གཏེར་སྟོན་ཉི་ཟླ་སངས་རྒྱས་ཀྱིས་མཚོ་མཎྜལ་ནག་པོ་ནས་སྤྱན་དྲངས་པའི་བདེ་བ་ཅན་གྱི་འཕོ་བ་འཇག་ཚུགས་མའི་སྐོར།
གཏེར་སྟོན་ཆེན་པོ་ཉི་ཟླ་སངས་རྒྱས་ཀྱིས་མཚོ་མཎྜལ་ནག་པོ་ནས་སྤྱན་དྲངས་པའི་འོད་དཔག་མེད་ཆོས་ལོངས་སྤྲུལ་གསུམ་ལ་བརྟེན་པའི་བདེ་བ་ཅན་གྱི་འཕོ་བ་འཇག་ཚུགས་མའི་ཉམས་འཁྲིད་དང་དེའི་ཡི་གེའི་ལུང་དང་བཅས་ཐོབ་པའི་བརྒྱུད་པ་ནི། མགོན་པོ་འོད་དཔག་མེད། ཨོ་རྒྱན་པདྨ་འབྱུང་གནས། གཏེར་སྟོན་ཉི་ཟླ་སངས་རྒྱས། མཚུངས་མེད་ནམ་མཁའ་རྒྱལ་མཚན། རྟོགས་ལྡན་སཾ་གྷ་བྷ་དྲ། ཕ་རྒོད་དྲི་མེད་བློ་གྲོས། རྗེ་སངས་རྒྱས་རྒྱལ་མཚན། བླ་མ་མ་ཏིའི་མཚན་ཅན། ཡོངས་འཛིན་ཕུན་ཚོགས་རྣམ་རྒྱལ། རྗེ་འབྲི་གུང་པ་ཆོས་རྒྱལ་ཕུན་ཚོགས། རྗེ་ཀུན་དགའ་ཚེ་མཆོག །སྣང་གསལ་བ་ངག་དབང་ཡེ་ཤེས་གྲུབ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །སྤྲུལ་སྐུ་ཉི་ཟླ་སངས་རྒྱས་དེ་ཉིད་ཚུར་མཐོང་རྣམས་ཀྱི་སྣང་ངོར་རླུང་ཡན་པ་ལྟ་བུ་ལ་དོན་དུ་དག་པའི་སྣང་བས་ཟངས་མདོག་དཔལ་རིར་བྱོན་ནས་ཨོ་རྒྱན་རིན་པོ་
ཆེ་ལ་དངོས་སུ་གསན་པའི་འཕོ་བ་འཇག་ཚུགས་མ་ཤིན་ཏུ་ཟབ་པ་སྔོན་ཆད་ཡི་གེར་མ་འཁོད་པའི་ཉམས་འཁྲིད་ལེགས་པར་ནོས་པའི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་འཆང་། རྡོ་རྗེ་སེམས་དཔའ། དགའ་རབ་རྡོ་རྗེ། ཤྲཱི་སིངྷ། ཨོ་རྒྱན་སངས་རྒྱས་གཉིས་པ། སྤྲུལ་སྐུ་ཉི་ཟླ་སངས་རྒྱས། རྒྱ་བཙུན་ནམ་མཁའ་རྒྱ་མཚོ། བླ་མ་སུཪྻ་རསྨི། རྗེ་བསོད་ནམས་དཔལ། གཏེར་སྟོན་ཕྱག་བྱང་ཆུབ་གླིང་པ། མཚུངས་མེད་སྣ་ཚོགས་རང་གྲོལ། དེ་སྲས་ཀུན་དགའ་གྲགས་པ། བླ་མ་ཀུན་དགའ་རྡོ་རྗེ། རྗེ་བཙུན་མདོ་སྔགས་བསྟན་འཛིན། རིགས་འཛིན་འཕྲིན་ལས་ལྷུན་གྲུབ། ཆོས་རྒྱལ་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཉི་ཟླ་སངས་རྒྱས་ཀྱི་ཐུགས་སྲས་ཀརྨ་གླིང་པར་གནང་། དེས་ཆོས་རྗེ་གླིང་པར་གནང་། དེ་གཉིས་ཀ་སྐུ་ཚེ་ཐུང་བས་རྒྱུན་འཕེལ་བ་ནི་མེད། ལ་ལ་མཚོ་མཎྜལ་ནག་པོ་ནས་བཏོན་པར་འཆད་པ་ནི་འོད་དཔག་མེད་ཀྱི་འཕོ་བ་དང་ནོར་བ་འདྲའོ། །བྲག་དཀར་རྡོ་རྗེའི་རྩེ་ནས་ཟླ་བན་གཟི་བརྗིད་འབར་གྱིས་སྤྱན་དྲངས་པའི་དྲག་པོའི་སྔགས་སྡེབས་སྙིང་གི་མེ་ལོང་ཞེས་བྱ་བ་ཟླ་གསང་སྲོག་འདུག་ནག་པོ་བཀོལ་བ་དུམ་བུའི་རྒྱུད་ལེའུ་བཅུ་གཅིག་པ། དྲག་པོ་སྔགས་སྡེབས་ཀྱི་ལྡེ་མིག་རིན་ཅེན་སྒྲོན་མ་ཞེས་བྱ་བ་སློབ་དཔོན་གཙུག་ལག་དཔལ་དགེ་མཛད་པ་གཉིས་ཀྱི་ལུང་བརྒྱུད་ནི། རྡོ་རྗེ་འཆང་། རིགས་ལྔའི་སངས་རྒྱས། རིགས་གསུམ་མགོན་པོ། སྡུད་པོ་བྲམ་ཟེ་མཆོག་སྲེད། འཇམ་དཔལ་བཤེས་གཉེན། ཤནྟིཾ་གརྦྷ། གཙུག་ལག་དཔལ་དགེ །གུ་རུ་པདྨ། བཻ་རོ་ཙ་ན། གནུབས་སངས་རྒྱས་ཡེ་ཤེས། ཟླ་བན་གཟི་བརྗིད་འབར། འབྲོམ་སྲིད་འཛིན། བླ་མ་ཡེ་ཤེས་རྒྱ་མཚོ། ལུང་ནག་པ་སངས་རྒྱས་རྡོ་རྗེ། རྡོ་རྗེ་སེང་གེ །བཀྲ་ཤིས་སེང་གེ་
བཀྲ་ཤིས་བཟང་པོ། རྒྱལ་མཚན་སེང་གེ །དཔང་བློ་གྲོས་བཟང་པོ། གུར་ཕུག་པ་ཚེ་མཆོག་རྡོ་རྗེ། སྔགས་འཆང་དཀོན་ཅོག་རྡོ་རྗེ། དགའ་ཐང་པ་ཉང་དགེ་འདུན་ཆོས་གྲགས་སྤྲུལ་སྐུ་ནམ་མཁའ་བརྒྱ་བྱིན་དང་སྐུ་མཆེད་ཡིན། ཟུར་དང་མ་བ་བསྟན་འཛིན་འགྱུར་མེད། རླུང་མི་འགྱུར་རྡོ་རྗེ། གུང་རུ་དབྱངས་དཔོན་པ་དཔལ་ལྡན་གྲགས། ཟུར་ཀུན་མཁྱེན་ཆོས་དབྱིངས་རང་གྲོལ། ཆོས་གཏེར་འཕྲིན་ལས་ལྷུན་གྲུབ། རིགས་འཛིན་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །ཡང་ན་རྩ་བརྒྱད་པ་རྡོ་རྗེ་སེང་གེ་ནས་བླ་ཆེན་ཆོས་དཔལ་བཟང་པོ། རྩ་བརྒྱད་པ་བཀྲ་ཤིས་སེང་གེ་མན་འདྲ། ལྷོ་ཡི་བནྡེ་རེག་བན་འབོག་པོ་གཉིས་ཀྱི་གཏེར་ཆོས་ནི་མ་ཐོབ། གསར་བན་ཕྱོགས་མེད་ནི་སློབ་དཔོན་ཆེན་པོས་སྟག་ཚང་བཀྲ་ཤིས་དཔལ་ཕུག་གི་རྡོ་བ་གཡུ་ཕྲ་ཅན་དུ་གཏེར་སྦས་ཚུལ་རྒྱ་གསུམ་གྱི་འགྲོལ་ཐབས་ལས། མི་ནུབ་རྒྱལ་མཚན་པདྨ་འབྱུང་གནས་ཀྱིས༔ ཐུགས་ཀྱི་ཀློང་ལས་ཡེ་ཤེས་ཆེན་པོ་བཀྲོལ༔ ཕྱི་རབས་ལས་ཅན་འགྲོ་བ་དྲངས་ཕྱིར་དུ༔ རྒྱ་དཔེ་བོད་དུ་བསྒྱུར་ནས་སའི་སྒོ་ཕྱེ་སྟེ༔ འཇམ་དཔལ་རྒྱུད་ཀྱི་ངོ་སྤྲོད་དཔེ་ཆུང་རྒྱུད་འགྲེལ་དང་༔ རྣལ་འབྱོར་བརྒྱགས་སྐྱེལ་གནོད་སྦྱིན་ཨ་པ་ར༔ རྗེའི་བླ་གསེར་ཉི་མ་འཕྲོས་པ་དང་༔ བསྟན་པ་བསྲུང་བ་གསང་བ་རིན་ཅེན་དང་༔ རིན་ཅེན་དགོས་འདོད་འབྱུང་བས་མཁའ་འགྲོ་ལུང་སྟོན་དང་༔ སྟོང་རྩ་གཅིག་དྲིལ་སངས་རྒྱས་དགོངས་པ་དང་༔ རྩ་རླུང་ཐིག་ལེ་མཁའ་འགྲོའི་ལུང་སྟོན་དང་༔ ཞེས་ཚིག་གཅིག་ལ་ངེས་པར་ཆོས་ཀུན་ནས་དག་སྟེ་ཡེ་ཤེས་འོད་ལྔའི་ཀློང་དུ་གྲོལ་བར་ནུས་པའི་ཟབ་ལམ་མཁས་པ་བཞིའི་གདམས་པ་འཇམ་དཔལ་རྫོགས་པ་ཆེན་པོར་གྲགས་པའི་ཆོས་སྐོར་རྣམས་ནི། ཇི་སྐད་དུ། འགོས་ཀྱི་ཕག་རི་སྐྱེ་
མཐིང་བརྒལ་བའི་འོག༔ གྲུབ་པ་ཐོབ་པའི་སྟག་ཚང་སེང་གེ་ཕུག༔ གནས་ཀྱི་མིང་ནི་བཀྲ་ཤིས་དཔལ་ཕུག་ཏུ༔ གྲུབ་ཐོབ་གསུམ་གྱིས་གདམས་པ་བཅུད་ཕྱུང་བའི༔ སྙིང་དུ་གདམས་པའི་ངོ་སྤྲོད་རྣམ་བཞི་དང་༔ མ་ཚང་མེད་པ་མ་བུ་བཅས་ནས་སྦས༔ ཞེས་པ་ལྟར་སྟག་ཚང་སེང་གེ་བཀྲ་ཤིས་དཔལ་ཕུག་གི་རྡོ་བ་གཡུ་ཕྲ་ཅན་དུ་གཏེར་དུ་སྦས་པ། ཇི་སྐད་དུ། ཚེ་རབས་སྔོན་དུ་སྦྱངས་པས་དུས་འདིར་ཆོས་དང་ཕྲད༔ སྨོན་ལམ་དག་པས་བསྟན་པ་སྐྱོང་བར་ངེས༔ དད་པར་ལྡན་པའི་སྐྱེས་བུ་ལས་ཅན་དེ༔ ཇི་སྲིད་འཁོར་བ་འདི་ལ་སྐྱོ་བའི་བློ་སྐྱེས་ནས༔ ཐབས་མཁན་ཁྱོད་ལ་མོས་པའི་བློ་གཞུངས་ནས༔ འབྱོར་བཤམས་ཡོན་འབུལ་མཉེས་པར་བྱེད་པ་ལ༔ རྒྱ་གསུམ་བཀྲོལ་ལ་ངོ་སྤྲོད་ཚང་མར་གཏད་༔ ཅེས་པ་ལྟར་ཇོ་མོ་ཤེས་སྒྲོན་གྱི་སྤྲུལ་པའི་ཟློས་གར་གཏེར་སྟོན་སར་བན་ཕྱོགས་མེད་ཀྱི་སྤྱན་དྲངས་པའི་འཇམ་དཔལ་རྫོགས་ཆེན་གྱི་སྐོར་ལ། ཐོག་མར་འོད་ལྔའི་དཀྱིལ་འཁོར་དང་དཔལ་གཏོར་ཟུར་བཞི་ལ་བརྟེན་ནས་དབང་གི་ཆོག་བསྒྲིགས་དང་ཟུར་འདེབས་ཀྱི་ནང་བཞིན་རིགས་ལྔའི་དབང་། གཏོར་དབང་། རང་བྱུང་རང་ངོ་ཤེས་པའི་དབང་གི་སྨིན་བྱེད་རིགས་འཛིན་བརྒྱུད་པའི་ཕྱག་ལེན་མ་ཉམས་པ་ལེགས་པར་ནོས་ནས། ལུང་ལ། སློབ་དཔོན་འཇམ་དཔལ་བཤེས་གཉེན་གྱི་སྐུ་ཆེ་བའི་ཡོན་ཏན་དང་། འཇམ་དཔལ་སྒྱུ་འཕྲུལ་དྲ་བའི་བཀའ་བརྒྱུད་འདི་རྣམས་ཇི་ལྟར་བབས་པའི་བརྒྱུད་པའི་ལོ་རྒྱུས་ནམ་མཁའ་ལ་གཤེགས་སོ་མཐར་ཚང་བ། འཇམ་དཔལ་གྱི་ཆོས་ཀྱི་འབྱུང་ཁུངས་ཁོག་འབུབས་གཞི་ལམ་འབྲས་བུ་བཤད་པའི་འཕྲོས་ལས་མཚན་བརྗོད་ཀྱི་ལོ་རྒྱུས་དང་སློབ་དཔོན་པདྨའི་རྣམ་ཐར་གཏེར་སྟོན་ཚུལ་འཆོས་ཀྱི་འཇུག་སྒོ་སློབ་དཔོན་དགོས་ཚུལ་གྲུབ་མཐའ་དང་བཅས་པ་གུ་རུས་མཛད་པས་མཐར་ཚང་
བ། འཇམ་དཔལ་གྱི་མཆོད་པའི་ལས་བྱང་དབང་ཆོག་བཀྲ་ཤིས་སྨོན་ལམ་གཏོར་མ་གཏོང་བ་སོགས་སྦས་བྱང་གི་མཐའ་ཚང་བ། འཇམ་དཔལ་དབང་གི་ཟུར་འདེབས་ཀྱི་དབང་དང་ངོ་སྤྲོད་བྱ་རྒོད་ཕུང་རི་པདྨ་སྤུངས་རི་ཤེལ་རི་སྤུངས་རི་གསུམ་གྱི་འཕྲོས་དོན་ལས་མན་ཤེལ་གྱི་ལོ་རྒྱུས་དང་བཅས་པ་ཐུགས་སུ་ཆུད་པའོ་མཐར་ཚང་བ། མཚན་ཡང་དག་པར་བརྗོད་པའི་དོན་རྒྱུད་རྡོ་རྗེ་རྩེ་མོ་ནམ་མཁའ་ལྟ་བུའི་རྒྱུད་ལེའུ་བཅུ་གཅིག་པ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་ཐབས་ཆིངས་རྣམ་པ་དྲུག་གིས་བསྟན་པ་རྫོགས་བྱང་གི་མཐའ་ཅན། མཚན་ཡང་དག་པར་བརྗོད་པ་གཉིས་མེད། གསང་སྔགས་ཡོན་ཏན་ཆེ་ཚུལ་གསུམ་གྱི་སྒོ་ནས་འདོན་ཐབས་རྫོགས་བྱང་མཐར་ཚང་བ། བསྐྱེད་རིམ་གང་ཟག་དབང་པོ་རབ་འབྲིང་མཐའ་མའི་འདོན་ཐབས་ཕན་ཡོན་དང་བཅས་པ། འཇམ་དཔལ་རྒྱུད་ཀྱིས་གཅད་དོན་གསལ་བར་བྱེད་པའི་སྒྲོན་མ་རྫོགས་བྱང་གི་མཐར་ཚང་བ། དེའི་འཕྲོས་ལས་སྐུ་གསུམ་གྱི་མཚན་ཉིད་བསྟན་པ། ཨ་སྐྱེ་མེད་རང་བྱུང་བྱང་ཆུབ་སེམས་སུ་ལ་ཟླ་བ། འབྱུང་བ་ཕུང་པོ་ཉོན་མོངས་དབང་པོ་རྣམས་རྣམ་པ་ཉི་ཤུར་སྣང་བ་དོན་རྟོགས་པའི་དུས་ན་རིགས་ལྔར་འཆར་ཚུལ་ཏེ་ཡིག་སྣ་ཕྲ་མོ་གསུམ། །འཇམ་དཔལ་ཁྲི་དྲུག་སྟོང་གི་ལེའུ་སུམ་བརྒྱ་གོ་དགུའི་འོག་ན་བསྟོད་པ་གླུར་བླངས་ཀྱི་ལེའུ་ཡོད་ཚུལ་གྱི་དོན་བསྡུས་བཏགས་གྲོལ་གྱི་གཟུངས་དང་བཅས་པ། འཇམ་དཔལ་མཚན་བརྗོད་ཀྱི་དོན་འགྲེལ་ཨོ་རྒྱན་པདྨ་འབྱུང་གནས་ཀྱིས་གསང་སྔགས་ཀྱི་བསྐྱེད་རྫོགས་གསུམ་དང་མཐུན་པར་མཛད་པ། གློ་རྡེག་གཏམ་རྒྱུད་ས་གཅད་ཀྱི་སྡོམ་ཚིག་མཇུག་ཏུ་ཡིག་སྣ་ཕྲ་མོ་རྒྱུད་གཞན་གྱིས་ཁ་འཛིན་མི་དགོས་པར་བསྟན་པ། བཀའ་འགྲོལ་བློ་རྡེག་གི་གཏམ་རྒྱུད་ལྔ་བཅུ་རྩ་གཉིས་པ་མདོ་སྡེ་ནས་བསྡུས་པ་སྦས་བྱང་
གི་མཐར་ཚང་བ། མཇུག་ཏུ་བརྒྱུད་པ་འོག་མ་རྣམས་ལ་གནང་ཚུལ་དང་ངོ་སྤྲོད་ཐོབ་པའི་གང་ཟག་གིས་ཞེས་སོགས་ཆོས་ལ་ཐོས་བསམ་སྒོམ་གསུམ་བྱས་པའི་ཕན་ཡོན་ཚིགས་སུ་བཅད་པའི་ཡིག་སྣ་ཕྲ་མོ། ཁམས་གསུམ་གྱི་གྲོང་ཁྱེར་ཆེན་པོ་གནས་པའི་སྲིད་པ་གསུམ་གྱི་སེམས་ཅན་ཐམས་ཅད་ལ་འཕགས་པ་འཇམ་དཔལ་གྱི་ངོ་བོས་ཁྱབ་པའི་རྒྱུ་མཚན་གྱིས་ངོ་སྤྲོད་ཀྱི་གདམས་པ་མཇུག་ཏུ་གཅིག་ཤེས་པས་ཀུན་གྲོལ་བར་བྱེད་པ་སངས་རྒྱས་ཀུན་གྱི་དགོངས་པ་ཡང་དག་མཐར་ཐུག་པའི་ཆེ་བརྗོད་དང་བཅས་པ། ཤིན་ཏུ་ཟབ་པ་འཁྲིད་ཡིག་གསང་འགྲེལ་ལ་ནང་གསེས་ཀྱི་འདོན་ཐབས་ལྔ། སྙིང་པོ་ཧཱུྃ་གི་སྒྲུབ་པ་སྐུ་གསུམ་ལམ་དུ་འཁྱེར་ནུས་པ། མཚན་དཔེའི་བཤད་པ། ཉན་ཐོས་ཀྱི་ས་བརྒྱད། བྱང་སེམས་ཀྱི་ས་བཅུ། ཐབས་ལམ་སྔགས་ཀྱི་ས་བཅུ་གཉིས། གྲོལ་ལམ་དེ་བཞིན་གཤེགས་པའི་ས་ལྔ་རྣམས་བཤད་པ། རྩ་རླུང་ཐིག་ལེའི་གདམས་པ། ཕྱོགས་བཅུའི་འཇིག་རྟེན་དུ་འཇམ་དཔལ་གྱི་ཆོས་འདིས་སེམས་ཅན་རྣམས་གྲོལ་བའི་ཁྱད་པར་འཕགས་ལུགས། ཁམས་གསུམ་གྱི་སེམས་ཅན་བཤད་པ། དགེ་འདུན་གསུམ་བཤད་པ། སྤྱན་ལྔ་བཤད་པ། ལམ་གྱི་ཡན་ལག་བརྒྱད་རིག་ཚུལ། ཞི་བའི་ལྷ་ཚོགས་ཀྱི་ངོ་སྤྲོད་བཅུ་གསུམ་པ། ཞི་བའི་ལྷའི་དག་སྦྱོར། ཁྲོ་བོའི་ལྷ་ཚོགས་བཞུགས་ཚུལ། སྐུ་གསུམ་དུ་གྲོལ་ཚུལ། སྣོད་བཅུད་ཀྱི་ཆགས་འཇིག་དང་ཕུང་པོ་ཞིག་འབྲེལ་དུ་ངོ་སྤྲོད་པ། ཨ་ཏིའི་ལྟ་བ་སྒོམ་པ་སྤྱོད་པ་འབྲས་བུ་བཞི་ངེས་ཚིག་དང་བཅས་པ་བསྟན་པ། གཞི་འཁོར་འདས་ཀྱི་རྩ་བ་བསྟན་པ། ཤེ་བཟའ་སྒྲོན་གྱིས་གུ་རུ་ལ་ཞུས་པའི་ཚིག་རྐང་བཅུ་བཞི་པ། འཕགས་པ་འཇམ་དཔལ་རྒྱུད་ཀྱི་ཡང་སྙིང་། དེའི་ངོ་སྤྲོད་ལྟ་སྒོམ་སྤྱོད་པའི་ཞུས་ལན་གུ་རུས་ཤེ་བཟའ་སྒྲོན་ལ་གནང་བ། གསང་འགྲེལ་དངོས་
