ཐུན་མོང་མ་ཡིན་པ་ནང་རིག་པའི་ལུང་བརྒྱུད་ལས།
རྒྱུ་མཚན་ཉིད་ཀྱི་ཐེག་པའི་སྐོར།
གཉིས་པ་ཐུན་མོང་མ་ཡིན་པ་ནང་རིག་པ་ལ། རྒྱུ་མཚན་ཉིད་ཀྱི་ཐེག་པ། འབྲས་བུ་སྔགས་ཀྱི་ཐེག་པ། དེ་དག་ཀུན་གྱི་རྩ་བར་གྱུར་པ་ཐུབ་པ་ཆེན་པོའི་བཀའ་འགྱུར་རོ་ཅོག་དང་གསུམ། དང་པོ་ནི། མདུན་ལེགས་མ་ལས། བླང་དོར་གནས་ལ་ཀུན་ནས་འཐོམས་པའི་མུན། །ཡང་དག་ཐོས་པའི་སྒྲོན་མེས་མ་བསལ་བར། །ལམ་མི་ཤེས་ན་ཐར་པའི་གྲོང་མཆོག་ཏུ། །འཇུག་པར་འགྱུར་བ་སྨོས་ཀྱང་ཅི་ཞིག་དགོས། །དེ་ཉིད་ཕྱིར་ན་མི་ཕམ་ཆོས་རྗེ་དང་། །འཛམ་གླིང་རྒྱན་དྲུག་མཆོག་གཉིས་ཞེས་གྲགས་པའི། །གཞུང་ལ་ཕྱོགས་རེ་བ་དང་རགས་པ་རེས། །ཚིམ་པར་མ་བྱས་ཀུན་ལ་ཞིབ་ཏུ་སྦྱངས། །ཚུལ་འདི་བསམ་ཞིང་མདུན་མ་ལེགས་ནས་གདའ། །བཀའ་དྲིན་ཆེའོ་རྗེ་བཙུན་མཁྱེན་པའི་གཏེར། །ཞེས་གསུངས་པའི་རྒྱན་དྲུག་མཆོག་གཉིས་ཀྱི་གཞུང་ལུགས་ཀྱང་རྗེ་བཙུན་རེ་མདའ་པ་ཆེན་པོས། འཛམ་གླིང་མཁས་པའི་རྒྱན་མཆོག་དཀའ་ཆེན་བཞི། །རྩ་འཇུག་བཞི་གསུམ་ཐེག་ཆེན་རྒྱུད་བླ་དང་། །ཆོས་མངོན་མཛོད་དང་དཔལ་ལྡན་འདུས་པ་སོགས། །རྣམ་བཤད་བྱས་པའི་གཞུང་ལུགས་བཅུ་ཕྲག་གཅིག །ཅེས་པའི་མཐའ་དག་ཁོང་དུ་ཆུད་པར་དཀའ་ནའང་ཇི་ལྟར་ཐོས་པ་ལས་ཚད་མ་ནི་གོང་དུ་སོང་ཟིན། །
འདུལ་བ་ལུང་སྡེ་བཞིའི་རྩ་འགྲེལ་གྱི་ལུང་བརྒྱུད།
བསྟན་པའི་རྩ་བ་དམ་པའི་ཆོས་འདུལ་བ་ལུང་སྡེ་བཞིའི་དགོངས་པའི་དོན་སྙིང་པོར་བསྡུས་ན་སྟོན་པ་འཛམ་གླིང་མཛེས་པར་བྱེད་པའི་མཆོག་རྣམ་པ་གཉིས་ལས་སློབ་དཔོན་ཡོན་ཏན་འོད་ཀྱིས་མཛད་པའི་འདུལ་བ་མདོ་རྩ་བ་རྒྱ་ཆེར་འགྲེལ་དང་བཅས་པའི་གཞུང་དོན་གསལ་བར་བྱེད་པ་ཐམས་ཅད་མཁྱེན་པ་དགེ་འདུན་
གྲུབ་ཀྱིས་མཛད་པའི་འདུལ་ཊཱིཀ་རིན་ཅེན་འཕྲེང་བ། སྐྱེད་ཚལ་བ་འཇམ་དབྱངས་ཀུན་དགའ་ཆོས་བཟང་། པཎ་ཆེན་བསོད་ནམས་གྲགས་པ། ཕ་བོང་ཁ་པ་བདེ་ལེགས་ཉི་མ་གསུམ་གྱིས་མཛད་པའི་ཡི་གེའི་སྟེང་ནས་སྤྱི་དོན་དང་ཐལ་འཕྲེང་ལེགས་པར་ནོས་པའི་བརྒྱུད་པ་ནི། ཐམས་ཅད་མཁྱེན་པ་ཟས་གཙང་སྲས་པོ། དགྲ་བཅོམ་པ་ཉེ་བ་འཁོར། འཕགས་པ་འོད་སྲུངས། རྗེ་བཙུན་བཙོང་ཁ་པའི་གསན་ཡིག་དང་རྡོ་རྗེ་གདན་པས་སྟག་ཚང་ལོ་ཙཱ་བར་གསན་པའི་ཐོར་འདི་མི་འདུག །འཕགས་པ་ཀུན་དགའ་བོ། དགྲ་བཅོམ་པ་ཤ་ནའི་གོས་ཅན། རྗེ་བཙུན་བཙོང་ཁ་པའི་གསན་ཡིག་ན་འདི་མི་འདུག་པ་ཆད་དམ་དཔྱད། དགྲ་བཅོམ་པ་ཉེར་སྦས། དགྲ་བཅོམ་པ་དྷི་དྷི་ཀ །དགྲ་བཅོམ་པ་ནག་པོ་པ། དགྲ་བཅོམ་པ་ལེགས་མཐོང་། ཕྱིར་མི་འོང་བུ་སྟོན་དང་གྲོལ་མཆོག་གི་གསན་ཡིག་ན་འདི་གཉིས་སོ་སོར་ཕྲལ་འདུག་པ་དཔྱད་ཅིང་གྲོལ་མཆོག་གི་དེར་དགྲ་བཅོམ་ཕྱིར་མི་འོང་ཞེས་སྣང་བ་ཕྱིར་མི་འོང་རྣམས་སླར་དགྲ་བཅོམ་གྱི་གོ་འཕང་མངོན་དུ་བྱེད་དགོས་པས་ཀར་འབྲུག་ཚོ་བཙུན་པ་ཐམས་ཅད་ལ་དགེ་སློང་ཟེར་བའི་དཔེ་ཟླ་ཡིན་པ་འདྲའོ། །བློས་མི་འབེབས། ཁ་ཆེ་འདུས་བཟང་། འདི་གཉིས་གསན་ཡིག་གཞན་ཚོར་མི་གསལ་ཡང་རྗེ་བཙུན་བཙོང་ཁ་པའི་གསན་ཡིག་དང་སྟག་ཚང་ལོ་ཙཱ་བར་རྡོ་རྗེ་གདན་པས་གསན་པའི་བརྒྱུད་པར་འདུག་པས་ཁུངས་བཙུན་པར་མངོན། སློབ་དཔོན་དབྱིག་གཉེན། སློབ་དཔོན་ཡོན་ཏན་འོད། སློབ་དཔོན་ཆོས་ཀྱི་བཤེས་གཉེན། རྗེ་བཙུན་བཙོང་ཁ་པའི་གསན་ཡིག་ན་མི་འདུག །སློབ་དཔོན་ཤཱཀྱ་འོད། དགྲ་བཅོམ་པ་སེང་གེའི་གདོང་ཅན། ཁ་ཆེ་ཛི་ན་མི་ཏྲ། གསན་ཡིག་ལ་ལར་འདི་གཉིས་གོ་ལྡོག་ཏུ་འདུག་པ་རྗེ་བཙུན་བཙོང་ཁ་པའི་གསན་ཡིག་ན་དེས་བཱ་ན་ཤཱི་ལ་དང་ཛི་ན་མི་ཏྲ་
གཉིས་ལ་ཞེས་དང་། གོང་དཀར་བའི་གསན་ཡིག་ན་གང་རུང་གཅིག་གིས་ཆོག་པར་མཛད་ཅིང་། གྲོལ་མཆོག་གི་གསན་ཡིག་ན་ཛ་ིན་མི་ཏྲ་ལས་མི་འདུག་པས་གཉིས་ཀ་བགྲངས་ཕྱིན་གོ་རིམ་གྱི་ངེས་པ་མི་དགོས་པ་འདྲའོ། །པཎ་ཆེན་དཱ་ན་ཤཱི་ལ། ཅོག་གྲུ་ཀླུའི་རྒྱལ་མཚན། སྟག་ཚང་པར་གོང་དཀར་བས་གསན་པའི་བརྒྱུད་ཡིག་ན་འདུག་པས་ཡིད་ཆེས་སུ་མངོན། གཡོ་དགེ་འབྱུང་། བླ་ཆེན་དགོངས་པ་རབ་གསལ། ཀླུ་མེས་ཚུལ་ཁྲིམས་འདི་གཉིས་ཀྱི་བར་དུ་གྲུ་མེར་ཚུལ་ཁྲིམས་འབྱུང་གནས་དང་སྐྱོགས་ཤེས་རབ་འབྱུང་གནས་གཉིས་ས་སྐྱའི་ལས་ཆེན་ཡེ་ཤེས་ལྷུན་གྲུབ་ལ་གྲོལ་མཆོག་གིས་གསན་པའི་བརྒྱུད་པར་འདུག་པ་དུས་ཀྱི་སྔ་ཕྱིའི་དབང་དུ་བྱས་ན་འཐད་པར་མཐོང་ཡང་བུ་སྟོན། གོང་དཀར་བ། ངག་ཆོས་དྭགས་པོ་པཎ་ཆེན་ཕྱོགས་ལས་རྣམ་རྒྱལ་རྣམས་ཀྱི་གསན་ཡིག་ན་མི་འདུག་པས་ལོ་རྒྱུས་ཆོས་འབྱུང་དང་བསྟུན་ནས་དཔྱད་དགོས་ཡོད་ཅིང་། ཀུན་མཁྱེན་བུ་དང་མཁན་ངག་ཆོས་པའི་གསན་ཡིག་ན་གཟུངས་ཞེས་པ་སྣང་བས་བརྟག །བྱང་ཆུབ། གཟུས་རྡོ་རྗེ་རྒྱལ་མཚན། སོགས་ཚུལ་ཁྲིམས་བླ་མ། ཀོ་ཁྱིམ་པ་ཡེ་ཤེས་བླ་མ། ཉང་མཚམས་པ་རིན་ཅེན་བླ་མ། དེ་གསུམ་ག་ལ་རྒྱ་འདུལ་བ་འཛིན་པ་དབང་ཕྱུག་ཚུལ་ཁྲིམས། དེ་ནས་རྨ་ཚོ་བྱང་ཆུབ་རྡོ་རྗེ། བྱ་འདུལ་བ་བརྩོན་འགྲུས་འབར། བླ་མ་ཆོས་ཀྱི་དབང་ཕྱུག །ཆོས་ཀྱི་བྱང་ཆུབ། ན་བཟའ་འཕྲེད་གསོལ་བར་ཡང་གྲགས། རྗེ་ཆོས་ཀྱི་བརྩོན་འགྲུས། ཆོས་གྲགས་རིན་ཅེན་དཔལ་བཟང་། མཁན་ཆེན་དཀའ་བཞི་པ་གྲགས་པ་གཞོན་ནུ། རིན་པོ་ཆེ་བསོད་ནམས་གྲགས་པ། བུ་སྟོན་ཐམས་ཅད་མཁྱེན་པ། དམར་སྟོན་རྒྱ་མཚོ་རིན་ཅེན། ཐམས་ཅད་མཁྱེན་པ་དགེ་འདུན་གྲུབ་པ། ཀུན་མཁྱེན་མུས་སྲད་པ་བློ་གྲོས་རིན་ཅེན་སེང་གེ །སེ་ར་གཉལ་སྟོན་དཔལ་འབྱོར་ལྷུན་གྲུབ། རྗེ་བཙུན་དོན་ཡོད་དཔལ་ལྡན། པཎ་
ཆེན་བསོད་ནམས་གྲགས་པ། རྒྱལ་ཁང་རྩེ་པ་དཔལ་འབྱོར་རྒྱ་མཚོ། འཇམ་དཔལ་དབྱངས་སྟག་ལུང་བྲག་པ། གསུང་རབ་རྒྱ་མཚོའི་མངའ་བདག་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་རྨ་ཚོ་བྱང་ཆུབ་རྡོ་རྗེ་ནས། སྐྱིད་ཤོད་པ་ཚུལ་ཁྲིམས་འཕགས། འདར་ཚུལ་ཁྲིམས་རྒྱལ་པོ། ཉི་སྟེང་པ་ཚུལ་ཁྲིམས་གྲགས། འདུལ་འཛིན་བློ་གྲོས་གྲགས། ནེའུ་པཎ་ཆེན། འདུལ་འཛིན་རྒྱལ་མཚན་དཔལ། སློབ་དཔོན་རིན་ཅེན་བྱང་ཆུབ། དམར་སྟོན་དཔལ་ལྡན་རིན་ཅེན། དམར་སྟོན་རྒྱ་མཚོ་རིན་ཅེན། ཁུ་དབོན་གཉིས་ཀ་ལ་ཐམས་ཅད་མཁྱེན་པ་དགེ་འདུན་གྲུབ་ཀྱིས་གསན་པ་མན་འདྲ། ཡང་ན་བྱ་འདུལ་བརྩོན་འགྲུས་འབར་ནས། ཐག་མའི་ཀ་པ་ཆེན་པོ། གཡོར་པོའི་སྦས་ཏི་དགྲ་བཅོམ་པ། མཁན་ཆེན་ཤེས་རབ་སེང་གེ་བསམ་ཡས་པ་ཚུལ་ཁྲིམས་དབང་ཕྱུག །སེ་བ་ཅན་པ་ཡོན་ཏན་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། མཁན་ཆེན་དཀའ་བཞི་པ་བློ་གསལ། དམར་སྟོན་དཔལ་ལྡན་རིན་ཅེན་མན་འདྲ། ཡང་ན་དམར་སྟོན་རྒྱ་མཚོ་རིན་ཅེན་ནས། ཀུན་མཁྱེན་གཡག་པ། རོང་སྟོན་དམར་ཁམས་གྲགས་བཟང་། གྲ་ཆུང་པ། ཤངས་སྟོན་པ། ཆོས་གྲགས་པ། དཔལ་འབྱོར་རྒྱ་མཚོ། བློ་གྲོས་རྒྱ་མཚོ། རྗེ་དཀོན་ཅོག་ཆོས་འཕེལ། དེས་བདག་ལའོ། །
མངོན་པ་མཛོད་རང་འགྲེལ་དང་བཅས་པའི་ལུང་བརྒྱུད།
སངས་རྒྱས་གཉིས་པ་དབྱིག་གཉེན་ཀྱིས་མཛད་པའི་ཤེས་བྱ་གཞི་ལྔ་གཙོ་བོར་བརྗོད་པའི་ཆོས་མངོན་པ་མཛོད་རང་འགྲེལ་དང་བཅས་པའི་དོན་གསལ་བར་སྟོན་པ་པཎ་ཆེན་གཞུང་ལུགས་བརྒྱ་པ་དངོས་གྲུབ་དཔལ་འབར་གྱིས་མཛད་པའི་ཊཱིཀྐ། པཎ་ཆེན་བསོད་ནམས་གྲགས་པ་དང་ལས་ཆེན་དངོས་གྲུབ་རྒྱ་
མཚོ་གཉིས་ཀྱིས་མཛད་པའི་སྤྱི་དོན་གྱི་སྟེང་ནས་སྤྱི་ཊཱིཀ་ལེགས་པར་ཐོབ་པའི་བརྒྱུད་པ་ནི། སྟོན་པ་ཐུབ་པའི་དབང་པོ། གནས་བརྟན་འོད་སྲུང་ཆེན་པོ། འཕགས་པ་ཀུན་དགའ་བོ། དགྲ་བཅོམ་པ་དབྱངས་སྒྲོག །ཁ་ཆེ་འདུས་བཟང་། ཀུན་མཁྱེན་གཉིས་པ་དབྱིག་གཉེན། མངོན་པ་རང་ལས་མཁས་པ་བློ་གྲོས་བརྟན་པ། གང་བ་སྤེལ། དཱ་ན་ཤཱི་ལ། འདི་གཉིས་གོ་རིམ་མི་མཐུན་པ་འགའ་ཞིག་བྱུང་ཡང་ཕན་ཚུན་གསན་རེས་མ་བྱུང་འདྲ་བས་གང་བདེས་ཐུས་སམ་སྙམ་གོང་དཀར་བའི་གསན་ཡིག་ཏུ་བསྡུ་ན་དཱ་ཛི་གཉིས་དང་སྐ་ཅོག་ཞང་གསུམ་གང་རུང་རེས་ཆོག་པར་མངོན་གསུང་བར་འཐད་དོ། །ཛི་ན་མི་ཏྲ། སྐ་བ་དཔལ་བརྩེགས་རཀྵི་ཏ། ཅོག་གྲུ་ཀླུའི་རྒྱལ་མཚན། ཀུན་མཁྱེན་པའི་གསན་ཡིག་ན་ནམ་ནང་ཟླ་བའི་རྡོ་རྗེ་ཞེས་སྣང་། ཞང་སྣ་ནམ་ཡེ་ཤེས་སྡེ། སྣ་ནམ་ཟླ་བའི་རྡོ་རྗེ། ལྷ་ལུང་དཔལ་གྱི་རྡོ་རྗེ། སྦས་རྒྱལ་བ་ཡེ་ཤེས། བུའི་གསན་ཡིག་ན་དབས་ཞེས་པ་སྣང་། གསུམ་ག་ལ་ཅོག་གྲུ་རྒྱལ་བའི་ཡེ་ཤེས་ཀྱིས་གསན། དེ་ནས་ཅོག་གྲུ་མཆོག་གི་ཡེ་ཤེས། སེ་བཙུན་དབང་ཕྱུག་གཞོན་ནུ། འགར་མི་ཡོན་ཏན་གཡུང་དྲུང་། ཁུ་སྟོན་བརྩོན་འགྲུས་གཡུང་དྲུང་། ར་ཁྲི་བཟང་འབར། བུའི་གསན་ཡིག་ན་ར་སྟོན་ཁྲི་བཟང་ཞེས་སྣང་ཞིང་འདི་དང་ཕྱི་མ་གཉིས་གོ་ལྡོག་ཏུ་འདུག་པ་བརྟག །རྒྱ་ཚུལ་ལི། ལི་སྟོན་ཆོས་གྲགས། བྲང་ཏི་དར་མ་སྙིང་པོ། ཀོ་ཡེ་འབྱུང་། འབན་དཀོན་ཅོག་རྡོ་རྗེ། ཐོ་ཀུན་དགའ་རྡོ་རྗེ། འཇད་པ་སྟོན་སྐྱབས། འཇད་པ་གཞོན་བྱང་། ཞང་འབྲིང་མཚམས་པ། བོ་དོང་པ་རིན་ཅེན་རྩེ་མོ། བརྩོན་གྲུས་རྡོ་རྗེ་ཡིན་ནམ་དཔྱད། སྟག་སྡེ་པ་སེང་གེ་རྒྱལ་མཚན། དཔང་ལོ་ཙཱ་བ་བློ་གྲོས་བརྟན་པ། ལོ་ཆེན་བྱང་ཆུབ་རྩེ་མོ། རྗེ་བཙུན་རེ་མདའ་བ་གཞོན་ནུ་བློ་གྲོས། རྒྱལ་བ་གཉིས་པ་བློ་བཟང་གྲགས་
པ། རྒྱལ་ཚབ་ཐམས་ཅད་མཁྱེན་པ་དར་མ་རིན་ཅེན། ཐམས་ཅད་མཁྱེན་པ་དགེ་འདུན་གྲུབ། ཀུན་མཁྱེན་བློ་གྲོས་རིན་ཅེན་སེང་གེ །གཉལ་སྟོན་དཔལ་འབྱོར་ལྷུན་གྲུབ། རྗེ་དོན་ཡོད་དཔལ་ལྡན། པཎ་ཆེན་བསོད་ནམས་གྲགས་པ། རྒྱལ་ཁང་རྩེ་པ་དཔལ་འབྱོར་རྒྱ་མཚོ། སྨྲ་བའི་ཉི་མ་སྟག་ལུང་བྲག་པ། འཇམ་དབྱངས་བླ་མ་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལ་སྩལ་ཏོ། །ཡང་ན་བྲང་ཏི་དར་མ་སྙིང་པོ་ནས། རོག་ཆོས་ཀྱི་བརྩོན་འགྲུས། ཡར་ནག་པ། ཉང་ཐེར་མ། རྡོ་རྗེ་གདན་པའི་གསན་ཡིག་ན་ཐེར་མགོ་བ་ཟེར་བ་འདུག །གཟད་པ་རིང་མོ། །སྤྱིལ་བུ་བ་སྟག་སྟོན་ཤེས་རབ་འོད་ཟེར། ལྷོ་གྲུབ་པ་སེང་གེ ཚད་མའི་སྐྱེས་བུ་བསོད་ནམས་མགོན། ཐམས་ཅད་མཁྱེན་པ་བུ་སྟོན་རིན་པོ་ཆེ། དམར་སྟོན་རྒྱ་མཚོ་རིན་ཅེན། ཐམས་ཅད་མཁྱེན་པ་དགེ་འདུན་གྲུབ་མན་འདྲ། ཡང་ན་བློ་གྲོས་བརྟན་པ་ནས། ཁ་ཆེ་དྲི་མེད་སྦས་པ། པཎྜི་ཏ་སྨྀ་ཏི་ཛྙཱ་ན་ཀཱིརྟི། གཡས་ཆེན་པོ་ཤེས་རབ་གྲགས། རྭ་ཞགས་ཟླ་བ། མཆིམས་ཞང་བཙུན། མཆིམས་ལྷ་རྗེ་གོ་ཆ། མཆིམས་བརྩོན་འགྲུས་སེང་གེ །མཆིམས་དོན་གྲུབ་རྒྱལ་མཚན། མཆིམས་བརྩོན་འགྲུས་རྒྱལ་མཚན། མཆིམས་བློ་གྲོས་བརྟན་པ། མཆིམས་ནམ་མཁའ་གྲགས། མཁས་པ་ཡོན་ཏན་འོད་ཟེར། བཤེས་གཉེན་ཆོས་མགོན་པ། སྐྱོར་ལུང་པ་བློ་གྲོས་བཟང་པོ། དམར་སྟོན་དཔལ་ལྡན་རིན་ཅེན། དམར་སྟོན་རྒྱ་མཚོ་རིན་ཅེན་མན་འདྲ། ཡང་ན་སློབ་དཔོན་གང་བ་སྤེལ་ནས་རིམ་པར། ཁ་ཆེ་པཎ་ཆེན། ས་པཎྜི་ཏ། འཕགས་པ་རིན་པོ་ཆེ། ཞང་མདོ་སྡེ་དཔལ། མཉམ་མེད་གྲགས་པ་རྒྱལ་མཚན། དོན་རི་གྲགས་རྒྱལ། བླ་མ་དམ་པ་
བསོད་ནམས་རྒྱལ་མཚན། ཉ་དབོན་ཀུན་དགའ་དཔལ། ཀུན་མཁྱེན་གཡག་པ། རོང་སྟོན་ཆེན་པོ། མཁྱེན་རབ་དབང་ཕྱུག་གྲགས་པ་བཟང་པོ། ཀུན་མཁྱེན་ཡོན་ཏན་རྒྱ་མཚོ། ཤངས་སྟོན་དྲི་མེད་བཤེས་གཉེན། འཇམ་དབྱངས་མཆོག་ལྷ་འོད་ཟེར། དྲུང་ཆེན་ལེགས་པ་བཟང་པོ། ཞལ་སྔ་ནས་ཆོས་ཀྱི་གྲགས་པ། རྒྱལ་ཁང་རྩེ་པ་དཔལ་འབྱོར་རྒྱ་མཚོ། འཇམ་དབྱངས་སྟག་ལུང་བྲག་པ། སྨྲ་བའི་དབང་ཕྱུག་དཀོན་ཅོག་ཆོས་འཕེལ། དེས་བདག་ལའོ། །ཡང་ན་མཆོག་ལྷ་བ་ནས། ལྷ་དབང་དཔལ་འབྱོར། རྒྱལ་ཁང་རྩེ་པ་མན་འདྲ། ཉེ་བརྒྱུད་ནི་རྗེ་བཙུན་ས་པཎ་གྱིས་མནལ་ལམ་དུ་ཨ་ཕྱིའི་མཆོད་རྟེན་གྱི་དྲུང་དུ་སློབ་དཔོན་དབྱིག་གཉེན་ལ་ཆོས་མངོན་པ་ཟླ་བ་གཅིག་གི་བར་ཡོངས་སུ་རྫོགས་པར་གསན་པས་དབྱིག་གཉེན་ཞབས་ས་པཎ། འཕགས་པ་མན་འདྲ།
ཤེར་ཕྱིན་མངོན་རྟོགས་རྒྱན་རྩ་འགྲེལ་དང་བཅས་པའི་ལུང་བརྒྱུད།
སྦས་དོན་མངོན་པར་རྟོགས་པའི་དོན་ཕྱིན་ཅི་མ་ལོག་པར་གསལ་བར་སྟོན་པ་རྒྱལ་ཚབ་མི་ཕམ་མགོན་པོས་མཛད་པའི་བསྟན་བཅོས་མངོན་པར་རྟོགས་པའི་རྒྱན། དེའི་འགྲེལ་པ་སློབ་དཔོན་སེང་གེ་བཟང་པོས་མཛད་པའི་དོན་གསལ་རྩ་འགྲེལ་གཉིས་ཀྱི་ཊཱིཀྐ་རྒྱལ་ཚབ་ཐམས་ཅད་མཁྱེན་པས་མཛད་པའི་རྣམ་བཤད་སྙིང་པོ་རྒྱན། པཎ་ཆེན་བསོད་ནམས་གྲགས་པས་མཛད་པའི་སྤྱི་དོན་ཐལ་འཕྲེང་། དྭགས་ཉག་བློ་གྲོས་འཕེལ་གྱི་སྤྱི་དོན། སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་ཐལ་འཕྲེང་རྣམས་ཀྱི་སྟེང་ནས་སྤྱི་ཊཱིཀ་ཐལ་འཕྲེང་དང་བཅས་པ་ལེགས་པར་ནོས་པའི་རྔོག་ལུགས་ཀྱི་བརྒྱུད་པ་ནི། ཐུབ་དབང་ཟས་གཙང་སྲས་པོ། རྗེ་བཙུན་བྱམས་པ་མགོན་པོ། འཕགས་པ་ཐོགས་མེད། སློབ་དཔོན་དབྱིག་གཉེན་
འཕགས་པ་རྣམ་གྲོལ་སྡེ། བཙུན་པ་རྣམ་གྲོལ་སྡེ། མཆོག་གི་སྡེ། དུལ་བའི་སྡེ། མཁན་པོ་རྣམ་སྣང་མཛད། སློབ་དཔོན་སེང་གེ་བཟང་པོ། སློབ་དཔོན་སངས་རྒྱས་ཡེ་ཤེས་ཞབས། སློབ་དཔོན་ཡོན་ཏན་བཤེས་གཉེན། ལོ་ཆེན་རིན་ཅེན་བཟང་པོ། ཤར་ཕྱོགས་པ་ཟླ་བ་བཟང་པོ། སློབ་དཔོན་བསྟན་སྐྱོང་། འབུམ་ཕྲག་གསུམ་པའང་ཟེར། ལོ་ཙཱ་བ་བློ་ལྡན་ཤེས་རབ། འབྲེ་ཤེས་རབ་འབར། ཨར་བྱང་ཆུབ་ཡེ་ཤེས། འདུལ་བ་འཛིན་པ་དཀར་མོ། དཀར་ཆུང་རིང་མོ། ཞང་ཡེ་བ། གཉལ་ཞིག་འཇམ་དཔལ་རྡོ་རྗེ། གཟང་རིང་དར་མ་ཚུལ་ཁྲིམས། བོ་དོང་པ་བརྩོན་འགྲུས་རྡོ་རྗེ། སྟག་སྡེ་བ་སེང་གེ་རྒྱལ་མཚན། དཔང་ལོ་ཙཱ་བ་བློ་གྲོས་བརྟན་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། རྗེ་བཙུན་རེ་མདའ་པ་གཞོན་ནུ་བློ་གྲོས། ཆོས་ཀྱི་རྒྱལ་པོ་བཙོང་ཁ་པ་ཆེན་པོ། ཐམས་ཅད་མཁྱེན་པ་དར་མ་རིན་ཅེན། གཉལ་རྒོད་རིན་ཅེན་བསམ་གྲུབ། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན། མུས་སྲད་པ་བློ་གྲོས་རིན་ཅེན་སེང་གེ །སེ་ར་ཆོས་རྗེ་གཉལ་སྟོན་དཔལ་ལྷུན་པ། སེ་ར་དོན་ཡོད་དཔལ་ལྡན། དྭགས་ཉག་རིག་པའི་རལ་གྲི་བློ་གྲོས་འཕེལ། གཙང་སྟོན་དགེ་ལེགས་བཤེས་གཉེན། ཏེའུ་ར་པ་དགེ་འདུན་བསམ་གྲུབ། གྲོམ་མདའ་བ་བློ་བཟང་ཆོས་འཕེལ། འཇམ་མགོན་སྨྲ་བའི་དབང་ཕྱུག་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ཕར་ཕྱིན་རྙིང་མ་འབྲོམ་ལུགས་ཀྱི་བརྒྱུད་པ་ནི། སློབ་དཔོན་སེང་གེ་བཟང་པོ་ནས། ཀུ་སཱ་ལི་ཆེ་བ། ཀུ་སཱ་ལི་ཆུང་བ། གསེར་གླིང་པ་ཆོས་ཀྱི་གྲགས་པ། ཇོ་བོ་ཆེན་པོ་དཔལ་མར་མེ་མཛད། འབྲོམ་སྟོན་པ་རྒྱལ་བའི་འབྱུང་
གནས། འབྲོམ་སྟོན་ཙན་ནམ་མགོ་བླ་མ། འབྲེ་ཆེན་ཤེས་རབ་འབར་མན་འདྲ། ཡང་ཁུ་ལུགས་ཀྱི་བརྒྱུད་པ་ནི། ཇོ་བོ་རྗེ་ནས། ཁུ་ཆེན་པོ་ལྷ་སྡིངས་པ། རྒྱ་རྒྱལ་བ་ཚུལ་ཁྲིམས་སེང་གེ །ལི་སྟོན་ཆོས་གྲགས། འབྲེ་ཆེན་པོ་མན་འདྲ། ཡང་ན་དགེ་ལེགས་བཤེས་གཉེན་ནས། སེམས་དཔའ་ཆེན་པོ་སྐལ་བཟང་རྒྱ་མཚོ། རྩེས་དང་པ་སངས་རྒྱས་བློ་གྲོས། འཕྱོང་རྒྱས་པ་ནམ་མཁའ་རྒྱ་མཚོ། འཇམ་དབྱངས་དཀོན་ཅོག་ཆོས་འཕེལ། དེས་བདག་ལའོ། །ཡང་ན་དགེ་འདུན་བསམ་གྲུབ་ནས། འོལ་ཁ་བ་བློ་བཟང་རྒྱ་མཚོ། རྗེ་བྱམས་པ་བརྟན་པ། རྗེ་དཀོན་ཅོག་ཆོས་འཕེལ། ཡང་ན་རྗེ་དོན་ཡོད་དཔལ་ལྡན་ནས། རྗེ་བཙུན་ཆོས་ཀྱི་རྒྱལ་མཚན། ཤར་ཆེན་ནམ་མཁའ་རྒྱལ་མཚན། རྗེ་ནམ་མཁའ་རྒྱ་མཚོ་མན་འདྲ། ཡང་ན་བོ་དོང་པ་བརྩོན་འགྲུས་རྡོ་རྗེ་ནས། ཁྲོ་ཕུ་བ་བསོད་ནམས་སེང་གེ །ལྷ་སྟོན་གྲུབ་པ་སེང་གེ །ཚད་མའི་སྐྱེས་བུ་བསོད་ནམས་མགོན། ཐམས་ཅད་མཁྱེན་པ་བུ་སྟོན། ཐུགས་སྲས་རིན་ཅེན་རྣམ་རྒྱལ། གཡག་མི་ཕམ་ཆོས་ཀྱི་བླ་མ། རོང་སྟོན་ཤེས་བྱ་ཀུན་རིག །ཐམས་ཅད་མཁྱེན་པ་དགེ་འདུན་གྲུབ། ཀུན་མཁྱེན་བློ་གྲོས་རིན་ཅེན་སེང་གེ་མན་གོང་བཞིན་ནོ། །ཡང་ན་བུ་སྟོན་ཐམས་ཅད་མཁྱེན་པ་ལ་མཁས་པ་ལུང་མང་པོ་དང་དྷརྨ་ཤྲཱི་གཉིས་ཀྱིས་གསན། གཉིས་ཀ་ལ་ཀུན་མཁྱེན་གཡག་པས་གསན་པ་མན་འདྲ།
དབུ་མ་འཇུག་པ་རྩ་འགྲེལ་དང་བཅས་པའི་ལུང་བརྒྱུད།
མདུན་ལེགས་མ་ལས། མདོ་སྔགས་གཞུང་ལ་ངལ་བ་མང་བྱས་ཀྱང་། །ཟབ་དོན་ཉམས་སུ་ལེན་དང་སྨྲ་བ་ལ། །གང་ཡང་མ་བསླབ་ཅི་ཡང་མི་ཤེས་པའི། །ལྟ་བའི་ཚུལ་ལ་རིང་དུ་མ་སོང་བར། །མཐོང་ནས་
ལྷག་པར་ཀླུ་སྒྲུབ་གཞུང་ལུགས་ཀྱི། །ཟབ་མོ་འབྱེད་པའི་ཕྲ་བའི་རིག་ལམ་ནས། །ཡང་དག་ལྟ་བ་འདྲེན་པའི་གནད་ཀུན་ལ། ལེགས་པར་སྦྱངས་ནས་ཐེ་ཚོམ་མཆོད་པར་བྱས། །ཞེས་པ་ལྟར་སློབ་དཔོན་ཀླུ་སྒྲུབ་ཀྱི་དགོངས་པ་ཐལ་འགྱུར་བའི་ལུགས་སྲོལ་ཐུན་མོང་མ་ཡིན་པ་ཟབ་མོ་དབུ་མའི་ལྟ་བ་འདི་ཉིད་མ་རྟོགས་པར་འཁོར་བ་ལས་རྣམ་པར་གྲོལ་བའི་ཞི་བ་ནམ་ཡང་རྙེད་པའི་སྐབས་མེད་པ་ལ་དགོངས་ནས་མཉམ་མེད་རེ་མདའ་བ་དང་ཐམས་ཅད་མཁྱེན་པ་བཙོང་ཁ་པ་ཆེན་པོ་སོགས་དམ་པ་དུ་མས་ཕྱོགས་འདི་ལ་རྩལ་དུ་བཏོན་ཏེ་འཆད་ཉན་གྱིས་གཏན་ལ་ཕབ་པ་ཡིན་པས། འཕགས་པ་ཡབ་སྲས་གཉིས་ཀྱི་བཞེད་པ་འཁྲུལ་མེད་དུ་སྟོན་པ་སློབ་དཔོན་ཆེན་པོ་ཟླ་བ་གྲགས་པས་མཛད་པའི་དབུ་མ་འཇུག་པ་རང་འགྲེལ་དང་བཅས་པའི་ཊཱིཀྐ་རྗེ་བཙུན་བཙོང་ཁ་པ་ཆེན་པོས་མཛད་པའི་རྣམ་བཤད་དགོངས་པ་རབ་གསལ། པཎ་ཆེན་བསོད་ནམས་གྲགས་པ། ཆོས་རྗེ་རྗེ་བཙུན་པ། ཁྱུང་ཕྲུག་བྱམས་པ་བཀྲ་ཤིས་རྣམས་ཀྱི་ཡིག་ཆའི་སྟེང་ནས་ཐལ་འཕྲེང་སྤྱི་དོན། ཊཱིཀྐ་རྣམས་ལེགས་པར་ནོས་པའི་བརྒྱུད་པ་ནི། ཐུབ་པའི་དབང་པོ། དཔལ་མགོན་འཕགས་པ་ཀླུ་སྒྲུབ། སློབ་དཔོན་ཨཱཪྻ་དེ་ཝ། སློབ་དཔོན་སངས་རྒྱས་བསྐྱངས། སློབ་དཔོན་ཟླ་བ་གྲགས་པ། སློབ་དཔོན་འཇམ་དཔལ་གྲགས་པ། པཎ་ཆེན་དེ་ཝ་ཙནྡྲ། བྲམ་ཟེ་རིན་ཅེན་རྡོ་རྗེ། སློབ་དཔོན་བ་ར་ཧ་ཏ། པཎ་ཆེན་ཧ་སུ་མ་ཏི། པ་ཚབ་ལོ་ཙཱ་བ་ཉི་མ་གྲགས། རྨ་བྱ་བྱང་ཡེ། རྨ་བྱ་བྱང་བརྩོན། མཚུར་གཞོན་ནུ་སེང་གེ །རྨ་བྱ་ཤཱཀྱ་སེང་གེ །ཞང་ཆོས་ཀྱི་བླ་མ། མཆིམས་ནམ་མཁའ་གྲགས། བཅོམ་ལྡན་རལ་གྲི། དེ་གཉིས་ཀ་ལ་ལོ་ཙཱ་བ་
མཆོག་ལྡན་ལེགས་པའི་བློ་གྲོས། དེ་ནས་དཔང་ལོ་ཙཱ་བ་བློ་གྲོས་བརྟན་པ། སློབ་དཔོན་བྱང་སེང་པ། རེ་མདའ་བ་ཆེན་པོ་གཞོན་ནུ་བློ་གྲོས། ཐམས་ཅད་མཁྱེན་པ་བློ་བཟང་གྲགས་པའི་དཔལ། ཀུན་མཁྱེན་དར་མ་རིན་ཅེན། སློབ་དཔོན་རིན་ཅེན་བསམ་གྲུབ། འཇམ་དབྱངས་བཀྲ་ཤིས་དཔལ་ལྡན། མུས་སད་པ་བློ་གྲོས་རིན་ཅེན་སེང་གེ །ཆོས་རྗེ་དཔལ་འབྱོར་ལྷུན་གྲུབ། རྗེ་དོན་ཡོད་དཔལ་ལྡན། དྭགས་ཉག་རིག་པའི་རལ་གྲི། རྗེ་དགེ་ལེགས་བཤེས་གཉེན། ཞལ་སྔ་ནས་དགེ་འདུན་བསམ་གྲུབ། སྒྲོམ་མདའ་མཁན་ཆེན་བློ་བཟང་ཆོས་འཕེལ། འཇམ་དབྱངས་དཀོན་ཅོག་ཆོས་འཕེལ། དེས་བདག་ལ་སྩལ་ཏོ། །ཡང་ན་པ་ཚབ་ལོ་ཙཱ་བ་ནས། ཞང་ཐང་སག་པ་ཡེ་ཤེས་འབྱུང་གནས། འབྲོམ་དབང་ཕྱུག་གྲགས། བླ་མ་པྲ་ཛྙ་བཛྲ་སློབ་དཔོན་སྟོན་ཚུལ་བ། བླ་མ་བདེ་བའི་ལྷ། ཇོ་བཙུན་པ། དབུ་ར་བ། པྲ་ཛྙཱ་ཤྲཱི། དྷརྨ་ཤེས་རབ། བག་སྟོན་ཤེས་རབ་རིན་ཅེན། རྗེ་པུ་ཎྱ་སིདྡྷ། བག་སྟོན་བསམ་བཟང་། བག་སྟོན་གཞོན་ནུ་བསམ་གཏན། བྱང་ཆུབ་སེང་གེ རེ་མདའ་བ་མན་འདྲ། ཡང་ན་མཆིམས་ནམ་མཁའ་གྲགས་ནས། སྐྱོ་སྟོན་སྨོན་ལམ་ཚུལ་ཁྲིམས། སློབ་དཔོན་དགེ་འབར་བ། དབུ་ཚད་པ་འོད་ཟེར་གྲུབ། མཁས་པ་མི་གཡོ་བཟང་པོ། རིན་པོ་ཆེ་ཀུན་རྒྱལ་བ། རྒྱལ་བ་བཙོང་ཁ་པ་ཆེན་པོ་མན་གོང་བཞིན་ནོ། །ཡང་ན་ལོ་ཙཱ་བ་མཆོག་ལྡན་ནས། བླ་མ་དཔལ་ལྡན་སེང་གེ །ཀུན་མཁྱེན་བུ་སྟོན། སྒྲ་ཚད་པ་རིན་ཅེན་རྣམ་རྒྱལ། གཡག་སངས་རྒྱས་འཕེལ། རོང་སྟོན་རྗེ། མཁྱེན་རབ་དབང་ཕྱུག །གྲ་ཆུང་པ། ཤངས་སྟོན་པ། འཇམ་དབྱངས་མཆོག་ལྷ་བ། ལེགས་བཟང་པ། ཆོས་གྲགས་པ། དཔལ་འབྱོར་རྒྱ་མཚོ་
སྟག་ལུང་བྲག་པ་རྗེ་དཀོན་ཅོག་ཆོས་འཕེལ། དེས་བདག་ལའོ། །ཡང་ན་བག་སྟོན་གཞོན་ནུ་བསམ་གཏན་ནས། དམར་སྟོན་གཞོན་རྒྱན། རོང་སྟོན་མན་གོང་དང་འདྲ། ཡང་ན་གཙང་སྟོན་དགེ་ལེགས་པ་ནས། རྗེ་སྐལ་བཟང་པ། ཞལ་སྔ་ནས་སངས་རྒྱས་བློ་གྲོས། རྗེ་ནམ་མཁའ་རྒྱ་མཚོ། རྗེ་དཀོན་ཅོག་ཆོས་འཕེལ། དེས་བདག་ལའོ། །ཡང་ན་ཞལ་སྔ་ནས་དགེ་འདུན་བསམ་གྲུབ་ནས། མཁན་ཆེན་བློ་བཟང་རྒྱ་མཚོ། ཞལ་སྔ་ནས་བྱམས་པ་བརྟན་པ། རྗེ་དཀོན་ཅོག་ཆོས་འཕེལ། དེས་བདག་ལའོ། །ཡང་ན་གཉལ་སྟོན་དཔལ་ལྷུན་ནས། སེར་དོན་ཡོད་པ། སེ་ར་རྗེ་བཙུན་པ། ཞལ་སྔ་ནས་སྒོམ་སྡེ། རྗེ་ནམ་མཁའ་རྒྱ་མཚོ་མན་འདྲ། ཉེ་བརྒྱུད་ནི། རྒྱལ་བ་བཙོང་ཁ་པ་ཆེན་པོས་སྐྱིད་ཤོད་དགའ་བ་གདོང་དུ་མགོན་པོ་འཇམ་དཔལ་དབྱངས་དང་མཇལ། བླ་མ་དབུ་མ་པས་ལོ་ཙཱ་མཛད་ནས་ཟབ་མོ་རྟེན་ཅིང་འབྲེལ་པར་འབྱུང་བའི་སྐོར་ཡོངས་སུ་རྫོགས་པར་གསན་པས། འཇམ་དཔལ་དབྱངས། བླ་མ་དབུ་མ་པ། ཀུན་མཁྱེན་བཙོང་ཁ་པ། རྒྱལ་ཚབ་རྗེ་མན་སྔར་བཞིན་ནོ། །ཡང་ན་ཟླ་བ་གྲགས་པ་ནས། ཀུ་སཱ་ལི་ཆེ་ཆུང་། ཁ་ཆེ་གཞོན་ནུ་འབུམ། ཧ་སུ་མ་ཏི་མན་འདྲ།
བྱམས་ཆོས་སྡེ་ལྔ་སོགས་ཀྱི་ལུང་བརྒྱུད།
བྱམས་པའི་ཆོས་སྡེ་ལྔའི་བཀླགས་ལུང་ལེགས་པར་ནོས་པའི་ཐོག་མར་མངོན་རྟོགས་རྒྱན་ནི། ཊཱིཀྐ་རྫོགས་པར་སོང་བས་བཤད་མ་ཐག་པའི་བརྒྱུད་པ་ལྟར་རམ། ཡང་ན་ཐམས་ཅད་མཁྱེན་པ་བུ་སྟོན་རིན་ཅེན་གྲུབ་ཡན་གོང་ལྟར་ལ། དེ་ནས་ཉ་དབོན་ཀུན་དགའ་དཔལ། རེ་མདའ་བ་གཞོན་ནུ་བློ་གྲོས། རྒྱལ་བ་བཙོང་ཁ་པ་ཆེན་པོ། རྒྱལ་ཚབ་ཐམས་ཅད་མཁྱེན་པ། གུང་རུ་རིན་ཅེན་བྱང་ཆུབ། ཆོས་རྗེ་དཔལ་འབྱོར་ལྷུན་གྲུབ། སློབ་དཔོན་ནེ་ཙོ་བ་ཆོས་
དཔལ་རྒྱལ་མཚན། དྲུང་ཆེན་ཉི་མ་གྲགས་པ། དྲུང་ཆེན་ཆོས་ཀྱི་བཤེས་གཉེན། ར་ཚག་པ་བློ་བཟང་ཨེ་ཝཾ། རྒྱལ་ཁང་རྩེ་པ་དཔལ་འབྱོར་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཀུན་མཁྱེན་དཔལ་འབྱོར་འཕྲིན་ལས་རབ་རྒྱས། རྗེ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་རྒྱལ་ཁང་རྩེ་བ་ནས། རྗེ་འཕྲིན་ལས་ལྷུན་གྲུབ། བླ་མ་ཞང་ཡང་ཟེར། རྗེ་ཕ་བོང་ཁ་བ་མན་འདྲ། ཐེག་པ་ཆེན་པོ་མདོ་སྡེ་རྒྱན་དང་དབུས་མཐའ་རྣམ་འབྱེད་གཉིས་ཀྱི་བརྒྱུད་པ་ནི། ཐུབ་པའི་དབང་པོ། རྒྱལ་བ་བྱམས་པ། འཕགས་པ་ཐོགས་མེད། མཁས་པ་དབྱིག་གཉེན། ཁ་ཆེའི་པཎ་ཆེན་བློ་གྲོས་བརྟན་པ། པཎ་ཆེན་རིག་པའི་ཁུ་བྱུག །སློབ་དཔོན་མཆེ་བའི་སྡེ། བྷ་དྲ་པཱ་ད། མར་མེ་མཛད། གངྒཱ་དྷ་ར། པུ་ཎྱ་ཤྲཱི། ཁ་ཆེ་དགོན་པ་བ། བྲམ་ཟེ་སངྒྷ་པ། ཁ་ཆེ་ཛྙཱ་ན་ཤྲཱི། རྔོག་ལོ་ཆེན་པོ། བ་རེག་ལོ་ཙཱ་བ་རྒྱལ་མཚན། བ་རེག་སྟོན་སྐྱབས། སྐྱེས་བུ་ཡོན་ཏན་དགའ། བླ་མ་བཀྲ་ཤིས་རྡོ་རྗེ། བླ་མ་འདུལ་བ་འཛིན་པ། ཉང་རོ་ཀུན་དགའ་རྡོ་རྗེ། འཇམ་དབྱངས་དར་མ་འོད་ཟེར། ཁྲོ་ཕུ་ཚད་མའི་སྐྱེས་བུ། བུ་སྟོན་ཐམས་ཅད་མཁྱེན་པ་མན་མངོན་རྟོགས་རྒྱན་གྱི་ལུང་རྐྱང་གི་བརྒྱུད་པ་ལྟར་རོ། །ཡང་མདོ་སྡེ་རྒྱན་གྱི་ལུང་བརྒྱུད་ལུགས་གཅིག་ནི། སངས་རྒྱས། བྱམས་པ། ཐོགས་མེད། དབྱིག་གཉེན། བློ་གྲོས་བརྟན་པ། གང་བ་སྤེལ། གངྒཱ་དྷ་ར། ངོར་ཆེན་གྱི་གསན་ཡིག་ན་འདི་གཉིས་ཀ་མི་འདུག་པ་དཔྱད། གངྒཱ་ཛ་ན་རཏྣ། ཁ་ཆེ་རིན་ཅེན་རྡོ་རྗེ། ཁ་ཆེ་ས་ཛྫ་ན། པ་ར་ཧེ་ཏ། ཙན་ཁ་པོ་ཆེ་ཡིན་མིན་བརྟག །བློ་གྲོས་གྲགས། མར་པ་ཇོ་ཕན། མཆིམས་དོན་གྲུབ། མཆིམས་བརྩོན་སེང་། མཆིམས་
ནམ་མཁའ་གྲགས། སྐྱི་སྟོན་ཤཱཀྱ་འབུམ། སྐྱི་སྟོན་གྲགས་རྒྱལ། ཀུན་མཁྱེན་ཤེར་རྒྱན། མ་ཏི་པཎ་ཆེན། ས་བཟང་གཞོན་བློ། ངོར་ཆེན། དཔལ་ལྡན་རྡོ་རྗེ། རཏྣ་ཤཱི་ལ། ཐར་ལམ་གསལ་སྒྲོན། འདི་བླ་མའི་མཚན་མི་འདྲ་བ་བརྟག །རིན་ཅེན་འབྱུང་གནས། ངག་དབང་གྲགས་པ་དཔལ་བཟང་། ངག་དབང་ཆོས་གྲགས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྒོམ་སྡེ་ནམ་མཁའ་རྒྱལ་མཚན། དྲུང་ཆེན་བྱང་མ་ཁང་གསར་བ། རྡོ་རྗེ་འཆང་ཕ་བོང་ཁ་པ་མན་འདྲ། ཆོས་ཉིད་རྣམ་འབྱེད་དང་རྒྱུད་བླ་མ་གཉིས་ཀྱི་བརྒྱུད་པ་བྱམས་ཆོས་གཞན་གསུམ་དང་མཐུན་པར་མཛད་པ་ངོར་པ་རྡོ་རྗེ་འཆང་དང་ཆོས་རྗེ་དཔའ་བོ་སོགས་རང་གཞན་གྱི་བླ་མ་མང་པོའི་གསན་ཡིག་ཏུ་སྣང་ཡང་ཧ་ཅང་མ་དཔྱད་པའི་རྩིང་སྐྱོན་དུ་སེམས་ཏེ། རྒྱུ་མཚན་ཐོགས་མེད་ཀྱི་དགའ་ལྡན་ནས་བྱམས་ཆོས་སྤྱན་དྲངས་པ་དུས་རིང་ཞིག་ནས་ཆོས་ཉིད་རྣམ་འབྱེད་དང་རྒྱུད་བླ་མའི་དཔེ་ཙམ་ཡང་ནུབ་པས་བརྒྱད་སྟོང་འགྲེལ་ཆེན་དུ་དེ་ཉིད་ནས་ལུང་འདྲེན་སོགས་མེད་པས་ཀྱང་སློབ་དཔོན་སེང་གེ་བཟང་པོའི་དུས་ནུབ་ཟིན་པ་རྗེས་སུ་དཔག་པའི་ཚད་མས་ཀྱང་གཞལ་ནུས་ལ། རྗེ་མཻ་ཏྲི་པ་ཆེན་པོས་མཆོད་རྟེན་ཞིག་གི་སེར་ཁ་ནས་འོད་ཡང་ཡང་འཕྲོ་བ་གཟིགས་པས། དེ་ལ་ཞིག་གསོ་དང་བཅས་ཅི་འདུག་བཙལ་བས་ཏཱ་ལའི་འདབ་མར་བྲིས་པའི་བསྟན་བཅོས་གཉིས་ཀྱི་དཔེ་རྙེད་ཀྱང་རྒྱུན་མ་རྙེད་པར་བརྟེན་རྗེ་བཙུན་བྱམས་པ་ལ་གསོལ་བ་རྩེ་གཅིག་ཏུ་བཏབ་པས་སྤྲིན་གྱི་གསེབ་ནས་ཞལ་དངོས་སུ་བསྟན་ནས་གནང་བའི་ལུང་རྒྱུན་འཕེལ་བ་ཡིན་པས། དེ་གཉིས་ཀྱི་རྒྱུད་པ་ནི། ཐུབ་པའི་དབང་པོ། །མ་ཕམ་མགོན་པོ། །མངའ་བདག་མཻ་ཏྲི་བ་
ཆེན་པོ། པཎྜི་ཏ་དགའ་བའི་གྲགས་པ། པཎྜི་ཏ་སཛྫ་ན། རྔོག་ལོ་ཙཱ་བ་བློ་ལྡན་ཤེས་རབ། ཁྱུང་རིན་ཅེན་གྲགས། རྒྱ་དམར་བ་བྱང་ཆུབ་གྲགས། གྲོ་ལུང་བ་བློ་གྲོས་འབྱུང་གནས། ཆ་པ་ཆོས་ཀྱི་སེང་གེ །འདུལ་དཀར་བ། གཙང་པ་འབྲེ་སྒུར། སྡོང་ཁྲོད་འདུལ་འཛིན། སློབ་དཔོན་དར་མ་འོད་ཟེར། ལྷོ་པ་གྲུ་པ་སེང་གེ །སློབ་དཔོན་རིག་ཐིགས་པ། ཐམས་ཅད་མཁྱེན་པ་བུ་སྟོན་མན་མངོན་རྟོགས་རྒྱན་གྱི་ལུང་རྐྱང་ལྟར་རོ། །དེའང་ཁ་ཆེའི་གྲོང་ཁྱེར་དཔེ་མེད་དུ་པཎྜི་ཏ་སཛྫ་ན་ལ་རྔོག་ལོ་ཆེན་པོས་གསན་པའི་ཚེ་དཔེ་ཤོག་རེ་ལའང་འདི་མེ་ལ་སྦྱངས་ན་རྒྱལ་བ་བྱམས་པ་གཤེགས་པ་དང་མཉམ་ཟེར་ནས་གཡར་བར་དཀའ་ཚེགས་ཤིན་ཏུ་ཆེ་བའི་ངང་ནས་བསྒྱུར་ཞུས་མཛད་པ་ཡིན་ནོ། །རྒྱལ་བའི་སྲས་པོ་ཐོགས་མེད་བཟང་པོ་དཔལ་གྱིས་མཛད་པའི་ཡིག་ཆའི་སྟེང་ནས་ཐེག་པ་ཆེན་པོའི་ལམ་གྱི་རྩ་བ་བྱང་ཆུབ་ཀྱི་སེམས་རིན་པོ་ཆེ་སྐྱེད་པར་བྱེད་པའི་ཐབས་དབུ་མ་ལུགས་ཀྱི་སེམས་བསྐྱེད་ཐོབ་པའི་བརྒྱུད་པ་ནི། ཐུབ་པའི་དབང་པོ། འཇམ་དབྱངས། འཕགས་པ་ཀླུ་སྒྲུབ། ཨཱཪྻ་དེ་ཝ། ཟླ་བ་གྲགས་པ། སློབ་པའི་རྡོ་རྗེ། སློབ་དཔོན་ཛེ་ཏཱ་རི། རྡོ་རྗེ་གདན་པ་ཆེ་ཆུང་གཉིས། པཎྜི་ཏ་པུཎྱ་ཤྲཱི། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ། ས་པཎྜི་ཏ་འཕགས་པ་རིན་པོ་ཆེ། ཨེ་པ་འཇམ་དབྱངས་འཁོན་སྟོན། བྱང་སེམས་རིན་ཅེན་མགོན། འཇིག་རྟེན་དབང་ཕྱུག་བཟང་པོ་དཔལ། ཆོས་རྗེ་ཚུལ་ཁྲིམས་དཔལ། སེམས་དཔའ་ཆེན་པོ་གཞོན་ནུ་རྒྱལ་མཆོག །རི་པ་དཔལ་ལྡན་གྲགས། མཁན་ཆེན་གྲགས་པ་རྒྱ་མཚོ། མཁན་ཆེན་
རིན་ཅེན་གྲགས་པ། མཁན་སངས་རྒྱས་བཀྲ་ཤིས། མཁན་ཆེན་དབང་ཕྱུག་དཔལ་བཟང་། པཎ་ཆེན་ངག་དབང་ཆོས་གྲགས། ལོ་པ་སྤྱན་སྔ་ཆོས་ཀྱི་སྤྱན་ལྡན་ཀུན་དགའ་དོན་གྲུབ། དཔལ་ལྡན་ས་སྐྱ་པ་ངག་དབང་ཀུན་དགའ་བསོད་ནམས། དེ་སྲས་འཇམ་དཔལ་རྡོ་རྗེ་ངག་དབང་བསོད་ནམས་དབང་ཕྱུག །བཀའ་དྲིན་མཉམ་མེད་མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། ཡང་ན་འཕགས་པ་རིན་པོ་ཆེ་ནས། སྒྲོན་མོན་ཅན་པ་རིན་ཅེན་དཔལ་བཟང་། བྱང་སེམས་རིན་ཅེན་མགོན་པོ་མན་འདྲ། ཡང་ན་ས་པཎ་ནས། བོ་དོང་བརྩོན་འགྲུས་རྡོ་རྗེ། ཁྲོ་ཕུ་བསོད་ནམས་སེང་གེ །ཀུན་མཁྱེན་བུ་སྟོན་རིན་པོ་ཆེ། རྒྱལ་སྲས་ཐོགས་མེད་པ་མན་འདྲ། སེམས་ཙམ་ལུགས་ཀྱི་སེམས་བསྐྱེད་ཐོབ་པའི་བརྒྱུད་པ་ནི། རྗེ་བཙུན་བཙོང་ཁ་པའི་གསན་ཡིག་ན་འཇུག་པ་སེམས་བསྐྱེད་ཅེས་སྣང་། བཅོམ་ལྡན་འདས། རྗེ་བཙུན་མ་ཕམ་པ། འཕགས་པ་ཐོགས་མེད། དབྱིག་གཉེན། འཕགས་པ་གྲོལ་སྡེ། བཙུན་པ་གྲོལ་སྡེ། མཆོག་གི་སྡེ། དུལ་བའི་སྡེ། སེང་གེ་བཟང་པོ། ཀུ་སཱ་ལི་ཆེ་ཆུང་གཉིས། གསེར་གླིང་པ་ཆོས་ཀྱི་གྲགས་པ། དཔལ་མར་མེ་མཛད། རྒྱལ་བ་འབྲོམ། སྤྱན་སྔ་པ། བྱ་ཡུལ་བ། རྒྱལ་སྲས་ཆར་ཆེན་པ། མུས་སྨན་པའང་ཟེར། གྲོ་སྟོན་བདུད་རྩི་གྲགས། སངས་རྒྱས་སྒོམ་པ། མཆིམས་སྟོན། མཁན་སེང་གེ་སྐྱབས། མཁས་བཙུན་བསོད་ནམས་ཡེ་ཤེས། བྱང་སེམས་བསོད་ནམས་གྲགས་པ། ཐོགས་མེད་བཟང་པོ་དཔལ། གྲུབ་ཆེན་བུདྡྷ་ཤྲཱི། ངོར་ཆེན་རྡོ་རྗེ་འཆང་། མཁས་གྲུབ་དཔལ་ལྡན་རྡོ་རྗེ། མཁན་ཆེན་རཏྣ་ཤཱི་ལ། རྡོ་རྗེ་འཆང་སྒོ་
རུམ་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །འཁོར་ལོའི་མགོན་པོ་དབང་ཕྱུག་རབ་བརྟན། འཇམ་དཔལ་དབྱངས་ངག་དབང་ཆོས་གྲགས། ས་ཆེན་ཀུན་དགའ་བསོད་ནམས། དེ་སྲས་ངག་དབང་བསོད་ནམས་དབང་ཕྱུག །མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་རྒྱལ་སྲས་ཐོགས་མེད་པ་ནས། ལོ་ཆེན་བྱང་ཆུབ་རྩེ་མོ། ལོ་ཆེན་གྲགས་པ་རྒྱལ་མཚན། བོ་དོང་པཎ་ཆེན་དབྱངས་ཅན་དགའ་བ། མཁན་ཆེན་བསོད་རྒྱལ། པཎ་ཆེན་ཤཱཀ་མཆོག །པཎ་ཆེན་དོན་ཡོད་པ། རྗེ་ཀུན་དགའ་གྲོལ་མཆོག །མཁན་ཆེན་ཀརྨ་བཟང་པོ། རྡོ་རྗེ་འཆང་དབང་ཕྱུག་རབ་བརྟན་མན་གོང་བཞིན་ནོ། །
བློ་སྦྱོང་དོན་བདུན་མ་སོགས་བློ་སྦྱོང་ཁག་གི་ལུང་བརྒྱུད།
འཇིག་རྟེན་དབང་ཕྱུག་བཟང་པོ་དཔལ་གྱིས་མཛད་པའི་བློ་སྦྱོང་དོན་བདུན་མའི་འཁྲིད་ཡིག་གི་སྟེང་ནས་ཐེག་པ་ཆེན་པོའི་བློ་སྦྱོང་ཉམས་འཁྲིད་དུ་ལེགས་པར་ནོས་པའི་བརྒྱུད་པ་ནི། ཐུབ་པའི་དབང་པོ། རྒྱལ་ཚབ་བྱམས་པ། འཕགས་པ་ཐོགས་མེད། སློབ་དཔོན་དབྱིག་གཉེན། འཕགས་པ་རྣམ་གྲོལ་སྡེ། བཙུན་པ་རྣམ་གྲོལ་སྡེ། གུ་ཎ་མི་ཏྲ། སློབ་དཔོན་སེང་གེ་བཟང་པོ། བཤེས་གཉེན་གང་བ་སྤེལ། ཀུ་སཱ་ལི་ཆེ་ཆུང་གཉིས། གསེར་གླིང་པ་ཆོས་ཀྱི་གྲགས་པ། དཔལ་ལྡན་ཨ་ཏི་ཤ །རྒྱལ་བ་འབྲོམ། པོ་ཏོ་བ་རིན་ཅེན་གསལ། ཤ་ར་བ་ཡོན་ཏན་གྲགས། འཆད་ཀ་ཡེ་ཤེས་རྡོ་རྗེ། སེ་ལོ་པ་སྤྱན་སྔའི་གསན་ཡིག་དང་ཡར་ཀླུངས་ཇོ་བོ་ཆོས་འབྱུང་མཐུན་པར་འདི་བཞིན་འདུག །རྗེ་མཁྱེན་བརྩེ། ཐར་རྩེ་པ། མཁན་ངག་ཆོས་པ་གསུམ་གྱི་གསན་ཡིག་ན་འོད་ཟེར་གཞོན་ནུ་ཟེར་བ་འདུག་པ་བརྟག །ལ་ལར་དྷརྨ་ཤེས་རབ་ཅེས་པ་སྣང་ཞིང་རྗེ་བཙུན་བཙོང་ཁ་པའི་གསན་ཡིག་ན་འདི་ནས་ཚོགས་པའི་དབུ་མཛད་ཀྱི་བར་ལ་རོང་ལྷ་རིང་པ་ཁུ་དབོན་གཉིས་ཞེས་པ་ལས་
མ་བྱུང་བ་ཡིག་སྐྱོན་ཞིག་ཞུགས་པ་འདྲའོ། །སྤྱིལ་བུ་བ་ཆོས་ཀྱི་རྒྱལ་མཚན། ལྷ་སྟོན་འོད་ཟེར་བླ་མ། ཇོ་བོ་ཆོས་འབྱུང་ན་བྱང་ཆུབ་འོད་ཟེར་དང་ལོ་པ་སྤྱན་སྔའི་གསན་ཡིག་ན་སྐྱེས་མཆོག་ལྷ་ཆེན་ཟེར་བ་སྣང་། ལྷ་སྡིངས་པ་བྱང་ཆུབ་འབུམ། ལོ་པ་སྤྱན་སྔ་པའི་གསན་ཡིག་ན་ཤེས་རབ་འབུམ་ཞེས་འདུག་ཀྱང་མཁྱེན་བརྩེ་ཐར་རྩེ་ངག་ཆོས་གསུམ་གྱི་གསན་ཡིག་ན་འདི་ལྟར་སྣང་། ལྷ་སྡིངས་དབོན་པོ་ཀུན་དགའ་རྒྱ་མཚོ། ཐར་རྩེ་བ་དང་། འཇམ་དབྱངས་མཁྱེན་བརྩེ་ངག་ཆོས་གསུམ་གྱི་གསན་ཡིག་ན་འདི་གཉིས་ལྷ་སྡིངས་པ་ཡོན་ཏན་དཔལ་ཞེས་གཅིག་ཏུ་བགྲངས་འདུག་ཀྱང་ངོར་ཆེན་ལོ་པ་སྤྱན་སྔ་དང་སྒྲུབ་ཁང་པ་གསུམ་གྱི་གསན་ཡིག་ན་འདི་བཞིན་བྱུང་བས་བླ་མ་གཉིས་ཀྱི་མཚན་གཅིག་ཏུ་འདུས་པའི་བྲིས་ནོར་བྱུང་ངམ་སྙམ། ཚོགས་པའི་དབུ་མཛད་ཡོན་ཏན་དཔལ། མཁན་ཆེན་བདེ་བ་དཔལ། མཁན་ཆེན་དཀའ་བཞི་པ་གྲགས་པ་གཞོན་ནུ། བྱང་སེམས་བསོད་ནམས་གྲགས་པ། རྒྱལ་སྲས་ཐོགས་མེད་བཟང་པོ་དཔལ། རྒྱ་མ་བ་ཡོན་ཏན་འོད། འཕགས་པ་བློ་འཕེལ་བ། སྤྱན་སྔ་ཚུལ་ཁྲིམས་དར་མ། སྤྱན་སྔ་བ་བསོད་ནམས་ལྷའི་དབང་པོ། རྒྱལ་སྲས་བསོད་ནམས་ལེགས་མཆོག །པཎ་ཆེན་ངག་དབང་གྲགས་པ་དཔལ་བཟང་། གཉུག་ལ་པཎ་ཆེན། སྤྱན་སྔ་ངག་དབང་ཆོས་གྲགས། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་སློབ་དཔོན་དབྱིག་གཉེན་ནས། ཁ་ཆེ་བློ་གྲོས་བརྟན་པ། ཀུ་སཱ་ལི་ཆེ་ཆུང་གཉིས་མན་འདྲ། ཡང་ན་རྒྱལ་སྲས་ཐོགས་མེད་པ་ནས། གཉག་དབོན་བསོད་ནམས་བཟང་པོ། མཚན་ལྡན་ཞིག་མོ་རང་གྲོལ། ཀུན་དགའ་དཔལ་མོ། རྗེ་ངག་དབང་གྲགས་པ་དཔལ་བཟང་། ངག་དབང་ཆོས་གྲགས་མན་འདྲ། ཡང་ན་རྒྱལ་སྲས་རིན་པོ་ཆེ་ནས། མཁན་ཆེན་
གྲགས་པ་རྒྱལ་མཚན། མཁན་ཆེན་གྲགས་པ་བཤེས་གཉེན། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་བློ་པ། གཉུག་ལ་པཎ་ཆེན་ངག་གི་དབང་པོ། ངག་དབང་ཆོས་གྲགས་མན་འདྲ། ཡང་ན་རྒྱལ་སྲས་རིན་པོ་ཆེ་ནས། མང་མཁར་ཚུལ་ཁྲིམས་དཔལ། སེམས་དཔའ་གཞོན་ནུ་རྒྱལ་མཆོག །མུས་ཆེན་སེམས་དཔའ་ཆེན་པོ་དཀོན་ཅོག་རྒྱལ་མཚན། ཆོས་རྗེ་ཤེས་རབ་བཟང་པོ། གཉུག་ལ་པཎ་ཆེན་ངག་དབང་གྲགས་པ། སྤྱན་སྔ་ངག་དབང་ཆོས་གྲགས་མན་འདྲ། ཡང་ན་སེམས་དཔའ་ཆེན་པོ་གཞོན་ནུ་རྒྱལ་མཆོག །རྗེ་མི་གཡོ་གྲུ་བཞི། དེ་ལ་པཎ་ཆེན་དོན་གྲུབ་རྒྱལ་མཚན་དང་མཁན་ཆེན་སངས་རྒྱས་དཔལ་བཟང་གཉིས་ཀྱིས་གསན། གཉིས་ཀ་ནས་རྗེ་བཙུན་ངག་དབང་གྲགས་པ། སྤྱན་སྔ་ངག་དབང་ཆོས་གྲགས་མན་འདྲ། ཡང་ན་གཞོན་ནུ་རྒྱལ་མཆོག་ནས། བྱམས་ཆེན་སྐུ་སྐྱེ། ཆེན་པོ་ཀུན་དགའ་བཀྲ་ཤིས། འཕགས་མཆོག་ཡོན་ཏན་རྒྱ་མཚོ། པཎ་ཆེན་ངག་དབང་གྲགས་པ། སྤྱན་སྔ་ངག་དབང་ཆོས་གྲགས་མན་འདྲ། །ཡང་ན་ལོ་པ་སྤྱན་སྔ་ངག་དབང་ཆོས་གྲགས་ནས། བླ་མ་དཔལ་ལྡན་ཆོས་འབྱོར། ལོ་པ་སྤྱན་སྔ་ཀུན་དགའ་དོན་གྲུབ། ཁྱབ་བདག་བཀའ་འགྱུར་བ་ཆེན་པོ། །དེས་བདག་ལའོ། །ཡང་ན་མཁན་ཆེན་ཀུན་བློ་བ་ནས། མཁན་ཆེན་ཀུན་དགའ་དཔལ་འབྱོར། གྲགས་པ་རྒྱལ་མཚན། མཁན་ཆེན་བཀྲ་ཤིས་རྣམ་རྒྱལ། མཁན་ཆེན་ཀུན་དགའ་ལེགས་པ། མཁན་ཆེན་དཀོན་ཅོག་རིན་ཅེན། མཁན་ཆེན་རྣམ་སྲས་བཟང་པོ། མཁན་ཆེན་ཤེས་རབ་རིན་ཅེན། སྤྱན་
སྔ་ཀུན་དགའ་དོན་གྲུབ་མན་འདྲ། ཡང་ན་སེམས་དཔའ་ཆེན་པོ་དཀོན་ཅོག་རྒྱལ་མཚན་ནས། ཀུན་མཁྱེན་སངས་རྒྱས་འཕེལ། འཇམ་དབྱངས་ཀུན་དགའ་ཆོས་བཟང་། མཁས་པ་ལྷ་དབང་བློ་གྲོས། རྗེ་བྱམས་པ་ཕུན་ཚོགས། རས་ཆེན་དཔལ་འབྱོར་ཤེས་རབ། ངོར་སྒྲུབ་ཁང་པ་དཔལ་ལྡན་དོན་གྲུབ། བཀའ་དྲིན་མཉམ་མེད་གནས་གསར་བ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་ན་སེམས་དཔའ་གཞོན་ནུ་རྒྱལ་མཆོག་ནས། རི་པ་དཔལ་ལྡན་གྲགས། མཁན་ཆེན་གྲགས་པ་རྒྱ་མཚོ། མཁན་ཆེན་རིན་གྲགས་པ། མཁན་སངས་རྒྱས་བཀྲ་ཤིས། མཁན་ཆེན་དབང་ཕྱུག་དཔལ་བཟང་། པཎ་ཆེན་ངག་དབང་ཆོས་གྲགས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །འཇིག་རྟེན་དབང་ཕྱུག་བཟང་པོ་དཔལ་གྱི་དངོས་སློབ་རྗེ་དཔལ་ལྡན་ཡེ་ཤེས་ཀྱིས་མཛད་པའི་བློ་སྦྱོང་སྙན་བརྒྱུད་ཆེན་མོའམ་འཁྲིད་ཡིག་གསུང་སྒྲོས་མར་གྲགས་པའི་ལོ་རྒྱུས་གདམས་པ་དངོས་དང་བཅས་པའི་ལུང་བརྒྱུད་ནི། བཤད་མ་ཐག་པའི་དཔལ་ལྡན་ཆོས་འབྱོར་ལ་ལོ་པ་སྤྱན་སྔས་གསན་པ་དང་། མཁན་ཆེན་ངག་དབང་ཆོས་གྲགས་བརྒྱུད་པར་བཞུགས་པ་སོར་གནས་ལ་སྤྱན་སྔ་རིན་པོ་ཆེ་དང་མཁན་ཆེན་གཉིས་ཀ་ལ་ཁྱབ་བདག་བཀའ་འགྱུར་བ་ཆེན་པོ། དེ་ལ་རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་གཞོན་ནུ་རྒྱལ་མཆོག་ནས། མུས་ཆེན་སེམས་དཔའ་ཆེན་པོ། མཚུངས་མེད་སངས་རྒྱས་འཕེལ། རྗེ་བཙུན་ཀུན་དགའ་ཆོས་བཟང་། ལྷ་དབང་བློ་གྲོས། བྱམས་པ་ཕུན་ཚོགས། དཔལ་འབྱོར་ཤེས་
རབ། སྒྲུབ་པ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། མཁན་ཆེན་ཞ་ལུ་པ། དེས་བདག་ལའོ། །བརྒྱུད་པ་འདི་སྐོར་ལ་རྩོམ་པ་པོ་དངོས་སུ་མི་གསལ་བ་རྒྱལ་སྲས་རིན་པོ་ཆེའི་གསུང་ཇི་ལྟ་བ་ཟིན་བྲིས་སུ་མཛད་པའི་དབང་གིས་རྒྱལ་སྲས་པས་རྒྱ་མ་བ་དང་མང་མཁར་བ་སོགས་ལ་གནང་བ་ཡིན་འདུག །ཡང་ན་རྒྱལ་སྲས་རིན་པོ་ཆེ་ནས་འགྲོ་མགོན་དཔལ་ལྡན་ཡེ་ཤེས། མཁས་པ་གཞོན་ནུ་རྒྱལ་མཆོག་མན་འདྲ། མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལའང་ནོས་པ་སླར་གྱི་རྟེན་འབྲེལ་དུ་མཇུག་ནས་ཤོག་བུ་སུམ་ཅུ་ཙམ་ཞིག་འཇོག་པ་གནང་སོང་བ་འཕྲོ་ཅན་དུ་ལུས། རྗེ་དེ་ཉིད་ཀྱིས་དབེན་ས་བླ་མ་སངས་རྒྱས་ཡེ་ཤེས་ལ་གསན། དེ་ཡན་གྱི་བརྒྱུད་པ་མ་རྙེད། སེམས་དཔའ་ཆེན་པོ་གཞོན་ནུ་རྒྱལ་མཆོག་གིས་མཛད་པའི་ཐེག་པ་ཆེན་པོའི་བློ་སྦྱོང་གི་ལུས་ཡན་ལག་དང་བཅས་པའི་དོན་ཅུང་ཟད་བཤད་པ་བློ་སྦྱོང་དོན་གསལ་ཤེས་རབ་གསལ་སྒྲོན་ནམ་ལེགས་བཤད་ཀུན་འདུས་སུ་གྲགས་པའི་ལུང་ནོས་པའི་བརྒྱུད་པ་ནི། སེམས་དཔའ་ཆེན་པོ་གཞོན་ནུ་རྒྱལ་མཆོག་ཡན་དོན་བདུན་མ་ལྟར་ལ། དེ་ནས་བྱམས་ཆེན་སྐུ་སྐྱེ། རྗེ་ཀུན་དགའ་བཀྲ་ཤིས། འཕགས་མཆོག་ཡོན་ཏན་རྒྱ་མཚོ། པཎ་ཆེན་ངག་དབང་གྲགས་པ། སྤྱན་སྔ་ངག་དབང་ཆོས་གྲགས་རྒྱལ་མཚན། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། བཀའ་དྲིན་མཉམ་མེད་ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །སུམ་པ་ལོ་ཙཱ་བ་དཔལ་
མཆོག་དང་པོའི་རྡོ་རྗེས་རྒྱ་གར་དུ་བྱོན་དུས་མཁའ་འགྲོ་མའི་རྡོ་རྗེའི་ཚིག་བཞི་པ་རྗེ་བཙུན་སྒྲོལ་མས་གསུངས་པ་ལ་བརྟེན་ནས་ཐུགས་རྒྱུད་ལ་འཁྲུངས་པའི་སུམ་པ་ལོ་ཙཱ་བའི་བློ་སྦྱོང་སྙན་བརྒྱུད་དུ་གྲགས་པ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་ཟིན་བྲིས་ཀྱི་སྟེང་ནས་ཉམས་འཁྲིད་དུ་ལེགས་པར་ནོས་པའི་བརྒྱུད་པ་ནི། རྡོ་རྗེ་ཕག་མོ། རྗེ་བཙུན་སྒྲོལ་མ། སུམ་པ་ལོ་ཙཱ་བ། ཆོས་རྗེ་ས་པཎ། འགྲོ་མགོན་འཕགས་པ། ཞང་དཀོན་ཅོག་དཔལ། བྲག་ཕུག་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། བླ་ཆེན་ཀུན་དགའ་རྒྱལ་མཚན། འཇམ་དབྱངས་ཆོས་རྗེ་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་ཀུན་སྤངས་ཆོས་རྗེ། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་ཕྱུག་རབ་བསྟན། བཀའ་དྲིན་མཉམ་མེད་སེམས་དཔའ་ཆེན་པོ་གནས་གསར་བ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་སྩལ་ཏོ། ཡང་ན་བླ་ཆེན་ཀུན་དགའ་རྒྱལ་མཚན་ནས། ངོར་ཆེན་རྡོ་རྗེ་འཆང་། རྗེ་བསོད་ནམས་སངས་རྒྱས། རྗེ་བཙུན་རྡོ་རིང་པ་ཆེན་པོ་མན་འདྲ། ཡང་ན་རྗེ་རྡོ་རྗེ་རིང་པ་ནས། སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེ་མན་འདྲ། ཡང་ན་ས་པཎ་ནས། གྲུབ་ཐོབ་མཚོ་འཕྲེང་བ་རིན་ཅེན་བཟང་པོ། འདར་ཕྱར་ཡིན། མཁས་གྲུབ་ཆོས་རྗེ། རི་ཁྲོད་རས་ཆེན། པྲ་ཛྙ་བོ་དྷི། དོན་ཞགས་པ་སངས་རྒྱས་རིན་ཅེན། འཁྲུལ་ཞིག་གྲགས་པ་ཚུལ་ཁྲིམས། མཁན་ཆེན་རྒྱལ་བ་བཟང་པོ། མཁན་ཆེན་བསོད་ནམས་རིན་ཅེན།
ཆོས་རྗེ་གཞོན་ནུ་རྒྱལ་མཆོག །མུས་ཆེན་སེམས་དཔའ་ཆེན་པོ། དྲིན་ཅན་མཁྱེན་རབ་ཆོས་རྗེ། དྲིན་ཅན་རྡོ་རྗེ་རིང་མན་འདྲ། འཇམ་དབྱངས་མཁྱེན་བརྩེས་མཛད་པའི་འཁྲིད་ཡིག་གི་ལུང་ཡང་ཐོབ།མཁས་པ་ཆེན་པོ་གཞོན་ནུ་རྒྱལ་མཆོག་དང་མུས་ཆེན་སེམས་དཔའ་ཆེན་པོ་དཀོན་ཅོག་རྒྱལ་མཚན་དཔོན་སློབ་གཉིས་ཀྱིས་ཐེག་པ་ཆེན་པོ་བློ་སྦྱོང་གི་རྒྱ་གཞུང་བོད་གཞུང་ཤིན་ཏུ་གཅེས་པ་རྣམས་ཕྱོགས་གཅིག་ཏུ་བསྒྲིགས་པའི་སྐོར་ལ། མུས་ཆེན་སེམས་དཔའ་ཆེན་པོས་མཛད་པའི་གླེགས་བམ༼ཀ༽དཀར་ཆག །ཇོ་བོ་ཆེན་པོ་ལྷ་གཅིག་གིས་རྒྱལ་སྲིད་སྤངས་ནས་ཐར་པར་བྱོན་པའི་རྣམ་པར་༼ཀ༽ཐར་པ་བླ་མའི་ཡོན་ཏན་ཆོས་ཀྱི་འབྱུང་གནས་ཞེས་བྱ་བ་འབྲོམ་སྟོན་པ་རྒྱལ་བའི་འབྱུང་གནས་ཀྱིས་མཛད་པ། ཇོ་བོ་རྗེས་མཉམ་མེད་གསེར་གླིང་པ་ཆོས་ཀྱི་གྲགས་པའི་དྲུང་དུ་བྱང་ཆུབ་ཀྱི་སེམས་འཚོལ་བའི་སླད་དུ་དཀའ་བ་སྤྱད་ནས་བྱོན་པའི་རྣམ་༼ཀ༽ཐར་ཇོ་བོ་ཆེན་པོ་ཉིད་ཀྱིས་གསུངས་པ། ཇོ་བོ་ཆེན་པོ་ཨ་ཏི་ཤས་མཛད་པའི་བློ་སྦྱོང་དོན་བདུན་མའི་༼ཀ༽གཞུང་རྒྱས་པ་མཆན་བཅས། རྩ་བ་འདི་གཉིས་ལ་མང་ཉུང་ཡོད་པས་ལུང་སོ་སོར་གནང་བ་དེ་ཀ་དངོས་གཙང་། དེ་ལས་བཏུས་བའི་རྩ་༼ཀ༽བ་མཆན་མེད་གཅིག །འགོར་བདེ་ལེགས་ཀུན་འབྱུང་རིན་ཐང་མེད་པའི་སྐུ་ཞེས་ཡོད་པའི་བློ་སྦྱོང་དོན་བདུན་མའི་འགྲེལ་བ་བཀའ་གདམས་༼ཀ༽ཡང་སྙིང་པོ་མཚར་ཆེའོའི་མཐའ་ཅན། འཇིགས་པའི་གཅན་གཟན་སྣ་ཚོགས་རྒྱུ་བའི་ནགས་ཁྲོད་དུ་ལུང་རིགས་དང་རྟོགས་པའི་རྣལ་འབྱོར་པ་ཆེན་པོ་དྷརྨ་རཀྵི་ཏས་བླ་མ་དམ་པའི་གསུང་ལྟར་བསྡེབས་ནས་ཇོ་བོ་ཨ་ཏི་ཤ་ལ་གནང་བའི་དགྲ་བོ་གནད་ལ་དབབ་
པའི་བློ་སྦྱོང་མཚོན་ཆ་༼ཁ༽འཁོར་ལོ། །རི་ནག་པོའི་ཁོང་གསེང་ན་གནས་པའི་བླ་མ་དམ་པ་བཤད་མ་ཐག་པས་མཛད་པའི་བློ་སྦྱོང་རྨ་བྱ་དུག་༼ཁ༽འཇོམས། བླ་མ་བྱམས་པའི་རྣལ་འབྱོར་པའི་གྱེར་སྒོམ་རྡོ་རྗེའི་གླུ་༼ག༽བླངས་པས་ཆུ་བོ་གངྒཱའི་འགྲམ་དུ་བྱམས་པ་ལྷའི་རྒྱལ་པོའི་ཆ་བྱད་ཀྱིས་གསུངས་པ་ཇོ་བོ་ཆེན་པོས་བོད་དུ་ལྐོག་ཁྲིད་དུ་མཛད་པ། བྱམས་པའི་རྣལ་འབྱོར་པ་ལུགས་ཀྱི་བློ་སྦྱོང་སེམས་དཔའི་རིམ་པ་ལས་ཉོན་མོངས་༼ག༽པ་གཏན་ལ་དབབ་པའི་ཆོས། བློ་སྦྱོང་སེམས་དཔའི་རིམ་པ་ལས་བཟློག་ཕྱོགས་༼ག༽གཉེན་པོའི་ཆོས། བློ་སྦྱོང་སེམས་དཔའི་རིམ་པ་ལས་རང་རྒྱུད་ངན་སྨ་དབབ་༼ག༽པའི་ཆོས། བློ་སྦྱོང་སེམས་དཔའི་རིམ་པ་ལས་ཟག་བཅས་དགེ་བའི་སྟོབས་བསྐྱེད་༼ག༽པའི་ཆོས། གསེར་གླིང་པས་ཇོ་བོ་ལ་མཐའ་འཁོབ་འདུལ་བའི་ཆེད་དུ་གནང་པའི་༼ང༽བློ་སྦྱོང་གི་རྩ་བ། འདི་དང་འོག་གི་འགྲེལ་བའི་ནང་གི་རྩ་བ་གཉིས་ཞུས་དག་མི་འཕེར་བ་འདུག །ཉོན་མོངས་ལམ་དུ་བླང་བའི་མན་༼ཅ༽ངག་ཉོན་མོངས་པ་ཐམས་ཅད་ལ་སྦྱར་བར་ཤེས་པར་བྱ་བ། བླ་མའི་རྣལ་འབྱོར་དངོས་མཇུག་༼ཅ༽གསུམ་གྱིས་བསྟན་པ་སྤྱིལ་བུ་བའི་ཞལ་ནས་ངའི་སྙིང་ཕྱུང་ནས་བསྟན་ཀྱང་ཤ་དམར་ལྷོ་ལྷོག་པ་ཁམ་གཅིག་ལས་མི་གདའ་ཞེས་བསྔགས་པར་མཛད་པ། ཡི་གེ་གསུམ་ལ་༼ཅ༽བརྟེན་ནས་སེམས་ཅན་ཐམས་ཅད་ཀྱི་སྡིག་གྲིབ་སྦྱོང་བ། འདི་ལ་ལུང་རྒྱུན་སྣང་བས་དཀར་ཆག་དང་གསན་ཡིག་ན་མི་གསལ་བ་ཆད་དམ་སྙམ། རྡོ་རྗེ་སེམས་དཔའ་ལ་བརྟེན་ནས་ཤ་འཁོན་སྦྱོང་བའི་མན་༼ཅ༽ངག །རྡོ་རྗེ་གདན་གྱི་ཤར་ཕྱོགས་ནས་རྣལ་འབྱོར་མ་གཉིས་ཀྱི་དྲི་བ་དྲིས་ལན་གྱི་ཚུལ་གྱིས་ཇོ་བོ་ཆེན་པོ་ལ་སེམས་
སྦྱོང་༼ཆ༽བར་བསྐུལ་ནས་གནང་བའི་བློ་སྦྱོང་། འདི་ལ་ལོ་རྒྱུས་ལས་བློ་སྦྱོང་དངོས་གཞི་མ་བྱུང་བ་གསང་སྔགས་ལུགས་འདི་གསུངས་ཞེས་པ་ལྟར་ན་འདི་ཁའི་གོང་འོག་གཉིས་པོ་སུ་རིགས་ཤིག་ཡིན་ནམ་སྙམ། ཇོ་བོ་ཆེན་པོས་གསུངས་པའི་ཕན་ཡོན་བརྒྱད་དང་ལྡན་པའི་ཀུ་སུ་ལུའི་ཚོགས་༼ཆ༽གསོག་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱིས་ཁྲོ་ཕུ་ལོ་ཙཱ་བར་གནང་བའི་བློ་སྦྱོང་སྐྱིད། ༼ཇ༽སྡུག་ལམ་འཁྱེར་གྱི་མན་ངག་གོའི་མཐའ་ཅན། འཇམ་དབྱངས་ས་ལོས་ཟུར་ཆག་ཏུ་འདི་ལྟར་གྲགས་ཀྱང་དགེ་བ་ཅན་ཏེ་ཀུ་སཱ་ལིར་བཞེད་ལ་ལོ་ཆེན་བྱང་རྩེས་མ་བཅོས་པའམ་ལྷུག་པ་ཞེས་པའི་སྐད་དོད་ཡིན་གསུངས། གྲུབ་ཐོབ་སུམ་པ་ལོ་ཙཱ་བ་ལ་མཁའ་འགྲོ་མ་དམར་སྔོ་གཉིས་ཀྱི་དྲི་བ་དྲིས་ལན་གྱི་ཚུལ་གྱིས་གནང་བའི་སྙན་བརྒྱུད་༼ཉ༽བློ་སྦྱོང་འཆི་རྒྱུ་མེད་པ་ལགས་སོའི་མཐའ་ཅན། རིགས་གསུམ་མགོན་པོ་ལས་བྱང་ཆུབ་སེམས་དཔའ་ཀུན་ཏུ་བཟང་པོ་མཛད་པ་རླབས་ཆེ་བར་བསྟན་པའི་ཀུན་ཏུ་བཟང་པོའི་བློ་སྦྱོང་༼ཏ༽འཁོར་བ་མ་སྟོངས་བར་དུ་འབྱུང་གསུང་བའི་མཐའ་ཅན། ཇོ་བོ་ཆེན་པོ་ལ་བྱང་ཆུབ་ཀྱི་སེམས་སྟོན་པའི་བླ་མ་གསུམ་གྱི་ནང་ནས་གསེར་གླིང་པ་ལྷག་པའི་ལོ་རྒྱུས་དང་བཅས་པའི་བློ་སྦྱོང་ཐུན་བརྒྱད་༼ཏ༽མ་ཞོ་ཤ་མི་བསྲི་བར་ཕན་འདོགས་གསུང་བའི་མཐའ་ཅན། ཐུན་བརྒྱད་མ་ལག་ལེན་དུ་བྱེད་ཚུལ་དགེ་བཤེས་སྟོན་པའི་༼ཐ༽མན་ངག་ལ་ཟས་ལ་བརྟེན་པའི་བློ་སྦྱོང་ལེའུ་དང་པོ། དབུགས་ལ་བརྟེན་པའི་བློ་སྦྱོང་ལེའུ་གཉིས་པ། ལུས་གངྒཱའི་ཀླུང་གི་བྱེ་མ་སྙེད་དུ་སྤྲུལ་ནས་རིགས་དྲུག་གི་སྡུག་བསྔལ་དང་དུ་ལེན་པའི་བློ་སྦྱོང་ལེའུ་གསུམ་པ། ཤ་ཁྲག་གཏང་བའི་བློ་སྦྱོང་ལེའུ་བཞི་པ། གཏོར་མ་ལ་བརྟེན་པའི་བློ་སྦྱོང་ལེའུ་ལྔ་པ། འབྱུང་བ་ལ་བརྟེན་པའི་བློ་སྦྱོང་ལེའུ་དྲུག་པ། ལུས་ཡིད་
བཞིན་གྱི་ནོར་བུ་རིན་པོ་ཆེར་སྤྲུལ་པའི་བློ་སྦྱོང་ལེའུ་བདུན་པ། འཆི་ཁ་མའི་བློ་སྦྱོང་གི་མན་ངག་ལེའུ་བརྒྱད་པ་རྣམས། ལྟས་ངན་གཡང་དུ་ལེན་པ་སོགས་མན་ངག་བཞི་ལ་བརྟེན་པའི་བློ་སྦྱོང་གེགས་སེལ་༼ཐ༽འདོད་ཐོག་ཏུ་བྱེད་པ་ཡིན་གྱི་མཐའ་ཅན། བརྗེད་པའི་གནས་བཞི་དང་འཆོར་བའི་གནས་བཞི་ལ་བརྟེན་པའི་མ་འོངས་པའི་འགལ་རྐྱེན་སྤོང་བའི་བློ་སྦྱོང་༼ཐ༽དཔལ་མར་མེ་མཛད་ནས་བརྒྱུད་པའི་གདམས་པ། འགོར་དུས་གསུམ་སངས་རྒྱས་ཀུན་གྱི་ལམ་གྱི་མཆོག་ཅེས་ཡོད་པའི་ཇོ་བོའི་བློ་སྦྱོང་༼ད༽དོན་བདུན་མ་མདོ་དང་བསྟན་བཅོས་རྣམས་ལ་ལེགས་པར་བལྟའོའི་མཐའ་ཅན། བློ་སྦྱོང་ཡིད་བཞིན་ནོར་བུ་དང་ལྷན་ཐབས་བཞི་པ་ཆེ་བར་ཡང་གྲགས། བློ་སྦྱོང་ཐུན་གཅིག་༼ན༽མ་ཞེས་པ་དཔལ་སྣར་ཐང་གི་མཁན་པོ་མཆིམས་ནམ་མཁའ་གྲགས་པས་མཛད་པ། མཉམ་མེད་ཇོ་བོ་ཆེན་པོ་བོད་དུ་འབྱོན་ཁར་རྣམ་དག་གཙུག་གི་ནོར་བུ་ལ་སྤྱི་ཆོས་སུ་༼པ༽གདམས་པ། དཔལ་ལྡན་བིར་ཝ་པའི་བློ་སྦྱོང་དར་པཎ་གྱི་གསུང་གློ་བོ་ལོ་ཙཱ་བའི་འཁྲིད་ཡིག་མཉམ་མེད་སྙིང་རྗེའི་༼ཕ༽མན་ངག །དགེ་བའི་བཤེས་གཉེན་གླང་ཐང་པ་ཆེན་པོས་མཛད་པའི་བློ་སྦྱོང་ཚིག་རྐང་བརྒྱད་མའི་རྩ་༼བ༽བ་ལ་འཆད་ཀ་བས་འགྲེལ་བ་མཛད་པ་སྨོན་ལམ་ཡང་ཡང་གདབ་པར་བྱའོའི་མཐའ་ཅན། དེའི་ཞར་བྱུང་དུ་ཨ་ཙ་ར་གཟུགས་ངན་གྱི་གཏམ་རྒྱུད་ཡོད་པ། མགོན་པོ་ཨ་ཏི་ཤ་ལ་གསེར་གླིང་པ་ཆོས་ཀྱི་གྲགས་པས་གསུངས་པའི་གོང་གི་མཐའ་འཁོབ་འདུལ་བའི་༼ད༽རྩ་བ། འདྲ་མིན་ལ་འགྲེལ་བ་དང་བཅས་པ་གསུང་བར་གདའ་འོའི་མཐའ་ཅན། འགོར་བྱམས་པ་ཐོགས་མེད་ལ་སོགས་དང་ཞེས་པའི་བློ་སྦྱོང་དོན་བདུན་མ་སྡེ་སྣོད་ཐམས་ཅད་ཀྱི་བཅུད་ཏིག་པའི་
ཉིང་༼ད༽ཁུ་འོའི་མཐའ་ཅན། འགོར་ཀུན་མཁྱེན་ཐུགས་ནི་བརྩེ་བའི་དབང་སྒྱུར་ཅིང་ཞེས་ཡོད་པའི་སྣར་ཐང་པ་སངས་རྒྱས་སྒོམ་པས་མཛད་པའི་བློ་སྦྱོང་ཚོགས་༼ཆ༽བཤད་ཆེན་མོ། ཞང་རཏྣ་གུ་རུའི་ཚོགས་ཆོས་ཀྱང་ཟེར། འདུས་བྱས་ལ་རྟག་པ་མེད་ཀྱི་ཞེས་སོགས་རྒྱལ་བ་ཡང་དགོན་པས་མཛད་པའི་བློ་སྦྱོང་ཉམས་ལེན་གནད་ཐོག་༼མ༽ཏུ་སྐྱོང་ངོའི་མཐའ་ཅན། ཇོ་བོ་རྗེ་ལྷ་གཅིག་གི་བློ་སྦྱོང་བྱམས་སྙིང་རྗེ་བྱང་ཆུབ་ཀྱི་སེམས་བསྒོམས་པས་ན་རྟེན་འབྲེལ་༼ཙ༽སྙིང་པོ་ཞེས་བྱའོའི་མཐའ་ཅན་རྣམས། རྟེན་འབྲེལ་སྙིང་པོའི་འཁྲིད་ཀྱང་ཟེར། དཀར་ཆག་ཏུ་མི་གསལ་བ་བློ་སྦྱོང་༼ཀ༽གསུང་སྒྲོས་མའི་ཁ་སྐོང་དུ་མུས་ཆེན་སེམས་དཔའ་ཆེན་པོས་སངས་རྒྱས་སྒོམ་པའི་ཚོགས་བཤད་ནས་བཏུས་ཏེ་མཛད་པ་རྣམས་ལེགས་པར་ཐོབ་པའི། ཀའི་རྟགས་ཡོད་པ་རྣམས་ཀྱི་བརྒྱུད་པ་ནི། ཐུབ་དབང་། བྱམས་པ། ཐོགས་མེད་སྐུ་མཆེད། གྲོལ་སྡེ་རྣམ་གཉིས། གུ་ཎ་མི་ཏྲ། སེང་གེ་བཟང་པོ། གང་སྤེལ། དགེ་བ་ཅན་གཉིས། གསེར་གླིང་པ་ཆོས་ཀྱི་གྲགས་པ། ཇོ་བོ་ཆེན་པོ། འབྲོམ། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་བ། ལྷ་སྟོན་པ། ལྷ་སྡིངས་པ། དེ་དབོན་ཀུན་རྒྱམ། དབུ་མཛད་ཡོན་ཏན་དཔལ། མཁན་བདེ་བ་དཔལ། དཀའ་བཞི་པ་གྲགས་གཞོན། བྱང་སེམས་བསོད་ནམས་གྲགས་པ། རྒྱལ་སྲས་ཐོགས་མེད་པ། མང་མཁར་ཚུལ་ཁྲིམས་དཔལ། སེམས་དཔའ་གཞོན་ནུ་རྒྱལ་མཆོག །མུས་ཆེན་སེམས་དཔའ་ཆེན་པོ། རྗེ་བཙུན་སངས་རྒྱས་རིན་ཅེན། ངོར་ཆེན་དཀོན་ཅོག་ལྷུན་གྲུབ། རྗེ་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། མུས་པ་གྲུབ་པའི་དབང་ཕྱུག །འཇམ་དབྱངས་ངག་དབང་ཀུན་དགའ་བསོད་
ནམས། དེ་སྲས་འཁོན་སྟོན་བསོད་ནམས་དབང་ཕྱུག །ཞ་ལུ་མཁན་ཆེན་ཁྱབ་བདག་རིན་ཆེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །རྣམ་ཐར་ཆོས་ཀྱི་འབྱུང་གནས་ཀྱི་བརྒྱུད་ལུགས་གཅིག་ནི། མུས་ཆེན་སེམས་དཔའ་ཆེན་པོ་ནས། རྒྱལ་བ་བྱམས་ཆེན་རབ་འབྱམས་པ། རྗེ་ཀུན་དགའ་ཆོས་བཟང་། མངའ་རིས་པ་ལྷ་དབང་བློ་གྲོས། བླ་མ་བྱམས་པ་ཕུན་ཚོགས། རྗེ་དཔལ་འབྱོར་ཤེས་རབ། མཁས་གྲུབ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཁའི་རྟགས་ཡོད་པའི་བརྒྱུད་པ་ནི། ཐུབ་དབང་། བྱམས་པ། བྱམས་པའི་རྣལ་འབྱོར་བ། བླ་མ་དྷརྨ་རཀྵི་ཏ། ཇོ་བོ་ཆེན་པོ། འབྲོམ། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་བ། སྐྱེས་མཆོག་ལྷ་ཆེན། ལྷ་འགྲོ་བའི་མགོན་པོ། འོད་འཇོ་བ། ལོ་པ་སྤྱན་སྔའི་གསན་ཡིག་ན་འདི་གཉིས་གཅིག་ཏུ་བྱས་ནས་སྨྲ་སྟོན་ཞེས་སྣང་བས་དཔྱད། མཁན་པོ་དམར་སྟོན། མཁན་ཆེན་ཤེས་རབ་རྡོ་རྗེ། དོན་ཞགས་པ་སངས་རྒྱས་རིན་ཅེན། བླ་མ་གྲགས་པ་ཚུལ་ཁྲིམས། ཆོས་རྗེ་རྒྱལ་བ་བཟང་པོ། གནུབས་ཆོས་ལུང་པ་བསོད་ནམས་རིན་ཅེན། མཁན་ཆེན་གཞོན་ནུ་རྒྱལ་མཆོག་མན་འདྲ། ཡང་ན་དོན་ཞགས་པ་ནས། འཆད་ཀ་བ་སེང་གེ་རྒྱལ་མཚན། མཁན་རིན་ཅེན་རྒྱལ་མཚན། མཁན་རྒྱལ་བ་ཕྱག་ན། མཁན་ཀུན་དགའ་བློ་གྲོས། གཉུག་ལ་པཎ་ཆེན། སྤྱན་སྔ་ངག་དབང་ཆོས་གྲགས། ལོ་གཟིམས་འོག་པ་བྱམས་པ་ཆོས་འབྱོར་དཔལ་བཟང་། ཡངས་ཅན་སྤྱན་སྔ་རྣམ་རྒྱལ་དཔལ་བཟང་། སྟག་ལུང་པ་ངག་དབང་རྣམ་རྒྱལ། འོལ་བ་པ་ངག་དབང་ཆོས་གྲགས། ཁྱབ་བདག་སྨན་ལུང་བློ་གྲོས་མཆོག་གི་རྡོ་
རྗེ། དེས་བདག་ཟ་ཧོར་བནྡེ་ལའོ། །གའི་རྟགས་ཡོད་པའི་བརྒྱུད་པ་ནི། སངས་རྒྱས། བྱམས་པ། བྱམས་པའི་རྣལ་འབྱོར་པ། ཇོ་བོ་ཆེན་པོ་མན་མཚོན་ཆ་འཁོར་ལོ་དང་འདྲ། ངའི་རྟགས་ཡོད་པའི་བརྒྱུད་པ་ནི། སངས་རྒྱས། བྱམས་པ། ཐོགས་མེད་སྐུ་མཆེད། བློ་གྲོས་བརྟན་པ། ཀུ་སཱ་ལི་ཆེ་ཆུང་གཉིས། བླ་མ་གསེར་གླིང་པ། ཇོ་འབྲོམ་ཡབ་སྲས། པོ་ཏོ་བ། ཤ་ར་བ། མལ་དྲོ་བ། བྲག་དམར་བ། ཞང་བྲག་དཀར་བ། བླ་མ་དཀོན་ཅོག་བྱང་ཆུབ། གཞོན་ནུ་གྲགས་པ། སློབ་དཔོན་ཞང་། ཤེས་རབ་བསོད་ནམས། སློབ་དཔོན་བརྩོན་འགྲུས། སློབ་དཔོན་ཆོས་མཆོག །དོན་ཞགས་པ་མན་མཚོན་ཆ་འཁོར་ལོ་དང་འདྲ། ཅའི་རྟགས་ཡོད་པའི་བརྒྱུད་པ་ནི། སངས་རྒྱས། བྱམས་པ། ཐོགས་མེད་སྐུ་མཆེད། ཀུ་སཱ་ལི་གཉིས། གསེར་གླིང་པ། ཇོ་འབྲོམ། པོ་ཏོ་བ། ཤ་ར་བ། འཆད་ཀ་བ། སྤྱིལ་བུ་བ། སློབ་དཔོན་ལྷ། ལྷ་སྡིངས་དབོན་པོ། །ཆོས་ཀྱི་སེང་གེ །རྒྱ་སྟོན་བྱང་རྒྱལ། མཁན་པ་གཞོན་བྱང་། རིན་ཅེན་འབྱུང་གནས་དཔལ། དོན་ཞགས་པ་མན་འདྲ། ཆའི་རྟགས་ཡོད་པའི་བརྒྱུད་པ་ནི། ཇོ་མོ་སྒྲོལ་མ། ཁྲོ་གཉེར་ཅན། ཇོ་འབྲོམ་གཉིས། སྤྱན་སྔ་བ། བྱ་ཡུལ་བ། གཙང་པ་རིན་པོ་ཆེ། གླང་ལུང་པ། སངས་རྒྱས་སྒོམ་པ། ཟམ་སེ་རིན་སངས་པ། ལོ་པ་སྤྱན་སྔའི་གསན་ཡིག་ན་ཟེམ་སེ་རིང་པོ་ཟེར་པ་དག་གམ་སྙམ། གོམ་པ་བྱང་སྐྱབས་ཡེ་ཤེས་ཞབས། ལོ་པ་སྤྱན་སྔའི་གསན་ཡིག་ན་འདི་གཉིས་གཅིག་ཏུ་བརྩིས་པའི་ཤཱི་ལ་པྲཛྙཱ་ཟེར་བ་འདུག །ཤཱི་ལ་བཛྲ། དོན་ཞགས་པ་མན་མཚོན་ཆ་འཁོར་ལོ་དང་གཅིག །ཇའི་རྟགས་ཡོད་པའི་བརྒྱུད་པ་ནི། ཁ་ཆེ་པཎ་ཆེན། ཁྲོ་ཕུ་ལོ་ཙཱ་
བ། ལྷོ་བྲག་པ་བྱང་ཆུབ་དཔལ། མཁན་ཆེན་བདེ་བ་དཔལ། བྱང་སེམས་བསོད་ནམས་གྲགས་པ། མཁན་ཆེན་གྲགས་པ་བཤེས་གཉེན། གནུབས་ཆོས་ལུང་པ་བསོད་ནམས་རིན་ཅེན་མན་མཚོན་ཆ་འཁོར་ལོ་དང་འདྲ། ཡང་ན་མཁན་ཆེན་བདེ་བ་དཔལ་ནས་བཀའ་བཞི་པ་གྲགས་གཞོན། བྱང་སེམས་བསོད་ནམས་གྲགས་པ། རྒྱལ་སྲས་ཐོགས་མེད་པ། རྗེ་ཚུལ་ཁྲིམས་དཔལ། གཞོན་ནུ་རྒྱལ་མཆོག་མན་མཚོན་ཆ་འཁོར་ལོ་དང་འདྲ། ཉའི་རྟགས་ཡོད་པའི་བརྒྱུད་པ་ནི། རྡོ་རྗེ་ཕག་མོ། སྒྲོལ་མ། སུམ་པ་ལོ་ཙཱ་བ་དར་མ་ཡོན་ཏན། རྗེ་ས་པཎ། གྲུབ་ཐོབ་འདར་ཕྱར། མཁས་གྲུབ་ཆོས་རྗེ། རི་ཁྲོད་རས་ཆེན་ཤེས་རབ་བྱང་ཆུབ། དོན་ཞགས་པ་མན་འདྲ། ཡང་ན་ས་པཎ་ནས། འཕགས་པ། ཞང་དཀོན་ཅོག་དཔལ། བྲག་ཕུག་པ། བླ་མ་དམ་པ། རྒྱལ་སྲས་ཐོགས་མེད་པ་མན་སྐྱིད་སྡུག་ལམ་ཁྱེར་དང་འདྲ། ཏའི་རྟགས་ཡོད་པའི་བརྒྱུད་པ་ནི། ཇོ་བོ་ཆེན་པོ། ལོ་པའི་གསན་ཡིག་ན་བར་འདིར་འབྲོམ་སྟོན་འདུག །འཛེང་དགོན་པ་བ་དབང་རྒྱལ། སྣེའུ་ཟུར་པ། སྒྱེར་སྒོམ་པ། སངས་རྒྱས་དབོན་སྟོན་གཞོན་ནུ་འབྱུང་གནས། ཟངས་དགོན་པ། ལོ་པའི་གསན་ཡིག་ན་ཟོང་དགོན་ཟེར་ཞིང་འདི་གཉིས་སྦྲེལ། མཁན་པོ་ཆོས་ལྡན་པ། སློབ་དཔོན་ཤཱཀྱ་བཀྲ་ཤིས། རྒྱ་མ་བ་བཀྲ་ཤིས་རྒྱལ་མཚན། དོན་ཞགས་པ་མན་འདྲ། ཐའི་རྟགས་ཡོད་པའི་བརྒྱུད་པ་ནི། སངས་རྒྱས། བྱམས་པ། ཐོགས་མེད་སྐུ་མཆེད། གྲོལ་སྡེ་གཉིས། མཆོག་གི་སྡེ། དུལ་བའི་སྡེ། རྣམ་སྣང་མཛད། སེང་བཟང་། རིན་པོ་ཆེའི་མདོ། གསེར་གླིང་པ། ཇོ་བོ་རྗེ། འབྲོམ་སྟོན་པ། སྐུ་མཆེད་གསུམ། གསུམ་གས་གླང་ཐང་པ་རྡོ་རྗེ་སེང་
གེ་དང་ཤ་བོ་སྒང་པ་གཉིས་ལ་གནང་། དེ་གཉིས་ཀྱིས་སློབ་དཔོན་ཞང་ཞུང་པ་དང་ཏམ་ཏང་བུ་ཁུར་གཉིས་ལ་གནང་། དེ་གཉིས་ཀྱིས་སངས་རྒྱས་ཇོ་བོ་ལ་གནང་ལུང་ནང་མཁན་པོ། ལོ་པའི་གསན་ཡིག་ན་ལུང་སྒོམ་པ་དང་མཁན་པོ་རིན་ཅེན་ཞེས་སོ་སོར་ཕྲལ་འདུག །འབྲོམ་སྟོན་ཤེར་རིན། སློབ་དཔོན་གཞོན་ནུ་བསམ་གཏན། དོན་ཞགས་པ་མན་འདྲ། གླང་རི་ཐང་པའི་ཚིག་རྐང་བརྒྱ་པའི་རྩ་བ་ཁྱབ་བདག་ཞ་ལུ་པས་སྒྱེ་ཆུ་མཁན་ཆེན་བྱམས་པ་ངག་དབང་དཔལ་བཟང་ལ་གསན་ཞིང་དེ་ཡན་སླར་དཔྱད་དོ། །དའི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་། ཏཻ་ལོ་པ། ནཱ་རོ་པ། ཌོམྦྷི་པ། ཇོ་བོ་རྗེ། འཛེས་དབང་རྒྱལ། པོ་ཏོ་བ། གླང་ཐང་པ། རྒྱ་ལྕགས་རི་བ། ལྷ་རི་རྩ་བརྒྱད་པ། དྭགས་པོ་ལྷ་རྗེ། ཕག་མོ་གྲུ་པ། རྒྱ་སྒོམ་ཞིག་པོ། རྒྱ་མཁར་རི་པ། བྲག་དམར་བ་མན་མཐའ་འཁོབ་འདུལ་བ་དང་འདྲ། ནའི་རྟགས་ཡོད་པའི་བརྒྱུད་པ་ནི། ཇོ་འབྲོམ་གཉིས། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་བ། ལྷ་དབོན་པོ། གནས་བརྟན་འདུལ་འཛིན། མཆིམས་ཆེན་མོ། མཆིམས་ཡོན་ཏན་བླ་མ། འགྲོ་མགོན་བཤེས་གཉེན། དོན་ཞགས་པ་མན་མཚོན་ཆ་འཁོར་ལོ་དང་འདྲ། པའི་རྟགས་ཡོད་པའི་བརྒྱུད་པ་ནི། ཇོ་འབྲོམ་ཡབ་སྲས། པོ་ཏོ་བ། ཤ་ར་བ། འཆད་ཀ་བ། སེ་སྤྱིལ་བུ་བ། ལྷ་སྤྱིལ་བུ་བ། ལྷ་འགྲོ་མགོན། འོད་འཇོ་བ། མཁན་པོ་དམར་སྟོན། ཇོ་གདན་རླུང་ཤོད་པ། བཤེས་གཉེན་ཤེས་རབ་བཟང་པོ། དོན་ཞགས་པ་མན་མཚོན་ཆ་འཁོར་ལོ་དང་འདྲ། ཕའི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་། བིལ་བ་པ། ཌོམྦྷི་པ། དཔལ་འཛིན། མ་ཏི་བ། ནི་སྐ་ལཾ་ཀ །རེ་ཝེནྡྲ། ཆག་ཆོས་རྗེ་དཔལ་གཞོན་ནུ་རྒྱལ་མཚན། བློ་
གྲོས་དཔལ། ཡེ་ཤེས་ཞབས་བཟང་པོ། དོན་ཞགས་པ་མན་འདྲ། བའི་རྟགས་ཡོད་པའི་བརྒྱུད་པ་ནི། ཐུབ་པ། བྱམས་པ། ཐོགས་མེད་སྐུ་མཆེད། གྲོལ་སྡེ་གཉིས། སེང་བཟང་། དགེ་བ་ཅན་ཆེ་ཆུང་། གསེར་གླིང་པ། ཇོ་འབྲོམ་གཉིས། པོ་ཏོ་བ། གླང་རི་ཐང་པ། གླང་ཐང་ཞང་ཞུང་པ། སངས་རྒྱས་ཇོ་བོ། ལུང་སྒོམ་པ། མཁན་པོ་རིན་ཅེན། འབྲོག་སྟོན་ཤེར་རིན། སློབ་དཔོན་གཞོན་བསམ། དོན་ཞགས་པ་མན་འདྲ། མའི་རྟགས་ཡོད་པའི་བརྒྱུད་པ་ནི། རྒྱལ་བ་ཡང་དགོན་པ་ནས་བླ་མ་གཉིས་ཙམ་ཞིག་མ་རྙེད། དེ་ནས་བྱང་སེམས་གཞོན་ནུ་རྒྱལ་མཆོག་མན་འདྲ། ཙའི་རྟགས་ཡོད་པའི་བརྒྱུད་པ་ནི། ཐུབ་པ། བྱམས་པ། གསེར་གླིང་པ། ཇོ་འབྲོམ་གཉིས། པོ་ཏོ་བ། ལྕགས་རི་བ། ཆོས་ཀྱི་གཡུང་དྲུང་། སྙེ་ཕུ་རྒྱ་སྒོམ། བྲག་རམ་པ། ཉེན་ཆེན་པ། ཤེས་རབ་འབུམ། ཐོགས་མེད་བཟང་པོ་དཔལ། མང་མཁར་ཚུལ་ཁྲིམས་དཔལ། སེམས་དཔའ་གཞོན་ནུ་རྒྱལ་མཆོག་མན་མཚོན་ཆ་འཁོར་ལོ་དང་འདྲ།བྱང་སེམས་རྭ་བསྒྲེང་པས་མཛད་པའི་བློ་སྦྱོང་བྱང་ཆུབ་སེམས་ཀྱི་ཆུ་རྒྱུན་གྱི་བརྒྱུད་པ་ནི། ལྷ་སྟོན་པ་ཡན་བློ་སྦྱོང་དོན་བདུན་མ་དང་འདྲ་བ་ལ། དེ་ནས་ལྷ་བྲག་ཁ་པ། ལྷ་ཟུར་ཁང་པ། ལྷ་ཆོས་སྐུ་བློ་གྲོས་འོད། དེ་ལ་བྱང་སེམས་སེང་གེ་རྒྱལ་མཚན། ལྷ་ཤཱཀྱ་བསོད་ནམས་རྒྱལ་མཚན་གཉིས་ཀྱི་གསན། གཉིས་ཀ་ལ་བྱང་སེམས་རྭ་བསྒྲེང་བ། བར་འདིར་བླ་མ་གསུམ་ཙམ་ཞིག་མ་རྙེད། རིམ་བཞིན་ལྷ་བཙུན་བསོད་ནམས་དཔལ་བཟང་། བྲག་དགོན་སྤྱན་སྔ། རྡོ་རྗེ་འཆང་ཕ་བོང་ཁ་པ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །
བློ་སྦྱོང་ཞེན་པ་བཞི་བྲལ་སོགས་དཔལ་ས་སྐྱའི་ཆོས་སྐོར་གྱི་ལུང་བརྒྱུད།
རྗེ་བཙུན་ས་སྐྱ་པ་ཆེན་པོས་ཟླ་བ་དྲུག་
གི་བར་དུ་འཇམ་དཔལ་དབྱངས་ཀྱི་སྒྲུབ་པ་མཛད་པའི་ཚེ་འཇམ་དབྱངས་གཙོ་འཁོར་གསུམ་པ་ཞལ་གཟིགས་པའི་གཙོ་བོས་དངོས་སུ་གསུངས་པའི་བློ་སྦྱོང་ཞེན་པ་བཞི་བྲལ། དེའི་འགྲེལ་བ་རྗེ་བཙུན་གྲགས་པ་རྒྱལ་མཚན་གྱིས་མཛད་པ། ས་སྐྱ་པཎྜི་ཏས་མཛད་པའི་འགྲེལ་པ། འགོར་རྗེ་བཙུན་ཆེན་པོ་ས་སྐྱ་པའི་ཞལ་ནས་ཞེས་ཡོད་པའི་ཞེན་པ་བཞི་བྲལ་གྱི་གདམས་པ་ནུབ་པ་རིག་འཛིན་གྲགས་ཀྱིས་མཛད་པ། ཞེན་པ་བཞི་བྲལ་གྱི་དམིགས་འཁྲིད་བྱང་ཆུབ་སེམས་དཔའ་ར་ལོད་རྡོ་རྗེས་བསྐུལ་བ་ལ་བརྟེན་ནས་ཀུན་མཁྱེན་བསོད་ནམས་སེང་གེས་མཛད་པ། འཁྲིད་ཡིག་བླ་མ་ཀུན་དགའ་ལེགས་པའི་གསུང་གིས་བསྐུལ་བ་ལ་བརྟེན་ནས་དགེ་སློང་ཀུན་དགའ་ལེགས་པའི་རིན་ཅེན་གྱིས་ཟིན་བྲིས་སུ་བཀོད་དེ་ཆོས་རྗེ་རྡོ་རྗེ་འཆང་ལ་གཟིགས་སུ་ཕུལ་ནས་དག་པར་བྱས་པ་རྣམས་ལེགས་པར་ཐོབ་པའི་བརྒྱུད་པ་ནི། འཇམ་དཔལ་དབྱངས། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། ཐམས་ཅད་མཁྱེན་པ་བསོད་ནམས་རྒྱལ་མཚན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ། ཀུན་མཁྱེན་བསོད་ནམས་སེང་གེ །འཇམ་དབྱངས་སངས་རྒྱས་རིན་ཅེན། པཎ་ཆེན་ནམ་མཁའ་དབང་ཕྱུག །རྗེ་བཀྲ་ཤིས་བརྟན་པ། སྤྱན་སྔ་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱ་མཚོ། མུས་པ་གྲུབ་པའི་དབང་པོ། ཁྲི་ཆེན་ཀུན་དགའ་བསོད་ནམས། འཇམ་
དབྱངས་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་མཁན་ཆེན། དེས་བདག་ཟ་ཧོར་བནྡེ་ལའོ། །ཡང་ན་ཀུན་མཁྱེན་གོ་བོ་ནས། པཎ་ཆེན་ཀོང་སྟོན། རྗེ་བཀྲ་ཤིས་བརྟན་པ་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག །རྗེ་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། མུས་པ་དཀོན་ཅོག་རྒྱ་མཚོ་མན་འདྲ། །ཡང་ན་ངོར་ཆེན་ནས། དཔལ་ལྡན་རྡོ་རྗེ། ཀུན་དགའ་མཆོག་ལྡན། དཀོན་ཅོག་ལྷུན་གྲུབ་མན་འདྲ། ཡང་ན་ངོར་ཆེན་ནས། གུ་གེ་པཎ་ཆེན། རྭ་སྟོན་ཡོན་ཏན་དཔལ་བཟང་། གློ་བོ་མཁན་ཆེན། དཀོན་ཅོག་ལྷུན་གྲུབ་མན་འདྲ། ས་ཆེན་ལ་གནང་བའི་རྩ་ཚིག་གི་བརྒྱུད་ལུགས་གཅིག་ནི། བླ་མ་དམ་པ་ནས། མ་ཏི་པཎ་ཆེན། ཐེག་ཆེན་ཆོས་རྒྱལ། ལུང་རིག་རྒྱ་མཚོ། མཁན་ཆེན་སེང་གེ་དཔལ་བཟང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ་ནས་རིམ་པར་ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ། དེས་བདག་ལའོ། །
དཔེ་ཆོས་རིན་ཅེན་སྤུངས་པ་སོགས་ཀྱི་བརྒྱུད་པ།
པོ་ཏོ་བ་ཆེན་པོའི་དཔེ་ཆོས་རིན་ཅེན་སྤུངས་པ་དང་དེའི་འགྲེལ་བ་བཙུན་པ་ཤེས་རབ་རྡོ་རྗེས་མཛད་པའི་ལུང་གི་བརྒྱུད་པ་ནི། པོ་ཏོ་བ། དགེ་བཤེས་གྲ་པ་བ། འདི་གཉིས་གཅིག་མི་གཅིག་བརྟག །དགེ་བཤེས་བྲག་དཀར་བ། ལྕེ་སྒོམ་འདུལ་བ་རྡོ་རྗེ། ཤེས་རབ་རྡོ་རྗེའང་ཟེར། རྗེ་སྨོན་ལམ་མགོན་པོ། བླ་མ་རིན་ཅེན་ཡེ་ཤེས། རྒྱལ་བའི་སྲས་པོ་ཐོགས་མེད་པ། རྒྱ་མ་བ་ཡོན་ཏན་འོད། ཧོར་དཀའ་བཞི་པ་སེང་གེ་རྒྱལ་མཚན། རྗེ་དཔལ་ལྡན་བཟང་པོ། བྱང་སེམས་སྦྱིན་པ་བ། བླ་མ་ནམ་མཁའི་མཚན་ཅན། རྭ་སྟོན་ཡོན་ཏན་དཔལ་བཟང་། མཁན་ཆེན་བསོད་ནམས་ལྷུན་གྲུབ། ངོར་ཆེན་ལྷ་མཆོག་སེང་གེ །ཤར་ཁང་པ་ཤེས་རབ་རྒྱལ་
མཚན། པཎ་ཆེན་ཐར་རྩེ་པ། སྒྲུབ་ཁང་བ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། སེམས་དཔའ་ཆེན་པོ་ཞ་ལུ་པ། དེ་བདག་ཟ་ཧོར་བནྡེ་ལའོ། །ཡང་ན་རྒྱལ་སྲས་ཐོགས་མེད་པ་ནས། དཔལ་ལྡན་ཡེ་ཤེས། ཧོར་དཀའ་བཞི་པ་མན་འདྲ། །དཔེ་ཆོས་ལ་ཉེ་བར་མཁོ་བའི་གཏམ་རྒྱུད་རིན་ཅེན་འཕྲེང་མཛེས་རྗེ་དཔལ་ཡེས་མཛད་པ་དང་། ལྕེ་སྒོམ་ཤེས་རབ་རྡོ་རྗེས་མཛད་པའི་མན་ངག་རིན་ཅེན་སྤུངས་པ་ལེའུ་བཅུ་གསུམ་མ་གཉིས་ཀྱི་ལུང་བརྒྱུད་ནི། དཔལ་ལྡན་ཡེ་ཤེས་བཞུགས་པའི་དཔེ་ཆོས་ཀྱི་བརྒྱུད་པ་དང་གཅིག་གོ །གཏམ་རྒྱུད་རིན་ཅེན་འཕྲེང་མཛེས་ཀྱི་བརྒྱུད་ལུགས་གཅིག་ནི། རྒྱ་མ་བ་ཡོན་ཏན་འོད་ནས། འཕགས་པ་བློ་འཕེལ། ཚུལ་ཁྲིམས་དང་། བསོད་ནམས་ལྷ་དབང་། ངག་དབང་ཆོས་གྲགས། བྲག་དགོན་སྤྱན་སྔ། རྡོ་རྗེ་འཆང་ཕ་བོང་ཁ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཇི་སྐད་དུ། འཛམ་གླིང་མཁས་པ་ཡོངས་ཀྱི་གཙུག་གི་རྒྱན། །སྙན་པའི་བ་དན་འགྲོ་ན་ལྷང་ངེ་བ། །ཀླུ་སྒྲུབ་ཐོགས་མེད་གཉིས་ལས་རིམ་བཞིན་དུ། །ལེགས་བརྒྱུད་བྱང་ཆུབ་ལམ་གྱི་རིམ་པ་ནི། །སྐྱེ་རྒུའི་འདོད་དོན་མ་ལུས་སྐོང་བས་ན། །གདམས་པ་རིན་ཅེན་དབང་གི་རྒྱལ་པོ་སྟེ། །གཞུང་བཟང་སྟོང་གི་ཆུ་བོ་འདུ་བའི་ཕྱིར། །དཔལ་ལྡན་ལེགས་པར་བཤད་པའི་རྒྱ་མཚོའང་ཡིན། ཞེས་ཤིང་རྟ་ཆེན་པོ་རྣམ་པ་གཉིས་ཀྱི་བཞེད་གཞུང་དཔལ་མར་མེ་མཛད་ནས་ཆུ་བོ་གཅིག་ཏུ་འདྲེས་པ་བྱང་ཆུབ་ལམ་གྱི་སྒྲོན་མའི་དགོངས་པ་བཀའ་གདམས་རིན་པོ་ཆེ་བསྟན་རིམ་རྣམས་སུ་བཀྲལ་བ་
མཁན་ཆེན་ཕྱག་རྡོར་བ་དང་། མཁན་ཆེན་ཆོས་སྐྱོང་བཟང་པོ་གཉིས་ལ་ཐམས་ཅད་མཁྱེན་པ་བཙོང་ཁ་པ་ཆེན་པོས་ལེགས་པར་གསན་ཏེ་བྱང་ཆུབ་ལམ་གྱི་རིམ་པའི་བསྟན་བཅོས་ཆེ་ཆུང་གཉིས་མཛད་པ་ཉམས་འཁྲིད་དུ་ནོས་པ་ལ་རྒྱ་ཆེན་སྤྱོད་པའི་བརྒྱུད་དང་ཟབ་མོ་ལྟ་བརྒྱུད་གཉིས་ལས། དང་པོ་ནི། སངས་རྒྱས་ཟས་གཙང་སྲས་པོ། རྒྱལ་བ་མི་ཕམ་པ། ཤིང་རྟ་ཆེན་པོ་ཐོགས་མེད། མཁས་མཆོག་དབྱིག་གཉེན། འཕགས་པ་རྣམ་གྲོལ་སྡེ། བཙུན་པ་རྣམ་གྲོལ་སྡེ། སློབ་དཔོན་མཆོག་གི་སྡེ། རྒྱལ་སྲས་དུལ་བའི་སྡེ། མཁན་པོ་ཞི་བ་འཚོ། རྣམ་སྣང་མཛད། སློབ་དཔོན་སེང་གེ་བཟང་པོ། ཀུ་སཱ་ལི་ཆེ་ཆུང་གཉིས། གསེར་གླིང་པ་ཆོས་ཀྱི་གྲགས་པ། པཎྜི་ཏ་ཆེན་པོ་མར་མེ་མཛད། འབྲོམ་སྟོན་རྒྱལ་བའི་འབྱུང་གནས། འཛེང་དགོན་པ་བ་དབང་ཕྱུག་རྒྱལ་མཚན། སྣེའུ་ཟུར་པ་ཡེ་ཤེས་འབར། ཐག་མ་པ་ཀ་བ་དར་སེང་། ཤུད་བུན་ནམ་མཁའ་སེང་གེ །སློབ་དཔོན་ནམ་མཁའ་རྒྱལ་པོ། རྒྱལ་སྲས་སེང་གེ་བཟང་པོ། སློབ་དཔོན་རྒྱལ་སྲས་བཟང་པོ། གསང་བདག་ནམ་མཁའ་རྒྱལ་མཚན། རྒྱལ་བ་གཉིས་པ་བཙོང་ཁ་པ་བློ་བཟང་གྲགས་པའི་དཔལ། མཁས་གྲུབ་ཤེས་རབ་སེང་གེ །ཐམས་ཅད་མཁྱེན་པ་དགེ་འདུན་གྲུབ་པ། ངེས་པར་ཟུང་འཇུག་བརྙེས་པའི་མཁས་གྲུབ་ནོར་བཟང་རྒྱ་མཚོ། ཐམས་ཅད་མཁྱེན་པ་དགེ་འདུན་རྒྱ་མཚོ། ཁྲི་རིན་པོ་ཆེ་བདེ་བ་ཅན་པ་དགེ་ལེགས་དཔལ་བཟང་། ལྷའི་བཙུན་པ་མཁས་གྲུབ་བསོད་ནམས་དཔལ་བཟང་། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་པ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་
ཁ་པ་དཔལ་འབྱོར་ལྷུན་གྲུབ། བཀའ་དྲིན་མཉམ་མེད་ཀུན་མཁྱེན་དཔལ་འབྱོར་འཕྲིན་ལས་རབ་རྒྱས། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་རྒྱལ་བ་འབྲོམ་ནས། སྤྱན་སྔ་ཚུལ་ཁྲིམས་འབར། བྱ་ཡུལ་བ་གཞོན་ནུ་འོད། སྒྱེར་སྒོམ་པ་གཞོན་ནུ་གྲགས། སངས་རྒྱས་དབོན་སྟོན་གཞོན་ནུ་འབྱུང་གནས། ཤུད་བུ་བ་ནམ་མཁའ་རྒྱལ་པོ་མན་གོང་བཞིན་ནོ། །ཡང་ན་འབྲོམ་ཆོས་ཀྱི་རྒྱལ་པོ། པོ་ཏོ་བ་རིན་ཅེན་གསལ། ཤ་ར་བ་ཡོན་ཏན་གྲགས། འཆད་ཀ་བ་ཡེ་ཤེས་རྡོ་རྗེ། སྤྱིལ་བུ་བ་ཆོས་ཀྱི་རྒྱལ་མཚན། ལྷ་ལུང་གི་དབང་ཕྱུག་བྱང་ཆུབ་རིན་ཅེན། འགྲོ་མགོན་དབང་ཕྱུག་འོད། ཟངས་ཆེན་པ་དར་མ་བསོད་ནམས། མཚོ་སྣ་བ་ཤེས་རབ་བཟང་པོ། མོན་གྲབ་པ་ཚུལ་ཁྲིམས་བཀྲ་ཤིས། གཉལ་མཁན་ཆེན་ཆོས་སྐྱོང་བཟང་པོ། རྗེ་བཙུན་བཙོང་ཁ་པ་མན་གོང་བཞིན་ནོ། །ཟབ་མོ་ལྟ་བརྒྱུད་ནི། ཐུབ་དབང་ཉི་མའི་གཉེན། མགོན་པོ་འཇམ་དཔལ་དབྱངས། དཔལ་མགོན་འཕགས་པ་ཀླུ་སྒྲུབ། སློབ་དཔོན་ཟླ་བ་གྲགས་པ། རིག་པའི་ཁུ་བྱུག །ཁུ་བྱུག་གཉིས་པ། ཇོ་བོ་ཆེན་པོ་ཨ་ཏི་ཤ །འབྲོམ་ཆོས་ཀྱི་རྒྱལ་པོ། དགོན་པ་བ་མན་རྒྱ་ཆེན་སྤྱོད་བརྒྱུད་བཞིན་ནོ། །ཡང་ན་འབྲོམ་ནས། སྤྱན་སྔ་ཚུལ་ཁྲིམས་འབར་མན་འདྲ། ཡང་ན་འབྲོམ་ནས། པོ་ཏོ་བ་མན་འདྲ། དེང་སང་རང་ཕྱོགས་ཀྱི་བརྒྱུད་འཛིན་ཕལ་ཆེར་ལམ་རིམ་གསོལ་འདེབས་སུ་ཚིག་ཉུང་བ་གཙོར་བཏོན་གྱི་སྦུགས་འདྲེན་མཛད་པ་མ་དགོངས་པར་རྒྱ་ཆེན་སྤྱོད་པ་དགོན་པ་བ་དང་། ཟབ་མོ་ལྟ་བ་པོ་ཏོ་བ་ནས་བརྒྱུད་པ་ལྟ་བུ་མཛད་པ་ནི་ཞིབ་མོར་མ་དཔྱད་པའི་རྩིང་ཆོས་ཁོ་ནར་སྣང་སྟེ་དེ་ལྟར་
ན་བརྒྱུད་པ་གཉིས་ཀ་ལ་ལམ་གྱི་རིམ་པ་ཕྱོགས་རེ་བ་ལས་ལུས་ཡོངས་སུ་མ་རྫོགས་པའི་སྐྱོན་འདུག་པ་དགོངས་འཚལ་ལོ། །
ལམ་སྒྲོན་སོགས་ཀྱི་ལུང་བརྒྱུད།
ལམ་སྒྲོན་གྱི་བརྒྱུད་པ་ནི། ཇོ་བོ་རྗེ་ནས། མཚོ་སྣ་པ་ཤེས་རབ་བཟང་པོ་ཡན་གོང་ལྟར་ལ། དེ་ནས་སློབ་དཔོན་དགའ་བ་བཟང་པོ། མཁན་ཆེན་ཆོས་སྐྱོང་བཟང་པོ། ཐམས་ཅད་མཁྱེན་པ་བཙོང་ཁ་པ་མན་འདྲ། ཐམས་ཅད་མཁྱེན་པ་བསོད་ནམས་རྒྱ་མཚོས་མཛད་པའི་བྱང་ཆུབ་ལམ་རིམ་གྱི་འཁྲིད་ཡིག་བདུད་རྩི་གསེར་གྱི་ཡང་ཞུན་གྱི་ལུང་གི་བརྒྱུད་པའང་བཤད་མ་ཐག་པ་ལྟར་རོ། །བྱང་ཆུབ་ལམ་རིམ་ཆེན་མོའི་དཀའ་བའི་གནད་མཐའ་དག་ཞིབ་མོར་འགྲོལ་བའི་རྒྱས་བཤད་དང་རྟོགས་སླ་བ་ལྟར་སྣང་བ་ལ་ཚིག་གི་ལོ་མས་དོན་བསྒྲིབས་ནས་དཔྱད་དཀའ་བ་རྣམས་སྙིང་པོར་བསྒྲིལ་ནས་དོན་འབྲུ་མཛད་པའི་བཤད་ལུང་ཡོངས་སུ་རྫོགས་པ་ལན་གཉིས་ཀྱི་བར་ནན་ཏན་དུ་ནོས་པའི་བརྒྱུད་པ་ནི། རྒྱལ་བ་བཙོང་ཁ་པ་ཆེན་པོ་ཡན་བཤད་མ་ཐག་པ་ལྟར་ལ། དེ་ནས་རྒྱལ་ཚབ་ཐམས་ཅད་མཁྱེན་པ་དར་མ་རིན་ཅེན། བླ་ཆེན་ཉན་པོ་ཤཱཀྱ་རྒྱལ་མཚན། སེ་ར་མཁས་བཙུན་དོན་ཡོད་དཔལ་ལྡན། སེ་ར་རྗེ་བཙུན་ཆོས་ཀྱི་རྒྱལ་མཚན། ཁྲི་རིན་པོ་ཆེ་དགེ་འདུན་རྒྱལ་མཚན། གསུང་རབ་རྒྱ་མཚོའི་དེད་དཔོན་སྟག་ལུང་བྲག་པ་བློ་གྲོས་རྒྱ་མཚོ། འཇམ་དབྱངས་སྨྲ་བའི་ཉི་མ་དཀོན་ཅོག་ཆོས་འཕེལ། དེས་བདག་ལ་བཀའ་དྲིན་དུ་སྩལ་ཏོ། །ལམ་རིམ་ཆུང་བའི་ལྷག་མཐོང་གི་དཀའ་གནད་ཀྱི་ཞིབ་བཤད་ནོས་པའི་བརྒྱུད་པའང་བརྗོད་མ་ཐག་པ་བཞིན་ནོ། །བཀའ་གདམས་ཀྱི་དགེ་བའི་བཤེས་གཉེན་གོང་མ་རྣམས་ཀྱི་གསུང་སྒྲོས་སེམས་འདུལ་བའི་རིམ་པ་གཙོ་བོར་མཛད་པ་འགའ་ཞིག་ཕྱོགས་གཅིག་
ཏུ་ལྕེར་སྒོམ་གྱིས་བསྡོམས་པ་ད་ལྟ་བཀའ་གདམས་ཐོར་བུར་གྲགས་པའི་ལུང་ནོས་པའི་བརྒྱུད་པ་ནི། གྲུབ་ཐོབ་ལྕེར་སྒོམ་པ། འཇམ་སྟོན་རྣལ་འབྱོར་ཞིག་པོ་བརྩོན་འགྲུས་སེང་གེ །མཁས་པ་བརྩོན་འགྲུས་ཤེས་རབ། འབྲོམ་སྟོན། འདི་འབྲོམ་རྒྱལ་བའི་འབྱུང་གནས་དང་མི་གཅིག །ལྷ་རིན་པ། འདུལ་བ་རྡོ་རྗེ། འཇད་པ་ཇོ་སྲས། མཁས་བཙུན་བསོད་ནམས་རྒྱལ་མཚན། བླ་མ་དཔལ་ལྡན་པ། བླ་མ་དཀོན་ཅོག་རྡོ་རྗེ། བླ་མ་བྱང་ཆུབ་པ། བླ་མ་ཤཱཀ་འོད་པ། ཆོས་རྗེ་བློ་གྲོས་བཟང་པོ། ཆོས་རྗེ་བཀའ་འགྱུར་པ། ལོ་པ་སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་རྒྱལ་མཚན། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། །རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་དཔལ་འབྱོར་འཕྲིན་ལས་རབ་རྒྱས། དེས་བདག་ཟ་ཧོར་བནྡེ་ལའོ། །ཡང་ན་སྤྱན་སྔ་ངག་དབང་ཆོས་གྲགས་ནས། མུས་ཆེན་ནམ་མཁའ་དབང་ཕྱུག །ཆོས་རྗེ་ཀུན་དགའ་ལེགས་གྲུབ། རྗེ་བྱམས་པ་ཕུན་ཚོགས། རབ་འབྱམས་པ་དཔལ་འབྱོར་ཤེས་རབ། མཁས་གྲུབ་དཔལ་ལྡན་དོན་གྲུབ། མཁན་ཆེན་དཔལ་མཆོག་རྒྱལ་མཚན། ཁྱབ་བདག་ཞ་ལུ་བ་ཆེན་པོ། དེས་བདག་ལའོ། །
བྱང་ས་དང་མདོ་སྡེ་རྒྱན་སོགས་ཀྱི་ལུང་བརྒྱུད།
དཔལ་མར་མེ་མཛད་ལ་ཤིང་རྟ་ཆེན་པོ་གཉིས་ཀྱི་གདམས་པ་མ་ལུས་པ་མངའ་བའི་བསྟན་བཅོས་མཐའ་ཀླས་ནའང་དེའི་ནང་ནས་ཐོགས་མེད་སྐུ་མཆེད་ཀྱི་དགོངས་པ་ཕྱིན་ཅི་མ་ལོག་པའི་ལྟ་སྤྱོད་སྟོན་པ་ས་རྒྱན་གཉིས། ཀླུ་སྒྲུབ་ཡབ་སྲས་ཀྱི་དགོངས་པ་ཕྱིན་ཅི་མ་ལོག་པའི་ལྟ་སྤྱོད་རྫོགས་པར་སྟོན་པ་བསླབ་སྤྱོད་གཉིས། དེ་ཐམས་ཅད་ཀྱི་ཡན་ལག་འཆད་པ་སྐྱེས་རབས་དང་
བརྗོད་བྱ་སྣ་ཚོགས་པ་སྟོན་པས་ཉེ་བར་མཁོ་བ་ཆེད་དུ་བརྗོད་པའི་ཚོམས་གཉིས་ཏེ་བཀའ་གདམས་གཞུང་དྲུག་ཏུ་གྲགས་པ་ལས་བྱང་ས་དང་མདོ་སྡེ་རྒྱན་གྱི་ལུང་ནོས་པའི་བརྒྱུད་པ་ནི། སྟོན་པ་ཐུབ་པའི་དབང་པོ། རྒྱལ་ཚབ་བྱམས་པ། འཕགས་པ་ཐོགས་མེད། སློབ་དཔོན་དབྱིག་གཉེན། མཁས་པ་བློ་གྲོས་བརྟན་པ། པུཎྱ་ཤྲཱིདྷ། གང་བ་སྤེལ། གངྒཱ་དྷ་ར། ལོ་པའི་གསན་ཡིག་ན་འདི་གཉིས་འདུག་ཀྱང་རྗེ་མཁྱེན་བརྩེའི་དེར་མི་སྣང་བས་བརྟག །གངྒཱ་ཛི་ན་རཏྣ། ཁ་ཆེ་རིན་ཅེན་རྡོ་རྗེ། ཁ་ཆེ་ས་ཛྫ་ན། པཎྜི་ཏ་པ་ར་ཧེ་ཏ། འདི་ལོ་པ་སྤྱན་སྔའི་གསན་ཡིག་ན་ཙན་ཁ་པོ་ཆེ་དང་གཅིག་པར་མཛད་འདུག་པ་དཔྱད། བླ་མ་བློ་གྲོས་གྲགས་པ། མར་པ་ཇོ་པན། མཆིམས་སྟོན་དོན་གྲུབ། མཆིམས་བརྩོན་འགྲུས་སེང་གེ །མཆིམས་ནམ་མཁའ་གྲགས། སྐྱི་སྟོན་ཤཱཀྱ་འབུམ། སྐྱི་སྟོན་གྲགས་རྒྱལ། འཇམ་དབྱངས་ཀྱང་ཟེར། ཀུན་མཁྱེན་ཇོ་ནང་པ། ས་བཟང་མ་ཏི་པཎ་ཆེན། ས་བཟང་གཞོན་ནུ་བློ་གྲོས། རྗེ་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། མཁན་ཆེན་དཀོན་ཅོག་ཚུལ་ཁྲིམས། ཐར་ལམ་གསལ་སྒྲོན། ལོ་པའི་གསན་ཡིག་ན་འདི་བཞིན་བྱུང་བ་ཚོམས་སོགས་གཞན་གྱི་སྐབས་དཀོན་ཅོག་ཚུལ་ཁྲིམས་དང་རཏྣ་ཨཱ་ཀཱ་རའི་བར་དུ་བླ་མའི་རིགས་མི་འདུག་ཅིང་མིའི་མིང་མི་འདྲ་འདུག་པས་དཔྱད། མཁན་ཆེན་རཏྣ་ཨཱ་ཀཱ་ར། རྗེ་བཙུན་ངག་དབང་གྲགས་པ་དཔལ་བཟང་། གཉུག་ལ་པཎ་ཆེན་ཡང་ཟེར། སྤྱན་སྔ་ངག་དབང་ཆོས་གྲགས་རྒྱལ་མཚན་རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། ཤར་ཆེན་ནམ་མཁའ་རྒྱལ་མཚན། རྩེད་ཐང་དྲུང་ཆེན་དཔལ་འབྱོར་བསོད་ནམས་ལྷུན་གྲུབ། ཤེས་བྱ་ཀུན་མཁྱེན་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཆེན་ཆོས་ཀྱི་རྒྱལ་པོ་
ཆོས་དབྱིངས་རང་གྲོལ། དེ་བདག་ཟ་ཧོར་བནྡེ་ལའོ། །འཇམ་དབྱངས་མཁྱེན་བརྩེའི་གསན་ཡིག་ན་བརྒྱུད་པ་འདི་མདོ་སྡེ་རྒྱན་ཁེ་རྐྱང་དུ་མཛད་ཀྱང་ལོ་ཕྱོགས་ཀྱི་གསན་ཡིག་ལ་ས་རྒྱན་གཉིས་ཀའི་བརྒྱུད་པར་མཛད་འདུག་པ་བཀའ་གདམས་ཀྱི་འབྱུང་ཁུངས་ཡིན་པས་ཁུངས་དང་འབྲེལ་བ་ཡོད་དམ་སྙམ། ཡང་མདོ་སྡེ་རྒྱན་གྱི་བརྒྱུད་ལུགས་གཅིག་ནི། ཁ་ཆེ་བློ་བརྟན་ནས། རིག་པའི་ཁུ་བྱུག །མཆེ་བའི་སྡེ། བཟང་པོའི་ཞབས། མར་མེ་མཛད། གངྒཱ་དྷ་ར། བསོད་ནམས་དཔལ། ཁ་ཆེ་དགོན་པ་བ། བྲམ་ཟེ་སཾ་གྷ། ཁ་ཆེ་ཡེ་ཤེས་དཔལ། རྔོག་ལོ། བ་རེག་ལོ་ཙཱ་བ་རྒྱལ་མཚན། བ་རེག་སྟོན་སྐྱབས། སྐྱེས་བུ་ཡོན་ཏན་དགའ། བཀྲ་ཤིས་རྡོ་རྗེ། འདུལ་འཛིན་པ། ཉང་རོ་ཀུན་རྡོར། དར་མ་འོད་ཟེར། ཚད་མའི་སྐྱེས་བུ། ཀུན་མཁྱེན་བུ་སྟོན། ཉ་དཔོན། རེ་མདའ་བ། རྒྱལ་བ་བཙོང་ཁ་པ། རྒྱལ་ཚབ་རྗེ། གུང་རུ་རིན་བྱང་། སློབ་དཔོན་གཉལ་སྟོན་པ། རྗེ་ཆོས་དཔལ་རྒྱལ་མཚན། ཉི་མ་གྲགས་པ། ཆོས་ཀྱི་བཤེས་གཉེན། བློ་བཟང་ཨེ་ཝཾ། རྒྱལ་ཁང་རྩེ་པ། རྗེ་ཕ་བོང་ཁ་པ་མན་འདྲ། སློབ་དཔོན་འཕགས་པ་ཐོགས་མེད་ཀྱི་མཛད་པའི་བྱང་སའི་བརྒྱུད་ལུགས་གཅིག་ནི། དེ་བཞིན་གཤེགས་པ། མགོན་པོ་བྱམས་པ། སློབ་དཔོན་ཐོགས་མེད། སློབ་དཔོན་དབྱིག་གཉེན། ཁ་ཆེ་བློ་གྲོས་བརྟན་པ། སློབ་དཔོན་གང་བ་སྤེལ། དེ་ལ་ཛི་ན་མི་ཏྲ། དཱ་ན་ཤཱི་ལ། ཨིནྡྲ་བྷཱུ་
ཏི་གསུམ་གྱིས་གསན། དེ་གསུམ་ལ་སྐ་བ་དཔལ་བརྩེགས། ཅོག་གྲུ་ཀླུའི་རྒྱལ་མཚན། ཞང་ཡེ་ཤེས་སྡེ་གསུམ་གྱིས་གསན། དེ་གསུམ་ལ་ལྷ་ལུང་དཔལ་གྱི་རྡོ་རྗེ། ནམ་ནང་ཟླ་བའི་རྡོ་རྗེ། དབུས་རྒྱལ་བ་ཡེ་ཤེས་གསུམ་གྱིས་གསན། དེ་གསུམ་ལ་གྲུས་རྒྱལ་བ་ཡེ་ཤེས་ཀྱིས་གསན། ཀུན་མཁྱེན་བུ་དང་མཁན་ངག་ཆོས་བ་སོགས་ཀྱི་གསན་ཡིག་ན་འདི་རྣམས་ཀྱིས་རིམ་པ་བཞིན་དུ་གནང་བ་ལས་སྡེབས་སུ་གསན་པའི་གསལ་ཁ་མ་བྱུང་ཡང་འཇམ་དབྱངས་མཁྱེན་བརྩེའི་གསན་ཡིག་ན་འདི་ལྟར་སྣང་བ་ཉེ་བརྒྱུད་རིང་བརྒྱུད་ཀྱི་ཁྱད་ཡིན་ནམ་ཡིག་སྐྱོན་བཞིན་ཡིན་སོགས་དཔྱད་པར་བྱའོ། །དེ་ནས་གྲུ་མཆོག་གི་ཡེ་ཤེས། སེ་བཙུན་དབང་ཕྱུག་གཞོན་ནུ། འབྲོམ་ཀྱི་བླ་མ་དེ་ཡིན་ནམ་སྙམ། འགར་མི་ཡོན་ཏན་གཡུང་དྲུང་། ཁུ་སྟོན་བརྩོན་འགྲུས་གཡུང་དྲུང་། ར་ཁྲི་བཟང་འོད། རྒྱ་རྒྱལ་ཚུལ། ལི་སྟོན་ཆོས་གྲགས། དེ་གཉིས་ལ་བྲང་ཏི་དར་མ་སྙིང་པོ་དང་ཀོ་ཡེ་འབྱུང་གཉིས་ཀྱིས་གསན། དེ་གཉིས་ལ་རོག་ཆོས་བརྩོན། དེ་ནས་མཆིམས་བརྩོན་སེང་། མཆིམས་དོན་ནེ། མཆིམས་བློ་བརྟན། ཞང་སྟོན་བསོད་ནམས་རིན་ཅེན། བོ་དོང་རིན་རྩེ། བརྩོན་འགྲུས་རྡོ་རྗེ་དང་གཅིག་འདྲ་བ་དཔྱད། སྟག་སྡེ་བ་སེང་གེ་རྒྱལ་མཚན་དྲང་ལུང་པ་ཐུགས་རྗེ་ཤེས་རབ། རིན་ཅེན་ཡེ་ཤེས། རྒྱལ་སྲས་ཐོགས་མེད་པ། རྒྱ་མ་ཡོན་ཏན་འོད། ཆོས་རྗེ་བསོད་ནམས་བློ་གྲོས། དཀའ་བཅུ་པ་དར་མ་བཟང་། མཁན་ཆེན་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ་མན་གོང་ལྟར་རོ། །སློབ་དཔོན་ཤནྟ་དེ་ཝས་མཛད་པའི་བསླབ་པ་ཀུན་ལས་བཏུས་ཀྱི་ལུང་བརྒྱུད་ནི། ཐུབ་པའི་དབང་པོ། འཇམ་དབྱངས་ཨཱ་ཙཪྻ་ཤནྟཻ་དེ་ཝ་པཱ་ད། སློབ་དཔོན་ཨེ་ལ་དྷ་རི། སློབ་དཔོན་ཤུ་རཾ་ག་སེ་ན། དཔའ་བོ་རྡོ་རྗེ་ཟེར། སློབ་དཔོན་དྷརྨ་ཀཱི་རྟི། གསེར་གླིང་པ།
ཇོ་བོ་དཱི་བཾ་ཀཱ་ར་ཤྲཱི་ཛྙཱ་ན། འབྲོམ་ཆོས་ཀྱི་རྒྱལ་པོ། པོ་ཏོ་བ་རིན་ཅེན་གསལ། ཤ་ར་བ་ཡོན་ཏན་གྲགས། ཆོས་ལུང་བ་ཤེས་རབ་གྲགས། གཏུམ་སྟོན་བློ་གྲོས་གྲགས། རྗེ་མཁྱེན་བརྩེའི་གསན་ཡིག་ཏུ་འདི་ལྟར་སྣང་ལ་ལོ་བ་སྤྱན་སྔའི་གསན་ཡིག་ན་འདི་དང་གོང་མ་གཅིག་ཏུ་མཛད་འདུག་བས་བརྟག །གྲོ་མོ་ཆེ་བ་བདུད་རྩི་གྲགས། འཇམ་དབྱངས་མཁྱེན་བརྩེའི་གསན་ཡིག་ན་གྲོའི་རྗེས་སུ་མཆིམས་བྱས་པའང་སྣང་ཟེར་བའི་མཆན་བུ་ཞིག་འདུག །ཞང་བཙུན་པ། ཞང་སྟོན་པ། སངས་རྒྱས་སྒོམ་པ། མཆིམས་ནམ་མཁའ་གྲགས། བཅོམ་ལྡན་རལ་གྲི། སྐྱི་སྟོན་ཤཱཀྱ་འབུམ། སྐྱི་སྟོན་འཇམ་དབྱངས། གྲགས་པ་རྒྱལ་མཚན་ཡང་ཟེར། ཀུན་མཁྱེན་དོལ་པོ་བ། མཁན་ཆེན་ཕྱོགས་ལས་རྣམ་རྒྱལ། རྟོགས་ལྡན་ཡེ་ཤེས་རྒྱལ་མཚན། རྗེ་གྲགས་དོན་པ། ཆོས་རྗེ་བཀའ་འགྱུར་བ་ཤཱཀྱ་རྒྱལ་མཚན། རྗེ་དཀོན་ཅོག་ཚུལ་ཁྲིམས། མཁན་ཆེན་རནྟ་ཨཱ་ཀཱ་ར་མན་ས་རྒྱན་ཐུན་མོང་གི་བརྒྱུད་པ་དང་འདྲ། ཡང་ན་ཞི་བ་ལྷ། ཛེ་ཏཱ་རི། ཤེས་རབ་བློ་གྲོས་འབྱུང་གནས། དྷ་ན་ཤྲཱི། སུ་མ་ཏི་ཀཱིརྟི། རྔོག་ལོ་བློ་ལྡན་ཤེས་རབ། ཁྱུང་རིན་ཅེན་གྲགས། ཞང་ཚེ་སྤོང་བ་ཆོས་ཀྱི་བླ་མ། ཉང་བྲང་ཆོས་སེང་། གཙང་ནག་པ། རྨ་བྱ་ཤཱཀ་སེང་། མཁན་ཆེན་བདེ་ལྡན་གྲུབ་པ། མཁན་ཆེན་རྔོག་ཡེ། བླ་མ་ཤེས་རབ་རྒྱལ་མཚན། བླ་མ་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། རྗེ་གྲགས་དོན་པ་མན་འདྲ། རྒྱལ་བའི་སྲས་པོ་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་ལུང་བརྒྱུད་ནི། སྟོན་མཆོག་ཤཱཀྱའི་རྒྱལ་པོ། ལྷ་མཆོག་འཇམ་དཔལ་དབྱངས། སློབ་དཔོན་ཞི་བ་ལྷ། པཎྜི་ཏ་མི་བརྗེད་གཟུངས་ཐོབ། གྲུབ་ཆེན་ཛེ་ཏཱ་རི། པཎ་ཆེན་ཙནྡྲ་
ཀཱིརྟི་ཀི་ཙུ། ཟླ་བ་གྲགས་པ་ཆུང་བ་ཟེར། པཎ་ཆེན་པུ་ཎྱ་ཤྲཱི། བལ་པོ་ཀ་ན་ཀ་པ། པཎྜི་ཏ་སུ་མ་ཏི་ཀཱིརྟི། བློ་གྲོས་ལེགས་གྲགས། རྔོག་ལོ་བློ་ལྡན་ཤེས་རབ། ཞང་ཚེ་སྤོང་བ་ཆོས་ཀྱི་བླ་མ། ཉང་བྲན་བ་ཆོས་ཀྱི་སེང་གེ །གཙང་ནག་པ་བརྩོན་འགྲུས་སེང་གེ །དཔལ་ལྡན་གྲོ། མཆིམས་ཆེན་པོ། སྐྱི་སྟོན་ཤཱཀ་འབུམ། སྐྱི་སྟོན་འཇམ་དབྱངས། ཀུན་མཁྱེན་དོལ་བོ་བ། མ་ཏི་པཎ་ཆེན། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ། ཀུན་མཁྱེན་བསོད་ནམས་སེང་གེ །རྒྱལ་སྲས་སངས་རྒྱས་རིན་ཅེན། གཉུག་ལ་ངག་དབང་གྲགས་པ་མན་ས་རྒྱན་ཐུན་མོང་གི་བརྒྱུད་པ་དང་གཅིག །ཡང་ན་རྔོག་ལོ་ནས། ཁྱུང་རིན་ཅེན་གྲགས། སྟོད་ལུང་རྒྱ་དམར་བ། ཆ་བ་ཆོས་ཀྱི་སེང་གེ །འཇད་པ་སྟོན་སྐྱབས། མུས་སྲད་པ་ཆེན་པོ། གཙང་པོ་བ་བསོད་ནམས་མཛེས། མཁན་ཆེན་བྱང་ཆུབ་དཔལ། མཁན་ཆེན་བདེ་བ་དཔལ། དཀའ་བཞི་པ་གྲགས་གཞོན། མཁན་ཆེན་བསོད་ནམས་གྲགས་པ། ཆོས་རྗེ་བླ་མ་དམ་པ། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ་མན་གོང་དང་འདྲ། ཡང་ན་རྔོག་ལོ་ནས། གྲོ་ལུང་པ་བློ་གྲོས་འབྱུང་གནས། ཆ་པ་ཆོས་ཀྱི་སེང་གེ་མན་གོང་ལྟར་རོ། །ཡང་ན་ཆ་པ་ཆོས་ཀྱི་སེང་གེ་ནས། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། འཇམ་དབྱངས་ས་པཎ། མཁན་ཆེན་བྱང་ཆུབ་དཔལ་མན་འདྲ། ཡང་ན་རྒྱལ་སྲས་ཞི་བ་ལྷ་ནས། ཐམས་ཅད་བརྩེགས། ཤཱཀྱ་མ་ཏི། གུ་ཎ་པུ་ཎྱ། སུ་མ་ཏི་ཀཱིརྟི། རྔོག་ལོ་མན་འདྲ། སློབ་དཔོན་ཆེན་
པོ་དཔའ་བོས་མཛད་པའི་སྐྱེས་རབས་སོ་བཞི་པའི་ལུང་བརྒྱུད་ནི། རྒྱལ་བ་ཟས་གཙང་སྲས་པོ། མགོན་པོ་འཇམ་དབྱངས། འཕགས་པ་ཀླུ་སྒྲུབ། མཁས་མཆོག་དཔའ་བོ། འཇམ་དཔལ་གྲགས་པ། ཤནྟི་པ། སེའུ་རི་པ། འཇིགས་མེད་གྲགས་པ། དགེ་འབྱུང་སྦས་པ། རྡོ་རྗེ་གདན་པ་ཆེ་འབྲིང་ཆུང་གསུམ། ཆོས་ཀྱི་བཤེས་གཉེན། པུ་ཎྱ་ཤྲཱི། སྟེང་པ་ལོ་ཙཱ་བ། སོ་འཛམ་གླིང་རྒྱན། ལྷོ་པ་ཀུན་མཁྱེན། བླ་མ་རྒྱ། ཀརྨ་བ་རང་བྱུང་རྡོ་རྗེ། སྔགས་འཆང་གཡུང་སྟོན་རྡོ་རྗེ་དཔལ། རྗེ་རོལ་བའི་རྡོ་རྗེ། ལྷོ་རིན་པོ་ཆེ་གྲགས་པ་ཡོན་ཏན། ཆོས་རྗེ་གྲགས་པ་འབྱུང་གནས། མི་ཕམ་གཉིས་པ་ཚུལ་ཁྲིམས་དར། སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་རྒྱལ་མཚན་མན་ས་རྒྱན་ཐུན་མོང་གི་བརྒྱུད་པ་དང་གཅིག །ཡང་ན་སློབ་དཔོན་དཔའ་བོ་ནས་ལེགས་ལྡན་འབྱེད། ཟླ་བ་གྲགས་པ། རིག་པའི་ཁུ་བྱུག །ཀུ་མཱ་ར་ལཀྵ། ཧ་སུ་མ་ཏི། ཛ་ཡ་ཨཱ་ནནྡ། ཁུ་ལོ་ཙཱ་བ། ལེགས་ལྡན་པ། གཙང་ནག་པ། གཤེན་ཆུ་སྐོར་བ། གཙང་པ་ཇོ་ནག་བ། འོད་ཟེར་མགོན་པོ། འཇམ་དབྱངས་ཤཱཀྱ་གཞོན་ནུ། རྗེ་རང་བྱུང་རྡོ་རྗེ་མན་འདྲ། སློབ་དཔོན་འདི་ཐོག་མ་སྟག་མོ་ལུས་སྦྱིན་གྱི་རྟོགས་བརྗོད་མཛད་པའི་རྟེན་འབྲེལ་གྱིས་འཁྲུངས་རབས་སོ་བཞི་སོང་མཚམས་སྟག་གིས་སྐྱོན་ནས་རྩོམ་འཕྲོར་ལུས་པ་དང་ལ་ལ་དག་བརྒྱ་རྩ་རྫོགས་པར་མཛེས་ཀྱང་སློབ་དཔོན་སྟག་གིས་ཟོས་ནས་ཡུན་རིང་པོའི་བར་མ་ཚོར་བས་འཁྲུངས་རབས་སོ་ལྔ་མན་ཐིགས་པས་ཆུད་ཟོས་པས་སོ་བཞི་ཡན་ལས་མ་བྱུང་བའི་ལོ་རྒྱུས་སྣང་བས་གང་ལྟར་ཀྱང་སློབ་དཔོན་འདི་དངོས་སུ་
གཞན་ལ་བཀླག་ལུང་མ་གནང་བ་འདྲ་ཞིག་འདུག་མོད། འོན་ཀྱང་མཁས་གྲུབ་ཐམས་ཅད་ཀྱི་གསན་ཡིག་ན་ལུང་རྒྱུན་ཡོད་པར་མཛད་པས་མེད་པ་ནི་ཅི་ལ་སྲིད། ཡང་ལོ་ཙཱ་བའི་འགྱུར་ལུང་ཙམ་ལ་ངོས་བཟུང་བ་ཡིན་ན་ནི་བརྒྱུད་པ་གོང་མ་རྣམས་འདྲེན་དོན་མི་འདུག་པ་རྣམ་དཔྱོད་ཀྱི་ཁུར་དང་ལྡན་པ་རྣམས་ཀྱིས་ལྗགས་རིང་དུ་རྐྱོང་བར་རིགས་སོ། །དགྲ་བཅོམ་པ་ཆོས་སྐྱོབ་ཀྱིས་བསྡུས་པའི་ཆེད་དུ་བརྗོད་པའི་ཚོམས་གྱི་བརྒྱུད་པ་ནི། རྫོགས་པའི་སངས་རྒྱས། ཀུན་དགའ་བོ། དགྲ་བཅོམ་པ་རཀྵི་ཏ། དགྲ་བཅོམ་པ་ཆོས་སྐྱོབ། དགྲ་བཅོམ་པ་ཀྲྀཥྞའི་གོས་ཅན། དགྲ་བཅོམ་པ་ཤ་ནའི་གོས་ཅན། དགྲ་བཅོམ་པ་ཉི་མ་གུང་པ། རྒྱལ་རིགས་ཐམས་ཅད་མཁྱེན་པའི་བཤེས་གཉེན། འཕགས་པ་ཀླུ་སྒྲུབ། ཨཱཪྻ་དེ་ཝ། འཇམ་དཔལ་གྲགས་པ། རཏྣ་ཨཱ་ཀ་ར་ཤནྟི། རྡོ་རྗེ་གདན་པ་ཆེ་བ། བར་པ། ཆུང་བ། པཎ་ཆེན་ཤཱཀྱ་ཤྲཱི། དཔྱལ་ཆོས་བཟང་། དཔྱལ་པདྨོ་ཅན། མཁན་པོ་གཞོན་ནུ་ཡེ་ཤེས། རོང་པ་ཤེར་སེང་། བག་སྟོན་གཞོན་ནུ་ཚུལ་ཁྲིམས། བླ་མ་མགོན་པོ་འབུམ། སྤུས་སྟོན་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། སློབ་དཔོན་བསོད་ནམས་སེང་གེ །རིན་པོ་ཆེ་གྲགས་པ་དོན་གྲུབ། དགྲ་བཅོམ་པ་རིན་ཅེན་གྲགས་པ། བཀའ་འགྱུར་བ་ཤཱཀྱ་རྒྱལ་མཚན། རྗེ་དཀོན་ཅོག་ཚུལ་ཁྲིམས། མཁན་ཆེན་རཏྣ་ཨཱ་ཀཱ་ར་མན་ས་རྒྱན་ཐུན་མོང་གི་བརྒྱུད་པ་དང་གཅིག་གོ །འཁྲུངས་རབས་སོ་བཞི་པའི་བཤད་ལུང་རྫོགས་པར་ཐོབ་པའི་བརྒྱུད་པ་ནི། ཐམས་ཅད་མཁྱེན་པ་དགེ་འདུན་རྒྱ་མཚོ་ཡན་ཁུངས་མ་ཆོད། དེ་ནས་ཞལ་སྔ་
ནས་བདེ་བ་ཅན་པ། ཁྲི་རིན་པོ་ཆེ་རྒྱལ་ཁང་རྩེ་པ། འཇམ་དབྱངས་སྟག་ལུང་བྲག་པ། རྗེ་བཙུན་བླ་མ་དཀོན་ཅོག་ཆོས་འཕེལ། དེས་བདག་ལ་བཀའ་དྲིན་དུ་སྩལ་ཏོ། །
ཆོས་ཆུང་བརྒྱ་རྩའི་ལུང་གི་ལུང་བརྒྱུད།
དཔལ་མཉམ་མེད་དཱི་པཾ་ཀཱ་ར་ཤྲཱི་ཛྙཱ་ནའི་ཐུགས་དམ་དུ་མཛད་པའི་ཆོས་ཆུང་བརྒྱ་རྩར་གྲགས་པ། བྱང་ཆུབ་ལམ་གྱི་སྒྲོན་མ་རྒྱ་གར་གྱི་པཎྜི་ཏ་དཱི་བཾ་ཀཱ་ར་དང་བོད་ཀྱི་ལོ་ཙཱ་བ་དགེ་བའི་བློ་གྲོས་ཀྱི་འགྱུར། ༡ སྤྱོད་པ་བསྡུས་པའི་སྒྲོན་མ་ཇོ་བོས་ནེ་པཱ་ལའི་ཡུལ་དུ་གྲོགས་པོའི་དོན་དུ་མཛད་པ་པཎྜི་ཏ་དེ་ཉིད་དང་ནག་ཚོ་ལོ་ཙཱའི་འགྱུར། ༢ བདེན་པ་གཉིས་ལ་འཇུག་པ་གསེར་གླིང་རྒྱལ་པོས་དགེ་སློང་དེ་ཝ་མ་ཏི་བཏང་བའི་ངོར་ཇོ་བོས་མཛད་པ་པཎྜི་ཏ་དེ་ཉིད་དང་ལོ་ཙཱ་བ་རྒྱ་བརྩོན་སེང་གི་འགྱུར། ༣ དབུ་མའི་མན་ངག་ཇོ་བོ་དང་ནག་ཚོ་ལོ་ཙཱ་བའི་འགྱུར། ༤ སྙིང་པོ་བསྡུ་བ་ཇོ་བོ་དང་ལོ་ཙཱ་བ་ཚུལ་ཁྲིམས་འབྱུང་གནས་དེ་བརྩའི་འགྱུར། ༥ སྙིང་པོ་ངེས་པར་བསྡུ་བ་ཇོ་བོས་སྙེ་ཐང་དུ་མཛད་པ་པཎྜི་ཏ་དེ་ཉིད་དང་ནག་ཚོ་ལོ་ཙཱའི་འགྱུར། ༦ བྱང་ཆུབ་སེམས་དཔའ་ནོར་བུའི་འཕྲེང་བ་ཇོ་བོ་ཉིད་ཀྱིས་སྒྲ་རང་བསྒྱུར་དུ་མཛད་པ། ཆོས་རྗེ་དཔའ་བོའི་གསན་ཡིག་ན་འདི་བཀའ་གདམས་ཀྱི་རྩ་བ་ཡིན་པས་འབྲོམ་གྱིས་གསུངས་པའི་ཕྱོགས་མཛད་པ་ནི་ཅུང་ཟད་མ་དགོངས་པར་མངོན་ཏེ་ཕ་འབྲོམ་སྟོན་གྱིས་ཞུས་ནས་ཇོ་བོས་གསུངས་པ་ལ་ཕ་ཆོས་དང་བུ་ཁུ་རྔོག་གིས་ཞུས་ནས་གསུངས་པར་བུ་ཆོས་ཞེས་གྲགས་པས་སོ། ། ༧ བྱང་ཆུབ་སེམས་དཔའི་སྤྱོད་པ་མདོ་ཙམ་གདམས་ངག་ཏུ་བྱས་པ་འགྱུར་བྱང་མ་གསལ་བ། ༨ འཁོར་བ་ལས་ཡིད་ངེས་པར་འབྱུང་བར་བྱེད་པ་ཞེས་བྱ་བའི་གླུ་ཇོ་བོ་དང་ལོ་ཙཱ་བ་རྒྱ་བརྩོན་སེང་གིས་བསྒྱུར་བ་ལ་སླར་ཡང་ནག་ཚོ་ཚུལ་ཁྲིམས་རྒྱལ་བས་འགྱུར་བཅོས་མཛད་པ། ༩
ཚུལ་ཁྲིམས་ཀྱི་སྤྱོད་པའི་གླུ་པཎྜི་ཏ་བཛྲ་པཱ་ཎི་དང་ཆོས་ཀྱི་ཤེས་རབ་ཀྱི་འགྱུར། ༡༠ ཆོས་ཀྱི་དབྱིངས་སུ་བལྟ་བའི་གླུ་ཇོ་བོ་དང་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ༡༡ དྲན་པ་གཅིག་པའི་མན་ངག་ཇོ་བོས་ལོ་ཙཱ་བ་ཚུལ་ཁྲིམས་རྒྱལ་བའི་ངོར་མཛད་པ་ལོ་པཎ་དེ་གཉིས་ཀྱི་འགྱུར། ༡༢ བྱང་ཆུབ་སེམས་དཔའ་ལས་དང་པོ་པའི་ལམ་ལ་འཇུག་པར་བསྟན་པ་ཇོ་བོས་ལྷ་བླ་མ་བྱང་ཆུབ་འོད་ཀྱི་དོན་དུ་མཛད་པ་པཎྜི་ཏ་དེ་ཉིད་དང་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ༡༣ སྐྱབས་སུ་འགྲོ་བ་བསྟན་པ་འགྱུར་བྱང་མི་གསལ་བ། ༡༤ ཐེག་པ་ཆེན་པོའི་ལམ་གྱི་སྒྲུབ་ཐབས་ཡི་གེ་བསྡུས་པ་ཇོ་བོ་དང་ལོ་ཙཱ་བ་དགེ་བའི་བློ་གྲོས་ཀྱི་འགྱུར། ༡༥ ཐེག་པ་ཆེན་པོའི་ལམ་གྱི་སྒྲུབ་ཐབས་ཤིན་ཏུ་བསྡུས་པ་འགྱུར་བྱང་གོང་འདྲ། ༡༦ རང་གི་བྱ་བའི་རིམ་པ་བསྐུར་བ་དང་བཅས་པ་ཡི་གེར་བྲིས་པ་འགྱུར་བྱང་གོང་དང་འདྲ་བ། ༡༧ མདོ་སྡེའི་དོན་ཀུན་ལས་བཏུས་པའི་མན་ངག་ཇོ་བོ་དང་ནག་ཚོ་ལོ་ཙཱའི་འགྱུར། ༡༨ མི་དགེ་བ་བཅུའི་ལས་ལམ་བསྟན་པ་འགྱུར་གོང་འདྲ། ༡༩ ལས་རྣམ་པར་འབྱེད་པ་འགྱུར་གོང་དང་འདྲ། ༢༠ ཏིང་ངེ་འཛིན་ཚོགས་ཀྱི་ལེའུ་ཇོ་བོ་དང་དགེ་སློང་ཤཱཀྱ་བློ་གྲོས་ཀྱི་འགྱུར། ༢༡ འཇིག་རྟེན་ལས་འདས་པའི་ཡན་ལག་བདུན་པའི་ཆོ་ག ། ༢༢ ཁ་ཏོན་དང་གླེགས་བམ་བཀླག་པའི་སྔོན་དུ་བྱ་བའི་ཆོ་ག །རྡོ་རྗེ་གདན་པའི་གསན་ཡིག་ཁ་ཏོན་དང་གླེགས་བམ་གཉིས་ཆོས་ཚན་སོ་སོར་ཕྲལ་འདུག་ཅིང་ཐར་རྩེ་སྒྲུབ་ཁང་ཤར་པ་གསུམ་གྱི་གསན་ཡིག་ན་གཅིག་ཏུ་མཛད། ༢༣ ཕ་རོལ་ཏུ་ཕྱིན་པའི་ཐེག་པའི་སཱཙྪ་གདབ་པའི་ཆོ་ག ། ༢༤ བླ་མའི་བྱ་བའི་རིམ་པ་མདོར་བསྡུས་པ་གོང་གསལ་བཞི་པོ་དེ་ལ་འགྱུར་བྱང་མི་གསལ། ༢༥ སེམས་བསྐྱེད་
པ་དང་སྡོམ་པའི་ཆོ་གའི་རིམ་པ་ཇོ་བོ་དང་དགེ་སློང་དགེ་བའི་བློ་གྲོས་ཀྱི་འགྱུར་སླར་ཡང་པཎྜི་ཏ་དེ་ཉིད་དང་ལོ་ཙཱ་བ་ཚུལ་ཁྲིམས་རྒྱལ་བས་བཅོས་ཤིང་གཏན་ལ་ཕབ་པ། ༢༦ ཆོས་ཚན་ཉེར་དྲུག་པོ་འདི་རྣམས་དཔལ་དཱི་བཾ་ཀཱ་ར་ཉིད་ཀྱིས་མཛད་པ་ཡིན། སློབ་དཔོན་བྱང་ཆུབ་བཟང་པོས་མཛད་པའི་བྱང་ཆུབ་སེམས་དཔའི་སྡོམ་པའི་ཆོ་ག་པཎྜི་ཏ་པུ་ཎྱ་ཤྲཱི་མི་ཏྲ་དང་ལོ་ཙཱ་བ་དར་མ་གྲགས་ཀྱི་འགྱུར། ༢༧ དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་བྱང་ཆུབ་ཏུ་སེམས་བསྐྱེད་པའི་ཆོ་ག་པཎྜི་ཏ་སུ་རེནྡྲ་བོ་དྷི་དང་བནྡེ་ཡེ་ཤེས་སྡེའི་འགྱུར། ༢༨ སློབ་དཔོན་མཁས་པ་ཆེན་པོ་དགྲ་ལས་རྣམ་པར་རྒྱལ་བས་མཛད་པའི་བྱང་ཆུབ་ཏུ་སེམས་བསྐྱེད་པ་དང་ཡིད་དམ་བླང་བའི་ཆོ་ག་མཁན་པོ་ཆེན་པོ་སུ་མ་ཏི་ཀཱིརྟི་དང་ལོ་ཙཱ་བ་བློ་ལྡན་ཤེས་རབ་ཀྱི་འགྱུར། ཐམས་ཅད་མཁྱེན་པ་རྡོ་རྗེ་གདན་པའི་གསན་ཡིག་ན་སེམས་བསྐྱེད་དང་ཡིད་དམ་བླང་བ་ཁ་ཕྲལ་ཏེ་ཨངྐི་ཡང་སོ་སོར་སྣང་ངོ་། ། ༢༩ སློབ་དཔོན་མཁས་པ་ཆེན་པོ་བྱང་ཆུབ་སེམས་དཔའ་དགྲ་ལས་རྣམ་རྒྱལ་གསང་བའི་ཞལ་སྔ་ནས་ཀྱིས་མཛད་པའི་ལས་དང་པོ་བའི་ས་སྦྱང་བ་སློབ་དཔོན་ཀྲྀཥྞ་པ་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། ༣༠ དེས་མཛད་པའི་སེམས་རིན་པོ་ཆེ་རྣམ་པར་སྦྱང་བའི་རིམ་པ་ཞེས་བྱ་བའི་སྤྲིངས་ཡིག་ཨཱ་ཙཪྻྻ་དུ་ལོ་བ་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། དཔེ་རྙིང་པ་འདྲ་ན་དགྲ་ལས་རྒྱལ་ཞེས་པ་ལས་རྣམ་མི་འདུག་པ་རྒྱ་སྐད་སོར་བཞག་བསྒྱུར་བ་འདྲ་སྟེ་སློབ་དཔོན་ཛེ་ཏཱ་རི་ཡིན་པར་མཇུག་ཏུ། འཇམ་དཔལ་རྡོ་རྗེས་བྱིན་བརླབས་པའི། །ཛེ་ཏཱ་རིས་མཛད་གཞུང་འདི་ལ། བརྟེན་ནས་རང་སེམས་སྦྱང་བ་ལ། །མཁས་པ་རྣམས་ཀྱིས་བརྩོན་པར་རིགས། །
ཞེས་སྣང་བས་བོད་སྐད་ལ་རྣམས་བསྣན་པ་ལེགས་པར་མངོན་ནོ། ། ༣༡ སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་མཛད་པའི་བཤེས་པའི་སྤྲིངས་ཡིག་སློབ་དཔོན་སརྦ་ཛྙ་དེ་ཝ་དང་ལོ་ཙཱ་བ་དཔལ་བརྩེགས་ཀྱི་འགྱུར། ༣༢ མཁས་པ་ཙནྡྲ་གོ་མིས་མཛད་པའི་སློབ་མ་ལ་སྤྲིངས་པའི་ཡི་གེ་ལོ་པཎ་བཤད་མ་ཐག་པའི་འགྱུར། ༣༣ སློབ་དཔོན་མ་ཏྲྀ་ཙི་ཏྲས་མ་ཁོལ། མཛད་པའི་རྒྱལ་པོ་ཀ་ནི་ཀ་ལ་སྤྲིངས་པའི་ཡི་གེ་པཎྜི་ཏ་བི་དྱ་ཀཱ་ར་པྲ་བྷ་དང་ལོ་ཙཱ་བ་རིན་ཅེན་མཆོག་གིས་བསྒྱུར་བ་སླར་ཡང་ཨཱ་ཙཪྻྻ་དཔལ་བརྩེགས་ཀྱིས་བཅོས་པ། ༣༤ སློབ་དཔོན་དོན་ཡོད་འཆར་གྱིས་རྒྱལ་པོ་སྙན་ངག་མཁན་ལ་གདམས་པའི་དྲི་མ་མེད་པའི་དྲིས་ལན་རིན་ཅེན་འཕྲེང་བ་ཞེས་བྱ་བ་པཎྜི་ཏ་ཀ་མ་ལ་གུཔྟ་དང་ལོ་ཆེན་རིན་ཅེན་བཟང་པོའི་འགྱུར། ༣༥ འཕགས་པ་སྤྱན་རས་གཟིགས་དབང་ཕྱུག་གིས་དགེ་སློང་རབ་གསལ་གཞོན་ནུ་ལ་སྤྲིངས་པ་སརྦ་ཛྙ་དེ་ཝ་དང་ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། ༣༦ སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པའི་ཤེས་རབ་བརྒྱ་པ་ཞེས་བྱ་བའི་རབ་ཏུ་བྱེད་པ་ལོ་པཎ་བཤད་མ་ཐག་པའི་འགྱུར། ༣༧ སློབ་དཔོན་བཙུན་པ་ཆོས་ལྡན་རབ་འབྱོར་དབྱངས་ཀྱི་མཛད་པའི་དམ་པའི་ཆོས་དྲན་པ་ཉེ་བར་གཞག་པའི་ཚིག་ལེའུར་བྱས་པ་སློབ་དཔོན་དྷ་རྨ་ཀཱ་ར་དང་ལོ་ཙཱ་བ་གཙང་དེ་བེནྡྲ་རཀྵི་ཏའི་འགྱུར། ༣༨ སློབ་དཔོན་མཁས་མཆོག་རྟ་དབྱངས་ཀྱིས་མཛད་པའི་མི་དགེ་བ་བཅུའི་ལས་ཀྱི་ལམ་བསྟན་པ་སློབ་དཔོན་ཨ་ཛི་ཏ་ཤྲཱི་བྷ་དྲ་དང་ལོ་ཙཱ་བ་ཤཱཀྱ་འོད་ཀྱི་འགྱུར། ༣༩ བཙུན་པ་ཆོས་ལྡན་རབ་འབྱོར་དབྱངས་ཀྱིས་མཛད་པའི་དགེ་བ་བཅུའི་ལས་ཀྱི་ལམ་བསྟན་པ་པཎ་ཆེན་བུདྡྷ་ཀཱ་ར་ཝརྨ་དང་ལོ་ཙཱ་བ་ཆོས་ཀྱི་
ཤེས་རབ་ཀྱི་འགྱུར། ༤༠ སློབ་དཔོན་རྟ་དབྱངས་ཀྱིས་མཛད་པའི་མྱ་ངན་བསལ་བ་ཞེས་བྱ་སློབ་དཔོན་ཨ་ཛི་ཏ་ཤྲཱི་བྷ་དྲ་དང་ལོ་ཙཱ་བ་ཤཱཀྱ་འོད་ཀྱི་འགྱུར། ༤༡ སློབ་དཔོན་གསང་བ་བྱིན་གྱིས་མཛད་པའི་གཞོན་ནུ་མ་བདུན་གྱི་རྟོགས་པ་བརྗོད་པ་འགྱུར་བྱང་མེད་པ། ༤༢ སློབ་དཔོན་དབྱིག་གཉེན་གྱིས་མཛད་པའི་ཡོན་ཏན་བདུན་ཡོངས་སུ་བརྗོད་པའི་གཏམ་པཎྜི་ཏ་གངྒཱ་དྷ་ར་དང་ལོ་ཆེན་རིན་བཟང་གི་འགྱུར། ༤༣ དེས་མཛད་པའི་ཚུལ་ཁྲིམས་ཀྱི་གཏམ་སློབ་དཔོན་ཛ་ལན་དྷ་ར་དང་ལོ་ཙཱ་བ་རིན་བཟང་གི་འགྱུར། ༤༤ དེས་མཛད་པའི་ཚོགས་ཀྱི་གཏམ་པཎྜི་ཏ་གངྒཱ་དྷ་ར་དང་ལོ་ཙཱ་བ་རིན་ཅེན་བཟང་པོའི་འགྱུར། ༤༥ སློབ་དཔོན་རྟ་དབྱངས་ཀྱིས་མཛད་པའི་མི་ཁོམ་པ་བརྒྱད་ཀྱི་གཏམ་སློབ་དཔོན་ཨ་ཛི་ཏ་ཤྲཱི་བྷ་དྲ་དང་ལོ་ཙཱ་བ་ཤཱཀྱ་འོད་ཀྱི་འགྱུར། ༤༦ སློབ་དཔོན་དཔའ་བོས་མཛད་པའི་ལེགས་པར་བཤད་པ་རིན་པོ་ཆེ་ཟ་མ་ཏོག་ལྟ་བུའི་གཏམ་ལེའུ་བརྒྱད་པ་སློབ་དཔོན་རུ་ཏྲ་དང་ལོ་ཙཱ་བ་ཤཱཀྱ་འོད་ཀྱི་འགྱུར། ལ་ལས་འདིའི་ནང་གི་མཎྜལ་ཟུར་དུ་ཕྱུང་ནས་དཔའ་བོས་མཛད་པའི་མཎྜལ་ཞེས་ངོས་འཛིན་པའང་སྣང་ངོ་། ། ༤༧ སློབ་དཔོན་མ་ཏྲྀ་ཙི་ཏྲས་མཛད་པའི་ཕྱིན་ཅི་ལོག་བཞི་སྤོང་བའི་གཏམ་པཎྜི་བུདྡྷ་བྷ་དྲ་དང་ལོ་ཙཱ་བ་རིན་བཟང་གི་འགྱུར། ༤༨ དེས་མཛད་པའི་རྩོད་པའི་དུས་ཀྱི་གཏམ་སློབ་དཔོན་ཨ་ཛི་ཏ་ཤྲཱི་བྷ་དྲ་དང་ལོ་ཙཱ་བ་ཤཱཀྱ་འོད་ཀྱི་འགྱུར། ༤༩ སློབ་དཔོན་ས་འཚོ་བྱིན་གྱིས་མཛད་པའི་དབེན་པའི་གཏམ་པཎྜི་ཏ་དཱི་པཾ་ཀཱ་ར་དང་ལོ་ཙཱ་བ་དགེ་བའི་བློ་གྲོས་ཀྱི་འགྱུར། ཐར་རྩེ་སྒྲུབ་ཁང་ཤར་པ་གསུམ་གྱི་གསན་ཡིག་ན་ཆོས་སྦྱིན་ཟེར་བ་འདུག་ཀྱང་དཔེ་རྙིང་པ་འགའ་དང་། རྡོ་རྗེ་གདན་པའི་
གསན་ཡིག་ན་འདི་ལྟར་སྣང་། ༥༠ སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པའི་རིན་ཅེན་འཕྲེང་བ་ལས་བྱུང་བའི་ཡན་ལག་བདུན་པའི་ཆོ་ག་ཚིགས་སུ་བཅད་པ་ཉི་ཤུ་པ། ༥༡ དེས་བ་ཚྭ་ཅན་གྱི་ཆུ་ཀླུང་གི་མདོ་ལས་བྱུང་བའི་སེམས་ཅན་མགུ་བར་བྱ་བའི་ཚིགས་སུ་བཅད་པ་བཅུ་གཅིག་པ་སློབ་དཔོན་བུདྡྷ་ཀཱ་ར་ཝརྨ་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། ༥༢ སློབ་དཔོན་བཙུན་པ་གཞན་ལ་ཕན་པའི་དབྱངས་དགོན་པ་བས་མཛད་པའི་སྨོན་ལམ་བདུན་ཅུ་པ་ཞེས་བྱ་བའི་ཚིགས་སུ་བཅད་པ་པཎྜི་ཏ་དྷརྨ་ཤྲཱི་བྷ་དྲ་དང་ལོ་ཙཱ་བ་དཔལ་གྱི་ལྷུན་པོའི་སྡེའི་འགྱུར། མཁས་མཆོག་དཔའ་བོ་སྟག་གིས་མངོན་པར་གཅོས་ཏེ་ནགས་ཁྲོད་དུ་སྙིང་རྗེ་ཆེན་པོས་ཀུན་ནས་བླངས་ཏེ་སྨོན་ལམ་འདི་མཛད་དོ། ། ༥༣ སློབ་དཔོན་རྟ་དབྱངས་ཀྱིས་མཛད་པའི་དོན་དམ་བྱང་ཆུབ་སེམས་སྒོམ་པའི་རིམ་པ་རིན་པོ་ཆེའི་སྒྲོན་མ་ཞེས་བྱ་བ་པཎྜི་ཏ་པདྨཱ་ཀ་ར་ཝརྨ་དང་ལོ་ཙཱ་བ་རིན་ཅེན་བཟང་པོའི་འགྱུར། ༥༤ དེས་མཛད་པའི་ཀུན་རྫོབ་བྱང་ཆུབ་སེམས་སྒོམ་པའི་མན་ངག་པདྨ་སྤུངས་པ་ཞེས་བྱ་བ་ལོ་པཎ་བཤད་མ་ཐག་པའི་འགྱུར། སེམས་ནི་རས་ཡུག་དཀར་པོ་འདྲ་ཞེས་སོགས་ཤོ་ལོ་ཀ་བཞི་པ་ཞིག་འདུག་པ་བསྟན་བཅོས་རྩོམ་པ་པོ་དང་ལོ་པཎ་གང་གི་གསུང་ཡིན་ཐེ་ཚོམ་དུ་སྣང་། ༥༥ སློབ་དཔོན་དབྱིག་གཉེན་གྱི་མདོ་ལས་ཕྱུང་བའི་འཕགས་པ་སངས་རྒྱས་རྗེས་སུ་དྲན་པ། ༥༦ ཆོས་རྗེས་སུ་དྲན་པ། ༥༧ དགེ་འདུན་རྗེས་སུ་དྲན་པ། ༥༨ འདོད་པའི་ཡོན་ཏན་རྣམ་པ་ལྔའི་ཉེས་དམིགས་བཤད་པ་དང་བཅས་པའི་བཞི་སློབ་དཔོན་དྷརྨ་ཤྲཱི་བྷ་དྲ་དང་ལོ་ཙཱ་བ་རིན་ཅེན་བཟང་པོའི་འགྱུར། ༥༩ འཕགས་པ་རྟོག་པ་ཆེན་པོ་ཡོངས་སུ་རྒྱས་པའི་མདོ་སྡེ་ལས་བྱུང་བའི་སྡིག་པ་བཤགས་པའི་
ཆོ་ག ། ༦༠ འདི་གཉིས་གྱི་བར་ན་སྒྲུབ་པའི་ཆོ་ག་ལོགས་ཤིན་ཏུ་ཕྱུང་བ་ཞེས་པའི་ཆོས་ཚན་གཅིག་གོང་དཀར་བའི་གསན་ཡིག་ན་འདུག་ཀྱང་བཤགས་པ་སྒྲུབ་པ་ཞེས་གཅིག་ཏུ་བྱས་བ་ལས་དཔེ་སོ་སོར་མེད། བསླབ་པ་ཀུན་ལས་བཏུས་ལས་བྱུང་བའི་དེ་བཞིན་གཤེགས་པའི་ཡི་གེ་བརྒྱ་བའི་བསྲུང་བ་དང་སྡིག་པ་བཤགས་པའི་ཆོ་ག་སློབ་དཔོན་ཞི་བ་ལྷས་མཛད་པ། ཐར་རྩེ་སྒྲུབ་ཁང་ཤར་པ་གསུམ་གྱི་གསན་ཡིག་ཏུ་བསྲུང་བ་དང་སྡིག་པ་བཤགས་པ་ཨངྐི་སོ་སོར་བརྒྱབ་པའི་སྐྱོན་གྱིས་ཆོས་ཚན་བརྒྱ་དང་གསུམ་ཡིན་ཁུལ་ལ་རྩི་རྒྱུ་ཨངྒི་བརྒྱ་དང་བཞི་ཡོང་གི་འདུག་ཅིང་གོང་དཀར་བའི་གསན་ཡིག་ནའ་ང་སོ་སོར་ཕྲལ་འདུག་རུང་ཆོས་ཚན་གཅིག་ཡིན། ༦༡ སློབ་དཔོན་སངས་རྒྱས་གསང་བས་མཛད་པའི་མདོ་སྔགས་གཉིས་ཐུན་མོང་བའི་མཎྜལ་གྱི་ཆོ་ག་འགྱུར་བྱང་མི་གསལ་བ། ༦༢ སློབ་དཔོན་དགྲ་ལས་རྣམ་རྒྱལ་གསང་བས་མཛད་པའི་མཎྜལ་འབུལ་པའི་ཆོ་ག་ཨ་དུ་ལོ་པ་དང་ཆོས་ཀྱི་ཤེས་རབ་ཀྱི་འགྱུར། ༦༣ དངོས་གྲུབ་བརྙེས་པའི་སློབ་དཔོན་མཁས་པ་ཆེན་པོ་རིན་ཅེན་འབྱུང་གནས་སྦས་པས་མཛད་པའི་ཕ་རོལ་ཏུ་ཕྱིན་པའི་ཐེག་པའི་མཎྜལ་གྱི་ཆོ་ག་ལོ་ཙཱ་བ་དར་མ་གྲགས་ཀྱི་འགྱུར། མཚན་ཡོངས་གྲགས་སློབ་དཔོན་རྡོ་རྗེ་གདན་པ་ཟེར། ༦༤ སློབ་དཔོན་རྙོག་པ་མེད་པའི་རྡོ་རྗེས་མཛད་པའི་མཎྜལ་གྱི་ཆོ་ག་སློབ་དཔོན་ཨ་དུ་ལོ་པ་དང་ལོ་ཙཱ་བ་བློ་ལྡན་ཤེས་རབ་ཀྱི་འགྱུར། ༦༥ སློབ་དཔོན་ཀཾ་མ་ལས་མཛད་པའི་སྔགས་ཀྱི་མཎྜལ་གྱི་ཆོ་ག་འགྱུར་རྙིང་། དཔེ་ལ་ལར་ཀ་མ་ལ་ཤྲཱི་ལས་མཛད་ཟེར་པ་སྣང་བ་མཚན་ལ་འཁྲུལ་གཞི་བྱུང་བ་འདྲ་ཡང་ཀ་མ་ལ་ནི་ཆུ་སྐྱེས་གྱི་རིགས་དང་ཀཾ་མ་ལ་ནི་ཟླ་བར་འཇུག་གོ ། ༦༦ སློབ་དཔོན་བྱང་ཆུབ་བཟང་པོས་མཛད་པའི་
ཏིང་ངེ་འཛིན་གྱི་ཚོགས་ཀྱི་ལེའུ་ཞེས་བྱ་བ་སློབ་དཔོན་བི་ན་ཡ་ཙནྡྲ་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། ༦༧ སློབ་དཔོན་ནག་པོའི་ཞབས་ཀྱི་མཛད་པའི་ཏིང་ངེ་འཛིན་གྱི་ཚོགས་ཀྱི་ལེའུ་ཞེས་བྱ་བ་པཎྜི་ཏ་དེ་ཉིད་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། ༦༨ སློབ་དཔོན་ཨ་བ་དྷུ་ཏི་པས་མཛད་པའི་བསམ་གཏན་གྱི་ཆོས་དྲུག་རྣམ་པར་གཞག་པ་སློབ་དཔོན་དྷརྨ་ཤྲཱི་བྷ་དྲ་དང་ལོ་ཙཱ་བ་རིན་བཟང་གི་འགྱུར། ༦༩ དེའི་འགྲེལ་བ་སློབ་དཔོན་བཱ་ན་ཤཱི་ལས་མཛད་པ་འགྱུར་བྱང་གོང་དང་འདྲ་བ། ༧༠ སའི་སྙིང་པོ་འཁོར་ལོ་བཅུ་པའི་མདོ་ལས་བྱུང་བའི་གནས་དང་སྤྱད་པར་མི་བྱ་བ་སྟེ་ཏིང་ངེ་འཛིན་གྱི་མི་མཐུན་པའི་ཕྱོགས་རྣམ་པར་གཞག་པ་རྒྱ་ནག་གི་མཁན་པོ་ཧཱ་ཤང་ཟབ་མོ་དང་ལོ་ཙཱ་བ་རྣམ་པར་མི་རྟོག་པའི་འགྱུར། ༧༡ དངོས་གྲུབ་བརྙེས་པའི་སློབ་དཔོན་སངས་རྒྱས་གསང་བས་མཛད་པའི་རྣལ་འབྱོར་རྟོག་པའི་གེགས་སེལ་ཞེས་བྱ་བ་འགྱུར་རྙིང་ཡིན་ཞིང་འདི་གསང་སྔགས་ཡོ་གའི་རྒྱུད་ལ་བརྟེན་ནས་བཤད་པ་འདྲ་ཟེར་བ་སྣང་ངོ་། ། ༧༢ མཁས་པ་ཆེན་པོ་བྱང་ཆུབ་བཟང་པོས་མཛད་པའི་རྣལ་འབྱོར་གྱི་མཚན་ཉིད་བདེན་པ་འགྱུར་བྱང་མི་གསལ་བ། ༧༣ སློབ་དཔོན་ཀཱ་མ་ལ་ཤཱི་ལས་མཛད་པའི་རྣལ་འབྱོར་སྒོམ་པ་ལ་འཇུག་པ་སློབ་དཔོན་པྲ་ཛྙཱ་ཝརྨ་དང་ལོ་ཙཱ་བ་ཡེ་ཤེས་སྡེའི་འགྱུར། ༧༤ འཕགས་པ་འཇམ་དཔལ་གྱི་ཞབས་ཀྱི་པདྨའི་ཟེའུ་འབྲུ་སྤྱི་བོས་ལེན་པའི་སྡེ་སྣོད་གསུམ་པ་སློབ་དཔོན་ཡེ་ཤེས་སྙིང་པོས་མཛད་པའི་རྣལ་འབྱོར་སྒོམ་པའི་ལམ་འགྱུར་བྱང་མི་གསལ་བ། ༧༥ སློབ་དཔོན་ཕྱོགས་ཀྱི་གླང་པོས་མཛད་པའི་རྣལ་འབྱོར་ལ་འཇུག་པ་སློབ་དཔོན་དྷརྨ་
ཤྲི་དང་ལོ་ཙཱ་བ་རིན་ཅེན་བཟང་པོའི་འགྱུར། ༧༦ སློབ་དཔོན་དགེ་བའི་གོ་ཆས་མཛད་པའི་མི་སྡུག་པ་སྒོམ་པའི་རིམ་པ་འགྱུར་རྙིང་། མི་གཙང་བ་སྒོམ་པའི་ཐབས་བཤད་པའང་ཟེར། ༧༧ སློབ་དཔོན་ནག་པོའི་ཞབས་ཀྱིས་མཛད་པའི་ལུས་ཡོངས་སུ་དཔྱད་པའི་སྒོམ་པའི་རིམ་པ་སློབ་དཔོན་དེ་ཉིད་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། གསན་ཡིག་རྣམས་སུ་ས་མགོ་ཅན་བྲིས་འདུག་ཀྱང་བརྗོད་དོན་ལུས་གྱི་ཕྱི་ནང་རྣམས་ལ་དཔྱད་བྱེད་པ་སྣང་། ༧༨ སློབ་དཔོན་ཆེན་པོ་དཔལ་ཡེ་ཤེས་གྲགས་པས་མཛད་པའི་ཕ་རོལ་ཏུ་ཕྱིན་པའི་ཐེག་པ་སྒོམ་པའི་རིམ་པའི་མན་ངག་སློབ་དཔོན་པདྨ་ཀ་ར་ཝརྨ་དང་ལོ་ཙཱ་བ་རིན་ཅེན་བཟང་པོའི་འགྱུར། ༧༩ དཀྱིལ་འཁོར་ཆེན་པོའི་སློབ་དཔོན་མ་ཧཱ་མ་ཏིས་མཛད་པའི་སངས་རྒྱས་རྗེས་སུ་དྲན་པ་བླ་ན་མེད་པར་སྒོམ་པའི་མདོའི་རྗེས་སུ་འགྲོ་བ་ཞེས་པ་ཨཱ་ཙཪྻྻ་བི་ན་ཡ་ཙནྡྲ་དང་ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། འདིའི་མཇུག་ཏུ་མི་མཆོག་གང་ཞིག་གིས་ནི་ཞེས་སོགས་ཚིག་འབྲུ་བཅུ་གཅིག་སྣང་བ་སུས་མཛད་མ་ངེས། ༨༠ སློབ་དཔོན་ཆོས་ཀྱི་དབང་པོས་མཛད་པའི་རྣལ་འབྱོར་ལ་འཇུག་པའི་མན་ངག་སློབ་དཔོན་ཛ་ལ་ན་དྷ་ར་དང་ལོ་ཙཱ་བ་རིན་ཅེན་བཟང་པོའི་འགྱུར། ཕྱོགས་གླང་གིས་མཛད་པ་དང་འདི་གཉིས་བསྟན་བཅོས་རྒྱ་ཆེན་པོ་ནི་ཐོས་ནས་ཀྱང་ཞེས་པ་ནས་བཟུང་སྟེ་མང་པོ་རྣམས་ནི་ཡང་དག་རྫོགས་པར་འགྱུར་ཞེས་པའི་བར་ཞུས་དག་ཕར་ཡང་འགོ་མཇུག་མི་གཅིག ། ༨༡ སློབ་དཔོན་མཁས་པ་ཆེན་པོ་རིན་ཅེན་འབྱུང་གནས་ཞི་བས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པའི་མན་ངག་སློབ་དཔོན་ཤནྟི་བྷ་དྲ་དང་ལོ་ཙཱ་བ་འགོས་ལྷས་བཙས་ཀྱི་
འགྱུར། ༨༢ སློབ་དཔོན་ཡེ་ཤེས་ཟླ་བས་མཛད་པའི་རྣལ་འབྱོར་དཔྱོད་པའི་སྒོམ་པའི་དོན་མདོར་བསྡུས་ཏེ་བསྟན་པ་སློབ་དཔོན་པྲཛྙ་ཝརྨ་དང་ལོ་ཙཱ་བ་ཡེ་ཤེས་སྡེའི་འགྱུར། འདིའི་རྩ་བ་སློབ་དཔོན་ཀླུའི་བཤེས་གཉེན་གྱིས་མཛད། ༨༣ མཁས་པ་ཆེན་པོ་ཛེ་ཏཱ་རིས་མཛད་པའི་བདེ་བར་གཤེགས་པའི་གཞུང་རྣམ་པར་འབྱེད་པའི་ཚིག་ལེའུར་བྱས་པ་སློབ་དཔོན་ཤནྟི་བྷ་དྲ་དང་དགེ་སློང་ཤཱཀྱ་འོད་ཀྱི་འགྱུར། ༨༤ སློབ་དཔོན་དབྱིག་གཉེན་གྱིས་མཛད་པའི་ཡོན་ཏན་བདུན་བསྟན་པའི་གཏམ་པཎྜི་ཏ་ཀ་མ་ལ་གུཔྟ་དང་ལོ་ཙཱ་བ་རིན་ཅེན་བཟང་པོའི་འགྱུར། ༨༥ མཁན་པོ་ཞི་བ་ལྷས་མཛད་པའི་བསླབ་པ་ཀུན་ལས་བཏུས་པའི་ཚིག་ལེའུར་བྱས་པ། ༨༦ དེའི་མངོན་པར་རྟོགས་པ་དཔལ་མར་མེ་མཛད་ཡེ་ཤེས་ཀྱིས་མཛད་པ་པཎྜི་ཏ་དེ་ཉིད་དང་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ༨༧ གསེར་གླིང་རྒྱལ་པོ་དཔལ་ལྡན་ཆོས་སྐྱོང་གིས། བཅོམ་ལྡན་འཇམ་དཔལ་རྡོ་རྗེ་མཉེས་བྱས་པས། བསླབ་པ་ཀུན་ལས་བཏུས་བའི་མངོན་པར་རྟོགས། ཀ་མ་ལ་དང་མར་མེ་མཛད་ལ་གསུངས། ཞེས་གསེར་གླིང་པས་མར་མེ་མཛད་ལ་བཤད་པ་ཇོ་བོས་བླ་མའི་བཀའ་བསྡུས་ནས་མཛད་པས་མཛད་པ་པོ་ཇོ་བོ་མིན་ནམ་སྙམ་པའི་སོམ་ཉི་མི་དགོས་སོ། །འཕགས་པ་ཀླུ་སྒྲུབ་ཀྱིས་མཛད་པའི་ཐེག་པ་ཆེན་པོ་ཉི་ཤུ་པ་ཁ་ཆེ་ཨཱ་ནནྡ་དང་ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། ༨༨ དེས་མཛད་པའི་འཕགས་པ་ས་ལུ་ལྗང་པའི་ཚིག་ལེའུར་བྱས་པ་པཎྜི་ཏ་དྷརྨ་ཤྲཱི་བྷ་དྲ་དང་ལོ་ཙཱ་བ་ལེགས་པའི་བློ་གྲོས་དང་ཛྙཱ་ན་ཀུ་མཱ་རའི་འགྱུར་སླད་ཀྱི་དཔལ་བརྩེགས་རཀྵི་ཏས་བཅོས་པ། ༨༩ དེས་མཛད་པའི་རྟེན་ཅིང་འབྲེལ་བར་འབྱུང་བའི་སྙིང་པོའི་ཚིག་ལེའུར་བྱས་པ། ༩༠ དེས་
མཛད་པའི་རྟེན་ཅིང་འབྲེལ་བར་འབྱུང་བའི་སྙིང་པོའི་རྣམ་པར་བཤད་པ། ༩༡ དེ་གཉིས་ལ་འགྱུར་བྱང་མི་གསལ། དེས་མཛད་པའི་རྨི་ལམ་ཡིད་བཞིན་ནོར་བུའི་གཏམ་ཞེས་པ་ཁ་ཆེ་ཤྲཱི་རཱ་ཐ་དང་ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། ༩༢ དེས་མཛད་པའི་བྱང་ཆུབ་སེམས་ཀྱི་རྣམ་པར་བཤད་པ་ཆོས་འདིའི་མཛད་པ་པོའི་ཆེ་བ་དང་བརྗོད་བྱ་བཟང་བ་དང་རྗོད་བྱེད་དབྱིངས་སུ་གྱུར་པའི་སྟོབས་ཀྱིས་རྩལ་ཕྱུང་ཞིང་བསྒྱུར་བ་མང་དུ་སྣང་བ་ལས་ལོ་ཙཱ་བ་རབ་ཞི་ཆོས་ཀྱི་བཤེས་གཉེན་གྱིས་བསྒྱུར་བ་ལ་གཞི་བྱས་གུ་རུ་བ་ཆོས་ཀྱི་ཤེས་རབ། སེང་དཀར་ཤཱཀྱ་འོད། ཤེས་རབ་གྲགས་པ། མར་པ་ཆོས་དབང་། པ་ཚབ་ཉི་མ་གྲགས། མང་ནད་གྲགས་འབྱོར་ཤེས་རབ་བདུན་གྱི་འགྱུར་ལས་དོན་གང་བཟང་ཕྱོགས་གཅིག་ཏུ་བསྡུས་པ། ༩༣ དེས་མཛད་པའི་བླ་ན་མེད་པར་བསྟོད་པ་པཎྜི་ཏ་ལོ་ཏྲ་དང་ལོ་ཙཱ་བ་ཤཱཀྱ་འོད་ཀྱི་འགྱུར། ༩༤ དེས་མཛད་པའི་སྲིད་པ་ལས་འདས་པར་བསྟོད་པ་ཁ་ཆེ་ཤྲཱི་རཱ་ཐ་དང་ལོ་ཙཱ་བ་གྲགས་འབྱོར་ཤེས་རབ་ཀྱི་འགྱུར། ༩༥ སློབ་དཔོན་དཀོན་ཅོག་འབངས་ཀྱི་མཛད་པའི་ཡོན་ཏན་མཐའ་ཡས་པར་བསྟོད་པ་པཎྜི་ཏ་སརྠ་ཛྙ་དེ་ཝ་དང་ལོ་ཙཱ་བ་རིན་ཅེན་མཆོག་གི་འགྱུར་ལ་བཎྡེ་དཔལ་བརྩེགས་ཀྱིས་བཅོས་པ། ༩༦ དེའི་འགྲེལ་བ་སློབ་དཔོན་ཕྱོགས་ཀྱི་གླང་པོས་མཛད་པ་ལོ་པཎ་བཤད་མ་ཐག་པའི་འགྱུར། ༩༧ ཡང་དེས་མཛད་པའི་ཡོན་ཏན་མཐའ་ཡས་པར་བསྟོད་པའི་དོན་གྱི་ཚིག་ལེའུར་བྱས་པ་ལོ་པཎ་བཤད་མ་ཐག་པའི་འགྱུར། ༩༨ སློབ་དཔོན་མཐོ་བཙུན་གྲུབ་རྗེས་མཛད་པའི་ཁྱད་པར་དུ་འཕགས་པར་བསྟོད་པ་སྒྱུར་བྱེད་གོང་དང་
འདྲ་བ། ༩༩ སློབ་དཔོན་བདེ་བྱེད་བདག་པོས་མཛད་པའི་ལྷ་ལས་ཕུལ་དུ་བྱུང་བར་བསྟོད་པ་སྒྱུར་བྱེད་གོང་དང་འདྲ་བ། ༡༠༠ སློབ་དཔོན་ཆེན་པོ་ཟླ་བ་གྲགས་པས་མཛད་པའི་སྐྱབས་སུ་འགྲོ་བ་བདུན་ཅུ་པ་ཇོ་བོ་རྗེ་དང་ལོ་ཙཱ་བ་རིན་བཟང་གི་འགྱུར། ༡༠༡ སློབ་དཔོན་བི་མཱ་ལས་མཛད་པའི་སྐྱབས་འགྲོ་ཡན་ལག་དྲུག་པ་འགྱུར་བྱང་མི་གསལ་བ། ༡༠༢ ཇོ་བོ་ཆེན་པོ་ཨ་ཏི་ཤས་རྒྱལ་པོ་ནེར་ཡ་ཕ་ལ་ལ་བརྫངས་པའི་དྲི་མ་མེད་པ་རིན་པོ་ཆེའི་འདི་དང་བྱང་ཆུབ་སེམས་དཔའ་ནོར་བུའི་འཕྲེང་བ་གཉིས་ཕལ་ཆེར་གཅིག་པས་དཔེ་སྣ་ཟུར་དུ་མི་འདྲེན་ཞེས་ཆོས་རྗེ་དཔའ་བོ་གསུང་ཡང་ཤོ་ལོ་ཀ་གསུམ་བཞི་ཙམ་གྱི་བར་ཞུས་དག་ཕེར་བ་ལ་བར་བར་དུ་མི་ཕེར་བ། རང་སྐྱོན་རྟོག་ལ་མིག་བཞིན་བྱ། གཞན་སྐྱོན་རྟོག་ལ་ལོང་བ་བཞིན། །ཞེས་དང་། ཚེ་འདི་འབའ་ཞིག་དྲན་པ་དང་། །གཞན་ལ་དད་པ་ཆུང་བ་དང་། །ཞག་གསུམ་འདས་པར་གནས་མི་བྱ། །ཞེས་དང་། མཆོད་པ་བདུན་དུ་རབ་གྲགས་པའི་ཕུང་པོ་གསུམ་པ་གདོན་པར་མཛོད། ཅེས་པས་མཚོན་པའི་ནོར་བུའི་འཕྲེང་བར་མེད་པའི་ཚིག་ཤིན་ཏུ་མང་བས་དཔེ་ལུང་གཉིས་ག་ཟུར་དུ་ངེས་པར་དགོས་ཕྱོགས་འདྲ་ཙམ་གྱི་ཆོག་ན་ཤེར་ཕྱོགས་ཀྱི་མདོ་སྡེ་ཡང་ལ་ལ་དོར་རུང་བར་སེམས་སོ། །འཕྲིན་ཡིག །དེ་ཉིད་དང་ལོ་ཙཱ་བ་ཚུལ་ཁྲིམས་རྒྱལ་བའི་འགྱུར་རྣམས། ༡༠༣ དེ་ལྟར་ཆོས་ཚན་བརྒྱ་དང་གསུམ་གྱི་ལུང་ལེགས་པར་ནོས་པའི་བརྒྱུད་པ་ནི། གནས་ལྔ་རིག་པའི་པཎ་ཆེན་དཱི་པཾ་ཀཱ་ར། འབྲོམ་སྟོན་ཆོས་ཀྱི་རྒྱལ་པོ། པོ་ཏོ་བ་རིན་ཅེན་གསལ། ཤ་ར་བ་ཡོན་ཏན་གྲགས། ཆུ་མིག་པ་ཤེས་རབ་གྲགས། གྲོ་སྟོན་བདུད་རྩི་གྲགས། སངས་རྒྱས་སྒོམ་པ་སེང་གེ་སྐྱབས། མཆིམས་ནམ་མཁའ་གྲགས། རྒྱང་རོ་བྱང་ཆུབ་
འབུམ། ཐར་རྩེ་པའི་གསན་ཡིག་ན་གསན་ཡིག་གཞན་དུ་འདི་གཉིས་གོ་ལྡོག་ཏུ་འདུག་ཀྱང་མཆིམས་ཀྱི་རྣམ་ཐར་ལྟར་དང་དེ་ལྟར་ཡིན་གསུང་བ་ཁུངས་བཙུན་པར་མངོན་ནོ། །མཆིམས་བློ་བཟང་གྲགས་པ། ཡོལ་སྟོན་བསོད་ནམས་ལྷུན་གྲུབ། སློབ་དཔོན་གྲགས་པ་རྒྱ་མཚོ། མཁན་ཆེན་གྲུབ་པ་ཤེས་རབ། རྒྱ་སྟོན་ཙནྡྲ་དེ་ཝ། རི་ཁྲོད་པ་བསོད་ནམས་རྒྱ་མཚོ། འགར་སྟོན་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་ཅོག་ཆོས་འཕེལ། ངོར་ཆེན་དཀོན་ཅོག་ལྷུན་གྲུབ། རྗེ་དཀོན་ཅོག་དཔལ་ལྡན། ཤར་པ་བྱམས་པ་ཀུན་དགའ་བཀྲ་ཤིས། སྒྲུབ་ཁང་པ་མཁས་གྲུབ་དཔལ་ལྡན་དོན་གྲུབ། རྒྱལ་ཀུན་ངོ་བོ་བཀའ་འགྱུར་བ་མགོན་པོ་བསོད་ནམས་མཆོག་ལྡན། རྡོ་རྗེ་འཆང་དངོས་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཁྱད་པར་འཕགས་བསྟོད་དང་ལྷ་ལས་ཕུལ་བྱུང་གི་བསྟོད་པ་གཉིས་ཀྱི་ལུང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལའང་ཐོས། བརྒྱུད་པ་མ་བྱུང་། བཀའ་གདམས་ཀྱི་བསྟན་པའི་གསལ་བྱེད་ཆེན་པོ་རྩེས་དང་ལས་ཆེན་ཀུན་དགའ་རྒྱལ་མཚན་གྱི་མཛད་པའི་བྱང་ཆུབ་ལམ་གྱི་སྒྲོན་མེའི་འགྲེལ་པའི་ལུང་ཐོབ་པའི་བརྒྱུད་པ་ནི། ལས་ཆེན་ཀུན་རྒྱལ་བ། པཎ་ཆེན་བསོད་ནམས་གྲགས་པ་བར་འདིར་བླ་མ་གཅིག་གཉིས་ཤིག་མ་རྙེད། དེ་ནས་སྒོམ་སྡེ་ཤར་པ་ནམ་མཁའ་རྒྱལ་མཚན། ཞལ་སྔ་ནས་ནམ་མཁའ་རྒྱ་མཚོ། འཇམ་དབྱངས་སྨྲ་བའི་དབང་ཕྱུག་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལའོ། །
འབྲས་བུ་སྔགས་ཀྱི་ཐེག་པའི་སྐོར།
གཉིས་པ། འབྲས་བུ་སྔགས་ཀྱི་ཐེག་པ་ལ། གསང་སྔགས་ཕྱི་འགྱུར། སྔ་འགྱུར་གཉིས། དང་པོ་ལ་ཟུར་བཀའ། སྤྱི་བཀའ། ཞར་བྱུང་བླ་མའི་གསུང་འབུམ་སོགས་མདོ་སྔགས་ཐ་སྙད་སོ་སོར་དབྱེ་དཀའ་བའི་སྐོར་དང་གསུམ། དང་པོ་ལ། བྱ་བ། སྤྱོད་པ་རྣལ་འབྱོར། རྣལ་འབྱོར་བླ་མེད་དང་བཞི། དང་པོ་བྱ་རྒྱུད་ནི། མདུན་ལེགས་མ་ལས། རྒྱུད་སྡེ་འོག་མ་གསུམ་གྱི་ལམ་གྱི་ཚུལ། །མི་ཤེས་དེ་ཡིས་རྣལ་འབྱོར་བླ་མེད་རྒྱུད། །རྒྱུད་སྡེ་ཀུན་གྱི་མཆོག་ཏུ་ཐག་བཅད་ཀྱང་། །དམ་བཅའ་ཙམ་དུ་ཟད་པར་ལེགས་མཐོང་ནས། །གསང་བ་སྤྱི་རྒྱུད་ལེགས་པར་གྲུབ་པ་དང་། །དཔུང་བཟང་གིས་ཞུས་བསམ་གཏན་ཕྱི་མ་སོགས། །བྱ་རྒྱུད་རིགས་གསུམ་སྤྱི་དང་བྱེ་བྲག་གི །རྒྱུད་སྡེ་རྣམས་ལ་རིང་དུ་འདྲིས་པར་བྱས། །ཞེས་གསུངས་པ་ལྟར་བྱ་བའི་རྒྱུད་ལ་མཐའ་ཀླས་པའི་ནང་ནས་ཉུང་ཟད་ཙམ་ནོས་པའི་རིམ་པ་ལ། རྡོ་རྗེ་འཆང་ཕ་བོང་ཁ་པས་མཛད་པའི་དཀྱིལ་འཁོར་གྱི་ཆོ་ག་ཕན་བདེའི་འབྱུང་གནས་ཀྱི་སྟེང་ནས་རས་བྲིས་ཀྱི་དཀྱིལ་འཁོར་དུ་དེ་བཞིན་གཤེགས་པའི་རིགས་ཀྱི་གཙོ་བོར་གཏོགས་པའི་སྨན་གྱི་བླ་མ་ལྷ་བཞི་བཅུ་རྩ་བདུན་གྱི་དབང་ལེགས་པར་ནོས་པའི་བརྒྱུད་པ་ནི། ཐུབ་པའི་དབང་པོ། མགོན་པོ་འཇམ་དབྱངས། མཁན་ཆེན་ཐམས་ཅད་མཁྱེན་པ་བོ་དྷི་ས་ཏྭ། ཆོས་རྒྱལ་ཁྲི་སྲོང་ལྡེ་བཙན། སད་ན་ལེགས་མཇིང་ཡོན། མངའ་བདག་ཁྲི་རལ། ལྷ་ལུང་དཔལ་གྱི་རྡོ་རྗེ། མངའ་བདག་འོད་སྲུངས། མངའ་བདག་དཔལ་འཁོར་བཙན། ཁྲི་སྐྱི་ལྡེ་ཉི་མ་མགོན། མངའ་བདག་བཀྲ་ཤིས་ལྡེ། ལྷ་བླ་མ་ཡེ་ཤེས་འོད། མངའ་བདག་ལྷ་ལྡེ།
མངའ་བདག་འོད་ལྡེ། མངའ་བདག་རྩེ་ལྡེ། མངའ་རིས་དགྲ་བཅོམ། བློ་ལྡན་ཤེས་རབ་གྲགས། བརྩེ་ལྡན་དར་མ་རྒྱལ་མཚན། དཔལ་ལྡན་གྲོ། སངས་རྒྱས་སྒོམ་པ་སེང་གེ་སྐྱབས། མཆིམས་ནམ་མཁའ་གྲགས། དགྲ་བཅོམ་གཞོན་ནུའི་མཚན་ཅན། རྗེ་འདུལ་མཛད་པ། བླ་མ་འཇམ་དབྱངས་ཆེན་པོ། དཔང་སྟོན་རྒྱལ་མཚན་དཔལ། འདུལ་ནག་པ་དཔལ་ལྡན་བཟང་པོ། འཇམ་དབྱངས་དགེ་འདུན་འཕེལ། རྒྱུད་ཆེན་བཀྲ་ཤིས་འཕགས། རྒྱུད་ཆེན་བརྩོན་འགྲུས་འཕགས། སྲས་ཁང་སྔགས་རམ་པ་བཟང་པོ་རྣམ་རྒྱལ། རྡོ་རྗེ་འཆང་འཁོན་རིགས་གྲུབ་པའི་དཔའ་བོ་དཔལ་འབྱོར་ལྷུན་གྲུབ། རིགས་དང་དཀྱིལ་འཁོར་ཀུན་གྱི་ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །བཅོམ་ལྡན་འདས་སྨན་གྱི་བླ་བདེ་བར་གཤེགས་པ་བརྒྱད་མཐོ་བརྩེགས་སུ་བཞུགས་པའི་རྗེས་གནང་ལེགས་པར་ནོས་པའི་བརྒྱུད་པ་ནི། མངའ་རིས་དགྲ་བཅོམ་ཡན་གོང་ལྟར་ལ། སྒྲུབ་ཁང་བའི་གསན་ཡིག་ན་འདི་ཚབ་སྣར་བྱང་ཆུབ་ཚུལ་ཁྲིམས་ཟེར་བ་ཞིག་འདུག་པ་མཚན་གྱི་རྣམ་གྲངས་ཡིན་ནམ་མི་གཅིག་པ་ཡན་བརྟག །དེ་ནས་དགེ་བཤེས་ཞུ་ལྡན་པ་ཤེས་རབ་གྲགས། ར་ས་མཁས་པ་ཙནྡྲའི་གསན་ཡིག་ན་ཆུ་ལྷད་པ་ཟེར་བའང་སྣང་། ཆུ་ལས་པ་དར་མ་རྒྱལ་མཚན། སྒྲུབ་ཁང་པའི་གསན་ཡིག་ན་ཟར་བ་དར་མ་རྒྱལ་མཚན་ཟེར་བའང་འདུག་པ་དཔྱད། དཔལ་ལྡན་གྲོ་མོ་ཆེ། སངས་རྒྱས་སྒོམ་པ་སེང་གེ་སྐྱབས། གཉག་སྙིང་པོ་རྒྱལ་མཚན། སྤྲོ་ལུང་པ་ཀུན་སྨོན། སྤང་སྒང་པ་གྲགས་པ་དཔལ། མཁན་ཆེན་བསོད་ནམས་གྲགས་པ། མཁན་ཆེན་གྲགས་པ་རྒྱལ་མཚན།
འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། མཁན་ཆེན་ཚུལ་ཁྲིམས་དཔལ་འབྱོར། ཆོས་ལུང་ཤར་གླིང་པ་འཁྲུལ་ཞིག་ཀུན་བཟང་མཐུ་སྟོབས་དཔལ་འབར། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་མཁན་ཆེན་ཞི་བ་འཚོ་ནས། བོ་དྷི་ས་ཏྭ་ཆུང་བ། རྒྱལ་པོ་དགེ་བའི་དཔལ། ཇོ་བོ་རྗེ། ལྷ་བཙུན་བྱང་ཆུབ་འོད། ཏེ་སེ་བ་ཆེན་པོ། བྱང་སེམས་ཟླ་བ་རྒྱལ་མཚན། ཀོང་པོ་ལོ་ཙཱ་བ། ངག་ཆོས་པའི་གསན་ཡིག་ན་དབང་པོ་ལོ་ཙཱ་བ་ཟེར་བ་འདུག་པ་བརྟག །དགྲ་བཅོམ་རྒྱལ་མཚན། གྱ་བ་དབང་མཛེས། གྱ་བ་དཔལ་མཛེས། ཡོན་ཏན་དབང་ཕྱུག །ཤངས་པ་འདུལ་འཛིན། འདི་གོང་དུ་བླ་མ་ཇོ་སྟོན་ཟེར་བ་ཞིག་མཁན་ངག་ཆོས་པའི་གསན་ཡིག་ན་འདུག་པ་ལྷག་ཆད་གང་ཡིན་བརྟག །མཁན་ཆེན་བསོད་ནམས་གྲགས་པ་མན་འདྲ། འཕགས་པ་ཀླུ་སྒྲུབ་ཀྱིས་མཛད་པའི་སྒྲུབ་ཐབས་ཀྱི་ཡི་གེ་དང་གོང་མའི་ཕྱག་ལེན་ལྟར་སངས་རྒྱས་ཀླུ་དབང་གི་རྒྱལ་པོ་གཙོ་འཁོར་ལྔ་པའི་རྗེས་གནང་དང་། དེའི་སྒྲུབ་སྐོར་ཀླུ་སྒྲུབ་ཀྱིས་མཛད་པ་ལ་སྒྲུབ་ཐབས་དབུལ་བ་དང་བྲལ་བ། སད་སེར་དང་ལྕེ་འབབ་པའི་འཇིགས་པ་ཞི་བ། ཕོངས་པའི་སྡུག་བསྔལ་དང་བྲལ་བ། ཀླུའི་གནོད་པ་དང་བྲལ་བ། སྐྱེས་པ་བུད་མེད་ཐམས་ཅད་འཕེལ་བ། ཆར་དབབ་གཅོད། སའི་གཏེར་འབྱིན་པ་རྣམས། བཅོམ་ལྡན་རལ་གྲིས་མཛད་པའི་སྒྲུབ་ཐབས། རོང་སྟོན་
ཤཱཀྱ་རྒྱལ་མཚན་གྱིས་མཛད་པའི་བསྟོད་པ་ཐབས་མཁས་ཐུགས་རྗེ་མ་དང་བཅས་ཐོབ་པའི་བརྒྱུད་པ་ནི། སངས་རྒྱས་ཀླུ་དབང་གི་རྒྱལ་པོ། འཕགས་པ་ཀླུ་སྒྲུབ། ཇོ་བོ་ཨ་ཏི་ཤ །འབྲོམ་སྟོན་པ་རྒྱལ་བའི་འབྱུང་གནས། བཤེས་གཉེན་པོ་ཏོ་བ། དགེ་བཤེས་ཤ་ར་བ། གཏུམ་སྟོན་བློ་གྲོས་གྲགས། ཞང་སྟོན་རྡོ་རྗེ་འོད་ཟེར། གྲོ་སྟོན་ཤེས་རབ་གྲགས། མཆིམས་ནམ་མཁའ་གྲགས། བཅོམ་ལྡན་རིག་པའི་རལ་གྲི །དཔལ་སྡིངས་པ། ཤར་པའི་གསན་ཡིག་ན་དཀྱུས་ལྟར་བྱུང་ལ་སྔགས་འཆང་དཀོན་ལེགས་པའི་གསན་ཡིག་ན་འདི་གཉིས་གོ་ལྡོག་ཏུ་སྣང་བ་བརྟག །འདུལ་འཛིན་གྲགས་པ་དཔལ། མངའ་རིས་བྱང་ཆུབ་བླ་མ། ཤར་པའི་གསན་ཡིག་ན་འདི་བཞིན་འདུག་ཅིང་ལོ་པ་སྤྱན་སྔའི་གསན་ཡིག་ན་འདི་གཉིས་སྦྲེལ་འདུག་པ་དཔྱད། རྒྱ་གར་རྒྱལ་མཚན། བླ་མ་སེང་གེ་རྒྱལ་མཚན། རོང་སྟོན་ཤེས་བྱ་ཀུན་རིག །ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་བཟང་པོ་བཀྲ་ཤིས། རྗེ་སྟོབས་ལྡན་པ། པཎ་ཆེན་ན་བཟའ་པ། གནས་པ་པཎ་ཆེན། རྗེ་ནམ་མཁའ་རྒྱལ་མཚན། སློབ་དཔོན་བུདྡྷ་བ། རྡོ་རྗེ་འཆང་ཕ་བོང་ཁ་པ། བཀའ་དྲིན་མཉམ་མེད་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་རྗེས་གནང་གི་བརྒྱུད་ལུགས་གཅིག་ནི། རོང་སྟོན་ནས། པཎ་ཆེན་ཤཱཀྱ་མཆོག་ལྡན། བྲག་དཀར་བ་བསོད་ནམས་རྒྱལ་མཚན། ཆོས་རྗེ་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་པ། མཁས་གྲུབ་དཔལ་ལྡན་དོན་གྲུབ། ཤར་ཆེན་ཤེས་རབ་འབྱུང་གནས། ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ།
དེས་བདག་ལའོ། །
དེ་བཞིན་གཤེགས་པའི་རིགས་ཀྱི་བདག་པོ་འཇམ་དབྱངས་ཨ་ར་པ་ཙ་ནའི་རྗེས་གནང་གི་ལུང་བརྒྱུད་སོགས།
ས་པཎ་གྱིས་མཛད་པའི་སྒྲུབ་ཐབས་དང་ངོར་ཆེན་གྱིས་མཛད་པའི་རྗེས་གནང་གི་ཡི་གེའི་སྟེང་ནས་དེ་བཞིན་གཤེགས་པའི་རིགས་ཀྱི་བདག་པོ་འཇམ་དབྱངས་ཨ་ར་པ་ཙ་ནའི་རྗེས་གནང་དང་། ཡིག་ཆ་གཉིས་ཀྱི་ལུང་ཐོབ་པ་ལས་རྗེས་གནང་གི་བརྒྱུད་པ་ནི། མགོན་པོ་འཇམ་དཔལ་དབྱངས། ཛེ་ཏཱ་རི་དགྲ་ལས་རྣམ་རྒྱལ། རྡོ་རྗེ་གདན་པ་ཆེ་ཆུང་གཉིས། བ་རི་ལོ་ཙཱ་བ་རིན་ཅེན་གྲགས། ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་ས་པཎ། རྒྭ་ལོ་རྣམ་རྒྱལ་རྡོ་རྗེ། སྲས་ཨ་ཀ་ར་སྐྱེ་མེད་གྲུབ་པ། རྡོ་རྗེ་གདན་པའི་གསན་ཡིག་ཏུ་ཨ་ཀཱ་ར་སིདྡྷི་ཞེས་སྣང་། བྲག་ཁ་བ་གྲགས་པ་སེང་གེ །དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ཆོས་རྗེ་ཀུན་དགའ་བཟང་པོ། གུ་གེ་པཎྜི་ཏ་གྲགས་པ་རྒྱལ་མཚན། གློ་བོ་མཁན་ཆེན་བསོད་ནམས་ལྷུན་གྲུབ། བདག་ཆེན་ངག་གི་དབང་ཕྱུག །ཐམས་ཅད་མཁྱེན་པ་མཁྱེན་བརྩེའི་ཞབས། རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་རིགས་བརྒྱའི་བདག་པོ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་ས་པཎ་ནས། ཆོས་རྒྱལ་འཕགས་པ། རྒྭ་ལོ་རྣམ་རྒྱལ་རྡོ་རྗེ་མན་འདྲ། ཡང་ན་ས་པཎ་ནས། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། བླ་མ་བསོད་ནམས་སྐྱབས། སྔགས་འཆང་གཟུངས་ཀྱི་དཔལ་བ། རྗེ་དཔལ་ལྡན་ཚུལ་ཁྲིམས་མན་འདྲ། ཡང་ན་གློ་བོ་མཁན་ཆེན་ནས། ས་ལོ་འཇམ་དཔལ་རྡོ་
རྗེ། རྡོ་རྗེ་འཆང་སྒོ་རུམ་པ། འཇམ་དབྱངས་མཁྱེན་བརྩེ་མན་འདྲ། ཡང་ན་འཇམ་དབྱངས་མཁྱེན་བརྩེ་ནས། མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་རབ་མན་འདྲ། ཡང་ན་སངས་རྒྱས་ཕྱག་ན་རྡོ་རྗེ། ཛེ་ཏྭ་རི་མན་གོང་བཞིན་ནོ། །ཡིག་ཆ་གཉིས་ཀྱི་ལུང་བརྒྱུད་ནི། འཇམ་དབྱངས་མཁྱེན་བརྩེའི་དབང་ཕྱུག་ནས། མཆོད་དཔོན་དཀོན་ཅོག་པ། རྡོ་རྗེ་འཆང་དབང་རབ་མན་གོང་དང་འདྲ། གང་བློ་མའི་རྒྱ་གཞུང་ལ་བརྟེན་ནས་འཇམ་དཔལ་ཡེ་ཤེས་ཡོན་ཏན་བཟང་པོའི་རྗེས་སུ་གནང་བ་བྱ་རྒྱུད་རང་སྐད་ཀྱི་ཕྱག་ལེན་ཇི་ལྟ་བ་བཞིན་དང་། རྩ་བ་རྒྱ་གཞུང་གང་བློ་མ། དེ་ལ་བརྟེན་པའི་རྗེས་གནང་གི་ཡི་གེ་ཚར་ཆེན་རྡོ་རྗེ་འཆང་གིས་མཛད་པ་རྣམས་ཐོབ་པ་ལས་རྗེས་གནང་གི་བརྒྱུད་པ་ནི། རྗེ་བཙུན་འཇམ་དབྱངས། པཎ་ཆེན་དྷིར་པཱ་ལ། ངོར་ཆེན་ཐར་རྩེ་ཤར་པ་མཁན་ངག་ཆོས་པ་བཞིའི་གསན་ཡིག་ན་པཎ་ཆེན་འབུམ་འཕྲག་གསུམ་པ་ཟེར་བ་སྣང་བ་མཚན་གྱི་རྣམ་གྲངས་ཡིན་མིན་བརྟག །རྔོག་ལོ་ཙཱ་བ་བློ་ལྡན་ཤེས་རབ། ཁྱུང་རིན་ཅེན་གྲགས། རྒྱ་དམར་བ་བྱང་ཆུབ་གྲགས། ཆ་པ་ཆོས་ཀྱི་སེང་གེ །གཙང་ནག་པ་ཐུགས་རྗེ་སེང་གེ །དན་འབག་པ་དར་མ་སེང་གེ །གཉལ་ཞིག་འཇམ་དཔལ་རྡོ་རྗེ། གཟང་རིང་ནམ་མཁའ་དཔལ། ངོར་ཆེན་ཐར་རྩེ་ཤར་པ་ངག་ཆོས་བཞིའི་གསན་ཡིག་ན་དར་མ་ཚུལ་ཁྲིམས་ཟེར་བ་འདུག་པ་དཔྱད། བྲག་སྟེང་པ་བསོད་ནམས་རྒྱལ་བ། གསན་ཡིག་གཞན་བཞི་པོར་འདིའི་གོང་དུ་གྲ་ཐང་བ་ཟེར་བ་ཞིག་འདུག་པ་བྲག་སྟེང་པ་དང་ནོར་བའི་ཡིག་སྐྱོན་གྱིས་ཟུར་དུ་བྱས་པ་ཡིན་ནམ་བརྟག །ཡང་རྩེ་བ་རིན་ཅེན་སེང་གེ །
ཐམས་ཅད་མཁྱེན་པ་བུ་སྟོན། སྒྲ་ཚད་པ་རིན་ཅེན་རྣམ་རྒྱལ། རྗེ་བཀྲ་ཤིས་རིན་ཅེན། རྡོ་རྗེ་འཆང་ཀུན་དགའ་བཟང་པོ། གུ་གེ་པཎ་ཆེན་གྲགས་པ་རྒྱལ་མཚན། གློ་བོ་མཁན་ཆེན་བསོད་ནམས་ལེགས་འབྱུང་། ས་ལོ་ཐམས་ཅད་མཁྱེན་པ། རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། བཀའ་འགྱུར་བ་ཆེན་པོ་འཇམ་མགོན་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ལུང་གི་བརྒྱུད་པ་ནི། སྒོ་རུམ་པ་ནས། ཚར་ཆེན་རྗེ་མཁྱེན་བརྩེ། རྡོ་རྗེ་འཆང་དབང་རབ། ཁྱབ་བདག་ཞ་ལུ་པ། དེས་བདག་ལའོ། །སློབ་དཔོན་ཛེ་ཏཱ་རི་དགྲ་ལས་རྣམ་པར་རྒྱལ་བའི་བཞེད་སྲོལ་གྱི་འཇམ་དཀར་ཁ་ཆེ་པཎ་ཆེན་གྱི་ཐུགས་དམ་བཞིའི་ནང་ཚན་གྱི་ཡ་གྱལ་གཅིག་ཏུ་བརྩི་བའི་རྗེས་གནང་། ཁྲོ་ཕུ་ལོ་ཙཱ་བས་མཛད་པའི་ཡིག་ཆ་ལྟར་དང་ལུང་ལ། སློབ་དཔོན་སྒེག་པའི་རྡོ་རྗེས་མཛད་པའི་སྒྲུབ་ཐབས་ཟབ་པ་ལས་ཀྱང་ཆེས་ཟབ་པ་ཁ་ཆེའི་པཎྜི་ཏ་ཤཱཀྱ་ཤྲཱི་དང་ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ་གྱིས་བསྒྱུར་པ། འཇམ་དབྱངས་ཀྱི་སྒྲུབ་ཐབས་བསྐྱེད་རིམ་དང་མཐུན་པར་བསྟོད་པ་པཎྜི་ཏ་ཆེན་པོ་མ་ཏིས་མཛད་པ་གཉན་ལོས་བསྒྱུར་བ། རྒྱ་སྟོན་ཀུན་དགའ་བརྩོན་འགྲུས་ཀྱིས་མཛད་པའི་ལོ་རྒྱུས། པཎ་ཆེན་ཤཱཀྱ་ཤྲཱིའི་ཕྱག་ལེན་ལྟར་ལོ་ཙཱ་བ་གནུབས་བྱམས་པའི་དཔལ་གྱིས་བསྡེབས་པའི་རྗེས་གནང་གི་ཡི་གེ །རྒྱ་སྟོན་པས་མཛད་པའི་སྒྲུབ་སྐོར་ལ། རྩ་བའི་
སྒྲུབ་པ། ཉེས་བྱས་འཇོམས་པ། ཡོན་ཏན་སྒྲུབ་པ། རྩོད་པ་བྱ་ཐབས། མ་ཤ་ལ་བརྟེན་པའི་ལས་སྦྱོར། མཁས་པ་ཆེན་པོ་བསོད་སྙོམས་པ་རིན་ཅེན་རྒྱལ་མཚན་གྱིས་མཛད་པའི་རྩ་བའི་སྒྲུབ་ཐབས། ཤེས་རབ་བསྒྲུབ་པ། རལ་གྲིའི་དངོས་གྲུབ། མིག་སྨན། རྒད་ནད་ལས་གྲོལ་བ། ཚེའི་རིག་པ་འཛིན་པ། འཆད་རྩོད་རྩོམ་གསུམ་གྱི་དངོས་གྲུབ་སྒྲུབ་པའི་ཡི་གེ །འཇམ་དབྱངས་དཀར་པོའི་སྒྲུབ་ཐབས་སྟག་ཚང་ལོ་ཙཱ་བའི་གསུང་བཞིན་ཨཱ་ནནྡ་ར་སྨིས་མཛད་པ་རྣམས་ལེགས་པར་ཐོབ་པ་ལས་བསོད་སྙོམས་པ་རིན་ཅེན་རྒྱལ་མཚན་གྱིས་མཛད་པ་མ་གཏོགས་པའི་རྗེས་གནང་དང་ལུང་ཡོངས་རྫོགས་གྱི་བརྒྱུད་པ་ནི། རྗེ་བཙུན་འཇམ་པའི་དབྱངས། ཛེ་ཏཱ་རི་དགྲ་ལས་རྣམ་རྒྱལ། པཎྜི་ཏ་སྒེག་པའི་རྡོ་རྗེ་མ་ཏི། སློབ་དཔོན་ནོར་བུ་གླིང་པ་ཆུང་བ། བུ་སྟོན་དང་ས་ལུགས་ཀྱི་གསན་ཡིག་ཕལ་ཆེར་ན་འདི་གཉིས་མི་ཡོང་འདུག་པ་ཉེ་བརྒྱུད་ཡིན་ནམ་སྙམ། པཎྜི་ཏ་འབྱུང་གནས་སྦས་པ། པཎ་ཆེན་ཤཱཀྱ་ཤྲཱི། མཁན་ཆེན་བྱང་ཆུབ་དཔལ། མཁན་ཆེན་བདེ་བ་དཔལ། མཁན་ཆེན་གྲགས་པ་གཞོན་ནུ། མཁན་ཆེན་བསོད་ནམས་གྲགས་པ། བླ་མ་དམ་པ་བསོད་ནམས་རྒྱལ་མཚན། ལོ་ཆེན་སྐྱབས་མཆོག་དཔལ། སེམས་དཔའ་ཆེན་པོ་ནམ་མཁའ་འོད་ཟེར། བཅོམ་ལྡན་གྲགས་འཕེལ་བ། སྟག་ཚང་ལོ་ཙཱ་བ་ཤེས་རབ་རིན་ཅེན། གནས་བརྟན་འོད་འགྲོ་བ། འཇམ་དབྱངས་སྐུ་སྐྱེ་ཤེས་རབ་རིན་ཅེན། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་
དབང་ཕྱུག་རབ་བརྟན། ཁྱབ་བདག་ཞ་ལུ་བ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །བརྒྱུད་པ་འདི་ཞལ་གཟིགས་བརྒྱུད་པ་ངོ་མཚར་ཅན་ནོ། །ཡང་ན་སྟག་ཚང་པའི་གསུང་རྒྱུན་ཨཱ་ནནྡས་མཛད་པ་མ་གཏོགས་པའི་རྗེས་གནང་ལུང་དང་བཅས་པའི་བརྒྱུད་ལུགས་གཅིག་ནི། ཁ་ཆེ་པཎ་ཆེན་ཡན་གོང་ལྟར་ལ། དེ་ནས་ཁྲོ་ཕུ་ལོ་ཙཱ་བ་བྱམས་པའི་དཔལ། མཁན་པོ་དབང་ཕྱུག་གྲགས། རྒྱ་སྟོན་ཀུན་དགའ་བརྩོན་འགྲུས། མཁན་ཆེན་དངས་མ་བ། རིན་པོ་ཆེ་ཤེས་རབ་གྲགས། ལུང་པ་དཀོན་ཅོག་རྡོ་རྗེ། མཁན་ཆེན་སེང་གེ་དཔལ། ཆོས་རྗེ་དགེ་བ་རྒྱལ་མཚན། བྱང་སེམས་འཕགས་པ་བློ་འཕེལ། སྤྱན་སྔ་ཚུལ་ཁྲིམས་དང་། ལོ་པ་སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་རྒྱལ་མཚན། གུར་རྫོང་ཆོས་འབྱོར་དཔལ་བཟང་། རིག་འཛིན་ཆེན་པོ་གཞོན་ནུ་དོན་གྲུབ། དྲིན་ཅན་བླ་མ་འཇམ་དབྱངས་ཆོས་དབྱིངས་རང་གྲོལ། དེས་བདག་ལའོ། །ཡང་ན་མཁན་ཆེན་བདེ་བ་དཔལ་ནས། རྗེ་སངས་རྒྱས་གཞོན་ནུ། མཁན་ཆེན་བསོད་ནམས་ཤེས་རབ། མཁན་ཆེན་ཤེས་རབ་མགོན་པོ། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། ཆོས་རྗེ་རྣམ་རྒྱལ་བཀྲ་ཤིས། སྤྱན་སྔ་བསོད་ནམས་ལྷ་དབང་མན་འགྲེ། ཡང་རྗེས་གནང་གི་བརྒྱུད་ལུགས་གཅིག་ནི། ངོར་ཆེན་ནས། གུ་གེ་པཎྜི་ཏ་གྲགས་པ་རྒྱལ་མཚན། གློ་བོ་མཁན་ཆེན་བསོད་ནམས་ལེགས་འབྱུང་ས་ལོ་འཇམ་དཔལ་རྡོ་རྗེ། སྤྱན་སྔ་ངག་དབང་ཆོས་གྲགས་རྒྱལ་མཚན་མན་འདྲ། ཡང་ན་
