བཞི་པ། སྤོགས་པའི་ལེའུ།
དེ་ལྟར་དུ་བསྒྲུབས་ཀྱང་རྟགས་མ་བྱུང་ན། དོན་བཞི་པ་སྤོགས་པའི་ཆོ་ག་ནི། རང་ཉིད་དབྱངས་ཅན་མ་བསྒོམ་ཞིང་མདུན་དུ་འཇམ་དཔལ་བསྒོམས་ཏེ་རང་གི་སྣ་བུག་གཡོན་ནས་མདུན་གྱི་གཡས་སུ་ཞུགས་ཏེ་འཁོར་བར་བསམ་ཞིང་། འོད་ཀྱི་ཕྲེང་བ་ཡང་སྔ་མ་ལས་ལྡོག་པའི་ཚུལ་དུ་བྱས་ལ། ༀ་དྷཱིཿཧྲཱིཿམ་མེ་དཱི་པ་མཉྫུ་ཤྲཱི་མཱུྃ་ཧྲཱིཿཔྲཛྙཱ་བརྡྷ་ནི་དྷཱིཿཧྲཱིཿསྭཱ་ཧཱ། ཞེས་བཟླས་ཏེ་སྤྲོ་བསྡུ་སྔ་མ་བཞིན་བྱས་ལ། འཁོར་ལོའི་ཡི་གེ་དང་རལ་གྲི་ཐུར་དུ་འཕྱང་བ་ལ་སེམས་བཟུང་ལ་བཟླས་པས་སྔར་གྱི་རྟགས་མི་འབྱུང་མི་(༢༥)སྲིད་དོ། །རྟགས་བྱུང་བ་དང་སྔ་མ་བཞིན་བསྒོམ་མོ། །སྤོགས་པའི་ལེའུ་སྟེ་བཞི་པའོ།། །།