ལ་ཐོག་མ་བར་དང་མཐར་དགེ་བ་སོགས་ཚིག་རྐང་བཞི་པ་གུ་རུས་མངའ་བདག་ལ་གནང་ཞིང་ཇོ་མོ་ལ་ཡང་གནང་བའི་འཇམ་དཔལ་གྱི་གསང་འགྲེལ་དོན་གསལ་བར་བྱེད་པའི་སྒྲོན་མ་རྫོགས་བྱང་གི་མཐར་ཚང་བ། སངས་རྒྱས་དང་སེམས་ཅན་འབྱུང་བ་ནི༔ ཞེས་སོགས་སྒྲུབ་པའི་མན་ངག་དོན་སྐོར་དགུ་པ་ཤེ་བཟའ་སྒྲོན་གཅིག་ལ་གདམས་པ། མི་ནུབ་རྒྱལ་ཚབ་པདྨ་འབྱུང་གནས་ཀྱིས་ཆོས་སྐོར་འདི་རྣམས་སྟག་ཚང་སེང་གེ་བཀྲ་ཤིས་དཔལ་ཕུག་གི་རྡ་ོབ་གཡུ་ཕྲ་ཅན་དུ་གཏེར་དུ་སྦས་ཚུལ་རྒྱ་གསུམ་གྱི་འགྲོལ་ཐབས། གཏེར་བདག་བྲག་སྐྱེས་སོགས་ལ་བཀའ་གཏད་པ་ཁ་བྱང་འགའ་ཞིག་དང་བཅས་པར་དྷ་ནི་ཀ་ཡ་རྫོགས་བྱང་གི་མཐར་ཚང་བ། དེ་ཡང་དྲན་མཆོག་དཔལ་ལྡན་བློ་གྲོས་ཀྱི་དྲུང་དུ་སེའི་སྔགས་འཆང་བླ་ཆེན་བཀྲ་བཟང་པས་འཇམ་དཔལ་སྐོར་འདི་གསན་པར་བྱོན་ཏེ། བདེ་གྲོལ་གྱི་ཕྱག་དཔེ་ཚང་མའི་སྟེང་ནས་སྤྱན་ཚབ་དང་སྦྲགས་ཞུས་པའི་སྐབས་གསང་འགྲེལ་འཁྲིད་སྐོར་འདི་རྣམས་ཡེ་མ་རྙེད་ཅིང་རྗེས་སུ་བཙལ་བས་ཀྱང་མི་འདུག་ཚུལ་གསན་ཡིག་ཏུ་བཏབ་ནའང་། སླར་ཆོས་རྒྱལ་བཀྲ་ཤིས་སྟོབས་རྒྱལ་གྱིས་དཔེ་དེ་ཀའི་སྟེང་ནས་གསན་སྐབས་འཕྲལ་དུ་རྙེད་པ་ནི་མཁའ་འགྲོ་
གཏེར་སྲུང 
་གི་བཀའ་རྒྱ་གྲོལ་མ་གྲོལ་གྱི་ཁྱད་པར་ཡིན་ཞེས་ངོ་མཚར་བའི་གཏམ་རྒྱུད་ཡོད་དོ། །གཞན་ཡང་ཆོས་རྒྱལ་བཀྲ་ཤིས་སྟོབས་རྒྱལ་གྱི་འཇམ་དཔལ་རྫོགས་པ་ཆེན་པོའི་ཆོས་སྐོར་གྱི་གསན་ཡིག་ཤེས་རབ་རལ་གྲིའི་རྒྱ་ཅན། དེས་མཛད་པའི་འཇམ་དཔལ་རྫོགས་ཆེན་གྱི་ཆོས་སྐོར་འཆད་ཐབས་ལག་ལེན་དྲན་པའི་གསོལ་འདེབས་ཞེས་བྱ་བ་སྟོང་ཉིད་གཞུའི་རྒྱ་ཅན། དེས་མཛད་པའི་ཡིད་ཆེས་ལུང་རིག་ངེས་སྟེར་ལས་གཏེར་སྟོན་སར་བན་ཕྱོགས་མེད་ཀྱི་གཏེར་ཆོས་འཇམ་དཔལ་
རྫོགས་ཆེན་གྱི་ཆོས་སྐོར་ནོས་ཚུལ་བྱང་སེམས་ཨུཏྤལའི་རྒྱ་ཅན་དང་བཅས་པ་རྣམས་ལེགས་པར་ཐོབ་པ་ལས་དབང་དང་གཏེར་གཞུང་གི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་འཇམ་དཔལ་རིགས་ལྔ། སྤྲུལ་སྐུ་ཤཱཀྱ་ཐུབ་པ། རྡོ་རྗེ་ཌཱ་ཀི རིན་ཅེན་ཌཱ་ཀི །པདྨ་ཌཱ་ཀི །ཀརྨ་ཌཱ་ཀི །དེ་བཞིན་ཌཱ་ཀི །ཨོ་རྒྱན་ཌཱ་ཀི །འཇམ་དཔལ་དབྱངས། རྡོ་རྗེ་འཆང་། འཇམ་དཔལ་བཤེས་གཉེན། ཤྲཱི་སིངྷ། ཨོ་རྒྱན་ཆེན་པོ། རྗེ་ཁྲི་སྲོང་ལྡེ་བཙན། ཇོ་མོ་ཤེ་བཟའ་སྒྲོན། གཏེར་སྟོན་ཆེན་པོ་སར་བན་ཕྱོགས་མེད། ལུང་བྲིས་སར་བན་ཉི་མའི་སྙིང་པོ། སྔགས་འཆང་དབང་དར། མགར་སྟོན་རིན་ཅེན་འབུམ། རི་པ་སངས་རྒྱས་དཔལ། རྒྱ་བན་བླ་མ། བླ་མ་སྦ་སྟོན་དཔལ། རིགས་འཛིན་རྒོད་ཀྱི་ལྡེམ་ཕྲུ། སྔགས་འཆང་རྡོ་རྗེ་མགོན་པོ། མཚན་ལྡན་ངག་དབང་གྲགས་པ། དྲིན་ཅན་སངས་རྒྱས་དཔལ་བཟང་། ཐུགས་སྲས་ནམ་མཁའ་རྒྱལ་མཚན། དྲན་མཆོག་དཔལ་ལྡན་བློ་གྲོས། ཆོས་རྒྱལ་བཀྲ་ཤིས་སྟོབས་རྒྱལ། རིགས་འཛིན་ངག་གི་དབང་པོ། ཀློང་ཆེན་རབ་འབྱམས་གསུམ་པ་ཤ་གཟུག་པ་བཀྲ་ཤིས་རྣམ་རྒྱལ། སྔགས་འཆང་ཀརྨ་གསང་སྔགས་པ། རིགས་འཛིན་འཕྲིན་ལས་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ལྗགས་བསྒྲིགས་བརྒྱུད་པ་ནི། ངག་གི་དབང་པོ་ནས། རིགས་འཛིན་ཀུན་བཟང་དབང་པོ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །གསོལ་འདེབས་ལས། བི་མཱའི་རྣམ་འཕྲུལ་ལྡང་མ་ལྷུན་རྒྱལ་དང་། རྩེ་སྟོན་ནག་པོ་ཞང་སྟོན་བཀྲ་ཤིས་རྡོར། མེ་ལོང་རྡོ་རྗེ་དུང་མཚོ་རས་པ་དང་། སྒོམ་པ་གཡུ་སྒོམ་རྡོ་རྗེ་ལ་གསོལ་བ་འདེབས། ཞེས་གསུངས་པའི་ནང་ཚན་གནས་བརྟན་ཆེན་པོ་ལྡང་མ་ལྷུན་རྒྱལ་གྱི་གཏེར་
མའི་བླ་མ་སྙིང་ཏིག་གི་སྐོར་ནི། རྒྱ་གར་གྱི་གྲོང་ཁྱེར་སེར་སྐྱའི་རྒྱལ་པོ་ཨིནྡྲ་བྷུ་ཏི་ཆུང་བ་ཞེས་བྱ་བའི་བླ་མཆོད་པཎ་ཆེན་ལྔ་བརྒྱའི་གཙོ་བོར་པཎྜི་ཏ་བི་མཱ་ལ་མི་ཏྲ་བཞུགས་པའི་ཚེ། ཉང་ཏིང་འཛིན་བཟང་པོ་ཞེས་བྱ་བ་ལོ་བདུན་ཟླ་བ་བདུན་གྱི་བར་ཞི་གནས་ལ་གནས་པས་ཤའི་སྤྱན་རྣམ་པར་དག་པས་གླིང་བཞི་དུས་གཅིག་ཏུ་གཟིགས་པ་དེས་རྗེ་ཁྲི་སྲོང་ལྡེ་བཙན་ལ་པཎ་ཆེན་འདི་ལྟ་བུ་ཞིག་ཡོད་པ་གདན་འདྲེན་པར་གསོལ་བས། སྐ་ཅོག་རྣམ་གཉིས་ཕོ་ཉར་མངགས་ཏེ་གདན་དྲངས་ནས་ཐོག་མར་རྒྱུ་མཚན་ཉིད་ཀྱི་ཐེག་པ་དང་། སླར་གཡུ་སྒྲ་སྙིང་པོས་བསྐུལ་བ་ལ་བརྟེན་ནས་གསང་སྔགས་ཀྱི་ཆོས་མང་དུ་བསྒྱུར་ཞིང་། ཁྱད་པར་གསང་བ་བླ་ན་མེད་པའི་རྒྱུད་ལུང་རྣམས་རྗེ་བློན་གསུམ་གྱི་ཐུགས་དམ་མནོག་ཆོས་སུ་མཛད་ནས་རྒྱ་དཔེ་ལས་བོད་ཀྱི་ཡི་གེར་བསྒྱུར་བ་རྣམས་རྗེ་བློན་གཉིས་ལའང་མ་གནང་སྟེ། སྣང་བ་རིན་པོ་ཆེ་སྤྲ་འཁྲིད་ཀྱི་མཇུག་གི་ཡིག་འཕྲིན་ལས། གསང་བའི་མན་ངག་བདག་གི་ཁོང་སྙིང་འདི༔ རྒྱ་ཡི་དཔེ་ལས་བོད་ཀྱི་ཡི་གེར་བསྒྱུར༔ བསྟན་ཞིང་བཤད་པའི་རྗེ་བློན་གཉིས་པ་ཡང་༔ དམ་ཚིག་གཞུང་དང་ལྡན་ཞིང་དད་ལྡན་ཡང་༔ སྙིང་གི་མན་ངག་མཆོག་འདི་བློས་མ་ཐོངས༔ བསྟན་པའི་བཙས་སུ་ས་ཡི་གཏེར་དུ་སྦས༔ འདི་ཉིད་ནམ་ཞིག་ཕྱུང་བའི་དུས་བྱུང་ན༔ སྐལ་ལྡན་སྙིང་གི་བུ་དང་ཕྲད་པར་ཤོག༔ མཆིམས་ཕུ་བྲག་བཙན་རྡོ་རྗེ་དྲག་པོ་རྩལ༔ བཀའ་འདི་སྲུངས་ལ་བསྟན་པའི་བདག་པོ་གྱིས༔ ཆོས་སྐྱོང་མགོན་པོ་ལེགས་ལྡན་ནག་པོ་ཁྱོད༔ བཀའ་འདི་གཏད་དོ་ཁྱོད་ཀྱིས་ཐུབ་པར་སྲུངས༔ སྨུག་ནག་ཁྲོས་མའི་རྒྱལ་མོ་སྔགས་ཀྱི་བདག༔ བཀའ་འདི་བཅོལ་ལོ་ཁྱོད་ཀྱིས་དམ་དུ་ཟུངས༔ ཞེས་པ་ལྟར་བསམ་ཡས་
མཆིམས་ཕུར་གཏེར་དུ་སྦས། དེ་དང་འབྲེལ་བའི་རྒྱུད་མན་ངག་གཞན་རྣམས་མངའ་བདག་ཡབ་སྲས་ཉང་ཏིང་འཛིན་བཟང་པོ་སྐ་ཅོག་རྣམས་ལ་གནང་ཞིང་བསྒྱུར། ཁྱད་པར་ཉང་སྙིང་ཏིག་ལ་བོགས་ཐོན། ཁམས་སུ་རྡོ་རྗེ་ལེགས་པར་སེར་བ་ཕབ་ནས་འབྲུ་རྔ་མོའི་ཁལ་ལྔ་བརྒྱ་སོགས་མི་མ་ཡིན་གྱི་རྫས་མང་དུ་ཕུལ་བ་ལ་གཞི་བྱས་ནས་དབུ་རུ་ཞྭ་པདྨ་དབང་ཆེན་གྱི་ལྷ་ཁང་བཞེངས་ཏེ་བཤད་རྒྱུད་སྙིང་ཏིག་གི་བཀའ་བརྒྱུད་སྐོར་གསུམ་ཀེའུ་ཚང་རིམ་གསུམ་དུ་སྦས། སྙན་བརྒྱུད་ཡི་གེའི་རིགས་ཀྱི་དཔེ་རྣམས་ཤོག་དྲིལ་རྫ་མ་གང་སྒོ་ཁང་གི་སྟེང་དུ་སྦས༔ གསང་བ་བླ་ན་མེད་པའི་གསེར་གྱི་སྙིང་པོ་ཉི་མ་རབ་ཏུ་སྣང་བྱེད་ནི་ཀ་བའི་བསམ་ལེའུ་གསུམ་གྱི་ཁོང་གསེང་ལ་སྦས་པའི་ཞྭ་ལྷ་ཁང་གི་གཏེར་ཆོས་རྣམས་དུས་རིང་ཞིག་ན་སྤྲུལ་པའི་གཏེར་སྟོན་ལྡང་མ་ལྷུན་རྒྱལ་གྱིས་སྤྱན་དྲངས་སྣོད་ལྡན་གྱི་སློབ་མ་ལྕེ་བཙུན་སེང་གེ་དབང་ཕྱུག་ལ་གནང་། ལྕེ་བཙུན་གྱིས་སླར་ཡང་ཆོས་སྐོར་རྣམས་ལ་འགྲོ་ཆད་པ་སྟག་འདྲར་ཡང་གཏེར་དུ་སྦས་ཤིང་། གསང་བ་སྙིང་ཏིག་གི་སྐོར་རྣམས་ལུས་ལ་བཅངས་ནས་ཡོད་པའི་ཚེ་རྨི་ལམ་དུ་པཎྜི་ཏ་ཞིག་གིས། བདག་ནི་བི་མཱ་མི་ཏྲ་མཁས་པ་སྟེ༔ སྐལ་ལྡན་སྙིང་པོའི་ཡང་བཅུད་དོན་འདོད་ན༔ མཆིམས་ཕུ་བྲག་དམར་དགེ་གོང་ཡང་ལྡེབས་ལ༔ གསང་བ་སྙིང་ཏིག་སྙིང་དང་འདྲ་བ་ཡོད་ཀྱིས་ལོང་༔ དེ་དག་ཁྱེར་ལ་འུ་ཡུག་ཕྱི་སྐོང་རྫའི་ར་བ་རུ༔ སུས་ཀྱང་མཐོང་བ་མེད་པར་ལོ་བདུན་སྒོམས༔ དེས་ནི་ཟག་བཅས་ཕུང་པོ་མི་སྣང་བ་ཡིན་ནོ༔ ཞེས་པའི་ལུང་བསྟན་ལྟར་མཆིམས་ཕུ་ནས་གཏེར་སྤྱན་དྲངས། འུ་ཡུག་ཏུ་ལོ་བདུན་གྱི་བར་བསྒོམས་པས་ཆོས་ཉིད་ཟད་པའི་སྣང་བ་མཐོང་ནས་སྙིང་ཏིག་གི་སྐོར་རྣམས་ཕྱལ་གྱི་ཕུའི་
བྲག་དཀར་པོ་ཐེམ་པ་འདྲ་བ་ལ་སྦས་ཤིང་ཚིག་བརྒྱུད་དང་སྙན་བརྒྱུད་རྣམས་ལྕེ་སྒོམ་ནག་པོ་དང་རྒྱལ་བ་ཞང་སྟོན་སོགས་ལ་གནང་སྟེ་རིམ་པར་བརྒྱུད་པའི་ཆོས་སྐོར་ལ། ཐོག་མར་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱིས་མཛད་པའི་སྤྲོས་བཅས་བུམ་དབང་ཚངས་པའི་དྲ་བ་གནད་ཡིག་དང་བཅས་པའི་སྟེང་ནས་རས་བྲིས་ཀྱི་དཀྱིལ་འཁོར་དུ་བུམ་པ་ལྔ་ལ་བརྟེན་ནས་བུམ་དབང་། བདུད་རྩི་ལ་བརྟེན་ནས་གསང་བའི་དབང་། ཤེས་རབ་མ་ལ་བརྟེན་ནས་བྷ་གའི་དབང་། ཚིག་དོན་ངོ་སྤྲོད་བརྡའི་དབང་། སྤྲོས་མེད་ཀྱི་དབང་ཆོག་རིན་ཅེན་དྲ་བ་གནད་ཡིག་དང་བཅས་པའི་སྟེང་ནས་ཆོས་དབྱིངས་སྐྱེ་མཆེད་རང་བྱུང་གསུམ་ལ་བརྟེན་ནས་ཡི་གེ་འཁོར་ལོའི་དབང་། བདེ་ཆེན་སྤྱི་བླུགས། རྒྱས་གདབ་ཚངས་པ། རིག་པ་རྩལ་དབང་། ཀུན་བཟང་ཆོས་དབྱིངས་ལྷུན་གྲུབ་བཞི་ལ་བརྟེན་ནས་ཆོས་ཉིད་དོན་གྱི་དབང་། ཤིན་ཏུ་སྤྲོས་མེད་དབང་ཆོག་པདྨའི་དྲ་བ་གནད་ཡིག་དང་བཅས་པའི་སྟེང་ནས་བླ་མའི་གསོལ་འདེབས་སྔོན་དུ་བཏང་བའི་ཨ་དྲུག་གིས་བྱིན་དབབ་སྟེ་ཐུགས་ཀྱི་དཀྱིལ་འཁོར་དུ་ཞུགས་ནས་ཡེ་ཤེས་ལྔ་དབྱིངས་སུ་ཐིམ་པའི་དབང་། རབ་ཏུ་སྤྲོས་མེད་ཀྱི་དབང་ཆོག་འོད་ཀྱི་དྲ་བ་གནད་ཡིག་དང་བཅས་པའི་སྟེང་ནས་སྤྲུལ་སྐུའི་དཀྱིལ་འཁོར་དུ་གཞུག་པའི་དབང་། ལོངས་སྐུའི་དཀྱིལ་འཁོར་དུ་གཞུག་པའི་དབང་། ལེགས་པར་ནོས་ནས། ལུང་ལ། སྤྱིར་རྒྱུད་བཅོ་བརྒྱད་མན་ངག་བརྒྱ་བཅུ་དགུ། ཟབ་པ་པོད་བཞི། ཡང་ཟབ་ཀྱི་ཡང་ཟབ་ཕྲ་ཡིག་ཅན་དང་བཅས་པའི་ཆོས་ཚན་བརྒྱ་ཞེ་གཉིས་ཡོད་པར་བཤད་པའི་རྒྱུད་ཀྱི་སྐོར་དང་མན་ངག་གཉིས་ལས། དང་པོ་ལ། དབང་རྫོགས་པ་རང་བྱུང་ཆེན་པོའི་རྒྱུད་ལེའུ་ཉེར་ལྔས་སྤྲོས་པ་ལ་དགའ་བ་རྣམས་སྨིན་
པར་བྱེད་པ་དབང་གི་རིམ་པ་བསྟན། གསང་བ་ཡི་གེ་མེད་པའི་རྒྱུད་ཆེན་པོ་རིན་པོ་ཆེ་རྒྱལ་མཚན་གྱི་རྒྱུད་རྒྱལ་བའི་གདུང་བརྒྱུད་མི་འགྱུར་བ་ལྟ་བ་ནམ་མཁའི་མཐའ་དང་མཉམ་པ་བསྟན་པའི་རྒྱུད་ལེའུ་དྲུག་གིས་སྨིན་ཟིན་གྲོལ་བར་བྱེད་པའི་མན་ངག་གི་གནད་བསྟན། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དངོས་སུ་བཤད་པ་ཡེ་ཤེས་འདུས་པའི་མདོ་ཐེག་པ་ཆེན་པོ་གསང་བ་བླ་ན་མེད་པའི་རྒྱུད་ཆོས་ཐམས་ཅད་ཀྱི་འབྱུང་གནས་སངས་རྒྱས་ཐམས་ཅད་ཀྱི་དགོངས་པ་གསང་སྔགས་གཅིག་པའི་ཡེ་ཤེས་རྫོགས་པ་ཆེན་པོའི་དོན་གསལ་བར་བྱེད་པའི་རྒྱུད་རིག་པ་རང་ཤར་ཆེན་པོའི་རྒྱུད་ཅེས་བྱ་བ་སྟོན་པ་གཞོན་ནུ་དཔའ་བོ་སྟོབས་ལྡན་གྱིས་དུར་ཁྲོད་མེ་རི་འབར་བར་འཁོར་རྣམས་ཀྱི་རྟོག་པ་བསལ་བ་ཡེ་ཤེས་ལག་ཕྲད་དུ་བསྟན་པ་ལེའུ་བརྒྱད་ཅུ་རྩ་དྲུག་པ་སློབ་དཔོན་བི་མཱ་ལ་མི་ཏྲས་སྒྲ་མི་མཐུན་པ་སུམ་བརྒྱ་ལས་བསྒྱུར་བ་འདི་རྗེ་མ་གཏོགས་ཉང་ལ་ཡང་མེད་པས་ཤེལ་གྱི་གླེགས་ཤིང་དུ་བསྡམས་ནས་དངུལ་གྱི་གའུར་བཅུག་གཟེར་ཆེན་པོ་བཞི་བཏབ་སྟེ། རེ་ནག་གིས་གྲིལ་ཕུང་བྱེད་ཀྱི་ངན་སྔགས་ཡིན་པ་སྐད་དུ་བྱས་ནས་རྗེ་མངའ་བདག་གིས་ཉང་གི་གཏེར་གྱི་ཟླར་སྦ་རུ་བཅུག་པ། རྒྱུད་འདིས་ལྟ་སྒོམ་སྤྱོད་པ་འབྲས་བུའི་བརྗོད་བྱ་ཁྱད་པར་དུ་གསལ་བར་བྱེད། སྟོན་པ་སྟོབས་ལྡན་ཆེན་པོས་དུར་ཁྲོད་ཆེན་པོ་མེ་རི་འབར་བར་འཁོར་རྣམས་ཀྱི་རྟོག་པ་བསལ་བ་རྒྱུད་ཀུན་གྱི་ལྡེ་མིག་ཏུ་གསུངས་པའི་རིག་པ་རང་གྲོལ་ཆེན་པོ་ཐམས་ཅད་གྲོལ་བའི་རྒྱུད་ལེའུ་བཅུ་པ་བི་མཱ་ལས་བསྒྱུར་ཅིང་གཏན་ལ་ཕབ་པ། འདིས་མའི་ས་གཅད་དམིགས་ཀྱིས་བསལ་བར་བྱེད་པ་རིན་པོ་ཆེ་སྤུངས་པ་ཡོན་ཏན་ཆེན་པོ་སྟོན་པ་རྒྱུད་ཀྱི་རྒྱལ་པོ་ལེའུ་ལྔས་ཡོན་ཏན་རང་རྫོགས་སུ་སྟོན་པ། རིན་པོ་ཆེ་
