རིག་འཛིན་བདུད་འཇོམས་ཡབ་སྲས་ལ་གསོལ་བ་འདེབས་པའི་རིམ་པ་བྱིན་རླབས་དབྱིག་གི་སྒོ་འབྱེད།
རིག་འཛིན་བདུད་འཇོམས་ཡབ་སྲས་ལ་གསོལ་བ་འདེབས་པའི་རིམ་པ་བྱིན་རླབས་དབྱིག་གི་སྒོ་འབྱེད་ཅེས་བྱ་བ་ནི། །ཨོཾ་ཨཱཿཧཱུྃསརྦ་མ་ཧཱ་གུ་རུ་བིདྱ་དྷ་ར་སིདྡྷི་ཧཱུྃ་ཧྲཱི༔ རྒྱལ་བ་ཀུན་འདུས་དབང་དྲག་པདྨ། །རྩུབ་འགྱུར་ལྔ་བདོའི་དཔལ་དུ་ཤར་བའི། །བརྒྱུད་པ་དགུ་ལྡན་ཟབ་གཏེར་མངའ་བདག༔ བདུད་འཇོམས་གྲུབ་པའི་འཁོར་ལོའི་བསྒྱུར་རྒྱལ། །ཁྱེད་ལ་གསོལ་འདེབས་བྱིན་གྱིས་རློབས་ཤིག །གང་གི་གདུང་རིགས་ཉམས་མེད་ལས་འཁྲུངས། །ཐུགས་བསྐྱེད་སྦྱངས་པ་སྟོབས་སུ་སྨིན་པས། །གདུལ་བྱའི་རེ་བ་ཡིད་བཞིན་སྐོང་བའི། །རྒྱལ་སྲས་གདུང་འཚོབ་བརྒྱུད་པར་བཅས་པ། །ཁྱེད་ལ་གསོལ་འདེབས་བྱིན་གྱིས་རློབས་ཤིག །མ་ཧཱ་ཡོ་གའི་ཏནྟྲ་བཅོ་བརྒྱད། །ཆར་དུ་བབས་ཤིང་ཚོམ་བུ་འབུམ་བཅས། །འཁོར་ལོ་
ཚོགས་ཆེན་སར་ཕྱིན་ཛ་ཡི། །མཆོག་སྤྲུལ་བསྟན་པའི་རྒྱལ་མཚན་འཛིན་མཛད། །ཁྱེད་ལ་གསོལ་འདེབས་བྱིན་གྱིས་རློབས་ཤིག །རིམ་གཉིས་ཟབ་མོའི་ལམ་ལ་བརྟེན་ནས། །གྲུབ་གཉིས་འབྲས་བུ་ཚོ་འདིར་བརྙེས་པའི། །འབངས་རིགས་སྐད་གཉིས་སྨྲ་བ་ལང་གྲོའི། །སྒྱུ་འཕྲུལ་དབང་ཕྱུག་པདྨ་རྡོ་།ཁྱེད་ལ་གསོལ་འདེབས་བྱིན་གྱིས་རློབས་ཤིག །དཔལ་ཆེན་ཆེ་མཆོག་མངོན་པར་གྲུབ་ནས། །མི་གཡོ་དགོངས་པའི་གདེང་ཐོབ་ཚོས་རྒྱལ། །ཚངས་པ་ལྷ་ཡི་མེ་ཏོག་རྣམ་རོལ། །ཀུན་མཁྱེན་འཛམ་གླིང་དབང་གི་རྒྱལ་པོ། །ཁྱེད་ལ་གསོལ་འདེབས་བྱིན་གྱིས་རློབས་ཤིག༔ ཧཱུྃ་ཀཱར་ཤྲཱི་སེང་མཚོ་སྐྱེས་རྡོ་རྗེའི། །དགོངས་བརྒྱུད་བུམ་པ་གང་བྱོའི་ཚུལ་ཐོབ། ྋ །འོད་ལུས་གྲུབ་པ་རྣམ་སྣང་ལོ་ཙཱའི། །ཐུགས་ཀྱི་ཟློས་གར་མི་ཕམ་རྡོ་རྗེ།
ཁྱེད་ལ་གསོལ་འདེབས་བྱིན་གྱིས་རློབས་ཤིག །འཕོ་ཆེན་སྐུ་བརྙེས་དྲི་མེད་བཤེས་གཉེན། །བསམ་བཞིན་སྤྲུལ་ནས་གཏེར་གཉིས་བསྟན་པས། །དབང་རྣོན་གདུལ་བྱའི་ཤེས་རྒྱུད་གྲོལ་མཛད། །འགྲོ་འདུལ་པདྨ་ལས་འབྲེལ་རྩལ་ཞེས། །ཁྱེད་ལ་གསོལ་འདེབས་བྱིན་གྱིས་རློབས་ཤིག །དུས་གསུམ་རྒྱལ་བའི་ཕྲིན་ལས་སྤྱི་གཟུགས། །གཞོམ་མེད་ཁྲོ་རྒྱལ་བཛྲ་ཀཱི་ལའི། །ཡེ་ཤེས་སྒྱ་འཕྲུལ་རོལ་པའི་དཔའ་བོ། ལྷ་ཡི་ལྷ་ཆེན་སྟོབས་ཀྱི་རྒྱལ་པོ། །ཁྱེད་ལ་གསོལ་འདེབས་བྱིན་གྱིས་རློབས་ཤིག །རྒྱལ་སྲས་ཕྱག་ན་པདྨོའི་ཐུགས་རྗེ། །གང་ལ་གང་འདུལ་ཆུ་ཟླའི་ཚུལ་དུ།ྋ རྩོད་དུས་འགྲོ་བའི་མོས་ངོར་འཆར་བ། །སྐྱེས་མཆོག་ནམ་མཁའ་འཇིགས་མེད་དབང་པོ། །ཁྱེད་ལ་གསོལ་འདེབས་བྱིན་གྱིས་རློབས་