སྤྱན་སྔ་ངག་དབང་ཆོས་གྲགས་རྒྱལ་མཚན་ནས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། ཟུར་ཆེན་གཞོན་ནུ་དོན་གྲུབ་མན་འདྲ། ཡང་ན་ཚར་ཆེན་ནས། རིན་པོ་ཆེ་བོད་མཁར་བ་མན་འདྲ། ཡང་ན་ངོར་ཆེན་ནས། ཀུན་མཁྱེན་སངས་རྒྱས་འཕེལ། ཆོས་རྗེ་སངས་རྒྱས་ལྷུན་གྲུབ། མཁན་ཆེན་རནྟ་ཤཱི་ལ། རྗེ་བཙུན་སྒོ་རུམ་པ་ཆེན་པོ། འཇམ་དབྱངས་མཁྱེན་བརྩེའི་དབང་ཕྱུག་མན་འདྲ། ཡང་ན་གུ་གེ་པཎ་ཆེན་ནས། གློ་བོ་མཁན་ཆེན་ལེགས་འབྱུང་། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། རྗེ་དཀོན་ཅོག་དཔལ་ལྡན། ཤར་ཆེན་ཀུན་དགའ་བཀྲ་ཤིས། དེ་དབོན་ཤེས་རབ་འབྱུང་གནས། ཁྱབ་བདག་ཞ་ལུ་པ། དེས་བདག་ལའོ། །ཡང་ན་རྒྱ་སྟོན་ཀུན་དགའ་བརྩོན་གྲུས་ནས། མཁན་ཆེན་བརྩོན་འགྲུས་བྱང་ཆུབ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། གཉུག་ལ་པཎ་ཆེན་ངག་དབང་གྲགས་པ། འཇམ་དབྱངས་གྲགས་པ་ཕྱོགས་ལས་རྣམ་རྒྱལ། འཇམ་དབྱངས་ཚེ་དབང་ཀུན་མཁྱེན། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། རབ་འབྱམས་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་པ། དེས་བདག་ལའོ། །ཡང་ན་མཁན་ཆེན་བསོད་ནམས་གྲགས་པ་ནས། ཐམས་ཅད་མཁྱེན་པ་བུ་སྟོན་རིན་པོ་ཆེ། སྒྲ་ཚད་པ་རིན་ཅེན་རྣམ་རྒྱལ། གྲུབ་ཆེན་དཔལ་བཟང་པ། བཀའ་བཞི་པ་རིན་ཆེན་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། མཚམས་འདིར་བླ་མ་གཉིས་ཙམ་ཞིག་མ་རྙེད། དེ་
ནས་སྐུ་ཞང་བཀྲ་ཤིས་རྒྱལ་མཚན། ལྷ་བོ་བླ་མ་རིན་ཅེན་རྒྱ་མཚོ། རྡོ་རྗེ་འཆང་ཞ་ལུ་པ་ཆེན་པོ། །དེས་བདག་ལའོ། །ཡང་ན་འཇམ་དབྱངས། རྡོ་རྗེ་གདན་པ་ཆུང་བ། པ་རི་ལོ་ཙཱ་བ། བུ་སྟོན་དང་ས་ལུགས་ཀྱི་གསན་ཡིག་ཕལ་ཆེར་ན་བརྒྱུད་པ་འདི་མི་གསལ་ཡང་རྡོ་རྗེ་གདན་པའི་གསན་ཡིག་དང་མཐུན། བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་གྲགས་པ། ས་པཎྜི་ཏ། འཕགས་པ་རིན་པོ་ཆེ། བྲག་ཁ་བ་གྲགས་པ་སེང་གེ །བླ་མ་མང་མཁར་བ། བླ་མ་བྱང་སེང་བ། ཆོས་རྗེ་ཀུན་དགའ་བཀྲ་ཤིས། གནས་རྙིང་འཇམ་དབྱངས་རིན་ཅེན་རྒྱལ་མཚན། གནས་རྙིང་ཀུན་དགའ་བདེ་ལེགས། ཐམས་ཅད་མཁྱེན་པ་དགེ་འདུན་རྒྱ་མཚོ། སེ་ར་རྗེ་བཙུན་པ། ཕ་བོང་ཁ་པ་བདེ་ལེགས་ཉི་མ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་རྩ་བའི་བླ་མ། དེས་བདག་ལའོ། །ཡང་ན་ཁ་ཆེ་པཎ་ཆེན་ནས། པཎྜི་ཏ་དཱ་ན་ཤཱི་ལ། གཡག་སྡེ་ལོ་ཙཱ་བ་བསོད་ནམས་སེང་གེ །མཁན་ཆེན་བདེ་བ་དཔལ་མན་འདྲ། ཨཱ་ནནྡས་མཛད་པ་མ་གཏོགས་པའི་ལུང་བརྒྱུད་ལུགས་གཅིག་ནི། ངོར་ཆེན་ཡན་འདྲ་བ་ལ། དེ་ནས་རྒྱལ་ཚབ་ཀུན་དབང་། ཡོངས་འཛིན་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། སྤྱན་སྔ་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་ཆེན་ཀུན་དགའ་བསོད་ནམས། དེ་སྲས་འཇམ་དཔལ་རྡོ་རྗེ་བསོད་ནམས་དབང་ཕྱུག །རྩ་བའི་བླ་མ་མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་གཉན་ལོ་ལུགས་ཀྱི་རྗེས་གནང་གི་བརྒྱུད་པ་ནི། པཎྜི་ཏ་ཆེན་པོ་མ་ཏི་ནས། གཉན་
ལོ་ཙཱ་བ་དར་མ་གྲགས། གནམ་ཁའུ་པ་དར་མ་རྒྱལ་མཚན། སྒང་སྟོན་གྲུབ་པ། ཇོ་སྲས་རྒྱལ་མཚན། འབྲེ་སྒུར་དརྨ། འཇམ་དབྱངས་གསར་མ། བྱང་ཆུབ་འོད། མཁན་ཆེན་གྲགས་པ་ཚུལ་ཁྲིམས། ལོ་ཆེན་སྐྱབས་མཆོག་དཔལ་བཟང་མན་སྔར་བཞིན་ནོ། །པཎྜི་ཏ་གསེར་གདུགས་ཅན་གྱི་བཞེད་སྲོལ་རྗེ་བཙུན་འཇམ་དབྱངས་དཀར་པོ་ཤེས་རབ་འཁོར་ལོའི་རྗེས་གནང་གོང་མའི་ཕྱག་ལེན་བཞིན་དང་། ཁྲོ་ཕུ་ལོ་ཙཱ་བས་མཛད་པའི་སྒྲུབ་ཐབས་གསལ་བྱེད་མེ་ལོང་གི་ལུང་ཐོབ་པའི་བརྒྱུད་པ་ནི། རྗེ་བཙུན་འཇམ་པའི་དབྱངས། པཎྜི་གསེར་གདུགས་ཅན། མཚན་ཟླ་བའི་འབྱུང་གནས་སྦས་པ། རཱ་ཧུ་ལ་ཤྲཱི། བི་མ་ལ་ཤྲཱི། གོང་དཀར་བའི་གསན་ཡིག་ན་བི་ན་ཡ་ཤྲཱི་ཟེར། བིཀྵ་ཏ་དེ་ཝ། གོང་དཀར་བའི་གསན་ཡིག་ན་བི་ཁྱ་ཏ་ཟེར་བ་སྣང་། ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲ། ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ། ཆོས་རྗེ་བསོད་ནམས་དབང་ཕྱུག །ཁྲོ་ཕུ་རིན་ཅེན་དབང་ཕྱུག །མཁན་ཆེན་ཆོས་རྒྱལ་དཔལ་བཟང་། ཀུན་སྤངས་ཆོས་གྲགས་དཔལ་བཟང་། ཁྲོ་ཕུ་རིན་ཅེན་འབུམ། གཉག་དབོན་བསོད་ནམས་བཟང་པོ། མཁན་ཆེན་སེང་གེ་དཔལ་བ། མཁན་ཆེན་རིན་ཅེན་བཟང་པོ། མཁན་ཆེན་ཆོས་གྲུབ་སེང་གེ །ལོ་ཆེན་རཏྣ་བྷ་དྲ། ལོ་ཆེན་འགྱུར་མེད་བདེ་ཆེན། ཆོས་གཏེར་དཀོན་ཅོག་ལེགས་པ། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ། ཁྱབ་བདག་ཞ་ལུ་བ་ཆེན་པོ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ངོར་མཁན་ཆེན་སྒྲུབ་ཁང་པ་དཔལ་ལྡན་དོན་གྲུབ་ཀྱི་ཡིག་ཆའི་སྟེང་ནས་རྒྱ་གར་མཁས་གྲུབ་དམ་པ་སངས་རྒྱས་ལུགས་ཀྱི་འཇམ་
དབྱངས་སྨྲ་བའི་སེང་གེ་ཡུམ་དབྱངས་ཅན་མ་སྔོན་མོ་བྱ་རྒྱུད་ཀྱི་ལུགས་ལྟར་མདུན་དུ་བསྐྱེད་པའི་ལྷ་གཉིས་ཀྱི་རྗེས་སུ་གནང་བ་ནོས་ནས། རྒྱབ་རྟེན་ལུང་ལ། འཕགས་པ་འཇམ་དཔལ་དམར་པོའི་གསུང་གི་སྒྲུབ་ཐབས་མཁས་པ་ཀཱ་མ་ཤྲཱི་ལས་མཛད་པ། འཇམ་དཔལ་དམར་པོའི་སྒྲུབ་པའི་རིམ་པ་དམ་པ་རྒྱ་གར་གྱིས་མཛད་པ། འཇམ་དཔལ་གྱི་བསྟོད་པ་ཆོས་དབྱིངས་རྣམ་དག་མ། དབྱངས་ཅན་མའི་བསྟོད་པ་དུས་གསུམ་བདེ་གཤེགས་མ། ཤེས་རབ་འཕེལ་བའི་གདམས་པ་འཇམ་དཔལ་དམར་པོ་གསུང་གི་རྫོགས་རིམ། འཇམ་དཔལ་གྱི་ཞལ་མཐོང་བའི་ཐབས། རིལ་སྒྲུབ་ཀྱི་ཚོགས་བཅད་བློ་འཕེལ་སྒྲོན་མེ། རྫས་དང་འཁོར་ལོ་ལ་བརྟེན་ནས་ཤེས་རབ་འཕེལ་བ། རྒྱལ་པོ་དབང་དུ་བསྡུ་བ་བློན་པོ་སོགས་ལའང་དེ་དང་འདྲ་བ། མུ་དྲ་དབང་དུ་བྱ་བ་མཛེས་མ་རྒྱན་འཁོར། གཞན་གྱི་ངག་རྐུ་བ། ཕ་རོལ་གྱི་ཤེས་རབ་འཕྲོག་པ། མངོན་པར་ཤེས་པ་སྒྲུབ་པ། རྐང་མགྱོགས། མིག་རྣོ་བ། སྨན་གྱི་ཐུན་ཚད། རལ་གྲིའི་རྒྱུ། འཁོར་ལོ། རིལ་བུའི་དབྱིབས་དང་ཁ་དོག་གཟའ་སྐར་དང་བཅས་བསྟན་པ། རིལ་བུའི་གདན་གྱི་འཁོར་ལོའི་བསྐྱེད་ཆོག །རྗེས་སུ་གནང་བའི་ཆོ་ག་ཐུན་མོང་མ་ཡིན་པ་རྫོགས་བྱང་གི་མཐའ་ཅན། སྒྲུབ་ཐབས་དང་རྗེས་གནང་གི་མཎྜལ་བསྟན་པ། སྒྲུབ་པའི་ཚད་དང་བླང་དོར་བསྟན་པ། སཱ་ཙྪ་དཀར་ནག་གི་སྦྱོར་བ་ལ་བརྟེན་ནས་གནོད་བྱེད་གནོན་ཞིང་བར་གཅོད་བསྲུང་བ། དབང་སྡུད་འཁོར་ལོ་འདྲི་ཚུལ་གྱི་གསལ་བྱེད་དང་བཅས་པ། འདི་ཡན་ཕལ་ཆེར་ཡིག་རྙིང་དམ་པའི་གསུང་། གདམས་པའི་བྱུང་ཚུལ་ཁྱབ་བདག་སྨན་ལུང་པ་མ་ཏིའི་མཚན་ཅན་གྱི་ཟིན་བྲིས།
འཁོར་ལོ། གཏོར་མ། སྦྱིན་སྲེག །སྤོགས་ཆོག །རྫས་ཀྱི་བྱ་བ་དང་བཅས་པ་འཇམ་དབྱངས་སྨྲ་སེང་སྒྲུབ་པའི་མན་ངག་ཟབ་པ་ལས་ཀྱང་ཆེས་ཟབ་པ་རིགས་འཛིན་ཀརྨ་གུ་རུས་ཀོང་པོ་རྩེ་ལྷ་སྒང་དུ་མཛད་པ། དེའི་གསུང་རྒྱུན་གྱི་སྔོན་འགྲོ་དངོས་གཞི་རྗེས་གསུམ་གྱི་གེགས་སེལ་གནད་ཀྱི་མན་ངག །སྒབ་འདྲེ་དཀྱིལ་འཁོར་ཉལ་འོག་སྒོ་ཐེམ་ཞབས་སུ་གནོན་ཐབས། དཔེ་རིས་ལས། རིལ་བུའི་གདན་དང་ཁེབས་ཀྱི་འཁོར་ལོ། ཡུམ་གྱི་འཁོར་ལོ། མཛེས་མ་རྒྱན་འཁོར། སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཛད་པའི་སྒྲུབ་ཐབས་ཉིན་བྱེད་མི་ཤེས་སྨག་རུམ་སེལ་བ། དེས་མཛད་པའི་རྗེས་གནང་གི་ཆོ་ག་བཀླགས་པས་དོན་གྲུབ། དེས་མཛད་པའི་རིལ་སྒྲུབ་ཀྱི་གདམས་པ་རྒྱ་གཞུང་གི་གསལ་བྱེད་ཉིན་བྱེད་སྣང་བ་དང་བཅས་པ་རྣམས་ལེགས་པར་ཐོབ་པ་ལས་རིལ་སྒྲུབ་བློ་འཕེལ་སྒྲོན་མེ་དང་། སྒྲུབ་ཁང་པས་མཛད་པའི་ཡིག་ཆ་གསུམ་མ་གཏོགས་རྗེས་གནང་དང་ལུང་ཡོངས་རྫོགས་ཀྱི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། དྲང་སྲོང་ཉི་མའི་ཤིང་རྟ། བྲམ་ཟེ་རིག་བྱེད་གཞོན་ནུ། དབྱངས་ཆེན་བཟང་པོ། འཇམ་དབྱངས་མཁྱེན་བརྩེའི་གསན་ཡིག་ན་འདི་ལྟར་འདུག་ཀྱང་ལོ་རྒྱུས་སུ་དམ་པས་རིག་བྱེད་གཞོན་ནུ་ལ་གསན་པར་བཤད་པས་དཔྱད། རྒྱ་གར་དམ་པ་སངས་རྒྱས། དར་པན་ཨཱ་ཙཪྻ། མཆིམས་ནམ་མཁའ་གྲགས། དབུས་པ་གཞོན་ནུ་བྱང་ཆུབ། ཉང་སྟོད་པ་ཚུལ་ཁྲིམས་གཟུངས། མཁས་བཙུན་དོན་གྲུབ་རིན་ཅེན། དེ་ཝ་རཱ་ཛ། སློབ་དཔོན་གཉན། མཁན་པོ་ཚུལ་ཁྲིམས་དགའ། བླ་མ་བཀྲ་ཤིས་དཔལ། བླ་བྲང་པ་བཟང་པོ་དཔལ། ཆོས་རྗེ་ཉི་མ་རྒྱལ་མཚན། རོང་སྟོན་
ཤཱཀྱ་རྒྱལ་མཚན། པཎ་ཆེན་བཀྲ་ཤིས་རྣམ་རྒྱལ། སེམས་དཔའ་ཆེན་པོ་བསོད་ནམས་ལྷ་དབང་། མཐུ་སྟོབས་དབང་ཕྱུག་ཀུན་དགའ་བཀྲ་ཤིས། པཎ་ཆེན་ཕྱོགས་ལས་རྣམ་རྒྱལ། ཀརྨ་འཕྲིན་ལས་ཆེ་བའང་ཟེར། གྱེར་གྱི་སྔགས་འཆང་བསོད་ནམས་དགེ་ལེགས། རིག་འཛིན་ཆེན་པོ་བསོད་ནམས་རྣམ་རྒྱལ། དཔལ་ཨོ་རྒྱན་བསྟན་འཛིན་ཆོས་ཀྱི་སྒྲོན་མེ། རིག་འཛིན་ཆེན་པོ་ཀརྨ་གུ་རུ། ཆོས་བརྒྱད་རང་གྲོལ་ནམ་མཁའ་ཆོས་དབང་ཁྱབ་བདག་ཁྲ་ཚང་པ་ཆེན་པོ་བློ་གྲོས་མཆོག་གི་རྡོ་རྗེ། རྩ་བའི་བླ་མ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་རྗེས་གནང་གི་བརྒྱུད་ལུགས་གཅིག་ནི། ཕ་དམ་པ་ནས། ཁ་ཆེ་གུཧྱ་པ། གླན་སྒོམ་ཡབ་སྲས། གོང་དཀར་བའི་གསན་ཡིག་ན་འདིའི་སྔོན་དུ་ལོ་བཙུན་ཆུང་ཟེར་བ་ཞིག་འདུག་པ་ཆད་དམ་དཔྱད། བླ་མ་འོད་ཟེར་ཤཱཀྱ། ཤར་པ་ཤེར་འབྱུང་བའི་གསན་ཡིག་ན་ཤཱཀ་འོད་ཟེར་བ་བདུག་པ་ཕལ་ཆེར་དང་མ་མཐུན་པས་ནོར་བ་འདྲ། སློབ་དཔོན་འོད་ཟེར་མགོན་པོ། སློབ་དཔོན་ཤཱཀྱ་གཞོན་ནུ། སྤྱན་སྔ་བཀྲ་ཤིས་རྣམ་རྒྱལ་མན་འདྲ། ཡང་ན་སྤྱན་སྔ་བཀྲ་ཤིས་རྣམ་རྒྱལ་ནས། མཁན་པོ་བཟོད་པ་དཔལ། མཁན་པོ་བསོད་ནམས་འོད་ཟེར། མཁན་པོ་ཤེས་རབ་མགོན་པོ། ཤར་ཆེན་ཡེ་ཤེས་རྒྱལ་མཚན། ངོར་ཆེན་ཀུན་དགའ་བཟང་པོ། པཎ་ཆེན་གྲགས་པ་རྒྱལ་མཚན། གློ་བོ་མཁན་ཆེན་བསོད་ནམས་ལེགས་འབྱུང་། རྗེ་ལྷ་མཆོག་སེང་གེ །ཤར་ཁང་པ་ཤེས་རབ་རྒྱལ་མཚན། བྲང་ཏི་པཎ་ཆེན་ནམ་མཁའ་དཔལ་བཟང་། སྒྲུབ་ཁང་པ་མཁས་མཆོག་དཔལ་ལྡན་དོན་གྲུབ། གནས་གསར་རྡོ་རྗེ་འཆང་
མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་ན་བླ་མ་འོད་ཟེར་ཤཱཀྱ་ནས། ལོ་ཙཱ་བ་མཆོག་ལྡན། སྐྱི་སྟོན་གྲགས་པ་རྒྱལ་མཚན། ཀུན་མཁྱེན་དོལ་པོ་བ་ཤེས་རབ་རྒྱལ་མཚན། ས་བཟང་མ་ཏི་པཎ་ཆེན། ས་བཟང་འཕགས་པ། ངོར་ཆེན་མན་འདྲ། ཡང་ན་ཕ་དམ་པ་ནས། དམ་པ་སོ། ལྐུགས་རིང་། ལྡེ་སྟོན་དགེ་བ། གློ་ཆེན་སངས་རྒྱས། གར་ཐིག་པ་བསོད་རྒྱལ། བླ་མ་མགོན་པོ་འབུམ། ས་བཟང་འཕགས་པ་མན་འདྲ། ཡང་ཉེ་བརྒྱུད་ནི། འཇམ་དབྱངས། ཕ་དམ་པ་མན་འདྲ། རིལ་སྒྲུབ་བློ་འཕེལ་སྒྲོན་མེ་དང་སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཛད་པའི་ཡིག་ཆ་ལེ་ཚན་གསུམ་གྱི་ལུང་ནི། མཁས་གྲུབ་དཔལ་ལྡན་དོན་གྲུབ། བྲང་ཏི་ནམ་མཁའ་སངས་རྒྱས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །འཇམ་དཔལ་དཔའ་བོ་གཅིག་སྒྲུབ་ཀྱི་རྒྱུད་ལ་བརྟེན་ནས་འཁོར་ལོས་ཐོག་བསྲུང་བའི་ལག་ལེན་ཀུན་མཁྱེན་བུས་མཛད་པའི་བརྒྱུད་པ་ནི། བུ་སྟོན་ཐམས་ཅད་མཁྱེན་པ། ཐུགས་སྲས་ལོ་ཙཱ་བ། རྗེ་ནམ་མཁའི་མཚན་ཅན། བླ་མ་དོན་གྲུབ་ལེགས་པ། འཁྲུལ་ཞིག་ཚུལ་ཁྲིམས་རྒྱལ་མཚན། མཁྱེན་རབ་རྗེ། བྱང་གླིང་རིན་ཅེན་རྒྱལ་པོ། བླ་མ་དོན་གྲུབ་རྒྱལ་མཚན། རྗེ་བཀྲ་ཤིས་རྒྱལ་མཚན། བླ་མ་ཀུན་དགའ་བཀྲ་ཤིས། རྗེ་དཀོན་ཅོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ་གྱིས་མཛད་པའི་དཀྱིལ་ཆོག་བདེ་དགའ་རྒྱ་མཚོའི་སྟེང་ནས་དེ་བཞིན་གཤེགས་པའི་རིགས་ཀྱི་ཡུམ་དུ་གཏོགས་པ་བཅོམ་ལྡན་འདས་མ་བསྲུང་བ་ལྷ་ལྔ་བཅུ་རྩ་གཅིག་གི་རས་
བྲིས་ཀྱི་དཀྱིལ་འཁོར་དུ་དབང་ལེགས་པར་ནོས་པའི་བརྒྱུད་པ་ནི། གཙོ་མོ་ལྔ། ཕྱོགས་སྐྱོང་བཅུ། གཟའ་དགུ །རྒྱུ་སྐར་ཉེར་བརྒྱད། རྒྱལ་ཆེན་བཞི་དང་བཅས་ལྷ་ལྔ་བཅུ་རྩ་དྲུག་བྱུང་བསགཙོ་མོ་ལྔ་པོ་གཅིག་ཏུ་འབྲང་ན་མ་གཏོག་མ་འགྲིག་པས་དཔྱད། རྫོགས་པའི་སངས་རྒྱས། དཔལ་ཕྱག་ན་རྡོ་རྗེ། ཛེ་ཏཱ་རི་དགྲ་ལས་རྣམ་པར་རྒྱལ་བ། རྡོ་རྗེ་གདན་པ་ཆེ་བ། ཆུང་བ། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། ཆོས་ཀྱི་རྒྱལ་པོ་འཕགས་པ་རིན་པོ་ཆེ། དགའ་ལྡན་པ་བཀྲ་ཤིས་དཔལ། གོང་དཀར་བའི་གསན་ཡིག་ན་ཀུན་བསོད་འདུག་པས་བརྟག །ཀུན་མཁྱེན་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། སྒྲ་ཚད་པ་རིན་ཅེན་རྣམ་རྒྱལ། ལྕེ་ཆོས་རྒྱལ་ནམ་མཁའ་མཆོག་གྲུབ། ཞ་ལུ་དཀའ་བཞི་པ་ཆེན་པོ། སྐུ་ཞང་མཁྱེན་རབ་ཆོས་རྗེ་རིན་ཅེན་མཆོག་གྲུབ། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་འཇམ་དཔལ་ངག་དབང་ཆོས་གྲགས། རིགས་དང་དཀྱིལ་འཁོར་ཀུན་གྱི་ཁྱབ་བདག་མགོན་པོ་བསོད་ནམས་མཆོག་ལྡན། ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་བ་རི་ལོ་ཙཱ་བ་ནས། གཉན་སྟོན་གྲགས་པ། གཉན་རིན་ཅེན་གྲགས། ལྷ་སའི་གནས་བརྟན་དཀོན་ཅོག །མཁན་ངག་ཆོས་པའི་གསན་ཡིག་ན་དཀོན་རྒྱལ་ཟེར་བ་འདུག་པས་བརྟག །དེའི་སྲས་རྔོག་སྟོན་ཁའུ་རྒྱལ། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །རོང་པ་ཤེས་རབ་སེང་གེ །འཕགས་འོད་ཡོན་ཏན་རྒྱ་མཚོ། ཀུན་མཁྱེན་བུ་སྟོན་མན་འདྲ། ཡང་ན་བུ་སྟོན་རིན་པོ་ཆེ་ནས། མཁན་ཆེན་ཤེས་རབ་རྡོ་རྗེ། བླ་མ་ཨ་མོ་གྷ། འཇམ་དབྱངས་བསོད་ནམས་
རིན་ཅེན། ཆོས་ལུང་མཁན་ཆེན་དོན་ཡོད་རྒྱལ་མཚན། མཁན་ཆེན་ཀུན་དགའ་བློ་གྲོས་རྒྱལ་མཚན། ཆོས་རྗེ་བཤེས་གཉེན་བཀྲ་ཤིས། གྲུབ་མཆོག་ངག་དབང་རྣམ་རྒྱལ། ཀུན་མཁྱེན་མཁྱེན་བརྩེ་མན་འདྲ། ཡང་ན་མཁྱེན་རབ་ཆོས་རྗེ་ནས། མཁན་ཆེན་དཀོན་ཅོག་ཚུལ་ཁྲིམས། གུང་པ་མགོན་པོ་རྒྱལ་མཚན། དགེ་སློང་ངག་དབང་རྣམ་རྒྱལ་མན་འདྲ། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་མངོན་རྟོགས་དང་ལུང་གསུམ་གྱི་ཆིངས་ཕྱག་ལེན་ལྟར་འོད་ཟེར་ཅན་མ་གཙོ་རྐྱང་གི་རྗེས་སུ་གནང་བ་དང་། དེས་མཛད་པའི་འོད་ཟེར་ཅན་མའི་སྒྲུབ་ཐབས་དགྲ་བོ་འདུལ་བའི་ལས་ཚོགས་ཐོབ་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ། རྗེ་བཙུན་ས་ཆེན། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། ཚོགས་སྒོམ་པ། ཉན་ཆེན་པ། བླ་མ་བསོད་ནམས་སྐྱབས། རྗེ་གཟུངས་ཀྱི་དཔལ་བ། དཔལ་ལྡན་ཚུལ་ཁྲིམས། ཤར་ཆེན་པ། ངོར་ཆེན་ཀུན་དགའ་བཟང་པོ། རྗེ་དཔལ་ལྡན་རྡོ་རྗེ། རྗེ་དཀོན་ཅོག་ཚུལ་ཁྲིམས། རྗེ་བཙུན་སྒོ་རུམ་པ། ཀུན་མཁྱེན་མཁྱེན་བརྩེ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ། དེས་བདག་ལའོ། །
གདུགས་དཀར་ལྷ་བཅུ་བདུན་མའི་དབང་ངམ་རིག་གཏད་ལེགས་པར་ནོས་པའི་ལུང་བརྒྱུད་སོགས།
སོའི་སྔགས་འཆང་ཆེན་པོ་སྙེ་མདོ་བ་ཤཱཀྱ་དཔལ་གྱིས་མཛད་པའི་ཡིག་ཆ་ལ་བརྟེན་ནས་དེ་བཞིན་གཤེགས་པའི་རིགས་ཀྱི་གཙུག་གཏོར་གདུགས་དཀར་ལྷ་བཅུ་བདུན་མའི་རས་བྲིས་ཀྱི་དཀྱིལ་འཁོར་དུ་དབང་ངམ་རིག་གཏད་ལེགས་པར་ནོས་པའི་བརྒྱུད་པ་ནི། བཅོམ་ལྡན་འདས་ཐུབ་པའི་དབང་པོ། གཙུག་ཏོར་གདུགས་དཀར་མོ། གསང་བདག་ཕྱག་ན་
རྡོ་རྗེ། སློབ་དཔོན་བསམ་གཏན་བཅུ་པ། མཁས་པ་ཙནྡྲ་གོ་མི། སློབ་དཔོན་གི་ར་ཝ་ཏི། སློབ་དཔོན་རྡོ་རྗེ་རྣོན་པོ། སློབ་དཔོན་པདྨ་ལྕགས་ཀྱུ། བྲམ་ཟེ་རིན་ཅེན་རྡོ་རྗེ། སློབ་དཔོན་ཛེ་ཏཱ་རི་པ། རྡོ་རྗེ་གདན་པ་ཆེ་ཆུང་གཉིས། བ་རི་ལོ་ཙཱ་བ། ལྡན་མ་ཀྱུ་ར་ཨ་སྐྱབས། རྗེ་བཙུན་བརྩེ་བ་ཆེན་པོ། རྗེ་བཙུན་གྲགས་པ་རྒྱལ་མཚན། དེ་ལ་སྟོད་ལུང་གད་སེར་བ་དང་ཕོ་རོག་མདོ་སྡེ་མགོན་གཉིས་ཀྱིས་གསན། གཉིས་ཀ་ནས་ཁམས་པ་རྒན་མོ་ལྷས་པ་བྱང་ཆུབ་དཔལ། བླ་མ་ཡེ་ཤེས་རིན་ཅེན། རྗེ་རིན་ཅེན་རྒྱལ་མཚན། བླ་མ་ཆ་རྒན་པ། བླ་མ་གྲགས་ཆེན་པ། ཀུན་མཁྱེན་འཕགས་འོད། བུ་སྟོན་ཐམས་ཅད་མཁྱེན་པ། སྒྲ་ཚད་པ་རིན་ཅེན་རྣམ་རྒྱལ། སྔགས་འཆང་ཤཱཀྱ་དཔལ་བ། རྗེ་དཀོན་ཅོག་རྒྱལ་མཚན། ཆོས་རྗེ་རྒྱལ་མཚན་བཀྲ་ཤིས། སློབ་དཔོན་དབང་ཆེན་རྒྱལ་པོ། བླ་མ་བྱང་ཆུབ་བཟང་པོ། མཁན་ཆེན་རིན་ཅེན་ཀུན་ལྡན། རིག་འཛིན་ཀུན་དགའ་དོན་གྲུབ། དགེ་སྟེང་བླ་མ་བྱམས་པ་ཀུན་དགའ་འབྱུང་གནས། རིག་འཛིན་ཆེན་པོ་ཁྲ་ཚང་པ་བློ་མཆོག་རྡོ་རྗེ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་རྩ་བའི་བླ་མ་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཁམས་པ་རྒན་ལྷས་པ་ནས། འཇམ་དབྱངས་བཞི་ཐོག་པ། རོང་པ་ཨ་ཀ་ར། སློབ་དཔོན་དཀོན་ཅོག་ཚུལ་ཁྲིམས། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་རྒྱལ་བ། ཀུན་མཁྱེན་ཤེས་རབ་དཔལ་བཟང་། རྗེ་སངས་རྒྱས་རིན་ཅེན། པཎ་ཆེན་ངོ་མཚར་རྒྱ་མཚོ། མར་སྟོན་སེམས་དཔའ་ཆེན་པོ། རྡོ་རྗེ་འཆང་སྔགས་རམ་པ་དགེ་འདུན་ཀུན་དགའ་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་གཞོན་
ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །དེ་ཡང་སྙེ་མདོ་ཤཱཀྱ་དཔལ་བའི་འོག་ཏུ་མཁན་ཆེན་བཀྲ་ཤིས་པ་དང་མཁན་ཆེན་ནམ་ཆོས་པ་གཉིས་དགེ་སྟེང་པ་ཚོས་མོས་གུས་བརྒྱུད་པར་བགྲངས་པ་ལས་ཆོས་བརྒྱུད་དུ་མེད་འདུག་པས་འདིར་དཀྱུས་སུ་མ་བྲིས། ཆོས་རྗེ་རྒྱལ་མཚན་བཀྲ་ཤིས་ཤིན་ཏུ་མཁས་པས་བསྐུལ་གྱི་ཞིང་དེར་དཀྱིལ་འཁོར་རེ་བྲིས་ཀྱང་འཐེབ་པ་འདུག་གསུང་། ཀུན་མཁྱེན་རྡོ་རྗེ་གདན་པས་ཆོས་གསན་པར་བཞེད་དེ་གདན་དྲངས་པས་གླང་པོ་ཆེའི་མཆེ་བ་བྱི་བའི་ཁར་མི་ཤོང་གསུང་བ་སོགས་ཐུགས་ང་རྒྱལ་ཆེས་སྐྱོན་ཙམ་བྱུང་བར་གྲགས། མཁས་གྲུབ་གྲགས་པ་རིན་ཅེན་གྱིས་མཛད་པའི་དཀྱིལ་ཆོག་འཇུག་བདེ་རབ་གསལ་གྱི་སྟེང་གནས་འཕགས་པ་ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མེད་པ་ལྷ་ལྔའི་རས་བྲིས་ཀྱི་དཀྱིལ་འཁོར་དུ་རིག་གཏད་ཐོབ་པའི་བརྒྱུད་པ་ནི། ཐུབ་པའི་དབང་པོ། ཇོ་བོ་ཆེན་པོ་ཨ་ཏི་ཤ །ནག་ཚོ་ལོ་ཙཱ་བ་ཚུལ་ཁྲིམསརྒྱལ་བ། རོང་པ་ཕྱག་སོར་བ། བཤེས་གཉེན་བྱ་ཡུལ་པ། སྐར་ཆུང་སྦྱིན་པ། གཟེ་པ་དོན་གྲུབ་ཡེ་ཤེས། ཁམས་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། བདེ་བ་ཅན་པ་ཡེ་ཤེས་མགོན་པོ། བླ་མ་སེང་གེ་རྒྱལ་མཚན། ཐོག་སྟོན་ཤེས་རབ་རྡོ་རྗེ། མེག་སྟོན་གྲགས་པ་འོད་ཟེར། བླ་ཆེན་གྲགས་པ་རིན་ཅེན། ཀུན་མཁྱེན་ནམ་མཁའ་འོད་ཟེར། ཆོས་རྗེ་ནམ་མཁའ་ཚུལ་ཁྲིམས། སྐུ་ཞང་མཁྱེན་རབ་ཆོས་རྗེ། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། རྡོ་
རྗེ་འཆང་བཀའ་འགྱུར་བ་མགོན་པོ་བསོད་ནམས་མཆོག་ལྡན། འཇམ་དཔལ་དབྱངས་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཁྱབ་བདག་ཞ་ལུ་བ་རིན་ཅེན་བསོད་ནམས་མཆོག་གྲུབ་ཀྱིས་མཛད་པའི་གཙུག་ཏོར་དྲི་མེད་ལྷ་ལྔའི་ཆོག་ཁྲིགས་རིན་ཅེན་བསམ་འཕེལ་གྱི་ལུང་ནི་མཁན་ཆེན་ཉིད་ལ་བདག་གིས་ནོས་སོ། །ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་དཀྱིལ་ཆོག་འཆི་མེད་གྲུབ་པ་ལྷན་ཐབས་དང་བཅས་པའི་སྟེང་ནས་འཕགས་པ་འོད་ཟེར་དྲི་མ་མེད་པའི་གཟུངས་ལས་གསུངས་པའི་ཐུབ་པའི་དབང་པོ་ལྷ་བདུན་གྱི་རིག་གཏད་ཐོབ་པའི་བརྒྱུད་པ་ནི། རྗེ་བཙུན་བཙོང་ཁ་བའི་གསན་ཡིག་ན་བོ་དྷི་ས་ཏཱས་མཛད་པའི་མཆོད་རྟེན་བརྒྱ་རྩ་བརྒྱད་ལ་སོགས་པ་གདབ་པའི་རྗེས་གནང་དང་ལུང་ཞེས་པ་སྣང་། ཐུབ་པའི་དབང་པོ། འཇམ་དབྱངས། མཁན་ཆེན་ཞི་བ་འཚོ། ཆོས་རྒྱལ་ཁྲི་སྲོང་ལྡེ་བཙན། ལྷ་སྲས་མུ་ནེ་བཙན་པོ། སད་ན་ལེགས་མཇིང་ཡོན། ལྷ་སྲས་གཙང་མ། ལྷ་སྲས་འོད་སྲུངས། མངའ་བདག་དཔལ་འཁོར་བཙན། སྐྱི་ལྡེ་ཉི་མ་མགོན། ཁྲི་བཀྲ་ཤིས་མགོན། ལྷ་བླ་མ་ཡེ་ཤེས་འོད། ལྷ་བཙུན་བྱང་ཆུབ་འོད། ལྷ་བླ་མ་ཞི་བ་འོད། མངའ་བདག་འོད་སྡེ། རྩེ་ལྡེ། མངའ་རིས་དགྲ་བཅོམ་པ་ཚུལ་ཁྲིམས་བྱང་ཆུབ། ཞུ་ལྷན་པ། ར་ས་ཆུ་ལས་པ། གྲོ་མོ་ཆེ་པ། སངས་རྒྱས་སྒོམ་པ་སྐྱབས། མཆིམས་ནམ་མཁའ་གྲགས། ཚད་མའི་སྐྱེས་བུ་བསོད་ནམས་མགོན། ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་སེམས་དཔའ་ཆེན་པོ། སྐུ་ཞང་ནམ་མཁའ་མཆོག་གྲུབ། བླ་མ་རིན་ཅེན་དོན་གྲུབ་ལེགས་པ། འཁྲུལ་ཞིག་ཚུལ་ཁྲིམས་རྒྱལ་མཚན། དྲིན་ཅན་མཁྱེན་རབ་ཆོས་རྗེ། བྱང་གླིང་རིན་པོ་ཆེ་རིན་ཅེན་རྒྱལ་པོ། ཞ་
ལུ་བ་རིན་ཅེན་བཀྲ་ཤིས། གནུབས་སྒོམ་སྦས་པའི་རྣལ་འབྱོར་སྨོན་ལམ་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་མཆིམས་ནས། མཁན་ཟི། གྲགས་ཆེན་པ། འཕགས་འོད། བུ་སྟོན་མན་འདྲ། ཡང་ན་ཇོ་བོ་རྗེ། ནག་ཚོ་ལོ་ཙཱ་བ། རོང་པ་ཕྱག་སོར་བ། འཕན་ཡུལ་གུ་ཁ་བ། ཤངས་ཀྱི་རྒྱ་ཕུག་པ་ཅན། གཡག་སྡེའི་ཞང་ཡེ་ཤེས་རྒྱལ་མཚན། སློབ་དཔོན་དབང་ཕྱུག་རིན་ཅེན། དབུས་པ་སངས་རྒྱས་འབུམ། ཀུན་མཁྱེན་ཆོས་སྐུ་འོད་ཟེར། འཕགས་འོད་ཡོན་ཏན་རྒྱ་མཚོ། ཆོས་རྗེ་ཐམས་ཅད་མཁྱེན་པ་མན་འདྲ། འཇམ་དབྱངས་མཁྱེན་བརྩེའི་གསན་ཡིག་ན་དབང་རྒྱུན་འདི་ཆད་པར་ཉེ་བའི་ཚེ་བྱང་གླིང་རྗེ་ལ་དབང་ཐོབ་ཅིང་ལག་ལེན་ཀྱང་བསླབས་ནས་ཆོག་དཔོན་ཡུན་རིང་མཛད་པའི་བགྲེས་པོར་གྱུར་པའི་ཞ་ལུ་པ་རིན་ཅེན་བཀྲ་ཤིས་ཟེར་བ་ཁུངས་ཆོད་ནས། དེ་ལ་གནུབས་སྒོམ་གསན་དུ་བཅུག་ནས་དབང་རྒྱུན་འཕེལ་བར་བྱས་གསུང་བ་འདུག་པ་བསྟན་པ་རིན་པོ་ཆེ་ཁོ་ན་ཐུགས་ལ་གཅགས་པའི་རྣམ་པར་ཐར་པ་ལ་རྗེས་སུ་ཡི་རང་ཞིང་དད་པའི་གསོས་སུ་གྱུར་པའོ། །དྲི་མེད་ཀྱི་དཀྱིལ་ཆོག་ཀུན་མཁྱེན་བུས་མཛད་པའི་འཆི་མེད་གྲུབ་པ་དང་ཐུགས་སྲས་ལོ་ཙཱ་བས་མཛད་པའི་གཙུག་ཏོར་དྲི་མེད་ཀྱི་གཟུངས་བཀླག་ཅིང་མཆོད་རྟེན་བརྒྱ་རྩ་བརྒྱད་དམ་ལྔ་གདབ་པའི་ཆོ་ག་མདོ་སྡེ་ལས་བཏུས་པ་མཆོད་འབུམ་གྱི་ལུང་བརྒྱུད་ནི་བུ་རིན་པོ་ཆེ། ཐུགས་སྲས་ལོ་ཙཱ་བ། ལྕེ་བཙུན་ཆོས་ཀྱི་རྒྱལ་པོ། བླ་མ་དོན་གྲུབ་ལེགས་
པ། མཆོད་འབུམ་གྱི་སྐབས་འདི་ཚབ་ཏུ་མཁས་པ་ཙནྡྲ་ཤྲཱི་འཇུག་པ་མ་གཏོགས་གཞན་འདྲའོ། །ཀུན་མཁྱེན་ཚུལ་ཁྲིམས་རྒྱལ་མཚན། མཁྱེན་རབ་ཆོས་རྗེ། ཆོས་རྗེ་དཔོན་རྒྱལ་བ། རིན་ཅེན་རྒྱལ་པོ་ཡང་ཟེར། ཆོས་རྗེ་དོན་གྲུབ་རྒྱལ་མཚན། བྱང་གླིང་བཀྲ་ཤིས་རྒྱལ་མཚན་དྲུང་ཀུན་དགའ་བཀྲ་ཤིས། བླ་མ་དཀོན་ཅོག་རྒྱལ་མཚན། མཁན་ཆེན་ཞ་ལུ་པ། དེས་བདག་ལའོ། །དབང་གི་སྐབས་འཕགས་པ་འོད་ཟེར་དྲི་མ་མེད་པ་རྣམ་པར་དག་པའི་འོད་ཅེས་བྱ་བའི་གཟུངས་ཀྱི་ལུང་གནང་སྲོལ་འདུག་པ་ལྟར་ཐོབ་པའི་བརྒྱུད་པའང་དབང་དང་གཅིག་ཅིང་བརྒྱུད་སྲོལ་གཞན་ནི་བཀའ་འགྱུར་གྱི་སྐབས་སུ་གསལ་ལོ། །ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་འཕགས་པ་འོད་ཟེར་དྲི་མེད་ཀྱི་གཟུངས་ནས་གསུངས་པའི་སྲོག་ཤིང་འཛུགས་པའི་ཆོ་ག་ལག་ལེན་བཀླགས་ཆོག་ངོར་ཆེན་རྡོ་རྗེ་འཆང་གི་བཞེད་པ་ལྟར་བཀོད་པའི་ལུང་གི་བརྒྱུད་པ་ནི། ཀུན་མཁྱེན་མཁྱེན་བརྩེའི་དབང་ཕྱུག་ནས། འདར་ཆོས་འཁོར་ཡང་རྩེ་བ་དཀོན་ཅོག་རྒྱལ་མཚན། དགེ་སློང་ཆེན་མོ་འང་ཟེར། དགེ་སློང་མཁས་གྲུབ་པ། མཁན་ཆེན་ཞ་ལུ་པ། དེས་བདག་ལའོ། །མཁན་ཆེན་ཞ་ལུ་པས་མཛད་པའི་འོད་ཟེར་དྲི་མེད་ཀྱི་དཀྱིལ་ཆོག་གི་ལྷན་ཐབས་དབང་ཆོག་དང་བཅས་པ་མུན་སེལ་ཉིན་བྱེད་སྣང་བ། དེས་མཛད་པའི་འཕགས་པ་གཙུག་ཏོར་དྲི་མེད་ཀྱི་དཀྱིལ་འཁོར་མཆོད་རྟེན་དུ་གཞུག་པའི་ཆོ་ག་འཆི་མེད་བདུད་རྩིའི་དཔལ་སྟེར་ཞེས་བྱ་བ་དང་དེའི་ཆ་མཐུན་གྱི་རྒྱུད་འོད་ཟེར་དྲི་མེད་ཀྱི་དཀྱིལ་འཁོར་མཆོད་རྟེན་དུ་བཞུགས་སུ་གསོལ་ནས་སྲོག་ཤིང་འཛུགས་པའི་ཆོ་ག་དང་བཅས་པའི་འཆི་མེད་བདུད་རྩིའི་ཆུ་རྒྱུན་ཞེས་བྱ་བ་ཐམས་
ཅད་མཁྱེན་པ་བུའི་བཞེད་པ་ལྟར་གསལ་བར་བཀོད་པ་གཉིས་ཡིག་ཆ་གཅིག་ཏུ་དྲིལ་བའི་ལུང་ཡང་རྡོ་རྗེ་འཆང་རིན་ཅེན་བསོད་ནམས་མཆོག་གྲུབ་ལ་བདག་གིས་ནོས་སོ། །
རྣམ་པར་རྒྱལ་མ་ལྷ་དགུའི་རྗེས་གནང་ཐོབ་པའི་ལུང་བརྒྱུད།
ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་སྒྲུབ་ཐབས་བསྟོད་མཆོད་རྗེས་གནང་གི་ཆོ་ག་དང་བཅས་པ་བདུད་རྩིའི་ཆུ་རྒྱུན་གྱི་སྟེང་ནས་གཙུག་ཏོར་རྣམ་པར་རྒྱལ་མ་ལྷ་དགུའི་རྗེས་གནང་ཐོབ་པའི་བརྒྱུད་པ་ནི། སངས་རྒྱས། ཕྱག་ན་རྡོ་རྗེ། གྲུབ་ཆེན་ཛེ་ཏཱ་རི། པཎ་ཀར། རྡོ་རྗེ་གདན་པ་མྱ་ངན་མེད། ཆེ་ཆུང་གཉིས། དོན་ཡོད་རྡོ་རྗེ། བ་རི་ལོ་ཙཱ་བ། རྗེ་ས་སྐྱ་པ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ས་སྐྱ་པཎྜི་ཏ། འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། རི་ཁྲོད་པ་བློ་གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། མཚུངས་མེད་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། རྒྱལ་བ་ལྷ་མཆོག་སེང་གེ །འཇམ་དབྱངས་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། རྗེ་བཙུན་བྲང་ཏི་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ལྷ་མཆོག་སེང་གེ་ནས། སངས་རྒྱས་སེང་གེ །ཐར་རྩེ་པ་མན་འདྲ། ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། ཀུན་མཁྱེན་གོ་བོ། རྗེ་སངས་རྒྱས་རིན་ཅེན། དཀོན་ཅོག་ལྷུན་གྲུབ་མན་འདྲ། ཡང་ན་སངས་རྒྱས་རིན་ཅེན་
ནས། ས་ལོ། དཀོན་ཅོག་ལྷུན་གྲུབ་མན་འདྲ། ཡང་ན་མུས་ཆེན་ནས། གྲུབ་ཆེན་དཀོན་ཅོག་བློ་གྲོས། རྗེ་སངས་རྒྱས་རིན་ཅེན། ས་ལོ་མན་འདྲ། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། རྗེ་སངས་རྒྱས་རིན་ཅེན་མན་འདྲ། ཡང་ན་དཀོན་ཅོག་ལྷུན་གྲུབ་ནས། རྗེ་སངས་རྒྱས་སེང་གེ །ཐར་རྩེ་པ་མན་འདྲ། ཡང་ན་དཀོན་ཅོག་ལྷུན་གྲུབ་ནས། ཐར་རྩེ་པ་མན་འདྲ། ཡང་ན་ཆོས་རྗེ་ས་པཎ་ནས། ཤར་པ་ཤེས་རབ་འབྱུང་གནས། ཤར་པ་རྡོ་རྗེ་འོད་ཟེར། རིན་ཅེན་ཡེ་ཤེས། གློ་ཆེན་སངས་རྒྱས་སྲས། བྲག་སྟོན་གཞོན་ནུ་ཚུལ་ཁྲིམས། བསམ་གཏན་ལྷུན་གྲུབ། གློ་བོ་ལོ་ཙཱ་བ་ཤྲཱི་མཱཾ་བོ་དྷི། འབྲི་ཁུང་ལོ་ཙཱ་བ་མ་ཎི་ཀ་ཤྲཱི་ཛྙཱ་ན། ས་བཟང་འཕགས་པ། ངོར་པ་རྡོ་རྗེ་འཆང་མན་འདྲ། ཡང་ན་ས་པཎ་ནས། ཤར་པ་རྡོ་རྗེ་འོད་ཟེར། བླ་མ་བཀྲ་ཤིས་འོད། འཁོན་སྟོན་ཐུགས་རྗེ་རིན་ཅེན། འཇམ་དབྱངས་རིན་ཅེན་རྒྱལ་མཚན། བྱང་སེམས་རྒྱལ་བ་ཡེ་ཤེས། སྤང་ཁང་པ་གྲགས་པ་དཔལ། སྤྲོ་ལུང་པ་ཀུན་སྨོན། ན་བཟའ་བྲག་ཕུག་པ། ཆོས་རྗེ་བླ་མ་དམ་པ། དཔལ་ལྡན་ཚུལ་ཁྲིམས་མན་འདྲ། ཡང་ན་རྡོ་རྗེ་གདན་པ་ཆེ་ཆུང་གཉིས་ནས། ཇོ་བོ་ཨ་ཏི་ཤ །བ་རི་ལོ་ཙཱ་བ། གོང་མ་ལྔ། སྣུར་ཡེ་ཤེས་རྒྱལ་མཚན། སྣུར་ཆོས་འཕགས། གར་ཐིག་པ་སེང་གེ་རྒྱལ་མཚན། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། ཐེལ་གྲགས་པ་རྡོ་རྗེ། དྲུང་བྱང་ཆུབ་རྡོ་རྗེ། འཇམ་དབྱངས་རིན་ཅེན། མཁན་ཆེན་ཟླ་བ་བློ་གྲོས། མཁན་ཆེན་ཉི་མ་བ། མཁན་ཆེན་ཀུན་བློ་བ། པཎ་ཆེན་ངོ་མཚར་རྒྱ་མཚོ། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་
ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་བ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །རིང་བརྒྱུད་ནི། སངས་རྒྱས་ཤཱཀྱ་ཐུབ་པ། འདི་གསན་ཡིག་གཞན་ན་མི་འདུག་རུང་རྡོ་རྗེ་གདན་པའི་གསན་ཡིག་ན་སྣང་ངོ་། །བྱམས་པ། ཐོགས་མེད། དབྱིག་གཉེན། སྐལ་ལྡན་གྲགས་པ། ཤཱི་ལ་ཀཱ་ར་མ་ཏི། པཎྜི་ཏ་བེ་རོ་ཙ་ན་རཀྵི་ཏ། བ་རི་ལོ་ཙཱ་བ་མན་འདྲ། དཀོན་ཅོག་ལྷུན་གྲུབ་ཀྱིས་མཛད་པའི་སྒྲུབ་ཐབས་བདུད་རྩིའི་ཆུ་རྒྱུན་གྱི་ལུང་བརྒྱུད་ནི། རྗེ་དཀོན་ཅོག་ལྷུན་གྲུབ། དབོན་དཀོན་ཅོག་དཔལ་ལྡན། ཤར་ཆེན་བྱམས་པ་ཀུན་དགའ་བཀྲ་ཤིས། མཁན་ཆེན་ཤེས་རབ་འབྱུང་གནས། ཁྱབ་བདག་ཞ་ལུ་པ། དེས་བདག་ལའོ། །ཡང་ན་དཀོན་ཅོག་ལྷུན་གྲུབ་ནས། བྲང་ཏི་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། རྗེ་ཞ་ལུ་པ། དེས་བདག་ལའོ། བུ་སྟོན་ཐམས་ཅད་མཁྱེན་པས་མཛད་པའི་རྣམ་པར་རྒྱལ་མའི་བསྟོད་པ་འདོད་དགུའི་ཆར་འབེབས་ཀྱི་ལུང་བརྒྱུད་ནི། ཀུན་མཁྱེན་བུ་སྟོན། སྒྲ་ཚད་པ་རིན་རྣམ། ལྕེ་ནམ་མཁའི་མཚན་ཅན། བླ་མ་དོན་གྲུབ་ལེགས་པ། འཁྲུལ་ཞིག་ཚུལ་ཁྲིམས་རྒྱལ་མཚན། མཁྱེན་རབ་རྗེ། དཔོན་པོ་རྒྱལ་པོ། རྗེ་དོན་གྲུབ་རྒྱལ་པོ། རྗེ་དོན་གྲུབ་རྒྱལ་མཚན། བྱང་གླིང་བཀྲ་ཤིས་རྒྱལ་མཚན། རྗེ་ཀུན་དགའ་བཀྲ་ཤིས། རིན་པོ་ཆེ་དཀོན་ཅོག་རྒྱལ་མཚན། མཁན་ཆེན་ཞ་ལུ་པ། དེས་བདག་ལའོ། །ངོར་ཆེན་གྱིས་མཛད་པའི་བསྟོད་པ་འཆི་མེད་དཔལ་སྦྱིན་གྱི་ལུང་གི་བརྒྱུད་པ་ནི།
རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །མཚུངས་མེད་སངས་རྒྱས་སེང་གེ །བྲང་ཏི་ནམ་མཁའ་དཔལ་བཟང་། མུས་ཆེན་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །
ཁྲོ་བོའི་རྒྱལ་པོ་གཙུག་ཏོར་འབར་བའི་རྗེས་གནང་སོགས་ཀྱི་ལུང་བརྒྱུད།
སློབ་དཔོན་ཆེན་པོ་ཨ་བྷ་ཡཱ་ཀ་རའི་བཞེད་སྲོལ་ཆག་ལོ་གསུམ་པས་མཛད་པའི་སྲེག་བྱེད་མེའི་མཚོན་ཆའི་ཡི་གེའི་སྟེང་ནས་དམ་པའི་ཕྱག་ལེན་ལྟར་ཁྲོ་བོའི་རྒྱལ་པོ་གཙུག་ཏོར་འབར་བའི་རྗེས་གནང་དང་། ལུང་ལ་ལོ་རྒྱུས། སྒྲུབ་ཐབས་དངོས། སྤྱིར་བཟློག་པའི་མན་ངག །བྱད་ཆུ་བོར་བསྐྱུར་བ་དང་བཅས་པ་མན་ངག་ཏུ་བསྡེབས་པའི་སྲེག་བྱེད་མེའི་མཚོན་ཆ་ཆག་ལོ་གསུམ་པ་རིན་ཅེན་ཆོས་ཀྱི་རྒྱལ་པོས་མཛད་པ། དེས་མཛད་པའི་བསྟོད་པ་དཔལ་མགོན་སངས་རྒྱས་མ་དང་བཅས་ཐོབ་པ་ལས་རྗེས་གནང་གི་བརྒྱུད་པ་ནི། དེ་བཞིན་གཤེགས་པ་སཱ་ལའི་དབང་པོ། སངས་རྒྱས་ཤཱཀྱ་སེང་གེ །པཎ་གྲུབ་ཨ་བྷ་ཡཱ་ཀ་ར། བྷཾ་ག་ལའི་པཎ་ཆེན་ཤ་བྦྷཾ་ཀ་ར་གུ་པྟ། དེ་ལ་ཁ་ཆེའི་པཎྜི་ཏ་བུདྡྷ་ཤྲཱི་ཛྙཱ་ན་དང་གྲུབ་ཆེན་ཨཱ་ནནྡ་གུཔྟ་གཉིས་ཀྱིས་ཞུས། གཉིས་ཀ་ལ་ཆག་ལོ་དགྲ་བཅོམ། དེ་ནས་ཆག་ལོ་ཆོས་རྗེ་དཔལ། གཙང་ནག་སྤུག་པ་མཁན་ཆེན་དབང་ཕྱུག་ཤེས་རབ། ཆོས་རྗེ་དཔལ་བའི་གདན་ས་པ་ཡིན། ཆགས་དབོན་བསྟན་འཛིན་དཔལ་བཟང་། འཛག་མོན་མཁས་པ་གྲུབ་ཆེན་མངྒ་ལ་ཤྲཱི། ཏེའུ་རའི་ཟུར་ཁང་དུ་བཞུགས་དགུང་ལོ་བརྒྱ་བཞེས། རྗེ་བཙུན་དཔལ་ཆེན་བཟང་པོ། ཆོས་རྗེ་ཡེ་ཤེས་དཔལ་བཟང་། དེ་ལ་རྒྱལ་སྲས་བློ་བཟང་དཔལ་
འབྱོར་དང་རྡོ་རྗེ་འཛིན་པ་ཆོས་སྐྱོང་བཟང་པོ་གཉིས་ཀྱིས་གསན། ཡབ་སྲས་གསུམ་ག་ནས་ཆག་ལོ་གསུམ་པ་རིན་ཅེན་ཆོས་རྒྱལ། བླ་མ་རིན་ཅེན་རྒྱལ་མཆོག །ཆོས་རྫོང་པ་དགེ་སློང་ངག་དབང་རྣམ་རྒྱལ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་བ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། ལུང་གི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ནས། བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། དེས་བདག་ལའོ། །མཁས་པ་ཡོན་ཏན་ཁྲིས་མཛད་པའི་བྱིན་རླབས་རྗེས་སུ་གནང་བའི་ཡི་གེ་ལ་བརྟེན་ནས་དེ་བཞིན་གཤེགས་པའི་རིགས་ཀྱི་ཕོ་ཉ་ཁྲོ་བོའི་རྒྱལ་པོ་མི་གཡོ་བ་དཀར་པོའི་རྗེས་སུ་གནང་བ་དང་ལུང་ལ། འཕགས་པ་མི་གཡོ་བའི་སྒྲུབ་ཐབས་རྒྱ་གར་ཤར་ཕྱོགས་ཀྱི་པཎྜི་ཏ་དཱ་ན་ཤྲཱི་ལས་རང་འགྱུར་དུ་མཛད་པ། མཁས་པ་ཡོན་ཏན་ཁྲིས་མཛད་པའི་མི་གཡོ་བ་དཀར་པོ་ལ་བརྟེན་པའི་ཤེས་རབ་བློ་འཕེལ་གྱི་སྒྲུབ་ཐབས་བཅུད་ཀྱི་སྙིང་པོར་བཀོད་པ། དེས་མཛད་པའི་སྤྲོ་བསྡུ། བོགས་འབྱིན། ལེབ་རྒན་ཏེ་ཞལ་གྱི་གདམས་པ་གསུམ། དེས་མཛད་པའི་བྱིན་རླབས་རྗེས་གནང་གི་ཡི་གེ །སྐྱོར་མོ་ལུང་གི་ཆོས་གྲྭར་མཁས་པ་ཡོན་ཏན་ཁྲིས་སྒྲུབ་པ་མཛད་སྐབས་བྱིན་གྱིས་བརླབས་པའི་སྣང་བ་བྱ་ཚུལ་རྣམས་བརྗེད་བྱང་དུ་མཛད་པ། དེས་ཡོན་ཏན་གྱི་སྒོ་ནས་བསྟོད་པ་ཡན་ལག་བདུན་ལྡན་མ་རྣམས་ཐོབ་པ་ལས་རྗེས་གནང་གི་བརྒྱུད་པ་ནི། ཁྲོ་བོའི་དབང་པོ་མི་གཡོ་བ། པཎ་གྲུབ་ཨ་བྷ་ཡཱ་ཀ་ར་གུཔྟ། ཨཱ་ནནྡ་ཀ་ར་གུཔྟ། སློབ་དཔོན་ལྷན་ཅིག་སྐྱེས་པ་
པཎ་ཆེན་དཱ་ན་ཤྲཱི་ལ། རྗེ་བཙུན་ས་པཎ། འུ་ཡུག་པ་བསོད་ནམས་སེང་གེ །བཅོམ་ལྡན་རལ་གྲི །སློབ་དཔོན་བསོད་ནམས་བཟང་པོ། མཁན་ཆེན་པུཎྱ་བྷ་དྲ། བླ་མ་དར་མ་བཟང་པོ། མཁན་ཆེན་བསོད་ནམས་ཤེས་རབ། མཁན་པོ་ཤེས་རབ་མགོན། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། ཆོས་རྗེ་ཡོན་ཏན་དཔལ། རོང་སྟོན་བློ་བཟང་གྲགས་པ། སྐྱིད་ཤོད་འབྲས་སྤུངས་ཀྱི་མཁན་པོ། མཁྱེན་རབ་རིན་ཅེན་མཆོག་གྲུབ། མཁན་ཆེན་རནྟ་ཤྲཱི་ལ། རྡོ་རྗེ་འཆང་སྒོ་རུམ་པ་ཆེན་པོ། ཀུན་མཁྱེན་མཁྱེན་བརྩེའི་དབང་ཕྱུག །རྗེ་བཙུན་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་པཎ་ཆེན་དཱ་ན་ཤྲཱི་ལ་ནས། བཅོམ་ལྡན་རལ་གྲི །མཆིམས་བློ་བཟང་གྲགས་པ། དགེ་བཤེས་གྲ་རིང་པ། མཚུར་སྟོན་རིན་ཅེན་ཡེ་ཤེས། ཀརྨ་དཀོན་གཞོན། འདིས་འབྲི་ཁུང་དཔལ་འཛིན་རྩོད་པའི་སྒོ་ནས་རྨེག་མེད་དུ་བཅོམ་སྟེ་དཔལ་འཛིན་ལ་ཀློག་གོ་ཆོད་ཅིག་ལས་མི་འདུག་གསུང་སྐད། ཆོས་རྗེ་ཡོན་ཏན་དཔལ། རྗེ་རོང་པོ་བློ་བཟང་པ་མན་འདྲ། ཡང་ན་པཎྜི་ཏ་དཱ་ན་ཤྲཱི་ལ་ནས། འདུལ་འཛིན་བྱང་ཆུབ་སེམས་དཔའ། མཁས་པ་ལུང་གི་དབང་ཕྱུག །རྒྱལ་ཚ་ལུང་མང་པོ། རྒྱལ་སྲས་གཞོན་ནུ་གྲགས་པ། ཇོ་ནང་ཆོས་ཀྱི་རྒྱལ་པོ། གཡག་མི་ཕམ་ཆོས་ཀྱི་བླ་མ། རོང་སྟོན་ཤཱཀྱ་རྒྱལ་མཚན། པཎ་ཆེན་ཤཱཀྱ་མཆོག་ལྡན། སྒོ་རུམ་པ་མན་འདྲ། ཡང་ན་ཁྲོ་བོའི་དབང་པོ། གྲུབ་ཆེན་འོད་བྱེད་འབྱུང་གནས། པཎ་ཆེན་ཤཱཀྱ་ཤྲི་བྷ་དྲ། པཎྜི་ཏ་དཱ་ན་ཤྲཱི་ལ་མན་འདྲ། ཉེ་བརྒྱུད་ནི། ཁྲོ་བོའི་དབང་པོ། པཎྜི་ཏ་དཱ་ན་ཤྲཱི་ལ། དེ་ལ་ས་པཎ་དང་
བཅོམ་རལ་གཉིས་ཀྱིས་གསན་པ་མན་འདྲ། ཡང་རྗེས་གནང་ཉེ་བརྒྱུད་ནི། ཁྲོ་བོའི་དབང་པོ། མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་མཁས་གྲུབ་སེང་གེ་རྒྱལ་མཚན། མཁན་ཆེན་རྒྱལ་བ་མཆོག །བདག་ཆེན་འཇམ་དབྱངས་ཆེན་པོ། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག་མན་འདྲ། ལུང་རྣམས་ཀྱི་བརྒྱུད་པ་ནི། མཁྱེན་བརྩེའི་ཞབས་ནས། མཆོད་དཔོན་དྲུང་པ་དཀོན་ཅོག །རྗེ་དབང་ཕྱུག་རབ་བརྟན་མན་འདྲ། ཡང་ལུང་བརྒྱུད་ལུགས་གཅིག་ནི། ཀུན་མཁྱེན་གཡག་པ་ཡན་གོང་ལྟར་ལ། དེ་ནས་སློབ་དཔོན་དཔལ་ལྡན་བཟང་པོ། པཎ་ཆེན་ཤཱཀ་མཆོག་མན་ཡང་འདྲ་བ་ལས་རྗེ་མཁྱེན་བརྩེའི་རྗེས་སུ་དྲུང་པ་དཀོན་ཅོག་པ་ཡོད་དོ། །ཡང་ན་ཀུན་མཁྱེན་གཡག་པ་ནས། རོང་སྟོན་ཤེས་བྱ་ཀུན་རིག །རྒྱུ་འགུལ་པཎ་ཆེན་གྲགས་པ་རྒྱལ་མཚན། གློ་བོ་མཁན་ཆེན་ལེགས་པའི་འབྱུང་གནས། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། རྗེ་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ཁྲི་ཆེན་ངག་དབང་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །རྩ་བའི་བླ་མ་ཞ་ལུ་མཁན་ཆེན། དེས་བདག་ལའོ། །ཡང་ན་དཀོན་ཅོག་ལྷུན་གྲུབ་ནས། ཤྲཱི་བ་བློ་གྲོས་རྒྱལ་མཚན། སྡོམ་བརྩོན་སྦྱིན་པ་གྲགས་པ། ཁྲི་ཆེན་ཀུན་དགའ་བསོད་ནམས་མན་འདྲ། ཤིན་ཏུ་ཉེ་བརྒྱུད་ནི། མི་གཡོ་བ། གཡག་མི་ཕམ་ཆོས་ཀྱི་བླ་མ་མན་འདྲ། མི་གཡོ་པའི་སྒྲུབ་པ་མཛད་པའི་ཞག་བདུན་ཐོག་ཞལ་དཀར་ནང་དུ་མི་གཡོ་བའི་སྐུ་མཐེབ་སོར་ཙམ་པ་མང་པོ་བྱུང་བ་བགེགས་ཀྱི་སྤྲུལ་
བར་མཁྱེན་ནས་ལྷག་མེད་གསོལ་བས་ཐུལ་ཞིང་བཅོམ་ལྡན་འདས་ཞལ་གཟིགས་པའི་ལོ་རྒྱུས་སྣང་ངོ་། །མི་གཡོ་བ་སྔོན་པོའི་རྗེས་གནང་དམ་པའི་ཕྱག་ལེན་འཁྲུལ་མེད་ལྟར་ཐོབ་པའི་བརྒྱུད་པ་ནི། དེ་བཞིན་གཤེགས་པ། ཕྱག་ན་རྡོ་རྗེ། གྲུབ་ཆེན་ཛེ་ཏཱ་རི་པ། རྡོ་རྗེ་གདན་པ་མྱ་ངན་མེད་པའི་དཔལ། པཎྜི་ཏ་དོན་ཡོད་རྡོ་རྗེ། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འགྲོ་མགོན་ཆོས་རྒྱལ་འཕགས་པ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། རི་ཁྲོད་པ་བློ་བརྟན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེར་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། གྲུབ་ཆེན་བསོད་ནམས་སེང་གེ །རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་མེད་ཟུར་རྡོ་རྗེ་འཆང་། དེས་བདག་ཟ་ཧོར་བནྡེ་ལའོ། །དཀོན་ཅོག་ལྷུན་གྲུབ་ཀྱིས་མཛད་པའི་མངོན་རྟོགས་དང་རྗེས་གནང་གི་ཆོ་གའི་ལུང་བརྒྱུད་ནི། རྩོམ་པ་པོ། བྲང་ཏི་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། མཁན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །མི་གཡོ་བ་སྔོན་པོ་པུས་བཙུགས་སམ་ཆུ་བསྲུང་གི་རྗེས་སུ་གནང་བ་དམ་པའི་ཕྱག་ལེན་འཁྲུལ་པ་མེད་པ་བཞིན་དང་། དེའི་སྒྲུབ་ཐབས་སློབ་དཔོན་རྩེ་མོས་མཛད་པའི་ལུང་དང་བཅས་ཐོབ་པའི་བརྒྱུད་པ་ནི། སངས་རྒྱས། ཕྱག་ན་རྡོ་རྗེ། ཛེ་ཏཱ་རི་དགྲ་
ལས་རྣམ་རྒྱལ། རྡོ་རྗེ་གདན་པ་མྱ་ངན་མེད་པའི་དཔལ། པཎྜི་ཏ་ཨ་མོ་གྷ་བཛྲ། བ་རི་ལོ་ཙཱ་བ། རྗེ་བཙུན་ཀུན་དགའ་སྙིང་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། ཆོས་རྒྱལ་འཕགས་པ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། རི་ཁྲོད་པ་བློ་བརྟན། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། གུ་གེ་པཎྜི་ཏ། གློ་བོ་མཁན་ཆེན་བསོད་ནམས་ལྷུན་གྲུབ། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། འཇམ་དབྱངས་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་ཆེན་ངག་དབང་ཀུན་དགའ་བསོད་ནམས། གོང་དཀར་པཎ་ཆེན་ཀུན་བཟང་རྩེ་པ་དཔལ་ལྡན་ཚུལ་ཁྲིམས། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། རྒྱལ་ཚབ་ཀུན་དབང་། ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །ངོར་པ་སངས་རྒྱས་སེང་གེ །རྗེ་ཀུན་དགའ་ལུང་རིག །སྡོམ་བརྩོན་སྦྱིན་པ་གྲགས་པ། ས་སྐྱ་ཁྲི་ཆེན་མན་འདྲ། །
ཛེ་ཏ་རིའི་ལུགས་ཀྱི་ཚེ་དཔག་མེད་ལྷ་དགུའི་དབང་སོགས་ཀྱི་ལུང་བརྒྱུད།
ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་དཀྱིལ་འཁོར་གྱི་ཆོ་ག་འཆི་མེད་གྲུབ་པའི་ལམ་བཟང་གི་སྟེང་ནས་ཛེ་ཏཱ་རི་དགྲ་ལས་རྣམ་པར་རྒྱལ་བ་ལུགས་ཀྱི་པདྨའི་རིགས་ཀྱི་གཙོ་བོ་ཚེ་དང་ཡེ་ཤེས་དཔག་ཏུ་མེད་པ་ལྷ་དགུའི་རས་བྲིས་ཀྱི་དཀྱིལ་འཁོར་དུ་དབང་། དེའི་སྒྲུབ་ཐབས་དབང་ཆོག་བསྟོད་པ་ཛེ་ཏཱ་རིས་མཛད་པ། རྗེ་དཀོན་ཅོག་ལྷུན་གྲུབ་ཀྱིས་མཛད་པའི་མངོན་དཀྱིལ་གྱི་ལུང་དང་བཅས་ལེགས་པར་ཐོབ་པའི་བརྒྱུད་པ་ནི། མགོན་པོ་ཚེ་དཔག་མེད། སློབ་དཔོན་སྙིང་པོའི་ཞབས། གྲུབ་ཆེན་ཛེ་ཏཱ་
རི། སློབ་དཔོན་བྱང་ཆུབ་བཟང་པོ། སློབ་དཔོན་ཏིང་འཛིན་བཟང་པོ། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། ཆུང་བ་ཨ་མོ་གྷ་བཛྲ། བ་རི་ལོ་ཙཱ་བ་རིན་ཅེན་གྲགས། བརྩེ་ཆེན་སྙིང་པོའི་ཞབས། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། པཎ་ཆེན་ཀུན་དགའ་རྒྱལ་མཚན། ཤར་པ་རྡོ་རྗེ་འོད་ཟེར། བླ་མ་བཀྲ་ཤིས་འོད། ཨེ་པ་འཁོན་སྟོན་ཐུགས་རྗེ་རིན་ཅེན། འཇམ་དབྱངས་ཆེན་པོ་རིན་ཅེན་རྒྱལ་མཚན། བྱང་སེམས་རྒྱལ་བ་ཡེ་ཤེས། སྤང་ཁང་པ་གྲགས་པ་དཔལ། ཤར་པའི་གསན་ཡིག་ན་དོན་རི་གྲགས་པ་དཔལ་ཞེས་འདུག །སྤྲོ་ལུང་པ་ཀུན་དགའ་སྨོན་ལམ། རྒྱལ་བ་བྲག་ཕུག་པ། དེ་ལ་བླ་མ་དམ་པ་བསོད་ནམས་རྒྱལ་མཚན་དང་བྲག་ཕུག་པ་ཆུང་བ་བློ་གྲོས་བརྟན་པ་གཉིས་ཀྱིས་གསན། གཉིས་ཀ་ནས་ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ཁྱབ་བདག་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། རིགས་དང་དཀྱིལ་འཁོར་ཀུན་གྱི་ཁྱབ་བདག་གནས་གསར་པ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་བསྩལ་ཏོ། །ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། རྒྱལ་ཚ་བ་ཀུན་དགའ་དབང་ཕྱུག །དཀོན་ཅོག་འཕེལ་མན་འདྲ། ཡང་ན་ངོར་ཆེན་ནས། གུ་གེ་པཎ་ཆེན། འཇམ་དབྱངས་ནམ་མཁའ་བརྟན་པ། སངས་རྒྱས་སེང་གེ་མན་འདྲ། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། རྗེ་དཀོན་ཅོག་འཕེལ་མན་འདྲ། ཡང་ན་ཡོངས་འཛིན་དཀོན་
ཅོག་འཕེལ་ནས། འཇམ་དབྱངས་ས་ལོ། རྗེ་ཀུན་དགའ་དཔལ་ལྡན། ནམ་མཁའ་དཔལ་བཟང་མན་འདྲ། ཡང་ན་མུས་ཆེན་ནས། གྲུབ་ཆེན་དཀོན་ཅོག་བློ་གྲོས། རྗེ་སངས་རྒྱས་རིན་ཅེན། ས་ལོ་མན་གོང་བཞིན་ནོ། །ཡང་ན་ལྷ་མཆོག་སེང་གེ་ནས། རྐྱང་ངུར་རབ་འབྱམས་པ་དགེ་ལེགས་བཤེས་གཉེན། རྗེ་ཤེས་རབ་རྒྱལ་མཚན་མན་འདྲ། ཡང་ན་བ་རི་ལོ་ཙཱ་བ་ནས། མཆིམས་བརྩོན་འགྲུས་སེང་གེ །རྒྱ་ཞང་ཕུག་པ། དབུས་པ་སངས་རྒྱས་འབུམ། གཞོན་ནུ་འབུམ། འདི་གོང་དཀར་བའི་གསན་ཡིག་ན་འདུག་ཀྱང་གཞན་ཚོར་མི་སྣང་བ་ཆད་འདྲ། བླ་མ་ཆ་གན་པ། གྲགས་པ་དཔལ་མན་འདྲ། ཡང་ན་རྒྱ་ཞང་ཕུག་པ་ནས། འཇང་པ་རིན་ཅེན་ཡེ་ཤེས། རྗེ་བཙུན་བཙོང་ཁ་པ་དང་གོང་དཀར་བའི་གསན་ཡིག་ན་ཤེར་རིན་ཟེར་བ་འདུག །ཨེ་པ་འཁོན་སྟོན་མན་འདྲ། ཡང་ན་གྲགས་པ་དཔལ་ནས། ཆོས་འཕགས་རྒྱལ་མཚན། བླ་མ་རིན་ཅེན་སེང་གེ །བུ་སྟོན་ཐམས་ཅད་མཁྱེན་པ། ལོ་ཙཱ་བ་བྱང་ཆུབ་རྩེ་མོ། ཤར་ཆེན་ཡེ་ཤེས་རྒྱལ་མཚན་མན་གོང་བཞིན་ནོ། །ཡང་ན་གཞོན་ནུ་འབུམ་ནས། གསལ་ལ་བ། གྲགས་ཆེན་པ། འཕགས་འོད། ཀུན་མཁྱེན་བུ་སྟོན་མན་འདྲ། ཡང་ན་མཆིམས་བརྩོན་འགྲུས་སེང་གེ་ནས། སྤུག་ཐམས་ཅད་མཁྱེན་པ། བདེ་བའི་རྡོ་རྗེ། དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །ཀུན་མཁྱེན་བུ་སྟོན་མན་འདྲ། ཡང་ན་བླ་མ་དཔལ་ལྡན་སེང་གེ་ནས། བླ་མ་དམ་པ་བསོད་ནམས་རྒྱལ་མཚན་མན་འདྲ། ཐུགས་སྲས་སེམས་དཔའ་ཆེན་པོས་མཛད་པའི་དཀྱིལ་ཆོག་ཚེ་དཔལ་ཡེ་ཤེས་བསམ་གྲུབ་ཀྱི་སྟེང་ནས་
མགོན་པོ་ཚེ་དང་ཡེ་ཤེས་དཔག་ཏུ་མེད་པ་འཆི་མེད་རྔ་སྒྲ་ལྷ་དགུའི་རས་བྲིས་ཀྱི་དཀྱིལ་འཁོར་དུ་དབང་འཆི་བླུ་དང་བཅས་པ་ཞ་ལུ་པའི་ཕྱག་ལེན་ལྟར་ལེགས་པར་ནོས་པའི་བརྒྱུད་པ་ནི། མགོན་པོ་ཚེ་དཔག་མེད། སློབ་དཔོན་སྙིང་པོའི་ཞབས། ཛེ་ཏཱ་རི་དགྲ་ལས་རྣམ་རྒྱལ། བོ་དྷི་བྷ་དྲ། ས་མ་ཏི་བྷ་དྲ། རྡོ་རྗེ་གདན་པ། བ་རི་ལོ་ཆེན། མཆིམས་བརྩོན་འགྲུས་སེང་གེ །རྒྱ་ཞང་ཕུག་པ། འཇད་པ་ཤེས་རབ་རིན་ཅེན། ཨེ་པ་འཁོན་སྟོན། ཤར་པ་འཇམ་དབྱངས་པ། བཞི་ཐོག་པ་རིན་ཅེན་རྒྱལ་མཚན། བྱང་སེམས་རྒྱལ་བ་ཡེ་ཤེས། བླ་མ་གྲགས་པ་དཔལ། སྣུར་ཆོས་འཕགས་རྒྱལ་མཚན། ཡང་རྩེ་བ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་སེམས་དཔའ་ཆེན་པོ། ཡབ་སྲས་གཉིས་ཀ་ལ་སྐུ་ཞང་ནམ་མཁའི་མཚན་ཅན། དེ་ནས་ཆོས་རྗེ་རིན་ཅེན་དཔལ་གྲུབ། ཐར་རྩེ་སྒྲུབ་ཁང་ཤར་པ་གསུམ་གྱི་གསན་ཡིག་ན་འདི་མི་འདུག་ཀྱང་འཇམ་དབྱངས་མཁྱེན་བརྩེའི་གསན་ཡིག་བརྒྱུད་ལུགས་གཉིས་ཀར་འདུག་པ་ཆད་འདྲ། སྐུ་ཞང་མཁྱེན་རབ་ཆོས་རྗེ། སྐུ་ཞང་བསོད་ནམས་མཆོག་གྲུབ། འཇམ་དབྱངས་བཀྲ་ཤིས་རྒྱལ་མཚན། བླ་མ་རིན་ཅེན་རྒྱ་མཚོ། ཞ་ལུ་མཁན་ཆེན་རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རྗེ་རིན་ཅེན་རྒྱ་མཚོ་ནས། བླ་མ་བཀྲ་ཤིས་རྒྱལ་མཚན། ཁྱབ་བདག་ཞ་ལུ་བ། དེས་བདག་ལའོ། །ཡང་ན་མཁྱེན་རབ་རྗེ། དེ་ལ་འབྲོག་ཁང་པ་དོན་གྲུབ་རྒྱལ་མཚན་དང་སྒོག་ལུང་པ་བཀྲ་ཤིས་དཔལ་འབྱོར་གཉིས་ཀྱི་གསན། གཉིས་ཀ་ལ་བྱང་གླིང་བཀྲ་ཤིས་རྒྱལ་མཚན་གྱི་གསན་པ་མན་འདྲ། འཆི་བླུ་མ་སྦྱར་བའི་དབང་རྐྱང་གི་བརྒྱུད་ལུགས་གཅིག་
ནི། བྱང་གླིང་པ་བཀྲ་ཤིས་རྒྱལ་མཚན་ནས། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། རབ་འབྱམས་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་བ། དེས་བདག་ལའོ། །ཡང་ན་སྐུ་ཞང་ནམ་མཁའི་མཚན་ཅན་ནས། མཁས་པ་ཙནྡྲ་ཤྲཱི། འཁྲུལ་ཞིག་ཚུལ་ཁྲིམས་རྒྱལ་མཚན། དཀའ་བཞི་པ་རིན་ཅེན་མཆོག་གྲུབ་དཔལ་འབར། རྒྱལ་ཡུམ་གྲུབ་པའི་དབང་པོ་ཚུལ་ཁྲིམས་བཟང་མོ། ཐམས་ཅད་མཁྱེན་པ་མཁྱེན་བརྩེའི་ཞབས་མན་འདྲ། ཡང་ན་ཐུགས་སྲས་ནས། འཇམ་དབྱངས་གྲགས་པ་རྒྱལ་མཚན། འཁྲུལ་ཞིག་ཚུལ་ཁྲིམས་རྒྱལ་མཚན་མན་འདྲ། ཡང་ན་བ་རི་ལོ་ཙཱ་བ་ནས། བརྩེ་བ་ཆེན་པོ། རྗེ་བཙུན་གྲགས་པ་རྒྱལ་མཚན། ས་པཎ་འཕགས་པ་རིན་པོ་ཆེ། ལོ་ཙཱ་བ་མཆོག་ལྡན། ལོ་ཆེན་བྱང་ཆུབ་རྩེ་མོ། མཁན་པོ་བཀྲ་ཤིས་རིན་ཅེན། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། མཁས་གྲུབ་རྣམ་རྒྱལ་རིན་ཅེན། འཇམ་དབྱངས་དབང་ཕྱུག་རྒྱལ་མཚན། ཀུན་བཟང་རྩེ་པ་པཎ་ཆེན་བསོད་ནམས་མཆོག་ལྡན། ཁྱབ་བདག་ཞ་ལུ་བ། དེས་བདག་ལའོ། །ཡང་ན་དབང་ཕྱུག་རྒྱལ་མཚན་ནས། མཁས་གྲུབ་ཚུལ་ཁྲིམས་བཀྲ་ཤིས། རབ་འབྱམས་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་བ། དེས་བདག་ལའོ། །འཆི་མེད་རྔ་སྒྲའི་མངོན་དཀྱིལ་ཛེ་ཏཱ་རིའི་རྒྱ་གཞུང་གི་བརྒྱུད་པ་ནི། བྱང་གླིང་རྗེ་ནས། བྲང་ཏི་ཁུ་དབོན། མཁན་ཆེན་ཞ་ལུ་བ། དེས་བདག་ལའོ། །ཛེ་ཏཱ་རིས་མཛད་པའི་བསྟོད་པའི་བརྒྱུད་པ་ནི། བརྒྱུད་པ་གོང་
མ་རྣམས་སླར་འཚོལ། ས་སྐྱ་ཁྲི་ཆེན་ཡབ་སྲས། ཁྱབ་བདག་ཞ་ལུ་པ། དེས་བདག་ལའོ། །དཀྱིལ་ཆོག་ཚེ་དཔལ་ཡེ་ཤེས་བསམ་གྲུབ་ཀྱི་ལུང་ནོས་པའི་བརྒྱུད་པ་ནི། ཐུགས་སྲས་སེམས་དཔའ་ཆེན་པོ། སྐུ་ཞང་ནམ་མཁའི་མཚན་ཅན། ཆོས་རྗེ་རིན་ཅེན་དཔལ་གྲུབ། མཁྱེན་རབ་རིན་ཅེན་མཆོག་གྲུབ། དབོན་རྒྱལ་བ། འབྲོག་ཁང་པ་དོན་གྲུབ་རྒྱལ་མཚན། བྱང་གླིང་རྗེ་བཀྲ་ཤིས་རྒྱལ་མཚན། དྲུང་པ་ཀུན་དགའ་བཀྲ་ཤིས། བླ་མ་དཀོན་ཅོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །གཟུངས་ལས་གསུངས་པའི་ཚེ་དཔག་མེད་དཀར་པོ་གྲུབ་ཆེན་མི་ཏྲ་ཛོ་གིའི་བཞེད་སྲོལ་ལྟར་ཆག་ལོ་གསུམ་པས་མཛད་པའི་ལས་དང་པོ་པའི་བྱ་བ་ལས་བྱུང་བའི་ཡི་གེའི་སྟེང་ནས་རྗེས་གནང་ཐོབ་པའི་བརྒྱུད་པ་ནི། མགོན་པོ་ཚེ་དཔག་མེད། འཕགས་པ་སྤྱན་རས་གཟིགས། གྲུབ་ཆེན་མི་ཏྲ་ཛོ་གི །བུདྡྷ་ཤྲཱི། ཆག་ལོ་ཙཱ་བ་དར་མ་དགྲ་བཅོམ། གྲུམ་སྟོན་དར་མ་ཤེས་རབ། སྒྲག་ཕུག་པ་ཤེས་རབ་དཔལ། གྲུབ་ཐོབ་ལེགས་ལྡན་འོད། ཆོས་རྗེ་དཔལ་ཆེན་བཟང་པོ། རྣལ་འབྱོར་དབང་ཕྱུག་ཡེ་ཤེས་དཔལ་བཟང་པོ། རྒྱལ་སྲས་བློ་བཟང་དཔལ་འབྱོར། ཆག་ལོ་གསུམ་པ་རིན་ཅེན་ཆོས་རྒྱལ། ས་ལོ་འཇམ་དཔལ་རྡོ་རྗེ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །གྲུབ་བརྙེས་དབང་ཕྱུག་རབ་བརྟན། རིགས་བརྒྱའི་ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །བྱ་བའི་རྒྱུད་ཀྱི་བཅངས་པ་ཙམ་གྱིས་སྐྱེ་བ་དྲན་པའི་གཟུངས་སྔགས་ཡིག་འབྲུ་ལྔ་བཅུ་རྩ་བདུན་པ་བྱང་སྒྲ་མི་སྙན་པའི་ཚེའི་རང་གཟུགས་སུ་གྲགས་པ་ཐམས་ཅད་མཁྱེན་པ་ཞ་ལུ་ལོ་ཙཱ་
བ་ཆེན་པོས་བསླབ་པ་ཀུན་ལས་བཏུས་པའི་ལུས་བསྲུང་བའི་སྔགས་སུ་བཤད་པ་ཉིད། དྲུག་ཅུ་རྩ་བདུན་ཡིན་ནམ་བརྟག །དེའི་རྒྱ་དཔེ་ལས་དངོས་སུ་ཕྱུང་སྟེ་དག་པར་མཛད་ཅིང་། ལོ་རྒྱུས་ཡོངས་གྲགས་སུ་ལྷའི་དགེ་བསྙེན་ཞིག་གིས་སྒྲ་མི་སྙན་ནས་དངོས་སུ་བླངས་ཏེ་དགྲ་བཅོམ་པ་བློ་གྲོས་དཔལ་ལ་གཏད་པའི་སྒྲ་མི་སྙན་པའི་ཚེ་གཟུངས་ལ་ཡིག་ཆ་མི་མཐུན་པ་སྣ་ཚོགས་འདུག་པ་ལས་ཚེ་དཔག་མེད་ལྷུང་བཟེད་བསྣམས་པའི་མངོན་རྟོགས་དང་འབྲེལ་བའི་ཚེ་དབང་ལ་བསྡུས་པ་པཎ་ཆེན་ནགས་རིན་ནས་བརྒྱུད་པ་དང་རྒྱས་པ་ཨོ་རྒྱན་ཆེན་པོས་འབྲི་ཁུང་དབུས་སྨྱོན་ལ་རྨི་ལམ་དུ་སྩལ་པ་གཉིས་ལས། ཕྱི་མ་ནི་རྙིང་མའི་སྡེབས་སུ་ཡོད་ལ། བསྡུས་པའི་དབང་དང་སྒྲུབ་ཐབས་ཟབ་མོའི་ཡང་སྙིང་གི་ལུང་ནོས་པའི་བརྒྱུད་པ་ནི། མགོན་པོ་ཚེ་དཔག་མེད། དགྲ་བཅོམ་པ་བློ་གྲོས་འཕེལ། པཎ་ཆེན་ནག་རིན། འབྲུག་པ་རྒྱལ་དབང་རྗེ། བླ་མ་སངས་རྒྱས་དཔལ་བ། མི་འགྱུར་ཀུན་དགའ་དཔལ་བཟང་། འབྲི་ཁུང་པ་ཆོས་རྒྱལ་རིན་ཅེན་ཕུན་ཚོགས། དེ་སྲས་ཆོས་རྒྱལ་ཕུན་ཚོགས། དེ་སྲས་ཆོས་ཀྱི་གྲགས་པ། རིག་འཛིན་དཀོན་ཅོག་ལྷུན་གྲུབ། ཁྱབ་བདག་བློ་གྲོས་མཆོག་གི་རྡོ་རྗེ། དེས་བདག་ཟ་ཧོར་བནྡེ་ལའོ། །པཎ་ཆེན་ནགས་རིན་ལ་ཚེ་དབང་ཤིན་ཏུ་ཟབ་པ་ཞིག་ཡོད་ཅེས་ཁྲིམས་ཁང་ལོ་ཙཱ་བ་སོགས་ཀྱི་རྣམ་ཐར་དུ་སྣང་བ་འདི་ཉིད་ཡིན་པར་མངོན་ལ། འདིའི་སྐུ་སྒྲ་མི་སྙན་པའི་ཚེ་དཔག་མེད་ཅེས་ཁ་བྱང་བཏབ་ཅིང་། ངོར་ཆེན་དཀོན་ཅོག་ལྷུན་གྲུབ་དང་ཤར་པ་ཀུན་དགའ་བཀྲ་ཤིས་ཡོད་པའི་བྲིས་ཐང་མཐོང་བས་ངོར་ཕྱོགས་ལའང་རྒྱུན་ཞིག་བྱུང་བ་འདྲ། སྒྲ་མི་
སྙན་པའི་ཚེ་སྒྲུབ་དེ་བཞིན་གཤེགས་པ་ཤཱཀྱ་ཐུབ་པའི་སྒོམ་བཟླས་དང་བཅས་ཡོད་པའི་སྒོམ་ལུང་ཐོབ་པའི་བརྒྱུད་པ་ནི། མགོན་པོ་ཚེ་དཔག་མེད། ལྷའི་དགེ་བསྙེན། དགྲ་བཅོམ་པ་བློ་གྲོས་དཔལ། ལོ་སྟོང་བཞུགས། བལ་པོ་ཧ་དུ་ཙནྡྲ། ལོ་ལྔ་བརྒྱ་བཞུགས། སློབ་དཔོན་དར་མ་གྲགས། ལོ་ཉིས་བརྒྱ་ཐུབ། མངའ་རིས་པ་དཔལ་ཆེན་རྒྱལ་བ་གྲུབ། ལོ་བརྒྱད་ཅུར་སླེབས་ནས་ཀྱང་ལུས་སྟོབས་ཆུང་དུ་མ་སོང་ཟེར། སློབ་དཔོན་ཡེ་ཤེས་རྒྱལ་པོ། ལོ་སུམ་བརྒྱ་ཐུབ་ཉིས་བརྒྱ་ལོན་ནས་ལྷ་ས་ལན་གསུམ་བསྐོར། སློབ་དཔོན་ཤེས་རབ་གྲགས། བསོད་ནམས་མགོན་པོ། ཀུན་མཁྱེན་བུ་སྟོན། ཐུགས་སྲས་སེམས་དཔའ་ཆེན་པོ། བར་འདིར་བླ་མ་འགའ་ཞིག་མ་རྙེད། དེ་ནས་དགེ་སྟེང་པ་ཀུན་དགའ་དཔལ་བཟང་། ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་བཀའ་འགྱུར་བ་ཆེན་པོ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །
ལུས་སྲུང་བའི་མན་ངག་ངོར་ཆེན་དཀོན་མཆོག་ལྷུན་གྲུབ་ཀྱིས་མཛད་པའི་ལུང་བརྒྱུད་སོགས།
ལུས་བསྲུང་བའི་མན་ངག་ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་ལུང་ཐོབ་པའི་བརྒྱུད་པ་ནི། ཐུགས་སྲས་རིན་པོ་ཆེ་ཡན་གོང་ལྟར་ལ། དེ་ནས་རྗེ་བཀྲ་ཤིས་རིན་ཅེན། ངོར་པ་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། རྗེ་སངས་རྒྱས་རིན་ཅེན། འཇམ་དབྱངས་ས་ལོ། ངོར་ཆེན་དཀོན་ཅོག་ལྷུན་གྲུབ། རྗེ་སངས་རྒྱས་སེང་གེ །པཎ་ཆེན་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། དེ་དཔོན་དཔལ་མཆོག་རྒྱལ་མཚན། རྩ་བའི་བླ་མ་ཞ་ལུ་པ། དེས་བདག་ལའོ། །ཡང་ན་དཀོན་ཅོག་ལྷུན་གྲུབ་ལ་ཐར་རྩེ་པས་གསན་པ་མན་འདྲ། མངོན་རྟོགས་ཀྱི་དམིགས་སྐོར་དང་སྔགས་ཀྱི་དག་བྱ་སོགས་ཤིན་ཏུ་ཞིབ་པའི་བརྒྱུད་པ་ནི། སློབ་དཔོན་ཤེས་
རབ་གྲགས་ནས། ཛྙཱ་ན་སིདྡྷི། (སློབ་དཔོན་ཚད་མའི་སྐྱེས་བུའི་གཅེན་ཡིན།)བླ་མ་སངས་རྒྱས་གྲགས། རྡོ་རྗེ་རིན་ཅེན། དཀའ་བཞི་པ་དཔལ་ལྡན་གྲགས་པ། སྤྱང་ལུང་པ་གཞོན་ནུ་བློ་གྲོས། པཎ་ཆེན་ཤཱཀ་མཆོག །སྤྱང་ལུང་གཞོན་ནུ་ཆོས་གྲུབ། རྗེ་བཙུན་གྲོལ་མཆོག །རྗེ་ཀུན་དགའ་དཔལ་བཟང་། པཎ་ཆེན་ཚེ་དབང་དོན་གྲུབ། འཇམ་དབྱངས་དབང་རྒྱལ་རྡོ་རྗེ། དེས་བདག་ལའོ། །ཕྱི་སྒྲུབ་ཤཱཀྱ་ཐུབ་པ། ནང་སྒྲུབ་ཚེ་དཔག་མེད་དམར་པོ། གསང་སྒྲུབ་དཀར་པོ་ཡུམ་བཅས་ལ་བརྟེན་པའི་སྒྲུབ་ཐབས་རྒྱས་པ། སྔགས་ཀྱང་འདྲ་མིན་གཉིས་ཙམ་ཡོད་པ་ཞིག་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལས་ནོས། བརྒྱུད་པ་བུ་སྟོན་རིན་པོ་ཆེ་ཡན་འདྲ། དེ་མན་མ་རྙེད། ལ་ལ་དག་གསང་སྒྲུབ་ཡུམ་བཅས་སོགས་བླ་མེད་ལྟ་བུ་ནས་བསྐངས་པའི་ལྷད་ཅན་ཡིན་ནམ་ཞེས་དཔྱད་གཞིར་མཛད། རང་ལུས་ལྕགས་ཀྱི་རྡོ་རྗེར་སྒོམ་པ་གཟུངས་སྔགས་དང་བཅས་པའི་གདམས་པ་དཔེ་ལག་ཏུ་གཏད་པའི་གཏད་ལུང་ཞིག་རྡོ་རྗེ་འཆང་ཕ་བོང་ཁ་པར་ཐོབ། དཀར་ཆེན་ལན་བུ་ཨ་མིར་གསན་གསུང་པ་ལས་བརྒྱུད་པ་གོང་མ་བྱུང་། སྒྲ་མི་སྙན་ནས་ལྷའི་དགེ་བསྙེན་གྱི་བླངས་ཏེ་དགྲ་བཅོམ་པར་གཏད་པ་ལས་ངག་ཐོག་ནས་ལུང་མ་མཛད་པས་གཏད་ལུང་ལས་འཆད་ཉན་གྱི་རྒྱུན་མེད་འདྲ་གནང་བ་རྣམ་པ་གཅིག་ཏུ་འཐད་པར་མཐོང་ངོ་། །ངོར་ཆེན་དཀོན་ཅོག་ལྷུན་གྲུབ་ཀྱི་གྲུབ་ཐབས་རྗེས་གནང་གི་ཡི་གེའི་སྟེང་ནས་པདྨའི་རིགས་ཀྱི་བདག་པོ་དཔལ་མོ་ལུགས་ཀྱི་འཕགས་པ་བཅུ་གཅིག་ཞལ་གྱི་རྗེས་སུ་གནང་བ་དང་དེའི་ཡིག་ཆ་རྗེ་དཀོན་ཅོག་ལྷུན་གྲུབ་ཀྱིས་མཛད་
པའི་ལུང་དང་བཅས་ཐོབ་པའི་རྗེས་གནང་གི་བརྒྱུད་པ་ནི། འཕགས་པ་ཐུགས་རྗེ་ཆེན་པོ། དགེ་སློང་མ་དཔལ་མོ། མ་པཎྜི་ཏ་ཙནྡྲ་ཀུ་མཱ་ར། པཎྜི་ཏ་ཤྲཱི་ཛྙཱ་ན་བྷ་དྲ། བལ་པོ་པཎྜི་ཏ་པེ་ཉ་བ། བྱང་སེམས་ཟླ་བ་རྒྱལ་མཚན། གྲུབ་ཐོབ་ཉི་ཕུག་པ་ཆོས་གྲགས། སྤྲུ་པ་རྡོ་རྗེ་རྒྱལ་པོ། ངོར་ཆེན་དང་རྡོ་རྗེ་གདན་པའི་གསན་ཡིག་ན་སྲུ་པ་ཞེས་སྣང་། ཞང་སྟོན་དགྲ་འཇིགས་མཁན་ཆེན། རྩེ་འདུལ་བ་ཐུགས་རྗེ་བྱང་ཆུབ། མཁན་ཆེན་བདེ་བ་ཅན་པ། བྱང་སེམས་ཆུ་བཟང་བ་བྱང་ཆུབ་འབར། རིན་པོ་ཆེ་ཤེས་རབ་འབུམ། རྒྱལ་སྲས་ཐོགས་མེད་བཟང་པོ་དཔལ། གྲུབ་ཆེན་བུདྡྷ་ཤྲཱི། རྡོ་རྗེ་འཆང་ཀུན་དགའ་བཟང་པོ། མུས་ཆེན་དཀོན་ཅོག་རྒྱལ་མཚན། རྒྱལ་ཚབ་ཀུན་དགའ་དབང་ཕྱུག་ཡོངས་འཛིན་དཀོན་ཅོག་འཕེལ། འཇམ་དབྱངས་དཀོན་ཅོག་ལྷུན་གྲུབ། མུས་ཆེན་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་ཆེན་ངག་དབང་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག་ཁྱབ་བདག་མཁན་ཆེན་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་མུས་ཆེན་སེམས་དཔའ་ཆེན་པོ། ཀུན་མཁྱེན་བསོད་ནམས་སེང་གེ་ནས། བྱ་བཏང་ཀུན་དགའ་མཆོག་ལྡན། དཀོན་ཅོག་ལྷུན་གྲུབ་མན་འདྲ། ལུང་བརྒྱུད་ནི། དཀོན་ཅོག་ལྷུན་གྲུབ། ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་མཁན་ཆེན། དེས་བདག་ལའོ། །ཡིག་རྙིང་གི་སྟེང་ནས་བཅུ་གཅིག་ཞལ་མཁའ་འགྲོ་ལྔ་དང་བཅས་པའི་རྗེས་གནང་ནོས་པའི་བརྒྱུད་པ་ནི། འཕགས་པ་སྤྱན་རས་གཟིགས། དགེ་སློང་མ་དཔལ་མོ།
པཎྜི་ཏ་ཡེ་ཤེས་བཟང་པོ། པཎྜི་ཏ་ཟླ་བ་གཞོན་ནུ། ཇོ་བོ་ཨ་ཏི་ཤ །ལྷ་བཙུན་བྱང་ཆུབ་འོད། བལ་པོ་པེ་ཉ་བ། བྱང་སེམས་ཟླ་བ་རྒྱལ་མཚན། གྲུབ་ཐོབ་ཉི་ཕུག་པ། བཤེས་གཉེན་གྲགས་པ་བ། ཀླུ་སྒྲུབ་མཚན་ཅན། དཀའ་བཞི་པ་ཤེས་རབ། བླ་མ་སངས་རྒྱས་རིན་ཅེན། བག་སྟོན་གཞོན་ནུ་ཚུལ་ཁྲིམས། རྗེ་རིན་ཅེན་རྒྱལ་མཚན། བླ་མ་རིན་ཅེན་གྲུབ། རྗེ་རྒྱལ་མཚན་རིན་ཅེན། གནས་རྙིང་པ་ཀུན་དགའ་བདེ་ལེགས་རིན་ཅེན་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། ར་ཚེག་པ་བློ་བཟང་ཨེ་ཝཾ། སྲས་ཁང་སྔགས་རམས་པ་བཟང་པོ་རྣམ་རྒྱལ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། རྩ་བའི་བླ་མ་རྗེ་བཙུན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ཡང་ན་སྤྱན་རས་གཟིགས། བིཀྵུ་ཎཱི་ལ་ཀྵྨཱི་ཀ་ར། ཙནྡྲ་ཀུ་མཱ་ར། སུ་ཛྙ་ན། བལ་པོ་པེ་ཉ་བ། བྱང་སེམས་ཟླ་བ་རྒྱལ་མཚན། ཉིན་ཕུག་པ། སྲུ་པ་རྡོ་རྗེ་རྒྱལ་པོ། ཞང་སྟོན་དགྲ་འཇིགས། འཇད་པ་རྩེ་འདུལ་བ་ཆེན་པོ། མཁན་ཆེན་ལྡོག་ལྷོད་པ། མཁན་ཆེན་ཆུ་བཟང་པ། བླ་མ་ཤེས་རབ་འབུམ། རྒྱལ་སྲས་ཐོགས་མེད་པ། རིན་པོ་ཆེ་བསོད་ནམས་བཟང་པོ། རྗེ་བསོད་དར་བ། དམར་སྟོན་པ། ཐམས་ཅད་མཁྱེན་པ་དགེ་འདུན་གྲུབ། གནས་རྙིང་ཆོས་རྗེ་ཀུན་དགའ་བདེ་ལེགས་མན་འདྲ། ཚལ་མིན་མཁན་ཆེན་གཉག་དབོན་བསོད་ནམས་བཟང་པོས་སྨྱུང་གནས་ལ་ནན་ཏན་དུ་བྱེད་པ་འཕགས་པ་བསོད་ནམས་དར་གྱིས་བསྐུལ་བའི་ངོར་མཛད་པའི་སྨྱུང་བར་གནས་པའི་ཆོ་གའི་ལུང་བརྒྱུད་ནི། གཉག་དབོན་པ་བཞུགས་པའི་བརྒྱུད་པ་བཤད་མ་ཐག་པ་བཞིན་ནོ། །
ཐུགས་རྗེ་ཆེན་པོའི་རིགས་གཏད་དང་རྗེས་གནང་ཐོབ་པའི་ལུང་བརྒྱུད་སོགས།
ཐུགས་རྗེ་ཆེན་པོ་སྐྱེར་སྒང་ལུགས་ལྷ་གསུམ་མའི་རིགས་གཏད་ཐོབ་པའི་བརྒྱུད་པ་ནི། འཕགས་པ་སྤྱན་རས་གཟིགས། གྲུབ་ཆེན་རཱ་ཧུ་ལ་གུཔྟ་བཛྲ། ཇོ་བོ་ཆེན་པོ་དཱི་པཾ་ཀཱ་ར་ཤྲཱི་ཛྙཱ་ན། ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། རོང་པ་ཕྱག་སོར་བ་ཤེས་རབ་འབར། ཝ་ཡུ་བ་ཤེས་རབ་ཚུལ་ཁྲིམས། ལྕེ་སྒོམ་ཤེས་རབ་རྡོ་རྗེ། དབོན་སྟོན་སྐྱེར་སྒང་པ་ཆོས་ཀྱི་སེང་གེ །གཉན་སྟོན་ཆོས་ཀྱི་ཤེས་རབ། སྦས་པའི་རྣལ་འབྱོར་ཡང་ཟེར། ཆོས་རྗེ་སྟོན་པ་བརྩོན་འགྲུས་སེང་གེ །མཁས་གྲུབ་ཤངས་སྟོན་ཡང་ཟེར། འགྲོ་མགོན་ཤངས་སྟོན་ཚུལ་ཁྲིམས་འབུམ། གཉན་སྟོན་རྒྱལ་མཚན་དཔལ་བཟང་། མུས་ཆེན་རྒྱལ་མཚན་དཔལ་བཟང་ཡང་ཟེར། སྔགས་འཆང་རྡོ་རྗེ་གཞོན་ནུ། མུས་ཆེན་ནམ་མཁའི་རྣལ་འབྱོར། སེམས་དཔའ་ཆེན་པོ་དཀོན་ཅོག་རྒྱལ་མཚན། ཀུན་མཁྱེན་བསོད་ནམས་སེང་གེ །རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། པཎ་ཆེན་ངག་དབང་ཆོས་གྲགས། ཡངས་ཅན་མཁན་པོ་ངག་དབང་རྣམ་རྒྱལ། དཔལ་ས་སྐྱ་པ་ངག་དབང་བསོད་ནམས་དབང་ཕྱུག །རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་ཤངས་སྟོན་ནས། མཁས་བཙུན་རྒྱལ་མཚན་འབུམ། འཇག་ཆེན་བྱམས་པ་དཔལ་བཟང་། འཇག་པ་བློ་གྲོས་དཔལ་བཟང་། འཇག་ཆེན་ཀུན་དགའ། རྗེ་ཆོས་རྒྱལ་དཔལ་བཟང་། འཁྲུལ་ཞིག་ཚུལ་ཁྲིམས་རྒྱལ་མཚན། སྐུ་ཞང་མཁྱེན་རབ་ཆོས་རྗེ། རྡོ་རིང་རིན་པོ་ཆེ་མན་འདྲ། ཡང་ན་མུས་ཆེན་དཀོན་ཅོག་རྒྱལ་མཚན་ནས། ཆོས་རྗེ་ཟུར་ཁང་པ་དཔལ་ལྡན་རིན་ཅེན། རྗེ་བཙུན་སྒོ་རུམ་པ་ཀུན་དགའ་ལེགས་པ། ཀུན་
མཁྱེན་མཁྱེན་བརྩེ་མན་འདྲ། ཡང་ན་མུས་ཆེན་དཀོན་ཅོག་རྒྱལ་མཚན་ནས། ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ །མུས་པ་ནམ་མཁའ་དཔལ་བཟང་། ངོར་སྒྲུབ་ཁང་པ་མཁས་གྲུབ་དཔལ་ལྡན་དོན་གྲུབ། མཁན་ཆེན་ཞ་ལུ་པ། དེས་བདག་ལའོ། །ཡང་ན་མུས་ཆེན་ནས། ཀུན་མཁྱེན་གོ་བོ་རབ་འབྱམས་པ། དཀོན་ཅོག་འཕེལ་མན་འདྲ། ཡང་ན་མུས་ཆེན་རྒྱལ་མཚན་དཔལ་བཟང་ནས། བླ་མ་ནམ་མཁའ་དབང་ཕྱུག །མུས་ཆེན་ནམ་མཁའི་རྣལ་འབྱོར་མན་འདྲ། སྤྱན་རས་གཟིགས་ཀྱི་མུས་ཆེན་སེམས་དཔའ་ཆེན་པོ་ལ་དངོས་སུ་གནང་བའི་ཉེ་བརྒྱུད་ལྟར་ན། འཕགས་པ་ཐུགས་རྗེ་ཆེན་པོ། སེམས་དཔའ་ཆེན་པོ་དཀོན་ཅོག་རྒྱལ་མཚན་མན་གོང་བཞིན་ནོ། །ཡང་ན་གྲུབ་ཐོབ་སྐྱེར་སྒང་པ་ནས། མཁན་པོ་གསང་བ་ཤེས་རབ། བཀྲ་ཤིས་བསོད་ནམས། མཁན་ཆེན་བདེ་བ་དཔལ། དཀའ་བཞི་པ་གྲགས་གཞོན། མཁན་ཆེན་བསོད་ནམས་གྲགས་པ། རྒྱལ་སྲས་ཐོགས་མེད་པ། ས་བཟང་འཕགས་པ། ངོར་ཆེན་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །རྗེ་དཀོན་ཅོག་འཕེལ་མན་གོང་ལྟར་རོ། །ཡང་ན་ཤངས་སྟོན་ཚུལ་ཁྲིམས་འབུམ་ནས། ཁྱུང་པོ་ཚུལ་ཁྲིམས་མགོན་པོ། རས་ཆེན་སངས་རྒྱས་སེང་གེ །ཤངས་དཀར་བ་རིན་ཅེན། རྗེ་སངས་རྒྱས་དཔལ་བཟང་། གྲུབ་ཆེན་ནམ་མཁའ་རྒྱལ་མཚན། རྒྱ་སྒོམ་ལེགས་རྒྱལ། རྗེ་བཙུན་ཀུན་དགའ་གྲོལ་མཆོག །རྗེ་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་པ། སྒྲུབ་ཁང་པ་མན་འདྲ། །ཐམས་ཅད་མཁྱེན་པ་བསོད་ནམས་རྒྱ་
མཚོ་ལ་ཆོས་རྒྱལ་སྲོང་བཙན་སྒམ་པོས་དངོས་སུ་གནང་བའི་ཐུགས་རྗེ་ཆེན་པོ་ཕྱག་བཞི་པའི་རྗེས་གནང་གི་བརྒྱུད་པ་ནི། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་སྲོང་བཙན་སྒམ་པོ། ཡང་སྤྲུལ་བསོད་ནམས་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། རིགས་ཀུན་ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །པདྨའི་རིགས་ཀྱི་ཡུམ་སེང་ལྡེང་ནགས་ཀྱི་སྒྲོལ་མ་གཙོ་རྐྱང་གི་རྗེས་གནང་ལུང་གསུམ་གྱིས་འཆིང་བ་ཐོབ་པའི་བརྒྱུད་པ་ནི། སངས་རྒྱས། རྗེ་བཙུན་སྒྲོལ་མ། ཛེ་ཏཱ་རི་དགྲ་ལས་རྣམ་རྒྱལ། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། ཆུང་བ་དོན་ཡོད་རྡོ་རྗེ། བ་རི་ལོ་ཙཱ་བ། ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎྜི་ཏ། ཚོགས་སྒོམ་པ། ཉན་ཆེན་པ། བླ་མ་བསོད་ནམས་སྐྱབས། སྔགས་འཆང་གཟུངས་ཀྱི་དཔལ་བ། རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་པ་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། ཆོས་རྗེ་དཔལ་ལྡན་རིན་ཅེན། རྗེ་བཙུན་སྒོ་རུམ་པ་ཆེན་པོ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། རྗེ་བཙུན་བཀའ་འགྱུར་བ་མགོན་པོ་བསོད་ནམས་མཆོག་ལྡན། རྩ་བའི་བླ་མ་མཁན་ཆེན་ཞ་ལུ་བ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་རྗེ་བཙུན་མ་སྒྲོལ་མ། ཇོ་བོ་ཆེན་པོ་དཔལ་མར་མེ་མཛད། འབྲོམ་རྒྱལ་བའི་འབྱུང་གནས། བཤེས་གཉེན་པོ་ཏོ་བ། དགེ་བཤེས་ཤ་ར་བ། བྱ་འཆད་ཀ་པ། སྐྱེར་སྒང་པ། སངས་རྒྱས་སྒོམ་པ། མཆིམས་ནམ་མཁའ་གྲགས། ཟེའུ་སྐུ་མཆེད། མཆིམས་བློ་བཟང་གྲགས་པ། གྲོ་སྟོན་ཀུན་དགའ་
རྒྱལ་མཚན། མཁན་ཆེན་གྲུབ་བ་ཤེས་རབ། ཀུན་མཁྱེན་རོང་སྟོན་ཆེན་པོ། །པཎ་ཆེན་ཤཱཀྱ་མཆོག་ལྡན། བྲག་དཀར་བ་སེམས་དཔའ་ཆེན་པོ་བསོད་ནམས་རྒྱལ་མཚན། བླ་མ་བསོད་ནམས་དཔལ་འབྱོར། གནུབས་སྒོམས་སྦས་པའི་རྣལ་འབྱོར། སྨོན་ལམ་རྒྱལ་མཚན། འཇམ་དབྱངས་མཁྱེན་བརྩེའི་དབང་ཕྱུག་མན་གོང་བཞིན་ནོ། །
སྒྲོལ་མ་ཉེར་གཅིག་གི་རྗེས་གནང་ལེགས་པར་ནོས་པའི་ལུང་བརྒྱུད་སོགས།
མཉམ་མེད་ཇོ་བོ་ཆེན་པོ་བོད་དུ་འབྱོར་པའི་དུས་ཕྱག་འཚལ་ཉེར་གཅིག་གི་ཞལ་འདོན་དང་བཅས་རྡོ་རྗེ་གདན་དུ་སྐོར་བ་མཛད་པའི་ཚེ་རྗེ་བཙུན་སྒྲོལ་མ་དངོས་སུ་ཞལ་མཇལ་ཏེ་བོད་དུ་བཞུད་ཅིག་པར་ལུང་བསྟན། འདི་ལ་ཡི་དམ་བྱས་ན་བར་ཆད་མི་འབྱུང་ཞེས་ཤོ་ལོ་ཀ་རེ་དང་ལས་ཚོགས་རེ་སྦྱར་ནས་གནང་པའི་སྒྲོལ་མ་ཉེར་གཅིག་ལ་ཐོག་མར་ཐམས་ཅད་ཀྱི་གཞི་སེང་ལྡེང་ནགས་ཀྱི་སྒྲོལ་མ། ༡ དགྲ་བགེགས་ལོག་འདྲེན་གྱི་འཚེ་བ་ཞི་བར་བྱེད་པ་མྱུར་ཞིང་དཔའ་བའི་སྒྲོལ་མ། ༢ ནད་གདོན་བགེགས་སྡིག་པ་མི་མཐུན་པའི་ཕྱོགས་ཞི་བར་བྱེད་པ་སྟོན་ཀའི་ཟླ་ལྟར་དཀར་བའི་སྒྲོལ་མ། ༣ ཚེ་དང་ལོངས་སྤྱོད་འཕེལ་བར་བྱེད་པ་གསེར་མདོག་ཅན་གྱི་སྒྲོལ་མ། ༤ ཚེ་ལོ་བཅུ་ཡང་བརྒྱར་འཕེལ་བར་བྱེད་པ་ཚེ་འཕེལ་སྒྲོལ་མ་སེར་མོ། ༥ བུད་མེད་སོགས་དམིགས་བྱ་དབང་དུ་བྱ་བ་ཧཱུྃ་སྒྲ་སྒྲོག་པའི་སྒྲོལ་མ། ༦ དབང་ཕྱུག་ལྷ་དང་ས་བདག་སོགས་དབང་ཆེན་ཐམས་ཅད་བྲན་དུ་བྱས་ནས་འབྱུང་པོ་འདུལ་བ་འཇིག་རྟེན་གསུམ་རྒྱལ་སྒྲོལ་མ། ༧ རིག་སྔགས་ཀྱི་གནོད་པ་དང་རྦོད་ཟོར་ཟློག་པར་བྱེད་པ་གཞན་གྱི་འཁྲུལ་འཁོར་འཇོམས་པའི་སྒྲོལ་མ། ༨ བདུད་དང་དགྲ་བགེགས་སྒྲོལ་བར་བྱེད་པ་བདུད་དགྲ་རྣམ་པར་འཇོམས་པའི་སྒྲོལ་མ། ༩
འདི་ཕྱིའི་གནོད་པ་དང་འཇིགས་པ་ཐམས་ཅད་སྲུང་བ་ཕྱག་རྒྱ་དཀོན་ཅོག་གསུམ་མཚོན་སྒྲོལ་མ། ༡༠ བདུད་དང་མུ་སྟེགས་ལོག་ལྟ་ཅན་རྣམས་དབང་དུ་བསྡུས་ནས་བར་གཅོད་འདུལ་བར་བྱེད་པ་འཇིག་རྟེན་དབང་མཛད་སྒྲོལ་མ། ༡༡ མཁོ་དགུའི་འབྱོར་པ་ཐམས་ཅད་སྤེལ་ཏེ་ཕོངས་པ་ལས་རྣམ་པར་སྐྱོབ་པ་འགུགས་ཤིང་ཕོངས་པ་སེལ་བའི་སྒྲོལ་མ། ༡༢ བཀྲ་ཤིས་ཤིང་དངོས་གྲུབ་ཐམས་ཅད་འགྲུབ་པར་བྱེད་པ་བཀྲ་ཤིས་ཐམས་ཅད་འབྱིན་པའི་སྒྲོལ་མ། ༡༣ བར་གཅོད་དགྲ་བགེགས་རྣམས་འཇོམས་ཤིང་བསྲུང་བ་དང་རེངས་པར་བྱེད་པ་མེ་ལྟར་འབར་བའི་སྒྲོལ་མ། ༡༤ བགེགས་ལ་རྣམ་པར་བསྣུན་པས་བར་གཅོད་སེལ་བར་བྱེད་པ་སྒྲོལ་མ་ཁྲོ་གཉེར་ཅན་མ། ༡༥ སྡིག་སྒྲིབ་བག་ཆགས་མི་གཙང་བ་རྣམས་ཞི་བར་བྱེད་པ་སྒྲོལ་མ་ཞི་བ་ཆེན་མོ། ༡༦ གཞན་གྱི་རིག་སྔགས་ཀྱི་ནུས་པ་འཇོམས་ཤིང་རང་གི་ཤེས་རབ་འཕེལ་བར་བྱེད་པ་རིག་པ་ཧཱུྃ་ལས་སྒྲོལ་མ། ༡༧ གཞན་གྱི་རིག་སྔགས་ཐམས་ཅད་གནོན་ཅིང་དགྲ་དང་ཆོམ་རྐུན་ཞི་བར་བྱེད་པ་འཇིག་རྟེན་གསུམ་གཡོའི་སྒྲོལ་མ། ༡༨ ཀླུའི་དུག་དང་གནོད་པ་ཐམས་ཅད་ལས་གྲོལ་བར་བྱེད་པ་དུག་རྣམས་རབ་ཏུ་ཞི་བྱེད་སྒྲོལ་མ། ༡༩ འཐབ་རྩོད་དང་བཙོན་དུ་ཆུད་པ་དང་རྨི་ལམ་ངན་པ་སོགས་དུཿཁ་ལས་ཐར་བར་བྱེད་པ་སྡུག་བསྔལ་ཐམས་ཅད་སེལ་བའི་སྒྲོལ་མ། ༢༠ རིམས་ནད་དང་ཡམས་ཐམས་ཅད་ཞི་བར་བྱེད་པ་རིམས་ནད་སེལ་བའི་སྒྲོལ་མ། ༢༡ ཞི་རྒྱས་དབང་དྲག་གི་དངོས་གྲུབ་ཐམས་ཅད་སྦྱིན་པར་བྱེད་པ་འཕྲིན་ལས་ཡོངས་རྫོགས་སྒྲོལ་མ་རྣམས་ཀྱི་རྗེས་གནང་ལེགས་པར་ནོས་པའི་བརྒྱུད་པ་ནི། རྗེ་བཙུན་མ་
སྒྲོལ་མ། ཇོ་བོ་ཆེན་པོ་ཨ་ཏི་ཤ །འབྲོམ་སྟོན་རྒྱལ་བའི་འབྱུང་གནས། རྒྱལ་སྲས་པོ་ཏོ་བ། བཤེས་གཉེན་ཤ་ར་བ། གཏུམ་སྟོན་དབང་ཕྱུག་གྲགས། བང་སྟོན་ཤཱཀྱ་གཞོན་ནུ། ཟླ་གྲགས་གསར་མ་བ། ཆོས་རྗེ་ཤེས་རབ་དཔལ། རོང་སྟོན་བློ་བཟང་གྲགས་པ། མཁས་བཙུན་ཡོན་ཏན་རྒྱ་མཚོ། ཐམས་ཅད་མཁྱེན་པ་དགེ་འདུན་རྒྱ་མཚོ། སློབ་དཔོན་སྐལ་བཟང་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དྲིན་ཅན་བླ་མ་འཇམ་དབྱངས་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཤ་ར་བ་ནས། བྱ་འཆད་ཀ་བ་ཡེ་ཤེས་རྡོ་རྗེ། སྐྱེར་སྒང་པ། སངས་རྒྱས་དགོན་པ་བ། མཆིམས་ནམ་མཁའ་གྲགས། ཟེའུ་སྐུ་མཆེད། མཆིམས་བློ་བཟང་གྲགས་པ། གྲོ་སྟོན་ཀུན་དགའ་རྒྱལ་མཚན། མཁན་ཆེན་གྲུབ་པ་ཤེས་རབ། ཐམས་ཅད་མཁྱེན་པ་དགེ་འདུན་གྲུབ། གནས་རྙིང་ཆོས་རྗེ་ཀུན་དགའ་བདེ་ལེགས། ཐམས་ཅད་མཁྱེན་པ་དགེ་འདུན་རྒྱ་མཚོ་མན་གོང་བཞིན་ནོ། །ཡང་ན་འབྲོམ་སྟོན་ནས། སྤྱན་སྔ་ཚུལ་ཁྲིམས་འབར། བྱ་ཡུལ་བ་གཞོན་ནུ་འོད། འཆད་ཀ་བ་མན་གོང་ལྟར་རོ། །ཉེ་བརྒྱུད་ནི་རྗེ་བཙུན་སྒྲོལ་མ། ཐམས་ཅད་མཁྱེན་པ་དགེ་འདུན་རྒྱ་མཚོ་མན་འདྲའོ། །དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་མཛད་པའི་རྗེ་བཙུན་སྒྲོལ་མའི་བསྟོད་སྒྲུབ་མཎྜལ་བཞི་པའི་ལུང་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ། ཇོ་བོ་རྗེ། དགོན་པ་བ། ཞང་ཀ་མ་བ། ལུམ་པ། ཆུ་མིག་པ་ཆེན་པོ། སངས་རྒྱས་སྒོམ་པ། སློབ་དཔོན་དཀོན་ཅོག་གྲགས། མཁན་པོ་བདེ་བ་དཔལ། མཁན་པོ་དཀའ་བཞི་པ། མཁན་ཆེན་བསོད་ནམས་གྲགས་པ། དཔལ་ལྡན་བླ་མ་
དམ་པ། བར་འདིར་བླ་མ་གསུམ་ཙམ་ཞིག་མ་རྙེད། དེ་ནས་བླ་མ་ཆོས་ཉིད་ཕོ་བྲང་པ། བླ་མ་བསོད་ནམས་རྒྱལ་པོ། མཁས་བཙུན་ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་བ་ཆེན་པོ། དེས་བདག་ལའོ། །ཇོ་བོ་ཆེན་པོས་འབྲོམ་སྟོན་པ་ལ་གཙིགས་ཅན་དུ་བྱས་ནས་གནང་བའི་སྒྲོལ་མའི་མདོས་བྱིན་རླབས་ཤིན་ཏུ་ཆེ་བའི་ཡིག་ཆའི་ལུང་ཕྱག་ལེན་དང་བཅས་པའི་བརྒྱུད་པ་ནི། རྗེ་བཙུན་སྒྲོལ་མ། སློབ་དཔོན་མཐར་བྱེད། ཇོ་བོ་ཆེན་པོ་ཨ་ཏི་ཤ །རྒྱལ་བ་འབྲོམ། སྤྱན་སྔ་ཚུལ་ཁྲིམས་འབར། དགེ་བཤེས་བྱ་ཡུལ་བ་སོགས་ནས་རིམ་པར་བརྒྱུད་དེ། རྩེ་ཆེན་པ་གྲུབ་ཆེན་ཀུན་དགའ་བློ་གྲོས། སློབ་དཔོན་འབྲོམ། བྲག་དཀར་སེམས་པ་ཆེན་པོ་བསོད་ནམས་རིན་ཅེན། བྲག་དཀར་བ་བསོད་ནམས་རྒྱལ་མཚན། བླ་མ་བསོད་ནམས་དཔལ་འབྱོར། གནུབས་སྒོམ་སྦས་པའི་རྣལ་འབྱོར་སྨོན་ལམ་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྗེ་བཙུན་བོད་མཁར་བ་མེ་ཏྲི་དོན་གྲུབ་རྒྱལ་མཚན། གུར་རྫོང་པ་ཆོས་འབྱོར་དཔལ་བཟང་། ཟུར་རིག་འཛིན་ཆེན་པོ་གཞོན་ནུ་དོན་གྲུབ། དྲིན་ཅན་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །བཀའ་གདམས་ཀྱི་དགེ་བའི་བཤེས་གཉེན་བྱ་མང་པོ་ཀླུ་པ་བརྩོན་འགྲུས་གྲགས་པ་ལ་རྗེ་བཙུན་མ་སྒྲོལ་མས་དངོས་སུ་གནང་བའི་དགྲ་ཇག་ཆོམ་རྐུན་ཐམས་ཅད་འཆིང་བར་བྱེད་པའི་གདམས་པ་ཟབ་ཁྱད་ཅན་གྱི་ལོ་རྒྱུས། གདམས་པ་དངོས། རྫས་ཀྱི་ཞལ་གདམས། ལག་ལེན་ཞལ་གདམས། གསང་བའི་ཞལ་གདམས། ཞལ་ཤེས་ཕྱག་ལེན་དམར་འཁྲིད་བཅས་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ། བྱ་མང་
པོ་བརྩོན་འགྲུས་གྲགས་པ་ནས་རིམ་པར་བརྒྱུད་དེ། རིགས་འཛིན་ཆེན་པོ་ལེགས་ལྡན་རྡོ་རྗེ། མཉམ་མེད་རབ་འབྱམས་ཆོས་རྗེ། ས་སྐྱོང་ཡུག་ནོར་བུ་དབང་རྒྱལ། ཆོས་རྗེ་དམ་པ་བསྟན་འཛིན་འགྱུར་མེད། ཡུག་རབ་བརྟན་དབང་པོ། གུང་རུ་དབྱངས་དཔོན་པོ་མཐུ་སྟོབས་གསང་བའི་དབང་ཕྱུག །ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ལའོ། །སྒྲོལ་མའི་སྒོ་ནས་བཙོན་ལས་ཐོན་པའི་མན་ངག་ཉི་མ་སྦས་པའི་གཞུང་ལ་བརྟེན་ནས་ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་ལུང་བརྒྱུད་ནི། བུ་སྟོན་ཐམས་ཅད་མཁྱེན་པ་ནས་རིམ་པར། མཁྱེན་རབ་རྗེ། དབོན་རྒྱལ་བ། འབྲོག་ཁང་པ། བྱང་གླིང་རྗེ། རྗེ་ཀུན་བཀྲས་པ། རིན་པོ་ཆེ་དཀོན་ཅོག་རྒྱལ་མཚན། མཁན་ཆེན་ཞ་ལུ་པ། དེས་བདག་ལའོ། །འཇིགས་ཆེན་བཅུ་དྲུག་ལས་སྐྱོབ་པའི་ཆེད་དུ་སྒྲོལ་མ་ལ་གསོལ་བ་འདེབས་པ་མཁས་གྲུབ་དཔལ་ལྡན་དོན་གྲུབ་ཀྱིས་མཛད་པའི་ལུང་བརྒྱུད་ནི། མཛད་པ་པོ། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཚར་ཆེན་རྡོ་རྗེ་འཆང་གིས་མཛད་པའི་ཚེ་ཁྲིད་ཟླ་བའི་ཆུ་རྒྱུན་གྱི་ཉམས་ལེན་སྙིང་པོ་བསྡུས་པ་དང་རྗེས་གནང་གི་ཡི་གེ་ཀུན་མཁྱེན་མཁྱེན་བརྩེས་མཛད་པའི་སྟེང་ནས་རྗེ་བཙུན་བཅོམ་ལྡན་འདས་མ་སྒྲོལ་མ་དཀར་མོ་སྤྱན་བདུན་ཡིད་བཞིན་འཁོར་ལོ་ཚེ་སྦྱིན་མའི་འོད་ཟེར་དྲུག་སྦྲགས་ཀྱི་རྗེས་སུ་གནང་བ་ཐུན་མོང་མ་ཡིན་པ་ལེགས་པར་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ་དཀར་མོ། པཎ་གྲུབ་ངག་གི་དབང་ཕྱུག་གྲགས་པ། བླ་མ་རྡོ་རྗེ་གདན་པ། རྗེ་བཙུན་བ་རི་ལོ་ཙཱ་བ། གྲུབ་ཆེན་སླེ་ནག་པ། དགེ་བའི་བཤེས་གཉེན་སྒྲེ་པ། མཉམ་མེད་སྒམ་
པོ་པ། དྭགས་སྒོམ་ཚུལ་ཁྲིམས་སྙིང་པོ། སྒོམ་ཆུང་ཤེས་རབ་བྱང་ཆུབ། དྭགས་པོ་འདུལ་འཛིན་པ། རྗེ་འབྲི་ཁུང་གླིང་པ། རྗེ་དམ་ཆོས་གླིང་པ། བླ་མ་ཆོས་ཀྱི་ཚུལ་ཁྲིམས། མཉམ་མེད་ལྷ་ལུང་པ། ཐོག་གནས་པ་ཆེན་པོ། ལོ་པ་སྤྱན་སྔའི་གསན་ཡིག་ཏུ་ཡོན་གནས་པ་ཟེར་བ་སྣང་། བླ་མ་ཆོས་ཀྱི་དབང་ཕྱུག །འདྲེན་མཆོག་བྱང་ཆུབ་བཟང་པོ། ཀུན་མཁྱེན་བཀྲ་ཤིས་རྣམ་རྒྱལ། ལོ་པ་སྤྱན་སྔ་བསོད་ནམས་ལྷ་དབང་། སྤང་གཤོངས་ཧ་རི་ཁ་པ་དཔལ་ལྡན་རྒྱལ་མཚན། དྭགས་པོ་པཎ་ཆེན་ཕྱོགས་ལས་རྣམ་པར་རྒྱལ་བའི་ལྷ། པཎ་ཆེན་བཀྲས་རྣམ་པའི་སྐུ་ཚ་འབྲས་ཡུལ་གྱི་དགེ་བཤེས་ཡིན་ཞིང་གཉུག་ལ་ལེགས་བཤད་གླིང་གི་བླ་མར་བསྐོས་ནས་ཀརྨ་འཕྲིན་ལས་སུ་གྲགས། རྡོ་རྗེ་འཆང་ཚར་ཆེན་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རིགས་དང་དཀྱིལ་འཁོར་ཀུན་གྱི་ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་སྩལ་ཏོ། །ཡང་ན་རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེ་བདག་ལའོ། །ཡང་ན་མཁྱེན་བརྩེའི་ཞབས་ལ། མཁན་ཆེན་བསླབ་གསུམ་པ། དགོན་གསར་པ་བསོད་ནམས་མཆོག་འཕེལ། འཇམ་དབྱངས་བྱང་གླིང་རྗེ་གསུམ་གྱིས་གསན། ཡབ་སྲས་བཞི་ཀ་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་གསན་ནོ། །ཡང་ན་ཚར་ཆེན་ནས། བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། མཁན་ཆེན་ཐར་པ་རྒྱལ་མཚན། ཁྱབ་བདག་ཞ་ལུ་པ། དེས་བདག་
ལའོ། །ཡང་ཡིག་ཆ་དེ་གའི་སྟེང་ནས་ཐུན་མོང་བའི་རྗེས་གནང་ཐོབ་པའང་བཤད་མ་ཐག་པ་བཞིན་ནོ། །ཚེ་ཁྲིད་ཟླ་བའི་ཆུ་རྒྱུན་གྱི་ཉམས་ལེན་སྙིང་པོ་བསྡུས་པའི་སྟེང་ནས་ཉམས་ཁྲིད་ཟབ་མོ་སྨིན་རྒྱས་དང་དེ་ཉིད་ཀྱི་ཡིག་ཆའི་ལུང་དང་བཅས་ནོས་པའི་བརྒྱུད་པ་ནི། མཁན་ཆེན་བསླབ་གསུམ་རྒྱལ་མཚན་ནས། རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། རིགས་ཀུན་བདག་པོ་ཆོས་དབྱིངས་རང་གྲོལ། དེས་བདག་ལའོ། །འཇམ་དབྱངས་མཁྱེན་བརྩེས་མཛད་པའི་རྗེས་གནང་གི་ཡི་གེ །དེས་མཛད་པའི་སྦྱིན་སྲེག་གི་ཆོག་ཁྲིགས་ངག་འདོན་བཀླགས། ༼ཀ༽ཆོག་ཏུ་བཀོད་པ་ཚེ་དང་བསོད་ནམས་ཀྱི་ཉི་མ་བདུན་འབར། དེས་མཛད་པའི་ཚེ་ཁྲིད་སྐྱབས་༼ཀ༽ཡུལ་ཞིང་ཁམས་མ། རྗེ་དབང་རབ་ཀྱིས་མཛད་པའི་སྒྲུབ་ཐབས་བདུད་རྩིའི་དཔལ་སྟེར། བླ་མ༼ཀི༽བརྒྱུད་པའི་ལོ་རྒྱུས་ཤ་དུམ་འཐོར་གྱི་སོང་ཡང་འགལ་བ་མེད་གསུང་པའི་མཐའ་ཅན། པཎྜི་ཏ་ངག་དབང་གྲགས་པས་མཛད་པའི་སྒྲོལ་དཀར་༼ཀ༽གྱི་སྒོ་ནས་འཆི་བ་བླུ་བའི་རྟོགས་པ་བསྡུས་པ། དེས་མཛད་པའི་སྒྲུབ་༼ཀི༽ཐབས་པཎྜི་ཏ་དོན་ཡོད་རྡོ་རྗེ་དང་ལོ་ཙཱ་བ་བ་རིས་བསྒྱུར་བ། ཡང་སྒྲུབ་ཐབས། བུམ་ཆོག །གཏོར་ཆོག །སྒོམ་པའི་༼ཀི༽བསྲུང་འཁོར་རྣམས་ཆོས་ཚན་གཅིག་ཏུ་བྱས་པ། བྲིས་པའི་བསྲུང་༼ཀི༽འཁོར་གྱི་གདམས་ངག་ཡོན་ཏན་དཔག་ཏུ་མེད་པ། བར་ཆད་ཞི་བྱེད་ལྟས་༼ཀི༽ངན་གཡང་དུ་ལེན་པ། སློབ་དཔོན་པདྨ་ནག་པོས་མཛད་པའི་བྱད་༼ཀི༽འགྲོལ་བ་རིའི་འགྱུར། ཀླུ་སྒྲུབ་ཀྱིས་མཛད་པའི་༼ཀི༽གནས་དང་ཆོམ་རྐུན་བསྲུང་
བ། ཅེ་སྤྱང་སྔོན་༼ཀི༽མོའི་ལམ་བསྲུང་ལས་རྟགས་མེད་པ་རྣམས་ཀྱི་ལུང་བརྒྱུད་ནི། མཁྱེན་བརྩེའི་ཞབས། བསླབ་གསུམ་རྗེ། ཁྱབ་བདག་དབང་རབ། རྡོ་རྗེ་འཆང་ཞ་ལུ་པ། དེས་བདག་ལའོ། །ཀའི་རྟགས་ཡོད་པའི་ལུང་ནི། འཇམ་དབྱངས་མཁྱེན་བརྩེ། མཆོད་དཔོན་དྲུང་པ་དཀོན་ཅོག །རྗེ་དབང་རབ་མན་འདྲ། ཀིའི་རྟགས་ཡོད་པའི་བརྒྱུད་པ་ནི། རྗེ་དབང་རབ་ནས། མཁས་གྲུབ་དཔལ་ལྡན་དོན་གྲུབ། མཁན་དཔལ་མཆོག་རྒྱལ་མཚན། རྡོ་རྗེ་འཆང་ཞ་ལུ་པ། དེས་བདག་ལའོ། །ལྟས་ངན་གཡང་ལེན་ལུགས་གཅིག་ལ། དབང་རབ་ནས། བཀའ་འགྱུར་བ་ཆེན་པོ། ཞ་ལུ་པ། དེས་བདག་གོ །སྒྲོལ་མའི་མན་ངག་ལྷ་མོ་ཤྲ་མ་ཎའི་སྒྲུབ་ཐབས་ཀུན་མཁྱེན་བཀྲ་ཤིས་རྣམ་རྒྱལ་གྱིས་མཛད་པའི་བརྒྱུད་པ་ནི། རྗེ་བཙུན་སྒྲོལ་མ། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ། ས་ཆེན། རྩེ་མོ། གྲགས་པ། ས་པཎ། འཕགས་པ། ཤར་པ་ཡེ་འབྱུང་། ཤར་པ་ཀུན་དགའ་སེང་གེ །སེང་གེ་རྒྱལ་མཚན། གར་ཐིག་པ་བསོད་རྒྱལ། ཤེས་རབ་རྡོ་རྗེ། གྲགས་པ་རྡོ་རྗེ། གྲགས་པ་དོན་གྲུབ། གྲུབ་ཆེན་རི་ཁྲོད་པ་ཤར་དྭགས་པོའི་པཎ་ཆེན་བཀྲ་ཤིས་རྣམ་རྒྱལ། ཡོངས་འཛིན་བདེ་ལེགས་བཟང་པོ། ཆག་ལོ་རིན་ཅེན་ཆོས་རྒྱལ། འཇམ་དབྱངས་ཤེས་རབ་རྒྱལ་མཚན། རྗེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྔགས་འཆངས་སངས་རྒྱས་རིན་ཅེན། བཅོ་བརྒྱད་ཆོས་རྗེ་མཁྱེན་རབ་བསྟན་འཛིན་བཟང་པོ། མཁས་གྲུབ་བྱམས་པ་ངག་དབང་ལྷུན་གྲུབ། མཁས་དབང་འཕྲིན་ལས་རྣམ་རྒྱལ། ཁྱབ་བདག་ཞ་ལུ་བ། དེས་བདག་ཟ་ཧོར་བནྡེ་ལའོ། །
སྒྲོལ་དཀར་ཡིད་བཞིན་འཁོར་ལོ་བཀའ་བབས་དགུ་དང་ལྡན་པའི་རྗེས་གནང་གི་ལུང་བརྒྱུད།
སྒྲོལ་དཀར་ཡིད་བཞིན་འཁོར་ལོ་བཀའ་
བབས་དགུ་དང་ལྡན་པའི་རྗེས་གནང་གི་བརྒྱུད་པ་ལ་བཀའ་བབས་དང་པོ་ཇོ་བོ་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ངག་གི་དབང་ཕྱུགམགོན་པོ་གསེར་གླིང་པ། ཇོ་བོ་རྗེ་ཨ་ཏི་ཤ །འབྲོམ་སྟོན་པ། སྤྱན་སྔ་བ། བྱ་ཡུལ་བ་གཞོན་ནུ་འོད། དྭགས་པོ་ལྷ་རྗེ། བསོད་ནམས་རིན་ཅེན། ཞང་གསུམ་ཐོག་པ། ཞང་བཀའ་སྩལ་པ། བླ་མ་ལྷ། སློབ་དཔོན་རིན་ཅེན་བཟང་པོ། མཁན་ཆེན་བདེ་བ་དཔལ། བྱང་སེམས་བསོད་ནམས་གྲགས་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། ཀུན་བཟང་རྩེ་པ་བསོད་ནམས་རྒྱལ་མཚན། ཆག་ལོ་རིན་ཅེན་ཆོས་ཀྱི་རྒྱལ་པོ། ཁྲ་རི་བ་རིན་ཅེན་རྒྱལ་མཆོག །ཀུན་མཁྱེན་རྫོང་དཀར་བ་ཤེས་རབ་རྒྱལ་མཚན། འཇམ་དཔལ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་མཁན་ཆེན་བདེ་བ་དཔལ་ནས། དཀའ་བཞི་བ་གྲགས་པ་གཞོན་ནུ། བུ་སྟོན་ཐམས་ཅད་མཁྱེན་པ། བླ་མ་དམ་པ་བསོད་ནམས་རྒྱལ་མཚན་མན་འདྲ། ཡང་ན་སྤྱན་སྔ་པ་ཆེན་པོ་ནས། དགེ་བཤེས་སྒྲེ་པ། སྒམ་པོ་བསོད་ནམས་རིན་ཅེན། ཕག་མོ་གྲུ་པ། ཉེ་གནས་སྟག་ལུང་ཐང་པ། བླ་མ་བ་ལམ་པ། སློབ་དཔོན་ཚལ་པ། སློབ་དཔོན་ཤཱཀྱ་གཞོན་ནུ། དོན་ཞགས་པ་སངས་རྒྱས་རིན་ཅེན། རྩེགས་པ་བསོད་ནམས་རྡོ་རྗེ། མ་ཏི་ཕ་ལ། གཙང་པ་བློ་བཟང་ཟེར་ཡང་སྐད་དོད་ལ་དཔགས་ན་བློ་གྲོས་བཟང་པོ་ཐོབ་པ་འདྲ། བླ་མ་རང་གྲོལ་ལྷུན་གྲུབ། མཚུངས་
མེད་ནམ་མཁའ་བློ་གྲོས། ཆག་ལོ་རིན་ཅེན་ཆོས་རྒྱལ་མན་འདྲ། ཡང་ན་སྒམ་པོ་པ་ནས། ལྷོ་ལ་ཡག་པ། སློབ་དཔོན་བརྟན་པ། སློབ་དཔོན་ཚལ་པ་བ། སློབ་དཔོན་ཤཱཀྱ་གཞོན་ནུ་མན་འདྲ། ཡང་ན་སློབ་དཔོན་ཤཱཀྱ་གཞོན་ནས་ཤངས་པ་གྲགས་པ་སེང་གེ །བླ་མ་མགོན་རྒྱལ་བ། མཁའ་སྤྱོད་དབང་པོ། འཁྲུལ་ཞིག་བསོད་ནམས་འབུམ། བླ་མ་རྒྱལ་མཚན། ཞྭ་དམར་བཞི་པ་སྤྱན་སྔ་ཐམས་ཅད་མཁྱེན་པ། ཆག་ལོ་མན་འདྲ། ཡང་ན་སྤྱན་སྔ་བ་ནས། བྱ་ཡུལ་བ་གཞོན་ནུ་འོད། དགེ་བཤེས་སླེ་ནག་པ། བཤེས་གཉེན་སྒྲེ་པ། དྭགས་པོ་ཟླ་འོད་གཞོན་ནུ་མན་འདྲ། ཡང་ན་ཟླ་འོད་གཞོན་ནུ་ནས། དུས་གསུམ་མཁྱེན་པ་ཆོས་ཀྱི་གྲགས་པ། ཁམས་པ་དབུ་སེ། ཁམས་པ་དབང་ཕྱུག་རྡོ་རྗེ། བླ་མ་དབང་ཕྱུག་སེང་གེ །ཁམས་པ་བྱ་བྲལ་བ། བླ་མ་ཤེས་རབ་གཞོན་ནུ། སྤྱན་སྔ་ཆོས་ཀྱི་རྒྱལ་པོ། དེ་གཉིས་ཀ་ལ་རི་ཁྲོད་པ་གཞོན་ནུ་རྒྱལ་མཚན། དེ་ནས་རས་ཆེན་གཞོན་ནུ་དཔལ། གྲུབ་ཆེན་སངས་རྒྱས་རིན་ཅེན། དེ་ལ་སྒོ་རུམ་པ་སངས་རྒྱས་རྒྱལ་མཚན་དང་ཀུན་དགའ་རྒྱ་མཚོ་གཉིས་ཀྱིས་གསན། གཉིས་ཀ་ནས་རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེའི་ཞབས་མན་འདྲ། ཡང་ན་ཆོས་རྗེ་བླ་མ་དམ་པ་ཡན་གོང་ལྟར་ལ། དེ་ནས་རི་ཁྲོད་པ་གཞོན་ནུ་རྒྱལ་མཚན་མན་གོང་བཞིན་ནོ། །ཡང་ན་བླ་མ་དམ་པ་ནས། བླ་ཆེན་ཀུན་དགའ་རྒྱལ་མཚན། འཇམ་དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། ཆོས་རྗེ་སངས་རྒྱས་དཔལ། རྗེ་བཙུན་སྒོ་རུམ་པ་མན་འདྲ། ཡང་ན་བདག་ཆེན་རྡོ་རྗེ་འཆང་ནས། རྗེ་བཙུན་
རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེ་མན་འདྲ། ཡང་ན་བླ་མ་དམ་པ་བསོད་ནམས་རྒྱལ་མཚན་ནས། ལོ་ཆེན་བྱང་ཆུབ་རྩེ་མོ། ལོ་ཆེན་གྲགས་པ་རྒྱལ་མཚན། བོ་དོང་པཎ་ཆེན་ཕྱོགས་ལས་རྣམ་རྒྱལ། སྟག་ལུང་ངག་དབང་གྲགས་པ། ཆོས་རྗེ་འཆི་མེད་དཔལ་བཟང་། མཁས་མཆོག་སངས་རྒྱས་ལྷུན་གྲུབ། བོ་དོང་སྔགས་རམ་པ་ཡོན་ཏན་རྒྱ་མཚོ། ཀུན་མཁྱེན་མཁྱེན་བརྩེ་མན་འདྲ། ཡང་ན་ཆག་ལོ་རིན་ཅེན་ཆོས་རྒྱལ་ནས། རྗེ་བཤེས་གཉེན་བཀྲ་ཤིས། གྲུབ་པའི་ཁྱུ་མཆོག་དགེ་སློང་ངག་དབང་རྣམ་རྒྱལ། འཇམ་དབྱངས་མཁྱེན་བརྩེ་མན་འདྲ། ཡང་ན་བླ་མ་དམ་པ་ནས། རྗེ་དཔལ་ལྡན་ཚུལ་ཁྲིམས། ཤར་བ་ཡེ་ཤེས་རྒྱལ་མཚན། རྗེ་ཀུན་དགའ་བཟང་པོ། རྒྱལ་ཚབ་ཀུན་དབང་། གློ་བོ་མཁན་ཆེན་ལེགས་འབྱུང་། རྗེ་ཀུན་དགའ་གྲོལ་མཆོག །འཇམ་དབྱངས་མཁྱེན་བརྩེ་མན་གོང་བཞིན་ནོ། །ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། པཎ་ཆེན་ཆོས་རིན་དཔལ་བ། རྗེ་བློ་གྲོས་རྒྱ་མཚོ་ཐུགས་རྗེ་ཅན་རིན་ཅེན་བཟང་པོ། སྔགས་འཆང་ཀུན་དགའ་བསོད་ནམས། སྔགས་འཆང་དཀོན་ཅོག་ལེགས་འཛིན། སྒྲུབ་ཁང་པ་དཔལ་ལྡན་དོན་གྲུབ། ཤར་པ་ཤེས་རབ་འབྱུང་གནས། ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་བྱ་ཡུལ་བ་གཞོན་ནུ་འོད་ནས། དགེ་བཤེས་འཆད་ཀ་བ། སྐྱེར་སྒང་བ་ཆོས་ཀྱི་སེང་གེ །སངས་རྒྱས་སྒོམ་པ། མཆིམས་ནམ་མཁའ་གྲགས། སྐྱོ་སྟོན་སྨོན་ལམ་ཚུལ་ཁྲིམས། རྒྱང་རོ་བྱང་ཆུབ་འབུམ། མཆིམས་
བློ་བཟང་གྲགས་པ། གྲོ་སྟོན་ཀུན་དགའ་རྒྱལ་མཚན། དབང་སྟོན་གྲུབ་པ་ཤེས་རབ། སྤྱང་ལུང་པ་གཞོན་ནུ་བློ་གྲོས། པཎ་ཆེན་ཤཱཀྱ་མཆོག་ལྡན། སྤྱང་ལུང་པ་གཞོན་ནུ་མཆོག་གྲུབ། རྗེ་བཙུན་ཀུན་དགའ་གྲོལ་མཆོག །རྗེ་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་འཛིན་མན་འདྲ། ཡང་ན་བོ་དོང་ཕྱོགས་ལས་རྣམ་རྒྱལ་ནས། ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་ཡེ་ཤེས་རྩེ་མོ། ཐམས་ཅད་མཁྱེན་པ་དགེ་འདུན་རྒྱ་མཚོ། དེ་ནས་བླ་མ་གསུམ་ཙམ་ཞིག་མ་རྙེད། དེ་ནས་མཁན་ཆེན་བློ་བཟང་ཆོས་ཀྱི་རྒྱལ་མཚན་དང་འཇམ་དབྱངས་དཀོན་ཅོག་ཆོས་འཕེལ། དེ་གཉིས་ཀ་ལ་བདག་གིས་ཞུས། ཉེ་བརྒྱུད་ནི། རྗེ་བཙུན་སྒྲོལ་མས་མཁས་གྲུབ་ནོར་བཟང་རྒྱ་མཚོ་ལ་དངོས་སུ་གནང་ཞིང་བསྟོད་པ་ཤོ་ལོ་ཀ་གང་མང་རྩོམས་ཤིག་དེའི་གྲངས་དང་མཉམ་པའི་ཚེའི་དངོས་གྲུབ་སྟེར་བར་ཞལ་གྱིས་འཆེས་པ་བཞིན་རྗེ་བཙུན་མར་བསྟོད་པ་བརྩམས་པས་དགུང་ལོ་བརྒྱར་ཉེ་བ་བཞུགས། དེ་ལ་ཐམས་ཅད་མཁྱེན་པ་དགེ་འདུན་རྒྱ་མཚོས་གསན་ནོ། །བཀའ་བབས་གཉིས་པ་ས་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། པཎ་ཆེན་གྲུབ་ཝཱ་གཱི་ཤྭ་ར། རྡོ་རྗེ་གདན་པ། བ་རི་ལོ་ཙཱ་བ། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འགྲོ་བའི་མགོན་པོ་འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། རྗེ་བཙུན་དཔལ་ཆེན་བཟང་པོ། ཆོས་རྗེ་ཡེ་ཤེས་དཔལ་བཟང་། ཆག་ལོ་རིན་ཅེན་ཆོས་རྒྱལ། ཁྲ་རི་བ་རིན་ཅེན་རྒྱལ་
མཆོག །རྫོང་དཀར་བ་ཤེས་རབ་རྒྱལ་མཚན། འཇམ་དབྱངས་མཁྱེན་བརྩེའི་དབང་ཕྱུག་མན་སྔར་ལྟར་རོ། །གཞན་ཡང་ཇོ་བོ་ལུགས་ཀྱི་སྐབས་སྨོས་པའི་བླ་མ་དམ་པ་བསོད་ནམས་རྒྱལ་མཚན་བརྒྱུད་པར་བཞུགས་ཕྱིན་དེ་མན་ཆད་འདིར་ཡང་བགྲངས་ཆོག་གོ །བཀའ་བབས་གསུམ་པ་པཎ་ཆེན་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ཁ་ཆེ་པཎ་ཆེན་ཤཱཀྱ་ཤྲཱི། མཁན་ཆེན་བྱང་ཆུབ་དཔལ། མཁན་ཆེན་བདེ་བ་དཔལ། བྱང་སེམས་བསོད་ནམས་གྲགས་པ། བླ་མ་དམ་པ་བསོད་ནམས་རྒྱལ་མཚན། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། ཆག་ལོ་རིན་ཅེན་ཆོས་རྒྱལ། ཁྲ་རི་བ་མན་གོང་བཞིན་ནོ། །ཡང་ན་བླ་མ་དམ་པ་ནས། དཔལ་ལྡན་ཚུལ་ཁྲིམས། ཤར་ཆེན། ངོར་ཆེན། དམར་སྟོན་རྒྱལ་མཚན་འོད་ཟེར། མཚུངས་མེད་ནམ་མཁའ་བློ་གྲོས། ཆག་ལོ་ཁྲ་རི་བ་མན་འདྲ། ཡང་ན་པཎ་ཆེན་ཤཱཀྱ་ཤྲཱི་ནས། པཎ་ཆེན་དཱ་ན་ཤཱི་ལ། ཙང་ཐང་པ། བླ་མ་ཀ་པ་བ། རྟོགས་ལྡན་གྲགས་སེང་། གཡའ་བཟང་པ་བསོད་ནམས་འོད། བསོད་ནམས་རྡོ་རྗེ། གཙང་པ་བློ་བཟང་པ། རང་གྲོལ་ལྷུན་གྲུབ། ནམ་མཁའ་བློ་གྲོས། ཆག་ལོ། ཁྲ་རི་བ་མན་འདྲ། འདིར་མ་ཟད་མཁན་ཆེན་བྱང་ཆུབ་དཔལ་བརྒྱུད་པར་བཞུགས་ཕྱིན་དེ་མན་ཆད་འདིར་ཡང་བགྲངས་ཆོག་གོ །བཀའ་བབས་བཞི་པ་ཨ་བྷ་ཡཱ་ཀ་ར་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། སློབ་དཔོན་ཨ་བྷ་ཡཱ་ཀ་ར། ཤུ་བྷཾ་ཀ་རུ་གུཔྟ། ལེགས་སྤྱོད་འབྱུང་གནས། རནྟ་རཀྟི་ཏ། གཽ་ཏཾ་ཤྲཱི། ཀཱི་
རྟི་ཙནྡྲ། ལོ་ཙཱ་བ་གྲགས་པ་རྒྱལ་མཚན། རོང་པ་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། མཁན་ཆེན་རིན་ཅེན་འཕེལ། བླ་མ་ཡེ་ཤེས་འཕེལ། རྗེ་ཀུན་དགའ་བསོད་ནམས། བླ་མ་བྱང་སེང་པ། རྒྱ་མ་བ་ཡོན་ཏན་འོད། ཤང་དཀར་བ་རིན་ཅེན་རྒྱལ་མཚན། སྐུངས་ལུང་པ་སངས་རྒྱས་དཔལ། རྗེ་འཕགས་པ་རིན་ཅེན། ཆག་ལོ་རིན་ཅེན་ཆོས་རྒྱལ། ཁྲ་རི་བ་མན་འདྲ། །བཀའ་བབས་ལྔ་པ་གཉན་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། པཎྜི་ཏ་མ་ཏི། གཉན་ལོ་ཙཱ་བ་དར་མ་གྲགས། གནམ་ཁའུ་པ་དར་མ་རྒྱལ་མཚན། རྗེ་བཙུན་ས་ཆེན་མན་འདྲ། ས་ཆེན་བརྒྱུད་པར་བཞུགས་ཕྱིན་དེ་མན་གྱི་བརྒྱུད་པ་རྣམས་ཚང་མ་དེད་ཆོག །བཀའ་བབས་དྲུག་པ་དཔྱལ་གྱི་བརྒྱུད་པ་ནི། རྗེ་བཙུན་སྒྲོལ་མ། རྡོ་རྗེ་གདན་པ་ནི་སྐ་ལཾ་ཀ །དཔྱལ་ལོ་ཙཱ་བ་ཆོས་ཀྱི་བཟང་པོ། དཔྱལ་ཨ་མོ་གྷ། མཁན་ཆེན་གཞོན་ནུ་དཔལ་ཡེ་ཤེས། ཐར་ལོ་ཉི་མ་རྒྱལ་མཚན། བུ་སྟོན་ཐམས་ཅད་མཁྱེན་པ། རྗེ་བཙུན་དཔལ་ཆེན་བཟང་པོ། རྗེ་ཡེ་ཤེས་དཔལ་བཟང་། ཆག་ལོ་རིན་ཅེན་ཆོས་རྒྱལ། ཁྲག་རི་བ་རིན་ཅེན་རྒྱལ་མཆོག་མན་འདྲ། བུ་སྟོན་རིན་པོ་ཆེ་བརྒྱུད་པར་བཞུགས་ཕྱིན་དེ་མན་གྱི་བརྒྱུད་པ་གོང་མ་རྣམས་ཀྱང་བགྲངས་ཆོག །བཀའ་བབས་བདུན་པ་རྔོག་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ངག་དབང་གྲགས་པ། མར་པ་ལོ་ཙཱ་བ་ཆོས་ཀྱི་བློ་གྲོས། རྔོག་ཆོས་སྐུ་རྡོ་རྗེ། རྔོག་མདོ་སྡེ། རྔོག་ཀུན་དགའ། རྔོག་གཟི་བརྗིད་གྲགས་པ། རྔོག་རིན་ཅེན་བཟང་པོ། རྔོག་ཆོས་ཀྱི་རྒྱལ་མཚན། གནག་ར་བ་སངས་རྒྱས་རྒྱལ་མཚན།
རྔོག་བྱང་ཆུབ་དཔལ། བྱམས་པ་གླིང་པ་བསོད་ནམས་རྣམ་པར་རྒྱལ་བ། ལོ་ཆེན་བསོད་ནམས་རྒྱ་མཚོའི་སྡེ། ཞྭ་དམར་བཞི་པ་སྤྱན་སྔ་ཆོས་ཀྱི་གྲགས་པ། ཆག་ལོ་རིན་ཅེན་ཆོས་རྒྱལ། ཁྲ་རི་བ་མན་འདྲ། །བཀའ་བབས་བརྒྱད་པ་སྒར་ལུགས་ཀྱི་བརྒྱུད་པ་ནི། རྗེ་བཙུན་སྒྲོལ་མ། ཀརྨ་པ་རོལ་པའི་རྡོ་རྗེ། རྗེ་མཁའ་སྤྱོད་དབང་པོ། ཀརྨ་པ་དེ་བཞིན་གཤེགས་པ། མཁས་གྲུབ་བསོད་ནམས་འབུམ། སློབ་དཔོན་རིན་པོ་ཆེ་བླ་མ་རྒྱལ་མཚན། ཞྭ་དམར་ཅོད་པན་འཛིན་པ་བཞི་པ་ཆོས་ཀྱི་གྲགས་པ་ཡེ་ཤེས་དཔལ་བཟང་པོ། ཆག་ལོ་རིན་ཆེན་ཆོས་རྒྱལ། ཁྲ་རི་བ་མན་འདྲ། བཀའ་བབས་དགུ་པ་ནགས་རིན་ལུགས་ནི། རྗེ་བཙུན་སྒྲོལ་མ། པཎྜི་ཏ་ངག་དབང་གྲགས་པ། པཎ་ཆེན་ནགས་ཀྱི་རིན་ཅེན། །ཆོས་རྗེ་ཀུན་དགའ་མཆོག་གྲུབ། རྗེ་བཙུན་ཀུན་དགའ་གྲོལ་མཆོགཆོས་རྗེ་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་འཛིན། མཁས་གྲུབ་དཔལ་ལྡན་དོན་གྲུབ། ཤར་ཆེན་ཤེས་རབ་འབྱུང་གནས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །
གོང་དཀར་ལུགས་ཀྱི་སྒྲོལ་དཀར་གྱི་ཚེ་འཁྲིད་རྒྱུན་ཁྱེར་ཉམས་ཁྲིད་སོགས་ཀྱི་ལུང་བརྒྱུད།
གོང་དཀར་ལུགས་ཀྱི་སྒྲོལ་དཀར་གྱི་ཚེ་འཁྲིད་རྒྱུན་ཁྱེར་ཉམས་ཁྲིད་ཐོབ་པའི་བརྒྱུད་པ་ནི། རྗེ་བཙུན་སྒྲོན་མ། སློབ་དཔོན་ངག་དབང་གྲགས་པ། གསེར་གླིང་པ་ཆོས་ཀྱི་གྲགས་པ། དཔལ་ལྡན་མར་མེ་མཛད། རྒྱལ་བ་འབྲོམ། སྤྱན་སྔ་བ། དགེ་བཤེས་སླེ་ནག་པ། དགེ་བཤེས་སྒྲེ་པ། སྒམ་པོ་པ་བསོད་ནམས་རིན་ཅེན། དབུ་སེ་དུས་མཁྱེན། ཁམས་པ་དབང་རྡོར། དབང་ཕྱུག་སེང་གེ །ཁམས་པ་བྱ་བྲལ་བ། བླ་མ་ཤེས་རབ་
གཞོན་ནུ། སྤྱན་སྔ་ཆོས་ཀྱི་རྒྱལ་པོ། དེ་གཉིས་ལ་རི་ཁྲོད་གཞོན་ནུ་རྒྱལ་མཚན་དང་རས་ཆེན་གཞོན་ནུ་དཔལ་ལྡན་གཉིས་ཀྱིས་གསན། གཉིས་ཀ་ནས་རྗེ་གྲགས་པ་རྒྱལ་མཚན། རྗེ་རྣམ་རྒྱལ་མགོན་པོ། མཁས་གྲུབ་རྣམ་རྒྱལ་རིན་ཅེན། བླ་མ་ཤཱཀྱ་ཀུན་དགའ། རྗེ་དབང་ཕྱུག་རྒྱལ་མཚན། མཁས་གྲུབ་ཉི་མ་གླིང་པ་ཚུལ་ཁྲིམས་བཀྲ་ཤིས། རབ་འབྱམས་ཆོས་རྗེ་རིན་ཅེན་རྒྱ་མཚོ། རིགས་ཀུན་ཁྱབ་བདག་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །འཕན་ཡུལ་ལན་པའི་སྤྱིལ་བུར་དཔལ་མར་མེ་མཛད་ལ་དྲན་ཁ་དཔལ་ཡོན་གྱིས་མཐོ་འཚམས་པའི་ཚེ་པདྨའི་རིགས་ཀྱི་ཁྲོ་བོར་གཏོགས་པ་རྟ་མགྲིན་ཤྭ་ན་བཞི་སྐོར་གྱི་སྒོ་ནས་བཏུལ་བ་སོགས་བྱིན་རླབས་ཀྱི་ཚན་ཁ་ཤིན་ཏུ་ཆེ་བར་གྲགས་པའི་རྗེས་སུ་གནང་བ་གཞན་མའི་རྒྱས་བཀབ་མ་ཡིན་པའི་གོང་མའི་ཡིག་རྙིང་སྟེང་ནས་ཕྱག་ལེན་འཁྲུལ་མེད་དུ་ནོས་པའི་བརྒྱུད་པ་ནི། དཔལ་རྟ་མགྲིན། ཡུམ་གསང་བ་ཡེ་ཤེས་ཌཱ་ཀི་མ། སློབ་དཔོན་སངས་རྒྱས་ཞི་བ། སློབ་དཔོན་སངས་རྒྱས་གསང་བ། ཀུ་སཱ་ལི་ཆེ་ཆུང་གཉིས། ཇོ་བོ་ཆེན་པོ་དཱི་པཾ་ཀཱ་ར་ཤྲཱི་ཛྙཱ་ན། ཡོལ་གྲུབ་ཐོབ་ཆོས་དབང་། མཐའ་བཞི་གྲུབ་ཐོབ། རིན་ཅེན་སྨོན་ལམ་པ། རིན་པོ་ཆེ་ལམ་པ། བླ་མ་ཡེ་ཤེས་འོད། སློབ་དཔོན་ལེགས་པ་ཤེས་རབ། བླ་མ་བྱང་ཆུབ་རིན་ཅེན། སློབ་དཔོན་བྱང་ཆུབ། གཞོན་ནུ་འོད། མཁན་ཆེན་བྱམས་པ་རིན་ཅེན། མཁས་བཙུན་བྱང་སེང་བ། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། ཆོས་རྗེ་རྣམ་རྒྱལ་བཀྲ་ཤིས། སྤྱན་སྔ་བ་བསོད་ནམས་ལྷ་དབང་། རྗེ་བཙུན་ངག་དབང་ཆོས་གྲགས། བླ་མ་དཔལ་ལྡན་ཆོས་འབྱོར། ལོ་
པ་སྤྱན་སྔ་ཀུན་དགའ་དོན་གྲུབ། ས་ཆེན་ངག་དབང་ཀུན་དགའ་བསོད་ནམས། བདག་ཆེན་ངག་དབང་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེ་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་དང་པོའི་སངས་རྒྱས། དགེ་སློང་མ་དཔལ་མོ། དགེ་སློང་མ་དཔལ་གྱི་བཟང་མོ། སློབ་དཔོན་ཡེ་ཤེས་བཟང་པོ། ཇོ་བོ་ཆེན་པོ་མན་འདྲ། །བྱང་སེམས་ཟླ་བ་རྒྱལ་མཚན་གྱི་ཞལ་གཟིགས་མའི་དཔལ་རྟ་མགྲིན་ནག་པོ་ལྕགས་རལ་ཅན་ཟླ་རྒྱལ་ལུགས་སུ་གྲགས་པའི་ཡིག་རྙིང་དང་ཕྱག་ལེན་ལ་བརྟེན་ནས་རྗེས་གནང་དང་། ལུང་ལ། སྒྲུབ་ཐབས། ནད་པ་གསོ་བ། སྟེང་གདོན་གཟིར་བ། ལུས་བསྲུང་བ། སེར་བ་བསྲུང་བ། ཕྱིར་བཟློག་པ་རྗེས་གནང་གི་ཡི་གེ་དང་བཅས་པ་ལེགས་པར་ཐོབ་པ་ལས་རྗེས་གནང་གི་བརྒྱུད་པ་ནི། དཔལ་རྟ་མགྲིན། བྱང་སེམས་ཟླ་བ་རྒྱལ་མཚན། ཞང་སྐྱི་ཚ་འོད་ཆེན། ཞང་དབུ་དཀར་བ། ཞང་ལོ་ཙཱ་བ། ཞང་བྱང་ཆུབ་རིན་ཅེན། དཔལ་རྒྱལ་བ་གྲུབ། འཛིམས་པ་རྒྱལ་མཚན་དཔལ། སྤང་སྒང་པ་གྲགས་པ་དཔལ། སྒྲུབ་པ་པོ་བླ་མ་རིན་ཅེན་བརྩོན་འགྲུས་ཆེན་པོ། མཁས་བཙུན་བྱང་ཆུབ་སེང་གེ །ས་བཟང་འཕགས་པ་གཞོན་ནུ་བློ་གྲོས། ངོར་པ་རྡོ་རྗེ་འཆང་། ཁོ་ཕྱར་མཁན་ཆེན་བསོད་ནམས་རྒྱལ་མཚན། ཀུན་མཁྱེན་གོ་བོ་རབ་འབྱམས་པ། མཁན་ཆེན་རཏྣ་ཤཱི་ལ། རྗེ་བཙུན་སྒོ་རུམ་པ་ཆེན་པོ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་མེད་འཇམ་དབྱངས་ཆོས་དབྱིངས་རང་
གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཞང་བྱང་ཆུབ་རིན་ཅེན་ནས། ལྕེ་སྟོན་སངས་རྒྱས་དཔལ། བྲག་སྟོན་ཚུལ་ཁྲིམས་རྒྱལ་མཚན། བྱང་སེམས་ཤེས་རབ་རྒྱལ་མཚན། ཆོས་རྗེ་དགེ་ལེགས་དཔལ་བཟང་། བ་སོ་ཆོས་ཀྱི་རྒྱལ་མཚན། བླ་མ་དཔལ་ལྡན་དོན་གྲུབ། འཇམ་དབྱངས་ཤེས་རབ་དར་རྒྱས། རྗེ་ཆོས་གྲགས་བཟང་པོ། བྲག་དགོན་སྤྱན་སྔ་བ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། རྗེ་ཆོས་དབྱིངས་རང་གྲོལ། དེས་བདག་ལའོ། །ལུང་གི་བརྒྱུད་པ་ནི། མགོན་པོ་བསོད་ནམས་མཆོག་ལྡན་ཡན་རྗེས་གནང་ལྟར་ལས། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །ཡང་ན་ངོར་ཆེན་ཡན་གོང་ལྟར་ལ། དེ་ནས་རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། འཇམ་དབྱངས་དཀོན་ཅོག་ལྷུན་གྲུབ། མུས་ཆེན་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་ཆེན་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཐར་རྩེ་པ་ནམ་མཁའ་དཔལ་བཟང་གིས་མཛད་པའི་ཡི་གེའི་སྟེང་ནས་དཔལ་ཇོ་བོ་དཱི་པཾ་ཀཱ་རས་ཡོལ་ཆོས་དབང་ལ་གནང་བའི་རྟ་མགྲིན་ཞལ་གསུམ་ཕྱག་དྲུག་པ་གཤོག་པ་ཅན་ཇོ་ལུགས་སུ་གྲགས་པའི་རྗེས་གནང་ནོས་པའི་བརྒྱུད་པ་ནི། སྤྱན་རས་གཟིགས། ཇོ་བོ་ཆེན་པོ་ཨ་ཏི་ཤ །ཡོལ་གྲུབ་ཐོབ་ཆོས་དབང་། མཐའ་བཞི་གྲུབ་ཐོབ། རིན་ཅེན་སྨོན་ལམ། རིན་ཅེན་ལམ་པ། ལྷ་ཡེ་ཤེས་འོད། སློབ་དཔོན་ལེགས་པ་ཤེས་རབ། བྱང་ཆུབ་རིན་ཅེན། བྱང་ཆུབ་གཞོན་ནུ། མཁན་བྱམས་པ་རིན་ཅེན།
མཁས་བཙུན་བྱང་སེང་བ། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། གུ་གེ་པཎྜི་ཏ་གྲགས་པ་རྒྱལ་མཚན། གློ་བོ་མཁན་ཆེན་ལེགས་འབྱུང་། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ་ཐར་རྩེ་ནམ་མཁའ་དཔལ་བཟང་། རྩེ་གདོང་བདག་ཆེན་ཀུན་དགའ་བསོད་ནམས་ལྷུན་གྲུབ། ལོ་པ་སྤྱན་སྔ་ཀུན་དགའ་དོན་གྲུབ། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རྗེ་ལྷ་མཆོག་སེང་གེ་ནས། ཤར་ཁང་པ་ཤེས་རབ་རྒྱལ་མཚན། ཐར་རྩེ་པ་མན་འདྲ། ཐར་རྩེ་པས་མཛད་པའི་ཡི་གེའི་ལུང་ནི། ཐར་རྩེ་ཁུ་དབོན། མཁན་དཔལ་མཆོག་རྒྱལ་མཚན། མཁན་ཆེན་ཞ་ལུ་པ། དེས་བདག་ལའོ། །པདྨའི་རིགས་ཀྱི་ཁྲོ་མོ་རི་ཁྲོད་ལོ་མ་གྱོན་པའི་རྗེས་གནང་ལུང་གསུམ་གྱི་ཆིངས་ལྡན་ཐོབ་པའི་བརྒྱུད་པ་ནི། སངས་རྒྱས། ཕྱག་ན་རྡོ་རྗེ། གྲུབ་ཆེན་ཛེ་ཏཱ་རི། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། ཆུང་བ་ཨ་མོ་གྷ་བཛྲ། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་པཎ་ཆེན། ཤར་བ་ཤེས་རབ་འབྱུང་གནས། ཤར་པ་རྡོ་རྗེ་འོད་ཟེར། རིན་ཅེན་ཡེ་ཤེས། གློ་ཆེན་སངས་རྒྱས་སྲས། བག་སྟོན་གཞོན་ནུ་ཚུལ་ཁྲིམས། བླ་མ་བསམ་གཏན་ལྷུན་གྲུབ། ལོ་ཙཱ་བ་དཔལ་ལྡན་བྱང་ཆུབ། འབྲི་གུང་ལོ་ཙཱ་བ་མ་ཎི་ཀ་ཤྲི ཛྙཱ་ན། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། བྱ་འགྱུར་པ་བསོད་ནམས་སེང་གེ །རྡོ་རྗེ་
འཆང་སྒོ་རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། ཨེ་ཝཾ་པ་དཀོན་ཅོག་དཔལ་ལྡན། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་ཆེན་ཤེས་རབ་འབྱུང་གནས། ཁྱབ་བདག་ཞ་ལུ་པ། དེས་བདག་ལའོ། །ཡང་ན་ངོར་ཆེན་ནས་པཎ་ཆེན་གྲགས་པ་རྒྱལ་མཚན། གློ་བོ་མཁན་ཆེན་ལེགས་འབྱུང་། འཇམ་དབྱངས་ས་ལོ། རྗེ་དཀོན་ཅོག་ལྷུན་གྲུབ་མན་འདྲ། ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། རྒྱལ་ཚབ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ་མན་འདྲ། ཡང་ན་ཡོངས་འཛིན་དཀོན་ཅོག་འཕེལ་ནས། ངོར་ཆེན་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། ཤར་པ་ཤེར་འབྱུང་མན་འདྲ། ཡང་ན་དཀོན་ཅོག་ལྷུན་གྲུབ་ནས། ཤར་ཁང་པ་ཤེས་རབ་རྒྱལ་མཚན། བྲང་ཏི་ནམ་མཁའ་དཔལ་བཟང་མན་འདྲ། །
ངག་དབང་ལྷ་མོ་དབྱངས་ཅན་མ་དཀར་མོའི་རྗེས་གནང་གི་ལུང་བརྒྱུད་སོགས།
འཕགས་པ་སྤྱན་རས་གཟིགས་དབང་ཕྱུག་གིས་སྙིགས་མ་ལྔ་དང་ལྡན་པའི་འགྲོ་བ་རྣམས་ཕྱི་རོལ་པའི་ལྷའི་གཟུགས་དང་རྟགས་དང་མཚན་མས་འདུལ་བར་དགོངས་ནས་ལྷ་ཐམས་ཅད་མཁྱེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དབང་ཕྱུག་སོགས་ཕྱི་རོལ་པའི་ལྷ་རྣམས་སྐུའི་ཆ་ཤས་ནས་ཕྱུང་བའི་སྐབས་དབྱངས་ཅན་མ་མཆེ་བ་ལས་ཕྱུང་བར་བཤད་ཅིང་ངེས་པའི་དོན་དུ་དུས་གསུམ་རྒྱལ་བ་ཀུན་གྱི་ཡུམ་
གཅིག་མ་ཡིན་ལ། དེ་ཡང་རིགས་མང་དུ་ཡོད་པའི་ནང་ནས་ཤེས་རབ་བསྐྱེད་པའི་ལྷག་པའི་ལྷ་པདྨའི་རིགས་ཀྱི་ཕོ་ཉ་མོ་ངག་དབང་ལྷ་མོ་དབྱངས་ཅན་མ་དཀར་མོའི་རྗེས་སུ་གནང་བ་སློབ་དཔོན་དཔེ་མེད་རྒྱ་མཚོ་ཆེན་པོ་དང་སུམ་པ་ལོ་ཙཱ་བའི་བཞེད་སྲོལ་དམ་པའི་ཕྱག་ལེན་འཁྲུལ་མེད་བཞིན་ལེགས་པར་ཐོབ་པའི་བརྒྱུད་པ་ནི། སྒྲ་དབྱངས་ལྷ་མོ་དབྱངས་ཅན་མ། བྲམ་ཟེ་ཕུར་བུ། བྲམ་ཟེ་ཙཎྜ་ཀ །ཐར་རྩེ་བ་དང་ཤར་པའི་གསན་ཡིག་ན་གཏུམ་པོ་བདེ་ཆེན་ཞེས་འདི་གཉིས་གཅིག་ཏུ་མཛད་འདུག་ཀྱང་ངོར་ཆེན་དང་མཁྱེན་བརྩེའི་གསན་ཡི་ན་སོ་སོར་སྣང་ངོ་། །བྲམ་ཟེ་བདེ་ཆེན། བྲམ་ཟེ་མཆོད་སྡོང་། ཐར་རྩེ་བ་དང་ཤར་བའི་གསན་ཡིག་ན་འདི་གཉིས་གཅིག་ཏུ་འདུག་ཀྱང་ངོར་ཆེན་དང་མཁྱེན་བརྩེའི་གསན་ཡིག་ན་འདི་ལྟར་སྣང་ངོ་། །སློབ་དཔོན་སེང་གེ །ཉེ་བའི་སེང་གེ །ངོར་ཆེན་གྱི་གསན་ཡིག་ན་འདི་བཞིན་བྱུང་ཞིང་འཇམ་དབྱངས་མཁྱེན་བརྩེའི་གསན་ཡིག་ན་ཨུ་བ་སིངྷ་ཞེས་རྒྱ་སྐད་སོར་བཞག་བྲིས་འདུག་ཐར་རྩེ་དང་ཤར་པ་སོགས་གསན་ཡིག་མང་པོར་ཉི་མ་སེང་གེ་ཟེར་བ་འདུག་པ་ཡིག་སྐྱོན་ཤོར་རམ་སྙམ། དཔེ་མེད་འཚོ་ཆེན་པོ། ངོར་ཆེན་གྱི་གསན་ཡིག་འདི་བཞིན་བྱུང་ཞིང་མཁྱེན་བརྩེའི་གསན་ཡིག་ན་དཔེ་མེད་རྒྱ་མཚོ་ཆེན་པོ་ཞེས་སྣང་བ་དོན་གཅིག་པ་འདྲ། ཐར་རྩེ་པ་དང་ཤར་པའི་གསན་ཡིག་ན་དཔེ་མེད་རྒྱ་མཚོ་ཆེན་པོ་སོ་སོར་ཕྲལ་འདུག་པ་ཡིག་ནོར་བྱུང་ངམ་སྙམ། སུམ་པ་ལོ་ཙཱ་བ་དཔལ་མཆོག་དང་པོའི་རྡོ་རྗེ། ཀུན་དགའ་བླ་མ། སྤྱི་བོ་ལྷ་ཐར་རྩེ་པ་དང་ཤར་པའི་གསན་ཡིག་ན་བྱང་ཆུབ་བདེ་ཟེར་བ་འདུག་ཀྱང་འཇམ་དབྱངས་མཁྱེན་བརྩེའི་གསན་ཐོར་འདི་བཞིན་སྣང་བ་ལོ་རྒྱུས་སོགས་དང་མཐུན་པ། བྱང་ཆུབ་འོད། དམ་པ་ཤེས་རབ། གྲུ་རྡོ་རྗེ་སེང་གེ །བུ་སྟོན་སེང་གེ་འོད། ལྷ་གཞོན་ནུ་འབུམ། ལོ་ཙཱ་བ་རིན་ཅེན་རྣམ་རྒྱལ། བླ་མ་
རོལ་པའི་རྡོ་རྗེ། ཀརྨ་པ་དང་མི་གཅིག །མཁས་པ་ཙནྡྲ་ཤྲཱི། སྐུ་ཞང་མཁྱེན་རབ་ཆོས་རྗེ། ཐམས་ཅད་མཁྱེན་པ་ལོ་ཆེན་ཆོས་སྐྱོང་བཟང་པོ། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། བྲང་ཏི་པཎ་ཆེན་ནམ་མཁའ་དཔལ་བཟང་། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་ཆེན་ཤེས་རབ་འབྱུང་གནས། དྲིན་ཅན་བླ་མ་རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལ་བཀའ་དྲིན་དུ་སྩལ་ཏོ། །རྒྱ་གར་ནུབ་ཕྱོགས་ཀྱི་པཎྜི་ཏ་ས་མནྟ་ཤྲཱིས་ཐུགས་སྲས་ལོ་ཙཱ་བ་ལ་གནང་བའི་རྒྱ་གར་པཎ་ཆེན་གྱི་ཕྱག་ལེན་འཁྲུལ་པ་མེད་པའི་རྗེས་སུ་གནང་བ་ཐོབ་པའི་བརྒྱུད་པ་ནི། ངག་དབང་དབྱངས་ཅན་མ། དེས་རྗེས་སུ་བཟུང་བའི་རྒྱ་གར་ནུབ་ཕྱོགས་ཀྱི་པཎྜི་ཏ་ཤྲཱི་ཛྙཱ་ན་བྷ་དྲ་མུ་ནཱིནྡྲ། པཎྜི་ཏ་ཆེན་པོ་ས་མན་ཏ་ཤྲཱི། སྒྲ་ཚད་པ་རིན་ཅེན་རྣམ་རྒྱལ། བླ་མ་རོལ་པའི་རྡོ་རྗེ་མན་གོང་དང་འདྲ། །ཐུགས་སྲས་ལོ་ཙཱ་བས་པཎྜི་ཏའི་གསུང་བཞིན་བཀོད་པའི་རྗེས་གནང་གི་ཡིག་ཆའི་ལུང་ནི། ཐུགས་སྲས་ལོ་ཙཱ་བ། ལྕེ་ནམ་མཁའ་ཆོས་ཀྱི་རྒྱལ་པོ། གསང་མཚན་རོལ་བའི་རྡོ་རྗེ། མཁས་པ་ཙནྡྲ་ཤྲཱི། འཁྲུལ་ཞིག་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། བྱང་གླིང་པ་རིན་ཅེན་རྒྱལ་པོ། ཆོས་རྗེ་དོན་གྲུབ་རྒྱལ་མཚན། བྱང་གླིང་འཇམ་དཔལ་དབྱངས་བཀྲ་ཤིས་རྒྱལ་མཚན། རྗེ་ཀུན་དགའ་བཀྲ་ཤིས། རྗེ་དཀོན་ཅོག་རྒྱལ་མཚན། ཁྱབ་བདག་ཞ་ལུ་བ། དེས་བདག་ལའོ། །
སུམ་པ་ལོ་ཙཱ་བ་ནས་བརྒྱུད་པའི་དབྱངས་ཅན་མའི་རྗེས་གནང་དང་སྒྲུབ་སྐོར་གྱི་ལུང་བརྒྱུད་སོགས།
ཡང་སུམ་པ་ལོ་ཙཱ་བ་ནས་བརྒྱུད་པའི་དབྱངས་ཅན་མའི་རྗེས་གནང་དང་། སྒྲུབ་སྐོར་ལ། སྒྲུབ་ཐབས་དངོས། ཞར་བྱུང་རྨི་ལྟས། གཏོར་མའི་ཆོ་ག་དང་བཅས་པ།
ཐུན་མོང་བའི་གེགས་སེལ་ལ། འཕྲིན་ལས་འཆོལ་བ། གྲིབ་སེལ་བ། ཏིང་ངེ་འཛིན་གྱི་འདོད་ཆགས་སེལ་བ། སྨྱོ་འབོག་སེལ་བ། འདི་ལས་ཟབ་པ་མེད་པའི་གེགས་སེལ། རྟགས་མེད་ན་སྤོགས་ཆོག །རྫས་ཀྱི་ཆགས་གེགས་སེལ་བ། ནོར་རྒྱུན་མའི་ཕྲག་དོག་སེལ་བ་རིགས་གསུམ། ལྷ་མོ་དཔལ་མོའི་ཕྲག་དོག་སེལ་བ་རིགས་གསུམ་དང་བཅས་པ། ཐུན་མོང་མ་ཡིན་པའི་གེགས་སེལ་ལ། ཏིང་ངེ་འཛིན་ལ་བརྟེན་ན་ཤེས་རབ་འཕེལ་ཞིང་མི་འགྲིབ་པ། ཕོངས་པ་སེལ་བ། ཆགས་པ་སེལ་བ། སྙིང་རླུང་སེལ་བ་རྣམས་སྦྱིན་སྲེག་གི་ཆོ་ག །རྩོད་པ་ལས་རྒྱལ་བ། བསྒྲུབ་བྱ་དབང་དུ་བྱ་བ། བྱིས་པ་བློ་རྣོ་བར་བྱེད་པ། རིལ་བུའི་སྦྱོར་བ། དམ་ཚིག་མེ་ལོང་ལ་བརྟེན་པའི་ཞལ་ཤེས་དང་བཅས་པ་བྲམ་ཟེ་ཕུར་བུས་མཛད་པའི་ཡི་གེ་སོགས་གཞུང་མན་ངག་ལས་འཇམ་དབྱངས་སྨོན་ལམ་དཔལ་བ་དང་པཎྜི་ཏ་ཕྱོགས་ལས་རྣམ་རྒྱལ་གྱི་གསུང་བཞིན་བཀོད་པའི་ལུང་དང་བཅས་ལེགས་པར་ནོས་པའི་བརྒྱུད་པ་ནི། ལོ་ཙཱ་བ་རིན་ཅེན་རྣམ་རྒྱལ་ཡན་རིང་བརྒྱུད་ལྟར་ལ། དེ་ནས་བླ་མ་གཞོན་ནུ་རྒྱལ་མཚན། རྗེ་ཚུལ་ཁྲིམས་དཔལ་བཟང་། རྗེ་བཙུན་བཙོང་ཁ་པ་ཆེན་པོ། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན། ཆོས་རྗེ་དཔལ་ལྡན་སེང་གེ །འཇམ་དབྱངས་ལེགས་པ་ཆོས་འབྱོར། ཐམས་ཅད་མཁྱེན་པ་དགེ་འདུན་རྒྱ་མཚོ། རྗེ་ཐུབ་བསྟན་པ། རྗེ་ཕྱོགས་ལས་རྣམ་རྒྱལ། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། ལྷའི་བཙུན་པ་བསོད་ནམས་དཔལ་བཟང་། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་
བོང་ཁ་པ་སྣང་མཛད་རྡོ་རྗེ། རྩ་བའི་བླ་མ་ཟུར་འཇམ་དབྱངས་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །སྒྲུབ་ཐབས། སྤོགས་ཆོག །རྟགས། རྩོད་པ་རྒྱལ་བ། དབང་སྡུད། དུག་སེལ། བྱིས་པ་བློ་རྣོ་བར་བྱེད་པ། ཁམས་འདུས་སེལ་བ་རྣམས་མན་ངག་ཚིགས་བཅད་དུ་བསྡེབས་པ་བོ་དོང་པ་བི་ཛ་ཡས་མཛད་པ། དེས་མཛད་པའི་སྒྲུབ་ཐབས་ཚིགས་ལྷུག །མན་ངག་བྱིང་བ། རྒོད་པ། འདོད་ཆགས། ཞེ་སྡང་། མི་དགའ་བ། སྡུག་བསྔལ་སོགས་གེགས་སེལ་སྦྱིན་སྲེག་དང་བཅས་པ། དེས་མཛད་པའི་ཚངས་པའི་བུ་མོ་དབྱངས་ཅན་མ་ལ་བསྟོད་པ་རྒྱན་གྱི་འཕྲེང་བ་དང་བཅས་པའི་ལུང་ནོས་པའི་བརྒྱུད་པ་ནི། སྤྱི་བོ་ལྷས་པ་བྱང་ཆུབ་འོད་ཡན་སྔར་ལྟར་ལ། དེ་ནས་འཛིམ་པ་མགོན་པོ་ཟླ་བའི་འོད། ལྷོ་པ་རིན་ཅེན་གྲགས། འཛིམས་མཁན་ཆེན་བདེ་གཤེགས། འཛིམ་པ་རྒྱལ་མཚན་དཔལ། ཀུན་སྤངས་ཆོས་གྲགས་དཔལ། ས་བཟང་མ་ཏི་པཎ་ཆེན། ལོ་ཆེན་གྲགས་པ་རྒྱལ་མཚན། པཎ་ཆེན་ཕྱོགས་ལས་རྣམ་རྒྱལ། སྟག་ལུང་ངག་དབང་གྲགས་པ། པཎ་ཆེན་ཤཱཀྱ་མཆོག་ལྡན། གླང་ཐང་སྤྱན་སྔ་ཤཱཀྱ་རྒྱལ་མཚན། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་ཞ་ལུ་པ་ཆེན་པོ། དེས་བདག་ལའོ། །ཡང་ན་དབྱངས་ཅན་མ། པཎྜི་ཏ་ཤཱི་ལ་ཨཱ་ཀཱ་ར། ཙནྡྲ་ཤཱི། གཽ་ཏཾ་ཤཱི། ཐར་ལོ་ཉི་མ་རྒྱལ་མཚན། བུ་སྟོན་ཐམས་ཅད་མཁྱེན་པ། ལོ་ཆེན་བྱང་ཆུབ་རྩེ་མོ། ལོ་ཆེན་གྲགས་པ་རྒྱལ་མཚན་མན་འདྲ། །ཐར་རྩེ་ནམ་མཁའ་དཔལ་བཟང་གིས་མཛད་པའི་དབྱངས་ཅན་མ་དཀར་མོའི་
སྒྲུབ་ཐབས་རྗེས་གནང་གི་ཁ་སྐོང་དང་བཅས་པའི་ལུང་བརྒྱུད་ནི། ཤར་ཁང་པ་ཤེས་རབ་རྒྱལ་མཚན་ཡན་གོང་ལྟར་ལ། དེ་ནས་པཎ་ཆེན་ནམ་མཁའ་དཔལ་བཟང་། ཤར་ཆེན་ཀུན་དགའ་བཀྲ་ཤིས། ཐར་རྩེ་ནམ་མཁའ་སངས་རྒྱས། སྒྲུབ་ཁང་དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །བྲམ་ཟེ་ཕུར་བུས་མཛད་པའི་སྒྲུབ་ཐབས་ངག་གི་འོད་ཟེར། དྲང་སྲོང་མངོན་ཤེས་ཅན་གྱིས་མཛད་པའི་ལས་སྦྱོར་གྱི་རྩ་བ། དཔལ་ལྡན་བསམ་ཡས་པ་ཚུལ་ཁྲིམས་བློ་གྲོས་ཀྱིས་མཛད་པའི་རྗེས་གནང་སྒྲུབ་ཐབས་གེགས་སེལ་ལས་སྦྱོར་དང་བཅས་པ་ལེའུ་བཞི་པ་འོད་ཀྱི་དྲ་བ། བསྟོད་པ་གཞོན་ནུ་རོལ་དགའ་དང་བཅས་པ་རྣམས་ཀྱི་ལུང་བརྒྱུད་ནི། སུམ་པ་ལོ་ཙཱ་བ་ཡན་གོང་ལྟར་ལ། དེ་ནས་བླ་བྲང་པ་ཉི་མ་རྒྱལ་མཚན། ཀུན་མཁྱེན་ཀློང་ཆེན་པ། མཁས་གྲུབ་ཆོས་རྗེ། སངས་རྒྱས་དབོན་པོ། ཀུན་སྤངས་སེམས་དཔའ་ཆེན་པོ། བླ་མ་སངས་རྒྱས་ཡེ་ཤེས། རྗེ་སངས་རྒྱས་རྒྱལ་མཚན། རྫ་ཡིག་པ་ཚུལ་ཁྲིམས་རྒྱལ་མཚན། རྩེ་ལེ་བསོད་ནམས་རྣམ་རྒྱལ། རྩེ་ལེ་ཨོ་རྒྱན་བསྟན་འཛིན། རིགས་འཛིན་མཐུ་སྟོབས་རྣམ་རྒྱལ། རྗེ་པདྨ་དབང་ཆེན། སྡོམ་བརྩོན་རིན་ཅེན་དར་རྒྱས། རིགས་འཛིན་འཕྲིན་ལས་ལྷུན་གྲུབ། སྤྲུལ་པའི་སྐུ་མཆོག་གཏེར་བདག་གླིང་པ། དེས་བདག་ལའོ། །
མི་འཁྲུགས་པ་ལྷ་མོ་བརྒྱད་ཀྱིས་བསྐོར་བ་ལྷ་དགུའི་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་ནོས་པའི་ལུང་བརྒྱུད།
ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་དཀྱིལ་ཆོག་ལས་སྒྲིབ་རྣམ་སྦྱོང་གི་སྟེང་ནས་རྡོ་རྗེའི་རིགས་ཀྱི་གཙོ་བོ་བཅོམ་ལྡན་འདས་རྡོ་རྗེ་མི་འཁྲུགས་པ་ལྷ་མོ་བརྒྱད་ཀྱིས་བསྐོར་བ་ལྷ་དགུའི་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་ནོས་པའི་བརྒྱུད་པ་ནི། རྫོགས་
པའི་སངས་རྒྱས། འཇམ་དཔལ་དབྱངས། ཛྙཱ་ན་གརྦྷ། ཛྙཱ་ན་ཤཱནྟ། བུདྡྷ་ཤཱནྟ་ངོར་ཆེན་གོང་དཀར་མཁྱེན་བརྩེ་གསུམ་གྱི་གསན་ཡིག་ན་འདུག་རུང་ཐར་རྩེ་པ་དང་ཤར་པའི་གསན་ཡིག་ཏུ་མི་སྣང་བ་ཆད་པ་འདྲ། བུདྡྷ་གུ་ཧྱ། ཀུ་སཱ་ལི་ཆེ་ཆུང་གཉིས། སུ་ཝརྞ་དྭི་བ་དྷརྨ་ཀཱིརྟི། དཔལ་དཱི་པཾ་ཀཱ་ར། གོ་མི་སྒོམ་ཆེན། ཀྱི་ནོར་ཛྙཱ་ན། གཉག་ལྡོམ་བུ་བ། སྤུག་ཐམས་ཅད་མཁྱེན་པ། ཆོས་ཀྱི་རྒྱལ་མཚན། གོང་དཀར་བའི་གསན་ཡིག་ན་ཆོས་ཀྱི་ཏོག་ཟེར་བ་འདུག་བ་ཏོག་གི་སྐད་དོད་ཀེ་ཏུ་རྒྱལ་མཚན་ལའང་འཇུག་པར་དགོངས་སམ་སྙམ། བྱ་རིན་ཅེན་འོད། བླ་མ་བྱ་ནག་ཆེན་པོ། གློ་ཆེན་སངས་རྒྱས་སྲས། མངའ་རིས་གློ་བོ་པ་ཡིན། བདེ་བ་ཅན་པ་ཡེ་ཤེས་མགོན་པོ། བླ་མ་སེང་གེ་རྒྱལ་མཚན། མཁན་ཆེན་ཤེས་རབ་རྡོ་རྗེ། ལོ་ཙཱ་བ་མ་ཎི་ཀ་ཤྲཱི་ཛྙཱ་ན། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དབང་ཡོངས་འཛིན་དཀོན་ཅོག་འཕེལ། བྱ་བཏང་ཀུན་དགའ་མཆོག་ལྡན། རྗེ་སངས་རྒྱས་སེང་གེ །ཐར་རྩེ་པ་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་རིགས་ཀུན་བདག་པོ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་བྱ་བཏང་ཀུན་དགའ་མཆོག་ལྡན་ནས། རྗེ་ལྷ་མཆོག་སེང་གེ །སངས་རྒྱས་སེང་གེ་མན་འདྲ། ཡང་ན་དཀོན་ཅོག་འཕེལ་ནས། འཇམ་དབྱངས་ས་སྐྱ་ལོ་ཙཱ་བ། ངོར་ཆེན་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། ཐར་རྩེ་པ་མན་གོང་བཞིན་ནོ། །ཡང་ན་ཇོ་བོ་ཆེན་པོ་ནས། བ་རི་ལོ་ཙཱ་བ། རྗེ་བཙུན་ས་ཆེན། སློབ་དཔོན་རྩེ་མོ། རྗེ་བཙུན་གྲགས་པ། ཆོས་རྗེ་ས་པཎ། ཆོས་རྒྱལ་འཕགས་པ། སྣུར་ཡེ་ཤེས་རྒྱལ་མཚན། སྣུར་ཆོས་འཕགས། གར་ཐིག་པ་སེང་གེ་རྒྱལ་མཚན། མཁན་ཆེན་
ཤེས་རབ་རྡོ་རྗེ། ཐེལ་ཆོས་སྒོ་བ་ཆོས་དཔལ་ཤེས་རབ། ཐེལ་མཁན་པོ་གྲགས་རྡོར་བ། དྲུང་བྱང་ཆུབ་རྡོ་རྗེ། འཇམ་དབྱངས་རིན་རྒྱལ་བ། མཁན་ཆེན་ཟླ་བློ་པ། མཁན་ཆེན་ཉི་མ། མཁན་ཆེན་ཀུན་བློ་བ། པཎ་ཆེན་ངོ་མཚར་རྒྱ་མཚོ། མར་སྟོན་སེམས་དཔའ་ཆེན་པོ། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་འཁོན་སྟོན་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་རྡོ་རྗེ་འཆང་། ཕྱག་ན་རྡོ་རྗེ། ཛེ་ཏཱ་རི་པ། རྡོ་རྗེ་གདན་པ་ཆེ་ཆུང་། ཇོ་བོ་རྗེ་མན་འདྲ།
རྡོ་རྗེ་རྣམ་འཇོམས་དཀར་པོ་ལྷ་བཅུ་དགུའི་རས་བྲིས་ཀྱི་དཀྱིལ་འཁོར་དུ་དབང་ནོས་པའི་ལུང་བརྒྱུད་སོགས།
རྒྱ་སྟོན་ཀུན་དགའ་བརྩོན་འགྲུས་ཀྱིས་མཛད་པའི་མངོན་དཀྱིལ་གྱི་སྟེང་ནས་རྡོ་རྗེ་རིགས་ཀྱི་བདག་པོ་གྲུབ་ཆེན་ས་ཝ་རི་པ་ལུགས་ཀྱི་རྡོ་རྗེ་རྣམ་པར་འཇོམས་པ་དཀར་པོ་ལྷ་བཅུ་དགུའི་རས་བྲིས་ཀྱི་དཀྱིལ་འཁོར་དུ་དབང་ནོས་པའི་བརྒྱུད་པ་ནི། རྡོ་རྗེ་འཆང་། མཁའ་འགྲོ་སེང་གེའི་གདོང་ཅན། གྲུབ་ཆེན་ས་ཝ་རི་པ། ཛ་ཝ་རི་པ། དེ་ཝ་པུརྞ་མ་ཏི། འགར་ལོ་ཙཱ་བ་ཆོས་ཀྱི་བཟང་པོ། གཤེན་སྟོན་རིན་ཅེན་དངོས་གྲུབ། དམར་ཆོས་ཀྱི་རྒྱལ་མཚན། སྒང་སྟོན་ཤེས་རབ་བླ་མ། སྒང་སྟོན་ཤེས་རབ་འབུམ། གྲགས་པ་རྡོ་རྗེ། དར་མ་བྱང་ཆུབ། ཡང་རྩེ་བ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་ཅེན། ཐུགས་སྲས་སེམས་དཔའ་ཆེན་པོ། འཇམ་དབྱངས་གྲགས་པ་རྒྱལ་མཚན། མཁས་པ་བསོད་ནམས་འཕེལ། བྱང་སེམས་རིན་ཅེན་ཆོས་དཔལ། མཁན་ཆེན་རིན་ཅེན་རྒྱལ་པོ། བླ་ཆེན་ཆོས་རིག་རྒྱལ་མཚན། སློབ་དཔོན་བསོད་ནམས་དཔལ་
འབྱོར། འཇམ་དབྱངས་བྱང་གླིང་བཀྲ་ཤིས་རྒྱལ་མཚན། མུས་ཆེན་ནམ་མཁའ་དཔལ་བཟང་། བཅོ་བརྒྱད་ཆོས་རྗེ་མཆོག་ལེགས་རྡོ་རྗེ། རྗེ་མཁྱེན་རབ་བསྟན་འཛིན་བཟང་པོ། བཅོ་བརྒྱད་པ་མཁྱེན་རབ་དབང་ཕྱུག་ལྷུན་གྲུབ། དགེ་སློང་འཕྲིན་ལས་རྣམ་རྒྱལ། ཁྱབ་བདག་ཞ་ལུ་བ་ཆེན་པོ། དེས་བདག་ཟ་ཧོར་བནྡེ་ལའོ། །ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་ཡི་གེའི་སྟེང་ནས་བ་རི་ལུགས་ཀྱི་རྣམ་འཇོམས་ལྗང་སྔོན་ལྷ་གཅིག་པའི་རྗེས་གནང་ཐོབ་པའི་བརྒྱུད་པ་ནི། སངས་རྒྱས། ཕྱག་ན་རྡོ་རྗེ། སློབ་དཔོན་ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ། བརྩེ་བ་ཆེན་པོ། རྗེ་བཙུན་གྲགས་པ་རྒྱལ་མཚན། རྗེ་ས་པཎ། འཕགས་པ་རིན་པོ་ཆེ། བླ་མ་བསོད་ནམས་དབང་ཕྱུག །བླ་མ་རིན་ཅེན་དཔལ། བླ་མ་བྱང་ཆུབ་གཞོན་ནུ། མཁན་ཆེན་བྱང་ཆུབ་སེང་གེ །ཤར་ཆེན་ཡེ་ཤེས་རྒྱལ་མཚན། རྗེ་བཙུན་ངོར་ཆེན། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། དྲིན་ཅན་བླ་མ་ཟུར་ཐམས་ཅད་མཁྱེན་པ། དེས་བདག་ཟ་ཧོར་བནྡེ་ལའོ། །ཡང་བཀྲུ་བྱབ་བསྲུང་གསུམ་དང་བཅས་པའི་རྗེས་གནང་ཐོབ་པའི་བརྒྱུད་པ་ནི། ཁྱབ་བདག་བཀའ་འགྱུར་བ་ནས། མཁན་ཆེན་ཞ་ལུ་པ། དེས་བདག་ལའོ། །ཡང་རྗེས་གནང་རྐྱང་པའི་བརྒྱུད་ལུགས་གཅིག་ནི། འཕགས་པ་རིན་པོ་ཆེ་ནས། འུ་ཡུག་པ་བསོད་ནམས་སེང་གེ །བ་རི་ཕུག་པ་ཤཱཀྱ་སེང་གེ །བླ་མ་སྡིངས་པ་དབང་རྒྱལ། ས་བཟང་པཎ་ཆེན་
རིན་པོ་ཆེ་རྒྱལ་དབང་པ། བླ་མ་ཡོན་ཏན་དཔལ། རོང་སྟོན་བློ་བཟང་གྲགས་པ། སྐུ་ཞང་མཁྱེན་རབ་ཆོས་རྗེ། བར་འདིར་བླ་མ་གཅིག་གཉིས་ཤིག་ཧོར་ཁོངས་སུ་ལུས། འབྲོག་ཁང་པ་དོན་གྲུབ་རྒྱལ་མཚན་ཡིན་ནམ་བརྟག །དེ་ནས་སྐུ་ཞང་རིན་ཅེན་བཀྲ་ཤིས། རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་འཕགས་པ་རིན་པོ་ཆེ་ནས། སྣུར་ཡེ་ཤེས་རྒྱལ་མཚན། སྣུར་ཆོས་འཕགས། གར་ཐིག་པ་སེང་གེ་རྒྱལ་མཚན། མཁན་ཤེས་རབ་རྡོ་རྗེ། ཐེལ་ཆོས་སྒོ་བ། ཐེལ་གྲགས་རྡོར་བ། བྱང་རྡོར་བ། འཇམ་དབྱངས་རིན་ཅེན། མཁན་ཆེན་ཟླ་བློ། མཁན་ཆེན་ཉི་མ། མཁན་ཆེན་ཀུན་དགའ་བློ་གྲོས། པཎ་ཆེན་ངོ་མཚར་རྒྱ་མཚོ། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། འཁོན་སྟོན་རྡོ་རྗེ་འཆང་དཔལ་འབྱོར་ལྷུན་གྲུབ། རྩ་བའི་བླ་མ་ཆོས་དབྱིངས་རང་གྲོལ། དེས་བདག་ལའོ། ཡང་རྗེས་གནང་དང་རྗེ་དཀོན་ཅོག་ལྷུན་གྲུབ་ཀྱིས་མཛད་པའི་སྒྲུབ་ཐབས་བུམ་ཆོག་རྗེས་གནང་བཅས་ཚང་བའི་ཡི་གེའི་ལུང་ཐོབ་པའི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ནས། ལུང་འཕགས་མཆོག་བྱམས་པ་སྐལ་བཟང་ལ་གསན་འདུག་ཀྱང་། དེས་དཀོན་ལྷུན་གྲུབ་ལ་གསན་ནམ་གཞན་ལ་གསན་ཁུངས་མ་ཆོད། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །
དཔལ་ཕྱག་ན་རྡོ་རྗེ་ལྷ་བཅུ་བདུན་གྱི་དབང་ལེགས་པར་ནོས་པའི་ལུང་བརྒྱུད།
ཞ་ལུ་པ་ཤར་ཆེན་ཡེ་ཤེས་རྒྱ་མཚོས་མཛད་པའི་དཀྱིལ་ཆོག་གསང་བ་ནོར་བུའི་གཏེར་མཛོད་ཀྱི་སྟེང་ནས་རས་བྲིས་ཀྱི་དཀྱིལ་འཁོར་དུ་སློབ་དཔོན་འགྲོ་བཟང་སྙིང་པོའི་ལུགས་ཀྱི་དཔལ་ཕྱག་ན་རྡོ་རྗེ་
ལྷ་བཅུ་བདུན་གྱི་དབང་ལེགས་པར་ནོས་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། སྤྱོད་མཛད་ཆོས་ཀྱི་རྡོ་རྗེ། དཔལ་ལྡན་ཀུན་ཏུ་བཟང་པོ། སློབ་དཔོན་འགྲོ་བཟང་སྙིང་པོ། ཁ་ཆེ་རིན་ཅེན་རྡོ་རྗེ། བྲམ་ཟེ་སཛྫ་ན། ཇོ་བོ་ཏེ་ཛ་དེ་ཝ། ཟངས་དཀར་ལོ་ཙཱ་བ་འཕགས་པ་ཤེས་རབ། གཡོར་པོ་ཇོ་སྟོན། པུར་བསོད་ནམས་རིན་ཅེན། གྲ་དོལ་གྱི་མཚམས་ནས་བཅུར་ཟེར་བ་ཞིག་འདུག་པ་དེ་ནས་ཡིན་པ་ཆོག་ཁྲིགས་དངོས་གྲུབ་འདོད་འཇོར་གསལ། འབྱེད་ཕུ་བ་པདྨ་བཀྲ་ཤིས། ལྷ་རྗེ་སྟག་པ་ཇོ་བཟང་། གནུབས་ལོ་ཙཱ་བ་བྱམས་པའི་དཔལ། བླ་ཆེན་བསོད་ནམས་དབང་ཕྱུག །ཁྲོ་ཕུ་རིན་ཅེན་བསོད་ནམས་སེང་གེ །ཡང་རྩེ་བ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་ཆོས་རྗེ། ཐུགས་སྲས་སེམས་དཔའ་ཆེན་པོ། ཆོས་རྒྱལ་ནམ་མཁའི་མཚན་ཅན། ཆོས་རྗེ་རིན་ཅེན་དཔལ་གྲུབ། སྐུ་ཞང་མཁྱེན་རབ་ཆོས་རྗེ། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་ཁྱབ་བདག་རིན་ཆེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་མཁྱེན་རབ་རྗེ། དེ་ལ་ལྕགས་སྒོས་ལུང་བ་བཀྲ་ཤིས་དཔལ་ཚར་ཆེན་གྱི་ལམ་ཡིག་ཀུ་སུ་ལུ་རིགས་བླ་མ་ལམ་དུ་མཇལ་གསུངས་པ་དེ་ཡིན། འབྱོར་དང་འབྲོག་ཁང་པ་དོན་གྲུབ་རྒྱལ་མཚན་གཉིས་ཀྱིས་གསན། གཉིས་ཀ་ནས་འཇམ་དབྱངས་བྱང་གླིང་པ་བཀྲ་ཤིས་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་ཞབས་མན་འདྲ། ཡང་ཁ་ཆེ་རིན་ཆེན་རྡོ་རྗེ་ནས། ཁ་ཆེའི་དགོན་པ་བ། ཟངས་དཀར་ལོ་ཙཱ་བ། ཞུ་དོན་ས་སྐྱ་པ། རྗེ་བཙུན་གྲགས་པ་སེང་གེ་རྒྱ་
སྟོན་སྒྲུབ་པ་པོ། རྒྱ་སྟོན་གྲུབ་མཆོག །བླ་མ་རྗེ་དཔལ། ཁྲོ་བུ་བ་སེམས་དཔའ་ཆེན་པོ་མན་འདྲ། ཡང་ན་ཁྲོ་བུ་བ་ནས། བླ་མ་དཔལ་ལྡན་པ། ཀུན་མཁྱེན་བུ་མན་འདྲ། ཡང་ན་གྲུབ་མཆོག་པ་ནས། དཔལ་སང་པ། སྤྲུལ་སྐུ་རྒྱལ་ཚ། ལོ་ཙཱ་བ་མཆོག་ལྡན་སེང་གེ་མན་གོང་ལྟར་རོ། །ཡང་ན་རྡོ་རྗེ་དཔལ་ནས། གཞོན་ནུ་སེང་གེ །བྲག་སྟོན་བསོད་ནམས་རྒྱལ་མཚན། དེ་སྲས་ཀུན་མཁྱེན་བུ་སྟོན་མན་འདྲ། སྤྱིར་ཆུ་ཡི་དབང་བསྐུར་དབུ་རྒྱན་དག །བྱ་བའི་རྒྱུ་ལ་རབ་ཏུ་གྲགས། ཞེས་གསུངས་ཀྱང་དམིགས་ཀྱིས་བསལ་བ་བྱ་རྒྱུད་ཀྱི་ཆོ་ག་ཆུང་བ་རྒྱ་གར་ནས་བསྒྱུར་བ་འགའ་དང་འདི་ཉིད་ཀྱི་དཀྱིལ་ཆོག་བཞིར་སློབ་མའི་དབང་ལྔ་ཕྱིར་མི་ལྡོག་པའི་དབང་དང་བཅས་པ་མཛད་མོད་རྣལ་འབྱོར་རྒྱུད་དུ་འཁྲུལ་བར་མི་བྱའོ། །པཎ་ཆེན་ངག་དབང་ཆོས་གྲགས་ཀྱི་རྣམ་སྲས་རྗེས་གནང་གི་ཡི་གེའི་སྟེང་ནས་གོང་གནོན་ཕྱག་ན་རྡོ་རྗེ་གོས་སྔོན་ཅན་གྱི་རྗེས་གནང་དང་། ལུང་ལ། ཕྱག་ན་རྡོ་རྗེ་གོས་སྔོན་ཅན་གྱི་སྒྲུབ་ཐབས་སློབ་དཔོན་འགྲོ་བཟང་སྙིང་པོས་མཛད་པ་རྒྱ་གར་གྱི་མཁན་པོ་ཏེ་ཛ་དེ་ཝ་དང་ལོ་ཙཱ་བ་འཕགས་པ་ཤེས་རབ་ཀྱི་བསྒྱུར་བ། ཐུན་འཚམས་སུ་གཏོར་མ་བཏང་ནས་ཐོག་མ་དང་མཐའ་མར་མཆོད་པར་བྱ་བ་རྫོགས་བྱང་གི་མཐའ་ཅན། སྲེག་པའི་སྒོ་ནས་ཚར་གཅོད་པ་སློབ་དཔོན་འགྲོ་བཟང་སྙིང་པོས་མཛད་པ་མཁན་པོ་ཏེ་ཛ་དེ་ཝ་དང་ལོ་ཙཱ་བ་འཕགས་པ་ཤེས་རབ་ཀྱི་འགྱུར། འཁྲུལ་འཁོར་བཅིང་བ་ཞེས་པ་རྫས་དང་སྔགས་དང་སྨན་གྱི་འཁྲུལ་འཁོར་རྫོགས་སོའི་མཐའ་ཅན། ཆུ་བོའི་གཞུང་ལ་གཏོང་བ་བསྐྲད་པའི་འཁྲུལ་འཁོར། བགེགས་
ལ་བསྣུན་པའི་འཁྲུལ་འཁོར། བུམ་པ་ལ་བརྟེན་ནས་ཁྲོ་བོའི་རྒྱལ་པོའི་ཁྲུས་ཀྱི་ཆོ་ག་རྣམས། སྒྲུབ་ཐབས་དང་སྦྱིན་སྲེག་མ་གཏོགས་པར་འགྱུར་བྱང་མི་འདུག་རུང་ཐམས་ཅད་འགྲོ་བཟང་སྙིང་པོས་མཛད་པ་ཡིན་ལ། རྗེ་མཁྱེན་བརྩེའི་གསན་ཡིག་ན་སྒྲུབ་ཐབས་ཀྱི་སྤྱི་དོན། སྒྲུབ་ཐབས། བུམ་ཆོག །འཁྲུལ་འཁོར། གཏོར་ཆོག །སྦྱིན་སྲེག་རྣམས་ཀྱི་ཊཱིཀྐ་འདུག་ཀྱང་དཔེ་མ་འབྱོར་བས་ལུང་མ་ཐོབ། རྗེས་གནང་གི་བརྒྱུད་པ་ནི། སྐུ་ཞང་མཁྱེན་རབ་ཆོས་རྗེ་ཡན་བཤད་མ་ཐག་པ་ལྟར་ལ། དེ་ལ་རྗེ་བཙུན་རྡོ་རིང་པ་ཆེན་པོ་དང་སྒོས་ལུང་པ་བཀྲ་ཤིས་དཔལ་འབྱོར་གཉིས་ཀྱིས་གསན། གཉིས་ཀ་ལ་ཚར་ཆེན་རྡོ་རྗེ་འཆང་། དེ་ནས་འཇམ་དབྱངས་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། ཡང་ན་མཁྱེན་རབ་རྗེ་ནས། དེ་དབོན་སྐུ་ཞང་རིན་ཅེན་བསོད་ནམས་མཆོག་གྲུབ་དཔལ་བཟང་། བྱང་གླིང་འཇམ་དཔལ་རིན་ཅེན་བཀྲ་ཤིས་རྒྱལ་མཚན་དཔལ་བཟང་། དེ་ལ་རྡོ་རྗེ་འཆང་དབང་ཕྱུག་རབ་བརྟན། དེ་ནས་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། ཡབ་སྲས་གཉིས་ཀ་ལ་ཁྱབ་བདག་བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། དེ་ལ་རྩ་བའི་བླ་མ་འཇམ་དབྱངས་ཆོས་དབྱིངས་རང་གྲོལ་གྱིས་གསན། དེས་བདག་ཟ་ཧོར་བནྡེ་ལའོ། །ཡང་ན་རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། དྷུ་ཏཱི་པ། ཇོ་བོ་རྗེ། ལོ་ཙཱ་བ་རྒྱ་བརྩོན་འགྲུས་སེང་གེ །རོང་བ་འགར་དགེ །འཛད་གྱང་ཕུ་བ། མལ་ལོ་ཙཱ་བ། རྗེ་བཙུན་བརྩེ་བ་ཆེན་པོ། རྗེ་བཙུན་གྲགས་པ་རྒྱལ་མཚན། ས་པཎྜི་ཏ། རྒྱལ་ཚ་ཆོས་ཀྱི་དབང་ཕྱུག །རོང་པ་ཤེས་རབ་སེང་གེ །བླ་མ་གཞོན་ནུ་ཚུལ་ཁྲིམས། བླ་མ་མགོན་པོ་འབུམ། བྲམ་ནམ་མཁའ་
རྒྱལ་མཚན། མ་ཏི་པཎ་ཆེན། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། གུ་གེ་པཎ་ཆེན་གྲགས་པ་རྒྱན་མཚན། འཇམ་དབྱངས་ནམ་མཁའ་བརྟན་པ། རྗེ་བཙུན་སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་ན་སངས་རྒྱས། ཕྱག་ན་རྡོ་རྗེ། གྲུབ་ཆེན་ཛེ་ཏཱ་རི། རྡོ་རྗེ་གདན་པ་ཆེ་ཆུང་གཉིས། བ་རི་ལོ་ཙཱ་བ། རྗེ་ས་ཆེན་མན་འདྲ། ལུང་གི་བརྒྱུད་པ་ནི། རྡོ་རྗེ་འཆང་ཚར་པ་ཆོས་རྗེ་ནས། རྗེ་བཙུན་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན། གནས་ལྔ་རིག་པའི་པཎ་ཆེན་ངག་དབང་ཆོས་གྲགས། ས་སྐྱ་པ་ཆེན་པོ་ངག་དབང་ཀུན་དགའ་བསོད་ནམས། དེ་སྲས་འཇམ་དབྱངས་བསོད་ནམས་དབང་ཕྱུག་རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །རྗེ་སྒོ་རུམ་པས་མཛད་པའི་མངོན་རྟོགས་དང་བརྒྱུད་པའི་ཕྱག་ལེན་ལ་བརྟེན་ནས་ཕྱག་ན་རྡོ་རྗེ་ཨུ་ཙཪྻའི་རྗེས་གནང་ཐོབ་པའི་བརྒྱུད་པ་ནི། རྡོ་རྗེ་འཆང་། འཇམ་དཔལ་རྡོ་རྗེ་འཛིན་པ། སློབ་དཔོན་པདྨ་བཛྲ། སློབ་དཔོན་འཕགས་པ་ཀླུ་སྒྲུབ། མཁས་པ་ཙནྡྲ་གོ་མི། རྒྱལ་པོ་དྷརྨ་པ་ལ། བླ་མ་ཟངས་གླིང་པ། ཁམས་པ་ཨ་སིང་། ཇོ་སྲས་གཉལ་པ་རིན་ཅེན་འོད། བླ་མ་བྱ་ནག་ཡིན་པ་འདྲ། བླ་ཆེན་དཀོན་ཅོག་རྒྱ་མཚོ། ཇོ་སྲས་མེ་འབར། བླ་མ་དོན་ཞགས་པ། རྗེ་མཁྱེན་བརྩེས་སྒོ་རུམ་པར་གསན་པའི་ཐོར་སྟོན་གྲགས་ཞོར་བ་ཞེས་འདུག་པ་འདི་དང་གཅིག་མི་གཅིག་བརྟག །བླ་མ་ལྷ་རྗེ། བྱམས་པ་ཆེ་བ། མཁན་པོ་རིན་ཅེན་རྡོ་རྗེ། ཟུར་ཕུག་པ་རིན་ཅེན་དཔལ་བཟང་། རི་ཁྲོད་པ་གཞོན་ནུ་རྒྱལ་མཚན། རས་ཆེན་གཞོན་ནུ་
