ཤོག་ལྷེབ་ ༣༠༡ ནས་ ༤༠༠ བར།
གི་བྱེ་སྙེད་བཞུགས། ཞེས་བྱ་བ་དང༌། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །ཅེས་སྐྲ་གཅིག་ཙམ་དང་རྡུལ་གཅིག་ཙམ་གྱིས་ཁྱོན་ལ་ཡང༌། གང་གཱའི་བྱེ་བ་སྙེད་ཀྱི་སངས་རྒྱས་བཞུགས། ཞེས་བྱ་བ་གསུངས་པས། འདི་འདྲ་བའི་གོ་ས་གཅིག་མནན་པས། གཞན་བཞུགས་པ་ལ་གོ་མི་འགེགས་པ་ནི་དེ་ཐམས་ཅད་ཀྱང་ཟུང་འཇུག་གི་སྐུ་བརྙེས་པའི་དབང་གིས་ཡིན་ནོ། །བྱ་བ་གསུངས་པས་ཡེ་ཤེས་གནས་ནི་ཞེས་པ་རྐང་པ་གཉིས་ཀྱིས་ཡོངས་སུ་དག་པའི་ལྷའི་དེ་ཁོ་ན་ཉིད་སྟོན་པ་ཡིན་ཏེ། ངེས་པའི་དོན་ཏོ། ༈ །ད་ནི་སྔགས་ཡི་གེ་གསུམ་གྱི་གདངས་དང་རླུང་བཞིའི་རང་གདངས་མཉམ་པར་ཏེ། མི་ཕྱེད་པར་སྦྱོར་བ་ལས། དཀྱིལ་འཁོར་བཞི འི་རླུང་འབྱུང་བ འི་ཚེ། འོད་དཔག་མེད་སོགས་རིགས་ཀྱི་དབྱེ་བ བཞི་ས་ཕྱེ་བའི་ཡན་ལག་ཏེ། རླུང་གི་ཆ་ཤས་སོ་སོར་ཕྱེ་བའི་བཟླས་པ་བསྟན་པའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་སྐབས་འདིར་མི་ཤིགས་པ སྔགས་ཀྱི་ཐིག་ལེ། །མི་ཤིགས་པ་དེའི་དབུས་ན་གནས་པ་ནི་མི་ཤིགས་པ་དེ་ལས་མེའི་དཀྱིལ་འཁོར་གྱེན་རྒྱུ་འབྱུང་བར་བསྒོམས་ནས་རྡོར་བཟླས་བྱེད་པ་ཡིན་ཏེ། བྱུང་འདི་
ནི་རླུང་གཞན་གྱི་རྡོར་བཟླས་ལ་ཡང་སྦྱར་རོ། །བྱུང་བའོ། །ཉི་མའི་དཀྱིལ་འཁོར་ནི་མེའི་དཀྱིལ་འཁོར་གྱེན་རྒྱུ་སྟེ་ཏེ་། རང་དབང་གི་འོད་ཟེར་ཏེ། ཁ་དོག་ནི་དམར་པོའི་ངོ་བོ་ཉིད་སྣ་བུག་གཡས་ལས་བྱུང་བའི་འོད་ཀྱི་ཚོགས་སོ། །བསྒོམ་པ་ནི་རླུང་དེ་རྒྱུ་བའི་ཚེ། སྔར་ལྟར་འབྱུང་ཤེས་པར་བྱ ས་ནས་སྒོམ་པ་སྟེ། གཞན་གསུམ་ལའང་དེ་ལྟར་རོ་འོ། །སྒོམ་ཚུལ་ཇི་ལྟར་བྱ་སྙམ་ན་སངས་རྒྱས་སྐུ་ཡི་གནས་བསྒོམས་ཏེ་ཞེས་བྱ་བ་ལ། སངས་རྒྱས་ནི་རྣམ་པར་སྣང་མཛད་དོ། །སྐུ་ནི་འོད་དཔག་ཏུ་མེད་པའོ། །དེ་དག་གི་སྟེ། དེ་གཉིས་ཀྱི་གནས་ནི་རིམ་པ་བཞན་དུ་ཡི་གེ་ༀ་དང་ཨཱཿ སྟེ། དེ་གཉིས་ཀྱི་གདངས་རིམ་པ་བཞིན་དུ་རླུང་ནང་དུ་འཇུག་པ་དང༌། རླུང་ནང་དུ་གནས་པར་ཏེ། གནས་པའི་གདངས་སུ་སྦྱར་ཏེ། བསྒོམ་ཞིང་ཞེས་པ་ནི། ཡིད་ཀྱིས་ཉེ་བར་མཚོན་པ ར་བྱ། །ཡི་གེ་ༀ་དང་ཨཱཿ དེ་དག་གི་སྟེང་དུ་སྟེ། བར་མ་ཆད་པར། མི་བསྐྱོང་པའི། གནས་ཏེ་ཡི་གེ་ཧཱུཾ་རླུང་ཕྱིར་ལྡང་བའི་བདག་ཉིད་ཅན་དགོད་ཅིང་སྟེ། ཡིད་ཀྱི་ཡོངས་སུ་བརྟག་པ ར་བྱའོ། །སྔར་བཤད་པ་འདི་ནི་འོད་དཔག་ཏུ་མེད་པ གྱེན་རྒྱུའི་རླུང་གི་རྡོ་རྗེ་བཟླས་པའོ། ༈ །གསལ་བའི་དཀྱིལ་འཁོར་ནི་ཆུའི་དཀྱིལ་འཁོར་སྲོག་འཛིན་ཏེ་རྒྱུ་བ་དལ་བའི་ངོ་བོ་ཉིད་དོ། །སྤྱན་གྱི་ཚུལ་དག་སྦྱོར་བ་ནི་སྤྱན་མ་དེ་སྐུ་མདོག་དཀར་ཞིང་འགྲོས་དལ་བ་བཞན་དུ། སྲོག་འཛིན་གྱི་རླུང་ཡང་ཁ་དོག་དཀར་ཞིང་རྒྱུ་བ་དལ་བར་མཚོན་པའོ། །རྡོ་པ་ཚབ་ཀྱི་འགྱུར་ལས། དེ་ནས་པདྨ་རྡོ་རྗེ་བསྒོམ། ཞེས་འབྱུང་བ་དག་གོ །རྗེ་པདྨོ་རྣམ་པར་བསྒོམ། ཞེས་བྱ་བ་ལ། དེ་ནས་ཏེ་རླུང་ནང་དུ་འཇུག་པའི་ཚེ་ཡི་གེ་ༀ་ཡོངས་སུ་གྱུར་པ་སྟེ། འདས་པའི་རྗེས་ལ་རླུང་ནང་དུ་གནས་བའི་ཚེ་པདྨ་སྟེ་
ཡི་གེ་ཨཱཿ སྟེ། དེ་ཡོངས་སུ་གྱུར་པ་འདས་པ་དང༌། རླུང་ཕྱིར་ལྡང་བའི་ཚེ་རྡོ་རྗེ་སྟེ་ཡི་གེ་ཧཱུཾ་རླུང་ཕྱིར་ལྡང་བ་བར་ཏུ་བརྗོད་པར་བྱ་བ་སྟེ། འདི་ནི་རྡོ་རྗེ་མི་བསྐྱོད་བའི་རིགས་སྲོག་འཛིན་གྱི་རྡོ་རྗེ འི་བཟླས་པའོ། ༈ །རིན་ཆེན་དཀྱིལ་འཁོར་ནི་རིན་ཆེན་འབྱུང་ལྡན་གྱི་དབང་ཆེན་གྱི་དཀྱིལ་འཁོར་ཐུར་སེལ་ཏེ། སྣ་བུག་གཉི་ག་ནས་རྒྱུ་བ་ཁ་དོག་སེར་པོའོ། །མཆོག་གི་སྦྱོར་བ་ནན་ཏན་གྱིས། །དེ་ཡི་སྟེང་དུ་ཡོངས་སུ་བསྒོམ། ཞེས་བྱ་བ་ནི། སའི་དཀྱིལ་འཁོར་ཐུར་སེལ་གྱི་རླུང་རྒྱུ་བ་དེ་ཡི་སྟེང་དུ་མཆོག་གི་སྦྱོར་བ་སྟེ་ཡི་གེ་གསུམ་གྱི་ཕྱིར་སྤྲོ་བ་ཧཱུཾ་ཡིག་དང་བསྡུ་བ་སྟེ། ནང་དུ་འཇུག་པ་ༀ་ཡིག་དང་གནས་པའི་བདག་ཉིད་ཅན་ཨ་ཡིག་དང་སྦྱར་བ་ནན་ཏན་གྱིས་རྩེ་གཅིག་ཏུ་བསྒོམ་ཞིང་ཤེས་པར་བྱ་སྟེ། འདི་ནི་རིན་པོ་ཆེའི་རིགས་ཀྱི་ངོ་བོ་ཉིད་ཐུར་སེལ་གྱི་རྡོ་རྗེའི་བཟླས་པའོ། ༈ །ནམ་མཁའི་དབྱིངས་ཀྱི་དབུས་གནས་པར། །འོད་ཀྱི་དཀྱིལ་འཁོར་བསྒོམ་པར་བྱ། །ཞེས་བྱ་བ་ལ་སྙིང་གའི་དྷཱུ་ཏཱིའི་ནང་གི་མི་ཤིགས་པ་ལས་བྱུང་བའི་འོད་ཀྱི་དཀྱིལ་འཁོར་ནི་རླུང་གི་དཀྱིལ་འཁོར་མཉམ་གནས་ཏེ། ཁ་དོག་ནག་པོ་སྣ་བུག་གཡོན་ནས་འབྱུང་བའོ། །མཉམ་གནས་ཀྱི་རླུང་རྒྱུ་བ་དེ་ཡི་སྟེང་དུ་སངས་རྒྱས་ཀྱི་སྟེ། མི་བསྐྱོད་པའི་ཚུལ་ཏེ་གནས་ཡི་གེ་ཧཱུཾ་ཞི་བ་སྟེ་ཐུང་རྡོ་རྗེ་ཕྲེང་བར་ཐུགས་ཀྱི་ཧཱུཾ་རིང་པོར་ཡང་
བཤད་པས་རིང་ཐུང་གཉིས་ཀ་རུང་ངོ༌། །ངུ་འཇུག་པ་ༀ་དང༌། གནས་པ་ཨཱཿ འི་རྗེས་ལ་སྤྲོ་ཞིང་འབྱིན་པ་འདི་ནི་དོན་ཡོད་པ ར་གྲུབ་པའི་རིགས་མཉམ་གནས་ཀྱི་རླུང་གི་རྡོ་རྗེའི་བཟླས་པའོ། །དཀྱིལ་འཁོར་བཞིའི་རླུང་ལ་རྡོར་བཟླས་བྱེད་པའི་ཚེ། མགྲིན་པ་སོགས་གནས་བཞི་སོ་སོ་ནས་བྱེད་པ་མིན་གྱི། སྙིང་གའི་མི་ཤིགས་པ་ལས་ལྡང་འཇུག་གནས་གསུམ་བྱེད་པ་འདི། ལེའུ་གསུམ་པ་དང༌། དྲུག་པ་རྩ་འགྲེལ་སོགས་ཀྱི་དགོངས་པ་ཡིན་ཞིང། དེ་ཉིད་རྡོར་བཟླས་ཀྱི་གནད་དམ་པ་ཡིན་ཡང༌། འདིའི་མན་ངག་ཏུ་མ་ཐོན་པར་སྣང་བས་ལེགས་པར་ངེས་པ་ཐོབ་པར་བྱའོ། ༈ །འོ་ན་སྣ་བུག་རེ་རེ་བ་གཉིས་ལ་གྱེན་རྒྱུ་དང་མཉམ་གནས་གཉིས་དང༌། སྣ་བུག་མཉམ་རྒྱུ་ལ་སྲོག་འཛིན་དང་ཐུར་སེལ་གཉིས་རྒྱུ་བར་བཤད་པའི་རླུང་བཞིའི་རྒྱུ་ཚུལ་དེ་དེ་ཁོ་ནར་ངེས་སམ་སྙམ་ན། དེ་ནི་མ་ཡིན་ཏེ། འཁོར་ཡང་ཁྱད་པར་དག་ཏུ་སྤྲོ་ཞེས་བྱ་བ་ནི། དེ་ནས་དཀྱིལ་འཁོར་བཞི་པོ་རེ་རེ ས་གཅོ་བོ་བྱས་པའི་དཀྱིལ་འཁོར་གྱི་རབ་ཏུ་འཇུག་པ་ལ་སྤྱོད་པ་ན་རང་མ་གཏོགས་པ་དཀྱིལ་འཁོར་གཞན་གསུམ་པོ་འཁོར་དུ་གྱུར་པས་གཙོ་བོ་གང་ཡིན་པ་དེའི་ནང་དུ་ཆུད་པར་སྤྲོ བ་སྟེ་རྒྱུ འོ་ཞེས་པའི་དོན་ནོ། །དཔེར་ན་གྱེན་རྒྱུས་གཙོ་བོ་བྱས་ནས་རྒྱུ་ན་སྣ་བུག་གཡས་རྐྱང་ལ་རྒྱུ་བ་ན། གཞན་གསུམ་འཁོར་དུ་རྒྱུ་བས་རླུང་བཞི་པོ་རེ་རེ་རྒྱུ་བ་ན་བཞི་ཀ་རྒྱུ་ལ། གཙོ་བོ་དེའི་ནང་དུ་ཆུད་པར་རྒྱུ་བ་ཡིན་པས། སྤྱིར་རླུང་བཞིའི་རང་དབང་གི་ཁ་དོག་དམར་སེར་དཀར་ལྗང་གུ་ཡིན་ཡང༌། གཙོ་བོ་གང་ཡིན་
དེའི་གཞན་དབང་གིས་ནི། གྱེན་རྒྱུའི་འཁོར་གསུམ་གྱི་ཁ་དོག་དམར་སེར་སོགས་གསུམ་དུ་འགྱུར་རོ། །འཁོར་ཡང་ཞེས་པའི་རྩ་འགྲེལ་གྱིས་ནི་སྣ་བུག་རེ་རེ་བ་གཉིས་ལ། གྱེན་རྒྱུ་དང་མཉམ་གནས་ཁོ་ན་དང༌། སྣ་བུག་མཉམ་རྒྱུ་ལ་སྲོག་དང་ཐུར་སེལ་ཁོ་ན་རྒྱུ་བར་འདོད་པ་རྣམས་དང༌། རླུང་བཞིའི་གཅིག་གཙོ་བོར་རྒྱུ་བ་ན་གཞན་གསུམ་འཁོར་དུ་རྒྱུ་བར་གསུངས་པ་དང༌། །མགོན་པོ་རེའི་རླུང་རྒྱུ་བ་ན་ལྷ་མོ་བཞིའི་རླུང་རྒྱུ་བ་གཉིས་དོན་གཅིག་ཏུ་འདོད་པ་ཡང་ལེགས་པར་བཀག་གོའོ། །དཀྱིལ་འཁོར་བཞིའི་རྡོ་རྗེ་བཟླས་པ་འདིའི་ཉིན་མཚན་དུ་བཟླས་པའི་གྲངས་ནི། བཤད་པའི་རྒྱུད་ལུང་སྟོན་ལས་སྟོན་པས་དེ་ལ་འཇུག་པར་བྱ་སྟེ། གོས་དཀར་མོ་དང་ལ་སོགས་པས་བསྡུས་པ་སྒྲོལ་མ་དང་སྤྱན་མ་དང༌། མཱ་མ་ཀཱི་བཞི་པོ་རེ་རེའི་བཟླས་པ་བཤད་པ། །བརྒྱ་ཕྲག་གཉིས་དང་ཉི་ཤུ་ལྔ། །སྟེ། ཉིས་བརྒྱ་ཉེར་ལྔ་རེའོ། །བཞི་པོ་ལེགས་པར་བསྒྲེས་པ་སྟེ། བསྡོམས་པ་ནི། རླུང་གི་སྦྱོར་བ་བཞི ས་བསྡུས་པ་བརྒྱ་ཕྲག་དགུ་ཉིད་དོ། །དགུ་བརྒྱ་དག་ཏུ་གང་བསྟན་པ་སྟེ། ཞག་གཅིག་ལ་ཉི་ཤུ་རྩ་བཞིའི་རིམ་གྱིས་ནི། །དགུ་བརྒྱ་པོ་དེ་ནི་ཉིན་མཚན་སོ་སོར་འབྱུང་བ་ལས། །ཉི་ཁྲི་ཆིག་སྟོང་དྲུག་བརྒྱའོ། །ཞེས་བྱ་བའོ། ༈ །རྣལ་འབྱོར་པ་གཉི་རྣལ་འབྱོར་པ་གཉིས་ཀ་ནི་རིམ་པ་གཉིས་ལ་འཆད་པ་མིན་པར་ཕོ་མོ་གཉིས་ལ་བཤད་དགོས་པར་ཕྱི་འགྲེལ་གྱིས་ཤེས་སོ། །གའི་ཕྲ་མོའི་རྣལ་འབྱོར་བསྐྱེད་རིམ་པའི་ཕྲ་མོ་སྒོམ་པ་ལས་རྣམ་པ་གཞན་དག་བསྟན་པའི་ཕྱིར། ཨུཏྤལ་མཐིང་ག་ཞེས་བྱ་བ་ལ་སོགས་པ་གསུངས་ཏེ། ཨུཏྤལ་མཐིང་གའི་ཁ་དོག་འདྲ་བའི་རྡོ་རྗེ་རྩེ་ལྔ་པ་ནས་
འབྲུའི་ཚད་ཙམ་སྣ་ཡི་རྩེ་མོར་སྟེ། རང་ལྷར་གསལ་བའི་གི་རྡོ་རྗེའི་བུ་ག་ནོར་བུའི་དབུས་སམ། ངེའི་རྩེ་མོའི་བུ་གར་ནན་ཏན་གྱིས་ཏེ། འབད་པས་བསམ་པར་བྱ་བ འོ་དང༌། ཁྱད་པར་དུ་ཞེས་གསུངས་པ་ནི་ལྷག་པར་འབད་ནས་སྒོམ་ཞེས་པའོ། །བུད་མེད་ཀྱི་ཙ་ན་ཀ་སྟེ། སྲན་མ འི་འབྲུའི་ཚད་ཙམ་གྱི་པདྨ་དམར་པོ་འདབ་མ་བརྒྱད་པ་ལྟེ་བའི་མཐར་གེ་སར་གྱི་ཕྲེང་བས་བརྒྱན་པ། རང་གི་ཆོས་འབྱུང་བའི་ནང་དུ་ཆུད་པ་སྟེ། དེའི་སྣ་རྩེར་སྒོམ་པ་འདི་ཤིས་སོ། །ནི། དེ་ལྟར་བསྒོམས་པས། བྱང་ཆུབ་ལ་གཞོལ་བ་སྟེ། བྱང་ཆུབ་ཐོབ་པར་བྱེད་པ་བསྒོམ་པར་བྱ་བ་དང༌། ཡུམ་གྱི་གསང་བའི་སྣ་རྩེ་དེར་ནི་འཁོར་ལོ་དང༌། སོགས་ཀྱིས་བསྡུས་པ་རིན་པོ་ཆེ་དང་རྡོ་རྗེ་རྣམས་བསྒོམ་པའང༌། ཙ་ན་ཀའི་འབྲུ་ཙམ་པ་ཉིད་མེ་ཏོག་ཕོག་པའི་རང་གི་ལྷ་ཡི་རིགས་ཀྱི་དབྱེ་བས་ཁྱད་པར་དུའང་བསྒོམ་པར་བྱའོ། ༈ །རྣལ་འབྱོར་པ་ཕོ་མོས་གསང་བའི་སྣ་རྩེར་ཕྱག་མཚན་ཕྲ་མོ་སྒོམ་པ་དེས་ཀྱང་ཅི་ཞིག་འགྲུབ་པ ར་འགྱུར་ཞེ་ན། དངོས་གྲུབ་ཐམས་ཅད་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ཐམས་ཅད་ནི་ཞི་བ་ལ་སོགས་པའི་འཇིག་རྟེན་པའི་དངོས་གྲུབ་དང་འོ། །ཡོན་ཏན་ནི་མཆོག་གི་དངོས་གྲུབ་འདོད་པའི་དབང་ཕྱུག་ལ་སོགས་པ་དབང་ཕྱུག་བརྒྱད་དོ། །བྱང་ཆུབ་གནས་འགྲུབ་ཅེས་བྱ་བ་ལ། བྱང་ཆུབ་ནི་གཉིས་སུ་མེད་པའི་ཡེ་ཤེས་ཟུང་འཇུག་གོ །སོ། །ཟུང་འཇུག་དེའི་གནས་ནི་རྒྱུ་སྟེ། དེ་གང་ཡིན་ཞེ་ན། དོན་དམ་པའི་བདེན་པར་ཞུགས་
པའི་འོད་གསལ་ལོ། །འོ། །དེ་ཉིད་ནི་ཉོན་མོངས་པ་ཐམས་ཅད་རྣམ་པར་དག་པར་བྱེད་པས་ན་ཉམས་དགའ་བ་སྟེ་ཡིད་དགའ་བའོ། །ཕན་ཡོན་བསྡུས་ཏེ་བསྟན་ན་དེ་ལྟ་བུའི་མཆོག་ཐུན་མོང་གི་དངོས་གྲུབ་ཐམས་ཅད་ཀྱི་གཞིར་གྱུར་བའི་བྱང་ཆུབ་ཀྱི་གནས་འོད་གསལ་འགྲུབ་པར་འགྱུར་བ་སྟེ། ཕན་ཡོན་དེ་རྣམས་རྣལ་འབྱོར་པ་དེའི་མངོན་སུམ་དུ་འགྱུར་བའོ། །འོག་སྒོའི་ཕྱག་མཚན་ཕྲ་མོ་བསྒོམས་པས་བྱང་ཆུབ་ཀྱི་གནས་དོན་དམ་པའི་བདེན་པ་འོད་གསལ་འགྲུབ་པ་སྔར་བཤད་པ་དེ་ཇི་ལྟར་མངོན་དུ་བྱེད་ཅེ་ན། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། ཁསངས་རྒྱས་ནི་འོད་གསལ་དུ་བཞུག་རྒྱུའི་ཕུང་པོ་ལ་སོགས་པའོ། །བྱང་ཆུབ་ལ་གནས་པ་རྣམས་ནི། དེ་ཡང་གང་ལ་གནས་པ་ཡིན་སྙམ་ན། མངལ་བཟུང་བ་ནས་མ་ཤིའི་བར་ལ་གཞིའི་སྐྱེ་བ་སྤྲུལ་པའི་སྐུའི་གནས་སྐབས་ཞེས་འདི་བའི་ལུགས་ལ་ཐ་སྙད་ཡོད་པས་ད་ལྟར་གྱི་སྒྲུབ་པ་པོའི་ལུས་ལ་གནས་པའི་ཕུང་སོགས་སོ། །ཀ འོག་སྒོའི་ཕྲ་མོ་དེ་མན་ངག་ཏུ་བཤད་པ་བཞིན་བསྒོམས་པས། རྫོགས་རིམ་པའི་སྣང་མཆེད་ཐོབ་གསུམ་གྱི་ཡེ་ཤེས་བསྐྱེད་པར་ནུས་ལ། དེ་གོམས་པ་ལས་མདོར་ན་འམ། བསྡུས་ན་ཞེས་བྱ་བ་ནི་སེམས་དབེན་གྱི་ཡེ་ཤེས་གསུམ་གྱི་སྟེ། དེ་གསུམ་ལས་སྒྱུ་མའི་སྐུ་གཅིག་ཏུ་སྦྱོར་བས་སྐུ་དེ་ལ་གནས་པར་བྱས་ནས། བསམ་གཏན་གཉིས་ཀྱིས་དོན་དམ་པའི་བདེན་པ་དེ་རུ་ར་སྤྲོ་ཞིང་སྟེ་གཞུག་པར་བྱ། །དེར་གང་གཞུག་ཅེ་ན། དེ་ལྟར་སྒྱུ་མའི་སྐུ་དོན་དམ་པའི་
བདེན་པ་ལ་འཇུག་པ་སྟེ། ཞུགས་ཤིང་དག་པའི་འོག་ཏུ་སླར་ཡང་འོད་གསལ་བ་ལས་ལྡང་བ་བསྟན་པར་བྱ་བའི་ཕྱིར། སྐུ་གསུང་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཀྱིས་མཚན་པ་ཡི་ཞེས་བྱ་བ་ནི། །སྐུ་གསུམ་དབྱེར་མི་ཕྱེད་པའི་གྱི་བདག་ཉིད་ཅན་གྱི་ཟུང་འཇུག་གི་སྐུའོ། །ནོ། །ཆོས་ནི་འོད་གསལ་བའོ། །དེའི་ཚིག་ཅེས་པ་ཚིག་གི་སྐད་དོད་པ་ད་ནི་ཚིག་དང་གནས་གཉིས་ཀ་ལ་འཇུག་པ་འདིར་གནས་ལ་བསྒྱུར་བ་ལྟར་ཡིན་ནོ། །ནི་རྒྱུ་གང་ཡིན་པ་དེ་ལ་ཆོས་ཀྱི་ཚིག་སྟེ། གནས་ཞེ ཅེས་བྱ་སྟེ། འོད་གསལ་དེ་ལས་ཟུང་འཇུག་རྡོ་རྗེ་འཆང་ཆེན་པོའི་བདག་ཉིད་དུ་བསྐྱེད་པར་བྱའོ་ཞེས་པ་སྟེ། དགོངས་པས་བཤད་པའོ། །རྣལ་འབྱོར་པ་པ་མོས་གསང་བའི་སྣ་རྩེར་ཕྱག་མཚན་ཕྲ་མོ་སྒོམ་པ་རིམ་པ་གཉིས་ཀ་ལ་ཡོད་ཀྱང༌། འདིར་རྫོགས་རིམ་པའི་ཕྲ་མོ་སྒོམ་པ་ཡིན་པར་འདི་ལ་བརྟེན་ནས་འོད་གསལ་འགྲུབ་པར་བཤད་པའི་རིམ་པས་ཤེས་ལ། དེ་བོད་དུ་ཤིན་ཏུ་རྟོགས་དཀའ་བར་བྱུང་འདུག་ནའང༌། །དེ་རྟོགས་པར་བྱེད་ལུགས་རྣམས་འདིའི་མན་ངག་དུ་ལེགས་པར་གཏན་ལ་ཕབ་པ་ལས་ཤེས་པར་བྱའོ། ༈ །ད་ནི་འདོད་པའི་ཡོན་ཏན་ལྔ་ལ་རང་བཞིན་ཤེས་པས་ལོངས་སྤྱོད་པའི་སྒོ་ནས་རྫོགས་པའི་རིམ་པའི་སྤྱོད་པ་དང་རིམ་པ་དང་པོའི་སྤྱོད་པ་གསལ་བར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ནི་ཕྲ་མོའི་རྣལ་འབྱོར་བཤད་པའི་འོག་ཏུའོ། །དེ་ཉིད་དོན་ནི་གཉིས་སུ་མེད་པའི་ཡེ་ཤེས་ཏེ་དེ་སྟོན་པར་མཛད་པས་ན་དེ་ཉིད་དོན་ཀུན་སྟོན་པ་པོའོ། །སྤྱོད་པ་ཀུན་ནི་སྤྲོས་པ་དང་བཅས་པའི་སྤྱོད་པ་དང༌། སྤྲོས་པ་མེད་པའི་སྤྱོད་པ་
དང༌། ཤིན་ཏུ་སྤྲོས་པ་མེད་པའི་སྤྱོད་པ་ནི་སྤྱོད་པ་ཀུན་ནོ། །སྤྱོད་པ་གསུམ་པོ་དེ་རྣམས་ཀྱི་མཆོག་ནི་ལོངས་སྤྱོད་པ་དང༌། གྲོལ་བའི་སྤྱོད་པའོ། །ཞེས་འགྱུར་རྙིང་གཉིས་དང་པ་ཚབ་ཀྱིས་བསྒྱུར་བ་ནི་མི་ལེགས་ཏེ། སྤྱོད་པ་གསུམ་ག་སྤྱོད་པ་དེ་ཡིན་པས་སོ། །དེས་ན་ཆག་གིས་བྷུ་སུ་ཀུའི་སྤྱོད་པའོ་ཞེས་བསྒྱུར་བ་ལེགས་སོ། །དེ་ལ་བྷུཉྫ་ནི་ཟ་བའོ། །སཱུ་ཏཱ་ནི་གཉིད་ལོག་པའོ། །ཀུ་ཊི་ས་ར་ནི་བཤད་པར་འགྲོ་བའོ། །དེ་གསུམ་ཙམ་ཞིག་བྱེད་པ་མིན་པ་ཡེ་རྒྱ་ལ་བརྟེན་ནས་བདེ་སྟོང་བསྒོམ་པའོ། །འདི་ནི་ལེའུ་འདིར་བསྟན་པའི་རྫོགས་རིམ་གྱི་སྤྱོད་པའི་གཙོ་བོའོ། །དེ་རྣམས་ཀྱི་དག་པ་ནི་རྡོ་རྗེ་འཆང་གི་གོ་འཕང་ཐོབ་པར་བྱེད་པས་སོ། །དེའི་ཕྱིར་གསང་བའི་དམ་པ འོ་ནི་ཁའོག་ནས་བཤད་པ་སྟེ་དེ་ཀབཀའ་སྩལ་པ་ནི། གགཟུགས་དང་ཞེས་བྱ་བ་ལ་སོགས་པའོ། ༈ །གཟུགས་དང་སྒྲ་དང་རོར་ལྡན་པ་ཞེས་བྱ་བ ས་ནི། དྲི་དང་རེག་བྱ་ཡང་མཚོན་པ་སྟེ། །ཕྱག་རྒྱའི་འདོད་ཡོན་ལྔ་ལ་ལོངས་སྤྱད་པར་དང་ལྡན་པར་ཞེས་པའོ། །སྤྱོད་པ་བྱེད་པ་པོ་རང་ཉིད་རྡོ་རྗེ་གསུམ་མི་ཕྱེད་པའི་ངོ་བོའི་བདག་ཉིད་ཅན་དུ་ཤེས་ནས་ཏེ། བསྒོམས་ནས་སྒྲུབ་པ་པོས་ཟླ་བ་དྲུག་ཏུ་རྟག་ཏུ་བསྒོམ་པར་བྱའོ། །ཅི་ཞིག་བསྒོམ་པར་བྱ་ཞེ་ན། གསང་བའི་དེ་ཁོ་ན་ཉིད་ཀྱི་མཆོད་པ་ཆེན་པོ་ནི་འོད་གསལ་བ་སྒོམ་པ་སྟེ། དེ་ཉིད་ཀྱིས་ལེགས་པར་མཆོད་ནས་བསྒོམ་པར་བྱའོ། ༈ །དེའི་ཚེ་ཁ་ཟས་ཁྱད་པར་བ་ནི་ཟས་སུ་བཤང་གཅི་ཞེས་བྱ་བ་ནི། བཤང་པ་དང་གཅི་བ་བཟའ་བར་བྱ་བའི་ཕྱིར་ཏེ། བཟའ་བར་བྱའོ། །དང༌། དེ་
བྱས་པས་ལུས་ཀྱི་སྟོབས་རྒྱས་ནས་རིང་དུ་གནས་པ ར་བྱ་བ འི་ཕྱིར་དངོས་གྲུབ་ཀྱི་འབྲས་བུ་དོན་དུ་གཉེར་བ འི་སྒྲུབ་པ་པོས་བྱའོ། །ལུས་གནས་པ་དེས་བླ་ན་མེད་པའི་དེ་ཁོ་ན་ཉིད་ཅི་ཞིག་འགྲུབ་པར་འགྱུར་ཞེ་ན། དེ་ཉིད་བསྟན་པར་བྱ་བའི་ཕྱིར། སངས་རྒྱས་བྱང་ཆུབ་སྐྱོན་མེད་པ་ཞེས་བྱ་བ་ལ་སོགས་པ་གསུངས་སོ། །སྤྱོད་པའི་དུས་སུ་བཤང་གཅི་བཟའ་བར་བཤད་པའི་ཞར་ལ། རང་རིགས་ཀྱི་ཁྲོ་བོར་བསྐྱོད་ནས་དྲག་ལས་སོགས་བསྒྲུབ་པའི་སྐབས་སུ་ཤ་ལྔ་ལ་ལོངས་སྤྱོད་ཚུལ་སྟོན་པ་ནི། ཟས་སུ་ཞེས་བྱ་བ་ལ་སོགས་པ་ལ། ཤ་རྣམས་ཟ་བ་དང་ཞེས་བྱ་བ་ནི་མི་བསྐྱོད་བའི་རིགས་ཀྱི་སྒྲུབ་པ་པོ་རང་གི་ཟས་སུ་བྱ་བའི་ཕྱིར་དུ་དང༌། ཉེ་བར་ལོངས་སྤྱོད་པའི་དོན་དང༌། རྡོ་རྗེའི་རིགས་ཀྱི་ཁྲོ་བོའི་ལྷ་རྣམས་ལ་གཏོར་མར་དབུལ་བར་བྱ་བའི་ཕྱིར་དུ་ཏེ། གལ་ཏེ་ཤ་བརྟག་པར་ཏེ། ལོངས་སྤྱོད་པར་གྱུར་ན་དེའི་ཚེ་ཤ་ཆེན་པོ་མིའི་ཤ་ལ་བརྟག་པར་ཏེ། སྤྱད་པར་བྱའོ། །ཤ་ཆེན་ཟས་པའི་ཕན་ཡོན་ནི། གསང་བ་ནི་བསད་པ་ལ་སོགས་པའི་དྲག་པའི་ལས་ཏེ་སོ་། །ལས་དེ་སྒྲུབ་པ་པོ་དེ་ལ་ཕན་ཡོན་དུ་འབྱུང་བ་སྒྲུབ་པ་པོ་དེ་ཡི ས་ཡུལ་དུ་བྱས་པ་ཅན་སྟེ། མཐོང་བ་ནི་གསང་བའོ། །གསང་བ་དེ་གང་ཡིན་ཞེ་ན། སྐུ་དང་གསུང་དང་ཐུགས་ཞེས་བྱ་བ་སྟེ། རྡོ་རྗེ་གསུམ་དངོས་དང་རྗེས་སུ་མཐུན་པ ར་ལུས་ངག་ཡིད་གསུམ་བདེ་བ་ལ་ལེགས་པར་གནས་པ་འབྱུང་བར་འགྱུར་བའོ། །དེ་དག་སྟེ། བསད་པ་ལ་སོགས་པ་
འབའ་ཞིག་ཏུ་སྟེ་ལ་བསྟན་པར་མ་ཟད་ཀྱི། དངོས་གྲུབ་བསྒྲུབ་པ་ཐམས་ཅད་ཅེས་བྱ་བ་སྟེ། རི་ལུ་ལ་སོགས་པའི་དངོས་གྲུབ་བསྒྲུབ་པ་རྣམས་ལ་ཡང་རང་གི་ལྷའི་རིགས་དང་མཐུན་པའི་ཁ་ཟས་བསྟེན་ན། རྣལ་འབྱོར་པ་དེའི་ལུས་དང་ངག་དང་ཡིད་བདེ་བ་ལ་ལེགས་པར་གནས་པ་སྐྱེ་བའོ། །དེ་ལྟར་རྡོ་རྗེའི་རིགས་ཀྱི་ཁྲོ་བོ་རྣམས་ཀྱི་ཉེ་བར་སྤྱད་པ་གསུངས་ནས། དེ་བཞིན་གཤེགས་པ་ལ་སོགས་པའི་རིགས་ཀྱི་ཁྲོ་བོ་རྣམས་ཀྱི་ཉེ་བར་ལོངས་སྤྱོད་པ་བསྟན་པའི་ཕྱིར། གླང་པོའི་ཞེས་བྱ་བ་ལ་སོགས་པ་གསུངས་ཏེ། རྣམ་སྣང་གི་རིགས་ལ་ནི་གླང་པོ་ཆེའི་ཤ་དང༌། རིན་འབྱུང་གི་རིགས་ལ་ནི་རྟ་ཡི་ཤ་དང༌། །དེ་བཞིན་དུ་འོད་དཔག་མེད་ཀྱི་རིགས་ལ་ནི་དམ་པ་ཞེས་བྱ་བ་ནི་བ་ལང་གི་ཤ་དང༌། དོན་གྲུབ་ཀྱི་རིགས་ལ་ནི་ཁྱི་ཡི་ཤ། །བཟའ་བར་བྱ་ཞེས་བྱ་བ་ནི་ཤ་བཞི་པོ་དེ་རྣམས་བཟའ་བར་བྱ་བའི་ཕྱིར་དང༌། ལྷ་བཤོས་ཀྱི་ཕྱིར་དེ་བཞིན་གཤེགས་པའི་རིགས་ལ་སོགས་པའི་ཁྲོ་བོའི་ཚོགས་ཀྱིས་བཟའ་བར་བྱའོ། །ཤ་ལྔ་པོ་དེ་རྣམས་མེད་ན་སྟེ། མ་འབྱོར་ན་ཇི་ལྟར་བྱ་ཞེ་ན། ཟས་གཞན་ཞེས་བྱ་བ་ལ་སོགས་པ་གསུངས་ཏེ།གཞན་གང་ཡང་རུང་བའི་ཤ་དབུལ་ལོ། ཞེས་ཆག་གིས་བསྒྱུར་བ་ལྟར་ལེགས་པས་ཤ་ལྔ་ལས་གཞན་པའི་ཤ་གང་རུང་ལ་མི་ཤ་སོགས་སུ་བསམས་ལ་དབུལ་ལོ། །བཟའ་བ་ལ་སོགས་པ་གཞན་དག་ཀྱང་ཤར་དབུལ་ལོ། །པ་ཚབ་
ཀྱི་བསྒྱུར་བའི་རྒྱུད་ལས། ཙམ་པའི་ཟས་ཀྱིས་གསོལ་མི་བྱ། ཞེས་དང༌། དེའི་འགྲེལ་པར་ཙམ་པའི་ཟས་ནི་འབྲས་ཆེན་ཏེ། གསོལ་མི་བྱ་སྟེ། བཞེས་སུ་གཞུག་པར་མི་བྱ་སྟེ། ཙམ་པའི་ཟས་ནི་དྲག་པོའི་ལས་ལ་ལྷ་བཤོས་མ་ཡིན་པའི་ཕྱིར་རོ། ཞེས་འབྱུང་བ་ལྟར་དག་གོ །ཟས་ནི་འབྲས་ཆེན་ནོ། །གཞན་དག་ནི་འབྲུ་རྣམས་སོ། །དེ་དག་ཀྱང་མི་བཟའ་འམ་ཞེ་ན། བཟའ་བར་བྱ་སྟེ། ཁྲོ་བོ་རྣམས་ཀྱི་དྲག་པོའི་ལས་ལ་ནི་ཟས་གཞན་མི་དབུལ་བ་ཡིན་པས་སོ། ༈ །དྲག་ལས་སོགས་སོ་ས་ལ་རིགས་དང་མཐུན་པའི་གཏོར་མ་ལ་སོགས་པ་བྱས་པ་དེའི་འབྲས་བུ་སྟེ། ཕན་ཡོན་བསྟན་པར་བྱ་བའི་ཕྱིར། བྱང་ཆུབ་ཅེས་བྱ་བ་ལ་སོགས་པ་གསུངས་ཏེ། རིགས་དེ་དང་འབྲེལ་བའི་བྱང་ཆུབ་སེམས་དཔའ་རྣམས་དང༌། བློ་ཅན་ཏེ་རང་གི་ཕྱག་རྒྱ་དང་བཅས་པ་རྣམས་དང༌། སངས་རྒྱས་ཏེ་མི་བསྐྱོད་པ་ལ་སོགས་པ་རྣམས་རིགས་སོ་སོ་བ་དེ་དང་འབྲལ་བའི་རང་གི་རིགས་ཀྱི་མཆོད་པ་ཏེ། གཏོར་མ་ལ་སོགས་པ་བྱས་པས་མཉེས་པར་འགྱུར་རོ། །ཡང་འདི་ཉིད་ཀྱི་ཕན་ཡོན་བསྟན་པར་བྱ་བའི་ཕྱིར། འདི་ལྟ་བུ་ཡི་སྦྱོར་བ་ཡིས། །མྱུར་དུ་སངས་རྒྱས་ཉིད་ཐོབ་འགྱུར། ཞེས་བྱ་བ་གསུངས་ཏེ། གཏོར་མའི་སྦྱོར་བ་འདི་ཡིས་ནི་མྱུར་ཞིང་རིངས་པར་སངས་རྒྱས་ཉིད་དེ་བྱང་ཆུབ་པ་ཉིད་ཐོབ་པར་འགྱུར་བའོ། །ཡེ་ཤེས་དང་ལྡན་པ་འབའ་ཞིག་འགྲུབ་པར་ཏུ་མ་ཟད་ཀྱི། འདོད་པའི་དབང་ཕྱུག་ཏུ་འགྱུར་རོ་ཞེས་བསྟན་པར་བྱ་བའི་ཕྱིར། འདོད་ཁམས་ཞེས་བྱ་བ་ལ་སོགས་པ་གསུངས་ཏེ། འདོད་ཁམས་དབང་
