༨
ཡང་སེམས་བློང་བློང་པོས་ཤེས་པ་མི་ཕེབས་པར་ཚོར་བདེ་དོན་གཉེར་སོགས་ཀྱིས་སེམས་རྒོད་པར་གྱུར་པའི་ཚེ། འབྱོར་ན་དཀོན་མཆོག་དང་བླ་མའི་རྟེན་བཙལ་ཏེ་ཕར་ཕྱིན་དྲུག་ལྡན་གྱི་བསམ་སྦྱོར་གྱིས་གོས་ཟུང་ གཙང 
་མ་འབུལ་བ་དང༌། 
གཙང ་ལེགས་རྒྱ་ཆེ་ཞིང་གྱ་ནོམ་པའི་ཁྲི་གདུགས་རྒྱལ་མཚན་རྔ་ཡབ་རོལ་མོ་སོགས་མཆོད་པ་སྔགས་ཚིག་བསྟོད་དབྱངས་དང་བཅས་ཏེ་འདི་ལྟར། འདས་དང་མ་འདས་འཇིག་རྟེན་ཁམས་རྣམས་སུ། །མཆོད་འོས་དངོས་པོ་ཇི་སྙེད་མཆིས་པ་དག །བྱང་སེམས་ཀུན་བཟང་མཛད་པའི་ཕྲིན་ལས་ཀྱི། །རྗེས་སུ་ཞུགས་ནས་རྒྱལ་བ་སྲས་བཅས་ལ། །མཆོད་བཀུར་བསྟོད་བསྙེན་དགེ་བ་དཔག་མེད་དེ། །བདག་སོགས་འགྲོ་བ་རྫོགས་བྱང་འཐོབ་ཕྱིར་བསྔོ། །ཞེས་པས་འབུལ། མ་འབྱོར་ན་ཡིད་ཀྱིས་ཕུལ་ཏེ། སླར་ཡང་ཕྱག་དང་སྐོར་བ་བྱེད་པ་ན། ཨོཾ་ན་མོ་བྷ་ག་ཝ་ཏེ། ཨོཾ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་ལ་ཕྱག་འཚལ་ལོ། །རཏྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་ས་མྱཀྶ་དྡྷ་ཡ། ཏདྱཐཱ་འདི་ལྟ་སྟེ། ཨོཾ་རཏྣེ་རཏྣེ་ཨོཾ་བསོད་ནམས་ལ་བསོད་ནམས་ལ་བསོད་ནམས་ཆེན་མོ་རིན་ཆེན་རྣམ་རྒྱལ་མ་མ་ཧཱ་རཏྣེ་རཏྣ་བི་ཛ་ཡེ་སྭཱཧཱ། ཞེས་བརྗོད་པས་ཕྱག་སྐོར་རེ་རེའང་འབུམ་འགྱུར་གྱི་བསག་སྦྱང་དུ་འགྱུར་རོ། །