དཔལ་ལྡན། གྲུབ་ཆེན་སངས་རྒྱས་རིན་ཅེན། དེ་ལ་སྒོ་རུམ་པ་སངས་རྒྱས་རྒྱལ་མཚན། རྗེ་ཀུན་དགའ་རྒྱ་མཚོ། ཟུར་ཁང་པ་དཔལ་ལྡན་རིན་ཅེན་གསུམ་གྱིས་ཞུས། གསུམ་ག་ནས་རྗེ་བཙུན་སྒོ་རུམ་པ་ཆེན་པོ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཀུན་མཁྱེན་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་མེད་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་བླ་མ་ལྷ་རྗེ་ནས། སློབ་དཔོན་ཆོས་གྲགས། ཨེ་བ་འཇམ་དབྱངས་འཁོན་སྟོན། ལོ་ཙཱ་བ་མཆོག་ལྡན། སྐྱི་སྟོན་གྲགས་པ་རྒྱལ་མཚན། ཀུན་མཁྱེན་ཇོ་ནང་པ། བྱ་སྡེར་བ་བྱང་ཆུབ་སེང་གེ །ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། ཆོས་རྗེ་བསོད་ནམས་དབང་ཕྱུག །རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེན་བརྩེ་མན་འདྲ། ཡང་ན་རྗེ་བཙུན་རྡོ་རིང་པ་ཆེན་པོ་ནས། རྗེ་བཙུན་སྒོ་རུམ་པ། ཚར་ཆེན་མན་འདྲ། ཡང་ན་ཁམས་པ་ཨ་སེང་ནས། ཞང་སྟོན་དཀོན་ཅོག །རུ་སྨོན་མཁར་བ། སྐྱི་སྟོན་རུ་ཞང་། རྗེ་དཀོན་ཅོག་བློ་གྲོས། རྗེ་ཆོས་གྲགས་པ་མན་འདྲ། ཡང་ན་ལོ་ཙཱ་བ་མཆོག་ལྡན་ནས། བླ་མ་རྒྱལ་བོད། སློབ་དཔོན་སྨྲ་བའི་སེང་གེ །བྱ་སྡེར་བ་བྱང་ཆུབ་སེང་གེ་མན་འདྲ། ཡང་ན་ངོར་ཆེན་ནས། གུ་གེ་པཎ་ཆེན། གློ་བོ་མཁན་ཆེན་བསོད་ནམས་ལྷུན་གྲུབ། སྤྲུལ་པའི་སྐུ་མཆོག་མངའ་རིས་པཎ་ཆེན་པདྨ་དབང་རྒྱལ་རྡོ་རྗེ། གཅུང་མཆོག་སྤྲུལ་ལེགས་ལྡན་རྡོ་རྗེ། ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་ན་བླ་མ་དཀོན་ཅོག་རྒྱ་མཚོ་ནས། བླ་མ་ཆོས་ལྡན་རྒྱ་མཚོ། བླ་མ་ཤེས་རབ་རྒྱལ་མཚན། བླ་མ་
གཞོན་ནུ་བཀྲ་ཤིས། ཆོས་རྗེ་གཟི་བརྗིད་པ། བླ་མ་ཤཱཀྱ་ཤྲཱི། བླ་མ་དཀའ་བཞི་པ། བླ་མ་རས་པ་ཆེན་པོ། བེ་བུག་པ་བདེ་ལེགས་རྒྱལ་མཚན། གློ་བོ་ཛར་པ་རིགས་འཛིན་ཆོས་རྒྱལ་བསོད་ནམས། གོས་སྔོན་ཞལ་གཟིགས་སྔགས་འཆང་ཆོས་སྐྱོང་བསོད་ནམས། རྡོ་རྗེ་འཛིན་པའི་རྣལ་འབྱོར་པ་མཁྱེན་བརྩེའི་དབང་ཕྱུག་མན་གོང་བཞིན་ནོ། །ཡང་ན་ངོར་ཆེན་དཀོན་ཅོག་རྒྱལ་མཚན། ཡོངས་འཛིན་དཀོན་ཅོག་འཕེལ། རྗེ་སངས་རྒྱས་རིན་ཅེན། རྗེ་དཀོན་ཅོག་ལྷུན་གྲུབ། རྗེ་དཀོན་ཅོག་དཔལ་ལྡན། ཤར་ཆེན་བྱམས་པ་ཀུན་དགའ་བཀྲ་ཤིས། དེ་དབོན་ཤེས་རབ་འབྱུང་གནས། ཁྱབ་བདག་བཀའ་འགྱུར་བ་མན་འདྲ། ཡང་ན་དཀོན་ཅོག་ལྷུན་གྲུབ་ནས། དཀོན་ཅོག་རྒྱ་མཚོ། ཤར་ཆེན་མན་འདྲ། རྡོ་རྗེ་འཆང་སྒོ་རུམ་པས་མཛད་པའི་ཨུ་ཙཪྻའི་སྒྲུབ་ཐབས་ཀྱི་ལུང་ནི། རྗེ་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེ། རྗེ་དབང་རབ། མཁན་ཆེན་ཞ་ལུ་པ། དེས་བདག་ལའོ། །
ཁྲོ་བོ་སྨེ་བརྩེགས་དུད་ཁའི་རྗེས་གནང་སོགས་ཀྱི་ལུང་བརྒྱུད།
འཇམ་དབྱངས་མཁྱེན་བརྩེའི་ཟིན་བྲིས་ཀྱི་སྟེང་ནས་རྡོ་རྗེ་རིགས་ཀྱི་ཕོ་ཉ་ཁྲོ་བོ་སྨེ་བ་བརྩེགས་པ་དུད་ཁའི་རྗེས་གནང་ཐོབ་པའི་བརྒྱུད་པ་ནི། འཇམ་དཔལ་དབྱངས། ཛེ་ཏཱ་རི། རྡོ་རྗེ་གདན་པ་ཆེ་ཆུང་གཉིས། བ་རི་རིན་ཅེན་གྲགས། རྗེ་བཙུན་བརྩེ་བ་ཆེན་པོ། རྗེ་བཙུན་གྲགས་པ། ཆོས་རྗེ་ས་པཎ། བླ་མ་གྲ་ཐང་པ། བླ་མ་ཀུན་དགའ་བསོད་ནམས། བླ་མ་བློ་གྲོས་དཔལ། དགེ་བཤེས་སེང་གེ །མཁན་པོ་བསོད་ནམས་ཤེས་རབ། མཁན་པོ་ཤེས་རབ་མགོན། ཤར་ཆེན་ཡེ་ཤེས་རྒྱལ་མཚན། ངོར་ཆེན་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། རྗེ་
བསོད་ནམས་སེང་གེ །རྗེ་བཙུན་སྒོ་རུམ་པ་ཆེན་པོ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག །གློ་བོ་མཁན་ཆེན་ལེགས་འབྱུང་། བདག་ཆེན་ངག་གི་དབང་ཕྱུག །འཇམ་དབྱངས་མཁྱེན་བརྩེ་མན་འདྲ། ཡང་ན་མཁས་བཙུན་དགེ་སྟག་པར་ཁྲོ་བོའི་དབང་པོ་ཞལ་དངོས་སུ་གཟིགས་པའི་ཞལ་གཟིགས་བརྒྱུད་པ་ནི། མཁས་བཙུན་དགེ་སྟག་པ། དྲན་བུ་རིན་ཅེན་གྲུབ། མཁན་ཆེན་ཤེས་རབ་གཞོན་ནུ། སློབ་དཔོན་དཀོན་ཅོག་མཁར། རི་ལུང་སྦུག་པ་ཆོས་ཀྱི་མགོན་པོ། ལྕེ་བློ་ལྡན་སེང་གེ །ལྕེ་བཙུན་བསོད་ནམས་དཔལ། སྤྲུལ་སྐུ་དབང་ཕྱུག་རྡོ་རྗེ། དཀའ་བཞི་བ་སེང་གེ་རྒྱལ་མཚན། སྔགས་འཆང་ཡོན་ཏན་དཔལ། བླ་མ་བློ་བཟང་དཔལ། མཁྱེན་རབ་རིན་པོ་ཆེ་མཆོག་གྲུབ། རྗེ་བཙུན་རྡོ་རིང་པ་ཆེན་པོ། སྒོ་རུམ་པ་ཀུན་དགའ་ལེགས་པ་མན་འདྲ། ཡང་ན་མཁྱེན་རབ་རྗེ་ནས། རྗེ་དཀོན་ཅོག་ཚུལ་ཁྲིམས། འགོས་སྟོན་རྡོ་རྗེ་སེང་གེ །མངའ་རིས་རུ་ཐོག་པ་རྡོ་རྗེ་གཟི་བརྗིད། འཇམ་དབྱངས་མཁྱེན་བརྩེ་མན་འདྲ། །རྗེ་བཙུན་ས་པཎ་གྱིས་མཛད་པའི་སྨེ་བརྩེགས་ཀྱི་སྒྲུབ་ཐབས། སྨྱོ་འབོག་འདོན་པ། སེར་བ་བཟློག་པ། རིམས་གསོ་བ། ཕྱུགས་ཀྱི་གོད་ཀ་གཅོད་པ། ཕྱུགས་ནད་གསོ་བ། མི་ནད་བསྲུང་བ། ར་ལུག་ལ་སྤྱང་ཀི་བསྲུང་བ། འབྲས་ཕོལ་ལྷོག་པ་གསོ་བ། ནད་པའི་སྔས་བསྲུང་། ཞིང་གི་འབུ་བསྲུང་། སྲིས་རྨེ་བ། འགོང་པོ་སྲེག་པ་དང་
བཅས་པའི་ལུང་ཐོབ་པའི་བརྒྱུད་པ་ནི། རྗེ་བསོད་ནམས་སེང་གེ་ཡན་གོང་ལྟར་ལས། རྗེ་སྒོ་རུམ་པ། མཁྱེན་བརྩེའི་ཞབས། རྗེ་དབང་ཕྱུག་རབ་བརྟན། ཁྱབ་བདག་ཞ་ལུ་པ། དེས་བདག་ལའོ། །ཡང་ན་ཆོས་རྗེ་ཁུ་དབོན། ཞང་སྟོན་ཁུ་དབོན། བླ་མ་དོན་ཡོད་རྒྱལ་མཚན། སློབ་དཔོན་འདུལ་འཛིན་པ། མཁན་ཆེན་བྱང་སེང་བ། ཤར་ཆེན། ངོར་ཆེན། མུས་ཆེན། སངས་དཔལ་བ། བདག་ཆེན་རྡོ་རྗེ་འཆང་། འགོས་སྟོན་རྡོ་རྗེ་སེང་གེ །རུ་ཐོག་པ་རྡོ་རྗེ་གཟི་བརྗིད་རྗེ་མཁྱེན་བརྩེ་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དབང་། ཡོངས་འཛིན་དཀོན་འཕེལ། ས་ལོ་འཇམ་དཔལ་རྡོ་རྗེ། འཇམ་དབྱངས་དཀོན་ཅོག་ལྷུན་གྲུབ། ཤར་ཁང་པ་ཤེར་རྒྱན། ཐར་རྩེ་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། ཁྱབ་བདག་ཞ་ལུ་པ་མན་འདྲ། འཇམ་དབྱངས་མཁྱེན་བརྩེས་མཛད་པའི་རྗེས་གནང་གི་ཡིག་ཆའི་ལུང་ནི། མཁྱེན་བརྩེའི་ཞབས། རྡོ་རྗེ་འཆང་དབང་རབ། མཁན་ཆེན་ཞ་ལུ་པ། དེས་བདག་ལའོ། །སྤྱན་སྔ་ངག་དབང་ཆོས་གྲགས་རྒྱལ་མཚན་གྱིས་མཛད་པའི་ཡི་གེའི་སྟེང་ནས་ཇོ་བོ་ལུགས་ཀྱི་སྨེ་བརྩེགས་ལྗང་ནག་གི་རྗེས་གནང་དང་། ཡིག་ཆ་དེ་ཉིད་ཀྱི་ལུང་ནོས་པའི་བརྒྱུད་པ་ནི། བཅོམ་ལྡན་འདས། ཇོ་བོ་མར་མེ་མཛད། ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། རོང་པ་ཕྱག་སོར་བ། བྱ་འདུལ་འཛིན་བརྩོན་འགྲུས་འབར། མཁན་པོ་ཆོས་ཀྱི་དབང་ཕྱུག །རྗེ་བཀའ་འགྱུར་བའི་གསན་ཡིག་ན་འདི་ལྟར་འདུག་ཅིང་ལོ་པ་དང་ཤར་པའི་གསན་ཡིག་བྱང་ཆུབ་ཟེར་བ་སྣང་བ་གང་རུང་ཞིག་ལ་ཡིག་ནོར་བྱུང་འདྲ་ས་སྐྱའི་གསན་ཡིག་ན་འདི་མེད་པར་ཟུལ་ཕུ་བ་དང་དཀོན་ཅོག་སེང་གེ་
ཞེས་པའི་བླ་མ་གཉིས་བྱུང་འདུག་པ་དཔྱད། མཁས་བཙུན་ཚུལ་ཁྲིམས་རིན་ཅེན། བླ་མ་དར་མ་བཟང་པོ། རྗེ་གཞོན་ནུ་རྒྱལ་མཚན། བླ་མ་རྒྱལ་མཚན་དོན་གྲུབ། རྗེ་གཙང་བ་རིན་རྒྱལ། བྱ་བཏང་བོ་དྷི་ས་ཏྭ། འཇམ་དབྱངས་རིན་ཅེན་གྲགས་པ། སྤྱན་སྔ་བསོད་ནམས་ལྷ་དབང་། སྤྱན་སྔ་ངག་དབང་ཆོས་གྲགས་རྒྱལ་མཚན། མཁན་ཆེན་དཀོན་ཅོག་རྒྱ་མཚོ། ངོར་ཆེན་དཀོན་ཅོག་དཔལ་ལྡན། ཤར་ཆེན་ཀུན་དགའ་བཀྲ་ཤིས། ཤར་ཆེན་ཤེས་རབ་འབྱུང་གནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། རིགས་ཀུན་བདག་པོ་མཁན་ཆེན་ཞ་ལུ་པ། དེས་བདག་ཟ་ཧོར་བནྡེ་ལའོ། །ཡང་ན་བྱ་འདུལ་འཛིན་ནས། ན་བཟའ་འཕྲེད་གསོལ་བ་ཆོས་ཀྱི་བྱང་ཆུབ། འཇམ་དབྱངས་མཁྱེན་བརྩེས་འབུམ་རམ་པར་གསན་པའི་ཐོར་འདི་ཐོལ་ལ་བྱུང་བ་གོང་དུ་མི་མཐུན་པ་འདི་གཉིས་གང་རུང་རེ་མ་བགྲངས་པའི་ངེས་པ་མི་འདུག །མཁན་ཆེན་ཆོས་ཀྱི་དབང་ཕྱུག །མཁན་ཆེན་ཆོས་ཀྱི་བརྩོན་འགྲུས། ལོ་པ་མཆོག་ལྡན། བཅོམ་ལྡན་ལྷོ་མཛེས་པ། འདི་གཉལ་གུང་ཐང་ཆོས་རྗེའི་ཞལ་ངོ་ཡིན་འཕགས་པ་རིན་པོ་ཆེས་ལྷོ་རྒྱུད་མཛེས་པར་བྱེད་པ་ཞེས་བཏགས་པའི་ལོ་རྒྱུས་སྣང་ངོ་། །རྗེ་དཔལ་ཆེན་བཟང་པོ། ཆོས་རྗེ་ཡེ་ཤེས་དཔལ་བཟང་། རྒྱལ་སྲས་བློ་བཟང་དཔལ་འབྱོར། ཆག་ལོ་རིན་ཅེན་ཆོས་རྒྱལ། ཁྲ་རི་བ་རིན་ཅེན་རྒྱལ་མཆོག །མཁན་ཆེན་འབུམ་རབ་འབྱམས་པ་དགེ་འདུན་ཉི་མ། ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་ན་འཇམ་དབྱངས་དཀོན་ཅོག་རྒྱ་མཚོ་ནས། མུས་ཆེན་སངས་རྒྱས་རྒྱལ་མཚན། ས་ཆེན་ཀུན་དགའ་བསོད་ནམས། བདག་ཆེན་འཇམ་དབྱངས་བསོད་ནམས་དབང་ཕྱུག །རྩ་བའི་བླ་མ་ཁྱབ་བདག་ཞ་ལུ་པ་ཆེན་པོ། དེས་
བདག་ལའོ། །ཁྲོ་མོ་སྨེ་བརྩེགས་ཀྱི་རྗེས་གནང་དང་། དེའི་སྒྲུབ་ཐབས་འཇམ་དབྱངས་མཁྱེན་བརྩེའི་ཞབས་ཀྱིས་མཛད་པའི་ལུང་དང་བཅས་ནོས་པའི་རྗེས་གནང་གི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། ཕྱག་ན་རྡོ་རྗེ། ཌཱ་ཀི་སེང་གེ་གདོང་ཅན། གྲུ་སྤང་རྩ་བ་རྡོ་རྗེ་སེང་གེ །ཆོས་རྗེ་བྲག་ནག་པ། བྱང་སེམས་ཆེན་པོ། བླ་མ་དངོས་གྲུབ་རྒྱལ་མཚན། སློབ་དཔོན་བསོད་ནམས་དར། བེ་བུག་བདེ་ལེགས་རྒྱལ་མཚན། སྔགས་འཆང་ཆོས་རྒྱལ་བསོད་ནམས། དེ་སྲས་ཆོས་སྐྱོང་བསོད་ནམས་བཀྲ་ཤིས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསྟན་པའི་ཉི་མ་བསོད་ནམས་མཆོག་ལྡན། བཀའ་དྲིན་མཉམ་མེད་ཟུར་ཐམས་ཅད་མཁྱེན་པ། དེས་བདག་ཟ་ཧོར་བནྡེ་ལའོ། །ཡང་ན་རྗེ་དབང་རབ་ནས། ཁྱབ་བདག་ཞ་ལུ་པ། དེས་བདག་ལའོ། །ཡང་ན་རྗེ་སྒོ་རུམ་པ་ཡན་གྱི་བརྒྱུད་པ་མ་རྙེད། དེ་ལ་འཇམ་དབྱངས་མཁྱེན་བརྩེས་གསན་ནོ། །ལུང་བརྒྱུད་ནི། འཇམ་དབྱངས་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་རབ་མན་འདྲ། ཡང་ན་རྗེ་དབང་རབ་ནས། ཁྱབ་བདག་ཞ་ལུ་པ། དེས་བདག་ལའོ། །
ཛམ་ལྷ་དཀར་པོ་འབྲུག་གཞོན་ལྷ་ལྔ་མའི་རྗེས་གནང་སོགས་རྫོགས་པར་ནོས་པའི་ལུང་བརྒྱུད་པ།
ཤེའུ་ལོ་ཙཱ་བའི་ཡི་གེའི་སྟེང་ནས་ནོར་ཅན་གྱི་རིགས་ཇོ་བོ་ལུགས་ཀྱི་ཛམ་ལྷ་དཀར་པོ་འབྲུག་གཞོན་ལྷ་ལྔ་མའི་རྗེས་གནང་། ལུང་ལ། ཕྱི་ཆུ་སྦྱིན་ལ་བརྟེན་ནས་བསྒྲུབ་པ། ནང་གཏོར་མ་ལ་བརྟེན་ནས་སྒྲུབ་པ། གསང་བ་གའུ་ལ་བརྟེན་ནས་བསྒྲུབ་པ། ཐུགས་རྗེ་ཆེན་པོས་སྤྱན་ནས་ཛམ་ལ་སྤྲུལ་ཏེ་ཇོ་བོ་ལ་གནང་བའི་
ལོ་རྒྱུས། རྗེས་གནང་གི་ཡི་གེ །བསྟོད་པ་སྤྱན་རས་གཟིགས་དབང་མ། ཤེའུ་ལོ་ཙཱ་བ་ཀུན་དགའ་ཆོས་དབང་གིས་མཛད་པའི་སྒོམ་བཟླས་རྗེས་གནང་བྱེད་ཚུལ་བཅས་རྫོགས་པར་ནོས་པའི་བརྒྱུད་པ་ནི། འཕགས་པ་སྤྱན་རས་གཟིགས། ཇོ་བོ་ཆེན་པོ་ཨ་ཏི་ཤ །རྒྱ་བརྩོན་འགྲུས་སེང་གེ །ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། འབྲོམ་སྟོན་ཆོས་ཀྱི་རྒྱལ་པོ། བཤེས་གཉེན་པོ་ཏོ་བ། དགེ་བཤེས་ཤ་ར་བ། སྐྱོ་སྟོན་སྨོན་ལམ་ཚུལ་ཁྲིམས། སྤྱན་ལྔ་བསོད་ནམས་འཕེལ། དཀའ་བཅུ་པ་གཞོན་ནུ་སེང་གེ །སྲིབས་རི་བ་གཞོན་ནུ་རྒྱལ་མཚན། ལྷ་ཕུག་པ་རིན་ཅེན་འོད་ཟེར། བླ་མ་དཔལ་ལྡན་གྲུབ་པ། རིན་པོ་ཆེ་སངས་རྒྱས་འོད་ཟེར། ས་སྐྱའི་གསན་ཡིག་ན་མི་གསལ་ཡང་ལོ་པ་སྤྱན་སྔའི་གསན་ཡིག་ཏུ་བར་འདིར་བླ་མ་ཁ་ཤས་མ་རྙེད་ཚུལ་འདུག །སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་རྒྱལ་མཚན། ཤེའུ་ལོ་ཙཱ་བ་བྱམས་པ་ཀུན་དགའ་ཆོས་གྲགས། བླ་མ་ནམ་མཁའ་ཆོས་དར། ཆོས་ཀྱི་སྤྱན་ལྡན་ལོ་པ་སྤྱན་སྔ་ཀུན་དགའ་དོན་གྲུབ། ས་ཆེན་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ཤེའུ་པའི་ཡིག་ཆ་མ་གཏོགས་པའི་རྗེས་གནང་དང་ལུང་བརྒྱུད་ལུགས་གཅིག་ནི། འབྲོམ་སྟོན་ཆོས་ཀྱི་རྒྱལ་པོ་ཡན་གོང་ལྟར་ལ། དེ་ནས་བླ་མ་བློ་ལྡན་པ། གྲོ་ལུང་པ་བློ་གྲོས་འབྱུང་གནས། གདན་ས་པ་གྲུ་མི། བླ་མ་བསོད་ནམས་འབྱུང་གནས། རྗེ་ཟངས་ཆེན་པ། བླ་མ་ཆོས་སྒང་པ། གྲུབ་ཆེན་རི་ཁྲོད་པ། དྭགས་པོ་པཎ་ཆེན་བཀྲ་ཤིས་རྣམ་རྒྱལ། རྗེ་སངས་རྒྱས་
བསམ་གྲུབ། ཆོས་རྗེ་ཕྱོགས་ལས་རྣམ་རྒྱལ། རྡོ་རྗེ་འཆང་ཚར་པ་ཆོས་རྗེ། རྗེ་ཆོས་དཔལ་བཟང་། སྔགས་འཆང་དཀོན་ཅོག་ལེགས་པ། སྒྲུབ་ཁང་པ་དཔལ་ལྡན་དོན་གྲུབ། ཐར་རྩེ་པ་ནམ་མཁའ་སངས་རྒྱས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། བླ་མ་འཇམ་དབྱངས་རྒྱལ་མཚན། ཁྱབ་བདག་ཁྲ་ཚང་པ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །འཕགས་པ་ཛམྦྷ་ལ་སེར་པོ་ཞལ་གཅིག་ཕྱག་གཉིས་པའི་རྗེས་གནང་དམ་པའི་ཕྱག་བཞེས་ལྟར་ཐོབ་པའི་བརྒྱུད་པ་ནི། སངས་རྒྱས། བཛྲ་པཱ་ཎི། ཛེ་ཏཱ་རི། ཨ་ཤྭ་ཀ་ཤྲཱི། ཨ་མོ་གྷ་བཛྲ། བ་རི་ལོ་ཙཱ་བ་རིན་ཅེན་གྲགས། རྗེ་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་པཎྜི་ཏ། ཆོས་ཀྱི་རྒྱལ་པོ་འཕགས་པ། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། བླ་མ་བསོད་ནམས་སྐྱབས། སྔགས་འཆང་གཟུངས་ཀྱི་དཔལ་བ། ཆོས་རྗེ་དཔལ་ལྡན་ཚུལ་ཁྲིམས། ཤར་པ་ཡེ་ཤེས་རྒྱལ་མཚན། རྗེ་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། གོ་རམ་པ་བསོད་ནམས་སེང་གེ །རྗེ་བཙུན་སྒོ་རུམ་པ་ཆེན་པོ། ཀུན་མཁྱེན་མཁྱེན་བརྩེའི་དབང་ཕྱུག །གྲུབ་མཆོག་དབང་ཕྱུག་རབ་བརྟན། བསྟན་པའི་མངའ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་འཕགས་པ་ནས། བླ་མ་བསོད་ནམས་དབང་ཕྱུག །བླ་མ་རིན་ཅེན་དཔལ། བླ་མ་གཞོན་ནུ། མཁན་ཆེན་བྱང་སེང་བ། ཤར་ཆེན་ཡེ་ཤེས་རྒྱལ་མཚན་མན་འདྲ། ཛམྦྷ་ལ་ནག་པོ་ཞལ་གཅིག་
ཕྱག་གཉིས་པའི་རྗེས་གནང་ཐོབ་པའི་བརྒྱུད་པའང་བཤད་མ་ཐག་པ་བཞིན་ནོ། །
རྣམ་སྲས་ཀུན་གྱི་རྩ་བར་གྱུར་པ་ཞི་བ་བདེ་བྱེད་སེར་པོ་ལྷ་དགུའི་རྗེས་སུ་གནང་བའི་ལུང་བརྒྱུད་སོགས།
འདུལ་བ་ལུང་ལས། རྒྱལ་ཆེན་སྡེ་བཞི་པོ་མཁའ་ལྡིང་སྒྲ་སྙན་དང་སྒྲ་ཆུང་། ཀླུ་དབུགས་དང་དབུག་ཆེན་དུ་གྱུར་པ་ན་བཞི་གས་སངས་རྒྱས་འོད་སྲུངས་ལ་ཡོན་ཏན་ཤེས་ནས་དད་དེ་བསླབ་པའི་གཞི་བཟུང་ནས་དེ་བཞིན་གཤེགས་པ་ཤཱཀྱ་ཐུབ་པའི་བསྟན་པ་ལ་འཇིག་རྟེན་སྐྱོང་བར་སྨོན་ལམ་བཏབ་པའི་མཐུ་བཙན་པོས་བསྟན་པ་རིན་པོ་ཆེ་སྐྱོང་བ་ལ་འཕགས་པའི་ཡུལ་དང་གངས་རིའི་ལྗོངས་འདིར་ཡོངས་སུ་གྲགས་ཤིང་མཁས་གྲུབ་མང་པོས་ཆོས་སྐྱོང་གི་གཙོ་བོར་མཛད་པའི་རྒྱལ་པོ་ཆེན་པོ་རྣམ་མང་ཐོས་པའི་སྲས་འདི་ཉིད་ཀྱི་གཟི་བརྗིད་མ་བཟོད་པར་ལྷ་མིན་གྱི་དཔུང་ཕྱིར་ལོག་པར་བརྟེན་ལྷ་རྣམས་ངལ་བསོས་པས་ངལ་བསོས་པོ་དང་། ལྷ་མིན་གྱིས་གཡུལ་བཤམས་པའི་ཚེ་སེང་གེ་ཁྲོས་པ་ལ་ཞོན་ནས་བསྲུངས་པས་གནས་སྲུང་པོ་དང་། དུག་སྦྲུལ་ཆེན་པོར་སྤྲུལ་ནས་ལྷ་མིན་དབང་པོ་ར་རྒོད་ཀྱི་དམག་རྣམས་མྱོས་པར་བྱས་པས་ལུས་ངན་པོ་ཞེས་སོགས་མཚན་གྱི་རྣམ་གྲངས་མང་པོར་གྲགས་ཤིང་། མུ་སྟེགས་ཀྱི་སྤྲང་པོ་ཉི་མའི་དངོས་གྲུབ་སོགས་བསྒྲལ་བར་དཀའ་བ་མང་པོ་ཚར་བཅད་པས་མཐུ་རྩལ་ཆེ་བ། ཚེ་དང་དཔལ་འབྱོར་སོགས་འདོད་དགུའི་ཆར་ཆེན་པོ་འབད་མེད་དུ་སྩོལ་བའི་ལྷ་མཆོག་འདི་ཉིད་ཀྱི་ཆོས་སྐོར་བསྟན་པ་སྔ་དར་དང་ཕྱི་དར་གྱི་ལོ་པཎ་རྣམས་ལས་བརྒྱུད་པ་མཐའ་ཀླས་ནའང་དུས་དབང་གིས་ཆོས་པར་རློམ་པ་ཕལ་ཆེར་མི་ཆོས་ཀྱི་ཞར་ལ་ལྷ་ཆོས་འགྲུབ་ཏུ་རེ་བའི་ལེ་ལོ་དང་རྣམ་པར་གཡེང་བའི་དབང་གིས་ནུབ་ཏུ་ཉེ་བ་ན་རྡོ་རྗེ་འཆང་ཚར་ཆེན་ཆོས་ཀྱི་རྒྱལ་
པོས་བྱང་ཆུབ་སེམས་དཔའ་རྟག་ཏུ་ངུའི་རྣམ་པར་ཐར་པ་བཞིན་རྣམ་ཐོས་སྲས་བཀའ་མི་འདྲ་བ་བཅོ་ལྔ་ཙམ་གྱི་ཆོས་སྐོར་གསན་ཞིང་ཕྱོགས་གཅིག་ཏུ་བསྒྲིགས་པའི་རྒྱུན་མ་ཉམས་པ་ལེགས་པར་ཐོབ་པ་ལ། འདི་ཉིད་ཀྱི་གོང་གནོན་དུ་ཕྱག་ན་རྡོ་རྗེ་གོས་སྔོན་ཅན་གྱི་རྗེས་གནང་མཛད་པའི་སྲོལ་ལྟར་མནོས་པ་ནི་གོང་དུ་སྨོས་ཟིན་ཅིང་། སློབ་དཔོན་འགྲོ་བཟང་སྙིང་པོས་རྒྱུད་དང་མན་ངག་ལ་བརྟེན་ནས་རྒྱལ་པོ་ངལ་བསོས་པོ་ཞི་བ་ནོར་དུ་བསྒྲུབ་པ་དང་དྲག་བྱེད་མཐུ་རུ་བསྒྲུབ་པའི་ཆོ་ག་སོགས་མཛད་པ་ལས་ཐོག་མར་ཞི་བ་བདེ་བྱེད་སེར་པོ་ལྷ་དགུ་ཟངས་དཀར་ནས་བརྒྱུད་པ་སྟོད་ལུགས་སྨད་ལུགས་ཀྱི་བརྒྱུད་པ་ཆུ་བོ་གཉིས་འདྲེས་ལས། ཕྱག་ལེན་གྱི་རིམ་པ་སྨད་ལུགས་ཆོས་རྗེ་ཐམས་ཅད་མཁྱེན་པ་བུ་སྟོན་རིན་པོ་ཆེའི་བཞེད་སྲོལ་གཙོ་ཆེ་བར་མཛད་ལ། དེར་མ་ཟད་རྗེས་གནང་ལྔ་ཕྲག་གསུམ་གྱི་ཆོ་ག་སོ་སོའི་ལུགས་སྲོལ་ཉམས་པ་མེད་པ་རྡོ་རྗེ་འཆང་དབང་ཕྱུག་རབ་བརྟན་གྱི་ཕྱག་ལེན་བཞིན་མཁན་ཆེན་ངག་དབང་ཆོས་གྲགས་ཀྱི་ཆོག་ཁྲིགས་སུ་མཛད་པའི་ནོར་འཛིན་དཔལ་མོའི་རྒྱན་འཕྲེང་གི་སྟེང་ནས་ཐོས་པ་ཡིན་ཞིང་། བསྒྲིག་རིམ་མཁན་ཆེན་པའི་འདིར་རྟེན་འབྲེལ་གྱི་དབང་གིས་རྣམ་སྲས་དཀར་པོ་ཐོག་མར་མཛད་ལ། ཁོ་བོས་རྡོ་རྗེ་འཆང་བཀའ་འགྱུར་བ་ཆེན་པོ་ལ་གསོལ་བ་བཏབ་པར་བརྟེན་ཕྱག་ལེན་ཕྲ་མོ་རྣམས་ཀྱང་གབ་སྦས་མེད་པའི་ཆོག་སྒྲིགས་དངོས་གྲུབ་འདོད་འཇོ་ཕྱོགས་སྡེབས་སྐབས་སུ་གང་བབས་ལ་རྣམ་སྲས་དཀར་པོ་རྟེན་འབྲེལ་གྱིས་རྗེས་སུ་གནང་བ་སོགས་གོ་རིམ་མི་མཐུན་ཙམ་སྣང་བའི་ལུགས་གཉིས་གང་བྱས་ཀྱང་འགལ་བ་ཆེར་མི་འདུག་
ཅིང་། རྗེས་གནང་སོགས་ཀྱི་དུས་གང་བདེ་བྱས་ཆོག་ནའང་། འདིར་དབང་ལུང་གཉིས་པོ་ངོ་འཕྲོད་སླ་བའི་ཁྱད་དང་བཅས་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་གསན་ཡིག་གི་གོ་རིམ་ལྟར་བཀོད་པ་ལ། རྣམ་སྲས་ཀུན་གྱི་རྩ་བར་གྱུར་པ་ཞི་བ་བདེ་བྱེད་སེར་པོ་ལྷ་དགུའི་རྗེས་སུ་གནང་བ། ༡ འདི་དང་འབྲེལ་བར་ཤིན་ཏུ་གཉན་པ་སློབ་མ་དམ་ལྡན་བསྙེན་སོང་རེ་རེ་ཙམ་ལས་མང་པོར་མི་གནང་བའི་དྲག་པོའི་རྗེས་གནང་ཤིན་ཏུ་གཉན་ཅིང་བཀའ་རྒྱ་དམ་པ། ཟངས་དཀར་བའི་གོང་ཁུག་སྲོ་མ་ཅན་ལས་བྱུང་བའི་གསང་སྒྲུབ་ལྗང་སེར་བེ་ཅོན་ཅན་ཡུམ་པདྨ་གཙུག་ཕུད་མ་སྟེ་ཡབ་ཡུམ་གཉིས་ཀྱི་རྗེས་གནང་སྟོད་ལུགས་ལས་འོངས་པ། ༢ སློབ་དཔོན་ཀླུ་སྒྲུབ་ཀྱིས་སྤྲང་པོ་ཉི་མའི་དངོས་གྲུབ་བསྒྲལ་བའི་དྲག་བྱེད་རྟ་སྔོན་བདུད་མོ་བཞི་སྐོར་ལྷ་ལྔའི་རྗེས་གནང་། རྣམ་སྲས་དམར་པོའི་སྐོར་དང་རྙིང་མ་བཀའ་གཏེར་ནས་བཤད་པ་རྣམས་བླ་མེད་དུ་གཏོགས་ཀྱང་འདིར་སྡེ་ཚན་གྱི་དབང་གིས་ཕྱོགས་གཅིག་ཏུ་བཀོད་དོ། ། ༣ དེ་ཉིད་ལ་ཅུང་ཟད་ཁ་བསྒྱུར་ཞིང་རྒྱལ་ཆེན་བཞི་བསྣན་པའི་ནང་མ་མོ་ལྷར་བསྒྲུབ་པ་ལྷ་དགུའི་རྗེས་གནང་གནུབས་ཀྱིས་བསྒྱུར་བའི་བཻ་ཤྲ་ཝ་ཎ་ཁ་རག་ཁྲམ་ཐོགས་ནག་པོའི་རྒྱུད་ལས་གསུངས་པའི་དྲག་པོ་མཐུ་རུ་བསྒྲུབ་པའི་ནང་ནས་དྲག་བྱེད་སེང་ཞོན་ཀླུ་བརྒྱད་ཀྱིས་བསྐོར་བའི་རྗེས་གནང་། ༥ དེ་ཉིད་ལ་ཅུང་ཟད་ཁ་བསྒྱུར་བ་བཞོན་པ་མེད་པའི་དྲག་བྱེད་རྐང་ཐང་ལྷ་བརྒྱད་ཀྱི་རྗེས་གནང་། འཇམ་དབྱངས་མཁྱེན་བརྩེའི་གསན་ཡིག་ན་མི་གསལ་ཡང་། ཆོག་སྒྲིགས་གཉིས་ག་ན་འདུག་ཅིང་ཕྱག་ལེན་ལའང་མཛད། ༦ གསང་བ་གཤིན་རྗེ་ལྟར་བསྒྲུབ་པ་མདུང་དམར་ཅན་ལྷ་བཅུ་གསུམ་གྱི་རྗེས་གནང་། ཁ་རག་ཁྲམ་ཐོགས་ཀྱི་རྒྱུད་ན་མུ་སྟེགས་ཉི་མ་སྒྲུབ་
པ་དང་བྷ་རི་ཧའི་གྲོང་ཁྱེར་གཞོམ་པའི་ཆེད་དུ་སློབ་དཔོན་ནཱ་གཱ་རྫུ་ནའི་ཐུགས་ནས་རྒྱུད་བཏོན་པར་བཤད་པས་སྤྲང་པོ་ཉི་མའི་དངོས་གྲུབ་བསྒྲལ་བའི་ཆོས་སྐྱོང་ཡང་འདི་ཡིན་ནམ་སྙམ། ༧ བྲམ་ཟེ་སུ་པ་ཏོས་ཞག་གསུམ་ལ་མུ་སྟེགས་པ་བཅོ་ལྔ་བསྒྲལ་བའི་ཡང་གསང་དྲག་པོ་སྲིན་པོ་བཞི་སྐོར་གཙོ་འཁོར་ལྔའི་རྗེས་གནང་། ༨ ཤུ་རཾ་ཀ་ཝརྨའི་ལུགས་ཀྱི་རྣམ་སྲས་མཐིང་ཁ་ཞལ་གསུམ་ཕྱག་དྲུག་པ་ཡུམ་གྱིས་འཁྲིལ་བ་གཙོ་འཁོར་བཅོ་ལྔ་པའི་རྗེས་གནང་། ༩ རྣམ་སྲས་དམར་སེར་ལས་མཁན་མདུང་དམར་ཅན་དང་བཅས་པའི་གཙོ་འཁོར་གཉིས་ཀྱི་རྗེས་གནང་། ༡༠ གར་མཁན་མཆོག་གི་རྒྱུད་ནས་སྲས་གར་མཁན་མཆོག་གུར་ཀུམ་གཞོན་ནུའི་མདངས་ཅན་ཞལ་བཞི་ཕྱག་བཅུ་དྲུག་པ་བསྟན་པའི་ཤུགས་ལ་སློབ་དཔོན་འགྲོ་བཟང་སྙིང་པོ་དང་ཁ་ཆེ་རིན་ཅེན་རྡོ་རྗེ་སོགས་ཀྱིས་བཀྲལ་བའི་གར་མཁན་མཆོག་ལྗང་གུ་ཞལ་གསུམ་ཕྱག་བཅོ་བརྒྱད་ལྷ་བརྒྱད་ཀྱི་རྗེས་གནང་། ༡༡ འདི་ལ་རྗེས་གནང་མེད། དེ་ལ་ཅུང་ཟད་ཁ་བསྒྱུར་བ་གར་མཁན་མཆོག་དམར་སྨུག་ཞལ་གསུམ་ཕྱག་བཅོ་བརྒྱད་པ་ཡུམ་བཅས་ཀྱི་རྗེས་གནང་། ༡༢ རྣམ་སྲས་དཀར་པོ་ཚེ་འཕེལ་ལྷ་དགུའི་རྗེས་གནང་། ༡༣ ལྷ་སྲས་མུ་ཏིག་བཙན་པོ་དང་བློན་པོ་ཞང་ལྷ་བཟང་ཀླུ་དཔལ་གཉིས་བྷ་ད་ཧོར་གྱི་སྒོམ་གྲ་བཅོམ་པའི་དམག་ལ་འབྱོན་སྐབས་དཔལ་ཨོ་རྒྱན་ཆེན་པོས་གནང་བའི་རྣམ་སྲས་ཞི་དྲག་གཉིས་ལས་ཞི་བ་ལྗང་ཡུམ་མའམ་སྤྲིན་གསེབ་མར་གྲགས་པ་སེར་ཆེན་ལྷ་དགུའི་རྗེས་གནང་། ༡༤ དྲག་པོ་ཡང་གསང་མདུང་དམར་ཅན་ཕྱག་མཚན་བཞི་པ་ལས་མཁན་དང་བཅས་པའི་གཙོ་འཁོར་གཉིས་ཀྱི་རྗེས་གནང་། ༡༥ རྣམས་
ནོས་ནས་རྒྱབ་རྟེན་ལུང་གི་སྐོར་ལ། མཁན་ཆེན་ངག་ཆོས་པའི་ཆོག་སྒྲིགས་ན་ལས་མཁན་མ་བྱུང་ཡང་མཁན་ཆེན་བསླབ་གསུམ་རྒྱལ་མཚན་དང་ཁྱབ་བདག་བཀའ་འགྱུར་བའི་ཡིག་ཆ་མཐུན་པར་བྱུང་ངོ་། །གནོད་སྦྱིན་སྡེ་དཔོན་ཆེན་པོ་གར་མཁན་མཆོག་གི་རྟོག་པ་༼དབང༽བརྟག་པ་གཉིས་པ་ལེའུ་བཅུ་དྲུག་པ་ཁ་ཆེའི་མཁས་པ་ཆེན་པོ་དྷ་ན་གུཔྟ་དང་རབ་ཞི་ལོ་ཙཱ་བས་ལྷུན་གྱི་གྲུབ་པའི་གཙུག་ལག་ཁང་མཐོ་གླིང་འཛམ་གླིང་རྒྱན་དུ་བསྒྱུར་བ། འཇམ་དབྱངས་མཁྱེན་བརྩེའི་གསན་ཡིག་ན་འདིའི་གོང་དུ་གར་མཁན་མཆོག་གི་བརྟག་པ་ཕྱི་མ་ལས་བྱུང་བའི་གཏམ་རྒྱུད། སྐྱ་རྒྱུད་བླ་མ་གཏུམ་གྱི་གསུང་སྒྲོས། བརྒྱུད་པའི་རྣམ་ཐར་ཨོ་པོ་ཞ་ནང་པ་ནས་བརྒྱུད་པ་གསུམ་འདུག་ཀྱང་དཔེ་མ་འབྱོར་བས་ལུང་མ་བྱུང་། རྒྱུད་ཀྱི་རྒྱལ་པོ་ཆེན་པོ་ལས་སྣ་ཚོགས་སྒྲུབ་པ་ལེའུ་ཉི་ཤུ་རྩ་བདུན་པ། གནོད་སྦྱིན་གྱི་རྒྱལ་པོ་རྣམ་ཐོས་སྲས་ཀྱི་རྒྱུད་རིན་ཆེན་འབྱུང་བ་ལེའུ་བཅུ་དགུ་པ་རྒྱ་གར་གྱི་པཎྜི་ཏ་ཁ་ཆེ་དགོན་པ་བ་དང་ལོ་ཙཱ་བ་མངའ་རིས་པ་ཡེ་ཤེས་སྡེས་བསྒྱུར་བ། སྣ་ཚོགས་དག་པའི་རྒྱུད་ལེའུ་སུམ་ཅུ་པ་སློབ་དཔོན་འགྲོ་བཟང་སྙིང་པོས་མཛད་པ་ཟངས་དཀར་ལོ་ཙཱ་བས་བསྒྱུར་བ་། འདི་གླེང་གཞིའི་སྐབས་སློབ་དཔོན་གང་གིས་མཛད་ན་འགྲོ་བཟང་སྙིང་པོས་མཛད་ཅེས་དང་རྒྱུད་ཀྱི་རྫོགས་མཚམས་སུ་མཛད་པ་པོ་བཤད་པ་མཐུན་པར་བྱུང་ཡང་སྐྱེ་རྒྱུད་ཀྱི་ལེའུའི་སྐབས་སློབ་དཔོནའགྲོ་བཟང་སྙིང་པོས་བཅོམ་ལྡན་འདས་ཕྱག་ན་རྡོ་རྗེ་ལ་ཞུས་པར་བཤད་པ་ཅུང་ཟད་འགལ་བ་ལྟར་སྣང་ཡང་གསུང་པ་པོ་ཕྱག་ན་རྡོ་རྗེ་དང་འགྲོ་བཟང་སྙིང་པོས་དེའི་བཀའ་བསྡུས་པར་མཛད་པའི་སྒྲ་བཤད་པ་འདྲའོ། །རྗེ་མཁྱེན་བརྩེའི་གསན་ཡིག་ན་འདི་གཉིས་ཀྱི་བར་དུ་སྣ་ཚོགས་དག་པའི་རྒྱུད་ལེའུ་ཉེར་དགུ་པ་དང་འགྲོ་བཟང་གིས་མཛད་པའི་སྒྲུབ་ཐབས་གསེར་འོད་འབར་
པ་གཉིས་འདུག་ཀྱང་དཔེ་མ་འབྱོར་བས་མ་ཐོབ། འགྲོ་བཟང་སྙིང་པོས་མཛད་པའི་ཞི་བ་བདེ་བྱེད་ལྷ་དགུའི་སྒྲུབ་ཐབས་གསེར་འོད་འབར་བའི་ཊིཀྐ་སེམས་ཅན་དབུལ་བ་རྣམས་ཀྱི་དོན་དུ་ཞི་བ་ནོར་སྒྲུབ་ལས་སྦྱོར་དང་བཅས་པ་བཤད་ཟིན་ཏོའི་མཐའ་ཅན། དེས་མཛད་པའི་རྒྱལ་པོ་ཆེན་པོ་རྣམ་ཐོས་སྲས་དྲག་བྱེད་སེང་ཞོན་ཁྲོས་པའི་འཕྲིན་ལས་སྒྲུབ་ཚུལ་བསྟན་པ་ལ་ཕན་པ་རྒྱ་ཆེན་པོ་བྱུང་བར་གྱུར་ཅིག་གི་མཐའ་ཅན། འཁོར་ཀླུ་བརྒྱད་ཀྱིས་མ་བསྐོར་བར་སྒྲོལ་བྱེད་ནག་པོ། ཁྱབ་འཇུག །ལྷ་མོ་དཔལ་ཚུལ་གནོད་སྦྱིན་གྱི་དམག་དཔུང་དང་བཅས་པ་སྣང་ངོ་། །དེས་མཛད་པའི་རྣམ་ཐོས་སྲས་བདེ་བྱེད་ཀྱི་རྟོག་པ་རྫོགས་བྱང་གི་མཐའ་ཅན་པཎྜི་ཏ་ཏེ་ཙ་དེ་ཝ་དང་ལོ་ཙཱ་བ་དགེ་སློང་འཕགས་པ་ཤེས་རབ་ཀྱིས་ཞུས་ཤིང་བསྒྱུར་བ། རྣམ་སྲས་སེར་ཆེན་ཕྱག་མཚན་རིན་པོ་ཆེའི་བེ་ཅོན་དང་ནེའུ་ལེ་འཛིན་པ་ཞིག་སྣང་། འགོར་བཅོམ་ལྡན་འདས་དཔལ་ཕྱག་རྡོ་རྗེ་ལ་ཕྱག་འཚལ་ལོ་དངོས་གྲུབ་ཀྱི་འབྱུང་གནས་ཞེས་ཡོད་པ་ཤུ་རཾ་ཀ་ཝརྨས་མཛད་པའི་ཞི་བ་བདེ་བྱེད་སེར་པོ་ལྷ་དགུའི་མན་ངག་ཡིད་བཞིན་༼དབང༽ནོར་བུའི་སྒྲུབ་ཐབས་ཞེས་པ་རྫོགས་བྱང་གི་མཐའ་ཅན། དེའི་ཊཱིཀྐ་སློབ་དཔོན་ཤུ་རཾ་ཀ་ཝརྨས་མཛད་པའི་སྒྲུབ་ཡིག་འདི་ལ་གཉིས་ཏེ་ཞེས་པ་འགོར་ཡོད་པ་ལ་ཟབ་མོ་ཡིན་པས་གསང་བར་ཞུའི་མཐའ་ཅན། འཇམ་དབྱངས་མཁྱེན་བརྩེའི་གསན་ཡིག་ན་འདི་གཉིས་ཀྱི་བར་དུ་བདེ་བྱེད་ཀྱི་ཆོ་ག་སྣ་ཚོགས་པའི་མཛོད་དང་དཔའ་བོ་རྡོ་རྗེས་མཛད་པའི་ལུས་ངན་པོའི་སྒྲུབ་ཐབས་ཐར་ལོའི་འགྱུར་གཉིས་འདུག་པ་དཔེ་མ་འབྱོར་བས་མ་ཐོབ། ཤོག་དྲིལ་དྲུག་པ་ཞེས་པ་ནམ་མཁའ་མཛོད་ཀྱི་སྒྲུབ་ཐབས་ལ་ནང་གསེས་ཀྱི་སྐུ་གདུང་༼ཀོང༽རྒྱལ་མཚན་གྱི་སྒྲུབ་ཐབས་ཏེ་བསྙེན་པའི་ཆོ་ག །གསུང་ཆོས་
ཀྱི་དུང་སྒྲུབ་༼ཀོང༽པའི་ཆོ་ག །ཙིཏྟ་རིན་པོ་ཆེ་ཐུགས་༼ཀོང༽སྒྲུབ་པའི་ཆོ་ག །འཆི་མེད་ཡོན་ཏན་༼ཀོང༽སྒྲུབ་པའི་ཆོ་ག །སྤུ་གྲི་གསང་༼ཀོང༽པ་འཕྲིན་ལས་སྒྲུབ་པའི་ཆོ་ག །བུམ་པ་བཟང་པོའི་དངོས་གྲུབ་མཐར་ཐུག་བང་མཛོད་སྒྲུབ་༼ཀོང༽པའི་ཆོ་ག་རྣམས་རྒྱ་གར་ཤར་ཕྱོགས་ཀྱི་པཎྜི་ཏ་ཏེ་ཙ་དེ་ཝས་མཛད་པ་པཎྜི་ཏ་དེ་ཉིད་དང་ལོ་ཙཱ་བ་འཕགས་པ་ཤེས་རབ་ཀྱིས་བསྒྱུར་བ། དེའི་གསལ་བྱེད་ཟངས་དཀར་ལོ་ཙཱ་བས་མཛད་པ་ལ་སྐུ་གཟུགས་ཀྱི་རྒྱལ་མཚན་༼ཀོང༽ལ་བརྟེན་ནས་རྒྱལ་པོ་ཞལ་དངོས་སུ་བལྟ་བའི་ཤོག་དྲིལ། གསུང་དབྱངས་ཆོས་ཀྱི་དུང་ལ་བརྟེན་༼ཀོང་༽ནས་སྙན་གྲགས་ཀྱི་རྒྱུན་སྒྲུབ་པའི་ཤོག་དྲིལ། ཙིཏྟ་རིན་པོ་ཆེ་ཐུགས་ཀྱི་སྒྲུབ་པ་ལ་བརྟེན་ནས་༼ཀོང༽རྒྱལ་པོ་དང་ཚངས་པའི་བུ་མོའང་འགུགས་པའི་ཤོག་དྲིལ། ཡོན་ཏན་ཤེལ་གྱི་བུམ་པར་བརྟེན་ནས་འཆི་མེད་༼ཀོང༽ཀྱི་ཚེ་སྒྲུབ་པའི་ཤོག་དྲིལ། འཕྲིན་ལས་དྲག་པོ་གནམ་ལྕགས་ཀྱི་སྤུ་གྲི་ལ་བརྟེན་ནས་༼ཀོང༽དགྲ་སྲོག་མྱུར་དུ་གཅོད་པའི་ཤོག་དྲིལ། ཏེ་ཙ་དེ་ཝའི་མན་ངག་མུ་འཐུད་དུ་སྣང་བས་གསན་ཡིག་ན་ཆད་པ་འདྲ། མཐར་ཐུག་གཏེར་གྱི་བུམ་པ་ལ་བརྟེན་ནས་དགོས་༼ཀོང༽འདོད་ཀུན་འབྱུང་ནམ་མཁའ་མཛོད་སྒྲུབ་པའི་ཤོག་དྲིལ། མཇུག་ཏུ་གང་ལས་བརྒྱུད་༼ཀོང༽ཀྱི་ལོ་རྒྱུས་ཉུང་ངུ་དང་འཁོར་ལོ་བྲི་ཚུལ་གྱི་ཡིག་ཆུང་དང་བཅས་པ། འདི་གཉིས་ཀྱི་བར་དུ་ཁྲོ་བོས་ཀོང་བུ་རི་བ་ལ་ཞུས་པའི་ཤོག་དྲིལ་དྲུག་གི་ཡི་གེ་ཟུར་བ་ཞིག་རྗེ་མཁྱེན་བརྩེའི་གསན་ཡིག་ཏུ་ཐབས་ཀྱང་དཔེ་མ་འབྱོར་བས་མ་ཐོབ། བསྙེན་པའི་གནད་སྙིང་དུ་དྲིལ་བ། སྒྲུབ་པའི་གནད་སྙིང་དུ་དྲིལ་བ། སྲོག་གནད་ལ་དབབ་པ་སྟེ་དོན་གསུམ་གྱི་མན་ངག་རྣམ་སྲས་སྙིང་དྲིལ་ལམ་སྙིང་དང་འདྲ་བའི་གནད་ཀྱི་ཡི་གེ་ཁྲ་རྒྱ་གར་དུ་གཙིགས་པོ་ཆེར་
བྱས་ཏེ་རིན་པོ་ཆེ་སྣ་ལྔའི་ཁུ་བས་བྲིས་པས་ཁྲ་བོ་ཞེས་པའི་མིང་ཐོགས་སྐད། བོ། །འདི་གཉིས་ཀྱི་བར་ན་རྗེ་མཁྱེན་བརྩེའི་གསན་ཡིག་ན་གནོད་སྦྱིན་བྲེལ་ཕོངས་ཀྱིས་མནན་ཐབས་གུར་ག་དེ་ཝས་མཛད་པ་འདུག་ཀྱང་དཔེ་མ་འབྱོར་པས་མ་ཐོབ། ཟངས་དཀར་ལོ་ཙཱ་བའི་མགུལ་མགུལ་ཁུག་སྲོ་མོ་ཅན་གྱི་ཁ་གསལ་མ་བྱུང་ཡང་དཔེ་དང་གསན་ཡིག་ཞུས་དག་ཕེར་བས་ཡིད་ཆེས་སུ་བྱས་སོ། །ཁུག་སྲོ་མ་ཅན་ལ་རྣམ་སྲས་གསེར་ཆེན་གྱི་གསང་སྒྲུབ་རིན་པོ་ཆེའི་ཁང་པ་བརྩེགས་པ་ཞེས་བྱ་བ་རྫོགས་བྱང་གི་མཐའ་ཅན། རྣམ་སྲས་ལྗང་སེར་བེ་ཅོན་མའི་ཐུགས་༼དབང༽སྒྲུབ་གསང་སྒྲུབ་རྫོགས་སོའི་མཐའ་ཅན་རྒྱལ་པོ་རྣམ་ཐོས་སྲས་ཀྱི་གསང་བའི་མན་ངག་ཅེས་པར་ནང་གསེས་ཀྱི་དངོས་གྲུབ་ཀྱི་གཞི་བཟུང་བ། རྟེན་གཟུག་པ། གཤམ་བུ་བདུན་གྱིས་དངོས་གྲུབ་བསྡུ་བ། ཚེ་སྒྲུབ་པ། བསེ་རག་ཁ་འཆིང་བ་དང་། བཅས་པ་འགྲོ་བཟང་སྙིང་པོས་མཛད་པ་ཡིན་གྱི་མཐའ་ཅན། སྣ་ཚོགས་དག་པའི་རྒྱུད་ལས་གང་ལ་དམིགས་པའི་ལིངྒ་ཡི་ཞེས་སོགས་མནན་པ། རྨི་ལྟས། འཁོར་ལོའི་ཁ་ཆིངས། སྔགས་ཀྱི་ཁ་ཆིངས་དང་བཅས་པའི་བསེ་རག་འཆིང་བ་ཤིན་ཏུ་རྒྱས་པ་འགྲོ་བཟང་སྙིང་པོ་དེ་སྐད་གསུང་ངོའི་མཐའ་ཅན། རྒྱུན་དུ་འགྲོགས་པར་འདོད་ན་རྟེན་གསུམ་གཟུག་པའི་མན་ངག་ཐམས་ཅད་འགྲུབ་པར་ཐེ་ཚོམ་མེད་དོའི་མཐའ་ཅན། རྟེན་གསུམ་གཟུག་པའི་མན་ངག་འཁོར་ལོ་འདྲི་ཚུལ་ཁྱི་དམར་པོའི་སྙིང་ལ་བརྟེན་པའི་མན་ངག་གཤམ་བུའི་ཚུལ་དུ་བཟླས་སོའི་མཐའ་ཅན། མཁྱེན་བརྩེའི་གསན་ཡིག་ན་ཚར་གཉིས་མ་བྱུང་ཡང་ཕྱི་མ་འདི་གསལ་བྱེད་དུ་འདུག་པས་ཁ་ཕྲལ་ནས་བྲིས་པ་ཡིན། བསྙེན་སྒྲུབ་ལས་གསུམ་གྱི་རྟགས་མ་བྱུང་ན་སྤོགས་པའི་ཆོ་ག་སྐུ་གསུང་ཐུགས་ཀྱི་བྱིན་
གྱིས་བརླབ་པའི་མཐའ་ཅན། སྤྱིར་གཅེས་པའི་མན་ངག་གསུམ། བྱེ་བྲག་ཏུ་གཅེས་པའི་མན་ངག་དགུ །སྒོས་སུ་གཅེས་པའི་མན་ངག་གཅིག་རྣམས་སྟོན་པ་ཞལ་གདམས་རིན་པོ་ཆེའི་འཕྲེང་བ། འགོར་བསམ་པ་བཞིན་དུ་སྒྲུབ་པ་སྲིད་པས་ཉེར་བླངས་ན་ཞེས་ཡོད་པའི་རྣམ་སྲས་སེར་ཆེན་གསང་སྒྲུབ་ཅེས་པ་རྟེན་བཅའ་བ། སྒྲུབ་ཐབས་བསྙེན་པ་རྟགས་དང་བཅས་སྟོན་པ་ཁ་ཆེ་དགོན་པ་བའི་ཐུན་མོང་མ་ཡིན་པའི་གདམས་པ་ཟབ་མོ་ཡིན་ནོའི་མཐའ་ཅན། འགོར་གནོད་སྦྱིན་དབང་པོའི་ཚེ་སྒྲུབ་ནི་ཞེས་ཡོད་པའི་རྣམ་སྲས་དཀར་པོའི་ཚེ་སྒྲུབ་ཤིན་ཏུ་ཟབ་པ་འི་མཐའ་ཅན། རྣམ་ཐོས་སྲས་ཀྱི་སྲོག་འཁོར་དགོས་འདོད་ཀུན་འབྱུང་ངམ་མན་ངག་དགོས་འདོད་ཀུན་འབྱུང་དུ་གྲགས་པ་ལ་གཞི་སྒྲུབ། རྗེ་མཁྱེན་བརྩེའི་གསན་ཡིག་ན་ནང་གསེས་རྣམས་གསལ་ཁ་མི་འདུག་ཀྱང་ཆོས་སྡེའི་མིང་དང་གསན་ཡིག་མཐུན་པས་ཐེ་ཚོམ་མ་དགོས་པས་ཞིབ་པར་བཀོད་དོ། །རྟེན། གཤམ་བུ་བདུན་པ། ཚེ་སྒྲུབ། བསེ་རག་ཁ་འཆིང་རྣམས་གོང་མ་དང་ཞུས་དག་ཅུང་ཟད་མི་ཕེར་བའི་འདྲ་མིན་གཅིག་རྣམ་ཐོས་སྲས་ཀྱི་གསད་གསོ་གཉིས་ལས་གནད་ཀྱི་མན་ངག་ཤིན་ཏུ་གབ་པ་མ་གྲུབ་ན་གནད་ལ་དབབ་པ་དངོས་གྲུབ་ཅི་འདོད་སྟེར་རོ་རྫོགས་སོའི་མཐའ་ཅན། བསྙེན་སྒྲུབ་ལས་གསུམ་གྱི་རྟགས་མེད་ན་སྤོགས་ཆོག་གོང་དང་འདྲ་མིན་ཅུང་ཟད་རྒྱས་པ་གསང་བ་རྒྱ་རུ། ལྕགས་མཁྱུད་གང་པ་གྱིམ་ཤང་འཕྲུལ་གྱི་རྒྱལ་པོ། བྱི་བ་ལོ་པ། ཟངས་མཁྱུད་གང་པ། གསེར་གྱི་བྱི་བ། ཤ་ཕོ་རྭ་བཅུ། རྒྱ་རུ་སྟོད་སྔོན་སྨད་དམར། རྐུན་མའི་ལག་པ། རྒྱའི་པགས་པ་རྣམས་ལ་བརྟེན་ནས་ནོར་སྒྲུབ་པ། ཕྱི་གྲི་རྒོད་ཀྱི་ལག་པ། ནང་གསེར་གྱི་བྱི་བ་གསང་བ་རྒྱ་རུ། ཡང་གསང་
བསེའི་གའུ་ལ་བརྟེན་ནས་ནོར་སྒྲུབ་པ། སྐུ་འཁར་བ། གསུང་གཏོར་མ། ཐུགས་ཙིཏྟ། ཡོན་ཏན་རིན་ཅེན། འཕྲིན་ལས་ཕུར་པ་ལ་བརྟེན་ནས་ནོར་སྒྲུབ་པ། རྣམ་སྲས་སྲེ་ཐོད་མ་ཞར་བྱུང་སྤོགས་ཆོག་དང་བཅས་པ། རི་དྭགས་རྒྱའི་པགས་པ། རྐུན་མ་བྱི་བ་འདྲ་བའི་ལག་པ། རྒྱ་ལྕགས་ལ་བརྟེན་ནས་སྒྲུབ་པ། གཞན་གྱི་ནོར་འགུགས་པའི་མན་ངག་རྣམས་ལྷ་ས་ནས་ཟངས་དཀར་ལོ་ཙཱ་བས་སྤྱན་དྲངས་པ། མ་ཧཱ་རཱ་ཛའི་ཕྱག་མཚན་གཉིས་ཀྱི་འཕྲིན་ལས་སྒྲུབ་པའི་དང་པོ་རྒྱལ་མཚན་ལ་༼དབང༽བརྟེན་ནས་རྒྱལ་པོའི་འཁོར་གྱི་མ་རུངས་པ་རྣམས་ཀྱི་བར་གཅོད་དང་འཁུ་ལྡོག་སེལ་བ། སྙིགས་དུས་སྐྱེ་བོ་དབུལ་ཞིང་ཕོངས་པའི་དོན་དུ་ནེའུ་ལེ་ལ་བརྟེན་ནས་༼དབང༽ནོར་ཚུལ་བཞིན་དུ་སྒྲུབ་པ་གཉིས་ཁ་ཆེ་པཎ་ཆེན་གྱི་མན་ངག །རྒྱལ་པོའི་རྗེས་སུ་འབྲང་བའི་གཏོར་མའི་མན་ངག །འཇམ་དབྱངས་མཁྱེན་བརྩེའི་གསན་ཡིག་ན་འདི་ལྟར་སྣང་བ་དཔེ་ཟུར་པ་མ་རྙེད་གོང་གི་མཇུག་ན་གནོད་སྦྱིན་ཀུ་བེ་རའི་ལས་མཁན་སྤྲེའུ་སྡིག་ཞོན་ལ་གཏོར་མ་འབུལ་བ་ཞིག་འདུག་པ་ཡིན་ནམ་སྙམ་པ་དཔྱད། སྒྲུབ་པའི་ཆ་རྐྱེན་བསོད་ནམས་བསྐྱེད་པའི་ཐབས་ཇོ་བོ་རྗེས་ཟངས་དཀར་ལོ་ཙཱ་བར་གནང་བ་ཐེ་ཚོམ་མེད་དོའི་མཐའ་ཅན། འགོར་ལོ་རྒྱུས་དང་བཅས་པའི་ཤེས་པ་དཀར་པོའི་སྲོག་འཁོར་མནན་ཐབས་བར་གཅོད་མེད་པར་མྱུར་དུ་འགྲུབ་བོའི་མཐའ་ཅན། གནོད་སྦྱིན་སེང་གདོང་ཅན་མནན་ཐབས་སྲོག་དང་འདྲ་བས་ཤིན་ཏུ་ཟབ་ཀྱི་མཐའ་ཅན། འགོར་རྒྱབ་འདྲེ་བ་དཀར་བའི་ཐབས་བསྟན་པ་ཞེས་ཡོད་པའི་གནོད་སྦྱིན་ཤེས་པ་དཀར་པོ་གནོན་ཐབས་གལ་ཆེ་གསུང་ངོའི་མཐའ་ཅན། རྗེ་མཁྱེན་བརྩེའི་གསན་ཡིག་ན་དམ་སྲི་ཁ་ཆིངས་
དང་བྲེལ་ཕོངས་མནན་པ་གཉིས་འདུག་སྔར་སོང་ཟིན་པ་དེ་ལས་ཟུར་མ་རྙེད་པས་ལུང་མ་ཐོབ། གསང་རྟེན་བཅའ་ཞིང་དཀྱིལ་འཁོར་འདྲི་བ། རྫས་གསག་པ། ལྷ་བསྒོམ་སྔགས་བཟླ། དངོས་གྲུབ་བླངས་པ། གནད་ལ་བོར་བ་སྟེ་དོན་ལྔའི་སྒོ་ནས་བསྟན་པའི་གསང་སྒྲུབ་ལྗང་གུ་བེ་ཅོན་མའི་ཡི་གེ་ཟངས་དཀར་ལོ་ཙཱ་བས་མཛད་པ་མགུལ་ཁུག་སྲོ་ཚུད་མ། འདི་རྣམ་སྲས་རང་གིས་ཚུར་གསུངས་པའི་གདམས་པ་ཐུགས་ཟིན་སྙིང་གི་བུ་ལའང་གསེར་སྲང་ཕྱེད་ཀྱི་འབུལ་བ་མེད་པར་མི་སྦྱིན་པ། རྣམ་སྲས་ལྗང་ནག་སྤུ་གྲི་དང་ཙིཏྟ་འཛིན་པ་སེང་གེ་ལ་ཆིབས་པ་རྒྱལ་པོ་འདིའི་ལས་མཁན་དམར་པོ་ཞུབ་ཅན་བསེ་མདུང་དང་སྤུ་གྲི་འཛིན་པ་བྱ་ཁྲ་ལ་ཆིབས་པ་ཞིག་སྣང་ངོ་། །ཆེན་པོ་ནང་ལུགས་སུ་སྒྲུབ་པ་ཞེས་བྱ་བ་ཟངས་དཀར་གྱི་ཐུགས་དམ་མ། རྗེ་མཁྱེན་བརྩེའི་གསན་ཡིག་ན་དེའི་ཡིག་ཆུང་ཟངས་དཀར་ལུགས། བསྟོད་པ་འཇིག་རྟེན་དབང་ཕྱུག་མ། དངོས་གྲུབ་གྱི་རྫས་ཉི་ཤུ་རྩ་བདུན་འབུལ་བ་ཚིགས་བཅད་མ་ཁྲོ་ལོས་མཛད་པ། བྲམ་ཟེ་ནག་པོས་མཛད་པའི་བསྟོད་པ་ཐུགས་རྗེའི་བ་འཇོ་མ་བཞི་དཔེ་མ་འབྱོར་བས་ལུང་མ་བྱུང་། འགོར་སངས་རྒྱས་སྟོང་གི་གསང་བའི་མཛོད་ཅེས་ཡོད་པའི་གོས་སྔོན་ཅན་གྱི་སྒྲུབ་ཐབས་རྗེས་གནང་དང་བཅས་པ་ཀུན་མཁྱེན་བུའི་གསུང་རྒྱུན། དེས་བློ་གྲོས་སེང་གེའི་དོན་དུ་མཛད་༼དབང༽པའི་སྒྲུབ་ཐབས་དགོས་འདོད་འབྱུང་བ། དེས་མཛད་པའི་རྒྱལ་པོ་ཆེན་པོ་རྣམ་ཐོས་སྲས་ཀྱི་བསྟོད་པ་རྒྱལ་པོ་ཐུགས་མཉེས་པར་བྱེད་པ་ཞེས་བྱ་བ། དགོས་འདོད་འབྱུང་བའི་ཞལ་ཤེས་བཤེས་གཉེན་༼དབང༽འབྲོམ་སྟོན་བཀྲ་ཤིས་སེང་གེའི་ངོར་ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ་གྱིས་མཛད་པ། དགོས་འདོད་འབྱུང་བའི་སྲོག་འཁོར་གྱི་ཞལ་ཤེས་ཚར་ལུགས་ཀྱི་ཁྱད་ཆོས་འཇམ་
དབྱངས་མཁྱེན་བརྩེའི་ཕྱག་བྲིས་ལས་བཤུས་པ། འདི་ལ་ཕྱག་ལེན་དམར་ཁྲིད་ཀྱི་བརྒྱུད་པ་ལས་ལུང་རྒྱུན་མེད་དོ། །ཐུགས་སྲས་ལོ་ཙཱ་བས་མཛད་པའི་ཞི་བ་བདེ་བྱེད་སེར་པོའི་བསྟོད་པ་༼དབང༽ཡི་གེ་མ་མོ་ལ་སྤེལ་བ་རྣམ་དག་ཆོས་དབྱིངས་མ། དེས་མཛད་པའི་དྲག་བྱེད་ནག་པོ་ལ་བསྟོད་པ་༼དབང༽ཡི་གེ་མ་མོ་ལ་སྤེལ་བ་གང་ཐུགས་གཉིས་མེད་མ། སྤོས་ཁང་པ་རིན་ཅེན་རྒྱལ་མཚན་གྱིས་མཛད་པའི་ཆོས་༼ར༽སྐྱོང་རྣམ་ཐོས་སྲས་ཀྱི་སྔོན་བྱུང་ལོ་རྒྱུས། དེས་མཛད་པའི་གཏོར་མའི་ཆོ་ག་ཆེན་༼ར༽མོ། འགོར་སྐད་ཤན་སྦྱར་དང་གཤམ་དུ་མཚན་མ་སྨོས་པར་རྒྱལ་པོ་ཆེན་པོའི་གཏོར་ཆེན་འདིས། བདག་གིས་ལེགས་པར་སྦྱར་བ་ཡི། །དགེ་བས་སེམས་ཅན་ཐམས་ཅད་ལ། །འབྱོར་པ་ཕུན་སུམ་ཚོགས་པར་ཤོག་ཅེས་ཡོད་པ། རྗེ་མཁྱེན་བརྩེའི་གསན་ཡིག་ཏུ་འདི་གཉིས་ཀྱི་བར་ན་ཕྱག་རྡོར་གསང་བའི་མཚན་བརྒྱད་ཀྱི་བསྟོད་པ་ཞེས་པ་འདུག་པ་དཔེ་མ་འབྱོར་བས་མ་ཐོབ། དེས་མཛད་པའི་མན་ངག་གི་སྐོར་ལ་གསང་༼ར༽རྟེན་གའུ་ལ་བརྟེན་ནས་ཆོས་སྐྱོང་ཁྱི་ལྟར་འཁྲིད་པའི་མན་ངག །ཁང་བཟང་དང་སྐུ་ལ་བརྟེན་ནས་༼ར༽ཞི་བ་ནོར་དུ་སྒྲུབ་པ། སྲོག་གི་༼ར༽འཁོར་ལོའི་བྲི་ཡིག །ཕྱག་མཚན་ནེའུ་ལེའི་ལས་སྦྱོར་༼ར༽ཐུན་མོང་མ་ཡིན་པ། བཙུན་མོ་མེ་ཏོག་གཙུག་ཕུད་༼ར༽ཀྱི་ལས་སྦྱོར། སྐྱེས་དར་མའི་རུས་པ། བུད་མེད་ཀྱི་ཕང་ལོ། སྐྱེར་ཕུར། ཁམ་ཕོར་རྣམས་ལ་༼ར༽བརྟེན་ནས་དབང་དུ་བསྡུ་བ། ལྟས་ངན་སྣ་ཚོགས་༼ར༽གཏོང་བ། གདན་སེང་གེའི་ལས་༼ར༽ཚོགས་ཟབ་མོ། ཆོས་སྐྱོང་གི་ཕྱིར་༼ར༽འབྲང་ཤེས་པ་དཀར་པོ་བཀར་བ་རྣམས། དེས་མཛད་པའི་རང་ངམ་འཁོར་ལ་མི་༼ར༽མ་ཡིན་གྱི་གནོད་
པ་སྲུང་བའི་མན་ངག །འབྲོམ་སྡེ་ཉི་མའི་ལུགས་ཀྱི་རྣམ་སྲས་སྐོར་གྱི་ནོར་སྒྲུབ་ལ། རྒྱལ་པོ་ཆེན་པོ་སེར་ཆེན་ལྷ་དགུའི་སྒྲུབ་ཐབས་རྒྱས་པ། འབྲིང་། བསྡུས་པ། ཤིན་ཏུ་བསྡུས་པ་རྣམས་གཅིག་ཏུ་བསྡོམས་པ་གནོད་སྦྱིན་༼འབྲོམ༽ནོར་གནས་ཀྱི་སྒྲུབ་ཐབས་རིན་པོ་ཆེའི་ཁྲིམས་ཞེས་བྱ་བ། རྫའི་གའུ་ལ་བརྟེན་ནས་རྣམ་སྲས་ཆིག་སྒྲུབ་མན་༼འབྲོམ༽ངག་ནོར་གནས་ཀྱི་སྒྲུབ་པར་གྲགས་པ། རྫའི་གའུ་ལ་བརྟེན་ནས་རྒྱལ་པོ་ཆེན་༼འབྲོམ༽པོ་རྣམ་སྲས་གསེར་ཆེན་གནོད་སྦྱིན་བརྒྱད་ཀྱིས་བསྐོར་བའི་སྒྲུབ་ཐབས། གཡོན་ནེའུ་ལེའི་རྐྱལ་བ་དང་མཆན་ཁུང་ན་བེ་ཅོན་བསྣམས་པ་ཞིག་འདུག །ལག་པ་ལ་བརྟེན་ནས་སྒྲུབ་པ་༼འབྲོམ༽ལག་སྒྲུབ་སྲིན་པོའི་ནོར་ལེན། རྐྱལ་པ་ལ་བརྟེན་ནས་སྒྲུབ་༼འབྲོམ༽པ་ནེའུ་ལེ་རྫས་ཀྱི་ནོར་བུ། སྙིང་ལ་བརྟེན་ནས་བསྒྲུབ་པ་སྙིང་སྒྲུབ་༼འབྲོམ༽རིག་པའི་ནོར་ལེན་རྣམས། སྲིའུ་གསོ་བའི་སྐོར་ལ། དང་པོ་མ་ཆགས་པར་བྱེད་༼འབྲོམ༽པའི་སྲིད་པ་སྐྱེས་གནས་ཀྱི་སྲོག་ཤིང་། ལྟེ་བ་བུར་བསྒྱུར་ཅིང་དགོས་པ་༼འབྲོམ༽སྲིད་བསྒྱུར་གྱི་མན་ངག །མོ་འདྲེ་འདུལ་བ་བསེན་མོ་༼འབྲོམ༽འདྲེ་འདུལ་གྱི་གདམས་པ་ལོག་འདྲེན་འདུལ་བ་རྒྱལ་འགོང་༼འབྲོམ༽འདུལ་བྱེད་ཀྱི་གདམས་པ་རྣམས། དབང་དུ་བསྡུ་བ་ལ། ཕོ་མོ་གཉིས་ཀ་དབང་དུ་༼འབྲོམ༽བྱ་བ་ནོར་སྒྲུབ་གསང་བའི་མན་ངག །ཕོ་ཆིངས་དང་གསན་ཡིག་ལ་འདི་ལྟར་སྣང་ཡང་མན་ངག་ལ་ཕོ་དབང་དུ་བྱ་བ་ཟུར་དུ་མི་འདུག །རིགས་མོ་རིགས་སོ་སོར་དབང་༼འབྲོམ༽དུ་བྱ་བ། སྐྱེས་པ་དང་འབྲལ་༼འབྲོམ༽མི་ཕོད་པར་བྱེད་པ། མོ་གཤམ་ལ་བུ་སྐྱེ་བ། བུ་༼འབྲོམ༽དང་ཤ་མ་འབྱིན་པ་རྣམས། ཞི་བྱེད་ཀྱི་སྐོར་ལ། མ་བཞུ་བ། འགོ་ནད། མིག་ནད། རྒྱུ་ནད། ལྷོག་པའི་ནད་༼འབྲོམ༽རྣམས་ཞི་འདི་གསུམ་གསན་ཡིག་ན་ཟུར་དུ་མི་གསལ་ཡང་མན་ངག་གི་དཀྱུས་སུ་སྣང་
བར་བྱེད་པ། ཡན་ལག་བཅུ་དྲུག་པ། ཡན་ལག་དྲུག་པ། ཡན་ལག་བཞི་པ། ཡན་ལག་བརྒྱད་པ། ཡན་ལག་སུམ་ཅུ་རྩ་བཞི་པ་རྣམས་ཀྱི་དུད་པ་ལ་༼འབྲོམ༽བརྟེན་ནས་བགེགས་ཐམས་ཅད་བསྲུང་ཞིང་བགེགས་ལས་རྒྱལ་བར་བྱེད་པ་རྣམས། དྲག་པོ་མཐུའི་སྐོར་ལ། ཆོས་སྡེ་གཅིག་ལ་དོན་རྣམ་པ་ལྔར་༼འབྲོམ༽བསྟན་པའི་ཁྱི་དཀར་ཐོད་པ་ལ་བརྟེན་པའི་སྲོག་མཐུ་གནོད་སྦྱིན་ལག་རིང་། བྱ་ཕ་ཝཾ་མགོ་ལ་བརྟེན་༼འབྲོམ༽པའི་ལྟས་ངན་ཕོ་ཉ་བྱ་མགོ །ཤ་གཡག་གཙོད་ཀྱི་རྭ་ལ་བརྟེན་པའི་༼འབྲོམ༽ཟློག་པ་ལྷ་འདྲེའི་ཁ་ཆིངས། མཛོའི་རྭ་ཅོ་དང་མཛོའི་ལག་པ་སོགས་ལ་བརྟེན་༼འབྲོམ༽པའི་ཁང་སེལ་རྭ་བཞི་ལག་བཞི། ཕག་ཐོད་ལ་བརྟེན་༼འབྲོམ༽པའི་གཏད་འཕུང་བྱེད་ཀྱི་སྐོར་དང་བཅས་པ། དེ་དག་སྤྱི་ལ་འཇུག་པའི་ལས་བྱང་དོན་བརྒྱད་མ་རྣམས་སློབ་དཔོན་སངས་རྒྱས་གསང་༼འབྲོམ༽བས་མཛད་པ། ཡིད་ཆེས་པ་བརྒྱུད་པའི་ལོ་རྒྱུས་མན་༼འབྲོམ༽ངག་གི་ཆིངས་དང་བཅས་པ། འདི་སྐོར་གྱི་མན་ངག་མང་པོར་བུདྡྷ་གུཔྟས་མཛད་ཟེར་བ་འདུག་པ་སངས་རྒྱས་གསང་བའི་མཚན་གྱི་རྣམ་གྲངས་ལས་སློབ་དཔོན་གཞན་དུ་ཡིད་འཁྲུལ་བར་མི་བྱའོ། །གསང་སྒྲུབ་ཀྱི་མན་ངག་གོང་ཁུག་སྲོ་མ་ཅན་དུ་གཏོགས་པ་གནོད་སྦྱིན་རྒྱལ་པོ་རྣམ་ཐོས་སྲས་ཀྱི་གསང་༼བེ༽སྒྲུབ་དོན་དྲུག་གིས་བསྟན་པ་ལེའུ་གསུམ་པ་ཞར་བྱུང་རྒྱལ་པོའི་མན་ངག་དང་བཅས་པ་ཐུགས་སྒྲུབ་གསང་བ་མ་ནོར་བ་རྫོགས་སོའི་མཐའ་ཅན། རྣམ་ཐོས་སྲས་སྲོག་གི་སྒྲུབ་པ་ཞེས་པ་དཀྱིལ་འཁོར་༼བེ༽དང་རྫས་བཤམ་པ་སྒྲུབ་པ་དངོས་དང་བཅས་པ་རིན་ཅེན་གསེར་འདྲའི་ནོར་སྒྲུབ་ཏུ་གྲགས་པ་ཟངས་དཀར་ལོ་ཙཱ་བའི་གསེར་ཆོས་
བསླབ་ན་ལན་ཚྭ་ཆུ་ཤོར་འདྲའི་མཐའ་ཅན། གསང་སྒྲུབ་ཀྱི་ལག་ལེན་བུམ་༼བེ༽པ་ལོངས་སྤྱོད་ཀྱིས་གང་བའི་སྟེང་དུ་ལྷ་སྒོམ་པའི་མཐའ་ཅན། རྗེ་མཁྱེན་བརྩེའི་གསན་ཡིག་ན་མགུལ་ཁུག་སྲོ་མ་ཅན་ཞེས་པ་ལས་ཆོས་ཚན་གྱི་མིང་དང་གསལ་ཁ་མི་འདུག་ཀྱང་གསུམ་པོ་འདི་གོང་ཁུག་མ་ཡིན་ངེས་དང་གཞན་མ་མ་རྙེད་ཅིང་ཁ་ཆེ་དགོན་པ་བའི་བེ་བུམ་བསེ་ཁབ་མ་ཟེར་བ་དཔེ་མ་འབྱོར་པས་ལུང་མ་ཐོབ། བཻ་ཤྲ་མ་ཎ་ཁ་རག་ཁྲམ་ཐོགས་ནག་པོའི་རྒྱུད་ལེའུ་༼ཀླུ༽སུམ་ཅུ་སོ་ལྔ་པ་འཕུང་བྱེད་ཤནྟིཾ་གརྦྷ་དང་བོད་ཀྱི་ལོ་ཙཱ་བ་གནུབས་སངས་རྒྱས་རིན་པོ་ཆེས་བསྒྱུར་བ། རྒྱལ་པོ་ལུས་ངན་པོ་སྲོག་གི་གཤེད་མ་འདི་ལ་སྤྱི་དོན་དྲུག་གིས་བསྟེན་པ་༼ཀླུ༽སློབ་དཔོན་ཀླུ་སྒྲུབ་ཀྱིས་མཛད་པ་བདུད་མོ་བཞི་སྐོར་གྱི་གདམས་པ། མགོན་པོ་གར་མཁན་མཆོག་དམར་སྨུག་ཞལ་གསུམ་ཕྱག་བཅོ་བརྒྱད་པའི་སྒྲུབ་༼ཁ༽ཐབས་སློབ་དཔོན་ཆེན་པོ་ཁ་ཆེན་རིན་ཅེན་རྡོ་རྗེས་མཛད་པ་ཟངས་དཀར་གྱི་འགྱུར། རྗེ་མཁྱེན་བརྩེའི་གསན་ཡིག་ན་བར་འདིར་འགྲེལ་པ་འདུག་པ་དཔེ་མ་བྱུང་བས་ལུང་མ་ཐོབ། དེའི་ངག་འདོན་འགོར་སྐད་ཤན་སྦྱར་གྱི་གནོད་སྦྱིན་གྱི་རྒྱལ་པོ་ཆེན་པོའི་སྒྲུབ་༼ཁ༽ཐབས་ཞེས་པ་ཡོད་པའི་རིན་ཅེན་ཆར་པ་རྒྱུན་ཆད་མེད་འབབ་ཤོག་གི་མཐའ་ཅན། སྤྱན་འདྲེན་དད་པ་དམ་ཚིག་༼ཁ༽མ། སྒྲུབ་ཐབས་དང་མཐུན་པར་རྟགས་༼ཁ༽ཀྱི་བསྟོད་པ། སྒྲུབ་ཐབས་དང་མཐུན་པའི་བསྐུལ་སྔོན་གྱི་བསྐལ་པ་མ་དང་བཅས་པ། རྣམ་སྲས་དཀར་པོ་ལྷ་དགུའི་སྒྲུབ་ཐབས་རྗེས་གནང་གི་ཆོ་ག་༼ཤཱ༽དང་བཅས་པ་པཎ་ཆེན་ཤཱཀྱ་མཆོག་ལྡན་གྱིས་མཛད་པ། ཨོ་རྒྱན་ཆེན་པོས་ལྷ་སྲས་དང་ཞང་གཉིས་ལ་གནང་བའི་རྣམ་སྲས་སྤྲིན་གསེབ་མར་གྲགས་པའི་སྐོར་ལ། ལོ་རྒྱུས་འདན་མ་རྩེ་མང་༼ལྗང༽གིས་ཡི་གེར་
བཏབ་པ་རྫོགས་སོའི་མཐའ་ཅན། རྗེས་གནང་གི་ཆོ་ག་དམ་ཚིག་རྣམས་སྲུང་བ་༼ལྗང༽ལ་བརྩོན་པར་གྱིས་ཤིག་གི་མཐའ་ཅན། ཀློང་ཡངས་རིན་ཅེན་གཏེར་གྱི་རྒྱུད་ལས་བསྟན་པའི་སྒྲུབ་༼ལྗང༽ཐབས་ལས་ཀྱི་དངོས་གྲུབ་སྩལ་ཏུ་གསོལ་གྱི་མཐའ་ཅན། རྡོ་རྗེ་སྲིད་རྒྱལ་གྱི་སྒོ་ནས་༼ལྗང༽ཉམས་གྲིབ་ནད་དང་བར་ཆད་ཐམས་ཅད་སེལ་བའི་ཆོ་ག །འཇོམས་བྱེད་ཁྱི་མགོ་ཅན་གྱི་སྒོ་ནས་སྲིད་༼ལྗང༽པ་གསུམ་གྱི་མཚོན་ཁ་འཆིང་བའི་མཚོན་སྲུང་། ཀླུ་མོ་པདྨ་འཛིན་གྱི་༼ལྗང༽སྒོ་ནས་ནོར་སྒྲུབ་པ། ཀུན་ཏུ་རྒྱུ་ནོར་༼ལྗང༽འཛིན་གྱི་སྒོ་ནས་ཟས་ནོར་ལོངས་སྤྱོད་སྒྲུབ་པ། རྡོ་རྗེ་དྲག་པོ་རྩལ་༼ལྗང༽གྱི་སྒོ་ནས་དགྲ་གསད་པ། མཆེ་ཆུག་དྲེད་མགོ་ཅན་གྱི་སྒོ་༼ལྗང༽ནས་མནན་པ་བྱ་བ། འཕྲོག་བྱེད་སྤྲེལ་མགོ་ཅན་༼ལྗང༽གྱི་སྒོ་ནས་དབྱེ་བ། གར་དབང་ཁྱུང་མགོ་ཅན་༼ལྗང༽གྱི་སྒོ་ནས་གནོད་སྦྱིན་འདུལ་བ། ཐེག་ཆེན་སྤང་དྲེད་༼ལྗང༽མགོའི་སྒོ་ནས་སེར་བ་དབབ་པ། དཔའ་བོ་རྒྱལ་འུག་པའི་༼ལྗང༽མགོ་ཅན་གྱི་སྒོ་ནས་བསྐྲད་པ། དེ་དག་གི་དམ་ཚིག་བསྟན་༼ལྗང༽པ་དང་བཅས་པ། འདིའི་མཇུག་ན་རྣམ་སྲས་སྤྲིན་གསེབ་མ་གཏེར་མ་རྫོགས་སོ་ཟེར་བ་འདུག་ཀྱང་དེང་སང་འདི་རྙིང་མ་བཀའ་མར་ངོས་འཛིན་མཛད་པ་ཡིན། མདུང་དམར་ཅན་ཕྱག་མཚན་བཞི་པའི་སྐོར་ལ་གནོད་སྦྱིན་༼བཞི༽དབྱུག་ཏོ་ཅན་གྱི་རྒྱུད་ལེའུ་བདུན་པ། འདི་ལ་སློབ་དཔོན་པདྨའི་རྒྱ་དཔེ་ལས་གཉཊ་ཛྙཱ་ན་ཀུ་མཱ་རས་བསྒྱུར་བ། ལི་ཡུལ་དུ་སློབ་དཔོན་བི་མ་ལ་མི་ཏྲ་དང་ལོ་ཙཱ་བ་བཻ་རོ་ཙ་ནས་བསྒྱུར་བ་དང་། རྒྱ་ནག་ཚེ་སྤོང་ཀླུ་བཟང་དང་རྒྱལ་མོ་གཡུ་སྒྲས་བསྒྱུར་བ་སོགས་འགྱུར་མང་། དེའི་ལེའུ་མཐའ་མའི་ཚེ་
སྒྲུབ་༼བཞི༽ཀྱི་གསལ་བྱེད་སློབ་དཔོན་བི་མཱ་ལ་མི་ཏྲས་མཛད་པ། འདི་གཉིས་ཁྲོ་ཕུ་ལོ་ཙཱ་བས་བྱ་རྒོད་གཤོངས་ནས་གཏེར་ནས་སྤྱན་དྲངས་པ་ཡིན། རྒྱལ་པོ་ཆེན་པོ་རྣམ་ཐོས་སྲས་དམར་པོའི་སྒྲུབ་ཐབས་དགོས་འདོད་ཀུན་འབྱུང་༼བཞི༽མཐར་ཐུག་མཛད་མེད་མཛོད་ལ་སྤྱོད་པར་ཤོག་གི་མཐའ་ཅན། གསང་ཡུམ་མ་ཏྲག་བཞིའི་ཞལ་གདམས་ལ་ནང་གསེས་ཀྱི་འགོར་དོན་གྲུབ་༼བཞི༽ཐུགས་སྲས་རྒྱལ་པོ་རྣམ་ཐོས་སྲས་ཞེས་ཡོད་པའི་ཡི་གེ །རྣམ་སྲས་སྲོག་ལེན་གྱི་ཡིག་སྣ་ལས་སྦྱོར་དམར་པོའི་ཞལ་༼བཞི༽གདམས་སུ་གྲགས་པ། ཡང་རྣམ་ཐོས་སྲས་དམར་པོ་སྲོག་ལེན་གྱི་ཡིག་སྣ་༼བཞི༽སྙིང་ལ་སྤོས་ཤིག་གི་མཐའ་ཅན། གསང་ཡུམ་བཞིའི་ཞལ་༼བཞི༽གདམས་སྙིང་གར་ཟངས་ཀྱི་རྩིབས་བཞི་ཞེས་ཡོད་པ། མཁྱེན་བརྩེའི་གསན་ཡིག་ན་གསང་ཡུམ་གྱི་ཞལ་གདམས་ཞེས་པ་ལས་སོ་སོའི་གསལ་ཁ་མི་འདུག །མདུང་དམར་ཅན་གྱི་སྒྲུབ་ཐབས་༼བཞི༽མཁན་ཆེན་ཆོས་འཕགས་བཟང་པོས་རོལ་འབུམ་གྱི་གཙུག་ལག་ཁང་དུ་སྦྱར་བ། འགོར་རྣམ་ཐོས་སྲས་དམར་པོ་སྣང་བ་མཐའ་ཡས་༼བཞི༽གསུང་གི་སྤྲུལ་པ་ཞེས་ཡོད་པའི་ཚེ་སྒྲུབ། རྣམ་ཐོས་སྲས་སྲོག་རྩ་ཡིད་བཞིན་ནོར་བུའི་༼བཞི༽སྒྲུབ་ཐབས་ཡིག་ཆུང་། གནད་ལ་དབབ་པ་འགོར་མ་ཏྲག་བཞིའི་ཡིག་སྣ་ལས་ཞེས་ཡོད་པའི་༼བཞི༽ཞལ་ཤེས་བསྟོད་ཅིང་གསོལ་བ་གདབས་པོའི་མཐའ་ཅན། མཁྱེན་བརྩེའི་གསན་ཡིག་ཏུ་འདི་གཉིས་ཀྱི་བར་ན་སྔགས་ཀྱི་ཐེམས་ཡིག་འདུག་པ་དཔེ་མ་འབྱོར་པས་མ་ཐོབ། བསྒྲུབ་བྱའི་རྩ་གསུམ་འདུས་༼བཞི༽པ་ཞེས་ཡོད་པའི་གནད་ཡིག་གསང་བ། འགོར་རྣམ་སྲས་དམར་པོའི་སྲོག་སྒྲུབ་ཅེས་ཡོད་པའི་རྟེན་༼བཞི༽གཏོར་རི་རབ་མ་བཅའ་བའི་ཞལ་
གདམས་དངོས་གྲུབ་བླང་བ་དང་བཅས་པ། བར་འདིར་གསན་ཡིག་ན་ཟས་ནོར་སྒྲུབ་པ་ཞིག་འདུག་པ་དཔེ་མ་རྙེད་པས་ལུང་མ་བྱུང་། སྒབ་འདྲེ་ཤེས་པ་དཀར་པོ་བསེ་བྱང་༼བཞི༽ལ་བརྟེན་ནས་གནོན་ཐབས། གསན་ཡིག་ན་སྟག་མདའི་སྒྲུབ་ཐབས་དང་ནོར་རྟེན་འཛུགས་པ་འདུག་པ་དཔེ་མ་འབྱོར་བས་མ་ཐོབ། མ་འགྲུབ་ན་ཧ་ཡ་གྲཱི་ཝའི་སྒོ་ནས་༼བཞི༽དབང་དུ་བསྡུས་ཏེ་གནད་ལ་དབབ་པ། མ་འཆུན་ན་འཇུན་༼བཞི༽པའི་མན་ངག །གུད་ན་གསོ་༼བཞི༽བར་བྱེད་པ། གསན་ཡིག་ན་འདི་གསུམ་སོ་སོར་མི་གསལ་འདུག་ཀྱང་དོན་དུ་སྡེ་ཚན་གཅིག །འགོར་རྣམ་ཐོས་སྲས་སྙིང་གི་ཟེའུ་འབྲུ་ཞེས་ཡོད་པའི་བསྙེན་པ་༼བཞི༽དང་ལས་སྦྱོར་གྱི་ཞལ་གདམས་ནམ་གྲགས་པས་མཛད་པ། དཔེར་ན་ར་བས་མཛད་ཟེར་བ་ཡིག་ནོར་བྱུང་བ་འདྲ། མཁན་ཆེན་བསླབ་གསུམ་རྒྱལ་མཚན་གྱིས་མཛད་༼བོ༽པའི་གཏོར་ཆོག་དགོས་འདོད་བྱུང་བ། དེས་མཛད་༼བོ༽པའི་རྗེས་གནང་གི་ཡི་གེ །རྒྱལ་ཆེན་མདུང་དམར་ཅན་གྱི་ལས་ཚོགས་འཁོར་ལོའི་བྲི་ཡིག་ལ། གྲི་སྙིང་༼བཞི༽འཁོར་ལོ། སྣང་བ་དབང་སྡུད་ཀྱི་༼བཞི༽ཙཀྲ་མུ་ཁྱུད་དྲུག་པ། གཏོར་མ་རིན་ཅེན་སྤུངས་༼བཞི༽པའི་འཁོར་ལོ། བླ་རྡོའི་༼བཞི༽འཁོར་ལོ། གའུའི་༼བཞི༽འཁོར་ལོ། བསེ་རག་འགོང་པོ་༼བཞི༽མནན་འཁོར། བསེ་རག་གི་ལྟས་དང་༼བཞི༽གནོན་ཐབས། སྔར་སོང་བ་དེ་དང་འདྲ་མིན་ཞིག་སྣང་ཡང་ཆོས་སྡེ་འདི་ཁའི་དཀྱུས་སུ་འདུག །ཁ་༼བཞི༽ཆིངས། བསེ་རག་ཁ་ཆིངས་༼བཞི༽ཀྱི་མན་ངག་ལྷན་ཐབས། སྲོག་འཁོར་དང་དབང་སྡུད་༼བཞི༽འཁོར་ལོ་འདྲི་ཚུལ་བསྡུས་པ། སྣང་བ་དབང་སྡུད་༼བཞི༽ཀྱི་ཙཀྲ་མུ་ཁྱུད་ལྔ་པ་དང་བཅས་པ། མདུང་དམར་ཅན་གྱི་སྒྲུབ་ཡིག ། ༼བཞི༽ནག་པོ་འགྲོ་ཤེས་འཕགས་དབོན་གཞུང་ལུགས་རབ་འབྱམས་
པས་མཛད་པ་རྣམས་ཡོན་ཏན་རིན་ཅེན་འབྱུང་བའི་རྒྱུད་༼གནུབས༽ལེའུ་བཅུ་གཉིས་པ་རྒྱ་གར་གྱི་མཁན་པོ་ཀུན་སྐྱོང་གིས་གནུབས་སངས་རྒྱས་ཡེ་ཤེས་ལ་གཏད་པ། རྒྱུད་དེ་ལ་བརྟེན་ནས་ཕྱི་དཀར་༼གནུབས༽པོ་གིང་དུ་སྒྲུབ་པ། ནང་ནག་པོ་བདུད་༼གནུབས༽དུ་སྒྲུབ་པ། གསང་བ་ཡིད་བཞིན་ནོར་བུར་སྒྲུབ་༼གནུབས༽པ་རྣམས་མཁན་པོ་ཀུན་སྐྱོང་གིས་མཛད་པ། དེས་མཛད་པའི་སྒྲུབ་༼གནུབས༽ཐབས་གསུམ་གྱི་རྟགས་ཡིག །དེས་མཛད་པའི་ལས་བྱང་༼གནུབས༽རི་རྒྱལ་ལྷུན་པོ་མ་རྫོགས་སོའི་མཐའ་ཅན། རྣམ་ཐོས་སྲས་སེང་གེ་བུ་བདུན་དུ་གྲགས་པའི་སྐོར་ལ། འགོར་རྒྱལ་པོ་ཆེན་པོ་རྣམ་ཐོས་སྲས་ཀྱི་མན་ངག་འདི་ལ་དོན་རྣམ་པ་བདུན་ལས་ཞེས་ཡོད་པའི་དྲག་པོ་སྤྱི་སྒྲུབ་དྲག་སྔགས་ཀྱི་སྒྲུབ་རྒྱུད། སེང་གེ་བུ་བདུན་དྲེགས་པའི་སྤྱི་སྒྲུབ་ཀྱི་བསྐུལ་རི་རྒྱལ་ལྷུན་པོ་མ། རྣམ་སྲས་སེང་གེ་བུ་བདུན་གྱི་ལས་བྱང་གཅིག་ཏུ་དྲིལ་བ་སྒོས་བསྐུལ་ཤེས་པར་བྱའོའི་མཐའ་ཅན། དྲེགས་པ་ཡོངས་དྲིལ་གྱི་མན་ངག་དོན་རྣམ་པ་གསུམ་གྱིས་བསྟན་པ་རྫོགས་བྱང་གི་མཐའ་ཅན། ངན་སྔགས་དྲག་པོ་ཡོངས་དྲིལ་གྱི་ངན་སྔགས་ལ་བརྟེན་ནས་དགྲ་གསད་པ། དེའི་བསྐུལ་མི་མངོན་དབྱིངས་བཞུགས་མ་རྣམས་གནོད་སྦྱིན་ཤིང་རྟའི་རྒྱུད་ལ་བརྟེན་ནས་སློབ་དཔོན་སྤྱོད་མཛད་ཆོས་ཀྱི་རྡོ་རྗེས་མཛད་པ། འཁོར་གྱི་ལས་ཚོགས་ལ་ཡང་དག་ཤེས་ལ་བརྟེན་ནས་༼དབང༽མངོན་ཤེས་དང་དབང་ཕྱུག་སྒྲུབ་པ། གང་བ་བཟང་པོ་ལ་བརྟེན་ནས་༼དབང༽དམག་བཟློག་པ། ནོར་བུ་བཟང་པོ་ལ་བརྟེན་ནས་༼དབང༽ཟས་ནོར་སྒྲུབ་པ། ཀུ་བེ་ར་ལ་བརྟེན་ནས་༼དབང༽ཆོས་རྐུན་འཆིང་བ། ལྔ་རྩེན་ལ་བརྟེན་ནས་༼དབང༽ཚེ་
སྒྲུབ་པ། ཛམྦྷ་ལའི་ཛམ་བི་ར་ལ་བརྟེན་ནས་༼དབང༽སྐྱེ་བོ་དབང་དུ་བྱེད་པ། ནེའུ་ལེ་ལ་བརྟེན་ནས་༼དབང༽ཟས་ནོར་བསྒྲུབ་པ། བ་དན་ལ་བརྟེན་ནས་༼དབང༽དམག་དྲང་བ་དང་བཟློག་པ། འབྲོག་གནས་ལ་བརྟེན་ནས་༼དབང༽དགྲ་གསད་པ། འཇམ་པོ་འཁྱིལ་བ་ལ་བརྟེན་ནས་༼དབང༽སེར་བ་བསྲུང་བ་རྣམས་ཁྲོ་ཕུ་ལོ་ཙ་བའི་ཞལ་གྱི་གདམས་པ། ཀུ་བེ་རའི་བྱིན་རླབས་ལ་བརྟེན་ནས་རྟའི་གོད་ཁ་བསྲུང་བ། གནོད་སྦྱིན་སྟག་མདའ་གདོང་དང་དེའི་ཁོལ་མོ་ལྷ་མོ་ནོར་དཔལ་མ་མིང་སྲིང་གི་སྒྲུབ་ཐབས་པཎ་ཆེན་ཤཱཀྱ་ཤྲཱིས་མཛད་པ་བསོད་ནམས་ལ་རྐུ་བས་འདི་གལ་ཆེའོའི་མཐའ་ཅན། འགོར་གནོད་སྦྱིན་སྟག་མདའི་སྒྲུབ་ཐབས་ཞེས་ཡོད་པའི་སྔགས་དང་ཏིང་ངེ་འཛིན་ལ་བརྟེན་པའི་གདམས་པ། གནོད་སྦྱིན་སྟག་མདའ་གདོང་གི་སྒྲུབ་ཐབས་ཞེས་པ་བླ་རྡོ་དམིགས་པ་སྔགས་གསུམ་གྱི་སྒོ་ནས་བསྟན་པ་ཤཱཀྱ་ཤྲཱི་མ་མི་བསྐྱོད་རྡོ་རྗེས་ཞུས་པ། ཡང་དེ་དང་སྟོད་འདྲ་བ་ལ་སྨད་ཅུང་ཟད་ཉུང་བ་འགྲོ་བཟང་སྙིང་པོས་མཛད་པ་འི་མཐའ་ཅན། ཡང་དེ་དང་ཅུང་ཟད་འདྲ་མིན་རྒྱས་པ་འགྲོ་བཟང་སྙིང་པོས་མཛད་པ་རྫོགས་སོའི་མཐའ་ཅན། རྗེ་མཁྱེན་བརྩེའི་གསན་ཡིག་ན་སྟག་མདའི་སྒྲུབ་ཐབས་མི་འདྲ་བ་བཞི་ཟེར་བ་ལས་ཁ་མ་ཕྲལ་བ་འདུག །འགོར་དེ་བཞིན་གཤེགས་པ་རིན་ཅེན་མང་ལ་ཕྱག་འཚལ་ལོ་ཞེས་ཡོད་པའི་གནོད་སྦྱིན་ཀིང་ཀ་ར་ལ་བརྟེན་ནས་མི་ནོར་ཟས་གསུམ་བསྒྲུབ་པ་ཟང་ཟང་གཡུར་རྩེའི་གཏེར་མ་ཟངས་དཀར་གྱི་ཁྱད་ཆོས། བྱང་ཕྱོགས་རྒྱལ་པོའི་བཀའ་ཉན་ཨ་པ་ར་ཙིཏྟ་རིན་ཅེན་བཟང་པོའམ་ནོར་བུ་བཟང་པོ་དྲེད་ཞོན་གྱི་སྒྲུབ་ཐབས་ཨིནྡྲ་བྷཱུ་ཏིས་མཛད་པ་རྫོགས་
སོའི་མཐའ་ཅན། དེས་མཛད་པའི་སྒྲུབ་ཐབས་ཆུང་བ་ལག་ལེན་གྱི་རིམ་པ་རིན་ཅེན་བཟང་པོའི་ནང་དུ་སྒྲུབ་པ་ཡིན་གྱི་མཐའ་ཅན། འགོར་ཕྱག་ན་རྡོ་རྗེའི་སྐུ་ལ་འདུད་ཅེས་ཡོད་པའི་ནོར་བུ་བཟང་པོ་ཨ་པ་ར་དཀར་པོ་དྲེད་ཞོན་གྱི་སྒྲུབ་ཐབས་ཚིགས་བཅད་མ་གསང་སྒྲུབ་གནད་ཀྱི་ཞལ་གདམས་རྫོགས་སོའི་མཐའ་ཅན། ལས་ཚོགས་བཅུ་གསུམ་ཞེས་པ་རང་དོན་དུ་གཞན་ལས་རྒྱལ་བ། བསམ་པ་འགྲུབ་པ་སྟོབས་རྒྱས་པ། མནན་གཏད་བཅིངས་པ་དགྲོལ་བ། དབང་དུ་བྱ་བ། བཟླུམས་པ། གཞན་དོན་དུ་ཕམ་པ། འཕུང་བ། མནན་པ། བཅིངས་པ། བསྐྲད་པ། དབྱེ་བ། གསད་པ་རྣམས། ཨ་པ་ར་ཙིཏྟའི་དངོས་གྲུབ་སྒྲུབ་པ་ལ་བར་དུ་གཅོད་པའི་གནོད་སྦྱིན་ལག་སྤུན་མནན་པ། མཁྱེན་བརྩེའི་གསན་ཡིག་ན་འདིའི་རྗེས་སུ་འཁོར་ལོ་སོགས་ཀྱི་ཞལ་གདམས་ཨ་པ་ར་གསུམ་གྱི་དབྱེ་བ། སྒྲུབ་ཐབས་མཚལ་མིན་ངག་དབང་དགྱེས་པའི་རྡོ་རྗེས་མཛད་པ་གསུམ་འདུག་པ་དཔེ་མ་འབྱོར་བས་ལུང་མ་ཐོབ། ཆོ་ག་ཕྱག་ལེན་གྱི་སྐོར་ལ། འགོར་བཅོམ་ལྡན་འདས་དཔལ་ཕྱག་ན་རྡོ་རྗེ་ཞེས་ཡོད་པའི་ཞི་དྲག་སྤེལ་བའི་སྒྲུབ་ཐབས་མཁས་པ་ཙནྡྲ་ཤྲཱིས་མཛད་པ་མཇུག་ཏུ་ཐུགས་སྲས་ལོ་ཙཱ་བའི་ཀ་བསྟོད་ལེ་ཚན་གཉིས་བཏགས་པ། འདི་རྗེ་མཁྱེན་བརྩེའི་གསན་ཡིག་གཤམ་གྱི་བསྟོད་པའི་མཛད་བྱང་ལ་བརྟེན་ནས་ཐུགས་སྲས་ལོ་ཙཱ་བས་མཛད་གསུངས་པ་འདུག་ཀྱང་འདི་ཙནྡྲ་ཤྲཱིས་མཛད་ངེས་ཡིན་པ་ཁྱབ་བདག་ཞ་ལུ་པ་གསུང་། རྣམ་སྲས་ཞི་དྲག་སྦྲེལ་བའི་ཆོ་ག་བཀླགས་ཆོག་༼དབང༽མཁྱེན་རབ་རྗེའི་ཕྱག་ལེན་ལྟར་ཆོས་རྗེ་བཅོ་བརྒྱད་པ་འཇམ་དབྱངས་ཀྱིས་མཛད་པ། རྣམ་སྲས་རིགས་མི་གཅིག་པ་ལྔའི་སྒྲུབ་ཐབས་༼དབང༽གསལ་བར་བསྟན་པའི་དོགས་པ་ཀུན་ཚང་གཉགས་དབོན་རིན་
པོ་ཆེས་མཛད་པ། དེས་མཛད་པའི་རྣམ་སྲས་ཞི་དྲག་རྣམས་མཆོད་༼དབང༽པའི་ཆོ་ག་རིན་པོའི་གཏེར་ཞེས་བྱ་བ། རྣམ་སྲས་ཞི་དྲག་རྣམས་ཀྱི་མཆོད་ཆོག་རྗེས་གནང་དང་བཅས་པ་སྐྱོར་མོ་ལུང་པ་མཁན་ཆེན་ཆོས་རྒྱལ་དཔལ་བཟང་གི་མཆོད་གཡོག་ནམ་མཁའ་སེང་གེས་མཛད་པ། འཇམ་དབྱངས་མཁྱེན་བརྩེའི་གསན་ཡིག་ན་ནམ་མཁའ་གྲཊ་ཞེས་སྣང་བ་ཡིག་སྐྱོན་ཤོར་རམ་སྙམ། རྣམ་སྲས་གསེར་ཆེན་གྱི་གཏོར་ཆོག་མཆོད་འཕྲེང་བསྟོད་པ་དང་བཅས་པ་སྟག་ཚང་ལོ་ཆེན་ཤེས་རབ་རིན་ཅེན་གྱིས་མཛད་པ། འགོར་དངོས་གྲུབ་ཆེན་པོ་སྒྲུབ་པའི་དུས་ཞེས་ཡོད་པའི་རྒྱལ་པོ་ཆེན་པོ་རྣམ་ཐོས་སྲས་ཀྱི་གསང་མདོས་ཁ་ཆེ་དགོན་པ་བས་མཛད་པ། རྣམ་ཐོས་སྲས་ཀྱི་གསང་མདོས་རྒྱས་པ་ཁ་ཆེའི་རིགས་ཀྱི་མཁན་པོ་གཟི་བརྗིད་ལྷ་དང་པཎྜི་ཏ་ཏེ་ཙ་དེ་ཝ་དང་བོད་ཀྱི་ལོ་ཙཱ་བ་ཟངས་དཀར་འཕགས་པ་ཤེས་རབ་ཀྱིས་ཁ་ཆེ་ཁྲི་བརྟན་དུ་བསྒྱུར་བ། རྗེ་མཁྱེན་བརྩེའི་གསན་ཡིག་ན་བར་འདིར་གསང་མདོས་ཆུང་བ་ཞིག་འདུག་པ་དཔེ་མ་འབྱོར་བས་མ་ཐོབ། ཨོ་རྒྱན་ཆེན་པོ་པདྨས་ཁྲམ་ཐོགས་ནག་པོའི་རྒྱུད་དང་ཡོན་ཏན་འབྱུང་བའི་རྒྱུད་ལ་བརྟེན་ནས་མཛད་པའི་གནོད་སྦྱིན་རྒྱལ་པོ་རྣམ་ཐོས་སྲས་ཀྱི་གསང་མདོས་སམ་སྟོང་མདོས་རྒྱལ་པོའི་དཔུང་བཟློག་ཆེན་མོ་བལ་པོ་བ་སུ་དྷ་ར་ལ་གནང་། དེས་གནུབས་སངས་རྒྱས་ཡེ་ཤེས་ལ་གནང་བ་ཉུག་གི་རྡོ་རྗེ་སྒྲོམ་བུ་ལ་གཏེར་དུ་སྦས་པ། ཕྱོགས་བཞིར་དྲག་པོའི་གཡུལ་བཟློག་དམག་དཔོན་གྱི་མདོས་རྣམས། རྗེ་མཁྱེན་བརྩེའི་གསན་ཡིག་ན་འདིར་རྗེས་སུ་ལུས་ངན་པོའི་ཟློག་མདོས་ཨོ་རྒྱན་ཆེན་པོས་མཛད་པ་དང་དགེ་སློང་དཀོན་ཅོག་ཡེ་ཤེས་ཀྱིས་མཛད་པའི་མདོས་རྒྱས་པ་ཟེར་བ་འདུག་པ།
དཔེ་མ་འབྱོར་བས་མ་ཐོབ། ཚར་ཆེན་ཆོས་ཀྱི་རྒྱལ་པོས་མཛད་པའི་བཀྲ་ཤིས་ཁྱབ་བདག་རྡོར་འཛིན་མ། ས་སྐྱ་ཁྲི་ཆེན་ཀུན་དགའ་བསོད་ནམས་ཀྱིས་མཛད་པའི་ཞི་བའི་སྒྲུབ་ཐབས་གཙོ་བོར་སྟོན་པའི་བེ་བུམ་དཀར་ཆག་ཟབ་དོན་ནོར་བུའི་མེ་ལོང་། འཇམ་དབྱངས་མཁྱེན་བརྩེའི་གསན་ཡིག་ཕྱག་ཏུ་མ་འབྱོར་བའི་སྟབས་ཞི་དྲག་གི་དབྱེ་བ་ཙམ་ལས་སོ་སོའི་བརྒྱུད་ཚུལ་དང་མཐུན་པའི་སྡེ་ཚན་མེད་ཅིང་དཔེ་སྣ་ཚོགས་འགྲེས་ཉམས་ཀྱི་འགའ་ཞིག་འདེབས་པ་དང་རྒྱུན་མེད་པ་འགའ་རེའང་ཆུད་པ་བཅས་བྱུང་འདུག་ཀྱང་མགོ་མཇུག་གི་ཚིགས་བཅད་སོགས་མཁས་པ་དགྱེས་པའི་ལེགས་བཤད་དུ་སྣང་ངོ་། །དེས་མཛད་པའི་རྣམ་སྲས་དབང་དྲག་གི་ཡི་གེའི་སྐོར་གཙོ་བོར་སྟོན་པའི་དཀར་ཆག་སྙན་བརྒྱུད་གསེར་གྱི་ཟ་མ་ཏོག །མཁན་ཆེན་ངག་དབང་ཆོས་གྲགས་ཀྱིས་མཛད་པའི་དཔལ་ཆོས་སྐྱོང་བའི་སྲུང་མ་རྣམ་ཐོས་རིགས་མི་འདྲ་བ་ལྔ་ཕྲག་གསུམ་གྱི་རྗེས་གནང་གི་ཆོ་ག་ནོར་འཛིན་དཔལ་མོའི་རྒྱན་འཕྲེང་། རིགས་ཀུན་ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན་གྱིས་མཛད་པའི་རྣམ་སྲས་ལྔ་ཕྲག་གསུམ་གྱི་རྗེས་གནང་གི་ཆོག་ཁྲིགས་དངོས་གྲུབ་འདོད་འཇོ་དང་བཅས་པ་རྣམས་ལེགས་པར་ནོས་པ་ལས་ཟངས་དཀར་ལོ་ཙཱ་བས་སྟོད་ཀྱི་ཕྱོགས་སུ་ཐོག་མར་གནང་ཞིང་གཏུམ་སྟོན་བློ་གྲོས་གྲགས་ནས་བརྒྱུད་པའི་རྣམ་སྲས་སྟོད་ལུགས་སམ་བྱ་སྡེར་ལུགས་སུ་གྲགས་པའི་ཞི་བ་བདེ་བྱེད་སེར་ཆེན་ལྷ་དགུའི་རྗེས་གནང་ཐོབ་པའི་བརྒྱུད་པ་ནི། རྡོ་རྗེ་འཆང་ཕྱག་ན་རྡོ་རྗེ། སྤྱོད་མཛད་ཆོས་ཀྱི་རྡོ་རྗེ། ཀུན་ཏུ་བཟང་པོ། སློབ་དཔོན་འགྲོ་བཟང་སྙིང་པོ། ཁ་ཆེ་རིན་ཅེན་རྡོ་རྗེ། ཁ་ཆེ་དགོན་པ་བ། ཟངས་དཀར་ལོ་ཙཱ་བ་འཕགས་པ་ཤེས་རབ། གཏུམ་སྟོན་བློ་གྲོས་གྲགས། གཏུམ་མགོན་པོ་ཡོན་ཏན། ལུང་ཁུ་དགོན་
པ། མཁན་པོ་ལུང་སྟོན། སློབ་དཔོན་ལེགས་པའི་ཤེས་རབ། བྱ་སྡེར་བ་བྱང་ཆུབ་རིན་ཅེན། བྱ་སྡེར་བ་བྱང་ཆུབ་གཞོན་ནུ། མང་མཁར་བ་བློ་བཟང་དཀར་པོ། མང་མཁར་བ་བློ་བཟང་གྲགས་པ། བཟང་ལྡན་མཁན་ཆེན་ཤཱཀྱ་བློ་གྲོས། འབུལ་དཔོན་རྡོ་རྗེ་རྒྱལ་པོ། རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། ཚར་ཆེན་རྡོ་རྗེ་འཆང་བློ་གསལ་རྒྱ་མཚོ། འཇམ་དཔལ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། རིགས་ཀུན་ཁྱབ་བདག་ཟུར་ཆེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་བསྩལ་ཏོ། །ཡང་ན་ཚར་ཆེན་ཆོས་ཀྱི་རྒྱལ་པོ་ནས། རིན་པོ་ཆེ་བོད་མཁར་བ་མེ་ཏྲི་དོན་གྲུབ་རྒྱལ་མཚན། སྤྱན་སྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན་མན་འདྲ། ཡང་ན་རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་མཁན་ཆེན་ཞ་ལུ་པ་ཆེན་པོ། རྗེ་བཙུན་བཀའ་འགྱུར་བ་མན་འདྲ། ཟངས་དཀར་ལོ་ཙཱ་བས་སྨད་ཀྱི་ཆར་གཡོར་པོ་ཇོ་སྟོན་ལ་གནང་བས་སྨད་ལུགས་སུ་གྲགས་པའི་རྒྱལ་པོ་ཆེན་པོ་ངལ་བསོས་པོ་ཞི་བ་བདེ་བྱེད་སེར་ཆེན་ལྷ་དགུ་དང་དྲག་བྱེད་བཞོན་པ་མེད་པ་ཀླུ་བརྒྱད་ཀྱིས་བསྐོར་བའི་རྗེས་གནང་བུ་སྟོན་ཐམས་ཅད་མཁྱེན་པའི་ཕྱག་ལེན་ལྟར་ཐོབ་པའི་བརྒྱུད་པ་ནི། ཟངས་དཀར་ལོ་ཙཱ་བ་ཡན་གོང་ལྟར་ལ། དེ་ནས་གཡོར་པོ་ཇོ་སྟོན། བཅུར་བསོད་ནམས་རིན་ཅེན། རྗེ་བཙུན་བཙོང་ཁ་པའི་གསན་ཡིག་ན་མི་འདུག་པ་ཆད་པ་འདྲ། འབྱེད་ཕུ་བ་པདྨ་བཀྲ་ཤིས། རྟག་པ་ལྷ་རྗེ་ཇོ་བཟང་། ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ། བླ་ཆེན་བསོད་ནམས་དབང་ཕྱུག །ཁྲོ་ཕུ་
སེམས་དཔའ་ཆེན་པོ། ཡང་རྩེ་པ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་ཅེན་གྲུབ། ཐུགས་སྲས་སེམས་དཔའ་ཆེན་པོ། སྐུ་ཞང་ནམ་མཁའ་མཆོག་གྲུབ་དཔལ་བཟང་། ཆོས་རྗེ་རིན་ཅེན་དཔལ་གྲུབ། སྐུ་ཞང་རིན་པོ་ཆེ་མཁྱེན་རབ་རིན་ཅེན་མཆོག་གྲུབ་དཔལ་བཟང་། དེ་ལ་རྗེ་བཙུན་རྡོ་རིང་པ་ཆེན་པོ་དང་ཆོས་རྗེ་བཀྲ་ཤིས་དཔལ་འབྱོར་གཉིས་ཀྱིས་གསན། གཉིས་ཀ་ལ་ཚར་ཆེན་ཆོས་ཀྱི་རྒྱལ་པོ། དེ་ནས་བརྒྱུད་ཚུལ་ལེ་ཚན་རྣམས་གོང་དང་འདྲ། ཡང་ན་མཁྱེན་རབ་རིན་པོ་ཆེ་ནས། སྐུ་ཞང་རིན་ཆེན་བསོད་ནམས་མཆོག་གྲུབ། འཇམ་དབྱངས་བྱང་གླིང་ཆོས་རྗེ་བཀྲ་ཤིས་རྒྱལ་མཚན། འཇམ་དབྱངས་མཁྱེན་བརྩེ་མན་འདྲ། ཡང་ན་བྱང་གླིང་རྗེ་ནས། རྡོ་རྗེ་འཆང་དབང་ཕྱུག་རབ་བརྟན་མན་འདྲ། ཡང་ན་སྐུ་ཞང་མཁྱེན་རབ་ཆོས་རྗེ་ནས། བཅོ་བརྒྱད་པ་འཇམ་དབྱངས་ཆོས་རྗེ། གནས་བརྟན་བསྟན་པ་བཟང་པོ། འཇམ་དབྱངས་བྱང་གླིང་རྗེ་མན་འདྲ། ཡང་ན་ཐུགས་སྲས་རིན་ཅེན་རྣམ་རྒྱལ་ནས། མཁས་གྲུབ་རིན་ཅེན་བསོད་ནམས་འཕེལ། སྟག་ཚང་ལོ་ཙཱ་བ་ཤེས་རབ་རིན་ཅེན། རྗེ་བཙུན་ཡབ་ཆོས་རྒྱལ་རིན་ཅེན་དཔལ་བཟང་པོ། ཚར་ཆེན་རྡོ་རྗེ་འཆང་མན་འདྲ། ཡང་ན་ཁྲོ་ཕུ་ལོ་ཙཱ་བ་ནས། མཁན་ཆེན་བྱང་ཆུབ་དཔལ། མཁན་ཆེན་བདེ་བ་དཔལ། མཁན་ཆེན་དཀའ་བཞི་པ། མཁན་ཆེན་བསོད་ནམས་གྲགས་པ། མཁན་ཆེན་གྲགས་པ་རྒྱལ་མཚན། མཁན་ཆེན་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། རྗེ་བཙུན་རྡོ་རིང་པ་ཆེན་པོ་མན་འདྲ། ཡང་ན་རྡོ་རྗེ་འཆང་། ཕྱག་ན་རྡོ་རྗེ། སློབ་དཔོན་ཀ་མ་རུ་པ། སློབ་དཔོན་ཀཧྣ་པ། རྗེ་མཁྱེན་བརྩེའི་གསན་ཡིག་ན་འདི་
ལྟར་སྣང་ལ་རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས་ཀྱི་གསན་ཡིག་དང་ཆོག་ཁྲིགས་དངོས་གྲུབ་འདོད་འཇོ་ན་ཀརྣ་ཞེས་པ་འདུག །སློབ་དཔོན་འགྲོ་བཟང་སྙིང་པོ། ཁ་ཆེ་རིན་ཅེན་རྡོ་རྗེ། ཁ་ཆེ་ས་ཛྫ་ན། ཁ་ཆེ་ཏེ་ཛ་དེ་ཝ། ཟངས་དཀར་ལོ་ཙཱ་བ། ཞུ་ས་སྐྱ་པ། ཇོ་བཙུན་གྲགས་པ་སེང་གེ །རྒྱ་སྟོན་གྲུབ་པ་པོ། སྔགས་རམ་པའི་གསན་ཡིག་ན་རྒྱ་སྟོན་ཀུན་དགའ་བརྩོན་འགྲུས་ཞེས་སྣང་། རྒྱ་སྟོན་གྲུབ་མཆོག །བླ་མ་རྡོ་རྗེ་དཔལ། ཁྲོ་ཕུ་སེམས་དཔའ་ཆེན་པོ་མན་འདྲ། ཡང་སྐྱོར་མོ་ལུང་པའི་ཕྱག་ལེན་ལྟར་ཐོབ་པའི་བརྒྱུད་པ་ནི། སློབ་དཔོན་འགྲོ་བཟང་སྙིང་པོ་ནས། གྲུབ་ཆེན་བྲིཾ་ཀ་ར་ཝ་ཏི། ཁ་ཆེ་དགོན་པ་བ། ཟངས་དཀར་ལོ་ཙཱ་བ། གཡོར་པོ་ཇོ་སྟོན་རྡོ་རྗེ་རྩེ་མོ། སྦས་ཏི་དགྲ་བཅོམ་པ་སེམས་དཔའ་རྒྱལ་མཚན། མཁན་ཆེན་ཤེས་རབ་སེང་གེ །བསམ་ཡས་པ་ཚུལ་ཁྲིམས་དབང་ཕྱུག །སེ་བ་ཅན་པ་ཡོན་ཏན་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། མཁན་ཆེན་དཀའ་བཞི་པ། དགའ་ལྡན་ཕུག་པ་བློ་བཟང་གྲགས་པ། དེ་གཉིས་ཀ་ལ་མཁན་ཆེན་ཆོས་ཀྱི་རྒྱལ་མཚན། དེ་ནས་པཎ་ཆེན་ཤཱཀྱ་མཆོག་ལྡན། བྲག་དམར་བ་ཀུན་དགའ་ཚེ་འཕེལ། སྤྱན་སྔ་ཤཱཀྱ་རྒྱལ་མཚན། རྡོ་རྗེ་འཆང་ཚར་པ་ཆོས་རྗེ་མན་འདྲ། རྣམ་སྲས་ཀྱི་རྗེས་གནང་ལྔ་ཕྲག་གསུམ་པ་དངོས་གྲུབ་འདོད་འཇོ་མ་གཏོགས་པའི་རྟགས་མེད་པའི་ལུང་ཡོངས་རྫོགས་དང་དབང་གི་རྟགས་ཡོད་པ་རྣམས་ཀྱི་བརྒྱུད་པ་ནི། ཚར་ཆེན་ཆོས་ཀྱི་རྒྱལ་པོ་ཡན་གོང་དུ་སྨོས་པའི་སྨད་ལུགས་ཀྱི་བརྒྱུད་པའི་རྣམ་གྲངས་ལྟར་ལ། དེ་ནས་མཁན་བཙུན་གྲུབ་པའི་དབང་ཕྱུག་མཻ་ཏྲི་དོན་གྲུབ་རྒྱལ་མཚན། བསྟན་པའི་སྲོག་ཤིང་སྤྱན་སྔ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན། མཁན་
ཆེན་ཐམས་ཅད་མཁྱེན་པ་ངག་དབང་ཆོས་གྲགས། ས་སྐྱ་པ་ཆེན་པོ་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་ཀུན་དགའ་བསོད་ནམས་དབང་ཕྱུག །རྩ་བའི་བླ་མ་རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །དབང་གི་རྟགས་ཡོད་པའི་བརྒྱུད་ལུགས་གཅིག་ནི། རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་ཞ་ལུ་པ། དེས་བདག་ལའོ། །ཆོག་སྒྲིགས་དངོས་གྲུབ་འདོད་འཇོའི་བརྒྱུད་པ་ནི། ཁྱབ་བདག་བཀའ་འགྱུར་བ་ནས། མཁན་ཆེན་ཞ་ལུ་པ། དེས་བདག་ལའོ། །ཀོང་གི་རྟགས་ཡོད་པའི་ལུང་བརྒྱུད་ནི། ཁ་ཆེ་ཏེ་ཛ་དེ་ཝ་ནས། ཀཾ་པོ་ཛི། སུ་མ་ཏི་ཀཱིརྟི། ཀོང་བུ་རི་པ། ཁྲོ་ཕུ་ལོ་ཙཱ་བ་བྱམས་པའི་དཔལ་མན་འདྲ། །རའི་རྟགས་ཡོད་པའི་བརྒྱུད་པ་ནི། མཁན་ཆེན་ཀུན་དགའ་བློ་གྲོས་ཡན་གོང་ལྟར་ལ། དེ་ནས་པཎ་ཆེན་བསོད་ནམས་བློ་གྲོས། ཤམྦྷར་རིན་པོ་ཆེ་ཀུན་དགའ་སངས་རྒྱས། རྡོ་རྗེ་འཆང་ཚར་པ་ཆོས་རྗེ་མན་འདྲ། འབྲོམ་གྱི་རྟགས་ཡོད་པའི་བརྒྱུད་པ་ནི། གསང་བའི་བདག་པོ། སློབ་དཔོན་སངས་རྒྱས་གསང་བ། ལོ་ཙཱ་བ་དབས་མཉྫུ་ཤྲཱི། ལ་གསུམ་རྒྱལ་བ་བྱང་ཆུབ། དེ་ལ་པཎྜི་ཏ་ཁ་ཆེ་དཀར་པོས་བོད་དུ་ཞུས། དེ་ནས་ཟངས་དཀར་ལོ་ཙཱ་བ། མཆིམས་ཡུལ་སྨད་ཀྱི་འབྲོམ་སྡེ་ཉི་མ། དགེ་བཤེས་ལོ་ཙཱ་བ། སླེའུ་མཚུར་སྟོན། སླེའུ་སྟོན་པ། དགེ་བཤེས་དབུ་གྲུ་སྟོན་སྨོན་ལམ། འཕྲིན་ལས་ཇོ་སྲས་ནས་རིམ་པར་བརྒྱུད་དེ། ཤམྦྷར་རིན་པོ་ཆེ་ཀུན་དགའ་སངས་རྒྱས། རྡོ་རྗེ་འཆང་ཚར་པ་ཆོས་རྗེ་མན་འདྲ། ཞི་བ་བདེ་བྱེད་སེར་པོ་འདི་དང་འབྲེལ་བའི་དྲག་པོའི་རྗེས་གནང་ཤིན་ཏུ་བཀའ་གཉན་པའི་བརྒྱུད་པ་ནི། མཁྱེན་རབ་ཆོས་རྗེ་ནས། སྐུ་ཞང་རིན་ཅེན་
མཆོག་གྲུབ། འཇམ་དབྱངས་བྱང་གླིང་རྗེ། རྡོ་རྗེ་འཆང་དབང་ཕྱུག་རབ་བརྟན་མན་འདྲ། འདི་ཐོབ་པའི་གང་ཟག་དེ་རྣམ་སྲས་ལ་མཆོད་གཏོར་མི་གཅིག་ཅིང་རྗེས་གནང་ཞུ་དུས་ཏིང་ངེ་འཛིན་གསལ་བ་དང་མཇུག་ཏུ་རྣམ་སྲས་ཀྱི་ཚེ་སྒྲུབ་ཉམས་སུ་ལེན་དགོས་ཚུལ་སྣང་ངོ་། །ཡང་དྲག་པོ་དང་མ་འབྲེལ་བའི་རྣམ་སྲས་སེར་ཆེན་སྨད་ལུགས་ཀྱི་རྗེས་གནང་གི་བརྒྱུད་པ་ལུགས་གཅིག་ནི། མཁན་ཆེན་ཀུན་དགའ་བློ་གྲོས་ཡན་གོང་ལྟར་ལ། དེ་ནས་མཁན་ཆེན་ངག་དབང་ལྷུན་གྲུབ་བཀྲ་ཤིས། མཁན་ཆེན་ཀུན་དགའ་དཔལ་འབྱོར། ཆོས་ལུང་མཁན་ཆེན་ནམ་མཁའ་ལྷུན་གྲུབ་རྒྱལ་མཚན། འཇམ་དབྱངས་མཁྱེན་བརྩེ་མན་འདྲ། ཡང་ན་ཐུགས་སྲས་རིན་ཅེན་རྣམ་རྒྱལ་ཡན་གོང་ལྟར་ལ། དེ་ནས་རྒྱལ་བ་བཙོང་ཁ་པ་ཆེན་པོ། ཐམས་ཅད་མཁྱེན་པ་དགེ་འདུན་གྲུབ། པཎ་ཆེན་ཡེ་ཤེས་རྩེ་མོ། ཐམས་ཅད་མཁྱེན་པ་དགེ་འདུན་རྒྱ་མཚོ། སེ་ར་རྗེ་བཙུན་ཆོས་ཀྱི་རྒྱལ་མཚན། ཕ་བོང་ཁ་པ་བདེ་ལེགས་ཉི་མ། ཤར་ཆེན་ནམ་མཁའ་རྒྱལ་མཚན། རྡོ་རྗེ་འཆང་ཕ་བོང་ཁ་པ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་ཐུགས་སྲས་ལོ་ཙཱ་བ་ནས། རྗེ་གྲགས་པ་རྒྱལ་མཚན། ཆོས་རྗེ་ཡེ་ཤེས་རྒྱ་མཚོ། བླ་མ་གྲགས་པ་བསམ་གྲུབ། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། སྔགས་རམ་པ་བཟང་པོ་རྣམ་རྒྱལ། རྡོ་རྗེ་འཆང་ཕ་བོང་ཁ་པ་མན་འདྲ། ཟངས་དཀར་ལོ་ཙཱ་བའི་གོང་ཁུག་སྲོ་མ་ཅན་གྱི་ཟབ་ཆོས་གསང་སྒྲུབ་ལྗང་སེར་བེ་ཅོན་གྱི་རྗེས་གནང་གི་བརྒྱུད་པ་ནི། ཁྲོ་ཕུ་ལོ་ཙཱ་བ་བྱམས་པའི་དཔལ་ཡན་རྣམ་སྲས་
སེར་ཆེན་ལྟར་ལ། དེ་ནས་མཁན་ཆེན་གཙང་པ་དབང་ཕྱུག་གྲགས། མཁས་པ་བྱང་ཆུབ་གྲགས། མཁན་ཆེན་དང་མ་བ་བརྩོན་འགྲུས་བྱང་ཆུབ། ཐོག་སྟོན་ཤེས་རབ་རྡོ་རྗེ། བླ་མ་རིན་ཅེན་རྒྱ་མཚོ། བླ་མ་རིན་ཅེན་དཔལ། བླ་མ་རིན་པོ་ཆེ་ཆོས་གྲགས་པ། བླ་མ་ཤཱཀྱ་ཡེ་ཤེས། མཁན་ཆེན་ཆོས་ཀྱི་རྒྱལ་མཚན། པཎ་ཆེན་ཤཱཀྱ་མཆོག་ལྡན། ཆོས་རྗེ་ཀུན་དགའ་ཚེ་འཕེལ། གླང་ཐང་སྤྱན་སྔ་ཤཱཀྱ་རྒྱལ་མཚན། ཚར་ཆེན་ཆོས་ཀྱི་རྒྱལ་པོ། དེ་ལ་རྗེ་མཁྱེན་བརྩེ་དང་རིན་པོ་ཆེ་བོད་མཁར་བས་གསན་པའི་ལུགས་གཉིས་ཀ་སེར་ཆེན་ལྟར་ལ་རྗེ་དབང་རབ་ཁུ་དབོན་གྱི་བར་དུ་མཁན་ཆེན་ཞ་ལུ་པ་ངེས་པར་དགོས་སོ། །བེའི་རྟགས་ཡོད་པའི་ལུང་བརྒྱུད་ནི། སྤྱན་སྔ་ཆོས་ཀྱི་རྒྱ་མཚོ་ནས། རྗེ་དབང་རབ། མཁན་ངག་ཆོས་པ་མན་གོང་གི་ལུང་བརྒྱུད་བཞིན་ནོ། །ཀླུ་སྒྲུབ་ཀྱི་རྒྱལ་ཆེན་རྟ་སྔོན་བདུད་མོ་བཞི་སྐོར་དང་ནང་མ་མོ་ལྟར་སྒྲུབ་པ་ལྷ་དགུ་དྲག་བྱེད་སེང་ཞོན་ཀླུ་བརྒྱད་ཀྱིས་བསྐོར་བ། གསང་བ་གཤིན་རྗེ་ལྟར་སྒྲུབ་པ་མདུང་དམར་ཅན་ལྷ་བཅུ་གསུམ། ཡང་གསང་སྲིན་པོ་བཞི་སྐོར། ཤུ་རཾ་ག་ཝརྨ་ལུགས་ཀྱི་རྣམ་སྲས་མཐིང་ཁ་ལྷ་བཅོ་ལྔ། རྣམ་སྲས་དམར་སེར་ལས་མཁན་མདུང་དམར་ཅན་དང་བཅས་པ། གར་མཁན་མཆོག་ལྗང་གུ་ཞལ་གསུམ་ཕྱག་བཅོ་བརྒྱད་པ། དམར་སྨུག་ཞལ་གསུམ་ཕྱག་བཅོ་བརྒྱད་པ། རྣམ་སྲས་དཀར་པོ་ལྷ་དགུའི་ཚེ་དབང་དང་བཅས་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། སྤྱོད་མཛད་ཆོས་ཀྱི་རྡོ་རྗེ། དཔལ་ཀུན་ཏུ་བཟང་པོ། སློབ་དཔོན་གྲོ་བཟང་སྙིང་པོ། གྲུབ་ཆེན་བྲིམ་ཀ་ར་ཝ་ཏི། ཁ་ཆེ་དགོན་པ་བ། ཟངས་དཀར་ལོ་ཙཱ་བ་འཕགས་པ་ཤེས་རབ། གཡོར་པོ་ཇོ་སྟོན་རྡོ་རྗེ་རྩེ་མོ། འདི་གསན་ཡིག་ན་མི་གསལ་
ཡང་ཆོག་ཁྲིགས་གཉིས་ཀ་ན་བྱུང་ཞིང་སྦས་ཏིས་ཟངས་དཀར་པ་ལ་ཅུང་མ་ཐུག་པ་འདྲའོ། །སྦས་ཏི་དགྲ་བཅོམ་པ་སེམས་དཔའ་རྒྱལ་མཚན། མཁན་ཆེན་དང་མ་བ་བརྩོན་འགྲུས་དབང་ཕྱུག །མཁན་ངག་དབང་ཆོས་གྲགས་དང་རྗེ་བཀའ་འགྱུར་བ་གཉིས་ཀྱི་ཡིག་ཆར་མི་འདུག་ཀྱང་རྗེ་མཁྱེན་བརྩེའི་གསན་ཡིག་ན་འདུག་པས་ཆད་པ་འདྲའོ། །མཁན་ཆེན་ཞིག་པོ་ཤེས་རབ་སེང་གེ །བསམ་ཡས་པ་ཚུལ་ཁྲིམས་དབང་ཕྱུག །སེ་བ་ཅན་པ་ཡོན་ཏན་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། ཆོག་ཁྲིགས་གཉིས་ཀ་ན་འདི་ལ་མཁན་ཆེན་དཀའ་བཞི་པ་དང་དགའ་ལྡན་ཕུག་པ་བློ་བཟང་གཉིས་ཀྱིས་གསན་དེ་གཉིས་ཀ་ལ་ཆོས་ཀྱི་རྒྱལ་མཚན་གྱིས་གསན་ཟེར་བ་འདུག་ཀྱང་རྗེ་མཁྱེན་བརྩེའི་གསན་ཡིག་སོར་གནས་བྱས་པ་ཡིན་སླར་ཡང་བརྟག་གོ །བླ་མ་བློ་གྲོས་བཟང་པོ། བླ་མ་ཆོས་སྐྱོང་བཟང་པོ། དགའ་ལྡན་ཕུག་པ་བློ་བཟང་གྲགས་པ། མཁན་ཆེན་ཆོས་ཀྱི་རྒྱལ་མཚན། པཎ་ཆེན་ཤཱཀྱ་མཆོག་ལྡན། བྲག་དམར་བ་ཀུན་དགའ་ཚེ་འཕེལ། སྤྱན་སྔ་ཤཱཀྱ་རྒྱལ་མཚན། ཚར་ཆེན་རྡོ་རྗེ་འཆང་། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མཁན་ཆེན་ཞ་ལུ་པ། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། རྩ་བའི་བླ་མ་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་ཚར་ཆེན་ནས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་རིན་པོ་ཆེ་ཆོས་ཀྱི་རྒྱ་མཚོ། རྡོ་རྗེ་འཆང་དབང་རབ་མན་འདྲ། རྣམ་སྲས་དམར་སེར་ལས་མཁན་མདུང་དམར་ཅན་དང་བཅས་པ། རྣམ་སྲས་དཀར་པོ་གཉིས་ཀྱི་རྗེས་གནང་གི་བརྒྱུད་ལུགས་གཅིག་ནི་རྡོ་རྗེ་འཆང་དབང་རབ་ལ་འཇམ་མགོན་བསོད་
ནམས་མཆོག་ལྡན་གྱིས་གསན་པ་མན་འདྲ། །ཀླུ་ཁ་ཤཱ་གསུམ་གྱི་རྟགས་ཡོད་པའི་ལུང་བརྒྱུད་ནི། སྤྱན་སྔ་ཆོས་ཀྱི་རྒྱལ་མཚོ་ཡན་བཤད་མ་ཐག་པའི་རྗེས་གནང་རྣམས་ཀྱི་བརྒྱུད་པ་ལྟར་ལ། དེ་ནས་རྗེ་དབང་རབ། མཁན་ངག་ཆོས་པ་མན་ལུང་བརྒྱུད་སྤྱི་འགྲོ་བཞིན་ནོ། །ཡང་ཤཱའི་རྟགས་ཡོད་པའི་བརྒྱུད་ལུགས་གཅིག་ནི། རྡོ་རྗེ་འཆང་དབང་རབ་ནས། མཁན་ཆེན་ཞ་ལུ་པ། དེས་བདག་ལའོ། །རྣམ་སྲས་སྤྲིན་གསེབ་མ་སེར་ཆེན་ལྷ་དགུར་གྲགས་པའི་རྗེས་གནང་གི་བརྒྱུད་པ་ནི། ཕྱག་ན་རྡོ་རྗེ་དཔལ་ཨོ་རྒྱན་ཆེན་པོ། མངའ་བདག་ཁྲི་སྲོང་ལྡེ་བཙན། ལྷ་སྲས་མུ་ཏིག་བཙན་པོ། ཞང་ལྷ་བཟང་ཀླུ་དཔལ་ནས་རིམ་པར། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ། མུས་ཆེན་རྣམ་རྒྱལ་བཟང་པོ། ཤམྦྷར་རིན་པོ་ཆེ་ཀུན་དགའ་སངས་རྒྱས། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་ཞབས། རྗེ་དབང་ཕྱུག་རབ་བརྟན། མཁན་ཆེན་རིན་ཅེན་མཆོག་གྲུབ། རྗེ་བཙུན་བཀའ་འགྱུར་བ། ཟུར་རྩ་བའི་བླ་མ། དེས་བདག་ལའོ། །ཡང་ན་ཚར་ཆེན་ནས། རིན་པོ་ཆེ་མཻ་ཏྲི། སྤྱན་སྔ་ཆོས་རྒྱལ། རྗེ་དབང་རབ་མན་འདྲ། ལྗང་གི་རྟགས་ཡོད་པའི་ལུང་བརྒྱུད་ནི། སྤྱན་སྔ་རིན་པོ་ཆེ་ཡན་སྤྲིན་གསེབ་མའི་རྗེས་གནང་ལྟར་ལ། དེ་ནས་རྗེ་དབང་རབ། མཁན་ངག་ཆོས་པ་མན་ལུང་བརྒྱུད་སྤྱི་ལྟར་རོ། །ཡང་ན་རྗེ་དབང་རབ་ནས། མཁན་ཆེན་ཞ་ལུ་པ། དེས་བདག་ལའོ། །ཡང་གསང་མདུང་དམར་ཅན་ཕྱག་མཚན་བཞི་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང་། གསང་བའི་བདག་པོ། སློབ་དཔོན་དགའ་རབ་རྡོ་རྗེ། མཁས་པ་བཻ་རོ་ཙ་ན། རྒྱལ་པོ་གཡུ་སྒྲ་སྙིང་པོ། ཆོས་རྒྱལ་ཁྲི་སྲོང་ལྡེ་བཙན།
ཞང་ལྷ་བཟང་ཀླུ་དཔལ། གཏེར་སྟོན་གཉལ་པ་ཉི་མ་ཤེས་རབ། སྣུར་ཉི་མ། དབུས་པ་དམར་སྟོན། སློབ་དཔོན་བཅུར་སྟོན། འོད་ཟེར་བླ་མ། ཛྙཱ་ན་ལཀྵ། སློབ་དཔོན་ཐབས་ཀྱི་བློ་གྲོས། མཁན་པོ་དགེ་འདུན་རྒྱལ་མཚན། སློབ་དཔོན་ནམ་མཁའ་གྲགས་པ། བླ་མ་བསོད་ནམས་རིན་ཅེན། བླ་མ་དཔལ་ལྡན་པ། གཉག་ཕུ་བ་མཁས་གྲུབ་བསོད་ནམས་བཟང་པོ། མཁན་ཆེན་པདྨ་བཟང་པོ། མཁན་ཆེན་ཆོས་ཀྱི་དབང་ཕྱུག །མཁན་ཆེན་ཆོས་གྲུབ་སེང་གེ །ཐུགས་སྲས་ཀུན་དགའ་རྒྱལ་པོ། རིག་འཛིན་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན། མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། རྗེ་བཙུན་བཀའ་འགྱུར་བ་ཆེན་པོ། ཟུར་ཐམས་ཅད་མཁྱེན་པ། དེས་བདག་ལའོ། །ཡང་ན་ཚར་ཆེན་ནས། རིན་པོ་ཆེ་བོད་མཁར་བ། སྤྱན་སྔ་ཆོས་རྒྱལ་མ། ཁྱབ་བདག་དབང་རབ་མན་འདྲ། ཡང་ན་གཉན་ཕུ་བ་ནས། མཁས་ཆེན་སེང་གེ་དཔལ། མཁས་ཆེན་རབ་འབྱོར་སེང་གེ །མཁན་ཆེན་ཆོས་ཀྱི་དབང་ཕྱུག་མན་འདྲ། ཡང་བཀའ་མའི་བརྒྱུད་པ་ནི། ཕྱག་ན་རྡོ་རྗེ། མི་ཕམ་སྐྲའི་ལ་བ་ཅན། སློབ་དཔོན་ཨ་བྷ་ཡཱ་ཀ་ར། ཟངས་དཀར་ལོ་ཙཱ་བ། ཐུགས་སྲས་མང་སྟོན། སོགས་བྱང་ཆུབ་ཡོན་ཏན། དཔལ་རྒྭ་ལོ། བླ་མ་དཔལ་ལྡན་སེང་གེ །ཀུན་མཁྱེན་བུ་སྟོན་རིན་པོ་ཆེ། སྒྲ་ཚད་པ་རིན་ཅེན་རྣམ་རྒྱལ། གཉག་ཕུ་བ་བསོད་ནམས་བཟང་པོ་མན་གོང་བཞིན་ནོ། །སྤྲིན་གསེབ་མ་དང་ཕྱག་མཚན་བཞི་པ་གཉིས་སྔ་གྱུར་བཀའ་གཏེར་གྱི་ཐོབ་ཡིག་ཏུ་ལམ་ཙམ་ཡོད་ཀྱང་འདིར་ཚར་ལུགས་རྗེས་གནང་བཀའ་བཅོ་ལྔ་ཞེས་གྲགས་
པའི་རྗེས་སུ་འབྲངས་ཏེ་བྲིས་པ་ཡིན་ནོ། །བཞིའི་རྟགས་ཡོད་པའི་ལུང་བརྒྱུད་ནི། སྤྱན་སྔ་ཆོས་ཀྱི་རྒྱ་མཚོ་ཡན་ཕྱག་མཚན་བཞི་པའི་རྗེས་གནང་གི་བརྒྱུད་པ་ལྟར་ལ། དེ་ནས་རྗེ་དབང་ཕྱུག་རབ་བརྟན། མཁན་ཆེན་ངག་དབང་ཆོས་གྲགས་མན་སྔར་བཞིན་ནོ། །བོའི་རྟགས་ཡོད་པའི་ལུང་བརྒྱུད་ནི། མཁན་ཆེན་བསླབ་གསུམ་པ། རྡོ་རྗེ་འཆང་དབང་རབ། མཁན་ཆེན་ཞ་ལུ་པ། དེས་བདག་ལའོ། །གནུབས་ཀྱི་རྟགས་ཡོད་པའི་ལུང་བརྒྱུད་ནི། འཇམ་དཔལ་གཤིན་རྗེ་གཤེད། རྒྱལ་པོ་ཀུན་སྐྱོང་། བལ་པོ་བ་སུ་དྷ་ར། གནུབས་ཆེན་སངས་རྒྱས་ཡེ་ཤེས། གནུབས་རྡོ་རྗེ་འབར། གནུབས་བྱང་ཆུབ་སྙིང་པོ། གནུབས་སྤྱི་བོ་དོང་རིང་། གནུབས་གཙུག་ཏོར་འགྱིང་བ། གནུབས་བྱ་ཕོ་བརྩེགས་པ། གནུབས་འཇོལ་པོ་དབང་ཕྱུག །གནུབས་སེར་པོ་དཔའ་སྲས། གནུབས་ཀླུས་འབྱིན། གནུབས་ར་ཐུང་། གནུབས་གཙོ་བོ་ལྷ་པ། གནུབས་དཀོན་ཅོག་གྲགས། གནུབས་ནག་པོ་ཇོ་ཕན། གནུབས་ལོ་ཙཱ་བ་བྱམས་པའི་དཔལ་ནས་རིམ་པར་བརྒྱུད་དེ། རྡོ་རྗེ་འཆང་ཚར་པ་ཆོས་རྗེ། མཻ་ཏྲི་དོན་གྲུབ་རྒྱལ་མཚན། སྤྱན་སྔ་ཆོས་ཀྱི་རྒྱ་མཚོ། རྗེ་བཙུན་དབང་ཕྱུག་རབ་བརྟན། པཎ་ཆེན་ངག་དབང་ཆོས་གྲགས་མན་ལུང་བརྒྱུད་སྤྱི་འགྲོ་བཞིན་ནོ། །
བྱ་རྒྱུད་རིགས་གསུམ་སྤྱིའི་རས་བྲིས་ཀྱི་དཀྱིལ་འཁོར་དུ་དབང་ལེགས་པར་ཐོབ་པའི་ལུང་བརྒྱུད་སོགས།
མངའ་རིས་རབ་འབྱམས་པ་ཚུལ་ཁྲིམས་འོད་ཟེར་གྱིས་མཛད་པའི་དཀྱིལ་ཆོག་འཕྲིན་ལས་ལྷུན་གྲུབ་ཀྱི་སྟེང་ནས་བྱ་རྒྱུད་རིགས་གསུམ་སྤྱིའི་རས་བྲིས་ཀྱི་དཀྱིལ་འཁོར་དུ་དབང་ལེགས་པར་ནོས་པའི་བརྒྱུད་པ་ནི། བཛྲ་དྷ་ར། བཛྲ་པཱ་ཎི། མ་ཧཱ་ཨིནྡྲ་བྷཱུ་ཏི། མདྷྱམ། མྲིཏྻུ། ནཱ་ག་རྫུ་ན། ནཱ་ག་བོ་དྷི། ཁ་ཆེ་ཡེ་ཤེས་རྡོ་རྗེ། ལོ་ཆུང་གྲགས་འབྱོར་ཤེས་རབ། རྗེ་བཙུན་
བརྩེ་བ་ཆེན་པོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་པཎ། དེ་གཉིས་ཀ་ལ་ངོ་པ་དཀར་སྟོན་ཤཱཀྱ་གྲགས་ཀྱིས་གསན། དེ་ནས་བནྡེ་ལུང་པ་ཀུན་བཟང་དཔལ། གུང་པ་དར་མ་ཡེ་ཤེས། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་རྒྱལ། བླ་མ་ངག་དབང་། གཉག་སྟོན་བྱང་ཆུབ་སེང་གེ །ས་བཟང་འཕགས་པ་གཞོན་ནུ་བློ་གྲོས། ངོར་ཆེན་རྡོ་རྗེ་འཆང་། རྒྱལ་ཚབ་ཀུན་དབང་། ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ །བྲང་ཏི་པ་ནམ་མཁའ་དཔལ་བཟང་། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ། རྡོ་རྗེ་འཆང་བཀའ་འགྱུར་བ་ཆེན་པོ་མགོན་པོ་བསོད་ནམས། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །མཁས་གྲུབ་དཔལ་ལྡན་དོན་གྲུབ་ཀྱིས་མཛད་པའི་རིགས་གསུམ་སྤྱིའི་དབང་གི་ཐོ་ཆུང་གི་བརྒྱུད་པ་ནི། རྗེ་དཔལ་ལྡན་དོན་གྲུབ། ཐར་རྩེ་ནམ་མཁའ་སངས་རྒྱས། དྲིན་ཅན་ཞ་ལུ་པ་ཆེན་པོ། དེས་བདག་ལའོ། །སློབ་དཔོན་ཆེན་པོ་ཙནྡྲ་གོ་མིས་མཛད་པའི་རིགས་གསུམ་མགོན་པོའི་མཆོད་རྟེན་བཞེངས་ཐབས་ཀྱི་ཡིག་ཆའི་ལུང་བརྒྱུད་ནི། ཐུབ་པའི་དབང་པོ། རིགས་གསུམ་མགོན་པོ། སློབ་དཔོན་ཙནྡྲ་གོ་མི་ནས་རིམ་པར་བརྒྱུད་དེ་སྔགས་འཆང་དཔལ་ལྡན་བཀྲ་ཤིས། སེ་སྟོན་ལེགས་གྲུབ་ཚེ་རིང་། ཁྱབ་བདག་ཁྲ་ཚང་པ་ཆེན་པོ། དེས་བདག་ལའོ། །མཁན་ཆེན་ངག་དབང་ཆོས་གྲགས་ཀྱིས་མཛད་པའི་རྗེས་གནང་གི་ཡི་གེ་གོ་བདེ་བཀླགས་ཆོག་གི་སྟེང་ནས་སྟོན་པ་ཐུབ་པའི་དབང་པོ་གཙོ་འཁོར་གསུམ། ཐུགས་རྗེ་ཆེན་པོ་སྤྱན་རས་གཟིགས་གཙོ་
འཁོར་གསུམ། རྗེ་བཙུན་མི་གཡོ་མགོན་པོ། རྗེ་བཙུན་སྒྲོལ་མ་ལྗང་གུ་གཙོ་འཁོར་གསུམ་དང་བཅས་ཏེ་བཀའ་གདམས་ལྷ་བཞིར་གྲགས་པའི་རྗེས་གནང་དང་། ས་སྐྱ་ཁྲི་ཆེན་འཇམ་དབྱངས་ཀུན་དགའ་བསོད་ནམས་ཀྱིས་མཛད་པའི་བཀའ་གདམས་ལྷ་བཞིའི་འཁྲིད་ཡིག་བཀའ་གདམས་བསྟན་པའི་སྒྲོན་མེ། མཁན་ཆེན་ངག་དབང་ཆོས་གྲགས་ཀྱིས་མཛད་པའི་ལྷ་བཞིའི་མངོན་རྟོགས་རྗེས་གནང་གི་ཡི་གེ་གོ་བདེ་བཀླགས་ཆོག་དང་བཅས་པའི་ལུང་ནོས་པའི་བརྒྱུད་པ་ནི། ཇོ་བོ་ཆེན་པོ་ཨ་ཏི་ཤ །ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། རོང་པ་ཕྱག་སོར་བ། བྱ་འདུལ་འཛིན་པ། མཁན་པོ་ཆོས་ཀྱི་བྱང་ཆུབ། མཁན་པོ་ཟུལ་ཕུ་བ། སློབ་དཔོན་དཀོན་ཅོག་སེང་གེ །དེ་གཉིས་ཀ་ལ་མཁས་བཙུན་ཚུལ་ཁྲིམས་རིན་ཅེན། དེ་ནས་བླ་མ་དར་མ་བཟང་པོ། ཆོས་རྗེ་གཞོན་ནུ་རྒྱལ་མཚན། བླ་མ་རྒྱལ་མཚན་དོན་གྲུབ། ཆོས་རྗེ་གཙང་པ་རིན་ཅེན་རྒྱལ་མཚན། བྱ་བཏང་བོ་དྷི་སཏྭ། འཇམ་དབྱངས་རིན་ཅེན་གྲགས་པ། སྤྱན་སྔ་བསོད་ནམས་ལྷའི་དབང་པོ། གཉུག་ལ་པཎ་ཆེན་ངག་དབང་གྲགས་པ། ལྕགས་ཐང་རབ་འབྱམས་པ་བསོད་ནམས་དཔལ་ལྡན། ཐམས་ཅད་མཁྱེན་པ་ཀླུ་སྒྲུབ་རྒྱ་མཚོ། མཁན་ཆེན་ངག་དབང་ཆོས་གྲགས། ས་ཆེན་ངག་དབང་ཀུན་དགའ་བསོད་ནམས། དེ་སྲས་འཇམ་དབྱངས་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །བཀའ་གདམས་ལྷ་བཞིའི་ནང་གི་ཐུབ་པའི་དབང་པོའི་ལྷ་ཁྲིད་ནོས་པའི་བརྒྱུད་པ་ནི། ཐུབ་པ་ཆེན་པོ། སྤྱན་རས་གཟིགས། བྱམས་པ་མགོན་པོ། ཐོགས་
མེད། དབྱིག་གཉེན། འཕགས་པ་གྲོལ་སྡེ། བཙུན་པ་གྲོལ་སྡེ། མཁན་པོ་རྣམ་སྣང་མཛད། སློབ་དཔོན་སེང་གེ་བཟང་པོ། ཀུ་སཱ་ལི་ཆེ་ཆུང་གཉིས། གསེར་གླིང་པ་ཆོས་ཀྱི་གྲགས་པ། དཔལ་ལྡན་ཨ་ཏི་ཤ །འབྲོམ་སྟོན་རྒྱལ་བའི་འབྱུང་གནས། པོ་ཏོ་བ་རིན་ཅེན་གསལ། གླང་རི་ཐང་པ་རྡོ་རྗེ་སེང་གེ །རྒྱ་སྟོན་ལྕགས་རི་བ། དྭགས་པོ་ལྷ་རྗེ། རྣལ་འབྱོར་པ་ཆོས་ཀྱི་འབྱུང་གནས། གྱེར་སྒོམ་ཆེན་པོ། རྒྱ་སྒོམ་རི་པ། བོ་དོང་རིན་པོ་ཆེ་བརྩོན་འགྲུས་རྡོ་རྗེ། ཉན་ཆེན་བསོད་ནམས་བརྟན་པ། རིན་པོ་ཆེ་ཤེས་རབ་འབུམ། འཇིག་རྟེན་དབང་ཕྱུག་ཐོགས་མེད་བཟང་པོ་དཔལ། མཁན་ཆེན་གྲགས་པ་རྒྱལ་མཚན། མཁན་ཆེན་གྲགས་པ་བཤེས་གཉེན། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། གཉུག་ལ་པཎ་ཆེན་ངག་དབང་གྲགས་པ། ལོ་པ་སྤྱན་སྔ་ངག་དབང་ཆོས་གྲགས་རྒྱལ་མཚན། པཎ་ཆེན་ནམ་མཁའ་དབང་ཕྱུག །མུས་ཆེན་སངས་རྒྱས་རྒྱལ་མཚན། ས་ཆེན་ངག་དབང་ཀུན་དགའ་བསོད་ནམས། འཇམ་དབྱངས་བསོད་ནམས་དབང་ཕྱུག །ཁྱབ་བདག་མཁན་ཆེན་ཞ་ལུ་པ། དེས་བདག་ཟ་ཧོར་བནྡེ་ལ་བཀའ་དྲིན་དུ་བསྩལ་ཏོ། །ཐུབ་པའི་རྗེས་གནང་དང་ལྷ་འཁྲིད་ཀྱི་བརྒྱུད་པ་ལུགས་གཅིག་ནི། ལོ་པ་སྤྱན་སྔ་ངག་དབང་ཆོས་གྲགས་རྒྱལ་མཚན་ཡན་བཤད་མ་ཐག་པ་ལྟར་ལ། དེ་ནས་མུས་ཆེན་ནམ་མཁའ་དབང་ཕྱུག །ཆོས་རྗེ་ཀུན་དགའ་ལེགས་གྲུབ། རྗེ་བྱམས་པ་ཕུན་ཚོགས། རབ་འབྱམས་པ་དཔལ་འབྱོར་ཤེས་རབ། སྒྲུབ་ཁང་པ་དཔལ་ལྡན་དོན་གྲུབ། ཤར་ཆེན་ཤེས་རབ་
འབྱུང་གནས། ཁྱབ་བདག་ཞ་ལུ་པ། དེས་བདག་ལའོ། །སྤྱན་རས་གཟིགས་གཙོ་འཁོར་གསུམ་པའི་ལྷ་འཁྲིད་དམར་འཁྲིད་སྐྱེར་སྒང་ལུགས་སུ་གྲགས་པ་ཐོབ་པའི་བརྒྱུད་པ་ནི། སངས་རྒྱས་སྣང་བ་མཐའ་ཡས། འཕགས་པ་ཐུགས་རྗེ་ཆེན་པོ། རཱ་ཧུ་ལ་གུཔྟ་བཛྲ། ཇོ་བོ་ཆེན་པོ་ལྷ་གཅིག །ནག་ཚོ་ཚུལ་ཁྲིམས་རྒྱལ་བ། རོང་པ་ཕྱག་སོར་བ། བ་ཡུ་བ་ཤེས་རབ་ཚུལ་ཁྲིམས། དེ་ལ་མངའ་རིས་པ་ཤེས་རབ་རྒྱལ་མཚན་དང་ལྕེ་སྒོམ་ཤེས་རབ་རྡོ་རྗེ་གཉིས་ཀྱིས་གསན། དེ་གཉིས་ལ་གྲུབ་ཐོབ་སྐྱེར་སྒང་པ། དེ་ནས་སངས་རྒྱས་གཉེན་སྟོན། སངས་རྒྱས་སྟོན་པ། མཁས་གྲུབ་ཤངས་སྟོན། མཁས་བཙུན་རྒྱལ་མཚན་འབུམ། འཇག་ཆེན་བྱམས་པ་དཔལ། གསེར་གླིང་བྱམས་པ་སྨོན་ལམ་དབང་ཕྱུག །གྲུབ་ཆེན་བསོད་ནམས་རྒྱལ་མཚན། རིན་པོ་ཆེ་ཤེས་རབ་བཟང་པོ། གཉུག་ལ་པཎ་ཆེན་ངག་དབང་གྲགས་པ་མན་ཐུབ་པའི་ལྷ་འཁྲིད་བཞིན་ནོ། །ཡང་རྗེས་གནང་དང་འཁྲིད་ཀྱི་བརྒྱུད་པ་ལུགས་གཅིག་ལ་གཤམ་ནས་འབྱུང་བའི་སྒྲོལ་མའི་འཁྲིད་བརྒྱུད་ཇི་ལྟ་བ་མཛད་སྲོལ་ཡང་ཡོད་དོ། །རྗེ་བཙུན་མ་སྒྲོལ་མའི་ལྷ་འཁྲིད་བཀའ་གདམས་རྗེས་དྲན་ལྔའི་འཁྲིད་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ། ཇོ་བོ་ཆེན་པོ་ཨ་ཏི་ཤ །འབྲོམ་སྟོན་པ་རྒྱལ་བའི་འབྱུང་གནས། རྔོག་ལེགས་པའི་ཤེས་རབ། མངའ་རིས་པ་ཤེས་རབ་རྒྱལ་མཚན། ཕུ་ཆུང་བ་གཞོན་ནུ་རྒྱལ་མཚན། ཀ་མ་བ་རིན་ཅེན་རྒྱལ་མཚན། ཞང་སྟོན་དར་མ་རྒྱལ་མཚན། འབྲོམ་བྱང་ཆུབ་བཟང་པོ། སྟབས་ཀ་བ་ནམ་མཁའ་རིན་ཅེན། འབྲོམ་གཞོན་ནུ་བློ་གྲོས། ལྷོ་པ་ཟུག །བླ་མ་བྲབ་ཕུ་བ། མཁན་ཆེན་
དགའ་ལུང་པ་དབོན་པོ་བསོད་ནམས་འོད། བླ་མ་བསོད་ནམས་བཟང་པོ། བླ་མ་དཔལ་ལྡན་པ། ཆོས་རྗེ་གཙང་བ་བློ་བཟང་གྲགས་པ། ཆོས་རྗེ་བཀའ་འགྱུར་བ་ཤཱཀྱ་རྒྱལ་མཚན། རིན་པོ་ཆེ་བསོད་ནམས་ལྷ་དབང་། སྤྱན་སྔ་ངག་དབང་ཆོས་གྲགས་རྒྱལ་མཚན། པཎ་ཆེན་ནམ་མཁའ་དབང་ཕྱུག་མན་འདྲ། ཡང་ན་འབྲོམ་གཞོན་ནུ་བློ་གྲོས་ནས། སྣར་ཐང་མཁན་ཆེན་ཉི་མ་རྒྱལ་མཚན། གླིང་ཁ་བ་རིན་ཅེན་བྱང་ཆུབ། རིགས་ཀྱི་བདག་པོའི་དཔལ། སྒང་ལུང་པ་བྱང་ཆུབ་དཔལ། བསོད་ནམས་འོད་ཟེར། སངས་རྒྱས་བཟང་པོ། སྒྲུབ་ཁང་པའི་གསན་ཡིག་ན་སངས་རྒྱས་རྒྱ་མཚོ་ཟེར་བ་འདུག་པ་བརྟག །བསོད་ནམས་བཟང་པོ། བླ་མ་དཔལ་ལྡན་པ། སྟག་ཚང་ནམ་མཁའ་འོད་ཟེར། གནས་བརྟན་ཡེ་ཤེས་ཚུལ་ཁྲིམས། མཁན་ཆེན་རཏྣ་ཨ་ཀ་ར། གཉུག་ལ་པཎ་ཆེན་ངག་དབང་གྲགས་པ། སྤྱན་སྔ་ངག་དབང་ཆོས་གྲགས་མན་འདྲ། རྗེ་བཙུན་མི་གཡོ་བ་སྔོན་པོའི་ལྷ་འཁྲིད་མི་གཡོ་ཆོས་དྲུག་ཏུ་གྲགས་པའི་ཤིན་ཏུ་ཟབ་པ་ཐོབ་པའི་བརྒྱུད་པ་ནི། རྡོ་རྗེ་འཆང་། རྒྱལ་པོ་ཨིནྡྲ་བྷུ་ཏི། ཀླུའི་རྣལ་འབྱོར་མ། བི་སུ་ཀལྤ། བྲམ་ཟེ་ས་ར་ཧ། འཕགས་པ་ཀླུ་སྒྲུབ། ཙནྡྲ་ཀཱིརྟི། བིཪྻ་མི་ཏྲ། རོལ་པའི་རྡོ་རྗེ། སྒེག་པའི་ཞབས། ཤཱནྟི་པ། ཇོ་བོ་ཆེན་པོ་ཨ་ཏི་ཤ །སྒོམ་པ་བ་དབང་ཕྱུག་འབར། སྣེའུ་ཟུར་པ། གྱེར་སྒོམ་ཆེན་པོ། སངས་རྒྱས་དབོན་སྟོན། རྟོགས་ལྡན་བཟང་མོ་བ། ལྷ་འཕྲང་པོ་བ། སློབ་དཔོན་ལྕགས་རི་བ། སངས་རྒྱས་གཞོན་ནུ་འོད། རྒྱ་མ་བཀྲ་ཤིས་རྒྱལ་མཚན། མཁན་ཆེན་སངས་རྒྱས་རིན་ཅེན། མཁན་ཆེན་གྲགས་པ་ཚུལ་ཁྲིམས། མཁན་ཆེན་རྒྱལ་བ་བཟང་པོ། བྱ་བྲལ་བ་
བསོད་ནམས་རིན་ཅེན། བླ་མ་ཆོས་གྲགས་བཟང་པོ། འཇམ་དབྱངས་རིན་ཅེན་རྒྱལ་མཚན། མཁན་ཆེན་རྒྱལ་བ་ཕྱག་ན། མཁན་ཆེན་ཀུན་དགའ་བློ་གྲོས། ཏིའུ་ར་པ་རིན་ཅེན་ཆོས་ཀྱི་རྒྱལ་པོ། གཉུག་ལ་པཎ་ཆེན་ངག་དབང་གྲགས་པ་མན་གོང་བཞིན་ནོ། །ཡང་ན་རྟོགས་ལྡན་བཟང་མོ་བ་ནས། མཁན་ཆེན་བྱང་ཆུབ་དཔལ། མཁན་ཆེན་བདེ་བ་དཔལ། མཁན་ཆེན་གྲགས་པ་གཞོན་ནུ། རིན་པོ་ཆེ་བསོད་ནམས་གྲགས་པ། མཁན་ཆེན་གྲགས་པ་ཚུལ་ཁྲིམས་མན་འདྲ།
ཐུབ་པའི་དབང་པོ་ལ་གནས་བརྟན་བཅུ་དྲུག་གིས་བསྐོར་བ་རྡུལ་ཚོན་གྱི་དཀྱིལ་འཁོར་ལ་བརྟེན་པའི་རྗེས་གནང་ལེགས་པར་ཐོབ་པའི་ལུང་བརྒྱུད།
བཙུན་པ་ཤེས་རབ་རྒྱལ་མཚན་གྱིས་མཛད་པའི་གནས་བརྟན་ཕྱག་མཆོད་དང་རྗེས་གནང་གི་ཡི་གེའི་སྟེང་ནས་ཐུབ་པའི་དབང་པོ་འཕགས་པའི་གནས་བརྟན་བཅུ་དྲུག་གིས་བསྐོར་བ་རྡུལ་ཚོན་གྱི་དཀྱིལ་འཁོར་ལ་བརྟེན་པའི་རྗེས་གནང་ལེགས་པར་ཐོབ་པའི་བརྒྱུད་པ་ནི། ཇོ་བོ་ཆེན་པོ་དཱི་པཾ་ཀ་ར། སེམས་ཙམ་རྣམ་རྫུན་པའི་པཎྜི་ཏ། རྔོག་བྱང་ཆུབ་འབྱུང་གནས། བཤེས་གཉེན་པོ་ཏོ་བ། ཤ་ར་བ་ཡོན་ཏན་གྲགས། དགེ་བཤེས་འཆད་ཀ་བ། སེ་སྤྱིལ་བུ་བ། རྒན་མོ་ལྷས་པ་ཆེན་པོ། དཔལ་ལྡན་གྲོ་མོ་ཆེ་བ། མཆིམས་ནམ་མཁའ་གྲགས། མཆིམས་བློ་བཟང་གྲགས་པ། སློབ་དཔོན་སྦས་པ་སྟོན་གཞོན། ཆོས་སྐུ་བློ་གྲོས་འོད། མཁན་ཆེན་སེང་གེ་རྒྱལ་མཚན། བྱང་སེམས་ཆེན་པོ་ཤཱཀྱ་བསོད་ནམས། སྤྱན་སྔ་བསོད་ནམས་ལྷའི་དབང་པོ། སྤྱན་སྔ་ངག་དབང་ཆོས་གྲགས་རྒྱལ་མཚན། གཟིམས་འོག་པ་དཔལ་ལྡན་ཆོས་འབྱོར། ལོ་པ་སྤྱན་སྔ་ཀུན་དགའ་དོན་གྲུབ། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། བཀའ་དྲིན་མཉམ་
མེད་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །མཆིམས་ནམ་མཁའ་གྲགས་ཀྱིས་མཛད་པའི་འཕགས་པའི་གནས་བརྟན་བཅུ་དྲུག་གི་སྒྲུབ་ཡིག་རྒྱས་པའི་ལུང་ནོས་པའི་བརྒྱུད་པ་ནི། ཇོ་བོ་ཆེན་པོ། དྷ་ན་ཤྲཱི། རྔོག་བྱང་ཆུབ་འབྱུང་གནས། པོ་ཏོ་བ། ཤ་ར་པ། འཆད་ཀ་པ། སྤྱིལ་བུ་བ་གཉིས། འབྲེ་ལྷས་པ་རྡོ་རྗེ་དཔལ། སངས་རྒྱས་སྒོམ་པ། མཆིམས་ནམ་མཁའ་གྲགས། སློབ་དཔོན་བསོད་ཡེ། བསོད་གྲགས་པ། བར་འདིར་བླ་མ་གསུམ་བཞི་ཞིག་མ་རྙེད། སྤྱན་སྔ་ལྷ་བསོད་ནམས་ལྷ་དབང་། སྤྱན་སྔ་ངག་དབང་ཆོས་གྲགས། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །
སྤྱོད་རྒྱུད་ཀྱི་ལུང་བརྒྱུད།
གཉིས་པ་སྤྱོད་པའི་རྒྱུད་ནི། མདུན་ལེགས་མ་ལས། རྒྱུད་སྡེ་གཉིས་པ་སྤྱོད་པའི་རྒྱུད་རྣམས་ཀྱི། །གཙོ་བོར་གྱུར་པ་རྣམ་སྣང་མངོན་བྱང་གི །རྒྱུད་ལ་སྦྱངས་པས་སྤྱོད་པའི་རྒྱུད་ཀྱི་ཕྱོགས། །གང་ཡིན་དེ་ཡང་ལེགས་པར་ངེས་པར་བྱས། །ཞེས་གསུངས་པ་ལྟར་འཕགས་པའི་ཡུལ་དུ་རྣམ་གྲངས་མང་ནའང་ལྗོངས་འདིར་མཁས་པ་ཐམས་ཅད་ཞལ་མཐུན་པ་རྣམ་སྣང་མངོན་བྱང་སྟེ། དེ་ཡང་ཞ་ལུ་པ་ཡེ་ཤེས་རྒྱ་མཚོའི་ཁྲིགས་བཞིན་རྡོ་རྗེ་འཆང་མཁན་ཆེན་རིན་ཅེན་བསོད་ནམས་མཆོག་གྲུབ་ཀྱིས་ཟིན་བྲིས་སུ་མཛད་པའི་སྐུ་མི་ཟད་པ་རྒྱན་གྱི་བཀོད་པའི་དཀྱིལ་ཆོག་རབ་གསལ་ནོར་བུའི་ཕྲེང་བའི་སྟེང་ནས་དེ་བཞིན་གཤེགས་པའི་རིགས་ཀྱི་གཙོ་བོ་
བཅོམ་ལྡན་འདས། རྣམ་པར་སྣང་མཛད་མངོན་པར་བྱང་ཆུབ་པ་སྙིང་རྗེ་ཆེན་པོ་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་ཐོབ་པའི་བརྒྱུད་པ་ནི། སངས་རྒྱས། འཇམ་དཔལ། གྲུབ་ཆེན་ཛེ་ཏཱ་རི་པ། ཨ་ཤྭ་ཀ་ཤྲཱི་རྡོ་རྗེ་གདན་པ་ཆེ་བ། ལ་ལི་ཏ་ཐར་རྩེ་དང་སྒྲུབ་ཁང་པའི་གསན་ཡིག་ན་མི་འདུག་ཀྱང་བུ་སྟོན་ངོར་ཆེན་གོང་དཀར་བ་མཁྱེན་བརྩེ་བཞིའི་གསན་ཡིག་ན་འདུག །བཛྲ་རྡོ་རྗེ་གདན་པ་འབྲིང་བ། ཨ་མོ་གྷ་བཛྲ་རྡོ་རྗེ་གདན་པ་ཆུང་བ་གསུམ་གྱི་མཚན་ཡིན། བ་རི་ལོ་ཙཱ་བ་རིན་ཅེན་གྲགས། མཆིམས་བརྩོན་སེང་། མཆིམས་དོན་གྲུབ་རྒྱལ་བ། བུ་སྟོན་རྗེ་བཙུན་བཙོང་ཁ་པ་ངོར་ཆེན་གོང་དཀར་བ་ཐར་རྩེ་སྒྲུབ་ཁང་པ་དྲུག་གི་གསན་ཡིག་ན་མཆིམས་དོན་ནེ་ཟེར་བ་སྣང་། མཆིམས་ཆོས་སེང་། མཆིམས་བློ་བརྟན། འདི་བུ་ངོར་གོང་དཀར་བ་མཁྱེན་བརྩེ་བཞིའི་གསན་ཡིག་ན་སྣང་བས་ཐར་རྩེ་སྒྲུབ་ཁང་པའི་གསན་ཡིག་ན་ཆད་པ་འདྲ། མཆིམས་ནམ་མཁའ་གྲགས། སློབ་དཔོན་དར་མ་རྒྱལ་མཚན། བྱང་ཆེན་པ་བསོད་ནམས་འཕེལ། རྗེ་བཙུན་བཙོང་ཁ་བའི་གསན་ཡིག་ན་མི་འདུག་པ་ཆད་དམ་བརྟག །ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་སེམས་དཔའ་ཆེན་པོ། ཐར་རྩེ་དང་སྒྲུབ་ཁང་པའི་གསན་ཡིག་ན་འདི་གཉིས་མི་འདུག་ཅིང་གོང་དཀར་བའི་གསན་ཡིག་ན་མཁན་ཆེན་གྲགས་གཞོན་པས་བུ་སྟོན་ལ་ཐུག་འདུག་པ་དཔྱད། མཁན་ཆེན་གྲགས་པ་གཞོན་ནུ། ཞ་ལུ་མཁན་པོ་གྲགས་པ་རྒྱལ་མཚན། དབུར་སྟོད་པ་ཡོན་ཏན་དཔལ། འབྲས་སྤུངས་མཁན་ཆེན་རོང་པོ་བློ་བཟང་། རྡོ་རྗེ་འཆང་མཁྱེན་རབ་རིན་ཅེན་མཆོག་གྲུབ། སློབ་དཔོན་སངྒ་ཤྲཱི། སློབ་དཔོན་ཚུལ་ཁྲིམས་འོད་ཟེར། སློབ་དཔོན་བསོད་ནམས་དཔལ་འབྱོར། འཇམ་དཔལ་
དབྱངས་བྱང་གླིང་པ་བཀྲ་ཤིས་རྒྱལ་མཚན། བླ་མ་རྡོ་རྗེ་བཟང་པོ། བླ་མ་རིན་ཅེན་རྒྱ་མཚོ། ཞ་ལུ་མཁན་ཆེན་རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། རིགས་ཀུན་ཁྱབ་བདག་མགོན་པོ་བསོད་ནམས་མཆོག་ལྡན། ཐམས་ཅད་མཁྱེན་པ་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །གུ་གེ་པཎ་ཆེན་གྲགས་པ་རྒྱལ་མཚན་གྱིས་མཛད་པའི་དཀྱིལ་ཆོག་རིན་ཅེན་དབང་རྒྱལ་གྱི་སྟེང་ནས་གྲུབ་ཆེན་མ་ཎི་ཀ་བཛྲ་ལུགས་སུ་གྲགས་པའི་རྡོ་རྗེ་རིགས་ཀྱི་ཁྲོ་བོ་རྣམ་པར་འཇོམས་པ་ལྷ་བཅུ་དགུའི་རས་བྲིས་ཀྱི་དཀྱིལ་འཁོར་དུ་དབང་བསྐུར་བ་ལེགས་པར་ཐོབ་བའི་བརྒྱུད་པ་ནི། རྡོ་རྗེ་འཆང་། དཔལ་ཕྱག་ན་རྡོ་རྗེ། ངོར་ཆེན་དང་ཐར་རྩེ་པའི་གསན་ཡིག་ན་མི་འདུག་ཀྱང་རྗེ་མཁྱེན་བརྩེ་དང་མཁན་ངག་ཆོས་པའི་གསན་ཡིག་ན་སྣང་ངོ་། །རྗེ་བཙུན་བྱམས་པ། སྐལ་ལྡན་གང་གཱ་དྷ་ར། བྲམ་ཟེའི་སློབ་དཔོན་མ་ཎི་བཛྲ། པཎྜི་ཏ་ཛ་ཡ་ཝརྨ། པཎྜི་ཏ་ཛྙ་ན་ཤྲཱི། ལོ་ཙཱ་བ་ཅོག་གྲུ་ར་བཞི། བླ་མ་ཡོན་ཏན་ལེགས་པ། རྗེ་བསམ་གཏན་དབང་ཕྱུག །བླ་མ་དོན་གྲུབ་ཡེ་ཤེས། རྗེ་ཆོས་ཀྱི་བློ་གྲོས། བླ་མ་རྡོ་རྗེ་རྒྱལ་མཚན། རྗེ་དཀོན་ཅོག་རྡོ་རྗེ། བླ་མ་ཤེས་རབ་འབུམ། རོང་པ་ཆོས་ཀྱི་མགོན་པོ། ལོ་ཙཱ་བ་མཆོག་ལྡན། ངོར་ཆེན་དང་ཐར་རྩེའི་གསན་ཡིག་ཏུ་འདུག་པས་རྗེ་མཁྱེན་བརྩེ་དང་ངག་ཆོས་པའི་གསན་ཡིག་ན་ཆད་དམ་སྙམ། སྤུར་བསོད་ནམས་དབང་ཕྱུག །ངག་ཆོས་པའི་གསན་ཡིག་ན་འདི་ཆད། །བྱ་སྡེར་བ་བྱང་ཆུབ་རིན་ཅེན། བྱ་སྡེར་བ་བྱང་ཆུབ་གཞོན་ནུ། བྱ་སྡེར་བ་བྱམས་པ་རིན་ཅེན། བྱ་སྡེར་བ་བྱང་ཆུབ་སེང་གེ །ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་
བཟང་པོ། གུ་གེ་པཎ་ཆེན་གྲགས་པ་རྒྱལ་མཚན། འཇམ་དབྱངས་ནམ་མཁའ་བརྟན་པ། མཁན་ཆེན་དཀོན་ཅོག་ཚུལ་ཁྲིམས། རྡོ་རྗེ་འཆང་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །
རྣལ་འབྱོར་རྒྱུད་ཀྱི་ལུང་བརྒྱུད།
གསུམ་པ་རྣལ་འབྱོར་རྒྱུད་ནི། མདུན་ལེགས་མ་ལས། རྒྱུད་སྡེ་གསུམ་པ་རྣལ་འབྱོར་རྒྱུད་རྣམས་ཀྱི། །གཙོ་བོ་དཔལ་ལྡན་དེ་ཉིད་འདུས་པའི་རྒྱུད། །བཤད་རྒྱུད་རྡོ་རྗེ་རྩེ་མོ་ལ་སོགས་ལ། །སྦྱངས་པས་རྣལ་འབྱོར་རྒྱུད་གྱི་དགའ་སྟོན་མྱོང་། །ཞེས་པ་ལྟར་རྣལ་འབྱོར་རྒྱུད་ལ་ཐབས་གཙོ་བོར་སྟོན་པ་དང་ཤེས་རབ་གཙོ་བོར་སྟོན་པ་གཉིས་ལས་དུམ་བུ་དང་པོ་རྡོར་དབྱིངས་དང་གཉིས་པ་ཁམས་གསུམ་རྣམ་རྒྱལ། དེ་ལས་འཕྲོས་པའི་རིམ་པ་སོགས་རྣམ་གྲངས་མང་ནའང་ཡུལ་དུས་ཀྱི་བསྐལ་བས་ཆུ་ཐིགས་ཙམ་ནོས་པ་ལ་ཀུན་མཁྱེན་བུ་སྟོན་རིན་པོ་ཆེས་མཛད་པའི་དཀྱིལ་ཆོག་རིན་ཅེན་བསམ་འཕེལ་ལ་བྱང་གླིང་པ་རིན་ཅེན་རྒྱལ་པོའི་ལྷན་ཐབས་དང་རྡོ་རྗེ་འཆང་མཁྱེན་རབ་ཆོས་རྗེའི་དབང་ཆོག་སྦྱར་བའི་སྟེང་ནས་དུམ་བུ་དང་པོ་འདོད་ཆགས་ཅན་གཙོ་བོར་འདུལ་བ་རྩ་རྒྱུད་རྡོ་རྗེ་དབྱིངས་ཀྱི་རས་བྲིས་ཀྱི་དཀྱིལ་འཁོར་དུ་དཀྱིལ་ཆོག་ལུགས་ཀྱི་དབང་ལེགས་པར་ནོས་པའི་ཡོ་ག་སྨད་ལུགས་ཀྱི་བརྒྱུད་པ་ནི། བརྒྱུད་ཚུལ་འདི་ལ་འཇམ་དབྱངས་མཁྱེན་བརྩེ་དང་སྒྲུབ་ཁང་པའི་གསན་ཡིག་ན་རྒྱ་གར་དབུས་ནས་བརྒྱུད་པའི་ལུགས་ཞེས་ངོས་འཛིན་མཛད། ཁྱབ་བདག་རྣམ་སྣང་ཆེན་པོ། འཁོར་
ལོས་སྒྱུར་བ་རྡོ་རྗེ་སེམས་དཔའ། དཔལ་ཕྱག་ན་རྡོ་རྗེ། རྒྱལ་པོ་རབ་གསལ་ཟླ་བ། རྒྱལ་བུ་སྒྲ་གཅན་འཛིན་བཟང་པོ། པཎ་སེར། དཔའ་བོ་རྟ་པ་ལ། པཎ་སེར། ཛྙཱ་ན་བཛྲ། པཎ་སེར། པྲཛྙ་སིདྡྷི། པཎ་སེར། དེ་བཞི་ལ་སློབ་དཔོན་ཀུན་དཀའ་སྙིང་པོས་གསན། པཎ་སེར། དེ་ནས་པྲཛྙཱ་ཝ་ལི་ཏ། པཎ་སེར། རབ་འབྱོར་བསྐྱངས། པཎ་སེར། ཤྲཱདྡྷ་ཀ་ར་ཝརྨ། པཎ་སེར། སངས་རྒྱས། པཎ་སེར། ཞི་བ། རྗེ་མཁྱེན་བརྩེའི་གསན་ཡིག་ན་འདི་མི་འདུག །ལོ་ཆེན་རིན་ཅེན་བཟང་པོ། ཕྱར་ཕུ་བ།ལོ་ཆུང་ལེགས་པའི་ཤེས་རབ། བོད་བཙུན། དེ་གཉིས་ལ་རྒྱང་རོ་སྤེལ་དམར་གྱི་རྐྱང་པོ་ཆོས་བློ། སྔགས་དཀར་ལྕང་ལོ་ཅན། ལོ་ཆུང་དང་རྐྱང་པོ་གཉིས། ཀ་ལ་སུམ་སྟོན་ཡེ་ཤེས་འབར་དང་ལྕེ་སྟོན་འདིར་རྩ་བའི་བླ་མ་ཞ་ལུ་མཁན་རིན་པོ་ཆེའི་གསན་ཡིག་སོར་གནས་བྲིས་པ་ཡིན་རྡོ་རྗེ་གདན་པ་སྒྲུབ་ཁང་པ་མཁྱེན་བརྩེ་གསུམ་གྱི་གསན་ཡི་ན་བླ་མ་འདི་རྣམས་རིམ་པར་བརྒྱུད་པ་ལྟ་བུ་ཞིག་འདུག །ཆོས་གྲགས་གཉིས་ཀྱི་གསན། ལྕེ་ཞར་བའང་ཟེར་སྔགས་དཀར་ཅོ་བྲེ་ཅན། དེ་གཉིས་ཀ་ལ་སྟག་ཚལ་གདོང་སྔོན་གྱི་སྤུ་སྟོན་འབར་ཐོག །སྔགས་དཀར་ཅོ་བྲིག་ཅན། དེ་ནས་རོང་ལྷ་སྟེང་གི །གཙང་པ་ཡང་དག་རྡོ་རྗེ། སྔགས་དཀར་ལྕང་ལོ་ཅན། གཙང་སྟོན་སྨྲ་བའི་སེང་གེ །ལྕེ་སྟོན་མདོ་སྡེ་སེང་གེ །སྔགས་དཀར་ལྕང་ལོ་ཅན། མག་དགེ་སྡིངས་པ་ཀུན་མཁྱེན་ཆོས་སྐུ་འོད་ཟེར། ལྕེ་བློ་ལྡན་སེང་གེ །ལྕེ་མདོ་སེང་གེ་སྲས་དཀོན་ཅོག་སེང་གེའི་སྲས་སྔགས་དཀར་ལྕང་ལོ་ཅན། དེ་གཉིས་ཀ་ལ་འཕགས་འོད་ཡོན་ཏན་རྒྱ་མཚོ། དེ་ནས་ཐམས་ཅད་མཁྱེན་པ་བུ་སྟོན་རིན་ཅེན་གྲུབ། སྒྲ་ཚད་པ་རིན་ཅེན་རྣམ་རྒྱལ། ལྕེ་བཙུན་ནམ་མཁའ་མཆོག་གྲུབ། ཆོས་རྗེ་རིན་ཅེན་དཔལ་གྲུབ། རྡོ་རྗེ་འཆང་མཁྱེན་རབ་མཆོག་གྲུབ་དཔལ་བཟང་
མཁན་ཆེན་རིག་འཛིན་རྒྱལ་པོ། བྱང་གླིང་པ་རིན་ཅེན་རྒྱལ་པོ། །དེ་གསུམ་ག་ལ་སྐུ་ཞང་བསོད་ནམས་མཆོག་གྲུབ། དེ་ནས་བྱང་གླིང་པ་རིན་ཅེན་བཀྲ་ཤིས་རྒྱལ་མཚན། ཆོས་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་པ་ཆེན་པོ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་བྱང་གླིང་རྗེ་ནས། རྗེ་བསོད་ནམས་དཔལ་འབྱོར། རྗེ་རིན་ཅེན་རྒྱ་མཚོ་མན་འདྲ། ཡང་ན་མཁྱེན་རབ་རྗེ་ནས། ཆོས་རྗེ་བཀྲ་ཤིས་དཔལ་འབྱོར། བྱང་གླིང་རྗེ་མན་འདྲ། ཡང་ན་མཁྱེན་རབ་རྗེ་ནས་རྗེ་དོན་གྲུབ་རྒྱལ་མཚན། བྱང་གླིང་རྗེ་མན་འདྲ། ཡང་ན་བྱང་གླིང་རིན་ཅེན་རྒྱལ་པོ་ནས། ཆོས་རྗེ་བཀྲ་ཤིས་དཔལ་འབྱོར། བྱང་གླིང་རྗེ་མན་འདྲ། ཡང་ན་ཐུགས་སྲས་ལོ་ཙཱ་བ་ནས། འཇམ་དབྱངས་གྲགས་པ་རྒྱལ་མཚན། སློབ་དཔོན་ཡེ་ཤེས་རྒྱ་མཚོ། ཐམས་ཅད་མཁྱེན་པ་རྡོ་རྗེ་གདན་པ། བླ་མ་ཡོན་ཏན་རྒྱ་མཚོ། རྗེ་ཨོ་རྒྱན་རྒྱལ་པོ། མཁན་ཆེན་བསོད་ནམས་རྒྱལ་པོ། ཉི་མ་གླིང་པ་མཁས་གྲུབ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་བཅོམ་ལྡན་འདས་རྣམ་པར་སྣང་མཛད། བརྒྱུད་པ་འདི་ལ་ཀུན་མཁྱེན་བུ། རྗེ་བཙུན་བཙོང་ཁ་པ། རྗེ་མཁྱེན་བརྩེ་གསུམ་གྱི་གསན་ཡིག་ན་ཟངས་དཀར་ལུགས་ཀྱི་བརྒྱུད་པར་ངོས་འཛིན་མཛད་འདུག་ཅིང་སྒྲུབ་ཁང་པའི་གསན་ཡིག་སྨད་ལུགས་སུ་བཞེད་དོ། །ཕྱག་ན་རྡོ་རྗེ། རྒྱལ་པོ་ཨིནྡྲ་བྷཱུ་ཏི་ཆེ་བ། བར་པ། ཆུང་བ། སློབ་དཔོན་ཀླུ་སྒྲུབ། ཀླུའི་བྱང་ཆུབ། ཛྙཱ་ན་བཛྲ། ཨཽ་ཌི་ཡཱ་ནའི་སྨྲ་བའི་གཙུག་གི་ནོར་བུ་ཀུན་དགའ་སྙིང་པོ། རྗེ་བཙུན་བཙོང་ཁ་པའི་གསན་ཡིག་ན་འདི་ཟུར་དུ་སྣང་། རབ་དབྱིངས་བཤེས་གཉེན། རྗེ་བཙུན་བཙོང་ཁ་པའི་གསན་ཡིག་ན་འདི་ལ་ཤྲཱདྡྷ་ཀ་ར། པདྨ་ཀ་ར། དྷརྨ་ཀ་ར་གསུམ་གྱིས་གསན་
བར་པ་ལ་ལོ་ཆེན་གྱིས་གསན་ཞེས་སྣང་། པདྨ་ཀ་ར་ཝརྨ། ལོ་ཆེན་རིན་ཅེན་བཟང་པོ། ལོ་ཆུང་ལེགས་ཤེ །ཟངས་དཀར་ལོ་ཙཱ་བ་འཕགས་པ་ཤེས་རབ། ཕྱར་བུ་བ། ཀློག་སྐྱ་སེང་གེ་རྒྱལ་བ། དེ་ལ་སྤྱང་ཚང་སྟོན་པ་རྩེ་མོ་དང་ཇོ་ཤེ་གཉིས་ཀྱིས་གསན། དེ་གཉིས་ནས་གཙང་ཡང་དག་རྡོ་རྗེ། སྔགས་དཀར་ལྕང་ལོ་ཅན། གཙང་སྨྲ་སེང་མན་གོང་ལྟར་རོ། །ཁ་ཆེ་ལུགས་ཀྱི་བརྒྱུད་པ་ནི། ཀུན་མཁྱེན་བུ། རྗེ་བཙུན་བཙོང་ཁ་པ། སྒྲུབ་ཁང་པ་གསུམ་གྱི་གསན་ཡིག་ནའང་ཁ་ཆེའི་བརྒྱུད་པར་མཛད་འདུག །པྲ་ཛྙ་ཝ་ལི་ཏ་ནས། པྲཛྙ་བོདྷི། མུཀྟི་ཀོ་ཥ། ཤྲཱདྡྷ་ཀ་ར། ལོ་ཆེན་རིན་བཟང་། རྐྱང་པོ་ཆོས་བློ། སུམ་སྟོན་ཡེ་འབར། ལྕེ་ཞར་བ། སྤུ་སྟོན་མན་གོང་དང་འདྲ། དབུས་འགྱུར་འཆང་བའི་ལུགས་ཀྱི་བརྒྱུད་པ་ནི། འདི་གོང་དཀར་བའི་གསན་ཡིག་ན་སྨད་ལུགས་དང་རྗེ་མཁྱེན་བརྩེའི་གསན་ཡིག་ན་ཁ་ཆེའི་ལུགས་ཀྱི་བརྒྱུད་པར་བཞེད་ཅིང་རྗེ་བཙུན་བཙོང་ཁ་པའི་གསན་ཡིག་ཏུའང་དབུས་བརྒྱུད་དུ་བཞེད་དོ། །མུཀྟི་ཀོ་ཥ་ཡན་གོང་ལྟར་ལ། དེ་ནས་སངས་རྒྱས་ཞི་བ། ལོ་ཆེན། ལོ་ཆུང་། གཉིས་ཀ་ལ་རྐྱང་པོ་ཆོས་བློ་མན་གོང་བཞིན་ནོ། །ཡོ་ག་སྟོད་ལུགས་ཀྱི་བརྒྱུད་པ་ནི། གོང་དཀར་བའི་གསན་ཡིག་ནའང་སྟོད་ལུགས་སུ་བགྲངས་འདུག་ཅིང་རྗེ་མཁྱེན་བརྩེའི་གསན་ཡིག་ན་སྨད་ལུགས་ཟེར་བ་འདུག་པ་ཕྱག་བྲིས་ནོར་རམ་སྙམ་པ་དཔྱད། ཐར་རྩེ་པའི་གསན་ཡིག་ན་རྡོར་དབྱིངས་རྩ་ལུགས་ཀྱི་བརྒྱུད་པར་ངོས་བཟུང་། རབ་འབྱོར་བསྐྱངས་ཡན་གོང་ལྟར་ལ། དེ་ནས་ཁ་ཆེ་དྷརྨ་པཱ་ལ། ལོ་ཆེན་རིན་ཅེན་བཟང་པོ། གུང་ཤིང་པ་བརྩོན་འགྲུས་རྒྱལ་མཚན། ལོ་ཆེན་གྱི་བླ་ཆེན་ཆེ་བ་བཞིའི་ཡ་གྱལ་གཅིག་ཡིན་ཞིང་བོད་བཙུན་ཆས། གཉལ་པ་ཉི་མ་ཤེས་རབ། སྔགས་པ་གོས་དཀར་ལྕང་ལོ་ཅན། སྣུར་ཉི་མ་འོད་ཟེར། རྩ་སྐྱ་
སྟོན་པ་དཀོན་ཅོག་གྲགས། སྔགས་པ་གོས་དཀར་ལྕང་ལོ་ཅན། རྩ་སྐྱ་ཤཱཀྱ་འབུམ། འདིས་ཡབ་ཆོས་གྲགས་པ་ཆོས་ལུང་ཐོབ་པ་ཙམ་བྱས་ནས་གླན་ལ་གཏུགས་སྔགས་པ་གོས་དཀར་ཅོ་བྲེག་ཅན། དབུས་པ་སངས་རྒྱས་འབུམ། བོད་བཙུན། བླ་མ་ཆོས་སྐུ་འོད་ཟེར། བོད་བཙུན། ཆོས་རྗེ་འཕགས་འོད་མན་གོང་དང་འདྲ། ཡང་ན་སྣུར་ཉི་མ་འོད་ཟེར་ནས། འདི་ཐར་རྩེ་པའི་གསན་ཡིག་རྡོར་དབྱིངས་འབྲེལ་ལུགས་ཀྱི་བརྒྱུད་པར་ངོས་བཟུང་འདུག །སྣུར་རྡོ་རྗེ་སེང་གེ །སྔགས་དཀར་ལྕང་ལོ་ཅན། གླན་ཆོས་འབྱུང་རྩ་སྐྱ་སྟོན་པ་ཤཱཀ་འབུམ། སྔགས་དཀར་ལྕང་ལོ་ཅན། རྩ་སྐྱ་ཁྲི་བརྟན། །སྣུར་ཡེ་ཤེས་རྒྱལ་མཚན། བོད་བཙུན། སྣུར་ཆོས་འཕགས་རྒྱལ་མཚན། འཕགས་འོད་ཡོན་ཏན་རྒྱ་མཚོ་མན་གོང་བཞིན་ནོ། །ཆོས་རྗེ་ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་རྡོ་རྗེ་དབྱིངས་ཀྱི་དཀྱིལ་འཁོར་གྱི་ཆོ་ག་རྡོ་རྗེ་ཐམས་ཅད་འབྱུང་བ་ཞེས་བྱ་བའི་ལག་ལེན་རིན་ཅེན་བསམ་འཕེལ། དེ་མཛད་པའི་ཡོ་གའི་མཆོད་འཕྲེང་བླ་མེད་མཆོད་སྤྲིན། དེས་མཛད་པའི་རབ་གནས་བཀྲ་ཤིས་རྒྱས་བྱིན་རྣམས་ཀྱི་ལུང་བརྒྱུད་ནི། ཐམས་ཅད་མཁྱེན་པ་བུ་སྟོན་རིན་ཅེན་གྲུབ། ཐུགས་སྲས་ལོ་ཙཱ་བ། ལྕེ་སྟོན་ནམ་མཁའི་མཚན་ཅན། མཁས་མཆོག་ཙནྡྲ་ཤྲཱི། ཀུན་མཁྱེན་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། བྱང་གླིང་པ་རིན་ཅེན་རྒྱལ་པོ། འབྲོག་ཁང་པ་དོན་གྲུབ་རྒྱལ་མཚན། བྱང་གླིང་པ་བཀྲ་ཤིས་རྒྱལ་མཚན། བླ་མ་ཀུན་དགའ་བཀྲ་ཤིས། བྱང་གླིང་པ་རིན་ཅེན་རྒྱ་མཚོ། ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །རབ་གནས་བཀྲ་ཤིས་རྒྱས་བྱེད་ཀྱི་ལྷན་ཐབས་རྡོ་རྗེ་འཆང་རིན་
ཅེན་བསོད་ནམས་མཆོག་གྲུབ་ཀྱིས་མཛད་པའི་རབ་གནས་ཕུན་ཚོགས་དཔལ་འབར། དེས་མཛད་པའི་རབ་གནས་རྒྱས་པའི་ཡོན་བདག་བསྒོ་བའི་བཤད་པ། དེས་མཛད་པའི་རྡུལ་ཚོན་སྤྱན་དྲང་བའི་ཆོ་ག་རྡོ་རྗེ་དབྱིངས་ལ་སྦྱར་བ་དཔལ་འབྱོར་དབྱར་མཚོ་ལྟར་འཕེལ་རྣམས་ཀྱི་ལུང་ཡང་རྩོམ་པ་པོ་ཉིད་ལ་ལེགས་པར་ནོས་སོ། །
ཀུན་རིག་རྩ་བའི་རས་བྲིས་ཀྱི་དཀྱིལ་འཁོར་དུ་ཆོས་རྗེ་འདུལ་བ་འཛིན་པ་གྲགས་པ་རྒྱལ་མཚན་གྱི་ཡིག་ཆའི་སྟེང་ནས་དབང་ལེགས་པར་ནོས་པའི་སྟོད་ལུགས་ཀྱི་ལུང་བརྒྱུད།
ཞེ་སྡང་ཅན་གཙོ་བོར་འདུལ་བ་དཔལ་ཁམས་གསུམ་ལས་རྣམ་པར་རྒྱལ་བའི་སྡིག་པ་བྲལ་བའི་སྐབས་ལས་འཕྲོས་པས་འཕྲོས་པའི་རྒྱུད་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ལས་གསུངས་པའི་ཀུན་རིག་རྩ་བའི་རས་བྲིས་ཀྱི་དཀྱིལ་འཁོར་དུ་ཆོས་རྗེ་འདུལ་བ་འཛིན་པ་གྲགས་པ་རྒྱལ་མཚན་གྱི་ཡིག་ཆའི་སྟེང་ནས་དབང་ལེགས་པར་ནོས་པའི་སྟོད་ལུགས་ཀྱི་བརྒྱུད་པ་ནི། བཅོམ་ལྡན་འདས་རྣམ་པར་སྣང་མཛད། ཕྱག་ན་རྡོ་རྗེ། རབ་གསལ་ཟླ་བ། སྒྲ་གཅན་འཛིན། སློབ་དཔོན་ཀུན་དགའ་སྙིང་པོ། པྲཛྙ་ཝ་ལི་ཏ། པྲཛྙ་བོ་དྷི། མུཀྟི་ཀོ་ཥ། དྷརྨ་པཱ་ལ། ཇོ་བོ་ཨ་ཏི་ཤ །དོ་པ་སྒོམ་ཆེན། སྐྱི་ནོར་ཛྙ་ན། གཉལ་པ་ཉི་མ་ཤེས་རབ། སྣུར་ཉི་འོད། དེ་སྲས་སྣུར་རྡོ་རྗེ་སེང་གེ །སྣུར་བྱང་ཆུབ་འོད། སྣུར་ཉི་མ་རྒྱལ་མཚན། རིན་ཅེན་ཤེས་རབ། བླ་མ་ཡང་རྩེ་བ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་ཅེན་གྲུབ། ཐུགས་སྲས་སེམས་དཔའ་ཆེན་པོ། འདུལ་འཛིན་གྲགས་པ་རྒྱལ་མཚན། འབྲོང་རྩེ་ལྷ་རས་རྗེ། གྲུབ་ཆེན་ངག་དབང་བློ་གྲོས། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་
མཁྱེན་པ་བསོད་ནམས་རྒྱ་མཚོ། ཤར་པ་ནམ་མཁའ་རྒྱལ་མཚན། ཆོས་རྗེ་རིན་ཅེན་བཤེས་གཉེན། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་སྣུར་ཉི་འོད་ནས་གཤེན་རྡོར་སེང་། གླན་ཆོས་འབྱུང་། གཏུམ་སྟོན་ཤཱཀ་འབུམ། བླ་མ་མཛིམས་པ་རིན་ཅེན་ཤེས་རབ། ཡང་རྩེ་བ་རིན་ཅེན་སེང་གེ་མན་འདྲ། ཡང་ན་པྲ་ཛྙ་ཝ་ལི་ཏ་ནས། གོ་མི་དགེ་བསྙེན། ཤཱཀྱ་ཛྙཱ་ན། ཇོ་བོ་རྗེ་མན་འདྲ། ཡང་ན་པྲཛྙ་ཝ་ལི་ཏ་ནས། དྷརྨ་པཱ་ལ། རབ་འབྱོར་བསྐྱངས། ཇོ་བོ་རྗེ་མན་གོང་ལྟར་རོ། །ཡང་ན་སྣུར་ཉི་འོད་ནས། རྩ་སྐྱ་སྟོན་གྲགས། སློབ་དཔོན་སྟོན་འབུམ། དབུས་པ་སངས་རྒྱས་འབུམ། དགེ་སྡིངས་པ་ཆོས་སྐུ་འོད་ཟེར། ཀུན་མཁྱེན་འཕགས་འོད། བུ་སྟོན་རིན་པོ་ཆེ་མན་འདྲ། ཡང་ན་སངས་རྒྱས། ཕྱག་ན་རྡོ་རྗེ། རབ་གསལ་ཟླ་བ། ཡེ་ཤེས་རྡོ་རྗེ། ཀུན་དགའ་སྙིང་པོ་མན་གོང་དང་འདྲ། ཡང་ན་རྣམ་པར་སྣང་མཛད། ཛེ་ཏཱ་རི་པ། ཀུན་དགའ་སྙིང་པོ། རབ་འབྱོར་བསྐྱངས། ནཱ་ཡ་ཀ་པ། མཻ་ཏྲི་པ། རྡོ་རྗེ་གདན་པ། ནི་སྐ་ལམ་ཀ །དེ་ཝེནྡྲ། ཆག་ལོ་ཆོས་རྗེ་དཔལ། གཡག་སྡེ་ལོ་ཙཱ་བ་བསོད་ནམས་སེང་གེ །ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་མན་འདྲ། ཡང་ན་རྡོ་རྗེ་སེམས་དཔའ། ཨ་ནུ་ས་མ་རཀྵི་ཏ། རིན་ཅེན་འབྱུང་གནས་ཞི་བ། བྷསྐ་ར་དེ་ཝ། རྡོ་རྗེ་གདན་པ་མན་འདྲ། ཡང་ན་རྡོ་རྗེ་གདན་པ་ནས། བི་ཁྱཱ་ཏ་དེ་ཝ། ཁ་ཆེ་པཎ་ཆེན་ཤཱཀྱ་ཤྲཱི། བི་བྷཱུ་ཏི་ཙནྡྲ། གཡག་སྡེ་ལོ་ཙཱ་བ་མན་འདྲ། ཡང་ན་རྩ་སྐྱ་སྟོན་གྲགས་
ནས། རྩ་སྐྱ་ཤཱཀ་འབུམ། འཛིམས་པ་རིན་ཅེན་ཤེས་རབ། ལོ་ཙཱ་བ་མཆོག་ལྡན་མན་འདྲ། སྨད་ལུགས་ཀྱི་བརྒྱུད་པ་ནི། སློབ་དཔོན་ཀུན་དགའ་སྙིང་པོ་ཡན་གོང་ལྟར་ལ། དེ་ནས་དེ་བཞིན་གཤེགས་པའི་རྡོ་རྗེ། ཤྲཱདྡྷ་ཀ་ར་ཝརྨ། ལོ་ཆེན་རིན་ཅེན་བཟང་པོ། ལོ་ཆུང་ལེགས་པའི་ཤེས་རབ། སུམ་སྟོན་ཡེ་འབར། གཉལ་སྟོན་ཚུལ་འབར། ཐོད་པ་དབེན་རྩ་གྲགས། ཐོད་པ་འོད་ཟེར། རི་ལུང་ཕུག་པ་ཆོས་མགོན། བླ་མ་བློ་ལྡན་སེང་གེ །བླ་མ་འཕགས་འོད། ཀུན་མཁྱེན་བུ་སྟོན་མན་སྔར་བཞིན་ནོ། །ཆོས་རྗེ་འདུལ་བ་འཛིན་པ་གྲགས་པ་རྒྱལ་མཚན་གྱིས་མཛད་པའི་ཀུན་རིག་ཊཱིཀ་ཆེན་གྱི་ལུང་ནོས་པའི་བརྒྱུད་པ་ནི། ཆོས་རྗེ་འདུལ་བ་འཛིན་པ། བར་འདིར་བླ་མ་འགའ་ཞིག་གི་གསན་ཡིག་བདེ་གཟར་དུས་འཐོར་བའི་ཁྲོད་དུ་སོང་ནས་མ་རྙེད། རིམ་བཞིན་རྗེ་ནམ་མཁའ་རྒྱལ་མཚན། ཆོས་རྗེ་རིན་ཅེན་བཤེས་གཉེན་ཁྱབ་བདག་དཔལ་འབྱོར་ལྷུན་གྲུབ། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །དཔལ་ཕྱག་ན་རྡོ་རྗེ་འཆི་བདག་འཇོམས་པའི་རས་བྲིས་ཀྱི་དཀྱིལ་འཁོར་ཆེན་པོར་དབང་བསྐུར་བ་ཐོབ་པའི་བརྒྱུད་པ་ནི། བཅོམ་ལྡན་འདས་ཀུན་རིག །ཕྱག་ན་རྡོ་རྗེ།རབ་གསལ་ཟླ། སྒྲ་གཅན་འཛིན། གྲུབ་ཆེན་ཀུན་སྙིང་། པྲ་ཛྙ་ཝ་ལི་ཏ། པྲ་ཛྙ་བོདྷི། མུཀྟི་ཀོ་ཥ། དྷརྨ་པཱ་ལ། ཇོ་བོ་རྗེ། དོ་པ་སྒོམ་ཆེན། སྐྱི་ནོར་ཛྙཱ་ན། གཉལ་པ་ཉི་ཤེ། སྣུར་ཉི་མ། སྣུར་བཛྲ་སིདྷ། སྣུར་བྱང་ཆུབ་འོད། སྣུར་ཉི་མ་རྒྱལ་མཚན། སྣུར་ཡེ་ཤེས་རྒྱལ་མཚན། སྣུར་ཆོས་འཕགས་རྒྱལ་མཚན། འཕགས་འོད་ཡོན་ཏན་རྒྱ་
མཚོ། བུ་སྟོན་ཐམས་ཅད་མཁྱེན་པ། ཐུགས་སྲས་སེམས་དཔའ་ཆེན་པོ། ཆོས་རྒྱལ་ནམ་མཁའི་མཚན་ཅན། ཆོས་རྗེ་རིན་ཅེན་དཔལ་གྲུབ། རྡོ་རྗེ་འཆང་མཁྱེན་རབ་ཆོས་རྗེ། དགེ་སློང་ཆོས་ལེགས་པ། གནས་བརྟན་བསྟན་པ་བཟང་པོ། འཇམ་དབྱངས་བྱང་གླིང་རྗེ། ལྷ་བོ་དབུ་མཛད་རིན་ཅེན་རྒྱ་མཚོ། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་ཐུགས་སྲས་ནས། འཇམ་དབྱངས་གྲགས་པ་རྒྱལ་མཚན། ཤར་ཆེན་ཡེ་ཤེས་རྒྱ་མཚོ། གོང་དཀར་རྡོ་རྗེ་གདན་པ། འདི་ནས་བླ་མ་གཅིག་གཉིས་ཚོལ། ཀུན་བཟང་རྩེ་པ་དབང་ཕྱུག་རྒྱལ་མཚན། རྩ་བའི་བླ་མ་ཞ་ལུ་པ། དེས་བདག་ལའོ། །བཅོམ་ལྡན་འདས་རྡོ་རྗེ་མི་འཁྲུགས་པ་ལྷ་བཅུ་གསུམ་མའི་རས་བྲིས་ཀྱི་དཀྱིལ་འཁོར་དུ་དབང་ཐོབ་པའི་བརྒྱུད་པ་ནི། དཔལ་ལྡན་བླ་མ་དམ་པས་བསྐུལ་ནས་ཐམས་ཅད་མཁྱེན་པ་བུས་ཕྱག་རྡོར་འཆི་བདག་འཇོམས་པའི་གཙོ་བོ་འཕོ་བར་མཛད་པ་ཁུངས་ཤིན་ཏུ་ཆེ། བྱ་རྒྱུད་ཡིན་ཁུལ་གྱི་ལྷ་བཅུ་གསུམ་མ་འདྲ་འོང་འདུག་པ་ནི་རྒྱ་ནག་མདོ་རྩོམ་པ་དང་བོད་རྒྱུད་རྩོམ་པ་དང་འདྲའོ། །ཐུབ་པའི་དབང་པོ། ཀུན་དགའ་བོ། ཀླུ་སྒྲུབ། ཨཱརྱ་དེ་ཝ། ཨ་བ་དྷཱུ་ཏི་པ། ཨ་བྷྱ་ཀ་ར་གུཔྟ། གསེར་གླིང་པ། ཇོ་བོ་རྗེ། འབྲོམ་སྟོན་པ། པོ་ཏོ་བ། ཤ་ར་བ། རྒྱ་ཡེ་སྒོམ། གྲུབ་ཐོབ་ཧཱུྃ་འབར། ཞང་དགེ་སློང་། དགེ་སློང་དཀོན་ཅོག་ཡེ་ཤེས། བླ་མ་འཁུན་སྟོན། རོང་པ་དཀོན་ཅོག་འབར། མཁན་པོ་དབང་ཕྱུག་རིན་ཅེན། ཁམས་པ་ས་ཕུག་པ། དབུས་པ་སངས་རྒྱས་འབུམ། ཀུན་མཁྱེན་ཆོས་འོད། འཕགས་འོད་ཡོན་ཏན་རྒྱ་མཚོ། བུ་སྟོན་ཐམས་ཅད་མཁྱེན་པ། ཐུགས་སྲས་སེམས་དཔའ་ཆེན་པོ། ཆོས་རྒྱལ་ནམ་
མཁའི་མཚན་ཅན། ཆོས་རྗེ་རིན་ཅེན་དཔལ་གྲུབ། རྡོ་རྗེ་འཆང་མཁྱེན་རབ་ཆོས་རྗེ། ཆུ་མིག་ཁ་པ་དཀོན་ཅོག་དཔལ་བཟང་། འབྲོག་སྒང་པ་དོན་གྲུབ་རྒྱལ་མཚན། འཇམ་དབྱངས་བྱང་གླིང་ཆོས་རྗེ། དེ་ལ་རྗེ་སངས་རྒྱས་ཚེ་དཔལ་དང་བླ་མ་བསོད་ནམས་དཔལ་འབྱོར་གཉིས་ཀྱིས་ཞུས། གཉིས་ཀ་ལ་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་དགེ་སློང་དཀོན་ཡེ་ནས། མཁན་པོ་འབྲོམ། གཡའ་ལུང་དགོན་གསར་པ་རིན་བླ། འོད་ཆུང་བ་གཞོན་ནུ་འོད། གྲགས་ཆེན་པ། ཀུན་མཁྱེན་འཕགས་འོད་མན་འདྲ། ཡང་ན་ཁ་ཆེ་ཡེ་ཤེས་རྡོ་རྗེ། ལོ་ཆུང་གྲགས་འབྱོར་ཤེས་རབ། རྗེ་བཙུན་ས་ཆེན། རྗེ་བཙུན་རིན་པོ་ཆེ། ནུབ་པ་རིག་འཛིན་གྲགས། བོ་དོང་ར་ལུང་པ། ཤབ་ལུང་ཕུ་བ་ནམ་མཁའ་བསོད་ནམས། ནུབ་གོག་པ། དགེ་བཤེས་དར་གཞོན། མདོ་སྟོད་པ་སྟོན་པ་དོན་ཡོད། སློབ་དཔོན་རིན་རྒྱན། བླ་མ་གྲགས་ཆེན་པ། ཀུན་མཁྱེན་འཕགས་འོད་མན་གོང་བཞིན་ནོ། །ཡང་ན་སངས་རྒྱས། ཛེ་ཏཱ་རི། གསེར་གླིང་པ། ཇོ་བོ་རྗེ། ལོ་ཆེན་རིན་བཟང་། རྐྱང་པོ་ཆོས་བློ། རྐྱང་པོ་ཞང་ཁྲི། གཉལ་པ་སྒོག་སྟོན། འཁུར་སྟོན་གཞོན། རོང་པ་དཀོན་ཅོག་འབར། མཁན་པོ་དབང་རིན། ས་ཕུག་པ་ཤཱཀྱ་རྡོ་རྗེ། སངས་རྒྱས་འབུམ། ལོ་མཆོག་པ། འོད་ཆུང་པ། གཞོན་འོད། གྲགས་ཆེན་པ་མན་འདྲའོ། །ཀུན་མཁྱེན་བུས་མཛད་པའི་ཕྱག་ན་རྡོ་རྗེ་འཆི་བདག་འཇོམས་པའི་དཀྱིལ་འཁོར་གྱི་ཆོ་ག་འཆི་མེད་གྲུབ་པའི་བརྒྱུད་པ་ནི། ཀུན་མཁྱེན་བུ་སྟོན། རྗེ་དཔལ་མཆོག་པ། མཁས་པ་ཟླ་བ་དཔལ་རིན། འཁྲུལ་ཞིག་
རིན་པོ་ཆེ། མཁྱེན་རབ་རྗེ། རྗེ་རིན་ཅེན་རྒྱལ་པོ། རྗེ་དོན་གྲུབ་རྒྱལ་མཚན། འཇམ་དབྱངས་བྱང་གླིང་རྗེ། བླ་མ་ཀུན་དགའ་བཀྲ་ཤིས། རྗེ་དཀོན་ཅོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་དེས་མཛད་པའི་མི་འཁྲུགས་པ་ལྷ་བཅུ་གསུམ་གྱི་དཀྱིལ་འཁོར་གྱི་ཆོ་ག་ལས་སྒྲིབ་རྣམ་སྦྱོང་དང་། རོའི་སྦྱིན་སྲེག་གི་ཆོ་གས་སྡིག་པ་སྦྱོང་བ་གཉིས་ཀྱི་བརྒྱུད་པ་ནི། བུ་སྟོན་རྗེ། ཐུགས་སྲས་རིན་པོ་ཆེ། སྐུ་ཞང་ནམ་མཁའི་མཚན་ཅན། ཟླ་བ་དཔལ་རིན་མན་གོང་བཞིན་ནོ། །རྣལ་འབྱོར་རྒྱུད་ཀྱི་དཀྱིལ་འཁོར་ཆེན་པོ་རྣམས་ཀྱི་ཆོ་ག་བྱེད་པའི་སྐབས་སུ་གཏོར་མ་ཆ་གསུམ་མདོར་བསྡུས་ཏེ་གཏོང་ཚུལ་ངོར་ཆེན་གྱིས་སློབ་དཔོན་དད་བྱེད་གོ་ཆའི་གཞུང་དང་མཐུན་པར་མཛད་པའི་ལུང་བརྒྱུད་ནི། ངོར་ཆེན། སེམས་དཔའ་ཆེན་པོ། མཁྱེན་རབ་རིན་པོ་ཆེ། རྗེ་ཤཱཀྱ་དོན་གྲུབ། དབོན་ཀུན་དགའ་ལེགས་གྲུབ། བླ་མ་ཀུན་དགའ་ཆོས་གྲགས། བཅོ་བརྒྱད་པ་བསྟན་འཛིན་བཟང་པོ། དབོན་བསྟན་འཛིན་ལྷུན་གྲུབ། བྱམས་པ་ངག་དབང་ལྷུན་གྲུབ། ཞ་ལུ་པ་ཆེན་པོ། དེས་བདག་ལའོ། །ཁྱབ་བདག་བཀའ་འགྱུར་བ་ཆེན་པོ་ལས་ཀྱང་ཐོས་པ་ཡིན་རུང་བརྒྱུད་པ་ཞུ་བ་མ་བྱུང་།
རྣལ་འབྱོར་བླ་མེད་ཀྱི་ལུང་བརྒྱུད།
བཞི་པ་རྣལ་འབྱོར་བླ་ན་མེད་པ་ནི། མདུན་ལེགས་མ་ལས། བཞི་པ་རྣལ་འབྱོར་བླ་ན་མེད་པ་ལ། །འཕགས་ཡུལ་མཁས་པ་རྣམས་ལ་ཉི་ཟླ་ལྟར། །ཡོངས་སུ་གྲགས་པའི་ཕ་རྒྱུད་འདུས་པ་དང་། །རྣལ་འབྱོར་མ་རྒྱུད་ཀྱེ་རྡོར་བདེ་མཆོག་གི །རྩ་རྒྱུད་བཤད་པའི་རྒྱུད་ལ་སོགས་པ་དང་། །བསྡུས་རྒྱུད་གཞན་ཡང་བཤད་སྲོལ་མི་འདྲ་བའི། །ཤིང་རྟའི་སྲོལ་འབྱེད་དུས་ཀྱི་
འཁོར་ལོའི་རྒྱུད། །གསལ་བྱེད་དྲི་མ་མེད་པའི་འོད་ལ་སྦྱངས། །ཞེསཔ་ལྟར་རྣལ་འབྱོར་བླ་ན་མེད་པ་རྒྱ་མཚོ་ཆེན་པོ་བཞིན་བཞུགས་པ་ལས་ཅུང་ཟད་ནོས་པར། དེ་ཡང་ཕ་བླ་ན་མེད་པ། མ་བླ་ན་མེད་པ། གཉིས་སུ་མེད་པ་བླ་ན་མེད་པ་གསུམ་དུ་གྲགས་པ་རྗེ་བཙུན་ས་སྐྱ་པ་ཡབ་སྲས་རྣམས་ཀྱི་ཀྱེ་རྡོ་རྗེ་གཉིས་མེད་དུ་བཞེད་ཅིང་། ཐམས་ཅད་མཁྱེན་པ་བུ་སྟོན་དུས་ཀྱི་འཁོར་ལོ་གཉིས་མེད་དུ་བཞེད། རྗེ་བཙུན་བཙོང་ཁ་པ་ཆེན་པོ་བླ་མེད་ཀྱི་རྒྱུད་ཐམས་ཅད་གཉིས་མེད་དུ་བཞེད་པ་སོགས་རྣམ་གྲངས་མང་བ་གང་གི་རྗེས་སུ་འབྲངས་ཀྱང་ཚད་ལྡན་མཁས་ཤིང་གྲུབ་པ་བརྙེས་པའི་གསུང་ལས་མ་འདས་ནའང་ཐམས་ཅད་མཁྱེན་པ་བཙོང་ཁ་པ་ཆེན་པོའི་དགོངས་པ་ལྟར་ཕ་རྒྱུད། མ་རྒྱུད། དེ་དག་དང་བཤད་སྲོལ་མི་འདྲ་བའི་རྒྱུད་དང་གསུམ། དང་པོ་ལ། རིགས་དྲུག་ཡོད་པའི་མི་བསྐྱོད་པའི་རིགས་སུ་གཏོགས་པ་འདོད་ཆགས་ཅན་གཙོ་བོར་འདུལ་བར་བྱེད་པ་འདུས་པའི་སྐོར་ལ། དཔལ་གསང་བ་འདུས་པའི་རྒྱུད་ལས་གསུངས་ཤིང་རྒྱལ་བ་གཉིས་པ་དཔལ་མགོན་འཕགས་པ་ཀླུ་སྒྲུབ་ཀྱིས་ལེགས་པར་བཀྲལ་བའི་བཅོམ་ལྡན་འདས་མི་བསྐྱོད་རྡོ་རྗེ་ལྷ་སོ་གཉིས་ཀྱི་རས་བྲིས་ཀྱི་དཀྱིལ་འཁོར་ཆེན་པོར་ཞ་ལུ་པ་ཡེ་ཤེས་རྒྱ་མཚོས་མཛད་པའི་མངོན་རྟོགས་དངོས་གྲུབ་ཆར་འབེབས། ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་དཀྱིལ་ཆོག་ཡེ་ཤེས་ཆར་འབེབས། དེའི་ལྷན་ཐབས་འཕྲིན་ལས་བདེ་འཇུག་གསུམ་ལ་བརྟེན་ནས་དབང་བཞི་ཡོངས་རྫོགས་དང་ཐམས་ཅད་མཁྱེན་པ་བཙོང་ཁ་པ་ཆེན་པོས་མཛད་པའི་དཀྱིལ་ཆོག་
དབང་དོན་དེ་ཉིད་རབ་ཏུ་གསལ་བའི་སྟེང་ནས་དབང་བཞི་རྫོགས་པ་ཚར་གཅིག་སྟེ་ལན་གཉིས་སུ་ལེགས་པར་ནོས་པའི་བརྒྱུད་པ་ལ་བཀའ་བབས་བདུན་ལྡན་དུ་བཞུགས་པའི་ཐོག་མར་འགོས་ལུགས་ཀྱི་བརྒྱུད་པ་ནི། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས་ཀྱི་གསན་ཡིག་ན་ནག་པོའི་དཀྱིལ་ཆོག་དང་མཐུན་པའི་བརྒྱུད་པ་ཞེས་གཙོ་བོ་བླ་མའི་ནང་ནས་ནག་པོར་མཛད། སངས་རྒྱས་རྡོ་རྗེ་འཆང་། ཕྱག་ན་རྡོ་རྗེ། རྒྱལ་པོ་ཨིནྡྲ་བྷཱུ་ཏི། ཀླུ་ལས་གྱུར་པའི་རྣལ་འབྱོར་མ། མཁའ་འགྲོ་མ་གྲི་ཐོད་ཅན། རྒྱལ་པོ་བི་སུ་ཀལྤ། རྒྱ་གར་ཤར་ཕྱོགས་ཨོ་དེའི་ཤ །བྲམ་ཟེ་ཆེན་པོ་ས་ར་ཧ། དཔལ་མགོན་འཕགས་པ་ཀླུ་སྒྲུབ། དེ་ལ་སློབ་མའི་མཆོག་ཨཱཪྻ་དེ་ཝ། ཤཱཀྱ་བཤེས་གཉེན། ཀླུའི་བྱང་ཆུབ། ཟླ་བ་གྲགས་པ་སྟེ་བཞིས་ཞུས། བཞི་ཀ་ལ་སློབ་པའི་རྡོ་རྗེ། པཎ་སེར། དེ་ནས་ནག་པོ་སྤྱོད་པ། ས་འདྲེས་པ་ཆེན་པོ། པཎ་གྲུབ་རབ་བྱུང་། དེ་ལ་མར་མེ་མཛད། དེ་ཝ་ཨ་ཀ་ར་ཙནྡྲ། པཎ་དཀར་ཁྱིམ་པའི་རྟེན་ཅན། བིདྱཱ་བྷ་དྲ་གསུམ་གྱིས་གསན། མངོན་ཤེས་ཅན་ཟེར་པཎྜི་ཏ་ཡིན། གསུམ་ག་ལ་འགོས་ཁུག་པ་ལྷས་བཙས་ཀྱིས་གསན་ཞིང་། སྔགས་པ་གོས་དཀར་ཅོ་བྲེག་ཅན་ཡིན་དེང་སང་རབ་བྱུང་གི་ཆས་འདྲི་བ་ནི་རྣམ་པར་མ་བརྟགས་པའི་གྱ་ཚོམ་མོ། །དེར་མ་ཟད་ཟ་ཧོར་གྱི་མཁས་པ་བཙུན་མོ་ཅན། པཎ་དཀར། བལ་ཡུལ་ལྗོངས་ཀྱི་ནཱ་ག་ཀོ་ཊི། བི་ཀྲ་མ་ལ་ཤཱི་ལའི་ཐམས་ཅད་མཁྱེན་པར་གྲགས་པ་དཱི་པཾ་ཀ་ར། པཎ་སེར། རྡོ་རྗེ་གདན་གྱི་མཁན་པོ་ནག་པོ་པ། པཎ་སེར། ཀོངྐ་ལའི་མཁས་པ་ཆེན་པོ་རྒྱལ་བུ་སྤྲིན་པཎ་དཀར། གྱི་ཤུགས་ཅན། ཟུར་གྱིས་འགོས་ལ་མཐུ་བྱུང་བར་དེའི་གཉེན་པོར་གཤིན་རྗེ་འཆར་ཀ་ཞུས་ནས་བསྐྱུར་བའི་འཆར་ཀ་སྤྲིན་ཤུགས་མར་གྲགས་པ་འདི་ལ་གསན་པ་ཡིན་ནོ། །རྒྱལ་པོའི་ཁབ་ཀྱི་མཁས་པ་ཆེན་
པོ་ཛ་ཧཱུྃ་རྗེ་བཙུན་བཙོང་ཁ་པའི་གསན་ཡིག་ན་ཛ་ཧུ་ཞེས་སྣང་། ཞེས་པ་ཞི་བ་བཟང་པོ། པཎ་དཀར། ཁ་ཆེ་གྲིབ་བརྟན་གྱི་མཁས་པ་ཆེན་པོ་ཙནྡྲ་ཧ་རི་སོགས་པཎ་དཀར། པཎྜི་ཏ་བདུན་ཅུ། མཁའ་འགྲོའི་བླ་མ་གཉིས་དང་བཅས་པ་ལ་འདུས་པ་གསན། འགོས་ལོ་ཙཱ་བ་ནས། འཇད་པ་སོ་རོང་གི་མང་ར་བ་རྗེ་བཙུན་བཙོང་ཁ་པའི་གསན་ཡིག་ན་འཇད་བོ་དོང་གི་ཞེས་སྣང་། སེང་གེ་རྒྱལ་མཚན། རབ་བྱུང་། འཇད་བྲག་ལྟག་གི་རྡོག་ཡེ་ཤེས་སེང་གེ ། རབ་བྱུང་། དེའི་དབོན་པོ་རྡོག་ཉི་མ་སེང་གེ །རྡོག་མུ་ནེ་རབ་ཏུ་བྱུང་བའི་མཚན། བྲེས་ཆུ་དབར་གྱི་གླན་རྩད་ཚ་ཉི་མ་ལྕམ། སྔགས་པ་གོས་དཀར་ཅོ་བྲེག །དེ་གཉིས་ཀ་ལ་རྡོག་ཨཱཪྻ་དེ་ཝ། རྡོག་མུ་ནི་རབ་ཏུ་མ་བྱུང་གོང་གི་སྲས། སྔགས་དཀར། དེའི་ཞར་ཆོས་པ་སྐྱི་མཁར་འཇུག །བྲེས་ཁ་དབེན་ཚའི་སྟག་པ་རིན་ཅེན་གྲགས། རབ་བྱུང་། ཀུན་མཁྱེན་ཆོས་སྐུ་འོད་ཟེར། འཕགས་འོད་ཡོན་ཏན་རྒྱ་མཚོ། ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ། མཁན་ཆེན་གྲགས་པ་རྒྱལ་མཚན། ཐམས་ཅད་མཁྱེན་པ་ཡེ་ཤེས་རྒྱ་མཚོ། རྡོ་རྗེ་འཆང་མཁྱེན་རབ་ཆོས་རྗེ། མཁན་ཆེན་རིག་འཛིན་རྒྱལ་པོ། མཚན་ཉིད་ཀྱི་ཐུགས་གཉེར་སྐྱིད་ཤོད་འབྲས་སྤུངས་སུ་མཛད་སྐྱོའི་རིགས་དགོན་པ་སྒྱིད་ལུང་པའི་ཞལ་ངོ་། །བླ་ཆེན་ཆོས་རིག་རྒྱལ་མཚན། ལྷ་འོ་གྲྭ་ཚང་གི་སློབ་དཔོན་བསོད་ནམས་དཔལ་འབྱོར། མཚུངས་མེད་བྱང་གླིང་རྗེ། གྲོང་གསར་ལོ་ཙཱ་བ་བློ་གྲོས་དཔལ་བཟང་། ཆོས་རྗེ་རིན་ཅེན་རྒྱ་མཚོ། ཁྱབ་བདག་རྡོ་རྗེ་སེམས་དཔའི་ངོ་བོ་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་བཀའ་དྲིན་དུ་བསྩལ་ཏོ། །ཡང་ན་
ཐམས་ཅད་མཁྱེན་པ་བུ་སྟོན་ནས། ཁྱུང་པོ་ལྷས་པ་གཞོན་ནུ་བསོད་ནམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ་དཀོན་ཅོག་རྒྱལ་མཚན། རྗེ་སངས་རྒྱས་རིན་ཅེན། ས་ལོ་ཐམས་ཅད་མཁྱེན་པ། རྗེ་སངས་རྒྱས་སེང་གེ །ཐར་རྩེ་བ་པཎ་ཆེན་ནམ་མཁའ་དཔལ་བཟང་། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་ཆེན་ཤེས་རབ་འབྱུང་གནས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་ཁྱུང་པོ་ལྷས་པ་གཞོན་ནུ་བསོད་ནམས་ནས། ཞ་ལུའི་རི་ཕུག་གི་བྱང་ནགས་ཕུག་གོང་གི་དགོན་པ་ཆོས་ཕུག་པ་དེ་ཡང་ཚོང་འདུས་ཀྱི་ནུབ་དགོན་པ་ཁྱུང་པོ་ལྷས་ཀྱི་གདན་ས་ཐོག་གཅིག་མཛད་པས་ཁྱུང་ལྷས་པར་གྲགས། གདུང་རུས་སྐྱོ། ཐམས་ཅད་མཁྱེན་པ་བཙོང་རྣམ་ཐར་ཆེ་ཆུང་ཚོར་འདི་ཉིད་ཀྱི་དབང་བཀའ་ཡོངས་གྲགས་སུ་མ་གནང་བའི་ཕྱོགས་ཡོད་པས་དབུ་མ་པ་དང་བཟང་སྐྱོང་པ་བརྒྱུད་པར་མི་བཞུགས་པར་རྗེ་བླ་མ་འདྲེན་པ་ནི་ཁུངས་མ་དཔྱད་པའི་སྐྱོན་ཏེ། དེ་རིགས་ཀྱི་བརྒྱུད་པ་ཕལ་ཆེར་ལ་བུ་སྟོན་ནས་དཔལ་ལྡན་བླ་མ་དམ་པ། ལོ་ཆེན་སྐྱབས་མཆོག་དཔལ། དེ་ལ་རྗེའི་དངོས་སློབ་ཕལ་ཆེར་གྱིས་གསན་པས་བརྒྱུད་པ་དེ་ལྟར་དུ་འདྲེན་དགོས་ཤིང་། མཁས་གྲུབ་རྗེར་འཇིགས་བྱེད་དཔའ་བོ་རྡོ་རྗེ་དང་བཟང་སྐྱོང་བར་གསང་འདུས་ནི་བྱིངས་ལ་མ་གྲགས་པར་གསང་བའི་ཚུལ་དུ་གནང་བར་འདུག་ཅིང་རང་ཕྱོགས་ཀྱི་དབང་ལུང་གི་ཕྱག་ལེན་དང་བརྒྱུད་པ་རྣམ་པར་དག་པ་སྔགས་རམ་པ་ཡིན་པས་དེའི་གསན་ཡིག་ནའང་བཟང་སྐྱོང་པས་རྗེ་ལ་གསན་པར་མཛད་སྣང་ངོ་། །ཁ་པ་ཆེན་པོ། རྒྱལ་སྲས་བཟང་སྐྱོང་བ། ཤར་པ་རིན་ཅེན་རྒྱལ་མཚན། །མཁས་གྲུབ་ཤེར་འབྱུང་བློ་གྲོས། མཁས་གྲུབ་དཔལ་ལྡན་སེང་གེ །མཁས་བཙུན་ཡོན་ཏན་རྒྱ་མཚོ། ཐོན་པ་དགེ་ལེགས་དཔལ་
བཟང་། ཆོས་རྗེ་འོད་ཟེར་བཟང་པོ། རྗེ་ཆོས་གྲགས་འོད་ཟེར། མཚུངས་མེད་ནམ་མཁའ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་བྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བསྩལ་ཏོ། །ཡང་ན་རྡོག་ཡེ་ཤེས་སེང་གེ་དང་གླན་རྩད་ཚ་བ་གཉིས་ལ་སྙེ་མོའི་ཕུག་ཀ་བ་འབུམ་སྐྱབས། སྔགས་དཀར། དེ་ནས་རོང་ལྷ་སྟེང་གི་གཙང་སྟོན་སྨྲ་སེང་། ཉང་སྟོད་སྲེབས་ཆུང་གི་ལྕེ་མདོ་སྡེ་སེང་གེ །སྔགས་དཀར། ཀུན་མཁྱེན་ཆོས་སྐུ་འོད་ཟེར་མན་གོང་ལྟར་རོ། །ཡང་ན་བྲག་ལྟག་པ་ཡེ་ཤེས་སེང་གེ་ལ། བོད་བཙུན། ཆ་གར་མོན་བྲག་གི་མི་ཉག་རྡོ་རྗེ་གྲགས། སྔགས་པ་གོས་དཀར་ཅོ་བྲེག་ཅན། དེ་ནས་ལྕེ་མདོ་སྡེ་སེང་གེ །གོས་དཀར་ཅོ་བྲེག་ཅན། དགེ་སྡིངས་པ་ཆོས་སྐུ་འོད་ཟེར་མན་འདྲ། ཡང་ན་གླན་རྩད་ཚ་ནས། ཐང་སྤེ་བ། གྲུབ་ཐོབ་སེ་སྡིངས་པ། ཀུན་མཁྱེན་འཕགས་འོད་མན་འདྲ། ཡང་ན་དགེ་སྡིངས་པ་ཆོས་སྐུ་འོད་ཟེར་ནས། ལྕེ་བློ་ལྡན་སེང་གེ །བླ་མ་འཕགས་འོད་མན་འདྲ། ཡང་ན་འགོས་ལོ་ཙཱ་བ་ནས། དབུས་པ་དགེ་སེར། གནམ་ཁའུ་པ། རྗེ་ས་ཆེན། ཁའུ་པ་རྡོ་རྗེ་བདུད་འཇོམས། རྗེ་བཙུན་གྲགས་པ། ཆོས་རྗེ་ས་པཎ། འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། རི་ཁྲོད་པ་བློ་བརྟན། རྗེ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། ངོར་ཆེན་རྡོ་རྗེ་འཆང་མན་སྔར་དང་འདྲ། ཡང་ན་འཕགས་པ་རིན་པོ་ཆེ་ནས། འཇིག་རྟེན་མིག་གཅིག་ཤོང་བློ་གྲོས་བརྟན་པ། ལོ་ཙཱ་བ་མཆོག་ལྡན་ལེགས་པའི་བློ་གྲོས། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ།
བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ། མཁས་གྲུབ་རིག་པའི་གློག་འཕྲེང་། འོད་གསལ་རྩེ་པ་བླ་མ་མ་ཎི་བཛྲ། དམ་ཆོས་གླིང་པ་བླ་ཆེན་ཡེ་ཤེས་དབང་པོ། ཉི་མ་གླིང་པ་མཁས་གྲུབ་ཚུལ་ཁྲིམས་བཀྲ་ཤིས། རབ་འབྱམས་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །བཀའ་བབས་གཉིས་པ་མར་ལུགས་ཀྱི་བརྒྱུད་པར་ནང་གསེས་ཀྱི་སྒྲོ་འདོགས་ནང་ནས་ཆོད་པ་གྲུབ་ཐོབ་ཉམས་ཀྱི་བརྒྱུད་པ་ནི། རྗེ་བཙུན་བཙོང་ཁ་པ་ཆེན་པོའི་གསན་ཡིག་ན་འདི་འཕགས་ལུགས་མིན་གསུང་། རྡོ་རྗེ་འཆང་། ཨིནྡྲ་བྷཱུ་ཏི། ཌཱ་ཀི་བདེ་བའི་ཞབས། ཌོམྦྷི་ཧེ་རུ་ཀ །རྡོ་རྗེ་དྲིལ་བུ་པ། ཡན་ལག་མེད་པའི་རྡོ་རྗེ། ཀམྦ་ལ་པ། ནག་པོ་སྤྱོད་པ། ཏཻ་ལོ་པ། མེ་ཏོག་དཀར་པོའི་ཐོད་ཅན། ནཱ་རོ་པ། ནག་པོ་མི་ལྤགས་གསོལ་བ་རྒྱན་དྲུག་ཕྱག་ཌཱ་ཐོད། མར་ལོ་ཆོས་ཀྱི་བློ་གྲོས། གོས་དཀར་ལྕང་ལོ་ཅན། མཚུར་སྟོན་དབང་གི་རྡོ་རྗེ། སྔགས་དཀར། འཁོན་གད་པ་ཀཱིརྟི། བོད་བཙུན། འཁོན་བྱ་ཁང་པ་བསོད་ནམས་རིན་ཅེན། འཁོན་ཐུར་ལྷ་ཀུན་ཏུ་བཟང་པོ། ནམ་མཁའི་སྙིང་པོ། ཡེ་ཤེས་དངོས་གྲུབ། རྩ་བཤད་པ། སྙན་གྲགས་བཟང་པོ་རྣམས་མཚན་གྱི་རྣམ་གྲངས། བ་ཚུལ་ཁྲིམས་སྐྱབས། བོད་བཙུན། ཐང་སྤེལ་བ་འཕགས་པ་སྐྱབས། སེ་སྡིངས་པ་གཞོན་ནུ་འོད། བོད་བཙུན། དགེ་སྡིངས་པ་ཆོས་སྐུ་གསང་མཚན་མི་བསྐྱོད་རྡོ་རྗེ་ཟེར། འོད་ཟེར་མན་འགོས་ལུགས་དང་འདྲ། ཡང་ན་འཁོན་གད་པ་ཀཱིརྟི་ནས། འགར་སྟོན་ཤེས་རབ་རྒྱ་མཚོ། ཡར་ཀླུངས་ཟུར་རི་དགོན་པ་སྔགས་དཀར། གྲང་པོ་ཁྲ་བོ་ལ་རྩང་ཨངྐུ་པ་རིན་ཅེན་སེང་གེ །ལ་སྟོད་པ་བོད་བཙུན། རོང་པ་ཤེས།
