ཚིགས་བཅད་སློབ་གསོའི་སྐོར།
ཚིགས་བཅད་སློབ་གསོའི་སྐོར།
མི་གཞི་བཟང་ངན། དྲིན་ལན་ལོག་འཇལ་བྱེད་པའི་གཤིས། །དྲིན་མེད་མིང་ཆེན་བཀུར་ལ་དགའ། །རྒྱུ་འབྱོར་ཅུང་ཟད་ཡོད་གྱུར་ན། །ཁེངས་དྲེགས་སྣང་བ་དགུང་སྔོན་དབྱིངས། །ཡོན་ཏན་ཏིལ་འབྲུ་ཙམ་ཐོབ་ན། །ང་རྒྱལ་གདེངས་ཀའི་མགོ་བོ་མཐོ། །དྲང་བདེན་མེད་པའི་གང་ཟག་གང༌། །མི་གཞི་མེད་པའི་མི་བུ་ཡིན། །དེ་འདྲ་བ་དང་རྣམ་ཀུན་ཏུ། །སྐད་ཅིག་འཕྲད་པར་མ་གྱུར་ཅིག ། ཡིད་ཆེས་འགྱུར་མེད་གྲོགས་མཆོག་དང༌། །སྐྱེ་ཀུན་འབྲལ་བ་མེད་པར་སྨོན། །དངོས་གྲུབ་དཔལ་ནས། བསྟན་པ་ཚོང་རྫས་བྱེད་པ་བདག་མ་བཟོད། །རྒྱལ་བསྟན་རྫུན་པ་བྱེད་པ་བདག་མ་བཟོད། །དགོན་སྡེར་བཤད་སྒྲུབ་མེད་པ་བདག་མ་བཟོད། །ཁྱིམ་པས་བཙུན་ཆས་བྱེད་པ་བདག་མ་བཟོད། །མི་བཟོད་སྲིན་བྱའི་ཚོགས་ལ་འོད་དཀར་འཕྲོས། །མི་བཟོད་སྒྲོ་བསྐུར་ཀུ་ཅོ་སྒྲོགས་པ་ལ། །མི་བཟོད་འཇིགས་བྲལ་བྲག་ཆ་བཞིན་ཤེས་བྱ། །མི་བཟོད་འཇིགས་པ་ངན་སོང་སྡུག་བསྔལ་གནས། །ཆོས་མེད་སྤྲང་འཁྱམ་པ་དངོས་གྲུབ་དཔལ་ནས་ཁམས་མི་ཉག་མཁས་པ་རྣམ་ལྔའི་གནས་མཆོག་ནས་ཕུལ། གངས་ལྗོངས་གསེར་ལྡན་འཛིན་མའི་ཁྱོན་ཡངས་པོར། །གངས་ལྗོངས་རིག་གཏེར་ཆོས་ཀྱི་རྔ་སྒྲ་བསྒྲགས། །གངས་ལྗོངས་རྒྱལ་བསྟན་རིས་མེད་དགའ་བའི་ཚལ། །གངས་ལྗོངས་ས་སྐྱའི་བསྟན་པ་སྲིད་འདིར་འབར། །དངོས་གྲུབ་དཔལ་ནས། གངས་ལྗོངས་བོད་པའི་ཆོས་བརྒྱུད་ཐམས་ཅད་ཀྱིས། །གངས་ལྗོངས་བསམ་ནས་རིས་མེད་མཐུན་འབྲེལ་གྱིས། །གངས་ལྗོངས་བསྟན་འཛིན་ཡིན་ན་རྒྱལ་བསྟན་སྐྱོངས། །གངས་ལྗོངས་དགེ་འདུན་ཚོགས་ལ་ཞུས་པ་ཡིན། །རྒྱལ་ཁམས་པ་དངོས་གྲུབ་དཔལ་གྱིས་སྨྲས་པའོ། །འཇིག་རྟེན་འདི་ན་ཡིད་རྟོན་མི་ཐུབ་པ། །ཕན་ཚུན་བསླུ་བས་མངོན་ལྐོག་མི་མཉམ་དང༌། །ཕྲག་དོག་འགྲན་སེམས་ཁེངས་དྲེགས་གཞན་དབང་གིས། །གཡོ་འོག་བྲན་དུ་གྱུར་བ་ཡི་རེ་མུག ། རྒྱ་བླ་ཕལ་ཆེར་རྒྱ་མིའི་བྲན་དུ་གྱུར། །བོད་བླ་ཕལ་ཆེར་དེ་ལ་ཡིད་སྨོན་ནས། །བསྟན་འཛིན་སྐྱེས་བུ་ཟད་ནས་དགོན་སྟོང་ལུས། །འོན་ཀྱང་ས་རྡོས་འགྲན་རྩོད་འུར་སྒྲོག་བྱེད། །རིས་མེད་པ་དངོས་གྲུབ་དཔལ་ནས། གཡུང་དྲུང་བསྟན་པའི་ས་གཞི་ལ། །སྔ་འགྱུར་བསྟན་པའི་སྡོང་བོ་འཁྲུངས། །བཀའ་བརྒྱུད་བསྟན་པའི་ཡལ་ཁ་གྱེས། །ས་སྐྱའི་བསྟན་པའི་ལོ་འདབ་རྒྱས། །དགེ་ལྡན་བསྟན་པའི་མེ་ཏོག་བཞད། །ཇོ་ནང་བསྟན་པའི་འབྲས་བུ་སྨིན། །གངས་ལྗོངས་ཆོས་བརྒྱུད་ཆེན་མོ་དྲུག ། བྱམས་བརྩེའི་དཔལ་ལ་རོལ་བར་སྨོན། །དངོས་གྲུབ་དཔལ་ནས། ཕྱོགས་མེད་རིས་མེད་ཁྲི་མ་འབུམ་བཤད་ཀྱང༌། །ཆོས་ལུགས་འཐེན་འཁྱེར་འཐབ་རྩོད་མི་འཕྲུལ་གྱིས། །ཆབ་སྲིད་གཡོ་སྒྱུས་བདག་བསྟོད་གཞན་སྨོད་ཀྱི། །ཆགས་སྡང་མུན་པས་བོད་འབངས་ཚོགས་ཀུན་རྨོངས། །དངོས་གྲུབ་དཔལ་ནས། བདག་ལ་གཞན་གྱིས་ཅི་ལྟར་ངན་བརྗོད་ཀྱང༌། །བྱམས་པའི་སེམས་ཀྱིས་ལྟ་བར་མ་ནུས་ན། །བདག་ཕྱོགས་བཟུང་ནས་གཞན་ལ་ངན་བརྗོད་པ། །ནམ་ཡང་མི་བྱེད་བདག་གི་རེ་བ་ཡིན། །ཞེས་དངོས་གྲུབ་དཔལ་ནས། གནས་ལུགས་རྒྱབ་འགལ་བྱས་ནས་འཚོ་བ་ལས། །བདེན་དོན་ཇི་བཞིན་བཤད་ནས་ཤི་བར་འོས། །གཡོ་སྒྱུས་གཞན་མགོ་སྐོར་བའི་འབྱོར་ལྡན་ལས། །དྲང་བདེན་སློང་མོ་བྱེད་པའི་གྲྭ་རྐྱང་ལེགས། །ཞེས་པ་འདི་དངོས་གྲུབ་དཔལ་གྱིས་སྨྲས་པའོ། །འདོད་ཡོན་ལ་ཆོག་ཤེས་མེད་ན་འདོད་རྔམས་ཀྱི་བསྐལ་མེ་འབར། །དམ་ཆོས་ལ་ཆོག་ཤེས་བསྟེན་ན་ཡོན་ཏན་གྱི་ཆུ་བོ་བསྐམ། །འདོད་པ་དངུལ་ལས་མེད་ན་ཆོས་པའི་གཟུགས་བརྙན་ལས་མི་འོང༌། །བྱ་རྒྱུ་འཇིག་རྟེན་ལས་མེད་ན་ངུར་སྨྲིག་གི་དོན་སྙིང་མེད། །ཅེས་ངག་དབང་དངོས་གྲུབ་དཔལ་གྱིས་སྨྲས་སོ། །སྲིད་འབྱོར་འཁོར་བའི་མེ་འོབས་ཆེན་པོའི་ནང༌། །བདེ་བའི་གོ་སྐབས་སྐད་ཅིག་ཙམ་མེད་པས། །ཞི་བསིལ་ཐར་བའི་གནས་ལ་བགྲོད་པའི་སླད། །ཆོས་ཀྱི་སྙིང་པོ་ཐོས་བསམ་སྒོམ་སྒྲུབ་མཛོད། །དངོས་གྲུབ་དཔལ་ནས། འཇིག་རྟེན་འཁོར་བ་མཐོ་དམན་གང་ན་ཡང༌། །ཇི་ལྟར་བསམ་ཡང་སྐྱོ་གདུང་འབྱུང་བའི་གནས། །དེ་སླད་དོན་མེད་བྱ་བ་རིང་དོར་ནས། །དམ་པའི་ལྷ་ཆོས་འབད་དེ་སྒྲུབ་དགོས་སྙམ། །དངོས་གྲུབ་དཔལ་ནས། ནང་བསྟན་མ་བརྗེད་སྤྱ ོད་ལམ་ཡག་པོ་གྱིས། །འཆི་བ་མ་བརྗེད་མྱུར་དུ་དམ་ཆོས་འབོད། །ཕྱི་མ་མ་བརྗེད་ཚེ་འདིར་ཞེན་པ་སྤོངས། །སྡུག་བསྔལ་མ་བརྗེད་ཐར་བ་ཐོབ་པར་མཛོད། །མཆོག་གསུམ་ལས་འབྲས་བསླུ་མེད་བདེན་པའི་མཐུས། །བདག་ནི་གང་དུ་འགྲོ་ཞིང་འདུག་པའི་གནས། །བཤད་སྒྲུབ་བསྟན་པའི་མི་མཐུན་ཕྱོགས་ཞི་ནས། །ངེས་དོན་ལུང་རྟོགས་བསྟན་པ་དར་བར་སྨོན། །ལྷག་པར་བདག་དང་འབྲེལ་བའི་གྲྭ་བཙུན་ཀུན། །མདོ་སྔགས་ཆོས་ཚུལ་དཔལ་ལ་ལོངས་སྤྱ ོད་ནས། །བསྟན་པ་རྣམ་དག་འཛིན་པའི་བསྟན་འཛིན་དུ། །གྱུར་ནས་བསྟན་འགྲོའི་མགོན་དུ་འགྱུར་བར་སྨོན། །བདག་ལ་སྡང་བའི་གདུག་པའི་ཚོགས་ཀུན་ལ། །བྱམས་དང་བརྩེ་བའི་མེ་ཏོག་ཆར་བསྙིལ་ཏེ། །བདག་གིས་སྒོ་གསུམ་བྱ་བ་གང་བརྩམ་པ། །གཞན་ལ་ཕན་པར་འགྱུར་བའི་སྨོན་ལམ་འདེབས། །གྲྭ་བཙུན་པ་དངོས་གྲུབ་དཔལ་གྱིས་ཤར་མར་དུ་བྲིས་པའོ། །རྣམ་ཀུན་གཅམ་བུའི་ཚིག་གི་ཟོལ་སྦྱོར་ལ། །དོགས་ཟོན་བྱས་ནས་ཤ་ཚའི་གཏམ་བཟང་ཚིག། ལེགས་པར་ཉོན་ལ་ཡིད་ལ་ཟུངས་ཤིག