ཐུན་གྱི་སྔོན་འགྲོས་བློ་སྦྱོང་བ།
གཉིས་པ་ཐུན་གྱི་སྔོན་འགྲོས་བློ་སྦྱོང་བ་ནི། ཁྲིད་རྐང་རེ་རེ་བཞིན་དམིགས་ཐུན་དང་སྦྲགས་དགོས། བློ་སྦྱང་མ་བྱས་ན་ཁྲིད་རབ་ཆད་དུ་འགྲོ་གསུངས་པས་འདི་ནི་གལ་ཆེའོ།། དང་པོ་བླ་མ་ལས་བློ་རྒྱུད་འཁུལ་ངེས་སུ་ཁྲིད་མཉན་ཏེ། བདེ་བའི་སྟན་ལ་ལུས་དལ་བོར་གནས། སེམས་ཁོང་ལྷོད་དེ་བག་ཕབ་ལ། སྐྱབས་སུ་འགྲོ་བ་དང་སེམས་བསྐྱེད་པ་སྔོན་དུ་བཏང་ནས། དལ་འབྱོར་རྙེད་པར་དཀའ་བའི་དོན་ལ་དམིགས་རྣམ་རེ་རེ་བཞིན་བརྟགས་གཞིག་ཞིབ་དུ་བྱས་ཏེ་རང་རྒྱུད་ལ་མྱོང་བ་ཐོན་ངེས་སུ་ནན་ཏན་བསྐྱེད་དོ། །ད་རེས་ཀྱི་ལུས་རྟེན་འདིར་སྙིང་པོ་ཞིག་ལོན་ན་མི་ལུས་ཐོབ་པ་དོན་ཡོད་པས་དེང་ཕྱིན་ཆད་ནི་ཆོས་རྣམ་དག་སྒྲུབ་པའི་མི་ལུས་རིན་པོ་ཆེ་འདི་འདྲ་བ་མི་རྙེད་པའི་ཚུལ། ངོ་བོ། ཁྱད་པར། དཔེ། གྲངས་བཞིའི་སྒོ་ནས་ངེས་ཤེས་ཐག་ཆོད་པ་མ་སྐྱེས་ཀྱི་བར་ཅི་རིགས་པ་ཡང་ཡང་བསྒོམ་ལ་ལུས་རྟེན་ལ་ཅི་ནས་ཀྱང་སྙིང་པོ་ལེན་པའི་དོན་གཉེར་མངོན་གྱུར་པ་བྱུང་དུས་དལ་འབྱོར་རྙེད་དཀའ་ཤེས་པའི་ཚད་ཡིན། རྗེས་སུ་དེ་ལྟར་བློ་སྦྱོང་བའི་དགེ་བ་གཞན་དོན་དུ་ལེགས་པར་བསྔོའོ། །ཁྲིད་རྐང་དང་པོ་སོང་ངོ་།།