སྐུ་གདུང་འབར་བའི་རྒྱུད་ཆེན་པོ་ལས་གསང་བ་ཡང་བསྡུས་ཀྱི་སྙིང་པོ་རང་བཞིན་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞི་པ་ལས་ཁྱད་པར་དུ་ཕྱུང་བ་དཔལ་ནམ་མཁའ་མེད་པ་སྐུ་གདུང་འབར་བ་ཆེན་པོའི་རྒྱུད་ལེའུ་གསུམ་པ་མཁས་པ་བི་མཱ་ལ་མི་ཏྲ་དང་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར། འདིས་རྟགས་རྣམས་གསལ་བར་བསྟན། རང་བཞིན་རྫོགས་པ་ཆེན་པོ་ཤོ་ལོ་ཀ་འབུམ་ཕྲག་དྲུག་ཅུ་རྩ་བཞི་པ་ལས་ཁྱད་པར་དུ་བཀོད་པ་རིན་པོ་ཆེ་འབྱུང་བར་བྱེད་པ་སྒྲ་ཐལ་འགྱུར་ཆེན་པོ་ཆོས་རྣམས་ཀུན་གྱི་རྩ་བར་བསྟན་པའི་རྒྱུད་ལེའུ་དྲུག་གིས་སྡེ་སྣོད་ཀུན་གྱི་རྩ་བ་སྟོན། བཀྲ་ཤིས་མཛེས་ལྡན་ཆེན་པོ་རྒྱུད་དཔལ་ནམ་མཁའ་མེད་པ་ཆེན་པོ་ཞེས་བྱ་བ་ལེའུ་ལྔས་འཁྲུལ་པ་བཟློག་ཚུལ་ངོས་འཛིན། རྡོ་རྗེ་སེམས་དཔའ་སྙིང་གི་མེ་ལོང་ཞེས་བྱ་བ་ཡང་གསང་གབ་སྦས་པའི་རྒྱུད་རྫོགས་པ་ཆེན་པོ་གཏན་ལ་འབེབས་པ་གཞོན་ནུ་དཔའ་བོ་སྟོབས་ལྡན་གྱི་དུར་ཁྲོད་མེ་རི་འབར་བར་གསང་བའི་བདག་པོ་ལ་སོགས་པ་རྣམས་ལ་རང་རང་གི་དོན་དངོས་སུ་བསྟན་པ་བཀའ་དམ་པ་གསང་བའི་རྒྱུད་ཆེན་ལེའུ་བརྒྱད་པ་མཆིམས་ཕུ་བྲག་དམར་དགེ་གོང་གི་ཚལ་དུ་སློབ་དཔོན་གྱི་བི་མཱ་ལས་སྒྲ་མི་མཐུན་པ་གསུམ་ལས་བསྒྱུར་བ་སྐ་ཅོག་གཉིས་ཀྱིས་ཞུས་ཏེ་གཏན་ལ་ཕབ་པ་ཉང་གིས་ཞའི་མགོན་པོ་གྲི་ཐོད་ཅན་ལ་གཉེར་དུ་གཏད་ནས་གཏེར་དུ་སྦས། འདིས་ངོ་སྤྲད་པ་དང་དབང་དམ་ཚིག་གི་མན་ངག་སྟོན། ཀུན་ཏུ་བཟང་པོ་ཐུགས་ཀྱི་མེ་ལོང་གི་རྒྱུད་ལེའུ་བཞིས་གོམས་སྒྲིབ་ཤན་འབྱེད་སྟོན། རང་བཞིན་རྫོགས་པ་ཆེན་པོ་འབུམ་ཕྲག་དྲུག་ཅུ་རྩ་བཞིའི་རྒྱུད་ལས་ཕྱུང་བ་ངོ་སྤྲོད་རིན་པོ་ཆེས་སྤྲས་པའི་ཞིང་ཁམས་བསྟན་པའི་རྒྱུད་ལེའུ་གསུམ་གྱི་དཔེ་དོན་གྱི་ཡིད་ཆེས་སྐྱེད། རང་བཞིན་རྫོགས་པ་
ཆེན་པོ་འབུམ་ཕྲག་དྲུག་ཅུ་རྩ་བཞི་ལས་ཕྱུང་བ་མུ་ཏིག་རིན་པོ་ཆེའི་འཕྲེང་བའི་རྒྱུད་ལེའུ་བརྒྱད་ཀྱིས་མན་ངག་ཐ་དད་པའི་ཐབས་ཀྱིས་གྲོལ་བར་སྟོན། རང་བཞིན་རྫོགས་པ་ཆེན་པོ་འབུམ་ཕྲག་དྲུག་ཅུ་རྩ་བཞིའི་བཅུད་ཕྱུང་བ་ཀུན་ཏུ་བཟང་པོ་གློང་དྲུག་གི་རྒྱུད་ལེའུ་དྲུག་གིས་རིགས་དྲུག་གནས་སུ་དག་པར་སྟོན། རྫོགས་པ་ཆེན་པོ་འབུམ་ཕྲག་དྲུག་ཅུ་རྩ་བཞིའི་བཅུད་ཕྱུང་བ་ལས་གསེར་གྱི་མེ་ཏོག་མཛེས་པའི་རིན་པོ་ཆེ་སྒྲོན་མ་འབར་བའི་རྒྱུད་ལེའུ་བཞིས་སྒྲོན་མ་བཞི་སྟོན། ཉི་མ་དང་། ཟླ་བ་ཁ་སྦྱོར་བ་ཆེན་པོ་གསང་བའི་རྒྱུད་ལེའུ་བཞིས་བར་དོ་སྟོན། ཀུན་ཏུ་བཟང་པོས་འོག་མིན་གྱི་གནས་སུ་འཁོར་རྣམས་ལ་རིག་པའི་ཐབས་བསྟན་པ་གསང་སྔགས་ཀུན་གྱི་རྩ་བའི་དོན་མ་ནོར་བར་སྟོན་པའི་རྒྱུད་ཡེ་ཤེས་ལག་ཕྲད་དུ་བསྟན་པ་དབང་བཞི་ཡོངས་རྫོགས་སུ་བསྟན་པའི་རྒྱུད་སེང་གེ་རྩལ་རྫོགས་ཆེན་པོ་ལེའུ་བཅུ་གསུམ་གྱིས་ལྟ་བ་ཕྱོགས་རིས་མེད་པར་སྟོན། ནོར་བུ་ཕྲ་བཀོད་རང་གི་དོན་ཐམས་ཅད་གསལ་བར་བྱེད་པའི་རྒྱུད་ལེའུ་བཞིས་ལམ་སྲོལ་དུ་འཛུད་པར་སྟོན། བཀའ་སྲུང་ཁྲོས་མ་ནག་མོ་གསང་བ་སྙིང་གི་རྒྱུད་དཔལ་ལྡན་རང་བྱུང་རྒྱལ་མོས་གསུངས་པ་ལེའུ་སུམ་ཅུ་སོ་གཅིག །ཁྲོས་ནག་གིས་ཚངས་པ་གདོང་བཞི་པར་སྤྲུལ་ནས་གསུངས་པའི་རྒྱུད་ལེའུ་ཞེ་གཅིག །ཡང་སྤྲུལ་མུ་སྟེགས་བདུད་དུ་སྤྲུལ་ནས་གསུངས་པའི་ལེའུ་ལྔ་རྣམས་ཀྱི་བསྟན་པ་བསྲུང་བའི་དྲག་སྔགས་གཙོ་བོར་སྟོན་པའི་བཀའ་སྲུང་གི་རྒྱུད་འདིས་སངས་རྒྱས་ཀྱིས་མ་གསུངས་ཤིང་བདུད་བཤན་པ་ལག་དམར་གྱིས་བཀའི་སྡུད་པོ་བྱས་ནས་གཏེར་དུ་སྦས་པས་རྒྱུད་བཅུ་བདུན་གྱི་གྲས་སུ་མི་འོས་སོ་སྙམ་ན། ཕྱག་ན་རྡོ་རྗེ་གཟི་བརྗིད་ཀྱིས་དྲེགས་པ་རང་གི་སྲོག་སྙིང་རྒྱུད་བཏོན་ནས་ཕུལ་བ། གསང་བདག་གིས་རྒྱུད་བཅུ་བདུན་གྱི་བཀའི་སྲུང་མར་གདམས་པའི་
དྲག་སྔགས་ཁྱད་པར་ཅན་ཡིན་པས་སོ། །ཚངས་པས་གསུངས་པའི་རྒྱུད་ཀྱི་ལས་ཀྱི་གྲངས་བཞི་བརྒྱ་ལྔ་བཅུའི་ཐེམས་རྫོགས་བྱང་གི་མཐའ་ཅན། དྲག་པོའི་ངན་ཐབས་དགྲ་གློ་བུར་དུ་བྱུང་ན་བརྡེག་པ་རྫས་ཀྱི་ཡང་ཏིག །ངན་སྔགས་གསང་བའི་མན་ངག་འབྱུང་བཞིའི་སྡེབ་ཡིག་བཀའ་སྲུང་དཔང་དུ་བཙུགས་ལ་སྦྱིན་ནོའི་མཐའ་ཅན་རྣམས། དེ་ཡང་མུ་ཏིག་འཕྲེང་བ་ལས། རྒྱ་མཚོ་དང་ནི་ཉི་མ་དང་༔ སེང་གེ་དང་ནི་རི་རྒྱལ་དང་༔ འཁོར་ལོ་དང་ནི་ལྡེ་མིག་དང་༔ རལ་གྲི་དང་ནི་གསལ་ཤིང་དང་༔ གསེར་ཞུ་དང་ནི་མ་བུ་འབྲེལ༔ མེ་ལོང་དང་ནི་མུ་ཏིག་དཀྱུས༔ སྦྲུལ་མདུད་དང་ནི་ཁྱུང་ཆེན་དང་༔ ཆུ་རྒྱུན་དང་ནི་སྤུ་གྲི་དང་༔ རྒྱལ་པོ་དང་ནི་བང་མཛོད་དང་༔ དེ་དག་རྣམ་པར་ཕྱེ་བས་ན༔ ཚིག་རྒྱུད་གསལ་བར་བྱེད་པའོ༔ དེ་ཡི་དོན་རྣམས་རྣམ་དབྱེ་བས༔ ངོ་བོ་ཉིད་ཀྱིས་མཐོང་བར་འགྱུར༔ ཞེས་པ་ལྟར་དཔེ་བཅོ་བརྒྱད་རིམ་པ་བཞིན་དུ་རིག་པར་རང་ཤར། རྡོ་རྗེ་སེམས་དཔའ་སྙིང་གི་མེ་ལོང་། སེང་གེ་རྩལ་རྫོགས། ཡི་གེ་མེད་པ། བཀྲ་ཤིས་མཛེས་ལྡན། སྒྲ་ཐལ་འགྱུར། ཀུན་བཟང་ཐུགས་ཀྱི་མེ་ལོང་། སྒྲོན་མ་འབར་བ། ནོར་བུ་ཕྲ་བཀོད། ཉི་ཟླ་ཁ་སྦྱོར། ངོ་སྤྲོད་སྤྲས་པ། མུ་ཏིག་འཕྲེང་བ། རིག་པ་རང་གྲོལ། ཀློང་དྲུག་པ། རྫོགས་པ་རང་བྱུང་། ནག་མོ་ཁྲོས་མ། སྐུ་གདུང་འབར་བ། རིན་ཅེན་སྤུངས་པ་རྣམས་རིམ་པར་སྦྱོར་ཞིང་། ཡང་དེ་ཉིད་ལས། རྒྱུད་ཀྱི་སྙིང་པོ་གསུམ་ཤེས་ན༔ རྒྱལ་བློན་འབངས་གསུམ་འཛོམ་པ་འདྲ༔ རྒྱུད་ཀྱི་དྭངས་མ་གསུམ་ཤེས་ན༔ རི་གསུམ་རྩེ་མོར་ཕྱིན་པ་འདྲ༔ རྒྱུད་ཀྱི་མེ་ཏོག་གསུམ་ཤེས་ན༔ མཁའ་ལ་ཉི་མ་གསུམ་ཤར་འདྲ༔ རྒྱུད་ཀུན་སྡོམ་གཅིག་ཤེས་པ་ན༔ མཁར་གྱི་འགྲམ་རྡོ་ལེགས་ཚུགས་འདྲ༔ སྣང་བ་གཏིང་རྫོགས་
རྒྱུད་ཤེས་ན༔ རྩེ་མོ་འབྱོངས་པའི་མཁར་དང་འདྲ༔ ཡེ་ཤེས་གཡུལ་བཟློག་རྒྱུད་ཤེས་ན༔ ཕྱོགས་བཞི་སྐར་ཁུང་དོད་པ་འདྲ༔ ཡན་ལག་རྒྱུད་ཆེན་གཉིས་ཤེས་ན༔ ངོས་བཞིར་བ་གམ་བཏགས་པ་འདྲ༔ རྣལ་འབྱོར་གྲོལ་བའི་རྒྱུད་ཤེས་ན༔ རྒྱལ་པོ་མཁར་གྱི་རྩེར་བཞག་འདྲ༔ སྙིང་དང་འདྲ་བའི་རྒྱུད་ཤེས་ན༔ དེ་ལ་སྒོ་མོ་དམ་བསྒྲིགས་འདྲ༔ གསང་བར་རང་གཞུང་རྒྱུད་ཤེས་ན༔ མཐའ་མ་ལྕགས་རིས་བསྐོར་བ་འདྲ༔ མཚོན་ཆ་ལྟ་བུའི་རྒྱུད་ཤེས་ན༔ གོ་ཞུབ་ལྡན་པའི་སྒོ་དྲུང་འདྲ༔ ཞེས་སྙིང་པོ་གསུམ་ནི་རང་ཤར་རང་གྲོལ། ཡི་གེ་མེད་པ། དྭངས་མ་གསུམ་ནི། ནོར་བུ་ཕྲ་བཀོད། རྡོར་སེམས་མེ་ལོང་། ཀུན་བཟང་མེ་ལོང་། མེ་ཏོག་གསུམ་ནི། མུ་ཏིག་འཕྲེང་བ། སེང་གེ་རྩལ་རྫོགས། བཀྲ་ཤིས་མཛེས་ལྡན། སྡོམ་གཅིག་ནི་རྫོགས་པ་རང་བྱུང་། སྣང་བ་གཏིང་རྫོགས་ནི། ངོ་སྤྲོད་སྤྲས་པ། ཡེ་ཤེས་གཡུལ་བཟློག་ནི། ཉི་ཟླ་ཁ་སྦྱོར། ཡན་ལག་གཉིས་ནི། རིན་ཅེན་སྤུངས་པ། སྐུ་གདུང་འབར་བ། རྣལ་འབྱོར་གྲོལ་བ་ནི། སྒྲོན་མ་འབར་བ། སྙིང་དང་འདྲ་བ་ནི། ཀློང་དྲུག་པ། གསང་བ་རང་གཞུང་ནི། སྒྲ་ཐལ་འགྱུར། མཚོན་ཆ་ལྟ་བུ་ནི། ནག་མོ་ཁྲོས་མ་སྟེ་རྒྱུད་བཅོ་བརྒྱད་པོ་འདི་དག་ཐེག་པ་ཀུན་གྱི་ཡང་རྩེ་བླ་ན་མེད་པ་གསང་བ་ལས་ཀྱང་ཆེས་གསང་བའོ། །གཉིས་པ་ཡང་ཟབ་མན་ངག་གི་སྐོར་ལ། རྒྱ་ཆེ་བ་དང་ཟབ་པ་གཉིས། དང་པོ་ནི། ཁ་བྱང་གི་རྒྱལ་པོ་ཉི་མས་བརྒྱན་པ་ལས། བརྒྱ་དང་བཅུ་དགུ་མན་ངག་དམ་པ་རྣམས༔ ཞེས་མན་ངག་བརྒྱ་བཅུ་དགུར་གསུངས་པའི་དང་པོ་དུམ་དུམ་འཁྲིགས་ནས་མཐའ་མ་པདྨ་ཁ་འབྱེད་ཀྱི་བར་ཡིག་སྣ་བརྒྱ་བཅུ་དགུ་ཡོད་པ་དུས་དབང་གིས་ཕལ་ཆེར་རྒྱུན་ནུབ་ཅིང་། འགའ་ཞིག་བཞུགས་པའང་ཁོ་བོའི་སྤྱོད་ཡུལ་དུ་མ་གྱུར་ལ། འོན་ཀྱང་
རྒྱ་ཆེ་བའི་ཕྱོགས་ཏུ་གཏོགས་པ་རྫོགས་པ་ཆེན་པོ་སྙིང་ཐིག་གི་ལོ་རྒྱུས་ཆེན་མོ་ཞེས་བྱ་བ་སངས་རྒྱས་ཀྱི་ལོ་རྒྱུས་རྒྱལ་བ་དགོངས་པས་བརྒྱུད་པའོ། །ཞེས་མཐར་ཚང་བ། རིགས་འཛིན་གྱི་གནས་འབྱེད་བདུན་པ་དབུ་རྩེ་རིགས་གསུམ་གྱི་བར་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ་མཐར་ཚང་བ། གང་ཟག་སྙན་ཁུང་བརྒྱུད་པའི་ལོ་རྒྱུས་སྐལ་ལྡན་ཡིད་ཆེས་ཀྱི་གནད་བསྟན་པ་རྫོགས་བྱང་མཐར་ཚང་བ། ལྕེ་བཙུན་གྱི་མགུར་སངས་རྒྱས་ཡིད་ཆེས་མ་རྣམས། གཉིས་པ་ཟབ་པའི་སྐོར་ནི། ཁ་བྱང་ལས། ཨེ་མ། གསང་མཆོག་དམ་པ་གཞན་དུ་མ་བསྟན་པའི༔ སྙིང་ལས་ལྷག་པའི་མན་ངག་སྙིང་ཐིག་ལ༔ ཁ་བྱང་རྣམས་སུ་བཀོད་པར་མ་ཕོད་པའི༔ རྩ་རྣམས་མདུད་པ་སྙིང་ལ་འདུས་པ་ལྟར༔ བརྒྱ་དང་བཅུ་དགུ་མན་ངག་དམ་པ་རྣམས༔ ཡང་གསང་སྙིང་དང་འདྲ་བ་བཞི་ལ་འདུས༔ ཞེས་རྒྱ་ཆེ་བའི་ཆོས་ཀྱི་སྙིང་པོ་མཐའ་དག་ཟབ་པ་པོད་བཞིར་འདུས་པར་བསྟན༔ པོད་བཞིའི་རྒྱུ་མཚན་ཡང་སྒྲོན་མ་རང་གསལ་ལས༔ སྙིང་པོ་ངེས་པའི་རང་བཞིན་འདི་ལྟ་བུ༔ ཕྱིས་ཀྱང་འབྱུང་བ་ཤིན་ཏུ་དཀོན་པའོ༔ དེ་ཡི་དོན་གྱི་ཚད་ནི་འདི་ལྟ་བུ༔ གཞན་གྱིས་བསྒྱུར་ཞིང་བཤིག་པར་དཀའ་བའི་ཕྱིར༔ ཤོག་ཚད་སྣོད་ཀྱི་བྱེ་བྲག་འདི་ལྟ་སྟེ༔ ཞེས་བྱང་བུའི་རྒྱུ་དང་ཚད་ཡི་གེ་སོགས་གསུངས་པ་ལྟར། ཐོག་མར་ཆོས་ཀྱི་བཀའ་མི་འཆལ་ཞིང་ཡིད་ཆེས་ཀྱི་གོ་བ་བསྐྱེད་པའི་ཆེད་དུ་རྫོགས་པ་ཆེན་པོ་གསང་བ་སྙིང་ཐིག་གི་མན་ངག་ཟབ་པ་པོད་བཞིའི་ཁ་བྱང་གི་རྒྱལ་པོ་ཉི་མས་བརྒྱན་པ་ཞེས་བྱ་བ་མཁས་པ་ཆེན་པོ་བི་མཱ་ལ་མི་ཏྲས་ལྷོ་ཕྱོགས་བྷེ་ཏའི་ཡུལ་རིན་པོ་ཆེ་སྣང་བར་མཛད་པ། དེས་མཛད་པའི་ཤོག་ཚད་ངེས་པའི་ཁ་བྱང་སྒྲོན་མ་རང་གསལ་ཞེས་བྱ་བ། ཁ་བྱང་དེ་དག་ལས་