ཕྱུག་འཇིག་རྟེན་ན། །གོ་འཕང་ལས་ནི་བྱེད་པར་འགྱུར། ཞེས་བྱ་བ་ལ། འདོད་པའི་ཁམས་ནི་སྟེ། དེའི་བྱེ་བྲག་བུད་མེད་ཐམས་ཅད་དེ། དེ་རྣམས་ཀྱི་ཡུལ་ལ་འདོད་པ་སྤྱོད་བའི་དགའ་བའི་དབང་ཕྱུག་ཏུ་འགྱུར་བའོ། །དེ་ཡང༌། རི་རབ་སུམ་ཅུ་རྩ་དྲུག་གི །རྡུལ་ཕྲན་ཇི་སྙེད་ཡོད་པ་ཡི། །དེ་སྙེད་ཀྱི་ནི་བུད་མེད་རྣམས། །ཡོན་ཏན་ཅན་ནི་བདག་གིར་འགྲུབ། ཅེས་འདི་ཉིད་ཀྱི་འོག་ལེའུ་བཅུ་གཉིས་པ་ནས་གསུངས་པའི་ཕྱིར་རོ། །འཇིག་རྟེན་ནི་ལས་ཀྱི་ས་འཛམ་གླིང་ངོ་འོ་། །གོ་འཕང་ནི་ཕྱིར་མི་ལྡོག་པའོ། །དེའི་ལས་ནི་སེམས་ཅན་སྨིན་ཅིང་གྲོལ་བར་བྱེད་པའི་མཚན་ཉིད་ཅན་ནོ། །དེ་མཛད་པས་ན་གོ་འཕང་ལས་ནི་བྱེད་པར་འགྱུར་བའོ། །ཡོངས་སུ་བརྟགས་པ་བསྐྱེད་རིམ་པའི་རྣལ་འབྱོར་པ་རྣམས་ཀྱི་མཆོག་ཏུ་གྱུར་པས་ན་གཙོ་བོའོ། །འདི་ནས་རྫོགས་རིམ་པའི་ཕན་ཡོན་སྟོན་ནོ། །སྡུག་བསྔལ་བ་དང་ཡིད་མི་བདེ་བ་ཐམས་ཅད་ཟིལ་གྱིས་གནོན་པས་ན་གཟི་བརྗིད་སྟེ། དེ་ཡོད་པས་ན་གཟི་བརྗིད་ཅན་ནོ། །རྙེད་པ་དང༌། བདེ་བ་དང༌། སྙན་པ་དང༌། བསྟོད་པ་ལ་ཆགས་པ་བཞི་དང༌། དེ་ལས་ལོག་པ་བཞི་ལ་སྡང་བའི་འཇིག་རྟེན་གྱི་ཆོས་བརྒྱད་ཀྱིས་མི་རྫི་བས་ན་སྟོབས་དང་ལྡན་པའོ། །རྡོ་རྗེ་སེམས་དཔའི་ཚེ་དང་ལང་ཚོ་དང་ལྡན་པས་ན་མདངས་བཟང་བའོ་ངོ་། །རྟག་ཏུ་རབ་ཏུ་དགའ་བར་གྱུར་པས་ན་མཐོང་ན་ཡིད་དུ་འོང་བའོ། །དེ་ལྟ་བུའི་རྣལ་འབྱོར་ཆེན་པོ་དང་ལྡན་པའི་རྣལ་
འབྱོར་པས་ནི་མཐོང་བ་སྟེ་མཐོང་བ་ནི་ཁོང་དུ་ཆུད་པའོ། །ཁོང་དུ་ཆུད་པ་དེ་ཡང་རྣམ་པ་གསུམ་སྟེ། མིག་དང༌། རྣ་བ་དང༌། ཡིད་ཀྱིས་སོ། །དེ་ལ་མཐོང་བ་ཙམ་གྱིས་འཇིག་རྟེན་ཏེ། སྐྱེ་གནས་སོགས་སྣ་ཚོགས་པས་རྣམ་པར་ཕྱེ་བའི་འགྲོ་བ་རྣམས་དབང་དུ་བྱེད་པར་འགྱུར་བ་སྟེ། དཔོན་འདི་འགྱུར་གསར་གཉིས་ལ་མེད་དོ། །པོ་ལ་སོགས་པ་ལྟ་བུར་མཐོང་བར་འགྱུར་བའོ། །དབང་དུ་འགྱུར་བ་ནི་དབང་ཐོབ་པའི་རྣམས་གྲངས་སོ། །བསྐུལ་མེད་པར་ཞེས་བྱ་བ་ནི། ཕྱིའི་སྔགས་དང་ཕྱག་རྒྱ་ལ་སོགས་པས་བསྐུལ་ཞིང་དྲངས་པ་མེད་པ་སྟེ། མཚན་མའི་ཏིང་འཛིན་བརྟགས་པའི་ལྷའི་རྣལ་འབྱོར་དང་སྔགས་བཟླས་པ་སོགས་ལ་གནས་པས། མཚན་མ་མེད་པའི་ཏིང་ངེ་འཛིན་གྱིས་འགྲུབ་པའི་འབྲས་བུ་འཐོབ་པར་མི་འགྱུར་རོ། ཞེས་རྣམ་པར་སྣང་མཛད་མངོན་པར་བྱང་ཆུབ་པ་ལས་གསུངས་པའི་ཕྱིར། ཟུང་འཇུག་པ་ལ་ནི་བདེ་བ་སྟེ། དངོས་གྲུབ་ཐམས་ཅད་ཕྱིའི་སྔགས་དང་ཕྱག་རྒྱ་ལ་མི་ལྟོས་བར་ལྷུན་གྱིས་གྲུབ་པ་ཉིད་དུ་འབྱུང་བར་འགྱུར་བའོ། །འདི་ནི་ཞེས་པ་ནི་བཤད་མ་ཐག་པའོ། །ཁསངས་རྒྱས་ཀཐམས་ཅད་གཀྱི་ཞེས་བྱ་བ་ལ། ཐམས་ཅད་ནི་རྟོག་པའི་རྣལ་འབྱོར་བ་ཐམས་ཅད་དེ། དེ་རྣམས་ཀྱི་སྟེ། ལས་ཕུལ་དུ་བྱུང་བའི་སངས་རྒྱས་ཏེ་རྟོགས་པ་པོ་ཤིང་རྫོགས་པའི་རིམ་པའི་ཏིང་ངེ་འཛིན་ལ་གནས་པའོ། །དེ་རྣམས་ཀྱི་གསང་བ་ནི་སྦས་པའོ། །བྱང་ཆུབ་དམ་པ་ཞེས་བྱ་བ་ནི་བྱང་ཆུབ་དམ་པ་དེ་འཐོབ་པར་འགྱུར་བ་ལས་ཉེ་བར་
མཚོན་པ་སྟེ། སྤྱོད་པ་ལ་ཡང་དེའི་མིང་བཏགས་པ། །ཡང་དག་སྔགས་ཀྱི་གསང་བ་ཞེས་བྱ་བ་ནི་དེ་བཞིན་གཤེགས་པའི་གསང་བའོ། །འདི་ཞེས་བྱ་བ་ནི་བཤད་མ་ཐག་པའོ། །ལུས་ངག་སེམས་ལས་འདའ་བའོ། ཞེས་བྱ་བ་ནི། །ཐ་མལ་པའི་ལུས་དང་ངག་དང་སེམས་ལས་འདའ་པ་གང་ཡིན་པ་དེ་ལ་དེ་སྐད་ཅེས་བྱའོ། །འདི་སྐད་སྟོན་པར་འགྱུར་ཏེ། ཐ་མལ་བའི་ལུས་ཞེས་པ་འདི་ལ་ནི་སྒྱུ་མའི་སྐུ་དངོས་སུ་གྲུབ་པ་གཅིག་དགོས་ལ། དེ་ལ་ཡང་རིམ་པ་གསུམ་པའི་སྒྱུ་ལུས་དངོས་གྲུབ་པ་དང༌། དག་པའི་སྒྱུ་མའི་སྐུ་དང་པོར་གྲུབ་པ་དང༌། འབྲས་བུའི་སྐབས་གསུམ་ཡོད་པ་ལས། འདིར་ནི་བར་བའི་སྐབས་ཡིན་ཏེ། འདིར་རྫོགས་རིམ་པའི་སྤྱོད་པ་ནི་སྒྱུ་ལུས་གྲུབ་ནས་འོད་གསལ་གྱི་དོན་དུ་ཡིན་པར་ངེས་དོན་གྱིས་བཤད་པ་ལས་ཤེས་པའི་ཕྱིར་རོ། །ཐ་མལ་པའི་ལུས་སྤངས་པའི་དོན་ཤིན་ཏུ་རྟོགས་དཀའ་བར་ཡོད་པ་གཞན་དུ་རྒྱས་པར་བཤད་ཟིན་པ་ལས་ཤེས་པར་བྱའོ། །སྤངས་ནས་གང་གིས་རྡོ་རྗེའི་རང་བཞིན་གྱི་ལུས་ཐོབ་པར་འགྱུར་བའི་དེ་ཁོ་ན་ཉིད་ནི་འདི་ལྟ་བུ་ཡིན་ནོ་ཞེས་པ་སྟེ། དེ་སྐད་དུ། རྣམ་རྟོག་མེད་པ་འོད་གསལ་ལ་གནས་པའི་སྔགས་པ༡་ནི། །འདི༢་ལྟ་བུ འི་ཏིང་ངེ་འཛིན་དང་ལྡན་པ་དག ནི། །ལམ་གཞན་དུ་བསྐལ་པ་མང་པོའི་གྲངས་ཀྱི་ངེས་པ་བཤད་པའི་དུས་ནི་ཡོངས་སུ་སྤངས་ནས། བླ་ན་མེད་པའི་གོ་འཕང་ཐོབ་པར་འགྱུར་རོ། ཞེས་རྡོ་རྗེ་སྙིང་པོ་རྒྱན་གྱི་རྒྱུད་ལས་གསུངས་པ་སྟེ། དྲང་བའི་དོན་ཏོ། ༈ །ཞེས་པ་ཟླ་བ་དྲུག་དང༌། བཤང་གཅི་དང་ཤ་ལྔ་ཟ་བའི་ངེས་དོན་མ་
བཤད་པར་སྒྲས་ཟིན་ལྟར་བཤད་པའི་སྒོ་ནས་དྲང་བའི་དོན་ཞེས་བྱའི། སྔར་བཤད་པ་ཐམས་ཅད་བསྐྱེད་རིམ་ལ་བཤད་པའི་སྒོ་ནས་མིན་ཏེ། རྫོགས་པའི་རིམ་པ་དུ་མ་ཞིག་བཤད་པའི་ཕྱིར་རོ། །ཟླ་བ་དྲུག་བསྒོམ་པ་དང་བཤང་གཅི་དང་ཤ་ལྔ་བཟའ་བར་གསུངས་པ་སོགས་རྡོ་རྗེའི་ཚིག་འདི་དག་གི་ངེས་པའི་དོན་བཤད་པའི་རྒྱུད་ལུང་སྟོན་ཀྱི་རྗེས་སུ་འབྲངས་པས་རྣམ་པར་དབྱེ་བ་སྟེ། བཤད་པ་ལ་འཇུག་པར་བྱ་སྟེ། དེ་ནས་བདེ་གཤེགས་གཙོ་བོས་ཀྱང་། །གསང་བའི་དམ་པ་གསུངས་པ་ནི། །སེམས་ཅན་ཀུན་གྱི་དོན་གྱི་ཕྱིར། །སྤྱོད་མཆོག་དམ་པ་ཀུན་གསུངས་སོ། ༈ །མཛོད་ལས། སྐད་ཅིག་མ་བརྒྱ་ཉི་ཤུ་ལ། །དེ་ཡི་སྐད་ཅིག་དེ་དག་ཀྱང་། །དྲུག་ཅུ་ལ་ནི་ཐང་ཅིག་གོ །ཡུད་ཙམ་ཉིན་ཞག་ཟླ་གསུམ་ནི། །གོང་ནས་གོང་དུ་སུམ་ཅུར་འགྱུར། ཞེས་འབྱུང་བ་ལྟར། སྐད་ཅིག་གི་དུས་དང་ཐང་ཅིག་གི་དུས་དང་ཡུད་ཙམ་གྱི་དུས་དང༌། །ཟླ་ཕྱེད་ཀྱི་དུས་དང་ཟླ་བ འི་དུས་དང་ལོ་ཡི་དུས། །དྲུག་བསགས་པ་ལས། བསྐལ་པ་གཅིག་ཅེས་པ་འགྲུབ་པ་བཞིན་དུ། གཟུགས་དང་སྒྲ་དང་རོར་ལྡན་པ། ཞེས་པའི་གྲངས་གསུམ་གྱི་ངེས་དོན་སེམས་དབེན་གྱི་ཡེ་ཤེས་རླུང་གི་བཞོན་པ་དག་བཅས་པ། སོ་སོར་ཕྱེ་ན་དྲུག་ཟུང་དུ་བསྡེབས་ན་གསུམ་པོ་ལས་སྐད་ཅིག་པ་ནི་གཅིག་ལ་ཆུ་ལས་ཉ་འཕར་གྱི་ཚུལ་དུ་སྒྱུ་མའི་སྐུ་རྫོགས་པ་ལ། གཟུགས་དང་སྒྲ་དང་རོར་ལྡན། ཞེས་བརྗོད་དོ། །བསྐལ་བསྐལ་པ་ཞེས་པའི་རྐང་པ་གཉིས་པོ་འདི་འདིར་འབྱུང་བ་བཞིན་དུ། དགོངས་པ་ལུང་སྟོན་གྱི་འགྱུར་ལས་ཀྱང་འབྱུང་མོད་ཀྱང༌། །པ་ཚབ་ཀྱི་འགྱུར་ལས། གྲངས་གསུམ་བསྐལ་བ་གཅིག་ཅེས་པ། སྐད་ཅིག་མ་
ནི་གཅིག་ལ་བརྗོད། ཅེས་འབྱུང་ཞིང༌། ཆག་འགྱུར་ཡང་དེ་དང་དོན་འདྲ་ལ། མཁས་པ་གཞན་དག་ཀྱང་འདིའི་རྒྱ་དཔེ་ལ་དགག་ཚིག་མེད་པས་གྲངས་མེད་གསུམ་ཞེས་པ་འགྱུར་སྐྱོན་ཡིན་གསུང་པ་ལྟར་ལེགས་སོ། །པ་གྲངས་མེད་གསུམ་པོ་ནི། །སྐད་ཅིག་གཅིག་ཏུ་མཉམ་པར་བཤད། །ཟླ་བ་དྲུག་ཏུ་བསྒོམ་པར་བཤད་པ་ཡང་སོ་སོར་ཕྱེ་ན་དྲུག་ཏུ་འགྱུར་བ་ལས་སྒྱུ་མའི་སྐུ་འགྲུབ་པར་གསུངས་པ་དེ་ཉིད་ཡིན་ནོ། །ཁ བསམ་གཏན་གཉིས་ཀྱི་དངོས་པོ་མེད་པ་འོད་གསལ་དུ་བྱས་ནས་མངོན་པར་བྱང་ཆུབ་པའི། ཀདེ་འདྲ་བའི་རྫོགས་པར་ལོངས་སྤྱོད་པ། །སྒྱུ་མའི་སྐུ་དེ་ག སྐད་ཅིག་མར་རོ། །གཅིག་ཏུ་འགྱུར་བ་ནི་རྒྱལ་བ་རྣམས་ཀྱིས་བསྔགས་པ་སྟེ། །ཐོག་མཐའ་བར་གསུམ་གྱི་དུས་གསུམ་སྣང་མཆེད་ཐོབ་གསུམ་ལས་འདས་པ་སྟེ། དེ་གསུམ་དག་པ་ཡིན་པར་དགོངས་སོ ། །གཟུགས་དང་སྒྲ་དང་རོར་ལྡན་པ། །རྣལ་འབྱོར་པས་ནི་ཟླ་དྲུག་བསྒོམ། །་པར་བྱ་ཞེས་པའི་རྐང་བ་གཉིས་ཀྱི་དོན་ནི། རྫོགས་རིམ་པའི་སྤྱོད་པའི་དུས་སུ་ཡང་སྒྲས་ཟིན་ལྟར་འདོད་ཡོན་ལ་སྤྱོད་པ་བྱེད་པའོ། །མཆོད་ཆེན་འོད་གསལ་དུ་འཇུག་པ་དེ་ནི་བྱས་ནས་སུ་སྟེ། །དེའི་རྗེས་སུ་གསང་བའི་དེ་ཉིད་ཟུང་འཇུག་རྣམ་པར་བསྒོམ་པར་བྱའོ། ༈ །ཡུལ་དང་དབང་པོ་གཉིས། ཁདེ་གཉིས་འོད་གསལ་དུ་སྦྱོར་བ་ནི། །གཤང་གཅི་དང་གཟས་སུ་ཟ་བར་བྱེད་པའོ། །ཟ་ཚུལ་དེ་ལྟར་བྱས་ན་དེ་འདྲ་བ་སྟེ། དེའི་དངོས་གྲུབ་བྱེད་པ་ནི། །སྔར་བཤད་པའི་བཟའ་བ་རྣམ་པར་རྟོག་པ་མེད་པའི་འོ་། །དོན་གྱི་འོད་གསལ་
གྱི་དེ་ཉིད་དེ། ངོ་བོ་འདི་ནི་བླ་ན་མེད་པ་ཟུང་འཇུག་སྟེ། །བྱང་ཆུབ་ཀྱི་སེམས་གཅིག་འོད་གསལ་ལས་བྱུང་བའོ། །དེ་འདྲ་བའི་རྟོག་མེད་ལས་ཉོན་གྱིས་འདུས་ནི་མ་བྱས་པའི་ཤིང༌། །མི་རྟོག་པའི་དོན་ཟུང་འཇུག་ནི་འགྲུབ་པར་འགྱུར་རོ། །མཱྃ་མའི་མགོར་ཐིག་ལེ་ཡིད་མེད་གཉིས་བྱུང་ཞིང་། སྐལ་ལྡན་གྲགས་པའི་འགྲེལ་བཤད་དུ། །མཱ་མ་ཀཱིའི་མིང་ཡིག་གི་ཐོག་མ་ཡིན་པར་བཤད་པ་ནི་ཐིག་ལེ་མེད་པའོ། ཐུགས་རྗེ་ཞབས་ཀྱི་འགྲེལ་བཤད་དུ་མཱ་མ་ཀཱིའི་སྒྲ་ལ་མཐའི་ཡིག་གཉིས་ཕྱིས་ནས་ཐིག་ལེ་བྱིན་པར་བཤད་དོ། །དེ་ལྟར་སྣང་ཡང་འདི་ཤ་ཟ་བའི་ངེས་དོན་འཆད་པའི་སྐབས་ཡིན་ལ། དེ་ཡང་ཤའི་སྐད་དོད་ལ་མཾ་ས་ཞེས་འབྱུང་བའི་སྟེང་ནས་འཆང་པ་ཡིན་པས། ཆག་འགྱུར་ལས། མཾ་ནི་ཞེས་འབྱུང་བ་ལྟར་བྱ་དགོས་སོ། །མཱཾ་ནི་མཱ་མ་ཀཱིའོ། །དེ་བསྒྱུར་ན་བདག་མ་སྟེ། དེ་ནི་བདག་བྱིན་གྱིས་བརླབ་པ་དག་པའི་སྒྱུ་མའི་སྐུའོ། །ས་ནི་སཾ་བོ་དྷི་སྟེ་དེ་ནི་མངོན་པར་བྱང་ཆུབ་པ་དོན་གྱི་འོད་གསལ་ལོ། །མཱ་དང་ཀླད་ཀོར་གཉིས་སོ་སོར་ཕྲལ་ནས། ཀླད་ཀོར་ས་ཡིག་ལ་བྱིན་པའོ། །དེ་གཉིས་དབྱེར་མི་ཕྱེད་པའི་ཟུང་འཇུག་གི་བསམ་གཏན་ནི་མ་སའོ། །ནི་མཱ་མ་ཀཱིར་བཤད་དེ། །ས་ནི་མངོན་པར་བྱང་ཆུབ་པའོ། །དེ་འདྲ་བའི་བསམ་གཏན་ལ་དེ་ ལ་ནི་དགའ་བར་སྤྱོད་པ། །ཤ་ བཟའ་བར་བྱ་ཞེས་བྱ་བར་རྩ་བརྒྱུད་དེར་བཤད་དོ། །ཤ་ཟ་བའི་དོན་སྤྱིར་བཤད་ནས། བྱེ་བྲག་ཏུ་འཆད་བ་ནི་ནམ་མཁའི་ལྟར་མཐའ་ཡས་པ་འོད་གསལ་དང༌། རྣལ་འབྱོར་ནི། །སྦྱོར་བ་སྟེ། སྔ་མ་དང་དག་པའི་ཀུན་རྫོབ་གཉིས་སྦྱོར་བ་ནི་ཤ་ཆེན་དེ་ནི་རབ་ཏུ་བརྟག་པར་བྱ་བ་ཡིན་པར་རྩ་རྒྱུད་ལས་བཤད་དོ། །དེ་གོམས་པས་
སྐུ་གསུང་ཐུགས་ཀྱི་གསང་བ་ཡི་ནི་གོ་འཕང་མཆོག །རྡོ་རྗེ་གསུམ་དབྱེར་མི་ཕྱེད་པ་མཐར་ཐུག་པ་ནི་མྱུར་དུ་སྟེ། ཚེ་འདི་ཉིད་ལ་འགྲུབ་པ། །ཡང་མཾ་སའི་སྒྲ་ལས་ས་མ་ཡ། དམ་ཚིག་དང་མཧཱ་ནི་ཆེན་པོ འོ་དེ་ཡི་སྔ་མ་ལ་ས་མ་ང་ནི་མཉམ་པ་ཉིད་དོ། །དེ་ཡང་འོད་གསལ་དང་སྒྱུ་ལུས་གཉིས་མཉམ་པར་ཞུགས་པའོ། །་གླང་ཆེན་དང་རྟ། །དང་དེ་བཞིན་དུ་ཁྱི་ལ་སོགས་པའི་ཤ། ཁ ཟུང་འཇུག་པའི་ཕུང་པོ་ལྔ་ལ་སོགས་པ་རིགས་ལྔའི་ངོ་བོར་བསྟན་ནོ། །ཀ རིགས་ལྔའི་རིགས་ཀྱི་དབྱེ་བས། །སྔར་ཇི་སྐད་བཤད་པ་ལྔས། དེ་དག་དང་གྲངས་མཉམ་པའི་འོ། །གརྣལ་འབྱོར་བ་གང་ཞིག་གཉིས་སུ་མེད་པ། །ཟུང་འཇུག་གི་བསམ་གཏན་ལ་དགའ་བ་ཞེས་བྱ་བ་ནི་ཟས། །སུ་ཟ་བར་བྱེད་པའོ། །ཁྃ་པ་ཚབ་ཀྱི་འགྱུར་ལས། ཁྃ་ཞེས་བྱ་བ་འཇིག་རྟེན་པ། །འཇིག་རྟེན་འདས་པའི་ངོ་བོར་འགྱུར། །ཞེས་བསྒྱུར་བ་བདེའོ། །ཁྃ་གྱི་ཟས་འབྲས་ཆན་ལ་སོགས་པ་ལྷ་ལ་བཤོས་སུ་མི་དབུལ་ཞེས་བྱ་བའི་ངེས་དོན་ནི། ཉན་རང་དང་ཕར་ཕྱིན་གྱི་མདོ་སྡེ་ལ་སྤྱོད་པའི་འཇིག་རྟེན་པ་དང༌། རྒྱུད་སྡེ་འོག་མའི་རྣལ་འབྱོར་གྲུབ་པའི་འཇིག་རྟེན་ལས་འདས་པས་ལོངས་སྤྱོད་པའི་ཏིང་ངེ་འཛིན་གྱི་ངོ་བོ་དེ་ཙམ་ཞིག་ལ། འདིའི་རྣལ་འབྱོར་བས་ལོངས་མི་སྤྱོད་བའོ། །ཞེས་བྱ་བའི་ངོ་བོ་ནི། །འཇིགས་རྟེན་པ་དང་འཇིག་རྟེན་འདས། །དེས་ན་གང་ཡང་ངམ། གང་དག་ལམ་འདིའི་རྣལ་འབྱོར་པ་འཇིག་རྟེན་ལས་འདས་པ་མཆོག །ཏུ་གྱུར་པ་མཁས་པའི་ཏིང་ངེ་འཛིན་ལ་ལོངས་སྤྱོད་པའི་ཟས་ཀྱི་གཙོ་བོ་ནི་རྣམ་པར་མི་རྟོག་པའོ། །དེ་བཞིན་ཉིད་འོད་
གསལ་དུ་རོ་གཅིག་པ། །དེ་ནི་ཟུང་འཇུག་འཁོར་བའི་མཐའ་དང་ཅིག་ཤོས་མྱ་ངན་ལས་འདས་པའི་མཐའ་གཉིས་སྤངས། །པ་དེ་ནི་ཡིན་ནོ། ༈ །དེ་ལྟ་བུའི་རྣལ་འབྱོར་བརྟུལ་ཞུགས་བཟང་པོ་འདིས། །བྱང་ཆུབ་སེམས་དཔའ་སོགས་ནི་སྔར་བཤད་པ་བཞིན་ནོ། །བློ་ཅན་དང༌། །སངས་རྒྱས་རྣམས་ནི་མཉེས་འགྱུར་ཞིང༌། །དངོས་གྲུབ་མྱུར་དུ་འཐོབ་པར་འགྱུར། །འདོད་ཁམས་དབང་ཕྱུག་ཅེས་སོགས་ཀྱི་ཕན་ཡོན་ནི། གཏོར་མའི་ཕན་ཡོན་དུ་སྔར་གསུངས་པ་ཕལ་ཆེ་བ་ཡང༌། ཟུང་འཇུག་གི་ཕན་ཡོན་ལ་དགོངས་ནས་ཡིན་ནོ། །འཇིག་རྟེན་ན། །ལས་ཀྱི་གོ་འཕང་འཐོབ་པར་འགྱུར། །གཙོ་བོ་གཟི་ཆེན་སྟོབས་ཀྱིས་ཕྱུག །མདངས་དང་ལྡན་ཞིང་མཐོང་ན་དགའ། །མཐོང་པ་ཙམ་གྱིས་བསྐུལ་མེད་པར། །འཇིག་རྟེན་འདི་དག་དབང་དུ་འགྱུར། །འདི་ནི་སངས་རྒྱས་ཐམས་ཅད་ཀྱི། །གསང་བ་བྱང་ཆུབ་དམ་པའོ། །ཡང་དག་སྔགས་ཀྱི་གས་བ་འདི། །རྡོ་རྗེ་གསུམ་ནི། ཐ་མལ་བའི་ལུས་ངག་ཡིད་གསུམ་མོ། དེ་ལས་འདས་པ་ནི་ཟུང་འཇུག་པའི་རྡོ་རྗེའི་སྐུ་གྲུབ་པ་དམ་པའོ། །གཙོ་བོ་དེ་བཞིན་གཤེགས་ཀུན་གྱི་སྟེ། །རྡོ་རྗེ་འཆང་གི་དམ་ཚིག་སྟེ། མཉམ་ཉིད་ཆེན་པོ་ཡིན་ཏེ་དམ་ཚིག་རྣམས་ཀྱི་མཆོག་གོ །ཅེས་བྱ་བ་སྟེ། ངེས་པའོ་དོན་ཏོ། ༈ །འོད་གསལ་དུ་ཞུགས་པའི་དེ་ཁོ་ན་ཉིད་རྣམས་པར་མི་འཇིག་པ་རྡོ་རྗེའི་སྐུ འི་ངོ་བོ་ཉིད་དུ་ཀགང་གིས་ལུས་དང་ངག་དང་ཡིད་རྣམས་གབྱིན་གྱིས་རློབ་ཅིང་སྟེ་སྐྱེད་པ་སྟོན་པའི་ཚིག་དེའི་གཞུང་གི་ཚོགས་ཀྱི་ལེའུ་ལ་ནི། སྐུ་དང་གསུང་དང༌།
ཐུགས་བྱིན་གྱིས་རློབ་པའི་ལེའུ་ཞེསབྱའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་དྲུག་པ་མཐའ་དྲུག་གི་བཤད་པའོ། ༈ །དེ་ལྟར་རྣལ་འབྱོར་པ་ཐ་མལ་པ་བསྐྱེད་རིམ་པ་དང༌། མཆོག་རྫོགས་རིམ་པ རྣམས་ཀྱི་སྤྱོད་པ་ལེའུ་དྲུག་པར་ཡང་དག་པར་བསྟན་ནས། རིམ་གཉིས་ཀྱི་སྤྱོད་པ་དེ་ཉིད་སྔ་མར་མ་ཟད་སླར་ཡང་སྤྲོས་ནས་ཏེ། རྒྱས་པར་བཤད་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ༈ །དམ་ཚིག་ཆེན་པོ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེའི་ལམ་གྱི་དེ་ཁོ་ན་ཉིད་དེ། མི་སླུ་བ་ནི་ཡན་ལག་དྲུག་ནི་སོ་སོར་སྡུད་པ་སོགས་དྲུག་ལ་བྱས་ན་འོག་ནས་དེ་དྲུག་ཚང་བར་མི་སྟོན་པས་སངས་རྒྱས་རྗེ་དྲན་གྱི་ཡན་ལག་སོགས་དྲུག་ལ་བྱའོ་གོ་སྔགས་ཀྱི་སྤྱོད་པའི་མཆོག་མཆོག་ཅེས་པ་ཆག་འགྱུར་ལས་ཐོབ་བྱ་མཆོག་ཅེས་ཕྱིར་ལ་དྲངས་སོ། །ནི་ཐུན་མོང་གི་བསྒྲུབ་པ་བསྐྱེད་རིམ་མོ་འོ་། །དེ་དག་གིས་མངོན་པར་རྫོགས་པར་བྱང་ཆུབ་པ་ཐོབ་པ ར་བྱ་བ་མཆོག་ཐོབ་པ་ནི་རྡོ་རྗེ་འཆང་ཉིད་ཐོབ་པ་སྟེ། དམ་ཚིག་ཆེན་པོའི་དེ་ཁོ་ན་ཉིད་མངོན་པར་རྫོགས་པར་བྱང་ཆུབ་པ་ཞེས་བྱའོ། །དེའི་དོན་གྱི་སྟེ། དེ་བརྗོད་བྱའོ་དོན་དུ་བྱས་པའི་ལེའུ་ནི་དེ་རབ་ཏུ་སྟོན་པའི་ཚིག་གི་ཚོགས་ཏེ་དེ་བཅོམ་ལྡན་འདས་ཀྱིས་གསུངས་སོ། །ཞེས་བྱ་བར་སྦྱར་རོ། ༈ །འདོད་པའི་ལོངས་སྤྱོད་ཅེས་བྱ་བ་ལ་སོགས་པ་ལ་འདོད་པ་ཐམས་ཅད་ནི་གཟུགས་ལ་སོགས་པའི་ཡུལ་རྣམས་
སོ། །དེ་རྣམས་ལ་ཉེ་བར་ལོངས་སྤྱོད་པ་ནི། དབང་པོའི་ཤེས་པས་རྗེས་སུ་མྱོང་ཞིང་ཡིད་ཀྱི་ཤེས་པ ས་གོམས་པར་བསྟེན་པས་སོ། །ཇི་ལྟར་བསྟེན་ཞེ་ན། ཇི་ལྟར་འདོད་པ་ཞེས་གསུངས་ཏེ། ཇི་ལྟར་འདོད་པ་ཞེས་བྱ་བ་ལ། འདོད་པ་ནི་འདུན་པ་སྟེ། འདོད་ཡོན་གང་དང་གང་བསྟེན་པར་འདོད་པ་ནི་ཇི་ལྟར་འདོད་པ་དེ་ལྟར་བསྟེན་ནོ་འོ་། །དེ་ལ་འདོད་པ་ཞེས་སྨོས་པ ས་ནི་འི་རྣམ་པ་འང་འཛིན་ལ་ནི་དེའི་དོན་ནི་མིག་ལ་སོགས་པས་གཟུགས་ལ་སོགས་པ་ངན་པ་དང༌། འབྲིང་དང༌། མཆོག་རྣམས། གཟུགས་རྡོ་རྗེ་ལ་སོགས་པར་གཅིག་པའི་རྣམ་པས་ཡུལ་དུ་བྱེད་པའོ། །དེའི་ཚེ་རྣལ་འབྱོར་བས་ཀྱང་གང་སྤྱད་ན་དབང་པོ་རྟེན་བཅས་རྣམས་རྒྱས་པ་དང་ཇི་ལྟར་རྗེས་སུ་མཐུན་པར་ཏེ། མཐུན་པ་རྣམས་ལོངས་སྤྱོད་པས་བསྟན་པར་བྱེད་པ་ནི་ཇི་ལྟར་འདོད་པ་ཞེས་བྱ་བའི་དོན་ཡིན་གྱི། རང་འདོད་པ་ཡིན་ཡང་དབང་པོ་རྒྱས་པ་དང་རྗེས་སུ་མི་མཐུན་པ་མི་སྟེན་ཞེས་པའོ་སྟེ་། འདོད་པའི་ལོངས་སྤྱོད་ཅེས་པའི་སྐབས་འདིར་སྤྲོས་པ་དང་བཅས་པའི་སྤྱོད་པ་ལ་སྤྱོད་དོ་ཞེས་བྱ་བ་ནི་དངོས་སུ་མེད་ཀྱང་། རྩ་ཚིག་གི་ལྷག་མ ར་གདོན་ནོ་འོ་། །སྤྱོད་པ་སྤྱད་པ་དེས་ཅི་ཞིག་འགྲུབ་ཅེ་ན། འདི་ལྟ་བུ་ཡི་ཞེས་བྱ་བ་ལ་སོགས་པ་གསུངས་ཏེ། འདི་ལྟ་བུ་ནི་བཤད་མ་ཐག་པའོ། །སྦྱོར་བ་ཡིས་ཞེས་བྱ་བ་ནི་འདོད་ཡོན་གྱི་ཡུལ་རྣམས་དང་མིག་སོགས་ཀྱི་དབང་པོ་རྣམས་མཉམ་པར་སྦྱོར་བ་མི་འགོག་པར་ལོངས་སྤྱད་པས་སངས་རྒྱས་ཏེ་རྡོ་རྗེ་འཆང་ཉིད་མྱུར་ཞིང་སྟེ། རིངས་
པར་ཚེ་འདི་ཉིད་ལ་ངེས་པར་འཐོབ་པར་འགྱུར་བའོ། ༈ །དེ་ལྟར་སྤྲོས་པ་དང་བཅས་པའི་སྤྱོད་པ་བསྟན་ནས་སྤྲོས་པ་མེད་པའི་སྤྱོད་པའི་དབང་དུ་མཛད་ནས། འདོད་པའི་ལོངས་སྤྱོད་ཅེས་བྱ་བ་ལ་སོགས་པ་གསུངས་ཏེ། འདོད་ཡོན་ལ་རང་ཇི་ལྟར་འདོད་པ ར་བསྟེན་བྱ་སྟེ། ཞེས་བྱ་བ་ནི། སྒྲུབ་པ་པོ་བདག་ཉིད་ཡུལ་གང་འདོད་པ་དང་རྗེས་སུ་མཐུན་པ ར་བསྟེན་པའོ་དང༌་། ཡུལ་གང་ལ་སྤྱད་ན་ཇི་ལྟར་བདེ་བ་ཆེན་པོ་ཉམས་སུ་མྱོང་བ་བསྐྱེད་པའི་གང་ཟག་འདོད་པའི་ཡོན་ཏན་ལྔས་བདག་སྟེ་རང་ཉིད་དང༌། གཞན་རྣམས་ལ་མཆོད་པར་བྱ་ཞིང་སྟེ་ཚིམ་པར་བྱའོ། །ཇི་ལྟར་ཚིམ་པར་བྱ་ཞེ་ན། རང་གི་ལྷ་ཡིས་སྦྱོར་བ་ཡིས་ཞེས་བྱ་བ་སྟེ། །རང་གི་ལྷ་ཡི་འདིར་དཔེ་ཁ་ཅིག་ལས། རང་གི་རང་བཞིན་གྱི་ཏིང་ངེ་འཛིན་གྱིས་སོ། ཞེས་པ་དང་། འགྱུར་གསར་གཉིས་ལས་སྒྱུ་མ་ལྟ་བུའི་ཏིང་ངེ་འཛིན་གྱིས་སོ། ཞེས་འབྱུང་ཡང་མི་ལེགས་ཏེ། འདིར་རིམ་པ་གཉིས་ཀའི་ཐུན་མོང་བའི་སྤྱོད་པ་ཡིན་པའི་ཕྱིར་དང༌། རང་གི་ལྷའི་རྣལ་འབྱོར་གྱིས་བྱ་བར་གསལ་བར་གསུངས་པའི་ཕྱིར་རོ། །ཚིགས་བཅད་གཉིས་ཀས་དབང་པོ་ལ་ཕན་འདོགས་པའི་ཡུལ་རྣམས་ལ་རང་གང་འདོད་པ་དང་མཐུན་པར་ལོངས་སྤྱོད་ཅེས་འདྲ་བར་འབྱུང་ཡང༌། སྔ་མ་སྤྲོས་བཅས་དང་ཕྱི་མ་སྤྲོས་མེད་ལ་སྦྱོར་བས་མི་ཟློས་སོ། །ཏིང་ངེ་འཛིན་གྱིས་སྤྱད་པར་བྱའོ་སོ་། །འདོད་ཡོན་ལ་ཅི་བདེར་ལོངས་སྤྱོད་དགོས་པ་དེ་ཉིད་ཀྱིས་ན་དཀའ་ཐུབ་ཅེས་བྱ་བ་ལ་སོགས་པ་གསུངས་ཏེ། ལུས་ངལ་ཞིང་དུབ་པའི་སྦྱོར་བས་གཙུག་ལག་
ཁང་ལ་སོགས་པ་སྒྲུབ་པའི་དཀའ་ཐུབ་དང༌། ཤིང་དྲུང་པ་ལ་སོགས་པའི་སྦྱངས་པའི་ཡོན་ཏན་བཅུ་གཉིས་ཀྱི་སྡོམ་པ་སྟེ། ཡི་དམ་ལེན་པ་དང༌། མུ་སྟེགས་ཀྱི་བརྟུལ་ཞུགས་རི་ལས་མཆོང་ཞིང་མེར་འཇུག་པ་ལ་སོགས་པ་མི་བཟད་བ་སྟེ། དཀའ་སྤྱད་དེ་རྣམས་ཀྱིས་བསྟེན་ཅིང་སྟེ། གདུངས་བཞིན་པས་ནི་འགྲུབ་པར་མི་འགྱུར་ཏེ། ཞེས་པ་བྱང་ཆུབ་རྙེད་པར་མི་འགྱུར་རོ། །འོ་ན་ཐབས་གང་གིས་བྱང་ཆུབ་མྱུར་དུ་འགྲུབ་པར་འགྱུར་ཞེ་ན། འདོད་པའི་ལོངས་སྤྱོད་ཐམས་ཅད་ལ། བསྟེན་ན་མྱུར་དུ་འགྲུབ་པར་འགྱུར། །ཞེས་བྱ་བ་གསུངས་ཏེ། ཐམས་ཅད་ཀྱིས་འདོད་ཅིང་དོན་དུ་གཉེར་བར་བྱ་བ་ཡིན་པའི་ཕྱིར་འདོད་པ་ཐམས་ཅད་དོ། །དེ་རྣམས་ལ་ཉེ་བར་ལོངས་སྤྱོད་པས་བསྟེན་པ་ནི་རྡོ་རྗེ་འཆང་ཆེན་པོ་མཉེས་པར་བྱེད་པ་སྟེ། དེས་ནི་མྱུར་དུ་ཚེ་འདི་ཉིད་ལ་ཕྱག་རྒྱ་ཆེན་པོར་གྲུབ་པ་འཐོབ་པར་འགྱུར་རོ། ཞེས་པ་སྟེ་སྒྲ་ཇི་བཞིན་པའོ། ༈ །དེ་ལྟར་ལུས་གདུང་བའི་སྒོ་ནས་ཕྱག་རྒྱ་ཆེན་པོར་འགྲུབ་པ་ཐོབ་པ་ཡོངས་སུ་བཀག་ནས། སྒྲུབ་པ་པོའི་ཡིད་ཀྱི་གདུང་བ་ནི་བཟའ་བཏུང་ལ་སོགས་པ་ལ་ཧ་ཅང་སྲེད་དྲགས་པ་ལ་བརྟེན་ནས་ཡིད་ལ་སྡུག་བསྔལ་དྲག་པོ་བསྐྱེད་པ་དེ འང་དགག་པར་བྱ་བའི་ཕྱིར། སློངས་མོ་ཟ་ཞིང་ཞེས་བྱ་བ་ལ་སོགས་པ་གསུངས་ཏེ། སྔར་བཤད་པ་ལ་བརྟེན་ནས་བསླངས་པའི་སློངས་མོའི་ཟས་ཟ་བའི་ངང་ཚུལ་གྱིས་སྔགས་མི་བཟླས་ཞིང་སྟེ་བརྗོད་པར་མི་བྱའོ། །སློངས་མོ་ཟ་བ་ནི་ཕྱོགས་
ཙམ་ཉེ་བར་མཚོན་པའི་དོན་ཡིན་ཏེ། དེ་བས་ན་སློང་དུ་འགྲོ་བ་དང་འདྲ་བར་ཡོངས་སུ་འཚོལ་བ་ལ་སོགས་པ་དམན་པ་ལ་ཧ་ཅང་ཆགས་དྲགས་ནས་འཇུག་པ་གཞན་རྣམས་དང་ལྡན་པས་ཀྱང་བཟླས་པར་མི་བྱའོ། །སློང་ལའང་དགའ་བར་མི་བྱའོ་ཞེས་བྱ་བ་ནི། སློང་བ་ཞེས་པ་ནི་ཉེ་བར་མཚོན་པ་སྟེ། སློང་བ་ལའང་ཧ་ཅང་མ་ཆགས་ཤིང་ཟས་ལ་ཧ་ཅང་ཞེན་པར་མ་གྱུར་པར་ཇི་ཙམ་གྱིས་ལུས་གནས་པར་འགྱུར་བ་ནི་ལམ་འདི་ཞུ་བདེ་གཙོ་བོར་སྒྲུབ་པ་ཡིན་ལ། དེ་ལ་ནི་དབང་པོ་རྟེན་བཅས་ཀྱི་ལུས་རྒྱས་པ་དགོས་པའི་ཕྱིར། སྲོག་འཚོ་བ་ཙམ་ལ་བྱར་མི་རུང་གི །བཟའ་བཏུང་སོགས་ལ་ཇི་ཙམ་ལོངས་སྤྱད་པས་བདེ་བ་འཕེལ་བའི་གྲོགས་སུ་འགྱུར་བ་དེ་ཙམ་ལས་ཐལ་ཆེས་པ་འགོག་པའོ། །འདི་ནི་ཤིན་ཏུ་སྤྲོས་མེད་པའི་ཁྱད་ཆོས་མིན་གྱི། སྤྱོད་པ་གཞན་གཉིས་ལའང་འདྲ་སྟེ། དཀའ་འགྲེལ་དུ་བཤད་པར་བྱའོ། །ཤིན་ཏུ་སྤྲོས་མེད་པའི་སྤྱོད་པ་བྱེད་པ་ལ་ལས་ཀྱི་ཕྱག་རྒྱ་དངོས་སུ་མེད་ཀྱང་ཡེ་ཤེས་ཀྱི་ཕྱག་རྒྱའི་འདོད་ཡོན་ལ་ཇི་ལྟར་འདོད་པར་ལོངས་སྤྱོད་པ་ནི་ཡོད་དོ། །དེ་ཙམ་གྱིས་ཆོག་ཤེས་པས་ཤིན་ཏུ་སྤྲོས་པ་མེད་པའི་སྤྱོད་པ་སྤྱད་པར་བྱའོ། །སྔར་བཤད་པ་དེ་ལྟ་བུའི་སྤྱོད་པ་རྣམས་ལ་གནས་པས་ཅི་ཞིག་བྱ་ཞེ་ན། འདོད་པ་ཀུན་ལ་ཞེས་བྱ་བ་ལ་སོགས་པ་གསུངས་ཏེ། སྔགས་ནི་ཡི་གེ་གསུམ་མོ། །ཡན་ལག་ནི་ལུས་སུ་ཡང་བསྒྱུར་བས་མ་ཉམས་པ་ནི་ལྷའི་ལུས་ཀྱི་རྣལ་འབྱོར་དང༌། རང་ཉིད་དབྱེར་མི་ཕྱེད་པའི་སྒོ་ནས་འདོད་པ་ཀུན་ལ་ལོངས་སྤྱོད་པའི་སྔགས་པས་བཟླས་
