་དེར་ཀུན་གཞིའི་རྣམ་ཤེས་དང་ཐོབ་པའི་བག་ཆགས་དེ་གང་ཟག་གཅིག་གི་རྒྱུད་ལ་ལྷན་གཅིག་ཏུ་འབྱུང་བའི་ཚུལ་གྱི་ཐོབ་པའི་བགས་དེ་རྣམ་པར་སྨིན་པའི་རྣམ་པར་ཤེས་པ་ལ་ཆུ་དང་འོ་མ་འདྲེས་པ་བཞིན་དུ་འཇུག་ཀྱང་ཀུན་གཞིའི་རྣམ་ཤེས་ཀྱི་ནི། ཀུན་ནས་ཉོན་མོངས་པའི་ཕྱོགས་ཉེ་བར་ལེན་པར་བྱེད་པ་ལ་ཤུགས་དེས་ནི་བྱང་ཆུབ་ཀྱི་ཕྱོགས་དང་རྗེས་སུ་མཐུན་པར་བྱེད་དོ། རྒྱུ་མཚན་དེའི་ཕྱིར་ཐོས་པའི་བག་ཆགས་དེ་ནི་ཀུན་གཞིའི་རྣམ་པར་ཤེས་པ་མ་ཡིན་ཏེ། ཀུན་གཞིའི་རྣམ་ཤེས་དེའི་གཉེན་པོ་ཟག་པ་མེད་བའི་ཡེ་ཤེས་ཀྱི་ས་བོན་ནི་རྒྱུ་ཉིད་ཡིན་པའི་ཕྱིར་རོ། ཟག་པ་མེད་པའི་ཡེ་ཤེས་ཀྱི་ས་བོན་དེ་ཡང་རིམ་གྱིས་འཕེལ་བར་གྱུར་ཏེ། ཐོས་པའི་བག་ཆགས་ཐོབ་པའི་བགས་ཆུང་ངུ་ལས་འབྲིང་དང་འབྲིང་དེ་ལས་ཆེན་པོར་འགྱུར་ཏེ་ཐོས་བསམ་བསྒོམ་པ་གསུམ་ལན་མང་དུ་བྱས་པ་དང་ཡར་ལྡན་དུ་འགྱུར་བའི་ཕྱིར་རོ། ཐོས་པའི་བག་ཆགས་ཆུང་འབྲིང་

(༥༡༩)ཆེན་པོ་དེ་ནི་ཆོས་ཀྱི་སྐུ་ཟག་པ་མེད་པའི་ས་བོན་དུ་ལྟ་སྟེ་ཀུན་གཞིའི་རྣམ་ཤེས་ཀྱི་གཉེན་པོའི་ས་བོན་ཉིད་ཡིན་པ་ཀུན་གཞིའི་རྣམ་ཤེས་ཀྱི་ངོ་བོ་མ་ཡིན་པ་དང་། ཐོས་པའི་བག་ཆགས་དེས་མཐོང་ལམ་མངོན་དུ་མ་བྱས་ཀྱི་བར་དུ་འཇིག་རྟེན་པ་ཡིན་ཡང་འཇིག་རྟེན་ལས་འདས་པའི་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་རྒྱུ་མཐུན་པས། འཇིག་རྟེན་ལས་འདས་པ་རྣམ་པར་མི་རྟོགས་པའི་སེམས་ཀྱི་ས་བོན་དུ་གྱུར་པའོ། ཐོས་པའི་བག་ཆགས་དེ་ནི་ཚོགས་སྦྱོར་གྱི་སྐབས་སུ་འཇིག་རྟེན་ལས་འདས་པའི་ཟག་མེད་ཀྱི་སེམས་དངོས་སུ་མ་བྱུང་དུ་ཟིན་ཀྱང་འདོད་ཆགས་དང་ཞེ་སྡང་དང་གཏི་མུག་ལ་སོགས་པ་ཉོན་མོངས་པའི་ཀུན་ནས་བཀྲིས་པ་ཐམས་ཅད་གདེངས་པར་བྱེད་པའི་གཉེན་པོ་དང་། དམྱལ་བ་ཡི་དགས་སོགས་ངན་འགྲོ་ཐམས་ཅད་གདེངས་པར་བྱེད་པའི་གཉེན་པོ་དང་། མི་དགེ་བ་བཅུ་ལ་སོགས་པ་ཉེས་པ་ཐམས་ཅད་གདེངས་པར་བྱེད་པའི་གཉེན་པོ་ཡིན་ནོ། ཐོས་པའི་བག་ཆགས་དེ་ནི་སངས་རྒྱས་དང་བྱང་ཆུབ་སེམས་དཔའི་སོགས་སྐྱེས་བུ་དམ་པ་རྣམས་དང་འཕྲད་པར་འགྱུར་བའི་རྗེས་སུ་མཐུན་པའོ། བྱང་ཆུབ་སེམས་དཔའ་ལས་དང་པོ་ས་རྣམས་ཀྱི་ཐོས་པའི་བག་ཆགས་དེ་ནི་འཕགས་པའི་ལམ་མ་ཐོབ་པས་འཇིག་རྟེན་པའི་ཁོངས་སུ་གཏོག་པ་ཡིན་ཡང་ལམ་གྱི་བདེན་པ་དང་རྗེས་སུ་མཐུན་པར་ཆོས་སྐུའི་རྒྱུ་ཡིན་པས་ཆོས་ཀྱི་སྐུའི་རིགས་ཀྱི་བསྡུས་པ་དང་། ཉན་ཐོས་དང་རང་སངས་རྒྱས་དགྲ་བཅོམ་པ་རྣམས་ཀྱི་ཐོས་པའི་བག་ཆགས་དེ་ནི་ཉོན་མོངས་པའི་སྒྲིབ་པ་ལས་རྣམ་པར་གྲོལ་བའི་ལུས་སུ་བསྡུས་པར་ཡང་ལྟའོ། མདོར་བསྡུ་ན་ཐོས་པའི་བག་ཆགས་དེ་ནི་ཀུན་གཞིའི་རྣམ་པར་ཤེས་པ་མ་ཡིན་གྱིས་ཆོས་སྐུའི་རིགས་དང་ཉོན་སྒྲིབ་ལས་རྣམ་པར་གྲོལ་

(༥༢༠)བའི་ལུས་ཀྱི་བསྡུས་པས་ཟག་མེད་ཀྱི་ཡེ་ཤེས་ཆུང་འབྲིང་ཆེན་པོ་རིམ་གྱི་འཕེལ་ནས་ཇེ་བཟང་ལ་འགྲོ་བ་ལྟར་ཐོས་པའི་བག་ཆགས་དེས་རྒྱུན་མཐའི་རྡོ་རྗེ་ལྟ་བུའི་ཏིང་ངེ་འཛིན་མངོན་དུ་བྱས་པའི་ཚེ་རྣམ་པར་སྨིན་པའི་རྣམ་པར་ཤེས་པ་འབྲིང་ཞིང་རྣམ་ཤེས་དེ་གནས་རྣམ་པ་ཐམས་ཅད་དུ་གྱུར་ནས་མེ་ལོང་ལྟ་བུའི་ཡེ་ཤེས་མངོན་དུ་བྱས་པ་དང་ཀུན་གཞིའི་རྣམ་ཤེས་ཀྱི་སྟོང་གི་ས་བོན་ཐམས་ཅད་པ་ཡང་མེད་པར་གྱུར་ཏེ་སངས་རྒྱས་ཀྱི་བར་ནི་ཀུན་གཞིའི་རྣམ་ཤེས་ས་བོན་དང་བཅས་པ་རྣམ་པ་ཐམས་ཅད་དུ་སྤངས་པ་ཡིན་ནོ། ཞེས་བྱ་བ་ལ་སོགས་པ་གསུངས་སོ། གསུམ་པ་འཕྲོས་དོན་རྒྱས་འགྱུར་གྱི་རིགས་ཀྱི་དགོས་གཅོད་ནི། ཡང་ཁ་གཅིག་རྒྱུད་བླ་ལས་ཐོགས་མེད་རང་བཞིན་གནས་པ་དང་། ཞེས་རང་བཞིན་དུ་གནས་པའི་རིགས་དེ་ཐོག་མ་མེད་ནས་རྒྱུན་ཆགས་སུ་ཡོད་པར་གསུང་ཀྱང་། ཡང་དག་བླངས་པ་མཆོག་ཉིད་དོ། ཞེས་རྒྱས་འགྱུར་གྱི་རིགས་དེ་དགེ་རྩ་ཡང་དག་པར་བླངས་པ་ལས་འབྱུང་བར་གསུངས་པས་རྒྱུ་མཚན་དེའི་ཕྱིར་རྒྱས་འགྱུར་གྱི་རིགས་དེ་ནི་གདོད་མ་ནས་ཡོད་པ་མ་ཡིན་གྱི་གསར་དུ་བྱུང་བ་ཡིན་སྙམས་དུ་སེམས་ན། རྒྱས་འགྱུར་གྱིས་རིགས་དེ་གསར་དུ་བྱུང་བ་དེ་ལྟར་མ་ཡིན་ཏེ། རང་བཞིན་དུ་གནས་པའི་རིག་ཆོས་ཀྱི་དབྱིངས་དེ་བཞིན་ཉིད་དོན་ལ་རིགས་མི་འདྲ་བའི་དབྱེ་བ་མེད་ཀྱང་རྒྱུ་རྐྱེན་རྟེན་འབྲེལ་སྣ་ཚོགས་པའི་དབང་ལས་ཀུན་གཞིའི་རྣམ་པར་ཤེས་པ་དང་ཉོན་མོངས་པའི་ཡིད་ལ་སོགས་པ་རྣམས་ཚོགས་བརྒྱད་དུ་རྣམ་པར་བཞག་པ་དེ་ནི་ཡང་དག་པ་མ་ཡིན་པའི་ཀུན་ཏུ་རྟོག་པས་ཚོགས་བརྒྱད་དུ་རྣམ་པར་བཞག་ཅིང་རྣམ་པར་ཕྱེ་བ་དེ་ལྟར་རྣམ་ཤེས་ཚོགས་བརྒྱད་པོ་དེ་རྣམས་ཀྱི་དྲི་མ་མེད་པའི་རང་གི་ངོ་བོ་ཡེ་ཤེས་བཞིའི་རང་བཞིན་དུ་ཡོད་དེ། ཀུན་གཞིའི་

(༥༢༡)དྲི་མ་མེད་པའི་རང་གི་ངོ་བོ་མེ་ལོང་ལྟ་བུའི་ཡེ་ཤེས་དང་། ཉོན་ཡིད་ཀྱི་དྲི་མ་མེད་པའི་རང་གི་ངོ་བོ་མཉམ་པ་ཉིད་ཀྱི་ཡེ་ཤེས་དང་། དྲུག་ཡིད་ཀྱི་དྲི་མ་མེད་པའི་རང་གི་ངོ་བོ་སོགས་རྟོག་ཡེ་ཤེས་དང་། སྒོ་ལྔའི་རྣམས་ཀྱི་དྲི་མ་མེད་པའི་རང་གི་ངོ་བོ་བྱ་སྒྲུབ་ཡེ་ཤེས་ཀྱི་རང་བཞིན་དུ་ཡོད་པས་སོ། དེའི་རྒྱུ་མཚན་ཚོགས་བརྒྱད་ཀྱི་དྲི་མ་མེད་པའི་རང་གི་ངོ་བོ་དེ་ཡང་རང་ངོ་མ་ཤེས་པའི་དབང་གི་གཟུང་འཛིན་དུ། སྣང་བ་དེ་ཉིད་ཡང་དག་པའི་ཀུན་ཏུ་རྟོག་པ་སངས་རྒྱས་ཀྱི་བྱང་ཆུབ་ལ་བརྟེན་པའི་དཀར་པོའི་ཆོས་དགེ་རྩ་ཡང་དག་པ་བླངས་པ་ཉིད་ཀྱི་སྔར་གྱིས་དྲི་མ་རང་ངོ་མ་ཤེས་པ་དེ་བཅོམ་པ་ལས་ཚོགས་བརྒྱད་ཀྱི་འཁྲུལ་པ་གཟུང་འཛིན་དུ་སྣང་བ་མེད་པར་བྱེད་པས་རྣམ་ཤེས་གནས་གྱུར་པའི་ཚེ་ཡེ་ཤེས་བཞིའིི་མིང་ཐོབ་སྟེ་རྣམ་ཤེས་ཚོགས་བརྒྱད་ཀྱི་ངོ་བོ་འགྱུར་ནས་སྔར་ཡེ་ཤེས་མ་ཡིན་པ་ཕྱིས་ཡེ་ཤེས་སུ་འགྲོ་བར་ནི་མི་བཞེད་དོ། གནས་གྱུར་པའི་དོན་ཡང་རྣམ་ཤེས་ཀྱི་རང་ངོ་མ་ཤེས་པའི་ཆ་གཟུང་འཛིན་གཉིས་སུ་སྣང་བ་དག་དང་རྣམ་པར་ཤེས་པ་ཉིད་ངོ་བོ་རང་རིག་པའི་ཡེ་ཤེས་སུ་འགྲོ་བ་ལ་རྣམ་ཤེས་ཡེ་ཤེས་སུ་གནས་གྱུར་པ་ཞེས་གསུངས་པ་ཡིན་ནོ། ཇི་སྐད་དུ། དབུས་མཐའི་འགྲེལ་པ་ལས། གང་གི་ཚེ་ཀུན་ནས་ཉོན་མོངས་ལ་གང་ཚེ་རྣམ་པར་དག་ཅེ་ན། དེ་ནི་དྲི་བཅས་དྲི་མ་མེད། གང་གིས་ཚེ་དྲི་མ་དང་བཅས་པར་གྱུར་པ་དེའི་ཚེ་ཀུན་ནས་ཉོན་མོངས་པའོ། གང་གི་ཚེ་དྲི་མ་སྤངས་པ་དེའི་ཚེ་རྣམ་པར་དག་པའོ། གལ་ཏེ་དྲི་མ་དང་བཅས་པར་གྱུར་ལ་དྲི་མ་མེད་པར་ཡང་འགྱུར་ན་འགྱུར་བའི་ཆོས་ཅན་ཡིན་པས་ཇི་ལྟར་མི་རྟག་པར་མི་འགྱུར་ཞེ་ན་དེ་ནི་འདི་ལྟར། ཆུ་ཁམས་གསེར་དང་ནམ་མཁའ་རྣམས། དག་པ་བཞིན་དུ་དག་པར་འདོད་

(༥༢༢)བློ་བུར་གྱི་དྲི་མ་དང་བྲལ་བ་ལ་བྱའི། དེའི་ངོ་བོ་ཉིད་གཞན་དུ་འགྱུར་བ་ནི་མ་ཡིན་ནོ། ཞེས་གསུངས་སོ། འཁྲུལ་པའི་དྲི་མ་བཅོམས་པས་དྲི་མེད་དུ་གནས་འགྱུར་བའི་རྒྱུ་མཚན་དེས་ན་རྒྱལ་བ་བྱམས་པའི་ཞལ་ནས་སྙོག་མ་ཅན་གྱི་ཆུའི་ཁམས་དང་། གཡའ་ཅན་གྱི་གསེར་དང་སྤྲིན་གྱི་གང་བའི་ནམ་མཁའ་རྣམས་གནས་སྐབས་སུ་རྙོག་མ་ལ་སོགས་པས་སྒྲིབ་ཀྱང་ཆུ་དངས་པ་དང་གསེར་གྱི་གཡའ་སྦྱངས་པ་དང་ནམ་མཁའ་སྤྲིན་གྱི་དག་པ་ན་བློ་བུར་བའི་སྒྲིབ་བྱེད་དག་ནས་ཆུ་དང་གསེར་དང་ནམ་མཁའ་རྣམས་གསལ་བར་སྣང་བ་ལྟར། དཔེ་དེ་བཞིན་དུ་མ་རིག་པ་རྣམ་པར་དག་ནས་སེམས་རང་བཞིན་འོད་གསལ་སྒྲིབ་བྲལ་དུ་གནས་གྱུར་པ་ལ་སངས་རྒྱས་ཀྱི་ཡེ་ཤེས་སུ་འདོད་དོ། ཞེས་དབུས་མཐར་གསུངས་པ་ལྟར་དྲི་མ་མེད་པ་བདེ་བར་གཤེགས་པའི་སྙིང་པོ་རང་བཞིན་གྱིས་འོད་གསལ་བ་ལ་ནི་ཡེ་ཤེས་ཡིན་ལ། དྲི་མ་དང་བཅས་པའི་ཚོགས་བརྒྱད་གཉིས་སྣང་དང་བཅས་པ་ནི་རྣམ་པར་ཤེས་པ་ཡིན་པར་ལྟའོ། འཇམ་དཔལ་གྱི་མཚན་ཡང་དག་པར་བརྗོད་པ་ལས་ཀྱང་། རྣམ་པར་ཤེས་པ་གཟུང་འཛིན་གཉིས་སུ་སྣང་བའི་ཆོས་ཉིད་ལས་འདས་པ་རང་བཞིན་གྱི་འོད་གསལ་བའི་ཡེ་ཤེས་དེ་ནི་གཟུང་འཛིན་གཉིས་སུ་མེད་པའི་ཚུལ་འཆང་བ་ཡིན་ནོ། ཞེས་གསུངས་སོ། འདིའི་རྒྱས་པར་བཤད་པ་ནི། རང་བྱུང་རྡོ་རྗེ་ཁོ་བོས་བྱས་བའི་རྣམ་པར་ཤེས་པ་དང་ཡེ་ཤེས་བརྟག་པའི་བསྟན་བཅོས་སུ་བཤད་ཡོད་ཅིང་། འོག་དུམ་བུ་དྲུག་པ་ནས་རྣམ་པར་ཤེས་པ་དང་ཡེ་ཤེས་དང་འབྲེལ་པ་གཞི་ལམ་འབྲས་བུའི་རྣམ་བཞག་བསྟན་པའི་སྐབས་ནས་ཀྱང་སྟོན་པར་བྱེད་དོ། གཉིས་པ་ཐོག་མ་མེད་པའི་དོན་ལ་གཉིས། མཚམས་སྦྱར་བ་དང་། དོན་

(༥༢༣)དངོས་པོ། དང་པོ་ནི། གོང་དུ་བཤད་པ་དེ་ལྟར་དག་པ་བདེ་བར་གཤེགས་པའི་སྙིང་པོ་ལ་སེམས་ཉིད་དང་མ་དག་པ་ཀུན་གཞིའི་རྣམ་ཤེས་ལ་སེམས་སུ་བཤད་ནས། དྭ་ནི་ཐོག་མེད་ཅེས་པའི་ཚིག་དོན་འཆད་དོ། གཉིས་པ་ནི། གཞུང་རྩ་བར་ཐོག་མེད་ལ་ཞེས་བྱ་བ་གསུངས་པའི་ཚིག་གི་དོན་ནི། དུས་ཀྱི་ཐོག་མ་ཐ་མ་ནི། རྟོག་པས་སྒྲོ་བཏག་པ་ཙམ་ཡིན་པས་སྐབས་འདིར་ནི་དྲི་མ་མེད་པའི་ཡེ་ཤེས་དང་དྲི་མ་དང་བཅས་པའི་རྣམ་ཤེས་ཀྱི་ངོ་བོ་ནི་གཅིག་དང་ཐ་དད་ལས་གྲོལ་བ་མ་རྟགས་གཅིག་པུར་ཉམས་དགའ་བའི་རྟེན་ཅིང་འབྲེལ་པར་འབྱུང་བ་དེ་ཉིད་གཞན་ལས་རྣམ་པར་གྲོལ་བ་སྟེ་དེ་ལས་སྔར་བྱུང་བའི་ཐོག་མ་གཞན་མེད་པའི་ཕྱིར། ཐོག་མ་མེད་པའི་དུས་ཤེས་བྱ་སྟེ། རྟེན་འབྲེལ་གྱི་རང་གི་ངོ་བོ་སྣང་སྟོང་དབྱེར་མེད་དེ་གང་གི་རིག་པ་དང་རྟོགས་པའི་སྐད་གཅིག་ལ་ནི་འཁོར་བ་ལས་རྣམ་པར་གྲོལ་བ་སངས་རྒྱས་ཤེས་བྱ་བར་འགྱུར་ཏོ། །བྷུདྷཱ་ཞེས་པའི་སྒྲ་རྟོག་པ་ལ་ཡང་འཇུག་པས་སོ། དེས་ན་ནང་རྟོག་ན་ནང་སངས་རྒྱ། ནུབ་རྟོག་ན་ནུབ་སངས་རྒྱས། ཞེས་པ་དང་གནད་གཅིག་གོ །རྟེན་འབྲེལ་གྱི་རང་གི་ངོ་བོ་སྣང་སྟོང་དབྱེར་མེད་དེ་མ་རིག་བས་སེམས་འཁྲུལ་པའི་སྣང་བ་ལ་འཁོར་བར་འཁོར་བའི་སྣང་བ་འབྱུང་སྟེ། དེའི་ཕྱིར་འཁོར་བར་འཁྲུལ་བའི་ཐོག་མ་ནི་མ་རིག་པ་ཞེས་བྱའོ། ཞེས་འཁོར་བའི་རྩ་བ་ལྷན་གཅིག་སྐྱེས་པའི་མ་རིག་པ་ལ་ངོས་འཛིན་པར་མཛད་དོ། འཁོར་འདས་ཀྱི་ཁྱད་པར་རིག་མ་རིག་ཙམ་ཡིན་པ་དེའི་ཕྱིར་ཆོས་མངོན་པའི་མདོ་ཐེག་བསྡུས་སུ་དྲངས་པ་ལས། ཐོག་མ་མེད་པའི་དུས་ཀྱི་ཆོས་ཀྱི་དབྱིངས་རང་བཞིན་གྱི་འོད་གསལ་བ་གདོད་མའི་མི་ཤིག་པའི་ཐིག་ལེ་ཆེན་པོ་དེ་ནི་འཁོར་འདས་ཀྱི་ཆོས་རྣམས་ཀུན་

(༥༢༤)གྱི་གཞིའི་གནས་ཡིན་ཏེ་གཞི་ཐིག་ལེ་ཆེན་པོ་ཡོད་པས་ན་དེ་རང་ངོ་མ་ཤེས་བས་འགྲོ་བ་ཀུན་འཁོར་བར་འཁོར་བ་དང་དེ་རྟོགས་ཤིང་རིག་བས་མྱ་ངན་ལས་འདས་པ་སངས་རྒྱས་ཀྱང་ཐོབ་པ་ཡིན་ནོ། ཞེས་སམ། བཤད་སྦྱར་ལྟར་ན། ཐོག་མའི་མུ་མེད་པ་ནི་ཐོག་མ་མེད་པའི་དུས་ཀྱི་དོན་དང་། དྷཱ་རུ་ཞེས་པ་དབྱིངས་སམ་རྒྱུ་ལ་འཇུག་བས་འདིར་དབྱིངས་ཤེས་གསུངས་པ་ནི་རྒྱུའི་དོན་ཏེ་ཀུན་གཞི་ས་བོན་ཐམས་ཅད་པའོ། དེ་གང་གི་རྒྱུ་ཡིན་སྙམས་ན་ཀུན་ནས་ཉོན་མོངས་པའི་ཆོས་ཐམས་ཅད་ཀྱི་རྒྱུ་ཡིན་གྱི་རྣམ་བྱང་གི་རྒྱུ་མ་ཡིན་ཏེ། འོག་ནས་རྣམ་བྱང་གི་ཆོས་རྣམས་ཀུན་གཞིའི་རྣམ་ཤེས་ལ་མི་བརྟན་པར་གསུངས་པས་སོ། དེས་ན་ས་བོན་ཐམས་ཅད་པ་དེ་ནི་འཁོར་འདས་ཀྱི་ཆོས་རྣམས་ཀུན་གྱི་རྟེན་བྱེད་པས་གནས་ཡིན་གྱི་རྒྱུ་ནི་མ་ཡིན་ནོ། དེའི་ཕྱིར་དབྱིངས་ཤེས་པ་ལས་ལོགས་སུ་གནས་ཤེས་གསུངས་པ་ཡིན་ནོ། གནས་དེ་ཡོད་པས་ནི་འགྲོ་བ་ཀུན་དང་མྱ་ངན་ལས་འདས་པའང་ཐོབ་པར་གྱུར་ཏེ་གནས་ཀུན་གཞི་དེ་མེད་ན་འཁོར་བར་འཁོར་བ་མི་འབྱུང་ཞིང་འཁོར་བ་ལོག་པའི་མྱང་འདས་ཀྱང་དེ་མེད་ན་མི་འབྱུང་བས་སོ། ཞེས་པར་འབྲུ་གཉེར་དགོས་སྟེ། འགྲེལ་པ་དེ་ལས་ཐོག་མ་མེད་པའི་དུས་ཀྱི་དབྱིངས། ཤེས་བྱ་བ་ལ་སོགས་པ་ནི་དང་པོའི་མུ་མེད་པས་ནི་ཐོག་མ་མེད་པའི་དུས་སོ། དབྱིངས་ནི་རྒྱུ་སྟེ་སོན་ནོ། གང་དག་གི་ཞེ་ན། ཀུན་ནས་ཉོན་མོངས་པའི་ཆོས་ཐམས་ཅད་ཀྱིའོ། རྣམ་པར་བྱང་པ་རྣམས་ཀྱིས་ནི་མ་ཡིན་ཏེ། འདི་ལྟར་འོག་ནས་མང་དུ་ཐོས་པས་བསྒོས་པའི་གནས་ཀུན་གཞིའི་རྣམ་པར་ཤེས་པས་བསྡུས་པ་མ་ཡིན་པ་ཀུན་གཞིའི་རྣམ་པར་ཤེས་པ་ལྟར་ཚུལ་

(༥༢༥)བཞིན་བྱེད་པ་བཞི་བསྡུས་བའི་ཆོས་རྣམས་ཀྱི་ས་བོན་ཡིན་པའོ་ཞེས་འབྱུང་ངོ་། རྟེན་ཡིན་ཕྱིར། ཆོས་རྣམས་ཀུན་གྱི་གནས་ཡིན་ཏེ་རྒྱུ་ཡིན་པའི་ཕྱིར་ནི་མ་ཡིན་ནོ། རྟེན་གྱི་དོན་ནི་གནས་ཀྱི་དོན་ཏེ་རྒྱུའི་དོན་ནི་མ་ཡིན་པས་གནས་ལོག་ཞིག་ཏུ་ཐོས་སམ། གཞན་དུ་ན་ནི་དབྱིངས་ཀྱི་སྒྲ་ཉིད་ཀྱི་ཆོག་བར་འགྱུར་རོ། དེ་ཡོད་བས་ནི་འགྲོ་ཀུན་དང་། མྱ་ངན་ལས་འདས་པའང་ཐོབ་པར་འགྱུར། ཞེས་བྱ་བ་ནི་ཇི་ལྟར་གཏན་ལ་དབབ་པའི་གནས་སུ་འོས་ནས་བཤད་པ་ལྟ་བུ་སྟེ། ཚེའི་ཀུན་ནས་ཉོན་མོངས་པ་ནི་ཀུན་གཞིའི་རྣམ་པར་ཤེས་པ་མེད་ན་སེམས་ཅན་དམྱལ་བ་ལ་སོགས་པ་མི་འབྱུང་ངོ་ཞེས་བྱ་བ་ལ་སོགས་པ་དང་ཚ་ལ་སོགས་པའི་ཀུན་ནས་ཉོན་མོངས་པ་ལོག་པ་ནི་མྱ་ངན་ལས་འདས་པ་སྟེ། དེའི་ཕྱིར་ཏེ་ཐོས་པ་ཡང་ཀུན་གཞིའི་རྣམ་པར་ཤེས་པ་མེད་ན་མི་རུང་ངོ་ཞེས་བྱ་བའོ། ཞེས་གསུངས་སོ། ཞེས་པ་ཐེག་བསྡུས་རྩ་འགྲེལ་དུ་གང་གསུང་པ་དང་རྗེས་སུ་མཐུན་པར་དགོངས་པ་ངེས་པར་འགྲེལ་པའི་མདོ་ལས་ཀྱང་། ཕུང་པོ་ལ་སོགས་པ་འདུ་བྱེད་ཀྱི་ཁམས་རྣམ་ཤེས་དང་དེ་དག་གི་གནས་ལུགས་དོན་དམ་བའི་མཚན་ཉིད་ནི། གཅིག་པ་དང་ཐ་དད་པ་བྲལ་བའི་མཚན་ཉིད་ཞེས་སྤྲོས་པ་མཐའ་དག་དང་བྲལ་བར་གསུངས་པ་ཡིན་ནོ། གང་ཞིག་སེམས་སྐད་གཅིག་མའི་རང་ངོ་དེ་རང་གིས་མ་རིག་ཅིང་མ་རྟོགས་པ་རྒྱུན་འབྲེལ་བ་སྔར་འདས་པའི་དུས་སྐབས་པ་དཔག་ཏུ་མེད་བར་ཡང་། ཞུགས་ཤིང་བྱུང་བའི་ཕྱིར་ཡང་ཐོག་མ་མེད་པ་ཞེས་བྱ་བའི་སྒྲས་བརྗོད་དུ་རུང་གིས། རང་གིས་ཐོག་མ་ནས་སེམས་དྲི་མ་དང་བཅས་པ་བདེན་གྲུབ་རྟགས་པ་ཉིད་དུ་ཡོད་པའི་སྔར་མེད་པ་ལས་གསར་དུ་སྐྱེ་བར་རྟོགས་ན་ནི་མདོ་

(༥༢༦)ཡོད་མེད་ཀྱི་མཐར་རྟོགས་པའི་ཕྱིར་འཇིགས་ཚོགས་སུ་ལྟ་བའི་རྣམ་གྲངས་ཡིན་ལ། དྲི་བཅས་ཀྱི་སེམས་རྟག་པར་རྟོག་ན་དྲི་མ་རྟག་པར་འབྲེལ་བས་ན་སྒྲིབ་པ་ཡང་དུ་མི་རུང་བར་འགྱུར་བ་ཉིད་དང་མེད་པ་ལས་སྐྱེ་བར་རྟོགས་ན་སེམས་རྒྱུ་མེད་ལས་སྐྱེ་བར་འགྱུར་བའི་སྐྱོན་ཡོད་པས་རིག་པ་དང་ཡང་འགལ་ལོ། གསུམ་པ་མཐའ་བྲལ་གྱི་དོན་བཤད་པ་ནི། དེ་ལྟ་བུའི་སེམས་ཉིད་བདེ་བར་གཤེགས་པའི་སྙིང་པོ་དེ་ནི་སངས་རྒྱས་དང་སེམས་ཅན་ཐམས་ཅད་ལ་གཅིག་པ་དང་ཐ་དད་པ་ཉིད་དུ་བརྗོད་དུ་མེད་པས་ན་དོན་ལ་རྟག་ཆད་སྐྱེ་འགག་སྤང་གཉེན་གཅིག་ཐ་དད་ལ་སོགས་པ་སྤྲོས་པ་ཐམས་ཅད་དང་བྲལ་བའི་ཕྱིར། རྒྱ་མ་ཆད་པའོ་རྟགས་པའང་ཆད་པ་དང་ལ་སོགས་པས་མདོ་མེད་སྟོང་མི་སྟོང་བདག་བདག་མེད། བདེན་བདེན་མེད་སོགས་གང་གི་ཡང་ཕྱོགས་སུ་མ་ལྷུང་བས་ན་ཕྱོགས་ལྷུང་མ་མཆིས་པ་ཉིད་ཡིན་པས། དེའི་ཕྱིར་གཞུང་ཚིག་རྐང་པ་གཉིས་པོ་འདིས་སེམས་ཀྱི་ངོ་བོ་ཉིད་ཕྱིན་ཅི་མ་ལོག་པར་བསྟན་བ་ཡིན་ནོ། གཉིས་པ་སེམས་ཀྱི་རྣམ་པ་འཆད་པ་ལ་གཉིས། རྩ་བ་དང་། འགྲེལ་པའོ། དང་པོ་ནི། དེ་ཉིད་མ་འགག་རོལ་པ་ལས་ངོ་བོ་སྟོང་ལ་རང་བཞིན་གསལ། རྣམ་པ་འགག་མེད་ཅིར་ཡང་འཆར། ཞེས་གསུངས་སྟེ། སེམས་དེ་ཉིད་ཀྱི་རང་ངོ་མ་འགག་པའི་རྣམ་པར་རོལ་པ་ཡེ་ཤེས་ཀྱི་རང་རྩལ་ལས་ངོ་བོ་སྟོང་པ་ཉིད་དུ་གནས་པ་དང་། རང་བཞིན་འོད་གསལ་བར་གནས་པ་དང་། རྣམ་པ་འགག་པ་མེད་ཅིང་རྩལ་ཅིར་ཡང་འཆར་བ་སྟེ། དེ་གསུམ་ནི་འཁོར་བའི་གནས་སྐབས་སུ་སེམས་ཡིད་རྣམ་ཤེས་གསུམ་དང་མྱང་འདས་ཀྱི་སྐབས་སུ་ཆོས་སྐུ་ལོ་སྐུ་སྤྲུལ་

(༥༢༧)སྐུ་སྟེ། སྐུ་གསུམ་གྱི་།།། གཉིས་པ་ནི། ཐོག་མཐའ་དང་རྒྱ་ཆད་ཕྱོགས་ལྷུང་མེད་པའི་སེམས་དེ་ཉིད་རྣམ་པར་རིག་པ་སྐད་གཅིག་ལ་།།།རང་ངོ་མ་འགག་པའི་རྣམ་པར་རོལ་པའི་སྣང་ཆ་ལས། རང་བཞིན་གྱི་སྟོང་བ་ཉིད་དུ་གནས་།།།འོད་གསལ་བར་གནས་པ་དག་དབྱེར་མི་ཕྱེད་ཅིང་ཟུང་དུ་འཇུག་པའི་བདག་ཉིད་ཆོས་ཀུན་ལ་ཁྱབ་པར་འགྲོ་བའི་ཆོས་ཀྱི་དབྱིངས་དེ་བཞིན་ཉིད་དེ་ནི། འཁོར་འདས་ཐམས་ཅད་ཀྱི་གཞིར་གྱུར་པ་སྟེ། །།། གཞི་དེ་ལས་མ་རྟོག་པའི་གནས་སྐབས་སུ་སེམས་བྱུང་གི་ཚོགས་ལྔ་བཅུ་རྩ་གཅིག་དང་གཙོ་བོ་སེམས་རྣམ་པར་ཤེས་པའི་ཚོགས་གཞན་བདུན་གྱི་རང་རང་གི་རྣམ་པ་འགག་པ་མེད་པར་།།།དུས་སྐད་གཅིག་མ་གཅིག་།།།ཏུ་རྩ་བ་རྫོགས་བ་ཅིར་ཡང་འཆར་བའི་ཕྱིར། ངོ་བོ་རང་བཞིན་རྩལ་དང་གསུམ་པོ་དེ་ལས། མ་དག་པའི་གནས་སྐབས་ན། སེམས་ཀུན་གཞི་དང་། བདུན་པ་ཡིད་དང་། རྣམ་པར་ཤེས་བའི་ཚོགས་དྲུག་ཅེས་བྱ་བར་།།།བསྡུད་པ་ལས་གསུངས་སྟེ། གང་ལ་རྣམ་པར་ཤེས་དང་སེམས་ཡིད་མཐོང་མེད་པ། ཞེས་སེམས་ཀྱི་མཐོང་པ་འགགས་པའི་ཚུལ་གསུམ་དུ་གསུངས་པ་དང་དག་པའི་གནས་སྐབས་ན། དེ་གསུམ་ལ་ཆོས་སྐུ་ལོངས་སྐུ་སྤྲུལ་སྐུ་གསུམ་སྟེ་སྐུ་གསུམ་དུ་གསུངས་སྟེ། གཞུང་ལས། ངོ་བོ་སྟོང་པ་ཆོས་ཀྱི་སྐུ། རང་བཞིན་གསལ་བ་ལོངས་སྤྱོད་རྫོགས། འགག་མེད་ཐུགས་རྗེ་ཅིར་ཡང་འགྲུབ། ཞེས་གསུང་པ་དང་མཐུན་མེ་ལོང་མཉམ་ཉིད་བོར་རྟོག་བྱ་གྲུབ་ཏེ་ཡེ་ཤེས་བཞིའི་མིང་གིས་བརྗོད་པ་ཡིན་ནོ། དེའི་དོན་ཡང་། སློབ་དཔོན་འཕགས་པ་ཀླུ་སྒྲུབ་ཀྱི་ཞལ་སྔ་ནས་ཀྱང་། གཞི་དེ་ལ་ཆགས་སོགས་ཉོན་མོངས་པའི་དྲ་བས་

(༥༢༨)གཡོག་པར་གྱུར་པ་ན་སེམས་ཤེས་བྱ་བར་བརྗོད་པར་བྱ་བ་ཡིན་ལ་གཞི་དེ་ཉིད་ཉོན་མོངས་པ་རྒྱུ་དང་བཅས་པ་དང་བྲལ་བར་གྱུར་པ་ན་སངས་རྒྱས་ཤེས་བྱ་བར་ནི་བརྗོད་པར་བྱའོ། ཞེས་ཆོས་ཀྱི་དབྱིངས་སུ་བསྡོད་པ་ལས་གསུངས་སོ། གཉིས་པ་ཇི་ལྟར་འཁྲུལ་པའི་ཚུལ་བཤད་པ་གཉིས། ཀུན་གཞི་དང་དེ་ལ་བརྟེན་པའི་ཡིད་ཉོན་མོངས་པ་ཅན་དང་བཅས་པ་བཤད་པ་དང་། ཚོགས་དྲུག་དང་ཕུང་པོ་ལྔའི་རིམ་པ་བསྟན་པའོ། དང་པོ་ལ་གཉིས། རྩ་བ་དང་། འགྲེལ་པའོ། དང་པོ་ནི། དེ་ཉིད་རང་གི་རང་མ་རིག །འདུ་བྱེད་ཡིད་ཀྱི་གཡོ་བ་ནི། ཆུ་རླབས་ལྟ་བུར་གཡོས་པ་ལས། ཤེས་གསུངས་སྟེ། སེམས་སྐུ་གསུམ་དུ་བཞུགས་པ་དེ་ཉིད་སེམས་རང་གི་ངོ་མ་ཤེས་བས་རང་མ་རིག་ཅིང་སེམས་ཡུལ་ལ་འདུ་བྱེད་པ་བདུན་ཡིད་ཀྱི་གཡོ་བ་ནི་ཆུ་རླབས་ལྟ་བུར་གཡོས་པས་འཁྲུལ་ཏེ་འཁོར་བའི་སྣང་བ་ཤར་བ་ཡིན་ནོ། གཉིས་པ་འབྲེལ་པ་ལ་གསུམ། མ་རིག་པ་འདུ་བྱེད་ཚུལ། བདུན་ཡིད་ངོས་བཟུང་བ། དེ་ཡོད་པར་ལུང་རིག་ཀྱི་བསྒྲུབ་པའོ། དང་པོ་ནི། སེམས་དེ་ཉིད་རང་གི་མ་རིག་པའི་ཚུལ་ཡང་། གང་མ་རིག་པ་དང་། གང་གིས་མ་རིག་པ་དང་། ཚུལ་ཇི་ལྟར་མ་རིག་པ་སྟེ་གསུམ་གྱི་སྒོ་ནས་ཤེས་པར་བྱ་བ་ཡིན་པས། དང་པོ་ནི། རང་བཞིན་གྱི་རྣམ་པར་དག་པའི་སེམས་བདེ་བར་གཤེགས་པའི་སྙིང་པོ་རང་གི་ངོ་བོ་སྣང་སྟོང་དབྱེར་མེད་སྐུ་གསུམ་གྱི་རོལ་པར་བཞུགས་པ་དེ་མ་རིག་ལ། གཉིས་པ་གང་གིས་མ་རིག་ཞེ་ན། ཤེས་པ་རང་གི་ངོ་བོ་ཅིར་ཡང་མ་གྲུབ་པ་ལ་དེའི་ཟུང་ངག་གི་ཆ་གཤིས་སྐྱེ་མེད་དང་གདངས་འགག་མེད་ལ་བདག་གཞན་དུ་རྟོག་པས་ཡུལ་དང་ཡུལ་ཅན་ཐ་དད་པ་ལྟར་སྣང་བའི་སེམས་འགག་པ་

(༥༢༩)མེད་པའི་རང་རྩལ་སྟེ་ཡེ་ཤེས་ཀྱི་འོད་ཡིན་པ་ལ་དེ་ལྟར་དུ་མ་རིག་པའོ། གསུམ་པ་ཚུལ་ཇི་ལྟར་དུ་མ་རིག་ཅེ་ན། ཀུན་གཞིའི་སྟེང་ནས་སེམས་ཡུལ་ལ་འདུ་བྱེད་པ་ཡིད་ཀྱི་གཡོ་བ་ལས་རྒྱུ་ཀུན་གཞི་དང་རྐྱེན་ཚོགས་བདུན་ལྟར་སྣང་བ་དང་། སྣང་པ་དེ་ལ་རྟེན་ནས་ཉོན་ཡིད་གྱི་ཉོན་མོངས་པ་ཅན་དུ་བྱེད་པས་རང་ཡུལ་ལ་རྨོངས་པའི་མ་རིག་པ་བསྐྱེད་དེ་ཡང་དག་པ་མ་ཡིན་པའི་ཀུན་ཏུ་རྟོག་པས་ཕྱིན་ཅི་ལོག་ཏུ་བཏག་ཏེ་འཁོར་བའི་གཞི་དང་རྐྱེན་དུ་གྱུར་ཏེ། རྒྱུ་རྐྱེན་དུ་གྱུར་པ་དེ་ཡང་ཀུན་གཞི་དང་བདུན་ཡིད་ཕན་ཚུན་རྒྱུ་དང་རྐྱེན་དུ་གྱུར་པ་སྟེ། ཀུན་གཞིས་རྒྱུ་བྱེད་དུས་བདུན་ཡིད་ཀྱི་རྐྱེན་དང་བདུན་ཡིད་ཀྱི་རྒྱུ་བྱེད་དུས་ཀུན་གཞིས་རྐྱེན་བྱེད་པ་།།། རྒྱུ་མཚན་དེའི་ཕྱིར། ཀུན་གཞི་དང་བདུན་ཡིད་ཕན་ཚུན་དུ་ཆུ་དང་ཆུ་བརླབས་ལྟར་དུ་རྒྱུན་མི་འཆད་པར་གཡོ་ཞིང་ཡང་འཁྲུལ་སྣང་འདུ་བྱེད་པས་ན་མ་རིག་པའོ། གཉིས་པ་བདུན་ཡིད་ངོས་བཟུངབ་ལ་གསུམ། སྤྱིར་བསྟན་པ། སུམ་བཅུ་པ་དང་སྦྱར་ནས་བཤད་པ། ཐེག་བསྡུས་དང་སྦྱར་ནས་བཤད་པའོ། དང་པོ་ནི། སེམས་ཡུལ་ལ་མངོན་པར་འདུ་བྱེད་པའི་དེ་མ་ཐག་ཡིད་འདི་ལ་ནི་བདུན་པ་ཡིད་ཅེས་བྱ་བར་སུམ་བཅུ་གཉིས་དང་། ཐེག་བསྡུས་སུ་བཤད་དེ་འདི་ཡང་ལུང་དང་སྦྱར་ནས་འཆད་དོ། གཉིས་པ་ལ་གཉིས། ལུང་བཀོད་པ་དང་། ལུང་དོན་བཤད་པའོ། དང་པོ་ནི། སུམ་བཅུ་པ་ལས། ཀུན་གཞི་དེ་ལ་གནས་ཏེ་ཀུན་གཞིའི་བག་ཆགས་སྣ་ཚོགས་པ་ལས་རབ་ཏུ་འབྱུང་ཞིང་འཇུག་ཤེས་དྲུག་གི་སྐྱེ་འགག་ལ་སོགས་པའི་ནུས་པ་ཀུན་གཞི་ལ་འཇོག་ཅིང་ཁྱེར་ནས་ཡང་

(༥༣༠)འདུ་བྱེད་བའི་ཡིད་ཀྱི་རྣམ་པར་ཤེས་པ་དེ་ལ་ནི་དེ་མ་ཐག་ཡིད་དམ་ཕན་ཚུན་ཡིད་ཅེས་བྱ་སྟེ་དེ་ནི་ཉོན་ཡིད་དང་དྲི་མ་མེད་པའི་ཡིད་སོ་སོར་མ་ཕྱེ་བའི་བདུན་ཡིན་དོ། ཀུན་གཞི་དེ་ལ་དམིགས་ཏེ་ང་ཡིར་འཛིན་བས་ཉོན་མོངས་པ་ཅན་གྱི་ཡིད་ཅེས་བྱ་བའི་རྣམ་པར་ཤེས་པ་དེ་ནི་ཀུན་གཞི་ལ་མོས་པའི་བདག་ཉིད་ཅན་ཉོན་མོངས་པའི་སྒྲིབ་པས་བསྒྲིབ་ལ་དགེ་མི་དགེ་གང་དུ་ཡང་ལུང་བསྟན་དུ་མེད་པས་ལུང་དུ་མ་བསྟན་པའོ། རང་གི་གྲོགས་སུ་གྱུར་པའི་ཉོན་མོངས་པ་བཞི་པོ་བདག་ཏུ་ལྟ་བ་དང་། བདག་ཏུ་རྨོངས་པ་དང་། བདག་ཏུ་ང་རྒྱལ་བ་དང་། བདག་ལ་ཆགས་པ་སྟེ་དེ་བཞི་དང་དུས་རྟག་ཏུ་མི་འབྲལ་བར་མི་འགྲོགས་པ་ནི་མཚུངས་པའི་ལྡན་པའི་དོན་ཡིན་ནོ། ཞེས་གསུངས་སྟེ། དེ་ཡང། སུམ་བཅུ་པའི་འགྲེལ་པ་ལས། མིག་ལ་སོགས་པའི་རྣམ་ཤེས་དྲུག་གི་གནས་མིག་ལ་སོགས་པ་དང་། གཟུགས་ལ་སོགས་པ་དམིགས་པར་གྱུར་པ་དེ་བཞིན་དུ་ཉོན་ཡིད་ལ་གནས་དང་དམིགས་པར་གྲགས་ཏེ། རྣམ་པར་ཤེས་པ་ནི་གནས་དང་དམིགས་པ་ལ་མི་ལྟོས་པ་ནི་མི་རུང་བས་ཉོན་ཡིད་ཀྱི་གནས་དང་དམིགས་པ་དང་ངེས་ཚིག་བསྟན་པའི་ཕྱིར། ཀུན་གཞིའི་རྣམ་པར་ཤེས་པ་ནི་ཉོན་ཡིད་ཀྱི་བག་ཆགས་ཀྱི་གནས་ཡིན་པས་དེ་ལ་གནས་བཅས་ཏེ་རབ་ཏུ་འབྱུང་སྟེ་རྒྱུན་གྱི་སྐྱེ་བ་ཞེས་བྱ་བའི་ཐ་ཚིག་གོ། ཉོན་ཡིད་དེ་འཇིགས་ཚོགས་ལ་ལྟ་བ་སོགས་དང་མཚུངས་པར་ལྡན་པས་ཀུན་གཞིའི་རྣམ་ཤེས་དེ་ལ་ཡང་ང་ཡིར་དམིགས་པའི་ཕྱིར་རོ། ཡིད་ཅེས་བྱ་བའི་རྣམ་པར་ཤེས་པ་ཀུན་གཞིའི་རྣམ་ཤེས་ལ་བརྟེན་ཏེ་འབྱུང་ངོ་། དེ་ལ་དམིགས་པས་ཡིད་ཅེས་བྱ་ཞེས་བྱ་བ་འདི་ནི་ཀུན་གཞི་དང་འཇུག་ཤེས་ལས་རྣམ་པར་འབྱེད་དོ། ཡང་ཉོན་

(༥༣༡)ཡིད་དེའི་རང་བཞིན་གང་ཡིན་སྙམས་པ་ལ་ངར་སེམས་བདག་ཉིད་ཅན་ཞེས་བྱ་བ་སྨོས་ཏེ་དེ་ལྟར་ངར་སེམས་པའི་བདག་ཉིད་ཡིན་པས་ངེས་ཚིག་བསྟན་པས་ཡིད་ཅེས་བྱའོ། ཉོན་ཡིད་དེ་རྣམ་ཤེས་རང་གི་ངོ་བོ་ཡིན་བས་དེ་ཉིད་ངེས་པར་སེམས་བྱུང་རྣམས་དང་མཚུངས་པར་ལྡན་བར་གྱུར་ན་དེ་ཉིད་སེམས་བྱུང་གང་དང་ཅི་སྐད་གཅིག་དང་དུས་ནི་ཇི་སྲིད་དུ་མཚུངས་པར་ལྡན་པར་འགྱུར་བ་དེ་མི་ཤེས་ཏེ་དེའི་ཕྱིར། བསྒྲིབས་ལ་ཞེས་པ་རྣམ་པར་ཤེས་བ་ནི་དགེ་བ་རྣམས་དང་མཚུངས་པར་ལྡན་མི་སྲིད་དེ། སྒྲིབ་པ་དག་ནི་ཉོན་མོངས་པ་ཅན་གྱི་ཕྱིར་རོ། ཉོན་མོངས་པ་ལ་ཡང་རྣམ་པ་གཉིས་སྟེ། མི་དགེ་བ་དང་སྒྲིབས་ལ་ལུང་མ་བསྟན་པའོ། མི་དགེ་བ་དག་ལས་བྱེ་བྲག་ཏུ་དབྱེ་བའི་ཕྱིར་བསྒྲིབ་ལ་ལུང་དུ་མ་བསྟན་པ་ཞེས་སྨོས་སོ། ལུང་དུ་མ་བསྟན་པ་ནི་དགེ་མི་དགེ་ཉིད་དུ་ལུང་བསྟན་དུ་མེད་པའི་ཕྱིར་རོ། ཉོན་མོངས་པ་སེམས་བྱུང་ནི་གཉིས་སྟེ། ཉོན་མོངས་པ་དང་དེ་ལས་གཞན་ནོ། དེ་ལས་གཞན་དག་ལས་དབྱེ་བའི་ཕྱིར་ཉོན་མོངས་པ་ཞེས་སྨོས་སོ། ཉོན་མོངས་པའང་དྲུག་སྟེ། དེ་དག་ཐམས་ཅད་དང་མཚུངས་པར་ལྡན་པ་མ་ཡིན་པ་དེའི་ཕྱིར་བཞི་ཞེས་བྱ་བ་སྨོས་པ་ཡིན་ནོ། བཞི་པ་ནི་ཉེ་རེན་གྱི་ཕུང་པོ་ལྔ་ལས་བདག་ཏུ་མཐོང་བས་ན་བདག་ཏུ་ལྟ་བ་སྟེ་འཇིགས་ཚོགས་ལ་བལྟ་བ་ཡིན་ནོ། བདག་ཏུ་རྨོངས་པ་ནི་མི་ཤེས་པ་སྟེ། བདག་ཏུ་ང་རྒྱལ་བ་ནི་བདག་གི་ཡུལ་ལ་ངར་སེམས་པ་སྟེ་ངའོ་སྙམས་པའི་ང་རྒྱལ་ཡིན་ནོ། བདག་ལ་ཆགས་པ་ནི་བདག་ལ་ཆག་པ་སྟེ། བདག་ལ་དགའ་བ་ཞེས་བྱའོ། དེ་ལ་ཀུན་གཞིའི་རྣམ་ཤེས་རང་གི་ངོ་བོ་ལ་རྨོངས་པར་གྱུར་ན། ཀུན་གཞིའི་རྣམ་ཤེས་ལ་བདག་ཏུ་བལྟ་བ་འབྱུང་ངོ་།

(༥༣༢)བདག་ཏུ་མཐོང་ནས་སེམས་ཁེངས་པ་གང་ཡིན་པ་དེ་ནི་ངའོ་སྙམས་པའི་ང་རྒྱལ་ལོ། དེ་གཉིས་ཡོད་ན་བདག་ཏུ་བསམ་པའི་དངོས་པོ་ལ་མངོན་པར་ཆགས་པ་གང་ཡིན་པ་དེ་ནི་བདག་ལ་ཆགས་པའོ། རྟག་ཏུ་སྟེ། དུས་ཐམས་ཅད་དུའང་ཉོན་མོངས་པ་བཞི་པོ་དེ་དག་དང་མཚུངས་པར་ལྡན་པའོ། འགྲོགས་པ་ནི་མཚུངས་པར་ལྡན་པའོ། ཞེས་གསུངས་སོ། གཉིས་པ་ལ་བཞི། རྐང་པ་དང་པོའི་ཚིག་དོན། ཕྱི་མ་བཞིའི་ཚིག་དོན། དོན་བསྡུ་བ།  དོགས་པ ་དེ་གསུངས་པའོ། དང་པོ་ལ་ཡང་། དངོས་དང་། དེའི་ཤེས་བྱེད་འགོད་པ་གཉིས་ལས། དང་པོ་ནི། དེ་ལ་ཐག་པའི་ཡིད་འདི་ནི་ཀུན་གཞི་དེ་ལ་གནས་ཤེས་པའི་དོན་ནི་ཀུན་གཞིའི་རྣམ་ཤེས་དེ་ལ་རྟེན་དང་བརྟེན་པའི་ཚུལ་དུ་གནས་ཏེ་རབ་ཏུ་འབྱུང་ཞིང་། རྣམ་པར་ཤེས་པའི་ཚོགས་གཞན་འཇུག་ཤེས་དྲུག་པོ་དག་གི་དང་པོར་སྐྱེ་བ་དང་མཐར་འགག་པ་ན་བག་ཆགས་སམ་ནུས་པ་ཀུན་གཞིའི་རྣམ་ཤེས་ལ་འཇོགས་པར་བྱེད་པས་བདུན་པ་ཡིད་ཀྱི་རྣམ་པར་ཤེས་པ་ཞེས་བྱའོ། གཉིས་པ་དེའི་ཤེས་བྱེད་ནི། བདུན་ཡིད་འདིའི་རང་གི་ངོ་བོ་ནི་དཔལ་ཆོས་ཀྱི་གྲགས་པའི་གསུང་ལས། རང་གི་ཡུལ་ལ་ཤེས་པ་སྐྱེ་བའི་དེ་མ་ཐག་པའི་ཡུལ་གཟུགས་ལྟ་བུ་དང་། མིག་གི་དབང་པོ་ལྟ་བུ་དང་། མིག་གི་རྣམ་ཤེས་གསུམ་ལྷན་གཅིག་ཏུ་བྱེད་པ་ཅན་ནི་དེ་མ་ཐག་པའི་ཡིད་དོ། དབང་པོ་ལྔའི་ཤེས་པ་དང་དྲུག་ཡུལ་མཚུངས་པ་ཡིན་ཏེ་བུམ་པ་ལྟ་བུའི་སྟེང་དུ་མཉམ་པའོ། དེ་མ་ཐག་པའི་རྐྱེན་གྱི་བསྐྱེད་པའི་ཡིད་ཀྱི་རྣམ་པར་ཤེས་པའི་ཡིད་ཀྱི་མངོན་གསུམ་ཞེས་ཚད་མ་རྣམ་ངེས་ཀྱི་ལུང་ལས་གསུངས་སོ་ཞེས་དོན་རིག་ཡིད་མངོན་ལ་ངོས་འཛིན་བར་མཛད་དོ། རྣམ་ངེས་རྔོག་འགྱུར་

(༥༣༣)ལས་ནི། མངོན་སུམ་ཞེས་བྱ་བར་སྦྱར་རོ། རང་གི་ཡུལ་གྱི་དེ་མ་ཐག་པའི་སྐད་གཅིག་ལ་ལྷན་གཅིག་བྱེད་པ་ཅན་གྱི་དབང་པོའི་རྣམ་པར་ཤེས་པ་མཚུངས་པ་དེ་མ་ཐག་པའི་རྐྱེན་གྱིས་བསྐྱེད་བའི་ཡིད་ཀྱང་མངོན་སུམ་ཡིན་ནོ། དེ་ཉིད་ཀྱི་ཕྱིར་དབང་པོ་མེད་པར་མཐོང་བ་མ་ཡིན་ཞིང་། ཡུལ་གཞན་པ་ཉིད་ཀྱང་མ་ཡིན་ནོ། ཞེས་དང་། དེའི་ཐད་ཀྱི་རིགས་གཞུང་རྒྱ་མཚོ་ལས། རྒྱུ་དང་རྐྱེན་དེ་དག་ལས་བྱུང་བའི་ཡིད་ཀྱི་རྣམ་པར་ཤེས་པ་ནི་རྐྱེན་གསུམ་ཚང་བའི་དབང་ཤེས་མངོན་གསུམ་ཡིན་པ་དེ་བཞིན་དུ་འདིར་ཡང་མངོན་སུམ་ཡིན་ནོ་ཞེས་བྱ་བར་སྦྱར་རོ། རྒྱུ་རྐྱེན་དུ་ལྷན་ཚུལ་ཇི་ལྟར་ཞེ་ན། གཟུགས་འཛིན་པའི་དབང་པོའི་རྣམ་པར་ཤེས་པ་རང་གི་གཟུང་བའི་ཡུལ་གྱི་ཕྱི་ལོགས་དེ་མ་ཐག་པར་འབྱུང་བའི་གཟུགས་ཀྱི་སྐད་གཅིག་ཕྱི་མ་ལྷན་གཅིག་བྱེད་པ་ཅན་གྱི་རྐྱེན་དུ་ཡོད་ཅིང་། དབང་པོའི་རྣམ་པར་ཤེས་བས་མཚུངས་པ་དེ་མ་ཐག་པ་བྱས་པའི་རྐྱེན་གྱི་བསྐྱེད་པའི་ཡིད་ཀྱང་ཆོས་ཅན། མངོན་སུམ་ཡིན་ནོ་ཅིའི་ཕྱིར་ཞེ་ན། གཟུགས་ལ་རྟོག་པ་དང་བྲལ་ཞིང་མ་འཁྲུལ་བའི་ཤེས་པ་ཡིན་པའི་ཕྱིར་རོ། གལ་ཏེ་གཟུགས་སོགས་གསལ་བར་སྣང་བའི་ཡིད་ཀྱི་རྣམ་ཤེས་བ་ཡོད་ན། མིག་སོགས་དབང་པོ་མེད་པར་ཡང་གཟུགས་སོགས་མཐོང་བར་ཐལ་ལོ་ཞེ་ན། གང་གི་ཕྱིར་ཡིད་ཀྱི་མངོན་གསུམ་ཡིན་ན། རང་གི་ཉེར་ལེན་དབང་མངོན་ལས་སྐྱེ་དགོས་པ་དེ་ཉིད་ཀྱི་ཕྱིར། མིག་སོགས་དབང་པོ་མེད་པར་གཟུགས་སོགས་མཐོང་བ་མ་ཡིན་ཞིང་། རང་དང་ལྷན་གཅིག་པའི་དབང་མངོན་གྱི་ཡུལ་ལས་གཞན་པ་ཉིད་ཀྱང་འཛིན་པ་མ་ཡིན་ནོ། ཞེས་གསུངས་པ་དང་དགོངས་པ་མཐུན་པར་བཤད་རུང་ངོ་། གཉིས་པ་རྐང་པ་བཞིའི་ཚིག་དོན་ནི། དེ་ལྟར་རྐང་པ་དང་

(༥༣༤)པའོ་དེ་མ་ཐག་ཡིད་ལེགས་པར་བཤད་ནས་རྐང་པ་ཕྱི་མ་བཞིའི་བརྗོད་དོན་བདུན་ཡིད་གཉིས་པ་ཉོན་མོངས་པ་ཅན་གྱི་ཡིད་བཤད་པར་བྱ་སྟེ། སུམ་བཅུ་པར། དེ་ལ་དམིགས་པ་ཡིད་ཅིས་བྱ། ཞེས་སོགས་ཀྱི་དོན་ནི་ཀུན་གཞིའི་རྣམ་ཤེས་དེ་ལ་དམིགས་པའི་ཉོན་ཡིད་ཅེས་བྱ་བ་དེ་ནི་ཀུན་གཞིའི་རྣམ་ཤེས་ལ་དམིགས་ནས་ངར་སེམས་པའི་བདག་ཉིད་ཅན་ཡིན་པའི་རི། ཉོན་མོངས་པ་ཅན་གྱི་ཡིད་ཅེས་བྱ་སྟེ། ཉོན་ཡིད་འདི་ཡང་བདུན་ཡིད་དེ་ཉིད་ཀྱི་ནང་ཚན་ཀུན་གཞིའི་རྣམ་ཤེས་ལ་དམིགས་ནས་བདག་ཏུ་རྟོགས་པར་བྱེད་པ་རང་གི་གྲོགས་བདག་ལྟ་ལྷན་སྐྱེས་ལ་སོགས་པ་ཉོན་མོངས་པ་བཞི་པོ་དང་དུས་རྟག་ཏུ་འགྲོགས་པས་དེ་བཞིའི་བག་ཆགས་ཀྱི་དྲི་མས་བོགས་པའི་ཕྱིར། ཉོན་ཡིད་དེ་ནི་རྣམ་པར་ཤེས་པ་ཚོགས་བརྒྱད་ཉོན་མོངས་པར་བྱེད་པའི་གནས་ཡིན་པས་མཉམ་པར་བཞག་མ་བཞག་མཐའ་དག་དང་དགེ་བ་ལ་སོགས་པའི་གནས་སྐབས་ཐམས་ཅད་དུ་ཡང་འབྱུང་སྟེ་རྡོ་རྗེ་འཛིན་པའི་གནས་སྐབས་སུ་བསྟན་པའི་རྣམ་པར་ཤེས་པ་ཞེས་བྱའོ། ཉོན་ཡིད་འདི་ལ་ནི་ཚད་མའི་དོན་མི་བསླུ་བ་མེད་ཅིང་ཚད་མ་མ་ཡིན་པ་ལ་རྟོག་པའི་བློ་ཐམས་ཅད་བསྐྱེད་པར་བྱེད་པ་ཡིན་ནོ། གསུམ་པ་དོན་བསྡུ་ནི། དེ་མ་ཐག་ཡིད་དང་ཉོན་མོངས་པ་ཅན་གྱི་ཡིད་འདི་གཉིས་ཀའི་ནང་ནས་གཅིག་དེ་མ་ཐག་ཡིད་ནི་རྣམ་པར་ཤེས་པ་བདུན་ཡིད་རང་གི་ངོ་བོར་བརྗོད་ཅིང་། གཅིག་ཉོན་ཡིད་ནི་དེ་མ་ཐག་ཡིད་དེ་ལ་བརྟེན་ནས་ཀུན་གཞི་ལ་བདག་ཏུ་འཁྲུལ་བར་བྱེད་པ་དང་ལྡན་པའི་ཆ་ནས་སོ་སོར་བརྗོད་དེ། དཔེར་ན་ཐག་པ་ཁྲ་བོ་ལ་ཐག་པར་འཛིན་པ་དང་ཐག་ཁྲ་དེ་ལ་རྫུ་འཕྲུལ་དུ་འཛིན་པ་བཞིན་དུ་ཡིད་གཉིས་པོ་ཡང་སོ་སོར་བརྗོད་དོ། བཞི་ པ་དོགས ་གཅོད་ནི། དེ་མ་ཐག་ཡིད་དང་ཉོན་ཡིད་ཐ་དད་དུ་བཤད་བ། འདི་

(༥༣༥)ལ་ཁ་ཅིག་ལས་གཞན་ཉན་ཐོས་པ་དག་དེ་མ་ཐག་པའི་ཡིད་དྲུག་པ་ཡིད་ཀྱི་ཆགས་འཆད་པ་དང་གཞུགས་པར་ཚོགས་བརྒྱད་མི་འདོད་པ་ཁ་ཅིག་དེ་མ་ཐག་ཡིད་དོན་ལ་མེད་པར་འཆད་པ་དག་ཡོད་ཀྱང་ལུགས་དེ་དག་གཉིས་ནི་ཉན་ཐོས་པའི་ལུགས་ཀྱི་རྣམ་ཤེས་ཚོགས་དྲུག་ལས་མེད་པར་འདོད་པའི་རྣམ་བཞག་ལ་རྟེན་ནས་ཐེག་པ་ཆེན་པོའི་ལུགས་ཀྱི་རྣམ་ཤེས་ཚོགས་བརྒྱད་ཀྱི་རྣམ་པར་བཞག་པ་མ་རྟོག་པའི་དབང་གི་ཡིན་ནོ། གསུམ་པ་ཐེག་བསྡུས་དང་སྦྱར་ནས་བཤད་པ་ལ་གཉིས་ལུང་བཀོད་པ་དང་། ལུང་དོན་བསྡུས་ཏེ་བསྟན་པའོ། དང་པོ་ནི་བདུན་ཡིད་འདིའི་རྣམ་བཞག་རྒྱས་པར་བཤད་པ་ནི། ཐེག་བསྡུས་ལས། རྣམ་ཤེས་ཚོགས་བརྒྱད་ཡོད་པ་བདུན་པ་ཡིད་ནི་རྣམ་པ་གཉིས་སྟེ། དེ་མ་ཐག་པ་རྣམ་ཤེས་ཕྱི་མའི་རྐྱེན་བྱས་པས་ན་གནས་སུ་གྱུར་པའི་རི་རྣམ་པར་ཤེས་པ་གང་དང་གང་འགག་པ་དེ་དང་དེའི་བག་ཆགས་ཀྱི་རྣམ་ཤེས་ཕྱི་མ་དེ་དང་དེའི་དེ་མ་ཐག་པའི་རྐྱེན་བྱེད་།།། ཀུན་གཞིའི་རྣམ་ཤེས་ལ་ང་དང་བདག་ཏུ་འཛིན་པ་།།།འཇིགས་ཚོགས་ལ་ལྟ་བ་དང་། བདག་ཏུ་བཟུང་བ་ངེས་སེམས་ཁེངས་པ་ངའོ་སྙམས་པའི་རྒྱལ་དང་ཁེངས་པ་དེ་ལ་ཆགས་པའི་བདག་ལ་ཆགས་པ་དང་རྒྱུ་འབྲས་ལ་རྨོངས་པའི་མ་རིག་པ་སྟེ་དེ་བཞི་པོ་དང་དུས་རྟག་ཏུ་མཚུངས་པར་ལྡན་པ་སྟེ་དེ་ལྟ་བུའི་ཉོན་ཡིད་དེ་ནི་འཇུག་པའི་རྣམ་པར་ཤེས་པ་རྣམས་ནི་བདུན་གི་གང་ཞིག་གནས་དང་པོ་དེ་མ་ཐག་ཡིད་ཀྱི་ནི་བསྐྱེད་པར་བྱེད་ལ་གནས་གཉིས་པ་ཉོན་ཡིད་ཀྱིས་ནི་འཇུག་ཤེས་རྣམ་ཤེས་ཉོན་མོངས་པ་ཅན་།།།བའི་དབང་གི་

(༥༣༦)མིང་ཀྱང་།།།། ཡིད་དེ་གཉིས་ལ་ཅིའི་ཕྱིར་རྣམ་པར་ཤེས་པ་ཞེས་བྱ་ཞེ་ན་རང་གི་ཡུལ་ལ་སོ་སོར་རྣམ་པར་རིག་པའི་ཕྱིར་རྣམ་པར་ཤེས་པ་ཞེས་བྱའོ། མདོར་ན་དེ་མ་ཐག་པའི་རྐྱེན་བྱེད་པས་དེ་མ་ཐག་པའི་ཡིད། ཀུན་གཞི་ལ་ངར་སེམས་པའི་ཕྱིར་ཉོན་ཡིད་ཏེ། དེ་ལྟར་ན་ཡིད་ནི་རྣམ་པ་གཉིས་པོ། ཞེས་གསུངས་སོ། གཉིས་པ་ནི། ས་དང་ཅན་ནི་ལྡན་པའི་ཚིག་ཅེས་བ་ལྟར་ཉོན་མོངས་པ་ཅན་ནི་ཉོན་མོངས་བ་དང་ལྡན་པའི་ཚིག་ནི། གོང་དུ་བཤད་པའི་རྒྱུ་མཚན་འདིས་ན་ཁམས་སུམ་དུ་འཁོར་བའི་འཁྲུལ་པ་ཐམས་ཅད་ཀྱི་རྩ་བ་ཉིད་ནི་ཉོན་མོངས་པ་ཅན་གྱི་ཡིད་འདི་ཡིན་ནོ། གསུམ་པ་དེ་ཡོད་པར་ལུང་རིག་ཀྱི་བསྒྲུབ་པ་ལ་གཉིས། ཐེག་བསྡུས་མ་བརྟེན་པའི་ལུང་རིག་གི་བསྒྲུབ་པ་དང་། ཕུང་པོ་ལྔའི་རབ་བྱེད་ལ་བརྟེན་པའི་ལུང་རིག་ཀྱི་བསྒྲུབ་པའོ། དང་པོ་ལ་གཉིས། རིག་པས་བསྒྲུབ་པ་དང་། ལུང་གིས་བསྒྲུབ་པའོ། དང་པོ་ལ་གསུམ། ཉོན་ཡིད་ཡོད་བར་བསྒྲུབ་པ་དེ་མ་ཐག་པ་དྲུག་ཡིད་གྱི་ཆ་ནས་སུ་དགག་པ། བདུན་ཡིད་ལ་གཉིས་སུ་དབྱེ་བའི་ཚུལ་ལོ། དང་པོ་ནི། ཁམས་སུམ་དུ་འཁོར་བའི་འཁྲུལ་པ་ཐམས་ཅད་ཀྱི་རྩ་བ་ཉོན་ཡིད་མིན་པ་དེའི་ཕྱིར། ཁམས་སུམ་གྱི་འཇིག་རྟེན་ལས་འདས་པའི་འགོག་པའི་སྙོམས་པར་འཇུག་པ་ལ་གནས་པ་ན་ནི་ཉོན་ཡིད་འདི་མེད་པ་དང་། ཉན་རང་གི་དགྲ་བཅོམ་པ་ཐོབ་པ་དང་འཇིག་རྟེན་ལས་འདས་པའི་ལམ་ཟག་མེད་ཐོབ་པའི་བྱང་ཆུབ་སེམས་དཔའི་ལམ་གྱི་མཉམ་པར་གཞག་པ་མི་རྟོགས་ཡེ་ཤེས་ཀྱི་ཏིང་ངེ་འཛིན་ལ་གནས་པ་ན་ཉོན་ཡིད་འདི་མེད་དོ། འབྲས་བུ་ཆེ་བའི་ནང་དུ་སྐྱེས་པའི་ལྷ་རིང་པོའི་རིགས་འདུ་ཤེས་མེད་པར་རྐྱེ་བའི་རྒྱུ་འདུ་ཤེས་མེད་པའི་སྙོམས་འཇུག་ལ་གནས་པ་ན་ནི་ཉོན་མོངས་པ་ཅན་གྱི་ཡིད་འདི་ཡོད་

(༥༣༧)པས། འགོག་སྙོམ་དང་འདུ་ཤེས་མེད་པའི་སྙོམ་འཇུག་གི་ཉོན་ཡིད་བཀག་མ་བཀག་གི་ཤེས་པར་འགྱུར་རོ། དེའི་ཕྱིར། འཇིག་རྟེན་པའི་གནས་སྐབས་སུ་བསྟན་པའི་རྣམ་ཤེས་ཀྱང་གྲགས་ཏེ་རིག་པ་འདིས་ན་ཉོན་ཡིད་ཡོད་པར་གྲུ་པ་ཉིད་དོ། གཉིས་པ་ནི་ཉོན་ཡིད་ཡོད་པ་ལས་གཞན་དྲུག་ཡིད་མ་ཡིན་པའི་དེ་མ་ཐག་ཡིད་ཀྱང་ཡོད་དེ། དེ་མ་ཐག་པ་དྲུག་ཡིད་ཀྱི་ཆ་ཤས་སུ་འདོད་པ་མི་འཐད་པས་སོ། ཇི་ལྟར་ཞེ་ན། ཁ་གཅིག་ན་རེ། འཇུག་པའི་རྣམ་པར་ཤེས་པ་གསར་དུ་སྐྱེ་བ་དང་སྐད་གཅིག་སྔ་མ་འགག་པ་ན་དེ་མ་ཐག་ཏུ་རྣམ་ཤེས་ཕྱི་མ་སྐྱེ་བའི་ནུས་པ་ཀུན་གཞི་ལ་གནས་པའི་བག་ཆགས་མཐུ་ཅན་ཡིད་ཁམས་སུ་བཤད་པ་དེ། དྲུག་བ་ཡིད་ཀྱི་ཆ་ཤས་ལ་ང་ཡིར་འཛིན་པ་ཡོད་པས་ཉོན་ཡིད་དང་དེ་མ་ཐག་པའི་ཡིད་བཅས་པའི་སྒྲ་སྦྱར་བར་བྱས་པ་ཡིན་གྱིས། དེ་མ་ཐག་ཡིད་ཅེས་པའི་རྣམ་ཤེས་ཚོགས་བདུན་པོ་ནི་མེད་དོ་ཟེར་ན་།།། དུས་གང་གིས་ཚེ་འགོག་པའི་སྙོམ་འཇུག་ལ་རྩེ་གཅིག་ཏུ་སྙོམ་པར་འཇུག་ནུས་པ་དེའི་ཚེ་གང་ཟག་དེའི་རྒྱུད་ལ་རྣམ་ཤེས་ཚོགས་བདུན་ལས་མེད་པར་ཐལ་བར་འགྱུར་ཏེ་དེའི་རྒྱུད་ལ་ཀུན་བཞིའི་རྣམ་ཤེས་དང་ཚོགས་དྲུག་པོ་མ་རྟོགས་པ་རྣམ་ཤེས་གཞན་མེད་པར་འགྱུར་བས་སོ། དེའི་རྒྱུ་མཚན་ཀྱང་། གང་ཟག་དེ་དག་གི་རྒྱུད་ལ་ཉོན་ཡིད་མེད་པ་གང་གི་དྲུག་ཡིད་ལས་གཞན་པའི་དེ་མ་ཐག་ཡིད་དང་རྣམ་ཤེས་ཚོགས་བདུན་པར་མི་འདོད་པའི་ཕྱིར་རོ། རིག་པ་འདིས་ནི་ཉོན་ཡིད་ཁོ་ན་རྣམ་ཤེས་ཚོགས་བདུན་པར་འདོད་པ་ཡང་བཀག་པར་ཤེས་པར་བྱའོ། གལ་ཏེ་དྲུག་ཡིད་ཀྱི་ཆ་ཤས་གཅིག་ལ་དེ་མ་ཐག་ཡིད་དུ་འདོད་པས་ཚོགས་དྲུག་ཀུན་གཞི་དེ་མ་ཐག་ཡིད་དང་བཅས་པའི་ཚོགས་བརྒྱད་རྒྱུད་ལྡན་

(༥༣༨)ཡིན་ནོ་ཟེར་ན། དེ་ལྟར་ན་བཅོམ་ལྡན་འདས་ཀྱི་གསུང་པའི་དྲི་མ་མེད་པའི་ཡིད་ཀྱང་དྲུག་ཡིད་ཀྱི་ཆ་ཤས་སུ་འདོད་དགོས་པས་དྲུག་ཡིད་ཀྱི་ཆ་ཤས་དེ་མ་ཐག་ཡིད་དུ་འདོད་པ་དེ་དང་རྣམ་ཤེས་ཚོགས་རེ་རེ་བར་འདྲེན་དགོས་པར་ཆོས་མཚུངས་པས་ན། དྲི་མ་མེད་པའི་ཡིད་དེ་རྣམ་ཤེས་ཚོགས་དགུ་པར་བཞག་དགོས་པ་ཡིན་པར་ཐལ་དྲུག་ཡིད་ཀྱི་ཆ་ཤས་དེ་མ་ཐག་ཡིད་དུ་ཁས་བླངས་ནས་དེ་དག་རྣམ་ཤེས་ཚོགས་བརྒྱད་པར་ཁྱོད་འདོད་།།། དེ་འདོད་ན། དེ་ཡང་མི་འཐད་དེ། རྣམ་ཤེས་ཚོགས་དགུ་པ་མི་སྲིད་པས་སོ། སྐབས་འདིར་སོགས་འགྲེལ་ལས། དེ་མ་ཐག་ཡིད་དྲུག་བ་ཡིད་ཀྱི་ཆར་འདོད་པ་ལ་སྐྱོན་གཞན་ནས་ཆ་ཤས་སུ་བྱས་ན་ཅེས་པ་ཉན་ཐོས་པ་ན་རེ། དེ་མ་ཐག་པའི་ཡིད་ཅེས་བྱ་བ་མེད་དེ། དེ་མ་ཐག་པ་དེ་ཡིད་ཀྱི་ཆ་ཤས་སུ་ལ་ངར་འཛིན་པ་ཡོད་པས། དེ་ལ་ཐག་པ་བཏག་པ་ཡིན་ནོ་ཞེ་ན། དེ་ལྟར་དུ་འདོད་པ་ལ་སྐྱོན་བརྗོད་པ་ནི། དུས་གང་གི་ཚེ་འགོག་པའི་སྙོམ་འཇུག་ནུས་པ་དེའི་ཚེ་ཅེས་པ་འགོག་པའི་སྙོམ་འཇུག་ཉམས་སུ་ལེན་པའི་འཕགས་པ་ནོ། ཚོགས་བདུན་དུ་འགྱུར་ཏེ་ཞེས་པ་རྣམ་ཤེས་ཚོགས་བདུན་ཡིན་པར་ལ། ཚོགས་བརྒྱད་འཆད་པའི་སྐབས་ཡིན་པ་གང་ཞིག་ཉོན་ཡིད་མེད་པའི་ཕྱིར་རོ། རྟག་ཟུགས་ཕྱི་མ་ཁས་བླངས། ཀུན་གཞི་སྣ་ཚོགས་དྲུག་མ་རྟོགས་པ་མེད་པར་འགྱུར་བས་ཤེས་པ་ཉོན་མིང་མེད་ན་ཚོགས་དྲུག་དང་ཀུན་གཞི་དང་བདུན་དུ་འགྱུར་བས་ཁྱབ་པ་འགྲུབ་བོ། རྣམ་ཤེས་ཚོགས་བདུན་ཡིན་པར་འདོད་པ་དེ་ལྟར་ན་ཐེག་པ་ཆེ་ཆུང་གང་གིས་ལུགས་ལ་ཡང་ཚོགས་བདུན་དུ་བཤད་པ་མེད་

(༥༣༩)ཅིང་། ཚོགས་དྲུག་དེ་མ་ཐག་པའི་ཡིད་ཀྱི་ཆས་དང་བདུན་ཀུན་གཞི་སྟེ་བརྒྱད། བཅོམ་ལྡན་འདས་ཀྱི་གསུངས་པའི་དྲི་མ་མེད་པའི་ཡིད་ནི་དེ་མ་ཐག་པ་ཡིན་པས་དྲི་མ་མེད་པའི་ཡིད་ཀྱང་དྲུག་ཡིད་ཀྱི་ཆ་ཤས་སུ་རྩི་དགོས་པ་ཡིན་པས། དྲུག་ཡིད་ལ་ཆ་གསུམ་དུ་བྱས། རྣམ་ཤེས་དེ་ནི་ཚོགས་དགུ་པར་བཞག་དགོས་ན་དེ་ཡང་མི་འཐད་དོ། གཞུང་གྱོང་པོ་གཅིག་འདུག་པ་ལ་གསུང་སྒྲོས་དང་ཟིན་བྲིས་ཁ་ཅིག་ལས་འབྲུ་སྣོན་བྱུང་ཡང་གསལ་པོ་མི་འདུག་ཅིང་། བདག་གིས་རིག་པའི་སྒོས་དེ་ལྟར་བཤད་ཀྱང་བདེ་གྲགས་པ་གཅིག་མ་བྱུང་བས་ཤེས་རབ་དང་ལྡན་པ་དག་གི་དཔྱད་པར་རིགས་སོ། ཞེས་ཀྱང་འབྱུང་ངོ་། གསུམ་པ་ལ་གཉིས། དྲི་བ་དང་ལེན་ནོ། དང་པོ་ནི། དེ་མ་ཐག་པ་དྲུག་ཡིད་ཀྱི་ཆ་ཤས་མ་ཡིན་བ་འོ་ན། དེ་མ་ཐག་པར་བཤད་པའི་བདུན་བ་ཡིད་ཀྱི་རྣམ་པར་ཤེས་པ་དེ་ལ་ཆ་གཉིས་སུ་ཕྱེ་ནས་ཉོན་ཡིད་དང་དྲི་མ་མེད་བའི་ཡིད་ཅེས་གཉིས་སུ་འཇོགས་ན་རྒྱུ་མཚན་གང་གི་ན་ཆ་ཤས་གཅིག་ལ་ཉོན་མོངས་པ་ཅན་གྱི་ཡིད་དུ་འཇོག་ལ་རྒྱུ་མཚན་གང་གིས་ན་ཆ་ཤས་གཅིག་ཤོས་ལ་དྲི་མ་མེད་པའི་ཡིད་དུ་འཇོག་པར་བྱེད་ཅེ་ན། གཉིས་པ་ནི་རང་གི་གྲོགས་བདག་ལྟ་སོགས་ཉོན་མོངས་པ་བཞིས་འཁྱུད་པ་ན་ཉོན་མོངས་པ་ཅན་གྱི་ཡིད་དུ་འགྱུར་ལ། སངས་རྒྱས་ཀྱི་བྱང་ཆུབ་ཆོས་ཀྱི་དབྱིངས་ལ་བརྟེན་པའི་དཀར་པོའི་ཆོས་ཐོས་བསམ་བསྒོམ་གསུམ་སོགས་ཀྱི་མཁྱུད་པར་འགྱུར་པ་ན་དྲི་མ་མེད་པའི་ཡིད་དུ་འཇོག་པ་ལེགས་སོ། ཡིད་དེ་གཉིས་ཀྱང་ཇི་སྲིད་རྣམ་པར་དག་ཅིང་མི་རྟོགས་ཡེ་ཤེས་ལ་དབང་བསྒྱུར་ཐོབ་པས་ས་བརྒྱད་པའི་ཡེ་ཤེས་མངོན་དུ་གྱུར་ཏེ། གནས་ཡོངས་སུ་མ་མྱུར་ཀྱི་བར་ལ་འོ་མ་དང་ཆུ་འདྲེས་པ་ལྟར་ལྷན་ཅིག་ཏུ་འདྲེས་ཤིང་དབྱེར་མི་

(༥༤༠)ཕྱེད་པའི་ཚུལ་དུ་འབྱུང་བར་གསུངས་སོ། གཉིས་པ་ལུང་གི་བསྒྲུབ་པ་ནི། ཉོན་ཡིད་ཡོད་པ་དེ་རིག་པས་གྲུབ་པར་མ་ཟད་ལུང་གིས་ཀྱང་གྲུབ་སྟེ། ཐེག་བསྡུས་ལས། ཉོན་མོངས་པ་ཅན་གྱི་ཡིད་ཡོད་པར་རྒྱུ་མཚན་ཅི་ལས་མངོན་ཞེ་ན། ཉོན་ཡིད་དེ་མེད་དུ་ཟིན་ན་མ་རིག་པ་དང་མ་འདྲེས་པ་སྟེ་དེ་ཁོ་ན་ཉིད་ལ་རྨོངས་པའི་མ་རིག་པ་མེད་པར་འགྱུར་བའི་སྐྱོན་དང་། དེར་མ་ཟད་སྒོ་ལྔའི་རྣམ་པར་ཤེས་པ་ལྔ་པོ་དག་དང་འདྲ་མ་དྲུག་པ་ཡིད་ཀྱི་རྣམ་ཤེས་ལ་ཐུན་མོངས་མ་ཡིན་པའི་བདག་རྐྱེན་མེད་པའི་སྐྱོན་དུ་ཡང་འགྱུར་ཏེ་རྒྱུ་མཚན་འདི་ལྟར་སྒོ་ལྔའི་རྣམ་པར་ཤེས་པ་ལྔ་པོ་དག་གི་ལྷན་ཅིག་ཏུ་འབྱུང་བའི་གནས་སམ་ཐུན་མོངས་མ་ཡིན་པའི་བདག་རྐྱེན་ནི་མིག་དབང་ལ་སོགས་པ་དབང་པོ་གཟུགས་ཅན་པ་ལྔ་ཡིན་པ་བཞིན་དུ་དྲུག་པ་ཡིད་ཀྱི་རྣམ་ཤེས་ཀྱི་གནས་སམ་བདག་རྐྱེན་དབང་པོ་གཞན་མེད་པའི་ཕྱིར་རོ། མ་གྲུབ་ན་བདུན་ཡིད་མེད་པ་དང་འགལ་ལོ། །།།ཉོན་ཡིད་མེད་ན་ངེས་ཚིག་མེད་པའི་སྐྱོན་དུ་འགྱུར་ཏེ། ངར་སེམས་པའི་ཕྱིར་ཡོད་དོ་ཞེས་བྱ་བ་ངེས་པའི་ཚིག་གང་ཡིན་བ་འདིས་ཉོན་ཡིད་མེད་ན་ཅི་ལ་གནས་པར་འགྱུར་རྣམ་ཤེས་ཚོགས་དྲུག་གི་གནས་།།།ཕྱིར་ཡོད་དོ་ཞེས་བྱ་བ་དེ་ལྟར་འཐད་པ་མ་ཡིན་ཏེ་འགག་ཟིན་པའི་ཕྱིར་རོ། དེར་མ་ཟད་འདུ་ཤེས་མེད་པའི་སྙོམས་འཇུག་དང་འགོག་པའི་སྙོམ་འཇུག་གི་བྱེ་བྲག་གམ་ཁྱད་པར་མེད་པའི་སྐྱོན་དུ་ཡང་འགྱུར་ཏེ་།།། འདུ་ཤེས་མེད་པའི་སྙོམས་པར་འཇུག་པ་ནི་ཉོན་མོངས་པ་ཅན་གྱི་ཡིད་ཡོད་པ་ཉིད་ཀྱི་འགོག་སྙོམས་ལས་ཁྱད་པར་རབ་ཏུ་ཕྱེ་བ་ཡིན་གྱི། འགོག་པའི་སྙོམས་པར་འཇུག་པ་ནི་ཉོན་ཡིད་ཀྱི་རབ་ཏུ་ཕྱེ་བ་མ་ཡིན་ཏེ་

(༥༤༡)འགོག་སྙོམས་གྱི་གནས་སྐབས་ན་ཉོན་ཡིད་མེད་པས་སོ། དེས་ན་ཉོན་ཡིད་ཡོད་ན་སྙོམས་འཇུག་འདི་གཉིས་ཀྱི་ཁྱད་པར་འཐད་ཅིང་། ཉོན་ཡིད་ཡོད་པ་ལས་གཞན་དུ་མེད་ན་སྙོམས་འཇུག་འདི་གཉིས་ཀྱི་བྱེ་བྲག་གམ་ཁྱད་པར་མེད་པ་ཉིད་དུ་འགྱུར་རོ། གལ་ཏེ་ཉོན་ཡིད་མི་འདོད་ན་འདུ་ཤེས་མེད་པ་དེ་ན་ང་ཡིར་འཛིན་པ་དང་ངའོ་སྙམས་དུ་འཛིན་བའི་ང་རྒྱལ་མེད་པ་ཉིད་དུ་འགྱུར་ཏེ་དེ་ལྟར་ན་འདུ་ཤེས་མེད་པར་སྐྱེ་བ་ཐོག་ཐག་དུ་ཉོན་མོངས་པ་ཅན་མ་ཡིན་པའི་སྐྱོན་དུ་ཡང་འགྱུར་རོ། དེར་མ་ཟད་སྦྱིན་སོགས་དགེ་བ་དང་སྲོག་གཅོད་སོགས་མི་དགེ་བ་དང་དགེ་མི་དགེ་གང་དུའང་ལུང་བསྟན་དུ་མེད་པའི་གཟོ་བྱེད་པ་སོགས་ལུང་དུ་མ་བསྟན་པའི་ལས་ལྔ་འཇུག་པའི་གནས་སྐབས་ཀྱི་སེམས་རྣམས་ལ་ཡང་ང་ཡིར་འཛིན་པའི། ངས་སྦྱིན་པ་བྱེད་དོ་ངས་སྲོག་གཅོད་ངེས་གཟོ་བྱེད་དོ་སྙམས་པ་ལ་སོགས་བ་དུས་ཐམས་ཅད་དུ་ཀུན་ཏུ་འབྱུང་བར་ཡང་དམིགས་པ་ཡང་ཕྱིར་རོ། དེ་ཡང་ངར་འཛིན་དང་ལྡན་པ་ནི་མ་རིག་པ་མེད་ན་མི་འབྱུང་ལ་མ་རིག་པ་ཡང་སེམས་ལས་བྱུང་བ་ཟིན་པའི་ཕྱིར། གནས་མེད་པར་མི་འབྱུང་སྟེ། དེའི་གནས་ནི་ཉོན་མོངས་པ་ཅན་གྱི་ཡང་ཁོ་ན་ཡིན་བས་ཉོན་ཡིད་ནི་ཡོད་དོ། ཞེས་པའི་དོན་ཅན་ནོ། དགེ་བ་དང་ལུང་མ་བསྟན་གྱི་གནས་སྐབས་ན་ངར་འཛིན་ཡོད་པ་ལས་གཞན་དུ་མེད་ན་ནི། མི་དགེ་བའི་སེམས་ཁོ་ན་ང་ཡིར་འཛིན་པ་དེ་དག་དང་མཚུངས་པར་ལྡན་དགོས་པས། ངའོ་སྙམས་པའི་ཉོན་མོངས་པ་ཀུན་ཏུ་འབྱུང་བའི་དགེ་བ་དང་དེ་ཀུན་ཏུ་འབྱུང་བའི་ལུང་དུ་མ་བསྟན་པའི་ལས་དབང་ལ་ནི་ང་ཡིར་འཛིན་པར་རིག་པ་མ་ཡིན་ནོ། དགེ་བ་དང་ལུང་མ་བསྟན་གྱི་གནས་སྐབས་ན་ཡང་ངར་འཛིན་འབྱུང་བར་མངོན་སུམ་གྱི་གྲུབ་པས་རྒྱུ་མཚན་དེའི་ཕྱིར་གང་ཟག་གཅིག་

(༥༤༢)གི་རྒྱུད་ལ་དགེ་བ་དང་ཉོན་ཡིད་ལྷན་གཅིག་ཏུ་འབྱུང་བར་ཀུན་ཏུ་འབྱུང་བ་དང་རང་གྲོགས་ལུང་མ་བསྟན་དང་ཉོན་ཡིད་ལྷན་ཅིག་ཏུ་མཚུངས་བར་ལྡན་པར་ཀུན་ཏུ་འབྱུང་བས་དགེ་སོགས་ལ་ངར་འཛིན་མི་རིགས་པའི་སྐྱོན་འདི་དག་དུ་མི་འགྱུར་རོ། ཉོན་ཡིད་ནི་ཉོན་མོངས་པ་ཅན་ཡིན་པའི་ཕྱིར། བསྒྲིབ་མ་ལུང་དུ་མ་བསྟན་པ་ཞེས་བརྗོད་པ་ཡིན་ཏེ། སྒྲིབ་པའི་ཉོན་མོངས་པ་བདག་ལྟ་སོགས་བཞི་དང་དུས་རྟག་ཏུ་མཚུངས་པར་ལྡན་ནོ། ཞེས་བྱ་བ་ལ་སོགས་པ་རྒྱ་ཆེར་གསུངས་སོ། གཉིས་པ་ཕུང་པོ་ལྔའི་རབ་བྱེད་ལ་བརྟེན་པའི་ལུང་རིགས་ཀྱི་བསྒྲུབ་པ་ནི། དེ་མ་ཐག་པ་དྲུག་ཡིད་ཀྱི་ཆ་ཤས་སུ་འདོད་པ་ལ་སྐྱོན་གཞན་ཡང་ཡོད་དེ། ཁམས་བཅོ་བརྒྱད་དུ་འཆད་པ་ན། བདག་རྐྱེན་ཡིད་ཀྱི་ཁམས་དང་། དམིགས་རྐྱེན་ཆོས་ཀྱི་ཁམས་དང་། འབྲས་བུ་ཡིད་ཀྱི་རྣམ་པར་ཤེས་པའི་ཁམས་དང་གསུམ་དུ་རྣམ་པར་འཇོག་པའི་ཚེ་ན། དྲུག་པ་ཡིད་ཀྱི་རྣམ་པར་ཤེས་པའི་ཁམས་སུ་བརྗོད་པ་ནི་ཡིད་ཀྱི་བྱེ་བྲག་མིན་ལ། བདུན་པ་ཡིད་ཀྱི་ཁམས་བསྟན་པ་ནི་ཚོགས་དྲུག་པོ་ཐམས་ཅད་ཀྱི་འགག་མ་ཐག་པར་བརྗོད་དེ་ཇི་སྐད་དུ་ཕུང་པོ་ལྔའི་རབ་ཏུ་བྱེད་པ་ལས། མིག་གི་རྣམ་པར་ཤེས་པ་ལ་སོགས་པ་རྣམ་པར་ཤེས་པའི་ཁམས་དྲུག་པོ་དེ་དག་ནི་བདག་རྐྱེན་མིག་དང་། ལྕེ་དང་ལུས་དང་ཡིད་དང་དྲུག་པོ་དེ་དག་ལ་བརྟེན་ཏེ། དམིགས་རྐྱེན་གཟུགས་དང་། ལ་སོགས་པས་སྒྲ་དང་དྲི་དང་རོ་དང་རེག་བྱ་དང་ཆོས་རྣམས་ལ་དམིགས་པས། རྣམ་པར་རིག་པ་སྟེ་རྣམ་པར་ཤེས་པའོ། བདག་རྐྱེན་གྱི་ནང་དུ་བཤད་པའི་ཡིད་ཀྱི་ཁམས་དེ་ནི་རྣམ་པར་ཤེས་པའི་ཁམས་དྲུག་པོ་དེ་དག་ཉིད་འགག་མ་ཐག་པའི་བག་ཆགས་ནུས་པ་མཐུ་ཅན་ལ་ཡིད་ཀྱི་ཁམས་སུ་བརྗོད་པ་སྟེ། རྣམ་ཤེས་ཚོགས་དྲུག་པོ་ལས་