གསུངས་པ་ལྟར། རྒྱུད་དང་མན་ངག་གི་མ་བུ་ངེས་པའི་ཁ་བྱང་གཉིས་ཡོད་པར་གྲགས་པ་ནི་མ་ཐོབ། གསེར་ཡིག་ཅན། དུང་ཡིག་ཅན། ཟངས་ཡིག་ཅན། གཡུ་ཡིག་ཅན་དང་བཞི། དེ་ཡང་ལ་ལར་ཕྲ་ཡིག་ཅན་ལོགས་སུ་འདྲེན་ནའང་། ཟངས་ཡིག་གི་སྐོར་དུ་འདུ་ཞིང་། དུང་ཡིག་དང་ཟངས་ཡིག་འདྲེན་ཚུལ་སྔ་ཕྱི་མ་ངེས་པ་མང་དུ་བྱུང་ནའང་། ཁ་བྱང་ལས། དུམ་བུ་ངེས་པའི་གྲངས་ནི་དུ་ཡོད་པ༔ མ་བུ་ངེས་པ་ཉིད་ནི་འདི་ལྟ་སྟེ་ཞེས་བསྟན་པའི་སྐབས་དུང་ཡིག་ཅན་སྔོན་དུ་འབྱུང་བས་དེའི་རྗེས་སུ་འབྲངས་པ་ཡིན་ལ། དེ་ཡང་དང་པོ་གསེར་ཡིག་ཅན་ལ་མ་བུ་གཉིས་ཀྱི་དང་པོ་ནི། ཁ་བྱང་ལས། བསྟན་པ་ཐམས་ཅད་འདུས་པའི་བུ་གཅིག་པུ༔ སུས་ཀྱང་བྱས་པ་མེད་པའི་ཡི་གེ་ཉིད༔ རང་བྱུང་ཀུན་གྱི་ཐོག་མར་བྱུང་བས་ན༔ སྐད་དང་བརྡ་རྣམས་མི་མཐུན་མེད་པའི་ཕྱིར༔ སྐལ་ལྡན་རྣམས་ཀྱིས་མཐོང་ཞིང་བལྟ་བའི་ཚེ༔ ཡི་གེ་རང་རང་མཐུན་པ་ཉིད་དུ་ཤེས༔ ཞེས་དང་། དེའི་འཕྲོས་ལས། འདི་ཉིད་སུ་ལ་གནང་བའི་མི་དེ་ནི༔ སྐལ་དང་ལྡན་པས་ངེས་པར་གྲོལ་བའོ༔ ཞེས་བཏགས་གྲོལ་གྱི་རྒྱུད་འདི་ལ་ཁ་བྱང་དུ། བསྟན་པ་ཐམས་ཅད་འདུས་པའི་བུ་གཅིག་པུ༔ དུམ་བུ་གཅིག་སྟེ་མ་བུ་གཉིས་ཡོད་དོ༔ ཞེས་པའི་མ་ཡིག་བསྟན་པ་བུ་གཅིག་གི་རྒྱུ་དམ་སངས་རྒྱས་ཐམས་ཅད་ཀྱི་སྲས་གཅིག་པུ་གསང་བ་གཅོད་པས་ས་བོན་གྱི་རྒྱུད་རང་བྱུང་གི་ཡི་གེ་སྤྲུལ་སྐུའི་ས་བོན་འཕེལ་བར་བྱེད་པ་འཇིག་རྟེན་ན་རབ་ཏུ་དཀོན་པའི་ཚིག་རྫོགས་བྱང་གི་མཐར་ཚང་བ་ཤོ་ལོ་ཀ་ཉིས་བརྒྱ་དང་ཕྱེད་དང་བརྒྱད་པ་ལེའུ་བདུན་དུ་ཕྱེ་བ། གཉིས་པ་བུ་ཡིག་ལ་བཏགས་སྲོལ་དང་འདས་རྗེས་གཉིས། དང་པོ་ནི། ཁ་བྱང་ལས། རྡོ་རྗེ་འཆང་གི་ཚིག་གནད་ངེས་པ་མེད་ན་མཆོད་པའི་དུས་མི་ཤེས་༔
དེ་ལྟར་མ་དང་བུ་གཉིས་བསྡེབས་པས་བསྟན་པ་བུ་གཅིག་འགྲུབ༔ ཅེས་སངས་རྒྱས་ཐམས་ཅད་ཀྱི་སྲས་གཅིག་གི་རྒྱུད་ཀྱི་གསང་བའི་མན་ངག་ཅེས་བྱ་བ་མཆོད་པའི་དུས་གནད་ངེས་པ་རྫོགས་བྱང་མཐར་ཚང་བ། ཐེམས་མེད་སངས་རྒྱས་ཐམས་ཅད་ཀྱི་སྲས་གཅིག་བུ་གསང་བ་གཅོད་པ་ས་བོན་གྱི་རྒྱུད་ཀྱི་དོན་གསལ་བར་སྟོན་པའི་འབྲུ་འགྲེལ་ཆེན་པོ་སློབ་དཔོན་ཆེན་པོ་དགའ་རབ་རྡོ་རྗེས་མཛད་པ་རྫོགས་བྱང་གི་མཐར་ཚང་བ། དེ་ཡང་བཏགས་གྲོལ་འདི་ནི་གསེར་ཡིག་ཅན་གྱི་ཁོངས་སུ་གཏོགས་པར་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱིས་གྲུབ་མཐའ་མཛོད་དུ་གསུངས་ཤིང་། དེའི་རྗེས་སུ་འབྲངས་ནའང་། སྒྲོན་མ་རང་གསལ་ལས། རིན་ཅེན་ལྔ་ཡི་རང་བྱུང་བྱང་བུ་ནི༔ སུས་ཀྱང་བྱས་ཤིང་བཟོ་ཡིས་མ་བསྒྲུབ་པ༔ འབྱུང་བའི་དགྲ་དང་བྲལ་བའི་བྱང་བུ་ནི༔ བཞི་བཅུ་བརྒྱད་དེ་སུས་ཀྱང་བཤིག་ཏུ་མེད༔ རང་བྱུང་ཡི་གེ་སྐད་ཀྱི་རིགས་ལྟར་སྣང་༔ རྫོགས་པའི་སངས་རྒྱས་འབྲངས་ཀྱི་མི་ལང་བའི༔ བྱིན་རླབས་ཉིད་ལ་རང་སྣང་ཉིད་དུ་ཤར༔ རིན་ཅེན་ཤེལ་གྱི་གླེགས་ཤིང་བར་དུ་སྟེམ༔ རྣམ་བདུན་རིན་ཅེན་གཟེར་ཆེན་བཞི་ཡིས་བསྡམས༔ ཞེས་ཡི་གེ་ཡང་གདུལ་བྱ་སོ་སོའི་སྣང་ངོར་དེ་དང་དེའི་ཡི་གེར་འཆར་བར་གསུངས་པ་དང་། གསན་ཡིག་རྙིང་པ་ལ་ལར་གསེར་ཡིག་ཅན་ལ་ཁ་བཏགས་གྲོལ་གྱི་ཐ་སྙད་གཞག་རུང་བ་ལྟ་བུ་བྱུང་ཡང་དེ་ལྟར་མ་གྲགས་ཞེས་པ་ལྟར་ན་དཔྱད་དགོས་པར་སྣང་ངོ་། །གཉིས་པ་འདས་རྗེས་ཀྱི་སྐོར་ནི། སྒྲོན་མ་རང་གསལ་ལས། རིན་ཅེན་མཐིང་སྔོན་བྱང་བུ་བཅུ་དྲུག་ལ༔ རིན་ཅེན་གསེར་གྱི་ཡི་གེར་སྤྲས་པ་སྟེ༔ ཟངས་ཀྱི་དྲ་བའི་ནང་དུ་བཅུག་པ་ནི༔ འདས་རྗེས་གསུམ་པོ་ཉིད་དེ་རབ་ཏུ་
གསང་༔ ཞེས་པ་ལྟར་སངས་རྒྱས་ཀྱི་འདས་རྗེས་གསུམ་གྱི་དང་པོ་ཨེ་ཨེ་ཨེ་མ་རིགས་ཀྱི་བུ་ཞེས་སོགས་དགའ་ལྡན་འཚོ་བྱེད་གཞོན་ནུའི་ལྡུམ་རར་བབས་པ་མན་ངག་རྣམས་ཀྱི་རྩ་བ་དགའ་རབ་རྡོ་རྗེས་རྟོགས་པའི་གདེང་རྙེད་དོ་ཞེས་པ་མཐར་ཚང་བ། དེའི་འགྲེལ་བའི་ཚུལ་དུ་ཞལ་ཆེམས་གཉིས་པ་ཨེ་མ་ཧོ་རིགས་ཀྱི་བུ་ཞེས་སོགས་གསང་ཆེན་རོལ་པའི་དུད་ཁྲོད་དུ་བབས་པ་མཁའ་འགྲོ་མས་གནས་སུ་སྣང་བར་བྱས་སོ་མཐར་ཚང་བ། དེའི་འགྲེལ་ཊཱིཀ་གི་ཚུལ་དུ་ཞལ་ཆེམས་གསུམ་པ་ཟག་པ་རང་ཟད་ཅེས་སོགས་བྱ་རྒོད་ཕུང་རིར་བབས་པ་དངོས་གྲུབ་ཀུན་གྱི་རྩ་བར་འབྱུང་མཐར་ཚང་བ། ཐེམས་མེད་སྐོར་ལ་དེ་དང་འདྲ་མིན་སངས་རྒྱས་ཀྱི་ཞལ་ཆེམས་དང་པོ་ཡང་དག་པར་རྫོགས་པའི་སངས་རྒྱས་དྲུག་པ་རྡོ་རྗེ་འཆང་ཞེས་སོགས་དགའ་རབ་རྡོ་རྗེ་རྟོགས་པ་གདེང་དང་ལྡན་པར་གྱུར་ཏོས་མཐར་ཚང་བ། འདི་གསན་ཡིག་གཞན་ན་མེད་པའང་འདུས་པ་དཔྱད། འདས་རྗེས་གཉིས་པ་ཡང་དག་པར་རྫོགས་པའི་སངས་རྒྱས་དབང་པོའི་སྟོབས་ཞེས་སོགས་བསྟན་པ་ཐམས་ཅད་ཀྱི་བཅུད་བསྡུས་ཤིང་བུ་གཅིག་པར་བསྟན་པའོ་མཐར་ཚང་བ། འདས་རྗེས་གསུམ་པར་རང་གྲོལ་རྡོ་རྗེ་འཆང་ཞེས་སོགས་བསྟན་པ་ཐམས་ཅད་ཀྱི་བུ་གཅིག་པར་བཀོད་པ་འོས་མཐར་ཚང་བ་སངས་རྒྱས་ཀྱི་འདས་རྗེས་གསུམ་པོ་ཁ་བྱང་རབ་ཏུ་སྣང་བྱེད་དུ་བརྒྱ་བཅུ་དགུའི་ནང་ཚན་དུ་བཤད་ཀྱང་ཁ་བྱང་ཉི་རྒྱན་ན་ཟབ་པ་པོད་བཞིའི་གྲས་སུ་གསུངས་ཤིང་གྲུབ་མཐའ་མཛོད་ཀྱི་ཁ་བྱང་དང་ཡང་མཐུན་ནོ། །རིགས་འཛིན་གྱི་འདས་རྗེས་བཞི་ལས་དགའ་རབ་རྡོ་རྗེ་ཚིག་གསུམ་གནད་དུ་རྡེག་པ་དུར་ཁྲོད་བསིལ་བའི་ཚལ་དུ་བབས་པ་ཆུ་བོ་དན་ཏིག་གི་འགོར་སྣང་བ་བྱས་པ་སངས་རྒྱས་ཀྱི་ཞིང་དུ་སྐད་ཅིག་ལ་གྲོལ་བར་བྱེད་པའི་མན་ངག་རྫོགས་བྱང་
གི་མཐར་ཚང་བ། འཇམ་དཔལ་བཤེས་གཉེན་གྱི་སྒོམ་ཉམས་ཚིག་དྲུག་པ་དུར་ཁྲོད་སོ་ས་གླིང་དུ་བབས་པ་རིག་པ་སྦར་ཟིན་གྱི་གདམས་པ་རྫོགས་བྱང་གི་མཐར་ཚང་བ། ཤྲཱི་སིངྷའི་གཟེར་བུ་བདུན་པ་བཀྲ་ཤིས་ཁྲི་སྒོར་དུ་བབས་པ་ལོང་བའི་སྣ་འཁྲིད་དང་འདྲ་བ་རྫོགས་བྱང་གི་མཐར་ཚང་བ། ཡེ་ཤེས་མདོའི་གཞག་ཐབས་བཞི་པ་དུར་ཁྲོད་བྷ་སིང་དུ་བབས་པ་མུན་ཁུང་གི་སྒྲོན་མེ་དང་འདྲ་བ་རྫོགས་བྱང་གི་མཐར་ཚང་བ། མཁས་པ་བི་མཱ་ལ་མི་ཏྲའི་ཞལ་ཆེམས་རང་རིག་གསལ་བའི་སྒྲོན་མ་ལྕེ་བཙུན་ལ་དངོས་སུ་གནང་ནས་བྱང་ཕྱོགས་སྡིག་རྒྱལ་གྱི་དོན་དུ་མཁའ་ལ་རླུང་ལྟར་གཤེགས་པ་ན་ར་སྐན་གྱི་མཐར་ཚང་བ། ལྕེ་བཙུན་སེང་གེ་དབང་ཕྱུག་གི་ཞལ་ཆེམས་གསང་བའི་གནང་འདུས་པ་གནད་གསུམ་གྱི་མན་ངག་སྤྲུལ་སྐུ་རྒྱལ་བ་ཞང་སྟོན་ལ་གཏད་པ་རྣམས། གཉིས་པ་དྲུང་ཡིག་ཅན་ནི། སྒྲོན་མ་རང་གསལ་ལས། ར་གན་གླེབས་པའི་བྱང་བུ་ལྔ་བཅུ་ལ༔ དཀར་པོ་དུང་བཞུས་ཡི་གེ་བཏབ་པ་ནི༔ གསང་བ་དུང་ཡིག་ཅན་ཏེ་འདི་ཡང་གསང་༔ ཞེས་གསུངས་པའི་སྐོར་ནི་ཐེམས་བྱང་ལས༔ གསང་བ་རྒྱུད་ཀྱི་ཁོག་སྙིང་མན་ངག་ཉིད༔ དུང་ཡིག་ཅན་ལ་དུམ་གཅིག་མ་བུ་བདུན༔ ཞེས་པ་ལྟར་རྒྱུད་ཀྱི་ཡོང་དོན་བསྡུས་པ་སྒྲོན་མ་སྣང་བྱེད་ཅེས་བྱ་བ་བམ་མདོ་རྒྱུད་ཀུན་གྱི་དོན་གསལ་བར་བྱེད་པ་ཞེས་བྱ་བ་མ་དུམ་བུ་གཅིག་ལ་རྒྱུད་བཅུ་བདུན་ནག་མོ་ཁྲོས་མའི་རྒྱུད་དང་བཅོ་བརྒྱད་ཀྱི་སོ་སོའི་ངེས་ཚིག་དབྱེ་བ་དགོས་པ་མཚོན་དཔེ་ཁོང་བཅུད་ལེ་གྲངས་ཏེ་དོན་ཚན་བུ་བདུན་དུ་བསྟན་པ་དུར་ཁྲོད་བྷ་སིང་དུ་བི་མཱ་ལས་མཁའ་འགྲོ་རྣམས་ཀྱི་དོན་དུ་མཛད་པ་ལོང་བའི་སྣ་ཁྲིད་ལྟ་བུ་ལས་ཅན་གཅིག་དང་ཕྲད་ཤོག་
གི་མཐར་ཚང་བ། ཐེམས་མེད་སྐོར་ལ་རྒྱུད་ཀྱི་གནད་ཚིག་གསང་བ་ཞེས་བྱ་བ་རྒྱུད་བཅུ་བདུན་ཁྲོས་མ་ནག་མོ་དང་བཅས་པའི་རྒྱབ་ཡིག་མཁས་པ་ཆེན་པོ་བི་མཱ་མི་ཏྲས་མཛད་ཅིང་སྒྲ་རང་འགྱུར། དུང་ཡིག་ཅན་གྱི་གནད་ཡིག་རྒྱུད་ཀྱི་ཁོང་སྙིང་བསྡེབས་པ་གང་ཟག་གཅིག་གི་ཆ་རྐྱེན་དུ་བསྡུས་པ་གསལ་བ་མིག་གི་ལྡེ་མིག་ཅེས་བྱ་བ་རྫོགས་བྱང་གི་མཐར་ཚང་བ་རྣམས། གསུམ་པ་ཟངས་ཡིག་ཅན་ནི། སྒྲོན་མ་རང་གསལ་ལས། ར་གན་གླེབས་པའི་བྱང་བུ་དྲུག་ཅུ་ལ། དམར་པོ་ཟངས་ཞུན་ཡི་གེར་བཏབ་པ་ནི། རིན་ཅེན་མཆོང་གི་གླེགས་ཤིང་བར་དུ་སྟེམ༔ རིན་ཅེན་ལྔ་ཡི་གཟེར་ཆེན་གཉིས་ཀྱིས་བསྡམས༔ བསེ་ཡི་སྒྲོམ་བུ་ཁོག་ནག་ནང་དུ་སྩལ༔ གསང་བའི་མན་ངག་ཟངས་ཡིག་ཅན་དེ་ནི༔ རབ་ཏུ་གསང་བས་རྣལ་འབྱོར་དོན་རབ་འགྲུབ༔ ཅེས་པའི་སྐོར་ལ་ཐེམས་བྱང་ལས། ཡང་གབ་ཟངས་ཀྱི་ཡི་གེ་ཅན་ལ་ནི༔ སྤྲོས་བཅས་རྣམས་ལ་དུམ་བུ་བཅུ་དྲུག་ཡོད༔ སྤྲོས་མེད་རྣམས་ལ་དུམ་བུ་གཅིག་གིས་སྟོན༔ བུ་བརྒྱད་མ་དང་དགུ་ཡིས་དོན་གཉིས་འགྲུབ༔ ཅེས་གང་ཟག་སྤྲོས་པ་ལ་དགའ་བའི་དོན་དུ་མིང་གི་ངེས་བཟུང་མ་བུ་གཉིས་ལས། དང་པོ་མ་ཡིག་གི་སྐོར་ལ། སྤྲོས་པ་གཅོད་པའི་སྒྲོན་མེ་ཕྲད་ཤོག་གི་མཐར་ཚང་བ། གོམས་པར་བྱ་བའི་གནད་ཀྱི་གདམས་ངག་དྲུག་པ་རྡོ་རྗེ་སེམས་དཔའི་ཞལ་མཐོང་བར་བྱེད་པ་རྫོགས་བྱང་དང་ཕྲད་ཤོག་གི་མཐར་ཚང་བ། སྔོན་འགྲོ་སེམས་སྦྱོང་བདུན་དེ་དང་འབྲེལ་བར་ཆགས་མེད་རླུང་ཆགས་ཅན་རིག་མ་ལ་བརྟེན་ནས༔ བསྒོམ་ཐབས་རྫོགས་བྱང་གི་མཐར་ཚང་བ། ལྟ་སྒོམ་འབྱེད་པའི་ལྡེ་མིག་སྦས་པ་མིང་འབྱེད་ཅེས་པ་རྫོགས་བྱང་གི་མཐར་ཚང་བ། སྤྱོད་པ་བསྡུས་པའི་སྒྲོན་མ་རྫོགས་བྱང་གི་མཐར་ཚང་བ། སྒོམ་པ་བསྡུས་
པའི་སྒྲོན་མ་རྫོགས་བྱང་གི་མཐར་ཚང་བ། ལྟ་བ་བསྡུས་པའི་སྒྲོན་མེ་རྫོགས་བྱང་གི་མཐར་ཚང་བ། འབྲས་བུ་བསྡུས་པའི་སྒྲོན་མ་རྫོགས་བྱང་ཕྲད་ཤོག་གི་མཐར་ཚང་བ། ཉམས་སུ་ལེན་པའི་གཅུན་ཐབས་རྫོགས་བྱང་གི་མཐར་ཚང་བ་ལུས་བཅོས་པའི་གནད་ཀྱི་མན་ངག་གསང་བ་མཆོག་ཏུ་ཟབ་པ་རྫོགས་བྱང་གི་མཐར་ཚང་བ། མཇུག་ཏུ་ལུང་དང་ལྡན་པའི་སྨྱོན་པ་ལྕེ་བཙུན་བདག༔ ཅེས་སོགས་གཏེར་བྱང་གཅིག །ལྟ་བ་འཛིན་པའི་ལྕགས་ཀྱུ་རྒན་མོ་མཛུབ་གཙུགས་སུ་བསྟན་པའི་མན་ངག་མཆོག་ཏུ་ཟབ་པ་རྫོགས་བྱང་གི་མཐར་ཚང་བ། སྣང་བའི་འཆར་ལུགས་སུ་བསྟན་པ་སྙིང་པོ་བསྡུས་པ་རིག་པ་སྤར་ཟིན་གྱི་མན་ངག་རྫོགས་བྱང་གི་མཐར་ཚང་བ་མཇུག་ཏུ་བསྟན་པའི་སྙིང་པོ་དར་ཚུལ་དང་བཅས་པ། རིག་པའི་རྒྱབ་རྟེན་བཅུད་རྣམས་བསྡུས་པའི་སྙིང་པོ་ཞེས་པ་རྫོགས་བྱང་གི་མཐར་ཚང་བ། འགལ་བ་བསྡུས་པའི་སྒྲོན་མ་ཞེས་པ་རྫོགས་བྱང་གི་མཐར་ཚང་བ། གཞན་དོན་བསྡུས་པའི་བཅུད་ཕུར་ཞེས་པ་རྫོགས་བྱང་དང་ཕྲད་ཤོག་གི་མཐར་ཚང་བ། རིག་པ་བསྡུས་པའི་སྒྲོན་མ་ཞེས་པ་རྫོགས་བྱང་གི་མཐར་ཚང་བ། རིག་པ་སྐུ་གསུམ་དུ་གཏན་ལ་དབབ་པ་སྐུ་གསུམ་བསྡུས་པའི་སྒྲོན་མ་རྫོགས་བྱང་དང་བཅས་པ། ལྟ་སྒོམ་བཅུད་བསྡུས་སྒྲོན་མ་རྫོགས་བྱང་གི་མཐར་ཚང་བ། ཐིག་ལེ་ཉག་གཅིག་ཏུ་གཏན་ལ་ཕབ་པ་ཉག་གཅིག་ཏུ་བསྡུས་པའི་སྒྲོན་མ་རྫོགས་བྱང་གི་མཐར་ཚང་བ། རིག་པ་དགེ་སྡིག་ལས་འདས་པར་གཏན་ལ་ཕབ་པ་དགེ་སྡིག་བསྡུས་པའི་སྒྲོན་མ་རྫོགས་བྱང་གི་མཐར་ཚང་བ་རྣམས། གཉིས་པ་བུ་ཡིག་གི་སྐོར་ལ། ཆགས་ཅན་གསང་སྔགས་ལ་སྦྱར་བར་བྱ་བའི་སྤྲ་འཁྲིད་རྫོགས་
