གཞན་རྗེས་སུ་འཛིན་པ་བཟོ་དང་གསོ་བ་རིག་པ་སོགས་ལུང་བརྒྱུད་སྣ་ཚོགས།
གཉིས་པ་གཞན་དག་རྗེས་སུ་འཛིན་པ་ལ་བཟོ་དང་གསོ་བ་གཉིས། དང་པོ་བཟོ་རིག་པ་ནི་ཀུན་ཤེས་ལས། བཟོ་ལ་ལུས་བཟོ་ངག་བཟོ་ཡིད་བཟོ་གསུམ། །ཞེས་སྒྲ་ཡངས་པའི་དབང་དུ་བྱས་ན། རིག་པའི་གནས་ཕལ་ཆེར་བཟོ་རིག་པའི་ཁོངས་སུ་འདུ་ཞིང་། བྱེ་བྲག་པ་ཤཱ་རིའི་བུས་ཞུས་པ་དང་བདེ་མཆོག་སྡོམ་འབྱུང་ལས་གསུང་པས་མཚོན་མདོ་རྒྱུད་ལས་ཉེ་བར་བྱུང་བའི་སངས་རྒྱས་བྱང་སེམས་ཁྲོ་བོ་སོགས་ཀྱི་སྐུའི་ཐིག་རྩ་ཐམས་ཅད་མཁྱེན་པ་བུ་སྟོན་ཞབས་ཀྱིས་མཛད་པ་དང་། དེའི་གསལ་བྱེད་དུ་གྱུར་པ་དབྱངས་ཅན་མས་
རྗེས་སུ་བཟུང་བ་རྟ་ནག་རི་མཁར་བ་དཔལ་ལྡན་བློ་གྲོས་བཟང་པོས་མཛད་པའི་ཡི་གེའི་སྟེང་ནས་ཐིག་རྩའི་རིམ་པ་ཞིབ་མོར་ནོས་པའི་བརྒྱུད་པ་ནི། སྨན་བླ་དོན་གྲུབ་པ། སྐུ་མདུན་འཇམ་དཔལ་དབྱངས། སྡོམ་བརྩོན་བློ་བཟང་རྒྱ་མཚོ། མཁས་མཆོག་ཡོན་ཏན་རྒྱ་མཚོ། དཔྱོད་ལྡན་ཆུ་བཟང་སྤྲུལ་སྐུ། རིགས་འཛིན་ཆེན་པོ་གཞོན་ནུ་དོན་གྲུབ། ཤེས་བྱ་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །རྒྱ་དཀར་ནག་གི་བཟོ་བོས་བསྐྲུན་པའི་སངས་རྒྱས་བྱང་སེམས་ཀྱི་སྐུ་བརྙན། རོལ་མོ། དཀར་ཡོལ། གོས་དར། གོ་མཚོན། རྟ་སོགས་དངོས་སྤྱད་ཀྱི་རིགས་རྣམས་བརྟག་ཐབས་ཀྱི་བསྟན་བཅོས་སྔོན་གྱི་ཡི་གེ་རྙིང་པའི་རིགས་དང་ཁྱད་པར་གྲུམ་སྟོད་ལྷ་ས་པཎ་ཆེན་དང་བྱ་བཀྲ་ཤིས་དར་རྒྱས་ཀྱི་མཛད་པའི་ཡི་གེ་དང་དངོས་པོ་རྣམས་ངོ་འཕྲོས་པར་ཞིབ་ཏུ་བསྟར་བའི་བརྒྱུད་པ་ནི། སྡེ་པ་ལྷ་ས་རྫོང་པ་པཎ་ཆེན། མཚོ་སྒོ་བ་གྲགས་པ་རྡོ་རྗེ། པཎྜི་ཏ་ཆེན་པོ་སྨོན་འགྲོ་བ་ཚེ་དབང་དོན་གྲུབ། སྤྲུལ་སྐུ་མདོ་སྔགས་གླིང་པ། དཔྱོད་ལྡན་གཟུག་པོ་བ་གཞོན་ནུ་སྐལ་བཟང་དེས་བདག་ལའོ། །ཡང་རྒྱ་དཀར་ནག་གི་རྟེན་བརྟག་པའི་བརྒྱུད་ལུགས་གཅིག་ནི། ཀུན་མཁྱེན་ཚེ་དབང་དོན་གྲུབ་ནས། པཎ་ཆེན་འཇམ་དབྱངས་དབང་རྒྱལ་རྡོ་རྗེ། དེས་བདག་ལའོ། །གཉིས་པ་གསོ་བ་རིག་པའི་སྐོར་ལ། མཁས་མཆོག་དཔའ་བོས་མཛད་པའི་ཡན་ལག་བརྒྱད་པ་དང་སོ་མ་ར་ཙ་སོགས་རྒྱ་དཀར་ནག་གི་གཙུག་ལག་མང་དུ་སྣང་བ་ནི་ཁོ་བོས་སྤྱོད་ཡུལ་དུ་མ་གྱུར་ཞིང་། དེང་སང་ལག་ལེན་ཕལ་ཆེར་དཔལ་ལྡན་རྒྱུད་བཞི་དང་བདུད་རྩི་བུམ་པ་སོགས་རྙིང་མ་བཀའ་གཏེར་ནས་བྱུང་བ་
ཤས་ཆེ་བས་ཡིག་ཆའི་གྲངས་དང་ལུང་རྒྱུན་སོགས་གསང་སྔགས་སྔགས་འགྱུར་གྱི་སོ་སོའི་སྐབས་གང་བབས་སུ་བྲིས་ཤིང་རྩ་བཤད་ཕྱི་གསུམ་གྱི་བཤད་པ་ས་གཅད། རྡེལ་འགྲེམ། ཕྱག་ལེན་ངོ་སྤྲོད་ཐོབ་པའི་བརྒྱུད་པ་ནི། སྟོན་པ་སྨན་གྱི་བླ། དྲང་སྲོང་རིག་པའི་ཡེ་ཤེས། དྲང་སྲོང་ཡིད་ལས་སྐྱེས། འཚོ་བྱེད་གཞོན་ནུ། མགོན་པོ་ཀླུ་སྒྲུབ། དཔལ་ལྡན་དཔའ་བོ། པཎ་ཆེན་ཟླ་བ་མངོན་དགའ། ལོ་ཆེན་བཻ་རོ་ཙ་ན། རྗེ་ཁྲི་སྲོང་ལྡེ་བཙན། གཏེར་སྟོན་གྲ་པ་མངོན་ཤེས། དགེ་བཤེས་དབུས་པ་དར་གྲགས། རོག་སྟོན་དཀོན་ཅོག་སྐྱབས། གཡུ་ཐོག་ཡོན་ཏན་མགོན་པོ། །སུམ་སྟོན་ཡེ་ཤེས་ཟུང་འཚོ་བྱེད་གཞོན་ནུ་ཡེ་ཤེས། མཁས་པ་འབུམ་སེང་། གཙང་སྟོན་སངས་རིན། མཁས་པ་དོན་གྲུབ་རིན་ཅེན། བསྟན་འཛིན་དོན་གྲུབ་རྒྱལ་མཚན་བྲང་ཏི་དཀོན་ཅོག་རྒྱལ་མཚན། བྲང་ཏི་དཔལ་ལྡན་འཚོ་བྱེད། དགེ་སློང་ཚལ་པ་དབང་གྲགས། མཁས་མཆོག་ཕུན་ཚོགས་བཟང་པོ། ཟུར་མཁར་བ་མཉམ་ཉིད་རྡོ་རྗེ། ལག་ལེན་མཐར་ཕྱིན་ཚེ་འབུམ། བྱར་པོ་པཎ་ཆེན། མཁས་པ་ཟླ་བའི་དབང་པོ། སེམས་དཔའ་ཆེན་པོ་བློ་བཟང་རྒྱ་མཚོ། དྲང་སྲོང་བསྟན་འཛིན་རྒྱལ་པོ། དེ་སྲས་དྲང་སྲོང་དར་རྒྱས། གཅུང་མཁས་མཆོག་གཞན་ཕན་དབང་པོ། དེས་བདག་ལའོ། །ཡང་ན་བྲང་ཏི་དཔལ་ལྡན་འཚོ་བྱེད་ནས། ཟུལ་ཕུ་སྨན་མོ་ཆེ་པ་སྨན་སྟོན་དབང་ཕྱུག་བཟང་པོ། རྗེ་ཟུར་མཁར་བ་མན་འདྲ། ཡང་ན་པཎ་ཆེན་མཉམ་ཉིད་རྡོ་རྗེ་ནས། ཀོང་སྟོན་མཁས་པའི་དབང་པོ། སྨན་བླ་ཤཱཀྱ་དབང་ཕྱུག །མཁས་པ་བསོད་ནམས་རྒྱལ་པོ། རིན་ཅེན་སྡིངས་སེམས་དཔའ་ཆེན་པོ་མན་
འདྲ།