(༥༤༣)སོགས་སུ་གྱུར་པ་ཡིད་ཀྱི་ཁམས་ནི་ཡོད་དོ། དེ་ལྟར་ན་རྣམ་པར་ཤེས་པའི་ཁམས་དྲུག་ཀྱང་ཡིད་ཀྱི་ཁམས་ཀྱི་ནང་དུ་འདུས་པར་འགྱུར་བས་ཁམས་བཅུ་གཉིས་སུ་མི་འགྱུར་ཞེ་ན། མི་འགྱུར་ཏེ། ངོ་བོའི་སྒོ་ནས་ཐ་དད་པ་མེད་ཀྱང་དགོས་པའི་དབང་གི་རྣམ་པར་ཤེས་པ་དྲུག་གི་གནས་ཚོགས་དེ་མ་ཐག་པའི་ཚོགས་དྲུག་འགག་མ་ཐག་པའི་ནུས་པ་ཀུན་གཞི་ལ་ཡོད་པ་དེ་ཡོད་པར་དེ་ཡིན་པར་བསྟན་པའི་ཕྱིར་མིག་སོགས་དབང་པོ་ལྔའི་ཁམས་ཀྱི་རྣམ་པ་སོ་སོར་བསྟན་པ་བཞིན་དུ་ཡིད་ཀྱི་ཁམས་ཀྱི་རྣམ་པ་ཡང་བསྟན་པ་ཡིན་ནོ། རྒྱུ་མཚན་དེ་ལྟར་ན་ཁམས་བཅུ་གཉིས་སུ་མི་བཞག་བར་།།།

(༥༤༤)དང་ཕུང་པོ་ལྔའི་རིམ་པ་བསྟན་པར་བྱ་སྟེ་དེ་ནི་དོན་དང་ཞེས་སོགས་ཚིགས་སུ་བཅད་པ་གཉིས་ཀྱི་འཆད་སྟེ་དེ་ཡང་ཇི་ལྟ་བ་བཞིན་སོ་སོར་བསྟན་པར་བྱའོ། གཉིས་པ་ལ་བཞི། རྣམ་ཤེས་ཚོགས་དྲུག་གི་ངོ་བོ་ངོས་བཟུང་བ། དྲི་བའི་སྒོ་ནས་མཚམས་སྦྱར་བ། རྩ་འགོད་པ། ཚིག་དོན་བཤད་པའོ། དང་པོ་ནི། ཚོགས་དྲུག་འཁྲུལ་བའི་ཚུལ་དང་ཕུང་པོ་ལྔའི་རིམ་པ་འཆད་པའི་ཐོག་མར་རྣམ་པར་ཤེས་པ་ཚོགས་དྲུག་པོ་ཉིད་བཤད་པར་བྱ་སྟེ། དེ་ཡང་སློབ་དཔོན་དབྱིག་གཉེན་གྱི་མཛད་པའི་རབ་ཏུ་འབྱེད་པ་ལས། གསུམ་པས་ཡུལ་རྣམས་དྲུག་པོ་ལ། དམིགས་པ་གང་ཡིན་དེ་དག་སྟེ། ཞེས་གསུངས་པའི་དོན་དཔལ་རང་བྱུང་གི་ཞལ་སྔ་ནས་བཀྲོལ་བ་ནི། སེམས་ནི་ཀུན་གཞིའི་རྣམ་པར་ཤེས་པའོ། ཡིད་ནི་སྔར་བཤད་པའི་དེ་མ་ཐག་ཡིད་དང་ཉོན་ཡིད་གཉིས་སོ། གསུམ་པ་རྣམ་པར་ཤེས་པའི་ཚོགས་དྲུག་ནི། ཡུལ་གཟུགས་སྒྲ་དྲི་རོ་རེག་བྱ་ཆོས་དང་དྲུག་པོ་ལ་དམིགས་པ་གང་ཡིན་པ་དེ་དག་རྣམས་ཡིན་ནོ། ཏེ་ཞེས་པ་འོག་མ་དང་མཚམ་སྦྱར་བའོ། ཞེས་བྱ་བ་གསུངས་པ་ནི་ལྷག་མ་སེམས་ལས་བྱུང་བ་ལྔ་བཅུ་རྩ་གཅིག་པོ་འདི་རྣམས་དང་མཚུངས་པར་ལྡན་པར་བརྗོད་དོ། ལྔ་བཅུ་རྩ་གཅིག་པོ་དེ་ཡང་གང་ཞེ་ན། སུམ་བཅུ་པར། དགེ་མི་དགེ་གཉིས་ཀ་མིན། ཞེས་སྤྱིར་བསྟན་ནས། ཀུན་ཏུ་འགྲོ་དང་བྱེ་བྲག་ངེས། ཤེས་སེམས་ཀུན་གྱི་རྗེས་སུ་འགྲོ་བས་ཀུན་འགྲོ་ལྔ་དང་བྱེ་བྲག་ཏུ་ཡུལ་སོ་སོར་ངེས་པས་ཡུལ་ངེས་ལྔ་སྟེ་སེམས་བྱུང་བཅུ་དང་། སེམས་ལས་བྱུང་བ་དགེ་བ་དང་། ཞེས་དད་སོགས་དགེ་བ་བཅུ་གཅིག་དང་། དོན་ནི་ཉོན་མོངས་ཉེ་ཉོན་མོངས། ཤེས་པ་རྩ་ཉོན་དྲུག་དང་ཉེ་ཉོན་ཉི་ཤུ་སྟེ་ཉོན་མོངས་པ་ཆེ་ཆུང་གི་ས་པ་ཉེར་དྲུག་དང་། ཚོགས་པ་གསུམ་དང་དེ་མཚུངས་ལྡན་

(༥༤༥)ཞེས་པའི་ཚོགས་པ་གསུམ་ལས་བདེ་སྡུག་གཉིས་ལ་ལུས་སེམས་ཀྱི་དབྱེ་བས་གཉིས་གཉིས་སྟེ་ཚོར་བའི་ཚོགས་ལྔ་ཡོད་ཀྱང་སྔར་བཤད་པའི་ཀུན་འགྲོ་ལྔའི་ནང་དུ་འདུས་པའི་ཕྱིར། སེམས་བྱུང་ལྔ་བཅུ་རྩ་གཅིག་པོ་ལས་ལོགས་སུ་བགྲང་བྱ་མ་ཡིན་ཞིང་། དེ་མཚུངས་ལྡན་ཞེས་པའི་ཤུགས་བསྟན་གཉིད་འགྱོད་རྟོགས་དཔྱོད་དེ་གཞན་འགྱུར་བཞི་དང་བཅས་པས་སེམས་བྱུང་ལྔ་བཅུ་རྩ་གཅིག་དང་། རྣམ་ཤེས་དྲུག་པོ་ཅི་རིག་པ་གནས་སྐབས་ཀྱི་དབང་ལས་མཚུངས་པར་ལྡན་པར་གསུངས་སོ། གཉིས་པ་ནི། དེ་ལྟར་སྤྱིའི་དོན་མདོ་ཙམ་བཤད་ནས། ད་ནི་གཞུང་གི་དོན་ཉིད་བསྟན་པར་བྱ་སྟེ་སྔར་རྒྱུ་ནི་སེམས་ཉིད་ཐོག་མེད་ལ། ཞེས་པ་ནས་གཡོས་པ་ལས་ཤེས་པའི་བར་གྱི་བཤད་པའི་སེམས་ཀུན་གཞིའི་རྣམ་ཤེས་དང་ཉོན་མོངས་པ་ཅན་གྱི་ཡིད་ཆུ་དང་རླབ་ལྟར་ཕན་ཚུན་གཅིག་གི་གཅིག་གཡོ་བ་ལས་ཇི་ལྟར་འབྱུང་ཞེ་ན་བཤད་པར་བྱའོ། གསུམ་པ་ནི། དོན་དང་འབྱུང་བ་གཉིས་སྣང་བས། རང་གིས་རང་ལ་གཏད་ཅིང་བཟུང་ཡིད་དེ་ཕྱིས་འགྲུབ་སྣང་ཆ་ལ། ཡུལ་ལ་དོན་གཟུང་རྣམ་ཤེས་འབྱུང་། ཞེས་གསུངས་ཏེ། དེ་ལྟར་གཡོས་པ་ལས། གཟུང་བྱའི་དོན་དང་འཛིན་བྱེད་ཀྱི་འཛིན་པ་གཉིས་ཐ་དད་དུ་སྣང་བས་སེམས་རང་གི་རང་ལ་ཆེད་གཏད་ཅིང་གཟུང་བའི་ཡིད་དེ་ཉིད་ཕྱིར་འགྱུས་པའི་སྣང་ཆ་ལས་ཕྱི་རོལ་གྱི་ཡུལ་ལ་དོན་དུ་བཟུང་བའི་རྣམ་ཤེས་ཚོགས་དྲུག་པོ་བྱུང་བས་བཟུང་འཛིན་ཐ་དད་མ་ཡིན་པ་ལ་ཐ་དད་དུ་འཛིན་པའི་རྣམ་པར་ཤེས་པ་འཁྲུལ་བའི་རང་བཞིན་དུ་སྐྱེས་པ་ཡིན་ནོ། འདིར་གང་འཁྲུལ་ན་ཡུལ་སྣང་ལ་ཞེན་པའི་སོ་སོ་སྐྱེ་བོའི་རྒྱུད་ཀྱི་ཚོགས་དྲུག་གི་རྣམ་པར་ཤེས་པ་འཁྲུལ་ལོ། གང་ལ་འཁྲུལ་ན། ཡུལ་སྣང་སྣ་ཚོགས་སུ་སྣང་བ་དེ་ལ་འཁྲུལ་

(༥༤༦)ཚུལ་ཇི་ལྟར་འཁྲུལ་ན། རང་ཉིད་ལ་གཉིས་འཛིན་ཞུགས་པའི་རང་འཚང་མ་རིག་པར་རང་ཉིད་གཟུང་བྱའི་དོན་གཞན་དུ་རྟོགས་པའི་ཚུལ་གྱི་འཁྲུལ། རྒྱུ་རྐྱེན་ཅི་ལས་འཁྲུལ་ན་ཡིད་གཡོས་པ་ལས་ཏེ། དེ་ཡང་། བཤད་མ་ཐག་པའི་ཚུལ་གྱི་སེམས་ཡིད་ཕན་ཚུན་དུ་གཡོས་པ་ལས་ཟུང་ངག་ལ་རྨོངས་ནས། སྣང་བའི་ཆ་ལ་བཟུང་བྱའི་དོན་ཡུལ་དྲུག་དང་། སྟོང་པའི་ཆ་ལ་འཛིན་པར་བྱེད་པའི་སེམས་རྣམ་ཤེས་དྲུག་ཏུ་ཞེན་ཏེ། རང་ཉིད་ལས་གཞན་པའི་གཟུང་བྱ་མེད་ཀྱང་འཛིན་བྱེད་རང་ཉིད་ཀྱི་རང་ཉིད་ལ་ཆེད་དུ་གཏད་ནས་གཞན་དུ་རྟོགས་ཅིང་གཟུང་བས་གཉིས་སྣང་ཞུགས་ཤིང་འཛིན་པ་ནི་སྣང་སྟོང་གཉིས་མེད་ལ་གཉིས་སུ་འཛིན་པའི་འཁྲུལ་པ་སྟེ། དེ་དང་རྗེས་སུ་འབྲེལ་བའི་ཡུལ་དབང་རྣམ་ཤེས་གསུམ་ཚོགས་པའི་རྟེན་འབྲེལ་ལས་གཟུགས་སོགས་སྣང་བའི་ཤེས་པ་སྐྱེས་ལ། དེ་ལས་གཟུགས་སོགས་ཡུལ་གྱི་སྣང་བ་མཆེད་པར་འགྱུར་བས། དེ་ལ་རྟོགས་པའི་ཡིད་དང་འབྲེལ་ནས་གཟུགས་ཀྱི་དོན་མཐོང་བར་བྱེད་པས་ན། སྣང་བ་ཐོབ་པ་ཞེས་བྱ་སྟེ་རྒྱུ་མཚན་དེས་ན་ཡིད་དེ་རང་ཉིད་ལ་ཕྱི་རོལ་གྱི་དོན་དུ་འཁྲུལ་ནས་འཁྲུལ་རྟོག་སྣ་ཚོགས་པ་འགྱུ་བའི་སྣང་ཆ་ལས་གཟུགས་སོགས་ཡུལ་དྲུག་ལ་ཕྱི་དོན་དུ་གཟུང་བས་ན་དེར་འཛིན་པའི་རྣམ་ཤེས་འབྱུང་སྟེ་རྒྱུ་རྐྱེན་སྣ་ཚོགས་པ་དེ་ལ་འཁྲུལ་ལོ། དེས་ན་སྣང་མཆེད་ཐོབ་གསུམ་འོད་གསལ་དུ་ཐིམ་པ་ལས་ཆོས་ཀྱི་སྐུ་མངོན་དུ་འགྱུར་བ་དང་། གཞིའི་འོད་གསལ་སྣང་མཆེད་ཐོབ་གསུམ་རིམ་པར་ལངས་པས་འཁོར་བའི་འཁྲུལ་སྣང་འཆར་བའི་ཚུལ་ནི་རྡོ་རྗེ་ཐེག་པའི་ཟབ་མོའི་གནད་དེ། དེའི་ཕྱིར་སྐབས་འདིར་ཚད་མ་སོགས་ཀྱི་ལུང་དྲངས་པ་ཡང་ཕྱོགས་མཐུན་པ་ཙམ་མོ། དེ་

(༥༤༧)ལྟར་ན་འབྲས་བུའི་འོད་གསལ་ལས་ཀྱང་སྣང་མཆེད་ཐོབ་གསུམ་རིམ་པར་ལངས་ཏེ་འཁོར་བའི་འཁྲུལ་སྣང་འབྱུང་བར་མི་འགྱུར་རམ་ཞེ་ན། དེ་ནི་ཐ་ཆད་པའི་ལོག་བར་རྟོགས་པ་སྟེ། རྡོ་རྗེ་ལྟ་བུའི་ཏིང་ངེ་འཛིན་གྱི་དྲི་མ་བག་ཆགས་དང་བཅས་པ་ཟད་པར་སྤངས་པའི་ཕྱིར། དོན་འདི་ལ་དགོངས་ནས་སྙིང་པོ་བསྟན་པ་ལས། ཕྱིར་ཡང་ལྡོག་པར་མི་འགྱུར་ཏེ། ཡིན་ཡང་ཡིན་པར་མངོན་གྱུར་ཕྱིར། དྲི་མ་ལྡང་བ་གཏན་མེད་དེ། ཐ་དད་ཀུན་རྟོག་བྲལ་བའི་ཕྱིར། ཞེས་གསུངས་སོ། དེ་ལྟར་བཤད་པའི་ཚོགས་དྲུག་འཁྲུལ་བར་སྐྱེ་བའི་ཚུལ་འདི་ནི་རྟེན་འབྲེལ་ཡན་ལག་བཅུ་གཉིས་འབྱུང་བའི་ནང་གི་ནུས་པའི་ཆ་ནས་བཤད་པ་སྟེ། དེའི་ངོ་བོ་ཉིད་རྣམ་པར་འབྱེད་བ་ཅན་གྱི་རྟེན་འབྲེལ་ཞེས་འགྲེལ་པར་གསུངས་སོ། ངོ་བོ་ཉིད་རྣམ་པར་འབྱེད་པ་ཅན་གྱི་རྟེན་འབྲེལ་ལ་བརྟེན་ནས་སྡུག་པར་རྣམ་པར་འབྱེད་པ་བདེ་འགྲོའི་རྟེན་འབྲེལ་དང་མི་སྡུག་པར་རྣམ་པར་འབྱེད་པ་ན་ངན་འགྲོའི་རྟེན་འབྲེལ་ཡན་ལག་བཅུ་གཉིས་འབྱུང་སྟེ། དེ་ཡང་མ་རིག་པས་ཀུན་བླང་ཏེ། ཟག་བཅས་ཀྱི་ལས་འདུ་བྱེད་པ་ནི་ཆུ་དང་རླབ་ལྟར་གཡོས་པའི་དབང་གི་ཡིན་ལ། འདུ་བྱེད་དེའི་རྐྱེན་གྱི་གཟུགས་སོགས་ཡུལ་དྲུག་ལ་དོན་དུ་མཐོང་བའི་རྣམ་པར་ཤེས་པ་འབྱུང་བས་ན། རྩ་བ་མ་རིག་པའི་རྐྱེན་ཁོ་ན་ལ་རག་ལས་པའི་ཕྱིར་རྣམ་པར་ཤེས་པའི་སྣང་བ་ཐམས་ཅད་ནི་འཁྲུལ་པའི་སྣང་བ་འབའ་ཞིག་ཡིན་ནོ། དེ་ལྟར་བཤད་པ་འདི་ནི་ངེས་པའི་དོན་གྱི་གསུང་རབས་མ་ལུས་པའི་དགོངས་པ་དཔྱིས་ཕྱིན་པ་ཡིན་མོད་ཀྱང་། དིང་སང་ཀློག་པའི་གྲ་རྣམས་སུ་མིག་གི་རྣམ་ཤེས་སོགས་པ་དབང་པོའི་མངོན་སུམ་དང་ཡིད་ཀྱི་རྣམ་ཤེས་ལ་ཡིད་ཀྱི་མངོན་སུམ་ཞེས་རྣམ་ཤེས་ཕལ་ཆེ་བ་མ་འཁྲུལ་བར་སྨྲ་བ་མང་མདོ་

(༥༤༨)རྣམ་ཤེས་ཀྱི་སྐད་དོད་དུ། བི་ཛྙཱ་ན་ཞེས་འབྱུང་བའི་བི་དགག་པའི་སྒྲ་དང་རྣམ་པ་ལ་འཇུགས་པའི་དོན་མ་རྟོགས་པ་ལས་ཡིན་སེམས་སོ། འོ་ན་དབང་མངོན་དང་ཡིད་མངོན་སོགས་མེད་པར་འགྱུར་རོ་སྙམས་ན་དེ་ནི་མ་ཡིན་ཏེ། ཇི་སྲིད་འཁྲུལ་བའི་དྲི་མ་མ་བཅོམ་གྱི་བར་དེ་སྲིད་དུ་རྣམ་པར་ཤེས་པ་དང་ཡེ་ཤེས་ཆུ་དང་འོ་མ་ལྟར་འདྲེས་པའི་ཚུལ་དུ་གནས་པས་རྣམ་པར་ཤེས་པའི་སྣང་བ་ཐམས་ཅད་འཁྲུལ་སྣང་དང་། ཡེ་ཤེས་ཀྱི་སྣང་བ་ཐམས་ཅད་མ་འཁྲུལ་བའི་སྣང་བར་འཆར་ཏེ། དེའི་ཕྱིར་རྐྱེན་གསུམ་ལ་བརྟེན་པའི་ཤེས་པར་མཚུངས་ཀྱང་། འཁྲུལ་མ་འཁྲུལ་གྱི་སྣང་བ་སོ་སོར་འཆར་བ་བཞིན་ནོ། ཇི་སྐད་དུ། ཆོས་དབྱིངས་བསྡོད་པའི་འགྲེལ་པ་རྗེ་ཉིད་ཀྱི་མཛད་བ་ལས། དེ་ལ་ཐོག་མར་མིག་གི་དབང་པོ་ཟར་མའི་མེ་ཏོག་ལྟ་བུ་གཟུགས་ངན་དང་བས་བདག་རྐྱེན་བྱས། སེམས་ཁ་དོག་དང་དབྱིབས་ཀྱི་རྣམ་པར་སྣང་བ་ཕྱི་རོལ་ལྟར་སྣང་བས་དམིགས་པའི་རྐྱེན་བྱས། སེམས་ལ་གནས་པའི་ཡིད་གཡོ་བ་སྐད་གཅིག་མས་དེ་མ་ཐག་པའི་རྐྱེན་བྱས་ནས་མིག་གི་རྣམ་པར་ཤེས་པ་སྐྱེ་བར་སྣང་ངོ་། དེ་ལས་དྲི་མ་མེད་པའི་སྣང་བ་འབྱུང་སྟེ། རྟོགས་པ་དང་བྲལ་ཞིང་པ་འཁྲུལ་བའི་མངོན་སུམ་འབྱུང་ངོ་། དྲི་མ་ནི་འཁྲུལ་པ་སྟེ། ཤེས་པ་ལ་བརྗོད་པ་དང་འདྲེར་རུང་བར་སྣང་བ་ཞེས་བྱའོ། གང་གཟུགས་སྣང་ལ་སྒྲོ་བཏག་པའི་རྟོགས་པ་མ་ཞུགས་པ་ནི། རང་གི་ངོ་བོས་སྣང་བ་ཡིན་སྟོང་བ་ཡང་ཡིན། དེ་ལ་ནི་རང་གིས་ངོ་བོས་སྐྱེ་བ་མེད་ཅིང་འགག་པ་མེད་པ་རྣམ་པར་རིག་པ་ཙམ་སྟེ། འདི་ནི་མིག་གི་དབང་པོའི་མངོན་སུམ་ཚད་མ་ཞེས་ཀྱང་བྱ་སྟེ། མངོན་སུམ་ཡང་ཡིན་ལ་ཚད་མ་ཡང་ཡིན་པའི་ཕྱིར་རོ། སོ་སོ་སྐྱེ་བོས་དོན་འདི་སྣང་

(༥༤༩)ཡང་མི་ཤེས་པའི་ཕྱིར། དེ་མ་ཐག་ཏུ་ཡིད་ཀྱི་སྒྲོ་འདོགས་པར་བྱེད་ཅིང་། འདི་ནི་ཀ་བའོ། བུམ་པའོ། དཀར་པོ། ནག་པོ། ཞེས་བྱ་བ་ལ་སོགས་པ་དབྱིབས་དང་། ཁ་དོག་དང་། ཕྱི་དང་། ནང་དུ་རྟོགས་པར་བྱེད། ཞོན་པར་བྱེད། རྒྱུ་དེས་ལེན་པར་བྱེད་པས་སྐྱེ་བ་དང་འགག་པར་རྟོག་ཅིང་། དེ་ལ་བརྟེན་ནས་རྒྱུའི་ཐ་སྙད་དང་། འབྲས་བུའི་ཐ་སྙད་དང་། དུས་སུམ་གྱི་ཐ་སྙད་ལ་སོགས་པ་ཐོག་མ་མེད་པའི་ཀུན་ནས་ལྡང་བས་བསྐྱེད་པ་སློང་ཞིང་ཕྱི་མའི་རྟེན་དུ་གྱུར་པ་སྨིག་རྒྱུ་ལྟ་བུ་གསོག་པར་བྱེད་པས་འཁྲུལ་པར་བྱེད་དོ། གང་དག་ཤེས་རབ་ཀྱི་མིག་དང་ལྡན་པ་འཕགས་པ་རྣམས་ལ་ཉི་མ་འཁྲུལ་བ་ཉིད་དུ་གཟིགས་ཤིང་རྟོག་པའི་དྲ་བས་ཡིད་ཛུད་པའི་ཕྱིར། རྣལ་འབྱོར་པའི་དབང་པོའི་མངོན་སུམ་དུ་འགྱུར་རོ། འཕགས་པ་མ་ཡིན་ཀྱང་དེའི་རྗེས་སུ་འབྲང་བ་རྣམས་ནི། ཕྱི་རོལ་ལྟར་སྣང་བ་དམིགས་པའི་རྣམ་རིག་མ་འཁྲུལ་བ་ནི་བདེ་བ་ཡིན་སྟེ། རྣལ་འབྱོར་མངོན་སུམ་དུ་འདྲ་བའི་ཕྱིར་དོན་དང་འདྲ་བ་དེ་ཉིད་དེའི་ཚད་མ་སྟེ། དེའི་དབང་གི་དོན་རྟོག་པར་རབ་ཏུ་གྲུབ་པའི་ཕྱིར་རོ། ཞེས་བཞེད་པ་ཡིན་ནོ། འདི་ལ་དོན་ནི་རང་གསལ་བའི་ཤེས་བའི་ཆ་སྟེ་ཕྱི་ལྟར་སྣང་བ་ཙམ་ལས་།།།དོན་རྡུལ་ཕྲན་ལ་སོགས་པར་བདེན་པ་མེད་པས། རང་གསལ་བར་སྣང་བ་ལ། སྐྱེ་འགག་མེད་པར་རྟོགས་ཤིང་ཆོས་ཀྱི་དབྱིངས་ཉིད་དུ་ངེས་པར་འགྱུར་རོ། འདི་ལྟར་གཟུགས་ཀྱི་དེ་བཞིན་ཉིད་།།། ཆོས་ཐམས་ཅད་ཀྱི་མདོ་དང་རྒྱས་པ་ཤེས་པར་འགྱུར་རོ། ཞེས་མདོ་ལས་གསུང་པའི་དོན་ཡིན་ནོ། ཞེས་དང་། དེ་བཞིན་དུ་རྣ་བའི་ཤེས་པ་ནས། དྲུག་པ་ཡིད་ཤེས་ཀྱི་བར་ཐམས་ཅད་ལ་ཡེ་ཤེས་ཀྱི་སྣང་བ་དང་

(༥༥༠)འཁྲུལ་བའི་སྣང་བ་གཉིས་གཉིས་སུ་གསུངས་སོ། དེ་ལྟར་ན་ཚོགས་དྲུག་གི་ཡེ་ཤེས་ཀྱི་ཆ་ནི་གང་། རྣམ་ཤེས་ཀྱི་ཆ་ནི་གང་། དེ་གཉིས་ལ་ཡུལ་སྣང་བའི་ཚུལ་ནི་ཇི་ལྟ་བུ་ཞེ་ན། སྐྱེས་མ་ཐག་པའི་ཚོགས་དྲུག་པོ་རང་གི་ངོ་བོ་དྲི་མ་མེད་པར་གནས་པ་ཉིད་དེ་ཡེ་ཤེས་ཀྱི་ཆ་སྟེ། དེ་ཡང་སྒོ་ལྔའི་རང་གི་ངོ་བོ་དྲི་མ་མེད་པ་ནི་བྱ་བ་སྒྲུབ་པའི་ཡེ་ཤེས་དང་། དྲུག་པ་ཡིད་ཤེས་ཀྱི་ཁ་ཕྱིར་ལྟའི་རང་གི་ངོ་བོ་དྲི་མ་མེད་པ་ནི་སོ་སོར་རྟོགས་པའི་ཡེ་ཤེས་དང་། ནང་བལྟའི་རང་གིས་ངོ་བོ་དྲི་མ་མེད་པ་ནི་མཉམ་ཉིད་ཡེ་ཤེས་ཡིན་པས་སོ། ཇི་སྐད་དུ་གཞུང་ལས། ཀུན་རྟོག་དག་པ་སོ་སོར་རྟོགས། སྒོ་ལྔ་ཡུལ་རྣམས་བྱ་བ་སྒྲུབ། ཅེས་ཀྱང་འབྱུང་ངོ་། དེ་ལ་དྲི་མ་མེད་པ་ཞེས་བྱ་བ་ནི་ཉོན་མོངས་པས་མ་སླད་པ་སྟེ། རྟོགས་པའི་དྲི་མ་མེད་པའོ། རང་གི་ངོ་བོ་ནི་འོད་གསལ་བའི་ཆ་སྟེ། ཆོས་ཀྱི་དབྱིངས་དེ་བཞིན་ཉིད་ལ་དེ་སྐད་ཅེས་བྱའོ། ཀུན་གཞིའི་ས་བོན་ཐམས་ཅད་བའི་བག་ཆགས་ཀྱི་མཐུ་རྟས་པས་གཟུང་བ་དང་འཛིན་པ་ཐ་དད་པར་སྣང་བའི་ཤེས་པ་དྲི་མ་ཅན་རྐྱེན་གསུམ་ལས་ཡང་དག་པ་མ་ཡིན་པའི་ཀུན་ཏུ་རྟོགས་པར་སྐྱེས་པ་ནི་ཚོགས་དྲུག་པོ་གང་གི་ཆགས་གཏོགས་ཀྱང་རྣམ་པར་ཤེས་པའི་ཆ་ཞེས་བྱ་སྟེ། བི་ཛྙཱ་ན་ཞེས་པའི། བི་དགག་པའི་ཚིག་ཏུ་འཐད་པའི་ཕྱིར། ཡེ་ཤེས་མ་ཡིན་པའི་དོན་གྱིས་ན། རྣམ་པར་ཤེས་པ་ཞེས་སྨོས་བ་ཡིན་ནོ། མདོར་ན་ཤེས་པ་གང་དང་གང་སྐྱེས་མ་ཐག་པའི་སྐད་གཅིག་དང་པོ་ནི་ངོས་བཟུང་དང་མཚན་མ་ཐམས་ཅད་ལས་འདས་ཤིང་། སྤྲོས་པའི་དྲ་བ་ཐམས་ཅད་དང་བྲལ་བར་སྐྱེ་བའི་ཕྱིར། དེ་ནི་དེ་དང་དེའི་ཡེ་ཤེས་ཀྱི་ཆ་ཡིན་ལ། སྐད་ཅིག་ལས་གཉིས་པ་

(༥༥༡)ལ་སོགས་བཅས་ཡིད་ཀྱི་སྒྲོ་འདོགས་པར་བྱེད་ཅིང་ཁ་དོག་དང་དབྱིབས་ལ་སོགས་པ་སྣ་ཚོགས་པར་མངོན་པར་ཞེན་པ་ནི་ལྷན་གཅིག་སྐྱེས་པའི་མ་རིག་པས་བསྐྱེད་པ་ཉོན་ཡིད་ཀྱི་བསླད་པའི་ཕྱིར་རྣམ་ཤེས་ཀྱི་ཆ་ཞེས་བྱའོ། དེ་དག་གི་སྣང་བའང་ཟུང་ངག་ཏུ་སྣང་བའི། ཡེ་ཤེས་ཀྱི་སྣང་ཚུལ་དང་། གཉིས་ཆོས་སུ་སྣང་བ་ནི་རྣམ་ཤེས་ཀྱི་སྣང་ཚུལ་ཡིན་ནོ། དེའི་ཕྱིར། སོ་སྐྱའི་མིག་ཤེས་ཀྱི་སྣང་བ་ལྟ་བུ་ལ་མཚོན་ན། རང་ཡུལ་མཐོང་མ་ཐག་བ་ནི་ཡེ་ཤེས་ཀྱི་རང་སྣང་དང་། དེ་མ་ཐག་ཏུ་སྒྲོ་འདོགས་པའི་སྣང་བ་ནི་རྣམ་ཤེས་ཀྱི་རང་སྣང་ཡིན་པས། ཡེ་ཤེས་དང་རྣམ་ཤེས་ཀྱི་ཁྱད་པར། ཉི་མ་དང་གྲིབ་མའི་ཁྱད་པར་ཙམ་སྟེ། སངས་རྒྱས་དང་སེམས་ཅན་གྱི་ཁྱད་པར་ཡང་དེ་དང་འདྲའོ། འདིས་ནི་འཆད་པར་འགྱུར་བའི་འགྲེལ་ཚིག་རྣམས་ཀྱི་དགོངས་པ་བསྡུས་ཏེ་ཕྱིན་ཅི་མ་ལོག་པར་བཤད་པ་ཡིན་ནོ། བཞི་པ་ལ་གཉིས། རྩ་བའི་ཚིག་དོན་དངོས་དང་། བཟུང་འཛིན་གྱི་སྣང་བ་སེམས་ཀྱི་བདག་ཉིད་དུ་བསྟན་པའོ། དང་པོ་ནི། དོན་དང་འཛིན་པ་ཞེས་བྱ་བ་ལ་སོགས་པའི་སྨོས་དོན་ནི་གཟུགས་ལ་སོགས་པ་ཡུལ་དྲུག་གོ། འཛིན་པ་ནི་མིག་གི་རྣམ་ཤེས་ལ་སོགས་པ་རྣམ་པར་ཤེས་པ་ཚོགས་དྲུག་འཁོར་དང་བཅས་པ་སྟེ། དོན་ལ་གཟུང་འཛིན་ཐ་དད་དུ་བདེན་པར་གྲུབ་པ་མེད་ཀྱིས་ཀྱང་གཟུང་འཛིན་གཉིས་སུ་སྣང་བའི་བློ་སྐྱེ་བར་འགྱུར་ཏེ། དམིགས་པའི་རྐྱེན་གཟུགས་སོགས་ཡུལ་དང་། བདག་པོའི་རྐྱེན་མིག་སོག་དབང་པོ་དང་དེ་མ་ཐག་པའི་རྐྱེན་རྣམ་པར་ཤེས་པ་སྟེ། དེ་ལྟར་རྐྱེན་གསུམ་ཚོགས་བའི་རྟེན་ཅིང་འབྲེལ་པ་ལས། གཟུགས་སོགས་སྣང་བའི་ཤེས་པ་སྐྱའོ། སྣང་བ་དེ་ལ་གཟུགས་སོགས་ཀྱི་སྣང་བ་མཆེད་པར་འགྱུར་བས་ན་གཟུགས་སོགས་ལ་རྟོགས་པའི་ཡིད་དང་འབྲེལ་བར་འགྱུར་ཏེ་

(༥༥༢)གཟུགས་སོགས་ཀྱི་དོན་མཐོང་བར་བྱེད་པས་སྣང་བ་ཐོབ་པ་ཞེས་བྱ་སྟེ། རྒྱུ་མཚན་དེས་ན་སྣང་མཆེད་ཐོབ་གསུམ་རིམ་གྱི་ལངས་པའི་ཡིད་དེ་ཉིད་ཡུལ་ལ་ཕྱིར་འགྲུབ་པའི་སྣང་ཆ་ལས་ཕུལ་དྲུག་པོ་ཅི་རིག་པ་ལ་ཕྱི་རོལ་གྱི་དོན་དུ་གཟུང་བས། དེ་འཛིན་བའི་རྣམ་པར་ཤེས་པ་རྣམས་འབྱུང་ངོ་ཞེས་བྱ་བར་བསྟན་པ་ཡིན་ནོ། གཉིས་པ་ལ་གསུམ། དགོས་པའི་སྒོ་ནས་མཚམས་སྦྱར། དོན་དངོས་དེའི་སྒྲུབ་བྱེད་དོ། དང་པོ་ནི། གཟུང་འཛིན་གཉིས་སུ་སྣང་བའི་ཚུལ་འདི་ལ་ཡང་ཆོས་ཐམས་ཅད་སེམས་ཀྱི་སྣང་བ་ཙམ་དུ་མི་ཤེས་པའི་གྲུབ་མཐའ་སྨྲ་བ་ངག་གི་འདོད་པས། འཛིན་བྱེད་ཀྱི་རྣམ་པར་ཤེས་པ་རང་སེམས་ཡིན་ཀྱང་གཟུང་བའི་ཡུལ། ཕྱི་རོལ་གྱི་དོན་ནི། བྱེ་བྲག་ཏུ་སྨྲ་བ་རྣམས་རྡུལ་ཕྲན་འདུས་ཤིང་ཚོགས་པ་གཡག་རྔ་དང་ནེའུ་སིང་ལྟ་བུར་འདོད་པ་དང་། མདོ་སྡེ་པས་གོས་ཀྱི་ཕག་ན་ལག་མགོ་ཡོད་པ་ལྟ་བུ་ཕག་ན་མོས་བསྐྱེད་པར་རྟོགས་པའི་གྲུབ་མཐའ་ཡོད་པས། ལུགས་དེ་ཡང་དག་པ་མ་ཡིན་ནོ་ཞེས་བསྟན་པའི་ཕྱིར་ཤེས་པ་རང་གི་རང་ལ་གཏད་ཅིང་བཟུང་བའི་ཚུལ་བསྟན་པར་བྱའོ། སྟེ་ཞེས་པ་འོག་མ་འདྲེན་པའོ། གཉིས་པ་ནི། ཤེས་པ་གཅིག་པུ་ཉིད་ལ་ཡུལ་དང་ཡུལ་ཅན་དུ་སྣང་བ་འདི་ནི་ཀུན་གཞིའི་རྣམ་པར་ཤེས་པའི་ངོ་བོ་ས་བོན་ཐམས་ཅད་པ་ལས་ཡུལ་དྲུག་དང་དབང་པོ་དྲུག་དང་མིག་སོགས་རྣམ་པར་ཤེས་པའི་ས་བོན་རྒྱུན་འཆད་མེད་པར་འབབ་ཅིང་འཁོར་བས་རྒྱུ་དང་འབྲས་བུའི་ནུས་པ་རྣམས་ཕན་ཚུན་དུ་གཅིག་ལ་གཅིག་རྟེན་ཅིང་འབྲེལ་པར་འབྱུང་བའི་མཐུ་དང་ནུས་པ་བསམ་གྱིས་མི་ཁྱབ་པ་ལས་གྲུབ་སྟེ། དེ་ལྟར་དུ་ལུང་རིགས་ཀྱི་འགྲུབ་པས་སོ། གསུམ་པ་ལ་གཉིས་

(༥༥༣)ལུང་གི་སྒྲུབ་བྱེད་དང་། རིག་པའི་སྒྲུབ་བྱེད་དོ། དང་པོ་ནི། ཆོས་ཐམས་ཅད་ཀུན་གཞིའི་སྣང་ཆ་ཡིན་པར་ལུང་གིས་གྲུབ་སྟེ། རྣལ་འབྱོར་གྱི་རྒྱུད་རྡོ་རྗེ་རྩེ་མོ་ལས། བག་ཆགས་སམ་ས་བོན་ཀུན་དང་ལྡན་ཞིང་། དེ་ལས་མངོན་འགྱུར་བར་ལྡང་བའི་ཀུན་གཞིའི་རྣམ་ཤེས་འདི་ནི་ཕྱི་བཟུང་བའི་ཡུལ་དང་ནང་འཛིན་པའི་སེམས་ཐམས་ཅད་ཀྱི་བདག་ཉིད་དུ་འདོད་དོ། ཞེས་གསུངས་པས་སོ། གཉིས་པ་ནི། ཆོས་ཐམས་ཅད་སེམས་ཀྱི་བདག་ཉིད་ཡིན་པ་འདི་ལ་རིག་པའི་སྒྲུབ་བྱེད་ནི། སློབ་དཔོན་ཕྱོགས་ཀྱི་གླང་པོའི་ཞལ་སྔ་ནས་དམིགས་རྟག་རྩ་བར་ཤེས་པ་ལས་དོན་གཞན་དུ་གྱུར་པའི་བཟུང་བ་མེད་པའི་ཕྱིར་ནང་གི་བདག་ཉིད་ཀྱི་ཤེས་བྱའི་ངོ་བོ་ནི་ཕྱི་དོན་དུ་གྲུབ་པ་མེད་ཀྱང་ཕྱི་རོལ་གྱི་དོན་ལྟ་བུར་སྣང་བ་གང་ཡིན་པ་དེ་ནི་ཕྱི་རོལ་དོན་གྱི་རྣམ་པ་ཡིན་ཏེ། གཟུང་བར་སྣང་བ་དེ་ཉིད་རྣམ་པར་ཤེས་པའི་ངོ་བོ་ཉིད་ཡིན་པའི་ཕྱིར་ན་ཤེས་པ་རང་ཉིད་ཕྱི་རོལ་གྱི་དོན་གྱི་རྣམ་པར་སྣང་བ་ཉིད་ཤེས་པ་དེའི་དམིགས་པའི་རྐྱེན་ཉིད་ཀྱང་ཡིན་པའི་ཕྱིར་རོ་ཞེས་དང་། དེའི་འགྲེལ་པར། ཐམས་ཅད་རྣམ་པར་རིག་བ་ཙམ་ཡིན་པའི་ཕྱིར་ནང་གི་ཤེས་བྱའི་ངོ་བོ་ཉིད་ཡིན་གྱི་ཕྱི་རོལ་གྱི་དོན་མེད་བཞིན་དུ་ཡང་ནང་གི་ཤེས་བྱ་ནི་ཕྱི་རོལ་གྱི་དོན་ལྟ་བུར་སྣང་བས་ན། ནང་ན་ཡོད་པའི་ཤེས་པ་གང་ཡིན་པ་དེ་ཁོ་ན་དམིགས་པའི་རྐྱེན་ཡིན་ནོ། དེ་ཡང་ནང་གི་རྣམ་པར་ཤེས་པ་ནི་ཕྱི་དོན་དུ་སྣང་བས་བཟུང་བ་དང་དོན་སྣང་དེ་ལས་སྐྱེས་པའི་འཛིན་པ་ཡང་ཡིན་པས་སྣང་བ་དང་སྣང་བ་ལས་སྐྱེས་པ་སྟེ་ཆོས་ཉིད་གཉིས་དང་ལྡན་པའི་ཕྱིར་ནང་ན་ཤེས་པ་ཁོ་ན་དམིགས་པའི་རྐྱེན་ཡིན་ནོ། ཞེས་པ་དང་། གཞན་ཡང་རྒྱུ་འབྲས་དུས་མཉམ་པ་དང་། རིམ་གྱི་ས་གཉིས་ལས། དང་པོའི་དབང་དུ་བྱས་པ་ནི་སེམས་ཡུལ་དང་། ལྷན་གཅིག་སྐྱེས་པ་ཡིན་ཀྱང་

(༥༥༤)ཕན་ཚུན་རྒྱུ་རྐྱེན་དུ་འཐད་པ་དང་། ཕྱི་མའི་དབང་དུ་བྱས་པ་ནི་སེམས་རང་ཉིད་དང་པོར་གཡོ། དེ་ནས་ཡུལ་ལ་འཇུག །དེ་ནས་ཡུལ་འཛིན་པ་སོགས་ནུས་པ་ཇེ་ཆེར་འཇོག་པས་ལྷན་གཅིག་པར་མ་ཟད་རིམ་གྱིས་ཀྱང་སྐྱེ་བར་མི་འགལ་བ་དང་། འབྲས་བུ་ཤེས་པ་བསྐྱེད་ནུས་པ་ལ་དབང་བསྒྱུར་བས་དབང་པོ་ཡང་ཡིན་པར་མི་འགལ་བར་བསྟན་པའི་ཕྱིར། ཞེས་མཚམས་སྦྱར་ནས་གཟུང་འཛིན་གཅིག་ཆར་དུ་སྐྱེས་ནའང་། སྔོན་པོ་འཛིན་པའི་དབང་ཤེས་རྣམས་ནི་སྔོན་པོ་ལས་སྐྱེ་བར་རྗེས་སུ་འགྲོ་ལྡོག་མི་འཁྲུལ་བའི་ཕྱིར་ན་སྔོན་པོ་ལྟར་སྣང་བའི་ཤེས་པ་ཉིད་སྔོ་འཛིན་དེའི་དམིགས་པའི་རྐྱེན་ཡིན་ནོ། སེམས་སྔ་མ་སྔ་མས་ཕྱི་མ་ཕྱི་མ་ལ་དབུས་པ་ཇི་ཆེར་འཇོག་པའི་ཕྱིར། གཅིག་ཆར་དུ་མ་ཟད་རིམ་གྱི་སྐྱེ་བ་ཡིན་ནོ། དམིགས་རྐྱེན་ཡུལ་དང་འབྲས་བུ་ཤེས་པ་ལྷན་གཅིག་ཏུ་བསྐྱེད་པར་ནུས་པ་ལ་དབང་བས་སམ། འབྲས་བུ་ཤེས་པ་བསྐྱེད་སྡུས་པ་ལ་དབང་བསྒྱུར་བའི་ངོ་བོ་གང་ཞིག་ཡིན་པས་དབང་པོའང་ཡིན་ནོ། ཞེས་བྱ་བ་ལ་སོགས་པ་དམིགས་པ་རྟག་པ་རྩ་འགྲེལ་ལས་རྒྱས་པར་གསུངས་པ་ཡིན་ནོ། གཉིས་པ་ཕུང་པོ་ལྔའི་གོ་རིམ་ལ་གསུམ། རྩ་བའི་ཚིག་དོན་སྔ་འགྲེལ་གྱི་སྒོ་ནས་འཆད་པ་དང་། རྩ་བ་འགོད་པ་ཕུང་ཁམས་སྐྱེ་མཆེད་ཀྱི་དོན་བཤད་པའོ། དང་པོ་ནི། གོང་དུ་བཤད་པ་དེ་ལྟར་རྟེན་འབྲེལ་ཡན་ལག་བཅུ་གཉིས་འབྱུང་བའི་ནང་གི་ནུས་པ་ལ་ངོ་བོ་ཉིད་རྣམ་པར་འབྱེད་པ་ཅན་གྱི་རྟེན་འབྲེལ་ཞེས་བྱ་བ་དེ་ལ་བརྟེན་ནས་སྡུག་པར་རྣམ་པར་འབྱེད་པ་བདེ་འགྲོའི་རྟེན་འབྲེལ་ཡན་ལག་བཅུ་གཉིས་དང་། མི་སྡུག་པར་རྣམ་པར་འབྱེད་པ་ངན་འགྲོའི་རྟེན་འབྲེལ་ཡན་ལག་བཅུ་གཉིས་འབྱུང་སྟེ་རྒྱུ་མཚན་དེའི་ཕྱིར། མ་རིག་པའི་རྐྱེན་གྱིས་ཟག་པ་

(༥༥༥)དང་བཅས་པའི་ལས་མངོན་པར་འདུ་བྱེད་ལ། འདུ་བྱེད་དེའི་རྐྱེན་གྱི་གཟུགས་སོགས་ཡུལ་དྲུག་ལ་གཟུང་བྱའི་དོན་དུ་མཐོང་བའི་རྣམ་པར་ཤེས་པའི་ཕུང་པོ་འབྱུང་ངོ་། རྣམ་ཤེས་དེ་ལ་བླང་བྱ་དང་དོར་བྱ་མ་ཡིན་པ་ལ་གཉིས་སྣང་གི་དབང་ལས་ཡུལ་གཞན་དུ་རྟོགས་པས་ཡུལ་གཞན་དུ་ཡིད་དུ་འོང་བ་ལ་བླང་བྱར་རྟོགས་པས་ཚོར་བ་བདེ་བ་དང་ཡིད་དུ་འོང་བ་ལ་དོར་བྱར་རྟོག་པས་ཚོར་བ་སྡུག་བསྔལ་དང་། ཡིད་དུ་འོང་མི་འོང་བར་མ་ལ་བླང་བྱ་དང་དོར་བྱ་གང་ཡང་མ་ཡིན་པར་རྟོགས་བས་བཏང་སྙོམས་ཀྱི་ཚོར་བ་སྟེ་ཚོར་བའི་ཕུང་པོ་སྐྱེ་མ་ཆོར་བ་དེའི་དབང་གི་ཡུལ་དྲུག་ལ་སྔོ་སེར་དཀར་དམར་ལ་སོགས་པའི་མཚན་མར་འཛིན་ཅིང་ཡུལ་གྱི་ཡུལ་རིས་སོ་སོར་འབྱེད་བས་འདུ་ཤེས་ཀྱི་ཕུང་པོར་འགྱུར་རོ། འདུ་ཤེས་ཀྱི་མཚན་མར་བཟུང་ཞིང་སྤུ་རིས་ཕྱེ་ནས་སྣང་བ་སྣ་ཚོགས་འདུས་བྱ་བས་ཡུལ་གྱི་སྣང་བ་མི་འདྲ་བ་གཞན་ནས་གཞན་དུ་རྟོགས་པའི་སེམས་བྱུང་གི་ཚོགས་མཚུངས་ལྡན་འདུ་བྱེད་ཀྱི་ཕུང་པོ་གྲུབ་བོ། འདུ་བྱེད་དེས་ཡུལ་ལ་གཞན་དུ་རྟོགས་པའི་བག་ཆགས་བརྟེན་པར་བྱས་པས་གཟུགས་ཀྱི་ངོ་བོ་དང་དེའི་དབྱིབས་དང་དེའི་ཁ་དོག་ལ་སོགས་པར་མངོན་པར་ཞེན་ནས་འདི་ནི་གཟུགས་སོ། འདི་ནི་གཟུགས་འདིའི་དབྱིབས་སོ། འདི་ནི་གཟུགས་འདིའི་ཁ་དོག་གོ། འདི་ནི་གཟུགས་འདིའི་ཁྱད་པར་རོ་ཞེས་བྱ་བ་ལ་སོགས་པར་གཟུང་བས་གཟུགས་ཀྱི་ཕུང་པོ་གྲུབ་པར་གྱུར་ཏེ། ཕུང་པོ་ལྔ་པོ་དེ་རྣམས་ཀྱང་སེམས་མ་དག་པ་ཀུན་གཞིའི་རྣམ་ཤེས་ཀྱི་ས་བོན་སྣ་ཚོགས་པའི་རྒྱུ་དང་ཚོགས་བདུན་ལ་སོགས་པའི་རྐྱེན་དུ་སྣང་བ་རྒྱུ་རྐྱེན་དུ་མ་འདུས་པའི་རྟེན་ཅིང་འབྲེལ་བར་འབྱུང་བ་ལས་ཕུང་པོ་ཞེས་བྱ་སྟེ་འབྲུ་དུ་མ་སྤུངས་པ་ལ་འབྲུའི་ཕུང་པོ་ཞེས་བརྗོད་པ་བཞིན་ནོ། རྒྱུ་མཚན་དེའི་ཕྱིར་བླང་དོར་བྱེད་པས་ཚོར་བ་ཞེས་སོགས་གཞུང་རྩ་བ་ཤོ་ལོག་གཅིག་

(༥༥༦)སྨོས་སོ། གཉིས་པ་ནི། བླང་དོར་བྱེད་པས་ཚོར་བ་སྐྱེ། དེ་ལ་མཚན་འཛིན་འདུ་ཤེས་སྟེ། འདུས་བྱས་ཡུལ་སྣང་གཞན་དུ་བཏག །ཞེས་པས་གཟུགས་ཀྱི་ཕུང་པོ་གྲུབ། ཅེས་གསུངས་སྟེ། བཤད་ཟིན་པའི་རྣམ་ཤེས་བྱུང་ཞེས་པ་དང་འབྲེལ་པས་འཁྲུལ་སྣང་རང་སར་གྲུབ་པའི་ཐོག་མ་ནི་རྣམ་ཤེས་དེའི་ཕྱིར་ཕུང་པོ་ལྔའི་དང་པོ་ནི་རྣམ་ཤེས་ཀྱི་ཕུང་པོའོ། རྣམ་ཤེས་དེ་ལ་བླང་དོར་དང་བཏང་སྙོམས་སུ་རྟོགས་པར་བྱེད་པས་ཚོར་བ་བྱ་བའི་ཕྱིར་དེ་ནས་ཚོར་ཕུང་དང་། དེས་ཡུལ་དེ་ལ་མཚན་མར་འཛིན་པས་འདུ་ཤེས་ཀྱི་ཕུང་པོ་གྲུབ་པའི་ཕྱིར་དེ་ནས་འདུ་ཤེས་དང་། འདི་ནི་སྐྱེ་བའི་རིམ་པ་སྟེ་དེས་སྣང་བ་སྣ་ཚོགས་པ་མངོན་པར་འདུ་བྱས་པས་ཡུལ་སྣང་གཞན་དུ་བཏག་པ་དེ་སྣང་བའི་མཚུངས་ལྡན་འདུ་བྱེད་རྣམས་གྲུབ་པའི་ཕྱིར། དེ་ནས་འདུ་བྱེད་དང་། དེས་ཡུལ་གཞན་དུ་བཏགས་པའི་བག་ཆགས་བརྟན་པར་བྱས་ནས་མངོན་པ་ཞེན་པས་གཟུགས་ཀྱི་ཕུང་པོ་གྲུབ་པའི་ཕྱིར། དེ་ནི་ཕུང་པོ་རྣམ་ཤེས་ཀྱི་རྗེ་མར་བསྟན་པ་ཡིན་ནོ། འདི་ནི་སྐྱེ་བའི་རིམ་པ་སྟེ་རྒྱུ་འབྲས་དོན་གྱི་རོ་རིམ་ཞེས་བྱ་བ་ཡིན་ལ་མངོན་པ་ལ་སོགས་པ་མདོ་སྔགས་ཀྱི་གཞུང་དང་པོར་སྨོས་པའི་གོ་རིམ་ནི་བཤད་པའི་རིམ་པ་སྟེ། མཛོད་ལས། རིམ་ནི་རགས་དང་ཀུན་ཉོན་མོངས། ཞེས་རགས་ཕྲ་དང་ཀུན་ནས་ཉོན་མོངས་པར་བྱེད་པའི་རིམ་པས་གསུངས་པའི་ཕྱིར་རོ། གསུམ་པ་ལ་གཉིས། ཇི་སྙེད་པའི་ཕྱོགས་ནས་བཤད་པ་དང་།།།ཕྱོགས་ནས་བཤད་པའོ། དང་པོ་ནི། འཁོར་བའི་འཁྲུལ་སྣང་སྣ་ཚོགས་པ་འདི་ནི་སྔར་རྒྱུ་ནི་སེམས་ཉིད་ཐོག་མེད་ལ། ཞེས་སོགས་ཚིག་བཅད་གསུམ་གྱི་བསྟན་པ་ལྟར་སེམས་ཀུན་གཞིའི་རྣམ་ཤེས་པ་ལ་

(༥༥༧)འཁོར་བའི་འཁྲུལ་སྣང་བསྐྱེད་པའི་ནུས་པ་བསམ་གྱིས་མི་ཁྱབ་པ་ཡོད་པའི་ཕུང་པོ་ཞེས་པ་དུ་མ་འདུས་པའི་དོན་གྱིས་ན་ཕུང་པོ་དང་། ཁམས་ཤེས་པ་རང་གི་ངོ་བོ་བྱེད་པ་པོ་གཞན་མེད་ལ་མཚན་ཉིད་འཛིན་པའི་དོན་གྱིས་ན་ཁམས་དང་སྐྱེ་མཆེད་ཅེས་པ་ཤེས་པའི་སྐྱེ་སྒོ་བྱེད་ལ་བྱེད་པ་པོ་གཞན་མེད་པའི་དོན་གྱིས་ན་སྐྱེ་མཆེད་སྟེ། དེ་རྣམས་ལ་སོགས་པ་འཁྲུལ་ངོར་རྟོགས་བས་བཏགས་པའི་རྣམ་པར་དབྱེ་བ་དུ་མར་བརྗོད་དེ་དེ་ཡང་གཅིག་པུར་རྟོགས་པའི་ལྟ་བ་ངན་པ་སྤངས་པའི་དོན་དུ་ཕུང་པོ་ལྔ་རྣམ་པར་བཞག་ཅིང་ཟབ་པོར་རྟོགས་པའི་ལྟ་བ་ངན་པ་སྤངས་པའི་དོན་དུ་ཁམས་བཅོ་བརྒྱད་དང་། བྱེད་པ་པོར་རྟོགས་པའི་ལྟ་བ་ངན་པ་སྤངས་པའི་དོན་དུ་སྐྱེ་མཆེད་བཅུ་གཉིས་རྣམ་པར་བཞག་པར་རིག་པར་བྱའོ། དེ་སྐད་དུ་ཡང་མངོན་པ་ཀུན་ལས་བཏུས་ལས། དེའི་འོག་ཏུ་ཕུང་པོའི་དོན་གང་ཞེ་ན། གཟུགས་གང་ཡིན་པ་ཅི་ཡང་རུང་སྟེ། འདས་པོའམ། མ་ལྟོས་པའམ། ད་ལྟར་བྱུང་པའམ་ན་གིས། ཕྱིའི་འམ། རགས་པའམ། ཕྲ་བའམ། ངན་པའམ། གྱ་ནོམ་པའམ། རྒྱང་རིང་བ་གང་ཡིན་པའམ། ཐག་ཉེ་བ་གང་ཡིན་པ་ཐམས་ཅད་གཅིག་ཏུ་བསྡུས་སྟེ་སྤུངས་པའི་ཕྱིར་གཟུགས་ཀྱི་ཕུང་པོ་ཞེས་བྱའོ། རྣམ་པར་ཤེས་པའི་ཕུང་པོའི་སར་དུ་དེ་བཞིན་ཏེ། ནོར་གྱི་ཕུང་པོ་བཞིན་ནོ། ཞེས་དང་། ཁམས་གྱི་དོན་གོང་ཞེ་ན་ཆོས་ཐམས་ཅད་ཀྱི་ས་བོན་གྱི་དོན་ཏོ། ཡང་རང་གི་མཚན་ཉིད་འཛིན་པའི་དོན་ཏོ། ཡང་འབྲས་བུ་དང་རྒྱུའི་དངོས་པོ་འཛིན་པའི་དོན་ཏོ། ཡང་ཆོས་ཐམས་ཅད་ཀྱི་རྣམ་པ་ཐམས་ཅད་བསྡུས་ནས་འཛིན་པའི་དོན་ཏོ། སྐྱེད་ཀྱི་དོན་གང་ཞེ་ན། རྣམ་པར་ཤེས་པ་སྐྱེ་བའི་སྒོ་ཡི་དོན་ཏོ། ཞེས་གསུངས་སོ། འདི་རྣམས་ཀྱི་རྣམ་བཞག་རྒྱས་པར་ནི་དབྱིག་གཉེན་གྱི་མཛད་པའི་ཕུང་པོ་

(༥༥༨)ལྔའི་རབ་ཏུ་བྱེད་པར་གསུངས་ཤིང་རྗེ་ཉིད་ཀྱི་ཀྱང་དྲན་ཉེ་བསྡུས་པ་དང་ཕུང་པོ་ལྔའི་རབ་བྱེད། སོགས་སུ་བསྟན་པ་ཡོད་པས་ནང་དོན་འདིར་རྒྱས་པར་མ་སྤྲོས་པ་ཡིན་ནོ། གཉིས་པ་ནི། ཇི་སྙེད་པའི་ཕྱོགས་ནས་བཤད་པ་འདི་ལྟར་ཕུང་ཁམས་སྐྱེ་མཆེད་ལ་སོགས་པ་འཁོར་བའི་ཆོས་ཐམས་ཅད་འཁྲུལ་པ་ཉིད་དུ་བསྟན་པ་འདི་ལ་ཇི་ལྟར་འཁྲུལ་བའི་ཚུལ་མདོར་བསྡུ་ན། སྣང་བ་ཀུན་རྫོབ་བདེན་པ་དང་གནས་ཚུལ་དོན་དམ་བདེན་པ་སྟེ། བདེན་པ་གཉིས་ཀྱི་རང་གི་ངོ་བོ་སྣང་སྟོང་དབྱེར་མེད་ཡིན་པ་མ་རྟོག་པས་ཟུང་ངག་ལ་འཁྲུལ་བའི་ཕྱིར་འཁྲུལ་པ་ཞེས་བྱ་སྟེ། དཔེར་ན། རྨི་ལམ་ལ་རྨི་ལམ་དུ་མ་གཏོགས་པ་དང་སྒྱུ་མ་ལ་སྒྱུ་མར་མ་རྟོགས་པས་རྨི་ལམ་སྒྱུ་མའི་དོན་ལ་འཁྲུལ་པ་ཡིན་ནོ། དོན་འདི་ནི་འཕགས་པ་ཀླུ་སྒྲུབ་ཀྱི་བྱང་ཆུབ་སེམས་འགྲེལ་གསུངས་སོ། ཇི་སྐད་དུ། མ་རིག་པའི་རྟེན་འབྲེལ་ནས་བརྩམས་ཏེ། རྒ་ཤིའི་རྟེན་འབྲེལ་གྱི་མཐར་ཐུག་བའི་བར་གྱི་རྟེན་འབྲེལ་ཡན་ལག་བཅུ་གཉིས་ཀྱི་རྟེན་ནས་འབྱུང་བ་ཁམས་སུམ་འཁོར་བར་འཁྲུལ་བའི་བྱ་བ་སྡུག་བསྔལ་གྱི་འཁོར་ལོ་འདི་ནི་སློབ་དཔོན་ཀླུ་སྒྲུབ་ཁོ་བོ་ཅག་གིས་ནི་རྨི་ལམ་དང་སྒྱུ་མ་འདྲ་བར་འདོད་དོ། རྟེན་འབྲེལ་ཡན་ལག་བཅུ་གཉིས་ཀྱི་འཁོར་ལོ་རྒྱུན་མི་འཆད་པ་འདི་ནི་ཁམས་སུམ་གྱི་སྲིད་པའི་ལམ་དུ་འཁོར་བ་སྟེ། ཡན་ལག་བཅུ་གཉིས་པོ་དེ་ལས་གཞན་པའི་སེམས་ཅན་གང་ཡང་ཁམས་གསུམ་དུ་འཁོར་ཞིང་ལས་འབྲས་ལ་དཔྱད་པར་འདོད་པ་མེད་དོ། ཞེས་འཕགས་པ་ཀླུ་སྒྲུབ་ཀྱི་གསུངས་པ་ལྟར་མདོ་སྡེ་དང་རྒྱུད་སྡེ་དང་བསྟན་བཅོས་དུ་མ་ལས་གསུངས་སོ། གསུམ་པ་རྒྱུ་མཚན་གྱི་དབྱེ་བ་བསྟན་པ་ལ་གསུམ། ཐུན་མོངས་གི་མཚམས་སྦྱར་བ། རྒྱུ་དྲུག་དུ་བསྟན་པ། རྐྱེན་བཞིར་བསྟན་པའོ། དང་པོ་ནི། གོང་དུ་

(༥༥༩)བཤད་པ་དེ་ལྟར་ཇི་ལྟར་འཁྲུལ་བའི་ཚུལ་རྣམས་བཤད་ནས། དྭ་ནི་སྤྱི་དོན་གསུམ་པ་རྒྱུ་རྐྱེན་གྱི་དབྱེ་བ་བཤད་པར་བྱའོ། དེ་ནི་གཉིས་སྟེ། རྒྱུ་དྲུག་ཏུ་བསྟན་པ། རྐྱེན་བཞིར་བསྟན་པའི་སྒོ་ནས་བཤད་པར་བྱའོ། གཉིས་པ་ལ་གཉིས། རྩ་བ་དང་། འགྲེལ་པའོ། དང་པོ་ནི། ཁམས་ལྔ་རྣམ་པར་ཤེས་དང་དྲུག །རྒྱུ་ཞེས་རྟོགས་པས་ཐ་སྙད་བྱས། ཞེས་གསུངས་སྟེ། ས་ཆུ་མེ་རླུང་ནམ་མཁའི་ཁམས་ཏེ་ལྔ་དང་རྣམ་པར་ཤེས་པའི་ཁམས་དང་དྲུག་ནི་ཆོས་ཐམས་ཅད་ཀྱི་རྒྱུ་ཡིན་ཞེས་རྟོགས་པའི་ངོར་ཐ་སྙད་དུ་བྱས་པའོ། གཉིས་པ་ལ་གཉིས། ཚིག་དོན་དངོས་དང་། ཁམས་དྲུག་གི་ངོ་བོ་ངོས་བཟུང་བའོ། དང་པོ་ནི། ཐེག་པ་སྤྱིའི་སྐད་ལ་སའི་ཁམས་ཆུའི་ཁམས་མེའི་ཁམས་རླུང་གི་ཁམས་ནམ་མཁའི་ཁམས་སྟེ་ཁམས་ལྔ་དང་རྣམ་པར་ཤེས་པའི་ཁམས་སྟེ་ཁམས་དྲུག་པོ་འདི་དག་རྣམས་ནི་ཕྱི་སྣོད་ཀྱི་འཇིག་རྟེན་དང་ནང་བཅུད་ཀྱི་སེམས་ཅན་ཐམས་ཅད་ཀྱི་རྒྱུ་ཡིན་ནོ། ཞེས་རྟོགས་པས་ཐ་སྙད་དུ་བཏགས་སོ། འདི་ཁ་གཅིག་ན་རེ་རྡོ་རྗེ་ཐེག་པ་སྤྱིའི་སྐད་ལ་འདོན་དགོས་ཀྱི་མཚན་ཉིད་ཐེག་པ་སོགས་ཐེག་པ་སྤྱིའི་སྐད་ལ་ནི་མ་ཡིན་ཏེ། མཛོད་།།།བྱས་ལ་དེ་དག་མེད། ཅེས་འདུས་མ་བྱས་ལ་རྒྱུ་རྐྱེན་གྱི་རྣམ་བཞག་མེད་པར་བཤད་ལ། ནམ་མཁའི་ཁམས་ནི་འདུས་མ་བྱས་ཡིན་པས་སོ། ཞེས་སྨྲ་བ་པོ་དེ་ནི་འདུས་མ་བྱས་ལ་སྐྱེད་བྱ་སྐྱེད་ཀྱི་རྒྱུ་འབྲས་དེ་དག་མེད་ཅེས་པའི་དོན་ཁོང་དུ་མ་ཆུད་པ་སྟེ། རང་ལས་གཞན་པ་ཁྱེད་རྒྱུའི་རྒྱུ། ཞེས་གསུངས་པ་དང་འགལ་བར་འགྱུར་བས་སོ། དེས་ན་ནམ་མཁའ་ནི་འདུས་བྱས་ཐམས་ཅད་སྐྱེ་བ་ལ་གེགས་མི་བྱེད་པ་འདུས་བྱས་ཀྱི་བྱེད་རྒྱུར་མཛོད་ལས་ཀྱང་བཤད་ལ། ཐེག་པ་ཆེན་པོའི་གཞུང་ལས་ནི། རིགས་

(༥༦༠)ཀྱི་དོན་རྒྱུའི་དོན་དུ་བཤད་པ་དང་འགོག་བདེན་འབྲས་བུར་བཤད་པ་སོགས་འདུས་མ་བྱས་ལ་རྒྱུ་འབྲས་ཀྱི་རྣམ་བཞག་མཛད་པ་མང་དག་ཡོད་དོ། འདིར་རྒྱལ་བའི་དབང་པོའི་ཞལ་སྔ་ནས་ནི་ཁམས་དྲུག་པོ་དེ་ཉིད་རྡོ་རྗེའི་ལུས་གྲུབ་པའི་རྒྱུའི་གཙོ་བོ་ཡིན་པར་རྟོགས་པས་ཐ་སྙད་བྱས་པར་བཞེད་དེ། དེའི་ཕྱིར་མཛོད་ལས། བྱེད་རྒྱུ་ལྷན་གཅིག་འབྱུང་བ་དང་། སྐལ་མཉམ་མཚུངས་པར་ལྡན་པ་དང་། ཀུན་ཏུ་འགྲོ་དང་རྣམ་སྨིན་ཏེ། རྒྱུ་ནི་རྣམ་པ་དྲུག་ཏུ་འདོད། ཅེས་གསུངས་པའི་རྒྱུ་དྲུག་དང་འདིར་བསྟན་པའི་རྒྱུ་དྲུག་ནི་དོན་མི་གཅིག་གོ། གཉིས་པ་ནི། ཁམས་ལྔ་པོ་དེ་དག་གི་མཚན་ཉིད་ཀྱང་རིམ་པ་ལྟར་སྲ་ཞིང་བརྟན་པ་པའི་མཚན་ཉིད་དང་། རླན་ཞིང་གཤེར་བ་ཆུའི་མཚན་ཉིད་དང་། ཚ་ཞིང་སྲོག་པ་མེའི་མེའི་མཚན་ཉིད་དང་། ཡང་ཞིང་གཡོ་བ་རླུང་གི་མཚན་ཉིད་དང་། སྟོང་ཞིང་སྒོ་འབྱེད་པ་ནམ་མཁའི་མཚན་ཉིད་ཏེ་དེ་དེ་རྣམས་ནི་ཁམས་ལྔའི་ངོ་བོ་ཡིན་ལ་རྣམ་པར་ཤེས་པའི་ཁམས་ནི་སྔར་ཀུན་གཞི་ཉོན་ཡིད་སོགས་ཀྱི་སྐབས་སུ་རྣམ་ཤེས་ཚོགས་བརྒྱད་ཀྱི་རྣམ་བཞག་བརྗོད་ཟིན་ཏོ། གསུམ་པ་རྐྱེན་བཞིར་བསྟན་པ་ལ་བཞི་སྟེ། རྒྱུའི་རྐྱེན། བདག་པོའི་རྐྱེན། དམིགས་པའི་རྐྱེན། དེ་མ་ཐག་པའི་རྐྱེན་ནོ། དང་པོ་ལ་གཉིས། རྩ་བ་དང་། འགྲེལ་པའོ། དང་པོ་ནི། དེའི་བག་ཆགས་ཀུན་གཞི་ཡང་། བསགས་པ་རྒྱུའི་རྐྱེན་ཞེས་བྱ་ཞེས་གསུངས་སྟེ། འཁྲུལ་སྣང་དེའི་བག་ཆགས་ཀུན་གཞི་ལ་བསགས་པ་དེ་ནི། འཁྲུལ་སྣང་གི་རྒྱུའི་རྐྱེན་ཞེས་བྱ་བ་ཡིན་ནོ། གཉིས་པ་ལ་གཉིས། ཚིག་དོན་དངོས་དང་། ཤེས་བྱེད་འགོད་པའོ། དང་པོ་ནི། ཀུན་

(༥༦༡)གཞི་འཆད་པའི་སྐབས་སུ་སྔར་བསྟན་ཟིན་པའི་ཀུན་གཞི་ས་བོན་ཐམས་ཅད་པ་འདི་ནི་འཁོར་བའི་འཁྲུལ་སྣང་མ་ལུས་པའི་རྒྱུའི་རྐྱེན་ཞེས་བྱ་སྟེ། ཀུན་གཞི་ས་བོན་ཐམས་ཅད་པ་དེ་མེད་ན་སེམས་ཅན་འཁོར་བར་འཁྲུལ་བའི་རྒྱུ་གཞན་ལ་དམིགས་པའི་ཕྱིར་རོ། དེ་ཡང་ས་བོན་ཐམས་ཅད་པའི་ཀུན་གཞི་དེ་ནི་བག་ཆགས་མཐའ་དག་གི་རྟེན་གཞི་ཡིན་ལ། དེ་ལ་བརྟེན་པའི་བག་ཆགས་དེ་དག་རྐྱེན་དང་འཕྲད་པ་ལ་བརྟེན་པ་སྣང་བ་སྣ་ཚོགས་པ་འཆར་བ་ཡིན་པས་ཀུན་གཞིའི་རྣམ་པར་ཤེས་པ་དེ་མ་ནི་འཁོར་བའི་ཆོས་མཐའ་དག་གིས་བག་ཆགས་རྣམས་བརྟེན་པའི་ཕྱིར། ཀུན་གཞི་ས་བོན་ཐམས་ཅད་པ་ཉིད་འཁོར་བའི་རྒྱུའི་རྐྱེན་མིན་པ་དེ་དཔེ་དང་བཅས་ཏེ་ཐོག་བསྡུས་ལས་གསུངས་ཏེ། ཇི་སྐད་དུ། ཀུན་གཞིའི་རྣམ་པར་ཤེས་པ་ས་བོན་ཐམས་ཅད་པ་དེ་ནི། དཔེར་ན། སྒྱུ་མ་དང་། སྨིག་རྒྱུ་དང་། རྨི་ལམ་དང་། རབ་རིབ་ཅན་གྱི་མཐོང་པ་ལྟ་བུར་བདེན་མིན་བརྫུན་མིན་གྱི་ཚུལ་དུ་ཡོད་པའི་ཕྱིར། ཀུན་གཞི་སོན་ཐམས་ཅད་པ་དེ་སྒྱུ་མ་དང་རྨི་ལམ་ལ་སོགས་པ་ལྟ་བུར་མེད་དུ་ཟིན་ན་འཁོར་བའི་འཁྲུལ་སྣང་འཆར་བྱེད་མ་ཡིན་པའི་ཀུན་ཏུ་རྟོགས་པའི་སོན་དུ་ཀུན་གཞིའི་སྟེང་གི་བག་ཆགས་དེ་ཡང་དག་མིན་རྟོགས་ལ་ཕྱིན་ཅི་ལོག་གི་འཁྲུལ་སྣང་སྣ་ཚོགས་སྣང་བའི་རྒྱུ་ཉིད་དུ་མི་རུང་བས། ཀུན་གཞིའི་སོན་ཐམས་ཅད་པ་དེ་སྣང་ཡང་རང་བཞིན་མེད་པ་སྒྱུ་མ་ལ་སོགས་པ་བཞིན་དུ་མདོ་དགོས་སོ། ཞེས་ལེན་མང་དུ་གསུངས་སོ། གཉིས་པ་བདག་རྐྱེན་ལ། རྩ་འགྲེལ་གཉིས་ལས། དང་པོ་ནི། བདག་རྐྱེན་བར་ཏུ་སྣང་བ་ཡི། མིག་ལ་སོགས་པ་དབང་ཤེས་ཡིན།

(༥༦༢)ཞེས་གསུངས་སྟེ། སྒོ་ལྔའི་རྣམ་ཤེས་ཀྱི་བདག་རྐྱེན་ནི། ཡུལ་ཤེས་ཀྱི་བར་དུ་སྣང་བའི་མིག་དབང་ལ་སོགས་པ་དབང་པོ་གཟུགས་ཅན་པ་ལྔ་དང་ཡིད་ཀྱི་རྣམ་ཤེས་ཀྱི་བདག་རྐྱེན་ནི་ཤེས་པར་གྱུར་པའི་དབང་པོ་ཡིན་ནོ། འགྲེལ་པ་ལ་གཉིས། ཚིག་དོན་དངོས་དང་། མཐའ་བཅད་པའོ། དང་པོ་ནི། མིག་རྣམ་ཤེས་སོགས་རྣམ་པར་ཤེས་པ་ཚོགས་དྲུག་གི་བདག་པོའི་རྐྱེན་ནི་ཡུལ་གཟུགས་སོགས་དང་དེ་འཛིན་ཤེས་པའི་བར་ཏུ་སྣང་བའི་དབང་པོ་གཟུགས་ཅན་པ་ལྔ་དང་ཡིད་ཀྱི་རྣམ་པར་ཤེས་པའི་དབང་པོ་བརྗོད་དེ། སོ་སོའི་ངོ་བོ་ལ་སོགས་པའང་བཤད་པར་བྱའོ། གཉིས་པ་ནི། དབང་པོ་དྲུག་པོ་འདི་ཡང་། མིག་གི་དབང་པོ་ནི་དཔེར་ན་ཟར་མའི་མེ་ཏོག་ལྟ་བུ། གཟུགས་ཅན་དང་བའོ། དང་ཞེས་ས་འོག་མ་འདྲེན་པ་སྟེ། དེ་བཞིན་དུ་རྣ་བའི་དབང་པོ་ནི་གྲོ་གའི་མཛེགས་བུ་བཅུས་པ་ལྟ་བུ། སྣའི་དབང་པོ་ནི་ཟངས་ཀྱི་མོ་ཁབ་མཐུར་དུ་བཤིབ་པ་ལྟ་བུ་ལྕེའི་དབང་པོ་ནི་གཟུགས་བ་ཕྱེད་གས་པ་ལྟ་བུ། ལུས་ཀྱི་དབང་པོ་ནི་བྱ་རེག་ན་འཇམ་གྱི་པགས་པ་ལྟ་བུ་སྟེ། ཐམས་ཅད་ཀྱང་གཟུགས་ཅན་དང་བའོ་ཞེས་མངོན་པའི་གཞུང་རྣམས་སུ་གསུངས་སྟེ། རྒྱུ་མཚན་ཅིའི་ཕྱིར་གཟུགས་ཅན་དང་ཁ་ཞེས་བྱ་ཞེ་ན་འབྱུང་བ་བཞིའི་རྒྱུ་ལས་བྱུང་བའི་ཕྱིར་གཟུགས་ཅན་དང་། དང་བ་ནི། རང་འབྲས་མིག་གི་རྣམ་པར་ཤེས་པ་སོགས་དང་འབྲེལ་བས་ཡུལ་གསལ་བར་སྣང་བ་ལ་དངས་པར་བརྗོད་དོ། འདི་ནི་མཛོད་དང་ཐུན་མོང་བའི་དབང་དུ་བྱས་ཀྱི་ཐེག་པ་ཆེན་པོ་ལས་གཞལ་བའི་ཚེ་ན་དཔལ་ལྡན་ཆོས་ཀྱི་གྲགས་པའི་ཞལ་སྔ་ནས་དབང་པོ་གཟུགས་ཅན་ལྔ་པོ་འདི་ཡང་། དབང་ཤེས་བསྐྱེད་པའི་ནང་གི་ས་བོན་ནུས་པ་ཡིན་པར་

(༥༦༣)དམིགས་པ་རྟགས་པར་གསུངས་ཤིང་། འཕགས་པ་ཐོག་མེད་ཀྱི་ཞལ་སྔ་ནས་ཐེག་བསྡུས་སུ་ནི། ཀུན་གཞིའི་གཟུང་བའི་ཆ་དབང་པོ་ལྔར་སྣང་བ་ལ་བཞེད་ལ། དབུ་མའི་གཞུང་རྣམས་ལས་རྟེན་འབྲེལ་གྱི་ཆོས་ཉིད་དུ་གསུངས་ཤིང་། རྡོ་རྗེ་ཐེག་བར་ནི་ཆོས་ཐམས་ཅད་སེམས་ཀྱི་སྣང་བ་ཙམ་དུ་གསུངས་པའི་ཕྱིར། བཞེད་པ་དེ་དག་ཐམས་ཅད་ཀྱང་དོན་ལ་འགལ་བ་མེད་པར་འཆད་དགོས་སོ། ཡིད་ཀྱི་དབང་པོ་ནི་དེ་མ་ཐག་པའི་ཡིད་ཅེས་བཤད་པ་དེ་ཉིད་དེ། ཀུན་གཞི་ལས་ཚོགས་དྲུག་སྐྱེ་བ་དང་འགག་པར་བྱེད་པ་ན་དེའི་ནུས་པ་ཀུན་གཞི་ལ་འཇོགས་ཅིང་ཡང་འདུ་བྱེད་པ་ཉིད་ཡིན་པས་དྲུག་པ་ཡིད་ཀྱི་རྣམ་ཤེས་ཀྱི་ཐུན་མོང་ཡིན་པའི་བདག་རྐྱེན་དུ་གྱུར་པ་དེའོ། འདི་ཡང་ཚོགས་དྲུག་པོ་འགག་མ་ཐག་པའི་ཡིད་ཀྱི་ཁམས་སུ་བཤད་པ་དང་། ཀུན་གཞིའི་སྟེང་ནས་ཡིད་ཀྱི་རྣམ་ཤེས་བསྐྱེད་བའི་ནུས་པའི་བྱེ་བྲག་ལ་སོགས་པར་བཤད་པ་ཡོད་ཀྱང་དོན་ནི་འདི་ཡིན་ཏེ་ཡིད་ཀྱི་རྣམ་པར་ཤེས་པ་སྐྱེ་བའི་སྒོ་འབྱེད་པའི་ཀུན་གཞིའི་ནུས་པ་ཉིད་ཡིད་ཀྱི་སྐྱེ་མཆེད་དུ་རིག་ཏེ། ཆོས་འདུས་བྱས་ཀྱི་སྐྱེ་མཆེད་བརྒྱད་དང་། འདུས་མ་བྱས་ཀྱི་སྐྱེ་མཆེད་བརྒྱད་དང་། ཡིད་ཀྱི་རྣམ་ཤེས་དང་། ཡིད་ཀྱི་དབང་པོ་དེ་གཉིས་ཡུལ་དང་ཡུལ་ཅན་དུ་རྟེན་ཅིང་འབྲེལ་པར་འབྱུང་བ་ཡིན་པའི་ཕྱིར་རོ། གསུམ་པ་དམིགས་རྐྱེན་ལ་ཡང་། རྩ་འགྲེལ་གཉིས་ལས། དང་པོ་ནི། དམིགས་པའི་རྐྱེན་ནི་གཟུགས་ལ་སོགས། ཡུལ་དུ་སྣང་བའི་རིག་བྱ་སྟེ། ཞེས་གསུང་སྟེ། ཚོགས་དྲུག་དེའི་དམིགས་པའི་རྐྱེན་ནི་གཟུགས་ལ་སོགས་པ་རྣམ་ཤེས་ཀྱི་ཡུལ་དུ་སྣང་བའི་རིག་པར་གཟུགས་རྣམས་ཡིན་ནོ། འགྲེལ་པ་ལ་གཉིས། བསྡུས་ཏེ་བསྟན་པ་དང་། རྒྱས་པར་བཤད་པའོ། དང་པོ་ནི།

(༥༦༤)ཚོགས་དྲུག་པོ་དེའི་དམིགས་པའི་རྐྱེན་ནི་ཚོགས་དྲུག་རང་གི་ཡུལ་དུ་སྣང་བའི་རིག་པར་བྱ་བ་རྣམས་སྟེ། དེ་ཡང་གཟུགས་དང་། སྒྲ་དང་། དྲི་དང་། རོ་དང་། རེག་བྱ་སྟེ་དོན་ལྔ་ནི། དབང་ཤེས་ལྔའི་རིག་པར་བྱ་བ་ཡིན་ལ། དྲུག་པ་ཡིད་ཤེས་ཀྱི་རིག་བྱ་ནི་ཆོས་འདུས་བྱས་རྣམས་དང་འདུས་མ་བྱས་རྣམས་སོ། གཉིས་བ་ནི། ཡུལ་དྲུག་པོ་དེ་ལ་རྒྱས་པར་བཤད་ན། གཟུགས་ཀྱི་ངོ་བོ་ནི་འབྱུང་བ་ཆེན་པོ་བཞི་སྒྲ་འབྱུང་བ་བཞི་དབང་རྒྱུར་བྱས་པ་རང་འཛིན་པའི་མིག་གི་རྣམ་ཤེས་ཀྱི་སྤྱོད་ཡུལ་གྱི་དོན་གང་ཡིན་པའོ། དབྱེ་ན། མངོན་པ་གོང་མར་ཉི་ཤུ་རྩ་ལྔ་དང་། མཛོད་ལས། གཟུགས་རྣམ་གཉིས་དང་རྣམ་ཉི་ཤུ། ཞེས་རྩ་བའི་དབྱེ་བ་ཁ་དོག་གི་གཟུགས་དང་དབྱིབས་ཀྱི་གཟུགས་གཉིས་ཡན་ལག་གི་དབྱེ་བ་ཁ་དོག་ལ་སྔོ་སེར་དཀར་དམར་བཞི། དབྱིབ་ལ་རིང་ཐུང་ལྷམ་ཟླུམ་མཐོ་དམན་ཕྱལ་ལེ་ཕྱལ་ལེ་མིན་པ་སྤྲིན་དང་དུ་བ་རྡུལ་ཁུག་སྣ་ཉི་གྲིབ་སྣང་མུན་རྣམས་སུ་གསུངས་ཀྱང་། འདིར་ཁ་དོག་གི་གཟུགས་དང་། དབྱིབས་ཀྱི་གཟུགས་དང་། རྣམ་པར་རིག་པ་སྟེ་རྣམ་པར་རིག་བྱེད་ཀྱི་གཟུགས་དང་གསུམ་དུ་བསྡུས་པའོ། སྒྲའི་ངོ་བོ་ནི་རང་འཛིན་རྣ་བའི་རྣམ་ཤེས་ཀྱི་སྤྱོད་ཡུལ་དུ་གྱུར་པའི་དོན་གང་ཡིན་པའོ། དེ་ལ་དབྱེ་ན་མངོན་པ་གོང་མར་བཅུ་གཅིག་དང་། མཛོད་མས། སྒྲ་ནི་རྣམ་པ་བརྒྱད་ཡོད་དེ། ཞེས་རྩ་བའི་དབྱེ་བ་ཟིན་མ་ཟིན་གཉིས་དང་། ཡན་ལག་གི་དབྱེ་བ་དེ་གཉིས་མ་སྟོན་མི་སྟོན་གཉིས་གཉིས་དང་། ཉིང་ལག་གི་དབྱེ་བ་དེ་གཉིས་ལ་སྙན་མི་སྙན་གཉིས་སྟེ་བརྒྱད་བཤད་ཀྱང་འདིར་ཟིན་པའི་སྒྲ་སེམས་ཅན་གྱི་རྒྱུད་ཀྱི་བསྡུས་པ་དང་། མ་ཟིན་པའི་སྒྲ་ཆུ་སྒྲ་ལྟ་བུ་དང་།

(༥༦༥)གཉིས་ཀའི་སྒྲ་སྐྱེས་བུས་བསྣུན་པའི་རྔ་སྒྲ་ལྟ་བུ་སྟེ་གསུམ་དུ་བསྡུས་པ་དེ་ཡང་འབྱུང་བ་ལས་འབྱུང་བ་འབྱུང་གྱུར་དུ་བཞེད་པའོ། དྲིའི་ངོ་བོ་ནི་སྣའི་སྤྱོད་ཡུལ་དུ་གྱུར་པའི་དོན་གང་ཡིན་པ་སྟེ། དབྱེ་ན་མངོན་པ་གོང་མར་དྲུག་ཏུ་གསུངས་པ་དང་། མཛོད་ལས། དྲི་རྣམ་བཞི་ཞེས། དྲི་ཞིམ་པ་དང་། དྲི་ང་བ་གཉིས་ལ་མཉམ་མི་མཉམ་གཉིས་གཉིས་སུ་ཕྱེ་བས་བཞིར་གསུངས་ཀྱང་འདིར་ནི་དྲི་ཞིམ་པ་སྤོས་དྲི་ལྟ་བུ་དང་། དྲི་དང་བསྡུལ་དྲི་དེ་གཉིས་ལས་གཞན་པ་བར་མའི་དྲི་སྟེ་གསུམ་དུ་བསྡུས་པའོ། རོའི་ངོ་བོ་ནི། རང་འཛིན་ལྕེའི་རྣམ་ཤེས་ཀྱི་སྤྱོད་ཡུལ་དུ་གྱུར་པའི་དོན་གང་ཡིན་པ་སྟེ། དབྱེ་ན། མངོན་པ་གོང་མར་བཅུ་གཉིས་གསུང་ཀྱང་། མཛོད་ལས་རོ་ནི་རྣམ་དྲུག་ཅེས་གསུངས་བ་ལྟར་འདིར་མངར་སྒྱུར་ལན་ཚ་བ་ཁ་བ་སྐ་བ་སྟེ་རོ་དྲུག་གོ། རེག་བྱ་ལ་ནི་འབྱུང་འབྱུང་གྱུར་གཉིས་ཀ་ཡོད་ཀྱང་། དེའི་ཕྱོགས་བ་འབྱུང་བ་ལས་གྱུར་པའི་རེག་བྱའི་ངོ་བོ་ནི་རང་འཛིན་ལུས་ཀྱི་རྣམ་ཤེས་ཀྱི་སྤྱོད་ཡུལ་དུ་གྱུར་པའི་དོན་གང་ཡིན་ནའོ། དབྱེ་ན། མངོན་པ་གོང་མར་ཉི་ཤུ་རྩ་གཉིས་དང་། མཛོད་ལས། རེག་བྱ་བཅུ་གཅིག་བདག་ཉིད་དེ། ཞེས་འབྱུང་དུ་འཇམ་རྩུབ་ལྕི་ཡང་གྲང་བཀྲེས་སྐོམ་པ་སྟེ་བཅུ་གཅིག་ཏུ་བཤད་པ་ནི་རེག་བྱ་ཙམ་གྱི་དབྱེ་བ་སྟེ། འདིར་ནི་ཕྱོགས་གཅིག་བོ་དེའི་དབྱེ་བ་འཇམ་པ་དང་རྩུབ་པ་དང་ཡང་བ་དང་ལྗི་བ་དང་གྲང་བ་དང་དྲི་བ་དང་བཀྲེས་པ་དང་སྐོམ་པ་།།།བརྒྱད་བརྒྱའོ། འབྱུང་བ་ཆེན་པོ་བཞི་རེག་བྱ་ཡིན་དུ་ཟིན་ཀྱང་འབྲས་གཟུགས་མ་ཡིན་པས། འདིར་རེག་བྱའི་ཕྱོགས་གཅིག་འབྲས་གཟུགས་ཀྱི་དབྱེ་བ་འཆད་བཞེད་པས་བརྒྱད་པོ་དེར་བསྡུས་ནས་གསུང་པ་ཡིན་ལ། ཀུན་

(༥༦༦)ལས་བཏུས་ཀྱི་འགྲེལ་པ་ལས་ཀྱང་རེག་བྱའི་ཕྱོགས་གཅིག་ནི་ཀུན་ཏུ་མནམ་པ། ཀུན་ཏུ་གཞལ་བ་དང་རེག་པ་དང་། ཀུན་ཏུ་གནོན་པ་དང་། འདུས་པ་དང་། ཁམས་སྙོམས་མ་སྙོམས་ཀྱི་རྣམ་པར་བཞག་གོ། ཆུ་དང་རླུང་འདུས་ན་གྲང་ཆུ་དང་ས་འདུས་ན་དྲོད་དོ། ཁམས་སྙོམས་ན་ངལ་སོས་བ་དང་ཉམས་ཡོད་པ་དང་སྦུངས་ཆེ་བར་འགྱུར་ཏོ་སྦུངས་ཆེ་བ་ནི་མི་འཇིགས་བར་རིག་པར་བྱའོ། ཚིམ་བ་ནི་གཉིས་ཀའོ། བཀྲེས་པ་ལ་སོགས་པ་ལྷག་མ་རྣམས་སྙོམས་པར་རིག་པར་བྱའོ། ཞེས་གསུངས་སོ། ཆོས་ཀྱི་ངོ་བོར་རང་འཛིན་ཡིད་ཀྱི་རྣམ་པར་ཤེས་པའི་སྤྱོད་ཡུལ་དུ་གྱུར་པའི་རིག་པར་བྱ་བ་གང་ཡིན་པའོ། དབྱེ་ན་རྩ་བའི་དབྱེ་བ་འདུས་བྱས་དང་འདུས་མ་བྱས་གཉིས་སམ། ཡན་ལག་གི་དབྱེ་བ། འདུས་བྱས་ལ་དབྱེ་ན། རགས་པ་བློས་གཞིག་ནས་ཕྲ་མོར་སྣང་བ་དག་བློ་ངོར་བསྡུས་པ་ལས་གྱུར་པ་དང་། བར་ན་ཐོག་བཅས་དང་བྲལ་བ། མངོན་པར་སྐབས་ཡོད་པ་དང་། ལུས་ངག་ལ་དམིགས་པའི་བརྡའ་ལས་བྱུང་པ། ཡང་དག་པར་བླངས་པའི་སྡོམ་པ་དང་། ཏིང་ངེ་འཛིན་གྱི་མཐུས་སྣང་བ་ལ་དབང་འབྱོར་བ་དང་། ཀེད་རུས་སོགས་སུ་སྣང་བརྟོགས་བའི་གཟུགས་དང་ཉམས་སུ་མྱོང་བ་ཚོར་བའི་ཕུང་པོ་ལ། མཚན་མར་འཛིན་པ་འདུ་ཤེས་ཀྱི་ཕུང་པོ་དང་། ཡུལ་སྣང་འདུ་བྱེད་པ་རྣམས་ཏེ་བརྒྱད། འདུས་མ་བྱས་གྱི་དབྱེ་བ་ན། རྟགས་རྟགས་མིན་ཏེ་འགོན་པ་གཉིས། ནམ་མཁའ་དང་། དགེ་སོགས་གསུམ་གྱི་དེ་བཞིན་ཉིད་གསུམ་སྟེ་དྲུག་དང་། འདུ་ཤེས་མེད་པའི་སྙོམས་འཇུག་དང་། འགོག་པའི་སྙོམས་འཇུག་སྟེ་སྙོམ་འཇུག་གཉིས་པོ་རྣམ་གྲངས་སོ་སོར་ཕྱེ་ན་བརྒྱད་དམ་ཡོངས་སུ་བཅུ་དྲུག་ཏུ་བཤད་པ་འདི་རྣམས་ཡིན་ནོ། མདོར་བསྡུས་