བྱང་གི་མཐར་ཚང་བ། རིན་པོ་ཆེ་རླུང་གི་སྤྲ་འཁྲིད་ཅེས་བྱ་བ་ཐིག་ལེ་ཕྱི་མ་ལ་བསླབ་པ། ཆགས་བྲལ་གྱི་འབྲས་བུ་ཕྲད་ཤོག་མཐར་ཚང་བ། ཉམས་ལེན་བསྡུས་པའི་སྣ་ཁྲིད་ཡང་གབ་སྦས་དུམ་མམ་ཡང་གསང་སྦས་པའི་ཏི་ཀ་གསང་བ་ཡི་གེ་དམར་རུའི་ཡང་ཏིག་གནད་ཡིག་ཆེན་མོར་གྲགས་པ་རྫོགས་བྱང་གི་མཐར་ཚང་བ། མཇུག་ཏུ་འདི་མིན་གཞན་ལ་སྤྱོད་པའི་སྒོམ་ཆེན་ཡི་རེ་ཆད་ཅེས་སོགས་བི་མཱ་ལའི་གསུང་སྦས་བྱང་གི་མཐར་ཚང་བ། མན་ངག་མདོ་བྱང་བསྡུས་པའི་སྒྲོན་མ་ཞེས་པ་ཐམས་ཅད་ཀྱི་དོན་འགྲེལ་ཆེན་མོ་ཕྲད་ཤོག་གི་མཐར་ཚང་བ། མན་ངག་རིན་པོ་ཆེའི་དེམས་ཤིས་དམིགས་གཏད་གསལ་བར་བྱེད་པའི་སྒྲོན་མ་སྒོམ་ཁྲིགས་ཆེན་མོ་རྫོགས་བྱང་གི་མཐར་ཚང་བ། ཉམས་སུ་ལེན་པ་རྣམས་ཀྱི་རྟགས་ཡིག་བསྡུས་པའམ་རྟགས་ཡིག་གསང་བ་རྫོགས་བྱང་གི་མཐར་ཚང་བ་བི་མཱ་ལས་སྒྲ་མི་མཐུན་པ་གསུམ་གྱི་སྒོ་ནས་བསྒྱུར་བ། གསང་བ་ཆེན་པོ་ཚད་ཀྱི་ཡི་གེ་སྤྲུལ་སྐུ་དགའ་རབ་རྡོ་རྗེས་མཛད་པ་རྫོགས་བྱང་གི་མཐར་ཚང་བ། མངོན་སུམ་སྙིང་ཐིག་གསང་བའི་ཡི་གེ་དམར་རུའི་རྒྱབ་ཡིག་ཕུང་པོ་མི་སྣང་བར་འཚང་རྒྱ་བའི་མཐའ་ཅན་ཏེ་བརྒྱད་པོ་འདི་རྣམས་བུ་ཡིག་བརྒྱད་དུ་གྲགས་ཤིང་གྲུབ་མཛོད་དུ་རླུང་དང་ཆགས་པའི་སྤྲ་འཁྲིད་ཡང་གབ་ཚད་རྟགས་ལྔ་ཕྲ་ཡིག་ཏུ་ངོས་འཛིན་མཛད། ཐེམས་མེད་སྐོར་ལ་ཡི་གེ་དམར་རུའི་ཡང་འབྱེད་སྦས་པའི་ལྡེ་མིག་གསལ་བ་ཆེན་པོ་སྣང་འབྱེད་སྒྲོན་མ་ཞེས་པ་བི་མཱ་ལས་སྒྲ་རང་འགྱུར་དུ་བསྒྱུར་བ་མཇུག་ཏུ་བདག་འདྲ་བི་མཱ་ལ་མུ་ཏྲ་རྒྱལ་རིགས་ཞེས་སོགས་ཀྱི་ཚིགས་བཅད་ལྕེ་བཙུན་གྱིས་ཕྱུང་ཞིང་སྦས་པའི་མཐའ་ཅན། འདི་གསན་ཡིག་རྙིང་པ་འགའ་ན་སེམས་དམིགས་དྲུག་པའི་གཞུང་
དགའ་རབ་རྡོ་རྗེས་མཛད་པ་དང་། དེའི་རྣམ་བཤད་བི་མཱ་ལས་མཛད་པའི་དོན་དྲིལ་བར་འཆད་ཅིང་ཟངས་ཡིག་སྐོར་མིན་པ་འདྲ་ཞིག་འདུག་པ་བརྟག་གོ །ལྷ་སྲས་མུ་ཏིག་བཙན་པོས་ཟངས་ཡིག་བྲག་ཏུ་སྦས་པའི་ཡང་སྙིང་བཅུད་ཀྱི་དུམ་བུ་ཞེས་བྱ་བ་གསང་བ་སྙིང་གི་དོན་བསྟན་པ་འཛམ་གླིང་གཞན་ན་མེད་ངེས་པ། འདི་གུ་རུ་ཇོ་རྩེས་སྤྱན་དྲངས་པ་ཡིན་འདུག །སྐལ་ལྡན་ཉམས་སུ་ལེན་པའི་རྒྱབ་བརྟེན་ཡང་སྙིང་འཕྲུལ་གྱི་དུམ་བུ་ཞེས་པ་རྫོགས་བྱང་གི་མཐར་ཚང་བ། གཉིས་པོ་འདི་ཕྲ་ཡིག་ཅན་གྱི་ཁོངས་སུ་མཛད། བི་མཱ་ལས་མཛད་པའི་གསང་བ་བླ་མེད་སྒྲོན་མ་དགུ་སྐོར་གྱི་ནང་ཚན་སྐུ་གསུམ་བསྡུས་པའི་སྒྲོན་མ་རྫོགས་བྱང་ཕྲད་ཤོག་མཐར་ཚང་བ། སེམས་ཉིད་བསྡུས་པའི་སྒྲོན་མ་རྫོགས་བྱང་ཕྲད་ཤོག་གི་མཐར་ཚང་བ། སྟོང་ཉིད་བསྡུས་པའི་སྒྲོན་མ་རྫོགས་བྱང་ཕྲད་ཤོག་གི་མཐར་ཚང་བ། ལྟ་སྒོམ་སྤྱོད་པ་འབྲས་བུ་བསྡུས་པའི་སྒྲོན་མ་རྫོགས་བྱང་ཕྲད་ཤོག་གི་མཐར་ཚང་བ། དབྱིངས་དང་ཡེ་ཤེས་ཀྱི་དོན་བསྡུས་པའི་སྒྲོན་མ་རྫོགས་བྱང་ཕྲད་ཤོག་མཐར་ཚང་བ། ཕྱག་རྒྱ་བསྡུས་པའི་སྒྲོན་མ་རྫོགས་བྱང་ཕྲད་ཤོག་མཐར་ཚང་བ། ཤེས་རབ་བསྡུས་པའི་སྒྲོན་མ་རྫོགས་བྱང་ཕྲད་ཤོག་མཐར་ཚང་བ། ཡེ་ཤེས་བསྡུས་པའི་སྒྲོན་མ་རྫོགས་བྱང་ཕྲད་ཤོག་མཐར་ཚང་བ། རིག་པ་བསྡུས་པའི་སྒྲོན་མ་རྫོགས་བྱང་ཕྲང་ཤོག་མཐར་ཚང་བ། དབང་གི་སྐོར་ལ་སྤྲོས་བཅས་དབང་གི་ཕྱག་བཞེས་དང་པོའི་དཔེ་ལས། དབང་གི་སྐོར་རྣམས་བརྒྱ་བཅུ་དགུའི་ལྡེབས་སུ་བྱེད་པ་འདུག་ནའང་ཟངས་ཡིག་ཁོངས་སུ་འདྲེན་པ་འཐད་པར་སེམས་མོད་སླར་ཡང་དཔྱད་དོ། །ལག་ལེན་ཁྲིགས་སུ་ལྕེ་བཙུན་སེང་གེ་དབང་ཕྱུག་གིས་མཛད་པ། སྤྲོས་མེད་ཀྱི་དབང་བསྐུར་བ་རིན་པོ་
ཆེའི་བཀོད་པ་ཞེས་བྱ་བ་སློབ་དཔོན་དགའ་རབ་རྡོ་རྗེས་མཛད་པ། ཡང་དེ་དང་འདྲ་མིན་མཇུག་ཏུ་རིན་ཅེན་དབང་གི་ཕྱག་ལེན་ཇི་ལྟ་བ་བཞིན་བཀོད་པ་རྫོགས་སོའི་མཐའ་ཅན། སྤྲོས་པ་མེད་པའི་དབང་གསལ་བར་བྱེད་པའི་ཏི་ཀ་བི་མཱ་ལས་མཛད་པ། དབང་བསྐུར་རིན་པོ་ཆེ་བཀོད་པའི་གནད་ཀྱི་ཡི་གེ་རྫོགས་བྱང་དང་བཅས་པ། སྤྲོས་མེད་ཀྱི་བུམ་ཐིག་དག་པ་སྦྱར་བ་བྱར་མེད་ཀློང་ཡངས་ཀྱིས་མཆིམས་ཕུར་མཛད་པ། ཤིན་ཏུ་སྤྲོས་པ་མེད་པའི་སྐལ་ལྡན་གྱི་དབང་གི་རྩ་བ་བི་མཱ་ལས་སྒྲ་རང་འགྱུར་དུ་བསྒྱུར་བ། ཤིན་ཏུ་སྤྲོས་པ་མེད་པའི་འཁོར་འདས་རུ་ཤན་འབྱེད་པའི་སྤྱོད་པ་དབང་གི་ལག་ལེན་སྤྲ་འཁྲིད་བི་མཱ་ལས་མཛད་པ། རབ་ཏུ་སྤྲོས་པ་མེད་པའི་དབང་བསྐུར་བའི་རྩ་བ་སྔགས་ཀྱི་རྒྱལ་མོ་ལ་སྲུངས་ཤིག་པ་མཐའ་ཚང་བ། ཤིན་ཏུ་སྤྲོས་པ་མེད་པའི་རྣལ་འབྱོར་གྱི་དབང་བསྐུར་བའི་སྒྲོན་མ་སྣང་བྱེད་བཀོད་པ་རིན་པོ་ཆེའི་ཕྲ་ཏིག་དུམ་བུ་གསུམ་པ་དང་དུམ་བུ་བཞི་པ་བི་མཱ་ལས་མཛད་པ། རབ་ཏུ་སྤྲོས་མེད་ཡེ་ཤེས་འཆར་བའི་དབང་འབྲེལ་སྤྱོད་པ་དག་ཏུ་ནུས་པ་ཡིན་གྱི་མཐར་ཚང་བ། དབང་རྣམས་ཀྱི་ཕྲ་ཏིག་རྣམ་པར་ཕྱེ་བ་རྣལ་འབྱོར་པའི་དབང་བསྐུར་བའི་ཆོ་ག་སྨྲ་བའི་ཏི་ཀ་ཞེས་བྱ་བ་སློབ་དཔོན་ཆེན་པོ་དགའ་རབ་རྡོ་རྗེས་མཁའ་འགྲོ་མ་བརྩེ་བའི་བློ་གྲོས་ཀྱི་དོན་དུ་མཛད་པ། དབང་གི་རིམ་པ་བསྟན་པ་སྐྱེས་བུ་རྡོ་རྗེ་ལེགས་པ་ལ་བཅོལ་བའི་མཐའ་ཅན། དབང་བསྐུར་འཇུག་དུས་བསྟན་པ་རྫོགས་བྱང་གི་མཐའ་ཅན་རྣམས། དབང་གི་སྐོར་འདི་ཁ་བྱང་དུ་པོད་བཞིའི་གང་དུ་གཏོགས་ཀྱི་གསལ་ཁ་མ་བྱུང་ཡང་ཟངས་ཡིག་ཅན་གྱི་སྐོར་དུ་གཏོགས་པ་གསུང་རྒྱུན་དུ་འདུག་ལ། གསན་ཡིག་རྙིང་པའི་རིགས་ན་ལོགས་སུ་འདུག་པས་བརྟག་གོ །བཞི་པ་གཡུ་ཡིག་ཅན་པོ་ཏི་སྨུག་
ཆུང་གི་སྐོར་ནི་གསན་ཡིག་ལ་ལ་ན་ཟབ་པ་པོད་བཞིར་མ་བགྲངས་པར་འདས་རྗེས་དང་བཏགས་གྲོལ་གཉིས་སོ་སོར་བགྲངས་ཏེ་པོད་བཞིར་ངོས་བཟུང་བ་འདུག་ནའང་གྲུབ་མཐའ་མཛོད་དུ་འདི་ཟབ་པ་དབང་པོད་བཞིའི་ཡ་གྱལ་དུ་བཤད་པས་འཐད་དམ་སྙམ། ཁ་བྱང་ནང་གཡུ་ཡིག་ཅན་དང་པོ་ཏི་སྨུག་ཆུང་སོ་སོར་བཤད་ནས་ཡང་གསང་བུམ་འཁྲིགས་སོགས་སྨུག་ཆུང་དུ་ངོས་བཟུང་བ་མཁས་པ་ལ་ལའི་བཞེད་པར་བྱུང་བས་སླར་ཡང་ཕྱོགས་འདིར་མཁས་ཤིང་གྲུབ་བརྙེས་འདྲ་རྙེད་ན་དཔྱད་པར་བྱའོ། །མདོ་བྱང་ལས། སྒྲ་དང་ཐ་སྙད་བཀོད་པ་ཆེན་པོ་ལས༔ སྙིང་པོ་འདི་ནི་ཡོངས་སུ་བསྡུས་པའོ། །ཤིན་ཏུ་དཀོན་པས་སྔོན་པའི་གཡུ་ཡིས་བྲིས༔ གཞན་དང་ཐུན་མོང་དག་ཏུ་མ་བྱས་ལ༔ འདི་ནི་མཆོག་ཏུ་གསང་བའི་ཡི་གེའོ༔ ཞེས་གསང་སྐོར་སོགས་གཞན་མཐའ་དག་ལས་ཤིན་ཏུ་ཟབ་པ་གཡུ་ཡིག་ཅན་པོ་ཏི་སྨུག་ཆུང་གི་སྐོར་འདི་ལའང་འདྲ་མིན་ཞིག་ཡོད་ནའང་ངོ་བོ་འདི་ནི་བསེ་རིན་པོ་ཆེའི་བྱང་བུ་དམར་པོ་ལ་གཡུའི་ཡི་གེར་བྲིས་ནས་སོག་པོ་གཡུའི་སྨིན་མ་ཅན་གྱི་ཡུལ་ནས་བསྒྱུར་བ་ལ། ཁ་བྱང་ལས། གསང་བ་ཡང་ཞུན་པོ་ཏི་སྨུག་ཆུང་ལ༔ ཆོས་ཀྱི་སྡེ་དང་གྲངས་ནི་གསལ་བྱའི་ཕྱིར༔ གསང་བའི་དེམས་འདི་ལྷག་དང་ཆད་མེད་པར༔ ཡིད་ཆེས་འཇུག་ཕྱིར་ཡི་གེ་འདི་ལ་ལྟོས༔ ཞེས་སོགས་ལས་གསལ་བ་ལྟར། མ་ཡིག་རིན་པོ་ཆེ་རྨོངས་པའི་གདུང་བ་གཅད་པ། བུ་ཡིག་རིན་པོ་ཆེ་གསེར་གྱི་སྒྲོམ་བུ། ཐོར་བུའི་སྐོར་དང་གསུམ། དང་པོ་ནི། བཀོད་པ་ཆེན་པོ་དུམ་བུའི་རྒྱུད་ལས་རྨོངས་པའི་གདུང་སེལ་ལོ་རྒྱུས་བསྟན་པར་ཞུས་དོན་བཅུ་གཉིས་ཀྱི་ནང་གསེས་བརྒྱུད་པ་གསུམ་པའམ་དུས་གསུམ་སངས་རྒྱས་དགོངས་པས་བརྒྱུད་པའི་ཚིག་དོན་ཞེས་པ་སྟོན་པའི་བྱོན་ཚུལ་ཞུས་དོན་དང་པོ། བསྟན་པའི་ཆོས་ཇི་ལྟར་གསུངས་པའི་ཚིག་དོན་བསྟན་ཏེ་འཇུག་སྒོ་གསལ་བ་ཞུས་དོན་
གཉིས་པ། གཅད་པར་བྱ་བའི་འབྲས་བུའི་དོན་ཚིག་གི་གཞུང་དོན་ལ་དབྲི་གཞུག་མེད་པ་ཞུས་དོན་གསུམ་པ། བསྟན་པའི་ཆོས་རྣམས་ཀྱི་སྡེ་དང་གྲངས་གཏན་ལ་ཕབ་པ་ཞུས་དོན་བཞི་པ། ཚིགས་སུ་བཅད་པའི་དོན་གྱིས་གཞུང་རྣམས་གསལ་བ་ཞུས་དོན་ལྔ་པ། གསང་བ་སྙིང་དང་འདྲ་བའི་རྒྱུད་རྣམས་བསྡུས་ཏེ་བསྟན་པ་ཞུས་དོན་དྲུག་པ། ཕྱི་རབས་སྐལ་བ་དང་ལྡན་པའི་གང་ཟག་འབྱུང་བར་ལུང་བསྟན་པ་ཞུས་དོན་བདུན་པ། བསྟན་པའི་སྙིང་པོའི་འབྱུང་ཁུངས་བསྟན་པ་ཞུས་དོན་བརྒྱད་པ། བསྟན་པ་དམ་པའི་འཕེལ་འགྲིབ་ཇི་ལྟར་འབྱུང་བ་ལུང་བསྟན་པ་ཞུས་དོན་དགུ་པ། ངེས་པའི་འབྲས་བུ་ཐོབ་པ་འབྱུང་བར་རང་དེངས་སུ་སོང་བའི་གྲངས་ལུང་བསྟན་པ་ཞུས་དོན་བཅུ་པ། བར་དོར་འཚང་རྒྱ་བར་ལུང་བསྟན་པ་ཞུས་དོན་བཅུ་གཅིག་པ། རང་བཞིན་སྤྲུལ་སྐུར་དབུགས་འབྱིན་བསྟན་པ་ཞུ་ལན་བཅུ་གཉིས་པ་སྟེ་རྨོངས་པའི་གདུང་བ་རྣམ་པར་བསལ་བ་རྒྱུད་གསུམ་དུ་གཏན་ལ་ཕབ་སྟེ། ཤཱ་རིའི་བུ་ཀརྨ་འོད་བཟང་གིས་སྟོན་པ་འོད་སྲུངས་ཉིད་ལ་ཞུས་པའི་ལན་མཐའ་རྟེན་རྡོ་རྗེ་ལེགས་པ་དང་མགོན་པོ་དྲེས་ཐག་ཅན་ལ་གཏེར་རྒྱ་ཕྲད་ཤོག་གི་མཐར་ཚང་བ། དེའི་འཕྲོས་ལས་རྒྱ་གར་ནུབ་ཕྱོགས་གླང་པོ་སྒང་གི་གྲོང་ཞེས་སོགས་གཏེར་བྱང་དང་བཅས་ཏེ་པཎྜི་ཏ་ཆེན་པོ་བ་ིིམཱ་ལ་མི་ཏྲས་རང་འགྱུར་དུ་བསྒྱུར་བ། གཉིས་པ་བུ་ཡིག་རིན་པོ་ཆེ་གསེར་གྱི་སྒྲོམ་བུའི་ནང་གསེས་ལ། བཀོད་པ་ཆེན་པོ་ལས་སེམས་ཀྱི་གནད་གཏན་ལ་ཕབ་པ་སྐབས་དོན་གཉིས་བུ་ཡིག་ལ་སྐབས་དོན་དང་པོ་མི་ཡོང་བ་མ་ཡིག་སྐབས་དོན་དང་པོར་ངོས་བཟུང་བ་ཡིན་ནོ། །པ། རྒྱུད་ལུང་གསལ་བའི་མེ་ལོང་སྐབས་དོན་གསུམ་པ། ལྷ་སྒོམ་ལུགས་གནད་ཀྱི་མན་ངག་སྐབས་དོན་བཞི་པ། སྐྱེ་མེད་ཀྱི་མན་ངག་
གཏན་ལ་ཕབ་པ་སྐབས་དོན་ལྔ་པ། ཆོས་སྐུ་ཅོག་བཞག་ཏུ་གཏན་ལ་ཕབ་པ་སྐབས་དོན་དྲུག་པ། འཁྲུལ་པ་གཅོད་པའི་གལ་མདོ་སྐབས་དོན་བདུན་པ། ཉོན་མོངས་རང་དག་གཏན་ལ་ཕབ་པ་སྐབས་དོན་བརྒྱད་པ། ལྷག་པའི་བསམ་གཏན་གཏན་ལ་ཕབ་པ་སྐབས་དོན་དགུ་པ། རང་བཞིན་ཞིང་ཁམས་ཀྱི་གནད་གཏན་ལ་ཕབ་པ་སྐབས་དོན་བཅུ་པ། ལུས་ངག་གི་བྱ་བྱེད་གཙོ་བོར་བྱེད་པ་གཏན་ལ་ཕབ་པ་སྐབས་དོན་བཅུ་གཅིག་པ། བཀོད་པ་ཡོངས་སུ་རྫོགས་པ་སྐབས་དོན་བཅུ་གཉིས་པ་སྟེ་བཀོད་པ་ཆེན་པོ་འབུམ་ཚོ་དྲུག་པ་ལེའུ་སྟོང་ཕྲག་བཞི་པ་ལས་རིམ་པ་མངོན་བསྟན་གསང་བ་སྙིང་གི་ལེའུ་ཞེས་བྱ་བ་ལེའུ་སུམ་བརྒྱ་པ་ལས་འཇམ་དཔལ་བཤེས་གཉེན་གྱིས་ཕྱུང་བ་སོ་སོར་རྫོགས་བྱང་མཐར་ཚང་བ་རྣམས། གསུམ་པ་ཐོར་བུའི་སྐོར་ལ། ཆོས་ཐམས་ཅད་ཀྱི་མདོ་གཅེས་པའི་སྙིང་པོ་སློབ་དཔོན་འཇམ་དཔལ་བཤེས་གཉེན་གྱིས་ཁ་ཆེའི་ཡུལ་དུ་རང་དོན་དུ་གཏན་ལ་ཕབ་པ་མཁའ་འགྲོ་མ་ནག་མོ་རལ་པ་ཅན་ལ་གདམས་པ་རྫོགས་བྱང་གི་མཐར་ཚང་བ། དཔེ་རྣམས་བསྡུས་པའི་སྒྲོན་མའམ་ངོ་སྤྲོད་རིན་པོ་ཆེའི་འཁོར་ལོ་ཞེས་པ་རིག་པའི་ཡེ་ཤེས་དཔེ་དུ་མའི་སྒོ་ནས་བཤད་པ་སྤྲུལ་སྐུ་དགའ་རབ་རྡོ་རྗེས་གཞན་དོན་དུ་གཏན་ལ་ཕབ་པ་རྫོགས་བྱང་གི་མཐར་ཚང་བ། དེའི་མཇུག་ཏུ་རྒྱུད་མེད་རྣམ་པར་དག་པའི་སྟོན་པ་རྡོ་རྗེ་འཆང༔ ཞེས་སོགས་རྒྱུད་ཀྱི་ཆེ་བ་དང་བཀའ་རྒྱས་བཏབ་པ་དགའ་རབ་རྡོ་རྗེའི་གསུང་། འཆི་བ་བརྟག་པའི་གལ་མདོ་ཞེས་པ་སློབ་དཔོན་འཇམ་དཔལ་བཤེས་གཉེན་གྱིས་རང་གཞན་གཉིས་ཀྱི་དོན་དུ་མཛད་པ། དེའི་འཕྲོས་ལས་སངས་རྒྱས་ཀུན་གྱི་དགོངས་པ་ངེས་པའི་བཀའ༔
ཞེས་སོགས་ཆེ་བ་དང་ལུང་བསྟན་གཏད་རྒྱར་བཅས་པ། འཆི་བ་བླུ་བའི་མན་ངག་སློབ་དཔོན་ཤྲཱི་སིངྷས་རང་དོན་དུ་མཛད་པ་རྫོགས་བྱང་གི་མཐར་ཚང་བ། དེའི་འཕྲོས་ལས། སངས་རྒྱས་དགོངས་པ་མཐར་ཐུག་ངེས་པའི་ལུང་༔ ཞེས་སོགས་ལོ་རྒྱུས་ གཏེར་སྲུང ་གཏད་རྒྱ་སོགས་བི་མཱ་ལས་སྒྲ་རང་འགྱུར་དུ་བསྒྱུར་བ། ལྟ་བའི་སྙིང་པོ་ལ་ནང་གསེས་ཀྱི་སྟོང་པའི་ཡུལ་དངོས་པོ་ལམ་དུ་བྱེད་པ་ངོ་མཚར་གྱི་གད་མོ་བཅུ་གཉིས་པ། ངོམས་པའི་ཚིག་དགུས་གཞིའི་བཅུད་ཕྱུང་བ། གཞི་ཐམས་ཅད་ཀྱི་བཅུད་ཕྱུང་ནས་ལུང་ཀུན་གྱི་རྒྱན་དུ་བཀོད་པ་ཁྱད་དུ་འཕགས་པའི་ཚིག་དགུས་གཏན་ལ་ཕབ་པ། དྲན་པ་རང་ཡལ་གྱི་ཐབས་བཞིའི་དོན་གཏན་ལ་ཕབ་པ་ཆེ་བ་བཅུ་དྲུག་པ། འབྲས་བུའི་རང་ཉམས་གཏན་ལ་ཕབ་པ་ཁྱད་མེད་བདུན་པ། མཇུག་གདམས་དང་བཅས་པ་སློབ་དཔོན་མཁས་པ་ཆེན་པོ་ཡེ་ཤེས་མདོས་རྒྱུད་ཀུན་གྱི་ཁོང་དོན་དུ་མཛད་པ་སོ་སོར་རྫོགས་བྱང་གི་མཐར་ཚང་བ། དེའི་འཕྲོས་ལས་སངས་རྒྱས་རྣམས་ཀྱི་དགོངས་པའི་བཅུད༔ ཅེས་སོགས་རང་གི་ལོ་རྒྱུས་རྒྱས་བཏབ་དང་བཅས་པ་ཡེ་ཤེས་མདོའི་གསུང་བི་མཱ་ལ་མི་ཏྲའི་རང་འགྱུར། སྣང་བ་འདུས་པའི་བཅུད་ཕུར་རམ་སྣང་བ་རིན་པོ་ཆེའི་སྤྲ་འཁྲིད་ཅེས་བྱ་བ་མཁས་པ་བྱེ་མ་ལ་མུ་ཏྲས་དུར་ཁྲོད་ཆེན་པོ་རབ་ཏུ་སྣང་བྱེད་དུ་མཁའ་འགྲོ་བདེ་བའི་ཡིད་ཅན་གྱི་དོན་དུ་མཛད་པ་རྫོགས་བྱང་མཐར་ཚང་བ། དེའི་འཕྲོས་ལས་དམ་པ་སངས་རྒྱས་ཀུན་གྱི་ཞལ་མཐོང་བ་བདུད་རྩིའི་རོ་ལྡན་པའི༔ ཞེས་སོགས་མཆིམས་ཕུ་བྲག་བཙན་དང་ཁྲོ་མོ་རག་གདོང་མར་བཅོལ་དམ། གསང་བ་ཡང་ཞུན་པོ་ཏི་སྨུག་ཆུང་གི་ཐེམས་བྱང་མན་ངག་དུམ་བུའི་དེམས་མཁས་པ་བི་མཱ་ལས་མཛད་པ། ལྕེ་བཙུན་གྱིས་
གཏེར་ནས་བཏོན་ཅིང་སླར་ཡང་སྦས་པའི་སྨོན་ལམ་རྩེ་ལྷ་བྱང་ཆུབ་ལ་གཉེར་གཏད་དང་བཅས་པ་འདིའི་དབང་དུ་སོང་ན་གཡུ་ཡིག་ཅན་ལྕེ་བཙུན་ཁོ་ནའི་རང་གཏེར་འདྲ་ཞིག་འདུག་པ་གྲུབ་མཐའ་མཛོད་དུ་ལྡང་མའི་གཏེར་མ་ཡིན་པར་བཤད་པ་དང་མ་མཐུན་པས་ཐེ་ཚོམ་གྱི་གཞི་ཅུང་ཟད་སྣང་ངོ་། །རྣམས། གཞན་ཡང་ཟབ་པ་པོད་བཞིའི་ཐེམས་མེད་ངོ་བོ་ཉིད་ཀྱི་གདམས་པ་གྲོལ་བར་བྱེད་པའི་ཡི་གེ་བསྡུས་པ་རྫོགས་བྱང་ཕྲད་ཤོག་གི་མཐར་ཚང་བ། སྨུག་ནག་ཁྲོས་མ་རག་གདོང་མའི་དུས་གནད་ངེས་པ་རྫོགས་བྱང་གི་མཐར་ཚང་བ་རྣམས་སོ། །གཞན་ཡང་ཆོས་སྐོར་འགའ་ཞིག་ཡོད་ཚོད་དུ་འདུག་ཀྱང་ཁོ་བོས་ཐོབ་པ་ནི་རེ་ཞིག་དེ་ཙམ་མོ། །གོང་སྨོས་རྣམས་ལེགས་པར་ཐོབ་པ་ལས་དབང་དང་རྒྱུད་བཅུ་བདུན་གྱི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་ཞི་ཁྲོ་རབ་འབྱམས། སྤྲུལ་སྐུ་རྡོ་རྗེ་འཆང་ཆེན། རྡོ་རྗེ་སེམས་དཔའ། གསང་བདག་ཕྱག་ན་རྡོ་རྗེ། རིགས་འཛིན་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། མཁས་པ་ཤྲཱི་སིངྷ། སློབ་དཔོན་ཛྙ་ན་སུ་ཏྲ། པཎ་ཆེན་བི་མཱ་ལ་མི་ཏྲ། ཉང་བན་ཏིང་འཛིན་བཟང་པོ། གནས་བརྟན་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །སྤྲུལ་སྐུ་རྒྱལ་བ་ཞང་སྟོན་བཀྲ་ཤིས་རྡོ་རྗེ། མཁས་པ་ཉི་མ་འབུམ། ཆོས་བདག་གུ་རུ་ཇོ་འབེར། འཁྲུལ་ཞིག་སེང་གེ་རྒྱབ་བ། གྲུབ་ཆེན་མེ་ལོང་རྡོ་རྗེ། རིགས་འཛིན་ཀུ་མ་རཱ་ཛ། ཀུན་མཁྱེན་ཀློང་ཆེན་རབ་འབྱམས། མཁས་གྲུབ་ཐར་པ་གླིང་པ། མཚུངས་མེད་བྱ་བྲལ་ཆོས་རྗེ། སངས་རྒྱས་དབོན་པོ། སྟག་མགོ་ཡོན་ཏན་དཔལ་བ། བླ་མ་སངས་རྒྱས་ཡེ་ཤེས། སྟག་མགོ་སངས་རྒྱས་རྒྱལ་མཚན། མི་འགྱུར་ལས་འཕྲོ་གླིང་པ་ཀུན་དགའ་དཔལ་བཟང་། ཆོས་རྒྱལ་འབྲི་གུང་པ་རིན་
ཅེན་ཕུན་ཚོགས། རས་ཆུང་རྣམ་སྤྲུལ་སྣང་གསལ་བ་བཀྲ་ཤིས་རྒྱ་མཚོ། རིགས་འཛིན་ཆེན་པོ་དུ་མ་རང་གྲོལ། སྣང་གསལ་པ་ངག་དབང་ཡེ་ཤེས་འགྲུབ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །བཀའ་ སྲུང་ཁྲོས་ནག་གི་རྒྱུད་རིགས་འཛིན་རཏྣ་གླིང་པས་ཡང་གཏེར ་ནས་སྤྱན་དྲངས་པ་མ་གཏོགས་རྒྱུན་གཞན་ཤིན་ཏུ་དཀོན་ཡང་རྗེ་འཕྲིན་ལས་ལྷུན་གྲུབ་ཀྱིས་སྔ་འགྱུར་གྱི་བསྟན་པའི་སྲོག་འཐུད་པ་ལྟ་བུའི་འབད་རྩོལ་ཆེན་པོ་ལ་བརྟེན་ནས་ཆིག་བརྒྱུད་བཞིན་བཞུགས་པ་རྙེད་པའི་ལུང་བརྒྱུད་ནི། འཁྲུལ་ཞིག་སངས་རྒྱས་དབོན་པོ་ཡན་གོང་ལྟར་ལ། དེ་ནས་གསེར་གླིང་པ་ཆོས་དབྱིངས་གྲགས་པ། ཡང་རྫོང་གྲུབ་ཆེན་བྱང་ཆུབ་དཔལ་མོ། སྤྲུལ་སྐུ་ཆོས་ཀྱི་དབང་པོ། རྒྱལ་སྲས་འཕྲིན་ལས་མཚན་ཅན། སྔགས་འཆང་རིན་ཅེན་ཕུན་ཚོགས། མཚུངས་མེད་རིན་ཅེན་དར་རྒྱས། རྗེ་བཙུན་འཕྲིན་ལས་ལྷུན་གྲུབ། སྤྲུལ་པའི་སྐུ་མཆོག་གཏེར་བདག་གླིང་པ། དེས་བདག་ཟ་ཧོར་བནྡེ་ལའོ། །རིགས་འཛིན་ཀུ་མ་རཱ་ཛས་རྒྱུད་འདི་རྣོ་ཞིང་ཟབ་དྲགས་པས་གཞན་ལ་གནོད་དོགས་ཕྲ་མོ་བྲག་གི་ཤུག་པ་རྐང་གཅིག་ལ་གཏེར་དུ་སྦས་པས་དབུས་གཙང་གི་ལྗོངས་འདིར་དཔེ་རྒྱུན་ཙམ་ཡང་མེད་པར་གྲགས་པའི་དུས་སྔགས་ སྲུང་རང་གིས་ལུང་བསྟན་ནས་ཆོས་རྒྱལ་རཏྣ་གླིང་པས་སྤྱན་དྲངས་པའི་ཉེ་བརྒྱུད་ནི། གཏེར ་སྟོན་ནས། རྒྱལ་སྲས་ཚེ་དབང་གྲགས་པ། དཀར་དབང་ལས་འཕྲོ་གླིང་པ། བི་མཱའི་རྣམ་སྤྲུལ་ནོར་བུ་ཡོངས་གྲགས། དེ་སྲས་ནོར་བུ་དབང་རྒྱལ། ཆོས་ལྡན་བ་རཏྣ་འཕྲིན་ལས་བསྟན་འཛིན། རང་གྲོལ་གྱི་རྣལ་འབྱོར་པ་ནོར་བུ་ཆོས་བརྟན། ཆོས་གཏེར་འཕྲིན་ལས་ལྷུན་གྲུབ་མན་འདྲ། དབང་བརྒྱུད་ལུགས་
གཅིག་ལ། ཀློང་ཆེན་པ་ནས། འཇམ་དབྱངས་ཁྱབ་གདལ་ལྷུན་གྲུབ། མཁས་གྲུབ་གྲགས་པ་འོད་ཟེར། རྗེ་ཉི་མ་འོད་ཟེར། མཚུངས་མེད་ཆོས་རྗེ། རྗེ་ཆོས་དབྱིངས་གྲགས་པ། བླ་མ་དཀོན་ཅོག་དཔལ་བཟང་། དཀར་ཆེན་ཀུན་དགའ་གྲགས་པ། རབ་འབྱམས་པ་དགེ་བའི་བློ་གྲོས། བླ་མ་བསྟན་འཛིན་ནོར་བུ། རྒྱལ་སྲས་བསྟན་པའི་འབྱུང་གནས། གདུང་བརྒྱུད་པདྨ་འཕྲིན་ལས། གསུང་སྤྲུལ་ཚུལ་ཁྲིམས་རྡོ་རྗེ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་སྟག་མགོ་སངས་རྒྱས་རྒྱལ་མཚན་ནས། སྨན་རྩེ་བ་མ་ཏི་དྷྭ་ཛ། སྤྲུལ་སྐུ་སྣ་ཚོགས་རང་གྲོལ། མཁས་གྲུབ་བསྟན་འཛིན་གྲགས་པ། ཐུགས་སྲས་པདྨ་འཕྲིན་ལས་མན་གོང་ལྟར་རོ། །ཟབ་པ་པོད་བཞིའི་ལུང་གི་བརྒྱུད་པ་ནི། སྤྲུལ་སྐུ་རྒྱལ་བ་ཞང་སྟོན་ཡན་གོང་ལྟར་ལ། བསམ་ཡས་མཆིམས་ཕུའི་ཚེ་མཚམས་པ་སྐལ་ལྡན་ཤེར་རྡོར། སངས་རྒྱས་ཉང་སྟོན་དབོན་པོ། སྨན་ལུང་མི་བསྐྱོད་རྡོ་རྗེ། དྭགས་སྟོན་དབང་ཕྱུག་རྡོ་རྗེ། གཉན་སྟོན་ཡེ་ཤེས་རྡོ་རྗེ། སེ་སྡིངས་པ་སངས་རྒྱས་དཔལ། སེ་སྡིངས་པ་ཡོན་ཏན་བཟང་པོ། གུ་རུ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །དྲིན་ཅན་ནམ་མཁའ་གུ་རུ། རྩེ་ལེ་བ་རིགས་འཛིན་བསོད་ནམས་རྣམ་རྒྱལ། དཔལ་ཨོ་རྒྱན་བསྟན་འཛིན། རིགས་འཛིན་ཀརྨ་གུ་རུ། རང་གྲོལ་ནམ་མཁའ་ཆོས་དབང་། ཁྲ་ཚང་པ་ཁྱབ་བདག་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ཡོངས་གྲགས་ཀྱི་བརྒྱུད་པ་གཅིག་ནི། ཀློང་ཆེན་པ་ནས་རྗེ་དགེ་ལེགས་རྒྱ་མཚོ། བླ་མ་ཡོན་ཏན་དཔལ། བླ་མ་སངས་རྒྱས་རིན་ཅེན། རྗེ་སངས་རྒྱས་རྒྱལ་མཚན་
རྫ་ཡིག་པ་ཚུལ་ཁྲིམས་རྒྱལ་མཚན། རྗེ་པདྨ་འོད་ཟེར། རྩེ་ལེ་བ་རིགས་འཛིན་བསོད་ནམས་རྣམ་རྒྱལ་མན་གོང་བཞིན་ནོ། །ཡང་ན་ཀློང་ཆེན་པ་ནས་མཁས་གྲུབ་ཐར་པ་གླིང་པ། བྱ་བྲལ་ཆོས་རྗེ་བཀྲ་ཤིས་འབྱུང་གནས། བླ་མ་གཞན་ཕན་རྡོ་རྗེ། རིགས་འཛིན་ནམ་མཁའི་མཚན་ཅན། མཁས་གྲུབ་འོད་གསལ་ཀློང་ཡངས། མཁས་གྲུབ་བྱམས་པ་ཆོས་དབྱིངས། རྫོགས་ཆེན་པ་བསོད་ནམས་རིན་ཅེན། བྱ་ཁྱུང་པ་ངག་དབང་པདྨ། རི་སྟེངས་པ་ཀརྨ་དོན་ཡོད། སངས་གླིང་གདུང་བརྒྱུད་སྙིང་ཕུ་བ་རིགས་འཛིན་སྙིང་པོ། མཁས་གྲུབ་ཁྲ་ཚང་པ་ཆེན་པོ། དེས་བདག་ལའོ། །ཡང་ན་ཡི་གེ་མེད་པའི་སྙན་བརྒྱུད་འདི་རྣམས་འབྲེལ༔ ཞེས་གསུངས་པའི་སྙན་བརྒྱུད་ཟུང་འབྲེལ་གྱི་བརྒྱུད་པ་དྭགས་སྟོན་གྱིས་མཛད་པའི་བརྒྱུད་འདེབས་ལྟར་ལྕེ་བཙུན་ནས། གྲུབ་ཐོབ་ལྕེ་སྒོམ་ནག་པོ། གཟད་ཆུ་ཤུར་བ་དྲང་སྲོང་སྔོན་པོ། གཙང་པ་ཡ་རིངས་བྲག་སེ། ཐག་སྟོན་པདྨ། འཕྱོང་རྒྱས་སྤེན་མཁར་གྱི་ཤ་སྟོན་རྡོར་འཛིན། ཉང་སྟོན་བརྩོན་འགྲུས་སེང་གེ །སངས་རྒྱས་ཉང་སྟོན་དབོན་པོ་མན་སྔར་བཞིན་ནོ། །སྒྲོན་མ་སྣང་བྱེད་ལས། ཕྱི་སྐོར་ལུས་དང་འདྲ་སྟེ་ཐ་སྙད་རྒྱ་ཆེར་སྟོན༔ ནང་སྐོར་མིག་དང་འདྲ་སྟེ་མཐོང་བ་བརྡ་ཡི་ཆོས༔ གསང་སྐོར་སྙིང་དང་འདྲ་སྟེ་དྲན་བྱེད་ཟུངས་ཀྱི་ཆོས༔ འདི་ནི་ལུས་ཀུན་རྫོགས་པའི་སྐྱེས་བུ་འདྲ༔ ཞེས་པ་ལྟར་རྫོགས་ཆེན་ཕྱི་ནང་གསང་བ་ཡང་གསང་སྐོར་དང་བཞིའི་ནང་གི་གསང་སྐོར་ལ། ཡང་ཟུག་པ་རྩ་བ། དྲིལ་བ་སྡོང་བུ། གྱེས་པ་ཡལ་འདབ། གསལ་བ་མེ་ཏོག །སྨིན་པ་འབྲས་བུའི་ཚུལ་ལྔའི་ནང་ནས། སྨིན་པ་འབྲས་བུ་ལྟ་བུའི་གདམས་པ་རྫོགས་ཆེན་ཐིག་ལེ་གསང་སྐོར་གྱི་མན་ངག་སྙན་
བརྒྱུད་འོད་གསལ་སྒྲོན་མ་དྲུག་པའི་སྐོར་ཉང་ཏིང་འཛིན་བཟང་པོས་བཀའ་མི་ཆད་པའི་ཆེད་འཕན་ཡུལ་བ་སྦས་བློ་གྲོས་དབང་ཕྱུག་སྐལ་ལྡན་དུ་གཟིགས་ནས་གནང་། དེ་ནས་རིམ་པར་བརྒྱུད་པ་ལ་བཀའ་མ་དང་། དཔེ་བརྒྱུད་རྣམས་ཉང་གིས་ཞྭའི་ཀེའུ་ཚང་དུ་སྦས་པ་ལྡང་མ་ལྷུན་རྒྱན་གྱིས་བཏོན་ནས་བརྒྱུད་པ་ལ་གཏེར་མར་གྲགས་པའི་བཀའ་གཏེར་ཟུང་འཇུག་གི་སྐོར་ལ། རྒྱལ་སྲས་རྡོ་རྗེ་ཐུགས་མཆོག་རྩལ་གྱི་འཁྲིད་ཡིག་གི་སྟེང་ནས་པད་འདབ་མར་མེའི་དཀྱིལ་འཁོར་༼རི༽དུ་སྐྱབས་སེམས། སྡོམ་གཟུང་། རིགས་འཛིན་བསྐུལ་བ། བྱིན་འབེབས་སྔོན་དུ་འགྲོ་བའི་གཏོར་མར་བརྟེན་པའི་བུམ་གསང་ཤེར་དབང་། རྐང་འཁྱམས་རྒྱལ་པོའི་ངོ་སྤྲོད་ལ་བརྟེན་ནས་བཞི་པ་རིག་པའི་རྩལ་དབང་དང་བཅས་པ་སྨིན་རྒྱས་སུ་ནོས་ནས། ལུང་ལ། ཡིད་ཆེས་སྐྱེད་པ་ལོ་རྒྱུས། རྩ་བརྒྱུད། རྒྱབ་བརྟེན་ལུང་། མན་ངག་ཞལ་གདམས། ལག་ལེན་དམར་འཁྲིད་དང་ལྔ། དང་པོ་ནི། ཐིག་ལེ་གསང་སྐོར་སྙན་བརྒྱུད་༼ཀ༽བརྒྱུད་པའི་ལོ་རྒྱུས་དོན་གསུམ་གྱི་སྒོ་ནས་བསྟན་པ། གཉིས་པ་རྩ་བརྒྱུད་ལ། སྤྱི་རྒྱུད་ཐིག་ལེ་ཀུན་གསལ་ཆེན་པོ་ཞེས་བྱ་བ་མན་ངག་གི་བཤད་བརྒྱུད། ༼མནྟྲ༽ལེའུ་དགུ་བཅུ་རྩ་བདུན་པ། སྒོས་རྒྱུད་ལ་ནང་གསེས་ཀྱིས་བསྟན་པ་ཐམས་ཅད་ཀྱི་སྙིང་པོ་སེམས་ཅན་ཐམས་ཅད་ལ་སངས་རྒྱས་རང་ཆས་ཆེན་པོར་བཞུགས་པའི་རྒྱུད་ལེའུ་བརྒྱད་པ། རྒྱལ་བ་རྡོ་རྗེ་སེམས་དཔའི་དགོངས་པ་བསྟན་པ་ཐམས་ཅད་ཀྱི་བུ་གཅིག་པའི་རྒྱུད་ལེའུ་བརྒྱད་པ། ངོ་སྤྲོད་སྤྲས་པ་ཞིང་ཁམས་བསྟན་པའི་རྒྱུད་ལེའུ་བཅུ་གསུམ་པ། ཡེ་ཤེས་མར་མེའི་རྒྱུད་དམ་སྒྲོན་མ་རྣམ་པར་བཀོད་པའི་རྒྱུད་ལེའུ་གསུམ་པ། སངས་རྒྱས་རྡོ་རྗེ་སེམས་དཔའི་དགོངས་པ་ཚིག་གསུམ་