རབ་སེང་གེ །རབ་བྱུང་། སྟོན་མོ་ལུང་པ་ཡེ་ཤེས་འབར། བོད་བཙུན། ཀུན་མཁྱེན་ཆོས་སྐུ་འོད་ཟེར་མན་སྔར་བཞིན་ནོ། །ཡང་ན་རྡོ་རྗེ་འཆང་། རྗེ་བཙུན་བཙོང་ཁ་པའི་གསན་ཡིག་ན་གྲུབ་ཐོབ་དང་པཎྜི་ཏ་གཉིས་ཀའི་བརྒྱུད་པར་མ་ཕྱེ་བའི་མར་ལུགས་སྤྱི་ཙམ་པ་ཞིག་ཏུ་མཛད་འདུག་པ་དཔྱད། བྱང་སེམས་བློ་གྲོས་རིན་ཅེན། ལྷ་བུ་སེར་པོ་ཆོས་འཆད་ཀྱི་ཕྱག་རྒྱ། དཔལ་མགོན་འཕགས་པ་ཀླུ་སྒྲུབ། གསང་མཚན་མ་ཏངྒི་པ། གྲུབ་ཐོབ་དམར་སྨུག་ཏིང་ངེ་འཛིན་གྱི་ཕྱག་རྒྱ་མེ་ཏོག་གི་ཐོད་ཅན། ཏཻ་ལོ་པ་མན་འདྲ། བཀའ་བབས་གསུམ་པ་མར་ལུགས་མཁས་པ་པཎྜི་ཏའི་བརྒྱུད་པ་ནི། མགོན་པོ་ཀླུ་སྒྲུབ་ཡན་འགོས་ལུགས་ལྟར་ལ། རྗེ་བཙུན་བཙོང་ཁ་པའི་གསན་ཡིག་ན་མི་འདྲེན་པ་འདྲ་ཞིག་འདུག་ཀྱང་ཆུ་བོ་གཉིས་འདྲེས་ཡིན་པས་སྐྱོན་དུ་མི་འགྱུར། དེ་ནས་འཇམ་དཔལ་ཞལ་མཐོང་ཤཱཀྱ་མི་ཏྲ། སྒྲོལ་མ་ཞལ་གཟིགས་ནཱ་ག་བོདྡྷི། ས་བརྒྱད་ནོན་པ་ཨཱཪྻ་དེ་ཝ། སྤྱན་རས་གཟིགས་ཞལ་མཐོང་མ་ཏངྒི་པ་སྟེ་ཀླུ་སྒྲུབ་ཀྱི་ཐུགས་སྲས་བཞི། སངས་རྒྱས་བསྐྱངས། ལེགས་ལྡན་འབྱེད། མཁས་མཆོག་དཔའ་བོ་སྟེ་ཉེ་བའི་སྲས་གསུམ། བདུན་པོ་དེའི་ནང་ནས་མ་ཏངྒི་པ་ནས། ཏཻ་ལོ་པ། ནཱ་རོ་པ། མར་པ། ཡང་ན་མ་ཏངྒི་པ་ནས། ཟླ་བ་གྲགས་པ། རིག་པའི་ཁུ་བྱུག །ཨ་ཝ་དྷཱ་ཏི་པ། སྤྱོད་པའི་རྡོ་རྗེ། ནག་པོའི་ཞབས། དྲི་མེད་བློ་གྲོས། ནུབ་ལཀྵེ་ཏྲའི་གཙུག་ལག་ཁང་ན་བཞུགས་པའི་དཔལ་ཡེ་ཤེས་སྙིང་པོ་ལྷོ་བྲག་མར་པ་ལོ་ཙཱ། སྤྱིར་རྒྱ་གར་ན་འགྲེལ་པ་དང་རྒྱུད་རྐྱང་བཤད་རྒྱུད་ལྔ་གཞུང་ཕྲན་དང་བཅས་པ་དང་ཡེ་ཤེས་ཞབས་ལུགས་སོགས་འགྲེལ་པ་ཉེར་གསུམ། ཇོ་བོས་ཉེར་ལྔ་ཙམ་ཡང་གསན་པར་གྲགས། བོད་ན་
འགྲེལ་པ་བདུན་ཟེར་ཡང་མང་དུ་སྣང་། མར་པ་ལ། ཛ་ཡ་ན། ཐ་ག་ན། སྙིམ་ཏོག་གསུམ་ཡོད། ལོ་ཙཱ་བ་འདིས་རྒྱ་གར་དུ་གསུམ། བལ་པོར་བཞི་སྟེ་ལན་བདུན་བྱོན། ཤར་ནུབ་ལྷོ་བྱང་ཁ་ཆེ་བལ་པོའི་པཎྜི་ཏ་དང་ཀུ་སཱ་ལིར་གྲགས་ཚད་ལ་བླ་མ་བརྒྱ་རྩ། བརྒྱུད་པ་འཛིན་ངེས་ལྔ་བཅུ་རྩ་བརྒྱད། སྣང་བ་འགྱུར་ངེས་བཅུ་གསུམ། འདུས་པ་ལ་མཁས་པའི་བླ་མ་བདུན་དང་བཅས་ཡོད་པའི་ནང་གི་ཡེ་ཤེས་སྙིང་པོ་འདི་དབང་བརྒྱུད་མན་ངག་གདམས་པའི་བཀའ་ཐམས་ཅད་བབས་པའི་གཙོ་བོར་འཛིན་ནོ། །བུ་བཞིའི་ནང་ཚན་མཚུར་དབང་གི་རྡོ་རྗེ། གཞུང་གི་རྔོག་སྟོན་ཆོས་རྡོར། དོལ་གྱི་མཚུར་སྟོན་དབང་ངེ་། གཙང་རོང་གི་མོ་སྟོན་ཚོན་པོ། གུང་ཐང་གི་མི་ལ་རས་པ། འཁོན་སྟོན་གད་པ་ཀཱིརྟི། དེ་ལ་མི་ཉག་ཐུར་ལ་བ་ཚུལ་ཁྲིམས་སྐྱབས། དབུས་པ་གར་དགེ །གྲུབ་ཐོབ་ཞང་ཞུང་པ་སྟེ་ཐུགས་སྲས་གསུམ་གྱིས་གསན། གསུམ་ག་ལ་གང་བར་སར་ཁའི་རིན་ཅེན་གླིང་པ་ཚུལ་ཁྲིམས་མཛེས། རྗེ་བཙུན་བཙོང་ཁ་པ། མཁྱེན་བརྩེ་ཐར་རྩེ། སྒྲུབ་ཁང་པ་བཞིའི་གསན་ཡིག་ན་འདི་བཞིན་བྱུང་ཡང་ཀུན་མཁྱེན་བུའི་གསན་ཡིག་ན་གླིང་པ་ཚུལ་ཁྲིམས་མཛེས་ཟུར་དུ་མཛད་འདུག་པ་བརྟག །བླ་མ་རྒྱ་རྣལ་འབྱོར་ཕོ་བ་ལུང་པ། དགེ་སློང་ཆོས་གྲགས་བཟང་པོ། བླ་མ་ཤཱཀྱ་གཞོན་ནུ། བླ་མ་བློ་ལྡན་པ། བླ་མ་འཕགས་འོད་མན་སྔར་ལྟར་རོ། །ཡང་ན་འཁོན་གད་པ་ཀཱིརྟི་ནས། འགར་སྟོན་པ། གཉན་རྩེ་བ། གོ་ལུང་པ་ཡེ་རྒྱལ། རོང་སྟོན་མཁན་པོ། ཕུག་རི་པ་བྱང་ཆུབ་གཟུངས། ཤོང་བློ་བརྟན། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །མཁན་ཆེན་ཤེས་རབ་རྡོ་རྗེ་མན་འདྲ། ཡང་ན་ལོ་མཆོག་བ་ནས། བག་སྟོན་གཞོན་ནུ་ཚུལ་ཁྲིམས། རྗེ་ཐོག་སྟོན་པ། ཆོས་སྒོ་བ་ཆོས་དཔལ་ཤེས་རབ་མན་འདྲ།བཀའ་བབས་བཞི་པ་ཇོ་བོ་ལུགས་ཀྱི་བརྒྱུད་
པ་ནི། རྡོ་རྗེ་འཆང་། རྒྱལ་པོ་ཨིནྡྲ་བྷཱུ་ཏི་ཆེ་བ། སློབ་དཔོན་ནཱ་ག་ཛོ་གི །བྲམ་ཟེ་ས་ར་ཧ། སློབ་དཔོན་ཀླུ་སྒྲུབ། ཟླ་བ་གྲགས་པ། རྡོ་རྗེ་འཆང་སྔགས་རམ་པའི་གསན་ཡིག་ན་བར་འདིར་རིག་པའི་ཁུ་བྱུག་འདུག་པ་ཆད་དམ་དཔྱད། ཀུ་སཱ་ལི་ཆེ་ཆུང་། ཇོ་བོ་ཆེན་པོ་དཱི་པཾ་ཀཱ་ར། རོང་པ་འགར་དགེ །ལྷ་རྗེ་སྟོད་པ་ཚུལ་ཁྲིམས་དཔལ། སྔགས་པ་གོས་དཀར་ལྕང་ལོ་ཅན། དེ་སྲས་ཆེ་བ་ཤེས་རབ་རྒྱལ་པོ། སྲས་ཆུང་བ་ཤེས་རབ་གཙུག་ཏོར། ལྷ་རྗེ་ཆེན་པོ་དྷརྨ་ཙཀྲ །ཐང་སྟོང་ཆོས་ཀྱི་འོད། བླ་ཆེན་གློག་སྐྱ་གྲགས་པ་བཟང་པོ། བླ་མ་བསོད་ནམས་རྒྱལ་མཚན། ཀུན་མཁྱེན་བུ་དང་སྔགས་རམ་པའི་གསན་ཡིག་ན་འདི་ལྟར་སྣང་བ་ཐར་རྩེ་སྒྲུབ་ཁང་པའི་གསན་ཡིག་ན་ཤེས་རབ་རྒྱལ་མཚན་ཟེར་བ་འདུག་པ་ནོར་རམ་དཔྱད། བླ་མ་ཀུན་དགའ་རྒྱལ་མཚན། དཔལ་ལྡན་གྲགས་པ་དཔལ། ཀུན་མཁྱེན་འཕགས་འོད་ཡོན་ཏན་རྒྱ་མཚོས་གསན་པ་མན་འདྲ། བུ་ཐར་རྩེ་སྒྲུབ་ཁང་ཤར་པ་བཞིའི་གསན་ཡིག་ན་བླ་མ་སྒོམ་ཡེ་ཟེར་བ་ཞིག་འདུག་ཀྱང་དེའི་བརྒྱུད་པ་གོང་མ་ཚིགས་བཅད་ཀྱི་སྟབས་ནས་མི་གསལ་ཞིང་། སྔགས་རམ་པའི་གསན་ཡིག་ན་མི་འདུག་པས་སླར་ཞིབ་དཔྱོད། བཀའ་བབས་ལྔ་པ་ཆག་ལུགས་ཀྱི་བརྒྱུད་པ་ནི། ཀླུ་སྒྲུབ་ཡན་སྔར་ལྟར་ལ། དེ་ལ་སློབ་དཔོན་ཤཱཀྱ་བཤེས་གཉེན། སློབ་དཔོན་ཨཱཪྻ་དེ་ཝ། ཀླུ་བྱང་། ཟླ་བ་གྲགས་པ་སྟེ་སྲས་ཀྱི་ཐུ་བོ་བཞིས་གསན། ཨཱཪྻ་དེ་ཝ་ནས། འཕགས་པ་རྟ་དབྱངས། རོལ་པའི་རྡོ་རྗེ། དྲིལ་བུ་པ། ཛ་ལནྡྷ་རི་པ། དཔེ་མེད་དཔལ། གམྦྷིར་མ་ཏི་པ། ནི་སྐ་ལངྒ་པ་དེ་ཝ། པཎ་དཀར། རེ་ཝེནྡྲ་བ་དེ་ཝ། ཆག་ལོ་ཙཱ་བ་ཆོས་རྗེ་དཔལ། ཕོད་ཀ་དཀར་པོ་ཕྱར་བུ་དང་ཞྭ་རྩེ་རིང་སེར་པོ། འུ་ཡུག་ཀུང་ར་བ་བླ་
མ་དཔལ། ཕྱར་བུ་བ་སེ་བོ། བླ་མ་གྲགས་ཆེན། དོན་མོ་རི་བ། ཀུན་མཁྱེན་འཕགས་འོད་མན་འདྲ། ཡང་ན་སློབ་དཔོན་ཀླུའི་བྱང་ཆུབ་ནས། ཌོམྦྷི་པ། བཱི་ར་ཌི་པ། མ་ཏི་གརྦྷ། རྡོ་རྗེ་གདན་པ། པཎ་དཀར། རེ་ཝེནྡྲ། ཆག་ལོ་ཙཱ་བ་མན་འདྲ། ཡང་ན་སློབ་དཔོན་ཟླ་བ་གྲགས་པ་ནས། རོལ་པའི་རྡོ་རྗེ། སྐལ་ལྡན་གྲགས་པ། འོད་ཟེར་འབྱུང་གནས་གྲགས་པ། འོད་མཛད་ལྷ། ཆོས་ཀྱི་འབྱུང་གནས་ཞི་བ། རྣམ་པར་གྲགས་པའི་ལྷ། རྙོག་མེད་ལྷ། པཎ་དཀར། གོང་གི་ནི་སྐ་ལངྒ་པ་དེ་ཝ། རྡོ་རྗེ་གདན་པ། འདི་གསུམ་དོན་གཅིག་མིང་གི་རྣམ་གྲངས། རེ་ཝནྡྲ། ཆག་ལོ་མན་འདྲ། བཀའ་བབས་དྲུག་པ་ས་ལུགས་ཀྱི་བརྒྱུད་པ་ནི། སྔགས་རམ་པའི་གསན་ཡིག་ན་ཀླུ་བྱང་གི་དཀྱིལ་ཆོག་དང་མཐུན་པའི་བརྒྱུད་པར་ངོས་བཟུང་། རྡོ་རྗེ་འཆང་། ཕྱག་ན་རྡོ་རྗེ། སློབ་དཔོན་ཀླུ་སྒྲུབ། ཨཱཪྻ་དེ་ཝ། ཤཱཀྱ་བཤེས་གཉེན། ཟླ་བ་གྲགས་པ། རོལ་པའི་རྡོ་རྗེ། སྐལ་ལྡན་གྲགས་པ། འོད་ཟེར་འབྱུང་གནས་གྲགས་པ། འོད་མཛད་ལྷ། ཆོས་ཀྱི་འབྱུང་གནས་ཞི་བ། བི་ཁྱཱ་ཏ་དེ་ཝ། ཁ་ཆེ་པཎ་ཆེན་ཤཱཀྱ་ཤྲཱི་བྷ་དྲ། ས་སྐྱ་པཎྜི་ཏ། འོད་ཟེར་ཤཱཀྱ། ཁའུ་པ་དར་མ་ཤེས་རབ། སེ་མོ་ར་པ་རིན་ཅེན་དཔལ། བླ་མ་ར་གཉིས་པ་རྒྱལ་མཚན་རིན་ཅེན། སྔགས་རམ་པའི་གསན་ཡིག་ན་བ་རི་གཉིས་པ་ཟེར་བ་འདུག །སྤྲོ་ལུང་ནགས་ཕུག་པ་ཀུན་སྨོན། བླ་མ་གྲགས་ཆེན་པ། ཆོས་རྗེ་འཕགས་འོད་མན་འདྲ། ཡང་ན་རྡོ་རྗེ་འཆང་། སྔགས་རམ་པའི་གསན་ཡིག་ན་སྒྲ་གཅན་འཛིན་དཔལ་བཤེས་གཉེན་དང་མཐུན་པའི་བརྒྱུད་པར་མཛད། ཤར་པའི་གསན་ཡིག་ན་དབང་བཀའ་གསར་མའི་ཉེ་བརྒྱུད་དུ་ངོས་འཛིན། ཕྱག་ན་རྡོ་རྗེ། ཀླུ་སྒྲུབ། འཕགས་པ་ལྷ། མ་ཏངྒི་པ། སྒྲ་གཅན་
འཛིན་དཔལ་བཤེས་གཉེན། བིཁྱཱ་ཏ་དེ་ཝ། ཁ་ཆེ་པཎ་ཆེན། ས་པཎྜི་ཏ་མན་འདྲ། ཡང་ན་ས་པཎ་ནས། འཕགས་པ་རིན་པོ་ཆེ། ཤོང་བློ་གྲོས་བརྟན་པ། ལོ་ཙཱ་བ་མཆོག་ལྡན། བླ་མ་དཔལ་སེང་། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ་མན་སྔར་བཞིན་ནོ། །བཀའ་བབས་བདུན་པ་དཔྱལ་ལུགས་ཀྱི་བརྒྱུད་པ་ནི། ཁ་ཆེ་པཎ་ཆེན་ཡན་ས་ལུགས་དང་འདྲ་བ་ལ། དེ་ནས་དཔྱལ་ཆོས་ཀྱི་བཟང་པོ། རྗེ་བཙུན་རྒྭ་ལོ། བླ་མ་དཔལ་གྱི་རྒྱལ་མཚན། བླ་མ་དོན་རི་གྲགས་ཆེན། ཀུན་མཁྱེན་འཕགས་འོད་མན་འདྲ། ཡང་ན་འགོས་ལོ་ཙཱ་བ་ནས། མང་ར་བ་སེང་གེ་རྒྱལ་མཚན། མགོ་པ་དྷརྨ་ཙ་ཀྲ། སྟག་པ་ཇོ་བཟང་། དཔྱལ་ཆོས་བཟང་མན་འདྲ། ཡང་ན་དཔྱལ་ཆོས་བཟང་ནས། བོད་བཙུན། ཀློག་སྐྱ་བ་གྲགས་པ་དཔལ། ཀློག་སྐྱ་བསོད་ནམས་རྒྱལ་མཚན། བླ་མ་ཀུན་དགའ་རྒྱལ་མཚན། བླ་མ་གྲགས་པ་དཔལ། འཕགས་འོད་མན་འདྲ། ཡང་ན་རྡོ་རྗེ་འཆང་། སྔགས་རམ་པའི་གསན་ཡིག་ན་འདི་ཀླུ་བྱང་གི་ཆོ་ག་ཉི་ཤུ་པའི་རྗེས་སུ་འབྲངས་པའི་བརྒྱུད་པར་བཞེད་གསན་ཡིག་གཞན་རྣམས་ན་རྒྱུད་ཀྱི་བརྒྱུད་པ་ལས་དབང་བརྒྱུད་མི་གསལ་བས་དཔྱད། ཕྱག་ན་རྡོ་རྗེ། རྡོ་རྗེ་ཆོས། ཨིནྡྲ་བྷཱུ་ཏི། པདྨ་ཞབས། རྟ་མཆོག །ས་ར་ཧ། ཀླུ་སྒྲུབ། ཀླུ་བྱང་། བལ་པོ་ཕྱག་རྡོར། རཏྣ་ཨཱ་ཀ་ར་ཤཱནྟི་པ་ཤྲཱི་ཀཱི་རྟི། ཤྲཱི་ལེགས་སྨིན། ཤྲཱི་ཀུ་མཱ་ར་ཤ་ན། བིནཱ་ཡ་ཀ །རཏྣ་བཛྲ། ཞ་ལུ་ལོ་ཙཱ་བ་ཆོས་ཀྱི་བརྩོན་འགྲུས། ཤེ་སྟོན་མར་ལན། ཇོ་སྟོན་དཀོན་སེང་། ཀུན་མཁྱེན་ཆོས་འོད། སྲེ་ཆུང་པ་ལྕེ་བློ་ལྡན། འཕགས་འོད་མན་འདྲ། ཡང་
ན་ཤེ་སྟོན་ནས། ལ་སྟོད་ཚུལ་བཟང་། དཔྱལ་ཉི་མ། ཆོས་སྐུ་འོད་ཟེར་མན་འདྲ།རང་ལོ་དགུ་པའི་སྟེང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་ཚར་གཅིག་ནོས་ཀྱང་ན་ཚོད་ཕྲ་བས། དབང་རྫས་སོགས་ལ་རྩེད་མོའི་འདུ་ཤེས་ལས་བརྡ་འཕྲོད་པ་ཞིག་མ་བྱུང་བས་བརྒྱུད་ཡིག་གི་རྩོལ་བ་མ་བྱས།ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་འཁྲིད་ཡིག་ཡིད་བཞིན་གྱི་ནོར་བུ་རིན་པོ་ཆེའི་ཟ་མ་ཏོག་དང་། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་ཡིད་བཞིན་ནོར་བུའི་ཟ་མ་ཏོག་ཁ་འབྱེད་པའི་ལྡེ་མིག་མ་བུ་སྦྱར་བའི་སྟེང་ནས་བླ་ན་མེད་པའི་སྙིང་པོ་ལས་ཀྱང་སྙིང་པོར་གྱུར་པ་དཔལ་གསང་བ་འདུས་པ་རྩ་བའི་རྒྱུད་བཤད་རྒྱུད་ཐུན་མོང་མ་ཡིན་པ་བཞིས་གསལ་བར་བྱས་པའི་དོན་སངས་རྒྱས་གཉིས་པ་ཀླུ་སྒྲུབ་ཞབས་ཀྱིས་ཐུགས་ཉམས་སུ་བཞེས་ནས་ཏཻ་ལོ་ནཱ་རོ་སོགས་པཎ་གྲུབ་ལས་ཉེ་བར་འོངས་པའི་གདམས་པ་ཟབ་པ་ལས་ཀྱང་ཆེས་ཟབ་པའི་གསང་བ་འདུས་པའི་རྫོགས་རིམ་རིམ་པ་ལྔའི་དམར་ཁྲིད་ཟབ་མོ་ཉམས་འཁྲིད་དུ་ལེགས་པར་ནོས་པའི་བརྒྱུད་པ་ནི། རྡོ་རྗེ་འཆང་། བྱང་ཆུབ་སེམས་དཔའ་བློ་གྲོས་རིན་ཅེན། ལྷའི་བུ། དཔལ་མགོན་འཕགས་པ་ཀླུ་སྒྲུབ། མཚན་གསང་བ་མ་ཏངྒི་པ། ཏཻ་ལོ་པ་ཤེས་རབ་བཟང་པོ། པཎ་ཆེན་ནཱ་རོ་ཏ་པ། མངའ་བདག་མར་བ་ལོ་ཙཱ་ཆོས་ཀྱི་བློ་གྲོས། མཚུར་དབང་གི་རྡོ་རྗེ། འཁོན་གད་པ་ཀཱིརྟི། བྱ་ཁང་པ་བསོད་ནམས་རིན་ཅེན། མི་ཉག་ཐུར་ལྷ་བ་ཚུལ་ཁྲིམས་སྐྱབས། རྒྱ་མཁར་ཐང་སྤེ་བ་འཕགས་པ་སྐྱབས། སེ་སྡིངས་པ་གཞོན་ནུ་འོད། མག་དགེ་
སྡིངས་པ་ཀུན་མཁྱེན་ཆོས་སྐུ་འོད་ཟེར། ཆོས་རྗེ་འཕགས་འོད། ཐམས་ཅད་མཁྱེན་པ་བུ་སྟོན་རིན་པོ་ཆེ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཐུགས་སྲས་སེམས་དཔའ་ཆེན་པོ། འཇམ་དབྱངས་གྲགས་པ་རྒྱལ་མཚན། བླ་མ་རིན་ཅེན་ཚུལ་ཁྲིམས། མཁས་གྲུབ་ཚུལ་ཁྲིམས་རྒྱལ་མཚན། དྲིན་ཅན་མཁྱེན་རབ་ཆོས་རྗེ། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་བདག་པོ་བཀའ་འགྱུར་བ་ཆེན་པོ་མགོན་པོ་བསོད་ནམས་མཆོག་ལྡན། ཁྱབ་བདག་རྡོ་རྗེ་སེམས་དཔའི་ངོ་བོ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །རྗེ་མཁྱེན་བརྩེས་མཛད་པའི་འཁྲིད་ཡིག་གི་ལུང་ནོས་པའི་བརྒྱུད་པའང་བཤད་མ་ཐག་པ་བཞིན་ནོ། །ཀུན་མཁྱེན་བུས་མཛད་པའི་འཁྲིད་ཡིག་གི་ལུང་ནི། རྡོ་རྗེ་འཆང་དབང་ཕྱུག་རབ་བརྟན་ནས། ཞ་ལུ་པ་མཁན་ཆེན་རིན་ཅེན་བསོད་ནམས་མཆོག་གྲུབ། རྗེ་བཀའ་འགྱུར་བ་ཆེན་པོ་མན་འདྲ། ཀུན་མཁྱེན་བུས་མཛད་པའི་སྒྲོན་མེ་གསལ་བར་བྱེད་པའི་བཤད་སྦྱར་མཐའ་དྲུག་རབ་གསལ། དེས་མཛད་པའི་སྒྲུབ་ཐབས་མདོར་བྱས་ཀྱི་རྒྱ་ཆེར་བཤད་པ་སྐྱེད་རིམ་གསལ་བྱེད། དེས་མཛད་པའི་གསང་འདུས་ཀྱི་མངོན་པར་རྟོགས་པ་དངོས་གྲུབ་ཆར་འབེབས། འདུས་པའི་ལྷ་ཚོགས་ལ་བསྟོད་པ་བྱིན་རླབས་ཆར་འབེབས་རྣམས་ཀྱི་བརྒྱུད་པ་ནི། ཀུན་མཁྱེན་ཡབ་སྲས། དཔལ་
མཆོག་དོན་གྲུབ། མཁས་པ་ཙནྡྲ། འཁྲུལ་ཞིག་རྗེ། མཁྱེན་རབ་རྗེ། བྱང་གླིང་རིན་རྒྱལ། འབྲོག་སྒར་པ། རྗེ་བཀྲ་ཤིས་རྒྱལ་མཚན། གྲོ་བོ་ལུང་པ། རིན་ལྡིང་དཀོན་རྒྱན། དྲིན་ཅན་ཞ་ལུ་པ་ཆེན་པོ། དེས་བདག་ལའོ། །ཀུན་མཁྱེན་བུས་མཛད་པའི་གསང་འདུས་ཆོས་འབྱུང་མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལས་ཐོས། བླ་མ་སངས་རྒྱས་ཡེ་ཤེས་ལ་གསན་གསུང་། བརྒྱུད་པ་གོང་མ་རྣམས་མ་རྙེད། །མཁས་ཤིང་གྲུབ་པའི་དབང་ཕྱུག་ཆེན་པོ་ནོར་བཟང་རྒྱ་མཚོས་མཛད་པའི་གསང་བ་འདུས་པའི་བསྐྱེད་རིམ་ཡང་གསལ་སྒྲོན་མེའི་བརྒྱུད་པ་ནི། མཁས་གྲུབ་ནོར་བཟང་རྒྱ་མཚོ། ཐམས་ཅད་མཁྱེན་པ་དགེ་འདུན་རྒྱ་མཚོ། དྲུང་པ་ལྷའི་བཙུན་པ་བསོད་ནམས་དཔལ་བཟང་། ཤར་ཆེན་ནམ་མཁའ་རྒྱལ་མཚན། བྱང་མ་ཁང་གསར་བ་དཔལ་འབྱོར་བསོད་ནམས་ལྷུན་གྲུབ། རྡོ་རྗེ་འཆང་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །པཎ་ཆེན་བསོད་ནམས་གྲགས་པས་མཛད་པའི་གསང་བ་འདུས་པའི་བསྐྱེད་རྫོགས། རྒྱུད་སྡེ་སྤྱི་རྣམ་གསུམ་གྱི་སྟེང་ནས་འཛིན་ཆོས། རྩ་རྒྱུད་ལེའུ་བཅུ་བདུན་པ་ཡན་གྱི་ཊཱིཀྐ །རྩ་རྒྱུད་དང་འགྲེལ་ཆེན་སྒྲོན་མ་གསལ་བ་གཉིས་ཀྱི་ཐོག །རྗེ་བཙུན་བཙོང་ཁ་པ་ཆེན་པོས་མཛད་པའི་ས་གཅད། མཆན་བུ། མཐའ་དཔྱོད་རིན་པོ་ཆེའི་མྱུ་གུ་རྣམས་སྦྱར་ཏེ་འགྲེལ་བ་བཞི་སྦྲགས་སུ་ལེགས་པར་ཐོབ་པའི་འགོས་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཨིནྡྲ་བྷཱུ་ཏི། ཀླུ་ལས་གྱུར་པའི་རྣལ་འབྱོར་མ། མངའ་བདག་བི་སུ་ཀལྤ། ས་ར་ཧ།
ནཱ་ག་རྫུ་ན། དེས་སློབ་མའི་མཆོག་བཞི་ལ་གནང་། འཕགས་པ་ལྷ། ཤཱཀྱ་བཤེས་གཉེན། ཀླུ་བྱང་། ཟླ་གྲགས། བཞི་ག་ལ་སློབ་པའི་རྡོ་རྗེ། ནག་པོ་སྤྱོད་པ། ས་འདྲེས་པ། དེ་ལ་དཱི་པཾ་ཀཱ་ར། དེ་ཝ་ཨཱ་ཀ་ར། བིཪྻ་བྷ་དྲ་གསུམ་གྱིས་གསན། གསུམ་ཀ་ལ་འགོས་ཁུག་པ་ལྷས་བཙས། དེ་ནས་མང་ར་བ་སེང་གེ་རྒྱལ་མཚན། རྡོག་ཡེ་ཤེས་སེང་གེ །རྡོག་མུ་ནེ། གླན་རྩད་ཚ། དེ་གཉིས་ཀ་ལ་རྡོག་ཨཱཪྻ་དེ་ཝ། དེ་ནས་བརྟག་པ་རིན་ཅེན་གྲགས། ལྕེ་མདོ་སྡེ་སེང་གེ །དགེ་སྡིངས་པ་ཆོས་སྐུ་འོད་ཟེར། ལྕེ་བློ་ལྡན་སེང་གེ །ཀུན་མཁྱེན་འཕགས་འོད། བུ་སྟོན་ཐམས་ཅད་མཁྱེན་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། སྒྲ་བསྒྱུར་ནམ་མཁའ་བཟང་པོ། རྗེ་བཙུན་རེ་མདའ་བ་ཆེན་པོ་གཞོན་ནུ་བློ་གྲོས། ཐམས་ཅད་མཁྱེན་པ་བཙོང་ཁ་པ་ཆེན་པོ། མཁས་གྲུབ་ཤེས་རབ་སེང་གེ །རྗེ་སྦྱིན་པ་དཔལ་བ། རྗེ་ཀུན་དགའ་དོན་གྲུབ། ཞལ་སྔ་ནས་ལྷ་རིན་ཅེན། ཆོས་རྗེ་ཆོས་ལྡན་བློ་གྲོས། པཎ་ཆེན་བསོད་ནམས་གྲགས་པ། འཇམ་དཔལ་དབྱངས་དགེ་ལེགས་དཔལ་བཟང་། ཁྲི་རིན་པོ་ཆེ་རྒྱལ་ཁང་རྩེ་པ་དཔལ་འབྱོར་རྒྱ་མཚོ། ཁྲི་རིན་པོ་ཆེ་འཇམ་དབྱངས་སྨྲ་བའི་ཉི་མ་དཀོན་ཅོག་ཆོས་འཕེལ། དེས་བདག་ཟ་ཧོར་བནྡེ་ལ་བསྩལ་ཏོ། །ཡང་ན་གླན་རྩད་ཚ་ནས། ཐང་སྤེ་བ་འཕགས་པ་སྐྱབས། སེ་སྡིངས་པ་གཞོན་ནུ་འོད། དགེ་སྡིངས་པ་ཆོས་སྐུ་འོད་ཟེར་མན་གོང་བཞིན་ནོ། །ཡང་ན་གླན་རྩད་ཚ་ནས། ཕུག་པ་འབུམ་སྐྱབས། གཙང་པ་སྨྲ་སེང་། ལྕེ་མདོ་སྡེ་སེང་གེ་མན་འདྲ། ཡང་ན་སྟག་པ་རིན་གྲགས་ནས་
དགེ་སྡིངས་པ། འཕགས་འོད། བུ་སྟོན་མན་འདྲ། །མར་ལུགས་གྲུབ་ཐོབ་ཉམས་བརྒྱུད་ནི། རྡོ་རྗེ་འཆང་། ཨིནྡྲ་བྷཱུ་ཏི། ཌཱ་ཀི་བདེ་བའི་ཞབས། ཌོམྦི་པ། དྲིལ་བུ་པ། ཨ་ནངྒ་བཛྲ། ཀམྤ་ལ་པ། ནག་པོ་པ། ཏཻ་ལོ་པ། ནཱ་རོ་པ། མར་པ་ལོ་ཙཱ། མཚུར་སྟོན་དབང་རྡོར། གད་པ་ཀཱིརྟི། དེས་ཐུར་ལ་བ། དབུས་པ་འགར་དགེ །གྲུབ་ཐོབ་གཞུང་པ་གསུམ་ལ་གནང་། དེ་གསུམ་གས་རིན་ཅེན་གླིང་པ་ཚུལ་མཛེས་ལ་གནང་། དེ་ནས་རྒྱ་ཕོ་བ་ལུང་པ། དགེ་སློང་ཆོས་གྲགས། བླ་མ་ཤཱཀ་གཞོན། ལྕེ་བློ་ལྡན་སེང་གེ །འཕགས་འོད་མན་འདྲ། །པཎྜི་ཏའི་བརྒྱུད་པ་ནི། རྡོ་རྗེ་འཆང་། བློ་གྲོས་རིན་ཅེན། ཀླུ་སྒྲུབ། དེ་ལ་ཐུགས་ཀྱི་སྲས་བཞི་དང་ཉེ་བའི་སྲས་གསུམ་ལས་མ་ཏངྒི་པ། ཏཻ་ལོ་པ། ནཱ་རོ་པ། མར་པ། ཡང་ན་མ་ཏངྒི་པ་ནས། ཟླ་བ་གྲགས་པ། རིག་པའི་ཁུ་བྱུག །ཨ་ཝ་དྷཱུ་ཏི་པ། སྤྱོད་པའི་རྡོ་རྗེ། ནག་པོའི་ཞབས། དྲི་མེད་བློ་གྲོས། དཔལ་ཡེ་ཤེས་སྙིང་པོ། རྗེ་མར་པ་ལོ་ཙཱ་མན་འདྲ། །ཆག་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཀླུ་སྒྲུབ། ཨཱཪྻ་དེ་ཝ། རྟ་དབྱངས་རོལ་པའི་རྡོ་རྗེ། དྲིལ་བུ་བ། རུས་སྦལ་ཞབས། ཛ་ལནྡྷ་རི། དཔེ་མེད་དཔལ། གམྦྷི་ར་མ་ཏི། ནི་སྐ་ལཾ་ཀ་པ་དེ་ཝ། རེ་ཝེནྡྲ་པ་དེ་ཝ། ཆག་ལོ་ཆོས་རྗེ་དཔལ། འུ་ཡུག་པ་བླ་མ་དཔལ། བླ་མ་གྲགས་ཆེན་པ། འཕགས་འོད་མན་འདྲ། ཡང་ན་ཀླུ་སྒྲུབ་ནས། ཀླུ་བྱང་། ཤཱཀྱ་བཤེས་གཉེན། རོལ་པའི་རྡོ་རྗེ་མན་འདྲ། ཡང་ན་ཤ་ལནྡྷ་ར་ནས། ཌོམ་བྷི་ཧེ་རུ་ཀ །བི་ར་ཌི་བ། མ་ཏཾ་གི་མན་འདྲ། ཡང་ན་ཀླུ་བྱང་ནས། ཌོམྦྷི་པ། བི་ར་ཌི་པ། མ་ཏི་གརྦྷ། རྡོ་རྗེ་གདན་པ། རེ་ཝེནྡྲ་པ། ཆག་ལོ་མན་འདྲ། ཡང་ན་ཟླ་གྲགས།
རོལ་བའི་རྡོ་རྗེ། སྐལ་ལྡན་གྲགས་པ། འོད་འབྱུང་གྲགས་པ། འོད་མཛད་ལྷ། ཆོས་འབྱུང་ཞི་བ། རྣམ་གྲགས་ལྷ། རྙོག་མེད་ལྷ། རེ་ཝེནྡྲ། ཆག་ལོ་མན་འདྲ། རྩ་རྒྱུད་དང་རྒྱུད་ཕྱི་མ་གཉིས་ཀྱི་ལུང་བརྒྱུད་ལུགས་གཅིག་ནི། འཁོན་གད་པ་ཀཱིརྟི་ནས། འགར་སྟོན་ཇོ་སྲས། ཨང་ཕུག་རི་སྟོན། སེང་གེ་རྫོང་པ། ཁྱུང་སྟོན་ཞིག་པོ། མཁན་ཚུལ་ཁྲིམས་སྙིང་པོ། མཁན་རྡོ་རྗེ་སྙིང་པོ། ཆོས་སྡིངས་འོག་མ་ཟུར་ཕུག་དར་མ་བཟང་པོ། མཁན་བཀྲ་ཤིས་རྒྱལ་མཚན། མ་ཏི་པཎ་ཆེན། འཕགས་པ་གཞོན་ནུ་བློ་གྲོས། རྗེ་འཇམ་དབྱངས་གྲགས་པ། བྱང་ཆེན་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་ཅོག་འཕེལ། ངོར་ཆེན་ལྷ་མཆོག་སེང་གེ །རྗེ་དགེ་ལེགས་བཤེས་གཉེན། །པཎ་ཆེན་ནམ་མཁའ་དཔལ་བཟང་། བྲང་ཏི་ནམ་མཁའ་སངས་རྒྱས། ཁྱབ་བདག་མགོན་པོ་བསོད་ནམས་མཆོག་ལྡན། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །རྒྱལ་བ་བཙོང་ཁ་པ་ཆེན་པོས་མཛད་པའི་རིམ་ལྔ་གསལ་བའི་སྒྲོན་མེའི་ལུང་ཟབ་བཤད་ལེགས་པར་ནོས་པའི་བརྒྱུད་པ་ནི། འཇམ་དཔལ་དབྱངས་དཀོན་ཅོག་ཆོས་འཕེལ་ཡན་གོང་ལྟར་ལ། དེ་ནས་ཤར་ཆེན་མཁས་པའི་དབང་པོ་བྱམས་པ་རྣམ་རྒྱལ། དེས་བདག་ཟ་ཧོར་བནྡེ་ལའོ། །གསང་འདུས་རིམ་ལྔའི་འཁྲིད་ཡིག་ཟིན་བྲིས་སྟོད་རྒྱུད་ལུགས་ཀྱི་ལུང་བརྒྱུད་ནི། འཇམ་དཔལ་དབྱངས་དཀོན་ཅོག་ཆོས་འཕེལ་ཡན་གོང་ལྟར་ལ། ཤར་པ་ཆོས་རྗེ་སངས་རྒྱས་བཀྲ་ཤིས། སྟོད་རྒྱུད་སློབ་དཔོན་བཟང་གྲོང་རབ་
འབྱམས་པ་ངག་དབང་ཆོས་འཕེལ། ཤར་ཆེན་བྱམས་པ་རྣམ་རྒྱལ། དེས་བདག་ལའོ། །སློབ་དཔོན་ཆེན་པོ་སངས་རྒྱས་ཡེ་ཤེས་ཞབས་ཀྱིས་ལེགས་པར་བཀྲལ་བའི་དཔལ་གསང་བ་འདུས་པ་འཇམ་དཔལ་རྡོ་རྗེ་ལྷ་བཅུ་དགུའི་བདག་ཉིད་ཅན་གྱི་རས་བྲིས་ཀྱི་དཀྱིལ་འཁོར་ཆེན་པོར་རྗེ་བཙུན་སྒོ་རུམ་པ་ཀུན་དགའ་ལེགས་པས་མཛད་པའི་སྒྲུབ་ཐབས་དང་དཀྱིལ་ཆོག་རྗེ་མཁྱེན་བརྩེའི་ཞབས་ཀྱིས་མཛད་པའི་དབང་ཆོག་ནག་པོ་འགྲོ་ཤེས་རྣམས་ལ་བརྟེན་ནས་བརྒྱུད་པའི་བཀའ་བབས་དྲུག་དང་ལྡན་པའི་དབང་བཞི་རྫོགས་པར་ནོས་པའི་ལོ་ཆེན་ལུགས་ཀྱི་བརྒྱུད་པ་ནི། འཇམ་དཔལ་དབྱངས་དང་གཉིས་སུ་མེད་པའི་ཨ་ཝ་དྷཱུ་ཏི་པ། སློབ་དཔོན་སངས་རྒྱས་ཡེ་ཤེས་ཞབས། མར་མེ་མཛད་བཟང་པོ། ཀུན་དགའ་སྙིང་པོ། ཐ་ག་ན། ཤཱནྟི་པ། ཤྲཱདྡྷ་ཀ་ར་ཝརྨ། པདྨ་ཀ་ར་ཝརྨ། སྔགས་རམ་པའི་གསན་ཡིག་ན་མི་འདུག་པ་ཆད་དམ་བརྟག །དེ་གཉིས་ཀ་ལ་ལོ་ཙཱ་བ་ཆེན་པོ་རིན་ཅེན་བཟང་པོ། དེ་ནས་རྐྱང་པ་ཆོས་ཀྱི་བློ་གྲོས། དགེ་བཤེས་སྐྱབས་སེང་། རྗེ་བཙོང་ཁ་པའི་གསན་ཡིག་ན་ང་མཐའ་མི་འདུག་པས་བརྟག །རྡོ་རྗེ་སྲ་བརྟན། དཀོན་ཅོག་འབར། དགེ་བཤེས་དབང་རིན། ཁམས་པ་ས་ཕུག་པ་ཤཱཀྱ་རྡོ་རྗེ། རོང་པ་ཆོས་མགོན། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་སེམས་དཔའ་ཆེན་པོ། སྐུ་ཞང་ཆོས་རྗེ་ནམ་མཁའ་མཆོག་གྲུབ། དཀའ་བཞི་པ་རིན་ཅེན་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། མཁན་ཆེན་རིག་འཛིན་རྒྱལ་པོ། བླ་ཆེན་ཆོས་རིག་རྒྱལ་མཚན། བླ་མ་
བསོད་ནམས་དཔལ་འབྱོར། འཇམ་དབྱངས་བྱང་གླིང་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་འཇམ་དཔལ། ཡེ་ཤེས་ཞབས། མར་མེ་མཛད། ཐ་ག་ན། བྷུ་ཤ་ན་པ། ངག་དབང་གྲགས་པ། བྷི་མ་ཤཱནྟི། བྷིཾ་ག་ར་པཱ་ད། ཤྲཱདྡྷ་ཀ་ར་ཝརྨ། ལོ་ཙཱ་བ་རིན་ཅེན་བཟང་པོ། རྐྱང་པོ་ཆོས་བློ། གཅུང་པོ་ཞང་ཁྲི། གཉལ་པ་སྐྱོགས་སྟོན། ཁུན་ཙི་གཞོན་ནུ་རིན་ཅེན། གཙང་རོང་པ་ཤེས་རབ་གཞོན་ནུ། སློབ་དཔོན་དཀོན་ཅོག་འབར། གཡག་སྡེ་བ་དབང་ཕྱུག་རིན་ཅེན། ཁམས་སྟོན་ཤཱཀྱ་རྡོ་རྗེ་མན་འདྲ།བཀའ་བབས་གཉིས་པ་ཇོ་ལུགས་ཀྱི་བརྒྱུད་པ་ནི། འཇམ་དབྱངས། ཡེ་ཤེས་ཞབས། མར་མེ་མཛད། ཨཱ་ནནྡ་གརྦྷ། ཐ་ག་ན། རིན་ཅེན་འབྱུང་གནས་ཞི་བ། ཇོ་བོ་རྗེ་མར་མེ་མཛད། ལྕགས་རི་གོང་ཁ་བ། རྫིའུ་ཁ་པ། སྤེན་ཕུག་པ། ཞང་ཡེ་ཤེས། གཟེ་པ་དོན་གྲུབ། བར་ཐང་པ་ཡབ་སྲས་དར་མ་ཤཱཀྱ། བསོད་ནམས་དབང་ཕྱུག །ལོ་མཆོག་པ་མན་འདྲ། བཀའ་བབས་གསུམ་པ་ས་ལུགས་ཀྱི་བརྒྱུད་པ་ནི། འཇམ་དཔལ་རྡོ་རྗེ། སློབ་དཔོན་སངས་རྒྱས་ཡེ་ཤེས་ཞབས། པཎ་གྲུབ་མར་མེ་མཛད་བཟང་པོ། དཔལ་བདེ་བའི་ཞབས། བི་མཱ་ལ་གུཔྟ། རཏྣ་བཛྲ། རནྟ་ཀཱིརྟི། རི་སུལ་གྱི་རྣལ་འབྱོར་མ། མཁན་ངག་ཆོས་པ་ཐར་རྩེ་པ་ཤར་པ་གསུམ་གྱི་གསན་ཡིག་ན་མ་བྱུང་ཡང་། འཇམ་དབྱངས་མཁྱེན་བརྩེ་དང་སྔགས་རམ་པ་དགེ་འདུན་བཀྲ་ཤིས་གཉིས་ཀྱི་གསན་ཡིག་ན་འདུག་པས་ཆད་དམ་སྙམ། བླ་མ་
པནྡེ་པ། སྔགས་རམ་པའི་གསན་ཡིག་ན་མི་འདུག་པ་ཆད་འདྲ། གཉན་ལོ་དར་མ་གྲགས། གནམ་ཁའུ་པ་དར་མ་རྒྱལ་མཚན། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་ཆེན་པོ། ས་པཎྜི་ཏ། འཕགས་པ་རིན་པོ་ཆེ། དམ་པ་ཀུན་དགའ་གྲགས། དགའ་ལྡན་པ་ཀུན་དགའ་བསོད་ནམས། ཁམས་པ་རྡོ་རྗེ་དཔལ། བླ་མ་གྲགས་པ་དཔལ། ཀུན་མཁྱེན་གངས་ཁྲོད་པ། པཎ་ཆེན་མ་ཏི། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །སྒོ་རུམ་པ་ཀུན་དགའ་ལེགས་པའི་འབྱུང་གནས། ཐམས་ཅད་མཁྱེན་པ་མཁྱེན་བརྩེའི་ཞབས་མན་འདྲ། བཀའ་བབས་བཞི་པ་རྭ་ལུགས་ཀྱི་བརྒྱུད་པ་ནི། འཇམ་དཔལ་དབྱངས། སངས་རྒྱས་ཡེ་ཤེས་ཞབས། མར་མེ་མཛད། འཇམ་དཔལ་གྲགས་པ། དཔལ་བདེ་བ། དྲི་མེད་སྦས་པ། རིན་ཅེན་རྡོ་རྗེ། རིན་ཅེན་གྲགས་པ། ས་མནྟ་པྲ་བྷ། ཛྙཱ་ན་ཤྲཱི་མེ་ཏྲ། རཏྣ་ཀཱིརྟི། པུ་ཎྱ་ཤྲཱི། རྭ་ལོ་ཙཱ་བ་རྡོ་རྗེ་གྲགས། རྡོ་རྗེ་ས་བརྟན་མན་ལོ་ཆེན་ལུགས་དང་འདྲ། བཀའ་བབས་ལྔ་པ་གཉོས་ལུགས་ཀྱི་བརྒྱུད་པ་ནི། བི་མཱ་ལ་གུཔྟ་ཡན་རྭ་ལུགས་ལྟར་ལ། དེ་ནས་ཡི་གེའི་རྣལ་འབྱོར་པ། ཀཧྣ་པ། བཛྲ་ཤྲཱི། འདི་གསུམ་སྔགས་རམ་པའི་གསན་ཡིག་ན་མི་འདུག་པ་ཆད་དམ་སྙམ། བ་ལིངྟ་ཨཱ་ཙཪྻ། གཉོས་ལོ་ཙཱ་བ་ཡོན་ཏན་གྲགས། གཉོས་རྡོ་རྗེ་བླ་མ། གོང་དཀར་བའི་གསན་ཡིག་ན་མི་འདུག་པ་ཆད་དམ་སྙམ། གཉོས་དཔལ་ལེ། གཉོས་གྲགས་པ་དཔལ། གཉོས་གཟི་བརྗིད། དཔལ། སངས་རྒྱས་རས་ཆེན་རྒྱལ་བ་ལྷ་སྣང་། ཙ་རི་རས་ཆེན། དཔྱལ་ཁ་ཆོས་རྗེ་ཞེས་པ་རྣམས་
མཚན་གྱི་རྣམ་གྲངས་སོ། །སྟོན་མོ་ལུང་པ་ཡེ་ཤེས་མཁར། ཀུན་མཁྱེན་ཆོས་སྐུ་འོད་ཟེར། འཕགས་འོད་ཡོན་ཏན་རྒྱ་མཚོ། བུ་སྟོན་ཐམས་ཅད་མཁྱེན་པ་མན་སྔར་དང་འདྲ། ཡང་ན་གཉོས་རྡོ་རྗེ་བླ་མ་ནས། གཉོས་སྟོན་གྲགས་པ་དཔལ། གཉོས་ལྷ་སྣང་པ། རིན་ཅེན་དོ་པ། མདོག་སྟོད་སེར་མ། གླས་པ་དཔོན་རྡོ་རྗེ་ཚུལ་ཁྲིམས། གཡས་རུ་བ་རྔོས་སྟོན་རིན་ཅེན་རྒྱལ་མཚན། དོན་རི་བ་གྲགས་པ་དཔལ་བཟང་། མ་ཏི་པཎ་ཆེན་མན་ས་ལུགས་དང་འདྲ། བཀའ་བབས་དྲུག་པ་ཁ་ཆེ་ལུགས་ཀྱི་བརྒྱུད་པ་ནི། འཇམ་དབྱངས། སངས་རྒྱས་ཡེ་ཤེས་ཞབས། མར་མེ་མཛད་ནས་རིམ་པར་བརྒྱུད་དེ། ཁ་ཆེ་པཎ་ཆེན་ཤཱཀྱ་ཤྲཱི། ཁ་ཆེའི་པཎྜི་ཏ་གྷ་ཡ་དྷ་ར། པཎྜི་ཏ་བི་ན་ཤྲཱི། དེ་ལ་གོ་པ་ལའི་ཕོ་བྲང་དུ་ཁམས་པ་རྡོ་རྗེ་དཔལ་གྱིས་ཞུས། དེ་ནས་ཀཱིརྟི་ཤྲཱི། ཀུན་མཁྱེན་གངས་ཁྲོད་པ་མན་ས་ལུགས་བཞིན་ནོ། །སློབ་དཔོན་ཆེན་པོ་ཇོ་བོ་མར་མེ་མཛད་ཡེ་ཤེས་ཀྱིས་ལེགས་པར་བཀྲལ་བའི་དཔལ་གསང་བ་འདུས་པ་འཇིག་རྟེན་དབང་ཕྱུག་ལྷ་བཅུ་དགུའི་རས་བྲིས་ཀྱི་དཀྱིལ་འཁོར་དུ་བྱང་གླིང་ཆོས་རྗེ་བཀྲ་ཤིས་རྒྱལ་མཚན་གྱིས་མཛད་པའི་དཀྱིལ་འཁོར་གྱི་ལས་རིམ་ཆོ་གའི་ངག་འདོན་ཁྲིགས་ཆགས་ལྷན་ཐབས་ཐུགས་རྗེའི་འོད་ཟེར་གྱི་སྟེང་ནས་དབང་ནོས་པའི་བརྒྱུད་པ་ནི། སངས་རྒྱས་རྡོ་རྗེ་འཆང་། འཕགས་མཆོག་སྤྱན་རས་གཟིགས། ཇོ་བོ་དཔལ་ལྡན་ཨ་ཏི་ཤ། ལྷ་བཙུན་བྱང་ཆུབ་འོད། འལ་པ་བྱང་ཆུབ་རྡོ་རྗེ། རྒྱ་ལྕགས་རི་གོང་པ། རྫིང་བུ་ཁ་པ་ཤཱཀྱ་གྲགས། སྤེན་ཕུག་པ་དར་མ་གྲགས། ཞང་ཡེ་པ་ཤེས་རབ་རྡོ་རྗེ། གཟེ་པ་དོན་
གྲུབ་མགོན་པོ། ཁམས་པ་ཤཱཀྱ་རྡོ་རྗེ། སྲས་ཆོས་གྲགས། དར་མ་ཤཱཀྱ། བསོད་ནམས་དབང་པོ། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ། སྙེ་མོ་སྐུ་ཞང་བཀྲ་ཤིས་རྒྱལ་མཚན། དཀའ་བཞི་པ་རིན་ཅེན་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། མཁན་ཆེན་སྐྱོ་སྟོན་རིག་འཛིན་རྒྱལ་པོ། རི་སྦུག་དབུ་མཛད་ཆོས་རིག་རྒྱལ་མཚན། སློབ་དཔོན་བསོད་ནམས་དཔལ་འབྱོར། བྱང་གླིང་པ་བཀྲ་ཤིས་རྒྱལ་མཚན། བླ་མ་ཤཱཀྱ་སེང་གེ །ཆོས་རྗེ་རིན་ཅེན་རྒྱ་མཚོ། རིགས་ཀུན་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རྫིང་བུ་ཁ་པ་ནས། ཐང་སྟོང་པ་ཆོས་འོད། ཞང་ཡེ་པ་མན་འདྲ། ཡང་ན་གཟེ་པ་དོན་གྲུབ་མགོན་པོ་ནས། བར་ཐང་པ་ཡབ་སྲས། དར་མ་ཤཱཀྱ་མན་འདྲ། ཡང་ན་ལོ་ཙཱ་བ་མཆོག་ལྡན་ནས། གཞོན་ནུ་འོད། གྲགས་པ་དཔལ། འཕགས་འོད་ཡོན་ཏན་རྒྱ་མཚོ། ཐམས་ཅད་མཁྱེན་པ་བུ་སྟོན་མན་འདྲ། གསང་ཕུ་གླིང་སྟོད་དུ་ཀུན་མཁྱེན་དཔལ་ལྡན་འབྲས་སྤུངས་ཀྱི་མཁན་ཐོག་གཉིས་པ། སེང་གེ་བཞུགས་པའི་དུས་དཔལ་ལྡན་ཤ་བ་རི་དབང་ཕྱུག་ཆོས་སྒོ་སྐྱེལ་གྱི་ཚུལ་དུ་བྱོན་ཏེ་གནང་བའི་དཔལ་མགོན་གདོང་བཞི་པའི་ཆོས་སྐོར་ནས་ཅུང་ཟད་ནོས་པ་ལ། བསྙེན་སྒྲུབ་ལས་གསུམ་གསང་བའི་མགོན་པོ་དང་བཅས་པའི་རྗེས་གནང་། ལུང་ལ། ལས་མགོན་གྱི་མངོན་རྟོགས། མུས་སྲད་པ་བློ་གྲོས་རིན་ཅེན་གྱིས་མཛད་པའི་གཏོར་ཆེན་གྱི་ཞལ་ཤེས། ལྟས་ངན་གཏོང་ཐབས། མགོན་པོ་གྲི་ལག་མའི་སྒྲུབ་ཐབས།
གཡབ་དར་གྱི་སྒོ་ནས་ཁམས་གསུམ་དབང་དུ་སྡུད་པ། དཔལ་མགོན་དམར་པོའི་སྒྲུབ་ཐབས། རྗེ་ཆོས་བཟང་ཉི་མས་མཛད་པའི་དཔལ་མགོན་དཀར་སེར་ལྗང་ནག་གི་གཏོར་འབུལ། གཉན་ལོའི་མགུལ་ཁུག་མའི་ཤོག་དྲིལ་ནས་བསྡུས་པའི་མན་ངག །མུས་སྲད་པ་བློ་གྲོས་རིན་ཅེན་གྱིས་མཛད་པའི་མཆོད་གཏོར་འབུལ་ཚུལ། གཏོར་ཆེན་བཅའ་བ་ཀུན་མཁྱེན་དཔལ་ལྡན་སེང་གེའི་ཞལ་གདམས། གཏོར་མ་ནང་དུ་བསྒྲུབས་ནས་ནུས་མཐུ་འདོན་ཐབས། ཕྱིར་འཕེན་ཚུལ། རྣམ་ཤེས་སྤར་བ། མོན་པ་དང་དམ་ཚིག་བསྲེ་ཚུལ། མནན་པ་སོགས་དྲག་ལས་ཀྱི་འཁོར་ལོ། ཕྱི་ནང་གི་ཉམས་རྟགས་འབྱུང་ཚུལ། གཏོར་མའི་བཀྲ་རྟགས། ཆོས་སྐྱོང་འགྲུབ་རྟགས། བསྐང་མདོས། རྟེན་མདོས། ཟློག་མདོས། རྦད་མདོས། གསང་མདོས་རྣམས་ཀྱི་ཞལ་གདམས། བཤན་པའི་སྔགས་དང་རྦད་ཚུལ་ཧ་ལ་ནག་པོའི་ཤོག་དྲིལ། ཞིང་སྐྱོང་བརྒྱད་ཀྱི་ལྷ་ངོ་སྤྲོད་ལུགས་དང་སྔགས་བྱང་། མུས་སྲད་པ་བློ་གྲོས་རིན་ཅེན་གྱིས་གཏོར་ཆེན་དང་གཏོར་ཟོར་གྱི་ཡི་གེ་དང་བཅས་པ་རྣམས་ནོས་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང་། དཔལ་ལྡན་ཤ་བ་རིའི་དབང་ཕྱུག །ཀུན་མཁྱེན་དཔལ་ལྡན་སེང་གེ །མུས་སྲད་པ་བློ་གྲོས་རིན་ཅེན་སེང་གེ །སེ་བ་མཁན་པོ་ཆོས་བཟང་ཉི་མ། སེ་བ་དགོན་པའི་དབུ་མཛད་ཆོས་རྗེ། རྗེ་དྲུང་རིན་པོ་ཆེ་དགེ་འདུན་བསྟན་པ་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། །ཉེ་བརྒྱུད་ནི། དཔལ་ལྡན་ཤ་བ་རི། གྲུབ་ཆེན་དཔལ་ལྡན་རྡོ་རྗེ་
ཐམས་ཅད་མཁྱེན་པ་བསོད་ནམས་རྒྱ་མཚོ། རྗེ་དྲུང་རིན་པོ་ཆེ་དགེ་འདུན་བསྟན་པ་རྒྱ་མཚོ་མན་གོང་བཞིན་ནོ། །ལུང་གི་བརྒྱུད་པ་ནི། སེ་བ་མཁན་པོ་ཆོས་བཟང་ཉི་མ། དྲུང་པ་ལྷའི་བཙུན་པ་བསོད་ནམས་དཔལ་བཟང་། ཐམས་ཅད་མཁྱེན་པ་བསོད་ནམས་རྒྱ་མཚོ་མན་འདྲ། རྡོ་རྗེ་འཆང་དབང་ཕྱུག་རབ་བརྟན་གྱི་ཟིན་བྲིས་ཀྱི་སྟེང་ནས་རྒྱ་གར་ཀ་མ་རུ་པ་ནས་བརྒྱུད་པའི་ཞལ་བྲམ་ནག་བཤད་པ་དྲུག་བསྐོར་གྱི་རྗེས་གནང་དང་ཟིན་བྲིས་ཀྱི་ལུང་དང་བཅས་ཐོབ་པའི་བརྒྱུད་པ་ནི། རྡོ་རྗེ་འཆང་། སློབ་དཔོན་ཀླུ་སྒྲུབ། རྒྱ་གར་གྱི་གྲུབ་ཐོབ་ཀ་མ་རུ་པ། ཞང་མདོ་སྡེ་དཔལ། རྗེ་འཇམ་སྐྱ་ནམ་མཁའ་དཔལ་ལྡན། བླ་མ་གྲང་མོ་ཆེ་བ། དཔེ་ལ་ལར་འདི་གཉིས་སྦྲེལ་བའི་གྲང་མོ་ཆེ་བ་རེ་ཀ་ཟེར་བ་སྣང་བ་མ་དག་པ་འདྲའོ། །རྗེ་རེ་ཏ་ཟླ་བ། གྲུབ་པའི་དབང་ཕྱུག་ཐང་སྟོང་རྒྱལ་པོ། རས་ཆེན་དཔལ་འབྱོར་བཟང་པོ། ཀུན་མཁྱེན་རྡོ་རྗེ་གདན་པ་འཇིགས་མེད་དཔའ་བོ། རྒྱ་སྟོན་བྱང་ཆུབ་དབང་རྒྱལ། རྗེ་བཙུན་ཀུན་དགའ་གྲོལ་མཆོག །བསྟན་འཛིན་ཉི་ཟླ་བཟང་པོ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། འཁོར་ལོའི་མགོན་པོ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །མཉམ་མེད་ལྷ་རྗེ་ཆེན་པོས་སྒྲ་རང་འགྱུར་དུ་མཛད་པའི་གདོང་བཞི་པའི་གསང་སྒྲུབ་ནག་པོ་དོམ་མཆོངས། དེས་མཛད་པའི་གསང་སྒྲུབ་ཀྱི་ལས་མཐའ་ནོར་སྒྲུབ་རྒྱལ་བརྒྱད་མ་གཉིས་ཀྱི་ལུང་ནོས་པའི་བརྒྱུད་པ་ནི། ཙ་ཏུ་རྨུ་ཁ། ཛྙཱ་ན་ཤྲཱི་བྷ་དྲ། མགོན་པོས་མཉམ་མེད་ལྷ་རྗེ་ལ་དངོས་སུ་གནང་ཟེར་བ་འདུག་པ་འདི་མཚན་དངོས་
ཡིན་པ་འདྲ་ཞིང་། རིན་པོ་ཆེ་ཀུན་བཟང་རྩེ་པའི་ཕྱག་ལེན་དུ་གཉན་ལོས་མཛད་པའི་ཞལ་གྱི་བསྐང་ཐུང་གི་སྐབས་མཉམ་མེད་ལྷ་རྗེ་ཆེན་པོའི་ཐུགས་དམ་བསྐང་། ལས་མཁན་ཕ་ཇོ་ཆེན་པོའི་ཐུགས་དམ་བསྐང་ཟེར་བ་འཇུག་སྲོལ་ཀྱང་འདུག་ཅིང་། འདི་དྭགས་པོ་ལྷ་རྗེ་དང་མི་གཅིག་གོ །སུ་མ་ཏི་ཤྲཱི་བྷཱུ་ཏི། ཆག་ལོ་རིན་ཅེན་ཆོས་ཀྱི་རྒྱལ་པོ། ཁྲ་རི་བ་རིན་ཅེན་ཆོས་རྒྱལ། དེ་ལ་འུ་ཡུག་དགོན་པ་དཀར་པོར་རྗེ་བཙུན་གྲོལ་མཆོག་གིས་གསན། དེ་ནས་བསྟན་འཛིན་ཉི་ཟླབཟང་པོ། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ངག་དབང་ཆོས་གྲགས་འཇམ་མགོན་གྲུབ་པའི་དཔའ་བོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་གསང་སྒྲུབ་ཀྱི་བརྒྱུད་ལུགས་གཅིག་ནི། རྗེ་བཙུན་མགོན་པོ་བསོད་ནམས་མཆོག་ལྡན་ནས། ཟུར་ཆེན་ཆོས་དབྱིངས་རང་གྲོལ། དེས་བདག་ལའོ། །ནག་པོ་དོམ་མཆོངས་ཀྱི་ལུང་བརྒྱུད་ལུགས་གཅིག་ནི། རས་ཆེན་དཔལ་འབྱོར་བཟང་པོ་ཡན་རྗེས་གནང་ལྟར་ལ། དེ་ནས་ཆག་ལོ་རིན་ཅེན་ཆོས་རྒྱལ། ལྗང་སྟོན་ཀུན་དགའ་རྒྱལ་མཚན་བླ་ཆེན་ཡོན་ཏན་རྒྱ་མཚོ། འབྲས་སྤུངས་པ་ཚེ་དབང་བཀྲ་ཤིས། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེན་བརྩེའི་དབང་ཕྱུག །སྔགས་འཆང་བསོད་ནམས་ཆོས་འཕེལ། རྡོ་རྗེ་འཆང་དབང་རབ་མན་ལུང་བརྒྱུད་གོང་མ་བཞིན་ནོ། །རྒྱལ་བརྒྱད་མའི་བརྒྱུད་ལུགས་གཅིག་ནི། རྗེ་དབང་རབ་ནས། རྗེ་ཞ་ལུ་པ། ཁྲ་ཚང་པ་ཆེན་པོ། དེས་བདག་གོ །རྗེ་འདུལ་བ་འཛིན་པ་གྲགས་པ་རྒྱལ་མཚན་གྱིས་མཛད་པའི་སྒྲུབ་ཐབས་དྲག་པོ་བརྩེགས་པ་དང་དཀྱིལ་ཆོག་དངོས་གྲུབ་
ཐམས་ཅད་འབྱུང་བའི་སྟེང་ནས་མི་བསྐྱོད་པའི་རིགས་ཀྱི་ཁྲོ་བོ་དཔལ་ཕྱག་ན་རྡོ་རྗེ་འཁོར་ལོ་ཆེན་པོ་ལྷ་བཅོ་བརྒྱད་ཀྱི་རས་བྲིས་ཀྱི་དཀྱིལ་འཁོར་དུ་དབང་བཞི་ལེགས་པར་ནོས་པའི་བརྒྱུད་པ་ནི། དམར་གྱིས་མ་བརྒྱུད་དུ་བཤད་ཀྱང་རྒྱུད་འབུམ་དཀར་ཆག་དང་རྗེ་བཙུན་ཀུན་དགའ་བཟང་པོའི་བཞེད་པ་ལྟར་བཀོད་དོ། །རྡོ་རྗེ་འཆང་། ཕྱག་ན་རྡོ་རྗེ། གསན་ཡིག་གཞན་རྣམས་ན་མི་གསལ་ཡང་གོང་དཀར་བའི་གསན་ཡིག་ན་སྣང་ངོ་། །མཁའ་འགྲོ་མ་སེང་གེའི་གདོང་པ་ཅན། གྲུབ་ཆེན་སཱ་ཝ་རི་པ། བུ་ངོར་མཁྱེན་བརྩེ་ཐར་རྩེ་སྒྲུབ་ཁང་པ་རྣམས་ཀྱི་གསན་ཡིག་ན་འདི་ལྟར་སྣང་ལ། རྡོ་རྗེ་འཆང་སྔགས་རམ་པའི་གསན་ཡིག་ཏུ་ཤ་བ་རི་པ་ཞེས་འདུག །པཎ་གྲུབ་ཛྭ་ཝ་རི་པ། བལ་པོའི་པཎྜི་ཏ་དེ་ཝ་པཱུརྞ་མ་ཏི། རྗེ་བཙུན་བཙོང་ཁ་པའི་གསན་ཡིག་ཏུ་པུརྦྱ་མ་ཏི་ཞེས་སྣང་། འགར་ལོ་ཙཱ་བ་ཆོས་ཀྱི་བཟང་པོ། ཡུལ་པུ་རངས་པ། ཕྱར་བུ་པ་ལྟོ་པེ་ཞྭ་ཅན་ཕྱིས་རྒྱ་ནག་ཏུ་གཤེགས། གཤེན་སྟོན་རིན་ཅེན་དངོས་གྲུབ། དམར་སྒང་བུ་བ་ཆོས་ཀྱི་རྒྱལ་མཚན། པཎ་དཀར། དམར་ཤེས་རབ་རྡོ་རྗེ། དམར་ཐུབ་པ་ཤེས་རབ། དམར་བརྩོན་འགྲུས་རྡོ་རྗེ། བུ་དང་ཐར་རྩེ་སྒྲུབ་ཁང་པ་གསུམ་གྱི་གསན་ཡིག་ཏུ་བརྩོན་འགྲུས་སེང་གེ་ཞེས་སྣང་བ་བརྟག །དམར་ཆོས་ཀྱི་རྒྱལ་པོ། ཡར་ཀླུངས་སྨོན་གྲོ་པ་བོད་བཙུན། དམར་ཤཱཀྱ་གྲུབ་པ། བླ་མ་གྲགས་པ་དཔལ། བླ་མ་ཚུལ་རྒྱལ་བ། ཀུན་མཁྱེན་ཤེས་རབ་དཔལ་བཟང་། མཁས་གྲུབ་དགེ་ལེགས་དཔལ་བཟང་གྲུབ་ཆེན་བཟང་པོ་རྒྱལ་མཚན། རྗེ་ངག་དབང་བློ་གྲོས། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། དྲུང་པ་ལྷའི་བཙུན་པ་བསོད་ནམས་དཔལ་བཟང་། ཤར་ཆེན་ནམ་མཁའ་རྒྱལ་མཚན།
བྱང་མ་ཁང་གསར་བ་དཔལ་འབྱོར་བསོད་ནམས་ལྷུན་གྲུབ། བླ་མ་ཞང་འཕྲིན་ལས་ལྷུན་གྲུབ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་གྱི་བནྡེ་ལ་བསྩལ་ཏོ། །ཡང་ན་དམར་ཆོས་ཀྱི་རྒྱལ་མཚན་ནས། སྒང་སྟོན་རིན་ཅེན་བླ་མ། སྒང་སྟོན་ཤེས་རབ་འབུམ། གྲུ་སྟོན་ཤེས་རབ་འབུམ། རྗེ་བཙུན་བཙོང་ཁ་པ་ཆེན་པོའི་གསན་ཡིག་ན་ཤེས་རབ་གྲུབ་ཅེས་སྣང་། གྲུ་རྡོ་རྗེ་སེང་གེ །སྔགས་པ། གྲུ་ཆོས་ཀྱི་མགོན་པོ། རོང་རི་ལུང་ཕུག་པ། ཁམས་སྟོན་ལྷོ་ཚང་པ། བླ་མ་བསོད་ནམས་དབང་ཕྱུག །བླ་མ་བྱང་ཆུབ་རིན་ཅེན། རྗེ་ཕྱོགས་ལས་རྣམ་རྒྱལ། རྗེ་བྱམས་པ་མགོན་པོ། མཁས་གྲུབ་དགེ་ལེགས་པ་མན་འདྲ། ཡང་ན་དམར་ཤཱཀྱ་གྲུབ་ནས། ཡང་རྩེ་བ་རིན་ཅེན་སེང་གེ །བུ་སྟོན་ཐམས་ཅད་མཁྱེན་པ། བླ་མ་འཇམ་དབྱངས་དཀར་པོ། རྗེ་རིན་ཅེན་ལེགས་པ། ཆོས་རྗེ་བློ་གྲོས་ཆོས་སྐྱོང་། གྲུབ་ཆེན་བཟང་པོ་རྒྱལ་མཚན་མན་སྔར་བཞིན་ནོ། །མཁྱེན་རབ་རིན་པོ་ཆེས་མཛད་པའི་འཁོར་ཆེན་ལ་བརྟེན་ནས་གཤིན་པོ་རྗེས་འཛིན་གྱི་ཆོ་ག་ཐར་པའི་ལམ་སྟོན་གྱི་བརྒྱུད་པ་ནི། མཁྱེན་རབ་རྗེ། སྟོང་ར་བ་ཤཱཀྱ་དོན་གྲུབ། དེ་དབོན་ཀུན་དགའ་ལེགས་གྲུབ། ལུམ་པ་བ་ཀུན་དགའ་ཆོས་གྲགས། བཅོ་བརྒྱད་པ་མཆོག་ལེགས་རྡོ་རྗེ། མཁྱེན་རབ་བསྟན་འཛིན་བཟང་པོ། བྱམས་པ་ངག་དབང་ལྷུན་གྲུབ། སྡོམ་བརྩོན་འཕྲིན་ལས་རྣམ་རྒྱལ། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །འབའ་ར་བ་རྒྱལ་
མཚན་དཔལ་བཟང་གིས་མཛད་པའི་ཡི་གེའི་སྟེང་ནས་གསང་བའི་བདག་པོ་དྲག་སྔགས་ཀྱི་ཆེ་བ་དང་ལྡན་པ་ཨུ་ཙཪྻའི་རྗེས་གནང་མེད་དབང་ཕྱག་མཚན་གྱི་དབང་དང་བཅས་པ་ལེགས་པར་ཐོབ་པའི་བརྒྱུད་པ་ནི། རྫོགས་པའི་སངས་རྒྱས། གསང་བདག་ཕྱག་རྡོར། འཕགས་པ་ཀླུ་སྒྲུབ། སློབ་དཔོན་པདྨ་བཛྲ། གོང་དཀར་བ། ཐར་རྩེ། ཤར་པ་གསུམ་གྱི་གསན་ཡིག་ན་འདི་གཉིས་གོ་ལྡོག་ཏུ་འདུག་ཀྱང་འཇམ་དབྱངས་མཁྱེན་བརྩེའི་གསན་ཡིག་ལྟར་བྲིས་པ་ཡིན་པདྨ་བཛྲ་འོད་སློབ་དཔོན་མཚོ་སྐྱེས་དང་གཅིག་གམ་སྙམ་ཨོ་རྒྱན་ཆེན་པོ་ནི་མིན་ནོ། །སློབ་དཔོན་ཙནྡྲ་གོ་མི། རྒྱལ་པོ་དྷརྨ་པ་ལ། བླ་མ་ཟངས་གླིང་པ། ཁམས་པ་ཨ་སེང་། ཇོ་སྲས་གཉལ་པ། བླ་མ་དཀོན་ཅོག་རྒྱ་མཚོ། གོང་དཀར་བའི་གསན་ཡིག་ན་དཀོན་ཅོག་རྒྱལ་པོ་དང་ཤར་པའི་དེར་རྒྱ་མཚོ་ཟེར་བ་སྣང་ཞིང་། རྗེ་མཁྱེན་བརྩེའི་བརྒྱུད་ཡིག་གཅིག་ལ་རྒྱལ་པོ་དང་གཅིག་ལ་རྒྱ་མཚོ་ཞེས་འདུག་པས་དཔྱད་དོ། །ཇོ་སྲས་མེ་འབར། བླ་མ་དོན་ཞགས་པ། བླ་མ་ལྷ་རྗེ་ཆོས་གྲགས། མཁན་པོ་ཆོས་སྡིངས་པ། བླ་མ་ཟུར་ཕུག་པ། འབའ་ར་བ་རྒྱལ་མཚན་དཔལ་བཟང་། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ་ཀུན་དགའ་རྣམ་རྒྱལ། བླ་ཆེན་ཡོན་ཏན་རྒྱ་མཚོ། འབྲས་སྤུངས་པ་ཚེ་དབང་བཀྲ་ཤིས། བླ་མ་ཨོ་རྒྱན་རྒྱལ་པོ། གྲ་ཐང་མཁན་པོ་བསོད་ནམས་རྒྱལ་པོ། རབ་འབྱམས་ཆོས་རྗེ་རིན་ཅེན་རྒྱ་མཚོ། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རྡོ་རྗེ་གདན་པ་ནས། རྗེ་རྣམ་རྒྱལ་རིན་ཅེན། རྒྱ་སྟོན་བྱང་དབང་། བླ་མ་ཤཱཀྱ་ཀུན་དགའ། ནམ་མཁའ་མཛོད་པ་རྡོ་རྗེ་བློ་
གྲོས། མཁས་གྲུབ་ཉི་མ་གླིང་པ། རབ་འབྱམས་ཆོས་རྗེ་མན་འདྲ། ཡང་ན་ཇོ་སྲས་གཉལ་པ་ནས། བླ་མ་དགེ་འདུན་རྒྱ་མཚོ། སྟོན་དབྱངས། བྱ་སྟོན་བསོད་ནམས་འོད། གྲགས་པ་སེང་གེ །གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ་མན་འདྲ། ཡང་ན་ཁམས་པ་ཨ་སེང་ནས། ཞང་དཀོན་ཅོག་དཔལ། རུ་སྨོན་མཁར་བ་སྐྱི་སྟོན་གྲགས་རྒྱན། རུ་ཞང་དཀོན་ཅོག་བློ་གྲོས། བླ་མ་ཆོས་གྲགས་མན་འདྲ། ཡང་ན་ལྷ་རྗེ་ཆོས་གྲགས་ནས། ཨེ་པ་འཁོན་སྟོན། ལོ་ཙཱ་བ་མཆོག་ལྡན། བླ་མ་སངས་འོད། སློབ་དཔོན་སྨྲ་སེང་། མཁས་བཙུན་བྱང་སེང་། བྲག་ཐོག་པ་བསོད་ནམས་བཟང་པོ་མན་འདྲ། ཡང་ན་མཆོག་ལྡན་པ་ནས། སྐྱི་སྟོན་པ། ཇོ་ནང་ཀུན་མཁྱེན། བྱང་སེང་པ་མན་གོང་ལྟར་རོ། །ཡང་ན་བྲག་ཐོག་པ་ནས། འཚལ་མིན་ངག་གི་དབང་པོ། རྡོ་རྗེ་གདན་པ་མན་གོང་བཞིན་ནོ། །
གཤིན་རྗེ་གཤེད་ཀྱི་སྐོར།
རྣམ་སྣང་གི་རིགས་སུ་གཏོགས་པ་ཞེ་སྡང་ཅན་གཙོ་བོར་འདུལ་བ་གཤེད་སྐོར་ལ་རྡོ་རྗེ་འཆང་སྒོ་རུམ་པ་ཀུན་དགའ་ལེགས་པས་མཛད་པའི་སྒྲུབ་ཐབས་ཁྲོ་བོ་རྣམ་རོལ་དང་དཀྱིལ་ཆོག་གཞོན་ནུ་རྣམ་རོལ་གྱི་སྟེང་ནས་རྭ་ལུགས་ཀྱི་དཔལ་གཤིན་རྗེ་གཤེད་དགྲ་ནག་ལྷ་བཅུ་གསུམ་མ་རས་བྲིས་ཀྱི་དཀྱིལ་འཁོར་ཆེན་པོར་དབང་བཞི་རྫོགས་པར་ནོས་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། ཏཻ་ལོ་པ། ནཱ་རོ་པ། པྲ་ཛྙ་རཀྵི་ཏ། བལ་པོ་མེཉྫ་གླིང་པ་ཐུགས་རྗེ་ཆེན་པོ། ས་དགེའི་མཁས་གྲུབ་མང་པོ་བལ་བོ་བྷ་རོ་དང་གཅིག་པར་མཛད་ཀྱང་འདི་ཡེ་རང་པ་དང་བྷ་རོ་ཡམ་བུ་བ་
ཡིན་ཞིང་ཐུགས་རྗེ་ཆེན་པོ་ནི་དུས་འཁོར་ཕག་མོ་སོགས་ལ་ཤིན་ཏུ་མཁས། བྷ་རོ་ནི་གཤིན་རྗེ་གཤེད་ཀྱི་གྲུབ་པ་ཐོབ་པ་ཙམ་ལས་མཁས་པར་མ་གྲགས་པས་སོ་སོར་མ་འདྲེས་པར་དགོས་པར་མངོན་ནོ། །རྭ་ཆེན་ལོ་ཙཱ་བ་རྡོ་རྗེ་གྲགས། རབ་བྱུང་། རྭ་ཆོས་རབ། རྭ་ཡེ་ཤེས་སེང་གེ །སྔགས་པ་དཀར་ཆས་ལྕང་ལོ་པ། རྭ་འབུམ་སེང་། རྒྭ་ལོ་རྣམ་རྒྱལ་རྡོ་རྗེ། ཐར་རྩེ་སྒྲུབ་ཁང་པ་ཤར་པ་གསུམ་གྱི་གསན་ཡིག་ཏུ་དོན་ཡོད་རྡོ་རྗེ་ཡིན་ཚུལ་འདུག་པ་གསང་མཚན་དང་འཁྲུལ་ལམ་དཔྱད། དེ་སྲས་རོང་པ་ཤེས་རབ་སེང་གེ །འདི་མན་རབ་བྱུང་། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། སྔགས་དཀར་ཅོ་བྲེག་ཅན། ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ། སྐུ་ཞང་ནམ་མཁའི་མཚན་ཅན། བླ་མ་རིན་ཅེན་དཔལ་གྲུབ། རྡོ་རྗེ་འཆང་མཁྱེན་རབ་ཆོས་རྗེ། མཁན་ཆེན་རིག་འཛིན་རྒྱལ་པོ། བླ་ཆེན་ཆོས་རིག་རྒྱལ་མཚན། བླ་མ་བསོད་ནམས་དཔལ་འབྱོར། རྗེ་བྱང་གླིང་པ་བཀྲ་ཤིས་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། རིགས་དང་དཀྱིལ་འཁོར་ཀུན་གྱི་ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཐུགས་སྲས་ལོ་ཙཱ་བས་མཛད་པའི་གཤིན་རྗེ་དགྲ་ནག་པོའི་མངོན་པར་རྟོགས་པ་གསོད་བྱེད་རྔམས་པ་འཇིགས་རུངས་ཀྱི་བརྒྱུད་པ་ནི། སྒྲ་ཚད་པ་རིན་ཅེན་རྣམ་རྒྱལ། རྗེ་སྐུ་ཞང་ནམ་མཁའ། ཟླ་བ་དཔལ་རིན། འཁྲུལ་ཞིག་ཚུལ་རྒྱན། རིན་ཅེན་མཆོག་གྲུབ། རིན་ཅེན་རྒྱལ་པོ། འབྲོག་སྒང་པ། འཇམ་དབྱངས་བྱང་གླིང་རྗེ། གྲོ་བོ་ལུང་པ། སློབ་དཔོན་དཀོན་རྒྱན། ཁྱབ་
བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །འཇམ་དཔལ་གཤིན་རྗེ་གཤེད་དགྲ་ནག་པོའི་རྒྱུད་ལས་གསུངས་པའི་ས་ལའི་ཕོ་ཉའམ་དབྱངས་ཅན་ལྷ་མོ་དམར་མོ་གསང་སྒྲུབ་ཀྱི་རྗེས་སུ་གནང་བ་ཤིན་ཏུ་ཟབ་པ་དང་། ལུང་ལ། སྒྲུབ་ཐབས། ལོ་རྒྱུས། གཏོར་འབུལ། བསྟོད་པ་གང་སྲིད་མ། རྗེས་གནང་གི་ཡི་གེ་དང་བཅས་ཐོབ་པའི་ས་ལུགས་ཀྱི་བརྒྱུད་པ་ནི། སྒྲ་དབྱངས་ལྷ་མོ། དེས་ཡང་ནས་ཡང་དུ་རྗེས་སུ་བཟུང་བའི་པཎྜི་ཏ་བིཀྵ་པཱ་ར་མ། པཎྜི་ཏ་ཤྲཱི་ཏ་ཐཱ་ག་ཏ་རཀྵི་ཏ། ཁ་ཆེའི་པཎྜི་ཏ་ཛ་ཡ་ཀ པཎྜི་ཏ་བྷ་སྐ་ར་དེ་ཝ། འོད་བྱེད་འབྱུང་གནས་ཡིན་ཞིང་ཐར་རྩེ་བཤད་པ་གཉིས་ཀྱི་གསན་ཡིག་ན་འདི་དང་ཛ་ཡ་ཀ་གོ་ལྡོག་ཏུ་སྣང་ལ། འདིར་རྡོ་རྗེ་གདན་པ་དང་རྗེ་མཁྱེན་བརྩེའི་གསན་ཡིག་བཙན་པར་བྱས་ཏེ་བཀོད། ཁ་ཆེའི་པཎྜི་ཏ་ཤཱཀྱ་ཤྲཱི། པཎྜི་ཏ་དཱ་ན་ཤཱི་ལ། འཇམ་མགོན་ས་སྐྱ་པཎ་ཆེན། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། དྲིན་ཅན་སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་བསོད་ནམས་རྒྱལ་མཆོག །བསམ་གཏན་གླིང་པ་ནམ་མཁའ་བསོད་ནམས། བླ་མ་ཆོས་ཀྱི་རྒྱལ་མཚན། པཎ་ཆེན་ཕྱོགས་ལས་རྣམ་རྒྱལ། རྡོ་རྗེ་འཆང་ཚར་པ་ཆོས་རྗེ། རྗེ་བཙུན་བོད་མཁར་བ་མི་ཏྲི་དོན་གྲུབ་རྒྱལ་མཚན། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་བསམ་
གཏན་གླིང་པ་ནམ་མཁའ་བསོད་ནམས་ནས། ལྷ་རི་པ་དཔལ་ལྡན་རྒྱལ་མཚན། སྤྱན་སྔ་ཤཱཀྱ་རྒྱལ་མཚན། ཚར་ཆེན་མན་འདྲ། ཡང་ན་ཡར་ཀླུངས་པ་སེང་གེ་རྒྱལ་མཚན་ནས། ཀླུ་པ་མཁན་པོ་བསོད་ནམས་དར། བླ་མ་དམར་སྟོན་པ། རིན་པོ་ཆེ་ཀུན་བཟང་རྩེ་པ་བསོད་ནམས་རྒྱལ་མཚན། རྡོ་རྗེ་གདན་པ་ཀུན་དགའ་རྣམ་རྒྱལ། ཐུགས་སྲས་ཀུན་དགའ་རྒྱལ་པོ། རིག་འཛིན་ཚེ་དབང་བཀྲ་ཤིས། ཚར་ཆེན་མན་གོང་དང་འདྲ། །རྔོག་ལུགས་ཀྱི་བརྒྱུད་པ་ནི། པཎྜི་ཏ་ཛ་ཡ་ཀ་ནས། རྔོག་ལོ་ཆེན་པོ། འབྲེ་ཤེས་རབ་འབར། ལ་སྟོད་དཀོན་ཅོག་མཁར། སློབ་དཔོན་བློ་གྲོས་འབྱུང་གནས། དོན་མོ་རི་པ་བློ་གསལ། ཇོ་བཙུན་ལྕགས་ཐང་པ། དཔེ་དམར་བ་ཆོས་ཀྱི་ཤེས་རབ། ཆོས་རྗེ་འཇམ་དཔལ་གསར་མ། རྒྱལ་ཚ་ལུང་མང་པོ་མན་གོང་ལྟར་རོ། །ཡང་ན་འབྲེ་ཤེས་རབ་འབར་ནས། ཆ་པ་ཆོས་ཀྱི་སེང་གེ །གཙང་ནག་མིའི་སེང་གེ །ལྷ་སའི་བླ་མ་རྔོག་ཁུ་དབོན་གཉིས། རྒྱལ་ཚ་ལུང་མང་པོ་མན་འདྲ། མར་དོ་ལུགས་ཀྱི་བརྒྱུད་པ་ནི། ཀུ་སུ་ལུ་པ། དཔལ་འཛིན། རྒྱལ་པོ་རཱ་ཛ་ཀཱ་ཡ། དེའི་ཡིག་མཁན་པཎྜི་ཏ། པཎྜི་ཏ་འབུམ་ཕྲག་གསུམ་པ། བལ་པོ་དྷ་མ་ཏ་ལ། དེ་གཉིས་ཀ་ལ་མར་དོ་ལོ་ཙཱ་བ་ཆོས་ཀྱི་དབང་ཕྱུག་གིས་ཞུས། དེ་ནས་གཟེ་པ་བློ་ལྡན། ཁམས་པ་ཤཱཀྱ་རྡོ་རྗེ། སྲས་དྷརྨ་ཀཱིརྟི། བླ་མ་སངས་རྒྱས་འབུམ། ལོ་ཙཱ་བ་མཆོག་ལྡན། བག་སྟོན་གཞོན་ནུ་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ་མན་སྔར་
བཞིན་ནོ། །གཤིན་རྗེ་ནག་པོའི་མངོན་རྟོགས་རྒྱུད་དོན་རབ་གསལ་དང་ཐུགས་སྲས་རིན་པོ་ཆེའི་གཏུམ་ཆེན་རོལ་བ་དཀྱིལ་ཆོག་དགྲ་ནག་དང་ཆ་མཐུན་པའི་ཕྱག་ལེན་ལྟར་རྭ་ལུགས་ཀྱི་འཇམ་དཔལ་གཤིན་རྗེ་ནག་པོ་ཞལ་དྲུག་པ་ལྷ་ཉི་ཤུ་རྩ་གཅིག་གི་རས་བྲིས་ཀྱི་དཀྱིལ་འཁོར་དུ་དབང་བཞི་ཐོབ་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། ནག་པོ་པ། བྷ་ད་པ། དྷ་མ་པ། དེ་ཝ་པ། ཛེ་ཏཱ་རི་པ། ཨ་ནཾ་ག་བཛྲ། དྷརྨ་ཀ་ར་ཤཱནྟི། རྗེ་མཁྱེན་བརྩེའི་གསན་ཡིག་ན་འདི་ལྟར་འདུག་ཀྱང་ཀུན་མཁྱེན་བུའི་གསན་ཡིག་ན་དྷརྨ་ཀ་ར་མ་ཏི་དང་རྡོ་རྗེ་གདན་པའི་གསན་ཡིག་ན་ཨ་ཀ་ར་མ་ཏི་ཞེས་སྣང་། ཐར་རྩེ་སྒྲུབ་ཁང་ཤར་པ་གསུམ་གྱི་གསན་ཡིག་ན་དྷརྨ་ཨཱ་ཀཱ་ཤ་མ་ཏི་ཞེས་འདུག་པ་བརྟག །བལ་པོ་ཐུགས་རྗེ་ཆེན་པོ་ནས། ཞ་ལུ་པ་བཀྲ་ཤིས་རྒྱལ་མཚན་གྱི་བར་དགྲ་ནག་སོར་བཞག་ལ། དེ་ནས་བྲང་ཏི་པ་ནམ་མཁའ་དཔལ་བཟང་། དེ་དབོན་ཐར་རྩེ་ནམ་མཁའ་སངས་རྒྱས། གནས་གསར་བ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །དགྲ་གདོང་གཉིས་ཐུན་མོང་གི་བརྒྱུད་ལུགས་གཅིག་ནི། འཇམ་དཔལ་དབྱངས།ཡེ་ཤེས་ཞབས། མར་མེ་མཛད་བཟང་པོ། བུའི་གསན་ཡིག་ན་འདི་མི་འདུག་པས་བརྟག །དཔལ་བདེ་བ། བི་མ་ལ་གུཔྟ། ཀརྞ་པ། ས་མནྟ་བྷ་དྲ། ཤྲཱི་དྷ་ར། ཀ་ཡ་དྷ་པ། གོང་དཀར་བའི་གསན་ཡིག་ན་ཀ་ཡསྠ་པ་ཟེར་བ་སྣང་། ཛྙཱ་ན་མི་ཏྲ། ཛྙཱ་ན་མི་ཏྲ། རཏྣ་ཀཱིརྟི། འདི་གཉིས་ཀྱི་བར་དུ་བུ་དང་གོང་དཀར་བའི་གསན་ཡིག་ཏུ་པེནྟ་པ་ཟེར་བ་འདུག་པ་ཆད་དམ་སྙམ། སོ་ན་ཤྲཱི། བལ་པོ་ཐུགས་རྗེ་ཆེན་པོ་མན་སྔར་
བཞིན་ནོ། །མངོན་རྟོགས་གཏུམ་ཆེན་རོལ་བའི་བརྒྱུད་པ་ནི། གསོ་བྱེད་རྔམས་པ་འཇིགས་རུངས་དང་གཅིག་གོ །
དཔལ་རྡོ་རྗེ་འཇིགས་བྱེད་ཆེན་པོ་རོ་ལངས་བརྒྱད་སྐོར་ལྷ་དགུ་པ་རྭ་ལུགས་ཀྱི་དཀྱིལ་འཁོར་དུ་དབང་བཞི་རྫོགས་པར་ནོས་པའི་ལུང་བརྒྱུད་སོགས།
ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་དཀྱིལ་ཆོག་རབ་གསལ་ཟླ་བའི་སྟེང་ནས་དཔལ་རྡོ་རྗེ་འཇིགས་བྱེད་ཆེན་པོ་རོ་ལངས་བརྒྱད་སྐོར་ལྷ་དགུ་པ་རྭ་ལུགས་ཀྱི་དཀྱིལ་འཁོར་དུ་དབང་བཞི་རྫོགས་པར་ནོས་པའི་བརྒྱུད་པ་ནི། དཔལ་རྡོ་རྗེ་འཇིགས་བྱེད། རྡོ་རྗེ་རོ་ལངས་མ། གྲུབ་ཆེན་ལ་ལཱི་ཏ་བཛྲ། ཨ་མོ་གྷ་བཛྲ། ཡེ་ཤེས་འབྱུང་གནས་སྦས་པ། པདྨ་བཛྲ། དཱི་པཾ་ཀ་ར་རཀྵི་ཏ། བལ་པོ་བྷ་རོ་ཕྱག་རུམ་ཡང་ཟེར། རྭ་ཆེན་ལོ་ཙཱ་བ་རྡོ་རྗེ་གྲགས། རྭ་ཆོས་རབ། རྭ་ཡེ་ཤེས་སེང་གེ །རྭ་འབུམ་སེང་། ཀློག་སྐྱ་དབང་ཕྱུག་གྲགས། ལྡོང་སྟོན་ཤེས་རབ་དཔལ། ཆོས་ཀྱི་རྒྱལ་པོ་འཕགས་པ་རིན་པོ་ཆེ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། མཁན་ཆེན་བྱང་ཆུབ་དཔལ་བཟང་། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། གུ་གེ་པཎ་ཆེན་གྲགས་པ་རྒྱལ་མཚན། གློ་བོ་མཁན་ཆེན་བསོད་ནམས་ལྷུན་གྲུབ། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་པ་ནམ་མཁའ་དཔལ་བཟང་། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ། གནས་གསར་བ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་གློ་བོ་མཁན་ཆེན་ནས། ས་ལོ་འཇམ་དཔལ་རྡོ་རྗེ། གཉན་ཆེན་གྲགས་པ་བློ་གྲོས། ཆོས་རྗེ་ཤེས་རབ་རྒྱལ་མཚན། པཎ་ཆེན་ནམ་མཁའ་དཔལ་བཟང་མན་འདྲ། ཡང་ན་རྭ་འབུམ་སེང་ཡན་གོང་ལྟར་ལ། དེ་ནས་རོང་
པ་རྒྭ་ལོ། དེ་སྲས་ཤེས་རབ་སེང་གེ །བླ་མ་དཔལ་ལྡན་སེང་གེ །ཀུན་མཁྱེན་བུ་སྟོན། སྒྲ་ཚད་པ་རིན་ཅེན་རྣམ་རྒྱལ། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ་མན་འདྲ། ཡང་ན་རོང་པ་ཤེས་རབ་སེང་གེ་ནས། རོང་པ་རྡོ་རྗེ་རྒྱལ་མཚན། ཀུན་མཁྱེན་བུ་སྟོན་མན་གོང་ལྟར་རོ། །ཡང་ན་རྭ་འབུམ་སེང་ནས། རྭ་པའི་ཞལ་ངོ་བཞི་པོ་ནི་སྔགས་པ་གོས་དཀར་ལྕང་ལོ་ཅན། རྭ་དྷརྨ་སེང་གེ །རྭ་དཀོན་ཅོག་སེང་གེ །རྭ་ཆེན་ཤེས་རབ་རྒྱལ་མཚན། ཞང་དཀོན་ཅོག་དཔལ་མན་འདྲ། ཡང་ན་རོང་པ་ཤེས་རབ་སེང་གེ་ནས། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། ཀུན་མཁྱེན་ཤེས་རབ་དཔལ། རྭ་ལོ་གཉིས་པ་དགེ་བ་རྒྱལ་མཚན། གྲ་ཐང་པ་ཤེས་རབ་ཟླ་བ། སྔགས་འཆང་རིན་ཅེན་རྣམ་རྒྱལ། མུས་ཆེན་སངས་རྒྱས་རིན་ཅེན། རྗེ་ལྷ་མཆོག་སེང་གེ་མན་སྔར་བཞིན་ནོ། །མཐུ་སྟོབས་ཀྱི་དབང་ཕྱུག་རྭ་ཆེན་ལོ་ཙཱ་བ་རྡོ་རྗེ་གྲགས་ཀྱིས་མཛད་པའི་མངོན་རྟོགས་ཡིད་བཞིན་གཏེར་མཛོད་དང་དབང་གི་ཆུ་བོ་གཉིས་ལ་རྡོ་རྗེ་འཆང་ཚར་པ་ཆོས་རྗེས་མཛད་པའི་སྒྲུབ་དཀྱིལ་གསལ་བྱེད་ལྷན་ཐབས་ཉི་གཞོན་གསར་བའི་དགའ་སྟོན་དང་། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་ངག་འདོན་བྲེང་ཆགས་ནག་པོ་འགྲོ་ཤེས་རྣམས་ཀྱིས་རྣམ་པར་བརྒྱན་པའི་སྟེང་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་རྭ་ལུགས་ཐུན་མོང་མ་ཡིན་པ་ལྷ་བཅུ་གསུམ་གྱི་རས་བྲིས་ཀྱི་དཀྱིལ་འཁོར་དུ་དབང་བཞི། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་འཇམ་དཔལ་ཁྲོས་པའི་ཞལ་ལུང་
སྙིང་གི་ཟུངས་ཁྲག་མཁའ་འགྲོའི་ཁ་རླངས་ཅན་གྱི་སྟེང་ནས་དཔལ་རྡོ་རྗེ་འཇིགས་བྱེད་ཆེན་པོའི་རྫོགས་པའི་རིམ་པ་རྭ་འཁྲིད་མཁའ་འགྲོའི་སྙན་བརྒྱུད་ཀྱི་ཉམས་འཁྲིད་ཟབ་མོ་སྨིན་རྒྱས། གྲུབ་པའི་དབང་ཕྱུག་ལ་ལཱི་ཏ་བཛྲ་གྱིས་མཛད་པའི་འཁྲིད་དོན་གསལ་བྱེད་རྒྱལ་ཁམས་ལོ་ཙཱ་བ་མ་ཎི་ཀ་ཤྲཱིཛྙཱ་ནས་མཛད་པའི་ཡི་གེའི་སྟེང་ནས་དཔལ་རྡོ་རྗེ་འཇིགས་བྱེད་ཀྱི་རྣལ་འབྱོར་བཞིའི་ཉམས་འཁྲིད་ཟབ་མོ། །འཇམ་དབྱངས་མཁྱེན་བརྩེས་མཛད་པའི་ཟིན་བྲིས་ལ་བརྟེན་ནས་བཅོམ་ལྡན་འདས་དཔལ་རྡོ་རྗེ་འཇིགས་བྱེད་དཔའ་བོ་གཅིག་པ་ཞལ་གཅིག་ཕྱག་གཉིས་པའི་རྗེས་གནང་། ཕྱག་མཚན་མདའ་གཞུ་ལ་བརྟེན་པའི་བི་ཥ་གསད་པའི་ལས་ཚོགས་དུག་དབང་རྨ་བྱ་རྒྱས་པ། འཇམ་དབྱངས་མཁྱེན་བརྩེའི་ཐོ་ཡིག་ལ་བརྟེན་ནས་ལས་གཤིན་དཔའ་བོ་གཅིག་པའི་རྗེས་གནང་། ཐར་གླིང་པ་ཨཱཪྻ་དེ་ཝས་མཛད་པའི་ཡི་གེ་དང་ཚར་ཆེན་ཆོས་ཀྱི་རྒྱལ་པོས་མཐོང་བརྒྱུད་ལྟར་ཕྱོགས་གཅིག་ཏུ་མཛད་པའི་ལས་གཤིན་གསུམ་གྱི་རྗེས་གནང་གི་ཡི་གེ་ལ་བརྟེན་ནས་འཆི་བདག་གཤིན་རྗེའི་དབང་ཕྱུག་ལྷ་བཅུ་གསུམ་གི་རྗེས་སུ་གནང་བ། ཚར་ཆེན་ཆོས་ཀྱི་རྒྱལ་པོས་མཛད་པའི་ཡི་གེ་ལ་བརྟེན་ནས་ལས་ཀྱི་གཤིན་རྗེ་དམར་པོ་བསེ་བྱ་བཞི་བསྐོར་གྱི་རྗེས་གནང་། གཏོར་ཆོག་རྗེས་གནང་དང་བཅས་པའི་ཡི་གེའི་སྟེང་ནས་གཤིན་རྗེ་དམར་པོ་ཁྲག་མདོག་ཡབ་ཡུམ་གྱི་རྗེས་གནང་རྣམས་ནོས་ནས། རྒྱབ་རྟེན་ལུང་ལ། རྭ་ཆེན་ཤེས་རབ་རྒྱལ་མཚན་གྱིས་མཛད་པའི་དཀར་ཆག་ན་གསལ་བའི་ཆོས་སྐོར། དེར་མ་འཁོད་པའི་རྒྱ་བོད་ཀྱི་ཡིག་སྣའི་སྐོར། བོད་ཀྱི་མཁས་པ་འབྲི་ཁུང་དཔལ་འཛིན་
གྱིས་མཛད་པའི་སྐོར་དང་གསུམ། དང་པོ་ལ། རྭ་ལུགས་ཀྱི་གཤིན་རྗེ་གཤེད་ནག་པོ་སྐོར་གསུམ་དུ་གྲགས་པའི་དཀར་ཆག་རྭ་ཆེན་གྱིས་མཛད་པའི་ཚིགས་བཅད་དང་དེའི་རྒྱས་བཤད་རྭ་དབོན་ཤེས་རབ་རྒྱལ་མཚན་གྱིས་མཛད་པ། དེར་གསལ་བའི་ཡིག་སྣ་ལ། རྒྱུད་འབུམ་པ་ལས་ལ་ལཱི་ཏ་བཛྲ་གྱིས་ཕྱུང་བའི་དཔལ་རྡོ་རྗེ་འཇིགས་བྱེད་ཁྲོས་པའི་རྒྱལ་པོའམ་རྩ་༼རྭ༽༼ཀུན༽བའི་རྒྱུད་རྟོག་པ་བདུན་པ་རྒྱ་གར་གྱི་མཁན་པོ་མ་ཧཱ་ཀཱ་རུ་ནི་ཀ་དང་བོད་ཀྱི་ལོ་ཙཱ་བ་རྭ་རྡོ་རྗེ་གྲགས་ཀྱིས་བསྒྱུར་བ་འདིའི་འགྱུར་ཡེ་རང་པ་ཐུགས་རྗེ་ཆེན་པོ་དང་འོག་ནས་འབྱུང་བའི་ཨ་མོ་གྷས་མཛད་པའི་དཀྱིལ་ཆོག་འགྱུར་དུ་བྷ་རོའི་མཚན་སྨོས་པས་ཀྱང་འདི་གཉིས་ཐ་དད་པར་ཚད་མས་གྲུབ་བོ། །སློབ་དཔོན་ཆེན་པོ་ཨ་མོ་གྷ་བཛྲ་གྱིས་མཛད་པའི་རྡོ་རྗེ་འཇིགས་བྱེད་ལྷ་བཅུ་བདུན་མའི་དཀྱིལ་འཁོར་༼རྭ༽༼ཀུན༽གྱི་ཆོ་ག་དངོས་གྲུབ་བརྙེས་པའི་བླ་མ་བྷ་རོ་དང་རྭ་ལོ་ཙཱ་བ་རྡོ་རྗེ་གྲགས་ཀྱིས་བསྒྱུར་པ། རྡོ་རྗེ་འཇིགས་བྱེད་ཀྱི་སྦྱིན་སྲེག་གི་ཆོ་ག་མཛད་པ་པོ་དང་སྒྱུར་བྱེད་གོང་འདྲ། དེས་མཛད་པའི་རྡོ་རྗེ་འཇིགས་བྱེད་ལྷ་བཅུ་བདུན་མའི་སྒྲུབ་ཐབས་ལས་སུ་བྱ་བའི་ཆོ་ག་སེམས་དཔའ་འདི་རྭས་འགྱུར་བཅོས་མཛད་པའི་གསལ་ཁ་མ་བྱུང་ཡང་རྭ་ཆེན་གྱི་གསུང་ལ་ཁ་ཅིག་གསར་འགྱུར་ཁ་ཅིག་བཅོས་ཞེས་པ་ལྟར་ན་འགྱུར་བཅོས་མཛད་པར་མངོན། བསྡུས་པ་རྒྱ་གར་གྱི་མཁན་པོ་མཉྫུ་ཤྲཱི་ཛྙཱ་ན་དང་བོད་ཀྱི་ལོ་ཙཱ་བ་རོང་སྒོམ་ཆོས་བཟང་རོང་ཟོམ་ཆོས་བཟང་ཡིན་མིན་བརྟག །གིས་བསྒྱུར་ཅིང་འགོས་ལྷས་བཙས་དབང་ཕྱུག་རྒྱ་མཚོས་ཞུས་ཏེ་གཏན་ལ་ཕབ་པ། སློབ་དཔོན་རཏྣ་ཨ་ཀར་ཤཱནྟི་པས་མཛད་པའི་རྡོ་རྗེ་འཇིགས་བྱེད་ཀྱི་༼རྭ༽༼ཀུན༽ཚོགས་ཀྱི་འཁོར་ལོ་རྒྱ་གར་གྱི་མཁན་པོ་དཱི་པཾ་ཀ་ར་
རཀྵི་ཏ་བྷ་རོ་ཕྱག་རྡུམ། དང་ལོ་ཙཱ་བ་དགེ་སློང་རྡོ་རྗེ་གྲགས་ཀྱིས་བསྒྱུར་བ། རྒྱུད་འབུམ་པ་ནས་ཕྱུང་བའི་ལས་མཁན་ཏེའུ་ལོ་པའི་རྟོག་པ་དང་ཏེའུ་ལོ་པའི་ཆོ་གའམ་རྟོག་པ་ཞིབ་མོ་དཱི་པཾ་ཀ་ར་དང་རྭ་ལོ་རྡོ་རྗེ་གྲགས་ཀྱིས་བསྒྱུར་པ། སློབ་དཔོན་ཤྲཱི་བྷ་དྲས་མཛད་པའི་དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་སྒྲུབ་ཐབས་དཀར་ཆག་ན་རྟོག་པ་ཞེས་པ་ལས་མི་གསལ་པ་གཅིག་ཏུ་བསྡོམས་པ་འདྲའོ། །མདོར་བསྡུས་པ་འགྱུར་བྱང་མི་གསལ་ཡང་རྭའི་འགྱུར་ཡིན་ནམ་སྙམ། འདིའི་རྗེས་སུ་བྷ་རོས་མཛད་པའི་སྒྲུབ་ཐབས་གསུམ་ཞེས་པ་དཔེ་མ་འབྱོར་པས་མ་ཐོབ། རྭ་ཆེན་རྡོ་རྗེ་གྲགས་ཀྱིས་མཛད་པའི་རྟོག་བདུན་གྱི་༼རྭ༽༼རྡོ་རྗེ༽༼ཀུན༽ནག་འགྲེལ་དཔལ་རྡོ་རྗེ་འཇིགས་བྱེད་ཀྱི་ཚིག་དོན་རྣམ་པར་བཤད་པ། རྒྱ་སྟོན་ཀུན་དགའ་བརྩོན་འགྲུས་ཀྱིས་དབང་ཕྱུག་ཆེན་པོ་འདུལ་བའི་ཆེད་དུ་འཇིགས་བྱེད་སྤྲུལ་ཚུལ་གསུངས་པར་མཁས་གྲུབ་རྗེ་མ་དག་ཅེས་གསུངས་པ་ནི། རྭ་ཆེན་གྱིས། རྒྱུད་ཀྱི་རྒྱལ་པོ་རྟོག་བདུན་ལ། །ནག་འགྲེལ་མུན་པའི་མདའ་འཕེན་ཙམ། །ཞེས་པའི་འགྲེལ་པ་འདིར་གསལ་བར་གསུངས་པ་མ་གཟིགས་པ་འདྲ་ཞིང་། གལ་ཏེ་གཟིགས་ན་མངོན་པའི་ང་རྒྱལ་གྱིས་བརྒལ་བར་སེམས་སོ། །དེས་མཛད་པའི་དཀར་༼རྭ༽༼རྡོ་རྗེ༽༼ཀུན༽འགྲེལ་རྟོག་པ་བདུན་པའི་མན་ངག་གི་གནད་དུ་གྲགས་པ་དཔེ་ལ་ལར་དཀའ་གནད་ཀྱི་འགྲེལ་པའི་བརྡ་དག་བྲིས་ཡོད་འདུག་ཀྱང་དཀར་འགྲེལ་ཕྱོགས་མཐོང་འབེམ་ལ་གཏད། བཅུད་ཀྱི་ཐིགས་པས་ཕོག་པར་བསྣུན་ཞེས་པས་ཤེས་སོ། །དེས་མཛད་པའི་རྟོག་བདུན་༼རྭ༽༼རྡོ་རྗེ༽༼ཀུན༽གནད་ཀྱི་གདམས་ངག་བཅུད་ཀྱི་ཐིགས་པ། དེའི་གསུང་ཧ་ལའི་ཤོག་དྲིལ་༼རྭ༽༼ནུབ༽༼ཀུན༽དང་པོའི་རྩ་བ་གཅིག་ལས་མང་ན་ཁྱོད་སྙིང་ཁོས་ཀྱི་མཐའ་ཅན། གཉིས་པའི་
རྩ་བ༼རྭ༽༼ནུབ༽༼ཀུན༽ཁོང་པའི་ནང་ནས་སྙིང་དྲོངས་ཤིག་གི་མཐའ་ཅན། སུམ་པའི་རྩ་བ་༼རྭ༽༼ནུབ༽༼ཀུན༽རྫོགས་སོའི་མཐའ་ཅན། དེས་མཛད་པའི་རྟོག་པ་དང་པོ་བསྙེན་པའི་ཆོ་ག་དང་རྟོག་པ་གནས་པ་སྒྲུབ་པའི་ཆོ་ག་གཉིས་ལ་བརྟེན་པའི་བསྙེན་སྒྲུབ་དགྲ་སྲོག་དབང་སྡུད་དམ་བསྙེན་སྒྲུབ་ལས་གཤིན་སྦྲེལ་བ། དེས་མཛད་པའི་ལྷ་བཅུ་གསུམ་མའི་མངོན་༼རྭ༽༼ཀུན༽༼མཁན༽པར་རྟོགས་པ་ཡིད་བཞིན་གཏེར་མཛོད། དེས་རྒྱལ་བ་བཀྲ་ཤིས་ཀྱི་ངོར་མཛད་པའི་གཙོ་རྐྱང་༼རྭ༽༼ཀུན༽ཞལ་དགུ་ཕྱག་སོ་བཞི་མའི་མངོན་རྟོགས་དྲི་མེད་སྣང་བ། དེས་མཛད་པའི་ཞལ་གསུམ་ཕྱག་དྲུག་༼རྭ ༽༼ཀུན༽པའི་མངོན་རྟོགས་ཁམས་གསུམ་ཟ་བྱེད་དེས་སྟོན་པ་ཨ་གྲོའི་དོན་དུ་མཛད་པའི་ཞལ་གཅིག་ཕྱག་བཞི་༼རྭ༽༼ཀུན༽པའི་མངོན་རྟོགས་དྲི་མེད་ཆུ་རྒྱུན། དེས་མཛད་པའི་ཞལ་གཅིག་ཕྱག་གཉིས༼རྭ༽༼ཀུན༽པའི་མངོན་རྟོགས་རིན་ཅེན་དོན་བསྡུས། དེས་རྭ་ཆོས་རབ་ཀྱི་དོན་དུ་༼རྭ༽༼ཀུན༽མཛད་པའི་ཞི་བའི་སྦྱིན་སྲེག་མི་མཐུན་ཀུན་སེལ། རྒྱས་པའི་སྦྱིན་སྲེག་༼རྭ༽༼ཀུན༽འདོད་པ་ཀུན་འཕེལ། དབང་གི་སྦྱིན་སྲེག་༼རྭ༽༼ཀུན༽གནད་ཀྱི་ལྕགས་ཀྱུ། དེས་སྔགས་འཆང་ཁྲོ་རྒྱལ་དང་བློ་ལྡན་གཉིས་ཀྱི་དོན་དུ་མཛད་༼རྭ༽༼ཀུན༽པའི་དྲག་པོའི་སྦྱིན་སྲེག་དགྲ་བགེགས་ཀུན་འདུལ་ཞལ་གཅིག་ཕྱག་གཉིས་པའི་དུག་དབང་ལོ་རྒྱུས་དང་༼ཤེར༽བཅས་པ་དབང་བསྐུར་ཞལ་གདམས་སོའི་མཐའ་ཅན། དབང་དང་ཟས་ཚད་ཕན་༼ཤེར༽ཡོན་གསུམ་བསྟན་པ། བསྟན་པ་འཛིན་སྐྱོང་སྤེལ་ཞིང་ནད་གསོ་བ་༼ཤེས༽ལ་གཙུག་ཏོར་འཁོར་ལོ་སྒྱུར་བ། རྡོ་རྗེ་འཇིགས་བྱེད་དམར་
པོའི་མངོན་རྟོགས་སྔོན་པོར་བསྒྱུར་ཡོད་དོའི་མཐའ་ཅན། གུ་ལང་༼རྭ༽༼ལེགས༽གི་མགོ་ཅན་ལ་བརྟེན་ནས་བཟླས་པ། སྔགས་ཀྱི་གནས་པ། དུག་བརྟག་པ། བསྲུང་བྱ། གསོ་ཐབས་རྣམས་བསྟན་པ༼རྭ༽༼ལེགས༽བྷི་ཤ་བཞི་སྐོར། བཤལ་༼རྭ༽༼ལེགས༽བྱ་བ། སྔགས་ཀྱིས་བྷི་ཤ་ཕྱོགས་མེད་༼རྭ༽༼ལེགས༽ཐུབ་པ་ཁ་རི་སུ། རྫས་དགུས་༼རྭ༽༼ལེགས༽བྷི་ཤ་ཕྱོགས་མེད་ཐུབ་པ། སེར་པོ་༼རྭ༽༼ལེགས༽གསུམ་སྦྱོར། རྣ་བ་མིག་སོགས་ལུས་ཀྱི་ཆ་གང་ལ་བབས་པ༼རྭ ༽༼ལེགས༽སྔགས་རྫས་གཏར་ཁ་སྨན་ལ་བརྟེན་ནས་འཆོས་པ། ཕྱག་མཚན་མདའ་གཞུ་ལ་བརྟེན་ནས་བྷི་ཤ་གསད་པའི་ལས་བསྟན་པ་༼རྭ༽༼ལེགས༽ལྕགས་རྩེ་ཟླུམ་པོ་འཇིབ་པ་གནད་ཡིན་གསུང་ངོའི་མཐའ་ཅན། དུག་ཁྱེར་ཡོད་པའི་མི་དང་ནད་པའི་བརྟགས་༼རྭ༽༼ལེགས༽ཐབས་ནག་པོར་སོང་ན་བྷི་ཤ་ཡིན་གྱི་མཐའ་ཅན། འཇིགས་བྱེད་གླང་མགོ་གྱི་བྷི་ཤ་༼རྭ༽༼ལེགས༽གསོ་སྲུང་བཛྲ་རཀྵ་ཀཱིརྟིས་ཨཱ་ཙཪྻ་ལ་ཞུས་པ་བཛྲ་བྷཻ་རའི་རཀྵའི་མཐའ་ཅན། སྔགས་ཐམས་ཨུ་པ༼རྭ༽༼ལེགས༽ཏདྱ་ཐཱ། བྱ་ར་བསྲུང་བྱ། ཁྱབ་འཇུག་ཀཏྐོ་ཏྲའི་འཇུག་པ་ལ ༼རྭ༽༼ལེགས༽བརྟེན་ནས་བརྟག་ཐབས། ཐོ་རེངས་ཀྱི་དྲི་ཆུར་༼རྭ༽༼ལེགས༽བརྟག་ཅིང་སྲུང་བ། དུག་༼རྭ༽༼ལེགས༽འབྲེང་། སྔགས༼རྭ༽༼ལེགས༽བཤལ། ཁྱི་སྨྱོན་གྱིས་རྨུགས་༼རྭ༽༼ལེགས༽པར་དུག་ཡོད་མེད་བལྟ་བ། བེ་བུམ་ཁ་པའི་ནང་གི་༼རྭ༽༼ལེགས༽ཤོག་དྲིལ་གྱི་གདམས་པ་ཤིན་ཏུ་གཅེས་པའི་སྐོར་དཔེ་ལ་དམ་པར་མཛོད་ཀྱི་མཐའ་ཅན། དམར་པོ་མདའ་གཞུ་འགེང་བ་ལ་བརྟེན་པའི་དབང་སྡུས་སྐལ་མེད་རྣམས་ལ་སྦ་བ་ཤིས་ཀྱི་མཐའ་ཅན། རྡོ་རྗེ་འཇིགས་བྱེད་དམར་པོ་ཕྱག་གཉིས་པ་སྒོམ་ཐབས།
རྒྱལ་པོ། བཙུན་མོ། བློན་འབངས། གྲོང་ཁྱེར་སྡེ་བརྒྱད་སོགས་དབང་དུ་བྱ་བ། ནག་པོ་མདའ་གཞུ་འགེང་བའི་དུག་སྔགས་འདི་ལས་ལྷག་པ་ཡོད་རི་སྐན་གྱི་མཐའ་ཅན། རྭ་ཆེན་གྱི་༼མཁན༽མཛད་པའི་དབང་གི་ཆུ་བོ་རྣམས། གཉིས་པ་དཀར་ཆག་ན་མ་འཁོད་པའི་རྒྱ་བོད་ཀྱི་ཡིག་སྣའི་སྐོར་ལ། རྡོ་རྗེ་འཇིགས་བྱེད་ཀྱི་རྒྱུད་རྟོག་པ་གསུམ་པ་རྒྱ་གར་གྱི་མཁན་པོ་དཱི་པཾ་ཀ་ར་དང་བོད་ཀྱི་ལོ་ཙཱ་བ་རྡོ་རྗེ་གྲགས་ཀྱིས་བསྒྱུར་བ། འདི་ལ་དངོས་གྲུབ་ཀྱི་རྟོག་པ་དང་འགྱུར་གཅིག་པ་ཞིག་དང་ཨཌཱ་ཡ་ཤྲཱི་དང་རོང་ཟོམ་གྱི་འགྱུར་ཡང་སྣང་། རྒྱུད་ཀྱི་རྒྱལ་པོའི་ལས་དངོས་གྲུབ་ཀྱི་རྟོག་པ་ཞེས་པ་རྟོག་པ་བཞི་པར་གྲགས་པ་ཨ་མོ་གྷ་དང་མར་དོའི་འགྱུར། གཏམ་རྒྱུད་ཀྱི་རྟོག་པ་དང་ལས་མཁན་ཏེའུ་ལོ་ལ་ཆུ་བྱིའི་རྟོག་པ་གཉིས་བྷ་རོས་རྒྱུད་འབུམ་པ་ལ་གཏུགས་ཏེ་རྒྱ་དཔེ་ལས་ཕྱིས་སྒྱུར་བ། རྒྱ་སྟོན་ཀུན་དགའ་བརྩོན་འགྲུས་ཀྱིས་དགེ་བའི་བཤེས་གཉེན་ཡོན་ཏན་དཔལ་བཟང་གི་ངོར་མཛད་༼ཤར༽པའི་རྒྱ་བལ་གྱི་པཎྜི་ཏ་ལྔའི་རྣམ་པར་ཐར་པ། དེས་མཛད་པའི་ལ་ལཱི་ཏ་བཛྲ་གྱིས་༼ཤར༽ནག་པོ་སྐོར་གསུམ་གྱི་རྒྱུད་ཨོ་རྒྱན་ནས་གདན་དྲངས་ཚུལ། རྒྱུད་དང་བླ་མ་བརྒྱུད་པ་བྱོན་ཚུལ་གྱི་ལོ་རྒྱུས་དོན་གསུམ་པ་རྒྱ་སྟོན་གྱི་སློབ་༼ཤར༽མ་ཞིག་གིས་མཛད་པ། རྫོང་ལུགས་ཟབ་དོན་བདུད་རྩིའི་བཅུད་༼ནུབ༽ཀྱི་བརྒྱུད་པའི་གསོལ་འདེབས་སྐུ་བཞིའི་ངོ་བོ། སྔགས་འཆང་གཟུངས་ཀྱི་དཔལ་བས་མཛད་པའི་སྒྲུབ་ཐབས་༼ནུབ༽རབ་ཏུ་གསལ་བ་ཡིད་བཞིན་གྱི་ནོར་བུ། ཚར་ཆེན་ཆོས་ཀྱི་རྒྱལ་པོས་འཇམ་དབྱངས་མཁྱེན་བརྩེའི་དབང་ཕྱུག་གི་ངོར་མཛད་པའི་བརྒྱུད་འདེབས་དངོས་གྲུབ་རིན་པོ་ཆེའི་སྙེ་མ། དེས་མཛད་པའི་དཔའ་བོ་
གཅིག་པའི་སྒྲུབ་ཐབས་༼མཁན༽བདུད་ལས་རྣམ་པར་རྒྱལ་བའི་བཞད་སྒྲ། དེས་མཛད་པའི་རྡོ་རྗེ་འཇིགས་བྱེད་ལྷ་བཅུ་གསུམ་གྱིས་བསྐྱེད་རིམ་དང་རྫོགས་རིམ་རྭ་འཁྲིད་མཁའ་འགྲོ་སྙན་བརྒྱུད་ཀྱི་ལམ་རིམ་དང་སྦྱར་བའི་སྨོན་ལམ་གྱི་རབ་བྱེད་ལམ་ཟབ་སྒྲུབ་པའི་དགའ་སྟོན། དེས་མཛད་པའི་འཇིགས་བྱེད་བཅུ་གསུམ་མའི་ཤིས་བརྗོད་འཆི་མེད་སྤྲིན་གྱི་རྔ་དབྱངས། མཁན་ཆེན་ངག་དབང་ཆོས་གྲགས་ཀྱིས་མཛད་༼ས༽པའི་བསྐྱེད་རིམ་གྱི་རྣམ་བཤད་བདུད་རྩིའི་བུམ་བཟང་། ཆོས་ཀྱི་རྒྱལ་པོ་འཕགས་པ་རིན་པོ་ཆེས་ཤིང་ཀུན་ཏུ་མཛད་པའི་༼ལྡོང༽དཔལ་ཆེན་པོའི་དཀྱིལ་འཁོར་དུ་འཇུག་ཅིང་དབང་བླང་བའི་ཆོ་ག །ཚར་ཆེན་རྡོ་རྗེ་འཆང་གིས་མཛད་པའི་བཅུ་གསུམ་མའི།༼མཁན༽༼༽སྒྲུབ་དཀྱིལ་གསལ་བྱེད་ལྷན་ཐབས་ཉི་གཞོན་གསར་པའི་དགའ་སྟོན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་༼མཁན༽མཛད་པའི་ངག་འདོན་བྲེང་ཆགས་ནག་པོ་འགྲོ་ཤེས། མཐུ་སྟོབས་དབང་ཕྱུག་སྔགས་འཆང་བསོད་ནམས་ཆོས་འཕེལ་གྱིས་མཛད་པའི་༼པུ༽རྭ་ལུགས་ལྷ་བཅུ་གསུམ་གྱི་དབང་གི་ཆུ་བོ་མ་ནུབ་པར་བསྐུར་བའི་མཚམས་སྦྱོར་གྱི་ཡི་གེ་མཐོང་བ་དོན་ལྡན། རྡོ་རྗེ་འཇིགས་བྱེད་ཀྱི་བཟླས་ལུང་བསྙེན་༼རྭ༽༼རྡོ་རྗེ༽པའི་མན་ངག་བླ་མ་སྙ་ནམ་པའི་གསུང་ལྷག་ཆད་མེད་པར་རྭ་ཆོས་རབ་ཀྱིས་གཞོན་ནུ་འོད་ཀྱི་ངོར་མཛད་པ། བཛྲ་བྷཻ་ར་ཝ་ཨེ་ཀ་མུ་ཁ་བྷཱུ་ཛ་དྭི་པའི་རྗེས་༼སྒོ༽གནང་གི་ཟིན་བྲིས་རྡོ་རྗེ་འཆང་སྒོ་རུམ་པའི་གསུང་བཞིན་འཇམ་དབྱངས་མཁྱེན་བརྩེས་མཛད་པ། ངོར་ཤར་ཁང་པ་ཤེས་རབ་རྒྱལ་མཚན་གྱིས་མཛད་པའི་འཇིགས་བྱེད་དམར་པོ་ཞལ་གཅིག་ཕྱག་གཉིས་པའི་སྒྲུབ་༼ཨཱ༽ཐབས་
དང་དུག་དབང་བསྐུར་ཚུལ་གྱི་མན་ངག་བདུད་རྩིའི་ཆུ་རྒྱུན། པཎ་ཆེན་ངག་དབང་ཆོས་གྲགས་ཀྱིས་མཛད་པའི་དཔལ་རྡོ་རྗེ་འཇིགས་བྱེད་ཆེན་པོ་རྭ་ལུགས་ཀྱི་དབང་གི་ཆོ་ག་ལས་༼ས༽བརྩམས་པའི་དྲི་བ་རྟོག་དཔྱོད་སྤྲིན་གྱི་རྔ་གསང་གི་རང་ལན་དཔྱིད་ཀྱི་རྒྱལ་མོའི་དགའ་སྟོན་ལེགས་བཤད་ཁུ་བྱུག་གི་སྒྲ་དབྱངས་གསར་པ། དེས་མཛད་པའི་དབང་གི་ཆོ་གའི་དཀའ་གནད་ལས་༼ས༽བརྩམས་ཏེ་དྲིས་པའི་རང་ལན་སྙིང་པོ་མཛུབ་ཚུགས། རྟོག་པ་བདུན་གྱི་གནད་བསྟན་པ་རྭ་དྷརྨ་༼རྒྱ༽༼ཤར༽སེང་གེས་མཛད་པའི་མན་ངག་གནད་བདུན་མ། རྡོ་རྗེ་འབུམ་དང་རྡོ་རྗེ་སེང་གེ་སོགས་ཀྱི་ངོར་རྒྱ་སྟོན་ཀུན་དགའ་བརྩོན་འགྲུས་ཀྱིས་༼རྒྱ༽༼རིགས༽མཛད་པའི་རྟོག་བདུན་གྱི་རྣམ་བཤད་རྡོ་རྗེའི་ཚིག་གི་མདུད་འགྲོལ། དེས་མཛད་པའི་རྟོག་གསུམ་ཀྱི་ཌཱིཀྐ་༼ཤར༽དྲི་མེད་སྣང་བ། རྭ་དྷརྨ་སེང་གེས་མཛད་པའི་ཏེའུ་ལོ་༼ཤར༽པའི་རྟོག་པའི་གསལ་བྱེད། རྫོགས་པའི་རིམ་པ་རྒྱ་ཆེ་བ་ཟབ་པ་གཉིས་སུ་མེད་པ་དང་བཅས་པར་སེམས་འཛིན་པའི་མན་ངག་རྭ་ཆེན་གྱི་གསུང་སྒྲོས། དེའི་གསུང་སྒྲོས་མཚན་མ་གྱེན་བསྒྲེང་གི་མན་ངག །དེའི་གསུང་སྒྲོས་རྭ་ལ་སེམས་འཛིན་པའི་མན་ངག །རྗེ་བཙུན་རྡོ་རྗེ་བཻ་ཏ་ལིས་ལ་ལཱི་ཏ་བཛྲ་ལ་དངོས་སུ་གནང་༼རྒྱ༽བའི་རྭ་ཁྲིད་མཁའ་འགྲོ་སྙན་བརྒྱུད་ཀྱི་རྩ་བ་རྡོ་རྗེའི་ཚིག་རྐང་། དེའི་གསལ་བྱེད་ཀུན་མཁྱེན་མཁྱེན་བརྩེའི་དབང་ཕྱུག་གིས་མཛད་༼རྒྱ༽པའི་ཁྲིད་ཡིག་འཇམ་དཔལ་ཁྲོས་པའི་ཞལ་ལུང་སྙིང་གི་ཟུངས་ཁྲག་མཁའ་འགྲོའི་ཁ་རླངས་ཅན། གྲུབ་པའི་དབང་ཕྱུག་ལ་ལཱི་ཏ་བཛྲ་གྱིས་མཛད་པའི་འཁྲིད་དོན་༼མ༽གསལ་བྱེད་རྒྱལ་ཁམས་ལོ་ཙཱ་བ་མ་ཎི་ཀ་
ཤྲཱིས་མཛད་པ། ཕྱག་མཚན་སོ་གཉིས་ཀྱི་ལས་ཚོགས་ཞེས་པ་གྲི་གུག་གི་དགྲ་གསད་པ། ཤཀྟིས་འཕུང་བར་བྱེད་པ། གཏུན་ཤིང་གིས་རིམ་དབབ་ཅིང་འདྲེ་བརྡུང་བ། ཆུ་གྲིས་གྲིར་འགུམ་པ། རྡོ་རྗེ་རྩེ་གཅིག་པས་གདོན་བསྲུང་བ། དགྲ་སྟས་དགྲ་བོ་ཚར་གཅོད་པ། མདུང་གིས་ཆོ་འཕྲུལ་གཏོང་བ། མདའ་གཞུས་སྒྲུབ་ཐབས་ཕྱོགས་གཅིག་ཏུ་བསྡུས་པ་གོང་དུ་སོང་ཟིན། ལྕགས་ཀྱུས་མཚན་མ་འགུགས་པ། དབྱུག་ཏོས་ནོར་སྒྲུབ་པ། ཁ་ཊྭཱཾ་གས་ཉམས་ཆགས་སེལ་བ། འཁོར་ལོས་བགེགས་སྲུང་བ། རྡོ་རྗེས་ཀླུ་སྲུང་བ། ཐོ་བས་བར་ཆད་བསྲུང་བ། རལ་གྲིས་དམག་དཔུང་ཟློག་པ། ཅང་ཏེའུས་ཌཱ་ཀི་ལས་ལ་འགྱེད་པ། ཐོད་པས་ནོར་སྒྲུབ་པ། མགོ་བོས་འགལ་བ་ཆམ་ལ་འབེབས་པ། ཕུབ་ཀྱིས་ཕྱིར་ཟློག་པ། རྐང་པས་རླུང་གི་དཀྱིལ་འཁོར་གྱིས་སྐྲོད་པ། ཞགས་པས་ལྷ་དང་མིའི་བུ་མོ་འགུགས་པ། རྭའི་མདའ་གཞུས་བི་ཥ་གསད་པ། རྒྱུ་ཞགས་ཀྱིས་རིམས་ནད་ཟློག་པ། དྲིལ་བུས་ཉམས་ཆགས་བསྐང་བ། ལག་པས་འཕྲིན་ལས་བསྒྲུབ་པ། རོ་རས་ཀྱི་འཁོར་ལོས་ལས་ཀུན་བསྒྲུབ་པ། གསལ་ཤིང་གི་རོས་རོ་ལངས་བསྒྲུབ་པ། མེ་ཐབ་ཀྱིས་སྦྱིན་སྲེག་གི་ཆོ་ག་བསྒྲུབ་པ། ཐོད་ཚལ་གྱིས་དགྲ་བོ་གནད་ལ་དབབ་པ། སྡིགས་མཛུབ་ཀྱིས་འགལ་བ་ཆམ་ལ་དབབ་པ། འཕན་རྩེ་གསུམ་པས་འགྲོ་བ་དབང་དུ་སྡུད་པ། འཕྱར་དར་གྱིས་ཕྱོགས་སྐྱོང་བསྡུ་བ་རྣམས། ཤར་དུ་འཁྲུལ་འཁོར། ལྷོར་སྦྱིན་སྲེག །ནུབ་ཏུ་ཚོགས་འཁོར། བྱང་དུ་གཏོར་མ་ལ་བརྟེན་ནས་༼ཤར༽དགྲ་བོ་སྒྲོལ་བའི་མན་ངག །བསྙེན་པ་སྔགས་སུ་བསྒྲུབ་པ་ལས་སྦྱོར་གཅིག་ཏུ་བསྟན་པ་རྭ་ལོ་ཙཱ་བ་རྡོ་རྗེ་གྲགས་ཀྱིས་མཛད་༼ཤར༽པའི་
འཇིགས་བྱེད་ཆེན་པོའི་མན་ངག་མངོན་པར་རྟོགས་པའི་རིམ་པ་ལག་ལེན་དུ་བྲིས་པ། བསོད་སྙོམས་པ་བུདྡྷ་ཤྲཱིས་མཛད་པའི་གཤིན་རྗེ་ནག་པོའི་འཁོར་ལོའི་གསལ་བྱེད་རྒྱ་གར་གྱི་མཁན་པོ་ཇོ་བོ་དཱི་པཾ་ཀཱ་ར་ཤྲཱི་ཛྙཱ་ན་དང་ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་བ་ལ་རྭ་ཆེན་གྱིས་འགྱུར་བཅོས་མཛད་པ། འགོར་རྣལ་འབྱོར་པ་མཚན་མ་ཅུང་ཟད་སྐྱེས་པས་ཞེས་ཡོད་པའི་རྭ་ལོས་མཛད་པའི་ཁ་སྦྱོར་དབྱེ་བ་བཞིའི་ཡི་གེ་སྙ་ནམ་པ་ཆེན་པོའི་ཐུགས་དམ་ཐུན་མོང་མ་ཡིན་པའོའི་མཐའ་ཅན། མགོར་རྡོ་རྗེ་འཇིགས་བྱེད་ཆེན་པོའི་འཁོར་ལོའི་ལིང་ཚེ་བཅུ་དྲུག་པ་ཞེས་ཡོད་པའི་འཁོར་ལོའི་གསལ་བྱེད་རྭ་ཆེན་གྱི་གསུང་སྒྲོས་བླ་མ་སྙ་ནམ་པ་ཆེན་པོའི་ཐུགས་དམ་ཐུན་མོང་མ་ཡིན་པའི་གདམས་པའོའི་མཐའ་ཅན། རྩ་སྔགས། སྙིང་པོ། ཉེ་སྙིང་། རྩ་སྔགས་དང་སྙིང་པོ་སྤེལ་བ། རྩ་སྔགས་དང་ཉེ་སྙིང་སྤེལ་བ། སྙིང་པོ་དང་ཉེ་སྙིང་སྤེལ་བ། སྔགས་གསུམ་ག་སྤེལ་བ་སྟེ་འཁྲུལ་འཁོར་བདུན་གྱི་ཡི་གེ་གཟུགས་བརྙན་སྤེལ་ཚིག་ཤོག་དྲིལ་མན་ངག་དང་བཅས་པ་འི་མཐའ་ཅན། འགོར་ཡན་ལག་བཅུ་གཉིས་དཔེ་ཆུང་འདི་ཞེས་ཡོད་པའི་འཁྲུལ་འཁོར་བཅུ་གཉིས་ཀྱི་སྤེལ་ཚིག་ལྟེ་བ་ཚུལ་སོགས་ཀྱི་ཡིག་ཆུང་ཞེས་པའི་ཚུལ་གྱིས་དྲི་བའོའི་མཐའ་ཅན། མགོར་ཞི་བ་བརྒྱད་ལ་དབུས་སུ་ཀྵེ་ཞེས་ཡོད་པའི་འཇིགས་པ་བརྒྱད་སྐྱོབ་དང་སེམས་མྱོས་པར་བྱེད་པ་ཆུ་རྦ་ཀློང་གི་འཁྲུལ་འཁོར་གྱི་བར་འཁོར་ལོའི་ཁ་བསྒྱུར་བསྟན་པ། རྭ་པའི་མན་ངག་འདི་ལ་མཁས་གྲུབ་རྗེས་ཟུར་ཟ་མཛད་པ་ནི་ཤིང་གི་རྩེ་མོར་བསྡད་ནས་རྩ་བ་སྟེའུས་བསྣུན་པ་ལྟ་བུའོ། །མགོར་ཐོག་མར་ཉེ་སྙིང་གི་འཁྲུལ་
འཁོར་ལ་ཞེས་ཡོད་པའི་རྟོག་བདུན་ནས་གསུངས་པའི་འཁྲུལ་འཁོར་རྩ་བའི་དཔེ་ཆུང་བྲི་ཡིག་ལོགས་སུ་ཤེས་པར་བྱའོའི་མཐའ་ཅན། མགོར་རྡོ་རྗེ་འཇིགས་བྱེད་ཀྱི་སྒྲུབ་ཐབས་བྱེད་པར་འདོད་པ་ཞེས་ཡོད་པའི་ཉི་མ་བཞི་པའི་གདམས་པ་སྙ་ནམ་རྭ་ལོའི་གསུང་སྒྲོས་ལོ་ཙཱ་བ་ཕྱི་མས་ཡི་གེར་བཏབ་པ། རྭ་ཆོས་རབ། དེས་མཛད་པའི་འཁྲུལ་འཁོར་གྱི་མན་ངག་ནི་ཞེས་མགོར་ཡོད་པའི་ཡིག་ཆུང་དེས་ངེས་པར་འགྲུབ་བོའི་མཐའ་ཅན། དེས་མཛད་པའི་འགོར་ཡང་དབུས་ན་སོར་བརྒྱད་ཅེས་ཡོད་པའི་འཁོར་ལོའི་ཡིག་ཆུང་བཤང་ལམ་ནས་སྙིང་གི་དཀྱིལ་ལོའི་མཐའ་ཅན། དེས་མཛད་པའི་གཏོར་མའི་ཕྱག་ལེན་དེ་ལ་གཤེགས་སུ་གསོལ་ལོའི་མཐའ་ཅན། གསད་པ་ལས་བཅུའི་གསལ་བྱེད་སྙ་ནམ་རྭའི་གདམས་པ་བསྟན་པ་བསྲུང་བ་མ་གཏོགས་གཞན་སུ་ལའང་བསྟན་པར་མི་བྱ་བ་ལས་མཐར་ཐུག་རྭ་འབུམ་སེང་གེས་མཛད་པ། དེས་མཛད་པའི་མགོར་སྐུ་གསུམ་དབྱེར་མེད་བླ་མ་ཐུགས་རྗེ་ཅན་ཞེས་ཡོད་པའི་གཤིན་རྗེ་ཉི་མ་བཞི་པའི་མན་ངག་བླ་མ་ཆེན་པོ་རྭ་ཡེ་ཤེས་སེང་གེའི་གསུང་ལ་བརྟེན་པ། མགོར་འཇིགས་བྱེད་ཀྱི་འཁྲུལ་འཁོར་བྱེད་ཐབས་ཆོས་རྗེ་རིན་པོ་ཆེའི་ཞལ་ནས་ཞེས་ཡོད་པའི་ཞི་རྒྱས་དབང་གི་འཁྲུལ་འཁོར་གྱི་ལག་ལེན་གྲངས་སུ་བརྩི་ཡི་ཟླར་མི་བགྲང་གསུང་བའི་མཐའ་ཅན། རྒྱ་སྟོན་གྱིས་མཛད་པའི་རྡོ་རྗེ་འཇིགས་བྱེད་ཀྱིས་གསད་པ་མཚོན་ཆ་ལྟ་བུའི་༼རྭ༽༼རྒྱ༽༼རུམ༽མན་ངག་ཤོག་དྲིལ་དང་པོའི་གསལ་བྱེད། དེས་མཛད་པའི་ཤོག་དྲིལ་གཉིས་༼རྭ༽༼རྒྱ༽༼རུམ༽པའི་གསལ་བྱེད། དེས་མཛད་པའི་ཤོག་དྲིལ་༼རྭ༽༼རྒྱ༽༼རུམ༽གསུམ་པའི་གསལ་བྱེད། དེས་མཛད་པའི་རྭ་ཆེན་གྱི་གསད་པའི་མཚོན་ཆ་སྙིང་ལ་གབ་པའི་བསྲུང་བཟློག་གསང་༼རྒྱ༽གསུམ་གྱི་ལས་ཚོགས་མན་ངག་སྙིང་པོའི་དོན་
འདི་ལ་བཅོས་བསླད་མི་བྱའོའི་མཐའ་ཅན། ཆོས་ཀྱི་རྒྱལ་པོ་འཕགས་པས་རྒྱལ་བུ་བྱང་ཆུབ་སེམས་དཔའ་གོ་པེ་ལའི་ཆེད་དུ་བསྐུལ་བ་ལ་བརྟེན་ནས་༼ལྡོང༽༼རིགས༽ལྡོང་ཤེས་རབ་དཔལ་གྱིས་མཛད་པའི་ཞི་རྒྱས་དབང་དྲག་གི་འཁྲུལ་འཁོར་ལས་ཚོགས་དྲག་པོའི་སྔགས་གཏེར། ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་འཁྲུལ་འཁོར་གྱི་ལག་༼བུ༽ལེ་གསལ་བར་བྱེད་པ་གནད་ཀྱི་མན་ངག །འཁྲུལ་འཁོར་ལྟེབ་པའི་ཞལ་ཤེས་ཡིག་ཆུང་གསང་བའི་གནད་ཡིག་ཀུན་༼གུབ༽ལ་མེད་པའི་ཁྱད་ཆོས་རྡོ་རྗེ་འཆང་དབང་ཕྱུག་རབ་བརྟན་གྱི་གསུང་རྒྱུན་འདི་ནི་གཤིན་རྗེ་མཁན་པོ་ཕལ་ཆེར་ལ་མིང་ཙམ་ཡང་མ་གྲགས་པའི་ཟབ་གནད་ཅན་ཡིན་པས་མཇུག་ཏུ། ཨེ་མ་རྭ་ལོའི་ཐུགས་བཅུད་མཁའ་འགྲོའི་གཏམ། །སྙན་བརྒྱུད་ཟབ་མོའི་ཡང་སྙིང་པདྨོའི་གཉེན། །སྣོད་མིན་ཀུན་དའི་འཕྲེང་བ་ཟུམ་བྱེད་པ། །སྐལ་བཟང་བློ་མཚོར་རོལ་ཅིག་ས་མཱ་ཡ་ཤེས་སོ། །ཐུགས་སྲས་ལོ་ཙཱ་བས་མཛད་པའི་ཞི་བའི་༼བུ༽སྦྱིན་སྲེག་གི་ཆོ་ག་ཉོན་མོངས་སྲེག་བྱེད། རྭ་ཆེན་ལོ་ཙཱ་བའི་བཞེད་པ་ཐུན་མོང་མ་ཡིན་པ་དབྱུ་གུ་དྲུག་ཅུ་རྩ་བཞི་ལྕགས་མཁར་ཟུར་དགུ་པ་ཆོ་ག་༼གཟུངས༽དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་རཏྣ་ལ་ཀྵཱིའི་ངོར་མཛད་པ་བདུད་སྡེ་འཇོམས་པ་ཞེས་བྱ་བ། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས་མཛད་པའི་འཇིགས་བྱེད་༼ཁ༽དྲུག་ཅུ་པའི་གཏོར་ཆོག་དགྲ་བོའོ་སྲོག་འཕྲོག །རྫོང་ཆུང་པ་ཨཱནནྡ་མ་ཏིས་རྒྱ་སྟོན་གྱི་ཡི་གེ་ལ་བརྟེན་ནས་མཛད་པའི་རྭ་པའི་མན་ངག་༼ཤར༽ཐུན་མོང་མ་ཡིན་པ་ལྕགས་མཁར་ཟུར་དགུ་པའི་འཇིགས་བྱེད་དྲུག་ཅུ་པ། རྡོ་རྗེ་འཆང་ཕ་བོང་ཁ་པའི་ཕྱག་ལེན་དང་མི་གཅིག་པར་སྣང་། བཟླས་པའི་
མན་ངག་གཏོར་མ་དྲུག་ཅུ་རྩ་བཞིའི་ཕྱག་ལེན་༼ཤར༽རྒྱ་སྟོན་དང་འཛམ་གླིང་མཁས་པའི་ཁྱད་བཅོས། འཇམ་དབྱངས་མཁྱེན་བརྩེས་མཛད་པའི་༼དབང༽གཏོར་མ་དྲུག་ཅུ་རྩ་བཞི་ཞལ་བསྒྱུར་བའི་མན་ངག །ཡི་གེ་བཞི་པ་ལ་བརྟེན་པའི་བསྲུང་བའི་མན་ངག་འགོར་རང་ཉིད་འཇིགས་བྱེད་དམར་པོ་ཤིན་ཏུ་ཁྲོས་པ་ཞེས་ཡོད་པ་གསོལ་བ་གདབ་བོའི་མཐའ་ཅན། ཡི་གེ་བཞི་པ་ལ་བརྟེན་ནས་འགོང་པོ་གདུག་པ་ཅན་གནོད་ན་གསད་པ་རྟ་ཤིའི་ཁ་བཞིན་སྡོམས་ཀྱི་མཐའ་ཅན། མགོར་རང་ཉིད་སྐད་ཅིག་དྲན་རྫོགས་ལ་འཇམ་དཔལ་ཁྲོས་པ་ཞེས་ཡོད་པའི་བསྲུང་བཟློག་གསད་པ་གསུམ་གྱི་མན་ངག་ཟབ་མོ་འི་མཐའ་ཅན། འགོར་བསྲུང་བའི་འཁོར་ལོ་ནི་ལྟེ་བར་ཧཱུྃ་ཞེས་ཡོད་པ། མགོར་མུ་ཁྱུད་རྡོ་རྗེ་ཕྱེད་པ་ནང་དུ་འཁོར་ལོ་རྩིབས་བརྒྱད་ཅེས་ཡོད་པའི་ཟློག་འཁོར། མགོར་ཡང་ལྟེ་བར་ཧཱུྃ་གཤམ་ནས་གཡོན་སྐོར་དུ་ཞེས་ཡོད་པའི་སྲུང་འཁོར་བྲི་ཡིག་མགོར་རང་ཉིད་འཕགས་པ་འཇམ་དཔལ་དུ་སྒོམ་ཞེས་ཡོད་པའི་ཡི་གེ་བཞི་པའི་སྲུང་ཟློག་གསད་གསུམ་གྱི་མན་ངག །འགོར་ཨོཾ་སྭ་སྟི་སེམས་བསྐྱེད་པ་ནི་བདག་དང་སེམས་ཅན་ཐམས་ཅད་མི་དང་མི་མ་ཡིན་ཞེས་ཡོད་པའི་ཡི་གེ་བཞི་པའི་བསྲུང་༼རྭ༽༼ནུབ༽བཟློག་རྦད་པ་ཞལ་གདམས་དང་བཅས་པ་ཁྱད་པར་དུ་འཕགས་པ་པོའི་མཐའ་ཅན། ཡི་གེ་བཞི་པའི་བསྲུང་བཟློག་གསད་མནན་བསམ་གཏན་ཉལ་༼ནུབ༽ཆོག་གི་གདམས་པ་ཐེག་མཆོག་ཟླ་བའི་དབང་པོས་མཛད་པ། རྭ་ལོ་ཙཱ་བ་རྡོ་རྗེ་གྲགས་ཀྱིས་བལ་བོ་ཐུགས་རྗེ་ཆེན་པོ་ལ་གསེར་སྲང་ལྔ་བརྒྱ་ཕུལ་༼རྭ༽༼ནུབ༽༼རུམ༽བར་ཞལ་གྱིས་བཞེས་ནས་གནང་བའི་དྲག་པོ་བཞིའི་གསང་བཟློག་ཡི་གེར་
མི་འདྲི་བའི་བཀའ་རྒྱ་ཅན། མགོར་བདག་ཉིད་འཕགས་པ་འཇམ་དཔལ་ཞེས་ཡོད་པའི་ཡི་གེ་༼ནུབ༽བཞི་པའི་མན་ངག་ཉི་མ་དང་སྤྲད་དོའི་མཐའ་ཅན། མགོར་རང་ཉིད་སྐད་ཅིག་དྲན་རྫོགས་ལ་ཞེས་ཡོད་པའི་ཡི་གེ་བཞི་པའི་༼རྭ༽༼ནུབ༽བསྲུང་བཟློག་གསང་གསུམ་གྱི་མན་ངག་ཟབ་མོའི་མཐའ་ཅན། བྷ་ཡ་ས་ལ་བརྟེན་པའི་བྱད་བཟློག་ཐམས་ཅད་ཀྱིས་ཚུགས་པར་མི་འགྱུར་རོའི་མཐའ་ཅན། བཙན་པོའི་མཁར་དུ་གཞུག་པ། རྣོ་གསུམ་མཚོན་ལ་ངར་བཏགས་པ། གདོས་དང་ཤ་བ་འཐབ་པ། སྒྱོགས་རྡོ་བར་སྣང་ལ་གཅག་པ་སྟེ་རྭ་རྒན་༼ཤར༽ལོ་ཙཱའི་ཁྱད་ཆོས་ཨུཥྞཱི་ཥའི་བསྲུང་བཟློག་མནན་གསང་རྒྱ་སྟོན་གྱིས་བགྲིགས་པ། དེས་མཛད་པའི་ཨུཥྞཱི་ཥའི་༼ཤར༽གདམས་པ་དོན་ལྔ་པ། དེས་མཛད་པའི་མན་ངག་ཐུགས་ཀྱི་ཉིང་ཁུ་༼ཤར༽ཞེས་པར་ནང་གསེས་བསམ་གཏན་སྒྲའི་བཟླས་པ། འཕྲིན་ལས་རྣམ་བཞིའི་བཟླས་པ། ཏིང་འཛིན་གནད་ཀྱི་མན་ངག །གདུག་བྱེད་ཕུར་པས་ངག་བཅིང་བ། རྨི་ལམ་ངན་པ་བཟློག་པ། མཐུ་བྱད་གསད་པ་ངག་མནན་དང་བཅས་པ་རྭ་ལོའི་མན་ངག །བྱད་མ་ཕྱེ་མར་འཐག་པ་༼ཤར༽རྭའི་མན་ངག །ཐོད་པ། ཁུར་པ། འཁོར་ལོ། རང་གཤེད་ལ་བརྟེན་ནས་གསད་པའི་དུས་མན་ངག །ཉམས་སུ་ལེན་པའི་༼ཤར༽རིམ་པ་ཞེས་པ་སྒོམ་པ། སྔགས། ཡུངས་ཀར་ཁྲག །ཕུར་བུས་གསད་པ་གཟའ་རྒྱུ་བ་དང་བསྟུན་ནོའི་མཐའ་ཅན། རྒྱ་སྟོན་ཀུན་དགའ་བརྩོན་འགྲུས་ཀྱི་དངོས་སློབ་བོད་ལོག་དང་སྟར་མ་བྱེ་བཟང་གཉིས་ཁ་མཐུན་དུ་བྱུང་བའི་མན་ངག་༼ཤར༽དཔལ་ལྡན་གྲགས་པས་ཚིགས་བཅད་དུ་བསྡེབས་པའི་དོན་གསལ་བར་བསྟན་པ། རྫས་ལ་བརྟེན་པའི་
གཏད་༼ཤར༽རུལ། ཏིང་ངེ་འཛིན་ལ་༼ཤར༽བརྟེན་པའི་གཏད་རུལ། ངག་༼ཤར༽འགྲོལ། མགོར་དཔལ་རྡོ་རྗེ་འཇིགས་བྱེད་ཁྲོ་བོའི་རྒྱལ་པོ་ལ་ཕྱག་འཚལ་ལོ་ཞེས་༼མ༽ཡོད་པའི་ཨུཥྞཱི་ཥའི་བསྲུང་བཟློག་མན་ངག་ལག་ལེན་དམར་ཁྲིད་ཕྱོགས་མེད་ལོ་ཙཱ་བས་གསལ་བར་བཀོད་པ། དེས་མཛད་པའི་འགོར་དཔལ་ཁྲོ་བོའི་རྒྱལ་པོ་ལ་ཕྱག་འཚལ་ལོ་འདིར་བདག་གཞན་ཐམས་ཅད་ཀྱི་ལུས་༼མ༽སྲུང་བར་བྱེད་པ་ཞེས་ཡོད་པའི་བསྲུང་འཁོར་གྱི་བྲི་ཡིག །དེས་མཛད་པའི་འགོར་གཉིས་པ་བཟློག་པའི་འཁོར་ལོ་ནི་སྔ་མ་ལྟ་བུ་ལ་༼མ༽མིང་སྤེལ་གྱི་མཐར་ཞེས་ཡོ་པའི་བཟློག་འཁོར་བྲི་ཡིག །དེས་མཛད་པའི་འགོར་ཎྲྀཿ དཔལ་ལྡན་ཁྲོ་བོ་ཆེན་པོ་ལ་ཕྱག་འཚལ་ལོ་མིང་དང་རྣམ་ཤེས་སྦ་བ་ལ་ཞེས་ཡོད་༼མ༽པའི་ཨུཥྞཱི་ཥའི་བསྲུང་འཁོར་རྨི་ལམ་ངན་པ་ཟློག་པ་བྱད་མ་མཁན་གྱི་བསོད་ནམས་ཉམས་ཐབས་བྱས་པས་མི་ཚུགས་པ་དང་བཅས་པ། དེས་མཛད་པའི་ཟློག་པའི་རྣལ་འབྱོར་ཁྱད་༼མ༽པར་ཅན་རྔོན་པ་ཉི་མ་ལྡེ་ཞིང་གདོས་དང་ཤ་བ་འཐབ་པ་ལྟ་བུའི་མན་ངག །དེས་མཛད་པའི་ཨུཥྞཱི་ཥའི་སྒོ་༼མ༽ནས་དམ་ཉམས་གསོད་པའི་མཚོན་ཆ། དེས་བྲག་དཀར་ཆོས་སྡིངས་སུ་བཀོད་པའི་བསྲུང་བཟློག་༼མ༽གཉིས་ཀྱི་མན་ངག་སྔགས་པ་ནང་འགྲས་དང་གསད་པ་གཞན་དུ་གསལ་བའི་མཐའ་ཅན། དེས་མཛད་པའི་ཨུཥྞཱི་ཥའི་བསྐུལ༼མ༽རྣམ་དག་ཞི་བ་མ། དེས་མཛད་པའི་བསྟོད་པ༼མ༽ཐུགས་རྗེའི་དབང་ཁྲོས་མ། ལས་ཀྱི་གཤིན་རྗེ་ཆོས་ཀྱི་རྒྱལ་པོའི་སྒྲུབ་ཐབས་ལ་ལཱི་ཏ་བཛྲ་གྱིས་མཛད་པ་བལ་བོ་ཐུགས་རྗེ་ཆེན་པོ་དང་རྭ་ལོ་རྡོ་རྗེ་གྲགས་ཀྱིས་བསྒྱུར་བ། རོ་རས་དང་ཐོད་པ་ལ་བརྟེན་ནས་ལས་གཤིན་སྒྲུབ་ཅིང་བསྙེན་སྒྲུབ་གསང་བའི་མན་ངག་ལོ་ཙཱ་བ་
ཕྱི་མས་ཡི་གེར་བཏབ་པ། ལས་ཀྱི་གཤིན་རྗེ་སྲིད་པའི་འཁོར་ལོའི་མན་ངག་རྭ་ཆེན་གྱིས་ལྕགས་སྒོམ་རས་པ་ལ་གནང་བ་སྲིད་པའི་འཁོར་ལོ་རྫོགས་བྱང་གིས་མཐའ་ཅན། དགེ་འདུན་གཙུག་ལག་ཁང་བསྲུང་བའི་གཤིན་རྗེ་སྲིད་པའི་འཁོར་ལོ་བཀའ་རྒྱ་དམ་པོ་ཡོད་དོ་འི་མཐའ་ཅན། ལས་ཀྱི་གཤིན་རྗེ་གནམ་ལྕགས་ཨུར་ཆུང་གི་གདམས་པ་ཞེས་པ་བསྲུང་བཟློག་གསད་པའི་སྔགས་ཟློག་པ་ཡིན་ན་སྔགས་བཟླ་ཞིང་གསད་པ་ལྷམ་མཐུ་མ་དང་བཅས་པ་སུས་ཀྱང་མི་ཤིགས་པའི་མན་ངག་ལགས་སོའི་མཐའ་ཅན། ལས་ཀྱི་གཤིན་རྗེའི་ཡིག་ཆུང་དྲག་སྔགས་ཧུར་ཐུམ་སྲོག་ལེན་དམར་པོ་སྙ་ནམ་པའི་མན་ངག་ཡིག་ཆུང་ཟབ་མོ་རྫོགས་བྱང་གི་མཐའ་ཅན། དཀོན་ཅོག་གི་བསྟན་དགྲ་ཡ་མ་རྣམས་ཀྱིས་འདུལ་བར་ཁས་བླངས་ཚུལ། འཆི་བདག་ལས་ཀྱི་གཤིན་རྗེ་གནད་ལ་ཕབ་ནས་དགྲ་བགེགས་སྒྲོལ་བའི་ཡི་གེ་དྲག་སྔགས་ཀྱི་རྒྱན་དུ་དགོས་པའི་ཡིག་ཆུང་འི་མཐའ་ཅན། འཆི་བདག་སྒྲུབ་༼རྒྱ༽ཐབས་བཤེས་གཉེན་ཚུལ་ཁྲིམས་བླ་མ་བསྐུལ་བའི་ངོར་རྒྱ་སྟོན་གྱིས་མཛད་པ། ཆོས་ཀྱི་རྒྱལ་པོ་ལྷ་བཅུ་གསུམ་གྱི་མཆོད་པའི་ཆོ་ག་༼རྩྃ༽༼བིཀྵཱུ༽ཁྲོམ་ཡོན་ནམ་མཁའ་ལྷུན་བཟང་གིས་མཛད་པ། ཚར་ཆེན་ཆོས་ཀྱི་རྒྱལ་པོས་ལས་དང་པོ་པའི་རིགས་འཛིན་རྣམས་ལ་ཕན་པའི་ཆེད་དུ་མཛད་པའི་༼མཁན༽ལས་ཀྱི་གཤིན་རྗེ་འཁོར་དང་བཅས་པ་ལ་མཆོད་གཏོར་འབུལ་བའི་ཆོ་ག །འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་དམ་ཅན་གཤིན་རྗེའི་རྒྱལ་པོའི་མངོན་རྟོགས་སྤྱན་འདྲེན་༼དབང༽གཏོར་འབུལ་བསྟོད་པ་དང་བཅས་པའི་ཆོག་སྒྲིགས། དེས་མདོ་ཁམས་
པ་སྦྱིན་པ་དཔལ་བཟང་གི་ངོར་མཛད་པའི་འཆི་བདག་༼མཁན༽གཤིན་རྗེའི་དབང་ཕྱུག་ཆོས་ཀྱི་རྒྱལ་པོའི་ཐུགས་དམ་བསྐང་བ་མི་བཟད་འཇམ་དཔལ་མ། མཁན་ཆེན་བསླབ་གསུམ་རྒྱལ་མཚན་གྱིས་མཛད་༼དབང༽པའི་ལས་གཤིན་གྱི་བསྐང་རྫས་བྱིན་རླབས། དེའི་རྗེས་གནང་གི་ཡི་གེ་རྭ་ཤེས་རབ་རྒྱལ་མཚན་གྱིས་བཀོད་པ། ལས་གཤིན་བཅུ་གསུམ་མའི་རྗེས་གནང་གི་ཡི་གེ་ཐར་གླིང་༼བིཀྵཱུ༽ཨཱཪྻ་དེ་ཝས་བཀོད་པ། ལས་གཤིན་དཔའ་བོ་གཅིག་པའི་རྗེས་གནང་གི་ཐོ་༼དབང༽ཀུན་མཁྱེན་མཁྱེན་བརྩེའི་ཞབས་ཀྱིས་མཛད་པ། གཤིན་རྗེ་དམར་ནག་གསུམ་གྱི་རྗེས་གནང་གི་༼ས༽ཆོ་གའི་ལག་ལེན་ཤིན་ཏུ་གསལ་བ་རྡོ་རྗེ་འཆང་ཚར་པ་ཆོས་རྗེས་མཛད་པ། གཤིན་རྗེ་དམར་པོ་མ་རུ་ཙེ་བཞི་སྐོར་དུ་༼ཛྙ༽གྲགས་པ་སྙིང་ལ་བརྟེན་པའི་ཕྱི་སྒྲུབ། སྤྱང་ཐོད་ལ་བརྟེན་པའི་ནང་སྒྲུབ། ནལ་གྲིའི་ཐོད་པར་བརྟེན་པའི་གསང་སྒྲུབ། ར་སྤྱང་གི་ཐོད་པར་བརྟེན་པའི་གསང་ཆེན་ཆིག་དྲིལ། གཏོར་ཆོག་བསྟོད་པ་དང་བཅས་པ་རྡོ་རྗེ་དཔལ་བའི་དོན་དུ་རྒྱ་སྟོན་གྱི་མཛད་པ། ལས་ཀྱི་གཤིན་རྗེ་ཁྲག་མདོག་ཡབ་ཡུམ་གྱི་བསྙེན་སྒྲུབ་༼དཔལ༽ལས་གསུམ་གྱི་མན་ངག་རྭ་དབོན་ཤེས་རབ་རྒྱལ་མཚན་གྱིས་མཛད་པ་དགེ་བས་བསྟན་པ་བསྲུང་བར་ཤོག་གི་མཐའ་ཅན། དེའི་གཏོར་ཆོག་རྗེས་གནང་དང་བཅས་༼དཔལ༽པའི་ཆོ་ག་རྣམས། གསུམ་པ་བོད་ཀྱི་མཁས་པ་འབྲི་གུང་དཔལ་འཛིན་གྱིས་མཛད་པའི་སྐོར་ལ། ཀུན་དགའ་དབང་ཕྱུག་གིས་བསྐུལ་བའི་ངོར་མཛད་པའི་རྟོག་པ་གསུམ་པའི་རྒྱས་འགྲེལ་རིན་པོ་ཆེའི་སྙེ་མ། རྟོག་པ་གསུམ་པའི་ཚིག་གིས་མཚམས་བཅད་ཅིང་དོན་གྱི་གོ་རིམ་བསྡུ་བ། དཔལ་རྟོག་པ་གསུམ་པའི་
འཁྲུལ་འཁོར་གྱི་ཆོ་ག་ཁམས་གསུམ་གྱི་འཁོར་ལོས་སྒྱུར་བ་ཁྲག་སྐྱུགས་ཀྱི་ལོ་ཆོས་དཀར་ནམ་མཁའི་རྫོང་དུ་མཛད་པ། དེ་ལས་དྲག་ཤུལ་སྤྱོད་པའི་ཆོ་ག་ཞིབ་མོ་གུད་དུ་བསྟན་པ་ཟད་པའི་ལོ་ནག་པ་ཟླ་བའི་དཀར་ཚེས་བཞི་ལ་མཛད་པ། རྟོག་པ་གསུམ་པའི་མན་ངག་གི་ཞལ་ཤེས་ལྔ་པ་ཞེས་པ་སྙན་བརྒྱུད་ཡི་གེ་མེད་པའི་ཟིན་བྲིས་མདངས་དཀར་སྙིང་རྗེའི་རྫོང་དུ་མཛད་པ། རྟོག་པ་གསུམ་པའི་འཁྲུལ་འཁོར་རྫོང་རི་རྩེ་དགུའི་མགུལ་དུ་མཛད་པ། ཐར་པའི་རྒྱལ་སྲིད་ལ་གནས་པའི་དགེ་སྦྱོང་ཆེན་པོའི་བཀས་བསྐུལ་བ་ལ་བརྟེན་ནས་འཁྲུལ་འཁོར་གྱི་ལུང་སྦྱོར་རིན་ཅེན་འོད་ཀྱི་སྒྲོན་མ། དཔལ་རྟོག་པ་བདུན་པའི་འཁྲུལ་འཁོར་གྱི་ཆོ་ག་འཁོར་ལོ་རིན་པོ་ཆེའི་བང་བཛོད་ཆོས་དཀར་ནམ་མཁའི་རྫོང་དུ་མཛད་པ། དེ་ལ་མཁོ་བའི་ཟིན་བྲིས་འགོར་རྟོག་བདུན་གྱི་རྒྱས་འགྲེལ་སློབ་དཔོན་མི་བསྐྱོད་པས་མཛད་ཅེས་ཡོད་པ་རང་བཟོ་མེད་པར་འགྱུར་རོའི་མཐའ་ཅན། བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཀྱི་བསྙེན་སྒྲུབ་ལག་ཏུ་བླང་བའི་རིམ་པ་སྙིང་གཏམ་གླེན་པའི་ཚིག་ཏུ་བཙུན་པ་ཀུན་དགའ་དབང་ཕྱུག་ལ་གདམས་པ། རྟགས་ཀྱི་ཡི་གེ་ཞིབ་མོ་ཁྲག་སྐྱུག་གི་ལོ་ལྷུན་གྱིས་གྲུབ་པའི་རྫོང་དུ་མཛད་པ། རྩ་བའི་སྔགས་ཀྱི་བཟླས་པའི་ཚུལ་ངེས་པ་སེང་གེའི་ང་རོ་མེ་བྱི་མཚུར་ཕུའི་གཙུག་ལག་ཁང་དུ་མཛད་པ། དྲག་པོའི་ལས་ཀྱི་བཟླས་པ་རྡོ་རྗེ་འབར་བའི་མཚོན་ཆ་མེ་བྱི་མཚུར་ཕུའི་གཙུག་ལག་ཁང་དུ་མཛད་པ། འདི་སྔགས་བསྡེབས་ཡིན་འདུག་པ་གསར་མ་ཕྱོགས་ལ་གྲགས་ཆུང་བས་དཔལ་འཛིན་རྩ་བ་གསང་སྔགས་རྙིང་མ་བར་སོང་གཤིས་སྔ་འགྱུར་བཀའ་གཏེར་གྱི་མན་ངག་
ཟབ་མོ་ནས་རྐུ་ཐབས་ཀྱི་ཚུལ་དུ་བྲིས་པར་མངོན་ནོ། །མདོ་ཁམས་ཏྲེ་ཤོད་པ་རྟོགས་ལྡན་བསོད་ནམས་དཔལ་གྱིས་བསྐུལ་བ་ལ་བརྟེན་ནས་ཐང་སྐྱའི་གཙུག་ལག་ཁང་དུ་མཛད་པའི་ལས་ཐམས་ཅད་པའི་སྦྱིན་སྲེག་དངོས་གྲུབ་ཀྱི་གཟི་བརྗིད་རབ་སྣང་། ཞི་རྒྱས་ཀྱི་སྦྱིན་སྲེག་ཉེས་པའི་ཚང་ཚིང་མ་ལུས་པ་སྲེག་པར་ནུས་པ་བསོད་ནམས་ཀྱི་ཉི་མ་བདུན་འབར་མཚུར་ཕུའི་གཙུག་ལག་ཁང་དུ་མཛད་པ། རྒྱུད་རྟོག་པ་བདུན་པའི་འཁྲུལ་འཁོར་གྱི་སྐབས་སུ་ཁྱིམ་དུ་བཞག་ན་ཞི་བར་འགྱུར་རོ་ཞེས་པའི་མན་ངག་ཞི་བའི་དངོས་གྲུབ་སྒྲུབ་པའི་ཆོ་ག་བདུད་རྩིའི་རྒྱ་མཚོ། དེའི་ཡན་ལག་འཇིགས་པ་ཞི་བའི་བསྲུང་འཁོར། མཚོན་བསྲུང་བ། ཚེ་སྒྲུབ་དང་བཅས་པ། གཙང་རོང་དམུ་ལྷ་ཤམྦྷར་གྱི་གཙུག་ལག་ཁང་དུ་མཛད་པ། ཡང་གནས་དེ་ཉིད་དུ་མཛད་པའི་རྒྱས་པའི་ལས་སྒྲུབ་པའི་ཆོ་ག་ཡིད་བཞིན་གྱི་ནོར་བུ་རིན་པོ་ཆེ་འབར་བ་ཡན་ལག་དང་བཅས་པ། དབང་དུ་བྱ་བའི་ཆོ་ག་དོན་ཡོད་པའི་ཞགས་པ་རྣམ་པར་གཡོ་བ། དེའི་ཡན་ལག་འགུགས་པའི་ཆོ་ག་ལྕགས་ཀྱུ་འབར་བ། བསྐྱེད་རྫོགས་ཀྱི་རིམ་པ་གང་རུང་གི་ལམ་གྱི་གྲོགས་སུ་རིག་པའི་སྐྱེས་བུ་འགུགས་པ་ཞུ་བའི་བསམ་གཏན་རིག་མ་མི་བསྲུན་པ་འདུལ་ཐབས་བུ་མོ་རེངས་པའི་སྦྱོར་བ་རྣམས་མེ་བྱི་ཤམྦྷར་དཔལ་གྱི་ཡང་དགོན་དུ་མཛད་པ། དབང་དང་འགུགས་པའི་ཆོ་ག་འཇིག་རྟེན་གསུམ་རྣམ་པར་གནོན་པ་མཚུར་ཕུའི་གཙུག་ལག་ཁང་དུ་མཛད་པ། དྲག་པོའི་ཆོ་ག་གཤིན་རྗེའི་གཟུགས་ལ་བརྟེན་ནས་དགྲ་སྡེ་འཕུང་བར་བྱ་བའི་མན་ངག་འཇིག་རྟེན་གསུམ་གྱི་བཤད་པ་ཆེན་པོ་རྣམ་པར་རོལ་བ་སྐལ་ལྡན་སྦྱིན་པ་རིན་ཅེན་གྱི་ཆེད་དུ་མཛད་པ། འཇིག་རྟེན་
གསུམ་གྱི་བཤན་པ་ཆེན་པོ་རྣམ་པར་རོལ་པ་མ་གྲུབ་ན་སྤོགས་པའི་ཆོ་ག་འཇིག་རྟེན་གསུམ་ཟ་བ་མེ་ཕོ་བྱི་བའི་ལོར་མཛད་པ། གསད་པའི་འཕྲིན་ལས་གའུ་བསྲེ་བའི་མན་ངག་གསུམ་རྣམ་པར་འཇོམས་པའི་འཁྲུལ་འཁོར་མེ་ཁྱི་མཚུར་ཕུའི་གཙུག་ལག་ཁང་དུ་མཛད་པ། ཡང་གནས་དེ་ཉིད་དུ་མཛད་པའི་སྡིག་པ་སྦྱང་བའི་ཆོ་ག་སྦྱིན་སྲེག་དང་འཁྲུལ་འཁོར་སྦྲགས་པ་འཇིག་རྟེན་གསུམ་འཕུང་བར་བྱེད་པ། མཛའ་བ་དབྱེ་བར་བྱེད་པ་ཤམྦྷར་དུ་མཛད་པ། ཡང་གནས་དེ་ཉིད་དུ་མཛད་པའི་སྡང་བ་ཡུལ་ནས་དབྱུང་བ་བསྐྲད་པའི་འཁྲུལ་འཁོར་གནས་དེ་ཉིད་དུ་མཛད་པའི་གཡམ་པ་ལ་བརྟེན་ནས་རེངས་པའི་ཆོ་ག་འཇིག་རྟེན་གསུམ་རྣམ་པར་གཡོ་བ། གནས་དེ་ཉིད་དུ་མཛད་པའི་ཏེའུ་ལོ་པའི་པགས་པ་ལ་བརྟེན་ནས་རེངས་པའི་ཆོ་ག་འཇིག་རྟེན་གསུམ་རྣམ་པར་འཆིང་བ། གནས་དེ་ཉིད་དུ་མཛད་པའི་ཡན་ལག་མཚོན་གྱིས་འབུགས་པའི་མན་ངག་འཇིག་རྟེན་གསུམ་ཕམ་པར་བྱེད་པ། སྲིན་པོས་འཛིན་པའི་ཆོ་ག་ལས་ཀྱི་སྲིན་པོ་ཞེས་བྱ་བ་མཚུར་ཕུར་མཛད་པ། ཡང་དེ་ཉིད་དུ་མཛད་པའི་རིམས་ནད་གཏོང་བའི་མན་ངག་རིམས་ནད་ཆེན་པོ་འཁྲུག་པ། ཡང་གནས་དེ་ཉིད་དུ་མཛད་པའི་སྨྱོ་བར་བྱེད་པའི་ཆོ་ག་དྲག་པོའི་བཞད་གད་ཆེན་པོ། དྲག་ཤུལ་སྤྱོད་པའི་གཏོར་མ་དྲུག་ཅུ་རྩ་བཞིའི་ཆོ་ག་སྡིག་ཅན་སྒྲོལ་བའི་མཚོན་ཆ་ངར་མ་མདངས་དཀར་སྙིང་རྗེ་རྫོང་དུ་མཛད་པ། ལུགས་སྲོལ་འདི་ལ་ལྕགས་མཁར་མི་རྩིག་པའི་ཕྱོགས་སུ་མཛད་ནས། ལྕགས་མཁར་ཟུར་དགུ་པ་དང་ཟུར་བཅུ་དྲུག་པ་སོགས་སྤྲོ་ན་བྱར་རུང་གི་འོན་ཀྱང་རྙིང་མ་བ་ལྟར་བློས་བཏགས་ནས་བྱས་པ་ཡིན་པས་རྒྱུད་རྒྱ་གཞུང་
གི་ཁུངས་ནི་མེད་ལ་ཞེས་ཟུར་ཟ་བ་ནི་སྤྱིར་ཀུན་རྫོབ་ཀྱི་ཆོས་ཐམས་ཅད་བློས་བཏགས་ནས་བྱས་པ་ཁོ་ན་ཡིན་པས་གཞུང་ལུགས་དང་འགལ་ཞིང་རྒྱུད་རྒྱ་གཞུང་གི་ཁུངས་མེད་བཞིན་དུ་གསར་མ་བ་རྣམས་སྤྲོ་ན་བྱར་རུང་བའི་དམ་བཅར་སོང་བས་ཕ་མ་ཐོབ་པའི་གཞུ་ཅིག་འདིར་ཤོར་བར་གདའོ། །མ་འགྲུབ་ན་གནད་ལ་དབབ་པའི་ཆོ་ག་ས་གསུམ་ངེས་པར་འཇོམས་པ་མེ་བྱི་མཚུར་ཕུར་མཛད་པ། ཡང་དེ་ཉིད་དུ་མཛད་པའི་གསད་པའི་སྦྱིན་སྲེག་གི་ཆོ་ག་དུས་ཀྱི་མེ་ལྕེ་འབར་བ་ཆེན་པོའི་འཕྲེང་བ། རྩ་སྔགས་ཀྱི་འཁྲུལ་འཁོར་བྲི་བའི་ཟིན་བྲིས་བྲིས་པས་ཆོག་གོའི་མཐའ་ཅན། རྟོག་བདུན་འཁྲུལ་འཁོར་མཆོག་གི་མན་ངག་རྫོང་རི་རྩེ་དགུའི་མགུལ་དུ་བརྗེད་བྱང་དུ་མཛད་པ། ལས་ཀྱི་གཤིན་རྗེ་ཡབ་ཡུམ་སྦྲགས་ཏེ་སྒྲུབ་པའི་མན་ངག་དུག་ཧ་ལ་ཧ་ལ་ཆེན་པོ་ཞེས་པ་ལྷུན་གྱིས་གྲུབ་པའི་རྫོང་དུ་སྦྱར་བ་རྣམས། འཇིགས་བྱེད་ཀྱི་འཁྲུལ་འཁོར་གྱི་ཆོ་ག་འཇིག་རྟེན་གསུམ་ལས་རྣམ་པར་རྒྱལ་བ་ཞེས་པ་དག་གཏོར་མའི་ཆོ་གའི་ལག་ལེན་བསོད་ནམས་ཀྱི་འོད་ཟེར་རྣམ་པར་སྤེལ་བའི་ཉི་མ་ཞེས་བྱ་བ་གཉིས་ཀྱི་ལུང་རྒྱུན་དེང་སང་མི་འདུག །གཏོར་མའི་ཆོ་ག་འདི་ལ་ཞི་རྒྱས་དབང་དྲག་གི་དྲུག་ཅུ་པའི་ཁྱད་པར་སོགས་ལེགས་བཤད་ངོ་མཚར་བ་སྣང་། འདི་ཉིད་གཤེད་སྐོར་ལ་ཤིན་ཏུ་མཁས་པས་རྒྱ་གར་གྱི་སློབ་དཔོན་དཔལ་འཛིན་དང་འདྲ་ཞེས་གླེང་བར་བརྟེན་མཚན་དེ་ལྟར་ཐོགས། རིན་ཅེན་སྙེ་མའི་མཇུག་ཏུ། ཐམས་ཅད་མཁྱེན་པ་ཞང་སྟོན་བསོད་ནམས་གྲགས། །མཉམ་མེད་དེ་ཡི་གསུང་ལ་བརྟེན་པའི་མཐུས། །རྒྱ་ཆེན་རྒྱུད་དང་རྒྱ་གར་མཁས་པའི་ལུགས། །བླ་མའི་མན་ངག་ཇི་བཞིན་འདིར་བཤད་
པ། །གངས་རིའི་ཁྲོད་འདིར་དཔལ་འཛིན་བཟང་པོ་ལ། ཞེས་གསུངས་པ་རང་བཞིན་བརྗོད་པའི་རྒྱན་ཁོ་ནར་མངོན་ཞིང་རྡོ་རྗེ་འཇིགས་མཛད་ཀྱི་སྒོ་ནས་ལས་བཞི་སྒྲུབ་པར་འདོད་ན་འདི་ཉིད་ལས་ལྷག་པའི་ལེགས་བཤད་བོད་ན་ཡོད་པར་མ་མཐོང་གསང་སྔགས་རྙིང་མ་བ་རྣམས་སྔགས་ཀློག་སུན་འབྱིན་གྱི་རྩོད་པ་འཁོན་དུ་བཟུང་ནས་ཡལ་བར་འདོར་བའི་མཆེད་པོར་པཎ་ཆེན་གསེར་མདོག་ཅན་པས་སྡོམ་གསུམ་ལ་དྲི་བ་མཛད་པ་དང་། ཆོས་རྗེ་ཐམས་ཅད་མཁྱེན་པས་རབ་གནས་དང་བདེ་མཆོག་ནག་པོའི་སྐོར་ལ་ཞུས་དག་པར་ས་ལུགས་རྣམས་རྗེ་བཙུན་གོང་མ་ལ་འཁྲུལ་པ་མེད་ཅེས་ལོག་པར་རྟོག །སྟག་ཚང་ལོ་ཙཱ་བས་རྣམ་བཤད་དགོངས་པ་རབ་གསལ་སོགས་ལ་རྩོད་པ་མཛད་པར་རང་ཕྱོགས་དགེ་ལུགས་རྣམས་ཆོས་རྗེ་ཤེར་རིན་པའི་ལེགས་བཤད་རྣམས་འདོར། སྡོམ་གསུམ་དང་ལྷག་བསམ་རབ་དཀར་སོགས་མཚང་དུ་ཕོག་པའི་དྭགས་བརྒྱུད་པ་རྣམས་རྗེ་བཙུན་ས་པཎ་དང་རྒྱལ་བ་བཙོང་ཁ་པར་མ་གུས་པའི་རྣམ་འགྱུར་སྟོན་པས་མཚོན་ཏེ་ཨ་ཕའི་གསོལ་ཞལ་མ་གཙང་དོགས་པའི་སྦུབས་འཐུམ་གྱི་ར་བར་ཐུགས་བློ་ཙབ་ཙུབ་ཏུ་གྱུར་པ་ཞིག་ཏུ་ཐུགས་བདེན་ནའང་། ཤེས་བྱའི་མཐའ་ལ་ཚད་གཟུང་མེད་པས་ཐུགས་སེམས་རང་མལ་དུ་ཕབ་པའི་ཏིང་ངེ་འཛིན་ལ་སྙོམས་པར་འཇོག་པ་ཞུ། དེ་ལྟར་གོང་དུ་སྨོས་པའི་སྨིན་གྲོལ་རྣམས་ལེགས་པར་ཐོབ་པ་ལས་དབང་བརྒྱུད་དང་པོ་ཁའུ་བའི་ལུགས་དང་། ས་བཅད་དང་པོ་དང་གཉིས་པའི་རྭའི་རྟགས་ཡོད་པ་དང་རྟགས་གང་ཡང་མེད་པའི་ལུང་རྣམས་དང་བཅས་པའི་བརྒྱུད་པ་ནི། འཇམ་དབྱངས་ཁྲོས་པ་དྲག་
པོ་རྡོ་རྗེ་འཇིགས་བྱེད་ཆེན་པོ། རྗེ་བཙུན་རྡོ་རྗེ་རོ་ལངས་མ། གྲུབ་ཆེན་ལ་ལཱི་ཏ་བཛྲ། རྡོ་རྗེ་གདན་པ་ཨ་མོ་གྷ་བཛྲ། པཎ་གྲུབ་ཡེ་ཤེས་འབྱུང་གནས་སྦས་པ། གྲུབ་ཆེན་པདྨ་བཛྲ། བླ་མ་བལ་བོ་བྷ་རོ་ཕྱག་རྡུམ། དཱི་པཾ་ཀ་ར་རཀྵི་ཏ་དང་གཅིག་ཀྱང་རྫོང་ལུགས་ཀྱི་གསན་ཡིག་ན་དཱི་བཾ་ཀཱ་ར་དང་བྷ་རོ་ཐུགས་རྗེ་ཆེན་པོ་ཞེས་སོ་སོར་བགྲངས་ཤིང་། བྷ་རོ་དང་ཐུགས་རྗེ་ཆེན་པོ་གཅིག་པ་སོགས་ཡིག་ནོར་བྱུང་བར་མངོན། རྭ་ཆེན་ལོ་ཙཱ་བ་རྡོ་རྗེ་གྲགས། རྭ་ལོ་ཙཱ་བ་ཆོས་རབ། རྭ་ཡེ་ཤེས་སེང་གེ །རྭ་འབུམ་སེང་། རོང་པ་རྒྭ་ལོ་རྣམ་རྒྱལ་རྡོ་རྗེ། ཁམས་པ་རྒྭ་ལོའི་སྐྱེ་བར་གྲགས་པས་དེ་ལྟར་ཐོགས། དེ་སྲས་རོང་པ་ཤེས་རབ་སེང་གེ །བྲག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། ཀུན་མཁྱེན་ཤེས་རབ་དཔལ་བཟང་། རྭ་ལོ་གཉིས་པ་དག་པ་རྒྱལ་མཚན། གྲ་ཐང་བ་ཤེས་རབ་ཟླ་བའི་དབང་པོ། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །དགོན་གསར་བ་མཐུ་སྟོབས་དབང་ཕྱུག་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། རྒྱུད་ལྔ་ནི་མཁན་ཆེན་བསླབ་གསུམ་པའང་གསན། དུས་དགྲའི་དབང་པོ་འཇམ་མགོན་བསོད་ནམས་མཆོག་ལྡན། རྩ་བའི་བླ་མ་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བསྩལ་ཏོ། །ཡང་དབང་ཁེ་རྐྱང་གི་བརྒྱུད་ལུགས་རྣམ་གྲངས་ནི་ཚར་ཆེན། མཁྱེན་བརྩེའི་ཞབས། ཡབ་སྲས་དེ་གཉིས་ལ་རྗེ་དབང་རབ་ཀྱིས་གསན་པ་མན་འདྲ། ཡང་ན་རྗེ་མཁྱེན་བརྩེ་ལ། མཁན་བསླབ་གསུམ་པ། རྗེ་བསོད་ནམས་ཚུལ་ཁྲིམས་གཉིས་ཀྱིས་གསན། གཉིས་ཀ་ནས་རྗེ་དབང་རབ་མན་འདྲ། །དབང་བརྒྱུད་གཉིས་པ་ངོར་ལུགས་ནི། རོང་
པ་ཤེར་སེང་ནས། འཕགས་འོད་ཏན་རྒྱ་མཚོ། སྤང་ཁང་པ་གྲགས་པ་དཔལ་བཟང་། ཀུན་མཁྱེན་གངས་ཁྲོད་པ། ས་བཟང་མ་ཏི་པཎ་ཆེན། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། གུ་གེ་པཎ་ཆེན་གྲགས་པ་རྒྱལ་མཚན། འཇམ་དབྱངས་ནམ་མཁའ་བརྟན་པ། རྗེ་བཙུན་སྒོ་རུམ་པ་ཆེན་པོ། ཚར་ཆེན་མན་འདྲ། །ཡང་ཀུན་གྱི་རྟགས་ཡོད་པའི་བརྒྱུད་ལུགས་གཅིག་ནི། རྭ་འབུམ་སེང་ཡན་གོང་ལྟར་ལ། དེ་ནས་རྭ་དཀོན་ཅོག་སེང་གེ །རྒྭ་ལོ་རྣམ་རྒྱལ་རྡོ་རྗེ། སྲས་ཤེས་རབ་སེང་གེ །ཀུན་མཁྱེན་འཕགས་འོད། གྲུབ་ཆེན་ཀུན་དགའ་བློ་གྲོས། རྗེ་དགེ་བ་རྒྱལ་མཚན། ཆོས་རྗེ་རིན་ཅེན་རྣམ་རྒྱལ། འཇམ་དབྱངས་སངས་རྒྱས་རིན་ཅེན། རྗེ་བཙུན་སྒོ་རུམ་པ་ཆེན་པོ། འཇམ་དབྱངས་མཁྱེན་བརྩེའི་དབང་ཕྱུག་མན་གོང་ལྟར་རོ། །དབང་བརྒྱུད་གསུམ་པ་གོང་དཀར་ལུགས་དང་ལྡོང་གི་རྟགས་ཡོད་པའི་ལུང་བརྒྱུད་ནི། རྭ་འབུམ་སེང་ནས། ཀློག་སྐྱ་དབང་ཕྱུག་གྲགས། ལྡོང་སྟོན་ཤེས་རབ་དཔལ། ཆོས་ཀྱི་རྒྱལ་པོ་འཕགས་པ་རིན་པོ་ཆེ། ཤར་གླིང་པ་རྒྱལ་མཚན་བཟང་པོ། སྒོ་རུམ་པ་དཀོན་ཅོག་རྒྱལ་མཚན། བླ་མ་ཚུལ་ཁྲིམས་རྒྱལ་མཚན། བླ་མ་དམ་པ་བསོད་ནམས་རྒྱལ་མཚན། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ་འཇིགས་མེད་དཔའ་བོ། བླ་མ་བསོད་ནམས་མཆོག་ལྡན། འབྲས་སྤུངས་པ་ཚེ་དབང་བཀྲ་ཤིས། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེ་མན་སྔར་བཞིན་ནོ། །ཡང་ན་ཆོས་རྒྱལ་འཕགས་པ་ནས། གན་པ་ཆོས་རྒྱལ། གན་པ་ཆོས་
རིན། གན་པ་རིན་རྒྱན། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་མན་འདྲ། །ཡང་དབང་གི་བརྒྱུད་ཚུལ་མི་འདྲ་བ་གཅིག་དང་། ས་གཅད་དང་པོ་ཡོངས་རྫོགས་དང་རིགས་ཀྱི་རྟགས་ཡོད་པའི་ལུང་བརྒྱུད་ནི། རོང་པ་ཤེས་རབ་སེང་གེ་ནས། མཉམ་མེད་གྲགས་པ་རྒྱལ་མཚན། སྔགས་འཆང་གཟུངས་ཀྱི་དཔལ་བ། ཆོས་རྗེ་དགེ་ལེགས་བཟང་པོ། བླ་ཆེན་ཆོས་དཔལ་བཟང་པོ། རྩ་བརྒྱད་སྟོན་བཀྲ་ཤིས་བཟང་པོ། བྱ་བཏང་བསམ་གྲུབ་རྒྱལ་མཚན། སྔགས་འཆང་རྡོ་རྗེ་རྒྱལ་མཚན། རྗེ་ནམ་མཁའ་དཔལ་བཟང་། མང་ཐོས་དཔལ་ལྡན་ཆོས་སྐྱོང་། མཆོག་གི་སྤྲུལ་སྐུ་རིགས་འཛིན་ལེགས་ལྡན་རྡོ་རྗེ། ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་དབང་བརྒྱུད་ལུགས་གཅིག་ནི་བླ་ཆེན་པ་ནས། རྗེ་སེང་གེ་དབང་ཕྱུག །རྗེ་འོད་ཟེར་སེང་གེ །དཔལ་ལྡན་ཆོས་སྐྱོང་མན་འདྲ། ཡང་ན་བླ་ཆེན་པ་ནས། གྲགས་པ་རྒྱལ་མཚན། རྗེ་ནོར་བུ་ཕུན་སུམ་ཚོགས། ཆོས་རྗེ་དགེ་བ་རྒྱལ་མཚན། དྲུང་བཙུན་རིན་ཅེན་རྣམ་རྒྱལ། རྗེ་ནོར་བུ་ཕུན་ཚོགས། དཔལ་ལྡན་ཆོས་སྐྱོང་མན་འདྲ། །ལུང་བརྒྱུད་ལུགས་གཅིག་ནི། རྗེ་དགེ་ལེགས་བཟང་པོ་ནས། རྫོང་པ་ཨཱ་ནནྡ་མ་ཏི། བླ་མ་ཤཱཀྱ་དཔལ། འཁོན་སྟོན་བྱམས་པ་དཔལ། རྗེ་དཔལ་ལྡན་ཆོས་སྐྱོང་མན་གོང་བཞིན་ནོ། །ཡང་དབང་གི་བརྒྱུད་ཚུལ་མི་འདྲ་བ་གཅིག་ནི། རྭ་འབུམ་སེང་ནས་རྭ་དྷརྨ་སེང་གེ །རྭ་དཀོན་ཅོག་སེང་གེ །རྭ་ཤེས་རབ་རྒྱལ་མཚན། རྒྱ་སྟོན་དབང་ཕྱུག་རྒྱལ་མཚན། རྒྱ་སྟོན་ཀུན་དགའ་བརྩོན་འགྲུས། ཁམས་པ་ཡོན་ཏན་འབུམ། བླ་མ་བརྩོན་འགྲུས་བཟང་པོ། དམར་སྟོན་རྒྱལ་མཚན་འོད་ཟེར། གྲུབ་
ཆེན་བཟང་པོ་རྒྱལ་མཚན། མཐུ་སྟོབས་དབང་ཕྱུག་འབོམ་པ་འཇིགས་བྱེད་པ་ཡེ་ཤེས་རྒྱལ་མཚན། རྭ་ཆེན་བསོད་ནམས་རྒྱལ་མཚན། ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་ན་བག་སྟོན་གཞོན་ནུ་ཚུལ་ཁྲིམས་ནས། བླ་མ་ཚུལ་ཁྲིམས་རྒྱལ་མཚན། ཀུན་མཁྱེན་ཤེས་རབ་དཔལ་བཟང་། དམར་སྟོན་རྒྱལ་མཚན་འོད་ཟེར་མན་གོང་ལྟར་རོ། །ཡང་ན་རོང་པ་ཤེར་སེང་ནས། མངའ་རིས་པ་སངས་རྒྱས་ཡེ་ཤེས། མཁས་བཙུན་རྒྱལ་མཚན་འབུམ། འཇག་ཆེན་བྱམས་པ་དཔལ། དམར་སྟོན་རྒྱལ་མཚན་འོད་ཟེར་མན་འདྲ། ཡང་ན་གུ་གེ་པཎྜི་ཏ་གྲགས་པ་རྒྱལ་མཚན་ནས། གློ་བོ་མཁན་ཆེན་བསོད་ནམས་ལྷུན་གྲུབ། ངོར་ཆེན་ལྷ་མཆོག་སེང་གེ །རྭ་ཆེན་བསོད་ནམས་རྒྱལ་མཚན་མན་འདྲ། ཡང་དབང་གི་བརྒྱུད་ལུགས་གཅིག་ནི། ཁམས་སྟོན་ཡོན་ཏན་འབུམ་ནས། མཆོད་རྟེན་དཀར་པོ་སངས་རྒྱས་སྐྱབས། ལྷ་རིན་པོ་ཆེ་བསོད་ནམས་རིན་ཆེན། ཁྲོམ་ཡོན་ནམ་མཁའ་ལྷུན་བཟང་། ཆོས་རྗེ་རིན་ཅེན་རྣམ་རྒྱལ། ཆོས་རྗེ་ནོར་བུ་ཕུན་ཚོགས། ཆོས་རྗེ་དཔལ་ལྡན་བཀྲ་ཤིས། ཆོས་ལུང་ཤར་གླིང་པ་འཁྲུལ་ཞིག་ཀུན་བཟང་མཐུ་སྟོབས་དཔལ་འབར། འཇམ་དབྱངས་མཁྱེན་བརྩེ་མན་འདྲ། །རྭ་འཁྲིད་མཁའ་འགྲོ་སྙན་བརྒྱུད་ཀྱི་ཉམས་ཁྲིད་དང་རྒྱའི་རྟགས་ཡོད་པའི་ལུང་གི་བརྒྱུད་པ་ནི། རྭ་འབུམ་སེང་ཡན་དབང་བརྒྱུད་ལྟར་ལ། དེ་ནས་རྭ་དྷརྨ་སེང་གེ །རྭ་དཀོན་ཅོག་སེང་གེ །རྭ་ཤེས་རབ་རྒྱལ་མཚན། རྒྱ་སྟོན་དབང་ཕྱུག་རྒྱལ་མཚན། རྒྱ་སྟོན་ཀུན་དགའ་བརྩོན་འགྲུས། མཁན་ཆེན་དང་མ་བ་བརྩོན་འགྲུས་བྱང་ཆུབ། ཉན་པོ་བ་སློབ་དཔོན་ཀུན་དགའ་རྒྱ་མཚོ། དབུར་
སྟོན་པ་ཡོན་ཏན་ཆོས་རིན། ཡེར་པ་བ་བརྩོན་འགྲུས་རྒྱ་མཚོ། མལ་དྲོ་བ་གྲུབ་ཆེན་ཆོས་སྐྱོང་རྒྱལ་མཚན། མདོ་ཁམས་པ་བླ་ཆེན་ཡོན་ཏན་རྒྱ་མཚོ། རྡོ་རྗེ་འཆང་ཚར་ཆེན་བློ་གསལ་རྒྱ་མཚོ་གྲགས་པ་རྒྱལ་མཚན། འཇམ་དབྱངས་མཁྱེན་བརྩེའི་དབང་ཕྱུག །བོ་དོང་མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་ཁྱབ་བདག་གནས་གསར་བ་མགོན་པོ་བསོད་ནམས་མཆོག་ལྡན། དུས་དགྲའི་དབང་པོ་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །རྣལ་འབྱོར་བཞིའི་ཉམས་ཁྲིད་ཐོབ་པའི་བརྒྱུད་པ་ནི། རྭ་འབུམ་སེང་ཡན་དབང་བརྒྱུད་ལྟར་ལ། དེ་ནས་རྭ་ཤེས་རབ་རྒྱལ་མཚན། རྒྱ་སྟོན་ཀུན་དགའ་བརྩོན་འགྲུས། མཁན་ཆེན་དང་མ་བ། མཁན་ཆེན་ཤེས་རབ་རྡོ་རྗེ། ཉང་སྟོད་ཨཱཪྻ་དེ་ཝ། གྲུབ་ཆེན་ཀུན་དགའ་བློ་གྲོས། ཆོས་རྗེ་དགེ་བ་རྒྱལ་མཚན། ཆོས་རྗེ་རིན་ཅེན་རྣམ་རྒྱལ། རྗེ་བཙུན་སངས་རྒྱས་རིན་ཅེན། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། རྗེ་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། ཤར་ཆེན་ཤེས་རབ་འབྱུང་གནས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་བཀའ་དྲིན་དུ་བསྩལ་ཏོ། །ཡང་ན་ཉམས་ཁྲིད་དེ་ཉིད་དང་མའི་རྟགས་ཡོད་པའི་ལུང་བརྒྱུད་ནི། སློབ་དཔོན་ཡེ་ཤེས་འབྱུང་གནས་སྦས་པ་ནས། ཁ་ཆེ་པཎ་ཆེན་ཤཱཀྱ་ཤྲཱི། པཎྜི་ཏ་བྷཱུ་མི་ཤྲཱི། པཎ་ཆེན་བི་མཱ་ལ་ཤྲཱི། པཎྜི་ཏ་བིདྱ་ཨཱ་ཀ་ར། པཎྜི་ཏ་ས་དྱཱ་ཤྲཱི། གློ་བོ་ལོ་ཙཱ་བ་དཔལ་ལྡན་བྱང་ཆུབ། རྒྱལ་ཁམས་ལོ་ཙཱ་བ་མ་ཎི་ག་ཤྲཱི་ཛྙཱ་ན། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་
འཆང་ཀུན་དགའ་བཟང་པོ། གུ་གེ་པཎ་ཆེན་གྲགས་པ་རྒྱལ་མཚན། འཇམ་དབྱངས་ནམ་མཁའ་བརྟན་པ། འགོས་སྟོན་རྡོ་རྗེ་སེང་གེ །རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །མཐུ་སྟོབས་དབང་ཕྱུག་དགོན་གསར་པ་བསོད་ནམས་ཆོས་འཕེལ། སྔགས་འཆང་དཀོན་ཅོག་ལེགས་པ། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ་མན་འདྲ། རྡོ་རྗེ་འཇིགས་བྱེད་དཔའ་བོ་གཅིག་པ་ཞལ་གཅིག་ཕྱག་གཉིས་པའི་རྗེས་གནང་སྒོའི་རྟགས་ཡོད་པའི་ལུང་དང་བཅས་པའི་བརྒྱུད་པ་ནི། རྗེ་བཙུན་སྒོ་རུམ་པ་ཆེན་པོ་ཡན་དབང་བརྒྱུད་གཉིས་པ་ངོར་ལུགས་ལྟར་ལ། དེ་ནས་འཇམ་དབྱངས་མཁྱེན་བརྩེའི་དབང་ཕྱུག །མཁན་ཆེན་བྱམས་པ་རབ་བརྟན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཉེ་བརྒྱུད་ནི། རྡོ་རྗེ་འཇིགས་བྱེད། རྗེ་སྒོ་རུམ་མན་འདྲ་ཞིང་། རྗེ་དབང་ཕྱུག་རབ་བརྟན་ཡན་ལ་བླ་མ་བཞི་ཡོད་པ་ཨོཾ་ཨཱཿཧཱུྃ་ཧོ་ཡིན་གསུང་ངོ་། །སྒྲུབ་ཐབས་བརྒྱ་རྒྱམ་སོགས་ན་གཤིན་རྗེ་དང་ཧེ་རུ་ཀ་གཙོ་རྐྱང་གི་རྗེས་གནང་བཤད་པ་དང་མཚུངས་པའི་འཇིགས་བྱེད་དཔའ་གཅིག་ཕྱག་གཉིས་པའི་རྗེས་གནང་རྭ་པའི་རྒྱུན་ལ་ཡོད་པ་ཡང་བསྐྱར་ཞལ་གཟིགས་ཀྱི་ཚུལ་དུ་བྱུང་བ་དང་བཅས་པའི་ཉེ་བརྒྱུད་རིང་བརྒྱུད་ཚང་བ་ཡིན་གྱི་གསང་འདུས་དུས་འཁོར་བདེ་དགྱེས་གཤེད་སྐོར་གྱིས་མཚོན་པའི་རྒྱུད་སྡེ་ཆེན་པོ་ཚོར་དབང་གོ་རྗེས་གནང་གིས་གཅོད་པ་སྟོང་འཁོར་བ་སོགས་ཁམས་ཕྱོགས་སུ་བྱུང་ཟེར་བ་སྡེ་པ་སྣང་རྩེ་བའི་དམ་རྫས་ལ་རིན་སྤུངས་ཞབས་དྲུང་ངག་དབང་འཇིགས་གྲགས་ཀྱིས། བག་ཕྱེ་བཙག་གིས་གྲིལ་བའི་རིལ་བུ་དང་། །ཨ་རུ་
གསེར་མདོག་བརྡུངས་པའི་ཕྱེ་མ་གཉིས། །ས་ཕྱོགས་འདི་ན་བྲིན་སྒོ་མི་འདུག་པས། །མོན་དང་ཀོང་པོའི་ཡུལ་ལ་གཤེགས་པ་ཞུ། །ཞེས་གསུངས་པ་དང་མཐུན་པར་དཔྱོད་ལྡན་རྣམས་ལ་མི་བྲིན་ཡང་དབང་རྟུལ་དད་པའི་རྗེས་སུ་འབྲང་བ་རྣམས་ཀྱི་མགོ་བོ་མགལ་མེ་ལྟར་བསྐོར་བར་མངོན། །
དུག་དབང་རྨ་བྱ་རྒྱས་པའི་སྨིན་བྱེད་དང་ཨཱུའི་རྟགས་སོགས་རྟགས་ཅན་མི་འདྲ་བ་འགའི་ལུང་བརྒྱུད།
དུག་དབང་རྨ་བྱ་རྒྱས་པའི་སྨིན་བྱེད་དང་ཨཱའི་རྟགས་ཡོད་པའི་ལུང་བརྒྱུད་ནི། གཙུག་ཏོར་འཁོར་ལོ་སྒྱུར་བ། རྡོ་རྗེ་འཇིགས་བྱེད། ཡེ་ཤེས་ཀྱི་མཁའ་འགྲོ་མ། ལ་ལཱི་ཏ་བཛྲ། ཨ་མོ་གྷ་བཛྲ། ཛྙཱ་ན་ཨཱ་ཀ་ར་གུཔྟ། པདྨ་བཛྲ། བལ་པོ་ཐུགས་རྗེ་ཆེན་པོ། རྭ་ལོ་ཙཱ་བ་རྡོ་རྗེ་གྲགས། རྭ་ཆོས་རབ། རྭ་ཡེ་ཤེས་སེང་གེ །རྭ་འབུམ་སེང་། རྒྭ་ལོ་ཡབ་སྲས་གཉིས། མཉམ་མེད་གྲགས་པ་རྒྱལ་མཚན། སྔགས་འཆང་གཟུངས་ཀྱི་དཔལ་བ། བླ་མ་སེང་གེ་དཔལ། མཁས་གྲུབ་དགེ་བ་རྒྱལ་མཚན། རྗེ་རིན་ཅེན་རྣམ་རྒྱལ། མཚུངས་མེད་སངས་རྒྱས་རིན་ཅེན། ངོར་ཆེན་ལྷ་མཆོག་སེང་གེ །རྗེ་སངས་རྒྱས་སེང་གེ །བྲང་ཏི་པཎ་ཆེན་ནམ་མཁའ་དཔལ་བཟང་། དེ་དབོན་མཁན་ཆེན་ནམ་མཁའ་སངས་རྒྱས། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །མཁན་གྱི་རྟགས་ཡོད་པ་རྣམས་ཀྱི་ལུང་བརྒྱུད་ནི། འཇམ་དབྱངས་མཁྱེན་བརྩེ་ཡན་དབང་བརྒྱུད་དང་པོ་ཁའུ་པའི་ལུགས་ལྟར་ལ། དེ་ནས་བོ་དོང་མཁན་ཆེན་བསླབ་གསུམ་རྒྱལ་མཚན། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་རྩ་བའི་བླ་མ། དེས་བདག་ལའོ། །མཁན་གཡུང་དྲུང་ཅན་གྱི་ལུང་ནི། རྗེ་དབང་རབ་ཡན་བཤད་མ་ཐག་པ་ལྟར་ནས། ཁྱབ་བདག་ཞ་ལུ་པ། དེས་བདག་
ལའོ། །ཤེར་གྱི་རྟགས་ཡོད་པའི་ལུང་བརྒྱུད་ནི། གུ་གེ་པཎ་ཆེན་ཡན་དབང་བརྒྱུད་གཉིས་པ་ངོར་ལུགས་ལྟར་ལ། དེ་ནས་མཁན་ཆེན་ལེགས་འབྱུང་། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། ཤར་པ་ཤེས་རབ་འབྱུང་གནས། ཁྱབ་བདག་ཞ་ལུ་པ། དེས་བདག་ལའོ། །ལེགས་ཀྱི་རྟགས་ཡོད་པའི་ལུང་བརྒྱུད་ལུགས་གཅིག་ནི། སྔགས་འཆང་གཟུངས་པ་ཡན་གོང་ལྟར་ལ། དེ་ནས་གོན་ཇོ་ཇོ་བཟང་། མཁན་ཆེན་སེང་གེ་དཔལ། མཐུ་ཆེན་རྒྱལ་མཚན། རྗེ་རིན་ཅེན་རྣམ་རྒྱལ། རྗེ་སངས་རྒྱས་རིན་ཅེན། རྗེ་སངས་རྒྱས་དཔལ། རྗེ་སྒོ་རུམ་པ། ཀུན་མཁྱེན་མཁྱེན་བརྩེ་མན་དབང་བརྒྱུད་དང་པོ་བཞིན་ནོ། །ཡང་ན་རྭ་འབུམ་སེང་ནས། ཕུག་པ་ཆོས་ཀྱི་གྲགས་པ། རྗེ་རིན་ཅེན་བཟང་པོ། བླ་མ་ཚུལ་ཁྲིམས་ཤེས་རབ། རིན་པོ་ཆེ་བསོད་ནམས་སེང་གེ །དཔལ་རི་བ་བློ་གྲོས་མཆོག་ལྡན། རྗེ་སངས་རྒྱས་དབོན། གཉག་ཕུ་བ་བསོད་ནམས་བཟང་པོ། རིན་པོ་ཆེ་བསོད་ནམས་དཔལ་བ། སློབ་དཔོན་གྲགས་པ་དཔལ་མགོན། ཆོས་རྗེ་ནམ་མཁའི་མཚན་ཅན། རྗེ་རིན་ཅེན་རྣམ་རྒྱལ་མན་འདྲ། རྡོ་རྗེའི་རྟགས་ཡོད་པའི་ལུང་བརྒྱུད་ལུགས་གཅིག་ནི། རྭ་ཤར་པ་ལྟར་ན་རྭ་ཆོས་རབ་ནས། རྫོང་ཆུང་པའི་གསན་ཡིག་ན་དྷརྨ་སེང་གེ །རྭ་དཀོན་ཅོག་སེང་གེ །ཤེས་རབ་རྒྱལ་མཚན་གསུམ་ལ་རྭ་ནུབ་པ། རྭ་ཚོ་ཤར་པ་ཡིན་ཟེར་བ་འདུག །སྲས་དྷརྨ་སེང་གེ །རྭ་དཀོན་ཅོག་སེང་གེ །རྭ་ཤེས་རབ་རྒྱལ་མཚན། རྒྱ་སྟོན་དབང་ཕྱུག་རྒྱལ་མཚན། རྒྱ་སྟོན་ཀུན་དགའ་བརྩོན་འགྲུས། བླ་མ་ཁམས་པ་ཡོན་ཏན་འབུམ། བསམ་ཡས་མཆོད་
རྟེན་དཀར་པོ་བ་སངས་རྒྱས་སྐྱབས། ལྷ་རིན་པོ་ཆེ་བསོད་ནམས་རིན་ཅེན། མཁན་ཆེན་ནམ་མཁའ་ལྷུན་བཟང་། མཉམ་མེད་དཔལ་འཛིན་བཟང་པོ། ཀུན་མཁྱེན་རྡོ་རྗེ་གདན་པ། བླ་མ་བསོད་ནམས་མཆོག་ལྡན། རྗེ་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ་མན་འདྲ། རྭ་ནུབ་པ་ལྟར་ན་རྭ་ཆོས་རབ་ནས། རྫོང་པའི་གསན་ཡིག་ན་ཡེ་ཤེས་སེང་གེ་དང་འབུམ་སེང་གཉིས་ལ་རྭ་ཤར་པ་རྭ་ཚོ་ནུབ་པ་ཟེར་བ་འདུག །སྲས་ཡེ་ཤེས་སེང་གེ །རྭ་འབུམ་སེང་། རྗེ་བཙུན་རྒྭ་ལོ། མང་མཁར་ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །བླ་མ་སེང་གེ་རྒྱལ་མཚན། ཞང་སྟོན་རྒྱ་བོ་བསོད་ནམས་གྲགས། འབྲི་གུང་དཔལ་འཛིན་གྱི་བླ་མ་ཆོས་ལུང་མཁན་ཆེན་ཡིན། གཉན་སྟོན་རྡོ་རྗེ་གྲགས། ཁྲོམ་ཡོན་ནམ་མཁའ་ལྷུན་བཟང་མན་སྔར་དང་འདྲ། །ནུབ་ཀྱི་རྟགས་ཡོད་པའི་ལུང་བརྒྱུད་ནི། རྭ་ཆོས་རབ་ནས། རྭ་ཡེ་ཤེས་སེང་གེ །རོང་པ་རྒྭ་ལོ། བླ་མ་ཤེས་རབ་སེང་གེ །རྗེ་གྲགས་པ་རྒྱལ་མཚན། སྔགས་འཆང་གཟུངས་པ། རྗེ་དགེ་ལེགས་དཔལ་བཟང་། རྫོང་པ་ཨཱ་ནནྡ་མ་ཏི། གྲུབ་ཆེན་བྱམས་པ་ཆོས་རིན། རྗེ་སངས་རྒྱས་མགོན་པོ། རྗེ་བྱམས་པ་ནམ་མཁའ་རྒྱལ་མཚན། བླ་མ་སངས་རྒྱས་འོད་ཟེར། བྱམས་པ་ཡེ་ཤེས་འབྱུང་གནས། འཇམ་དབྱངས་སངས་རྒྱས་བཀྲ་ཤིས། སྒྱེ་ཆུ་མཁན་པོ་བྱམས་པ་ངག་དབང་དཔལ་བཟང་། ཁྱབ་བདག་ཞ་ལུ་པ། དེས་བདག་ལའོ། །ཤར་གྱི་རྟགས་ཡོད་པའི་ལུང་བརྒྱུད་ནི། རྭ་ཆོས་རབ་ནས། རྭ་དྷརྨ་སེང་གེ །རྭ་དཀོན་ཅོག་སེང་གེ །རྭ་ཤེས་རབ་རྒྱལ་མཚན། རྒྱ་སྟོན་དབང་ཕྱུག་རྒྱལ་མཚན། རྒྱ་སྟོན་ཀུན་དགའ་བརྩོན་འགྲུས། མཁན་ཆེན་དང་མ་བ་བརྩོན་འགྲུས་བྱང་ཆུབ། རྗེ་བསོད་ནམས་ཡོན་ཏན། རྗེ་དགེ་ལེགས་དཔལ་བཟང་
མན་བཤད་མ་ཐག་པ་ལྟར་རོ། །ཡང་ན་བྱམས་པ་ཆོས་རིན་ནས། རྗེ་ཤཱཀྱ་ཡེ་ཤེས། འབུམ་ཆེན་བློ་གྲོས་དཔལ་ལྡན། བྱམས་པ་ནམ་མཁའ་རྒྱལ་མཚན་མན་འདྲ། ཡང་ན་བྱམས་པ་ཆོས་རིན་ནས། དབོན་ཆེན་བརྩོན་འགྲུས་རྒྱ་མཚོ། འབུམ་ཆེན་བློ་གྲོས་དཔལ་ལྡན་མན་འདྲ། །བུའི་རྟགས་ཡོད་པའི་ལུང་བརྒྱུད་ནི། ཐམས་ཅད་མཁྱེན་པ་བུ་སྟོན་ཆོས་རྗེ། ཐུགས་སྲས་རིན་ཅེན་རྣམ་རྒྱལ། ལྕེ་སྟོན་ཆོས་རྒྱལ་ནམ་མཁའི་མཚན་ཅན། མཁས་མཆོག་ཟླ་བ་དཔལ་རིན། འཁྲུལ་ཞིག་ཚུལ་ཁྲིམས་རྒྱལ་མཚན། མཁྱེན་རབ་རིན་ཅེན་མཆོག་གྲུབ། བྱང་གླིང་པ་རིན་ཅེན་རྒྱལ་པོ། འབྲོག་ཁང་པ་དོན་གྲུབ་རྒྱལ་མཚན། བྱང་གླིང་འཇམ་དབྱངས་བཀྲ་ཤིས་རྒྱལ་མཚན། བླ་མ་ཀུན་དགའ་བཀྲ་ཤིས། ཆོས་རྗེ་དཀོན་ཅོག་རྒྱལ་མཚན་རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །གཟུངས་ཀྱི་རྟགས་ཅན་གྱི་ལུང་བརྒྱུད་ནི། བླ་མ་དམ་པ་བསོད་ནམས་རྒྱལ་མཚན་ནས། རྗེ་གཟུངས་པ། དགེ་ལེགས་བཟང་པོ། ཨཱ་ནནྡ་པ། ཆོས་ཀྱི་རིན་ཅེན། སངས་རྒྱས་མགོན་པོ་ནམ་མཁའ་རྒྱལ་མཚན། སངས་རྒྱས་འོད་ཟེར། ཡེ་ཤེས་འབྱུང་གནས། སངས་རྒྱས་བཀྲ་ཤིས། བྱམས་པ་ངག་དབང་དཔལ་བཟང་། མཁན་ཆེན་ཞ་ལུ་པ། དེས་བདག་ལའོ། །ཁའི་རྟགས་ཡོད་པའི་ལུང་བརྒྱུད་ནི། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། ཀུན་སྤང་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ་མན་འདྲ། རུམ་གྱི་རྟགས་ཡོད་པའི་ལུང་བརྒྱུད་ལུགས་གཅིག་ནི། རྭ་འབུམ་སེང་ནས། རྭ་ཤེས་རབ་རྒྱལ་མཚན། བླ་མ་སྔགས་དཀར་བ་དབང་ཕྱུག་རྒྱལ་མཚན། ཁྲོ་ཆེ་བ་གཞོན་
ནུ་སྐྱབས། སྤྲུལ་སྐུ་ཤེས་རབ་བཟང་པོ། བླ་མ་རྒྱལ་བ་དཔལ། ཁམས་པ་རྒྱལ་མཚན་དཔལ། བདག་ཆེན་རྡོ་རྗེ་འཆང་། རྗེ་སངས་རྒྱས་དཔལ། རྗེ་བཙུན་སྒོ་རུམ་པ། འཇམ་དབྱངས་མཁྱེན་བརྩེ་མན་དབང་བརྒྱུད་དང་པོ་སོར་བཞག་གོ །གུབ་ཀྱི་རྟགས་ཡོད་པའི་ལུང་བརྒྱུད་ནི་འཇམ་དབྱངས་མཁྱེན་བརྩེ་ཡན་དབང་བརྒྱུད་དང་པོ་ལྟར་ལ། དེ་ནས་དྲིན་ཅན་སྦས་པའི་རྣལ་འབྱོར། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །བུའི་རྟགས་ཡོད་པའི་ལུང་བརྒྱུད་ནི། སྔགས་འཆང་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །དབང་གི་རྟགས་ཡོད་པའི་ལུང་བརྒྱུད་ནི། འཇམ་དབྱངས་མཁྱེན་བརྩེ། དགོན་གསར་བ་བསོད་ནམས་ཆོས་འཕེལ། རྡོ་རྗེ་འཆང་དབང་རབ། མཁན་ཆེན་ཞ་ལུ་པ། དེས་བདག་ལའོ། །སའི་རྟགས་ཡོད་པའི་ལུང་བརྒྱུད་ནི། པཎ་ཆེན་ངག་དབང་ཆོས་གྲགས། ས་སྐྱ་ཁྲི་ཆེན་ཡབ་སྲས་ནས། རྗེ་ཞ་ལུ་པ། དེས་བདག་ལའོ། །ལས་གཤིན་དཔའ་བོ་གཅིག་པའི་རྗེས་གནང་གི་བརྒྱུད་པ་ནི། འཇམ་དབྱངས་མཁྱེན་བརྩེའི་དབང་ཕྱུག་ཡན་དབང་བརྒྱུད་དང་པོ་ཁའུ་པའི་ལུགས་ཇི་ལྟ་བ་ལ། དེ་ལ་མཁན་ཆེན་བསླབ་གསུམ་རྒྱལ་མཚན་དང་དགོན་གསར་བ་བསོད་ནམས་ཆོས་འཕེལ་གཉིས་ཀྱིས་གསན། གཉིས་ཀ་ནས་རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ། དེས་བདག་ལའོ། །ལས་གཤིན་ལྷ་བཅུ་གསུམ་མའི་རྗེས་གནང་
དང་པིཀྵུའི་རྟགས་ཡོད་པའི་ལུང་བརྒྱུད་ནི། གཤིན་རྗེ་གཤེད། ཡེ་ཤེས་ཀྱི་མཁའ་འགྲོ་མ། སློབ་དཔོན་གཞོན་ནུ་ཟླ་བ། ནཱ་ག་བོ་དྷི། ལ་ལཱི་ཏ་བཛྲ། ཛྙཱ་ན་ཀཱིརྟི། མི་ཉག་སྟོན་སྒོམ། ལོ་སྒོམ་ཞིག་པོ། ཞང་སྟོན་བསོད་ནམས་རིན་ཅེན། ཐང་སྟོད་ཤེས་རབ་རྒྱལ་མཚན། བླ་མ་རྡོ་རྗེ་བཟང་པོ། ཐར་གླིང་པ་ཨཱཪྻ་དེ་ཝ། གྲུབ་ཆེན་ཀུན་དགའ་བློ་གྲོས། སློབ་དཔོན་དོན་རི་བ། དེ་གཉིས་ཀ་ལ་མཁན་ཆེན་ནམ་མཁའ་ལྷུན་བཟང་། དེ་ནས་དྲུང་བཙུན་རིན་ཆེན་རྣམ་རྒྱལ། རྗེ་བཤེས་གཉེན་བཀྲ་ཤིས། གྲུབ་མཆོག་ངག་དབང་རྣམ་རྒྱལ། འཇམ་དབྱངས་མཁྱེན་བརྩེའི་དབང་ཕྱུག་མན་ལས་གཤིན་དཔའ་གཅིག་དང་འདྲ། ཡང་ན་ཐར་གླིང་པ་ཨཱཪྻ་དེ་ཝ་ནས། གནས་རྙིང་མཁན་ཆེན་ལོ་ཙཱ་བ་ཆོས་བཟང་། བླ་མ་རིན་ཅེན་དཔལ། ཆོས་རྗེ་ཆོས་གྲགས་པ། རོང་རི་ལུང་སྦུག་པ་རྒྱལ་བ་ཐུགས་རྗེ། བཤེས་གཉེན་བཀྲ་ཤིས་མན་འདྲ། ཡང་ན་དྲུང་བཙུན་རིན་ཅེན་རྣམ་རྒྱལ་ནས། རྗེ་སངས་རྒྱས་རིན་ཅེན། ངོར་ཆེན་ལྷ་མཆོག་སེང་གེ །རྭ་ཆེན་བསོད་ནམས་རྒྱལ་མཚན། འཇམ་དབྱངས་མཁྱེན་བརྩེའི་ཞབས་མན་འདྲ། ཡང་ན་རོང་པ་ཤེས་རབ་སེང་གེ་ཡན་དབང་བརྒྱུད་ཁའུ་པའི་ལུགས་ལྟར་ལ། དེ་ནས་རོང་པ་རྡོ་རྗེ་རྒྱལ་མཚན། བུ་སྟོན་ཐམས་ཅད་མཁྱེན་པ། ཐུགས་སྲས་ལོ་ཙཱ་བ། འཇམ་དབྱངས་གྲགས་པ་རྒྱལ་མཚན། གུང་རུ་རིག་པའི་རལ་གྲི། ཆོས་རྗེ་རིན་ཅེན་དཔལ། རས་ཆེན་ཟླ་བ་རྒྱལ་མཚན། སྐུ་ཞང་མཁྱེན་རབ་ཆོས་རྗེ། སྐུ་ཞང་བསོད་ནམས་མཆོག་གྲུབ། སྐུ་ཞང་བཀྲ་ཤིས་རྒྱལ་མཚན། རྗེ་རིན་ཅེན་རྒྱལ་མཚན། རྩ་བའི་བླ་མ་ཞ་ལུ་པ་ཆེན་པོ། དེས་བདག་ལའོ། །ཡང་
ན་རོང་པ་རྒྭ་ལོ་ཡན་དབང་བརྒྱུད་ཁའུ་པའི་ལུགས་ལྟར་ལ། དེ་ནས་ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །བླ་མ་སེང་གེ་རྒྱལ་མཚན། ཞང་སྟོན་བསོད་ནམས་གྲགས་པ། གཉན་སྟོན་རྡོ་རྗེ་གྲགས་པ། ཇོ་སྟོན་ནམ་མཁའ་ལྷུན་བཟང་། སྔགས་འཆང་རིན་ཅེན་རྣམ་རྒྱལ། མུས་ཆེན་སངས་རྒྱས་རིན་ཅེན། ངོར་ཆེན་ལྷ་མཆོག་སེང་གེ །རྗེ་སངས་རྒྱས་སེང་གེ །བྲང་ཏི་པཎ་ཆེན་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། ཤར་ཆེན་ཤེས་རབ་འབྱུང་གནས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །རྩེའི་རྟགས་ཅན་གྱི་ལུང་བརྒྱུད་ནི། མཁན་ཆེན་དང་མ་པ་ཡན་རྭ་ཁྲིད་མཁའ་འགྲོའི་སྙན་བརྒྱུད་ལྟར་ལ། དེ་ནས་མཁན་ཆེན་ཤེས་རབ་རྡོ་རྗེ། བླ་མ་ཨཱཪྻ་དེ་ཝ། རྩེ་ཆེན་གྲུབ་ཆེན་ཀུན་བློ། ཁྲོམ་ཡོན་ནམ་མཁའ་ལྷུན་བཟང་། རྗེ་དཔལ་འཛིན་བཟང་པོ། མཐུ་ཆེན་འཇིགས་མེད་དཔའ་བོ། བླ་མ་བསོད་ནམས་པ་མཆོག་ལྡན། སྔགས་འཆང་ཚེ་དབང་བཀྲ་ཤིས། ཚར་ཆེན་མན་འདྲ། ལས་གཤིན་དམར་པོ་བསེ་བྱ་བཞི་སྐོར་གྱི་རྗེས་གནང་དང་ཛྙཱའི་རྟགས་ཅན་གྱི་ལུང་བརྒྱུད་ནི། རྒྱ་སྟོན་ཀུན་དགའ་བརྩོན་འགྲུས་ཡན་རྭ་ཁྲིད་མཁའ་འགྲོའི་སྙན་བརྒྱུད་དང་འདྲ་བ་ལ་མཁན་ཆེན་དང་མ་པ་ནས་རིམ་པར་བརྒྱུད་དེ་རྡོ་རྗེ་འཆང་མཁྱེན་རབ་ཆོས་རྗེ། རྗེ་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེེན་བརྩེའི་ཞབས། སྔགས་འཆང་བསོད་ནམས་ཆོས་འཕེལ། གྲུབ་དབང་ཤཱཀྱ་སེང་གེ །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ལུང་བརྒྱུད་ལུགས་གཅིག་ནི། སྔགས་འཆང་བསོད་ནམས་ཆོས་འཕེལ་ནས། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ། རིག་
འཛིན་ཆེན་པོ་བློ་མཆོག་རྡོ་རྗེ། དེས་བདག་ལའོ། །ལས་གཤིན་དམར་པོ་ཕྲག་མདོག་ཡབ་ཡུམ་གྱི་རྗེས་གནང་གི་བརྒྱུད་པ་ནི། མཁན་ཆེན་དང་མ་ཡན་བསེ་བྱ་བཞི་སྐོར་ལྟར་ལ། དེ་ནས་ཐོག་སྟོན་ཤེས་རབ་རྡོ་རྗེ། རིན་པོ་ཆེ་ཤེས་རབ་གྲགས། ལུང་པ་དཀོན་ཅོག་རྡོ་རྗེ། ཁྲོམ་ཡོན་ནམ་མཁའ་ལྷུན་བཟང་། བྲག་ཐོག་དཔལ་འཛིན་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། ཐུགས་སྲས་ཀུན་དགའ་རྒྱལ་པོ། འབྲས་སྤུངས་པ་ཚེ་དབང་བཀྲ་ཤིས། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །མཐུ་སྟོབས་དབང་ཕྱུག་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། པཎ་ཆེན་ངག་དབང་ཆོས་གྲགས། ས་ཆེན་ངག་དབང་ཀུན་དགའ་བསོད་ནམས། དཔལ་ས་སྐྱ་པ་བསོད་ནམས་དབང་ཕྱུག །རྩ་བའི་བླ་མ་མཁན་ཆེན་ཞ་ལུ་པ། དེས་བདག་ལའོ། །དཔལ་གྱི་རྟགས་ཡོད་པའི་ལུང་བརྒྱུད་ནི། རྗེ་དབང་རབ་ཡན་བཤད་མ་ཐག་པ་ལྟར་ལ། དེ་ནས་ཁྱབ་བདག་བཀའ་འགྱུར་བ་ཆེན་པོ། རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ལའོ། །ས་བཅད་གསུམ་པ་དཔལ་འཛིན་ཉི་འོད་བཟང་པོས་མཛད་པའི་གླེགས་བམ་གྱི་ལུང་བརྒྱུད་ནི། གྲ་ལོ་རྣམ་རྒྱལ་རྡོ་རྗེ་ཡན་དབང་བརྒྱུད་དང་པོ་ལྟར་ལ། དེ་ནས་མང་མཁར་ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །བླ་མ་སེང་གེ་རྒྱལ་མཚན། ཐམས་ཅད་མཁྱེན་པ་ཞང་སྟོན་བསོད་ནམས་གྲགས་པ། གངས་རིའི་ཁྲོད་ཀྱི་དཔའ་འཛིན་ཉི་འོད་བཟང་པོ། རྒྱ་མཚོ་སྤྲིན་གྱི་འབྲུག་སྒྲ་གློག་གི་འཕྲེང་བ་ཅན་ཡང་ཟེར། བླ་མསྟག་ལུང་བ། ཞ་ལུ་བ་ཆེན་པོ། སྟག་ལུང་ངག་དབང་གྲགས་པ། མི་ཉག་པཎ་
ཆེན་གྲགས་པ་རྡོ་རྗེ། མཁན་ཆེན་དཀོན་ཅོག་ཚུལ་ཁྲིམས། འགོས་སྟོན་རྡོ་རྗེ་སེང་གེ །རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །མཐུ་ཆེན་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། རྗེ་བཙུན་བཀའ་འགྱུར་བ་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་བསྩལ་ཏོ། །བཅོམ་ལྡན་འདས་གཤིན་རྗེ་གཤེད་དགྲ་ནག་ཞང་ལུགས་ལྷ་བཅུ་གསུམ་གྱི་རས་བྲིས་ཀྱི་དཀྱིལ་འཁོར་དུ་དབང་ནོས་པའི་བརྒྱུད་པ་ནི། བཅོམ་ལྡན་འདས་འཇམ་དཔལ་དབྱངས། གྲུབ་ཆེན་སངས་རྒྱས་ཡེ་ཤེས་ཞབས། པཎ་གྲུབ་དཱི་པཾ་ཀ་ར་བྷ་དྲ། གྲུབ་ཆེན་ལ་ལཱི་ཏ་བཛྲ། སཽ་སུ་ར་པ། ཤེ་ན་པ། ཨ་ཝ་ལི་ན་པ། གུ་ཎ་བྷ་དྲ། ཝ་གཱི་ཤྭ་ར་ཀཱིརྟི། དེ་ཝ་ཨཱ་ཀ་ར་ཙནྡྲ། སློབ་དཔོན་ཨ་མོ་གྷ་བཛྲ། ཞང་ལོ་ཙཱ་བ་ཤེས་རབ་བླ་མ། འདི་མན་གྱི་བླ་མ་བཞི་དམག་ཟོར་མའི་བླ་བརྒྱུད་ཀྱི་ཞང་གི་ཞལ་ངོ་བཞི་པོ་སྔགས་པ་གོས་དཀར་ལྕང་ལོ་ཅན། སྲས་སཾ་གྷ་བྷ་དྲ། གཅེན་རིན་ཅེན་གཙང་འོད། སྲས་འོད་པོ་ཆེ་ཡང་ཟེར། གཅུང་རྡོ་རྗེ་རྩེ་མོ། དཔལ་གཏི་མུག་རྣམ་པར་དག་པའི་རྡོ་རྗེ། ཞང་ཉི་མ་འོད་ཡིན་མིན་བརྟག །དཔལ་རྡོ་རྗེ་གསང་བའི་ཡེ་ཤེས། བསྟན་བཟང་པ་རིན་ཅེན་རྣམ་རྒྱལ་ཡིན་མིན་བརྟག །བསམ་བརླིང་པ་སངས་རྒྱས་འབྱུང་བ། ཀུན་མཁྱེན་འཛིམས་པ་རིན་ཅེན་ཤེས་རབ། ཤར་པ་ཀུན་དགའ་སེང་གེ །འཛིམས་པ་རྒྱལ་མཚན་དཔལ་བཟང་། ཀུན་སྤངས་ཆོས་གྲགས་དཔལ། མ་ཏི་པཎ་ཆེན། ས་བཟང་འཕགས་པ། རྗེ་བཙུན་ཀུན་དགའ་བཟང་པོ། སྔགས་འཆང་ཆོས་དར་དཔལ། མཁན་ཆེན་དཀོན་ཅོག་ཚུལ་ཁྲིམས། རྗེ་བཙུན་སྒོ་རུམ་པ་ཆེན་
པོ། འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། རྩ་བའི་བླ་མ་འཇམ་མགོན་བསོད་ནམས་མཆོག་ལྡན། དེས་བདག་ཟ་ཧོར་གྱི་བནྡེ་ལའོ།
དགེ་ལུགས་ཀྱི་འཇིགས་བྱེད་ལྷ་བཅུ་གསུམ་གྱི་རས་བྲིས་ཀྱི་དཀྱིལ་འཁོར་གྱི་དབང་བཞི་སོགས་འཇིགས་བྱེད་ཆོས་སྐོར་སྣ་ཚོགས་ཀྱི་ལུང་བརྒྱུད།
སྒྲུབ་ཐབས་ཟ་མ་ཏོག་དང་བཅུ་གསུམ་མ་གསུམ་གྱི་དཀྱིལ་ཆོག་རིན་ཅེན་འཕྲེང་བ་ལ་བརྟེན་ནས་དགེ་ལུགས་ཀྱི་དཔལ་རྡོ་རྗེ་འཇིགས་བྱེད་ལྷ་བཅུ་གསུམ་གྱི་རས་བྲིས་ཀྱི་དཀྱིལ་འཁོར་དུ་དབང་བཞི་རྫོགས་པར་ནོས་པའི་བརྒྱུད་པ་ནི། རྡོ་རྗེ་འཇིགས་བྱེད། ཡེ་ཤེས་ཀྱི་མཁའ་འགྲོ་མ། ལ་ལཱི་ཏ་བཛྲ། ཨ་མོ་གྷ་བཛྲ། ཡེ་ཤེས་འབྱུང་གནས་སྦས་པ། པདྨ་བཛྲ། དཱི་པཾ་ཀ་ར་རཀྞི་ཏ། རྭ་ལོ་ཙཱ་བ་རྡོ་རྗེ་གྲགས། རབ་བྱུང་། རྭ་ལོ་ཆོས་རབ། རྭ་ཡེ་ཤེས་སེང་གེ །སྔགས་པ་གོས་དཀར་ལྕང་ལོ་ཅན། རྭ་འབུམ་སེང་། རྒྭ་ལོ་རྣམ་རྒྱལ་རྡོ་རྗེ། གོས་དཀར་ཅོ་བྲེག་ཅན། དེ་སྲས་རོང་པ་ཤེས་རབ་སེང་གེ །བོད་བཙུན། སྨན་དགེ་བ་ཡེ་ཤེས་དཔལ། ཆོས་རྗེ་དོན་གྲུབ་རིན་ཅེན། ཆོས་ཀྱི་རྒྱལ་པོ་བཙོང་ཁ་པ་ཆེན་པོ། མཁས་གྲུབ་དགེ་ལེགས་དཔལ་བཟང་། མཁས་གྲུབ་ཤེས་རབ་སེང་གེ །རྒྱུད་པ་སྦྱིན་པ་དཔལ་བ། རྩེ་པ་ཤེས་རབ་བཟང་པོ། རྗེ་ཆོས་སྐྱོང་རྒྱ་མཚོ། དྭགས་པོ་ནམ་མཁའ་གྲགས། རྗེ་ཉི་མ་བཀྲ་ཤིས། ཆོས་རྗེ་བདེ་ལེགས་ཉི་མ། ཤར་ཆེན་ནམ་མཁའ་རྒྱལ་མཚན། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་བསྩལ་ཏོ། །ཡང་ན་མཁས་གྲུབ་རྗེ་ནས། འཕགས་མཆོག་དོན་གྲུབ་རིན་ཅེན། པཎ་ཆེན་ངོ་མཚར་རྒྱ་མཚོ། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། རྗེ་ནམ་མཁའ་
བཟང་པོ། རྗེ་ཕ་བོང་ཁ་པ་མན་འདྲ། ཡང་ན་རོང་པ་ཤེས་སེང་ནས། བླ་མ་བསོད་ནམས་ལྷུན་གྲུབ། ཆོས་རྗེ་དོན་གྲུབ་རིན་ཅེན་མན་འདྲ། ཡང་ན་རོང་པ་ཤེས་རབ་སེང་གེ་ནས། བླ་མ་དཔལ་ལྡན་སེང་གེ །བུ་སྟོན་ཐམས་ཅད་མཁྱེན་པ། སྒྲ་ཚད་པ་རིན་ཅེན་རྣམ་རྒྱལ། མཁན་ཆེན་ལྕགས་རི་པ། མཁན་ཆེན་གྲགས་པ་ཤེས་རབ། རྗེ་སངས་རྒྱས་རིན་ཅེན། པཎ་ཆེན་ངོ་མཚར་རྒྱ་མཚོ་མན་གོང་བཞིན་ནོ། །རང་ལོ་དྲུག་པའི་དུས་ན་ཚོད་ཀྱི་དབང་བརྡ་འཕྲོད་པ་སོགས་མ་བྱུང་ཡང་བརྒྱུད་པའི་རྣམ་གྲངས་ཙམ་ལ། མཁས་གྲུབ་དགེ་ལེགས་དཔལ་བ་ནས། གཅུང་ཆོས་རྒྱལ་བ། བླ་མ་ཆོས་རྡོ་རྗེ། རྗེ་བློ་བཟང་དོན་གྲུབ། དབེན་ས་པ་སངས་རྒྱས་ཡེ་ཤེས། མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན། དེས་བདག་ལའོ། །རང་ལོ་བརྒྱད་པའི་དུས་འཇམ་དབྱངས་དཀོན་ཅོག་ཆོས་འཕེལ་ལ་ཞུས་པ་དབང་བརྡ་སོགས་ནི་ཡེ་མ་འཕྲོད། རྗེ་ཉིད་ཀྱིས་རྒྱལ་རི་ཁྲོད་ཀྱི་དགེ་སློང་ཁྱུང་པོ་ལ་གསན། དེས་རྡོ་རྗེ་འཆང་སྔགས་རམ་པ་ལ་གསན་འདྲ་གསུང་བ་ལས་ངེས་འདྲོང་མ་བྱུང་ངོ་། །རྡོ་རྗེ་འཇིགས་བྱེད་ཀྱི་སྔགས་བཏུའི་རྗེས་གནང་ཐོབ་པའི་བརྒྱུད་པ་ནི། སྨན་དགེ་བ་ཡེ་ཤེས་དཔལ་ཡན་གོང་ལྟར་ལ། དེ་ནས་ཆོས་རྗེ་དོན་གྲུབ་རིན་ཅེན། ཐམས་ཅད་མཁྱེན་པ་བཙོང་ཁ་པ་ཆེན་པོ། མཁས་གྲུབ་དགེ་ལེགས་དཔལ་བཟང་། ལྷ་བཙུན་རིན་ཅེན་བློ་གྲོས་རྒྱ་མཚོ། པཎ་ཆེན་ངོ་མཚར་རྒྱ་མཚོ། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། སློབ་དཔོན་ཆོས་གྲགས་འོད་ཟེར། ཆོས་རྗེ་ནམ་མཁའ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཀུན་མཁྱེན་ཆོས་
དབྱིངས་རང་གྲོལ། དེས་བདག་ལའོ། །མཁས་གྲུབ་དགེ་ལེགས་དཔལ་བཟང་གིས་མཛད་པའི་རྡོ་རྗེ་འཇིགས་བྱེད་ཀྱི་འཁྲུལ་འཁོར་གྱི་ཆོ་ག་ཁམས་གསུམ་ལས་རྣམ་པར་རྒྱལ་བའི་ཉི་འོད། དེ་ལ་མདོ་སྨད་པ་ཚ་ཁོ་དབོན་པོ་ངག་དབང་གྲགས་པས་ཐོག་དྲངས་དགེ་སློང་བཞི་སྡེས་གསེར་གྱི་མཎྜལ་བླ་གོས་དང་བཅས་ནས་གསོལ་བ་བཏབ་པའི་ངོར་དྲང་སྲོང་སྲིན་པོ་རིའི་གཙུག་ལག་ཁང་དུ་མཛད་པའི་འཁྲུལ་འཁོར་གྱི་སྦས་དོན་ཡིག་ཆུང་གི་འཕྲེང་བ་ཧ་ལའི་ལོ་འདབ། ཚ་ཁོ་དབོན་པོ་དང་བོན་པོ་ཐུག་པའི་དུས་ཕྱག་ལེན་མཛད་པ་རྣམས་ཉམས་སུ་མྱོང་བའི་མན་ངག་ཡང་ཆུང་ཟིན་བྲིས་སུ་བཀོད་པ། དེས་སྔགས་འཆང་རྡོ་རྗེ་དབང་ཕྱུག་གི་ངོར་མཛད་པའི་གཤིན་རྗེ་ནག་པོའི་འཁོར་ལོ་བལྟ་བ་ཚུལ་གྱི་མན་ངག་ཟིན་བྲིས་དང་བཅས་པ་རྣམས་ཀྱི་ལུང་ཕྱག་ལེན་ཞི་རྒྱས་དམར་ཁྲིད་དུ་ལེགས་པར་ཐོབ་པའི་བརྒྱུད་པ་ནི་སྨན་དགེ་བ་ཡེ་ཤེས་དཔལ་ཡན་སྔར་ལྟར་ལ། དེ་ནས་རྗེ་དོན་གྲུབ་རིན་ཅེན། རྒྱལ་བ་བཙོང་ཁ་པ་ཆེན་པོ། མཁས་གྲུབ་དགེ་ལེགས་དཔལ་བཟང་། རྗེ་དོན་གྲུབ་རིན་ཅེན། པཎ་ཆེན་ངོ་མཚར་རྒྱ་མཚོ། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བ་སོ་སྤྲུལ་སྐུ་ལྷ་དབང་ཆོས་ཀྱི་རྒྱ་མཚོ། གུང་རུ་དབྱངས་དཔོན་པོ་མཐུ་སྟོབས་གསང་བའི་དབང་ཕྱུག །རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ལ་བཀའ་དྲིན་དུ་སྩལ་ཏོ། །ཞ་ལུ་པ་ལེགས་པ་རྒྱལ་མཚན་གྱིས་མཛད་པའི་དྲུག་ཅུ་པའི་རྩ་ཚིག་ལ་བརྟེན་ནས་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་མཛད་པའི་དྲུག་ཅུ་པའི་རྣམ་གཞག་དམ་ཉམས་ཀྱི་སྲོག་
གཅོད་མཚོན་ཆ་འབར་བའི་འཁྲུལ་འཁོར། བཀའ་སྡོད་དམ་ཅན་རྣམ་གསུམ་གྱི་ཕྲིན་ལས་བསྐུལ་བ་མྱུར་མགྱོགས་དྲག་པོའི་ཕོ་ཉའི་ཡིག་ཆའི་ལུང་དང་ས་འཁོར་འདྲི་ལུགས་དང་གནམ་འཁོར་རྩིགས་ལུགས་ཀྱི་ཕྱག་འཁྲིད་དང་བཅས་པ་ཐོབ་པའི་བརྒྱུད་པ་ནི། ཞ་ལུ་པ་ལེགས་པ་རྒྱལ་མཚན་ནས། བླ་མ་གཉིས་གསུམ་ཞིག་མ་རྙེད། དེ་ནས་དབེན་ས་རབ་འབྱམས་པ་སངས་རྒྱས་ཡེ་ཤེས། མཁན་ཆེན་བློ་བཟང་ཆོས་ཀྱི་རྒྱལ་མཚན། དེས་བདག་ལའོ། །ལས་གཤིན་ཕྱི་ནང་གསང་གསུམ་ནི་འཇམ་དབྱངས་ཆོས་སྐོར་གྱི་ཆོས་ཚན་དུ་བཞུགས་ཤིང་བརྒྱུད་པའང་རྭ་པ་སོགས་ནས་མི་འདྲེན་འདུག་པས་འདིར་མ་སྨོས། གོང་གི་དབང་བརྒྱུད་དེང་སང་རྭ་ལུགས་ནས་འདྲེན་པ་ཀུན་ལ་གྲགས་ཤིང་འཇིགས་བྱེད་རྭ་ལུགས་ཡིན་པར་ཞལ་གྱིས་ཀྱང་འཆེས། རྭ་ལུགས་མིན་པར་བྱས་ན་འཇིགས་བྱེད་དེ་ངན་པར་སོང་དོགས་པའི་ངན་རྟོག་མཛད་མཁན་ཡང་མང་མོད། ཟ་མ་ཏོག་དང་བཅུ་གསུམ་མ་གསུམ་གྱི་དཀྱིལ་ཆོག་རྭ་ལོས་མཛད་པའི་མངོན་རྟོགས་རིམ་པ་ལྔ་དབང་གི་ཆུ་བོ་རྣམས་དང་མི་མཐུན་པས་རྭ་ལུགས་སུ་གཏན་ཚིགས་ལུང་རིག་གང་གིས་ཀྱང་མི་འགྲུབ་པས་ཁོ་བོ་ནི་དེ་ལྟར་ཡིན་ཞེས་ཁས་བླང་བར་མི་ནུས། གོང་དུ་དབང་བརྒྱུད་དེ་ལྟར་འདྲེན་པ་ནི་ཀུན་དང་མཐུན་ན་མི་ཆོས་རྩ་བ་ཡིན་ཞེས་པ་ལྟར་སྨོས་ལ། ཁོ་བོའི་བློ་གྲོས་ཀྱི་མིག་ཆུང་ངུ་ཞིག་གིས་བརྟགས་ཚེ་རྗེ་བཙུན་བཙོང་ཁ་པ་ཆེན་པོའི་དགེ་བའི་བཤེས་གཉེན་མགོན་པོ་འཇམ་དཔལ་དབྱངས་ཀྱིས་མཛད་པར་རྗེ་བཙུན་ཉིད་ཀྱི་ཞལ་གྱིས་ཀྱང་འཆེས་ཤིང་དོན་ལའང་གནས་པས་ཆོས་རྗེ་དོན་གྲུབ་རིན་ཅེན་ཡན་
བརྒྱུད་མི་དགོས་པར་བླ་མ་འཇམ་དབྱངས་ཀྱིས་རྗེས་སུ་གནང་བ་ཐོབ་པ་ལ་བརྟེན་ནས་མངོན་དཀྱིལ་མཛད་པ་ལས་རྭ་སྐྱོ་ཞང་མ་ལ་གཉོས་སོགས་བོད་ཀྱི་འཇིགས་བྱེད་མཁན་པོའི་རྗེས་སུ་འབྲངས་པ་མིན་པར་སེམས། ལྕགས་མཁར་ཟུར་བཅུ་དྲུག་པའི་དྲུག་ཅུ་པ་འདི་རྭ་ལོའི་ཐུགས་ལ་གབ་པའི་མཚོན་ཆ་སྔོན་ཆད་གཞན་ལ་མ་གྲགས་པའི་ཕྱོགས་ཤིག་འདུག་ཀྱང་བོད་སྔ་རབས་པའི་རྭ་ལུགས་པ་རྣམས་ལ་གྲགས་ཤིང་རྒྱ་ལྡོང་སོགས་ཟུར་དྲུག་པ་དང་ཕྱིའི་ཟུར་ལ་བརྟེན་ནས་ཟུར་དྲུག་པར་ངོས་འཛིན་པའང་ཡོད་མོད་དོན་ཕྱི་ནང་གཉིས་ཀ་དྲིལ་བའི་ཟུར་དགུ་པ་འདི་རཱ་ལུགས་ཀྱི་ཕྱག་ལེན་ཐུན་མོང་མ་ཡིན་པའོ། དགུ་པ་ལས་འདི་ལ་ཐུགས་གཙིགས་ཀྱང་མི་མཛད། མཁས་པ་དཔལ་འཛིན་ཟུར་དགུ་པ་དང་བཅུ་དྲུག་པ་གཉིས་ཀ་རྒྱུད་རྒྱ་གཞུང་གི་ཟིན་སོ་མེད་པར་མཛད་ཅིང་གོང་དཀར་རྡོ་རྗེ་གདན་པས་དཔེའུ་རིས་ནའང་བྲིར་མཛད་པས་སྙན་བརྒྱུད་མིན་འདྲ་ཞིང་། འདི་ལ་ཕྱག་ལེན་ཀྱང་རིགས་མི་གཅིག་པ་འགའ་ཞིག་འདུག་པ་དང་། དེང་སང་གཙང་ཕྱོགས་སུ་དར་བའི་ལུགས་དང་རབ་འབྱམས་པ་བསོད་ནམས་གྲགས་པའི་ལག་ལེན་ཐུན་མོང་མ་ཡིན་པར་གྲགས་པའི་ཟིན་བྲིས་འདྲ་ཡོད་འདུག་པ་རྣམས་ཀྱང་མི་མཐུན་པ་མང་ཞིང་སྤྱིར་རཱ་ཧུ་ལའི་ཕ་སྲིན་པོར་བཤད་པ་སོགས་རྣམ་པ་སྲིན་པོ་ལ་ངོ་བོ་སྡེ་བརྒྱད་དུ་གཏོགས་པ་ཡོད་ནའང་ལངྐ་མགྲིན་བཅུ་ཆོས་མངོན་པ་ནས་གཅིག་ན་སྲིན་པོ་དག་གནས་སོ་ཞེས་འཛམ་བུ་གླིང་གི་གླིང་ཕྲན་གཅིག་སྲིན་པོ་ཡིན་པར་བཤད་པའི་རྒྱལ་པོ་ཡིན་པས་མི་དང་རྗེས་སུ་མཐུན་པར་སྟོབས་དང་རྫུ་འཕྲུལ་ཅུང་ཟད་ཡོད་པ་ལས་བསྟན་པ་བསྲུང་ནུས་པའི་སྡེ་བརྒྱད་ལྟ་བུའི་མཐུ་སྟོབས་མེད་པ་རཱ་མ་ཎའི་གཏམ་རྒྱུད་ཀྱིས་ཀྱང་རྟོགས་ནུས། དྲང་ངེས་ཀྱི་བཤད་
པ་ལ་མཐའ་གཅིག་ཏུ་མ་ངེས་རུང་། རྒྱལ་བ་བཙོང་ཁ་པ་ཆེན་པོའི་གསང་བའི་རྣམ་ཐར་དུ་ཁྱབ་འཇུག །ཀླུ། ཤ་ཟ། རྒྱལ་པོ་སྟེ་ནག་པོའི་རིས་ཀྱི་སྡེ་བཞིས་མཐོ་འཚམས་པར་མཚན་བཅས་མཚན་མེད་ཀྱི་མཐུས་བཏུལ་བར་བཤད་པས་འདིའི་བཀའ་བསྲུང་ཐུན་མོང་མ་ཡིན་པ་ཡིན་ཚེ་ལྷ་བདུད་དུ་བབས་པ་ལྟ་བུའི་ཁུངས་དང་མ་འབྲེལ་བ་སོགས་ནས་དཔྱད་དཀའ་བར་སྣང་ངོ་། །དཔལ་རྡོ་རྗེ་འཇིགས་བྱེད་སྐྱོ་ལུགས་ལྷ་ཞེ་དགུ་མའི་རས་བྲིས་ཀྱི་དཀྱིལ་འཁོར་དུ་དབང་བཞི་ཐོབ་པའི་བརྒྱུད་པ་ནི། རྡོ་རྗེ་འཇིགས་བྱེད། ཡེ་ཤེས་ཀྱི་མཁའ་འགྲོ་མ། ལ་ལཱི་ཏ་བཛྲ། ཨ་མོ་གྷ་བཛྲ་ཆེ་ཆུང་གཉིས། སྐྱོ་འོད་ཀྱི་འབྱུང་གནས། གཙང་པ་ཡང་དག་འབར། གཙང་པ་ཡང་དག་རྡོ་རྗེ། རྔོག་རྡོ་རྗེ་རྒྱལ་པོ། གཟེ་པ་དོན་གྲུབ་སེང་གེ །ཁམས་པ་ཤཱཀྱ་རྡོ་རྗེ། དབུས་པ་སངས་རྒྱས་འབུམ། ཆོས་ཀྱི་རྒྱལ་པོ་འཕགས་པ་རིན་པོ་ཆེ། ཞང་སྟོན་རིན་ཅེན་དཔལ། བླ་མ་བསོད་ནམས་འབུམ། བག་སྟོན་གཞོན་ནུ་ཚུལ་ཁྲིམས། ས་བཟང་པཎ་ཆེན། འདན་སྟོན་པུ་ཎྱ་ཛྙཱ་ན། བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། སྔགས་འཆང་ཡོན་ཏན་རྒྱ་མཚོ། བླ་མ་དཔལ་འབྱོར་རྒྱ་མཚོ། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་སྩལ་ཏོ། །ཡང་སྐྱོ་འོད་འབྱུང་ནས། སྐྱོ་འཇམ་དཔལ། སྐྱོ་པདྨ། སྐྱོ་ཁམས་ལུང་པ། གཉན་རིན་ཅེན་བརྟན་པ། གཉན་འོད་སྲུངས། གཉན་ཆོས་རྒྱལ། འཕགས་པ་རིན་པོ་ཆེ་མན་འདྲ། ཡང་ན་
འཕགས་པ་རིན་པོ་ཆེ་ནས། གློ་ཆེན་སངས་རྒྱས་སྲས་བག་སྟོན་གཞོན་ཚུལ་མན་གོང་བཞིན་ནོ། །བླ་མ་སྐྱོ་ཡབ་སྲས་ནས་བརྒྱུད་པའི་ཟབ་ཅིང་རྒྱ་ཆེ་བའི་རྭ་རྩ་སེམས་འདིའི་སྨིན་བྱེད་ལྷ་བཅུ་བདུན་མ་ཡིན་ཡང་དེང་སང་དབང་རྒྱུན་བོད་དུ་མ་རྙེད། འཛིན་གྱི་འཁྲིད་གློ་བོ་མཁན་ཆེན་ལེགས་འབྱུང་བའི་གསུང་རྒྱུན་བཞིན་ལ་ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་སྟེང་ནས་ཉམས་འཁྲིད་དང་། ཡིག་ཆ་དེ་ཉིད་ཀྱི་ལུང་ནོས་པའི་བརྒྱུད་པ་ནི། ཡེ་ཤེས་ཀྱི་མཁའ་འགྲོ་མ། ལ་ལཱི་ཏ་བཛྲ། སློབ་དཔོན་འཇམ་དཔལ་བཤེས་གཉེན། ཨ་མོ་གྷ་བཛྲ། དོན་ཡོད་རྡོ་རྗེ། སྐྱོ་སྟོན་འོད་འབྱུང་། སྐྱོ་སྟོན་སྐུ་མཆེད། སྐྱོ་ཁམས་པ་གཉན་སྟོན་རིན་ཅེན་བརྟན། དེ་སྲས་འོད་སྲུངས། གཉན་སྟོན་ཆོས་རྒྱལ། འཛིམས་པ་རིན་ཅེན་ཤེས་རབ། འཇམ་དབྱངས་འཁོན་སྟོན་ཐུགས་རྗེ་རིན་ཅེན། འཇམ་དབྱངས་བཞི་ཐོག་པ་རིན་ཅེན་རྒྱལ་མཚན། བླ་མ་ཆ་གན་དབང་རྒྱལ། བླ་མ་ཀློག་སྐྱ་པ། བླ་མ་གྲགས་འཇམ་དབྱངས་མཁྱེན་བརྩེའི་གསན་ཡིག་ན་ཀློག་སྐྱ་གྲགས་ཆེན་པ་ཞེས་གཅིག་ཏུ་བྲིས་འདུག་པ་ཡིག་སྐྱོན་བྱུང་ངམ་བརྟག་ཅིང་ཐར་རྩེ་སྒྲུབ་ཁང་ཤར་པ་གསུམ་གྱི་གསན་ཡིག་བླ་མ་གྲགས་ཆེན་པའི་ཚབ་ཏུ་སྤང་ཁང་པ་གྲགས་པ་དཔལ་ཟེར་བ་འདུག་པ་དཔྱད། ཆེན་པ། ཀུན་མཁྱེན་གངས་ཁྲོད་པ། ས་བཟང་མ་ཏི་པཎ་ཆེན། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། པཎ་ཆེན་གྲགས་པ་རྒྱལ་མཚན། འཇམ་དབྱངས་བསོད་ནམས་ལྷུན་གྲུབ། ངོར་ཆེན་དཀོན་ཅོག་ལྷུན་གྲུབ། རྗེ་སངས་རྒྱས་སེང་གེ །རྗེ་བཙུན་བྲང་ཏི་ནམ་མཁའ་དཔལ་བཟང་། རྩེ་གདོང་བདག་ཆེན་ཀུན་དགའ་བསོད་ནམས་ལྷུན་གྲུབ། ལོ་པ་སྤྱན་སྔ་ཀུན་དགའ་དོན་གྲུབ། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །རྒྱུད་རྟོག་པ་བདུན་པ་དང་རྟོག་པ་གསུམ་པ་སྐྱོ་ལོ་ཙཱ་བས་བསྒྱུར་བའི་བརྒྱུད་པ་ནི། སངས་རྒྱས། འཇམ་
དཔལ། ཛྙཱ་ན་ཌཱ་ཀི །ལ་ལཱི་ཏ་བཛྲ། དོན་ཡོད་རྡོ་རྗེ་ཆེ་ཆུང་གཉིས། སྐྱོ་འོད་འབྱུང་། སྐྱོ་འཇམ་དཔལ། སྐྱོ་པདྨ། སྐྱོ་ཁམས་པ། གཉན་རིན་ཅེན་བརྟན། གཉན་འོད་སྲུངས། གཉན་ཆོས་རྒྱལ། གློ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ། གངས་ཁྲོད་པ་གྲགས་པ་དཔལ། མ་ཏི་པཎ་ཆེན། ས་བཟང་འཕགས་པ། བླ་མ་འཇམ་དབྱངས་གྲགས་པ། རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། འདྲེན་མཆོག་རཏྣ་ཝརྦྷ། རྗེ་ལྷ་མཆོག་སེང་གེ །ཆོས་རྗེ་བདེ་ལེགས་བཤེས་གཉེན། པཎ་ཆེན་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་གོ །ཡང་ན་སྐྱོ་འོད་འབྱུང་ནས། གཙང་ཡང་དག་འབར། གཙང་ཡང་དག་རྡོ་རྗེ། རྔོག་རྡོ་རྗེ་རྒྱལ་པོ། གཟེ་པ་དོན་གྲུབ་ཡེ་ཤེས། ཁམས་པ་ཤཱཀྱ་རྡོ་རྗེ། སྲས་ཆོས་གྲགས། དབུས་པ་སངས་རྒྱས་འབུམ། ལོ་མཆོག་པ། གློ་ཆེན་པ་མན་འདྲ། འཇིགས་བྱེད་ལྷ་དགུ་མ་ས་ལུགས་ཀྱི་དབང་མ་ཐོབ་ཅིང་། ཟུར་བཀའི་དཔའ་གཅིག་གི་རྗེས་གནང་བོད་ཀྱི་བློས་བྱས་མ་ཡིན་པ་ཁུངས་བཙུན་གྱི་བརྒྱུད་པ་ནི། རྡོ་རྗེ་འཆང་། བཛྲ་པཱ་ཎི། ས་ར་ཧ། ཀླུ་སྒྲུབ། ཤ་པ་རི། ལཱུ་ཧི་པ། དྷ་རི་ཀ་པ། དྲིལ་བུ་པ། རུས་སྦལ་ཞབས། འབར་འཛིན། ཀརྞ་པ། གུ་ཧྱ་པ། རྣམ་རྒྱལ་ཞབས། ཏཻ་ལོ་པ། ནཱ་རོ་པ། ཕམ་ཐིང་པ་སྐུ་མཆེད། མལ་ལོ། རྗེ་བཙུན་ཡབ་སྲས་གསུམ། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། གན་པ་རིན་རྒྱལ། བླ་མ་དམ་པ། བྱང་ཆུབ་དཔལ། ཤར་ཆེན། རྡོ་རྗེ་འཆང་། མུས་ཆེན། བདག་ཆེན་རྡོ་རྗེ་འཆང་། སངས་རྒྱས་དཔལ། སྒོ་རུམ་པ། རྗེ་མཁྱེན་བརྩེ་ཁུ་དབོན་གཉིས། ཁྱབ་བདག་ཞ་ལུ་པ། དེས་བདག་ལའོ། །རྒྱ་གར་གྱི་གྲུབ་པའི་འཁོར་ལོས་སྒྱུར་པ་སློབ་དཔོན་དཔལ་འཛིན་གྱིས་ལེགས་པར་བཀྲལ་བའི་བཅོམ་ལྡན་འདས་འཇམ་དཔལ་གཤིན་རྗེ་གཤེད་
དམར་པོ་ལྷ་བཅུ་གསུམ་གྱི་རས་བྲིས་ཀྱི་དཀྱིལ་འཁོར་ཆེན་པོར་ཐམས་ཅད་མཁྱེན་པ་བཙོང་ཁ་པ་ཆེན་པོས་མཛད་པའི་དཀྱིལ་ཆོག་གི་སྟེང་ནས་དབང་བཞི་ལེགས་པར་ཐོབ་པའི་བཀའ་བབས་དང་པོ་ཆག་ལུགས་ཀྱི་བརྒྱུད་པ་ནི། རྡོ་རྗེ་འཆང་། གྲུབ་པའི་འཁོར་ལོས་སྒྱུར་བ་དཔལ་འཛིན། སྔོན་ལྷ་དང་ལྷ་མིན་འཐབས་པ་ན་ལྷ་ཕྲུག་གཅིག་མགོ་ཆད་པ་གཟིགས་པ་ན་རང་གི་དབུ་བཅད་ནས་སྦྱར་ཏེ་གསོས། མ་ཧེ་ཤི་བའི་མགོར་རང་ལ་སྦྱར་ནས་དགེ་སློང་གི་ལུས་ལ་མ་ཧེའི་དབུ་ཅན་ཆོས་མ་ཧེའི་ཞལ་ནས་གསུང་པ་ཆང་འོ་མར་བསྒྱུར་བ་ཐོད་པར་བླུག །མགོ་བཅད་པའི་གྲི་གུག་ཕྱག་ན་བསྣམས་པ་ཞིག་རི་མོར་འབྲི་སྲོལ་སྣང་ངོ་། །བི་ར་ཌི་པ། མ་ཏི་པ། ནི་སྐ་ལཾ་ཀ །རེ་ཝེནྡྲ་པྲ་བྷ་ཝ། ཆག་ལོ་ཙཱ་བ་ཆོས་རྗེ་དཔལ། གཡུང་ཕུག་པ་རྒྱལ་མཚན་དགེ་བ། ཤོང་ལོ་ཙཱ་བ་བློ་གྲོས་བརྟན་པ། ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཐུགས་སྲས་ལོ་ཙཱ་བ་རིན་ཅེན་རྣམ་རྒྱལ། མཉམ་མེད་གྲགས་པ་རྒྱལ་མཚན། དྭགས་པོ་ཀུན་དགའ་བཀྲ་ཤིས། པཎ་ཆེན་བཟང་པོ་བཀྲ་ཤིས། རོང་སྟོན་བློ་བཟང་གྲགས་པ། ཐོན་པ་མཁས་བཙུན་ཡོན་ཏན་རྒྱ་མཚོ། སློབ་དཔོན་ལྕང་ལྡུར་བ། ར་ཚག་པ་བློ་བཟང་ཨེ་ཝཾ། སྲས་ཁང་སྔགས་རམ་པ་བཟང་པོ་རྣམ་རྒྱལ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །བཀའ་བབས་གཉིས་པ་དཱ་ན་ཤཱི་ལ་ལུགས་ཀྱི་བརྒྱུད་པ་ནི། གཤིན་རྗེ་གཤེད། གྲུབ་ཐོབ་དཔལ་འཛིན། དཔེ་མེད་འཚོ། རིན་ཅེན་འབྱུང་གནས་ཞི་བ། ཆོས་ཀྱི་འབྱུང་གནས་ཞི་བ། འདྲེན་མཛད་ཞབས། རྣམ་གྲགས་ལྷ། པཎ་ཆེན་ཤཱཀྱ་ཤྲཱི། པཎ་ཆེན་
དཱ་ན་ཤཱི་ལ། གཡག་སྡེ་ལོ་ཙཱ་བ་བསོད་ནམས་སེང་གེ །མངའ་རིས་པ་རྗེ་བཙུན་བཙོང་ཁ་པ་ཆེན་པོའི་གསན་ཡིག་ཏུ་འདི་གཉིས་སོ་སོར་འཕྲལ་འདུག་པ་ཡིག་སྐྱོན་བྱུང་འདྲ། སངས་རྒྱས་ཡེ་ཤེས། བུ་སྟོན་ཐམས་ཅད་མཁྱེན་པ་མན་གོང་ལྟར་རོ། །བཀའ་བབས་གསུམ་པ་གློ་བོ་ལུགས་ཀྱི་བརྒྱུད་པ་ནི། གཤིན་རྗེ་གཤེད། གྲུབ་ཆེན་དཔལ་འཛིན། མ་ཏི་པ། དཪྤན་ཨཱ་ཙཪྻ། གློ་བོ་ལོ་ཙཱ་བ་ཤེས་རབ་རིན་ཅེན། བླ་མ་ས་པ། ལོ་ཙཱ་བ་མཆོག་ལྡན་མན་ཆག་ལུགས་བཞིན་ནོ། །གཤེད་དམར་ལྷ་བཅུ་གསུམ་མའི་སྒྲུབ་ཐབས་རྣལ་འབྱོར་བཞི་གསལ་བའི་བརྒྱུད་པ་ནི། ཆོས་རྗེ་ཡབ་སྲས། ལྕེ་ནམ་མཁའི་མཚན་ཅན། ཙནྡྲ་པ། འཁྲུལ་ཞིག་རྗེ། མཁྱེན་རབ་རྗེ། རིན་ཅེན་རྒྱལ་པོ། དོན་གྲུབ་རྒྱལ་མཚན། བཀྲ་ཤིས་རྒྱལ་མཚན། ཀུན་དགའ་བཀྲ་ཤིས། དཀོན་ཅོག་རྒྱལ་མཚན་མཁན་ཆེན་ཞ་ལུ་པ། དེས་བདག་ལའོ། །བླ་ན་མེད་པའི་རྒྱུད་ཀྱི་རྒྱལ་པོ་ཐམས་ཅད་ཀྱི་སྙིང་པོའི་ཡང་སྙིང་རྒྱུད་དང་མན་ངག་གི་དགོངས་པ་བཞིན་གྲུབ་པའི་འཁོར་ལོས་སྒྱུར་བ་རྣལ་འབྱོར་གྱི་དབང་ཕྱུག་དཔལ་ལྡན་ཆོས་སྐྱོང་གིས་ལེགས་པར་བཀྲལ་བའི་གདམས་པ་སྙིགས་དུས་ཀྱི་ཚེ་ཐུང་གཅིག་ལ་དབང་པོ་ཡང་རབ་ཀྱི་སྐལ་ལྡན་རྣམས་གྲོལ་བར་བྱེད་པ་ཤིན་ཏུ་སྤྲོས་པ་མེད་པའི་དེ་ཁོ་ན་ཉིད་ཀྱི་སྔོན་འགྲོ་སྨིན་བྱེད་གཤིན་རྗེ་གཤེད་དམར་པོ་ལྷ་ལྔའི་རས་བྲིས་ཀྱི་དཀྱིལ་འཁོར་དུ་མངོན་རྟོགས་བདུད་རྩིའི་བུམ་པ་དང་དཀྱིལ་ཆོག་བདུད་རྩིའི་ཆུ་རྒྱུན། ལྷན་ཐབས་ཀུན་མཁྱེན་མཁྱེན་བརྩེས་མཛད་པ་གསུམ་ལ་བརྟེན་ནས་དབང་བཞི། ཡིག་སྙིང་གི་ཐོག་ནས་སྤྲོས་མེད་ཀྱི་བྱིན་རླབས། ཀུན་མཁྱེན་བུས་མཛད་པའི་འཇུག་བདེ་གསལ་
བའི་སྟེང་ནས་འོད་གསལ་འཆར་བའི་བྱིན་རླབས། ཐེག་ཆེན་རིན་པོ་ཆེས་མཛད་པའི་གསལ་བྱེད་སྒྲོན་མའི་སྟེང་ནས་བདུད་རྩིའི་བྱིན་རླབས། གྲོལ་བྱེད་ཀྱི་ལམ་ལ་ཤིན་ཏུ་སྤྲོས་པ་མེད་པ་དེ་ཁོ་ན་ཉིད་གློ་བོ་ལོ་ཙཱ་བ་ཆེན་པོའི་འཁྲིད་ཡིག་མན་ངག་སྙན་བརྒྱུད་ཀྱིས་ལེགས་པར་བརྒྱན་པའི་རྡོ་རྗེ་འཆང་ཚར་པ་ཆོས་རྗེའི་གསུང་ལ་འཇམ་དབྱངས་མཁྱེན་བརྩེས་ཟིན་བྲིས་སུ་མཛད་པའི་སྟེང་ནས་ཉམས་འཁྲིད་སྨིན་རྒྱས་རྣམས་ནོས་ནས། རྒྱབ་རྟེན་ལུང་ལ། རྣལ་འབྱོར་དབང་ཕྱུག་བིཪྺས་མཛད་པའི་ཤིན་ཏུ་སྤྲོས་པ་མེད་པའི་དེ་ཁོ་ན་ཉིད་ཀྱི་མན་ངག་རྒྱ་གར་གྱི་མཁན་པོ་དཪྤན་ཨཱ་ཙཪྻ་དང་གློ་བོ་ལོ་ཙཱ་བ་ཤེས་རབ་རིན་ཅེན་གྱིས་བསྒྱུར་བ། དེས་མཛད་པའི་བྱིན་གྱིས་བརླབ་པའི་མན་ངག་འོད་གསལ་འཆར་བའི་རིམ་པ་རྒྱ་གར་གྱི་མཁན་པོ་རེ་ཝནྡྲ་དང་ཆག་ལོ་ཙཱ་བ་ཆོས་རྗེ་དཔལ་གྱིས་བསྒྱུར་བ། གློ་བོ་ལོ་ཙཱའི་འགྱུར་ཞིག་ཀྱང་ཡོད་སྐད། དེས་མཛད་པའི་བདུད་རྩི་ལྔའི་བྱིན་གྱིས་བརླབ་པའི་རིམ་པ་༼ཨ༽དཪྤན་ཨཱ་ཙཪྻ་དང་ལོ་ཙཱ་བ་ཞེ་སྡང་རྡོ་རྗེས་བསྒྱུར་བ། ཤིན་ཏུ་སྤྲོས་མེད་ཀྱི་རྣལ་འབྱོར་ཉམས་སུ་བླང་བའི་རིམ་པ་ས་སྐྱོང་བའི་མངའ་བདག་ཇོ་ཇོ་དགེ་སློང་གི་ཆེད་དུ་གློ་བོ་ལོ་ཙཱ་བས་མཛད་པ། །དེས་མཛད་པའི་བིཪྺ་པའི་རྣམ་རྟོག་འོད་གསལ་གྱི་ལམ་འཁྲིད་དཪྤན་ཨཱ་ཙཪྻའི་ཞབས་ཀྱི་མན་ངག །དེས་མཛད་པའི་སེམས་བསྐྱེད་པའི་ཐབས་དྲུག་པོ་འདི་ནི་རྗེ་བཙུན་འཇམ་དཔལ་དབྱངས་ཀྱི་མན་ངག་སློབ་དཔོན་བིཪྺ་པའི་ཐུགས་ཀྱི་དགོངས་པ་ཤིན་ཏུ་སྤྲོས་པ་མེད་པའི་དེ་ཁོ་ན་ཉིད་ཀྱི་མན་ངག །དེས་མཛད་པའི་སེམས་བསྐྱེད་དྲུག་པོ་དེ་རིམ་གྱིས་སམ་ཅིག་ཅར་ཉམས་སུ་ལེན་ཚུལ།
དེས་མཛད་པའི་བསྐྱེད་རྫོགས་གཉིས་བསྒོམ་པའི་བར་གཅོད་སེལ་ཐབས། དེས་མཛད་པའི་གཞན་ཡང་བདུད་ལ་སོགས་པའི་བར་གཅོད་དངོས་གྲུབ་ཏུ་བླང་ཐབས་བླ་མའི་མན་ངག་ཤར་ཆེན་ཡེ་ཤེས་རྒྱལ་མཚན་གྱི་གསུང་བཞིན་རྒྱུད་གསུམ་ངོར་ཆེན། པས་ངོར་ཆེན་སྡེ་སྣོད་འཛིན་༼ཐར༽པ་ཆོས་རྒྱལ་དཔལ་བཟང་གིས་བསྐུལ་བའི་ངོར་མཛད་པའི་སྤྲོས་མེད་མཛེས་རྒྱན། ཞལ་གདམས་ཐོར་བུའི་སྐོར་ལ། བིཪྺ་པས་མཛད་པའི་ཤིན་ཏུ་སྤྲོས་མེད་དེ་ཁོ་ན་ཉིད་མན་ངག་གི་དོན་འགྲེལ་བཙུན་པ་ཤེས་རབ་མིང་ཅན་གྱིས་མཛད་པ། བླ་མ་རྒྱལ་མཚན་དཔལ་གྱིས་རང་གི་སློབ་མ་རྣམས་ལ་ཞལ་ཏ་མཛད་པ། ཤེས་རབ་མིང་ཅན་གྱིས་མཛད་པའི་མེ་ཐབས་དྲུག་འཆིངས། དེ་མཛད་པའི་གེགས་སེལ། མང་མཁར་བས་བཀོད་པའི་ཐོ་རྩེ། འགོར་བདག་ཉིད་བཅོམ་ལྡན་འདས་ཡབ་ཡུམ་ཞེས་ཡོད་པའི་སྔོན་འགྲོའི་མན་ངག །བདག་བྱིན་བརླབ་ཀྱི་ལག་ལེན་གུད་ན་ཡོད་གསུང་བ། རྡོ་རྗེ་འཇིགས་བྱེད་སྦྱོར་བ་བླ་མས་བསྟན་པ་དེ་འདི་ཡིན་ནོ་གསུང་ངོའི་མཐའ་ཅན། རྟེན་འབྲེལ་རྫས་ཀྱི་ཞལ་ཤེས་མཁའ་འགྲོ་རྣམས་ལ་གསོལ་བ་བཏབ་ནས་ལོ་མཆོག་པས་ཡི་གེར་བཀོད་པ། དེས་བཀོད་པའི་བར་དུ་གཅོད་པའི་གེགས་སེལ་བའི་གཞུང་གི་ཐེམས་ཡིག །རྣལ་འབྱོར་བཞིའི་གཞུང་གི་ཐེམས་ཡིག་དབང་ཕྱུག་བརྩོན་འགྲུས་ཀྱིས་ཡི་གེར་བཀོད་པ། བླ་མ་དཔལ་ལྡན་སེང་གེས་མཛད་པའི་འོད་གསལ་འཆར་བའི་རིམ་པའི་གདམས་ངག་ཅེས་པ་བྱིན་རླབས་ཀྱི་ཡི་གེ །ཐེག་ཆེན་རིན་པོ་ཆེས་མཛད་པའི་རྟེན་འབྲེལ་རྫས་ཀྱི་རྣལ་འབྱོར་རམ་བྱིན་རླབས་གསལ་བར་བྱེད་པའི་སྒྲོན་མ། དེས་མཛད་པའི་བཅུད་ལེན་གྱི་མན་ངག་
བུ་སྟོན་ཐམས་ཅད་མཁྱེན་པས་མཛད་པའི་གཤིན་རྗེ་གཤེད་དམར་པོ་ལྷའི་བདག་ཉིད་ཅན་གྱི་དཀྱིལ་འཁོར་ཀྱི་མངོན་པར་༼ར༽རྟོགས་པ་གཤིན་རྗེ་ཀུན་འཇོམས། དེའི་དཀྱིལ་འཁོར་གྱི་ཆོ་ག་སྙིང་པོའི་ཉེ་༼ར༽བར་བསྡུས་ནས་བདེ་བླག་ཏུ་འཇུག་པ། དེས་མཛད་པའི་འོད་༼ར༽གསལ་འཆར་བའི་བྱིན་རླབས་འཇུག་བདེ་གསལ་བ། དེས་མཛད་པའི་མཆོད་པའི་༼ར༽ཆོ་ག་མཆོད་སྤྲིན་བསམ་ཡས། དེས་མཛད་པའི་༼ར༽ལས་བཞིའི་སྦྱིན་སྲེག །༼ར༽དེས་མཛད་པའི་གཤིན་རྗེ་གཤེད་ཀྱི་གཏོར་མ་༼ར༽དྲུག་ཅུ་རྩ་བཞི་པའི་ཆོ་གའི་ལག་ལེན་བྱ་ཚུལ། ཚར་ཆེན་གྱིས་མཛད་པའི་སྤྲོས་མེད་༼ངྷཱི༽རྒྱུན་གྱི་རྣལ་འབྱོར་ཡེ་ཤེས་གསལ་བའི་སྒྲོན་མེ། ཚར་ཆེན་གྱི་གསུང་འཇམ་དབྱངས་མཁྱེན་བརྩེའི་དབང་ཕྱུག་གིས་ཟིན་བྲིས་སུ་༼ང༽མཛད་པའི་འཁྲིད་ཡིག །དེའི་ཞལ་བྱང་དུ། གསང་ཆེན་ཐབས་རྒྱུད་གཤིན་རྗེ་ཐར་བྱེད་ལམ། །གྲུབ་ཆེན་བིཪྺའི་བཞེད་གཞུང་ཟབ་མོའི་དོན། །བརྩེ་ཆེན་བླ་མ་དམ་པའི་གསུང་གི་བཅུད། །དོན་ཆེན་ཚེ་འདིར་འགྲུབ་པའི་ཞལ་ལུང་འདི། །འདི་དང་ཕྱི་མའི་དོན་ཆེན་དྲན་གྱིས་ལ། །ལ་འུར་ཉམས་སུ་ལེན་ལ་མ་འབད་ན། །ན་རྒ་འཆི་སྐྱེའི་སྡུག་བསྔལ་བཟོད་དམ་ཅི། །ཇི་ལྟར་སོང་ཡང་ཉམས་ལན་གནད་དུ་ཐོང་། །བདེན་གསུང་གསུང་གི་གསང་བ་བླ་ན་མེད། །གང་ཟིན་ཟིན་བྲིས་བགྱིས་པའི་ལེགས་བཤད་འདི། །བརྗེད་ངས་མུན་པའི་སྨག་རུམ་དཔྱིས་འབྱིན་ཕྱིར། །ཉམས་རྟོགས་པད་དཀར་བཞད་པའི་ཉི་མ་ལགས། །ཞེས་པ་སྣང་ངོ་། །ཚར་ཆེན་ཆོས་ཀྱི་རྒྱལ་པོའི་གསུང་ལ་ཀུན་མཁྱེན་མཁྱེན་བརྩེའི་དབང་ཕྱུག་གིས་ཟིན་བྲིས་
མཛད་༼དབང༽པའི་བསྐྱེད་རིམ་གྱི་རྣམ་བཤད་འཁྲུལ་པ་ཟབ་ལམ་ཐུན་གཅིག་གིས་དབྱིངས་སུ་སྦྱོང་བ་བླ་མའི་ཐུགས་བཅུད། འདི་སྐོར་ཤིན་ཏུ་ཟབ་པའི་སློབ་བཤད་ཡིན་པས་ཇི་སྐད་དུ། རང་གི་ངོ་བོ་གང་དུ་མ་གྲུབ་ཀྱང་། །དུ་མར་འཆར་བའི་སེམས་ཉིད་ཡིད་བཞིན་ནོར། །ལམ་བྱེད་རྣམ་བཞིས་མངོན་དུ་བྱེད་པ་འདི། །ས་སྐྱའི་བླ་ཆེན་ཁོ་ནའི་ཁྱད་ཆོས་ཡིན། །དེ་གསུང་འཛིན་པ་ཕལ་ཆེར་ཚོགས་བཤད་སྦུན་པས་གཡེངས། །ལ་ལ་སྨྲས་ཚད་གཏམ་དུ་སོང་བའི་མུ་ཅོར་མཁན། །སློབ་བཤད་སྙན་བརྒྱུད་ལྷུག་པར་སྩོལ་བའི་དྲིན་ཅན་རྗེ། །བློ་གསལ་ཞབས་ལ་སྙིང་ནས་འདུད་དོ་རིང་དུ་སྐྱོང་། །ཞེས་པ་ལྟར་སྙིང་གི་དཔལ་བེའུར་བཅང་བའི་གནས་སོ། །ཁྱབ་བདག་ཞ་ལུ་བས་མཛད་པའི་གཤེད་དམར་གྱི་མངོན་དཀྱིལ་ཕྱག་ལེན་ཆུ་བབས་སུ་བཀོད་པ་སློབ་མ་སྟ་གོན་ཟུར་དུ་བཀོལ་བ་དང་བཅས་པ། དེ་ལྟར་ནོས་པའི་དབང་བརྒྱུད་བཀའ་བབས་དང་པོ་དཔྱལ་ལུགས་ནི། བཅོམ་ལྡན་འདས་གཤིན་རྗེའི་གཤེད། རྣལ་འབྱོར་དབང་ཕྱུག་བིཪྺ་པ། གྲུབ་ཆེན་ཌོམྦྷི་ཧེ་རུ་ཀ །གྲུབ་ཆེན་བི་ར་ཌི་པ། དགེ་སློང་བྱེ་བའི་ཤམ་ཐབས་ཅན་ཟེར། མ་ཏི་གརྦྷ། བློ་གྲོས་སྙིང་པོ། གམྦྷི་ར་མ་ཏི། རྡོ་རྗེ་གདན་པ་ཆེན་པོ་ནི་སྐ་ལཾ་ཀ་དེ་ཝ། དཔྱལ་ལོ་ཙཱ་བ་ཆོས་བཟང་། རྒྭ་ལོ་རྣམ་རྒྱལ་རྡོ་རྗེ། ཐར་རྩེ་བའི་གསན་ཡིག་ན་དཔྱལ་བས་རྒྭ་ལོ་ལ་བུམ་དབང་ཡན་ཆད་ལས་མ་གནང་བས་རྒྭ་ལོས་འཇམ་གསར་བ་ལ་དབང་གོང་མ་གསུམ་གསན་ནས་མཛད་ཅེས་སྣང་བ་བརྟག །དེ་སྲས་རོང་པ་ཤེས་རབ་སེང་གེ །བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཇོ་ནང་པ་ཕྱོགས་ལས་རྣམ་རྒྱལ། ཤར་ཆེན་ཡེ་ཤེས་རྒྱལ་མཚན། རྡོ་རྗེ་
འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ་དཀོན་ཅོག་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་རྡོ་རིང་པ་ཆེན་པོ། དུས་དགྲའི་དབང་པོ་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲིན་ཅན་བླ་མ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་གྱི་བནྡེ་ལ་སྩལ་ཏོ། །ཡང་ན་རོང་པ་ཤེས་རབ་སེང་གེ་ཡན་གོང་ལྟར་ལ། དེ་ནས་སྐྱི་སྟོན་གྲགས་པ་རྒྱལ་མཚན། ཀུན་མཁྱེན་ཤེས་རབ་རྒྱལ་མཚན། ཇོ་ནང་ཕྱོགས་ལས་པ། ཤར་ཆེན་པ། ངོ་ཆེན། མུས་ཆེན། ཀུན་མཁྱེན་སངས་རྒྱས་འཕེལ། འཇམ་དབྱངས་ཀུན་དགའ་ཆོས་བཟང་། རྗེ་ནོར་བུ་ཕུན་ཚོགས། ཆོས་ལུང་ཤར་གླིང་པ་ཀུན་བཟང་མཐུ་སྟོབས་དཔལ་འབར། འཇམ་དབྱངས་མཁྱེན་བརྩེ་མན་འདྲ། བཀའ་བབས་གཉིས་པ་ཆག་ལུགས་ཀྱི་བརྒྱུད་པ་ནི། གཤིན་རྗེ་གཤེད། གྲུབ་ཆེན་བིཪྺ་པ། ཌོམྦྷི་ཧེ་རུ་ཀ །གྲུབ་ཆེན་དཔལ་འཛིན། རྗེ་བཙུན་བཙོང་ཁ་པའི་གསན་ཡིག་ན་འདི་མི་འདུག །བི་ར་ཌི་བ། གམྦྷི་ར་མ་ཏི། ནི་སྐ་ལཾ་ཀ་དེ་ཝ། པཎ་གྲུབ་རེ་ཝེནྡྲ་པྲ་བྷ་ཝ། ཆག་ལོ་ཙཱ་བ་ཆོས་རྗེ་དཔལ། གྲོ་ལུང་པ་མདོ་སྡེ་དཔལ། ཤོང་ལོ་ཙཱ་བ་བློ་གྲོས་བརྟན་པ། མང་མཁར་ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ་མན་གོང་ལྟར་རོ། །ཡང་ན་ཆག་ལོ་ནས། གཡུང་ཕུག་པ་རྒྱལ་མཚན་དགེ་བ། ཤོང་བློ་གྲོས་བརྟན་པ་མན་འདྲ། ཡང་ན་ལོ་ཙཱ་བ་མཆོག་ལྡན་ནས། བླ་མ་བསོད་ནམས་དབང་ཕྱུག །བྱ་སྡེར་བ་བྱང་ཆུབ་རིན་ཅེན། ར་ག་བྲག་པ་ཤཱཀྱ་
སེང་གེ །རྗེ་ཕྱོགས་ལས་རྣམ་རྒྱལ་མན་འདྲ། ཡང་ན་ཀུན་མཁྱེན་བུ་སྟོན་ནས། ཐུགས་སྲས་སེམས་དཔའ་ཆེན་པོ། སྐུ་ཞང་ནམ་མཁའ་མཆོག་གྲུབ། ཆོས་རྗེ་རིན་ཆེན་དཔལ་གྲུབ། མཁྱེན་རབ་ཆོས་རྗེ། རྗེ་བཙུན་རྡོ་རིང་པ་ཆེན་པོ་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། ཀུན་མཁྱེན་གུང་རུ་ཤེས་རབ་བཟང་པོ། དེ་གཉིས་ཀ་ལ་མཁྱེན་རབ་ཆོས་རྗེ། དེ་ནས་རྡོ་རིང་པ་མན་འདྲ། ཡང་ན་མུས་ཆེན་ནས། རྗེ་སངས་རྒྱས་དཔལ་བཟང་། ཆོས་རྗེ་བྱམས་པ་ཆོས་ལེགས། འཁྲུལ་ཞིག་བྱམས་པ་ཤེས་རབ་བཟང་པོ། ཚར་ཆེན་མན་འདྲ། ཡང་ན་ར་ག་བྲག་པ་ཤཱཀྱ་སེང་གེ་ནས་རྗེ་ཕྱོགས་ལས་རྣམ་རྒྱལ། ཤར་ཆེན། ངོར་ཆེན། མུས་ཆེན། རྗེ་སངས་རྒྱས་འཕེལ། འཇམ་དབྱངས་ཀུན་དགའ་ཆོས་བཟང་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། པཎ་ཆེན་ཤཱཀྱ་མཆོག་ལྡན། སེམས་དཔའ་ཆེན་པོ་བསོད་ནམས་རྒྱལ་མཚན། མཁན་ཆེན་བཀྲ་ཤིས་རྣམ་རྒྱལ། རྗེ་བཙུན་ཀུན་དགའ་གྲོལ་མཆོག །འཇམ་དབྱངས་མཁྱེན་བརྩེ་མན་འདྲ། ཡང་ན་ངོར་ཆེན་ནས། འཇམ་དབྱངས་ཤེས་རབ་རྒྱ་མཚོ། རཱ་སྟོན་ཡོན་ཏན་དཔལ་བཟང་། གློ་བོ་མཁན་ཆེན་ལེགས་པའི་འབྱུང་གནས། རྗེ་གྲོལ་མཆོག་མན་འདྲ། ཡང་ན་ངོར་ཆེན་ནས། གོ་རམ་པ། སངས་རིན་པ། ལྷ་མཆོག་སེང་གེ །གྲོལ་མཆོག་མན་འདྲ། རྗེ་གྲོལ་མཆོག་གི་གསན་ཡིག་ན་གློ་བོ་ལོ་ཙཱ་བ་ནས་བརྒྱུད་པའི་དབང་ཀུན་དགའ་མཆོག་གྲུབ་ལ་གསན་ཚུལ་འདུག་པ། གློ་བོ་ལོ་ཙཱ་བ་ནས་གྲོལ་བྱེད་ལས་སྨིན་བྱེད་ཀྱི་རྒྱུན་མ་འཕེལ་ཚུལ་མཁས་པ་རྣམས་ལ་ཡོངས་སུ་གྲགས་པས་པཎ་ཆེན་ཤཱཀྱ་ཤྲཱི་ནས་བརྒྱུད་པའི་གུར་
གྱི་རྗེས་གནང་ལྟར་གཞན་ལས་ཁྱད་མ་ཐོན་མ་ཞིག་མཛད་བཞེད་པའི་སྒྱུ་མའི་རོལ་གར་ཡིན་ནམ་སྙམ། ཡང་ཆག་ལོ་ཙཱ་བ་ནས་བླ་བྲང་པ་ཆེན་པོ་གཞོན་ནུ་རྒྱལ་མཚན། དེ་དབོན་བླ་བྲང་པ་ཤཱཀྱ་དཔལ། རྗེ་བཙུན་དཔལ་ཆེན་བཟང་པོ། རྣལ་འབྱོར་དབང་ཕྱུག་ཡེ་ཤེས་དཔལ་བཟང་པོ། རྒྱལ་སྲས་མི་བསྐྱོད་རྡོ་རྗེ། དེ་གཉིས་ཀ་ལ་ཆག་ལོ་ཙཱ་བ་རིན་ཆེན་ཆོས་ཀྱི་རྒྱལ་པོ། དེ་ནས་ཆོས་རྗེ་རིན་ཆེན་རྒྱལ་མཆོག །རྫོང་དཀར་བ་ཀུན་མཁྱེན་ཤེས་རབ་དཔལ་བཟང་། འཇམ་དབྱངས་མཁྱེན་བརྩེ་མན་སྔར་ལྟར་རོ། །ཡང་ན་བླ་བྲང་པ་གཞོན་ནུ་རྒྱལ་མཚན་ནས། བླ་བྲང་པ་བློ་གྲོས་དཔལ། བླ་བྲང་པ་བཟང་པོ་དཔལ། བླ་བྲང་པ་ཉི་མ་རྒྱལ་མཚན། བླ་བྲང་པ་བསོད་ནམས་དཔལ་འབྱོར། བླ་བྲང་པ་ཆོས་དཔལ་བཟང་པོ། ཆག་ལོ་རིན་ཆེན་ཆོས་རྒྱལ་མན་འདྲ། ཡང་ན་བུ་སྟོན་ཐམས་ཅད་མཁྱེན་པ་ནས་མཁར་ཆེན་དྷརྨ་ཤྲཱི། རྗེ་བཙུན་དཔལ་ཆེན་བཟང་པོ་མན་འདྲ། བཀའ་བབས་གསུམ་པ་དཱ་ན་ཤཱི་ལ་ལུགས་ཀྱི་བརྒྱུད་པ་ནི། གཤིན་རྗེ་གཤེད། བིཪྺ་པ། ཤར་ཕྱོགས་ནག་པོ་པ། སཱ་ལི་པ། ཤཱི་ལ་ཙནྡྲ། པཎ་ཆེན་དཱ་ན་ཤཱི་ལ། འཇམ་གསར་ཤེས་རབ་འོད། རྒྭ་ལོ་རྣམ་རྒྱལ་རྡོ་རྗེ་མན་འདྲ། ཡང་ན་རྒྭ་ལོ་ཡབ་སྲས་གཉིས་ནས། སྐྱི་སྟོན་གྲགས་རྒྱལ། ཀུན་མཁྱེན་ཤེས་རབ་རྒྱལ་མཚན། ཇོ་ནང་ཕྱོགས་ལས་རྣམ་རྒྱལ། ཤར་ཆེན། ངོར་ཆེན། མུས་ཆེན། རྗེ་སངས་རྒྱས་འཕེལ། རྗེ་ཀུན་དགའ་ཆོས་བཟང་མན་འདྲ། །བྱིན་རླབས་གསུམ་གྱི་བརྒྱུད་པ་ནི། རྗེ་བཙུན་བཙོང་ཁ་བའི་གསན་ཡིག་ན་བྱིན་རླབས་ཀྱི་ལུང་བརྒྱུད་ལས་བརྒྱུད་པ་མི་གཅིག་ཙམ་འདྲེན་པ་གནང་འདུག་པ་རྣམ་གྲངས་ཞིག་ཡིན་པ་འདྲ། ཁྱབ་བདག་མགོན་པོ་བསོད་ནམས་
མཆོག་ལྡན་ཡན་འོག་ནས་འབྱུང་བའི་འཁྲིད་བརྒྱུད་ལེ་ཚན་གསུམ་པོ་ལྟར་ལ། དེ་ནས་ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །འོད་གསལ་འཆར་བའི་བྱིན་རླབས་ཀྱི་བརྒྱུད་པ་ལུགས་གཅིག་ནི། ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག་ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །འཇམ་དབྱངས་དཀོན་ཅོག་ལྷུན་གྲུབ། བྱང་གླིང་བ་བཀྲ་ཤིས་རྒྱལ་མཚན། སྐུ་དྲུང་ཤཱཀྱ་སེང་གེ །རྩེ་ཆེན་དུས་འཁོར་བའི་བླ་མ་བཀྲ་ཤིས་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཉམས་འཁྲིད་ཀྱི་བརྒྱུད་པ་དང་པོ་ནི། བཅོམ་ལྡན་འདས་གཤིན་རྗེའི་གཤེད། གྲུབ་ཆེན་བིཪྺ་པ། གྲུབ་ཆེན་ཌོམྦྷི་ཧེ་རུ་ཀ གྲུབ་པའི་འཁོར་ལོས་སྒྱུར་བ་དཔལ་འཛིན་གྲུབ་ཆེན་གམྦྷི་ར་མ་ཏི། པཎ་གྲུབ་དཪྤན་ཨཱ་ཙཪྻ། ཀྲི་ཡ་ས་མུཉྩ་མཛད་པ་པོ་ཡིན་དགུང་ལོ་སྟོང་དང་ཉིས་བརྒྱ་བཞུགས། གློ་བོ་ལོ་ཙཱ་བ་ཤེས་རབ་རིན་ཆེན། སྲས་བླ་མ་ས་པ། ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་ཅེན་གྲུབ། ཐམས་ཅད་མཁྱེན་པ་བསོད་ནམས་རྒྱལ་མཚན། ཇོ་ནང་པ་ཕྱོགས་ལས་རྣམ་རྒྱལ། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ་ནས་རྗེ་ཚར་ཆེན་ཡན་དབང་བརྒྱུད་བཀའ་བབས་དང་པོ་ལྟར་ལ། དེ་ན་རྗེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། །དེས་བདག་ལའོ། །བརྒྱུད་པ་གཉིས་པ་ནི། བླ་མ་དམ་པ་ཡན་བཤད་མ་ཐག་པ་ལྟར་ལ། དེ་ནས་ཐེག་ཆེན་ཆོས་ཀྱི་རྒྱལ་པོ་འཇམ་
དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་མན་བཤད་མ་ཐག་པ་བཞིན་ནོ། །བརྒྱུད་པ་གསུམ་པ་ནི། བུ་སྟོན་རིན་པོ་ཆེ་ནས། ཐུགས་སྲས་རིན་ཅེན་རྣམ་རྒྱལ། སྐུ་ཞང་ནམ་མཁའ་མཆོག་གྲུབ། མཁས་པ་ཙནྡྲ་ཤྲཱི་རཏྣ། འཁྲུལ་ཞིག་ཚུལ་ཁྲིམས་རྒྱལ་མཚན། སྐུ་ཞང་མཁྱེན་རབ་ཆོས་རྗེ། རྗེ་བཙུན་རྡོ་རིང་པ་མན་བཤད་མ་ཐག་པ་བཞིན་ནོ། །ཡང་ན་ཐུགས་སྲས་སེམས་དཔའ་ཆེན་པོ་ནས། དྲིན་ཅན་བསོད་ནམས་དོན་གྲུབ། འཇམ་དབྱངས་བཀྲ་ཤིས་རྒྱལ་མཚན། དཀའ་བཞི་པ་རིན་ཅེན་རྒྱལ་མཚན། མཁྱེན་རབ་རྗེ་མན་བཤད་མ་ཐག་པ་ལྟར་རོ། །ཉེ་བརྒྱུད་དུ་བྱེད་ན་ཤར་ཆེན་ཡེ་ཤེས་རྒྱལ་མཚན་གྱིས་མནལ་ལམ་བཟུང་ནས་སོ་མ་པུ་རིར་རྣལ་འབྱོར་དབང་ཕྱུག་བིཪྺ་པ་དང་དངོས་སུ་མཇལ་ནས་གསན་པ་ཡིན་པས་རྡོ་རྗེ་འཆང་། བིཪྺ་པ། ཤར་ཆེན་མན་གོང་ལྟར་རོ། །རྟགས་མེད་པའི་ལུང་རྣམས་ཀྱི་བརྒྱུད་པ་ནི། བླ་མ་དམ་པ་ཡན་འཁྲིད་བརྒྱུད་དང་པོ་ལྟར་ལ། དེ་ནས་ཐེག་ཆེན་རིན་པོ་ཆེ་ཀུན་དགའ་བཀྲ་ཤིས། ཡབ་འཇམ་དབྱངས་ཆོས་རྗེ་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་ཀླུ་སྒྲུབ་རྒྱ་མཚོ། མཁན་ཆེན་ངག་དབང་ཆོས་གྲགས། ས་ཆེན་ངག་དབང་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །རྡོ་རྗེ་འཆང་མཁན་ཆེན་ཞ་ལུ་པ། དེས་བདག་ལའོ། །ཡང་ན་བླ་མ་དམ་པ་ནས། རྗེ་ཕྱོགས་ལས་རྣམ་རྒྱལ། ཤར་ཆེན། ངོར་ཆེན། མུས་ཆེན། བདག་ཆེན་རྡོ་རྗེ་འཆང་མན་འདྲ། །ཨའི་རྟགས་ཅན་གྱི་ལུང་བརྒྱུད་ནི། བི་རཱུ་པ། མ་ཏཾ་གི །དཔལ་འཛིན། ལཱི་ལ་བཛྲ།
ཤཱནྟ་རཀྵི་ཏ། དྷརྨ་བཛྲ། རཏྣ་བཛྲ། དཪྤན་ཨཱ་ཙཪྻ། གློ་བོ་ལོ་ཙཱ་བ་ཡབ་སྲས་གཉིས། ལོ་མཆོག་པ། དཔལ་སེང་བ། ཀུན་མཁྱེན་བུ་སྟོན། བླ་མ་དམ་པ། ཐེག་ཆེན་པ་མན་འདྲ། ཐར་གྱི་རྟགས་ཡོད་པའི་ལུང་རྒྱུད་ནི། ངོར་ཆེན་ནས། མུས་ཆེན་དཀོན་ཅོག་རྒྱལ་མཚན། ཡོངས་འཛིན་དཀོན་ཅོག་འཕེལ། འཇམ་དབྱངས་དཀོན་ཅོག་ལྷུན་གྲུབ། ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་མཁན་ཆེན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །ཡང་ན་མུས་ཆེན་ནས། ཀུན་མཁྱེན་གོ་བོ། ཡོངས་འཛིན་དཀོན་ཅོག་འཕེལ། རྗེ་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་པ་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དབང་། འདྲེན་མཆོག་ལྷ་མཆོག་སེང་གེ །དཀོན་ཅོག་ལྷུན་གྲུབ་སངས་རྒྱས་སེང་གེ་མན་གོང་བཞིན་ནོ། །རའི་རྟགས་ཅན་གྱི་ལུང་ནི། ཤེས་བྱ་ཀུན་མཁྱེན་བུ་སྟོན་རིན་ཅེན་གྲུབ། སྒྲ་ཚད་པ་རིན་ཅེན་རྣམ་རྒྱལ། ལྕེ་ནམ་མཁའི་མཚན་ཅན། མཁས་པ་ཟླ་བ་དཔལ་རིན། མཁན་ཆེན་འཁྲུལ་ཞིག་ཆེན་པོ། མཁྱེན་རབ་རྗེ། བྱང་གླིང་པ་རིན་ཅེན་རྒྱལ་པོ། འབྲོག་ཁང་པ་དོན་གྲུབ་རྒྱལ་མཚན། བྱང་གླིང་པ་བཀྲ་ཤིས་རྒྱལ་མཚན། བླ་མ་ཀུན་དགའ་བཀྲ་ཤིས། ཆོས་རྗེ་དཀོན་ཅོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །དའི་རྟགས་ཅན་གྱི་བརྒྱུད་པ་ནི། འཇམ་དབྱངས་མཁྱེན་བརྩེས་འཁྲིད་ཀྱི་ཟིན་བྲིས་ཚར་ཆེན་ལ་སྤྱན་འབེབས་ཞུས་པས་ངེད་ཀྱིས་གང་དཔོད་དེ་ག་ཚིག་ཟུར་མ་ཉམས་པར་བྱུང་འདུག །བློ་ཁོགས་བྱས་པ་རྣམས་མ་ཐེབས་འདུག་གསུང་ཀྱལ་ཀ་མཛད་སྐད། ཚར་ཆེན་ནས། སྐྱེད་ཚལ་
འོག་མཁན་ཆེན་བློ་གྲོས་ཆོས་འཕགས། རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། ཟུར་རྩ་བའི་བླ་མ། དེས་བདག་ལའོ། །བར་སྐབས་ཀྱི་ཚིགས་བཅད་རྣམས་ཀྱང་སྙན་པོ་འདུག་པས་ཀློག་གཏོང་གསུངས་ནས་ལུང་དང་ལྷན་དུ་གནང་ངོ་། །དྷཱིའི་རྟགས་ཡོད་པའི་ལུང་བརྒྱུད་ནི། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །སྔགས་འཆང་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། ཟུར་རྩ་བའི་བླ་མ། དེས་བདག་ལའོ།།དབང་གི་རྟགས་ཅན་གྱི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་མཁན་ཆེན་ཞ་ལུ་པ། དེས་བདག་ལའོ། །གཡུང་དྲུང་གི་རྟགས་ཅན་ནི་རྗེ་བླ་མ་ཉིད་ལ་ཐོས་སོ། །ཆོས་རྗེ་ཁྲོ་ཕུ་ལོ་ཙཱ་བས་དཀྱིལ་ཆོག་བདུན་གསུམ་ཉི་ཤུ་རྩ་གཅིག་དང་ལྔ་གསུམ་བཅོ་ལྔ་གཉིས་བསྲེས་ནས་མཛད་པ་ལྟར་ཐམས་ཅད་མཁྱེན་པ་བུ་སྟོན་ཡབ་སྲས་དང་ཁྱུང་པོ་ལྷས་པ་རྣམས་ཀྱིས་མཛད་པ་ཇི་ལྟ་བ་བློ་དམན་གྱི་དོན་དུ་བརྗེད་ཐོ་ཁྲིགས་ཆགས་སུ་བྲིས་པའི་སྟེང་ནས་པདྨའི་རིགས་བཅོམ་ལྡན་འདས་བདེ་བ་ཆེན་པོ་རལ་པ་གཅིག་པ་ལྷ་ཉི་ཤུ་རྩ་ལྔའི་རས་བྲིས་ཀྱི་དཀྱིལ་འཁོར་དུ་དབང་ཆོག་གཉིས་བསྲེས་བསྡུས་པའི་ལུགས་ཀྱི་དབང་བཞི། རྡོ་རྗེ་གདན་པ་དང་མཁས་པ་ཙནྡྲ་ཤྲཱི་སོགས་མ་རྒྱུད་དུ་བཞེད་ཀྱང་ཕ་རྒྱུད་ཀྱི་རྗེས་སུ་འབྲངས་ཏེ་བཀོད་པ་ཡིན། ཚར་ཆེན་ཆོས་ཀྱི་རྒྱལ་པོའི་གསུང་འཇམ་དབྱངས་མཁྱེན་བརྩེས་ཟིན་བྲིས་སུ་མཛད་པའི་སེམས་ཀྱི་གདུང་སེལ་གྱི་སྟེང་ནས་སེམས་ཉིད་ངལ་གསོའི་ཉམས་འཁྲིད་སྨིན་རྒྱས། བར་སྐབས་
ནས་སྨིན་གྲོལ་ཡ་བྲལ་བའི་དབང་ལུང་ལེགས་ལྡན་རྗེ་ནས་བརྒྱུད་དགོས་ཀྱང་ཉམས་འཁྲིད་རྗེ་བློ་གསལ་རྒྱ་མཚོ་ནས་བྱུང་པས་ཇི་སྐད་དུ། མཉམ་རྗེས་བྲལ་བའི་དགེ་སྦྱོར་ཁོར་ཡུག་གི །སྣང་སྲིད་བདེ་ཆེན་ཆོས་སྐུར་ཤར་བའི་ངང་། །དངོས་དང་བརྒྱུད་པས་དྲིན་ཅན་མ་རྣམས་ལ། །ཕན་བདེ་རབ་འབྱམས་སྩོལ་དུས་ནམ་འོང་ན། །དེ་སྐད་རྒྱལ་བ་ཀུན་དངོས་ཚར་པ་རྗེའི། །ཞབས་སེན་ནོར་བུའི་ཅོད་པན་སྤྱི་བོའི་གཙུག །འབྲལ་མེད་བཅིངས་པས་ཆོས་ཀྱི་རྒྱལ་སྲིད་ལ། དབང་ཐོབ་མཁྱེན་བརྩེའི་མིང་དེས་ཡི་གེར་བཀོད་ཅེས་སོ། །རྒྱབ་བརྟེན་ལུང་ལ། ཐུན་མོང་དུ་དགོས་པ། སྨིན་བྱེད། བསྐྱེད་རིམ། རྫོགས་རིམ། ཡུམ་གྱི་སྐོར། ཆོས་སྐྱོང་དང་དྲུག །དང་པོ་ལ། བཅོམ་ལྡན་འདས་དཔལ་རལ་པ་གཅིག་པའི་བརྟག་པའི་རྒྱུད་ཀྱི་རྒྱལ་པོ་བླ་ན་མེད་པ་རྣལ་འབྱོར་གྱི་དབང་ཕྱུག་ཤྲཱི་ཛ་ག་ཏ་མི་ཏྲ་ཨཱ་ནནྡའི་ཐུགས་སྲས་རྒྱ་གར་ནུབ་ཕྱོགས་ཀྱི་པཎྜི་ཏ་ཤྲཱི་ཁ་ལ་རུ་ཏྲ་དང་བོད་ཀྱི་ལོ་ཙཱ་བ་གནུབས་བྱམས་པའི་དཔལ་གྱིས་བསྒྱུར་བ། གནུབས་ལོ་ཙཱ་བས་མཛད་པའི་རྒྱུད་ཀྱི་བསྡུས་དོན་བཅས་དང་པོའོ། །འདིའི་རྗེས་སུ་རྗེ་མཁྱེན་བརྩེའི་གསན་ཡིག་ན་ཁྲོ་ལོས་མཛད་པའི་སྤྱི་ཆིངས་ནང་ཆིངས་གཉིས་འདུག་པ་མ་ཐོབ། གཉིས་པ་སྨིན་བྱེད་ལ། དམ་པའི་བཀས་བསྐུལ་ནས་ཤྲཱི་ཛ་ག་ཏ་མི་ཏྲ་ཨཱ་ནནྡའི་ཞལ་གྱི་གདམས་པ་ཐུན་མོངས་མ་ཡིན་པ་ལྟར་ཁྲོ་ཕུ་ལོ་ཙཱ་བས་མཛད་པའི་དཀྱིལ་འཁོར་གྱི་ཆོ་ག་བདུན་གསུམ་ཉི་ཤུ་རྩ་གཅིག་པ། དེས་མཛད་པའི་རྒྱས་པར་བྱེད་ན་ཟུར་འདེབས་སུ་བྱེད་པའི་ཆོ་ག་ལྔ་གསུམ་བཅོ་ལྔའི་སྒོ་ནས་དཔལ་རལ་པ་གཅིག་པའི་དབང་ཆོ་ག་མདོར་བསྡུས་མན་ངག་གི་སྒོ་ནས་ལག་ལེན་ཁྲིགས་སུ་བསྒྲིགས་པ།
གྲོལ་ལམ་གཙོ་བོར་བྱེད་པའི་དབང་གོང་མ་བསྡུས་པ་ངོ་སྤྲོད་དམར་འཁྲིད་དུ་བྱས་པ་གསང་བ་དམ་པ་ཡང་དག་རྫོགས་སོའི་མཐའ་ཅན། ཕོ་ཉའི་ལམ་གཙོ་བོར་བྱེད་པའི་དབང་གོང་མ་རྒྱས་པ་ཤེས་རབ་ཡེ་ཤེས་ཀྱི་དབང་བསྐུར་མཻ་ཏྲི་བའི་ཞལ་གྱི་གདམས་པ་མཐར་ཐུག །རྒྱུད་དང་གདམས་ངག་རྫོགས་པར་ཐོབ་པས་གཞན་དོན་བྱེད་པའི་དབང་བཅུ་གཉིས་རྡོ་རྗེ་སློབ་དཔོན་བདག་པོའི་དབང་ཆོག །འདིའི་རྗེས་སུ་ཡབ་གཙོ་བོར་བྱས་པའི་འཕོ་བའི་བྱིན་རླབས་གསན་ཡིག་ན་འདུག་ཀྱང་རྒྱུན་མ་བྱུང་། ཡུམ་གཙོ་བོར་བྱས་པའི་ཡེ་ཤེས་འཕོ་བའི་བྱིན་རླབས་ཀྱི་ཆོ་ག་བསྡུས་པ་རྣམས། གསུམ་པ་བསྐྱེད་རིམ་ལ། དཔལ་བཅོམ་ལྡན་འདས་རལ་པ་གཅིག་པ་ལྷ་ཉི་ཤུ་རྩ་ལྔའི་དཀྱིལ་འཁོར་གྱི་སྒྲུབ་ཐབས་པཎྜི་ཏ་ཆེན་པོ་ཨ་ཛི་ཏ་མི་ཏྲ་གུཔྟས་མི་ཕམ་སྦས་པའི་བཤེས་གཉེན། མཛད་པ་གྲུབ་ཆེན་མི་ཏྲ་ཛོ་ཀི་དང་ལོ་ཙཱ་བ་གནུབས་བྱམས་པའི་དཔལ་གྱིས་བལ་ཡུལ་འཕགས་པ་ཤིང་ཀུན་ཏུ་བསྒྱུར་བ། དེའི་དོན་འགྲེལ་གྱི་སྒྲུབ་ཐབས་རྒྱས་པ་སྔགས་འཆང་དཔལ་གྱི་མིང་ཁྲོ་ཕུ་ལོ་ཙཱ་བ་མི་ཕམ་བཤེས་གཉེན་གྱིས་མཛད་པའི་ལྷ་བཅུ་བདུན་མའི་སྒྲུབ་ཐབས་དང་ལུས་དཀྱིལ་མངོན་རྟོགས་གཉིས་གསན་ཡིག་ན་འདུག་པ་རྒྱུན་མ་བྱུང་། ཅན་གྱིས་བཀོད་པ། སློབ་དཔོན་ཤྲཱི་བཛྲ་ཀཱི་རྟིས། མཛད་པའི་ལྷན་ཅིག་སྐྱེས་སྒྲུབ། སློབ་དཔོན་རོལ་བའི་རྡོ་རྗེས་མཛད་པའི་ཡུམ་རྐྱང་གི་སྒྲུབ་ཐབས་མི་ཏྲ་ཛོ་ཀི་དང་གནུབས་ལོ་ཙཱ་བས་བསྒྱུར་པ། ཁྲོ་ཕུ་ལོ་ཙཱ་བས་མཛད་པའི་མངོན་རྟོགས་ཇོ་བོ་ཨེ་ཀ་ཛ་ཊིའི་གདམས་ངག་སྔོན་འགྲོ་དངོས་གཞི་རྗེས་གསུམ་གྱིས་བསྟན་པ། གསན་ཡིག་ན་མངོན་རྟོགས་ཆེ་ཆུང་གསུམ་འདུག་ཀྱང་གཉིས་ཀྱི་རྒྱུན་མ་རྙེད། མི་ཏྲས་རྗེས་བཟུང་བསྟན་པའི་སྲོག་ཤིང་དམ་པའི་གསུང་
ཟས་གོས་སྤྱོད་ལམ་སྟེ་རལ་གཅིག་མའི་རྣལ་འབྱོར་གསུམ་གྱི་གདམས་ངག་རྫོགས་སོའི་མཐའ་ཅན། ཚོགས་མཆོད་བླ་ན་མེད་པའི་ལག་ལེན་རྡོ་རྗེ་མེ་དཔུང་ཞེས་བྱ་བ་གནུབས་ལོ་ཙཱ་བ་དཔལ་གྱི་མིང་ཅན་གྱིས་སྦྱར་བ། འདིའི་རྗེས་སུ་གསན་ཡིག་ཏུ་མི་ཕམ་ཟླ་བའི་བསྔོ་བ་ནོར་བུའི་སྒྲོན་མ་འདུག་ཀྱང་རྒྱུན་མ་བྱུང་། རྭ་ཛ་ག་ཨཱ་ནནྡས་མཛད་པའི་བསྟོད་པ་པཎྜི་ཏ་བུདྡྷ་ཤྲཱི་བྷ་དྲ་དང་ལོ་ཆུང་གནུབས་བྱམས་པའི་དཔལ་གྱིས་བསྒྱུར་བ་རྣམས། བཞི་པ་རྫོགས་རིམ། རྗེ་བཙུན་སྤྱན་རས་གཟིགས་ཀྱིས་གསུང་པའི་སེམས་ཉིད་ངལ་གསོའི་སྐོར་ལ་ངལ་གསོའི་རྩ་བ་རྡོ་རྗེའི་ཚིག ། ༼དྷི༽རྒྱུད་ཀྱི་ལུང་དང་སྦྱར་བ་བུ་སྟོན་ཐམས་ཅད་མཁྱེན་པས་མཛད་པ། ཁྲོ་བུ་ལོ་ཙཱ་བའི་རྣམ་ཐར་དཔག་བསམ་འཁྲི་ཤིང་། དོ་ཧ་རྡོ་རྗེའི་ཚིགས་བཅད་ཉེར་ལྔ་པ། དོན་འགྲེལ་གནད་ཀྱི་སྒྲོན་མེ་ཁྲོ་ལོས་མཛད་པ། ངོ་སྤྲོད་ཀྱི་མན་ངག །མ་ཡེངས་མ་བཅོས་རང་གའི་གནས་ཀྱི་ཞལ་གདམས། སྔོན་འགྲོ་ཁྲོ་ལོའི་རེག་ཐིག །འཁྲིད་ཡིག་བསོད་ནམས་སེང་གེས་མཛད་པ་རྣམས་ཀུན་མཁྱེན་མཁྱེན་བརྩེས་ཚར་ཆེན་ལ་གསན་པའི་གསན་ཡིག་ན་སྣང་ཡང་རྒྱུན་མ་རྙེད། མཁྱེན་རབ་ཆོས་རྗེས་མཛད་པའི་༼དྷི༽བརྒྱུད་པའི་གསོལ་འདེབས་གནས་སྦྱར་མ། འཇམ་དབྱངས་མཁྱེན་བརྩེས་མཛད་པའི་༼དྷི༽འཁྲིད་ཡིག་སེམས་ཀྱི་གདུང་སེལ། མཁའ་འགྲོ་མ་གསུམ་གྱིས་གསུངས་པའི་རྡོ་རྗེ་སྦས་པའི་གསང་ལམ་ལ་རྡོ་རྗེ་མཁའ་འགྲོ་རལ་གཅིག་མས་གསུངས་པའི་བརྟག་པ་དང་པོ། རྡོ་རྗེ་མཁའ་འགྲོ་མ་རྡོ་རྗེ་འཕྲེང་བ་ཅན་གྱིས་གསུངས་པའི་བརྟག་པ་གཉིས་པ། རྡོ་རྗེ་མཁའ་འགྲོ་མ་ཐོད་པའི་འཕྲེང་བ་ཅན་གྱིས་གསུངས་པའི་བརྟག་པ་གསུམ་པ་སྟེ་བརྟག་པ་གསུམ་གྱི་རྒྱུད་རྣལ་འབྱོར་གྱི་དབང་ཕྱུག་དཔལ་འགྲོ་བའི་བཤེས་གཉེན་ཀུན་དགའ་དང་ལོ་ཙཱ་བ་གནུབས་མི་
བསྐྱོད་རྡོ་རྗེས་དཔལ་སྭ་ཡ་བྷུ་དི་བི་ཧཱ་རར་བསྒྱུར་པ། རྒྱུད་དེ་ལ་བརྟེན་ནས་དབང་པོ་རབ་ཚེ་འདི་ལ་འཚང་རྒྱ་བ་གསེར་བཟོ་མཁན་མཁས་པས་གསེར་ལ་རྒྱན་བཀོད་པ་ལྟ་བུའི་མན་ངག་ལ་གསུམ་ཡོད་པའི་དང་པོ་རྡོ་རྗེའི་ལམ་ལ་ཐུན་མོང་དང་ཐུན་མོང་མ་ཡིན་པ། ཁྱད་པར་གྱི་སྔོན་འགྲོ་གསུམ་ཁྲོ་ཕུ་ལོ་ཙཱ་བས་མཛད་པ། འདིའི་རྗེས་སུ་དངོས་གཞི་དང་དབང་བྱང་གཉིས་གསན་ཡིག་ཏུ་འདུག་ཀྱང་རྒྱུན་མ་རྙེད། སྦས་པའི་ལམ་ཞེས་པ་རང་སེམས་ཐབས་ལྡན་རང་དབང་རང་གིས་བསྒྱུར་བ་འཁོར་ལོས་སྒྱུར་བ་ལྟ་བུ་ལ་ཐབས་གཙོ་བོར་བྱེད་པའི་བསྲེ་བ་བཞི་སྙིང་བྱང་རྫོགས་སོའི་མཐའ་ཅན། འདིའི་རྗེས་སུ་ཕྱག་རྒྱ་བཞི་ཟུང་འཇུག་བཞི། སྐུ་གསུམ་ངོ་སྤྲོད་ཐིག་ལེ་གསུམ། ཐིག་པ་གསུམ་འབྲུ་གུ་ཞེས་པ་རྣམས་གསན་ཡིག་ན་འདུག་ཀྱང་རྒྱུན་མ་བྱུང་། ཐབས་ཤེས་ཟུང་འཇུག་གཙོ་བོར་བྱས་པའི་རིན་ཅེན་འབྲུ་གསུམ་ཞེས་པ་གནུབས་བྱམས་པའི་དཔལ་གྱིས་ཡི་གེར་བཀོད་པ། འདིའི་རྗེས་སུ་མཆོག་གི་གདམས་པ་གསུམ་ཞེས་པ་གསན་ཡིག་ན་འདུག་ཀྱང་རྒྱུན་མ་རྙེད། གསང་བའི་ལམ་ལ་རང་ལུས་ཐབས་ལྡན་དཔའ་བོའི་ལུས་ལ་དགོས་དགུ་ཚང་བ་ལྟ་བུར་ཐབས་ལམ་རྒྱས་པ་རྡོ་རྗེ་སྦས་པའི་གསང་ལམ་ཞེས་པར་བྱིན་རླབས། ལུས་སྦྱང་། ས་སྦྱང་གསུམ་གྱི་སྔོན་འགྲོ། རྩ་ཐིག་རླུང་གསུམ་ཡི་གེ་དང་འབྲེལ་བས་དངོས་གཞི་བསྟན་པ། འདིའི་རྗེས་སུ་ཐབས་ལམ་འབྲིང་པོ་གསང་རྙིང་རྡོ་རྗེའི་ཚིག་བཞི་བསྡུས་པ་རྒྱུད་ཚིག་ལ་སྐྱར་པ། གཞན་ལུས་ཤེས་ལྡན་འདོད་འཇོའི་བ་མོའི་གཞན་ལུས་ཀྱི་རྟེན་རྣལ་འབྱོར་མའི་བརྟག་ཐབས། དངོས་གཞིར་བྱང་སེམས་ཀྱི་དཀར་འཁྲིད་ཉམས་མྱོང་གི་དགའ་འཁྲིད་ལྕགས་ཀྱུའི་དུལ་འཁྲིད། ཏིང་ངེ་འཛིན་གྱི་རྩལ་འཁྲིད་རྣམས་གསན་ཡིག་ན་འདུག་ཀྱང་རྒྱུན་མ་རྙེད། སྒྲ་གཅན་གྱི་གཟའ་འཁྲིད་ཉི་
ཟླ་བཙོན་འཛིན་རྣམས། འདིའི་རྗེས་སུ་བསྲུང་སྐྱོབ་སྦ་བའི་མན་ངག །དབང་པོ་འབྲིང་འཆི་ཁར་གྲོལ་བ་ཁྱུང་སྒོ་ང་རྒྱ་ལས་གྲོལ་པ་ལྟ་བུའི་མན་ངག་གི་གནད་དྲུག་པ། འཕོ་བ་སྲིད་ཞིའི་དཀྱིལ་འཁོར་མ་རྣམས་གསན་ཡིག་ན་འདུག་ཀྱང་རྒྱུན་མ་བྱུང་། དབང་པོ་འབྲིང་པོ་གནད་དགུའི་འཕོ་བ་དང་མཐའ་མ་བར་དོར་གྲོལ་བའི་སྐོར་རྣམས་གསན་ཡིག་ནའང་རྒྱུན་མེད་ཚུལ་འདུག་པས་རིང་མོ་ཞིག་ནས་ཆད་པ་འདྲའོ། །ལྔ་པ་ཡུམ་གྱི་སྐོར་ལ། བརྒྱུད་པའི་ལོ་རྒྱུས། བྱིན་རླབས་གནད། འཕོ་བའི་གདམས་ངག་གི་སློབ་བུ་སྨིན་བྱེད། ཟབ་པའི་ཡིག་ཆུང་གི་ལུས་བསྐྱེད་པའི་རིམ་པ། གཞི་ལམ་འབྲས་གསུམ་གྱི་མན་ངག་གིས་སེམས་རྫོགས་པའི་རིམ་པ་སྒྲུབ་ཐབས་རྡོ་རྗེའི་ཚིག་གིས་ཀུན་གྱི་གཞི་གཟུང་བ། ཕྱག་མཚན་གྱི་སྒྲུབ་ཐབས་བཞི་ལས་ཚོགས་ཀྱི་མཐའ་བསྡུ་བ་རྣམས་གསན་ཡིག་ན་འདུག་ཀྱང་རྒྱུན་མ་རྙེད། དམིགས་པ་མེའི་འཁོར་ལོས་བར་གཅོད་ཀྱི་བགེགས་བསྲུང་བ། འབྲུ་བཞི་སྔགས་ཀྱི་བཟླས་པས་སྣང་བ་འུར་བསླང་བ། འདིའི་རྗེས་སུ་འབར་བ་མེའི་མཆོད་པས་གཞན་གྱི་སྣང་བ་བསྒུལ་བ་གསན་ཡིག་ན་འདུག་ཀྱང་རྒྱུན་མ་རྙེད། རླུང་ཡི་གེའི་རིས་ཀྱིས་རང་བཞིན་གྱིས་རྩ་སྦྱང་བ། ཐུགས་ཕྲད་ཐོག་འགེལ་གྱིས་བྱེད་རྒུ་ཆོས་སུ་གཏང་བ། ཁམས་དངས་སྙིགས་ཀྱི་དག་པ་དང་འཁྲུལ་པ་ཤན་དབྱེ་བ། འདའ་ཁ་འཆི་དྲོད་ཀྱི་རླུང་རིག་གནད་དུ་བསྣུན་པ། བར་དོ་འོད་གསལ་ཀྱི་གདམས་ངག་གིས་རླུང་རིག་ཡ་བྲལ་བ། སྐུ་གསུམ་རང་ཆས་ཀྱི་མན་ངག་གིས་འཁོར་བ་མ་སྟོང་གི་བར་དུ་འགྲོ་དོན་བྱེད་པ། རྒྱུན་ཡོད་མེད་བསྡོམས་པའི་བཅོ་ལྔ་པོ་དེ་སྙེ་བ་ལོ་ཙཱ་བའི་སྙན་བརྒྱུད་གསེར་ཆོས་སོ། །དྲུག་པ་ཆོས་སྐྱོང་སྐོར་ལ། གནོད་སྦྱིན་ཀཱ་ལ་དང་བི་ཀཱ་ལ་གཉིས་ཏེ་གནོད་སྦྱིན་སྤུན་གཉིས་ཀྱི་རྗེས་གནང་གི་ཡི་གེ་རྫོགས་སོའི་མཐའ་ཅན། གནོད་སྦྱིན་སྤུན་གཉིས་ཀྱི་ལུང་ནོད་པའི་ཡི་གེ །
ཕྱི་དུད་འགྲོའི་རྫས་སྡིག་པ་དང་སྤྲེའུའི་གཟུགས་ལ་བརྟེན་ནས་ནོར་སྒྲུབ་པ། འབྲུག་གཟུགས་ཀྱི་སྙན་གྲགས་སྒྲུབ་པ། ནང་མིའི་རྫས་བུམ་པ་ལ་བརྟེན་ནས་འཆི་བ་བླུ་ཞིང་ཚེ་སྒྲུབ་པ། གཟན་གྱི་རྐུན་པོའི་གཟུགས་བརྙན་ལ་བརྟེན་ནས་ཆོམ་རྐུན་འཆིང་བ། ཀཱ་ལའི་གཟུཊ་ལ་བརྟེན་ནས་མངོན་ཤེས་སྒྲུབ་པ། ཤེལ་ལ་བརྟེན་ནས་དབང་ཕྱུག་སྒྲུབ་པ། གསེར་གྱི་མདུང་ཐུང་ལ་བརྟེན་ནས་དགྲ་བོ་གསད་པ་སྟེ་ཀཱ་ལའི་ལས་ལྔ། རོ་རས་ལ་བརྟེན་ནས་བཙོན་འགྲོལ་བ། ལྕི་བའི་མེ་ལ་བརྟེན་ནས་སྟོར་བ་བཙལ་བ། གྲི་རྒྱུད་ལ་བརྟེན་ནས་གནོད་སྦྱིན་མོ་འགུགས་པ། རུས་སྦལ་ཕོ་མོ་ལ་བརྟེན་ནས་གཏེར་འདོན་པ། གནོད་སྦྱིན་གྱི་གཟུགས་ལ་བརྟེན་ནས་ཚེ་བརྟག་པ་སྟེ་བི་ཀཱ་ལའི་ལས་ལྔ་གསང་བ་ལྷ་མིན་གྱི་རྫས་བཛྲ་ཏྲི་ཤུལ་ལ་བརྟེན་ནས་ལས་ལ་སྦྱོར་བ་རྣམས་(ཡབ་ཡུམ་ཟུང་འཇུག་གི་ཡེ་ཤེས་འཕོ་བའི་དབང་ཆོག །གཟའ་ཚོགས་གཏོར་ལུང་། ལྷ་བཅུ་བདུན་གྱི་མངོན་རྟོགས་དོན་གསལ་སྒྲོན་མེ། ཁཪྶ་པཱ་ཎིའི་སྒྲུབ་ཐབས་ཚིགས་བཅད་བཞི་པ། ལོངས་སྤྱོད་མྱུར་དུ་འབྱུང་བའི་ཐབས། གསོལ་འདེབས་སྟོང་ཉིད་ཐུགས་རྗེ་མ། རྒྱུད་ཀྱི་ས་གཅད་ཀུན་སྤངས་ཞང་གིས་མཛད་པ། ཡུམ་སྐོར་གྱི་གདམས་པ་བཅོ་ལྔའི་དཀར་ཆག་རྣམས་དེང་སང་ལུང་མཛད་འདུག་ཀྱང་འཇམ་དབྱངས་མཁྱེན་བརྩེའི་གསན་ཡིག་ན་མི་འདུག་པ་མངའ་རིས་རིགས་འཛིན་ཆེན་པོར་མཁྱེན་བརྩེའི་ཞབས་ཀྱིས་གསན་པའི་ཞབས་ཕྱིར་བླ་མ་ཨོ་རྒྱན་རྒྱལ་བོས་གསན་འདུག་པས་གསན་ཡིག་ན་མེད་པ་ཞིག་འོང་དོན་མེད་འདྲ་སྙམ་མོ། །)དེ་ལྟར་ལེགས་པར་ནོས་པའི་དབང་གི་བརྒྱུད་པ་ནི། ཁྱབ་བདག་རྡོ་རྗེ་འཆང་ཆེན་པོ། ཇོ་བོ་ཁཪྶ་པཱ་ཎི། བྱང་སེམས་བློ་གྲོས་རིན་ཅེན། གྲུབ་ཆེན་ཏཻ་ལོ་པ། གྲུབ་ཆེན་ནི་སྐ་ལཾ་ཀ་ཤྲཱི། གྲུབ་ཆེན་མི་ཏྲ་ཛོ་ཀི །ཁྲོ་
ཕུ་ལོ་ཙཱ་བ་གནུབས་བྱམས་པའི་དཔལ། བླ་མ་དབོན་སྟོན་པ། ཡང་རྩེ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཁྱུང་བོ་ལྷས་པ་གཞོན་ནུ་བསོད་ནམས། བླ་མ་རིན་ཅེན་གྲུབ་ལེགས་པ། འཁྲུལ་ཞིག་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། འཁྲུལ་ཞིག་དཀའ་བཞི་པ་རིན་ཅེན་མཆོག་གྲུབ་དཔལ་འབར། རྒྱལ་ཡུམ་ཚུལ་ཁྲིམས་བཟང་མོ། མངའ་རིས་གཏེར་ཆེན་ཆོས་ཀྱི་རྒྱལ་པོ་ལེགས་ལྡན་རྡོ་རྗེ། བླ་མ་ཨོ་རྒྱན་རྒྱལ་པོ། པཎ་ཆེན་ཀུན་དགའ་བཀྲ་ཤིས། རབ་འབྱམས་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཁྲ་ཚང་པ་ཆེན་པོ་བློ་མཆོག་རྡོ་རྗེ། དེས་བདག་ཟ་ཧོར་བནྡེ་ལའོ། །སེམས་ཉིད་ངལ་གསོའི་ཉམས་འཁྲིད་དང་དྷཱིའི་རྟགས་ཡོད་པའི་ལུང་བརྒྱུད་ནི། འཕགས་པ་ཐུགས་རྗེ་ཆེན་པོ། བྱང་སེམས་བློ་གྲོས་རིན་ཅེན། ཏཻ་ལོ་ཤེས་རབ་བཟང་པོ། གྲུབ་ཆེན་རོལ་པའི་རྡོ་རྗེ། གྲུབ་ཆེན་མི་ཏྲ་ཛོ་ཀི །ཁྲོ་ཕུ་ལོ་ཙཱ་བ་བྱམས་པའི་དཔལ། བླ་ཆེན་བསོད་ནམས་དབང་ཕྱུག །ཁྲོ་ཕུ་སེམས་དཔའ་ཆེན་པོ་བསོད་ནམས་སེང་གེ །དེ་ལ་བླ་མ་ཚད་མའི་སྐྱེས་བུ་བསོད་ནམས་མགོན་པོ་དང་ཡང་རྩེ་པ་རིན་ཅེན་སེང་གེ་གཉིས་ཀྱིས་གསན། གཉིས་ཀ་ལ་བུ་སྟོན་ཐམས་ཅད་མཁྱེན་པ། དེ་ནས་ཐུགས་སྲས་སེམས་དཔའ་ཆེན་པོ། སྐུ་ཞང་ནམ་མཁའི་མཚན་ཅན། མཁས་གྲུབ་ཟླ་བ་དཔལ་རིན། མཁས་པ་ཙནྡྲ་པ། འཁྲུལ་ཞིག་ཚུལ་ཁྲིམས་རྒྱལ་མཚན། མཁས་གྲུབ་མཁྱེན་རབ་ཆོས་རྗེ། རྗེ་བཙུན་རྡོ་རིང་བ་ཆེན་པོ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་ཕྱུག་རབ་བརྟན། རྩ་བའི་བླ་མ་ཁྱབ་བདག་ཞ་ལུ་པ་ཆེན་པོ། དེས་
བདག་ལའོ། །དྷཱིའི་རྟགས་མ་གཏོགས་པའི་ས་བཅད་བཞི་པ་ཡན་གྱི་ལུང་ཡོངས་རྫོགས་ཀྱི་བརྒྱུད་པ་ནི། ཁྲོ་ཕུ་ལོ་ཙཱ་བ་ནས། བླ་མ་བསོད་ནམས་རྒྱལ་མཚན། ཁྲོ་ཕུ་སེམས་དཔའ་ཆེན་པོ། ཡང་རྩེ་བ་རིན་ཅེན་སེང་གེ་མན་དབང་བརྒྱུད་ལྟར་རོ། །ས་བཅད་ལྔ་པའི་ལུང་བརྒྱུད་ནི། ཁྲོ་ཕུ་ལོ་ཙཱ་བ་ནས། སྙེ་བ་ལོ་ཙཱ་བ་རྡོ་རྗེ་ལས་རབ་རྩལ། བླ་མ་དབོན་སྟོན་པ་མན་དབང་གི་བརྒྱུད་པ་བཞིན་ནོ། །ས་གཅད་དྲུག་པའི་ལུང་གི་བརྒྱུད་པ་ནི། ཁྲོ་ཕུ་ལོ་ཙཱ་བ་ནས། བླ་མ་དབོན་སྟོན་པ། ཞང་ཐུགས་རྗེ་བརྩོན་འགྲུས། ཡང་རྩེ་བ་རིན་ཅེན་སེང་གེ་མན་དབང་བརྒྱུད་དང་གཅིག་གོ །གྲུབ་ཆེན་མི་ཏྲ་ཛོ་ཀིའི་ཐུགས་ཀྱི་བཅུད་འཕགས་པ་ཐུགས་རྗེ་ཆེན་པོའི་བསྐྱེད་རྫོགས་ཀྱི་རྣལ་འབྱོར་ཤིན་ཏུ་ཟབ་པ་སྙིང་པོ་དོན་གསུམ་དུ་གྲགས་པ་ཐམས་ཅད་མཁྱེན་པ་དགེ་འདུན་རྒྱ་མཚོའི་འཁྲིད་ཡིག་དགའ་ལྡན་དུ་བགྲོད་པའི་ཐེམ་སྐས་ལ་ཞལ་ཤེས་སྙན་བརྒྱུད་ཀྱིས་བརྒྱན་པའི་ཉམས་འཁྲིད་དང་། ལུང་ལ་གྲུབ་ཆེན་མི་ཏྲ་ཛོ་ཀིས་མཛད་པའི་རྩ་བ་རྡོ་རྗེའི་ཚིག་རྐང་། འཁྲིད་ཡིག་དགའ་ལྡན་དུ་བགྲོད་པའི་ཐེམ་སྐས་དང་བཅས་ཐོབ་པའི་བརྒྱུད་པ་ནི། འཕགས་པ་ཐུགས་རྗེ་ཆེན་པོ། བྱང་སེམས་བློ་གྲོས་རིན་ཅེན། གྲུབ་ཆེན་ཏཻ་ལོ་བ། གྲུབ་ཆེན་རོལ་པའི་རྡོ་རྗེ། གྲུབ་ཆེན་མི་ཏྲ་ཛོ་ཀི །ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ། བླ་ཆེན་བསོད་ནམས་དབང་ཕྱུག །ཁྲོ་ཕུ་བསོད་ནམས་སེང་གེ །དེ་ལ་བླ་མ་ཡང་རྩེ་བ་རིན་ཅེན་སེང་གེ་དང་ཚད་མའི་སྐྱེས་བུ་བསོད་ནམས་མགོན་པོ་གཉིས་ཀྱིས་གསན། གཉིས་ཀ་ལ་ཐམས་ཅད་མཁྱེན་པ་བུ་སྟོན་རིན་པོ་ཆེ། དེ་ནས་ཁྱུང་བོ་ལྷས་གཞོན་ནུ་བསོད་ནམས།
ཐམས་ཅད་མཁྱེན་པ་བློ་བཟང་གྲགས་པ། ལྕང་ར་བ་མཁས་གྲུབ་དགེ་ལེགས་དཔལ་བཟང་། རྗེ་དྲུང་བ་སོ་ཆོས་ཀྱི་རྒྱལ་མཚན། འཇམ་དབྱངས་ལེགས་པ་ཆོས་འབྱོར། ཐམས་ཅད་མཁྱེན་པ་དགེ་འདུན་རྒྱ་མཚོ། པཎ་ཆེན་བསོད་ནམས་གྲགས་པ། ཐམས་ཅད་མཁྱེན་པ་བསོད་ནམས་རྒྱ་མཚོ། ལྷ་བཙུན་བསོད་ནམས་དཔལ་བཟང་བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་བ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཚར་ཆེན་ཆོས་ཀྱི་རྒྱལ་པོའི་གསུང་ངག་འཇམ་དབྱངས་མཁྱེན་བརྩེའི་ཞབས་ཀྱིས་ཟིན་བྲིས་སུ་མཛད་པའི་སྙིང་པོ་དོན་གསུམ་གྱི་འཁྲིད་ཡིག་གི་ལུང་ནོས་པའི་བརྒྱུད་པ་ནི། བུ་སྟོན་ཐམས་ཅད་མཁྱེན་པ་ཡན་གོང་ལྟར་ལ། དེ་ནས་ལོ་ཆེན་བྱང་ཆུབ་རྩེ་མོ། ལོ་ཆེན་གྲགས་པ་རྒྱལ་མཚན། བོ་དོང་པཎ་ཆེན་འཇིགས་མེད་གྲགས་པ། སྔགས་རབ་འབྱམས་པ་འཇམ་དབྱངས་གྲགས་པ། མོན་རྫོང་རས་པ་ཟླ་བ་རྒྱལ་མཚན། དྲིན་ཅན་མཁྱེན་རབ་ཆོས་རྗེ། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །འཁྲིད་ཡིག་འདི་ལ་ཡི་དམ་དང་འཕོ་བའི་སྐོར་གཉིས་ལ་གཞན་དུ་མ་གྲགས་པའི་ཟབ་གནད་ཀྱང་འགའ་ཞིག་སྣང་བས་དེ་ལ་དགོངས་ཏེ། གཞན་དུ་ཡུན་རིང་ལོ་ཟླར་བསྒོམས་པ་བས། །གང་གསུང་ཆ་ཤས་ཐོབ་པའང་དོན་ཆེ་བའི། །ཡབ་གཅིག་ཐུགས་རྗེ་ཅན་དེའི་གསུང་རྣམས་ཀྱི། །སྙིང་པོ་ཡིད་ལ་གང་ཟིན་བྲིས་པ་ཡིན། །ཞེས་པ་
སྣང་ངོ་། །གཉིས་པ་ལ་མ་རྒྱུད་དངོས་ཀྱི་སྐོར། སློབ་བཤད་གསེར་ཆོས་ཀྱི་སྐོར་ཏེ་གཉིས། ཕ་རྒྱུད་དང་བྱ་རྒྱུད་སོགས་འདྲེས་ཅུང་ཟད་ཡོད་ཀྱང་མ་རྒྱུད་ཤས་ཆེ་བ་དང་སྡེ་ཚན་གཅིག་ཏུ་དགོས་པའི་དབང་གིས་བཀོད་དོ། །དང་པོ་ལ། ཤེས་རབ་ཀྱི་རྒྱུད་ལ་སྒོ་དྲུག་ཏུ་བཞུགས་པ་ལས་རིགས་དྲུག་ཆ་མཉམ་པར་སྟོན་པ་དཔལ་སངས་རྒྱས་ཐམས་ཅད་དང་མཉམ་པར་སྦྱོར་པ་མཁའ་འགྲོ་མ་སྒྱུ་མ་བདེ་བ་མཆོག་ལྷ་བརྒྱ་དང་བཞི་བཅུ་རྩ་གཉིས་ཀྱི་རས་བྲིས་ཀྱི་དཀྱིལ་འཁོར་ཆེན་པོར་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་སྒྲུབ་ཐབས་འཕྲིན་ལས་མཐའ་ཡས། དཀྱིལ་ཆོག་ངག་འདོན་རྟོགས་པར་སླ་ཞིང་དངོས་གྲུབ་འབྱུང་བ། ཞ་ལུ་པ་ནམ་མཁའ་འོད་ཟེར་གྱིས་མཛད་པའི་དཀྱིལ་ཆོག་མཐོང་བ་དོན་ལྡན་རྣམས་ལ་བརྟེན་ནས་དབང་བཞི་རྫོགས་པར་ནོས་པའི་བརྒྱུད་པ་ནི། དཔལ་ཀུན་ཏུ་བཟང་པོ། རྒྱལ་བ་རིགས་ལྔ། གསང་བདག་ཕྱག་ན་རྡོ་རྗེ། ལི་ཙ་པཱི་དྲི་མ་མེད་པ། རྒྱལ་པོ་ཛ། ཨུ་པ་རཱ་ཛ། གྲུབ་ཆེན་ཀུ་ཀུ་རཱ་ཛ། མུ་ཏི་ཏ་ཉི་ཟླ་རྡོ་རྗེ། རྡོ་རྗེ་གདན་པའི་གསན་ཡིག་ཏུ་མུ་ཏི་ཏ་དང་ཉི་ཟླ་རྡོ་རྗེ་ཞེས་སོ་སོ་དང་། བ་ཧུ་ཏ་དང་མུས་ཏོ་བ་ཞེས་སོ་སོར་འདུག་ཅིང་། མཁྱེན་བརྩེ་ཐར་རྩེ་སྒྲུབ་པ་ཤར་པ་བཞིའི་གསན་ཡིག་ན་དཀྱུས་བཞིན་སྣང་བ་བརྟག །བ་ཧུ་ཏ་མུ་ཏི། སློབ་དཔོན་སངས་རྒྱས་གསང་བ། བི་མཱ་ལ་མི་ཏྲ། རྨ་ལོ་ཙཱ་བ་རིན་ཅེན་མཆོག །གྱེ་རེ་མཁྱེན་བརྩེ་ཐར་རྩེ་ཤར་པ་སྒྲུབ་ཁང་པ་རྣམས་ཀྱི་གསན་ཡིག་ཏུ་ཆོས་སྐྱོང་ཟེར་བ་འདུག་ཀྱང་རྡོ་རྗེ་གདན་པའི་གསན་ཡིག་ཏུ་དཀྱུས་ལར་བྱུང་པ་གསང་སྔགས་རྙིང་མའི་གསན་ཡིག་ཚོ་དང་མཐུན། མཆོག་སྐྱོང་། རྡོ་རྗེ་གདན་པའི་གསན་ཡིག་ན་འདི་གཉིས་ཀས་རྨ་ལ་ཐུག་ཅིང་འགོ་འོམ་གྱིས་གཉིས་ཀ་ལ་ཞུས་ཚུལ་འདུག་པ་རྙིང་མ་དང་མཐུན། ཙུ་རུ་རིན་ཅེན་གཞོན་ནུ། འགོ་འོམ་ཚུལ་ཁྲིམས་
བྱང་ཆུབ། དེ་ལ་ཅོག་རོ་རྒྱལ་བའི་ཡོན་ཏན། སྟག་རྩེ་འཇམ་དཔལ། ལ་གསུམ་གཞོན་ནུ་མཆོག་གསུམ་གྱིས་ཞུས། གསུམ་ག་ལ་ཁུ་བྱང་ཆུབ་འོད། དེ་ནས་བློ་གྲོས་རྒྱལ་མཚན། རོག་བན་རིན་ཅེན་ཚུལ་ཁྲིམས། རོང་ཟོམ་ཆོས་བཟང་། ཡམ་ཤུད་བློ་ཆེན་མགོ་ཟླ་པ་འབར། མགོ་ཟླ་འབུམ་གྲགས། མགོ་དངོས་གྲུབ་རྒྱལ་མཚན། མགོ་དགེ་སློང་ཆོས་རྡོར། མགོ་དངོས་གྲུབ་མགོན། དབུས་པ་སངས་རྒྱས་འབུམ། སེ་སྡིངས་པ་ཆོས་སྐུ་འོད་ཟེར། གྲུ་མི་བསྐྱོད་རྡོ་རྗེ། བྱང་ཆེན་མཁན་པོ་བསོད་ནམས་འཕེལ། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་རྒྱལ་བ། ལམ་འབྲས་པ་བསོད་ནམས་དཔལ། གྲུབ་ཆེན་ཀུན་དགའ་བློ་གྲོས། ཆོས་རྗེ་ནམ་མཁའ་ཚུལ་ཁྲིམས། རོང་སྟོན་བློ་བཟང་གྲགས་པ། རྡོ་རྗེ་འཆང་མཁྱེན་རབ་ཆོས་རྗེ། སློབ་དཔོན་སཾ་གྷ་ཤྲཱི། སློབ་དཔོན་ཚུལ་ཁྲིམས་འོད་ཟེར། སློབ་དཔོན་བསོད་ནམས་དཔལ་འབྱོར། འཇམ་དབྱངས་བྱང་གླིང་བཀྲ་ཤིས་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །གྲུབ་པ་མཆོག་གི་དེད་དཔོན་དབང་ཕྱུག་རབ་བརྟན། རྡོ་རྗེ་འཆང་བཀའ་འགྱུར་བ་མགོན་པོ་བསོད་ནམས་མཆོག་ལྡན། དཀྱིལ་འཁོར་འཁོར་ལོའི་མགོན་པོ་ཁྲ་ཚང་པ་བློ་གྲོས་མཆོག་གི་རྡོ་རྗེ། དེས་བདག་ཟ་ཧོར་བནྡེ་ལའོ། །ཡང་ན་རྨ་ལོ་ཙཱ་བ་ནས། གཉག་ཛྙཱ་ན་ཀུ་མཱ་ར། ཁྱུང་པོ་དབྱིག་འོད། ཅོག་རོ་རྒྱལ་འབུམ། དམ་པ་ཁུ་གོ་དཔལ་གཞོན། དེ་གསུམ་ལ་ཅོག་རོ་རྒྱལ་བའི་ཡོན་ཏན། དེ་ནས་ཡོན་ཏན་བཟང་པོ། ཅོག་རོ་བྱང་ཆུབ་འབྱུང་གནས། ཟ་རིང་འཕགས་པ། རྨུགས་བྱང་ཆུབ་རྙིང་པོ། དམར་སྒོམ་ཆེན་ཡོན་ཏན་ཚུལ་ཁྲིམས། ལྕེ་བསོད་ནམས་བཟང་པོ། འགར་
སྟོན་ཚུལ་བཟང་། ཡན་ཤུད་བློ་ཆེན་མན་འདྲ། རྣལ་འབྱོར་དབང་ཕྱུག་ལཱུ་ཧི་པས་སྦྱང་གཞི་སྒོང་སྐྱེད་སྦྱོང་བྱེད་ལྟར་ལེགས་པར་འགལ་བའི་ཧེ་རུ་ཀའི་རིགས་དཔལ་འཁོར་ལོ་སྡོམ་པ་ལྷ་དྲུག་ཅུ་རྩ་གཉིས་ཀྱི་རས་བྲིས་ཀྱི་དཀྱིལ་འཁོར་ཆེན་པོར་ཀུན་མཁྱེན་བསོད་ནམས་སེང་གེས་མཛད་པའི་སྒྲུབ་ཐབས་དང་དཀྱིལ་ཆོག་རྗེ་བཙུན་རིན་པོ་ཆེས་མཛད་པ། ངོར་ཆེན་དཀོན་ཅོག་ལྷུན་གྲུབ་ཀྱིས་གསལ་བྱེད་ཁྱད་པར་བཞི་ལྡན་གསུམ་ལ་བརྟེན་ནས་བརྒྱུད་པའི་བཀའ་བབས་དགུ་ལྡན་གྱི་དབང་བཞི་རྫོགས་པར་ནོས་པའི་བཀའ་བབས་དང་པོ་ས་ལུགས་ཀྱི་བརྒྱུད་པ་ནི། ངོར་ཆེན་དང་མཁྱེན་བརྩེའི་གསན་ཡིག་ན་བཀའ་བབས་བདུན་ལས་མི་འདུག་ཀྱང་ཇོ་བོ་ལུགས་གཉིས་སོ་སོར་བགྲངས་གཉོས་ལུགས་བསྣན་པས་དགུ་བྱུང་ངོ་། །ཁྱབ་བདག་རྡོ་རྗེ་འཆང་། དཔལ་ཕྱག་ན་རྡོ་རྗེ། བྲམ་ཟེ་ཆེན་པོ་ས་ར་ཧ། མདའ་བསྣུན། འཕགས་པ་ཀླུ་སྒྲུབ། གྲུབ་ཆེན་ཤ་ཝ་རི་པ། ཕག་རོ་ཁུར། སློབ་དཔོན་ལཱུ་ཧི་པ། དྷ་རི་ཀ་པ། བུད་མེད་ཅན། རྡོ་རྗེ་དྲིལ་བུ་པ། རུས་སྦལ་ཞབས། ཀུརྨ་པཱ་ད། ཤྲཱི་ཛཱ་ལན་དྷ་ར། ནག་པོ་སྤྱོད་པ། གུ་ཧྱ་པ། རྣམ་རྒྱལ་ཞབས། ཏཻ་ལོ་པ། ནཱ་རོ་ཏ་པ། ཀུན་ཏུ་བཟང་པོ། ནམ་མཁའི་སྙིང་པོ། སྙན་གྲགས་བཟང་པོ། ཡེ་ཤེས་དངོས་གྲུབ། རྩལ་ཤད་པ་རྣམས་མཚན་གྱི་རྣམ་གྲངས་སུ་གྲགས། ཕམ་མཐིང་པ་གཅེན་འཇིགས་མེད་གྲགས་པ། གཅུང་ངག་གི་དབང་ཕྱུག །ཀློག་སྐྱ་ཤེས་རབ་བརྩེགས། པྲ་ཛྙ་ཀུ་ཌ། མལ་ལོ་ཙཱ་བ་བློ་གྲོས་གྲགས་རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ།ས་པཎ། འུ་ཡུག་པ་བསོད་ནམས་སེང་གེ །དབུས་པ་སངས་རྒྱས་འབུམ། ལོ་ཙཱ་བ་མཆོག་ལྡན་ལེགས་པའི་བློ་གྲོས། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ།
ཁྱུང་པོ་ལྷས་པ་གཞོན་ནུ་བསོད་ནམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་དཀོན་ཅོག་རྒྱལ་མཚན། མུས་ཆེན་སངས་རྒྱས་རིན་ཅེན། ངོར་ཆེན་སངས་རྒྱས་སེང་གེ །དེ་ལ་ཐར་རྩེ་པ་ནམ་མཁའ་དཔལ་བཟང་དང་མུས་ཆེན་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་པ་དཔལ་ལྡན་དོན་གྲུབ། དེ་ནས་ཁྱབ་བདག་ཧེ་རུ་ཀ་དཔལ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་མུས་ཆེན་ཡན་གོང་ལྟར་ལ། དེ་ལ་ཀུན་མཁྱེེན་གོ་བོ་རབ་འབྱམས་པ་དང་གྲུབ་ཆེན་དཀོན་ཅོག་བློ་གྲོས་གཉིས་ཀྱིས་གསན། གཉིས་ཀ་ལ་མུས་ཆེན་སངས་རྒྱས་རིན་ཅེན་གྱིས་གསན་པ་མན་གོང་ལྟར་རོ། །ཡང་ན་རྗེ་སངས་རྒྱས་རིན་ཅེན་ནས། འཇམ་དབྱངས་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། ཐར་རྩེ་པ་མན་འདྲ། ཡང་ན་རྗེ་སངས་རྒྱས་རིན་ཅེན། འཇམ་དབྱངས་ས་ལོ། ངོར་ཆེན་དཀོན་ཅོག་ལྷུན་གྲུབ་མན་འདྲ། ཡང་ན་ས་པཎ་ནས། དམར་ཆོས་རྒྱལ། མི་ཉག་ཆོས་རྒྱལ། མི་ཉག་རྡོར་གྲགས། ལྕེ་མདོ་སྡེ་སེང་གེ །སྟོན་ཤཱཀ །ལྕེ་བློ་ལྡན། འཕགས་འོད། བུ་སྟོན་མན་འདྲ། ཡང་ན་ས་པཎ་ནས། བོ་དོང་རིན་པོ་ཆེ། ཁྲོ་ཕུ་རིན་པོ་ཆེ། བླ་མ་དཔལ་ལྡན་སེང་གེ །ཀུན་མཁྱེན་བུ་མན་གོང་བཞིན་ནོ། །ཡང་ན་ས་པཎ་ནས། བོ་དོང་རིན་པོ་ཆེ། ཉན་ཆེན་བསོད་ནམས་བརྟན་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན་མན་གོང་བཞིན་ནོ། །ཡང་ན་ས་པཎ་ནས། འཕགས་པ་རིན་པོ་ཆེ། ཞང་
དཀོན་ཅོག་དཔལ། རྒྱལ་བ་བྲག་ཕུག་པ། དཔལ་ལྡན་བླ་མ་དམ་པ། རི་ཁྲོད་པ་བློ་གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་མན་འདྲ། བཀའ་བབས་གཉིས་པ་བསྐྱེད་རིམ་གཙོ་བོར་སྟོན་པའི་བཤད་རྒྱུད་ཨ་བྷི་དྷ་ནའི་ལེའུ་སུམ་ཅུ་རྩ་གསུམ་པ་ནས་གསུངས་པའི་མར་དོ་ལུགས་ཀྱི་བརྒྱུད་པ་ནི། བདེ་མཆོག་ལཱུ་ཧི་པ་སྦྱངས་པའི་ཡོན་ཏན་ལྷ་བཅུ་གསུམ་མའམ་བདེ་མཆོག་ལ་བ་པའང་ཟེར། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། ལཱུ་ཧི་པ། དྷེཾ་ཀི་པ། འཇམ་དབྱངས་མཁྱེན་བརྩེའི་གསན་ཡིག་ཏུ་ལཱུ་ཧི་པ་དང་འདི་གཉིས་གཅིག་པར་མཛད་འདུག །པཎ་གྲུབ་དབང་པོ་ལ་ཝ་པ། རྒྱལ་པོ་ཨིནྡྲ་བྷཱུ་ཏི། ཀ་ཙ་ཊ་པ། བུ་སྟོན་དང་རྗེ་བཙུན་བཙོང་ཁ་པའི་གསན་ཡིག་ན་ཀ་ཅ་པ་རྡོ་རྗེ་གདན་པའི་གསན་ཡིག་ན་ཀ་ཙ་ཏྲ་པ་ཞེས་སྣང་། གྲུབ་ཆེན་དྲིལ་བུ་བ། རུས་སྦལ་ཞབས། བུ་རྗེ་བཙོང་ཁ་པ་ངོར་གོང་དཀར་ཐར་རྩེ་ཤར་པ་རྣམས་ཀྱི་གསན་ཡིག་ན་མི་གསལ་ཡང་འཇམ་དབྱངས་མཁྱེན་བརྩེའི་གསན་ཡིག་ན་སྣང་བ་བརྟག །ཛཱ་ལནྡྷ་རི་པ། ནག་པོ་སྤྱོད་པ། ཀུ་ཤ་ལ་ནཱ་ཐ། བུ་དང་གོང་དཀར་བའི་གསན་ཡིག་ཏུ་འདི་དང་དགེ་བའི་མགོན་པོ་སོ་སོར་འདུག་པ་རྒྱ་སྐད་བོད་སྐད་ཀྱི་ཁྱད་པར་ལས་དོན་གཅིག་པས་ཡིག་སྐྱོན་ཤོར་བ་འདྲ་ངོར་མཁྱེན་བརྩེེ་ཐར་རྩེ་ཤར་པ་སོགས་ཀྱི་གསན་ཡིག་དང་དཀྱུས་མཐུན། ཏཻ་ལོ་བ། ནཱ་རོ་པ། མ་ན་ཀ་ཤྲཱི་ཛྙཱ་ན། བུའི་གསན་ཡིག་ན་མ་ན་ཀ་དང་ཤྲཱི་ཛྙཱ་ན་ཞེས་འདུག་པ་ཡིག་སྐྱོན་བྱུང་ངམ་སྙམ། བལ་པོ་བྷ་དནྡྷ། སུ་མ་ཏི་ཀཱིརྟི་དང་གཅིག་ཡིན་སྐད། བུའི་གསན་ཡིག་ན་བྷ་རན་དང་། ངོར་ཆེན་གྱི་གསན་ཡིག་ཏུ་བྷ་ཏན་ཞེས་སྣང་བ་གཅིག་ལ་ཡིག་སྐྱོན་བྱུང་འདྲ། ལོ་ཙཱ་བ་མར་པ་དོ་པ་ཆོས་ཀྱི་དབང་ཕྱུག །གཟེ་པ་བློ་ལྡན་སེང་གེ །གཟེ་པ་བདེ་མཆོག་རྡོ་རྗེ། རྗེ་བཙུན་བཙོང་ཁ་པ་རྡོ་རྗེ་གདན་པ་ཐར་རྩེ་པ་གསུམ་གྱི་གསན་ཡིག་ཏུ་ཇོ་བདེ་ཞེས་སྣང་། སློབ་དཔོན་ཁུ་
པ། ཁམས་པ་ལྷོ་ཚད་པ་ཀུན་དགའ་རིན་ཅེན། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཁྱུང་ལྷས་པ། ཤར་ཆེན། ངོར་ཆེན། མུས་ཆེན། རྗེ་སངས་རིན་པ། སངས་རྒྱས་སེང་གེ །དེ་ལ་ཐར་རྩེ་པ་དང་མུས་པ་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་དཔལ་དོན་པ། དེ་ནས་རྩ་བའི་བླ་མ་བཀའ་འགྱུར་བ། དེས་བདག་ལའོ། །ཡང་ན་རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། གྲུབ་ཆེན་ལ་ཝ་པ། ལ་ཀི་མི་པ། བར་བའི་གཙོ་བོ། དགེ་བའི་གཙོ་བོ། ཀུ་ཤ་ལ་ནཱ་ཐ་མན་གོང་ལྟར་རོ། །ཡང་ན་ཁྱུང་ལྷས་པ་ནས། ཆོས་རྗེ་བཀྲ་ཤིས་རིན་ཅེན། ངོར་ཆེན་མན་འདྲ། ཡང་ན་གཟེ་པ་བློ་ལྡན་ནས། གཟེ་པ་དོན་གྲུབ་ཡེ་ཤེས། ས་ཕུག་པ་ཤཱཀྱ་རྡོ་རྗེ། ལོ་ཙཱ་བ་མཆོག་ལྡན་མན་འདྲ། །བཀའ་བབས་གསུམ་པ་ཇོ་བོ་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། གྲུབ་ཆེན་ལཱུ་ཧི་པ། སློབ་དཔོན་དྷ་རི་ཀ་པ། ཏཻ་ལོ་པ། ནཱ་རོ་པ། རཏྣ་ཨཱ་ཀ་ར་ཤཱནྟི། ཐར་རྩེ་པའི་གསན་ཡིག་ན་འདི་ཇོ་བོའི་རྗེས་སུ་འདུག་པ་ཡིག་ནོར་བྱུང་འདྲ། ཇོ་བོ་རྗེ་དཔལ་ལྡན་ཨ་ཏི་ཤ། རོང་པ་འགར་དགེ །དགེ་བསྙེན་ཡིན། ལྷ་རྗེ་སྟོད་པ་ཚུལ་ཁྲིམས་དཔལ། སྔགས་དཀར། སྟེང་པ་ཐུགས་རྗེ་ཟླ་གསལ། རྗེ་བཙུན་བཙོང་པ་ཁ་པ་དང་རྡོ་རྗེ་གདན་པའི་གསན་ཡིག་ན་སྟེང་ཤོད་ཞལ་གཉིས་ཞེས་སྣང་། ཤོད་ཉི་མ་ཁ་དྲོ། གཅེན་ཤེས་རབ་རྒྱལ་པོ། འདི་གཉིས་ཀྱི་ཚབ་ཏུ་རྗེ་བཙུན་བཙོང་ཁ་པ་དང་རྡོ་རྗེ་གདན་པའི་གསན་ཡིག་ཏུ་རྗེ་ཆེ་བ་དང་ཆུང་བ་ཞེས་པ་འདུག་པའི་དེ་ཞ་ལུ་ཙནྡྲ་བའི་གསན་ཡིག་ཏུ་ཇེ་བ་ཆེ་ཆུང་གི་འོག་ཏུ་སོ་སོའི་མཚན་བརྒྱབ་འདུག་པ་དོན་ལ་གཅིག་པ་འདྲ། གཅུང་ཤེས་རབ་གཙུག་ཏོར། ལྷ་རྗེ་ཆེན་པོ་དྷརྨ་ཙཀྲ །སྔགས་པ་སེ་པོ། ཐང་སྟོད་
པ་ཆོས་འོང་། རབ་བྱུང་སེ་བོ། ཞིང་ཆེན་པ་གྲགས་པ་དཔལ། བོད་བཙུན་གྭ་ཐེར་སེ་བོ། བདེ་གཤེགས་དཔལ། བོད་བཙུན། བླ་མ་སྒོམ་བཙུན་པ། པ་ཡེ་ཤེས། གྱེར་བུག་པ་སྒོམ་ཡེ་དང་གཅིག་པ་འདྲ། བླ་མ་གྲགས་ཆེན། བཙུན་པ་ཕྱར་བུ་བ། བླ་མ་འཕགས་འོད། བུ་སྟོན་རིན་པོ་ཆེ། ཁྱུང་ལྷས་པ། ཤར་ཆེན། ངོར་ཆེན། སེམས་དཔའ་ཆེན་པོ། སངས་རིན་པ། སངས་རྒྱས་སེང་གེ །དེ་ལ་ཐར་རྩེ་པ་དང་མུས་པ་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་པ། རྩ་བའི་བླ་མ། དེས་བདག་ལའོ། །བཀའ་བབས་བཞི་པ་ཁ་ཆེ་ལུགས་ཀྱི་བརྒྱུད་པ་ནི། ཙཀྲ་སཾ་ཝ་ར། བཛྲ་ཝ་ར་ཧཱི། གྲུབ་ཆེན་ལཱུ་ཧི་པ། རི་ཁྲོད་ཞབས། འདི་གོང་དཀར་བའི་གསན་ཡིག་ན་མི་འདུག་པ་ཆད་དམ་དཔྱད། ཀནྟ་པ། འདྲེན་མཛད་ཞབས། བིཀྵ་ཏ་དེ་ཝ། ཁ་ཆེ་པཎ་ཆེན་ཤཱཀྱ་ཤྲཱི། བི་བྷཱུ་ཏི་ཙནྡྲ། གཡག་སྡེ་ལོ་ཙཱ་བ་བསོད་ནམས་བཟང་པོ། མངའ་རིས་ཟེ་དམར་བ་སངས་རྒྱས་ཡེ་ཤེས། བུ་སྟོན་ཐམས་ཅད་མཁྱེན་པ་ཡན་ཇོ་ལུགས་དང་འདྲ། ཡང་ན་བི་བྷཱུ་ཏི་ཙནྡྲ་ནས། མངའ་རིས་པ་སངས་རྒྱས་ཡེ་ཤེས་མན་འདྲ། ཡང་ན་ཁ་ཆེ་པཎ་ཆེན་ནས། སྤྱི་བོ་ལྷས་པ་སེང་གེ་དཔལ། ཞང་ཕྱ་རུ་བ། འབྲོ་ལུང་པ། རིན་པོ་ཆེ་ཁྲ་ཕུ་བ། ཡང་རྩེ་པ་རིན་ཅེན་སེང་གེ །བུ་སྟོན་མན་འདྲ། ཡང་ན་རྡོ་རྗེ་འཆང་། རྡོ་རྗེ་ཕག་མོ། སློབ་དཔོན་དྲིལ་བུ་པ། དྷ་རི་ཀ་བ། དགའ་བ་རྡོ་རྗེ། ཡན་ལག་མེད་པའི་རྡོ་རྗེ། ཨ་བྷ་ཡ། དེ་ཝ་པཱུརྞ། ཁ་ཆེ་པཎ་ཆེན་མན་འདྲ། ཡང་ཉེ་བརྒྱུད་ནི་འཁོར་ལོ་སྡོམ་པ། པཎ་ཆེན་ཤཱཀྱ་ཤྲཱི་མན་གོང་བཞིན་ནོ། །བཀའ་བབས་ལྔ་པ་པུ་རང་ལོ་ཆུང་ལུགས་ཀྱི་བརྒྱུད་པ་ནི། རྡོ་རྗེ་འཆང་རྡོ་
རྗེ་ཕག་མོ། གྲུབ་ཆེན་ལཱུ་ཧི་པ། ཌྷེཾ་ཀི་པ། རྡོ་རྗེ་དྲིལ་བུ་པ། ཛ་ལནྡྷ་རི་པ། སློབ་དཔོན་ནག་པོ་སྤྱོད་པ། དགེ་བའི་མགོན་པོ། རུས་སྦལ་ཞབས། གུ་ཧྱ་པ། རྗེ་བཙོང་ཁ་པ་དང་གོང་དཀར་བའི་གསན་ཡིག་ན་བྷཱུ་བ་པ་ཞེས་སྣང་། རྣམ་རྒྱལ་ཞབས། ཏཻ་ལོ་པ། ནཱ་རོ་ཏ་པ། མ་ན་ཀ་ཤྲཱི། པྲ་ཛྙ་རཀྵི་ཏ། ཕམ་ཐིང་པ་གསུམ། འཇིགས་མེད་གྲགས་པ། ངག་དབང་གྲགས་པ། བྷ་དནྟ། པུ་རང་ལོ་ཆུང་གྲགས་མཆོག་ཤེས་རབ། འདི་ལུས་མ་སྤངས་པར་མཁའ་སྤྱོད་དུ་བྱོན་པ་ཡིན། དམར་ཆོས་ཀྱི་རྒྱལ་མཚན། མངའ་རིས་ཀྱི་སྟོན་པ་དཀོན་ཅོག་འབར། ཐུར་ལ་བ་ཚུལ་ཁྲིམས་སྐྱབས། ཐང་སྤེ་བ་འཕགས་པ་སྐྱབས། སེ་སྡིངས་བ་གཞོན་ནུ་འོད། བླ་མ་ཆོས་སྐུ་འོད་ཟེར། ཀུན་མཁྱེན་འཕགས་འོད། བུ་སྟོན་རིན་པོ་ཆེ་མན་ཇོ་བོ་ལུགས་བཞིན་ནོ། །ཡང་ན་དམར་ཆོས་རྒྱལ་ནས། མི་ཉག་ཆོས་རྒྱལ། མི་ཉག་རྡོར་གྲགས། ལྕེ་མདོ་སེང་། བླ་མ་སྟོན་ཤཱཀ །བློ་ལྡན་སེང་གེ །འཕགས་འོད་མན་འདྲ། ཡང་ན་མ་ན་ཀ་དང་པྲཛྙཱ་རཀྵི་ཏ་གཉིས་ལ་ཀ་ན་ལ་ཤྲཱིས་གསན། དེ་དང་ཕམ་ཐིང་པ་གཉིས་ཀ་ལ་བྷ་དནྡ། དེ་ནས་པུ་རང་ལོ་ཆུང་མན་བཤད་མ་ཐག་པ་ལྟར་རོ། །བཀའ་བབས་དྲུག་པ་མར་ལུགས་ཀྱི་བརྒྱུད་པ་ནི། གསན་ཡིག་ཚོར་འདི་བཞིན་འདུག་ཀྱང་མར་ལོ་སོགས་མ་བྱུང་བས་དམང་ལུགས་ཟེར་རྒྱུ་ཡིན་ནམ་དཔྱད། ཕམ་ཐིང་པ་ཡན་ས་ལུགས་དང་འདྲ་བ་ལ། དེ་ནས་བལ་པོ་བྷ་དནྟུ། ལོ་ཆུང་གྲགས་མཆོག་ཤེས་རབ། དམར་ཆེན་པོ་ཆོས་ཀྱི་རྒྱལ་མཚན། དབོན་པོ་ཤེས་རབ་རྡོ་རྗེ། ཐུབ་པ་ཤེས་རབ། བརྩོན་འགྲུས་རྡོ་རྗེ། དམར་ཆོས་ཀྱི་རྒྱལ་མཚན། བླ་མ་ཤཱཀྱ་གཞོན་ནུ། ལྕེ་བློ་ལྡན་སེང་གེ །བླ་མ་འཕགས་འོད། ཀུན་མཁྱེན་བུ་སྟོན་
མན་ཇོ་ལུགས་དང་འདྲ། བཀའ་བབས་བདུན་པ་དཔྱལ་ལུགས་ཀྱི་བརྒྱུད་པ་ནི། གྲུབ་ཆེན་ལཱུ་ཧི་པ། རྒྱལ་པོ་དྷ་རི་ཀ་པ། མངའ་བདག་མཻ་ཏྲི་པ། ནྱ་ཀ་པ། ཀནྡྷ་པ། བིཀྵ་ཏ་དེ་ཝ། པཎ་ཆེན་ཤཱཀྱ་ཤྲཱི། གྲུབ་ཐོབ་རྡོ་རྗེ་གདན་པ། པཎྜི་ཏ་ཀྵི་ཏི་གརྦྷ། དཔྱལ་ལོ་ཙཱ་བ་ཆོས་བཟང་། རྒྭ་ལོ་རྣམ་རྒྱལ་རྡོ་རྗེ། དེ་སྲས་ཤེས་རབ་སེང་གེ །གྲུ་མ་ཆོས་སྐྱོང་དཔལ། ཁྱུང་པོ་ལྷས་པ་མན་ཇོ་བོ་ལུགས་བཞིན་ནོ། །བཀའ་བབས་བརྒྱད་པ་སྦལ་སྤང་སྣ་ལུགས་ཀྱི་བརྒྱུད་པ་ནི། གོང་དཀར་བའི་གསན་ཡིག་ན་འདི་ཇོ་ལུགས་བརྒྱུད་པའི་རྣམ་གྲངས་སུ་མཛད་འདུག་ཅིང་ཐར་རྩེ་ཤར་པའི་གསན་ཡིག་ན་དཀྱུས་བཞིན་དུ་སོ་སོར་སྣང་། སངས་རྒྱས། ཡེ་ཤེས་ཀྱི་མཁའ་འགྲོ་མ། སློབ་དཔོན་ཆེན་པོ་ཙཎྜི་ཀ་མ། བྲམ་ཟེ་ཆེན་པོ་མེ་ཀོ་པ། སློབ་དཔོན་ལཱུ་ཧི་པ། དྷ་རི་ཀ་པ། བྲམ་ཟེ་སྡོམ་པ་བཟང་པོ། ཇོ་བོ་རྗེ་ཨ་ཏི་ཤ །དེ་ལ་ལོ་ཆེན་རིན་ཅེན་བཟང་པོ་དང་ནག་ཚོ་ལོ་ཙཱ་བ་གཉིས་ཀྱིས་གསན། གཉིས་ཀ་ལ་འཕན་ཡུལ་འལ་པ་སྟོན་མགོན་དང་འལ་པ་ཇོ་བཙུན་གཉིས་ཀྱིས་གསན། དེ་གཉིས་ལ་སྒོམ་པ་སྔགས་དཀར་ལྕང་ལོ་ཅན། མང་སྒོམ། འཕན་ཡུལ་རྒྱལ་པ། སྦལ་སྤང་དྲང་སྲོང་སྲིན་པོ་རི་པ། སྣ་པ། འདི་གཉིས་སྐུ་མཆེད་ཡིན། མེ་རེག་དར་མ་བྱང་ཆུབ། སྤོང་ཞོ་བྲག་ནག་པ། དེ་དབོན་རིན་ཅེན་རྒྱལ་པོ། བླ་མ་དོན་རི་བ་གྲགས་པ་དཔལ། བོད་བཙུན་ཕྱར་བུ་བ། བླ་མ་འཕགས་འོད། ཀུན་མཁྱེན་བུ་སྟོན་མན་ཇོ་ལུགས་བཞིན་ནོ། །བཀའ་བབས་དགུ་པ་གཉོས་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། རྗེ་བཙུན་བཙོང་ཁ་པའི་གསན་ཡིག་ཏུ་འདིའི་རྗེས་སུ་ནག་པོ་པ་འདུག །གུ་ཧྱ་པ། རྣམ་རྒྱལ་ཞབས། ཏཻ་ལོ་པ། ནཱ་རོ་པ། དེ་ལ་ར་ཀྵི་ཏ། ནག་པོ་ལྷ་ལས་དད་པ། ཕམ་མཐིང་པ་སྟེ་གསུམ་ཀྱིས་གསན། གསུམ་ཀ་ལ་
བལ་པོ་བྷ་དནྟ། དེ་ནས་ནག་པོ་ལྷ་ལས་དད་པའི་སློབ་མ། གོང་དཀར་བའི་གསན་ཡིག་ནའང་མཚན་གསལ་མི་འདུག །རྗེ་བཙུན་བཙོང་ཁ་པའི་གསན་ཡིག་ན་བྷ་དནྟ་དང་ལྷ་ལས་དད་པ་གཉིས་ཀ་ལ་གཉོས་ལོཙཱ་བས་གསན་ཚུལ་སྣང་བ་དག་པར་མངོན། གཉོས་ལོ་ཙཱ་བ། གཉོས་བླ་མ། གཉོས་དཔལ་ལེ། ཕུག་ཀ་བ་ཇོ་བོ་ཐོ་འབུམ་དང་གཙང་པ་ལྷ་སྟེང་པ་དང་ལྕེ་མདོ་སྡེ་སེང་གེ་སྔགས་དཀར་ལྕང་ལོ་ཅན་ཡིན། བླ་མ་སྟོན་ཤཱཀ །བོད་བཙུན། བླ་མ་བློ་ལྡན། སྔགས་དཀར་ལྕང་ལོ་ཅན། བླ་མ་འཕགས་འོད་མན་ཇོ་ལུགས་དང་འདྲ། ཀུན་མཁྱེན་བུས་མཛད་པའི་དཔལ་འཁོར་ལོ་སྡོམ་པ་ལཱུ་ཧི་པའི་སྒྲུབ་ཐབས་རྣལ་འབྱོར་བཞི་ལྡན་གྱི་བརྒྱུད་པ་ནི། ཆོས་རྗེ་ཡབ་སྲས། ནམ་མཁའི་མཚན་ཅན། ཙནྡྲ་ཤྲཱི། ཚུལ་ཁྲིམས་རྒྱལ་མཚན། མཁྱེན་རབ་རྗེ། བྱང་གླིང་རིན་རྒྱན། དོན་གྲུབ་རྒྱལ་མཚན། བཀྲ་ཤིས་རྒྱལ་མཚན། ཀུན་དགའ་བཀྲ་ཤིས། སློབ་དཔོན་དཀོན་ཅོག་རྒྱལ་མཚན། རྩ་བའི་བླ་མ་ཞ་ལུ་པ་ཆེན་པོ། དེས་བདག་ལའོ། །དཔལ་འཁོར་ལོ་སྡོམ་པ་རྩ་བའི་རྒྱུད་ཀྱི་ཟབ་དོན་གྲུབ་པའི་ཁྱུ་མཆོག་དཔལ་ལྡན་སྤྱོད་པའི་རྡོ་རྗེ་བརྟུལ་ཞུགས་པའི་ཞབས་ཀྱིས་སྦྱང་གཞི་མངལ་སྐྱེས་ལྟར་སྦྱོང་བྱེད་དུ་བཀྲལ་བའི་བདེ་མཆོག་ལྷ་དྲུག་ཅུ་རྩ་གཉིས་ཀྱི་རས་བྲིས་ཀྱི་དཀྱིལ་འཁོར་དུ་ཀུན་མཁྱེན་བསོད་ནམས་སེང་གེ་དང་ཞ་ལུ་པ་སངས་རྒྱས་དཔལ་བཟང་གིས་མཛད་པའི་མངོན་རྟོགས། རྗེ་བཙུན་རིན་པོ་ཆེའི་དཀྱིལ་ཆོག །དེའི་གསལ་བྱེད་ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པ་རྣམས་ལ་བརྟེན་ནས་དབང་བཞི་ལེགས་པར་ནོས་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། རྗེ་བཙུན་བཙོང་ཁ་པའི་གསན་ཡིག་ན་ཕྱག་རྡོར། ས་ར་ཧ། ཀླུ་སྒྲུབ། ཤ་ཝ་རི། ལཱུ་ཧི་པ། དྷ་རི་ཀ་པ། དྲིལ་བུ་པ་ཞེས་བྱུང་བ་རིང་བརྒྱུད་ཡིན་འདྲ། གྲུབ་ཆེན་དྲིལ་
བུ་པ། རུས་སྦལ་ཞབས། ཤྲཱི་ཛཱ་ལནྡྷ་ར། གྲུབ་ཆེན་སྤྱོད་པའི་རྡོ་རྗེ། ནག་པོ་བར་གྲགས་པ་གསུམ་བྱོན་ཏེ། ནག་པོ་སྤྱོད་པ་བ། ནག་པོ་དམ་ཚིག་རྡོ་རྗེ། ནག་པོ་ལྷ་ལས་དད་པ་གསུམ་གྱི་དང་པོ་གཉིས་ལ་ནག་པོ་པ་ཆེ་བ་དང་ཆུང་བར་གྲགས་པ་ལས་འདི་ནག་པོ་པ་ཆེ་བ་ཀཧྣ་པ་སྟེ་སྤྱོད་པ་པར་གྲགས་སོ། །སློབ་དཔོན་གུ་ཧྱ་པ། རྣམ་པར་རྒྱལ་བའི་ཞབས། ཏཻ་ལོ་པ། པཎ་ཆེན་ནཱ་རོ་པ། ཕམ་ཐིང་པ་གཅེན་འཇིགས་མེད་གྲགས་པ། གཅུང་ངག་གི་དབང་ཕྱུག །ཀློག་སྐྱ་ཤེས་རབ་བརྩེགས། མལ་ལོ་ཙཱ་བ་བློ་གྲོས་གྲགས། སྔགས་པ་གོས་དཀར་ཅན། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་པཎ་ཆེན། ཆོས་ཀྱི་རྒྱལ་པོ་འཕགས་པ། ཞང་དཀོན་ཅོག་དཔལ། རྒྱལ་བ་བྲག་ཕུག་པ། ཐམས་ཅད་མཁྱེན་པ་བསོད་ནམས་རྒྱལ་མཚན། རི་ཁྲོད་པ་བློ་གྲོས་བརྟན་པ། བླ་མ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། ཆོས་རྗེ་གཞོན་ནུ་སེང་གེ །རྡུལ་ཚོན་གྱི་བརྒྱུད་པ་འདི་མན་ནས་བྱུང་སྐད། རྗེ་སངས་རྒྱས་དཔལ་གྲུབ། ངོར་ཆེན་ལྷ་མཆོག་སེང་གེ །རྗེ་སངས་རྒྱས་སེང་གེ །དེ་ལ་བྲང་ཏི་པཎ་ཆེན་ནམ་མཁའ་དཔལ་བཟང་དང་མུས་ཆེན་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་མཁས་གྲུབ་དཔལ་ལྡན་དོན་གྲུབ། དེ་ནས་རྩ་བའི་བླ་མ་རིགས་ཀུན་ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་ངོར་ཆེན་ནས། ཁྭ་ཆར་བ་བསོད་ནམས་རྒྱལ་མཚན། རྗེ་སངས་རྒྱས་དཔལ་གྲུབ་མན་འདྲ། ཡང་ན་ངོར་ཆེན་ནས། མུས་པ་གྲུབ་ཆེན་དཀོན་ཅོག་བློ་གྲོས། རྗེ་བཙུན་སངས་རྒྱས་རིན་ཅེན། རྗེ་ལྷ་མཆོག་
སེང་གེ་མན་གོང་ལྟར་རོ། །ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། གྲུབ་ཆེན་དཀོན་ཅོག་བློ་གྲོས་མན་འདྲ། ཡང་ན་རྗེ་སངས་རྒྱས་རིན་ཅེན་ནས། ཆོས་རྗེ་དགེ་ལེགས་བཤེས་གཉེན། ཤར་ཁང་པ་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་མན་འདྲ། ཡང་ན་འཕགས་པ་རིན་པོ་ཆེ་ནས། སྟག་སྟོན་ཤེས་རབ་གཞོན་ནུ། བླ་མ་བྲག་དཀར་བ། མཁས་གྲུབ་གཞོན་ནུ་བསོད་ནམས། ཤར་ཆེན་ཡེ་ཤེས་རྒྱལ་མཚན་མན་འདྲ། བུ་སྟོན་རིན་པོ་ཆེའི་གསན་ཡིག་དང་འཇམ་དབྱངས་མཁྱེན་བརྩེས་ཚར་ཆེན་དང་གྲོལ་མཆོག་ལ་གསན་པ་ཚང་མར་རྣལ་འབྱོར་མའི་རྗེས་སུ་གྲུབ་ཆེན་དྲིལ་བུ་པ་འདུག་ནའང་། ངོར་ཆེན་རྡོ་རྗེ་གདན་པ་ཐར་རྩེ་སྒྲུབ་ཁང་ཤར་པ་ཁྱབ་བདག་བཀའ་འགྱུར་བ་རྣམས་ཀྱི་གསན་ཡིག་ལྟར་ན། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཤ་ཝ་རི་པ། ལཱུ་ཧི་པ། དྷ་རི་ཀ་པ། དྲིལ་བུ་པ་མན་མཐུན་པ་འདི་བཞིན་ནོ། །གྲུབ་པའི་དབང་ཕྱུག་རྡོ་རྗེ་དྲིལ་བུ་པས་ལེགས་པར་བཀྲལ་བའི་འཁོར་ལོ་སྡོམ་པ་ཟབ་དོན་དྲིལ་བུ་པ་ཕྱིའི་དཀྱིལ་རས་བྲིས་ཀྱི་དཀྱིལ་འཁོར་ཆེན་པོར་ཞ་ལུ་པ་ཐམས་ཅད་མཁྱེན་པ་ཡེ་ཤེས་རྒྱ་མཚོས་མཛད་པའི་དཀྱིལ་ཆོག་གི་སྟེང་ནས་དབང་བཞི་ལེགས་པར་ནོས་པའི་བཀའ་བབས་དང་པོ་ས་ལུགས་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། སློབ་དཔོན་རྡོ་རྗེ་དྲིལ་བུ་པ། རུས་སྦལ་ཞབས། འབར་བ་འཛིན། ཀཧྣ་པ། གུ་ཧྱ་པ། རྣམ་རྒྱལ་ཞབས། ཏཻ་ལོ་པ། ནཱ་རོ་པ། ཕམ་ཐིང་པ་སྐུ་མཆེད། ཀློག་སྐྱ་ཤེས་རབ་བརྩེགས། མལ་གྱི་ལོ་ཙཱ་བ་བློ་གྲོས་གྲགས། རྗེ་བཙུན་ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་ཆེན་པོ། ས་པཎྜི་ཏ།
འཕགས་པ་རིན་པོ་ཆེ། ཁྲོ་ཕུ་རིན་པོ་ཆེ། ཡང་རྩེ་བ་རིན་ཅེན་སེང་གེ །བུ་སྟོན་ཐམས་ཅད་མཁྱེན་པ། ཁྱུང་ལྷས་པ་གཞོན་ནུ་བསོད་ནམས། མཁས་པ་ནོར་བཟང་རིན་ཅེན། དཀའ་བཞི་པ་རིན་ཅེན་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། ལྗིལ་མིག་པ་བཀྲ་ཤིས་རྒྱལ་མཚན། ལྷ་བོ་པ་ཀུན་དགའ་དོན་གྲུབ། སློབ་དཔོན་བསོད་ནམས་དཔལ་འབྱོར། བྱང་གླིང་རྗེ་བཀྲ་ཤིས་རྒྱལ་མཚན། གྲང་ཆེན་པ་དཔལ་ལྡན་ཆོས་བཟང་། ཆོས་རྗེ་རིན་ཅེན་རྒྱ་མཚོ། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་བུ་སྟོན་རིན་པོ་ཆེ་ནས། ཐུགས་སྲས་རིན་ཅེན་རྣམ་རྒྱལ། རྗེ་ཀུན་དགའ་རིན་ཅེན། གཟད་རིན་པ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། བླ་མ་ཡོན་ཏན་རྒྱ་མཚོ། བླ་མ་ཤཱཀྱ་ཀུན་དགའ། ཀུན་བཟང་རྩེེ་པ་དབང་ཕྱུག་རྒྱལ་མཚན། པཎ་ཆེན་བསོད་ནམས་མཆོག་ལྡན། ཞ་ལུ་པ་ཆེན་པོ། དེས་བདག་ལའོ། །ཡང་ན་ཐུགས་སྲས་རིན་ཅེན་རྣམ་རྒྱལ་ནས། ཤངས་པ་ཤེས་རབ་དཔལ་བཟང་། རྗེ་སངས་རྒྱས་རིན་ཅེན། གནས་རྙིང་པ་རིན་ཅེན་རྒྱལ་མཚན། གནས་རྙིང་པ་གྲགས་པ་རྒྱལ་མཚན། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། རྗེ་ནམ་མཁའ་རྒྱལ་མཚན། རྗེ་བློ་གྲོས་མཐའ་ཡས། རྡོ་རྗེ་འཆང་ཕ་བོང་ཁ་པ། ཟུར་ཐམས་ཅད་མཁྱེན་པ། དེས་བདག་ལའོ། །ཡང་ན་ཤེས་རབ་དཔལ་བཟང་ནས། དགེ་ལེགས་དཔལ་བཟང་། མཐུ་ཆེན་ལེགས་རྒྱན། རྒྱ་མ་བ་རིན་ཅེན་རྒྱལ་མཚན། ཉན་ཤཱཀ་པ།
ཆེན་པོ་ཡོན་ཏན་བཤེས་གཉེན། ཆེན་པོ་བློ་གྲོས་རྣམ་རྒྱལ། ཤར་པ་རིན་ཅེན་རྒྱལ་མཚན། རྗེ་ནམ་མཁའ་རྒྱལ་མཚན་མན་འདྲ། ཡང་ན་ས་པཎ་ནས། བོ་དོང་རིན་ཅེན་བརྩོན་འགྲུས། ཁྲོ་ཕུ་རིན་པོ་ཆེ་མན་འདྲ། ཡང་ན་ས་པཎ་ནས། ཚོགས་སྒོམ་པ། ཁྲོ་ཕུ་བ་མན་འདྲ། བཀའ་བབས་གཉིས་པ་མར་དོ་ལུགས་ཀྱི་བརྒྱུད་པ་ནི། རྡོ་རྗེ་འཆང་། དྲིལ་བུ་པ། ལངྐ་ལིང་པ། ནག་པོ་སྤྱོད་པ། དགེ་བའི་མགོན་པོ། ཏཻ་ལོ་པ། ནཱ་རོ་པ། མ་ཎ་ཀ་ཤྲཱི། ཀ་ཎ་ཀ་ཤྲཱི། ཕམ་ཐིང་བ་འཇིགས་མེད་གྲགས་པ། བལ་པོ་བྷ་དནྟ། སུ་མ་ཏི་ཀཱིརྟི་ཡང་ཟེར། མར་དོ་ལོ་ཙཱ་བ་ཆོས་ཀྱི་དབང་ཕྱུག །སྔགས་པ་གོས་དཀར་ཅན། གཟེ་པ་བློ་ལྡན་སེང་གེ །གཟེ་པ་བདེ་མཆོག་རྡོ་རྗེ། ཤཱཀྱ་རྡོ་རྗེ། རོང་པ་ཆོས་མགོན། ལོ་མཆོག་པ། བླ་མ་དཔལ་ལྡན་སེང་གེ །བུ་སྟོན་ཐམས་ཅད་མཁྱེན་པ་མན་འདྲ། ཐུགས་སྲས་རིན་པོ་ཆེས་མཛད་པའི་དྲིལ་བུ་ལྷ་ལྔའི་སྒྲུབ་ཐབས་ཡིད་ཀྱི་མུན་སེལ་དང་དཀྱིལ་ཆོག་གཉིས་ཀྱི་བརྒྱུད་པ་ནི། ཐུགས་སྲས་སེམས་དཔའ་ཆེན་པོ། དབང་རྣོན། ཙནྡྲ་ཤྲཱི། འཁྲུལ་ཞིག་རྗེ། རིན་ཅེན་མཆོག་གྲུབ། བྱང་གླིང་རིན་རྒྱལ་འབྲོག་སྒང་པ། འཇམ་དབྱངས་བཀྲ་ཤིས་རྒྱལ་མཚན། གྲོ་པོ་ལུང་པ། སློབ་དཔོན་དཀོན་རྒྱན། ཁྱབ་བདག་ཞ་ལུ་པ། དེས་བདག་ལའོ། །སྒྲུབ་དཀྱིལ་གཉིས་ཀྱི་ལྷན་ཐབས་བྱང་གླིང་བཀྲ་ཤིས་རྒྱལ་མཚན་གྱིས་མཛད་པའི་བརྒྱུད་པ་ནི། བྱང་གླིང་རྗེ་མན་གོང་བཞིན་ནོ། །སློབ་དཔོན་དྲིལ་བུ་པའི་བཞེད་སྲོལ་དཔལ་འཁོར་ལོ་བདེ་མཆོག་ལུས་ཀྱི་དཀྱིལ་འཁོར་དུ་ཐམས་ཅད་མཁྱེན་པ་བུ་སྟོན་རིན་པོ་ཆེས་མཛད་པའི་དཀྱིལ་ཆོག་ཟབ་དོན་གསལ་བ་ལ་བརྟེན་ནས་དབང་བཞི་ལེགས་པར་ནོས་པའི་བཀའ་བབས་གཉིས་ལྡན་གྱི་དང་པོ་
ས་ལུགས་ཀྱི་བརྒྱུད་པ་ནི། རྡོ་རྗེ་འཆང་། ཡུམ་རྡོ་རྗེ་ཕག་མོ། གྲུབ་ཆེན་རྡོ་རྗེ་དྲིལ་བུ་པ། རབ་བྱུང་གི་མཚན་བློ་གྲོས་སྙིང་པོ། ཀུརྨ་པཱ་ད། འབར་བ་འཛིན་པ། ཀརྞ་པ། གུ་ཧྱ་པ། རྣམ་རྒྱལ་ཞབས། ཏཻ་ལོ་པ། པཎ་ཆེན་ནཱ་རོ་པ། གཅེན་འཇིགས་མེད་གྲགས་པ། གཅུང་ངག་གི་དབང་ཕྱུག །ཀློག་སྐྱ་ཤེས་རབ་བརྩེགས། མལ་ལོ་ཙཱ་བ་བློ་གྲོས་གྲགས། རྗེ་བཙུན་ཀུན་དགའ་སྙིང་པོ། སློབ་དཔོན་བསོད་ནམས་རྩེ་མོ། བླ་མ་རྗེ་བཙུན་ཆེན་པོ། ཆོས་རྗེ་པཎྜི་ཏ། འགྲོ་བའི་མགོན་པོ་ཆོས་རྒྱལ་འཕགས་པ། ཞང་དཀོན་ཅོག་དཔལ། བ་ཕུག་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་དཀོན་ཅོག་རྒྱལ་མཚན། རྗེ་བཙུན་སངས་རྒྱས་རིན་ཅེན། ངོར་ཆེན་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། དེ་ལ་ཐར་རྩེ་པཎ་ཆེན་ནམ་མཁའ་དཔལ་བཟང་དང་མུས་པ་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་མཁས་གྲུབ་དཔལ་ལྡན་དོན་གྲུབ། དེ་ནས་རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལ་སྩལ་ཏོ། །ཡང་ན་རྗེ་སངས་རྒྱས་རིན་ཅེན་ནས། ངོར་ཆེན་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་མན་འདྲ། ཡང་ན་ངོར་ཆེན་ནས། གུ་གེ་པཎ་ཆེན། གློ་བོ་མཁན་ཆེན་ལེགས་པའི་འབྱུང་གནས། འཇམ་དབྱངས་ས་སྐྱ་ལོ་ཙཱ་བ། རྗེ་སངས་རྒྱས་སེང་གེ་མན་འདྲ། ཡང་ན་ས་པཎ་ལ། འཕགས་པ་རིན་པོ་ཆེ། ཚོགས་སྒོམ་རིན་པོ་ཆེ། བོ་དོང་རིན་པོ་
ཆེ་གསུམ་གྱིས་གསན། དེ་གསུམ་ག་ལ་ཁྲོ་ཕུ་རིན་པོ་ཆེ་བསོད་ནམས་སེང་གེས་གསན། དེ་ལ་བླ་མ་དཔལ་ལྡན་སེང་གེ་དང་ཡང་རྩེ་བ་རིན་ཅེན་སེང་གེ་གཉིས་ཀྱིས་གསན། དེ་གསུམ་ལ་ཐམས་ཅད་མཁྱེན་པ་བུ་སྟོན་རིན་ཅེན་གྲུབ། དེ་ནས་ཁྱུང་པོ་ལྷས་པ་གཞོན་ནུ་བསོད་ནམས། ཤར་ཆེན་ཡེ་ཤེས་རྒྱལ་མཚན་མན་འདྲ། ཡང་ན་ཁྱུང་ལྷས་པ་ལ། མཁས་གྲུབ་ནོར་བཟང་རིན་ཅེན། དཀའ་བཞི་པ་རིན་ཅེན་རྒྱལ་མཚན། སྐུ་ཞང་མཁྱེན་རབ་ཆོས་རྗེ། མཁན་ཆེན་རིགས་འཛིན་རྒྱལ་པོ། ལྕགས་སྒོག་ལུང་པ་བཀྲ་ཤིས་དཔལ་འབྱོར། ཚར་ཆེན་གྱི་ཀུ་སུ་ལུའི་བླ་མ་ལམ་དུ་མཇལ་གསུང་བ་དེ་ཡིན། བྱང་གླིང་པ་རིན་ཅེན་བཀྲ་ཤིས་རྒྱལ་མཚན། ཐར་རྩེ་ནམ་མཁའ་དཔལ་བཟང་མན་འདྲ། ཡང་ན་བྱང་གླིང་རིན་ཅེན་བཀྲ་ཤིས་རྒྱལ་མཚན་ནས་གྲང་ཆེན་སློབ་དཔོན་དཔལ་ལྡན་ཆོས་བཟང་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །བཀའ་བབས་གཉིས་པ་ཁ་ཆེ་ལུགས་ཀྱི་བརྒྱུད་པ་ནི། བཛྲ་དྷ་ར། བཛྲ་ཝཱ་ར་ཧཱི། བཛྲ་གྷཎྜ་པ། རྗེ་བཙུན་བཙོང་ཁ་པའི་གསན་ཡིག་ན་བར་འདིར་དྷ་རི་ཀ་པ་སྣང་བས་ཆད་དམ་བརྟག །དགའ་བའི་རྡོ་རྗེ། ཡན་ལག་མེད་པའི་རྡོ་རྗེ། ཨ་བྷ་ཡཱ་ཀཱ་ར་གུཔྟ། དེ་ཝ་པཱུ་རྞ། པཎ་ཆེན་ཤཱཀྱ་ཤྲཱི། སྤྱི་བོ་ལྷས་པ་སེང་གེ་དཔལ། ཞང་ཕྱ་རུ་བ། བྱང་སེམས་འབྲི་ལུང་པ། ཐར་རྩེ་པ་དང་ཤར་པའི་གསན་ཡིག་ན་ཞང་འབྲེ་ལུང་པ་ཞེས་འདི་དང་གོང་མ་གཉིས་བླ་མ་གཅིག་ཏུ་མཛད་འདུག་ཀྱང་བུ་སྟོན་དང་མཁྱེན་བརྩེའི་གསན་ཡིག་ཏུ་དཀྱུས་ལྟར་སོ་སོར་སྣང་ངོ་། །ཁྲོ་ཕུ་རིན་པོ། ཡང་རྩེ་པ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་མན་འདྲ། ཐུང་བརྒྱུད་ནི། རྡོ་རྗེ་དྲིལ་བུ་བ། དེ་ཝ་པཱུརྞ། ཁ་ཆེ་པཎ་ཆེན་མན་འདྲ། ཉེ་བརྒྱུད་ནི། འཁོར་
ལོ་སྡོམ་པ། ཁ་ཆེ་པཎ་ཆེན་མན་གོང་བཞིན་ནོ། །ཀུན་མཁྱེན་བུས་མཛད་པའི་ལུས་དཀྱིལ་དབང་ཆོག་གི་ལུང་ནི། བུ་སྟོན་ཐམས་ཅད་མཁྱེན་པ། སྒྲ་ཚད་པ་རིན་ཅེན་རྣམ་རྒྱལ། མཁས་པ་ནོར་བཟང་རིན་ཅེན། དཀའ་བཞི་འཛིན་པ་རིན་ཅེན་རྒྱལ་མཚན། མཁྱེན་རབ་ཆོས་རྗེ། བླ་མ་དབོན་རྒྱལ་བ། རྗེ་དོན་གྲུབ་རྒྱལ་མཚན། བྱང་གླིང་པ་བཀྲ་ཤིས་རྒྱལ་མཚན། དྲུང་ཀུན་དགའ་བཀྲ་ཤིས། བླ་མ་དཀོན་ཅོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །དཔལ་འཁོར་ལོ་སྡོམ་པ་དང་པོའི་སངས་རྒྱས་དུས་ཀྱི་འཁོར་ལོ་དང་མཐུན་པར་བཤད་པ་མཁའ་འགྲོ་རྒྱ་མཚོ་ལྷ་སྟོང་དང་ལྔ་བརྒྱ་ཞེ་ལྔའི་རས་བྲིས་ཀྱི་དཀྱིལ་འཁོར་དུ་རྡོ་རྗེ་འཆང་ཀུན་དགའ་བཟང་པོས་མཛད་པའི་སྒྲུབ་ཐབས་དངོས་གྲུབ་རིན་པོ་ཆེའི་མཛོད། དེས་མཛད་པའི་དཀྱིལ་འཁོར་གྱི་ཆོ་ག་ཡོན་ཏན་རིན་པོ་ཆེའི་མཛོད། གོང་དཀར་བའི་གསན་ཡིག་ན་ལྷ་སྟོང་ཕྲག་གཅིག་བརྒྱ་ཕྲག་དགུ་བརྒྱད་ཀྱི་ལྷག་པའི་བཅུ་ཕྲག་གཅིག་ཡོད་པར་བཤད་ཅིང་ལོ་པའི་གསན་ཡིག་ན་སྟོང་དང་བདུན་བརྒྱ་ཞེས་སྣང་ངོ་། །ཞ་ལུ་བྱང་གླིང་པ་རིན་ཅེན་བཀྲ་ཤིས་རྒྱལ་མཚན་གྱིས་མཛད་པའི་ལྷན་ཐབས་གསང་བའི་མཛོད་ཀྱི་སྒོ་འབྱེད་ལྡེ་མིག །སྔགས་འཕྲེང་ངོར་ཆེན་གྱིས་ཞུས་དག་མཛད་པ་རྣམས་ལ་བརྟེན་ནས་དབང་བཞི་ལེགས་པར་ནོས་པའི་བརྒྱུད་པ་ནི། ཁྱབ་བདག་རྡོ་རྗེ་འཆང་། ཡུམ་རྡོ་རྗེ་ཕག་མོ། འཕགས་པ་སྤྱན་རས་གཟིགས། བྱང་སེམས་བློ་གྲོས་རིན་ཅེན། གྲུབ་ཆེན་ཤ་ཝ་རི་པ། མངའ་བདག་མཻ་ཏྲི་གུཔྟ། རྒྱ་གར་ཕྱག་ན་རྡོ་རྗེ། སློབ་དཔོན་ཀ་མཱ་ལ་བཛྲ། པཎ་གྲུབ་ཛ་ཡ་སེ་ན། སུམ་པ་ལོ་ཙཱ་བ་དར་མ་ཡོན་ཏན། རྗེ་བཙུན་ཆེན་པོ་གྲགས་པ་རྒྱལ་མཚན། ས་པཎྜི་ཏ། རིན་པོ་ཆེ་སྐྱོབ་པ་དཔལ། རྒྱལ་ཚ་
ལུང་མང་པོ་ཆོས་ཀྱི་དབང་ཕྱུག །ལོ་ཙཱ་བ་མཆོག་ལྡན་ལེགས་པའི་བློ་གྲོས། བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། བླ་མ་ངག་གི་དབང་ཕྱུག །མཁན་ཆེན་བྱང་ཆུབ་སེང་གེ །ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་གུང་རུ་ཤེར་བཟང་། ཀུན་མཁྱེན་གོ་རམ་པ་བསོད་ནམས་སེང་གེ །བྱ་འགྱུར་པ་བསོད་ནམས་སེང་གེ །མཁན་ཆེན་དཀོན་ཅོག་ཚུལ་ཁྲིམས། ཞ་ལུ་དང་དཔལ་འཁོར་ཆོས་སྡེའི་གདན་ས་པ། རྗེ་བཙུན་སྒོ་རུམ་པ་ཀུན་དགའ་ལེགས་པ། ཇོ་ནང་མཁན་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ཞ་ལུའི་མཁན་པོ། རྒྱུད་སྡེའི་མངའ་བདག་ཞ་ལུ་པ་རིན་ཅེན་བཀྲ་ཤིས་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་རྡོ་རྗེ་སེམས་དཔའ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ་མན་འདྲ། ཡང་ན་ས་པཎ་ནས། མངའ་རིས་པ་རིན་འབྱུང་། ཚུལ་ཁྲིམས་རིན་ཅེན་རང་བྱུང་རྡོ་རྗེ། འཛམ་གླིང་པཎྜི་ཏ། བླ་མ་ཨ་མོ་གྷ་པ། གཟད་པ་རིན་ཅེན་རྒྱལ་མཚན། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། རྗེ་རྣམ་རྒྱལ་རིན་ཅེན། བླ་མ་ཤཱཀྱ་ཀུན་དགའ། བླ་ཆེན་ཡེ་ཤེས་དབང་པོ། ཉི་མ་གླིང་པ་ཚུལ་ཁྲིམས་བཀྲ་ཤིས། རྩ་བའི་བླ་མ་བཀའ་འགྱུར་པ། དེས་བདག་ལའོ། །ཡང་ན་རྡོ་རྗེ་འཆང་། ཕྱག་ན་རྡོ་རྗེ། ཏཻ་ལོ་པ། ནཱ་རོ་པ། རྡོ་རྗེ་གདན་པ། དྷ་བྱང་ཆུབ་སེམས་དཔའ། ཨ་བྷྱ་ཀ་ར། མཁྱེན་བརྩེའི་གསན་ཡིག་ན་ཨ་བྷྱ་རཀྵི་ཏ། ཞེས་གཅིག་ཏུ་བསྡོམས་འདུག་ཀྱང་གོང་དཀར་བ་དང་ཐར་རྩེ་པའི་གསན་ཡིག་ན་དཀྱུས་ལྟར་སྣང་ངོ་། །རཏྣ་རཀྵི་ཏ།
པཎ་གྲུབ་ཛ་ཡ་སེ་ན། སུམ་པ་ལོ་ཙཱ་བ་མན་གོང་ལྟར་རོ། །ཡང་ན་སུམ་པ་ལོ་ཙཱ་བ་ནས། མཁས་པ་ས་མུ་དྲ། སེང་གེ་རྒྱལ་མཚན། ལོ་ཙཱ་བ་གྲགས་པ་རྒྱལ་མཚན། ངོར་ཆེན་དང་ཐར་རྩེ་པའི་གསན་ཡིག་ན་གྲགས་པ་དཔལ་ཞེས་པ་དཀྱུས་སུ་བྲིས་བར་རྡོ་རྗེ་ཡིན་ནམ་འདི་མ་དག་ཟེར་བའི་མཆན་འདུག་ཀྱང་རྡོ་རྗེ་གདན་པའི་གསན་ཡིག་ན་འདི་ལྟར་སྣང་ངོ་། །བག་སྟོན་གཞོན་ཚུལ་མན་འདྲ། ཡང་ན་བག་སྟོན་ནས། བླ་མ་ཚུལ་རྒྱལ་བ། བླ་མ་བདེ་ལེགས་པ། དེ་ལ་ཚལ་མིན་བསོད་ནམས་བཟང་པོ་དང་གནས་རྙིང་རིན་ཅེན་རྒྱལ་མཚན་གཉིས་ཀྱིས་གསན། གཉིས་ཀ་ལ་མཁན་ཆེན་སེང་གེ་དཔལ། དེ་ནས་བྲག་ཐོག་པ་མན་འདྲ། ཡང་ན་སུམ་པ་ལོ་ཙཱ་བ་ནས། རྒྱ་ཐམས་ཅད་མཁྱེན་པ། སྲིན་པོ་རི་པ། བསྒྲད་སྟོན་རྡོ་རྗེ་དཔལ། གོང་དཀར་བའི་གསན་ཡིག་ན་སྒྲག་སྟོན་ཞེས་སྣང་། མཚུར་ཕུ་བ་ཚུལ་ཁྲིམས་རིན་ཅེན། རྗེ་རང་བྱུང་རྡོ་རྗེ། སྙེ་མདོ་ཀུན་དགའ་དོན་གྲུབ། བསོད་ནམས་འོད་ཟེར། བག་སྟོན་གཞོན་ཚུལ་མན་གོང་བཞིན་ནོ། །ཡང་ན་རང་བྱུང་རྡོ་རྗེ་ནས། ཡོར་པ་ཡེ་ཤེས་དཔལ། མཁན་ཆེན་སེང་གེ་དཔལ་མན་འདྲ། ཡང་ན་རྡོ་རྗེ་འཆང་། ཕྱག་ན་རྡོ་རྗེ། པདྨ་བཛྲ་ཆེ་ཆུང་གཉིས། ཨིནྡྲ་བྷ་ཏི། ལྕམ་ལཀྵྨཱི་ཀ་ར། ཏཻ་ལོ་པ། ནཱ་རོ་པ། རྡོ་རྗེ་གདན་པ། ཨ་བྷྱ་ཀ་ར། རཏྣ་ཤྲཱི། རྒྱལ་བའི་སྡེ། སུམ་པ་ལོ་ཙཱ་བ། རྗེ་བཙུན་གྲགས་པ། ས་པཎ། སྐྱོབ་པ་དཔལ་མན་འདྲ། ཡང་ན་སུམ་པ་ལོ་ཙཱ་བ། སྒང་དར་སྙིང་། གཉན་རས། ཨ་ཀྵོ་བྷྱ་བཛྲ། སྒོམ་པ་ཤེས་རབ། བདེ་བ་ཅན་ཡེ་ཤེས་མགོན་པོ། བསམ་གཏན་གྲུབ། བླ་མ་གཞོན་ནུ་རྒྱལ་མཚན། འཛམ་གླིང་པཎྜི་ཏ་མན་འདྲ།གུ་གེ་པཎ་ཆེན་གྱིས་མཛད་པའི་སྒྲུབ་ཐབས་འཕྲིན་ལས་མཐའ་
ཡས་དང་དབང་ཆོག་བདུད་རྩི་གངྒཱའི་ཀླུང་རྒྱུན་གཉིས་ཀྱི་སྟེང་ནས་དཔལ་འཁོར་ལོ་སྡོམ་པ་བོང་ཞལ་ཅན་ལྷ་སོ་བདུན་གྱི་རས་བྲིས་ཀྱི་དཀྱིལ་འཁོར་དུ་དབང་བཞི་ལེགས་པར་ནོས་པའི་རིང་བརྒྱུད་ནི། རྡོ་རྗེ་འཆང་། མཁའ་འགྲོ་མ། འཇིགས་མེད་འབྱུང་གནས་སྦས་པ། ཨ་ནུ་ས་མ་རཀྵི་ཏ། དརྦཎ་ཨཱ་ཙཪྻ། ཀུན་ཏུ་བཟང་པོ། ཡེ་ཤེས་ཀྱི་ཀློག །དཔལ་ཡིད་ཀྱི་འགྲམ་པ། འཇམ་དཔལ་བཟང་པོ། དཔལ་བཟང་། ཆོས་ཀྱི་ཀློག་བཟང་པོ། ཡིད་འཚོ་བ། བཟང་པོ། ངག་གི་དཔལ་བཟང་། དཔལ་རྣམ་རྒྱལ་བཟང་པོ། དཔལ་མྱོས་བྱེད་བཟང་པོའི་ཞབས། དཔལ་ཕུན་ཚོགས་བཟང་པོའི་ཞབས། ནམ་མཁའ་བཟང་པོ། རྒྱལ་བའི་འཚོ་བ་བཟང་པོ། དཔལ་འཕྲོག་བྱེད་བཟང་པོའི་ཞབས། ཡེ་རང་པཎྜི་ཏ་སྐལ་ལྡན་བཟང་པོ། སྐྱེ་རྒུ་ཀུན་དགའི་འཚོ་བ་བཟང་པོ། དེ་སྲས་བལ་པོ་མ་ཧཱ་བོ་དྷི། བླ་མ་བསམ་གཏན་འོད་ཟེར། པཎྜི་ཏ་གྲགས་པ་རྒྱལ་མཚན། གློ་བོ་མཁན་ཆེན་ལེགས་པའི་འབྱུང་གནས། འཇམ་དབྱངས་ས་ལོ་ཀུན་དགའ་བསོད་ནམས། འཇམ་དབྱངས་དཀོན་མཆོག་ལྷུན་གྲུབ། ངོར་ཆེན་སངས་རྒྱས་སེང་གེ །བྲང་ཏི་པཎ་ཆེན་ནམ་མཁའ་དཔལ་བཟང་། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་ཆེན་ཤེས་རབ་འབྱུང་གནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་སྩལ་ཏོ། །ཉེ་བརྒྱུད་ནི། གྲུབ་ཆེན་བསམ་གཏན་འོད་ཟེར་གྱིས་དབང་གསན་པའི་ཚེ་བརྒྱུད་པ་ཞུས་པས་ངས་ཨ་པ། དེའི་ཨ་པས་ཙ་ཀྲ་སཾ་ཝ་ར་དང་ཡོ་གི་གཉིས་ལ་ཐོབ་གསུང་བ་ལྟར། བདེ་མཆོག་ཡབ་ཡུམ་གྱིས་བྱིན་གྱིས་བརླབས་པ་ཤ་སྟག་གི་ཉེ་བརྒྱུད་ནི། དཔལ་འཁོར་ལོ་སྡོམ་པ། ཡུམ་རྡོ་རྗེ་
ཕག་མོ། བལ་པོ་ཡེ་རང་གི་པཎྜི་ཏ་སྐལ་ལྡན་བཟང་པོ་མན་གོང་བཞིན་ནོ། །ངོར་ཆེན་གྱིས་མཛད་པའི་སྒྲུབ་ཐབས་དང་བྱིན་རླབས་ཀྱི་ཡི་གེའི་སྟེང་ནས་ཁ་ཆེ་པཎ་ཆེན་གྱི་ཐུགས་དམ་བཞིའི་ནང་ཚན་བཅོམ་ལྡན་འདས་དཔལ་འཁོར་ལོ་སྡོམ་པ་དཀར་པོ་ལྷན་ཅིག་སྐྱེས་པའི་བྱིན་རླབས། བདེ་མཆོག་དཀར་པོ་ལ་བརྟེན་ནས་བྱང་ཆུབ་བསྒྲུབ་པ། འཇམ་དཀར་ལ་བརྟེན་ནས་ཤེས་རབ་བསྒྲུབ་པ། ཡང་དག་མེ་གཅིག་ཐོད་གཅིག་ལ་བརྟེན་ནས་རས་ཐུབ་པ། ཛམྦྷ་ལ་ནག་པོ་ལ་བརྟེན་ནས་ནོར་བསྒྲུབ་པའོ། །རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པའི་འཁྲིད་ཡིག་བྱང་ཆུབ་སྒྲུབ་པའི་ཉེ་ལམ་གྲུབ་པའི་ཞལ་ལུང་ལ་བརྟེན་ནས་བསྐྱེད་རྫོགས་ཀྱི་ཉམས་འཁྲིད་ཟབ་མོ་སྨིན་རྒྱས། ཞར་བྱུང་ཚེ་སྒྲུབ་ཀྱི་འཁྲིད་དང་བཅས་པ་རྣམས་ཐོབ་པའི་བྱིན་རླབས་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། རྣལ་འབྱོར་དབང་ཕྱུག་ལཱུ་ཧི་པ། ད་རི་ཀ་པ། མཻ་ཏྲི་པ། ན་ཡ་ཀ་པ། ཀནྡྷ་པ། ཁ་ཆེའི་པཎ་ཆེན་ཤཱཀྱ་ཤྲཱི། དཔྱལ་ཆོས་ཀྱི་བཟང་པོ། དཔྱལ་ཨ་མོ་གྷ། རྗེ་བཙུན་རྒྭ་ལོ་རྣམ་རྒྱལ་རྡོ་རྗེ། དེ་སྲས་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཐུགས་སྲས་ཀླུ་དབང་གླིང་པ། འབྲས་སྤུངས་པ་ཚེ་དབང་བཀྲ་ཤིས། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རྩ་བའི་བླ་མ་འཇམ་མགོན་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་ཁ་ཆེ་པཎ་
ཆེན་ནས། ས་པཎྜི་ཏ། གཡག་སྡེ་ལོ་ཙཱ་བ་བསོད་ནམས་བཟང་པོ། གྲུབ་ཆེན་ཟེ་དམར་བ་སངས་རྒྱས་ཡེ་ཤེས། མཁན་ཆེན་བསོད་ནམས་གྲགས་པ། མཁན་ཆེན་གྲགས་པ་ཚུལ་ཁྲིམས། བྱ་སྡེར་པ་བྱང་ཆུབ་སེང་གེ །ས་བཟང་འཕགས་པ་རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ། གྲུབ་ཆེན་དཀོན་ཅོག་བློ་གྲོས། རྗེ་སངས་རྒྱས་རིན་ཅེན། དཔལ་ལྡན་ཀུན་དགའ་གྲོལ་མཆོག །འཇམ་དབྱངས་མཁྱེན་བརྩེའི་ཞབས་མན་འདྲ། ཡང་ན་ངོར་ཆེན་ནས། གུ་གེ་པཎྜི་ཏ། གློ་བོ་མཁན་ཆེན་ལེགས་པའི་འབྱུང་གནས། རྗེ་གྲོལ་མཆོག་མན་གོང་བཞིན་ནོ། །བྱང་ཆུབ་སྒྲུབ་པ་དང་ཚེ་སྒྲུབ་པའི་ཉམས་འཁྲིད་རྗེ་དབང་རབ་ཀྱིས་མཛད་པའི་འཁྲིད་ཡིག་གི་ལུང་དང་བཅས་པའི་བརྒྱུད་པ་ནི། ངོར་ཆེན་ནས། མུས་ཆེན་འཁོར་ལོ་སྡོམ་པ་ཆོས་རྗེ་སངས་རྒྱས་དཔལ་བཟང་། རྗེ་བྱམས་པ་ཆོས་ལེགས། འཁྲུལ་ཞིག་བྱམས་པ་ཤེས་རབ་བཟང་པོ། ཁྲག་འཐུང་ཚོགས་ཀྱི་དབང་ཕྱུག་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །བོ་དོང་མཁན་ཆེན་བསླབ་གསུམ་རྒྱལ་མཚན། རིགས་ཀུན་བདག་པོ་དབང་ཕྱུག་རབ་བརྟན། གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཁྱབ་བདག་རྡོ་རྗེ་སེམས་དཔའ་ཆོས་དབྱིངས་རང་གྲོལ། དེས་བདག་ལ་སྩལ་ཏོ། །ཉེ་བརྒྱུད་ནི། རྡོ་རྗེ་ཕག་མོ། ཁ་ཆེ་པཎ་ཆེན་མན་དབང་འཁྲིད་ཐམས་ཅད་ལ་འདྲ། །རྣལ་འབྱོར་གྱི་དབང་ཕྱུག་བྱང་པ་རས་ཆེན་དཔལ་འབྱོར་བཟང་པོ་ལ་གསེར་ཆོས་གསུམ་གྱི་བཀའ་བབས་པའི་ཚེ་དཔག་མེད་ནི་ཨོ་རྒྱན་ཆེན་པོས་དངོས་སུ་གནང་བས་གསང་སྔགས་རྙིང་མ་བཀའ་མར་གཏོགས་ལ། འདིར་ཞོ་ར་རས་པས་
མཛད་པའི་དབང་ཆོག་སྙིང་པོ་བསྡུས་པའི་སྟེང་ནས་བདེ་མཆོག་ལྷ་ལྔའི་བྱིན་རླབས་དང་། འབྲི་གུང་མཁན་ཆེན་རྣམ་མགོན་དྲི་མེད་སྡེས་མཛད་པའི་འཁྲིད་ཡིག་གྲུབ་པའི་མཆོག་སྦྱིན་གྱི་སྟེང་ནས་ཟབ་མོ་ནི་གུ་ཆོས་དྲུག་གི་ཐབས་ལམ་བདེ་དྲོད་རང་འབར་གྱི་ཉམས་འཁྲིད་མཇུག་ཏུ་རླུང་ལ་དོར་བ་དང་། གསེར་ཆོས་གསུམ་པ་འཕོ་བ་འཇག་ཚུགས་མ་དང་བཅས་པའི་སྨིན་རྒྱས་སུ་ནོས་པའི་བརྒྱུད་པ་ནི། ཁྱབ་བདག་རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་ནི་གུ་མ། མཁས་གྲུབ་ཁྱུང་པོ་རྣལ་འབྱོར། རྨོག་ཅོག་པ་རིན་ཅེན་བརྩོན་འགྲུས། སྐྱེར་སྒང་པ་ཆོས་ཀྱི་སེང་གེ །གཉན་སྟོན་ཆོས་ཀྱི་ཤེས་རབ། སངས་རྒྱས་སྟོན་པ་བརྩོན་འགྲུས་སེང་གེ །བསམ་སྡིངས་པ་གཞོན་ནུ་གྲུབ། ཞང་སྟོན་པ། འཇམ་དབྱངས་མཁྱེན་བརྩེའི་གསན་ཡིག་ན་འདི་མི་འདུག་པ་བརྟག །མཁས་བཙུན་ལྷོ་བ། ཉང་སྟོད་བསམ་སྡིངས་ཀྱི་བླ་མ་སྐུ་མཆེད་གསུམ། སྤྲུལ་སྐུ་བློ་གྲོས་དཔལ་བ། འདི་གོང་དཀར་ལུགས་ཀྱི་བརྒྱུད་ཡིག་ན་མི་འདུག་ཀྱང་མཁྱེན་བརྩེའི་གསན་ཡིག་ན་བླ་མ་སྐུ་མཆེད་གསུམ་མི་འདུག་པ་དེའི་གྲས་ཤིག་ཡིན་ནམ་བརྟག །འཇམ་དབྱངས་ཆོས་དཔལ་བཟང་པོ། མུས་ཆེན་ནམ་མཁའ་རྒྱལ་མཚན། རྒྱལ་སྲས་བྱམས་མགོན་པ། བོ་དོང་པཎ་ཆེན་ཕྱོགས་ལས་རྣམ་རྒྱལ། རས་ཆེན་དཔལ་འབྱོར་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། འཇམ་དབྱངས་བྱང་ཆུབ་དབང་རྒྱལ། པཎ་ཆེན་བདེ་བའི་རྡོ་རྗེ། བླ་མ་ལྷ་དབང་འཕྲིན་ལས། མཁས་གྲུབ་ཚུལ་ཁྲིམས་བཀྲ་ཤིས། འཇམ་དབྱངས་དགེ་བའི་དབང་པོ། རྩ་བའི་བླ་མ་ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རས་ཆེན་པ་ནས། འཇམ་དབྱངས་བྱང་
ཆུབ་དབང་རྒྱལ་མན་འདྲ། །ཉེ་བརྒྱུད་ནི། ཡེ་ཤེས་ཀྱི་མཁའ་འགྲོ་ནི་གུ་མས་སྤོ་བ་ལ་ཀོང་ལུང་དུ་རས་ཆེན་དཔལ་འབྱོར་བཟང་པོ་ལ་དངོས་སུ་གནང་། དེ་མན་གོང་བཞིན་ནོ། །
འཕོ་བ་འཇག་ཚུགས་མའི་ཉམས་ཁྲིད་ཀྱི་བརྒྱུད་ལུགས་ཁག་གཅིག །
འཕོ་བ་འཇག་ཚུགས་མའི་ཉམས་འཁྲིད་ཀྱི་བརྒྱུད་པ་ལུགས་གཅིག་ནི། རྡོ་རྗེ་འཆང་། རྡོ་རྗེ་ཕག་མོ། མཁའ་འགྲོ་མ་ནི་གུ །རས་ཆེན་དཔལ་འབྱོར་བཟང་པོ། མཁས་གྲུབ་བྱ་བྲལ་ཆོས་རྗེ། མཚུངས་མེད་བསམ་གཏན་གླིང་པ། མཁན་ཆེན་ཀུན་དགའ་རྒྱལ་མཚན། རས་ཆུང་རྣམ་སྤྲུལ་བཀྲ་ཤིས་རྒྱ་མཚོ། རིགས་འཛིན་ཀུན་དགའ་ཚེ་མཆོག །མཚུངས་མེད་ངག་དབང་ཡེ་ཤེས་གྲུབ་པ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །རིགས་འཛིན་རཏྣ་གླིང་པའི་གཏེར་ལུང་དུ། རྡོ་རྗེ་རྒྱལ་མཚན་གསུང་གི་སྤྲུལ་པ་གཅིགཿ བསོད་ནམས་རྒྱལ་མཚན་ཕག་གྲུའི་ནང་ནས་འབྱུང་། བཀའ་བརྒྱུད་བསྟན་འཛིན་བོད་འབངས་ཡོངས་ཀྱི་ཕཿ ཞེས་ལུང་གིས་ཟིན་པའི་སྤྱན་སྔ་ཆོས་ཀྱི་རྒྱལ་པོ་ལྷ་གཟིགས་རས་པས་མཛད་པའི་ནཱ་རོ་ཆོས་དྲུག་གི་འཁྲིད་ཡིག་ཆེན་མོའི་ལུང་ཐོབ་པའི་བརྒྱུད་པ་ནི། སྤྱན་སྔ་བསོད་ནམས་རྒྱལ་མཚན། འབྲོག་ཤར་སྨད་པ་རཏྣ་བྷ་དྲ། མཁན་ཆེན་ཤར་སྨད་བ་བསོད་ནམས་བཀྲ་ཤིས། བྲག་ཐོག་ཐམས་ཅད་མཁྱེན་པ། གྲུབ་ཆེན་གཡང་ཧྲིལ་རྒྱལ་མཚན་དོན་གྲུབ། མཁན་ཆེན་དཔལ་འབྱོར་རྒྱལ་མཚན། མངའ་རིས་དྲུང་པ་རིན་པོ་ཆེ་ལྷ་བཙུན་བསོད་ནམས་དཔལ་བཟང་། ཐམས་ཅད་མཁྱེན་པ་བསོད་ནམས་རྒྱ་མཚོ། གྱེ་རེ་ལྷ་བཙུན་ལྷ་དབང་རྒྱ་མཚོ། རྡོ་རྗེ་འཆང་ཕ་བོང་ཁ་བ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །
ཚར་པ་ཆོས་ཀྱི་རྒྱལ་པོས་མཛད་པའི་བྱིན་རླབས་ཀྱི་ཆོ་ག་པད་དཀར་བཞད་པའི་འཕྲེང་བ་དང་། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་བྱིན་རླབས་ཀྱི་ཆོ་གའི་སྟེང་ནས་དཔལ་འཁོར་ལོ་སྡོམ་པའི་རྒྱུད་མངོན་པར་བརྗོད་པ་འབུམ་པ་ལས་གསུང་པའི་ཚེ་དཔག་མེད་ལྷ་གཅིག་བུམ་གཅིག་ཚེ་གཟན་ལ་བརྟེན་པའི་དབང་བཞི་བྱིན་རླབས་ཀྱི་ཚུལ་དུ་ཐོབ་པའི་བརྒྱུད་པ་ནི། མགོན་པོ་ཚེ་དཔག་མེད། མ་གཅིག་གྲུབ་པའི་རྒྱལ་མོ། ཏི་ཕུ་གསང་སྔགས་སྡོང་པོ། རྗེ་རས་ཆུང་རྡོ་རྗེ་གྲགས་པ། མི་ལ་བཞད་པ་རྡོ་རྗེ། མཉམ་མེད་ཟླ་འོད་གཞོན་ནུ། བདེ་གཤེགས་ཁམས་པ་རྡོར་རྒྱལ། འབྲི་གུང་འཇིག་རྟེན་གསུམ་མགོན། སྤྱན་སྔ་ཆོས་ཀྱི་རྒྱལ་པོ་གྲགས་པ་འབྱུང་གནས། ཡང་དགོན་པ་ཐུགས་ཀྱི་རྡོ་རྗེ། ཐུགས་སྲས་སྤྱན་སྔ་རིགས་ལྡན། ཟུར་ཕུག་པ་རིན་ཅེན་དཔལ་བཟང་། འབའ་ར་བ་རྒྱལ་མཚན་དཔལ་བཟང་། གྲུབ་ཆེན་རིན་ཅེན་འཕེལ། ཞ་ལུ་མཁན་ཆེན་འཁྲུལ་ཞིག་ཚུལ་ཁྲིམས་རྒྱལ་མཚན། སྐུ་ཞང་རྡོ་རྗེ་འཆང་མཁྱེན་རབ་རིན་ཅེན་མཆོག་གྲུབ། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། འཇམ་དཔལ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་རྡོ་རྗེ་འཆང་དབང་ཕྱུག་རབ་བརྟན་ནས། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་འཇམ་དབྱངས་མཁྱེན་བརྩེའི་དབང་ཕྱུག་ལ། མཁན་ཆེན་བསླབ་གསུམ་རྒྱལ་མཚན། སྔགས་འཆང་བསོད་ནམས་ཆོས་
འཕེལ། ཞ་ལུ་བྱང་གླིང་པ་རིན་ཅེན་བཀྲ་ཤིས་རྒྱལ་མཚན་གསུམ་གྱིས་གསན། ཚར་ཆེན་སོགས་ཡབ་སྲས་ལྔ་ག་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་གསན་པ་མན་འདྲ། ཡང་ན་ཚར་ཆེན་ནས། གཉན་སྟོན་སྤྲུལ་པའི་ཟློས་གར་མཁན་ཆེན་གཞོན་ནུ་བློ་གྲོས། རྗེ་དབང་རབ་མན་འདྲ། ཡང་ན་ཚར་ཆེན་ནས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། སྐྱེད་ཚལ་མཁན་ཆེན་ཐར་པ་རྒྱལ་མཚན། ཁྱབ་བདག་ཞ་ལུ་པ། དེ་བདག་ལའོ། །ཡང་ན་རྡོ་རྗེ་འཆང་དབང་རབ་ནས། ཞ་ལུ་པ་དགེ་འདུན་དཔལ་བཟང་། མཁན་ཆེན་ཞ་ལུ་པ། དེ་བདག་ལའོ། །ཡང་ན་འབའ་ར་བ་ནས། རྗེ་སངས་རྒྱས་སེང་གེ །འཇམ་དབྱངས་ཆོས་ཀྱི་རྒྱལ་པོ། ཤངས་དཀར་བ་རིན་ཅེན་རྒྱལ་མཚན། ཕ་རྒོད་བསོད་ནམས་བཟང་པོ། རྗེ་བཙུན་རྡོ་རིང་བ་ཆེན་པོ་མན་འདྲ། ཡང་ན་འབའ་ར་བ་ནས། ཆོས་རྗེ་བདེ་ལེགས་རིན་ཅེན། ལྷ་དོ་རྟོགས་ལྡན་ཡང་ཟེར། གནས་རྙིང་པ་རིན་ཅེན་རྒྱལ་མཚན། ཀུན་མཁྱེན་གངས་ཁྲོད་པ་ཀུན་དགའ་དཔལ་བཟང་། ཆོས་རྗེ་རིན་ཅེན་རྒྱལ་མཚན། སྐུ་ཞང་མཁྱེན་རབ་ཆོས་རྗེ་མན་འདྲ། ཡང་ན་རྡོ་རིང་རིན་པོ་ཆེ། རྗེ་བཙུན་སྒོ་རུམ་པ་ཀུན་དགའ་ལེགས་པ། རྡོ་རྗེ་འཆང་ཚར་བ་ཆོས་རྗེ། ཡབ་སྲས་གཉིས་ཀ་ལ་འཇམ་དབྱངས་མཁྱེན་བརྩེས་གསན་པ་མན་གོང་ལྟར་རོ། །ཡང་ན་སྒོ་རུམ་པ་ནས། དེ་དབོན་སྒོ་རུམ་པ་ངག་དབང་བསྟན་པའི་རྡོ་རྗེ། འཇམ་དབྱངས་མཁྱེན་བརྩེ་མན་འདྲ། ཡང་ན་མཁྱེན་རབ་རྗེ་ནས། སྐུ་ཞང་བསོད་ནམས་མཆོག་གྲུབ། བྱང་གླིང་བཀྲ་ཤིས་རྒྱལ་མཚན། རྡོ་རྗེ་འཆང་དབང་རབ་མན་འདྲ། ཡང་ན་རྗེ་སྒོ་རུམ་པ་དང་ཚར་ཆེན་གཉིས་ལ་མངའ་རིས་རུ་ཐོག་
པ་ནམ་མཁའ་གཟི་བརྗིད། དེ་ནས་ཀུན་མཁྱེན་མཁྱེན་བརྩེ་མན་འདྲ། ཡང་ན་རས་ཆུང་པ་ནས། སུམ་པ་སེང་གེ་དཔལ། ལོ་སྟོན་ཀུན་དགའ་དར། གླིང་རས་པ་པདྨ་རྡོ་རྗེ་ནས་རིམ་པར་བརྒྱུད་དེ། རྩིས་དང་སྨན་ཚུལ་ཁང་པ་སློབ་དཔོན་བཀྲ་ཤིས་དར། དགུང་ལོ་བརྒྱ་ལྷག་བཞེས་པ་ཡིན། རྗེ་བཙུན་རྡོ་རིང་པ་མན་འདྲ། ཡང་ན་སྐྱེད་མཆོག་འབའ་ར་བ་ནས། གཡག་སྟེ་ཁ་རག་རི་བ་སངས་རྒྱས་རྒྱལ་མཚན། འབྲི་གུང་ལོ་ཙཱ་བ་ནམ་མཁའ་གྲགས། མཉམ་མེད་སངས་རྒྱས་དཔལ་བཟང་། རྗེ་ནམ་མཁའ་རྒྱལ་མཚན། རྗེ་རིན་ཅེན་རྣམ་རྒྱལ། པཎ་ཆེན་གཞུང་ལུགས་འབུམ་ཕྲག་བརྒྱ་པ་དངོས་གྲུབ་དཔལ་འབར། ཆོས་འཁོར་ལྷུན་པོའི་མཁན་པོ། བླ་ཆེན་ནམ་མཁའ་གཟི་བརྗིད་མན་འདྲ། ཡང་ན་རྗེ་བཙུན་རྡོ་རིང་པ་ཆེན་པོ་ནས། རྗེ་ཀུན་དགའ་གྲོལ་མཆོག །འཇམ་དབྱངས་མཁྱེན་བརྩེ་མན་འདྲ། ཡང་ན་ལྷ་དོ་རྟོགས་ལྡན་བདེ་ལེགས་རིན་ཅེན་ནས། དབུ་མ་ཆོས་ཤེས་བཟང་པོ། དགེ་སློང་དཔལ་མགོན་པ། རྗེ་སངས་རྒྱས་རིན་ཅེན། ངོར་བ་ལྷ་མཆོག་སེང་གེ །གྲོལ་མཆོག་མན་འདྲ། ཡང་ན་འབའ་ར་བ་ནས། གཉན་རས་ནམ་མཁའ་རྒྱལ་མཚན། ཀརྨ་པ་ཆོས་གྲགས་རྒྱ་མཚོ། ཏྲེ་བོ་ཆོས་ཀྱི་རྒྱ་མཚོ། རྗེ་བཙུན་ཀུན་དགའ་གྲོལ་མཆོག་མན་འདྲ། ཡང་ན་རྗེ་བཙུན་གྲོལ་མཆོག་ནས། གསེར་མདོག་ཅན་གྱི་མཁན་པོ་འབུམ་རམ་པ་དགེ་འདུན་ཉི་མ། ཐམས་ཅད་མཁྱེན་པ་མཁྱེན་བརྩེའི་ཞབས་མན་འདྲ། ཡང་ན་ཀུན་མཁྱེན་གངས་ཁྲོད་པ་ཀུན་དགའ་དཔལ་ཡན་གོང་ལྟར་ལ། དབུ་མ་པ་དཔལ་ལྡན་བཟང་པོ། དྲིན་ཅན་དཔལ་ལྡན་མགོན་པོ། རྗེ་སངས་རྒྱས་རིན་ཅེན། བདག་ཆེན་འཇམ་
དཔལ་དབྱངས་ངག་གི་དབང་ཕྱུག །ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་ན་འབའ་ར་བ་ནས། མུས་ཆེན་ནམ་མཁའི་རྣལ་འབྱོར། གཡག་མི་ཕམ་ཆོས་ཀྱི་བླ་མ། རོང་སྟོན་ཤེས་བྱ་ཀུན་རིག །ལྷ་འབྲི་ཤེས་རབ་རྡོ་རྗེ། མི་ཉག་གྲགས་པ་རྡོ་རྗེ། བདག་ཆེན་ངག་གི་དབང་ཕྱུག་མན་གོང་ལྟར་རོ། །ཡང་ན་འབའ་ར་བ་ནས། གྲུབ་ཆེན་རིན་ཅེན་བཟང་པོ། ལུང་མང་པོ་ཆོས་གྲགས་དཔལ་བཟང་། མཁན་ཆེན་ཟླ་བ་བློ་གྲོས། སྐྱེས་མཆོག་ཚངས་པ་རྒྱལ་མཚན། མལ་གྲོ་གྲུབ་ཆེན་བློ་གྲོས་དཔལ་ལྡན། ཆོས་ལུང་མཁན་ཆེན་ནམ་མཁའ་ལྷུན་གྲུབ་རྒྱལ་མཚན་དཔལ་བཟང་། འཇམ་དབྱངས་མཁྱེན་བརྩེ་མན་འདྲ། ཡང་ན་འབའ་ར་བ་ནས། རྗེ་སངས་རྒྱས་སེང་གེ །ཀློང་མཁར་བ་ཀུན་དགའ་ཤེས་རབ། མོན་རྩེ་བ་ཀུན་དགའ་དཔལ། གྲི་བྱང་ཆུབ་སྡིང་པ་ཀུན་དགའ་དཔལ། དེའི་གདན་ས་པ་བྱང་ཆུབ་དཔལ། མཁན་ཆེན་ནམ་མཁའ་ལྷུན་གྲུབ་མན་གོང་བཞིན་ནོ། །ཡང་ན་རས་ཆུང་པ་ནས། གྲུ་སྟོན་རྡོ་རྗེ་འོད། ཆག་དྲག་བཅོམ། ཆག་ལོ་ཆོས་རྗེ་དཔལ། བླ་བྲང་སྟེང་པ་ཉི་མ་རྒྱལ་མཚན། རྗེ་བཙུན་དཔལ་ཆེན་བཟང་པོ། རྒྱལ་སྲས་བློ་བཟང་དཔལ་འབྱོར། ཆག་ལོ་རིན་ཅེན་ཆོས་རྒྱལ། བདག་ཆེན་ངག་གི་དབང་ཕྱུག་མན་འདྲ། ཡང་ན་རས་ཆུང་པ་ནས། སུམ་པ་སེང་གེ་དཔལ། ལོ་སྟོན་ཀུན་དགའ་དར། གླིང་རས་པདྨ་རྡོ་རྗེ། གྲུམ་སྟོན་དར་མ་ཤེས་རབ། སྦྲག་ཕུག་པ་ཤེས་རབ་དཔལ། གྲུབ་ཐོབ་ལེགས་ལྡན་འོད། རྗེ་བཙུན་དཔལ་ཆེན་བཟང་པོ་མན་འདྲ། ཡང་ན་གངས་ཁྲོད་པ་ཀུན་དགའ་དཔལ་བཟང་ནས། མུས་ཆེན་དཔལ་ལྡན་མགོན་པོ། ཆོས་རྗེ་ཉི་ཟླ་སེང་གེ །ཡོལ་མོ་སྤྲུལ་སྐུ་ཤཱཀྱ་བཟང་པོ། བཀྲ་བཟང་
སྔགས་འཆང་ཆོས་སྐྱོང་བསོད་ནམས། འཇམ་དབྱངས་མཁྱེན་བརྩེ་མན་འདྲ། ཡང་ན་ཆག་ལོ་གསུམ་པ་ནས། ཐུགས་སྲས་དོན་ཡོད་དཔལ། རིན་པོ་ཆེ་བཤེས་གཉེན་བཀྲ་ཤིས། གྲུབ་བརྙེས་སྡོམ་བརྩོན་ཆོས་ཀྱི་འབྱུང་གནས་ངག་དབང་རྣམ་རྒྱལ། འཇམ་དབྱངས་མཁྱེན་བརྩེ་མན་འདྲ། །ཡང་ཉེ་བརྒྱུད་ནི། ཚེ་དཔག་མེད། རྗེ་བཙུན་མི་ལ་རས་པ། ཆོས་རྗེ་ཡེ་ཤེས་དཔལ་བཟང་མན་གོང་བཞིན་ནོ། །ཡང་ན་རས་ཆུང་པ་ནས། མངའ་རིས་པ་བྱང་ཆུབ་རྡོ་རྗེ། བླ་མ་ཀུན་དགའ་ཤེས་རབ། བཟང་ཡུལ་བ་རིན་ཅེན་ལྡན། འགྲོ་མགོན་སྟོན་པ། མཁས་གྲུབ་གཞོན་ནུ་གྲུབ། བླ་མ་བྱང་ཆུབ་ཤེས་རབ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། འཁྲུལ་ཞིག་གྲགས་པ་ཚུལ་ཁྲིམས། མཉམ་མེད་རྒྱལ་བ་བཟང་པོ། རྗེ་བཀྲ་ཤིས་ཡེ་ཤེས། བླ་མ་ཚུལ་ཁྲིམས་དབང་ཕྱུག །རྗེ་བཤེས་གཉེན་བཀྲ་ཤིས། བླ་མ་ངག་དབང་རྣམ་རྒྱལ་མན་འདྲ། ཡང་ན་རས་ཆུང་པ་ནས། དགུང་ལོ་གྱ་གཉིས་པ། འགོས་རི་ཁྲོད་དབང་ཕྱུག །དགུང་ལོ་གྱ་བརྒྱད། གཉན་སྒོམ་རྒྱལ་པ་སེང་གེ །དགུང་ལོ་གོ་དྲུག །བྱང་ཆུབ་གླིང་པ། དགུང་ལོ་གོ་གཉིས། སློབ་དཔོན་དགེའུ་པ། དགུང་ལོ་གྱ་དྲུག །འདོན་པ་བ་དབང་ཕྱུག་བརྩོན་འགྲུས། དགུང་ལོ་གོ་དགུ །ཆོས་ཀྱི་རྒྱལ་པོ་འཕགས་པ། མཁན་ཆེན་མཆིམས། མཁས་གྲུབ་གཞོན་ནུ་གྲུབ་མན་འདྲ། ཡང་ན་འགོས་རི་ཁྲོད་དབང་ཕྱུག་ནས། ཡར་ཀླུངས་ཀྱི་གཉག་དམར་པོ། རྗེ་བཙུན་ཡོན་ཏན་བཟང་པོ། རིག་པ་འཛིན་པ་གཉོས་ཨ་སེང་། གན་པ་རིན་ཅེན་རྒྱལ་མཚན། བླ་མ་དམ་པ་བསོད་ནམས་རྒྱལ་མཚན་མན་འདྲ། ཡང་ན་བླ་མ་དམ་པ་ནས། བླ་མ་རྣམ་རྒྱལ་དཔལ་བཟང་
མཁན་ཆེན་དཔལ་འབྱོར། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཕུན་ཚོགས་གླིང་པ་རྣམ་རྒྱལ་རིན་ཅེན། འབྲས་སྤུངས་པ་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེ་མན་འདྲ། ཡང་ན་གན་པ་རིན་རྒྱལ་ནས། མཁན་ཆེན་ཤེས་རབ་རྡོ་རྗེ། བྲག་ཐོག་པ་མན་འདྲ། ཡང་ན་རས་ཆུང་པ་ནས། མངའ་རིས་པ་བྱང་ཆུབ་རྡོ་རྗེ། གྲུབ་ཐོབ་རྒྱལ་ཚ་མགོན་པོ། བླ་མ་བཟང་ཡུལ་བ། སངས་རྒྱས་སྟོན་པ། རིན་ཆེན་སེང་གེ །སློབ་དཔོན་ལྷ་གཞོན། མཁན་ཆེན་དང་མ་བ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་མན་འདྲ། ཡང་ན་ཀུན་མཁྱེན་རྡོ་རྗེ་གདན་པ་ནས། རྒྱ་སྟོན་བྱང་ཆུབ་དབང་རྒྱལ། བླ་མ་ཤཱཀྱ་ཀུན་དགའ། ཀུན་བཟང་རྩེ་བ་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ། དེས་བདག་ལའོ། །ཡང་ན་ཉི་མ་གླིང་པ་ནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེ་ལ་ཀུན་མཁྱེན་ཆོས་དབྱིངས་རང་གྲོལ་དང་ཁྱབ་བདག་ཞ་ལུ་པ་གཉིས་ཀྱིས་གསན། གཉིས་ཀ་ལ་བདག་གིས་ཞུས་སོ། །ཡང་ན་འབའ་ར་བ་རྒྱལ་མཚན་དཔལ་བཟང་ཡན་གོང་ལྟར་ལ། དེས་ནས་སྐྱེ་མཆོག་ཨཱ་ནནྡྲ་པ། ཆོས་རྗེ་དཔལ་འབྱོར་རྒྱལ་མཚན། ཡབ་རྗེ་རྡོ་རྗེ་འཆང་ཀུན་དགའ་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། ཆོས་རྗེ་ཡོན་ཏན་མཆོག །ཐམས་ཅད་མཁྱེན་པ་བསོད་ནམས་རྒྱ་མཚོ། གྱེ་རེ་ལྷ་བཙུན་ལྷ་དབང་རྒྱ་མཚོ། དེ་གཉིས་ཀ་ལ་འཁོན་སྟོན་རྡོ་རྗེ་འཆང་དཔལ་འབྱོར་ལྷུན་གྲུབ། དེ་ནས་ཟུར་ཐམས་ཅད་མཁྱེན་པ། དེས་བདག་ལ་སྩལ་ཏོ། །ཡང་ན་ཐམས་ཅད་མཁྱེན་པ་དགེ་འདུན་རྒྱ་མཚོ་ནས།
པཎ་ཆེན་བསོད་ནམས་གྲགས་པ། ཐམས་ཅད་མཁྱེན་པ་བསོད་ནམས་རྒྱ་མཚོ་མན་གོང་ལྟར་རོ། །ཡང་ན་ཐམས་ཅད་མཁྱེན་པ་བསོད་ནམས་རྒྱ་མཚོ་ནས། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་མན་འདྲ། ཡང་ན་གངས་ཅན་པ་ཀུན་དགའ་དཔལ་བཟང་ཡན་གོང་ལྟར་ལ། དེ་ནས་འབྲོང་རྩེ་ལྷ་བཙུན་རིན་ཅེན་རྒྱ་མཚོ་བློ་གྲོས། གྲུབ་ཆེན་ངག་དབང་བློ་གྲོས། མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་གེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ་མན་འདྲ། ཡང་ན་ཡང་དགོན་པ་ཐུགས་ཀྱི་རྡོ་རྗེ་ནས། མཁན་པོ་རིན་ཅེན་རྡོ་རྗེ། སྤྲུལ་སྐུ་བསོད་ནམས་རིན་ཅེན། བྱང་སེམས་ཁྱུང་དཀར་བ་ཆེན་པོ། རི་པ་དཀོན་ཅོག་འབྱུང་གནས། བླ་མ་སྨོན་ལམ་སྙིང་པོ། མཁས་བཙུན་ཆོས་དཔལ་མགོན་པོ། རི་ཁྲོད་པ་སེང་གེ་དཔལ་བཟང་། པཎ་ཆེན་ངོ་མཚར་རྒྱ་མཚོ། མར་སྟོན་སེམས་དཔའ་ཆེན་པོ་ཚུལ་ཁྲིམས་རིན་ཅེན་མན་གོང་ལྟར་རོ། །ཡང་ན་འབའ་ར་བ་རྒྱལ་མཚན་དཔལ་བཟང་ནས། ཆོས་རྗེ་ཤེས་རབ་དཔལ། བླ་མ་ཚུལ་ཁྲིམས་དཔལ་བཟང་། རྗེ་རིན་ཅེན་བཤེས་གཉེན། མཚུངས་མེད་སངས་རྒྱས་རྒྱ་མཚོ། རྗེ་སྐྱབས་མཆོག་དཔལ། རྗེ་བློ་བཟང་དོན་གྲུབ། དབེན་ས་བླ་མ་སངས་རྒྱས་ཡེ་ཤེས། མཁན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན། དེས་བདག་ལའོ། །ཡང་ན་རྗེ་བསོད་ནམས་རྒྱ་མཚོ་ནས། ཁྲི་རིན་པོ་ཆེ་རྒྱལ་ཁང་རྩེ་པ། འཇམ་དབྱངས་དཀོན་ཅོག་ཆོས་འཕེལ། དེས་བདག་ལའོ། །ཡང་ན་དབུ་མ་པ་དཔལ་ལྡན་བཟང་པོ་ནས། རྗེ་དཔལ་ལྡན་མགོན་པོ། རྗེ་སངས་རྒྱས་རིན་ཅེན། ངོར་ཆེན་
ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་པཎ་ཆེན་ནམ་མཁའ་དཔལ་བཟང་རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། ཁྱབ་བདག་ཞ་ལུ་མཁན་ཆེན། དེས་བདག་ལའོ། །ཡང་ན་ཐར་རྩེ་ནམ་མཁའ་དཔལ་བཟང་ནས། དེ་དབོན་ནམ་མཁའ་སངས་རྒྱས། ཁྱབ་བདག་ཞ་ལུ་པ། དེས་བདག་ལའོ། །ཡང་ན་ཐར་རྩེ་ནམ་མཁའ་དཔལ་བཟང་ནས། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་པ་ཤེས་རབ་འབྱུང་གནས། ཞ་ལུ་པ་ཆེན་པོ། དེས་བདག་ལའོ། །ཡང་ན་རྗེ་སངས་རྒྱས་སེང་གེ་ནས། ཤར་ཆེན་ཀུན་དགའ་བཀྲ་ཤིས་མན་འདྲ། ཡང་ན་རྗེ་སངས་རྒྱས་རིན་ཅེན་ནས། འཇམ་དབྱངས་ས་སྐྱ་ལོ་ཙཱ་བ། ངོར་ཆེན་དཀོན་ཅོག་ལྷུན་གྲུབ། རྗེ་དཀོན་ཅོག་དཔལ་ལྡན། ཤར་ཆེན་མན་འདྲ། ཡང་ན་མི་ཉག་གྲགས་པ་རྡོ་རྗེ་ཡན་སྔར་ལྟར་ལ། དེ་ནས་འཇམ་དབྱངས་ས་ལོ་མན་འདྲ། ཡང་ན་སྐུ་ཞང་མཁྱེན་རབ་ཆོས་རྗེ་ནས། སྐུ་ཞང་བསོད་ནམས་མཆོག་གྲུབ། སྐུ་ཞང་རིན་ཅེན་བཀྲ་ཤིས་བསོད་ནམས་རྒྱལ་མཚན། སྐུ་ཞང་ཚད་ལྡན་འདིས་རྫོགས། རི་སྦུག་དབུ་མཛད་རིན་ཅེན་རྒྱ་མཚོ། ཁྱབ་བདག་ཞ་ལུ་པ། དེས་བདག་ལའོ། །བརྒྱུད་ལུགས་གཅིག་ལ། ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས། མ་གཅིག་གྲུབ་པའི་རྒྱལ་མོ་འདི་སྤྱན་སྔ་ཞྭ་དམར་བ་ཐམས་ཅད་མཁྱེན་པ་ཆོས་ཀྱི་གྲགས་པ་དང་རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས་ཀྱི་གསན་ཡིག་ན་འདུག་ཅིང་། ལྷ་ལྕམ་མན་ད་ར་བ་ལ་རྒྱ་གར་དུ་དུས་རིང་མོ་ཞིག་ནས་མ་གཅིག་གྲུབ་པའི་རྒྱལ་མོར་གྲགས་ཞེས་གསུང་ངོ་། །མན་འདྲ། །བྱིན་རླབས་ཀྱི་ཆོ་ག་པད་དཀར་བཞད་པའི་འཕྲེང་བའི་ལུང་ནི། ཚར་ཆེན་ནས། མཁྱེན་བརྩེའི་
ཞབས། མཁན་ཆེན་བསླབ་གསུམ་པ། རྗེ་དབང་རབ་མན་འདྲ། ཚར་ཆེན་ཆོས་ཀྱི་རྒྱལ་པོའི་གསུང་རྒྱུན་འཇམ་དབྱངས་མཁྱེན་བརྩེའི་དབང་ཕྱུག་གིས་ཟིན་བྲིས་སུ་མཛད་པའི་འཁྲིད་ཡིག་བདུད་རྩི་ཟིལ་དངར་གྱི་སྟེང་ནས་བསྐྱེད་རིམ་དང་རྫོགས་རིམ་ལ་བརྟེན་ནས་ཚེ་བསྲིང་བའི་ཉམས་འཁྲིད་ཟབ་མོ་སྨིན་རྒྱས་དང་འཁྲིད་ཡིག་གི་ལུང་བཅས་ནོས་པའི་བརྒྱུད་པ་ནི། འབའ་ར་བ་རྒྱལ་མཚན་དཔལ་བཟང་ཡན་སྔར་ལྟར་ལ། དེ་ནས་གྲུབ་ཆེན་རིན་ཅེན་འཕེལ། འཁྲུལ་ཞིག་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་རྗེ། མཁས་གྲུབ་རྡོ་རིང་པ་ཀུན་བཟང་ཆོས་ཀྱི་ཉི་མ། རྡོ་རྗེ་འཆང་ཚར་ཆེན་བློ་གསལ་རྒྱ་མཚོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་ལྡན་བཟང་པོ། རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་གནས་གསར་བ་འཁོར་ལོའི་མགོན་པོ་བསོད་ནམས་མཆོག་ལྡན་གྱིས་བདག་ཟ་ཧོར་བནྡེ་ལ་རྒྱལ་ཁབ་ཆེན་པོ་ཏ་ལའི་རང་བྱུང་འཇིག་རྟེན་དབང་ཕྱུག་གི་གཙུག་ལག་ཁང་དུ་ཟབ་ཆོས་ཀུན་གྱི་ཐོག་མར་སྩལ་ཏོ། །ཡང་ན་འབའ་ར་བ་ནས། བྱ་བྲལ་རི་ཁྲོད་རས་ཆེན། འཇམ་དབྱངས་ཆོས་ཀྱི་རྒྱལ་པོ། ཤངས་དཀར་བ་རིན་ཅེན་རྒྱལ་མཚན། ཕ་རྒོད་བསོད་ནམས་བཟང་པོ། རྡོ་རིང་རིན་པོ་ཆེ་མན་འདྲ། །འཇམ་དབྱངས་མཁྱེན་བརྩེའི་གསན་ཡིག་ན་འཁྲིད་ཀྱི་བརྒྱུད་པ་འདི་ལ་ཐུགས་གཅིག་ས་ཆེ་བ་དྲ་ཞིག་སྣང་ཡང་། དེང་སངས་བརྒྱུད་པ་གོང་མ་རང་ཤས་ཆེར་འདྲེན་པར་མཛད་དོ། །ཡང་ན་འབའ་ར་བ་ནས། གཡག་སྡེ་སངས་རྒྱས་རྒྱལ་མཚན། འབྲི་གུང་ལོ་ཙཱ་བ་ནམ་མཁའ་གྲགས་པ། རྗེ་སངས་རྒྱས་དཔལ་
བཟང་། བླ་མ་ནམ་མཁའ་རྒྱལ་མཚན། མཚུངས་མེད་རིན་ཅེན་རྣམ་རྒྱལ། པཎ་ཆེན་དངོས་གྲུབ་དཔལ་འབར། བླ་ཆེན་ནམ་མཁའ་གཟི་བརྗིད། འཇམ་དབྱངས་མཁྱེན་བརྩེ་མན་འདྲ། གྲུབ་ཆེན་འབའ་ར་བས་མཛད་པའི་ཚེ་འཁྲིད་རིན་ཅེན་གཏེར་མཛོད་ཀྱི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ཡན་ཉམས་འཁྲིད་ཀྱི་བརྒྱུད་པ་ལྟར་ལ། དེ་ནས་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་དེས་མཛད་པའི་ཚེ་དབང་གི་ཆོ་གའི་ལུང་བརྒྱུད་ནི། ཀུན་མཁྱེན་གངས་ཁྲོད་པ་ཀུན་དགའ་དཔལ་བཟང་ཡན་སྔར་ལྟར་ལ། དེ་ནས་རིགས་འཛིན་སངས་རྒྱས་བཀྲ་ཤིས། །གྲུབ་ཆེན་བྱམས་པ་ཆོས་ཀྱི་རིན་ཅེན། དྲན་ཆོག་སངས་རྒྱས་མགོན་པོ། མཚུངས་མེད་ནམ་མཁའ་རྒྱལ་མཚན། དར་རྒྱས་རྫོང་པ་བྱམས་པ་ཡེ་ཤེས་འབྱུང་གནས་འཇམ་དབྱངས་སངས་རྒྱས་བཀྲ་ཤིས། སྒྱེ་ཆུ་མཁན་ཆེན་བྱམས་པ་ངག་དབང་དཔལ་བཟང་། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་རྡོ་རྗེ་འཆང་མཁྱེན་རབ་ཆོས་རྗེ་ནས། འཇིག་རྟེན་མིག་གཅིག་ཞ་ལུ་ལོ་ཙཱ་བ་ཆོས་སྐྱོང་བཟང་པོ། བཟང་ལྡན་མཁན་ཆེན་བྱམས་པ་རྒྱལ་བའི་འབྱུང་གནས། རྗེ་ནམ་མཁའ་རྒྱལ་མཚན་མན་འདྲ། ཡང་ན་སྤྱན་སྔ་རིགས་ལྡན་པ་ནས། ཆོས་རྗེ་བརྩོན་འགྲུས་རྒྱལ་མཚན། གཉགས་སྟོན་དཀོན་ཅོག་བྱང་ཆུབ། བྱང་སེམས་སྨོན་ལམ་སྙིང་པོ། མཁན་ཆེན་གཞོན་ནུ་གྲུབ། མཚོ་བོ་བྲག་ཁ་བ་བློ་གྲོས་བརྟན་པ། བཟང་ལྡན་མཁན་ཆེན་སངས་རྒྱས་བཟང་པོ། མཁན་པོ་བྱམས་པ་རྒྱལ་བའི་འབྱུང་གནས་མན་འདྲ། ཡང་ན་འབའ་ར་བ་ནས། གཡག་སྟོན་སངས་རྒྱས་དཔལ། མཁས་གྲུབ་གཞོན་ནུ་
སེང་གེ །བྲག་དཀར་སེམས་དཔའ་ཆེན་པོ་ཀུན་དགའ་རྒྱལ་མཚན། དེ་དབོན་ཨཱ་ནནྡ་དྷཱ་ཛ། རྒྱུད་གསུམ་སྨྲ་བ་ཤེས་རབ་རིན་ཅེན། ས་ལུང་ཆོས་སྡེའི་མཁན་པོ། རྗེ་ནམ་མཁའ་རྒྱལ་མཚན་མན་འདྲ། ཡང་ན་གྲུབ་ཆེན་བྱམས་པ་ཆོས་རིན་ནས། དབོན་ཆེན་བརྩོན་འགྲུས་རྒྱ་མཚོ། གྲུབ་ཆེན་ཆོས་རྒྱལ་དཔལ་འབྱོར། མཁས་གྲུབ་བཟང་པོ་རྒྱལ་མཚན། གྲུབ་དབང་བྱམས་པ་སངས་རྒྱས་དོན་གྲུབ། སྔོན་གྱི་སྐྱེ་བ་དྲན་པའི་མངོན་ཤེས་དང་མཁའ་ལ་འཕུར་བ། བྲག་ལ་འདམ་ལྟར་ཞབས་རྗེས་འཇོག་པའི་རྫུ་འཕྲུལ་མངའ་བར་གྲགས། འཇམ་དབྱངས་སངས་རྒྱས་བཀྲ་ཤིས་མན་འདྲ། ཡང་ན་བྱམས་པ་སངས་རྒྱས་དོན་གྲུབ་ལ། དར་རྒྱས་རྫོང་པ་བྱམས་པ་ཡེ་འབྱུང་། ཐུགས་སྲས་བརྩོན་འགྲུས་འོད་ཟེར་གཉིས་ཀྱིས་གསན། གཉིས་ཀ་ལ་འཇམ་དབྱངས་སངས་རྒྱས་བཀྲ་ཤིས་ཀྱིས་གསན་པ་མན་འདྲ།མཁྱེན་རབ་རྗེས་མཛད་པའི་ཚེ་འཁྲིད་རིན་ཅེན་གཏེར་མཛོད་ཀྱི་རྒྱུན་ཁྱེར་ཉམས་ལེན་བདེ་ཆེན་གཏེར་མཛོད་ཀྱི་ལུང་ཐོབ་པའི་བརྒྱུད་པ་ནི། རྡོ་རྗེ་འཆང་མཁྱེན་རབ་ཆོས་རྗེ། བླ་མ་དབོན་རྒྱལ་བ། རྗེ་དོན་གྲུབ་རྒྱལ་མཚན། བྱང་གླིང་བཀྲ་ཤིས་རྒྱལ་མཚན། དབུ་མཛད་རྒྱལ་མཚན་བཟང་པོ། དབུ་མཛད་རིན་ཅེན་རྒྱ་མཚོ། ཁྱབ་བདག་ཞ་ལུ་པ། དེས་བདག་ལའོ། །རོང་སྟོན་ཆེན་པོ་ལ་ཏི་ཕུ་པས་དངོས་སུ་གནང་བའི་ཚེ་སྒྲུབ་ཞག་བདུན་མའི་ཉམས་ལེན་ཟབ་མོའི་གདམས་པ་ཚེ་ཆེན་ཆོས་ཀྱི་རྒྱལ་པོས་གསལ་བར་བཀོད་པའི་འཆི་མེད་བདུད་རྩིའི་བཅུད་ལེན་དང་བརྒྱུད་འདེབས་དངོས་གྲུབ་མཆོག་སྩོལ་གྱི་ལུང་ནོས་པའི་བརྒྱུད་པ་ནི། བཅོམ་ལྡན་འདས་ཚེ་དཔག་མེད། མ་གཅིག་གྲུབ་པའི་རྒྱལ་མོ། ཏི་ཕུ་གསང་སྔགས་སྡོང་པོ། ཀུན་མཁྱེན་རོང་སྟོན་ཤཱཀྱ་རྒྱལ་མཚན་
ཐུགས་སྲས་ནམ་མཁའ་དཔལ་ལྡན། རྗེ་བཙུན་རྡོ་རིང་པ་ཆེན་པོ། ཚར་ཆེན་རྡོ་རྗེ་འཆང་། ཀུན་མཁྱེན་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། ཁྱབ་བདག་དབང་ཕྱུག་རབ་བརྟན། དྲིན་ཅན་བཀའ་འགྱུར་བ་ཆེན་པོ། རྩ་བའི་བླ་མ་ཆོས་དབྱིངས་རང་གྲོལ། དེས་བདག་ལའོ། །མཁས་གྲུབ་དཔལ་ལྡན་དོན་གྲུབ་ཀྱིས་མཛད་པའི་ཡི་གེའི་སྟེང་ནས་ཕག་དཀར་ཤེས་རབ་གསལ་བྱེད་ཀྱི་བྱིན་རླབས་ཐོབ་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། གྲུབ་ཐོབ་ཀོངྐ་དཏྟ། ཨ་བྷ་ཡཱ་ཀ་ར། སུ་ཙ་རི་པཱ་ད། རཏྣ་རཀྵི་ཏ། མཱ་ན་ཀ་ཤྲཱི་ཛྙཱ་ན། ཆག་ལོ་ཆོས་རྗེ་དཔལ། གོ་ལུང་པ་མདོ་སྡེ་དཔལ་རྒྱལ་མཚན། ཤོང་ལོ་རྡོ་རྗེ་རྒྱལ་མཚན། ལོ་ཙཱ་བ་མཆོག་ལྡན་ལེགས་པའི་བློ་གྲོས། དཔང་ལོ་བློ་གྲོས་བརྟན་པ། བླ་མ་དམ་པ་བསོད་ནམས་རྒྱལ་མཚན། རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། རྗེ་སངས་རྒྱས་ལྷུན་གྲུབ། མཁན་ཆེན་དཀོན་ཅོག་ཚུལ་ཁྲིམས། རྗེ་སངས་རྒྱས་དཔལ། རྗེ་བཙུན་སྒོ་རུམ་པ་ཀུན་དགའ་ལེགས་པའི་འབྱུང་གནས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་གྲུབ་པའི་དཔའ་བོ་བསོད་ནམས་མཆོག་ལྡན། ཤེས་བྱ་ཀུན་མཁྱེན་ཟུར་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཀོངྐ་དཏྟ་ནས། ཨ་ནུ་ས་མ་རཀྵི་ཏ། ཀུ་མཱ་ར་དེ་ཝ། རེ་ཝེནྡྲ་པྲ་བྷ་ཝ། ཆག་ལོ་ཆོས་རྗེ་དཔལ་མན་འདྲ། ཡང་ན་ལོ་ཙཱ་བ་མཆོག་ལྡན་ལེགས་པའི་བློ་གྲོས་ནས། བླ་མ་དཔལ་ལྡན་སེང་གེ །བླ་མ་དམ་པ་བསོད་ནམས་རྒྱལ་མཚན་མན་གོང་ལྟར་རོ། །ཡང་ན་དཔང་ལོ་ཙཱ་བ་ནས། ས་བཟང་མ་ཏི་པཎ་ཆེན། ས་བཟང་
འཕགས་པ་གཞོན་ནུ་བློ་གྲོས། ངོར་ཆེན་མན་འདྲ། ཡང་ན་བླ་མ་དམ་པ་ནས། དབང་རྣོན་རྒྱལ་བ་མཆོག་གྲུབ། དཀའ་བཞི་པ་རིན་ཅེན་རྒྱལ་མཚན། སྐུ་ཞང་མཁྱེན་རབ་ཆོས་རྗེ། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག་མན་འདྲ། སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཛད་པའི་ཕག་དཀར་ཤེས་རབ་གསལ་བྱེད་ཀྱི་སྒྲུབ་ཐབས་དང་བྱིན་རླབས་ཀྱི་ཆོ་ག་གཉིས་ཀྱི་ལུང་བརྒྱུད་ནི། ངོར་ཆེན་ཡན་གོང་ལྟར་ལ། དེ་ནས་གུ་གེ་པཎ་ཆེན། རྭ་སྟོན་ཡོན་ཏན་དཔལ་བཟང་། མངའ་རིས་པ་དཔལ་ལྡན་ཚུལ་ཁྲིམས། རྗེ་གྲོལ་མཆོག །རྡོ་རིང་ཀུན་དགའ་རྒྱལ་མཚན། སྔགས་འཆང་དཀོན་ཅོག་ལེགས་པ། སྒྲུབ་ཁང་པ་དཔལ་ལྡན་དོན་གྲུབ། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ། དེས་བདག་ལའོ། །རྒྱ་གར་གྱི་པཎ་ཆེན་ཨཱ་ཙཪྻ་དམར་པོས་རྗེ་བཙུན་ས་སྐྱ་པ་ཆེན་པོ་ལ་གནང་བའི་རྡོ་རྗེ་ནམ་མཁའ་ལྡིང་གསེར་མིག་འཁྱིལ་བ་འབྱུང་པོ་འུར་འདེད་ཅེས་ཤིན་ཏུ་ཐུགས་གཙིགས་ཆེ་བའི་ཟབ་ཆོས་ཀྱི་སྐོར་ལ་ཟིན་བྲིས་དང་ཕྱག་ལེན་ལ་བརྟེན་ནས་རྗེས་གནང་། གདམས་པ་ཤར་འབུན་ཅུ་བ་དཔལ་ལྡན་གྲགས་ཀྱིས་མཛད་པའི་ལོ་རྒྱུས། བསྙེན་པ། སྒྲུབ་པ། ལས་སྦྱོར་གྱི་ནང་གསེས་ཁྱད་པར་གྱི་ལས་སྦྱོར་སེར་བ་དང་ཆར་གཅོད་པ། མིད་འབྱར་འཆོས་པ། དུག་བསྲུང་། དུག་འབྲེད། སྲིའུ་གསོ་བ། གདོན་བགེགས་བསྒྲད་པ། སྨྱོ་བ་འདུལ་བ། བཅུད་ལེན། མཛེ་གསོ་བ། སྤྱི་འགྲོའི་ལས་སྦྱོར་དང་བཅས་པ་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། བླ་མ་ཨཱ་ཙཪྻ་དམར་པོ། གསང་བ་ཤེས་རབ་ཀྱང་ཟེར་བོད་དུ་ལན་གསུམ་བྱོན་པའི་དང་པོ་ཁྲི་སྲོང་ལྡེའུ་བཙན་གྱི་དུས། བར་པ་བསྟན་པ་
ཕྱི་དར་གྱི་འགོ །རྗེས་མ་ས་ཆེན་དང་མཇལ་བ་སྟེ་སྐུ་ཚེའི་རིག་འཛིན་བརྙེས་པ་དམག་ཟོར་མའི་བླ་རྒྱུད་ན་ཡོད་པ་དེ་དང་གཅིག་གོ །རྗེ་བཙུན་ས་སྐྱ་བ་ཆེན་པོ། སློབ་དཔོན་རྩེ་མོ། རྗེ་བཙུན་གྲགས་པ། རོང་མི་གྲགས་པ་དཔལ། རོང་མི་ལྔ་ལྦ་བ་ཅན་སངས་རྒྱས། རོང་མི་དར་མ་གྲགས། རོང་མི་སངས་རྒྱས་རྒྱལ་མཚན། རོང་མི་བསོད་ནམས་རྒྱལ་མཚན། ཤར་འབུན་ཅུ་བ་དཔལ་ལྡན་གྲགས། སྤུ་ཆུ་ཟེར་བའང་སྣང་། གྲགས་པ་དཔལ་མགོན། ཇོ་སྟན་ཁྲོ་ཡོན་ནམ་མཁའ་ལྷུན་བཟང་། བླ་མ་དཔལ་ལྡན་གྲགས་པ། འཇམ་དབྱངས་དཀོན་ཅོག་རྒྱ་མཚོ། ཤར་ཆེན་ཀུན་དགའ་བཀྲ་ཤིས། རྒྱལ་ཚབ་ཤེས་རབ་འབྱུང་གནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ལུང་བརྒྱུད་ལུགས་གཅིག་ནི། ངོར་ཆེན་དཀོན་ཅོག་རྒྱ་མཚོ་ནས། བླ་མ་བསོད་ནམས་ལྷུན་གྲུབ། པཎ་ཆེན་ངག་དབང་ཆོས་གྲགས། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །རྗེ་སངས་རྒྱས་རིན་ཅེན་གྱིས་མཛད་པའི་རྗེས་གནང་གི་ཟིན་བྲིས་དང་ཟིན་བྲིས་ཟུར་པ་གཉིས་ཀྱི་སྟེང་ནས་བསྟན་པའི་མངའ་བདག་རྗེ་བཙུན་ས་སྐྱ་བའི་བཀའ་སྲུང་དཔལ་དུར་ཁྲོད་བདག་པོ་ཡབ་ཡུམ་གྱི་རྗེས་གནང་། ལུང་ལ། དཔལ་དུར་ཁྲོད་བདག་པོའི་རྒྱུད་གསང་བ་སྙིང་གི་འཁོར་ལོ་ལེའུ་བརྒྱད་པ་པཎྜི་ཏ་བཻ་རོ་ཙ་ན་རཀྵི་ཏ་ལས་བརྒྱུད་ཅིང་འཇིམ་ལོ་ཙཱ་བའི་འགྱུར། དུར་ཁྲོད་བདག་པོའི་སྒྲུབ་ཐབས་བླ་མ་བཻ་རོ་ཙ་ནས་མཛད་པ་འཇིམ་ལོའི་འགྱུར། འགོར་གང་དང་རྣལ་འབྱོར་པ་རྣམས་ཀྱིས་ཞེས་ཡོད་༼སྒོ༽པའི་སྒྲུབ་ཐབས་ཚིགས་བཅད་མ་བླ་མ་བཻ་རོའི་མན་ངག །འགོར་དཔལ་དུར་ཁྲོད་བདག་པོའི་རྗེས་གནང་
བྱ་བཞེས་ཡོད་༼སྒོ༽པའི་རྗེས་གནང་གི་ཡིག་རྙིང་རྫོགས་སོའི་མཐའ་ཅན། རྗེས་གནང་གི་ཡི་གེ་རྗེ་སངས་རྒྱས་རིན་ཅེན་༼སྒོ༽གྱིས་མཛད་པ། དེས་མཛད་པའི་བསྙེན་པ་༼སྒོ༽དང་མཆོད་གཏོར་བསྡུས་པ་བྱ་ཚུལ། དམ་ཚིག་དང་ལྡན་པའི་གང་ཟག་གིས་དུར་ཁྲོད་བདག་པོའི་བསྙེན་སྒྲུབ་ལས་སྦྱོར་གྱི་མན་ངག་ཚོགས་སོ་སོའི་སྐབས་སུ་ཤེས་པར་བྱའོའི་མཐའ་ཅན། སྐུ་རྟེན་སྦ་བའི་མན་ངག་ཀུན་གྱི་༼སྒོ༽གཙུག་གི་ནོར་བུར་འགྱུར། འདི་ནི་རྟེན་གྱི་མན་ངག་གོའི་མཐའ་ཅན། རྫས་དང་སྔགས་ལ་བརྟེན་ནས་སྨྱོ་བ་འདུལ་པ་༼སྒོ༽གཞན་ཞིག་འདྲིར་བཅུག་པས་ཐུལ་ལོའི་མཐའ་ཅན་དམ་ཉམས་བསྒྲལ་བའི་ལས་ཚོགས་དྲག་པོའི་ལས་སོའི་མཐའ་ཅན། སྤོས་ཁང་པ་རིན་ཅེན་རྒྱལ་མཚན་གྱིས་མཛད་པའི་བསྐང་གསོ་དང་བསྟོད་བསྐུལ་ཀྱི་ཡི་གེ །ཆོས་རྒྱལ་དབང་པོའི་སྡེས་མཛད་པའི་སྐོར་ལ། ལོ་རྒྱུས་དུང་སྒྲ་ཆེན་པོ་སྲིད་གསུམ་གང་བ་དོན་ལྡན་ཉིད་དུ་སྒྲོག་པ། བསྙེན་སྒྲུབ་ཀྱི་རྩ་བ་འཕྲིན་ལས་རྣམ་བཞི་ལྷུན་གྲུབ། དཀྱིལ་འཁོར་གྱི་རྣམ་བཤད་ཉིན་བྱེད་འཁོར་ལོ། སྲོག་ཏིག་བླ་རྡོ་བཅང་བ་ཉི་ཟླ་སྐར་གསུམ། ཡོན་ཏན་རྟེན་གྱི་འཁོར་ལོའི་གནད་གདམས་ཚིག་བརྒྱུད་ལ། རྟེན་བཞེང་རབ་གནས་དེ་དང་འབྲེལ་བའི་ཟློག་གསང་བསྟན་པ་སྣ་ཚོགས་བྱེད་པོའི་ཉམས་ཡིག །གཏོར་མའི་ཡིག་ཆུང་འདོད་ཡོན་སྤྲིན་ཕུང་། འབྲུ་འཕེལ་མ་རྨོས་ལོ་ཏོག །དཀར་འཕེལ་དངོས་གྲུབ་འདོད་འཇོ། ལོ་ལེགས་འབྱོར་བའི་བང་མཛོད། ཐབས་གཏོར་རིན་ཅེན་འབར་བ། རྐུན་འཆིང་དོན་ཡོད་ཞགས་པ། བཟླས་པས་འབྲལ་མེད་འགྲོགས་པ་ངོ་མཚར་སྤྲོ་པའི་རྦ་རླབས། གཏོར་ཆོག་གསལ་བྱེད་འདོད་ཡོན་གངྒཱའི་ཆུ་རྒྱུན། རིམས་བསྲུང་དཔའ་བོའི་སྒོ་