ཤིག །མཐུ་སྟོབས་ནུས་རྩལ་རྡོ་རྗེ་འབར་བས། །མ་རུངས་བགེགས་དཔུང་ཕྱེ་མར་འཐག་ཅིང་། །རྒྱུད་སྡེ་རྒྱ་མཚོ་བཀའ་ཡི་སྡུད་པོ། །གསང་བདག་བླ་མ་རྡོ་རྗེ་དགྲ་འདུལ། །ཁྱེད་ལ་གསོལ་འདེབས་བྱིན་གྱིས་རློབས་ཤིག །གཞན་ཡང་པདྨས་ལུང་བསྟན་ཐོབ་པའི། །ཚེ་གཅིག་ཟག་མེད་འཇའ་ལུས་མངོན་འགྲུབ། །ཐུགས་སྲས་ཆོས་བདག་བརྒྱུད་པར་བཅས་རྣམས། །ཁྱེད་ལ་གསོལ་འདེབས་བྱིན་གྱིས་རློབས་ཤིག །དེ་ལྟར་མོས་པས་གསོལ་འདེབས་བུ་ལ། །འདྲེན་སྟོན་རིག་འཛིན་རྩལ་འཆང་ཚོགས་ཀྱིས། །ད་ལྟ་ཉིད་དུ་བྱིན་གྱིས་རློབས་ཤིག །མྱུར་བ་ཉིད་དུ་བྱིན་གྱིས་རློབས་ཤིག །ལྟ་བའི་གཞི་ཚུགས་སྒོམ་པའི་གདེང་ཐོབ། །རང་གྲོལ་སྤྱོད་པས་བོགས་ཆེན་འབྱིན་ནས། །འབྲས་བུའི་རྒྱལ་པོ་གཞོན་ནུ་བུམ་སྐུར། ཚེ་
འདི་ཉིད་ལ་གཏན་སྲིད་ཟིན་མཛོད། །གལ་ཏེ་སྒོམ་པའི་རྩལ་མ་རྫོགས་ནས། །འཆི་ཁ་ཆོས་ཉིད་སྲིད་པར་འཕྱན་ན། འདའ་ཀའི་མན་ངག་བླ་མའི་ཐུགས་རྗེས། །འཁྲུལ་སྣང་བར་དོའི་འཇིགས་སྐྲག་སྟོངས་མཛོད། །རང་སྣང་གདོད་མའི་ནང་གསལ་དབྱིངས་ནས། དག་དང་མ་དག་གདུལ་བྱའི་ཞིང་དུ། །འདུལ་བྱེད་སྤྲུལ་པ་ཆུ་ཟླའི་གར་གྱིས། །མཁའ་མཉམ་འགྲོ་དོན་ནུས་པར་མཛོད་ཅིག །སྐྱེ་བ་ཀུན་ཏུ་དལ་འབྱོར་རྟེན་ལ། །བཤེས་གཉེན་མགོན་ལས་སྨིན་གྲོལ་སྒོར་ཞུགས། །དམ་ཚིག་རྣམ་དག་རིམ་གཉིས་ལམ་གྱིས། །དག་རྫོགས་སྨིན་གསུམ་མཐའ་རུ་ཕྱིན་མཛོད། །མདོར་ན་དུས་དང་རྣམ་པ་ཀུན་ཏུ། །
བརྒྱུད་གསུམ 
་རིག་འཛིན་བླ་མའི་ཚོགས་རྣམས། །སྐད་ཅིག་ཙམ་ཡང་འབྲལ་བ་མེད་པར། །
དབང་བསྐུར་ལུང་བསྟན་དབུགས་དབྱུང་སྩོལ་ཅིག །འབྲེལ་ཐོགས་གཙོ་བྱས་འགྲོ་བ་མ་ལུས། །ཀུན་ཁྱབ་ཡེ་ཤེས་རང་ངོར་སངས་ནས། །འབད་མེད་ཡེ་གཞིའི་ཀློང་དུ་ཕྱམ་གཅིག །མྱུར་དུ་གྲོལ་བར་བྱིན་གྱིས་རློབས་ཤིག །ཅེས་པའང་པདྨའི་རྒྱལ་ཚབ་འགྲོ་འདུལ་གླིང་པའི་རིགས་ཀྱིམྱུ་གུར་སྨིན་པའི་སྔགས་སྐྱེས་ཀྱི་ནི་གུ་མ་བདེ་ཆེན་གཡུ་སྒྲོན་དང་། །མོས་ལྡན་སྐལ་བཟང་འགྱུར་མེད་ཟུང་གིས་རྒིས་གཏེར་ཡབ་སྲས་ལ་གསོལ་འདེབས་ཤིག་དགོས་ཞེས་བསྐུལ་བའི་ངོར་སྙིགས་དུས་ཀྱི་སེར་གཟུགས་ཧྲུལ་པོ་ཀྲོ་དྷ་ཛ་ཡས་རྡོ་རྗེའི་ལུང་ལ་གཞི་བྱས་ནས་ཤར་མར་བྲིས་པས་གང་གིས་ཁ་ཏོན་དུ་བགྱིད་པ་སོགས་ཀྱི་རྒྱུད་ལ་ བརྒྱུད་གསུམ ་རིག་འཛིན་བླ་མའི་བྱིན་རླབས་ངམ་ངམ་ཤུགས་ཀྱིས་འཇུག་པའི་རྒྱུར་གྱུར་ཅིག །སརྦ་མངྒ་ལཾ།། །།