པའི་རྒྱུད་ལེའུ་གསུམ་པ་རྣམས། གསུམ་པ་རྒྱབ་རྟེན་ལུང་ནི། མན་ངག་སྙིང་གི་དགོངས་པ་རྒྱལ་བའི་བཀའ་ཞེས་བྱ་བའི་རྒྱུད་ལེའུ་བརྒྱད་པ། བཞི་པ་མན་ངག་ཞལ་གདམས་ལ། སློབ་དཔོན་དགའ་རབ་རྡོ་རྗེའི་སྙན་བརྒྱུད་དབྱེ་བ་ལྔའི་གདམས་པ། སངས་རྒྱས་ངོ་སྤྲོད་དགོངས་པ་ཐིག་འདེབས་ཀྱི་མན་ངག་ཞལ་གདམས་སྙིང་གི་སྒྲོན་མ་ཞེས་བྱ་བ་ཨཱ་ཙཪྻ་གནམ་ཆག་པའི་དུམ་བུ་རྡོ་རྗེ་བདུད་འདུལ་རྩལ་གྱིས་སྒྲ་རང་བསྒྱུར་དུ་མཛད་པ། ལྕེ་སྒོམ་ནག་པོའི་མཚན་གྱི་རྣམ་གྲངས་སུ་འཆད། སངས་རྒྱས་ལག་བཅངས་སུ་སྟོན་པའི་སྙན་བརྒྱུད་༼ཀ༽གསང་བ་གནད་ཀྱི་མེ་ལོང་བི་མཱ་ལའི་གསེར་ཆོས། འཆི་ཁར་འཚང་རྒྱ་བ་ཁུག་པ་ལྔའི་མན་ངག་རྡོ་རྗེ་སེམས་དཔའ་ལ་གསང་བདག་གིས་ཞུས་པ། དབུགས་མ་ཆད་པར་འཚང་རྒྱ་བའི་ཁུག་པ་ལྔའི་འཕོ་བ་༼ཀ༽གཏེར་ཡིག་མཁྱིད་གང་པ། ཞི་ཁྲོའི་སྒོམ་ཁོག་སྐྱེ་མེད་ཆོས་དབྱིངས་༼ཀརྨ༽མ་རྣམས། ལྔ་པ་ལག་ལེན་དམར་འཁྲིད་ལ། སྔོན་འགྲོ་ཐུགས་ཀྱི་མེ་ལོང་ལ་ཐུན་མོང་གི་སྔོན་འགྲོ་རྒྱལ་༼རི༽སྲས་རྡོ་རྗེ་ཐུགས་མཆོག་རྩལ་གྱིས་མཛད་པ། ཐུན་མོང་མ་ཡིན་པའི་སྔོན་འགྲོའི་ཆོས་༼རི༽སྤྱོད་རིན་ཅེན་རྩར་འཕྲེང་ངག་དབང་ནོར་བུས་མཛད་པ། དགས་སྟོན་གྱིས་མཛད་པའི་བརྒྱུད་༼ཀ༽འདེབས་བླ་མ་ཡི་དམ་མ། སྔོན་འགྲོའི་གསོལ་འདེབས་རིག་པའི་༼རི༽གནས་ལུགས་མ་དམ་པའི་ཞལ་གདམས་ཡི་གེར་བཀོད་པ། གཞི་ལམ་འབྲས་གསུམ་དང་ཡན་ལག་བདུན་པའི་༼རི༽གསོལ་འདེབས་སྐབས་བཞི་མ། བླ་མ་དྲན་པའི་དུས་སུ་གསོལ་བ་འདེབས་པ་བརྒྱུད་༼རི༽པ་གནས་སྦྲགས་མ། བརྟན་བཞུགས་༼རི༽སྔོན་ཚེ་དཔག་མེད་མ། རྒྱལ་སྲས་ཐུགས་མཆོག་རྩལ་གྱིས་མཛད་པའི་སྐྱབས་༼རི༽སེམས་མཐོང་བ་དོན་ལྡན། དེས་མཛད་པའི་སྡིག་སྒྲིབ་འདག་བྱེད་རྡོ་རྗེ་སེམས་དཔའི་སྒོམ་བཟླས་
ཀྱི་༼རི༽འཁྲིད་བུ་ཆུང་། དེས་མཛད་པའི་བྱིན་རླབས་ཀྱི་རྒྱུད་གྲོལ་བྱེད་བླ་མ་བསྟེན་༼རི༽ཚུལ་རྣལ་འབྱོར་སྒོམ་ཐབས་དང་བཅས་པ། དེས་མཛད་པའི་མཎྜལ་འབུལ་བའི་༼རི༽འཁྲིད་ཡིག་ཚོགས་གཉིས་ཟུང་འཇུག །དེས་མཛད་པའི་གབ་དཀྲུགས་འཐོར་བ་རྣམས་ཕྱོགས་གཅིག་ཏུ་བསྡོམས་པའི་འཁྲིད་༼རི༽གཞུང་ཆེན་མོ། དེས་མཛད་པའི་སྤྱི་དོན་དགུ་པ་ཞིང་ཁམས་ཀྱི་བརྡས་༼རི༽འཁྲུལ་གྲོལ་ཤན་འབྱེད་ཞིང་ཁམས་ངོ་སྤྲོད། དེས་མཛད་པའི་འཁྲུལ་གྲོལ་༼རི༽གསལ་བྱེད་མུན་སེལ་སྒྲོན་མེ་རྣམས་ཐོབ་པ་ལས་རིའི་རྟགས་ཡོད་པའི་དབང་ལུང་དང་རྟགས་གང་ཡང་མེད་པའི་ཆོས་སྐོར་རྣམས་ཀྱི་བཀའ་མའི་བརྒྱུད་པ་ནི། ཆོས་སྐུ་ཀུན་བཟང་ཡབ་ཡུམ། ལོངས་སྐུ་རིགས་ལྔ་ཡབ་ཡུམ། སྤྲུལ་སྐུ་སེམས་དཔའ་བཅུ་དྲུག །སྟོན་པ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། གུ་རུ་ཤྲཱི་སིངྷ། ཛྙ་ན་སུ་ཏྲ། པཎ་ཆེན་བི་མཱ་ལ་མི་ཏྲ། ཉང་བན་ཏིང་འཛིན་བཟང་པོ། སྦས་བློ་གྲོས་དབང་ཕྱུག་འཇམ་དབྱངས་མཁྱེན་བརྩེའི་གསན་ཡིག་ན་འདིའི་ཚབ་ལ་ལྕེ་བཙུན་འདུག་པ་ཕྱག་བྲིས་ནོར་བ་ལས་གཞན་པའི་གནད་ཡོད་མེད་དཔྱད། སྣོད་ལྡན་རིན་ཅེན་འབར་བ། ལྡང་མ་ལྷུན་གྱི་རྒྱལ་མཚན། ལྕེ་བཙུན་སེང་གེ་དབང་ཕྱུག །གུ་རུ་ཤངས་པ་རས་པ། བླ་མ་ཟབ་དོན་ཆོས་འབར། དམ་པ་དགེ་སྟོན་ཡབ་སྲས། གཉན་སྟོན་ཤེས་རབ་རྩེ་མོ། དྲིན་ཅན་སྤྲུལ་སྐུ་མཆེད་གཉིས། རྒྱ་སྨན་མིག་བཞིའི་བླ་མ་ནམ་མཁའ་རྡོ་རྗེ། རིགས་འཛིན་ཀུ་མ་རཱ་ཛ། གཡུང་སྟོན་རྡོ་རྗེ་དཔལ། ཐུགས་སྲས་དགེ་འདུན་བཟང་པོ། རི་ཕུག་རྒྱལ་སྲས་རྡོ་རྗེ་ཐུགས་མཆོག་རྩལ། མཁའ་སྤྱོད་གཙོ་མོ་དོན་གྲུབ་བཟང་མོ། སྤྲུལ་སྐུ་ཀུན་སྐྱོང་གླིང་པ། ཟུར་ཧྭཾ་རྒྱལ་བ་དཔལ་
བཟང་། འཇམ་དབྱངས་རིན་ཅེན་རྒྱལ་མཚན། མངའ་རིས་པཎ་ཆེན་དབང་རྒྱལ་རྡོ་རྗེ། གཅུང་རིགས་འཛིན་ལེགས་ལྡན་རྡོ་རྗེ། རི་ཕུག་རྒྱལ་སྲས་ཀུན་མཁྱེན་འབྱུང་གནས། དེ་སྲས་འཇམ་དབྱངས་ལེགས་ལྡན། བླ་ཆེན་དོན་གྲུབ་རྒྱལ་མཚན། ཁྱབ་བདག་ཁྲ་ཚང་པ་ཆེན་པོ། དེས་བདག་ཟ་ཧོར་བནྡེ་ལའོ། །གཏེར་མའི་བརྒྱུད་པ་ནི། ཉང་ཏིང་འཛིན་བཟང་པོ་ནས། གཏེར་སྟོན་ལྡང་མ་ལྷུན་རྒྱལ་མན་གོང་ལྟར་རོ། །ཡང་རྒྱུད་ལྔའི་ལུང་བརྒྱུད་ལུགས་གཅིག་ནི། ལྕེ་བཙུན་སེང་གེ་དབང་ཕྱུག་ནས། རྒྱལ་བ་ཞང་སྟོན། བླ་མ་ཉི་འབུམ། གུ་རུ་ཇོ་འབེར། སེང་གེ་རྒྱ་པ། གྲུབ་ཐོབ་མེ་ལོང་རྡོ་རྗེ། བླ་མ་ནམ་མཁའ་རྡོ་རྗེ། རིགས་འཛིན་ཀུ་མ་རཱ་ཛ། སྤྲུལ་སྐུ་ཀློང་ཆེན་རབ་འབྱམས། དྲིན་ཅེན་ཆོས་དབང་བཟང་པོ། བྱང་སེམས་ཆོས་ཉིད་རང་གྲོལ། གུ་རུ་ཤཱཀྱ་བཟང་པོ། གུ་རུ་བུདྡྷ་ཤྲཱི། གུ་རུ་ཆོས་ཀྱི་དབང་པོ། རིགས་འཛིན་ལེགས་ལྡན་རྗེ་མན་གོང་ལྟར་རོ། །ཡང་ན་མཁས་གྲུབ་རྒྱལ་སྲས་ཆོས་རྗེ་ནས། ཕ་རྒོད་བསོད་ནམས་བཟང་པོ། དོན་གྲུབ་བཟང་མོ། རྫོགས་ཆེན་པ་ཤཱཀྱ་རྒྱལ་མཚན། སྔགས་འཆང་གསང་སྔགས་རྡོ་རྗེ། ལེགས་ལྡན་རྗེ་མན་འདྲ། ཡང་ན་ལྕེ་བཙུན་ནས། ལྕེ་སྒོམ་ནག་པོ། སྲས་ཇོ་སྲས་རྒྱ་བོ། ལ་སྟོད་པ་གཞོན་དགའ། དབོན་ལྕེ་སྟོན་རྡོ་རྗེ་བཟུང་། མཁས་བཙུན་འོད་བཟུང་། ལྷུན་གྲུབ་རྡོ་རྗེ། རོང་པོ་སྒོམ་ཆེན། སྐལ་ལྡན་ཡེ་ཤེས། ལྷ་རྗེ་ཇོ་སྐྱིད། སྤྲུལ་སྐུ་བསྟན་འཛིན། ལྕོག་རོ་རྡོ་རྗེ་རྩེ་མོ། སངས་རྒྱས་དབང་གི་རྡོ་རྗེ། ལྕེ་སྟོན་ཀྲོ་ཏ་རཱ་ཛ། དགའ་རབ་རྡོ་རྗེ། ཟུར་ཧྭཾ་ཆོས་རྗེ། དམ་པ་དཔལ་བཟང་། ཟུར་ཤཱཀྱ་མི་ཏྲ། སོག་པོ་དཔལ་ཡེ། སྨུལ་སྟོན་ཀུན་བཟང་དཔལ། ཀ་ཐོག་པ་བསོད་ནམས་རྒྱལ་མཚན། ཀ་ཐོག་པ་རྣམ་གྲོལ་བཟང་པོ། ལེགས་ལྡན་རྗེ་མན་སྔར་བཞིན་
ནོ། །ཡང་ཀའི་རྟགས་ཡོད་པ་དང་རྟགས་གང་ཡང་མེད་པ་རྣམས་ཀྱི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། གཞོན་ནུ་དཔའ་བོ་སྟོབས་ལྡན། སངས་རྒྱས་འོད་སྲུངས། སྟོན་པ་ཐུབ་པའི་དབང་པོ། སློབ་དཔོན་དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། པདྨ་ཐོད་འཕྲེང་རྩལ། བི་མཱ་ལ་མི་ཏྲ། ཉང་ཏིང་འཛིན་བཟང་པོ། སྦས་བློ་གྲོས་དབང་ཕྱུག །འབྲོམ་རིན་ཅེན་འབར། ལྡང་མ་ལྷུན་གྱི་རྒྱལ་མཚན། ལྕེ་བཙུན་སེང་གེ་དབང་ཕྱུག །བེ་སྒོམ་ཤཱཀྱ། ལྕེ་སྒོམ་ནག་པོ། གཟད་ཆུ་ཤུར་བ་དྲང་སྲོང་སྔོན་པོ། གཙང་པ་ཡ་རིང་གྲགས་གསེ། མཁར་སྟེང་པ་ཐག་སྟོན་པདྨ། འཕྱོང་རྒྱས་སྤེན་མཁར་ཤ་སྟོན་རྡོར་གླིང་པ། ཆོས་ཕུག་པ་ཉང་སྟོན་བརྩོན་འགྲུས་སེང་གེ །དབོན་རིན་པོ་ཆེ་སྐལ་ལྡན་པ། སྨན་ལུང་པ་མི་བསྐྱོད་རྡོ་རྗེ། དགས་སྟོན་དབང་ཕྱུག་རྡོ་རྗེ། གཉན་སྟོན་ཡེ་ཤེས་རྡོ་རྗེ། སེ་སྡིངས་པ་ཡབ་སྲས། གུ་རུ་ཆོས་སྐུ་འོད་ཟེར། མཚུངས་མེད་དཔལ་འབྱོར་དབང་ཕྱུག །དེ་སྲས་ནམ་མཁའ་གུ་རུ། ཀླུ་བ་ཞབས་དྲུང་ཆོས་དབང་དཔལ་འབྱོར། རིགས་འཛིན་ཀརྨ་གུ་རུ། ཆོས་དབང་བསྟན་འཛིན་ཉི་མ། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །ཡང་ན་སྦ་ལུང་བ་དཔལ་འབྱོར་དབང་ཕྱུག་ནས། ལྷ་བྲོ་ཆོས་ཀྱི་དབང་པོ། ཀརྨ་གུ་རུ་མན་གོང་བཞིན། ཡང་ན་ནམ་མཁའ་གུ་རུ་ནས། རྩེ་ལེ་རིགས་འཛིན་བསོད་ནམས་རྣམ་རྒྱལ། རྩེ་ལེ་ཨོ་རྒྱན་བསྟན་འཛིན། ཀརྨ་གུ་རུ་མན་འདྲ་གཏེར་མ་ལྟར་ཉང་གིས་ཞྭ་ལྷ་ཁང་དུ་སྦས་པ་ལྡང་མ་ལྷུན་རྒྱན་གྱིས་བཏོན་ནས་ལྕེ་བཙུན་ལ་བཤད། དེས་གཙང་ལའང་འགྲོའི་ཆོད་པ་སྟག་འདྲ་ལ་སྦས་པ་ལྕེ་སྒོམ་གྱིས་བཏོན། དེ་ནས་དྲང་སྲོང་སྔོན་པོ་མན་སྔར་བཞིན་ནོ། །མནྟྲའི་རྟགས་ཅན་སྤྱི་བརྒྱུད་ཀྱི་བརྒྱུད་
པ་ནི། དཔལ་ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། བི་མཱ་ལ་མི་ཏྲ། ཉང་ཏིང་འཛིན་བཟང་པོ། སྦས་བློ་གྲོས་དབང་ཕྱུག །འབྲོམ་ཡེ་ཤེས་འབར། ལྡང་མ་ལྷུན་རྒྱན། ལྕེ་བཙུན་སེང་གེ་དབང་ཕྱུག །བསྒོམ་ཀླུ་པོ། ཤེས་རབ་གྲགས་པ། ལ་སྟོད་རྗེ་བཙུན་ཟླ་བ། རྒྱལ་བ་ཞང་སྟོན། ཞང་ཆེན་ཉི་འབུམ། གུ་རུ་ཇོ་འབེར། འགོས་དངོས་གྲུབ་མགོན། བླ་མ་ཤཱཀྱ་རྒྱལ་མཚན། བླ་མ་དཔལ་བཟང་པ། བླ་མ་རྡོ་རྗེ་རྒྱལ་མཚན། བླ་མ་བདེ་ལེགས་པ། འཇམ་དབྱངས་བཤེས་གཉེན། ཨར་དགེ་བ་ཆོས་དཔལ་རྒྱལ་མཚན། མེས་སྒོམ་བསམ་གཏན་བཟང་པོ། ཆོས་རྒྱལ་རཏྣ་གླིང་པ། རྒྱལ་སྲས་ཚེ་དབང་གྲགས་པ། གཅུང་ངག་དབང་གྲགས་པ། ཐུགས་སྲས་ངག་དབང་ནོར་བུ། དེ་སྲས་ནོར་བུ་ཡོངས་གྲགས། གཙུག་རྒྱན་ནོར་བུ་དབང་རྒྱལ། གསུང་སྤྲུལ་ཚུལ་ཁྲིམས་རྡོ་རྗེ། ཁྱབ་བདག་བློ་མཆོག་རྡོ་རྗེ། དེས་བདག་ལའོ། །ཡང་ན་ཀུན་ཏུ་བཟང་པོ། རྡོ་རྗེ་འོད་མི་འགྱུར། རྒྱལ་བ་རིགས་ལྔ། རྡོ་རྗེ་སེམས་དཔའ། གཞོན་ནུ་དཔའ་བོ་སྟོབས་ལྡན། སངས་རྒྱས་འོད་སྲུངས་བགྲེས་པོ། ཐུབ་པའི་དབང་པོ། སྡུད་པ་པོ་ཕྱག་ན་རྡོ་རྗེ། རིགས་འཛིན་དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ། བི་མཱ་ལ་མི་ཏྲ། ཛྙ་ན་ཀུ་མཱ་ར། ཁྲི་སྲོང་ལྡེ་བཙན། ཉང་ཏིང་འཛིན་བཟང་པོ། སྦས་བློ་གྲོས་དབང་ཕྱུག །འབྲོམ་རིན་ཅེན་འབར་བ། ལྡང་མ་ལྷུན་རྒྱན། ལྕེ་བཙུན་སེང་གེ་དབང་ཕྱུག །ལྕེ་སྒོམ་ནག་པོ། སྲས་ཇོ་སྲས་རྒྱལ་པོ། བླ་མ་ལ་སྟོད་གཞོན་དགའ། དབོན་ལྕེ་སྟོན་རྡོར་བཟུང་། མཁས་བཙུན་འོད་བཟུང་། ཞིག་པོ་ལྷུན་གྲུབ་རྡོ་རྗེ། རོང་པ་སྒོམ་ཆེན། སྐལ་ལྡན་ཡེ་ཤེས། ལྷ་རྗེ་ཇོ་སྐྱིད། སྤྲུལ་སྐུ་བསྟན་འཛིན། ཅོག་རོ་རྡོ་རྗེ་
རྩེ་མོ། སངས་རྒྱས་དབང་གི་རྡོ་རྗེ། ལྕེ་སྟོན་ཁྲ་བོ་རྒྱལ་པོ། གྲུབ་ཆེན་དགའ་རབ་རྡོ་རྗེ། མཁས་གྲུབ་ཟུར་ཧྭཾ་ཆོས་རྗེ། དམ་པ་དཔལ་བཟང་། ཤཱཀྱ་མི་ཏྲ། སོག་པོའི་མཚན་ཅན། ཀུན་བཟང་དཔལ་བ། མཁས་གྲུབ་བསོད་ནམས་རྒྱལ་མཚན། རྣམ་གྲོལ་བཟང་པོ། ཆོས་ཀྱི་སེང་གེ །སྤྲུལ་སྐུ་ཆོས་ཀྱི་དབང་པོ། གུ་རུ་ཀརྨ་ཆོས་སྐྱོང་། བླ་མ་བཀྲ་ཤིས་ལྷུན་གྲུབ། ཁྲ་ཚང་པ་ཆེན་པོ། དེས་བདག་ལའོ། །ལྕེ་བཙུན་གྱིས་བསམ་ཡས་མཆིམས་ཕུ་ནས་གཡུ་ཡིག་ཅན་གྱི་སྐོར་རྣམས་སྤྱན་དྲངས། དེས་ཕྱི་ནང་གསང་བའི་སྐོར་རྣམས་འུ་ཡུག་ནུབ་མའི་བྲག་སེང་གེ་འདྲ་བར་སྦས་པ་ལྕེ་སྒོམ་ནག་པོས་བཏོན། ཞང་སྟོན་བཀྲ་ཤིས་རྡོ་རྗེས་གསང་བ་བླ་མེད་སྐོར་རྣམས་བྱལ་གྱི་ཕུའི་བྲག་དཀར་ཐེམ་པ་འདྲ་བ་ནས་བཏོན་པས་གཏེར་སྟོན་གསུམ་པོ་འདིའི་གཏེར་ཆོས་ཀྱང་དོན་གྱིས་ཐོབ་བོ། །ཁ་བྱང་ལོ་རྒྱུས་ལས། ཛྙ་ན་སུ་ཏྲ་དྲིན་ཅན་གྱིས༔ བི་མཱ་ལ་མི་ཏྲ་བདག་ལ་གཏད༔ བོད་དུ་གདན་དྲངས་སྙིང་ལ་བཅངས༔ བསྟན་པའི་གནད་མེད་སེམས་ལ་རྣོགས༔ རྒྱ་ནག་འགྲོ་ཁར་ཟངས་ཀྱི་གའུ་རུ༔ བཅུག་སྟེ་སྒྲགས་ཀྱི་ཡང་རྫོང་དག་ཏུ་སྦས༔ ལས་ཅན་ཞིག་གིས་རྙེད་པར་ཤོག༔ ཅེས་རྫོགས་ཆེན་ཐུགས་ཀྱི་སྙིང་པོ་བསྟན་པའི་རྒྱུད་ལ་བརྟེན་ནས་ཉམས་ལེན་མདོ་དོན་དུ་བསྒྲིལ་པ་མཁས་པ་ཤྲཱི་྄སིངྷས་སློབ་དཔོན་ཡེ་ཤེས་མདོ་ལ་གསུངས། བི་མཱ་ལ་མི་ཏྲར་གནང་བ་རྒྱ་ནག་རི་བོ་རྩེ་ལྔ་ལ་འབྱོན་དུས་རྨོག་གཞུ་ཁ་སྦུབ་པ་འདྲ་བའི་སྒྲགས་ཀྱི་ཡང་རྫོང་གི་ཕུག་པར་གཏེར་དུ་སྦས་པ། ལོ་རྒྱུས་ལས། ཀུན་བཟང་དགོངས་པའི་བཅུད་འདྲིལ་བའི༔ རིགས་འཛིན་ལྷག་མེད་བརྣོག་པའི་ཆོས༔ བི་མཱ་མི་ཏྲ་ཐུགས་ཀྱི་གཏེར༔ ཡང་རྫོང་དག་ན་ཡོད་