སྲུང་། འཛུལ་ཆོག་ཡིད་བཞིན་ཚེ་འཁོར། སྲིད་སྤེལ་ཟླ་བའི་ཆུ་རྒྱུན། སྡེ་དང་ཆོས་འཕེལ་བ་འདུ་བྱེད་ཆོས་ཀྱི་དུང་སྒྲ། གཅན་གཟན་ཁ་འཆིང་གསེར་གྱི་འཁོར་ལོ་རྣམས་ཐོས་པ་ལས་རྗེས་གནང་གི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། གྲུབ་ཆེན་པདྨ་བཛྲ། ཤྲཱི་བཛྲ། རཱ་ཧུ་ལ་བཛྲ། སྒེག་པའི་རྡོ་རྗེ། ཛྙཱ་ན་སིདྡྷི། དཔལ་དམ་ཚིག་རྡོ་རྗེ། འཆི་མེད་བློ་གྲོས་བཟང་པོ། གྲུབ་ཆེན་བཻ་རོ་ཙ་ན་བཛྲ། ཁམས་པ་རྒྭ་ལོ་ཙཱ་བ་གཞོན་ནུ་དཔལ། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་ཆེན་པོ། བླ་ཆེན་ཡར་སྒོམ་སེ་བོ། དོ་པ་སྟོན་ཚུལ། རྒྱལ་ཚ་ལུང་མང་པོ་ཆོས་གྱི་དབང་ཕྱུག །མཁས་པ་ཡོན་ཏན་ཁྲི། དྲིན་ཅན་སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་མཆོག །བདག་ཆེན་འཇམ་དབྱངས་ཆེན་པོ། བདག་ཆེན་རྡོ་རྗེ་འཆང་ཆེན་པོ། རྗེ་བཙུན་རྡོ་རིང་པ་ཀུན་བཟང་ཆོས་ཀྱི་ཉི་མ། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །གྲུབ་པ་མཆོག་གི་དེད་དཔོན་བསོད་ནམས་ཆོས་འཕེལ། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། རིགས་ཀུན་ཁྱབ་བདག་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་རྗེས་གནང་གི་བརྒྱུད་ལུགས་གཅིག་ནི། བདག་ཆེན་རྡོ་རྗེ་འཆང་ནས། མཁན་ཆེན་དཀོན་ཅོག་ཚུལ་ཁྲིམས། སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེ་མན་འདྲ། ཡང་ན་བདག་ཆེན་རྡོ་རྗེ་འཆང་ནས། ཆོས་རྗེ་དཔལ་ལྡན་རྒྱལ་པོ། འཇམ་དབྱངས་སངས་རྒྱས་རིན་ཅེན། རྗེ་སྒོ་རུམ་པ་མན་གོང་ལྟར་རོ། །ཡང་རྗེས་གནང་གི་བརྒྱུད་ལུགས་གཅིག་ནི།
བདག་ཆེན་རྡོ་རྗེ་འཆང་ནས། ཆོས་རྗེ་སྦྱིན་པ་དཔལ་བ། འཕགས་ཆེན་དཔལ་ལྡན་བཀྲ་ཤིས། ཞེ་དགོན་པ་བསོད་ནམས་རྩེ་མོ། ཆོས་རྒྱལ་བཀྲ་ཤིས་སྟོབས་རྒྱལ། རིག་འཛིན་ངག་གི་དབང་པོ། སྤྲུལ་སྐུ་གཏེར་སྟོན་བསྟན་འཛིན་ནོར་བུ། སྤྲུལ་སྐུ་ཕྱག་རྡོར་ནོར་བུ། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །སངས་རྒྱས་རིན་ཅེན་གྱིས་མཛད་པའི་ཡི་གེ་གཉིས་དང་ཆོས་རྒྱལ་བཀྲ་ཤིས་རྟོབས་རྒྱལ་གྱིས་མཛད་པའི་ཡིག་ཆ་རྣམས་མ་གཏོགས་པའི་རྟགས་ཡོད་མེད་ཚང་མའི་ལུང་བརྒྱུད་ནི། རྗེས་གནང་གི་དང་པོ་དབང་རབ་ཡན་སོར་གནས་ལ། དེ་ནས་ཞ་ལུ་པ། དེས་བདག་གོ །སྒོའི་རྟགས་ཅན་ལུགས་གཅིག་ནི། རྗེས་གནང་ཕྱི་མ་གཉིས་ལྟར་ལ། དབང་རབ་ནས། ཞ་ལུ་པའོ། །
བྱང་པ་རིགས་འཛིན་ཆེན་པོས་མཛད་པའི་ཡི་གེ་རྣམས་ཀྱི་ལུང་བརྒྱུད།
བྱང་པ་རིགས་འཛིན་ཆེན་པོས་མཛད་པའི་ཡི་གེ་རྣམས་ཀྱི་ལུང་བརྒྱུད་ནི། རིགས་འཛིན་ངག་གི་དབང་པོ་ནས། ཤ་གཟུག་པ་ངག་དབང་བཀྲ་ཤིས་རྣམ་རྒྱལ། གླིང་སྟོད་ཆོས་རྗེ་དཀོན་ཅོག་དཔལ་འབྱོར། ཁྱབ་བདག་ཁྲ་ཚང་པ་བློ་གྲོས་མཆོག་གི་རྡོ་རྗེ། དེས་བདག་ལའོ། །ཡང་རྗེས་གནང་གི་བརྒྱུད་པ་ལུགས་གཅིག་ནི། འཇམ་དབྱངས་སངས་རྒྱས་རིན་ཅེན་ནས། མུས་ཆེན་སངས་རྒྱས་རྒྱལ་མཚན། ས་ཆེན་ངག་དབང་ཀུན་དགའ་བསོད་ནམས། སྤྲུལ་སྐུ་ཕྱག་རྡོར་ནོར་བུ་མན་འདྲ། ཡང་ན་ཞེ་དགོན་པ་བསོད་ནམས་རྩེ་མོ་ནས། རྗེ་རིན་ཅེན་ཆོས་འཕེལ། མཁན་ཆེན་ཤེས་རབ་ནོར་བུ། སྤྲུལ་སྐུ་ཕྱག་རྡོར་ནོར་བུ་མན་འདྲ།
ཀྱེ་རྡོར་སྐོར་གྱི་དབང་བཞི་རྫོགས་པར་ནོས་པའི་ལུང་བརྒྱུད།
རྗེ་བཙུན་ས་སྐྱ་པ་ཡབ་སྲས་ལ་ཀྱེ་རྡོར་བཀའ་བབས་བཞི་བཞུགས་པ་
ལས་རྣལ་འབྱོར་དབང་ཕྱུག་བིཪྺ་པ་དང་ཡེ་ཤེས་ཀྱི་མཁའ་འགྲོ་གཉིས་ཀྱིས་དངོས་སུ་བྱིན་གྱིས་བརླབས་པའི་གྲུབ་ཆེན་ཌོམྦྷི་ཧེ་རུ་ཀས་ལེགས་པར་བཀྲལ་བའི་ཀྱེ་རྡོར་ཌོམྦྷི་ལུགས་སུ་གྲགས་པ་ལྷ་དགུའི་རས་བྲིས་ཀྱི་དཀྱིལ་འཁོར་དུ་ཐེག་ཆེན་རིན་པོ་ཆེས་མཛད་པའི་མངོན་རྟོགས་ཡན་ལག་དྲུག་པ་ལས་དང་པོ་པ་འཇུག་བདེ་དང་དཀྱིལ་ཆོག་ཀྱེ་རྡོར་རྣམ་པར་རོལ་པ་ལ་བརྟེན་ནས་དབང་བཞི་རྫོགས་པར་ནོས་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། བིཪྺ་པ། ཌོམྦྷི་ཧེ་རུ་ཀ །ཨ་ན་ལ་བཛྲ། ནགས་ཁྲོད་པ། གརྦྷ་རི་པ། ཛ་ཡ་ཤྲཱི་ཛྙ་ན། འདི་གོང་དཀར་བའི་གསན་ཡིག་ན་མི་འདུག་ཀྱང་ཐར་རྩེ་བའི་གསན་ཡིག་ན་སྣང་བས་ཆད་དམ་སྙམ། མི་ཐུབ་ཟླ་བ། དཔའ་བོ་རྡོ་རྗེ། འབྲོག་མི་ལོ་ཆེན། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ་དགྲ་ལྷ་འབར། ས་ཆེན། རྩེ་མོ། རྐེ་བཙུན་པ། ས་པཎ། འཕགས་པ་རིན་པོ་ཆེ། ཞང་མདོ་སྡེ་དཔལ། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། མཁས་གྲུབ་རིན་ཅེན་རྣམ་རྒྱལ། ཡོངས་འཛིན་ཤཱཀྱ་ཀུན་དགའ། ཀུན་སྤངས་རིན་ཅེན་དབང་སྒྲོལ། བླ་མ་ཡེ་ཤེས་དབང་པོ། གྲ་ཐང་མཁན་ཆེན་བསོད་ནམས་རྒྱལ་པོ། མཁས་གྲུབ་ཉི་མ་གླིང་པ་ཚུལ་ཁྲིམས་བཀྲ་ཤིས། མཚུངས་མེད་དགེ་བའི་དབང་པོ། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལ་སྩལ་ཏོ། །སློབ་དཔོན་ཨ་ནཾ་གའི་རྗེས་སུ་འབྲངས་པ་ཨོ་རྒྱན་གྱི་སློབ་དཔོན་དཔལ་པདྨ་བཛྲ་གྱིས་ལེགས་པར་བཀྲལ་བའི་ཀྱེ་རྡོར་མཚོ་སྐྱེས་ལུགས་ནས་གླིང་མ་ལྷ་དགུའི་རས་བྲིས་ཀྱི་དཀྱིལ་འཁོར་དུ་ཐེག་
ཆེན་རིན་པོ་ཆེས་མཛད་པའི་མངོན་རྟོགས་ཟུང་འཇུག་རྣམ་རོལ་དང་རྗེ་བཙུན་རྩེ་མོས་མཛད་པའི་དཀྱིལ་འཁོར་གྱི་ལས་རིམ་བླ་མའི་ཕྱག་བཞེས་ལྟར་བཀོད་པ་ལ་དབང་གོང་མ་མན་ངག་ལུགས་ནས་ཁ་བསྐངས་ཏེ་དབང་བཞི་ནོས་པའི་བརྒྱུད་པ་ནི། རྡོ་རྗེ་འཆང་། བི་ལཱ་ས་བཛྲ། ཡན་ལག་མེད་པའི་རྡོ་རྗེ། སློབ་དཔོན་མཚོ་སྐྱེས་རྡོ་རྗེ། ཨིནྡྲ་བྷཱུ་ཏི། ལྕམ་ལཀྵྨཱི་ཀ་ར། ནག་པོ་སྤྱོད་པ། བྲམ་ཟེ་དཔལ་འཛིན། གྷ་ཡ་དྷ་ར། བླ་ཆེན་འབྲོག་མི། སེ་སྟོན་ཀུན་རིག །ཞང་སྟོན་ཆོས་འབར། རྗེ་བཙུན་ས་ཆེན། རྟ་སྟགས་པོ་པ། དེ་དབོན་ཆོས་ཀྱི་ཤེས་རབ་དང་ལ་ཁ་བ་རྒྱལ་མཚན་གྲགས་པ། དཔལ་ཆུ་བོ་རི་པ། ཐར་རྩེ་པའི་གསན་ཡིག་ན་སྣང་བས་གོང་དཀར་པའི་གསན་ཡིག་ན་མི་འདུག་པ་ཆད་དམ་སྙམ། ཞང་དཀོན་ཅོག་དཔལ། བླ་མ་ཀུན་བསོད་པ། བླ་མ་དཔལ་ལྡན་པ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། མཁས་གྲུབ་རིན་ཅེན་རྣམ་རྒྱལ། སྔགས་འཆང་ཚེ་དབང་བཀྲ་ཤིས། བླ་མ་མཁྱེན་རབ་རྣམ་རྒྱལ། བླ་མ་ཡེ་ཤེས་དབང་པོ། བླ་མ་ཤཱཀྱ་བསམ་གྲུབ། རྡོ་རྗེ་འཛིན་པ་དགེ་བའི་དབང་པོ། བཀའ་དྲིན་མཉམ་མེད་ཞ་ལུ་མཁན་ཆེན། དེས་བདག་ཟ་ཧོར་བནྡེ་ལའོ། །སློབ་དཔོན་ནག་པོ་དམ་ཚིག་རྡོ་རྗེ་ལེགས་པར་བཀྲལ་བའི་སྐུ་གསུང་ཐུགས་སྙིང་པོ་ཀྱེ་རྡོ་རྗེ་ལྷ་དགུའི་རས་བྲིས་ཀྱི་དཀྱིལ་འཁོར་དུ་རྒྱ་སྟོན་བྱང་ཆུབ་དབང་རྒྱལ་གྱིས་རྡོ་རྗེ་གདན་པ་ཆེན་པོས་མཛད་པའི་སྟོད་ཆ་དང་གསུང་མཆན་ལ་བརྟེན་ནས་བསྒྲིགས་པའི་མངོན་རྟོགས་དེ་ཁོ་ན་ཉིད་རབ་ཏུ་གསལ་བ་དང་། དབང་གི་ཆོ་ག་ལ་བརྟེན་ནས་དབང་བཞི་རྫོགས་པར་
ནོས་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། ནག་པོ་དམ་ཚིག་རྡོ་རྗེ། བྲམ་ཟེ་ནག་པོ་པ། ཐར་རྩེ་བའི་གསན་ཡིག་ན་ནག་པོ་ཞི་བ་བཟང་པོ་ཟེར་བ་སྣང་། འགོས་ཁུག་པ་ལྷས་བཙས། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ་དགྲ་ལྷ་འབར། བརྩེ་བ་ཆེན་པོ། སློབ་དཔོན་ཆེན་པོ། རྗེ་བཙུན་རིན་པོ་ཆེ། དཀར་ཤཱཀྱ་གྲགས། བདེ་ལུང་པ་ཀུན་བཟང་དཔལ། དཀར་གྱི་དབོན་པོ་ཡིན། བླ་མ་དར་མ་ཡེ་ཤེས། བག་སྟོན་གཞོན་ནུ་ཚུལ་ཁྲིམས། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ་འཇིགས་མེད་དཔའ་བོ། མཁས་གྲུབ་རིན་ཅེན་རྣམ་རྒྱལ། བླ་མ་ཨོ་རྒྱན་རྒྱལ་པོ། གྲ་ཐང་མཁན་ཆེན་བསོད་ནམས་རྒྱལ་པོ། རྡོ་རྗེ་འཛིན་པ་དགེ་བའི་དབང་པོ། བཀའ་དྲིན་མཉམ་མེད་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་འགོས་ལོ་ཙཱ་བ་ནས། རྒྱལ་ཚ་རྟ་ཕུག་པ། དེའི་གདན་ས་པ་ཉི་མ་རྒྱལ་མཚན། ཨེ་པ་འཁོན་སྟོན། འཇམ་དབྱངས་བཞི་ཐོག་པ། བླ་མ་ཀུན་དགའ་སེང་གེ །བླ་མ་སེང་གེ་རྒྱལ་མཚན། མཁན་ཆེན་ཤེས་རབ་རྡོ་རྗེ་མན་འདྲ། །དཔལ་ཀྱེ་རྡོ་རྗེ་ལྷ་དགུའི་རྡུལ་ཚོན་གྱི་དཀྱིལ་འཁོར་དུ་དབང་བཞི་ཐོབ་པའི་བརྒྱུད་པ་ནི། རྡོ་རྗེ་འཆང་། ས་ར་ཧ། ཀླུ་སྒྲུབ། ཌཱ་ཀི་མ་སྐལ་བ་བཟང་མོ། ལཱ་ཝ་པ། དེ་བཞི་ལ་ཏཻ་ལོ་པས་ནོས། ནཱ་རོ་པ། མངའ་བདག་མར་པ་ཆོས་ཀྱི་བློ་གྲོས། རྔོག་སྟོན་ཆེན་པོ་ཆོས་སྐུ་རྡོ་རྗེ། རྔོག་མདོ་སྡེ། རྔོག་ཀུན་དགའ་རྡོ་རྗེ། རྔོག་དགེ་སློང་གཟི་བརྗིད་གྲགས་པ། རྔོག་རིན་ཅེན་བཟང་པོ། རྔོག་ཆོས་ཀྱི་རྒྱལ་མཚན། རྔོག་དོན་གྲུབ་དཔལ་བཟང་། རྔོག་བྱང་ཆུབ་དཔལ་བ། རྔོག་རིན་ཅེན་དཔལ་བཟང་། རྔོག་
བྱང་ཆུབ་དཔལ་གྲུབ། རྔོག་བྱང་ཆུབ་གྲགས་པ། རྔོག་བློ་གྲོས་དཔལ་བཟང་། རྔོག་དཔལ་འབྱོར་དོན་གྲུབ། རྔོག་འཇམ་དབྱངས་འོད་ཟེར། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །བདག་མེད་ལྷ་མོ་བཅོ་ལྔའི་རས་བྲིས་ཀྱི་དཀྱིལ་འཁོར་དུ་རྔོག་ལུགས་ཀྱི་དབང་ཐོབ་པའི་བརྒྱུད་པའང་ཡབ་བཀའ་དང་གཅིག་གོ །ཀུན་མཁྱེན་བསོད་ནམས་སེང་གེས་མཛད་པའི་སྒྲུབ་ཐབས་དངོས་གྲུབ་རྒྱ་མཚོ་དང་དཀྱིལ་ཆོག་བདེ་ཆེན་རྒྱ་མཚོ། ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་སྒྲུབ་དཀྱིལ་གྱི་གསལ་བྱེད་རབ་གསལ་སྣང་བ་རྣམས་ལ་བརྟེན་ནས་དཔལ་ཀྱེ་རྡོ་རྗེའི་བཤད་རྒྱུད་ཐུན་མོང་མ་ཡིན་པ་གུར་རིགས་བསྡུས་པ་མཁའ་འགྲོ་ལྔའི་རས་བྲིས་ཀྱི་དཀྱིལ་འཁོར་དུ་མན་ངག་ལུགས་དང་འགྲེལ་པ་ལུགས་གཉིས་ལས་འགྲེལ་པ་ལུགས་ཀྱི་དབང་བཞི་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། གྲུབ་ཆེན་བིཪྺ་པ། སློབ་དཔོན་ཌོམྦྷི་ཧེ་རུ་ཀ །ཨ་ལ་ལ་བཛྲ། བཱ་ན་པི་པ། གརྦྷ་རི་པ། བསོད་སྙོམས་པ་ཛ་ཡ་ཤྲཱི་ཛྙཱ་ན། སློབ་དཔོན་མི་ཐུབ་ཟླ་བ། གྲུབ་ཆེན་པྲཛྙ་ཨིནྡྲ་རུ་ཙེ། འབྲོག་མི་ལོ་ཙཱ་བ་ཤཱཀྱ་ཡེ་ཤེས། མངའ་རིས་པ་གསལ་བའི་སྙིང་པོ། རྗེ་བཙུན་བཙོང་ཁ་པའི་གསན་ཡིག་ན་འདི་གཉིས་ཀྱི་ཚབ་ཏུ་འཁོན་དཀོན་ཅོག་རྒྱལ་པོ་སྣང་ཞིང་ཕྱི་མ་འདི་མཁྱེན་བརྩེ་དང་ཐར་རྩེའི་གསན་ཡིག་ན་དཀྱུས་ལྟར་འདུག་པ་དགྲ་ལྷ་འབར་མིན་ནམ་དཔྱད། འཁོན་སྒྱེ་ཆུ་བ་ཤཱཀྱ་འབར། རྗེ་བཙུན་ས་སྐྱ་པ་ཆེན་པོ། ནེ་ཙེ་སྦས་སྟོན། རྟ་སྟག་སོ་བ་རིན་ཅེན་དོན་གྲུབ། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། གན་པ་ཆོས་རིན། གན་པ་རིན་རྒྱལ། ཐར་རྩེ་བའི་གསན་ཡིག་ཏུ་མི་འདུག་ཀྱང་མཁྱེན་བརྩེའི་དེར་སྣང་བས་
ཆད་དམ་སྙམ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། ཆོས་རྗེ་སངས་རྒྱས་དཔལ་གྲུབ། མངའ་རིས་པ་ནམ་མཁའ་བརྟན་པ། འཇམ་དབྱངས་དཀོན་ཅོག་ལྷུན་གྲུབ། ངོར་ཤར་ཁང་པ་ཤེས་རབ་རྒྱལ་མཚན། དེ་ལ་ཨེ་ཝཾ་ཐར་རྩེ་པ་ནམ་མཁའ་དཔལ་བཟང་དང་མུས་པ་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་པ་དཔལ་ལྡན་དོན་གྲུབ། དེ་ནས་རྩ་བའི་བླ་མ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། ཁྭ་ཆར་པ། ཀུན་མཁྱེན་སེང་གེའི་མཚན་ཅན། ཡོངས་འཛིན་དཀོན་ཅོག་འཕེལ། ངོར་ཆེན་ལྷ་མཆོག་སེང་གེ །རྗེ་སངས་རྒྱས་སེང་གེ །ཐར་རྩེ་པ་ནམ་མཁའ་དཔལ་བཟང་མན་འདྲ། ཀྱེ་རྡོ་རྗེ་རིགས་བསྡུས་པ་མཁའ་འགྲོ་མ་རྡོ་རྗེ་གུར་ལྷ་བཞི་བཅུ་རྩ་དགུའི་རས་བྲིས་ཀྱི་དཀྱིལ་འཁོར་དུ་དབང་བཞི་ཐོབ་པའི་བརྒྱུད་པ་ནི། རྔོག་མདོ་སྡེ་ཡན་ཀྱེ་རྡོར་ལྷ་དགུ་ལྟར་ལ། དེ་ནས་རམ་རྡོ་རྗེ་གྲགས། བཀའ་ལུང་གཉན་སྒོམ། མངའ་རིས་པ་བྱང་ཆུབ་ཚུལ་ཁྲིམས། རྒྱ་པོ་བ་ལུང་པ། བླ་མ་རྒྱལ་པོ་དགའ། རྔོག་སེང་གེ་གྲགས། རྔོག་ཆོས་ཀྱི་རྒྱལ་མཚན་མན་ལྷ་དགུ་བཞིན་ནོ། །བདེ་དགྱེས་གཉིས་ཀྱི་བཤད་རྒྱུད་ཐུན་མོང་བ་སམྦུ་ཊི་ནས་གསུངས་པའི་རྡོར་དབྱིངས་ལྷ་སུམ་ཅུ་རྩ་བདུན་གྱི་རས་བྲིས་ཀྱི་དཀྱིལ་འཁོར་དུ་རྡོ་རྗེ་འཆང་ཀུན་དགའ་བཟང་པོས་མཛད་པའི་སྒྲུབ་ཐབས་དངོས་གྲུབ་སྙེ་མ་དང་དཀྱིལ་ཆོག་ཚོགས་གཉིས་སྙེ་མ། ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་དཀྱིལ་ཆོག་
དབང་གི་སྙེ་མ། པཎ་ཆེན་ནམ་མཁའ་དཔལ་བཟང་གིས་མཛད་པའི་ཟིན་བྲིས་པད་མ་ཁ་འབྱེད་རྣམས་ལ་བརྟེན་ནས་དབང་བཞི་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། རྣལ་འབྱོར་དབང་ཕྱུག་དཔལ་ལྡན་ཆོས་སྐྱོང་། ཌོམྦྷི་ཧེ་རུ་ཀ །ཨ་ལ་ངོ་མཚར་རྡོ་རྗེ། ལ་བཛྲ་དཔལ་ལྡན་ནགས་ཁྲོད་པ། གརྦྷ་རི་པ། བསོད་སྙོམས་པ། རྒྱལ་བ་དཔལ། མཁྱེན་བརྩེ་དང་ཐར་རྩེ་པའི་གསན་ཡིག་ན་མི་འདུག་ཀྱང་ཤར་བའི་དེར་སྣང་བ་ཆད་དམ་སྙམ། སློབ་དཔོན་མི་ཐུབ་ཟླ་བ། དགེ་སློང་དཔའ་བོ་རྡོ་རྗེ། བླ་ཆེན་འབྲོག་མི། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ་དགྲ་ལྷ་འབར། རྗེ་བཙུན་ས་ཆེན། རྗེ་བཙུན་གྲགས་པ། ཆོས་རྗེ་ས་པཎ། ཚོགས་སྒོམ་པ། གཉགས་སྙིང་པོ་རྒྱལ་མཚན། ཞང་བཀྲ་ཤིས་དཔལ། སྤང་ཁང་པ་གྲགས་པ་དཔལ། པཎ་ཆེན་མ་ཏི། ས་བཟང་འཕགས་པ། རྡོ་རྗེ་འཆང་ཀུན་དགའ་བཟང་པོ། ཀུན་མཁྱེན་བསོད་ནམས་སེང་གེ །མུས་ཆེན་སངས་རྒྱས་རིན་ཅེན། ངོར་ཆེན་དཀོན་ཅོག་ལྷུན་གྲུབ། ཐར་རྩེ་པ་ནམ་མཁའ་དཔལ་བཟང་། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་བ་ཤེས་རབ་འབྱུང་གནས། སྒྲུབ་ཁང་པ་དཔལ་མཆོག་རྒྱལ་མཚན། རྡོ་རྗེ་འཆང་མཁན་ཆེན་ཞ་ལུ་བ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་སངས་རྒྱས་རིན་ཅེན་ནས། ས་ལོ་འཇམ་དཔལ་རྡོ་རྗེ། དཀོན་ཅོག་ལྷུན་གྲུབ་མན་འདྲ། ཡང་ན་སངས་རྒྱས་རིན་ཅེན་ནས། ཆོས་རྗེ་དགེ་ལེགས་བཤེས་གཉེན། ཤར་ཁང་པ་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་མན་འདྲ། ས་མཱུ་ཊི་ནས་གསུངས་པའི་འདའ་ཁ་མའི་ཉམས་ལེན་རྒྱལ་བ་བཙོང་ཁ་པ་ཆེན་པོས་ལེགས་པར་
བཀྲལ་བའི་འཕོ་འཁྲིད་གསེར་གྱི་སྒོ་འབྱེད་ཀྱི་ཉམས་འཁྲིད་ཐོབ་པའི་བརྒྱུད་པ་ནི། རྒྱལ་བ་བཙོང་ཁ་པ་ཆེན་པོ་ནས་རིམ་པར་བརྒྱུད་དེ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ།།ཐམས་ཅད་མཁྱེན་པ་བུ་སྟོན་རིན་པོ་ཆེས་སམྦུ་ཊིའི་རྒྱུད་ལ་བརྟེན་ནས་མཛད་པའི་ཐོག་བསྲུང་གི་ལུང་བརྒྱུད་ནི། ཐམས་ཅད་མཁྱེན་པ་རིན་ཅེན་གྲུབ། ཐུགས་སྲས་སེམས་དཔའ་ཆེན་པོ། རྗེ་དངོས་གྲུབ་དཔལ། མཁས་པ་ཟླ་བ་དཔལ་རིན། མཁན་ཆེན་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། བྱང་གླིང་པ་རིན་ཅེན་རྒྱལ་པོ། རྗེ་དོན་གྲུབ་རྒྱལ་མཚན། བྱང་གླིང་བཀྲ་ཤིས་རྒྱལ་མཚན། རྗེ་ཀུན་དགའ་བཀྲ་ཤིས། མཚུངས་མེད་དཀོན་ཅོག་རྒྱལ་མཚན། ཁྱབ་བདག་ཞ་ལུ་མཁན་ཆེན། དེས་བདག་ལའོ། །འཇམ་དབྱངས་དཀོན་ཅོག་ལྷུན་གྲུབ་ཀྱི་ཡི་གེའི་སྟེང་ནས་མཁའ་འགྲོ་མ་རྡོ་རྗེ་གུར་གྱི་རྒྱུད་ནས་ལེགས་པར་གསུངས་པའི་ཕྱག་ན་རྡོ་རྗེ་འབྱུང་པོ་འདུལ་བྱེད་ཀྱི་རྗེས་སུ་གནང་བ་ཐོབ་བའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཌཱ་ཀི་མ་དྲི་མེད་གཟི་བརྗིད། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། ཆུང་བ་དོན་ཡོད་རྡོ་རྗེ། བ་རི་ལོ་ཙཱ་བ་རིན་ཅེན་གྲགས། བླ་མ་ས་སྐྱ་པ་ཆེན་པོ། རྗེ་བཙུན་གྲགས་པ་རྒྱལ་མཚན། མཆིམས་སྟོན་ཆོས་ཀྱི་སེང་གེ །འཇམ་གསར་ཤེས་རབ་འོད་ཟེར། རོང་པ་རྒྭ་ལོ་རྣམ་རྒྱལ་རྡོ་རྗེ། དེ་སྲས་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་།
མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་ཅོག་འཕེལ། བདག་ཆེན་ངག་གི་དབང་ཕྱུག །ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག །གློ་བོ་མཁན་ཆེན་ལེགས་འབྱུང་། ས་ལོ་ཐམས་ཅད་མཁྱེན་པ། རྗེ་བཙུན་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེའི་དབང་ཕྱུག་མན་འདྲ། ཡང་ན་རྒྱལ་ཚབ་ཀུན་དབང་ནས། ཡོངས་འཛིན་དཀོན་ཅོག་འཕེལ། རྒྱལ་བ་ལྷ་མཆོག་སེང་གེ །རྗེ་སངས་རྒྱས་སེང་གེ །དེ་ལ་ཐར་རྩེ་པ་ནམ་མཁའ་དཔལ་བཟང་དང་མུས་པ་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་པ་དཔལ་ལྡན་དོན་གྲུབ། དེ་ནས་ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་རྗེས་གནང་དང་། མངོན་རྟོགས་རྗེས་གནང་གི་ཡི་གེ་རྗེ་དཀོན་ཅོག་ལྷུན་གྲུབ་ཀྱིས་མཛད་པའི་ལུང་ནོས་པའི་བརྒྱུད་པ་ནི། རྗེ་ལྷ་མཆོག་སེང་གེ་ནས། ངོར་ཆེན་དཀོན་ཅོག་ལྷུན་གྲུབ། ཐར་རྩེ་པ་མན་འདྲ། ཡང་ན་ངོར་ཆེན་ནས། རྗེ་ཤེས་རབ་རྒྱ་མཚོ། ཡོངས་འཛིན་དཀོན་ཅོག་འཕེལ་མན་འདྲ། ཡང་ན་དཀོན་ཅོག་འཕེལ་ནས། མངའ་རིས་པ་ནམ་མཁའ་བརྟན་པ། རྗེ་དཀོན་ཅོག་ལྷུན་གྲུབ་མན་འདྲ། རྗེས་གནང་གི་བརྒྱུད་པ། ཡང་ན་རྫོགས་པའི་སངས་རྒྱས། ཡེ་ཤེས་ཀྱི་མཁའ་འགྲོ་མ། ཨ་བྷ་ཡཱ་ཀ་ར། ཤུ་བྷཱ་ཀ་ར་གུཔྟ། པཱུ་ཛ་ཏི་གུཔྟ། རཏྣ་རཀྵི་ཏ། གོ་ཏཾ་ཤྲཱི། ཀཱིརྟི་པཎྜི་ཏ། ལོ་ཙཱ་བ་གྲགས་པ་རྒྱལ་མཚན། དགུང་ལོ་བརྒྱ་དང་བདུན་བཞུགས། རྒྱལ་མཚན་རིན་ཅེན། གར་ཐིག་པ་
བསོད་རྒྱལ། དཀའ་བཅུ་པ་གཞོན་ནུ་སེང་གེ །བླ་མ་མགོན་པོ་འབུམ། བླ་མ་དཔལ་ལྡན་ཚུལ་ཁྲིམས་མན་འདྲ། སྒྲུབ་ཁང་པས་མཛད་པའི་བརྒྱུད་འདེབས་རྒྱལ་བ་ཀུན་དངོས་མའི་ལུང་ནི། སྒྲུབ་ཁང་པ་དཔལ་ལྡན་དོན་གྲུབ། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ། དེས་བདག་ལའོ། །རབ་འབྱམས་པ་རིན་ཅེན་དཔལ་བཟང་གིས་མཛད་པའི་ཡི་གེའི་སྟེང་ནས་སོའི་སྔགས་འཆང་སྙེ་མདོ་ཤཱཀྱ་དཔལ་ལ་གསང་བའི་བདག་པོས་དངོས་སུ་གནང་བའི་གུར་ནས་གསུངས་པ་དང་འབྲེལ་བ་ཕྱག་ན་རྡོ་རྗེ་འབྱུང་པོ་འདུལ་བྱེད་ཀྱི་རྗེས་གནང་མེའི་དབང་དང་བཅས་པའི་ཉེ་བརྒྱུད་ནི། ཕྱག་ན་རྡོ་རྗེ། སོའི་སྔགས་འཆང་ཤཱཀྱ་དཔལ། བླ་ཆེན་ཆོས་དཔལ་བ། ཆོས་རྗེ་རིན་ཅེན་དཔལ་བཟང་། བླ་མ་ལྷ་དབང་བློ་གྲོས། རྗེ་ཆོས་གྲགས་པ། ཞ་ལུ་མཁན་ཆེན་བསོད་ནམས་དབང་པོ། བླ་མ་དམ་པ་ཤཱཀྱ་སེང་གེ །རྩ་བའི་བླ་མ་ཁྱབ་བདག་ཞ་ལུ་པ། དེས་བདག་ལའོ། །ཡང་ན་རྗེ་རིན་ཅེན་དཔལ་བཟང་ནས། མཁས་གྲུབ་ཀུན་དགའ་དཔལ་འབྱོར། རྗེ་ཆོས་གྲགས་པ་མན་འདྲ།འཇམ་དབྱངས་མཁྱེན་བརྩེས་མཛད་པའི་ཡི་གེ་ལྟར་རྡོ་རྗེ་གུར་ནས་གསུངས་པའི་ལས་རྒྱས་པའི་ལྷ་སོ་སོར་འབྲང་མའི་རྗེས་གནང་དང་། དེའི་སྒྲུབ་ཐབས་རྡོ་རྗེ་འཆང་ཀུན་དགའ་བཟང་པོས་མཛད་པ། འཇམ་དབྱངས་མཁྱེན་བརྩེས་མཛད་པའི་རྗེས་གནང་གི་ཡི་གེའི་ལུང་དང་བཅས་ནོས་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། བིཪྺ་པ། ཌོམྦྷི་པ། ཨ་ལ་ལ་བཛྲ། བཱ་ན་བི། གརྦྷ་རི་པ། སནྡ་པ། དུརྒ་ཙནྡྲ། བཱི་ར་བཛྲ། འབྲོག་མི་ལོ་ཙཱ་བ། སེ་སྟོན་ཀུན་རིག །འཁོན་དཀོན་ཅོག་རྒྱལ་པོ། བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་
བཙུན་རིན་པོ་ཆེ། ས་པཎ། འཕགས་པ་རིན་པོ་ཆེ། འཇམ་སྐྱ་ནམ་མཁའ་དཔལ་ལྡན། བླ་མ་དཔལ་ལྡན་སེང་གེ །ཆོས་རྗེ་བླ་མ་དམ་པ། རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། བདག་ཆེན་བློ་གྲོས་དབང་ཕྱུག་རྒྱལ་མཚན། དགེ་སློང་ཆོས་སྐྱོང་གྲགས་པ། ཆོས་རྗེ་རྡོ་རྗེ་རྒྱལ་མཚན། རྗེ་བཙུན་སྒོ་རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། བཀའ་དྲིན་མཉམ་མེད་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རྗེ་བཙུན་གྲགས་པ་ནས། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། ཆོས་རྗེ་བསོད་ནམས་སྐྱབས། སྔགས་འཆང་གཟུངས་ཀྱི་དཔལ་བ། ཆོས་རྗེ་དཔལ་ལྡན་ཚུལ་ཁྲིམས་མན་འདྲ། ཡང་ན་འབྲོག་མི་ནས། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ། རྗེ་བཙུན་གོང་མ་ལྔ། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །རོང་པ་ཤེས་རབ་སེང་གེ །བླ་མ་མགོན་པོ་འབུམ། ཆོས་རྗེ་དཔལ་ལྡན་ཚུལ་ཁྲིམས་མན་འདྲ། ཡང་ན་ཐུབ་པའི་དབང་པོ། ཕྱག་ན་རྡོ་རྗེ། ཛེ་ཏཱ་རི། པཎ་ཆེན་མྱ་ངན་མེད་པའི་དཔལ། པཎྜི་ཏ་དོན་ཡོད་རྡོ་རྗེ། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་ས་སྐྱ་པ་ཆེན་པོ་མན་འདྲ། །གྲུབ་པའི་དབང་ཕྱུག་ཐང་སྟོང་རྒྱལ་པོས་འཇིགས་བྱེད་མུན་པ་ཚལ་གྱི་དུར་ཁྲོད་དུ་བྲམ་ཟེ་མཆོག་སྲེད་ལ་མགོན་པོའི་རྒྱུད་མན་ངག་རྣམས་གསན་ཞིང་ཁྱད་པར་རྡོ་རྗེ་གུར་ནས་བཤད་པའི་མགོན་པོ་འདི་ཉིད་ཀྱི་རྗེས་གནང་གསན་པའི་ཚེ་ནམ་སྲོད་ཀྱི་ཆར་སྤྲིན་ནག་
དུ་བའི་མདོག་ཅན་གྱི་དབུས་ན་ཞབས་པུས་མན་ཆད་ནུབ་པའི་སྐུའི་སྣང་བ་གསལ་བར་བསྟན་པས་གུར་མགོན་སྤྲིན་གསེབ་མར་གྲགས་པའི་རྗེས་གནང་བསྟན་འཛིན་ཉི་ཟླ་བཟང་གིས་མཛད་པའི་དགྲ་བགེགས་ཚར་གཅོད་ཀྱི་ཡི་གེ་བཞིན་ནོས་པའི་བརྒྱུད་པ་ནི། སློབ་དཔོན་བྲམ་ཟེ་མཆོག་སྲེད། གྲུབ་ཆེན་ཐང་སྟོང་རྒྱལ་པོ། རྗེ་བཙུན་རྡོ་རིང་པ་ཆེན་པོ། རྗེ་བཙུན་གྲོལ་མཆོག །བསྟན་འཛིན་ཉི་ཟླ་བཟང་པོ། རྗེ་ངག་དབང་ཉི་མ་བཟང་པོ། སྤྲུལ་སྐུ་བསོད་ནམས་དབང་ཕྱུག །གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །དབྱུག་གུ་སྤུན་གསུམ་རྒྱུད་སྡེ་ཕྱོགས་གང་དུ་གཏོགས་གསལ་བར་མ་བྱུང་ཡང་། གོང་གནོན་འབྱུང་འདུལ་གྱིས་མཛད་པ་སོགས་དང་བཅས་དེའི་སྡེབས་སུ་འབྲེལ་མཚུངས་པར་མངོན་ལ། འདི་ཉིད་ཀྱི་ཆོས་སྐོར་མགོན་པོ་ཀླུ་སྒྲུབ་དང་བླ་མ་རྡོ་རྗེ་གདན་པ་སོགས་ལས་ཉེ་བར་བརྒྱུད་དེ་དཔལ་ལྡན་ས་སྐྱ་པའི་ཡབ་ཆོས་ནོར་གྱི་ལྷ་མོ་ཐུགས་གཙིགས་ཅན་གྱི་ཆོས་སྐོར་ལ། སློབ་དཔོན་ཀླུ་སྒྲུབ་ཀྱིས་ཤ་ཟའི་གནོད་སྦྱིན་མོ་མཁའ་འགྲོ་ཀུན་ནས་འཁྱིལ་བའི་རྟོགས་པ་ལས་ཕྱུང་བའི་སྒྲུབ་༼༽ཐབས་བླ་མ་རྡོ་རྗེ་གདན་པ་དང་བ་རི་ལོ་ཙཱ་བས་བརྒྱུར་བ། རྡོ་རྗེ་གདན་པས་མཛད་པའི་གནོད་སྦྱིན་མོ་ཀུན་ནས་འཁྱིལ་བའི་དོན་༼༽འདུས་འགྲེལ་པ་བ་རི་ལོ་ཙཱ་བས་བསྒྱུར་བ་ལ་སླར་པ་ཚབ་ལོ་ཙཱ་བས་འགྱུར་བཅོས་མཛད་པ། དེའི་སྙིང་པོ་ས་ཆེན་གྱིས་མཛད་པ་བླ་མ་བ་རི་བ་རྒྱ་གར་དུ་བཞུགས་དུས་ཤིན་ཏུ་བཀྲེན་པར་རྡོ་རྗེ་གདན་པས་གནང་ནས་ཟས་གོས་ནོར་གསུམ་ཚེགས་མེད་དུ་འོང་གསུངས་པའི་ལོ་རྒྱུས་དང་བཅས་པའི་མན་ངག །ལོ་
ཙཱ་བ་བོད་དུ་འབྱོན་དུས་རྡོ་རྗེ་གདན་པས་སྐྱེལ་ཐུང་མཛད་ནས་གནང་བའི་ཐུགས་དམ་མཁའ་འགྲོ་མའི་དངོས་གྲུབ་ལག་བཅངས། སྤུན་གསུམ་གྱི་མངོན་རྟོགས་གསལ་བྱེད་བཙལ་སླ་བ་ཡིན་ནོའི་མཐའ་ཅན། རྟེན་བཅའ་བ་དང་གཏོར་མ་གཏང་ཐབས་ཕུན་སུམ་ཚོགས་པར་བྱེད་དོའི་མཐའ་ཅན། ཆང་བུ་བསྔོ་ལུགས་དང་ཚིགས་བཅད་མཁའ་འགྲོ་ཆེན་མོ་མ། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་ཀྱིས་དགེ་ཚུལ་བྱམས་པ་བཟང་པོའི་དོན་དུ་མཛད་པའི་སྒྲུབ་ཐབས་བསམ་དོན་ཀུན་འགྲུབ། ཤཱཀྱའི་དགེ་སློང་རཏྣའི་མཐའ་ཅན་གྱིས་བསྐུལ་བའི་ཙཀྲ་ལ་བརྟེན་ནས་དབང་བསྡུས་ཟབ་མོའི་ལག་ལེན་གསལ་བར་བཀོད་པ་བསམ་འཕེལ་ནོར་བུ་རྣམས་ཐོབ་པ་ལས་གཡུང་དྲུང་གི་རྟགས་ཀྱི་བརྒྱུད་པ་ནི། ཐུབ་དབང་། འཇམ་དབྱངས་སློབ་དཔོན་དགྲ་ལས་རྣམ་རྒྱལ། རྡོ་རྗེ་གདན་པ། བ་རི་ལོ་ཙཱ་བ། ས་ཆེན། རྩེ་མོ། གྲགས་པ། ས་པཎ། འཕགས་པ། ཚོགས་སྒོམ་པ། ཉན་ཆེན་པ། བྲག་ཕུག་པ། བླ་མ་བློ་བཟང་པ། སེང་གེ་དཔལ། བླ་མ་བསོད་ནམས་རྒྱལ། ཆག་ལོ་རིན་ཅེན་ཆོས་རྒྱལ། བར་འདི་ནས་བླ་མ་གཉིས་ཙམ་མ་རྙེད། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རིན་པོ་ཆེ་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཆོས་སྐོར་ཡོངས་རྫོགས་ཀྱི་བརྒྱུད་པ་ནི། ཆག་ལོ་རིན་ཅེན་ཆོས་རྒྱལ་ནས། འཇམ་དབྱངས་ས་སྐྱ་ལོ་ཙཱ་བ། ངོར་ཆེན་དཀོན་ཅོག་ལྷུན་གྲུབ། འཇམ་དབྱངས་དཀོན་ཅོག་རྒྱ་མཚོ། སྤུན་གསུམ་བྲན་འཁོལ་མུས་ཆེན་སངས་རྒྱས་རྒྱལ་མཚན། ས་ཆེན་
ངག་དབང་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་པ། དེས་བདག་ལའོ། །ཡང་ན་ས་ལོ་ནས། པཎ་ཆེན་ནམ་མཁའ་དབང་ཕྱུག །རྗེ་ཆོས་དབང་པ། རྗེ་སངས་རྒྱས་རྒྱལ་མཚན་མན་འདྲ། ཡང་ན་ས་པཎ་ནས། བླ་མ་ཁང་སྟོན་པ། སྐྱི་སྟོན་གྲགས་པ་རྒྱལ་མཚན། ཇོ་ནང་ཀུན་མཁྱེན། བླ་མ་བྱང་སེང་པ། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། བསོད་ནམས་སེང་གེ །དེ་སྲས་བྱ་བཏང་རྗེ། རྗེ་ནམ་མཁའ་སངས་རྒྱས། རྗེ་ཆོས་དབང་པ་མན་འདྲ། །མཁའ་འགྲོ་མ་སེང་གེའི་གདོང་པ་ཅན་དམར་མོའི་རྗེས་གནང་གི་བརྒྱུད་པ་ནི། སེང་གདོང་མ། རྡོ་རྗེ་གདན་པ། བ་རི་ལོ་ཙཱ་བ། ར་ས་ཆོས་གྲགས། བླ་མ་དོན་ཡོད་རྡོ་རྗེ། པཎ་ཆེན་ནགས་ཀྱི་རིན་ཅེན། ལོ་ཙཱ་བ་མཛྙུ་ཤྲཱི། རྗེ་བསམ་གྲུབ་རྒྱལ་མཚན་མཁས་བཙུན་ཨཱ་ནནྡ་དྷྭ་ཛ། རྗེ་ནོར་བུ་ཕུན་ཚོགས། རྗེ་ལྷ་དབང་བློ་གྲོས། ངོར་པ་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །སྒྲུབ་ཐབས་རྗེས་གནང་ཐར་རྩེ་པས་མཛད་པའི་ལུང་བརྒྱུད་ནི། རྩོམ་པ་པོ། ཤར་ཆེན་ཀུན་དགའ་བཀྲ་ཤིས། ཐར་རྩེ་ནམ་མཁའ་སངས་རྒྱས། སྒྲུབ་ཁང་པ་དཔལ་མཆོག་རྒྱལ་མཚན། ཞ་ལུ་བ་ཆེན་པོ། དེས་བདག་ལའོ། །རྗེས་གནང་གི་ཡི་གེ་ཡིད་བཞིན་ནོར་བུ་རིན་པོ་ཆེའི་སྟེང་ནས་མེ་ལོང་དགོན་པ་བ་བོ་དོང་པཎ་ཆེན་པདྨ་གར་དབང་ལ་ཡེ་ཤེས་ཀྱི་མཁའ་འགྲོ་སིདྷ་མུ་ཁས་དངོས་སུ་གནང་བའི་ཕྱི་སྒྲུབ་སེང་གདོང་ལྷ་དགུའི་རྗེས་
གནང་ནོས་ནས། ལུང་ལ་པདྨ་གར་དབང་གིས་མཛད་པའི་ཕྱི་སྒྲུབ་ལྷ་དགུའི་མངོན་རྟོགས། རྒྱུན་ཁྱེར་གཙོ་རྐྱང་གི་ཉམས་ལེན་བྱ་ཚུལ། གཙོ་རྐྱང་གི་རྗེས་གནང་ཡིད་བཞིན་ནོར་བུ་རྣམས་ལེགས་པར་ཐོབ་པའི་རིང་བརྒྱུད་ནི། རྡོ་རྗེ་འཆང་། ཌཱ་ཀི་སིདྡྷ་མུ་ཁ། བ་རི་ལོ་ཙཱ་བ། ས་ཆེན། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། འཕགས་པ། ཉེ་གནས་རོང་པོ་རྡོ་རྗེ། རོང་པོ་སངས་རྒྱས་ཡེ་ཤེས། རོང་པོ་བླ་མ་རིན་པོ་ཆེ། གཡག་སྡེ་པཎ་ཆེན། རྗེ་བཙུན་མ་ཙི་མུ་བཾ། གནས་རྙིང་པ་མཁས་མཆོག་རིན་ཅེན་བསམ་གཏན་དཔལ་བཟང་། རྟོགས་ལྡན་ནམ་མཁའ་སངས་རྒྱས། ཐུགས་སྲས་རས་ཆེན་ཀུན་དགའ་དར་པོ། ཐུགས་སྲས་ཀུན་དགའ་བཟང་པོ། པཎ་ཆེན་བྱམས་པ་ཆོས་ཀྱི་ཉི་མ། པཎ་ཆེན་པདྨ་གར་དབང་། དཀའ་བཞི་ཚུལ་ཁྲིམས་འགྱུར་མེད། རས་ཆེན་ཀུན་དགའ་ལྷ་དབང་། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །སྔ་འགྱུར་ལྟར་ན་ཀུན་བཟང་ཡབ་ཡུམ། སེང་གེའི་གདོང་ཅན། ཨོ་རྒྱན་ཆེན་པོ། མཁར་ཆེན་བཟའ་འཚོ་རྒྱལ། རྟོགས་ལྡན་ནམ་མཁའ་སངས་རྒྱས་མན་འདྲ། །སངས་རྒྱས་མགོན་པོ་ཟེར་བའང་སྣང་། ཉེ་བརྒྱུད་ནི། སེང་གེའི་གདོང་ཅན། པདྨ་གར་དབང་མན་གོང་བཞིན་ནོ། །ལྷ་དགུ་སོ་སོའི་རྗེས་གནང་ཐོབ་པའི་བརྒྱུད་པའང་གོང་དང་འདྲ།བུ་སྟོན་ཐམས་ཅད་མཁྱེན་པས་མཛད་པའི་མངོན་རྟོགས་མི་བརྗེད་པའི་དྲན་བྱེད་དང་རྔོག་གཞུང་བ་རིན་ཅེན་དཔལ་བཟང་གིས་མཛད་པའི་མངོན་དཀྱིལ་བཅས་པར་བརྟེན་ནས་རྒྱུད་གསར་གྱི་ཆར་པ་སོགས་ནས་བསྟན་པའི་རྣམ་སྣང་གི་རིགས་དཔལ་རྣལ་འབྱོར་ནམ་མཁའ་འམ་རྡོ་རྗེ་གདན་
བཞི་ཡབ་བཀའ་ལྷ་དགུ་བཅུ་རྩ་བདུན་གྱི་རྡུལ་ཚོན་གྱི་དཀྱིལ་འཁོར་དུ་དབང་བཞི་ལེགས་པར་ནོས་པའི་བརྒྱུད་པ་ནི། དཔལ་རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། བུ་སྟོན་རྔོག་པ་བཀའ་འགྱུར་བ་གསུམ་གྱི་གསན་ཡིག་ན་མི་འདུག་ཀྱང་རྗེ་བཙུན་བཙོང་ཁ་པ་དང་ངོར་ཆེན་གྱི་དེར་སྣང་ངོ་། །དཔལ་མགོན་འཕགས་པ་ཀླུ་སྒྲུབ། སློབ་དཔོན་ཨཱཪྻ་དེ་ཝ། ཏཻ་ལོ་པ། ནཱ་རོ་པ། དགེ་བའི་གོ་ཆ། འདི་མན་གྱི་རྒྱ་གར་བ་བཞི་པོ་བུ་སྟོན་རྗེ་བཙོང་ཁ་པ་ངོར་ཆེན་གསུམ་གྱི་གསན་ཡིག་ན་མི་གསལ་ཡང་རྔོག་པའི་རྒྱུན་བཞིན་རྩ་བའི་བླ་མའི་གསན་ཡིག་ན་སྣང་ངོ་། །བདེ་བའི་གོ་ཆ། རྣམ་རྒྱལ་དབང་པོའི་སྡེ། ཐང་ཆུང་པ། རྗེ་མར་པ་ལོ་ཙཱ། རྔོག་ཆོས་སྐུ་རྡོ་རྗེ། རྔོག་མདོ་སྡེ། རྔོག་ཀུན་དགའ་རྡོ་རྗེ། རྔོག་གཟི་བརྗིད་གྲགས། རྔོག་རིན་ཅེན་བཟང་པོ། རྔོག་ཆོས་ཀྱི་རྒྱལ་པོ། རྔོག་དོན་གྲུབ་དཔལ་བཟང་། རྔོག་བྱང་ཆུབ་དཔལ། རྔོག་རིན་ཅེན་དཔལ་བཟང་པོ། རྔོག་བྱང་ཆུབ་དཔལ་གྲུབ། རྔོག་བྱང་ཆུབ་གྲགས། རྔོག་བློ་གྲོས་དཔལ་བཟང་། རྔོག་དཔལ་འབྱོར་དོན་གྲུབ། རྔོག་སྟོན་ཆེན་པོ་འཇམ་དབྱངས་འོད་ཟེར། རྩ་བའི་བླ་མ་གནས་གསར་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་ཨཱཪྻ་དེ་ཝ་ནས། ཨ་སུ་རའི་བྲག་ཕུག་ན་གནས་པའི་རྣལ་འབྱོར་མ་མི་རུས་ཀྱི་འཕྲེང་བ་ཅན། བལ་པོ་རྣམ་པར་རྒྱལ་བ་དབང་པོའི་སྡེ། བལ་པོ་སྤྱི་ཐེར་བ་ཡང་ཟེར་བཙུན་པ་ཡིན། མར་པ་ལོ་ཙཱ་བ་མན་འདྲ།རྗེ་རས་པ་བཛྲ་ཀཱིརྟི་ནས་བརྒྱུད་པའི་པདྨ་གར་དབང་གི་རིགས་སུ་གཏོགས་པ་རྟ་མགྲིན་དམར་པོ་པད་དབྱུག་ཅན་གྱི་རྗེས་གནང་ཐོབ་པའི་བརྒྱུད་པ་ནི། དཔལ་རྟ་མགྲིན། ཨོ་རྒྱན་རིན་པོ་ཆེ། མཁྱེན་བརྩེས་ཚར་ཆེན་
ལ་གསན་པ་ཚོར་མི་གསལ་ཡང་སྒོ་རུམ་པར་གསན་པ་དེར་སྣང་ངོ་། །མ་གཅིག་གྲུབ་པའི་རྒྱལ་མོ། གྲུབ་ཆེན་ཏི་ཕུ་པ། རྗེ་རས་ཆུང་པ། དབང་ཕྱུག་མི་ལ་རས་པ། སྒམ་པོ་ཟླ་འོད་གཞོན་ནུ། དཔལ་ཕག་མོ་གྲུ་པ། འབྲི་གུང་སྐྱུ་ར་རིན་ཅེན་དཔལ། སྤྱན་སྔ་གྲགས་པ་འབྱུང་གནས། ཡང་དགོན་པ་ཐུགས་ཀྱི་རྡོ་རྗེ། ཐུགས་སྲས་སྤྱན་སྔ་རིགས་ལྡན། ཟུར་ཕུག་པ་རིན་ཅེན་བཟང་པོ། འབའ་ར་བ་རྒྱལ་མཚན་དཔལ་བཟང་། ཆོས་རྗེ་རིན་ཅེན་འཕེལ། མཁན་ཆེན་ཚུལ་ཁྲིམས་རྒྱལ་མཚན། རྡོ་རྗེ་འཆང་མཁྱེན་རབ་ཆོས་རྗེ། གྲུབ་མཆོག་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། མཁན་ཆེན་གཞོན་ནུ་བློ་གྲོས། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་བཀའ་འགྱུར་བ་ཆེན་པོ། ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་འབའ་ར་བ་ནས། རྗེ་སངས་རྒྱས་སེང་གེ །འཇམ་དབྱངས་ཆོས་ཀྱི་རྒྱལ་པོ། སྤྲུལ་སྐུ་རྡོ་རྗེ་རྒྱལ་པོ། ཕ་རྒོད་བསོད་ནམས་བཟང་པོ། རྡོ་རིང་པ་ཆེན་པོ་མན་འདྲ།
རྗེ་བཙུན་ས་སྐྱ་པའི་ཟབ་ཆོས་དབང་གི་སྒྲོལ་མ་དམར་པོའི༌རྗེས་གནང་གི་ལུང་བརྒྱུད་སོགས།
རྗེ་བཙུན་ས་སྐྱ་པའི་ཟབ་ཆོས་དབང་གི་སྒྲོལ་མ་དམར་མོའི་རྗེས་གནང་ཐོབ་པའི་བརྒྱུད་པ་ནི། རྡོ་རྗེ་འཆང་། རྗེ་བཙུན་སྒྲོལ་མ། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། ཆུང་བ་དོན་ཡོད་རྡོ་རྗེ། བ་རི་ལོ་ཙཱ་བ། ས་ཆེན། རྩེ་མོ། རྗེ་བཙུན་པ། ས་པཎ། སློབ་དཔོན་ཤཱཀྱ་འོད་ཟེར། རྒྱལ་ཚ་ལུང་མང་པོ། མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། ཀླུ་པ་མཁན་ཆེན་བསོད་ནམས་དར། དམར་
སྟོན་རྒྱལ་མཚན་འོད་ཟེར། གོང་མ་གྲགས་པ་འབྱུང་གནས། སྲེ་པ་ལོ་ཙཱ་བ། ས་སྐྱོང་ཐམས་ཅད་མཁྱེན་པ། ཚེས་ལྔ་རིན་པོ་ཆེ་རྣམས་སུའང་གྲགས། དཔལ་ལྡན་ཀུན་བཟང་རོལ་པ། ཀུན་བཟང་རྩེ་པ་བསོད་ནམས་རྒྱལ་མཚན་ཡང་ཟེར། ཆག་ལོ་རིན་ཅེན་ཆོས་རྒྱལ། བླ་མ་དོན་ཡོད་དཔལ། གྲུབ་བརྙེས་དགེ་སློང་ངག་དབང་རྣམ་རྒྱལ། བསྟན་པའི་ཉི་མ་མཁྱེན་བརྩེའི་དབང་ཕྱུག །གྲུབ་པ་མཆོག་གི་དེད་དཔོན་དབང་ཕྱུག་རབ་བརྟན། བསྟན་པའི་མངའ་བདག་མགོན་པོ་བསོད་ནམས་མཆོག་ལྡན། བཀའ་དྲིན་འཁོར་མེད་ཟུར་ཐམས་ཅད་མཁྱེན་པ། དེས་བདག་ཟ་ཧོར་བནྡེ་ལའོ། །སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཛད་པའི་སྒྲུབ་ཐབས་རྗེས་གནང་གི་ཆོ་ག་ཁམས་གསུམ་འགུགས་པའི་ལྕགས་ཀྱུ། གསོལ་བ་འདེབས་པ་ཐུགས་དམ་གནད་ནས་བསྐུལ་བའི་སྒྲ་དབྱངས་གཉིས་ཀྱི་ལུང་ནོས་པའི་བརྒྱུད་པ་ནི། ཆག་ལོ་ནས། ས་ལོ་འཇམ་དཔལ་རྡོ་རྗེ། མཚུངས་མེད་དཀོན་ཅོག་ལྷུན་གྲུབ། རྗེ་སངས་རྒྱས་སེང་གེ །རྗེ་བཙུན་བྲང་ཏི་པ། མཁས་གྲུབ་དཔལ་ལྡན་དོན་གྲུབ། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །རྟ་མཆོག་གི་རིགས་ཀྱི་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་སློབ་དཔོན་ཀླུ་སྒྲུབ་ཀྱིས་ལེགས་པར་བཀྲ་ཞིང་ལོ་ཆེན་དར་མ་གྲགས་ཀྱིས་སྤྱན་དྲངས་པའི་གཉན་སྒྲོལ་ཡན་ལག་དྲུག་པ་རྗེ་བཙུན་ཆེན་པོས་མཛད་པའི་མངོན་པར་རྟོགས་པ་ཡན་ལག་དྲུག་ལྡན་དང་རྗེས་གནང་གི་ཆོ་ག་ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་སྟེང་ནས་རྗེས་
གནང་དང་། དེ་དང་འབྲེལ་བར་མཚན་བརྒྱ་རྩ་བརྒྱད་པའི་མདོའི་ལུང་རྗེས་གནང་གི་སྐབས་ངེས་པར་མཛད་དགོས་པའི་ཕྱག་བཞེས་ལྟར་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ། སློབ་དཔོན་ཀླུ་སྒྲུབ། བ་ལིང་ཏ་པ། ཐར་རྩེ་དང་ཤར་པའི་གསན་ཡིག་ན་མི་གསལ་ཡང་འཇམ་དབྱངས་མཁྱེན་བརྩེའི་དེར་སྣང་བ་ཆད་དམ་སྙམ། སངས་རྒྱས་ཡེ་ཤེས། ཌཱི་པཾ་ཀ་ར་བྷ་དྲ། དཔལ་བདེ་བའི་ཞབས། དྲི་མེད་སྦས་པ། ཁ་ཆེ་རིན་ཅེན་རྡོ་རྗེ། རིན་ཅེན་གྲགས་པ། བནྡེ་པ་ཆེན་པོ། ཐར་རྩེ་དང་ཤར་བའི་གསན་ཡིག་ན་འདིའི་ཚབ་ཏུ་རི་སུལ་གྱི་རྣལ་འབྱོར་མ་འདུག་པ་ཞལ་གྱི་བརྒྱུད་པ་དཀྱུས་ཤོར་བྱུང་འདྲ། གཉན་ལོ་ཙཱ་བ་དར་མ་གྲགས། གནམ་ཁའུ་པ་དར་མ་རྒྱལ་མཚན། བརྩེ་བ་ཆེན་པོ། རྗེ་བཙུན་གྲགས་པ། ཆོས་རྗེ་ས་པཎ། མཁན་ཆེན་བྱང་ཆུབ་དཔལ། བདེ་བ་དཔལ། དཀའ་བཞི་པ་གྲགས་པ་གཞོན་ནུ། མཁན་ཆེན་བསོད་ནམས་གྲགས་པ། མཁན་ཆེན་གྲགས་པ་ཚུལ་ཁྲིམས། ཐར་རྩེ་དང་ཤར་བའི་གསན་ཡིག་ན་མི་འདུག་པ་ཆད་དམ་སྙམ། ཐོག་སྟོན་ཤེས་རབ་རྡོ་རྗེ། མཁན་ཆེན་རྒྱལ་བཟང་དཔལ། མཁན་ཆེན་བྱང་ཆུབ་སེང་གེ །ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། རྒྱལ་ཚ་བ་ཀུན་དགའ་དབང་ཕྱུག །ཡོངས་འཛིན་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། རིགས་ཀུན་བདག་པོ་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། ཡང་ན་ཡོངས་འཛིན་དཀོན་ཅོག་འཕེལ་
ནས། རྗེ་ལྷ་མཆོག་སེང་གེ །དཀོན་ཅོག་ལྷུན་གྲུབ་མན་འདྲ། ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། རྗེ་སངས་རྒྱས་རིན་ཅེན། དཀོན་ཅོག་ལྷུན་གྲུབ་མན་འདྲ། ཡང་ན་ངོར་ཆེན་ནས། རྒྱུ་འགུལ་པཎ་ཆེན། གློ་བོ་མཁན་ཆེན་ལེགས་འབྱུང་། འཇམ་དབྱངས་ས་ལོ། དཀོན་ཅོག་ལྷུན་གྲུབ་མན་འདྲ། ཡང་ན་ལྷ་མཆོག་སེང་གེ་ནས། ངོར་ཆེན་སངས་རྒྱས་སེང་གེ །ཐར་རྩེ་ནམ་མཁའ་དཔལ་བཟང་མན་འདྲ། རྗེ་བཙུན་ཆེན་པོས་མཛད་པའི་སྒྲུབ་སྐོར་ལ། ལོ་རྒྱུས། བསྙེན་པ། སྒྲུབ་པ། ཐུན་འཚམས་སུ་བྱ་བ་གཏོར་མ། འཁྲུལ་འཁོར། ཆོམ་རྐུན་འཆིང་བ། མཚན་བརྒྱ་རྩ་བརྒྱད་པ་དང་གཟུངས་ཀྱི་ལུང་བླང་པ་དང་བཅས་པ་རྣམས་ཐོབ་པའི་བརྒྱུད་པ་ནི། ཁའུ་པ་ཡན་གོང་ལྟར་ལ། དེ་ནས་གོང་མ་ལྔ། དགའ་ལྡན་པ་ཀུན་བསོད། བླ་མ་དཔལ་ལྡན་སེང་གེ །བླ་མ་བསོད་ནམས་རྒྱལ་མཚན། མ་ཏི་པཎ་ཆེན། ཐེག་ཆེན་རིན་པོ་ཆེ། བླ་མ་ལུང་རིག་རྒྱ་མཚོ། མཁན་ཆེན་སེང་གེ་དཔལ་བཟང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། བཙུན་པ་རྣམ་མགོན་དྲི་མེད་སྡེ། རྗེ་བྱང་ཆུབ་དབང་རྒྱལ། འབྲས་སྤུངས་པ་ཚེ་དབང་བཀྲ་ཤིས། བླ་མ་རྣམ་རྒྱལ་བཀྲ་ཤིས། ཐུ་བཙུན་ཀུན་དགའ་བསོད་ནམས། དཔལ་འབྱོར་གླིང་པ་ངག་དབང་རྣམ་རྒྱལ། རབ་འབྱམས་པ་ཆོས་རྗེ་རིན་ཆེན་རྒྱ་མཚོ། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་འཕགས་པ་ནས། ཚོགས་ཉན་གཉིས། བྲག་ཕུག་པ། བླ་མ་དམ་པ་མན་འདྲ། ཡང་ན་འཕགས་
པ་ནས། ཞང་སྟོན་ཁུ་དབོན། བླ་མ་དམ་པ་མན་གོང་ལྟར་རོ། །ཡང་ན་འཕགས་པ་ནས། ཤར་པ་སྐུ་མཆེད། འཇམ་དབྱངས་ཆེན་པོ། བླ་མ་གཞོན་ཚུལ་བ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་མན་འདྲ། །དཀོན་ཅོག་ལྷུན་གྲུབ་ཀྱིས་མཛད་པའི་རྗེས་གནང་གི་ཡི་གེའི་ལུང་ནི། རྗེ་དཀོན་ཅོག་ལྷུན་གྲུབ་ནས། བྲང་ཏི་པ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། མཁན་ཆེན་ཞ་ལུ་པ། དེས་བདག་ལའོ། །ཡང་ན་དཀོན་ཅོག་ལྷུན་གྲུབ་ནས། རྗེ་སངས་རྒྱས་སེང་གེ །རྗེ་ཀུན་དགའ་ལུང་རིག །ནགས་དགོན་པ་སྦྱིན་པ་གྲགས་པ། ས་ཆེན་ཀུན་དགའ་བསོད་ནམས། དེས་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །རྩོད་དུས་ཀྱི་རྒྱལ་བ་གཉིས་པ་བུ་སྟོན་རྗེས་ཐེ་ཚོམ་གྱི་གཞིར་མཛད་ཀྱང་ཕྱག་བཞི་དྲུག་གི་བརྒྱུད་པའི་བླ་མ་ཕལ་ཆེར་ཚད་མར་མཛད་པའི་མགོན་པོ་གསང་བ་དངོས་གྲུབ་འབྱུང་བའི་རྒྱུད་ཀྱི་ལེའུ་བཅུ་བཞི་པར། མགོན་པོ་ཀུན་གྱི་གནས་འདི་ནི། །ཞལ་གཅིག་པ་ལ་ཕྱག་དྲུག་པ། དང་པོ་གྲི་གུག་ཐོད་ཁྲག་འཛིན། །སྤྱན་གསུམ་མཐིང་ནག་རྔམ་པ་ཡི། །གཡས་གཡོན་བར་པའི་ཕྲེང་བ་དང་། ཌཱ་མ་རུ་ནི་འཛིན་ཅིང་བརྡུང་། །མཐའ་མ་གཉིས་ཀྱིས་ཁ་ཊཱཾ་དང་། །སྡིགས་མཛུབ་ཞགས་པས་འཆིང་བར་མཛད། །ཅེས་པ་དང་། ཤངས་པ་རྣམས་ཀྱི་རང་སྐད་ལ་རྒྱུད་ཚད་ལྡན་དུ་གྲགས་ཤིང་ཐམས་ཅད་མཁྱེན་པ་བུས་སོམ་ཉིར་མཛད་པ་རྟ་མགྲིན་གྱིས་
གསུངས་པའི་རྒྱུད་ལེའུ་བརྒྱད་པའི་ལེའུ་གཉིས་པར། ནག་པོ་ཞལ་གཅིག་ཕྱག་དྲུག་པ། །གྲི་གུག་བགྲང་འཕྲེང་ཌཱ་མ་རུ། །ཐོད་པ་མདུང་དང་ཞགས་པ་བསྣམས། །ཞེས་གསལ་བར་བསྟན་ཅིང་རྩོད་མེད་ཡོངས་གྲགས་ཀྱི་རྒྱུད་རྭ་ཆོས་རབ་ཀྱིས་བསྒྱུར་བའི་མགོན་པོ་གསང་བ་མངོན་པར་འབྱུང་བའི་རྒྱུད་ལེའུ་ལྔ་བཅུ་པ་ལས། ཞལ་གསུམ་ཕྱག་དྲུག་པ་ལྷ་མོ་བཞིའི་འཁོར་དང་བཅས་ཟུར་ཙམ་བསྟན་པ་འདི་རྒྱུད་ཀྱི་ཟིན་ཟོ་ཆེ་བར་མངོན་ཞིང་། དེ་ལྟར་ལོ་པཎ་མཁས་གྲུབ་རྣམས་ཀྱིས་ལེགས་པར་བཀྲལ་བའི་ཡེ་ཤེས་མགོན་པོ་ཕྱག་དྲུག་པའི་ཆོས་སྐོར་ལ། མཁས་གྲུབ་ཁྱུང་པོ་གདུབ་བུ་པས་ཀོ་ས་ལི་བིཀྵའི་དུར་ཁྲོད་དུ་རྗེ་བཙུན་མཻ་ཏྲི་པ་ཆེན་པོ་ལ་གསེར་སྲང་བདུན་ཕུལ་ནས་ནོར་སྒྲུབ་མཐུ་མྱུར་ལྟག་ཚན་ཆེ་བའི་ཆོས་སྐྱོང་ཞིག་ཞུས་པ་ལ་བརྟེན་ནས་གནང་བའི་ཡིད་བཞིན་མགོན་པོ། མགོན་པོ་ཤིང་ཕུང་ཅན། ཙན་དན་མགོན་པོ། ཐུགས་རྗེ་ཆེན་པོ་ནག་པོ། ཡེ་ཤེས་མགོན་པོ་ཕྱག་དྲུག་པ་སོགས་གཞི་གཅིག་ལ་མཚན་དུ་མར་གྲགས་པ། མི་ནོར་ཟས་གསུམ་དབང་དུ་སྡུད་པ། དགྲ་བོ་བརླག་ཅིང་ཟློག་པས་མི་ཚུགས་པ། བར་དོའི་འཇིགས་པ་ལས་སྐྱོབ་ཅིང་མཆོག་ཐུན་དངོས་གྲུབ་ཐམས་ཅད་འབད་མེད་དུ་སྩོལ་བའི་ཆོས་སྐྱོང་བའི་སྲུང་མ་འདི་ཉིད་ཀྱི་རྗེས་སུ་གནང་བའི་སྐོར་དང་མཁས་གྲུབ་ཁྱུང་པོ་འཕན་ཡུལ་འཇོག་པོའི་རི་ལ་སྒྲུབ་པ་མཛད་པའི་ཚེ་གྲུབ་ཆེན་རཱ་ཧུ་ལས་ཆོས་སྒོ་སྐྱེལ་གྱི་ཚུལ་དུ་གནང་བའི་རྗེས་གནང་གི་སྐོར་རྣམས་བསྡོམས་པས་མགོན་པོ་བཅུ་གསུམ་དུ་གྲགས་པ་རྡོ་རྗེ་འཆང་སྔགས་རམ་པ་དགེ་འདུན་
བཀྲ་ཤིས་ཀྱིས་མཛད་པའི་ཡི་གེའི་སྟེང་ནས་ནོས་པར། གཏོར་དབང་བར་གཅོད་ཀུན་སེལ། རྗེས་གནང་བར་གཅོད་ཀུན་སེལ། དབང་བཞི་བྱིན་རླབས་ཀྱི་ཚུལ་དུ་བསྐུར་བ། བླ་མགོན་དབྱེར་མེད་ཀྱི་སྐོར་ལ་ཞི་བ་གྲིབ་སེལ། རྒྱས་པ་བླ་མ་མགོན་པོ་དབྱེར་མེད། མཁའ་འགྲོ་དབང་སྡུས་དང་གནས་དབབ་གཅིག་ཏུ་བྱས་པ། གསང་སྒྲུབ་མགོན་པོ་མཆིན་ཁ། ནང་སྒྲུབ་རྒྱན་ཅན། མགོན་པོ་དབང་རྒྱལ། མགོན་པོ་ཚེ་བདག །ས་ར་ཧའི་མགོན་པོ་ཁྲག་འཐུང་། ལྷ་བཞི་དྲིལ་སྒྲུབ། མགོན་དཀར་ཡིད་བཞིན་ནོར་བུ་སྟེ་དཔལ་མཉམ་མེད་རི་བོ་དགའ་ལྡན་པ་ལ་གྲགས་པའི་བཀའ་བཅུ་གསུམ། དེའི་གྲངས་སུ་མི་ཐེ་བའི་ཕྱག་མཚན་དྲུག་ཆས་གོས་སིནྡྷུ་ར་རྣམས་ཀྱི་རྗེས་གནང་མགོན་པོ་སྙིང་ཞུགས་ཐུན་མོང་བའི་རྗེས་གནང་ཚར་ཆེན་དང་མཁན་ངག་དབང་ཆོས་གྲགས་པའི་ཡི་གེའི་སྟེང་ནས་དབང་བཞི་བྱིན་རླབས་སུ་བསྐུར་བ་ཤངས་པའི་ཕྱག་ལེན་གཙང་མ་ཤིན་ཏུ་རྒྱས་པ་རྣམས་ནོས་ནས། རྒྱབ་རྟེན་ལུང་ལ། བེ་བུམ་ཐུན་མོང་བ་དང་ཐུན་མོང་མ་ཡིན་པ་ཤོག་དྲིལ་གྱི་སྐོར་དང་གཉིས། དང་པོ་ལ། རྒྱལ་པོ་ཆེན་པོ་མིག་མི་བཟང་གིས་མཐར་བྱེད་རྟའི་རྒྱལ་པོ་ལ་ཞུས་པའི་ནག་པོ་ཆེན་པོའི་རྒྱུད་ལེའུ་བརྒྱད་པ། འདི་ལ་མཁས་གྲུབ་རྗེས་རྒྱུད་འདི་ཉིད་ཡིད་ཆེས་སུ་འདོད་པ་རྣམས་ཀྱི་ཞེས་ཐེ་ཚོམ་གྱི་གཞིར་མཛད་ནས་རང་ལུགས་ཀྱི་རྩ་བའི་ཁུངས་སུ་བེ་བུམ་གྱི་ཐོག་མར་བྲིས་པ་འོག་ནས་འབྱུང་བའི་མན་ངག་མཐའ་དག་སོམ་ཉིའི་ཡུལ་དུ་འབད་པས་བསྒྲུབས་པ་ལ་དགོས་པ་ལྷག་པོ་མ་མཐོང་། མགོན་པོ་གསང་བ་དངོས་
གྲུབ་འབྱུང་བའི་རྒྱུད་ལེའུ་ཉེར་ལྔ་པ་ཚད་ལྡན་དུ་མཛད་འདུག་ཀྱང་ཐམས་ཅད་མཁྱེན་པ་བུ་སོགས་ཚད་མར་མི་བཞེད་པ་རྒྱུད་འབུམ་དཀར་ཆག་ན་གསལ་བས་དུར་ཁྲོད་ནག་པོའི་རྒྱུད་བུ་སྟོན་གྱིས་བརྫུས་མར་བཞེད་པ་བཞིན་ཁོ་བོ་འདོད་གསུང་བ་དུར་ཁྲོད་ནག་པོ་རྣམ་པར་མ་དག་ཅིང་དངོས་གྲུབ་འབྱུང་བ་རྣམ་པར་དག་པ་རང་གི་ཞེན་འདོད་གཙོ་བོར་སྟོན་པ་ལས་རྣམ་དཔྱོད་དང་ལྡན་པའི་གསུང་དུ་མི་སེམས་སོ། །ཡེ་ཤེས་ཀྱི་མགོན་པོ་ཐུགས་བསྐྱེད་པའི་ལོ་རྒྱུས་མཻ་ཏྲི་པས་ཁྱུང་པོ་རྣལ་འབྱོར་ལ་ཀོ་ས་ལ་བིཀྵའི་དུར་ཁྲོད་དུ་གསུངས་པ། འདིའི་མཇུག་ཏུ་མཁས་གྲུབ་རྗེས་གསུངས་ལས། འདི་གཙོ་བོར་ཡིད་ཆེས་ཀྱི་གནས་སུ་གཟུང་ཞེས་བླ་མ་དམ་པ་དག་བཞེད་ལ་བདག་ཀྱང་དེ་ལྟར་སྨྲའོ་ཞེས་སྣང་བའི་འདི་ཁོ་ནའི་ཚིག་གིས་རྒྱུད་ལེ་བརྒྱད་མར་རྟ་མགྲིན་གྱིས་ནག་པོ་ཆེན་པོ་བཏུལ་བའི་ལོ་རྒྱུས་སོགས་ཚད་མ་མ་ཡིན་པ་ཤུགས་ལ་བསྟན་ནས་སྒོས་རྒྱུད་དམིགས་པ་མེད་པའི་དབྱིངས་སུ་རྒྱས་འདེབས་པར་ཉེ་བའོ། །རང་བྱིན་གྱིས་བརླབ་པའི་ནག་པོ་ཆེན་པོའི་སྒྲུབ་ཐབས་དཔལ་ཤ་ཝ་རིས་མཛད་པ། འདིའི་མཇུག་ཏུ་མཁས་གྲུབ་རྗེས་སྒྲུབ་ཐབས་རྒྱ་གཞུང་འདི་ལ་ཡི་གེ་རྙིང་པ་ན་མཆན་ཆུང་ཉག་ཉོག་མང་པོ་བཏབ་འདུག་ནའང་དགོས་པ་ལྷག་པོ་ཅི་ཡང་མི་སྣང་བས་མ་བྲིས་སོ། །ཞེས་གསུངས་འདུག་གོ །ཙ་ལ་ན་ནི་ཞེས་སོགས་བསྟོད་པ་རྒྱ་སྐད་མ་འདིའི་མཇུག་ཏུ་མཁས་གྲུབ་རྗེས་འདི་ལ་ཡང་ཡི་གེ་མ་དག་པ་རིམ་པར་བརྒྱུད་པའི་འདྲ་མིན་མང་དུ་སྣང་ངོ་ཞེས་གསུང་པ་ལས་དག་ཐེར་མ་གནང་འདུག་པ་འོག་གི་མན་ངག་མང་པོར་ལྷད་ཞུགས་བསལ་ནས་དག་པར་ན་
བྱས་ཞེས་ཞལ་གྱིས་འཆེས་པ་བཞིན་འདིར་ཡང་ཞུས་དག་ཅིག་དགོས་པ་འདྲ་ཡང་ལོ་ཙཱ་ཞིག་མ་རྙེད་པའི་རང་བཙན་དུ་ལུས་པ་འདྲའོ། །བྱིན་གྱིས་བརླབ་པའི་ནག་པོ་ཆེན་པོ་འདི་ཉམས་སུ་ལེན་ཚུལ་དཔལ་ཕྱག་དྲུག་པའི་སྒྲུབ་ཡིག་མངོན་པར་རྟོགས་པ་རྒྱས་པའི་ཡི་གེ །ལག་ཏུ་ལེན་པའི་མན་ངག་མངོན་པར་རྟོགས་པ་སྒྲུབ་པའི་ཐབས་འབྲིང་པོའི་ཡི་གེ །རྣམ་པ་གཅིག་ཏུ་མངོན་པར་རྟོགས་པ་བསྡུས་པའི་ཡི་གེ །སྒྲུབ་ཐབས་རྒྱས་འབྲིང་བསྡུས་གསུམ་གྱི་མཇུག་ཏུ་མཁས་གྲུབ་རྗེས་སྒྲུབ་ཡིག་གསུམ་པོ་འདི་ལ་མཛད་བྱང་མེད་ཤངས་པའི་ཡིག་རྙིང་ཡིན་བླ་མ་ཤངས་པའི་གསུང་སྒྲོས་ཟིན་བྲིས་སུ་བྱས་པ་གདའོ་ཞེས་དང་གཏོར་མ་དང་མ་འབྲེལ་བའི་སྐབས་མངོན་རྟོགས་བསྡུས་པ་འདི་མཁོ་ཚུལ་དང་དམ་ཚིག་པ་མི་བསྐྱེད་གསུང་པ་ཞིག་འདུག་པ་གོང་དུ་དམ་ཚིག་པ་བསྐྱེད་པར་བཤད་པ་དང་མ་མཐུན་པས་ཡིག་ནོར་བྱུང་འདྲ་བ་དཔྱད་དོ། །སྲོག་སྔགས་དང་ཤཱ་ས་ནའི་སྔགས་དོན་བཤད་པ་མཛད་པ་པོའི་གསལ་ཁ་མི་འདུག་ཀྱང་བར་མཚམས་ཤིག་ཏུ་བདག་གི་བླ་མ་རྗེ་བཙུན་ནམ་མཁའ་རྣལ་འབྱོར་གྱི་ཞལ་ནས་ཀྵཻཾ་ཀྵེ་ཏྲ་ཞེས་གསུང་པ་ལ་མ་དག་པའི་དཔྱད་པ་འདུག་པས་མཁས་གྲུབ་རྗེའི་གསུང་ཡིན་འདྲ། འགོར་ལེགས་ལྡན་འདིའི་ལུགས་ཀྱིས་ཞེས་ཡོད་པའི་བླ་མ་དེས་ཀྱང་བདག་མང་དུ་ཐོས་པའི་བཙུན་པ་དགེ་ལེགས་དཔལ་བཟང་པོ་མཆོག་ཏུ་དགྱེས་པ་ཆེན་པོས་གནང་ཚུལ་དང་བཅས་པའི་ལོ་རྒྱུས་ཉུང་ངུ་། འགོར་ད་དེ་ལ་གཏོར་མ་གཏོང་བར་འདོད་པས་ཞེས་ཡོད་པའི་བསྙེན་པའི་ཚུལ་དུ་སྒྲུབ་པ་ཡིན་གསུང་ངོའི་མཐའ་ཅན། འགོར་
དཔལ་མགོན་པོའི་གཏོར་སྒྲུབ་བྱེད་པར་འདོད་པས་ཞེས་ཡོད་པའི་གཏོར་སྒྲུབ་བྱ་ཐབས་སོའི་མཐའ་ཅན། མཁས་གྲུབ་རྗེས་གཏོར་སྒྲུབ་འདི་ཤངས་པའི་ཡིག་རྙིང་ཞིག་ཡིན་འདུག་ཀྱང་མཛད་པ་པོ་བླ་མ་རྣམས་གསུང་རྒྱུན་མི་སྣང་གཏོར་སྒྲུབ་དང་གཏོར་ཆེན་འདྲེས་པས་མི་མཁས་པ་ཞིག་གིས་བྱས་འདྲ་སྙམ་པའི་རྟོག་པ་སྐྱེས་གསུང་བ་འདུག །འགོར་གཏོར་ཆེན་བྱེད་པར་འདོད་པས་ཞེས་ཡོད་པའི་ཡིག་རྙིང་བླ་མའི་ཞལ་གྱི་གདམས་པ་ཡིན་ནོའི་མཐའ་ཅན། འགོར་ཡེ་ཤེས་ཀྱི་མགོན་པོ་འདི་ཉིད་ཉམས་སུ་ལེན་པ་ལ་བསྙེན་པ་དང་སྒྲུབ་པ་དང་ལས་སྦྱོར་གསུམ་མོ་ཞེས་ཡོད་པའི་བསྙེན་སྒྲུབ་ལས་གསུམ་གྱི་གདམས་པ་མན་ངག་བཞིན་ལས་ལ་སྦྱོར་བ་ལེགས་སོའི་མཐའ་ཅན། འདི་མཁས་གྲུབ་རྗེས་ཤངས་པའི་ཡིག་རྙིང་ཡིན་ཚུལ་མཛད་འདུག །འགོར་སངས་རྒྱས་གཉན་སྟོན་ལ་སོགས་པའི་རྗེ་གྲུབ་ཐོབ་རྣམས་ལ་སྐྱབས་སུ་མཆི་ཞེས་ཡོད་པའི་རང་ཉིད་ལ་དབང་དམིགས་པས་ལེན་པ་དང་གཞན་ལ་གཏོར་དབང་བྱ་བའི་ཡི་གེ་མགོན་པོ་ལ་གཏང་རག་གི་ཚུལ་དུ་འབུལ་ལོའི་མཐའ་ཅན། མགོན་པོའི་སློབ་མ་རྗེས་སུ་བཟུང་བ་གཞན་ཕན་གྱི་བློ་ཁོ་ནས་ཆོས་རྗེ་སངས་རྒྱས་སྟོན་པས་ཡི་གེར་བཀོད་པ་སྦྱོར་དངོས་རྗེས་གསུམ་མ། འགོར་གཏོར་མ་མགོན་པོ་ལ་ཕུལ་ཟིན་པའི་རྗེས་ལ་ཞེས་ཡོད་པའི་རྗེས་གནང་གི་ཟུར་འདེབས་དཔོན་སློབ་གཉིས་ཀས་བསྒོམ་པར་བྱ་བའི་མཐའ་ཅན། མདུན་དུ་མགོན་པོ་བསྐྱེད་ནས་རང་ལ་དབང་བླང་བའི་གནད་མཆོག་ཁྱད་འཕགས་མགོན་པོས་སངས་རྒྱས་གཉན་སྟོན་ལ་དངོས་སུ་གསུངས་ནས་
མཁའ་ལ་གཤེགས་པ། འགོར་སློབ་མའི་སྙིང་ན་ཆོས་ཀྱི་འཁོར་ལོ་ཞེས་ཡོད་པའི་མགོན་པོ་སྙིང་ཞུགས་ཀྱི་རྗེས་གནང་ཟུར་འདེབས། འདིའི་གཤམ་དུ་མཁས་གྲུབ་རྗེས་རྗེ་ནམ་མཁའི་རྣལ་འབྱོར་གྱི་ཕྱག་དཔེ་ན་མཆན་བུར་ཡོད་པ་མ་གཏོགས་གཞན་ལ་མེད་ཚུལ་མགོན་པོ་རིགས་ལྔའི་རྗེས་གནང་སྟོད་ལུགས་པར་ཡོད་པ་མ་དག་པ་དང་། གཏོར་སྣོད་པདྨར་བསྐྱེད་པ་མི་འཐད་ཚུལ་གསུང་ངོ་། ཕྱག་མཚན་རྗེས་གནང་གི་ཚིགས་བཅད་མ། འགོར་གྲིབ་ཕོག་དམ་ཚིག་འགལ་གྱུར་ན་ཞེས་ཡོད་པའི་གྲིབ་སེལ་ཁྱད་པར་ཅན་གྱི་མན་ངག །གྲིབ་སེལ་གྱི་དབང་བཀའི་ཐོ་ཡིག །བླ་མ་མགོན་པོ་དབྱེར་མེད་ཀྱི་སྒྲུབ་ཐབས་མགོན་པོས་ཤ་ཝ་རི་པ་ལ་ལན་གསུམ་གསུངས་ནས་བཀའ་རྒྱས་བཏབ་པ་ཆིག་བརྒྱུད་མ། དེའི་བྱིན་རླབས་ཀྱི་ཆོ་ག་བླ་མ་མགོན་པོ་དབྱེར་མེད་ཀྱི་སློབ་མ་རྗེས་བཟུང་རྫོགས་བྱང་གི་མཐའ་ཅན། མགོན་པོ་མཆིན་ཁའི་རྗེས་གནང་བླ་མའི་གསུང་བཞིན་ལོ་ཙཱ་བ་ཚུལ་ཁྲིམས་མགོན་གྱིས་བཀོད་པ། མགོན་པོ་མཆིན་ཁར་སྒྲུབ་པའི་མན་ངག་དཔྲལ་བའི་སིནྡྷུ་ར་ལ་བརྟེན་ནས་མཁའ་འགྲོ་དབང་དུ་སྡུད་པའི་ཞལ་གདམས། དེང་སང་འདི་ལ་གསང་སྒྲུབ་ཏུ་འདོགས། མགོན་པོ་མཆིན་ཁའི་འཁོར་གྱི་མངོན་རྟོགས་ཡེ་ཤེས་པ་བསྟིམས་ཏེ་གཏོར་མ་ཕུལ་ལ་གསོལ་བ་གདབས་བོའི་མཐའ་ཅན། ས་ར་ཧའི་ལུགས་ཀྱི་ཡེ་ཤེས་མགོན་པོ་ཞལ་གཅིག་ཕྱག་དྲུག་འདི་དང་འོག་གི་རྒྱན་ཅན་གཉིས་ཡུམ་གྱི་མཆན་དང་ཕྱག་མཚན་རྣམས་མི་འདྲ་བ་མཻ་ཏྲི་པ་དང་རཱ་ཧུ་ལའི་ལུགས་ཀྱི་ཁྱད་པར་ཡིན་ནམ་དཔྱད་ལོ་རྒྱུས་ཚོར་མཻ་ཏྲི་པར་ཞུས་པའི་གྲོས་སུ་སྣང་། པའི་དབང་ཆོག་རྒྱ་གར་མཁས་གྲུབ་ཀྱི་གཞུང་བཞིན་ཁྱུང་པོ་བདག་གིས་ཡི་གེར་བཀོད་པ་རཱ་ཧུ་ལ་ལ་གསེར་
སྲང་བརྒྱ་ཕུལ་བས་ཞུས་ཏེ་རྨོག་ལྕོག་པ་ལ་གཏད་པའི་ཆིག་བརྒྱུད་མ། དེའི་གསང་བའི་སྒྲུབ་ཐབས་ཀྱི་རྒྱ་གཞུང་ཤ་ཝ་རི་པས་མཛད་པ་རྫོགས་བྱང་གི་མཐའ་ཅན། དཔལ་མགོན་པོའི་གསང་བའི་སྒྲུབ་ཐབས་ཐུན་མོང་མ་ཡིན་པ་མགོན་པོ་རྒྱན་ཅན་དུ་གྲགས་པ་དེང་སང་འདི་ལ་ནང་སྒྲུབ་ཟེར། རཱ་ཧུ་ལས་རྡོ་རྗེ་འཆང་ལ་དངོས་སུ་གསན་ནས་གྲུབ་པ་བརྙེས་པ། དེའི་དབང་ཆོག་འགོར་རྡོ་རྗེ་ནག་པོ་ཆེན་པོའི་དབང་གི་ཆོ་ག་ཞེས་ཡོད་པའི་ཁྱུང་པོ་རྣལ་འབྱོར་པས་ཉམས་སུ་མྱོང་བར་བྱས་པའི་བཀའ་རྒྱ་མ། འགོར་འདིའི་བྱིན་རླབས་བྱེད་པར་འདོད་པས་ཞེས་ཡོད་པའི་མགོན་པོ་དབང་རྒྱལ་གྱི་རྗེས་གནང་གི་ཡི་གེ་ཆིག་བརྒྱུད་བཀའ་རྒྱ་མ་རིན་ཅེན་བརྩོན་འགྲུས་ལ་གདམས་པ། མགོན་པོ་ནང་སྒྲུབ་བམ་དེང་སང་འདི་ལ་ནང་སྒྲུབ་ཀྱི་ཐ་སྙད་མི་མཛད། དབང་རྒྱལ་གྱི་སྒྲུབ་ཐབས་མཻ་ཏྲི་པ་ལ་ཁྱུང་པོ་རྣལ་འབྱོར་གྱིས་ཞུས་པ། མགོན་པོ་དབང་རྒྱལ་གྱི་སྒོ་ནས་འཇིག་རྟེན་པའི་དངོས་གྲུབ་བསྡུ་བ་དམ་པའི་མགོན་ལ་བཤགས་པར་བགྱིའི་མཐའ་ཅན། མགོན་པོ་ཚེ་བདག་མཁའ་འགྲོ་བཞི་སྐོར་ཡུམ་བཅས་ཀྱི་སྒྲུབ་ཐབས་ཁྱུང་པོས་རཱ་ཧུ་ལ་ལ་གསེར་སྲང་ལྔ་བརྒྱ་ཕུལ་ནས་ཞུས་པ། ལོ་རྒྱུས་ཚོར་མཻ་ཏྲི་པར་ཞུས་པའི་གྲས་སུ་སྣང་། དེའི་སྒོ་ནས་ཚེའི་དབང་བྱེད་པ་ཆིག་བརྒྱུད་བཀའ་རྒྱ་མ་རིན་ཅེན་བརྩོན་འགྲུས་ལ་གདམས་པའི་གསེར་ཆོས། བྱིན་གྱིས་བརླབས་པ་ནག་པོ་ཆེན་པོ་ཞལ་གསུམ་ཕྱག་དྲུག་པ་འདི་ཡུམ་ཡོད་ཀྱང་རྒྱན་ཅན་དུ་ངོས་མི་འཛིན། ཁྲག་འཐུང་གི་སྒྲུབ་ཐབས་དཔལ་ལྡན་ས་ར་ཧས་མཛད་པ་རྒྱ་གར་གྱི་མཁན་པོ་ཨ་ཐ་ཡ་བཛྲ་དང་ལོ་ཙཱ་བ་ཁྱུང་པོས་བསྒྱུར་བ། དེའི་སྒྲུབ་ཐབས་དང་རྗེས་གནང་འགོར་འདིའི་རྣལ་འབྱོར་ཉམས་སུ་ལེན་པར་འདོད་པས་ཞེས།
ཡོད་པ་སྔགས་གསུམ་གའི་རྗེས་ཟློས་བྱའོའི་མཐའ་ཅན། གུ་ཎ་ཨ་ཀ་ར་དང་ཨ་ཐ་ཡ་ན་བཛྲ་གཉིས་ལས་བརྒྱུད་པའི་ལྷ་བཞི་དྲིལ་སྒྲུབ་ཀྱི་ལམ་གྱི་རིམ་པ་རྗེ་བཙུན་མཁའ་སྤྱོད་མའི་སྒྲུབ་ཐབས་མངོན་པར་རྟོགས་པ་རྫོགས་སོའི་མཐའ་ཅན། འགོར་རྡོ་རྗེ་ཕག་མོའི་བྱིན་གྱིས་བརླབ་པ་ཞེས་ཡོད་པའི་རྣལ་འབྱོར་མའི་སྒྲུབ་ཐབས་ཨ་ཐ་ཡ་བཛྲ་གྱིས་མཛད་པ། ལྷ་བཞིའི་ཞལ་གདམས་མཆོག་དང་ཐུན་མོང་གི་དངོས་གྲུབ་སྒྲུབ་པའི་མཐའ་ཅན། ལྷ་བཞིའི་སྒོ་ནས་གཞན་ལ་དབང་བསྐུར་བ་སྣོད་ལྡན་རེ་ཙམ་ལ་སྟེར་ན་རང་ལ་དབང་བསྐུར་བ་ལྟར་བྱའོའི་མཐའ་ཅན། ལྷ་བཞི་དྲིལ་སྒྲུབ་ཀྱི་ཏིང་ངེ་འཛིན་གྱི་དབང་རྒྱུན་དུ་བླང་བའི་མན་ངག །ལྷ་བཞི་བླ་མ་དང་ལྔའི་བསྟོད་པ་ཆོས་དབྱིངས་མ། མགོན་པོ་ཡིད་བཞིན་ནོར་བུའི་རྗེས་གནང་གི་ཡི་གེ་བཀྲ་ཤིས་སྨོན་ལམ་སོགས་བྱའོའི་མཐའ་ཅན། སྒྲུབ་ཐབས་དགོས་པ་ཀུན་འབྱུང་བའི་གདམས་ངག་གི་རྒྱལ་པོ་ལོ་རྒྱུས་སྦྱོར་བ་དངོས་གཞི་རྗེས་བཞིས་བསྟན་པ། ཞི་བ་ནོར་དུ་སྒྲུབ་པའི་གདམས་པ་ཕྱི་མའི་གནམ་སྟོང་གི་བར་དུ་བྱའོའི་མཐའ་ཅན། མགོན་པོ་གཟི་ལྡན་གྱི་སྒྲུབ་ཐབས་ཤངས་པ་རྣམས་འདི་ལ་རྗེས་གནང་མཛད་པར་མཁས་གྲུབ་རྗེས་མི་འཐད་པའི་ཕྱོགས་གསུང་ཡང་སྐུའི་རྣམ་འགྱུར་ལ་ཁྱད་པར་ཡོད་ཕྱིན་རྗེས་གནང་མི་རིགས་པའི་སྒྲུབ་བྱེད་ཡང་དག་མེད་པ་འདྲའོ། །ཤིན་ཏུ་གསང་བར་བྱ་ཞིང་དཔེ་སུ་ལའང་མི་བསྟན་ནོའི་མཐའ་ཅན། དབང་སྡུས་ཀྱི་འཁོར་ལོའི་བྲི་ཡིག །གཏོར་མའི་མན་ངག །སྦྱིན་སྲེག་བུམ་པ་བཅའ་ཐབས་གཞན་ལ་མི་བསྟན་པར་ཆོས་དམ་པར་བྱའོ་མཐའ་ཅན། མགོན་པོ་དབང་གི་རྒྱལ་པོའི་སྒོ་ནས་འཇིག་
རྟེན་པའི་དངོས་གྲུབ་ཐམས་ཅད་བསྡུ་བའི་འདི་དང་གོང་གི་འཇིག་རྟེན་པའི་དངོས་གྲུབ་བསྡུས་པ་གཉིས་མི་འདྲ་ཡང་མགོན་དཀར་དང་དབང་རྒྱལ་གྱི་ཁྱད་ཡོད་པས་མི་གཅིག་གོ །མན་ངག་དངོས་གྲུབ་ཐམས་ཅད་མོད་ལ་འགྲུབ་པར་ཤོག་གི་མཐའ་ཅན། བསྟོད་པ་རྒྱལ་ཀུན་མ། མཁས་གྲུབ་ཆོས་རྗེས་ཕྱག་དྲུག་པའི་སྐོར་རྩད་བཅད་ཅིང་དག་ཐེར་མཛད་པའི་ཐེམས་ཡིག་ཁོ་བོས་ཡི་གེར་བཀོད་པ་འདི་ལ་བླ་མ་མགོན་པོ་འཁོར་བཅས་བཟོད་པར་མཛད་ནས་བྱིན་གྱིས་བརླབ་ཏུ་གསོལ་གྱི་མཐའ་ཅན། དེས་མཛད་པའི་ལོ་རྒྱུས་དག་མ་དག་གི་དོགས་སེལ་རྒྱས་པར་ཡོད་པའི་ལས་གསུམ་རྣམ་བཞག་གསལ་བར་ཕྱེ་བ་ཁྲིགས་སུ་བསྡེབས་པ། དེས་མཛད་པའི་བསྙེན་སྒྲུབ་ལས་གསུམ་གྱི་མན་ངག་ཐུན་མོང་མ་ཡིན་པ་གསལ་ཞིང་རྒྱས་ལ་མ་སྦས་པར་ཐམས་ཅད་ཚང་བ་ཕྱོགས་གཅིག་ཏུ་བཀོད་པ། དེས་མཛད་པའི་གཏོར་ཆོག་བསྐང་བ་དང་བཅས་པ། རྟེན་བཞི་གནད་གསུམ་གྱི་མན་ངག་ཐུན་མོང་བའི་སྐོར། སྤོས་སྦྱོར་གྱི་མན་ངག་བསྡུས་པ་རིལ་བུ་དབུལ་བར་བྱའོའི་མཐའ་ཅན། སྤོས་སྦྱོར་རྒྱས་པ་བྱིན་གྱིས་བརླབ་པའི་སྔགས་སྔ་མར་མ་ཚང་བ་མང་བར་ཡོད་དོའི་མཐའ་ཅན། མཛེ་ཐོད་དང་མོན་གྱི་ཐོད་པ་ལ་བརྟེན་པའི་མནན་གཏད་ཀ་མ་ལ་ར་ག་རས་ཟླ་བ་གཅིག་ལ་ཕྱི་རོལ་པ་འབུམ་ཚོ་སྟོངས་སུ་བཅུག་པའི་མན་ངག །ཕྱི་དར་ནག་ནང་ནལ་བུའི་རྒྱལ་མཚན། གསང་བ་ནལ་བུའི་སྙིང་ལ་བརྟེན་པའི་དཔལ་ལྡན་ལྷ་མོ་ནག་མོའི་རྟེན་བཅའ་ཐབས་གཉན་སྟོན་རེ་གོང་པས་སངས་རྒྱས་སྟོན་པ་ལ་གནང་བའི་ཞལ་གདམས་ཆིག་བརྒྱུད་མ། གདོན་གྱི་བུ་དང་ཤ་མ་མ་ཐོན་པ་འདོན་ཐབས།
དཔལ་ལྡན་ལྷ་མོ་ནག་མོ་ཕྱག་བཞི་མའི་བསྙེན་སྒྲུབ་ལས་སྦྱོར་རྟེན་བཅའ་ཐབས་དང་བཅས་པ་ཤིན་ཏུ་གཉན་པ་ལས་ལ་སྦྱར་བ་ས་མཱ་ཡ་གུ་ཧྱའི་མཐའ་ཅན། མཻ་ཏྲི་པའི་ལུགས་ཀྱི་ལྷ་མོ་ཕྱག་གཉིས་མའི་སྲོག་སྒྲུབ་ཆུང་བ་རྫོགས་སོའི་མཐའ་ཅན། དེའི་ལུགས་ཀྱི་སྲོག་སྒྲུབ་རྒྱས་པ་ལ་ལ་བླ་མ་རེ་གོང་པས་མཛད་ཟེར། འགའ་ཞིག་སྐྱེར་སྒང་པས་མཛད་ནས་ལྕགས་ཕོ་རིའི་བྲག་ལ་སྦས་ལ་རེ་གོང་པས་བཏོན་ཟེར་རོ། །སྔོན་འགྲོ་དངོས་གཞི་རྗེས་གསུམ་གྱིས་བསྟན་པ། སློབ་དཔོན་དྷ་ན་སཾ་སྐྲྀ་ཏས་རྙིང་མ་ཕྱོགས་མ་གཏོགས་གསར་མར་གྲགས་ཆུང་། གནོད་སྦྱིན་བཞི་དམ་ལ་བརྟགས་ནས་མགོན་པོ་དང་གཙོ་འཁོར་གྱི་ཚུལ་དུ་ལྷན་ཅིག་ཏུ་བསྒྲུབས་པའི་སྦྲགས་སྒྲུབ་དུག་ལྟ་བུའི་མན་ངག་སུ་རུང་རུང་ལ་སྟེར་ཞིང་དཔེ་ཆ་སྟོན་ན་ཀྵེ་ཏྲ་པཱ་ལས་དེའི་སྙིང་ཕྱུང་ཞིག་གི་མཐའ་ཅན། བདུད་མགོན་ཏྲག་ཤད་ལ་བརྟེན་པའི་དཔལ་ལྡན་མགོན་པོ་ནག་པོའི་ངན་སྔགས་ཚིག་སྒྲུབ་སྤུ་གྲི་མེ་དབལ། མགོན་པོའི་སྦྱིན་སྲེག་གསལ་བ་གསུམ་ལྡན་སངས་རྒྱས་གཉན་སྟོན་གྱིས་མཛད་པ། མཁས་གྲུབ་ཁྱུང་པོས་མཛད་པའི་སྤྱན་འདྲེན་བཞེངས་ཤིག་མ། གཏོར་བསྔོའི་དུས་ཀྱི་མ་གཡེལ་མ། གཏོར་རྫོང་གཙང་ཞིང་གཙང་སྦྱར་མ། བྲམ་ཟེ་མཆོག་སྲིད་ཀྱིས་མཛད་པའི་བསྟོད་པ་རྔམ་པ་སྒྲ་སྒྲོག་མ། ནམ་མཁའ་ལྡིང་གི་རྒྱལ་པོ་གསེར་མིག་ཅན་གྱིས་ཡན་ལག་བདུན་པའི་སྒོ་ནས་དཔལ་ལྡན་ལྷ་མོ་ལ་བསྟོད་པ་དཔག་དཀའ་མ། ལྷ་མོའི་བསྟོད་པ་བསྐལ་མེ་མ། མཻ་ཏྲི་པས་ལྷ་མོ་ཞལ་གཟིགས་དུས་མཛད་པའི་བསྟོད་པ་དཀའ་བ་དང་བླངས་མ། བསྐུལ་སྟེང་གི་ཚངས་པ་མ། མཁས་གྲུབ་དགེ་ལེགས་དཔལ་
བཟང་གིས་མཛད་པའི་མགོན་པོའི་བསྟོད་པ་གང་ཐུགས་མ། དེས་མཛད་པའི་ལྷ་མོའི་བསྟོད་པ་དཔལ་ལྡན་མ་མོ་མ། ཁྱུང་པོས་མཛད་པའི་བཀྲ་ཤིས་བཀའ་རྒྱ་མ་རྣམས། གཉིས་པ་ཐུན་མོང་མ་ཡིན་པ་ཤོག་དྲིལ་སྐོར་ལ། ཤོག་དྲིལ་དང་པོ་ལ་བསྲུང་འཁོར་འདྲི་ཐབས་རྡོ་རྗེའི་གོ་ཆ་བླ་མ་ཤངས་པ་ལོ་ཙཱ་བ་ལ་ནག་པོ་ཆེན་པོས་བསྟན་པ། མཁས་གྲུབ་རྗེའི་ཞུས་དག་མ་ཡིན་པས་མཇུག་ཏུ། མང་ཐོས་དགེ་ལེགས་དཔལ་བཟང་གིས། །མཁས་གྲུབ་གོང་མའི་མན་ངག་ལ། །ལྷད་ཞུགས་བསལ་ནས་དག་པར་བྱས། ཞེས་པ་འདུག་ཅིང་ཤོག་དྲིལ་ཕྱི་མ་ཕལ་ཆེར་ལའང་དེ་ལྟར་སྣང་ངོ་། །ཕྱི་རྟེན་ལུག་སོགས་སྲོག་ཆགས། ནང་རྟེན་མདའ། གསང་རྟེན་གྲི་སྙིང་། དེ་ཁོ་ན་ཉིད་དེ་རྟེན་བཞི། དཔྲལ་བའི་སིནྡྷུ་ར་ལ་བརྟེན་ནས་མཁའ་འགྲོ་དབང་དུ་སྡུད་པ། སྤྱི་བོའི་མི་བསྐྱོད་པ་ལ་བརྟེན་ནས་རྒྱུད་འཇམ་དུ་གཏོང་བ། གཤིན་རྗེ་གཤེད་ལ་བརྟེན་ནས་མགོན་པོའི་ནུས་པ་བསྐྱེད་པ་སྟེ་གནས་གསུམ་དང་བཅས་པ་རྒྱ་གར་མཁས་གྲུབ་ཀྱི་མན་ངག་བླ་མའི་གདམས་པ་ཤངས་སྟོན་གྱིས་ཡི་གེར་བཀོད་པ། གནས་ཁང་བསིལ་བ་ཚལ་གྱི་དུར་ཁྲོད་ལྟར་བྱ་བའི་མན་ངག་ཐུན་མོང་མ་ཡིན་པའི་རྟེན་བཅའ་ཐབས་ཆིག་བརྒྱུད་མ། མགོན་པོའི་འཕྱར་དར་རམ་བྲིས་སྐུ་བཞེང་པའི་མན་ངག་རྣམས། ཤོག་དྲིལ་གཉིས་པ་ལ་མགོན་པོ་ཞལ་གསུམ་ཕྱག་དྲུག་པར་བརྟེན་པའི་བསྲུང་བ་རྡོ་རྗེའི་ཆར་འབེབས། ཟློག་པ་སྟོབས་ཆེན་ཤུགས་ཟློག །གསད་པ་གནམ་ལྕགས་དུག་མདའ་ནག་པོ། ཡང་ཟློག་བསྲུང་བ་སྟོབས་བསྐྱེད། སླར་ཟློག་ཉམས་
པ་ཀུན་གསོ། །གདམས་པ་ལྔ་པོ་འདི་གྲུབ་ཆེན་རཱ་ཧུ་ལས་མཁས་གྲུབ་ཁྱུང་པོ་རྣལ་འབྱོར་ལ་གསུངས་པའི་སྙན་བརྒྱུད་བླ་མའི་ཞལ་ཤེས་མ། ཡང་ཟློག་གི་ཞལ་ཤེས་ཡིག་ཆུང་རྣམས། ཤོག་དྲིལ་གསུམ་པ་མགོན་པོའི་སྦྱིན་སྲེག་གི་ཆོ་ག་སྔོན་འགྲོ་དངོས་གཞི་རྗེས་གསུམ་གྱིས་བསྟན་པ། འགྲུབ་ཁུང་ལིང་ག་འཁོར་ལོ་སོགས་བསྟན་པ་ལས་ཀྱི་འཁོར་ལོ་ཞེས་བྱ་བ་རཱ་ཧུ་ལས་ཁྱུང་པོ་རྣལ་འབྱོར་ལ་གནང་བའི་གསང་བའི་ནོར། དྲག་པོའི་སེར་བ་འབེབས་པ་གནམ་སྟོང་ལ་ནི་ལས་ལ་སྦྱོར་ཞེས་གསུང་བའི་མཐའ་ཅན། ཤོག་དྲིལ་བཞི་པ་ལ། སློབ་དཔོན་མཚོ་ལ་ལ་འདི་ཨོ་རྒྱན་ཆེན་པོར་བཞེད་པ་ཡོད་འདྲ་ཡང་ཀྱེ་རྡོར་མཚོ་སྐྱེས་ཀྱི་སྐབས་ཀྱི་སློབ་དཔོན་ཆེན་པོ་པདྨ་འབྱུང་གནས་གང་ཡིན་ཐེ་ཚོམ་གྱི་གཞིར་སྣང་ངོ་། །སྐྱེས་ཀྱིས་མཛད་པའི་གནད་ལྔས་ཆོས་སྐྱོང་བྲན་དུ་བསྐུལ་བའི་མན་ངག །གདམས་པ་འདི་གུར་ཞལ་སོགས་ཆོས་སྐྱོང་མང་པོའི་བེའུ་བུམ་དུའང་ཡོད་དོ། མནན་པ་འདོན་པ། བཅིངས་པ་འགྲོལ་བ། བསྡམས་པ་བཅས་པ། ངག་ལ་བང་བསྐུར་བ། སྔགས་ཀྱི་མཐུ་བསྐྱེད་པ། བཟླས་པའི་དབལ་གསོལ་བ། སོ་ལ་ངར་བླུད་པ། མཆུ་ལ་དུག་བསྐུ་བ། ལྕེ་ལ་སྤུ་གྲི་འདོགས་པ་སྟེ་གདམས་པ་གནད་དགུ་མ། འདིའི་མཇུག་ན་གུ་རུ་པདྨ་འབྱུང་གནས་སོགས་བླ་མ་དྲུག་ལས་བརྒྱུད་ཚུལ་འདུག་ཅིང་། བླ་མ་དགོངས་འདུས་སུ། སྔགས་ཀྱི་དབལ་གསོ་བ། ལྕེ་ལ་སྤུ་གྲི་གདགས། ཀུན་ལ་ངར་འདོགས་གསད་པའི་ཐ་རམ་སྟེ། །འདི་དང་ལྡན་ན་ཡིད་བཞིན་ནོར་བུ་ལྟར། །ཅི་འདོད་འབྱུང་ངོ་ལས་ཅན་ཐུགས་ཀྱི་སྲས། །ཞེས་པའི་མན་ངག་བསྲེས་ནས་ཁྱུང་པོ་ལ་ཁུངས་བཙལ་བ་
ཞིག་འདྲའོ། །སྲིའུ་གསོ་བའི་གདམས་པ་གཏོར་མས་བསྲུང་བ་ལ་ཞལ་ཤེས་ཀྱང་ཡོད་དོའི་མཐའ་ཅན། གུ་གུལ་གྱི་བསྙེན་པས་བགེགས་སྐྲོད་པ། ཡུངས་ཀར་གྱི་བསྙེན་པས་བགེགས་ཚར་གཅོད་པ། ལམ་དུ་འགྲོ་བའི་བར་ཆད་བསྲུང་བ། གནོད་བྱེད་སྲེག་པར་བསམ་པའི་མཐའ་ཅན། ལུག་ནག་པོའི་བལ་གྱི་བསྲུང་སྐུད་དམ་ཚིག་མ་ཉམས་པས་བྱའོའི་མཐའ་ཅན། ངག་གནོད་སེལ་བའི་གདམས་པ་ངག་ནུས་པ་དང་ལྡན་ལྟར་འགྱུར་རོའི་མཐའ་ཅན། རྫས་སྔགས་ལ་བརྟེན་པའི་མཚོན་སྲུང་མི་ཚུགས་སོའི་མཐའ་ཅན། མཆོད་རྟེན་ཕུར་པ་ལ་བརྟེན་པའི་ཤྭ་ཟློག་འཕྲལ་དུ་ཟློག་པར་འགྱུར་རོའི་མཐའ་ཅན། མཐོ་ཕུར་ལ་བརྟེན་པའི་སེར་སྲུང་གདོང་ཟློག་སོགས་མི་དགོས་གསུང་ངོའི་མཐའ་ཅན། རྨི་ལམ་ངན་པ་ཟློག་ཐབས་གཏོར་ཆུང་བཤམ་པར་བྱའོའི་མཐའ་ཅན། དེའི་ཞལ་ཤེས་མཁས་གྲུབ་པའི་གསུང་རྒྱུན་རྣམས། ཤོག་དྲིལ་ལྔ་པ་ལ་རྒྱུད་ཀྱི་ལེའུ་བཅུ་གཉིས་པ་ནས་གསུངས་པའི་མགོན་པོ་རྒྱན་ཅན་ལ་བརྟེན་པའི་རླུང་སྒྲུབ་ཤིན་ཏུ་ཟབ་པ་མཆོག་སྒྲུབ་པའི་མན་ངག །འདི་ཁྱུང་པོ་རྣལ་འབྱོར་གྱིས་གསེར་སྲང་བརྒྱ་ཕུལ་ནས་རཱ་ཧུ་ལ་ལ་ཞུས་པ་རྨོག་ལྕོག་པར་ཆིག་བརྒྱུད་དུ་གནང་བའོ། །གུར་ཞལ་གྱི་གསང་ཁྲིད་ཕྱག་བཞི་པའི་སྐུ་རགས་མ་སོགས་དང་དབྱིབས་མཚུངས་པའི་དམར་ཁྲིད་དུ་བྱེད་པ་ཞིག་ཤངས་པའི་གོང་མ་རྣམས་ལ་ཡོད་ཚོད་དུ་སྣང་། རྡོར་བཟླས་ཀྱི་ཤོག་དྲིལ་གཞན་དུ་གསལ་ཞེས་ཁ་འཕངས་འདུག་ཀྱང་དཔེ་ཟུར་པ་མ་རྙེད། དགྲ་བོ་ཚར་གཅོད་པའི་རླུང་སྒྲུབ་ལ་གཙོ་བོ་དང་འཁོར་གྱི་ལས་ཚོགས་གཉིས་ཀྱི་དང་པོ་ལ་
ཤ་ཝ་རི་དབང་ཕྱུག་གིས་རྒྱུད་ནས་ཕྱུང་སྟེ་གུཔྟ་བཛྲ་ལ་གནང་། དེས་འཇོག་པོའི་རིར་ཁྱུང་པོ་ལ་གནང་བའི་སྐྱེ་རགས་ཐེམ་ཁུག་ནས་ཕྱུང་བར་རྫས་སྔགས་ཏིང་ངེ་འཛིན་ལ་བརྟེན་པའི་མགོན་པོའི་རླུང་སྒྲུབ་ཀྱིས་ལོ་ཏོག་འཇོམས་ཤིང་ཐོག་དབབ་པ། མིའི་རླིད་བུ་ལ་བརྟེན་པའི་མགོན་པོའི་རླུང་སྒྲུབ་ཀྱིས་སྦོོས་ཏེ་གསད་པའོ། །འཁོར་གྱི་རླུང་སྒྲུབ་ལ། མི་དབང་སྙིང་ཤུན་ལ་བརྟེན་པའི་ལྷ་མོ་རླུང་སྒྲུབ་ཀྱིས་ཕ་རོལ་ཁྲག་ནད་ཀྱིས་ཕུང་བ། དོམ་གྱི་ཆུ་འཛིན་ལ་བརྟེན་པའི་ཀྵེ་ཏྲ་པཱ་ལའི་རླུང་སྒྲུབ་ཀྱིས་རབ་ཞག་བདུན། འབྲིང་བརྒྱད། ཐ་མ་དགུ་ལ་དགྲ་བོ་གུམ་པ། ལུག་ནག་གཅན་གཟན་གྱིས་བསད་པའི་རྒྱུ་མར་བརྟེན་པའི་ཛི་ན་མི་ཏྲའི་རླུང་སྒྲུབ་ཀྱིས་ཉིན་མཚན་གོ་ལྡོག་སྟེ་ཚ་གྲང་ནད་ཀྱིས་གསོད་པ། ལྟེ་ཁུང་ནག་པོ་དང་ཟངས་ཁབ་ཀྱི་སྦྱོར་བར་བརྟེན་པའི་ཊཱཀྐི་རཱ་ཛའི་རླུང་སྒྲུབ་ཀྱིས་ཞག་གསུམ་ན་གསོད་པ། ནག་པོ་རྟའི་ཆུ་འཛིན་ལ་བརྟེན་ནས་བདུད་ཀྱི་སྐྱེས་བུ་ཏྲག་ཤད་ཀྱི་རླུང་སྒྲུབ་ཞག་གསུམ་ནས་གསོད་པ། མན་ངག་འདི་རྣམས་ཆིག་བརྒྱུད་ལས་མང་པོར་བསྟན་ན་སྙིང་ཁྲག་འཐུང་ཞིག་པའི་བཀའ་རྒྱ་ཅན། གཙོ་འཁོར་ཡོངས་རྫོགས་ཀྱི་རླུང་སྒྲུབ་ཀྱི་སྔགས་གབ་སྦས་ཕྱོགས་གཅིག་ཏུ་མཁས་གྲུབ་ཆོས་རྗེས་བསྒྲིགས་པ། འདིའི་སྔགས་བྱང་དུ་གཟེར་གཟེར་ཞུག་ཞུག་སྙིང་ཁྲག་ལ་རྦད་སོགས་འདུག་པ་རྒྱ་གར་གྱི་སྐད་ལ་ཞ་དང་ལ་སོགས་མི་ཡོང་ཞིང་རྒྱ་མིན་བོད་མིན་དུ་འདུག་ཀྱང་ཨ་མས་བཅག་པའི་རྫས་སྐམ་སྣོད་ཉན་པའི་དཔེ་ལྟར་སྐྱོན་མེད་དམ་སྙམ། ཤོག་དྲིལ་དྲུག་པ་ལ་གྲིབ་སེལ་གནད་དབབ་ཀྱི་གདམས་པ་སངས་རྒྱས་གཉན་
སྟོན་ཡན་ལ་ཆིག་བརྒྱུད་མ་གནད་ཡིག་ཡིད་བཞིན་ནོར་བུར་གྲགས་པ་སངས་རྒྱས་སྟོན་པས་རི་གོང་དཔལ་གྱི་རི་ཁྲོད་དུ་ཡི་གེར་བཀོད་པ། རྟ་མགྲིན་ལ་བརྟེན་པའི་བསྲུང་བ་རྡོ་རྗེའི་ཆར་འབེབས་ཐུན་མོང་མ་ཡིན་པའི་ཞལ་ཤེས། བགེགས་ཀྱི་རྒྱལ་པོ་ལ་བརྟེན་ནས་པྲ་འབེབས་པའི་གདམས་པ་རྣམས། ཤོག་དྲིལ་བདུན་པ་ལ་དཔལ་ལྡན་ལྷ་མོའི་ཕྱག་གཡོན་གྱི་ཐོད་པ་ལ་བརྟེན་ནས་དགྲ་བོ་ཕུང་དུ་འཇུག་པ། ཀྵེ་ཏྲ་པཱ་ལའི་གྲི་གུག་ལ་བརྟེན་ནས་དགྲ་སྲོག་འབྲལ་བ། ཛི་ན་མི་ཏྲའི་ཌཱ་མ་རུ་ལ་བརྟེན་ནས་སྨྱོ་རུ་འཇུག་པ། ཊཱཀྐི་རཱ་ཛའི་རྒྱུ་ཞགས་ལ་བརྟེན་ནས་ལྐུགས་པར་བྱེད་པ། ཏྲག་ཤད་ཀྱི་བ་དན་ལ་བརྟེན་ནས་སྐྲད་པར་བྱེད་པ་སྟེ་བཀའ་སྡོད་ཀྱི་ཕྱག་མཚན་ལས་སྦྱོར་དུ་གྲགས་པའོ། །ཤོག་དྲིལ་བརྒྱད་པ་ལ་བྱིན་རླབས་ནག་པོ་ཆེན་པོའི་གནོད་སྦྱིན་བཞི་གནང་ནས་བསྐུལ་བའི་ཞལ་གདམས་ཆིག་བརྒྱུད་མ་འདི་མེད་ན་འཁོར་བཞིས་ལས་བྱེད་མི་ཉན་གསུང་བའི་མཐའ་ཅན། མཁའ་འགྲོ་དབང་དུ་སྡུད་ཅིང་གནོད་སྦྱིན་ཐམས་ཅད་གནད་ནས་བསྐུལ་བ། གནད་འབེབས་ཡིད་བཞིན་ནོར་བུ་དང་བཅས་པ། ཤོག་དྲིལ་དགུ་པ་ལ་ལས་བྱེད་ཀྵེ་ཏྲ་པཱ་ལའི་གདམས་པ་ཀྵེ་ཏྲ་པཱ་ལ་སྤྲེལ་འཁྲིད་མར་གྲགས་པ། རཱུ་པའི་ལྟོ་པའི་ཙཀྲ་གྲོང་ཁྱེར་དཀྲུག་པ་དང་ལུས་ངག་ཡིད་གསུམ་དབབ་པ་རྣམས་ཀྱི་ཞལ་ཤེས་བེ་བུམ་ནག་པོའི་སྙིང་པོ། ཆགས་པ་རྣམ་གསུམ་གྱི་མན་ངག །རྟགས་ཀྱི་རིམ་པ་ཤོག་དྲིལ་ནག་པོའི་མན་ངག་རྫོགས་སོའི་མཐའ་ཅན། འཁོར་ལོའི་སྒོ་ནས་དགྲ་བགེགས་གསད་པའི་ལས་སྦྱོར་མགོན་པོ་
དངོས་ཀྱིས་ཤངས་པ་ལོ་ཙཱ་བ་གནང་བ་སྟོན་པའི་བསྟན་པ་བསྲུང་བར་གྱུར་ཅིག་གི་མཐའ་ཅན། རྣལ་འབྱོར་གྱི་དབང་ཕྱུག་ཤ་ཝ་རི་པས་རྒྱུད་ནས་ཕྱུང་སྟེ་སྲས་ཀྱི་ཐུ་བོར་གནང་ཞིང་ས་ར་ཧའི་ལུགས་ཀྱང་མཻ་ཏྲི་པར་གསན་པའི་མགོན་པོའི་འཁོར་ལོའི་ལས་སྦྱོར་ཤངས་ཁྲག་གི་ཤོག་དྲིལ་དང་པོ། རེ་མ་ཏིའི་མན་ངག་གི་འཁོར་ལོའི་ལས་སྦྱོར་ལྷ་མོའི་སྙིང་ཁྲག་ཤོག་དྲིལ་གཉིས་པ། ཀྵེ་ཏྲ་པཱ་ལའི་འཁོར་ལོའི་ལས་སྦྱོར་སྙིང་ཁྲག་ཤོག་དྲིལ་གསུམ་པ། ཛི་ན་མི་ཏྲའི་འཁོར་ལོའི་ལས་སྦྱོར་སྙིང་ཁྲག་ཤོག་དྲིལ་བཞི་པ། ཊཱཀྐི་རཱ་ཛའི་འཁོར་ལོའི་ལས་སྦྱོར་སྙིང་ཁྲག་ཤོག་དྲིལ་ལྔ་པ། ཏྲག་ཤད་ཀྱི་འཁོར་ལོའི་ལས་སྦྱོར་སྙིང་ཁྲག་ཤོག་དྲིལ་དྲུག་པ། འདིའི་མཇུག་ཏུ་བཅས་པའི་མན་ངག་བཅུ་གཉིས་ཐོག་སེར་དང་བཅུ་གསུམ་བླ་མ་བདུན་གྱི་དགོངས་པ་བསྡུས་ནས་མཁས་གྲུབ་རྗེས་འགྲིག་པར་བསྡེབས་ཚུལ་སྣང་ངོ་། །ཤོག་དྲིལ་བཅུ་པ་ལ་མགོན་པོ་ཡབ་ཡུམ་གྱི་སྲོག་གི་འཁོར་ལོ་གཞན་ལ་མེད་པའི་ཁྱད་ཆོས། ཀྵེ་ཏྲ་པཱ་ལའི་རླུང་སྒྲུབ་ཟློག་མེད་ཧ་ལ་ཁོང་སོང་འདྲ་བ། ཀྵེ་ཏྲ་པཱ་ལའི་གཏོར་མའི་ལས་སྦྱོར་རཱ་ཧུ་ལས་ཁྱུང་པོ་ལ་གནང་བའི་མགོན་པོ་ཞིང་སྐྱོང་དུ་སྒྲུབ་པའི་མན་ངག །ཤོག་དྲིལ་བཅུ་གཅིག་པ་ལ་ཤོག་དྲིལ་རྣམས་ཀྱི་མན་ངག་སྦས་དཀྲུགས་གབ་པ་རྣམས་གསལ་བྱེད་ཀྱི་ཞལ་ཤེས་ཤོག་དྲིལ་ཤིན་ཏུ་གསང་ཞིང་སྦ་བར་བྱ་བ། འདིའི་མཇུག་ཏུ་བེའུ་བུམ་ནག་པོའི་ཤོག་དྲིལ་གཉིས། གསང་བའི་མན་ངག་མཆོག་ཡིན་པས། །མཁས་གྲུབ་གོང་མའི་གསུང་བཞིན་དུ། །བསྟན་འཛིན་བཤེས་གཉེན་རེ་རེ་ཙམ། །དེ་ལ་སྦྱིན་ལ་བཀའ་
རྒྱས་ཐོབ། །སྣོད་མིན་དག་ལ་སྤེལ་གྱུར་ན། །ཀྵེ་ཏྲ་པཱ་ལ་ཡབ་ཡུམ་གྱིས། །དེ་ཡི་སྙིང་ཕྱུང་སྲོག་ཆོད་ཅིགཅེས་པ་སྣང་ངོ་། ཤོག་དྲིལ་བཅུ་གཉིས་པ་ལ་ཤོག་དྲིལ་དམར་པོའི་མན་ངག་སྐོར་ལ་རིགས་གཏད་པའི་ཞལ་ཤེས། ནང་རྟེན་གྱི་ཞལ་ཤེས། གསང་རྟེན་གྱི་ཞལ་ཤེས། དེ་ཁོ་ན་ཉིད་ཀྱི་རྟེན་གྱི་ཞལ་ཤེས། ཁྱད་པར་ཅན་གྱི་རྟེན་བརྡབ་དར་གྱི་ཞལ་ཤེས་རྣམས། ཤོག་དྲིལ་བཅུ་གསུམ་པ་ལ་མགོན་པོའི་རབ་གནས་བསམ་འཕེལ་ཡིད་བཞིན་ནོར་བུ་གཉན་སྟོན་གྱིས་རི་གོང་དཔལ་གྱི་དགོན་པར་བཀོད་པ། རབ་གནས་ཀྱི་སྔོན་དུ་གལ་ཆེ་བ་མེ་ཏོག་གི་ཞལ་གདམས། རབ་ཏུ་གནས་ཡུལ་གྱི་ཁྱད་པར་ཞལ་གདམས། དུས་ཀྱི་ཞལ་གདམས། ཡེ་ཤེས་པ་དངོས་སུ་གཞུག་པའི་ཞལ་གདམས། རབ་གནས་ཀྱི་སྔོན་དུ་གནོད་སྦྱིན་ཕོ་དགུ་མོ་དགུའི་འཁོར་ལོའི་ཞལ་གདམས་རྣམས། དཔེ་རིས་སྐོར་ལ། རྡོ་རྗེ་འཆང་སྔགས་རམ་པ་ལུགས་ཀྱི་གཏོར་ཆེན་གྱི་འཁོར་ལོ། ཆོས་རྗེ་རྗེ་བཙུན་པ་ལུགས་ཀྱི་གཏོར་ཆེན་གྱི་འཁོར་ལོ། གྲོང་ཁྱེར་དཀྲུག་པའི་འཁོར་ལོ། བརྡབ་དར། མགོན་པོ་རླུང་སྒྲུབ་འཁོར་ལོ། ལྷ་མོའི་འཁོར་ལོ། ཀྵེ་ཏྲ་པཱ་ལའི་འཁོར་ལོ། ཀྵེ་ཏྲ་པཱ་ལ་ཡབ་ཡུམ་གྱི་འཁོར་ལོ། ཛི་ན་མི་ཏྲའི་འཁོར་ལོ། ཊཱཀྐི་རཱ་ཛའི་འཁོར་ལོ། ཏྲག་ཤད་ཀྱི་འཁོར་ལོ། གཏོར་ཆེན་སོགས་མན་ངག་གི་ཕྱག་ལེན། དམར་ཁྲིད་དང་བཅས་ལེགས་པར་ནོས་པ་ལས་ཤངས་ལུགས་གཙང་མའི་དབང་བཞི་བྱིན་རླབས། རྒྱན་ཅན། ཚེ་བདག །ཁྲག་འཐུང་། ལྷ་བཞི་དྲིལ་སྒྲུབ། མགོན་དཀར་ཡིད་བཞིན་ནོར་བུ་རྣམས་མ་གཏོགས་པའི་རྗེས་གནང་བཅུའི་བརྒྱུད་པ་ནི། རྒྱལ་བ་རྡོ་རྗེ་
འཆང་། ཡེ་ཤེས་ཀྱི་མཁའ་འགྲོ་མ། གྲུབ་ཆེན་ཤ་ཝ་རིའི་དབང་ཕྱུག །རྗེ་བཙུན་མཻ་ཏྲི་པ་ཆེན་པོ། ཤངས་པ་ལོ་ཙཱ་བ་ཁྱུང་པོ་རྣལ་འབྱོར། རྨོག་ལྕོག་པ་རིན་ཆེན་བརྩོན་འགྲུས། སྐྱེར་སྒང་པ་ཆོས་ཀྱི་སེང་གེ །གཉན་སྟོན་སྦས་པའི་རྣལ་འབྱོར། ཆོས་རྗེ་སངས་རྒྱས་སྟོན་པ། མཁས་གྲུབ་ཤངས་སྟོན་ཆེན་པོ། མུས་ཆེན་རྒྱལ་མཚན་དཔལ་བཟང་། སྔགས་འཆང་རྡོ་རྗེ་གཞོན་ནུ། མཉམ་མེད་ནམ་མཁའི་རྣལ་འབྱོར། མཁས་གྲུབ་དགེ་ལེགས་དཔལ་བཟང་། མཚུངས་མེད་བཟང་པོ་རྒྱལ་མཚན། གྲུབ་ཆེན་ངག་དབང་བློ་གྲོས། མར་སྟོན་ཚུལ་ཁྲིམས་རིན་ཆེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། རིགས་ཀུན་བདག་པོ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་མཁས་གྲུབ་རྗེ་ནས། འབྲོང་རྩེ་ལྷ་བཙུན་རིན་ཅེན་རྒྱ་མཚོ་བློ་གྲོས། པཎ་ཆེན་ངོ་མཚར་རྒྱ་མཚོ། མར་སྟོན་ཚུལ་ཁྲིམས་རིན་ཅེན་མན་འདྲ། ཡང་ན་འབྲོང་རྩེ་ཆོས་རྗེ་ནས། གྲུབ་ཆེན་ངག་དབང་བློ་གྲོས། མར་སྟོན་སེམས་དཔའ་ཆེན་པོ་མན་འདྲ། ཡང་ན་མཁས་གྲུབ་ཤངས་སྟོན་པ་ནས། མཁས་བཙུན་རྒྱལ་མཚན་འབུམ། འཇག་ཆེན་བྱམས་པ་དཔལ། འཇག་པ་བློ་གྲོས་དཔལ། གྲུབ་ཆེན་ངག་དབང་བློ་གྲོས་མན་འདྲ། ཡང་ན་བྱམས་པ་དཔལ་ནས། ཀུན་དགའ་དཔལ། ངག་དབང་བློ་གྲོས་མན་འདྲ། ཡང་ན་མཁས་གྲུབ་རྗེ་ནས། རོང་སྟོན་བློ་བཟང་གྲགས་པ། ཐོན་པ་མཁས་བཙུན་
ཡོན་ཏན་རྒྱ་མཚོ། པཎ་ཆེན་བསོད་ནམས་གྲགས་པ། གུ་གེ་པ་ཉི་མ་བཟང་པོ། ཁྲི་རིན་པོ་ཆེ་རྒྱལ་ཁང་རྩེ་པ་དཔལ་འབྱོར་རྒྱ་མཚོ། རྡོ་རྗེ་འཆང་ཕ་བོང་ཁ་པ་མན་འདྲ། ཡང་རྗེས་གནང་བར་ཆད་ཀུན་སེལ་གྱི་བརྒྱུད་ལུགས་གཅིག་ནི། འཇག་ཆེན་བྱམས་པ་དཔལ་ནས། སྣང་ཐང་ལོ་ཙཱ་བ་དོན་གྲུབ་བཟང་པོ། རྒྱལ་བ་བཙོང་ཁ་པ་ཆེན་པོ། ཤར་པ་རིན་ཅེན་རྒྱལ་མཚན། བྱང་གླིང་པ་གྲགས་པ་རིན་ཅེན། སྣར་ཐང་པ་ཤེས་རབ་རྒྱལ་མཚན། པཎ་ཆེན་ཡེ་ཤེས་རྩེ་མོ། རྗེ་ཆོས་གྲགས་པ། མར་སྟོན་སེམས་དཔའ་ཆེན་པོ། རྡོ་རྗེ་འཆང་སྔགས་རམ་པ་མན་གོང་ལྟར་རོ། །ཡང་ན་རྒྱལ་བ་བཙོང་ཁ་པ་ཆེན་པོ་ནས། རྒྱལ་སྲས་བཟང་སྐྱོང་བ། རིན་པོ་ཆེ་ཆོས་དཔལ་བ། ཆོས་རྗེ་བློ་གྲོས་རྒྱལ་མཚན། རྗེ་ཕྱོགས་ལས་རྣམ་རྒྱལ། རྡོ་རྗེ་འཆང་སྔགས་རམ་པ་མན་འདྲ། ཡང་ན་འཇག་ཆེན་བྱམས་པ་དཔལ་ནས། ཀུན་མཁྱེན་ཤེས་རབ་དཔལ་བཟང་། སེམས་དཔའ་ཆེན་པོ་ཚུལ་ཁྲིམས་དཔལ་བཟང་། མཁས་གྲུབ་རིན་ཅེན་བཤེས་གཉེན། ཆོས་རྗེ་ལེགས་པའི་བློ་གྲོས། རྗེ་ཕྱོགས་ལས་རྣམ་རྒྱལ། རྡོ་རྗེ་འཆང་སྔགས་རམ་པ་མན་འདྲ། དབང་བཞི་བྱིན་རླབས་ཀྱི་ཚུལ་དུ་བསྐུར་བ་བར་གཅོད་ཀུན་སེལ་གྱི་བརྒྱུད་ལུགས་གཅིག་ནི། མཁས་གྲུབ་ཤངས་སྟོན་ནས། རྗེ་རྒྱལ་མཚན་འབུམ། འཇག་ཆེན་བྱམས་པ་དཔལ། རྗེ་བསོད་ནམས་བློ་གྲོས། བླ་མ་ཀུན་དགའ་བཟང་པོ། དྲན་མཆོག་དོན་ཡོད་རྒྱལ་མཚན། ཡབ་ཆོས་རྗེ་ཀུན་དགའ་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། ཆོས་རྗེ་རིན་པོ་ཆེ་ཐུབ་བསྟན་པ། རྗེ་ཕྱོགས་ལས་རྣམ་རྒྱལ་མན་གོང་བཞིན་ནོ། །
ཡང་ན་མཚུངས་མེད་བཟང་པོ་རྒྱལ་མཚན་ནས། རྗེ་ཀུན་དགའ་རྒྱལ་མཚན་མན་འདྲ། ཡང་ན་མཁས་གྲུབ་རྗེ་ནས། བ་སོ་ཆོས་ཀྱི་རྒྱལ་མཚན། གནས་རྙིང་པ་ཀུན་དགའ་བདེ་ལེགས། ཐམས་ཅད་མཁྱེན་པ་དགེ་འདུན་རྒྱ་མཚོ་མན་གོང་ལྟར་རོ། །ཡང་ན་མཚུངས་མེད་བཟང་པོ་རྒྱལ་མཚན་ནས། འཇམ་དབྱངས་དགེ་འདུན་འཕེལ། རྒྱུད་པ་བཀྲ་ཤིས་འཕགས། རྒྱུད་ཆེན་བརྩོན་གྲུས་འཕགས། སྲས་ཁང་སྔགས་རམ་པ་བཟང་པོ་རྣམ་རྒྱལ། རྡོ་རྗེ་འཆང་ཕ་བོང་ཁ་པ་མན་འདྲ། མགོན་པོ་རྒྱན་ཅན། ཚེ་བདག །ལྷ་བཞིའི་དྲིལ་སྒྲུབ། མགོན་དཀར་བཞིའི་རྗེས་གནང་གི་བརྒྱུད་པ་ནི། རྡོ་རྗེ་འཆང་། སློབ་དཔོན་དྷ་ན་སཾ་སྐྲྀ་ཏ། གྲུབ་ཆེན་རཱ་ཧུ་ལ་གུཔྟ། ཇོ་བོ་ཨ་ཏི་ཤའི་བླ་མ་རི་ནག་པོའི་གཙུག་ལག་ཁང་དུ་བཞུགས་པའི་ཚེའི་རིགས་འཛིན་བརྙེས་པ་དེ་ཡིན། མཁས་གྲུབ་ཁྱུང་པོ་རྣལ་འབྱོར་མན་བརྒྱུད་ཚུལ་གོང་མ་མཐའ་དག་དང་འདྲ། ས་ར་ཧའི་མགོན་པོ་ཁྲག་འཐུང་གི་རྗེས་གནང་གི་བརྒྱུད་པ་ནི། རྡོ་རྗེ་འཆང་། ས་ར་ཧ། འཕགས་པ་ཀླུ་སྒྲུབ། སློབ་དཔོན་ཆེན་པོ་པདྨ་ཐོད་འཕྲེང་། གྲུབ་ཆེན་ཤ་བ་རི་པ། མངའ་བདག་མཻ་ཏྲི་པ། ཁྱུང་པོ་རྣལ་འབྱོར་མན་གོང་མ་རྣམས་དང་འདྲ། ཤངས་ལུགས་གཙང་མའི་དབང་བཞི་བྱིན་རླབས་ཀྱི་ཚུལ་དུ་ཐོབ་པའི་བརྒྱུད་པ་ནི། མཁས་གྲུབ་རྒྱལ་མཚན་འབུམ་ཡན་གོང་ལྟར་ལ། ཁྱུང་པོ་ཚུལ་ཁྲིམས་མགོན། བྱ་བཏང་རི་ཁྲོད་རས་ཆེན། སྤྲུལ་སྐུ་སངས་རྒྱས་རྡོ་རྗེ། ཕ་རྒོད་ཐར་པ་དཔལ་བཟང་། དྲིན་ཅན་སངས་རྒྱས་རྣམ་རྒྱལ། ཚར་ཆེན་ཆོས་ཀྱི་རྒྱལ་པོ། གཉན་སྟོན་རྣམ་སྤྲུལ་གཞོན་ནུ་བློ་གྲོས། རྡོ་རྗེ་འཆང་
དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་ཚར་ཆེན་ནས་འཇམ་དབྱངས་མཁྱེན་བརྩེའི་དབང་ཕྱུག །རྗེ་དབང་ཕྱུག་རབ་བརྟན་མན་འདྲ། ཡང་ན་ཚར་ཆེན་ནས། བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། ཁྱབ་བདག་དབང་རབ་མན་འདྲ། གཏོར་ཆོག་དང་རྗེས་གནང་གི་ཡི་གེ་བར་ཆད་ཀུན་སེལ་གྱི་ལུང་གི་བརྒྱུད་པ་ནི། མཁན་ཆེན་ངག་དབང་ཆོས་གྲགས། གཟིམས་ཤག་ཆོས་རྗེ་ངག་དབང་རྣམ་རྒྱལ། འཇམ་དཔལ་རྡོ་རྗེ་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །བེའུ་བུམ་གྱི་ལུང་ཡོངས་སུ་རྫོགས་པའི་བརྒྱུད་པ་ནི། འཇག་ཆེན་བྱམས་པ་དཔལ་ཡན་གོང་ལྟར་ལ། དེ་ལ་འཇག་པ་བློ་གྲོས་དཔལ་དང་བླ་མ་ཀུན་དགའ་དཔལ་གཉིས་ཀྱིས་གསན། གཉིས་ཀ་ལ་གྲུབ་ཆེན་ངག་དབང་བློ་གྲོས། དེ་ནས་མར་སྟོན་ཚུལ་ཁྲིམས་རིན་ཅེན། རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས། སྤོ་བོ་བླ་མ་རིན་ཅེན་བཟང་པོ། ཉང་པོ་བླ་མ་སངས་རྒྱས་བསམ་གྲུབ། ཆོས་རྗེ་དཔོན་དར་བ་དཔལ་འབྱོར་དར་རྒྱས། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལའོ། །ཡང་ན་མཁས་གྲུབ་རྗེ་ནས། གྲུབ་ཆེན་བཟང་པོ་རྒྱལ་མཚན། རྡོ་རྗེ་འཆང་ཀུན་དགའ་རྒྱལ་མཚན། ཐམས་ཅད་མཁྱེན་པ་དགེ་འདུན་རྒྱ་མཚོ། རྗེ་ཐུབ་བསྟན་པ། རྗེ་ཕྱོགས་ལས་རྣམ་རྒྱལ། དེས་ཕྱག་དཔེ་དང་བཅས་རྡོ་རྗེ་འཆང་སྔགས་རམ་པ་ལ་གནང་བ་མན་གོང་ལྟར་རོ། །ཡང་ན་མཁས་གྲུབ་རྗེ་ནས། བ་སོ་ཆོས་ཀྱི་རྒྱལ་མཚན། རྒྱུད་པ་ཤེས་རབ་
སེང་གེ །རྒྱུད་འཛིན་སྦྱིན་པ་དཔལ་བ། སེ་ར་རྗེ་བཙུན་ཆོས་ཀྱི་རྒྱལ་མཚན། བླ་མ་རིན་ཅེན་བཟང་པོ་མན་འདྲ། མཁས་གྲུབ་རྗེས་མཛད་པའི་ལས་གསུམ་རྣམ་གཞག །རྟེན་བཞི་གནད་གསུམ་དང་བཅས་པའི་ལུང་བརྒྱུད་གཅིག་ནི། ཐམས་ཅད་མཁྱེན་པ་དགེ་འདུན་རྒྱ་མཚོ། ཆོས་རྗེ་སེ་ར་རྗེ་བཙུན་པ། ཕ་བོང་ཁ་པ་བདེ་ལེགས་ཉི་མ། ལྷ་རིན་པོ་ཆེ་ལྷ་དབང་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ལའོ། །རྒྱུད་དང་ལས་གསུམ་རྣམ་གཞག་གི་ལུང་ནི། ཆོས་རྗེ་རྣམ་རྒྱལ་དཔལ་བཟང་ལ་རྡོ་རྗེ་འཆང་ཕ་བོང་ཁ་པས་གསན་འདུག་ཀྱང་ཁོང་ལ་མཚན་ཉིད་པའི་རྟགས་ཀྱི་གསན་ཡིག་སོགས་མེད་འདུག་པས་བརྒྱུད་པ་འདྲི་བའི་བློ་འཚབ་འཚུབ་མི་དགོས་པར་རང་མལ་དུ་གནས་ཆོག་པའོ། །གནས་རྙིང་པ་ལུགས་ཀྱི་སྐུ་གསུང་ཐུགས་ཀྱི་འཁོར་ལོ། །ཏྲག་ཤད་ཀྱི་ཐལ་མོ་བརྡབ་པའི་ཆོ་གའི་ལུང་ནི་མཁན་ཆེན་བློ་བཟང་ཆོས་ཀྱི་རྒྱལ་མཚན་ལ་གསན་འདུག་ཀྱང་གནས་རྙིང་པ་ཕྱོགས་ནས་བརྒྱུད་གསུང་པ་ལས་བརྒྱུད་ཡིག་མི་སྣང་ངོ་། །ཤོག་དྲིལ་བཅུ་གསུམ་གྱི་ལུང་བརྒྱུད་ལུགས་གཅིག་དང་རྟེན་བཞི་གནད་གསུམ། གཏོར་ཆེན་འཁོར་ལོ་སོགས་ཤོག་དྲིལ་དུ་གསལ་བའི་མན་ངག་རྣམས་ཕྱག་ལེན་དམར་འཁྲིད་དུ་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་ཕ་བོང་ཁ་པ་ནས། རྩ་བའི་བླ་མ་དྲིན་ཅན་ཆོས་དབྱིངས་རང་གྲོལ། དེས་བདག་ལའོ། །ཡང་ཕྱག་ལེན་དམར་འཁྲིད་ཆོས་རྗེ་དཔོན་དར་བ་དཔལ་འབྱོར་དར་རྒྱས་རང་ལ་ནོས་སོ། །སྒོ་མང་སློབ་དཔོན་སངས་རྒྱས་བཀྲ་ཤིས་དང་ལམ་པ་རབ་འབྱམས་པ་བསོད་ནམས་གྲགས་པ་སོགས་
ཀྱིས་གཏོར་ཆེན་ནུབ་རེ་བཞིན་སྐེད་པ་ནས་ཕྲལ་ཏེ་ལིངྒ་འདོན་འཇུག་བྱེད་པས་མཚོན་ཕྱག་ལེན་རྣམས་དཔེ་ཙམ་ལ་བརྟེན་ནས་འོལ་ཚོད་དུ་གྱུར་པའི་དུས་རྡོ་རྗེ་འཆང་ཕ་བོང་ཁ་པས་ཆོས་རྗེ་དཔོན་དར་བ་ཐུགས་རྩོལ་ཆེན་པོས་ཉང་པོ་བླ་མར་ཞུ་རུ་བཅུག་པས་ཆོས་སྐོར་འདི་ཉིད་ཀྱི་བསྟན་པའི་སྲོག་འཐུད་པ་ལྟ་བུའོ། །མགོན་པོ་ཕྱག་བཞི་པ་ལྷ་མང་ཕྱི་སྒྲུབ་ཀྱི་རྗེས་གནང་དང་མངོན་རྟོགས་རྗེས་གནང་གི་ཡི་གེ་ཐར་རྩེ་པས་མཛད་པའི་ལུང་དང་བཅས་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མགོན་པོ། འཕགས་པ་ཀླུ་སྒྲུབ། ཨཱརྱ་དེ་ཝ། མར་མེ་མཛད་བཟང་པོ། དུས་ཞབས་པ། རྩ་མི་སངས་རྒྱས་གྲགས། མི་ཉག་རྩ་ཤིང་གི་རྒྱལ་རིགས། དཔལ་ཆེན་རྒྭ་ལོ། ཕག་མོ་གྲུ་པ། འབྲི་ཁུང་འཇིག་རྟེན་མགོན་པོ། སྐྱི་ཤོད་པ་བཀྲ་ཤིས་འབུམ། སྐྱིད་ཤོད་པ་གྲགས་པ་སེང་གེ །སློབ་དཔོན་སངས་རྒྱས་གཞོན་ནུ། ལོ་ཙཱ་བ་མ་ཎི་ཀ་ཤྲཱི། ས་བཟང་འཕགས་པ་གཞོན་ནུ་བློ་གྲོས། ངོར་པ་རྡོ་རྗེ་འཆང་། གུ་གེ་པཎ་ཆེན། གློ་བོ་མཁན་ཆེན་བསོད་ནམས་ལྷུན་གྲུབ། ས་ལོ་ཐམས་ཅད་མཁྱེན་པ། གཉན་གྲགས་པ་བློ་གྲོས། རྗེ་སངས་རྒྱས་སེང་གེ །པཎ་ཆེན་ཐར་རྩེ་པ། མུས་པ་ནམ་མཁའ་དཔལ་བཟང་། ཨེ་ཝཾ་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་མ་ཎི་ཀ་ཤྲཱི་ནས། སྤྲུལ་སྐུ་ནམ་མཁའ་རྒྱལ་པོ། མཁས་བཙུན་ནམ་མཁའ་རྩེ་མོ། གུ་གེ་པཎ་ཆེན་མན་འདྲ། འདི་མགོན་པོ་རང་གི་རྒྱུད་ནས་བཤད་པའི་ལྷ་མང་མཚན་ཉིད་དང་ལྡན་པ་ལས་སྔགས་གསར་རྙིང་གི་མགོན་པོ་ཡིན་ནོ་ཅོག་བསྡུས་པ་ནི་མ་ཡིན་ནོ། །ཐར་རྩེ་ནམ་མཁའ་དཔལ་བཟང་གིས་
མཛད་པའི་གཏོར་ཆོག་རྗེས་གནང་བྱ་ཚུལ་བཀླགས་པའི་དོན་གྲུབ་མཛེས་པར་བྱེད་པའི་རྒྱན་གྱི་སྟེང་ནས་བདུད་མགོན་ཏྲག་ཤད་ལྕམ་དྲལ་འཁོར་དང་བཅས་པའི་རྗེས་གནང་ཐོབ་བའི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་། ཕྱག་ན་རྡོ་རྗེ། སློབ་དཔོན་བྲམ་ཟེ་མཆོག་སྲེད། རྣལ་འབྱོར་པ་རོ་ཟན་དེ་ཝ། རྣལ་འབྱོར་མ་བདེ་སྟེར་མ། བླ་མ་བ་ལིཾ་ཏ་ཨཱ་ཙརྱ། ཁ་རེག་གི་གཉོས་ལོ་ཙཱ་བ་ཡོན་ཏན་གྲགས། དེ་སྲས་གཉོས་རྡོ་རྗེ་བླ་མ། གཉོས་དཔལ་འབྱུང་། གཉོས་དཔལ་གྱི་སེང་གེ་ཡབ་གཉོས་ནག་གྲགས་པ་དཔལ། སངས་རྒྱས་རས་ཆེན། རྒྱལ་བ་ལྷ་ནང་པའང་ཟེར། བླ་མ་རིན་ཅེན་རྒྱལ་པོ། བླ་མ་བྱང་ཆུབ་དར་རྒྱས། འཇམ་དབྱངས་རིན་ཅེན་འབྱུང་གནས། མཁས་པ་ཡེ་ཤེས་རིན་ཅེན། ཀུན་སྤངས་ཆོས་ཀྱི་རིན་ཅེན། དབུ་མ་བ་དཔལ་ལྡན་རིན་ཅེན། བྱང་སེམས་བསོད་ནམས་རིན་ཅེན། བྲག་དཀར་བ་སེམས་དཔའ་ཆེན་པོ་བསོད་ནམས་རྒྱལ་མཚན། རྡོ་རྗེ་འཆང་ཚར་ཆེན་བློ་གསལ་རྒྱ་མཚོ། ཐར་རྩེ་པཎ་ཆེན་ནམ་མཁའ་དཔལ་བཟང་། རྩེ་གདོང་ཁྲི་ཆེན་འཇམ་དབྱངས་ཀུན་དགའ་བསོད་ནམས་ལྷུན་གྲུབ། ས་ཆེན་འཇམ་དབྱངས་ཀུན་དགའ་བསོད་ནམས། འཇམ་དཔལ་རྡོ་རྗེ་ངག་དབང་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་བ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་སངས་རྒྱས་རས་ཆེན་ནས། རྒྱལ་སྲས་སྟག་ཚང་བ། འགྲོ་མགོན་སངས་རྒྱས་ཕྱར་ཆེན། འཇམ་དབྱངས་རིན་ཅེན་འབྱུང་གནས། དྲིན་ཅན་མཁས་བཙུན་སངས་རྒྱས། ཀུན་མཁྱེན་སཾ་གྷ་བྷ་དྲ། བརྒྱུད་འཛིན་སངས་རྒྱས་བཟང་པོ། དབུ་མ་པ་དཔལ་ལྡན་རིན་
ཅེན་མན་འདྲ། ཡང་ན་བྲང་ཏི་ནམ་མཁའ་དཔལ་བཟང་ནས། དེ་དབོན་ནམ་མཁའ་སངས་རྒྱས། རྡོ་རྗེ་འཆང་གནས་གསར་པ་མགོན་པོ་བསོད་ནམས་མཆོག་ལྡན། བླ་མ་འཇམ་དབྱངས་རྒྱལ་མཚན། ཉང་སྟོན་ཁྱབ་བདག་བློ་གྲོས་མཆོག་གི་རྡོ་རྗེ། དེས་བདག་ལའོ། །ཐར་རྩེ་པས་མཛད་པའི་ཡིག་ཆའི་ལུང་བརྒྱུད་ནི། ཐར་རྩེ་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། ངོར་མཁན་ཆེན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །རིགས་འཛིན་སྤྲུལ་པའི་སྐུ་པདྨ་འཕྲིན་ལས་ཀྱིས་མཛད་པའི་མངོན་རྟོགས་དང་རྩ་བའི་ཡིག་རྙིང་གི་སྟེང་ནས་དཔལ་ཇོ་བོ་བཀའ་གདམས་པའི་བཀའི་སྲུང་མ་མགོན་པོ་ལྷོ་ནུབ་མ། མི་ཐུང་གསོད་བྱེད། ཞལ་དམར་བ། མཐར་སྐྱེས་མ་ཞེས་མཚན་གྱི་རྣམ་གྲངས་བཞི་དང་ལྡན་པ་དེའི་རྗེས་སུ་གནང་བ་ནོས་པའི་བརྒྱུད་པ་ནི། བཅོམ་ལྡན་འདས་ཐུབ་པའི་དབང་པོ། འཕགས་པ་ཀླུ་སྒྲུབ། གྲུབ་ཆེན་ཀླུའི་བྱང་ཆུབ། གྲུབ་ཆེན་ཛྙཱ་ན་བོ་དྷི། དྲང་སྲོང་བིདྱ་མ་ཏི། རཱ་ཧུ་ལ་གུཔྟ་བཛྲ། འདི་ཕྱག་དྲུག་པའི་བརྒྱུད་པའི་རཱ་ཧུ་ལ་དང་གཅིག །ཇོ་བོ་ཆེན་པོ་དཔལ་ལྡན་ཨ་ཏི་ཤ །འབྲོམ་སྟོན་པ་རྒྱལ་བའི་འབྱུང་གནས། པོ་ཏོ་བ་རིན་ཅེན་གསལ། འདམ་ཤོད་ཀྱི་གྲུ་གུ་ཞྭ་ཆེན། ཀློག་སྐྱ་ལྷའི་དབང་ཕྱུག །ཞང་སྟོན་རྡོ་རྗེ་འབར། དབོན་པོ་བློ་གྲོས་རྒྱལ་མཚན། རྨ་སྟོན་པྲ་ཛྙ་རཏྣ། མཁན་ཆེན་ཤེས་རབ་རྡོ་རྗེ། འདུལ་འཛིན་དཀོན་ཅོག་རྒྱལ་མཚན། མཁན་ཆེན་དཀོན་ཅོག་དར་པོ། མཁན་ཆེན་བསམ་གྲུབ་རྒྱལ་མཚན། སློབ་དཔོན་རིན་པོ་ཆེ་བིདྱ་ཛྭ་ལ། མཁན་ཆེན་འོད་འཇོ་བ་ནམ་མཁའ་བསམ་གྲུབ། གཉུག་ལ་པཎ་ཆེན་ངག་དབང་གྲགས་པ། ལོ་པ་སྤྱན་སྔ་ངག་
དབང་ཆོས་གྲགས་རྒྱལ་མཚན། བླ་མ་དཔལ་ལྡན་ཆོས་འབྱོར། ལོ་པ་སྤྱན་སྔ་བྱམས་པ་ཀུན་དགའ་དོན་གྲུབ། གླིང་སྟོད་ཆོས་རྗེ་དཀོན་ཅོག་དཔལ་འབྱོར། རིགས་འཛིན་སྤྲུལ་པའི་སྐུ་མཆོག་བློ་བཟང་པདྨ་འཕྲིན་ལས། ཉང་སྟོན་ཁྱབ་བདག་བློ་གྲོས་མཆོག་གི་རྡོ་རྗེ། དེས་བདག་ཟ་ཧོར་བནྡེ་ལའོ། །རྡོ་རྗེ་འཆང་དབང་རབ་ཀྱིས་མཛད་པའི་ཡི་གེའི་སྟེང་ནས་ཡེ་ཤེས་ཀྱི་ མགོན་པོ་ལེགས་ལྡན་བེང 
་དམར་གཙོ་འཁོར་གཉིས་པའི་རྗེས་གནང་། དེའི་གཏོར་ཆོག་འཇམ་མགོན་མཁྱེན་བརྩེའི་དབང་ཕྱུག་གིས་མཛད་པ། རྗེས་གནང་གི་ཡི་གེ་རྗེ་དབང་རབ་ཀྱིས་མཛད་པའི་ལུང་དང་བཅས་ནོས་པའི་བརྒྱུད་པ་ནི། རྡོ་རྗེ་འཆང་། ཁ་སར་པཱ་ཎི། གྲུབ་ཆེན་མི་ཏྲ་ཛོ་ཀི །ཁྲོ་ཕུ་ལོ་ཙཱ་བ་བྱམས་པའི་དཔལ། བླ་ཆེན་བསོད་ནམས་དབང་ཕྱུག་ཁྲོ་ཕུ་སེམས་དཔའ་ཆེན་པོ། ཡང་རྩེ་བ་རིན་ཅེན་སེང་གེ །བུ་སྟོན་ཐམས་ཅད་མཁྱེན་པ། སྒྲ་ཚད་བ་རིན་ཅེན་རྣམ་རྒྱལ། སྐུ་ཞང་ནམ་མཁའི་མཚན་ཅན། སྐུ་ཞང་ནམ་མཁའ་འབུམ། མཁས་པ་ཙནྡྲ་ཤྲཱི། འཁྲུལ་ཞིག་ཚུལ་ཁྲིམས་རྒྱལ་མཚན། དཀའ་བཞི་པ་རིན་ཅེན་མཆོག་གྲུབ་དཔལ་འབར། རྒྱལ་ཡུམ་ཚུལ་ཁྲིམས་བཟང་མོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་འཇམ་དབྱངས་མཁྱེན་བརྩེ་ནས། སྐུ་ཞང་རིན་ཅེན་བཀྲ་ཤིས་བསོད་ནམས་རྒྱལ་མཚན། གྲུབ་དབང་ཤཱཀྱ་སེང་གེ །རྡོ་རྗེ་འཆང་མཁན་ཆེན་
ཞ་ལུ་པ། དེས་བདག་ལའོ། །གདུགས་དཀར་ལྷ་ཞེ་གཅིག་མའི་དཀྱིལ་ཆོག་ནས་ཟུར་དུ་བཀོལ་བའི་ཡི་གེའི་སྟེང་ནས་གཙུག་ཏོར་གདུགས་དཀར་ནས་གསུངས་པའི་མགོན་པོ་ལེགས་ལྡན་མཆེད་གསུམ་ཨགྷོ་རའི་སྒྲ་འཇུག་ཀྱང་ཞི་བྱེད་པའི་དེ་དང་མི་གཅིག །གྱི་རྗེས་གནང་ཐོབ་པའི་བརྒྱུད་པ་ནི། སངས་རྒྱས། གསང་བའི་བདག་པོ། གྲུབ་ཆེན་ཛེ་ཏཱ་རི། རྡོ་རྗེ་གདན་པ་ཆེ་བ་མྱ་ངན་མེད་པའི་དཔལ། ཆུང་བ་ཨ་མོ་གྷ་བཛྲ། བ་རི་ལོ་ཙཱ་བ། སྐྱུ་ར་ཨ་སྐྱབས། རྗེ་བཙུན་ས་ཆེན། སློབ་དཔོན་རྩེ་མོ། རྗེ་བཙུན་གྲགས་པ། ཕོ་རོག་མདོ་སྡེ་མགོན། རྒན་མོ་ལྷས་པ། འཇམ་དབྱངས་བཞི་ཐོག་པ། རོང་པ་ཨ་ཀ་ར། རྗེ་དཀོན་ཅོག་ཚུལ་ཁྲིམས། བག་སྟོན་གཞོན་ནུ་ཚུལ་ཁྲིམས། ཆོས་རྗེ་ཚུལ་རྒྱལ་བ། བྱ་བྲལ་བ་བསོད་ནམས་རིན་ཅེན། ཉུག་པ་ཆོས་གྲགས་དཔལ། ཆོས་རྗེ་བསོད་ནམས་རིན་ཅེན། རྗེ་དོན་ཡོད་རྒྱལ་མཚན། མཁན་ཆེན་ཀུན་དགའ་བློ་གྲོས། མཁས་གྲུབ་བཤེས་གཉེན་བཀྲ་ཤིས། དགེ་སློང་ངག་དབང་རྣམ་རྒྱལ། ཀུན་མཁྱེན་མཁྱེན་བརྩེའི་དབང་ཕྱུག །ཁྱབ་བདག་དབང་ཕྱུག་རབ་བརྟན་རྡོ་རྗེ་འཆང་མགོན་པོ་བསོད་ནམས་མཆོག་ལྡན། རིགས་ཀུན་བདག་པོ་མཁན་ཆེན་ཞ་ལུ་པ། དེས་བདག་ཟ་ཧོར་བནྡེ་ལའོ། །ཡང་ན་རྡོ་རྗེ་འཆང་ཡེ་ཤེས་ཀྱི་མཁའ་འགྲོ་མ། ཇོ་བོ་རྗེ། འབྲོམ་སྟོན་པ། པོ་ཏོ་པ། མུས་སྨན་པ། དཔལ་ལྡན་གྲོ། ཞང་སྟོན་པ། མཆིམས་ཆེན་པོ། སྐྱོ་སྟོན། བྱང་ཆེན་པ། བསོད་ནམས་འཕེལ། བག་སྟོན་མན་འདྲ། ཡང་ན་སངས་རྒྱས། ཕྱག་ན་རྡོ་རྗེ། མཁའ་འགྲོ་མ་བདེ་བ་སྦྱིན། བྲམ་ཟེ་རིན་ཅེན་རྡོ་རྗེ། མ་ཧཱ་ཛ་ན། གཉལ་པ་སྟོན་པ་ཡེ་ཤེས་དབང་ཕྱུག །དགེ་བཤེས་
བླ་སྟོན། གདོང་སྔོན་པ། ཕོ་རོག་མདོ་སྡེ་མགོན་མན་འདྲ། ཡང་ན་ཕོ་རོག་མདོ་སྡེ་མགོན་ནས། ཐོད་པ་ཇོ་ཕུར། ཇོ་བོ་གཉན་སྟོན། དབང་ཕྱུག་རིན་ཅེན། ཁམས་པ་ཤཱཀྱ་རྡོ་རྗེ། སྲས་ཆོས་གྲགས། སྟོན་པ་དར་མ་ཤཱཀྱ། བཅུར་བསོད་ནམས་དབང་ཕྱུག །ལོ་ཙཱ་བ་མཆོག་ལྡན། བླ་མ་ཀུན་བསོད། བླ་མ་ཚུལ་རྒྱལ། རྗེ་ཆོས་གྲགས་པ། འཇམ་དབྱངས་བསོད་ནམས་རིན་ཅེན། རི་ལུང་སྦུག་པ་རྒྱལ་བ་ཐུགས་རྗེ། རྗེ་བཤེས་གཉེན་བཀྲ་ཤིས་མན་འདྲ། ལེགས་ལྡན་མཆེད་གསུམ་གྱི་གཏོར་ཆོག་དང་རྗེས་གནང་གི་ཡི་གེ་སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཛད་པའི་བརྒྱུད་པ་ནི། རྩོམ་པ་པོ། ཁྱབ་བདག་ཞ་ལུ་པ། དེས་བདག་ལའོ། །བཀའ་མ་ཕྱི་འགྱུར་གྱི་དཔལ་མགོན་སྟག་ཞོན་ནག་པོའི་གཏོར་མ། བཟླས་ལུང་། ཕྱག་མཚན་གཏོད་པ་སོགས་ཕྱག་ལེན་འཁྲུལ་མེད་དུ་སྐུ་གསུང་ཐུགས་ཀྱི་རྗེས་གནང་ཐོབ་པའི་བརྒྱུད་པ་ནི། ཕྱག་ན་རྡོ་རྗེ། ཡེ་ཤེས་ཀྱི་མཁའ་འགྲོ་མ། ཨོ་རྒྱན་གྱི་སློབ་དཔོན་བྷེ་ཧ་ར། པཎྜི་ཏ་རྡོ་རྗེ་གྲགས་པ། ཇོ་བོ་ཨ་ཏི་ཤ །དགེ་བཤེས་འབངས། དབོན་པོ་རིག་འབར། ལྕེ་མདོ་སྡེ་སེང་གེ །རོང་པ་རྒྭ་ལོ། སྲས་ཤར་སེང་། གཅུང་ཨ་ཀ་ར། བག་སྟོན་གཞོན་ཚུལ། ཀུན་མཁྱེན་གྲགས་འོད། དཔྱལ་བན་རྒྱ་མཚོ། བླ་མ་ཆོས་གྲགས་པ། དཔལ་རི་བ་ཆོས་རྒྱལ་དཔལ་བཟང་། རིན་ཅེན་ཆོས་རྗེ། རིན་ཅེན་སེང་གེ །རོང་པ་བསོད་ནམས་བློ་གྲོས། ཤམྦྷར་ཀུན་དགའ་སངས་རྒྱས། ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་བརྩེའི་དབང་ཕྱུག །མཐུ་ཆེན་བསོད་ནམས་ཆོས་འཕེལ། རྡོ་རྗེ་
འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཇོ་བོ་རྗེ་ནས། རྒྱ་ལྕགས་རི་གོང་པ། ཡོལ་ཆོས་དབང་། དཔེ་དཀར་རྡོ་རྗེ་ཐོག་འབེབས་རོང་པ་ཤེར་སེང་མན་འདྲ། ཡང་ན་རྡོ་རྗེ་རྣལ་འབྱོར་མ། ཁ་ཆེ་པཎ་ཆེན། དཔྱལ་ཆོས་བཟང་། དཔྱལ་པདྨོ་ཅན། སློབ་དཔོན་དཔལ་འཛིན། གནུབས་ཀུན་དགའ་རྒྱལ་མཚན། བླ་མ་འཛམ་གླིང་པ། ཀུན་མཁྱེན་གྲགས་འོད་མན་འདྲ།
སློབ་བཤད་གསེར་ཆོས་ཀྱི་སྐོར་གྱི་ལུང་བརྒྱུད།
གཉིས་པ་སློབ་བཤད་གསེར་ཆོས་སྐོར་ལ། དུས་གསུམ་གྱི་བདེ་བར་གཤེགས་པ་བྱོན་དང་འབྱོན་འགྱུར་འབྱོན་བཞིན་པ་མཐའ་དག་གི་ལམ་པོ་ཆེ་མདོ་རྒྱུད་མན་ངག་ཐམས་ཅད་ཀྱི་བཅུད་ཕྱུང་བ་འཕགས་ཡུལ་པཎ་གྲུབ་དབང་པོ་དཔལ་ལྡན་ཆོས་སྐྱོང་ངམ་གྲུབ་པའི་འཁོར་ལོས་སྒྱུར་བའི་རྣལ་འབྱོར་གྱི་དབང་ཕྱུག་བིཪྺ་པ་ཆེན་པོ་རྗེ་བཙུན་རྡོ་རྗེ་བདག་མེད་མས་དངོས་སུ་གནང་བའི་ལམ་འབྲས་བུ་དང་བཅས་པ། འབྲས་བུ་ལམ་དང་བཅས་པ། གཅིག་ཤེས་པས་མང་པོ་ཤེས་པ། སྐྱོན་ཡོན་ཏན་དུ་བླང་བ། བར་གཅོད་དངོས་གྲུབ་ཏུ་བླང་བ། ལྟས་ངན་གཡང་དུ་འགུགས་པ། ཏིང་ངེ་འཛིན་ངོ་ཤེས་པས་བསམ་གཏན་གྱི་གེགས་སེལ་བ། བར་གཅོད་ངོ་ཤེས་པས་བདུད་ཀྱི་གེགས་སེལ་བ། སྡེ་སྣོད་གསུམ་གྱི་དེ་ཉིད་ཤེས་པ་གསེར་འགྱུར་གྱི་རྩི་ལྟ་བུ། མཆོག་ཐུན་གྱི་དངོས་གྲུབ་ཀུན་གྱི་འདོད་པའི་འཇོ་བ་ཡིད་བཞིན་གྱི་ནོར་བུ་གསུང་ངག་རིན་པོ་ཆེ་ཞེས་གྲུབ་པའི་དབང་ཕྱུག་མཐའ་དག་ཟུང་འཇུག་ཏུ་གཤེགས་པའི་ཐེམ་སྐས་ཆེན་པོ་འདི་ཉིད། ལོ་ཙཱ་བ་རྣམས་ཀྱི་ནང་ནས་ཉི་ཟླ་ལྟར་གྲགས་པ་འབྲོག་མི་ཤཱཀྱ་ཡེ་ཤེས་
ཀྱིས་འཕགས་ཡུལ་པཎ་གྲུབ་ཀུན་གྱི་གཙུག་རྒྱན་ཏུ་གྱུར་པའི་པཎྜི་ཏ་གྷ་ཡ་དྷ་ར་མཉེས་པ་གསུམ་གྱི་སྒོ་ནས་བསྟེན་ཏེ་ཞུས་ཤིང་གཏན་ལ་ཕབ། དེ་ལ་སློབ་མ་ནམ་མཁའི་སྐར་ཚོགས་ལྟ་བུའི་ནང་ནས་གཙོ་བོར་གྱུར་པ་གཞུང་རྫོགས་པ། གདམས་ངག་རྫོགས་པ། གྲུབ་པ་ཐོབ་པའི་སློབ་མ་གསུམ་དུ་བྱུང་བར་གྲགས་པའི་གདམས་པ་རྫོགས་པའི་སློབ་མའི་ནང་ནས་རབ་ཏུ་ཐོབ་པ་སེ་མཁར་ཆུང་པ། དེའི་སློབ་མ་ཞང་སྟོན་ཆོས་འབར་ནས་བསྟན་པའི་མངའ་བདག་རྗེ་བཙུན་ས་སྐྱ་བ་ཡབ་སྲས་ལ་བཀའ་བབས། དེའི་སྲོལ་འཛིན་ངོར་རྫོང་གོང་དཀར་བ་སོགས་ཚོགས་བཤད་འཛིན་པའི་མཁས་གྲུབ་ས་ཆེན་པོའི་རྡུལ་ལྟར་གྲངས་སུ་མི་ཆོད་པའི་ནང་ནས། ཡོངས་འདུའི་ལྗོན་པ་ལྟ་བུར་མཆོག་ཏུ་གྱུར་པ་ཁའུ་བྲག་རྫོང་པའམ་ཚར་ལུགས་སུ་གྲགས་པ་ཟབ་པ་ལས་ཀྱང་ཆོས་ཟབ་པའི་གསང་ཆེན་སློབ་བཤད་ཀྱི་སྨིན་གྲོལ་ཟབ་མོ་ལེགས་པར་ནོས་པ་ལ། དེ་ཡང་སམྦྷུ་ཊ་ལས། བསྟན་བཅོས་ཚད་མ་སློབ་དཔོན་དང་། །ལུང་གི་རྗེས་འབྲང་དེ་ཉིད་རིག །གསང་སྟོན་དེ་ཉིད་དངོས་པོ་ཡང་། །གཅིག་ནས་གཅིག་བརྒྱུད་ཤེས་པར་བྱ། །བླ་མ་རབ་ཀྱི་ཞལ་ལས་བླངས། ཞེས་དང་། ཚད་མ་སྙན་བརྒྱུད་བཞི་ཡིས་སྤྲོས་པ་བཅད། ཅེས་པ་ལྟར་ལུགས་སྲོལ་འདི་ལ་ཚད་མ་བཞི་དང་། སྙན་བརྒྱུད་བཞི་ཞེས་གསུངས་པའི་དང་པོ་རྗེ་བཙུན་ཆེན་པོས། ཆོས་ཀུན་ཚད་མ་བཞི་ཡིས་གཏན་ལ་དབབ། ཅེས་གསུངས་པ་ལྟར། བླ་མ་ཚད་མ། ཉམས་མྱོང་ཚད་མ། བསྟན་བཅོས་ཚད་མ། ལུང་ཚད་མ་བཞིའི་སྒོ་ནས་གཏན་ལ་འབེབས་པར་མཛད་པ་ལས། དང་པོ་བླ་མ་ཚད་མ་ནི། ཚར་ཆེན་ཆོས་ཀྱི་རྒྱལ་པོས་མཛད་པའི་བླ་མ་
མཆོད་པའི་ཆོ་༼ཟུར༽ག་དངོས་གྲུབ་རིན་ཅེན་གཏེར་མཛོད། རྗེ་བཙུན་རིན་པོ་ཆེས་མཛད་པའི་བརྒྱུད་འདེབས་༼ཉི༽བླ་མ་རྡོར་འཛིན་མ། འཕགས་པ་རིན་པོ་ཆེས་མཛད་པའི་ཕྱག་མཆོད་༼ཉི༽སངས་རྒྱས་ཀུན་ངོ་མ། ཐེག་ཆེན་ཆོས་ཀྱི་རྒྱལ་པོས་མཛད་༼ཉི༽པའི་བརྒྱུད་འདེབས་དུས་གསུམ་བདེ་གཤེགས་མ། ངོར་ཆེན་རྡོ་རྗེ་འཆང་གིས་མཛད་པའི་བརྒྱུད་འདེབས་རྣམ་དག་དཀྱིལ་འཁོར་མ། ཚར་ཆེན་གྱིས་མཛད་པའི་བརྒྱུད་༼ཟུར༽འདེབས་དངོས་གྲུབ་ཆར་འབེབས། མང་ཐོས་ཀླུ་སྒྲུབ་རྒྱ་མཚོས་མཛད་པའི་སློབ་བཤད་བརྒྱུད་འདེབས་བྱིན་རླབས་ཀྱི་ཕོ་༼ཀླུ༽ཉ། བླ་མ་ས་སྐྱ་པ་ཆེན་པོའི་རྣམ་ཐར་གླེགས་བམ་ནང་གི་རྒྱ་བོད་ཀྱི་བླ་མའི་ལོ་རྒྱུས་ཀྱང་ཆོས་སྡེ་འདིའི་དབུར་དོན་གྱིས་ཐོབ་བོ། །སྟག་སྡེ་རི་ཕུགས་པ་དགེ་སློང་རྡོ་རྗེ་འཛིན་པ་བྱང་ཆུབ་ཤེས་རབ་ཀྱིས་གསོལ་བ་བཏབ་པ་ལྟར་རྗེ་བཙུན་ཆེན་པོས་མཛད་པ། སློབ་དཔོན་རིན་པོ་ཆེའི་རྣམ་ཐར་གསོལ་༼ཞ༽འདེབས་འགོར་བླ་མ་དམ་པའི་ཞབས་ལ་ཕྱག་འཚལ་ལོ། །ཁྱོད་ཉིད་དམ་པ་རྣམས་ཀྱི་རིགས་འཁྲུངས་ནས། ཞེས་དང་། མཇུག་ཏུ། ཡང་དག་རྟོགས་པའི་བློ་གྲོས་སྐྱེད་དུ་གསོལ་ཞེས་ཡོད་པ། དེའི་འཕྲོས་ལས་ཡང་སྨྲས་པ། ཚངས་པར་སྤྱོད་པའི་དགེ་བསྙེན་ཚུལ་འཛིན་པ་ཞེས་སོགས་ཀྱི་མཇུག་ན། བདེ་བ་ཅན་དུ་གཤེགས་ལ་གུས་ཕྱག་འཚལ། ཞེས་ཡོད་པ་རྗེ་བཙུན་ཆེན་པོས་མཛད་པ་ཡར་ཀླུངས་པ་སེང་གེ་རྒྱལ་མཚན་གྱིས་དག་པར་གཏུགས་པའི་མཐའ་ཅན། རྗེ་བཙུན་ཆེན་པོའི་རྣམ་༼ཞ༽ཐར་ཐུན་མོང་དུ་གྲགས་པ་ས་སྐྱ་པཎྜི་ཏས་མཛད་པ། རྗེ་བཙུན་ཆེན་པོའི་རྣམ་ཐར་མནལ་ལམ་མ་མཇུག་ན་སློབ་དཔོན་རིན་པོ་ཆེ་དང་མཇལ་ནས་ལན་མང་དུ་ཆོས་ཞུས་པ་རྨིས་གསུངས་རྗེ་བཙུན་པའི་མནལ་ལམ་བྲིས་པའོ། །
ཞེས་པ་སྣ་རོ་བནྡེ་གཤིན་རྗེ་གྲགས་ཀྱིས་མཛད་པ། རྗེ་བཙུན་ས་སྐྱ་པཎྜི་ཏའི་རྣམ་ཐར་བདེ་བ་ནས་བདེ་བར་གཤེགས་པའི་དུས་སུ་ལུང་བསྟན་པའི་རྟོགས་བརྗོད་ཆ་འགའ་ཞིག་བརྗོད་པ་ཆོས་ཀྱི་རྒྱལ་པོ་འཕགས་པ་རིན་པོ་ཆེས་མཛད་པ།ཆོས་ཀྱི་རྒྱལ་པོ་འཕགས་པ་རིན་པོ་ཆེའི་རྣམ་ཐར་རིན་པོ་ཆེའི་འཕྲེང་བ་རྡོ་རྗེ་འཛིན་པ་ཡེ་ཤེས་རྒྱལ་མཚན་གྱིས་མཛད་པ། གཉགས་སྙིང་པོ་རྒྱལ་མཚན་གྱིས་མཛད་པའི་ཚོགས་སྒོམ་རིན་པོ་ཆེའི་རྣམ་ཐར་མེ་མོ་ལུག་གི་དཔྱིད་ཟླ་ཐ་ཆུང་ཡར་ངོའི་ཚེས་དགུའི་སྔ་དྲོ་གཟའ་ཟླ་བ་དང་སྐར་མ་རྟ་པ་རྒྱུ་བའི་དུས་སུ་སྐུ་གཤེགས་ཚུལ་བསྟན་ཏོ་ཞེས་པའི་མཐའ་ཅན། ཉན་ཆེན་བསོད་ནམས་བསྟན་པའི་རྣམ་ཐར་དཀར་པོ་བྲག་པ་རཏྣ་སིདྡྷས་བཀོད་པ། དཀར་པོ་གྲགས་པ་རིན་ཅེན་སེང་གེའི་རྣམ་ཐར་༼ཞ༽སྒྲོ་སྐུར་གྱི་སྐྱོན་གྱིས་དབེན་པ་དབུས་གཙང་ཁམས་གསུམ་གྱི་དད་ལྡན་སློབ་མས་བསྐུལ་བར་བརྟེན་རང་ཉིད་ཀྱིས་མཛད་པ། ཞང་དཀོན་ཅོག་དཔལ་པའི་རྣམ་ཐར་དགེ་སློང་དཔལ་ལྡན་གྱིས་དབེན་གནས་ཚ་མོ་རོང་བྱང་ཆུབ་ཆོས་རྫོང་དུ་མཛད་པ། རྒྱལ་བ་བྲག་ཕུག་པའི་རྣམ་ཐར་དཔལ་ལྡན་བློ་གྲོས་བརྟན་པས་ལྕགས་མོ་ཡོས་ཀྱི་ལོ་སྟོན་ཟླ་ཐ་ཆུང་སྨྲིན་དྲུག་ཟླ་བའི་ཚེས་གཅིག་ལ་སྦྱར་བ། ཐམས་ཅད་མཁྱེན་པ་བསོད་ནམས་རྒྱལ་མཚན་གྱི་རྣམ་པར་ཐར་པ་དགེ་སློང་དཔལ་ལྡན་ཚུལ་ཁྲིམས་ཀྱི་རང་གིས་ཅུང་ཟད་ཐོས་པ་བྲིས་པ། རི་ཁྲོད་པ་བློ་གྲོས་བརྟན་པའི་རྣམ་ཐར་དགེ་སློང་དཔལ་ལྡན་ཚུལ་ཁྲིམས་ཀྱིས་དད་ཅིང་གུས་པའི་སློབ་མའི་ངོར་ཚ་མོ་རོང་གི་བྱང་ཆུབ་ཆོས་རྫོང་དུ་མཛད་པ། ཆོས་རྗེ་དཔལ་ལྡན་ཚུལ་ཁྲིམས་ཀྱི་རྣམ་ཐར་གྲུབ་ཆེན་
བུདྡྷ་ཤྲཱིས་མཛད་པའི་ནང་ནས་མདོར་བསྡུས་ཏེ་མུས་ཆེན་སེམས་དཔའ་ཆེན་པོས་གསུང་ངག་བླ་མ་བརྒྱུད་པའི་ཁ་སྐོང་དུ་མཛད་པ། གྲུབ་ཆེན་བུདྡྷ་ཤྲཱིའི་རྣམ་ཐར་རྡོ་རྗེ་འཆང་ཀུན་དགའ་བཟང་པོས་དཔལ་ལྡན་ས་སྐྱའི་ཆོས་གྲྭར་མཛད་པ། རྡོ་རྗེ་འཆང་ཀུན་དགའ་བཟང་པོའི་དགུང་ལོ་དོན་བཞི་ཡན་གྱི་རྣམ་ཐར་སེམས་དཔའ་ཆེན་པོ་དཀོན་ཅོག་རྒྱལ་མཚན་གྱིས་མཛད་པའི་སླར་ཡང་དེ་ཉིད་ཀྱིས་མཛད་པའི་མྱ་ངན་ལས་འདས་པའི་བར་གྱི་ཁ་སྐོང་དང་བཅས་པ། མུས་ཆེན་སེམས་དཔའ་ཆེན་པོའི་དགུང་ལོ་གྱ་གཉིས་ཡན་གྱི་རྣམ་ཐར་༼རྩེ༽མཚུངས་མེད་གུང་རུ་ཤེས་རབ་བཟང་པོས་མཛད་པ། བདག་ཆེན་རྡོ་རྗེ་འཆང་གི་རྣམ་ཐར་ཡིད་འཕྲོག་ཨུཏྤ་ལའི་དོ་ཤལ་༼ཟུར༽ཚར་ཆེན་ཆོས་ཀྱི་རྒྱལ་པོས་མཛད་པ། དེས་མཛད་པའི་རྗེ་བཙུན་རྡོ་རིང་པ་ཆེན་པོའི་རྣམ་ཐར་༼ཟུར༽ངོ་མཚར་དད་པའི་སྤུ་ལོང་གཡོ་བ། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་རྗེ་བཙུན་སྒོ་རུམ་པའི་རྣམ་ཐར་༼ཟུར༽ངོ་མཚར་ཡིད་བཞིན་གྱི་ཆུ་གཏེར་བཞད་པ། ཚར་ཆེན་ཆོས་ཀྱི་རྒྱལ་པོ་དགུང་ལོ་སོ་བརྒྱད་པའི་དུས་དབུས་སུ། ༼ཟུར༽ཕེབས་པའི་རྟོགས་བརྗོད་རང་ཉིད་ཀྱིས་མཛད་པའི་ལམ་གླུ་དཔྱིད་ཀྱི་རྒྱལ་མོའི་དགའ་སྟོན། འཇམ་དབྱངས་མཁྱེན་བརྩེའི་རྣམ་ཐར་༼ཟུར༽རང་ཉིད་ཀྱིས་མཛད་པའི་ངོ་མཚར་སྙེ་མ། རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པའི་མཁན་༼ཞ༽ཆེན་བསླབ་གསུམ་རྒྱལ་མཚན་གྱི་རྣམ་ཐར། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་མཛད་༼ཉི༽༼འ༽པའི་བརྒྱུད་པའི་རྣམ་ཐར་ངོ་མཚར་སྣང་བ། རྡོ་རྗེ་འཆང་ཚར་པ་ཆོས་རྗེའི་གསུང་རྒྱུན་འཇམ་དབྱངས་མཁྱེན་བརྩེས་ཟིན་བྲིས་སུ་བཏབ་པའི་གསུང་ངག་རིན་པོ་ཆེ་ལམ་འབྲས་བུ་
དང་བཅས་པའི་གདམས་པའི་བྱུང་ཚུལ་གསང་ཆེན་བསྟན་པ་རྒྱས་བྱེད་ཅེས་བྱ་བ་༼ཟུར༽ཁའུ་བྲག་རྫོང་པའི་བཞེད་པ་མ་ནོར་བ། ཚར་ཆེན་གྱི་གསུང་རྒྱུན་འཇམ་དབྱངས་མཁྱེན་བརྩེས་ཟིན་བྲིས་སུ་བཏབ་པའི་ཁོག་འབུབས་ལས་བྱུང་བའི་ཆོས་ལ་བཤད་སྒྲུབ་བྱ་ཚུལ་སོགས་ཀྱི་ཟིན་བྲིས། མང་ཐོས་ཀླུ་སྒྲུབ་རྒྱ་མཚོས་མཛད་པའི་སྤྱི་དོན་ཁོག་འབུབས་༼ཀླུ༽ཀྱི་ལེགས་བཤད་གནས་ཀྱི་བེ་བུམ་ཟབ་མོ། །ཚར་ཆེན་གྱིས་མཛད་པའི་འབྲོག་མི་ལོ་ཙཱ་བའི་བསྟོད་པ་༼ཟུར༽སྙན་བརྒྱུད་པད་མཚོ་བཞད་པ། སློབ་དཔོན་རིན་པོ་ཆེས་མཛད་པའི་རྗེ་བཙུན་ས་སྐྱ་པ་༼ཞ༽ཆེན་པོའི་བསྟོད་པ་ཚངས་དབང་མ། ཚར་ཆེན་གྱིས་མཛད་པའི་བདག་ཆེན་རྡོ་རྗེ་འཆང་གི་བསྟོད་པ་༼ཟུར༽རབ་དཀར་བློ་གྲོས་མ། དེས་མཛད་པའི་རྗེ་བཙུན་རྡོ་རིང་པའི་བསྟོད་པ་༼ཟུར༽མཐའ་ཡས་མ། དེས་མཛད་པའི་བདག་བསྟོད་བློ་གསལ་མང་ཐོས་མ། དེའི་བསྟོད་པ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་མཛད་༼དབང༽པའི་བཀྲ་ཤིས་མཚན་བཟང་མ། ཚར་ཆེན་གྱིས་མཛད་པའི་འཇམ་དབྱངས་མཁྱེན་བརྩེའི་བསྟོད་པ་༼དབང༽རབ་ཡངས་མ། རྡོ་རྗེ་འཆང་དབང་ཕྱུག་རབ་བརྟན་གྱི་འཁྲུངས་རབས་གསོལ་འདེབས་དུས་གསུམ་རྒྱལ་བ་མ་རང་ཉིད་ཀྱི་མཛད་པ། རྗེ་བཙུན་ས་པཎ་གྱིས་མཛད་པའི་མཎྜལ་ཞིང་ཁམས་རྣམ་དག་མ། ཚར་ཆེན་ཆོས་ཀྱི་རྒྱལ་པོས་མཛད་པའི་བླ་མ་ལྔ་བཅུ་པའི་འགྲེལ་པ་༼ཟུར༽དངོས་གྲུབ་སྒོ་འབྱེད། དེས་མཛད་པའི་གསུང་ངག་བརྒྱུད་པའི་༼ཟུར༽བཀྲ་ཤིས་རྡོ་རྗེ་འཆང་དབང་མ་རྣམས། གཉིས་པ་ཉམས་མྱོང་ཚད་མ་རྒྱུད་ལ་སྐྱེད་པར་བྱེད་པའི་ཐབས་གླེགས་བམ་དུ་བཞུགས་པའི་འཁྲིད་
ཀྱི་གཞུང་ཤིང་ཆེན་མོ་བཞི་ལས། གཞུང་ཇི་ལྟར་བ་བཞིན་བཀྲི་བའི་ཉམས་འཁྲིད་ཀྱི་དགོངས་པ་རྡོ་རྗེ་འཆང་ཚར་བ་ཆེན་པོའི་གསུང་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས་ཟིན་བྲིས་སུ་མཛད་པའི་འཁྲིད་ཡིག་གསང་ཆེན་བསྟན་པ་རྒྱས་བྱེད་ཁའུ་བྲག་རྫོང་པའི་བཞེད་པ་མ་ནོར་བ་ལ་གཞི་བྱས། བླ་མ་དམ་པའི་སྦས་དོན་གསལ་བ་དང་། ཚར་ཆེན་གྱི་གསུང་མང་ཐོས་ཀླུ་སྒྲུབ་རྒྱ་མཚོས་རེག་ཟིག་ཏུ་མཛད་པའི་སྣང་གསུམ་གསལ་བྱེད་ཟླ་བ་བདུད་རྩིའི་ཐིགས་འཕྲེང་དང་། སྔགས་ལམ་གྱི་འཁྲིད་ཡིག་ཉི་གཞོན་གསར་པའི་ཐིགས་འཕྲེང་སྐལ་བཟང་ཨུཏྤལ་གཞོན་ནུའི་ཁ་འབྱེད་ནས་རྒྱས་བཤད་ཁ་བསྐངས་ཏེ་ཉམས་འཁྲིད་ཟླ་བ་ཕྱེད་བཞིའི་བར་ནོས་པ་ལ། སྙན་བརྒྱུད་བཞིའི་སྒྲོ་འདོགས་གཅོད་པའི་སྐབས་དབང་གི་ཆུ་བོ་མ་ནུབ་པ། བྱིན་རླབས་ཀྱི་བརྒྱུད་པ་མ་ཉམས་པ། གདམས་པའི་སརྒ་མ་ལོག་པ། མོས་གུས་ཀྱི་བསམ་པ་ཚིམ་པ་སྟེ་བཞི་ལྡན་འདི་ཚོགས་སློབ་གཉིས་ཀ་ལ་དགོས་ཤིང་། སློབ་བཤད་པར་ཐུན་མོང་མ་ཡིན་པའི་འཆད་ཚུལ་ཡང་ཡོད་ལ། དེ་ཡང་རྒྱུ་ལམ་འབྲས་གསུམ་གྱི་དབང་གི་ཆུ་བོ་མ་ནུབ་པ། ཉམས་སུ་བླངས་པ་མྱོང་བ་བྱིན་གྱིས་བརླབས་པ་གྲུབ་པའི་མཐའ་སྟེ་བརྒྱུད་པ་མ་ཉམས་པ། སརྒ་ཞེས་པ་གོ་རིམ་མ་འཆོལ་པ། བསམ་པ་ཚིམ་པ་རྟོགས་པ་རྒྱུད་ལ་སྐྱེས་པས་བླ་མ་ལྷ་དང་གདམས་ངག་ལ་གཞན་རྐྱེན་གྱིས་མི་འཕྲོག་པའི་མོས་གུས་ཏེ་ཚར་ཆེན་གྱིས་རྗེ་བཙུན་རྡོ་རིང་པ་ལ་གསུང་ངག་རིན་པོ་ཆེ་ཐོབ་ནས་བླ་མ་གཞན་དང་གདམས་ངག་གཞན་ལ་སངས་རྒྱས་རེ་བསམ་པ་མེད་གསུངས་པ་བསམ་གྱིས་མི་ཁྱབ་པའི་གནད་ཡིན་ཞིང་། དེ་ཡང་སྙན་བརྒྱུད་གསུམ་པའི་གོ་རིམ་མ་
འཆོལ་བ་དཔོན་སློབ་ཀྱི་འགྲེལ་བ་མ་བརྟགས་པར་དབང་མི་བསྐུར། དེ་མ་བསྐུར་བར་གདམས་པ་མི་འཆད། དེ་མ་བཤད་པར་གཞུང་མི་འཆད། དེ་མ་བཤད་པར་སྒྲུབ་པའི་ལུང་མི་སྦྱིན། དེ་མ་བྱིན་པར་གསང་བཅུའི་རྒྱས་མི་གདམས་པ་སོགས་འཁྲུལ་པའི་དྲི་མ་ཕྲ་མོ་ཙམ་ཡང་མེད་པའི་ཕྱག་ལེན་རྣམ་པར་དག་པ་ཡིན་ལ། སྤྱིར་འཁྲིད་ཚུལ་ནི། བརྟག་གཉིས་ལས། དང་པོར་གསོ་སྦྱོང་སྦྱིན་པར་བྱ། །དེ་ནས་བསླབ་པའི་གནས་བཅུ་སྦྱིན། །དེ་ལ་བྱེ་བྲག་སྨྲ་བ་བསྟན། །མདོ་སྡེ་པ་ཡང་དེ་བཞིན་ནོ། །དེ་ནས་རྣལ་འབྱོར་དཔྱོད་པ་ཉིད། །དེ་ཡི་རྗེས་སུ་དབུ་མ་བསྟན། །སྔགས་ཀྱི་རིམ་པ་ཀུན་ཤེས་ནས། །དེ་རྗེས་ཀྱེའི་རྡོ་རྗེ་བརྩམས། །ཞེས་བརྒྱུད་ཀྱི་དགོངས་པ་དང་། དེ་དང་ཆ་འདྲ་བ། ལྗོན་ཤིང་ལས། ཐུན་མོང་གི་གདམས་པས་བཀྲལ་བ། ཐུན་མོང་མ་ཡིན་པ་གཞུང་ཆུང་རྡོ་རྗེའི་ཚིག་རྐང་ནས་གསུང་པ་སོགས་མཐའ་དག་ལ་ལམ་ཐུན་མོང་བའི་རྒྱུད་སྦྱངས་སྔོན་དུ་སོང་ནས་སྔགས་ལམ་ལ་འཇུག་དགོས་པ་ཡིན་ཞིང་། དེ་ཡང་གང་ཟག་རབ་འབྲིང་ཐ་གསུམ་གྱི་རབ་རྣམས་དབང་བཞི་ཚད་ལྡན་ཐོབ་ནས་དེ་བསྐུར་བའི་བླ་མ་སྐུ་བཞི་ཡེ་ཤེས་ལྔ་ལྡན་དུ་ཐག་ཆོད་ནས་གསོལ་བ་འདེབས་པ་ནི་ལམ་ཟབ་མོ་ཁོ་ནས་གྲོལ་བ། འབྲིང་པོ་སོམ་ཉི་ཅུང་ཟད་ཡོད་པ་དམ་ཚིག་བསྲུངས་པས་གྲོལ་བ། ཐ་མ་བསྐྱེད་རྫོགས་ཀྱི་རྣལ་འབྱོར་ཚུལ་བཞིན་ཉམས་སུ་བླངས་པས་གྲོལ་བ་ལས། དེང་སང་ཕྱི་མ་ཉིད་གཙོ་ཆེ་བའི་ཕྱག་ལེན་དུ་མཛད་ཀྱི། དྭགས་བརྒྱུད་པ་སོགས་ཕག་མོའི་བྱིན་རླབས་ཙམ་གྱིས་དབང་གི་གོ་བཅད། དལ་འབྱོར་རྙེད་དཀའ་ཚུལ་ཙམ་ཡང་མ་ཐོས་པར་ཕྱག་ཆེན་དུ་མིང་བཏགས་པའི་ཚད་ལྟ་ཧད་པོ་དང་ཆོས་དྲུག་གི་
རྩ་རླུང་སོགས་ལ་བཙན་ཐབས་སུ་འཁྲིད་དེ། ཆོས་སྒོར་ཞུགས་མ་ཐག་པ་ནས་གྲུབ་པའི་དབང་ཕྱུག་ཏུ་རློམ་པའི་ལུགས་དང་འདི་ཡི་མི་འདྲ་བས་ཚར་ཆེན་གྱིས། གདམས་ངག་མཁའ་འགྲོ་ཡི་སྙན་བརྒྱུད། གསུང་ངག་ཡིད་བཞིན་གྱི་ནོར་བུ། ཉམས་ལེན་ཕྱོགས་རེ་ཙམ་མ་ཡིན། བསྟན་པ་ཡོངས་རྫོགས་ཀྱི་ཉམས་ལེན། ཞེས་ལམ་ཐུན་མོང་བའི་རྒྱུད་སྦྱངས་ནས་དབང་བཞི་པའི་བར་གྱི་གང་ཟག་གཅིག་འཚང་རྒྱ་བའི་ཉམས་ལེན་ཆ་ཚང་བ་དགོས་པས་ཐོག་མར་ཐེག་ཆེན་ཐུན་མོང་པའི་ལམ་སེམས་ཅན་ལ་ཉོན་མོངས་པ་ལ་མ་དག་པའི་སྣང་བ། རྣལ་འབྱོར་པ་ལ་ཏིང་ངེ་འཛིན་ལ་ཉམས་ཀྱི་སྣང་བ། བདེ་བར་གཤེགས་པའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ལ་དག་པའི་སྣང་བ་སྟེ་ལམ་སྣང་བ་གསུམ་གྱི་འཁྲིད། དེ་རྗེས་མཎྜལ་ཚོམ་བུ་ལྔ་མ་ལ་བརྟེན་ནས་བྱང་ཆུབ་མཆོག་ཏུ་སེམས་བསྐྱེད་པ་བརྒྱུད་པ་ཁྱབ་པར་གཉིས་ལྡན་གྱི་ཕྱག་ལེན་ལྟར་ནོས། སློབ་དཔོན་ཙནྡྲ་གོ་མིའི་སྡོམ་པ་ཉི་ཤུ་པའི་ལུང་། སེམས་བསྐྱེད་ཀྱི་ཆོ་ག་རྗེ་བཙུན་གོང་མ་རྣམས་ཀྱི་གསུང་རབ་ཀྱི་དོན་སྙིང་པོར་བསྡུས་པ་ངོར་ཆེན་དཀོན་ཅོག་ལྷུན་གྲུབ་༼ཐ༽༼བྷོ༽ཀྱིས་མཛད་པའི་ཡིག་ཆའི་ལུང་། སློབ་མ་རྗེས་འཛིན་སོང་ནས་སློབ་དཔོན་བསྙེན་པ་ཁ་གསོ་བ་དང་དེའི་བར་བསག་སྦྱང་གི་འཁྲིད་ནོས་པ་ལྟར་ཉམས་ལེན་ཐུན་བཞིར་བཅད་དེ་ནན་ཏན་དུ་བསྟར། ཚར་ཆེན་གྱིས། རྒྱལ་ཡུམ་བདག་མེད་མཁའ་འགྲོ་ལ། །པཎ་གྲུབ་དབང་པོ་བི་རུ་པས། །ནོས་པ་ནས་བཟུང་ད་ལྟའི་བར། །རྩ་བའི་བླ་མ་ཡན་ཆད་དུ། །དབང་བཞིའི་ཆུ་བོ་མ་ནུབ་པའི། །བླ་མའི་གསུང་ངག་བདུད་རྩིའི་རྒྱུན། །ཚད་མ་བཞི་ལྡན་དབང་བཞིའི་ལམ། རྡོ་
རྗེ་ཐེག་པའི་སྙིང་པོ་ཡིན། །ཞེས་པ་ལྟར་བླ་མེད་རྡོ་རྗེ་ཐེག་པའི་ཐུན་མོང་མ་ཡིན་པའི་སྨིན་གྲོལ་གཉིས་ཀྱི་ཐོག་མར་ཀྱེ་རྡོ་རྗེ་ལྷ་དགུའི་རྡུལ་ཚོན་གྱི་དཀྱིལ་འཁོར་ཆེན་པོར་མུས་ཆེན་གྱིས་མཛད་པའི་མངོན་དཀྱིལ་དང་ཚར་ཆེན་ཆོས་ཀྱི་རྒྱལ་པོའི་ལྷན་ཐབས་ཟུང་དུ་འཇུག་པར་ཞལ་ཤེས་ཕྱག་ལེན་གྱིས་བརྒྱན་ཏེ་དབང་གི་མངོན་པར་རྟོགས་པ་བརྒྱད་ཚང་བའི་སྒོ་ནས་རྒྱུ་དུས་ཀྱི་དབང་གི་ཆུ་བོ་མ་ནུབ་པ་བཤད་པས་མཐའ་དཔྱད་དེ་སྦྱང་གཞི་སྦྱོང་བྱེད་ལེགས་པར་ངོ་འཕྲོད་པ་སྨིན་རྒྱས་སུ་ནོས། ཨཥྚའི་བཟླས་༼༽ལུང་། རྗེ་བཙུན་ཡུམ་བཀའ་རྡོ་རྗེ་བདག་མེད་ལྷ་མོ་བཅོ་ལྔའི་རས་བྲིས་ཀྱི་དཀྱིལ་འཁོར་དུ་མང་ཐོས་ཀླུ་སྒྲུབ་རྒྱ་མཚོས་མཛད་པའི་མངོན་དཀྱིལ་གྱི་ཡི་གེའི་སྟེང་ནས་རྒྱུ་དུས་ཀྱི་དབང་ཕྱིན་ཅི་མ་ལོག་པ་ཐོབ། དེ་ལྟར་ནོས་པའི་དམ་ཚིག་དང་སྡོམ་པ་རྣམས་མི་ཉམས་པར་བསྲུང་བ་གསལ་བར་སྟོན་པའི་རྡོ་རྗེ་ཐེག་པའི་རྩ་བའི་ལྟུང་བ་རྒྱ་ཆེར་བཤད་པའི་འགྲེལ་༼ཉི༽པ་འཁྲུལ་པ་སྤོང་ལས་དང་པོ་པ་དང་ཐུན་མོང་གི་ཆོས་བདུན་གྱི་ནང་ཚན། བ་ཞེས་བྱ་བ་རྗེ་བཙུན་ཆེན་པོ་གྲགས་པས་མཛད་པ། རྩ་བ་ཡན་ལག་གི་ལྟུང་བའི་རྣམ་བཤད་འཁྲུལ་སྤོང་རབ་གསལ་བདག་ཆེན་རྡོ་རྗེ་འཆངགིས་མཛད་པ། པཎ་ཆེན་ངག་དབང་ཆོས་གྲགས་ཀྱིས་མཛད་པའི་དམ་ཚིག་གི་ཚོགས་རྣམ་༼ངག༽པར་བཤད་པའི་ཟིན་བྲིས་བག་ཡོད་གཏམ་གྱི་བདུད་རྩི། བདག་ཆེན་རྡོ་རྗེ་འཆང་གིས་མཛད་པའི་རྒྱུན་གྱི་བཟའ་བའི་དམ་ཚིག་བདུད་རྩི་རིལ་བུའི་སྒྲུབ་པ་རྗེ་བཙུན་ཆེན་པོའི་ཡི་གེའི་གསལ་བྱེད། ཁྱད་པར་གྱི་བཟའ་བའི་དམ་ཚིག་གི་ཚོགས་འཁོར་༼ཉི༽འབྲིང་པོ་ལས་དང་པོ་བ་དང་ཐུན་མོང་གི་ཆོས་བདུན་གྱི་ནང་ཚན། རྗེ་བཙུན་
ཆེན་པོས་མཛད་པ། ས་པཎ་གྱིས་མདོ་སྨད་ལིང་ཆུ་ཙེར་ཁབ་ཀྱི་གཙུག་ལག་ཁང་དུ་མཛད་༼བྲང༽པའི་ཚོགས་འཁོར་གྱི་ཆོ་ག་རྒྱས་པ་རྩོད་སྤོང་མ། རྒྱལ་སྲས་ཇིང་ཀིང་གི་གསུང་གིས་བསྐུལ་བ་ལ་བརྟེན་ནས་འཕགས་༼ཨེ༽པ་རིན་པོ་ཆེས་མཛད་པའི་ཚོགས་འཁོར་བདུད་རྩིའི་བུམ་པ། ཁྱབ་བདག་བཀའ་འགྱུར་བ་ཆེན་པོས་མཛད་པའི་ཚོགས་མཆོད་ཆོག་ཁྲིགས་མ། དཀར་ཤཱཀྱ་གྲགས་ཀྱིས་གསོལ་བ་བཏབ་པ་ལ་བརྟེན་ནས་རྗེ་བཙུན་གྱིས་མཛད་༼ཤཱི༽པའི་ལམ་གྱི་ཡན་ལག་དཔལ་ཧེ་རུ་ཀའི་ཆོས་དྲུག་གི་ཡི་གེ །སློབ་དཔོན་རིན་པོ་ཆེ་བསོད་ནམས་རྩེ་མོས་མཛད་༼པུ༽པའི་ཆོས་ལ་འཇུག་པའི་སྒོ་ཞེས་ཉན་པའི་ཀུན་སྤྱོད་སོགས་སྟོན་པ། མངོན་རྟོགས་རྒྱས་པ་ཡན་ལག་བཞི་པ་༼ཉི༽སློབ་དཔོན་རིན་པོ་ཆེ་རྩེ་མོས་མཛད་པ། ལས་དང་པོ་ཐུན་མོང་གི་ཆོས་མདུན་གྱི་ནང་ཚན། རྗེ་བཙུན་ཆེན་པོས་མཛད་པའི་མངོན་རྟོགས་འབྲིང་པོ་ཡན་ལག་དྲུག་༼ཨ༽པ་ཚིག་སྣ་རིང་ཐུང་གཉིས་ཡོད་པའི་ཐུང་བ། དེས་མཛད་པའི་རྗེ་བཙུན་རྡོ་རྗེ་བདག་མེད་མའི་རིམ་པ་གཉིས་༼ཉི༽འཁོར་དང་བཅས་པའི་མངོན་རྟོགས་ལས་དང་པོ་པ་དང་ཐུན་མོང་གི་ཆོས་བདུན་གྱི་ནང་ཚན་རྗེ་བཙུན་རྩེ་མོས་མཛད་པའི་དབང་གི་ཆུ་བོ་ཆེན་༼ཨ༽པོ་མ་ནུབ་པའི་ཕྱག་ལེན། དེས་མཛད་པའི་ཞི་བ་འབའ་ཞིག་གི་སྦྱིན་སྲེག་གི་ཆོ་ག་༼ཉི༽ཞིབ་ཏུ་བསྟན་ཅིང་རྣམ་གཞག་མདོར་བསྡུས་པ། ལས་དང་པོ་པ་དང་ཐུན་མོང་གི་ཆོས་བདུན་གྱི་ནང་ཚན། དེའི་འཕྲོས་ལས་ལས་བཞི་གའི་སྦྱིན་སྲེག་གི་ཆོ་ག་༼ཉི༽མདོར་བསྟན་ཞིང་རྣམ་གཞག་རྒྱས་པར་བསྟན་པ་རྗེ་བཙུན་ཆེན་པོ་གྲགས་པས་མཛད་པ། དེས་དགེ་སློང་ཀུན་དགའ་ཚུལ་ཁྲིམས་ཀྱི་ངོར་༼ཅོག༽མཛད་པའི་དུས་མཐའ་མའི་ཆོ་ག་གཞན་ཕན་བདུད་རྩི། སློབ་དཔོན་རིན་པོ་ཆེས་མཛད་པའི་
རབ་གནས་༼ཀུ༽བཟང་པོ་དྲུག་པ། འཇམ་དབྱངས་མཁྱེན་བརྩེས་སྒོ་རུམ་པར་གསན་པའི་གསན་ཡིག་ན་ཚོགས་འཁོར་གྱི་ཚབ་ཏུ་འདི་ལས་དང་པོ་པ་དང་ཐུན་མོང་གི་ཆོས་བདུན་གྱི་གྲས་སུ་འདུག་པ་དཀར་ཆག་དང་མ་མཐུན་ནའང་། དེས་མཛད་པའི་ཁོག་འབུབས་སུ་དཀར་ཆག་དང་མཐུན་པར་འདུག་པ་ཐེ་ཚོམ་མི་བྱའོ། །རྗེ་བཙུན་ཆེན་པོ་གྲགས་པས་མཛད་༼ཤྲཱི༽པའི་རབ་གནས་དོན་གསལ་རྣམས། དབང་གི་ཡེ་ཤེས་ལ་ལོག་པར་རྟོག་པ་དག་ཅིང་འོག་ནས་འབྱུང་བའི་ལམ་ཐམས་ཅད་སྐྱོན་མེད་པར་སྒྲུབ་པའི་སླད་དུ་ཀུན་གཞི་རྒྱུ་རྒྱུད་ལ་འཁོར་འདས་དབྱེར་མེད་ཀྱི་ལྟ་བའི་འཁྲིད་ས་གཞུང་སྤེལ་བའི་བཤད་ཡམ་ཙམ་མིན་པར་འཁོར་འདས་དབྱེར་མེད་རྩ་འགྲེལ་ལ་བརྟེན་ནས་སེམས་འཚོལ་སོགས་རིག་ཐོག་ཏུ་བརྡར་ཤ་དཔྱད། ལུས་ཐབས་རྒྱུད་ལ་དབང་བཞི་དང་འབྲེལ་བའི་ལམ་གྱི་ཐོག་མར་བུམ་དབང་དང་འབྲེལ་བ་ཕྱི་སྐྱེད་པའི་རིམ་པ་སློབ་དཔོན་མཚོ་སྐྱེས་ཀྱི་བཞེས་པའི་ཟབ་པའི་ཚུལ་དགུའི་སེམས་འཛིན་གྱིས་ཁ་བསྐངས་ཏེ་གསལ་སྣང་མ་མཐོང་བར་བསྒོམ་པའི་མོས་བློར་བྱས། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་མཛད་༼ཉི༽པའི་མངོན་རྟོགས་ཡན་ལག་དྲུག་པ། མུས་ཆེན་སེམས་དཔའ་ཆེན་པོས་མཛད་པའི་མངོན་རྟོགས་ཡན་ལག་དྲུག་པ་བྱ་བྲལ་མར་གྲགས་པ། དེས་མཛད་པའི་དབང་ཆུ་གསལ་བའི་མེ་ལོང་། ཚར་ཆེན་རྡོ་རྗེ་འཆང་གིས་མཛད་པའི་ལྷན་ཐབས་ནོར་བུའི་འཕྲེང་བ། རྡོ་རྗེ་འཆང་ཀུན་དགའ་བཟང་པོས་མཛད་པའི་ཀྱེ་རྡོར་སྒྲུབ་ཐབས་༼ལྕེ༽ཀྱི་རྒྱ་ཆེར་བཤད་པ་བསྐྱེད་རིམ་གནད་ཀྱི་ཟླ་ཟེར། ཀུན་མཁྱེན་རྡོ་རྗེ་གདན་པས་མཛད་པའི་དཔལ་ཀྱེ་རྡོ་རྗེའི་སྒྲུབ་ཐབས་ཀྱི་ལེགས་༼སུ༽པར་བཤད་པ་ལས་དང་པོ་པ་ལ་ཕན་
པ་སྒྲུབ་པ་ཉིན་མོར་བྱེད་པའི་སྣང་བ། ཚར་ཆེན་གྱིས་མཛད་པའི་བསྐྱེད་རིམ་ཀྱི་རྣམ་༼ཟུར༽བཤད་ལེགས་པར་བཤད་པའི་ཉི་མའི་འོད་ཟེར། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པའི་བསྙེན་ཆེན་༼ར༽གྱི་ཡི་གེ་དཔྱིད་ཀྱི་དགའ་སྟོན། དེས་མཛད་པའི་བསྙེན་པ་ཁ་སྐོང་གི་སྦྱིན་སྲེག་རྣམས་ཀྱིས་རང་གཞན་གྱི་དོན་གང་སྒྲུབ་ཀྱང་ཕྱིན་ཅི་མ་ལོག་པར་ཤེས་པའི་རྡོ་རྗེ་སློབ་དཔོན་དུ་བསྒྲུབས་ནས། ཕྱི་རོལ་ཏུ་ཞེན་པའི་གདོན་གྱི་གཉེན་པོར་ནང་རྡོ་རྗེ་སློབ་དཔོན་གྱི་དོན་དམ་ལུས་ཀྱི་དཀྱིལ་འཁོར་དུ་རྐྱང་འདུར་བ་དཀོན་ཅོག་དཔལ་དང་མཁན་ཆེན་བསོད་བློ་སོགས་ཀྱིས་བསྐུལ་ནས་བདག་ཆེན་རྡོ་རྗེ་འཆང་གིས་མཛད་པའི་ཡི་གེའི་སྟེང་ནས་ལམ་དུས་ཀྱི་དབང་གི་ཆུ་བོ་མ་ནུབ་པ། བླ་མ་དམ་པའི་ལུས་དཀྱིལ་དབང་ཆོག་ཞབས་ན་ཐོ་ཙམ་ཡོད་པའི་སྟེང་ནས་ལུས་དཀྱིལ་ལམ་༼༽དུས་ཀྱི་ལམ་འབྲིང་པོ་དང་བསྡུས་པའི་དབང་། ཡི་གེ་བརྒྱ་པའི་བཟླས་༼༽ལུང་བཅས་པ་སྩལ་ནས། ནང་བསྐྱེད་པའི་རིམ་པ་བསྒོམ་བྱའི་དོན་ལ་ཐོས་བསམ་གྱིས་སྒྲོ་འདོགས་དཔྱད་དེ་དཔྱད་དོན་ཉམས་སུ་ལེན་པ་བསྐྱེད་རིམ་སེམས་འཛིན་གྱི་ཉམས་འཁྲིད་ལམ་དུས་ཀྱི་ཉམས་ལེན་གྱི་ཡི་གེ་མུས་ཆེན་འཁོར་ལོ་སྡོམ་པས་མཛད་པ། ལམ་དུས་ཀྱི་དབང་གི་ཆོ་ག་བདག་ཆེན་རྡོ་རྗེ་འཆང་གིས་མཛད་པའི་ལུང་རྣམས། གསང་དབང་གི་ལམ་བདག་བྱིན་གྱིས་བརླབ་པའི་འཁྲིད་ཀྱི་ཐོག་མར་ནང་གི་བདག་མེད་མ་གཏུམ་མོ་དྲོད་བསྐྱེད་པའི་སླད་དུ་རྗེ་བཙུན་རྡོ་རྗེ་བདག་མེད་མ་ལྷ་མོ་བཅོ་ལྔའི་སིནྡྷུ་རའི་དཀྱིལ་འཁོར་དུ་བྱིན་རླབས་ཀྱི་བརྒྱུད་པ་མ་ཉམས་པར་ཐོབ་ནས། བདག་བྱིན་གྱིས་བརླབ་པ་ཁམས་འདུས་པ་དང་པོ་རླུང་གཏུམ་མོ་དྲོད་རྟགས་ཀྱི་འཁྲིད་ཅེས་པ་
གཏུམ་མོའི་དམིགས་རྐང་བཅོ་བརྒྱད་ཀྱི་རིམ་པ། ཕོ་ཉའི་ལམ་མམ་ཤེས་རབ་ཡེ་ཤེས་ཀྱི་ལམ་ཞེས་བྱ་བ་ཁམས་འདུས་པ་བར་མ་དཀྱིལ་འཁོར་འཁོར་ལོ་འདོད་པའི་ལྕགས་ཀྱུ་དགའ་བཞི་ལུངས་འབྱུང་ལུགས་ལྡོག་ཏུ་ཉམས་སུ་བླང་བའི་འཁྲིད། ཁམས་འདུས་པ་མཐའ་མ་སྐྱོན་མེད་གཉུག་མ་ཡེ་ཤེས་ཀྱི་ལམ་འཁྲིད་དམ་དབང་བཞི་པའི་ལམ་རྦ་རླབས་གསུམ་གྱི་འཁྲིད་དང་བཅས་པའི་དབང་བཞི་རེ་རེ་ལའང་། ལམ། ལྟ་བ། གྲུབ་མཐའ། འདའ་ཁ་མ། བར་དོ། རྨི་ལམ། སྒྱུ་ལུས་དང་བཅས་པའི་དབང་པོ་རབ་འབྲིང་ཐ་མའི་ལམ་ཆ་ཚང་བ་རེ་རེ་འཁྲིད་རིམ་དུ་ཚང་བར་སྩལ། རྣལ་འབྱོར་བིཪྺ་བས་རྗེ་བཙུན་བརྩེ་བ་ཆེན་པོ་པ་ལ་དངོས་སུ་གནང་བའི་མན་ངག་ས་སྐྱའི་ལྕགས་རིའི་ཁོངས་ལས་མི་འདའ་བ་བཞིའི་ནང་ཚན་ལམ་ཟབ་ཕྱི་ནང་གསང་གསུམ་ལས་ལམ་ཟབ་མོ་བླ་མའི་རྣལ་འབྱོར་གྱི་ཕྱི་མའི་ ༼༽འཁྲིད་ཀྱི་བྱིན་རླབས། དེའི་ཡི་གེ་བདག་ཆེན་རྡོ་རྗེ་འཆང་གིས་མཛད་པ། ལམ་ཟབ་ནང་མའི་འཁྲིད་༼༽ཀྱི་བྱིན་རླབས། དེའི་ཡི་གེ་ཁྲི་ཆེན་ཀུན་དགའ་བསོད་ནམས་ཀྱིས་༼ཁྲི༽མཛད་པའི་དོན་གཉིས་མཐར་ཕྱིན། བླ་མ་རིན་ཅེན་འབྱུང་ལྡན་གྱི་བྱིན་རླབས། དེའི་ཡི་གེ་ཚར་ཆེན་ཆོས་ཀྱི་རྒྱལ་པོས་མཛད་པ། རྣལ་འབྱོར་དབང་ཕྱུག་གིས་བརྩེ་ཆེན་ཞབས་ལ་དངོས་སུ་གནང་བའི་ཕྱིའི་བར་གཅོད་བསྲུང་བ་རྣལ་འབྱོར་དབང་ཕྱུག་གི་བསྲུང་༼༽བ་ཐུན་མོང་བའི་བྱིན་རླབས། དེའི་ཡིག་རྙིང་། རྣལ་འབྱོར་དབང་ཕྱུག་གི་བསྲུང་༼༽བ་ནང་མའི་བྱིན་རླབས། དེ་དང་འབྲེལ་བའི་བིར་བསྲུང་༼༽གི་བསྲུང་༼ཉི༽བའི་དམིགས་རིམ། སྔོན་ཆད་ཞལ་ཤེས་ཁོ་ནར་བཞུགས་པའི་བིར་བསྲུང་༼༽གི་ཆ་ལག་ཟབ་མོའི་དམིགས་འཁྲིད། བླ་མ་དོན་
གྲུབ་ཀྱི་བླ་མའི་རྣལ་འབྱོར་བྱེ་བྲག་པ་མཚར་གསུམ་ཁུག་༼༽པའི་བྱིན་རླབས། དེའི་ཡི་གེ་༼ཞ༽རྗེ་བཙུན་ཆེན་པོ་གྲགས་པས་མཛད་པ། པཎ་ཆེན་ངག་དབང་ཆོས་གྲགས་ཀྱི་ཡི་གེ་ལྟར་བརྡ་དོན་༼༽གསལ་བའི་བྱིན་རླབས། ལམ་སྦས་༼༽བཤད་ཀྱི་བྱིན་རླབས་རྣལ་འབྱོར་དབང་ཕྱུག་ཡར་ཀླུངས་པའི་ཟིན་བྲིས་ལྟར་དབང་བཞི་༼༽ངོ་སྤྲོད་ཀྱི་བྱིན་རླབས། མན་ངག་གཅེས་བསྡུས་ཀྱི་རྟེན་འབྲེལ་༼༽གྱི་བྱིན་རླབས། ལུམ་པ་བ་བྱམས་པ་ཀུན་དགའ་ཆོས་གྲགས་ཀྱི་ཡི་གེ་ལྟར་རྣམ་འཇོམས་༼༽བིར་ལུགས་ཀྱི་བྱིན་རླབས། མན་ངག་རྣམས་ཡོངས་སུ་རྫོགས་པའི་མཐར་བརྡ་ཚིག་༼༽རྒྱུད་ཀྱི་བྱིན་རླབས། གསུང་ངག་སྟན་ཐོག་གཅིག་ཏུ་ཉམས་སུ་བླང་བའི་ཚུལ་སྟོན་པ་ལམ་བསྡུས་ཏེ་སྒྲུབ་པའི་ལུང་སྦྱིན་པ། ལམ་ཡོངས་སུ་རྫོགས་པའི་མཐར་གསང་བ་༼༽བཅུས་རྒྱས་གདབ་པ། བསྟན་པ་གཏད་ཅིང་བཀའ་བསྒོ་བའི་ཚུལ་དུ་ལམ་འབྲས་པའི་མགོན་རྐྱང་གི་རྗེས་གནང་དང་བཞི་འཇམ་དབྱངས་མཁྱེན་བརྩེའི་རེག་ཟིག་ལ་བརྟེན་པ་དང་བཅས་པ་རྣམས། གཉིས་པ་དེ་རྣམས་ཀྱི་རྒྱབ་བརྟེན་དུ་བསྟན་བཅོས་ཚད་མ་དང་འབྲེལ་པའི་ལུང་ཐོབ་པ་ལ། ཐོག་མར་གསུང་ངག་གླེགས་བམ་དུ་གྲགས་པར། གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གླེགས་བམ་གྱི་དཀར་ཆག་རྗེ་བཙུན་འདི་གླེགས་བམ་གྱི་དབུར་བཞུགས་ཀྱང་ཆོས་སྣ་དྲུག་ཅུར་མི་གཏོགས་སོ། །ཆེན་པོས་དཔལ་ས་སྐྱའི་གཙུག་ལག་ཁང་དུ་མཛད་པ། གསུང་ངག་རིན་པོ་ཆེ་རྩ་བ་རྡོ་རྗེའི་ཚིག་རྐང་འདི་རྗེ་བཙུན་ཆེན་པོའི་གླེགས་བམ་དཀར་ཆག་ན་མི་གསལ་བར་བརྟེན་རྗེས་འབྲང་མང་པོ་ཞིག་གླེགས་བམ་གྱི་གྲངས་སུ་མི་འདྲེན་པའི་ལོག་རྟོག་གི་འཁྲུལ་གཏམ་སྨྲའོ། །གཞུང་ཆུང་ཡིད་བཞིན་ནོར་བུ་རིན་པོ་ཆེ། དགེ་བའི་བཤེས་གཉེན་གཉག་བཞི་རབ་པ་
དབང་ཕྱུག་རྒྱལ་མཚན་གྱིས་ཞུས་པའི་ངོར་དཔལ་ལྡན་ས་སྐྱ་པ་ཆེན་པོས་མཛད་པའི་རྣམ་འགྲེལ་གཉག་མ། རྣམ་འགྲེལ་བཅུ་གཅིག་ཙམ་ཡོད་པའི་ནང་ནས་འདི་གཞུང་ཉུང་ལ་དོན་རྒྱས་པའི་ཁྱད་དུ་འཕགས་ཞེས་དཀར་ཆག་ཏུ་སྣང་ངོ་། །དཀར་ཆག་ལས་མི་གསལ་བ་གསལ་བར་བྱེད་པ་ལ་ཞལ་ལས་ཤེས་སོ་ཞེས་སྨོས་པ་དགུ་ལས་མེད་ཀྱང་གསལ་བར་བྱེད་པའི་ཡི་གེ་ཉི་ཤུ་རྩ་གཉིས་ཡོད་དེ་ཞེས་གསལ་བྱེད་ཀྱི་ཡི་གེ་ཉི་ཤུ་རྩ་གཉིས་དོན་བསྡུས་མ་དང་བཅས་པ་ལས་ཀུན་གཞིའི་ཡི་གེ་དོན་བསྡུས་པ། གདན་སོགས་ཀྱི་ཡི་གེ །ལུས་ཀྱི་དཀྱིལ་འཁོར་གྱི་ཡིག་ཆུང་། བུམ་དབང་གི་འདའ་ཁ་མའི་སྐབས་སུ་འཆི་ལྟས་འཕྲུལ་འཁོར་འཆི་བླུ་དང་བཅས་པ་སྣང་བ་བསྒྱུར་བའི་འདའ་ཁ་མ་སྟེ་བུམ་དབང་གི་ཡིག་ཆུང་ཆོས་སྡེ་གཅིག་ཏུ་འདྲེན་པ། གསང་དབང་གི་ཐིག་ལེའི་རྣལ་འབྱོར། ཤེས་རབ་ཡེ་ཤེས་ཀྱི་ཕྱག་རྒྱའི་མཚན་ཉིད། བཞི་བའི་འདའ་ཁ་མ་བུམ་དབང་དང་ཐུན་མོང་དུ་ཡི་གེས་སྒོ་དགག་པ་དང་བཅས་པའི་ཡིག་ཆུང་འདི་ནི་བུམ་དབང་དང་ཐུན་མོང་ཡིན་ནོའི་མཐའ་ཅན། བར་དོ་བཞིའི་ཡིག་ཆུང་། ལམ་དུས་ཀྱི་དབང་རྒྱས་འབྲིང་བསྡུས་གསུམ་གྱི་ཡིག་ཆུང་། ཚད་མ་བཞིའི་ཡིག་ཆུང་། གདམས་ངག་དྲུག་གི་ཡིག་ཆུང་། རྟེན་འབྲེལ་ལྔར་བསྟན་པའི་ལམ་གྱི་ཡིག་ཆུང་། སྒྲིབ་སེལ་དང་གནས་སྦྱོང་འབྱམས་གཅོད་ཀྱི་ཟ་བྱེད་མཁའ་འགྲོའི་སྦྱིན་སྲེག་ཀླུ་སྒྲུབ་པའི་ཁོག་འབུབས་སུ་འདི་སཱཙྪའི་འཇུག་ཏུ་འདུག །གི་ཡིག་ཆུང་། གདོན་གྱི་གྲིབ་ཁྲུས་ཀྱིས་སེལ་བའི་ཡིག་ཆུང་། གྲིབ་མ་སཱཙྪས་སེལ་བའི་ཡིག་ཆུང་། ཐིག་ལེ་འཛག་པ་བསྲུང་བའི་ཡིག་ཆུང་། ཡི་གེ་བརྒྱ་པ་གདོན་ཐབས་ཀྱི་ཡིག་ཆུང་སྟེ་འཁོར་འདས་ཐུན་མོང་གི་སྐབས་དགོས་པ་བཅུ་བདུན། རླུང་གི་སྦྱོར་བ་བདུན། བྷ་གའི་ཡི་གེ་བཅུ་བཞི་སྟེ་
འཁོར་ལོ་ཆམ་པ་ལ་གཉིས། གསང་དབང་གི་སྐབས་སུ་འཁོར་བཞིའི་རྒྱ། བཞི་པའི་དབང་ཕྱུག་གི་དོན་བརྒྱད། མཐར་ཕྱིན་པའི་ས་བཅུ་གསུམ་ཕྱེད་འོག་མའི་མངོན་རྟོགས་ཏེ་འདས་ལམ་གྱི་སྐབས་སུ་གསུམ་གྱི་གསལ་བྱེད་ཉི་ཤུ་རྩ་གཉིས་སོ། །བྱང་ཆུབ་སེམས་དཔའ་ཨ་སེང་གིས་ཞུས་པའི་ངོར་ས་སྐྱ་པ་ཆེན་པོས་གནང་བའི་འགྲེལ་པ་ཐམས་ཅད་ཀྱི་དོན་བསྡུས་ཀྱི་ཚིགས་བཅད་རྣམ་འགྲེལ་ཨ་སེང་མར་གྲགས་པ་སྟེ་ཉི་ཤུ་རྩ་གསུམ་གླེགས་བམ་འདི་ཉིད་ཚད་མ་བཞི་དང་སྦྱར་ན་འདི་ཡན་གྱི་ཆོས་ཚན་ཉི་ཤུ་རྩ་ལྔ་པོ་བསྟན་བཅོས་ཚད་མ། ནི་བསྟན་བཅོས་འདི་ཉིད་ཀྱི་སྟེང་དུ་བཤད་པར་བྱ་བ་ཡིན་ནོ། །དེ་དག་ལས་འཕྲོས་པའི་གུད་དུ་གསུང་པའི་ཆོས་སྐོར་ལ། ཀུན་གཞི་རྒྱུ་རྒྱུད་ལས་འཕྲོས་ནས་སྙིང་པོའི་དོན་ལྟ་བ་འཁོར་འདས་དབྱེར་མེད་ཀྱི་རྩ་བ་ཚིག་ལེའུར་བྱས་པ་རིན་པོ་ཆེའི་སྣང་བ་ཤློ་ཀ་ཉི་ཤུ་བ་འགྲེལ་པ་དང་བཅས་པ། ཐབས་རྒྱུད་གདན་སོགས་ལས་འཕྲོས་པ་དང་དབང་བཞིའི་ཆོ་ག་མཐའ་དག་མདོར་བསྡུས་པའི་མན་ངག་གི་ཡི་གེའམ་རྒྱུ་དུས་སུ་དབང་གི་ཆུ་བོ་མ་ནུབ་པའི་མན་ངག་གི་གནད། གདན་སོགས་ལས་འཕྲོས་པ་མཆོག་དབང་གསུམ་གྲོལ་ལམ་ལ་བརྟེན་ནས་བསྐུར་བའི་མན་ངག །ལམ་སོགས་ཉི་ཤུ་ནས་འཕྲོས་ནས་ཕྱི་ཐམས་ཅད་མཁྱེན་པ་མཁྱེན་རྩེ་དང་རྗེ་ཀླུ་སྒྲུབ་པའི་ཁོག་འབུབས་སུ་གོང་དུ་སྨོས་ཟིན་པའི་ལས་དང་པོ་བ་དང་ཐུན་མོང་དུ་དགོས་པའི་ཆོས་སྣ་བདུན་པོ་འདིར་བགྲངས་འདུག་ཅིང་། དཀར་ཆག་ན་འཕྲིན་ལས་སོ་གཉིས་ཀྱི་མཇུག་ན་འདུག་པ་དངོས་གཞི་དཀར་ཆག་གཙོ་ཆེ་ནའང་བསྐྱེད་རིམ་མདོར་བསྡུས་སོགས་དང་སྡེ་ཚན་བསྟུན་ན་ཁོག་འབུབས་འབར་བར་མངོན་ཞིང་བདག་ཆེན་རྡོ་རྗེ་འཆང་
གི་བཞེས་པའང་དེ་ཁ་ཡིན་ནམ་སྙམ་མོ། །བསྐྱེད་པའི་རིམ་པ་མདོར་བསྡུས་པའི་གནད་ཅེས་པ་རྒྱས་འབྲིང་མི་འདྲ་བའི་ཁྱད་པར་བསྟན་པའི་འཇུག་ཏུ་བསྡུས་པ་ལ་བསོད་ནམས་ཚོགས་གསོག་སོགས་པ་གསལ་བར་བསྟན་པ། དམ་ཚིག་ལས་འཕྲོས་པ་བདུད་རྩི་རིལ་བུ་སྒྲུབ་ཚུལ། གསང་སྔགས་སྙན་བརྒྱུད་སོགས་མ་ཆད་པ་ལས་འཕྲོས་ནས་རྡོ་རྗེ་བདག་མེད་མའི་བྱིན་རླབས་ཀྱི་བརྒྱུད་པ་མ་ཉམས་པའི་ཐོ་ཡིག་བརྩེ་ཆེན་སྙིང་པོའི་ཞབས་ཀྱིས་མཛད་པ། དཀར་ཆག་ཏུ་བྱིན་རླབས་ཀྱི་རྒྱུད་པ་མ་ཉམས་པ་ནི་ལོགས་སུ་རྟོགས་པར་བྱའོ་གསུང་པ་འདི་ཡིན་ལ་ཕྲ་མོའི་ཆོས་སྡེ་ཡང་གཏོགས་སོ། །བསྲུང་བ་སུམ་ཅུ་དང་མན་ངག་གི་གནད་བདུན་ཅུ་ལས་འཕྲོས་ནས་གེགས་སེལ་གྱི་ཡི་གེ་བཞི་བྱུང་བ་ལས་ཐོག་མར་བསམ་གཏན་འདོར་བའི་འཕྲང་བདུན་གྱི་གེགས་སེལ་ཐབས་ཀླུ་སྒྲུབ་པའི་ཁོག་འབུགས་ན་འདི་གཉིས་གོ་ལྡོག་འདུག་ནའང་དཀར་ཆག་དང་འཇམ་དབྱངས་མཁྱེན་བརྩེའི་ཁོག་འབུབས་ན་འདི་ལྟར་བྱུང་ངོ་། །བྱུང་རྒྱལ་དུ་མི་གཏང་བའི་གནད་བཞི། ལུས་འཁྲུགས་རླུང་དང་སྤྱོད་ལམ་གྱིས་སེལ་བ། རྣལ་འབྱོར་གྱི་འཕྲིན་ལས་སུམ་ཅུ་རྩ་གཉིས་ཏེ་དགུ་པོ་འདི་གླེགས་བམ་དུ་དངོས་སུ་བཞུགས་ཤིང་། ལས་དང་པོ་བ་དང་ཐུན་མོང་དུ་དགོས་པའི་ཆོས་བདུན་པོ་དེང་སང་གླེགས་བམ་འདིར་མི་བཞུགས་པས་གོང་དུ་སྨོས་ཟིན་ནའང་དོན་དུ་དེ་དག་ཐམས་ཅད་རྩ་བ་རྡོ་རྗེའི་ཚིག་རྐང་ལས་འཕྲོས་པའི་སྐོར་ཡིན། དཀར་ཆག་ཏུ་གླེགས་བམ་འདི་ན་གནས་ཀྱང་འགལ་བ་མེད་ལ་ལས་དང་པོ་བ་དང་ཐུན་མོང་དུ་དགོས་པའི་ཕྱིར་ལོགས་སུ་འདུག་ཀྱང་ཉེས་པ་མེད་དོ་ཞེས་སོ། །ལམ་རྒྱས་འབྲིང་བསྡུས་གསུམ་གྱི་རྒྱས་པ་གོང་དུ་བཤད་མ་ཐག་པ་ལྟར་དང་། འབྲིང་པོ་རྩ་བ་མེད་པའི་ལམ་འབྲས་འབྲིང་དུ་བསྡུས་ནས་གང་ཟག་གཅིག་གིས་ལམ་འབྲས་བུ་དང་བཅས་མ་ཚང་བ་མེད་པར་སྟོན་པ། རང་གི་གཞུང་ཅུང་ཟད་ཡོད་པ་སྒྲུབ་པའི་ལུང་སྦྱིན་པའམ་འབོགས་པ་ལམ་བསྡུས་པ། དེ་ལྟར་ལམ་རྒྱས་འབྲིང་བསྡུས་གསུམ་མཐའ་དག་
རྣལ་འབྱོར་པས་ཉམས་སུ་བླང་བའི་ཕྱིར་གཞུང་ཤིང་ཆེན་པོ་བཞི་ལས་ཐོག་མར་གཞུང་ཇི་ལྟ་བར་བཀྲི་བའི་འཁྲིད་ཡིག་ཇོ་ལྕགས་མར་གྲགས་པ་ལྷོ་བྲག་པ་དཀར་སྟོན་ཇོ་སྲས་ལྕགས་ཀྱི་རྡོ་རྗེས་ལན་མང་དུ་གསོལ་བ་བཏབ་པ་ལ་བརྟེན་ནས་མཛད་པ། དཀར་ཆག་དང་རིན་པོ་ཆེ་ཀླུ་བསྒྲུབ་པའི་ཁོག་འབུབས་སུ་འདི་ལྟར་འདུག་ཅིང་རྗེ་མཁྱེན་རྩེའི་ཁོག་འབུབས་ན་གཞུང་ཤིང་དང་རྟོགས་པ་བསྐྱེད་པ་བསྡོམས་པའི་ཆོས་ཚན་དགུ་པོ་གེགས་སེལ་གྱི་འགོར་འདུག་པ་ཚད་མ་བཞི་དང་སྦྱོར་བའི་དབང་དུ་བྱས་ན་དོན་ལ་གནས་སོ། །མན་ངག་གི་གནད་དྲུག་གིས་བཀྲི་བའི་འཁྲིད་ཡིག་ཁྱད་པར་ཅན། བརྩོན་འགྲུས་ཅན་མན་ངག་གི་གནད་བཅུ་གཅིག་གིས་བཀྲི་བའི་འཁྲིད་ཡིག །གང་ཟག་དབང་པོ་རབ་འབྲིང་གསུམ་བཀྲི་བའི་འཁྲིད་ཡིག་དང་བཞི། དེ་ལྟར་ཉམས་སུ་བླངས་པ་ལས་བྱུང་བའི་རྟོགས་པ་བོགས་དབྱུང་བའི་ཕྱིར་རྟོགས་པ་བསྐྱེད་པའི་ཆོས་ལྔ་ལ་ཐོག་མར་ལམ་འཇུག་ལྡོག་མགྱོགས་བྱེད་ཕོ་ཉའི་ལམ་ཕྱག་རྒྱ་འཇུག་ལྡོག །ཤེས་པས་ཕན་འདོགས་པའི་མན་ངག་བདུན། འཁོར་འདས་ཀྱི་ལམ་ཐུན་མོང་དུ་བསྲེ་བ་དང་། འགྲོས་བཞི་བཅས་པའི་ཡི་གེ །ཕྱི་ནང་གི་མཛད་པ་བཅུ་གཉིས། རྟོག་པ་གསལ་བའི་ཕྱིར་དཀར་ཆག་ཀླུ་སྒྲུབ་པའི་ཁོག་འབུབས་ཀྱི་དངོས་བསྟན་ལས་བདག་ཆེན་རྡོ་རྗེ་འཆང་གི་ཕྱག་དཔེའི་དཔེ་རིས་རྣམས་ཅུང་ཟད་མང་བར་སྣང་ངོ་། །འཆི་ལྟས་བརྟག་པ་རྒྱས་པའི་དཔེ་ཆུང་། མ་ངེས་པའི་འཆི་ལྟས་ཀྱི་དཔེ་ཆུང་། དེ་གཉིས་དང་འདྲ་མིན་རེ། རྩའི་དཔེ་རིས་རྒྱས་འབྲིང་བསྡུས་གསུམ། གསུམ་ངག་དཀྱུས་དང་སྲས་དོན་མའི་ལུགས་ཀྱི་བྷ་གའི་ཡི་གེ་བཅུ་བཞིའི་དཔེ་ཆུང་སོ་སོ། ཡང་བྷ་གའི་དཔེ་ཆུང་ལུགས་གཅིག་ཉམས་སྐྱེ་ཚུལ་དང་བཅས་པ། རྣལ་འབྱོར་གྱི་འཕྲིན་ལས་སུམ་ཅུ་རྩ་གཉིས་དཔེ་རིས། གེགས་སེལ་གཞན་གྱི་དཔེ་ཆུང་གཉིས། ལམ་སྦས་