པར་བྱ་བའོ། །དེ་ལྟར འདོད་ཡོན་ལ་ལོངས་སྤྱོད་པ་བྱས་པ་ལ་ཡོན་ཏན་ཅི་ཞིག་ཡོད་ཅེ་ན། ལུས་དང་ངག་དང་སེམས་རྣམས་ནི་ཞེས་བྱ་བ་ལ་སོགས་པ་གསུངས་ཏེ། འདོད་ཡོན་སྤྱི་དང༌། ཁྱད་པར་དུ་རིག་མའི་འདོད་ཡོན་ལ་སྤྱད་པས་ལུས་དང་ངག་དང་སེམས་རྣམས་ནི་བདེ་བར་གནས་པ་ལས་ནི་རྩེ་གཅིག་རྩེ་གཅིག་པའི་ཏིང་ངེ་འཛིན་ཐུན་མོང་བ་ལ་འདོད་ཡོན་ལ་སྤྱོད་པ་འདི་དགོས་པ་མ་ཡིན་གྱི། ལྷན་ཅིག་སྐྱེས་པའི་བདེ་བ་ཆེན་པོའི་རྩེ་གཅིག་པ་སྐྱེད་པ་ལ་འདི་དགོས་པ་ཡིན་པས་སོ་སོར་ཕྱེད་དགོས་སོ། །པའི་ཏིང་ངེ་འཛིན་དུ་ར་གྱུར་པ་འཐོབ་པ། །དེ་ཐོབ་ན་བྱང་ཆུབ་སྟེ་རྡོ་རྗེ་འཆང་ཆེན་པོ་ཉི་འཐོབ་ཅིང་ཡང་དག་པར་ཉམས་སུ་མྱོང་པ་རྙེད་པར་འགྱུར་བའོ། །དཀའ་སྤྱད་དྲག་པོ་སྤོང་བ་ལས་གཞན་དུ་ཞེས་བྱ་བ་ལ་སོགས་པ་ནི། གཞན་དུ་ཞེས་པའི་རྐང་པ་གཉིས་ཀྱི་དངོས་བསྟན་གྱིས་དཀའ་ཐུབ་ཀྱི་སྤྱོད་པའི་ཉེས་པ་དང་ཤུགས་ལ་བདེ་བར་སྤྱད་པའི་ཕན་ཡོན་སྟོན་པ་ཡིན་ཏེ། ཡང་བ་སྟེ། དུས་མ་ཡིན་པར་འཆི་བའི་རྒྱུ་རྐྱེན་རྣམས་མ་སྤངས་པས་འཆི་བའི་དུས་བྱས་ཤིང་འདི་ནས་ཤི་འཕོས་ནས་དམྱལ་བ་སྟེ་མནར་མེད་པ་ལ་སོགས་པར་ངེས་པར་སྲེག་པར་འོ་ན་སྔར་བཤད་པའི་མི་བཟད་པ་ཞེས་པའི་དཀའ་སྤྱད་བསྟེན་ན། ཉེས་དམིགས་དེ་གཉིས་སུ་འབྱུང་མོད་ཀྱང། དཀའ་ཐུབ་དང་སྡོམ་པ་གཉིས་བསྟེན་པ་ལ་དེ་གཉིས་འབྱུང་བ་མི་འཐད་པས། དཀའ་སྤྱད་སྤྱིའི་ཉེས་དམིགས་སུ་ཇི་ལྟར་བཟད་སྙམ་ན། མུ་སྟེགས་ཀྱི་དཀའ་སྤྱད་དང་
ལམ་འདིར་ཞུགས་ནས་དབང་དང་དམ་ཚིག་ཐོབ་ཀྱང། དེ་སྤངས་ཏེ་དཀའ་སྤྱད་བྱེད་པ་གཉིས་ཀྱི་ཉེས་དམིགས་སྟོན་པས་སྐྱོན་མེད་དོ། །འགྱུར་རོ་ཞེས་པ་སྟེ། དྲང་བའི་དོན་ཏོ། ༈ །སློངས་མོ་ཟ་ཞིང་ཞེས་སོགས་ཀྱི་ངེས་དོན་ལུང་སྟོན་གྱི་ལུང་གིས་བཤད་པ་བརྗོད་པར་བྱ་སྟེ། སློངས་མོའི་སྐད་དོད་བྷིཀྵ་ལ་ངེས་ཚིག་གི་ཚུལ་གྱིས་བྷིནྣ་ཐ་དད་དང་ཨ་ཀྵ་ར་ཡི་གེ་སྟེ། ཁཐ་དད་དུ་བྱེད་པ་ནི། ཀརླུང་དང་ཡི་གེ འི་གདངས་ག་སློངས་མོ་ཡིན་ལ། །དེ་ལྟར་བྱས་པའི་སྔགས་དེ་འདོན་པ་ནི་སློངས་མོ་དེ་ཟ་བ འོ་སྟེ། །ཆག་འགྱུར་ལས་སློངས་མོ་དེ་དག་ཟ་མི་འདོད་ཅེས་འབྱུང་ངོ་། །ཁདེ་དག་ཀསློངས་མོ་གཟ་བར་མི་འདོད་བ་ནི། རྣལ་འབྱོར་བ་གང་ཞིག་རླུང་དང་སྔགས་ཀྱི་གདངས་གཉིས་དབྱེར་མེད་དུ་བྱས་ནས་ཟློས་པར་དགའ་བ འོ་དེ་། །དེ་འདྲ་བའི་རྣལ་འབྱོར་པ་ཡི ས ཁ་དབུགས་འབྱུང་བ་དང༌། །རྔུབ་པ་དང་། ། ཀསྦྱོར་བ་སྟེ་དཀྱིལ་འཁོར་བཞི་ཡི་རླུང་གི་དེ་ཉིད་ལ་ནི་། །ཤེས་རབ་ལྷ་མོའི་རླུང་དང་ཐབས་མགོན་པོའི་རླུང་དུ་བྱས་པའི་ཀྱི་གཞིར་གནས་ནས། །༼ག༽གནས་པ་གསུམ་སྔགས་ཡི་གེ་གསུམ་དང་དབྱེར་མེད་དུ་བྱས་ཏེ་ཀྱི་ཡན་ལག་མ་ཉམས་པ་སྔར་བཤད་བཞིན་བཟླས། །པར་བྱའོ། །རྣལ་འབྱོར་དབང་པོ་ཉིན་མཚན་དུ། །བཟླས་བརྗོད་གྲངས་སུ་བྱས་པ་ནི། །ཁྲི་ཕྲག་གཉིས་དང་ཆིག་སྟོང་དང༌། །དེ་བཞིན་དྲུག་བརྒྱ་དག་ཏུ་འགྱུར། ཞེས་བྱ་བ་སྟེ། ངེས་པའི་དོན་ཏོ། །ལུང་སྟེན་ལས། དཀའ་ཐུབ་དང་སྡམ་པ་མི་བཟད་པ་ལ་ཡང་ངེས་དོན་གྱི་བཤད་པ་མཛད་པ་འདིར་མ་དྲངས་པ་ནི། གོང་མའི་འཕྲོས་ཀྱིས་ཤེས་སླ་བ་ལ་དགོངས་སོ། ༈ །ལམ་འདིར་འདོད་ཡོན་ལ་སྤྱོད་པ་དགོས་པ་ལ་ནན་ཏན་དུ་བསྟན་པའི་ཕྱིར་གསུངས་པ་ནི། འདས་
པ་སྟེ། སྔོན་བྱུང་བ འི་ཤེས་བྱ་ཐམས་ཅད་མཁྱེན་པའི་ཡེ་ཤེས་ཅན་རྣམས་ཀྱང་འདོད་ཡོན་ལ་སྤྱོད་པ་འདི་ཉིད་ཀྱིས་རྡོ་རྗེ་འཆང་ཆེན་པོ་ཉིད་འཐོབ་པར་བསྟན་པའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ །བྱང་ཆུབ་སེམས་དཔའ་ནི་པདྨ་དཀར་པོ་ལྟ་བུའི་གང་ཟག་ལ་སོགས་པའོ། །སྔགས་ཀྱི་སྤྱོད་པ་ནི་བྱ་བ འི་རྒྱུད་དང༌། སྤྱོད་པའི་རྒྱུད་དང༌། གཉི་ག་སྟེ་རྣལ་འབྱོར་གྱི་འི་རྒྱུད་ལས་བཤད་པའི་སྤྱོད་པའོ། །དེ་དག་གི་མཆོག་ནི་རྣལ་འབྱོར་བླ་མེད་གྱི་སྤྱོད་པ་སྟེ་དེ་རྣམས་སྤྱོད་པའི་ངང་ཚུལ་ཅན་གང་ཡིན་པ་དེ་རྣམས་ཀྱིས་ནི་ཆོས་ཞེས་བྱ་སྟེ་ཀུན་རྫོབ་ཀྱི་བདེན་པའོ། །མི་གཡོ་བ་ནི་དོན་དམ་པའི་བདེན་པ་སྟེ་ཆོས་དང་ལྡན་པའི་མི་གཡོ་བ་ནི་ཆོས་མི་གཡོ་བའོ། །དེ་དག་ཟུང་དུ་འཇུག་པའི་བདག་ཉིད་ཅན་རྡོ་རྗེ་འཆང་ཆེན་པོ་ཉིད་ནི་དབང་ཕྱུག་ཐམས་ཅད་ཀྱི་གཞིར་གྱུར་པས་ན་མཆོག་སྟེ་ཕུལ་དུ་བྱུང་བའོ། །དེ་བརྙེས་པ་ནི་མངོན་སུམ་དུ་བྱས་པའོ། །བརྙེས་པ་དེ་ཡང་འདོད་པའི་ཡོན་ཏན་ཐམས་ཅད་ལ་ཇི་ལྟར་འདོད་པར་བསྟེན་པ་ལ ས་ཡིན་ནོ་སོ་ཞེས་བྱ་བ འི་ཚིགས་སུ་བཅད་པ ས་ནི། འདོད་ཡོན་ལ་བསྟེན་པ་སྤངས་ན་རྩེ་གཅིག་པ་བྱང་སེམས་ཞུ་བའི་བདེ་བ་ཆེན་པོ་ཐོབ་བ ར་མི་འགྱུར་བའི་ཕྱིར་སླར་ཡང་དཀའ་ཐུབ་ལ་སོགས་པ་དགག་པར་མཛད་པ་སྟེ། དགོངས་པ་མ་ཡིན་པས་བཤད་པའོ། ༈ །སྔོན་བྱོན་པའི་སངས་རྒྱས་དེ་རྣམས་ཀྱིས་བསྟེན་པར་གྱུར་པའི་ཡུལ་
རྣམས་ནི། རེ་རེ་ཞིང་རྣམ་པ་གསུམ་གསུམ་དུ་བསྟན་ཅིང་གནས་ཀྱི་དགོད་པ་སྟེ། འདོད་ཡོན་བསྟེན་པའི་གཞི་འདིངས་པར་བྱ་བའི་ཕྱིར། ཆགས་ཅན་ཞེས་བྱ་བ་ལ་སོགས་པ་གསུངས་ཏེ། ཆགས་ཅན་ཞེས་པ་ལ་ཆགས་པ་ནི་ཡུལ་ཐོབ་པ་རྣམས་ལ་ཞེན་པ་ཡིན་ལ། དེ་ཡང་གཉིས་སུ་མེད་པའི་ཡེ་ཤེས་འདོད་ཅིང་སྤྱོད་ལམ་ཐམས་ཅད་དུ་བསྟེན་ཅིང་སློབ་པའོ། །འདི་དག་གིས་ནི་འདོད་ཡོན་ལ་ཆགས་པ་ལམ་དུ་བྱེད་པ་ལ་དགའ་བ། དབང་པོ་རྣོ་བ། ཟུང་འཇུག་ཐོབ་པར་འདོད་པ་སྟེ་ཁྱད་པར་གསུམ་དང་ལྡན་པ་ཅིག་ལམ་འདིའི་རྟེན་དུ་བསྟན་ཏོ། །སེམས་ཅན་ཐམས་ཅད་ཀྱིས་འདོད་ཅིང་དོན་དུ་གཉེར་བར་བྱ་བ་ཡིན་པས་ན་འདོད་པའོ། །སངས་རྒྱས་ཉིད་རབ་ཏུ་སྟེར་བའི་ཡོན་ཏན་དང་ལྡན་པས་ན་ཡོན་ཏན་ཡིན་ལ། འདོད་པ་ཡང་ཡིན་ལ་ཡོན་ཏན་ཡང་ཡིན་པས་ན་འདོད་པའི་ཡོན་ཏན་ཏེ། །ལྔ་པོ་དེ་དག་ནི་དབང་པོ་ལྔའི་ཡུལ་དུ་གྱུར་པ་ལ། སྤྱོད་ལམ་ཐམས་ཅད་དུ་བསྟེན་ཅིང་རྟག་ཏུ་བསླབ་པར་བྱའོ། །འདོད་ཡོན་ལ་བསྟེན་པ་དེ་ལྟར་བྱས་པས་ཅི་ཞིག་བྱ་ཞེ་ན། བྱང་ཆུབ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་སེམས་དཔའ་ནི་མིག་ལ་སོགས་པའི་ངོ་བོ་ཉིད་སའི་སྙིང་པོ་ལ་སོགས་པ ར་བཤད་པ་རྣམས་ཏེ། ཡུལ་ལྔ་ཤིན་ཏུ་ཡིད་ཏུ་འོང་བ་ཡང་ཡང་ལོངས་སྤྱོད་པས་དབང་པོ་དེ་དག་མཉེས་པར་བྱ་བ་སྟེ་ཚིམ་ནས་རྒྱས་པར་འགྱུར་རོ་འོ། །སའི་སྙིང་པོ་སྟེ་མིག་ལ་སོགས་པ་མཉེས་ཤིང་ཚིམ་པས་ཅི་
ཞིག་བྱེད་ཅེ་ན། བྱང་ཆུབ་ཉི་མ་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་ནི་ས་ལ་སོགས་པའི་ངོ་བོ་ཉིད་སྤྱན་ལ་སོགས་པའོ། །ཞེས་པ་ནི་དབང་པོ་ལྔ་རྒྱས་པས་དེ་རྣམས་ཀྱི་རྟེན་འབྱུང་བ་བཞི་རྒྱས་པར་འགྱུར་རོ། །དེ་རྣམས་དང་ལྡན་པའི་འོད་གསལ་བས་ཉོན་མོངས་པ་ངེས་པར་བསྲེགས་པའི་གཟི་བརྗིད་ཅན་ནི་བྱང་ཆུབ་ཉི་མ་སྟེ་རྣམ་པར་སྣང་མཛད་ལ་སོགས་པའོ། །དེ་ལྟར་སྤྱན་ལ་སོགས་པ་དང་ལྡན་པའི་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་དེ་རྣམས་གཟུགས་ཀྱི་ཕུང་པོ་ལ་སོགས་པའི་ངོ་བོ་ཉིད་དུ་ཆགས་པར་བྱ་ཞིང་དགྱེས་པར་གྱུར་ལ་ཚིམ་པར་བྱའོ། །ཞེས་པ་ནི་དབང་པོ་དང༌། དབང་རྟེན་གྱི་ལུས་རྒྱས་པས་ཕུང་པོ་ལྔ་རྒྱས་པར་འགྱུར་རོ། །ཕུང་པོ་རྒྱས་ཚུལ་ནི། དབང་པོ་རྟེན་བཅས་ཀྱི་གཟུགས་ཕུང་སྟོབས་དང་ལྡན་པར་གྱུར་པ་ན། ལུས་ཀྱི་བྱང་སེམས་དཀར་པོ་འཕེལ་ལོ། །དེ་འཕེལ་བ་མན་ངག་བཞིན་དུ་གཏུམ་མོའི་མེས་བཞུས་པ་ན། ཐོག་མར་ལུས་དབང་ལ་བརྟེན་ནས་བདེ་བའི་ཚོར་བ་སོགས་རྒྱས་པར་འགྱུར་རོ། །དེ་བྱུང་བ་ན་ཡིད་ཀྱི་ཤེས་པའི་ཚོར་བ་བདེ་པ་སོགས་ཀྱང་རྒྱས་པར་འགྱུར་བ་འདི་ནི། འདོད་ཡོན་ལ་སྤྱད་པས་ལམ་གྱི་གྲོགས་སུ་འགྱུར་བ་རྣམས་ཀྱིའང་འདོད་ཡོན་ལ་སྤྱོད་པ་ལམ་དུ་བྱས་པའི་དགོས་པའི་གནད་དོ། ༈ །ཡུལ་ལྔ་རེ་རེ་ལ་གསུམ་གསུམ་དུ་བྱས་པའི་རྣམ་པ་གསུམ་པོ་བསྟན་པ་ནི་གཟུགས་ལ་ཞེས་བྱ་བ་ལ་སོགས་པ་སྟེ། མིག་གི་ཡུལ་གཟུགས་ལ་རྣམ་པ་གསུམ་སྟེ། དམན་པ་དང་བར་མ་དང་མཆོག་གསུམ་དུ་རྣམ་པར་ཤེས་ཤིང་རྟོགས་པར་བྱས་ནས། དེ་ལས་མཆོག་ཏུ་གྱུར་ཞེས་
པ་ནི་ལྷ་དང་རང་ལ་དངོས་སུ་མཆོད་པའི་ཚེ། ཡུལ་མཆོག་ཏུ་གྱུར་པ་དབུལ་ཞེས་པའམ། ཡང་ན་ཐ་མལ་བའི་གཟུགས་གསུམ་པོ་དེ་ལས་མཆོག་ཏུ་གྱུར་པ་དེ་གསུམ་ལྷར་བསྐྱེད་པ་དབུལ་བའི་དོན་ནོ། །པ་རང་གི་རིགས་ཏེ་རྣམ་སྣང་གི་རིགས་ཀྱི ས་གཙོ་བོ་བྱས་པའི་ལྷ་རྣམས་ལ་གཟུགས་སྣ་ཚོགས་པས་མཆོད་པར་བྱེད་པ་སྟེ། སྤྲོས་པ་དང་བཅས་པའི་སྤྱོད་པ་ལ་གནས་པའི་སྔགས་པས་ལྷའི་འཁོར་ལོ་མཆོད་པར་བྱ་ཞིང་ཡང་དག་པར་ཚིམ་པར་བྱའོ། །དེ་ཉིད་བཅོམ་ལྡན་ཞེས་བྱ་བ འི་དེ་ཉིད་ནི་གཟུགས་ལ་རྣམ་པ་གསུམ་ཞེས་གང་གསུངས་པ་དེ། །གཞན་མ་ཡིན་པ་ནི་དེ་གསུམ་རྣམ་སྣང་དུ་བསྐྱེད་ནས་དབུལ་བའི་དོན་ནོ་འོ་། །སྣ་ཚོགས་པ་ནི་སངས་རྒྱས་ཐམས་ཅད་ཀྱི་སྐུ་རྡོ་རྗེའི་བདག་ཉིད་ཅན་ཏེ་དེ་ཉིད་ནི་བཅོམ་ལྡན་འདས་རྣམ་པར་སྣང་མཛད་དོ། །གཞི་ཞེས་པ་ནི་སྐུ་རྡོ་རྗེའི་སྤྲུལ་པ་ཀུན་གྱི་གཞིའོ། །དེ་བཞིན་དུ་རྣ་བའི་ཡུལ་སྒྲ་ལ་ཡང་རྣམ་པ་གསུམ་དུ་ཤེས་པར་བྱས་ནས་དེ་ལས་མཆོག་ཏུ་གྱུར་པ་རང་གི་རིགས་ཏེ། རིན་འབྱུང་གི་རིགས་ཀྱི ས་གཙོ་བོ་བྱས་པའི་ལྷ་རྣམས་ལ་དབུལ་བར་བྱས་ཞིང་སོ་སོར་བསྟབ་པར་བྱའོ། །དེ་ཉིད་ཅེས་བྱ་བ་ནི་སྒྲ་རྣམ་པ་གསུམ་པོ་དེ་ནི་བཅོམ་ལྡན་འདས་རིན་ཆེན་འབྱུང་གནས་ལས་གཞན་པ་མ་ཡིན་པའོ། །དེ་བཞིན་དུ་དྲི་ལ་རྣམ་པ་གསུམ་དུ་ཤེས་པར་བྱས་ནས་མཆོག་ཏུ་གྱུར་པས་སངས་རྒྱས་སོགས་པ་སྟེ། འོད་དཔག་མེད་ལ་སོགས་པའི་རིགས་ཅན་གྱིས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་ཞིང་ཉེ་བར་བསྟབ་པར་བྱའོ། །
དེ་ཉིད་ཅེས་བྱ་བ་ནི་དྲི་ཞེས་བྱ་བ་གང་ཡིན་པ་ཉིད་ནི་ཆོས་ཀྱི་འབྱུང་གནས་ཏེ་འོད་དཔག་ཏུ་མེད་པའོ། །རོ་ལ་ཞེས་བྱ་བ་ལ་སོགས་པ་ལ། །རོ་ལ་རྣམ་པ་གསུམ་དུ་ཤེས་པར་བྱས་ནས། དེ་ལས་མཆོག་ཏུ་གྱུར་པ་ལས་ཀྱི་རིགས་ཅན་གྱི ས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་སྟེ། རོ་གསུམ་པོ་གང་ཡིན་པ་དེ་ཉིད་ནི་བཅོམ་ལྡན་འདས་དོན་ཡོད་པར་གྲུབ་པའོ། །རེག་ལ་ཞེས་བྱ་བ་ལ་སོགས་པ་ལ། དེ་བཞིན་དུ་རེག་བྱ་ལ་རྣམ་པ་གསུམ་དུ་ཤེས་པར་བྱས་ནས། དེ་ལས་མཆོག་ཏུ་གྱུར་པ་བདག་གི་རིགས་ཏེ་རྡོ་རྗེའི་རིགས་ཅན་གྱིས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་ཞིང་ཚིམ་པར་བྱའོ། །དེ་ཉིད་ཅེས་བྱ་བ་ནི་རེག་བྱ་གསུམ་པོ་གང་ཡིན་པ་དེ་ཉིད་ནི་མི་བསྐྱོད་པ་ཡིན་པའོ། །རིགས་བཞིའི་མཆོད་པའི་ལྷག་མ་མ་བཤད་པ་རྣམས་ནི་རིགས་དང་པོའི་སྐབས་ལས་ཤེས་པར་བྱའོ། ༈ །གཟུགས་སྒྲ་ཞེས་བྱ་བ་ལ་སོགས་པས་ནི། བཤད་མ་ཐག་པའི་དོན་དེ་དག་ཉིད་བསྡུས་ནས་སྟོན་པར་མཛད་པ་ཡིན་ཏེ། དེ་ལྟར་གཟུགས་ལ་སོགས་པ་ལྔ་ནི་རྣམ་པར་སྣང་མཛད་ལ་སོགས་པ་རིགས་ལྔ འི་ངོ་བོ་ཉིད་ཡིན་པས་ཡུལ་ལྔ་དེ་རྣམས་སུ་བསྐྱེད་པ་རྣམས་ཀྱི་འདོད་ཡོན་ལ་ཉིད་མཚན་རྟག་ཏུ་ལོངས་སྤྱོད་པར་བྱེད་པའི་སེམས་ཀྱི་མངོན་པར་འདུ་བྱེད་པ་སྐྱེད་པར་བྱ་ཞིང་སྦྱར་བར་བྱ་བའོ། །འདི་དེ་ཞེས་བྱ་བ་ལ་སོགས་པས་ནི་བཤད་མ་ཐག་པའི་སེམས་བསྐྱེད་པ་གང་ཡིན་པ་དེ་ནི་དུས་གསུམ་དུ་བཞུགས་པའི་སངས་རྒྱས་ཐམས་ཅད་ཀྱི་གསང་ཞིང་སྤ་
བར་གྱུར་པ་སྟེ། སངས་རྒྱས་ཀྱི་འབྲས་བུ་ཐོབ་པར་བྱེད་པས་སྙིང་པོ་བཏུས་པ་ཡིན་ནོ། ༈ །དེ་ལྟར་གཟུགས་ལ་སོགས་པ་ཐབས་ཀྱི་སྟེ། ལྷ་ཕོའི་ངོ་བོ་ཉིད་དུ་བཞག་ནས། ཡང་ཡུལ་ལྔ་དེ་རྣམས་ཉིད་སྤྱན་ལ་སོགས་པ་ཤེས་རབ་ཀྱི་སྟེ། ལྷ་མོའི་ངོ་བོ་ཉིད་དུ་ཡོངས་སུ་གྱུར་པར་བསྟན་པར་བྱ་བའི་ཕྱིར། གཟུགས་སྒྲ་ཞེས་བྱ་བ་ལ་སོགས་པ་གསུངས་ཏེ། ཡང་པ་ཚབ་གྱི་འགྱུར་ལས། ཡང་ན་སྔགས་པས་གཟུགས་སོགས་ཀྱི། །ལྷ་ཉིད་རྟག་ཏུ་བསྒོམ་པར་བྱ། ཞེས་གཟུགས་ལྷ་མོ་བཞིར་བསྒོམ་པ་ལ་ཡང༌། ཡང་གི་སྒྲ་ཡོད་པ་ལེགས་སོ། །ན་ཞེས་བྱ་བ་ནི་ཕྱོགས་ཏེ་ལུགས་གཞན་སྟོན་བར་བྱེད་པའི་ཚིག་གི་ཕྲད་དོ། །གཟུགས་ལ་སོགས་པའི་ཡུལ་རྣམས་ནི་ལྷ་རྣམས་ཏེ་ཤེས་རབ་སྤྱན་མ་ལ་སོགས་པ་བཞིའི་ཀྱི་ངོ་བོ་ཉིད་དུ་རྟག་ཏུ་བསྒོམ་མོ། །དེ་ཡང་གཟུགས་སྤྱན་མ། སྒྲ་མཱ་མ་ཀཱི། དྲི་གོས་དཀར་མོ། །རོ་སྒྲོལ་མ་དང༌། མཱ་མ་ཀཱི་རིགས་གཉིས་འཛིན་པས་རེག་བྱ་ཡང་དེར་བསྒོམ་མོ། །ཡང་ཡུལ་ལྔ་པོ་དེ་རྣམས་ཉིད་ལ་གཟུགས་རྡོ་རྗེ་ལ་སོགས་པར་རིགས་ཀྱི་དབྱེ་བས་ཡོངས་སུ་གྱུར་བར་བསྟན་པའི་ཕྱིར། །ཡང་ན་ཞེས་བྱ་བ་གསུངས་ཏེ། རིགས་རྣམས་ཀྱི་ཚུལ་ནི་རིགས་ཀྱི་དབྱེ་བས་གང་རྣམ་པར་བསྒོམ་ཞིང་ཤེས་པར་བྱ་བ་དེ་ནི་རིགས་ཀྱི་ཚུལ་དུ་རྣམ་པར་བསྒོམ་པ་སྟེ་ཁགཟུགས་རྡོ་རྗེ་ལ་སོགས་པ་ཀརིགས་ལྔ འི་རིགས་ལས་བྱུང་བ་དེ་རྣམས་ཀྱིས། གརིགས་ཀྱི་ཚུལ་དུ་རྣམ་པར་བསྒོམ་རིགས་ཀྱི་ཚུལ་དུ་སྒོམ་ཚུལ་ནི། གཟུགས་
གཟུགས་རྡོ་རྗེ་མར་བསྒོམ་པ་ནས། རེག་རེག་རྡོ་རྗེ་མར་བསྒོམ་པའི་བར་ཏེ། རྣམ་སྣང་ལ་སོགས་པའི་རིགས་ཀྱི་དབྱེ་བ་ལྔས། གཟུགས་རྡོ་རྗེ་སོགས་སུ་ཕྱེ་བའི་ཚུལ་གྱིས་བསྒོམ་པའོ། །ཞིང་སྟེ། བསམ་ལ་ཞེས་པའོ། ༈ །ཡུལ་དང་ལྷ་དེ་རྣམས་ཀྱང་རྡོ་རྗེ་འཆང་ཆེན་པོ འི་ངོ་བོ ར་དམིགས་པར་བྱ་སྟེ། སྦྱོར་བ་སྟེ་ལྷར་དམིགས་པ་སོགས་ཀྱི་རྣལ་འབྱོར་ཐམས་ཅད་བཅོམ་ལྡན་འདས། རྡོ་རྗེ་སེམས་དཔ ར་བལྟའོ་འ་ཞེས་བྱ་བ་ལ་སོགས་པ་སྒྱུ་མ་བདེ་མཆོག་ལས་གསུངས་པའི་ཕྱིར་རོ། །སྤྱིའི་དོན་ལེའུ་དང་པོའི་འགྲེལ་པར། གཟུགས་ལ་རྣམ་གསུམ་ཞེས་སོགས་འདི་རྣམས་ཚུལ་བཞིར་བཤད་པར་གསུངས་པ་ལ་འདིར་ཡིག་དོན་མ་བྱུང་བ་ནི། སྔར་འདི་འདྲའི་རིགས་གཞན་བྱུང་བ་ལ་བཤད་པ་བཞིན་ནོ། །ཏེ། སྤྲོས་པ་དང་བཅས་པའི་སྤྱོད་པའོ། ༈ །གཟུགས་ལ་ཞེས་བྱ་བ་ལ་སོགས་པ་ལ། ཡིད་དུ་འོང་བ་དང་ཡིད་དུ་མི་འོང་བ་དང་ལུང་དུ་མ་བསྟན་པ་སྟེ། ཡུམ་བར་མ་བཏང་སྙོམས་པའི་དབྱེ་བས་ཡུལ རྣམ་པ་གསུམ་པོ་རིམ་བཞིན་དུ་སྣང་བ་གསུམ་གྱི་དང་པོ་ལས་བྱུང་བ འི་ཆགས་པའི་རང་བཞིན་དང༌། མཆེད་པ་ལས་བྱུང་བའི་ཆགས་པ་དང་བྲལ་བ འི་རང་བཞིན་དང༌། ཉེར་ཐོབ་ལས་བྱུང་བའི་བཏང་སྙོམས་ཀྱི་རང་བཞིན་བརྒྱད་ཅུའི་རྣམ་རྟོག་རྣམས་ཀྱིས་ཡུལ་དུ་གྱུར་པ ར་ས་མིག་གིས་རྣམ་པར་ཤེས་པར་བྱས་ལ་ཏེ། རྗེས་སུ་མྱོང་བ་ནི་མཆོད་པའི་བདག་ཉིད་ཅན་ཏེ། མཆོད་པའི་རྫས་དང་དེ་ལེན་པ་མཆོད་ཡུལ་ཉེ་བར་མཚོན་པའི་དོན་གྱིས་ན་སྒྲུབ་པ་པོ་རང་ཉིད་མཆོད་པ ར་བྱ་བ་དང༌།
མཆོད་པའི་བདག་ཉིད་ཅན་གྱི་ངོ་བོ་ཉིད་དུ་གྱུར་པ་ཡིན་པས། རྣལ་འབྱོར་པས་བདག་ཉིད་ལ་མཆོད་པར་བྱའོ། །མཆོད་པའི་འཁོར་གསུམ་རང་རྡོ་རྗེ་འཆང་དུ་བྱས་པའི་ངོ་བོར་བལྟ་བ་དེ་བས་ན་སྣ་ཚོགས་པ་སྟེ། བརྟན་པ་དང་གཡོ་བའི་བདག་ཉིད། རིགས་ཐམས་ཅད་ཀྱི་བདག་ཉིད་ཅན་ཏེ་སངས་རྒྱས་རྣམ་པར་སྣང་མཛད་ཀྱི་གཞི་ཡིན་ནོ་ཞེས་པ་སྟེ། གཞིའི་སྐད་དོད་ཨ་ལ་ཡ་ལ་ལི་ཡ་ཐིམ་པ་ལ་འཇུག་པས་རྣམ་པར་སྣང་མཛད་གང་དུ་ཐིམ་པར་གྱུར་པ་དེ་ནི་རྣམ་པར་སྣང་མཛད་ཀྱི་གཞི་སྟེ། རྣམ་པར་སྣང་མཛད་སྐྱེད་པར་མཛད་པའི་བཅོམ་ལྡན་འདས་ཚོགས་གཉིས་དང་ལྡན་པའི་སངས་རྒྱས་རྡོ་རྗེ་འཆང་བ་གང་ཡིན་པ་སྟེ། དེ་ཉིད་ནི་རྣལ་འབྱོར་བའོ། །དེ་བཞིན་ཞེས་པ་ནི་ཡུལ་རེ་རེ་ལ་གསུམ་གསུམ་དུ་ཕྱེ་བ་སྣང་བ་གསུམ་ལས་བྱུང་བའི་རང་བཞིན་གསུམ་གྱིས་ཡུལ་དུ་བྱས་པ། དབང་པའི་ཤེས་པས་མྱོང་བ་དང༌། མཆོད་པའིའཁོར་གསུམ་རང་རྡོ་རྗེ་འཆང་དུ་བསྐྱེད་པའི་ངོ་བོར་བྱས་ནས། དབུལ་པ་ཕྱི་མ་བཞི་ལ་ཡང་བསྒྲེ་བར་སྟོན་པའོ། །དུ་སྒྲ་རྣམ་པ་གསུམ་རྗེས་སུ་མྱོང་བ་ན་ལྷ་རྣམས་ལ་སྟེ། ཤེས་རབ་སྣང་བ་དང༌། ཐབས་མཆེད་པ་དང༌། ཉེ་བར་ཐོབ་པ་གསུམ་མཉམ་གཞག་ཏུ་ཉམས་སུ་མྱོང་བས་རང་ཉིད་རྡོ་རྗེ་འཆང་དུ་བྱས་པ་དང་ཡུལ་རྣམས་ལ་རྒྱས་བཏབ་སྟེ། བདག་ཉིད་ལ་དབུལ་བར་བྱའོ། །རིན་ཆེན་འབྱུང་གནས་གཙོ་ཞེས་བྱ་བ་ནི། འདི་ལས་རིན་པོ་ཆེ་རྣམས་འབྱུང་བས་ན་རིན་ཆེན་འབྱུང་གནས་གཙོ་སྟེ། སྣ་ཚོགས་པའི་བདག་ཉིད་ན་
རྡོ་རྗེ་འཆང་ཆེན་པོ། །དེ་ཡང་རྣམ་པར་ཤེས་པ་སྣང་བ་གསུམ་གྱི་བདག་ཉིད་ཅན་དུ་མོས་པ་གང་ཡིན་པའི་རྣལ་འབྱོར་པ་ཅན་དེ་ཉིད་དོ། །དེ་བཞིན་དུ་དྲི་རྣམ་པ་གསུམ་དང་ཕྲད་ཅིང་ཡུལ་དུ་བྱེད་པ་ན་སངས་རྒྱས་ལ་སོགས་པ་སྟེ་སྣང་བ་ལ་སོགས་པ ས་སངས་རྒྱས་བཏབ་པའི་ཡུལ་དང་སྒྲུབ་པ་པོ་ལ་དབུལ་བར་བྱའོ། །འདོད་ཆགས་ཆོས་ཀྱི་འབྱུང་གནས་ནི་འོད་དཔག་ཏུ་མེད་པའོ། །དེའོ་གཙོ་བོ་ནི་རྡོ་རྗེ་འཆང་ཆེན་པོར་བསྒོམས་པའི་རྣལ་འབྱོར་པ་དེ་ཉིད་དོ། །རོ་ལ་ཞེས་བྱ་བ་ལ་སོགས་པ་ལ། ཐོགས་མེད་རྡོ་རྗེ་ནི་དོན་ཡོན་པར་གྲུབ་པའོ། །དེ་སྐྱེད་པའི་ངོ་བོ་ཉིད་ཀྱིས་འཆང་བར་མཛད་པས་ན་ཐོགས་མེད་རྡོ་རྗེ་འཛིན་ཏེ་རྡོ་རྗེ་འཆང་ཆེན་པོ་སྒྲུབ་པ་པོར་བྱས་པ་དེ་ཉིད་དོ། །རེག་ལ་ཞེས་བྱ་བ་ལ་སོགས་པ་ལ། བདག་གི་རིགས་ཏེ་བདག་ཉིད་ལ་དབུལ་བར་བྱའོ། །མི་བསྐྱོད་པའི་ཚུལ་ནི་མི་བསྐྱོད་པའི་སྐུ ར་སྣང་བ་བརྙེས་ཤིང་མི་བསྐྱོད་པ་རབ་ཏུ་སྐྱེད་པའི་ངང་ཚུལ་ཅན་གང་ཡིན་པ་དེ་ནི་མི་བསྐྱོད་པའི་ཚུལ་བརྙེས་པ་སྟེ། རྡོ་རྗེ་ཅན་ཞེས་པ་རྡོ་རྗེ་འཆང་ཆེན་པོར་བསྒོམས་པའི་རྣལ་འབྱོར་པ་དེ་ཉིད་དོ། །བརྙེས་པ་ཞེས་བྱ་བ་ནི་ཐོབ་པ་ནི་རྙེད་པའོ་ཞེས་ལུང་ལས་གསུངས་སོ། །ཆག་འགྱུར་ལས། རྙེད་པ་ཞེས་ཐོབ་པ་ལ། བརྙེས་ཞེས་པ་ནི་ལུང་ངོ༌། ཞེས་འབྱུང་ལ། དེའི་དོན་ནི། རྙེད་པ་ཞེས་གཅིག་ཚིག །ཐོབ་པ་ལ་བརྙེས་ཞེས་མང་ཚིག་ཏུ་བྱས་པ་ནི། ལུང་སྟེ་རྒྱལ་བའི་བཀའ་ཡིན་པས་སྒྲ་པ་དང་འགལ་ཡང་སྐྱོན་མིན་ཞེས་པའོ། ༈ །གཟུགས་ལ་ཞེས་བྱ་བ་ལ་སོགས་པའི་རྐང་པ་བཞིས་ནི།
བཤད་མ་ཐག་པའི་དོན་ཉིད་ཀྱི་ཉམས་སུ་ལེན་ཚུལ་གསལ་བར་སྟོན་པ་ཡིན་ཏེ། གཟུགས་ལ་སོགས་པ་རྣམས་ལ་རྟག་ཏུ་ཞེས་པའི་རྟག་ཏུ་ནི་དུས་ཡིན་ལ་ནི་། དེ་ཡང་ཡུལ་ལྔ་འདས་པ་དང་མ་འོངས་པའི་སྐད་ཅིག་མ་སྟེ། དུས་ནི་གཟུགས་སོགས་ཀྱི་དངོས་པོར་མེད་ཅིང་གཟུགས་སྒྲ་སོགས་ལ་སེམས་སྦྱར་དགོས་པས་པར་གཟུགས་སོགས་ཀྱི་ད་ལྟར་གྱི་སྐད་ཅིག་མ འི་སྒོ་ན ས་ཡུལ་རྣམས་སེམས་རྣམ་པར་ཤེས་པ་གསུམ་གྱི་ངོ་བོར་བལྟས་ནས་དབུལ་བ་ལ་རང་གི་སེམས་སྦྱར་བར་བྱའོ་ཞེས་པ་སྟེ། དོན་བསྡུ་ན་གཟུགས་ལ་སོགས་པའི་ཡུལ་རྣམས་ནི་མཉམ་གཞག་ཏུ་ཉམས་སུ་མྱོང་བའི་སེམས་གསུམ་པོ་འདི་ཉིད་ཀྱི་ངོ་བོ་ཉིད་དོ་ཞེས་ཤེས་པར་བྱའོ། ཞེས་བྱ་བ་ཡིན་པར་དགོངས་སོ། །འདིས་ནི་གཟུགས་སོགས་ཀྱི་ཡུལ་རྣམས་ལ་སེམས་གསུམ་གྱི་ངོ་བོ་ཉིད་དུ་རྒྱས་འདེབས་པ། རྣལ་འབྱོར་བའི་བློ་སྦྱོང་ཚུལ་བསྟན་པ་ཡིན་གྱི། ཕྱི་དོན་བཀག་ནས་སེམས་ཙམ་དུ་སྟོན་པ་མ་ཡིན་ཏེ། དཔེར་ན་གཟུགས་སོགས་ལྷ་རྣམས་ཉིད་ཀྱི་ངོ་བོར་བལྟ་བར་བཤད་པས། ལྷ་མིན་པའི་གཟུགས་སོགས་ཁས་ལེན་པ་མི་འགལ་བ་བཞིན་ནོ། །འདི་དེ་ཞེས་བྱ་བ་སྟེ་བཤད་མ་ཐག་པ་སྣང་བ་སེམས་སྦས་ཀྱི་སྤྱོད་པ་ཉིད་སྒྲུབ་པ་པོ་གང་གིས་ཡོང་སུ་ཤེས་ནས་སྤྱོད་པ་ནི། སངས་རྒྱས་ཐམས་ཅན་ཀྱི་སྟེ་རིན་པོ་ཆེ་ལྟ་བུའི་གང་ཟག་རྣམས་ལ་སྦྱིན་པར་བྱ་བ་ཡིན་གྱི་ཙནྡན་ལྟ་བུ་ལ་སོགས་པ་རྣམས་ལ་བསྟན་པར་བྱ་བ་མ་ཡིན་པས་ན་གསང་བའོ། །སྙིང་པོ་བཏུས་པའོ་