པ་ཡི༔ གཏེར་ཡིག་སྟོན་པ་དབང་ཡེས་ཀྱིས༔ བདག་ལ་བྱིན་ཏེ་ལས་འཕྲོ་སད༔ ཅེས་པ་ལྟར་སྟོན་པ་དབང་ཕྱུག་ཡེ་ཤེས་ཀྱིས་ཁ་བྱང་གཏད་པ་ལ་བརྟེན་ནས་གྲུབ་ཐོབ་མེ་ལོང་རྡོ་རྗེས་འབྲུག་ལོ་དགུན་ཟླ་འབྲིང་པོའི་གནམ་སྟོང་ལ་སྤྱན་དྲངས་པའི་རྫོགས་པ་ཆེན་པོ་གནས་ལ་བཏགས་པ་ཡང་རྫོང་སྙིང་ཏིག །གཏེར་སྟོན་ལ་བཏགས་པ་མེ་ལོང་སྙིང་ཏིག །སྐུ་གསུང་ཐུགས་ཀྱི་རྒྱ་ལ་བཏགས་པ་ཨཱཿཧཱུྃ་མ་གླེགས་བམ་གྱི་ཚད་ལ་བཏགས་པ་བི་མཱ་ལའི་གོང་ཁུག་མར་གྲགས་པའི་དབང་ལུང་ནོས་པ་ལ་རྨི་ལམ་རྫུན་གྱི་ཡང་ཞུན་སྟེང་ནས་པད་འདབས་བཞི་པ་སྒོ་བཞིའི་དབྱིབས་འཇའ་རིས་ཅན་གྱི་དཀྱིལ་འཁོར་ལ་བརྟེན་ནས་སྐྱབས་སེམས། གསོལ་གདབ་སྔོན་དུ་སོང་བའི་བླ་མ་ཟྭ་ལུང་པས་བུམ་པ་དང་དགོན་རྩེ་བས་མེ་ལོང་གིས་བུམ་དབང་། སངས་རྒྱས་རས་པས་གསང་དབང་། ཕག་མོས་ཤེར་དབང་། འཁྲུལ་ཞིག་སངས་རྒྱས་དབོན་པོ་དང་གུ་རུ་ཇོ་འབེར་གཉིས་ཀྱིས་མར་མེ་དང་ཤེལ་གྱི་དབང་བཞི་པ། མཐར་རྡོ་རྗེ་སེམས་དཔས་སྐུ་གསུམ་ངོ་སྤྲོད་ཀྱི་དབང་། རིན་པོ་ཆེ་དབང་གི་འཕྲེང་བའི་སྟེང་ནས་ཡེ་ཤེས་འོད་ལྔའི་དཀྱིལ་འཁོར་གཏོར་མ་མར་མེ་ལ་བརྟེན་ནས་བགེགས་སྐྲོད། གསོལ་གདབ། དམ་ཚིག་ཁས་བླང་བ། བྱིན་དབབ་རྣམས་སྔོན་དུ་འགྲོ་བའི་སྒོ་ནས། ཆོས་གོས། ལྷུང་བཟེད། གསེག་ཤང་གིས་ཉན་ཐོས་ཀྱི་དབང་། ཀེང་རུས་ཐོད་པས་རང་རྒྱལ། གདུགས། དུང་། པོ་ཏིས་བྱང་སེམས། ཁྲུས་བུམ་གྱིས་ཀྲི་ཡ། འཕྲེང་བས་ཨུ་པ། རྡོར་དྲིལ་གྱིས་ཡོ་ག །རུས་རྒྱན། གྲི་ཐོད། ཁ་ཌཾ་གྱིས་མ་ཧཱ། ཡབ་ཡུམ་དང་བྱང་སེམས་ཀྱིས་ཨ་ནུ། ཚིག་གིས་ངོ་སྤྲད་པས་ཨ་ཏི། མན་ཤེལ། སྒྲ། མར་མེ། སྐུ་གཟུགས། མེ་ལོང་དང་བཅས་པའི་ངོ་སྤྲོད་ལེགས་པར་
ནོས་ནས། རྒྱབ་རྟེན་ལུང་ལ། འགོར་བདག་འདྲ་བི་མཱ་མི་ཏྲ་མཁས་པ་སྟེ་ཞེས་ཡོད་པའི་ གཏེར་ཡིག་ཁ་བྱང་ལོ་རྒྱུས་སྔགས་སྲུང ་རྒྱལ་མོ་ཉིད་ལ་གཏད་པའི་མཐའ་ཅན། འགོར་ཨོཾ་ཨཱཿཧཱུྃ། བདག་འདྲ་མེ་ལོང་རྡོ་རྗེ་ང་ཞེས་ཡོད་པའི་གཏེར་བཏོན་ཚུལ་ཤཱཀ་ཐུབ་བསྟན་པའི་སངས་རྒྱས་ལགས་ཀྱི་མཐའ་ཅན། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་སྙིང་པོ་བསྟན་པའི་རྒྱུད་ལེའུ་བཞི་པ་ས་མནྟས་རང་བྱུང་དུ་གསུང་ཚུལ་དང་བཅས་པ་རྫོགས་སོའི་མཐའ་ཅན། དྲིན་ཅན་གྱི་བླ་མ་དང་བི་མཱ་ལ། གཉིས་མེད་དུ་བསྒོམ་པ་བླ་མའི་སྒྲུབ་ཐབས་རྫོགས་བྱང་གི་མཐའ་ཅན། སྨིན་བྱེད་དབང་གི་རིམ་པའི་རྩ་བ་རྫོགས་བྱང་གི་མཐའ་ཅན། ཚོགས་དང་གཏོར་མའི་རིམ་པ་རྫོགས་བྱང་གི་མཐའ་ཅན། རྡོ་རྗེ་སེམས་དཔའ་ལ་བརྟེན་པའི་སངས་རྒྱས་ཐམས་ཅད་ཀྱི་སྒྲུབ་ཐབས་མཇུག་ཏུ་ཨེ་མ་བླ་མ་རྡོ་རྗེ་སེམས་དཔའ་ཡི་ཞེས་སོགས། ཚེམས། ཤངས་ཁྲག །གསང་ཆབ་ལས་རིང་བསྲེལ་བྱུང་ཚུལ་སོགས་མཇལ་ཤོག་གི་མཐའ་ཅན། ཐེག་པ་རིན་པོ་ཆེ་ཐམས་ཅད་ཀྱི་འཁྲིད་ཕྲེང་ཨ་ཏི་ཀུན་གྱི་ཡང་ཏིག་ནི། ལས་ཅན་ཞིག་དང་ཕྲད་པར་ཤོག་གི་མཐའ་ཅན། རིན་པོ་ཆེ་དབང་གི་འཕྲེང་བ་ཕྱི་རབས་སྙིང་ལ་བརྡ་ཐིམ་ཛཿས་མ་ཡ་ཛཿཨོཾ་ཨཱཿཧཱུྃ་ཛཿའི་མཐའ་ཅན། འགོར་སྤྲོས་མེད་ཤིན་ཏུ་རབ་ཏུ་སྤྲོས་མེད་ཅེས་ཡོད་པའི་དབང་གོང་མ་བདེ་མཆོག་འདི་ལ་ལུང་ལས་དབང་མ་བྱུང་། ཏུ་གྲགས་པ་ཙིཏྟ་བརྡ་ཐིམ་གྱི་མཐའ་ཅན། བྱ་ལོ་དབྱར་ཟླ་དང་པོའི་ཚེས་བཅོ་ལྔ་ལ་མེ་ལོང་རྡོ་རྗེར་མནལ་ལམ་དུ་བྱུང་བའི་རྫོགས་ཆེན་དབང་རྫོགས་རྨི་ལམ་རྫུན་གྱི་ཡང་ཞུན་མདོར་བསྡུས་གསང་ཆེན་དཀོན་པ་ཞེས་བྱ་བ་རྫོགས་བྱང་གི་མཐའ་ཅན་སངས་རྒྱས་ཀྱི་
འདས་རྗེས་དང་པོ་དགའ་རབ་རྡོ་རྗེས་རྟོགས་པའི་གདེང་རྙེད་དོའི་མཐའ་ཅན། འདས་རྗེས་གཉིས་པ་རབ་ཏུ་གསང་ངོའི་མཐའ་ཅན། འདས་རྗེས་གསུམ་པ་བསྟན་པ་ཐམས་ཅད་ཀྱི་བུ་གཅིག་པུ་རྫོགས་བྱང་དང་ཕྲད་ཤོག་གི་མཐའ་ཅན། བརྒྱུད་པའི་ལོ་རྒྱུས་ཆེན་མོར་གྲགས་པའི་ནང་གསེས་ལ་སྐུ་གསུམ་གྱི་བྱོན་ཚུལ་ཞལ་ཆེམས་རྣམ་པ་གསུམ། དགའ་རབ་རྡོ་རྗེའི་ཞལ་ཆེམས་ཚིག་གསུམ་གནད་རྡེག་འཇམ་དཔལ་བཤེས་གཉེན་གྱི་ཞལ་ཆེམས་དགོངས་ཉམས་དྲུག་པ། ཤྲཱི་སིངྷའི་ཞལ་ཆེམས་གཟེར་བུ་བདུན་པ། ཛྙ་ན་སུ་ཏྲའི་ཞལ་ཆེམས་བཞག་ཐབས་བཞི་པ། བི་མཱ་ལ་མི་ཏྲའི་ཞལ་ཆེམས་རི་བོ་རྩེ་ལྔར་བཞུད་ཅིང་བཞུགས་སོའི་མཐའ་ཅན། ཉང་ཏིང་འཛིན་བཟང་པོའི་ཞལ་ཆེམས་འདས་གྲོངས་མི་མངའ་བར་བཞུགས་སོའི་མཐའ་ཅན། ལྡང་མ་ལྷུན་རྒྱལ་གྱི་ཞལ་ཆེམས་གདམས་ཤིང་བཀོད་དོའི་མཐའ་ཅན། སེང་གེ་དབང་ཕྱུག་གི་ཞལ་ཆེམས་གསང་བའི་གནས་གསུམ་བྱ་བར་བཞུགས་ནས་འདུག་སྐབས་ཀྱི་མཐའ་ཅན། རྒྱལ་བ་ཞང་སྟོན་གྱི་ཞལ་ཆེམས་བཀོད་པའི་མཐའ་ཅན་མཇུག་ཏུ་གྲོངས་ལུགས་དང་བཅས་པ་ཞང་ཉི་མ་འབུམ་གྱི་ཞལ་ཆེམས་དབྱིངས་སུ་ཡལ་ལོའི་མཐའ་ཅན། གུ་རུ་ཇོ་འབེར་གྱི་ཞལ་ཆེམས་མྱ་ངན་ལས་འདས་སོའི་མཐའ་ཅན། སེང་གེ་རྒྱབ་པའི་ཞལ་ཆེམས་ལུ་གུ་རྒྱུད་དུ་ཡལ་ལོའི་མཐའ་ཅན། མེ་ལོང་རྡོ་རྗེའི་ཞལ་ཆེམས་ཡང་རྫོང་དུ་བཀོད་པའི་མཐའ་ཅན། འགོར་ཨེ་མ་སྐལ་ལྡན་སྙིང་པོའི་དོན་ལ་ཡིད་ཆེས་པ་ཞེས་ཡོད་པའི་སྙིང་ཏིག་ཡིད་ཆེས་སྐྱེད་པ་ལས་ཅན་ཞིག་དང་འཕྲད་ཤོག་གི་མཐའ་ཅན། རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞི་ལས་ཁྱད་པར་ཕྱུང་བ་གསལ་བྱེད་ཤེལ་གྱི་ཉི་འོད་ཅེས་བྱ་བ་རྫོགས་
བྱང་གི་མཐའ་ཅན་རྒྱུད་ཐམས་ཅད་བསྡོམས་ཀྱི་བསྟན་པའི་ལེའུ་ཟེར་བའི་ལེའུ་ཧོལ་འདོན་བརྒྱད་པ་ཞིག་ཡོད། འགོར་ཨོཾ་ཨཱཿ ཧཱུྃ་ཞེས་པ་ནི་དུས་གསུམ་སངས་རྒྱས་ཐམས་ཅད་ཀྱི་སྐུའི་སྙིང་པོ་ཨོཾ་ཞེས་ཡོད་བའི་ཏི་ཀ་གསལ་བྱེད་ཀྱི་སྒྲོན་མ་རྫོགས་བྱང་གི་མཐའ་ཅན། རིན་པོ་ཆེ་གསེར་ཞུན་འདྲ་བའི་བརྟག་ཡིག་གསང་བ་སྐལ་ལྡན་ཡིད་ཆེས་པར་བསྟན་པ་འོའི་མཐའ་ཅན། རིན་པོ་ཆེ་གསེར་ཞུན་འདྲ་བའི་ཚད་ཀྱི་ཡི་གེ་དགའ་རབ་རྡོ་རྗེས་མཛད་པ་རྫོགས་བྱང་གི་མཐའ་ཅན། འགོར་ཨོཾ་ཨཱཿཧཱུྃ་དུས་གསུམ་བླ་མ་རིགས་འཛིན་སྐུ་ཞེས་ཡོད་པའི་སྙིང་ཏིག་གི་ངོ་སྤྲོད་སྟོང་གསུམ་ཡུངས་འབྲུ་རང་དང་འདྲ་བ་བྱུང་ན་བྱིན་གྱི་མཐའ་ཅན། འགོར་རང་གསལ་རྡོ་རྗེ་སེམས་དཔའ་ཞེས་ཡོད་པའི་སངས་རྒྱས་རང་ཆས་ཀྱི་ངོ་སྤྲོད་དེ་བས་སྙིང་གི་དཀྱིལ་དུ་ཆོངས་ཀྱི་མཐའ་ཅན། ཐེག་པའི་བཤག་རལ་བཅོ་བརྒྱད་བཞུགས་ཀྱི་མཐའ་ཅན། ངོ་སྤྲོད་བཞི་སྟོན་པ་ཞེས་བཏབ་པས་ཐེབས་པ་ཡིན་ནོའི་མཐའ་ཅན། འགོར་ཨོཾ་ཨཱཿཧཱུྃ་ཉན་ཐོས་ཀྱི་སྟོན་པ་ཤཱཀྱ་ཐུབ་པ་ཞེས་ཡོད་པའི་ཐེག་པ་རིམ་དགུའི་རྒྱབ་ཆོས་ངོ་བོ་ཉིད་ཀྱི་སྐུ་འགྲུབ་པས་འབྲས་བུ་འཕགས་སོའི་མཐའ་ཅན། སྙིང་ཏིག་གི་བཀའ་སྲུང་ངན་སྔགས་བསམ་ལེ་མ་ཞེས་པ། ལྟས་ངན། མཛེ། ལོང་བ། ཞ་བ། ཁྲག་འཛག་པ། མནན་པ། གསད་པ། མཛེ་ཕོལ། སྡེ་ཆོད། སྐྱ་ཆོད། སྨྱོ་བ། གཤེད་བསྒྱུར། རང་བསྲུང་དང་བཅས་པ། ཞི་ཁྲོའི་འཕྲིན་ལས་ནུབ་གཅིག་མར་གྲགས་པ་ཞི་ཁྲོ་དོན་གྱི་འཕྲིན་ལས་མེ་ལོང་རྡོ་རྗེས་མཛད་པ་རྣམས་ལེགས་པར་ཐོབ་པའི་བརྒྱུད་པ་ནི་ཆོས་སྐུ་ཀུན་བཟང་། ལོངས་སྐུ་ཞི་ཁྲོ། སྤྲུལ་སྐུ་རྡོ་རྗེ་འཆང་། རྡོ་རྗེ་སེམས་དཔའ། ཕྱག་ན་རྡོ་རྗེ། སློབ་དཔོན་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན་
མཁས་པ་ཤྲཱི་སིངྷ། སློབ་དཔོན་ཛྙ་ན་སུ་ཏྲ། པཎ་ཆེན་བི་མཱ་ལ་མི་ཏྲ། ཉང་ཏིང་འཛིན་བཟང་པོ། གནས་བརྟན་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །སྤྲུལ་སྐུ་རྒྱལ་བ་ཞང་སྟོན། མཁས་པ་ཉི་མ་འབུམ། ཆོས་བདག་གུ་རུ་ཇོ་འབེར། འཁྲུལ་ཞིག་སེང་གེ་རྒྱབ་པ། གཏེར་སྟོན་ཟླ་བ་མུན་སེལ། མེ་ལོང་རྡོ་རྗེ་ཡང་ཟེར། མཚུངས་མེད་ནམ་མཁའ་རྡོ་རྗེ། རིགས་འཛིན་ཀུ་མཱ་རཱ་ཛ། ཀློང་ཆེན་ཆོས་ཀྱི་རྒྱལ་པོ། རྗེ་བདེ་ལེགས་རྒྱ་མཚོ། རྗེ་མ་ཏི་མཾ་ག །སློབ་དཔོན་ཡོན་ཏན་དཔལ། སྤྲུལ་སྐུ་བསམ་གྲུབ་རྒྱལ་པོ། རིགས་འཛིན་ནམ་མཁའ་གཞོན་ནུ། བཀའ་བརྒྱད་པ་མཁའ་ཀློང་ཡངས་པ། རྗེ་བློ་གྲོས་རྒྱལ་མཚན། རང་གྲོལ་བསོད་ནམས་རིན་ཅེན། ལྷ་ཕྲོ་བ་ཀརྨ་གུ་རུ། མངའ་བདག་བསྟན་འཛིན་ཆོས་རྒྱལ། དེ་སྲས་བསྟན་འཛིན་ཆོས་དབང་། དྲིན་ཅན་གཏེར་བདག་གླིང་པ། དེས་བདག་ཟ་ཧོར་གྱི་བནྡེ་ལ་བཀའ་དྲིན་སྩལ་ཏོ། །ཉེ་བརྒྱུད་ནི། བི་མཱ་ལ་ནས། གཏེར་སྟོན་མེ་ལོང་རྡོ་རྗེའོ། །ལྷོ་བྲག་མཁར་ཆུའི་ཁྱབ་འཇུག་གི་སྐོར་མེ་ལོང་རྡོ་རྗེར་བཀའ་བབས་ཤིང་ཀུན་མཁྱེན་པའི་ཁྱབ་འཇུག་སྐོར་ཀྱང་དེའི་གདམས་པའི་ཟབ་གནད་སྙིང་པོར་བསྡུས་པ་ཡིན་པས་འདི་པའི་གཏེར་གྱི་ཆ་ལག་ཏུ་འབྲེལ་བས། དེ་ཡང་གྲུབ་ཐོབ་མེ་ལོང་རྡོ་རྗེ་དེ་ཉིད་ལ་ཁྱབ་འཇུག་གིས་སྲོག་སྙིང་མདོང་གསོལ་དུ་ཕུལ་བའི་གདམས་པ་རྣམས་ལྷོ་བྲག་མཁོ་མཐིང་གི་བྲག་ལྕང་ལོ་ཐུར་དུ་བརྒྱུགས་འདྲར་གཏེར་དུ་སྦས་པ་མཁར་ཆུའི་བླ་མ་ཕྱག་རྡོར་གྱིས་བཏོན་པའི་དྲག་སྔགས་ཐོག་དང་འདྲ་བས་སྣང་སྲིད་སིལ་བུར་གཏོང་བའི་སྐོར་ལ་ནང་གསེས་ཀྱི་བླ་རྡོ། བསྲུང་བ། སྒོམ་ཐབས་ཀྱི་ལུས་ཀྱི་
གནས་ཚུལ། སྒྲུབ་པའི་གནས། གཏོར་མ། ལིངྒ་། མནན་པ། ཞལ་གདམས། ཐོ་བྱང་། ཞལ་གདམས་སྙིང་གི་ལྟོ་ཚིལ་འདྲ་བ། དུག་འབྱིན། སྔགས་བྱང་། ལིངྒ་བྲི་བའི་དུས། དུག་བསྲུང་། ཞུད་ཁ་སེལ་བ། བསྲུང་བ་བསྟན་པ། ལོ་རྒྱུས་བཅས་ཐོབ་པའི་བརྒྱུད་པ་ནི། གསང་བའི་བདག་པོ། ཨོ་རྒྱན་ཆེན་པོ། གྲུབ་ཐོབ་མེ་ལོང་རྡོ་རྗེ། མཁར་ཆུའི་བླ་མ་ཕྱག་རྡོར། སྟོན་པ་ཀུན་དགའ་རྒྱལ་མཚན། དབོན་ཆོས་དཔལ་བཟང་པོ། བླ་མ་བྲག་མཁར་པ་ནས་རིམ་པར་རིགས་འཛིན་ལེགས་ལྡན་རྡོ་རྗེ། ཆོས་རྒྱལ་མངྒའི་མཚན་ཅན། རིགས་འཛིན་ངག་གི་དབང་པོ། ཟུར་རྩ་བའི་བླ་མ། དེས་བདག་ཟ་ཧོར་བནྡེ་ལའོ། །