བཤད་ཀྱི་རིགས་དྲུག་སྐྱེ་བ་བརྟག་པའི་དཔེ་ཆུང་རྣམས་རྣམ་གྲངས་གཅིག་ཏུ་འདྲེན་ནོ། །གང་ཟག་དབང་པོ་རབ་བླ་མས་གྲོལ་བས་ལམ་གཞན་ལ་ལྟོས་མི་དགོས་པ་དེའི་ཆ་རྐྱེན་ལམ་ཟབ་འབྲིང་གསུམ་ལས་ལམ་ཟབ་མོ་བླ་མའི་རྣལ་འབྱོར་བླ་མ་ཆེན་པོའི་དབུ་བསྙུང་མ། འདི་ཡན་ལ་རྟོག་པ་གསལ་བའི་སྐོར་མ་གཏོགས་དངོས་བསྟན་གྱི་ཡི་གེ་རྣམས་ཀྱི་སྟེང་དབང་ཆུ། སྒྲུབ་ཐབས་ཡན་ལག་ཞེ་དྲུག །བདག་མེད་མའི་སྒྲུབ་ཐབས། སྦྱིན་སྲེག་རྣམས་བསྣན་པའི་ཆོས་སྣ་སུམ་ཅུ་པོ་ཉམས་མྱོང་ཚད་མ་ཡིན་ནོ། །ཚད་མ་བཞི་པ་བཀའ་ཡང་དག་པའི་ལུང་ཚད་མ་དང་སྦྱོར་བར་ལུང་ཚད་མ་གསུང་ངག་རིན་པོ་ཆེ་འདི་ཉིད་དང་མདོར་བསྡུས་ཏེ་སྦྱོར་བ་ལམ་ཕྱི་མ་གཉིས་ཀྱང་དེ་བཞིན་དུ་ཤེས་པར་བྱའོའི་མཐའ་ཅན། གསུང་ངག་རིན་པོ་ཆེ་ལུང་མཐའ་དག་དང་མདོར་བསྡུས་ཏེ་སྦྱར་བ་གསུང་ངག་ཚད་མ་ལུང་དང་སྦྱར་བའི་གདམས་ངག་གོའི་མཐའ་ཅན། རྗེ་བཙུན་བརྩེ་བ་ཆེན་པོས་མཛད་པའི་གསུང་ངག་རིན་པོ་ཆེ་ལུང་འདི་ཉིད་དང་ཞིབ་ཏུ་སྦྱར་བ་དཀར་ཆག་ཏུ་ལུང་འདི་ཉིད་དང་ཞིབ་ཏུ་སྦྱར་བ་ནི་ལོགས་སུ་ཤེས་པར་བྱའོ་གསུང་བ་འདི་ཡིན་པས། དཔེ་ལ་ལར་དམར་གྱིས་མཛད་ཚུལ་འདུག་པའི་མཆན་བུ་ལྟ་བུ་དམར་གྱིས་མཛད་པ་ཡོད་སྲིད་པ་ལ་འཁྲུལ་ལམ་སྙམ་མོ། །ཕྲ་མོའི་ཆོས་སྡེར་ཡང་སྣང་ངོ་། །གླེང་གཞི་དང་གླེང་བསླང་བ་དང་རྒྱུད་ཀྱི་ཡན་ལག་རྒྱས་པར་དབྱེ་བ་དང་སྦྱར་བ་གསུམ་གྱི་སྒོ་ནས་བསྟན་པ་ལུང་སྦྱོར་གསུམ་པོ་འདི་ལུང་ཚད་མ། མཚོན་གྱིས་བསྲུང་ལ་མཁའ་འགྲོས་བཟོད་པར་གསོལ་གྱི་མཐའ་ཅན། བླ་མ་ཚད་མ་སྦྱར་བའི་སྐབས་ཀྱི་བླ་མ་བརྒྱུད་པ་རྒྱ་གར་བའི་ལོ་རྒྱུས་ཞེས་པ་རྣལ་འབྱོར་དབང་ཕྱུག་གི་རྣམ་ཐར། འདི་གཉིས་བླ་མ་ཚད་མའོ། །བླ་མ་བརྒྱུད་པ་བོད་ཀྱི་ལོ་རྒྱུས་ཞེས་པ་འབྲོག་མི་ལོ་ཆེན་ནས་ས་སྐྱ་པ་ཆེན་པོའི་བར་གྱི་རྟོགས་བརྗོད་མདོར་
བསྡུས། འདི་ཡན་གྱིས་ལམ་འབྲས་གླེགས་བམ་ཆོས་སྣ་དྲུག་ཅུ་ཞེས་པ་ཚང་བ་ཡིན་ལ། རྗེས་འབྲང་ལ་ལ་དག་རྡོ་རྗེའི་ཚིག་རྐང་དང་རྟོག་གསལ་དོར་ནས་ཡི་གེ་མེད་པའི་ལུང་སྦྱོར་རྒྱས་པ་དང་ཕྲ་མོའི་དཀར་ཆག་གཉིས་འདྲེན་པ་དང་། ངོར་ལུགས་པ་འགའ་ཞིག་རྡོ་རྗེའི་ཚིག་རྐང་གི་ཚབ་ཏུ་མན་ངག་ཕྲ་མོ་གཞན་རྣམས་གཅིག་ཏུ་འདྲེན་པར་དཀར་ཆག་ཏུ་མན་ངག་ཕྲ་མོ་གཞན་གྱི་དཀར་ཆག་ནི་བྲི་བར་མ་ནུས་ཞེས་པ་དང་དངོས་སུ་འགལ། རྫོང་པའི་བཞེད་པར་རྡོ་རྗེའི་ཚིག་རྐང་གི་ཚབ་ཏུ་གཡག་དྲུག་ཅུའི་གྲངས་སུ་རྫིའུ་བརྩི་བ་ལྟར་དཀར་ཆག་འདྲེན་པ་འདུག་ནའང་རང་རེ་ཁའུ་བྲག་རྫོང་པའི་བརྒྱུད་འཛིན་གསང་ཆེན་སློབ་བཤད་པ་རྣམས་ཀྱི་ལུགས་ལ་མི་བཞེད་ཅིང་། དེང་སང་ཡོངས་གྲགས་ལ་གླེགས་བམ་དུ་ངེས་པར་བཞུགས་དགོས་པ་བཞི་བཅུ་ཞེ་དགུ་དཀར་ཆག་ལ་སྔ་སྩོམ་ཕྱི་རྩོམ་གྱི་ཁྱད་ནས་ལ་ལར་འཁོར་འདས་དབྱེར་མེད་རྩ་འགྲེལ་མེད་འདུག་པ་དེའི་དབང་གིས་ཞེ་དགུར་ངོས་བཟུང་ངམ་སྙམ། ཞེས་གྲགས་ནའང་དཀར་ཆག་གི་ཚིག་གིས་ཟིན་པ་ལྔ་བཅུ་ང་གཅིག །ལོགས་སུ་བཞུགས་པ་བྱིན་རླབས་ཀྱི་བརྒྱུད་པ་མ་ཉམས་པ་དང་ལུང་འདི་ཉིད་དང་ཞིབ་ཏུ་སྦྱར་བ་གཉིས། གླེགས་བམ་འདིར་བཞུགས་ཀྱང་རུང་ཞིང་མ་བཞུགས་ཀྱང་རུང་བའི་ཡིག་སྣ་བདུན་དང་བཅས་པས་ཆོས་སྡེ་དྲུག་ཅུ་ཐམ་པ། ཡང་ཆོས་སྡེ་དྲུག་ཅུར་དངོས་སུ་མི་གཏོགས་པར་གླེགས་བམ་དུ་བཞུགས་པ། བདེ་བར་གཤེགས་པའི་བཀའ་༼ཞ༽ཡང་དག་པ་ལུང་གི་ཚད་མ་ལུང་འདི་ཉིད་དང་སྦྱར་ན་མཐར་ཐུག་རྡོ་རྗེ་འཆང་ཆེན་པོ་ཉིད་ཀྱི་བཀའི་དབང་དུ་བྱས་ཏེ་གླེང་གཞིའི་མདོ་དང་གླེང་བསླང་གི་མདོ་རྒྱུད་དོན་རྒྱས་པ་དང་སྦྱར་བ་སློབ་དཔོན་རིན་པོ་ཆེས་མཛད་པ་ཕྲ་མོའི་ཆོས་སྡེར་ཡང་ཐེ། མཇུག་ན་འདི་ནི་
བདག་ཅག་སྤུན་གཉིས་དང་བཀའ་ལུང་པ་དང་རྨོག་སྟོན་དང་བཞིས་ཞུས་པ་ལགས་ཞེས་སོགས་ཡོད་པ། རྣམ་འགྲེལ་གཉག་མའི་མཇུག་ཏུ་རྗེ་བཙུན་ས་སྐྱ་པའི་ཕྱག་དཔེ་ལ་གཏུགས་ཏེ་དག་པར་བྱས་སོ་ཞེས་བྲིས་པའི་དཀར་ཤཱཀྱ་གྲགས་ཀྱི་ཕྱག་དཔེ་ལ་དཔེ་ཕྱི་བྱས་པས་ཤིན་ཏུ་ཡིད་ཆེས་པའི་གནས་སུ་རིག་པར་བྱའོ། །འཁོན་བྱ་བྲལ་བ་མ་ཏིའི་མིང་ཅན་གྱི་ཡི་དམ་དུ་བྱ་བའི་ཆོས་་ཞེས་པ་འཇུག་ཏུ་བྲིས་པའི་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་དཔལ་བཟང་པོའི་ཕྱག་དཔེ་དངོས་རྗེ་བཙུན་རྡོ་རིང་པ་ཆེན་པོ། ཚར་ཆེན་རྡོ་རྗེ་འཆང་། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་ཁུ་དབོན་གསུམ་དང་བཅས་པའི་ཕྱག་དཔེའི་སྟེང་ནས་མཆན་རྙིང་པར་མ་ཟད་བདག་ཆེན་རྡོ་རྗེ་འཆང་གི་གསུམ་མཆན་ཕྱག་བྲིས་མ་དང་བཅས་ལེགས་པར་ནོས། དེ་ཡང་རྗེས་འབྲང་གི་མཁས་པ་མང་དག་འདའ་ཁ་མ་ཡན་ལས་རྨི་ལམ་མན་གྱི་འཁྲིད་ལམ་འབྲས་གླེགས་བམ་ཚོར་གསལ་བར་མེད་པས་གསུང་ངག་སློབ་བཤད་ཅེས་བྱ་བ་རྗེ་བཙུན་གོང་མའི་དུས་མེད་སྙམ་པའི་ལོག་རྟོག་གི་མུན་པ་གཏིབས་པ་མང་ནའང་གླེགས་བམ་དཀར་ཆག་ཏུ་ཡི་གེ་མེད་པའི་སྙན་བརྒྱུད་ཀྱི་མན་ངག་མང་ཏུ་ཐོས་མོད། ཡི་གེ་ལ་ཐུན་མོང་དང་གང་ཟག་སོ་སོ་ལ་གནང་ནས་དེ་དག་ཀྱང་ཐུན་མོང་དུ་གནང་བར་གསལ་བ་འདི་དག་ལ་རྗེ་བླ་མས་གཞན་སུ་ལ་ཡང་མ་གནང་བའི་ཡི་གེ་ཁོ་བོ་ཅག་ཁོ་ན་ལ་བྱེ་བྲག་ཏུ་སྦས་ནས་སྣང་བ་ཡོད་ན་དཀོན་ཅོག་གསུམ་དཔང་ངོ་། །ཞེས་གསུངས་པས་གླེགས་བམ་དུ་མ་གྲགས་པའི་ཡི་གེ་མེད་པའི་སྙན་བརྒྱུད་ཡོད་པ་དངོས་སུ་བསྟན་ཞིང་། རྗེ་བཙུན་ས་པཎ་གྱིས། འོན་ཀྱང་རྟེན་འབྲེལ་ཟབ་མོའི་གནད། །ད་དུང་ཀུན་གྱིས་ཤེས་པ་
མེད། །གླེགས་བམ་ཙམ་ལ་བརྟེན་པ་ཡི། །ལམ་འབྲས་པས་ཀྱང་འདི་མི་ཤེས། ཞེས་གླེགས་བམ་ལ་མ་བརྟེན་པའི་སྙན་ནས་སྙན་ཞལ་ནས་ཞལ་དུ་བརྒྱུད་པའི་སློབ་བཤད་ཟབ་མོ་ཡོད་པར་གསུངས་ཤིང་། བླ་མ་ས་སྐྱ་པ་ཆེན་པོའི་དུས་ནས་སློབ་མ་བྱིངས་ལ་མི་སྟོན་པའི་མན་ངག་ཟབ་མོ་ཟུར་པ་ཞིག་ཡོད་བ་ཕྱོགས་ཙམ་རིག་ནས་སྐུར་བ་བཏབ་པར་བརྟེན་རྗེ་བཙུན་ཆེན་པོས། འགྲོ་ལ་བུ་གཅིག་ལྟར་བརྩེ་ཡང་། །བྱེ་བྲག་བུ་ལ་བརྩེ་བ་ཡིས། ཡི་གེ་སྦས་པ་སྣང་ངོ་ཞེས། །བླ་མ་མཆོག་ལ་བསྐུར་མི་བྱ། ཞེས་གསུང་པ་སོགས་ཀྱིས་ལོག་རྟོག་གི་མདུད་པ་ཐམས་ཅད་རང་གྲོལ་དུ་འགྲོའོ། །ཚུལ་དེ་དག་ལ་དགོངས་ནས། ཀུན་མཁྱེན་མཁྱེན་བརྩེའི་ཞབས་ཀྱིས། ཡབ་གཅིག་སྙན་བརྒྱུད་བདུད་རྩིའི་ཟིལ་དངར་ཅན། །ཐུགས་རྗེའི་གེ་སར་བཞད་ལྡན་ཞབས་པདྨོར། །གུས་བཏུད་བུང་བ་བདག་ཀྱང་སློབ་བཤད་ཀྱི། །སྦྲང་རྩི་གསར་པའི་བདེ་བས་ཅི་ཡང་མྱོས། །ཞེས་དང་། རྣམ་ཐར་ལས། འཁྲུལ་མེད་ཆོས་ཀྱི་སྙིང་པོ་འདི་ཐོས་ཚེ། །རབ་འབྱམས་ཤེས་བྱའི་རང་ཞལ་ཚུར་སྟོན་བྱུང་། །ཡོངས་རྫོགས་བསྟན་པའི་ཉམས་ལེན་བརྒྱུད་ལ་ཁེལ། །ཟབ་ཟབ་ཕལ་ཆེར་མིང་རྐྱང་ཙམ་དུ་སོང་། །ཞེས་དང་། མཁས་པའི་དབང་པོ་ཀླུ་སྒྲུབ་པས། ཚོགས་པར་བཤད་པའི་དྲང་དོན་ཟ་ཟིའི་གཏམ། །རྣམ་པར་སྤངས་ནས་སློབ་བུ་མཆོག་དག་ལ། །གཅེས་པར་གདམས་པ་ངེས་དོན་སྙིང་པོའི་བཅུད། །ཟབ་མོ་སློབ་བཤད་འཁྱོངས་པར་བྱིན་གྱིས་རློབས། །ཞེས་གསུང་པ་རང་བཞིན་བརྗོད་ཀྱི་སྙན་ངག་ཁོ་ནར་ཡིད་ཆེས་པའོ། །རྒྱུད་གསུམ་མཛེས་རྒྱན་དུ། དམ་པའི་དྲིན་ལས་ཆོས་འདིའི་ཟབ་པའི་གནད། །མང་པོའི་དོན་ལ་ཁོ་བོ་བློ་གསལ་ཡང་། །ཐུན་མོང་ངག་ཏུ་བརྗོད་
རུང་འགའ་ཞིག་ཙམ། །འཆད་པར་འགྱུར་གྱིས་མཁའ་འགྲོས་སྐབས་ཕྱེ་ཞིག །ཅེས་ཚོགས་བཤད་པ་ཕལ་ཆེར་གྱིས་མགྲིན་པ་བཏེག་ནས་འཆད་པའི་འཁྲིད་ཡིག་འདི་ཉིད་ཐུན་མོང་ཙམ་དུ་བསྟན་པས་ཀྱང་དེ་ལས་ཟབ་པ་ཞིག་མེད་ཅེས་སྨྲ་བའི་ལྕེ་འཆད་པར་སྣང་ངོ་། །རྗེ་ས་སྐྱ་པ་ཆེན་པོས་གསུང་ངག་འདི་ལ་ཞུ་བ་པོ་སོ་སོའི་དོན་དུ་མཛད་པའི་རྣམ་འགྲེལ་བཅུ་གཅིག་ཙམ་ཡོད་པའི་ནང་ནས་ཤིན་ཏུ་ཟབ་ཅིང་རྒྱས་པ་རིགས་ཀྱི་སྲས་སློབ་དཔོན་རིན་པོ་ཆེ་སྐུ་མཆེད་གཉིས་ཀྱི་དོན་དུ་མཛད་པའི་རྣམ་འགྲེལ་སྲས་དོན་མར་༼ས༽གྲགས་པ་རྡོ་རྗེའི་ཚིག་རྐང་ཡིད་བཞིན་གྱི་ནོར་བུ་རིན་པོ་ཆེའི་བཤད་པ་ཞལ་ནས་ཞལ་དུ་བརྒྱུད་པའི་གདམས་ངག་རྫོགས་བྱང་གི་མཐའ་ཅན། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་མཛད་པའི་གླེགས་བམ་པོད་ནག་ཏུ་གྲགས་༼ཉི༽པའི་སྐོར་ལ། བླ་མ་བརྒྱུད་པའི་རྣམ་ཐར་ངོ་མཚར་སྣང་བ། ཕྱི་དཀྱིལ་གྱི་མངོན་རྟོགས་ཡན་ལག་དྲུག་པ། ལམ་དུས་ཀྱི་སྨིན་བྱེད་མཆོག་གི་དབང་བསྐུར་བའི་ཚུལ་ཟབ་པ་ལས་ཀྱང་ཆེས་ཟབ་པ། ཀྱེ་རྡོ་རྗེའི་སྒྲུབ་ཐབས་ལམ་དུས་དབང་གི་ཉམས་ལེན་དགེ་བཤེས་ཀུན་དགའ་རྒྱལ་མཚན་གྱི་ངོར་མཛད་པ། བླ་མ་ལ་བརྟེན་ནས་དངོས་གྲུབ་རྣམ་གཉིས་སྒྲུབ་པའི་རྣལ་འབྱོར་ཡར་ཀླུངས་པ་སེང་གེ་རྒྱལ་མཚན་དང་བླ་མ་སྲས་པའི་དོན་དུ་མཛད་པ། ལམ་ཟབ་མོ་བླ་མའི་རྣལ་འབྱོར་གྱི་ཡན་ལག་མདོ་སྟོད་པ་ཆོས་རྒྱལ་འོད་ཟེར་གྱི་ངོར་མཛད་པ། ལམ་འབྲས་བུ་དང་བཅས་པའི་གཞུང་ཇི་ལྟ་བ་བཞིན་དཀྲི་བའི་འཁྲིད་ཡིག་སྦས་དོན་གསལ་བ། གནད་དྲུག་གིས་བཀྲི་བའི་འཁྲིད་ཀྱི་གསལ་བྱེད་གནད་ཀྱི་ལྡེ་མིག །གནད་བཅུ་གཅིག་གིས་དཀྲི་བའི་འཁྲིད་ཀྱི་གསལ་བྱེད་གནད་ཀྱི་སྒོ་འབྱེད།
དབང་པོ་རབ་འབྲིང་ཐ་གསུམ་བཀྲི་བའི་འཁྲིད་ཀྱི་གསལ་བྱེད་ཉུང་དུ་རྣམ་གསལ། ལམ་འབྲས་འབྲིང་དུ་བསྡུས་ནས་སྣང་བ་གསུམ་དུ་གང་ཟག་གཅིག་ལ་དགོས་པ་ཕྱོགས་གཅིག་ཏུ་བསྒྲིགས་ནས་རྗོད་བྱེད་ཀྱི་སྒྲ་ལ་མ་ལྟོས་པར་བརྗོད་བྱའི་དོན་གཙོ་བོའི་དབང་དུ་བྱས་ནས་མ་ཚང་བ་མེད་པར་བསྟན་པའི་སྙན་བརྒྱུད། ལམ་འབྲས་བུ་དང་བཅས་པའི་གདམས་ངག་རྣམ་པར་བཤད་པ་མན་ངག་གི་མཛོད་རྣམས། ལམ་འབྲས་སྐོར་ལྷག་མ་དང་བཅས་པའི་ཐོ་ཡིག་མན་ངག་ཕྲ་མོར་གྲགས་༼ཉི༽པའི་སྐོར་ལ། རྫོང་ཆུང་པ་རྩང་རུས་ཀྱི་མིང་། བྱམས་པ་རྡོ་རྗེ་རྒྱལ་མཚན་གྱིས་མཛད་པའི་དཀར་ཆག །དེ་ལས་བྱུང་བའི་གདམས་སྐོར་ལ། ས་ཆེན་གྱིས་མཛད་པ། སློབ་དཔོན་རིན་པོ་ཆེས་མཛད་པ། རྗེ་བཙུན་རིན་པོ་ཆེས་མཛད་པ། ས་པཎ་གྱིས་མཛད་པ། འཕགས་པས་མཛད་པ། རྗེས་འབྲང་གི་ཡི་གེ་དང་དྲུག །དང་པོ་ལ། བྱིན་རླབས། གེགས་སེལ། སྤྱི་འགྲོའི་ཡི་གེ་དང་གསུམ། དང་པོ་ལ། ལམ་དུས་ཀྱི་དབང་ཆོག་གམ་ལུས་ཀྱི་དཀྱིལ་འཁོར་གྱི་བྱིན་རླབས་མདོར་བསྡུས་ཀྱི་ཆོ་ག་བླ་མ་ས་སྐྱ་པ་ཆེན་པོས་མཛད་པ་དབང་ཚིག་ཙམ་གྱིས་ཐོབ་པའི་གདམས་ངག་ས་མ་བ་ཏ་མའི་མཐའ་ཅན། དེས་མཛད་པའི་བདག་མེད་མའི་བྱིན་རླབས་ཀྱི་བརྒྱུད་པ་མ་ཉམས་པར་བསྐུར་བའི་ཕྱག་ལེན་ཐོ་ཡིག །འདི་གླེགས་བམ་དུའང་གཏོགས། པོད་དམར་ན་གྲགས་པས་མཛད་ཟེར། དེས་མཛད་པའི་བིར་བསྲུང་པོད་དམར་ན་འཕགས་པས་མཛད་པར་བཞེད། འདིའི་ལུང་ལེན་པར་འདོད་པ་ལ་བིཪྺ་པའི་བྱིན་རླབས་ས་སྐྱ་པ་ལ་གནང་སྟེ་རིམ་པར་བརྒྱུད་པའི་མཐའ་ཅན། དེས་མཛད་པའི་ཨཥྚལ་བརྟེན་ནས་དཔལ་ཀྱེ་རྡོ་རྗེའི་བཟླས་པའི་ལུང་སྦྱིན་པ་ནུས་པ་དང་ལྡན་པ་འགྱུར་གསུང་བའི་མཐའ་ཅན་རྣམས། པོད་
དམར་གྱིས་དེ་འདི་དང་ཚིག་མི་མཐུན། གཉིས་པ་གེགས་སེལ་ལ། གེགས་སེལ་ཉམས་ཆེན་མོ་ཞེས་པོད་དམར་ནའང་ཡོད། པ་དབུ་ན་བིཪྺ་ནཱ་ཐ་ཡ་དང་རི་ཀླུང་ལ་སོགས་སུ་ཅུང་ཟད་བཅགས་པས་སྤྱིར་གཅེས་པ་ཡིན་གསུང་པའི་མཐའ་ཅན། འདི་ལ་ཡི་གེ་འདྲ་མིན་འགའ་རེ་ཡོད་པར་གྲགས་ནའང་དེང་སང་གླེགས་བམ་དུ་གཅིག་པུ་འདི་ལས་མི་བཞུགས་ཤིང་ཡི་གེ་ཚན་པ་བརྒྱད་ཀྱི་བསྒྲིགས་རིམ་ཙམ་ལས་ཚིག་དོན་ལ་ཁྱད་མེད་ཚུལ་དཀར་ཆག་ཏུ་གསལ། གེགས་སེལ་ཉམས་ལེན་ཆུང་བ་བླ་མ་ཆེན་པོའི་གདམས་པ་དམར་འཁྲིད་ཐུགས་ཀྱི་ཉིང་ཁུ་ཡི་གེའི་རིས་སུ་བཀོད་པ་པོའི་མཐའ་ཅན་པོད་དམར་ནའང་ཡོད། ལྷོ་བྲག་དཀར་སྟོན་ལ་གནང་བའི་གེགས་སེལ་བར་གཅོད་རྣམ་གསུམ་སེལ་བ། པོད་དམར་ནའང་ཡོད། དཔལ་ས་སྐྱ་པ་ཆེན་པོའི་གེགས་སེལ་བཀའ་རྒྱ་མ། པོད་དམར་ནའང་ཡོད། འདིའི་མཆོད་བརྗོད་དུ། འཇམ་དཔལ་དབྱངས་ཀྱི་ཞབས་རྡུལ་གུས་ལེན་པ། ཆོས་ཀྱི་རྒྱལ་པོ་ཞེས་བྱ་དམར་གྱིས་ཞུས། ཞེས་པའི་ཚིག་རིགས་ལ་འཁྲུལ་ནས་དམར་གྱིས་མཛད་པར་བཞེད་པ་བྱུང་ནའང་དེ་ཞུས་དག་མཛད་ནས་ཚིག་རིགས་དེ་རྣམས་བསྣན་པ་མ་གཏོགས་འཇུག་གི་མཆན་བུར་ཛང་ཛ་ནེ། གཙང་བཞེར། རྡོ་རྗེ་རྒྱལ་མཚན་ལ་སོགས་པ་ཁམས་པ་ལྔ་སྟེ་བདུན་ལ་གནང་བཀའ་རྒྱས་ཀྱང་བཏབ་བོ། །ཛང་གིས་བླ་ཆེན་ལ་ཞུས་ནས་རྗེ་པ་སྐུ་མཆེད་གཉིས་སྦྲན་པས། རྗེ་པའི་ཞལ་ནས། ཛང་འདི་ངེད་ལ་དྲིན་ཆེ་གསུངས་སོ། །ཞེས་པའི་ཚིག་གི་ནུས་པས་ཀྱང་བརྩེ་བ་ཆེན་པོའི་གསུང་ཡིན་པར་ངེས་ནུས་སོ། །གེགས་སེལ་གཅེས་བསྡུས་ཞེས་པ་རྟེན་འབྲེལ་ཟབ་མོའི་གནད་གཞན་གྱིས་ངེས་པར་བསྲུང་ངོའི་མཐའ་ཅན། དཀར་ཆག་ཏུ་ཡི་གེ་ཚན་པ་ཉི་
ཤུ་རྩ་གཉིས་ཡོད་གསུངས་ཀྱང་ཀ་ཐོར་ཡ་ཡན་གྱི་ཉེར་བཞི་འདུག་པ་དཔྱད། གེགས་སེལ་གསང་བདུན་མ་ཞེས་པ་སྒམ་ལ་འཕྲ་གེགས་བྱུང་ན་ཞལ་གདམས་གདབ་ཅེས་པའི་མཐའ་ཅན། པོད་དམར་ནའང་ཡོད། གེགས་སེལ་ཧ་དམིགས་མ་རགས་པ་ཙམ་ལགས་ཀྱི་མཐའ་ཅན། ལུང་སྦྱོར་ཉི་ཤུ་པ་རྣམས། གསུམ་པ་སྤྱི་འགྲོའི་ཡི་གེ་ལ། དབང་བཞི་ངོ་སྤྲོད་ཀྱི་ཚིགས་བཅད་མ་རྩ་འགྲེལ། པོད་དམར་ནའང་ཡོད། ལམ་བསྡུས་པ་ངོ་བོ་ཉིད་གསུམ་ཞེས་པ་ལམ་དང་འབྲས་བུའི་ཆོས་ཐམས་ཅད་མདོར་བསྡུས་ཏེ་བསྟན་པ། གསང་བཅུ་སྤྱོད་པའི་རྣལ་འབྱོར་མཐར་བསྐྱལ་བའི་སྤྱོད་པ་རྫོགས་བྱང་གི་མཐའ་ཅན། གསུང་ངག་རིན་པོ་ཆེ་ལུང་འདི་ཉིད་དང་ཞིབ་ཏུ་སྦྱར་བ་རྣམས། འདི་གླེགས་བམ་དུའང་གཏོགས། འདི་ཚོར་སྦྱར་བྱང་མེད་པ་འགའ་ཞིག་འདུག་ཅིང་དཀར་ཆག་ཏུ་འགའ་ཞིག་དངོས་ཀྱི་སློབ་མས་གསུང་ལས་ཟིན་པའི་བྲིས་པའང་འདྲའོ་ཞེས་བྱུང་བས་ཀྱང་ཤེས་སོ། །གཉིས་པ་སློབ་དཔོན་རིན་པོ་ཆེས་མཛད་པ་ནི། ལུང་འདི་ཉིད་དང་ཞིབ་ཏུ་སྦྱར་བ་མཆན་བུ་མ་མཇུག་ཏུ། འདི་གླེགས་བམ་གྱི་ཆོས་སྡེར་མི་གཏོགས་ཀྱང་བདག་ཆེན་རྡོ་རྗེ་འཆང་དང་ལོ་པ་སྤྱན་སྔ་སོགས་ཀྱི་ཕྱག་དཔེ་ཁུངས་ཐུབ་ཚོར་གླེགས་བམ་གྱི་མཇུག་ཏུ་བྲིས་འདུག །འདི་ནི་བདག་ཅག་སྤུན་གཉིས་དང་བཀའ་ལུང་པ་དང་རྨོག་སྟོན་པ་བཞིས་ཞུས་ཚུལ་ཡོད་པ། གསུམ་པ་རྗེ་བཙུན་རིན་པོ་ཆེ་མཛད་པ་ལ། གསོལ་འདེབས། ཞལ་གདམས། རྣམ་ཐར་དང་གསུམ། དང་པོ་ལ། ལམ་འབྲས་བརྒྱུད་པའི་གསོལ་འདེབས་ཆེ་བ་བླ་མ་རྡོར་འཛིན་མ། པོད་དམར་ནའང་ཡོད། ཆུང་བ་རྡོ་རྗེ་འཆང་གཙོ་མ། གཉིས་པ་ཞལ་གདམས་ལ། བྲ་སྟོན་བློ་གྲོས་ལ་གདམས་པ། མཇུག་ན་ཤློ་ཀ་གཅིག་ཐོལ་དུ་ཡོད་པ་ཞིག་པོད་དམར་ནའང་ཡོད། དགའ་སྟོན་རྡོ་རྗེ་གྲགས་པར་སྤྲིངས་པ། པོད་དམར་ནའང་ཡོད།
གསུམ་པ་རྣམ་ཐར་ལ། བླ་མ་ཆེན་པོའི་ངོ་མཚར་བའི་གཏམ་མང་དུ་ཡོད་པའི་ནང་ནས་དང་པོ་གུང་ཐང་དུ་བཞུགས་པ་དང་གཉིས་པ་བཟང་རྒྱུད་འབྲོག་གསེབ་ཏུ་བྱོན་ཚུལ་སྐོར། བཞི་པ་ས་པཎ་གྱིས་མཛད་པ་ལ། འཁྲིད། བཤད་པ། ལམ་ཟབ། བིར་བསྲུང་དང་བཞི། དང་པོ་ལ། ལམ་འབྲས་བུ་དང་བཅས་པའི་འཁྲིད་ཀྱི་དཀར་ཆག །འདི་གསུང་ཡིན་མིན་ལ་རྩོད་པ་བྱུང་ནའང་བཀའ་སྒྲུབ་བསྟན་པའི་སྐབས་བསྒྲུབས་ཟིན་ཞེས་པ་དཀར་ཆག་ཏུ་འདུག་གོ །ལམ་སྦས་༼ཎ༽པོད་དམར་ནའང་ཡོད། བཤད། འདི་ལ་འདྲ་མིན་འགའ་ཞིག་བྱུང་བར་བརྟེན། ཇི་སྐད་དུ། བདག་ནི་གསང་སྔགས་ཟབ་མོའི་དོན། ཡི་གེར་བྱེད་ལ་ཅུང་ཟད་སྐྲག །འོན་ཀྱང་གཞན་གྱིས་སྦྱར་བ་ལ། །བླ་མའི་གསུང་དང་འགལ་བར་མཐོང་། །དེས་ན་གསུང་དང་མཐུན་པར་བཀོད། །ཅེས་ཆེད་དུ་གཉེར་ནས་མཛད་པ་ཡིན་ནོ། །དེའི་ཡན་ལག་རྣལ་འབྱོར་དབང་ཕྱུག་གི་ཞལ་གྱི་གདམས་པ་ཐུན་མོང་གི་དངོས་གྲུབ་ཆེན་པོ་བཅུ་ཞེས་པ། ཚེ་སྒྲུབ། རྡོ་རྗེ་ཆུ་འཐུང་། ཐིག་ལེ་འཛག་མེད། ལྟེ་བསྒྱུར། རླུང་གི་བཅུད་ལེན། འཆི་བླུ། དབང་བསྡུད། གདོན་འགྲོལ། ནོར་སྒྲུབ། སྐྱེ་བ་བརྟག་པ་དང་། ཕྲ་མོ་བརྒྱད་ཅེས་པ་གཟའ་བསྲུང་། བགེགས་བསྲུང་། རྐྱལ་པ་ཁ་གཅུ། མིག་གི་རབ་རིབ། ལྕེ་དིག །སྙིང་རླུང་རྣམས་སེལ་བ། དྲོད་སྐྱེ་བ། རྟེན་འབྲེལ་བརྟག་པའི་གདམས་པ་རྩ་འགྲེལ། པོད་དམར་ནའང་ཡོད། རྗེ་བཙུན་ཆེན་པོ་དགུང་ལོ་ལྔ་བཅུ་རྩ་དྲུག་བཞེས་དུས་བརྩེ་བ་ཆེན་པོས་གནང་བའི་བརྡ་དོན་གསལ་བའི་རྩ་འགྲེལ་རྡོ་རྗེ་འཛིན་ཐོབ་ཤོག་གི་མཐའ་ཅན། པོད་དམར་ནའང་ཡོད། དེའི་ཡན་ལག་འཁྲིད་ཀྱི་ལུང་སྦྱོར་རྒྱས་བསྡུས་རྣམས་ལ་བལྟ་བར་བྱའོའི་མཐའ་
ཅན། ལམ་བསྡུས་ཏེ་སྒྲུབ་པའི་ལུང་སྦྱིན་པའི་ཡི་གེ་རྣམས། པོད་དམར་ནའང་ཡོད། གཉིས་པ་བཤད་པ་ལ། རྩ་སྔགས་ཀྱི་རྣམ་པར་བཤད་པ་སྙིང་པོའི་དོན་གསལ། པོད་དམར་ནའང་ཡོད། ཕྱག་རྒྱ་ཆེན་པོའི་རབ་ཏུ་དབྱེ་བ། པོད་དམར་ན་མཇུག་ཏུ་སྐྱེ་བ་སྐྱེ་བ་མེད་པ་སོགས་ཀྱི་ཤློ་ཀ་གཅིག་ཐོལ་དུ་ཡོད་པ་ཞིག་སྣང་། རྡོ་རྗེའི་ཚིག་རྐང་ལས་རྟེན་འབྲེལ་ལྔས་ལམ་ཡོངས་སུ་རྫོགས་པར་གསུངས་པའི་དགོངས་པ་ཕྱོགས་ཙམ་བསྟན་པ། པོད་དམར་ནའང་ཡོད། རླུང་ལྟས་རྟེན་འབྲེལ་བརྟག་པ། ས་བདུན་པ་ཡན་ཆད་འཁོར་བཞིའི་རྒྱ་ཞེས་པའི་དགོངས་པ་སྟོན་པ། པོད་དམར་ནའང་ཡོད། འགོར་བླ་མའི་ཞལ་ནས་ཞེས་པ་དང་དབུ་མ་ལ་དབང་ཕྱུག་གི་མིང་བཏགས་པ་ནི་དབུ་མའི་ཡོན་ཏན་བརྒྱད་དོའི་མཐའ་ཅན་རྣམས། དཀར་ཆག་ན་ས་པཎ་ཟིན་བྲིས་ཟེར། གསུམ་པ་ལམ་ཟབ་ནི། བླ་མའི་རྣལ་འབྱོར་ཐུན་མོང་མ་ཡིན་པ་ལིང་ཆུ་རྩེ་ཁབ་མ། པོད་དམར་ནའང་ཡོད། བླ་མའི་རྣལ་འབྱོར་གུ་ཤྲཱི་ཇོ་འབུམ་ལ་འསྲིངས་པ་ནད་འདོན་མར་གྲགས་པ། བཞི་བ་བིར་བསྲུང་ལ། བིར་བསྲུང་ཐུན་མོང་མ་ཡིན་པ་ཆུ་ལ་བརྟེན་པའི་རྒྱུན་བསྲུང་དང་མི་བསྐྱོད་པ་ལ་བརྟེན་ནས་ནམ་དགོས་སུ་བསྲུང་བ། སྔགས་བྱང་ཞུ་དག་མ། རྡོ་རྗེ་བསྲུང་བའི་ཕྱག་རྒྱ། ཙཀྲའི་བསྲུང་བ། ཐབས་ཤེས་ཀྱི་བསྲུང་བ་སྟེ་བསྲུང་བ་གསུམ། རིལ་བུ་བཅུད་ལེན་སྒྲུབ་པ་རྣམས། ལྔ་པ་འཕགས་པས་མཛད་པ་ལ། ཕྱག་མཆོད། འཁྲིད། ལུས་དཀྱིལ། ལམ་ཟབ། ཐོར་བུ་དང་ལྔ། དང་པོ་ནི། ཆུ་མོ་གླང་གི་ལོའི་ནག་པ་ཟླ་བ་ལ་མཛད་པའི་ལས་འབྲས་བརྒྱུད་པའི་ཕྱག་མཆོད་སངས་རྒྱས་ཀུན་ངོ་མ། གཉིས་པ་འཁྲིད་ལ། དག་པ་རྣམ་གསུམ་གྱི་སྒོ་ནས་རྣལ་འབྱོར་པས་ཉམས་སུ་བླང་བའི་འཁྲིད་ཡིག །རྒྱལ་པོ་ལ་ཕུལ་བའི་དབང་གསུམ་པའི་ལམ་རྒྱས་བསྡུས་
གཉིས་སོ། །གསུམ་པ་ལུས་ཀྱི་དཀྱིལ་ལ། ཀྱེ་རྡོ་རྗེའི་ལུས་ཀྱི་དཀྱིལ་འཁོར་དུ་དབང་བསྐུར་བ་བླ་མ་ཉིས་ཐོག་པར་གནང་བ། དཔལ་ཀྱེ་རྡོ་རྗེའི་ལུས་ཀྱི་དཀྱིལ་འཁོར་སྒོམ་པའི་ཐབས་ལྕགས་ཕོ་རྟའི་ལོ་གསར་ཤར་བའི་ཚེ་མཛད་ནས་ཇིན་གྱིམ་ལ་ཕུལ་བ། ལམ་དུས་ཀྱིས་དབང་རྒྱས་པར་ལེན་པའི་ལག་ལེན་དཔོན་མོ་གོ་གོ་ཅན་གྱི་དོན་དུ་ཤིང་ཕོ་ཁྱི་ལོར་མཛད་པ། བཞི་པ་ལམ་ཟབ་ལ། བླ་མའི་རྣལ་འབྱོར་གྱི་མན་ངག་ལའུ་ཤུམ། བླ་མའི་རྣལ་འབྱོར་ཤོད་དགོན་སྤྱན་སྔ་མ་མེ་ཕོ་བྱི་བའི་ལོ་ལ་མཛད་པ་རྣམས། ལྔ་པ་ཐོར་བུ་ལ། བིར་བསྲུང་ཐུན་མོང་བར་གྲགས་པ་ཞར་བྱུང་ཆུ་བསྲུང་། པོད་དམར་ནའང་ཡོད། རྡོ་རྗེ་རྩེ་གསུམ། ཕྱག་རྒྱ། སྔགས་རྒྱ། དམིགས་པ། ལམ་བསྲུང་། ཉལ་བསྲུང་དང་བཅས་བསྟན་པ། བདུད་རྩི་རིལ་བུའི་སྒྲུབ་པ་བདུད་རྩི་འབྱུང་བ། པོད་དམར་ནའང་ཡོད། ཟ་བྱེད་རྡོ་རྗེ་མཁའ་འགྲོའི་སྦྱིན་སྲེག །ཚོགས་སྦྱོར་མངོན་རྟོགས་རྣམས། པོད་དམར་ནའང་ཡོད། དྲུག་པ་གསལ་བྱེད་རྗེས་༼མཻ༽འབྲང་གི་ཡི་གེ་ལ། ས་ཆེན་གྱི་ཡི་གེའི་གསལ་བྱེད། ས་པཎ་གྱི་ཡི་གེའི་གསལ་བྱེད། འཕགས་པའི་ཡི་གེའི་གསལ་བྱེད། གཉག་མ་ཆ་ལག་དང་བཅས་པའི་ཡི་གེའི་གསལ་བྱེད་དང་བཞི། དང་པོ་ལ། ལུས་དཀྱིལ་དབང་ཆོག་གི་གསལ་བྱེད་དཔལ་ལྡན་བློ་གྲོས་བརྟན་པས་ལྕགས་ཡོས་ས་ག་ཟླ་བའི་ཚེས་བཅུ་ལ་མཛད་པའི་ལུས་དཀྱིལ་ཆོ་ག་གསལ་བའི་སྒྲོན་མེ། ཉམས་ཆེན་མོ་སོགས་ཀྱི་གསལ་བྱེད་འགོར་གེགས་སེལ་དཀར་སྟོན་མ་ཞེས་ཡོད་པའི་བརྡ་འགྲོལ་ཆེན་མོ་ཀ་ནས་བའི་བར་ཏེ་མན་ངག་བཅོ་ལྔ་ཡོད་པ། ས་རྒྱ་རྐང་པས་ཆོས་ཀྱིས་སྲིན་བུའི་ཞལ་དགག་པ་སོགས་བརྡ་འགྲོལ་ཆུང་བ་གཅིག་ནས་བརྒྱད་ཀྱི་བར་གྱི་མན་
ངག །དཀར་སྟོན་མའི་གསལ་བྱེད་ནང་འབྱུང་བ་ཕྱི་རོལ་གདོན་གསང་བ་ཏིང་འཛིན་སེམས་ཀྱི་བར་ཆད་རྣམ་གསུམ་གསལ་བསྒྲུབ་ཐབས་ལྟར་རོས་མ་པ་ཐ་མི་ཐིའི་མཐའ་ཅན། བཀའ་རྒྱ་མའི་གསལ་བྱེད་ན་བཟའ་པའི་དབྱུག །བཅོས་ཚེགས་ཆུང་ལ་དོན་ཆེ་བ་གསལ་བྱེད་སྒྲོན་མེ། དབང་བཞི་ངོ་སྤྲོད་ཀྱི་གསལ་བྱེད་ངོ་སྤྲོད་བྱིན་རླབས་ཀྱི་ལག་ལེན་བར་སྟོན་རྡོ་རྗེ་རྒྱལ་མཚན་གྱི་མཛད་པ་རྣམས། གཉིས་པ་ས་པཎ་གྱི་ཡི་གེའི་གསལ་བྱེད་ལ། འཁྲིད་ཀྱི་དམིགས་པའི་ཐུན་གྱི་དཀར་ཆག་གི་གསལ་བྱེད་ཟངས་ཚ་བསོད་ནམས་རྒྱལ་མཚན་གྱི་ཟིན་བྲིས། ཆོས་རྗེ་གཟུངས་པས་བླ་མ་ཀླུ་པ་ལ་གནང་བའི་བླ་མའི་རྣལ་འབྱོར་ཐུན་མོང་མ་ཡིན་པ་སིདྷ་དྷྭ་ཛའི་དྲི་ལན། ལམ་སྦས་བཤད་ཀྱི་གསལ་བྱེད་འགོར་འདི་ལ་རྫའི་འཁོར་ལོ་སོར་བཞི་པ་ཞེས་ཡོད་པའི་སྦས་བཤད་ལག་ལེན་ཟིན་བྲིས་འཁྲུལ་འཁོར་བདུན་པོ་སྟོན་གྱིན་གདའ་འོའི་མཐའ་ཅན། ཕྲ་གྲུབ་ཀྱི་གསལ་བྱེད་འགོར་དཔལ་ལྡན་མཐུ་སྟོབས་དབང་ཕྱུག་དང་ཞེས་ཡོད་པའི་གྲུབ་ཆེན་དང་ཕྲ་མོའི་ཞལ་ཤེས་ཟིན་བྲིས་ཆེ་བ་ཀུན་ལ་སྟོན་པར་མི་བྱའོའི་མཐའ་ཅན། པོད་དམར་ནའང་ཡོད། འགོར་མཚན་ཉིད་ཐམས་ཅད་ཡོངས་སུ་རྫོགས་ཞེས་ཡོད་པའི་ཕྲ་གྲུབ་ཀྱི་ཞལ་ཤེས་ཆུང་བ་སྙིང་གར་བཅེར་བ་འོའི་མཐའ་ཅན། ཆེ་བ་འདི་ལ་བརྡ་དོན་གསལ་བའི་བྱེད་ལྷོ་པ་རིན་ཆེན་དཔལ་གྱི་ཟིན་བྲིས་རྣམས། དཀར་ཆག་ཏུ་འདི་བུདྡྷཤྲཱི་བྱས་པའི་སྦྱར་བྱང་བྲིས་པ་སྣང་མོད་ཡི་གེ་རྙིང་པ་ཡིན་པས་ཕྱིས་སུ་བྱས་པ་མ་ཡིན་ནོ་གསུངས་པ་འཐད་པ་འདྲ་སྟེ་འགོར་ལྷོ་པས་ནན་ཏན་གྱིས་བཟུང་རབ་ཏུ་བྲིས་ཞེས་པས་ཀྱང་ཤེས་ནུས་སོ། །པོད་དམར་ནའང་ཡོད། གསུམ་པ་འཕགས་པའི་ཡི་གེའི་གསལ་བྱེད་ནི། འགོར་རྡོ་རྗེའི་ཚིག་རྐང་ནས་བསྲུང་བའི་འཁོར་
ལོ་ཞེས་ཡོད་པའི་བིར་བསྲུང་གི་གསལ་བྱེད་བསྲུང་བ་གསུམ་དང་སྦྱར་བ་སྭ་དྷེཾ་སྭཱ་ཧཱའི་མཐའ་ཅན། དཀར་ཆག་ན་འདི་ངེས་པ་མི་འདུག་ཀྱང་འཕགས་པའི་དེར་སྦྱར་བདེ་ཚུལ་འདུག་པས་གཅིག་གི་ངེས་བཟུང་དཀའ་བ་འདྲའོ། །པོད་དམར་ནའང་བཞུགས། བཞི་པ་གཉག་མ་ཆ་ལག་དང་བཅས་པའི་གསལ་བྱེད་ཡི་གེ་ལ་གཉག་མ་གསལ་བྱེད་ཀྱི་ཡི་གེ །འཕྲོས་དོན་གསལ་བྱེད་ཀྱི་ཡི་གེ །ལམ་འབྲིང་པོ་གསལ་བྱེད་ཀྱི་ཡི་གེ །གཞུང་ཤིང་གསལ་བྱེད་ཀྱི་ཡི་གེ་དང་བཞི། དང་པོ་ལ། འགོར་རྒྱུད་དང་མན་ངག་ལ་སོགས་པ་ཉན་པའི་དུས་སུ་ཞེས་ཡོད་པའི་གཞུང་བཤད་༼བར༽གསལ་བྱེད་བར་སྟོན་རྡོ་རྗེ་རྒྱལ་མཚན་གྱིས་རང་གི་བློ་ནུས་དང་སྦྱར་བའི་ཟིན་བྲིས། འགོར་ལུས་ཟུངས་སྐྱེད་པའི་སྐབས་སུ་བཅུད་ལེན་ནི་ཞེས་ཡོད་པའི་བདུད་རྩི་ལ་བརྟེན་པའི་གསལ་བྱེད་བཅུད་ལེན་ཞལ་ཤེས་ཏིང་ངེ་འཛིན་ཤུགས་ཆུང་དུ་འགྲོ་བས་འཛགས་པར་བཏགས་ཏེའོའི་མཐའ་ཅན། གཉིས་པ་འཕྲོས་དོན་གསལ་བྱེད་ཀྱི་ཡི་གེ་ལ། འཁོར་འདས་དབྱེར་མེད་ཀྱི་ཟིན་བྲིས་བར་བསྡིངས་པ་རྡོ་རྗེ་རྒྱལ་མཚན་གྱིས་མཛད་པ། འདིར་ཁ་ཕྲལ་བ་མ་གཏོགས་ལམ་སྐོར་གྱི་ཟིན་བྲིས་རྣམས་འདིའི་འགོར་བྲིས་ནས་མཛད་བྱང་གཅིག་གིས་ཐུས་པ་ཐོག་མའི་རྩོམ་གཞིར་ཡོད་འདུག །རླུང་བཅུ་སོགས་ཀྱི་གེགས་སེལ་ལ་ནང་གསེས་ཀྱི་སྲོག་འཛིན་ནས་རྩ་དང་བ་སྤུའི་ཚོགས་ཐམས་ཅད་ལ་རྒྱུ་བའི་བར་གྱི་རླུང་བཅུའི་གེགས་སེལ་སྡོམ་དང་བཅས་པ། གཟུགས་བརྙན་བསྒོམ་པའི་སྦྱོར་བ་ནས་ཨེར་པོ་ཆེའི་བར་གྱི་གེགས་སེལ། ལུས་མཐའ་དག་ན་བ་ནས་གསང་རླུང་སེམས་ལ་རེངས་པའི་བར་གྱི་གེགས་སེལ། ཁྱབ་བྱེད་རེངས་པ་ནས་ཤེས་རབ་ཀྱི་ཨར་སྣོད་བཅུད་ཡུལ་གྱི་སྟོང་པ་མཐོང་ཡུལ་འགགས་པའི་བར་གྱི་གེགས་སེལ། ཐུར་སེལ་ནས་ཤིན་ཏུ་
རྒྱུ་བའི་བར་རླུང་བཅུའི་གེགས་པོད་དམར་ན་གཤམ་དུ་རླུང་ཟས་སྨན་གྱིས་བསལ་བ་དང་གྲིབ་གཏོར་བ་སྣ་ཁྲག་གཅོད་པ་ཞུའི་འཁྲུལ་འཁོར་རྣམས་བཏགས་པ་ཞིག་འདུག །སེལ་ཞར་བྱུང་ཟས་དང་ཏིང་ངེ་འཛིན་གྱིས་བཅོས་པ་དང་ཐིག་ལེ་འཆོར་བ་བསྲུང་བའི་ཞལ་ཤེས་དང་བཅས་པ་རླུང་བཅུའི་འཕྲིན་ལས་སོ་གཉིས་ཀྱི་ཞལ་ཤེས་ཞེས་པ་ལམ་འབྲས་འཁྲུལ་འཁོར་གྱི་ཞལ་ཤེས་བདུན་པར་གྲགས་པ་རྣམས། གསུམ་པ་ལམ་འབྲིང་པོ་གསལ་བྱེད་ཀྱི་ཡི་གེ་ལ། འགོར་ལམ་འབྲས་བུ་དང་བཅས་པའི་ཆོས་ཐམས་ཅད་བསྡུས་ན་ལྔ་སྟེ་ཞེས་ཡོད་པའི་ལམ་འབྲིང་པོའི་ཟིན་བྲིས་ཆེ་བ་རྗེའི་གསུང་ཇི་ལྟ་བ་བཞིན་བྲིས་པ་རྫོགས་བྱང་གི་མཐའ་ཅན། འགོར་རྗེ་ཡི་གསུང་ངག་རིན་ཆེན་འདི་ཞེས་ཡོད་པའི་ལམ་འབྲིང་པོའི་ཟིན་བྲིས་ཆུང་བ་བླ་མའི་གསུང་ཇི་ལྟ་བ་བཞིན་བྲིས་པ་རྫོགས་སོའི་མཐའ་ཅན། བཞི་པ་གཞུང་ཤིང་གསལ་བྱེད་ཀྱི་ཡི་གེ་ལ། གཞུང་ཇི་ལྟ་བ་བཞིན་བཀྲི་བའི་གཞུང་ཤིང་གསལ་བྱེད་གཉག་སྙིང་པོ་རྒྱལ་མཚན་གྱིས་བླ་མ་རིན་པོ་ཆེའི་གསུང་བཞིན་དབེན་གླན་མཁན་དུ་བྲིས་པ། གཉག་གིས་མཛད་ཅེས་པའི་གསལ་ཁ་མི་འདུག་ཀྱང་དཀར་ཆག་ཏུ་དེས་མཛད་པར་ངོས་བཟུང་ཞིང་ཉན་ཆེན་པའི་གསུང་མིན་པའི་རྒྱུ་མཚན་དང་བཅས་སྣང་ངོ་། །གསུང་ངག་ལམ་འབྲས་བུ་དང་བཅས་པའི་གཞུང་འཁྲིད་མཁྱེན་རབ་དང་ཐུགས་རྗེ་ཕུན་སུམ་ཚོགས་པ་བླ་མ་ཉན་པོའི་གསུང་དང་བཅས་པ་རྣམས། དཀར་ཆག་ས་གཅད་ཀྱིས་མ་ཟིན་ཡང་ཞར་བྱུང་དུ་གསལ་བ་ལ། རྗེ་བཙུན་གྲགས་པ་རྒྱལ་མཚན་གྱིས་དབང་ཕྱུག་འོད་ཟེར་གྱི་དོན་དུ་གཙང་ཁ་དགོན་པར་༼ཞ༽མཛད་པའི་བླ་མའི་རྣལ་འབྱོར་ཚར་གསུམ་ཁུག་པ། པོད་དམར་ནའང་ཡོད། ཨཥྚ་ལ་བརྟེན་ནས་གཞན་གྱི་བྱད་བཟློག་པ་གར་ཐོད་ཐོད་དུ་མི་བྱ་གསུང་པའི་མཐའ་
ཅན། གོ་ཆ་ལྔའི་བསྲུང་བ་ས་སྐྱའི་ལྕགས་རི་མི་འདའ་བའི་ཟབ་ཆོས། རྟེན་འབྲེལ་ལ་མངའ་བརྙེས་པ་རྣལ་འབྱོར་དབང་༼དཀར༽ཕྱུག་བིཪྺ་བའི་མན་ངག་རྟེན་འབྲེལ་གྱི་བསྲུང་བའི་བྱིན་རླབས། རྨི་ལམ་དང་ནད་དང་དགྲ་ཞི་བ་བཙལ་ལོ་ཞེས་སྣང་ཡང་དེང་སང་དཔེ་རྒྱུན་དང་ཆོས་རྒྱུན་གཉིས་ཀ་མེད་འདྲ། ལམ་སྐོར་ལྷག་མ་བརྒྱད་ཀྱི་ཆོས་ཚན་ཁ་ཤས་བགྲངས་འདུག་པ་ནི་ཕལ་ཆེར་གླེགས་བམ་དུ་བཞུགས་པ་ཤས་ཆེ། དེ་ཐམས་ཅད་ལ་ཉེ་བར་མཁོ་བའི་གནད་དྲུག་ཅེས་པ་བསྐྱེད་རིམ། པོད་དམར་ན་ལམ་འབྲས་ཀྱི་ཆོས་སྡེར་བགྲངས་འདུག །རླུང་། མཁའ་འགྲོའི་བྱིན་རླབས། ཕྱག་རྒྱ་མ། ཕྱག་རྒྱ་ཆེན་པོ། རྟེན་འབྲེལ་ཏེ་དྲུག་སྟོན་པ། ལམ་སྐོར་བྱུང་ཚུལ་ཞེས་པའི་ཡིག་ཆུང་ལམ་དགུ་པོ་བླ་མ་བཞི་ལ་གསན་གསུང་ངོའི་མཐའ་ཅན། བསམ་གྱིས་མི་ཁྱབ་པའི་ལོ་རྒྱུས་བླ་མ་ས་སྐྱ་པ་ཆེན་པོའི་གསུང་སྒྲོས་ཇི་ལྟར་བ་བཞིན་རང་གི་སློབ་མའི་ངོར་དཀར་སྟོན་ཆོས་འོད་ཀྱིས་དབྲི་བསྣན་མེད་པར་བྲིས་པ། བསམ་གྱིས་མི་ཁྱབ་པའི་བྱིན་རླབས་བླ་ཆེན་འབྲོག་མི་ལ་རང་གིས་ཐོབ་པ་ལྟར་བརྗེད་བྱང་དུ་བྲིས་པ་འདི་ནི་ཡབ་ཡུམ་དབང་རྫོགས་ཐོབ་པར་གདམས་ཏེ་བྱིན་པ། འདི་འབྲོག་མིའི་དངོས་སློབ་གཅིག་གི་ཡིན་ཚུལ་དཀར་ཆག་ན་འདུག །བར་སྟོན་གྱི་ལམ་སྐོར་ཟིན་བྲིས་ལ། མཆོད་རྟེན་དྲུང་ཐོབ། བསམ་མི་ཁྱབ། པདྨ་བཛྲ་གྱི་ལམ། ལྷན་ཅིག་སྐྱེས་གྲུབ། གཏུམ་མོ་ལམ་རྫོགས་རྣམས་ཀྱི་ཟིན་བྲིས་ཆོས་ཚན་གཅིག་ཏུ་བསྡེབས་པ། ཐོག་མར་རྩོམ་པའི་དུས་འདི་རྣམས་འཁོར་འདས་དབྱེར་མེད་ཀྱི་འགོར་བྲིས་ཡོད་འདུག །གཉག་སྙིང་པོ་རྒྱལ་མཚན་གྱིས་མཛད་པའི་ཕྱག་རྒྱ་ཆེན་པོ་ཡི་གེ་མེད་པ་ཉམས་སུ་ལེན་པའི་འཁྲིད། མཛད་བྱང་ན་ཧྲིད་དྷྭ་ཛ་ཞེས་རྒྱ་སྐད་དུ་བྲིས་འདུག །འགོར་བསམ་གྱིས་མི་ཁྱབ་པའི་གདམས་
ངག་འདི་ལ་ཞེས་ཡོད་པའི་ཟིན་བྲིས་ཆེན་མོ་ལྟ་བ་བསམ་གྱིས་མི་ཁྱབ་པ་ལྔས་རྒྱུ་དུས་སུ་གཏན་ལ་ཕབ་སྟེ་ལམ་དུས་སུ་ལུས་ངག་ཡིད་གསུམ་སྦྱངས་ནས་འབྲས་བུ་ལུང་བསྟན་པའི་ཕྱག་རྒྱས་འཚམས་སྦྱར་བས་གནས་འགྱུར་གྱི་སྐུ་གསུམ་ཡན་ལག་བདུན་ལྡན་འགྲུབ་པར་བྱེད་པ་འོའི་མཐའ་ཅན། སྒོ་དྲུག་ཆོས་འབྲེལ་ཞེས་པ་རྗེ་འབྲོག་མིས་བླ་མ་ཤནྟི་པ་ལ་སློབ་གཉེར་ཚར་ནས་མཁས་པ་གཞན་ལྔ་ལའང་གཞུང་དང་མན་ངག་རེ་གསན་པའི་ཤེས་རབ་འབྱུང་གནས་སྦས་པའི་ཕྱི་རོལ་གྱི་གདོན་བསྲུང་བ། ཛྙཱ་ན་ཤྲཱིའི་འབྱུང་འཁྲུགས་སེལ་བ། རིན་ཆེན་རྡོ་རྗེའི་ཏིང་འཛིན་སེམས་ཀྱི་བར་ཆད་བསྲུང་བ་དང་གསུམ་༼ཛྙཱ༽ཆོས་སྡེ་གཅིག་ཏུ་བྱས་པའི་ཡི་གེ །པོད་དམར་ནའང་ཡོད། ན་རོ་པའི་ཕྱག་རྒྱ་ཆེན་པོ་སྡུག་བསྔལ་གསུམ་སེལ་གྱི་གསལ་༼ནཱ༽བྱེད་རྗེ་བཙུན་གྲགས་པས་མཛད་པ་ཞར་བྱུང་བཞི་པ་མན་ཆད་རླུང་དང་བསྟུན་ཚུལ། པོད་དམར་ནའང་ཡོད། ངག་གི་དབང་ཕྱུག་གྲགས་པའི་གཉུག་མ་དྲན་གསལ་ལམ་དབང་༼ཝཱ༽བཞིའི་ལམ་ཞེས་བྱ་བ། པོད་དམར་ན་འདིའི་མཇུག་ཏུ་བརྟག་གཉིས་ཀྱི་ལུང་སོགས་འགའ་ཞིག་དྲངས་པའི་མཐར་ཞང་འཕགས་པ་ལྷས་བསྐུལ་ནས་རྗེ་བཙུན་གྱིས་མཛད་ཚུལ་འདུག །དེས་མཛད་པའི་དབང་བཞིའི་ཆ་༼ཝཱ༽ལག་ཟབ་དོན་དང་བཅས་པ། པོད་དམར་ན་གཉུག་མ་དྲན་གསལ་དངོས་འདི་ལ་ངོས་བཟུང་འདུག །རྗེ་འབྲོག་མི་བོད་དུ་འབྱོན་ཁར་ཤནྟི་པས་གནང་བའི་མདོ་༼ཤ༽རྒྱུད་བསྲེ་བའི་ཉམས་ལེན་དང་བཅས་པ་རྣམས། ཕྲ་མོ་ནའང་ཡོད། གླེགས་བམ་ཕྲ་མོར་མི་གཏོགས་པའི་རྫོང་ལུགས་ཀྱི་ཡིག་ཆའི་སྐོར་ལ། ཐེག་ཆེན་ཆོས་ཀྱི་རྒྱལ་པོས་མཛད་པའི་ལམ་དུས་ཀྱི་དབང་༼ཀུ༽རྒྱས་འབྲིང་བསྡུས་པ་ལེན་པའི་ལག་ལེན་བདུད་རྩིའི་སྙིང་པོ། རྗེ་བཙུན་གོང་
མ་རྣམས་ཀྱི་རྡོ་རྗེའི་ཆོས་སྐོར་གྱི་དཀར་ཆག་གི་ཡི་གེ་མུ་སྲས་པ་རྡོ་རྗེ་རྒྱལ་མཚན་གྱིས་མཛེས་བྱེད་ཀྱི་ལོ་སྨིན་དྲུག་ཟླ་བར་དཔལ་ལྡན་ས་སྐྱར་མཛད་པ། དེས་མེ་ཕོ་སྤྲེའུའི་ལོ་ཁྲུམས་ཀྱི་ཟླ་བའི་ཚེས་ལྔ་ལ་དཔལ་ལྡན་ས་སྐྱར་མཛད་པའི་གེགས་སེལ་བཞིའི་ཡི་གེའི་གསལ་བྱེད། རིག་པ་འཛིན་པ་བྱམས་པ་ནམ་མཁའ་རྒྱལ་མཚན་གྱིས་མེ་འབྲུག་དཔྱིད་ཟླ་འབྲིང་པོའི་ཚེས་བཅུ་གཅིག་ལ་ལོ་ཕུར་མཛད་པའི་རྩ་བ་རྡོ་རྗེའི་ཚིག་རྐང་གི་ས་གཅད་ཞིབ་ཏུ་སྦྱར་བ་རྣམས།པོ་ཏི་དམར་ཆུང་ངུ་གྲགས་པའི་ལམ་འབྲས་༼སྒྲུབ༽ཀྱི་ཡི་གེའི་སྐོར་ལ། རྒྱལ་ཚབ་ཀུན་དགའ་དབང་ཕྱུག་གིས་མཛད་པའི་དཀར་ཆག་རིན་པོ་ཆེའི་འཕྲེང་བ། བླ་མ་ཚད་མའི་སྐབས་སུ། རྗེ་བཙུན་རིན་པོ་ཆེ་གྲགས་པས་མཛད་པའི་བླ་མ་བརྒྱུད་པའི་གསོལ་འདེབས་བླ་མ་རྡོར་འཛིན་མ། ཕྲ་མོ་ནའང་ཡོད། དེའི་ཁ་སྐོང་ཤར་ཆེན་ཡེ་ཤེས་རྒྱལ་མཚན་གྱིས་མཛད་པའི་གངས་ཁྲོད་མ། དེའི་ཞར་བྱུང་ཁ་སྐོང་དུ་ངོར་ཆེན་གྱིས་མཛད་པའི་ཤར་ཆེན་དང་བུདྡྷ་ཤྲཱིའི་གསོལ་འདེབས། ས་ཆེན་ཡབ་སྲས་དང་བིཪྺ་བ་མཇལ་བའི་ལོ་རྒྱུས་སྒ་ཐེང་ལ་བསྐུར་བ། ཉམས་མྱོང་ཚད་མའི་སྐབས་སུ། བྲ་སྟོན་བློ་གྲོས་ཀྱིས་ཞུས་པའི་གཞུང་ཇི་ལྟ་བ་བཞིན་ཏུ་བཀྲི་བའི་འཁྲིད་ཡིག་ཚིགས་བཅད་མ་རྗེ་བཙུན་གྲགས་པས་མཛད་པ། ཕྲ་མོར་མཇུག་ན་ཤོ་ལོ་ཀ་གཅིག་མེད་པ་ཞིག་འདུག །བརྩེ་བ་ཆེན་པོས་མཛད་པའི་སངས་རྒྱས་སྤྱན་མའི་རྣལ་འབྱོར་དབང་དུས་སུ་རྨི་ལམ་ངན་པ་བཟློག་པ་དང་ཐུན་མོང་འཆི་བ་ཐུབ་པ་ཡོང་ངོའི་མཐའ་ཅན། དེས་མཛད་པའི་ཨཥྚའི་བཟླས་ལུང་བླ་མའི་ཕྱག་ལེན་མཛད་པ་བཞིན་བྲིས་པ་འོའི་མཐའ་ཅན། ཕྲ་མོའི་དེ་འདི་དང་མི་གཅིག་པ་འདུག །ས་པཎ་གྱིས་
མཛད་པའི་རྩ་བའི་སྔགས་ཀྱི་རྣམ་པར་བཤད་ཕྲ་མོ་ནའང་ཡོད། པ་སྙིང་པོ་དོན་གསལ། བདུད་རྩི་རིལ་བུ་སྒྲུབ་པའི་ཕྱག་ལེན་བདུད་རྩི་འབྱུང་བ་ཞེས་པ་འཕགས་པས་མཛད་པ། ཕྲ་མོ་ནའང་ཡོད། དབང་གི་རབ་དབྱེ་རྗེ་བཙུན་གྲགས་པའི་གསུང་བཞིན་ཞང་བཙུན་གྱིས་བྲིས་པ། རྗེ་བཙུན་གྲགས་པ་རྒྱལ་མཚན་གྱིས་བྱི་ལོ་ནག་ཟླའི་ཚེས་བཅུ་ལ། སྒ་སྟོན་རྡོ་རྗེ་གྲགས་ལ་སྤྲིངས་ཡིག །ཕྲ་མོར་ཡང་ཡོད། སྐྱུ་རའི་དབོན་པོ་དཔོན་གཡོག་གིས་གསོལ་བ་བཏབ་པ་ལ་བརྟེན་ནས་ས་པཎ་གྱིས་བསམ་ཡས་སུ་མཛད་པའི་ཕྱི་ནང་གསང་གསུམ་གྱི་མཎྜལ། དེའི་ཁ་སྐོང་ཤར་ཆེན་ཡེ་ཤེས་རྒྱལ་མཚན་གྱི་མཛད་པའི་པགས་པ་གསེར་གྱི་ས་གཞི་པ། འགོར་དང་པོ་ལག་བཀྲུ་ལྟ་བུ་སྟེ་ཞེས་ཡོད་པའི་ལུས་སྦྱོང་ཉི་ཤུའི་གསལ་བྱེད་མདུད་འགྲོལ་ཟིན་བྲིས་ནོར་བཟང་པས་མཛད་པ། ལུས་གནད་ལ་དབབ་པའི་གདམས་པ་ཚིགས་བཅད་མ་ས་པཎ་གྱི་ཞབས་ལ་སྤྱི་བོས་རབ་ཏུ་བཏུད་པའི་དཔལ་ལྡན་ཕུག་པ་དམར་གྱིས་ཟིན་བྲིས་ཀུན་དང་ཐུན་མོང་མ་ཡིན་པ། བདག་མེད་མའི་བྱིན་རླབས་བརྒྱུད་པ་མ་ཉམས་པ་ལག་ལེན་གྱི་ཐོ་ཡིག་རྗེ་བཙུན་གྲགས་པས་མཛད་པ། ཕྲ་མོར་འདུག་པ་ས་ཆེན་གྱིས་མཛད་པར་བཞེད། འགོར་ཤངས་སྒོར་ཡཾ་ལས་རླུང་གི་དཀྱིལ་འཁོར་ཞེས་ཡོད་པའི་འཁོར་ལོ་བཞི་བརྒྱ་པ་ས་ཆེན་གྱིས་མཛད་པ་ཐུགས་ཀྱི་ཉིང་ཁུ་ལགས་སོའི་མཐའ་ཅན། དཔལ་ཡང་དག་སྦྱོར་བའི་རྒྱུད་ལས་བྱུང་བའི་རང་བྱིན་གྱིས་བརླབ་པའི་དམིགས་པ་ཉི་ཤུ་༼སཾ༽རྩ་དགུ་པ་ཞར་བྱུང་རླུང་གི་རྣལ་འབྱོར་གཙོ་བོར་བཞེད་པ་བླ་མའི་ཞལ་ཤེས་ཞེས་པའི་གེགས་སེལ་དང་བཅས་པ། རྗེ་ས་སྐྱ་པ་ཆེན་པོས་ལྷོ་བྲག་དཀར་སྟོན་ལ་གནང་བའི་ཕྱི་ནང་གསང་བའི་བར་གཅོད་
གསུམ་སེལ། ཕྲ་མོ་ནའང་ཡོད་ཅིང་གཤམ་ན་སྣ་ཁྲག་གཅོད་པའི་གདམས་པ་དེ་ཡང་བྲིས་འདུག །འགོར་རྩ་དག་པར་བྱ་བ་ནི་ཞེས་ཡོད་པའི་བླ་མ་ས་ཆེན་གྱི་ཉམས་ཆུང་བ་བར་པ་དང་མཐའ་མ་ལ་སོགས་པ་འོའི་མཐའ་ཅན། ཕྲ་མོར་ཡང་ཡོད། འགོར་སྤྱིར་སྲོག་འཛིན་པ་སྙིང་གར་རེངས་པའི་ཚུལ་བཞི་ཞེས་ཡོད་པའི་བླ་མ་ས་ཆེན་ཀྱི་ཉམས་ཆེན་མོ། ཕྲ་མོར་ཀུན་གཞི་བྱིན་རླབས་དང་མེ་མཉམ་གྱི་རླུང་རེངས་ཚུལ་སོགས་ཀྱང་ཆོས་ཚན་གཅིག་ཏུ་བཞེད། མཐར་དྲི་ཆེན་རྡོ་ལྟ་བུ་སྐམ་པོ་འབྱུང་གསུང་ངོའི་མཐའ་ཅན། ཁྱད་པར་གྱི་རླུང་རེངས་པ་ལྔ་འཆོས་པ་སོགས་ཀྱི་ཐབས་བླ་མའི་ཞལ་ལ་ལྟོས་པ་ཁྲག་དེ་ཉིད་བསྐོལ་ཏེ་སྤོད་ཀྱིས་སྦྲན་ནས་གཏང་ངོའི་མཐའ་ཅན། ཕྲ་མོར་ཐིག་ལེ་བསྲུང་བ་ཡན་ལས་མི་འདུག །ལྷོ་པ་དཀར་སྟོན་གྱིས་ཞུས་པའི་གཞན་ལ་མེད་པའི་གེགས་སེལ་གསང་བདུན་མ། ཕྲ་མོར་ཡང་ཡོད། འགོར་འཁོར་འདས་ཀྱི་ཆོས་ཐམས་ཅད་བསྐྱེད་པའི་ས་བོན་ཞེས་ཡོད་པའི་གེགས་སེལ་གླིང་བཞི་མ་རི་བོང་གི་རིལ་མ་འདྲ་བ་ཆུ་དང་བཅས་ནས་སྟན་ཐོག་ཏུ་བྱུང་བས་སེལ་ལོའི་མཐའ་ཅན། ཕྲ་མོ་ན་ཉམས་ཆེན་མོ་དང་སྦྲེལ་ནས་འདུག་ཅིང་སྒོམ་ཆེན་རྡོ་རྗེ་འབར་ལུས་མ་བདེ་བ་མན་མི་འདུག །འབྱུང་བ་ལུས་འཁྲུགས་སོགས་སེལ་བའི་ཐབས་གེགས་སེལ་གཅེས་གནད་དུ་གྲགས་པ་འདི་དག་ཐམས་ཅད་ཉམས་མྱོང་རྗེས་སུ་དྲན་པའི་ཚད་མ་ལས་ཤེས་པར་བྱའོའི་མཐའ་ཅན། དམར་ཆོས་ཀྱི་རྒྱལ་པོས་ཞུས་པའི་གེགས་སེལ་བཀའ་རྒྱ་མ། ཕྲ་མོར་ཡང་ཡོད། འདི་ཁམས་པ་ལྔ་དང་རྗེ་བཙུན་སྐུ་མཆེད་གཉིས་ལ་གནང་ཞིང་ཛང་གིས་རྗེ་བཙུན་སྐུ་མཆེད་སྦྲན་པས་ཛང་འདི་ངེད་ལ་ཤིན་ཏུ་དྲིན་ཆེན་གསུང་བ་མཇུག་ན་སྣང་། འགོར་གཞན་དབང་རྟེན་འབྲེལ་ཞེས་བྱས་ཏིང་ངེ་འཛིན་གྱི་གེགས་
སེལ་སྟོན་ཞེས་ཡོད་པའི་གེགས་སེལ་བཞིའི་ཞལ་ཤེས་འདི་ལ་གོམས་ནས་མཚན་སུམ་ཅུ་སོ་གཉིས་ཐོབ་གསུང་ངོའི་མཐའ་ཅན། འགོར་ཛ་ལནྡྷར་ཞེས་ཡོད་པའི་འཕྲིན་ལས་༼པ༽སོ་གཉིས་ཀྱི་སྡོམ་ཚིག་ཞལ་ཤེས་བུདྡྷ་ཤྲཱིས་མཛད་པ། དེའི་ཞལ་ཤེས་འགོར་ལག་གཉིས་བསྣོལ་བ་ཞེས་ཡོད་པ་རེ་མོས་རྡེག་གི་མཐའ་ཅན། ས་སྐྱ་པ་ཆེན་པོས་མཛད་པའི་དབང་བཞི་ངོ་སྤྲོད། ཕྲ་མོ་ནའང་ཡོད། དེའི་འགྲེལ་པ། འགོར་རྗེ་བཙུན་ཐུགས་རྗེ་ཆེན་པོ་དང་ལྡན་པ་ཞེས་ཡོད་པའི་བརྡ་དོན་གསལ་བའི་རྩ་བ་ས་པཎ་གྱིས་མཛད་པ། ཕྲ་མོར་ཡང་ཡོད། དེའི་རང་འགྲེལ་རྩོམ་པ་དམ་བཅར། རྡོ་རྗེའི་ཚིག་འབྱེད་བརྡ་དོན་གསལ་བ་འདི། དབུས་གཙང་མཚམས་སུ་བླ་མ་རྗེ་ལ་གནང་ཞེས་ཡོད་པ། དེའི་གསལ་བྱེད་ལྷོ་པས་གསུང་བཞིན་ཟིན་བྲིས་སུ་མཛད་པ། ཕྲ་མོ་ནའང་ཡོད། བསྟན་བཅོས་ཚད་མའི་སྐབས་སུ་བསྐྱེད་རིམ། རླུང་། བྱིན་རླབས། ཕྱག་རྒྱ་མ། ཕྱག་རྒྱ་ཆེན་པོ། རྟེན་འབྲེལ་ཏེ་གནད་དུ་ཆེ་བ་དྲུག་གི་གདམས་པ་ས་ཆེན་གྱིས་མཛད་པ། འདི་ཕྲ་མོར་ལམ་སྐོར་ཁྲོད་དུ་བགྲངས་འདུག །ས་པཎ་གྱིས་མཛད་པའི་རྟེན་འབྲེལ་ལྔས་ལམ་ཡོངས་སུ་རྫོགས་པ། འདི་ཕྲ་མོ་ནའང་བཞུགས་གླེགས་བམ་ཙམ་ལ་མ་བརྟེན་པའི་ལམ་འབྲས་སློབ་བཤད་ཀྱི་ཁུངས་གསལ་པོ་ཡོད། འགོར་གཡས་པའི་ཁུ་ཚུར་བརྒྱངས་བྱས་ཏེ་ཡོ་པའི་དམར་གྱིས་མཛད་པའི་ལམ་བསྡུས་འདོད་པའི་ལྕགས་ཀྱུ་ལམ་འབྲིང་པོ་བྱ་བ་ཡིན་གསུང་བའི་མཐའ་ཅན། ཕྱག་རྒྱ་ཆེན་པོའི་དབྱེ་བ་དཔལ་ལྡན་ས་སྐྱ་པཎྜི་ཏའི་མནལ་ལམ་བསམ་ཡས་སུ་བྱུང་བ། མཇུག་གི་ཤོ་ལོ་ཀ་གཅིག་མ་ཚང་བ་ཞིག་ཕྲ་མོ་ནའང་ཡོད། དེས་མཛད་པའི་འཁོར་ལོ་བཞིའི་རྒྱ། འདི་གཉིས་ཕྲ་མོར་ཡང་ཡོད། བླ་མ་ཆོས་ཀྱི་རྒྱལ་པོ་འཕགས་པས་མཛད་པའི་ཚོགས་
སྦྱོར་གཉིས་ཀྱི་མངོན་རྟོགས། ལམ་བསྡུས་པའི་བཤད་པ་མདོ་ཙམ་དུ་བསྟན་པ་བླ་མ་རིན་པོ་ཆེའི་གསུང་ལ་བརྟེན་ནས་ས་ཆེན་གྱིས་མཛད་པ། ལམ་བསྡུས་ཏེ་སྒྲུབ་པའི་ལུང་སྦྱིན་པ་ས་པཎ་གྱིས་མཛད་པ། ཕྲ་མོར་ཡང་ཡོད། རྗེ་ས་ཆེན་གྱིས་མཛད་པའི་གསང་བཅུའི་རྒྱས་གདབ་ཉམ་ངའི་འཕྲང་ལ་ཡིད་བཞིན་ནོར་བུ་ལྟར་གསང་བཅུད་ལྡན་པའི་སྤྱོད་པ་མཐའ་རུ་བསྐྱལ་གྱི་མཐའ་ཅན། ལམ་ཟབ་བླ་མའི་འཁྲིད་ཡིག་ས་པཎ་གྱིས་དཔལ་ལིང་ཆུ་རྩེའི་ཁབ་གྱི་གཙུག་ལག་ཁང་དུ་སྦྱར་བ། ཕྲ་མོ་ནའང་ཡོད། བླ་མ་རིན་ཆེན་འབྱུང་གནས་ཀྱི་རྣལ་འབྱོར་ས་སྐྱ་པཎ་ཆེན་གྱི་གསུང་བཞིན་ཆོས་རྒྱལ་དམར་གྱིས་ཡི་གེར་བཀོད་པ། ལམ་སྦས་བཤད་ཀྱི་ཡི་གེ་༼ཎ༽ས་སྐྱ་པཎྜི་ཏས་མདོ་སྨད་དུ་སྦྱར་བ། ཕྲ་མོ་ནའང་ཡོད། འགོར་ལམ་སྦས་ཏེ་འཁྲིད་ན་ཞེས་ཡོད་པའི་ཕོ་བྲང་ལྔ་ལ་བརྟེན་པའི་སྦས་བཤད་འབྲས་བུ་རིམ་པར་རྒྱས་པ་གཞུང་དུ་གསལ་ལོའི་མཐའ་ཅན། འགོར་མཁལ་འདེགས་རིགས་གསུམ་སྤྱི་ཚུགས་དང་ཞེས་ཡོད་པའི་ལམ་སྦས་བཤད་ཀྱི་འཁྲུལ་འཁོར་རྩ་བ་རྗེ་དཔལ་ལྡན་ཚུལ་ཁྲིམས་ཀྱིས་མཛད་པ། དེའི་རང་འགྲེལ་ཆོས་རྫོང་དུ་ཡི་གེར་བཀོད་པ། འགོར་རྡོ་རྗེ་རྩེ་ཡི་སྦྱོར་བ་དང་ཞེས་ཡོད་པའི་སྒྲུབ་ཆེན་བཅུ་དང་ཕྲ་མོ་བརྒྱད་ཀྱི་རྩ་བ། འདི་གཉིས་ཕྲ་མོ་ནའང་ཡོད། དེའི་འགྲེལ་པ་འགོར་དཔལ་ལྡན་རྣལ་འབྱོར་དབང་ཕྱུག་བིཪྺ་པའི་ཞལ་གྱི་གདམས་པ་ཞེས་ཡོད་པ་ས་སྐྱ་པཎྜི་ཏའི་ཐུན་མོང་མ་ཡིན་པའི་གདམས་པ། དེའི་གསལ་བྱེད་སྙོམས་ལས་པ་བུདྡྷ་ཤྲཱིས་བརྗེད་བྱང་དུ་བྲིས་པ། ཕྲ་མོར་ལ་ལར་བུདྡྷ་ཤྲཱིས་མཛད་ཟེར་བ་མི་འཐད་ཚུལ་དང་བཅས་སྣང་ངོ་། །འགོར་རྡོ་རྗེའི་ཚིག་རྐང་ལས་བསྲུང་བའི་འཁོར་ལོ་ཞེས་ཡོད་པའི་བིར་བསྲུང་
སྭ་དྷེཾ་སྭཱ་ཧཱའི་མཐའ་ཅན། ཕྲ་མོར་འཕགས་པའི་ཡི་གེའི་གསལ་བྱེད་དུ་བགྲངས་འདུག་གོ །འགོར་དཔལ་ལྡན་མཐུ་སྟོབས་དབང་ཕྱུག་ཅེས་ཡོད་པའི་བིར་བསྲུང་སྤྱན་སྔར་དཔེ་འདི་གཏུགས་སོའི་མཐའ་ཅན། འགོར་ར་ག་ཏ་ཛ་ཕཊ་ཅེས་ཡོད་པའི་བིར་བསྲུང་མི་ཚུགས་སོའི་མཐའ་ཅན། འཕགས་པས་ཤིན་ཏུ་ཞིབ་པར་བཀོད་པའི་བིར་བསྲུང་དང་འདི་ཕྲ་མོར་ཡང་ཡོད། བྱིན་རླབས་བྱ་ཚུལ། ཕྲ་མོར་བྱིན་རླབས་འདི་ས་ཆེན་གྱིས་མཛད་པར་བཞེད། འགོར་རྣལ་འབྱོར་དབང་ཕྱུག་བིཪྺ་པ་ནས་བྱིན་རླབས་ཀྱིས་བརྒྱུད་པ་མ་ཆད་པ་ཞེས་ཡོད་པའི་རྣམ་འཇོམས་བིར་ལུགས་ཀྱི་བྱིན་རླབས་བྱ་ཚུལ་བར་མ་ཆད་པ་འོའི་མཐའ་ཅན། རྡོ་རྗེ་རྣམ་པར་འཇོམས་པའི་གཟུངས་ལ་ས་པཎ་གྱིས་མཆན་མཛད་པ། དེའི་གསལ་བྱེད་ས་པཎ་གྱིས་མཛད་པའི་རྣམ་པར་བཤད་པ་བདུད་རྩི་སྤེལ་བ། རྡོ་རྗེ་རྣམ་པར་འཇོམས་པའི་རྒྱུད་དོན་ཉམས་སུ་བླང་བའི་ཆོ་ག་ནུབ་པ་རིག་འཛིན་གྲགས་ཀྱིས་མཛད་པ། རྗེ་བཙུན་ཆེན་པོས་དབང་ཕྱུག་འོད་ཟེར་གྱི་ངོར་གཙང་ཁ་དགོན་པར་མཛད་པའི་མཚར་གསུམ་ཁུག་པའི་མན་ངག །ཕྲ་མོར་དཀར་ཆག་གིས་མ་ཟིན་པའི་ཁྲོད་དུ་ཡོད། འགོར་སྤྱིར་ཡི་གེ་བརྒྱ་པ་ཕྱིར་བཟློག་ཏུ་འགྲོ་བ་དང་ཞེས་ཡོད་པའི་ཡིག་བརྒྱའི་མན་ངག་ས་ཆེན་གྱིས་མཛད་པ་འགྲོ་བའི་གཙོ་ལ་བདག་སྐྱབས་མཆི་ཞེས་བརྗོད་དོའི་མཐའ་ཅན། འབྲོག་མིས་པཎྜི་ཏ་དྲུག་ལ་ཆོས་གསན་པའི་སྒོ་དྲུག་ཆོས་འབྲེལ་དུ་གྲགས་པ་ལ་ཤེས་རབ་འབྱུང་གནས་སྦས་པས་གདོན། ཛྙཱ་ན་ཤྲཱིས་ལུས་འཁྲུངས། རིན་ཆེན་རྡོ་རྗེས་སེམས་ཀྱི་བར་ཆད་བསྲུང་བ་གསུམ་༼ཛྙཱ༽ཆོས་ཚན་གཅིག་ཏུ་བྱས་པ། ཕྲ་མོར་ཡང་ཡོད། ནཱ་རོ་བའི་ཕྱག་རྒྱ་ཆེན་པོ་སྡུག་བསྔལ་གསུམ་༼ནཱ༽སེལ་གྱི་གསལ་བྱེད་རྗེ་བཙུན་
གྱིས་མཛད་པ་ཞར་བྱུང་བཞི་པ་མན་ཆད་རླུང་དང་བསྟུན་ཚུལ། ཕྲ་མོར་ཡང་ཡོད། ངག་དབང་གྲགས་པའི་གཉུག་༼ཝཱ༽མ་དྲན་གསལ། ཕྲ་མོར་ཡང་ཡོད། དེའི་དབང་བཞི་སྟན་ཐོག་གཅིག་ཏུ་བླང་༼ཝཱ༽བ་ཞང་འཕགས་པ་ལྷས་ཡང་ཡང་བསྐུལ་ནས་རྗེ་བཙུན་ཆེན་པོས་མཛད་པ། ཕྲ་མོར་བླ་མ་བརྒྱུད་པ་ཡན་ལས་དེ་མན་གྱི་ཞང་འཕགས་པ་ལྷས་བསྐུལ་ཚུལ་སོགས་མི་འདུག །གཞུང་རྣམས་ལེགས་པར་ཚར་ནས་ཤནྟི་པས་གནང་བའི་མདོ་༼ཤ༽རྒྱུད་བསྲེ་བ་སྙིང་པོའི་དོན་རང་གྲོལ་དུ་གྲགས་པ། ཕྲ་མོར་ཡང་ཡོད། རྡོ་རྗེ་འཆང་ཀུན་དགའ་བཟང་པོས་མཛད་པའི་ལམ་འབྲས་བུ་དང་བཅས་པ་བཤད་ཐབས་ཀྱི་གདམས་ངག་གསང་བའི་སྒོ་འབྱེད། དེས་མཛད་པའི་རྒྱུད་གསུམ་ལམ་གྱི་རིམ་པའི་བསྡུས་དོན། དེས་མཛད་པའི་ལམ་ཟབ་ནང་མའི་བླ་མའི་རྣལ་འབྱོར། དེས་མཛད་པའི་རྒྱུ་དུས་ཀྱི་དབང་གི་རྟོགས་པ་བསྐྱེད་པའི་རིམ་པ། བིར་བསྲུང་གི་མན་ངག་བར་ཆད་ཀུན་སེལ། དེས་མཛད་པའི་བིཪྺ་བའི་སྐུའི་རྣམ་འགྱུར་དྲུག་གི་དབྱེ་བ། དེས་མཛད་པའི་བིར་བསྲུང་གི་ཐུན་མོང་མ་ཡིན་པའི་བྱིན་རླབས་བྱ་ཚུལ་ཚིགས་བཅད་མ། དེས་མཛད་པའི་ཐུན་མོང་མ་ཡིན་པའི་བིར་བསྲུང་ཉམས་སུ་བླང་ཚུལ། དཀར་ཆག་ཏུ་མི་གསལ་བ་དེས་མཛད་པའི་བིར་བསྲུང་གསར་མ་བསྲུང་༼བི༽བཟློག་གི་གདམས་པ་ཁྱད་པར་ཅན་རྣམས། གསུང་ངག་སློབ་བཤད་འཛིན་པ་རྣམས་ཀྱི་གླེགས་བམ་དང་ཡིག་སྣ་ཐོར་བུའི་སྐོར་ལ། རྡོ་རྗེ་འཆང་ཚར་པ་ཆོས་རྗེའི་གསུང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་ཟིན་བྲིས་སུ་མཛད་པའི་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་འཁྲིད་ཀྱི་ཟིན་བྲིས་གསང་ཆེན་བསྟན་
པ་རྒྱས་བྱེད་ཅེས་བྱ་བ་ཁའུ་བྲག་རྫོང་པའི་བཞེད་པ་མ་ནོར་བའི་སྐོར་ལ། ཁོག་འབུབ་རྣམ་བཤད་ལས་བྱུང་བའི་བྱུང་ཚུལ་ལོ་རྒྱུས། ཁོག་འབུབ་ལས་ཆོས་ལ་བཤད་སྒྲུབ་བྱ་ཚུལ་སོགས་བསྟན་པ། སྣང་གསུམ་བསྟན་པའི་ལམ་གྱི་ཟིན་བྲིས། རྒྱུད་གསུམ་བསྟན་པའི་ལམ་གྱི་ཟིན་བྲིས། བསྐྱེད་རིམ་བསྟན་པའི་ལམ་གྱི་ཟིན་བྲིས་བར་དོ་ཡན་གྱི་འཁྲིད་རྣམས། ཐམས་ཅད་མཁྱེན་པ་ཀླུ་སྒྲུབ་རྒྱ་མཚོས་མཛད་པའི་གསུང་ངག་རིན་པོ་ཆེའི་ཟིན་བྲིས་ཡིད་བཞིན་༼ཀླུ༽ནོར་བུའི་སྐོར། སློབ་བཤད་ལམ་རིམ་གསོལ་འདེབས་བྱིན་རླབས་ཀྱི་ཕོ་ཉ། སྤྱི་དོན་ཁོག་འབུབ་ཀྱི་ལེགས་བཤད། སྣང་གསུམ་གསལ་བྱེད་ཟླ་བའི་ཐིགས་འཕྲེང་། སྔགས་ལམ་གྱི་འཁྲིད་ཡིག་ཉི་གཞོན་གསར་པའི་ཐིགས་འཕྲེང་སྐལ་བཟང་ཨུཏྤལ་གཞོན་ནུའི་ཁ་འབྱེད་ལ་ནང་གསེས་ཀྱི་ལྟ་བ་འཁོར་འདས་དབྱེར་མེད། ཕྱི་བསྐྱེད་རིམ་གྱི་འཁྲིད། ནང་བསྐྱེད་རིམ་ཉམས་མྱོང་ལྟ་བ་ཕྱག་ཆེན་ངོ་སྤྲོད་ཀྱི་བོགས་འབྱིན་སྤྱོད་པ་དང་བཅས་པ། བུམ་དབང་གི་འདའ་ཁ་མ། བར་དོ། རྨི་ལམ། སྒྱུ་ལུས་ཀྱི་འཁྲིད། ལམ་གཏུམ་མོ་ཙཎྜ་ལི་ཁམས་འདུས་པ་དང་པོའི་འཁྲིད། ཐིག་ལེ་བདེ་སྟོང་གི་ཉམས་མཐའ་རུ་ཕྱིན་བྱེད་ཁམས་འདུས་པ་བར་མའི་འཁྲིད། སྐྱོན་གཉུག་མ་ཡེ་ཤེས་ལ་བརྟེན་ནས་ཁམས་འདུས་པ་མཐའ་མ་འཁྲིད་ཀྱི་ལུང་དང་བཅས་པ། པཎ་ཆེན་ངག་དབང་ཆོས་གྲགས་ཀྱིས་མཛད་པའི་གསུང་ངག་གི་ཡི་གེའི་སྐོར་༼ངག༽ལ། སློབ་མ་རྗེས་འཛིན་གྱི་ཕྱག་ལེན་ཉམས་སུ་བླང་བདེ་བ། ཨཥྚའི་བཟླས་ལུང་བྱེད་ཚུལ་ལུགས་གཉིས། བརྒྱུད་པ་ཁྱད་པར་གཉིས་ལྡན་གྱི་སེམས་བསྐྱེད་ཀྱི་ཆོ་ག་དམ་པའི་
བཞེད་སྲོལ་སེམས་ཉིད་ངལ་བསོའི་བདུད་རྩི། མཚར་གསུམ་ཁུག་པའི་བྱིན་རླབས་བྱ་ཚུལ་གསང་ཆེན་ཆོས་ཀྱི་རྔ་ཆེན། ལམ་དབང་གི་མཐའ་དཔྱོད་ཟུར་འདེབས་ཀྱི་གནད། རྡོ་རྗེ་བདག་མེད་མའི་བྱིན་རླབས་བྱ་ཚུལ་ལེགས་བྱས་གཏམ་གྱི་བདུད་རྩི། ལམ་ཟབ་བླ་མའི་རྣལ་འབྱོར་གྱི་བྱིན་རླབས་བྱ་ཚུལ་མཁས་ལ་ཉེ་བར་མཁོ་བ། བླ་མ་རིན་འབྱུང་གི་ཉམས་ལེན་བྱིན་རླབས་དང་བཅས་པའི་ཡི་གེ་འདོད་དགུའི་དཔལ་འབྱོར་མ་ལུས་པ་འབྱུང་བའི་གནས་ལེགས་བྱས་ཀྱི་རྔ་བོ་ཆེ། ལམ་ཟབ་ནང་གི་རྣལ་འབྱོར་གྱི་བྱིན་རླབས་བྱ་ཚུལ་མཁས་ལ་ཉེར་མཁོ། བིར་བསྲུང་ཐུན་མོང་གི་བྱིན་རླབས་རྗེ་རྡོ་རྗེ་འཆང་གིས་མཛད་པ་ལ་ཟུར་འདེབས་ཅུང་ཟད་དང་བཅས་པ། བིར་བསྲུང་ཐུན་མོང་མ་ཡིན་པའི་བྱིན་རླབས་བྱ་ཚུལ་ཟུར་འདེབས་དང་བཅས་པ། བརྡ་དོན་གསལ་བའི་བྱིན་རླབས་བྱ་ཚུལ་ལ་གཉིས་ལས་གསུམ་བྱུང་གི་གོ་དོན་དང་བཅས་པ། ལམ་སྦས་བཤད་ཀྱི་བྱིན་རླབས་བྱ་ཚུལ་བཀླགས་ཆོག་ཏུ་བཀོད་པ། བརྡ་ཆིག་བརྒྱུད་ཀྱི་བྱིན་རླབས་བྱ་ཚུལ་ལག་ལེན་གོ་བདེ་བ་བཀླགས་ཆོག་ཏུ་བཀོད་པ། སྒྲུབ་པ་ལུང་སྦྱིན་དང་གསང་བཅུ་རྒྱས་གདབ་ཀྱི་ཕྱག་ལེན་གོ་བདེ་བཀླགས་ཆོག་ཏུ་བཀོད་པ་མཐའ་དཔྱོད་དང་བཅས་པ། རྣམ་འཇོམས་བིར་ལུགས་ལྷ་བདུན་ཅུ་རྩ་ལྔའི་སྒྲུབ་ཐབས་ནུབ་པ་རིགས་འཛིན་གྲགས་ཀྱིས་མཛད་པའི་དབུའི་ཕྱོགས་ནས་ཕྱུང་བ་རྣམས་རྣམ་འཇོམས་བིར་ལུགས་ཀྱི་བྱིན་རླབས་ཀུན་མཁྱེན་བསོད་ནམས་སེང་གེས་མཛད་པ། དེས་མཛད་པའི་གྷ་ཡ་དྷ་ར་ནས་བརྒྱུད་པའི་གུར་མགོན་གྱི་རྗེས་གནང་བྱ་ཚུལ། མཁྱེན་རབ་རྗེས་མཛད་པའི་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་འཁྲིད་ཀྱི་
བསྡུས་༼སྟོད༽དོན་འབྲས་བུ་ལ་དོན་མ་ལུས་པ་མངོན་དུ་གྱུར་པ་ནི་ངོ་བོ་ཉིད་སྐུ་ཐོབ་པའོའི་མཐའ་ཅན། མཛད་བྱང་མེད། ངོར་ཆེན་དཀོན་ཅོག་ལྷུན་གྲུབ་ཀྱིས་མཛད་པའི་གཞུང་ཇི་ལྟར་བ་བཞིན་དུ་བཀྲི་བའི་ལམ་གྱི་སྔོན་༼བྷོ༽འགྲོའི་འཁྲིད་ཡིག་སྣང་གསུམ་མཛེས་པར་བྱེད་པའི་རྒྱན། དེས་མཛད་པའི་ལམ་གྱི་དངོས་གཞིའི་འཁྲིད་༼བྷོ༽ཡིག་རྒྱུད་གསུམ་མཛེས་པར་བྱེད་པའི་རྒྱན། དེས་མཛད་པའི་དཔལ་ཀྱི་རྡོ་རྗེའི་དབང་གི་ཚིག་དོན་རྣམས་༼བྷོ༽ལེགས་པར་བཤད་པ་ལུང་དང་མན་ངག་གི་གཏེར་མཛོད། དེས་མཛད་པའི་དབང་གི་མཚམས་༼བྷོ༽སྦྱོར་སྙིང་པོ་བསྡུས་པ། ཀུན་མཁྱེན་རྡོ་རྗེ་གདན་པས་མཛད་པའི་སྦྱིན་སྲེག་༼བྷོ༽གི་ཆོ་ག་མེ་ཤེལ་འཕྲེང་བ། རྗེ་དཔལ་ལྡན་དོན་གྲུབ་ཀྱིས་མཛད་པའི་ཀྱེ་རྡོ་རྗེའི་ལས་༼ཝ༽བཞིའི་སྦྱིན་སྲེག་གི་རྣམ་བཤད་ཡེ་ཤེས་མེ་དཔུང་། ས་སྐྱ་ཁྲི་ཆེན་འཇམ་དབྱངས་ཀུན་དགའ་བསོད་ནམས་ཀྱིས་ཕྱོགས་གཅིག་ཏུ་༼པ༽༼ཨཱ༽སྒྲིགས་པའི་ལམ་སྦས་བཤད་ཀྱི་ཉམས་ལེན། འདི་ལ་བླ་མ་གོང་མ་རྣམས་ཀྱི་ཡིག་ཆ་མི་ནུབ་པའི་ཕྱིར་ས་གཅད་ཀྱི་ཁོངས་ནས་ཐོན་པ་མཛད་པ་ལ། ངོར་པ་རྡོ་རྗེ་འཆང་གིས་སློབ་མ་དཔལ་གྱི་རྒྱལ་མཚན་གྱི་ཡི་གེ །ངོར་ཆེན་གྱི་སློབ་མ་ཀུན་དགའ་བློ་གྲོས་རྒྱལ་མཚན་གྱིས་མཛད་པའི་ཡི་གེ །བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས་མཛད་པའི་ཡི་གེ །ངོར་པ་ལྷ་མཆོག་སེང་གེའི་སློབ་མ་རྗེ་ཀུན་དགའ་ལྷུན་གྲུབ་ཀྱིས་མཛད་པ་རྣམས་ཕྱོགས་གཅིག་ཏུ་བསྒྲིགས་པ་གོང་མའི་གསུང་གི་བདུད་རྩི་མན་ངག་གི་རྒྱ་མཚོ། ས་སྐྱ་ཁྲི་ཆེན་གྱིས་མཛད་༼ཨཱ༽པའི་བྱིན་རླབས་ཀྱི་སྐོར་ལ། བརྡ་དོན་གསལ་བའི་བྱིན་རླབས། བརྡ་ཆིག་བརྒྱུད་ཀྱི་བྱིན་རླབས། མགོ་རྐྱང་གི་རྗེས་གནང་
སྒྲུབ་པ་ལུང་སྦྱིན་གྱིས་བྱིན་རླབས་རྣམས་ཀྱི་ཡི་གེ་ཕྱོགས་གཅིག་ཏུ་བཀོད་པ་དོན་གཉིས་ལྷུན་གྲུབ་རྣམས་ཐོབ་པ་ལས་རྟགས་མེད་པའི་དབང་བྱིན་རླབས་འཁྲིད་དང་ལུང་བཅས་པའི་བརྒྱུད་པ་ནི། སམྱཀྶཾབུདྡྷབཛྲདྷརཿ ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་། བྷཊྚརཱཀབཛྲནཻརཏྨ། རྗེ་བཙུན་རྡོ་རྗེ་བདག་མེད་མ། སློབ་དཔོན་རྣལ་འབྱོར་གྱི་དབང་ཕྱུག་དཔལ་ལྡན་བིཪྺ་པ། ཨཱཙཪྻཡོགེཤྭརཤྲཱིམདྦིཪྺ། དམར་སེར་ཞེས་པ་མེ་སྦྲུལ་ལ་སོ་མ་པུ་རིར་བལྟམས་ནས་རྣམ་བྱུང་ས་འབྲུག་ལ་གྲུབ་པ་བརྙེས། ས་དྲུག་གི་དབང་ཕྱུག་གྲུབ་ཆེན་ཤར་ཕྱོགས་ནག་པོ་བ། ཥཥྦཱུ་མཱི་ཤྭརམཧཱསཱདྡྷཔུརྦདིཀྐཧྞཿ རྒྱ་གར་ཤར་ཕྱོགས་སུ་སྐུ་འཁྲུངས། ཡུལ་དབུས་སུ་བལྟམས། རཱཛྙཿཀཱུལཌཱམརུཿ རྒྱལ་རིགས་ཌཱ་མ་རུ་པ། ཝ་ར་ཎཱ་སིར་འཁྲུངས་བྷཊྚ་རཱ་ཀཨཝདྷཱུཏིཿ རྗེ་བཙུན་གཉིས་སྤངས་པ། མཁས་པ་ཆེན་པོ་སྤྲིན་འཛིན། མ་ཧཱ་པཎྜིཏགྷཡདྷརཿ བྷཾ་ག་ལར་འཁྲུངས། འཇིག་རྟེན་གྱི་མིག་ཆེན་པོ་འབྲོག་མི་ཤཱཀྱ་ཡེ་ཤེས་མཧཱ་ལོ་ཀཙཀྵུ། འབྲོག་མི་ཤཱཀྱཛྙཱནཿ མང་མཁར་དུ་འཁྲུངས། མདོག་སྨ་ཆེ་འགྲུམ་དུ་འཁྲུངས་གུརུསེཀུཊྱལྤསརྦྦ པཱཤྱཿ བླ་མ་སེ་མཁར་ཆུང་བ་ཀུན་རིག །བླ་མ་ཞང་དགོན་པ་ཕ་ཆོས་འབར་གུརུཀཀཱརཎྱཀདྷརྨྨཛྭལཿ སག་ཐང་སྡིངས་སུ་འཁྲུངས། རྗེ་བཙུན་ས་སྐྱ་པ་ཆེན་པོ་ཀུན་དགའ་སྙིང་པོ། བྷཊྚརཱཀམཧཱབྷཱུམིཔཎྜུརཱནནྡགརྦྷཿ ཨངྒིར་ཞེས་པ་ཆུ་སྤྲེལ་ལ་གྲུམ་སྟོད་ཁའུར་འཁྲུངས། སློབ་དཔོན་རིན་པོ་ཆེ་བསོད་ནམས་རྩེ་མོ། ཨཱཙཪྻརཏྣཔུཎྱགྲཿ རྔ་ཆེན་ཞེས་པ་ཆུ་ཁྱི་ལ་གཟིམས་སྤྱིལ་དཀར་པོར་འཁྲུངས། རྗེ་བཙུན་རིན་པོ་ཆེ་གྲགས་པ་རྒྱལ་མཚན། བྷཊྚརཱཀརཏྣཀཱིཪྟིངྷྭཛཿ རབ་བྱུང་ཞེས་པ་མེ་ཡོས་ལ་སྒོ་རུམ་མགོན་ཁང་མདོར་འཁྲུངས། ས་པཎྜི་ཏ་ཆེན་པོ་ཀུན་དགའ་རྒྱལ་མཚན་དཔལ་བཟང་པོ། མཧཱ་པཎྜིཏབྷཱུམྱཱནནྡདྷཱཛཤྲཱིབྷདྲཿ དགེ་བྱེད་ཅེས་པ་ཆུ་སྟག་ལ་སྒོ་རུམ་ཚོགས་ཁང་ཕུར་འཁྲུངས། འགྲོ་
བའི་མགོན་པོ་ཆོས་ཀྱི་རྒྱལ་པོ་འཕགས་པ་རིན་པོ་ཆེ་བློ་གྲོས་རྒྱལ་མཚན། ཛགནཱཐདྷརྨྨརཱཛརཏྣཱཪྻམཏིདྷྭཛཿ མྱོས་བྱེད་ཅེས་པ་ཤིང་ལུག་ལ་སྟག་སྡེ་རླུང་ཁུང་དུ་འཁྲུངས། བླ་མ་ཞང་དཀོན་ཅོག་དཔལ་གུརུཀཀརཏྣཤྲཱི། ཀུན་ལྡན་ལྕགས་བྱི་ལ་ར་ས་མཚལ་ཁུང་དུ་འཁྲུངས། གྲུབ་ཆེན་བྲག་ཕུག་པ་བསོད་ནམས་དཔལ། མཧཱསཱདྷ ཤིལཀཽཊྱཀཔུཎྱཤྲཱི། དབང་ཕྱུག་མེ་མོ་གླང་ལ་ར་ས་མཚལ་ཁུང་དུ་འཁྲུངས། ཐམས་ཅད་མཁྱེན་པ་བསོད་ནམས་རྒྱལ་མཚན་དཔལ་བཟང་པོ། སརྦཛྙཱཔུཎྱདྷཱཛཤྲཱིབྷདྲཿ ཡོངས་འཛིན་ཞེས་པ་ཆུ་ཕོ་བྱི་བའི་ལོ་ལ་ཞ་ལུ་ཁང་གསར་དུ་འཁྲུངས། ཆོས་རྗེ་དཔལ་ལྡན་ཚུལ་ཁྲིམས། དྷརྨྨསྭཱམིཤྲཱིམཏིཤཱིལཿ དཔལ་གདོང་ཞེས་པ་ཆུ་བྱའི་ལོ་འབྲས་ཁུང་སྒང་སྐྱར་འཁྲུངས། གྲུབ་ཆེན་སངས་རྒྱས་དཔལ། མཧཱསདྡྷབུདྡྷ་ཤྲཱི། མྱོས་ལྡན་ཞེས་པ་ས་ཡོས་ལ་མདོག་གི་ཕུར་འཁྲུངས། ངོར་ཆེན་རྡོ་རྗེ་འཆང་ཀུན་དགའ་བཟང་པོ། མཧཱངོརབཛྲ དྷནནྡབྷདྲཿ རྔ་ཆེན་ཞེས་པ་ཆུ་ཕོ་ཁྱི་ལ་ས་སྐྱའི་བྱི་ཁྲུང་སྒོར་འཁྲུངས། སེམས་དཔའ་ཆེན་པོ་དཀོན་ཅོག་རྒྱལ་མཚན། མཧཱསཏྭརཏྣ དྷྭཛཿ རྣམ་བྱུང་ཞེས་པ་ས་འབྲུག་ལ་མུད་སྟོད་གླིང་སྐྱར་འཁྲུངས། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་དཔལ་བཟང་པོ། མཧཱཔཏིབཛྲདྷརམཏིདྷྭཛཤྲཱིབྷདྲཿ མིག་དམར་ཞེས་པ་ཤིང་བྱི་ལ་ཤབ་ལྕམ་མོ་གཡང་གྲོང་དུ་འཁྲུངས། རྗེ་བཙུན་རྡོ་རིང་པ་ཆེན་པོ་ཀུན་བཟང་ཆོས་ཀྱི་ཉི་མ་བློ་ལྡན་ཤེས་རབ་ཀུན་དགའ་རྒྱལ་མཚན་དཔལ་བཟང་པོ། བྷཊྚརཱཀམཧཱཤེལདཱིརྒྷསམནྟབྷདྲདྷརྨ སུརྱདྷིམཏྤྲཛྙཱནནྡདྷྭཤྲཱིབྷདྲཿ དཀར་པོ་ཞེས་པ་ས་སྦྲུལ་ལ་སྣར་ཐང་རྡོ་རིང་དུ་འཁྲུངས། རྔ་ཆེན་ཞེས་པ་ཆུ་ཕོ་ཁྱི་ལ་ལ་སྟོད་སྨུ་ག །ཤོངས་སུ་འཁྲུངས། མཧཱཚརདྷརྨྨརཛཱདྷཱིཀཱཤསམུདྲཀཱིརྟིདྷྭཛཤྲཱིབྷདྲཿ ཚར་ཆེན་ཆོས་ཀྱི་རྒྱལ་པོ་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོ། འཇམ་པའི་དབྱངས་མཁྱེན་བརྩེའི་དབང་ཕྱུག་བསྟན་པའི་རྒྱལ་མཚན་དཔལ་བཟང་པོ། མཉྫུ
གོཥཛྙཱདཡེཤྭརཤཱསནདྷྭཛཤྲཱིབྷདྲཿ ཉི་སྒྲོལ་བྱེད་ཅེས་པ་ཤིང་སྤྲེལ་ལ་བོ་དོང་དུ་འཁྲུངས། མཁན་ཆེན་བསླབ་གསུམ་རྒྱལ་མཚན། མཧོཔདྷྱཱཡཏྲིཤེཥྱདྷྭཛཿ མི་ཟད་པ་ཞེས་པ་མེ་ཁྱི་ལ་རམ་སྡིངས་མ་དང་ཉེ་བའི་གནས་ལོག་རི་ཁྲོད་ཀྱི་མདུན་ངོས་སུ་འཁྲུངས། རྡོ་རྗེ་འཆང་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོ། བཛྲདྷརེཤྭརཔྲྀདྲདྷཤཱསནདྷཱཛཤྲཱིབྷདྲཿ དུས་ཀྱི་ཕོ་ཉ་ཞེས་པ་ས་རྟ་ལ་ཉུག་བཀྲ་ཤིས་རྒྱལ་ཁང་དུ་འཁྲུངས། རིགས་ཀུན་ཁྱབ་བདག་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོ། སརྦཀཱུལཔྲབྷུནཱཐཔུཎྱོཏྟམབཏཤཱསནདྷཱཛཤྲཱིབྷདྲཿ མཛེས་བྱེད་ཅེས་པ་ཆུ་ཡོས་ལ་ནུབ་ཁུ་ལུང་དུ་འཁྲུངས། དེས་བདག་གསང་ཆེན་སློབ་བཤད་འཛིན་པ་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཏེནཱདྨདྨཧཱགུཧྱཤིཥྱབྷཱཥདྷཱརཀསཧོརགོམོསྨརེཡཙྪཿ ཡང་བརྒྱུད་པ་གཉིས་པ་ཡབ་ཆོས་རྗེ་ནས་བརྒྱུད་པའི་ཐུན་མོང་མ་ཡིན་པའི་ལུགས་གཅིག་ནི། ཨཔིདྭིཏཱིཡཏནྡྲེཀཔིཏྲྀདྷརྨསྭཱམིཏྭཏནྟྲསྱནུབྷཥྱཻཀཱགམེ། ཉི་སྒྲོལ་བྱེད་ཅེས་པ་ཤིང་སྤྲེལ་ལ་ཞ་ལུ་ཁང་གསར་དུ་འཁྲུངས། སདྒུརུ་ཏྭརཏྣཔཱུཏཀཪྻསྱནཔྟིཀམཧཱགུརྭཱནནྡདྷྭཛཿ བླ་མ་དམ་པ་ནས་རིན་ཅེན་སྒང་སྒོས་ཀྱི་དབོན་པོ་བླ་ཆེན་ཀུན་དགའ་རྒྱལ་མཚན། ཡབ་ཆོས་རྗེ་འཇམ་པའི་དབྱངས་ནམ་མཁའ་རྒྱལ་མཚན་དཔལ་བཟང་པོ། པིཏྲིདྷརྨཱསྭཱ མིམཉྫུགྷོཥགགནདྷཛཤྲཱིབྷདྲཿ དབང་ཕྱུག་ཅེས་པ་མེ་གླང་ལ་འཁྲུངས། རྡོ་རྗེ་འཆང་བློ་གྲོས་མཚན་མན་འདྲ། བཛྲདྷརམཏིདྷྭ ཛེཏྟརེབཾ། བརྒྱུད་པ་གསུམ་པ་ནི། ཆོས་རྗེ་བླ་མ་དམ་པ་ནས། ཉ་དབོན་ཀུན་དགའ་དཔལ། གྲུབ་ཆེན་ཀུན་དགའ་བློ་གྲོས། བདག་ཆེན་རྡོ་རྗེ་འཆང་ཆེན་པོ་མན་གོང་ལྟར་རོ། །དེ་ཡང་བདག་ཆེན་རྡོ་རྗེ་འཆང་ལ་གསུང་ངག་གི་བརྒྱུད་པ་
གསུམ་བཀའ་བབས་ཀླུ་སྒྲུབ་རྗེས། རྣལ་འབྱོར་དབང་ཕྱུག་འཇམ་མགོན་ས་སྐྱ་པའི། །བརྒྱུད་པ་གསུམ་ལྡན་སྙན་བརྒྱུད་སྦས་པའི་གཏེར། །སྙིང་པོའི་བཅུད་བསྡུས་ཟབ་མོ་སློབ་བཤད་ཀྱི། །བཀའ་དྲིན་དྲན་ནས་བློ་གསལ་རྒྱ་མཚོ་ལ། །གསོལ་བ་འདེབས་སོ་སྙིང་དབུས་པདྨར་བྱོན། །ཞེས་བརྒྱུད་པ་གསུམ་གྱི་མན་ངག་གི་སྙིང་པོ་བསྡུས་པ་ཟབ་མོ་སློབ་བཤད་དུ་སྒྲ་ཡངས་པའི་དབང་དུ་བྱས་ན་བསྟན་ལ། ཞིབ་ཏུ་དཔྱད་ན་སློབ་བཤད་ཐུན་མོང་མ་ཡིན་པའི་བརྒྱུད་པ་གོང་མ་གཉིས་ཡིན་ཞིང་། དེའི་རྒྱུ་མཚན་ཡང་། ངོར་ཆེན་རྡོ་རྗེ་འཆང་གིས་སེམས་དཔའ་ཆེན་པོ་གཅིག་པུ་ལ་སློབ་བཤད་ཆིག་བརྒྱུད་དུ་གནང་། སེམས་དཔའ་ཆེན་པོས་ཚོགས་བཤད་གསུང་བའི་དུས་གནད་འགག་ཆེ་ས་འགར་སླེབས་ཚེ་ཞལ་མདངས་དམར་པོར་འགྱུར་ཞིང་ཕྱག་སེ་གོལ་མཛད་ནས་དེ་ཙམ་དུ་མ་སོང་ན་ཞེས་གསུང་བའི་དུས་སུ་སློབ་བཤད་ཀྱི་གནད་འགག་རྣམས་ཡོད་ཚོད་དུ་འདུག་ཅེས་ཞ་ལུ་པ་སངས་རྒྱས་དཔལ་བཟང་སོགས་གསུང་ལ། ངོར་ཆེན་ཡབ་སྲས་གཉིས་ལ་མི་བཞུགས་པའི་ཟབ་གནད་འགའ་ཞིག་དང་བཅས་པའི་སློབ་བཤད་ཤིན་ཏུ་རྒྱས་པ་ནི་བླ་མ་དམ་པ་ནས་རིན་ཅེན་སྒང་སྒོས་ཀྱི་ཞལ་ངོ་འབའ་ཞིག་ལ་བརྒྱུད་པའི་ཁྱད་པར་ཅན་ནོ། །ཐུན་མོང་བ་ཚོགས་བཤད་ཙམ་གྱིས་བརྒྱུད་པ་ནི་བརྒྱུད་པ་བར་མའི་བླ་ཆེན་ཀུན་རྒྱལ་བ་ནས། ཐེག་ཆེན་ཆོས་རྗེ་ཀུན་དགའ་བཀྲ་ཤིས་རྒྱལ་མཚན་དཔལ་བཟང་པོ། ཡབ་འཇམ་དབྱངས་ཆེན་པོ་མན་གོང་ལྟར་དུ་བརྒྱུད་པ་དང་། བརྒྱུད་པ་གསུམ་པ་ལུགས་འདི་ལ་གྲགས་ཆེ་ཞིང་། གཞན་ཡང་བརྒྱུད་པའི་རྣམ་གྲངས་ཆོས་རྗེ་བླ་མ་ནས། རི་ཁྲོད་པ་བློ་
གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས་མན་གོང་བཞིན་ནོ། །ཡང་ན་བྲག་ཕུག་པ་ནས། རི་ཁྲོད་པ་བློ་གྲོས་བརྟན་པ། དཔལ་ཚུལ་པ་མན་འདྲ། ཡང་ཚོགས་བཤད་བརྒྱུད་པ་ལུགས་གཅིག་ནི། བདག་ཆེན་རྡོ་རྗེ་འཆང་ནས། རྗེ་བཙུན་སྒོ་རུམ་པ་ཆེན་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་མན་འདྲ། ཡང་ན་ས་པཎ་ནས། ཚོགས་སྒོམ་པ། ཉན་ཆེན་པ། དཀར་པོ་བྲག་པ། རི་ཁྲོད་པ། ཆོས་རྗེ་དཔལ་ཚུལ་བ་མན་འདྲ། ཡང་ན་ཞང་སྟོན་པ་ནས། དགའ་ལྡན་པ། བླ་མ་དཔལ་ལྡན་སེང་གེ །བླ་མ་དམ་པ་མན་འདྲ། ཡང་ན་ཉན་ཆེན་པ་ནས། འཇམ་སྐྱ་བ། བླ་མ་དཔལ་སེང་པ་མན་གོང་ལྟར། ཡང་ན་ངོར་ཆེན་རྡོ་རྗེ་འཆང་ལ། འཁོར་ལོ་སྡོམ་པ་དཀོན་ཅོག་རྒྱལ་མཚན། འཇམ་དབྱངས་ཤེས་རབ་རྒྱ་མཚོ། རྒྱལ་ཚབ་ཀུན་དགའ་དབང་ཕྱུག །མཁས་གྲུབ་དཔལ་ལྡན་རྡོ་རྗེ་བཞིས་གསན། བཞི་ག་ལ་བྱ་འགྱུར་བ་རྣལ་འབྱོར་དབང་ཕྱུག་བསོད་ནམས་སེང་གེ །དེ་ནས་སྒོ་རུམ་པ་མན་གོང་ལྟར། ཡང་ན་བྱ་འགྱུར་བས་གསན་པའི་བླ་མ་བཞིའི་སྟེང་དུ་ཀུན་མཁྱེན་གོ་བོ་སྟེ་ལྔ་ལ། ཡོངས་འཛིན་དཀོན་ཅོག་འཕེལ། རིམ་བཞིན་ས་ལོ། སྒོ་རུམ་པ་མན་འདྲ། ཡང་ན་དཀོན་ཅོག་འཕེལ་ནས། རྗེ་སངས་རྒྱས་རིན་ཆེན། དེ་གཉིས་ལ་ས་ལོ་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དབང་། མཁན་ཆེན་བསོད་ནམས་ལྷུན་གྲུབ། འཇམ་དབྱངས་ཀུན་དགའ་བསོད་ནམས། རྗེ་སྒོ་རུམ་པ་མན་འདྲ། ཡང་ན་ཀུན་མཁྱེན་བསོད་ནམས་སེང་གེ་ནས། པཎ་ཆེན་དབང་ཕྱུག་གྲུབ་པ། བདག་ཆེན་འཇམ་དབྱངས་ངག་གི་དབང་པོ། ཀུན་མཁྱེན་མཁྱེན་བརྩེའི་དབང་ཕྱུག་མན་འདྲ། ཡང་ན་ངོར་ཆེན་
ལ། མུས་ཆེན། རྒྱལ་ཚབ་ཀུན་དབང་། ཀུན་མཁྱེན་གོ་བོ་གསུམ་གས་གསན། གསུམ་ག་ལ་ཡོངས་འཛིན་དཀོན་ཅོག་འཕེལ། ས་ལོ་ཐམས་ཅད་མཁྱེན་པ། བདག་ཆེན་ངག་གི་དབང་པོ་མན་གོང་ལྟར། ཡང་ན་ངོར་ཆེན་ནས། རྒྱལ་ཚབ་ཀུན་དབང་། གློ་བོ་མཁན་ཆེན་ལེགས་འབྱུང་ས་ལོ། བདག་ཆེན་ངག་གི་དབང་པོ་མན་འདྲ། ཡང་ན་ངག་གི་དབང་པོས་གློ་བོ་མཁན་ཆེན་རང་ལ་རྫོགས་པར་གསན་ནོ། །ཡང་ཉེ་བརྒྱུད་ནི། བརྩེ་བ་ཆེན་པོ་མངའ་རིས་གུང་ཐང་དུ་བཞུགས་སྐབས་དུག་བྱུང་བའི་རོ་མ་གཡས་རུའི་གྲོང་ཆུ་དགོན་པར་བཞུགས་དུས་ལངས་པའི་སྐྱོན་གྱིས་ཆོས་རྣམས་མཉེལ་བས་འཇམ་དབྱངས་ཕུག་ཏུ་སྐུ་མཚམས་བསྡམས་ཏེ་གསོལ་བ་བཏབ་པས། ཞང་དགོན་པ་བ་མནལ་ལམ་དང་དངོས་དུ་བྱོན་ནས་གདམས་པ་རྣམས་གསུངས། དེ་རྗེས་རྣལ་འབྱོར་གྱི་དབང་ཕྱུག་ཆོས་འཁོར་ཀྱི་ཕྱག་རྒྱ་ཅན་ས་སྐྱའི་འབམ་གྲོག་མོན་གྲོགས་གི་བར་སྐྱིལ་དཀྲུང་གཅིག་གིས་ཁེབས་པ་གཙོ་འཁོར་ལྔ་པ་ཞིག་ཞལ་གཟིགས་ནས་གསུངས་པས་རྣལ་འབྱོར་དབང་ཕྱུག་ནས་རྗེ་བཙུན་བརྩེ་བ་ཆེན་པོ་མན་གོང་བཞིན་ནོ། །དེ་རྣམས་ནི་གསུང་ངག་གི་བརྒྱུད་པའི་རྣམ་གྲངས་ཡིན་ལ། རྒྱུད་དབང་གི་བརྒྱུད་པའི་རྣམ་གྲངས་ལ། ཡང་ན་དཀར་པོ་བྲག་པ་རིན་ཅེན་སེང་གེ་ནས། ཆོས་རྗེ་གུང་ཐང་པ་སེང་གེ་དཔལ་ལྡན། རྗེ་འོད་མཛེས་བཟང་པོ། ཆོས་རྗེ་པཎྜི་ཏ་ཆེན་པོ། རྩེད་དང་དགེ་འཕེལ་བ་བསོད་ནམས་བློ་གྲོས། རྗེ་རྡོ་རིང་པ་མན་འདྲ། ཡང་ན་བྲག་ཕུག་པ་ནས། ལམ་འབྲས་པ་ཡེ་ཤེས་དཔལ། ས་སྐྱ་པ་རིན་ཆེན་དཔལ། ཆོས་རྗེ་པཎྜི་ཏ་མན་འདྲ། ཡང་ན་བླ་མ་དམ་པ་ནས། འདི་བརྒྱུད་པ་འགངས་ཆེ་བ་གཅིག་ཏུ་འདུག །ཡར་ཀླུངས་པ་སེང་གེ་རྒྱལ་
མཚན། མཁན་ཆེན་བསོད་ནམས་རྒྱལ་མཆོག །རྩེད་དང་པ་བསོད་ནམས་བློ་གྲོས་མན་འདྲ། ཡང་ན་ཆོས་རྗེ་དཔལ་ལྡན་ཚུལ་ཁྲིམས་ལ། ཤར་ཆེན་ཡེ་ཤེས་རྒྱལ་མཚན་དང་། གྲུབ་ཆེན་བུདྡྷ་ཤྲཱིས་གསན། དེ་གཉིས་ལ་རྡོ་རྗེ་འཆང་ཀུན་དགའ་བཟང་པོ། དེ་ནས་རྡོ་རྗེ་འཆང་ཚར་པ་ཆོས་རྗེ་ཡབ་སྲས་བཞུགས་པའི་བར་གོང་བཞིན་ནོ། །ཡང་ན་རྗེ་བཙུན་ཀུན་སྤངས་ཆེན་པོ་ནས། རྗེ་སྒོ་རུམ་པ་ཀུན་དགའ་ལེགས་པ། ཚར་ཆེན་མན་འདྲ། ཡང་ན་རྗེ་བཙུན་གྲགས་པ་ནས། གཅུང་དཔལ་ཆེན་འོད་པོ། ས་པཎ། ཟངས་ཚ་བསོད་ནམས་རྒྱལ་མཚན། འཕགས་པ། འདི་གཉིས་ཀྱི་བར་ན་བླ་མ་ཞིག་དགོས་ངེས་སུ་འདུག་པ་དམ་པ་ཀུན་དགའ་གྲགས་ཡིན་མིན་དཔྱད། བདག་ཉིད་ཆེན་པོ་བཟང་པོ་དཔལ། བླ་མ་དམ་པ་མན་འདྲ། ཡང་ན་བླ་མ་དམ་པ་ནས། བླ་ཆེན་ཀུན་དགའ་རྒྱལ་མཚན། ངོར་ཆེན་མན་འདྲ། ཡང་ན་འཕགས་པ་རིན་པོ་ཆེ་ནས། ཚོགས་སྒོམ་པ་ཀུན་དགའ་དཔལ། ཉན་ཆེན་བསོད་ནམས་བརྟན་པ། དཀར་པོ་བྲག་པ་རིན་ཆེན་སེང་གེ །ཆོས་རྗེ་དཔལ་ལྡན་ཚུལ་ཁྲིམས་གྲུབ་ཆེན་བུདྡྷ་ཤྲཱི། རྗེ་རྡོ་རྗེ་འཆང་། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །ཞ་ལུ་མཁན་ཆེན་དཀོན་ཅོག་ཚུལ་ཁྲིམས། དེ་གཉིས་ལ་རྗེ་བཙུན་སྒོ་རུམ་པ། ཚར་ཆེན་རྡོ་རྗེ་འཆང་། གཉིས་ཀ་ལ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་གསན་པ་མན་འདྲ། ཡང་ན་ཉན་ཆེན་པ་ནས། བྲག་ཕུག་པ་བསོད་ནམས་དཔལ་མན་འདྲ། ཡང་ན་འཕགས་པ་ནས། པཎྜི་ཏ་རྡོ་རྗེ་ཤེས་རབ། བླ་མ་འཕགས་རྒྱལ་བ། བླ་མ་རིན་ཅེན་དཔལ་བཟང་། འགྲོ་མགོན་བསོད་ནམས་
རྒྱལ་མཚན་མན་འདྲ། ཡང་ན་ཞང་དཀོན་ཅོག་དཔལ་ནས། དགའ་ལྡན་པ་ཀུན་དགའ་བསོད་ནམས། རྒྱལ་བ་བྲག་ཕུག་པ་མན་འདྲ། ཡང་ན་ཉན་ཆེན་པ་ནས། བང་མོ་ཞུ་པ་གཞོན་ནུ་དཔལ། བླ་མ་དམ་པ་མན་འདྲ། ཡང་ན་བྲག་ཕུག་པ་ནས། རི་ཁྲོད་པ་བློ་བརྟན་བླ་མ་དཔལ་ཚུལ་མན་འདྲ། ཡང་ན་རྗེ་ས་པཎ་ནས། ཚོགས་སྒོམ་རིན་པོ་ཆེ། གཉག་སྙིང་པོ་རྒྱལ་མཚན། བར་སྟོན་རྡོ་རྗེ་རྒྱལ་མཚན། མཁན་ཆེན་རྡོ་རྗེ་ཚུལ་ཁྲིམས། བླ་མ་དཀོན་ཅོག་རྒྱལ་མཚན། བུ་སྟོན་དབང་ཕྱུག་དར། ཐེག་ཆེན་ཆོས་ཀྱི་རྒྱལ་པོ། སྒོ་རུམ་པ་རིན་ཅེན་བཟང་པོ། སྒོ་རུམ་པ་སངས་རྒྱས་རྒྱལ་མཚན། སྒོ་རུམ་པ་ཀུན་དགའ་ལེགས་པ་མན་གོང་ལྟར། ཡང་ན་བྲག་ཕུག་པ་བསོད་ནམས་དཔལ་ནས། བྲག་ཕུག་པ་དཀོན་ཅོག་རྒྱལ་མཚན། བུ་སྟོན་དབང་ཕྱུག་དར་མན་འདྲ། ཡང་ན་དཀར་པོ་བྲག་པ་ནས། བླ་མ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི་མན་འདྲ། ཡང་ན་དཔལ་ལྡན་བླ་མ་དམ་པ་ནས། སྔགས་འཆང་གཟུངས་ཀྱིས་དཔལ་བ། ཆོས་རྗེ་བཟང་པོ་རྒྱལ་མཚན། མཚུངས་མེད་རྒྱལ་མཚན་དཀོན་ཅོག །རྫོང་ཆུང་པ་བྱམས་པ་རྡོ་རྗེ་རྒྱལ་མཚན། བདག་ཆེན་རྒྱ་དཀར་ཤེས་རབ་རྒྱལ་མཚན། བདག་ཆེན་ངག་གི་དབང་པོ་མན་སྔར་བཞིན་ནོ། །ཡང་ན་སྒོ་རུམ་པ་ཆེན་པོ་ནས། མངའ་རིས་བླ་ཆེན་ནམ་མཁའ་གཟི་བརྗིད། ཀུན་མཁྱེན་མཁྱེན་བརྩེའི་དབང་ཕྱུག་མན་འདྲ། ཡང་ན་སྒོ་རུམ་པ་ནས། དེ་དབོན་ངག་དབང་བསྟན་པའི་རྡོ་རྗེ། རྗེ་མཁྱེན་བརྩེ་མན་འདྲ། ཡང་ན་རྗེ་བཙུན་རྡོ་རིང་པ་ནས། རྗེ་གྲོལ་མཆོག །འཇམ་དབྱངས་མཁྱེན་བརྩེ་མན་འདྲ། ཡང་ན་ངོར་ཆེན་ནས། པཎ་ཆེན་ཤཱཀྱ་མཆོག་ལྡན། སྤྱང་ལུང་པ་གཞོན་ནུ་ཆོས་གྲུབ། རྗེ་གྲོལ་མཆོག་མན་འདྲ། ཡང་ན་ས་བཟང་
མ་ཏི་ནས། ཐེག་ཆེན་ཆོས་རྒྱལ་སྤྱང་ལུང་གཞོན་ནུ་བློ་གྲོས། པཎ་ཆེན་ཤཱཀྱ་མཆོག་ལྡན་མན་འདྲ། ཡང་ན་མུས་ཆེན་འཁོར་ལོ་སྡོམ་པ་ནས། རྡོ་རྗེ་འཆང་མཁྱེན་རབ་ཆོས་རྗེ། སྤྱང་ལུང་པ་གཞོན་ནུ་ཆོས་གྲུབ། རྗེ་གྲོལ་མཆོག་མན་གོང་ལྟར། ཡང་ན་མུས་ཆེན་ལ་བདག་ཆེན་རྡོ་རྗེ་འཆང་། རྗེ་ཤེས་རབ་རྒྱ་མཚོ། རྭ་སྟོན་ཡོན་ཏན་དཔལ་བཟང་། རྒྱལ་ཚབ་ཀུན་དབང་བཞི། བཞི་ག་ལ་འཇམ་དབྱངས་བསོད་ནམས་ལྷུན་གྲུབ། གྲོལ་མཆོག་མན་འདྲ། ཡང་ན་འཇམ་དབྱངས་བསོད་ལྷུན་ལ། རྗེ་ཀུན་དགའ་མཆོག་གྲུབ། གྲོལ་མཆོག་མན་འདྲ། ཡང་ན་ངོར་ཆེན་ལ། གུ་གེ་པཎྜི་ཏ། རྗེ་རི་ཏི་སྐྱོག་པ། རྗེ་དཔལ་ལྡན་པ། རྗེ་ནམ་དཔལ་པ། རྗེ་ཡོན་ཏན་ཆོས་རྒྱལ། རྗེ་ལེགས་པའི་ཤེས་རབ་དྲུག་གིས་གསན། དྲུག་ག་ལ་གློ་བོ་མཁན་པོས་གསན་པ་མན་འདྲ། ཡང་ན་ངོར་ཆེན་ནས། དཔལ་ལྡན་རྡོ་རྗེ། ཀུན་དགའ་མཆོག་གྲུབ་མན་འདྲ། ཡང་ན་མུས་ཆེན་ལ། གོ་རམ་པ། དཀོན་ཅོག་འཕེལ། སངས་རིན་པ་གསུམ་གྱིས་གསན། དེ་གསུམ་ལ་ལྷ་མཆོག་སེང་གེ །གྲོལ་མཆོག་མན་འདྲ། ཡང་ན་མུས་ཆེན་ནས། ཞ་ལུ་པ་སངས་རྒྱས་དཔལ་བཟང་། ཆོས་རྗེ་བྱམས་པ་ཆོས་ལེགས། འཕགས་ཆེན་དཔལ་ལྡན་བཀྲ་ཤིས། རྗེ་གྲོལ་མཆོག་མན་འདྲ། ཡང་ན་ངོར་ཆེན་ནས། ཀུན་མཁྱེན་སངས་རྒྱས་འཕེལ། དེ་ལ་རིན་པོ་ཆེ་ནོར་བུ་ཕུན་ཚོགས་དང་མཁས་གྲུབ་བཤེས་གཉེན་བཀྲ་ཤིས་ཀྱིས་གསན། གཉིས་ཀ་ལ་རྫོང་དཀར་བ་ཤེས་རབ་རྒྱལ་མཚན། དེ་ནས་འཇམ་དབྱངས་མཁྱེན་བརྩེ་མན་སྔར་བཞིན་ནོ། །ཡང་ན་མུས་ཆེན་ནས། གྲུབ་ཆེན་དཀོན་ཅོག་བློ་གྲོས། འཇམ་དབྱངས་སངས་རྒྱས་རིན་ཅེན། ཆོས་རྗེ་བཤེས་
གཉེན་བཀྲ་ཤིས་མན་འདྲ། ཡང་ན་ཚར་ཆེན་ཆོས་ཀྱི་རྒྱལ་པོ་ནས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། སྤོས་ཁང་ཚོགས་པ་མཁན་ཆེན་ཐར་པ་རྒྱལ་མཚན། ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་ཚར་ཆེན་ནས། མང་ཐོས་ཀླུ་སྒྲུབ་རྒྱ་མཚོ། མཁན་རིན་པོ་ཆེ་ངག་དབང་ཆོས་གྲགས། འཇམ་དབྱངས་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་གྲོལ་མཆོག་ནས། ཀུན་མཁྱེན་ཀླུ་སྒྲུབ་རྒྱ་མཚོ་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། ཡོངས་འཛིན་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། ཐར་རྩེ་ནམ་མཁའ་དཔལ་བཟང་། ཐར་རྩེ་ནམ་མཁའ་སངས་རྒྱས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་ན་དཀོན་ཅོག་འཕེལ་ནས། རྗེ་སངས་རྒྱས་རིན་ཅེན། རྒྱལ་བ་ལྷ་མཆོག་སེང་གེ །དཀོན་ཅོག་ལྷུན་གྲུབ་མན་འདྲ། ཡང་ན་དཀོན་ཅོག་ལྷུན་གྲུབ་ནས། རྗེ་སངས་རྒྱས་སེང་གེ །བྲང་ཏི་པ་མན་གོང་བཞིན་ནོ། །ཡང་ན་སངས་རྒྱས་སེང་གེ་ནས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་མན་འདྲ། ཡང་ན་ངོར་ཆེན་དང་སེམས་དཔའ་ཆེན་པོ་གཉིས་ལ། ཤེས་རབ་རྒྱ་མཚོ། ཀུན་དགའ་དབང་ཕྱུག །དཔལ་ལྡན་རྡོ་རྗེ། ཀུན་མཁྱེན་བསོད་ནམས་སེང་གེ་བཞིས་གསན། མུས་ཆེན་མན་གྱི་བླ་མ་ལྔ་ག་ལ་རཏྣ་ཝདྡྷས་གསན་པ་མན་འདྲ། ཡང་ན་སེམས་དཔའ་ཆེན་པོ་ལ། ཀུན་མཁྱེན་གོ་བོ། གྲུབ་ཆེན་དཀོན་ཅོག་བློ་གྲོས། རྗེ་དཀོན་ཅོག་འཕེལ་གསུམ་གས་གསན། གསུམ་ག་ལ་རྗེ་སངས་རྒྱས་རིན་ཆེན་གྱིས་གསན། དཀོན་
ཅོག་ལྷུན་གྲུབ་མན་གོང་ལྟར་རོ། །ཡང་ན་དཀོན་ཅོག་ལྷུན་གྲུབ་ནས། རྗེ་དཀོན་ཅོག་རྒྱ་མཚོ། མཁན་ངག་དབང་ཆོས་གྲགས་མན་འདྲ། ཡང་ན་དཀོན་ཅོག་རྒྱ་མཚོ་ནས། འཕྱོང་རྒྱས་འཕགས་སྡེ་མཁན་ཆེན་དབང་ཕྱུག་དཔལ་བཟང་། ངག་ཆོས་པ་མན་འདྲ། ཡང་ན་དཀོན་ཅོག་རྒྱ་མཚོ་ནས། མུས་ཆེན་སངས་རྒྱས་རྒྱལ་མཚན། ཁྲི་ཆེན་ཀུན་དགའ་བསོད་ནམས་མན་འདྲ། ཡང་ན་ཉན་ཆེན་པ་ནས། ཀུན་མཁྱེན་གངས་པ་གྲགས་པ་དཔལ། སྤང་ཁང་པ་ཡང་ཟེར། །མ་ཏི་པཎ་ཆེན། ཐེག་ཆེན་ཆོས་རྗེ་ཉི་ལྡེ་བ་གུ་ཤྲཱི་ནམ་མཁའ་བཟང་པོ། དཔལ་ལྡན་རྡོ་རྗེ་མན་གོང་ལྟར། ཡང་ན་ས་པཎ་ནས། གྲུབ་ཐོབ་ཡོན་ཏན་དཔལ། ལ་རུ་བ་བསོད་ནམས་སེང་གེ །ཀུན་མཁྱེན་གངས་པ་མན་གོང་བཞིན། ཡང་ན་བླ་མ་དཔལ་ལྡན་ཚུལ་ཁྲིམས་ནས། དེ་དབོན་ནམ་མཁའ་དཔལ་བཟང་། གུ་ཤྲཱི་ནམ་མཁའ་བཟང་པོ་མན་འདྲ། ཡང་ན་གློ་བོ་མཁན་པོ་བསོད་ནམས་ལྷུན་གྲུབ་ནས། རྗེ་དཀོན་ཅོག་ལྷུན་གྲུབ་མན་སྔར་ལྟར། ཡང་ན་འཇམ་དབྱངས་སངས་རྒྱས་རིན་ཅེན་ནས། རྗེ་དཀོན་ཅོག་ལྷུན་གྲུབ་མན་འདྲ། ཡང་ན་རྒྱལ་ཚབ་ཀུན་དབང་ནས། ཡོངས་འཛིན་དཀོན་ཅོག་འཕེལ། རྗེ་སངས་རྒྱས་རིན་ཅེན། ས་ལོ་ཀུན་དགའ་བསོད་ནམས། རྗེ་དཀོན་ཅོག་ལྷུན་གྲུབ་མན་གོང་བཞིན་ནོ། །ཡང་ན་རྗེ་དཀོན་ཅོག་འཕེལ། ས་ལོ་མན་འདྲ། ཡང་ན་གློ་བོ་མཁན་ཆེན་ལེགས་འབྱུང་ནས། ས་ལོ་མན་གོང་ལྟར། ཡང་ན་མཁས་གྲུབ་དཔལ་ལྡན་རྡོ་རྗེ་ནས། མི་ཉག་པཎ་ཆེན་གྲགས་པ་རྡོ་རྗེ། ས་ལོ་མན་འདྲ། ཡང་ན་ངོར་ཆེན་ནས། མཁས་པ་གཞོན་ནུ་སེང་གེ །དེ་གཉིས་ལ་ལྷ་འབྲི་སྟོན་པ་ཤེས་རབ་རྡོ་རྗེ། མི་ཉག་པཎ་
ཆེན་མན་གོང་བཞིན། ཡང་ན་ངོར་ཆེན་དང་མུས་ཆེན་གཉིས་ལ། སྤྱན་སྔ་ཀུན་དགའ་རྡོ་རྗེ་དང་། མཁས་གྲུབ་གུང་རུ་ཤེར་བཟང་གིས་གསན། གཉིས་ཀ་ལ་མི་ཉག་པཎ་ཆེན་གྱིས་གསན་ནོ། །ཡང་ན་གུ་ཤྲཱི་ནམ་མཁའ་བཟང་པོ་ནས། རྗེ་ངག་དབང་གྲགས་པ། བདག་ཆེན་རྒྱ་དཀར་བ་ཤེས་རབ་རྒྱལ་མཚན། ས་ལོ་མན་འདྲ། ཡང་ན་འཇམ་དབྱངས་དཀོན་ཅོག་བཟང་པོ་ནས། བདག་ཆེན་རྒྱ་དཀར་བ་མན་སྔར་བཞིན། ཡང་ན་སངས་རྒྱས་སེང་གེ་དང་། བྲང་ཏི་པ་ནམ་མཁའ་དཔལ་བཟང་གཉིས་ལ། ཤར་ཆེན་བྱམས་པ་ཀུན་དགའ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ། དེ་དབོན་རྗེ་བཙུན་ཤེས་རབ་འབྱུང་གནས། རྩ་བའི་བླ་མ་ཁྱབ་བདག་བཀའ་འགྱུར་བ་དང་རྡོ་རྗེ་འཆང་ཞ་ལུ་མཁན་ཆེན་གཉིས་གས་གསན། གཉིས་ཀས་བདག་ལའོ། །ཡང་ན་དཀོན་ཅོག་ལྷུན་གྲུབ་ནས། དེ་དབོན་དཀོན་ཅོག་དཔལ་ལྡན། ཤར་ཆེན་པ་མན་འདྲ། ཡང་ན་སངས་རྒྱས་སེང་གེ་ནས། དཀོན་ཅོག་དཔལ་ལྡན། ཤར་ཆེན་པ་མན་གོང་ལྟར། ཡང་ན་དཀོན་ཅོག་ལྷུན་གྲུབ་ནས། ཤར་ཁང་པ་ཤེས་རབ་རྒྱལ་མཚན། ཤར་བ་ཀུན་བཀྲས་པ་མན་འདྲ། ཡང་ན་ཐར་རྩེ་པ་ནས། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། ཤར་པ་ཤེས་རབ་འབྱུང་གནས་མན་འདྲ། ཡང་ན་དཀོན་ཅོག་ལྷུན་གྲུབ་ནས། དཀོན་ཅོག་དཔལ་ལྡན། རྩེ་གདོང་ཁྲི་ཆེན་མན་འདྲ། ཡང་ན་བདག་ཆེན་ངག་གི་དབང་ཕྱུག་ནས། མཁན་བྱམས་པ་རབ་བརྟན། རྩེ་གདོང་ཁྲི་ཆེན་མན་འདྲ། ཡང་ན་ཤར་པ་ཀུན་དགའ་བཀྲ་ཤིས་ནས། རྡོ་རྗེ་འཆང་དབང་ཕྱུག་རབ་བརྟན་མན་འདྲ། ཡང་ན་འཇམ་མགོན་བསོད་ནམས་མཆོག་ལྡན་ནས། ཞ་ལུ་མཁན་ཆེན་རིན་ཅེན་བསོད་
ནམས་མཆོག་གྲུབ། དེས་བདག་ལའོ། །གོང་དཀར་བ་ལུགས་ནི། འཕགས་པ་རིན་པོ་ཆེ་ནས། འདི་ནས་བླ་མ་དམ་པའི་བར་གྱི་བརྒྱུད་པ་རྣམས་ངོར་པ་དང་མཐུན་པ་དོན་གྱིས་ཐོབ་ཀྱང་འདིར་རྡོ་རྗེ་གདན་པའི་གསན་ཡིག་སོར་གནས་བཞིན་བྲིས་པ་ཡིན། པཎྜི་ཏ་རྡོ་རྗེ་ཤེས་རབ། བླ་མ་འཕགས་པ་རྒྱལ་མཚན། བླ་མ་རིན་ཅེན་དཔལ་བཟང་། བླ་མ་དམ་པ་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། བླ་མ་ཆོས་སྒོ་བ། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ་དཔལ་བཟང་པོ། མཁས་གྲུབ་རྣམ་རྒྱལ་རིན་ཅེན། ཡོངས་འཛིན་ཤཱཀྱ་ཀུན་དགའ། བླ་མ་དམ་ཆོས་གླིང་པ་ཡེ་ཤེས་དབང་པོ། བླ་མ་ཉི་མ་གླིང་པ་ཚུལ་ཁྲིམས་བཀྲ་ཤིས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་ན་བླ་མ་ཚུལ་ཁྲིམས་བཀྲ་ཤིས་ནས། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ། དེ་བདག་ལའོ། །ཡང་ན་རྡོ་རྗེ་གདན་པ་ནས། འཇམ་དབྱངས་བྱང་ཆུབ་དབང་རྒྱལ། ཡོངས་འཛིན་ཤཱཀྱ་ཀུན་དགའ་མན་འདྲ། ཡང་ན་རྡོ་རྗེ་གདན་པ་ལ། འབྲི་གུང་མཁན་ཆེན། མཁས་གྲུབ་རིག་པའི་གློག་འཕྲེང་། ཆོས་རྗེ་ལྕང་ལོ་ཅན་པ་གསུམ་གས་གསན། གསུམ་ག་ལ་རྒྱ་སྟོན་བྱང་ཆུབ་དབང་རྒྱལ་གྱིས་གསན་པ་མན་གོང་ལྟར། ཡང་ན་རྒྱ་སྟོན་བྱང་ཆུབ་དབང་རྒྱལ་ལ། པཎ་ཆེན་བདེ་བའི་རྡོ་རྗེ་དང་འཕགས་མཆོག་ཨོ་རྒྱན་རྒྱལ་པོས་གསན་དེ་གཉིས་ལ་མཚུངས་མེད་ལྷ་དབང་འཕྲིན་ལས། ཉི་མ་གླིང་པ་མན་འདྲ། ཡང་ན་ཤཱཀྱ་ཀུན་དགའ་ནས། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མ་གླིང་པ་མན་གོང་ལྟར། ཡང་ན་ཀུན་བཟང་རྩེ་པ་དང་། ཉི་མ་གླིང་པ་གཉིས་ལ། ཀུན་བཟང་རྩེ་པ་པཎ་ཆེན་
དཔལ་ལྡན་ཚུལ་ཁྲིམས། དེ་ལ་ཁྱབ་བདག་ཞ་ལུ་མཁན་ཆེན། དེས་བདག་ལའོ། །ཡང་ན་བླ་མ་ཡེ་ཤེས་དབང་པོ་ནས། བྱམས་པ་ཤཱཀྱ་རྡོ་རྗེ། མཚུངས་མེད་དགེ་བའི་དབང་པོ། ཞ་ལུ་པ་ཆེན་པོ། དེས་བདག་ལའོ། །ཡང་ན་འཕགས་པ་ནས། ཚོགས་སྒོམ་པ། ཉན་ཆེན་པ། བྲག་ཕུག་པ། དྲུང་ཆོས་རྗེ་པ། ས་བཟང་པཎ་ཆེན། ཐེག་ཆེན་ཆོས་ཀྱི་རྒྱལ་པོ། གཟད་པ་རིན་རྒྱན། བྲག་ཐོག་པ་མན་སྔར་བཞིན་ནོ། །ཡང་ན་ཉན་ཆེན་པ་ནས། ཆོས་རྗེ་སྤང་ཁང་པ། མཁན་ཆེན་ལྷ་དབང་པ། བླ་མ་དཔལ་ལྡན་བསོད་ནམས། གཟད་པ་རིན་རྒྱན་པ། བྲག་ཐོག་པ་མན་འདྲ། ཡང་ན་བྲག་ཕུག་པ་ནས། ཆོས་རྗེ་ཡེ་ཤེས་དཔལ། ཆོས་རྗེ་བློ་གྲོས་བཟང་པོ། མཚུངས་མེད་ཆོས་རྗེ་སེང་གེ་དཔལ་བཟང་། བྲག་ཐོག་པ་མན་འདྲ། ཨཥྚའི་བཟླས་ལུང་གི་བརྒྱུད་པ་ངོར་ལུགས་ནི། ཆོས་རྗེ་རྡོ་རྗེ་འཆང་ཡན་ལམ་འབྲས་ལྟར་ལ། དེ་ནས་མུས་ཆེན་སེམས་དཔའ་ཆེན་པོ། མུས་ཆེན་སངས་རྒྱས་རིན་ཅེན། ཡོངས་འཛིན་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། དེ་དབོན་དཀོན་ཅོག་དཔལ་ལྡན། ཤར་ཆེན་བྱམས་པ་ཀུན་དགའ་བཀྲ་ཤིས། ཤར་ཆེན་ཤེས་རབ་འབྱུང་གནས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །རྫོང་ལུགས་ནི། བླ་མ་དམ་པ་ཡན་གསུང་ངག་ལྟར་ལ། དེ་ནས་སྔགས་འཆང་གཟུངས་ཀྱི་དཔལ་བ། མཁས་གྲུབ་བཟང་པོ་རྒྱལ་མཚན། རྗེ་རྒྱལ་མཚན་དཀོན་ཅོག །མུས་སྲད་པ་རྡོ་རྗེ་རྒྱལ་མཚན། རྗེ་དཀོན་ཅོག་དཔལ། བླ་མ་བྱམས་པ་ཆོས་དཔལ་འབྱོར། རྒྱ་སྟོན་བྱང་ཆུབ་དབང་རྒྱལ། རྗེ་ཤཱཀྱ་ཀུན་དགའ། པཎ་ཆེན་བདེ་བའི་རྡོ་རྗེ། བླ་མ་ལྷ་དབང་འཕྲིན་ལས། རྡོ་རྗེ་འཛིན་པ་ཚུལ་ཁྲིམས་བཀྲ་ཤིས་
རྡོ་རྗེ་འཆང་མགོན་པོའི་མཚན་ཅན། དེས་བདག་ལའོ། །གོང་དཀར་བའི་ལུགས་ནི། འཕགས་པ་ཡན་ལམ་འབྲས་ལྟར་ལ། དེ་ནས་ཞང་དཀོན་ཅོག་དཔལ། དགའ་ལྡན་པ་ཀུན་བསོད། བླ་མ་དཔལ་ལྡན་སེང་གེ །མཁན་ཆེན་ཤེས་རབ་རྡོ་རྗེ། བླ་མ་ཆོས་སྒོ་བ། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། མཁས་གྲུབ་རིག་པའི་གློག་འཕྲེང་། ཡངས་པ་ཅན་པ་བྱང་ཆུབ་དབང་རྒྱལ་མན་འདྲ། རྗེ་བཙུན་རྡོ་རྗེ་བདག་མེད་མ་ལྷ་བཅོ་ལྔའི་རས་བྲིས་ཀྱི་དཀྱིལ་འཁོར་དུ་དབང་ཐོབ་པའི་བརྒྱུད་པ་གསུང་ངག་སློབ་བཤད་ཀྱི་བརྒྱུད་པ་ལུགས་གསུམ་དང་འདྲ་ཞིང་། ཡང་ན་རྗེ་བཙུན་ས་སྐྱ་པ་ཆེན་པོ་ནས། ནེ་ཙེ་སྦལ་སྟོན་ཆོས་ཀྱི་འབྱུང་གནས། བླ་མ་ཤེས་རབ་གྲགས། གནམ་པ་རྭ་ཆོས་ཀྱི་ཤེས་རབ། མངོན་པ་བ་དབང་ཕྱུག་བརྩོན་འགྲུས། དེ་ལ་འཕགས་པ་རིན་པོ་ཆེ་དང་པཎྜི་ཏ་རྡོ་རྗེ་ཤེས་རབ་ཀྱིས་གསན། དེ་གཉིས་ལ་ཞང་དཀོན་ཅོག་དཔལ། དེ་ནས་བྲག་ཕུག་པ་བསོད་ནམས་དཔལ། དེ་ལ་བླ་མ་དམ་པ་དང་རི་ཁྲོད་པ་བློ་བརྟན་གྱིས་གསན། གཉིས་ཀ་ལ་དཔལ་ལྡན་ཚུལ་ཁྲིམས། དེ་ལ་ཤར་ཆེན་ཡེ་ཤེས་རྒྱལ་མཚན་དང་གྲུབ་ཆེན་བུདྡྷ་ཤྲཱིས་གསན། དེ་གཉིས་ལ་ངོར་ཆེན་གྱིས་གསན་པ་མན་གསུང་ངག་སློབ་བཤད་དང་འདྲ། ཡང་ན་བདག་ཆེན་རྡོ་རྗེ་འཆང་ནས། རྗེ་བཙུན་སྒོ་རུམ་པ། ཀུན་མཁྱེན་མཁྱེན་བརྩེའི་དབང་ཕྱུག་མན་སྔར་ལྟར། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །རྗེ་སྒོ་རུམ་པ་མན་འདྲ། ཡང་ན་བདག་ཆེན་རྡོ་རྗེ་འཆང་ནས། རྗེ་དཀོན་ཅོག་ཚུལ་ཁྲིམས། སྒོ་རུམ་པ་ཀུན་དགའ་ལེགས་པ་མན་གོང་བཞིན་ནོ། །ཡང་
ན་འཇམ་དབྱངས་མཁྱེན་བརྩེས་གྲོལ་མཆོག་ལ་གསན་པའི་བརྒྱུད་པ་རྒྱུད་དབང་སྐབས་བགྲངས་པ་དང་གཅིག །ཡང་ན་ངོར་ཆེན་ནས། འཁོར་ལོ་སྡོམ་པ་དཀོན་ཅོག་རྒྱལ་མཚན། ཡབ་སྲས་གཉིས་ཀ་ལ་རྒྱལ་ཚབ་ཀུན་དབང་དང་ཀུན་མཁྱེན་བསོད་ནམས་སེང་གེས་གསན། དེ་གཉིས་ལ་འདྲེན་མཆོག་དཀོན་ཅོག་འཕེལ། རྗེ་ལྷ་མཆོག་སེང་གེ །གཉིས་ཀ་ལ་དཀོན་ཅོག་ལྷུན་གྲུབ། རིམ་བཞིན་སངས་རྒྱས་སེང་གེ །དེ་ལ་ཐར་རྩེ་ནམ་མཁའ་དཔལ་བཟང་དང་། མུས་པ་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་པ་དཔལ་ལྡན་དོན་གྲུབ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་ན་ལྷ་མཆོག་སེང་གེ་ནས། རྗེ་སངས་རྒྱས་སེང་གེ །ཐར་རྩེ་པ་ནམ་མཁའ་དཔལ་བཟང་མན་འདྲ། ཡང་ན་འདྲེན་མཆོག་ནས། རྗེ་སངས་རྒྱས་རིན་ཅེན་གཉིས་ཀ་ལ་ས་ལོ་ཐམས་ཅད་མཁྱེན་པ། ངོར་ཆེན་དཀོན་ཅོག་ལྷུན་གྲུབ་མན་གོང་ལྟར། ཡང་ན་འཕགས་པ་ནས། སྒང་སྟོན་ཤེས་རབ་འབུམ། དཀར་པོ་བྲག་པ། བླ་མ་དཔལ་ལྡན་པ། གྲུབ་ཆེན་བུདྡྷ་ཤྲཱི་མན་སྔར་བཞིན་ནོ། །ཡི་གེ་བརྒྱ་པའི་བཟླས་ལུང་གི་བརྒྱུད་པ་ནི། འཕགས་པ་རིན་པོ་ཆེ་ནས། ཞང་སྟོན་རྗེ། ན་བཟའ་པ། བླ་མ་དམ་པ་བསོད་ནམས་རྒྱལ་མཚན། རྫོང་ཆུང་པ་གཟུངས་ཀྱི་དཔལ་བ། རྗེ་བཟང་པོ་རྒྱལ་མཚན། རྗེ་རྒྱལ་མཚན་དཀོན་ཅོག །རྫོང་ཆུང་པ་རྡོ་རྗེ་རྒྱལ་མཚན། རྗེ་དཀོན་ཅོག་དཔལ། འཇམ་དབྱངས་ཆོས་དཔལ་འབྱོར། རྒྱ་སྟོན་བྱང་ཆུབ་དབང་རྒྱལ། མཁས་པ་བདེ་བའི་རྡོ་རྗེ། མཚུངས་མེད་ལྷ་དབང་འཕྲིན་ལས། མཁས་གྲུབ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ།
དེས་བདག་ལའོ། །རྡོ་རྗེ་སློབ་དཔོན་གྱི་ལུས་ཀྱི་དཀྱིལ་འཁོར་དུ་ལམ་དུས་ཀྱི་དབང་ཐོབ་པའི་བརྒྱུད་པ་ཐུན་མོང་མ་ཡིན་པ་ཁའུ་བྲག་རྫོང་པའི་བཀའ་བབས་ལུགས་གསུམ་གྱི་རྒྱུད་དབང་གི་བརྒྱུད་པ་ལྟར་དང་། ཐུན་མོང་བ་བདག་ཆེན་ངག་གི་དབང་ཕྱུག །རྗེ་གྲོལ་མཆོག །ཐར་རྩེ་པ། ཤར་པས་དཀོན་ཅོག་དཔལ་ལྡན་པར་ཞུས་པ་རྣམས་བཞུགས་པའི་རྒྱུད་དབང་གི་བརྒྱུད་པ་བཞིན་ཡིན་ལ། རྗེ་བཙུན་སྒོ་རུམ་པ་ནས་བརྒྱུད་པ་ནི། ཞང་དཀོན་ཅོག་དཔལ་ནས། དགའ་ལྡན་པ་ཀུན་བསོད། བླ་ཆེན་ཀུན་དགའ་བློ་གྲོས། དྲུང་ཆོས་རྗེ་པ། དཔལ་ལྡན་ཚུལ་ཁྲིམས། བུདྡྷ་ཤྲཱི། ངོར་ཆེན། མུས་ཆེན། བདག་ཆེན་རིན་པོ་ཆེ། སྒོ་རུམ་པ། མཁྱེན་བརྩེའི་ཞབས་མན་གསུང་ངག་ལྟར་རོ། །ཡང་རྡོ་རྗེ་འཆང་མགོན་པོ་བསོད་ནམས་མཆོག་ལྡན་ལ་ཞ་ལུ་མཁན་ཆེན་གྱིས་གསན། དེ་ལ་བདག་གིས་ནོས་སོ། །ཡང་ན་མུས་ཆེན་ནས། ཀུན་མཁྱེན་བསོད་ནམས་སེང་གེ །པཎ་ཆེན་དབང་ཕྱུག་གྲུབ་པ། འཇམ་དབྱངས་ངག་གི་དབང་ཕྱུག །བདག་ཆེན་ཀུན་དགའ་བསམ་གྲུབ། འཇམ་དབྱངས་མཁྱེན་བརྩེ་མན་འདྲ། གོང་དཀར་བའི་ལུགས་ནི། འཕགས་པ་ཡན་རྒྱུད་དབང་ལྟར་ལ། དེ་ན་ཞང་དཀོན་ཅོག་དཔལ། ན་བཟའ་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། བྲག་ཐོག་པ་མན་ཡང་རྒྱུད་དབང་ལྟར་རོ། །ཡང་ན་ཞང་དཀོན་ཅོག་དཔལ་ནས། སློབ་དཔོན་ཀུན་དགའ་དཔལ། ལོ་མཆོག་པ། བླ་མ་དཔལ་ལྡན་སེང་གེ །དྲུང་ཆོས་རྗེ་པ། མཁན་ཆེན་ཤེས་རབ་རྡོ་རྗེ་མན་རྒྱུད་དབང་དང་འདྲ། ཡང་ན་བླ་མ་དཔལ་ལྡན་སེང་གེ་ནས། མཁན་
ཆེན་ཤེས་རབ་རྡོ་རྗེ་མན་འགྲེ། ཡང་ན་རྒྱལ་བ་བྲག་ཕུག་པ་ནས། མཁན་ཆེན་ཤེས་རབ་རྡོ་རྗེ་མན་འདྲ། ལམ་དུས་ཀྱི་དབང་འབྲིང་བསྡུས་ཀྱི་བརྒྱུད་པ་ནི། འཕགས་པ་རིན་པོ་ཆེ་ནས། ཞང་སྟོན་ཁུ་དབོན། བླ་མ་དམ་པ། སྔགས་འཆང་གཟུངས་པ། དགེ་ལེགས་དཔལ་བཟང་། རྗེ་ཨཱ་ནནྡ་པ། བྱམས་པ་ཆོས་ཀྱི་རིན་ཅེན། དབོན་བརྩོན་འགྲུས་རྒྱ་མཚོ། རྗེ་སངས་རྒྱས་མགོན་པོ། བླ་མ་ནམ་མཁའ་རྒྱལ་མཚན། རྗེ་སངས་རྒྱས་འོད་ཟེར། མཁན་ཆེན་ནམ་མཁའ་དབང་ཕྱུག །དེ་གཉིས་ཀ་ལ་བརྩོན་འགྲུས་འོད་ཟེར། དེ་ནས་རྗེ་སངས་རྒྱས་བཀྲ་ཤིས། མཁས་གྲུབ་བྱམས་པ་ངག་དབང་དཔལ་བཟང་། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་འཕགས་པ་ནས། ལ་རུ་བ་བསོད་ནམས་སེངྒེ། ཉན་ཆེན་པ། གཉིས་ཀ་ལ་གངས་ཁྲོད་པ། དེ་ནས་མ་ཏི་པཎ་ཆེན། ཐེག་ཆེན་རིན་པོ་ཆེ། རྫོང་ཁ་བ་ཀུན་དགའ་རྒྱལ་མཚན། རྗེ་དཔལ་ལྡན་ཆོས་སྐྱོང་། བྱམས་པ་ཆོས་ཀྱི་རིན་ཅེན་མན་འདྲ། ཡང་ན་གཟུངས་པ་ནས། བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་དཀོན་ཅོག །བྱམས་པ་རྡོ་རྗེ་རྒྱལ་མཚན། རྒྱུད་གསུམ་སྨྲ་བ་ཤེས་རབ་རིན་ཅེན། རྗེ་ནམ་མཁའ་རྒྱལ་མཚན་མན་འདྲ། ཡང་ན་མུས་སྲད་པ་རྡོ་རྗེ་རྒྱལ་མཚན་ནས། བྱམས་པ་དཀོན་ཅོག་དཔལ་བཟང་། སྒྱེ་ཆུ་བ་མཁས་གྲུབ་ཤེས་རབ་ལེགས། སྒྱེ་ཆུ་བ་པཎ་ཆེན་བཟང་བཀྲས། བྱམས་པ་ཡོན་ཏན་ལྷུན་གྲུབ། མཁན་བྱམས་པ་བཟང་པོ། དགེ་སྟེང་པ་དགའ་ལྡན་གྲུབ་ཆེན་ཀུན་དགའ་དཔལ་བཟང་། ཉི་མ་གླིང་པ་ཚུལ་ཁྲིམས་བཀྲ་ཤིས། ཞ་ལུ་པ་ཆེན་པོ། དེས་བདག་ལའོ། །རྗེ་བཙུན་རྡོ་རྗེ་བདག་མེད་མ་ལྷ་མོ་བཅོ་ལྔའི་
སིནྡྷུ་རའི་དཀྱིལ་འཁོར་དུ་བྱིན་རླབས་ཐོབ་པའི་བརྒྱུད་པ་ནི། ཁའུ་བྲག་རྫོང་པའི་བརྒྱུད་སྲོལ་ལུགས་གསུམ་གྱི་བརྒྱུད་པ་དང་པོ་གཉིས་ཁོ་ན་དང་། ཐུན་མོང་བའི་བརྒྱུད་པ་ནི། འཕགས་པ་རིན་པོ་ཆེ་ནས། རྗེ་དཀོན་ཅོག་དཔལ། དགའ་ལྡན་པ་ཀུན་བསོད། བླ་ཆེན་ཀུན་བློ། བླ་མ་དམ་པ། ཆོས་རྗེ་དཔལ་ཚུལ་བ། རྗེ་བུདྡྷ་ཤྲཱི། ངོར་ཆེན། རྗེ་དཀོན་ཅོག་རྒྱལ་མཚན། རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་ཀུན་དགའ་ལེགས་པ། འཇམ་དབྱངས་མཁྱེན་བརྩེ་མན་འདྲ། ལམ་ཟབ་མོ་བླ་མའི་རྣལ་འབྱོར་ཕྱི་མའི་བྱིན་རླབས་ཀྱི་བརྒྱུད་པ་ཐུན་མོང་མ་ཡིན་པ་ནི། རྡོ་རྗེ་འཆང་། བདག་མེད་མ། རྣལ་འབྱོར་དབང་ཕྱུག་བིཪྺ་པ། རྗེ་བཙུན་བརྩེ་བ་ཆེན་པོ་མན་ཁའུ་བྲག་རྫོང་པའི་བརྒྱུད་པ་ལུགས་གསུམ་གྱིས་དང་པོ་གཉིས་སོར་གནས་དང་། ཡང་ན་ས་པཎ་ནས། ཚོགས་སྒོམ་པ་ཀུན་དགའ་དཔལ། ཉན་ཆེན་པ་བསོད་ནམས་བརྟན་པ། རྒྱལ་བ་བྲག་ཕུག་པ་མན་གསུང་ངག་སློབ་བཤད་སོར་གནས། ཐུན་མོང་བའི་བརྒྱུད་པ་ཆོས་རྗེ་བླ་མ་དམ་པ་ནས། རི་ཁྲོད་པ་བློ་བརྟན། མཁས་གྲུབ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ། བདག་ཆེན་རྡོ་རྗེ་འཆང་། ཀུན་སྤངས་ཆེན་པོ། རྗེ་སྒོ་རུམ་པ། མཁྱེན་བརྩེའི་ཞབས་མན་སྔར་ལྟར། ཡང་ན་ངོར་ཆེན་ནས། དཔལ་ལྡན་རྡོ་རྗེ། བྱ་འགྱུར་བ་པུཎྱ་སིདྡྷ། སྒོ་རུམ་པ་མན་འདྲ། ཡང་ན་དཔལ་ལྡན་རྡོ་རྗེ་ནས། མཁན་ཆེན་དཀོན་ཅོག་ཚུལ་ཁྲིམས་སྒོ་རུམ་པ་མན་འདྲ། ཡང་ན་བྲག་ཕུག་པ་ནས། བྲག་ཕུག་པ་དཀོན་ཅོག་རྒྱལ་མཚན། བུ་སྟོན་དབང་ཕྱུག་དར། ཐེག་ཆེན་ཆོས་ཀྱི་རྒྱལ་པོ། གླང་ཐང་པ་ཀུན་དགའ་རྒྱལ་
མཚན། གྲ་ཐང་པ་ཤེས་རབ་ཟླ་བ། རྗེ་བཙུན་རྡོ་རིང་པ། རྗེ་སྒོ་རུམ་པ་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དབང་། རྗེ་བསོད་ནམས་ལྷུན་གྲུབ། བདག་ཆེན་འཇམ་དབྱངས་ངག་གི་དབང་པོ། རྗེ་མཁྱེན་བརྩེ་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། གོ་རམ་པ་བསོད་ནམས་སེང་གེ །པཎ་ཆེན་དབང་ཕྱུག་གྲུབ་པ། བདག་ཆེན་ངག་གི་དབང་པོ་མན་འདྲ། ཡང་ན་ཀུན་མཁྱེན་མཁྱེན་བརྩེས་རྗེ་གྲོལ་མཆོག་ལ་གསན་པ་རྒྱུད་དབང་སྐབས་བགྲངས་པ་དང་གཅིག །རྗེ་ས་པཎ་གྱིས་མཛད་པའི་ལིང་ཆུ་ཙེ་གབ་ཐར་ཆགས་སུ་སྟོན་པའི་བྱིན་རླབས་དང་འཁྲིད་ཉིས་ཆོད་ཀྱི་བརྒྱུད་པ་རྫོང་ལུགས་ནི། འཕགས་པ་ཡན་སྤྱི་ལྟར་ལ། དེ་ནས་ཞང་སྟོན་པ། བྲག་ཕུག་པ། ཡང་ན་འཕགས་པ་ནས། ཚོགས་ཉན་གཉིས། བྲག་ཕུག་པ། ཆོས་རྗེ་བླ་མ་དམ་པ། སྔགས་འཆང་གཟུངས་ཀྱི་དཔལ་བ། ཐུགས་སྲས་བཟང་པོ་རྒྱལ་མཚན། མཚུངས་མེད་རྒྱལ་མཚན་དཀོན་ཅོག །མུས་སྲད་པ་རྩང་རུས་མིང་། བྱམས་པ་རྡོ་རྗེ་རྒྱལ་མཚན། རྗེ་དཀོན་ཅོག་དཔལ། འཇམ་དབྱངས་ཆོས་དཔལ་འབྱོར། རྗེ་བྱང་ཆུབ་དབང་རྒྱལ། པཎ་ཆེན་བདེ་བའི་རྡོ་རྗེ། རྗེ་ལྷ་དབང་འཕྲིན་ལས། རྗེ་ཚུལ་ཁྲིམས་བཀྲ་ཤིས། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་འཇམ་དབྱངས་ཆོས་དཔལ་འབྱོར་ནས། བྱང་ཆུབ་དབང་རྒྱལ། ཤཱཀྱ་ཀུན་དགའ། དབང་ཕྱུག་རྒྱལ་མཚན། པཎ་ཆེན་བསོད་ནམས་མཆོག་ལྡན། ཞ་ལུ་པ་ཆེན་པོ། དེས་བདག་ལའོ། །ཡང་ན་བླ་མ་དམ་པ་ནས། བླ་མ་དཔལ་ལྡན་ཚུལ་ཁྲིམས། ཡང་ན་བྲག་ཕུག་པ་ནས། རི་ཁྲོད་པ་བློ་བརྟན། བླ་མ་དཔལ་ཚུལ་བ།
ཡང་ན་ཉན་ཆེན་པ། དཀར་པོ་བྲག་པ། བླ་མ་དཔལ་ཚུལ་བ། ཐུགས་སྲས་བཟང་པོ་རྒྱལ་མཚན་མན་སྔར་ལྟར། གོང་དཀར་བ་ལུགས་ནི། བླ་མ་དམ་པ་ནས། གངས་ཁྲོད་པ། དེ་ལ་ས་བཟང་མ་ཏི་དང་ས་སྐྱ་བུ་སྟོན་དབང་ཕྱུག་དར་གྱིས་ཞུས། དེ་གསུམ་ལ་ཐེག་ཆེན་རིན་པོ་ཆེ། བྲག་ཐོག་པ། ཀུན་མཁྱེན་རྡོ་རྗེ་གདན་པ། རྒྱ་སྟོན་བྱང་ཆུབ་དབང་རྒྱལ་མན་གོང་བཞིན་ནོ། །བླ་མ་རིན་འབྱུང་གི་བྱིན་རླབས་ཀྱི་བརྒྱུད་པ་ཐུན་མོང་མ་ཡིན་པ་ཁའུ་པའི་བཀའ་བབ་གསུམ་ལྡན་གྱི་བརྒྱུད་པ་དང་པོ་ལྟར་དང་། ཐུན་མོང་བ་བདག་ཆེན་རྡོ་རྗེ་འཆང་ནས། ཆོས་རྗེ་སངས་རྒྱས་དཔལ། རྗེ་བཙུན་ཀུན་དགའ་ལེགས་པ། འཇམ་དབྱངས་མཁྱེན་བརྩེ་མན་སྔར་ལྟར་རོ། ལམ་ཟབ་ནང་མའི་འཁྲིད་ཀྱི་བྱིན་རླབས་ཀྱི་བརྒྱུད་པ་ནི། ས་པཎ་ཡན་ཉེ་བརྒྱུད་ལྟར་ལ། ཚོགས་སྒོམ་པ། ཉན་ཆེན་པ། བྲག་ཕུག་པ། དེ་ལ་བླ་མ་དམ་པ་བསོད་ནམས་རྒྱལ་མཚན་དང་རི་ཁྲོད་པ་བློ་བརྟན་གཉིས་ཀྱིས་གསན་གཉིས་ཀ་ལ་དཔལ་ཚུལ་བ། བུདྡྷ་ཤྲཱི། རྗེ་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། བདག་ཆེན་རྡོ་རྗེ་འཆང་། རྡོ་རིང་རིན་པོ་ཆེ། ཚར་པ་རྡོ་རྗེ་འཆང་། ཐབས་ཅད་མཁྱེན་པ་ཀླུ་སྒྲུབ་རྒྱ་མཚོ། པཎ་ཆེན་ངག་དབང་ཆོས་གྲགས། ས་ཆེན་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །དྲིན་ཅན་བླ་མ་ཁྱབ་བདག་ཞ་ལུ་པ། དེས་བདག་ལའོ། །ཡང་ན་ངོར་ཆེན་དང་མུས་ཆེན་གཉིས་ལ། འཇམ་དབྱངས་ཤེར་རྒྱམ། ཀུན་དགའ་དབང་ཕྱུག །དཔལ་ལྡན་རྡོ་རྗེ། བསོད་ནམས་སེང་གེ་བཞིས་གསན། བཞི་ག་ལ་དཀོན་ཅོག་འཕེལ། དེ་ནས་ས་ལོ། དཀོན་ཅོག་
ལྷུན་གྲུབ། དེ་ལ་དཀོན་ཅོག་རྒྱ་མཚོ་དང་དཀོན་ཅོག་དཔལ་ལྡན་གཉིས་ཀྱིས་གསན། གཉིས་ཀ་ལ་བདག་ཆེན་བསོད་ནམས་དབང་པོ། དེ་ནས་ཁྲི་ཆེན་ཀུན་དགའ་བསོད་ནམས་མན་འདྲ། ཡང་ན་སྤྱན་སྔ་དཀོན་ཅོག་རྒྱ་མཚོ་ལ། མུས་པ་སངས་རྒྱས་རྒྱལ་མཚན་ཁྲི་ཆེན་ཀུན་བསོད་མན་འདྲ། བིར་བསྲུང་ཕྱི་མའི་བྱིན་རླབས་ཀྱི་བརྒྱུད་པ་ནི། རྣལ་འབྱོར་དབང་ཕྱུག་བིཪྺ་པ། རྗེ་བཙུན་སྐུ་མཆེད། ཆོས་རྗེ་ས་པཎ། ཚོགས་སྒོམ་རིན་པོ་ཆེ། ཉན་ཆེན་བསོད་ནམས་བརྟན་པ། རྒྱལ་བ་བྲག་ཕུག་པ། ཆོས་རྗེ་བླ་མ་དམ་པ། རི་ཁྲོད་པ་བློ་གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། ཆོས་རྗེ་རྡོ་རྗེ་འཆང་མན་གསུང་ངག་སློབ་བཤད་ཇི་ལྟ་བའོ། །ཡང་ཐུན་མོང་བའི་བརྒྱུད་པ་ནི། རྗེ་བཙུན་རྡོ་རིང་པ་ནས། རྗེ་སྒོ་རུམ་པ། འཇམ་དབྱངས་མཁྱེན་བརྩེ་མན་འདྲ། ཡང་ན་ངོར་ཆེན་ནས། རྗེ་དཔལ་ལྡན་རྡོ་རྗེ། དེ་ལ་བྱ་འགྱུར་བ་བསོད་ནམས་སེང་གེ་དང་། ཆོས་རྗེ་དཀོན་ཅོག་ཚུལ་ཁྲིམས་ཀྱིས་གསན། གཉིས་ཀ་ལ་རྗེ་སྒོ་རུམ་བ་མན་འདྲ། གོང་དཀར་ལུགས་ཀྱི་བིར་བསྲུང་ཕྱི་མའི་བརྒྱུད་པ་ནི་རྡོ་རྗེ་གདན་པ་བཞུགས་པའི་ལམ་དབང་དང་གཅིག་གོ །རྣལ་འབྱོར་དབང་ཕྱུག་གི་བསྲུང་བ་ནང་མའི་བྱིན་རླབས་རྒྱས་པར་ཐོབ་པའི་བརྒྱུད་པ་རྫོང་ལུགས་ནི། དཔལ་ལྡན་བླ་མ་དམ་པ་ཡན་གསུང་ངག་ལྟར་ལ། རྫོང་ཆུང་པ་གཟུངས་ཀྱི་དཔལ་བ། རྗེ་བཟང་པོ་རྒྱལ་མཚན། རྗེ་རྒྱལ་མཚན་དཀོན་ཅོག །བྱམས་པ་རྡོ་རྗེ་རྒྱལ་མཚན། རྗེ་དཀོན་ཅོག་དཔལ་བ། འཇམ་དབྱངས་ཆོས་དཔལ་འབྱོར། རྒྱ་སྟོན་བྱང་ཆུབ་དབང་རྒྱལ། བླ་མ་ཤཱཀྱ་ཀུན་དགའ། ཀུན་བཟང་རྩེ་པ་དབང་ཕྱུག་རྒྱལ་
མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་བྱང་ཆུབ་དབང་རྒྱལ་ནས། བདེ་བའི་རྡོ་རྗེ། ལྷ་དབང་འཕྲིན་ལས། ཉི་མ་གླིང་པ་མན་འདྲ། ཡང་ན་ཉི་མ་གླིང་པ་ནས། ཞ་ལུ་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་ཉན་ཆེན་པ་ནས་དཀར་པོ་བྲག་པ་རིན་ཅེན་སེང་གེ །བླ་མ་དཔལ་ལྡན་ཚུལ་ཁྲིམས། བཟང་པོ་རྒྱལ་མཚན་མན་འདྲ། ཡང་ན་བྲག་ཕུག་པ། རི་ཁྲོད་པ་བློ་བརྟན། དཔལ་ཚུལ་བ་མན་འདྲ། ཡང་ན་བླ་མ་དམ་པ། དཔལ་ཚུལ་བ་མན་འདྲའོ། །རྣལ་འབྱོར་དབང་ཕྱུག་གི་བསྲུང་བའི་རིམ་པ། ཆུ་གཙང་གི་བསྲུང་བ། རྡོ་རྗེ་གསུམ་གྱི་བསྲུང་བ། ཕྱག་རྒྱའི་བསྲུང་བ། སྔགས་རྒྱའི་བསྲུང་བ། མཐེབ་སྲིན་སྦྱར་བའི་བསྲུང་བ། ཕྱོགས་མཚམས་ཀྱི་བསྲུང་བ། ཐབས་ཤེས་ཀྱི་བསྲུང་བ། དྲི་ཆུའི་བསྲུང་བ་ནས། ལམ་བསྲུང་། ཕུག་པ་དགུ་བསྲུང་ཐོག་བསྲུང་རྣམས་ཐོབ་པའི་བརྒྱུད་པ་ནི་ཞ་ལུ་མཁན་ཆེན་བཞུགས་པའི་བཤད་མ་ཐག་པའི་བརྒྱུད་པ་ལྟར་རོ། །སྔོན་ཆད་ཡི་གེར་མ་འཁོད་པའི་བིར་བསྲུང་གི་ཆ་ལག་ཤིན་ཏུ་ཟབ་པའི་བརྒྱུད་པ་ནི། འཕགས་པ་ནས། དཀོན་ཅོག་དཔལ། བསོད་ནམས་དཔལ། དྲུང་ཆོས་རྗེ་པ། མཁན་ཆེན་ཤེས་རབ་རྡོ་རྗེ། ཆོས་སྒོ་བ། བྲག་ཐོག་པ། རྡོ་རྗེ་གདན་པ། རྒྱ་སྟོན་པ། ཡངས་ཅན་ཤཱཀྱ་ཀུན་དགའ། ཀུན་བཟང་རྩེ་པ་དབང་ཕྱུག་རྒྱལ་མཚན། རྗེ་ཚུལ་ཁྲིམས་བཀྲ་ཤིས། པཎ་ཆེན་དཔལ་ལྡན་ཚུལ་ཁྲིམས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་དབང་ཕྱུག་རྒྱལ་མཚན་
ནས། བླ་མ་པཎ་ཆེན་པ། རྩ་བའི་བླ་མའོ། །བླ་མ་དོན་གྲུབ་ལ་བརྟེན་པའི་མཚར་གསུམ་ཁུག་པའི་བྱིན་རླབས་ཀྱི་བརྒྱུད་པ་ནི། རྡོ་རྗེ་འཆང་། བདག་མེད་མ། བིཪྺ་པ། ཀརྞ་པ། ཌཱ་མ་རུ་པ། གཉིས་སྤངས་ཞབས། གྷ་ཡ་དྷ་ར། འབྲོག་མི་ལོ་ཆེན། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ་དགྲ་ལྷ་འབར། བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། དབང་ཕྱུག་འོད་ཟེར། མཁན་པོ་རོང་པ། ལུང་ཕུ་བ་ནམ་མཁའ་བསོད་ནམས། བཀྲས་ལུང་པ། མཁས་གྲུབ་གཞོན་ནུ་དོན་འགྲུབ། ཞང་སྟོན་བྱང་ཆུབ་ཡེ་ཤེས། ཆོས་རྗེ་བླ་མ་དམ་པ། རྗེ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། ཆོས་རྗེ་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། བདག་ཆེན་རྡོ་རྗེ་འཆང་། རྡོ་རིང་རིན་པོ་ཆེ། རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་ཞབས། མཁན་ཆེན་བསླབ་གསུམ་པ། ཁྱབ་བདག་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། རིགས་ཀུན་བདག་པོ་ཆོས་དབྱིངས་རང་གྲོལ། དེས་བདག་ལའོ། །ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། མཁན་ཆེན་དཀོན་ཅོག་ཚུལ་ཁྲིམས། སྒོ་རུམ་པ་ཀུན་དགའ་ལེགས་པ། མཁྱེན་བརྩེའི་ཞབས་མན་འདྲ། ཡང་ན་རྗེ་བཙུན་གྲགས་པ་ནས། ཆོས་རྗེ་ས་པཎ། ལུང་ཕུ་བ་ནམ་མཁའ་བསོད་ནམས་མན་འདྲ། ཡང་ན་ས་པཎ་ནས། ཚོགས་སྒོམ་པ། ཉན་ཆེན་པ། ཞང་དཀོན་ཅོག་དཔལ། བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། བློ་གྲོས་བརྟན་པ་མན་འདྲ།བརྡ་དོན་གསལ་བའི་བྱིན་རླབས་ངོར་ལུགས་ཀྱི་བརྒྱུད་པ་ནི། ས་པཎ་ཡན་ཉེ་བརྒྱུད་ལྟར་ལ། དེ་ནས་ལུང་ཕུ་བ་ནམ་མཁའ་བསོད་ནམས། བཀྲས་
ལུང་པ། མཁས་བཙུན་གཞོན་ནུ་གྲུབ། དགའ་ལྡན་པ་ཀུན་བསོད། བྲག་ཕུག་པ། དེ་ལ་བླ་མ་དམ་པ་དང་། བློ་གྲོས་བརྟན་པ་གཉིས་ཀས་གསན། གཉིས་ཀ་ལ་དཔལ་ལྡན་ཚུལ་ཁྲིམས། དེ་ནས་བུདྡྷ་ཤྲཱི། ངོར་ཆེན། མུས་ཆེན། གཉིས་ཀ་ལ་རྒྱལ་ཚབ་ཀུན་དབང་། དེ་ནས་དཀོན་ཅོག་འཕེལ། ས་ལོ། དཀོན་ཅོག་ལྷུན་གྲུབ། དཀོན་ཅོག་རྒྱ་མཚོ། སངས་རྒྱས་རྒྱལ་མཚན། ཁྲི་ཆེན་ཀུན་དགའ་བསོད་ནམས། འཇམ་མགོན་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །ཡང་ན་རྒྱལ་ཚབ་ཀུན་དབང་ནས། གོ་རམ་པ། རྗེ་སངས་རིན། ས་ལོ་མན་འདྲ། ཡང་ན་ས་པཎ་ནས། འཕགས་པ། ཞང་བྲག་ཕུག་པ་མན་འདྲ། ཡང་རྫོང་ལུགས་བརྒྱུད་པ་ནི། བླ་མ་དམ་པ་ནས། སྔགས་འཆང་གཟུངས་པ། དགེ་ལེགས་དཔལ་བཟང་། ཨཱ་ནནྡ་པ། བྱམས་པ་ཆོས་རིན། བརྩོན་འགྲུས་རྒྱ་མཚོ། སངས་རྒྱས་མགོན་པོ། ནམ་མཁའ་རྒྱལ་མཚན། སངས་རྒྱས་འོད་ཟེར། ནམ་མཁའ་དབང་ཕྱུག །གཉིས་ཀ་ལ་བརྩོན་འགྲུས་འོད་ཟེར། སངས་རྒྱས་བཀྲ་ཤིས། བྱམས་པ་ངག་དབང་དཔལ་བཟང་། ཞ་ལུ་པ། དེས་བདག་ལའོ། །ཡང་ན་གཟུངས་པ་ནས། བཟང་པོ་རྒྱལ་མཚན། དཀོན་ཅོག་རྒྱལ་མཚན། གབ་ཆག་པ། ཤེས་རབ་རྒྱལ་མཚན། ནམ་མཁའ་རྒྱལ་མཚན་མན་འདྲ། ཡང་ན་འཕགས་པ་ནས། ལ་རུ་བ། ཉན་ཆེན་པ། གཉིས་ཀ་ལ་གངས་ཁྲོད་པ། དེ་ནས་མ་ཏི་པཎ་ཆེན། ཐེག་ཆེན་པ། འཇམ་དབྱངས་གྲགས་པ། དཔལ་ལྡན་ཆོས་སྐྱོང་། བྱམས་པ་ཆོས་རིན་མན་འདྲ། ལམ་སྦས་བཤད་ཀྱི་བྱིན་རླབས་ཀྱི་བརྒྱུད་པ་ནི། ས་པཎ་ཡན་ཉེ་བརྒྱུད་ལྟར་ལ། དེ་ནས་ཚོགས་སྒོམ་པ། ཉན་ཆེན་པ། བྲག་ཕུག་པ། བླ་མ་དམ་པ། རི་ཁྲོད་པ་བློ་བརྟན། གཉིས་ཀ་ལ་དཔལ་
ཚུལ་བ། བུདྡྷ་ཤྲཱི། ངོར་ཆེན། རྒྱལ་ཚབ་པ། དཀོན་ཅོག་འཕེལ། ས་ལོ། དཀོན་ཅོག་ལྷུན་གྲུབ། དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན་མན་བརྡ་དོན་གསལ་བའི་ངོར་ལུགས་བཞིན་ནོ། །རྫོང་ལུགས་ཀྱི་བརྒྱུད་ལུགས་ནི་བརྡ་དོན་གསལ་བའི་རྫོང་ལུགས་བླ་བརྒྱུད་ལྟར་རོ། །དབང་བཞི་ངོ་སྤྲོད་ཀྱི་བྱིན་རླབས་ཀྱི་བརྒྱུད་པ་ནི། འཕགས་པ་ཡན་གསུང་ངག་ལྟར་ལ། དེ་ནས་ཞང་སྟོན་ཁུ་དཔོན། བླ་མ་དམ་པ། ཆོས་རྗེ་གཟུངས་པ། བཟང་པོ་རྒྱལ་མཚན། སེམས་དཔའ་རྒྱལ་མཚན་དཀོན་ཅོག །རྩང་བྱམས་པ་རྡོ་རྗེ་རྒྱལ་མཚན། སྒྱེ་ཆུ་བ་བྱམས་པ་དཀོན་ཅོག་དཔལ་བཟང་། སྒྱེ་ཆུ་བ་ཤེས་རབ་ལེགས་པ། སྒྱེ་ཆུ་བ་བཟང་པོ་བཀྲ་ཤིས། སྒྱེ་ཆུ་བ་བྱམས་པ་ཡོན་ཏན་ལྷུན་གྲུབ། སྒྱེ་ཆུ་བ་མཁན་བྱམས་པ་བཟང་པོ། གོང་དཀར་དགེ་སྟེང་པ་ཀུན་དགའ་དཔལ་བཟང་། རྗེ་ཉི་མ་གླིང་པ། ཁྱབ་བདག་ཞ་ལུ་པ། དེས་བདག་ལའོ། །
རྟེན་འབྲེལ་བྱིན་རླབས་ཀྱི་བརྒྱུད་ལུགས།
ན་འབྲེལ་བྱིན་རླབས་ཀྱི་བརྒྱུད་པ་ནི། རྗེ་བཙུན་གྲགས་པ་ཡན་གསུང་ངག་ལྟར་ལ། དེ་ནས་དཀར་ཤཱཀྱ་གྲགས། རྗེ་ཀུན་བཟང་དཔལ། དགའ་ལྡན་པ་ཀུན་བསོད། བྲག་ཕུག་པ། བླ་མ་དམ་པ་མན་བརྡ་དོན་གསལ་བའི་རྫོང་ལུགས་ཀྱི་བརྒྱུད་པ་བཞིན་ནམ། ཡང་ན་དབང་བཞི་ངོ་སྤྲོད་ཀྱི་བྱིན་རླབས་ཀྱི་བརྒྱུད་པ་སོར་བཞག་གོ །རྣམ་འཇོམས་བིར་ལུགས་ཀྱི་བྱིན་རླབས་ཀྱི་བརྒྱུད་པ་ནི། རྡོ་རྗེ་རྣམ་པར་འཇོམས་པ། རྣལ་འབྱོར་དབང་ཕྱུག་བིཪྺ་པ། བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། སྐྱོ་སྟོན་དྲི་མེད། ཞང་དཀོན་ཅོག་དཔལ། དགའ་ལྡན་པ་ཀུན་དགའ་བསོད་ནམས། གན་པ་རིན་ཅེན་རྒྱལ་མཚན། དཔལ་ལྡན་བླ་མ་དམ་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྗེ་ཀུན་དགའ་
བཟང་པོ། སེམས་དཔའ་ཆེན་པོ་དཀོན་ཅོག་རྒྱལ་མཚན། གཉིས་ཀ་ལ་རྗེ་མཁྱེན་རབ་ཆོས་རྗེ། དེ་ནས་སྤྱན་སྔ་ངག་དབང་ཆོས་གྲགས། འཇམ་དབྱངས་ཀུན་དགའ་ལེགས་གྲུབ། གསན་ཡིག་ན་མི་འདུག་ཀྱང་བྱིན་རླབས་སྦྱར་བྱང་གི་བརྗོད་དོན་ལྟར་ན་ཆད་འདྲ་སྙམ་བྲིས་སོ། །རྗེ་བྱམས་པ་ཀུན་དགའ་ཆོས་གྲགས། བཅོ་བརྒྱད་པ་མཁྱེན་རབ་བསྟན་འཛིན་བཟང་པོ། དེ་དབོན་མཁྱེན་རབ་བྱམས་པ་ངག་དབང་ལྷུན་གྲུབ། མང་ཐོས་འཕྲིན་ལས་རྣམ་རྒྱལ། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་རྗེ་བཙུན་གྲགས་པ་ནས། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། གན་པ་ཆོས་རིན། འཇམ་དབྱངས་མཁྱེན་བརྩེའི་གསན་ཡིག་ན་འདི་མི་འདུག་པ་བརྟག །གན་པ་རིན་རྒྱན། བླ་མ་དམ་པ་བསོད་ནམས་རྒྱལ་མཚན་མན་འདྲ། ཡང་ན་སྐྱོ་སྟོན་དྲི་མེད་ནས། སྐྱོ་སྟོན་དར་མ་རིན་ཅེན། འཇམ་དབྱངས་མཁྱེན་བརྩེའི་གསན་ཡིག་ན་དྷརྨ་ཡེ་ཤེས་ཞེས་འདུག་པ་བརྟག །བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། བླ་མ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། ངོར་པ་རྡོ་རྗེ་འཆང་མན་འདྲ། བརྡ་ཚིག་བརྒྱུད་ཀྱི་བྱིན་རླབས་ཀྱི་བརྒྱུད་པ་ནི། བླ་མ་དམ་པ་ཡན་གསུང་ངག་བཀའ་བབས་ཐོག་མ་གཉིས་ལྟར་ལ། དེ་ནས་རི་ཁྲོད་པ་བློ་བརྟན། ཆོས་རྗེ་དཔལ་ལྡན་ཚུལ་ཁྲིམས་མན་ཀྱང་གསུང་ངག་བཀའ་བབས་ཐོག་མ་གཉིས་དང་འདྲ། ཡང་ན་རྗེ་བཙུན་ཀུན་སྤངས་ཆེན་པོ་ནས། རྗེ་སྒོ་རུམ་པ། འཇམ་དབྱངས་མཁྱེན་བརྩེ་མན་འདྲ། སྒྲུབ་པ་ལུང་སྦྱིན་གྱི་བརྒྱུད་པ་ནི་གསུམ་ངག་གི་བརྒྱུད་པ་དང་པོ་གཉིས་ལྟར་རམ། ཡང་ན་ཀུན་སྤངས་ཆེན་པོ་ནས། མཁས་གྲུབ་ཀུན་དགའ་ལེགས་པ། རྗེ་མཁྱེན་བརྩེ་མན་འདྲ་། ཡང་
ན་ས་པཎ་ནས། ཚོགས་ཉན་གཉིས། བྲག་ཕུག་པ། བླ་མ་དམ་པ། བློ་གྲོས་བརྟན་པ། དཔལ་ལྡན་ཚུལ་ཁྲིམས་མན་འདྲ། ཡང་ན་ཉན་ཆེན་པ་ནས། དཀར་པོ་བྲག་པ། དཔལ་ལྡན་ཚུལ་ཁྲིམས་མན་འདྲ། ཡང་ན་རྗེ་བཀའ་འགྱུར་བ་ནས། མཁན་ཆེན་ཞ་ལུ་པ་ཆེན་པོ། དེས་བདག་ལའོ།།ཡང་ན་ངོར་ཆེན་དང་མུས་ཆེན་གཉིས་ཀ་ལ་རྒྱལ་ཚབ་ཀུན་དགའ་དབང་ཕྱུག །དེ་ནས་རྗེ་དཀོན་ཅོག་འཕེལ། ས་ལོ། རྗེ་དཀོན་ཅོག་ལྷུན་གྲུབ། སྤྱན་སྔ་དཀོན་ཅོག་རྒྱ་མཚོ། རྗེ་སངས་རྒྱས་རྒྱལ་མཚན། བདག་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་ཀུན་དགའ་དབང་ཕྱུག་ནས། ཀུན་མཁྱེན་གོ་བོ། རྗེ་སངས་རྒྱས་རིན་ཅེན། ས་ལོ་མན་འདྲ། ཡང་ན་བླ་མ་དམ་པ་ལ། གཟུངས་པ་དང་དཔལ་ཚུལ་བ་གཉིས་ཀས་གསན། གཉིས་ཀ་ནས་བཟང་པོ་རྒྱལ་མཚན། རྒྱལ་མཚན་དཀོན་ཅོག །རྩང་བྱམས་པ་རྡོ་རྗེ་རྒྱལ་མཚན། དཀོན་ཅོག་དཔལ། འཇམ་དབྱངས་ཤེས་རབ་ལེགས་པ། པཎ་ཆེན་བཟང་པོ་བཀྲ་ཤིས། བླ་ཆེན་ཆོས་དཔལ། བྱམས་པ་ཡོན་ཏན་ལྷུན་གྲུབ། གླིང་སྟོད་ལྷ་དབང་འཕྲིན་ལས། ཉི་མ་གླིང་པ། མཁན་ཆེན་ཞ་ལུ་པ། དེས་བདག་ལའོ། །ཡང་ན་མུས་སྲད་པ་རྡོ་རྗེ་རྒྱལ་མཚན་ནས། དཀོན་ཅོག་དཔལ། ཆོས་དཔལ་འབྱོར། རྒྱ་སྟོན་བྱང་དབང་། ཤཱཀྱ་ཀུན་དགའ། ཡེ་ཤེས་དབང་པོ། རྣམ་རྒྱལ་རྒྱལ་མཚན། ཉི་མ་གླིང་པ་མན་འདྲ། ཡང་ན་ཤཱཀྱ་ཀུན་དགའ་ནས། དཔལ་འབྱོར་གླིང་པ། ཉི་མ་གླིང་པ་མན་འདྲ། གསང་བཅུའི་བྱིན་རླབས་ཀྱི་བརྒྱུད་པ་ནི། ཞང་དཀོན་ཅོག་དཔལ་ཡན་གསུང་ངག་བཀའ་བབས་དང་པོ་གཉིས་ལྟར་ལ། དེ་ནས་དགའ་ལྡན་པ་ཀུན་
བསོད། གྲུབ་ཆེན་བསོད་ནམས་དཔལ། དྲུང་ཆོས་རྗེ་པ། རི་ཁྲོད་པ་བློ་བརྟན་མན་གསུང་ངག་གི་བརྒྱུད་པ་ཐོག་མ་གཉིས་ལྟར་རོ། །ཡང་ན་རྗེ་བཙུན་ཀུན་སྤངས་ཆེན་པོ་ནས། སྒོ་རུམ་པ། མཁྱེན་བརྩེའི་ཞབས་མན་འདྲ། ཡང་ན་ཁྱབ་བདག་བཀའ་འགྱུར་བ་ནས། མཁན་ཆེན་ཞ་ལུ་པ། དེ་བདག་ལའོ། །ཡང་ན་ངོར་ཆེན་དང་མུས་ཆེན་གཉིས་ལ་རྒྱལ་ཚབ་ཀུན་དགའ་དབང་ཕྱུག་གིས་གསན་པའི་བརྒྱུད་པ་སྒྲུབ་པ་ལུང་སྦྱིན་ན་ཡོད་པ་བཞིན་ནོ། །ལམ་འབྲས་ཀྱི་ཆོས་སྐྱོང་མགོན་རྐྱང་གི་རྗེས་གནང་གི་བརྒྱུད་པ་ཐུན་མོང་མ་ཡིན་པ་གསུང་ངག་བཀའ་བབས་དང་པོ་གཉིས་ལྟར་དང་། ཐུན་མོང་བ་ཀུན་སྤངས་ཆེན་པོ་ནས། སྒོ་རུམ་པ། མཁྱེན་བརྩེའི་ཞབས་མན་འདྲ། ཡང་ན་ཆོས་རྗེ་དཔལ་ལྡན་ཚུལ་ཁྲིམས། ཆོས་རྗེ་ནམ་མཁའ་དཔལ་བཟང་། སྒོ་རུམ་པ་སངས་རྒྱས་རྒྱལ་མཚན། སྒོ་རུམ་པ་ཀུན་དགའ་ལེགས་པ་མན་འདྲ། རྟགས་ཡོད་པའི་ལུང་རྣམས་ལས་རའི་རྟགས་ཅན་གྱི་བརྒྱུད་པ་ནི། འཇམ་དབྱངས་མཁྱེན་བརྩེའི་དབང་ཕྱུག །མཆོད་དཔོན་དྲུང་པ་དཀོན་ཅོག །རྡོ་རྗེ་འཆང་དབང་ཕྱུག་རབ་བརྟན། རྩ་བའི་བླ་མ་བཀའ་འགྱུར་བ་ཆེན་པོ། དེས་བདག་ལའོ། །
ཟུར་གྱི་རྟགས་ཡོད་པའི་ལུང་བརྒྱུད་སོགས།
ཟུར་གྱི་རྟགས་ཡོད་པའི་བརྒྱུད་པ་ནི། ཁྱབ་བདག་མགོན་པོ་བསོད་ནམས་མཆོག་ལྡན་ཡན་གསུང་ངག་ལྟར་ལ། དེ་ནས་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཞའི་རྟགས་ཅན་གྱི་བརྒྱུད་པ་ནི། རྡོ་རྗེ་འཆང་མགོན་པོའི་མཚན་ཅན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །དབང་གི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ནས། མཁན་ཆེན་ཞ་ལུ་པ། དེས་བདག་ལའོ། །རྩེའི་རྟགས་ཡོད་པའི་བརྒྱུད་པ་ནི།
ཐར་རྩེ་པ་ནམ་མཁའ་དཔལ་བཟང་ནས། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ། ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག །མཁན་ཆེན་ཞ་ལུ་པ་ཆེན་པོ། དེས་བདག་ལའོ། །ཐའི་རྟགས་ཡོད་པའི་བརྒྱུད་པ་ནི། རྗེ་དཀོན་ཅོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་། དེ་དབོན་ནམ་མཁའ་སངས་རྒྱས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ལྕེའི་རྟགས་ཡོད་པའི་བརྒྱུད་པ་ནི། ངོར་ཆེན་མུས་ཆེན། མཁྱེན་རབ་རིན་ཅེན་མཆོག་གྲུབ། སྟོང་ར་བ་ཤཱཀྱ་དོན་གྲུབ། སྟོང་ར་བ་ཀུན་དགའ་ལེགས་གྲུབ། ལུམ་པ་བ་ཀུན་དགའ་ཆོས་གྲགས། མཁྱེན་རབ་བསྟན་འཛིན་བཟང་པོ། དབོན་ངག་དབང་བསྟན་འཛིན་ལྷུན་གྲུབ། བཅོ་བརྒྱད་པ་བྱམས་པ་ངག་དབང་ལྷུན་གྲུབ། ཞ་ལུ་པ་ཆེན་པོ། དེས་བདག་ལའོ། །སུའི་རྟགས་ཡོད་པའི་བརྒྱུད་པ་ནི། ཀུན་མཁྱེན་རྡོ་རྗེ་གདན་པ། འབྲི་གུང་མཁན་ཆེན། རྒྱ་སྟོན་བྱང་ཆུབ་དབང་རྒྱལ། ཡངས་ཅན་ཤཱཀྱ་ཀུན་དགའ། བླ་མ་རྡོ་རྗེ་བྲག་པ། རྗེ་ཚུལ་ཁྲིམས་བཀྲ་ཤིས། པཎ་ཆེན་བསོད་ནམས་མཆོག་ལྡན། ཞ་ལུ་པ་ཆེན་པོ། དེས་བདག་ལའོ། །ས་ཕའི་རྟགས་ཡོད་པའི་བརྒྱུད་པ་ནི། ཀུན་མཁྱེན་རྡོ་རྗེ་གདན་པ། སློབ་དཔོན་བཀྲ་ཤིས་རྣམ་རྒྱལ། རྗེ་གུ་རུ་ཆོས་དབང་། བླ་མ་ཨོ་རྒྱན་རྒྱལ་པོ། གྲ་ཐང་མཁན་ཆེན་བསོད་ནམས་རྒྱལ་པོ། རྗེ་ཉི་མ་གླིང་པ། ཞ་ལུ་པ་ཆེན་པོ། དེས་བདག་ལའོ། །ཉའི་རྟགས་ཡོད་པའི་བརྒྱུད་པ་ནི། འཕགས་པ་ནས། ཞང་དཀོན་ཅོག་དཔལ། བྲག་ཕུག་པ། དཔལ་ལྡན་བླ་མ་དམ་པ། མཁས་གྲུབ་གཟུངས་ཀྱི་དཔལ་པ། ཆོས་རྗེ་བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་
དཀོན་ཅོག །རྫོང་ཆུང་པ་བྱམས་པ་རྡོ་རྗེ་རྒྱལ་མཚན། མཚུངས་མེད་དཀོན་ཅོག་དཔལ། རྗེ་ཆོས་དཔལ་འབྱོར། ཡངས་པ་ཅན་པ་བྱང་ཆུབ་དབང་རྒྱལ། པཎ་ཆེན་བདེ་བའི་རྡོ་རྗེ། མང་ཐོས་ལྷ་དབང་འཕྲིན་ལས། མཁས་མཆོག་ཚུལ་ཁྲིམས་བཀྲ་ཤིས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །མངོན་རྟོགས་ལན་ལག་བཞི་པ་མ་གཏོགས་པའི་ཉིའི་རྟགས་ཅན་གྱི་བརྒྱུད་ལུགས་གཅིག་ནི། ས་པཎ་ནས། ཚོགས་སྒོམ་པ། ཉན་ཆེན་པ། བྲག་ཕུག་པ་མན་འདྲ། ཨའི་རྟགས་ཅན་གྱི་བརྒྱུད་པ་ནི། འཕགས་པ་ནས། འཇམ་སྐྱ་པ། ཨ་མོ་གྷ་པ། མཁན་ཤེར་རྡོར་བ། བླ་མ་དམ་པ་མན་འདྲ། ཀུའི་རྟགས་ཡོད་པའི་བརྒྱུད་པ་ནི། འཕགས་པ་ནས། ཅོག་རོ་སྟོན་གཞོན། ཆོས་བརྩོན་འགྲུས། སངས་རྒྱས་རིན་ཅེན། ཤེས་རབ་རྡོ་རྗེ། བླ་མ་དམ་པ་མན་འདྲ། སྦས་དོན་གསལ་བའི་བརྒྱུད་ལུགས་གཅིག་ལ། བླ་མ་དམ་པ་ནས། དེ་ལ་ས་བཟང་མ་ཏི་པཎ་ཆེན་དང་། བུ་སྟོན་དབང་ཕྱུག་དར་གྱིས་ཞུས། དེ་གཉིས་ལ་ཐེག་ཆེན་ཆོས་རྗེ་ཀུན་དགའ་བཀྲ་ཤིས། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། རྗེ་རིག་པའི་གློག་འཕྲེང་། མཁས་པ་བྱང་ཆུབ་དབང་རྒྱལ། ཡངས་ཅན་པ་ཤཱཀྱ་ཀུན་དགའ། བླ་ཆེན་ཡེ་ཤེས་དབང་པོ། ཉི་མ་གླིང་པ་མན་འདྲ། ཡང་ན་ཐེག་ཆེན་པ་ནས། མཁན་ཆེན་དཔལ་འབྱོར་བ། བྲག་ཐོག་པ་མན་འདྲ། ཡང་ན་བླ་མ་དམ་པ་ནས། དཔལ་ལྡན་ཚུལ་ཁྲིམས། བུདྡྷ་ཤྲཱི། ངོར་ཆེན། དཔལ་ལྡན་རྡོ་རྗེ། དཀོན་ཅོག་ཚུལ་ཁྲིམས། སྒོ་རུམ་པ། མཁྱེན་བརྩེའི་ཞབས་མན་གསུང་ངག་ལྟར་རོ། །ལམ་འབྲས་ཆོས་འབྱུང་ངོ་མཚར་སྣང་བའི་བརྒྱུད་པ་ལུགས་གཅིག་ལ། རྗེ་ཉི་མ་གླིང་པ་ནས། འཇམ་མགོན་བསོད་
ནམས་མཆོག་ལྡན། མཁན་ཆེན་ཞ་ལུ་པ་མན་འདྲ། ཡང་ན་འཇམ་མགོན་བསོད་ནམས་མཆོག་ལྡན། ཟུར་རྩ་བའི་བླ་མ་དེས་བདག་ལའོ། །མཻའི་རྟགས་ཡོད་པའི་ལུང་བརྒྱུད་ནི། འཕགས་པ་རིན་པོ་ཆེ་ཡན་ལམ་འབྲས་ལྟར་ལ། དེ་ནས་ཞང་དཀོན་ཅོག་དཔལ། བྲག་ཕུག་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། སྔགས་འཆང་གཟུངས་ཀྱི་དཔལ་བ། རྗེ་དགེ་ལེགས་དཔལ་བཟང་། ཆོས་རྗེ་ཨཱ་ནན་པ། རྗེ་བྱམས་པ་ཆོས་ཀྱི་རིན་ཅེན། དབོན་ཆེན་བརྩོན་འགྲུས་རྒྱ་མཚོ། རྗེ་སངས་རྒྱས་མགོན་པོ། རྗེ་ནམ་མཁའ་རྒྱལ་མཚན། བླ་མ་སངས་རྒྱས་འོད་ཟེར། མཁན་ཆེན་ནམ་མཁའ་དབང་ཕྱུག །གཉིས་ཀ་ལ་ཐུགས་སྲས་བརྩོན་འགྲུས་འོད་ཟེར། དེ་ནས་མཁས་གྲུབ་སངས་རྒྱས་བཀྲ་ཤིས། རིགས་འཛིན་བྱམས་པ་ངག་དབང་དཔལ་བཟང་། ལ་རུ་བ། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་འཕགས་པ་རིན་པོ་ཆེ་ལ། ཚོགས་སྒོམ་པ་དང་ལ་རུ་བ་བསོད་ནམས་སེང་གེ་གཉིས་ཀྱིས་གསན། གཉིས་ཀ་ལ་ཉན་ཆེན་པ། ལ་རུ་བ་དང་ཉན་ཆེན་པ་གཉིས་ལ་ཀུན་མཁྱེན་གངས་ཁྲོད་པ་ཀུན་དགའ་དཔལ་བཟང་། ཐར་རྩེ་བའི་གསན་ཡིག་ན་སྤང་ཁང་པ་གྲགས་པ་དཔལ་ཟེར། དེ་ནས་མ་ཏི་པཎ་ཆེན། ཐེག་ཆེན་ཆོས་ཀྱི་རྒྱལ་པོ། རྫོང་ཆུང་པ་ཀུན་དགའ་རྒྱལ་མཚན། འཇམ་དབྱངས་གྲགས་པའང་ཟེར། བདག་ཆེན་དཔལ་ལྡན་ཆོས་སྐྱོང་། བྱམས་པ་ཆོས་ཀྱི་རིན་ཅེན་མན་འདྲ། ཡང་ན་གཟུངས་ཀྱི་དཔལ་བ་ནས། མཉམ་མེད་བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་དཀོན་ཅོག །རྫོང་ཆུང་པ་རྡོ་རྗེ་རྒྱལ་མཚན། རྒྱུད་གསུམ་སྨྲ་བ་ཤེས་རབ་རིན་ཅེན། རྗེ་ནམ་མཁའ་རྒྱལ་མཚན་མན་གོང་བཞིན་ནོ། །ཡང་ན་ཉན་ཆེན་
པ་ནས། དཀར་པོ་བྲག་པ་རིན་ཅེན་སེང་གེ །རྗེ་དཔལ་ལྡན་ཚུལ་ཁྲིམས། བཟང་པོ་རྒྱལ་མཚན་མན་འདྲ། ཡང་ན་ན་བཟའ་པ་ནས། རི་ཁྲོད་པ་བློ་བརྟན། རྗེ་དཔལ་ཚུལ་བ། བཟང་པོ་རྒྱལ་མཚན་མན་འདྲ། སྒྲུབ་ཀྱི་རྟགས་ཡོད་པའི་ལུང་བརྒྱུད་ནི། བརྒྱུད་པ་འདི་ལ་པོད་དམར་གྱི་མཆན་བུ་ལའང་ལུང་རྒྱུན་ཡོད། ངོར་ཆེན་ཀུན་དགའ་བཟང་པོ་ཡན་གསུང་ངག་དང་འདྲ་བ་ལ། དེ་ནས་མུས་ཆེན་སེམས་དཔའ་ཆེན་པོ། ཡབ་སྲས་གཉིས་ཀ་ལ་འཇམ་དབྱངས་ཤེས་རབ་རྒྱ་མཚོ། རྒྱལ་ཚབ་ཀུན་དབང་། མཁས་གྲུབ་དཔལ་རྡོར། གོ་རམ་བསོད་ནམས་སེང་གེ་བཞིས་གསན། མུས་ཆེན་སོགས་ལྔ་ག་ལ་ཡོངས་འཛིན་དཀོན་ཅོག་འཕེལ། དེ་ནས་འཇམ་དབྱངས་ས་སྐྱ་ལོ་ཙཱ་བ། ངོར་ཆེན་དཀོན་ཅོག་ལྷུན་གྲུབ། རྗེ་སངས་རྒྱས་སེང་གེ །དེ་ལ་ཐར་རྩེ་པ་ནམ་མཁའ་དཔལ་བཟང་དང་མུས་ཆེན་ནམ་མཁའ་དཔལ་བཟང་གཉིས་ཀྱིས་གསན། གཉིས་ཀ་ལ་སྒྲུབ་ཁང་པ་མཚུངས་མེད་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་ཀུན་མཁྱེན་གོ་བོ་ནས། རྗེ་སངས་རྒྱས་རིན་ཅེན། ས་ལོ་མན་འདྲ། ཡང་ན་རྒྱལ་ཚབ་ཀུན་དབང་ནས། གློ་བོ་མཁན་ཆེན། ས་ལོ་མན་འདྲ། ཡང་ན་དཀོན་ཅོག་ལྷུན་གྲུབ་ནས། དཀོན་ཅོག་དཔལ་ལྡན། བདག་ཆེན་བསོད་ནམས་དབང་པོ། ས་ཆེན་ཀུན་དགའ་བསོད་ནམས། འཇམ་དབྱངས་བསོད་ནམས་དབང་ཕྱུག །ཞ་ལུ་པ་ཆེན་པོ། དེས་བདག་ལའོ། །ཡང་ན་དཀོན་ཅོག་ལྷུན་གྲུབ་ནས། སྤྱན་སྔ་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་ཆེན་ཀུན་དགའ་བསོད་ནམས་མན་འདྲ། བརྒྱུད་ལུགས་འདི་ལ་པོད་དམར་གྱི་
མཆན་བུ་ལ་ལུང་མེད། བར་གྱི་རྟགས་ཡོད་པའི་བརྒྱུད་པ་ནི། དམར་ཆོས་ཀྱི་རྒྱལ་པོ། སྒང་སྟོན་ཤེས་རབ་འབུམ། དཀར་པོ་བྲག་པ་རིན་ཅེན་སེང་གེ །བླ་མ་དཔལ་ལྡན་ཚུལ་ཁྲིམས། བཟང་པོ་རྒྱལ་མཚན་མན་འདྲ། དཀར་གྱི་རྟགས་ཡོད་པའི་བརྒྱུད་པ་ནི། རྗེ་བཙུན་གྲགས་པ་ཡན་ལམ་འབྲས་ལྟར་ལ། དེ་ནས་དཀར་ཤཱཀྱ་གྲགས། སློབ་དཔོན་ཀུན་བཟང་དཔལ། དགའ་ལྡན་པ་ཀུན་བསོད། ན་བཟའ་པ། ཆོས་རྗེ་རྣམ་གཉིས། དཔལ་ལྡན་ཚུལ་ཁྲིམས། བཟང་པོ་རྒྱལ་མཚན་མན་འདྲ། ཛྙཱའི་རྟགས་ཅན་གྱི་བརྒྱུད་པ་ནི། པཎྜི་ཏ་ཛྙཱ་ན་ཤྲཱི། ཤེས་རབ་འབྱུང་གནས་སྦས་པ། རིན་ཅེན་རྡོ་རྗེ། དེ་གསུམ་ག་ལ་རྗེ་འབྲོག་མི། གཤེན་སྒོམ་སེའོ། གྱེར་སྒོམ་རོག་པོ། བླ་མ་གཉོས། ཡེར་པ་སྒོམ་སེང་། གྲུབ་ཐོབ་ལྷ་འབར། ཁ་རག་དགོན་པ། ལུང་ཕུ་པ། བཀྲས་ལུང་པ། མཁས་པ་གཞོན་ནུ་གྲུབ། ཞང་སྟོན་བྱང་ཆུབ་ཤེས་རབ། བླ་མ་དམ་པ། སྔགས་འཆང་གཟུངས་པ་མན་འདྲ། ཡང་ན་བླ་མ་དམ་པ་ནས། དཔལ་ཚུལ་བ། བུདྡྷ་ཤྲཱི། ངོར་ཆེན་མན་འདྲ། ནཱའི་རྟགས་ཅན་གྱི་བརྒྱུད་པ་ནི། པཎ་ཆེན་ནཱ་རོའི་ཞབས། འབྲོག་མི་ལོ་ཆེན། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ། རྗེ་ས་ཆེན། རྗེ་བཙུན་སྐུ་མཆེད། ས་པཎ། ལུང་ཕུ་བ་མན་གོང་ལྟར་རོ། །ཝའི་རྟགས་ཡོད་པའི་རྒྱུད་པ་ནི། རྗེ་བཙུན་སྒྲོལ་མ། པཎ་གྲུབ་ངག་དབང་གྲགས་པ། འབྲོག་མི་ལོ་ཆེན། འཁོན་དཀོན་ཅོག་རྒྱལ་པོ། བླ་མ་ཤངས་པ། ས་ཆེན། རྩེ་མོ། གྲགས་པ། ས་པཎ། ལུང་ཕུ་བ་མན་འདྲ། ཤའི་རྟགས་ཅན་གྱི་བརྒྱུད་པ་ནི། པཎ་ཆེན་ཤནྟི་པ། རྗེ་འབྲོག་མི། སེ་མཁར་ཆུང་པ། ས་ཆེན། རྗེ་བཙུན་སྐུ་མཆེད་གཉིས། ས་པཎ། ལུང་ཕུ་བ་མན་འདྲ། སཾ་གྱི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། བིཪྺ་པ་
ཌོམྦྷི་ཧེ་རུ་ཀ །ཨ་ལ་ལ་བཛྲ། ནགས་ཁྲོད་པ། གརྦྷ་རི་པ། བསོད་སྙོམས་པ། མི་ཐུབ་ཟླ་བ། དཔའ་བོ་རྡོ་རྗེ། ལོ་ཆེན་འབྲོག་མི། སེ་སྟོན། ཞང་སྟོན། རྗེ་བཙུན་ཡབ་སྲས་གསུམ། ཆོས་རྗེ་ཁུ་དབོན་གཉིས། ཞང་སྟོན་ཁུ་དབོན་གཉིས། ཆོས་རྗེ་རྣམ་གཉིས། དེ་གཉིས་ལ་དཔལ་ལྡན་ཚུལ་ཁྲིམས། དེ་ནས་བུདྡྷ་ཤྲཱི། ངོར་ཆེན་མན་འདྲ། ཎའི་རྟགས་ཅན་གྱི་བརྒྱུད་པ་ནི། ས་པཎ་ནས། ཚོགས་ཉན་གཉིས། བྲག་ཕུག་པ། ཆོས་རྗེ་རྣམ་གཉིས་དཔལ་ཚུལ་བ། བཟང་པོ་རྒྱལ་མཚན་མན་འདྲ། ཡང་ན་དཔལ་ལྡན་ཚུལ་ཁྲིམས་ནས། བུདྡྷ་ཤྲཱི། ངོར་ཆེན་མན་འདྲ། པའི་རྟགས་ཡོད་པའི་བརྒྱུད་པ་ནི། ངོར་ཆེན་བརྒྱུད་པར་བཞུགས་པའི་བཤད་མ་ཐག་པ་ལྟར་རམ། ཡང་ན་ཉན་ཆེན་པ་ནས། དཀར་པོ་བྲག་པ། དཔལ་ལྡན་ཚུལ་ཁྲིམས། བུདྡྷ་ཤྲཱི་མན་འདྲ། པའི་རྟགས་ཅན་འཁྲུལ་འཁོར་སོ་གཉིས་པའི་བརྒྱུད་ལུགས་གཅིག་ནི། ཉན་ཆེན་པ་ནས། གཉག་སྙིང་པོ་རྒྱལ་མཚན། བླ་མ་རྒྱལ་མཚན་འབུམ། བླ་མ་དམ་པ། དཔལ་ཚུལ་བ། བུདྡྷ་ཤྲཱི་མན་གོང་བཞིན་ནོ། །གུའི་རྟགས་ཅན་གྱི་བརྒྱུད་པ་ནི། སྦས་དོན་གསལ་བའི་བརྒྱུད་པ་ཟུར་པ་ཐེག་ཆེན་པ་བཞུགས་པ་དང་གཅིག །བིའི་རྟགས་ཡོད་པའི་བརྒྱུད་པ་ནི། རྗེ་བཙུན་བིཪྺ་པ། རྣལ་འབྱོར་པ། ཛ་དོན་བཛྲ། བུདྡྷ་ཤྲཱི། ངོར་ཆེན་མན་འདྲ། སྟོང་གི་རྟགས་ཡོད་པའི་བརྒྱུད་པ་ནི། མཁྱེན་རབ་རྗེ། སྟོང་རབ་ཁུ་དབོན། ཀུན་དགའ་ཆོས་གྲགས། ངག་དབང་མཆོག་ལེགས་རྡོ་རྗེ། མཁྱེན་རབ་བསྟན་འཛིན་བཟང་པོ། རྗེ་ངག་དབང་ལྷུན་གྲུབ། སྡོམ་བརྩོན་འཕྲིན་ལས་རྣམ་རྒྱལ། ཞ་ལུ་པ་ཆེན་པོ། དེས་བདག་ལའོ། །བྷོའི་རྟགས་ཡོད་པའི་བརྒྱུད་པ་ནི། རྗེ་དཀོན་ཅོག་ལྷུན་གྲུབ། ཤར་ཁང་པ་ཤེར་རྒྱན་
ཐར་རྩེ་པཎ་ཆེན། སྒྲུབ་ཁང་པ་དཔལ་ལྡན་དོན་གྲུབ། དེ་དབོན་དཔལ་མཆོག་རྒྱལ་མཚན། དྲིན་ཅན་ཞ་ལུ་པ། དེས་བདག་ལའོ། །ཝཾ་གྱི་རྟགས་ཅན་གྱི་བརྒྱུད་པ་ནི། རྗེ་དཔལ་དོན་པ། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ། དེས་བདག་ལའོ། །སའི་རྟགས་ཡོད་པའི་བརྒྱུད་པ་ནི། མུས་ཆེན་འཁོར་ལོ་སྡོམ་པ་ཡན་གསུང་ངག་བརྒྱུད་པ་དང་པོ་ལྟར་ལ། དེ་ནས་ཞ་ལུ་པ་སངས་རྒྱས་དཔལ་བཟང་། པཎ་ཆེན་ཉི་ཟླ་སེང་གེ །གྲུབ་ཆེན་ནམ་མཁའ་ཤེས་རབ། རྗེ་ཞེ་དགོན་པ་བསོད་ནམས་རྩེ་མོ། མཚུངས་མེད་རིན་ཅེན་ཆོས་འཕེལ། མུས་ཆེན་སངས་རྒྱས་རྒྱལ་མཚན། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་གྲགས་པ་རྒྱལ་མཚན་དཔལ་བཟང་པོ། དེ་སྲས་ངག་དབང་བསོད་ནམས་དབང་ཕྱུག་གྲགས་པ་རྒྱལ་མཚན་དཔལ་བཟང་པོ། མཁན་ཆེན་རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཀླུའི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་ཀླུ་སྒྲུབ་རྒྱ་མཚོ། གནས་ལྔ་རིག་པའི་པཎ་ཆེན་ངག་དབང་ཆོས་གྲགས། ས་སྐྱ་པ་ངག་དབང་ཀུན་དགའ་བསོད་ནམས་མན་གོང་བཞིན་ནོ། །བྲང་གི་རྟགས་ཡོད་པའི་ལུང་བརྒྱུད་ནི། ས་སྐྱ་པཎྜི་ཏ། འཕགས་པ་རིན་པོ་ཆེ། ཞང་དཀོན་ཅོག་དཔལ། བྲག་ཕུག་པ་བསོད་ནམས་དཔལ། བླ་མ་དོན་ཡོད་རྒྱལ་མཚན། སློབ་དཔོན་འདུལ་འཛིན་པ། ཆོས་རྗེ་བྱང་སེང་པ། ཤར་པ་ཡེ་ཤེས་རྒྱལ་མཚན། རྗེ་ཀུན་དགའ་བཟང་པོ། རྒྱལ་ཚབ་ཀུན་དབང་། ཡོངས་འཛིན་དཀོན་ཅོག་འཕེལ། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། ཤར་ཁང་ཤེས་རབ་རྒྱལ་མཚན། ཐར་རྩེ་ནམ་མཁའ་དཔལ་བཟང་། ཤར་པ་བྱམས་པ་
ཀུན་དགའ་བཀྲ་ཤིས། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཨེའི་རྟགས་ཡོད་པའི་ལུང་བརྒྱུད་ནི། འཕགས་པ་ནས། ཐར་རྩེ་ནམ་མཁའ་དཔལ་བཟང་ཡན་གོང་ལྟར་ལ། དེ་ནས་ཨེ་ཝཾ་དཔལ་ལྡན་དོན་གྲུབ། རྗེ་ནམ་མཁའ་སངས་རྒྱས་མན་ཡང་འདྲ། ཡང་བྲང་དང་ཨེའི་རྟགས་ཡོད་པ་གཉིས་ཀའི་བརྒྱུད་ལུགས་གཅིག་ནི། འཕགས་པ་ནས། དགའ་ལྡན་པ་བཀྲ་ཤིས་དཔལ། དགའ་ལྡན་པ་ཀུན་བསོད། བླ་མ་དཔལ་ལྡན་སེང་གེ །བླ་མ་དོན་ཡོད་རྒྱལ་མཚན་མན་འདྲ། ཡང་ན་དཀོན་ཅོག་འཕེལ་ནས། ལྷ་མཆོག་སེང་གེ །དཀོན་ཅོག་ལྷུན་གྲུབ་མན་འདྲ། ཤཱིའི་རྟགས་ཡོད་པའི་ལུང་བརྒྱུད་ནི། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་པཎ། ཞང་མདོ་སྡེ་དཔལ། འཇམ་སྐྱ་ནམ་མཁའ་དཔལ། བླ་མ་དཔལ་ལྡན་སེང་གེ །མཁན་ཤེར་རྡོར་བ། བླ་མ་དམ་པ་བསོད་ནམས་རྒྱལ་མཚན། མ་ཏི་པཎ་ཆེན། ཐེག་ཆེན་ཆོས་ཀྱི་རྒྱལ་པོ། ལུང་རིག་རྒྱ་མཚོ། མཁར་ཆེན་སེང་གེ་དཔལ་བཟང་། བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ་ཀུན་དགའ་རྣམ་རྒྱལ། འབྲི་གུང་མཁན་ཆེན། རྒྱ་སྟོན་བྱང་ཆུབ་དབང་རྒྱལ། སྔགས་འཆང་ཚེ་དབང་བཀྲ་ཤིས། བླ་མ་རྣམ་རྒྱལ་བཀྲ་ཤིས། ཐུ་བཙུན་ཀུན་དགའ་བསོད་ནམས། དཔལ་འབྱོར་གླིང་པ་ངག་དབང་རྣམ་རྒྱལ། རབ་འབྱམས་ཆོས་རྗེ་རིན་ཅེན་རྒྱ་མཚོ། མཁན་ཆེན་ཞ་ལུ་པ། དེས་བདག་ལའོ། །པུའི་རྟགས་ཡོད་པའི་བརྒྱུད་པ་ནི། འཕགས་པ། འཇམ་སྐྱ་བ། ཨ་མོ་གྷ། མཁན་ཤེར་རྡོར་བ། བླ་མ་དམ་པ་མན་འདྲ། ཅོག་གི་རྟགས་ཡོད་པའི་བརྒྱུད་པ་ནི། འཕགས་པ་ནས། ཅོག་རོ་སྟོན་གཞོན། ཆོས་
བརྩོན་འགྲུས། སངས་རྒྱས་རིན་ཅེན། ཤེས་རབ་རྡོ་རྗེ། བླ་མ་དམ་པ་མན་འདྲ། ངག་གི་རྟགས་ཡོད་པའི་ལུང་བརྒྱུད་ནི། མཁན་ཆེན་ངག་དབང་ཆོས་གྲགས་མན་ཀླུའི་རྟགས་ཡོད་པ་དང་གཅིག །ཁྲིའི་རྟགས་ཡོད་པའི་ལུང་ནི་ལམ་ཟབ་ནང་མའི་བྱིན་རླབས་ཀྱི་བརྒྱུད་པ་སོར་བཞག་གོ །ཨཱའི་རྟགས་ཡོད་པའི་ལུང་ནི། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །པཎ་གྲུབ་བརྒྱད་ཀྱིས་མཛད་པ་ལམ་སྐོར་བརྒྱད་དང་ཆོས་ཀྱི་རྣམ་གྲངས་དགུ་ཡོད་པས་ལམ་སྐོར་དགུར་ཡང་གྲགས་པ་བླ་ཆེན་འབྲོག་མི་ལ་བཀའ་བབས་པའི་ཆོས་སྐོར་ལ། དཔལ་ལྡན་ཏོག་ཙེ་པས་སམྤུ་ཊི་ལ་བརྟེན་ནས་བསམ་གྱིས་མི་ཁྱབ་པའི་གདམས་པ་མཛད། དེ་ཉམས་སུ་ལེན་པ་ལ་བསམ་མི་ཁྱབ་ལྔའམ་བྱིན་རླབས་ཀྱི་བརྒྱུད་པ་ནི། རྡོ་རྗེ་འཆང་། རྟ་མཆོག་ཞབས། མདའ་ཆེན་ཟེར། བི་ན་པཱ་ད། འཇམ་དབྱངས་མཁྱེན་བརྩེའི་གསན་ཡིག་ན་འདི་ལྟར་འདུག་ཀྱང་རྡོ་རྗེ་གདན་པའི་གསན་ཡིག་ན་བི་ན་པ་ཏི་དང་ཐར་རྩེ་བའི་དེར་བཱིན་ཞེས་པི་ཝཾ་འཛིན་པ་ཡིན་ཞེས་སྣང་ངོ་། །རྒྱལ་པོ་ཨིནྡྲ་བྷུ་ཏི། ལེགྨེ་པཱ་ད། མཁྱེན་བརྩེའི་གསན་ཡིག་ན་ཟུར་ཆག་འདི་བཞིན་འདུག་རྡོ་རྗེ་གདན་པའི་དེར་ལཀྞི་དང་ཐར་རྩེ་པའི་དེར་ཕུན་ཚོགས་ཞབས་ཞེས་བསྒྱུར་འདུག་གོ །ཝཱི་ལ་བཛྲ། རྡོ་རྗེ་གདན་པ་དང་ཐར་རྩེ་པའི་དེར་སྒེག་པའི་རྡོ་རྗེར་བསྒྱུར། གུནྡྷ་རི་པ། པདྨ་བཛྲ། དྷརྨྨ་པ། གོང་དཀར་བ་དང་ཐར་རྩེ་པའི་ཆོས་ཀྱི་པ་ཟེར་པ་འདུག །བྷ་དྲ་པཱ་ད། གོང་དཀར་བ་དང་ཐར་རྩེ་པའི་དེ་བཟང་པོའི་ཞབས་སུ་བསྒྱུར་འདུག །གྲུབ་ཆེན་ཏོག་ཙེ་པ། སྟ་མོའང་འབྱོར་འཛིན་པའི་དོན། བྷཱུ་ཤ་ན་པ། གོང་དཀར་བའི་དེར་གྷུ་ཤ་ན་དང་ཐར་རྩེ་བའི་དེར་བྷཱུ་ཥ་ཎ་འདུག །དྷ་མ་པ། གོང་དཀར་བའི་དེར་པདྨ་པ་ཟེར་བ་འདུག །ཀཧྣ་པ། གོང་དཀར་བའི་དེར་ཀཪྞ་ཟེར། བི་ར་བཛྲ། གོང་དཀར་
བ་དང་ཐར་རྩེ་པའི་དེར་དཔའ་བོ་རྡོ་རྗེར་བསྒྱུར། འབྲོག་མི་ལོ་ཆེན། རྡོ་རྗེ་གདན་པའི་བེར་གྷ་ཡ་དྷ་ར་ལ་ཡང་བོད་དུ་གསན་ཟེར། སེ་སྟོན་ཀུན་རིག །ཞང་དགོན་པ་པ། བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ས་པཎ། འོད་ཤཱཀ་པ། ལ་རུ་པ། ཡེ་ཤེས་མགོན། བག་སྟོན་གཞོན་ཚུལ། ཚུལ་རྒྱལ་བ། བླ་མ་དཔལ་ཚུལ་བ། གྲུབ་ཆེན་བུདྡྷ་ཤྲཱི། ངོར་ཆེན་ཀུན་བཟང་། མུས་ཆེན་དཀོན་རྒྱན། ཞ་ལུ་བ་ཆོས་རྗེ་སངས་རྒྱས་དཔལ་བཟང་། མུས་ཆེན་ནམ་མཁའ་དཔལ་བཟང་། རྗེ་དཀོན་ཅོག་ལྷུན་གྲུབ། པཎ་ཆེན་ནམ་མཁའ་དཔལ་བཟང་། རྩེ་གདོང་བདག་ཆེན་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན། མཁན་ཆེན་ངག་དབང་ཆོས་གྲགས། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་གྲགས་པ་རྒྱལ་མཚན་དཔལ་བཟང་པོ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་ངོར་ཆེན་ནས། མཁས་མཆོག་དཀོན་ཅོག་བློ་གྲོས། མཁས་བཙུན་དཔལ་ལྡན་རྒྱལ་པོ། རྗེ་ནམ་མཁའི་མཚན་ཅན། དཀོན་ཅོག་ལྷུན་གྲུབ་མན་འདྲ། རྡོ་རྗེ་འཆང་ཆེན་པོས་ཡེ་ཤེས་ཀྱི་མཁའ་འགྲོ་མ་ལ་བརྟེན་ནས་སློབ་དཔོན་དཔལ་ལྡན་རྟ་མཆོག་ལ་དབང་བསྐུར་ཞིང་བསམ་གྱིས་མི་ཁྱབ་པ་ལྔའི་གདམས་པའི་ལོ་རྒྱུས་ལྷག་མཐོང་གི་ཏིང་ངེ་འཛིན་དུ་མ་ལ་བརྟེན་ནས་བདག་ཉིད་ཀྱིས་རྟོགས་པ་ཡི་གེར་བཀོད་པའོའི་མཐའ་ཅན། ཆོས་སྐོར་འདི་ལ་གྲངས་མང་ཉུང་སོགས་གླེགས་བམ་རྣམས་དང་གསན་ཡིག་རྣམས་མཐུན་མི་མཐུན་སྣ་ཚོགས་འདུག་པ་དཔྱད། བསམ་གྱིས་མི་ཁྱབ་པའི་རིམ་པའི་མན་ངག་ཅེས་བྱ་བའི་གཞུང་དཔལ་ཏོག་ཙེའི་ཞལ་སྔ་ནས་ཀྱིས་མཛད་
པ་རྒྱ་གར་གྱི་མཁན་པོ་རཏྣ་བཛྲ་དང་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བ་ཐོབ་པའི་བརྒྱུད་པ་ནི། ས་པཎ་ཡན་གོང་ལྟར་ལ། དེ་ནས་ཚོགས་སྒོམ་པ་ཀུན་དགའ་དཔལ། ཉན་ཆེན་པ་བསོད་ནམས་བརྟན་པ། རྗེ་བྲག་ཕུག་པ། ཆོས་རྗེ་བླ་མ་དམ་པ། ཡང་ན་འཕགས་པ་ནས། ཞང་དཀོན་ཅོག་དཔལ། གྲུབ་ཆེན་བྲག་ཕུག་པ། བླ་མ་དམ་པ། ཡང་ཉན་ཆེན་པ་ནས། གངས་པ། མཁས་གྲུབ་འཕགས་པ། བླ་མ་དམ་པ། ཡང་ན་ས་པཎ་ནས། གྲུབ་ཐོབ་ཡོན་ཏན་དཔལ། ལ་རུ་བསོད་ནམས་སེང་གེ །གངས་པ། བླ་མ་དམ་པ། དེ་ལ་ས་བཟང་མ་ཏི་པཎ་ཆེན་དང་ས་སྐྱ་བུ་སྟོན་དབང་ཕྱུག་དར་གྱིས་གསན། ཡང་ན་བྲག་ཕུག་པ་ལ། བྲག་ཕུག་པ་དཀོན་ཅོག་རྒྱལ་མཚན། དེ་ལ་ས་སྐྱ་བུ་སྟོན་པས་གསན། ས་བཟང་པ་དང་ས་སྐྱ་བུ་སྟོན་གཉིས་ཀ་ལ་ཐེག་ཆེན་ཀུན་དགའ་བཀྲ་ཤིས། དེ་ནས་བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ་ཀུན་དགའ་རྣམ་རྒྱལ། འབྲི་ཁུང་མཁན་ཆེན། མཁན་ཆེན་བསོད་ནམས་རྒྱ་མཚོ། འབྲས་སྤུངས་པ་ཚེ་དབང་བཀྲ་ཤིས། རྗེ་ཚེ་དབང་ཀུན་མཁྱེན། བླ་ཆེན་ཡེ་ཤེས་དབང་པོ། གསེར་གླིང་པ་ཤཱཀྱ་བསམ་གྲུབ་ཡོངས་འཛིན་ཚུལ་ཁྲིམས་བཀྲ་ཤིས། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །ཡང་ན་རྗེ་ཚུལ་ཁྲིམས་བཀྲ་ཤིས་དང་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གཉིས་ཀ་ལ་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །པཎྜི་ཏ་ངག་གི་དབང་ཕྱུག་གྲགས་པས་དཔལ་གསང་བ་འདུས་པའི་རྒྱུད་དང་བརྟག་པ་གཉིས་པའི་དགོངས་པ་དང་རྗེ་བཙུན་མ་སྒྲོལ་མའི་གསུང་ལ་བརྟེན་ནས་ཡན་ལག །