ཞེས་བྱ་བ་ནི། རྒྱུད་ཀྱི་གཅེས་པའི་དོན་ཡང་དག་པར་བླངས་ནས་བསགས་ཤིང་ཕུང་པོར་བྱས་པའི་ཕྱིར་ན་བཏུས་པའོ། །སྙིང་པོ་ནི་དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་ཏེ། དེ་རྣམས་ཀྱི་བཏུས་པ་ནི་བཤད་མ་ཐག་པའི་ཚུལ་ལོ། །གཟུགས་སྒྲ་ཞེས་བྱ་བ་ལ་སོགས་པ་ལ་སྔར་བཤད་པ་ལྟ་བུའི་སྔགས་པ་སྟེ་ཡན་ལག་མ་ཉམས་པར་རླུང་སྔགས་དབྱེར་མེད་དུ་ཟློས་པས་གཟུགས་ལ་སོགས་པ་རྣམ་པ་གསུམ་གྱིས་ཏེ། གསུམ་པོ་ལྷ་ཉིད་དུ་ཞེས་པ་དེ་ཡེ་ཤེས་གསུམ་གྱི་ངོ་བོ་ཉིད་དུ་བསྒོམ་ཞིང་ཤེས་པར་བྱའོ། ༈ །ཡེ་ཤེས་གསུམ་ངོ་བོ་ཉིད་ཀྱི་རང་བཞིན་གྱི་དབྱེ་བ་བསྟན་པར་བྱ་བའི་ཕྱིར། ཡང་ན་ཞེས་བྱ་བ་ལ་སོགས་པ་གསུངས་ཏེ། དེ་ལ་གཟུགས་ལ་སོགས་པ་དེ་རྣམས་ལ་རིགས་ཏེ། ཆགས་པ་དང༌། ཆགས་པ་དང་བྲལ་བ་དང༌། ཆགས་པ་བར་མའི་རང་བཞིན་ཏེ་དེ་རྣམས་ཀྱི་དབྱེ་བ་ནི་ཁྱད་པར་གྱི་ཚུལ་ལོ། །དེ་རྣམས་རྣམ་པར་བསྒོམ་པ་ནི་རྗེས་སུ་མྱོང་བས་བསྒོམ་ཞིང་ཤེས་པར་བྱའོ། །དེ་ནི་འདི་སྐད་སྟོན་པ་ཡིན་ཏེ། །གཟུགས་ལ་སོགས་པའི་ཡུལ་རྣམས་ལ་ཕྱི་རོལ་ཏེ་ཐ་མལ་པའི་ཡུལ་དུ་མངོན་པར་ཞེན་པ་ཡོངས་སུ་བཟློག་ནས། ཡུལ་དེ་རྣམས་ལ་འདོད་ཆགས་ཆུང་དུ་དང་ལ་སོགས་པ ས་བསྡུས་པ་བར་མ་དང་ཆེན་པོར་གནས་པའི་འདོད་ཆགས་ལ་སོགས་པའི་རང་བཞིན་བརྒྱད་ཅུ་ལ་ཉིན་མཚན་གྱིས་ཕྱེ་བས་བརྒྱ་དྲུག་ཅུའི་ངོ་བོ་ཉིད་རྗེས་སུ་མྱོང་བས་
ཤེས་པར་བྱའོ། །ཞེས་པའི་དོན་བསྡུ་ན། མཉམ་གཞག་ཏུ་སྣང་མཆེད་ཐོབ་གསུམ་གྱི་ཡེ་ཤེས་ཉམས་སུ་མྱོང་བ་ལས། བྱུང་བའི་རྗེས་ཐོབ་ཀྱི་སྐབས་ཀྱི་རང་བཞིན་གྱི་རྟོག་པ་ཉམས་སུ་མྱོང་བས། ཡུལ་རྣམས་ཡེ་ཤེས་གསུམ་གྱི་ངོ་བོར་ཤེས་པར་བྱ་བའི་དོན་ཏོ། །་སྟེ། སྦས་པའོ། །འདི་ནི་སྦྲོས་པ་མེད་པའི་སྤྱོད་པའོ། ༈ །གཟུགས་ལ་ཞེས་བྱ་བ་ལ་སོགས་པ་ལ། མཆོག་ལ་སོགས་པ་གཟུགས་རྣམ་པ་གསུམ་གྱི་ཡུལ་ལ་ཤེས་པར་བྱ་ཞེས་པ་སྟེ། སྣང་བ་གསུམ་གྱི་ངོ་བོ་ཉིད་དུ་ཡོངས་སུ་ཤེས་པའི་རྒྱུད་ཀྱི་སྣང་བ་གསུམ་མ་འོ་། །མཆོད་པ ར་བྱེད་པ་ནི་འདོད་ཡོན་གྱི་རང་བཞིན་ཤེས་ནས་ལོངས་སྤྱོད་པའི་སྒྲུབ་པ་པོ་པའོ་། །མཆོད་པར་བྱ་ཞེས་པ་ནི་སྣང་བ་གསུམ་དང་འོག་ནས་བཤད་པའི་གཟུགས་གསུམ་འོད་གསལ་བའི་ངོ་བོ་ཉིད་དུ་ཡོངས་སུ་བསྟིམ་པ་སྟེ། ཐིམ་པར་བྱས་པ་འདི་ཉིད་ནི་བླ་ན་མེད་པའི་མཆོད་པ་སྟེ། འོད་གསལ་བ་ཞེས་གང་གསུངས་པ་དེ་ཉིད་ནི་རྡོ་རྗེ་འཆང་ཆེན་པོ་སྟེ། ཟུང་འཇུག་དེའི་སྐྱེད་པའི་རྒྱུར་གྱུར་བའི་ཕྱིར་འོད་གསལ་ལ་ཟུང་འཇུག་རྡོ་རྗེ་འཆང་གི་མིང་གིས་བཏགས་སོ་རོ་། །དེ་བཞིན་དུ་ཞེས་པ་ནི་སྣང་བ་གསུམ་དང་འོག་ནས་འཆད་པ་ལྟར་གྱི་ཡུལ་རེ་རེ་ལ་གསུམ་གསུམ་དུ་བྱས་པ་འོད་གསལ་དུ་གཞུག་པའི་མཆོད་པ་བྱ་བ་དང༌། འོད་གསལ་ལ་ཟུང་འཇུག་གི་རྡོ་རྗེ་འཆང་གི་མིང་གིས་བཏགས་པ་རྣམས་བསྒྲེ་
བར་སྟོན་པའོ། །སྒྲ་ལ་སོགས་པ་རྣམས་ལ་ཡང་འོད་གསལ་བའི་ངོ་བོ་ཉིད་དུ་རྣམ་པར་ཤེས་པར་བྱ་སྟེ། ༈ །ཇི་སྐད་དུ་བཤད་པའི་རྒྱུད་ལུང་སྟོན་ལས་ཀྱང༌། ནང་ནི་སེམས་ཅན་གྱི་རྒྱུད་དུ་གཏོགས་པའི་ཡུལ་ལྔའོ་དང་དེ་བཞིན་ཕྱི་རོལ་ནི་སྣོད་ཀྱི་ཡུལ་ལྔའོ་དང༌་། གཉིས་ག་ན་དབང་པོའི་རྟེན་ཁོག་པའོ། །དེ་གསུམ་རྗེས་སུ་མི་དམིགས་པ། འོད་གསལ་དུ་བཅུག་པའི་གཞུག་རྒྱུ་ནི་གཟུགས་ལ་སོགས་པ་རྣམ་པ་གསུམ་དུ་བཤད་པ་དེ་ཡིན་ཏེ། ལྷ་རྣམས་ལ་ནི་དབུལ་བར་བྱ།་ཞེས་པ་ནི་འོད་གསལ་དུ་གཞུག་པའི་དོན་ནོ། །ཞེས་གསུངས་པས། འདི་ནི་ཤིན་ཏུ་སྤྲོས་པ་མེད་པའི་སྤྱོད་པ་སྟེ་མཐར་ཐུག་པའོ། །སྤྱན་མ་སོགས་པ་ཞིར་བསྒོམ་པ་དང༌། རྡོ་རྗེ་མ་ལྔར་བསྒོམ་པ་ཡང་གཟུགས་སོགས་ལྔ་ཡིན་ལ། དེ་རྣམས་འོད་གསལ་དུ་འཇུག་ཚུལ་ནི། སྔ་མ་དང་ཐ་དད་མེད་པས་འགྲེལ་པར་ཟུར་དུ་མ་བཤད་དོ། ༈ །ད་ནི་རྗེས་སུ་དྲན་པ་དྲུག་གསུངས་པ་ནི། སངས་རྒྱས་རྗེས་སུ་དྲན་པར་སྦྱོར་ཞེས་བྱ་བ་ལ་སོགས་པ་སྟེ། སྐུ་དང་གསུང་དང་ཐུགས་རྣམས་བསྒོམ་ཞེས་བྱ་བ འི་དོན་ནི། ཁ སྐུ་སྟེ་པ་ཚབ་ཀྱི་འགྱུར་ལས། །བསྒོམས་བཞིན་པས་ཐོབ་པ་ལས། ཞེས་འབྱུང་ངོ༌། ལུས་ཀ སྐུ་སོགས་གསུམ་སྒོམ་བཞིན་པས་ཞེས་ཐོབ་པ་ལ ས་རྗེས་དྲན་དང་པོ་གསུམ་སྒོམ་ཞེས་པའོ། །ག་སྒོམ་པ་ནི། རིགས་བརྒྱ་དང་ལྔ་དང་གསུམ་དང་རིགས་གཅིག་གིས་འི་རབ་ཏུ་དབྱེ་བས་ལུས་རྣམ་པར་དབེན་པ་སྒོམ་པར་བྱེད་པ་སྟེ། ངེས་ནི་རིགས་གཅིག་ལ་སོགས་པའི་སངས་རྒྱས་རྣམས་རྗེས་སུ་དྲན་པར་འགྱུར་རོ། །དེ་བཞིན་དུ་གསུང་བསྒོམ་པ་ནི་རྡོ་རྗེ་བཟླས་པའི་གོམས་པ་མཐར་ཐུག་པས་ཏེ། དེའི་
བར་དུ་ངག་རྣམ་པར་དབེན་པ་བསྒོམས་པར་བྱེད་པ་སྟེ། དེས་ནི། ཆོས་རླུང་དང་སྔགས་རྗེས་སུ་དྲན་པ ར་འགྱུར་རོ་འོ་། །ཐུགས་སྒོམས་པ་ནི་རང་བཞིན་གྱི་སྣང་བ་ཡེ་ཤེས་གསུམ་གྱི་འི་རིམ་གྱིས་སེམས་ཀྱི་དེ་ཁོ་ན་ཉིད་ལ་རྣམ་པར་རྟོག་པ་སྟེ། དེས་ནི་རྡོ་རྗེ་སྟེ། བདེ་སྟོང་དབྱེར་མི་ཕྱེད་པ་རྗེས་སུ་དྲན་པ ར་འགྱུར་རོ་འོ་། །རིགས་ནི་རྗེས་སུ་དྲན་པར་ཞེས་བྱ་བ་ལ། རིགས་ནི་ལུས་དང་ངག་དང་ཡིད་ཀྱི་དེ་ཁོ་ན་ཉིད་དོ། །དེའི་རྗེས་སུ་དྲན་པ་ནི་ཡེ་ཤེས་གསུམ་གྱིས་ངོ་བོ་ཉིད་ཀྱིས་རང་གི་ཡུལ་སོ་སོར་ཡོངས་སུ་ཤེས་པའོ། །སྦྱོར་བ་ནི་ཡེ་ཤེས་གསུམ་སྔ་མ་ཕྱི་མ་ལ་ཐིམ་པའི་ཚུལ་གྱིས་ཕྱིས་ཉེར་ཐོབ་ཀྱི་ཚེ་གཅིག་ཏུ་བྱས་པ་སྟེ། དཔེའི་འོད་གསལ་ཉེར་ཐོབ་ཏུ་བསྡུས་པའི་ལུགས་སོ། །དེ་བས་ན་ཡེ་ཤེས་གསུམ་པོ་ཡང་དག་པར་སྦྱོར་བ་ཆག་འགྱུར་ལས། སྦྱོར་བ་ལས་ཞེས་འབྱུང་ངོ། །དེ་ལས་འོ་། །ཐ་མལ་བའི་ལུས་ལ་བསྡིགས་པར་བྱེད་པས་ན་ཁྲོ་བོ་ནི་འོད་གསལ་མངོན་དུ་བྱེད་པའི་ཐབས་གྱི་ཡེ་ཤེས་ཀྱི་སྐུ་སྒྱུ་ལུས་སོ། །དེའི་རྗེས་སུ་དྲན་པ་ནི་བསྒོམ་པ་སྟེ། དེ་ཡང་ཉེར་ཐོབ་ཏུ་བསྡུས་པའི་དཔེའི་འོད་གསལ་གྱི་རླུང་སེམས་ཙམ་ལས་གཞན་གྱིས་བར་མ་ཆོད་པར་སྐྱེད་པ་སྟེ། བསྐྱེད་པ་དེས་ཁྲོ་བོ་རྗེས་སུ་དྲན་པ་དེ་བསྒོམ་པ ར་བྱ། །རིགས་དང་ཁྲོ་བོ་རྗེས་དྲན་གཉིས་ཀས་སྒྱུ་ལུས་བསྟན་ནོ། །ལྷ་ནི་ཕྱག་རྒྱ་ཆེན་པོའི་ཚུལ་སྟེ། སྐུའོ་ལོ་། །དེའི་རྗེས་སུ་དྲན་པ་ནི་ཆུ་ཟླ་ལ་སོགས་པའི་རྣམ་པས་སྟེ། དེ་རྣམས་དང་འདྲ་བར་ཡོངས་སུ་ཤེས་པའོ། །སྒྱུ་མའི་སྐུ་དེ་དང་སྦྱོར་
བ་ནི་སྒྱུ་ལུས་དོན་དམ་པའི་བདེན་པ་འོད་གསལ་དུ་བཅུག་ནས་གཅིག་ཏུ་བྱས་པའོ། །འདིས་འོད་གསལ་བསྟན་ནོ། །ཆག་འགྱུར་ལས། སྦྱོར་བ་དེ་ལས་ཞེས་འབྱུང་ངོ། །དེ་བས་ན་གཅིག་ཏུ་རྗེས་སུ་སྦྱོར་བའི་འོད་གསལ་དེ་ལས་བསྒོམ་ཞེས་པ་ནི། བདེན་པ་གཉིས་ཀྱི་རྣམ་པས་དམིགས་ཤིང་བསྒོམས་ན་བྱང་ཆུབ་སྟེ་བདེ་བ་ཆེན་པོར་མཚན་ཉིད་གཅིག་པའི་རྡོ་རྗེ་འཆང་ཆེན་པོ་ཟུང་འཇུག་འཐོབ་པར་འགྱུར་པའོ། །བསྒོམས་ན་ཞེས་པའི་རྐང་པ་གཅིག་གིས་ཟུང་འཇུག་བསྟན་ནོ། །སྒྱུ་མ་འོད་གསུལ་དུ་འཇུག་པ་དང༌། དེ་ལས་ཟུང་འཇུག་ཏུ་ལྡང་བའི་དོན་འདི་ཉིད་བསྟན་པར་བྱ་བའི་ཕྱིར་བཤད་པའི་རྒྱུད་ལུང་སྟོན་ལས། སྒྲུབ་པ་པོ་ཉམས་དགའ་པར་བྱེད་པ་སངས་རྒྱས་ཀུན་གྱིས་བསྟེན། །པ་བྷ་ག་ཞེས་པ་ནི་སྤྲོས་བ་ཞི་བ འི་འོད་གསལ་གཅིག་པུའི་མིང༌། །ངོ༌། དེར་ནི་རང་གི་སྟེ། བདག་བྱིན་གྱིས་བརླབ་པའི་སྐུ་དེ་ཉིད་འོད་གསལ་དང་གཉིས་སུ་མེད་པར་བྱུང༌། །བ་སྟེ། གྱུར་པ་ནི་རྡོ་རྗེ་ལིང་ག་བྷ་ག་དེ་ཉིད་དུ་སྦྱར་བར་བྱ། །བའོ། །དེ་ནི་སངས་རྒྱས་རྗེས་སུ་དྲན་པར་སྦྱོར་བ་སྟེ། །བྷ་ག ར་ལིང་ག་བཞག་པ་ཡིན་པར་བསྒྲགས། །པ་སྟེ། གསུངས་པའི་དོན་ནོ། །བྷ་གར་ལིང་ག་གཞུག་ཅེས་གསུངས་པ་ནི་འོད་གསལ་དང༌། སྒྱུ་མའི་སྐུ་གཉིས་སུ་མེད་པར་སྦྱོར་བ་སྟེ། །སངས་རྒྱས་ཏེ་ཟུང་འཇུག་གི་གཟུགས་སུ་བསྒོམ་པའོ། །ཟུང་འཇུག་གི་སྐུ་དེ་ལས་བློ་ལྡན་ཏེ། །ཤེས་རབ་ཅན་གྱིས་སྐུ་སྤྲོ་བ། །ནི་བ་སྤུའི་བུ་ག་ལས་བྱུང་ནས་ངའི་
རྩེ་མོར་གནས། །པའི་མཉམ་པ་མེད་པས་ཁྱད་པར་དུ། །འཕགས་པའི་སངས་རྒྱས་ཀྱི་སྤྲུལ་བའི་སྤྲིན་ཏེ་ཚོགས་རྣམས་དེར་སྤྲོ་བར་བྱ།ཞེས་གསུངས་པ་སྟེ། དགོངས་པས་བཤད་པའོ། །སྔར་གྱི་སངས་རྒྱས་རྗེས་དྲན་དང༌། འདིར་དྲངས་པའི་སངས་རྒྱས་རྗེས་དྲན་གཉིས་དོན་མི་གཅིག་ཀྱང༌། འདིར་དྲངས་པའི་བྷ་ག་དང་ལིང་ག་སྦྱོར་བ་སོགས་ཀྱི་ངེས་དོན་གྱི་བཤད་པ་རྣམས། ཁྲོ་བོ་དང་ལྷ་རྗེས་དྲན་དང༌། ཟུང་འཇུག་གི་དོན་བཤད་པའི་ཤེས་བྱེད་དུ་འགྲོ་བས་དྲངས་སོ། ༈ །དེ་ལྟར་དབེན་གསུམ་དང་སྒྱུ་ལུས་འོད་གསལ་གྱི་རྗེས་སུ་དྲན་པ་དྲུག་གི་སྒོ་ནས། ཟུང་འཇུག་པའི་ཡོངས་སུ་དག་པའི་ལྷའི་སྐུ་འདི་བསྐྱེད་པའི་ཚུལ་བསྟན་ནས། ད་ནི་རིམ་གཉིས་ཀྱི་རྣལ་འབྱོར་བ་ཐམས་ཅད་ཀྱི་ཡབ་ཡུམ་སྙོམས་པར་འཇུག་པ་ཐུན་མོང་བ འི་རིམ་པ་བསྟན་པར་བྱ་བའི་ཕྱིར། བུད་མེད་གཟུགས་ལྡན་ཞེས་བྱ་བ་ལ་སོགས་པ་གསུངས་ཏེ། ན་ཚོད་གཞོན་པ་ལོ་བཅུ་དྲུག་མ་ལ་སོགས་པ་དང་ལྡན་པའི་བུད་མེད་འགྲེལ་པར་རྙེད་ཅེས་འབྱུང་བ་ལྟར་བྱ་དགོས་པས། པ་ཚབ་ཀྱི་རྒྱུད་ཀྱི་འགྱུར་ལས། ལོ་གྲངས་བཅུ་དྲུག་མ་རྙེད་ནས། ཞེས་འབྱུང་བ་ལྟར་བྱ་དགོས་སོ། །རྙེད་ཅིང་སྟེ། སྐབས་དེར་ཇི་ལྟར་རྙེད་པའི་གཟུགས་སྟེ་དང་ཡན་ལག་མ་ཉམས་པའི་གཟུགས་དང་ལྡན་ཞིང་ཤིན་ཏུ་མཛེས་པས་མདངས་བཟང་བ་རྙེད་ནས་དང༌་། རབ་ཏུ་དབེན་ཞིང་ཡིད་དང་མཐུན་པའི་གནས་སུ་ཕྱག་རྒྱའི་ར་གཟུགས་ལ་སོགས་པའི་ཡུལ་གྱི་མཚན་ཉིད་ཀྱིས་བདག་ཉིད་ལ་མཆོད་པ་རབ་ཏུ་བརྩམ་
པར་བྱའོ། །གང་གིས་མཆོད་ཅེ་ཞེ་ན། བྱིན་གྱིས་བརླབ་ཀྱི་གནས་གསུམ་གྱིས། ཞེས་བྱ་བ་སྟེ། ཡུལ་དུ་བྱིན་གྱིས་བརླབས་པ་སྟེ་བྱས་པ ས་ན་བྱིན་གྱིས་བརླབས་པ་སྟེ། འདོད་ཆགས་དང་ལ་སོགས་པས་བསྡུས་པ་ཆགས་བྲལ་དང་ཆགས་པ་བར་མའི་རང་བཞིན་གྱི་རྟོག་པ་གསུམ་མོ། །དེའི་གནས་ནི་ཡུལ་ཡིན་ལ་དེ་ལ་མང་དུ་ཡོད་ཀྱང་ཡིད་དུ་འོང་བའི་ཡུལ་རྣམས་ཏེ། དེ་ལྟར་བྱིན་གྱིས་བརླབས་ཀྱི་གནས་གསུམ་གྱིས་བྱིན་གྱིས་བརླབ་པའི་ཡུལ་ཡིད་དུ་འོང་བ་ཆུང་འབྲིང་ཆེན་པོ་གསུམ་པོ་དག་གིས་བདག་ཉིད་ལ་མཆོད་པར་བྱའོ། །དེ་ལྟར་རྡོ་རྗེ་འཆང་ཆེན་པོའི་རེག་རྡོ་རྗེ་དང་སྙོམས་པར་འཇུག་པ་བཤད་ནས། རྣམ་པར་སྣང་མཛད་ལ་སོགས་པའི་སྙོམས་པར་འཇུག་པའི་ཚུལ་བསྟན་པར་བྱ་བའི་ཕྱིར། དེ་བཞིན་གཤེགས་པའི་ཞེས་བྱ་བ་ལ་སོགས་པ་གསུངས་ཏེ། འདི་ནི་དེ་བཞིན་གཤེགས་པའི་རིགས་ཀྱི་ཡིན་པས་ན། དེ་བཞིན་གཤེགས་པའི་འོ། །གཤེགས་པའི་རིགས་དེའི་ཕྱག་རྒྱ་གཞན་རྣམས་ཀྱི་གཙོ་བོར་གྱུར་པས་ན། བཙུན་མོའི་མཆོག་སྟེ།ཆག་འགྱུར་ལས། སྔར་བཤད་པ་དེ་ཞེས་འབྱུང་བ་ལེགས་སོ། །སྔར་བཤད་པའི་བུད་མེད་དེ་རྣམ་པར་སྣང་མཛད་ཀྱི་རྣལ་འབྱོར་བས་སྤྱན་མར་རྣམ་པར་བསྒོམ་པར་བྱ་ཞིང་བསམ་པར་བྱའོ། །སོགས་པའི་སྒྲས་ནི་མ་བཤད་པ་རྣམས་ཀྱང་བསྡུ་བའི་དོན་ཏེ། རྣམ་སྣང་གི་རིགས་ལ་སྤྱན་མར་བསྒོམ་པ་དེ་ཉིད་ཀྱིས་ནི་རིན་པོ་ཆེའི་རྣལ་འབྱོར་བས་ནི་བུད་མེད་དེ་མཱ་མ་ཀིར་བསྒོམ་
པ་དང༌། པདྨའི་རིགས་ཀྱིས་ནི་བུད་མེད་དེ་གོས་དཀར་མོ་དང༌། ལས་ཀྱི་རིགས་ཀྱིས་ནི་བུད་མེད་དེ་སྒྲོལ་མར་བསྒོམ་པར་བྱའོ། །ཞེས་བྱ་བར་སྦྱར་བར་བྱའོ་རོ་། །དེ་ལྟར་བསྒོམས་ནས་ཅི་ཞིག་བྱ་ཞེ་ན། དབང་པོ་གཉིས་ནི་ཞེས་བྱ་བ་ལ་སོགས་པ་གསུངས་ཏེ། དབང་པོ་གཉིས་ནི་སྐྱེས་པ་དང་བུད་མེད་ཀྱི་དབང་པོའོ། །དེའི་མཉམ་པར་སྦྱར་བ་ནི་ཕན་ཚུན་རྗེས་སུ་ཆགས་པ་སྔོན་དུ་འགྲོ་བས་འཁྱུད་པ་ལ་སོགས་པས་བསྡུས་པ་ཙུམྦྷ་ན་དང་སྙོམས་འཇུག་ལ་གནས་པའི་ལས་རྗེས་སུ་བསྟེན་པ་སྟེ། ཐབས་དེས་སངས་རྒྱས་ཏེ། འབྲས་བུའི་སྐབས་ཀྱི་རྡོ་རྗེ་འཆང་ཆེན་པོ་དེའི་དངོས་གྲུབ་སྟེ་མཆོག་ཏུ་དགའ་བར་སྟེ། དོན་གྱི་ལྷན་སྐྱེས་ཀྱི་བདེ་བ་ཆེན་པོར་མཚན་ཉིད་གཅིག་པ་སྟེ་དེ་འཐོབ་པར་འགྱུར་པའོ། ༈ །རིམ་པ་གཉིས་ཀྱིས་སྙོམས་པར་འཇུག་པའི་སྐབས་འདིར་སྔགས་ལ་རྗེས་སུ་གཞོལ་བ་བསྐྱེད་རིམ་པ་རྣམས་ཀྱི་སྙོམས་འཇུག་གི་ཆོ་གའི་བྱེ་བྲག་སྟེ། ཁྱད་པར་བསྟན་པར་བྱ་བའི་ཕྱིར། །ཡི་གེ་ཧཱུཾ་དང་ཞེས་བྱ་བ་ལ་སོགས་པ་གསུངས་ཏེ། ཡི་གེ་ཧཱུཾ་ཡོངས་སུ་གྱུར་པ་ལས་རང་གི་ལིང་ག་རྡོ་རྗེ་རྩེ་ལྔ་པར་བསྐྱེད་དེ་ཡི་གེ་ༀ་གྱིས་ནོར་བུའི་ཆ་བྱིན་གྱི་བརླབས་པར་བསམ་པ་དང༌། ཨ་ལས་ཕྱག་རྒྱའི་པདྨ་པདྨ་འདབ་མ་བརྒྱད་པར་མངོན་པར་འདུ་བྱས་པ་སྟེ་བསྐྱེད་ལ་རིན་ཆེན་འབྱུང་ལྡན་གྱི་ང་རྒྱལ་སྔོན་དུ་འགྲོ་བ་དང་ལྡན་པས་ལས་ལ་གནས་པའི་ཚེ་ཡི་གེ་ཧཱུཾ་གི་གླུ་ལ་དང༌་། དགའ་བ་ཉིད་ཀྱིས་རང་གི་ཕྱག་རྒྱ་
མཉེས་པར་བྱས་ལ། ཡི་གེ་ཕཊ་ཅེས་དག་ཏུ་བརྗོད་པ་ཀྱི་ས་བྱང་ཆུབ་ཀྱི་སེམས་ཀྱི་ཐིག་ལེ་སྤྱི་བོ་ནས་དབབ་བྱར་སེམས་འབེབས་པ་ནི་ངག་དུ་བརྗོད་པས་ཡིན་ལ། བྱང་སེམས་འགག་པ་ནི་ནོར་བུའི་རྩེར་ཕཊ་ཡིག་གི་གཟུགས་བསྒོམ་པས་ཡིན་པས་མི་འགལ་ལོ། །༧འགྱུར་ཁ་ཅིག་ལས། བྱང་ཆུབ་ཀྱི་སེམས་དབྱུང་བར་བྱའི་ཞེས་འབྱུང་བ་ཡང༌། ནོར་བུའི་རྩེའི་བར་དུ་འབྱིན་པ་ཡིན་གྱི། དེའི་ཕྱི་རོལ་ཕྱག་རྒྱའི་པདྨ་ལ་སོགས་པར་འབྱིན་པ་ནི་གཏན་མ་ཡིན་ཏེ། སྙོམས་པར་འཇུག་པ་ནི་བདེ་ཆེན་བསྐྱེད་ནས་བདེ་སྟོང་སྒོམ་པའི་ཆེད་ཡིན་ལ། བདེ་བའི་རྟེན་ཕྱི་རོལ་དུ་ཕྱུང་ན་བདེ་བ་ཆེན་པོའི་གཞི་སྟོར་བའི་ཕྱིར་རོ། །པར་བྱའོ། །ཞེས་བྱ་བ་ནི། རྡོ་རྗེའི་ཚིག་འདིའི་དོན་ཡིན་ནོ། །རབ་ཏུ་བརྟག་པར་བྱ་ཞེས་བྱ་བ འི་རྒྱུད་ཚིག་འདིས་ནི། འདི་དག་ཐམས་ཅད་ནི་སྐུ་འགྱུར་རྙིང་དང་པ་ཚབ་ཀྱི་འགྱུར་ལས། སྐུ་གསུམ་ཞེས་འབྱུང་ཡང༌། ཆག་འགྱུར་ལས། བྱ་བའི་ངོ་བོ་འདི་དག་ཐམས་ཅད་ནི་རྣམ་པར་རྟོག་པ་ཙམ་སྟེ། ཞེ་འབྱུང་བ་ལགས་པས། རང་དང་ཕྱག་རྒྱ་ལྷར་བསྐྱེད་པ་དང༌། གསང་གནས་གཉིས་འདུ་བྱས་པ་ནི་རྣམ་པར་རྟོག་པས་བཏགས་པ་ཙམ་ཉིད་ཡིན་གྱི། དེ་ཁོ་ན་ཉིད་ཏེ་དེ་རྣམས་དངོས་ནི་མ་ཡིན་ནོ། ཞེས་སྟོན་ཏོ། །གསུམ་གྱི་གཟུགས་ཏེ་རྣམ་པར་རྟོག་པ་ཙམ་ཉིད་ཡིན་གྱི། དེ་ཁོ་ན་ཉིད་ནི་མ་ཡིན་ནོ་ཞེས་སྟོན་ཏོ། །འོད་ཟེར་རྣམ་ལྔས་ཞེས་བྱ་བ་ལ་སོགས་པས་ནི། སྙོམས་པར་འཇུག་པའི་དུས་སུ་དཀར་པོ་ལ་སོགས་པའི་འོད་ཟེར་ལྔ་རྣམས་ཀྱིས་རྡོ་རྗེ་དང་པདྨའི་ནང་དུ་ཡོངས་སུ་གང་བར་ཡབ་ཡུམ་གཉིས་ཀས་བསྒོམ་པར་བྱའོ། །དེ་ཞེས་པ་འདི་ཡང་པ་ཚབ་ཀྱིས་བསྒྱུར་བའི་རྒྱུད་ལས། ཡིད་འཕྲོག་མ་དེ་
བསྒོམ་པར་བྱ་ཞེས་འབྱུང་བ་དང་མཐུན་ནོ། །བྱ་བ་སྔར་བཤད་པའི་སངས་རྒྱས་སྤྱན་ནི་འབར་བཅས་ཟླ་འོད་ཅེས་བྱ་བ་ལ་སོགས་པས་དེའི་ཁྱད་པར་སྟོན་ཏེ། ཟླ་བའི་འོད་བཞིན་དུ་དཀར་པོ་འབར་བ་དང་བཅས་པས་སྣང་བ་དང་ལྡན་བཞིན་པར་ཡིད་དུ་འོང་ཞིང་ཡིད་འཕྲོག་པའི་བུད་མེད་བསྒོམ་པར་བྱ་ཞིང་བསམ་པ་འདིས་ནི་རིགས་ལྷག་མ་བཞིས་ཕྱག་རྒྱ་མ་མ་ཀཱི་ལ་སོགས་པར་བསྒོམ་པ་ཡང་ཉེ་བར་མཚོན་པ་སྟེ། དགོངས་པ་མ་ཡིན་པས་བཤད་པའོ། ༈ །སྔར་གསུངས་པའི་རྗེས་སུ་དྲན་པ་དྲུག་ངེས་པར་སྟོན་པར་བཞེད་ནས་ཞེས་པའི་དོན་ནི་སྔར་བཤད་པའི་རྗེས་དྲན་དྲུག་དང༌། དེ་རྣམས་དང་མིང་མཐུན་པའི་འདིའི་རྗེས་དྲན་རྣམས་དོན་གཅིག་ཏུ་བྱས་ནས། སྔར་གྱི་རྗེས་དྲན་རྒྱས་པར་འཆད་པ་མ་ཡིན་ཏེ། མིང་མཐུན་ཡང་དོན་མི་གཅིག་པ་དུ་མ་འདུག་པའི་ཕྱིར་རོ། །དེས་ན་རྗེས་དྲན་དྲུག་གི་བཤད་ཟིན་གྱི་མཚམས་སྦྱོར་དུ་གསུངས་པ་བཞིན། །རྗེས་དྲན་དྲུག་གི་སྒོ་ནས་ཟུང་འཇུག་གི་ལྷ་སྐྱེད་པ་དེ། འདིར་རིགས་ལྔ་སོ་སོའི་སྒོ་ནས་རྒྱས་པར་འཆད་པ་སོགས་སྟོན་ནོ། ། །སངས་རྒྱས་རྗེས་དྲན་ཞེས་བྱ་བ་ལ་སོགས་པ རྐང་པ་གཉིས་ཀྱི ས་གནས་ཏེ་མདོར་བསྟན་པའི་གཞི་སྟོན་པར་མཛད་པ་ཡིན་ནོ་ཏེ་། ༈ །དེ་ལ་སངས་རྒྱས་རྗེས་སུ་དྲན་པ་ཇི་ལྟར་བསྒོམ་ཞེ་ན། ཞེས་བྱ་བ་ལ་སོགས་པས་ནི། རྒྱུད་ཀྱི་སྟོན་པ་པོ་རང་ཉིད་ཀྱིས་དྲི་བར་མཛད་ནས་རང་ཉིད་ཀྱིས་ལན་བསྟན་པ་ཡིན་ཏེ། སངས་རྒྱས་ནི་རྣམ་པར་སྣང་མཛད་དོ། དེ་རྗེས་སུ་དྲན་པ་ནི་རྗེས་སུ་
བསམ་པའོ། །དེ་ཉིད་ཡང་ནས་ཡང་དུ་བསླབ་པར་བྱ་བ་ཡིན་པས་བསྒོམ་པའོ། །བྷ་ག་ནི་དོན་དམ་པའི་བདེན་པའོ། །དེར་ཐིམ་པས་ན་ལིང་ག་སྟེ། ཞེས་པ་ནི་ལིང་ག་ལ་ལཱི་ཡ་ཏི་ཐིམ་པའི་དོན་ཡིན་པས་སོ། །གང་ཞིག་ཐིམ་པ་དེ་གང་ཡིན་ཞེ་ན། ཀུན་རྫོབ་ཀྱི་བདེན་པ་སྒྱུ་མའི་སྐུ། །བཞག་པ་སྟེ། བྷ་གར་ལིང་ག་བཞུགས་པ་ནི་འོད་གསལ་བ་ལ་རབ་ཏུ་ཞུགས་ནས། སངས་རྒྱས་ཀྱི་གཟུགས་ཏེ་རྡོ་རྗེ་འཆང་ཆེན་པོ་བསྒོམ་པར་བྱ་ཞིང༌། དོན་དམ་པའི་བདེན་པ་འོད་གསལ་ལས་ཟུང་འཇུག་ཏུ་ལྡང་བར་བྱའོ། །ཞེས་བྱ་བའི་དོན་ཏོ། །བ་:ཆབ་:སྦུའི་བུ་ག་རྩེ་བར་ནས་བ་སྤུ་རྣམས་ཀྱི་བུ་ག་ནས་ཞེས་བྱ་བ་ལ། །བ་སྤུའི་བུ་གའི་རྩེ་མོ་ནས་ཏེ་བ་སྤུའི་བུ་ག་ནི་པདྨ་ལས་དང༌། །བ་སྤུའི་རྩེ་མོ་ནི་རྡོ་རྗེ་སྟེ་བ་སྤུ་དེ་གཉིས་ཀྱི་བར་ནི་སྦྱོར་མཚམས་ལ་བྱའོ། །དེ་ལས་མཁས་པས་ཏེ་དེ་ཁོ་ན་ཉིད་ཀྱི་ངོ་བོ་ཉིད་ཤེས་པས་སངས་རྒྱས་ཀྱི་སྤྲིན་ཏེ་རྣམ་པར་སྣང་མཛད་ཀྱི་སྤྲིན་སྤྲོ་བར་བྱ་ཞིང་དབྱུང་བར་བྱའོ། །དེ་ལྟར་སྤྲོ་ནས་ཏེ། སྤྲོས་བ་དེས་གངྒཱའི་ཀླུང་གི་བྱེ་བ་སྙེད་དང་མཉམ་པའི་ཕྱོགས་བཅུའི་འཇིག་རྟེན་གྱི་ཁམས་ན་གནས་པར་གཏོགས་པའི་གཏི་མུག་ལ་སྤྱོད་པའི་སེམས་ཅན་གྱི་ཁམས་རྣམས་སྤྱད་ནས་སླར་ལོག་ཏེ། རང་གི་ལུས་ལ་ཞུགས་པར་གྱུར་པ་ལས་རང་རྣམ་སྣང་དུ་སྤྲུལ་བ་ནི། ཟུང་འཇུག་པའི་དང་པོ་སྦྱོར་བ་ཡིན་ཏེ། རིགས་ལྷག་མ་བཞི་ལའང་ཤེས་པར་བྱའོ། །ར་བསམ་མོ། །ཆོས་རྗེས་དྲན་
ཞེས་པའི་ཆོས་ནི་འོད་དཔག་ཏུ་མེད་པའོ། །རྡོ་རྗེ་ཆོས་ནི་འདིར་རྡོ་རྗེ་འཆང་ཆེན་པོ་སྟེ། རྣམ་པར་མི་འཇིག་པ་སྟེ། མི་ཤིགས་པའི་ངོ་བོ་ཉིད་ཡིན་པའི་ཕྱིར་རོ། །ཆོས་ཀྱི་སྤྲིན་རྣམས་ནི་འོད་དཔག་ཏུ་མེད་པའི་ཚོགས་ཏེ། དེ་སྔར་བཤད་པའི་རིམ་པས་སྤྲོས་ལ་བསྡུ་བར་བྱའོ། །རྡོ་རྗེ་ནི་མི་བསྐྱོད་པའོ། །རྡོ་རྗེ་སེམས་དཔའི་ནི་རྡོ་རྗེ་འཆང་ཆེན་པོའོ། །རྡོ་རྗེ་སྤྲིན་རྣམས་ནི་མི་བསྐྱོད་པའི་སྤྲིན་རྣམས་སོ། །དེ་ལ་རིགས་ཀྱི་སྐད་དོད་ནི་ཀུ་ལཱ་སྟེ་ཀུ་ནི་ས འི་རྣམ་གྲངས་སོ་འོ་། །ལཱ་ཏེ་ནི་འཛིན་པའམ་ལེན་པ་ཡིན་པས་གང་ས་ཕྱོགས་དེར་གནས་པའི་སེམས་ཅན་དེ་རྣམས་ལ་རིན་པོ་ཆེ་བྱིན་པས་འཛིན་ཅིང་བདག་གིར་མཛད་པས་ན་ཀུ་ལཱ་ནི་རིགས་ཏེ་རིན་ཆེན་འབྱུང་ལྡན་ནོ། །སངས་རྒྱས་ནི་རྡོ་རྗེ་འཆང་ཆེན་པོའོ། །རིགས་ཀྱི་སྤྲིན་ནི་རིན་ཆེན་འབྱུང་ལྡན་གྱི་ཚོགས་རྣམས་སོ། །ཡང་དག་པའི་དམ་ཚིག་གིས་དམ་ཚིག་ཉམས་པ་ལ་ཁྲོ་བར་མཛད་པས་ན་ཁྲོ་བོ་ནི་དོན་ཡོད་པར་གྲུབ་པ་སྟེ། དེའི་རྗེས་སུ་དྲན་པའོ། །ཁྲོ་བོའི་དབང་པོ་ཞེས་བྱ་བ་ལ། །ཁྲོ་བོ་ནི་མི་བསྐྱོད་པའོ། །དེའི་དབང་པོ་ནི་རྡོ་རྗེ་འཆང་ཆེན་པོའོ། །ཁྲོ་བོའི་སྤྲིན་ནི་དོན་ཡོད་པར་གྲུབ་པའི་ཚོགས་སོ། ༈ །དམ་ཚིག་ནི་རྡོ་རྗེ་འཆང་ཆེན་པོ་སྟེ་ཡེ་ཤེས་ཀྱི་རང་བཞིན་ཅན་གྱི་སྐུའོ། །རྗེས་སུའི་དོན་ནི་ལོངས་སྐུ་དེའི་ཕྱི་ནས་རྗེས་སུ་དྲན་ཞིང་སེམས་པས་ན་རྗེས་སུ་དྲན་པ་སྟེ། སྤྲུལ་པའི་སྐུའོ། །སྤྲུལ་སྐུ་དེ་ཞེས་པ་ནི། དེ་ལྟར་གྱི་ལུས་ལེ་སྤྲུལ་
སྐུར་གྲགས་པ་དེའི་སྟོབས་རྒྱས་པར་བྱ་བའི་ཕྱིར་བསྒོམ་པ་ནི། དམ་ཚིག་རྗེས་སུ་དྲན་པ་བསྒོམ་པའོ། །རྗེས་སུ་དྲན་པ་དེ་གང་ཞེ་ན་སྒྲུབ་པ་པོ་བདག་གི་རྡོ་རྗེ་སྟེ། ལྕེའི་རྡོ་རྗེ་དང༌། པདྨ་སྟེ་རྐན་གྱི་པདྨ་དེ་དག་དང་ལྡན་པར་བྱ་བའོ། །ཇི་ལྟར་ཞེ་ན། དབང་པོ་གཉིས་ནི་མཉམ་སྦྱར་ཏེ། ཞེས་བྱ་བ་སྟེ། ལྕེ་རྩེ་དང་ལྕེ་ཆུང་བ་གཉིས་རྡོ་རྗེ་དང་པདྨ་དག་ལྟ་བུར་སྦྱོར་ཞིང་རེག་པ་སྟེ། དྲུད་པ་དེ་ལས། །རང་གི་ས་བོན་ཏེ་ཁུ་བ་ཀླད་རྒྱ་ན་གནས་པའི་བདུད་རྩི་དེའི་ཐིགས་པ་བསྐུལ་བས་ལྕེའི་སྟེང་དུ་འབབ་པའི་ཆ་རྣམས་འཐུངས་པ་ཡི་ཀྱི་ས་སངས་རྒྱས་ཏེ། གཟུགས་ཀྱི་ཕུང་པོ་ལ་སོགས་པ་དང༌། རྡོ་རྗེ་སེམས་དཔའ་སྟེ། སེམས་དང་སེམས་ལས་བྱུང་བ་རྣམས་མཆོད་ཅིང་ཚིམ་པར་བྱའོ། །ལྕེ་ཆུང་གི་བདུད་རྩི་དབབ་པ་འཐུངས་པ་འདིས་ལུས་དང་ངག་དང་ཡིད་བདེ་བར་གནས་པ་སྐྱེ་བར་འགྱུར་རོ། ༈ །མཆོག་སྒྲུབ་པ་ལ་གནས་པ་ཟུང་འཇུག་པ་དེ་ཉིད་ཀྱི ས་ཕྱིའི་བུད་མེད་དང༌། ཡང་དག་པར་སྦྱོར་བས། བདུད་རྩི་འབྱིན་པའི་དགོས་པ་བསྟན་པར་བྱ་བའི་ཕྱིར། །དེ་ལ་ཞེས་བྱ་བ་ལ་སོགས་པ་གསུངས་ཏེ། དཀྱིལ་འཁོར་ནི་ཕྱུང་བའི་དཀྱིལ་འཁོར་རོ། །དབང་པོ་ཞེས་པ་ནི་རང་གི་བྱ་བ་ལ་དབང་བྱེད་པས་ན་དབང་པོའོ། །དབང་པོ་གཉིས་ཞེས་བྱ་བ་ནི། སྐྱེས་པ་དང་བུད་མེད་ཀྱི་དབང་པོ་དག་སྟེ། དེའི་མཉམ་པར་བཞག་པ་ནི་དེ་གཉིས་སྙོམས་པར་འཇུག་པའི་བྱ་བའོ། །བྱ་བ་དེ་ལ་མཁས་པ་ནི་འདོད་པའི་བསྟན་
བཅོས་ནས་བཤད་པའི་འཁྱུད་པ་ལ་སོགས་པའི་སྒྱུ་རྩལ་གྱི་སྦྱོར་བ་ལ་བྱང་བའོ། །བདག་གི་ཁུ་བ་ནི་རང་གི་ས་བོན་ནོ། །དབྱུང་བ་ནི་མཁས་པ་རྣལ་འབྱོར་བ་ཆེན་པོས་རྩ་སྦུབས་སྟོང་ཕྲག་བདུན་ཅུ་རྩ་གཉིས་བསྐུལ་ནས། སྙིང་གར་ཕྱིན་པ་རྡོ་རྗེའི་ལམ་ནས་ཕབ་པའོ། །དེས་ཇི་ལྟར་འགྱུར་ཞེ་ན། དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། དཀྱིལ་འཁོར་ནི་དྲུག་པ་ལ་ལྟོས་ཏེ་རིགས་ལྔ་བུ་དང་ལྷ་ལྷག་མ་ཕོ་མོ་རྣམས་ཚ་བོ་དང་ལ་སོགས་པས་བསྡུས་པ་ཚ་མི འི་དཀྱིལ་འཁོར་ཡང་དག་པར་འབྱུང་བར་འགྱུར་རོ། །དཀྱིལ་འཁོར་གྱི་དོན་ཇི་ལྟ་བུ་ཞེ་ན། དཀྱིལ་འཁོར་ཏེ་དཀྱིལ་འཁོར་གྱི་སྐད་དོད་མཎྜ་ལ་ཞེས་པ་ལ་མཎྜ་སྙིང་པོ། བྷུ་ཥ་ནཾ་རྒྱན་ཏེ། སྙིང་པོ་ལ་བརྒྱན་པས་དཀྱིལ་འཁོར་རོ་འོ་། །དེ་ཉིད་གང་ཡིན་ཞེ་ན། སངས་རྒྱས་ཉིད་དོ། །དེའི་ཚུལ་དུ་བྱ་བ་ནི་སངས་རྒྱས་དེའི་རྒྱུར་གྱུར་པ་སྟེ། དེ་ལྟ་བུར་ཕྱུང་བའི་དཀྱིལ་འཁོར་བསྐྱེད་པར་བྱའོ་འདིར་སྔ་མ་རྣམས་ཕྱུང་བའི་དཀྱིལ་འཁོར་པ་རྣམས་ཕྱུང་སྟེ་མཛད་པ་མཛད་ནས། རང་རང་གི་གནས་སུ་འགོད་པ་ནི། །ཟུང་འཇུག་པའི་དཀྱིལ་འཁོར་རྒྱལ་མཆོག་ཏུ་བཞེད་དོ། །ཞེས་བྱ་བར་དགོངས་ཏེ། དགོངས་པས་བཤད་པའོ། ༈ །དེ་བཞིན་ཉིད་དང་ཟླ་བ་ལས་བྱང་ཆུབ་པའི་སྦྱོར་བ་དང་ས་བོན་དང་ཕྱག་མཚན་དང་སྐུ་རྫོགས་པ་ལས་བྱང་ཆུབ་པའི་རྗེས་སུ་སྦྱོར་བ་དང་དེ་ནས་སྤྲུལ་སྐུར་བསྒྱུར་བ་དང་མ་བསྒྱུར་བའི་ལུས་ལ་ལུས་དཀྱིལ་འགོད་པའི་ལྷག་པའི་སྦྱོར་བ་བྱས་ནས་རྣལ་འབྱོར་ཆེན་པོའི་
སྐབས་སུ་གང་ཞིག་བྱ་བ་ཡིན་པ་དེ་བསྟན་པར་བྱ་བའི་ཕྱིར། དེ་ལ་འདི་ནི་བཅུ་གཅིག་པ་ལས་འབྱུང་བ་བཞིན་རྡོ་རྗེ་གསུམ་གྱི་ལྷ་ཚོགས་སྤྱན་དྲངས། བཅུ་གཉིས་པ་ནས་འབྱུང་བ་བཞིན་གསོལ་བ་བཏབ་ནས་རང་ལ་བཅུག་པའི་རྗེས་སུ་བྱེད་དོ། །ཞེས་བྱ་བ་ལ་སོགས་པ་གསུངས་ཏེ། སྐུ་ནི་རྣམ་པར་སྣང་མཛད་དེ་དེའི་རྗེས་སུ་དོན་པ་ནི་རང་སྐུ་རྡོ་རྗེ་དེ་ཉིད་དུ་སྒོམ་པའོ། །སངས་རྒྱས་ཀུན་གྱི་ཞེས་པའི་དོན་ནི་དུས་གསུམ་དུ་གཤེགས་ཤིང་ཕྱོགས་བཅུ་ན་བཞུགས་པའི་སངས་རྒྱས་རྣམ་པར་སྣང་མཛད་དང་འབྲེལ་བའི་ཕུང་པོ་ལྔ་ཡིས་རབ་ཏུ་རྒྱས་པར་སྤྲུལ་བའི་སྐུ་གང་ཡིན་པ་གང་ཞིག་ཡོད་པ་བདག་གི་སློབ་བཞིན་པར་གྱུར་པའི་ལུས་ཀྱང་དེ་ལྟ་བུའི་ངོ་བོར་གྱུར་ཅིག་པ་སྟེ། སངས་རྒྱས་ཀྱི་སྐུ་ཡི་རང་བཞིན་གྱིས་ཏེ། སྐུའི་ངོ་བོ་ཉིད་ཀྱི་རྒྱུར་གྱུར་ཅིག་ཅེས་གསོལ་བ་འདེབས་པའོ། །གསུང་ནི་འོད་དཔག་ཏུ་མེད་པའོ། །དེའི་ངོ་བོ་ཉིད་དུ་གྱུར་པས་ན་དེའི་རྗེས་སུ་དྲན་པའོ། །ཇི་ལྟ་བུ་ཞེ་ན། རྡོ་རྗེ་ཆོས་འོད་དཔག་མེད་ཀྱི་གསུང་གང་ཡིན་ཞེས་བྱ་བ་སྟེ། གང་:ཆག:གང་ཡིན་ཞེས་འཐོབ་པ་ལ། གང་ཞིག་ཅེས་འབྱུང་ངོ། །ཞེས་པ་རྒྱ་དཔེ་ལ་གང་ཡིན་ཞེས་པ་མེད་པའི་ལུགས་སོ། །ཡིན་ཞེས་བྱ་བ་ནི་ཐོབ་པར་གྱུར་པའོ། །གསུང་ནི་ངག་གོ །ཇི་ལྟ་བུ་ཞེ་ན། དེས་ཚིག་ཕུན་སུམ་ཚོགས་པ་ཞེས་བྱ་བ་སྟེ། ངེས་པར་བཤད་པ་ཡིན་པས་ན་ངེས་པའི་ཚིག་སྟེ་ཡང་དག་པ་གང་ཡིན་པ་དེ་ནི་ངེས་པའི་ཚིག་ཕུན་སུམ་ཚོགས་པའོ། །ངེས་པའི་ཚིག་སྨོས་པ་ནི་སོ་སོར་ཡང་དག་པར་རིག་པའི་ཕྱོགས་ཉེ་བར་མཚོན་པ་ཙམ་སྟེ།
དེས་ན་ཆོས་དང་དོན་དང་སྤོབས་པ་སོ་སོ་ཡང་དག་པར་རིག་པ་རྣམས་ཀྱང་གཟུང་ངོ༌། །བདག་གི་ཚིག་ཀྱང་དེ་འདྲ་སྟེ་ཞེས་བྱ་བ་ནི། ངག་དེ་དང་འདྲ་བར་གྱུར་ཅིག་པའོ། །ཆོས་འཛིན་པ་དང་ཞེས་བྱ་བ་ནི། ཆོས་འཛིན་པ་དང་འདྲ་བར་གྱུར་ཅིག་ཅེས་པའོ། །ཐུགས་ནི་མི་བསྐྱོད་པའོ། །དེའི་རྗེས་སུ་དྲན་པ་སྟེ་དེ་ཉིད་ནི་སྒོམ་པའོ། །གསང་བའི་བདག་པོ་བློ་ལྡན་པ་ཞེས་བྱ་བ་ལ། གསང་བ་ནི་གཉིས་སུ་མེད་པའི་ཡེ་ཤེས་སོ། །གུ་ཧྱ་ཀ་ནི་གསང་བ་པ་ཞེས་པ་སྟེ། དེའི་ཀ་ནི་ཀཻའི་སྐད་ཀྱི་བྱིངས་ནི་སྒྲོགས་པ་ལ འོ་ཞེས་པ ས་ཀཱ་ཡ་ཏི་དེ་གསུང་བར་མཛད་དོ་ཞིང་ཀ་ཐ་ཡ་ཏི་སྟོན་པར་མཛད་པ་སྟེ་དེས་ན་གསང་བ་པའོ། །དབང་བྱེད་པས་ན་བདག་པོ་སྟེ་གསང་བ་པ་རྣམས་ཀྱི་དབང་པོ་མཛད་ཅིང་དེ་ཁོ་ན་ཉིད་སྟོན་པ་རྣམས་ཀྱི་གཙོ་བོར་གྱུར་ཅེས་པའི་དོན་ཏོ། །བློ་ལྡན་པ་ཞེས་བྱ་བ་ལ། བློ་ནི་རེག་རྡོ་རྗེའོ། །ཐུགས་རྡོ་རྗེའི་ཡུམ་ལ་མཱ་མ་ཀཱི་དང་རེག་བྱ་རྡོ་རྗེ་མ་གཉིས་ཀ་འོང་བས། འདིར་རེག་རྡོ་རྗེ་ལ་བཤད་པ་མི་འགལ་ལོ། །དེ་གང་ལ་ཡོད་པ་དེ་ནི་བློ་དང་ལྡན་པའོ། །ཀུན་ནས་བཟང་བས་ན་ཀུན་ཏུ་བཟང་པོ་སྟེ་དེ་ལྟ་བུའི་མི་བསྐྱོད་པའི་ཐུགས་གང་ཡིན་པ། བདག་གི་སེམས་ཀྱང་དེ་དང་འདྲ་བར་གྱུར་ཅིག་པ་ནི། རྡོ་རྗེ་འཆང་བ་དང་བདག་ཀྱང་འདྲ་བར་གྱུར་ཅིག་ཅེས་གསལ་བ་འདེབས་པ་སྟེ། སྒྲ་ཇི་བཞིན་པའོ། །དེ་དག་གིས་ནི་བསྐྱེད་རིམ་པའི་སྐུ་གསུང་ཐུགས་བྱིན་གྱིས་བརླབ་པ་བསྟན་ནོ། ༈ །ད་ནི་ཁམཆོག་སྟེ་ཀསྒྲུབ་པ་རྫོགས་རིམ་མཐོན་
པོ་ལ་གནས་པ་རྣམས་ཀྱི་རང་བཞིན་ཡོངས་སུ་ཤེས་པ་ཙམ་གྱིས་ཀྱང་བྱིན་གྱིས་བརླབ་པ་གསུམ་ ཡིན་པར་བསྟན་པའི་ཕྱིར། དེ་ལ་སེམས་ཅན་རྗེས་སུ་དྲན་པ་ཇི་ལྟར་བསྒོམ་ཞེ་ན་ཞེས་བྱ་བ་ལ་སོགས་པ་གསུངས་ཏེ། སེམས་ཅན་རྣམས་ནི་སྒོ་ང་ལས་སྐྱེས་པ་དང༌། མངལ་ནས་སྐྱེས་པ་དང༌། །དྲོད་གཤེར་ལས་སྐྱེས་པ་དང༌། རྫུས་ཏེ་སྐྱེས་པ་རྣམས་ཏེ་དེ་རྣམས་རྗེས་སུ་དྲན་པ་ནི་དེ་རྣམས་ཀྱི་དེ་ཁོ་ན་ཉིད་སྒོམ་པའོ། །ཇི་ལྟར་ཞེ་ན། སེམས་ཅན་ཀུན་གྱི་སྟེ་བཤད་མ་ཐག་པ་སྐྱེ་གནས་བཞི་རྣམས་ཀྱིའོ། །སྐུ་དང་གསུང་དང་ཐུགས་ཀྱི་མཚན་ཞེས་བྱ་བ འི་མཚན་ནི། དེ་གསུམ་མཚོན་པར་བྱེད་པའི་མཚན་ཉིད་དོ། །དེ་ཡང་འདི་ནི་སྐུ་སྟེ་ལུས་སོ་འོ་འདི་ནི་གསུང་ངོ༌། །འདི་ནི་ཐུགས་སོ། ཞེས་བརྟག་པའི་གཞིར་གྱུར་པ་སྟེ། མཐར་གཏུགས་པ་ནི་སེམས་ཡིན་ལ་འི་ཐུགས་ཏེ་སེམས་གཅིག་པུ་སྟེ། དེ་ཁོ་ན་ཉིད་དང་རོ་གཅིག་ཏུ་གྱུར་པ་གང་ཡིན་པ་དེ་ཇི་འདྲ་བ་བདག་གི་སེམས་ཀྱང་ཡང་དེ་དང་འདྲ་བར་གྱུར་ཅིག་པའོ། །སེམས་དེ་ཁོ་ན་ཉིད་དང་རོ་གཅིག་ཏུ་འགྱུར་བ་དེ་ལྟ་བུ་ཅིའི་ཕྱིར་ཏེ་རྒྱུ་མཚན་གང་ལས་དེ་ལྟར་འགྱུར་ཞེ་ན། མཁའ་དང་མཚུངས་པར་སྤྱོད་གྱུར་ཅིག་ཅེས་པ་སྟེ། :པ་ཚབ:མཁས་པ་རྣམས་ཀྱིས་མཁའ་དང་མཚུངས། ཞེས་པ་སྟེ། ༼ཁ༽དེ་ཁོ་ན་ཉིད་རིག་པ་གོམས་པར་བྱས་པ་ལས་འོ་། །ཁགང་གི་ཕྱིར་མཁས་པ་རྣམས་ཀྱིས་གསེམས་དེ་ནམ་མཁའ་སྟེ་དེ་
ཁོ་ན་ཉིད་དང༌། མཚུངས་པ་སྟེ། མཉམ་ཞིང་རོ་གཅིག་ཏུ་འདྲེས་པར་གྱུར་པས་སོ། །འདིས་ནི་ཐམས་ཅད་དུ་སོང་བ ས་ཏེ་འི་དབང་ཕྱུག་ཏུ་བསྟན་པས་ཐུགས་བྱིན་གྱིས་རློབ་པར་འགྱུར་རོ། །དེ་ལ་ཞེས་བྱ་བ་ལ་སོགས་པས་ནི་རྫོགས་རིམ་པའི་གསུང་དང་སྐུ་བྱིན་གྱིས་རློབ་པ་ཉེ་བར་སྟོན་ཏེ། ངག་ཏུ་འདོན་ཅིང་བརྗོད་པར་བྱ་བ་ཡིན་པས་ན་སྔགས་ཏེ་ཚིག་ཐམས་ཅད་དོ། །དེ་རྣམས་ཀྱི་གཟུགས་སྟེ་ལུས་ནི་ཕུང་པོ་སྟེ་ངག་གི་ཚོགས་སོ། །སྐུ་དང་ཞེས་བྱ་བ་ནི། ཐུགས་གང་ཡིན་པ་འོག་ནས་འཆད་པའི་སྐུའི་ངོ་བོ་ཉིད་དུ་ཡོངས་སུ་གྱུར་པ་དེ་ནི་སྐུ་དང་གསུང་དང་ཐུགས་ཐམས་ཅད་དོ། །:པ་ཚབ:ཐུགས་གང་ཞིག་སྐུ་ཞེས་བྱ་བར་བརྗོད་བཞིན་པར་སྐུའི་རང་བཞིན་དུ་ཡོངས་སུ་གྱུར་པ་དེ་ནི་སྐུ་གསུང་ཐུགས་སོ། ཞེས་འབྱུང་བའི་དོན་ནོ། །སྐུ་འདི་དང་འདི་ལྟ་བུའོ། ཞེས་བྱ་བར་བརྗོད་བཞིན་པ་ནི། ཐུགས་ཏེ་སེམས་གང་ཞིག་ཇི་ལྟར་བརྗོད་པའི་སྐུའི་རང་བཞིན་དུ་སྟེ། རྣམ་པར་ཡོངས་སུ་གྱུར་པ་དེ་ནི་སྐུ་གསུང་ཐུགས་སོ། །ཐམས་ཅད་ནི་སེམས་ཅན་ཐམས་ཅད་ཀྱི་སྔགས་ཀྱི་གཟུགས་དང་སྐུ་དང་གསུང་དང་ཐུགས་ཡིན་ལ། དེ་དག་རྗེས་སུ་དྲན་པ་སྟེ་དེ་ཉིད་ནི་བསྒོམ་པའོ། །དེ་གང་ཞེ་ན། སྔགས་ཀྱི་རྡོ་རྗེ་ཞེས་བྱ་བ་སྟེ། སྔགས་ནི་གསུང་ཡིན་ལ། །དེ་ཉིད་སྟོང་བ་ཉིད་དང་མི་ཕྱེད་པས་ན་རྡོ་རྗེའོ། །དེའི་སྐུ་གང་ཡིན་པ་ནི་ལུས་གང་ཡིན་པ་སྟེ། ལུས་ཀྱི་སྒྲའི་དོན་ཚོགས་པ་ཡིན་ལ་དང༌་། དེ་ཡང་འདིར་སྒོ་ང་ལས་སྐྱེས་པ་ལ་སོགས་པའི་སེམས་ཅན་
རྣམས་ཀྱི་སྒྲའི་ཚོགས་གང་ཡིན་པ་ལ་རྣམ་པར་བསྒོམ་ཞིང་ཀུན་ཏུ་རྟོག་པ་སྟེ་བརྟག་པར་བྱ་བ ས་ན་རྣམ་པར་བསྒོམ་པའོ། །གསུང་སྟེ་ཚིག་གིས་སྐུ་རྣམ་པར་བསྒོམ་པ་ནི་གསུང་གིས་སྐུ་ཡང་རྣམ་པར་བསྒོམ་པ་སྟེ། སྐུའི་དོན་ཚིག་ཏུ་བརྗོད་ཅིང་དེའི་ཚེ་ཡིད་ཀྱིས་སྐུ་ཞེས་བརྟགས་པ་ནི་གསུང་གིས་སྐུ་རྣམ་པར་བསྒོམ་པ་སྟེ། དེ་དང་འདྲ་བའི་སྐུ་ཞེས་བྱ་བ་ནི། གང་བཤད་མ་ཐག་པའི་སེམས་ཅན་ཐམས་ཅད་ཀྱི་སྔགས་ཀྱི་གཟུགས་ཏེ་ལུས་དང༌། སེམས་ཅན་དེ་རྣམས་ཉིད་ཀྱི་ལུས་ངག་ཡིད་གསུམ་གྱི་དེ་ཁོ་ན་ཉིད་དང་རྡོ་རྗེ་འཆང་ཆེན་པོའི་སྐུ འི་དེ་ཁོ་ན་ཉིད་དབྱེར་མི་ཕྱེད་པ་གང་ཡིན་པ་བདག་གི་ལུས་དང་ངག་ཀྱང་ཁརྟག་ཏུ་ཞེས་པ་ནི་དེ་ཀདང་འདྲ་བར་གྱུར་ཅིག་ཅེས་པའོ། །གདུས་གསུམ་དུ་སྟེ། དུས་ཐམས་ཅད་དུ་རྡོ་རྗེ་འཆང་དང་དབྱེར་མི་ཕྱེད་པར་རབ་ཏུ་འབྱུང་ཞིང༌། རྟག་པ་ཉིད་དུ་སྟེ། རྟག་ཏུ་ཡང་སྐུ་གསུང་ཐུགས་དབྱེར་མི་ཕྱེད་པ་དེ་ལས་ངོ་བོ་ཉིད་ཀྱིས་འདའ་བར་དཀའ་བ་སྟེ། འདའ་མི་ནུས་པ། །ཞེས་བསྟན་ཏོ། །སྔགས་འཛིན་པ་དང་མཉམ་གྱུར་ཅིག་ཅེས་བྱ་བ་ལ། སྔགས་ནི་དེ་བཞིན་གཤེགས་པ་རྣམས་སོ། །དེ་འཛིན་པར་མཛད་པས་ན་སྔགས་འཛིན་པ་ནི་རྡོ་རྗེ་འཆང་ཆེན་པོ་སྟེ། དགོངས་པས་བཤད་པའོ། ༈ །ད་ནི་རིམ་པ་གཉིས་ཀྱི་རྣལ་འབྱོར་པ་ཐམས་ཅད་ཀྱི་ཐུན་མོང་བ་གི་དོན་དམ་པའི་དཀྱིལ་འཁོར་གྱི་སྟེ། དེ་ལ་འཇུག་པའི་རིམ་གྱིས། ཡང་དག་པའི་མཐའ་འོད་གསལ་ལ་འཇུག་པ་བསྟན་པར་
བྱ་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་ཏེ། །དམ་ཚིག་ནི་ཕུང་སོགས་ཀྱི་སྤྲོས་པ་བསྡུས་པ་ལས། མི་འདའ་བའི་དོན་ཏེ་འོད་གསལ་བའོ། །རྗེས་སུ་དྲན་པ་ནི་སངས་རྒྱས་ཀྱི་སྒྱུ་མའི་སྐུ་བསྐྱེད་པའི་རྗེས་ཐོགས་ལ་དོན་དམ་པའི་བདེན་པ་རྟོགས་པ་སྟེ། དེར་འཇུག་པའོ་ནི་དེ་དྲན་པ་ནི་འོ་། །དེ་རྟོགས་པ་སྟེ་དེ་ཉིད་བསྒོམ་པའོ། །དམ་ཚིག་ཁུ་ཕྱུང་ཆོ་ག་བཞིན་ཞེས་བྱ་བ་ལ། དམ་ཚིག་ནི་ཤེས་རབ་སྟེ་མ་དང་ཐབས་སྟེ་ཕ་གཉིས་མཉམ་པར་སུ་སྦྱོར་བས་སོ། །ཐབས་དེ་ལས་ཁུ་བ་ནི་ས་བོན་ན། ཕྱུང་བ་ནི་བཏོན་པའོ། །ཕ་མའི་ཁུ་ཁྲག་ལ་མངལ་དུ་བར་སྲིད་ཞུགས་པ་དེ་ནས་མེར་མེར་པོ་ལ་སོགས་པའི་རིམ་གྱིས་མངོན་པར་འཕེལ་ལ། དེ་ཉིད་ས་བོན་ལས་དང་མྱུ་གུ་འཕེལ་བ་དང་འདྲ་བར་བྱིས་པ་དང༌། གཞོན་ནུ་དང༌། དར་ལ་བབས་པའི་གནས་སྐབས་ཐོབ་པས། རྣམ་པར་སྣང་མཛད་ལ་སོགས་པའི་སྐུའི་སྟེ། ལུས་ཀྱི་དཀྱིལ་འཁོར་ཏེ། ཕུང་པོ་ཁམས་དང་སྐྱེ་མཆེད་ཡུལ་ཡན་ལག་རྣམས་ཡོངས་སུ་རྫོགས་ཏེ་མ་ཚང་བ་མེད་པར་གནས་ནས་འདོད་པའི་ཡོན་ཏན་ལྔ་རྗེས་སུ་མྱོང་བར་འགྱུར་བ་ནི་སྒྲུབ་པ་པོ་སྟེ། མངལ་སྐྱེས་གཅིག་གིས་བྱེད་པའི་དོན་ནོ་རོ་། །དེ་ནས་སྒྲུབ་པ་པོ་དེས་ཅི་ཞིག་བྱ་ཞེ་ན། ཆོ་ག་བཞིན། འབྲས་བུ་འདོད་པས་བཏུང་པར་བྱ་ཞེས་བྱ་བ་སྟེ། རྡོ་རྗེ་འཕྲེང་བ་ལས། །གཟུགས་ཕུང་
གཏོགས་དང་ཞེས་བྱ་བ་ལ་སོགས་པ་གསུངས་པའི་དོན་དམ་པའི་དཀྱིལ་འཁོར་ལ་འཇུག་པའི་ཆོ་གས་བཏུང་ཚུལ་ལམ་གཞུག་ཚུལ་ནི། ཕུང་པོ་ལྔ་ཁམས་ལྔ་དབང་པོ་ལྔ་ཡུལ་ལྔ་ཡེ་ཤེས་ལྔའི་རང་བཞིན་ཉི་ཤུ་རྩ་ལྔ་པོ འི་རིམ་གྱིས་འོད་གསལ་དུ་གཞུག་པ་རྣམ་གཞག་ཏུ་བཤད་པ་བཞིན་དུའོ་ནི་། ༡རང་གི་ཕུང་པོ་ལ་སོགས་པ་བཏུང་བ་སྟེ་དོན་དམ་པའི་བདེན་པར་འཇུག་པར་བྱའོ། །༣ དགོས་པ་དེ་ཅིའི་ཕྱིར་འཇུག་ཅེ་ཞེ་ན། འབྲས་བུ་འདོད་པས་ཏེ་འབྲས་བུ་ནི་དོན་གྱི་འོད་གསལ་བས་ཡོངས་སུ་དག་པའི་ཟུང་འཇུག་རྡོ་རྗེ་སེམས་དཔའི་སྐུའོ། །དེ་ལ་འདོད་པ་ནི་དོན་དུ་གཉེར་བ་སྟེ། དོན་གཉེར་དེས་དོན་དུ་གཉེར་བྱའི་འབྲས་བུ་དེ་ཐོབ་པའི་ཕྱིར་དུའོ་སོ་། །དེ་བཞིན་གཤེགས་པའི་ཚོགས་བསད་ན་ཞེས་བྱ་བ་ནི། ཇི་ལྟར་དོན་དམ་པའི་དཀྱིལ་འཁོར་གྱི་རིམ་གྱིས་སོང་ཞིང་ཞུ་བ་སྟེ་ཐིམ་པ ར་གྱུར་པ་དེ་བཞིན་དུ། །སླར་ཡང་དེ་ནས་འོང་བས་ན་དེ་བཞིན་གཤེགས་པ་རྣམས་ཏེ། རྣམ་པར་སྣང་མཛད་ལ་སོགས་པར་མིང་བཏགས་པའི་གཟུགས་ཀྱི་ཕུང་པོ་ལ་སོགས་པའོ། །དེ་རྣམས་ཀྱི་ཚོགས་བསད་ན་ཞེས་བྱ་བ་ནི་སྲོག་དྷཱུ་ཏཱིར་ཞུགས་གནས་ཐིམ་གསུམ་བྱེད་པའི་མན་ངག་གིས་སྲོག་གི་དང་རྩོལ་བ་རླུང་འབྱུང་འཇུག་ལ་གནས་པ་དེ་བཅད་དེ་རླུང་ཟིན་པའི་དབང་གིས་ཀུན་རྟོག་དང་སྣང་བ་གསུམ་རིམ་གྱིས་ཐིམ་ནས་དོན་དམ་པའི་བདེན་པ་ལ་གཞུག་པར་བྱའོ། །བཅུག་པ་དེས་འབྲས་བུ་
ཅིར་འགྱུར་ཞེ་ན། དངོས་གྲུབ་རབ་ཏུ་འཐོབ་པར་འགྱུར། ཞེས་བྱ་བ་སྟེ། ཤིན་ཏུ་མཆོག་ཏུ་གྱུར་བའི་ཕྱག་རྒྱ་ཆེན་པོའི་དངོས་གྲུབ་འཐོབ་བར་འགྱུར་བའོ། །བླ་མ་སྔ་མ་མང་པོས་དེ་ནི་འདི་ལྟར་སྟོན་པར་འགྱུར་ཏེ།ཞེས་པས་འགྲེལ་པས་གཞུང་དེ་དག་གི་དོན་བར་དོར་འཚང་རྒྱ་བ་ལ་སྦྱར་བ་ལ་འཁྲུལ་ནས་དེ་ཁོ་ནའི་དབང་དུ་བྱས་པར་སྨྲ་བ་ནི་མི་རིགས་ཏེ། སྤྱོད་བསྡུས་ལས། དེ་བཞིན་གཤེགས་པའི་ཞེས་པའི་རྐང་པ་གཉིས་རྫོགས་རིམ་པའི་ཤིན་ཏུ་སྤྲོས་མེད་ཀྱི་སྤྱོད་པའི་སྐབས་སུ་སྦྱར་བས། ཚེ་འདིར་འཚང་རྒྱ་བ་ལའང་སྦྱར་དགོས་ལ། མདོ་བསྲེར་ལྷག་མོས་འོད་གསལ་དུ་བསྡུས་པ་ལ་སྦྱར་ཞིང༌། མདོར་བྱས་ལས། གཟུགས་ཕུང་གཏོགས་དང་ཞེས་སོགས་ཀྱང༌། སྐབས་དེ་ལ་སྦྱར་བས་བསྐྱེད་རིམ་ལ་ཡང་སྦྱར་དགོས་པའི་ཕྱིར་དང༌། རྣམ་གཞག་ཏུ་གཞིའི་འཆི་རིམ་ལ་ཡང་སྦྱར་བ་དང༌། འདིར་ཡང་རྣལ་འབྱོར་པ་ཐམས་ཅད་ཀྱི། ཞེས་གསུངས་པས། འདིར་བར་དོར་འཚང་རྒྱ་བ་ལ་སྦྱར་བ་ནི། གཞུང་དེ་དག་གི་དོན་གྱི་ཕྱོགས་གཅིག་ལ་དགོངས་ཏེ། སྐབས་དེ་རྣམས་སུ་དོན་དེ་རྣམས་ཚང་མ་ཚང་ཅི་རིགས་སུ་སྦྱར་རོ། །རྫོགས་པའི་གོ་རིམ་རྟོགས་པར་གྱུར་ཀྱང༌། གལ་ཏེ་བརྟུན་པ་ཅན་གྱི་བརྩོན་འགྲུས་ཅན་ཏེ། བརྩོན་འགྲུས་ཤིན་ཏུ་འབར་བ་མ་ཡིན་ན།ཞེས་པ་ནི་མཚོན་པ་སྟེ། སྤྱོད་བསྡུས་ལས། བརྩོན་འགྲུས་ཅན་ཡིན་ཡང་སྤྱོད་པ་བྱེད་པའི་ཡོ་བྱང་མ་འབྱོར་པས་སྤྱོད་པ་བྱེད་པ་མ་བྱུང་བ་གཉིས་ཀ་ལ་གསུངས་སོ། །དེའི་ཚེ་མིའི་འགྲོ་བའི་རྒྱུད་ཉིད་དུ་སྐུ་ཚེའི་དུས་བྱས་ནས་སྔར་བསྒོམས་པའི་དཔེའི་འོད་གསལ་དང༌། འཆི་བའི་འོད་གསལ་གཉིས་བསྲེས་པ་ལས་
ལངས་ཏེ། འོད་གསལ་དེའི་རླུང་སེམས་ཙམ་ལས་སྒྱུ་མ་ལྟ་བུའི་ཏིང་ངེ་འཛིན་མངོན་དུ་བྱེད་དོ། །དེས་ན་འདིས་བར་དོའི་ལུས་རང་དགའ་བ་མི་ལེན་པ་དང༌། དེ་ལྟ་ནའང་བར་དོར་འཚང་རྒྱ་བའི་ཐ་སྙད་མི་འགལ་ཏེ། རིམ་ལྔར་ཚེ་འདིར་བསྒྲུབས་པའི་སྒྱུ་ལུས་ལ་བར་དོའི་ཐ་སྙད་མཛད་པ་བཞིན་ནོ། ༈ །རྩ་རྒྱུད་ཀྱི་རྡོ་རྗེའི་ཚིག་འདི་ཉིད་ཀྱི་དོན་བསྟན་པར་བྱ་བའི་ཕྱིར། དགོངས་པ་ལུང་སྟོན་པ་ཞེས་བྱ་བ་བཤད་པའི་རྒྱུད་ལས་ཀྱང༌། དམ་ཚིག་རྗེས་དྲན་རྣམས་ཀྱིས་ནི། །དེ་བས་ཚངས་དེ་ཡིས་ཚངས་པའི་ཐིག་:ཆག:ལེ་དབྱུང༌། ཞེས་པ་དང༌། :པ་ཚབ:དེ་ལས་ཞེས་འབྱུང་བ་དག་པས། དམ་ཚིག་གི་དོན་ཕོ་མོ་སྦྱོར་བ་ལ་བཤད་ལ། སྦྱར་བ་དེ་ལས་:པ་ཚབ:ཚངས་པའི་སྒྲས་བསྟན་པའི་ཐིག་ལེ་དབྱུང་ཞེས་སོགས་ཀྱི་དོན་སྔར་བཤད་པ་དང་འདྲའོ། །པ་ཤིན་ཏུ་དབྱུང་ཁ་རང་གི་ཕུང་སོགས་དངོས་པོ་མང་པའི་འོད་གསལ་དུ་གཅིག་ཏུ་སྦྱར་བ་ཡི་ཚུལ་གྱི ས། །ཀ དེ་འདྲ་བའི་སྒྲུབ་པ་པོ་མཁས་པས་ག རྡོར་འཕྲེང་ལས་གསུངས་པའི་ཆོ་ག་བཞིན་དུ་ཕུང་སོགས་བཏུང༌། །བ་སྟེ། འོད་གསལ་དུ་གཞུག་པར་བྱའོ། །དེ་བཞིན་གཤེགས་ཚོགས་ཆེ་བ་ནི། རང་གི་ཕུང་སོགས་སོ། །ཁདངོས་མེད་ཅེས་བྱ་བའི་འོད་གསལ་དུ་གཞུག་པའོ། །བསད་བསད་བའི་དོན་སྤྲོས་པའི་སྣང་བ་བསྡུས་པ་ཙམ་ལ་མི་བྱ་སྟེ། དེ་ནི་ཐེག་པ་གཞན་དང་རྒྱུད་སྡེ་འོག་མ་རྣམས་ལའང་ཡོད་ལ། འདིར་ནི་དེ་དག་དང་ཐུན་མོང་མ་ཡིན་པ་གཅིག་དགོས་པའི་ཕྱིར་རོ། །དེས་ན་བསད་བའི་དོན་སྲོག་བཅང་བ་ནི། སྲོག་གི་འབྱུང་འཇུག་བཅད་ནས་ཐིམ་པར་བྱས་པ། འཆི་རིམ་ཇི་བཞིན་
པ་གཅིག་དགོས་པ་ནི། ལམ་འདིའི་འོད་གསལ་དུ་འཇུག་ཚུལ་ཐུན་མོང་མ་ཡིན་པར་གཟུང་བར་བྱའོ། །པ་ནི་སྟེ་། །བློ་སྟེ། རྣམ་དཔྱོད་ཁྱད་པར་ཅན་དང་ལྡན་པས་གསོད་ལུགས་སྔར་བཤད་པ་འདི་ལྟར་བསད་ན། །དངོས་གྲུབ་རབ་མཆོག་ཐོབ་པར་འགྱུར། །ཞེས་གསུངས་པ་དང༌། རྡོ་རྗེ་གཙུག་ཏོར་གྱི་རྒྱུད་ལས་ཀྱང༌།འཆི་བ་ཞེས་:པ་ཚབ:བྱ་རྣམ་རྟོག་འདིས། ཤེས་རབ་ཕ་རོལ་ཕྱིན་པར་འགྱུར་ཟེར། མི་རྟོག་པ་ཡིས་འཆི་བ་སྟེ། །རྣམ་རྟོག་གིས་འཆི་བ་ཞེས་བྱ་བར་བརྟགས་པའི་འཆི་བའི་འོད་གསལ་ནི་ཐབས་ལྡན་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ཡིན་ནོ། །འཆི་བའི་འོད་གསལ་ལས་སྒྱུ་མའི་སྐུར་ལྡང་པའི་སྐྱེ་བ་ཡང་ཤེས་རབ་ཀྱི་ཕ་རོལ་ཏུ་ཕྱིན། །པའོ། །དེ་ཉིད་བར་དོར་འཚང་རྒྱ་བ་ལ་སྦྱར་རོ། །འོད་གསལ་ལས་སྒྱུ་མའི་སྐུར་ལྡང་བ་དྲན་པ་ནི་ཤེས་རབ་ཀྱི་ཕ་རོལ་ཏུ་ཕྱིན། །པའོ།འདི་ཚེ་འདི་དང་བར་དོར་འཚང་རྒྱ་བ་གཉིས་ཀ་ལ་སྦྱར་རོ། །བྱང་ཆུབ་ནི་ཟུང་འཇུག་སྟེ་ཤེས་རབ་ཀྱི་ཕ་རོལ་ཏུ་ཕྱིན། །པའོ། །དེ་ཡང་སྒྱུ་མའི་སྐུ་འོད་གསལ་དུ་ཐིམ་པ་ཤེས་རབ་ཀྱི་ཕ་རོལ་ཏུ་ཕྱིན། །པ་སྟེ་འབྲས་བུའི་སྐབས་སོ། །དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གདུལ་བྱའི་བསམ་པ་ཐམས་ཅད་ཡོངས་སུ་རྫོགས་པ་བྱེད་པའོ། །ཞེས་སྐབས་འདིར་ཤེས་བྱེད་དུ་དྲངས་པ་ནི་དང་པ་གཉིས་གཙོ་བོའོ། །གསུངས་པ་སྟེ།
དགོངས་པས་བཤད་པའོ། ༈ །དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ལ་སོགས་པས་ནི། འོད་ཟུང་གི་དོན་སྔར་བཤད་པ་འདི་ཉིད་ལ་ངེས་པ་བརྟན་པར་བྱེད་པ་ཡིན་ཏེ། ཤེས་རབ་ནི་ཀུན་ཏུ་སྣང་བའོ། །རྩ་རྒྱུད་ཀྱི་སྐབས་འདིར་ཤེས་རབ་ལ་སོགས་པ་ཞེས་པའི་སྒྲ་གསལ་བར་མི་མངོན་པར་ཁོང་ན་ཡོད་པར་བྱས་པ་ཡིན་པར་བལྟ་བར་བྱ་སྟེ། ཁོང་ན་ཡོད་པ་དེ་བས་ན་ཤེས་རབ་དང་ཐབས་དང་ཉེ་བར་ཐོབ་པ་རྣམས་ལ་ཤེས་རབ་ཅེས་བྱ་བ འི་མིང་གིས་བསྟན་པ་ཡིན་པར་འདོད་དེ། གསུམ་པོ་དེ་རྣམས་ཀྱི་ཕ་རོལ་ནི་མཐར་ཕྱིན་པ ས་ན་སྟེ། མཐར་སོན་པས་ན་ཕ་རོལ་ཏུ་ཕྱིན་པ་ཞེས་བྱའོ། །དེ་གང་ཞེ་ན། དོན་དམ་པའི་བདེན་པ ར་སོན་པའི་འོད་གསལ་གྱི་ཡེ་ཤེས་སོ་འོ་། །མཐར་འོད་གསལ་དུ་འགྲོ་བ་དེ་ཉིད་ནི་སེམས་ཅན་ཐམས་ཅད་ཀྱིས་འདའ་བར་མི་བྱ་བ་ཡིན་པས་དམ་ཚིག་གོ །དེ་རིལ་བོར་འཛིན་པ་དང་རྗེས་སུ་འབྱེད་པའི་བསམ་གཏན་གཉིས་གྱི་རིམ་གྱིས་དྲན་པས་ན་རྗེས་སུ་དྲན་པའོ། །དེ་ཉིད་ལ་རྒྱུན་མི་འཆད་བར་སློབ་པས་ན་སྒོམ་པའོ། །རང་བཞིན་གྱིས་ནི་འོད་གསལ་བ་ཞེས་བྱ་བ་ལ་ཐམས་ཅད་ནི་ཀུན་ཏུ་སྣང་བ་ལ་སོགས་པ་སྣང་བ་གསུམ་པོ། །འདོད་ཆགས་ལ་སོགས་པ་རང་བཞིན་བརྒྱ་དྲུག་ཅུ་དང་བཅས་པ་རྣམས་ནི་རང་བཞིན་གྱིས་འོད་གསལ་བ་སྟེ་ཐམས་ཅད་སྟོང་པའི་དེ་ཁོ་ན་ཉིད་ཀྱི་ངོ་བོ་ཡིན་པས་ན་དྲི་མ་མེད་པ་སྟེ། རང་བཞིན་རྣམ་དག་གོ་འོ་། །འོད་གསལ་གཉིས་ལས་སྒྱུ་མ་
