གསོལ་འདེབས་དད་པའི་འཁྲི་ཤིང༔

ཨེ་མ་ཧོ༔ སྟོང་གསུམ་མི་མཇེད་ཞིང་གི་སྟོན་པ་མཆོག༔ བཅོམ་ལྡན་ཐུབ་དབང་འདྲེན་པ་ཤཱཀྱ་ཐུབ༔ དེ་ཉིད་སྔགས་ཀྱི་འགྲོ་དོན་གདུལ་བྱར་གཟིགས༔ སྣང་མཐའི་ཐུགས་ཀའི་ཧྲཱིཿའཕྲོས་མཚོ་སྐྱེས་རྗེ༔ ཡང་སྤྲུལ་འཕགས་པ་མཁྱེན་རབ་འཇམ་པའི་དབྱངས༔ སྙིང་རྗེའི་མངའ་བདག་ཁ་སར་པ་ཎི་དང༔ བརྟུལ་ཞུགས་རྨད་བྱུང་གསང་བདག་རྡོ་རྗེ་འཛིན༔ དེ་རྣམས་དོན་ལ་རྩ་བའི་བླ་མར་འདུས༔ སྒོ་གསུམ་གུས་པས་སྙིང་ནས་གསོལ་བ་འདེབས༔ བདག་གི་རྒྱུད་ལ་སྐུ་བཞིའི་ས་བོན་སྩོལ༔ རིག་འཛིན་རྣམ་བཞིའི་གྲལ་དུ་སྨིན་ནས་ཀྱང༔ རྡོ་རྗེ་འཆང་དབང་ཚེ་འདིར་མངོན་གྱུར་ཤོག༔ ཅེས་པའི་གསོལ་འདེབས་འདི་རང་བབས་ཀྱིས་བྲིས་ཤིང་རིགས་ཀྱི་མིང་ཅན་བཙུན་པ་རལ་བའི་ཅོད་པཎ་ཅན་ལ་བསྩལ་བ་གནས་སྐབས་དང་མཐར་ཐུག་ཏུ་གནས་ཤིང་བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག༔