དམ་ཅན་ལ་ར་འབུལ་ཐབས།
དམ་ཅན་ལ་ར་འབུལ་ཐབས། ཧཱུྃ། བཅོམ་ལྡན་དཔལ་ཆེན་རྟ་མགྲིན་གྱི། །ཐུགས་ལས་སྤྲུལ་པའི་སྟོབས་པོ་ཆེ། །འཇིག་རྟེན་དྲེགས་པའི་སྣ་འདྲེན་ཅིང་། །འཇིག་རྟེན་སྟོང་གསུམ་དབང་བསྒྱུར་བ། །དམ་ཅན་མགར་བ་ནག་པོ་ལ། །མཐུན་པའི་དམ་རྫས་འབུལ་བ་ནི། །ཙ་ར་དཀར་པོ་གཉའ་ནག་འདི། །མིག་གཉིས་ཉི་ཟླ་ཤར་བ་འདྲ། །ཚེམས་ནི་སྐར་འཕྲེང་བསྒྲིགས་པ་འདྲ། །སྤུ་རྩིད་ལྷོ་སྤྲིན་འཁྲིགས་པ་འདྲ། །རུ་ཅོ་ཐབས་དང་ཤེས་རབ་འདྲ། །རྣ་བས་དགེ་སྡིག་གཏམ་ལ་ཉན། །རྨིག་བཞིས་བདུད་བཞི་ཟིལ་བ་གྱིས་ནོན། །དམ་ཅན་མགར་བ་ནག་པོ་ཡི། །ལས་ཀྱིས་བསྐོས་པའི་ནོར་སྐལ་ཡིན། །སྟོང་གསུམ་བསྐོར་བའི་ཆིབས་པ་ཡིན། །དར་ཚོན་རྔ་ཚོན་ཕོད་ཀྱིས་བརྒྱན། །མགར་བ་ནག་པོ་ཁྱེད་ལ་འབུལ། །ཙ་ར་འདི་ལ་བརྟེན་ཆོས་ལ། །བདག་ཅག་མི་ནོར་འཁོར་བཅས་ལ། །དུས་རྣམས་ཀུན་ཏུ་སྲུང་སྐྱོབ་མཛོད། །དམ་ཅན་མཆེད་ཟླ་བཅས་པ་ཀུན། །ར་སྐྱེས་འདི་ལ་བརྟན་པར་མཛོད། །བཀྲེས་ན་གསོལ་བའི་ཟས་སུ་འབུལ། །སྐོམ་ན་བཏུང་བའི་སྐྱེམས་སུ་འབུལ། །སྟོང་གསུམ་བསྐོར་བའི་ཚིབས་སུ་འབུལ། །ཅི་བཅོལ་
ཕྲིན་ལས་འགྲུབ་པར་མཛོད། །ཅེས་ར་རྩེན་རྒྱུ་བྱུང་དུས་རཱ་ག་ཨ་སྱས་སྨྲས་པའོ། མངྒ་ལཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།