ལྟ་བུའི་ལུས་ལེན་པས་ན་ཡང་སྲིད་ཕྱི་མར་མ་སྐྱེས་པའོ། །དོན་གྱི་འོད་གསལ་གྱི་དོར་གཉིས་སུ་སྣང་བ་མེད་པས་ན་ཟག་པ་མེད་པའོ། །བྱང་ཆུབ་ནི་འབྲས་བུ་ཟུང་འཇུག་གོ་འོ་། །མངོན་པར་རྟོགས་པ་ནི་དེ་ཐོབ་པར་བྱེད་པའི་རྒྱུ་འོད་གསལ་སྟེ། འོད་ཟུང་ཐ་དད་དུ་མངོན་པར་ཞེན་པའི་རྟོག་པ་གཉིས་པོ་དེ་དག་ནི་ཟུང་འཇུག་གི་སྐབས་དེ་ན་ཡོད་པ་མ་ཡིན་ནོ། །ཁམས་ཀྱི་སྐད་དོད་དྷཱ་ཏུ་ལ། དྷ་ར་ནི། འཛིན་པར་བྱེད་པས་ཁམས་ཏེ་གནས་ནི་སྣོད་དོ་སོ་། །དེ་ལ་བརྟེན་ནས་འབྱུང་བར་འགྱུར་བས་འབྱུང་བ་སྟེ་གནས་པ་བཅུད་དོ་འོ་། །གནས་དང་གནས་པ་གཉིས་པོ་དེ་དག་ཀྱང་འོད་གསལ་བ་ལ་འཇུག་པ་དེ་ན་དམིགས་པར་མི་འགྱུར་ཏེ། དགོངས་པ་མ་ཡིན་པས་བཤད་པའོ། །ད་ནི་ཟུང་དུ་འཇུག་པའི་རིམ་པ་ཉིད་ཀྱིས་ལྡང་བ་སྟེ། བཞེངས་པའི་སྤྲུལ་བ འི་གནས་བསྟན་པར་བྱ་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་ཏེ། མ་སྐྱེས་པ་ནི་འཛིན་པའི་ཡན་ལག་གོ །དེའི་རྗེས་ཐོགས་ལ་དྲན་པ་ལྡང་བ་ནི་དྲན་པ་ཞེས་བྱ་ལ། དེ་སྒོམ་པ་ནི་བདེན་པ་གཉིས་ཀྱི་བདག་ཉིད་ཅན་རྡོ་རྗེ་འཆང་ཆེན་པོའི་ཏིང་ངེ་འཛིན་ཏོ། །དེ་ཇི་ལྟ་བུ་ཞེ་ན། རང་བཞིན་གྱིས་ནི་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་པ་ནི་འགྱུར་གསར་རྙིང་ཀུན་ལས་འབྱུང་ཡང༌། རྩ་རྒྱུད་དུ་དེ་ནས་ཀྱི་སྒྲ་མ་བྱུང་ངོ༌། །འོན་ཀྱང་འགྲེལ་པ་དང་བསྟུན་ན་ཐམས་ཅད་ཅེས་པ་མེད་པར། དེ་ནས་རང་བཞིན་འོད་གསལ་བ། ཞེས་པ་ཡོད་པར་གསལ་
ལོ། །ཞེས་བྱ་བའི་སྒྲ་ནི་ཐ་མི་དད་པ་ནི་བར་མ་ཆད་པའི་རིམ་པ་སྟེ། དེ་ནས་ཏེ་འཛིན་པའི་ཡན་ལག་འོད་གསལ་གྱི་གི་འོག་ཏུ་བར་མ་ཆད་པར་རང་བཞིན་གྱིས་འོད་གསལ་བ་ཞེས་བྱ་བར་སྦྱར་ཏེ། རང་བཞིན་ནི་ཀུན་རྫོབ་ཀྱི་བདེན་པ་དག་པའི་སྒྱུ་མའི་སྐུ། །འོད་གསལ་བ་ནི་དོན་དམ་པའི་བདེན་པ་དང་རོ་གཅིག་ཏུ་ཞུགས་པའི་ཡེ་ཤེས་སྟེ། རང་བཞིན་དང་ལྡན་པའི་འོད་གསལ་བ་ནི་རང་བཞིན་གྱིས་འོད་གསལ་བ་ཞེས་བྱའོ། །དེ་གང་ཡིན་ཞེ་ན། གཉིས་སུ་མེད་པའི་ཡེ་ཤེས་ཀྱི་བདག་ཉིད་ཅན་རྡོ་རྗེ་འཆང་ཆེན་པོའི་སྐུའོ། །དེ་ཇི་ལྟ་བུ་ཞེ་ན། ནམ་མཁའ་བཞིན་ཞེས་བྱ་བ་ལ་སོགས་པ་སྟེ། ནམ་མཁའི་སྒྲས་ནི་དེ་ན་གནས་པའི་འཇའ་ཚོན་གྱི་དངོས་པོ་ཉེ་བར་མཚོན་ཏེ་དེ་དང་མཉམ་པ་སྟེ་འདྲ་བ ས་ནམ་མཁའོ། །རྒྱུ་དང་འབྲས་བུ་འོད་ཟུང་གཉིས་ངོ་བོ་ཐ་དད་པ་གཉིས་སུ་མེད་པས་ན་མཚན་མ་མེད་པའོ། །འཇིག་ཅིང་ཟད་པས་ན་འགྱུར་པའོ། །ཟད་པ་དེ་ལས་གཞན་པས་ན་མི་འགྱུར་པ་སྟེ། མི་ཟད་པའོ་དེ་ལས་བྱུང་བས་ན་མི་འགྱུར་བ་སྟེ། ལས་ཉོན་གྱི་དབང་གིས་སྐྱེ་བ་དང་འགག་པ་སྟེ་ཟད་པ་དང་བྲལ་བ་ཞེས་བྱ་བའི་བར་དུའོ། །གཉིས་མེད་གཉིས་སུ་མེད་མིན་ཞི་ཞེས་བྱ་བ་ནི། བདེན་པ་གཉིས་ཏེ་འོད་ཟུང་གཉིས་ངོ་བོ་དབྱེར་མེད་པའི་རོ་གཅིག་པ་ཡིན་པའི་ཕྱིར་གཉིས་སུ་མེད་པའོ། །ཡ་གཉིས་ཟུང་དུ་འཇུག་པའི་བདག་ཉིད་ཅན་ཡིན་པས་ན་གཉིས་སུ་སྟེ་གཉིས་མེད་པའང་མིན་ནོ། །སྡུག་བསྔལ་ཐམས་ཅད་ཉེ་བར་ཞི་
བའི་མཚན་ཉིད་ཅན་ཡིན་པས་ན་ཞི་བའོ། །ཟག་པ་མེད་པས་ན་ཤིན་ཏུ་དྲི་མ་མེད་པའོ། །ལུས་ཀྱིས་རེག་པར་བྱ་བ འི་ཡུལ་མ་ཡིན་པས་ན་ནམ་མཁའི་བཞིན་ཏེ། དགོངས་པས་བཤད་པའོ། ༈ །དེ་ལྟར་ཟུང་འཇུག་པའི་ཆོས་ཀྱི་སྐུ་འོད་གསལ་དང་ལོངས་སྤྱོད་རྫོགས་པའི་སྐུ་གཉིས་སུ་མེད་པའི་མཚན་ཉིད་ཅན་དུ་ངེས་པར་བྱས་པ་སྟེ། གཏན་ལ་ཕབ་ནས། དེ་ནི་སྤྲུལ་པའི་སྐུའི་གཞི་རྣམ་པར་དགོད་པའི་ཕྱིར། དེ་ལ་ཞེ་སྡང་གི་རིགས་ཞེས་བྱ་བ་ལ་སོགས་པ་གསུངས་ཏེ། ཞེ་སྡང་ནི་མི་བསྐྱོད་པ་སྟེ་ཐུགས་རྡོ་རྗེའོ། །དེའི་རིགས་ནི་རྒྱུད་ཀྱི་སྟོན་པ་རང་གི་བདག་ཉིད་ལས་ངེས་པར་བྱུང་བའི་ལྷ་རྣམས་ཀྱི་འཁོར་ལོ་བུད་མེད་ཀྱི་གཟུགས་སུ་མངོན་པར་སྤྲུལ་ནས། བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ལས་འཐོན་པ་སྟེ་མངོན་པར་བྱུང་བར་གྱུར་ཏོ། །ཞེས་འདི་ཉིད་ལས་གསུངས་པའི་ཕྱིར་རོ། །རྩ་རྒྱུད་འདི་ཉིད་ཀྱི་ལེའུ་དང་པོ་ལས། རྣམ་སྣང་ལ་སོགས་པའི་ལྷ་ཕོ་རྣམས་ཀྱང་བུད་མེད་དུ་སྤྲུལ་པར་གསུངས་པའི་ཕྱིར་ན། རྗེས་འཇུག་ལ་ཡང་མི་བསྐྱོད་པ་ལ་སོགས་པའི་རིགས་ཀྱི་སྒྲུབ་པ་པོས། རང་གི་ཕྱག་རྒྱ་ལ་བརྟེན་ནས་བདེ་བ་ཆེན་པོས་མཆོད་དགོས་ལ། དེས་ན་རང་གི་སྟོན་པ་ལ་བདེ་ཆེན་བསྐྱེད་པའི་ཚད་དུ། རང་གི་ཕྱག་རྒྱ་དེས་བླ་ན་ཡོད་པ་མེ་ཏོག་ལ་སོགས་པའི་མཆོད་པ་དང་བཅས་པ་ལ་སོགས་པས་བསྡུས་པ་བླ་ན་མེད་པ་རེག་བྱའི་མཆོད་པ་བྱས་པ་ནི་རིགས་ཀྱི་མཆོད་པའོ། །རྗེས་སུ་དྲན་པ་ནི་ཕྱག་རྒྱ་ལ་བརྟེན་ནས་ཆགས་པ་ལ་
སོགས་པའི་ཡེ་ཤེས་གསུམ་ཉམས་སུ་མྱོང་བ་སྟེ། དེ་ཉིད་ནི་བསྒོམ་པའོ། །ཕྱག་རྒྱ་ལ་བརྟེན་པ་དེ་ཇི་ལྟ་བུ་ཞེ་ན། བུད་མེད་ཅེས་བྱ་བ་ལ་སོགས་པ་གསུངས་ཏེ། བུད་མེད་ནི་བུ་མོའོ། །སེམས་ནི་རབ་བརྟན་པ་ནི་རང་བཞིན་བརྟན་པ་ལོ་གྲངས་བཅུ་གཉིས་ལོན་པ་ཐོབ་ཅིང་རྙེད་པའོ། །རིགས་ནི་པདྨ་ཅན་དང་ཞེས་བྱ་བ་ལ་སོགས་པ ས་བསྡུས་པ་གླང་པོ་ཅན་མ། རི་དྭགས་ཅན་མ། དུང་ཅན་མ་སྟེ་འི་རིགས་བཞིའོ། །བཞི་པོ་དེ་དང་སྦྱོར་བ་ནི་ཕྱག་རྒྱ་བཞི་པ་སོ་སོ་བ་དེར་སྙོམས་འཇུག་བྱས་པ་སྟེ་བྱེད་པའི། རབ་ཏུ་དབྱེ་བའི་ལས་ཀྱི་སྒོམ་པའི་སོ་། །འདི་ནི་སྡོམ་འབྱུང་ལས་ཕྱག་རྒྱ་བཞི་པོ་རེ་རེ་ལ་བསྟེན་ཚུལ་རེ་གསུངས་པ་ལྟ་བུའོ། །བདག་གི་ཞེས་བྱ་བ་ནི་སྒྲུབ་པ་པོ་བདག་ཉིད་ཀྱིའོ། །ཁུ་བ འི་སྐད་དོད་ནི་ཤུ་ཀྲ་ཞེས་བྱ་བ་སྟེ། དེའི་ཤུ་ལ་ཤོ་ཀ་ན་ཞེས་བྱ་བ་ནི་མྱ་ངན་ནོ། ཀྲ་ཀ་ཙ་ནི་སོག་ལེ་སྟེ་མྱ་ངན་སྡུག་བསྔལ་སོག་ལེ་ལྟར་གཅོད་པས་ན་ཤུ་ཀྲ་ཞེས་བྱ་སྟེ་མཆོག་ཏུ་དགའ་བ་ལྷན་སྐྱེས་ཀྱི་བདེ་བ་ཆེན་པོ། །ཁུ་བ་སྟེ་བདེ་ཆེན་དེས་བདག་ཉིད་མཆོད་པར་བྱའོ་ཞེས་བྱ་བའི་བར་གྱིས་ནི། འདོད་པའི་དབང་ཕྱུག་ཏུ་གསལ་བར་སྟོན་པ་ཡིན་ནོ། ༈ །རྗེས་སུ་དྲན་པ་སྔར་བཤད་པའི་འབྲས་བུ་ཕན་ཡོན་བསྟན་པར་བྱ་བའི་ཕྱིར། འདིས་ནི་ཞེས་བྱ་བ་ལ་སོགས་པ་གསུངས་ཏེ། བཤད་མ་ཐག་པའི་རྗེས་སུ་དྲན་པ་བཅུ་དྲུག་ཡོངས་སུ་ཤེས་ནས་བསྒོམས་པས་ནི་དེ་བཞིན་གཤེགས་པ་སྟེ། རྣམ་
པར་སྣང་མཛད་ལ་སོགས་པའི་ངོ་བོ་ཉིད་ཀྱི་རྫུ་འཕྲུལ་དང་ལྡན་པའི་སྐུ་འཐོབ་པར་འགྱུར་བ་དང༌། །འདིས་ནི་རྡོ་རྗེ་འཛིན་པ་རྡོ་རྗེ་སེམས་དཔའི་ཚེ་དང་ལང་ཚོ་དང་ནད་མེད་པའི་བདེ་བ་དམ་པས་ཡོངས་སུ་བསྡུས་པ་ཐུགས་རྡོ་རྗེའི་སྟེ། མི་བསྐྱོད་པ་དང་འབྲེལ་བའི་ཐུགས་ཀྱི་དབང་ཕྱུག་རབ་ཏུ་འཐོབ་པར་འགྱུར་ཏེ། རྫོགས་པའི་རིམ་པ་ཟུང་འཇུག་ལ་གནས་པ་ལ་ནི་ཡིད་ལ་གང་དང་གང་འདོད་པ་དེ་དང་དེ་འབད་པ་མེད་པར་ཕུན་སུམ་ཚོགས་པར་འགྱུར་རོ་ཞེས་བྱ་བའི་དོན་ཏོ། །ཆོས་འཛིན་པ་ནི་འོད་དཔག་ཏུ་མེད་པའོ། །དེའི་གསུང་ནི་དེ་དང་འབྲེལ་བའི་ངག་གི་དབང་ཕྱུག་འཐོབ་པའོ། །ཇི་ལྟ་བུ་ཞེ་ན། །སྒྲ་བརྙན་དང་མཚུངས་པར་སྒྲའི་ངོ་བོ་ཉིད་ཤེས་པ་ལ་ནི། གང་ཞིག་སྨྲ་བར་གྱུར་པ་དེ་ཐམས་ཅད་འབྱོར་པར་འགྱུར་བས་ན་ངག་གི་དབང་ཕྱུག་གོ་སྟེ་། སྲིད་པ་ཐ་མ་པ་ཡིན་ཞིང་ཟུང་དུ་འཇུག་པའི་བདག་ཉིད་ཅན་ཚེ་འདི་ཉིད་ལ་ཞེས་བྱ་བས་ལས་ཀྱི་དབང་གིས་སྐྱེ་བར་འགྱུར་བ་དགག་པར་མཛད་པ་སྟེ།ཚིག་འདི་ནི་རིགས་དྲུག་ཅུ་པ་ལས་གསུངས་ཏེ། ལུང་ཕྱོགས་མཐུན་ཙམ་གྱི་ཤེས་བྱེད་དོ། །ཟུང་འཇུག་ཐོབ་ན་ཚེ་འདི་ཉིད་ལ་འཚང་རྒྱ་བར་ངེས་པའི་ཕྱིར་རོ། །མཐོང་བའི་ཆོས་ལ་མྱ་ངན་ལས་འདས་ཤིང་བྱ་བ་བྱས་པ་ཡིན་ཞེས་བྱ་བ་ལ་སོགས་པ་གསུངས་པས་སོ། །ཟུང་འཇུག་གི་ཏིང་ངེ་འཛིན་འདི་ཉིད་ཀྱི་འབྲས་བུའི་ཁྱད་པར་བསྟན་པར་
བྱ་བའི་ཕྱིར། སྐུ་དང་གསུང་དང་ཐུགས་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱང་འགྲུབ་ཅེས་བྱ་བ་ནི་ཕྱག་རྒྱ་ཆེན་པོ་མཆོག་གི་དངོས་གྲུབ་འགྲུབ་པའོ། ༈ །དངོས་གྲུབ་གང་སྔར་བཤད་པ་ལས་གཞན་ཕྲ་མོ་སྟེ། དངོས་གྲུབ་དམན་པ ར་བཤད་པ་རྣམས་ཞེས་བྱ་བ་ནི། སྔགས་ལ་རྗེས་སུ་གཞོལ་བ འི་བསྐྱེད་རིམ་པ་རྣམས་ལ་བསྐྱེད་རིམ་དེ་དང་འབྲེལ་བ་གཞན་དག་སྟེ། འཇིག་རྟེན་པའི་དངོས་གྲུབ་བཤད་པ་རྣམས་ཀྱང༌། ཟུང་དུ་འཇུག་པའི་ཏིང་ངེ་འཛིན་ལ་གནས་པ་རྣམས་ལ་བདེ་བླག་ཏུ་འགྲུབ་པར་འགྱུར་བའོ། །རྡོ་རྗེ་མི་ཕྱེད་གསུམ་བསྒོམས་ཏེ་ཞེས་བྱ་བ་ནི། རྡོ་རྗེ་གསུམ་ནི་ཁམས་གསུམ་མོ། །དེ་མི་ཕྱེད་པ་ནི་རང་དང་ཁམས་གསུམ་གྱི་དེ་ཁོ་ན་ཉིད་དབྱེར་མེད་པའི་རྣམ་པར་བསྒོམ་པའི་རྒྱུ་དེས་ནི་ན་འགྲུབ་པར་འགྱུར་པ་ནི་བཟླས་པ་ཙམ་གྱིས་ཏེ། སྔར་བཤད་པའི་ཡན་ལག་མ་ཉམས་པར་ཏེ། སྔགས་ལུས་ཐ་མི་དད་པར་ཟློས་པའི་རྡོ་རྗེ་བཟླས་པ་ཙམ་གྱི་མཐུས་ཡིན་ཏོ། བཟླས་ཤིང་དེ་ཡང་བདེན་པ་མངོན་སུམ་དུ་མཐོང་བ་ཟུང་འཇུག་པས་ཡིན་ནོ་ས་སོ་། ༈ །གལ་ཏེ་རང་དང་ཁམས་གསུམ་ཐ་དད་པར་ཞེན་ནས་བསྒོམས་པར་གྱུར་ན་ནི། དེའི་ཚེ་འཇིག་རྟེན་པའི་དངོས་གྲུབ་ཀྱང་འགྲུབ་པར་མི་འགྱུར་ན། འཇིག་རྟེན་ལས་འདས་པའི་ལྟ་སྨོས་ཀྱང་ཅི་དགོས་ཞེས་ནུས་པ་གསུངས་པར་གྱུར་པ་ཡིན་ཏེ།ཞེས་པས་བསྐྱེད་རིམ་པས་དངོས་གྲུབ་བསྒྲུབ་པ་ལ་ཡང་
བདག་མེད་པའི་དེ་ཁོ་ན་ཉིད་མང་དུ་བསྒོམ་དགོས་པར་བསྟན་ནོ། །རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཁམས་གསུམ་པ་ནི་མ་ལུས་རྣམས། །ཐམས་ཅད་དེ་ཡི་ལོངས་སྤྱོད་དོ། ཞེས་གསུངས་པས་སོ། ༈ །སྔགས་སྤྱོད་པའི་མཆོག་གི་ལེའུ་ཞེས་བྱ་བ་ནི་སྔགས་འདོན་ཅིང་ཟློས་པས་ན་སྔགས་ཏེ་སྒྲུབ་པ་པོའོ། །དེ་རྣམས་ཀྱི་སྤྱོད་པ་ནི་སྤྲོས་པ་མེད་པ་ལ་སོགས་པ་གསུམ་ལ་སློབ་པའི་ངོ་བོ་ཉིད་དོ། །སྤྱོད་པ་གསུམ་པོ་དེ་ཉིད་ནི་ཐེག་པ་གཞན་དང་རྒྱུད་སྡེ་འོག་མའི་སྤྱོད་པ་ལས་ཕུལ་དུ་བྱུང་བས་ན་མཆོག་གོ །དེ་སྟོན་པའི་སྒྲའི་ཚོགས་ནི་ལེའུ་སྟེ་དེ་ལ་སྔགས་སྤྱོད་པ་མཆོག་ཅེས་བྱ་སྟེ། སྒྲ་ཇི་བཞིན་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བདུན་པ་མཐའ་དྲུག་གིས་བཤད་པའོ།། །།སྔར་ལེའུ་བདུན་པར་བསྟན་པ་དེ་ལྟར་སྤྱོད་པ་ལ་གནས་པའི་རྣལ་འབྱོར་པས་ཚོགས་ཡོངས་སུ་རྫོགས་པར་བྱ་བའི་དོན་དུ་བླ་ན་མེད་པའི་མཆོད་པ་བྱའི་ཞེས་བསྟན་པར་བྱ་བའི་ཕྱིར་བཀའ་སྩལ་པ་ནི། དེ་ནས་བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ༈ །དེ་ནས་ཞེས་བྱ་བ་ནི་སྤྱོད་པ་ཐོབ་པའི་འོག་ཏུ་དཀོན་མཆོག་དཔལ་གྱིས་བཅོམ་ལྡན་འདས་ལ་གསོལ་བ་བཏབ་བོ། ཞེས་བྱ་བར་སྦྱར་རོ། །དཀོན་མཆོག་གི་སྐད་དོད་ནི་རཏྣ་དང༌། དེ་ཡང་རིན་པོ་ཆེ་ཡིན་པས་ཀུནྡ་
ལྟ་བུའི བྱང་ཆུབ་ཀྱི་སེམས་ཀྱིས་ཀྱང་འདོད་དོན་རྫོགས་པར་བྱེད་པས་རིན་པོ་ཆེའོ་སོ་། །དེ་ཉིད་ནི་ཀེ་ཏུ་ཞེས་པ་དཔལ་དང་ཏེ་རྒྱལ་མཚན་གཉིས་ཀ་ལ་འཇུག་པས། རྒྱལ་མཚན་བཙུགས་པས་དགའ་བ་སྐྱེད་པ་བཞིན་དུ། །བྱང་སེམས་ཀྱིས་ཀྱང་ཡིད་དགའ་བར་བྱེད་པའི་ཕྱིར། །བྱང་ཆུབ་ཀྱི་སེམས་གང་ཡིན་པ་དེ་ལ་ནི་དཀོན་མཆོག་དཔལ་ཞེས་བྱ་སྟེ། བྱང་ཆུབ་ཀྱི་སེམས་ཀྱི་དབང་བསྐུར་བར་གསོལ་བ་འདེབས་པ ར་བྱེད་པ་པོ་ཡིན་པའི་ཕྱིར་དེ་དང་རྗེས་སུ་མཐུན་པའི་དཀོན་མཆོག་དཔལ་གྱིས་གསོལ་བ་བཏབ་བོ་རོ་། །བྷ་ག་ཝཱན་ལ་བྷ་གེ་བྱ་བ་སྠི་ཏ་ནི་བྷ་གར་བཞུགས་པ་སྟེ་དག་པའི་སྐུ་ཡིས་བྷ་གར་ཏེ་འོད་གསལ་ལ་བཞུགས་པས་ན་བཅོམ་ལྡན་འདས་སོ། །ཐམས་ཅད་ཅེས་བྱ་བ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་བདག་པོ་ནི་རིགས་ཐམས་ཅད་ཀྱི་བདག་ཉིད་ཅན་ནོ། །དབང་ཕྱུག་དམ་པ་ཞེས་བྱ་བ་ལ། དམ་པ་ནི་སྤྱན་ལ་སོགས་པ་ཡིན་ལ། དེ་རྣམས་ཀྱི་དབང་ཕྱུག་ནི་གཙོ་བོར་གྱུར་པ་སྟེ། དམ་པའི་དབང་ཕྱུག་རྡོ་རྗེ་འཆང་ཆེན་པོ་ལ་བསྟོད་པ་འདིས་ཞེས་བྱ་བ་ནི། འོག་ནས་འཆད་པའི་བསྟོད་པ་སྟེ་བསྟོད་པའི་རྒྱལ་པོ་དེས་གསོལ་བ་བཏབ་ཅིང་མཉེས་པར་བྱས་སོ་ཞེས་བྱ་བའི་དོན་ཏོ། ། ༈ དེ་བསྟན་པ་ནི་རྡོ་རྗེ་སེམས་དཔའ་ཞེས་བྱ་བ་ལ་སོགས་པ་སྟེ། རྡོ་རྗེ་ལྟར་འོད་ཟུང་གཉིས་སོ་སོར་མི་ཕྱེད་པའི་ཚུལ་གྱིས་མཛེས་པས་ན་རྡོ་རྗེ་སེམས་དཔའ་འོ། །འདིར་སེམས་དཔའི་དོན་མ་བཤད་པར་མཛེས་པ་ཞེས་པ་ནི། :ཆག་པ་ཚབ:འགྱུར་གཞན་ལ་རྒྱལ་པོར་བསྒྱུར་
ལ། དེའི་སྐད་དོད་རཱ་ཛ་ལ་ར་ཛ་ཏེ་མཛེས་པར་བྱའོ། དཱི་བྱ་ཏ་སྣང་བར་བྱས་པས་ནའོ། ཞེས་པའོ། །ཐེག་པ་ཆེ་ཞེས་བྱ་བ་ལ་མ་ཧཱནྟ་ཆེན་པོའོ། །ཡཱནྟི་འགྲོ་བར་བྱེད་པ་སྟེ་ནི་། སངས་རྒྱས་གང་གིས་སེམས་ཅན་གྲངས་ཤིན་ཏུ་མང་ཞིང་རིགས་ཆེ་བ་རྣམས་སངས་རྒྱས་ཉིད་དུ་སོན་པར་མཛད་པ་དེ་ནི་ཐེག་པ་ཆེན་པོ་སྟེ། དེ་ཡང་ཁྱེད་ཉིད་དོ། །ནམ་མཁའི་སྤྱོད་པ་རྣམ་སྤྱོད་པ་ཞེས་བྱ་བ་ལ། ནམ་མཁའ་ནི་དོན་དམ་པའི་བདེན་པའོ། །དོན་དམ་དེ ས་རྣམ་པར་དག་པ ར་བྱས་པའི་སྤྱོད་པ་ནི་ནམ་མཁའི་སྤྱོད་པའོ། །དེས་རྣལ་འབྱོར་པའི་རྒྱུད་རྣམ་པར་སྦྱོང་བར་མཛད་པས་ན་ནམ་མཁའི་སྤྱོད་པ་རྣམས་སྦྱོང་བའོ། །ཀུན་ཏུ་བཟང་པོའི་སྤྱོད་པ་མཆོག་ཅེས་བྱ་བ་ནི། རྣམ་པར་རྟོག་པའི་སྤྲོས་པ་ཐམས་ཅད་དང་བྲ་བའི་སྤྱོད་པ་ནི་ཀུན་ཏུ་བཟང་པོའི་སྤྱོད་པའོ། །དེས་ཕུལ་དུ་བྱུང་བས་ན་མཆོག་གོ །རྒྱལ་བར་གྱུར་པས་ན་རྒྱལ་བ་ནི་རང་སངས་རྒྱས་ལ་སོགས་པ་ཉོན་མོངས་པའི་དགྲ་ལས་རྒྱལ་བའོ་སྟེ་། དེ་རྣམས་ཀྱི་མཆོག་གིས་མཆོད་པ་བཤད་ཅིང་བསྟན་དུ་གསོལ་ཞེས་བྱ་བ་སྟེ། སྒྲ་ཇི་བཞིན་པའོ། ༈ །འདོད་ཆགས་ཞེ་སྡང་གཏི་མུག་ཆེ། །རྡོ་རྗེ་ཐེག་པ་རབ་སྟོན་པ། ཞེས་བྱ་བ་ནི། འདོད་ཆགས་དང་ཞེ་སྡང་དང་གཏི་མུག་སྦྱོང་བར་བྱེད་པ་ནི་རྡོ་རྗེ་ཐེག་པ་སྟེ། དེ་རབ་ཏུ་སྟོན་པར་མཛད་པས་ན་རྡོ་རྗེ་ཐེག་པ་རབ་སྟོན་པའོ། །ཆོས་ཐམས་ཅད་ནམ་མཁའི་དབྱིངས་དང་མཚུངས་པར་སྟོན་པས་ན་མཆོག་གོ །རྒྱལ་བ་ནི་དུས་གསུམ་དུ་གཤེགས་
པའི་རྒྱལ་བ་རྣམས་ཏེ། དེ་རྣམས་སྐྱེད་པར་མཛད་པས་ན་རྒྱལ་བའི་གཞིའོ། །མཆོད་པ་བཤད་དུ་གསོལ་ཞེས་བྱ་བ་ནི་བསྟན་པར་གསོལ་བའོ། །བག་ཆགས་མ་ལུས་པ་དང་བྲལ་ཞིང་འཁོར་བ་ཇི་སྲིད་པར་གནས་པའི་ཡེ་ཤེས་ནི་ཐར་པའོ། །དེ་ཐོབ་པར་བྱེད་པའི་རྒྱུ་ནི་ལམ་མོ། དེ་རབ་ཏུ་སྟོན་པ་ནི་འཆད་པར་མཛད་པའོ། །ཐེག་པ་གསུམ་ནི་འདིས་རང་རང་གི་བྱང་ཆུབ་ཏུ་འགྲོ་བས་ན་ཐེག་པ་སྟེ། ཉན་ཐོས་ལ་སོགས་པའི་ཐེག་པ་གསུམ་མོ། །དེ་ཉིད་ནི་ལམ་སྟེ་དེའི་ངོ་བོ་ཉིད་ལ་རབ་ཏུ་གནས་པར་མཛད་པས་ན་ཐེག་པ་གསུམ་གྱི་ལམ་ལ་གནས་པ་སྟེ་བཅོམ་ལྡན་འདས་སོ། །སངས་རྒྱས་སྐལ་མཆོག་དག་པའི་བདག་ཅེས་བྱ་བ་ལ། སངས་རྒྱས་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་བདག་པོར་གྱུར་པས་སྐལ་མཆོག་གོ །དེས་ན་དག་པའི་བདག་ཉིད་ཅན་གྱི་མི་མཆོག་མཆོད་པ་བཤད་དུ་གསོལ་ཞེས་པའོ། །བྱང་ཆུབ་སེམས་ནི་རྒྱས་པའི་སྤྱན་ཞེས་བྱ་བ་ནི། བྱང་ཆུབ་ཀྱི་ངོ་བོ་ཉིད་ཀྱི་སྟེ། རང་བཞིན་དང་དབྱེར་མེད་པར་ཞུགས་པའི་སེམས་གང་ཡིན་པ་དེ་ནི་བྱང་ཆུབ་ཀྱི་སེམས་སོ། །རྒྱས་པའི་སྤྱན་དང་ལྡན་པ་གང་ཡིན་པ་དེ་ནི་རྒྱས་པའི་སྤྱན་ནོ། །ཆོས་ཀྱི་འཁོར་ལོ་ནི་རྣམ་པ་བཅུ་གཉིས་པའོ་ཞེས་པ་ནི་བདེན་པ་རྣམས་ལ་སྡུག་བསྔལ་དང༌། ཀུན་འབྱུང་དང་འགོག་པ་དང་ལམ་མོ། །ཞེས་པ་བཞི་དང༌། རིམ་པ་བཞིན་དུ་ཡོངས་སུ་ཤེས་པར་བྱ་བ་དང༌། སྤང་བར་བྱ་བ་དང༌། མངོན་སུམ་དུ་བྱ་བ་དང༌། བསྒོམ་པར་བྱ་ཞེས་པ་བཞི་དང༌། ཡང་རིམ་པ་བཞིན་དུ་ཡོངས་སུ་ཤེས། སྤོངས༌། མངོན་
སུམ་དུ་བྱས། སྒོམ་ཞེས་བྱ་བ་བཞི་སྟེ་བཞི་གསུམ་བཅུ་གཉིས་སོ། །ཆོས་འཁོར་དེས་འོག་ས་སྟེང་ས་བླའི་འཇིག་རྟེན་གསུམ་དུ་རབ་ཏུ་བསྐོར་བར་མཛད་པས་ན། ཆོས་ཀྱི་འཁོར་ལོ་རབ་ཏུ་བསྐོར་བ་སྟེ། གདུལ་བྱའི་རྒྱུད་ལ་དོན་ཤེས་པར་བྱེད་པ། །རྡོ་རྗེ་གསུམ་མི་ཕྱེད་པའི་མཚན་ཉིད་ཅན་ཡིན་པས་ན་སྐུ་དང་གསུང་དང་ཐུགས་ཤིན་ཏུ་དག་པ་སྟེ། རྡོ་རྗེ་ཐེག་པ་ཁྱེད་ལ་ཕྱག་འཚལ་ལོ། ཞེས་པ་སྟེ། དྲང་བའི་དོན་ཏོ། ༈ །འདོད་ཆགས་ཞེ་སྡང་གཏི་མུག་ཆེ་ཞེས་བྱ་བ་ནི། ཡེ་ཤེས་གསུམ་གྱི་སྒོ་ནས་བཅོམ་ལྡན་འདས་ལ་བོས་ནས་བསྟོད་པ་སྟེ། འདོད་ཆགས་ཞེས་པ་ནི་ཐབས་ཏེ་མཆེད་པ་དང༌། དེའི་ཀྱི་རང་བཞིན་དུ་གྲགས་པ་བཞི་བཅུའོ་ནོ་། །ཞེ་སྡང་ཞེས་པ་ནི་ཤེས་རབ་སྣང་བ་དང་ཀྱི་དེའི་རང་བཞིན་སོ་གསུམ་མོ་ནོ་། །གཏི་མུག་ཆེན་པོ་ཞེས་པ་ནི་མ་རིག་པ་ཞེས་པ་ཉེར་ཐོབ་དང༌། དེའི་རང་བཞིན་གྱི་རྟོག་པ་བདུན་ནོ། །རྡོ་རྗེ་ཐེག་པ་རབ་སྟོན་པ་ཞེས་བྱ་བ་ལ། རྡོ་རྗེ་ནི་འོད་གསལ་བའོ། །དེ་ཉིད་ནི་བཤད་མ་ཐག་པའི་རང་བཞིན་གྱིས་སྟེ། རང་བཞིན་དང་སྣང་བ་གསུམ་སྦྱོང་བས་ན་ཐེག་པའོ། །དེ་རབ་ཏུ་སྟོན་པས་ན་རྡོ་རྗེ་ཐེག་པ་རབ་ཏུ་སྟོན་པ་སྟེ། བཅོམ་ལྡན་འདས་སོ། །དབང་པོ་མཆོག་ཙམ་གྱིས་གཟུང་བ་ནི་གསང་བ་གྲུབ་པར་ཏིང་ངེ་འཛིན་གྱི་ཡེ་ཤེས་ཀྱི་མིག་ཅན་གྱིས་མཐོང་བར་གསུངས་པ་ལྟར་ཡིན་པས་ན་ནམ་མཁའི་
དབྱིངས་དང་མཚུངས་པའོ། །རིགས་གཞན་ཐམས་ཅད་ཀྱི་དང་པོར་གྱུར་པས་ན་མཆོག་གི་སྒྲ་དང་པོ་ལའང་འཇུག་པའོ། །མཆོག་གོ །རྒྱལ་གཞི་མཆོད་པ་བཤད་དུ་གསོལ་ཞེས་བྱ་བ་ལ། རྒྱལ་བ་ནི་རྣམ་པར་སྣང་མཛད་ལ་སོགས་པ་སྟེ། དེ་གང་དུ་ཐིམ་པར་གྱུར་པ་དེ་ནི་རྒྱལ་བའི་གཞི་ནི་འོད་གསལ་བ། །མཆོད་པ་ནི་གཉིས་སུ་མེད་པའི་ཡེ་ཤེས་ཀྱི་བདག་ཉིད་ཅན་ཟུང་འཇུག་གོ་ནོ་། །བཤད་དུ་གསོལ་ཞེས་བྱ་བ་ནི་བཀའ་སྩལ་པར་གསོལ་བའོ། །ཐར་བའི་ལམ་ནི་རབ་སྟོན་པ་ཞེས་བྱ་བ་ནི། མི་སློབ་པའི་ཟུང་འཇུག་རྡོ་རྗེའི་སྐུ་ཉིད་ཀྱིས་ཚད་མེད་པའི་ལྷ་མོ་དང་སྙོམས་པར་ཞུགས་པས་འཁོར་བ་ཇི་སྲིད་པར་མཆོག་ཏུ་དགའ་བར་མཚན་ཉིད་གཅིག་པ་ལྷ་དང་མི་ལས་འདས་པའི་ཡོན་ཏན་ཏེ། དབང་ཕྱུག་བརྒྱད་ཀྱི་བདེ་བ་ཉམས་སུ་མྱོང་བ་ནི་ཐར་པའོ། །དེ་ཐོབ་པའི་ཐབས་སྟོན་པར་མཛད་པས་ན་ཐར་པའི་ལམ་རབ་ཏུ་སྟོན་པར་མཛད་པ་སྟེ་བཅོམ་ལྡན་འདས་སོ། །ཤེས་རབ་དང་ཐབས་དང་ཉེ་བར་ཐོབ་པ་གསུམ་པོ་ནི་ཐེག་པ་གསུམ་མོ། །དེ་ཉིད་ནི་རྣལ་འབྱོར་བ་རྣམས་ཀྱིས་བགྲོད་པར་བྱ་བ་ཡིན་པས་ན་ལམ་སྟེ། ལམ་དེས་དོན་དམ་པའི་བདེན་པའི་གྲོང་ཁྱེར་དེར་འཇུག་པར་མཛད་པས་ན་ཐེག་པ་གསུམ་གྱི་ལམ་ལ་གནས་པའོ། །བདེ་བ་ཐམས་ཅད་ཀྱི་བདག་ཉིད་སྒྲུབ་པར་མཛད་པས་ན་སངས་རྒྱས་སྐལ་མཆོག་གོ །བདེན་པ་གཉིས་ཀྱི་བདག་ཉིད་ཅན་ཡིན་པས་ན་དག་པའི་
བདག་སྟེ། དེ་ལྟ་བུའི་ཡོན་ཏན་གྱི་ཁྱད་པར་ཅན་མི་མཆོག་ཁྱོད་ཀྱིས་མཆོད་པ་བཤད་པར་གསོལ་ཞེས་པའོ། །བྱང་ཆུབ་ནི་དོན་དམ་པའི་བདེན་པ ར་ཞུགས་པའི་འོད་གསལ་ལོ་འོ་། །སེམས་ནི་ཀུན་རྫོབ་ཀྱི་བདེན་པ་དག་པའི་སྒྱུ་མའི་སྐུ་སྟེ། བྱང་ཆུབ་དང་ལྡན་པའི་སེམས་ནི་བྱང་ཆུབ་ཀྱི་སེམས་ཡིན་ལ། དེ་ཉིད་ནི་རྡོ་རྗེ་འཆང་ཆེན་པོའོ། །རྒྱས་ཤིང་ཡངས་པའི་སྤྱན་ལྔ་གང་ཡིན་པ་དེ་ནི་རྒྱས་པའི་སྤྱན་ཏེ། དེ་ཡང་གང་ཞེ་ན། སྟོང་གསུམ་མཐོང་བ་ཤ་དང་སེམས་ཅན་གྱི་འཆི་འཕོ་དང་གང་དུ་སྐྱེ་བ་ཤེས་པ་ལྷ་དང༌། རྣམ་པར་མི་རྟོག་པའི་ཡེ་ཤེས་ཤེས་རབ་དང༌། གཞན་གྱི་རྒྱུད་ཚོད་རྟོགས་པ་ཆོས་དང༌། ཆོས་ཐམས་ཅད་རྣམ་པ་ཐམས་ཅད་དུ་བྱང་ཆུབ་པ་མཁྱེད་པ་སངས་རྒྱས་ཀྱི་སྤྱན་ཞེས་གྲགས་པ་རྣམས་སོ། །ཆོས་ཀྱི་འཁོར་ལོ་རབ་བསྐོར་བ། ཞེས་བྱ་བ་ལ། ཆོས་ནི་འདུས་བྱས་པ་དང་འདུས་མ་བྱས་པ་སྟེ་བདེན་པ་གཉིས་ཀྱི་བདག་ཉིད་ཅན་ནོ། །དེ་རྣམས་ཀྱི་འཁོར་ལོ་ནི་ཚོགས་ཏེ་དེ་སེམས་ཅན་གྱི་འཇིག་རྟེན་དུ་རབ་ཏུ་སྟོན་པར་མཛད་པས་ན་ཆོས་ཀྱི་འཁོར་ལོ་རབ་བསྐོར་བའོ། །ཡང་དག་པའི་མཐའ་འོད་གསལ་གྱིས་རྣམ་པར་དག་པར་བྱས་པའི་སྐུ་དང་གསུང་དང་ཐུགས་ཀྱི་བདག་ཉིད་ཅན་ཡིན་པས་ན་སྐུ་དང་གསུང་དང་ཐུགས་ཤིན་ཏུ་དག་པ་སྟེ་བཅོམ་ལྡན་འདས་སོ། །རྡོ་རྗེའི་དོན་མི་འཇིགས་པ་སྟེ། མི་ཉམས་པའི་ཐེག་པའི་བདག་ཉིད་ཅན་ཡིན་པས་ན་རྡོ་རྗེ་ཐེག་པ་ཁྱེད་ལ་ཕྱག་འཚལ་ལོ། །ཞེས་