་དང༌། །འདི་ཕྱིའི་དོན་ཆེན་སྒྲུབ་པའི་ཐབས་མཆོག་ཡིན། །གཅམ་བུ་ཚིག་ལ་དགའ་བའི་བསམ་མེད་ཚོགས། །བསམ་བཟང་ཚིག་ལ་མཁོན་འཛིན་སྡང་མིག་བསྒྲད། །དེ་འདྲའི་རིགས་ལ་ཤ་ཚའི་གཏམ་བཤད་ལས། །རེ་ཞིག་བཏང་སྙོམས་བཞག་ན་ལེགས་པ་ཡིན། །དེ་རིང་ངལ་གསོ་ལ་ངག་དབང་དངོས་གྲུབ་དཔལ་ནས། རིགས་མཐུན་སྐྱེ་བོའི་ཚོགས་ཀྱི་འདུ་འཛོམས་ལ། །ཁ་ཕྱོགས་མེད་པའི་སྐྱེ་བོ་ངང་གིས་འདུ། །ཞར་ལ་པར་བརྙན་རྫུན་རིས་གཡོ་ཟོལ་གྱིས། །རྨོངས་པའི་ཚོགས་རྣམས་མུན་ནག་ལྟུང་བར་འགྱུར། །ཀུན་དགའ་དོན་འགྲུབ་རྫུ་འཕྲུལ་ནུས་སྟོབས་ཀྱིས། །རྒྱང་རིང་ཡུལ་གྱི་འབྱོར་མེད་ཚོགས་རྣམས་ཀུན། །སྐད་ཅིག་ཉིད་ལ་ཆོས་བརྒྱད་དགོན་པར་བཀུག། པར་བརྙན་འཇའ་ཚོན་འཛམ་གླིང་ཕ་མཐར་སྤྲོས། །དེང་སྐབས་ཀྱི་དགོན་སྡེ་རེ་ཟུང་གི་འགྲོ་ལུགས་འདི་ལྟར་ཡིན་པ་འདྲའོ། །ཀུན་ཀྱང་སྔོན་ལས་བསླུ་མེད་མཐུ་ཡིན་པས། །སྐྱིད་སྡུག་གང་བྱུང་དགའ་སྐྱོ་མི་བྱེད་པར། །འགྲོ་ཀུན་ལས་ངན་སྡིག་སྒྲིབ་དག་བྱའི་ཕྱིར། །བླ་མེད་བྱང་ཆུབ་ཐོབ་ཕྱིར་བརྩོན་པར་སྨོན། །གང་སྣང་འཁྲུལ་བ་ཨ་འཐས་སྣང་བ་ལས། །གཏད་སོ་མེད་པའི་བདེན་མེད་རྫུན་སྣང་འདི། །ལེགས་པར་ཤེས་ནས་བདེན་འཛིན་འཁྲུལ་བ་འདི། །གཞོམ་པར་གྱིས་ཤིག་ཐར་འདོད་སྐལ་ལྡན་ཚོགས། །ཇི་ལྟར་རྨི་ལམ་འཁྲུལ་སྣང་ཆོས་ཀུན་དང༌། །འདི་སྣང་ཆོས་ཀུན་རྫུན་པར་མཉམ་པ་ཡིན། །མ་འཁྲུལ་དོན་དམ་འོད་གསལ་ཆོས་སྐུའི་སར། །བགྲོད་པའི་ཐབས་མཆོག་སྟོང་ཉིད་སྙིང་རྗེ་སྒོམས། །དངོས་གྲུབ་དཔལ་ནས། དགོན་པ་ལ་སྐྱོ་བ་སྐྱེ་མི་རུང་སྤྲོ་བ་སྐྱེ་དགོས། །དམ་ཆོས་ལ་ཆོག་ཤེས་སྐྱེ་མི་རུང་སྤྲོ་བ་སྐྱེ་དགོས། །ཐོས་བསམ་ལ་དཀའ་ངལ་སྐྱེ་མི་རུང་སྤྲོ་བ་