(༥༦༧)ན་དེ་ཐམས་ཅད་ཡིད་ཀྱི་རྣམ་པར་ཤེས་པས་རྣམ་པར་རིག་པར་བྱ་བ་གཅིག་པུར་འདུ་བ་ཡིན་ནོ། བཞི་པ་དེ་མ་ཐག་པ་རྐྱེན་མ་ཡང་། རྩ་འགྲེལ་གཉིས་ལས། དང་པོ་ནི། དེ་མ་ཐག་པའི་རྐྱེན་།།། གང་གང་འགག་པ་དེ་མ་ཐག །ཡིན་ཏེ་དྲུག་པའི་ཡིད་དང་བཅས། ཤེས་གསུངས་ཏེ། དྲུག་པ་ཡིད་ཤེས་དང་བཅས་པའི་ཚོགས་དྲུག་གི་དེ་མ་ཐག་པའི་རྐྱེན་ཞེས་པ་ནི་ཚོགས་དྲུག་སྔ་མ་གང་དང་།།།དེ་མ་ཐག་དུ་ཕྱི་མ་སྐྱེ་བའི་ནུས་པ་ཀུན་གཞིའི་བག་ཆགས་མཐུ་ཅན་ཡིད་ཁམས་སུ་བཤད་པ་དེ་ཉིད་ཕྱི་མའི་དེ་མ་ཐག་ཡིན་ཏེ། རིག་པ་གཞན་གྱི་བར་མ་ཆད་དུ་ཕྱི་མ་བསྐྱེད་།།།ཡིན་པས་སོ། གཉིས་པས་འགྲེལ་པ་ལ་གསུམ། གཞན་ལུགས་འགོག་པ། རང་ལུགས་བཞག་པ། དེ་ལས་འཕྲོས་པའི་དོན་ནོ། དང་པོ་ནི། དེ་མ་ཐགས་པའི་རྐྱེན་འདི་ལ། མཛོད་ལས། །།།མ་ཐག་པ་ཡིད་རྣམ་ཤེས་།།། ཞེས་གསུངས་པ་ལྟར། བྱེ་བྲག་ཏུ་སྨྲ་བ་རྣམས་ཀྱི་ལུགས་ལ། རྣམ་ཤེས་ཚོགས་དྲུག་པོ་སོ་སོའི་སྐད་གཅིག་མ་འགག་པ་དེ་ཉིད་སྐད་གཅིག་ཕྱི་མའི་དེ་མ་ཐག་པར་འདོད་། །།།ད་མི་འཐད་པའི་ཚུལ་ནི་འགགས་པ་རྒྱུ་ཉིད་དུ་མི་རུང་སྟེ། དེ་ནི་ཞིག་ཟིན་ནས་མེད་པའི་ཕྱིར་རོ། ཞེས་པའི་རིག་པས་འགོག་ནུས་སོ། གཉིས་པ་ནི། སྐབས་འདིར་ནི་མདོ་སྡེ་དགོངས་པ་ངེས་བར་།།།རྒྱས་པར་གསུངས་པ་ལྟར་རྣམས་ཚོགས་དྲུག་པོ་རང་གི་སྐད་གཅིག་སྔ་མ་འགག་པ་ན་དེའི་དེ་མ་ཐག་པར་ཡིད་ཀྱི་ཁམས་དང་གཅིག་ཏུ་བཤད་པའི་ཡིད་ཀྱི་རྣམ་པར་ཤེས་པས་རང་གི་བག་ཆགས་ཀུན་གཞི་།།།སླར་ཡང་དེ་མ་ཐགས་

(༥༦༨)ཏུ་ཀུན་གཞི་ས་བོན་ཐམས་ཅད་པ་ལས་རྐྱེན་ནི་ཆུ་ལ་རླབ་ཀྱི་རྐྱེན་བཞིན་དུ་ཀུན་གཞི་ལ་གནས་པའི་བདུན་ཡིད་གཡོ་ཞིང་འབྱུང་བས་དེ་མ་ཐག་པའི་ཡིད་སླར་བཤད་པ་ལྟར་འབྱུང་སྟེ། ཚོགས་དྲུག་གང་རུང་གི་རྐྱེན་གཅིག་འབྱུང་ན་དེའི་དེ་མ་ཐག་པ་ཡང་གཅིག་འབྱུང་གི་དེའི་དེ་མ་ཐག་པ་གཉིས་པ་ལ་སོགས་པ་མི་འབྱུང་ངོ་། ཚོགས་དྲུག་མང་པོ་འབྱུང་བའི་རྐྱེན་ཉེ་བར་གནས་ན་དེའི་དེ་མ་ཐག་པ་ཡང་མང་པོ་དེ་རྙེད་གཅིག་བར་འབྱུང་བར་འགྱུར་རོ། དེ་ཡང་དང་པོའི་དཔེ་ནི་ཙན་དན་སྤོས་ཅག་པའི་སྐབས་སུ་དེའི་སྒྲ་དང་དྲི་དང་རོ་དང་རེག་བྱ་རྣམས་དུས་གཅིག་ཏུ་འབྱུང་བ་ལྟ་བུའོ། ཕྱི་མའི་དཔེ་ནི་མིག་གི་གཟུགས་མཛེས་བ་མཐོང་བ་དང་རྣ་བས་གླུ་སྒྲ་སྙན་པ་ཐོས་པ་དང་། སྣས་སྤོས་དྲི་ཞིམ་པོ་ཚོར་བ་དང་། ལྕེས་བུ་རེ་རེ་ལྟ་བུའི་རོ་མྱོང་བ་དང་ལུས་ཀྱི་ཉི་མའི་རེག་བྱ་ལྟ་བུ་ཉམས་སུ་མྱོང་བ་བཞིན་ནོ། རྒྱུ་མཚན་དེའི་ཕྱིར། གང་གང་འགག་པ་ནི། ཚོགས་དྲུག་པོའི་སྐད་ཅིག་མ་སྔ་མ་གང་གང་འགགས་པའི་ཚེ་དེ་མ་ཐག་ཏུ་ཡང་སྐད་གཅིག་ཕྱི་མའི་རྐྱེན་ཉེ་བར་སྦྱོར་བས། དེ་ལྟ་བུའི་རྐྱེན་ཉེ་བར་སྦྱོར་བ་དེ་ནི་དེ་མ་ཐག་པ་ཡིན་ནོ། རྒྱུ་མཚན་དེས་ན་གང་གང་སྐྱེ་བ་དེ་མ་ཐག་ཅེས་བཤད་ཀྱང་། དོན་ལ་འགལ་བ་མེད་དོ། གསུམ་པ་ལ་བཞི། དབང་ཤེས་ལྔ་ཇི་ལྟར་འབྱུང་བའི་ཚུལ། དྲུག་ཡིད་གནས་སྐབས་གང་དུ་འབྱུང་བ། དམིགས་གསལ་གྱི་དོན་ལ་དཔྱད་པ། རྐྱེན་གསུམ་ལས་འཕྲོས་པའི་དོན་ནོ། དང་པོ་ལ་གཉིས། བཤད་བྱའི་ལུང་བཀོད་པ་དང་། དེའི་དོན་བཤད་པའོ། དང་པོ་ནི། དེ་ལྟར་བཤད་ཀྱང་འགལ་བ་མེད་པའི་རྒྱུ་མཚན་ནི་སློབ་དཔོན་དབྱིག་གཉེན་གྱི་ཞལ་སྔ་ནས། མིག་སོགས་དབང་ཤེས་ལྔ་པོ་རྣམས་རྩ་བའི་རྣམ་ཤེས་ཀུན་

(༥༦༩)གཞི་ལས་ཇི་ལྟར་འབྱུང་བར་འགྱུར་བའི་ཚུལ་ནི་རྣམ་ཤེས་དང་རྐྱེན་གསུམ་པོ་ལྷན་གཅིག་ཏུ་གཅིག་ཅར་འབྱུང་བའམ། ཡང་ན་གཅིག་ཅར་དུ་མ་ཡིན་པར་རིམ་ཀྱིས་ཀྱང་འབྱུང་བ་ཡིན་ནོ། །།།རབ་ཏུ་བྱེད་པར་གསུང་པ་ལྟར་རོ། གཉིས་པ་ནི། འགྲེལ་པར་རྣམ་ཤེས་ལྔ་པོ་ཇི་ལྟར་འབྱུང་བར་འགྱུར་བ་བཞིན་རྐྱེན་གསུམ་དང་ལྷན་གཅིག །ཞེས་འབྱུང་བའི་བཞིན་ཞེས་པ་ཡི་གེ་བའི་བྲིས་ནོར་ཏེ། །།། ཇི་ལྟར་འབྱུང་བར་འགྱུར་བ་ནི། ཞེས་གསུངས་པ་ལ་འབྲུ་གཉེར་བའི་སྐབས་ཡིན་པས་སོ། དེས་ན་བཞིན་ཞེས་པ་ནི་ཞེས་དག་པར་བཏོན་ནས་བཤད་པར་བྱའོ། སུམ་བཅུ་བར་ལྔ་རྣམས་ཤེས་གསུངས་པ་ནི་།།།སྔ་དང་རྩ་བའི་རྣམ་ཤེས་ཤེས་བ་ནི་ཀུན་གཞིའི་རྣམ་ཤེས་ཡིན་ལ་དབང་པོའི་རྣམ་ཤེས་ལྔ་པོ་ཀུན་གཞིའི་རྣམས་ལ་ཇི་ལྟར་འབྱུང་བར་འགྱུར་བའི་ཚུལ་ནི་གཅིག་ཅར་བ་དང་རིམ་ཀྱིས་ས་གཉིས་ལས། དང་པོ་ནི། རྣམ་པར་ཤེས་།།།གསུམ་དང་ལྷན་གཅིག་པ་གཅིག་ཅར་དུ་འབྱུང་བའམ། ཡང་ན་ཀུན་གཞིའི་རྣམ་པར་ཤེས་པ་ཉིད་ཀྱི་གཟུང་བའི་ཆ་བདག་པོའི་རྐྱེན་དུ་དགོངས་པས་དེ་མ་ཐག་པའི་རྐྱེན་གྱི་བསྐྱེད་ནས་དབང་པོ་ལྔ་དང་ཡུལ་ལྔ་།།།སྟེ་ལྔ་ཚན་གསུམ་པོ་རིམ་གྱི་བསྐྱེད་དོ། སྙམས་དུ་མཛད་བས་ལྷན་ཅིག་པ་གཅིག་ཅར་དུ་འབྱུང་བ་མ་ཡིན་པར་སྨོས་པའོ། གཉིས་པ་ལ་ཡང་གཉིས་ལས། དང་པོ་ལུང་བཀོད་པ་ནི། དྲུག་པ་ཡིད་ཀྱི་གནས་སྐབས་།།།ཇི་ལྟར་འབྱུང་བའི་ཚུལ་ནི་ཡང་སུམ་བཅུ་པ་དེ་ཉིད་ལས། ཡིད་ཀྱི་རྣམ་པར་ཤེས་པ་འབྱུང་བ་ནི་གནས་སྐབས་ལྔ་མ་རྟོགས་པར་འབྱུང་ངོ་། ལྔ་གང་ཞེ་ན། འདུ་ཤེས་མེད་པའི་ཁར་སྐྱེས་ནས་དུས་རྟགས་།།།པའི་གནས་སྐབས་

(༥༧༠)དང་དེར་སྐྱེ་བའི་རྒྱུ་འདུ་ཤེས་མེད་བའི་སྙོམ་འཇུག་དང་། འགོག་པའི་སྙོམ་འཇུག་སྟེ་སྙོམས་བར་འཇུག་པ་རྣམ་པ་དེ་གཉིས་ལ་གནས་པའི་གནས་སྐབས་དང་སེམས་ཡུལ་ལ་གཏད་པའི་རྣམ་པ་མི་གསལ་བས་སེམས་མེད་པ་ལྟ་བུ་གཉིད་འཐུག་པོ་ལོག་པའི་གནས་སྐབས་དང་བརྒྱལ་བའི་གནས་སྐབས་སོ། ཞེས་གསུངས་སྟེ། དེ་ལྟ་བུའི་གནས་སྐབས་ལྔ་པོ་དེ་ན་དྲུག་པ་ཡིད་ཀྱི་རྣམ་ཤེས་རེ་ཞིག་ཀུན་གཞི་ལ་བསྡུས་པས་ཆོས་ལ་གཏད་པའི་རྣམ་པ་མི་གསལ་བའི་ཕྱིར་ལྔ་པོ་དེ་དག་གི་སྐབས་སུ་དྲུག་པ་ཡིད་ཀྱི་རྣམ་ཤེས་མི་འབྱུང་བར་བཤད་པ་ཡིན་ནོ། གནས་སྐབས་ལྔ་པོ་དེ་ལས་གཞན་པའི་གནས་སྐབས་ཐམས་ཅད་དུ་དྲུག་བ་མི་ནས་འབྱུང་བར་བཞེད་པ་ཡིན་ནོ། གསུམ་པ་ནི། འདིར་རྩ་བ་ལས། དྲུག་པའི་ཡིད་དང་བཅས། ཤེས་བྱ་བའི་གཞུང་གི་དྲུག་ཡིད་ལ་དམིགས་གསལ་ལྟ་བུར་མཛད་པ་ནི། དྲུག་པ་ཡིད་ཀྱི་རྣམ་ཤེས་དེ་ལ་ཡང་དེ་ཐག་པའི་ཡིད་ཡོད་པས་དེ་མ་ཐག་པའི་ཡིད་དེ་ནི་ཀུན་གཞི་ལ་གནས་པའི་ཡིད་ཀྱི་བྱེ་བྲག་རྣམ་ཤེས་ཕྱི་མ་སྐྱེ་བའི་ནུས་བ་ཡིད་ཀྱི་ཁམས་དང་གཅིག་ཏུ་བཤད་པ་དེ་ལས་འདོད་པ་ཡིན་ནོ། ལུགས་འདི་ལས་གཞན་དག་དག་ཉན་ཐོས་པ་ལ་སོགས་པ་དེ་མ་ཐག་པ་དྲུག་པ་ཡིད་ཀྱི་བྱེ་བྲག་ཏུ་འདོད་པ་ཡོད་བས། དྲུག་ཡིད་ལ་དམིགས་ཀྱི་བསལ་བ་ལྟ་བུར་དྲུག་པའི་ཡིད་དང་བཅས་ཞེས་པའི་ཚིག་འདི་སྨོས་པས་རྣམ་པར་ཤེས་པ་ཚོགས་དྲུག་པོ་མཚུངས་པར་དེ་མ་ཐག་པའི་ཡིད་བདུན་ཡིད་འབྱུང་བར་སྟོན་པ་ཡིན་ནོ། བཞི་པ་ནི། མིག་ནས་ཡིད་ཀྱི་རྣམ་པར་ཤེས་པ་ཚོགས་དྲུག་པོ་རྣམས་འབྲས་བུར་བརྗོད་པ་ན་རྣམ་ཤེས་དྲུག་ག་བདག་རྐྱེན་དམིགས་རྐྱེན་

(༥༧༡)དེ་མ་ཐག་རྐྱེན་ཏེ་རྐྱེན་གསུམ་ལས་སྐྱེས་པར་འཐད་དོ། རྣལ་འབྱོར་སྤྱོད་པ་སེམས་སམ་ཙམ་པའི་གཞུང་གི་བཤད་པའི་རྐྱེན་བཞི་པ་ནི་སེམས་ཀུན་གཞིའི་རྣམ་ཤེས་ཀྱི་སྟེང་གི་བག་ཆགས་སྣ་ཚོགས་ཀྱི་བསྐྱེད་།།།རྐྱེན་ཐམས་ཅད་ལ་སྔར་བཤད་པ་ལྟར་རྒྱུའི་རྐྱེན་ཞེས་རྐྱེན་གཅིག་ཏུ་བརྗོད་པ་ཡིན་ནོ། དབུ་མ་པའི་ལུགས་ལ། དོན་དམ་པར་ན་རྐྱེན་ཞེས་པ་ཡང་རྟེན་ཅིང་འབྲེལ་པར་འབྱུང་བ་མ་རྟག་གཅིག་པུར་ཉམས་དགའ་།།།རྐྱེན་དུ་འཐད་ཀྱི་སྔར་བཤད་ཟིན་རྐྱེན་བཞི་པོ་འདི་ཐམས་ཅད་རྟོགས་པའི་སྣང་ཚུལ་གྱི་བྱེ་བྲག་ལ་བརྗོད་པར་ཟད་དོ། དེ་སྐད་དུ་ཡང་རྩ་ཤེ་ལས། གང་གི་རྟེན་ཅིང་འབྲེལ་པ་འབྱུང་། འགག་པ་མེད་།།། ཆད་པ་མོད་པ་རྟགས་མེད་པ། འོང་བ་མེད་པ་འགྲོ་མེད་པ། ཐ་དད་དོན་མིན་དོན་གཅིག་མེད། སྤྲོས་པ་ཉེར་ཞི་ཞི་བསྟན་པ། ཞེས་དང་། རྟེན་ཅིང་འབྲེལ་འབྱུང་མ་རྟོགས་པའི། ཆོས་འགའ་ཡོད་པ་མ་ཡིན་ནོ། དེ་ཕྱིར་སྟོང་ཉིད་མ་ཡིན་པའི། ཆོས་འགའ་ཡོད་པ་མ་ཡིན་ནོ། ཞེས་བྱ་བ་ལ་སོགས་པ་ལུང་གི་སྤྲོས་པ་དང་། རྐྱེན་སྔ་བ་ནི་ཡོད་མ་ཡིན། ཞེས་དང་། དངོས་པོ་རྣམས་ཀྱི་རང་བཞིན་ནི་རྐྱེན་ལ་སོགས་པ་ཡོད་མ་ཡིན། བདག་གི་དངོས་པོ་ཡོད་མིན་ན། གཞན་དངོས་ཡོད་བ་མ་ཡིན་ནོ། ཞེས་སོགས་ཀྱི་དོན་ཚིགས་གསལ་དུ་བྱས་པར་གསུངས་པ་སོགས་རིག་པའི་གནས་མང་དུ་ཡོད་མོད་ཀྱི་རྣམ་དཔྱོད་ལྡན་པ་དག་གིས་རྒྱ་ཆེར་སྤྲོས་པས་ཆོག་གོ །བཞི་པ་གནས་སྐབས་གསུམ་གྱི་དབྱེ་བ་བཤད་པ་ལ་གཉིས། མཚམས་སྦྱར་བ་དང་། སོ་སོར་བཤད་པའོ། དང་པོ་ནི་གོང་དུ་བསྟན་པ་ལྟར་དབུ་སེམས་རྣམ་ཤེས་ཀྱི་

(༥༧༢)རྒྱུ་རྐྱེན་གྱི་དབྱེ་བ་ལེགས་པར་བཤད་ནས་དྭ་ནི་སྤྱི་དོན་བཞི་པ་གནས་སྐབས་གསུམ་གྱི་དབྱེ་བ་བཤད་པར་བྱ་སྟེ་དེ་ལ་ཡང་དག་མ་དག་གཉིས་ལྡན་དང་གསུམ་གྱི་སྒོ་ནས་བཤད་པར་བྱའོ། གཉིས་པ་ལ་གསུམ། མ་དག་པའི་གནས་སྐབས། གཉིས་ལྡན་གྱི་གནས་སྐབས། ཤིན་ཏུ་རྣམ་དག་གི་གནས་སྐབས་སོ། དང་པོ་ལ་གསུམ། སྤྱིར་བསྟན་པ། རྒྱས་པར་བཤད་པ། དོན་བསྡུ་བའོ། དང་པོ་ལ་གསུམ། མཚམས་སྦྱར་བ་རྩ་བ་འགྲེལ་པའོ། དང་པོ་ནི། གནས་སྐབས་གསུམ་གྱི་དང་པོ་མ་དག་པའི་གནས་སྐབས་ནི་གཞུང་ཚིགས་སུ་བཅད་པ་གསུམ་གྱི་འཆད་དེ་དེ་ཡང་ཚན་གསུམ་དུ་གནས་པ་ལས་དང་པོར་སྤྱིར་བསྟན་པ་འཆད་པ་ནི་གཞུང་ཚིགས་རྐང་གཉིས་ཡིན་པས་དེ་བཤད་པར་བྱའོ། གཉིས་པ་ནི། དེ་ལྟར་ཆུ་རྐྱེན་རྟེན་འབྲེལ་ལས། འཁོར་འདས་ཆོས་ཀུན་སྣང་བར་འགྱུར། ཞེས་སྨོས་ཏེ། བཤད་པ་དེ་ལྟར་རྒྱུ་དྲུག་དང་རྐྱེན་བཞིས་བསྐྱེད་ནས་རྟེན་འབྲེལ་བཅུ་གཉིས་ལུགས་འབྱུང་བཟློགས་སུ་སྐྱེས་བ་ལས་འཁོར་བའི་ཆོས་དང་ལུགས་འབྱུང་བཟློགས་ཏུ་འགག་པ་ལས་མྱང་འདས་ཀྱི་ཆོས་ཀུན་སྣང་བར་འགྱུར་རོ། གསུམ་པ་ནི། རྟེན་ཅིང་འབྲེལ་པར་འབྱུང་བ་ལུགས་བཟློགས་གི་རྒྱུ་རྐྱེན་ལ་བརྟེན་ནས་འཁོར་འཁོར་བར་འཁོར་བའི་ཆོས་ཀུན་སྣང་བར་འགྱུར་བའི་ཚུལ་ནི་མ་རིག་པའི་རྐྱེན་གྱི་འདུ་བྱེད་ནས་སྐྱེ་བའི་རྐྱེན་གྱི་རྒ་ཤི་འབྱུང་བའི་བར་རྟེན་ཅིང་འབྲེལ་པར་འབྱུང་བ་ལུགས་སུ་འབྱུང་བའི་ཚུལ་གྱི་སྔ་མ་སྔ་མ་ལས་ཕྱི་མ་ཕྱི་མ་འབྱུང་ཞིང་ཡང་རྒ་ཤི་གང་ལས་འབྱུང་སྟེ་སྐྱེ་བ་ལས་བྱུང་བ་ནས་འདུ་བྱེད་གང་ལས་བྱུང་དེ་མ་རིག་པ་ལས་བྱུང་བའི་བར་

(༥༧༣)ནི་འཁོར་བའི་རྟེན་འབྲེལ་ལུགས་ལ་བཟློགས་པ་སྟེ། འབྲས་བུ་གང་དག་རྒྱུ་གང་ལས་བྱུང་བའི་ཚུལ་ནི་འཁོར་བའི་རྟེན་འབྲེལ་ལུགས་འབྱུང་བཟློགས་ཏུ་རྟོགས་བར་བྱེད་པ་ཡིན་ལ། །།།རང་བཞིན་མེད་པར་རྟོགས་ཤིང་གང་འགག་པས་འདུ་བྱེད་འགག་ན་མ་རིག་པ་འགག་པས་འདུ་བྱེད་འགག་པ་ནས་གང་འགག་པས་རྒ་ཤི་འགག་པའི་བར་ནི་རྣམ་བྱང་གི་རྟེན་འབྲེལ་ལུགས་འབྱུང་དང་། །།།འགག་ན་སྐྱེ་བ་འགགས་པས་རྒ་ཤི་འགག་པ་ནས་གང་འགག་པས་འདུ་བྱེད་འགག་ན་མ་རིག་པ་འགག་པས་འདུ་བྱེད་འགག་པའི་བར་ནི་རྣམ་བྱང་གི་རྟེན་འབྲེལ་ལུགས་ལས་བཟློག་བར་རྟོགས་པ་སྟེ་དེ་དག་གི་།།།མངོན་སུམ་དུ་རྟོགས་ཤིང་དེའི་རྒྱུ་མཚན། གོམ་པ་ལས་མི་གནས་པའི་མྱ་ངན་ལས་འདས་པ་ཆེན་པོ་བླ་ན་མེད་པའི་བྱང་ཆུབ་འབྱུང་བ་སྟེ་དེ་ནི་མྱང་འདས་ཀྱི་ཆོས་ཀུན་སྣང་བར་འགྱུར་བའི་ཚུལ་ཡིན་ནོ། །།།གྱི་དངོས་བསྟན་ལ་འཁོར་བའི་རྟེན་འབྲེལ་ལུགས་འབྱུང་དང་མྱང་འདས་ཀྱི་རྟེན་འབྲེལ་ལུགས་བཟློགས་ཏུ་བཤད་པ་ནི་མཐའ་གཅིག་ཏུ་ངེས་བཟུང་མ་ཡིན་གྱི་ཕན་ཚུན་མཚོན་པའི་ཚུལ་དུ་གསུངས་པ་ཡིན་ནོ། དེ་ལྟར་།།།ཚིག་རྐང་པ་གཉིས་པོ་འདི་གནས་སྐབས་གསུམ་ཀའི་སྤྱིར་བསྟན་དུ་སྦྱར་བར་རིག་པ་མ་ཡིན་ནམ། ཅིའི་ཕྱིར་མ་དག་པའི་གནས་སྐབས་ཀྱི་སྤྱིར་བསྟན་ལ་སྦྱར་ཞེ་ན། མྱང་འདས་ཀྱི་ཆོས་ཀུན་འབྱུང་བའི་།།།བསྟན་པའི་ཆ་ནས་གསུམ་ཀའི་སྤྱིར་བསྟན་ལ་སྦྱར་བར་རུང་མདོ་ཀྱང་། རང་འབྲེལ་ཉིད་དུ་མ་དག་པའི་གནས་སྐབས་ལ་སྦྱོར་བའི་དོན་ནི་འཁོར་བ་དང་མྱ་ངན་ལས་འདས་པ་ཐ་དད་པར་སྣང་བ་ནི་།།།འཁྲུལ་པ་དང་མ་

(༥༧༤)བྲལ་བ་དེ་སྲིད་དུ་ཡིན་གྱི། གཉིས་སྣང་ཟད་པར་སྤངས་པ་དེའི་ཚེ་ན་འཁོར་འདས་ཐ་དད་པའི་སྣང་བ་ལྟ་རྨོས་གྱི་ཅི་འཚལ། ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་བྱང་ཆུབ་པའི་ཕྱིར། དག་བའི་སྣང་བ་འབའ་ཞིག་འཆར་གྱི་མ་དག་པའི་སྣང་བ་རྡུལ་ཙམ་ཡང་མི་མངའོ་སྙམས་དུ་དགོངས་ནས་མཛད་པ་སྟེ། མྱ་ངན་ལས་འདས་པ་འབྱུང་བའི་རིམ་པར་བསྟན་པས་གཉིས་ལྡན་གྱི་གནས་སྐབས་དང་མྱང་འདས་ཀྱི་ཆོས་ཀུན་སྣང་བར་བྱང་བས་ཤིན་ཏུ་རྣམ་དག་གི་གནས་སྐབས་བསྟན་པ་དཔལ་རང་བྱུང་གི་ཞལ་སྔ་ཉིད་ནས་བཞེད་དོ། གཉིས་པ་ལ་གསུམ། སྲིད་པ་འགྲུབ་ཚུལ་ཐུན་མོངས་དུ་བསྟན་པ་ཁམས་སུམ་གྱི་ཁྱད་པར་ལས་གསུམ་འབྲས་བུ་དང་བཅས་པ་བཤད་པའོ། དང་པོ་ལ་གསུམ། མཚམས་སྦྱར་བ། སྔ་འགྲེལ་གྱི་སྒོ་ནས་རྒྱས་པར་བཤད་པ། རྩ་ཚིག་བཀོད་པའོ། དང་པོ་ནི། དེ་ལྟར་སྤྱིར་བསྟན་པ་ལུགས་འབྱུང་བཟློགས་མདོར་བསྡུས་པ་དེ་ལས་ཡན་ལག་བཅུ་གཉིས་པོ་རྒྱས་པར་བརྗོད་ན་སྟེ་བཤད་པར་བྱའོ། གཉིས་པ་ནི། ལྷན་གཅིག་སྐྱེས་པའི་མ་རིག་པའི་རྒྱུ་ཅན་རང་ཡུལ་ལ་རྨོངས་ནས་ལས་ཀྱི་ཀུན་སློང་བྱེད་པའི་གཏི་མུག་ནི་འདིར་མ་རིག་པའི་རྟེན་འབྲེལ་ཏེ། དེ་ལྟ་བུའི་མ་རིག་པས་ཀུན་ནས་གསུང་ཏེ་ཟག་པ་དང་བཅས་པའི་ལས་དགེ་བ་དང་མི་དགེ་བ་མངོན་པར་འདུ་བྱེད་པ་ནི་འདིར་འདུ་བྱེད་འདུ་བྱེད་དེའི་བག་ཆགས་ཀྱི་བགོས་པའི་རྐྱེན་དེས་ཡུལ་སོ་སོར་རྣམ་པར་རིག་པའི་ཀུན་གཞི་ནི་རྣམ་པར་ཤེས་པ་སྟེ། འདི་གསུམ་ལ་འཕེན་བྱེད་ཀྱི་ཡན་ལག་གསུམ་ཞེས་བྱ་ཞིང་། དེ་ལས་ཡང་སྲིད་ཕྱི་མ་གྲུབ་མ་ཐག་པའི་མིང་བཞིའི་ཕུང་པོའམ་གཟུགས་དང་བཅས་པ་ཕུང་པོ་ལྔ་འཆར་གྱི་

(༥༧༥)བསྡུས་པའི་ལུས་སུ་གྲུབ་པ་ནི། མིང་དང་གཟུགས་ཀྱི་རྟེན་འབྲེལ་ལོ། དེ་དག་འཕེལ་ཏེ་རྣམ་ཤེས་དྲུག་གི་བདག་རྐྱེན་མིག་ནས་ཡིད་ཀྱི་བར་དབང་པོ་དྲུག་གྲུབ་པ་ནི་སྐྱེ་མཆེད་དྲུག་གོ། འདིར་སྐྱེ་མཆེད་དྲུག་མི་འབྱུང་བ་ནི་ཡི་གེ་པའི་སྐྱོན་གྱི་དབང་ལས་སྟེ་རྟེན་འབྲེལ་ཡན་ལག་བཅུ་གཉིས་ཀྱི་རིམ་པ་ལ་སྐྱེ་མཆེད་ཀྱི་རྟེན་འབྲེལ་མེད་དུ་མི་རུང་ངོ་། དེ་ལས་སྤྲུལ་དབང་རྣམ་ཤེས་གསུམ་འདུས་ནས་ཡུལ་ཡོངས་སུ་སྤྱོད་པ་ནི་རེག་པ་དང་། དེ་ལས་ཡུལ་ཡིད་དུ་འོང་མི་འོང་བར་མ་ལ་སེམ་གདུང་བར་ཅི་རིགས་པར་ཉམས་སུ་མྱོང་བ་ནི་ཚོར་བ་སྟེ། དེ་ཡང་སྔར་ཀུན་འགྲོ་ལྔའི་སྐབས་སུ་བསྟན་པ་ལྟར་འབྱུང་སྟེ། དེ་བཞི་ལ་ནི། འཕངས་པའི་ཡན་ལག་བཞི་ཞེས་བྱ་ལ་ཚོར་བས་རྣམ་སྨིན་ཉམས་སུ་མྱོང་བ་དེའི་ཕྱིར་དེ་ལྟ་བུའི་ཡུལ་ལ་ཕྲད་པ་དང་བྲལ་བར་ཆགས་ཤིང་སྲེད་པ་དང་ཆག་ཡུལ་ཐོབ་པར་འདོད་ཅིང་། དོན་དུ་གཉེར་བས་ཚོར་བའི་རྒྱུ་འཚོལ་བར་ལེན་པ་དང་། དེ་གཉིས་ཀྱི་འཚམས་སྦྱར་བ་ལས་སྲིད་པ་འགྲུབ་བྱེད་ཀྱི་ལས་ནུས་པ་མཐུ་ཅན་ནི། སྲིད་པའི་རྟེན་འབྲེལ་ཏེ། དེ་གསུམ་ལ་འགྲུབ་བྱེད་ཀྱི་ཡན་ལག་གསུམ་ཞེས་བྱའོ། དེ་ལྟར་འཕེན་བྱེད་དང་འགྲུབ་བྱེད་ཀྱི་བསྒྲུབ་པ་སྲིད་ཕྱི་མར་ཉིང་མཚམས་སྦྱར་མ་ཐག་པའི་སྐྱེ་བ་དང་དེའི་ཕུང་པོ་རྒྱུན་གཞན་ནས་གཞན་དུ་འགྱུར་ཞིང་། འཇིགས་པ་ནི་རྒ་ཤི་སྟེ་གཉིས་ལ་གྲུབ་པའི་ཡན་ལག་ཅེས་ཟེར་རོ། གསུམ་པ་ནི། གཞུང་རྩ་བར་རྐང་པ་གཅིག་ལས་མ་གསུངས་ཀྱང་དེ་ནི་མཚོན་པ་སྟེ། འགྲེལ་པའི་དགོངས་པས་ཁ་སྐང་ན། །མ་རིག་འདུ་བྱེད་རྣམ་པར་ཤེས། མིང་གཟུགས་སྐྱེ་མཆེད་རེག་དང་ཚོར། སྲེད་ལེན་འཚམས་སྦྱར་སྲིད་པ་འགྲུབ། སྐྱེ་དང་འགྱུར་ལས་རྒ་ཤིའོ། ཞེས་སྨོས་ཏེ། ལས་

(༥༧༦)ཀྱི་ཀུན་སློང་མ་རིག་པ་དང་ལས་དངོས་འདུ་བྱེད་དང་བག་ཆགས་སོགས་པ་རྣམ་ཤེས་ཏེ་དེ་གསུམ་གྱི་འཕངས་མ་ཐག་པ་མིང་གཟུགས་དང་དེ་འཕེལ་བའི་སྐྱེ་མཆེད་དང་ལུས་ཡོངས་སུ་སྤྱོད་པའི་རེག་པ་དང་ཉམས་སུ་མྱོང་བའི་ཚོར་བ་རྣམས། སྲེད་པ་དང་ལེན་པས་འཚམས་སྦྱར་བ་ལས་སྲིད་པའི་རྟེན་འབྲེལ་འགྲུབ་ཅིང་། དེ་ལས་ཕྱི་མར་སྐྱེ་བ་དང་རྒྱུན་འགྱུར་ཞིང་འཇིགས་པ་ལས། རྒ་ཤི་སྟེ་རྟེན་འབྲེལ་ཡན་ལག་བཅུ་གཉིས་ཀྱི་འཁོར་ལོ་རྒྱུན་མི་འཆད་པར་འཁོར་བ་ནི་སྲིད་པའི་མཐའ་དག་ཏུ་ཁྱབ་པ་སྟེ། དེ་ཡང་ལུགས་འབྱུང་བཟློགས་དུ་འཁོར་བབ་འཁོར་བ་དང་། ལུགས་འབྱུང་བཟློག་ཏུ་འགག་པས་མྱ་ངན་ལས་འདས་པ་འབྱུང་བའི་ཚུལ་ནི་བཤད་ཟིན་པ་བཞིན་ནོ། འདི་དག་ཀྱང་དུས་ཀྱི་འཁོར་ལོའི་དགོངས་པ་དང་བསྟུན་ནས་ཅུང་ཟད་བཤད་ན། མཆོག་ཏུ་མི་འགྱུར་བའི་གཏི་མུག་ཆེན་པོ་ནི་རིག་པ་ཡེ་ཤེས་སྟེ་དེའི་འགལ་ཟླ་མི་མཐུན་ཕྱོགས་སུ་གྱུར་པ་སེམས་ཅན་རྣམས་འཁོར་བར་འཁོར་ཞིང་སྐྱེ་བ་དང་འཆི་བའི་རྒྱུར་གྱུར་པ་འགྱུར་བའི་སྐད་ཅིག་མའོ། དེ་ནི་དུས་གསུམ་གྱི་ཆ་ལས་གྱུར་པས་ན་ཐོག་མ་མེད་པའི་འདོད་ཆགས་ཀྱི་བག་ཆགས་ལས་འདོད་ཆགས་ལ་རབ་ཏུ་འཇུག་སྟེ་འདོད་ཆགས་དེ་དག་ཀྱང་རྣམ་པར་འགྱུར་བའོ། དེ་འགྱུར་བ་ལས་ཆགས་པ་དང་བྲལ་ནས་མངོན་པར་མི་དགའ་བའི་བསམ་པར་འགྱུར་ཏེ་ཞེ་སྡང་ངོ་། ཞེ་སྡང་དེ་དག་ཀྱང་འགྱུར་བས། དེ་རྣམ་པར་གྱུར་པ་ལས་ཆགས་སྡང་གཉིས་ཀ་ལོགས་ནས་གཏི་མུག་པ་ཙམ་དུ་གནས་པའི་ཕྱིར། ཞེ་སྡང་གི་བདག་ཉིད་ནི་བརྒྱལ་བ་སྟེ་གཏི་མུག་གོ །དེ་ལྟ་བུའི་ཆགས་སྡང་རྨོངས་གསུམ་གྱི་བདག་ཉིད་ལ་མ་རིག་པར་གསུངས་པས། འཕོ་བའི་བག་ཆགས་འཁོར་བའི་རྩ་བར་

(༥༧༧)གསུང་བ་དང་གནད་གཅིག་གོ །དེས་ན་སོ་སོ་རང་རིག་པའི་ཡེ་ཤེས་ཀྱི་འགལ་ཟླ་ནི་རང་ངོ་མ་ཤེས་པའི་ཕྱིར་མ་རིག་པ་སྟེ། དེའི་རྩ་བ་ཅན་གྱི་ཡུལ་ལ་རྨོངས་ནས་ཟག་པ་དང་བཅས་བའི་ལས་ཀྱི་ཀུན་སློང་དེ་ནི་འདིར་མ་རིག་པའི་རྟེན་འབྲེལ་ལོ། དེས་ཀུན་ནས་བསླངས་ཏེ་ཟག་བཅས་ཀྱི་ལས་དགེ་བའམ་མི་དགེ་བ་མངོན་པར་འདུ་བྱེད་པས་ན་ཡང་སྲིད་པ་འཕེན་པར་བྱེད་པའི་ལས་ཟག་པ་དང་བཅས་པ་དེ་ནི་འདིར་འདུ་བྱེད་དོ། འདུ་བྱེད་ཀྱི་རྐྱེན་དེས་མངལ་དུ་ཉིང་མཚམས་སྦྱོར་ཞིང་ཡུལ་དྲུག་པོ་སོ་སོར་རྣམ་པར་རིག་ཅིང་དོན་དུ་སྣང་བའི་རྐྱེན་བྱེད་ན་ནི་རྣམ་པར་ཤེས་པ་སྟེ་ལས་ཀྱི་བག་ཆགས་ཀྱི་བསྒོས་པའི་ཀུན་གཞི་ནི་རྣམ་ཤེས་ཀྱི་རྟེན་འབྲེལ་ལོ། དེ་གསུམ་ལ་ཉོན་མོངས་སྤངས་པ་དང་ལས་དང་སྡུག་བསྔལ་དང་པོ་ཆུང་ངུའི་གནས་སྐབས་ཀྱི་ལུས་ངག་ཡིད་གསུམ་སྟེ་ཡེ་ཤེས་རྡོ་རྗེའོ། དེས་འཕངས་པ་ལས་ཡང་སྲིད་པ་ཕྱི་མ་གྲུབ་མ་ཐག་པའི་ཁམས་དྲུག་གི་བདག་ཉིད་ཀྱི་མིང་བཞིའམ་གཟུགས་ཀྱི་ཕུང་པོ་དང་བཅས་པའི་ཕུང་པོ་ལྔ་ནི་མིང་དང་གཟུགས་སོ། དེ་དག་འཕེལ་ཏེ་དབང་པོ་དྲུག་གྲུབ་ཅིང་རྣམ་པར་ཤེས་པ་ཚོགས་དྲུག་གི་བདག་རྐྱེན་རྫོགས་པ་ནི་སྐྱེ་མཆེད་དྲུག་དང་། དེ་ལས་ཡུལ་དབང་རྣམ་ཤེས་གསུམ་འདུས་ནས་ཡོངས་སུ་བཅོད་པ་ནི་རེག་པ་ནི་རེག་པའོ། དེ་གསུམ་ཀྱང་ཉོན་མོངས་པ་དང་ལས་དང་སྡུག་བསྔལ་འབྲིང་པོའི་གནས་སྐབས་ཀྱི་ལུས་ངག་ཡིད་གསུམ་སྟེ་སྐུ་རྡོ་རྗེའོ། དེ་ལས་ཡུལ་ཉམས་སུ་མྱོང་བར་བྱེད་དེ། ཡིད་དུ་འོང་མི་འོང་བར་མ་གསུམ་ལ་སིམ་པ་དང་གདུང་བ་དང་བར་མར་ཉམས་སུ་མྱོང་བ་ནི་ཚོར་བ་གསུམ་མོ། ཚོར་བ་དེ་གསུམ་ལ་བླང་དོར་དུ་ཆགས་ཤིང་སྲེད་པའི་དབང་གི་བདེ་བ་དང་ཕྲད་པར་སྲེད་ལ་སྡུག་བསྔལ་དང་བྲལ་བར་སྲེད་པའི་ཆགས་པ་

(༥༧༨)ནི་སྲེད་པའོ། སྲེད་པ་དེའི་རྐྱེན་གྱི་ཆགས་ཡུལ་ཐོབ་པར་འདོད་ཅིང་དོན་དུ་གཉེར་བས་ཚོར་བ་གསུམ་གྱི་རྒྱུ་འཚོལ་བ་ལ་འདུན་པའི་འདོད་ཆགས་ནི་ཉེ་བར་ལེན་པའོ། དེ་གསུམ་ཀྱང་ཉོན་མོངས་པ་དང་ལས་དང་སྡུག་བསྔལ་ཆེན་པོའི་གནས་སྐབས་ཀྱི་ལུས་ངག་ཡིད་གསུམ་སྟེ་གསུང་རྡོ་རྗེའི། སྲེད་ལེན་དེ་གཉིས་ཀྱི་གསོས་བཏབ་ཅིང་མཚམས་སྦྱར་བ་ལས་སྲིད་ཕྱི་མའི་སྐྱེ་འགྲུབ་བྱེད་ཀྱི་ལས་ནུས་པ་མཐུ་ཅན་ནི་སྲིད་པ་དང་། ལས་དེས་མཚམས་སྦྱར་ནས་ཕྱི་མའི་མིང་གཟུགས་གསར་དུ་གྲུབ་མ་ཐག་པ་ནི་སྐྱེ་སྲིད་དུ་མཚམས་སྦྱར་བའི་རྣམ་སྨིན་གྱི་ཕུང་པོའི་རྒྱུན་གཞན་ནས་གཞན་དུ་འགྱུར་ཞིང་འཇིགས་པའི་རྒྱུན་ཆད་པའི་ཆ་ལས་རྒ་ཤི་སྟེ། དེ་ལྟར་ཉོན་མོངས་པ་དང་ལས་དང་སྡུག་བསྔལ་གསུམ་ཆེན་པོའི་ཆེན་པོའི་གནས་སྐབས་ཀྱི་ལུས་ནག་ཡིད་གསུམ་སྟེ་ཐུགས་རྡོ་རྗེའོ། དེ་ལྟར་ཡན་ལག་བཅུ་གཉིས་སུ་ཕྱེ་བ་དུས་སྦྱོར་བཅུ་གཉིས་དང་། བཅུ་གཉིས་པོ་རྡོ་རྗེ་བཞིར་བསྡུས་པ་དེ་དག་བཞི་པོ་རེ་རེ་འང་གསུམ་གསུམ་གྱི་བདག་ཉིད་མངལ་དང་སྒོ་དང་ཕྱི་རོལ་གྱི་དབྱེ་བས་གནས་ཏེ། འདི་ལྟར་མི་རྣམས་ཀྱི་མངལ་བཟུང་བའི་ཟླ་བ་ནི་མ་རིག་པའི་རྟེན་འབྲེལ་དང་ཆུ་སྲིན་ཏེ་མངལ་ལོ། ཟླ་བ་གཉིས་པ་ནི་འདུ་བྱེད་ཀྱི་རྟེན་འབྲེལ་དང་བུམ་པ་སྟེ་སྒོའོ། གསུམ་པ་ནི་རྣམ་ཤེས་ཀྱི་རྟེན་འབྲེལ་དང་གསུམ་སྟེ་ཕྱི་རོལ་ལོ། དེ་བཞིན་དུ་ལྷག་མ་རྣམས་ལ་ཡང་སྦྱར་ནས་ཤེས་པར་བྱའོ། མདོར་ན། རྡོ་རྗེ་སྙིང་འགྲེལ་ལས། ཤེས་ནས་སླར་ཡང་སྲིད་འགྲོ་སྟེ། དེ་ལས་མ་གཏོག་གོ་གཞན་མེད་དོ། ཇི་ལྟར་མཁན་པོའི་རིག་པར་འགྱུར། མར་ལ་

(༥༧༩)ནི་མར་མེ་བཞིན། ཞེས་གསུངས་པ་ལྟར། ཡན་ལག་བཅུ་གཉིས་པོ་རྒྱུན་མི་འཆད་པར་འཁོར་བའི་དཔེ། མར་མེ་མཁན་པོའི་རིག་པ་ལས་རིག་པ་དང་མར་མེ་ལས་མར་མེ་བཞིན་དུ་སྲིད་པའི་གནས་རྣམས་སུ་སྐྱེ་འགག་རྒྱུན་མི་འཆད་པས་འཁོར་བར་འགྱུར་རོ། ཡན་ལག་བཅུ་གཉིས་ཀྱི་བསྡུ་བ་གཞན་ཡང་། མཛོད་ལས། ཉོན་མོངས་གསུམ་མོ་ལས་གཉིས་པོ། གཞི་བདུན། ཞེས་གསུངས་བ་ལྟར། མ་རིག་པ་དང་སྲེད་ལེན་ནི་ཉོན་མོངས་པ་ཡིན་ལ། འདུ་བྱེད་དང་སྲིད་པ་ནི་ལས་སོ། ལྷག་མ་བདུན་ནི་གཞིའོ། འདིར་སྤྲོས་ནས་བཤད་ན་མཐའ་ཡས་ཀྱང་། མ་སྤྲོས་ཏེ། གཞན་དུ་བཤད་པར་བྱའོ། གཉིས་པ་ཁམས་སུམ་གྱི་འདུ་ཤེས་ཀྱི་ཁྱད་པར་ལ་གསུམ། མཚམས་སྦྱར། རྩ་བ། འགྲེལ་པའོ། དང་པོ་ནི། བཤད་མ་ཐག་པའི་རྟེན་འབྲེལ་ཡན་ལག་བཅུ་གཉིས་སུ་འཁོར་བའི་སྲིད་པ་དེ་ཡང་ཁམས་གསུམ་གྱི་བསྡུས་པའི་སྲིད་པ་རྣམ་པ་གསུམ་ཡིན་པའི་ཕྱིར་དེ་གསུམ་གྱི་ཁྱད་པར་བཤད་པར་བྱའོ། གཉིས་པ་ནི། གཟུགས་མེད་གཟུགས་ཁམས་འདོད་པའི་ཁམས། རིམ་བཞིན་ཡུལ་ལ་མཚན་འཛིན་པ། ཆུང་དང་འབྲིང་དང་ཆེན་པོ་ཡིན། ཞེས་གསུངས་སོ། སྲིད་པ་དང་འདུ་ཤེས་གསུམ་རིམ་པ་བཞིན་སྦྱར་ན། གཟུགས་མེད་ཀྱི་སྲིད་པ་ནི་ཡུལ་ལ་མཚན་འཛིན་ཆུང་ངུ་དང་གཟུགས་ཁམས་ཀྱི་སྲིད་པ་ནི་འབྲིང་དང་འདོད་པའི་ཁམས་ཀྱི་སྲིད་པ་ནི་མཚན་འཛིན་ཆེན་པོ་ཡིན་ནོ། གསུམ་པ་ནི། གཟུགས་མེད་པའི་ཁམས་ཀྱི་སྲིད་པ་བཞི་ནི། འདོད་པའི་ཁམས་དང་གཟུགས་ཀྱི་སྣང་བ་དང་ཐོག་པ་མཐའ་དག་བཀག་པའི་ཕྱིར་ཕྱི་རོལ་གྱི་ཡུལ་ལ་མཚན་མར་འཛིན་པ་ཆུང་ངུ་དང་། གཟུགས་ཁམས་ཀྱི་སྲིད་པ་བཅུ་དྲུག་

(༥༨༠)ནི་འདོད་པའི་འདོད་ཆགས་དང་བྲལ་ལ་བསྟན་ནམ་བཞིའི་ཏིང་ངེ་འཛིན་གྱིས་མཐུས་བསྐྱེད་པའི་གཟུགས་སྣང་དང་བཅས་པའི་ཕྱིར་ཕུལ་ལ་མཚན་མར་འཛིན་པ་འབྲིང་དང་། འདོད་པའི་ཡོན་ཏན་ལ་ཆགས་པས་འདོད་པའི་ཁམས་སྟེ་དེའི་སྲིད་པ་བཅུ་གཅིག་གི་ནི་དགེ་མི་དགེའི་རྟོག་པ་ཐམས་ཅད་དང་ལྡན་པའི་ཕྱིར་ཡུལ་ལ་མཚན་མར་འཛིན་པ་ཆེན་པོ་དང་ལྡན་པ་ཡིན་ནོ། དེ་ལྟར་ན། མངོན་པ་ཀུན་ལས་བཏུས་པ་ལས། འདུ་ཤེས་ནི་རྣམ་པ་གསུམ་སྟེ། རྒྱ་ཆུང་ངུའི་འདུ་ཤེས་དང་། རྒྱ་ཆེན་པོའི་འདུ་ཤེས་དང་། ཚད་མེད་པའི་འདུ་ཤེས་སོ། ཞེས་གསུང་པ་དང་ཅིའི་ཕྱིར་མི་འགལ། འདུ་ཤེས་ནི། མཚན་མར་འཛིན་པའི་བདག་ཉིད་དོ། ཞེས་འདུ་ཤེས་ཀྱི་ངོ་བོ་མཚན་འཛིན་དུ་གསུང་ལ་ཀུན་ལས་བཏུས་ཀྱི་ལུང་དེས་འདོད་པ་དང་། རྒྱ་ཆུང་ངུའི་འདུ་ཤེས་སྦྱར། གཟུགས་དང་རྒྱ་ཆེན་པོའི་འདུ་ཤེས་སྦྱར། གཟུགས་མེད་དང་ཚད་མེད་པའི་འདུ་ཤེས་སྦྱར་ནས་བསྟན་པས། འདིར་ཡང་འདོད་པར་མཚོན་ཆུང་ངུ་དང་། གཟུགས་སུ་འབྲིང་དང་། གཟུགས་མེད་དུ་མཚན་འཛིན་ཆེན་པོར་འཆད་དགོས་པ་མ་ཡིན་ནམ་ཞེ་ན། ཀུན་ལས་བསྡུས་ཀྱི་ལུང་དེ་ནི། མཚན་འཛིན་ཆེ་འབྲིང་ཆུང་གསུམ་གྱི་དབང་དུ་མཛད་བ་ཡིན་གྱི་ཡིད་གཙོ་ཆེ་ཆུང་གི་དབང་དུ་མཛད་པ་སྟེ། དེ་ཡང་གཟུགས་མེད་ན་ཀུན་གཞི་ཉོན་ཡིད་དྲུག་ཡིད་གསུམ་ལས་མེད་པས་ཚད་མེད་པའི་འདུ་ཤེས་དང་། གཟུགས་ཁམས་སུ་བསྟན་ཀྱི་མཐུས་འདོད་པའི་ཤེས་པ་ལས་རྒྱ་ཆེ་བ་ལ་འཇུག་པས་རྒྱ་ཆེན་པོའི་འདུ་ཤེས་དང་། འདོད་པ་ན་ནི། དེ་དག་ལས་ཤེས་རབ་ཀྱི་སྣང་བ་རྒྱ་ཆུང་བའི་དབང་དུ་མཛད་ནས་རྒྱ་ཆུང་ངུའི་འདུ་ཤེས་སུ་གསུངས་པ་ཡིན་ནོ། གསུམ་པ་ལ་གསུམ། འབྲས་བུ་

(༥༨༡)དང་བཅས་བཤད་པ་ལ་གཉིས། རྒྱུའི་ཁྱད་པར་དང་། འབྲས་བུའི་ཁྱད་པར་རོ། དང་པ་ལ་གཉིས། རྩ་བའི་ཚིག་དོན་སྔ་འགྲེལ་གྱི་སྒོ་ནས་བཤད་པ་དང་། རྩ་བ་འགོད་པའོ། དང་པོ་ནི། ཁམས་སུམ་པོ་ཐམས་ཅད་ཀྱང་རང་གི་སེམས་ཀྱི་གནས་ལུགས་སྤྲོས་པ་དང་བྲལ་བའི་དེ་ཁོ་ན་ཉིད་མ་རྟོགས་པས་ཡིད་དུ་འོང་བ་ལ་བླང་བར་འདོད་པ་དང་ཡིད་དུ་མི་འོང་བ་ལ་ དོགས་བར་འདོད་པའི་ཚུལ་བཞིན་མ་ཡིན་པ ་ཡིད་ལ་བྱེད་པའི་རྟོགས་པས་བསྐྱེད་ནས་འདོད་ཁམས་ཀྱི་དགེ་བ་དང་མི་དགེ་བ་དང་དེ་གཉིས་གང་དུ་ཡང་ལུང་དུ་མ་བསྟན་པ་མི་གཡོ་བའི་ལས་ཏེ་དེ་གསུམ་གྱི་མངོན་པར་འདུ་བྱས་པས་ཁམས་གསུམ་གྱི་སྲིད་པ་འགྲུབ་པས་རྒྱུ་མཚན་དེའི་ཕྱིར་ཐམས་ཅད་ཅེས་བྱ་བ་ལ་སོགས་པའི་གཞུང་སྨོས་པ་ཡིན་ནོ། གཉིས་པ་ནི། ཐམས་ཅད་བླང་དོར་རྟོགས་པ་ཡིད། དགེ་དང་མི་དགེ་ལུང་མ་བསྟན། རྣམ་གསུམ་འདུ་བྱེད་རྐྱེན་ལས་ནི། ཞེས་གསུངས་སྟེ། སྲིད་པ་གསུམ་པོ་ཐམས་ཅད་ཀྱང་བླང་དོར་དུ་རྟོག་པའི་ཚུལ་མིན་ཡིད་བྱེད་ཀྱི་བསྐྱེད་ནས་འདོད་པའི་དགེ་མི་དགེ་དང་དེ་དག་གང་དུ་མ་བསྟན་སྙོམས་འཇུག་གི་ལས་ཏེ་རྣམ་པ་གསུམ་པོ་ཅི་རིགས་པ་འདུ་བྱེད་པའི་རྐྱེན་ལས་ནི་སྲིད་པ་དེ་དག་འཕེན་པའོ། གཉིས་པ་འབྲས་བུའི་ཁྱད་པར་ལ་གསུམ། མཚམས་སྦྱར་བ། རྩ་བ། འགྲེལ་པའོ། དང་པོ་ནི། ཐམས་ཅད་ཀྱང་ཞེས་པ་ནས་རྐྱེན་ལས་ནི་ཞེས་པའི་བར་གྱི་སྲིད་པ་གསུམ་གྱི་བའི་ཁྱད་པར་བརྗོད་པ་ལས་གསུམ་པོ་དེའི་འབྲས་བུའི་ཁྱད་པར་ཇི་ལྟ་བུ་ཞེ་ན་བཤད་པར་བྱའོ། གཉིས་པ་ནི། བདེ་སྡུག་སྙོམས་འཇུག་བཅས་པ་ཡིས། འབྲས་བུ་སྐྱེ་བ་ཉོན་མོངས་ཅན། ཞེས་སྨོས་ཏེ། ཞེས་སྨོས་ཏེ། དེའི་

(༥༨༢)རྒྱུ་རྐྱེན་ལས་འབྲས་བུ་སྐྱེ་བའི་སྲིད་པ་ཉོན་མོངས་པ་ཅན་གསུམ་སོ་སོར་འབྱུང་སྟེ། འདོད་པའི་དགེ་བ་ལས་བདེ་བ་དང་བཅས་པ་འདོད་པའི་བདེ་འགྲོ་གསུམ་དང་། མི་དགེ་བ་ལས་སྡུག་བསྔལ་དང་བཅས་པ་ངན་འགྲོ་གཉིས་དང་། མི་གཡོ་བའི་ལས་ལས་སྙོམས་འཇུག་དང་བཅས་པ་ཁམས་གོང་མའི་མ་གསུམ་འབྱུང་བའོ། གསུམ་པ་ལ་བསྟན་བཤད་གཉིས་ལས། དང་པོ་ནི། སྔར་བཤད་པའི་ལས་གསུམ་པོ་དེ་དག་སོ་སོའི་འབྲས་བུའི་ཁྱད་པར་འདོད་པའི་སས་བསྡུས་པའི་དགེ་བ་བཅུའི་ལས་ཀྱི་བསྐྱེད་པ་ནི་འདོད་པ་ཁམས་ཀྱི་བདེ་འགྲོ་སྟེ། དེ་ཡང་། དགེ་བའི་ལས་མཐུ་ཆུང་ངུས་བསྐྱེད་པའི་འབྲས་བུ་ནི་འབྲས་བུ་བདེ་བ་ཆུང་ངུ་དང་ལྡན་པ་མི་དང་བཅས་པའི་ལས་མཐུ་འབྲིང་གི་བསྐྱེད་པའི་འབྲས་བུ་ནི་བདེ་བ་འབྲིང་དང་ལྡན་པ་ལྷ་མ་ཡིན་དང་། དགེ་བའི་ལས་མཐུ་ཆེན་པོ་ནས་བསྐྱེད་པའི་འབྲས་བུ་ནི་བདེ་བ་ཆེན་པོ་དང་ལྷའོ། རྒྱུ་མི་དགེ་བ་བཅུའི་ལས་།།།བསྐྱེད་པའི་འབྲས་བུ་སྡུག་བསྔལ་ཅན་ནི་ངན་སོང་གསུམ་སྟེ། དེ་ཡང་མི་དགེ་བ་བཅུ་ཆུང་ངུས་བསྐྱེད་པ་ནི་དུད་འགྲོ་དང་། འབྲིང་གི་བསྐྱེད་པ་ནི་ཡི་དག་དང་། ཆེན་པོས་བསྐྱེད་པ་ནི་དམྱལ་བའོ། རྒྱུ་འབྲས་གཉིས་ཀ་།།།པར་ལུང་དུ་མ་བསྟན་པ་སྙོམས་པར་འཇུག་པ་དང་བཅས་པ་བསམ་གཏན་གཟུགས་མེད་ཀྱི་ཏིང་ངེ་འཛིན་དག་པ་བས་བསྐྱེད་པའི་འབྲས་བུ་ནི་ཁམས་གོང་མ་གཉིས་སྟེ། དེ་ཡང་བསམ་གཏན་བཞིའི་ཏིང་ངེ་འཛིན་ཤེས་རབ་དང་བྲལ་བས་བསྐྱེད་པ་།།།གཟུགས་ཁམས་ཀྱི་སོ་སྐྱེའི་གནས་ཀྱི་ལས་སོ། གཟུགས་ཁམས་ལ་ནང་སེལ་དུ་གནས་རིག་བཅུ་དྲུག་ཡོད་པས་དེ་དག་སོ་སོའི་རྒྱུ་འབྲས་ནི། བསམ་གཏན་དང་བོའི་ཏིང་ངེ་འཛིན་ཆུང་འབྲིང་ཆེན་པོ་གསུམ་གྱི་རྒྱུད་ལས། དེའི་

(༥༨༣)གནས་ཚངས་རིགས་དང་ཚངས་འདུན་དང་ཚངས་ཆེན་དུ་སྐྱེ་ལ། གཉིས་པའི་ཏིང་ངེ་འཛིན་གསུམ་གྱི་རྒྱུད་ལས་དེའི་གནས་འོད་ཆུང་འོད་གསལ་ཚད་མེད་འོད། གསུམ་པའི་ཏིང་ངེ་འཛིན་གསུམ་གྱི་རྒྱུ་ལས་དགེ་ཆུང་དགེ་རྒྱས་ཚད་མེད་དགེ་དང་། བཞི་པའི་ཏིང་ངེ་འཛིན་དག་པ་བ་ཆུང་འབྲིང་ཆེ་གསུམ་གྱི་རྒྱུ་ལས་དེའི་གནས་སྤྲིན་མེད་སྐྱེས་བསོད་ནམས་སྐྱེས་འབྲས་བུ་ཆེ་རྣམས་སུ་སྐྱེ་ཞིང་། བཞི་པའི་ཏིང་ངེ་འཛིན་དེ་ཉིད་ཟག་པ་མེད་པའི་ལམ་སྤེལ་བར་བསྒོམ་པས་བསམ་གཏན་བཞི་པའི་གནས་གོང་མ་བཞིར་སྐྱེ་སྟེ། དེ་ཡང་སྤོམ་སྒོ་ཆུང་ངུ་འབྲིང་ཆེན་པོ་ཤིན་ཏུ་ཆེན་པོ་སྟེ་བཞིའི་བྱེ་བྲག་གི་མི་ཆེ་བ། མི་གདུང་པ། ཤིན་ཏུ་མཐོ་འོག་མིན་ཏེ་འཕགས་པའི་གནས་བཞིར་སྐྱེ་བ་ཡིན་ནོ། གཟུགས་མེད་པའི་ཏིང་ངེ་འཛིན་བཞི་ཤེས་རབ་དང་བྲལ་པའི་རྒྱུ་ལས་གཟུགས་མེད་པའི་ཁམས་མུ་བཞིར་སྐྱེ་བ་སྟེ། དེའི་ཚུལ་ཡང་། ནམ་མཁའི་ཏིང་ངེ་འཛིན་གྱི་ནམ་མཁའ་ལས་ཀྱི་ལྷ་དང་། རྣམ་ཤེས་ཀྱི་ཏིང་ངེ་འཛིན་གྱི་རྣམ་ཤེས་མཐའ་ཡས་ཀྱི་ལྷ་དང་། ཅི་ཡང་མེད་པའི་ཏིང་ངེ་འཛིན་གྱི་ཅི་ཡང་སྐྱེ་མཆེད་ཀྱི་ལྷ་དང་། སྲིད་རྩེའི་ཏིང་ངེ་འཛིན་གྱི་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་ལྷ་སྐྱེ་བར་འགྱུར་ཏེ། དེ་ཡང་བསམ་གཏན་བཞི་དང་གཟུགས་མེད་བཞི་པོ་དེ་དག་སོ་སོའི་ཉེར་བསྡོགས་ཀྱི་འཕེན་བྱེད་དང་དངོས་གཞིས་འགྲུབ་བྱེད་ཀྱི་ལས་བྱས་པ་ལས་གནས་དེ་དང་དེའི་སྐྱེ་བ་འཕེན་ཞིང་འགྲུབ་པར་བྱེད་པ་ཡིན་ནོ། གཉིས་པ་ནི། ཁམས་སུམ་པོ་དེར་ལས་དང་ཉོན་མོངས་པའི་དབང་གི་སྐྱེས་པའི་འགྲོ་བ་ཐམས་ཅད་ཀྱང་ཉོན་མོངས་པ་ཅན་གྱི་ཡིད་དང་མ་བྲལ་བས་ཉོན་ཡིད་དེའི་དབང་གི་ལས་མངོན་པར་འདུ་བྱེད་པ་ཡིན་ནོ། གསུམ་པ་དོན་བསྡུ་པ། སྦྱར་རྩ་འགྲེལ་གསུམ་ཡོད་ཀྱང་ལྷན་གཅིག་ཏུ་བཤད་ན། རྩ་བ་ནི། སེམས་

(༥༨༤)ཉིད་མ་དག་གནས་སྐབས་ཡིན། ཞེས་གསུངས་སྟེ། ཁམས་གསུམ་གྱི་ལས་ཉོན་གྱི་སྐྱེ་བ་ཐམས་ཅད་མ་བྲལ་བའི་སྐྱེ་བ་ཡིན་པ་དེས་ན་དེ་ནི་སེམས་ཉིད་དྲི་མས་མ་དག་པའི་གནས་སྐབས་ཡིན་ནོ། ཞེས་དྲི་མ་མཐའ་དག་དང་བཅས་པ་མ་དག་པའི་གནས་སྐབས་བསྡུས་ཏེ་བརྗོད་པར་བྱས་པའོ། གཉིས་པ་གཉིས་ལྡན་གྱི་གནས་སྐབས་ལ་གསུམ། མཚམས་སྦྱར་བ། རྩ་བ། འགྲེལ་པའོ། དང་པོ་ནི། སྤྱི་དོན་གཉིས་པ་དྲི་མའི་ཕྱོགས་གཅིག་གི་དག་པ་དང་མ་ལུས་པར་མ་དག་པ་སྟེ་དག་མ་དག་གཉིས་ཀ་དང་ལྡན་པའི་གནས་སྐབས་ཀྱི་གཞུང་ནི་འདིར་འཆད་དོ། གཉིས་པ་ནི། དྲི་མ་དེ་ཉིད་བློ་བུར་བར། ཤེས་ནས་ཐབས་དང་བཅས་སྦྱོང་བར། ལམ་པ་ཞེས་བྱ་རྒྱལ་བས་གསུང་། ཞེས་པའི་གཞུང་སྟེ། དྲི་མ་དེ་ཉིད་བྲལ་རུང་གི་བློ་བུར་བར་ཤེས་ནས་སྦྱོང་བྱེད་ཀྱི་ཐབས་དང་བཅས་པས་སྦྱོང་བའི་སྐབས་སུ་ལམ་པ་ཞེས་བྱ་བར་རྒྱལ་བས་གསུངས་པ་ཡིན་ནོ། འདིར་བློ་བུར་བའི་དོན་ནི་འབྲལ་དུ་རུང་བ་ལ་བྱའི། གསར་དུ་བྱུང་བ་ལ་དེའི་དོན་དུ་མི་བཟུང་སྟེ། ལྷན་སྐྱེས་ཀྱི་མ་རིག་པ་དེ་བློ་བུར་བ་ཡིན་ཀྱང་གསར་དུ་བྱུང་བ་མ་ཡིན་པས་སོ། གསུམ་པ་ནི། སྔར་ཚོགས་བརྒྱད་འཆད་པའི་སྐབས་སུ་བསྟན་པ་ལྟར་སྤང་བྱའི་སྒྲིབ་པ་དེ་ཉིད་གཉེན་པོའི་སྟོབས་ཀྱི་སེམས་དང་འབྲལ་དུ་རུང་བས་བློ་བུར་བར་ཤེས་ནས་ཚོགས་མ་ཆུང་འབྲིང་ཆེ་གསུམ་དུ་དྲན་ཉེ་ཡང་སྤོང་། རྫུ་འཕྲུལ་རྐང་པ་རྣམས་ལ་ནང་སེལ་དུ་བཞི་བཞི་སྟེ་ཆོས་བཞི་གསུམ་བཅུ་གཉིས་སྦྱོང་སྟེ། སྦྱོར་ལམ་དྲོད་རྩེར་དབང་པོ་ལྔ་དང་། བཟོད་མཆོག་ཏུ་སྟོབས་ལྔ་

(༥༨༥)ལ་གོམས་པར་བྱས་ནས། མཐོང་ལམ་དུ་བྱང་ལག་བདུན་མངོན་སུམ་དུ་རྟོགས་ཏེ། བསྒོམ་ལམ་དུ་འཕགས་ལམ་ཡན་ལག་བརྒྱད་རྒྱུན་ཆགས་སུ་སྒོམ་པ་སོགས་ཕར་ཕྱིན་ཐེག་པ་ལས་འབྱུང་བ་ལྟ་བུའི་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་བཅུ་རྩ་བདུན་གྱི་ཉམས་ལེན་ལ་བརྟེན་པ་དང་། རྒྱུད་སྡེ་རྣམས་ལས་གསུངས་པ་ལྟར་དབང་གི་རྒྱུད་སྨིན་པར་བྱས་ནས་གྲོལ་བྱེད་ཀྱི་ལམ་སྐྱེད་རྫོགས་ཀྱི་ཐབས་ཀྱི་ཁྱད་པར་གྱི་བློ་བུར་བའི་སྒྲིབ་པ་དེ་སྦྱོང་བ་ལ་ཞུགས་པ་ཐེག་པ་ཆེན་པོའི་ཚོགས་ཀྱི་ལམ་ནས་སྦྱོར་མཐོང་སོགས་རིམ་གྱི་བགྲོད་དེ་ས་བཅུ་རྒྱུན་མཐའི་བར་དུ་སྒྲིབ་པ་མཐའ་དག་གི་མ་དག་པ་དང་ཕྱོགས་རེ་བས་དག་བ་སྟེ་གཉིས་ཀ་དང་ལྡན་པའི་གནས་སྐབས་སློབ་ལམ་ལ་གནས་པར་བརྗོད་པ་ཡིན་ནོ། འདིར་དངོས་བསྟན་ལ་ཕར་ཕྱིན་ཐེག་པར་བྱང་ཕྱོགས་སོ་བདུན་གྱི་ལམ་གྱི་སྒྲིབ་པ་སྦྱོང་བ་དང་། རྡོ་རྗེ་ཐེག་པར་བསྐྱེད་རྫོགས་ཀྱི་ལམ་གྱི་སྒྲིབ་པ་སྦྱོང་བར་གསུངས་པས་རྒྱུ་འབྲས་ཀྱི་ཐ་དད་པར་གསུངས་པ་ལྟར་སྣང་ཡང་། དེ་ནི་གཞུང་གང་དང་གང་ལས་བཤད་ཚུལ་གཙོ་ཆེ་ཆུང་གི་དབང་དུ་མཛད་པ་ཡིན་གྱི། དོན་ལ་སྤྱིར་བྱང་ཆུབ་ཏུ་བགྲོད་པར་བྱེད་པའི་ལམ་དང་བགྲོད་པར་བྱ་བའི་ལམ་མ་ལུས་པ་བྱང་ཕྱོགས་སོ་བདུན་དུ་འདུས་ཤིང་། ཁྱད་པར་དུ་བླ་ན་མེད་པའི་བྱང་ཆུབ་ཆེན་པོར་བགྲོད་པར་བྱེད་པའི་ལམ་ནི་བྱང་ཕྱོགས་སོ་བདུན་ཁོ་ན་ཡིན་པར་མདོ་སྔགས་དགོངས་པ་གཅིག་པར་ཤེས་དགོས་པས་དེ་དག་ཉམས་སུ་ལེན་ཚུལ་གྱི་རྣམ་པར་དབྱེ་བ་རྒྱལ་བའི་དབང་པོའི་བཞེད་པ་བཞིན་དུ་བཤད་པར་བྱའོ། དེ་ལ་མདོ་སྔགས་གཉིས་ཀའི་ལམ་གྱི་དང་པོ་ནི་བྱང་ཆུབ་ཀྱི་ཕྱོགས་མཐུན་པའི་ཆོས་སུམ་བཅུ་སོ་བདུན་པོ་ཉིད་ཡིན་ལ། དེ་དག་

(༥༨༦)ཉམས་སུ་ལེན་པའི་ཚུལ་ཟབ་པ་དང་མི་ཟབ་པའི་དབང་ལས་ལམ་མྱུར་བུལ་ཁྱད་ཞུགས་པ་ཡིན་ནོ། དེ་ཡང་གསང་སྔགས་སྔ་འགྱུར་གྱི་ཆོས་སྐད་ལ། གཞི་སྤོང་བའི་ལམ། གཞི་སྒྱུར་བའི་ལམ། གཞི་ངོ་བོ་ཉིད་ཀྱི་ལམ། ཞེས་གསུངས་པ་བླ་མེད་སྤྱིའི་སྐད་ལ་ཁས་བླང་བར་བྱ་དགོས་པས། དང་པོ་ནི། ཕ་རོལ་ཏུ་ཕྱིན་པ་དང་། ཐུན་མོང་བའི་ལམ་ཡིན་ཞིང་། གཉིས་པ་ནི། བསྐྱེད་རིམས་དང་ཐུན་མོང་བ་ཡིན་པ། གསུམ་པ་ནི། རྫོགས་རིམ་གྱི་ཐུན་མོང་མ་ཡིན་པའི་ལམ་མོ། དེ་དག་ཚོགས་ལམ་ཆུང་ངུའི་མངོན་རྟོགས་དྲན་པ་ཉེར་བཞག་བཞི་ལ་སྦྱར་ནས་བཤད་ན། དང་པོ་སྤོང་བའི་ལམ་གྱི་དྲན་པ་ཉེར་བཞག་བཞི་སྒོམ་པའི་ཚུལ་ནི། ཕ་རོལ་ཏུ་ཕྱིན་པའི་ཕྱོགས་ལས། ལུས་ཚོགས་སེམས་དང་ཆོས་རྣམས་ལ། མཚན་ཉིད་གཉིས་སུ་ཡོངས་རྟགས་ནས། དྲན་པ་ཉེ་བར་གཞག་པ་བསྒོམ། ཞེས་འབྱུང་བའི་མཚན་ཉིད་གཉིས་ནི། རང་གི་མཚན་ཉིད་དང་། སྤྱིའི་མཚན་ཉིད་དོ། དེ་ལ་དང་པོ་ནི། ལུས་རང་གི་མཚན་ཉིད་མི་གཙང་བ། ཚོར་བ་རང་གི་མཚན་ཉིད་སྡུག་བསྔལ་བ། སེམས་རང་གི་མཚན་ཉིད་མི་རྟགས་པ། ཆོས་རང་གི་མཚན་ཉིད་སྣང་བ་ལྟར་མ་གྲུབ་པའོ་བྱ་བ་ནི། དེ་བཞི་ཀའང་། ཉན་ཐོས་ཀྱི་གང་ཟག་གི་བདག་མེད་དང་། རང་སངས་རྒྱས་ཀྱི་བཟུང་བ་ཆོས་ཀྱི་བདག་མེད་དང་། བྱང་སེམས་ཀྱི་འཛིན་པ་ཆོས་ཀྱི་བདག་མེད་དུ་བསྒོམ་པ་སྟེ། དེ་ཡང་། རིམ་པ་བཞིན། ལུས་གཙང་པར་འཛིན་པ་དང་། ཚོར་བ་བདེ་བར་འཛིན་པ་དང་། སེམས་རྟགས་བར་འཛིན་པ་དང་། ཆོས་སྣང་བདེན་དུ་འཛིན་པའི་གཉེན་པོར་རང་གི་མཚན་ཉིད་བཞི་ལ་སོ་སོར་བརྟགས་ཏེ་བསྒོམ་ནས། སྤྱིའི་མཚན་ཉིད་ཐེག་པ་

(༥༨༧)རང་གི་ལྟ་བས་རྒྱས་འདེབ་པ་ཡིན་ནོ། འདི་ལ་ནི་སྤང་བ་ལམ་བྱེད་ཅེས་བྱ་སྟེ། སྤང་བྱ་དང་འཛིན་སྟངས་འགལ་བའི་གཉེན་པོ་མངོན་དུ་བྱས་ནས་སྤང་བྱ་དེ་སུན་འབྱིན་པའི་ཚུལ་དུ་སྤོང་བས་སོ། རྡོ་རྗེ་ཐེག་པ་ལས་ནི་སྤང་བྱ་སྤོང་བའི་ཐབས་མང་པོ་གསུང་བས་ལམ་འདི་ཡང་། ཐུན་མོང་དུ་ཉམས་སུ་ལེན་མདོ་ཀྱང་ཤིན་ཏུ་མྱུར་བའི་ལམ་དུ་མི་བཞེད་དོ། གཉིས་པ་གཞི་བསྒྱུར་བའི་ལམ་གྱི་དྲན་ཉེ་ཉམས་སུ་ལེན་པའི་ཚུལ་ལ། སྤང་ལམ་དེ་དག་ལམ་གྱི་སྟོག་སམ་རིང་བའི་རྒྱུར་བསྒོམ་ནས་དེ་བས་ཆོས་ཉེ་བའི་དྲན་པ་ཉེར་བཞག་བཞི་བསྒོམ་པར་མཛོད། དེ་ཡང་སྔར་གྱི་སྤང་བྱ་དེ་དག་ལ། ལུས་མི་གཙང་བའི་རང་བཞིན་ཡིན་པ་ལ་གཙང་བར་འཛིན་པའི་རྣམ་རྟོག་དང་། དེ་བཞིན་དུ། ཚོར་བ་ལ་བདེ་བར་འཛིན་པ་དང་། སེམས་ལ་རྟགས་འཛིན། ཆོས་ལ་སྣང་བདེན་དུ་འཛིན་པ་དེ་རྣམས་འབྱུང་བའི་རྒྱུ་གང་ཡིན་སྙམ་དུ་བརྟགས་ན། དེའི་རྒྱུ་ནི་སེམས་ཀྱི་སྣང་བ་ཙམ་སྟེ། དེ་ལྟར་སེམས་ལ་སྣང་བའི་དོན་ཀྱང་། སེམས་ནི་ཁུ་རྡུལ་རླུང་གསུམ་གྱི་བདག་ཉིད་ཅན་ཡིན་ལ། དེ་ཡང་རྟེན་འབྱུང་བས་དབང་བྱས་པར་གནས་པས། དེ་གཉིས་ཕན་ཚུན་གཅིག་གི་གཅིག་བསྐྱོད་པར་སྣང་བའི་དབང་ལས་རྩ་རླུང་ཐིག་ལེ་གསུམ་གྱི་རྣམ་པ་ཅན་དུ་འགྱུར་བ་སྟེ། དེའི་ཕྱིར་རྩ་རླུང་ཐིག་ལེའི་གནད་འཆིང་བའི་ཐབས་ནི་ལམ་རྣམས་ཀྱི་ནང་ནས་མཆོག་གོ། དེ་དག་བསྐྱེད་རིམས་དང་སྦྱར་ན། ལུས་མི་གཙང་བ་ལ་གཙང་བར་སྒྲོ་འདོགས་པ་ལ་སོགས་པ་དེ་ནི་ཐ་མལ་པའི་རྣམ་རྟོགས་ཡིན་ལ། དེ་སྦྱོང་བའི་ཕྱིར་དུ་ལྷ་ཞལ་ཕྱག་གི་རྣམ་པ་ཅན་སྒོམ་པ་སྟེ། གུར་

(༥༨༨)ལས། ཐ་མལ་རྣམ་རྟོག་གཞོམ་དོན་དུ། སྒོམ་པ་ཡང་དག་སྒོམ་པར་བྱ། ཞེས་གསུངས་པ་བཞིན་ནོ། དེ་ཡང་བདེ་མཆོག་ལྟ་བུ་ལ་མཚོན་ན། ངེས་བརྗོད་བླ་མ་ལས་།།།ཉེ་བར་བཞག་བ་ནི་མཁའ་འགྲོ་མའོ། ཚོར་བ་དྲན་པ་ཉེ་བར་གཞག་པ་ནི་ལ་མའོ། ཆོས་དྲན་པ་ཉེ་བར་བཞག་པ་ནི་དུམ་སྐྱེས་མའོ། སེམས་དྲན་པ་ཉེ་བར་བཞག་པ་ནི་གཟུགས་།།། ཞེས་གསུངས་པ་ལྟར། མཁའ་འགྲོ་མ་ལ་སོགས་པ་སྙིང་པོའི་རྣལ་འབྱོར་མ་བཞི་པོ་སྒོམ་པ་ནི་དྲན་པ་ཉེར་བཞག་བཞི་སྒོམ་པ་ཡིན་པས་མཁའ་འགྲོ་མའི་ས་བོན་ལམ་ཡིག་གི་གདངས་ལ་སེམས་བཟུང་བས་ལུས་མི་གཙང་བ་ལ་།།།འཛིན་པའི་རྟོགས་པ་དང་དབྱེར་མི་ཕྱེད་པའི་རླུང་དེ་འཆིང་དེ་འཆིང་ཞིང་། དེ་ནས་ཡི་གེའི་གཟུགས་དང་ཁ་དོག་སོགས་བསྒོམ་པས་ཐིག་ལེ་འཆིང་ལ། དེ་ལས་སྐུའི་རྣམ་པར་ཤར་བ་སྣང་ལ་རང་བཞིན་མེད་པ་།།།གཟུང་བས་རྩ་འཆིང་བར་ནུས་པ་ཡིན་པས། ཕྱིན་ཅི་ལོག་ཏུ་སྒྲོ་འདོགས་པ་དེ་དག་གིས་གཉེན་པོར་འགྱུར་བ་ཡིན་ནོ། ལྷའི་རྣལ་འབྱོར་དང་སྒྲོ་འདོགས་དེ་དག་འཛིན་སྟངས་དངོས་སུ་འགལ་བ་མེད་པའི་།།། དེ་གཉིས་ཡང་གཉེན་དུ་ཇི་ལྟར་འགྱུར་ཞེ་ན། སྐབས་འདིར་སྤང་གཉེན་འཛིན་སྟང་འགལ་བར་མ་ངེས་ཏེ། ཀྱཻ་རྡོ་རྗེ་ལས། དུག་གི་དུམ་བུ་གང་ཉིད་ཀྱིས། སྐྱེ་བོ་ཐམས་ཅད་འཆི་བར་འགྱུར་།།། དུག་གིས་དུག་ནི་འཆི་བར་བྱེད། ཅེས་གསུངས་པ་ལྟར། ཐ་མལ་གྱི་རྣམ་རྟོག་གི་གཉེན་པོར་ལམ་གྱི་རྣམ་རྟོགས་སྒོམ་པ་རིགས་འདྲ་གཉེན་པོར་ཆེ་བ་ཡང་གསུངས་པས་སོ། གཞན་ཡང་དེ་ལས་

(༥༨༩)ཐ་མལ་གྱི་འདོད་ཆགས་ཀྱི་གཉེན་པོར་དཀྱིལ་འཁོར་འཁོར་ལོ་སྒོམ་པ་ལྟ་བུ་བསྣན་བ་གཉེན་པོར་ཆེ་བ་ཡང་གསུངས་སྟེ། ཇི་ལྟར་མེ་ཡིས་ཚིག་པ་མང་། མེ་ཡིས་ཡང་ནི་གདུང་བར། དོན་ནི་འདོད་ཆགས་མེས་ཚིགས་པ། འདོད་ཆགས་མེ་ཡིས་གདུང་བར་བྱ། ཞེས་གསུངས་པས། དཔེར་ན། ཞེ་སྡང་གི་གཉེན་པོར་ཤིན་ཏུ་ཁྲོས་པ་གཤིན་རྗེ་གཤེད་ལྟ་བུ། ལྷ་ཡང་ཞེ་སྡང་གི་རྣམ་པ་ཅན་བསྒོམ་ནས་ཞེ་སྡང་དེའི་སྟེང་དུ་བསྣན་ཏེ་བསྒོམ་པས་ཞེ་སྡང་འཇོམས་པ་ལྟ་བུའོ། དེར་མ་ཟད་བཟློགས་པ་གཉེན་པོར་ཆེ་བ་དང་། སྦས་པ་ཆེ་བ་ཡང་གསུངས་སྟེ། སྤྲོས་བས་ཆོག་གོ། དེ་ལྟར་ན། སྤོང་བའི་ལམ་དུ་སྤང་གཉེན་འཛིན་སྟངས་འགལ་བ་གཉེན་པོར་འགྱུར་བ་དང་། བསྒྱུར་བའི་ལམ་དུ་འཛིན་ནངས་མི་འགལ་བ་གཉེན་པོར་འགྱུར་བ་ལམ་གཉིས་ཅིའི་ཕྱིར་ནང་བགལ་བར་མི་འགྱུར་ཅེ་ན། དེ་ལ་བརྗོད་པར་བྱའོ། དུས་ཀྱི་འཁོར་ལོ་ལས་གསུངས་པའི་ལུས་དང་བསམ་པའི་ཐབས་ཤེས་ཀྱི་ཚུལ་ལ་ངེས་པ་འདྲོངས་ན་གནས་འདི་ལ་དཀའ་བ་མེད་དེ། འཛིན་སྟངས་འགལ་བ་གཉེན་པོར་བསྟན་པ་ཡང་ལུས་ཀྱི་སྒོ་ནས་འཛིན་སྟངས་འགལ་བ་ཡིན་ཀྱང་། བསམ་པའི་སྒོ་ནས་རང་ངོ་ཤེས་པ་ཉིད་གཉེན་པའི་མཆོག་ཡིན་པས་སོ། དེའི་ཕྱིར། སོ་སོ་རང་རིག་པའི་ཡེ་ཤེས་ཁོ་ན་གཉེན་པོ་རྣམས་ཀྱི་ནང་ནས་རབ་དང་མཆོག་དང་ཕུལ་དུ་གསུངས་པ་ཡིན་ནོ། དཔེར་ན། སྤོང་ལམ་གྱི་སྐད་ཞེ་སྡང་གི་གཉེན་པོར་བྱམས་པ་བསྒོམ་པར་གསུངས་པ་ཡང་། དེ་གཉིས་ལུས་ཀྱི་སྒོ་ནས་འཛིན་སྟོངས་འགལ་བས་སྤང་གཉེན་དུ་སྦྱར་བ་ལྟར་སྣང་ན་ཡང་། ཕས་གཞལ་བའི་

(༥༩༠)ཚེ་བསམ་པའི་སྒོ་ནས་རིག་འདྲ་བ་བསྣན་ནས་བསྒོམ་པས། རང་ངོ་ཤེས་པའི་སྒོ་ནས་གཉེན་པོར་གྱུར་པ་གཙོ་ཆེ་བ་ལྟ་བུའོ། དེ་ཡང་ཞེ་སྡང་ནི་དམར་ཆས་བསྐྱེད་པའི་ལུས་ཀྱི་སྒོ་ནས་མེ་ཡིན་ཀྱང་དཀར་ཆ་ལ་དམིགས་བས། བསམ་པའི་སྒོ་ནས་ཆུ་ཡིན་ལ། བྱམས་པས་ནི་དཀར་ཆས་བསྐྱེད་བའི་ཕྱིར། ལུས་ཀྱི་སྒོ་ནས་ཆུ་ཡིན་ཀྱང་དམར་ཆ་ལ་དམིགས་པས་བསམ་པའི་སྒོ་ནས་མེ་ཡིན་ནོ། མེའི་དགྲ་ཆུ་ཡིན་པ་བཞིན་དུ་ཞེ་སྡང་དང་བྱམས་པ་འཛིན་སྟངས་འགལ་བས་དེ་གཉིས་སྤང་གཉེན་དུ་སྣང་བ་ནི་རྟོགས་པས་བཏགས་པ་ཙམ་སྟེ། སྤང་གཉེན་འཛིན་སྟངས་འགལ་བའི་ཆ་ནས་ནི་སྤང་བྱ་ཀུན་བཏགས་ཙམ་སྤོང་བར་ནུས་ཀྱི་ལྷན་སྐྱེས་རྩད་ནས་སྤོང་བར་མི་ནུས་པས་མཐོང་ལམ་ལ་སྦྱོར་བར་ནུས་ཀྱང་། ལམ་མཐོན་པོར་བགྲོད་པར་མི་ནུས་ལ། ཞེ་སྡང་གི་ལུས་མེ་ཡིན་པ་དེའི་ཐོག་ཏུ་བྱམས་པའི་བསམ་པ་མེ་ཡིན་པ་དེ་བསྣན་ནས་བསྒོམ་པ་དང་། ཞེ་སྡང་གི་བསམ་པ་ཆུ་ཡིན་པ་དེའི་ཐོག་དུ་བྱམས་པའི་ལུས་ཆུ་ཡིན་པ་དེ་བསྣན་པ་བསྒོམ་པས་རང་ངོ་ཤེས་པའི་སྒོ་ནས་གཉེན་པོར་འགྱུར་བ་ནི་ཡེ་གདོད་མ་ནས་རྟེན་འབྲེལ་གྱི་ཆོས་ཉིད་གྱི་གྲུབ་པ་སྟེ། སྤང་གཉེན་ལུས་བསམ་གྱིས་ཐབས་ཤེས་ཟུང་ངག་ཡིན་པའི་ཆ་ནས་རང་གི་ངོ་སྐལ་གྱི་སྤང་བྱ་ལྷན་སྐྱེས་ཀྱང་། རྩད་ནས་སྤོང་བར་ནུས་པས། སྤང་གཉེན་སྦྱོར་བའི་ཚུལ་འདི་ནི་སྔ་མ་བས་ཆེས་རྨད་དུ་བྱུང་བའོ། དེའི་ཕྱིར་སྤོང་བ་ལམ་བྱེད་འདི་མདོ་སྔགས་གཉིས་ཀ་ལ་ཐུན་མོང་དུ་གྲགས་ཀྱང་། ཕ་རོལ་ཏུ་ཕྱིན་པའི་

(༥༩༡)སྐབས་སུ་ནི་འཛིན་སྟངས་འགལ་བ་ལས་སྤང་གཉེན་དུ་བཞེད་ལ། བླ་ན་མེད་པའི་ཐེག་པའི་རང་བཞིན། བསྒྱུར་ལམ་ཞེས་གསུངས་ཀྱང་། དོན་རིགས་འདྲ་དང་བཟློགས་པ་དང་སྦས་པ་དང་བསྣན་པ་ལ་སོགས་པའི་སྒོ་ནས་གཉེན་པོར་བྱེད་པས་ལམ་བདེ་སྐྱོབ་དང་མྱུར་སྐྱོབ་གཉིས་ཀྱི་སྒོ་ནས་ཁྱད་ཞུགས་པ་ཡིན་ནོ། སྐབས་འདིར་ནི། དུག་གསུམ་པོ་ལམ་དུ་བྱེད་པ་ཡིན་གྱི་དགྲ་ཟིན་གྱི་ཚུལ་དུ་སྤང་བྱར་བྱེད་པ་ནི་མ་ཡིན་ཏེ། ཀྱཻ་རྡོ་རྗེ་ལས། སྐྱེ་བོ་མི་ཟད་པ་ཡི་ལས། གང་དང་གང་གིས་འཆིང་འགྱུར་བ། ཐབས་དང་བཅས་ན་དེ་ཉིད་ཀྱི། སྲིད་པའི་འཆིང་བ་ལས་གྲོལ་འགྱུར། ཆགས་པས་འཇིག་རྟེན་འཆིང་འགྱུར་བ། འདོད་ཆགས་ཉིད་ཀྱི་རྣམ་གྲོལ་བྱེད། ཞེས་འབྱུང་བ་ལྟར་རོ། མདོར་ན་འཛིན་སྟངས་འགལ་བས་སྤང་གཉེན་དུ་བྱེད་པ་དང་རིགས་འདྲ་བ་བསྣན་པས་སྤང་གཉེན་དུ་འགྱུར་བ་ལ་འགལ་བ་མེད་པའི་ཚུལ་ནི་བཤད་བ་དེ་དག་ཡིན་ཏེ། ཚུལ་འདི་ནི་ངོ་བོ་ཉིད་ལམ་བྱེད་ཀྱི་སྐབས་སུ་ཡང་རྗེས་སུ་མཐུན་པ་ཙམ་སྦྱར་དུ་རུང་ངོ་། གསུམ་པ་གཞི་ངོ་བོ་ཉིད་ལམ་དུ་བྱེད་པ་རྫོགས་རིམས་པའི་དྲན་ཉེ་ཉམས་སུ་ལེན་ཚུལ་ནི། སྤོང་ལམ་དང་བསྒྱུར་ལམ་དེ་དག་ཀྱང་ལམ་སྟེར་ཙམ་དུ་ནི་སྒོམ་མདོ་ཀྱི་གཙོ་བོར་ནི་དེ་བས་ཀྱང་ཆེས་མྱུར་ལ་བདེ་བ་གཞི་འབྲས་དབྱེར་མེད་པའི་དྲན་ཉེ་བསྒོམ་པར་བྱེད་དོ། དེ་ཡང་སྦྱང་གཞིར་གྱུར་པའི་རྩ་རླུང་ཐིག་ལེ་རྣམས་དངས་སྙིགས་འདྲེས་པར་གནས་པའི་དབང་ལས། དངས་མའི་ཆ་དེ་ནི་སྦྱོང་བྱེད་ཀྱི་གཉེན་པོ་དང་། སྙིགས་མའི་ཆ་དེ་ནི་སྦྱང་བྱ་དྲི་མའོ། དེའི་ཕྱིར་སྦྱོང་བྱ་དང་སྦྱོང་བྱེད་དབྱེ་བ་མེད་པར་རོ་གཅིག་ཏུ་འདྲེས་པ་དེ་ཉིད་