བྱ་བ་སྟེ། ངེས་པའི་དོན་ཏོ། །གསོལ་བ་བཏབ་པའི་རྗེས་དེ་ནས་རྒྱལ་པོ་རྡོ་རྗེ་འཛིན་པ་ཐམས་ཅད་ནམ་མཁའ་མི་འགྱུར་ཆེ་ཞེས་བྱ་བ་ལ། ཐམས་ཅད་ནམ་མཁའ་ནི་ཐམས་ཅད་སྟོད་པ་སྟེ། དེ་རྣམ་པར་དག་པའི་ངོ་བོ་ཉིད་ཡིན་པས་བཅོམ་ལྡན་འདས་ཀྱང་ཐམས་ཅད་ནམ་མཁའོ། །མི་འགྱུར་བ་ཡང་ཡིན་ལ་ཆེན་པོ་ཡང་ཡིན་པས་ན་མི་འགྱུར་ཆེའོ། །ཐམས་ཅད་ཀྱི་དབང་འདི་ལ་བསྐུར་བར་གྱུར་པས་ན་ཐམས་ཅད་དབང་བསྐུར་རོ། །ནམ་མཁའ་མཛོད་ཀྱི་ཏིང་ངེ་འཛིན་གྱིས་སེམས་ཅན་ཐམས་ཅད་ཀྱི་ཡིད་ལ་རེ་བ་ཡོངས་སུ་རྫོགས་པར་མཛད་པས་ན་ཀུན་གྱི་དོན་ནོ། འཇིག་རྟེན་གསུམ་གྱི་བདག་པོ་ཡིན་པས་ན་ཀུན་གྱི་དབང་པོའོ། །རྡོ་རྗེ་ནི་དོན་དམ་པའི་བདེན་པའོ། །བསམ་པ་ཐམས་ཅད་ཡོངས་སུ་རྫོགས་པར་བྱེད་པས་རིན་པོ་ཆེ་དང་འདྲ་བས་ན་རིན་ཆེན་ནི་ཀུན་རྫོབ་ཀྱི་བདེན་པའོ། །དེའི་ངོ་བོ་ཉིད་ཀྱིས་ཟུང་འཇུག་དེ་འཛིན་པར་མཛད་པས་ན་རྡོ་རྗེ་རིན་ཆེན་འཛིན་ཞེས་བྱ་སྟེ། །དགོངས་པ་མ་ཡིན་པས་བཤད་པའོ། །དེ་བཞིན་གཤེགས་པའི་མཆོད་པའི་མཆོག་ཅེས་བྱ་བ་ལ། དེ་བཞིན་གཤེགས་པ་ནི་དུས་གསུམ་དུ་བཞུགས་པའི་རྒྱལ་བ་རྣམས་ཏེ། དེ་དང་འབྲེལ་བའི་མཆོད་པ་ནི་དེ་བཞིན་གཤེགས་པའི་མཆོད་པའོ། །བསྐྱེད་པའི་རིམ་པ་ལ་གནས་པ་རྣམས་ཀྱི་ཐུན་མོང་མ་ཡིན་པས་ཁྱད་པར་དུ་གྱུར་པས་ན་མཆོག་གོ །ཅིའི་ཕྱིར་ཞེ་ན། རྡོ་རྗེ་མི་ཕྱེད་གསུམ་གནས་པ་ཞེས་བྱ་བ་གསུངས་ཏེ། རང་བཞིན་གྱིས་ཏེ་གདོད་
མ་ནས་རྡོ་རྗེ་གསུམ་གྱིས་དེ་ཁོ་ན་ཉིད་མི་ཕྱེད་པ་ལ་ཡང་དག་པར་གནས་པའི་མཆོད་པའོ། །མཆོད་པ་དེ་ནི་ཁམས་གསུམ་པ་རྣམས་རྡོ་རྗེ་འཆང་རང་ཉིད་ཀྱི་སྐུ་དང་གསུང་དང་ཐུགས་སུ་རང་བཞིན་གྱི་སྒོ་ནས་འདུས་པར་མཛད་པས་ན་སྐུ་དང་གསུང་དང་ཐུགས་སྐལ་མཆོག་གོ །རྒྱལ་བ་གོང་མ་རྣམས་འདི་ལས་འབྱུང་བར་འགྱུར་བས་ན་རྒྱལ་བ་འབྱུང་བའོ། །མཆོད་པ་དེ་བཤད་ཅེས་བྱ་བ་ལ་ནི་བཤད་དོ་ཞེས་བྱ་བ འི་དོ་མི་མངོན་པར་བྱས་པ་སྟེ། དགོངས་པས་བཤད་པའོ། ༈ །གང་ལས་རྒྱལ་བ་འབྱུང་བའི་མཆོད་པ་དེ་ཉིད་བསྟན་པར་བྱ་བའི་ཕྱིར། ན་ཆུང་གཞོན་ནུ་ཞེས་བྱ་བ་ལ་སོགས་པ་གསུངས་སྟེ། ཡིད་དུ་འོང་བའི་གཟུགས་ཅན་ཡིན་པས་ན་ན་ཆུང་གཞོན་ནུའོ་ངོ༌། །མིག་ཡངས་ཤིང་བདེན་པ་གཉིས་ཀྱི་སྟེ། འོད་ཟུང་གི་བདག་ཉིད་ཅན་གྱི་མིག་ཡངས་པ་སྟེ། གཟིགས་རྒྱ་ཆེ་བ་དང་ལྡན་པའི་ཕྱག་རྒྱ་ཆེན་པོའི་སྐུ་གང་ཡིན་པ་དེ་ནི་མིག་ཡངས་པ་དང་ལྡན་པ། །དེ་ཉིད་ཀྱི་ཁྱད་པར་ནི་མཚན་དཔེས་སྤྲས་པའི་གཟུགས་བཟང་བ་དང་གཞོན་པ་སྟེ། ལང་ཚོ་དར་ལ་བབ་པ ས་བརྒྱན་པ་ནི་ཞེས་བྱ་བའོ། །ལོ་གྲངས་ཉི་ཤུ་ལྔ་ལོན་པ་ཞེས་བྱ་བ་ནི་ཟུང་འཇུག་གི་ལྷའི་ཕུང་པོ་ལྔ་ཁམས་ལྔ་དབང་པོ་ལྔ་ཡུལ་ལྔ་ཡེ་ཤེས་ལྔ་སྟེ་ཉི་ཤུ་རྩ་ལྔ་པའི་བདག་ཉིད་ཅན་གྱི་ཕྱག་རྒྱ་ཆེན་པོའི་སྐུ་བདག་ལ་བྱིན་གྱིས་བརླབས་པའི་མཚན་ཉིད་ཅན་ནོ། །དེ་བཙལ་ཏེ། བླ་མའི་ཁ་ནས་ཏེ་
ཞལ་གྱི་གདམས་པ་ལས་རང་གི་རྒྱུད་ལ་རྙེད་པ་སྟེ་ཐོབ་པ་དེ་ཉིད་ཀྱིས་བླ་ན་མེད་པའི་མཆོད་པ་རབ་ཏུ་བརྟག་ཅིང་བྱ་བ་སྟེ། ཡང་དང་ཡང་དུ་བསྒོམ་པར་བྱ་བ། །བྱོལ་སོང་ལས་ཀྱང་རབ་ཏུ་བརྟག་ཅེས་བྱ་བར་ཡང་སྦྱར་ཏེ། །བྱོལ་སོང་གི་སྒྲ་ཏིརྱ་ཀ་ནི་ལོགས་ན་ཡོད་པ་ལ་ཡང་བྱ་སྟེ། དེས་ན་ལོགས་ན་ཡོད་པའི་དོན་ནི་ཟུང་འཇུག་པའི་དཀྱིལ་འཁོར་གྱི་གཙོ་བོར་མ་ཟད་བདག་པོ་སྟེ་གཙོ་བོ་ལས་གཞན་པའི་འཁོར་གྱི་དཀྱིལ་འཁོར་གྱི་ལྷའི་སྐུ་རྣམས་ཀྱང་གཙོ་བོ་རྡོ་རྗེ་འཆང་ཆེན་པོ་དང་འདྲ་བར་རབ་ཏུ་བརྟག་པ་སྟེ་གཟུང་བར་བྱ་སྟེ། དེ་ཐམས་ཅད་ཀྱང་རྡོ་རྗེ་འཆང་ཆེན་པོའི་རྣམ་པར་འཕྲུལ་བ་ཡིན་པའི་ཕྱིར་རོ། །ན་ཆུང་ཞེས་པའི་རྐང་པ་གསུམ་གྱིས་ཟུང་འཇུག་པའི་དང་པོ་སྦྱོར་བ་དང༌། བྱོལ་སོང་ཞེས་པ་གཅིག་གིས་དཀྱིལ་འཁོར་རྒྱལ་མཆོག་བསྟན་ཏེ། དེ་འདྲ་བའི་དཀྱིལ་འཁོར་སྒོམ་པ་ལ་གོམས་པར་བྱེད་པ་ནི་སངས་རྒྱས་རྣམས་དགྱེས་པར་བྱེད་པའི་བླ་ན་མེད་པའི་མཆོད་པའོ། དགོངས་པས་བཤད་པའོ། ༈ །ཁཤིན་ཏུ་ཡང་ཀའཇིག་རྟེན་ལས་གའདས་པའི་ཟུང་འཇུག་པའི་རྣལ་འབྱོར་པ་རྣམས་ཀྱི་མཆོད་པ་བསྟན་ནས། ད་ནི་བསྐྱེད་པའི་རིམ་པ་ལ་གནས་པའི་རྣལ་འབྱོར་པ་རྣམས་ཀྱི་མཆོད་པ་བསྟན་པར་བྱ་བའི་ཕྱིར། ས་ཕྱོགས་གཙང་ཞིང་ཞེས་བྱ་བ་ལ་སོགས་པ་གསུངས་ཏེ། ས་བརྟག་པ་དང་བསླང་བ་བྱས་པའི་སའི་ཆ་ནི་ས་ཡི་ཕྱོགས་སོ། །ས་སྦྱང་བ་དང་ལ་སོགས་པ ས་བསྡུས་པས་གཟུང་བ་དང༌། བགེགས་ཞི་བའི་ཆོ་གའི་རིམ་པས་ཡོངས་སུ་
དག་པ་ནི་གཙང་བའོ། །སྐྱེ་བོ་འདུས་པའི་འདུ་འཛི།་དང་བྲལ་བས་རྣམ་པར་དབེན་པའོ། །དེ་ནི་ས་སྦྱང་བ་སོགས་རྒྱས་པ་དགོས་པའི་གནས་སོ། །འམ་ཞེས་བྱ་བའི་སྒྲ་ནི་སྔ་མ་ལས་ཐ་དད་པའི་རིམ་པའི་ཕྱོགས་གཞན་ས་སྦྱང་བ་སོགས་རྒྱས་པ་མི་དགོས་པ་སྟོན་པ་ཡིན་པར་བལྟ་བར་བྱའོ། །རྒྱལ་བ་ཉིད་ཀྱི་རིགས་སུ་སྐྱེས་ཞེས་པ་ནི་སྔགས་པ་ཐེག་པ་འདིའི་སྒྲུབ་པ་པོ། །ཞི་བ་ནི་སྔ་མ་དེ་མིན་ཀྱང་སྐྱེ་བོ་དམ་པ་ཡོན་ཏན་ཅན་ནོ་འོ་། །དེ་རྣམས་ཀྱི་ཁྱིམ་དེ་རྣམས་ཀྱི་ཁྱིམ་དང་ཞེས་བཅོམ་:པ་ཚབ་ཆག:པ་དགོས་སོ། ནི་ཞི་བའི་གནས་རྣམས་ཏེ་ལྷའི་ཁང་པའོ། །དེ་ལྟ་བུའི་ས་ཕྱོགས་སུ་བཤང་པ་སྟེ་བའི་ལྕི་བ་དང༌། གཅི་བ་སྟེ་བའི་གཅིན་དང༌། བའི་མར་ལ་སོགས་པའི་བ་བྱུང་ལྔ་དང་ཆུ་སྟེ་ཆུ་གཙང་ཉི་ཚེས་སོ། །སོགས་པའི་སྒྲས་ཤིང་ཤུན་དྲི་བཟང་པོ་ལ་སོགས་པ་ཡོངས་སུ་གཟུང་སྟེ། དེ་ལྟ་བུའི་བཤད་བ་ལ་སོགས་པ་འདི་རྣམས་ཀྱིས་སྔར་བཤད་པའི་ས་ཕྱོགས་སུ་སྟེགས་བུ་སོགས་ལ་བྱུག་ཅིང་དཀྱིལ་འཁོར་བྲི་བར་བྱའོ། །འམ་གྱི་སྒྲ་ནི་མ་བཤད་པ་དག་ཀྱང་བསྡུ་བའི་དོན་ཏེ། དེས་ན་མེ་ཏོག་ལ་སོགས་པའི་མཆོད་རྫས་རྣམས་དང་དེར་ཉེ་བར་མཁོ་བ་གཞན་རྣམས་ཀྱང་ཡོངས་སུ་གཟུང་ངོ༌། །མཆོད་རྫས་སྒྲུབ་པ་ལ་སོགས་པ་དེ་དགོས་པ་ཅིའི་ཕྱིར་བྱེད་ཅེས་ཞེ་ན། རྒྱལ་བ་མཆོད་ཕྱིར་ཞེས་པ་སྟེ། རང་གི་རིགས་ཀྱི་ལྷ་ལ་སོགས་པ་མཉེས་པར་བྱ་བའི་དོན་དུའོ་ཏོ་། །རྟག་པར་ཞེས་པ་ནི་ཉིན་རེ་ཞིང་མཆོད་པར་བ། །དེ་རྣམས་
ཀྱིས་ནི་འོག་ནས་གསང་དབང་བསྐུར་བའི་དཀྱིལ་འཁོར་ལ་བསམ་གཏན་དང་བྲིས་པ་གཉིས་བཤད་པའི་ཕྱི་མ་འདིར་བསྟན་པ་ཡིན་ལ། དེ་ཡང་རིམ་ལྔ་ལས་ཐུན་མོང་གི་དབང་དགུ་དང་བཅས་པའི་གསང་དབང་བསྐུར་བར་གསུངས་པས། དེའི་དབང་དུ་བྱས་ཀྱི་བུམ་དབང་བསྐུར་བ་དུས་སྔ་བར་རྫོགས་ནས། ཕྱིས་གསང་དབང་བསྐུར་བ་ལ་ནི་རྡུལ་ཚོན་གྱི་དཀྱིལ་འཁོར་བྲི་མི་དགོས་སོ། ༈ །དེ་ལྟར་དཀྱིལ་འཁོར་བྲི་བ་དང༌། ད་མཆོད་པའི་ཡོ་བྱད་བསྒྲུབས་ནས། བསྒྲུབ་པའི་ཐབས་མདོར་བྱས་ལས་འབྱུང་བའི་རིམ་གྱིས་རྣལ་འབྱོར་དང་རྗེས་སུ་རྣལ་འབྱོར་བྱས་ལ། དེ་ནས་སྒྲུབ་པ་པོ་བདག་ཉིད་ཁདང་རང་གི་ཕྱག་རྒྱ་ལ་རིགས་ལྔ་སོགས་དགོད་པ་སེམས་དཔའ་སུམ་བརྩེག་གི་འོག་ཏུ་བྱ་སྟེ། དེ་ཡང་བསྟན་པའི་ཕྱིར ཀརིགས་ལྔར་བྱ་བ་སྟེ། རང་ལ་རིགས་ལྔ་དང་དེའི་རིགས་ཀྱི་ལྷ་ལྷག་མ་རྣམས་དགོད་པའི་ཤིན་ཏུ་རྣལ་འབྱོར་བྱ་བ་བསྟན་པའི་ཕྱིར། །གནུ་མའི་དབུས་ཞེས་བྱ་བ་ལ་སོགས་པ་གསུངས་ཏེ། ནུ་མའི་དབུས་ཞེས་བྱ་བ་ནི་སྙིང་གའི་གནས་སོ། །བར་ཞེས་བྱ་བ་ནི་མགྲིན་པ་ནས་སྙིང་ག་ཇི་སྲིད་པ་དེ་སྲིད་ཀྱི་བར་འདིར་ཡི་གེ་ཧཱུཾ་ལས་བྱུང་བའི་སྟེ་མི་བསྐྱོད་པའི་རིགས་དགོད་པའོ། །སྤྱི་གཙུག་མཐའ་ཞེས་བྱ་བ་ནི་སྤྱི་གཙུག་གི་མཐའི་སྒྲས་སྐྲ་མཚམས་ཉེ་བར་མཚོན་ཏེ་སྐྲའི་མཐའ་སྟེ་སྐྲའི་སྐྱེ་གནས་སྤྱི་གཙུག་ནས་སྐྲ་མཚམས་ཇི་སྲིད་པའི་བར་དུ་ཡི་གེ་ༀ་ལས་བྱུང་བའི་རྣམ་པར་སྣང་མཛད་དགོད་དོ། །ཆོ་ག་ཤེས་པས་ཞེས་བྱ་བ་ནི་བསྐྱེད་པའི་རིམ་པ་ཤེས་པའོ། །བར་ཞེས་བྱ་བ་ནི་སྙིང་གའི་ཡ་མཐའ་དང་སྤྱི་གཙུག་གི་མ་མཐའ་སྐྲ་མཚམས་ཀྱི་བར་
ཏེ་བར་དེ་ཡང་གང་ཡིན་ཞེ་ན། སྐྲ་མཚམས་ནས་མགྲིན་པའི་བར་རོ། །ལྐོག་མའི་ཕྱོགས་ཁའི་དཀྱིལ་འཁོར་ཏེ། དེར་ཡི་གེ་ཨཱཿ ལས་བྱུང་བའི་འོད་དཔག་ཏུ་མེད་པ་དགོད་པར་བྱའོ། །རྐང་བའི་བར་ཞེས་བྱ་བ་ནི་རྐང་པ་དང་བརླ་རྩའི་བར་དུ་ནི་རྐང་པའི་བར་རོ། །འང་དང་འདིར་དང་ཞེས་པ་དང༌། རྒྱུད་ལས་ཡང་ན་རྐང་པའི་བར། ཞེས་པའི་འགྱུར་རྙིང་གཉིས་མ་མཐུན་པས། པ་ཚབ་གྱིས། རྐང་བར་དུའང་ཞེས་པ་དང༌། འང་གི་སྒྲས་ནི་ཞེས་བསྒྱུར་བ་ལྟར་བྱའོ། །ཞེས་བྱ་བའི་སྒྲ་ནི་བར་དུ་དགོད་པར་མ་ཟད་རྐང་པ་གཉིས་སུ་འང་དགོད་ཅེ་ཞེ་ས་བསྡུ་བའི་དོན་ནོ་ཏེ་། དེར་ཡི་གེ་ཧཱ་ལས་བྱུང་བའི་དོན་ཡོད་པར་གྲུབ་པ་དགོད་པར་བྱའོ། །ལྟེ་བ་རྐང་བ་གསང་བ་ཞེས་བྱ་བ་ནི་འདིར་གསང་བ་ལ་ཞེས་འཐོབ་ཀྱང་བདུན་པ་དེ་མི་མངོན་པར་བྱས་པ་ཡིན་ཏེ། གནས་འདི་དག་ཏུ་ཡི་གེ་སྭ་ལས་བྱུང་བའི་རིན་ཆེན་འབྱུང་ལྡན་དགོད་པར་བྱའོ། །འདིར་སྤྱི་གཙུག་ནས་སྐྲ་མཚམས་པར་ལ་རྣམ་སྣང་དང༌། དེ་ནས་མགྲིན་པའི་བར་ལ་སྣང་མཐའ་དང༌། མགྲིན་པའི་མཐའ་ནས་སྙིང་གའི་བར་ལ་མི་བསྐྱོད་པ་དགོས་པར་བཤད་པ་ལྟར་ན། སྙིང་གའི་མཐའ་ནས་ལྟེ་བའི་བར་ལ་རིན་འབྱུང་དང༌། ལྟེ་བའི་མཐའ་ནས་རྐང་པ་གཉིས་ཀྱི་ཡ་མཐའ་བརླ་རྩ་བར་ལ་དོན་གྲུབ་དགོད་རྒྱུར་སྣང་ལ་འགྲེལ་པའི་ཚིག་ཟིན་ལྟར་ན། གསང་གནས་ཀྱི་རྩ་བ་ཡན་ལ་རིན་འབྱུང་དང༌། བརླ་རྩ་ནས་རྐང་སོར་བར་ལ་དོན་གྲུབ་འགོད་པ་འདྲ་བ་གཅིག་སྣང་སྟེ། གང་བྱས་ཀྱང་འདྲ་བར་མངོན་ན། འདིར་ༀ་ལ་སོགས་པ་བཞི་ལས་བྱུང་བའི་རིགས་བཞིའི་ལྷ་
བསྒོམས་པར་གསུངས་པས། ལུས་དཀྱིལ་ལ་ལྷ་མི་བསྐྱེད་པར་ཡི་གེ་ཉིད་ལྷའི་རང་བཞིན་དུ་བསྒོམས་པ་ཡིན་ཞེས་པ་མི་འཐད་དོ། །རྒྱལ་བ་ནི་རྣམ་པར་སྣང་མཛད་ལ་སོགས་པའི་རིགས་ལྔ། །རྒྱལ་བའི་སྲས་ནི་དེའི་རིགས་ཏེ་དེ་དག་གི་རིགས་ནི། དཔར་ན་རྣམ་སྣང་གི་རིགས་སྤྱན་མ། གཟུགས་རྡོ་རྗེ་མ། བྱམས་པ། ས་སྙིང་། གཤིན་རྗེ་གཤེད། མི་གཡོ་བ་སྟེ། དེས་རིན་འབྱུང་སོགས་གསུམ་གྱི་རིགས་ཀྱང་ཤེས་པར་བྱའོ། །རྒྱལ་བ་དང་རྒྱལ་བའི་སྲས་དག་ནི་རྒྱལ་སྲས་ཞེས་བྱ་སྟེ། རྣམ་པར་སྣང་མཛད་ལ་སོགས་པ་དང་དེའི་རིགས་རྣམས་བསྒྲུབ་པའི་ཐབས་མདོར་བྱས་ལས་བཤད་པའི་ཆོ་གས། རིགས་ལྔའི་བདག་ཉིད་དང། དེའི་རིགས་སུ་གྱུར་པའི་ལྷ་རྣམས་རང་དང་ཕྱག་རྒྱའི་ལུས་ལ་དགོད་པ་ཇི་ལྟ་ཇི་ལྟ་བར་ཏེ། ཇི་ལྟར་རིགས་པ་བྱའོ་ཞེས་པའོ། །དེ་ལྟར་ན་ཡབ་ཀྱི་ལུས་དཀྱིལ་ལ་ལྷ་ཚང་བ་དང༌། ཡུམ་གྱི་ལུས་ལ་འགོད་པ་ན་ཁྲོ་མོ་བཅུ་བཞག་ནས་ཁྲོ་མོ་བཅུ་དང༌། བྱམས་པ་འཇམ་དབྱངས་ཀུན་བཟང་གསུམ་མདོར་བྱས་ལས་མ་བཀོད་པ་བཞིན་དུ་བྱའོ། ༈ །ཡུམ་ལ་ལྷ་རྣམས་འགོད་པ་དང༌། གསང་གནས་འདུ་བྱ་བ་སོགས་ཇི་སྲིད་པ་དེ་སྲིད་དུ་དེ་ལྟར་བྱས་པ་སྔོན་དུ་འགྲོ་བ འི་ཡབ་ཡུམ་སྙོམས་པར་འཇུག་པའི་ཐིག་ལེ་ལ ས་དཀྱིལ་འཁོར་རྒྱལ་མཆོག་བསྐྱེད་པ་སྲིད་པ་སྐྱེད་པའི་རིམ་པ་བཞིན་བསྟན་པར་བྱ་བའི་ཕྱིར། །ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་རང་གི་ཕྱག་རྒྱའི་ཆོས་འབྱུང་བ་སྟེ་དེའི་དབུས་སུ་གནས་པའི་འོ་། །
ཡེ་ཤེས་རྒྱ་མཚོ་བསྒོམ་པར་བྱ་ཞེས་པའི་ཡེ་ཤེས་ནི་བྱང་ཆུབ་ཀྱི་སེམས་ཐིག་ལེའོ་སོ་། །རྒྱ་མཚོ་ནི་མང་པོའོ། །བདག་ཉིད་ཟླ་བའི་དབུས་གནས་པར། ཞེས་པའི་ཟླ་བ་ནི། བཤད་མ་ཐག་པའི་ཀུན་རྫོབ་བྱང་ཆུབ་ཀྱི་སེམས་ཀྱི་དབུས་ན་གནས་པ་ནི་སྔར་དབུས་གནས་ཀྱི་དོན་དེ་ལས་བྱུང་བ་ལ་བཤད་པ་མང་པས་འདིར་ཡང་དེ་ལྟར་བྱ་ལ། བདག་ཉིད་ནི་རང་གི་ང་རྒྱལ་འཇོག་པའི་ལྷ་རྣམས་ཏེ། ལྷ་ཚང་པ་ཐིག་ལེ་སོ་སོ་ལས་སྐྱེད་ནས་ར་བསྒོམ་པར་བྱ་ཞིང་བསམ་པར་བྱའོ། །དེའི་འོག་ཏུ་བསྐྱེད་རིམ་ལ་མཁས་པས་མངལ་དུ་བསྐྱེད་པའི་དེ་བཞིན་གཤེགས་པ་རྣམས་འབྱིན་སྔགས་ཀྱིས་ཕྱུང་ལ་ཕྱིར་སྤྲོ་བར་བྱའོ། །ཞེས་པ་ནི་མཚོན་པ་ཙམ་སྟེ། སྤྲོས་ནས་མཛད་པ་མཛད། གཅིག་ཏུ་འདུས་ཡེ་ཤེས་པ་དང་འདྲེས་ནས་སླར་བྱོན་ཏེ། རང་གི་གནས་སུ་དགོད་པའི་བར་རོ། །ཞི་བ་རྡོ་རྗེ་འཛིན་ཅེས་པ་ལ་ཞི་བ་ནི་སེམས་རྩེ་གཅིག་པ་བརྟན་པ། །བརྟན་པོ་དེ་ཉིད་རྡོ་རྗེ་ལྟར་བརྟན་པས་ན་རྡོ་རྗེ་སྟེ་དེ་འཛིན་པས་ན་ཞི་བ་རྡོ་རྗེ་འཛིན་པ་སྒྲུབ་པ་པོ། །ཁབདག་ཉིད་ལ་ཀྱི་ཀ དེས་ཐུན་གྱི་མཐར་དཀྱིལ་འཁོར་སྙིང་གར་སྙིང་གར་ཏེ་:པ་ཚབ:བདག་ཉིད་ལ་ཞེས་འབྱུང་ངོ། །སྙིང་གར་ཏེ །གབསྡུ་བ་དག་ཀྱང་རབ་ཏུ་བྱའོ། །གལ་ཏེ་སྤྲོས་ཡ་:པ་ཚབ:བསྡུ་བར་འདོད་པར་གྱུར་ན་དེའི་ཚེ་བྱའོ་ཞེས་འབྱུང་ངོ༌། གལ་ཏེ་འདོད་ན་ཞེས་བྱ་བ་ནི་བསྡུ་བ ར་དང༌། ༡སྤྲོས་པ་ཏེ་སྔར་བསྐྱེད་པའི་དཀྱིལ་འཁོར་པ་རྣམས་བསྒོམས་པས་དུབ་སྟེ། ༣གང་འདོད་པར་གྱུར་པ་དེའི་ཚེ་ན་བྱའོ་ཞེས་བྱ་བར་དགོངས་སོ། །
༈ དེ་ལྟར་བདག་ཉིད་དང་དེའི་ལུས་དཀྱིལ་གྱི་ལྷ་བསྐྱེད་པ་བསྟན་ནས་བརྟེན་པའི་ལུས་དཀྱིལ་སྒོམ་པའི་སྔོན་དུ་ཡང་ལུས་རྟེན་གྱི་དཀྱིལ་འཁོར་དུ་བསྐྱེད་པ་སྟོན་པ་ནི་རིན་པོ་ཆེ་སྣ་བཞི་ལ་སོགས་པའི་མཆོད་རྟེན་བྱ་སྟེ། ཞེས་གསུངས་པ་ལ་རིན་པོ་ཆེ་སྣ་བཞི་ནི་ཁམས་བཞིའི་ངོ་བོ་ཉིད་སྤྱན་ལ་སོགས་པ་བཞིའོ། །དེའི་རང་བཞིན་ཡིན་པས་ན་རིན་ཆེན་སྣ་བཞིའི་རང་བཞིན་ཏེ་རང་གི་ལུས་སོ་ནོ་། །དེའི་མཆོད་རྟེན་ནི་ལུས་དེ་ལས་གཞལ་ཡས་ཁང་བསྒོམ་པ་སྟེ། རྒྱུད་ཕྱི་མ་ལས། མཆོད་རྟེན་སངས་རྒྱས་ཐམས་ཅད་ཀྱིས། བཞུགས་གནས་ཕོ་བྲང་ཡིན་པར་བཤད། ཅེས་རྩ་རྒྱུད་ལས། མཆོད་རྟེན་ཞེས་གསུངས་པའི་དོན་གཞལ་ཡས་ཁང་ལ་བཤད་པའི་ཕྱིར་རོ། །འོད་ཟེར་འཕྲེང་བ་ནི་དཀར་པོ་ལ་སོགས་པའི་འོད་ཀྱི་ཕྲེང་བ་སྟེ། དེ་རྣམས་ཀྱིས་ལུས་གཞལ་ཡས་ཁང་དུ་བསྐྱེད་པ་ལ་རྣམ་པར་བརྒྱན་ཞིང་མཛེས་པར་བྱས་པའོ། །ཡེ་ཤེས་རྒྱ་མཚོ་དུས་གསུམ་གྱི་ཞེས་བྱ་བ་ནི། གཞལ་ཡས་ཁང་འདི་ཉིད་ཀྱི་ཁྱད་པར་གྱི་ངོ་བོ་སྟེ། ཡེ་ཤེས་ཀྱི་རྒྱ་མཚོ་ནི་དེ་བཞིན་གཤེགས་པ་རྣམས་སོ། །དུས་གསུམ་ནི་དུས་གསུམ་དུ་བཞུགས་པ་སྟེ། དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་ཀྱི་གནས་ཞེས་པ་ཞིང་དུ་གྱུར་པ་ཡིན་པར་རྣམ་པར་བསམ་པ་སྟེ་རང་གི་ལུས་ཀྱི་སྟེ་ལུས་ལས་མཆོད་རྟེན་དུ་སྟེ་གཞལ་ཡས་ཁང་དུ་བསྒོམས་ལ། དེ་ནས་བརྟེན་པའི་ལུས་དཀྱིལ་སྒོམ་པ་ནས་དཀྱིལ་འཁོར་རྒྱལ་མཆོག་བསྐྱེད་པའི་བར་དུ་བྱ་སྟེ། ༈ །སྔར་ལེའུ་བདུན་པར་བཤད་པའི་བདག་གི་བ་སྤུའི་བུ་ག་རྣམས་ལས་
སྙིང་གར་དྲངས་ཏེ་ཕྱིར་སྤྲོ་བ་ནི། བསྐྱེད་པའི་རིམ་པ་ལ་བྱང་བའི་མཁས་པས་མཆོད་པའི་སྤྲིན་ཏེ་ཇི་ལྟར་འདོད་པའི་དོན་རྫོགས་པར་བྱེད་པས། སེམས་ཅན་གྱི་ཁམས་མཆོད་ཅིང་རྗེས་སུ་འཛིན་པར་མཛད་པས་ན། མཆོད་པ་སྟེ་དེ་བཞིན་གཤེགས་པའོ། །དེ་རྣམས་ཀྱི་སྤྲིན་ནི་ཚོགས་ཏེ་དེ་སྤྲོ་ཞིང་དབྱུང་བར་བྱའོ་ཞེས་པ་སྟེ། བདག་གིས་ཞེས་པའི་རྐང་པ་གཉིས་ཀྱིས་ནི་རྒྱུད་དུ་སྔར་མངལ་གྱི་ལྷ་སྤྲོ་བ་མ་བཤད་པ་འདིར་གསུངས་སོ། །སྒྲ་ཇི་བཞིན་པའོ། ༈ །ད་ནི་རིམ་པ་གཉིས་ཀྱི་རྣལ་འབྱོར་པ་གཉི་གའི་ཐུན་མོང་གི་མཆོད་པའི་ཡན་ལག་བསྟན་པར་བྱ་བའི་ཕྱིར། མཁས་པས་ཨུཏྤལ་ཞེས་བྱ་བ་ལ་སོགས་པ་གསུངས་ཏེ། མཁས་པས་ཞེས་བྱ་བ་མེ་ཏོག་དང༌། ལྷའི་རིགས་ཀྱི་རྣམ་པར་དབྱེ་བ་ཤེས་པས་ཨུཏྤལ་ཏེ། དེ་ལ་དཀར་པོ་ལ་སོགས་པ་ཁ་དོག་རྣམ་པར་ལྔར་ཕྱེ་ལ། དེ་ཡང་དཀར་པོ་རྣམ་སྣང་ཞེས་སོགས་རིགས་རྣམ་པ་ལྔའི་དབྱེ་བས་ཤེས་པར་བྱ་བ་དང། །དེ་བཞིན་དུ་པདྨ་ལ་ཡང་ཁ་དོག་རྣམ་པ་ལྔར་ཕྱེ་བ་ལ་རིགས་ལྔར་ཤེས་པར་བྱའོ། །ཛཱ་ཏི འི་མེ་ཏོག་ནི་སྣ་མའི་མེ་ཏོག་རྣམ་གསུམ་སྟེ། སྔོ་དཀར་དམར་གསུམ་གྱི་ཁ་དོག་གསུམ་དུ་བྱས་ལ་ལྷ་རྣམས་ལ་དབུལ་བར་བྱའོ། །དེ་བཞིན་དུ་མེ་ཏོག་ཀར་ནི་ཀཱ་ར་དང་མ་ལི་ཀཱ་དང་ཡཱུ་ཐི་ཀ་དང་མེ་ཏོག་ཀ་ར་བཱི་ར་བསམ་ཞིང་སྟེ། མེ་ཏོག་དེ་རྣམས་བསམ་གཏན་གྱི་སྟོབས་ཀྱིས་རབ་ཏུ་བསྐྱེད་དངོས་སུ་མ་འབྱོར་ན་ཡིད་ཀྱིས་བསྐྱེད་
པར་སྐལ་ལྡན་གྲགས་པས་བཤད་དོ། །ནས་སྔགས་པས། དེ་བཞིན་གཤེགས་པ་ཐམས་ཅད་ལ་མཆོད་པར་བྱའོ། ཞེས་བྱ་བ་སྟེ། དྲང་བའི་དོན་ཏོ། ༈ །མེ་ཏོག་གི་མཆོད་པའི་ངེས་དོན་ལུང་སྟོན་གྱི་ལུང་གིས་བཤད་པར་བྱ་སྟེ། གང་ཞིག་རྩ་བ་དང་ཡན་ལག་གི་རླུང་ནི་བཅུར་བསྒྲགས་པ། དེ་ནི་པདྨ་ལྔ་དང༌། ཨུཏྤལ་ལྔའི་མིང། ཅན་བཅུའོ། རླུང་གི་དེ་ཉིད་ལྡང་འཇུག་གནས་གསུམ་ཞེ་ཅེ་ས་གྲགས་པའི་རྡོ་རྗེ་སྟེ། རླུང་སྔགས་དབྱེར་མི་ཕྱེད་པ་གསུམ་ནི་ཛཱ་ཏི འི་མེ་ཏོག་གཅིག་པུ་ལ་རིགས་གསུམ་དུ་འདོད་པའོ ། །ཀར་ནི་ཀཱ་ར་མ་ལི་ཀཱ། ཡཱུ་ཐི་ཀ་ར་བཱི་ར་བཞི་ནི། །གོ་རིམ་བཞིན་དུ་སྤྱན་སོགས་ལྷ་མོ་བཞི་སྟེ་ཏེ་། དེ་ཡང་དབང་ཆེན་ཏེ། ས་རླུང་ནས་རླུང་གི་རླུང་བཞི་སོགས་པར་འདིར་སྦྱར་ཏེ། རྩ་བའི་རླུང་བཞིའོ་རོ་། །ཟབ་མོ་རྡོ་རྗེ་བཟླས་པའི་རྣལ་འབྱོར་ལ་བརྟེན་ནས་དངོས་མེད་འོད་གསལ་གྱི་གོ་འཕངས་ལ་དགོད་པ་སྟེ། དེར་ཞུགས་ན ས། །ལྷ་རྣམས་ཀྱི་ནི་ཟུང་འཇུག་གི་སྐུར་སྦྱོར་བ་ནི། མཐའ་གཅིག་ཏུ་སངས་རྒྱས་ཀུན་མཉེས་པའི། །མཆོད་པ་ཆེན་པོར་མཆོད་པ་དེ་འགྱུར་རོ། །ངེས་དོན་དུ་བཤད་པ་དེ་ཉིད་མེ་ཏོག་གི་མཆོད་པ་ཡིན་པར་སྟོན་པས་དགོངས་ན ས་ཏེ། བ་ལ ། །ཕྱི་མའི་དུས་ཀྱི་སྐྱེ་བོས་དེའི་ངེས་དོན་མི་ཤེས་ཏེ། །དེ་མ་རྟོགས་པས་ན་སེམས་ཅན་དེ་རྣམས་ཀྱི། །དངོས་གྲུབ་མཆོག་རིང་དུ་གནས་པར་
འགྱུར་རོ། །དེ་ལྟར་མ་ཤེས་པས་ལམ་འདི་ནི་བདག་གི་སྐལ་པ་མིན་ནོ་ཞེས། །ཟེར་ནས་བདག་ཉིད་སྨོད་པར་བྱེད། །སྨོད་ལུགས་དེ་བཞིན་དུ་བདག་ཉིད་སྨད་པས་ན། །སངས་རྒྱས་ཐམས་ཅད་སྨད་པར་འགྱུར་རོ། །སངས་རྒྱས་ཐམས་ཅད་སྨད་གྱུར་པས། །མྱ་ངན་ལས་འདས་པ་ལས་གཞན་དུ་སྟེ། རྒྱབ་ཀྱིས་ཕྱོགས་པར་འགྲོ།ཞེས་གསུངས་པ་སྟེ། ངེས་པའི་དོན་ཏོ། །ངེས་པའི་དོན་དུ་བཤད་པ་འདིས་ནི་རླུང་བཅུའི་ནང་ནས་ཁྱབ་བྱེད་དོར་བའི་རྩ་བའི་རླུང་བཞི་དང༌། ཡན་ལག་གི་རླུང་ལྔ་ལ་དམིགས་ནས་རླུང་སྔགས་དབྱེར་མེད་པའི་རྡོ་རྗེའི་བཟླས་པ་བྱས་པས་སྟོང་བ་བཞི་འདྲེན་པ་སོགས་བྱེད་པས་དངོས་གྲུབ་མྱུར་བ་དང༌། དེའི་གནད་མི་ཤེས་ན་དངོས་གྲུབ་རིང་བར་གསུངས་པས་ཟབ་མོ་རྡོར་བཟླས་ཀྱི་གནད་ཤེས་པར་བྱའོ། །ཡང་ཞུམ་དྲགས་ནས་རང་ལ་སྨོད་པ་ཡང་ཉེས་དམིགས་ཆེ་བར་གསུངས་པས། དེ་འབད་པས་དགག་པར་བྱའོ། ༈ །ད་ནི་རིམ་གཉིས་ཀྱི་རྣལ་འབྱོར་པ་གཉི་གའི་ཐུན་མོང་གི་གསང་བའི་དབང་བསྐུར་བའི་དཀྱིལ་འཁོར་བསྟན་པར་བྱ་བའི་ཕྱིར། དཔག་ཚད་བརྒྱ་ཡི་ཞེས་བྱ་བ་ལ་སོགས་པ་གསུངས་ཏེ། ངོས་རེ་ཞིང་དཔག་ཚད་ཉི་ཤུ་རྩ་ལྔ་ཡོད་པས་ན་དཔག་ཚད་བརྒྱ་ཡི་ཁྱོན་ཙམ་དུ་ཞེས་བྱའོ། །འཁོར་ལོའི་སྒྲས་ཉེ་བར་མཚོན་པས་འཁོར་ལོ་ནི་རྣམ་པར་སྣང་མཛད་ཉིད་ལ་བྱ་བར་འདོད་པས་དེའི་དཀྱིལ་འཁོར་ནི་འཁོར་ལོའི་དཀྱིལ་འཁོར་རོ། །བསྒོམ་བྱས་ལ་ཞེས་བྱ་བ་ནི་བསྐྱེད་པ་སྟེ། ཡིད་
