ལེའུ་གཉིས་པ།

གཉིས་པ་ཆོས་ཐམས་ཅད་ཡེ་ནས་སངས་རྒྱས་པར་ཆེད་དུ་བརྗོད་ཚུལ་ལ་གཉིས་ཏེ། དགོངས་པ་གླེང་བསླང་བ་དང་། མ་རྟོགས་པའི་སེམས་ཅན་ལ་ཐུགས་རྗེ་གཡོ་བའི་ཚུལ་ལོ། །དང་པོ་ལ་གསུམ་སྟེ། གླེང་བའི་རྒྱུ་དང་། གླེང་བ་དངོས་ཀྱིས་ཡབ་ཀྱི་དགོངས་པ་གླེང་བསླང་བ་དང་། གླེང་བའི་རྒྱུ་དང་། གླེང་བ་དངོས་ཀྱིས་ཡུམ་གྱི་དགོངས་པ་གླེང་བསླང་བ་དང་། གླེང་བའི་རྒྱུ་དང་། གླེང་བ་དངོས་ཀྱིས་གཉིས་སུ་མེད་པའི་དགོངས་པ་གླེང་བསླང་བའོ། །ཐུགས་རྗེ་གཡོ་ཚུལ་ལ་ལྔ་སྟེ། གཞི་ཡེ་ནས་གསང་བས་སེམས་ཅན་གྱིས་མ་རྟོགས་པ། མ་རིག་པའི་སེམས་ཅན་ལ་ཐུགས་རྗེ་སྐྱེ་ཚུལ། བདག་ཏུ་བཟུང་བས་འཁོར་(༣)བར་འཁྲུལ་ཚུལ། འཁྲུལ་དུས་དེ་བཞིན་ཉིད་ལས་མ་གཡོས་པའི་ཚུལ། ཡེ་ནས་གྲོལ་བའི་ཆོས་སྟོན་ཚུལ་ལོ། །ལེའུ་གཉིས་པའོ།། །།