(༥༩༢)སོ་སོར་འབྱེད་པའི་ཐབས་ལ་མཁས་པ་ནི་གཉེན་པོ་སྤང་བྱ་སྤོང་བར་བྱེད་པའི་དོན་ནོ། སྐབས་འདིར་ངོ་བོ་ཉིད་ལམ་དུ་བྱེད་པའི་དོན་ནི་གཞིའི་ངོ་བོ་ཉིད་ལམ་དུ་བྱས་པས་འབྲས་བུའི་ངོ་བོ་ཉིད་དུ་འགྱུར་བའི་དོན་ཏེ། གཞི་འབྲས་དབྱེ་བ་མེད་པར་མ་ཟད་གཞི་ལམ་འབྲས་གསུམ་ཀ་དབྱེ་བ་མེད་ཅིང་ངོ་བོ་གཅིག་ཡིན་པས་སོ། དེ་ལ་གཞིའི་ངོ་བོ་ནི། རྒྱར་མ་ཆད་ཅིང་། ཕྱོགས་སུ་ལྷུང་བ་མ་མཆིས་པ་རང་བཞིན་གྱི་འོད་གསལ་མངོན་པར་གནས་པའི་ཕྱིར། དེ་ནི། ཡོད་མེད་རྟག་ཆད་སྐྱེ་འགག་འགྲོ་འོང་རྒྱུ་འབྲས་སོགས་གང་གིས་ཀྱང་མ་བྱས་པས་བཅོས་མ་ཡིན་ལ། འདི་ཡིན་དང་འདི་མིན་གྱི་ངོས་གཟུང་དང་བྲལ་ཞིང་སྤང་གཉེན་དང་ཞེན་བཟུང་གི་མཚན་མ་མེད་པ། ཡེ་གདོད་མ་ནས་རང་བཞིན་གྱི་རྣམ་པར་དག་པ་དང་འོད་གསལ་བ་ཟུང་དུ་འཇུག་པའི་ངོ་བོ་ཉིད་དུ་ལྷུན་གྱི་གྲུབ་པའི་ངང་ལས་གཉུག་མའི་གཤིས་སམ་གདོད་མའི་རང་བབས་སུ་གནས་ལ། སྒྲ་རྟོག་གིས་ཡུལ་ལས་འདས་ཤིང་། སྤྲོས་པའི་དྲ་བ་མཐའ་དག་དང་བྲལ་བའི་སྨྲ་བསམ་བརྗོད་མེད་ཀྱི་དོན་ཅན་དེ། དེས་ན། མ་བཅོས་པའི་རང་བབ་དང་། གསལ་སྟོང་ཟུང་དུ་འཇུག་པ་དེ་ཉིད་གསར་དུ་བྱུང་བ་མ་ཡིན་གྱི་ཐོག་མ་མེད་པའི་དུས་ནས་ལྷན་གཅིག་ཏུ་སྐྱེས་ཤིང་རང་གི་ངོ་བོ་རང་གི་རིག་པར་བྱ་བ་ཡིན་པས་ན་ལྷན་གཅིག་སྐྱེས་པའི་ཡེ་ཤེས་དང་། མི་འགྱུར་བའི་བདེ་བ་ཆེན་པོ་དང་རྣམ་ཀུན་མཆོག་ལྡན་གྱི་སྟོང་པ་ཉིད་རོ་གཅིག་ཏུ་འདྲེས་ཤིང་ཐ་དད་དུ་དབྱེ་བར་བྱར་མེད་པའི་ངང་དུ་སྣང་སྲིད་མ་ལུས་པ་ལ་ཁྱབ་པས་ན་ཟུང་ངག་ཆེན་པོ་དང་ཟུང་ངག་གི་ཕྱག་རྒྱ་དེ་ཉིད་ཀྱི་འཁོར་འདས་ཀྱི་ཆོས་ཐམས་ཅད་ལ་ཁྱབ་པས་ན་

(༥༩༣)ཕྱག་རྒྱ་ཆེན་པོ་དང་། སེམས་ཀྱི་ངང་གདངས་གཅིག་སྐྱེས་པའི་ཡེ་ཤེས་བཟོད་མ་ནས་སྨྲ་བསམ་བརྗོད་དུ་མེད་པར་གནས་པ་ཉིད་ལ་རྣམ་པར་རྟོགས་པའི་བཅོས་སླད་ཀྱི་དྲི་མས་རྙིང་པར་མ་བྱས་པས་ན་སེམས་པོ་མ་དང་། གཉིས་ཆོས་སུ་སྣང་བ་མཐའ་དག་གཉིས་སུ་མེད་པར་གནས་པའི་རང་བབ་འོད་གསལ་བའི་མི་གཡོ་བ་ཡེ་གདོད་མའི་གནས་ལུགས་ཇི་ལྟ་བ་ཁོ་ན་ཉིད་ལས་མ་འདས་པས་ན་ཆོས་ཉིད་དེ་བཞིན་ཉིད་དང་། ཤེས་པ་རང་ག་ལ་བཟོ་བཅོས་དང་རྩིས་གདབ་ལ་སོགས་པ་གང་གིས་ཀྱང་མ་སླད་པ་བཟང་ངན་དང་འཁོར་འདས་ལ་སོགས་པ་གང་དུའང་མ་ཆད་པའི་བཤིས་བབས་ཡིན་བས་ན་ཐ་མལ་གྱི་ཤེས་པ་དང་། བདེ་བར་གཤེགས་པ་སངས་རྒྱས་ཐམས་ཅད་ཀྱི་ངོ་བོ་ཉིད་ཡིན་པས་ན་བདེ་གཤེགས་སྙིང་པོ་ཞེས་བྱ་བ་ལ་སོགས་པའི་མིང་གི་རྣམ་གྲངས་མཐའ་ཡས་པས་བདེ་བར་བྱ་བ་འདི་ཉིད་དེ། གཞིའི་ངོ་བོ་ལྷན་གཅིག་སྐྱེས་པའི་ཡེ་ཤེས་སུ་བཞུགས་པ་དེ་ཉིད་ལམ་གྱི་དུས་སུའང་འགྱུར་བ་མེད་ལ་གཞི་དང་ལམ་གྱི་ངོ་བོ་ཟུང་ངག་ཆེན་པོར་གནས་པ་དེ་ཉིད་འབྲས་བུ་མངོན་དུ་གྱུར་པའི་ཚེ་ནའང་འགྱུར་བ་མེད་པ་ནི་གཞི་ལམ་འབྲས་གསུམ་ཀ་ངོ་བོ་དབྱེར་མེད་གཅིག་པའི་དོན་ཡིན་ནོ། དེས་ན་གཞིའི་དུས་ཀྱི་ཡེ་ཤེས་དེ་ལ་དྲི་མས་གོས་པ་གཞར་ཡང་མེད་མདོ་ཀྱི་དྲི་མའི་སྦུབས་སུ་སོན་པའི་དབང་གིས་ཡེ་ཤེས་བྱ་བ་བྱེད་པར་མི་མངོན་པས་དྲི་མའི་སྦུབས་དེ་དང་བྲལ་བར་བྱ་བའི་ཕྱིར་དུ་ལམ་ཉམས་སུ་བླངས་པས་དྲི་མ་སངས་པ་དང་ཡོན་ཏན་རྒྱས་པ་དུས་གཅིག་ཅར་དུ་གྲུབ་པ་དེ་ལ་འབྲས་བུ་མངོན་དུ་གྱུར་པ་ཞེས་བྱའོ། དེའི་ཕྱིར། གཞིའི་ངོ་བོ་གསལ་སྟོང་ཟུང་ངག་དེ་ཉིད་ལམ་དུ་བྱས་པས་འབྲས་བུའི་ངོ་བོ་སྐུ་གཉིས་ཟུང་ངག་ཏུ་འཆར་བ་ཡིན་པས། ལམ་འདི་ནི་འཆུག་

(༥༩༤)གོལ་འཁྱར་གསུམ་གྱི་ཉེན་མེད་པར་རང་གི་གནས་སུ་བགྲོད་པའི་ལམ་མོ། ངོ་བོ་ཉིད་ལམ་བྱེད་ཀྱི་དྲན་ཉེ་བཞི་པོ་དེ་ཡང་ཁྲིད་འདེབས་པའི་དམིགས་རྣམས་སྟོན་ཚུལ་གྱི་ཁྱད་པར་ལས། ངོ་བོ་སྤྲོས་པའི་ཚུལ་ཀྱང་རིམ་པ་གཉིས་སུ་ཤེས་པར་བྱ་སྟེ། ཐུན་མོང་དང་། ཐུན་མོང་མ་ཡིན་པའོ། དང་པོ་ནི། ལྷན་གཅིག་སྦྱོར་གྱི་ཞི་གནས་དང་གོ་བསྟུན་ན། དམིགས་རྟེན་གྱི་རྡེའུ་དང་ཤིང་བུ་སོགས་ལ་སེམས་ཟིན་པ་ལུས་དྲན་ཉེ་དང་། ཉམས་ཀྱི་འགྱུར་བ་ལས་གྱུར་པའི་བདེ་སྡུག་བར་མ་རྣམས་ལ་སེམས་ཟིན་པ་ཚོར་བ་དྲན་ཉེ་དང་། སེམས་ལ་དཔྱད་པའི་ངང་མི་གཡོ་བ་སོ་སོ་རང་རིག་ལ་སེམས་ཟིན་པ་སེམས་དྲན་ཉེ་དང་། གནས་ལུགས་ངོ་འཕྲོད་ནས་ཟུང་ངག་གི་མངོན་དུ་གྱུར་པ་ནི་ཆོས་དྲན་ཉེའོ། ཐུན་མོང་མ་ཡིན་པ་ནི། སོར་བསྡུད་ལྟ་བུ་དང་བསྟུན་ན་ལུས་དང་སེམས་ཀྱི་བྱེད་པ་བཅིངས་པ་ལས་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་ཀྱི་གཟུགས་མངོན་དུ་གྱུར་ཏེ། དེའི་ངང་ལས་མི་གཡོ་བར་གནས་པའི་ལུས་དྲན་ཉེ། འགྱུར་བའི་ཆོས་ཅན་གྱི་ཚོར་བ་བདེ་བ་དེ་ཉིད་ཟག་མེད་དང་འབྲེལ་བ་བསམ་གཏན་གྱི་ཡན་ལག་ཏུ་རུང་བའི་བདེ་ཆེན་དུ་ཤར་ནས་དེའི་ངང་ལས་མི་གཡོ་བར་གནས་པ་ཚོར་བ་དྲན་ཉེ། སེམས་ཀྱི་གནས་འགྱུ་དབྱེར་མེད་དུ་དག་ནས་སོ་སོ་རང་རིག་པའི་ངང་དུ་གནས་པ་ནི་སེམས་དྲན་ཉེ། ཆོས་ཐམས་ཅད་ཀྱི་རང་བཞིན་བདེན་པ་གཉིས་དབྱེར་མེད་པའི་ཟུང་ངག་མངོན་དུ་གྱུར་ནས་དེ་ལས་མི་གཡོ་བར་གནས་པ་ནི་ཆོས་དྲན་པ་ཉེར་བཞག་གོ། དེ་དག་སྒོམ་པར་བྱེད་པའི་ཚུལ་ཡང་། སྔར་ཤད་པའི་ལམ་གྱི་སྟེགས་དེ་དག་ལ་གནས་ནས། མ་བཅོས་པའི་རང་བབ་ཁོ་ན་ལ་མཉམ་པར་བཞག་

(༥༩༥)པས་ལམ་གྱི་མངོན་པར་རྟོགས་པ་རྒྱུད་ལ་ཅུང་ཟད་ཙམ་སྐྱེས་པ་ནས་བརྩམས་སྟེ་ངོ་སྤྲོད་ཀྱི་གནད་ལ་མཁས་པའི་བླ་མ་དམ་པ་ལས་ཟིན་པ་དག་གི་ཇི་ལྟ་བ་བཞིན་ངོ་སྤྲད་དེ། གང་རྒྱུད་ལ་སྐྱེས་པའི་ཡེ་ཤེས་དེ་ཉིད་ངོ་ཤེས་པར་བྱས་ནས་དེ་ཉིད་ཀྱི་ཐོག་ཏུ་བཅས་བཅོས་གང་ཡང་མི་བྱེད་པར་གསལ་སིང་ངེ་བ་ལ་ངོས་བཟུང་མེད་པའི་ངང་དུ་ལྷོད་དེ་སློད་ནས་གདོད་མའི་དུས་ཀྱི་མ་བཅོས་པའི་རང་བབ་དེ་ཉིད་མངོན་དུ་བྱེད་པའོ། དེས་ན་ལམ་གྱི་ཡེ་ཤེས་སྔར་མ་སྐྱེས་པ་རྣམས་གསར་དུ་བསྐྱེད་པ་དང་སྐྱེས་པ་རྣམས་བོགས་འབྱིན་པའི་གདམས་ངག་བླ་ན་མ་མཆིས་པ་ཡིན་ཏེ། ས་ལམ་ཐམས་ཅད་གཅིག་ཆོད་དུ་འགྱུར་བའི་ཉེ་ལམ་ཆོས་རྨད་དུ་བྱུང་བའི་ངོ་མཚར་ཅན་ཡིན་ནོ། དེ་ལྟར་བ་གཞི་ཉིད་སྤང་གཉན་གཉིས་ཀའི་བཞི་མཐུན་དུ་འགྱུར་ཏེ། གཞིའི་ངོ་བོ་དེ་ཉིད་ཉམས་སུ་བླངས་པས་གཞི་སྒྲིབ་བྲལ་དུ་དག་པར་འགྱུར་བས་སོ། སྙམ་ན། དེ་ལྟར་དུ་འདོད་པ་ནི་མ་ཡིན་ཏེ། གཞིའི་ངོ་བོ་ཉིད་ཉམས་སུ་བླངས་པས་གཞིའི་སྟེང་གི་སྤང་བྱ་དག་པར་འགྱུར་ཡང་། གཞི་ལ་སྒྲིབ་པས་ནམ་ཡང་གོས་མི་སྲིད་པའི་ཕྱིར། གཞི་སྤང་བྱར་བྱེད་པ་ནི་མ་ཡིན་ནོ། འོ་ན་ཅིའི་ཕྱིར། ངོ་བོ་ཉིད་ལམ་དུ་བྱས་པས་དྲན་ཉེ་བཞི་པོ་དེའི་འགལ་ཟླ་གཙང་བདེ་རྟགས་ཏུ་འཛིན་པའི་རྣམ་པར་རྟོགས་པ་གཞིའི་གཉེན་པོར་འགྱུར་ཅེ་ན། སྔར་བཤད་པ་ལྟར་རྟོགས་པ་བཞི་པོ་དེ་འབྱུང་བའི་རྒྱུ་གང་ཡིན་བརྟགས་པ་ན་སེམས་ཀུན་གཞི་ས་བོན་ཐམས་ཅད་པ་དེ་ཉིད་བདུན་པ་ཡིད་ཀྱི་གཡོས་པ་ལས། གཉིས་སྣང་ཤར་ནས་བདག་གཞན་དུ་བཟུང་བ་ལས་རྣམ་པར་རྟོགས་པ་མཐའ་དག་འབྱུང་སྟེ། དེའི་ཕྱིར་རྟོགས་པ་དེ་བཞི་ཀའང་ལྷན་གཅིག་སྐྱེས་པའི་མ་རིག་

(༥༩༦)པའི་རྩ་བ་ཅན་ཡིན་ལ། གཞིའི་ངོ་བོ་ཉིད་ལམ་དུ་བྱས་པས་ནི་ལྷན་སྐྱེས་ཀྱི་ལ་རིག་པ་དེངས་པར་བྱས་པ་ཡིན་ནོ། དེའི་རྒྱུ་མཚན་ཀྱང་། གཞི་རང་གི་རང་མ་རིག་པ་ལ་ལྷན་གཅིག་སྐྱེས་པའི་མ་རིག་པར་བརྗོད་པ་ཡིན་ལ། གཞིའི་ངོ་བོ་ཉིད་ནི་རང་བཞིན་གྱི་འོད་གསལ་བ་ཁོ་ནར་གནས་ཤིང་། དེ་དག་ལམ་དུ་བྱས་པས་ནི་རང་རིག་པར་འགྱུར་ཏེ། སེམས་ཀྱི་ཆོས་ཉིད་ནི་རང་གིས་གནས་སྙེགས་པར་བྱེད་པས་སོ། དེ་ལྟར་ན་ལམ་ཐམས་ཅད་ཀྱི་མཆོག་ཏུ་གྱུར་པ་ནི་རྩ་དང་རླུང་དང་ཐིག་ལེའི་གནད་འཆིང་བའི་ཐབས་སོ། ཞེས་དམ་བཅའ་བར་བྱས་ནས། མ་བཅོས་པར་བཞག་པས་རྩ་རླུང་ཐིག་ལེའི་གནད་འཆིང་བའི་རྒྱུ་མཚན་གང་ཞེ་ན། ཆོས་ཀྱི་དབྱིངས་དེ་བཞིན་ཉིད་དེ་རྟེན་སེམས་ཅན་དང་འབྲེལ་བས་ན་ཁུ་རྡུལ་རླུང་གསུམ་དུ་གནས་པ་ན། སྔར་བཤད་པ་ལྟར་བདུན་ཡིད་ཀྱི་གཡོ་བ་ལས་དེ་གསུམ་ལ་གཟུང་འཛིན་ཞུགས་ནས་རྩ་རླུང་ཐིག་ལེའི་གསུམ་དུ་སྣང་ཞིང་ཞེན་པར་འགྱུར་བས་ན་དེ་ཡང་ལྷན་སྐྱེས་ཀྱི་མ་རིག་པའི་རྩ་བ་ཅན་ཡིན་པའི་ཕྱིར། ངོ་བོ་ཉིད་ལམ་དུ་བྱས་པས་རྩ་རླུང་ཐིག་ལེའི་གནད་འཆིང་བ་མེད་མདོ་པའི་ཚུལ་དུ་འཆིང་བ་ཡིན་ནོ། དཔེར་ན་རླུང་རྒྱ་ཡན་དུ་འཆིང་བའི་གདམས་པ་བཞིན་ནོ། འདི་ནི་འཛིང་སྟངས་འགལ་བའི་སྒོ་ནས་སྤང་གཉེན་དུ་བཞག་པ་ཡང་མ་ཡིན། རིགས་འདྲེ་བ་བསྣན་པའི་སྒོ་ནས་དེར་གཞག་པ་ཡང་མ་ཡིན། དེ་བཞིན་དུ་བཟློག་པ་དང་སྦམ་པ་ལ་སོགས་པའི་སྒོ་ནས་དེར་བཞག་པ་ཡང་མ་ཡིནཏེ། སྤང་བྱ་དང་གཉེན་པོའི་ཁྱད་པར་ནི། རིགས་པ་དང་

(༥༩༧)མ་རིག་པའི་ཁྱད་པར་ཙམ་ལས། འདི་ནི་སྒྲིབ་པའོ། འདི་ནི་ཡེ་ཤེས་སོ། འདི་ནི་སྤང་བྱའོ། འདི་ནི་གཉེན་པོའོ། འདི་ནི་འཁོར་བའོ། འདི་ནི་མྱང་འདས་སོ། འདི་ནི་སེམས་ཅན་ནོ། འདི་ནི་སངས་རྒྱས་སོ། ཞེས་ཐ་སྙད་མཁན་པོ་དག་གིས་རྟོགས་པས་བཏགས་པ་སྟེ། རང་གི་ངོ་བོ་ཉིད་དུ་གྲུབ་ཐོབ་པ་ནི་རྡུལ་ཙམ་ཡང་མེད་དོ། དེའི་ཕྱིར་ཡུལ་གྱི་གནས་ཚུལ་ཇི་ལྟ་བ་བཞིན་ལམ་དུ་བྱེད་པས་ན་ངོ་བོ་ཉིད་ལམ་དུ་བྱེད་པ་ཞེས་བྱའོ། དེས་ན་ངོ་བོ་ཉིད་ལམ་དུ་བྱས་པས་སྤང་བྱ་མ་སྤངས་གནས་སུ་དག་པར་འགྱུར་བའི་སྤང་གཉེན་གྱི་རྣམ་པར་བཞག་པ་འདི་ནི་སྤང་གཉེན་གྱི་རྣམ་བཞག་སྔ་མ་གཉིས་ཀ་ལས་ཆེས་རྨད་དུ་བྱུང་བ་ཡིན་ནོ། དེ་ལྟར་དྲན་ཉེ་ལ་བཤད་པ་ཇི་ལྟ་བ་དེ་བཞིན་དུ་ཡང་དག་སྤོང་བ་ནས། འཕགས་ལམ་ཡན་ལག་བརྒྱད་ཀྱི་བར་བྱང་ཕྱོགས་ལྷག་མ་སོ་གསུམ་པོ་ལ་ཡང་། སྤོང་བ་དང་། བསྒྱུར་བ་དང་། ངོ་བོ་ཉིད་ལམ་དུ་བྱེད་པ་གསུམ་གསུམ་གྱི་སྒོ་ནས་ཉམས་སུ་ལེན་པའི་ཚུལ་ནི་ཕྱིན་ཅི་མ་ལོག་པར་ཤེས་པར་བྱའོ། དེ་ལ་སྤོང་བ་ལམ་བྱེད་ཀྱི་ཉམས་ལེན་ནི་རིང་བའི་ལམ་དང་། བསྒྱུར་བ་ནི་སྔ་མ་ལས་མྱུར་ཀྱང་ཕྱི་མ་ལས་ཅུང་ཟད་བུལ་བའི་ལམ་དང་། ངོ་བོ་ཉིད་ནི་ཆོས་ཤིན་ཏུ་མྱུར་བའི་ལམ་སྟེ། དེ་ཡང་རྩ་བ་གཞི་མ་བཅོས་པར་གནས་པ་ཉིད་ལ་ཐུག་པས། གཞིའི་ངོ་བོ་ཉིད་མ་བཅོས་པ་དེ་འབྲས་དུས་སུ་མངོན་དུ་འགྱུར་པའི་སླད་དུ་ལམ་གྱི་ངོ་བོ་ཉིད་མ་བཅོས་པར་ཉམས་སུ་བླངས་པས་འབྲས་བུའི་ངོ་བོ་ཉིད་མ་བཅོས་པར་འཆར་བ་ཡིན་ནོ། དེའི་ཕྱིར་ཚེ་གཅིག་ལུས་གཅིག་ལ་སངས་རྒྱ་བར་འདོད་པ་དག་གི་ནི། ལྷན་གཅིག་སྐྱེས་པའི་ཡེ་ཤེས་ཀྱི་རང་ངོ་ལ་བཅོས་

(༥༩༨)པའི་རང་བབ་ཁོ་ནར་གཙོ་བོར་ཉམས་སུ་བླང་བར་བྱ་སྟེ། དེ་ལས་གཞི་འབྲས་དབྱེར་མེད་ཀྱི་དོན་མཐོང་ནས་གཞི་ཐོག་ཏུ་ལྷུན་གྱི་འགྲུབ་པའི་འབྲས་བུ་ལྷ་བུར་མངོན་དུ་འགྱུར་བ་ཡིན་ནོ། དམ་པའི་གསུང་ངག་ལེགས་བཤད་འོད་བརྒྱ་པ། བྱང་ཆུབ་ཕྱོགས་མཐུན་ལམ་གྱི་སྣང་བྱེད་མཆོག །ཐར་འདོད་བློའི་མུན་པ་སེལ་བའི་སླད། རྣམ་དཔྱོད་གསེར་གྱི་ཤིང་རྟས་དྲངས་བ་འདི། ཀུན་བཏགས་རྫུན་གྱི་འབྲིང་པའི་ཐེག་བ་དང་། གཞན་དབང་བསྐལ་བརྒྱར་ངལ་བའི་བ་ལམ་དང་། ཡོངས་གྲུབ་སེམས་ཉིད་ཆོས་སྐུའི་ཉེ་ལམ་སྟེ། གསུམ་ཀ་གཅིག་ཅར་སྟོན་པའི་སྒྲོན་མེ་ཡིན། སྐལ་ལྡན་མྱུར་པ་འདོད་རྣམས་འདི་ལོང་ཞིག །འདི་ནི་དུས་སུམ་སངས་རྒྱས་བསྐྱེད་པའི་ཡུམ། རྒྱལ་བ་སྲས་བཅས་ཀུན་གྱི་བསྒྲོད་གཅིག་ལམ། མྱུར་མགྱོག་བདེ་མ་ཡངས་པ་སྟོན་པར་ཡོད། གསུམ་པ་ཤིན་ཏུ་རྣམ་དག་གི་གནས་སྐབས་འཆད་པ་ལ་གསུམ། མཚམས་སྦྱར་རྩམ་པ་འགྲེལ་པའོ། དང་པོ་ནི། དེའི་རྗེས་སུ་དྲི་མ་མེད་པ་ཤིན་ཏུ་རྣམ་པར་དག་པའི་གནས་སྐབས་འཆད་པ་སྐབས་སུ་བབ་པས་དེ་ནི་གཞུང་རྐང་པ་གཉིས་པོ་འདིས་འཆད་དོ། གཉིས་པ་ནི། དྲི་མེད་དག་པ་སངས་རྒྱས་ཏེ། དེ་ཕྱིར་འགྲོ་ཀུན་སངས་རྒྱས་འདི། ཅེས་གསུངས་སོ། དབྱིངས་རང་བཞིན་གྱི་དྲི་མ་མེད་པ་དེ་ཉིད་བློ་བུར་གྱི་དྲི་མས་རྣམ་པར་དག་པ་ན་རྫོགས་པའི་སངས་རྒྱས་ཤེས་བྱ་སྟེ། སྒྲིབ་པ་སངས་ཤིང་རྣམ་སྨིན་རྒྱས་པས་སོ། རྒྱུ་མཚན་དེའི་ཕྱིར་ན་འགྲོ་བ་ཀུན་ལ་དྲི་བཅས་ཀྱི་སངས་རྒྱས་ཉིད་ཅེས་བྱའོ། གསུམ་པ་ལ་གཉིས། ཚིག་དོན་དངོས་དང་། དེའི་ཤེས་བྱེད་འགོད་པའི། དང་པོ་ནི། སེར་སྣ་ལ་སོགས་རྣམ་རྟག་གང་། དེ་ནི་ཉོན་མོངས་སྒྲིབ་བར་

(༥༩༩)འོད། ཅེས་པ་ལྟར་ཉོན་མོངས་པའི་སྒྲིབ་པ་དང་། འཁོར་གསུམ་རྣམ་པར་རྟོག་པ་གང་། ཅེས་པ་ལྟར་ཤེས་བྱའི་སྒྲིབ་པ་དང་། དཔའ་བར་འགྲོ་བའི་ཏིང་ངེ་འཛིན་ལ་སོགས་པ་ཏིང་ངེ་འཛིན་བརྒྱ་ཉི་ཤུ་ལ་སྙོམ་པར་འཇུག་པ་ནི་གེགས་སུ་གྱུར་པ་སྙོམ་འཇུག་གི་སྒྲིབ་པ་སྟེ་སྒྲིབ་པ་གསུམ་གྱི་དྲི་མ་ཐམས་ཅད་དང་བྲལ་ཞིང་རྣམ་སྨིན་གྱི་ཡོན་ཏན་མ་ལུས་པ་རྒྱས་པ་ནི་ཡང་དག་བར་རྫོགས་པའི་སངས་རྒྱས་ཉིད་ཡིན་ཏེ། རྒྱུ་མཚན་དེའི་ཕྱིར་སེམས་ཅན་ཐམས་ཅད་ཀྱི་སེམས་ཅན་དྲི་མའི་སྦུབས་སུ་སོན་ཀྱང་ཡེ་གདོད་མ་ནས་སངས་རྒྱས་དེ་ཉིད་དང་མ་བྲལ་བས་དྲི་མ་དང་བཅས་པའི་སངས་རྒྱས་སུ་མདོ་རྒྱུད་བསྟན་བཅོས་དུ་མ་ལས་གསུངས་སོ། གཉིས་པ་ནི། དེའི་ཤེས་བྱེད་ཀྱང་ཧེ་བཛྲ་ལས། སེམས་ཅན་རྣམས་ནི་སངས་རྒྱས་ཀྱི་སྙིང་པོ་ཅན་ཡིན་ཏེ། འོན་ཀྱང་བློ་བུར་བ་དྲི་མའི་སྦུབས་སུ་སོན་ཞིང་དེ་དག་གིས་སྒྲིབ་པས་ན་དྲི་བཅས་ཀྱི་སངས་རྒྱས་ཤེས་བྱ་ལ། དྲི་མ་དེ་ཉིད་བསལ་ནས་རྣམ་པར་དག་པ་ན་རྫོགས་པའི་སངས་རྒྱས་སོ། ཞེས་གསུངས་པ་དང་། མདོ་ལས་ཀྱང་། བདེ་བར་གཤེགས་པ་སངས་རྒྱས་ཀྱི་སྙིང་པོས་འགྲོ་བ་སེམས་ཅན་ཀུན་དང་སྣང་སྲིད་ཡོངས་ལ་ཁྱབ་པའི་ཕྱིར། འདི་ན་ལམ་གྱི་སྣོད་མ་ཡིན་པའི་སེམས་ཅན་གང་ཡང་མེད་ཅེས་གསུངས་པའི་དོན་དང་མཐུན་བར་བསྟན་པ་ཡིན་ནོ། གཞན་ཡང་། འདིར་དྲང་བར་འོས་པ་ནི་དུས་ཀྱི་འཁོར་ལོ་ལས། སེམས་ཅན་རྣམས་ནི་སངས་རྒྱས་ཡིན་ཏེ་།།།ཆེན་པོ་གཞན་འདིར་འཇིག་རྟེན་ཁམས་ན་ཡོད་མ་ཡིན། དེ་རྣམས་མཉེས་པར་བྱས་ནས་དཔག་མེད་སྲིད་པ་གཅོད་པར་བྱེད་དེ་རྣམ་པར་མི་རྟོགས་པ་ལས་སོ། ཞེས་དང་། བརྟག་གཉིས་ལས་ཀྱང་། རང་དང་རང་གི་རྟོགས་པ་ལས། སངས་རྒྱས་མ་ཡིན་སེམས་ཅན་ནི། གཅིག་ཀྱང་ཡོད་

(༦༠༠)པ་མ་ཡིན་ནོ། ཞེས་དང་། འཇིག་རྟེན་ཁམས་ནི་གང་དུ་ཡང་། སངས་རྒྱས་གཞན་དུ་རྙེད་མི་འགྱུར། སེམས་ནི་རྫོགས་པའི་སངས་རྒྱས་ཉིད། གཞན་དུ་སངས་རྒྱས་བསྟན་པ་མེད། ཅེས་དང་། ལུས་ལ་ཡེ་ཤེས་ཆེན་པོ་གནས། ཤེས་སོགས་ཀྱི་འགྲེལ་པར་བྱང་ཆུབ་སེམས་དཔའ་རྡོ་རྗེ་སྙིང་པོས། ཨེ་ཝཾ་ཡེ་ཤེས་ཤེས་རབ་དང་། ཐབས་ཀྱི་བདག་ཉིད་ཅན་གྱི་ལུས། གནས་ཏེ་ལྟེ་བར་གནས་པའོ། དེ་ལྟར་ལུས་གནས་ཡེ་ཤེས་ཆེན་པོ་ནི་ཀུན་ཏུ་རྟོགས་པ་ཐམས་ཅད་སྤངས་པར་གྲུབ་སྟེ། དཀྱིལ་འཁོར་གྱི་འཁོར་ལོ་དང་ལས་དང་ཡེ་ཤེས་ཀྱི་ཕྱག་རྒྱའི་རྟོག་པ་དང་བྲལ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡེ་ཤེས་རྟོག་པ་དང་བྲལ་བའོ་ཞེས་པ་ངེས་མཐོ། དེ་ཉིད་རྡོ་རྗེ་སེམས་དཔའ་འཇིག་རྟེན་གསུམ་ཀུན་ཏུ་བསྐྱོད་པའི་ཧེ་རུ་ཀ་ངོ་བོ་ཉིད་ཀྱི་སྐུའོ། དངོས་པོ་ཀུན་ལ་ཁྱབ་པ་པོ་ཞེས་པ་ཕུང་པོ་དྲུག་རྣམས་དང་དབང་པོ་དྲུག་རྣམས་དང་ཡུལ་དྲུག་རྣམས་ཏེ་དངོས་པོ་འདི་རྣམས་ལ་ཁྱབ་པ་པོ་ཡེ་ཤེས་ཀྱི་སྐུའོ། ཞེས་དང་། སཾབྷུ་ཊི་ལས། རང་གི་ལུས་ལ་སངས་རྒྱས་བཞུགས། གཞན་དུ་གང་ན་སངས་རྒྱས་མེད། མི་ལུས་མུན་པས་སྒྲིབ་པ་རྣམས། ལུས་ལས་གཞན་དུ་སངས་རྒྱས་འདོད། ཅེས་དང་རྡོ་རྗེ་གྱུར་ལས། རིན་ཆེན་སེམས་ལས་ཕྱིར་གྱུར་པའི། སངས་རྒྱས་མེད་ཅིང་སེམས་ཅན་མེད། རྣམ་པར་ཤེས་པའི་གནས་དོན་དང་། ཕྱི་རོལ་པ་གང་ཡང་མེད། ཅེས་པ་དང་། རྣལ་འབྱོར་གྱི་རྒྱུད་རྡོ་རྗེ་རྩེ་མོ་ལས་ཀྱང་། དེ་བཞིན་གཤེགས་པའི་སྙིང་པོ་དག །ཆོས་ཀྱི་དབྱིངས་ཀྱི་ཚུལ་ཆེན་ཏེ། ཉོན་མོངས་འདམ་གྱི་མ་གོས་པ། རྡོ་རྗེ་པད་མའི་དབང་བསྐུར་ཡིན། ཞེས་དང་། པདྨ་ཆུ་ཡིས་མ་གོས་ཤིང་། འདམ་གྱི་ཉེས་པས་གོས་

(༦༠༡)མི་འགྱུར། དོན་ནི་སེམས་ཅན་ཐམས་ཅད་ལ། ཆོས་ཉིད་བཟོད་ནས་མ་སྐྱེས་པའི། དེ་བཞིན་གཤེགས་སྙིང་འདི་གང་ཡིན། ཆོས་དང་ཆོས་ཉིད་སྟོང་གང་ཡིན། གཟུགས་སོགས་ཆོས་རྣམས་ཐམས་ཅད་ཀྱིས། ཆོས་ཉིད་དེ་བཞིན་ཉིད་དུ་འདོད། ཅེས་དང་། དག་པ་དེ་བཞིན་གཤེགས་སྙིང་པོ། སེམས་དཔའ་སྙིང་པོ་ཞེས་བྱར་བཤད། ང་ནི་དེ་བཞིན་གཤེགས་སྙིང་པོ། སེམས་ཅན་ཐམས་ཅད་བདག་དང་མཚུངས། ཤེས་བྱ་བ་ལ་སོགས་པ་མདོ་རྒྱུད་བསྟན་བཅོས་དུ་མ་ནས་ཚུལ་འདི་ཉིད་རྒྱས་པར་གསུང་སྟེ་དག་སོ་སོའི་ལུང་རྣམས་ཀྱང་སྐབས་འདིར་དྲངས་པས་ཆོག་གོ། གསུམ་པ་ལེའུའི་མཚན་བསྟན་པ་ནི། ཟབ་མོ་ནང་གི་དོན་ཞེས་བྱ་བའི་རྒྱ་ཆེར་བཤད་པ་རང་གིས་འགྲེལ་པ་དང་བཅས་པའི་རྒྱས་འགྲེལ་བདེ་བར་གཤེགས་པའི་སྙིང་པོ་གསལ་བར་བྱེད་པའི་ཉིན་བྱེད་འོད་ཀྱི་ཕྲེང་བ་དྲང་བ་དང་ངེས་པའི་དོན་རྣམ་པར་འབྱེད་པའི་སྣང་བ་ཞེས་བྱ་བ་ལས། མདོར་བསྟན་པ་དང་རྒྱུ་རྐྱེན་སྤྱིར་བསྟན་པའི་དུམ་བུ་དང་པོ་རྣམ་པར་བཤད་པ་རྒྱ་ཆར་འགྲེལ་པའོ། ༄༅ ན་མ་ཙིཏྟ་བ་ར་ཡ། གང་ལ་ལས་ཉོན་འཆིང་བ་མེད་ཀྱང་འགྲོ་བ་ཀུན་ལ་རྗེས་སུ་ཆགས་པས་སྲིད་པའི་གནས་སུ་རོལ། གདོད་ནས་མངལ་གྱི་དྲི་མ་བྲལ་ཡང་ཁམས་དྲུག་ལྡན་པའི་མི་རྣམས་སྨིན་སླད་མངལ་ནི་འཛིན་པར་མཛད། སྐྱེ་དང་གནས་དང་འཆི་ལས་གྲོལ་ཡང་སེམས་ཅན་རྣམས་ཀྱི་ཐར་པའི་དོན་དུ་སྐྱེས་རབས་སྣ་ཚོགས་སྟོན། སེམས་ཉིད་ཞེས་གྲགས་རྫུ་འཕྲུལ་ཆེར་ལྡན་ཅིར་ཡང་

(༦༠༢)འཆར་བའི་སྒྱུ་མ་སྟོན་མཁན་དེ་ལ་ཕྱག་འཚལ་ལོ། སྐྱེ་བ་མེད་པའི་དོན་རྟོགས་ཀྱང་། སྐྱེ་བའི་ཆོས་འཕྲུལ་སྣ་ཚོགས་ཀྱིས། སྐྱེ་དགུ་མུས་སྨིན་མཛད་པ། རྒྱལ་བའི་དབང་པོ་མ་ཕྱག་འཚལ། སྟོང་གསལ་ཀུན་གཞིའི་མཁའ་དབྱིངས་ལ་ནི་ཚོགས་བདུན་ཤེལ་གྱི་དཀྱིལ་འཁོར་རྒྱས། ཕུང་ཁམས་བོད་ཀྱི་སྣང་བ་རབ་དཀར་འདུ་བྱེད་སྐར་མའི་ཕྲེང་བས་བསྐོར། ནང་གི་དུས་འཁོར་ཟླ་བ་གང་ཁྱོད་སྒྲིབ་བྲལ་ཉིད་དུ་དག་པའི་ཐབས། འབྲས་བུ་དང་བཅས་གནས་སྐབས་གསུམ་གྱི་དང་པོའི་སངས་རྒྱས་ལ་བཏུད་ནས། ཡེ་ནས་སྐྱེ་བ་མེད་པར་རྣམ་དག་ཀྱང་། བློ་བུར་དྲི་མའི་སྦུབས་ལས་མ་གྲོལ་བས། སྲིད་པ་གསུམ་དུ་སྐྱེ་བའི་ཚུལ་སྟོན་པ། ལེའུ་གཉིས་པའི་རྒྱས་འགྲེལ་བྲི་བར་བྱ། ད་ནི་སྐྱེ་བ་སྣ་ཚོགས་སྤྲུལ་པའི་སྐུའི་དོན་རྟོགས་པར་བྱ་བའི་ཕྱིར། འཁོར་བའི་ལུས་འགྲུབ་ཚུལ་གྱི་དུམ་བུ་བརྗོད་པར་བྱ་སྟེ། འདི་ལ་གསུམ། ལེའུ་སྔ་ཕྱིའི་འབྲེལ་དང་། འབྲེལ་པ་ཅན་ལེའུའི་གཞུང་བཤད་པ། ལེའུའི་མཚན་བསྟན་པའོ། དང་པོ་ནི། རང་གི་འགྲེལ་པ་ལས། རྡོ་རྗེ་ཐེག་པའི་གཞུང་ཐམས་ཅད་ནས་གཞི་ལུས་དང་སེམས་གཉིས་པ་གསུངས་ཀྱང་། སེམས་སྔར་བསྟན་པ་ལས་ཁྱད་པར་བཞི་སྔགས་ཀྱི་ཐེག་པར་ཐབས་ཀྱི་ཁྱད་པར་བསྟན་དགོས་བས་བརྟེན་པ་པས་བཅིང་བ་ལ་རྟེན་ལུས་བཅིང་བ་གནད་ཆེ་བའི་ཕྱིར་ལུས་ཀྱི་གནས་ལུགས་བསྟན་པས། ཤེས་འབྱུང་སྟེ། ལེའུ་དང་པོར་འཁོར་འདས་ཐམས་ཅད་ཀྱི་རྒྱུད་སེམས་དངོས་པོའི་གནས་ཚུལ་ལེགས་བཤད་ནས། དེའི་འོག་ཏུ། ལེའུ་གཉིས་པ་འདིར་

(༦༠༣)ལུས་དངོས་པོའི་གནས་ལུགས་རྡོ་རྗེའི་ལུས་གྲུབ་པའི་ཚུལ་འཆད་བའི་རྒྱུ་མཚན་ནི། རྡོ་རྗེ་ཐེག་པའི་རྒྱུད་སྡེ་དང་གཞུང་ལུགས་ཐམས་ཅད་ནས་འཁོར་བ་དང་མྱ་ངན་ལས་འདས་པ་ཐམས་ཅད་ཀྱི་གཞི་ནི་རགས་པ་ལུས་དང་ཕྲ་བ་སེམས་ཉིད་གཉིས་སུ་འདུས་པ་ལྟར་གསུངས་པས། སེམས་ནི་སྔར་ལེའུ་དང་པོར། རྒྱུ་ནི་སེམས་ཉིད་ཐོག་མེད་ལ། ཞེས་སོགས་ཀྱི་ཡང་དག་པར་བཤད་ཟིན་པས། ཁྱད་པར་དུ། སྔགས་ཀྱི་ཐེག་པར་ལུས་དང་སེམས་ལ་གནད་དུ་བསྣུན་པའི་ཐབས་ཀྱི་ཁྱད་པར་བསྟན་དགོས་པས། བརྟེན་པ་སེམས་བཅིང་བ་ལ་རྟེན་བཅིང་བ་གནད་ཅུ་ཆེ་བའི་ཕྱིར་དེ་ལྟར་དུ་འཆད་པ་རྗེས་སུ་འབྲེལ་ལོ། བརྟེན་པ་སེམས་བཅིང་བ་ལ་རྟེན་ལུས་བཅིང་བ་གནད་དུ་ཆེ་སྟེ་སེམས་ལུས་ལ་བརྟེན་ཞིང་ལུས་སེམས་ལ་སྣང་བས་སོ། གཉིས་པ་ལ་གཉིས། མདོར་བསྟན་པ་དང་། རྒྱས་པར་བཤད་པ་དང་། འཇུག་བསྡུ་བའོ། དང་པོ་ལ་གཉིས། སྤྱིའི་དོན་དང་། གཞུང་གི་དོན་ནོ། དང་པོ་ལ་གཉིས། རྡོ་རྗེའི་ལུས་ཀྱི་གནས་ལུགས་ཤེས་པའི་དགོས་པ་དང་། དགོས་པ་དེ་ལྡན་གྱི་གནས་ལུགས་དངོས་པོ། དང་པོ་ནི། སཾབྷུ་ཊིའི་རྒྱུད་ཕྱི་ལས། ཆོས་ཀྱི་ཕུང་པོ་བརྒྱད་ཁྲི་དང་། བཞི་སྟོང་ཉིད་ཀྱི་རིམ་པ་ཡིས། ལུས་ཀྱི་དེ་ཉིད་མི་ཤེས་ན། དེ་དག་ཐམས་ཅད་འབྲས་བུ་མེད། ཅེས་གསུང་པས་རྡོ་རྗེ་ལུས་ཀྱི་གནས་ལུགས་ཤེས་པ་ནི་ཐམས་ཅད་དུ་ཡང་དག་པའི་དགོས་པ་ཆེན་པོ་དང་ལྡན་པ་སྟེ། སྔགས་ཀྱི་ཐེག་པར་ཐབས་ཀྱི་ཁྱད་པར་བསྟན་དགོས་པས། བརྟེན་པ་སེམས་བཅིང་བ་ལ་རྟེན་ལུས་བཅིང་བ་གནད་དུ་ཆེ་བའི་ཕྱིར་དང་། སྦྱོར་བྱེད་བསྐྱེད་རིམས་ཉམས་སུ་ལེན་པ་ལ། སྦྱང་གཞི་ལུས་

(༦༠༤)ཀྱི་གནས་ཚུལ་ཤེས་དགོས་པའི་ཕྱིར་ན། དེ་དག་ཀྱང་དང་པོར་གྲུབ་པའི་ཚུལ་ཤེས་པ་ལ་རག་ལས་པས་སོ། གཉིས་པ་ལ་གཉིས། སྤྱིར་བསྟན་པ་དང་། བྱེ་བྲག་ཏུ་བཤད་པའོ། དང་པོ་ནི། དེའི་ཚུལ་ཡང་གཞུང་རྩ་བ་ལས། ཀུན་གཞི་སྲོག་རླུང་དང་བཅས་པ། ཁམས་སུམ་སྐྱེ་བར་སྦྱོར་བ་ན། ཞེས་དང་། དེའི་འགྲེལ་བར། ཀུན་གཞི་ལུང་དུ་མ་བསྟན་པ་སྟེ་འཁྲིད་པར་བྱེད་པ་ནི་ཡིད་གཡོ་བ་དང་བཅས་པ་ཡིན་པས། ཤེས་སྤྱིའི་དོན་ནི་སྔར་བཤད་པའི་མི་ཤིག་པའི་ཐིག་ལེ་ཆེན་པོ་དེའི་རང་ལོ་འབྱུང་བཞིའི་དངས་མ་འཁོར་བ་ཇི་སྲིད་བར་མི་ཕྱེད་པ་དེ་ཉིད་རང་སྣང་གི་ཆ་ལ་གཞན་རྟོགས་འཇུག་པ་ཉིད་ལས། འཁོར་བར་སྐྱེ་བ་ལ་སོགས་པའི་སྣང་བ་འབྱུང་སྟེ། དེ་ཡང་། ཁུ་རྡུལ་གྱི་དབྱེ་བས་གཟུང་འཛིན་གཉིས་དང་རླུང་དང་བཅས་བས་གསུམ་འགྲོས་དང་རྡུལ་ལས་ཡེ་ཤེས་ཕྱེ་བས་བཞི་འགྲོས་སོགས་རྒྱུད་སྡེའི་བཤད་ཚོད་མི་འདྲ་བ་དུ་མ་ཞིག་ཡོད་ཀྱང་གནད་གཅིག་པས་རྩ་བའི་མི་ཤིག་པ་ཚོན་རང་ངོ་མ་ཤེས་པས་གཡོ་བ་ཁུ་བ་འཛིན་པའི་ཆོས་ཀྱི་དབང་བྱས་པའི་བདག་ཏུ་རྟོགས་པའི་རྩ་བ་ཅན་གྱི་སྣང་གསུམ་གྱི་འཆར་སྒོ་ལ་གཤིས་སྐྱེ་མེད་ཀྱི་རང་བཞིན་རླུང་གི་ངེས་པ་ཡུལ་དུ་སྣང་བ་ཉིད་ཀྱིས། གཟུགས་མེད་ཀྱི་སྣང་བ་དང་། གདངས་འགག་མེད་ཀྱི་རང་བཞིན་རྡུལ་གྱི་ངེས་པ་ཡུལ་དུ་སྣང་བ་ཉིད་ཀྱི་གཟུགས་ཁམས་དང་། རྩལ་སྣ་ཚོགས་པའི་རང་བཞིན་ཁུ་བའི་ངེས་པ་ཡུལ་དུ་སྣང་བ་ཉིད་ཀྱི་འདོད་ཁམས་ཀྱི་སྣང་འབྱུང་ཞིང་། དེ་ལྟ་བུའི་སྣང་བ་ལ་བདག་ཏུ་བཟུང་བས་ཁམས་གསུམ་གྱི་སྐྱེ་བ་གྲུབ་ལ། དེ་ཡང་། ས་ཤས་ཆེ་བའི་དབང་ལས་བསྡུས་སྐྱེས་དང་ཆུ་

(༦༠༥)ཤས་ཆེ་བའི་དབང་ལས་དྲོད་གཤེར་སྐྱེས་དང་མེ་ཤས་ཆེ་བའི་དབང་ལས་མངལ་སྐྱེས་དང་རླུང་ནས་ཆེ་བའི་དབང་ལས་སྒོང་སྐྱེས་ཏེ་སྐྱེས་གནས་རྣམ་པ་བཞི་བྱུང་ངོ་། དེའི་ཕྱིར། སྦྱོང་བྱེད་བསྐྱེད་པའི་རིམ་པ་ལའང་སྐད་གཅིག་དྲན་རྫོགས་སུ་བསྐྱེད་པ་སོགས་ལྷ་བསྐྱེད་ཚུལ་བཞི་དང་ཆོ་ག་རྣམ་པ་བཞི་དང་བསྙེན་བསྒྲུབ་ཡན་ལག་བཞི་ལ་སོགས་པ་འབྱུང་བ་ཡིན་ནོ། གཉིས་པ་ནི། བཞི་པོ་དེ་ལས་ཀྱང་མངལ་སྐྱེས་ཀྱི་མིའི་ལུས་འགྲུབ་ཚུལ་ལ་སྦྱར་ནས་བཤད་པར་བྱའོ། དེ་ལ་བརྒྱད། དངོས་དང་དངོས་མེད་གཉིས་ལ་བརྟེན་ནས་ལུས་འགྲུབ་པའི་ཚུལ། ཕན་ཚུན་རྡུལ་སྙིང་སྟོབས་གསུམ་ལས་འགྲུབ་ཚུལ། གསུམ་ཆོས་གཞན་གསུམ་ལས་འགྲུབ་ཚུལ། བཞི་ཆོས་ལས་འགྲུབ་ཚུལ། ལྔ་ཆོས་ལས་འགྲུབ་ཚུལ། ནང་ལུས་ཀྱི་མཛོད་དྲུག་ལ་བརྟེན་ནས་འགྲུབ་ཚུལ། ཁྱབ་འཇུག་གི་འཇུག་པ་བཅུ་ལས་འགྲུབ་ཚུལ། རྣམ་ཤེས་ལ་བརྟེན་པའི་ཚུལ་ལོ། དང་པོ་ནི། ཕ་མའི་ཁུ་ཁྲག་དངོས་པོ་དང་བར་དོའི་མི་ཤིག་པ་དངོས་མེད་འདྲེས་པ་ལས་མངལ་ཆགས་པར་སྤང་སྟེ། སཾབྷུ་ཊི་ལས། རྡོ་རྗེ་པད་མ་མཉམ་སྦྱོར་བས། དངོས་དང་དངོས་མེད་རོ་གཅིག་འགྱུར། ཞེས་གསུངས་པས་སོ། གཉིས་པ་ཡང་། སཾབྷུ་ཊི་ལས། སྙིང་སྟོབས་ཁུ་བ་རྡུལ་ངག་བཅས། བདུན་པ་སེམས་ཀྱི་རང་བཞིན་ལས། སྙིང་སྟོབས་ཁུ་བ་དྲི་ཆེན་རྡུལ། བདུན་།།། ཅེས་གསུངས་སོ། དེ་ཡང་གནས་ཚུལ་ལ་ལུས་ངག་རྟེན་དང་སེམས་བརྟེན་པ་ཡིན་ཀྱང་སྐྱེ་བའི་ཚེ་ཕན་ཚུན་ལྟོས་པའི་ཚུལ་དུ་སྐྱེ་སྟེ། ཕྱག་ཐིག་ལས། འབྱུང་

(༦༠༦)བ་ཆེན་པོ་བཞི་པོ་ནི། སྲོག་གི་བརྟེན་དུ་ཤེས་པར་བྱ། ཡང་ན་སྲོག་ནི་དེ་རྣམས་རྟེན། ལེགས་དགྱེས་དབང་མོ་ཤེས་པར་བྱ། ཞེས་གསུངས་པས་སོ། དེ་ལྟ་བས་ན་འཆི་བ་འོད་གསལ་གྱི་ཚེ་རྣམ་པར་རྟོགས་པའི་རྒྱུ་བ་ཅུང་ཟད་ཀྱང་མེད་མདོ། དེ་ལས་བདུན་ཡིད་གཡོས་ཏེ་གཉིས་སྣང་ཞུགས་ནས་ཀུན་གཞི་ལ་དམིགས་པས་བར་དོ་སྒྱུ་མའི་ལུས་སུ་གྲུབ་ཅིང་། བར་སྲིད་ཀྱི་བསྡུས་པའི་མི་ཤིགས་པའི་ཐིག་ལེའི་བདེ་བར་གཤེགས་པའི་སྙིང་པོ་དེ་ཉིད་ཕ་མའི་རྐྱེན་དང་ཕྲད་པར་ཉེ་བ་ན་ཁུ་རྡུལ་རླུང་གསུམ་གྱི་རྐྱེན་ཅན་ཉིད་བས་རླུང་གི་ཆ་ནས་གཡོ་བ་དང་། ཁུ་བའི་ཆ་ནས་བདག་ཏུ་རྟོགས་པ་དང་། རྡུལ་གྱི་ཆ་ནས་གཞན་དུ་རྟོགས་པའི་རང་བཞིན་ཅན་ཡིན་ནོ། དེའི་ཕྱིར་རྡུལ་གྱི་དབང་ལས་གང་དུ་སྐྱེ་འགྱུར་གྱི་ཕ་མ་འཕྲད་པ་མཐོང་བ་ན། རླུང་གི་དབང་ལས་ཤིན་ཏུ་མྱུར་བར་འོངས་ནས་ཁུ་བའི་དབང་ལས་ཕའི་ཁམས་གསེར་སྒོ་གང་རུང་ནས་ཞུགས་ཏེ། རྩ་སྟོང་ཕྲག་བདུན་བཅུ་རྩ་གཉིས་རབ་ཏུ་བསྐུལ་ཞིང་དབུ་མའི་ལམ་ནས་མའི་ཁར་བབ་སྟེ། ཕ་མའི་ཨ་ལི་ཀཱ་ལི་ཞུ་བའི་དགའ་བ་དང་འགྲོགས་ནས་ཁུ་ཁྲག་གི་དབུས་སུ་ཞུགས་པ་ན། བརྒྱལ་ཉེར་ཐོབ་ཀྱི་མཚན་ཉིད་ཅན་གྱི་བདེ་བར་རོ་གཅིག་པ་ལས། རིམ་གྱི་ནུར་ནུར་པོ་ལ་སོགས་པར་འགྱུར་ཏེ། དཔལ་སྡོམ་པ་འབྱུང་བ་ལས། སྲིད་པ་བར་དོའི་སེམས་ཅན་ནི། འགྲོན་པོའི་བགྲོད་པ་ཇི་བཞིན་དུ། འདི་ལྟར་ལས་ཀྱི་ཞག་པ་ཡིས། འགྲོ་བ་དྲུག་ཏུ་རབ་ཏུ་སྐྱེ། ཕ་མའི་ཀུན་ཏུ་སྦྱོར་སོགས་ནི། སྲིད་པ་སྐྱེ་བོས་མཐོང་གྱུར་ནས། རྟ་ལ་ཞོན་བཞིན་རྣམ་ཤེས་ནི། རླུང་གི་

(༦༠༧)གཞོན་པ་ཞོན་ནས་སུ། སྐད་གཅིག་ཐང་གཅིག་ཉིད་ལ་ནི། ཤིན་ཏུ་མྱུར་བར་འོངས་གྱུར་ནས། ཤིན་ཏུ་དགའ་དང་བཅས་སྟོབས་ཀྱི། ཁ་ཡི་ལམ་ནས་འཇུག་པར་འགྱུར། རྩ་ནི་སྟོང་ཕྲག་བདུན་བཅུ་གཉིས། རབ་བསྐུལ་དོའི་སྐད་གཅིག་ལ། ཨཱ་ལི་ཀཱ་ལི་ཞུ་བྱས་པས། མཆོག་ཏུ་དགའ་བ་ཡང་དག་ཐོབ། ཁུ་ཁྲག་དེ་ཡི་དབུས་སུ་ནི། ཐིག་ལེའི་གཟུགས་སུ་ཡང་དག་གནས། དང་པོའི་རྣམ་པ་ནུར་ནུར་པོ། ཞེས་སོགས་གསུངས་སོ། གསུམ་པ་ནི། རྡོ་རྗེ་སྙིང་འགྲོལ་ལས། རང་ལས་མ་ཡིན་གཞན་ལས་མིན། གཉིས་ཀ་ལས་མིན་རྒྱུ་མེད་མིག། གང་ཞིག་སྐྱེ་བར་སྣང་བ་ཡི། དངོས་དེ་གང་མེད་གང་ནའང་མེད། ཕ་དང་མ་ཡི་ཁུ་ཁྲག་དག །དེ་བཞིན་སྲོག་དང་ཐུར་སེལ་ནི། ཐུགས་ཀྱི་རྡོ་རྗེ་རབ་ལྡན་ཏེ། ལུས་ཀྱི་བསྐྱེད་པར་བྱེད་པའི་རྒྱུ། འོད་དཔག་མེད་དང་རིན་འཛིན། སྲོག་དང་ཐུར་སེལ་གོ་རིམ་བཞིན། བདེ་བ་ཐུགས་ཀྱི་རྡོ་རྗེ་ཡི། སྐུ་གསུངས་ཐུགས་སུ་ཆགས་པ་ཡིས། ཞེས་སོ། བཞི་པ་ནི། དེ་ལས། ཁུ་བ་ལས་སྐྱེས་ཟླ་བ་ཡིན། ཁྲག་ལས་སྐྱེས་པ་ཉི་མ་སྟེ། སྲོག་ལས་སྐྱེས་པ་སྒྲ་གཅན་འཛིན། དུས་མེ་ལས་ཐུར་སེལ་ལོ། ཞེས་གསུངས་པས། ལས་དང་རྟེན་ཅིང་འབྲེལ་པར་འབྱུང་བའི་དབང་ལས་མངལ་དུ་ཞུགས་པའི་ཕ་མའི་ཁུ་ཁྲག་དང་རླུང་གི་ངོ་བོ་ཀུན་གཞི་བག་ཆགས་དང་བཅས་པ་བདེ་བ་ཆེན་པོ་ནས་བྱིན་གྱིས་བརླབས་པ་ལས་རིམ་གྱི་འཕེལ་ཞིང་ལུས་འགྲུབ་པ་ཡིན་ལ། ལྔ་པ། མངོན་བྱང་ལྔས་བསྐྱེད་ཀྱི་སྦྱང་གཞི་ངོས་

(༦༠༨)བཟུང་བ་ཉིད་ཀྱི་ཤེས་པར་ནུས་ཤིང་། སམ་ཊི་ལས་ཀྱང་། གཤང་དང་གཅི་བ་བད་ཀན་དང་། ཁྲག་དང་ལྔ་པ་ཁུ་བ་ཉིད། བདུད་རྩི་ལྔའི་གོང་བུ་དངོས། དེ་ཕྱིར་རྡོ་རྗེ་ཅན་འདིར་བརྗོད། ཅེས་སོ། དྲུག་པ་ནི། རྒྱུད་ཀྱི་རྒྱལ་པོ་ལས། ཁུ་བ་ལས་ནི་རྐང་དང་རུས་པ་རྒྱུས་པར་འགྱུར་ཏེ་རྡུལ་ལས་པགས་པ་ཁྲག་དང་ཤ་ཉིད་དོ། ཞེས་གསུངས་པ་ལྟར། ཁུ་ཁྲག་ལ་རྣམ་པར་ཤེས་པས་བདག་ཏུ་བཟུང་བ་ཉིད་རྐྱེན་གྱི་འཕེལ་བ་ལས་ནང་གིས་མཛོད་དྲུག་སོགས་སུ་འགྱུར་བ་སྟེ། དེ་ཡང་ཁུ་བ་ལས་རྩ་དེ་ལས་རུས་པ་དེ་ལས་རྐང་བསྐྱེད་དོ། དེ་ལྟར་ཁུ་བ་ལས་བྱུང་བ་གསུམ་དང་། རྡུལ་ལས་ཁྲག་དེ་ལས་ཤ་དེ་ལས་པགས་པ་བསྐྱེད་དོ། དེ་ལྟར་རྡུལ་ལས་བྱུང་བ་གསུམ་སྟེ། སྔ་མ་གསུམ་ཕ་དང་ཕྱི་མ་གསུམ་མ་ལས་སྐྱེས་པར་བཤད་དེ། སཾབྷུ་ཊི་ལས། རུས་པ་རྐང་དང་ཁུ་བ་ནི། ཕ་ལས་སྐྱེས་པ་གསུམ་དུ་གསུངས། པགས་པ་དང་ནི་ཤ་དང་ཁྲག །མ་ལས་སྐྱེས་པ་གསུམ་ཞེས་སྒྲགས་དེ། ཤེས་སོ། དེ་ལྟ་བུའི་མཛོད་དྲུག་ནི་ཁམས་དྲུག་གི་རང་བཞིན་ཅན་ཡིན་པས་ཕན་ཚུན་ལྟོས་ཤིང་བརྟེན་ནས་རིམ་གྱིས་འཕེལ་བས་ལུས་ཀྱི་ཁམས་རྫོགས་པར་འགྲུབ་སྟེ། རྡོ་རྗེ་སྙིང་འགྲེལ་ལས། རྩ་རྣམས་ཁུ་བ་ལས་སྐྱེས་ཡིན། ཁུ་བ་ལས་ནི་རུས་པ་འབྱུང་། ཁྲག་རྡུལ་ལས་ནི་ཁྲག་འབྱུང་ཞིང་། ཤ་ལས་པགས་པ་སྐྱེ་འགྱུར་ཞིང་། རྒྱུས་པ་ལས་ནི་རྐང་འབྱུང་འགྱུར། ཞེས་སོགས་རྒྱ་ཆེར་གསུངས་པས་སོ། དེ་ཡང་མའི་མངལ་ན་གནས་པའི་ཁུ་བ་དང་རྡུལ་དག་གི་

(༦༠༩)རྣམ་པར་འགྱུར་བ་ནང་གི་སྐྱེ་བ་བདུན་པ་དང་། ལུས་ཀྱི་མཛོད་དྲུག་དང་པོར་མངལ་བཟུང་བ་ནས་བརྩམས་སྟེ་བཙལ་བའི་མཐར་ཐུག་པར་འབྱུང་བའི་ཚུལ་གསུངས་པ་ནི། འདིར་མངལ་སྐྱེས་ཀྱི་སེམས་ཅན་སྐྱེ་བའི་ལུས་ལ་མཛོད་དྲུག་དུ་འགྱུར་ཏེ། རྡོ་རྗེ་སྙིང་པོའི་འགྲེལ་པ་ལས། བཟའ་དང་བཏུང་བའི་རོ་རྣམས་ཀུན། ཟོས་དང་འཐུང་པ་རྣམ་དྲུག་པོ། སྨིན་པ་ལས་ནི་བཅུད་འགྱུར་ཏེ། དེ་དེའི་སྐྱེ་བ་དང་པོའོ། དེ་ནས་ཁྲག་ཉིད་དུ་འགྱུར་ཏེ། གཉིས་པ་གསལ་བར་འགྱུར་བ། གསུམ་པ་རྐང་ཉིད་དུ་འགྱུར་རོ། བཞི་པ་པགས་པ་ཉིད་དུ་འགྲོ། ལྔ་པ་རྩ་ཉིད་འགྱུར་བ་ཡིན། དྲུག་པ་རུས་པ་ཉིད་འགྱུར་རོ། བདུན་པ་རྐང་ཉིད་དུ་འགྱུར་ཏེ། འདི་ནི་ལན་བདུན་པར་འགྱུར་རོ། དེ་ཉིད་རྟེན་པའི་སྦྱོར་བ་ཡིས། མཛོད་དྲུག་རིགས་སུ་བརྗོད་པར་བྱ། ཞེས་པ་ལྟར་རོ། དེ་ལས་ཐོག་མར་ཕའི་ཁུ་བ་ལས་མཛོད་གསུམ་དུ་འགྱུར་ཏེ། ཁུ་བ་ལས་རྐང་དུ་འགྱུར་བ་དང་། རྒྱུས་པ་སྟེ་ཆུ་རྒྱུས་རྣམས་སུ་འགྱུར་བའོ། མའི་རྡུལ་ལས་མཛོད་གསུམ་འགྲུབ་སྟེ། པགས་པར་འགྱུར་བ་དང་། ཁྲག་ཏུ་འགྱུར་བ་དང་། ཤར་འགྱུར་བ་སྟེ། གང་གིས་ཕྱིར། བརྗོད་མ་ཐག་པའི་ཕ་མའི་ས་བོན་གྱི་བྱིས་པའི་མཛོད་དྲུག་རབ་ཏུ་སྐྱེད་པའི་ཕྱིར་ཏེ། བདེ་མཆོག་འབྱུང་བའི་ལེའུ་དང་པོ་ལས་པགས་པ་ཤ་དང་ཁྲག་རྣམས་ཀྱང་། མ་ལས་སྐྱེས་ཤེས་བཤད་པ་སྟེ། རྒྱུས་པ་རྐང་དང་ཁུ་བ་ཡང་། ཕ་ལས་སྐྱེས་ཤེས་བཤད་པ་ཡིན། ཞེས་གསུངས་སོ། བདུན་པ་ནི། ཁྱབ་འཇུག་གིས་

(༦༡༠)རྗེས་སུ་འབྲང་བ་རྣམས་ན་རེ། ཉ་དང་རུས་སྦལ་ཕག་རྒོད་དང་། མི་ཡི་སེགས་གེ་མིའུ་ཐུང་དང་། ར་མ་གཉིས་དང་ནག་པོ་དང་། སངས་རྒྱས་རིགས་ལྡན་དང་ནི་བཅུ། ཞེས་པ་དེ་དག་ཁྱབ་འཇུག་གི་བྱས་པར་སྨྲ་བ་རྣམས་རྗེས་སུ་བཟུང་བའི་ཆེད་དུ་དུས་ཀྱི་འཁོར་ལོ་ལས་གསུངས་པ་སྟེ། རྒྱས་པར་གཞུང་དོན་དུ་འཆད་པས་འདིར་མ་སྤྲོས་སོ། བརྒྱད་པ་ནི་རྣམ་ཤེས་ཉིད་རྐྱེན་དང་འཕྲད་པས་ལུས་སུ་སྣང་བར་གསུངས་སྟེ། ཕྱག་ཐིག་ལས། རྣམ་ཤེས་ལས་ནི་རླུང་སྐྱེའོ། དེ་ལས་མེ་ནི་སྐྱེ་བར་འགྱུར། དེ་ལས་ཆུ་ནི་སྐྱེ་འགྱུར་ཏེ། དེ་ལས་ས་ནི་སྐྱེ་བའོ། དེ་རྣམས་ཀུན་ལ་ཕུང་པོ་འབྱུང་། དེ་ལས་སྐྱེ་མཆེད་འབྱུང་བར་འགྱུར། ཞེས་གསུངས་ངོ་། དེ་ནི་ལུས་རྩ་རླུང་སོགས་དང་བཅས་པ་འཕེལ་བའི་ཚུལ་བཤད་པར་བྱ་སྟེ། རྩ་མ་ཆགས་པའི་གནས་སྐབས་ཀྱི་ཞགས་བདུན་ཕྲགས་བཞིར་ནི། མའི་མངལ་ན་གནས་པའི་རླུང་མི་འདྲ་བ་བཞིས་བསྐྱེད་ཅིང་སྤེལ་ལ། རྩ་ཆགས་ནས་རྩ་རླུང་སོགས་ཀྱི་འཕེལ་བའི་ཚུལ་ཡང་མི་ཤིག་པའི་ཐིག་ལེ་ཁུ་རྡུལ་གྱི་བདག་ཉིད་དཀར་དམར་གྱི་རྐྱེན་ཅན་དེ་ཡང་ཁམས་ལྔའི་རང་བཞིན་ཅན་ཡིན་པས། རྩ་བའི་རླུང་ལྔར་ལྡང་བའི་རིམ་པས་དེའི་རྟེན་རྩ་རྣམས་རིམ་བཞིན་ཆགས་པར་འགྱུར་ལ། རྩ་བའི་རླུང་ལྔ་ལས་ཡན་ལག་གི་རླུང་ལྔ་འཕྲོས་ནས་སྐྱེ་མཆེད་དང་དོན་ལྔ་སོགས་འགྲུབ་པར་འགྱུར་ཞིང་། དེ་ནས་བྱེད་པའི་མཚན་ཉིད་ཅན་གྱི་ལས་དབང་རྣམས་འགྲུབ་ཟླ་བ་བརྒྱད་པ་ནས་དྲི་མ་འདོར་བ་སོགས་ཀྱང་འབྱུང་ངོ་། ཟླ་བ་རྫོགས་ནས་མངལ་སྦུབས་དབྲལ་ཏེ་ཕྱིར་འབྱུང་ཞིང་། ཕྱི་རོལ་དུ་རྩ་ཆགས་པའི་

(༦༡༡)ཟླ་བ་ལྷག་མ་གསུམ་དང་བཅུ་གཉིས་ཚང་བ་ན་སྤྲུལ་པའི་སྐུ་གྲུབ་པ་སོགས་གཞུང་ཉིད་ན་གསལ་ལོ། གནས་སྐབས་དེ་རྣམས་སུ་རྩ་འགྲུབ་པའི་ཚུལ་ནི། མི་ཤིག་པའི་ཐིག་ལེ་ཁུ་རྡུལ་རླུང་གསུམ་གྱི་བདག་ཉིད་ཅན་ཡིན་པས། རླུང་གི་དབང་ལས་མུན་ཅན་དབུ་མ་དང་ཁུ་བའི་དབང་ལས་འཛིན་པའི་ཆོས་བསྐྱེད་པ་རྐྱང་མ་དང་རྡུལ་གྱི་དབང་ལས་གཟུང་བའི་ཆོས་བསྐྱེད་པ་རོ་མ་སྟེ་གཙོ་མོ་གསུམ་འགྲུབ་ཅིང་བཞིར་འགྱེད་ན་དབུ་མ་ལ་ཆ་གཉིས་སུ་ཕྱེ་བའི་མར་སྣ་དུང་ཅན་མ་ས་ཁམས་ཀྱི་རང་བཞིན་ཅན་ཏེ་བཞིའོ། དེ་ལས་འཁོར་ལོ་ཆགས་པ་ན་ཁམས་བཞི་ཡི་ངེས་པས་ལྟེ་སྙིང་མགྲིན་སྤྱིའི་འཁོར་ལོ་བཞི་དང་། ཁམས་བཞིའི་ནང་ཚན་ས་ལས་ཡེ་ཤེས་དང་རླུང་ལས་ནམ་མཁའ་ཕྱེ་བས་གསང་གཙུག་གི་འཁོར་ལོ་གཉིས་སྟེ། དེ་ལྟར་ན་དྲུག་དང་། དེ་ལས་ཀྱང་རྩའི་གཙོ་མོ་ཉེར་བཞི་དང་བདུན་བཅུ་རྩ་གཉིས་དང་བདུན་ཁྲི་ཉི་སྟོང་དང་ཕྲག་མོ་བྱེ་བ་ཕྲག་ཕྱེད་བཞི་ཆགས་པར་འགྱུར་བ་སོགས་ལེའུ་གསུམ་པའི་གཞུང་ཉིད་ན་གསལ་ཞིང་། རྩ་དེ་རྣམས་གནས་ལ་སོགས་པར་འགྱུར་བའི་ཚུལ་ལ། འཁོར་ལོ་དྲུག་གིས་དབང་ལས་མི་ཤིག་པའི་ཐིག་ལེ་དྲུག་དང་། དྲུག་པོ་དེ་དག་ཀྱང་ཐབས་དང་ཤེས་རབ་ཀྱི་བདག་ཉིད་ཅན་ཡིན་པས་བཅུ་གཉིས་སྟེ། དོན་གྱི་དབང་འདི་ལས་ནི་འཁོར་ལོ་རེ་རེར་གནས་ལ་སོགས་པ་གཉིས་གཉིས་སྟེ་ས་བཅུ་གཉིས་སུ་བཞག་པ་ཡིན་ཞིང་། དེ་ལ་ཐབས་ཤེས་གཉིས་སུ་དབྱེ་བས་ནང་གི་ཡུལ་ཉེར་བཞི་དང་། རྩ་བའི་མི་ཤིག་པ་དྲུག་པོ་ཁམས་དྲུག་གི་བདག་ཉིད་ཅན་ཡིན་པས་ནང་གི་གནས་སུམ་བཅུ་སོ་དྲུག་དང་། གཉིས་སྤྱི་ཁྱབ་སྟེ་ནང་གི་ནང་གི་ཡུལ་ཆེན་སུམ་བཅུ་སོ་དྲུག་བདུན་དུ་འགྱུར་ལ་

(༦༡༢)འདི་ཉིད་ཀྱི་རིག་པས་ཡུལ་བདུན་བཅུ་དོན་གཉིས་ཀྱང་སོ་དྲུག་པོ་ལ་ཐབས་ཤེས་སུ་ཕྱེ་བ་ལས་གྱུར་པར་རྟོགས་སླ་བ་ཉིད་དོ། མི་ཤིག་པ་ལས་འགྲོ་འོང་དང་འབྱུང་འཇུག་གིས་མཚན་ཉིད་ཅན་གྱི་རླུང་དུ་གྱུར་པའི་ཚུལ་ཡང་། མི་ཤིག་པ་ཆ་ཤས་ཀུན་ཚང་དེ་ཉིད་གཡོ་བའི་ཆ་ནས་རླུང་དུ་བརྗོད་པ་དེ་དག་ལས་དང་ཡེ་ཤེས་འདྲེས་པར་གནས་པ་ཉིད་ལ། མུན་པའི་དབང་ལས་སྒྲ་གཅན་གྱི་རླུང་དང་རྡུལ་གྱི་དབང་ལས་ཉི་མའི་རླུང་སྙིང་སྟོབས་ཀྱི་དབང་ལས་ཟླ་བའི་རླུང་དུ་བཤད་པས། ཟླ་ཉི་སྒྲ་གཅན་གྱི་རླུང་གསུམ་ཞེས་བྱ་ལ། དེ་ཡང་འབྱུང་བ་ལྔའི་རང་བཞིན་ཅན་ཡིན་པས། རྩ་བའི་རླུང་ལྔ་དང་། དེས་འབྱུང་གྱུར་གྱི་ཆོས་ལྔ་བསྐྱེད་པ་ལས་གྱུར་པ་ཡན་ལག་གི་རླུང་ལྔ་སྟེ། རླུང་བཅུ་རགས་པར་གྲུབ་པ་ན། འབྱུང་འཇུག་གི་མཚན་ཉིད་ཅན་ཞག་གཅིག་ལ་ཉི་ཁྲི་ཆིག་སྟོང་དྲུག་བརྒྱ་ཕྱི་ནང་དུ་འགྲོ་འོང་དུ་བྱེད་པས་སྐྱེས་བུ་ཚེ་ལོ་བརྒྱ་པ་དབང་པོ་བརྒྱ་པ་ཞེས་འབྱུང་བ་ལྟར་ན། ཚེ་གཅིག་གིས་རླུང་བསྡོམས་པས་དབུགས་དུ་ཕྱུར་ཕྲག་བདུན་དང་། བྱེ་བ་བདུན། ས་ཡ་བདུན། འབུམ་ཕྲག་དྲུག་རྣམས་ཕྱི་ནང་དུ་འགྲོ་འོང་བྱེད་ཅིང་། ཕྱིར་རྒྱུས་ནས་ཡེ་ཤེས་ཀྱི་སྟོབས་ཟད་པར་བྱེད་པས། ཕྱིར་འགྲོ་བ་འཕེལ་བས་འཆི་ལྟས་དང་། ནང་དུ་ཟིན་པས་ཡེ་ཤེས་འཕེལ་ཏེ་འཆི་མེད་འགྲུབ་པ་སོགས་ལེའུ་བཞི་པའི་གཞུང་ཉིད་ནས་གསལ་ཞིང་། མི་ཤིགས་པ་ལས་ཐིག་ལེ་དཀར་དམར་ཟློགས་སོགས་ཀྱི་བྱེད་ལས་དང་ལྡན་པར་གྱུར་པའི་ཚུལ་ཡང་། གདོད་མའི་མི་ཤིག་པའི་ཐིག་ལེ་དེ་ཉིད་རྩ་བ་སྤྲོལ་གྱི་ཐིག་ལེ་ཡིན་པ་ལ། དེ་ཡང་རྣམ་ཤེས་ཀྱི་དངས་མ་དང་ཡེ་ཤེས་ཀྱི་དངས་མ་ཆུ་

(༦༡༣)དང་འོ་མ་འདྲེས་པའི་དབང་ལས། རྣམ་པར་ཤེས་པས་རང་ངོ་མ་ཤེས་ཤིང་རྨོངས་ནས་བདག་ཏུ་བཟུང་བ་ལས་གཞན་སྣང་ཀྱང་ཤར་སྟེ། གཉིས་འཛིན་གྱི་མ་རིག་པ་འཕེལ་བས་འཁྲུལ་པ་མ་རིག་པའི་ཐིག་ལེར་གྲུབ་ཅིང་། དེ་ཡང་ཁུ་བའི་དབང་ལས་དཀར་ཆ་དང་རྡུལ་གྱི་དབང་ལས་དམར་ཆ་དང་རླུང་གི་དབང་ལས་སྒྲ་གཅན་གྱི་ཁམས་སུ་བརྗོད་ལ། དེ་གསུམ་ལ་གཉིས་སྣང་ཞུགས་ཏེ་བདག་གཞན་དུ་རྟོགས་པ་ལས། དཀར་ཆའི་དངས་མ་བདེ་བ་ཆེན་པོའི་གནས་དང་དམར་ཆའི་དངས་མ་སྤྲུལ་པའི་གནས་དང་སྒྲ་གཅན་གྱི་དངས་མ་ཆོས་ཀྱི་འཁོར་ལོའི་གནས་སུ་འཕེལ་ཞང་འགྲིབ་སོ། དེ་ལས་སྙིགས་མའི་ཁམས་རྣམས་རྩ་སྟོང་ཕྲག་བདུན་བཅུ་རྩ་གཉིས་སུ་འབབ་ཅིང་ཟད་པར་བྱེད་ལ། རྣལ་འབྱོར་གྱིས་སྟོབས་ཀྱི་ནི་འཛིན་པ་དང་བཟློགས་པ་དང་དགྲམ་པ་ལ་མཁས་པར་བྱས་པས། སྒྲ་གཅན་གྱི་ཁམས་ལས་བྲལ་བའི་ཡོན་ཏན་དང་ཟླ་ཉིའི་ཁམས་ལས་རྣམ་སྨིན་གྱི་ཡོན་ཏན་ཏེ་མཚན་དང་དཔེ་བྱེད་ཀྱི་བརྒྱན་པའི་ཡེ་ཤེས་ཀྱི་སྐུར་འགྱུར་བ་ཡིན་ནོ། མི་ཤིགས་པ་ལས་ཚོགས་བརྒྱད་སོགས་སུ་གྱུར་པའི་ཚུལ་ཡང་མི་ཤིགས་པ་དེ་ཉིད་རྣམ་ཤེས་དང་དབྱེར་མི་ཕྱེད་པ་ཉིད་པས་བདག་གཞན་དུ་རྟོགས་པའི་དབང་གི་དེ་ལྟར་གྱུར་པ་སྟེ། མུན་ཅན་གྱི་དབང་ལས་སེམས་ཀུན་གཞི་དང་། རྐྱང་མས་ཉོན་ཡིད་ཀུན་གཞི་ལ་བདག་ཏུ་རྟོགས་བའི་མཚན་ཉིད་ཅན་དང་རོ་མས་ཚོགས་དྲུག་བཟུང་བའི་རང་སྣང་ཅན་དུ་བསྐྱེད་ནས་གཉིས་སྣང་གི་དབང་ལས་འདུ་བྱེད་ཀྱི་ཚོགས་ལྔ་བཅུ་རྩ་གཅིག་ཀྱང་གྲུབ་ཏེ། དེ་ལས་འཁོར་བའི་འཁྲུལ་སྣང་མཐའ་ཡས་པ་ལས་ཀྱང་མཐའ་ཡས་པའི་བར་དུ་འཕེལ་བར་གྱུར་ཏོ། དེ་ལྟར་གཞི་དུས་ཀྱིས་

(༦༡༤)འཁྲུལ་སྣང་སྣ་ཚོགས་པ་དེ་ཉིད་ལམ་གྱི་སྦྱངས་པ་ལས། གཞི་ཉིད་འགྱུར་འགྱུར་བའི་དོན་གྱིས་ན་གཞི་འབྲས་དབྱེར་མེད་པ་ཞེས་བྱ་བ་ནི། བརྒྱུད་རིན་པོ་ཆེའི་ཐུན་མོང་མ་ཡིན་པའི་ལེགས་པར་བཤད་པ་སྟེ། གཞི་ལ་ལམ་དང་འབྲས་བུ་ལ་གནས་པའི་ཚུལ་ཡང་མདོ་ཙམ་བཤད་པར་བྱ་སྟེ། ཀྱཻ་རྡོ་རྗེ་ལས། ཟླ་བ་བཅུ་ཡང་ས་རྣམས་ཉིད། སེམས་ཅན་ས་བཅུའི་དབང་ཕྱུག་གོ། ཞེས་གསུངས་པ་ལྟར་མངལ་དུ་ས་བཅུ་རྫོགས་པའི། སེམས་ཁུ་ཁྲག་དབུས་སུ་ཞུགས་པ་ལས་དཀར་དམར་སེམས་གསུམ་རོ་གཅིག་ཏུ་གནས་པ་ཉིད་ཀྱིས་ན། དཀར་ཆ་གནས་པའི་ཕྱིར་གནས་དང་ཉེ་བའི་གནས་ཏེ་ས་དང་པོ་དང་གཉིས་པའོ། ཟླ་བ་གཉིས་པ་སོགས་རྩ་བ་དང་ཡན་ལག་གི་རླུང་ལྔའི་གྲུབ་རིམ་གྱི་རྩ་རྣམས་ཆགས་ཤིང་སྐྱེ་མཆེད་རྣམས་གྲུབ་པ་ན། ཁམས་ལ་ལོངས་སྤྱོད་པའི་དོན་གྱི་ཞིང་དང་ཉེ་བའི་ཞིང་སྟེ་ས་གསུམ་པ་དང་བཞི་པའོ། དེའི་འོག་ཏུ་དོན་ལྔ་གྲུབ་པ་འདྲེས་པའམ་སྦས་པའི་དོན་གྱིས་ན་ཚནྡྷོ་དང་ཉེ་བའི་ཚནྡྷོ་ཧ་སྟེ་ས་ལྔ་བ་དང་དྲུག་པའོ། བྱེད་པའི་མཚན་ཉིད་ཅན་གྱི་ལས་དབང་གྲུབ་པའི་ཚེ་དངས་སྙིགས་ཀྱི་ཁམས་འདུ་བའི་དོན་གྱིས་ན་འདུ་བ་དང་ཉེ་བའི་འདུ་བ་སྟེ་ས་བདུན་པ་དང་བརྒྱད་པའོ། ཟླ་བ་བརྒྱད་པ་སོགས་ནས་དྲི་མ་འདོགས་བའི་དོན་གྱིས་ན་དུར་ཁྲོད་དང་ཉེ་བའི་དུར་ཁྲོད་ཏེ་ས་དགུ་པ་དང་ས་བཅུ་པའོ། མངལ་སྦུབས་དབྲལ་སྟེ་ཕྱིར་བྱུང་ཞིང་བཙས་ནས་ཟླ་བ་གསུམ་གྱི་རིང་རྩ་རྫོགས་པར་ཆགས་པ་ནི་འཐུང་སྤྱོད་དང་ཉེ་བའི་འཐུང་གཅོད་དེ་ས་བཅུ་གཅིག་པ་དང་བཅུ་གཉིས་པའོ། དེ་ལྟ་བུའི་ལམ་ལ་རང་དོན་དུ་ཆོས་སྐུར་མངོན་པར་བྱང་ཆུབ་ནས་གཞན་སྣང་དུ་གཟུགས་ཀྱི་སྐུའི་བཀོད་

(༦༡༥)པས་མཐའ་ཡས་པའི་གདུལ་བྱའི་དོན་འབད་མེད་དུ་མཛད་པ་ཅན་གྱི་འབྲས་བུ་གནས་པའི་ཚུལ་ནི་གཞུང་ཉིད་ལས། དྲི་མེད་དག་པ་སངས་རྒྱས་ཏེ། དེ་ཕྱིར་འགྲོ་ཀུན་སངས་རྒྱས་ཉིད། ཅེས་པའི་འགྲེལ་པར་རྟག་གཉིས་ཀྱི་ལུང་དྲངས་པ་ལས་ཀྱང་། འདི་དག་རྐྱེན་གྱི་སེམས་ཅན་རྣམས། སངས་རྒྱས་ཉིད་དུ་ཐེ་ཚོམ་མེད། ཞེས་གསུངས་པ་ལྟར་རོ། ངེས་པའི་དོན་དུ་ནི། རྩ་རླུང་ཐིག་ལེ་ལ་སོགས་པ་འདི་དག་ཀྱང་གནས་ལུགས་ཀྱི་རང་འདོད་ཁམས་ལྔར་འཆར་བའི་ངེས་པས་ཁམས་དང་ཤེས་པ་དབྱེར་མི་ཕྱེད་པར་འདྲེས་པ་ཉིད་ལ་ཆ་ཤེས་སོ་སོ་ནས་བརྗོད་པ་སྟེ། གདོད་མའི་མི་ཤིགས་པའི་ཐིག་ལེ་ཆེན་པོ་ཞེས་པའི་གོ་དོན་ཀྱང་ཐོག་མའི་མཐའ་མེད་པའི་དོན་གྱིས་ན་གདོད་མ་ནས་མི་ཕྱེད་པའི་དོན་གྱིས་ན་མི་ཤིགས་པ་དང་སྣང་བ་དུ་མ་ཁྱབ་བར་གདལ་བའི་དོན་གྱིས་ན་ཐིག་ལེ་དང་ཆོས་ཐམས་ཅད་ལ་མ་ཁྱབ་པ་མེད་པའི་དོན་གྱིས་ན་ཆོས་ཆེན་སྟེ། དེ་ལྟར་མི་ཤིགས་པའི་ཐིག་ལེ་ཆེན་པོ་དེ་ཉིད་ལ་རྟེན་བྱེད་པའི་ཆ་ནས་རྩ་དང་བརྟེན་པ་ཡོན་ཏན་གྱི་ཆ་ནས་རླུང་དང་རླུང་དང་རྒྱུའམ་ཁམས་ཀྱི་ཆ་ནས་ཡི་གེ་དང་འཆར་སྒོའི་ངོས་ནས་སྣང་བ་གསུམ་གྱིས་ཤེས་པ་དང་ཡུལ་ལ་བདག་པོར་གྱུར་པའི་ཆ་ནས་དབང་པོ་དང་། ཆོས་ཐམས་ཅད་ཀྱི་བག་ཆགས་ཡུངས་པའི་ཆ་ནས་ཕུང་པོ་དང་བྱེད་པོ་གཞན་མེད་ལ་རང་གི་མཚན་ཉིད་འཛིན་པའི་ཆ་ནས་ཁམས་དང་ཕྱི་ནང་གི་ཆོས་མཐའ་དག་སྐྱེ་ཞིང་མཆེད་བར་བྱེད་པའི་ཆ་ནས་སྐྱེ་མཆེད་དང་། སྣང་བ་སྣ་ཚོགས་པའི་ཆ་ནས་ཡུལ་དང་སྣ་ཚོགས་སུ་སྣང་ཡང་སྣང་མཁན་ཉིད་ལས་གཞན་མ་གྲུབ་པའི་ཆ་ནས་ཡུལ་ཅན་དང་། གཉིས་སུ་སྣང་བའི་ཆ་ནས་འཁོར་བ་དང་དོན་ལ་གཉིས་སུ་མེད་

(༦༡༦)པའི་ཆ་ནས་མྱ་ངན་ལས་འདས་པ་དང་། གཞི་ཐོག་ན་འབྲས་བུ་ལྷུན་གྱི་གྲུབ་པ་ཉིད་མངོན་དུ་བྱེད་པའི་ཆ་ནས་ས་ལམ་དང་། འབྲས་བུ་སངས་རྒྱས་ཀྱི་སྟོན་མཐའ་དག་རྫོགས་པའི་ཆ་ནས་སྐུ་དང་ཡེ་ཤེས་ལ་སོགས་པའི་རྣམ་བཞག་དང་། རེ་རེ་ལའང་ཆ་ཤས་མཐའ་དག་རྫོགས་པར་ཚང་བའི་ཆ་ནས་འཁོར་བ་དང་དོན་ལ་གཉིས་སུ་མེད་པའི་ཐམས་ཅད་ཀྱང་ཕྱོགས་རེ་ཙམ་བརྗོད་པ་སྟེ། མདོར་ན། གཤིས་སྐྱེ་མེད་ཀྱི་ཆ་ནས་རླུང་དང་གདངས་འགག་མེད་ཀྱི་ཆ་ནས་རྩ་དང་རྩལ་སྣ་ཚོགས་ཀྱི་ཆ་ནས་ཐིག་ལེ་སྟེ། གཤིས་གདངས་རྩལ་གསུམ་གྱི་ཆ་ལ་རླུང་ཁུ་རྡུལ་གསུམ་མམ། དེ་གསུམ་ལ་རྡུལ་མུན་སྙིང་སྟོབས་སམ། ལྷའི་གཙོ་བོ་གསུམ་དང་དུག་གསུམ་དང་ཁམས་སུམ་ལ་སོགས་པ་འཁོར་བའི་ཆོས་དང་། བདེ་གསལ་མི་རྟོགས་པ་སོགས་ཉམས་གསལ་སྟོང་འཛིན་མེད་སོགས་རྟོགས་པ་སྟེ་ལམ་དང་། རྡོ་རྗེ་གསུམ་དང་སྐུ་གསུམ་འབྲས་བུར་བརྗོད་དོ། ངེས་པའི་དོན་གྱི་གནད་འདི་མ་གོ་བས། རྩ་ཆུ་རྒྱུས་པ་སྦུབས་ཅན་དང་རླུང་ཕྱི་ནང་དུ་འགྲོ་འོང་བྱེད་པའི་དབུགས་དང་ཐིག་ལེ་ཁུ་བ་དཀར་དམར་དུ་འདོད་པ་དག་གིས་ནི། ངེས་དོན་གྱི་ཕྱོགས་ཙམ་དུའང་མ་ཕྱིན་པ་སྟེ། ལོགས་པར་རྟོགས་པའི་བློ་ཅན་དེས་རྩ་དབུ་མ་ལུས་ཀྱི་དབུས་སུ་བསྒོམ་ནས་རླུང་བཟུང་བས་སྒྱུ་མ་ཕུས་བཏབ་པ་ལྟར་གང་བའི་ནང་དུ་ཐིག་ལེ་འབར་འཛག་གྱི་རྣམ་པར་དབབ་བཟློགས་བྱས་པས་གཟུང་འཛིན་དངས་ནས་ཡེ་ཤེས་འཆར་བར་མི་འགྱུར་རོ། དེའི་ཕྱིར་མ་བཅོས་པའི་རང་བབས་གསལ་ལ་མི་རྟོགས་པ་ཉིད་ཉམས་སུ་བླངས་པས་གཟུང་འཛིན་དབུ་མར་གྲོལ་ནས་ཆོས་ཀྱི་སྐུ་མཁའ་ཁྱབ་ཀྱི་ཡེ་ཤེས་མངོན་དུ་བྱེད་པའི་མན་ངག་གི་གསང་། ཟབ་མོ་རྡོ་རྗེ་ཐེག་