ཀྱིས་སྐྱེད་པའི་བསམ་གཏན་གྱི་དཀྱིལ་འཁོར་རམ་སམ་ཡང་ན་ཐིག་ཚོན་གྱིས་བྲི་བས་ཏེ། བྲིས་པ་ལ་ཡིད་ཀྱིས་དཀྱིལ་འཁོར༌། བསྐྱེད་པར་བྱའོ། །གྲུ་བཞི་ཞེས་བྱ་བ་ལ་སོགས་པ་ནི་འོག་ནས་བཤད་པ་འདིར་ཡང་སྦྱར་བར་བྱའོ། །རྣམ་པར་མཁས་པས་རྟག་པར་ནི་ཞེས་པ་ནི་དཀྱིལ་འཁོར་དུ་མཚན་མ་འགོད་པ་ལ་བག་ཡོད་པས་དུས་ཐམས་ཅད་དུའོ། །རིགས་རྣམས་ནི་མི་བསྐྱོད་པ་ལ་སོགས་པའི་རིགས་རྣམས་ཏེ། འདི་རྣམ་སྣང་གིས་གཙོ་བོ་བྱས་པའི་དཀྱིལ་འཁོར་ཡིན་པས་མི་བསྐྱོད་པ་ཤར་དང༌། རིན་འབྱུང་སོགས་ལྷོ་ལ་སོགས་པའི་ཕྱོགས་སུ་དགོད་པར་བྱའོ། །དེ་ཡང་ཇི་ལྟར་འཁོར་ལོའི་དཀྱིལ་འཁོར་གྱི་སྒྲས་རྣམ་པར་སྣང་མཛད་ཀྱི་དཀྱིལ་འཁོར་སྟོན་པ་དེ་བཞིན་དུ་པདྨ་ནི་འོད་དཔག་ཏུ་མེད་པའི་དཀྱིལ་འཁོར་རོ། །རྡོ་རྗེའི་དཀྱིལ་འཁོར་ནི་མི་བསྐྱོད་པའི་དཀྱིལ་འཁོར་རོ། །རལ་གྲིའི་དཀྱིལ་འཁོར་ནི་དོན་ཡོད་པར་གྲུབ་པའི་དཀྱིལ་འཁོར་རོ། །ཨུཏྤལ་ཞེས་བྱ་བ་ནི་རིན་པོ་ཆེ་སྟེ། ཏ་ཞེས་བྱ་བ་ནི་སྡེབ་སྦྱོར་གྱི་དོན་དང་མི་འགལ་བའོ། །ཞེས་པ་ནི་ཨུ་པ་ནི་རིན་པོ་ཆེའི་རིགས་ཀྱི་རྡོ་ཡིན་ལ། དེ་ལ་ཏ་ཡིག་བསྣན་པས་ནི་སྡེབ་སྦྱོར་དང་མཐུན་པའི་དོན་དུའོ། །འདི་ཆག་འགྱུར་དང་མཐུན་ཞིང་མཁས་པ་དག་ཀྱང་དེ་ལྟར་སྨྲའོ། །དེ་བས་ན་དེ་བཞིན་དུ་ཨུཏྤལ་ནི་རིན་ཆེན་འབྱུང་ལྡན་གྱི་དཀྱིལ་འཁོར་ཡིན་པར་མཁས་པས་བསྒོམ་ཞིང་ཤེས་པར་བྱའོ། །དེ་ཡང་དཔག་ཚད་ནས་བརྩམས་ཏེ་དཔག་ཚད་བྱེ་བའི་བར་གྱི་ཁྱོན་ཙམ་ཇི་ལྟར་འདོད་ཅིང་དགའ་བའི་དབང་དུ་དཀྱིལ་
འཁོར་བྱའོ། །མཆོད་རྟེན་དང་འདྲ་བས་ན་མཆོད་རྟེན་ཏེ་དཀྱིལ་འཁོར་རོ། །རིན་པོ་ཆེ་སྣ་བཞིའི་བདག་ཉིད་ཅན་གྱི་དཀྱིལ་འཁོར་ཡིན་པས་ན་རིན་ཆེན་སྣ་བཞི་པའོ། །གསལ་བ་ནི་ཤེལ་དང་འདྲ་བ་སྟེ་འདིས་ནི་ཁ་དོག་དཀར་པོ་ཡོངས་སུ་གཟུང་ངོ༌། །རང་བཞིན་དྲི་མ་མེད་ཅེས་བྱ་བ་ནི༌། ལེའུ་བཞི་པར་བཤད་པའི་དཀྱིལ་འཁོར་གྱི་དེ་ཁོ་ན་ཉིད་ཀྱི་བདག་ཉིད་ཅན་ཡིན་པས་སོ། །རིགས་རྣམས་ཏེ་རིགས་ལྔ་རྣམས་ཀྱི་གནས་དང་གཞིར་ཞེས་པ་འདི་གནས་སུ་བསྒོམ་ཞེས་པའི་གནས་དེ་ཡིན་ནོ། །གྱུར་པར་ཤེས་རབ་ཅན་ཏེ་གསང་བའི་དབང་བསྐུར་བ་ཤེས་པའི་རྣལ་འབྱོར་བས་མཆོད་པའི་ཕྱིར་ཏེ། གསང་བའི་དབང་བསྐུར་བའི་ཕྱིར་བསྒོམ་པར་བྱའོ་ཞེས་བྱ་བའི་བར་དུའོ། །དཔག་ཚད་བརྒྱ་ཡི་ཞེས་པ་ནས། གནས་སུ་བསྒོམ་ཞེས་པའི་བར་ཀྱིས་སྔར་ས་ཕྱོགས་སུ་བྱུག་ཅིང་དཀྱིལ་འཁོར་བྱའོ། ཞེས་པ་རྒྱས་པར་བཤད་ལ། བསམ་གཏན་གྱིས་དཀྱིལ་འཁོར་ཡང་བསྟན་ནོ། ༈ །དེ་ལྟར་བླ་མའི་བྱ་བ་དབང་བསྐུར་བའི་སྔོན་དུ་དཀྱིལ་འཁོར་གཉིས་བྱ་བ་བསྟན་པའི་འོག་ཏུ་གསང་བའི་དབང་བསྐུར་བ་ཐོབ་པ ར་འདོད་པའི་སློབ་མས་ལྷ་དང་བླ་མ་ལ་གང་ཞིག་བྱ་བ་དེ་བསྟན་པར་བྱ་བའི་ཕྱིར། འདོད་པའི་ཡོན་ཏན་ཞེས་བྱ་བ་ལ་སོགས་པ་གསུངས་ཏེ། འདོད་པའི་ཡོན་ཏན་ལྔ་ནི་གཟུགས་ལ་སོགས་པའི་ཡུལ་ལྔའོ། །འདོད་ཡོན་ལྔ་པོ་དེ་རྣམས་ཀྱིས་དེ་ལ་ཞེས་བྱ་བ་སྟེ།
རྟེན་གྱི་དཀྱིལ་འཁོར་ལ་བརྟེན་པར་གྱུར་བའི་ལྷ་རྣམས་དང༌། བླ་མ་ལ་མཆོད་པ་རྒྱ་མཚོ་སྟེ། མཆོད་པ་སྣ་ཚོགས་པའི་རྒྱ་མཚོ་བརྩམ་པར་བྱ་ཞིང་སྟེ། བརྩམ་བའི་བྱ་བ་ལ་འཇུག་པར་བྱའོ། །འདོད་པའི་ཡོན་ཏན་ལྔ་པོ་དེ་ཉིད་སྤྲོས་ཏེ་བསྟན་པར་བྱ་བའི་ཕྱིར། རིན་ཆེན་ཞེས་བྱ་བ་ལ་སོགས་པ་གསུངས་ཏེ། རིན་པོ་ཆེ་ནི་པདྨ་རཱ་ག་ལ་སོགས་པ་བདུན་ནོ་འོ་། ན་བཟའ་ནི་དར་དང་འདི་ལ་དར་ཆེན་:ཆག:དང་བ་དང༌། ཀ་ཤིའི་དར་ཞེས་ཀྱང་:པ་ཚབ:བསྒྱུར་རོ། །བ་ལ་སོགས་པ་སྟེ། མིག་གི་དབང་པོའི་ཡུལ་བསྟན་ནས། སོགས་པའི་སྒྲས་ནི་རྣ་བའི་དབང་པོ་ལ་སོགས་པ་དབང་པོ་ལྷག་མ་བཞི འི་ཡུལ་སྒྲ་སྙན་པ་དྲིན་ཞིམ་པ། རོ་ཞིམ་པ། རེག་བྱ་འཇམ་པ་རྣམས་སྟོན་པ་ཡིན་ནོ། །དེ་རྣམས་ཀྱིས་མཆོད་པ་དེ་དགོས་པ་ཅིའི་ཕྱིར་ཞེ་ན། བྱང་ཆུབ་འདོད་པས་ཏེ་དྲི་མའི་རྙོག་པ་ཐམས་ཅད་འཁྲུད་པས་ཡེ་ཤེས་སྐྱེད་པར་བྱེད་པའི་ཕྱིར་བྱང་ཆུབ་སྟེ། གསང་དབང་བསྐུར་བའོ། །དབང་དེ་འདོད་ཅིང་སྟེ། ཐོབ་པར་འདུན་པས་མཆོད་པར་བྱའོ། །རྟག་ཏུ་ཞེས་པ་ནི་ཇི་སྲིད་དུ་དབང་བསྐུར་བ་བརྩམས་ནས་ཡོངས་སུ་རྫོགས་ཀྱི་བར་དུ་ཉིན་རེ་ཞིང་མཆོད་ཅིང་མཉེས་པར་བྱའོ། །མཆོད་པ་རྣམ་པ་ལྔ་ནི་མེ་ཏོག་ལ་སོགས་པའོ། །དེས་མཆོད་པས་ན་མཆོད་པ་རྣམ་པ་ལྔའོ། །དེ་རྣམས་ཀྱི་མཆོག་ནི་དེ་དག་གི་ནང་ནས་ཤིན་ཏུ་ཕུལ་དུ་བྱུང་བས་སོ། །རྟག་ཏུ་ལྷ་རྣམས་དང་བླ་མ་མཉེས་པར་བྱའོ། ༈ །ལྷ་རྣམས་
དང་བླ་མའི་ཐུན་མོང་གི་མཆོད་པ་བསྟན་ནས། བླ་མའི་ཁྱད་པར་གྱི་མཆོད་པ་བསྟན་པའི་ཕྱིར། རིན་ཆེན་འབྱུང་གནས་ཞེས་བྱ་བ་ལ་སོགས་པ་གསུངས་ཏེ། རིན་ཆེན་ནི་འཁོར་བ་ཇི་སྲིད་པར་གནས་པ་འབྲས་བུའི་སྐབས་ཀྱི་མཆོག་ཏུ་ཟག་པ་མེད་པའི་བདེ་བ་ཆེན་པོ། །བདེ་ཆེན་དེ་སྐྱེད་པའི་ཞིང་དུ་གྱུར་པས་འབྱུང་གནས་སོ། །ན་ཆུང་ནི་ལང་ཚོ་མ་ཉམས་པའོ། །མཆོག་ནི་ཕྱག་རྒྱ་རིགས་བཞིའི་མཆོག །ཁབུད་མེད་ཀྱི་ཡོན་ཏན་ཐམས་ཅད་དང་ལྡན་པའི་ཕྱིར་རོ། །ཀཔདྨ་ཅན་ཏེ་ནོ་། རིན་ཆེན་སྣ་ཚོགས་མཆོག་གིས་བརྒྱན་ཞེས་བྱ་བ་ནི། རིན་པོ་ཆེ་དཔག་ཏུ་མེད་པ་ཐ་དད་པ་དུ་མ་དང་། ༡གོས་དང་དྲི་དང་བྱུག་པ་ལ་སོགས་པས་བརྒྱན་པ་སྟེ། དེ་ལྟ་བུའི་བུ་མོ་ཡིད་དུ་འོང་བའི་གཟུགས་ཅན་དབུལ་བར་བྱའོ། །དེ་འབུལ་བ་དགོས་པ་ཅིའི་ཕྱིར་ཞེ་ན། སྒྲུབ་ཚེ་རྒྱུད་དུ་སྒྲུབ་ཚེ་ཞེས་པའི་ཚེ་ནི་འགྱུར་གསར་གཉིས་ལ་མེད་དོ། །རབ་ཏུ་འགྲུབ་པའི་ཕྱིར་ཞེས་བྱ་བ་གསུངས་ཏེ། བསྒྲུབ་ཅིང་བསྐྱེད་པ་ཡིན་པས་ན་སྒྲུབ་པ་སྟེ་འབྲས་བུ་ཐ་མལ་པ་ཐུན་མོང་གི་དངོས་གྲུབ་བོ་འོ་། །རབ་ཏུ་འགྲུབ་པ་ནི་ཁྱད་པར་ཅན་འགྲུབ་པ་སྟེ། གང་ཡིན་ཞེ་ན། སངས་རྒྱས་ཉིད་དེ་འདི་འགྲུབ་པའི་ཕྱིར་ཞེས་པ་ནི་འགྲུབ་པའི་རྒྱུར་དབུལ་བར་བྱ་བའོ། །གང་ལ་དབུལ་ན། སངས་རྒྱས་ཀུན་ལ་དབུལ་བར་བྱ་ཞེས་བྱ་བ་ལ། སངས་རྒྱས་ཐམས་ཅན་ཀྱི་རང་བཞིན་ཡིན་པས།
བླ་མ་གཅིག་པུ་ལའང་སངས་རྒྱས་ཐམས་ཅད་ཀྱི་སྒྲས་རྣམ་པར་བརྗོད་དེ་དེ་ལ་དབུལ་ཞིང་རབ་ཏུ་བསྟབ་པར་བྱའོ། ༈ །ཡུལ་བླ་མ་ལ་ཁྱད་པར་ཅན་གྱི་རྫས་དབུལ་བར་བྱ་བ༡་ལ འི་དབུལ་བར་བྱ་བའི་ཆོས་ལ་:པ་ཚབ:་འདི་ཙམ་ཞིག་ཏུ་ཡོངས་སུ་ཆད་པ་མེད་པར་ཞེས་འབྱུང་ངོ༌། །དོན་དུ་ འདི་ཙམ་ཞིག་ཏུ་ཞེས་ཚད་ཡོངས་སུ་ཆད་པ་མེད་པར་བསྟན་པར་བྱ་བའི་ཕྱིར། ཞིང་འདིར་རིན་ཆེན་སྣ་བདུན་གྱིས་ཞེས་བྱ་བ་ལ་སོགས་པ་གསུངས་ཏེ། པདྨ་རཱ་ག་དང༌། །ཨིནྡྲ་ནཱི་ལ་དང༌། བཻཌཱུརྱ་དང༌། མ་རྒད་དང༌། །རྡོ་རྗེ་དང་མུ་ཏིག་དང་བྱུ་རུ་ཞེས་བྱ་བ་རིན་པོ་ཆེ་སྣ་བདུན་གྱིས་ཡོངས་སུ་བཀང་བའི་ཞིང་འདི་ཉིན་རེ་ཞིང་དབུལ་བར་བྱ་བའམ། །ཁབུད་མེད་སྟེ། བཙུན་མོ་རིན་པོ་ཆེ་དང་སྐྱེས་པ་སྟེ། ཁྱིམ་བདག་དང༌། ཡིད་བཞིན་ནོར་བུ་རིན་པོ་ཆེ་དང་འཁོར་ལོ་དང་རལ་གྲི་འཛིན་པའི་དམག་དཔོན་ཞེས་གྲགས་པ་བློན་པོ་རིན་པོ་ཆེ་ཡིན་གྱི། ཉེ་བའི་རིན་པོ་ཆེའི་རལ་གྲི་ནི་མ་ཡིན་ནོ། །དང་གླང་པོ་དང་རྟ་རིན་པོ་ཆེ་ཀཡང་ན། ག མཁས་པ་སྟེ་བསོད་ནམས་དང་ཡེ་ཤེས་ཀྱི་ཚོགས་གསོག་པ་ལ་མཁས་པས་ཉིན་རེ་ཞིང་དབུལ་བར་བྱའོ། །ཤེས་རབ་ཅན་ནི་རབ་ཀྱི་མཐར་ཐུག་པའི་ཞེས་པ་ལ་ཤེས་རབ་ཅན་ནི་རབ་ཏུ་གསལ་བའི་ཤེས་པ་དང་ལྡན་པའོ། །ཞེས་པ་ལྟར་
བྱའོ། །ཡེ་ཤེས་དང་ལྡན་ཞིང་ཡེ་ཤེས་འདོད་པས། བླ་མ་ལས་གཉིས་སུ་མེད་པའི་ཡེ་ཤེས་སོ་སོར་རྟོགས་པར་བྱ་བར་འདོད་ཅིང༌། བླ་མ་དེའི་མན་ངག་གིས་ཕྱག་རྒྱ་ཆེན་པོའི་དངོས་གྲུབ་སྒྲུབ་པར་འདོད་པའི་ཤེས་རབ་ཅན་གྱིས་དབུལ་བར་བྱ འོ་ཞིང༌་། དངོས་སུ་འབུལ་རྒྱུ་མེད་ན་བསམ་གཏན་གྱིས་ཏེ། བསྒོམས་ནས་ཀྱང་རྒྱལ་སྲིད་སྣ་བདུན་པོ་ཐམས་ཅད་བསྐྱེད་ནས་དབུལ་པ་པར་བྱའོ་ཞེས་པའོ། །འདི་ནི་མཆོད་པ་གཞན་ལའང་འདྲ་བས་ན་ཆུང་གིས་མཆོད་པར་གསུངས་པ་ལའང་བསམ་གཏན་གྱིས་ཀྱང་བསྐྱེད་ནས་བླ་མ་སོགས་ལ་ཕུལ་ན། རྒྱུ་མཐུན་གྱི་འབྲས་བུའི་གནད་ཀྱིས་ཁྱད་པར་ཤིན་ཏུ་ཆེའོ། ༈ །དེ་ལྟར་སློབ་མས་མཆོད་པའི་ཡོ་བྱད་ཐམས་ཅད་བསྟབས་ནས་ཏེ་བསྟབས་བ་ལ། བླ་མས་ཅི་ཞིག་བྱ་ཞེ་ན། བདག་པོའི་ཕྱག་རྒྱར་ཞེས་བྱ་བ་ལ་སོགས་པ་གསུངས་ཏེ། སྔར་རིགས་སོ་སོ་བའི་དཀྱིལ་འཁོར་ཇི་ལྟར་བཤད་པ་དེ་ལྟར་རང་གི་རིགས་ཀྱི་དཀྱིལ་འཁོར་གྱི་བདག་པོའི་ཕྱག་རྒྱ་ཆེན་པོ་གང་ཡིན་པ་དེར་མཉམ་པར་བཞག་ནས་ཏེ། དཀྱིལ་འཁོར་གྱི་གཙོ་བོའི་ང་རྒྱལ་འཛིན་པའི་དཀྱིལ་འཁོར་གྱི་སློབ་དཔོན་གྱིས་སློབ་མས་ཕུལ་བའི་ན་ཆུང་ལ་སོགས་པ་བླང་བར་བྱའོ། །སངས་རྒྱས་དཀྱིལ་འཁོར་དབུས་དག་ཏུ། ཞེས་པ་ནི། དེ་བཞིན་གཤེགས་པའི་ལྷའི་འཁོར་ལོའི་དབུས་སུ་རེག་པའི་བདེ་བ་དབུལ་ཞེས་སྦྱར་རོ་འོ་། །འདོད་ཆགས་ནི་བདེ་བ་ཆེན་པོའོ། །གང་ཟག་གང་གི་བློ་བདེ་བ་ཆེན་པོ་དེར་འཇུག་པ་དེ་དང་ལྡན་པ་ནི་འདོད་ཆགས་བློ་ཅན་ཏེ། འདོད་ཆགས་ཀྱི་བློ་ཅན་དེ་རྣམས་ཀྱི་སངས་རྒྱས་ཏེ་དེ་བཞིན་གཤེགས་པ་རྣམས་ལ་རེག་པའི་
སྦྱོར་བ་སྟེ། རིག་མ་རེག་རྡོ་རྗེ ར་བསྐྱེད་པ་དང༌། མཉམ་པར་སྦྱར་བ་ལས་བྱུང་བའི་བདེ་བ་དབུལ་བར་བྱའོ། ༈ །དཀྱིལ་འཁོར་གྱི་གཙོ་བོའི་ང་རྒྱལ་གྱིས་ཡུམ་དང་སྦྱར་བའི་བདེ་བ་དབུལ་བའི་གཙོ་བོར་སྐྱེད་ལུགས་དེ་ཡང་ཇི་ལྟར་ཞེ་ན། ནམ་མཁའི་དབྱིངས་ཀྱི་ཞེས་བྱ་བ་ལས་སོགས་པ་གསུངས་ཏེ། གཙོ་བོར་བསྐྱེད་ཚུལ་ནི་ནམ་མཁའི་དབྱིངས་ནི་ནམ་མཁའ་སྟོང་པ་ཉིད་དེ། ཡེ་ཤེས་ཀྱི་ས་བསྐྱེད་པའོ་སྟེ་། སྟོང་པ་ཉིད་དེའི་དབུས་ན་གནས་པར། རྟེན་གྱི་དཀྱིལ་འཁོར་དང༌། དེར་ལྷག་མོས་ཀྱི་ལྷ་བཀོད་པ་བསྒོམ་པར་བྱ་ཞིང་བསམ་པར་བྱའོ། །དེ་ལྟར་ལྷག་མོས་ཀྱི་རྟེན་དང་བརྟེན་པའི་དཀྱིལ་འཁོར་བསམས་ནས་དེ་ནས་ཅི་ཞིག་བྱ་སྙམ་ན། །ལྷག་མོས་ཀྱི་ལྷ་རྣམས་རང་ལ་བསྡུས་ཏེ། འོད་གསལ་དུ་གགཟུགས་ཀྱི་ཕུང་པོ་ལ་སོགས་པའི་ངོ་བོ ར་གྱུར་པའི་རྣམ་པར་སྣང་མཛད་ལ་སོགས་པའི་ལུས་དཀྱིལ་འགོད་པའོ། །ཁའོད་གསལ་དུ་གཞུག་པ་དེ་ཅིའི་ཕྱིར་བྱེད་ཅེ་ན། ཡེ་ཤེས་ཀྱི་རང་བཞིན་གྱི་སྐུ་མངོན་བྱང་ལྔས་རྡོ་རྗེ་འཆང་དུ་བསྐྱེད་པ་སྤྲུལ་སྐུར་བསྒྱུར་བ་ལ་སྤྲུལ་པའི་སྐུ་འཛིན་པར་བྱ་བའི་ཕྱིར་རོ། །ཀགཞུག་པར་བྱའོ། །ཅ ལྷག་མོས་འོད་གསལ་དུ་བཅུག་པ་དེ་ནས་བདག་གི་ལུས་མངོན་བྱང་རྣམས་ལས་རྡོ་རྗེ་འཆང་ཆེན་པོའི་ངོ་བོ་ཉིད་ཀྱི་བདག་ཉིད་ཀྱི་ལུས་སུ་བསྐྱེད་པ་སྤྲུལ་སྐུར་བསྒྱུར་བ་དེ་དེ་བཞིན་གཤེགས་པ་སྟེ། རྣམ་པར་སྣང་མཛད་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་ཕྲ་རབ་ལས་བསྒྲུབས་པར་ཡོངས་སུ་བསྐྱེད་པར་བྱས་
ལ། ཤིན་ཏུ་རྣལ་འབྱོར་གྱི་བར་དུ་བསྐྱེད་པ་འདི་ཙམ་གྱིས་ཀྱང་མཆོག་གིས། དཀྱིལ་འཁོར་རྒྱལ་མཆོག་ཚང་བར་བསྐྱེད་པའི་གཙོ་བོ་གང་ཡིན་དེའི་ང་རྒྱལ་འཛིན་པའི་བླ་མ་ལ་བདེ་བ་དབུལ་ཞེས་པའི་དོན་ནོ། །འདིར་རྡོ་རྗེ་འཆང་དུ་བསྐྱེད་བར་གསུངས་པ་ནི་རིགས་ལྷག་མ་ལྔ་ཡང་མཚོན་པ་ཙམ་སྟེ་སྔར་བཤད་ཟིན་ཏོ། །སྟེ་བྱས་པའི་བླ་མ་ལ་ཞེས་སྦྱར་རོ། །བླ་མ་ལ་བཤང་པ་སྟེ་ཡུལ་དང༌། གཅི་བ་སྟེ་དབང་པོ་ཡིན་པས་ན། རིག་མའི་གཟུགས་ལ་སོགས་པའི་ཡུལ་དང་དབང་པོ་རྣམས་ཀྱིས་ཏེ། དེའི་ལུས་ཀྱིས་བླ་མ་ལ་མཆོད་ཅིང་རྗེད་པས་ཚིམ་པར་བྱའོ། །རིག་མའི་མཆོད་པ་དེ་ཉིད་ནི་བཞིན་བཟང་ཞེས་བྱ་བ་ལ་སོགས་པས་སྟོན་ཏེ། བཞིན་བཟང་ཞེས་པ་ནི་དགའ་བས་སེམས་རབ་ཏུ་དང་བའི་ཡིད་ཚིམ་པར་བྱེད་པའི་ཕྱིར་ཏེ་ཡིད་དུ་འོང་བའོ། །ན་ཆུང་ནི་སློབ་མས་བསྟབས་པའོ། །བྱིན་གྱིས་བརླབས་ཀྱི་གནས་བསམས་ཏེ། ལུས་ལ་ལྷག་པར་གནས་པར་བྱེད་པས་ན་བྱིན་གྱིས་རློབ་པ་སྟེ་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་གནས་ནི་ཡི་གེ་ༀ་ལ་སོགས་པའི་ས་བོན་རྣམས་ཏེ། དེ་རྣམས་ཕྱག་རྒྱའི་ལུས་ལ་སྔར་བཤད་པ་ལྟར་གནས་ཇི་ལྟ་བ་བཞིན་དུ་བསམ་ཞིང་རྣམ་པར་དགོད་པས། རིགས་ལྔས་བྱིན་གྱིས་བརླབ་པ་བྱས་ལ་སངས་རྒྱས་མཆོད་པ་སྟེ། དེ་ཁོ་ན་ཉིད་ཀྱི་མཆོད་པ་སྙོམས་པར་འཇུག་པའི་
མཚན་ཉིད་ཅན་རབ་ཏུ་བརྟག་ཅིང་ལྟ་ཚུལ་དེ་ལ་ལྷག་:ཆག:པར་གནས་པར་བྱའོ། །བྱིན་གྱིས་བརླབ་པར་བྱའོ། །འདི་ཉིད་ནི་ཕྱིའི་མཆོད་པ་ལ་ལྟོས་ནས་དེ་ཁོ་ན་ཉིད་ཀྱི་མཆོད་པ་ཞེས་བྱ་སྟེ། ཆགས་པ་མཆེད་པ་དང༌། ཆགས་པ་དང་བྲལ་བ་སྣང་བ་དང༌། ཆགས་པ་བར་མ ཉར་ཐོབ་ཀྱི་འི་རིམ་གྱིས་ཉོན་མོངས་པ་རྣམ་པར་དག་པ ར་བྱེད་པའི་གནས་འོད་གསལ་མངོན་སུམ་དུ་བྱེད་པའི་ཕྱིར་རོ། ༈ །[ ཆག་གིས། མིག་ཡངས་ཁུ་བ་བླངས་ནས་ནི། ཞེས་པ་ལ་སྙོམས་པར་འཇུག་པའི་མཆོད་པའི་འོག་ཏུ། མིག་ཡངས་ནི་བུད་མེད་ཏེ་ཁུ་བ་བླངས་ནས་ནི། ཕྱག་རྒྱའི་པདྨ་ལ་གནས་པའི་བྱང་ཆུབ་ཀྱི་སེམས་བླངས་ནས། བྱང་ཆུབ་ལས་མི་གཡོ་བའི་བསམ་པ་དང་ལྡན་པའི་ཕྱིར། བརྟན་པའི་བློ་དང་ལྡན་པ་སྟེ། རྡོ་རྗེ་སློབ་མས་བླ་མས་བྱོན་པ་འདིས་རང་གི་ལུས་ལ་གནས་པའི་དེ་བཞིན་གཤེགས་པ་ཐམས་ཅད་ཚིམ་པར་བྱའོ། ཞེས་བསམས་ནས་བཟའ་ཞིང་སྤྱད་པར་བྱའོ། །ཞེས་བསྒྱུར་བ་འདི་ཉིད་བདེའོ། །སྙོམས་པར་ཞུགས་པའི་པདྨ་ལ་གནས་པའི་བྱང་ཆུབ་ཀྱི་སེམས་ནི། པདྨ་ལ་གནས་པའི་བླ་མའི་རྡོ་རྗེའི་བྱང་ཆུབ་ཀྱི་སེམས་དང༌། ཡུམ་གྱི་བྱང་ཆུབ་ཀྱི་སེམས་གཉིས་ཀ་དགོས་པས། ཡབ་དང་ཡུམ་ལས་ཐོབ་པའི་གསང་དབང་གཉིས་བསྐུར་བ་ཤེས་པར་བྱའོ། །མིག་བཟང་སྟེ་བུད་མེད་ཀྱི་ཕྱག་རྒྱའོ། །བརྟན་པའི་བློ་ལྡན་པ་སྟེ་བྱང་ཆུབ་ལས་མི་གཡོ་བའི་བསམ་པས་ཁུ་བ་བླངས་ནས་ཏེ། སྙོམས་པར་འཇུག་པའི་མཆོད་པའི་འོག་ཏུ་པདྨ་ལ་གནས་པའི་བྱང་ཆུབ་ཀྱི་སེམས་བླངས་ལ་བཟའ་བར་བྱ་སྟེ། སློབ་མ་ལ་བླ་མས་བྱིན་པ་འདིས་རང་གི་
ལུས་ལ་གནས་པའི་དེ་བཞིན་གཤེགས་པ་ཐམས་ཅད་ཚིམ་པར་བྱའོ་ཞེས་བསམས་ནས་བཟའ་བར་བྱ་ཞིང་སྤྱད་པར་བྱའོ། ༈ །བླ་མས་ཀྱང་ཡབ་ཡུམ་གྱི་བྱང་ཆུབ་ཀྱི་སེམས་ཕྱུང་བ་དུང་ཕོར་ལ་སོགས་པར་བཞག་ལ། དྲི་བཟང་པོ འི་ཆུ་དང་བསྲེས་ལ་བཀྲ་ཤིས་ཀྱི་ཚིགས་སུ་བཅད་པ་ལ་སོགས་པ་སྔོན་དུ་འགྲོ་བས་སྤྱི་བོར་གཏོར་ཞིང་འཐུང་དུ་གཞུག་ལ་སློབ་མ་དབང་བསྐུར་བར་བྱ་སྟེ། བཅོམ་ལྡན་འདས་ཀྱིས་ཇི་སྐད་དུ་ཟླ་གསང་ཐིག་ལེ་ལས། ཁབྱང་ཆུབ་སེམས་ནི་ཀརིན་ཆེན་འབར་བ་ཞེས་པའི། །རྡོ་རྗེ་དང་པདྨའི་ནང་ནས་ཕྱུང་བས། །མ་ལུས་རྒྱལ་བ་རྣམས་ནི་སེམས་ཅན་རྣམས་སོ། །དེ་རྣམས་ཀྱི་ལུས་སྐམས་པ་ནི་བདེ་བའི་རླན་དང་བྲལ་བའོ་ལ་། །རྣམ་པར་དག་པའི་རྡོ་རྗེ་ནི། ཐ་མལ་པ་སྦྱངས་ནས་རྡོ་རྗེར་བསྐྱེད་པ་སྟེ། དེས་པདྨ་ཡང་མཚོན་ནོ། །དེ་དག་ལས་བྱུང་བའི་ཡེ་ཤེས་ཀྱི་ཆུ། །ནི་ཁམས་དཀར་དམར་རོ། །དྲི་མ་མེད་པ་ནི་ཡི་གེ་གསུམ་གྱིས་བསྔགས་ནས་སྦྱངས་བ་སོགས་བྱས་པ་དེས་སློབ་མའི་རིན་ཆེན་ནི་བྱང་ཆུབ་ཀྱི་སེམས་སོ། །༣སྤྱི་བོ ར་དབབ་པ་བྱས་ནས་དབང་བསྐུར་རོ། ཞེས་གསུངས་སོ། །རྒྱུད་ཕྱི་མའི་འགྲེལ་པ་ལས། མིག་ཡངས་སྔགས་ཀྱི་སྣོད་དུ་རུང༌། མེ་ཏོག་བཅས་ཤིང་ས་བོན་འབྱུང༌། །བླངས་ནས་གསང་བའི་དབང་བསྐུར་བ། སྔགས་པས་སློབ་མ་དག་ལ་སྦྱིན། །ནམ་མཁའི་དབྱིངས་ཀྱི་དབུས་གནས་པར། དྲི་ཆུ་རྐང་དང་ཡང་དག་ལྡན། །ཞེས་
པའི་རྐང་པ་དྲུག་གིས། བྱང་ཆུབ་སེམས་ནི་ཞེས་སོགས་ཀྱིས་བསྟན་པའི་གསང་དབང་བསྟན་པར་བཤད་དེ། །སློབ་དཔོན་གྱི་རྡོ་རྗེ་ཡུམ་གྱི་པདྨའི་ནམ་མཁའི་ཁམས་སུ་འཕྲད་པ་ལས་བྱུང་བའི་དྲི་ཆུ་དང་རྐང་སྟེ། ས་བོན་ཀུནྟ་ལྟ་བུ་གཉིས་ལ། ཡང་དག་ལྡན་ཞེས་པ་བདུད་རྩི་ཕྱི་མ་གསུམ་སྦྱར་བས་སྤྱི་བོར་གཏོར་ཞིང་འཐུང་དུ་གཞུག་པའོ། །རྡོ་རྗེ་པདྨའི་སྦྱོར་བ་ཡིས། རྡོ་རྗེ་ཅན་ཀུན་ཡང་དག་བསྡུ། །སྐུ་གསུང་ཐུགས་ཀྱི་རྡོ་རྗེ་ཡིས། དེ་དག་ཐམས་ཅད་སྙིང་གར་བསྡུ། རྡོ་རྗེའི་ལམ་ནས་ཕྱུག་ནས་སུ། །སློབ་མའི་ཁར་ནི་དབབ་པར་བྱ། །འདི་ནི་གསང་སྔགས་དེ་ཀུན་གྱི། དབང་བསྐུར་བ་ཡི་གོ་འཕང་མཆོག །ཅེས་པའི་ཚིགས་བཅད་གཉིས་ཀྱིས། གསང་དབང་མཆོག་བསྐུར་བ་སྟོན་པར་འགྲེལ་པར་བཤད་དོ། །ཡང་འགྲེལ་པར་ཟླ་གསང་ཐིག་ལེ་ལས། རྡོ་རྗེ་པདྨོ་ལས་དྲངས་པ། སྤོམ་པོ་དང་ནི་དབང་གིས་བླངས༌། རྡོ་རྗེ་རྐན་དུ་བཞག་པར་བྱ། ཞེས་དང༌། དེ་ནི་གསང་བ་ཞེས་བྱ་སྟེ། དབང་བསྐུར་བ་ཡི་ཐབས་མཆོག་གོ །རྡོ་རྗེ་སློབ་དཔོན་བདག་ཉིད་ཆེ། རང་གི་ཁར་ནི་རྡོ་རྗེ་བཞག །སེམས་དཔའ་ཆེན་པོས་དྲངས་བྱས་ན། སེམས་ཀྱི་བྱང་ཆུབ་བདེ་བ་ཐོབ། འདི་ནི་མཆོག་ཏུ་གསང་བ་སྟེ། ཞེས་པ་རྣམས་གསང་དབང་ཕྱི་མའི་ཤེས་བྱེད་དུ་དྲངས་སོ། དེའི་རྐང་པ་དང་པོས་གསང་རྫས་སོ་སོ་བ་གཉིས་བསྟན། སྦོམ་པོ་ནི་མཐེ་བོང་ངོ། །དབང་ནི་རྡོ་རྗེ་མཁའ་འགྲོ་ལས། དབང་དུ་བྱ་བ་སྲིན་ལག་གསུངས། ཞེས་གསུངས་པ་ལྟར་སྲིན་ལག་སྟེ། དེ་གཉིས་ཀྱིས་བླངས་པའི་རྡོ་རྗེ་དང་པདྨའི་ཐིག་ལེ་ལྕེ་དང་རྐན་དུ་འཇོག་པའོ། །དེ་ནི་མཆོག་གི་གསང་དབང་ངོ༌། །སློབ་དཔོན་རང་གི་རྡོ་རྗེ་སློབ་མའི་ཁར་བཞག་པ་དེས་དྲངས་ནས་འཐུང་བ་ལས་བྱང་སེམས་ཀྱི་བདེ་བ་ཐོབ་པ་
ནི་མཆོག་ཏུ་སྟེ། ཤིན་ཏུ་གསང་པའི་གསང་དབང་དུ་བཤད་པའི་ཚུལ་གསུམ་མོ། བྱང་ཆུབ་སེམས་ནི་ཞེས་སོགས་ཀྱིས་བསྟན་པའི་གསང་དབང་འདི། །གསང་བ་གྲུབ་པ་དང༌། རིམ་ལྔ་དང་སྤྱོད་བསྡུས་ཀྱིའང་དགོངས་པའོ། །གསང་དབང་འདི་སྐལ་ངན་དང་གསང་དབང་བར་མ་སྐལ་བཟང་གི་དབང་དུ་བྱས་པ་མིན་ཏེ། སྔ་མ་བསྐུར་བ་དེ་ཉིད་ལ་ཕྱི་མ་འདི་བྱེད་པར་གསང་བ་གྲུབ་པ་ལས་གསུངས་པའི་ཕྱིར། ༈ །གསང་དབང་བསྐུར་བའི་ཕན་ཡོན་སྟོན་པ་ནི་འདི་ནི་ཞེས་བྱ་བ་ནི་གང་བཤད་མ་ཐག་པའི་མཆོད་པ་བསྟན་པས། གསང་བའི་དབང་བསྐུར་བ་སྟེ། དབང་དེ་ནི་སྔགས་རྣམས་ཐམས་ཅད་ཏེ། དེ་བཞིན་གཤེགས་པ་ཐམས་ཅད་དང་འབྲེལ་བར་གྱུར་པ་སྟེ། དེ་རྣམས་ཀྱིས་གསུངས་པ། །སྐུ་གསུང་ཐུགས་ཀྱི་མཆོད་པ་སྟེ་ཞེས་བྱ་བ་ནི། མི་འཇིག་པ་སྟེ། རྡོ་རྗེ འི་སྐུ་དང་གསུང་དང་ཐུགས་དབང་འདིས་སྐྱེད་པས་སོ། །ཡེ་དགྲ་ནག་ལས་ཀྱང། བཏུང་བ་རིན་ཆེན་འདི་ཡིས་ནི། །རྡོ་རྗེའི་ལུས་ནི་རབ་ཏུ་བསྒྲུབ། །ཅེས་གསུངས་སོ། །ཤེས་རྡོ་རྗེ་ཅན་ནི་སློབ་བཞིན་པའི་རྣལ་འབྱོར་པ་རྣམས་ཀྱིའོ། །གསང་བ་ནི་བྱ་བའི་རྒྱུད་ལ་སོགས་པ་རྒྱུད་སྡེ་འོག་མ་གསུམ་ལ་ཞུགས་པ་རྣམས་ལ་གསང་བ་ཡིན་པས་སོ། །སྔགས་ཀྱི་དངོས་གྲུབ་བྱེད་པ་ཞེས་པ་ལ། །སྔགས་ནི་འཇིག་རྟེན་པའི་དངོས་གྲུབ་རབ་ཏུ་སྟེར་བར་བྱེད་པ་སྟེ། ཨཱ་ལི་དང་ཀཱ་ལི་ལས་བྱུང་བ་སྟེ། སྦྲུལ་ཞེས་བྱ་བ་ལ་སོགས་པ་སྔགས་རིགས་
བཞི་ནི་སྔགས་སོ། །དེ་རྣམས་ཀྱི་དངོས་གྲུབ་ནི་མ་ཚང་བ་མེད་པ་འཇིག་རྟེན་པའི་དངོས་གྲུབ་སྐྱེད་པའོ། །ཐུན་མོང་གི་དངོས་གྲུབ་དེ་ཡང་དབང་བསྐུར་བ་འདིས་འགྲུབ་པར་བྱེད་པས་ན་སྔགས་རྣམས་དངོས་གྲུབ་བྱེད་པ་སྟེ། སྒྲ་ཇི་བཞིན་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བརྒྱད་པ་མཐའ་དྲུག་གིས་བཤད་པའོ། ༈ ། །།གསང་དབང་གིས་མཚོན་པའི་དབང་བསྐུར་བ་རྫོགས་པའི་སྒྲུབ་པ་པོས་སྲོག་གཅོད་སོགས་སྤོང་བས་བྱང་ཆུབ་སྒྲུབ་པར་མ་ཟད་རྨད་དུ་བྱུང་བ་སྟེ། མི་སྲིད་པ་ལྟར་སྣང་བའི་སྲོག་གཅོད་པ་སོགས་ཀྱི་འི་བྱ་བས་ཀྱང་བྱང་ཆུབ་བསྒྲུབ་པར་བྱའོ་ཞེས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ༈ །དེ་ནས་ཞེས་བྱ་བ་ནི་གསང་བའི་དབང་བསྐུར་བའི་འོག་ཏུའོ། །རྒྱལ་པོ་དང་རྡོ་རྗེ་འཛིན་ནི་སྔར་བཤད་དོ། །ཐམས་ཅད་ནམ་མཁའ་ཞེས་པ་ནི། སངས་རྒྱས་ཀྱི་སར་སྟོང་པ་བཞི་ལུགས་མཐུན་དུ་འགྲོ་བ་དང་ལུགས་བཟློག་ཏུ་འོང་བ་མེད་པར་འདི་ཉིད་ཀྱི་འོག་ནས་འཆད་པས། ནམ་མཁའ་སྟེ། སྟོང་པ་བཞི་ནི་སློབ་པའི་སྐབས་སུ་སྟོང་པ་སྔ་མ་གསུམ་སྔ་མ་ཕྱི་མ་ལ་ཐིམ་པའི་སྒོ་ནས་འོད་གསལ་དུ་ཞུགས་པའོ་འོད་གསལ་གྱི་ཡེ་ཤེས་ཀྱི་རྒྱུན་མི་སློབ་པའི་ས་ན་ཡོད་པ་དེ འི་བདག་ཉིད་ཅན་གྱིས་ན་ཐམས་ཅད་ནམ་མཁའ་སྟེ་བཅོམ་ལྡན་འདས་སོ། །འོད་གསལ་དེ འི་ངོ་བོ་ཡིན་པ་ཉིད་ཀྱིས་ན་མི་འགྱུར་ཆེའོ། །ཐམས་ཅད་དབང་བསྐུར་ཞེས་བྱ་