སྐྱེ་དགོས། །སྒོམ་པ་ལ་ལོ་ཟླས་མི་ཆོག་པར་མྱོང་བ་ཐོན་དགོས། །འཁོར་བ་ལ་སྤྲོ་བ་མེད་པར་སྐྱོ་བ་སྐྱེ་དགོས། །འདོད་ཡོན་ལ་སྤྲོ་བ་མེད་པར་ཆོག་ཤེས་བསྟེན་དགོས། །འཇིག་རྟེན་ལ་སྤྲོ་བ་མེད་པར་རྒྱང་དུ་དོར་དགོས། །རྣམ་གཡེང་ལ་སྤྲོ་བ་མ་བྱེད་སྤང་བར་བྱ་དགོས། །དངོས་གྲུབ་དཔལ་ནས། ཆོས་ལུགས་ཆགས་སྡང་མ་རྩོད་གངས་ཅན་པ། །བན་བོན་ཕྱི་ནང་མ་རྩོད་གངས་ཅན་པ། །གྲུབ་མཐའ་ཆེ་ཆུང་མ་རྩོད་གངས་ཅན་པ། །ཆོལ་ཁ་ཕྱོགས་རིས་མ་རྩོད་གངས་ཅན་པ། །སྙན་གྲགས་ཆེ་ཆུང་མ་རྩོད་གངས་ཅན་པ། །ཆོས་བརྒྱུད་དབུ་འཛིན་མ་རྩོད་གངས་ཅན་པ། །བཤད་སྒྲུབ་སུ་བཟང་མ་རྩོད་གངས་ཅན་པ། །བསྡུས་གྲྭ་དགོས་མིན་མ་རྩོད་གངས་ཅན་པ། །རྩོད་ན་ང་ཚོ་ཕམ་འགྲོ་གངས་ཅན་པ། །གཞན་གྱི་སྒེར་གཅོད་གཡོ་བའི་ཁྲོ་གཉེར་ལ། །འཇིགས་ནས་སྨྲ་བརྗོད་ཞི་ཞལ་འཁུམ་ན་ནི། །གཞན་དབང་གྱུར་ནས་རང་ནུས་འཇའ་ལྟར་ཡལ། །དེ་སླད་གཞན་ཕན་གད་རྒྱངས་མངོན་བཞད་བྱ། །དངོས་གྲུབ་དཔལ་ནས། རྗེས་ལུས་གཉིད་ལས་སད་པར་བྱེད་པའི་ཐབས། །གདམས་ངག་མཚང་ཐོག་རྒོལ་བའི་སྤོབས་པ་གནད། །འོན་ཀྱང་དགོས་མེད་ངག་འཁྱལ་ཙམ་སོང་ན། །སྨྲ་བ་ཉུང་ནས་རང་སེམས་འདུལ་བར་གྱིས། །དངོས་གྲུབ་དཔལ་ནས། ༄༅། །ཕུགས་རྒྱང་རིང་པོ་འཆང་ནས་སློབ་སྦྱོང་དགོས། ཀུན་སྤྱ ོད་ཀྱིས་གཞན་གྱི་ཡིད་སེམས་འགུགས་དགོས། དཀའ་ཁག་དང་འཕྲད་ཚེ་ནུས་པ་འདོན་དགོས། ལག་ལེན་བྱེད་ཚེ་ཁ་ཕྱོགས་མ་ནོར་བ་དགོས། ཞེས་སྤྲང་འཁྱམ་པ་དངོས་གྲུབ་དཔལ་ནས། འཆད་ཉན་བཀག་ན་སྒྲུབ་པ་ཉམས་ལེན་བཀག ། གྲྭ་སར་བཀག་པ་མི་བུ་རླབས་ཆེན་བཀག ། བླ་མས་སློབ་སྟོན་མེད་ན་ཐར་བ་བཀག ། རིག་གནས་བཀག་ན་མ་འོངས་མདུན་ལམ་བཀག ། དངོས་གྲུབ་དཔལ་ནས།