(༦༡༧)པའི་ཉེ་ལམ་སྙིང་པོར་གྱུར་པ་དེ་ཉིད། མཚན་ཉིད་དང་ལྡན་པའི་བླ་མ་མཆོག་གི་དྲིན་ལས་ཤེས་བར་བྱོས་ཤིག་ཅེས་སྐལ་བ་དང་ལྡན་པ་རྣམས་ལ་ལྷག་པར་ཡང་བརྩེ་བ་ཆེན་པོ་ནས་རྗེས་སུ་གདམས་པ་ཡིན་ནོ། གཉིས་པ་གཞུང་གི་དོན་ལ་གཉིས། རྩ་བ་དང་། འགྲེལ་པའོ། དང་པོ་ནི། ལུས་ནི་འགྲུབ་པའི་ཚུལ་བཤད་པ། ཀུན་གཞི་སྲོག་རླུང་དང་བཅས་པ། ཁམས་སུམ་སྐྱེ་བར་སྦྱོར་བ་ན། ཞེས་གསུངས་སྟེ། དེ་ལྟར་རྒྱུ་རྐྱེན་སྤྱིར་བསྟན་ནས་ད་ནི། འཁོར་བའི་ལུས་འདི་ནི་འགྲུབ་པའི་ཚུལ་བཤད་པར་བྱའོ། དེ་ཡང་ཀུན་གཞི་སྲོག་གི་རླུང་དང་བཅས་པ་དེས་ཁམས་སུམ་པོ་གང་རུང་དུ་སྐྱེ་བར་ཉིང་འཚམས་སྦྱོར་བ་ལས་གྲུབ་པ་ཡིན་ནོ། ཞེས་དུམ་བུ་གཉིས་པའི་བརྗོད་དོན་བསྡུས་ནས་གསུངས་པ་སྟེ། ན་ཞེས་པ་འོག་མ་འདྲེན་པའི་ཚིག་གོ། གཉིས་པ་ལ་གཉིས། ལེའུ་གོང་འོག་གི་མཚམས་སྦྱར་བ་དང་། རྩ་བའི་ཚིག་དོན་དངོས་པོ། དང་པོ་ནི། ལུས་ནི་གྲུབ་པའི་ཚུལ་བཤད་པ། ཞེས་པའི་འཕྲོས་དོན་ཏེ། ལེའུ་དང་པོར་སེམས་དངོས་པོའི་གནས་ཚུལ་བཤད་ནས། དེའི་འོག་ཏུ་ལེའུ་གཉིས་པར་ལུས་འགྲུབ་པའི་ཚུལ་གྱི་གནས་ལུགས་སྟོན་པའི་རྒྱུ་མཚན་ནི། རྡོ་རྗེ་ཐེག་པའི་རྒྱུད་གཞུང་ཐམས་ཅད་ནས་འཁོར་འདས་ཀྱི་གཞི་རགས་པ་ལུས་དང་ཕྲ་བ་སེམས་ཏེ་དེ་གཉིས་སུ་གསུངས་ཀྱང་། སེམས་དངོས་པོའི་གནས་ལུགས་སྔར་ལེའུ་དང་པོར། རྒྱུ་ནི་སེམས་ཐོག་མེད་ལ། ཞེས་པར་བསྟན་པ་ལས་ཁྱད་པར་དུ་སྔགས་ཀྱི་ཐེག་པར་ལུས་དང་སེམས་ལ་གནད་དུ་བསྣུན་པའི་ཐབས་ཀྱི་ཁྱད་པར་བསྟན་དགོས་པས། ལུས་སེམས་རྟེན་དང་བརྟེན་པ་ཡིན་པའི་དོན་གྱི་བརྟེན་

(༦༡༨)པ་སེམས་འཆི་བ་ལ་བརྟེན་པ་ལུས་བཅིང་བ་གནད་དུ་ཆེ་བའི་ཕྱིར་ན་དེ་ལྟར་འཆད་པ་རྗེས་སུ་འབྲེལ་ལོ། གཉིས་པ་ནི། ལེའུ་དང་པོའི་རྗེས་དེ་ནས་ལུས་འགྲུབ་པའི་ཚུལ་ལ། སྤྱིར་ཁམས་སུམ་བྱེ་བྲག་ཏུ་མིའི་ལུས་འདི་སེམས་ཀྱི་སྣང་ཆ་ལས་གྲུབ་པ་ཡིན་ཀྱང་ཇི་ལྟར་གྲུབ་པའི་ཚུལ་ཤེས་དགོས་པས། ཁམས་སུམ་གྱི་སྐྱེ་བ་ལེན་པར་ཉིང་མཚམས་སྦྱོར་བ་ན། ཀུན་གཞིའི་རྣམ་ཤེས་དགེ་མི་དགེ་གང་རུང་དུ་ལུང་དུ་མ་བསྟན་པ་དེ་ཉིད་གང་དུ་སྐྱེ་འགྱུར་གྱི་གནས་སུ་ཁྲིད་པར་བྱེད་པ་པོ་ནི། ཀུན་གཞིའི་སྟེང་ན་བདུན་ཡིད་གཡོ་བ་བག་ཆགས་སྣ་ཚོགས་དང་བཅས་པ་དེ་ཉིད་ཡིན་པས། བདུན་ཡིད་དེ་ལ་གསང་སྔགས་ཀྱི་སྐད་དུ་སྲོག་གི་རླུང་ཞེས་བྱ་སྟེ། སྲོག་འཛིན་ལ་ཡང་ཞིང་གཡོ་བའི་མཚན་ཉིད་འཛིན་པའི་ཕྱིར་རོ། གཉིས་པ་རྒྱས་པར་བཤད་པ་གཉིས། ཁམས་སུམ་གྱི་སྐྱེ་བ་ལེན་ཚུལ་སྤྱིར་བསྟན་པ་དང་། བྱེ་བྲག་ཏུ་མིའི་ལུས་ལེན་ཚུལ་རྒྱས་པར་བཤད་པའོ། དང་པོ་ལ་གསུམ། གཟུགས་མེད་པ་དང་། གཟུགས་དང་། འདོད་པའི་ཁམས་སུ་སྐྱེ་བ་ལེན་པའི་ཚུལ་ལོ། དང་པོ་ལ་རྩ་འགྲེལ་གཉིས་ལས། དང་པོ་ནི། འདུ་བྱེད་བཅས་པའི་རྣམ་ཤེས་ཀྱིས། ནམ་མཁའ་མཐའ་ཡས་ལ་སོགས་བཞི། ཡུལ་དུ་བྱས་ནས་དེར་སྐྱེས་པ། གཟུགས་མེད་ཅེས་བྱ་ཡིད་ལུས་སོ། ཞེས་གསུངས་སྟེ། སེམས་ཡུལ་ལ་འདུ་བྱེད་པ་འཕེན་བྱེད་ཀྱི་ལས་དང་བཅས་པའི་ཀུན་གཞིའི་རྣམ་ཤེས་ཀྱི་ནམ་མཁའ་མཐས་ཡས་ལ་སོགས་པ་གཟུགས་མེད་ཀྱི་དང་པོས་ནི་བཞི་པོ་གང་རུང་ཡུལ་དུ་བྱས་ནས་དང་པོས་ནི་དེས་འགྲུབ་བྱེད་གྱ་ལས་བྱས་ཏེ་ཁམས་གོང་མ་དེར་སྐྱེས་པའི་སེམས་ཅན་དེ་ལ་ནི་གཟུགས་མེད་ཁམས་པ་ཞེས་གསུང་སྟེ་དེ་ཡང་ཡིད་ཀྱི་ལུས་ཅན་ནོ། གཉིས་པ་ལ་གསུམ།

(༦༡༩)རྒྱུ་སྙོམ་འཇུག་གི་གཟུགས་མེད། འབྲས་བུ་སྐྱེ་བའི་གཟུགས་མེད། གཟུགས་མེད་ཀྱི་རྒ་ཤི་བཤད་པའོ། དང་པོ་ནི། གཟུགས་མེད་པའི་ཁམས་སུ་ཉིང་མཚམས་སྦྱོར་བ་ན་ཡང་ཀུན་གཞིའི་སྟེང་ནས་ཡིད་འདུ་བྱེད་པ་དང་བཅས་ཏེ་ལངས་པའི་བདུན་ཡིད་བག་ཆགས་སྣ་ཚོགས་པ་ཅན་གྱི་ཀུན་གཞི་དང་བཅས་པ་ནི་རྒྱུ་ལས་ཀྱི་ཀུན་ནས་ཉོན་མོངས་པ་སྟེ། སྐྱེ་སྲིད་སྒྲུབ་པར་བྱེད་བའི་ལས་དང་འཕེན་པར་བྱེད་པའི་ལས་ཡིན་པས་སོ། ལས་དེ་དང་བཅས་པའི་ཀུན་གཞིའི་རྣམ་པར་ཤེས་པ་རྒྱུ་སྙོམ་འཇུག་བསྒོམ་པའི་ཚེ་གཟུགས་ཀྱི་འདུ་བྱེད་ལས་ལོག་ཏེ། ཆོས་ཐམས་ཅད་ནམ་མཁའ་ལྟར་མཐའ་ཡས་སོ་སྙམ་པ་དང་། ནམ་མཁའི་འདུ་བྱེད་ལས་ལོག་ཏེ་རྣམ་ཤེས་མཐའ་ཡས་སོ་སྙམ་ན། དེ་ལས་ལོག་ཏེ་གཟུགས་ཅན་དང་གཟུགས་མེད་ཀྱི་དམིགས་པ་ཅི་ཡང་མེད་དེ་སྙམས་པ་དང་། ཡོད་མེད་གཉིས་ཀའི་འདུ་ཤེས་ལས་ལོག་སྟེ་ཤིན་ཏུ་ཕྲ་བར་གྱུར་པས་འདུ་ཤེས་གཏན་མེད་པ་ཡང་མ་ཡིན་འདུ་ཤེས་མེད་པ་མ་ཡིན་པ་ཡང་མ་ཡིན་སྙམས་པའི་བློ་སྔོན་དུ་གཏང་སྟེ། ནམ་མཁའ་ནས་སྲིད་རྩེའི་བར་གྱི་ཉེར་བསྡོགས་དང་དངོས་པོའི་ཏིང་ངེ་འཛིན་བཞི་པོ་ཅི་རིགས་པ་ལ་ཡུལ་དུ་བྱས་ནས་ཏིང་ངེ་འཛིན་དེ་རྫོགས་པར་བྱེད་ཅིང་ཏིང་ངེ་འཛིན་དེའི་དབང་གི་གཟུགས་མེད་ཀྱི་སྐྱེ་སྲིད་ཐོབ་བར་བྱེད་དེ། ཉེར་བསྡོགས་དེ་ནི་འཕན་བྱེད་ཀྱི་ཡན་ལག་དང་། དང་པོས་ནི་དེ་ནི་འགྲུབ་བྱེད་ཀྱི་ཡན་ལག་ཡིན་པས་སོ། གཉིས་པ་གཉིས། དངོས་དང་།  དོགས་པ ་བཅད་པའོ། དང་པོ་ནི། དྲན་ཉེ་མདོར་བསྡུས་ལས། གང་གང་གོས་པ་ལ་བརྟེན་ནས། གང་དུ་ཤི་བ་དེར་དེ་ཐོབ། ངོ་བོ་རྣམ་ཤེས་དེ་ཉིད་དུ། ཉེར་དམིགས་ཞི་བའི་ང་རྒྱལ་ཙམ། ཞེས་གསུངས་བ་ལྟར། གཟུགས་མེད་ཀྱི་ཏིང་ངེ་འཛིན་བསྒོམ་པའི་མཐུས་གང་དུ་ཤི་བ་དེར་གཟུགས་མེད་ཀྱི་ལུས་དེ་ཐོབ་སྟེ། གཟུགས་མེད་པའི་སྐྱེ་བའི་སྲིད་པ་དེར་ཐོབ་པ་ན་ཡང་རྣམ་པར་ཤེས་པ་ཏིང་ངེ་འཛིན་དེ་ཉིད་ཀྱི་ང་རྒྱལ་ཙམ་སྟེ། སེམས་ཀུན་

(༦༢༠)གཞི་ལ་བག་ཆགས་དང་བཅས་པའི་ལུས་ཡོད་པ་ཉིད་ཡིན་ནོ། གཉིས་པ་ལ་གཉིས།  དོགས་པ ་བཀོད་པ་དང་། དེ་བཅད་པའོ། དང་པོ་ནི། ཁ་གཅིག་ན་རེ། བག་ཆགས་ཀྱི་ལུས་ཡོད་པ་འོ་ན་ཅིའི་ཕྱིར་གཟུགས་མེད་ཅེས་བྱ་སྟེ། ལུས་ཡོད་ན་གཟུགས་མེད་པར་འགལ་བས་སོ། ཞེ་ན། གཉིས་པ་ནི། སྐྱོན་མེད་དེ། ཉན་ཐོས་སྡེ་གཉིས་ཀྱི་འདོད་པ་ཐེག་པ་ཐུང་མོང་བ་ནས་བཤད་པའི་འབྱུང་བ་ཆེན་པོར་གྱུར་པའི་རྡུལ་ཕྲ་རབ་འདུས་པའི་གཟུགས་དང་། མིག་ཤེས་ལ་སྣང་བའི་གཟུགས་རགས་པ་མེད་པ་ལ་དགོངས་ནས་དེ་སྐད་དུ་བསྟན་པའི་ཕྱིར་རོ། རྒྱུ་མཚན་དེས་ན། དྲན་ཉེ་མདོར་བསྡུས་ལས། བསྟན་པའི་རྣམ་པར་ཤེས་པ་དང་། ཉོན་མོངས་ཅན་ཡིད་གནས་པ་ཉིད། ཅེས་གསུངས་པ་ལྟར། གཟུགས་མེད་དེར་སྐྱེས་པའི་སེམས་ཅན་འདས་ལམ་མངོན་དུ་གྱུར་པ་དང་ལྡན་པའི་འཕགས་པ་མ་ཡིན་པ་རྣམས་ནི་ཉོན་ཡིད་དང་བཅས་པའི་ཡིད་ཀྱི་ལུས་ཅན་ནོ། འདིར་བདག་གིས་།།། རྩ་བར་ཡིད་ལུས་སོ། ཞེས་གསུངས་པ་ནི་ཡིད་རྗེས་སུ་མཐུན་པའི་ལུས་ཅན་ཡིན་པ་ལ་དགོངས་ཀྱི། སེམས་ཤེས་ལྡན་མིན་གསུམ་གྱི་བཟླས་ཕྱེ་བའི་ཤེས་པའི་ལུས་ཅན་།།། བག་ཆགས་ཀྱི་ལུས་ཅན་དུ་གསུངས་པའི་ཕྱིར། དེས་ན་ཐོག་པ་ཐུན་མོང་བ་ཕ་རོལ་ཏུ་ཕྱིན་པ་ལས་བཤད་པའི་རྡུལ་ཕྲན་བསགས་པའི་ལུས་མེད་ཀྱང་རྡོ་རྗེ་ཐེག་པ་ལས་བཤད་པའི་རྡུལ་ཕྲན་།།། བསྟན་དུ་ཡོད་པའི་མིག་ཤེས་ལ་སྣང་བའི་གཟུགས་མེད་ཀྱང་བསྟན་མེད་ཐོག་མེད་ཀྱི་གཟུགས་མི་སྣང་བའི་མཚན་ཉིད་ཅན་ངེས་པར་ཡང་ཡོད་དེ། འབྱུང་བ་ཆེན་པོ་ནས་བསྡུས་པ་རགས་པའི་

(༦༢༡)ལུས་མེད་ཀྱང་། ཏིང་ངེ་འཛིན་གྱིས་འབྱུང་ཆུང་གིས་བསྡུས་པ་ཕྲ་བའི་ལུས་ཡོད་པའི་ཕྱིར་རོ། དེ་ཡང་སྲིད་རྩེ་ནས་ནམ་མཁའ་མཐའ་ཡས་ཀྱི་བར་ལ་རིམ་པ་བཞིན་དུ་ཟད་པར་ནམ་མཁའི་རླུང་མེ་ཆུ་ས་བཞི་ལས་གཅིག་དང་གཉིས་དང་གསུམ་དང་བཞི་ཆར་གྱི་ལུས་ཡོད་ལ། ལུས་ཙམ་དུ་མ་ཟད། ཏིང་ངེ་འཛིན་གྱི་འབྱུང་ཆུང་གི་བསྡུས་པའི་དབང་པོ་གཟུགས་ཅན་པ་ཡང་ཡོད་དོ། དེ་ལྟ་མདོ་ཀྱི་དབང་པོ་གཟུགས་ཅན་པ་དེ་རྣམས་ཀྱི་གཟུགས་ལ་བལྟ་བ་སོགས་སྒོ་ལྔའི་རྣམ་ཤེས་ཀྱི་རྟེན་མི་བྱེད་པ་ནི་གཟུགས་མེད་ཀྱི་ཏིང་ངེ་འཛིན་གྱི་མཐུ་ལས་ཡིན་ནོ། དེའི་ཕྱིར་གཟུགས་མེད་ཅེས་པའི་སྒྲས་བརྗོད་པའི་དོན་ནི། དམན་པ་ལ་དགག་སྒྲ་སྦྱར་བ་སྟེ། ལྷའི་བུ་མོ་རྐེད་པ་འཕྲ་བ་ལ། ལྷ་མོ་རྐེད་ཡོད་མ་ཞེས་བརྗོད་པ་བཞིན་ནོ། ཞེས་གསུངས་སོ། རྡོ་རྗེ་ཐེག་པའི་ཟབ་མོའི་ངེས་གསང་མངོན་སུམ་དུ་མཁྱེན་པའི་ལེགས་བཤད་དོ། གཟུགས་མེད་པ་བཞི་པོ་དེའི་མིང་གི་དོན་ནི། རྒྱུ་ནམ་མཁའ་མཐའ་ཡས་ཀྱི་སྙོམ་འཇུག་བསྒོམ་པའི་དབང་ལས་ཏིང་ངེ་འཛིན་དེའི་ལུས་ཅན་ཡིན་པས་ནམ་མཁའ་མཐའ་ཡས་སྐྱེ་མཆེད་ཀྱི་ལྷ་དང་། དེ་བཞིན་དུ་རྣམ་ཤེས་མཐའ་ཡས་ཀྱི་སྙོམས་འཇུག་དང་། ཅི་ཡང་མེད་པའི་སྙོམ་འཇུག་དང་། འདུ་ཤེས་མེད་འདུ་ཤེས་མེད་མིན་གྱི་སྙོམ་འཇུག་བྷཻ་ལས་ཏིང་ངེ་འཛིན་དེ་དང་དེའི་ལུས་ཅན་ཡིན་པས་སམ། འདུ་ཤེས་མེད་མིན་དེ་ནི། སྲིད་པའི་གནས་ཐམས་ཅད་ཀྱི་གོང་མའི་རྩེ་མོ་ཡིན་པས་སྲིད་རྩེ་ཞེས་ཀྱང་ཟེར་རོ། གསུམ་པ་གཟུགས་མེད་ཀྱི་རྒ་ཤི་ནི། རྣམས་སྨིན་གྱི་ཕུང་པོ་དེ་ཉིད་གཞན་ནས་གཞན་དུ་འགྱུར་བ་ལས་སྟེ། དུས་ནམ་ཞིག་ན་ཏིང་ངེ་འཛིན་དེ་ལས་ཁམས་གཞན་ནམ་གཟུགས་མེད་ཉིད་དུ་འཕོ་བ་ན། གང་དུ་སྐྱེ་འགྱུར་གྱི་ལས་དང་། རྗེས་སུ་མཐུན་པའི་རྣམ་པར་རྟོགས་པ་གཞན་འབྱུང་བས་ཏིང་ངེ་འཛིན་

(༦༢༢)དེ་ཉིད་ལས་ཅུང་ཟད་ལངས་པ་ལ་འཆི་བའི་ཐ་སྙད་དུ་བརྗོད་དེ། དེ་ནི་གཟུགས་མེད་པའི་རྒ་ཤི་བཤད་པའོ། གཉིས་པ་གཟུགས་ཁམས་སུ་སྐྱེ་བ་ལེན་པའི་ཚུལ་ལ་གསུམ། ཐུན་མོང་དུ་མཚམས་སྦྱར་བ། གཟུགས་ཁམས་ཀྱི་སྐྱེ་བ་ལེན་ཚུལ་དངོས་བཤད་པ། ཞར་ལ་ཁམས་གོང་མ་གཉིས་ཀྱི་འཛག་པ་བཤད་པའོ། དང་པོ་ནི། གཟུགས་ཀྱི་ཁམས་སུ་སྐྱེ་བ་ལེན་ཚུལ་ཞར་བྱུང་དང་བཅས་པ་འཆད་པའི་གཞུང་ནི། བསམ་གཏན་བཞི་བརྟེན་ཞེས་པ་ནས་དུ་བསྟན་ཏོ། ཞེས་པའི་བར་ཚིགས་སུ་བཅད་ཕྱེད་དང་གསུམ་ཡིན་པ་ལས་དང་པོར་ངོ་བོ་བསྟན་པའི་ཕྱིར་ཚིག་རྐང་གསུམ་བསྟན་པར་བྱའོ། གཉིས་པ་ལ། རྩ་འགྲེལ་གཉིས་ལས། དང་པོ་ནི། བསྟན་གཏན་བཞི་བརྟེན་གང་སྐྱེས་པ། གཟུགས་ཁམས་ཡིན་ཏེ་འདོད་སྲེད་ནི། རགས་པ་བཅོམ་པ་རྫུས་སྐྱེས་སོ། ཞེས་གསུངས་སོ། འདུ་བྱེད་བཅས་པའི་རྣམ་ཤེས་ཀྱི་བསམ་གཏན་བཞིའི་དངོས་པོ་གང་རུང་ལ་བརྟེན་ནས་ཁམས་གོང་མ་གང་དུ་སྐྱེས་པ་དེ་ནི་གཟུགས་ཁམས་པ་ཡིན་ཏེ། འདོད་སྲེད་ནི་རགས་པ་བཅོམ་པ་ཀུན་རྫོགས་གོས་བཅས་རྫུས་སྐྱེས་སོ། གཉིས་པ་ལ་གསུམ། རྒྱུ་སྙོམ་འཇུག་གི་བསམ་གཏན་པ། འབྲས་བུ་སྐྱེ་བའི་བསམ་གཏན་བཤད་པ། འདུ་ཤེས་མེད་པའི་ལྷ་གནས་དང་བཅས་པ་བཤད་པའོ། དང་པོ་ནི། སྔར་གཟུགས་མེད་ལ་བཤད་པ་བཞིན་དུ་ཀུན་གཞི་སྲོག་རླུང་དང་བཅས་པ་དེས་གཟུགས་ཀྱི་སྐྱེ་སྲིད་དུ་འདྲེན་པར་བྱེད་ཅིང་། སྲིད་པ་དེ་འཕེན་པར་བྱེད་པའི་ལས་ནི་བསམ་གཏན་བཞིའི་ཏིང་ངེ་འཛིན་གྱི་ཉེར་བསྡོགས་ཡིན་ལ། འགྲུབ་བར་བྱེད་པའི་ལས་ནི་དངོས་པོའི་ཏིང་ངེ་འཛིན་ཏེ། དེ་ཡང་བསྟན་གཏན་བཞི་པོ་རེ་ལ་ཆུང་འབྲིང་ཆེན་པོ་གསུམ་གསུམ་ཡོད་པས། བསམ་གཏན་དང་པོའི་ཏིང་ངེ་འཛིན་ཆུང་ངུ་ལ་བརྟེན་ནས་ནི་ཚངས་རིས་དང་། འབྲིང་པོ་ལ་བརྟེན་ནས། ཚངས་པ་མདུན་ན་

(༦༢༣)འདོན་དང་། ཆེན་པོ་ལ་བརྟེན་ནས་ཚངས་ཆེན་དུ་སྐྱེ་ལ། གཉིས་པའི་ཏིང་ངེ་འཛིན་ཆུང་ངུས་ནི་འོད་ཆུང་དང་། འབྲིང་གིས་ཚད་མེད་འོད་དང་། ཆེན་པོ་ནས་འོད་གསལ་དུ་སྐྱེ་ཞིང་། གསུམ་པའི་ཏིང་ངེ་འཛིན་ཆུང་ངུས་ནི་དགེ་ཆུང་དང་འབྲིང་གི་ཚད་མེད་དགེ་དང་། ཆེན་པོ་ནས་དགེ་རྒྱས་སུ་སྐྱེ་ལ། བཞི་པའི་ཏིང་ངེ་འཛིན་སྤྲིན་མེད་དང་། འབྲིང་གིས་བསོད་ནམས་སྐྱེས་དང་། ཆེན་པོ་ནས་འབྲས་བུ་ཆེར་སྐྱེའོ། བསམ་གཏན་བཞི་པའི་ཏིང་ངེ་འཛིན་དེ་ཉིད་བདག་མེད་མངོན་སུམ་དུ་རྟོགས་པའི་ཤེས་རབ་དང་སྤེལ་བསྒོམ་དུ་འབྲེལ་བས། གཙང་མའི་གནས་གཞན་བཞི་པོ་རྣམས་སུ་འགྲོ་བས། གཟུགས་ཁམས་བཅུ་དྲུག་པོར་འཕེན་ཞིང་འགྲུབ་བར་བྱེད་པར་བྱེད་པའི་རྒྱུ་ནི་སྙོམ་འཇུག་གི་ཏིང་ངེ་འཛིན་དེ་དག་གོ། གཉིས་པ་འབྲས་བུ་སྐྱེ་བའི་བསམ་གཏན་བཤད་པ་ནི། བསམ་གཏན་བཞིར་སྐྱེས་པ་དེ་རྣམས་ནི་གཟུགས་ཀྱི་ཁམས་གནས་རིགས་བཅུ་དྲུག་ཅི་རིགས་པའི་ལྷ་ཡིན་ཏེ། བསམ་གཏན་དང་པོ་ས་གསུམ་ནི། ཚངས་པའི་འཁོར་བསམ་གཏན་དང་པོའི་སར་ཕྱིན་པས་ཚངས་རིས་པ་དང་། ཚངས་ཆེན་གྱིས་མདུན་ན་འདུག་སྟེ་ཚིག་འདོན་ཞིང་སྨྲ་བས་ཚངས་མདུན་པ་དང་། ཚངས་པའི་འཇིག་རྟེན་གྱི་བདག་པོ་ཚེ་དང་བྱད་གཟུགས་སོགས་སྔ་མ་རྣམས་ལས་ཆེ་ཞིང་ཁྱད་འཕགས་བས་ཚངས་ཆེན་པོ། གཉིས་པ་གསུམ་ནི། ལྷ་མོ་མ་གཉིས་ལས་རང་གི་འོད་ཅུང་ཟད་ཆུང་བས་འོད་ཆུང་བ་དང་། ལྷ་དེ་དག་གི་ལྷ་འོག་མ་རྣམས་ཀྱི་ཚང་བཟུང་བར་མི་ནུས་པས་ཚད་མེད་འོད་དང་། ལྷ་གནས་དེའི་འོད་ཕྱོགས་ཀུན་ཏུ་རྒྱས་ཤིང་གསལ་བར་སྣང་བས་འོད་གསལ་བའོ། གསུམ་པ་གསུམ་ནི་བསམ་གཏན་གསུམ་པའི་ཡིད་བདེ་ནི་དགེ་བ་ཡིན་ལ་དེ་ཡང་གནས་གོང་མ་གཉིས་ལས་ཅུང་ཟད་ཆུང་བའི་ཕྱིར་དགེ་ཆུང་བ་དང་། གནས་དེའི་བདེ་དགེ་གནས་འོག་མའི་ལྷས་ཚད་བཟུང་དུ་མེད་

(༦༢༤)བའི་ཕྱིར་ཚད་མེད་དགེ་དང་། ལྷ་དེ་དག་གིས་དགེ་བ་དང་འདྲ་བ་འོག་མ་རྣམས་ལ་མེད་ཅིང་ཆེན་པོར་རྒྱས་པའི་ཕྱིར་དགེ་རྒྱས་པའོ། བཞི་པའི་དང་པོ་གསུམ་ནི། སྤྲིན་འཁྲིགས་པ་དང་འདྲ་བའི་གནས་འདབ་ཆགས་པ་མེད་པར་ལྷ་རེ་རེ་ཡང་གཞལ་མེད་ཁ་དང་བཅས་པ་སྐྱེ་ཞིང་འཆི་བས་སམ་དབུགས་འབྱུང་རྔུབ་ལ་སོགས་པའི་བར་གྱི་སྤྲིན་མེད་པའི་ཕྱིར་སྤྲིན་མེད་པ་དང་། དགེ་བ་ཡང་རྩམ་ཞིང་མི་གཡོ་བའི་བསོད་ནམས་ལས་སྐྱེས་པའི་ཕྱིར་བསོད་ནམས་སྐྱེས་དང་། སོ་སོ་སྐྱེ་བོ་རྣམས་ཀྱི་ནང་ནས་བསོད་ནམས་ཀྱི་འབྲས་བུ་རྣམ་སྨིན་རྒྱ་ཆེ་ཞིང་ཞི་བའི་ཕྱིར་འབྲས་བུ་ཆེ་བའོ། སོ་སོ་སྐྱེ་བོ་མེད་པའི་ཕྱིར་གཙང་གནས་པ་བཞི་ནི། གཙང་རིས་པ་བཞིའི་ཆུང་ཤོས་ཡིན་པས་སམ་ཟག་མེད་ཀྱི་ཆོས་རྟོགས་པའི་ཕྱིར་དུ་འབད་པ་ཆེན་པོ་མེད་པའི་ཕྱིར་མི་ཆེ་བ་དང་། བསམ་པ་དགེ་བས་ས་འོག་མ་རྣམས་ཟིལ་གྱི་མི་གནོན་ལ་ས་གོང་མ་རྣམས་མ་ཐོས་ཀྱང་མི་དགེ་བ་མེད་ཅིང་ལུས་ངག་ཡིད་གསུམ་ལ་མི་དགེ་བའི་གདུང་བ་ཆེན་པོ་མེད་པའི་ཕྱིར་མི་གདུང་བ་དང་། བསམ་གཏན་དཔེལ་མ་བྷཻ་པས་ཤིན་ཏུ་དག་ཅིང་ཤིན་ཏུ་བཟང་བས་སཾ་སྣང་བ་བཟང་པོ་གྱ་ནོམ་པ་དང་ལྡན་པའི་ཕྱིར་ཤིན་ཏུ་མཐོང་ངམ་གྱ་ནོམ་སྣང་དང་། རྡུལ་ཕྲན་བསགས་པའི་མཐར་ཐུགས་པའི་དེའི་གོང་ན་གཟུགས་ཀྱི་གཞན་མེད་པའི་ཕྱིར་འོག་མིན་པ་སྡེ་དེ་ལྟར་བཅུ་དྲུག་དང་། དེའི་གོང་དུ་གཟུགས་མེད་པ་བཞི་བཤད་པའི་ཕྱིར་འདོད་པ་ལས་གནས་གཞན་ཉི་ཤུའོ། སོགས་འགྲེལ་དུ། གྱ་ནོམ་དང་ཤིན་ཏུ་མཐོང་གཉིས་ཕན་ཚུན་བསྡུས་པའི་དོན་དུ་འདིར་ཤིན་ཏུ་མཐོན་ཡོད། གྱ་ནོམ་སྣང་མེད་འོག་ཏུ་གྱ་ནོམ་སྣང་ཡོད་པར་གསུངས། ཞེས་གཙང་

(༦༢༥)གནས་བཞིར་མཛད་པ་དང་། གོང་དུ་མི་ཆེ་བའི་སྒྲ་བཤད་པ་ལ། གཙང་མ་རིས་ཀྱི་ལྷ་ལྔའི་ཆུང་ཤོས་ཡིན་པས་སམ། ཞེས་གསུངས་པ་ནི། འགལ་བ་ལུས་པར་སྣང་ངོ་། གཟུགས་ཀྱི་ཁམས་དེ་ནི་འདོད་པའི་ཁམས་ལས་གྱེན་དུ་བསྐྱོད་པའི་ཕྱིར་དང་། འདོད་སྲེད་རགས་པ་མངོན་དུ་རྒྱུ་བ་བཅོམ་པའི་ཕྱིར། རྫུས་ཏེ་སྐྱེ་བ་ཡིན་ལ། སྐྱེས་མ་ཐག་པ་ན་གོམས་ཚོད་དང་ཡོན་ཏན་ཀུན་རྫོགས་པའི་ལུས་ངོ་ཚ་ཁྲེལ་ཡོད་ཤས་ཆེ་བའི་དབང་གིས་གོས་དང་བཅས་བཞིན་པར་སྐྱེ་བའོ། ཡིད་ཞི་གནས་ཀྱི་འཁྱུད་པའི་ཕྱིར་ཉོན་མོངས་པ་ཅན་གྱི་ཡིད་ཅུང་ཟད་མི་གསལ་བ་ཡིན་གྱི་མེད་པ་ནི་མ་ཡིན་ནོ། འདི་དང་རྗེས་སུ་མཐུན་དྲན་ཉེ་བསྡུས་པས་ལས་ཀྱང་། ཚངས་རིས་ཀྱི་ཐད་དུ་གནས་འདི་ནས་ནི་འོག་མིན་བླར། གང་ཚེ་སྐྱེས་པ་དེའི་ཚེ། ཀུན་རྫོགས་གོས་དང་བཅས་པ་ཉིད། གཉིད་དང་ཉིན་མོ་མེད་པ་སྟེ། བསམ་གཏན་ཟས་མཆོག་དགའ་དང་ལྡན། རང་རྫུ་འཕྲུལ་ལྡན་པ་སྟེ། འདོད་ཁམས་སྙིང་རྗེའི་གནས་སུ་མཐོང་། ཚུལ་འདི་རྣམས་ནི་བཅུ་དྲུག་འགྱུར། གོང་མ་གོང་མ་འཕགས་ཞེས་གྲགས། ཞེས་གསུངས་སོ། གསུམ་པ་འདུ་ཤེས་མེད་པའི་ལྷ་དང་བཅས་པ་བཤད་པ་ནི། འདུ་ཤེས་མེད་པའི་ལྷ་ཚེ་རིང་པོ་ནི། དྲན་ཉེ་མདོར་བསྡུས་ལས། འདི་ཡི་བསམ་གཏན་བཞི་པ་ལས། འདུ་ཤེས་བཀག་ནས་དེ་ཙམ་གྱིས། མྱ་ངན་འདས་པར་རྟོགས་བྱེད་ན། འདུ་ཤེས་མེད་པའི་ལྷ་ཞེས་པ། གྲོང་ལས་དགོན་པའི་ཚུལ་དུ་ཡོད། དེ་ནི་ཕྱིར་ཞིང་ལོག་ལྟ་ཡི། མཚམས་སྦྱར་མནར་མེད་ལྟུང་བྱེད་པ། མི་ཁོམ་གནས་ཡིན་ཚེ་རིང་ལྷ།

(༦༢༦)ཞེས་གསུངས་པ་ཇི་ལྟ་བ་བཞིན་ཡིན་ཏེ། བསམ་གཏན་བཞི་པའི་གནས་ཀྱི་ནང་ཚན་འབྲས་བུ་ཆེ་ན་གྲོང་དང་དགོན་པའི་ཚུལ་དུ་གནས་པས་འབྲས་བུ་ཆེ་དེ་ལས། གནས་གཞན་ལོགས་སུ་མི་བགྲང་ངོ་། འདུ་ཤེས་མེད་པའི་ལྷར་སྐྱེ་བ་དེ་ནི་རྒྱུ་འདུ་ཤེས་མེད་པའི་སྙོམ་འཇུག་གི་འཕངས་ཤིང་སྒྲུབ་པ་ལས་ཡིན་ཏེ། སྙོམ་འཇུག་དེ་ནི་འཇིག་རྟེན་པའི་ཏིང་ངེ་འཛིན་བསམ་གཏན་གསུམ་པའི་ཏིང་ངེ་འཛིན་ལས་འདུ་ཤེས་དང་ཚོར་བ་འགོག་པ་ལ་མྱ་ངན་ལས་འདས་པར་འཛིན་པའི་སྙོམས་འཇུག་ཡིན་པས་རྒྱུ་སྙོམ་འཇུག་དེའི་དབང་གི་ལྷ་ཚེ་རིང་པོ་དེར་གྱུར་པར་གསུངས་སོ། གཉིས་པ་ཞར་ལ་ཁམས་གོང་མ་གཉིས་ཀྱི་འཛག་པ་བཤད་པ་གསུམ། མཚམས་སྦྱར་བ་རྩ་བ་འགྲེལ་པའོ། དང་པོ་ནི། དེ་ལྟར་གཟུགས་ཁམས་བཅུ་དྲུག་དང་གཟུགས་མེད་པ་བཞིའི་གནས་དེ་རྣམས་ཀྱི་ནང་ན་ལས་དང་ཉོན་མོངས་པའི་དབང་གི་སྐྱེ་བ་རྣམས་རྟེན་འབྱུང་བ་ལྔའི་ཁམས་གང་གིས་དབང་གིས་སྐྱེ་ཞེ་ན། འདོད་པ་ལས་གནས་གཞན་ཉི་ཤུ་པོ་ཐམས་ཅད་ལ་སེམས་ཀྱི་ཟག་པ་ཉོན་མོངས་པ་དང་ལུས་ཀྱི་ཟག་པ་ཁམས་འཕོ་བ་ཡང་ཡོད་པས་དེ་བསྟན་པའི་ཕྱིར། ནམ་མཁའ་རླུང་མེ་ཆུང་དང་ས། ཞེས་བྱ་བ་ལ་སོགས་པའི་གཞུང་ཚིག་རྐང་བདུན་སྨོས་ཏེའོ། གཉིས་པ་ནི། ནམ་མཁའ་རླུང་མེ་ཆུ་སའི། འབྱུང་ཆུང་རྣམ་པར་ཕྱེ་བ་ཡིས། གནས་གཞན་ཉི་ཤུར་གང་སྐྱེས་པ། དེ་ཡི་འཛག་བ་གོ་རིམས་བཞིན། ཁ་གཅིག་ནས་ནི་ལྔ་ཡི་བར། ལྡན་པས་མ་རིག་སྐྱེ་དང་བཅས། དྲན་པ་ཉེར་བཞག་ཏུ་བསྟན་ཏོ། ཞེས་གསུངས་སོ། ལ་ལ་ན་རེ། ཁམས་གོང་དུ་ལས་ཉོན་གྱི་སྐྱེ་བ་མེད་

(༦༢༧)པར་ཐལ། མཆོག་མི་འགྱུར་དུ་ཁུ་བ་ལྟུང་བ་འཁོར་བའི་རྩ་བར་བཤད་ཅིང་། ཁམས་གོང་ན་དེ་མེད་བས་སོ། དེ་ཡང་། གཟུགས་མེད་ན་གཟུགས་མེད་ཅིང་། གཟུགས་ངན་ཕོ་མོའི་དབང་པོ་དང་རྩའི་འཁོར་ལོ་མེད་པ་ལས་ཤེས་སོ། ཞེ་ན། སྐྱོན་མེད་དེ། འདོད་པ་ལས་གནས་གཞན་ཁམས་གོང་མའི་གནས་ཉི་ཤུར་གང་དུ་སྐྱེས་པའི་རྒྱུ་ནི་ནམ་མཁའ་དང་རླུང་དང་མེ་དང་ཆུ་དང་སའི་འབྱུང་ཆུང་ངུ་རྣམ་པར་ཕྱེ་བའི་ལུས་སེམས་ཀྱི་འཛག་བ་ཡོད་པས་སོ། ཇི་ལྟར་ཞེ་ན། གནས་ཉི་ཤུ་པོ་དེར་སྐྱེ་བའི་རྒྱུ་འཛག་པ་ཉི་ཤུ་དང་གནས་ཉི་ཤུ་གོ་རིམ་བཞིན་དུ་སྦྱར་ན། ཟད་པར་ནམ་མཁའི་ཁམས་ཀྱི། ཏིང་ངེ་འཛིན་གཅིག་པོ་ལ་རླུང་མེ་ཆུ་སའི་འཛག་པས་གཟུགས་མེད་བཞི་དང་། དེ་བཞིན་དུ་ཟད་པར་རླུང་ལ་འཛག་པ་བཞི་ཡོད་པས་གཙང་གནས་བཞི་དང་། ཟད་པར་མེ་ལ་དེ་བཞི་ཡོད་པས་འབྲས་བུ་ཆེ་ནས་དགེ་རྒྱས་ཀྱི་བར་དང་། ཟད་པར་ཆུ་ལ་དེ་བཞི་ཡོད་པས་ཚད་མེད་དགེ་ནས་ཚད་མེད་འོད་ཀྱི་བར་དང་། ཟད་པར་ལྔ་པ་པའི་ཏིང་ངེ་འཛིན་ལ་དེ་བཞི་ཡོད་པས་འོད་ཆུང་ནས་ཚངས་རིགས་ཀྱི་བར་དུ་སྐྱེ་བ་ཡིན་ལ། མདོར་ན་ཟད་པར་གྱི་ཁམས་གཅིག་ལ་འཛག་པ་གཅིག་ཡོད་པས་སྲིད་རྩེར་སྐྱེ་བ་ནས་ནི་ཁམས་ལྔ་པའི་བར་ཏུ་ཁམས་རེ་ལ་འཛག་པ་བཞི་བཞི་འབྱུང་བས་འཛག་པ་གཉིས་ཀྱི་ཅི་ཡང་མེད་དང་གསུམ་གྱི་རྣམ་ཤེས་མཐའ་ཡས་སུ་སྐྱེ་བ་སོགས་རིམ་པར་སྦྱར་ན་འཛག་པ་ཉི་ཤུ་དང་ལྡན་པས་ཚངས་རིས་སུ་སྐྱེ་བའི་བར་དུ་སྟེ་འཛག་པ་དེ་རྣམས་ཀྱི་རྒྱུ་མ་རིག་པའི་རྟེན་འབྲེལ་ནས་སྐྱེ་བའི་རྟེན་འབྲེལ་རྒ་ཤི་དང་བཅས་པའི་བར་རྣམས་རྗེ་དེ་ཉིད་ཀྱི་དྲན་པ་ཉེར་བཞག་བསྡུས་པའི་བསྟན་བཅོས་སུ་བསྟན་ཡོད་པས་དེར་ལྟོས་ཤིག་པའོ། ཊཱིཀ་བྱེད་ཁ་གཅིག་དྲན་

(༦༢༨)པ་ཉེར་བཞག་གི་མདོ་ལ་ཞལ་འཕངས་པར་འཆད་པ་ནི་མ་བརྟགས་པ་སྟེ། འགྲེལ་པ་ལས། དྲན་པ་ཉེ་བར་བཞག་པའི་བསྟན་བཅོས་བསྡུས་པར་དེར་སྐྱེ་བའི་ཚུལ་ཞིབ་དུ་བཤད་པ་ནི་མདོ་དང་སྦྱར་བ་ཡིན་ནོ། ཞེས་གསུངས་པའི་ཕྱིར་དང་། དྲན་པ་ཉེར་བཞག་གི་མདོ་རྒྱལ་བློན་གྱི་དུས་སུ་བསྒྱུར་བ་དེར་ནི་སུམ་བཅུ་རྩ་གསུམ་ཡན་ལས་མ་འགྱུར་ཞིང་། དུས་ཕྱིས་པ་ཚབ་ཀྱི་འགྱུར་འཆད་པ་ལས་འདོར་ཡང་། འཐབ་བྲལ་མན་ལས་རྒྱ་དཔེ་མ་རྙེད་པས། འདོད་ལྷ་ལྷག་མ་གསུམ་དང་ཁམས་གོང་མ་རྣམས་མངོན་པའི་གཞུང་མང་པོ་ནས། རྗེ་ཉིད་ཀྱི་བསྡུས་པའི་ཚུལ་ལ་བློ་ཁ་མ་ཕྱོགས་ཤིང་མདོ་འདི་མ་མཐོང་པར་ཟད་པས་སོ། ཁམས་གོང་མ་གཉིས་སུ་སྐྱེ་བའི་རྒྱུ། ལུས་སེམས་ཀྱི་འཛག་པར་བཤད་པའི་འཛག་པ་དེའི་ངོས་འཛིན་ལ། རྒྱལ་བའི་དབང་པོའི་ཞལ་སྔ་ནས་འདི་གསུངས་སྟེ། དོ་ཧ་ལས། ཀྱཻ་ཧོ་བཞིན་བཟང་སྙིམ་པ་ཆུས་བཀང་བ། འཛག་པ་བཞིན་དུ་ཉམས་པ་མ་ཚོར་རོ། ཞེས་གསུངས་པ་ལྟར། གང་ནས་འཛག །གང་འཛག །ཇི་ལྟར་འཛག་པ་གསུམ་ལས། དང་པོ་ནི། ལུས་སེམས་ཀྱི་གཤིས་ལུགས་མ་བཅོས་པ་དེ་ནས་འཛག །གཉིས་པ་ནི། འབྱུང་ཆུང་གི་རྣམ་པར་དབྱེ་བ་འདི་དང་། འདི་ལྟ་བུ་ཞེས་བྱ་བ་ལ་སོགས་པ་མཛད། གསུམ་པ་ནི། འཁོར་བ་སྐྱེད་ཅིང་འཕེལ་བའི་ཚུལ་དུ་འཛགས་གོ། དེ་ཡང་ལུས་ཀྱི་འཛག་པ་ནི་ཁམས་བྱང་ཆུབ་ཀྱི་སེམས་ལྟུང་བ་ལ་བྱ་ཞིང་། སེམས་ཀྱི་འཛག་པ་ནི་རང་བབ་སུ་གནས་པ་ལས་སྐད་གཅིག་མའི་འགྱུར་བས་གཞན་དང་གཞན་དུ་ཁྱེད་ཅིང་རང་གི་ངོ་བོ་

(༦༢༩)སྒྲིབ་པ་ལ་བྱ་སྟེ། དེའི་ཕྱིར་གཟུགས་མེད་ཁམས་པ་ལ་ལུས་ཀྱི་འཛག་པ་ཡོད་པར་བཤད་པ་ཡོད་པ་ཡང་། ཁམས་དེ་ནས་འབྱུང་ཆུང་གི་དབང་དུ་བྱས་པའི་བྱང་ཆུབ་ཀྱི་སེམས་འཛག་པ་ཡོད་པའི་དོན་ཡིན། ཞེས་གསུངས་ཤིན་ཏུ་ལེགས་སོ། གསུམ་པ་ལ་གསུམ།  དོགས་པ ་བཀོད་པ། དེ་ལ་ལན་བཏབ་པ། རྒྱུ་རྐྱེན་གཞན་ཁ་འཕངས་པའོ། དང་པོ་ནི། ཚིག་འདི་དག་སྨོས་དགོས་པའི་དོན་ནི།  དོགས་པ ་འགོད་པ་པོ་ཁ་གཅིག་ན་རེ། དུས་ཀྱི་འཁོར་ལོའི་མཆོག་ཏུ་མི་འགྱུར་བའི་མདོར་བསྡུས་ཆེན་པོ་ནས་ཐིག་ལེ་འཛག་པ་ཁམས་སུམ་དུ་སྐྱེ་བའི་རྒྱུར་འགྱུར་བར་བཤད་ན། གཟུགས་ཀྱི་ཁམས་ན་ནི་ཕོ་དང་མོའི་དབང་པོ་དང་རྩའི་འཁོར་ལོ་སོགས་མེད་ཅིང་གཟུགས་མེད་པ་ན་ནི་ལུས་ཀྱང་མེད་པ་སྟེ་དེས་ན་ལུས་ཀྱི་འཛག་པ་ཁམས་འཕོ་བ་དེ་མི་རིགས་སོ་ཞེ་ན། གཉིས་པ་ནི། གཟུགས་གཟུགས་མེད་དེ་རྣམས་ན་ལུས་ཀྱི་ཟག་པ་ཐམས་ཅད་ཁམས་འཕོ་བ་ཡོད་དེ། གཟུགས་མེད་པ་བཞི་ལས་སྲིད་རྩེ་བ་ལ་ནི་ཟད་པར་ནམ་མཁའི་ཏིང་ངེ་འཛིན་ལ་འབྱུང་ཆུང་རླུང་མེ་ཆུ་ས་བཞིར་ཕྱེ་བས་ནམ་མཁའི་རླུང་གི་འཛག་པ་དང་། ཅི་ཡང་མེད་པ་ལ་དེ་དང་ནམ་མཁའི་མེའི་འཛག་པ་སྟེ་གཉིས་དང་། རྣམ་ཤེས་མཐའ་ཡས་ལ་དེ་གཉིས་དང་ནམ་མཁའི་ཆུའི་འཛགས་པ་སྟེ་གསུམ་དང་། ནམ་མཁའ་མཐའ་ཡས་ལ་དེ་གསུམ་དང་ནམ་མཁའི་སའི་འཛག་པ་དང་བཞི་ཡོད་པའོ། འོག་མིན་པ་སོགས་བཞི་ལས་འོག་མིན་ལ་ནི་དེ་བཞིའི་ཐོག་ཏུ་ཟད་པར་རླུང་གི་འཛགས་པ་སྟེ་ལྔ་དང་། ཤིན་ཏུ་མཐོ་ལ་དེ་ལྔ་དང་རླུང་གི་མེའི་འཛག་པ་སྟེ་དྲུག་དང་། མི་གདུང་བ་ལ་དེ་དྲུག་དང་རླུང་གི་ཆུའི་འཛགས་པ་སྟེ་བདུན་དང་། མེ་ཆེ་བ་ལ་དེ་བདུན་དང་རླུང་གི་སའི་འཛག་པ་སྟེ་འཛག་པ་བརྒྱད་ཡོད་

(༦༣༠)པའོ། དེ་བཞིན་དུ་འབྲས་བུ་ཆེ་ནས་ཚངས་རིས་ཀྱི་བར་དུ་འཛག་པ་སྔ་མ་སྔ་མ་རྣམས་ཀྱི་སྟེང་དུ་རང་གི་འཛག་པ་རེ་རེ་བསྣན་ཏེ། གནས་སོ་སོ་དང་སྦྱར་ནས་བཤད་པར་བྱ་སྟེ། འབྲས་བུ་ཆེ་ལ་ཟད་པར་མེའི་རླུང་གི་འཛག་པ་སྟེ་དགུ་དང་། བསོད་ནམས་སྐྱེས་ལ་མེའི་འཛག་པ་སྟེ་བཅུ་དང་། སྤྲིན་མེད་ལ་མེ་ཆུའི་འཛག་པ་སྟེ་བཅུ་གཅིག་དང་། དགེ་རྒྱས་ལ་མེའི་སའི་འཛགས་པ་སྟེ་འཛགས་བཅུ་གཉིས་དང་། ཚད་མེད་དགེ་ལ་ཟད་པར་ཆུའི་རླུང་གི་འཛག་པ་དང་། དགེ་ཆུང་ལ་ཆུའི་མེའི་འཛག་པ་དང་། འོད་གསལ་ལ་ཆུའི་ཆུའི་འཛག་པ་དང་། ཚད་མེད་འོད་མ་ཆུའི་འཛག་པ་སྟེ་བཅུ་དྲུག་འོད་ཆུང་ལ་ཟད་པར་སའི་རླུང་གི་འཛག་པ་དང་། ཚངས་ཆེན་ལ་སའི་མེའི་འཛག་པ་དང་། ཚངས་མདུན་པའི་ཆུའི་འཛག་པ་དང་། ཚངས་རིས་ལ་སའི་སའི་འཛག་པ་སྟེ་ཡོངས་སུ་འཛག་པ་ཉི་ཤུ་ཡོད་དོ། དེ་ལྟར་ན་གཟུགས་ཁམས་ལ་གནས་རིས་བཅུ་དྲུག་དང་གཟུགས་མེད་པ་ལ་སྐྱེ་མཆེད་མུ་བཞི་སྟེ་འདོད་པ་ལས་གནས་གཞན་ཉི་ཤུ་པོ་རྣམས་སུ་ཟད་པར་ནམ་མཁའ་དང་རླུང་དང་མེ་དང་ཆུ་དང་སའི་ཏིང་ངེ་འཛིན་ལ་རླུང་མེ་ཆུ་སའི་འབྱུང་ཆུང་ངུ་རྣམ་པར་དབྱེ་བས་འབྱུང་ཆུང་དེ་དང་དེ་དག་གི་འཛག་པ་ཡོད་པར་ཤེས་པར་བྱའོ། ཞེས་གསུངས་སོ། གནས་གཞན་ཉི་ཤུར་འཛག་པ་གཅིག་ནས་ལྔའི་བར་ཇེ་མང་དུ་ལྡན་པ་འདི་ནི། གཞུང་རྩ་བར་དངོས་སུ་གསུང་ཏེ། ཁམས་གཅིག་ནས་ནི་ལྔའི་བར། ཞེས་གསུངས་པས་སོ། དེ་ལྟར་ན་ནམ་མཁའ་མཐའ་ཡས་སུ་ནམ་མཁའི་འབྱུང་ཆུང་བཞི་དང་། མི་ཆེ་བར་ནམ་མཁའ་རླུང་གི་འབྱུང་ཆུང་བརྒྱད་དང་། ཚད་མེད་དགེ་བར་ནམ་མཁའ་མེའི་འབྱུང་ཆུང་བཅུ་གཉིས་དང་། ཚད་མེད་འོད་དུ་ནམ་མཁའ་

(༦༣༡)རླུང་མེའི་ཆུའི་འབྱུང་ཆུང་བཅུ་དྲུག་དང་། ཚངས་རིས་སུ་ནམ་མཁའ་རླུང་མེ་ཆུ་སའི་འབྱུང་ཆུང་ཉི་ཤུའི་འཛག་པ་ཡོད་པར་ཁས་བླངས་པས། གནས་གཞན་ཉི་ཤུ་པོ་དེར་འབྱུང་ཆེན་གྱི་འཛག་པ་རགས་པ་ཡང་ཡོད་པར་ཁས་མ་བླངས་སམ། སྤྲོས་ནས་འབྱུང་ཆུང་སུ་རྣམ་པར་ཕྱེ་བའི་འབྱུང་ཆུང་རྣམས་སོ་སོར་སྡོམ་པ་ལ་འབྱུང་ཆེན་དུ་འདོད་པ་མ་ཡིན་ཞེ་ན། འབྱུང་བ་ཆེ་ཆུང་སྤྲོ་སྡུ་ལས་བཞག་པ་དེ་ལྟར་ནི་ཡིན་མདོ་ཀྱང་། གནས་གཞན་ཉི་ཤུར་སྐྱེ་བའི་རྒྱུ་འབྱུང་ཆུང་གི་འཛག་པ་ཉི་ཤུ་པོ་དེ་ནི། ཟད་པར་ཀྱི་ཏིང་ངེ་འཛིན་ལ་འབྱུང་ཆུང་སུ་བའི་འཛགས་པ་ཡིན་གྱི། རྡུལ་དུ་གྲུབ་པའི་འབྱུང་བ་ཆེན་པོ་ལས། འབྱུང་ཆུང་སུ་ཕྱེ་བའི་འཛག་པ་མ་ཡིན་པས་རགས་པའི་འཛག་པ་ཡོད་པར་ནི་མི་འགྱུར་རོ། འོ་ན་ལུས་ཀྱི་འཛག་པ་ཁམས་འཕོ་བ་ཡོད་པའི་བསྒྲུབ་བྱེད་དུ་ཅིའི་ཕྱིར་འབྲེལ། ཏིང་ངེ་འཛིན་ནི་སེམས་ཀྱི་ཡོན་ཏན་ཡིན་པས་དེའི་འཛག་པ་ནི་སེམས་ཀྱི་འཛག་པ་མ་ཡིན་ནམ། ཞེ་ན། སྔར་བཤད་པའི་ངེས་དོན་གྱི་གྲུབ་པའི་མཐའི་གསར་དག་འདིར་ཡང་དྲན་པར་བྱ་སྟེ། མི་ཤིག་པའི་ཐིག་ལེ་ཆེན་པོ་དེ་ལ་ལུས་ངག་ཡིད་གསུམ་དང་གཞི་ལམ་འབྲས་བུ་གསུམ་ལ་སོགས་པའི་ཆོས་ཐམས་ཅད་ལྷན་སྐྱེས་སུ་རྫོགས་པའི་གནད་ཀས་དེའི་རང་འོད་ལམ་པའི་སྐབས་སུ་ཏིང་ངེ་འཛིན་དུ་སྣང་བ་ཉིད་ལ་ཡང་ལུས་ངག་ཡིད་གསུམ་ཀའི་ཆ་ཤས་ཡོད་པས། ཏིང་ངེ་འཛིན་གྱི་འཛག་པ་དེ་ཡང་དེ་གཉིས་ཀའི་འཛག་པ་ཡིན་ནོ། དེས་ན་ཏིང་ངེ་འཛིན་གྱི་སེམས་ཁོ་ནའི་ཡོན་ཏན་མ་ཡིན་གྱི་ལུས་ངག་ཡིད་གསུམ་ཀའི་ཡོན་ཏན་ཡོན་ཏན་ཡིན་ནོ། དེའི་ཕྱིར་གདོད་མའི་མི་ཤིག་པ་དེ་ཉིད་ཁུ་རྡུལ་རླུང་གསུམ་མི་ཕྱེད་པ་ཡིན་

(༦༣༢)པའི་དོན་གྱིས། འཁོར་འདས་ཀྱི་ཆོས་ཐམས་ཅད་གསུམ་ཆོས་ཀྱི་རྒྱ་ལས་མ་འདས་པའི་ཟབ་པའི་གསང་ཤེས་པར་བྱོས་ཤིག །གསུམ་པ་ནི། གནས་གཞན་ཉི་ཤུ་པོ་དེ་དག་ཐམས་ཅད་ཀྱང་སྔར་ལེའུ་དང་པོ་སྨོས་པ་ཀུན་གཞི་ཚོགས་བདུན་གྱི་རྒྱུ་རྐྱེན་དང་བཅས་པས་མཐར་རྒ་ཤི་དང་བཅས་པའི་ཕྱིར། རྒྱུ་རྐྱེན་དུ་མ་དང་ལྡན་པས་མ་རིག་པ་ནས་སྐྱེ་བའི་ཚུལ་དང་བཅས་པ་དྲན་པ་ཉེར་བཞག་དུ་བསྟན་ཏོ། ཞེས་བྱ་བ་སྨོས་ཏེ། དྲན་པ་ཉེ་བར་བཞག་པའི་བསྟན་བཅོས་རྗེ་ཉིད་ཀྱི་མཛད་པ་དེར། གནས་ཉི་ཤུ་པོ་དེར་སྐྱེ་བའི་ཚུལ་ཞིབ་དུ་བཤད་པ་ནི་མདོའི་ཕྱོགས་ཉིད་དང་སྦྱར་བའི་བཤད་པ་ཡིན་ནོ། དེ་ཡང་གཞུང་དེ་ཉིད་ལས་གང་གིས་བསམ་གཏན་དང་པོ་ནི། སྒོམ་བྱེད་སྦྱིན་དང་ཚུལ་ཁྲིམས་དག །སྔར་ལྟར་དག་པ་ལེགས་སྤྱོད་པས། དེ་ཚེ་འདོད་པའི་བདེ་བ་རྣམས། ཆགས་ཞེན་སྲེད་པའི་རྒྱུར་མཐོང་ནས། དེ་སྤོང་བྱེད་བསམ་གཏན་ལ། སྲེད་ཅིང་ཆགས་པས་མཚམས་སྦྱར་ཏེ། ཚངས་རིས་ཉིད་སྐྱེ་དེ་བས་ཀྱང་། མི་ལྕོགས་མེད་བསྒོམ་གཉིས་པ་སྟེ། དག་པ་བྱམས་དང་འབྲེལ་བསྒོམ་པས། ཚངས་ཆེན་དུ་སྐྱེ་ཞེས་དང་། གཉིས་པ་རྟོགས་མེད་བསྒོམ་པ་ལས། འོད་ཆུང་ངུ་སྐྱེ་སྔར་བས་ལྷག །དེ་ཉིད་མི་ལྕོགས་མེད་བསྒོམ་པས། ཚད་མེད་འོད་སྐྱེ་དེ་ལས་གཞན། ཕུལ་དུ་བྱུང་བའི་འོད་གསལ་ཡིན། ཞེས་དང་། དེ་ནས་དགའ་བདེ་དང་བྲལ་ཞིང་། དྲན་རིག་གཡོ་བ་རླུང་རྒྱུ་བ། ཙམ་ལྡན་བསམ་གཏན་གསུམ་པ་ནི། སྒོམ་ལས་དགེ་ཆུང་ངུ་སྐྱེ་ལ། བརྟེན་བྱས་ཚད་མེད་དགེ་ཡིན་ཏེ། ཤིན་ཏུ་བརྟེན་པས་དགེ་རྒྱས་

(༦༣༣)ཞེས། དགེ་བས་གང་བས་གྲུབ་བར་འགྱུར། ཞེས་དང་། གཞན་ཡང་བསམ་གཏན་བཞི་པ་ནི། གཡོ་མེད་ཅེས་བྱ་དེ་བསྒོམ་པས། སྤྲིན་མེད་ཅེས་བྱ་དེར་འགྲོ་སྟེ། དེ་བསྒོམ་བསོད་ནམས་སྐྱེས་བུ་སྐྱེ། མཐར་ཐུག་གྱུར་པ་འབྲས་བུ་ཆེ། ཞེས་བསམ་གཏན་འོག་མ་བཅུ་གཉིས་སུ་སྐྱེ་བའི་ཚུལ་བཤད་ནས་དེ་དང་འཕགས་ལམ་གྱི་ཁྱད་པར་ཡང་། སྔ་མ་ཆོས་ཀུན་མ་རྟོགས་ཀྱང་། སེམས་གནས་ཁྱད་པར་ལས་བྱུང་ངོ་། ཕྱི་མ་ཆོས་ཀུན་རྟེན་འབྲེལ་གྱིས། ཚུལ་ཤེས་སེམས་དང་སེམས་བྱུང་གིས། རྣམ་པ་རྒྱུ་དང་འབྲས་མཐོང་ནས། ཤེས་པ་ནས། རྟོགས་དཔྱོད་བདེ་དང་སྡུག་བསྔལ་དང་། ཡིད་བདེ་མི་བདེ་དབུགས་འབྱུང་རྔུབ་སྐྱོན་བརྒྱད་མེད་ཅིང་མི་གཡོ་བ། བཏང་སྙོམས་དྲན་པ་དག་པ་ནི། བསམ་གཏན་བཞི་པ་ཞེས་བྱའོ། ཚུལ་འདི་དེ་བཞིན་ཉིད་འབྲེལ་བས། འཕགས་པའི་བསམ་གཏན་ཞེས་བརྗོད་དོ། ཞེས་པའི་བར་གསུངས་སྟེ། གཙང་གནས་སུ་སྐྱེ་ཚུལ་དངོས་ནི། མི་ཚེ་ལ་སོགས་ལྔ་རྣམས་ནི། བསམ་གཏན་ཤེས་རབ་དང་འབྲེལ་བས། ཉོན་མོངས་ཆེ་མིན་དེ་མི་གདུང་། ཉོན་མོངས་བྲལ་བའི་ཡོན་ཏན་ནི། གྱ་ནོམ་སྣང་དང་དེ་བཞིན་དུ། ཤིན་ཏུ་མཐོང་དང་འོག་མིན་འགྲོ། ཞེས་དང་། གཟུགས་མེད་དུ་སྐྱེ་བའི་ཚུལ་ནི། གང་ཞིག་སྐྱེ་འཕགས་གང་ཡིན་ཀྱང་། བསམ་གཏན་བཞི་པ་མ་བརྟེན་ནས། གཟུགས་ནི་རགས་བཅས་མ་ཞི་བར། མཐོང་ནས་གཟུགས་སུ་འདུ་ཤེས་ཏེ། དགག་ཕྱིར་མཁའ་ལྟར་དམིགས་པ་གང་། ནམ་མཁའ་མཐའ་ཡས་ཞེས་བྱ་སྟེ། རྣམ་པར་ཤེས་པ་འདུ་ཤེས་ཀྱིས། ཁྱད་པར་ལ་བརྟེན་དེ་ཐོབ་པོ། དང་པོ་གཟུགས་སྒྲ་རེག་

(༦༣༤)བྱ་ཆོས། ཉེར་བསྡོག་ཡིན་ཏེ་གཞན་མ་གསུམ། ཆོས་ལ་དམིགས་པ་ཁོ་ནས་སྐྱེ། རྣམ་པར་ཤེས་དང་འདུ་ཤེས་ཀྱི། ཁྱད་པར་ལ་བརྟེན་དེ་ཐོབ་པོ། དང་པོ་གཟུགས་སྒྲ་རེག་བྱ་ཆོས། རྣམ་ཤེས་མཐའ་ཡས་ཉིད་བསྒོམ་པ། གོང་མ་ལས་ཀྱང་ཞི་བར་འདོད། རྣམ་ཤེས་ཉིད་ཀྱང་རགས་མཐོང་ནས། རྟོགས་དེ་གཤིག་པ་ཅིར་ཡང་མེད། ཡུལ་ལ་མཚན་མར་འཛིན་པ་ཡིས་ཅི་ཡང་མི་རྟོགས་ཡིན་མཐོང་ནས། དེ་བཤིག་ཡོད་མིན་མེད་མིན་སྟེ། ཞེས་གསུངས་སོ། གསུམ་པ་འདོད་པའི་ཁམས་སུ་སྐྱེ་བ་ལེན་པའི་ཚུལ་ལ་གསུམ། མཚམས་སྦྱར་བ། སྤྱིར་བསྟན། རྡོ་རྗེ་ཐེག་པའི་རྟེན་ངོས་བཟུང་པའོ། དང་པོ་ནི། འདོད་པའི་ཁམས་སུ་ནི་འབྱུང་བ་ཆེན་པོ་ནས་བསྡུས་པའི་ཁམས་དྲུག་པོ་ཐམས་ཅད་རྫོགས་ལྡན་པའི་ཕྱིར་དེ་འཆད་པ་ལ། འདོད་ཁམས་རིགས་དྲུག་ཐམས་ཅད་ཀྱང་། ཞེས་པ་ནས་བརྩམས་སྟེ། རྐང་པ་དེ་ལས་གཞན་པའི་ཚིགས་བཅད་གཉིས་དང་བཅས་པ་སྟེ་ཚིགས་རྐང་དགུ་སྨོས་སོ། གཉིས་པ་ལ་རྩ་འགྲེལ་གཉིས་ལས། དང་པོ་ནི། འདོད་ཁམས་རིགས་དྲུག་ཐམས་ཅད་ཀྱང་། ཁམས་དྲུག་དང་ལྡན་ཕྲ་དང་རགས་སྐྱེ་གནས་བཞི་ལྡན། ཞེས་གསུངས་སོ། འདོད་ཁམས་ཀྱི་འགྲོ་བ་རིགས་པོ་ཕྲ་བ་སྲིན་བུ་ནས་རགས་པ་ལྷའི་བར་དུ་ཐམས་ཅད་ཀྱང་ས་སོགས་ཁམས་དྲུག་དང་ལྡན་ཞིང་སྐྱེ་གནས་བཞི་པོ་གང་རུང་དང་ལྡན་ནོ། གཉིས་པ་ནི། དེ་ཡང་དགེ་མི་དགེའི་ལས་སྟོབས་དང་ལྡན་ཞིང་འདོད་པའི་ཆགས་པ་མངོན་འགྱུར་བ་དང་ལྡན་པའི་ཕྱིར་འདོད་པའི་ཁམས་ཤེས་བྱ་སྟེ་དེ་ནི་སྲིད་པ་བཅུ་གཅིག་གོ། དེ་ཡང་རྒྱལ་ཆེན་བཞིས་གཙོ་བོ་བྱེད་ཅིང་།

(༦༣༥)དེའི་རིགས་ཀྱི་ལྷ་མང་པོ་ཡོད་པས་རྒྱལ་ཆེན་རིས་བཞི་པ་སྟེ། ནང་སེལ་གྱི་གནས་བཞི་བཅུར་གསུངས་པ་དང་། ལྷའི་གཙོ་བོ་སུམ་བཅུ་རྩ་གསུམ་ཡོད་པས། སུམ་བཅུ་རྩ་གསུམ་པ་སྟེ། ནང་སེལ་གྱི་ལྷ་གནས་ཀྱང་སུམ་བཅུ་རྩ་གསུམ་པ་དེ་དང་། ལྷ་མ་ཡིན་གྱི་འཐབ་མོ་དང་བྲལ་བས་འཐབ་བྲལ་བ་སྟེ། དེ་ལའང་ནང་སེལ་གྱི་གནས་ཉེར་བདུན་ཡོད་པ་དེ་དང་། ཆོས་ཀྱི་དགའ་བདེ་དང་ལྡན་པས། དགའ་ལྡན་པ་སྟེ། འདིའི་ལྷ་ལ་འཕགས་པ་དང་། སྐྱེ་གཉིས་ཡོད་པར་བཤད་པ་དང་། འདོད་པའི་ཡོན་ཏན་རང་གིས་གང་འདོད་པ་སྤྲུལ་ནས་དེ་ལ་ཅི་དགའ་བར་ལོངས་སྤྱོད་པས་འཕྲུལ་དགའ་བ་དང་། གཞན་གྱི་སྤྲུལ་པའི་འདོད་ཡོན་ལ་དབང་བསྒྱུར་བར་བྱེད་པས་གཞན་སྤྲུལ་དབང་བྱེད་པ་སྟེ། དེར་སྐྱེས་པའི་ལྷ་ལ་ལྷ་རྣལ་མ་དང་བདུད་ཀྱི་རིགས་གཉིས་ལས་དང་པོ་ལ་སྐྱེ་འཕགས་གཉིས་ཀ་ཡོད་དོ། དེ་ལྟར་ན་འདོད་པའི་ལྷ་རིས་དྲུག་དང་། དགེ་བ་འབྲིང་གི་མཐུས་གྲུབ་ཅིང་མན་ཞེས་ཡིད་ཤས་ཆེ་བས་མི་དང་། དགེ་བ་ཆུང་ངུས་ཐོབ་ཅིང་ཨ་སུ་ར་ཞེས་པ་འདིད་རྩི་མེད་པས་ལྷ་མ་ཡིན་དང་། སྡིག་པ་ཆུང་ངུས་འཕངས་ཤིང་དུད་དེ་འགྲེ་བས། ཏིརྨ་ཀ་ཞེས་པ་རྨོངས་པའི་རང་བཞིན་ཅན་ཡིན་པས་དུད་འགྲོ་དང་། མི་དགེ་བ་འབྲིང་གི་འཕངས་ཤིང་སེར་སྣས་རྫོགས་པས་པྲེ་ཏ་ཀ་ཞེས་པ་བཀྲེས་ཤིང་འཕོངས་པས་ཡིད་དགས་དང་། མི་དགེ་བ་ཆེན་པོ་ནས་འཕོངས་ཤིང་ལུས་དང་སེམས་དམྱལ་བ་སམ། ན་ར་ཀ་ཞེས་པ་སྡུག་བསྔལ་འབའ་ཞིག་གི་མནར་བས་དམྱལ་བ་སྟེ། དེ་ལྟ་བུའི་འགྲོ་བ་རིགས་དྲུག་

(༦༣༦)པོ་ཐམས་ཅད་ཀྱང་ས་ཆུ་མེ་རླུང་ནམ་མཁའི་ཁམས་སྟེ་ཁམས་ལྔ་དང་ཡེ་ཤེས་ཀྱི་ཁམས་ཁུ་བ་ལྟུང་བའི་བདེ་བ་ཡང་ཡོད་པས་དེ་ལྟར་ཁམས་དྲུག་ལྡན་དུ་བཤད་དེ། ཕྲ་བ་སྲིན་བུ་ཆུང་ངུ་དང་རགས་པ་གཞན་འཕྲུལ་དབང་བྱེད་ཀྱི་ལྷ་ལ་སོགས་པ་ཀྱང་ངོ་། འགྲོ་བ་དྲུག་པོ་དེ་ནི་རྫུས་ཏེ་སྐྱེ་བ་དང་མངལ་དང་སྒོ་ང་དང་དྲོད་གཤེར་ལས་སྐྱེ་བ་སྟེ། སྐྱེ་གནས་བཞི་པོ་ཅི་རིགས་པ་དང་ལྡན་པ་ཡིན་ནོ། རྩ་བར་སྐྱེ་གནས་བཞི་ལྡན་ཞེས་པ་ནི། འགྲོ་བ་རིགས་དྲུག་པོ་ལ་སྐྱེ་གནས་བཞི་ཚང་བའི་དོན་ཡིན་གྱི་རིགས་དྲུག་པོ་རེ་རེ་མ་སྐྱེ་གནས་བཞི་ལྡན་པར་བཞེད་པ་ནི་མ་ཡིན་ནོ། དེའི་ཕྱིར་རིག་དྲུག་ཐམས་ཅད་ཀྱང་ཞེས་པའི་སྒྲ་ཁམས་དྲུག་དང་ལྡན་ཞེས་པ་ཁོ་ན་མ་སྦྱར་བར་བྱ་ཡིས་སྐྱེ་གནས་ཤེས་སོགས་གསལ་བྱེད་དུ་སྦྱར་བ་ནི་མ་ཡིན་ནོ། དེ་ལ་སྐྱེ་གནས་བཞི་ནི་མངལ་དང་སྒོ་ང་དང་། དྲོད་གཤེར་ལས་དང་། རྫུས་ཏེ་སྐྱེ་བ་རྣམས་སོ། རིགས་དྲུག་པོ་སྐྱེ་གནས་བཞི་ཅི་རིགས་པར་སྐྱེ་བའི་ཚུལ་ཡང་། མཛོད་ལས། མི་དང་དུད་འགྲོ་རྣམ་པ་བཞི། དམྱལ་བ་རྣམས་དང་ལྷ་རྣམས་དང་། སྲིད་པ་བར་མ་རྫུས་ཏེ་།།།ཡིད་མངལ་ནས་སྐྱེ་བ་ཡང་ཡིན། ཞེས་གསུང་པ་ལྟར། མི་མངལ་སྐྱེས་ནི། དིང་སང་གི་མི་ཕལ་ཆེ་བ་ཡིན་ལ། སྒོང་སྐྱེས་ནི། འདུལ་བ་ལུང་ལས། སྔོན་གྱི་གནས་།།།བྲག་ཅེས་བྱ་བ། བྱ་ཁྲུང་ཁྲུང་གི་སྒོ་ང་ལས་སྐྱེས་པར་གསུངས་པ་ལྟ་བུའོ། དྲོད་གཤེར་སྐྱེས་ནི། རྒྱལ་པོ་ང་ལས་ནུ་ཡབ་ཀྱི་སྤྱི་བོ་ལས་སྐྱེས་པ་སོགས་དང་། ཨ་མྲ་

(༦༣༧)སྐྱོང་མ། ཤིང་ཨ་མྲའི་ཡལ་ག་ལས་སྐྱེས་པར་གསུངས་པ་ལྟ་བུའོ། རྫུས་སྐྱེས་ནི། བསྐལ་པ་དང་པོའི་མི་རྣམས་དང་ཨཱརྱ་དེ་བ་དང་པད་མ་འབྱུང་གནས་ལ་སོགས་པ་ལྟ་བུའོ། དུད་འགྲོ་ལ་མངལ་སྐྱེས་ནི། རྟ་བོང་སོགས་དུ་འགྲོ་ཕལ་ཆེ་བ་དང་། སྒོང་སྐྱེས་ནི་བྱ་ལ་སོགས་པ་དང་། དྲོད་གཤེར་ནི་དབྱར་དུས་ཀྱི་འབུ་སྲིན་ཕལ་ཆེ་བ་དང་། རྫུས་སྐྱེས་ནི་རྐྱང་ནུལ་གྱི་དོར་དང་ལྡན་པའི་གནས་སུ་འབུ་སྲིན་སོགས་འབྱུང་བ་ལྟ་བུའོ། དམིགས་པ་བ་ལ་སོགས་གསུམ་རྫུས་སྐྱེས་སུ་སྐྱེ་བའི་ཁོངས་སུ་ལྷ་མ་ཡིན་རྣམས་ཀྱང་འདུ་བས། རྫུས་སྐྱེས་གསུམ་ནི་ཁོ་ན་ནི་འགྲོ་བ་གསུམ་དང་མི་འགྲོ་བ་བར་སྲིད་དོ། ཡི་དགས་ལ་མངལ་སྐྱེས་དང་། འང་གི་སྒྲས་རྫུས་སྐྱེས་ཀྱང་སྟེ། སྐྱེ་གནས་གཉིས་པོ་ཅི་རིགས་པ་དང་ལྡན་པར་བཞེད་དོ། གསུམ་པ་རྡོ་རྗེ་ཐེག་པའི་རྟེན་གྱི་གང་ཟག་ངོས་བཟུང་བ་ལ་གཉིས། དེའི་རྟེན་དུ་དམན་པ་དང་། ས་སྤྲོས། དང་པོ་ལ། སྦྱར་རྩ་འགྲེལ་གསུམ་ལས། དང་པོའི་མཚམས་སྦྱར་བ་ནི། འདོད་པ་བཅུ་གཅིག་པོ་དེ་རྣམས་ཐམས་ཅད་ཡོན་ཏན་སྐྱེ་དཀའ་སླ་ཙམ་མ་རྟོགས་ཁམས་དྲུག་ལྡན་ཡིན་ཀྱང་བྱེ་བྲག་ཏུ་ལྷོ་འཛམ་བུ་གླིང་དུ་སྐྱེས་པའི་མི་མཆོག་རྣམས་ལ་ཁམས་བྱང་ཆུབ་སེམས་ཀྱི་ཡོན་ཏན་སྐྱེ་བ་དང་། ཤར་ལྷོ་ནུབ་སྟེ་གླིང་གསུམ་གྱི་མི་མ་གཏོགས་པ་འགྲོ་བ་གཞན་ལ་སོ་སོར་ཐར་པ་མི་སྐྱེ་བར་འདུལ་བ་ལས་ཀྱང་། མི་མ་ཡིན་པའི་འགྲོ་བ་པ་དང་བྱང་གི་སྒྲ་མི་སྙན་པ་གཉིས་ནི་སྡོམ་པའི་ཞིང་ཉིད་མ་ཡིན། ཞེས་སོགས་གསུངས་པའི་ངེས་པ་བསྟན་པ་ཕྱིར་དུ་གཞན་དག་ཅེས་བྱ་བ་ལ་སོགས་པའི་གཞུང་སྨོས་སོ། གཉིས་པ་ནི། གཞན་

(༦༣༨)དག་རྣམས། ངན་སོང་གསུམ་ནི་མི་ཁོམས་གནས། ལྷ་དང་ལྷ་མིན་སྒྲ་མི་སྙན། འབྲས་བུ་སྤྱོད་པ་རྒྱུས་དམན་ཏེ། ཞེས་གསུངས་སྟེ། གླིང་གསུམ་གྱི་མི་ལས་གཞན་དག་རྣམས་ཀྱི་ནང་ཚན་ངན་སོང་གསུམ་ནི་སྔགས་ཀྱི་རྟེན་དུ་དམན་ཏེ། མི་ཁོམ་པའི་གནས་སུ་སྐྱེས་པའོ། ལྷ་དང་། ལྷ་མིན། བྱང་སྒྲ་མི་སྙན་པ་རྣམས་ཀྱང་དེར་དམན་ཏེ། དགེ་བའི་འབྲས་བུ་བདེ་བ་མ་སྤྱོད་པ་ཡིན་གྱི་དེའི་རྒྱུ་དགེ་བ་དང་གཉེན་པོ་དམན་པས་སོ། གསུམ་པ་ནི། གླིང་གསུམ་གྱི་སྐྱེས་པ་དང་བུད་མེད་ལས་གཞན་དག་གནས་ངན་པར་སོང་བ་དམྱལ་བ་ཡི་དགས་དུ་འགྲོ་དང་གསུམ་ནི་ངོ་ཚ་ཁྲེལ་ཡོད་ཤས་ཆུང་ཞིང་སྡུག་བསྔལ་འབའ་ཞིག་ལ་སྤྱོད་པས་དགེ་བའི་སེམས་སྐྱེ་བ་དཀོན་པ་དང་སྔོན་བྱས་པའི་མི་དགེ་བའི་འབྲས་བུ་སྟོབས་ཅན་ལ་ལོངས་སྤྱོད་པས་ཆོས་བྱེད་པ་ལ་མི་ཁོམ་པའི་གནས་སུ་སྐྱེས་པ་ཡིན། བདེ་འགྲོ་ཡིན་དུ་ཟིན་ཀྱང་ལྷ་དང་ལྷ་མ་ཡིན་དང་ལྷུན་པོའི་བྱང་གི་གླིང་ཤ་ཟའི་སྐད་དུ་སྨྲ་བས་སམ་འཆི་ཀར་མི་སྙན་པའི་སྒྲ་ཐོས་བར་འགྱུར་བས་སྒྲ་མི་སྙན་ཏེ་གླིང་ཏེ་སྐྱེས་པའི་མི་རྣམས་དང་བཅས་པའི་སྔོན་བསགས་པའི་བསོད་ནམས་ཀྱི་འབྲས་བུ་བདེ་བ་ལ་ལོངས་སྤྱོད་པ་ཡིན་གྱི་ཚེ་འདིར་གཉེན་པོ་བསྐྱེད་པའི་རྒྱུ་རིགས་ཀྱི་ནུས་པ་དམན་པའི་ཕྱིར། སངས་རྒྱས་རྣམས་རྟེན་དེར་མཛད་པ་བཅུ་གཉིས་ཀྱི་སངས་རྒྱ་བའི་ཚུལ་མི་སྟོན་པ་དང་རྡོ་རྗེ་ཐེག་པ་ཚེ་གཅིག་ལ་སངས་རྒྱ་བའི་ལམ་དེའི་སྐལ་བས་དམན་པར་བཀའ་དང་བསྟན་བཅོས་རྣམས་ལས་གསུངས་སོ། གཉིས་པ་རྡོ་རྗེ་ཐེག་པའི་རྟེན་མཆོག་ངོས་བཟུང་བ་ལ། རྩ་འགྲེལ་

(༦༣༩)གཉིས་ལས། དང་པོ་ནི། གླིང་གསུམ་སྐྱེས་པའི་ཁམས་དྲུག་ལྡན། མཆོག་ཡིན་འཛམ་གླིང་ལས་སྐྱེས་པ། ལས་ཀྱི་ས་པར་རབ་ཏུ་གྲགས། ཤེས་གསུངས་སོ། ཤར་ལྷོ་ནུབ་སྟེ་གླིང་གསུམ་དུ་སྐྱེས་པའི་མི་ཁམས་དྲུག་ལྡན་ནི་དེའི་རྟེན་མཆོག་ཡིན་ལ། དེ་ལས་ཀྱང་ལྷོ་འཛམ་བུ་གླིང་དུ་ལེགས་པར་སྐྱེས་པ་ནི་དེའི་རྟེན་ཡང་རབ་སྟེ། ཚེ་འདིར་བྱས་པའི་ལས་འབྲས་འདི་ཉིད་ལ་སྨིན་པ་ཡོད་པས་འདིར་སྐྱེས་པའི་མི་རྣམས་ལ་ལས་ཀྱི་ས་པར་རབ་གྲགས་སོ། གཉིས་པ་ལ་གཉིས། ཚིག་དོན་དངོས་དང་། ཁུང་སྨོས་པའོ། དང་པོ་ནི། བཤད་མ་ཐག་པའི་རྒྱུ་མཚན་དེས་ན་ལྷུན་པོའི་ཤར་ལུས་ཆེ་ཞིང་འཕགས་པའི་གླིང་དང་། ལྷུན་པོའི་ལྷོ་ཤིང་འཛམ་བུས་ཉེ་བར་མཚན་པའི་གླིང་དང་ལྷུན་པོའི་ནུབ་བ་ལང་ལ་ལོངས་སྤྱོད་པའི་གླིང་སྟེ་དཀར་པོ་གླིང་དྲུག་ཏུ་སྐྱེས་པའི་ཁམས་དྲུག་མངོན་གྱུར་དུ་ལྡན་པའི་མི་རྣམས་མཆོག་ཡིན་ཞེས་བྱ་བ་སྟེ། རྡོ་རྗེ་ཐེག་པ་དང་སོ་སོ་ཐར་པ་ལ་སྤྱོད་པའི་སྐལ་བ་མཆོག་ཡིན་ནོ། ཁྱད་པར་དུ་ཡང་ལྷོ་འཛམ་བུའི་གླིང་འདིར་སྐྱེས་པའི་མི་མཆོག་རྣམས་ནི། བྱང་ཆུབ་ཆེན་པོ་སངས་རྒྱས་ཐོབ་བའི་ལས་དང་། བདེ་འགྲོ་དང་ངན་འགྲོ་རྣམས་སུ་འགྲོ་བའི་ལས་དགེ་བ་བཅུ་དང་མི་དགེ་བ་བཅུ་པོ་ཐམས་ཅད་རྫོགས་པར་སྤྱོད་པས་ལས་ཀྱི་སྟོབས་དང་ལྡན་པའི་ཕྱིར་འདིར་བྱས་པའི་ལས་ཚེ་འདི་ཉིད་ལ་སྨིན་པ་ཡོད་དོ། དེས་ན་སངས་རྒྱས་རྣམས་རྟེན་དེ་ལ་འབྱོན་ཏེ། གཉིས་པ་ནི། འདིར་བཤད་པའི་ཚིགས་འདི་ནི་བདེ་མཆོག་སྡོམ་འབྱུང་གི་རྒྱུད་ལས་འབྱུང་བ་ཇི་ལྟ་བ་བཞིན་ཡིན་ལ། གཞུང་ལུང་དུ་མ་ཡོད་ཀྱང་ཚིག་མངས་པར་ དོགས་ནས་རང་འགྲེལ་འདིར་མ་དྲངས་སོ། གཉིས་པ ་བྱེ་བྲག་ཏུ་མིའི་སྐྱེ་བ་ལེན་

(༦༤༠)ཚུལ་རྒྱས་པར་བཤད་པ་ལ་གསུམ། སྤྱིའི་མཚམས་སྦྱར་བ། བསྐལ་པ་དང་པོའི་སྐྱེ་བ་ལེན་ཚུལ། མངལ་སྐྱེས་ཀྱི་ཚུལ་ལོ། དང་པོ་ནི། དེ་ལྟར་ཁམས་སུམ་གྱི་སྐྱེ་བ་ལེན་པའི་ཚུལ་གྱི་བསྟན་པ་དེའི་འོག་ཏུ་བྱེ་བྲག་ཏུ་མིའི་ལུས་འགྲུབ་པའི་ཚུལ་རྒྱས་པར་བཤད་པར་བྱའོ། གཉིས་པ་ལ་གསུམ། ཐུན་མོང་དུ་མཚམས་སྣ་བ་དང་། རྫོགས་ལྡན་གྱི་དུས་བཤད་པ། གཉིས་ལྡན་སོགས་འབྱུང་ཚུལ་ལོ། དང་པོ་ནི། ཡུལ་འདིར་ཞེས་སོགས་ཚིགས་སུ་བཅད་པ་གཉིས་ཀྱི་བསྐལ་པ་དང་པོའི་ཚུལ་གསུངས་སྟེ། དེ་ཡང་འཇིག་རྟེན་ཆགས་པའི་དང་པོར་རླུང་ཆགས་པ་ནས་བཟུང་སྟེ། འཇིག་རྟེན་གྱི་ཁམས་འདི་སེམས་ཅན་སྤྱི་མཐུན་གྱི་སྣང་བ་ཐུན་མོང་བ་ལྟ་བུའི་རྣམ་རིགས་མ་ཚངས་པ་ཆེན་པོ་དང་མཐུན་པར་སྐལ་ཆུང་གཅིག་གི་བར་སྐལ་ཉི་ཤུའི་རིང་ལ་སྣོད་ཆགས་ནས་དེའི་འོག་ཏུ་བཅུད་ཀྱི་སེམས་ཅན་ཆགས་པའི་ཚེ་མི་རྣམས་ཡུལ་འདིར་བྱུང་བའི་ཚུལ་ནི་འཆད་དོ། གཉིས་པ་ལ། རྩ་འགྲེལ་གཉིས་ལས། དང་པོ་ནི། ཡུལ་འདིར་སྐྱེ་བ་འགྲུབ་ཚུལ་ནི། དང་པོ་རྫུས་སྐྱེས་གཟུགས་ཁམས་བཞིན། ཞེས་གསུངས་སོ། ཡུལ་འདིར་མིའི་སྐྱེ་བ་འགྲུབ་ཚུལ་ནི་སྐལ་པ་དང་པོ་པའི་མི་རྣམས་རྫུས་ཏེ་སྐྱེ་བ། རང་འོད་ཀྱི་མཚོ་ཞིང་ལུས་དང་ཚེ་དཔག་ཏུ་མེད་ལ་དགའ་བ་ཟས་སུ་ཟ་བ་སོགས་གཟུགས་ཁམས་པའི་ལྷ་ཇི་ལྟ་བ་བཞིན་ནོ། གཉིས་པ་ནི། བཅུད་ཐོག་མར་ཆགས་པ་ན་འོད་གསལ་གྱི་ལྷ་ལས་འཕོགས་ཞིག་མིའི་སྣོད་ཀྱི་འཇིག་རྟེན་སྟོང་པ་དེར་རྫུས་སྐྱེས་སུ་འབྱུང་སྟེ། དེ་ནི་ཤད་བུ་ཞེས་བྱའོ། སླར་ཡང་དེ་འདྲ་བ་ཞིག་འབྱུང་བ་ནི་ཤེད་ལས་སྐྱེས་སོ་ཞེས་ཟེར་ཞིང་གཞན་མང་པོའང་སྐྱེས་སོ། དེ་ཡང་ཚངས་པས་སྣོད་ཀྱི་འཇིག་རྟེན་སྟོང་པ་དེ་ལ་ལོངས་སྤྱོད་པའི་སེམས་ཅན་ཞིག་བྱུང་ན་

(༦༤༡)ཅི་མ་རུངས་སྙམས་དུ་བསམ་པས་ཤེད་བུ་དང་། དེ་ལ་འང་གྲོགས་ཞིག་འབྱུང་བར་འདོད་པས་ཤད་ལས་སྐྱེས་སོགས་བྱུང་བར་རྟོགས་སྟེ། དེའི་ཕྱིར་ཚངས་པ་ལ་བྱེད་པོར་འདོད་དོ། མི་དེ་རྣམས་ཀྱི་གཟུགས་ཁམས་ཀྱི་གནས་དྲུག་པོ་འོད་གསལ་གྱི་ལྷ་ལྟ་བུ་འོད་དང་ལུས་དང་ཚེ་དཔག་ཏུ་མེད་པ་ཏིང་ངེ་འཛིན་གྱི་དགའ་བའི་ཟས་དང་ལྡན་ཞིང་དགེ་བ་བཅུའི་སྟོབས་རྫོགས་པར་ལྡན་པའི་ཕྱིར་རྫོགས་ལྡན་ཞེས་བྱའོ། གསུམ་པ་གཉིས་ལྡན་སོགས་འབྱུང་ཚུལ་ལ་རྩ་འགྲེལ་གཉིས་ལས། དང་པོ་ནི། དེ་ནས་རིམ་གྱི་སྲེད་དབང་གིས། དྲི་དང་རོ་ལ་ཆགས་པ་ལས། ཡུལ་དུ་སྣང་བའི་རྣམ་ཤེས་ལ། བླང་དོར་བྱས་པས་ལུས་ཁམས་ནི། དགས་སྣང་ཕོ་མོ་སྣང་མུན་དང་བདེ་སྡུག་འདོད་གཉིས་མེད་རྟས་པར་འགྱུར། ཞེས་གསུངས་སོ། སྐལ་པ་དང་པོའི་རྗེས་དེ་ནས་སའི་བཅུད་ལ་སོགས་པ་རིམ་གྱི་སྲེད་པའི་དབང་གི་དྲི་དང་རོ་ལ་ཆགས་པ་ལས་དྲི་རོ་ཕུལ་དུ་སྣང་བའི་རྣམ་ཤེས་ལ་བླང་དོར་བྱས་ནས་ལོངས་སྤྱོད་པས་ལུས་ཀྱི་ཁམས་ནི་རག་པར་སྣང་ཞིང་སྙིགས་མ་ཟགས་པས་ཕོ་མོའི་དབང་པོ་དང་རང་འོད་ཉམས་པས་ཉི་ཟླ་སོགས་སྣང་མུན་དང་བདེ་སྡུག་འདོར་ལེན་གྱི་འདོད་སྲེད་ཇེ་ཆེ་བརྟས་པར་འགྱུར་རོ། གཉིས་པ་ནི། རྫོགས་ལྡན་གྱི་རྗེས་སུ་ལུས་ཀྱི་ལས་མི་དགེ་བ་གསུམ་སྤང་པ་དང་ལྡན་པས་སམ་ཚེ་དང་ལུས་དང་སྟོབས་གསུམ་ཡོད་པས་གསུམ་ལྡན་དང་། གསོད་པ་དང་རྐུ་བ་སྤང་བ་དང་ལྡན་པས་སམ་སྟོབས་དང་ལུས་གཉིས་ཡོད་པས་གཉིས་ལྡན་དང་། མི་དགེ་བ་བཅུ་ཚང་བར་སྤྱོད་ཅིང་རྩོད་པར་བྱེད་པས་རྩོད་ལྡན་དེ། དེ་རྣམས་རིམ་གྱི་བྱུང་བའི་ཚུལ་ནི། མདོ་ལས་རྫོགས་ལྡན་གྱིས་དུས་དེའི་ཚེ་སེམས་ཅན་སྤྱི་མཐུན་གྱི་ལས་ཀྱི་དབང་ལས་ས་ཆེན་པོ་འདི་ལས་བདུད་རྩི་

(༦༤༢)ས་མོ་ཞག་དྲི་དང་རོ་ཕུན་སུམ་ཚོགས་པ་ཡོད་པ་ཞིག་བྱུང་སྟེ། རྫོགས་ལྡན་གྱི་སེམས་ཅན་དེ་རྣམས་དྲི་མ་སྙོམ་ཞིང་སེར་མོའི་རྩེ་མོས་བླངས་ཏེ་ལྕེས་རོ་མྱོང་བར་བྱེད་དོ། ཇི་ལྟ་ཇི་ལྟར་དྲི་རོ་མྱང་འདས་པ་ལྟར་སྲེད་དོ། སྲེད་པ་དང་ས་མོ་ཞག་གི་དྲི་རོ་མྱང་འདས་པ་དེའི་རྒྱུས་ལུས་ལྕི་བར་གྱུར་ཏེ་འོད་ཉམས་སོ། དེ་ཉམས་པས་འཇིག་རྟེན་དུ་མུན་པ་བྱུང་བ་དང་སེམས་ཅན་སྤྱི་མཐུན་གྱི་བསོད་ནམས་ལས་ཉི་མ་དང་ཟླ་བ་འོད་གསལ་བ་འཆར་བ་དང་ནུབ་པ་དག་བྱུང་ངོ་། དང་པོའི་དུས་སུ་ལུས་འཇའ་ལྟར་ཡལ་ནས་རོ་མི་འབྱུང་བ་མ་འོད་ནུབ་པ་དེའི་འོག་ཏུ་ཚེ་ལོ་དཔག་མེད་བྲི་ནས་ཤི་བའི་རོ་དག་བྱུང་བས་ཚེ་ནུབ་པར་གྱུར་ཏོ། ཁམས་ཀྱི་ཟས་ལ་བརྟེན་ནས་འདུས་ཀྱི་ཁམས་བརྟས་པས་བཤད་གཅི་སོགས་ཟག་པ་རྣམས་བྱུང་བ་དང་། དེའི་ཕྱིར་འབྱུང་བའི་ལམ། དོད་པའི་ཞར་ལས་རིགས་མཐུན་བསྐྱེད་པར་བྱེད་པ་ཕོའི་དབང་པོ་དང་མོའི་དབང་པོ་ཡང་འབྱུང་སྟེ། དེ་ཡན་དུ་སེམས་ཅན་ཞེས་ཟེར་ཀྱང་དེ་ནས་སེམས་ཅན་དེ་གཉིས་ཀྱི་ལུས་ཀྱི་སྟོབས་དང་། ངག་གི་ང་རོ། སེམས་ཞི་རགས་སོགས་ཀྱི་ཁྱད་པར་ལས། སྐྱེས་པ་དང་བུད་མེད་ཅེས་ཀྱང་ཟེར་རོ། སེམས་ཅན་དེ་དག་ཕན་ཚུན་དུ་ང་ནི་ཚེ་རིང་བ་དང་ཁ་དོག་བཟང་བ་ཡིན་ལ་ཁྱོད་ནི་ཚེ་ཐུང་བ་དང་ཁ་དོག་ངན་པ་ཡིན་ནོ་ཞེས་རྩོད་པ་དང་། རང་ཉིད་བཟང་བོར་འདོད་པའི་སེམས་དང་དེས་གདུང་བར་མྱོང་བས་སྡུག་བསྔལ་བ་དག་བྱུང་སྟེ། ས་ཞག་པའི་ནང་དུ་ནུབ་པར་གྱུར་ཏོ། དེའི་འོག་ཏུ་ཡང་སྤྱི་མཐུན་གྱི་ལས་ལས་མྱུ་གུའི་མཚལ་ཞེས་པ་དྲི་རོ་ཕུན་སུམ་ཚོགས་པ་དང་ལྡན་ཞིང་སྔ་མ་ལས་ཅུང་ཟད་དམན་པ་ཞིག་བྱུང་སྟེ། དེ་ཡང་

(༦༤༣)ལོངས་སྤྱོད་པས་སྔར་ལྟ་བུ་ནུབ་བོ། དེའི་འོག་ཏུ་ཡང་འབྲས་ས་ལུ་མ་བཏབ་པར་སྐྱེ་བ་བྱུང་ནས་དེ་ཟའོ། འདོད་པ་ལ་ཉེ་བར་ཆགས་ནས། གཉིས་ཤིག་མི་ཚངས་པར་སྤྱོད་པ་ལས། གཞན་དག་གི་འདི་ནི་ལོགས་པར་སྤྱོད་པའོ་ཞེས་རྡོ་དང་ཤིང་བུས་བཏབ་པ་ན། དེ་དག་ཡིན་པའི་གནས་སུ་ཁང་པ་བྱས་སོ། སྔོན་འབྲས་ས་ལུ་ནང་ཟ་ནང་ལེན་ནུབ་ཟ་ནུབ་ལེན་པ་ལ་ལེ་ལོ་ཅན་ཞིག་གི་དུས་གཅིག་ལ་ལན་མང་དུ་བླངས་བསོགས་འཇོག་བྱས་པས་མ་བཏབ་པར་སྐྱེ་བ་དང་བཅས་པ་ཡང་རིམ་གྱི་ནུབ་པས། ས་གཞི་ལ་ང་ཡིར་བྱ་བ་དང་བདག་ཏུ་བཟུང་ནས་ས་བོན་བཏབ་ཅིང་སྨོས་པས་སྐྱེས་ཏེ་སོ་ནམ་བྱེད་པ་དག་བྱུང་ངོ་། གཞན་ཞིག་གི་བཏབ་པ་དེ་ལ་ལེ་ལོ་ཅན་གཞན་དག་གི་བླངས་ཏེ། དེ་གཉིས་ཕན་ཚུན་དུ་རྩོད་པར་བྱས་པས་རྩོད་པ་དང་བཅས་པའི་དུས་བྱུང་བར་གསུང་ཏེ། རྒྱུ་མཚན་དེས་ན་གཞུང་རྩ་བར་ལུས་ཁམས་ཤེས་པ་ནས་བརྟས་པར་འགྱུར། ཞེས་པའི་བར་སྨོས་པ་ཡིན་ནོ། དེ་ལྟ་བུའི་འདོད་སྲེད་བརྟས་པར་གྱུར་པས། ཇེ་ངན་ལ་སོང་ནས་སྙིགས་མའི་སྐྱོན་རྣམས་འབྱུང་བའི་ཚུལ་ཡང་། དེའི་ཚེ་མི་རྣམས་ཀྱི་ནང་ནས་ལུས་མཛེས་ཤིང་ངག་བཅོན་ལ་ཡིད་མཉམ་སྙོམས་པ་ཞིག་ཞིང་དཔོན་དུ་བསྐོས་ནས་སྟོན་ཐོག་གི་དྲུག་ཆ་ལོ་ཐང་དང་དཔྱ་བསྟབས་པས་དཔོན་གཡོག་དང་རྗེ་འབངས་བྱུང་ངོ་། ཞིང་དཔོན་དེ་མི་མང་པོས་གྲོས་བྱས་ནས་དཔོན་དུ་བཀྱུར་བས། དེའི་མིང་ལ་མང་པོས་བསྐུར་བར་གྲགས་ཤིང་། དེ་ནི་བསྐོས་བ་ཡང་ཡིན་ལ་བློ་བུར་དུ་བྱུང་བ་ཡང་ཡིན་ཞིང་འོད་གསལ་གྱི་ལྷ་ལས་འཕོས་

(༦༤༤)བས་གདུང་བརྒྱུད་དང་ཡན་ལྡན་པ་སྟེ། དེའི་ཕྱིར་བསྐོས་དང་བློ་བུར་གདུང་བརྒྱུད་གསུམ། མང་པོས་བསྐུར་བ་ཉིད་ལ་ཚངས། ཞེས་ཟེར་རོ། མང་པོས་བཀུར་བ་དེའི་རྒྱུད་པ་ལ་ནི་རྒྱལ་རིས་ཤེས་ཟེར་ཞིང་། འདོད་པ་ཆུང་བ་ཞེས་གཙང་སྒྲ་དང་དཀའ་ཐུབ་ལ་བརྟེན་ཏེ་དགོན་པར་གནས་ཤིང་རིག་བྱེད་ལྷུར་ལེན་པའི་མི་རྣམས་ལ་བྲམ་ཟེའི་རིགས་དང་། མང་པོས་བཀུར་བའི་བཀའ་ལ་དབང་བྱེད་པའི་མི་བར་མ་རྣམས་ལ་རྗེ་དུའི་རིགས་དང་། མི་ཐ་མལ་པ་རྣམས་ལ་དམངས་རིགས་ཤེས་ཟེར་བས་མི་རིགས་བཞི་ཡང་བྱུང་། དམངས་རིགས་ཀྱི་ནང་ཚན་དམན་པའི་སྤྱོད་པ་འགའ་ཞིག་ལ་གདོལ་བའི་རིགས་ཤེས་ཀྱང་ཟེར་རོ། མང་པོས་བཀུར་བའི་རྒྱལ་པོ་དེས་མི་རིགས་པ་བྱེད་པ་དག་སྲོག་ལས་རྒོལ་ནས་ཚར་བཅད་པ་ན་ཉེས་པ་ཅན་རྣམས་དངས་སྟེ་རྫུན་སྨྲས་སོ། དེ་ལྟར་མི་དགེ་བའི་ལས་ལ་ངང་གིས་དཔྱད་པས་ཚེ་ལོ་དཔག་མེད་ནས་བརྒྱད་ཁྲི་པ་སོགས་རིམ་གྱི་བྲི་ནས་ཚེ་ལོ་བཅུ་པར་གྱུར་ཏེ། ནད་མཚོན་མུ་གེའི་སྐལ་པ་སོགས་སྡུག་བསྔལ་དཔག་ཏུ་མེད་པས་མནར་བ་ལས། སླར་ཡང་དགེ་བའི་སེམས་འདུ་བྱས་པས་ཡར་འཕེལ་ཞིང་། མི་དགེ་བའི་ལས་ཀྱི་མར་བྲི་བ་སོགས་བར་གྱི་སྐལ་པ་ཉི་ཤུའི་རིང་ལ་འཛིན་གནས་པར་གསུང་སྟེ། མདོ་ལས། སྔར་བྱུང་།།། དེ་ནས་རིམ་གྱིས་རོ་ལ་ཆགས། ལེ་ལོས་གསོག་བྱས་ནིས་ནི། འཛིན་བཅས་རྣམས་ཀྱི་ཞིང་དཔོན་བསྟབས། དེ་ནས་ལས་ཀྱི་ལམ་ལྷག་པས། ཚེ་ཐུང་

(༦༤༥)།།། ཞེས་དང་། བསྐལ་པ་ནད་དང་མཚོན་དང་ནི། མུ་གེ་དག་གིས་མཚར་ཕྱིན་ཏོ། ཞེས་དང་། དེ་ལྟར་འཇིག་རྟེན་གནས་པ་འདི། བར་གྱི་བསྐལ་པ་ཉི་ཤུའོ། ཞེས་དང་།།།ལོངས་སྤྱོད་ཐོག་མར་གཟུགས་ཁམས་བཞིན། རིམ་གྱིས་ཞག་མྱུ་གྱུའི་མཚལ། ས་ལུ་རྣམས་ཀྱི་རོ་ལ་ཆགས། སྲེད་པས་ཉོན་མོངས་རབ་སྐྱེས་ནས། རྩོད་དང་ཆགས་འགྱུར་།།། མང་པོས་བཀུར་སོགས་རྒྱལ་རིགས་བྱུང་། འདོད་ཉུང་ནགས་གནས་བྲམ་ཟེར་གྲགས། བར་ལ་རྗེས་སུ་རིགས་མཐའ་མཐའ་མ་དམངས། མཐར་ནི་མི་དགེ་རྫོགས་སྤྱོད་པས། །།།ལོ་ཟླ་ཞག་བདུན་གོ་རིམ་བཞིན། དེ་རྣམས་ངན་འགྲོར་མཚུངས་པ་ཡིན། ཞེས་གསུངས་སོ། དེ་ལྟར་སྣང་སྣོད་བཅུད་ལ་སོགས་པ་དེ་ཐམས་ཅད་ཀྱང་། ཁྱབ་འཇུག་པ་རྣམས་ནི་།།།འཇིག་རྟེན་ཐམས་ཅད་ཀྱི་རྟེན་དང་། ཐམས་ཅད་དུ་ཁྱབ་པའི་ངོ་བོ་ཉིད་ཡིན་པས་ཆོས་ཐམས་ཅད་ཁྱབ་འཇུག་གི་གཟུགས་སུ་གནས་ཤིང་། དང་པོར་བྱེད་པ་པོ་ཡང་ཁྱབ་འཇུག་ཉིད་ཡིན་པར་འདོད་ཅིང་། དབང་ཕྱུག་།།།དབང་ཕྱུག་རྫ་མཁན་ལྟ་བུ་སྣ་ཚོགས་འདི་སྤྲུལ་བྱེད་པོར་མ་གྲུབ་ན། ས་གཞི་འདི་མི་གྲུབ་ཅིང་རི་རབ་འདི་མིན་རྒྱ་མཚོ་འང་མ་ཡིན་ཏེ། ཉི་ཟླ་སྐར་ལྡན་བཀོད་པ་འདི་དག་མིག་ཡུལ་དུ་།།། ཡོད་པའི་ཕྱིར་ན་དབང་ཕྱུག་འགྲོ་བའི་བྱེད་པོ་ཡིན་ཞེས་ཁྲིག་སྨྲ། ཞེས་གསུངས་པ་ལྟར་དབང་ཕྱུག་གི་བྱས་པར་འདོད་ལ། ཚངས་པ་ནི། སྔོན་ཚངས་པའི་སྒོ་ང་བསམ་གཏན་གྱི་

(༦༤༦)མིག་གིས་མ་མཐོང་བ་དག་ལས་འཇིག་རྟེན་ཐམས་ཅད་བྱུང་སྟེ། དེས་ན་ཚངས་པ་ཉིད་ཀྱི་བྱེད་པོའི་ཞེས་འདོད་དོ། མཛོད་ལས་ནི། འཇིག་རྟེན་སྣ་ཚོགས་ལས་ལས་སྐྱེས། ཤེས་ལས་ཀྱི་བསྐྱེད་པར་གསུངས་ལ། སེམས་ཙམ་པ་ནི། ཀུན་གཞི་ལ་བག་ཆགས་སྣ་ཚོགས་ཡོད་པའི་དབང་གི་སེམས་ཀྱི་རྣམ་པ་ཉིད་ཡུལ་དུ་སྣང་བའི་ཕྱིར་ཀུན་གཞིའི་སྟེང་གི་བག་ཆགས་ཀྱི་བྱས་པར་འདོད་ལ། དབུ་མ་པ་ནི། སྣང་པས་ཆར་ཙམ་ལས་བཏགས་པས་བརྟག་ཡོད་མིང་རྐྱང་ཡིན་པར་འདོད་དོ། ངེས་པའི་དོན་དུ་ནི་ཀུན་རྫོབ་ཀྱི་ཆོས་ཐམས་ཅད་འཁྲུལ་བའི་སྣང་བ་ཙམ་ལས་ཡུལ་ཡུལ་ཅན་སོགས་སུ་གྲུབ་པ་ནི་རྡུལ་ཙམ་ཡང་མེད་དོ། སེམས་འགག་པ་མེད་པའི་རང་རྩལ་ཉིད་ལ་ཀུན་རྫོབ་ཀྱི་ཆོས་སུ་བཞག་པ་ཡིན་ནོ། དེའི་ཕྱིར་སེམས་ཀྱི་གསལ་སྟོང་དབྱེར་མི་ཕྱེད་པ་ཉིད་འཁོར་འདས་དབྱེར་མེད་ཀྱི་དོན་དུ་ངེས་པ་འཕྲོད་ན་སྣོད་བཅུ་བྱེད་པོ་མེད་པར་རྟོགས་སླ་བ་ཉིད་དོ། གསུམ་པ་མངལ་ནས་སྐྱེ་བའི་ཚུལ་ལ་གསུམ་སྟེ། ཁམས་དྲུག་གི་རྒྱུ་རྐྱེན་རྟེན་ནས་འབྱུང་བའི་རིམ་པ་དང་བཅས་པ་དང་། མངལ་དུ་ཇི་ལྟར་འཇུག་པའི་ཚུལ། སྐྱེ་བའི་རིམ་པ་བསྟན་པའོ། དང་པོ་ལ་བཞི། མཚམས་སྦྱར་བ། ཁམས་དྲུག་གི་རྒྱུ། ཁམས་ཀྱི་རང་བཞིན། ཁམས་ཀྱི་རྒྱུ་སེམས་ཀྱི་རྟེན་འབྲེལ་བཤད་པའོ། དང་པོ་ནི། གཞུང་རྩ་བ་ཚིགས་རྐང་བདུན་ཡོད་དེ། དེ་རྣམས་ཀྱི་ནང་ནས་རྐང་པ་དང་པོ། དེ་ནས་མངལ་སྐྱེས་གྲུབ་པ་ན། ཞེས་པ་ནི་མཚམས་སྦྱོར་བ་སྟེ། དེའི་ཚིག་གི་དོན་ནི། བསྐལ་པ་དང་པོའི་སྐྱེ་བ་འགྲུབ་ཚུལ་

(༦༤༧)སོགས་བཤད་པ། དེ་ནས་གང་གི་ཚེ་མངལ་ནས་སྐྱེ་བ་འགྲུབ་བར་གྱུར་པ་དེའི་ཚེ་ཕ་མ་འདུ་འཕྲོད་སོགས་མངལ་དུ་སྐྱེ་བ་ལེན་པར་སྣང་བ་རྣམས་སེམས་ལས་དོན་གཞན་པ་མེད་བས་རང་གི་སེམས་ཀྱི་སྣང་བ་ཡིན་ཀྱང་དོན་གཞན་དུ་རྟོགས་པའི་འཁོར་བ་ཐོག་མ་མེད་པའི་བག་ཆགས་ལ་བརྟེན་ནས་ཕ་མའི་འདུ་འཕྲོད་ལ་སོགས་པའི་རྐྱེན་གྱི་མངལ་དུ་ཉིང་མཚམས་ཉེ་བར་སྦྱོར་བ་དང་། སེམས་ཅན་ཐམས་ཅད་ལ་ཐུན་མོང་བ་ལྟ་བུར་སྣང་བའི་མངལ་སྐྱེས་ཀྱི་སྐྱེ་བ་ལེན་པའི་ཚུལ་རྣམས་བཤད་དགོས་པས། ལུས་འདི་ཅེས་སོགས་ཚིགས་རྐང་དྲུག་སྨོས་ཏེ་དེ་དག་བཤད་པར་བྱའོ། གཉིས་པ་ལ། རྩ་འགྲེལ་གཉིས་ལས། དང་པོ་ནི། ལུས་འདི་ལ་ནི་ཁམས་ཀྱི་ཚོགས། མ་ལུས་རོ་དྲུག་བཟའ་བཏུང་ལ། འབྱུང་བཞི་འགྲུབ་པའི་རྐྱེན་བྱེད་དོ། རོ་དྲུག་འབྱུང་བ་ལྔ་ལས་སྟེ། མཁའ་དང་བདེ་བ་ཡེ་ཤེས་ཀྱི། སྦྱོར་བས་བརྟེན་པར་འགྲུབ་པ་མིན། ཞེས་གསུངས་སོ། གསུམ་ལྡན་གྱི་རྗེས་དེ་ནས་མངལ་ནས་སྐྱེ་བ་གྲུབ་པ་ན་མངལ་སྐྱེས་ཀྱི་ལུས་འདི་ལ་ནི་དངས་སྙིགས་ཀྱི་ཁམས་ཀྱི་ཚོངས་སོ་དྲུག་པོ་མ་ལུས་པར་རོ་དྲུག་གི་བཟའ་བཏུང་མ་ཟོས་པ་ལས་འབྱུང་སྟེ་ལུས་ཀྱི་འབྱུང་བ་བཞི་བརྟས་པར་འགྲུབ་པའི་རྐྱེན་བྱེད་ལ། རོ་དྲུག་པོ་དེ་ནི་འབྱུང་བ་ལྔ་ལས་འགྲུབ་ཅིང་། འབྱུང་བ་གཞན་བཞི་ལས་གྲུབ་པའི་རོ་བཞི་པོ་སྐ་བ་ནམ་མཁའ་དང་སྒྱུར་བ་བདེ་བ་ཡེ་ཤེས་ཀྱི་ཁམས་ཐབས་ཤེས་སུ་སྦྱོར་བ་ལ་བརྟེན་ནས་ལས་བརྟན་པར་ཡིན་ནོ། གཉིས་པ་ནི། མངལ་སྐྱེས་ཀྱི་ལུས་ཀྱི་ཁམས་རུས་པ་ལ་སོགས་པ་དངས་སྙིགས་ཀྱི་ཁམས་སུམ་བཅུ་སོ་དྲུག་པོ་ཐམས་ཅད་རོ་དྲུག་ལ་སོགས་བའི་བཟའ་བཏུང་གི་

(༦༤༨)རྐྱེན་གྱི་ཆེར་བསྐྱེད་ཅིང་འབྲས་བུའི་གཟུགས་སུ་བྱུང་བས་ལུས་ཀྱི་ནང་གི་སྲ་བ་པ་དང་རླན་པ་ཆུ་དང་ཡང་བ་རླུང་སྟེ་འབྱུང་བ་བཞི་ཇེ་རགས་སུ་བརྟས་ཤིང་གྲུབ་བར་བྱེད་པར་སྣང་སྟེ། དེ་ལྟར་བརྟས་པའི་རྐྱེན་བྱེད་པའི་བཟའ་བཏུང་དེ་ཡང་རོ་དྲུག་གི་ངོ་བོ་ཉིད་ཏེ། སྐུར་བའི་རོ་དང་སྐ་བའི་རོ་གཉིས་ནི་ཡེ་ཤེས་ཀྱི་ཁམས་དང་ནམ་མཁའི་ཁམས་སོ། ཁ་བའི་རོ་ནི་རླུང་གི་ཁམས་དང་ཚ་བའི་རོ་ནི་མེའི་ཁམས་དང་མངར་བའི་རོ་ནི་ཆུའི་ཁམས་དང་ལན་ཚྭའི་རོ་ནི་སའི་ཁམས་སྟེ། ནམ་མཁའི་ཁམས་དང་བདེ་བའི་ཡེ་ཤེས་ཀྱི་ཁམས་དབྱེར་མེད་ཟུང་ངག་ཏུ་སྦྱོར་བས་འབྱུང་བ་ཐམས་ཅད་ཀྱང་བདེ་སྟོང་གཉིས་པོ་དེའི་ནུས་བས་བསྐྱེད་པའི་ཕྱིར་ན་བརྟན་པར་འགྲུབ་པ་སྟེ། དེའི་ཕྱིར་རོ་དྲུག་ཅེས་པ་ནས་འགྲུབ་པ་ཡིན། ཞེས་པའི་བར་གྱི་གཞུང་ཚིགས་གསུམ་གྱི་ཚིག་དོན་ཀྱང་ལེགས་པར་བཤད་ཟིན་པ་ཡིན་ནོ། གཉིས་པ་ཁམས་ཀྱི་རང་བཞིན་ལ། སྦྱར་རྩ་འགྲེལ་གསུམ་ལས། དང་པོ་ནི། རོ་དྲུག་གི་བསྐྱེད་ཅིང་ཁམས་ལྔ་པོ་ཟུང་ངག་ཏུ་སྦྱོར་བས་འགྲུབ་པ་དེ་ཡང་ཚུལ་ཇི་ལྟ་བུར་འགྲུབ་པའི་རང་བཞིན་ཕྱིན་ཅི་མ་ལོག་པར་ཤེས་དགོས་པས་དེ་དེ་འཆད་པའི་ཕྱིར། པདྨར་ཆུད་པའི་ཞེས་སོགས་ཚིགས་རྐང་ལྔ་སྨོས་ཏེའོ། གཉིས་པ་ནི། པད་མར་ཆུད་པའི་ས་བོན་ནི། འཛིན་པ་ས་ཁམས་རང་བཞིན་ཏེ། ཆུ་སྐྱེས་མེ་ཡིས་སྨིན་པར་བྱེད། རླུང་གིས་འཕེལ་བྱེད་ནམ་མཁའ་ཡིས། གོ་སྐབས་འབྱེད་པར་བྱེད་པ་ཡིན། ཞེས་གསུངས་སོ། མའི་པད་མར་ཆུད་པའི་ཁུ་ཁྲག་རྣམ་ཤེས་གསུམ་འདྲེས་པའི་ས་བོན་དེ་ནི་ཁམས་ལྔའི་བདག་ཉིད་ཡིན་པས་རྣམ་ཤེས་མངལ་དུ་འཛིན་པ་ནི་ས་ཁམས་ཀྱི་རང་བཞིན་གྱི་བྱེད་ལ། ཆུ་ཁམས་ཀྱི་ཆེར་བསྐྱེད་པ་དང་། མེ་ཁམས་

(༦༤༩)ཀྱི་སྨིན་པར་བྱེད་ཅིང་། རླུང་ཁམས་ཀྱི་འཕེལ་བར་བྱེད་ལ། ནམ་མཁའི་ཁམས་གྱི་གོ་སྐབས་འབྱེད་པར་བྱེད་པ་ཡིན་པས་འབྲས་བུའི་གཟུགས་འབྱུང་འགྱུར་གྱི་ལུས་སྣང་བར་བྱེད་པའི་ཕྱིར་ཁམས་ལྔའི་རང་བཞིན་གྱི་བྱེད་པས་ནི་དེ་དག་གོ། གསུམ་པ་ལ་གཉིས། ཚིག་དོན་དངོས་དང་ཤེས་བྱེད་ཀྱི་ལུང་བཀོད་པའོ། དང་པོ་ནི། གཞུང་རྩ་བར། པདྨར་ཞེས་སོགས་རྐང་པ་གཅིག་གསུངས་པའི་ཚིག་གི་དོན་ནི་མངལ་དུ་ཕ་མའི་དཀར་དམར་གྱི་དེ་དག་ལ་བར་དོའི་རྣམ་པར་ཤེས་བས་ང་ཡི་འོ། སྙམས་དུ་བདག་ཏུ་བཟུང་ཞིང་དཀར་དམར་སེམས་གསུམ་འདྲེས་པ་ལ་པད་མར་ཆུད་པའི་ས་བོན་དུ་བརྗོད་དེ། ཕ་མའི་ཁམས་དཀར་དམར་རྐྱང་པ་ལས་ས་བོན་དེར་བརྗོད་པ་ནི་མ་མིན་ནོ། ཇི་སྐད་དུ། འགྲེལ་ཆེན་ལས། འཕོ་བའི་སྐད་གཅིག་དེ་ཉིད་འཇིག་རྟེན་དག་ཏུ་ཏེ་མཐོ་རིས་དང་མི་ཡུལ་དང་ས་འོག་ཏུ་སླར་ཡང་བསྡུད་པར་བྱེད་པ་དུས་ཀྱི་འཁོར་ལོ་ཅན་ཏེ་ཉི་མ་མིན། ཉི་མ་རྡུལ་དང་ཟླ་བ་ཁུ་བ་དུས་ཀྱི་འཁོར་ལོ་མེད་པ་སྟེ་ཀུན་གཞིའི་རྣམ་པར་ཤེས་པ་མེད་པས་མི་བྱེད་དོ་ཞེས་པའི་དོན་ཏོ། ཞེས་ཀྱང་འབྱུང་ངོ་། ས་བོན་དེ་ལ་མངལ་དུ་འཛིན་པ་དེ་ལ་ས་ཆུ་མེ་རླུང་སྟེ་ཁམས་བཞིའམ་ནམ་མཁའི་ཁམས་དང་ལྔར་ཇི་ལྟར་ངེས་ཤེས་དྲི་ན། དེའི་ལན་དུ། འཛིན་པ་ས་ཁམས་ཤེས་པ་ནས་བྱེད་པ་ཡིན། ཞེས་པའི་བར་གྱི་ཚིགས་རྐང་བཞི་སྨོས་པའི་འཕྲོས་དོན་ཅུང་ཟད་བཤད་ན། དེ་ལྟར་དུ་ངེས་པའི་དོན་ཀྱང་བྱེད་ལས་ཀྱི་དབང་གི་སྟེ། སྐབས་འདིར་ཉེ་བར་མཁོ་བའི་བྱེད་ལས་ལྡན་པའི་ཁམས་ལྔ་པོ་དེ་ཡང་ནང་སེལ་དུ་ལྔ་ཚན་གསུམ་སྟེ། ལྷན་སྐྱེས་ཀྱི་ཁམས་ལྔ་དང་། མངལ་གྱི་ཁམས་ལྔ་དང་། མངལ་ན་གནས་པ་དེའི་ཁམས་ལྔའོ། ཞེས་

(༦༥༠)ཤེས་པར་བྱ་བ་ཡིན་པས། དེ་ལ་དང་པོ་ནི། གདོད་མའི་མི་ཤིག་པའི་ཐིག་ལེ་ཆེན་པོ་དེ་ཉིད་ཁམས་ལྔའི་བདག་ཉིད་དུ་ཡེ་གདོད་མ་ནས་བཞུགས་པ་སྟེ། དེ་ཡང་ཕ་རོལ་ཏུ་ཕྱིན་པའི་ཕྱོགས་ལས་ནི་ཀུན་འགྲོའི་མཚན་ཉིད་ཅན་སེམས་བྱུང་ལྔར་གསུངས་པ་དང་། སྔ་འགྱུར་གྱི་ཕྱོགས་ལས་སྙིང་གི་སྦུབ་ནང་ན་སེམས་འོད་ལྔའི་ངོ་བོར་བཞུགས་པ་ཉིད་རྒྱལ་བ་རིགས་ལྔར་གསུངས་པ་དང་། རྒྱུ་དང་མན་ངག་མང་པོར་རླུང་འདིར་ལྔ་ལྡན་ཞེས་འབྱུང་བ་དང་། རྗེ་ཉིད་ཀྱི་དངས་མ་ལྔ་འདུས་ཀྱི་ཡེ་ཤེས་གསུང་པ་རྣམས་དོན་འདི་ལ་དགོངས་ནས་གསུངས་པ་ཡིན་ནོ། གཉིས་པ་ནི། བཤད་མ་ཐག་པའི་ཁམས་ལྔ་པོ་དེ་ལ་གཟུང་འཛིན་ཞུགས་པས་ཅུང་ཟད་རགས་སུ་སོང་ནས་ཁམས་ལྔའི་བྱེད་ལས་མངོན་གྱུར་བ་དང་ལྡན་པར་གྱུར་པ་སྟེ། དེ་ཡང་ཁུ་ཁྲག་ཕྱིར་མི་ལྟུང་བར་བརྟན་པ་སྲ་བའི་ཆ་ལས་ས་ཁམས་དང་། ཁུ་ཁྲག་གི་རང་བཞིན་རླན་ཞིང་གཤེར་བའི་ཆ་ནི་ཆུ་ཁམས་དང་། དྲོད་ཀྱི་བདག་ཉིད་ཁྲག་ནི་མེ་དོད། ཕན་ཚུན་གཡོ་བར་བྱེད་པའི་ཆ་ནི་རླུང་ཁམས་དང་། སྟོང་ཞིང་གོ་འབྱེད་པ་བུག་པ་ནི་ནམ་མཁའི་ཁམས་སོ། གསུམ་པ་ནི། མངལ་གྱི་ཁམས་ལྔ་པོ་དེ་དང་རྗེས་སུ་མཐུན་ཏེ། མངལ་ན་གནས་པ་དེ་ཉིད་ཁུ་ཁྲག་སེམས་གསུམ་འདྲེས་པ་ལས་འབྲས་བུའི་གྲུབ་པ་ཇེ་ཆེར་འཕེལ་བཞིན་པའི་གནས་སྐབས་ཡིན་པས་སོ། དེ་ཡང་ཁམས་ལྔའི་བྱེད་ལས་ཇེ་རགས་ཇེ་རགས་སུ་འགྱུར་བ་ཡིན་ནོ། དེའི་ཕྱིར་ལྔ་ཚན་གསུམ་པོ་དེའི་རྟེན་ཅིང་འབྲེལ་པར་འབྱུང་བ་ལས། འཁོར་བ་པ་དག་གི་སྣང་ངོར་མངལ་སྐྱེས་ཀྱི་ལུས་འགྲུབ་བར་སྣང་བ་ཡིན་པས་སྐབས་འདིར་བྱེད་ལས་

(༦༥༡)ཅན་གྱི་ཁམས་ལྔ་པོ་དེའི་ཚུལ་ནི་དེ་ལྟ་བུའོ། ད་ནི་ཚིག་དོན་ཉིད་བཤད་པར་བྱ་སྟེ། རྒྱུ་མཚན་དེས་ན་ལྔ་པོ་དེའི་བྱེད་ལས་ནི། ས་ཁམས་ཀྱི་རྣམ་པར་ཤེས་པ་ཁུ་ཁྲག་གི་དངས་མ་དང་བཅས་པ་འཛིན་པ་དང་། ཆུས་རླན་པ་དང་། མེས་ལུས་སྨིན་པ་དང་། རླུང་གི་རྒྱ་ཆེར་རྒྱས་ཤིང་འཕེལ་བ་དང་། ནམ་མཁས་ནང་གི་གོ་སྐབས་སོ་སོར་འབྱེད་པར་བྱེད་པ་ལས་འབྲས་བུའི་གཟུགས་བྱུང་བ་ལས་གྱུར་པ་ཕུང་ཁམས་སྐྱེ་མཆེད་རྣམས་ཀྱང་སྣང་བར་བྱེད་པར་གསུངས་པའི་རི་འདིར་ཡང་དེ་ལྟར་དུ་བཤད་དོ། གཉིས་པ་ནི། དེ་ལྟར་བཤད་པ་དེ་རྣམས་ཀྱི་ཁུང་དང་ཤེས་བྱེད་ནི། རྒྱས་པར་དུས་ཀྱི་འཁོར་ལོའི་ནང་གི་རྩ་མི་འགྱུར་ལས། ལུས་འདི་ལ་ནི་རུས་པ་སོགས་ཁམས་ཀྱི་ཚོགས་སུམ་བཅུ་སོ་དྲུག་པོ་རྣམས་མ་ལུས་པར་རོ་དྲུག་པོ་རྣམས་ཀྱི་བཟའ་བཏུང་ཟོས་པ་ལས་ནི་བསྐྱེད་ཅིང་འཕེལ་བ་དེ་འབྱུང་བར་འགྱུར། ཞེས་བྱ་བ་ལ་སོགས་པ་དང་། ཤེས་འགྱུར་ལས། ལུས་འདི་ལ་ནི་ཁམས་ཀྱི་ཚོགས་སུ་མཐའ་དག་རོ་དྲུག་ཟོས་ཤིང་འཐུངས་པ་དག་ལས་འགྱུར་བ་སྟེ། རོ་དྲུག་རྣམས་ཀྱང་བྱུང་བ་ལས་ཏེ་རབ་གསལ་ངེས་པར་འབྱུང་བའི་ཚོགས་ཀྱང་ནམ་མཁའི་ཁམས་ལས་སོ། སྟོང་པ་ལ་ནི་ཡེ་ཤེས་རྣམ་པར་བསྲེས་པ་རོ་མཉམ་འགྱུར་མེད་རྟགས་པར་ཡང་ནི་འགྱུར་བ་སྟེ། དེ་ལྟར་འབྱུང་བ་ལ་གནས་ཞི་བ་རྣམ་གསུམ་སྲིད་པར་གནས་པ་རང་གི་ལུས་ལ་རིགས་པར་བྱ་ཞེས་དང་། དེའི་འགྲེལ་ཆེན་ལས། ལུས་འདི་ལ་ནི་ཁམས་ཀྱི་ཚོགས་ཤེས་པ་ནི། སྤུ་དང་། པགས་པ་དང་། ཁྲག་དང་། ཤ་དང་། རུས་པ་དང་། རྐང་ལ་སོགས་པའི་ཁམས་ཀྱི་ཚོགས་སུ་འགྱུར་ཏེ། མཐའ་དག་རོ་དྲུག་ཟོས་ཤིང་

(༦༥༢)འཐུངས་པ་དག་ལས་ཤེས་པ་ནི། ལན་ཆ་དང་། མངར་བ་དང་། ཚ་བ་དང་། སྐྱུར་བ་ནི་རོ་དྲུག་སྟེ། འདི་དག་ཟོས་ཤིང་འཐུངས་པའི་དབང་གི་ཁམས་ཀྱི་ཚོགས་སུ་འགྱུར་རོ་རོ་དྲུག་རྣམས་ཀྱང་འབྱུང་བ་ལས་ཞེས་པ་ནི། རོ་དྲུག་ཏུ་ཡང་། ས་དང་། ཆུ་དང་། མེ་དང་། རླུང་དང་། རོ་རྣམས་ལས་འགྱུར་རོ། འབྱུང་བའི་ཚོགས་ཀྱང་ནམ་མཁའི་ཁམས་ལས་སོ་ཞེས་པ་ནི། ས་དང་། ཆུ་དང་། མེ་དང་། རླུང་རླུང་དང་། རོའི་ཚོགས་ནི་ནམ་མཁའི་ཁམས་སྔར་བརྗོད་པའི་རྡུལ་ཕྲ་རབ་ཀྱི་ཆོས་ལས་འགྱུར་རོ། སྟོང་པ་ལ་ནི་ཡེ་ཤེས་རྣམ་པར་བསྲེས་པ་ཞེས་པ་ནི། འདིར་ལུས་ལ་ཁྱབ་བར་བྱ་བ་དང་ཁྱབ་བར་བྱེད་པའི་འབྲེལ་པ་ཀུན་རྫོབ་ཀྱི་ངེས་པར་གནས་པ་སེམས་ཅན་ཐམས་ཅད་ཀྱི་རང་གི་ལུས་གནས་པའི་ཡེ་ཤེས་གང་ཡིན་པ་དེ་ཉིད་ནི་སྟོང་པ་སྟེ། སྟོང་པ་ཉིད་ཀྱི་གཟུགས་ལ་བསྒོམ་པའི་སྟོབས་ཀྱི་འཛིན་པར་བྱེད་པའི་སེམས་བཟུང་བར་བྱ་བའི་སེམས་ཀྱི་སྣང་བ་ལ་རྣམ་པར་བསྲེས་པ་ནི་རོ་མཉམ་འགྱུར་མེད་རྟགས་པར་ཡང་འགྱུར་ཏེ། འདིར་རྟགས་པ་ནི་སྒྲིབ་པ་མེད་པར་བརྗོད་དོ། ཞེས་གསུངས་པ་ལྟར་བསྡུས་པ་ཡིན་ནོ། བཞི་པ་ཁམས་ཀྱི་རྒྱུ་སེམས་ཀྱི་རྟེན་འབྲེལ་བཤད་པ་ལ། །།། དང་པོ་ནི། ཁམས་ལྔ་པོ་འདི་རྣམས་བྱུང་བའི་སེམས་ཀྱི་རྟེན་འབྲེལ་གྱི་རིམ་པ་ཤེས་པར་བྱ་བའི་ཕྱིར་དུ་སྨོས་པའི་གཞུང་ནི་འདི་ཉིད་ཅེས་སོགས་ཚིགས་སུ་བཅད་པ་།།།འདི་ལྟ་སྟེ། གཉིས་པ་ནི། དེ་ཉིད་བསྐྱེད་པར་བྱེད་པ་ཡང་། མངལ་ན་གནས་པ་དེ་ཉིད་བསྐྱེད་པར་བྱེད་པ་ཡང་། ཀྱཻ་རྡོ་རྗེའི་རྟག་པ་དང་པོ་ལ། ཕའི་བོ་ལ་དང་མའི་ཀཀྐོ་

(༦༥༣)ལ་སྦྱོར་བའི་རིག་པ་ལ་རྟེན་ནས་སྲ་བའི་ཆ་ལ་བདག་ཏུ་བཟུང་བ་དེའི་བགས་ཀྱི་ལུས་ཀྱི་ས་ཁམས་ནི་དེ་ལ་བརྟེན་ནས་སྐྱེ་བར་འགྱུར་ལ་ཕ་མའི་བྱང་སེམས་ཁུ་བའི་རང་བཞིན་ལ་བདག་ཏུ་བཟུང་བས་ཆུའི་ཁམས་ནི་འབྱུང་བ་སྟེ། བསྐྱོད་པའི་ཆ་ལ་བཟུང་བས་དྲོད་ཀྱི་ཁམས་སྐྱེ་སྟེ་གཡོ་བ་པ་བཟུང་བས་རླུང་ཁམས་འབྱུང་ཞེས་རབ་ཏུ་གྲགས་ལ་བདེ་བ་ལ་བཟུང་བས་ནམ་མཁའི་ཁམས་ཉིད་དུ་འབྱུང་སྟེ། དེ་ལྟར་ཆོས་ལྔ་པོ་དེས་རྣམ་པར་ཤེས་པ་བསྐོར་ནས་འཕེལ་བར་བྱེད་པས་ན་མ་རིག་པའི་རྐྱེན་གྱི་འདུ་བྱེད་སོགས་རྟེན་འབྲེལ་བཅུ་གཉིས་ཀྱི་དབང་ལས་ལུས་སེམས་ཀྱི་ཚོགས་པ་གྲུབ་པ་ནི་སེམས་ཀྱི་རྟེན་འབྲེལ་ལོ། གསུམ་པ་ལ་གཉིས། ཚིགས་དོན་བསྡུས་ཏེ་བསྟན་པ་དང་། དེ་ཤེས་བྱེད་ཀྱི་ལུང་དང་སྦྱར་བའོ། དང་པོ་ནི། མངལ་ན་གནས་པ་དེ་ཉིད་བསྐྱེད་པར་བྱེད་པའི་ཚུལ་ཡང་དཔལ་དགྱེས་པའི་རྡོ་རྗེའི་བརྟག་པ་དང་པོ་ལས་གསུངས་པའི་ལུང་གི་ཚིག་འདི་ཉིད་བཤད་པར་བྱ་སྟེ། ཐབས་ཀྱི་བོ་ལ་དང་ཤེས་རབ་ཀྱི་ཀཀྐོ་ལ་སྦྱོར་བ་ཞེས་པ་ནི། ཐབས་ཤེས་སྦྱར་ནས་སྲུབ་པ་དང་སྲུབ་པའི་སྦྱོར་བ་ལས་ཕ་མ་གཉིས་ཀྱི་བདེ་བ་ཉམས་སུ་མྱོང་བའི་ཚེ་ན་བར་མ་དོའི་དྲི་ཟས་།།།མཐོང་སྟེ་ཉེ་བར་འོངས་པ་དེས་ཐོག་མར་རེག་པའི་བག་ཆགས་སྲ་བ་ཉིད་ཉམས་སུ་མྱོང་ཞིང་། དེ་ལ་བདག་ཏུ་བཟུང་བས་ལུས་ཀྱི་སའི་ཁམས་སྐྱེ་བར་བྱེད་པར་འགྱུར་ལ། བྱང་ཆུབ་།།།རང་བཞིན་གཤེར་བ་དེ་ལ་འདི་ནི་ངའི་འོ་སྙམ་དུ་ང་ཡིར་འཛིན་པས་ལུས་ཀྱི་ཆུའི་ཁམས་འབྱུང་པའི་རྐྱེན་བྱེད་དོ། ཕ་མའི་ལུས་བསྐྱོད་པའི་ཆ་ལ་བདག་ཏུ་བཟུང་

(༦༥༤)བས་ལུས་ཀྱི་དྲོ་བའི་རང་བཞིན་མེའི་ཁམས་སྐྱེ་སྟེ་དྲོ་བའི་མེ་ཁམས་དེ་ཡང་ཁྲག་གི་རང་བཞིན་དུ་འཕེལ་བར་འགྱུར་རོ། གཡོ་བ་རླུང་དུ་གྲགས་ཤེས་པ་ནི་སྲ་བ་ས་གཤེར་བ་ཆུ་དྲོ་བ་མེ་ཡིན་པ་དེ་ལྟར་ཡང་བ་དང་རྐྱེན་གཡོ་བ་ཐམས་ཅད་རླུང་གི་རང་བཞིན་ཡིན་པས་དེ་ལ་བདག་ཏུ་བཟུང་བས་རླུང་གི་ཁམས་སྐྱེ་བ་དང་། བདེ་བ་ལ་བདག་ཏུ་བཟུང་བས་ནི་ནམ་མཁའི་ཁམས་འཕེལ་བར་བྱེད་དེ་སྟོང་ཞིང་གོ་འབྱེད་པ་དང་ལྡན་པ་ཉིད་ཡིན་པའོ། ཁམས་ལྔ་པོས་བར་དོའི་རྣམ་པར་ཤེས་པ་བསྐོར་སྟེ་གནས་སོ། དེ་ལྟར་ན་ལེའུ་དང་པོར་བཤད་པ་ལྟ་བུའི་རྟེན་ཅིང་འབྲེལ་བར་འབྱུང་བའི་ཡན་ལག་མ་རིག་བའི་རྐྱེན་ཀྱིས་འདུ་བྱེད་པ་ལ་སོགས་པ་ཡིན་ནོ། འདི་དང་མཐུན་པར་དུས་འཁོར་འགྲེལ་ཆེན་ལས་ཀྱང་། འདིར་དབང་པོ་གཉིས་ཀྱི་སྦྱོར་བ་ལས་གསང་བའི་པད་མར་ལྷུང་བའི་ཁུ་བ་དང་བྷ་གའི་ཁྲག་གང་ཡིན་པ་དེ་ནི་ས་བོན་ཞེས་བརྗོད་དོ། ས་བོན་འདི་ནི་འཛིན་མས་འཛིན་ཏེ་གསང་བའི་པད་མ་ལ་སའི་ཁམས་གང་ཡོད་པ་དེ་ཡེ་ཤེས་སོ་ཞེས་པའི་དོན་ཏེ། པད་མར་གནས་པ་ཞེས་པ་ནི་གསང་བའི་པད་མར་གནས་པའོ། གསང་བའི་པད་མ་དེ་ལས་ཆུུ་ཡིས་བསྡུད་དོ། ཕྱི་ནས་ནི་མེ་མིས་སྨིན་པར་བྱེད་ཅིང་ཞེས་པ་ནི་ཆུ་ཡིས་རབ་ཏུ་བསྡུས་པའི་སོན་འདི་མེ་ཡིས་རབ་ཏུ་སྨིན་པར་བྱེད་དོ། རོ་དང་རོ་ནི་ཟ་བར་བྱེད་དེ། ཞེས་པ་ནི་རོ་དྲུག་པོ་མ་ཡིས་ཟོས་པ་དང་འཐུངས་པ་གང་ཡིན་པའི་རོ་དང་རོ་དེ་དག་མེ་ཡིས་ཟ་བར་བྱེད་དོ། ས་བོན་འདི་ཡི་འཕེལ་བ་རླུང་གི་བྱེད་དོ། ནམ་མཁའ་སྟོང་བ་དག་ཀྱང་འཕེལ་བའི་

(༦༥༥)བའི་སྐབས་སུ་གོ་སྐབས་སྦྱིན་པར་བྱེད་དོ། ཞེས་གསུངས་སོ། འགྲེལ་ཆེན་གྱི་སྐབས་འདིའི་ཚིག་ཟིན་ལ། པད་མར་ལྷུང་བའི་ཁུ་བ་དང་བྷ་གའི་ཁྲག་གང་ཡིན་པ་དེ་ནི་སོན་བརྗོད་དོ། ཞེས་པ་ཙམ་ལས་མི་འབྱུང་བས་གོང་དུ་པདྨར་ཆུད་པའི་ས་བོན་ནི། ཞེས་པའི་རང་འགྲེལ་ལས། མངལ་དུ་དཀར་དམར་གྱི་དངས་མ་ལ་བར་དོའི་རྣམ་པར་ཤེས་པས་བདག་ཏུ་བཟུང་ཞིང་འདྲེས་པ་ལ་བརྗོད་དེ། ཕ་མའི་ཁམས་ཀྱང་མ་ཡིན་ནོ། ཞེས་གསུངས་པའི་ཤེས་བྱེད་དུ། འཕོ་བའི་སྐད་གཅིག་དེ་ཉིད་ཅེས་དྲངས་པ་ཡིན་ནོ། གཉིས་པ་ནི། བསྡུས་ནས་བསྟན་པ་འདིའི་རྒྱས་པར་བཤད་པ་ཕུང་པོ་ལྔ་དང་ཁམས་སོགས་སྦྱང་གཞི་གང་ཡིན་པ་དང་། དུག་ལྔ་དང་སྦྱོང་བྱ་དྲི་མའི་།།།བསྐྱེད་རིམ་གང་མིན་པ་དང་། རང་བཞིན་ཡེ་ཤེས་ལྔ་དང་སྦྱར་བ་ཡང་རྒྱུ་དེ་ཉིད་ཀྱི་རྟག་པ་ཕྱི་མ་ལས། གཞིའི་སྐབས་སུ་ཐབས་ཤེས་གྱི་བོ་ལ་ཀཀྐོ་ལ་སྦྱོར་བ་ལ་ཐོག་མར་རེག་པ་སྲ་བའི་བག་ཆགས་ཉིད་ནི་སའི་ཁམས་ཡིན་སྲ་བ་སའི་ཁམས་དེ་ནི་རྣམ་པར་དག་པ་གཏི་མུག་གི་རང་བཞིན་ཆོས་ཀྱི་དབྱིངས་ཀྱི་ཡེ་ཤེས་ཡིན་པའི་ཕྱིར་གཏི་མུག་དག་པ་རྣམ་པར་སྣང་མཛད་དུ་བརྗོད་དོ། གང་གི་ཕྱིར་བྱང་ཆུབ་ཀྱི་སེམས་རླན་ཞིང་གཤེར་བ་ཉིད་ཡིན་པས་གཤེར་བ་ཆུའི་རང་བཞིན་ཉིད་ཡིན་ལ། གཤེར་བ་ཆུའི་ཁམས་དེ་ནི་ཞེ་སྡང་རྣམ་པར་དག་པ་མེ་ལོང་ལྟ་བུའི་ཡེ་ཤེས་དམིགས་མེད་པའི་གཟུགས་ཀྱི་ངོ་བོ་ཉིད་ཡིན་པའི་ཕྱིར་ཞེ་སྡང་དག་པ་ནི་འདྲེན་པ་མི་བསྐྱོད་པར་བརྗོད་དེ། ཕ་མ་གཉིས་ཀྱི་བསྐྱེད་བའི་སྦྱོར་བ་ལས་རྟག་ཏུ་འབྱུང་བར་འགྱུར་བའི་དྲོད་ནི་མེའི་ཁམས་ཡིན་ལ། དྲོད་ལས་འབྱུང་བར་འགྱུར་བའི་མེ་ཁམས་གང་ཡིན་པ་

(༦༥༦)དེ་ནི་འདོད་ཆགས་རྣམ་པར་དག་པ་སོ་སོར་རྟོགས་པའི་ཡེ་ཤེས་ཡིན་པའི་ཕྱིར་འདོད་ཆགས་དག་པ་ནི་འོད་དཔག་ཏུ་མེད་པ་རྡོ་རྗེ་ཡིན་ཞེས་བརྗོད་དོ། ཤེས་རབ་ཀྱི་པད་མར་གང་ཞིག་རླུང་སེམས་རོ་གཅིག་ཏུ་རྒྱུ་ཞིང་གཡོ་བ་དེ་ནི། རླུང་གི་རང་བཞིན་ཅན་གྱི་ཁམས་ཡིན་ལ། གཡོ་བ་རླུང་གི་ཁམས་དེ་ནི་རྣམ་པར་དག་པ་བྱ་གྲུབ་ཡེ་ཤེས་ཡིན་པའི་ཕྱིར་ཕྲག་དོག་དག་པ་དོན་ཡོད་གྲུབ་པ་ཡིན་ནོ། དེས་ན་དོན་ཡོད་གྲུབ་པའི་སྐུ་ནི་རླུང་གིས་ཁམས་སྦྱངས་པ་ལས་འབྱུང་བ་ཉིད་དུ་བརྗོད་དོ། བདེ་བའི་འདོད་ཆགས་ནི་ར་ག་ཅེས་པའི་སྒྲ་ལས་རཀྐ་ནི་ཁྲག་སྟེ་ཁྲག་དང་མིང་གཅིག་ཏུ་འགྱུར་བའི་དགའ་བ་ནི་གོ་འབྱེད་པས་ན་ནམ་མཁའི་ཁམས་ཀྱི་མཚན་ཉིད་ཅན་ཡིན་ཏེ་གོ་འབྱེད་པ་ནམ་མཁའི་ཁམས་དེ་ནི་སེར་སྣ་རྡོ་རྗེར་བརྗོད་པས་སེར་སྣ་རྣམ་པར་དག་པ་མཉམ་པ་ཉིད་ཀྱི་ཡེ་ཤེས་ཡིན་པའི་ཕྱིར་སེར་སྣ་དག་པ་རིན་ཆེན་འབྱུང་གནས་ཏེ། སེར་སྣ་དག་པའི་རིན་ཆེན་འབྱུང་གནས་དེ་ནི་ཁམས་སྦྱངས་པ་ལས་བྱུང་པ་ཉིད་དོ། དེ་ལྟར་ན་གདོད་མའི་མི་ཤིག་པའི་ཐིག་ལེ་འམ་སེམས་ནི་ཆེན་པོ་གཅིག་ཉིད་ལ་གཞི་ལམ་འབྲས་བུའི་གནས་སྐབས་ཐམས་ཅད་དུ་ལྔ་ལྔའི་གཟུགས་ཀྱི་རྣམ་པར་མཚོན་བས་སྐྱེ་བ་དང་གནས་པ་དང་འཆིང་བའི་གནས་སྐབས་ཐམས་ཅད་དུ་སྐུ་ལྔའི་བདག་ཉིད་དུ་སྐྱེ་ཞིང་གནས་འཆི་བས། དེ་སྦྱོར་བར་བྱེད་པ་ལྷའི་བསྐྱེད་རིམས་ཀྱང་དེ་ལྟར་དུ་བསྟན་ལ། འབྲས་བུ་ཡང་གནས་སྐབས་དེ་ཉིད་ཀྱི་དག་པ་ཡིན་ནོ། ཞེས་གསུངས་པ་ཡིན་ནོ། གཉིས་པ་མངལ་དུ་ཇི་ལྟར་འཇུག་པའི་ཚུལ་ལ་གསུམ། མཚམས་སྦྱར་བ། དང་པོར་ཇི་ལྟར་འཇུག་པའི་ཚུལ། ཞུགས་མ་ཐག་ཇི་ལྟར་འགྱུར་བའི་ཚུལ་ལོ།

(༦༥༧)དང་པོ་ནི། ཡང་ཁ་གཅིག་གི་མངལ་དུ་ཇི་ལྟར་འཇུག་པའི་ཚུལ་མི་ཤེས་པས་དེ་ལ་ཕན་གདག་པར་བཞེད་ནས་རྒྱུ་ནི་བར་དོའི་རྣམ་ཤེས་ཏེ་ཞེས་པ་ནས་ཇི་ལྟར་ཆང་རོས་མྱོས་པ་བཞིན། ཞེས་པའི་བར་ཚིགས་སུ་བཅད་པ་གསུམ་གསུངས་སྟེ། གཞུང་སྔ་མ་རྒྱུད་ཀྱི་ལུང་ཡིན་པར་མ་ཟད་འོག་མ་འདི་ཡང་རྐང་པ་དང་པོ་མ་གཏོགས་པ་གསང་བ་འདུས་པའི་བཤད་རྒྱུད་རྡོ་རྗེ་ཕྲེང་བ་ལས་གསུངས་པའི་ལུང་ཡིན་པའི་ཕྱིར་ཁུ་སུ་བརྗོད་དེ་བཤད་པར་བྱའོ། གཉིས་པ་ནི། རྩ་འགྲེལ་གཉིས་ལས། དང་པོ་ནི། རྒྱུ་ནི་བར་དོའི་རྣམ་ཤེས་ཏེ། བག་ཆགས་ཉོན་མོངས་ཅན་གྱི་ཡིད། རླུང་གིས་ངོ་བོས་གཟུགས་གཞན་མཐོང་། དོན་ནི་ངེས་པར་མི་ཤེས་ཤིང་། རླུང་ཙམ་གཅིག་ཁུ་རྨོངས་པ་འདུ་བྱེད། ཀུན་གཞིའི་རྣམ་ཤེས་བཀུག་ནས་ནི། མངལ་འཇུག་བག་ཆགས་རྣམ་པར་སྤྱོད། བག་ཆགས་ཉིད་ཀྱི་རྣམ་ཤེས་བཟུང་། ཞེས་གསུངས་སོ། མངལ་འཛིན་པའི་རྒྱུ་ནི་བར་དོའི་ཀུན་གཞིའི་རྣམ་ཤེས་བག་ཆགས་ཐམས་ཅད་པ་ཉོན་ཡིད་དང་བཅས་པ་སྟེ་རླུང་གི་ངོ་བོས་གཟུགས་གཞན་ཕ་མ་སྦྱོར་བ་རིང་པོ་ནས་མཐོང་ལ། རྒྱུ་རྐྱེན་སོགས་དོན་ནི་ངེས་པར་མི་ཤེས་ཤིང་སྲོག་རླུང་ཙམ་གཅིག་པུ་གཙོ་ཆེ་བས་རྨོངས་ཏེ་ཡུལ་ལ་མངོན་པར་འདུ་བྱེད་པའི་ཉོན་ཡིད་བག་ཆགས་དང་བཅས་པ་དེས་ཀུན་གཞིའི་རྣམ་ཤེས་མངལ་དུ་བཀུག་ནས་ནི་དེའི་སྟེང་གི་བག་ཆགས་སྣ་ཚོགས་ལས་མངལ་དུ་འཇུག་པའི་བག་ཆགས་ལ་རྣམ་པར་སྤྱོད་ཅིང་བག་ཆགས་དེ་ཉིད་ཀྱི་མངལ་དུ་རྣམ་ཤེས་བཟུང་ནས་རྐྱེན་གཞན་དང་འཕྲད་པས་གཞན་དུ་འགྱུར་ཞིང་བསྐྱེད་པར་བྱེད་དོ། དེ་ལས་འཕྲོས་ནས་བར་དོའི་རྣམ་ཤེས་མངལ་དུ་ཉིང་མཚམས་སྦྱོར་བའི་ཚུལ་ཅུང་ཟད་ཙམ་བཤད་པར་

(༦༥༨)བྱ་སྟེ། འདི་ལ་གཉིས། འདུལ་མངོན་ལས་ཇི་ལྟར་གསུངས་པ་དང་། སྔགས་ཀྱི་ལུང་དང་ཇི་ལྟར་སྦྱར་ནས་ དོགས་པ ་དཔྱད་པའོ། དང་པོ་ནི། བར་དོའི་རྣམ་པར་ཤེས་པ་ཡིན་ནོ་ཅོག་མངལ་དུ་འཇུག་པར་མ་ངེས་ཏེ། རྒྱུ་རྐྱེན་གྱི་ཚོགས་པ་ཚང་ན་འཇུག་མ་ཚང་ན་མི་འཇུག་བས་སོ། དེ་ལྟར་ན། དེ་དག་མངལ་དུ་འཇུག་པའི་རྒྱུ་ནི་གང་། མི་འཇུག་པའི་རྐྱེན་ནི་གང་ཞེ་ན། འདུལ་བ་ཕྲན་ཚོགས་གཞིའི་མངལ་དུ་འཇུག་པ་ཞེས་བྱ་བའི་ཆོས་ཀྱི་རྣམས་གྲངས་ལས། དགའ་པོ་མིའི་མངལ་དུ་འཇུག་པ་དང་མི་འཇུག་པར་འགྱུར་བ་ཇི་ལྟ་བུ་ཞེ་ན། དགའ་བོ་འདི་ལྟ་སྟེ། ཕ་མ་ཆགས་པར་གྱུར་ཅིང་ཕྲད་པ་དང་། མ་ཡང་རུང་བར་གྱུར་ཅིང་། ཟླ་མཚན་དང་ལྡན་པ་དང་། དྲི་ཟ་ཡང་ཉེ་བར་གནས་པར་གྱུར་ཅིང་། འཇུག་པར་འདོད་ན་སྟེ། དག་བོ་དྲི་ཟ་ཞེས་བྱ་བ་དེ་ནི་སྲིད་པ་བར་མ་པའི་སེམས་ཅན་གྱི་ཚིགས་བླ་དག་ཡིན་ནོ། ཞེས་སོགས་ནས། དེ་དགའ་བོ་དེ་ལ་གལ་ཏེ་ཕ་ལ་ཁུ་བ་བྱུང་ལ་མ་ལས་མ་བྱུང་ན་ཡང་དེའི་ཚེ་ཞིག་མངལ་དུ་འཇུག་པར་མི་འགྱུར་རོ། གལ་ཏེ་མ་ལས་བྱུང་ལ་ཕ་ལས་མ་བྱུང་ན་ཡང་ཚེ་རེ་ཞིག་མངལ་དུ་འཇུག་པར་མི་འགྱུར་རོ། གལ་ཏེ་མ་ལས་ཀྱང་མ་བྱུང་ཕ་ལས་ཀྱང་མ་བྱུང་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། མ་དག་པར་གྱུར་ལ་ཕ་མ་དག་པར་གྱུར་པ་དང་། ཕ་དག་པར་གྱུར་ལ་མ་མ་དག་པར་གྱུར་པ་དང་། དེའི་ཚེ་མའི་མངལ་རླུང་གི་བསྒག་པར་གྱུར་པའམ་

(༦༥༩)མཁྲིགས་པས་བསྒག་པའམ། བད་ཀན་གྱི་བསྒག་པའམ། ཁྲག་གི་བསྒག་པའམ། ཚིལ་གྱི་བསྒག་པའམ། མཚམས་ཤས་གང་བའམ། སྨན་གྱི་བསྒྱུར་བའམ། དབུགས་ནས་འདྲ་བའམ། གྲོགས་མའི་རྐེད་པ་འདྲ་བའམ། རྔ་མོའི་ཁ་ལྟ་བུ་འམ། སྒོ་ཤིང་འབའ་དང་ཁ་འབུས་པ་ལྟ་བུའམ། སྒོ་བཤོལ་མདའ་ལྟ་བུའམ། སྒོ་ཤིང་ལྟ་བུའམ། རྦ་ལྟ་བུའམ། ལོ་མ་ལྟ་བུའམ། ནད་དུ་གྲ་མ་ལྟ་བུ་སྐྱེས་པའམ། འོག་ཟབ་པ་ལྟ་བུའམ། སྟེང་ཟབ་པའམ། མངལ་སྣོད་མི་རུང་པའམ། ཁྲག་ཟག་པའམ། ཐུང་པའམ། བྱ་རོག་གི་མཆུ་ལྟ་བུའམ། གཡོན་ཡངས་པའམ། གཡས་ཡངས་པའམ། སྟེང་ཡངས་པའམ། འོག་ཡངས་པའམ། མཐོ་བའམ། དམའ་བའམ། ཁས་བུབ་པའམ། མཚན་མ་ཙམ་ཡོད་པའམ། ཡོ་བའམ། སྐྱོན་དང་བཅས་པའམ། །།།སྒ་བས་བསྒྱུར་བའམ། སྲོག་ཆགས་བས་ས་ར་ཀས་ཟོས་པར་གྱུར་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། ཕ་དང་མ་དག་དབང་ཆེ་བར་གྲགས་ལ་དྲི་ཟ་དབང་ཆུང་བར་གྲགས་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། དྲི་ཟ་དབང་ཆེ་བར་གྲགས་ལ་ཕ་དང་མ་དག་དབང་ཆུང་བར་གྲགས་ན་ཡང་ནད་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། གལ་ཏེ་ཐམས་ཅད་དབང་ཆུང་བར་གྲགས་ལ་ཕ་མ་དག་ཀྱང་བུ་རྙེད་པར་འགྱུར་བའི་ལས་མ་བྱས་ཤིང་མ་བསགས་པར་གྱུར་ཏེ་ཟས་ཀྱང་ཕ་མར་འགྱུར་བའི་ལས་མ་བྱས་ཤིང་མ་བསགས་པར་འགྱུར། དྲི་ཟས་སེམས་གཉིས་པོ་ཕོའི་སེམས་སམ་མོའི་སེམས་ལས་སེམས་གང་ཡང་རུང་བ་ཞིག་ཉེ་བར་བཞག་པར་མ་གྱུར་ན་ཡང་

(༦༦༠)དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། གལ་ཏེ་ཐམས་ཅད་དབང་ཆེ་བར་གྲགས་ལ་ཕ་དང་མ་དག་གིས་ཀྱང་བུ་རྙེད་པར་འགྱུར་བའི་ལས་བྱས་ཀྱི་བསགས་པར་མ་གྱུར། དྲི་ཟས་སེམས་གཉིས་པ་ཕོའི་སེམས་སམ་མོའི་སེམས་ལས་གང་ཡང་རུང་བ་ཞིག་ཉེ་བར་མ་བཞག་ན་ཡང་དེའི་ཚེ་རེ་ཞིག་མངལ་དུ་འཇུག་པར་མི་འགྱུར་རོ། ཞེས་མངལ་དུ་མི་འཇུག་པའི་རྐྱེན་བཞི་བཅུ་རྩ་གསུམ་གསུངས་པས་སོ། །།།པོ་ཇི་ལྟར་ན་མའི་མངལ་དུ་འཇུག་པར་འགྱུར་ཞེ་ན། དགའ་པོ་འདི་ན་ཕ་དང་མ་ཆགས་པར་གྱུར་ཅིང་འདུས་པ་དང་མ་ཡང་རུང་ཞིང་ཟླ་མཚན་དང་ལྡན་པར་གྱུར་དྲི་ཟ་ཡང་སྟེ་བར་གནས་ཤིང་འཇུག་འདོད་པར་འགྱུར། ཕ་དང་མ་ལས་ཀྱང་ཁུ་བ་བྱུང་། ཕ་དང་མ་དག་པར་ཡང་གྱུར། ཞེས་པ་ནས། དྲི་ཟས་སེམས་གཉིས་པོ་མོའི་སེམས་སམ་མོའི་སེམས་གང་ཡང་རུང་བ་ཞིག་ཉེ་བར་བཞག་ན་མའི་མངལ་དུ་འཇུག་པར་འགྱུར་རོ། ཞེས་སྔ་མ་ལས་ལོག་པ་འཇུག་པའི་རྒྱུ་ཡང་བཞི་བཅུ་རྩ་གསུམ་གསུངས་སོ། དེ་ལྟ་བུའི་རྒྱུ་རྐྱེན་ཚོགས་པ་ཚང་ཞིང་འགལ་རྐྱེན་དང་བྲལ་ནས་མངལ་དུ་འཇུག་པ་ལ་།།།བར་དོའི་དྲི་ས་དེ་ལ་ལོག་པའི་འདུ་ཤེས་བཅུ་འབྱུང་བར་གསུངས་སོ། དེ་ཉིད་ལས། དག་བོ་དེ་ལ་དྲི་ཟ་མའི་མངལ་དུ་འཇུག་པར་འདོད་པ་ན་སེམས་ཕྱིན་ཅི་ལོག་དང་ལྡན་པ་ལོག་པའི་ང་རྒྱལ་ཅན་གྱི་།།།སྔོན་གྱི་ལས་ཀྱི་རྒྱུ་དང་རྐྱེན་གྱི་སྟོབས་ཀྱི་ཡང་དག་པ་མ་ཡིན་པའི་འདུ་ཤེས་བཅུ་པོ་འདི་ལྟ་སྟེ། དྲོ་བའི་འདུ་ཤེས་དང་། ཉི་མའི་འདུ་ཤེས་དང་། རླུང་གི་འདུ་ཤེས་དང་། ཆར་གྱི་འདུ་ཤེས་དང་

(༦༦༡)།།།གྱུར་ཀྱི་འདུ་ཤེས་དང་། གྲང་བའི་འདུ་ཤེས་དང་། ཡུལ་ངན་གྱི་འདུ་ཤེས་དང་། རླུང་དམར་གྱི་འདུ་ཤེས་དང་། ཆར་དྲག་གི་འདུ་ཤེས་དང་། སྐྱེ་བོ་ཕལ་པོ་ཆེ་ཀུ་ཅོ་འདོན་པའི་འདུ་ཤེས་དེ་དང་དེ་དག་ཐོབ་བར་འགྱུར་རོ། ཞེས་འབྱུང་བས་སོ། དེ་ལྟ་བུའི་འདུ་ཤེས་སྐྱེས་ནས་མྱུར་དུ་འཇུག་པའི་རྐྱེན་ལོག་པའི་འདུ་ཤེས་གཞན་ཡང་བཅུ་འབྱུང་སྟེ། དེ་ཉིད་ལས། དགའ་པོ་འདུ་ཤེས་དེ་དག་སྐྱེ་བ་ཐོབ་ཅིང་ལྡན་ན་ཡང་དག་པ་མ་ཡིན་པའི་འདུ་ཤེས་གཞན་བཅུ་ནང་དུ་སྐྱེ་བ་ན་སྐྱེ་བར་འགྱུར་ཏེ། འོ་ན་བདག་ཁྱིམ་དུ་འཇུག་གོ་སྙམ་པ་དང་། ཁང་བཟང་ལ་བཟེག་གོ་སྙམ་པ་དང་། ཁང་པ་བརྩེགས་མར་འཇུག་གོ་སྙམ་པ་དང་། །།། ལོ་མའི་ཕྱི་རོལ་པོར་འཇུག་གོ་སྙམ་པ་དང་། རྩ་སྟུག་པོའི་ནགས་ཐིབས་པོའམ། རྩིག་པའི་བསེབ་བམ། རྩིག་པའི་དྲུང་དུ་འགྲོའི་སྙམས་པ་སྟེ། དགའ་པོ་འདུ་ཤེས་པ་འདི་རྣམས་།།།ཞིག་ལ་བརྟེན་ནས་མའི་མངལ་དུ་འཇུག་པར་འགྱུར་རོ། ཞེས་གསུངས་པས་སོ། དེ་ལྟར་ཞུགས་ནས་ཕ་མའི་ཁུ་ཁྲག་རྣམ་ཤེས་གསུམ་གཅིག་ཏུ་འདྲེས་པས་སྐྱེ་སྲིད་ཀྱི་དང་པོར་ནུར་ནུར་པོའི་།།། །།། དེ་དེར་སྐྱེས་ན་ལུས་ནུར་ནུར་པོར་མངོན་གྲུབ་པར་འགྱུར་རོ། ཞེས་གསུངས་པས་སོ། མྱུར་དུ་འཇུག་པའི་རྐྱེན་གྱི་འདུ་ཤེས་དེ་དག་ཀྱང་། མཛོད་འགྲེལ་ལས་ནི། བར་སྲིད་དབང་།།།སྣང་ཚུལ་བཟང་ངན་དུ་སྣང་བར་གསུངས་སྟེ། ཇི་སྐད་དུ། རེ་ཞིག་སེམས་ཅན་དབང་ཐང་ཆུང་བར་གྲགས་པ་མའི་མངལ་དུ་འཇུག་པ་ལ་འདི་སྙམས་དུ། རླུང་

(༦༦༢)ལངས་པའམ། ཆར་བབ་པའམ། གྲང་པའམ། ཡུལ་ངན་ནམ། སྐྱེ་བོ་ཕལ་པོ་ཚེའི་ཚོགས་ཀུ་ཅོ་འདོན་པ་སྙམས་བྱེད་ནས་མངལ་རྩ་འཐིབ་པོའམ། ནགས་ཐིབ་པོའམ། རྩའི་སྤྱིལ་པོའམ། ལོ་མའི་སྤྱིལ་པོར་འཇུག་པའམ། ཤིང་དྲུང་ངམ། རྩིགས་པའི་དྲུང་དུ་འགྲོའོ་ཞེས་པ་ནས་ལོག་པའི་འདུ་ཤེས་དང་མོས་པ་དག་འབྱུང་བར་འགྱུར་རོ། སེམས་ཅན་དབང་ཐང་ཆེ་བར་གྲགས་པ་ནི། ཀུན་དགའི་ར་བའམ། སྐྱེད་མོས་ཚལ་ལམ། ཁང་བཟངས་སུ་འཇུག་པའོ། ཁང་པ་བརྩེགས་པའམ། ཁྲི་ལ་འཛོག་གོ། དེ་བཞིན་དུ་གནས་སོ། འབྱུང་ངོ་སྙམས་དུ་སེམས་སོ། དེ་ལྟར་ལོག་བའི་འདུ་ཤེས་བཅུ་གསུངས་ཀྱང་མངོན་པ་རྣམས་ལོག་པའི་འདུ་ཤེས་ཀྱི་ནང་ནས་ཀྱང་ཆག་སྡང་ཁོ་ནས་མངལ་དུ་འཇུག་ཅིང་འཛིན་པར་བཞེད་དེ། ཀུན་ལས་བཏུས་ལས། བར་མ་དོའི་སྲིད་པ་ན་གནས་པ་ནི་སྐྱེ་གནས་ལ་འདོད་ཆགས་བསྐྱེད་དོ། དེ་ལས་གཞན་པའི་ཉོན་མོངས་པ་ནི་རྐྱེན་དུ་འགྱུར་རོ། འདོད་ཆགས་དང་བཅས་པར་བར་མ་དོའི་སྲིད་པ་འགག་ཅིང་ནུར་ནུར་པོའི་ལུས་རྣམ་པར་ཤེས་པ་དང་བཅས་པ་འབྱུང་སྟེ། དེ་ནི་རྣམ་པར་སྨིན་པའོ། ཞེས་གསུངས་བའི་འདོད་ཆགས་དེ་ཡང་གཞན་པའི་ཉོན་མོངས་པ་རྐྱེན་དུ་འགྱུར་བར་གསུངས་པ་དེ་ནི་ཞེ་སྡང་ཡིན་ནོ། རྣམ་ཤེས་དེ་ནི་རྣམ་པར་སྨིན་པའོ། ཞེས་པ་ནི་ཀུན་གཞིའི་རྣམ་ཤེས་ཏེ། རྒྱུ་ནི་བར་དོའི་རྣམ་ཤེས་ཏེ། ཞེས་གསུངས་པ་དང་དགོངས་པ་མཐུན་ནོ། མཛོད་ལས། བློ་ནི་ཕྱིན་ཅི་ལོག་གྱུར་པས། རྩེ་དགས་འགྲོ་བའི་ཡུལ་དུ་འགྲོ། ཞེས་གསུང་པ་ནི། མངལ་སྐྱེས་དང་སྒོང་སྐྱེས་གཉིས་ཀའི་བསམ་པ་སྟེ།

(༦༦༣)དེ་ཡང་ལས་ཀྱི་མཐུས་གང་དུ་སྐྱེ་བའི་ཡུལ་རྒྱང་རིང་པོ་ནས་མཐོང་སྟེ། རྫུ་འཕྲུལ་གྱི་མྱུར་པོར་ཕྱིན་པ་དང་ཕ་མ་སྦྱོར་བ་མཐོང་ནས་འདོད་ཆགས་ཀྱི་བློ་ཕྱིན་ཅི་ལོག་ཏུ་གྱུར་པས་རང་ཕོར་སྐྱེ་བ་ན་མ་ལ་རྩ་དགའ་བྱའོ། ཞེས་པ་དང་། མོར་སྐྱེ་བ་ན་ཕ་ལ་རྩེ་དགའ་བྱའོ་སྙམ་པའི་འདོད་ཆགས་དང་གཅིག་ཤོས་ལ་མིག་སེར་གྱི་ཁོང་ཁྲོ་བ་སྟེ། དེ་ལྟ་བུའི་ཆག་སྡང་གི་དྲངས་ནས་འགྲོ་བའི་གནས་སུ་སྣོད་དུ་འགྲོ་ཞིང་། དེར་ཆགས་སྡང་གི་བཟུང་སྟེ་གནས་པ་ན་ལུས་འཁྲང་པོར་འགྱུར་ཏེ། མཛོད་འགྲེལ་ལས། དེ་ནི་ལས་ཀྱི་མཐུ་ལས་བྱུང་བའི་མིག་གི་རང་གི་སྐྱེ་བའི་ཡུལ་ཐག་རིང་པོ་ནས་འདུག་པ་མཐོང་ངོ་། དེས་ན་ཕ་མ་ཉལ་པོ་བྱེད་པ་དེ་མཐོང་ནས་ཕོ་ཞིག་ཡིན་ན་ཕ་ལ་ཕོའི་འདོད་ཆགས་སྐྱེའོ། གལ་ཏེ་མོ་ཞིག་ཡིན་ན་ནི་ཕ་ལ་མོའི་འདོད་ཆགས་སྐྱེའོ། རྫོགས་པ་ནི་ཁོང་ཁྲོ་བ་སྟེ། གདགས་པ་ལས་འདི་སྐད་དུ། དེའི་ཚེ་དྲི་ཟ་ལས་སེམས་གཉིས་ལས་རྗེས་སུ་ཆགས་པ་དང་ལྡན་པ་འམ། ཁོང་ཁྲོ་བ་དང་ལྡན་པའི་སེམས་གང་རུང་བ་ཞིག་མངོན་དུ་གྱུར་པ་ཡིན་ནོ། ཞེས་འབྱུང་ངོ་། དེ་དེ་གཉིས་ཀྱི་ཕྱིན་ཅི་ལོག་ཏུ་གྱུར་པས་ཡུལ་དེར་གྱུར་བ་དང་། དགའ་བར་འདོད་པས་གནས་སྐབས་དེར་བདག་ཉིད་མོས་སོ། མངལ་གྱི་གནས་མི་གཙང་བ་དེར་ཕྱིན་པ་དགའ་བ་སྐྱེས་ནས་གནས་སོ། དེ་ནས་དེའི་ཕུང་པོ་འཁྲང་པོར་འགྱུར་ལ། སྲིད་པ་བར་མ་ཡང་འགག་པར་འགྱུར་བས་ན་སྐྱེས་བ་ལན། ཞེས་གསུངས་པས་སོ། སྐྱེ་གནས་གཞན་གཉིས་སུ་འཇུག་པའི་བསམ་པ་ཡང་མཛོད་ལས་དྲི་དང་གནས་ལ་མངོན་འདོད་གཞན། ཞེས་གསུངས་སྟེ། དྲོད་གཤེར་སྐྱེས་

(༦༦༤)ནི་སྐྱེ་གནས་ཀྱི་དྲོ་ཚོར་ནས་དེ་མངོན་པར་འདོད་པའི་བསམ་པ་དང་། རྫུས་སྐྱེས་ནི་སྐྱེས་པའི་གནས་མཐོང་ནས་དེ་མངོན་པར་འདོད་པའི་བསམ་པས་སྐྱེ་གནས་སུ་འགྲོ་བར་འགྲོ་བར་གསུངས་སྟེ། མདོ་འགྲེལ་ལས། དྲོད་གཤེར་ལས་སྐྱེས་པའི་སྐྱེ་གནས་སུ་སྐྱེ་བ་ནི། ལས་ཇི་ལྟ་བ་བཞིན་དུ་སྐྱེ་བའི་གནས་གཙང་བའམ། མི་གཙང་བར་དྲི་འདོད་པས་འགྲོའོ། རྫུས་ཏེ་སྐྱེ་བའི་སྐྱེ་གནས་སུ་སྐྱེ་བ་ནི་གནས་འདོད་པས་སོ། ཞེས་འབྱུང་བའི་ཕྱིར་རོ། གལ་ཏེ་དམྱལ་བར་གནས་འདོད་པས་འགྲོ་བ་མི་རིགས་སོ། སྙམ་ན་བྱེ་སྨྲའི་མུགས་ལས་བར་དོར་ཚ་བ་དང་གྲང་བས་གཉེན་པ་ན་བསིལ་བ་དང་དྲོ་མར་འདོད་པས་གྲོང་དམྱལ་གྱི་གནས་དང་ཚ་དམྱལ་གྱི་གནས་མངོན་པར་འདོད་པ་ནི། བློ་ནི་ཕྱིན་ཅི་ལོག་གྱུར་པས། ཤེས་པའི་དགོངས་པར་འདོད་དེ། མདོ་འགྲེལ་ལས། ཇི་ལྟར་དམྱལ་བ་དག་ཏུ་གནས་འདོད་ཅེ་ན། བློ་ཕྱིན་ཅི་ལོག་ཏུ་གྱུར་བའི་ཕྱིར་ཏེ། དེ་ནི་བདག་ཉིད་རླུང་དང་ཆར་པ་ཤིན་ཏུ་དྲག་པོ་དག་གིས་ཤིན་ཏུ་གདུངས་ནས་ཉོན་པ་དང་། དམྱལ་བ་དག་ན་མེ་འབར་བར་མཐོང་སྟེ་དེའི་ཕྱིར་གྲོ་བར་འདོད་དེ་རྒྱུག་གོ། ཡང་བདག་ཉིད་རླུང་ཚ་བ་དང་ཉི་མ་མེའི་གདུང་བ་དག་གི་ཉོན་པ་དང་། དམྱལ་བ་དག་ན་བསིལ་བ་མཐོང་བས་བསིལ་བ་འདོད་པས་རྒྱུག་གོ། ཞེས་འབྱུང་བས་སོ། སྔོན་གྱི་སློབ་དཔོན་འཕགས་པ་ཐོག་མེད་དང་། མདོ་སྡེ་པའི་ལུང་ལ། ལས་ཀྱི་གནས་སྐབས་གང་གིས་དམྱལ་བ་དེར་སྐྱེ་བའི་གནས་སྐབས་དང་མཐུན་པའི་སྣང་བས་གནས་དེར་རྒྱུག་སྟེ། དཔེར་ན་སྲོག་གཅོད་ཀྱི་དེར་སྐྱེ་བ་དབང་བསད་བྱ་མཐོང་ནས་དེར་རྒྱུག་པ་ལྟ་བུའོ། ཞེས་བཞེད་དེ། མདོ་འགྲེལ་

(༦༦༥)ལས། སྔོན་གྱི་སློབ་དཔོན་དག་ན་རེ། བདག་ཉིད་གནས་སྐབས་གང་གི་སྐྱེ་བར་འགྱུར་བའི་ལས་བྱས་པའི་གནས་སྐབས་དེ་ཡིན་པ་དང་། སེམས་དེ་དག་ཀྱང་མཐོང་ནས་རྒྱུག་གོ་ཞེས་ཟེར་རོ། ཞེས་དང་། གད་དཔེལ་དུ་མདོ་དྲངས་པ་ལས། ཇི་ལྟར་གྱུར་པ་དེ་མྱོང་ལ། སྔར་བྱས་པ་ནི་རྨི་ལམ་ལྟར། སེམས་ཅན་དེ་འདྲ་མཐོང་གྱུར་ནས། དམྱལ་བར་རབ་ཏུ་རྒྱུག་པར་འགྱུར། ཞེས་འབྱུང་བས། དྲན་ཉེ་བསྡུས་པར་ནི། སྐྱེ་གནས་དང་འགྲོ་བ་སོ་སོ་ལ་སྦྱར་ནས་ཞིབ་མོར་གསུང་སྟེ། ཇི་སྐད་དུ། དེ་ནས་རྐྱེན་སྦྱོར་བྱེད་པ་ནི། མངལ་དང་སྒོ་ང་ལས་སྐྱེ་བ། ཕལ་ཆེར་ཕ་མའི་སྦྱོར་མཐོང་ནས། ཆགས་དང་ཁོང་ཁྲོ་བསྐྱེད་ཅིང་འཇུག །མི་དང་རྟ་དང་ཁུ་མཆོག་དང་། ཚལ་བཅས་གླིང་བཞི་མི་སྣང་བ། འདོད་ཁམས་ལྷ་རྣམས་དེ་ཉིད་སྣང་། དུད་འགྲོ་ཁ་གཅིག་དེ་འདྲར་བཤད། མཐོང་ནས་དགའ་དང་བཅས་བཅས་པ་ཡིས། མྱུར་སོང་སྐྱེ་གནས་སུ་འཇུག་སྟེ། ཞེས་དང་། དུད་འགྲོའི་ཡི་དགས་དྲོད་གཤེར་སྐྱེས། ཕལ་ཆེར་དྲི་དང་རོ་ལ་ཆགས། དེར་ཞེན་སྐྱེ་བ་འགྲུབ་པ་མིན། དེ་ཡང་ཆར་རླུང་ཚ་གྲང་གི། བདས་ནས་ཚང་ཚིང་ལ་སོགས་སུ། སྐྱབས་འཚོལ་སྣང་བ་བྱུང་བར་གསུང་། ལྷ་དང་དམྱལ་སོགས་རྫུས་སྐྱེས་ཕལ། གནས་འདོད་ཡུལ་ལ་ཆགས་པ་ཡིན། དེ་ཡང་དམྱལ་བ་མི་འདོད་ཀྱང་། བར་དོར་ཚ་གྲང་གིས་ཉེན་དང་། གཤེད་པོས་འཚེ་བའི་སྣང་བ་འབྱུང་། སྔར་གོས་ཤག་ལ་སོགས་མཐོང་། ཆགས་སྡང་མཚམས་སྦྱར་སྐྱེ་བ་འགྲུབ། ཅེས་འབྱུང་བས་སོ།

(༦༦༦)སྐྱེ་གནས་སུ་ཞུགས་མ་ཐག་པའི་ཁམས་པ་ཡང་དེ་ཉིད་ལས་ཞུགས་པ་དེའི་ཚེ་སྣང་བ་ཡང་། བསོད་ནམས་ལྡན་ལ་གཞལ་ཡས་དང་། དམན་ལ་དམན་པའི་སྣང་བ་འབྱུང་། ཞེས་གསུངས་སོ། འོ་ན་དྲི་ཟ་སྐྱེས་གནས་སུ་འགྲོ་བའི་ཚེ་དབྱིབས་ཇི་ལྟ་བུས་འགྲོའོ་སྙམས་ན། མཛོད་རྩ་བར་ནི། དམྱལ་བ་ཡི་ནི་སྤྱིའུ་ཚུག །ཤེས་དམྱལ་བ་གཅིག་པོ་ལས་ལ་གསུངས་ལ། འགྲེལ་པར་དེ་ལས་སྲིད་པ་བར་མ་ནི་སྟན་ལས་ལྡང་བ་བཞིན་དུ་འགྲོའོ། མི་དད་དུད་འགྲོ་དང་ཡི་དགས་རྣམས་ཀྱི་ནི་མི་ལ་སོགས་པ་བཞིན་ནོ། ཞེས་དང་། ས་སྡེར། ཉེས་པ་ཁྱེད་པ་རྣམས་ཀྱི་མིག་ནི་མཐུར་དུ་གསལ་ཏེ་སྤྱིའུ་ཚུགས་སུ་འགྲོའོ། ལྷར་སྐྱེ་བ་རྣམས་ནི་གྱེན་དུའོ། མིར་སྐྱེ་བ་རྣམས་ནི་ཐད་དཀར་རོ། ཞེས་དང་། དྲེན་ཉེ་བསྡུས་པ་ལས། ལྷར་འགྲོ་སྟེང་དུ་བལྟ་བ་སྟེ། གཡས་མི་གཡོན་ཕྱོགས་ལྷ་མ་ཡིན། དུད་འགྲོ་དམན་དང་ཡི་དགས་ནི། ཅུང་ཟད་འཐུར་དུ་གཡས་གཡོན་ལ། དམྱལ་བ་གང་།།།སྤྱིར་ལྷུང་། ཞེས་ཀྱང་འབྱུང་ངོ་། སྐྱེ་གནས་སུ་འཇུག་པའི་ཚེ་ལམ་གང་ནས་འཇུག་སྙམས་ན། མདོ་སྡེ་པའི་ལུགས་ལ་མངལ་སྒོ་ནས་འཇུག་སྟེ། མདོ་སྡེ་འགྲེལ་ལས། སྲིད་པ་བར་མ་ནི་ལྟ་བ་རྟོལ་ཏེ་འཇུགས་པ་མ་ཡིན་གྱི་སྐྱེ་གནས་ཀྱི་སྒོ་ནས་འཇུག་སྟེ་དེ་ཉིད་ཀྱི་ཕྱིར་མཚེ་མ་ལས་ཀྱིས་འབྱུང་བ་ནི་ཕུ་བོ་ཞེས་བྱ་ལ། གང་སྔར་བྱུང་པ་དེ་ནི་ནུ་བོ་ཞེས་བྱའོ། ཞེས་འབྱུང་བས་སོ། ལུང་འདིའི་ཕྱིར་མཛོད་པ་རྣམས་བར་སྲིད་མའི་མངལ་དུ་མ་ཆུད་གོང་ནས་ཐོགས་པར་འདོད་དོ།

(༦༦༧)ཀུན་ལས་བསྡུས་སུ་སྐྱེ་གནས་སུ་འཇུག་པའི་ལམ་འདིའི་ཞེས་གསལ་བར་མ་གསུངས་ལ། སྐྱེ་གནས་སུ་ཐོགས་པར་གསུངས་པའི་དགོངས་པ་ནི་དེར་གསུང་ཆུད་ནས་ཐོགས་པའི་དོན་དུ་འཆད་པའི་ཚུལ་ཅུང་ཟད་མི་འདྲའོ། གཉིས་པ་ལ། ལུང་བཀོད་པ་དང་།  དོགས་པ ་བཅད་པ་གཉིས་ལས། དང་པོ་ནི། དཔལ་སྡོམ་པ་འབྱུང་བ་ལས། ཕ་མའི་ཀུན་ཏུ་སྦྱོར་སོགས་ནི། སྲིད་པའི་སྐྱེ་བོས་མཐོང་གྱུར་ནས། རྟ་ལ་ཞོན་བཞིན་རྣམ་ཤེས་ནི། རླུང་གཞོན་པ་ཞོན་ནས་སུ། སྐད་གཅིག་ཐང་གཅིག་ཉིད་ལ་ནི། ཤིན་ཏུ་མྱུར་བར་འདོས་གྱུར་ནས། ཤིན་ཏུ་དགའ་དང་བཅས་སྟོབས་ཀྱིས། ཁ་ཡི་ལམ་ནས་འཇུག་པར་འགྱུར། ཞེས་དང་། འགྱུར་གཞན་ལས། དང་པོར་ཕ་མའི་ཀུན་ཏུ་སྦྱོར། སྲིད་པའི་སྐྱེ་བོ་ཅན་དུ་མཐོང་། ཤིན་ཏུ་ངེས་པར་ཀུན་དགའི་སྟོབས། ཁ་ཡི་ལམ་ལ་རབ་ཏུ་འཇུག །ཅེས་གསུངས་པའི་བཀའ་འགྲེལ་པདྨ་ཅན་ལས། སྲིད་པའི་སྐྱེ་བོ་ཅན་དུ་མཐོང་། ཞེས་གསུངས་སྟེ། མ་འོངས་པའི་སྲིད་པར་སྐྱེ་བ་ལྟ་བུའོ། ཤིན་ཏུ་དགའ་བ་དང་བཅས་སྟོབས་ཞེས་བྱ་བ་ནི་བྱ་བའི་ཁྱད་པར་རོ། འོ་ན་བར་དོའི་སྐྱེ་བ་ཁོ་ན་ལ་འཕོ་བ་དང་། སྐྱེ་བ་ཇི་ལྟར་ཞེ་ན། རྟ་ཞེས་བྱ་བ་ལ་སོགས་པ་གསུང་སྟེ། རྟ་ལ་ཞོན་བས་རྟ་ཞོན་དེ་དེ་ལྟ་བུར་རྣམ་པར་ཤེས་ པ་རླུང་ཞོན་པར་གྱུར་བ་ལ་ཞོན་པ་ཡིན་ནོ། ཞེས་ཚོགས་བ་མ་རྙེད་ན། བར་མ་དོར་ཞག་བདུན་བདུན་ན་འཆི་བའི་སྣང་བ་འབྱུང་ཡང་རྟ་ལས་ལྷུང་བ་སླར་རྟ་ལ་ཞོན་ནས་འགྲོ་བ་བཞིན་དུ་རླུང་ལ་ཞོན་ནས་སྐྱེ་གནས་སུ་འགྲོ་བར་གསུང་ཤིང་། དེ་ཡང་ཕའི་དབུགས་འབྱུང་འཇུག་གི་རླུང་ལ་ཞོན་ནས་འཇུགས་

(༦༦༨)བར་བཤད་ལ། རྡོ་རྗེ་ཕྲེང་བ་ལས། སྔོན་ལས་རླུང་གི་རྣམ་ཤེས་ནི། རྒྱ་ལ་གང་ཚེ་འགྲོ་འགྱུར་ན། ཕའི་ཁ་ལ་ཚུངས་པར་ལྡན། དེ་ཚེ་ཆགས་པའི་དབང་དང་དུ་གྱུར། ཞེས་དང་། དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས། བར་དོའི་སེམས་ཅན་གཅིག་པུ་ཉིད་དུ་གནས་པ་ན་འཇིག་རྟེན་གཉིས་མཐོང་ཞིང་། བུ་མེད་དང་སྐྱེས་པ་རྣམས་རྗེས་སུ་ཆགས་མཐོང་བར་གྱུར་ཏེ། དེ་ནས་འདས་པའི་སྐྱེ་བར་བྱས་པའི་ལས་ཀྱི་བསྐུལ་ཏེ་སྐྱེ་བ་གང་དུ་སྐྱེ་བར་འགྱུར་བའི་སྐྱེས་པ་དེའི་བུད་མེད་དང་སྐྱེས་པ་དབང་ཤིན་ཏུ་དགའ་བར་མཐོང་ནས། དེ་དང་དེ་དག་གི་རེག་པ་སྐྱེ་བར་འགྱུར་རོ། དེ་ལ་གལ་ཏེ་སྐྱེས་པར་འགྱུར་བ་དེའི་ཚེ་བདག་ཉིད་སྐྱེས་པའི་།།།རྣམ་པར་མཐོང་ཞིང་། འབྱུང་བར་འགྱུར་བའི་མ་ལ་མཆོག་ཏུ་ཆགས་པར་འགྱུར་རོ། འབྱུང་བར་འགྱུར་བའི་ཕ་ལ་ཞེ་སྡང་ཆེན་པོར་འགྱུར་རོ། ཞེས་སོགས་དང་། མན་ངག་སྣེ་མ་ལས། གང་སྲིད་པ་བར་དོའི་གནས་སྐབས་སུ་འདུ་བྱེད་ཀྱི་སྐྱེས་པའི་འདོད་ཆགས་ཀྱི་ཇི་ལྟར་རིགས་པར་བདག་ཉིད་དགའ་བའི་བྱ་བ་ལ་ལྷག་པར་མོས་ནས་ཉོན་མོངས་པ་དང་ལས་ཀྱི་འཕེན་པ་ལས་དེ་སྤངས་ཤིང་། ཕ་དང་མ་སྙོམས་པར་ཞུགས་པ་དག་གི་མཛད་པ་།།།འོད་ཅན་ཉིད་ཀྱི་ཕྱིར་སེམས་ཅན་སྐྱེ་གནས་ཀྱི་སྒོ་ནས་རབ་ཏུ་ཞུགས་ཏེ་ཀུན་ནས་སྦྱོར་གྱི་ཉི་མ་འདྲེས་པ་ནི་མ་ཡིན་ཏེ། འོད་ཟེར་ཚ་བའི་རང་བཞིན་གྱི་ཕྱིར་རོ། ཇི་ལྟར་།།།ཅན་ཉི་མ་ལ་ཞུགས་པའི་ཕྱིར་ནི་མ་གཟས་ཟིན་ནོ། ཞེས་ཐ་སྙད་བྱེད་པ་དེ་ལྟར་སྣང་ངོ་། ཁ་གཅིག་ནི་མཆུའི་སྒྲང་རྩི་འཛིན་པ་ལ་སོགས་པའི་ཚུལ་གྱི་ཁ་ནས་ཞུགས་ནས་

(༦༦༩)འཛག་བཞིན་པའི་གཟུགས་བ་ལ་འཁྱུད་དེ། ཕྱི་ནས་ཟླ་བ་དང་ཉི་མ་གཞན་དང་འདྲེའོ། ཞེས་པའི་ཤེས་བྱེད་དུ་ཕྱག་ཐིག་དྲངས་ནས། འགའ་ཞིག་ནི་སྒྲ་ནི་འཛིན་པ་དང་འོ་བྱེད་པ་ལ་སོགས་པའི་ཚུལ་གྱི་རྣམ་པར་དེ་ཀྱི་སྒོ་ནས་ཏེ་སྔར་བཞིན་འདྲེ་བར་བྱེད་དོ། ཁའི་སྒོ་དང་གསེར་གྱི་སྒོར་ཡང་སྐྱེས་པ་ལ་ཆགས་བས་ཕ་ཡིར་རོ། བུད་མེད་ལ་མ་ཡིར་རོ། ཕ་ཁོ་ན་ཡིར་ཏེ་མ་ཡིར་ནི་མ་ཡིན་ནོ། ཞེས་ཁ་གཅིག་།།།ཐམས་ཅད་དུ་མཐར་སྐྱེ་གནས་ཁོ་ནར་འཇུག་གོ། དེ་ཉིད་ཀྱི་ཕྱི་རོལ་འདི་ལ་དགོངས་ནས་ལྷ་འགའ་ཞིག་ལ་གསེར་གྱི་སྒོ་ནས་དྲི་ཟའི་སེམས་ཅན་འཇུག་པ་དང་འགའ་ཞིག་ལ་ཁ་ནས་དང་འགའ་ཞིག་ལ་རྣམ་པ་གཞན་དུའོ། ཞེས་བཅོམ་ལྡན་འདས་ཀྱི་རྒྱུད་རྣམས་སུ་རྟོགས་པར་མཛད་དོ། ཞེས་པ་དང་། རྣམ་བཞག་རིམ་པར། དབང་པོ་གཉིས་མཉམ་པར་སྦྱོར་བ་མཐོང་བས་འདོད་པས་ཉེ་བར་ལེན་པའི་ཕྱིར། སྲིད་པ་བར་མ་སྤངས་ཏེ་།།།བཞིན་རྣམ་པར་ཤེས་པའི་བདག་པོ་ཐུགས་རྗེ་རླུང་གི་གཞོན་པ་ལ་ཡང་དག་པར་ཞོན་ནས་ཤིན་ཏུ་མྱུར་བར་འོངས་ཤིང་། སྐད་གཅིག་དང་ཐང་གཅིག་དང་ཡུད་ཙམ་གྱི་རྣམ་པར་ཤེད་ཀྱི་སྒོར་ཏེ། ཞེས་སོགས་ཆེར་གསུངས་སོ་།།།བར་དོའི་སྲིད་པ་སྐྱེ་གནས་སུ་འཇུག་པ་དང་གནས་པ་ནི་ཆགས་སྡང་ཁོ་ནའི་དབང་ལས་ཡིན་པ་མདོ་སྔགས་གཉིས་མཐུན་པས། དེ་ལ་ནི་དཔྱད་མི་དགོས་མོད། མའི་མངལ་དུ་འཇུག་པའི་ཚེ་།།།བཞེད་པ་མཐུན་ནོ། དེ་ལྟ་མོད་་ཀྱང་སྔགས་ཀྱི་ལུང་ཕལ་ཆེ་བར་ནི། བར་དོའི་རྣམ་ཤེས་ཐོག་མར་ཕ་ལ་ཞུགས་ནས་ཕའི་བྱང་སེམས་དང་འགྲོགས་ཏེ། མའི་མངལ་དུ་ཞུགས་

(༦༧༠)ནས་ཁུ་ཁྲག་རྣམ་ཤེས་གསུམ་འདྲེས་པར་གསུངས་ལ། མན་སྙེར། ཁའི་སྒོ་དང་གསེར་གྱི་སྒོར་ཡང་སྐྱེས་པ་ལ་ཆགས་པས་ཕ་ཡིར་རོ། བུད་མེད་ལ་མ་ཡིར་རོ། ཞེས་གསུངས་པའི་དོན་ཕ་མ་གང་ཡང་རུང་བ་ལ་འཇུག་པར་འཆང་རུང་བས་དཔྱད་དགོས་ལ། མངལ་སྒོ་ནས་འཇུག་པའི་དོན་ཀྱང་མཛོད་པའི་ལུགས་ལྟར། མ་མངལ་ཐོགས་ནས་སྒོ་ལ་ཞུགས་པ་ཡིན་མིན་ཀྱང་དཔྱར་པར་བྱའོ། དེ་ཡང་། མན་སྙེར། དེ་མ་ཐག་ཏུ་ཕ་ཁོ་ན་ཡིར་ཏེ་མ་ཡིར་ནི་མ་ཡིན་ནོ། ཞེས་ཁ་གཅིག་གོ། ཞེས་འབྱུང་བས་ཕམས་གཉིས་གསུངས་པའི་སྔ་མ་གཞན་ལུགས་དང་ཕྱི་མ་རང་ལུགས་ཏེ་གོང་དུ་ཟླ་བ་བསིལ་བའི་འོད་ཅན་དང་། ཉི་མ་འོད་ཟེར་ཚ་བས་སེམས་སྒྲ་གཅན་ཉི་མ་ལ་མི་སྦྱོར་ཞིང་ཟླ་བ་ལ་སྦྱོར་བ་དཔེ་དོན་དང་བཅས་ནས་གསུངས་སོ། ཕ་ལ་འཇུག་པའི་ལམ་ཀྱང་། ཕའི་ཁའམ་ཚངས་བུག་གང་རུང་ནས་འཇུག་སྟེ། ལྷ་ལ་ཡེ་ཤེས་སེམས་དཔའ་སོགས་འཇུག་པ་དང་དཔེ་དོན་སྦྱར་ནས་གསུངས་པས་སོ། ཁ་གཅིག་ན་རེ། འོག་སྒོ་ནས་འཇུག་པའང་ཡོད་དེ། རྣམ་སྣང་གི་སྒོ་ནས་འཇུག་པར་གསུང་པ་ཡང་པས་སོ། སྙམ་ན། མན་སྙེ་དང་རྣམ་བཞག་རིམ་པར་རྣམ་སྣང་གི་སྒོ་ནས་འཇུག་པར་འབད་པ་ནི་འོག་སྒོ་མ་ཡིན་གྱི་ཚངས་བུག་ལ་རྣམ་སྣང་གི་སྒོར་གསུང་པ་སྟེ། མན་སྙེར་གསེར་གྱི་སྒོ་དང་དོན་གཅིག་པར་གསུངས་པས་སོ། མ་ལ་འཇུག་པའི་ཚེ་མངལ་སྒོ་ནས་འཇུག་པ་དེ་ཡང་སེམས་ཀྱི་སྣང་བ་ཙམ་ཡིན་གྱི་མངལ་ལ་ཐོག་པ་ནི་མ་ཡིན་ཏེ། ཕ་ལ་འཇུག་པའི་ཚེ་ཁ་དང་ཚངས་བུག་ནས་འཇུག་པ་དེ་ཡང་ལུས་ཀྱི་ཆ་ཤས་གཞན་ལ་ཐོགས་པ་མ་ཡིན་པ་བཞིན་ནོ། དེས་ན་

(༦༧༡) མཛོད་ཀྱི་བཤད་སྲོལ་དང་མི་འདྲ་སྟེ། འདིར་ནི་ཆོས་ཐམས་ཅད་སེམས་ཀྱི་སྣང་བ་ཙམ་དུ་བཞེད་པས་སོ། དེ་ཡང་བར་སྲིད་དུ་གྱུར་པའི་མི་ཤིག་པའི་ཐིག་ལེ་དེ་ཉིད་ཁུ་རྡུལ་རླུང་གསུམ་གྱི་རྐྱེན་ཅན་ཉིད་ཡིན་པས། བདག་གཞན་གཡོ་བའི་སྣང་བ་དང་བཅས་པའི་ཕྱིར། དེ་དང་དེའི་སྣང་བ་འབྱུང་ལ། དེ་ཡང་རང་ངོ་མ་ཤེས་པའི་མ་རིག་པས་དབང་བྱས་ཏེ་ཡིད་གཡོས་པས་བདེན་བདེན་ལྟར་སྣང་བའི་རྟོག་པ་ལུ་གུ་རྒྱུད་དུ་འཁྲུལ་བ་ཡིན་ནོ། དེའི་ཕྱིར་འཁྲུལ་སྣང་ལ་བར་སྲིད་མངལ་དུ་འཇུག་བར་སྣང་བ་ཡིན་གྱི། ཡེ་ཤེས་ཀྱི་རང་སྣང་ལ་བར་སྲིད་མངལ་དུ་འཇུག་པ་ལ་སོགས་པ་མ་དག་པའི་སྣང་བ་ཅུང་ཟད་ཀྱང་མི་འཆར་བར་བཞེད་དོ། རྒྱ་ཆེན་ལུང་གི་ཆུ་གཏེར་མ་མཐོང་བར། ཚིག་འཕྲེང་ཡུར་ཆུ་འཐུངས་པས་ངོམས་པ་གང་། དེས་ནི་སྐུ་གསུམ་ནོར་བུར་ལེན་པ་ཡི། ལམ་གྱི་ལོ་རྒྱུས་ཙམ་ཡང་མི་ཤེས་ཤིང་། ལུང་གི་རྒྱ་མཚོ་ཆེན་པོ་མ་རྒལ་ན། ཡིད་ཆེས་ནོར་བུར་ལོན་པ་མི་སྲིད་དོ། དེ་བས་རྣམ་དཔྱོད་ལྡན་པའི་དོན་མཐུན་འགའ། ཡོད་ན་ལེགས་བཤད་དེད་དཔོན་འདི་བསྟན་ཞིང་། སྐྱེ་བ་སྤྲུལ་སྐུའི་ཉེ་ལམ་ལ་ཞུགས་ནས། རྣམ་གྲོལ་ཡིད་བཞིན་གླིང་དུ་འགྲོ་འདོད་པ། དེ་ལ་བླང་དོར་གནས་རྣམས་སྟོན་མཁས་པ། འཆུག་མེད་ལམ་གྱི་ས་མཁན་འདི་ཡིན་ནོ། བྲལ་ནི། མངལ་དུ་འཇུག་པའི་རྒྱུ་བར་དེའི་རྣམ་ཤེས་ལ་རྒྱུད་ལས་བག་ཆགས་ཤེས་པ་ནས་མཐོང་ཞེས་པའི་བར་འབྱུང་བ་དེ་ནི་སྔར་དེ་ཉིད་རང་གི་རང་མ་རིག་ཅེས་པའི་སྐབས་སུ་བསྟན་པའི་ཉོན་མོངས་པ་ཅན་གྱི་ཡིད་དེ་ཉིད་ཀུན་གཞིའི་རྣམ་སྨིན་སོན་བག་ཆགས་དང་བཅས་པ་སྟེ། ཡིད་

(༦༧༢)དེ་ལ་རླུང་དུ་བརྗོད་པའི་རྒྱུ་མཚན་རླུང་གི་ངོ་བོ་ནི་གཡོ་བ་དང་བཅས་པ་ཡིན་ལ། ང་ཡིར་འཛིན་པའི་ཡིད་དེ་ཉིད་གཡོ་ན་དང་བཅས་པའི་དབང་ལས་ཡིད་དེས་ནི་དོན་གཞན་དུ་མ་གྲུབ་ཀྱང་གཟུགས་གཞན་སྐྱེ་བ་སྦྱོར་བའི་ཕ་མ་མཐོང་སྟེ། དེ་ཡང་དཔེར་ན་རྨི་ལམ་གྱི་སྣང་བ་སེམས་ལས་དོན་གཞན་སྣང་བ་མིན་ཀྱང་འཁྲུལ་སྣང་ལ་སྣ་ཚོགས་སུ་སྣང་བ་བཞིན་དུ་གོང་དུ་སྐྱེ་བ་སྦྱོར་བའི་ཕ་མ་མཐོང་ངོ་། དེ་དག་མཐོང་བ་དེའི་ཚེ་རྒྱུ་བག་ཆགས་དང་བཅས་པ་དང་ཕ་མ་འདུ་འཕྲོད་སོགས་རྐྱེན་གྱི་ཁྱད་པར་བཟང་བ་དང་ངན་པ་ལ་སོགས་པའི་དོན་ནི་འདི་དང་འདི་འོ་ཞེས་མི་ཤེས་ཀྱི་གཏི་མུག་གི་རྒྱུད་རྨོངས་ནས་སེམས་བག་ཆགས་དང་བཅས་པ་མངལ་དེར་འཇུག་པའི་ཕྱིར། འཁྲུལ་པའི་སྣང་བ་དག་འཆར་བས་དོན་ནི་ཞེས་པ་ནས་བཀུག་ནས་ནི་ཞེས་པའི་བར་གསུངས་པ་ཡིན་ནོ། མངལ་དུ་ཀུན་གཞི་བཀུགས་ནས་ཇི་ལྟར་འགྱུར་ཞེ་ན། མངལ་དུ་སོགས་རྐང་པ་གཉིས་གསུངས་སྟེ། དེ་ཡང་མངལ་སྐྱེས་ཕལ་ཆེར་ནི་མངལ་དུ་འཇུག་པ་ལ་མངོན་དུ་ཕྱོགས་པ་ན། སེམས་ཀྱི་རང་འོད་འབྱུང་བ་ལྔའི་དངས་མ་དང་རོ་གཅིག་པ་ཕྲ་བའི་རླུང་འོད་ཟེར་ལྔ་ལྡན་ཞེས་ཀྱང་བྱ་བ་དེའི་ཆ་ཤས་སོ་སོ་ལ་བདག་ཏུ་བཟུང་བའི་དབང་གིས། ས་རླུང་ལ་འཁྲུལ་ནས་ས་འོག་ཏུ་བྱིང་བ་དང་ཁུར་ཆེན་པོ་ནས་དུབ་པ་སོགས་ཀྱི་སྣང་བ་དང་། མེ་རླུང་ལ་འཁྲུལ་ཏེ་མེར་བསྲེགས་པ་དང་ཉི་ཚན་གྱི་གདུངས་པ་སོགས་དང་། རླུང་གི་རླུང་ལ་འཁྲུལ་ཏེ་བྱ་སྒྲོ་རླུང་གི་ཁྱེར་བ་བཞིན་དུ་གཞི་གཅིག་ཏུ་མི་གནས་ཤིང་ཡད་ཡུད་དུ་འགྱུར་བས་མི་བརྟེན་པ་སོགས་

(༦༧༣)དང་། ནམ་མཁའི་རླུང་ལ་འཁྲུལ་ཏེ་གནམ་རྨུན་པ་དང་། ཕྱོགས་ཐམས་ཅད་མུན་པར་མཐོང་བ་དང་། བར་སྣང་ལ་དཔྱད་ཐག་ལ་བཏགས་པ་སོགས་དང་། ཆུའི་རླུང་ལ་འཁྲུལ་ནས་ཆུས་ཁྱེར་ཞིང་དངངས་པ་དང་། ཆར་རླུན་དྲག་པོས་བདས་པ་ལ་སོགས་བའི་སྣང་བ་འབྱུང་ཞིང་དེ་ལྟ་བུའི་རྐྱེན་གྱི་བདས་ནས་ཉམས་ཐག་པར་གྱུར་པ་ན་སྐྱབས་བཙལ་བའི་སྣང་བ་འབྱུང་སྟེ། དབང་ཐང་ཆེ་ཆུང་གི་ལས་བཟང་ངན་སོ་སོར་བསགས་པའི་དབང་ལས་ཁང་བཟང་དང་། ནགས་ཚང་ཚིང་ལ་སོགས་པའི་སྣང་བ་ཤར་ནས། དེར་བྲོས་པ་ན་ཕ་མ་སྦྱོར་བར་མཐོང་ནས་ཉིང་མཚམས་སྦྱོར་རོ། ལོག་པའི་འདུ་ཤེས་གཞན་ཡང་སྲིད་བ་བར་དོའི་དྲི་ཟ་དེས་ཕ་མའི་ཁུ་བ་དང་ཁྲག་བྱུང་བ་ལས་འདི་ནི་ང་ཡི་འོ་སྙམ་དུ་སེམས་ལས་བདག་ཏུ་འཛིན་པར་འགྱུར་རོ། གང་དག་ཕོར་སྐྱེ་བར་འགྱུར་བ་དེ་ནི་ཕ་ལ་མིག་སེར་གྱི་ཞེ་སྡང་ཞིང་མ་ལ་དགའ་མགུར་བྱའོ་སྙམས་པས་ཆགས་ལ། མོར་སྐྱེ་བར་གྱུར་པ་ནི་ཕ་ལ་དགའ་མགུའི་བསམ་པས་ཆགས་ཤིང་མ་མ་མིག་སེར་གྱི་ཞེ་སྡང་བས་ན་ཆགས་སྡང་གི་ཤེས་པས་ཉིང་མཚམས་སྦྱོར་ཏེ་དེའི་དབང་གིས་མངལ་དུ་འཇུག་གོ། ཞུགས་ནས་ཀྱང་ཆག་སྡང་གི་མངལ་དུ་འཛིན་ནོ། ཞེས་མདོ་རྒྱུད་བསྟན་བཅོས་དུ་མ་ལས་གསུངས་པ་བཞིན་དུ་ཚེ་སྔ་མའི་བག་ཆགས་ཀྱི་ཀུན་གཞི་འདྲེན་ཅིང་མངལ་དུ་བཟུང་པ་ལ་བརྟེན་ནས་མངལ་དུ་འཇུག་པར་འགྱུར་རོ། གསུམ་པ་མངལ་དུ་ཞུགས་མ་ཐག་ཇི་ལྟར་འགྱུར་བ་ལ། དྲི་བ་དང་། ལེན་གཉིས་ལས། དང་པོ་ནི། མངལ་དུ་དེ་ལྟར་འཇུག་ན་ཞུགས་ཟིན་ནས་དེའི་མདོ་ལས་ཇི་ལྟར་འགྱུར་ཞེ་ན། གཉིས་

(༦༧༤)པ་ལ། རྩ་འགྲེལ་གཉིས་ལས། དང་པོ་ནི། དེ་ཚེ་ཁུ་ཁྲག་ཞུ་ཐིག་ལས། འདྲེས་པ་རུ་ནི་གྱུར་པ་དང་། ཀུན་གཞིའི་རྣམ་ཤེས་རྒྱུ་བཅས་པ། ཇི་ལྟར་ཆང་རོས་མྱོས་པ་བཞིན། ཞེས་གསུངས་སྟེ། དེའི་ཚེ་ཁུ་ཁྲག་ཞུ་ཞིང་ཐིགས་པ་ལས་དྲི་ཟ་དང་ཡང་འདྲེས་པ་རུ་ནི་གྱུར་པ་དང་ཀུན་གཞིའི་རྒྱུ་བག་ཆགས་དང་བཅས་པ་བདེ་བས་བྱིན་གྱི་རླབས་ཏེ་ཚོགས་བདུན་མི་གསལ་བས་བརྒྱལ་བ་ལྟར་འགྱུར་ཏེ། དཔེ་ཇི་ལྟར་ན། ཆང་གི་ར་རོས་ཤིང་མྱོས་པ་བཞིན་ནོ། དེ་ལྟར་བཤད་པའི་མངལ་དུ་འཇུག་ཚུལ་གྱི་གཞུང་ལས་རྗེ་ཉིད་ཀྱི་མཚམས་སྦྱོར་དུ་གསུངས་པའི་རྐང་པ་གཅིག་གི་དམན་པའི་ཚིགས་བཅད་གསུམ་པོ་རྡོ་རྗེ་ཁྲེང་བའི་ལུང་ཡིན་ཀྱང་ཚིགས་སྣ་བསྡུས་ཤིང་ཕྱིས་སྣན་པ་མཛད་པའི་དབང་ལས་འདྲ་མེན་ཅུང་ཟད་ཙམ་སྣང་སྟེ། རྒྱུད་ཉིད་ལས་ནི། བག་ཆགས་ཉོན་མོངས་ཅན་གྱི་ཡིད། རླུང་གི་ང་བོས་གཟུགས་གཞན་བྱེད། དོན་ནི་ངེས་པར་མི་ཤེས་ཤིང་། རླུང་ཙམ་ཡིན་པས་རྨོངས་པ་ཡིན། ཀུན་གཞིའི་རྣམ་ཤེས་བགུག་ནས་ནི། བག་ཆགས་དང་ནི་རྣམ་ཤེས་བཟུང་། བག་ཆགས་དང་འདྲེས་རིམ་པ་ལས། རང་གི་བག་ཆགས་བགོས་པ་ཡིས། དེ་རྣམས་ཟླ་མཚན་དུས་སུ་ནི། མངལ་གྱི་རྩ་ལ་འཇུག་པས་ན། དེ་རྗེས་ཁུ་ཁྲག་ཞུ་ཐིགས་ལས། འདྲེས་པ་རུ་ནི་གྱུར་པ་དང་། ཇི་ལྟར་ཆང་རེས་མྱོས་པ་བཞིན། ཞེས་པའི་འཕྲོ་ལ་ཚིགས་འོག་མ་མཚམས་སྦྱར་ཞིང་བརྒྱལ་བ་དེ་ལས་ལངས་ནས་རྣམ་ཤེས་གསལ་བར་འབྱུང་བའི་ཚུལ་འཆད་པ་ལ་

(༦༧༥)ཀུན་གཞིའི་རྣམ་ཤེས་བག་ཆགས་ལས། རྣམ་པར་ཤེས་པ་སྐྱེ་བར་འགྱུར། ཞེས་འབྱུང་ངོ་། གཉིས་པ་ལ། ཚིག་དོན་བསྡུས་ཏེ་བསྟན་པ། རྣམ་དག །འཕྲོས་དོན། དག་སྦྱོར་གཞན་བཤད་པ་དང་བཞི་ལས། དང་པོ་ནི། མངལ་དུ་ཞུགས་མ་ཐག་པའི་ཚེ་ཕ་མའི་དཀར་དམར་གྱི་དབུས་སུ་ཀུན་གཞིའི་རྣམ་ཤེས་ལ་གཏོགས་པ་ཉོན་ཡིད་རྣམ་པར་ཤེས་པ་ཚོགས་དྲུག་མི་གསལ་བར་འགྱུར་ཏེ། དཔེར་ན་སྐྱེས་བུ་ཆང་གི་ར་རོ་བ་བཞིན་ནོ། རྩ་བར་ཆང་རོས་མྱོས་པ་བཞིན། ཞེས་པའི་དོན་ནི་ར་རོས་ཏེ་མྱོས་པ་ཞེས་བཤད་ན་རུང་གི། ཆང་གི་རོ་ཙམ་གྱི་མྱོས་པར་བཤད་དུ་མི་རུང་སྟེ། ཆང་གི་དྲི་དང་ནུས་པ་ཀྱང་མྱོས་པར་བྱས་པས་སོ། གཉིས་པ་ནི། མངལ་དུ་དཀར་དམར་སེམས་གསུམ་འདྲེས་པའི་གནས་སྐབས་འདིའི་སྦྱོང་བྱེད་དམ་དག་པ་ནི། གསང་བ་འདུས་པར་དང་པོའི་མགོན་པོ་ཞེས་བྱ་བར་གསུངས་ལ། རྒྱུའི་རྡོ་རྗེ་འཆང་ཟླ་བ་དང་ཉི་མ་ས་བོན་གྱི་རང་བཞིན་དུ་མ་རྒྱུད་གཉིས་མེད་རྒྱུད་ལ་སོགས་པའི་རྒྱུད་ཐམས་ཅད་ལས་ཀྱང་གསུངས་སོ། གསུམ་པ་ནི། སྐབས་འདིར་དེ་ལས་འཕྲོས་པའི་དོན་ནི་མངལ་དུ་འཇུག་གནས་སྐྱེ་བ་ལ་རིགས་མི་འདྲ་བ་བཞི་གསུང་སྟེ། དང་པོ་མི་དྲན་མི་ཤེས་བཞིན་དུ་འཇུག་ཅིང་གནས་ལ་སྐྱེ་བ་ནི་སེམས་ཅན་ཐ་མལ་པ་རྣམས་སོ། གཉིས་པ་དྲན་ཞིང་ཤེས་པས་མངལ་དུ་འཇུག་ལ་མི་དྲན་མི་ཤེས་པར་གནས་ཤིང་སྐྱེ་བ་ནི་འཇིག་རྟེན་པ་འཁོར་ལོས་བསྒྱུར་བའི་རྒྱལ་པོ་དང་འཇིག་རྟེན་ལས་འདས་པ་རྒྱུན་ཏུ་ཞུགས་པ་དག་པོ། གསུམ་པ་དྲན་ཞིང་ཤེས་པར་འཇུག་ཅིང་སྐྱེ་ལ། མི་དྲན་མི་ཤེས་པར་གནས་པ་ནི་བྱང་ཆུབ་སེམས་དཔའ་ལས་དང་པོ་པ་དང་རང་སངས་རྒྱས་དག་དོ། བཞི་པ་ཐམས་ཅད་དུ་དྲན་ཞིང་ཤེས་བཞིན་

(༦༧༦)དུ་མངལ་དུ་འཇུག་གནས་སྐྱེ་བ་ནི་བྱང་ཆུབ་སེམས་དཔའ་དག་པའི་ས་ལ་གནས་པ་རྣམས་ཡིན་ནོ། ཞེས་མདོ་ལས་འབྱུང་བར་གསུངས་པ་ནི་ཐེག་པ་ཆེན་པོའི་མདོའི་དགོངས་པ་ཡིན་ནོ། མཛོད་ལས། སྟོན་དང་བསེ་རུ་ནུབ་པར། བསམ་གཏན་མཐའ་རྟེན་གཅིག་ལ་ཀུན། ཞེས་གསུངས་པ་ལྟར་ཐེག་པ་དམན་པའི་ལུགས་ལ་དག་པ་ལ་གནས་པའི་བྱང་སེམས་མངལ་དུ་འཇུག་པར་མི་བཞེད་དོ། དེས་ན་ལུང་ཕྲན་ཚེགས་ལས་ནི་མངལ་དུ་འཇུག་པ་རིགས་བཞི་པོ་འདི། སོ་སྐྱེ་མཆོག་རང་བཞིན་གྱི་ཚུལ་ཁྲིམས་དང་ལྡན་པ་སོགས་དགེ་བའི་ཆོས་ཀྱི་ཡོན་ཏན་ཁྱད་པར་བ་དང་ལྡན་པའི་འགྱོད་པ་མེད་པ་རྣམས་དང་། རྒྱུན་ཞུགས། སྲིད་པ་ལན་བདུན་པ་དང་། རིགས་ནས་རིགས་སྐྱེ་དང་། ཕྱིར་འོད་ཙམ་དང་། ཚེ་གཅིག་བར་ཆད་གཅིག་པ་རྣམ་ཤེས་དབང་པོ་རྣོ་འབྲིང་རྟུལ་གསུམ་དང་། སོ་སྐྱེ་དམན་པ་རང་བཞིན་གྱི་ཚུལ་ཁྲིམས་འཆལ་པ་སོགས་མི་དགེ་བའི་ཆོས་སྐྱོན་དུ་མ་དང་ལྡན་པ་འགྱོད་པ་ཅན་དང་བཞི་ལ་སྦྱར་ནས་གསུངས་ཏེ། ཇི་སྐད་དུ། མངལ་འཇུག་ལས། དགའ་བོ་མངལ་དུ་འཇུག་པ་ལ་བཞི་སྟེ། བཞི་གང་ཞེ་ན། འདི་ན་ལ་མ་ཤེས་བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་ན་གནས། ཤེས་བཞིན་དུ་མའི་མངལ་ནས་འབྱུང་སྟེ། འདི་ནི་མངལ་དུ་འཇུག་པ་དང་པོའི། དགའ་བོ་གཞན་ཡང་འདི་།།།བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་ན་གནས་ཤིང་། ཤེས་བཞིན་མ་ཡིན་པར་མངལ་ནས་འབྱུང་སྟེ། འདི་ནི་མངལ་དུ་འཇུག་པ་གཉིས་

(༦༧༧)གཉིས་པའོ། གཞན་ཡང་འདི་ན་ལ་ལ་ཤེས་བཞིན་དུ་མའི་མངལ་དུ་འཇུག་ཅིང་། ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི་མངལ་དུ་འཇུག་པ་གསུམ་པའོ། དགའ་པོ་གཞན་ཡང་འདི་ན་ལ་ལ་ཤེས་བཞིན་མ་ཡིན་པར་མའི་མངལ་དུ་འཇུག །ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི་མངལ་དུ་འཇུག་པ་བཞི་པའོ། ཞེས་མདོར་བསྟན་ནས། དེ་དག་རྒྱས་པར་འཆད་པ་ལའང་། དོན་ཚན་བཞི་ལས། དང་པོའི་མཚན་གཞི་།།།འཛིན་པ་ལ། ཇི་ལྟར་ན་འདི་ཤེས་བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་ན་གནས། ཤེས་བཞིན་དུ་མའི་མངལ་ནས་འབྱུང་ཞེ་ན། འདི་ན་ལ་ལ་སོ་སོའི་།།།སྐྱེ་བོ་ཉིད་ཡིན་ལ། རང་བཞིན་གྱི་ཚུལ་ཁྲིམས་དང་ལྡན་པར་གྱུར་ཅིང་། དགེ་བའི་ཆོས་ཅན། དགེ་བ་ལ་འདུན་པ། དགེ་བ་ཀུན་ཏུ་སྤྱོད་པ། སྡོམ་པ་མང་བ། སོ་སོར་རྟོགས་པ་མང་བ་བག་ཡོད་པར་གནས་པ་།།། དགེ་བའི་ཆོས་དེ་དག་གི་ཉེ་བར་བསྟན་པ་དེ་འཆི་ཀའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མ་འོང་བ། སྲོག་འཕྲོག་པར་བྱེད་པ་དག་གི་ཀུན་ཏུ་རེགས་ཀྱང་དྲན་

(༦༧༨)པ་ཉམས་པར་མི་འགྱུར་ཞིང་། དེ་དྲན་པ་མ་ཉམས་པར་འཆི་བའི་དུས་བྱེད་དེ། དེ་ནས་དེ་དྲན་པ་མ་ཉམས་པ་ཤེས་བཞིན་དུ་མའི་མངལ་དུ་འཇུག་པར་འགྱུར་རོ། དེ་དེར་ཞུགས་ནས་ལས་བདག་གིར་བྱ་བ། ལས་ཀྱི་སྐྱེ་གནས་པ། ལས་ཀྱི་འོག་སྐལ་ལ་སྤྱོད་པ། ལས་ལ་སྟོན་པ། སེམས་པས་བྱས་པ། རྟེན་ཅིང་འབྲེལ་པར་འབྱུང་བ་སྟེ། ཕུག་རབ་ཏུ་ཚ་བ། ཞེས་སོགས་མངལ་གྱི་སྐྱོན་དང་ཉེས་དམིགས་དང་སྡུག་བསྔལ་དང་མངལ་དུ་གནས་པའི་ཚུལ་དང་ཕྱིར་སྐྱེ་བའི་རིམ་བ་ལ་སོགས་པའི་སྡུག་བསྔལ་དཔག་ཏུ་མེད་པ་རྣམ་པར་རྒྱས་པར་གསུངས་ནས། དེ་དེ་ལྟར་མའི་མངལ་ན་གནས་ཤིང་སྡུག་བསྔལ་གྱི་ཉེན་ཀྱང་དབང་པོ་རྣོ་བའི་ཕྱིར་དྲན་པར་མི་འགྱུར་རོ། ཞེས་དང་། དེའི་འཕྲོས་ལ་མངལ་ལོག་པའི་སྡུག་བསྔལ་དང་། མས་བཟའ་བཏུང་སྣ་ཚོགས་ཟོས་པ་ལས་གྱུར་པའི་སྡུག་བསྔལ་དང་། མའི་སྤྱོད་ལམ་ལས་གྱུར་པའི་སྡུག་བསྔལ་དང་། མངལ་ལོག་པ་གནས་སུ་འཇོག་པའི་སྡུག་བསྔལ་ལ་སོགས་རྒྱས་པར་གསུངས་ནས། མངལ་ན་གནས་པའི་ལུས་ལ་སྡུག་བསྔལ་གྱི་རེགས་པ་ལས་བྱུང་བའི་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་ཟད་པ། ཡིད་དུ་མི་འོང་བ་དེ་དག་བྱུང་ཡང་། དབང་པོ་རྣོ་བའི་ཕྱིར་དྲན་པ་ཉམས་པར་མི་འགྱུར་ཏེ། དེ་ལྟར་ན་དེ་ཤེས་བཞིན་དུ་མའི་མངལ་ན་གནས་པ་ཡིན་ནོ། ཞེས་དང་། དེའི་འཕྲོ་ལ་སྐྱེ་བའི་སྡུག་བསྔལ་དང་སྐྱེས་མ་ཐག་པའི་སྡུག་བསྔལ་རྣམས་རྒྱས་པར་གསུངས་ནས། དེ་སྡུག་བསྔལ་དེ་ལྟ་བུས་ཉོན་ཀྱང་དབང་པོ་རྣོ་བའི་ཕྱིར་དྲན་པ་ཉམས་པར་མི་འགྱུར་ཏེ། དེ་ལྟར་ན་ངོ་ཤེས་བཞིན་དུ་མའི་མངལ་ནས་འབྱུང་བ་ཡིན་ནོ། ཞེས་གསུངས་ཤིང་།

(༦༧༩)གཉིས་པའི་མཚན་གཞི་ངོས་འཛིན་པ་ལ། དེ་ལྟར་ན་འདི་ཤེས་བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་དུ་གནས་ཤིང་། ཤེས་བཞིན་མ་ཡིན་པར་མངལ་ནས་འབྱུང་ཞེ་ན། འདི་ན་ལ་ལ་སོ་སོའི་སྐྱེ་བོ་ཉིད་ཡིན་ལ། རང་བཞིན་གྱི་ཚུལ་ཁྲིམས་དང་ལྡན་པར་གྱུར་ཅིང་། ཞེས་པ་ནས། ཤེས་བཞིན་དུ་མའི་མངལ་དུ་འཇུག་གོ། ཞེས་དང་། དེ་དེར་ཞུགས་ནས་ལས་བདག་གིར་བྱ་བ་ཡིན་ཞེས་པ་ནས། དེ་དེ་ལྟར་མའི་མངལ་གྱི་གནས་ན་གནས་ཤིང་། སྡུག་བསྔལ་གྱི་ཉན་ཀྱང་ཞེས་པའི་བར་དབང་རྣོན་ཀྱི་སྐབས་སུ་འབྱུང་བ་ཇི་བ་བཞིན་གསུངས་ནས་དབང་པོ་རྣོ་བའི་ཕྱིར་ཞེས་པ་དོར་ནས། དྲན་པ་ཉམས་པར་མི་འགྱུར་རོ། ཞེས་པ་ཙམ་གསུངས་པའི་འཕྲོ་ལ། མངལ་ལོག་པའི་སྡུག་བསྔལ་ཡང་སྔ་མ་བཞིན་གསུང་ནས། ཡིད་དུ་མི་འོང་བ་དེ་དག་བྱུང་ཡང་དྲན་པ་ཉམས་པར་ནི་མི་འགྱུར་ཏེ། དེ་ལྟར་ན་འདི་ཤེས་བཞིན་དུ་མའི་མངལ་ན་གནས་པ་ཡིན་ནོ། ཞེས་དང་། དེའི་འཕྲོ་ལ་སྐྱེ་བའི་སྡུག་བསྔལ་དང་། སྐྱེས་མ་ཐག་པའི་སྡུག་བསྔལ་རྣམས་ཀྱང་སྔ་མ་བཞིན་དུ་གསུངས་ནས། དེ་སྡུག་བསྔལ་དེ་ལྟ་བུས་ཉེས་ན། དབང་པོ་འབྲིང་པོ་ཡིན་པའི་ཕྱིར་དྲན་པ་ཉམས་པ་དང་སེམས་ཉམས་པར་གྱུར་ཏེ། དེ་ལྟར་ན་ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། ཞེས་སོགས་གསུངས་ལ། གསུམ་པའི་མཚན་གཞི་ངོས་འཛིན་པ་ལ། ཇི་ལྟར་ན་འདི་ཤེས་བཞིན་དུ་མའི་མངལ་དུ་འཇུག་ཅིང་། ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་ཞེ་ན། འདི་ན་ལ་ལ་སོ་སོའི་སྐྱེ་བོ་ཁོ་ན་རང་བཞིན་གྱིས་

(༦༨༠)ཚུལ་ཁྲིམས་དང་ལྡན་པར་གྱུར་ཅིང་དགེ་བའི་ཆོས་ཅན་དགེ་བ་ལ་འདུན་པ། ཞེས་པ་ནས། དེ་ནས་དེ་དྲན་པ་མ་ཉམས་པར་ཤེས་བཞིན་དུ་མའི་མངལ་དུ་འཇུག་གོ། ཞེས་དང་། དེ་དེར་ཞུགས་ནས། ཤེས་པ་ནས་མངལ་གྱི་གནས་ན་གནས་པ་དེའི་ལུས་ལ་སྡུག་བསྔལ་གྱི་རེག་པ་ལས་སྡུག་བསྔལ་གྱི་ཚོར་བ་ཆེན་པོ་དྲག་པ། རྩུབ་པ། མི་ཟད་པ་ཡིད་དུ་མི་འོང་བ་ཞེས་པའི་བར་སྔ་མ་བཞིན་ལ། དེ་དག་བྱུང་ན་དབང་པོ་རྟུལ་བའི་ཕྱིར་དྲན་པ་ཉམས་པར་འགྱུར་ཞིང་སེམས་ཉེ་བར་ཉམས་པར་འགྱུར་ཏེ། དེ་ལྟར་ན་ཤེས་བཞིན་དུ་མའི་མངལ་དུ་འཇུག་ཅིང་། ཤེས་བཞིན་མ་ཡིན་པར་མའི་མངལ་ན་གནས་པ་ཡིན། ཤེས་བཞིན་མ་ཡིན་པར་མའི་གནས་ནས་འབྱུང་བ་ཡིན་ཞེས་སོགས་བཤད་ཅིང་། བཞི་པའི་མཚན་གཞི་ངོས་འཛིན་པ་ལ། ཇི་ལྟར་ན་འདི་ཤེས་བཞིན་མ་ཡི་མངལ་དུ་འཇུག །ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་ཞེ་ན། འདི་ན་ལ་ལ་རང་བཞིན་ཁོ་ནས་ཚུལ་ཁྲིམས་འཆལ་བ་ཡིན་ཞིང་མི་དགེ་བའི་ཆོས་ཅན། མི་དགེ་བ་ལ་འདུན་པ། མི་དགེ་བ་ཀུན་ཏུ་སྤྱོད་པ། སྡོམ་པ་མ་ཡིན་པ་མང་བ། སོ་སོར་རྟོགས་པ་མེད་པ་མང་བ། བག་མེད་པར་གནས་པ། ཡོ་བྱད་ཀུན་ཏུ་འཛིན་པ། སེར་སྣ་ཅན། འཇུ་པ་པ། རྣབ་སེམས་ཅན། གནོད་སེམས་ཅན། ལོག་པར་ལྟ་བ། འགྱོད་པ་ཅན་ཡིན་ལ། འཆི་བའི་དུས་བྱེད་ན་མི་དགེ་བའི་ཆོས་དེ་དག་གིས་ཉེ་བར་བརྟེན་པ་དེ་འཆི་

(༦༨༡)ཀའི་སྡུག་བསྔལ་གྱི། ཚོར་བ་དྲག་པ། རྩུབ་པ། མི་ཟད་པ། ཡིད་དུ་མི་འོང་བ། སྲོག་འཕྲོགས་པར་བྱེད་པ་དག་གིས་རེག་ན། དྲན་པ་ཉམས་པར་འགྱུར་ཏེ། དེས་ན་སྡུག་བསྔལ་དུ་རོ་གཅིག་པའི་རྣམ་པར་ཤེས་པ་ཅན་འདི། འདི་གང་ཡིན། འདི་ཇི་ལྟ་བུ་ཡིན། བདག་གང་ཡིན། གང་ནས་ཤི་འཕོས། གང་ནས་འོངས། གང་དུ་སྐྱེ་ཞེས་བྱ་བ་མི་ཤེས་ཏེ། དེ་ལྟར་ན་འདི་ཤེས་བཞིན་མ་ཡིན་པར་མེའི་མངལ་དུ་འཇུག །ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་བ་ཡིན་ནོ། ཞེས་སོགས་གསུངས་སོ། མཛོད་ལས། བཞི་པོ་དེ། འཁོར་ལོས་བསྒྱུར་བ། རང་རྒྱལ་སངས་རྒྱས། ཐ་མལ་པ་དང་བཞི་ལ་སྦྱར་ནས་གསུངས་སོ། ཇི་སྐད་དུ། གཅིག་ནི་ཤེས་བཞིན་དུ་འཇུག་གོ། གཞན་ནི་གནས་པ་ཡང་གཞན། འབྱུང་བའང་གཞན་ནི་ཐམས་ཅད་རྨོངས། ཤེས་མདོར་བསྟན་ནས་རྒྱུ་མཚན་དང་སྦྱར་ཏེ། མཚར་གཞི་འཆད་པ་ལ། མངལ་དུ་འཇུག་པ་གསུམ་དག་སྟེ། འཁོར་ལོ་ལས་རང་བྱུང་གཉིས། ལམ་ནས་ཡེ་ཤེས་སམ་གཉིས་ཀ །རྒྱ་ཆེའི་ཕྱིར་ན་གོ་རིམ་བཞིན། ཞེས་གསུངས་པའི་དོན་ནི་མངལ་དུ་འཇུག་པའི་རིགས་བཞི་ལས། གཅིག་འཁོར་ལོས་བསྒྱུར་བ་ནི་ལས་རྒྱ་ཆེ་བའི་ཕྱིར་ཤེས་བཞིན་དུ་འཇུག་ལ། ཡེ་ཤེས་རྒྱ་ཆེ་བ་མ་ཡིན་པས་གནས་པ་དང་འབྱུང་བ་མི་ཤེས་ཤིང་། གཞན་རང་རྒྱལ་ན་ཡེ་ཤེས་རྒྱ་ཆེ་བའི་ཕྱིར་འཇུག་བར་མ་ཟད། གནས་པ་ཡང་ཤེས་བཞིན་དུ་གནས་ལ། ལས་རྒྱ་ཆེ་བ་མ་ཡིན་པས་མི་ཤེས་སོ། གཞན་སངས་རྒྱས་ནི་ལས་དང་ཡེ་ཤེས་གཉིས་ཀ་རྒྱ་ཆེ་བའི་ཕྱིར་

(༦༨༢)འཇུག་གནས་སུ་མ་ཟད་འབྱུང་བའང་ཤེས་བཞིན་དང་ལྡན་ལ། དེ་གསུམ་ལས་གཞན་ཐ་མལ་པ་ལ་སོགས་པ་ནི་ལས་དང་ཡེ་ཤེས་གང་ཡང་རྒྱ་མི་ཆེ་བས་འཇུག་གནས་འབྱུང་བ་ཐམས་ཅད་རྨོངས་སོ། ཞེས་པའི་དོན་ཏེ། མཛོད་འགྲེལ་ལས། འཁོར་ལོས་བསྒྱུར་བ་དང་རང་བྱུང་རང་སངས་རྒྱས་དང་རྫོགས་པའི་སངས་རྒྱས་དག་སྟེ། འོག་ནས་གོ་རིམ་བཞིན་ཞེས་འཆད་པར་འགྱུར་རོ། དེ་ལ་འཁོར་ལོ་ལོས་བསྒྱུར་བ་ནི་དང་པོ་སྟེ། དེ་ནི་འཇུག་པ་ཁོ་ན་ཤེས་བཞིན་ཡིན་གྱི་གནས་པ་ཡང་མ་ཡིན་ལ། འབྱུང་བ་ཡང་མ་ཡིན། རང་སངས་རྒྱས་ནི་གནས་པ་ཡང་ངོ་། སངས་རྒྱས་ནི་འབྱུང་བ་ཡང་ངོ་། འདིར་ཡང་འབྱུང་བར་འགྱུར་བའི་མིང་གིས་བསྟན་ཏོ། ཞེས་དང་། ལས་རྒྱ་ཆེན་པོ་བསོད་ནམས་ཆེན་པོ་བྱེད་པ་རྣམས་ནི་དང་པོ་ཡིན་ནོ། ཡེ་ཤེས་རྒྱ་ཆེན་པོ་ཐོས་པ་མང་བ་དང་རབ་ཏུ་འབྱེད་པ་བྱས་པ་རྣམས་ནི་གཉིས་བ་མིན་ནོ། བསོད་ནམས་དང་ལས་དང་ཡེ་ཤེས་རྒྱ་ཆེ་བ་རྣམས་ནི་གསུམ་པ་སྟེ། དེ་ལྟ་བུར་གྱུར་པ་དེ་དག་ནི་རིམ་བཞིན་དུ་འཁོར་ལོས་བསྒྱུར་བ་ལ་སོགས་པ་ཡིན་པར་རིགས་སོ། ལྷག་མ་རྣམས་ནི་བཞི་པ་ཡིན་ནོ་ཞེས་བྱ་བར་གྲུབ་བོ། ཞེས་འབྱུང་སྟེ་།།། ཐ་མའི་བར་དོ་ལས་འཕྲོས་ནས་འཇུག་དང་གནས་དང་སྐྱེ་བ་ནི། ཕལ་ཆེར་མི་ཤེས་བཞིན་དུ་ཡིན། འཁོར་བསྒྱུར་སྦྱངས་ལྡན་ཚོགས་གཉིས་རྫོགས། འཇུགས་གནས་སྐྱེ་བཅས་རིམ་པ་བཞིན། དང་པོར་བར་མཐའ་ཤེས་ཤིང་དྲན། རྫུས་སྐྱེས་དྲན་ལྡན་ཕམ་ཆེར་ཡིན། ཞེས་གསུངས་སོ། མཛོད་དང་བཞེད་པ་མཐུན་པར་སྣང་ངོ་། བཞི་པ་ནི། གོང་དུ་བཤད་པའི་

(༦༨༣)དག་སྦྱོར་དེ་ལས་གཞན་ཡང་། ལྷ་བསྐྱེད་པའི་ཚུལ་དང་སྦྱར་ན། ཕའི་དཀར་ཆ་དང་། མའི་དམར་ཆ་དང་། ཀུན་གཞིའི་རྣམ་པར་ཤེས་པ་དང་དེ་གསུམ་གཅིག་ཏུ་འདྲེས་པ་དང་ལུས་རྫོགས་པ་རྣམས་ཀྱི་སྦྱོང་བྱེད་དམ། རྣམ་དབང་ནི། རྡོ་རྗེ་རྣམ་པ་བཞི་དང་ཆོ་ག་ཡན་ལག་གསུམ་དང་མངོན་བྱང་ལྔ་དང་། སྐྱེད་རིམ་ཀྱི་ཚུལ་གསུམ་ལས། དང་པོར་ཚད་མེད་པ་བཞི་དང་། སྟོང་པ་ཉིད་དུ་སྒོམ་པ་དང་། གཉིས་པ་ས་བོན་བསྡུ་བ་དང་། གསུམ་པ་གཟུགས་བརྙན་རྫོགས་པ་དང་། བཞི་པ་ཡིག་འབྲུ་འགོད་པའི་བར་དུ་བྱས་ལ་ཡེ་ཤེས་པ་གཞུག་པ་སོགས་ཡན་ལག་བཞི་རྫོགས་ཤིང་། བདུད་རྩི་མྱང་ནས་ཐུན་བསྡུ་བའི་རིམ་པ་ནི། རྡོ་རྗེ་རྣམ་པ་བཞི་ཞེས་བྱ་སྟེ། ཀྱཻ་རྡོར་ལས། དང་པོར་བྱམས་པ་བསྒོམ་པར་བྱ། གཉིས་པར་སྙིང་རྗེ་བསྒོམ་ཞིང་། གསུམ་པར་དགའ་བ་བསྒོམ་པ་དང་། ཀུན་གྱི་མཐའ་ནི་བཏོང་སྙོམ་སོ། ཡང་ནི་སྟོང་པ་བྱང་ཆུབ་སྟེ། གཉིས་པ་ལ་ནི་ས་བོན་བསྡུ་གསུམ་བ་ལ་ནི་གཟུགས་བརྙན་རྫོགས། བཞི་པ་ལ་ནི་ཡིག་འབྲུ་འགོད། ཞེས་གསུངས་པ་ཇི་ལྟ་བ་བཞིན་ནོ། འདིའི་ཐད་དུ་ཊིཀྐ་འགའ་ཞིག་ལས། སྐྱེ་སྲིད་སྦྱོང་བར་བྱེད་པ་ལ། བླ་མེད་ཀྱི་རྒྱུད་སྡེ་རྣམས་ནས་མངོན་བྱང་ལྔ་གསུངས་སོ། ཧོ་བཛྲ་ལས། ཟླ་བ་མེ་ལོང་ཞེས་པ་ནས་ལྔ་པོ་སྒོམ་པ་ཉིད། ཞེས་གསུངས་པའི་ཕྱིར། གཞུང་མ་རྒྱུད་དུ་མ་ལས། གོང་བུ་ཆུ་དང་གཟུགས་དང་ནི། གཟུགས་ལས་འདས་དང་རྣམ་པ་བཞི། ཞེས་སོགས་བསྙན་བསྒྲུབ་ཡན་ལག་བཞི་དང་། རྡོ་རྗེ་ཆོ་ག་གསུམ་གྱི་བསྐྱེད་པའི་ཚུལ་གསུང་པ་རྣམས་ནི་བསྐྱེད་རིམས་ཀྱི་སྦྱང་གཞི་ལུས་སེམས་སྦྱར་བའི་ཐབས་སོ། ཞེས་བྲིས་མདོ། ལུང་ཕྱི་མ་

(༦༨༤)དེའི་དགོངས་པ་ནི། རྒྱུ་རྡོ་རྗེ་འཛིན་པ་ལ་གོང་བུ་དང་། དེ་ཞུ་བ་ལ་ཆུ་དང་། འབྲས་བུ་རྡོ་རྗེ་འཛིན་པ་ལ་གཟུགས་དང་། དེ་ཡང་འོད་དུ་བསྡུས་ནས་རྫོགས་རིམ་བསྒོམ་པ་ལ་གཟུགས་ལས་འདས་པར་མཁས་པ་རྣམས་ལ་གྲགས་པའི་ཕྱིར། སྦྱང་གཞི་སྐྱེ་སྲིད་དང་སྦྱོར་བྱེད་སྐྱེད་རིམས་ཁོ་ན་ལ་སྦྱར་བར་འོས་པ་མ་ཡིན་ནོ། དྲི་ཟ་དང་དེ་དཀར་མར་གྱི་དབུས་སུ་ཞུགས་པ་དང་། དེ་ལས་ལུས་རྫོགས་པར་འགྱུར་བ་གསུམ་གྱི་སྦྱོར་བྱེད་ནི་ས་བོན་དང་ཕྱག་མཚན་དང་སྐུ་རྫོགས་བར་བསྐྱེད་པ་གསུམ་གྱི་བསྐྱེད་དེ། ཡན་ལག་བཞི་རྫོགས་སུ་སྒྲུབ་པ་ནི་ཆོ་ག་ཡན་ལག་རྣམ་པ་གསུམ་ཞེས་བྱ་སྟེ། ཀྱཻ་རྡོར་ལས། རང་གི་སྙིང་གར་རེ་ཕ་བསྒོམ། དེ་ལས་བྱུང་བའི་ནི་དཀྱིལ་འཁོར། དེར་ནི་གཟུགས་ཀྱི་རྣམ་པ་ཉིད། ཐབས་དང་ཤེས་རབ་རང་བཞིན་ཅན། ཧཱུྃ་ལས་བྱུང་བའི་རྡོ་རྗེ་ནི། ཁ་དོག་ནག་པོ་འཇིགས་ཆེན་པོ། རྡོ་རྗེ་ལྟེ་བའི་དབུས་གནས་པར། ཡང་ནི་ཧཱུྃ་གི་དེ་ཉིད་བྷ། ཧཱུྃ་གྱི་རྣམ་པར་འགྱུར་བལྟས་ནས། ཞེ་སྡང་བདག་ཉིད་རྣམ་པར་བསྒོམ། ཞེས་གསུངས་པ་ལྟ་བུའོ། ཟླ་བ་དང་། ཉི་མ་དང་། ས་བོན་ཕོན་དང་བཅས་པ་དང་། དེ་གསུམ་གཅིག་ཏུ་འདྲེས་པ་དང་། །།། ལྔ་ལས་བསྐྱེད་པ་ནས་ཡན་ལག་བཞི་རྫོགས་སུ་བསྒྲུབ་པ་ནི་མངོན་པར་བྱང་ཆུབ་ས་ལྔའི་རིམ་པས་བསྐྱེད་པར་བྱེད་པ་སྟེ། ཀྱཻ་རྡོ་རྗེ་ལས་ཕའི་ཁམས་དཀར་ཆའི་དྲི་མ་སྦྱངས་པའི་དོན་དུ་ཨཱ་ལ་།།།དེར་མེ་ལོང་ལྟ་བུའི་ཡེ་ཤེས་སུ་སྒོམ་པ་དང་ལྡན་པ་དང་། མའི་དམར་ཆའི་དྲི་མ་སྦྱངས་པའི་དོན་དུ་རླུང་གི་རྟ་བདུན་གྱི་དྲངས་པའི་ཤིང་རྟ་བདུན་པ་ནི་ཉི་མ་ཡིན་པས། ཀ་ལ་ལས་ཉི་

(༦༨༥)མའི་དེར་ནི་མཉམ་པ་ཉིད་ཀྱི་ཡེ་ཤེས་སུ་སྒོམ་པ་དང་ལྡན་པ་དང་། ཀུན་གཞིའི་རྣམ་ཤེས་ཀྱི་དྲི་མ་སྦྱངས་པའི་དོན་དུ་རང་གི་སེམས་ལྷའི་ས་བོན་ཡིག་འབྲུ་ལས་གྱུར་པའི་ཕྱག་མཚན་ནི་སོ་སོར་རྟོགས་པའི་ཡེ་ཤེས་སུ་བརྗོད་པར་སྒོམ་པར་བྱ་བ་དང་། དཀར་དམར་རྣམ་ཤེས་གསུམ་འདྲེས་པའི་དྲི་མ་སྦྱོང་བའི་དོན་དུ་ཟླ་ཉི་ཕྱག་མཚན་སོན་དང་བཅས་པ་ཐམས་ཅད་འདྲེས་ཤིང་གཅིག་ཏུ་གྱུར་པ་བྱ་བ་ནན་ཏན་གྱི་བསྒྲུབ་པའི་ཡེ་ཤེས་ཉིད་དུ་བསྒོམ་པ་དང་། སེམས་ཅན་གྱི་ལུས་ཡོངས་སུ་རྫོགས་པའི་དྲི་མ་སྦྱོང་བའི་དོན་དུ་ལྷའི་སྐུ་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་རྣམ་པར་དག་པར་བྷཻ་པ་སྟེ། མཁས་པས་བྱང་ཆུབ་པ་ལྔའི་ཆོ་གར་གསུངས་པའི་ཡེ་ཤེས་རྣམ་པ་ལྔ་པོ་སོ་སོ་ལ་བྱ་བ་ཉིད་དོ། གཞན་ཡང་། ཨ་ལི་།།། སོན་ནང་དུ་སོན་གྱུར་པ། དེ་ཉིད་སེམས་དཔའ་ཞེས་བྱར་བརྗོད། མཆོག་ཏུ་དགའ་བའི་རང་བཞིན་ཅན། ཞེས་ཧེ་བཛྲེ་ལས་གསུངས་པ་ལྟར། དུས་ཀྱི་འཁོར་ལོའི་བསྒྲུབ་ཐབས་ཀྱི་ལེའུ་།།།ཡང་ཨ་སོགས་ཀ་སོགས་རྡོ་རྗེ་དང་བཅས་མེ་ལོང་ལ་སོགས་ལྔ་རྣམས་ཀྱིས། འོད་ཟེར་ལྔ་རྣམས་འགྱེད་པར་བྱེད་ཅིང་དྲི་མ་མེད་པའི་འོད་འཕྲོ་དུས་ཀྱི་འཁོར་ལོ་བྷཻར་བྱ། ཞེས་པའི་།།། བསྒྲུབ་ཐབས་ཀྱི་ལེའུ་བཅུ་པའི་འགྲེལ་ཆེན་ཤོང་འགྱུར་ལས། ད་ནི་ཟླ་བ་ཞེས་པ་ལ་སོགས་པས་ཕྱི་རོལ་དུ་ལྷ་རྫོགས་པ་དང་། ནང་དུ་མངལ་རྫོགས་པར་གསུངས་སྟེ། འདིར་དཀྱིལ་འཁོར་།།།ལ་ལ་ཨ་སོགས་དབྱངས་སུམ་བཅུ་དང་ཐིག་ལེ་དང་རྣམ་པར་བཅད་པ་སྟེ་སུམ་བཅུ་རྩ་གཉིས་པོ་རྣམས་མཚན་སུམ་བཅུ་རྩ་གཉིས་ཀྱི་དོན་དུ་གཡོན་

(༦༨༦)དང་གཡས་སུ་བསྐོར་བས་འགོད་པར་བྱའོ། དེ་ལ་ཨ་ཨྀ་རྀ་ཨུ་ལྀ་ཞེས་པ་ནི་དང་པོའི་ཆ་ལྔའོ། དེ་ནས་གཡོན་གྱི་དབྱེ་བས་ཨ་ཨེ་ཨར་ཞེས་པ་ནི་གཉིས་པའི་ཆ་ལྔའོ། དེ་ནས་ཡ་ཎར་བསྒྱུར་བས་ཧ་ཡ་ར་ཝ་ལ་ཞེས་པ་ནི་གསུམ་པའི་ཆ་ལྔའོ། ཆ་བཅོ་ལྔའི་མཐར་ཐིག་ལེ་ཨ་ཞེས་བ་སྟེ་གཡོན་བསྐོར་གྱིས་སོ། དེ་ནས་གཡས་བསྐོར་གྱི་ནག་པོའི་ཚེས་གཅིག་ལ་སོགས་པའི་ཆ་རྣམས་དགོད་པར་བྱ་སྟེ། ལཱ་ཝཱ་རཱ་ཡཱ་ཧཱ་ཨཱལ་ཨཽ་ཨཱར་ཨཻ་ཨཱ་ལཱྀ་ཨུ་རཱེ་ཨཱི་ཨཱ་ཞེས་པ་སྟེ་བཅོ་ལྔ་པ་གནམ་སྟོང་གི་མཐར་རྣམ་པར་བཅད་པ་ཨཱ ཞེས་པ་སྟེ་དབྱངས་བཅུ་དྲུག་གོ། འདི་དག་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་པོ་རྣམས་ཏེ་ཟླ་བའི་ཡན་ལག་དང་མངལ་འཛིན་པའི་ཁུ་བའི་ཁམས་ལས་སོ། དེ་ནས་ཉི་མའི་དཀྱིལ་འཁོར་ལ་ཀ་སོགས་གསལ་བྱེར་གཅིག་གིས་བདག་ཉིད་བཞི་བཅུ་དང་བརྩེགས་མ་བཞི་བཅུ་རྣམས་སྟེ། དེ་ལ་ཧ་ཡ་ར་ཝ་ལ་དང་བཅས་པའི་སྡེ་པ་དྲུག་པོ་རྣམས་ནི་སུམ་རྩ་ལྔར་འགྱུར་རོ། དེ་བཞིན་དུ་ལན་བརྗོད་པའི་དབང་གི་ལ་ཝ་མ་ཌ་དྷ་རྣམས་བཟུང་བར་བྱ་སྟེ། ལླ་།།།ཡྻ་།།།ཞེས་པ་བཞི་བཅུ་སྟེ། གཡས་བསྐོར་དུ་པ་ལ་སོགས་པའི་དབྱེ་བས་རྩེགས་མ་རྣམས་སོ། དེ་ནས་གཡོན་བསྐོར་ཡི། ང་གྷ་ག་ཁ་ཀ །ཉ་ཇྷ་ཛ་ཚ་ཐ། ཎ་དྷ་ཌ་ཐ་ཊ། མ་བྷ་པ་ཕ་པ། ན་དྷ་ད་ཐ་

(༦༨༧)ཏ་།།།ཤ་ཥ་ཀ་པ་ཧ་ཡ་ར་ཝ་ལ། དྷ་ཌ་ཡ་ཝ་ལ་ཞེས་པ་གསལ་བྱེད་གཅིག་གི་བདག་ཉིད་བཞི་བཅུའོ། དེ་ལྟར་ཉི་མ་དང་མངལ་འཛིན་པའི་རྡུལ་ལ་དཔེ་བྱད་བརྒྱད་བཅུ་པོ་རྣམས་སོ་ཞེས་པ་ནི་ངེས་པའོ། དེ་ལྟར་ཟླ་བ་ཉི་མ་ལ་ཡང་ཨ་སོགས་ཀ་སོགས་རྡོ་རྗེ་དང་བཅས་ཤེས་པ་ནི་དེ་དག་ལ་འོག་ཏུ་ཉི་མའོ། ཉི་མའི་སྟེང་དུ་ཟླ་བའོ། ཟླ་བའི་དབུས་སུ་ཧཱུྃ་ཡིག་ཟླ་བའི་མཚན་པ་ལྟ་བུའོ། དེ་བཞིན་དུ་རྡུལ་གྱི་སྟེང་དུ་ཁུ་བའོ། ཁུ་བའི་དབུས་སུ་ཀུན་གཞིའི་རྣམ་པར་ཤེས་པ་དྲི་ཟའི་སེམས་ཅན་ནོ། དེ་ནས་མེ་ལོང་ལ་སོགས་ལྔ་རྣམས་ཀྱི་ཤེས་པ་ནི་དེ་ལ་ཟླ་བ་དང་ཁུ་བ་དབྱངས་དང་ལྡན་པ་ནི་མེ་ལོང་ལྟ་བུའི་ཡེ་ཤེས་ཏེ། གཟུགས་ཀྱི་ཕུང་པོ་བསྐྱེད་པར་བྱེད་པའི་རྣམ་པར་བཤད་དོ། ཉི་མ་དང་རྡུལ་གསལ་བྱེད་དང་ལྡན་པ་ནི་མཉམ་པ་ཉིད་ཀྱི་ཡེ་ཤེས་ཏེ། ཚོར་བའི་ཕུང་པོ་བསྐྱེད་པར་བྱེད་པ་རིན་ཆེན་འབྱུང་ལྡན་ནོ། དྲི་ཟའི་ས་བོན་ཧཱུྃ་ཡིག་དང་ལྡན་པ་ནི་སོ་སོར་རྟོགས་པའི་ཡེ་ཤེས་ཏེ། འདུ་ཤེས་ཀྱི་ཕུང་པོ་བསྐྱེད་པར་བྱེད་པ་སྣང་བ་མཐའ་ཡས་སོ། དེ་རྣམས་གཅིག་པ་ཉིད་དང་སྲོག་གི་རླུང་ཧི་ཡིག་དང་ལྡན་པ་ནི་བྱ་བ་བསྒྲུབ་པའི་ཡེ་ཤེས་ཏེ་འདུ་བྱེད་ཀྱི་ཕུང་པོ་བསྐྱེད་པར་བྱེད་པ་དོན་ཡོད་གྲུབ་པའོ། དེ་ནས་ཡན་ལག་ཐམས་ཅད་ཀྱི་ཆ་ཤས་ཡོངས་སུ་རྫོགས་པ་དང་རྣམ་པར་ཤེས་པ་ཧཾ་ཡིག་དང་ལྡན་པ་ནི་ཆོས་ཀྱི་དབྱིངས་རྣམ་པར་དག་པའི་ཡེ་ཤེས་ཏེ་རྣམ་པར་ཤེས་པའི་ཕུང་པོ་བསྐྱེད་པར་བྱེད་པ་མི་སྐྱོད་པ་སྟེ་ཕྱི་རོལ་དང་ནང་དུ་ཡེ་ཤེས་ལྔའི་བདག་ཉིད་དོ། འདི་རྣམས་གཅིག་ཏུ་འདྲེས་པར་གྱུར་པ་ནི་ས་བོན་ཏེ་དབྱངས་རྣམས་ཀྱི་ཐིག་ལེ་དང་གསལ་བྱེད་རྣམས་ཀྱི་རྣམ་པར་བཅད་པ་དང་རྣམ་པར་ཤེས་པ་གཞོམ་དུ་མེད་པ་དང་སྲོག་གི་ཨ་ཡིག་གོ། དེ་ལྟར་གསུངས་པའི་

(༦༨༨)རིམ་པས་བཅོམ་ལྡན་འདས་འོད་ཟེར་ལ་རྣམས་འགྱེད་པར་བྱེད་ཅིང་དྲི་མ་མེད་པའི་ཟེར་འཕྲོ་དུས་ཀྱི་འཁོར་ལོ་བསྒོམ་པར་བྱ་ཞེས་པ་སྟེ་ཕྱི་རོལ་དང་མངལ་དུ་སྐུ་རྫོགས་པའི་ངེས་པའི་ངེས་པའོ། ཞེས་ཤིན་ཏུ་རྒྱས་ཤིང་གོ་བདེ་བར་གསུངས་པ་འདི་དང་། བཤད་ཟིན་པའི་ཀྱཻ་རྡོར་གྱི་ལུང། ཟླ་བ་མེ་ལོང་ཡེ་ཤེས་ལྡན། ཞེས་སོགས་རྒྱུད་སྡེའི་བཤད་སྲོལ་ཐ་དད་པའི་དབང་ལས་དབྱངས་གྱི་ཡི་གེ་ལ་འདྲ་མོན་ཙམ་དང་། རྒྱས་བསྡུས་ཀྱི་ཁྱད་པར་ཙམ་མ་གཏོགས་དགོངས་པ་གཅིག་ཅིང་། དཔལ་མཁའ་འགྲོ་རྒྱ་མཚོའི་རྒྱུད་ལ་སོགས་པ་བདེ་མཆོག་གི་རྒྱུད་རྣམས་ནས་ཀྱང་འདི་དག་དང་རྗེས་སུ་མཐུན་པར་བྱ་སྟེ་འདིར་མ་བྲིས་སོ། དེ་བཞིན་དུ་འདུས་པའི་འགྲེལ་ཆེན་སྒྲོལ་མ་གསལ་བར་ཡང་དོན་མཐུན་པར་གསུངས་ལ། རྡོ་རྗེ་སྙིང་པོ་རྒྱན་གྱི་རྒྱུད་ལས། ཨཱ་ལྀ་དང་ནི་ཀཱ་ལྀ་དང་། དེ་བྱུང་ཟླ་བ་རྣམས་པ་གཉིས། མེ་ལོང་ལྟ་བུའི་ཡེ་ཤེས་ཏེ། གཅིག་ཏུ་གྱུར་པ་མཉམ་ཉིད་དོ། སོན་མཚན་མར་གྱུར་པ་ནི། སོ་སོར་རྟོགས་པར་ངས་བཤད་དོ། དེ་བྱུང་སངས་རྒྱས་ཐམས་ཅད་ཀྱི། འགྲོ་བྱེད་པ་བྱ་ནན་ཏན། གཟུགས་བརྙན་རྫོགས་པ་ཆོས་དབྱིངས་ཏེ། ལྷའི་དབང་པོ་སངས་རྒྱས་བསྐྱེད། དེ་ལ་བར་མས་ཞུ་བས་བསྐྱེད། བསྐུར་བས་རང་གི་ལྷ་བསྐྱེད་ནས། བྱིན་གྱི་རླབས་པ་བྱ་བ་ནི། རྒྱུད་རྣམས་ཀྱི་ནི་ཐུན་མོངས་ངོ་། ཞེས་གསུངས་སོ། ཁྱད་པར་ཅུང་ཟད་ཙམ་ལས་དགོངས་པ་མཐུན་པར་གནས་སོ། གསུམ་པ་ཇི་ལྟར་སྐྱེ་བའི་རིམ་པ་བསྟན་པ་ལ་གསུམ་སྟེ། སྲོག་ཆེན་པོའི་རླུང་ཇི་ལྟར་འབྱུང་བ་དང་། ཟླ་བ་བཅུར་ཇི་ལྟར་འཕེལ་བའི་རིམ་པ་རྒྱས་པར་བཤད་པ། རྩ་རླུང་ཐིག་ལེ་རྫོགས་ཤིང་སྐྱེ་བའི་ཚུལ་ལོ། དང་པོ་ལ་

(༦༨༩)རྩ་འགྲེལ་གཉིས་ལས། དང་པོ་ནི། ཉོན་མོངས་ཅན་ཡིད་སྲོག་རླུང་ཉིད། སྐད་གཅིག་ལ་ཡང་ཡང་དག་འགྲོ། ཞེས་གསུངས་སོ། ཞུགས་མ་ཐག་པའི་ཀུན་གཞི་ལས་ཆུ་རླབ་ལྟར་ཉོན་ཡིད་ལངས་པ་དེ་ནི་སྲོག་རླུང་ཉིད་ཡིན་ཏེ། དེ་ནི་སྐད་གཅིག་མ་རེ་ལ་ཡང་ཇེ་རགས་ཇེ་རགས་སུ་ཡང་དག་པར་འགྲོ་བས་དེའི་རྐྱེན་གྱི་ནུར་ནུར་པོར་འགྱུར་རོ། རྐང་པ་འདི་གཉིས་ནི་རྒྱུད་ཚིག་ཇི་ལྟ་བ་བཞིན་ནོ། གཉིས་པ་ལ། ཚིགས་དོན་དངོས་དང་། དེའི་དག་པ་གཉིས་ལས། དང་པོ་ནི། གང་གིས་མངལ་དུ་ཞུགས་མ་ཐག་པ་དེའི་ཚེ་ཡང་ཉོན་མོངས་པ་ཅན་གྱི་ཡིད་ཀྱི་དེ་མ་ཐག་ཏུ་ཕ་མའི་དཀར་དམར་གྱི་དངས་མ་ཀུན་གཞི་དང་འདྲེས་བ་དེ་ལས་སྲོག་གི་རླུང་བསྐྱེད་ཅིང་ཡིད་འདུ་བྱེད་པར་འགྱུར་ཏེ་ལས་ཀྱི་རླུང་དེ་ཉིད་སྐད་གཅིག་སྐད་གཅིག་ཇེ་རེགས་ཇེ་རེགས་སུ་སྐྱེད་པར་བྱེད་པས་མངལ་ན་གནས་པ་དེ་འོ་མ་ལས་ཞོར་འགྱུར་བ་ལྟར་ནུར་ནུར་པོར་འདྲེས་པ་དེ་ཉིད་སའི་ཁམས་ཀྱི་འདྲེས་པ་བཟུང་ནས་བསྡུད་པར་བྱེད། ཆུས་ཆེར་རྟབ་པར་བྱེད། མེས་མི་འདྲུལ་བར་བྱེད་ཅིང་སྐྱེད་དེ་སྨིན་པར་བྱས་ནས། རླུང་དང་ནམ་མཁས་གནས་སྐབས་གཞན་ནས་གཞན་དུ་བྱེད་བས་འགྱུར་ཞིང་འཕེལ་ལོ། གཉིས་པ་ནི། ཁུ་ཁྲག་ཞུ་ཐིག་སུ་གྱུར་པ་སོགས་གནས་སྐབས་གཞན་དུ་བྱེད་པ་འདི་ནི་གསང་བ་འདུས་པར་སྔར་ཆང་རོས་མྱོས་པ་བཞིན་ཞེས་དང་པོའི་སྐབས་སུ་སྨོས་པའི་དང་པོའི་མགོན་པོ་དེ་ཉིད་།།།དག་པས་དཀར་གཡོན་དམར་དབུས་སྔོ་བའི་ཞལ་གསུམ་པར་གྱུར་ཏེ། ཞེས་གསུངས་བས། དཀར་དམར་བར་དོའི་རྣམ་ཤེས་གསུམ་སྦྱོང་བའི་ཕྱིར་དུ་དེ་ལྟར་གསུངས་པའི་དོན་དང་། སྦྱང་གཞི་ཀུན་གཞིའི་རྣམ་པར་ཤེས་པ་ལས་ཉོན་མོངས་པ་

(༦༩༠)ཅན་གྱི་ཡིད། འདུ་བྱེད་པ་ལངས་ནས་སྦྱོང་བྱེད་དང་པོའི་མགོན་པོ་ཞལ་གསུམ་ཕྱག་དྲུག་པར་གསུང་པའི་དོན་ཡིན་ནོ། དེ་ཡང་དཀར་དམར་རྣམ་ཤེས་གསུམ་གྱི་དག་པ་ནི་ཞལ་གསུམ་དང་དེ་གསུམ་ལ་ཐབ་ཀྱི་ཕྱེ་བའི་དག་པ་ནི་ཕྱག་དྲུག་གོ། འདི་ལ་ཁ་གཅིག་ན་རེ། མདོར་བྱས་སོགས་སུ་དང་མགོན་བར་སྲིད་སྦྱོང་བྱེད་དུ་གསུང་པ་དང་། དཔལ་རང་བྱུང་གི་བཞེད་པ་མི་མཐུན་ཏེ། རྗེ་རང་བྱུང་བའི་སྒྲུབ་ཐབས་ལས་དང་མགོན་མངལ་ན་གནས་པ་སྦྱོང་བྱེད་དུ་གསུང་པའི་ཕྱིར་དང་། ཇི་ལྟར་ཆང་རོས་མྱོས་བ་བཞིན། ཞེས་པའི་འགྲེལ་པར། འདི་ནི་གསང་བ་འདུས་པར་དང་པོའི་མགོན་པོ་ཞེས་བྱ་བར་གསུངས་ལ་ཞེས་མ་ཐག་པའི་དག་སྦྱོར་དུ་དང་མགོན་བྱང་ཀྱི་དེའི་གོང་བར་སྲིད་ཆད་པའི་སྐབས་སུ་དང་མགོན་མ་བཤད་པའི་ཕྱིར་དང་། བཤད་མ་ཐག་པའི་འགྲེལ་ཚིག་གནས་སྐབས་གཞན་དུ་བྱེད་པས་འདི་ནི་གསང་བ་འདུས་པར་དང་པོའི་མགོན་པོ་དེ་ཉིད་ཞེ་སྡང་རྡོ་རྗེ་ཞལ་གསུམ་པར་གྱུར་ཏེ། ཞེས་གསུང་པའི་དོན་དང་། ཞེས་མངལ་དུ་ཁྲག་རྣམ་ཤེས་གསུམ་འདྲེས་པ་ན་ལ་ཉེར་ཐོབ་ཀྱི་གནས་སྐབས་ལས་ལངས་རྗེས་ཀྱི་དག་སྦྱོར་སྤྲུལ་སྐུ་རྡོར་སེམས་སུ་གསུངས་པས་སོ། ཞེ་ན། དེའི་ལན་ལ། བདག་གི་བླ་མ་རྒྱལ་བའི་དབང་པོའི་ཞལ་སྔ་ནས། མངོན་རྟོགས་སུ་མདོར་བྱས་ཀྱི་ཚིགས་རིགས་ལས་གསལ་བར་གསུངས་པ་མི་སྣང་བས། དང་མགོན་བར་སྲིད་སྦྱོང་བྱེད་ལ་སྦྱར་དུ་མི་རུང་བའི་ཚིགས་སྣ་མི་འདུག་ལ། འགྲེལ་པ་འདིར་བར་སྲིད་དང་མངལ་ན་གནས་པ་གཉིས་ཀ་དང་མགོན་གྱི་སྦྱོང་བར་གསུངས་སྟེ་བར་སྲིད་མངལ་དུ་འཇུག་ཚུལ་འཆད་པའི་སྐབས་ལས་འཕྲོས་ནས་

(༦༩༡)འདི་ནི་གསང་བ་འདུས་པར་དང་པོའི་མགོན་པོ་ཞེས་བྱ་བར་གསུངས་ལ། ཞེས་འབྱུང་བས་བར་སྲིད་ཀྱི་སྦྱོང་བྱེད་དང་མགོན་ཡིན་པར་གྲུབ་ལ། འདིར་གནས་སྐབས་གཞན་དུ་བྱེད་ཅེས་པའི་དོན་ནི་མངལ་དུ་གནས་པ་ལས་གནས་སྐབས་གཞན་ཕྱི་རོལ་དུ་སྐྱེ་བར་བྱེད་པས་ཕྱིར་སྐྱེས་པ་དེའི་ཚེ། དང་པོའི་མགོན་དེ་ཉིད་ཞེ་སྡང་རྡོ་རྗེར་གྱུར་པར་འབྲུ་གཉེར་དུ་རུང་བས་བར་སྲིད་ནས་མངལ་དུ་རུང་བའི་བར་ནི་དང་མགོན་གྱི་སྦྱོང་ལ། ཕྱིར་སྐྱེས་ནས་སྤྲུལ་སྐུ་རྡོར་སེམས་གྱི་སྦྱན་བར་བཤད་པས། རྗེ་རང་བྱུང་གི་གཞུང་འགྲེལ་རྣམས་དགོངས་པ་གཅིག་པར་སྒྲུབ་ནུས་སོ། དེ་ལྟ་མོད་ཀྱི་མདོ་སྡེ་དང་རྣམ་བཞག་རིམ་བར་དང་མགོན་བར་སྲིད་སྦྱོང་བྱེད་དུ་གསལ་བར་གསུང་ཤིང་། ཨ་བྷ་ཡ་ཀ་ར་དང་ཤནྟི་པས། དད་མགོན་མངལ་གནས་སྦྱོང་བྱེད་དུ་དངོས་སུ་བཤད་པ་དག །གང་ཟག་གི་བདེན་ཞིང་གཞན་དག་རྫུན་ཞེ་ན་མཐའ་གཅིག་ཏུ་ཐག་བཅད་པར་མི་ནུས་ཏེ། བསམ་གྱི་མི་ཁྱབ་པའི་ཕྱིར་དང་ལུགས་གཉིས་ཀ་གསུངས་བ་པོ་ནི་མཁས་ཤིང་དངོས་གྲུབ་ཀྱི་བརྒྱན་ལ་ཚད་མའི་སྐྱེས་བུ་ལྟར་གྱུར་པའི་པཎྜི་ཏ་ཡིན་པའི་ཕྱིར། དེའི་ཕྱིར་དཔལ་རང་བྱུང་གི་ཞལ་སྔ་ནས་དེ་གཉིས་ཀའི་དགོངས་པ་མཐུན་པར་སྒྲུབ་པའི་སླད་དུ་བར་སྲིད་མངལ་ན་གནས་པ་གཉིས་དང་མགོན་གྱི་སྦྱང་བར་གསུང་སྟེ། ལུགས་གཉིས་པོ་ཕན་ཚུན་གཅིག་གི་གཅིག་མཚོན་པར་དགོངས་པ་ཡིན་ནོ། ཞེས་གསུངས་སོ། གཉིས་པ་ཟླ་བ་བཅུར་ཇི་ལྟར་འཕེལ་བའི་རིམ་པ་རྒྱས་པར་བཤད་པ་ལ་གསུམ། མཚམས་སྦྱར་བ། རྩ་མ་ཆགས་པའི་གནས་སྐབས། རྩ་ཆགས་ནས་རླུང་བཅུས་ཇི་ལྟར་འཕེལ་བའི་ཚུལ་ལོ། དང་པོ་ནི། ས་

(༦༩༢)དམིགས་གཉིས་པ་མངལ་དུ་ལུས་འཕེལ་བའི་རིམ་པ་ལ་ནུར་ནུར་སོགས་ཚིགས་སུ་བཅད་པ་ཕྱེད་དང་བཅུ་སྟེ་དེ་ཡང་ཟླ་བའི་རིམ་པས་བཤད་ན་རྟོགས་པར་སླ་བའི་ཕྱིར་ཟླ་བ་དང་པོ་ནས་རིམ་པ་།།།བརྗོད་པར་བྱའོ། བྲལ་པ། རྩ་འགྲེལ་གཉིས་ལས། དང་པོ་ནི། ནུར་ནུར་མེར་མེར་རྟར་རྟར་པོ། གོར་གོར་པོ་སྟེ་བདུན་ཕྲག་བཞི། ལས་རླུང་གིས་དཀྲུག་བསྡུད་པར་བྱེད། ཞེས་གསུངས་སོ། ཞག་བདུན་གྲག་།།།རིན་ལ་ལས་རླུང་མི་འདྲ་བ་བཞིས་མངལ་ན་གནས་པ་དེ་དཀྲུགས་ཤིང་བསྡུད་པར་བྱེད་པས་སྐྱེ་མཆེད། དེ་ཡང་བདུན་ཕྲག་དང་པོ་ལ་སྲོག་གི་རླུང་ནུར་ནུར་པོར་འགྱུར་རོ། གཉིས་པ་ལ་ཀུན་བསྡུད་ཀྱི་མེར་མེར་པོར་།།།གསུམ་པས་མཛོད་ཀས་རྟར་རྟར་པོར་འགྱུར། བཞི་པ་ལ་རབ་ཏུ་འབྱེད་པ་གོར་གོར་པོར་གྱུར་ཏོ། གཉིས་པ་ནི། མངལ་དུ་ཆགས་ནས་ཞག་བདུན་ཕྲག་དང་པོ་ལ་ནི་སྲོག་གི་རླུང་གིས་ཁུ་ཁྲག་།།།དཀྲུགས་ནས་སྙིགས་མ་རྣམས་གཏོར་ཞིང་དངས་མ་བསྡུད་པར་བྱེད་པས་མངལ་ན་གནས་པ་དེ་ནུར་ནུར་པོར་འགྱུར། བདུན་ཕྲག་གཉིས་པ་ལ་ཀུན་ནས་བསྡུད་པ་ཞེས་བྱ་བའི་རླུང་མ་ལས་སུ་།།།མཛོད་ཀ་ཞེས་བྱ་བའི་རླུང་དང་། བདུན་ཕྲག་བཞི་པར་རབ་ཏུ་འབྱེད་པ་ཞེས་བྱ་བའི་རླུང་དང་། བདུན་ཁྲག་ལྔ་བར་ཡང་དག་པར་བསྡུད་པ་ཞེས་བྱ་བའི་རླུང་འབྱུང་།།། ཞེས་མངལ་འཇུག་གི་མདོ་ལས་གསུངས་སོ། གསུམ་པ་རྩ་ཆགས་ནས་རླུང་བཅུས་ཇི་ལྟར་འཕེལ་བའི་གཅིག་ཚུལ་ལ་གཉིས། རྩ་བའི་རླུང་

(༦༩༣)ལྔ་པ་ཇི་ལྟར་འཕེལ་བའི་ཚུལ་དང་། ཡན་ལག་གི་རླུང་ལྔས་ཇི་ལྟར་འཕེལ་བའི་ཚུལ་ལོ། དང་པོ་ལ་ལྔ། སྲོག་ཆེན་པོའི་རླུང་གི་ཇི་ལྟར་འཕེལ་བའི་ཚུལ་དང་། ཐུར་སེལ་གྱི་གྱེན་རྒྱུའི། ཁྱབ་བྱེད་ཀྱི་མཉམ་གནས་ཀྱི་རླུང་གི་ཇི་ལྟར་འཕེལ་བའི་ཚུལ་ལོ། དང་པོ་ལ། རྩ་འགྲེལ་གཉིས་ལས། དང་པོ་ནི། མཁྲང་གྱུར་ཞག་ནི་དང་པོ་ནས། རང་སོར་ཕྱེད་དང་བཅུ་གསུམ་གྱི། ཚད་ལྡན་དབུ་མ་སྲོག་རླུང་བཅས། སྐྱེད་ནས་སྙིང་དང་ལྟེ་བ་ཡི། འཁོར་ལོ་རླུང་བཅུའི་རྟེན་ཆགས་པས། ཉ་ཡི་རྣམ་པས་ལྟ་བུར་འགྱུར། ལྟེ་བར་མའི་རྩར་འབྲེལ་བས། རླུང་ཁྲག་རྒྱས་པར་བྱེད་པར་འགྱུར། དེ་ནས་ཟླ་བ་གཉིས་པ་ནས། ཞག་རེ་རྩ་ནི་ཉིས་བརྒྱ་ཆགས། ཤེས་གསུངས་སོ། དེ་ལྟར་བདུན་ཕྲག་བཞི་འདས་ནས་ལྔ་པ་ལ་ཡང་དག་པར་སྡུད་པར་ཞེས་བྱ་བའི་རླུང་གི་འཕྲང་འགྱུར་དུ་འགྱུར་ལ་འཁྲང་གྱུར་གྱི་ཞིག་ནི་དང་པོ་ནས་མངལ་ན་གནས་པ་དང་ཉིད་ཀྱི་སོར་ཕྱེད་དང་བཅུ་གསུམ་གྱི་ཚད་དང་ལྡན་པའི་དབུ་མ་སོག་རླུང་དང་བཅས་པ་ཆགས་ཤིང་རྩེ་མོ་གཅིག་མའི་རོ་མ་དང་འབྲེལ་ལོ། དེ་ན་རྩ་ཕྲ་མོ་ཆགས་པའི་དང་པོར་དབུ་མ་སྲོག་རླུང་དང་བཅས་པ་དེས་བསྐྱེད་ནས་སྙིང་གའི་འཁོར་ལོ་རླུང་བཅུའི་རྟེན་དུ་གྱུར་པ་དང་། ལྟེ་བའི་འཁོར་ལོ་དབྱུག་གྱུ་དྲུག་བཅུ་རྩ་བཞིའི་རྟེན་དུ་གྱུར་པ་ཤིན་ཏུ་ཕྲ་བ་རྣམས་ཆགས་སོ། །།།ལྟར་དམར་བར་འགྱུར་བས། དབྱིབས་ཀྱང་།།།རྣམ་པ་ལྟར་འཇོང་མོར་འགྱུར་བས། ཉའི་གནས་སྐབས་ཀྱི་འཇུག་པ་ཡིན་ནོ། འཕེལ་བར་བྱེད་པ་ནི་ལྟེ་བའི་རྩ་གཅིག་མའི་

(༦༩༤)རྩ་རོ་མར་འབྲེལ་བས་མའི་རླུང་ཁྲག་གི་ནུས་པས་བུའི་ལུས་འཕེལ་ཞིང་རྒྱས་པར་བྱེད་པར་འགྱུར་ལ། དབུ་མ་ཆགས་པ་དེ་ནས་ཟླ་བ་གཉིས་པ་ལ་།།།འཁོར་ལོ་གཉིས་ཀྱི་རྩ་ཕྲ་མོ་ཆགས་པ་ནས་བཟུང་སྟེ་ཟླ་བ་བཅུ་གཉིས་ཀྱི་རིན་ལ་རག་རོ་ལ་རྩ་གཉིས་བརྒྱ་རེ་ཆགས་པར་འགྱུར་རོ། འགྲེལ་ཚིག་ཚན་ཚན་རྣམས་དྲིལ་ནས་གཅོད་པར་བྱ་བ་ཡིན་པས། གཉིས་པ་ལ་བཞི། རྩ་དབུ་མ་ཆགས་ཚུལ། རྩ་ཕྲ་མོ་གཞན་ཆགས་ཚུལ། དེ་ལུང་དང་སྦྱར་བ། གནས་སྐབས་བཅུ་ལས་གང་ཡིན་པའོ། དང་པོ་ནི། དེ་ལྟར་བདུན་ཕྲག་བཞི་འདས་ནས་འཁྲང་གྱུར་གྱི་།།།པོ་མངལ་གྱི་ཞག་ཉི་ཤུ་རྩ་དགུ་པ་ལ་མངལ་ན་གནས་པའི་སེམས་ཅན་དེ་ཉིད་ཀྱི་རང་སོར་བཅུ་གཉིས་ཀྱི་ཕྱེད་དང་བཅུ་གསུམ་གྱི་ཚད་ཀྱི་དབུ་མ་དང་དབྱེར་མི་ཕྱེད་པའི་སྲོག་རྩ་ཆགས་པར་འགྱུར་ཏེ་རྩེ་མོ་གཅིག་ནི་མའི་གཡས་ཀྱི་རྩ་རོ་མ་དང་འབྲེལ་ཏོ། རྒྱུ་མཚན་དེའི་ཕྱིར་མཁྲང་འགྱུར་ཞེས་པ་ནས་སྲོག་རླུང་བཅས་ཞེས་པའི་བར་གྱི་གཞུང་རྣམས་བསྟན་ཏོ། གཉིས་པ་ནི། སྲོག་རླུང་གི་རྟེན་རྩ་དབུ་མ་ཆགས་པ་དེ་ནས། ཟླ་བ་གཉིས་བར་སླེབ་པ་ནས་ཞག་རེ་ལ་རྩ་ཉིས་བརྒྱ་ཉིས་བརྒྱ་རེ་ཆགས་པར་འགྱུར་བས། ཆགས་འགྱུར་དེ་ཐམས་ཅད་ཀྱི་ཞག་དང་པོ་ལ་དབུ་མ་སྲོག་གི་རླུང་དང་བཅས་པ་དེ་ལས་བསྐྱེད་ནས་རླུང་བཅུའི་རྟེན་དུ་སྙིང་གའི་འཁོར་ལོའི་གཞི་རྟེན་དུ་གྱུར་པའི་རྩ་ཕྲ་མོ་བརྒྱད་དང་། ལྟེ་བའི་འཁོར་ལོའི་གཞི་རྩ་ཕྲ་མོ་དྲུག་བཅུ་རྩ་བཞི་ཤིན་ཏུ་ཕྲ་བ་སྒྲའི་རྩེ་མོ་ཙམ་ཆགས་པར་འགྱུར་རོ། གསུམ་པ་ནི། རུས་ཀྱི་འཁོར་ལོའི་

(༦༩༥)འགྲེལ་ཆེན་དྲི་མ་མེད་པའི་འོད་འགྱུར་རྙིང་ལས་ཀྱང་མངལ་དུ་ཟླ་བ་གཅིག་གི་བར་དུ་ཁྲག་དང་སོན་འདྲེས་པ་བདུད་རྩི་ལྔའི་རོར་འགྱུར་རོ། ཞེས་པ་ལྕེ་ལ་མྱང་འདས་ན་བདུད་རྩི་ལྔའི་རོ་ལྟ་བུ་འབྱུང་ཞིང་ཟླ་བ་གཅིག་སོང་བ་རྩ་གཞན་རྣམས་ཆགས་པའི་སྔོན་དུ་སྙིང་གའི་དབུས་ཀྱི་གནས་ཏེ་སྟོང་ཕྱོགས་སུ་རྩ་རླུང་བྱང་ཆུབ་ཀྱི་སེམས་ཐམས་ཅད་ཀྱི་མྱུ་གྱུར་གྱུར་པའི་རྩ་བཅུ་སྲོག་གི་རླུང་དང་གྱེན་རྒྱུ་ལ་སོགས་པ་རྩ་བ་དང་ཡན་ལག་གི་རླུང་བཅུའི་གཞིར་གྱུར་པ་ཤིན་ཏུ་ཕྲ་བ་སྐྲའི་ཚད་ཙམ་མོ། ལྟེ་བར་རྩ་བརྒྱད་པ་གཅིག་བརྒྱད་ཀྱི་བསྒྱུར་བ་སྟེ་དབྱུག་གྱུ་དྲུག་བཅུ་རྩ་བཞིའི་དབུགས་རྒྱུ་བར་འགྱུར་བའི་རྩ་ཤིན་ཏུ་ཕྲ་བ་དྲུག་བཅུ་རྩ་བཞིའོ། ཞེས་གསུངས་སོ། རྩ་འགྱུར་འདི་ཅུང་ཟད་གྱོང་བར་སྣང་བས་ཤོང་འགྱུར་ལས། འདིར་མངལ་དུ་ཟླ་བ་གཅིག་གི་བར་དུ་ཁྲག་དང་ས་བོན་བདུད་རྩི་ལྔའི་རོར་གྱུར་པ་རབ་ཏུ་སྐྱེའོ། ཕྱི་ནས་ས་བོན་མྱུ་གྱུ་ཞེས་པ་ནི་དེ་ནས་ཟླ་བའི་འཇུག་ཏུ་བྱང་ཆུབ་ཀྱི་སེམས་ཀྱི་མྱུ་གུར་པ་སྙིང་གའི་གོ་སྐབས་སུ་རྣམ་པ་བཅུའི་རྩ་བྲོག་ལ་སོགས་པའི་རླུང་རྣམས་ཀྱི་རྟེན་དུ་འགྱུར་ཞིང་། དེ་དག་ཀྱང་ཤིན་ཏུ་ཕྲ་བ་སྟེ་སྐྲའི་ཚད་དོ། ལྟེ་བ་ལ་ལྟེ་བའི་ཕྱོགས་སུ་བརྒྱད་པ་བརྒྱད་དང་དབྱུག་གྱུ་རྩ་བཞིར་རྒྱུ་བར་འགྱུར་རོ། ཞེས་གསུངས་པས་བློ་ཡུལ་དུ་འཆར་བདེ་བར་སྣང་ངོ་། བཞི་པ་ནི། དེ་ལྟ་བུའི་གནས་སྐབས་འདི་ནི་སེམས་ཀྱི་རྡོ་རྗེ་འཆང་ལ་ལུས་གྲུབ་པ་ན་ཁྱབ་འཇུག་ཏུ་གསུང་བས་ཁྱབ་འཇུག་དེའི་གནས་སྐབས་བཅུའི་དང་པོ་ཉ་ལྟ་བུའི་གནས་སྐབས་ཡིན་ནོ། ཞེས་དུར་ཁྲོད་ལས་གསུངས་སྟེ། དེ་ཡང་ཅུང་ཟད་སྤྲོ་ན། ཁྱབ་འཇུག་གི་གནས་སྐབས་བཅུ་ནི་གང་ཞིག་ཡིན། དེ་མངལ་ལ་སོགས་པའི་གནས་སྐབས་

(༦༩༦)དང་སྦྱར་བའི་ཚུལ་ནི་ཇི་ལྟ་བུ། དེའི་ཤེས་པར་བྱེད་པ་ནི་གང་ཞེ་ན། དང་པོའི་ལེན་ནི། རྒྱུད་ཀྱི་རྒྱལ་པོ་ལས། ཉ་དང་རུས་སྦལ་ཕག་པར་འགྱུར་ཏེ་མི་ཡི་སིང་གེ་མིའུ་ཐུང་རཱ་མ་རཱ་མ་དག་དང་ནི། ནག་པོ་སངས་རྒྱས་མི་དབང་རྣམ་བཅུར་འགྱུར་ཏེ། ཞེས་སོགས་གསུངས་པའི་དོན་དེ། དེ་ཡང་འཛམ་བུའི་གླིང་དུ་རྒྱ་མཚོ་ལུང་ནས་རིག་བྱེད་བཞི་ཆུར་སོང་བ་ལ། ཁྱབ་འཇུག་གི་ཉར་སྤྲུལ་ཏེ་བླངས་པ་དང་། འཇིག་རྟེན་གྱི་ཁམས་འདི་ས་འོག་ཏུ་བྱིང་བ་ལ། རུས་སྦལ་དུ་བྱས་ནས་བཏེག་པ་དང་། རི་རབ་ལ་བསྲུབ་ཤིང་བྱས་སྟེ་རྒྱ་མཚོ་བསྲུབ་པའི་ཚེ་ཕག་རྒོད་དུ་བྱས་ཏེ་བཏེགས་པ་དང་། འགྲོ་སྐྱོང་སིང་གེ་ལ་དབང་ཕྱུག་ཆེན་པོ་ནས་མི་དང་མི་མ་ཡིན་པ་གང་གིས་ཀྱང་མི་གསོད་པའི་དངོས་གྲུབ་སྦྱིན་པ་ན། ཁྱབ་འཇུག་གི་ལུས་པོ་མི་ལ་མགོ་བོ་གི་སྡེར་མོ་བྱར་བྱས་ཏེ་སྡེར་མོས་བསད་པ་དང་། མིའུ་ཐུང་བྱས་ཏེ་ཞང་པོ་སྟོབས་ལྡན་ལ་ས་གོམ་པ་གང་བླང་པ་ལས། ལུས་ཆེན་པོར་སྤྲུལ་ནས་གོམ་པ་བཀོད་པས་ས་གསུམ་ཤོར་བ་དང་། ཛ་མ་ཨགྣའི་བུ་རཱ་མར་སྤྲུལ་ནས་མཚོན་རྣོན་པོ་ཐོག་ཏེ་རྒྱལ་པོ་སྐྱབ་སེང་གི་བུ་སྲིད་སྒྲུབ་ཀྱི་ལག་པ་སྟོང་བཅད་པ་དང་། རྒྱལ་པོ་ཤིང་རྟ་བཅུ་པའི་བུ་རཱ་མ་ཎའི་ཆུང་མ་ལྷ་མོ་སོ་གཉིས་སློབ་དཔོན་ནས་ཁྱེར་བ་ལ། སྤྲེའུ་ཧ་ནུ་མནྟས་གྲོགས་བྱས་ཏེ་སྲིན་པོའི་རྒྱལ་པོ་དེ་ཤ་གྲྀ་བའི་མགོ་དབུ་མ་མདའ་ཏེའུ་ཁས་བཅེད་བསད་པ་དང་། བྲམ་ཟེ་ནག་པོ་ཞེས་བྱ་བར་བྱས་ཏེ་ཚང་ལ་སོགས་པའི་བྱ་བ་ཐམས་ཅད་བྱས་ཤིང་། མི་རྣམས་ལ་ཡང་བསླབ་པ་དང་། སངས་རྒྱས་བཅོམ་ལྡན་འདས་སུ་སྤྲུལ་ཏེ་ཆོས་བསྟན་ནས་འགྲོ་བའི་དོན་བྱས་པ་དང་། རིགས་ལྡན་

(༦༩༧)གྲགས་པ་ཞེས་པའི་མི་དབང་དུ་སྤྲུལ་ནས་རིགས་བཞི་པོ་རྡོ་རྗེའི་རིགས་སུ་གཅིག་ཏུ་བྱས་པ་སྟེ། དེ་ལྟར་ན་བཅུའོ། དེ་དག་ནི་གདུག་པའི་དྲང་སྲོང་རྣམས་ཀྱི་བྱམས་པ་རྣམས་སླུ་བའི་དོན་དུ་རྫུན་གྱི་བཀོད་པ་བྱས་པར་འགྲེལ་ཆེན་ལས་གསུང་པས་རྒྱས་བར་མ་སྤྲོས་སོ། གཉིས་པ་ནི། མངལ་གྱི་ཟླ་བ་དང་པོ་ནི་ངལ་སོ་བའི་གནས་སྐབས་ཏེ་བཅུ་པོ་ལ་མ་གཏོགས་སོ། ཟླ་བ་གཉིས་པ་ནི་ཉའི་གནས་སྐབས་ཏེ། ཉ་དང་།།།བར་ཡན་ལག་མེད་ཅིང་འཇོང་མོར་གནས་པས་སམ། ཉ་རོ་ཧི་ཏ་ལྟར་དམར་བར་གྱུར་པས་སོ། ཟླ་བ་གསུམ་པ་འདས་ནས་ཟླ་བ་གཅིག་གི་བར་ཏུ་རུས་སྦལ་གྱི་གནས་སྐབས་ཏེ། ཡན་ལག་ལྔ་མཉམ་པར་དོད་པས་སོ། ཟླ་བ་ལྔ་པ་ནས་བརྒྱད་པའི་བར་ནི་ཕག་རྒོད་ཀྱི་གནས་སྐབས་སྟེ། སྐྱེ་མཆེད་བཅུ་གཉིས་བྱུང་ཞིང་མངལ་གྱི་མི་གཙང་བ་ཟ་བས་སོ། མངལ་ནས་ཕྱིར་བཙའ་བའི་གནས་སྐབས་ཏེ་ལག་པ་གཉིས་ཀྱི་སྦར་མོས་མའི་སྐྱེ་གནས་དབྲལ་བས་སོ། བྱིས་པ་པོ་མ་སྐྱེས་ཀྱི་བར་ནི་མིའུ་ཐུང་སྟེ། བོད་ཐུང་ཞིང་གེལ་བས་སོ། ལོ་གཅིག་ནས་སོ་སྐྱེས་ཏེ་སུམ་བཅུ་རྩ་གཉིས་རྫོགས་པ་ལོ་བརྒྱད་པའི་བར་ནི་དགྲ་སྟ་རཱ་མ་ཎའི་གནས་སྐབས་སྟེ་གཅོད་བྱེད་ཀྱི་མཚོན་རྣོན་པོ་དང་བཅས་པའོ། སོ་ཐོན་པ་ནས་ལོ་བཅུ་དྲུག་གི་བར་ནི་རྒྱལ་བུ་ར་མ་ཎའི་གནས་སྐབས་སྟེ་བུད་མེད་ལ་མི་རིག་པས་སོ། དེ་ནས་སྐྲ་དཀར་མ་སྐྱེས་ཀྱི་བར་ནི་ནག་པོའི་གནས་སྐབས་སྟེ་འཇིག་རྟེན་གྱི་རྣམ་བཞག་རྣམས་གསལ་པོར་བྱེད་པས་སོ། རྒས་ཤིང་སྐྲ་དཀར་སྐྱེས་ནས་མ་ཤིའི་བར་ནི་སངས་རྒྱས་ཀྱི་གནས་སྐབས་ཏེ། སེམས་ཞི་ཞིང་ལུས་དཀའ་ཐུབ་ངེས་པར་བྱེད་

(༦༩༨)པས་སོ། དེ་ནས་འཆི་བའི་དུས་ནི་རིགས་ལྡན་གྱི་གནས་སྐབས་ཏེ། འབྱུང་བ་ཐམས་ཅད་སེམས་ལ་འདུས་ནས་ལུས་ལས་ཐོན་པས་སོ། གསུམ་པ་ནི། དྲི་མ་མེད་པའི་འོད་ལས། ཐུགས་རྡོ་རྗེ་འཛིན་པ་ཁྱབ་འཇུག་གི་གནས་སྐབས་བཅུ་གསུང་སྟེ། འདིར་གསང་པའི་པད་མར་ཁྲག་གི་ནང་དུ་གང་ཚེ་ལྷུང་བའི་ས་བོན་ཞེས་པ་ནི་ཁུ་བ་སྟེ་སྲོག་དང་བཅས་པ་ནི་ཀུན་གཞིའི་རྣམ་པར་ཤེས་པ་དང་བཅས་པ་དག་གང་གི་ཚེ་གསང་བའི་པད་མར་ལྷུང་བ་དེའི་ཚེ་གནས་སྐབས་བཅུའི་མཚན་ཉིད་དུ་འགྱུར་རོ། དེ་རྣམས་ལས་མངལ་གྱི་ནང་དུ་ཉ་དང་རུས་སྦལ་དང་ཕག་གི་གནས་སྐབས་གསུམ་དུ་འགྱུར་རོ། དེ་བཞིན་དུ་བཅས་བའི་དུས་སུ་གཅིག་ལྟེ་མིའི་སིང་གེའི་གནས་སྐབས་སོ། བྱིས་པའི་དུས་དག་ཏུ་ཡང་རྣམ་པ་གཉིས་སྟེ་སོ་སྐྱེ་བའི་བར་ནི་མིའུ་ཐུང་གི་གནས་སྐབས་སོ། སོ་སྐྱེས་ནས་པོ་ལྷུང་བའི་བར་ནི་དགྲ་སྟ་རཱ་མ་ཎའི་གནས་སྐབས་སོ། གཞོན་ནུ་ལོང་ཚོ་དག་ལ་གཞན་ཞེས་པ་ནི་སོ་ལྷུང་བ་ནིས་ལོ་བཅུ་དྲུག་གི་བར་དུ་རྒྱས་པ་དང་པོ་རཱ་མ་ཎའི་གནས་སྐབས་སོ། དེ་བཞིན་དུ་ལོ་བཅུ་དྲུག་ནས་སྐྲ་དཀར་སྐྱེས་པའི་བར་ནི་གཞན་ནག་པོའི་གནས་སྐབས་སོ། སྐྲ་དཀར་སྐྱེས་པ་ནས་འཆི་བའི་ཉིན་ཞག་གི་བར་ནི་སངས་རྒྱས་ཀྱི་གནས་སྐབས་སོ། འཆི་བའི་ཉིན་ཞག་ལ་འབྱུང་བ་ཐམས་ཅད་གཅིག་ཏུ་འདྲེས་པར་གྱུར་པ་ཉིད་ཀྱི་ཕྱིར་ལུས་ལ་རིགས་ལྡན་གྱི་གནས་སྐབས་སུ་འགྱུར་ཏེ། ཞེས་གསུངས་སོ། དེ་ལྟར་བཤད་པའི་གནས་སྐབས་བཅུ་ལས་ཉའི་གནས་སྐབས་ནས་བཟུང་སྟེ་མངལ་ན་གནས་པ་དེ་ཉིད་འཕེལ་བར་བྱེད་པ་ནི་མའི་གཡས་རོ་མའི་རྩ་

(༦༩༩)དང་ལྟེ་བའི་རྩ་གཅིག་འབྲེལ་བས་ལྟེ་བ་ནས་བརྒྱུད་མེད་རླུང་དང་ཁྲག་གི་ནུས་པས་བསྐྱེད་པའི་ཕྱིར་ཉའི་རྣམ་པ་ཞེས་སོགས་གཞུང་ཚིགས་རྐང་གསུམ་བརྗོད་པ་ཡིན་ནོ། དེ་ནས་ཤེས་བྱ་བ་ལ་སོགས་པ་རྐང་པ་གཉིས་ཀྱི་དོན་ནི་སྔར་བསྟན་པའི་དང་པོའི་རྩ་དབུ་མ་ཆགས་པ་མ་གཏོགས་པ་འཁོར་ལོ་གཉིས་ཀྱི་གཞིའི་རྩ་ཕྲ་མོ་ཆག་པ་དེ་ཕྱིན་ཆད་རྩ་འཕེལ་བའི་དུས་ནི་ཟླ་བ་བཅུ་གཉིས་སོ། གཉིས་པ་ཐུར་སེལ་གྱི་རླུང་གི་འཕེལ་བའི་ཚུལ་ལ་གཉིས་ལས། དང་པོ་རྩ་བ་ནི། སྲོག་ལས་ཐུར་སེལ་འཕྲོས་ནས་ནི། ཞེས་གསུངས་སོ། ཟླ་བ་གཉིས་པའི་སྐབས་སུ་སྲོག་རླུང་ལས་ཐུར་སེལ་གྱི་རླུང་ས་ཡེ་ཤེས་ཀྱི་རང་བཞིན་འོག་ཏུ་འཕྲོས་ནས་ནི་གསང་བའི་འཁོར་ལོ་རྩ་སོ་གཉིས་ཀྱི་གཞི་ཤིན་ཏུ་ཕྲ་བ་ཆགས་ཤིང་ལུས་ཀྱི་སྨད་རྣམས་གྲུབ་བོ། གཉིས་པ་འགྲེལ་པ་ལ་སྔ་འགྲེལ་བསྡོམ་ནས་ས་བཅད་ན་གསུམ། ཚིག་གི་དོན། དེ་ལུང་དང་སྦྱར་བ། ལུང་དོན་བཤད་པའོ། དང་པོ་ནི། ཟླ་བ་གཉིས་པ་ནས་ཞག་རེ་ལ་རྩ་ཉིས་བརྒྱ་རེ་ཆགས་པ་དེ་ནས་སྲོག་གི་རླུང་ལས་ཡེ་ཤེས་ཀྱི་ཁམས་དང་སའི་ཁམས་ཀྱི་རང་བཞིན་ཐུར་སེལ་གྱི་རླུང་འོག་ཏུ་འཕྲོ་བའི་ཕྱིར་གསང་བའི་འཁོར་ལོའི་རྩ་སུམ་བཅུ་སོ་གཉིས་པོ་རྣམས་སུ་ཀྱི་གཞིར་གྱུར་པ་ཤིན་ཏུ་ཕྲ་བ་གྲུབ་པ་ཡིན་ནོ། གཉིས་པ་ནི། གསང་བའི་འཁོར་ལོ་ཆགས་ཚུལ་འདི་ཡང་དུས་ཀྱི་འཁོར་ལོའི་འགྲེལ་ཆེན་དྲི་མ་མེད་པའི་འོད་འགྱུར་རྙིང་ལས། རྩ་བའི་རྒྱུད་སྟོང་ཕྲག་བཅུ་གཉིས་པ་ལས་དངོས་སུ་མ་གསུངས་ཀྱང་ནང་གི་ཁྱིམ་བཅུ་གཉིས་ལ་དབུ་མའི་ཆ་དང་འཕོ་ཆུང་གི་དབྱེ་བའི་དབང་གིས་ལྟེ་བའི་རྩ་འདབ་དྲུག་བཅུ་རྩ་བཞིའི་གཞིར་གྱུར་པའི་རྩ་བཅུ་གཉིས་སུ་འགྱུར་ཏེ་སྙིང་གའི་རྩ་དེ་བཞིན་དུ་

(༧༠༠)ཤིན་ཏུ་ཕྲ་བའོ། དེ་ལྟར་ལྟེ་བ་དང་གསང་བའི་རྩ་ཕྲ་མོ་ཐམས་ཅད་ཀྱི་རྐང་ལག་དང་ཁའི་གནས་རྣམས་སུ་ལག་པ་དང་རྐང་པ་དང་གདོང་གི་གནས་རྣམས་སུ་སོ་སོར་འབུར་པོར་མཉམ་པར་བྱས་པ་མེད་པའི་ཕྱིར་སྟོང་དང་འོག་ཏུ་ནར་མོར་གནས་པ་སྒྱུ་འཕྲུལ་གྱི་རྣམ་པ་ལྟ་བུ་སྟེ། སྡུག་བསྔལ་གྱི་རྣམ་པ་དེ་ནུས་ནས་ཟླ་བ་གསུམ་པ་ལས་གདོང་པ་དང་རྐང་ལག་གི་གནས་རྣམས་སུ་འབུར་པོ་ལྔར་འགྱུར་རོ། ཞེས་གསུངས་སམ་ཏེའོ། གསུམ་པ་ལུང་དོན་བཤད་པ་ནི། འགྲེལ་ཆེན་ལས་འབུར་པོ་ལྔར་འགྱུར་རོ། ཞེས་གསུངས་པའི་དོན་ནི་རྩ་བའི་འཁོར་ལོ་དྲུག་དང་ཡན་ལག་གི་འཁོར་ལོ་བཅུ་གཉིས་པོའི་རྩ་རྣམས་སུ་ངེས་སོ། ཞེས་པ་ནི་འཁོར་ལོའི་གནས་དེ་རྣམས་སུ་ཅུང་ཟད་འབུར་བར་བྱས་པ་ཙམ་ལ་དགོངས་ཀྱི་ཡན་ལག་ལྔ་སོ་སོར་མཉམ་པ་རུས་སྦལ་དང་འདྲ་བར་འགྱུར་བའི་དོན་ནི་མ་ཡིན་ནོ། འདིར་ཡང་ཤོང་འགྱུར་ལས་ནི། མ་གསུང་ཀྱང་ཁྱིམ་ཀྱི་འཕོ་བ་བཅུ་གཉིས་ཀྱི་དབང་གི་དྲུག་བཅུ་རྩ་བཞི་པོ་རྣམས་ཀྱི་རྟེན་དུ་གྱུར་པའི་རྩ་ཤིན་ཏུ་ཕྲ་བ་བཅུ་གཉིས་སུ་འགྱུར་ཏེ། དེ་བཞིན་དུ་ལྟེ་བའི་རྩ་སྔར་བརྗོད་པ་དེ་དག་ཐམས་ཅད་ཤིན་ཏུ་ཕྲ་བའོ། རྐང་ལག་གདོང་གི་གནས་ཀྱི་རྒྱུའི་སླད་དུ་གྱེན་དུ་བསྐྱོད་པར་བྱེད་སྟེ། རྐང་ལག་གདོང་གི་གནས་རྣམས་སུ་བསྐྱོད་པའི་མཐུ་དེ་ལས་ཟླ་བ་གཉིས་པ་རྫོགས་པར་འགྱུར་བའི་རྗེས་ལ་འདིར་ནི་རྐང་ལག་གདོང་གི་མཚོན་པ་ཅུང་ཟད་དོ། འདིར་དང་པོ་ཉའི་གནས་སྐབས་ཀྱི་ཉིན་ཞག་འདས་པར་གྱུར་པ་ན་རུས་སྦལ་གྱི་གནས་སྐབས་ལ་གདོང་དང་རྐང་པ་དང་ལག་པའི་གནས་རྣམས་སུ་འབུར་པོ་ལྔར་འགྱུར་རོ། ཞེས་གསུངས་སོ། གསུམ་པ་གྱེན་རྒྱུའི་རླུང་གི་ཇི་ལྟར་འཕེལ་བའི་ཚུལ་ལ། སྦྱར་རྩ་འགྲེལ་

(༧༠༡)གསུམ་ལས། དང་པོ་ནི། ཐུར་སེལ་གྱི་རླུང་དང་གྱེན་རྒྱུའི་རླུང་གཉིས་པོས་ལུས་ཀྱི་སྟོང་སྨད་འགྲུབ་བར་བྱེད་པའི་ཕྱིར། རུས་སྦལ་ཞེས་སོགས་ཚིགས་རྐང་གསུམ་སྨོས་སོ། གཉིས་པ་ནི། རུས་སྦལ་རྣམ་པ་ལྟ་བུར་བྱེད། ཟླ་བ་གསུམ་པར་གྱེན་རྒྱུ་ཡི། རླུང་གིས་སྟོང་་རྣམས་བསྒྲུབ་པར་བྱེད། ཅེས་གསུངས་སྟེ། ཟླ་བ་གསུམ་པར་ཕྱིན་པ་ན་སྲོག་རླུང་ལས་གྱེན་རྒྱུའི་རླུང་འཕྲོས་ཏེ་ལུས་ཀྱི་སྟོང་རྣམས་སྒྲུབ་པར་བྱེད་ཅིང་རུས་སྦལ་གྱི་རྣམ་པ་ལྟ་བུར་འགྱུར་བ་ལ་སྔོན་དུ་ཕྱོགས་པར་བྱེད་དོ། ཞེས་སོ། ཡང་ན་རུས་སྦལ་ལྟ་བུར་བྱེད། ཅེས་པ་སྐབས་འདིར་འབྱུང་བ་ནི་རྡོ་རྗེ་ཕྲེང་བའི་འགྱུར་གྱི་དབང་ལས་དེ་ལྟར་བྱུང་གི། དུས་འཁོར་དང་བསྟུན་ན་བཞི་པར་ཞེས་སོགས་རྐང་པ་གཉིས་དང་སྦྱར་བར་རིག་སྟེ། དེའི་རྒྱུ་མཚན་ནི་བཤད་ཟིན་དང་འཆད་འགྱུར་གྱི་འགྲེལ་ཚིག་ལུང་སྦྱོར་དང་བཅས་པས་ཤེས་སོ། གསུམ་པ་ནི། རུས་སྦལ་ཞེས་པ་ནས་སྒྲུབ་པར་བྱེད་ཞེས་པའི་བར་གྱི་གཞུང་འདི་རྣམ་ཤེས་བཤད་རྒྱུད་རྡོ་རྗེ་ཕྲེང་བའི་གཞུང་ཚིག་འདིར་ལུང་དྲངས་པ་ཡིན་ཀྱང་། གནས་སྐབས་བཅུའི་ཟླ་བའི་གོ་རིམ་ནི་དུས་འཁོར་དུ་གསུངས་པ་ཇི་ལྟ་བ་བཞིན་དུ་འདིར་ཡང་ཡིན་ཏེ། སྲོག་ཐུར་གྱེན་རྒྱུའི་རླུང་གསུམ་།།།རྫོགས་པ་ཡིན་གྱིས། རུས་སྦལ་གྱི་གནས་སྐབས་སྤྲུལ་ལྷུ་དེའི་འོག་ཏུ་འབྱུང་བར་ངེས་པས་སོ། བཞི་པ། ཁྱབ་བྱེད་ཀྱི་རླུང་ཇི་ལྟར་འཕེལ་བའི་ཚུལ་ལ། སྦྱར་རྩ་འགྲེལ་གསུམ་ལས། དང་པོ་ནི། རླུང་དེ་།།།ལྟ་བུ་རྫོགས་པར་བྱེད་པ་དེའི་ཕྱིར་རུས་སྦལ་གྱིས་གནས་སྐབས་རྐང་པ་ཕྱི་མ་འདི་གཉིས་དང་སྦྱར་ནས་བཤད་བར་བྱའོ། གཉིས་པ་ནི། བཞི་པར་ཁྱབ་བྱེད་རླུང་གིས་ནི། ཡན་ལག་རྩ་རྣམས་སྣང་བར་བྱས་

(༧༠༢)པ་དང་། རུས་སྦལ་རྣམ་པ་ལྟ་བུར་བྱེད། ཅེས་པ་སྦྱར་ནས་བཤད་པར་བྱ་སྟེ། ཟླ་བ་བཞི་པར་ཕྱིན་པ་ན་སྲོག་རླུང་ལས་ཁྱབ་བྱེད་ཀྱི་རླུང་འཕྲོས་པའི་དབང་གིས་ནི་ཡན་ལག་གི་རྩ་ཕྲ་མོ་རྣམས་སྣང་བར་བྱེད་ཅིང་། རྐང་ལག་དང་མགྲིན་པ་མཉམ་པར་འབུར་པོ་ལྔ་དོད་པས་རུས་སྦལ་གྱི་ལྟ་བུར་བྱེད་དོ། དེའི་ཕྱིར་ཁྱབ་འཇུག་གི་འཇུག་པ་བཅུ་པོ་དང་སྦྱར་ན་རུས་སྦལ་གྱི་འཇུག་པའི་གནས་སྐབས་ཤེས་བྱའོ། གསུམ་པ་ནི། བཞི་པར་ཞེས་སོགས་རྐང་པ་གཉིས་པོ་འདི་དང་། རུས་སྦལ་རྣམ་པ་ལྟ་བུར་བྱེད། ཅེས་བྱ་བར་སྦྱར་རོ། དེས་ན་གནས་སྐབས་འདི་ཡང་རྐང་པ་གཉིས་དང་ལག་པ་གཉིས་དང་མགྲིན་པའི་གནས་ཏེ་མཉམ་པར་གྱུར་པས་རུས་སྦལ་ལོ། གནས་ལྔ་པོ་དེ་ལས་གཞན་ལག་པ་དང་རྐང་པ་དང་གདོང་གི་ཕྱོགས་ཀྱི་རྩ་ཕྲ་མོ་རྣམས་ཀྱང་རྐང་ལག་གི་ཚིགས་ཆེན་དྲུག་གི་རྩ་དང་མགོ་བོ་སྟེ་དཔྲལ་བར་ལྷན་གཅིག་སྐྱེས་པའི་འཁོར་ལོ་དང་མགྲིན་པར་ལོངས་སྤྱོད་རྫོགས་པའི་འཁོར་ལོའི་གཞིར་གྱུར་བའི་རྩ་ཤིན་ཏུ་ཕྲ་བ་རྣམས་ཟླ་བ་བཞི་པ་རྫོགས་ནས་གྲུབ་བར་འགྱུར་ཏེ་རུས་སྦལ་གྱི་གནས་སྐབས་སོ། ལྔ་པ་མཉམ་གནས་ཀྱི་རླུང་གི་ཇི་ལྟར་འཕེལ་བའི་ཚུལ་ལ། སྦྱར། རྩ། འགྲེལ་གསུམ་ལས། དང་པོ་ནི། ཟླ་བ་ལྔ་པར་ཕྱིན་པ་ན་ཕག་གི་དངོས་པོར་ཤ་དང་རུས་པ་བརྟེན་ནོ། དེའི་ཚེ་རུས་པའི་ཚིགས་རྣམས་ཀྱང་ཆགས་པར་འགྱུར་ཏེ། རུས་པའི་ཚིགས་ཀྱི་དུམ་བུ་ནི་སུམ་བརྒྱ་དྲུག་བཅུའོ་ཞེས་མདོ་ལས་གསུང་པས་གཞུང་འདིར་ཡང་ལྔ་པར་ཞེས་སོགས་སྨོས་སོ། གཉིས་པ་ནི། ལྔ་པར་མཉམ་གནས་རླུང་འཕྲོས་ནས། ནང་གི་གནས་གཞན་སྒྲུབ་བར་བྱེད། ཕག་རྒོད་སིང་གེའི་གནས་

(༧༠༣)སྐབས་ཡིན། མཉམ་གནས་ཁྱབ་བྱེད་གཉིས་སྟོབས་རྫོགས། ལུས་ནི་འགུལ་དང་འདར་བར་འགྱུར། དེ་དུས་རུས་ཚིགས་དུམ་བུ་ནི། སུམ་བརྒྱ་དྲུག་བཅུ་ཆགས་པར་འགྱུར། ཞེས་གསུངས་སོ། ཟླ་བ་ལྔ་པར་ཕྱིན་བ་ན་སྲོག་རླུང་ལས་མཉམ་གནས་ཀྱི་རླུང་ལུས་ཀྱི་ནང་དུ་འཕྲོས་ནས་ནང་རོལ་སོགས་ནང་གི་གནས་རྣམས་གཞན་ནས་གཞན་དུ་བསྒྲུབ་བར་བྱེད་ཅིང་། ཕག་པའི་ཤ་གཟུགས་བརྟེན་པའི་ཕྱིར་ཕག་རྒོད་སེང་གེའི་གནས་སྐབས་ཡིན་ནོ། འདིར་རྩ་བའི་རླུན་ལྔའི་ནུས་པ་རྫོགས་པའི་ཕྱིར་མཉམ་གནས་ཁྱབ་བྱེད་གཉིས་ཀྱི་སྟོབས་རྫོགས་པས་འདི་དང་ཟླ་བ་དྲུག་པ་ནས་མངལ་ན་གནས་པ་དེའི་ལུས་ནི་འགུལ་བ་དང་འདར་བར་འགྱུར་ལ། དེའི་དུས་སུ་རུས་ཚིགས་ཀྱི་དུམ་བུ་སུམ་བརྒྱ་དང་དྲུག་བཅུ་ཡང་ཆགས་པར་འགྱུར་རོ། དེ་ཡང་གང་ཞེ་ན། དགའ་བོ་མངལ་གནས་ཀྱི་མདོ་ལས་མགོ་ཐོད་རུས་པ་དགུ་འདུས་ཤིང་། འགྲམ་པའི་རུས་པ་གཉིས་འབྲེལ་ཏེ། སོ་ནི་སུམ་བཅུ་རྩ་གཉིས་ལྡན། དེའི་རྩ་བའང་དེ་བཞིན་ནོ། སྣ་རྩ་གཉའ་བའི་རུས་པ་དང་། རྐན་དང་སྣའི་རུས་པ་དང་། བྲང་དང་མིད་པའི་རུས་པ་ནི། བསྡུས་ན་རུས་པ་ཉི་ཤུ་ཡོད། མིག་ལ་རུས་པ་བཞི་ཡོད། ཕྲག་པ་བྱིན་པ་ཟུང་གཉིས་ཡོད། ལག་པ་གཉིས་དང་པོར་མོ་རྣམས། བསྡུས་ན་རུས་པ་ལྔ་བཅུ་ཡོད། ལྟག་རྒྱབ་རུས་པ་བརྒྱད་ཡོད་དེ། སྒལ་ཚིགས་ལ་ནི་སུམ་བཅུ་གཉིས། འདི་དག་ཀུན་ལ་རྩ་ཡོད་པས། འདི་ཡི་གྲངས་ནི་ཆ་བཞིར་འགྱུར། རྩིབ་ལོག་གཡས་པའི་རུས་པ་ནི། ཕན་ཚུན་འབྲེལ་བཅུ་གསུམ་ཡོད། རྩིབ་ལོག་

(༧༠༤)གཡོན་འབྲེལ་སྐྱེ་བ་ཡི། རུས་པ་དག་ནི་བཅུ་གསུམ་ཡོད། རུས་པའི་ལུ་གྱུ་རྒྱུད་འདི་དག །གསུམ་གསུམ་དག་ནི་ཕན་ཚུན་འབྲེལ། གཉིས་གཉིས་དག་ནི་ཚིགས་ལྡན་ཏེ། ལྷག་མ་གཞན་ནི་འབྲེལ་པ་མེད། གཡས་གཡོན་བརླ་ནི་གཉིས་པོ་ལ། བསྡུས་ན་རུས་པ་ལྔ་བཅུ་ཡོད། བསྡོམས་ན་སུམ་བརྒྱ་དྲུག་བཅུ་ཡོད། ཅེས་གསུང་པ་ལྟར་རོ། གསུམ་པ་ནི། མཉམ་གནས་ཀྱི་རླུང་ནུས་པས་ནང་གི་གནས་གཞན་ཤ་དང་རུས་བའི་གཞིར་གྱུར་པ་རྣམས་བསྒྲུབ་པའི་དོན་ཡིན་ནོ། ཟླ་བ་ལྔ་པ་འདི་དང་ཟླ་བ་དྲུག་པའི་སྐབས་ནས་ཚོར་བའི་སྡུག་བསྔལ་ཤེས་པའི་ཕྱིར། ཕག་རྒོད་ཅེས་པ་ནས་སུམ་བརྒྱ་དྲུག་བཅུ་ཆགས་པར་འགྱུར། ཞེས་པའི་བར་གྱི་རྩ་ཚིགས་བསྟན་པ་ཡིན་ནོ། གཉིས་པ་ཡན་ལག་གི་རླུང་ལྔས་ཇི་ལྟར་འཕེལ་བའི་ཚུལ་ལ་གསུམ། སྤྱིའི་མཚམས་སྦྱར་བ། སོ་སོའི་རང་བཞིན་བཤད་པ། ཐུན་མོང་གི་དོན་བསྡུ་བའོ། དང་པོ་ལ། རྩ་འགྲེལ་གཉིས་ལས། དང་པོ་ནི། དེ་ལྟར་ཕུང་པོ་ལྔ་རྫོགས་ནས། ཤེས་གསུངས་སྟེ། དེ་ལྟར་ན་ཟླ་བ་གསུམ་པ་ཕན་དུ་རྣམ་ཤེས་དང་འདུ་བྱེད་ཀྱི་ཕུང་པོ་རྫོགས་ལ་བཞི་པ་ལྔ་པར་འདུ་ཤེས་དང་ཚོར་བའི་ཕུང་པོ་རྫོགས་ཤིང་། དྲུག་པར་འགྲོ་བ་ན་གཟུགས་ཕུང་ཡང་སྟེ་རྩ་བའི་རླུང་ལྔས་ཕུང་པོ་ལྔ་རྫོགས་པ་དེ་ནས་ཡན་ལག་གི་རླུང་ལྔས་དབང་པོ་སོགས་འཕེལ་ཚུལ་འཆད་དོ། གཉིས་པ་ནི་གོང་དུ་བཤད་པ་དེ་ལྟར་ཟླ་བ་གསུམ་པ་ཕན་ཆད་དུ་སྲོག་ཆེན་པོའི་རླུང་དང་ཐུར་སེལ་གྱི་རླུང་དང་ཐུར་སེལ་གྱི་རླུང་དང་གྱེན་རྒྱུའི་རླུང་དང་གསུམ་གྱི་སྟོབས་བསྐྱེད་པས་རྣམ་པར་ཤེས་པའི་ཕུང་པོ་དང་འདུ་བྱེད་ཀྱི་ཕུང་པོ་གཉིས་ནི་རྫོགས་ཤིང་། ཟླ་

(༧༠༥)བ་བཞི་པ་དང་ལྔ་པར་ཁྱབ་བྱེད་ཀྱི་རླུང་དང་མེ་མཉམ་གྱི་རླུང་གི་སྟོབས་བསྐྱེད་པས། འདུ་ཤེས་ཀྱི་ཕུང་པོ་དང་ཚོར་བའི་ཕུང་པོ་རྫོགས་ལ། དེ་ནས་ཟླ་བ་དྲུག་པར་འགྲོ་བ་ན་གཟུགས་ཀྱི་ཕུང་པོ་ཡང་རྫོགས་བས་རྩ་བའི་རླུང་ལྔའི་སྟོབས་བསྐྱེད་པས་ཕུང་པོ་ལྔ་འགྲུབ་པ་ནི་ཕུང་པོ་ལྔ་དང་ཁམས་ལྔའི་རྫོགས་ལྷ་རྫོགས་པའི་སྦྱང་གཞི་སྦྱོང་བྱེད་ཀྱི་དོན་ཡིན་ནོ། འདི་ནི་གཞི་འབྲས་དབྱེར་མེད་ཀྱི་དབང་དུ་མཛད་པ་སྟེ། དེའི་ཕུང་པོ་ལྔ་གྲུབ་ཙམ་ནས་དེ་བཞིན་གཤེགས་པ་ལྔ་དང་། ཁམས་ལྔ་གྲུབ་ཙམ་ནས་གཤེགས་མ་རིགས་ལྔའི་རང་བཞིན་དུ་གྲུབ་པའི་དོན་ཡིན། ཞེས་རྒྱལ་བའི་དབང་པོས་གསུངས་སོ། གཉིས་པ་སོ་སོའི་རང་བཞིན་བཤད་པ་ལ་གཉིས། ཐུན་མོང་དུ་མཚམས་སྦྱར་བ་དང་། འཕེལ་ཚུལ་སོ་སོར་བཤད་པའོ། དང་པོ་ནི། རྩ་བའི་རླུང་ལྔའི་ནུས་པས་ཕུང་པོ་ལྔ་རྫོགས་པ་དེ་ནས་ཀླུ་སོགས་ཡན་ལག་གི་རླུང་ལྔ་དང་མིག་ལ་སོགས་དབང་པོ་ལྔ་པོ་རྣམས་འབྱུང་བ་ལྔའི་ཐབས་ཤེས་ཀྱི་ཆ་ཤས་ཀྱི་རྣམ་པར་བསྐྱེད་པའི་ཚུལ་བསྟན་པའི་ཕྱིར་གཞུང་འོག་མ་འདི་རྣམས་སྨོས་སོ། གཉིས་པ་ལ་གཉིས། འཕྲེང་བའི་ལུང་ཚིག་བཤད་པ་དང་། དུས་འཁོར་ལས་འབྱུང་བའི་ཁྱད་པར་རོ། དང་པོ་ལ་ལྔ། ཀླུའི་རླུང་གི་འཕེལ་བའི་ཚུལ། རུས་སྦལ་གྱི་རླུང་གི། རྩངས་པའི་རླུང་། ལྷ་སྦྱིན་གྱི། ནོར་རྒྱལ་གྱི་རླུང་གི་འཕེལ་ཚུལ་ལོ། དང་པོ་ལ། རྩ། འགྲེལ་གཉིས་ལས། དང་པོ་ནི། ཟླ་བ་དྲུག་པར་ཕྱིན་པ་ན། ཀླུའི་རླུང་གི་སྟོབས་བསྐྱེད་ནས། ས་ཁམས་ཆ་ལ་མིག་གཉིས་བསྐྱེད། ཅེས་གསུངས་སོ། ཟླ་བ་དྲུག་པར་ཕྱིན་པ་ན་ཡེ་ཤེས་ཀྱི་རང་བཞིན་ཀླུའི་རླུང་གི་སྟོབས་བསྐྱེད་པ་ལ་བརྟེན་ནས་ས་ཁམས་ཀྱི་ཆ་ལས་མིག་གཉིས་གཏི་མུག་

(༧༠༦)རྡོ་རྗེའི་ངོ་བོ་བསྐྱེད་པར་བྱེད་དོ། གཉིས་པ་ནི། ཟླ་བ་དྲུག་པར་སྤྲོས་པའི་ཀླུའི་རླུང་དེ་ནི། ཡེ་ཤེས་ཀྱི་ཆ་ཡིན་པས་ས་ཡེ་ཤེས་ཀྱི་རྟེན་འབྲེལ་ལས་མིག་གཉིས་གཏི་མུག་རྡོ་རྗེ་སའི་ཁམས་སུ་བསྟན་པ་དེ་བསྐྱེད་པ་ཡིན་ནོ། གཉིས་པ་ལ། རྩ་འགྲེལ་གཉིས་ལས། དང་པོ་ནི། དེ་ལས་བདུན་པར་རུས་སྦལ་རླུང་། སྤྲོས་ནས་ཆུ་ཁམས་སྣ་བུག་དོད། ཅེས་གསུངས་སོ། དེ་ལས་ཟླ་བ་བདུན་པར་རླུང་གི་ཁམས་རུས་སྦལ་གྱི་རླུང་སྤྲོས་ནས་ཆུ་ཁམས་ཀྱི་རང་བཞིན་རྣ་བ་ཞེ་སྡང་རྡོ་རྗེ་བསྐྱེད་བུག་པ་ཡང་དོད་དོ། གཉིས་པ་ནི། ཟླ་བ་བདུན་པར་སྤྲོས་པའི་རུས་སྦལ་གྱི་རླུང་དེ་ནི་རླུང་གི་རླུང་ཡིན་པས། ཆུ་རླུང་ཐབས་ཤེས་ཀྱི་རྟེན་འབྲེལ་ལས་རྣ་བའི་ཟུག་པ་ཆུའི་ཁམས་ཞེ་སྡང་རྡོ་རྗེའི་རང་བཞིན་དོད་པ་ཡིན་ནོ། གསུམ་པ་ལ། རྩ་འགྲེལ་གཉིས་ལས། དང་པོ་ནི། བརྒྱད་པར་མེ་ཁམས་སྣ་བུག་བྱེད། དེ་ཚེ་རྩངས་པའི་རླུང་སྤྲོའོ། ཞེས་གསུངས་སོ། ཟླ་བ་བརྒྱད་པར་ཕྱིན་པ་དེའི་ཚེ་མེ་ཁམས་རྩངས་པའི་རླུང་སྤྲོས་པས་རླུང་གི་ཁམས་སྣའི་བུག་པ་སེར་སྣ་རྡོ་རྗེ་བསྐྱེད་པར་བྱེད་དོ། གཉིས་པ་ནི། ཟླ་བ་བརྒྱད་པར་སྤྲོས་པའི་རྩངས་པའི་རླུང་དེ་ནི་མེའི་ཁམས་ཀྱི་རླུང་ཡིན་པས་མེ་རླུང་ཐབས་ཤེས་ཀྱི་རྟེན་འབྲེལ་ལས་རླུང་གི་ཁམས་སྣའི་བུག་པ་སེར་སྣ་རྡོ་རྗེའི་ངོ་བོ་ཉིད་བསྐྱེད་པར་བྱེད་པ་ཡིན་ནོ། བཞི་པ་ལ། རྩ་འགྲེལ་གཉིས་ལས། དང་པོ་ནི། དགུ་པར་ལྷས་སྦྱིན་རླུང་འབྱུང་སྟེ། རོ་ཅན་ལྕེ་ནི་བསྐྱེད་པར་བྱེད། ཅེས་གསུངས་སོ། ཟླ་བ་དགུ་པར་ཕྱིན་པ་ན་ཆུའི་ཁམས་ལྷ་སྦྱིན་གྱི་རླུང་འབྱུང་སྟེ། དེས་མེའི་ཁམས་རེ་འཛིན་པ་ཅན་གྱི་འདོད་ཆགས་བསྐྱེད་པར་བྱེད་པའོ། གཉིས་པ་ནི། ཟླ་བ་དགུ་པར་སྤྲོས་པའི་ལྷ་སྦྱིན་གྱི་རླུང་དེ་ནི་ཆུའི་ཁམས་སྟེ་ཆུ་

(༧༠༧)མེ་ཐབས་ཤེས་ཀྱི་རྟེན་འབྲེལ་ལས་ལྕེ་མེའི་ཁམས་ཀྱི་རང་བཞིན་བསྐྱེད་པས་ལྕེ་དེ་ནི་འདོད་ཆགས་རྡོ་རྗེའི་ངོ་བོའོ། ལྔ་པ་ལ། རྩ་འགྲེལ་གཉིས་ལས། དང་པོ་ནི། བཅུ་པར་ནོར་ལས་རྒྱལ་གྱི་རླུང་། བསྐྱེད་ནས། ཞེས་གསུངས་སོ། ཟླ་བ་བཅུ་པར་ཕྱིན་པ་ན། སའི་ཁམས་ནོར་ལས་རྒྱལ་གྱི་རླུང་བསྐྱེད་ནས་རླུང་གི་ཁམས་ལུས་དབང་ཕྲོག་རྡོ་རྗེ་བསྐྱེད་དོ། གཉིས་པ་ནི། ཟླ་བ་བཅུ་པར་ནི་ནོར་ལས་རྒྱལ་གྱི་རླུང་དེ་ནི་སའི་ཁམས་ཀྱི་རང་བཞིན་ཡིན་པས་ས་རླུང་ཐབས་ཤེས་ཀྱི་རྟེན་འབྲེལ་ལས་ལུས་ཀྱི་དབང་པོའི་རེག་བྱ་རླུང་གི་ཁམས་བསྐྱེད་དེ། རེག་བྱ་དེ་ནི་འཕྲོག་རྡོ་རྗེའི་ངོ་བོ་ཡིན་ནོ། བཤད་མ་ཐག་པའི་གཞུང་འདི་རྣམས་རྡོ་རྗེ་ཕྲེང་བའི་ལུང་ཡིན་པས་ས་ལྟ་བུ་གཅིག་ལའང་འབྱུང་བ་ལྔ་ཚང་བ་ལ་དགོངས་ནས་མིག་ས་ཁམས་སུ་བཤད་པ་བཞིན་དུ་རྣ་བ་སོགས་ཀྱང་ཁམས་དེ་དང་དེར་བཤད་པ་ལྟ་བུ་དུས་འཁོར་དང་མི་མཐུན་པ་ཡོད་ཀྱང་། གསང་འདུས་ཉིད་ཀྱི་ལུགས་ཡིན་ལ། སྐྱེ་མཆེད་ཀྱི་ཁམས་རྣམས་ཀྱང་། ཀྱཻ་རྡོ་ལས། མིག་ལ་གཏི་མུག་གི་རྡོ་རྗེ་མ། རྣ་བར་ཞེ་སྡང་དོ་རྗེ་མ། སྣ་ལ་སེར་སྣ་རྡོ་རྗེ་མ། ལྕེ་ལ་འདོད་ཆགས་རྡོ་རྗེ་མ། ལུས་ལ་ཕྲག་དོག་རྡོ་རྗེ་མ། ཡིད་ལ་བདག་མེད་རྣལ་འབྱོར་མ། ཞེས་སྐྱེ་མཆེད་ཀྱི་ཁམས་དང་མཐུན་པའི་ལྷ་མོ་བཤད་པ་ལྟར་འདི་དང་སྦྱར་ནས་བཤད་པས་ཆོག་གོ། གཉིས་པ། དུས་འཁོར་ལས་གསུངས་པའི་ཁྱད་པར་ནི། གཟུང་འཛིན་རྣམས་ཐབས་ཤེས་སུ་བསྟན་པ་ནི། དུས་ཀྱི་འཁོར་ལོ་ལས་ནི། མིག་མེའི་རང་བཞིན་ཡིན་པ་ལ་དགོངས་ནས་མེ་ཁམས་དང་། དེ་བཞིན་དུ་རྣ་བ་ཡེ་ཤེས་དང་། སྣ་རླུང་དང་། ལྕེ་ཆུ་དང་། ལུས་ས་ཁམས་སུ་གསུངས་པས། འདི་རྣམས་ཀྱི་ཡུལ་འཛིན་པ་ཡང་མེ་ཁམས་

(༧༠༨)ཀྱི་རང་བཞིན་མིག་གི་ཆུ་ལས་སྐྱེས་པའི་གཟུགས་འཛིན་པ་ནི་མེ་ཆུ་ཐབས་ཤེས་དང་། ཡེ་ཤེས་ཀྱི་ཁམས་ཀྱི་རང་བཞིན་རྣ་བས་ནམ་མཁའ་ལས་སྐྱེས་བའི་སྒྲ་འཛིན་པ་ནི་ནམ་ཡེ་ཐབས་ཤེས་དང་། རླུང་ཁམས་ཀྱི་རང་བཞིན་སྣས་པ་ལས་སྐྱེས་པའི་དྲི་འཛིན་པ་ནི་ས་རླུང་ཐབས་ཤེས་དང་། ཆུ་ཁམས་ཀྱི་རང་བཞིན་ལྕེས་མེ་ལས་སྐྱེས་པའི་རོ་འཛིན་པ་ནི་མེ་ཆུ་ཐབས་ཤེས་དང་། ས་ཁམས་ཀྱི་རང་བཞིན་ལུས་ཀྱི་རླུང་ལས་སྐྱེས་པའི་རེག་བྱ་འཛིན་པ་ནི་ས་རླུང་ཐབས་ཤེས་ཀྱི་དབང་ལས་སྟེ། དེ་དག་ཀྱང་ལུས་དང་བསམ་པའི་ཐབས་དང་ཤེས་རབ་ཡིན་ནོ། རྒྱུ་མཚན་དེའི་ཕྱིར་རྩ་བའི་རླུང་ལྔ་དང་། མིག་སོགས་དབང་པོ་ལྔ་དང་། གཟུགས་སོགས་ཡུལ་ལྔ་པོའི་ས་ལ་སོགས་པའི་ཁམས་ལྔ་པོ་གང་ཡིན་པ་བཤད་མ་ཐག་པ་བཞིན་དུ་རྟེན་ཅིང་འབྲེལ་པར་འབྱུང་བ་ཕྱིན་ཅི་མ་ལོག་པར་རྟོག་པར་འགྱུར་རོ། གསུམ་པ། ཐུན་མོང་གི་དོན་བསྡུ་ལ། རྩ་འགྲེལ་གཉིས་ལས། དང་པོ་ནི། རླུང་བཅུའི་ནུས་པ་རྫོགས། ཤེས་གསུངས་སོ། དེ་ལྟར་ན་ཟླ་བ་བཅུ་པ་ན་རླུང་བཅུ་པོ་སོ་སོའི་ནུས་པ་ཡང་རྫོགས་ཏེ་ཕྱིར་སྐྱེས་པ་ནས་བཟུང་ནུས་པ་བསྡུད་པའི་མགོ་བརྩོམ་མོ། གཉིས་པ་ལ་གཉིས། ཚིགས་དོན་དངོས་དང་། དེ་ལས་འཕྲོས་པའི་དོན་ནོ། དང་པོ་ནི། མའི་མངལ་དུ་རྩ་བ་དང་ཡན་ལག་གི་རླུང་བཅུ་པོ་ཟླ་བ་རེ་རེར་རླུང་རེ་རེའི་ནུས་པ་འཕེལ་བ་ལ་རླུང་དེ་དང་དེ་བསྐྱེད་པའི་མིང་དུ་བཤད་པ་སྟེ་དེའི་ཕྱིར་རླུང་འཕེལ་བའི་ཟླ་བ་བཅུ་རྫོགས་པ་ན་རླུང་བཅུ་པོ་དེའི་ནུས་པ་རྫོག་པ་ཡིན་ནོ། གཉིས་པ་ནི། དེ་ལྟར་རླུང་བཅུའི་ནུས་པ་རྫོགས་ཚུལ་བཤད་པ། འདིའི་ཤུགས་ལས་རླུང་བཅུའི་སྐུས་བསྡུད་པ་ཡང་སྔ་མ་

(༧༠༩)ལས་གོ་ཟློགས་ནས་སྐྱེས་བུ་ཚེ་ལོ་བརྒྱ་པའི་ཚེ་གཅིག་གི་དབང་དུ་བྱས་ཏེ། རླུང་བཅུ་པོ་རེ་རེ་ལ་ལོ་བཅུ་བཅུར་བསྟན་ཏེ། སྐྱེས་ནས་ལོ་བཅུ་ན་ནོར་ལས་རྒྱལ་གྱི་རླུང་ནུས་པ་ལྷ་སྦྱིན་གྱི་རླུང་ལས་བསྡུད་ནས་ལོ་དགུ་བཅུ་ལོན་པ་ན་ཐུར་སེལ་གྱི་རླུང་གི་ནུས་པ་སྲོག་གི་རླུང་ལ་ཐིམ་པར་འགྱུར་བ་སོགས་རྡོ་རྗེ་ཕྲེང་བའི་རྒྱུད་ལས། ཐོག་མར་ལོ་བཅུ་ལོན་ནས་ནི། རྒྱགས་པ་མྱོས་པའི་རླུང་སྐྱེས་ནས། གཞུ་ལས་རྒྱལ་བའི་རླུང་ཟོས་ཏེ། རིམ་གྱི་སྒྲ་གཅན་ཟླ་བ་བཞིན། ཞེས་སོགས་འབྱུང་བའི་ལུང་ཚིགས་རྣམས་འོག་ནས་བསྡུད་རིམ་གྱི་སྐབས་སུ་སྟོན་ཏོ། སྣོད་བཅུ་གཉིས་དང་རྩ་ཁམས་འགྲུབ་ཚུལ་འོག་དེ་མ་ཐག་ན་ཡོད་པས་སྐབས་འདིར་རགས་པ་ཙམ་བསྟན་པ་ཡིན་ནོ། གསུམ་པ་རྩ་རླུང་ཐིག་ལེ་རྫོགས་ཤིང་སྐྱེ་བའི་ཚུལ་ལ་གསུམ། མཚམ་སྦྱར་བ། རྩ་རླུང་ཐིག་ལེ་རྫོགས་པའི་ཚུལ། དང་པོ་ནི། དེ་ལྟར་མངལ་དུ་འཕེལ་བའི་རིམ་པ་བཤད་ནས། ད་ནི་རྩ་རླུང་ཐིག་ལེ་རྫོགས་ཤིང་མངལ་ནས་ཕྱིར་སྐྱེ་བའི་ཚུལ་འཆད་དེ། དེ་ནི་དེ་ལྟར་ཁམས་དང་ཞེས་པ་ལ་སོགས་པའི་གཞུང་ཚིགས་སུ་བཅད་པ་གསུམ་གྱི་སྟོན་ཏེའོ། གཉིས་པ་ལ། རྩ་འགྲེལ་ལས། དང་པོ་ནི། དེ་ལྟར་ཁམས་སྐྱེ་མཆེད་རྫོགས། ཟླ་རེ་དྲུག་སྟོང་རྩ་ཆགས་པས། མངལ་དུ་སྟོང་ཕྲག་ལྔ་བཅུ་བཞི། སྐྱེས་ནས་ཟླ་བ་གསུམ་པ་ན། སྟོང་ཕྲག་བདུན་བཅུ་རྩ་གཉིས་རྫོགས། དགུ་པ་ནས་ནི་མི་གཙང་ཟ། དེ་ནས་རྙིག་མའི་ཁམས་འབྱུང་ངོ་། བཀྲེས་སྐོམ་རླུང་གི་ཚོར་བ་ཡིས། སྡུག་བསྔལ་དྲག་པོ་མྱོང་བར་འགྱུར། ཞེས་གསུངས་སོ། བཤད་པ་དེ་ལྟར་ན་མངལ་དུ་ཕུང་པོ་

(༧༡༠)དང་ཁམས་དང་སྐྱེ་མཆེད་རྣམས་རྫོགས་ཤིང་། ཞག་རེ་ལ་རྩ་ཉིས་བརྒྱ་ཆགས་པ་སྡོམ་ན། ཟླ་བ་རེ་ལ་དྲུག་སྟོང་རེ་ཆགས་པར་འགྱུར་བས། མངལ་དུ་ཟླ་བ་།།།རིན་ལ་འཕེལ་བས་དྲིལ་ན་རྩ་སྟོང་ཕྲག་ལྔ་བཅུ་རྩ་བཞི་དང་ཕྱིར་སྐྱེས་ནས་ཟླ་བ་གསུམ་གྱི་རིང་ཆག་སྟེ། རྩ་སྟོང་ཕྲག་བདུན་བཅུ་རྩ་གཉིས་རྫོགས་པར་གྲུབ་ཅིང་ཟླ་བ་དགུ་པ་ནས་ནི་ལྕེ་གྲུབ་པས་མི་གཙང་བ་ཟ་ཞིང་དེ་ནས་ནང་གི་སྙིགས་མའི་ཁམས་ཀྱང་ཕྱིར་འབྱུང་ངོ་། རླུང་གི་དང་པོ་ཚོར་བ་ཡིས་བཀྲེས་སྐོམ་ཤེས་པས་སྡུག་བསྔལ་དྲག་པོས་གདུང་བར་ཉམས་སུ་མྱོང་བར་འགྱུར་རོ། གཉིས་པ་ནི། མངལ་དུ་རྩ་དབུ་མ་ཆགས་པ་ཕྱིན་ཆད་ཞག་རེ་ལ་རྩ་ཉིས་བརྒྱ་ཉིས་བརྒྱ་རེ་ཆགས་པ་བསྡོམ་པ་ཟླ་བ་རེ་རེ་ལ་རྩ་དྲུག་སྟོང་དུ་ཆགས་པར་འགྱུར་ཏེ། དེ་ལྟར་མངལ་དུ་རྩ་ཆགས་པ་ནས་ཕྱིར་སྐྱེ་བའི་བར་ཟླ་བ་དགུའི་རིན་ལ་འཕེལ་བའི་དབང་དུ་བྱས་པས་རྩ་སྟོང་ཕྲག་ལྔ་བཅུ་རྩ་བཞི་མངལ་དུ་འཕེལ་བ་ཡིན་ལ་ཕྱིར་སྐྱེས་ནས་ཀྱང་། ཟླ་བ་གསུམ་གྱི་བར་དུ་རྩ་སྔར་བཞིན་ཆགས་ཏེ་དེ་ལྟར་ཟླ་བ་བཅུ་གཉིས་ཀྱི་རང་ལ་ཆགས་པས་རྩ་སྟོང་ཕྲག་བདུན་བཅུ་རྩ་གཉིས་སུ་བཤད་པ་ནི་རགས་པའི་རིམས་པ་སྟེ། རྩ་ཕྲ་མོ་གཞན་རྣམས་ནི་ཞར་ལ་ཆགས་པའོ། ཟླ་བ་བརྒྱད་པ་མན་ཆད་ཀྱི་བར་དུ་ལྕེ་མ་སྐྱེས་པས་མའི་གཡས་རོ་མའི་རྩས་བསྐྱེད་ཅིང་། ཟླ་བ་དགུ་པ་ནས་ནི་རོ་ཅན་ལྕེ་གྲུབ་པས་མངལ་གྱི་མི་གཙང་བ་ཟ་སྟེ་བཀྲེས་པ་དང་སྐོམས་པའི་རེག་བྱ་རླུང་གི་ཚོར་བས་སྡུག་བསྔལ་ལོ། མི་གཙང་

(༧༡༡)བ་ཟོས་པ་དེ་ནས་ནང་གི་སྙིགས་མ་དྲི་མ་དང་དྲི་ཆུ་ལ་སོགས་པ་ཡང་འབྱུང་ངོ་། འདི་ཕན་ཆད་དུ་སྐྱབས་བཙལ་བ་དང་འདུག་གནས་ལྟ་བུའི་སྣང་བ་གཞན་འབྱུང་བ། ཟླ་བ་དགུ་པ་དེ་ནས་མངལ་གྱི་གནས་དེ་ལ་མི་བསྡུག་པའི་འདུ་ཤེས་དང་སྡུག་བསྔལ་བའི་འདུ་ཤེས་འབྱུང་སྟེ། ཕྱིས་སྐྱེ་བར་འདོད་དེ། རྒྱུད་ཀྱི་རྒྱལ་པོ་ལས་ཀྱང་། བུག་པ་ཞེས་བཙའ་བའི་དུས་སུ་སྐྱེ་གནས་ཀྱི་བཙིར་བ་དག་གིས་སྡུག་བསྔལ་དྲག་པོའོ། མངལ་དུ་མངལ་ན་གནས་པའི་སྡུག་བསྔལ་བཙའ་བའི་དུས་དང་བྱིས་བའི་དངོས་ལ་ཡང་སྡུག་བསྔལ་ཏེ། ཞེས་གསུངས་སོ། གསུམ་པ་ཕྱིར་སྐྱེ་བའི་ཚུལ་ལ་གཉིས། དངོས་དང་། གནས་སྐབས་བཅུ་པོ་གང་ཡིན་པའོ། དང་པོ་ལ། རྩ་འགྲེལ་གཉིས་ལས། དང་པོ་ནི། དེ་ཚེ་འབྱིན་པའི་རླུང་གིས་ནི། བསྒྱུར་ནས་སྐྱེ་བར་བྱེད་པ་ཡིན། ཞེས་གསུངས་སོ། མངལ་དུ་སྡུག་བསྔལ་བ་ལ་སོགས་པའི་འདུ་ཤེས་བྱུང་ནས་སྐྱེ་བར་འདོད་པ་དེའི་ཚེ་ཕྱིར་འབྱིན་པའི་རླུང་གི་མགོ་ཞབས་བསྒྱུར་ནས་མངལ་སྒོར་སྐྱེ་བར་བྱེད་པ་ཡིན་ནོ། གཉིས་པ་ལ་གཉིས། ཚིག་དོན་བསྡུས་ཏེ་བསྟན་པ་དང་། འཕྲོས་དོན་ཕྱེ་སྟེ་བཤད་པའོ། དང་པོ་ནི། སྐྱེ་བར་འདོད་པ་དེའི་ཚེ་མངལ་ནས་ཕྱིར་འབྱིན་པའི་རླུང་གི་མགོ་མཇུག་བསྒྱུར་ཏེ་ཕྱི་རོལ་ཏུ་སྐྱེ་བར་འགྱུར་རོ། དེ་ཡང་འབྱིན་པའི་རླུང་ནུས་པ་ཆེ་ཆུང་གི་སྐྱེ་དཀའ་སླ་བྱེད་པར་གཞེད་དོ། གཉིས་པ་ལ། མངལ་འཇུག་གི་མདོ་དང་སྦྱར་ནས་བཤད་པ་དང་། སྨན་དཔྱད་ཀྱི་ཁུངས་སྨོས་པ་གཉིས་ལས། དང་པོ་

(༧༡༢)ནི། འདིར་བཤད་པ་ལས་ཞིབ་ཏུ་ཞག་བདུན་ཕྲག་སུམ་བཅུ་སོ་བརྒྱད་ཀྱི་བར་དུ་རླུང་མི་འདྲ་བ་སོ་བརྒྱད་འབྱུང་བ་དང་། མངལ་གྱི་ཕུང་ཁམས་སྐྱེ་མཆེད་རྣམས་འགྲུབ་པར་བྱེད་པའི་རིམ་པ་ཡང་མདོ་ལས་རྒྱས་པར་གསུངས་ཏེ། ཞག་བདུན་ཕྲག་ལྔའི་རིགས་འཕེལ་བྱེད་ཀྱི་རླུང་ལྔའི་མིང་དང་མངལ་དུ་འཕེལ་ཚུལ་ནི་གོང་དུ་བསྟན་ཟིན་ཏོ། དེ་ནས་ཞག་བདུན་ཕྲག་དྲུག་པར་ཡན་ལག་གི་རྩ་བའི་རྩ་སྒྲུབ་པར་བྱེད་པའི་རླུང་གིས་མིང་ནི་ཟས་རླུང་ངོ་། བདུན་ཕྲག་བདུན་པར་རླུང་གི་མིང་འཁྱིལ་པ་ཞེས་བྱ་བ་དང་། བརྒྱད་པར་ཉིང་ལག་གི་རྩ་བྱེད་པའི་རླུང་དེ་དག་གི་མིང་ནི་ཟློག་ཅིང་སྒྱུར་བ་ཞེས་བྱའོ། དགུ་པར་དབང་པོའི་སྒོ་སྒྲུབ་པའི་རླུང་གི་མིང་ནི་རྣམ་འབྱེད་དོ། བདུན་ཕྲག་བཅུ་པར་ནི། རླུང་ཀུན་ནས་སྒོ་དང་རླུང་སྲ་བ་ཞེས་བྱ་བ་གཉིས་འབྱུང་ངོ་། བཅུ་གཅིག་པར་བུ་ག་འབིག་པར་བྱེད་པ་རྡོ་རྗེའི་རླུང་ངོ་། བཅུ་གཉིས་པར་ལས་རླུང་ཡོན་པོའི་སྒོའོ། བཅུ་གསུམ་པར་བཀྲེས་སྐོམ་རླུང་ཞེས་བྱའོ། བཅུ་བཞི་པར་རླུང་སྡུད་པའི་སྒོ་ཞེས་བྱ་བ་རྩ་རུས་འཕེལ་བར་བྱེད་དོ། བཅོ་ལྔ་པར་རླུང་པད་མ་དང་། བཅུ་དྲུག་པར་རླུང་བདུད་རྩི་དང་། བཅུ་བདུན་པར་རླུང་འབྲི་སྟོང་དང་། བཅོ་བརྒྱད་པར་རླུང་བརྟན་འགྱུར་དང་། བཅུ་དགུ་པར་རླུང་ཤིན་ཏུ་སྲ་བ་དང་། དེ་ནི་རུས་པ་བསྐྱེད་པར་བྱེད་པའི་རླུང་ངོ་། ཉི་ཤུ་པར་ཤ་བསྐྱེད་པའི་རླུང་ངོ་། ཉེར་གཅིག་པར་ཀུན་ཏུ་རྒྱལ་བའི་རླུང་གི་ཁྲག་བསྐྱེད་

(༧༡༣)དོ། ཉེར་གཉིས་པར་ཡོངས་འཛིན་གྱི་རླུང་གིས་ལྤགས་པ་བསྐྱེད་དོ། ཉེར་གསུམ་པར་རླུང་སྤྲིན་འཛིན་གྱི་མདོག་བཟང་ངན་བསྒྲུབ་པའོ། ཉེར་བཞི་པར་རླུང་གྲོང་ཁྱེར་འཛིན་གྱི་དང་བར་བྱེད་དོ། ཉེར་ལྔ་པར་དངོས་གྲུབ་ཀྱི་རླུང་གི་སྒྲ་དང་བ་སྤུའི་རྩ་བ་བསྐྱེད་དོ། ཉེར་དྲུག་པར་སྨན་ཡོན་ཆེན་པོའི་རླུང་གི་དབང་པོ་སྦྱོང་ངོ་། དེ་ནས་ཉེར་བདུན་པར་རླུང་ཕྱིན་ཅི་ལོགས་དང་། ཉེར་བརྒྱད་བར་རླུང་མེ་ཏོག་འཕྲེང་དང་། ཉེར་དགུ་པར་རླུང་ལྕགས་ཀྱི་སྒོ་ཞེས་བྱ་སྟེ། རླུང་དེ་གསུམ་གྱིས་ནི་ལྤགས་པ་དང་སེན་མོ་བསྐྱེད་པར་བྱེད་དོ། དེ་ཕྱིན་ཆད་ཞག་བདུན་ཕྲག་དགུའི་རིགས་ལ་མངལ་དུ་འཕེལ་བར་བྱེད་པ་དང་། སྐྱེ་བར་བྱེད་པའི་རླུང་ནི་ལས་རླུང་ཐོགས་པའི་རྐྱེན་ཞེས་བྱ་བ་ཉིད་དེ། ཕྱིར་སྐྱེས་ནས་ཞག་བདུན་ལོན་པ་ན་ལུས་ཀྱི་སྲིན་བུའི་རིགས་བརྒྱད་ཁྲི་ཡང་འགྲུབ་པར་གསུང་ཏེ། འདིར་རྒྱས་པར་ནི་ཚེ་དང་ལྡན་པ་དགའ་བོ་ལ་བཅོམ་ལྡན་འདས་ཀྱི་མངལ་གནས་ཀྱི་མདོར་གསུང་པ་ཡིན་ནོ། གཉིས་པ་ནི། མདོ་ལས་དེ་ལྟར་གསུང་པར་མ་ཟད་སྨན་གྱི་བསྟན་བཅོས་ཡན་ལག་བརྒྱད་པ་ལ་སོགས་པ་རྣམས་ལས་ཀྱང་ལུས་འགྲུབ་ཚུལ་རྒྱས་བར་འབྱུང་མོད་ཀྱིས། རང་འགྲེལ་ཚིགས་མངས་སུ་དགོས་པས་མ་སྨོས་སོ། འདིར་ཊིཀ་བྱེད་འགའ་ཞིག་གིས། འདི་དག་ལ་དགའ་བོ་མངལ་འཇུག་གི་མདོ་དང་མཐུན་པར་ཞིབ་ཏུ་ཕྱེ་ནས་བདུན་ཕྲག་བཞི་བཅུ་ཞེ་བདུན་དུ་ཕྱེ་སྟེ། དེ་ཡང་བདུན་ཕྲག་ལྔ་ནི་གོང་དུ་ནུར་ནུར་པོ་ནས། འཁྲང་འགྱུར་གྱི་

(༧༡༤)བར་ཏུ་རྫོགས་ཟིན་པ་ཡིན་ལ། བདུན་ཕྲག་སུམ་བཅུ་སོ་བརྒྱད་ནི་འཁྲང་འགྱུར་རྫོགས་ནས་བཙའ་བའི་བར་ཟླ་བ་དགུ་པར་རྩི་བར་བྱ་སྟེ། ཞེས་དམ་བཅས་ནས་བདུན་ཕྲག་དྲུག་པར། ཞེས་སོགས་འགྲེལ་པར་གྲངས་པའི་མདོ་ཚིག་ཇི་ལྟ་བ་བཞིན་བཀོད་དོ། འདི་ནི་དགོངས་པ་མ་ཡིན་ཏེ། མདོའི་ཕྱོགས་ལས་བདུན་ཕྲག་སུམ་བཅུ་སོ་བརྒྱད་ཀྱི་བཤད་པ་འབའ་ཞིག་ལས་མ་བྱུང་བས། ལུགས་དེ་ནི་རྒྱུད་སྡེའི་བཤད་སྲོལ་ལས་དམན་པའི་ཚུལ་རྣམས་མ་རྟོགས་པར་ཟད་ཅིང་། ཞག་བདུན་ཕྲག་བཞི་བཅུ་ཞེ་བདུན་ལ་རགས་རྩིས་ཟླ་བ་བཅུ་གཅིག་ཙམ་འོང་བས་མངལ་དུ་གནས་པའི་ཚུལ་ཐམས་ཅད་མ་གཏོགས་པ་ཡིན་ལ། མདོ་དོན་མ་རྟོག་པའི་དབང་གིས་རང་འགྲེལ་གྱི་བཤད་པ་དང་ཡང་མ་བསྟུན་པར་ཕྱིན་ཅི་ལོག་ཏུ་བཤད་པས་ལོག་རྟོགས་ཀྱང་ཞིང་། འགྲེལ་པར་བདུན་ཕྲག་སུམ་བཅུ་སོ་བརྒྱད་དུ། ཞེས་དངོས་སུ་བསྟན་ཞིང་བདུན་ཕྲག་དྲུག་པའི་མཚམས་སྦྱོར་དུ་བདུན་ཕྲག་ལྔ་ནི་གོང་དུ་བསྟན་ཏོ། ཞེས་གསུང་པ་ལ་མ་བརྩིས་པར་བདུན་ཕྲག་བཞི་བཅུ་ཞེ་དགུར་འཕེལ་བར་ཁས་བླངས་ཤིང་། དེའི་ཤེས་བྱེད་དུ་འཁྲང་འགྱུར་ཡན་གྱི་བདུན་ཕྲག་ལྔ་སྟོན་པའི་མདོ་ལན་གཉིས་སུ་བཟློས་དགོས་པའི་བཤད་པ་བྱས་བས་དཔལ་རང་བྱུང་གི་བཤད་སྲོལ་ལས་བརྒྱ་ཚོམས་སུ་རྒལ་བར་སྣང་ངོ་། གཉིས་པ་དེ་དག་གནས་སྐབས་བཅུ་པོ་གང་ཡིན་པ་ལ། རྩ་འགྲེལ་གཉིས་ལས། དང་པོ་ནི།

(༧༡༥)མི་ཡི་སེང་གེའི་གནས་སྐབས་སོ། ཞེས་གསུངས་སོ། མངལ་ནས་ཕྱིར་སྐྱེ་བ་ནི་མིའི་སེང་གེའི་གནས་སྐབས་ཡིན་ནོ། གཉིས་པ་ལ་རྩ་བའི་ཚིག་དོན་དངོས་དང་། མངལ་གྱི་སྡུག་བསྔལ་བཤད་པ་གཉིས་ལས། དང་པོ་ནི། སྐྱེ་བ་གོང་གི་ཚེ་མངལ་དུ་ལུས་རྫོགས་ནས་མངལ་ལག་པས་དབྲལ་ཏེ་ཕྱིར་འབྱུང་བ་དེ་ནི་མི་ཡི་སེང་གེའི་གནས་སྐབས་ཀྱི་འཇུག་པ་ཡིན་ནོ། གཉིས་པ་ནི། འདིར་འགྲེལ་ཆེན་རྩ་མི་འགྱུར་ལས་མངལ་ན་གནས་པའི་སྡུག་བསྔལ་ནི་བུམ་པའི་ནང་དུ་བཙོས་པ་དང་འདྲ་ལ། སྐྱེ་བའི་ཚེ་འཁྲུལ་འཁོར་གྱི་བཙིར་བ་བཞིན་ནོ། ཐང་ལ་ལྷུང་བ་ན་ལྤགས་པ་བཤུས་པ་བཞིན་ནོ། ཟས་སུ་བཤད་བ་ཟ་བ་ནི་ཕག་པ་བཞིན་ནོ། ཞེས་སོགས་མང་དུ་གསུངས་སོ། ཤེས་མགོ་སྨོས་པ་དེ་ཉིད་ཤོང་འགྱུར་ལས། འདིར་དང་པོར་རེ་ཞིག་འཁོར་བ་པ་མངལ་ན་གནས་པ་རྣམས་ཀྱི་མངལ་ན་གནས་པའི་སྡུག་བསྔལ་བུམ་པར་འཚོད་བ་དང་མཚུངས་པར་འགྱུར་རོ། བཙའ་བའི་དུས་སུ་ཐོ་བའི་འཁྲུལ་འཁོར་གྱི་བཙིར་བ་བཞིན་ནོ། ཞེས་སོགས་གསུངས་སོ། གསུམ་པ་མཇུག་བསྡུ་བ་ལ། སྦྱར། རྩ་འགྲེལ་གསུམ་ལས། དང་པོ་ནི། དེ་ལྟར་རྒྱས་པར་བཤད་ནས། ལེའུ་གཉིས་པའི་གཞུང་རྣམས་ཀྱི་མཇུག་བསྡུ་བ་ནི་འཆད་དོ། གཉིས་པ་ནི། དེ་ཕུང་པོ་ཁམས་སྐྱེ་མཆེད། རྩ་རླུང་ཐིག་ལེ་ལས་གྲུབ་པ་དྲི་མར་བཅས་པའི་སེམས་ཉིད་ལས། བྱུང་སྟེ་དྲི་བཅས་

(༧༡༦)སྤྲུལ་སྐུར་གསུང་། ཤེས་གསུང་སྟེ། དེ་ལྟར་སྐྱེས་པའི་ཕུང་ཁམས་སྐྱེ་མཆེད་རྣམས་རྩ་རླུང་ཐིག་ལེ་སོགས་ལས་གྲུབ་ཅིང་། རྩ་རླུང་ཐིག་ལེ་དེ་དག་ཀྱང་དྲི་མར་བཅས་པའི་སེམས་ཉིད་དེ་ལས་བྱུང་སྟེ། དེའི་ཕྱིར། སྲིད་པར་སྐྱེ་བ་ཉིད་དྲི་བཅས་ཀྱི་སྤྲུལ་སྐུར་གསུངས་སོ། གསུམ་པ་ལ་གསུམ། ཚིག་དོན་དངོས། དེའི་ཤེས་བྱེད་འགོད་པ་མཇུག་བསྡུ་བས་སོ། དང་པོ་ནི། འདིར་སྔགས་ཀྱི་ཐེག་པ་ནས་སྐྱེ་བ་སངས་རྒྱས་སྤྲུལ་པའི་སྐུའི་རྣམ་པར་བཞག་པའི་དོན་ནི། སྐྱེ་སྲིད་ཀྱི་ཕུང་པོ་དང་། ཁམས་དང་། སྐྱེ་མཆེད་རྣམས་རིམ་གྱི་རྫོགས་པའི་ཚེ་མཆོག་གི་སྤྲུལ་པའི་སྐུ་དྲི་མ་དང་བཅས་པའི་སངས་རྒྱས་གཟུགས་ཀྱི་སྐུར་རྫོགས་པ་ཡིན་ནོ། གཉིས་པ་ལ་གཉིས། ལུང་དོན་བསྡུས་ཏེ་བསྟན་པ་དང་། ལུང་དངོས་པོ། དང་པོ་ནི་དྲི་བཅས་ཀྱི་སྤྲུལ་སྐུ་དེ་དག་ལམ་བསྐྱེད་པའི་རིམ་པས་དྲི་མ་མེད་པར་སྦྱངས་པ་ན། ཡུམ་གྱི་བྷ་ག་ནི་ཆོས་ཀྱི་དབྱིངས་ཀྱི་རྣམ་དག་ཡིན་ལ། མངལ་དུ་ཟླ་བ་བཅུ་གནས་པ་ནི་ས་བཅུ་རང་བཞིན་གྱི་རྟོགས་པར་རྫོགས་པ་ནི་ཡེ་ཤེས་དང་། མ་ནི་མཁན་པོའོ། མངལ་གྱི་ཁྲུ་མ་དམར་པོ་ནི་ཆོས་གོས། ངག་གི་སྒྲ་ནི་སྔགས་ཨ་ཧཾ། བྱིས་པ་དེའི་ལུས་ཀྱི་མི་གཙང་བ་སྦྱོང་བ་ལ་སོགས་པ་ནི་དབང་བསྐུར་བར་བྱེད་པ་འོད་ཟེར་ཆེན་པོའི་ཚུལ། དེ་ནས་གཉིད་རྨི་ལམ་སད་པ་སྙོམས་འཇུག་སྟེ། གནས་སྐབས་བཞི་རྫོགས་པ་ནི་དྲི་བཅས་ཀྱི་སྐུ་གཞིའི་སངས་རྒྱས་སུ་ཞུགས་ཀྱང་གནས་ལུགས་ཀྱི་དོན་མ་རྟོགས་

(༧༡༧)བས་འཁོར་བའི་ལུས་སུ་གྱུར་ཏོ། ཞེས་དགྱེས་རྡོར་དང་། རྡོ་རྗེ་འཕྲེང་བ་དང་། དུས་འཁོར་ལ་སོགས་ལས་གསུངས་པས་སོ། ཇི་ལྟར་གསུངས་ན། གཉིས་པ་ལ་བཞི། ཀྱེ་རྡོར་གྱི་ལུང་བཀོད་པ། འཕྲེང་བའི་ཚིག་སྣ་བཀོད་པ། དུར་ཁྲོད་གྱི་ཁུངས་བཀོད་པ། རྒྱུད་བླའི་ལུང་བཀོད་པའོ། དང་པོ་ནི། ཧེ་བཛྲ་ལས། མངལ་གྱི་ཁྲུ་མ་ནི་ཆོས་གོས་ཉིད་ཡིན་ལ། དེ་བཞིན་དུ་མ་ནི་མཁན་པོ་སྟེ། སྐྱེ་བའི་ཚེ་མགོ་བོར་ཐལ་མོ་སྦྱར་བ་ནི་ཕྱག་འཚལ་བས། འགྲོ་བའི་བྱ་བ་བྱེད་པ་ནི་ཚུལ་ཁྲིམས་ཀྱི་གནས་འོག་མ་ནས་གོང་མར་རིམ་གྱི་ནོད་པ། སྔགས་ཀྱི་བཟླས་པ་ནི་ཨ་དང་ཧཾ་སྟེ། དེ་ཡང་སྐྱེ་གནས་ཀྱི་འཁོར་ལོའི་རྣམ་པ་ནི་ཨ་དང་བདེ་བ་ཆེན་པོའི་འཁོར་ལོའི་རྣམ་པ་ནི་ཧཾ་སྟེ་དེ་གཉིས་ཐབས་དང་ཤེས་རབ་ཡིན་པས་ཨ་དང་ཧཾ་ཅེས་པའི་སྒྲ་འབྱུང་ངོ་། གཅེར་བུ་སྐྲ་དང་ཁ་སྤུ་བྲེག་རང་བཞིན་གྱི་བྲེག་པ་སྔགས་ཀྱི་དོན་དུ་སྐྱེས་པའི་དགེ་སློང་ཉིད་དེ། འདི་དག་མ་རིག་པའི་རྐྱེན་གྱི་སེམས་ཅན་དུ་སྣང་བ་རྣམས་ཀྱང་རྟོགས་ན་དྲི་བྲལ་གྱི་སངས་རྒྱས་ཡིན་བས། མ་རྟོག་པའི་ཚེ་དྲི་བཅས་ཀྱི་སངས་རྒྱས་ཉིད་དུ་ཐེ་ཚོམ་མེད་དོ། མངལ་གྱི་ཟླ་བ་བཅུ་ཡང་ས་བཅུ་པོ་རྣམས་ཀྱི་དག་པ་ཉིད་ཡིན་པས་སེམས་ཅན་རྣམས་སྦྱང་གཞི་ས་བཅུའི་དབང་ཕྱུག་ཏུ་འགྱུར་རོ། ཞེས་གསུངས་པ་དང་། གཉིས་པ་ནི། བཤད་རྒྱུད་རྡོ་རྗེ་ཕྲེང་བར་ཡང་། འཕོ་བ་བཅུ་ནི་ས་བཅུ་ནི། རིམ་པ་ཡིས་ནི་རྣམ་པར་ཤེས། མ་ནི་ཤེས་རབ་ཕ་རོལ་བྱིན། བྷ་ག་

(༧༡༨)ཕྱག་རྒྱ་ཆེན་པོ་བརྗོད། བྱིས་པ་ཡང་དག་རྫོགས་སངས་རྒྱས། ཐམས་ཅད་མཁྱེན་ཅིང་ཐམས་ཅད་གཟིགས། མགོ་བོའི་སྐྲ་ནི་བྲེག་པ་དང་། ཁྲུ་མའི་ཆོས་གོས་དམར་པོ་བགོས། དཔལ་དང་ལྡན་པ་ཐལ་མོ་སྦྱར། །།།བ་ལ་གཏུག་པ་ཕྱག །མཚན་ནི་སུམ་བཅུ་རྩ་གཉིས་ཚང་། དཔེ་བྱད་བཟང་པོ་བརྒྱད་བཅུས་བརྒྱན། ཡེ་ཤེས་ཆེན་པོ་ལེགས་པར་བདག །འདུ་བྱེད་ཐོབ་པ་ཁྲོམ་དང་བཅས། སྐྱེ་མཆེད་ཤ་ནི་འཇིབ་པར་བྱེད། བདུད་རྩི་ལྔ་ནི་ཡེ་ཤེས་ཆེ། རྟགས་ཏུ་བདུད་རྩི་ལྔ་མྱོང་བྱེད། དངོས་པོ་ཐམས་ཅད་རྣམ་སྤང་པ། རྣལ་འབྱོར་སིང་གེ་བཞིན་དུ་སྤྱོད། འདི་ནི་མཆོག་ཏུ་གསང་བ་སྟེ། གང་དུ་ཡང་ནི་མ་གསུངས་སོ། ཞེས་བྱ་བ་ལ་སོགས་པ་གསུངས་པ་ཡང་དགྱེས་རྡོར་གྱི་ལུང་འདིའི་རྒྱས་བར་བཤད་པ་ཡིན་པ་དང་། གསུམ་པ་ནི། སྦྱང་གཞི་ལ་སྦྱོང་བྱེད་ཀྱི་གསུངས་པ་འབྲས་བུ་རིམ་པ་དང་བཅས་པ། དུས་ཀྱི་འཁོར་ལོའི་དབང་གི་ལེའུའི་རྒྱུད་འགྲེལ་བ་དང་བཅས་པས་རྒྱས་པར་གསུངས་སོ། བཞི་པ་ནི། འདིར་སེམས་དྲི་མ་དང་བཅས་པའི་གཟུགས་སྐུ་བཤད་པས། གཉེན་པོས་དྲི་མ་སྦྱངས་ནས་དྲི་མ་མེད་ཙམ་ན། མཆོག་གི་སྤྲུལ་པའི་སྐུ་འཕྲོ་བར་གོ་བར་འགྱུར་ཏེ། རྒྱུ་མཚན་དེས་ན་རྒྱུད་བླ་མ་ལས། དྲི་མེ་དང་བཅས་བའི་ཚེ། དྲི་བཅས་ཀྱི་སྐུ་འཕྲོ་ཞིང་དྲི་མ་དག་པའི་ཚེ་དྲི་མེད་ཀྱི་སྐུ་འཕྲོ་བས་ན་རྫོགས་པའི་སངས་རྒྱས་ཀྱི་སྐུ་ནི་འཕྲོ་བའི་ཕྱིར་དང་། ཆོས་ཉིད་དེ་བཞིན་ཉིད་གཞི་ལམ་འབྲས་བུ་དུ་དབྱེར་མེད་པའི་ཕྱིར་དང་

(༧༡༩)རང་བཞིན་དུ་གནས་པ་དང་རྒྱལ་བ་ལས་འགྱུར་བའི་རིགས་ཐོབ་པའི་ཕྱིར་ན་ལུས་ཅན་ཀུན་རྟགས་དང་བདེ་བར་གཤེགས་པའི་སྙིང་པོ་ཅན་ཡིན་ནོ། ཞེས་བཤད་པའི་དོན་དང་ཡང་མཐུན་པར་ཡང་འགྱུར་རོ། དྲངས་མ་ཐག་པའི་།།།འཕྲོ་བ་རྫོགས་སངས་སྐུ་འཕྲོ་བའི་དོན་དུ་བཤད་པ་ལ། བདག་གི་བླ་མ་ཐམས་ཅད་མཁྱེན་པའི་ཞལ་སྔ་ནས། བཤད་པ་དེ་ནི་སེམས་ཅན་ལ་སངས་རྒྱས་ཀྱི་སྐུ་འཕྲོ་བའི་དོན་དུ་།།། དེ་ནི་སངས་རྒྱས་ཀྱི་སྙིང་པོ་ཅན་དུ་བསྒྲུབ་པའི་སྒྲུབ་བྱེད་ལས་མ་འབྲེལ་ལོ། དེས་ན་སེམས་ཅན་ལས་སངས་རྒྱས་འགྲོ་བའི་དོན་ནི་རང་འགྲེལ་ཉིད་དུ་གསུངས་བ་ལྟར། སེམས་ཅན་ལས་དྲི་བཅས་ཀྱི་སྤྲུལ་སྐུ་འཕྲོ་བར་བསྒྲུབ་བས་དྲི་མ་ངག་ཙམ་ན་དྲི་མེད་ཀྱི་སྐུ་འཕྲོ་བར་དོན་གྱིས་གོ་བས་སེམས་ཅན་དྲི་མེད་ཀྱིས་རྒྱན་འགྱུར་བ་ཉིད་།།། ཞེས་གསུངས་སྟེ། ཤིན་ཏུ་ལེགས་སོ། གསུམ་མ་མཇུག་བསྡུ་བ་ནི། དེ་ལྟར་མངལ་ནས་སྐྱེ་བ་ལ་སོགས་པ་ལུས་འགྲུབ་བའི་ཚུལ་གྱི་རིམ་པ་རྣམས་བསྟན་ཟིན་ཏོ། །།། ཟབ་མོ་ནང་གིས་དོན་ཞེས་བྱ་བའི་རྒྱ་ཆེར་བཤད་པ་རང་གིས་འགྲེལ་བ་དང་བཅས་པའི་རྒྱས་འགྲེལ་བདེ་བར་གཤེགས་པའི་སྙིང་པོ་གསལ་བར་བྱེད་པའི་ཉིན་བྱེད་འོད་ཀྱི་འཕྲེང་བ་དྲང་བ་དང་ངེས་པའི་དོན་རྣམ་པར་འབྱེད་པའི་སྣང་བ་ཞེས་བྱ་བ་ལས་

(༧༢༠)མངལ་དུ་ལུས་འགྲུབ་ཚུལ་བསྟན་པའི་དུམ་བུ་གཉིས་པ་རྣམ་པར་བཤད་པའི་རྒྱ་ཆེར་འགྲེལ་པའོ།