བདུན་པ་དང་བཞི་པ་སྣང་བར་བྱེད་པ་ལ་སོགས་པའི་བསྟན་བཅོས་མཛད་པའི་ལམ་ཉམས་སུ་ཌོམྦྷི་ཧེ་རུ་ཀའི་བདག་མེད་མའི་སྒྲུབ་ཐབས་བདུད་རྩི་འོད་ཀྱི་སྙིང་པོ་ཉམས་སུ་ལེན་པའི་ཆེད་དུའང་ཡིན། ལེན་པ་ལ་ཕྱག་རྒྱ་ཆེན་པོའི་ཡི་གེ་མེད་པའི་གདམས་པ་ལས་བྱུང་བའི་བྱིན་རླབས་དང་དེའི་གསལ་བྱེད་རྗེ་བཙུན་ཆེན་པོ་གྲགས་པས་དགེ་སློང་བློ་གྲོས་བརྟན་པའི་དོན་དུ་མཛད་པ་ནོས་པ་ལས་བྱིན་རླབས་ཀྱི་བརྒྱུད་པ་ནི། རྗེ་བཙུན་སྒྲོལ་མ། པཎ་གྲུབ་ངག་གི་དབང་ཕྱུག་གྲགས་པ། དེ་ཝཱ་ཀ་ར་ཙནྡྲ། ཨ་མོ་གྷ་བཛྲ། ཐར་རྩེ་བའི་གསན་ཡིག་ན་འདིས་གོང་མ་གཉིས་ཀ་ལ་གསན་ཟེར་བ་འདུག །བླ་ཆེན་འབྲོག་མི་ནས་ས་པཎ་ཡན་གོང་ལྟར་ལ། དེ་ནས་འཕགས་པ། ཞང་སྟོན་ཁུ་དབོན། བླ་མ་དམ་པ། སྔགས་འཆང་གཟུངས་དཔལ། མཉམ་མེད་བཟང་པོ་རྒྱལ་མཚན། སེམས་དཔའ་ཆེན་པོ་རྒྱལ་མཚན་དཀོན་ཅོག །མུས་སྲད་པ་རྡོ་རྗེ་རྒྱལ་མཚན། རྗེ་དཀོན་ཅོག་དཔལ། མཚུངས་མེད་ཆོས་དཔལ་འབྱོར། རྒྱ་སྟོན་བྱང་དབང་། པཎ་ཆེན་བདེ་བའི་རྡོ་རྗེ། བླ་མ་ལྷ་དབང་འཕྲིན་ལས། མཁས་གྲུབ་ཚུལ་ཁྲིམས་བཀྲ་ཤིས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ལུང་གི་བརྒྱུད་པ་ནི་བསམ་མི་ཁྱབ་ཀྱི་ལུང་བརྒྱུད་ཟུར་ཀུན་མཁྱེན་ཆོས་དབྱིངས་རང་གྲོལ་བཞུགས་པ་སོར་གནས་སོ། །དཔལ་མགོན་འཕགས་པ་ཀླུ་སྒྲུབ་ཀྱིས་གསང་བ་འདུས་པ་ལ་བརྟེན་ནས་བྱང་ཆུབ་སེམས་འགྲེལ་མཛད། དེ་ཉམས་སུ་ལེན་པ་ལ་མཆོད་རྟེན་གྱི་དྲུང་དུ་སེམས་ཐག་བཅད་པའི་གདམས་པའི་གསལ་བྱེད་རྗེ་བཙུན་ཆེན་པོ་གྲགས་པས་མཛད་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། བྲམ་ཟེ་ས་ར་ཧ། འཕགས་པ་ཀླུ་སྒྲུབ། སློབ་དཔོན་ཨཱཪྻ་དེ་
ཝ། དགེ་སློང་ནག་པོའི་ཞབས། སློབ་དཔོན་ཙནྡྲ་ཀཱིརྟི། རྡོ་རྗེ་གདན་པ་དང་ཐར་རྩེ་པའི་གསན་ཡིག་ན་ཟླ་བ་གྲགས་པ་ཟེར། བྲམ་ཟེ་དཔལ་འཛིན། དཔའ་བོ་རྡོ་རྗེ། གོང་དཀར་བའི་གསན་ཡིག་ན་གྷ་ཡ་དྷ་ར་ཟེར་བ་འདུག་པ་བླ་ཆེན་གྱིས་རྒྱ་གར་དུ་དཔའ་བོ་རྡོ་རྗེ་དང་བོད་དུ་གྷ་ཡ་དྷ་ར་ལ་གསན་པའི་ཁུངས་མཛད་འདུག །འབྲོག་མི་མན་གོང་དཀར་ལུགས་ཀྱི་ཟུར་ཆེན་བརྒྱུད་པར་བཞུགས་པ་དེ་གའོ། །སློབ་དཔོན་ནག་པོ་སྤྱོད་པས་སམྦུ་ཊི་དང་སྡོམ་འབྱུང་ལ་སོགས་པ་བདེ་མཆོག་གི་རྒྱུད་ལ་བརྟེན་ནས་ནག་པོའི་ཆོས་དྲུག་མཛད། དེ་དག་གི་ནང་ནས་ཨོ་ལ་པ་ཏི་མངོན་པར་རྟོགས་པའི་སྡོམ་གྱི་ཉམས་ལེན་གསལ་བྱེད་རྗེ་བཙུན་ཆེན་པོ་གྲགས་པས་མཛད་པའི་གཏུམ་མོ་ལམ་རྫོགས་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། རྡོ་རྗེ་དྲིལ་བུ་པ། ཀུརྨྨ་པཱ་ད། ཐར་རྩེ་པའི་དེར་རུས་སྦལ་ཞབས་སུ་བསྒྱུར། ཛ་ལནྡྷ་ར། རྡོ་རྗེ་གདན་པའི་དེའི་འདིས་རྡོ་རྗེ་རྣལ་འབྱོར་མར་གསན་ཞེས་སྣང་། ཀཧྣ་པ། ཐར་རྩེ་པའི་དེར་ནག་པོ་སྤྱོད་པ་རོ་ལ་ཞོན་པ་ཟེར། བྲམ་ཟེ་དཔལ་འཛིན། གྷ་ཡ་དྷ་ར། འབྲོག་མི་མན་འདྲ། རྡོ་རྗེ་གདན་པའི་དེར་རྒྱ་གར་དུ་དཔའ་བོ་རྡོ་རྗེ་ཡང་གསན་པར་བཞེད། སློབ་དཔོན་ཨུ་ཙི་ཏ་འཆི་བ་མེད་པས། དཔྱིད་ཀྱི་ཐིག་ལེའི་རྩའི་སྡོམ་ཉམས་སུ་ལེན་པ་ལ་ཡོན་པོ་བསྲང་བ་འཁོར་བ་ལུ་གུ་རྒྱུད་དུ་གཅོད་པའི་གདམས་པ་ནག་པོ་པའི་གསུང་བཞིན་རྗེ་བཙུན་ཆེན་པོས་མཛད་པའི་བརྒྱུད་པ་ནི། རྡོ་རྗེ་འཆང་། ལྷ་དབང་ཕྱུག་ཆེན་པོ། ནག་པོ་ཨུ་ཙི་ཏ་འཆི་བ་མེད་པ། གྲུབ་ཆེན་ནག་པོ་སྤྱོད་པ། དཔལ་འཛིན། གྷ་ཡ་དྷ་ར། འབྲོག་མི་མན་འདྲ། མི་དབང་ཨིནྡྲ་བྷཱུ་ཏིས་རྣལ་འབྱོར་བླ་ན་མེད་པའི་རྒྱུད་སྡེ་མཐའ་དག་ལ་བརྟེན་ནས་དབང་ཡོན་ཏན་གྱི་རིམ་པ་མཛད། དེ་ཉམས་སུ་ལེན་པ་ལ་ཕྱག་རྒྱ་བཞི་རྫོགས་ཀྱི་ལམ་འགོར་ལྷས་བྱིན་གྱིས་ནི་
རྟ་བྱས་ལ་ཞེས་པ་དང་ལོ་རྒྱུས་དང་བཅས་པ་བསྟན་ཟིན་ཏོའི་མཐའ་ཅན་རྒྱ་གཞུང་མའི་བརྒྱུད་པ་ནི། དང་པོ་དཔལ་སྡེའི་ཞལ་ལྔ་ནས། །དེ་བཞིན་དུ་ཡང་ཚངས་པ་དང་། །བྲམ་ཟེ་མོ་ནི་རྡོ་རྗེ་གྲུབ། །ཤྲཱི་བཛྲ་རྡོ་རྗེ་རྒྱལ། །དེ་ཡི་སློབ་དཔོན་དེའི་ཕྱི་མ། །གོས་བྲལ་ཞལ་སྔ་དེ་བཞིན་ནོ། །དཔལ་ལྡན་ཛྙཱ་ན་བོ་དྷི་རྒྱལ། །དེ་བཞིན་ཤྲཱི་ཡོ་བོ་དྷི་དང་། །སློབ་དཔོན་པདྨ་བཛྲ་དང་། །ཌོམྦྷི་ཞལ་སྔ་དེ་བཞིན་ནོ། །ཡན་ལག་བར་པ་དཔལ་ལྷ་མོ། །བུང་བའི་པདྨ་དེ་བཞིན་ནོ། །དུར་ཁྲོད་དུ་ནི་ཀཱི་ལར་བཞུགས། །ལྷ་ལྕམ་ལགས་མིན་དེ་བཞིན་ནོ། །བདག་ཀྱང་དང་པོ་གྲུབ་པ་ཡིན། ཞེས་པ་ལྟར། རྡོ་རྗེ་འཆང་། དཔལ་བདེ་བ་ཆེན་པོ། རྗེ་མཁྱེན་བརྩེའི་གསན་ཡིག་ན་འདི་ལྟར་འདུག་ཀྱང་རྡོ་རྗེ་གདན་པ་དང་ཐར་རྩེ་པའི་དེར་འདི་གཤམ་དུ་ཨིནྡྲ་བྷཱུ་ཏི་འདུག་པས་ཚིགས་བཅད་ལྟར་ན་དཔལ་བདེ་བར་ཨིནྡྲ་བྷཱུ་ཏི་ཆེ་བ་གཉིས་གཅིག་པ་འདྲ། བྷྲ་མ་པཱ་ད། གསན་ཡིག་གཞན་གཉིས་ན་ཚངས་པའི་ཞབས་ཞེས་བསྒྱུར་འདུག །བྲམ་ཟེ་མོ་གྲུབ་པའི་རྡོ་རྗེ། རྒྱལ་པོ་ཨིནྡྲ་བྷཱུ་ཏི་བར་པ། སློབ་དཔོན་ཨུ་པ་མའི་ཞབས། རྡོ་རྗེ་གདན་པའི་གསན་ཡིག་ཨུ་པ་ལ་ཟེར་བ་འདུག་པ་དཔྱད། ནི་ཨུཏྟ་པཱ་ད། རྡོ་རྗེ་གདན་པའི་གསན་ཡིག་ན་སློབ་དཔོན་གོང་བྲལ་ཞབས་ཞེས་འདུག་པ་འཇམ་དབྱངས་མཁྱེན་བརྩེའི་གསན་ཡིག་རྒྱ་སྐད་མ་དང་མཐུན་ནའང་ཐར་རྩེ་པའི་དེར་གཅེར་བུའི་མཚན་དང་བཅས་གོས་བྲལ་དུ་བཤད་འདུག་པ་དཔྱད། རྒྱལ་པོ་ཛྙཱ་བྷཱུ་ཏི། ཤྲཱི་ཡོ་བྷཱུ་ཏི། སློབ་དཔོན་པདྨ་བཛྲ། ཌོམྦྷི་ཧི་རུ་ཀཨ་ནངྒཨནྡྟརྦྷ། རྡོ་རྗེ་གདན་པ་དང་ཐར་རྩེ་པའི་དེར་ཡན་ལག་བར་མའི་ཞབས་ཞེས་བསྒྱུར། ལྷ་མོ་བུང་བའི་པདྨ། ལྕམ་ལཀྵྨཱི། ཐར་རྩེ་པའི་དེར་ལེགས་སྨིན་ཞེས་ཟུར་ཆག་འདུག་གོ །རྒྱལ་པོ་ཨིནྡྲ་བྷཱུ་ཏི་ཆུང་བ། བྲམ་ཟེར་ཏྣ་བཛྲ། ཁ་ཆེ་ཤེས་རབ་གསང་བའམ་ཨཱཙཪྻ་དམར་པོར་གྲགས་པ། འབྲོག་མི་ལོ་ཙཱ་བ་མན་
འདྲ། ཉེ་བརྒྱུད་ནི། རྡོ་རྗེ་འཆང་། ཨིནྡྲ་བྷཱུ་ཏི་ཆེ་བ། ལྕམ་ལེགས་སྨིན། པཎ་ཆེན་ཤེས་རབ་གསང་བ་མན་འདྲ། སློབ་དཔོན་པདྨ་བཛྲ་གྱིས་རྡོ་རྗེ་གུར་ལ་བརྟེན་ནས་སྒྲུབ་ཐབས་མཚོ་སྐྱེས་མཛད་པའི་དོན་ཉམས་སུ་ལེན་པ་ལ་ཟབ་མོའི་ཚུལ་དགུའི་ལམ་གྱི་གསལ་བྱེད་སྦལ་སྟོན་དར་མ་འབྱུང་གནས་ཀྱིས་ཞུས་པའི་ངོར་རྗེ་བཙུན་ཆེན་པོ་གྲགས་པས་མཛད་པ། མཚོ་སྐྱེས་རྡོ་རྗེ་མཛད་པའི་དཔལ་ཀྱེ་རྡོ་རྗེ་མར་མེའི་རྩེ་མོ་ལྟ་བུའི་མན་ངག་རྒྱ་གཞུང་གྷ་ཡ་དྷ་ར་དང་འབྲོག་མིའི་འགྱུར་གཉིས་ཐོབ་པའི་རྒྱུད་པ་ནི། རྡོ་རྗེ་འཆང་། གྲུབ་ཆེན་བི་ལཱ་སྱ་བཛྲ། ཨ་ནངྒ་བཛྲ། རྡོ་རྗེ་གདན་པ་དང་ཐར་རྩེ་བའི་དེར་ཡན་ལག་མེད་པའི་རྡོ་རྗེར་བསྒྱུར། པདྨ་བཛྲ། དེ་གཉིས་ན་མཚོ་སྐྱེས་རྡོ་རྗེར་བསྒྱུར། ཨིནྡྲ་བྷཱུ་ཏི། ལྕམ་ལ་ཀྵྨི་ཀ་ར། ནག་པོ་སྤྱོད་པ། བྲམ་ཟེ་དཔལ་འཛིན། རྗེ་གྷ་ཡ་དྷ་ར། འབྲོག་མི་མན་འདྲ། རྡོ་རྗེ་གདན་པའི་དེར་རྒྱ་གར་དུ་དཔའ་བོ་རྡོ་རྗེར་ཡང་གསན་ཞེས་སྣང་། སློབ་དཔོན་ཌོམྦྷི་ཧེ་རུ་ཀས་བརྟག་གཉིས་ལ་བརྟེན་ནས་ལྷན་ཅིག་སྐྱེས་གྲུབ་མཛད། དེ་ཉམས་སུ་ལེན་པ་ལ་ལྷན་ཅིག་སྐྱེས་པ་གསུམ་གྱི་ལམ་ཉམས་ལེན་དབུ་ན་དེ་ལ་ཌོམྦྷི་ཧེ་རུ་ཀས་ཞེས་དང་ཞག་གསུམ་དེ་གཉིས་ཀྱི་བར་ནས་གང་ཙམ་ལ་སྒོམ། གཞན་ཡང་ཤེས་པར་བྱ་འོའི་མཐའ་ཅན་གྱི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། གྲུབ་ཆེན་ཌོམྦྷི་ཧེ་རུ་ཀ །ཨ་ལ་ལ་བཛྲ། བཱ་ན་སི་པ། ཐར་རྩེ་པའི་དེར་ནགས་ཁྲོད་པར་བསྒྱུར། གརྦྷ་རི་པ། པེནྡྷ་པ། ཐར་རྩེ་པའི་དེར་བསོད་སྙོམས་པར་བསྒྱུར། དུརྒ་ཙནྡྲ། ཐར་རྩེ་པའི་དེར་མི་ཐུབ་ཟླ་བར་བསྒྱུར། དགེ་སློང་པྲཉྫ་ཨིནྡྲ་རུ་ཙེ། རྡོ་རྗེ་གདན་པའི་དེར་བཱི་ར་བཛྲ་དང་ཐར་རྩེ་པའི་དེ་དཔའ་བོ་རྡོ་རྗེ་ཞེས་འདུག་པར་དཔྱད། འབྲོག་མི་མན་འདྲ། རྡོ་རྗེ་གདན་པའི་དེར་བོད་དུ་ཡང་ཤེས་རབ་གསང་བར་གསན་ཟེར་བ་འདུག །རྗེ་བཙུན་ས་
སྐྱ་པ་ཡབ་སྲས་ལ་རྣལ་འབྱོར་བླ་ན་མེད་པ་དང་རྗེས་སུ་འབྲེལ་པའི་སྙན་བརྒྱུད་ཀྱི་གདམས་པ་རྒྱ་མཚོ་ལྟ་བུ་བཞུགས་པའི་ནང་ནས་གཙོ་བོར་གྱུར་པ་ས་སྐྱའི་ལྕགས་རི་མི་འདའ་བའི་གསེར་ཆོས་བཅུ་གསུམ་དུ་གྲགས་པའི་ནང་ནས་མཆོག་བསྒྲུབས་པས་ཐུན་མོང་ཞོར་ལ་འབྱུང་བ་དམར་མོ་སྐོར་གསུམ་ལས། ཇི་སྐད་དུ། རྣལ་འབྱོར་མཁའ་སྤྱོད་སྒྲུབ་པའི་ཉེ་བའི་ལམ། །སྡིག་ཅན་ཐར་པར་བགྲོད་པའི་གསང་ལམ་མཆོག །ནཱ་རོ་ཏ་པའི་ཆིག་བརྒྱུད་སྙིང་གི་གཏམ། །ས་སྐྱའི་བླ་ཆེན་བསྒྱུར་པའི་གསེར་ཆོས་འདི། །སྙན་བརྒྱུད་རྒྱ་མཚོའི་མངའ་བདག་རྡོ་རྗེ་འཆང་། །ཀུན་སྤངས་ཆོས་རྗེའི་ཞལ་ལས་ཐོས་གྱུར་ནས། །ཞེས་པ་ལྟར་གྲུབ་པའི་དབང་ཕྱུག་རྗེ་བཙུན་ནཱ་རོ་ཏ་པ་ལ། གཉིས་སྐྱེས་མཆོག་གཉིས་སོགས་སློབ་མའི་གཙོ་བོ་པཎྜི་ཏ་བཅུ་གཉིས་ཙམ་དང་། མར་པ་ལོ་ཙཱ་བ་ཆོས་ཀྱི་བློ་གྲོས་སོགས་བོད་ཡུལ་གྱི་སློབ་མ་དཀའ་སྤྱད་ཅན་རྣམས་ལ་མིང་ཙམ་ཡང་མ་གསུངས་པར་བལ་པོ་ཕམ་ཐིང་པ་འཇིགས་མེད་གྲགས་པ་དང་ངག་དབང་གྲགས་པ་མཆེད་ཁོ་ནར་གནང་བའི་རྗེ་བཙུན་ནཱ་རོ་མཁའ་སྤྱོད་མར་གྲགས་པའི་གདམས་པ་ཟབ་མོ། གང་ཟག་རབ་བདེ་དགྱེས་གང་རུང་གི་སྨིན་བྱེད་སྔོན་དུ་སོང་ནས་སིནྡྷུ་རའི་བྱིན་རླབས་ནོས། བཟླས་སྒོམ་ཆག་མེད་དང་གཞི་བསྙེན་མཐར་ཕྱིན་པ་ཙམ་གྱིས་གཞན་ལ་མ་ལྟོས་པར་ཚེགས་ཆུང་ངུས་རྡོ་རྗེ་རྣལ་འབྱོར་མ་མི་མོའི་གཟུགས་ཀྱིས་ལག་པའི་མཁྲིག་མ་ནས་བཟུང་སྟེ་ལུས་མ་སྤངས་པར་མཁའ་སྤྱོད་དུ་འཁྲིད་པ། འབྲིང་ལ་མ་ཀ་ལི་ཡའི་ཤིང་ལ་བརྟེན་ནས་སིནྡྷུ་རའི་སྒྲུབ་པས་བུད་མེད་ཕལ་པའི་ཁྲོད་ནས་རྡོ་རྗེ་རྣལ་འབྱོར་མ་ངོས་ཟིན་ཏེ་དེས་ཚེ་འདིར་དངོས་སུ་མཁའ་སྤྱོད་དུ་འཁྲིད། ཐ་མའང་འཆི་བ་འོད་གསལ་ཆོས་སྐུ་ལས་བར་
དོར་ལངས་པའི་དུས་རྡོ་རྗེ་རྣལ་འབྱོར་མ་དཔའ་བོ་མཁའ་འགྲོའི་ཚོགས་ཀྱིས་མཁའ་སྤྱོད་དུ་འཁྲིད་པར་ངེས་པའི་ཟབ་པ་ལས་ཀྱང་ཆེས་ཟབ་པ་སྙན་བརྒྱུད་ཚད་མ་བཞི་དང་ལྡན་པའི་སྐོར་ལ། ཚོགས་སློབ་གཉིས་སུ་གྲགས་པའི་ནང་ནས་ཆེས་ཆེར་ཟབ་པ་གསང་ཆེན་སློབ་བཤད་པའི་ལུགས་བཞིན་ནོས་པ་ལ། སིནྡྷུ་རའི་དཀྱིལ་འཁོར་དུ་བསྒྲུབ་ཅིང་མཆོད་པ་དང་བདག་ཉིད་འཇུག་ཅིང་དབང་བླང་བའི་ཆོ་ག་ཚར་ཆེན་ཀྱིས་མཛད་པའི་མཁའ་སྤྱོད་སྒྲུབ་པའི་ཉེ་ལམ་གྱི་ཡི་གེའི་སྟེང་ནས་སིན་དྷུ་རའི་བྱིན་རླབས་དང་། རྩ་དབུ་མའི་འཁྲིད་ཀྱི་ཆོས་ཉིད་མངོན་སུམ་དུ་སྟོན་པ་དེ་ཁོ་ན་ཉིད་བརྡ་༼ས༽ཆོས་ཀྱི་བྱིན་རླབས་ཀྱིས་སྨིན་པར་བྱས་ནས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་འཁྲིད་ཡིག་ཆེན་མོ་མཁའ་སྤྱོད་བགྲོད་པའི་ཉེ་ལམ་ལ་གཞི་མཛད། གཉིས་བྲལ་འཆད་དུས་ཞལ་ཤེས་གསུམ་ཞེས་པའི་དངོས་བསྟན་དང་ཤུགས་བསྟན་གྱི་ཐུན་མོང་མ་ཡིན་པའི་ཞལ་ཤེས་ཡིག་ཆུང་གིས་ལེགས་པར་བརྒྱན། དེ་ཡང་གང་ཟག་དབང་པོ་རྟུལ་བ་རྣམས་ལ་སེམས་འཛིན་གྱི་དམིགས་པ་ཁོ་ནས་དོན་འགྲུབ་ནའང་། བློས་འཆུན་པ་རྣམས་ལ་བསྒོམ་བྱའི་དོན་ལ་ཐོས་བསམ་གྱི་སྒྲོ་འདོགས་གཅོད་པ་བསྐྱེེད་རིམ་རྣམ་བཤད་དང་། བཅད་དོན་ཉམས་སུ་ལེན་པ་སེམས་འཛིན་གྱི་རིམ་པ་གཏོང་ལུགས་སོགས་ཁའུ་བྲག་རྫོང་པའི་བཞེད་པ་མ་ནོར་བ་ལྟར་སྔོན་འགྲོའི་འཁྲིད་ཐུན་མོང་མ་ཡིན་པ་བཞི། རྣལ་འབྱོར་བཅུ་གཅིག་གི་བསྐྱེད་རིམ་སེམས་འཛིན་ཞར་བྱུང་རྫོགས་རིམ་དང་བཅས་པ། དངོས་གཞིའི་རྫོགས་རིམ་རྩ་དབུ་མ། བདེ་བ་དང་འཇའ་ལུས་སྒྲུབ་པ། འཕོ་བ། ནང་གི་མཁའ་སྤྱོད་སྒྲུབ་པ་སོགས་ཆ་ལག་ཚང་པའི་ཉམས་འཁྲིད། ཐམས་ཅད་
མཁྱེན་པ་མཁྱེན་བརྩེའི་དབང་ཕྱུག་གི་ཟིན་བྲིས་ཆེན་མོ་ལ་བརྟེན་ནས་མཐུན་རྐྱེན་ཚོགས་གསོག་དང་འགལ་རྐྱེན་སྡིག་སྒྲིབ་སྦྱང་བའི་སྔོན་འགྲོ། བསྐྱེད་རིམ་བསྡུས་པ་ངོ་སྤྲད་པའི་སྦྱང་བ། བདག་བྱིན་རླབས། དབུ་མ་ཁ་འབྱེད་པ་དང་གསུམ་གྱི་དམིགས་རིམ་རྗེ་བཙུན་ཡབ་དང་ཐུན་མོང་བའི་རྩ་དབུ་མ་ཆེ་བའི་ཉམས་༼ཞ༽འཁྲིད་ཤིན་ཏུ་རྒྱས་པ། འདི་ནི་གསོལ་འདེབས་པད་དཀར་བཞད་པའི་དགའ་སྟོན་དུ། ལྟེ་བའི་པད་མོར་རླུང་ལྔའི་ཏི་ལ་ཀ །རྩེ་གཅིག་བསྒོམས་པས་ཁ་སྦྱོར་རྣལ་འབྱོར་གྱིས། །ལུས་སེམས་རྩ་ལ་དྲི་བཞོན་ཞུགས་པ་ཡི། །བདེ་བ་མཆོག་གིས་བདག་རྒྱུད་ཚིམ་པར་ཤོག །ཅེས་ས་བོན་ཙམ་བསྟན་ཅིང་རྗེ་བཙུན་རིན་པོ་ཆེའི་མན་ངག་རྣལ་འབྱོར་དབང་ཕྱུག་ཡར་ཀླུངས་པའི་ཁྱད་ཆོས་ནཱ་རོ་ཏ་པའི་སྙན་བརྒྱུད་སློབ་བཤད་འཛིན་པ་རྣམས་ཀྱི་ཐུགས་ཀྱི་ཉིང་ཁུའོ། །འཁོན་སྟོན་བསོད་ནམས་དབང་ཕྱུག་གི་གསུང་༼ངག༽རྒྱུན་གྱི་ཡི་གེར་བརྟེན་ནས་ཡབ་དང་ཐུན་མོང་བའི་རྩ་དབུ་མའི་རླུང་སྦྱང་བའི་དམིགས་རིམ་དང་ཡུམ་རྐྱང་གི་སྤྱི་བོའི་ཡིག་འབྲུ་ལྔ་ལ་བརྟེན་ནས་རླུང་སེམས་དབུ་མར་འཇུག་པའི་འཁྲིད་དང་བཅས་པ་ཉམས་སུ་ལེགས་པར་བསྟར་ནས། རྒྱབ་རྟེན་ལུང་ལ། རྩ་བ་རྒྱ་གཞུང་། གདམས་སྐོར། སྒྲུབ་ཐབས། རྣམ་བཤད། བྱིན་རླབས། ཁ་སྐོང་གི་ཡི་གེ །འཁྲིད་ཡིག་དང་བདུན། དང་པོ་ནི། རྡོ་རྗེ་རྣལ་འབྱོར་མའི་སྒྲུབ་ཐབས་གོང་མའི་མཆན་བུ་དང་བཅས་པ་འདི་སྙིང་པོ་ལྟ་བུ་མེད་དུ་མི་རུང་བ་ཡིན་ནོ། །སློབ་དཔོན་ནཱ་རོ་ཏ་པས་མཛད་པ་རྒྱ་གར་༼༽གྱི་མཁན་པོ་སུ་མ་ཏི་དང་དགེ་སློང་པྲ་ཛྙཱ་ཀཱིརྟིས་བསྒྱུར་པ། གཉིས་པ་གདམས་སྐོར་ལ། བསྐྱེད་རིམ་ཕག་མོ་མཁའ་སྤྱོད། རྫོགས་རིམ་རྩ་དབུ་མ། ཐུན་མོང་གི་དངོས་གྲུབ་
གནོད་སྦྱིན་མོ་དབང་དུ་བྱེད་པ། ལམ་གྱི་ཡན་ལག་དང་བཞི། དང་པོ་ལ་བྱིན་རླབས་བསྡུས་དོན་ན་རྗེས་གནང་ཟེར་མཇུག་ན་མཁའ་སྤྱོད་སྒྲུབ་ཚུལ་ཀྱང་ཅུང་ཟད་ཡོད། ཀྱི་ཡི་གེ་བུ་༼༽མོ་གཞོན་ནུ་མ་ལ་སྟོན་མོ་བྱ་བ་དམ་ཚིག་གོའི་མཐའ་ཅན། དོན་འགྲེལ་བསྐྱེད་རིམ་དངོས།༼༽རྗེ་བཙུན་རྡོ་རྗེ་རྣལ་འབྱོར་མའི་སྒྲུབ་ཐབས་ལ་དོན་བཅུ་གཅིག་གིས་ངེས་པར་བྱ་བ་དེ་ལྟར་དོན་བཅུ་གཅིག་གོའི་མཐའ་ཅན། སྤྱོད་ལམ་གྱི་རྣལ་འབྱོར་ལས་འཕྲོས་ནས་ཕྱི་མཆོད་མདོར་བསྡུས་༼༽བྱེད་ཚུལ་བྱང་ཆུབ་སེམས་དཔས་བཀྲོལ་བ་འོའི་མཐའ་ཅན། འདིའི་ཞར་བྱུང་བྱིན་རླབས་ཤིག་ཡོད་ཀྱང་ཕྱག་ལེན་དུ་མི་མཛད་ཅེས་བྲག་ཕུག་པ་གསུང་། བསྐྱེད་པའི་རིམ་པའི་ཆ་བཟླས་སྒོམ་གཉིས་ལ་བརྟེན་ནས་མཁའ་སྤྱོད་ཀྱི་དངོས་གྲུབ་སྒྲུབ་༼༽པ་བླ་མའི་ཞལ་གྱི་གདམས་པ་རྫོགས་བྱང་གི་མཐའ་ཅན། ཚོགས་ཀྱི་མཆོད་པ་༼༽མདོར་བསྡུས་པ་རྗེས་མ་མངོན་པར་བྱ་འོའི་མཐའ་ཅན། ཚེས་བཅུའི་མཆོད་པ་༼༽ཡི་དམ་དུ་བྱེད་ཚུལ་ཉེས་པ་ཐམས་ཅད་འདག་པར་གསུངས་པའི་མཐའ་ཅན། རྣལ་འབྱོར་མའི་སྦྱིན་སྲེག་རྒྱས་༼༽པ་བདག་ཉིད་ལ་བསྡུ་འོའི་མཐའ་ཅན། མར་མེའི་སྦྱིན་སྲེག་༼༽གཞན་ལ་ཕན་པའི་བློས་ཡི་གེར་བཀོད་པའི་མཐའ་ཅན་རྣམས། གཉིས་པ་རྫོགས་རིམ་རྩ་དབུ་མའི་ཞལ་ཤེས་སུ་ཁ་འཕངས། གསུམ་པ་ཐུན་མོང་གི་དངོས་གྲུབ་གནོད་སྦྱིན་མོ་དབང་དུ་བྱེད་པ་ལ་གནོད་སྦྱིན་མོའི་རྟོག་པ་ལས་ཚངས་པའི་བུ་མོ་འགུགས་༼༽པ་མན་ངག་ཏུ་བྱས་པ་རྫོགས་བྱང་གི་མཐའ་ཅན། འདི་ལ་བརྒྱུད་ཀྱི་དུམ་བུའང་ཟེར། གནོད་སྦྱིན་མོ་པདྨ་ཏིའི་སྒྲུབ་ཐབས་༼༽ཡིད་དུ་འོང་བ་པདྨའི་མན་ངག་རྫོགས་སོའི་མཐའ་ཅན། དེའི་ཞལ་ཤེས་༼༽ཡིད་དུ་འོང་བའི་གནོད་སྦྱིན་མ་སྒྲུབ་པ་རྫོགས་སོའི་མཐའ་ཅན། འདི་བྲག་ཕུག་པའི་
བསྡུས་དོན་ན་མི་གསལ་བ་གོང་གི་ཁོངས་སུ་གཏོགས་པའི་དབང་དུ་བཏང་བ་འདྲ། འཁོལ་པོ་པ་ཏ་ནའི་སྒྲུབ་ཐབས་༼༽ཞེས་བརྗོད་དོའི་མཐའ་ཅན་རྣམས། བཞི་པ་ལམ་གྱི་ཡན་ལག་ལ། པྲ་སེན་དབབ་༼༽པ་གདམས་ངག་གོའི་མཐའ་ཅན། སྨན་ཆེན་པོའི་བཅུད་ལེན་༼༽ཐུན་མོང་མ་ཡིན་པའི་གདམས་ངག་གོའི་མཐའ་ཅན་རྣམས་བླ་མ་ས་ཆེན་གྱིས་མཛད་པ། ས་ཆེན་གྱི་ཡི་གེ་དེ་རྣམས་ཀྱི་བསྡུས་དོན་བྲག་ཕུག་པའི་གསུང་སྒྲོས་ས་གཅད་བཞིར་མཛད་པ་ཅུང་ཟད་ཀྱང་སྣང་ངོའི་མཐའ་ཅན་རྣམས།གསུམ་པ་སྒྲུབ་ཐབས་ལ། བརྒྱུད་འདེབས་རྒྱས་པ་བསོད་ནམས་ཡེ་ཤེས་༼ཨེ༽༼སྒོ༽མ་ངོར་ཆེན་རྡོ་རྗེ་འཆང་གིས་མཛད་པ། དེས་མཛད་པའི་བསྡུས་པ་༼ཨེ༽༼སྒོ༽རྡོ་རྗེ་འཆང་ཆེན་མ། ཚར་པ་རྡོ་རྗེ་འཆང་གིས་སྟོད་ལུང་སྤ་ར་རྫོང་དུ་མཛད་པའི་བརྒྱུད་འདེར་༼རྡོ་རྗེ༽མཆོག་གི་པདྨོ་བཞད་པའི་དགའ་སྟོན་ནམ་རྒྱལ་བ་རྒྱ་མཚོ་མར་གྲགས་པ། དཔལ་རྡོ་རྗེ་རྣལ་འབྱོར་མ་མཁའ་ལ་སྤྱོད་པའི་སྒྱུབ་ཐབས་འཕགས་པ་རིན་པོ་ཆེས་ས་སྦྲུལ་གདུ་བུའི་ཟླ་བ་ལ་ཤངས་མདོར་མཛད་པ། དེས་མེ་བྱི་ཟླ་བ་གཉིས་པའི་ཚེས་བརྒྱད་ལ་མཛད་པའི་དཔལ་ནཱ་རོ་ཏ་པའི་རྗེས་སུ་འབྲངས་པའི་མཁའ་སྤྱོད་མའི་སྒྲུབ་ཐབས། དབུ་ན་བླ་མ་དམ་པའི་ཞབས་ལ་ཕྱག་འཚལ་ལོ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ་ཡོད་པའི་ནཱ་རོ་མཁའ་སྤྱོད་ཀྱི་སྒྲུབ་ཐབས་༼ཨེ༽རྗེ་སངས་རྒྱས་དཔལ་བཟང་གིས་མཛད་པ་དམ་ཚིག་པ་རང་ལ་བསྡུ་འོའི་མཐའ་ཅན། རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་སྒྲུབ་ཐབས་༼རྡོ་རྗེ༽རྒྱུན་དུ་ཉམས་སུ་བླང་བའི་ངག་འདོན་གྱི་ཚུལ་ཚར་ཆེན་གྱི་གསུང་རྒྱུན་ཉམས་ལེན་མཐར་ཐུག་འི་མཐའ་ཅན། དེ་དང་འདྲ་མིན་༼ཨེ༽འགོར་ནམ་མཁའ་དང་མཉམ་པའི་
སེམས་ཅན་ཞེས་ཡོད་པ་ང་རྒྱལ་གྱིས་གནས་པར་བྱའོའི་མཐའ་ཅན། བསྟན་འཛིན་ཉི་ཟླ་བཟང་པོས་མཛད་པའི་རྒྱུན་གྱི་ཉམས་༼ལྕགས༽ལེན་མདོར་བསྡུས་པ་བསྙེལ་བྱང་དུ་བཀོད་པ་རྣམས། བཞི་པ་རྣམ་བཤད་ལ། བདེ་མཆོག་རྒྱུད་ཀྱི་དགོངས་པ་ནཱ་རོ་ཏ་པའི་མན་ངག་གིས་བསྐྱེད་པའི་རིམ་པ་ཕག་མོ་མཁའ་སྤྱོད་དུ་བཀྲལ་པའི་སྒྲུབ་ཐབས་ཀྱི་དོན་རྗེ་ས་ཆེན་གྱིས་རྣལ་འབྱོར་བཅུ་གཅིག་ཏུ་བསྡུས་ནས་༼ཨེ༽བསྟན་པའི་རྣམ་བཤད་རྗེ་ཉི་ཟླ་སེང་གེས་མཛད་པ། རྣལ་འབྱོར་བཅུ་གཅིག་གི་རྣམ་བཤད་༼ཨེ༽༼སྒོ༽རྗེ་བཙུན་བྱམས་པ་ཆོས་ལེགས་ཀྱིས་མཛད་པ། ལྔ་པ་བྱིན་རླབས་ལ། རྡོ་རྗེ་རྣལ་འབྱོར་མའི་དཀྱིལ་འཁོར་དུ་འཇུག་ཅིང་དབང་དང་དངོས་གྲུབ་མ་ལུས་པ་བླང་བའི་ཆོ་ག་འཕགས་པ་རིན་པོ་ཆེས་ལྕགས་རྟ་ཟླ་བ་བདུན་པའི་ཚེས་བཅོ་བརྒྱད་ལ་ཤངས་མདོར་མཛད་པ། འགོར་ཡེ་ཤེས་མཁའ་འགྲོ་མ་ལུས་པའི་ཞེས་ཡོད་པའི་བྱིན་རླབས་ཀྱི་ཡི་གེ་རྗེ་སངས་རྒྱས་༼ཨེ།སྒོ༽དཔལ་བཟང་གིས་མཛད་པ་བྱིན་གྱིས་བརླབ་ཏུ་གསོལ་གྱི་མཐའ་ཅན། བྱིན་རླབས་༼ཨེ༽གྱི་ཆོ་ག་རྡོ་རྗེ་འཆང་ཆེན་པོ་ཨཱ་ནནྡ་བྷ་དྲའི་གསུང་ལས་ཇི་ལྟར་ཟིན་པ་ཙམ་ཞིག་པྲཛྙ་བྷ་དྲས་བརྗེད་བྱང་དུ་བྲིས་པ། མཁས་གྲུབ་གུང་རུ། སིནྡྷུ་རའི་དཀྱིལ་འཁོར་སྒྲུབ་ཅིང་མཆོད་པ་དང་བདག་ཉིད་འཇུག་ཅིང་དབང་བླང་བའི་ཆོ་ག་༼རྡོ་རྗེ༽མཁའ་སྤྱོད་སྒྲུབ་པའི་ཉེ་ལམ་རྡོ་རྗེ་འཆང་ཚར་པ་ཆོས་རྗེས་མཛད་པ། རྫོགས་པའི་རིམ་པ་རྩ་དབུ་མའི་དེ་ཁོ་ན་ཉིད་དངོས་སུ་སྟོན་པའི་བྱིན་རླབས་ཀྱི་ཆོ་ག་༼ས༽༼རྡོ་རྗེ༽བླ་མ་དམ་པ་བསོད་ནམས་རྒྱལ་མཚན་གྱི་གསུང་ཡར་ཀླུངས་པས་ཟིན་བྲིས་སུ་བཏབ་པ་ལྟར་རྗེ་ས་སྐྱ་པ་ངག་དབང་ཀུན་དགའ་བསོད་ནམས་ཀྱིས་མཛད་པ་རྣམས། དྲུག་པ་ཁ་སྐོང་
ལ། རྡོ་རྗེ་རྣལ་འབྱོར་མའི་ཚོགས་ཀྱི་འཁོར་ལོའི་ཆོ་ག་གོ་གོ་ཅན་གྱིས་བསྐུལ་ནས་འཕགས་པས་ལྕགས་རྟ་གདུ་བུའི་ཟླ་བ་ལ་ཤངས་མདོར་མཛད་པ། རྡོ་རྗེ་རྣལ་འབྱོར་མའི་སྦྱིན་སྲེག་གི་ཆོ་ག་གོ་གོ་ཅན་གྱིས་བསྐུལ་ནས་འཕགས་པས་ས་སྦྲུལ་དབྱར་འབྲིང་ཤངས་མདོར་མཛད་པ། འགོར་རྗེ་བཙུན་དམ་པ་མི་བསྐྱོད་རྡོ་རྗེ་ཞེས་ཡོད་པའི་སྦྱིན་སྲེག་གི་ཆོ་ག་༼ཨེ༽མུས་ཆེན་གྱི་གསུང་བཞིན་ཆོས་རྗེ་སངས་རྒྱས་དཔལ་བཟང་གིས་མཛད་པ། རྫོང་ཆུང་པ་ལུགས་ཀྱི་ཆོས་སྐོར་སྔགས་འཆང་གཟུངས་པས་ཕྱོགས་གཅིག་༼འབུམ༽ཏུ་བསྒྲིགས་པའི་མན་ངག་གཏེར་མཛོད་དུ་གྲགས་པ་ལ། རྣལ་འབྱོར་བཅུ་གཅིག་གི་ཉམས་ལེན་ལ་བརྟེན་ནས་བསྙེན་པས་མཉེས་པར་བྱ་བ། ཞར་བྱུང་གཏོར་མའི་ཆོ་ག །གཞན་དོན་སློབ་མ་ལ་ཕན་གདགས་པ། ཚོགས་མཆོད་དང་བཅས་པ། སློབ་མ་རྗེས་གཟུང་བྱིན་རླབས་ཀྱི་ཡི་གེ །ཞར་བྱུང་སིནྡྷུ་རའི་སྒྲུབ་པ། ཞི་བའི་སྦྱིན་སྲེག །མར་མེའི་སྦྱིན་སྲེག །ཟ་བྱེད་མཁའ་འགྲོའི་སྦྱིན་སྲེག །ཁྲུས་ཆོག །འཁོར་ལོའི་མན་ངག །ཚེས་བཅུའི་ཆོ་ག་དང་བཅས་པ་རྣམས། བདུན་པ་འཁྲིད་ཡིག་ལ། དངོས་དང་ཁྱད་པར་ཅན་རྩ་དབུ་མ་ཆེ་བའི་འཁྲིད་གཉིས། དང་པོ་ལ་རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱི་ཕྱག་ཆེན་གཅེས་བསྡུས་ནས་འཁོར་ལོ་སྡོམ་པ་དཀོན་ཅོག་རྒྱལ་མཚན་གྱིས་༼ཨེ༽བྲིས་པའི་རྩ་དབུ་མའི་འཁྲིད་ཡིག་འགོར་བླ་མ་དང་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ་ཟབ་ཡངས་རྒྱུད་རྒྱལ་གསང་མཐའི་དོན་ཞེས་ཡོད་པ། རྒྱུད་སྡེ་དྲུག་པ་རྣལ་འབྱོར་གསང་མཐའི་ཡང་བཅུད་དཔལ་མོ་མཁའ་སྤྱོད་དགའ་མའི་ཉེ་ལམ་རྗེ་བཙུན་ས་སྐྱ་པའི་གསེར་ཆོས་ཀྱི་ཉིང་ཁུ་ཧེ་རུ་ཀ་དཔལ་ཚར་པ་ཆོས་རྗེའི་གསུང་བཞིན་
འཇམ་དབྱངས་མཁྱེན་བརྩེས་ཟིན་བྲིས་སུ་མཛད་པའི་འཁྲིད་ཡིག་༼རྡོ་རྗེ༽མཁའ་སྤྱོད་བགྲོད་པའི་ཉེ་ལམ། འདི་ནི་དེང་སང་རྣལ་འབྱོར་བཅུ་གཅིག་གི་སྟེང་དུ་རྩ་དབུ་མའི་འཁྲིད་ཙམ་བསྣན་ནས་ནཱ་རོ་མཁའ་སྤྱོད་ཀྱི་འཁྲིད་ཡིན་ནོ་ཞེས་སྐད་གསངས་མཐོན་པོར་སྒྲོག་པ་རྣམས་དང་ཡེ་མི་འདྲ་པའི་ནཱ་རོ་པའི་གསང་ཆེན་སློབ་བཤད་ཀྱི་གནད་འགག་ཐམས་ཅད་ཚང་བ་ཡིན་པས་འཁྲིད་ཀྱི་མཇུག་ཏུ། གྲངས་མེད་ཕོ་ཉའི་གཙོ་མོ་ཀུན་འདར་མ། །ཟག་མེད་བདེ་ཆེན་མཆོག་གིས་མཆོད་བྱས་ནས། །བརྗོད་མེད་གནས་ལུགས་རྟོགས་པའི་ཉེ་ལམ་འདི། །འཁྲུལ་མེད་བླ་མའི་གསུང་གི་ཉིང་ཁུ་ཡིན། ཞེས་རང་བཟོ་དང་འཁྲུལ་པའི་དྲི་མ་ཕྲ་མོ་ཙམ་དང་ཡང་བྲལ་བ་ཡིན་ལ། འཕྲལ་གྱི་ཚིག་བཤད་ཙམ་མ་ཡིན་པར་ལམ་འདི་ལ་བརྟེན་ནས། གྲུབ་པའི་རིགས་འཛིན་གྱི་ས་ཆེན་པོ་བརྙེས་པའི་ངོ་མཚར་བའི་རྣམ་ཐར་ལ་བརྟེན་ནས་ཚར་ཆེན་གྱི་རྟོགས་བརྗོད་དུ། དཔལ་མཁའ་སྤྱོད་ཀྱི་དགའ་མ་ཡིད་འོངས་མ། །དུས་རིང་ནས་བསྐྱངས་པའི་མ་མ་དེས། །ད་རིགས་འཛིན་གྱི་གྲུབ་པ་སྟེར་བའི་བརྡ། །ཡོངས་ངོ་མཚར་གྱི་ཟློས་གར་ཅི་ཡང་བརྩེན། །ཞེས་གསུངས་པའི་དོན་སྙིང་དབུས་ཀྱི་དཔལ་བེའུར་བཅང་པའི་འོས་སོ། །ཐུན་མོང་མ་ཡིན་པའི་བླ་མའི་རྣལ་འབྱོར་རྒྱས་པ་དང་ཉམས་ལེན་གྱི་འཁྲིག་རིམ་ཡོངས་གྲགས་དང་ཅུང་ཟད་མི་མཐུན་པར་སློབ་བཤད་པའི་བཞེད་པ་ཐུན་མོང་མ་ཡིན་པ་༼དབང༽༼རྡོ་རྗེ༽གོ་རིམ་འཁྲུལ་མེད་དུ་རྡོ་རྗེ་འཆང་དབང་ཕྱུག་རབ་བརྟན་གྱིས་བཀོད་པ་ཡུན་རིང་དུ་གནས་པར་གྱུར་ཅིག་གི་མཐའ་ཅན། མཐུ་སྟོབས་ཀྱི་དབང་ཕྱུག་དགོན་གསར་བ་བསོད་ནམས་ཆོས་འཕེལ་གྱི་གསུང་རྒྱུན་རྣལ་འབྱོར་བཅུ་གཅིག་ནང་བསྐྱེད་རིམ་ལུས་དཀྱིལ་སྒོམ་ཚུལ་རྫོགས་
རིམ་ཤིན་ཏུ་ཟབ་པ་བསམ་མི་ཁྱབ་ཀྱི་ཞལ་ཤེས་དང་བཅས་པ་མཁས་༼གང༽༼རྡོ་རྗེ༽གྲུབ་ངག་དབང་ཆོས་གྲགས་ཀྱིས་ཟིན་བྲིས་སུ་མཛད་པའི་དངོས་གྲུབ་མྱུར་མགྱོགས་ཀྱི་ཕོ་ཉ། འཁྲིད་ཀྱི་སྐབས་གཉིས་བྲལ་འཆད་དུས་ཞལ་ཤེས་གསུམ་གྱི་དང་པོ་ཐུན་མོང་མ་ཡིན་པའི་བླ་མའི་རྣལ་འབྱོར་གྱི་ཡིག་༼རྡོ་རྗེ༽ཆུང་དང་གཉིས་པ་བླ་མ་བསྟིམ་པའི་ཞལ་གདམས་རྡོ་རྗེ་འཆང་ཚར་པ་ཆོས་རྗེའི་གསུང་སྙིང་གི་དབུས་སུ་གཅེས་པར་བཟུང་གི་མཐའ་ཅན། རྗེ་བཙུན་ནཱ་རོ་མཁའ་སྤྱོད་ཀྱི་ལུས་དཀྱིལ་སྙན་བརྒྱུད་༼རྡོ་རྗེ༽ཚར་ཆེན་གྱི་གསུང་སྙིང་ལྟར་གཅེས་པ་དམ་དུ་སྦ་བར་མཛོད་ཀྱི་མཐའ་ཅན། ཕྱག་རྒྱ་ཆེན་པོ་དབུ་མར་འཇུག་པའི་ཡིག་རྙིང་ཞུགས་པའོའི་མཐའ་ཅན། ཞལ་ཤེས་གསུམ་པ་ཚར་ཆེན་གྱི་གསུང་ཐུན་མོང་མ་ཡིན་པའི་རྩ་དབུ་མའི་རྒྱུན་གྱི་ཉམས་༼རྡོ་རྗེ༽ལེན་གསང་ཆེན་བཅུད་ཀྱི་ཐིག་ལེ་སྙིང་དབུས་པདྨོ་བཞད་པར་གྱུར་ཅིག་གི་མཐའ་ཅན། མཁའ་སྤྱོད་མའི་ཞལ་ཤེས་དབང་བཞི་ལུས་བསྒྲིགས་ཀྱི་ཡིག་ཆུང་གོང་མའི་མན་ངག་གཉིས་པོ་འདི་བླ་མའི་གསུང་ངོའི་མཐའ་ཅན། ཡང་དབང་བཞི་ལུས་བསྒྲིགས། མཁའ་སྤྱོད་སྒྲུབ་པ། འཕོ་བའི་སྐབས་སྒོ་དགག་པ་གསུམ་གྱི་ཞལ་ཤེས་ཡིག་ཆུང་རྒྱུད་ལས་གསལ་བར་འབྱུང་ངོའི་མཐའ་ཅན། ཧེ་རུ་ཀ་ཡབ་ཡུམ་ཞལ་སྦྱོར་དང་ཡུམ་རྐྱང་ལ་བརྟེན་པའི་འཕོ་བ་གསེར་ཆོས་ལོ་ཙཱ་བའི་མན་ངག་ས་ཆེན་གྱིས་མཛད་པ། དེའི་གསལ་བྱེད་ཡབ་དང་ཐུན་མོང་བ་དང་ཡུམ་དང་ཐུན་མོང་མིན་པའི་ཉམས་ལེན་༼རྡོ་རྗེ༽ཚར་བ་རྡོ་རྗེ་འཆང་གི་གསུང་རྒྱུན་དབྱིངས་རིག་བསྲེ་བོའི་མཐའ་ཅན། འཕོ་བ་འདི་གཉིས་དང་འོག་ནས་འབྱུང་བའི་མཁའ་སྤྱོད་སྒྲུབ་པའི་ཉམས་ལེན་གཉིས་དུས་གཅིག་ལ་སློབ་མ་གཅིག་
ལས་མི་སྟོན་ཞིང་ཞུ་བའི་ཚེ་གསེར་གྱི་མཎྜལ་དང་བཅས་དགོས་པ་དེང་སང་གི་བར་དུ་ཕྱག་ལེན་འཆུག་མེད་དུ་ཡོད་པས་གསེར་ཆོས་ཆིག་བརྒྱུད་ཟབ་ཆོས་སུ་མིང་བཏགས་བཞིན་དུ་ཁྲོམ་ཆོས་སུ་འཆད་པ་རྣམས་དང་ཡེ་མི་འདྲའོ། །ཐུན་མོང་གི་རྗེས་འབྲང་རྣམས་ལ་མིང་ཙམ་ཡང་མ་གྲགས་པའི་མཁའ་སྤྱོད་སྒྲུབ་པའི་གསེར་ཆོས་ཆིག་བརྒྱུད་༼རྡོ་རྗེ༽མ་ཤིན་ཏུ་ཟབ་པ་ཚར་བ་རྡོ་རྗེ་འཆང་གིས་འཕན་ཡུལ་ཨཽ་ཌི་ཡཱ་ཎའི་གཞིས་ཀར་མཛད་པ། འདིའི་ཉམས་ལེན་ལ་བརྟེན་ནས་ས་སྐྱ་པའི་སྔས་འཆང་མང་པོ་ལུས་མ་སྤངས་པར་མཁའ་སྤྱོད་དུ་བྱོན་པའི་ལོ་རྒྱུད་ངོ་མཚར་བ་མཐའ་ཀླས་སྣང་ངོ་། །ཚར་ཆེན་གྱིས་མཛད་པའི་མཁའ་སྤྱོད་ཞལ་བཟང་༼རྡོ་རྗེ༽བལྟ་བའི་སྨོན་ལམ་རྣམས། གཉིས་པ་ཁྱད་པར་ཅན་རྩ་དབུ་མ་ཆེ་བའི་འཁྲིད་ལ། རྗེ་བཙུན་ཆེན་པོས་མདོ་ཁམས་གཡེར་མོ་ཐང་གི་སྟོན་པ་གཞོན་ནུའི་དོན་དུ་༼ཀཱེ༽མཛད་པའི་ནཱ་རོ་ཏ་པའི་ཐུགས་ཀྱི་ཉིང་ཁུ་རྩ་དབུ་མའི་མན་ངག །རྡོ་རྗེ་རྣལ་འབྱོར་མའི་རྫོགས་རིམ་རྩ་དབུ་མའི་འཁྲིད་ཀྱི་གསལ་བྱེད་ཞར་བྱུང་དེ་ཁོ་ན་ཉིད་དངོས་སུ་སྟོན་པའི་བྱིན་རླབས་ཀྱི་ལག་ལེན་བསྟན་པ་བླ་མ་དམ་པ་བསོད་ནམས་རྒྱལ་༼བྲག༽༼རྡོ་རྗེ༽མཚན་གྱི་གསུང་སྒྲོས་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་གྱིས་ཟིན་བྲིས་སུ་གཏབ་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་རྗེ་༼རྒྱལ༽བཙུན་ཡབ་དང་ཐུན་མོང་བའི་རྩ་དབུ་མ་ཆེ་བའི་འཁྲིད་ཡིག །ཡབ་དང་ཐུན་མོང་བའི་རླུང་དབུ་མར་བསྡུ་བའི་དམིགས་པ་དང་རྗེ་བཙུན་ཡུམ་རྐྱང་གི་རླུང་སེམས་དབུ་མར་བསྡུ་ཚུལ་གྱི་དམིགས་རིམ་༼ས༽༼རྡོ་རྗེ༽འཇམ་མགོན་ས་སྐྱ་པ་ངག་དབང་བསོད་ནམས་དབང་ཕྱུག་གི་གསུང་རྒྱུན་ཟིན་བྲིས། ཡུམ་བཀའ་ལ་བརྟེན་པའི་རླུང་དབུ་མར་
སྡུད་པའི་ཉམས་ལེན་ཐུན་མོང་མ་ཡིན་༼ལྕགས༽པ་ངག་དབང་ཉི་ཟླ་བཟང་པོས་ལྷ་རིགས་རྒྱལ་མོའི་ཐུགས་དམ་དུ་མཛད་པ་རྣམས་ལེགས་པར་ཐོབ་པ་ལས་ཡི་གེའི་རྟགས་མེད་པའི་བྱིན་རླབས་འཁྲིད་ལུང་རྡོ་རྗེ་དང་གཡུང་དྲུང་ཁེ་རྐྱང་གིས་མཚན་པ་དང་བཅས་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། གྲུབ་ཆེན་རྡོ་རྗེ་དྲིལ་བུ་པ། ཌྷེཾ་ཀི་པ། ཨནྡྷ་ར་པ། ཏི་ལློ་པ། གྲུབ་ཆེན་ནཱ་རོ་པ། ཕམ་ཐིང་པ་གཅེན་འཇིགས་མེད་གྲགས་པ། གཅུང་ངག་དབང་གྲགས་པ། ཀློག་སྐྱ་ཤེས་རབ་བརྩེགས། མལ་ལོ་ཙཱ་བ་བློ་གྲོས་གྲགས་པ། ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་ས་པཎ། ཆོས་རྒྱལ་འཕགས་པ། ཞང་སྟོན་དཀོན་ཅོག་དཔལ། བྲག་ཕུག་པ་བསོད་ནམས་དཔལ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། རྣལ་འབྱོར་དབང་ཕྱུག་ཆེན་པོ་ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་བསོད་ནམས་རྒྱལ་མཆོག །བདག་ཆེན་འཇམ་དབྱངས་ཆོས་རྗེ་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་རྡོ་རིང་པ་ཀུན་བཟང་ཆོས་ཀྱི་ཉི་མ། ཚར་ཆེན་ཆོས་ཀྱི་རྒྱལ་པོ་བློ་གསལ་རྒྱ་མཚོ་གྲགས་པ་རྒྱལ་མཚན། འཇམ་པའི་དབྱངས་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། ། ཡང་ཞལ་ཤེས་གསུམ་སོགས་དོར་པའི་བྱིན་རླབས་བསྐྱེད་རྫོགས་ཀྱི་ཉམས་འཁྲིད། རྡོ་རྗེ། ཀཱི། རྒྱལ། འབུམ། ལྕགས་ཏེ་རྟགས་ལྔ་པོ་མེད་པའི་ལུང་ཡོངས་རྫོགས་བཅས་པའི་བརྒྱུད་པ་ནི།
ཆོས་རྗེ་བླ་མ་དམ་པ་ནས། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། འཁོར་ལོ་སྡོམ་པ་དཀོན་ཅོག་རྒྱལ་མཚན། བདག་ཆེན་རྡོ་རྗེ་འཆང་མན་འདྲ། ངོར་ཆེན་ཚར་ཆེན་གཉིས་ཀྱིས་མཛད་པའི་གསོལ་འདེབས་དང་། རྗེ་མཁྱེན་བརྩེས་མཛད་པའི་འཁྲིད་ཡིག་གི་བརྒྱུད་ལུགས་གཅིག་ནི། འཇམ་དབྱངས་མཁྱེན་བརྩེ་ནས། སྔགས་འཆང་བསོད་ནམས་ཆོས་འཕེལ། རྗེ་དབང་རབ་མན་འདྲ། ཡང་ཡབ་བཀའ་ཡུམ་བཀའི་འཕོ་བ་མ་གཏོགས་པའི་སིནྡྟུ་རའི་བྱིན་རླབས་བསྐྱེད་རྫོགས་ཀྱི་ཉམས་འཁྲིད་ལུགས་གཉིས་དང་བཅས་ཐོབ་པའི་བརྒྱུད་པ་ནི་རྡོ་རྗེ་འཆང་དབང་ཕྱུག་རབ་བརྟན་དང་། རྗེ་མགོན་པོ་བསོད་ནམས་མཆོག་ལྡན་གཉིས་ཀ་ལ། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །སིནྡྷུ་རའི་བྱིན་རླབས་དང་། དེའི་ཡི་གེ་ཚར་ཆེན་གྱི་མཛད་པའི་ལུང་བརྒྱུད་ལུགས་གཅིག་ལ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་བྱིན་རླབས་ནི། རྗེ་མགོན་པོའི་མཚན་ཅན་ནས། ཞ་ལུ་མཁན་ཆེན། དེས་བདག་ལའོ། །ཡང་ན་ཚར་ཆེན་ནས། བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། མཁན་ཆེན་ཐར་པ་རྒྱལ་མཚན། ཞ་ལུ་མཁན་ཆེན། དེས་བདག་ལའོ། །ཡང་བྱིན་རླབས་དང་བསྐྱེད་རྫོགས་ཀྱི་ཉམས་འཁྲིད་ངོར་ལུགས་ནོས་པའི་བརྒྱུད་པ་ནི། བདག་ཆེན་རྡོ་རྗེ་འཆང་ནས། རྗེ་སངས་རྒྱས་དཔལ། སྒོ་རུམ་པ་མན་འདྲ། ཡང་ན་དཔལ་ཚུལ་བ་ནས། བུདྡྷ་ཤྲཱི། ངོར་ཆེན་མན་འདྲ། ཡང་སིནྡྷུ་རའི་བྱིན་རླབས་དང་གཡུང་དྲུང་དང་སྒོའི་རྟགས་ཡོད་པའི་ལུང་བརྒྱུད་ནི། བྲག་ཕུག་པ་ལ། བླ་མ་དམ་པ་དང་ཆོས་རྗེ་བློ་
གྲོས་བརྟན་པས་གསན། དེ་གཉིས་ལ་ཆོས་རྗེ་དཔལ་ལྡན་ཚུལ་ཁྲིམས། དེ་ནས་ངོར་ཆེན། མུས་ཆེན། བདག་ཆེན་རྡོ་རྗེ་འཆང་། ཀུན་སྤངས་རྗེ། རྗེ་བཙུན་སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེ་མན་འདྲ། ཡང་ན་དཔལ་ཚུལ་བ་ནས། ཤར་ཆེན་པ། ངོར་ཆེན་མན་འདྲ། འཕགས་པས་མཛད་པའི་ཡི་གེ་རྣམས་ཀྱི་བརྒྱུད་པ་ལུགས་གཅིག་ནི། བྲག་ཕུག་པ་ནས། བླ་མ་དོན་ཡོད་རྒྱལ་མཚན། སློབ་དཔོན་འདུལ་འཛིན་པ། མཁན་ཆེན་བྱང་ཆུབ་སེང་གེ །ཤར་ཆེན། ངོར་ཆེན། མཁས་གྲུབ་དཔལ་ལྡན་རྡོ་རྗེ། མཁན་ཆེན་རཏྣ་ཤཱི་ལ། སྒོ་རུམ་པ་མན་འདྲ། ཡང་བྱིན་རླབས་ཀྱི་བརྒྱུད་པ་ལུགས་གཅིག་ནི། ངོར་ཆེན་ལ། རྒྱལ་ཚབ་ཀུན་དབང་། རྗེ་བསོད་ནམས་དབང་ཕྱུག །གུང་རུ་ཤེས་རབ་བཟང་པོ། མཁྱེན་རབ་རྗེ་བཞིས་གསན། བཞི་ག་ལ་ཀུན་སྤངས་རྗེས་གསན་པ་མན་འདྲ། ཡང་ན་ངོར་ཆེན་ལ། མུས་ཆེན་དང་ཀུན་མཁྱེན་བསོད་ནམས་སེང་གེས་གསན། གཉིས་ཀ་ལ་རྗེ་སངས་རྒྱས་རིན་ཅེན། སྒོ་རུམ་པ་མན་འདྲ། ཡང་ན་ངོར་ཆེན་ནས། གུ་གེ་པཎ་ཆེན། གློ་བོ་མཁན་པོ། ས་ལོ་ཐམས་ཅད་མཁྱེན་པ། སྒོ་རུམ་པ་མན་འདྲ། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། མཁན་ཆེན་རཏྣ་ཤཱི་ལ། སྒོ་རུམ་པ་མན་འདྲ། ཡང་ན་ཚར་ཆེན་ནས། རྗེ་དབང་རབ་མན་འདྲ། ཡང་ན་ཚར་ཆེན་དང་འཇམ་དབྱངས་མཁྱེན་བརྩེ་གཉིས་ཀ་ལ་བསླབ་གསུམ་རྗེ། རྟ་ར་བ། བྱང་གླིང་རྗེ་གསུམ་གྱིས་གསན། གསུམ་ག་ལ་རྗེ་དབང་རབ་མན་འདྲ། ཡང་ན་རིན་པོ་ཆེ་བསོད་ནམས་ཆོས་འཕེལ་ནས། གནས་ལྔ་རིག་པའི་པཎ་ཆེན་ངག་དབང་ཆོས་གྲགས། རྡོ་རྗེ་འཆང་མགོན་པོ་བསོད་
ནམས་མཆོག་ལྡན་མན་འདྲ། ཡང་ན་རྡོ་རྗེ་འཆང་དབང་ཕྱུག་རབ་བརྟན་ནས། ས་སྐྱ་པ་ཆེན་པོ་ངག་དབང་ཀུན་དགའ་བསོད་ནམས། དེ་སྲས་འཁོན་ངག་དབང་བསོད་ནམས་དབང་ཕྱུག །ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་མཁན་ངག་དབང་ཆོས་གྲགས་ནས། ས་སྐྱ་པ་ངག་དབང་ཀུན་དགའ་བསོད་ནམས་མན་འདྲ། ཡང་ན་མཁན་ངག་དབང་ཆོས་གྲགས་ནས། རྗེ་སྙིང་རྗེ་བཟང་པོ། ལོ་པ་སྤྱན་སྔ་ཀུན་དགའ་དོན་གྲུབ། ས་སྐྱ་པ་ངག་དབང་ཀུན་དགའ་བསོད་ནམས་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། རྗེ་སངས་རྒྱས་རིན་ཅེན། རྒྱལ་བ་ལྷ་མཆོག་སེང་གེ །རྡོ་རྗེ་འཆང་སངས་རྒྱས་སེང་གེ །བྲང་ཏི་པ་ནམ་མཁའ་དཔལ་བཟང་། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། ལོ་པ་སྤྱན་སྔ་མན་འདྲ། ཡང་ན་རྗེ་སངས་རྒྱས་རིན་ཅེན་ནས། ངོར་ཆེན་དཀོན་ཅོག་ལྷུན་གྲུབ། སངས་རྒྱས་སེང་གེ་མན་འདྲ། ཡང་ན་མུས་ཆེན་ནས། གོ་རམ་པ་བསོད་ནམས་སེང་གེ །རྗེ་སངས་རྒྱས་རིན་ཅེན་མན་འདྲ། ཡང་ན་ངོར་ཆེན་ནས། པཎ་ཆེན་གྲགས་པ་རྒྱལ་མཚན། གློ་བོ་མཁན་པོ་བསོད་ནམས་ལྷུན་གྲུབ། རྗེ་ལྷ་མཆོག་སེང་གེ་མན་འདྲ། ཡང་ན་ངོར་ཆེན་དཀོན་ཅོག་ལྷུན་གྲུབ་ནས། མུས་ཆེན་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་མན་འདྲ། ཡང་ན་གློ་བོ་མཁན་ཆེན་ནས། ས་ལོ་འཇམ་དཔལ་རྡོ་རྗེ། རྗེ་དཀོན་ཅོག་ལྷུན་གྲུབ་མན་འདྲ། ཡང་ན་མུས་ཆེན་ནས་ཞ་ལུ་བ་སངས་རྒྱས་དཔལ་བཟང་། མངའ་རིས་པ་དཔལ་ལྡན་རྒྱལ་པོ། རྗེ་བཟང་པོ་དཔལ་པ། པཎ་ཆེན་ནམ་མཁའ་དབང་ཕྱུག །རྗེ་ཆོས་དབང་ཕྱུག །མུས་ཆེན་
སངས་རྒྱས་རྒྱལ་མཚན་མན་འདྲ། ཡང་ན་གློ་བོ་མཁན་ཆེན་བསོད་ནམས་ལྷུན་གྲུབ་ནས། རྗེ་ཀུན་དགའ་གྲོལ་མཆོག །འཇམ་དབྱངས་མཁྱེན་བརྩེ་མན་འདྲ། འཕགས་པ་རིན་པོ་ཆེས་མཛད་པའི་སྒྲུབ་ཐབས། ངོར་ཆེན་གྱིས་མཛད་པའི་རྒྱུད་འདེབས་ཆེ་ཆུང་གློ་བོ་བར་གསན་པ་ཡང་བརྒྱུད་པ་འདི་ཉིད་དོ། །ཡང་ན་མུས་ཆེན་སེམས་དཔའ་ཆེན་པོ་ནས། རྗེ་སངས་རྒྱས་རིན་ཅེན། རྗེ་གྲོལ་མཆོག་མན་འདྲ། ཡང་ན་ངོར་ཆེན་ནས། པཎ་ཆེན་ཤཱཀྱ་མཆོག་ལྡན། ཆོས་རྗེ་ཀུན་དགའ་རྒྱལ་མཚན། མང་མཁར་བ་རབ་གསལ། ཟླ་བ་མགོན་པོ། གྲོལ་མཆོག་མན་འདྲ། ཡང་ན་རྗེ་གྲོལ་མཆོག་ནས། ལྕགས་ཟམ་པ་བསྟན་འཛིན་ཉི་ཟླ་བཟང་པོ། དྲུང་ངག་དབང་ཉི་མ། ལྕགས་ཟམ་པ་སྤྲུལ་སྐུ་ཀུན་དགའ་བསོད་ནམས་དབང་ཕྱུག །མཁན་ཆེན་ཞ་ལུ་བ་ཆེན་པོ། དེས་བདག་ལའོ། །ཡང་ན་རྩེ་གདོང་ཁྲི་ཆེན་ནས། ལྕགས་ཟམ་སྤྲུལ་སྐུ་མན་འདྲ། ཡང་ན་ལོ་པ་སྤྱན་སྔ་རིན་པོ་ཆེ་ནས། ལྕགས་ཟམ་སྤྲུལ་སྐུ་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། ཀུན་མཁྱེན་སངས་རྒྱས་འཕེལ། རྗེ་ར་སྔ་རྩེ་པ། རྫོང་དཀར་བ་ཤེས་རབ་རྒྱལ་མཚན། ཐམས་ཅད་མཁྱེན་པ་མཁྱེན་བརྩེ་མན་འདྲ། ཡང་ན་མུས་ཆེན་སེམས་དཔའ་ཆེན་པོ་ནས། ཀུན་མཁྱེན་སངས་རྒྱས་འཕེལ། མཚུངས་མེད་བཤེས་གཉེན་བཀྲ་ཤིས། གྲུབ་མཆོག་དགེ་སློང་ངག་དབང་རྣམ་རྒྱལ། རྗེ་མཁྱེན་བརྩེ་མན་འདྲ། ཡང་ན་གློ་བོ་མཁན་པོ་བསོད་ནམས་ལྷུན་གྲུབ་ནས། རྗེ་དཀོན་ཅོག་སྐྱབས། རིགས་འཛིན་མངའ་རིས་པ་ལེགས་ལྡན་རྡོ་རྗེ། རྗེ་མཁྱེན་བརྩེ་མན་འདྲ། དབང་གི་རྟགས་ཡོད་ཀྱི་ལུང་བརྒྱུད་ནི། རྡོ་རྗེ་འཆང་དབང་རབ་ནས། མཁན་ཆེན་ཞ་ལུ་པ།
དེས་བདག་ལའོ། །ངག་གི་རྟགས་ཡོད་པའི་ལུང་ནི་ཐམས་ཅད་མཁྱེན་པ་མཁྱེན་བརྩེ་ནས། རིན་པོ་ཆེ་རྟ་ར་བ་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས། ས་སྐྱ་ཁྲི་ཆེན་ཡབ་སྲས་གཉིས། ཁྱབ་བདག་ཞ་ལུ་མཁན་ཆེན། དེས་བདག་ལའོ། །འབུམ་གྱི་རྟགས་ཡོད་པའི་ལུང་གི་བརྒྱུད་པ་ནི་བླ་མ་དམ་པ་ཡན་གོང་ལྟར་ལ། དེ་ནས་སྔགས་འཆང་གཟུངས་ཀྱི་དཔལ་བ། ཆོས་རྗེ་དགེ་ལེགས་བཟང་པོ། བླ་ཆེན་ཆོས་དཔལ་བཟང་པོ། མུས་སྲད་པ་རྡོ་རྗེ་རྒྱལ་མཚན། ས་ལུང་པ་ཤེས་རབ་རིན་ཅེན། རྡོ་རིང་ཀུན་དགའ་རྒྱལ་མཚན། མཁས་གྲུབ་བྱམས་པ་བཟང་པོ། འབུམ་ཆེན་ཀུན་དགའ་དཔལ་འབྱོར། མཁས་གྲུབ་བྱམས་པ་ངག་དབང་དཔལ་བཟང་། ཁྱབ་བདག་ཞ་ལུ་མཁན་ཆེན་པ། དེས་བདག་ལའོ། །ཡང་ན་དགེ་ལེགས་བཟང་པོ་ནས། ཨཱ་ནནྡ་མ་ཏི་བྷ་དྲ། བྱམས་པ་ཆོས་ཀྱི་རིན་ཅེན། དྲན་མཆོག་སངས་རྒྱས་མགོན་པོ། རྗེ་ནམ་མཁའ་རྒྱལ་མཚན། དགེ་སློང་ནམ་མཁའ་རྒྱ་མཚོ། འབུམ་ཆེན་མན་འདྲ། ཡང་ན་ས་ལུང་ཤེར་རིན་ནས། རྗེ་ནམ་མཁའ་རྒྱལ་མཚན་མན་འདྲ། བྲག་གི་རྟགས་ཡོད་པའི་ལུང་ནི། ས་པཎ། ཚོགས་སྒོམ་པ། ཉན་ཆེན་པ། བྲག་ཕུག་པ། བླ་མ་དམ་པ། ཡར་ཀླུངས་པ་མན་སློབ་བཤད་ལྟར་རོ། །བརྒྱུད་པ་འདི་ལ་ཉན་ཆེན་པར་བྲག་ཕུག་པས་གསན་པའི་ལུགས་ལ་གཙོ་བོར་མཛད། གཞན་ཡང་ས་པཎ་ནས། འཕགས་པ། ཞང་དཀོན་ཅོག་དཔལ། བྲག་ཕུག་པ་མན་འདྲ། ཡང་ན་འཕགས་པ་ནས། པཎྜི་ཏ་རྡོ་རྗེ་ཤེས་རབ། འཕགས་རྒྱལ་བ། བླ་མ་བཟང་པོ་བ། བླ་མ་དམ་པ་མན་འདྲ། ཡང་ན་འཕགས་པ་ནས། ཞང་མདོ་སྡེ་དཔལ། འཇམ་དབྱངས་རིན་རྒྱན། གཉིས་ཀ་
ལ་འཇམ་སྐྱ། དཔལ་ལྡན་པ། བླ་མ་དམ་པ་མན་འདྲ། ཡང་ན་ས་པཎ། ཡར་སྒོམ་སེ་བོ། དོ་པ་སྟོན་ཚུལ་གསུམ་ལ་རྒྱལ་ཚ་ལུང་མང་པོས་གསན། དེ་ནས་མཁས་པ་ཡོན་ཏན་ཁྲི། སེང་གེ་བཟང་པོ་ཡར་ཀླུངས་པ་མན་འདྲ། ཡང་ན་ཉན་ཆེན་པ་ནས། དཀར་པོ་བྲག་པ། ཡར་ཀླུངས་པ་མན་འདྲ། ཀཱིའི་རྟགས་ཡོད་པའི་ལུང་བརྒྱུད་ནི། རིན་པོ་ཆེ་རྟ་ར་བ་ཡན་སློབ་བཤད་ལྟར་ལ། དེ་ནས་པཎ་ཆེན་ངག་དབང་ཆོས་གྲགས། ཁྲི་ཆེན་ཀུན་དགའ་བསོད་ནམས། འཇམ་དབྱངས་བསོད་ནམས་དབང་ཕྱུག་ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་ངག་ཆོས་པ་ནས། སྙིང་རྗེ་བཟང་པོ། ལོ་པ་སྤྱན་སྔ། ས་སྐྱ་ཁྲི་ཆེན་མན་འདྲ། ཡང་ན་བླ་མ་དམ་པ་ནས། དཔལ་ཚུལ་བ། ཤར་ཆེན། ངོར་ཆེན། མུས་ཆེན། རྗེ་སངས་རིན། དཀོན་ཅོག་ལྷུན་གྲུབ། དཀོན་ཅོག་རྒྱ་མཚོ། སངས་རྒྱས་རྒྱལ་མཚན། ས་སྐྱ་ཁྲི་ཆེན་མན་འདྲ། ཞའི་རྟགས་ཅན་གྱི་འཁྲིད་ཀྱི་བརྒྱུད་པ་ནི། རྡོ་རྗེ་འཆང་མགོན་པོ་བསོད་ནམས་མཆོག་ལྡན་ཡན་བྲག་གི་རྟགས་ཡོད་པའི་བརྒྱུད་པ་ཉན་ཆེན་པ་དང་ཞང་དཀོན་ཅོག་དཔལ་བཞུགས་པ་ལྟར་ལ། དེ་ནས་ཁྱབ་བདག་ཞ་ལུ་པ་ཆེན་པོ། དེས་བདག་ལ་ཉམས་འཁྲིད་དུ་སྩལ་ཏོ། །རྒྱལ་གྱི་རྟགས་ཡོད་པའི་ལུང་བརྒྱུད་ནི། རྡོ་རྗེ་འཆང་དབང་རབ་ནས། མཁན་ཆེན་ངག་དབང་ཆོས་གྲགས། རྒྱལ་རྩེ་བདག་ཆེན་ཀུན་དགའ་བསོད་ནམས་གྲགས་པ། མཁན་ཆེན་ཞ་ལུ་པ། དེས་བདག་ལའོ། །སའི་རྟགས་ཡོད་པའི་བྱིན་རླབས་དང་ལུང་བརྒྱུད་ནི། འཇམ་དབྱངས་མཁྱེན་བརྩེ་ཡན། བྲག་གི་རྟགས་ཡོད་པའི་བརྒྱུད་པ་ཉན་ཆེན་པ་དང་ཞང་དཀོན་ཅོག་དཔལ་བཞུགས་པ་ལྟར་ལ། དེ་ནས་རྗེ་བྱམས་པ་རབ་
བརྟན། རྗེ་སྙིང་རྗེ་བཟང་པོ་མན་སྔར་ལྟར། ཡང་ན་རྗེ་མཁྱེན་བརྩེ་ནས། རྟ་ར་བ་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས་མན་འདྲའོ། །ལྕགས་ཀྱི་རྟགས་ཡོད་པའི་ལུང་ནི། རྗེ་གྲོལ་མཆོག་ནས་བསྟན་འཛིན་ཉི་ཟླ་བཟང་པོར་བརྒྱུད་པ་དང་གཅིག་གོ །ཡང་བྱིན་རླབས་ལུང་འཁྲིད་ཐམས་ཅད་ཀྱི་ཉེ་བརྒྱུད་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། གྲུབ་ཆེན་ནཱ་རོ་ཏ་པ་མན་འདྲ། རིང་བརྒྱུད་གཅིག་ལ། འདི་ཐམས་ཅད་མཁྱེན་པ་རྡོ་རྗེ་གདན་པའི་གསན་ཡིག་ན་སྣང་ངོ་། །རྡོ་རྗེ་རྣལ་འབྱོར་མ། གྲུབ་ཆེན་དྲིལ་བུ་པ། རུས་སྦལ་ཞབས། ཛ་ལནྡྷ་ར། སྤྱོད་པ་བ། གུ་ཧྱ་པ། རྣམ་རྒྱལ་ཞབས། ཏི་ལློ་པ། ནཱ་རོ་བ་མན་འདྲ། རྒྱལ་པོ་ཆེན་པོ་ཨིནྡྲ་བྷཱུ་ཏིས་ལེགས་པར་བཀྲལ་བའི་ཨིནྡྲ་མཁའ་སྤྱོད་དམ་ཕག་མོ་ཞལ་གཉིས་མ་དང་བཅོམ་ལྡན་འདས་མ་བདེན་གཉིས་ཞལ་དུ་གྲགས་པའི་སྐོར་ལ། རྗེ་བཙུན་ཆེན་པོས་མཛད་པའི་ཡི་གེ་ལ་བརྒྱུད་པའི་ཕྱག་ལེན་གྱིས་ལེགས་པར་བརྒྱན་ཏེ་སིནྡྷུ་རའི་དཀྱིལ་འཁོར་དུ་བྱིན་རླབས་ཟབ་མོ་སྨིན་རྒྱས་སུ་ནོས། རྒྱབ་རྟེན་ལུང་ལ་མི་དབང་ཆོས་གསུམ་གྱི་དང་པོ་དཔལ་རྡོ་རྗེ་རྣལ་འབྱོར་མ་ཞལ་གཉིས་མའི་སྒྲུབ་༼སྒོ༽པ་ཨོ་རྒྱན་གྱི་སློབ་དཔོན་ཆེན་པོ་མི་དབང་ཨིནྡྲ་བྷཱུ་ཏིས་མཛད་པ་རྒྱ་གར་གྱི་མཁན་པོ་དཔལ་ན་ལནྡ་པ་དང་ལོ་ཙཱ་བ་པྲཛྙ་ཀཱིརྟིས་བསྒྱུར་པ། གཉིས་པ་དེས་མཁའ་འགྲོ་རྒྱ་མཚོའི་རྒྱུད་ལ་བརྟེན་ནས་མཛད་པའི་དཔལ་རྡོ་རྗེ་རྣལ་འབྱོར་མའི་སྔགས་ཀྱི་དེ་ཁོ་ན་ཉིད་ཀྱི་རང་བྱིན་གྱིས་རློབ་པའི་རིམ་པ་༼སྒོ༽སློབ་མ་ཡེ་ཤེས་རྡོ་རྗེས་བསྒྱུར་བ། གསུམ་པ་འཕགས་མོའི་ལས་བཅུ་༼སྒོ༽ཞེས་པ་བསྙེན་པའི་ཆོ་ག །གཞན་དོན་སློབ་མ་རྗེས་སུ་བཟུང་བ། ཚེས་བཅུ་དང་འབྲེལ་བའི་ཚོགས་མཆོད། བདག་གཞན་གཉིས་ཀ་དང་འབྲེལ་
བ་གཞོན་ནུ་མའི་མཆོད་པ། གནས་སྐབས་ཐམས་ཅད་དང་འབྲེལ་བ་གཏོར་མའི་ཆོ་ག །དམན་པའི་དུར་ཁྲོད་དང་འབྲེལ་བའི་སྦྱིན་སྲེག་གི་ཆོ་ག །བུ་ཆུང་གསར་བུ་ལ་ཕན་འདོགས་པ་བསྲུང་བའི་འཁོར་ལོ། རྩུབ་ལས་གདུག་པ་ཚར་གཅོད་པ་སུམྦྷ་ནིའི་ཆོ་ག །བསྒོམས་པས་ཕྱིར་བཟློག་པ་དང་། བྲིས་པས་ཕྱིར་བཟློག་པ་རྣམས་བླ་མ་བྷ་ལེནྡྲ་རུ་ཙེས་མཛད་པ་བལ་པོ་ཡེ་ཤེས་རྡོ་རྗེ་དང་བླ་མ་མལ་ལོ་ཙཱ་བས་བསྒྱུར་བ། མི་དབང་ཆོས་གསུམ་གྱི་གསལ་བྱེད་རྗེ་བཙུན་རྡོ་རྗེ་རྣལ་འབྱོར་མ་ཞལ་གཉིས་མའི་སྒྲུབ་ཐབས་ལག་ཏུ་བླང་པའི་རིམ་པ་༼སྒོ༽ཙེང་ངེ་སྟོན་པས་གསོལ་བ་བཏབ་པ་ལ་བརྟེན་ནས་རྗེ་བཙུན་རིན་པོ་ཆེས་མཛད་པ། སྔགས་ཀྱི་དེ་ཉིད་བྱིན་གྱིས་རློབ་པ་ལག་ཏུ་བླང་བ་རྫོགས་པའི་རིམ་པ་༼སྒོ༽ཙེང་ངེ་འདུལ་འཛིན་པས་གསོལ་བ་བཏབ་ནས་རྗེ་བཙུན་རིན་པོ་ཆེས་མཛད་པ། ཕག་མོ་ལས་བཅུའི་ཆོ་གའི་གསལ་༼སྒོ༽བྱེད་ཙེང་ངེ་སྟོན་པ་དགེ་སློང་ཤེས་རབ་གྲགས་ཀྱིས་གསོལ་བ་བཏབ་པར་བརྟེན་ནས་རྗེ་བཙུན་ཆེན་པོས་མཛད་པ། འགོར་བླ་མ་དམ་པ་རྣམས་ལ་ཕྱག་འཚལ་ལོ། །དཔལ་རྡོ་རྗེ་རྣལ་འབྱོར་མ་ཞེས་ཡོད་པའི་གོང་མའི་གསུང་རྒྱུན་གྱི་ཞལ་གཉིས་མའི་སྒྲུབ་ཐབས་དངོས་གྲུབ་ཐམས་ཅད་ཐོབ་པར་འགྱུར་རོའི་མཐའ་ཅན། ཞལ་གཉིས་མའི་སྒྲུབ་ཐབས་པཎ་ཆེན་གྲགས་པ་རྒྱལ་མཚན་གྱིས་མཛད་པ་མ་ཏི་ཙི་ཏྲས་བྲག་དཀར་ཆོས་སྡིངས་སུ་སྦྱར་བའི་མཐའ་ཅན། འགོར་ཕག་མོ་ཞལ་གཉིས་མ་འདི་རྒྱལ་པོ་ཨིནྡྲ་བྷཱུ་ཏིས་མཛད་པ་འདྲ་ཡང་ཞེས་ཡོད་པའི་བྱིན་རླབས་ཀྱི་ཡི་གེ་ཀུན་མཁྱེན་གུང་རུས་མཛད་པ་རྡོ་རྗེ་འཆང་ཀུན་དགའ་བཟང་པོའོའི་མཐའ་ཅན། པཎ་ཆེན་ངག་
དབང་ཆོས་གྲགས་ཀྱིས་མཛད་པའི་སྒྲུབ་ཐབས་༼ངག༽བྱིན་རླབས་དང་བཅས་པའི་ཆོ་ག་གོ་བདེ་བཀླགས་ཆོག་ཏུ་བཀོད་པ་རྣམས་ཐོབ་པ་ལས་ངག་གི་རྟགས་ཅན་མ་གཏོགས་པའི་བྱིན་རླབས་དང་ལུང་ཡོངས་རྫོགས་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། གྲུབ་ཆེན་ལ་བ་པ། རྒྱལ་ཆེན་ཨིནྡྲ་བྷཱུ་ཏི། ལྕམ་ལཀྵྨཱི་ཀ་ར། ཟུར་ཆག་ལ་ལེགས་སྨིན་ཟེར། བྲམ་ཟེ་བིཪྺ་པ། གྲུབ་ཆེན་ཤ་ཝ་རི་བ། གྲུབ་ཆེན་མཻ་ཏྲི་པ། རྒྱ་གར་ཕྱག་ན་རྡོ་རྗེ། བལ་པོ་བྷ་རེནྡྲ་རུ་ཙེ། ཧ་དུ་དཀར་པོ་ཡང་ཟེར། བལ་པོ་ཡེ་ཤེས་རྡོ་རྗེ། རྗེ་བཙུན་ས་སྐྱ་པ་ཆེན་པོ། རྗེ་བཙུན་སྐུ་མཆེད། ཆོས་རྗེ་ཁུ་དབོན། ཞང་དཀོན་ཅོག་དཔལ། གྲུབ་ཆེན་བྲག་ཕུག་པ། ཆོས་རྗེ་བླ་མ་དམ་པ། ཐེག་ཆེན་ཆོས་ཀྱི་རྒྱལ་པོ། ཀྭནྡིང་གུ་ཤྲཱི་ནམ་མཁའ་བཟང་པོ། ཉི་ལྡེ་བ་ངག་དབང་གྲགས་པ། རྒྱ་དཀར་ཤེས་རབ་རྒྱལ་མཚན། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་བྱིན་རླབས་དང་སྒོའི་རྟགས་ཡོད་པའི་ལུང་བརྒྱུད་ལུགས་གཅིག་ནི་གྲུབ་ཆེན་བྲག་ཕུག་པ་ནས། རི་ཁྲོད་པ་བློ་གྲོས་བརྟན་པ། ཆོས་རྗེ་དཔལ་ལྡན་ཚུལ་ཁྲིམས། ཆོས་རྗེ་རྡོ་རྗེ་འཆང་། པཎ་ཆེན་གྲགས་པ་རྒྱལ་མཚན། གློ་བོ་མཁན་པོ་བསོད་ནམས་ལྷུན་གྲུབ། ས་ལོ་ཐམས་ཅད་མཁྱེན་པ། རྗེ་བཙུན་སྒོ་རུམ་པ་ཆེན་པོ། འཇམ་དབྱངས་མཁྱེན་བརྩེ་མན་འདྲ། ཡང་ན་ཆོས་རྗེ་རྡོ་རྗེ་འཆང་ནས། མུས་ཆེན་འཁོར་ལོ་སྡོམ་པ། རིན་ཅེན་མཁྱེན་རབ་མཆོག་གྲུབ། རྗེ་བཙུན་དཀོན་ཅོག་ཚུལ་ཁྲིམས། གྲུབ་ཆེན་སངས་རྒྱས་
དཔལ། རྗེ་སྒོ་རུམ་པ་མན་འདྲ། ངག་གི་རྟགས་ཡོད་པའི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ནས། མཁན་ཆེན་ངག་དབང་ཆོས་གྲགས། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་བ་ཆེན་པོ། དེས་བདག་ལའོ། །ཡང་རྩ་བའི་བརྒྱུད་ལུགས་གཅིག་ནི། བྲམ་ཟེ་བིཪྺ་པ་ནས། ཨ་བྷི་ཛུཀྟ། བལ་པོ་ཧ་དུ་དཀར་པོ། བལ་སྐད་དུ་སྔགས་པ་ལ་འདི་ལྟར་ཟེར་ཞེས་ཆག་ལོ་གསུང་། ལོ་ཙཱ་བ་ཡེ་ཤེས་རྡོ་རྗེ་མན་འདྲ། ཡང་ན་ཤ་ཝ་རི་པ་ནས། ཨ་ཝ་དྷཱུ་ཏི་པ་ཨ་དྷཱ་ཡ་བཛྲ། གྲུབ་ཆེན་བཛྲ་པཱ་ཎི། བལ་པོ་བྷ་རེནྡྲ་རུ་ཙེ་མན་འདྲ། ཡང་ན་ཨ་ཝ་དྷུ་ཏི་པ་ནས། ལྡོང་དར་བ་ཏིང་ངེ་འཛིན་རྡོ་རྗེ། འདི་གཉིས་ངོར་པ་ཤར་པའི་གསན་ཡིག་ན་སྣང་། བསོད་སྙོམས་པ་ཆེ་བ་མ་ཏི་བཛྲ། བསོད་སྙོམས་པ་ཆུང་བ་ས་མ་ཏི་བྷ་དྲ། འདི་ཡང་ངོར་པ་ཤར་པའི་གསན་ཡིག་ན་སྣང་། བལ་པོ་བྷ་རེནྡྲ་རུ་ཙེ་མན་འདྲ། ཉེ་བརྒྱུད་ནི། རྗེ་བཙུན་རྡོ་རྗེ་ཕག་མོ། པཎ་གྲུབ་བྷ་རེནྡྲ་རུ་ཙེ་མན་འདྲ། བལ་པོ་ཐུགས་རྗེ་ཆེན་པོ་ཡང་ཟེར། སྒྱུ་འཕྲུལ་དྲ་བ་ཆེན་མོ་རལ་པ་གྱེན་བརྫེས་ཀྱི་རྒྱུད་ལ་བརྟེན་ནས་སློབ་དཔོན་མཻ་ཏྲི་པས་ལེགས་པར་བཀྲལ་བའི་རྡོ་རྗེ་རྣལ་འབྱོར་མ་རིག་པ་འཛིན་པ་རྩེན་མའམ་མཻ་ཏྲི་མཁའ་སྤྱོད་དུ་གྲགས་པའི་སྐོར་ལ། སྤྲོ་ལུང་པ་ཀུན་སྨོན་གྱིས་མཛད་པའི་ཡི་གེ་དང་བརྒྱུད་པའི་ཕྱག་ལེན་ལ་བརྟེན་ནས་སིནྡྷུ་རའི་དཀྱིལ་འཁོར་དུ་བྱིན་རླབས་ལེགས་པར་ནོས། རྒྱབ་རྟེན་ལུང་ལ། སྒྱུ་འཕྲུལ་ཆེན་མོ་རལ་པ་གྱེན་བརྫེས་ཀྱི་རྒྱུད་ལས་ཕྱུང་པའི་རིག་པ་འཛིན་མ་རྡོ་རྗེ་རྣལ་འབྱོར་མའི་སྒྲུབ་༼སྒོ༽ཐབས་རྒྱ་གར་གྱི་མཁན་པོ་ཛ་ཡའི་ཞབས་དང་སུམ་པ་ལོ་ཙཱ་བ་དར་མ་ཡོན་ཏན་གྱིས་བསྒྱུར་བ། རྡོ་རྗེ་ཕག་མོ་རིག་པ་འཛིན་པ་རྩེན་
མའི་སྒྲུབ་༼སྒོ༽ཐབས་སློབ་དཔོན་གཉིས་མེད་རྗེ་བཙུན་མཻ་ཏྲི་པ། རྡོ་རྗེས་མཛད་པ་རྗེ་བཙུན་ཛ་ཡ་ཤཱི་སེ་ན་དང་སུམ་པ་ལོ་ཙཱ་བས་བསྒྱུར་པ། རིག་པ་འཛིན་པ་རྩེན་མ་རྡོ་རྗེ་རྣལ་འབྱོར་མའི་རྗེས་སུ་སྣང་བའི་ཆོ་ག་༼སྒོ༽མཁས་པ་ཆེན་པོ་རྒྱལ་བའི་སྡེས་མཛད་པ་པཎྜི་ཏ་དེ་ཉིད་དང་བཙུན་པ་དར་མ་ཡོན་ཏན་གྱིས་བསྒྱུར་བ། རྡོ་རྗེ་འཛིན་པ་གྲགས་པ་གཞོན་ནུ་སོགས་ཀྱིས་བསྐུལ་ནས་མཁའ་སྤྱོད་སྒྲུབ་ཐབས་རྗེས་གནང་དང་བཅས་པ་སྤྲོ་ལུང་པ་ཀུན་དགའ་སྨོན་ལམ་གྱིས་མཛད་པ། དེས་མཛད་པའི་བསྟོད་པ་ཡོན་ཏན་མཐའ་ཡས་མ། པཎ་ཆེན་ངག་དབང་ཆོས་གྲགས་ཀྱིས་མཛད་པའི་སྒྲུབ་༼ངག༽ཐབས་དང་བྱིན་རླབས་ཀྱི་ཆོ་ག་གོ་བདེ་བཀླགས་ཆོག་ཏུ་བཀོད་པ་རྣམས་ཐོབ་པ་ལས་ངག་གི་རྟགས་མ་གཏོགས་པའི་བྱིན་རླབས་དང་ལུང་ཡོངས་རྫོགས་ཀྱི་བརྒྱུད་པ་ནི། རྡོ་རྗེ་འཆང་། རྡོ་རྗེ་ཕག་མོ། དཔའ་བོ་སྤྱན་རས་གཟིགས། བྱང་སེམས་བློ་གྲོས་རིན་ཅེན། རི་ཁྲོད་དབང་ཕྱུག །ཤ་ཝ་རི་ཟེར། གྲུབ་ཆེན་མཻ་ཏྲི་པ། གཉིས་མེད་རྡོ་རྗེ། རྒྱ་གར་ཕྱག་ན་རྡོ་རྗེ། ཀ་མ་ལ་བཛྲ། མཚོ་སྐྱེས་རྡོ་རྗེ། ཛ་ཡ་སེ་ན། སུམ་པ་ལོ་ཙཱ་བ་དར་མ་ཡོན་ཏན། རྗེ་བཙུན་ཆེན་པོ་གྲགས་པ་རྒྱལ་མཚན། ཆོས་རྗེ་ས་པཎ། འཕགས་པ་རིན་པོ་ཆེ། ཞང་དཀོན་ཅོག་དཔལ། བྲག་ཕུག་པ་བསོད་ནམས་དཔལ། ཆོས་རྗེ་བླ་མ་དམ་པ། ཐེག་ཆེན་རིན་པོ་ཆེ། གུ་ཤྲཱི་ནམ་བཟང་། ཉི་ལྡེ་བ་ངག་དབང་གྲགས་པ། གཅེན་བདག་ཆེན་རྒྱ་དཀར་བ། གཅུང་བདག་ཆེན་རྡོ་རྗེ་འཆང་། རྗེ་བཙུན་ཀུན་སྤངས་ཆེན་པོ། ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་མཁྱེན་བརྩེ། རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། ཁྱབ་བདག་ཆོས་དབྱིངས་རང་གྲོལ། དེས་བདག་ཟ་
ཧོར་བནྡེ་ལའོ། །ལུང་བྱིན་རླབས་དང་སྒོའི་རྟགས་ཡོད་པའི་ལུང་བརྒྱུད་གཅིག་ནི། བྲག་ཕུག་པ་ནས། རི་ཁྲོད་པ། དཔལ་ལྡན་ཚུལ་ཁྲིམས། ངོར་ཆེན། མུས་ཆེན། མཁྱེན་རབ་ཆོས་རྗེ། རནྟ་ཤཱི་ལ། སངས་རྒྱས་དཔལ། རྗེ་སྒོ་རུམ་པ། འཇམ་དབྱངས་མཁྱེན་བརྩེ་མན་འདྲ། ངག་གི་རྟགས་ཡོད་པའི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ནས། མཁན་ཆེན་ངག་དབང་ཆོས་གྲགས། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །མཁན་ཆེན་ཞ་ལུ་པ། དེས་བདག་ལའོ། །ཡང་ན་སྤྱན་རས་གཟིགས་ནས། རི་ཁྲོད་དབང་ཕྱུག །ཨ་ཝ་དྷཱུ་ཏི་པ། སྨྲྀ་ཏི། ཀ་མ་ལ་བཛྲ། ལཱི་ལ་ཡ་བཛྲ། ལོ་ཙཱ་བ་དར་མ་ཡོན་ཏན། རྗེ་བཙུན་གྲགས་པ་མན་འདྲ། ཡང་ཉེ་བརྒྱུད་ནི། རྡོ་རྗེ་རྣལ་འབྱོར་མ་ནས། མཻ་ཏྲི་པ། ནམ་མཁའི་པཎྜི་ཏ། བླ་མ་ཨ། ཤཱཀྱ་རཀྵི་ཏ། ཀ་ན་ཀ་ཤཱི། ཛ་ཡ་སེ་ན་མན་འདྲ། ཡང་ན་བླ་མ་ཨ། ཛ་ཡ་སེ་ན་མན་འདྲ། ཡང་ན་ལོ་ཀེ་ཤྭ་ར་ནས། རི་ཁྲོད་པ་དབང་ཕྱུག་མན་འདྲ། རྒྱུད་ནས་ཕྱུང་པའི་སྒྲུབ་ཐབས་ཀྱི་ལུང་བརྒྱུད་ལུགས་གཅིག་ནི། འཕགས་པ་རིན་པོ་ཆེ་ནས། དགའ་ལྡན་པ་ཀུན་བསོད། བླ་མ་དཔལ་ལྡན་སེང་གེ །བླ་མ་དམ་པ་མན་འདྲ། ཡང་ན་བླ་མ་དམ་པ་ནས། མ་ཏི་པཎ་ཆེན། ཐེག་ཆེན་ཆོས་རྗེ་མན་འདྲ། ཡང་ན་ཐེག་ཆེན་ཆོས་རྗེ་ནས། བླ་མ་ལུང་རིག་རྒྱ་མཚོ། མཁན་ཆེན་སེང་གེ་དཔལ་བཟང་། བྲག་ཐོག་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཐུགས་སྲས་ཀུན་དགའ་རྒྱལ་པོ། སྔགས་འཆང་ཚེ་དབང་བཀྲ་ཤིས། རྗེ་རྣམ་རྒྱལ་བཀྲ་ཤིས། ཚར་སྣ་མཁན་པོ་ངག་དབང་ཀུན་བསོད། བླ་མ་ངག་དབང་རྣམ་རྒྱལ། རྡོ་རྗེ་འཆང་མགོན་པོ་བསོད་ནམས་མཆོག་ལྡན་
མན་འདྲ། ཡང་ན་རྗེ་བཀའ་འགྱུར་བ་ནས། རབ་འབྱམས་ཆོས་རྗེ། ཁྱབ་བདག་ཁྲ་ཚང་པ། དེས་བདག་ལའོ། །ཆོས་རྗེ་ཤེར་འབྱུང་བློ་གྲོས་མ་རྒྱུད་ཀྱི་ཕྱོགས་ལ་མཁས་གྲུབ་ཆེན་པོར་གྲགས་ཀྱང་མཁའ་སྤྱོད་མའི་བྱིན་རླབས་ཀྱི་ཆོ་ག་བསྒྲིགས་པར་དབང་ཆོག་ཏུ་མིང་བརྟགས་པ་དང་། ལ་ལ་མཁའ་སྤྱོོད་ཕྱི་མ་གཉིས་ཀྱི་བྱིན་རླབས་ལ་རྗེས་གནང་དུ་ངོས་འཛིན་པ་སོགས་སྣང་བ་སྡོམ་གསུམ་དུ། ནཱ་རོ་ཏ་པ་དབང་བསྐུར་དང་། །རིམ་གཉིས་ཆོས་ཀྱི་གཙོ་བར་མཛད། །ནཱ་རོའི་བརྒྱུད་པ་འཛིན་བཞིན་དུ། །དབང་དང་རིམ་གཉིས་མི་སྒོམ་པ། །རྒྱུད་དང་འགལ་བ་ལྟ་ཅི་སྨོས། །རང་ལུགས་དང་ཡང་འགལ་བ་ཡིན། རྡོ་རྗེ་ཕག་མོའི་བྱིན་རླབས་ནི། །མར་པ་ལྷོ་བྲག་པ་ལ་མེད། །མར་པའི་བརྒྱུད་པ་འཛིན་བཞིན་དུ། །ཕག་མོས་ཆོས་སྒོ་འབྱེད་པ་ནི། །རྒྱུད་དང་འགལ་བ་ལྟ་ཅི་སྨོས། །རང་ལུགས་དང་ཡང་འགལ་བ་ཡིན། །ཞེས་རྗེ་ན་རོ་དང་མར་པ་སོགས་ཐོག་མར་བདེ་དགྱེས་གང་རུང་གི་དབང་བཞིས་སྨིན་པར་བྱས་ནས་ཕག་མོ་སོགས་ཀྱི་བྱིན་རླབས་མཛད་པར་གསུངས་པས་དབང་དང་བྱིན་རླབས་ཀྱི་དབྱེ་བ་མ་ཕྱེད་པ་དྭགས་བརྒྱུད་པའི་རྣམ་ཐར་དུ་སོང་ཞིང་བྱིན་རླབས་ལ་སློབ་མ་གྲངས་ངེས་དགོས་ཤིང་རྗེས་གནང་ལ་གྲངས་མེད་ཀྱི་ཆོག་པས་སོ་སོའི་སྤུ་རིས་མ་འདྲེས་པར་བྱེད་དགོས་སོ། །
ས་སྐྱ་པའི་གདམས་པ་དམར་པོ་སྐོར་གསུམ་དུ་གྲགས་པའི་སྒྲུབ་ཐབས་གསན་པའི་ལུང་བརྒྱུད་སོགས།
དཀར་ཆག་ལས། བསྟན་པའི་བདག་པོ་ས་སྐྱ་པའི། །གསང་ལས་ཡང་གསང་གསེར་གྱི་ཆོས། །དམར་པོ་སྐོར་གསུམ་ཞེས་གྲགས་པ། ཞེས་པ་ལྟར་དཔལ་ལྡན་ས་སྐྱ་པའི་གསེར་ཆོས་བཅུ་གསུམ་གྱི་ནང་ཚན་ཁྱད་པར་གྱི་གདམས་པ་ཐུན་མོང་བསྒྲུབས་པས་མཆོག་ཞར་ལ་འགྲུབ་པ་དམར་པོ་སྐོར་གསུམ་དུ་གྲགས་པ་ལ། རྗེས་འབྲང་གི་མཁས་པ་
རྣམས་ཀྱི་བཞེད་ཚུལ་མི་འདྲ་བ་མང་ནའང་ལ་ལ། ཚོགས་བདག །འདོད་རྒྱལ། ཛཾ་དམར་སྲོག་སྒྲུབ་གསུམ་ཡིན་པར་བཞེད། འགའ་ཞིག་བརྒྱུད་པ་གསུམ་ལས་འོངས་པའི་ཚོགས་བདག་ལ་ངོས་འཛིན། ཁ་གཅིག་གཉན་ལོའི་དམར་ཆུང་སྐོར་གསུམ་བཞེད་པར་སྣང་། འཁྲུལ་པའི་དྲི་མ་ཙམ་གྱིས་ཀྱང་མ་སྤངས་པ་ནི་བདག་ཆེན་རྡོ་རྗེ་འཆང་ཆེན་པོའི་བཞེད་པ་ཁའུ་བྲག་རྫོང་པའི་ལུགས་སྲོལ་ལྟར་རྗེ་བཙུན་སྒྲོལ་མ་དམར་མོ་ཀུ་རུ་ཀུལླེ། ཚོགས་བདག་བགེགས་ཀྱི་རྒྱལ་པོ་དམར་ཆེན། ཁྲོ་བོ་ཀག་འཆོལ་འདོད་པའི་རྒྱལ་པོ་གསུམ་ལས་དང་པོ་ཀུ་རུ་ཀུལླེ་འམ་རྗེ་བཙུན་རིག་བྱེད་མའི་ཆོས་སྐོར་རྣམས་ཀྱེ་རྡོར་རྩ་བཤད་ཀྱི་རྒྱུད་དང་ཀུ་རུ་ཀུལླེའི་རྟོག་པ་ལས་བྱུང་ཞིང་། དེ་ལ་ཡང་སྒྲུབ་ཐབས་བརྒྱ་རྒྱམ་སོགས་སུ་གྲགས་པའི་ཐུན་མོང་པ་ཡོད་པ་བཏང་སྙོམས་སུ་བཞག་སྟེ། འདིར་ཐུན་མོང་མ་ཡིན་པ་ཟུར་བཀའ་དཔའ་བོ་རྡོ་རྗེ་དང་གྷ་ཡ་དྷ་རའི་མན་ངག་འབྲོག་མི་ལས་བརྒྱུད་པ། ལྷན་སྐྱེས་རོལ་པ་དང་ཌོམྦྷི་པའི་མན་ངག་བ་རི་ནས་བརྒྱུད་པ། གཉན་གྱི་གདམས་པ་སོགས་བཀའ་བབས་མང་དུ་བཞུགས་པའི་རིམ་པ་རྣམས་རྡོ་རྗེ་འཆང་ཚར་པ་ཆོས་རྗེས་མཛད་པའི་དཀར་ཆག་ལྟར་ནོས་པ་ལ། ཚོམ་བུ་ལ་བརྟེན་ནས་ཀུ་རུ་ཀུ་ལླེ་ཕྱི་སྐུ་གསུང་ཐུགས་ཀྱི་རྗེས་གནང་ཐུན་མོང་བ། དགའ་ལྡན་པ་ཀུན་བསོད་ཀྱི་ཡི་གེ་དང་ཟུར་འདེབས་དཔལ་ལྡན་བླ་མ་གཟུངས་ཀྱི་དཔལ་བས་མཛད་པ་དང་བརྒྱུད་པའི་ཕྱག་ལེན་འཁྲུལ་མེད་ལ་བརྟེན་ནས་ནང་སྒྲུབ་ཐུན་མོང་མ་ཡིན་པའི་རྗེས་གནང་། སྭ་འཇིགས་མེད་གྲགས་པའི་ཡི་གེ་དང་དམ་པའི་ཕྱག་བཞེས་ལ་བརྟེན་ནས་ཀུ་རུ་ཀུལླེ་ལྷ་ལྔའི་སིན་དྷུ་རའི་དཀྱིལ་འཁོར་དུ་དབང་བཞི་བྱིན་རླབས་ཀྱི་ཚུལ་དུ་བསྐུར་བ་རྣམས་ལེགས་པར་ནོས་ནས། རྒྱབ་རྟེན་
ལུང་ལ། ཐོག་མར་དཔལ་ལྡན་ས་སྐྱ་པའི་ཁྱད་པར་གྱི་གསེར་ཆོས་དམར་པོ་སྐོར་གསུམ་ཞེས་གྲགས་པའི་ཆོས་སྐོར་གྱི་དཀར་ཆག་དབང་སྡུད་པདྨ་རཱ་གའི་ཟ་མ་ཏོག་གི་ཁ་འབྱེད་གནད་ཀྱི་ལྡེ་མིག་རྡོ་རྗེ་འཆང་ཚར་པ་ཆོས་རྗེས་མཛད་པ། དེ་ལས་བྱུང་པའི་ཀུ་རུ་ཀུལླེའི་ཆོས་སྐོར་ལ། བླ་ཆེན་དང་བ་རི་ཐུན་མོང་ནས་བརྒྱུད་པ་ཀླུ་སྒྲུབ་ཀྱིས་མཛད་པའི་དངོས་གྲུབ་འབྱུང་བ། ཌོམྦྷི་ཧེ་རུ་ཀ་ནས་བརྒྱུད་པ། བཀྲས་རྣམ་པའི་ཡི་གེ །དཀར་ཆག་ཏུ་མ་བཞུགས་པའི་སྐོར་དང་ལྔ། དང་པོ་བརྒྱུད་པའི་ལོ་རྒྱུས་རྗེས་གནང་བཅས་པ་༼སྒོ༽༼གློ༽དགའ་ལྡན་པ་ཀུན་བསོད་ཀྱིས་མཛད་པ་བཙུན་པ་ཨཱ་ནནྡས་བྲིས་པ་རྗེས་བྱང་ངོའི་མཐའ་ཅན། བླ་མ་དམ་པའི་ཞབས་ལ་ཕྱག་འཚལ་ལོ་སྒྲུབ་ཐབས་འདིའི་ལོ་རྒྱུས་ནི་ཞེས་འགོར་ཡོད་པའི་ལོ་འདི་ན་མཧཱ་རཱ་ཛ་ཟེར་བ་ལས་ལྷན་སྐྱེས་རོལ་པའི་གསལ་ཁ་མི་འདུག །རྒྱུས་སྒྲུབ་ཐབས་འདི་མཧཱ་རཱ་ཛས་མཛད་དོ་ས་ཧ་ཛ་པའི་ལས་སོའི་མཐའ་ཅན། ཐུན་མོང་མ་ཡིན་པའི་བྱིན་རླབས་དབང་བཞིའི་ཟུར་འདེབས་གཟུངས་ཀྱི་དཔལ་བའི་གསུང་ལས་བུདྡྷ་ཤྲཱིས་ཟིན་བྲིས་སུ་བཀོད་པ། ཀུ་རུ་ཀུལླེའི་སྒྲུབ་ཐབས་ལས་སྦྱོར་རྩ་རྒྱུད་བརྟགས་གཉིས་ཀྱི་བརྟག་པ་དང་པོའི་ལེའུ་བཅུ་གཅིག་པ་ལས་ཕྱུང་བ། སྔགས་བཏུ་བ་བརྟག་གཉིས་སྔགས་ཀྱི་ལེའུ་ལས་ཕྱུང་བ། དཔལ་ཀྱེ་རྡོ་རྗེའི་རྒྱུད་ཀྱི་རིམ་པ་ལས་བདག་བྱིན་གྱིས་རླབས་པའི་ཀུ་རུ་ཀུལླེའི་སྒྲུབ་༼སྒོ༽༼གློ༽ཐབས་ཀྱི་རྒྱ་གཞུང་རྒྱལ་པོ་ལྷན་སྐྱེས་རོལ་པས་མཛད་པ་པཎྜི་ཏ་དོན་ཡོད་རྡོ་རྗེ་དང་བ་རི་ལོ་ཙཱ་བས་བསྒྱུར་བ། སློབ་དཔོན་ཆེན་པོ་ལྷན་སྐྱེས་སྒེག་པས་མཛད་པའི་སྒྲུབ་ཐབས་༼གློ༽དཱ་ན་ཤཱི་ལའི་རང་འགྱུར། མང་དུ་ཐོས་པའི་སློབ་དཔོན་ཀུ་མཱ་ར་བོ་དྷིས་མཛད་པའི་སྒྲུབ་ཐབས། རིགས་ལྡན་མའམ་ཀུ་རུ་ཀུལླའི་སྒྲུབ་
ཐབས་༼སྒོ༽༼གློ༽མ་ཏཾ་གིས་མཛད་པ། ཀྱེ་རྡོ་རྗེ་ལས་བྱུང་བའི་མན་༼སྒོ༽༼གློ༽ངག་ཆེན་པོ་ལྔ་སློབ་དཔོན་ཞི་བ་འཚོས་མཛད་པ་དཱ་ན་ཤཱི་ལའི་རང་འགྱུར། ཤཱཀྱ་འཚོས་མཛད་པའི་མན་ངག་རྣམ་པ་ལྔ་དཱ་ན་ཤཱི་ལའི་རང་འགྱུར། བསྙེན་སྒྲུབ་ལས་གསུམ་གྱི་གདམས༼སྒོ༽༼གློ༽པ་རྗེ་བཙུན་ཆེན་པོ་གྲགས་པ་རྒྱལ་མཚན་གྱིས་མཛད་པ། སྒྲུབ་ཐབས་༼སྒོ༽ཀྱི་རིམ་པ་འཕགས་པ་རིན་པོ་ཆེས་མཛད་པ། དཀར་ཆག་ན་མི་གསལ་ཡང་འཇམ་དབྱངས་མཁྱེན་བརྩེས་སྒོ་རུམ་པར་གསན་པའི་ཡི་གེར་བསྟོད་པ་དང་བཅས་ཟེར་བ་འདུག་པས་བརྩེ་བས་རྗེས་ཆགས་མ་ཞེས་པའི་ཤོ་ལོ་ཀ་གཅིག་བུ་དེའོ། །ལས་སྦྱོར་གྱི་མན་༼སྒོ༽༼གློ༽ངག་པཎྜི་ཏ་དོན་ཡོད་རྡོ་རྗེས་བླ་མ་བ་རི་བར་གནང་བ། ནུས་པ་མ་ཉམས་པས་ཁམས་གསུམ་དབང་དུ་བྱེད་པ་པཎྜི་ཏ་དོན་ཡོད་རྡོ་རྗེ་དང་བ་རི་ལོ་ཙཱ་བས་བསྒྱུར་བ། དབུ་ན་ཡི་གེ་ཡཾ་ཡོངས་སུ་གྱུར་བ་ཞེས་ཡོད་པའི་རྫས་སྦྱོར་གྱི་ཡི་གེ་གླ་རྩིར་བཅས་པའི་དུ་བས་མིའི་མིང་རུས་ལ་བདུགས་ན་དབང་དུ་འགྱུར་རོའི་མཐའ་ཅན། གཏོར་མའི་ཆོ་ག་ཚིགས་བཅད་༼སྒོ༽༼གློ༽མ་ཉུང་ངུ་ཡར་ཀླུངས་པས་མཛད་པ། ལས་ཀྱི་མཐའ་སྡུད་སྦྱིན་སྲེག་༼གློ༽ཚིགས་བཅད་མ་རྫོགས་སོའི་མཐའ་ཅན། རྗེ་བཙུན་མའི་བྲིས་སྐུའི་ཆོ་ག་༼སྒོ༽རྫོགས་བྱང་གི་མཐའ་ཅན། གསུང་རྡོ་རྗེ་མའི་ལག་སྒུལ་༼སྒོ༽ཐམས་ཅད་ཡིད་འཕྲོག་པར་འགྱུར་རོའི་མཐའ་ཅན། ཀུ་རུ་ཀུལླེ་གཞོན་ནུ་མའི་སྒྲུབ་༼སྒོ༽ཐབས། རྗེ་བཙུན་མའི་བཀའ་སྡོད་ཕོ་ཉ་༼སྒོ༽གནོད་སྦྱིན་མོ་སྐུ་མདོག་སེར་མོའི་མན་ངག །ཀུ་རུ་ཀུལླེ་སྐུ་མདོག་སྔོན་མོའི་ཆར་འབེབས་ཀྱི་ཡི་གེ་བཀའ་བསྒོ་དྲག་དུ་བྱའོའི་མཐའ་ཅན། སྒྲུབ་ཐབས་ནག་པོ་འགྲོ་ཤེས་༼མཁོན༽ཁམས་གསུམ་དབང་དུ་བསྡུ་བའི་གནད་ཡིག་གངྒཱའི་ཆུ་རྒྱུན། འདི་ནི་དུས་གཅིག་ལ་སྣོད་ལྡན་གྱི་སློབ་བུ་
གཅིག་ལ་ཆིག་བརྒྱུད་མ་གཏོགས་མང་པོར་མི་སྤེལ་བའི་བཀའ་རྒྱ་དང་ཕྱག་ལེན་གྱི་རྒྱུན་མ་ཉམས་པ་ཡོད་ཅིང་། དེའི་རྒྱུ་མཚན་ཡང་དཀར་ཆག་ཏུ། བློ་ཆུང་ཐུན་མོང་གདམས་པས་ཚིམ། །འབྱོར་ལྡན་ལུང་མེད་ཡིག་ཧྲུལ་སྡུད། །ཤེས་འདོད་གྲགས་པའི་རྗེས་སུ་འབྲང་། །དེ་དག་ཆུ་འདོད་སྨིག་རྒྱུར་སྙེག །ཅེས་པའི་ངང་ཚུལ་དང་ཡེ་མི་འདྲ་བར་སློབ་དཔོན་ལྷན་སྐྱེས་རོལ་པ་ནས་བཟུང་སྟེ་རྗེ་བཙུན་ཀུན་སྤངས་ཆེན་པོའི་བར་དུ་ཚད་མ་བཞི་ལྡན་གྱི་སྙན་བརྒྱུད་གདམས་པའི་ངད་མ་ཡལ་བའི་ཟབ་གནད་དང་ལྡན་པས། ཇི་སྐད་དུ། ཁོ་བོས་དམ་པའི་ཞབས་པད་རིང་དུ་བསྟེན། །སྙན་བརྒྱུད་བདུད་རྩིའི་ཞལ་འོད་སྙིང་ལ་ཤར། འཁྲུལ་མེད་གདམས་པའི་གནད་ལ་ངེས་པ་ཐོབ། །གྲོགས་དག་འདི་འདྲའི་སྐལ་བཟང་ཁོ་བོ་ཙམ། །ཞེས་གསུངས་པ་སྙིང་ལ་བཅང་པར་བྱའོ། །བདག་ཉིད་ནུས་ལྡན་དུ་བྱ་བ་དང་ལིང་གའི་སྙིང་གར་འཇུག་པའི་འཁོར་ལོའི་ཞལ་ཤེས་ཀྱི་ཡིག་ཆུང་བཀའ་རྒྱ་ཤིན་ཏུ་དམ་པ་རྣམས། གཉིས་པ་ཀླུ་སྒྲུབ་ཀྱིས་མཛད་པའི་དངོས་གྲུབ་འབྱུང་བའི་སྐོར་ལ། བསྙེན་པ། ལྷ་དབང་དུ་བྱས་ནས་དོན་བསྒྲུབ་པ། ཀླུ་དབང་དུ་བྱས་ནས་ཆར་དབབ་ཅིང་ནོར་བསྒྲུབ་པ། གནོད་སྦྱིན་དབང་དུ་བྱས་ནས་ཟང་ཟིང་བསྒྲུབ་པ། མི་མ་ཡིན་དབང་དུ་བྱས་ཏེ་སྲོག་འཕྲོག་པ། རྨི་ལམ་ངན་པ་བཟློག་པ། ཤེས་རབ་འཕེལ་བ། སྲིའུ་གསོ་བ་རྣམས་སྟོན་པའི་ཁམས་གསུམ་ལས་རྣམ་པར་རྒྱལ་བའི་སྒྲོལ་མའི་སྒྲུབ་ཐབས་སློབ་དཔོན་ཀླུ་སྒྲུབ་ཀྱིས་མཛད་པ་ཀོ་ས་ལར་འཁྲུངས་པའི་བཻ་རོ་ཙ་ནའི་རང་འགྱུར། དེའི་ལག་ལེན་གྱི་ཡིག་སྣ་ལ་ལོ་རྒྱུས། ཞི་བའི་དཀྱིལ་འཁོར་དུ་བསྙེན་པ། རྒྱས་པའི་དཀྱིལ་འཁོར་དུ་ཁྲོལ་བུ། དྲག་པོའི་དཀྱིལ་འཁོར་དུ་དིབ་མ། དབང་གི་
དཀྱིལ་འཁོར་དུ་རིལ་བུ་བསྒྲུབ་པ། བྱེ་བྲག་ལྷ་ཀླུ་གནོད་སྦྱིན་མི་མ་ཡིན་དབང་དུ་བསྡུས་པ། འཆི་བླུ། ཤེས་རབ་འཕེལ་བ། སྲིའུ་བསྲུང་བ་རྣམས་སྟོན་པ་ཀོ་ས་ལར་འཁྲུངས་པའི་བརྟུལ་ཞུགས་སྤྱོད་པ་རྣམ་པར་སྣང་མཛད་རྡོ་རྗེས་ཡིི་གེར་བཀོད་པ། བརྒྱུད་པ་སྒྲུབ་པ་ཆར་དབབ་པ་སྟེ་དོན་གསུམ་གྱིས་བསྟན་པའི་ཀླུའི་རྒྱལ་པོ་ཝ་རུ་ཎའི་ཆར་འབེབས་རྒྱ་གར་བཻ་རོ་ཙ་ནའི་རང་འགྱུར་དུ་མཛད་པ། ཆར་ཆོག་གི་ཡིག་སྣ་རྫོགས་བྱང་གི་མཐའ་ཅན། འགོར་ཡང་ན་རང་གི་དབེན་ཁང་ནས་ཞེས་ཡོད་པའི་གོང་གི་ཞལ་ཤེས་ཛྙཱ་ན་ཤྲཱི་དྷརྨཱ་འོའི་མཐའ་ཅན། ལས་སྦྱོར་གསུམ་པ་ཞེས་པ་ཆར་དབབ་པ། རྒྱལ་པོ་སྐྱེས་པ་བུད་མེད། ནོར། མི་མ་ཡིན། ཕྱག་རྒྱ་མ། སྔགས་པ་རྣམས་དབང་དུ་བྱ་བ། ཀླུ་སྒྲུབ་ཀྱིས་མཛད་པའི་ཀུ་རུ་ཀུལླེའི་ས་གཅད་རྫོགས་སོའི་མཐའ་ཅན། འགོར་བླ་མ་དམ་པ་ལ་ན་མོ་བྱང་ཆུབ་ཀྱི་སེམས་ཀྱི་ཕང་ལ་ཞེས་ཡོད་པའི་སྒྲུབ་ཐབས་ཆུང་གུ་གྲེང་གྲེང་ཤ་སཱ་ཧཱའི་མཐའ་ཅན་རྣམས། གསུམ་པ་ཌོམྦྷི་ཧེ་རུ་ཀ་ནས་བརྒྱུད་པ་ལ། འགོར་བླ་མའི་གསུང་ལས་བྱུང་བ་ཡི་ཞེས་ཡོད་པའི་སློབ་མ་རྗེས་སུ་གཟུང་པའི་བྱིན་རླབས་ཀྱི་ཆོ་ག་ཚིགས་བཅད་རྫོགས་སོའི་མཐའ་ཅན། འདི་དཀར་ཆག་ན་མཛད་པ་པོའི་མི་གསལ་ཡང་རྗེ་མཁྱེན་བརྩེའི་གསན་ཡིག་ན་ས་པཎ་གྱིས་མཛད་ཟེར་བ་སྣང་། འགོར་རྗེས་གནང་འདི་ཐུན་མོང་བ་མིན་ཞེས་ཡོད་པའི་བྱིན་རླབས་ཀྱི་ལག་ལེན་ཤིན་ཏུ་གསལ་བ་ཡང་ཡིག་ཏུ་གྲགས་པ་བླ་མ་མཉམ་མེད་པས་མཛད་པ་སྔོན་ཆད་ཡི་གེར་མེད་པ་ཡི་གེ་བཀོད་པ་བཟོད་པར་གསོལ་ལོའི་མཐའ་ཅན། སྒྲུབ་༼གློ༽ཐབས་ཌོམྦྷི་ཧེ་རུ་ཀས་མཛད་པ། དེས་མཛད་པའི་བསྟོད་པ་༼གློ༽མི་འགྱུར་མ། བཅོམ་ལྡན་འདས་ཀུ་རུ་ཀུལླེ་ལ་ཕྱག་འཚལ་ལོ་འདིར་རྗེ་
བཙུན་མ་ཀུ་རུ་ཀུལླེ་མོས་པ་ཞེས་འགོར་ཡོད་པའི་བསྙེན་པའི་ཡི་གེ་རྡུལ་ཚོན་རྒྱ་མཚོར་འབབ་པའི་ཆུ་བོར་དོར་རོའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་རྗེ་བཙུན་མ་ཀུ་རུ་ཀུལླེའི་དབང་དུ་བྱ་བའི་མན་ངག་ཅེས་ཡོད་པའི་རྗེ་བཙུན་མའི་སྒྲུབ་པའི་རིམ་པ་དང་ལས་སྦྱོར་གྱི་རིམ་པ་རྫོགས་སོའི་མཐའ་ཅན། བསྙེན་སྒྲུབ་ལས་གསུམ་ཆིག་དྲིལ་གྱི་མན་ངག་ཟབ་པ་ས་སྐྱ་བ་ཆེན་པོ་ཤིན་ཏུ་དམ་པར་མཛད་པ་སྣོད་ལྡན་གཅིག་བརྒྱུད་མ་གཏོགས་པ་ཤིན་ཏུ་གསང་བ། དེའི་ཐུན་མོང་མ་ཡིན་པའི་ཞལ་ཤེས་ཉི་ཤུ་རྩ་གཅིག་བར་མ་ཆད་པའོའི་མཐའ་ཅན། ཞལ་ཤེས་ཀྱི་ཡིག་ཆུང་སྙིང་དང་འདྲ་བས་སུ་ལ་ཡང་མི་སྦྱིན་ནོའི་མཐའ་ཅན། ཡིག་ཆུང་གི་ཡང་ཡིག་བཟླས་པ་བྱེད་ཟེར་བ་དེ་ལགས་སོའི་མཐའ་ཅན། གསང་སྒྲུབ་ཀྱི་སྐོར་འདིར་ཐོར་བུ་ཙམ་མ་གཏོགས་ཆ་ཚང་བ་ཡེ་མེད་པས་དཔེས་སུ་བྱུང་ལ་མི་སྟོན་པའི་བཀའ་རྒྱ་ཡོད་ཚུལ་དཀར་ཆག་ཏུ་འདུག་པ་བཞིན་སྙིང་ལ་བཅང་བར་བྱའོ། །བཞི་པ་རྗེ་བཀྲ་ཤིས་རྣམ་རྒྱལ་བས་མཛད་པའི་ཡི་གེ་ནི། རྗེ་བཙུན་མ་ཀུ་རུ་ཀུལླེ་ཕྱི་ནང་གསང་གསུམ་གྱི་བསྙེན་སྒྲུབ་ལས་སྦྱོར་དང་བཅས་པའི་ཡི་གེ་ཤིན་ཏུ་རྒྱས་པ་ཤར་དྭགས་པོའི་པཎྜི་ཏ་བཀྲ་ཤིས་རྣམ་རྒྱལ་གྱིས་མཛད་པ། ལྔ་པ་དཀར་ཆག་ཏུ་མ་བཞུགས་པའི་ཡི་གེ་ལ། རྗེ་བཙུན་རིག་བྱེད་མ་བྱོན་ཚུལ་ཡིད་འཕྲོག་པདྨ་རཱ་གའི་ཆུན་པོ་ཞ་ཨརྠ་སིདྡྷིས་མཛད་པ། ཆོས་ཚན་གཅིག་ཏུ་ཚང་པའི་དམར་པོ་སྐོར་གསུམ་གྱི་རྗེས་གནང་གི་གསལ་བྱེད་རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པ། འཕགས་མ་ཀུ་རུ་ཀུལླེའི་མན་ངག་གི་རིམ་པ་ཞེས་བསྐྱེད་རིམ། བསམ་གཏན་གྱི་སྦྱོར་བ། སྦྱིན་སྲེག །འཁྲུལ་འཁོར། ལས་སྣ་ཚོགས་པ་སྟེ་རིམ་
པ་ལྔར་ཕྱེ་ནས་བསྟན་པའི་བསྒྲུབ་ཐབས་པཎྜི་ཏ་དོན་ཡོད་རྡོ་རྗེ་དང་བ་རི་ལོ་ཙཱ་བའི་འགྱུར། ཀུ་རུ་ཀུ་ལླེའི་རྒྱུན་གྱི་རྣལ་འབྱོར་དུ་བྱ་བའི་ངག་འདོན་གྱི་སྒྲུབ་ཐབས་ཚར་ཆེན་གྱིས་མཛད་པ། དེས་མཛད་པའི་བརྒྱུད་འདེབས་སྲིད་གསུམ་དབང་མཛད་མ། དེས་མཛད་པའི་བསྟོད་པ་རྒྱལ་བའི་ཡེ་ཤེས་མ། སྦྱིན་སྲེག་གི་ཡི་གེ་འཕགས་པ་རིན་པོ་ཆེ་བློ་གྲོས་རྒྱལ་མཚན་གྱིས་མཛད་པ། གནད་ཡིག་ནག་པོ་འགྲོ་ཤེས་ཀྱི་ཞལ་འཕངས་སྦྱིན་སྲེག་གི་ཡི་གེ་བྲག་དམར་མཁན་ཆེན་རབ་བརྟན་དཔལ་བས་བསྐུལ་བར་བརྟེན་ནས་ཚར་ཆེན་གྱིས་མཛད་པ། བསམ་གཏན་ཁོ་ནས་ལས་ལ་སྦྱོར་བའི་གསེར་ཆོས་སྙིང་གི་ཡང་ཞུན་ཆིག་བརྒྱུད་མ། གསང་སྒྲུབ་ལྷ་ལྔའི་བྱིན་རླབས་ཀྱི་ཡི་གེ་རིག་པ་འཛིན་པ་གྭ་ཆེན་གྱིས་བསྐུལ་བའི་ངོར་སོ་འཇིགས་མེད་གྲགས་པས་མཛད་པ། གསང་སྒྲུབ་ལྷ་ལྔའི་བྱིན་རླབས་ཀྱི་སྒོ་དབྱེ་བ་སྦྱོར་དངོས་རྗེས་གསུམ་པ་ཞལ་ཤེས་ཟབ་མོ་ཡི་གེར་བཀོད་པའི་མཐའ་ཅན། ལྷ་ལྔའི་བྱིན་རླབས་ཀྱི་ཆོ་ག་གསལ་བའི་སྒྲོན་མེ་མཁན་ཆེན་འཇམ་དཔལ་དབྱངས་ངག་དབང་ཆོས་གྲགས་ཀྱིས་མཛད་པ་རྣམས། དཔེའུ་རིས་ལ། སྒྲུབ་པའི་མཎྜལ་སྒྲུབ་རྫས་དང་བཅས་པ། རང་ཉིད་ནུས་ལྡན་དུ་བྱ་བའི་འཁོར་ལོ། ལིང་གའི་སྙིང་གར་འཇུག་པའི་འཁོར་ལོ། དེ་དང་འདྲ་མིན་གཅིག །སྦྱིན་སྲེག་གི་ཐབ། ཀླུ་སྒྲུབ་ཀྱི་རྒྱ་གཞུང་དངོས་གྲུབ་འབྱུང་གནས་ཀྱི་དོན་ཀུན་སྒྲུབ་པ། ལྷ་ཀླུ་སོགས་དབང་སྡུད་སྤྱིར་དྲིལ་གྱི་འཁོར་ལོ། ཆར་དབབ་པའི་དཀྱིལ་འཁོར། སྦྲུལ་དང་སྦལ་པར་འཇུག་པའི་ཕྱེད་མཐའི་ཙཀྲ །རིལ་བུ་འཁོར་ལོ་ཅན། རླུང་གནོན་འཁོར་ལོ། ནོར་སྒྲུབ་འཁོར་ལོ། སྲེའུ་གསོ་བའི་འཁོར་
ལོ་དང་བཅས་པ་རྣམས་ཕྱག་ལེན་དམར་འཁྲིད་དུ་ལེགས་པར་ཐོབ་པ་ལས་ས་གཅད་ལྔ་པའི་ཐུན་མོང་མ་ཡིན་པའི་རྗེས་གནང་གི་ཡི་གེ་དང་སིནྡྷུ་རའི་བྱིན་རླབས་ཀྱི་ཆོ་ག་གསུམ་དོར་བའི་ཐུན་མོང་དང་ཐུན་མོང་མ་ཡིན་པའི་རྗེས་གནང་དང་ས་གཅད་དང་པོ་དང་ལྔ་པའི་ལུང་མན་ངག་ཚང་མའི་བརྒྱུད་པ་ནི། རྗེ་བཙུན་མ་ཀུ་རུ་ཀུལླེ། རྒྱལ་པོ་ལྷན་སྐྱེས་རོལ་བ། རྡོ་རྗེ་གདན་པ་ཆེ་བ། ཆུང་བ་ཨ་མོ་གྷ་བཛྲ། བ་རི་ལོ་ཆེན་རིན་ཅེན་གྲགས། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། རྗེ་ས་པཎ། གློ་བོ་ལོ་ཙཱ་བ་ཤེས་རབ་རིན་ཅེན། འཕགས་པ་རིན་པོ་ཆེ། རྒྱ་ཚ་ཆོས་ཀྱི་དབང་ཕྱུག །མཁས་མཆོག་ཡོན་ཏན་ཁྲི། མཁན་ཆེན་སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་མཆོག །བདག་ཆེན་འཇམ་དབྱངས་ཆེན་པོ། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །སྔགས་འཆང་དགོན་གསར་བ་བསོད་ནམས་ཆོས་འཕེལ། གྲུབ་མཆོག་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཚར་ཆེན་ནས། རྗེ་བཙུན་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོ། ཁྱབ་བདག་དབང་ཕྱུག་རབ་བརྟན་མན་འདྲ། ཡང་ན་རྗེ་མཁྱེན་བརྩེ་ནས། རྗེ་གཞོན་ནུ་སྟོབས་ལྡན། རྗེ་དབང་རབ་མན་འདྲ། ཡང་རྗེས་གནང་གཉིས་ཙམ་གྱི་བརྒྱུད་པ་ནི། རྡོ་རྗེ་འཆང་ཚར་པ། ཀུན་མཁྱེན་མཁྱེན་བརྩེ། གཉིས་ཀ་ལ་རྗེ་
དབང་རབ། ཡང་ན་རྗེ་མཁྱེན་བརྩེའི་ཞབས་ནས། མཁན་ཆེན་བསླབ་གསུམ་པ། རྗེ་དབང་རབ་མན་འདྲ། ཡང་ཐུན་མོང་མ་ཡིན་པའི་རྗེས་གནང་གི་བརྒྱུད་ལུགས་གཅིག་ནི། རྡོ་རྗེ་འཆང་དབང་རབ་ནས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །རྗེ་དབང་རབ་ཀྱི་མཛད་པའི་རྗེས་གནང་གི་ཡི་གེའི་ལུང་ནི། དེ་ཉིད་ནས། མཁན་ཆེན་ཞ་ལུ་པ། དེས་བདག་གོ །མཁན་ཆེན་ངག་ཆོས་པས་མཛད་པའི་བྱིན་རླབས་ཀྱི་ཡིག་བརྒྱུད་ནི། རྩོམ་པ་པོ་ནས། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས། དེ་སྲས་ངག་དབང་བསོད་ནམས་དབང་ཕྱུག །མཁན་ཆེན་ཞ་ལུ་པ། དེས་བདག་ལའོ། །
རྗེས་གནང་ཐུན་མོང་བ་དང་། ཚར་ཆེན་གྱིས་མཛད་པའི་སྒྲུབ་ཐབས་གངྒའི་ཆུ་རྒྱུན་གྱི་ལུང་བརྒྱུད།
རྗེས་གནང་ཐུན་མོང་པ་དང་། ཚར་ཆེན་གྱིས་མཛད་པའི་སྒྲུབ་ཐབས་གངྒའི་ཆུ་རྒྱུན་གྱི་ལུང་བརྒྱུད་ལུགས་གཅིག་ནི། རིན་པོ་ཆེ་བོད་མཁར་བ་ནས། དགའ་ལྡན་ཤར་པ་ནམ་མཁའ་རྒྱལ་མཚན། རྩེས་དང་བྱང་མ་ཁང་གསར་བ་དཔལ་འབྱོར་བསོད་ནམས་ལྷུན་གྲུབ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ལའོ། །ཡང་བཤད་མ་ཐག་པའི་ལུགས་སྲོལ་དང་འབྲོག་མི་ནས་བརྒྱུད་པའི་ལུགས་སྲོལ་གཉིས་མན་ངག་ཕྲ་མོ་རེ་རེ་ཙམ་མ་གཏོགས་རྗེས་གནང་ཆོས་སྐོར་གྱི་ཁོངས་གཅིག་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། རྣལ་འབྱོར་དབང་ཕྱུག་བིཪྺ་པ། ནག་པོ་པ། ཌཱ་མ་རུ་པ། གཉིས་སྤངས་ཞབས། གྷ་ཡ་དྷ་ར། བླ་ཆེན་འབྲོག་མི། སེ་སྟོན་ཀུན་རིག །ཞང་སྟོན་ཆོས་འབར། རྗེ་བཙུན་ས་ཆེན་མན་གོང་བཞིན་ནོ། །བརྒྱུད་ཚུལ་འདི་རྣམས་ནི་ཁའུ་བྲག་རྫོང་པའི་ཐུན་མོང་མ་ཡིན་པའི་ལུགས་ཡིན་ལ། རྗེས་གནང་དང་ཆོས་སྐོར་ཐུན་མོང་བ་ཙམ་གྱི་བརྒྱུད་པ་ནི། འཕགས་པ་ནས། འུ་ཡུག་པ་ཀུན་དགའ་བསོད་ནམས། རྡོ་རྗེ་གདན་པའི་
གསན་ཡིག་ན་རིག་པའི་སེང་གེ་ཟེར་བ་འདུག །ཉིས་ཐོག་པ་ཀུན་དགའ་སྨོན་ལམ། བླ་མ་ཡོན་ཏན་དཔལ། བུ་ལུང་པ་ཀུན་དགའ་རྡོ་རྗེ། རྡོ་རྗེ་གདན་པའི་ཕྱག་བྲིས་ན་འདི་མི་འདུག་པ་ཆད་དམ་དཔྱད། དགའ་ལྡན་པ་ཀུན་དགའ་བསོད་ནམས། གྲུབ་ཆེན་བྲག་ཕུག་པ། རྒྱལ་བའི་རི་ཁྲོད་པ། རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། བདག་ཆེན་ཀུན་དགའ་དབང་ཕྱུག །བདག་ཆེན་རྡོ་རྗེ་འཆང་མན་སྔར་དང་འདྲ། ཡང་ན་བྲག་ཕུག་པ་ནས། དཔལ་ལྡན་བླ་མ་དམ་པ། མཁན་ཆེན་བྱང་སེང་བ། ཤར་པ་ཡེ་ཤེས་རྒྱལ་མཚན་མན་འདྲ། ཡང་ན་དགའ་ལྡན་པ་ཀུན་བསོད་ནས། བག་སྟོན་གཞོན་ཚུལ། བླ་མ་ཚུལ་རྒྱལ་བ། ངག་དབང་གྲགས་པ། མཁན་ཆེན་བྱང་ཆུབ་སེང་གེ །ཤར་པ་མན་འདྲ། ཡང་རྗེས་གནང་གཉིས་དང་སྒོའི་རྟགས་ཡོད་པའི་ལུང་བརྒྱུད་ནི། བདག་ཆེན་རྡོ་རྗེ་འཆང་ཡན་གོང་ལྟར་ལ། དེ་ནས་རྗེ་བཙུན་སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེའི་དབང་ཕྱུག་མན་འདྲ། ཐུན་མོང་བའི་རྗེས་གནང་དང་གློའི་རྟགས་ཡོད་པའི་ལུང་བརྒྱུད་ནི། ངོར་ཆེན་ནས། རྒྱལ་ཚབ་ཀུན་དགའ་དབང་ཕྱུག །གློ་བོ་མཁན་ཆེན་བསོད་ནམས་ལྷུན་གྲུབ། རྗེ་གྲོལ་མཆོག །འཇམ་དབྱངས་མཁྱེན་བརྩེ་མན་འདྲ། ཡང་ན་ངོར་ཆེན་ནས། བདག་ཆེན་ཆུ་མིག་པ་བློ་གྲོས་དབང་ཕྱུག་ལེགས་པའི་འབྱུང་གནས་རྒྱལ་མཚན་དཔལ་བཟང་པོ། པཎ་ཆེན་ཤཱཀྱ་མཆོག་ལྡན། བྲག་དཀར་སེམས་དཔའ་ཆེན་པོ། མཁན་ཆེན་བཀྲ་ཤིས་རྣམ་རྒྱལ། གློ་བོ་གྲོལ་མཆོག་མན་འདྲ། ས་གཅད་གཉིས་པ་ཀླུ་སྒྲུབ་ཀྱིས་མཛད་པའི་དངོས་གྲུབ་འབྱུང་བའི་སྐོར་གྱི་ལུང་བརྒྱུད་ནི། རྡོ་རྗེ་འཆང་། དཔལ་མགོན་འཕགས་པ་ཀླུ་སྒྲུབ། སློབ་
དཔོན་ཀླུའི་བྱང་ཆུབ། དགའ་རབ་རྡོ་རྗེ། བླ་མ་རྡོ་རྗེ་གདན་པ། བླ་མ་ཨཱཪྻ་པཱ་ལ། བླ་མ་བཻ་རོ་ཙ་ན་བཛྲ། རྗེ་བཙུན་གནས་ནང་པ་ཁམས་པ་དབུ་སེ་ཡིན། དེ་ལ་གསན་ཡིག་ངེས་པ་ཞིག་མེད་འདྲ་པས་བླ་མ་བདུན་ཙམ་ཆད། རྗེ་ཕྱོགས་ལས་རྣམ་རྒྱལ། འདི་ཀུ་རབ་པའི་ཞལ་ངོ་པཎ་ཆེན་བཀྲས་རྣམ་པའི་དབོན་པོ་ས་སྐྱ་པའི་དགེ་བཤེས་ཡིན་ཀྱང་། རྗེས་སུ་ཀརྨ་པ་བརྒྱད་པའི་བླ་མར་གྱུར་ཅིང་གཉུག་ལ་ལེགས་བཤད་གླིང་གི་འཆད་ཉན་དུ་བསྐོས་པ་སོགས་ནས་ཀརྨ་འཕྲིན་ལས་ཞེས་གྲགས་པས། བརྒྱུད་འདེབས་སུ་ཐམས་ཅད་མཁྱེན་པ་རྗེ་བཙུན་འཕྲིན་ལས་ཞབས་ཞེས་སྣང་ངོ་། །རྡོ་རྗེ་འཆང་ཚར་པ་ཆོས་རྗེ་མན་རྗེ་མཁྱེན་བརྩེ་དང་བོད་མཁར་བ་ནས་སྤྱན་སྔ་ལ་འོངས་པ་སོ་སོ་ནས་བརྒྱུད་པ་གོང་དང་འདྲ། ཌོམྦྷི་བ་ལུགས་ཀྱི་ལྷ་ལྔའི་སིནྡྷུ་རའི་བྱིན་རླབས་དང་དེའི་ཆོས་སྐོར་ས་གཅད་གསུམ་ཡོངས་རྫོགས་དང་ལྔ་པའི་བྱིན་རླབས་ཀྱི་ཆོ་ག་ལེ་ཚན་གཉིས་ཀྱི་ལུང་བརྒྱུད་ནི། རྡོ་རྗེ་འཆང་། རྡོ་རྗེ་སྙིང་པོ། ཌཱ་ཀི་ནི་སུ་བྷ་གི །ཌོམྦྷི་ཧེ་རུ་ཀ །ཙ་ཎ་བ། ཏིལློ་པ། ནཱ་རོ་པཎ་ཆེན། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་པ། ས་ཆེན། རྩེ་མོ། གྲགས་པ་ས་པཎ། ཁང་སྟོན་འོད་ཟེར་རྒྱལ་མཚན། དགའ་ལྡན་པ་ཀུན་བསོད། བླ་མ་མཉམ་མེད་ཆེན་པོ། མཁས་གྲུབ་གཟུངས་ཀྱི་དཔལ་བ། ཡར་ཀླུངས་པ་སེང་གེ་རྒྱལ་མཚན། དབོན་རྒྱལ་བ་མཆོག །བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། བླ་མ་བློ་གྲོས་རྣམ་རྒྱལ། རྗེ་ཕྱོགས་ལས་རྣམ་པར་རྒྱལ་བའི་ལྷ། ཚར་ཆེན་མན་འཇམ་དབྱངས་མཁྱེན་བརྩེ་ནས་བརྒྱུད་པ་བཞིན་ནོ། །རྗེ་གྲོལ་མཆོག་གི་གསན་ཡིག་ན་གསང་སྒྲུབ་ལྷ་ལྔའི་བྱིན་རླབས་ཀྱི་བརྒྱུད་པར་རྒྱལ་པོ་ལྷན་སྐྱེས་རོལ་བ་བགྲངས་འདུག་པ་ནི་ཕན་ཚུན་འདྲེས་
པའི་དཔྱད་མི་བཟོད་པར་མངོན་ནོ། །ས་གཅད་བཞི་པ་རྗེ་བཀྲ་ཤིས་རྣམ་རྒྱལ་གྱིས་མཛད་པའི་ཡིག་ཆའི་ལུང་བརྒྱུད་ནི། རྗེ་བཀྲ་ཤིས་རྣམ་རྒྱལ། སྤྱན་སྔ་བསོད་ནམས་ལྷའི་དབང་པོ། ཆོས་རྗེ་ཀུན་དགའ་བཀྲ་ཤིས། རྗེ་ཕྱོགས་ལས་རྣམ་རྒྱལ། ཆར་ཆེན། མཁྱེན་བརྩེའི་ཞབས། རྗེ་དབང་རབ་མན་འདྲ། དཀར་ཆག་ཏུ་ཀུ་རུ་ཀུལླེའི་སྡེ་ཚན་དུ་གསུངས་ཤིང་འཇམ་དབྱངས་མཁྱེན་བརྩེའི་གསན་ཡིག་སོགས་ཕལ་ཆེར་དུ་ཟུར་དུ་ཕྱུང་ནས་གསེར་ཆོས་བཅུ་གསུམ་གྱི་གྲངས་སུ་འདྲེན་པ་བླ་མ་གཉན་ལོ་ཙཱ་བའི་དབང་གི་ལྷ་གསུམ་དུ་གྲགས་པའི་སྐོར་ལ། སོ་སོའི་ཡིག་རྙིང་ལ་གཞི་བྱས་བརྒྱུད་པའི་ཕྱག་བཞེས་ཀྱིས་བརྒྱན་ཏེ་རྗེས་གནང་སྤྱི་འགྲོ་དང་མི་འདྲ་བའི་དཔལ་མོ་གསེར་གྱི་སྙིང་ཐག་ཅན་གྱི་སྐུ་གསུང་ཐུགས་ཀྱི་རྗེས་གནང་ཁྱད་པར་ཅན། ནོར་རྒྱུན་མ་དམར་མོའི་སྐུ་སྒོམས་དང་བཟླས་ལུང་གི་རྗེས་གནང་། ལྷ་མོ་ཏི་ནུའི་བདུད་རྩི་སིནྡྷུ་རའི་དྲིལ་བུ་ལ་བརྟེན་པའི་སྐུ་གསུང་ཐུགས་ཀྱི་རྗེས་གནང་རྣམས་ལེགས་པར་ནོས་ནས། ལུང་ལ་དཔལ་མོ་གསེར་གྱི་སྙིང་ཐག་ཅན་གྱི་སྐོར་ནི། གཉན་ལོས་པཎ་ཆེན་འབུམ་ཕྲག་གསུམ་པ་དབང་དུ་བསྡུས་པའི་ལོ་རྒྱུས། བསྙེན་པ་སྲོག་གི་འཁོར་ལོ་ཞེས་པར་བསྙེན་སྒྲུབ་ལས་གསུམ་དུ་ཡོད་པའི་བསྙེན་པ་ལ་སྔོན་འགྲོ་དངོས་གཞི་རྗེས་གསུམ། སྒྲུབ་པ་ལ་སྦྱོར་དངོས་རྗེས་གསུམ། ལས་སྦྱོར་དབང་དུ་བསྡུ་བ། བསྒྲལ་བ། ལས་ལ་གཞོལ་བ་གསུམ་གྱིས་བསྟན་པ། ལོངས་སྤྱོད་རྫས་གྱི་འཁོར་ལོ་ཞེས་པ། སྦྱོར་དངོས་རྗེས་གསུམ་གྱིས་བསྟན་པ། དབང་སྡུད་ཡིད་བཞིན་འཁོར་ལོས་ཕྱག་རྒྱ་མཚན་ལྡན་འགུགས་པ་སྦྱོར་དངོས་མཇུག་གསུམ་གྱིས་བསྟན་པ། ལུང་བླང་བའི་ཡི་གེ་དཀར་ཆག་ཏུ་མི་གསལ་བ།
གཉན་ལོས་གཉན་ལྷ་ཁང་གི་ཁྲོ་བོ་སྨེ་བརྩེགས་ཀྱི་ཞབས་འོག་ཏུ་གཏེར་དུ་སྦས་ཚུལ་གྱི་ལོ་རྒྱུས་རྣམས། ནོར་རྒྱུན་མ་དམར་མོའི་ཆོས་སྐོར་ལ། ན་མོ་བ་སུ་དྷ་ར་ཡ་གནས་ཡིད་དང་མཐུན་པ་ཞེས་པ་འགོར་ཡོད་པའི་སྒྲུབ་ཐབས་ཁ་ཟས་ལ་སོགས་པ་མེད་པར་བྱའོའི་མཐའ་ཅན། ཨཱ་ཙཪྻའི་ཞལ་ལས་རག་ལུས་པས་ཞལ་ཤེས། རྗེས་གནང་གི་ཡི་གེ་རྣམས་འཇུག་ན་ཨ་ན་ཡ་སོགས་ཀྱི་སྔགས་བྱང་ཡོད་པ། ལྷ་མོ་ཏི་ནུའི་ཆོས་སྐོར་ལ། དང་བའི་ལྷ་ལ་ཕྱག་འཚལ་ལོ་འགོར་ཡོད་པའི་སྒྲུབ་ཐབས་གདམས་པ་ཐུན་མོང་མ་ཡིན་པའོའི་མཐའ་ཅན། ལུང་བླང་བའི་ཡི་གེ་ས་སྐྱར་ཡར་སྒོམ་གྱིས་ཞུས་པ། རྗེས་གནང་གི་ཕྱག་ལེན། རྗེ་མཁྱེན་བརྩེས་མཛད་པའི་བསྟོད་པ་པདྨ་ར་གའི་ལྕགས་ཀླུ་རྣམས་དང་བཅས་པ་རྫོགས་པར་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ། གཉན་ལོ་ཙཱ་བ་དར་མ་གྲགས། གནས་ཁའུ་པ་དར་མ་རྒྱལ་མཚན། རྗེ་བཙུན་སྐུ་མཆེད། ཆོས་རྗེ་ཁུ་དབོན། དགའ་ལྡན་པ་ཀུན་བསོད། ཁམས་པ་རྡོ་རྗེ་དཔལ། བླ་མ་གྲགས་པ་དཔལ། བླ་མ་འཕགས་པ། བླ་མ་དཀོན་ཅོག་རྒྱལ་མཚན། བླ་མ་རིན་ཅེན་དཔལ། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། ཐུགས་སྲས་ཀུན་དགའ་རྒྱལ་པོ། འབྲས་སྤུངས་པ་ཚེ་དབང་བཀྲ་ཤིས། ཚར་ཆེན་ཆོས་ཀྱི་རྒྱལ་པོ། །འཇམ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་རྡོ་རྗེ་རྗེ་གདན་པ་
ནས། བླ་མ་བློ་གྲོས་རྣམ་རྒྱལ། རྗེ་ཕྱོགས་ལས་རྣམ་རྒྱལ། ཚར་ཆེན་མན་འདྲ། ཡང་ན་རྗེ་བཙུན་གྲགས་པ་ནས། བླ་ཆེན་ཡར་སྒོམ། རྒྱ་ཚ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་སེང་གེ་རྒྱལ་མཚན། མཁན་ཆེན་རྒྱལ་མཆོག །བྲག་ཐོག་པ་མན་འདྲ། ཡང་ན་ས་པཎ་ནས། ཚོགས་སྒོམ་པ། ཉན་ཆེན་པ། བྲག་ཕུག་པ། དཀའ་བཅུ་པ་གཞོན་ནུ་སེང་གེ །གུང་པ་བཀྲ་ཤིས་བཟང་པོ། རྡོ་རྗེ་གདན་པའི་གསན་ཡིག་ན་བར་འདིར་ལུང་མང་པོ་ཟེར་བ་ཞིག་འདུག་ཀྱང་རྗེ་མཁྱེན་བརྩེའི་གསན་ཡིག་ན་མི་འདུག་པ་བརྟག །མཁན་ཆེན་སེང་གེ་དཔལ། བྲག་ཐོག་པ་མན་འདྲ། ཞར་བྱུང་ཛམྦྷ་ལ་ཚོགས་བདག་ཨ་བ་ར་ཙིཏྟ་གསུམ་ལ་བརྟེན་པའི་གཉན་ལོའི་གསེར་ཆོས་ཛམྦྷ་ལ་གསུམ་བསྒྲིལ་གྱི་གདམས་པ་ལས་སྦྱོར་ཁོ་ནས་ལག་ཏུ་ལོན་པའི་མན་ངག་ཟབ་མོའི་སྒོམ་ལུང་ཐོབ་པའི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ཡན་གོང་དུ་བཤད་མ་ཐག་པའི་རྒྱུད་པ་ལེ་ཚན་ལྟར་ལ། དེ་ནས་མཁན་ཆེན་ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །དཀར་ཆག་ཏུ། དཱ་ན་ཤཱི་ལ་ལས་བརྒྱུད་པ་ལ་གཙོ་བོར་མི་མཛད་གསུང་བ་གཙོ་མི་ཆེ་བ་མ་གཏོགས་དོན་དཀར་ཆག་གི་ཚིག་གིས་ཟིན་པ་ཡིན་པས་གློ་བོ་མཁན་ཆེན་བསོད་ནམས་ལྷུན་གྲུབ་ཀྱིས་མཛད་པའི་སྒྲུབ་ཐབས་པདྨའི་སྙིང་པོ་དང་། དཀྱིལ་འཁོར་གྱི་ཆ་ོག་རིན་ཅེན་པདྨ་རཱ་གའི་གཏེར་ལ་བརྟེན་ནས་རས་བྲིས་ཀྱི་དཀྱིལ་འཁོར་དུ་ཀུ་རུ་ཀུལླེ་ལྷ་ལྔའི་དབང་བཞི་ཡོངས་རྫོགས་སྒྲུབ་དཀྱིལ་གཉིས་ཀྱི་ལུང་དང་བཅས་ཐོབ་པའི་བརྒྱུད་པ་ནི། རྫོགས་པའི་སངས་རྒྱས། རྗེ་བཙུན་སྒྲོལ་མ།
ཁ་ཆེ་པཎ་ཆེན། པཎ་ཆེན་དཱ་ན་ཤཱི་ལ། རྗེ་ས་པཎ། འུ་ཡུག་པ་བསོད་ནམས་སེང་གེ །དགའ་ལྡན་པ་ཀུན་དགའ་བསོད་ནམས། ཉིས་ཐོག་པ་ཀུན་སྨོན། རྗེ་ཡོན་ཏན་དཔལ། ཀུན་དགའ་རྡོ་རྗེ། ཀུན་དགའ་བསོད་ནམས། བྲག་ཕུག་པ། རི་ཁྲོད་བ། དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། གུ་གེ་པཎྜི་ཏ། གློ་བོ་མཁན་པོ་བསོད་ནམས་ལྷུན་གྲུབ། ས་ལོ་ཐམས་ཅད་མཁྱེན་པ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། ཞ་ལུ་པ་འཇམ་དབྱངས། བྱང་གླིང་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། སྒྲུབ་ཁང་པ་དཔལ་ལྡན་དོན་གྲུབ། ཁྱབ་བདག་མགོན་པོ་བསོད་ནམས་མཆོག་ལྡན། དེས་བདག་ཟ་ཧོར་བནྡེ་ལའོ། །ཡང་ན་བཛྲ་པཱ་ཎི། ཛེ་ཏཱ་རི། ཨ་ཤཱ་ཀ །ཨ་མོ་གྷ་བཛྲ། བ་རི་ལོ་ཙཱ་བ། མཆིམས་བརྩོན་སེང་། མཁན་ཆེན་ཆོས་རིན། ཆོས་རྗེ་དགེ་སྡིངས་པ། བླ་མ་སྒོམ་པ། བླ་མ་རྡོ་རྗེ་རྒྱལ་མཚན། ཐམས་ཅད་མཁྱེན་པ་བུ་སྟོན་རིན་པོ་ཆེ། ཁྱུང་ལྷས་པ་གཞོན་ནུ་བསོད་ནམས། ཤར་ཆེན་མན་གོང་བཞིན་ནོ། །བདེ་མཆོག་རྡོ་རྗེ་མཁའ་འགྲོ་བརྒྱུད་ནས་བཤད་པའི་དཔལ་ལྷ་ཆེན་ཚོགས་ཀྱི་བདག་པོ་ཁམས་གསུམ་དབང་དུ་མཛད་པའི་གདམས་སྐོར་ས་སྐྱའི་རྗེ་བཙུན་ཆེན་པོ་ལ་བཀའ་བབས་པར་བརྟེན། ཆོས་རྗེ་ས་སྐྱ་པཎྜི་ཏས་ཧོར་དང་རྒྱ་གར་གྱི་རྒྱལ་པོ་སོགས་འགྲོ་བ་མང་པོ་དབང་དུ་བསྡུས་པ་ནི་རྒྱུད་སྡེ་རིན་པོ་ཆེའི་དགོངས་པ་ལྟར་འཕགས་ཡུལ་གྱི་གྲུབ་ཆེན་དུ་མས་བསྟན་པ་ལ་མི་དད་པའི་རྒྱལ་པོ་དྲེགས་པ་ཅན་དབང་དུ་བསྡུས་ནས་བསྟན་པ་ལ་བཅུག་པའི་ཚུལ་དང་
མཚུངས་ཤིང་། ཟངས་ཚ་བསོད་ནམས་རྒྱལ་མཚན་གྱིས་ཚོགས་བདག་གཟིར་བའི་མཐུས། དེས་བསྐུལ་ནས་ས་སྟོན་རི་པ་བསམ་བཞིན་འཕགས་པ་རིན་པོ་ཆེར་སྐྱེ་བ་བཞེས་ནས་ཧོར་རྒྱལ་པོའི་ཏི་ཤྲཱིར་གྱུར་ཏེ་བོད་ཆོལ་ཁ་གསུམ་གྱི་བདག་མཛད་པ། ཁམས་སུ་དགེ་སློང་བཞི་སྡེ་ཞིག་གིས་ལྷ་ཆེན་འདི་བསྒྲུབས་པས་གསེར་ལུག་གི་མཆིན་པ་ཙམ་རྙེད་པ་སོགས་ཐུན་མོང་གི་དངོས་གྲུབ་བསམ་གྱིས་མི་ཁྱབ་པ་མངའ་བའི་གསེར་ཆོས་ཟབ་མོའི་སྐོར་ལ། ངོར་ཆེན་རྡོ་རྗེ་འཆང་གི་ཡི་གེ་དང་དམ་པའི་ཕྱག་ལེན་ལ་བརྟེན་ནས་ལྷ་ཆེན་ཚོགས་བདག་དམར་པོ་ཕྱག་བཅུ་གཉིས་པའི་ཐུན་མོང་གི་རྗེས་གནང་། པཎ་ཆེན་ངག་དབང་ཆོས་གྲགས་ཀྱིས་མཛད་པའི་ཕྱག་ལེན་ཁྲིགས་ཆགས་འདོད་དགུའི་དཔག་བསམ་གྱི་སྟེང་ནས་དམར་ཆེན་ཕྱག་བཅུ་གཉིས་པའི་ཐུན་མོང་མ་ཡིན་པའི་རྗེས་གནང་། དེས་མཛད་པའི་མ་ནོར་དོན་ཚང་གསལ་བའི་སྒྲོན་མེའི་སྟེང་ནས་དམར་ཆེན་ཕྱག་བཅུ་གཉིས་པའི་ཁྱད་པར་གྱི་རྗེས་གནང་། ཇོ་བོ་རྗེ་ལུགས་ཀྱི་ཚོགས་བདག་ཆགས་པ་རྡོ་རྗེའི་ཡིག་རྙིང་དང་མཐོང་བརྒྱུད་ཀྱི་ཕྱག་ལེན་ལྟར་ཚོགས་བདག་དཀར་པོའི་རྗེས་སུ་གནང་བ་ལེགས་པར་ནོས་ནས། རྒྱབ་བརྟེན་ལུང་ལ། རྩ་བའི་ཡི་གེ །གསལ་བྱེད་ཀྱི་ལྷན་ཐབས། གསང་སྒྲུབ་ཀྱི་ཡི་གེ །ཞར་བྱུང་ཇོ་བོ་ཆེན་པོ་ནས་བརྒྱུད་པའི་དཀར་པོ། གསེར་ཆོས་ཀྱི་གསང་སྒྲུབ་དམར་པོ་ཕྱག་བཞི་པའི་ཡི་གེ་དཀར་ཆག་ཏུ་མ་བཞུགས་པའི་སྐོར་དང་དྲུག །དང་པོ་ལ། འགོར་འཇིག་རྟེན་དབང་ཕྱུག་ལ་ཕྱག་༼གློ༽འཚལ་ལོ་ཚོགས་ཀྱི་བདག་པོའི་ལོ་རྒྱུས་ནི་ཞེས་ཡོད་པའི་ལོ་རྒྱུས། མངོན་བརྗོད་ཀྱི་བསྟན་བཅོས་ལས་དབང་ཕྱུག་གི་ཆུང་མ་ཕག་མོའི་བུར་ཚོགས་བདག་
སྐྱེས་པའི་གཏམ་རྒྱུད། འགོར་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ་བགེགས་ཀྱི་རྒྱལ་པོའི་རྗེས་གནང་གི་ཆོ་ག་ནི་ཞེས་ཡོད་པའི་རྗེས་༼གློ༽གནང་གི་ཡིག་རྙིང་མལ་ལོས་མཛད་པ་རྫོགས་སོའི་མཐའ་ཅན། ཐུན་མོང་མ་ཡིན་པའི་རྗེས་གནང་གི་ལག་ལེན་རྒྱས་བསྡུས་ཡར་ཀླུངས་པ་སེང་གེ་རྒྱལ་མཚན་གྱིས་ཟིན་བྲིས་སུ་མཛད་པ། འགོར་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ་བགེགས་ཀྱི་རྒྱལ་པོའི་རྗེས་གནང་བྱེད་པར་འདོད་པས་ཞེས་ཡོད་པའི་ཁྱད་པར་གྱི་རྗེས་གནང་གི་ཡི་གེ་དགའ་ལྡན་པ་ཀུན་བསོད་ཀྱིས་མཛད་པ་ཁྱད་པར་གྱི་གདམས་པ་བརྗེད་ཐོར་བཀོད་པའོའི་མཐའ་ཅན། ཡར་ཀླུངས་པའི་ཐུན་མོང་མ་ཡིན་པའི་རྗེས་གནང་གི་གསལ་བྱེད་བདག་ཆེན་རྡོ་རྗེ་འཆང་གིས་མཛད་པ་བླ་མ་གོང་མའི་ཡི་གེ་དང་མི་མཐུན་པས་སྤང་པར་བྱའོའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་ཚོགས་ཀྱི་བདག་པོ་ཞེས་ཡོད་པའི་ཐུན་མོང་གི་རྗེས་༼གློ༽གནང་ངོར་ཆེན་གྱིས་མཛད་པ་ཚོགས་བདག་གི་རྗེས་གནང་བྱ་ཚུལ་འི་མཐའ་ཅན། ཚོགས་བདག་གི་རྒྱུད་རྡོ་རྗེ་མཁའ་འགྲོའི་ལེའུ་བཅུ་དགུ་པ་ལས་ཕྱུང་བའི་འཕགས་པ་བགེགས་ཀྱི་རྒྱལ་པོའི་སྒྲུབ་ཐབས། འཕགས་པ་ཚོགས་ཀྱི་བདག་པོའི་སྙིང་པོའི་གཟུངས་༼གློ༽ལོ་ཙཱ་བ་དགེ་སློང་པུཎྱ་ཤྲཱི་བྷ་དྲས་དཔལ་ས་སྐྱའི་གཙུག་ལག་ཁང་དུ་བསྒྱུར་བ། གྲུབ་ཆེན་ནག་པོ་སྤྱོད་པས་མཛད་པའི་དཔལ་རྡོ་རྗེ་མཁའ་འགྲོའི་སྒྲུབ་ཐབས་ཞེས་པ་འབྱུང་པོ་འདུལ་བྱེད་ཀྱི་སྒོམ་བཟླས་པཎ་ཆེན་གྷ་ཡ་དྷ་ར་དང་བླ་ཆེན་འབྲོག་མིས་བསྒྱུར་བ། ཡང་དེས་མཛད་པའི་བགེགས་ཀྱི་རྒྱལ་པོའི་སྒྲུབ་ཐབས་༼གློ༽གྷ་ཡ་དྷ་ར་དང་གྱི་ཇོ་ཟླ་བའི་འོད་ཟེར་གྱིས་
བསྒྱུར་བ། དེས་མཛད་པའི་འཕགས་པ་ཚོགས་ཀྱི་བདག་པོའི་བསྟོད་པ་འཇིག་རྟེན་མགོན་མཛད་མ། འདིའི་གཤམ་དུ་བླ་མ་དམ་པས་མཛད་པའི་བསྟོད་པ་རྒྱལ་བའི་འཕྲིན་ལས་མ་དང་དེ་ནས་མུས་འཐུད་པའི་བཟླས་པ་བྱ་ཚུལ་སོགས་ཡར་ཀླུངས་པའི་མཛད་བྱང་ཡོད་པ་ཞིག་ཆོས་ཚན་གཅིག་གི་ཚུལ་དུ་འདུག་པ་དཀར་ཆག་ན་མི་གསལ་ཡིག་རྒྱུན་མ་དག་པ་འབྱམས་པ་ལས་འོག་གི་ཡར་ཀླུངས་པའི་གཏོར་ཆོག་ན་མཛད་བྱང་སོགས་མི་འདུག་པས་དེའི་ཞབས་ཡིན་ནམ་སྙམ་པ་སླར་ཡང་དཔེ་རྙེད་ན་དཔྱད་དགོས་འདུག་གོ །དེས་མཛད་པའི་བགེགས་ཀྱི་རྒྱལ་པོའི་བྲིས་སྐུའི་མན་ངག་གྷ་ཡ་དྷ་ར་དང་གྱི་ཇོའི་འགྱུར། དེས་མཛད་པའི་འཕགས་པ་ཚོགས་ཀྱི་བདག་པོའི་གཏོར་མའི་ཆོ་ག་འགྱུར་བཤད་མ་དག་པ་དང་འདྲ་བ། དེས་མཛད་པའི་བགེགས་བདག་གི་སྦྱིན་སྲེག་གི་ཆོ་ག་འགྱུར་གོང་འདྲ། དཀར་ཆག་དང་འཇམ་དབྱངས་མཁྱེན་བརྩེའི་གསན་ཡིག་ན་འདི་ལྟར་འདུག་སྦྱིན་སྲེག་གི་ཡི་གེར་འབྲོག་མིའི་འགྱུར་ཟེར་པ་འདུག་པས་དཔྱད། ཤིན་ཏུ་མྱུར་བའི་ལྷ་བགེགས་ཆེན་པོའི་སྒྲུབ་ཐབས་སློབ་དཔོན་དཱི་པཾ་ཀ་རས་མཛད་པ། དཔལ་ཚོགས་ཀྱི་བདག་པོའི་ལས་བཞིའི་འཁོར་ལོའི་གསལ་བྱེད་གྲུབ་ཆེན་ཌོམྦྷི་ཧེ་རུ་ཀས་མཛད་པ། སློབ་དཔོན་ནག་པོ་སྤྱོད་པས་མཛད་པའི་བགེགས་ཀྱི་རྒྱལ་པོའི་སྒྲུབ་ཐབས་ཀྱི་རྣམ་པར་བཤད་༼གློ༽པ་རྗེ་བཙུན་རིན་པོ་ཆེ་གྲགས་པས་མཛད་པ། དེས་མཛད་པའི་བསྙེན་སྒྲུབ་ལས་སྦྱོར་སྦྱིན་སྲེག་དང་བཅས་པ་མཇུག་ན་ཞར་བྱུང་གི་ཞལ་གདམས་མང་པོ་ཡོད་ཀྱང་མ་བྲིས་སོའི་མཐའ་ཅན། འགོར་རྡོ་རྗེ་མཁའ་འགྲོ་ལ་ཕྱག་འཚལ་ལོ་ག་ཎ་པ་ཏི་སྒྲུབ་པ་བྱེད་པར་འདོད་པས་ཞེས་ཡོད་པའི་གསང་སྒྲུབ་ལྷ་དགུའི་སྒྲུབ་༼གློ༽
ཡིག་རྙིང་པ་དངོས་གྲུབ་ཀྱི་རྒྱ་མཚོ་བརྡོལ་ནས་འོང་ངོའི་མཐའ་ཅན། འགོར་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ་ག་ཎ་པ་ཏི་སྒྲུབ་པར་འདོད་པས་ཞེས་པའི་གསང་སྒྲུབ་ལྷ་དགུའི་སྒྲུབ་ཐབས་ས་སྐྱ་པཎྜི་ཏས་མཛད་པ་རྫོགས་སོའི་མཐའ་ཅན། ཞར་བྱུང་དམ་ཚིག་དང་འཕགས་པ་རིན་པོ་ཆེ་སུམ་ཅུ་རྩ་གསུམ་དུ་ཁྱེར་བའི་ལོ་རྒྱུས་ཟུར་ཙམ་དང་བཅས་པ། དེ་དང་འདྲ་མིན་འགོར་དཔལ་རྡོ་རྗེ་འཛིན་པ་ལ་ཕྱག་འཚལ་ལོ་ཡོད་པ་གསང་སྒྲུབ་དྲག་པོའི་ལག་ལེན་ས་སྐྱ་པཎྜི་ཏས་སྦྱར་བ་རྫོགས་སོའི་མཐའ་ཅན། ཞར་བྱུང་སྒྲུབ་པའི་སྔོན་འགྲོ་དང་སྔགས་བྱང་བསྟན་པ། ཚོགས་བདག་གི་མངོན་རྟོགས། གཏོར་འབུལ། བསྟོད་པ། རྨི་ལྟས། སྐུའི་དབང་སྡུས། འཁོར་ལོའི་ལས་སྦྱོར། འདྲེ་མཐོང་བཅས་པ་རྣམས་ཟངས་ཚ་བསོད་ནམས་རྒྱལ་མཚན་གྱིས་མཛད་པ། དཔལ་ག་ཎ་པ་ཏིའི་བསྙེན་སྒྲུབ་ལས་གསུམ་སྤོགས་ཆོག་དང་བཅས་པ་གསལ་བར་སྟོན་པའི་སྒྲུབ་ཡིག་ཆེན་མོ་གཞན་ལས་ཆེས་ཁྱད་པར་འཕགས་པ་སྟོང་གསུམ་ནོར་བུས་བཀང་བ་ལས་ཀྱང་དགའ་བ་ཆོས་ཀྱི་རྒྱལ་པོ་འཕགས་པ་རིན་པོ་ཆེས་མཛད་པ། འདི་དུས་གཅིག་ལ་སློབ་མ་གཅིག་ལས་མི་སྟོན་པའི་གསེར་ཆོས་བཀའ་རྒྱ་ཅན་ཡིན་ནོ། །དེས་མཛད་པའི་སྒྲུབ་ཁྲིགས་ཀྱི་སྡོམ་ཚིག་ཤིན་ཏུ་གསལ་བ། འགོར་བླ་མ་དམ་པའི་ཞབས་ལ་གུས་པས་ཕྱག་འཚལ་ལོ་ཡོད་པའི་ཚོགས་བདག་གི་གཏོར་ཆོག་༼གློ༽རྣལ་འབྱོར་དབང་ཕྱུག་ཡར་ཀླུངས་པས་མཛད་པ། འདིའི་མཇུག་རྒྱལ་བའི་སྐུ་གསུང་མ་ཟེར་བའི་བསྟོད་པ་སློབ་དཔོན་ནག་པོའི་ཞབས་ཀྱིས་མཛད་ཟེར་བ་ཞིག་གི་རྫོགས་པ་ལས་ཡར་ཀླུངས་པའི་མཛད་བྱང་
མ་བྱུང་བས་གོང་དུ་དོགས་སློང་བྲིས་པའི་ནག་པོ་པས་མཛད་པའི་བསྟོད་པ་འཇིག་རྟེན་མགོན་མཛད་མའི་གཤམ་དུ་དྲུང་ཆོས་རྗེ་པས་མཛད་ཟེར་པའི་བསྟོད་པ་དང་གཏོར་ཆོག་སོགས་ཀྱི་མཐར་ཡར་ཀླུངས་པ་སེང་གེ་རྒྱལ་མཚན་གྱིས་དམ་པ་མང་པོའི་བཞུགས་གནས་བསམ་གླིང་བདེ་ཆེན་དུ་སྦྱར་ཟེར་བ་འདུག་པ། དཔེ་གོང་འོག་གཉིས་པོའི་མཇུག་ཡིག་མཁན་གྱིས་ནོར་ནས་བྲིས་སམ་སྙམ་པ་སླར་ཡང་མ་དཔེ་རྙིང་པ་རྙེད་ན་ཞུ་གཏུགས་དགོས་པར་སྣང་ངོ་། །གཉིས་པ་གསལ་བྱེད་ལྷན་ཐབས་ལ། བྲིས་སྐུ་བྲི་ཞིང་སྒྲུབ་པའི་ཡི་གེ་དེ་ཕྱིར་སྔགས་ལ་ནན་ཏན་བྱ་ས་མ་པ་ཐ་མིའི་མཐའ་ཅན། བྲིས་སྐུ་བྲི་བའི་མན་ངག་རབ་ཏུ་གནས་པ་དང་བཅས་པ་བྲིས་སྐུའི་ཆོ་ག་རྫོགས་བྱང་གི་མཐའ་ཅན། གནོད་སྦྱིན་ཆེན་པོ་བསེ་གདོང་གཟུགས་མནན་པའི་ཡིག་རྙིང་ཚིགས་བཅད་མ། གནོད་སྦྱིན་བསེ་གདོང་ཅན་གནོད་སྦྱིན་ལག་ལེན་ཆོས་རྗེ་བླ་མ་དམ་པའི་གསུང་བཞིན་ཡར་ཀླུངས་པ་སེང་གེ་རྒྱལ་མཚན་གྱིས་བསམ་ཡས་སུ་ཟིན་བྲིས་མཛད་པ། སྐུ་རྟེན་བྲི་བ། དངོས་གྲུབ་ཀྱི་རྟེན་གཏོར་བཅའ་བ། གསང་རྟེན་ལུས་ལ་བཅད་པ། རྒྱུན་གཏོར་གཏེར་དུ་སྦ་བ་ཐུན་མོང་མ་ཡིན་པའི་གནད་དབབ་རྣམས་ཀྱི་ཡིག་ཆུང་བཀའ་རྒྱ་ཅན་གསེར་ཆོས་ཆིག་བརྒྱུད་མ། སྒྲུབ་པའི་སྒབ་འདྲེ་གནོན་པ། གསང་རྟེན་བཅའ་བ། བླ་རྡོ་འཆང་བ། དངོས་གྲུབ་བླང་ཐབས་རྣམས་སྟོན་པའི་གསང་བ་གནད་ཀྱི་ཡིག་ཆུང་སྒྲུབ་ཡིག་ཆེན་མོའི་ལྷན་ཐབས་བདག་ཆེན་རྡོ་རྗེ་འཆང་གིས་མཛད་པའི་གསེར་ཆོས་ཆིག་བརྒྱུད་མ། གསང་བ་སྙིང་གི་འཁོར་ལོའི་ལས་བཞི་བསྒྲུབ་ཚུལ། སྤོགས་ཆོག །གསང་བ་ཐུགས་ཀྱི་མན་ངག་ནོར་བུ་བསམ་གཏན།
ཚོགས་བདག་དང་ཙརྩི་ཞལ་སྦྱོར་གྱི་ཐབ་གཏེར། བང་མཛོད་ཀྱི་ཆོ་ག་རྣམས་སྟོན་པའི་ཡི་གེ་རིན་ཅེན་ལྗོན་ཤིང་གསེར་ཆོས་ཆིག་བརྒྱུད་གྲས། འགོར་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ་གསང་སྔགས་མ་བཟླས་མི་འགྲུབ་ཅིང་ཡོད་པའི་སྦྱིན་སྲེག་གི་ལག་ལེན་མེ་མ་ཤི་བར་ལ་གཞན་རེག་ཏུ་མི་འཇུག་གོའི་མཐའ་ཅན། བི་ན་ཡ་གའི་རྒྱུད་ལས་གསུངས་པའི་ཕྱག་མཚན་བཅུ་གཉིས་ཀྱི་ལས་ཚོགས་༼གློ༽ཞེས་པ་དགྲ་སྟས་དགྲ་བོ་གཞོམ་པ། གཏུན་ཤིང་གིས་བགེགས་ཚར་གཅོད་པ། མདའ་གཞུས་དགྲ་བོ་དབང་དུ་བྱེད་པ། ཁ་ཊྭཱཾ་གས་འབྱུང་པོ་དགའ་བར་བྱེད་པ། ལྕགས་ཀྱུས་འགྲོ་བ་དབང་དུ་བསྡུ་བ། ཐོད་པས་གདུལ་བྱ་འགུགས་པ། རྡོ་རྗེས་གདོན་བགེགས་ཚར་གཅོད་པ། རལ་གྲིས་གཟའ་བསྲུང་བ། ཐོད་པ་ཤ་ཆེན་གྱིས་ནོར་སྒབ་པ། ཕུབ་ཀྱིས་བསྲུང་བ། བ་དན་གྱིས་གྲགས་པ་སྤེལ་བ། མདུང་གིས་བསམ་པ་སྒྲུབ་པ་རྣམས་སྟོན་པ། འཕགས་པ་རིན་པོ་ཆེས་མཛད་པའི་༼གློ༽བསྟོད་པ་ཚིག་རྐང་བཅུ་བདུན་མ། དེས་མཛད་པའི་སྤྱན་འདྲེན་མཆོད་འཕྲེང་ཤཔྟ་པྲ་ཏཱིཙྪ་ཧཱུྃ་གི་མཐའ་ཅན། དཔལ་ལྡན་བླ་མ་དམ་པས་མཛད་པའི་བསྟོད་པ་པཾ་པད་རཾ་ཉི་མ། དེས་མཛད་པའི་རྒྱལ་བའི་འཕྲིན་ལས་མ། ངོར་ཆེན་གྱིས་མཛད་པའི་བསྟོད་པ་༼གློ༽གདུག་པ་ཀུན་འདུལ་མ་རྣམས། གསུམ་པ་གསང་སྒྲུབ་ཀྱི་ཡི་གེ་ལ། ཚོགས་བདག་དམར་པོ་གསང་སྒྲུབ་ཞལ་གཅིག་ཕྱག་དྲུག་པའི་སྒྲུབ་༼གློ༽བ་དཔལ་ནཱ་རོ་པས་མཛད་པ་པཎྜི་ཏ་དོན་ཡོད་རྡོ་རྗེ་དང་བ་རི་ལོ་ཙཱ་བས་བསྒྱུར་བ། དེའི་ལག་ལེན་ཚོགས་ཀྱི་བདག་པོའི་གསང་སྒྲུབ་ཀྱི་ལག་ལེན་རྫོགས་སོའི་མཐའ་ཅན། ཌོམྦྷི་ཧེ་རུ་ཀ་ནས་བརྒྱུད་པའི་ཚོགས་བདག་
དམར་ཆུང་ཞལ་གཅིག་ཕྱག་གཉིས་ནོར་རྒྱུན་མ་དང་ཡབ་ཡུམ་དུ་སྒྲུབ་པའི་ཡི་གེ་མཆོད་པའི་ལས་སོའི་མཐའ་ཅན། རྒྱལ་བློན་བཙུན་མོ་འབངས་སོགས་དབང་དུ་བསྡུ་བའི་ཡི་གེ །རྟེན་ཕྱི་ནང་གསང་གསུམ་བཅའ་བའི་ཡི་གེ་རྫོགས་སོའི་མཐའ་ཅན་ཞར་བྱུང་དབང་དུ་མ་འདུས་ན་དམིགས་པ་བྱ་ཚུལ་དང་བཅས་པ་རྣམས། བཞི་པ་ཞར་བྱུང་ཇོ་བོ་ཆེན་པོ་ནས་བརྒྱུད་པའི་དཀར་པོའི་སྐོར་ལ། ཚོགས་བདག་རིགས་ལྔ་སྟོན་པའི་རྒྱུད་རིན་ཅེན་གཏེར་མཛོད་ལེའུ་དགུ་པ་པཎྜི་ཏ་དཱི་པཾ་ཀ་ར་དང་ནག་ཚོ་ལོ་ཙཱ་བས་བསྒྱུར་བ། འཕགས་པ་ཚོགས་ཀྱི་བདག་པོ་འཇུར་གེགས་སེལ་བའི་སྒྲུབ་ཐབས་སློབ་དཔོན་ཨིནྡྲ་བྷཱུ་ཏིས་མཛད་པ་པཎྜི་ཏ་དི་པཾ་ཀ་ར་དང་ལོ་ཙཱ་བ་རྒྱ་བརྩོན་སེང་གེས་ཡམ་བུ་མཁར་དུ་བསྒྱུར་བ། དེའི་ལག་ལེན་འཕགས་པ་ཚོགས་ཀྱི་བདག་པོ་བགེགས་སེལ་གྱི་སྒྲུབ་ཐབས་ཇོ་བོ་ཨ་ཏི་ཤས་མཛད་པ་གུ་གུལ་གྱིས་བདུག་ཅིང་གཏོར་མ་གཏང་ངོའི་མཐའ་ཅན། དེས་མཛད་པའི་བསྟོད་པ་ཕྱག་འཚལ་དཔལ་ལྡན་མ། ཚོགས་བདག་གི་སྐུ་ལ་རབ་གནས་བྱ་བ་མཆོད་ཐབས་རྫོགས་བྱང་གི་མཐའ་ཅན། གནད་ལ་དབབ་པ་རྒྱ་བརྩོན་འགྲུས་སེང་གེའི་མན་ངག་ཤིན་ཏུ་ཟབ་པ། གནད་ལ་བོར་བ། བཟླས་པའི་ཞལ་གདམས། སྦྱིན་སྲེག་གི་ལས་མེད་ཐབས་མེད་པའི་མཐའ་ཅན། གསད་པའི་ལས་རྟ་ཕྲུ་མ། སྤོགས་པའི་ཡིག་ཆུང་། རྗེས་གནང་ལོ་རྒྱུས་དང་བཅས་པའི་ཡི་གེ །ཡང་ཇོ་བོ་རྗེའི་གདམས་པ་ཚོགས་བདག་དཀར་པོ་ཕྱག་བཞི་པ་སློབ་དཔོན་ཨ་མོ་གྷ་ནས་བརྒྱུད་པའི་སྐོར་ལ། ཚོགས་བདག་སྒྲུབ་པའི་རྟེན་གྱི་གང་ཟག་གིས་ཞེས་འགོར་ཡོད་པའི་ཚོགས་བདག་དཀར་པོ་གླང་གདོང་ཕྱག་བཞི་པའི་སྒྲུབ་ཐབས་མ་མཐོང་བར་དུའོའི་
མཐའ་ཅན། པཎྜི་ཏ་ཨ་དཀར་དྲི་ལ་དུར་ཁྲོད་ཕུང་ལུང་ནག་པོར་སྐྱེ་བ་སྔོན་མའི་ཡོན་བདག་དང་ཕྲད་པའི་ལུང་བསྟན་བྱུང་ཚུལ་སོགས་ཀྱི་ལོ་རྒྱུས། དཀར་ཆག་ན་བར་འདིར་ཚོགས་བདག་དཀར་པོ་ཤ་བའི་གདོང་ཅན་གྱི་སྒྲུབ་ཐབས་ཟེར་བ་ཞིག་འདུག་ཀྱང་དཔེ་མ་འབྱོར་བས་ལུང་མ་ཐོབ། ཚོགས་ཀྱི་བདག་པོའི་གསང་སྒྲུབ་ཨ་མོ་གྷ་བཛྲ་ཀྱིས་མཛད་པ་རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་ལོ་ཙཱ་བ་ནག་ཚོ་ཚུལ་ཁྲིམས་རྒྱལ་བས་བསྒྱུར་བ། ཚོགས་ཀྱི་བདག་པོ་སྒྲུབ་པའི་མན་ངག་ངེས་པར་དབང་དུ་འགྱུར་རོའི་མཐའ་ཅན། སྐུ་ལ་རབ་གནས་བྱ་ཐབས་རྫོགས་སོའི་མཐའ་ཅན། མཉེས་པར་བྱ་བའི་ཕྱིར་གཏོར་མ་འབུལ་བ་རྫོགས་སོའི་མཐའ་ཅན། བསྟོད་པ་སུམ་ཅུ་རྩ་གསུམ་མ་ཨ་མོ་གྷ་བཛྲ་གྱིས་མཛད་པ་རྣམས། ལྔ་པ་གསང་སྒྲུབ་ཕྱག་བཞི་པའི་ཡིག་རྙིང་ལ། དཔལ་ཚོགས་ཀྱི་བདག་པོ་ལ་ཕྱག་འཚལ་ལོ་ཚེ་འདི་ལ་བསོད་ནམས་ཆེ་བ་ཞེས་འགོར་ཡོད་པའི་གསང་སྒྲུབ་དམར་པོ་ཕྱག་བཞི་པའི་ཡིག་རྙིང་གདོང་གྲོགས་གྱིས་ཤིག་གི་མཐའ་ཅན། དེའི་རྟེན་བཅའ་བ་སོགས་ཀྱི་ཞལ་གདམས་དམ་པ་ཀུན་དགའ་གྲགས་ཀྱིས་ཡི་གེར་བཀོད་པ། བསྟོད་ཅིང་གསོལ་བ་གདབ་པ་ནོར་གྱི་རྒྱུད་འགྱུར་མ་འཕགས་པ་རིན་པོ་ཆེས་མཛད་པ། ཚོགས་བདག་ཡང་གསང་དྲག་པོ་བཙན་ཐབས་སུ་སྒྲུབ་པའི་ཉིང་ཁུ་ཟབ་མོ་ཕྱག་གཉིས་པའི་སྒྲུབ་ཐབས་སྦྱིན་སྲེག་སྤོགས་ཆོག་དང་བཅས་པ་བླ་མ་ས་སྐྱ་པ་ཆེན་པོས་མཛད་པ། ཚོགས་བདག་གླང་པོའི་གཟུགས་སྒྲུབ་ཀྱི་སྒོ་ནས་ནོར་སྦྱིན་པའི་ཞལ་གདམས་ཞེས་པ་གླང་པོ་ཆེའི་གཟུགས་ལ་བརྟེན་ནས་སྒྲུབ་པ་དཀར་ཆག་ཏུ་ཐབ་འཁོར་མཛོད་འཁོར་དགེ་
འདུན་འདུ་བའི་འཁོར་ལོ་གསུམ་གྱི་གནད་ཡིག་འདུག་པ་དཔེ་མ་འབྱོར་བས་མ་ཐོབ། རྗེ་བསམ་གཏན་གླིང་པའི་ཕྱག་དཔེ་དངོས་ལས་བཤུས་པ་རྣམས། ས་གཅད་ལྔ་པ་འདི་ཐམས་ཅད་མཁྱེན་བརྩེའི་གསན་ཡིག་ན་གསུམ་པའི་མཇུག་ན་འཐུད་པའི་རྗེ་བཙུན་ས་སྐྱ་པའི་ཁྱད་པར་གྱི་གདམས་པ་གསེར་ཆོས་ཐུན་མོང་མ་ཡིན་པའི་ཞེས་ཡར་བཅད་ནས་ས་གཅད་བཞི་པ་འདི་ལོགས་སུ་མཛད་པ་དོན་ལ་གནས་ནའང་། འདིར་དཀར་ཆག་ཆེན་མོའི་བཞུགས་ཚུལ་ལྟར་བཀོད་པ་ཆོས་སྡེའི་བརྒྱུད་བབས་གྱི་དབྱེ་བ་མ་འདྲེས་པར་བྱེད་དགོས་ཤིང་། དཔའ་བོ་རྡོ་རྗེ། གྷ་ཡ་དྷ་ར། ཧ་དུ་དཀར་པོ། པཎྜི་ཏ་འཇམ་དཔལ་དབྱངས་ཏེ་བརྒྱུད་པ་བཞིའི་གདམས་པ་ཐུན་མོང་མ་ཡིན་པའི་ཁྱད་པར་གྱི་དབྱེ་བའང་ཁའུ་བྲག་རྫོང་པའི་བསྟན་འཛིན་ཞིག་གི་ཞལ་ལུང་ལས་ལེན་དགོས་ཀྱི་ཤེས་རློམ་ཀུན་གྱིས་སྤྱོད་ཡུལ་མ་ཡིན་ནོ། །དྲུག་པ་དཀར་ཆག་ཏུ་མ་བཞུགས་པའི་སྐོར་ལ། དཔལ་ཚོགས་ཀྱི་བདག་པོ་དམར་ཆེན་ཕྱག་བཅུ་གཉིས་པའི་རྗེས་གནང་ཐུན་མོང་མ་ཡིན་པའི་ཕྱག་ལེན་ཁྲིགས་ཆགས་འདོད་དགུའི་དཔག་༼ངག༽བསམ་པཎ་ཆེན་ངག་དབང་ཆོས་གྲགས་ཀྱིས་མཛད་པ། དེས་མཛད་པའི་ཚོགས་ཀྱི་བདག་པོའི་ཁྱད་པར་གྱི་རྗེས་གནང་༼ངག༽མ་ནོར་དོན་ཚང་གསལ་བའི་སྒྲོན་མེ། ཚོགས་བདག་དམར་ཆེན་ཕྱག་བཅུ་གཉིས་པའི་བསྙེན་པ། སྒྲུབ་པ། སྤོགས་པ། སྦྱིན་སྲེག་དང་བཅས་པ་ཚིགས་བཅད་མ་བླ་མ་གཉན་ཕུ་བྱུང་པས་མཛད་པ་༼ཆེན༽སྦ་ཞིང་གསང་ལ་སྒྲུབ་པའི་མཐའ་ཅན། དེས་མཛད་པའི་བསྟོད་པ་དཔལ་༼ཆེན༽ཆེན་སྤྱན་སྔ་མ། དབང་དུ་བྱེད་ན་ཟླ་༼ཆེན༽གམ་དམར་པོ་ཞེས་སོགས་
ཀྱི་ཞལ་ཤེས། གདམས་པ་འདི་ལ་དོན་གསུམ་སྟེ་ཞེས་འགོ་དང་༼ཆེན༽ཨཱ་ཀ་རོ་བདུན་གྱིས་དབུལ་ལོའི་མཐའ་ཅན། གནོད་སྦྱིན་བསེ་གདོང་མནན་པའི་གདམས་༼ཆེན༽པ་སེམས་ཅན་ཁོ་ནའི་དོན་དུ་དམ་ཚིག་གོའི་མཐའ་ཅན། ཡང་འགོར་བཟློག་པ་རེམ་དུ་བྱ་ཞེས་ཡོད་པའི་བསེ་གདོང་མནན་པ་༼ཆེན༽ལུས་ནག་སྣ་དམར་གཟུགས་སུ་འབྲིའི་མཐའ་ཅན། དང་པོ་ཚོགས་བདག་གི་ཕྱི་ནས་འབྲང་ཞེས་འགོར་ཡོད་པའི་བསེ་གདོང་མནན་༼ཆེན༽པ་སྨོན་ལམ་འདེབས་སུ་འཇུག་གོའི་མཐའ་ཅན། དཔལ་ཚོགས་ཀྱི་བདག་པོའི་སྒྲུབ་ཐབས་རིན་ཅེན་སྤུངས་༼ཀློང༽པ་ཞེས་པ་སྙན་ངག་མཁན་དཔལ་ལྡན་བསམ་ཡས་པའམ་ཀློང་ཆེན་རབ་འབྱམས་ཀྱིས་མཛད་པ། དེས་མཛད་པའི་བསྟོད་པ་༼ཀློང༽སྡེབ་སྦྱོར་རྒྱ་མཚོའི་སྤྲིན། མགོན་པོ་ཚོགས་ཀྱི་བདག་པོ་མཆོད་ཅིང་སྒྲུབ་པའི་ཐབས་དངོས་གྲུབ་ཀྱི་འབྱུང་༼མཾ༽གནས་པཎ་ཆེན་བཀྲ་ཤིས་རྣམ་རྒྱལ་གྱིས་མཛད་པ། མཆོད་གཏོར་འབུལ་ཞིང་འཕྲིན་ལས་འཆོལ་བ་༼ཆེན༽ཚར་ཆེན་གྱིས་མཛད་པ་ཕུན་ཚོགས་དངོས་གྲུབ་མ། ཚོགས་ཀྱི་བདག་པོ་སྒྲུབ་ཐབས་༼ནཱ༽སློབ་དཔོན་ན་རོ་པས་མཛད་པ་གསང་བའི་མན་ངག །ཆགས་པ་རྡོ་རྗེའི་སྐོར་ནས་རྒྱུད་ཀྱི་བསྡུས་དོན་རྣམ་པར་བཤད་པའོའི་མཐའ་ཅན། ཚོགས་བདག་ཁྲོ་བོ་སྤྲེའུ་ལྟར་སྒྲུབ་པ་བླ་མ་གསེར་གླིང་པས་མཛད་པ། སྤྲེའུ་ལྟར་སྒྲུབ་པའི་ཚོགས་ཀྱི་བདག་པོའི་གསང་སྒྲུབ་དཔལ་ཨ་ཏི་ཤ་ནས་བརྒྱུད་པའི་ཟབ་པ། ཚོགས་བདག་གི་གཏོར་མ་ས་མཐའི་མཐའ་ཅན། གསོལ་གདབ་མི་འགྱུར་བཀོད་པ་ཞར་བྱུང་སྤྱན་འདྲེན་རི་རབ་མ་དང་བཅས་པ། ཆགས་པ་རྡོ་རྗེའི་
ཞལ་གདམས་ཚིག་གཉིས་མ། སྔགས་འབུམ་གྱི་གདམས་པ། གཎ་པ་ཏི་སྤྲེའུའི་སྒྲུབ་ཐབས་རྫོགས་བྱང་གི་མཐའ་ཅན། ཚོགས་བདག་གསང་སྒྲུབ་ཅེས་པ་བསྙེན་པ་བླ་རྡོ་གནད་དབབ་དང་བཅས་པ་ག་ལྔ་མར་གྲགས་པ་བླ་མའི་ཞལ་ལས་རྙེད་པའི་གདམས་པ། འགོར་སྔགས་གཞན་གཉིས་པོ་འདི་གོང་མ་གཙིགས་ཆེ་ཞེས་ཡོད་པའི་སྤྲེའུའི་ཞལ་གདམས་བསམ་གཏན་གླིང་པས་མཛད་པ་ཐུགས་དམ་མཉམ་པ་འོའི་མཐའ་ཅན། ཨ་མོ་གྷས་མཛད་པའི་སྐོར་ལ། ལ་དུ་འཆོས་ཐབས། རྗེ་མཁྱེན་བརྩེའི་གསན་ཡིག་ན་འདིའི་འོག་ཏུ་ཐུན་སྔགས་ཟེར་བ་ལོགས་སུ་མ་རྙེད། གཟན་ནམ་ཆན་ལ་གཏོར་མ་བྲེ་གང་ཡན་ཆད་བཟང་བར་བྱས་ཏེ་ཞེས་པ་འགོར་ཡོད་པའི་སྒྲུབ་ཐབས་རྫོགས་སོའི་མཐའ་ཅན། ཚོགས་ཀྱི་བདག་པོ་ལ་ཕྱག་འཚལ་ལོ་དེ་ལ་འདི་སྒྲུབ་པར་འདོད་པས་ཞེས་འགོར་ཡོད་པའི་སྒྲུབ་ཐབས་དབུ་ཤར་དུ་བལྟས་པ་ཡིན་གསུང་བའི་མཐའ་ཅན། དཀོན་མཆོག་གསུམ་ལ་ཕྱག་འཚལ་ལོ་འཕགས་པ་ཚོགས་ཀྱི་བདག་པོའི་སྙིང་པོའི་གཟུངས་ལ་ཕྱག་འཚལ་ལོ་འགོར་ཡོད་པའི་བསྟོད་པ་བཞེས་སུ་གསོལ་གྱི་མཐའ་ཅན། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ་རྣལ་འབྱོར་ལོངས་སྤྱོད་བརྟག་དཀའ་བ་ཞེས་འགོར་ཡོད་པའི་སྒྲུབ་ཐབས་ཐོབ་པར་འགྱུར་རོའི་མཐའ་ཅན། འཇམ་དབྱངས་མཁྱེན་བརྩེའི་གསན་ཡིག་འདིའི་འོག་ཏུ་བགེགས་ཀྱི་རྒྱལ་པོའི་སྒྲུབ་ཐབས་ནི་ཞེས་སོགས་ཀྱི་སྒྲུབ་ཐབས་ཡོད་གསུང་བ་དཔེ་མ་རྙེད། མིག་མཐོང་གི་གདམས་པ་རྣམས། དཔེ་རིས་སྐོར་ལ། སྒྲུབ་པའི་མཎྜལ། དམར་ཆེན་དང་དམར་ཆུང་གི་གཏོར་དཔེ། བསེ་གདོང་ཅན་གྱི་ལིང་ག །ག་བརྒྱད་འཁོར་ལོ། འདི་ལ་
འཕགས་པའི་སྐུ་བསྲུང་དང་གོང་མའི་ཡིག་རྙིང་གི་ལུགས་སྲོལ་གཉིས་ཙམ་ཡོད། གསང་བ་སྙིང་གི་འཁོར་ལོ་ལས་བཞི་སྒྲུབ་པའི་གནམ་ས་བར་གསུམ་གྱི་འཁོར་ལོ་བཅུ་གཉིས། ཚར་ཆེན་གྱི་སྐུ་གསུང་ལ་རྒྱས་པའི་སྟེང་འཁོར་གྱི་ཡི་གེ་མ་ལོག་པ་དང་འཇམ་དབྱངས་ཆེན་པོའི་སྐུ་བསྲུང་ལ་དྲག་པོའི་སྟེང་འཁོར་ཡི་གེ་ལོག་པ་སོགས་གོང་མའི་གསུང་རྒྱུན་སྐུ་བསྲུང་སོགས་ཀྱི་ཟབ་གནད་མང་བར་སྣང་ངོ་། །རྒྱས་པའི་བར་འཁོར་གྱི་སྟེང་བར་འདྲི་རྒྱུའི་ནོར་བུ་མིག་གསུམ། ཐབ་གཏེར་གྱི་དངོས་གྲུབ་མྱུར་དུ་བླང་འཁོར། ཚོགས་བདག་དང་ཙ་རི་ཙཀ་ཞལ་སྦྱོར་གྱི་ཐབ་དང་མཛོད་ཀྱི་འཁོར་ལོ་རྣམས་ཀྱི་དབང་ལུང་ཕྱག་ལེན་མན་ངག་ལེགས་པར་ནོས་པ་ལས་ཐུན་མོང་གི་རྗེས་གནང་གི་བརྒྱུད་པ་ནི། དཔལ་རྡོ་རྗེ་འཆང་རྡོ་རྗེ་ཕག་མོ། གྲུབ་ཆེན་ས་ར་ཧ། འཕགས་པ་ཀླུ་སྒྲུབ། གྲུབ་ཆེན་ཤ་ཝ་རི་པ། བལ་པོ་ཧ་དུ་དཀར་པོ། འཇམ་དབྱངས་མཁྱེན་བརྩེའི་གསན་ཡིག་ན་ཧཱུྃ་ཀ་ར་ཟེར་བ་འདུག །བལ་པོ་བློ་གྲོས་གྲགས། རྗེ་བཙུན་ས་སྐྱ་པ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། རྗེ་ས་སྐྱ་པཎྜི་ཏ། ཁམས་གསུམ་ཆོས་ཀྱི་རྒྱལ་པོ་བློ་གྲོས་རྒྱལ་མཚན། རྗེ་སྐྱོབ་པ་དཔལ། རྡོ་རྗེ་གདན་པ་དང་ཐར་རྩེ་པའི་གསན་ཡིག་ན་འདི་དང་ས་པཎ་གྱི་བར་ན་འཕགས་པ་མི་འདུག །རོང་པ་ཤེས་རབ་སེང་གེ །བག་སྟོན་གཞོན་ནུ་ཚུལ་ཁྲིམས། བླ་མ་ཚུལ་ཁྲིམས་རྒྱལ་མཚན། མཁན་ཆེན་བྱང་ཆུབ་སེང་གེ །ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། ཉི་ལྡེ་བ་ངག་དབང་གྲགས་པ། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ་ཆེན་པོ། དེ་གཉིས་ལ་རྗེ་བཙུན་སྒོ་རུམ་པ་ཀུན་དགའ་ལེགས་པ། དེ་གཉིས་ཀ་ལ་རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ཡབ་སྲས་
གཉིས་ཀ་ལ་རྡོ་རྗེ་འཆང་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཚར་ཆེན་ཡབ་སྲས་ལ། མཁན་ཆེན་བསླབ་གསུམ་རྒྱལ་མཚན་དང་རྟ་ར་བ་བསོད་ནམས་ཆོས་འཕེལ་གཉིས་ཀས་གསན། གཉིས་ཀ་ནས་རྡོ་རྗེ་འཆང་དབང་རབ་མན་འདྲ། ཡང་ན་བླ་མ་ཚུལ་རྒྱལ་བ་ནས། བླ་མ་ངག་དབང་གྲགས་པ། མཁན་བྱང་ཆུབ་སེང་གེ་མན་འདྲ། ཡང་ངོར་ཆེན་ནས། རྗེ་བསོད་ནམས་དབང་ཕྱུག །རྡོ་རིང་པ་ཆེན་པོ་མན་འདྲ། ཐུན་མོང་མ་ཡིན་པའི་རྗེས་གནང་གི་བརྒྱུད་པ་ནི། གྲུབ་ཆེན་བིཪྺ་པ། ཤར་ཕྱོག་ནག་པོ་པ། ཌཱ་མ་རུ་པ། ཨ་ཝ་དྷཱུ་ཏི་པ། གྷ་ཡ་དྷ་ར། བླ་ཆེན་འབྲོག་མི། འཁོན་དཀོན་ཅོག་རྒྱལ་པོ། བརྩེ་ཆེན་སྙིང་པོའི་ཞབས། འཇམ་དབྱངས་མཁྱེན་བརྩེའི་གསན་ཡིག་ནའང་འདི་ཉིད་ལ་གྲགས་པས་དངོས་སུ་གསན་འདུག །རྗེ་བཙུན་གྲགས་པ་རྒྱལ་མཚན། ཡར་སྒོམ་སེ་བོ། རྒྱལ་ཚ་ལུང་མང་པོ། མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་བསོད་ནམས་རྒྱལ་མཆོག །བདག་ཆེན་འཇམ་དབྱངས་ཆེན་པོ། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེ། རྗེ་གཞོན་ནུ་སྟོབས་ལྡན། རྗེ་དབང་ཕྱུག་རབ་བརྟན་ཁྱབ་བདག་མགོན་པོ་བསོད་ནམས་མཆོག་ལྡན། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཁྱད་པར་བའི་རྗེས་གནང་གི་བརྒྱུད་པ་ནི། རྡོ་རྗེ་འཆང་དབང་ཕྱུག་རབ་བརྟན་ཡན་གོང་ལྟར་ལ། དེ་ནས་ཁྱབ་བདག་ཞ་ལུ་པ་ཆེན་པོ། དེས་བདག་
ལའོ། །ཡང་ན་ས་པཎ་ནས། ཚོགས་སྒོམ་རིན་པོ་ཆེ། རིན་པོ་ཆེ་སྐྱོབ་པ་དཔལ། རྒྱལ་ཚ་ལུང་མང་པོ་མན་འདྲ། ཡང་ན་ས་པཎ་ནས། ཁམས་སྒོམ་བྱང་ཆུབ་དཔལ། མཁན་ཆེན་ངག་དབང་ཆོས་གྲགས་པའི་གསན་ཡིག་འདིའི་ཚབ་འཕགས་པ་འདུག་པ་དཔྱད། དགའ་ལྡན་པ་ཀུན་བསོད། ཏི་ཤྲཱི་ཀུན་དགའ་བློ་གྲོས། རྒྱལ་བ་བྲག་ཕུག་པ། དེ་གཉིས་ལ་བླ་མ་དམ་པ་བསོད་ནམས་རྒྱལ་མཚན། དེ་ནས་ཡར་ཀླུངས་པ་མན་འདྲ། ཡང་ན་དགའ་ལྡན་པ་ཀུན་བསོད་ནས། གན་པ་རིན་རྒྱལ། འབྲི་ཕྱུག་པ་རིན་ཅེན་འབུམ། ཡར་ཀླུངས་པ་མན་འདྲ། ས་གཅད་དང་པོ་དང་གཉིས་པ་ཡོངས་རྫོགས་དང་། ལྔ་པའི་ཆེན་གྱི་རྟགས་ཡོད་པ་བཅས་པའི་ལུང་བརྒྱུད་ནི། འཇམ་དབྱངས་མཁྱེན་བརྩེའི་དབང་ཕྱུག་ཡན་ཐུན་མོང་ཡིན་པའི་རྗེས་གནང་གི་བརྒྱུད་པ་རིགས་བཞི་པོ་ལྟར་ལ། དེ་ནས་དགོན་གསར་བ་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། ཟུར་བཀའ་དྲིན་མཉམ་མེད་ཆོས་དབྱིངས་རང་གྲོལ། དེས་བདག་ལའོ། །ངག་གི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་དབང་རབ་ནས། མཁན་ཆེན་ངག་དབང་ཆོས་གྲགས། ས་སྐྱ་པ་ངག་དབང་ཀུན་དགའ་བསོད་ནམས། དེ་སྲས་ངག་དབང་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། ཀློང་གི་རྟགས་ཅན་ནི། ཀུན་མཁྱེན་ཀློང་ཆེན་རབ་འབྱམས་པ། ཕ་རྒོད་རྟོགས་ལྡན་རྒྱལ་པོ། དྲིན་ཅན་ཐུགས་སྲས་ཆོས་རྗེ། སྤྲུལ་སྐུ་རྡོ་རྗེ་སེང་གེ །དཀའ་བཅུ་པ་པུ་ཎྱ་སིདྷ། རྗེ་བློ་གྲོས་སེང་གེ །རྗེ་རྡོ་རིང་པ་མན་འདྲ། མཾ་གི་རྟགས་ཡོད་པ་ནི། ཀུན་མཁྱེན་བཀྲ་ཤིས་རྣམ་རྒྱལ། སྤྱན་སྔ་བསོད་ནམས་ལྷའི་དབང་པོ་
ལྷ་རི་བ་དཔལ་ལྡན་རྒྱལ་མཚན། རྗེ་ཕྱོགས་ལས་རྣམ་རྒྱལ། ཚར་ཆེན་ཆོས་ཀྱི་རྒྱལ་པོ་མན་འདྲ། རྗེས་གནང་དང་གློའི་རྟགས་ཡོད་པའི་ལུང་ནི། ངོར་ཆེན་ཡན་ཐུན་མོང་གི་རྗེས་གནང་ལྟར་ནས། རྗེ་ཀུན་དགའ་དབང་ཕྱུག །མཁན་ཆེན་བསོད་ནམས་ལྷུན་གྲུབ། རྗེ་གྲོལ་མཆོག །འཇམ་དབྱངས་མཁྱེན་བརྩེ་མན་འདྲ། ཡང་ན་ངོར་ཆེན་ནས། བདག་ཆེན་ཆུ་མིག་པ་བློ་གྲོས་དབང་ཕྱུག །པཎ་ཆེན་ཤཱཀ་མཆོག །བྲག་དཀར་སེམས་དཔའ་ཆེན་པོ། མཁན་ཆེན་བཀྲས་རྣམ་པ། རྗེ་གྲོལ་མཆོག་མན་འདྲ། ནཱ་རོ་པའི་གསང་སྒྲུབ་དང་། ས་གཅད་དྲུག་པའི་ནའི་རྟགས་ཡོད་པའི་བརྒྱུད་པ་ནི། ནཱ་རོ་པ་ནས་ཕམ་ཐིང་པ་བརྒྱུད་དེ་མལ་ལས་འོངས་སམ་སྙམ་ཡང་གསན་ཡིག་ཚོར་མི་གསལ་བས་སླར་ཡང་གསན་ཡིག་གཞན་འདྲ་ལས་དཔྱད་དོ། །ས་གཅད་གསུམ་པའི་ཌོམྦྷི་པའི་ལུགས་ཀྱི་བརྒྱུད་པ་ནི། ཌོམྦྷི་ཧེ་རུ་ཀ །ཛྙཱ་ན་པཉྩ། ཀྲིཥྞ་པ། བྷི་ན་སུ་ཀ །དྷརྨ་སིངྷ། སུ་ཁ་བ་ཏི། རྡོ་རྗེ་གདན་པ། ཁྲོ་ཕུ་ལོ་ཆེན། སངས་རྒྱས་འབུམ། བླ་མ་འབན་སྟོན། བླ་མ་རྡོ་རྗེ་སེང་གེ །དཀའ་བཅུ་པ་བསོད་ནམས་སེང་གེ །བླ་མ་བློ་གྲོས་སེང་གེ །རྗེ་བཙུན་རྡོ་རིང་པ་ཆེན་པོ་མན་འདྲ། འདི་ནི་ཞལ་གཟིགས་ཁོ་ནར་བཞེད་པ་ཡིན་ནོ། །ཆགས་པ་རྡོ་རྗེའི་རྗེས་གནང་དང་། ས་གཅད་བཞི་པ་དང་དྲུག་པའི་ཆོས་སྐོར་གྱི་ལུང་བརྒྱུད་ནི། རྒྱལ་པོ་ཨིནྡྲ་བྷཱུ་ཏི། རྒྱལ་པོ་གྲགས་པ། བོ་དྷི་ཨ་ཀ་ར། རྡོ་རྗེ་གདན་པའི་གསན་ཡིག་ན་བྱང་ཆུབ་འབྱུང་གནས་སུ་བསྒྱུར། རིན་ཅེན་འོད་ཟེར། ཡང་དག་སྦྱིན་པ། རཏྣཱ་ཀ་ར་ཤནྟི། རིན་ཅེན་འབྱུང་གནས་ཞི་བར་བསྒྱུར། ཇོ་བོ་ཨ་ཏི་ཤ །རྒྱ་བརྩོན་འགྲུས་སེང་གེ །གྲུབ་ཐོབ་ཤོལ་པོ་བ། སངས་རྒྱས་དབོན་སྟོན། སངས་རྒྱས་
སྟོན་ཚུལ། ཁྱུང་ཚང་པ་ཚུལ་ཁྲིམས་རྒྱལ་མཚན། སྣར་ཐང་མཁན་ཆེན་ཉི་མ་རྒྱལ་མཚན། དབུ་མ་པ་གྲུབ་པ་བརྩོན་འགྲུས། ཆོས་རྗེ་དཀའ་བཅུ་པ་གཞོན་ནུ་སེང་གེ །གུང་ཆེན་པ་བཀྲ་ཤིས་བཟང་པོ། གཉན་ཕུ་པ་བསོད་ནམས་བཟང་པོ། རྡོ་རྗེ་གདན་པའི་གསན་ཡིག་ན་ཚལ་མིན་ཆོས་རྗེ་ཟེར། མཁན་ཆེན་སེང་གེ་དཔལ། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། ཆོས་རྗེ་ཀླུ་དབང་གླིང་པ། རིགས་འཛིན་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ་མན་འདྲ། ས་གཅད་བཞི་པ་ཚོགས་བདག་དཀར་པོ་ཕྱག་བཞི་པ་དང་། ས་གཅད་དྲུག་པའི་ཨ་མོ་གྷ་ནས་བརྒྱུད་པའི་སྐོར་ནི། ཨ་མོ་གྷ་བཛྲ། པཎ་ཆེན་ནཱ་རོ་པ། དཱི་པཾ་ཀ་ར། ལམ་ཡིག་སོགས་སུ་ཇོ་བོས་ནཱ་རོ་པར་ཕྱག་མི་མཛད་པས་ཆོས་འགྲེལ་མེད་པ་འདྲ་ཟེར་བ་འདུག་ཀྱང་བཀའ་གདམས་གླེགས་བམ་རིན་པོ་ཆེར་བརྒྱུད་པའི་ཁྲོད་དུ་བགྲངས་ཡོད་པ་འདི་དང་མཐུན། འབྲོམ་སྟོན་པ་རྒྱལ་བའི་འབྱུང་གནས། པོ་ཏོ་པ་རིན་ཆེན་གསལ། ཤར་པ་ཡོན་ཏན་གྲགས། བྱ་འཆད་ཀ་པ། ཁྲོ་ཕུ་བ། ཁྱི་ལོ། ཡོ་ག །རྡོ་རྗེ་གདན་པའི་དེར་ཡོ་པ་ཟེར་བ་སྣང་། ཤཱི་ལ་པྲ་བྷ་ཝ། དོས་ཀུ་མཱ་ར། ལྕན་བནྡེ། གསལ་བ་སྒང་པ། སློབ་དཔོན་དཔལ་མགོན། སློབ་དཔོན་བདེ་བ། རྡོ་རྗེ་གདན་པའི་གསན་ཡིག་ན་སློབ་དཔོན་འོད་མ་ཞེས་སྣང་། ཚལ་མིན་ཆོས་རྗེ་མན་གོང་ལྟར། ཡང་ན་ཨ་མོ་གྷ་བཛྲ། རྡོ་རྗེ་གདན་པ། བ་རི་བ། ས་ཆེན། རྩེ་མོ། གྲགས་པ། ས་པཎ། ཁར་སྟོན་འོད་ཟེར་རྒྱལ་མཚན། བླ་མ་བྱང་ཆེན་པ། དཀའ་བཅུ་པ་གཞོན་སེང་མན་འདྲ། ས་གཅད་ལྔ་པའི་བརྒྱུད་པ་ནི། རྣལ་འབྱོར་དབང་ཕྱུག་ཡར་ཀླུངས་པ་ཁུ་དབོན་ནས། བླ་མ་དགེ་སངས་པ། དྲུང་གཟིམས་ཁང་
དབོན་པོ། རྗེ་དཀོན་ཅོག་བཟང་པོ། ཚར་བ་རྡོ་རྗེ་འཆང་མན་འདྲ། །
ཀྱེ་རྡོ་རྗེའི་རྒྱུད་འབུམ་ཕྲག་ལྔ་པ་སོགས་ཀྱེ་རྡོར་གྱི་ཆོས་སྐོར་གྱི་ལུང་བརྒྱུད་སོགས།
ཀྱེ་རྡོ་རྗེའི་རྒྱུད་འབུམ་ཕྲག་ལྔ་པ། བདེ་མཆོག་རྡོ་རྗེ་མཁའ་འགྲོའི་རྒྱུད། པདྨ་ཧེ་རུ་ཀའི་དབང་དུ་བསྡུ་བའི་ལེའུ་སོགས་ནས་བསྟན་པའི་ཁྲོ་བོ་ཀག་ཆོལ་འདོད་པའི་རྒྱལ་པོའི་ཆོས་སྐོར་ནི། དཀར་ཆག་ལས། གསང་བའི་སྙིང་པོ་ཨཱ་ལི་ཀཱ་ལིའི་བཅུད། །གསང་སྔགས་འཛིན་པ་གཞན་ལ་མ་གྲགས་པ། །གསང་ཆེན་ཆོས་ཀྱི་བདག་པོ་ས་སྐྱ་པའི། །གསང་བའི་གདམས་པ་ཟབ་མོ་འདི་ལྟར་སྣང་། །ཞེས་དང་། འཇམ་དབྱངས་མཁྱེན་བརྩེའི་ཞབས་ཀྱིས། གདམས་པ་འདི་དག་གྲུབ་པའི་བསྟན་པ་དང་། །ཁྱད་པར་ས་སྐྱའི་རྗེ་བཙུན་བསྟན་པའི་ཆེད། ཉམས་སུ་བླངས་ན་ཡིད་ཆེས་འཕྲལ་དུ་འབྱུང་། ཞེས་བསྔགས་པར་མཛད་པ་དོན་དང་མཐུན་པས་བླ་མ་བ་རི་བས་མངའ་བདག་རྩེ་ལྡེ་སོགས་རྒྱ་བོད་མང་པོ་དབང་དུ་བསྡུས། བལ་པོར་བོད་ཐང་ཞེས་བྱ་བའི་ས་གཞི་ཆེན་པོ་གསེར་དཔག་མེད་ཀྱི་རིན་གྱིས་ཉོས། བརྩེ་བ་ཆེན་པོར་ཕྲང་བྲག་དམར་བའི་སྡེ་དགོན་གྱིས་སྐུ་དགྲ་བྱས་པ་འདིའི་སྒོ་ནས་དབང་དུ་བསྡུས། གཤེན་རྡོར་གསེང་གིས་དཔལ་ཕག་མོ་གྲུབ་པ་དབང་དུ་མཛད། དོ་པ་སྟོན་ཚུལ་ངམ་ཤོད་རྗེ་བཙད་ཀུན་གྱི་བླ་མར་གྱུར། རྒྱལ་ཚ་ལུང་མང་པོ་ཧོར་རྒྱལ་པོའི་ཏི་ཤྲཱིར་བསྐུར་བ་སོགས་ངོ་མཚར་ལོ་རྒྱུས་ངེས་ཤེས་ཅན་གྱི་མན་ངག་སྐོར་ལ། ས་པཎ་གྱི་ཡི་གེ་དང་གོང་མའི་ཕྱག་བཞེས་ལ་བརྟེན་ནས་ཐུན་མོང་བ་འདོད་པ་ལྷའི་རྗེས་གནང་། འཇམ་དབྱངས་མགོན་པོའི་ཡི་གེ་དང་ཕྱག་ལེན་ལྟར་ཐུན་མོང་མ་ཡིན་པ་གསང་སྔགས་སྒྲའི་རྗེས་གནང་ལེགས་པར་ནོས་ནས། རྒྱབ་རྟེན་ལུང་ལ་ཐུན་མོང་བ། ཐུན་མོང་མ་ཡིན་པ། དཀར་ཆག་ཏུ་མ་བཞུགས་
པའི་སྐོར་དང་གསུམ། དང་པོ་ལ། འགོར་བླ་མ་དམ་པ་རྣམས་ལ་ཕྱག་འཚལ་ལོ་གདམས་ངག་འདིའི་བརྒྱུད་པ་ན་ཞེས་པའི་བླ་མ་བརྒྱུད་པའི་ལོ་རྒྱུས་མདོར་བསྡུས་རོང་པ་དགེ་རིང་གིས་ཞུས་པའོའི་མཐའ་ཅན། འགོར་པདྨ་དབང་གི་ལྷ་ལ་ཕྱག་འཚལ་ལོ་མཁའ་འགྲོ་མའི་སྒྲུབ་ཐབས་ཞེས་ཡོད་པའི་དབང་སྡུས་ལས་ཀྱི་འཁོར་ལོ་ཡང་སྡུད་ཐུགས་ཀྱི་འཁོར་ལོ་བྱུང་ཚུལ་སོགས་ཀྱི་ལོ་རྒྱུས་ཅུང་ཟད་རྒྱས་པར་ཕྱེ་བ་ཐམས་ཅད་མཁྱེན་པ་བསོད་ནམས་རྒྱལ་མཚན་གྱིས་མཛད་པ་ཆོས་ཀྱི་རྗེས་གསུང་པའོའི་མཐའ་ཅན། དབང་སྡུད་ཀག་ཆོལ་མའི་ལུང་གི་རྗ་གནང་གི་ཆོ་ག་༼གློ༽དཔལ་ལྡན་ས་སྐྱ་པཎྜི་ཏས་རྒྱས་པར་བཀོད་པ། བྱིན་རླབས་ཀྱི་ལུང་བླང་པའི་ཞལ་ཤེས་ས་སྐྱ་པཎྜི་ཏ་ཆེན་པོའི་མན་ངག་ཟབ་མོ། བླ་མ་ས་སྐྱ་པའི་གདམས་པ་༼གློ༽ནམ་མཁའ་མཛོད་ཀྱི་རྗེས་གནང་རྫོགས་སོའི་མཐའ་ཅན། གྲོ་གེ་མའི་སྒྲུབ་ཐབས་ཀ་ཁ་མའི་སྒྲུབ་ཐབས་ཀྱང་ཟེར། ཀྱི་རྗེས་གནང་བླ་མའི་ཕྱག་བཞེས་བཞིན་སྔགས་འཆང་རྒྱལ་བ་དཔལ་གྱིས་ས་སྐྱའི་སྐུ་འབུམ་གྱི་གཙུག་ལག་ཁང་དུ་མཛད་པ། སྔགས་ཀྱི་རྒྱལ་པོའི་དམ་ཚིག་གི་དངོས་གྲུབ་མཆོག་སྒྲུབ་པའི་ཐབས་ཞེས་བྱ་བ་འདོད་རྒྱལ་གྱི་སྒྲུབ་༼གློ༽ཐབས་སློབ་དཔོན་རིན་ཆེན་རྡོ་རྗེས་མཛད་པ་རྒྱ་གར་གྱི་མཁན་པོ་དེ་བཞིན་གཤེགས་པ་བསྲུང་བའི་དཔལ་གྱི་ཞལ་སྔ་ནས་དང་བོད་ཀྱི་ལོ་ཙཱ་བ་རིན་ཅེན་གྲགས་ཀྱིས་བསྒྱུར་བ། གསལ་བྱེད་ཉི་མའི་འཁོར་ལོ་སྣོད་བཅུད་དབང་དུ་བྱ་བ་པཎྜི་ཏ་རྡོ་རྗེ་གདན་པས་མཛད་པ་རྒྱ་གར་གྱི་པཎྜི་ཏ་ཐ་བི་རའི་ཞལ་སྔ་ནས་དང་། བ་རི་ལོ་ཙཱ་བས་བསྒྱུར་བ། དཔལ་རྡོ་རྗེ་མཁའ་འགྲོ་མའི་སྒྲུབ་ཐབས་༼གློ༽དབང་སྡུད་ལས་ཀྱི་འཁོར་ལོའི་མན་ངག་བ་རི་པས་བསྒྱུར་བ་
ཁམས་གསུམ་དབང་དུ་བསྡུ་བའི་མན་ངག་བླ་མ་རྡོ་རྗེ་གདན་པས་མཛད་པ། འཕྲིན་ལས་བཞིའི་སྒྲུབ་ཐབས་ཀྱི་དོན་ཡང་དག་པར་བསྡུས་པ་རྒྱ་སྒོམ་ཚུལ་ཁྲིམས་གྲགས་ཀྱིས་མཛད་པ། སློབ་དཔོན་རིན་ཅེན་རྡོ་རྗེས་མཛད་པའི་སྒྲུབ་ཐབས་གསལ་བར་བྱེད་པའི་འགྲེལ་པ་༼གློ༽རིན་པོ་ཆེའི་མྱུ་གུ་རྗེ་བཙུན་ས་སྐྱ་པ་ཆེན་པོས་མཛད་པ། འགོར་ཞི་བ་ལ་ཁ་དོག་དཀར་པོ་ཞེས་པ་ཡོད་པའི་འཕྲིན་ལས་བཞིའི་དབྱེ་བའི་མན་ངག་ཞི་རྒྱས་དབང་དྲག་ཐམས་ཅད་དེ་དང་འདྲ་བ་གོ་བར་བྱའོའི་མཐའ་ཅན། འགོར་འདི་འཁོར་ལོ་རབ་ཏུ་གནས་པ་བྱེད་པར་འདོད་པས་ཞེས་ཡོད་པའི་ལས་བཞི་འཁོར་ལོའི་རབ་གནས་སོ་སོའི་སྐབས་དང་སྦྱར་བར་བྱའོའི་མཐའ་ཅན། བསྙེན་པ། འཁོར་ལོ། དངོས་གཞི། ཙཀྲ་སྒྲུབ་པ། རྗེས། སྤོགས་པ། གནད་ཀྱི་མན་ངག །དངོས་གྲུབ་དམ་ཚིག་སྟེ་སྤྱི་དོན་རྣམ་པ་དགུས་བསྟན་པའི་སྤྱིའི་མན་ངག་མདོར་བསྟན་ཞེས་བྱ་བ་དབང་གི་འཕྲིན་ལས་ཀྱི་ལག་ལེན་མངོན་རྟོགས་དམར་འཁྲིད་དུ་དགེ་སློང་ཤཱི་ལ་ཀཱིརྟིས་བཀོད་པ། རྒྱ་སྒོམ་ཚུལ་ཁྲིམས་གྲགས། འགོར་ཁྲོ་བོ་འདོད་པའི་རྒྱལ་པོ་ལ་ཕྱག་འཚལ་ལོ་ཨ་ཝ་ཤཾ་ཀུ་རུ་ཧོ་ཡོད་པའི་དབང་སྡུད་ཀག་ཆོལ་གྱི་སྒྲུབ་ཐབས་རྗེ་ས་པཎ་གྱིས་མཛད་པ་འཛམ་གླིང་གསེར་གྱིས་བཀང་བ་བས་ཀྱང་འདི་མི་དགའ་རི་ཤིའི་མཐའ་ཅན། བསྙེན་སྒྲུབ་ལས་གསུམ་གྱི་ཡི་གེ་བ་རི་ལོ་ཙཱ་པའི་གསེར་ཆོས་རྗེ་ས་སྐྱ་པའི་ཞལ་གདམས་ཐུན་མོང་མ་ཡིན་པ་འགོར་རྣལ་འབྱོར་པ་སྒྲུབ་པ་ལ་འཇུག་པའི་དུས་སུ་ཞེས་པའི་བཟླས་པའི་ཞལ་གདམས་བླ་མ་ས་སྐྱ་པའི་གསུང་མི་སྤེལ་གསང་བའི་རྒྱས་བཏབ་པའི་མཐའ་ཅན། འགོར་གསང་སྔགས་ཀྱི་རྩ་བར་དབྱངས་ཡིག་དང་ཞེས་པའི་དབང་གི་གཏོར་མའི་མན་ངག་༼གློ༽དཔལ་
ལྡན་ས་སྐྱ་པཎྜི་ཏའི་ཕྱག་བཞེས་སོའི་མཐའ་ཅན། དབང་གི་འཁོར་ལོའི་རབ་ཏུ་གནས་པའི་ཆོ་ག་སྔོན་འགྲོ་དངོས་གཞི་རྗེས་གསུམ་གྱིས་བསྟན་པ་བླ་མ་བ་རི་ལོ་ཙཱ་བའི་གདམས་པ། འགོར་ཐུན་བཞི་ལ་ཉེར་སྤྱོད་ཀྱི་མཆོད་པ་བྱེད་ན་ཡོད་པའི་མཆོད་པ་འབུལ་བའི་རིམ་པའོའི་མཐའ་ཅན། ས་པཎ་གྱིས་མཛད་པའི་བསྟོད་པར་རབ་དགའ་ཟླ་རྒྱས་མ། འགོར་སངས་རྒྱས་དོན་ཡོད་གྲུབ་པ་ལ་ཕྱག་འཚལ་ལོ་འཁོར་ལོ་དཔེ་ཆུང་ལྟར་བྲིས་ལ་ཞེས་པའི་ཏིང་ངེ་འཛིན་གྱི་རིམ་པ་དང་འཁོར་ལོའི་ནང་ཚན་བསྟན་པ་བླ་མ་བ་རི་བའི་གདམས་ངག་གནད་ཁྱད་པར་དུ་འཕགས་པ། སྒོམ་པའི་དུས་ཀྱི་ཏིང་ངེ་འཛིན་གྱི་ཞལ་གདམས་བླ་མ་ས་སྐྱ་པའི་གདམས་ངག་ཤིན་ཏུ་ཟབ་པ་གཞན་ལ་གསང་བར་ཞུའི་མཐའ་ཅན། སྔགས་བྱང་འབྱིན་འཇུག་དང་བཟླས་ཐབས་བླ་མའི་ཞལ་ལས་ཤེས་སོའི་མཐའ་ཅན། གནད་ཀྱི་སྒྲུབ་ཐབས་སྙིང་དང་འདྲ་བ། འགོར་ཨོཾ་ཤནྟིཾ་ཀ་ར་ཎི་བྷྲཱུཾ་ཡོད་པའི་སྔགས་དང་འཁོར་ལོའི་གནད་ལུང་འབོགས་པ་རཱ་ཛ་ལ་སོགས་པ་དབང་དུ་བྱ་བའི་ཡིག་ཆུང་གཞན་རྣམས་གོང་དང་མཐུན་ནོའི་མཐའ་ཅན། བྲི་གཞི་སོགས་ལྔ། མཎྜ་སོགས་ལྔ། སྣོད་སོགས་བརྒྱད་དེ་མན་ངག་གི་བསྡུས་དོན་ཉུང་ངུ་མཆན་བུ་དང་བཅས་པར། འགོར་བསྙེན་པ་འདོད་རྒྱལ་ལ་འབུམ་ཕྲག་ཉེར་བཞི་པ་བསྐྱལ་ལ་ཞེས་ཡོད་པའི་ཀ་ཁ་འཁོར་ལོ་བརྩེགས་རིན་ཅེན་འཕྲེང་བ་ཞེས་པ་ལ་མི་ཕྱེད་པ། དབང་དུ་གྱུར་བ། འོང་བ། བཅིངས་པ་བཞིན་འགྱུར་བ། འགུགས་པ། ནོར་རྒྱས་པ། གནོད་སྦྱིན་མོ་སྒྲུབ་པ། རིག་བྱེད་མས་འགུགས་པ། བུ་མོ་དབང་དུ་བྱེད་པ། གནོད་སྦྱིན་མོའི་ནོར་འགུགས་པ། ཐམས་ཅད་དབང་དུ་བྱེད་པ། བྲན་དུ་འགྱུར་བ། འབྲུ་འཕེལ་བ།
བང་མཛོད་མི་ཟད་པ། སྔར་མ་མཐོང་བའི་བུད་མེད་དང་། རྒྱལ་པོའི་བཙུན་མོ་འགུགས་པ། བལྟས་པ། བྱིན་པ། བརྒྱབ་པ། རེག་པས་དབང་དུ་འགྱུར་བ། མི་འབྲལ་བ། རྒྱལ་པོ་དབང་དུ་བྱ་བ། ཌཱ་ཀི་ཐམས་ཅད་འོང་བ་སོགས་ལས་ཕྲན་ཚེགས་བསྟན་པའི་སྐོར། དབང་གི་སྦྱིན་སྲེག་གི་ལག་ལེན་སྔ་མ་ཆེན་པོ་ས་སྐྱ་པའི་ཕྱག་བཞེས་སྐུ་གསུང་ཐུགས་ཀྱི་རབ་གནས་ཀྱི་ཞལ་གདམས་ཟིན་བྲིས། ཙཀྲའི་རབ་གནས་བྱ་ཐབས་བ་རི་ལོ་ཙཱ་བའི་གདམས་ངག །བསྙེན་སྒྲུབ་ལས་གསུམ་གྱི་ཡི་གེ་བསྡུས་པ་བར་གཅོད་མི་འབྱུང་ཞིང་ལས་མྱུར་བ་ཡིན་གསུང་བའི་མཐའ་ཅན། ཌཱ་ཀི་མའི་འགྲོ་བ་དབང་སྡུད་ཀྱི་གདམས་པ་ཞེས་པ་དབང་དྲག་གི་མན་ངག་ཞལ་གདམས་དང་བཅས་པ་གནང་ངོའི་མཐའ་ཅན། འགོར་ན་མོ་བུདྡྷ་ཨ་མོ་གྷ་སིདྡྷི་ཞེས་ཡོད་པའི་འཁོར་ལོས་བསྒྲུབ་བྱ་འགུགས་པ་སོགས་བ་རི་ལོ་ཙཱ་བའི་གདམས་པ་དཔལ་ལྡན་ས་སྐྱ་པའི་ཞལ་གདམས་བོད་དུ་ཐོན་པའི་མན་ངག་ལ་འདི་ལས་ཟབ་པ་མེད་དོའི་མཐའ་ཅན། འཁོར་ལོའི་ཡི་གེ་ལ་གཏོར་མ་འབུལ་བའི་ཞལ་གདམས་བླ་༼གློ༽མ་ས་སྐྱ་པ་ཆེན་པོའི་ཕྱག་བཞེས། གནོད་སྦྱིན་རིན་ཅེན་སྒྲུབ་པའི་ཨུ་པ་དེ་ཤ །འགོར་ཝ་ཤཾ་ཀུ་རུ་ཧོ་གྲོ་ག་མཛུབ་གང་པ་གཅིག་ལ་ཞེས་པའི་འཁོར་ལོའི་མན་ངག་གསུང་ཚད་མ་གྲུ་བཞིར་བྱའོའི་མཐའ་ཅན། འགོར་གྲོ་ག་མཛུབ་གང་ལ་ནང་དུ་སོར་བདུན་ཙམ་ཞེས་པའི་འཁོར་ལོའི་བྲི་ཐབས་སྦ་བའི་མན་ངག་བཟླ་ཚེ་སྦྲེལ་ནས་བཟླ་ཞེས་པའི་མཐའ་ཅན། དབང་གི་ཙཀྲའི་ཞལ་གདམས་ནམ་མཁའ་མཛོད་ཀྱིས་གདམས་པ་ཉུང་ལ་འདུས་པ་ཁྱད་དུ་འཕགས་སོའི་མཐའ་ཅན། བསྙེན་སྒྲུབ་ལས་གསུམ་གྱི་གནད་བོད་དུ་འགྱུར་བའི་གདམས་པ་ཟབ་པ་ནུས་པ་ཆུང་
དུ་མི་འགྲོ་བའི་གནད་ཡིན་ནོའི་མཐའ་ཅན། འགོར་ཡར་ཚེས་བརྒྱད་ལ་རྗེས་གནང་ཞུའོ་ཡོད་པའི་ཞལ་གདམས་ཟིན་བྲིས་ཇི་ལྟ་བ་བཞིན་དུ་འགྲུབ་བོ་རྫོགས་སོའི་མཐའ་ཅན། ཌཱ་ཀི་མའི་གདམས་པ་རྫུན་མི་སྨྲའོའི་མཐའ་ཅན། ཌཱ་ཀི་མའི་སྲོག་སྙིང་ཁོང་ནད་ཕྱུང་པ་བ་རི་ལོ་ཙཱ་བའི་གདམས་པ་ཆིག་བརྒྱུད། བླ་མ་བ་རི་པས་སག་ཐང་པ་དང་དོལ་པོ་བསོད་ནམས་འཕེལ་ལ་གནང་བའི་ཌཱ་ཀི་མ་སྒྲུབ་པའི་ལག་ལེན་ཞེས་པ་འཁོར་ལོ། བཟླས་སྒོམ་མཆོད་གཏོར་ལག་ལེན་གའུ་གཞུང་དང་མཐུན་ཞེས་པ་རྣམས་བསྟན་པ། རྟགས་ཀྱི་ཡི་གེ་༼གློ༽བ་རི་ལོ་ཙཱ་བ་བོད་དུ་འབྱོན་ཁར་བླ་མ་རྡོ་རྗེ་གདན་པས་གནང་བ། གཞན་དབང་དུ་བྱེད་པའི་གདམས་པ་རིན་པོ་ཆེའི་ཞལ་གདམས་མཐར་ཐུག །ཚེ་བསྲིང་བའི་ཐབས། དེའི་ཞལ་ཤེས་པདྨ་ཁ་སྦྱོར་གྱི་ཏིང་འཛིན། རྒྱས་པའི་གཏོར་མའི་ཕྱག་བཞེས་དཔལ་ལྡན་ས་སྐྱ་པཎྜི་ཏའི་ཁྱད་པར་གྱི་མན་ངག །དྲག་པོའི་འཕྲིན་ལས་བསྒྲུབ་པར་འདོད་པས་འགྲུབ་ནས་དབེན་པར་སྦའོའི་མཐའ་ཅན། བླ་མ་ལ་ཕྱག་དང་མཎྜལ་ཕུལ་ནས་ལུང་འབོགས་པའི་གདམས་པ། ཆུ་དང་ཕྱག་རྒྱའི་ཉིན་བསྲུང་མཚན་བསྲུང་གི་མན་ངག་དེའི་ཡི་གེ་མཆན་བུ་དང་བཅས་པ་བར་དུ་གཅོད་པ་རྣམས་སྲུང་ཤིག་གི་མཐའ་ཅན་རྣམས། མན་ངག་འདིའི་མཇུག་ཏུ་བདག་ཆེན་རྡོ་རྗེ་འཆང་ཆེན་པོས། གྲུབ་པའི་དབང་ཕྱུག་ས་སྐྱ་པའི་དབང་སྡུད་མན་ངག་ཁྱད་པར་ཅན། སྙན་བརྒྱུད་ཞལ་གདམས་མ་གཏོགས་པ། །ཐུན་མོང་ཆོས་སྐོར་ཚང་བར་བཞུགས། །སྣོད་ལྡན་སློབ་མ་འགའ་ཙམ་ལས། །གཞན་ལ་རྒྱ་ཆེར་སྤེལ་མི་བྱ། །རྡོ་རྗེ་ལྟ་བུར་རྟོགས་དཀའ་ཞིང་། །རྟོགས་ན་ཡིད་བཞིན་ནོར་
འདྲའི་ཆོས། །དེས་ན་འདི་ལྟའི་ཟབ་དོན་ལ། །མཁས་པས་གཅེས་སྤྲས་བྱ་བར་རིགས། །ཞེས་གསུངས་པ་ལྟར་ཤིན་ཏུ་ཟབ་ཅིང་དཀོན་པའི་ཆོས་འདི་སྙིང་གི་ཐིག་ལེར་འཆང་བའི་འོས་སོ། །གཉིས་པ་ཐུན་མོང་མ་ཡིན་པ་ལ། ཁམས་གསུམ་འགྲོ་བ་དབང་བྱད་ཀག་ཆོལ་གྱི་བླ་མ་བརྒྱུད་པའི་ལོ་རྒྱུས་༼གློ༽མཁས་པ་ཡོན་ཏན་ཁྲིས་མཛད་པ། དབང་སྡུད་ཀག་ཆོལ་མའི་ཨཱ་ལི་ཀཱ་ལིའི་སྔགས་རིང་འདྲི་བཟླས་ཀྱི་མན་༼གློ༽ངག་ས་སྐྱ་པཎྜི་ཏས་དག་ཅིང་གསལ་བར་མཛད་པ། ཀག་ཆོལ་ཆེན་མོའི་རྩ་བའི་ཐོ་ཡིག་བརྗེད་བྱང་ཙམ་དུ་ཤྲཱི་ཨཱ་ནནྡ་གརྦྷས་རྗེ་ས་ཆེན། མཛད་པ། དེས་མཛད་པའི་དེ་འགྲེལ་ཊཱི་ཀ་སྦས་པ་མིག་འབྱེད་གསེར་གྱི་ཐུར་མ། འཁོར་ལོའི་རབ་གནས་བྱ་བའི་མན་༼གློ༽ངག་ཞལ་གདམས་དང་བཅས་པ་ས་སྐྱ་པཎྜི་ཏས་རྒྱས་པར་བཀོད་པ། དེས་བཀོད་པའི་བདེ་བ་རྒྱས་བྱེད་མའི་སྐུ་༼གློ༽ལ་བརྟེན་པའི་དབང་གི་ནང་སྒྲུབ་ཟབ་མོ། གསང་སྒྲུབ་ཐ་ཆེན་གྱི་ཙཀྲའི་མན་༼གློ༽ངག་རྗེ་བཙུན་རིན་པོ་ཆེ་གྲགས་པས་མཛད་པ། དེས་མཛད་པའི་གནད་འབེབས་༼གློ༽ཉི་ཟླའི་འཁོར་ལོའི་གདམས་པ། མཁའ་འགྲོ་མའི་སྤོགས་ཆོག་གིས་གནད་ལ་དབབ་༼གློ༽པའི་མན་ངག་ས་སྐྱ་པཎྜི་ཏས་རྒྱས་པར་བཀོད་པ། དེས་མཛད་པའི་སྦྱིན་སྲེག་བྱ་བའི་མན་ངག་༼གློ༽བླ་མའི་ཞལ་ལས་བྱུང་བའི་བདུད་རྩིའི་ཆུ་རྒྱུན། ཡུལ་བདག་དབང་དུ་བསྡུ་བའི་ཞལ་གདམས་བ་རིའི་མན་ངག་རྗེ་ས་སྐྱ་པའི་གདམས་པ། འགོར་བཟླས་པའི་སྔགས་ཀྱི་མན་ངག་ནི་ཞེས་ཡོད་པའི་སྔགས་ཀྱི་འབྱིན་འཇུག་གི་ཡི་གེ་ལས་དེ་གཞན་དུ་འགྱུར་བའི་ཕྱིར་རོའི་མཐའ་ཅན། གསལ་བྱེད་ཉི་མའི་འཁོར་ལོའི་བསྡུས་དོན་རང་བསྲུང་ངོའི་མཐའ་ཅན། མ་འགྲུབ་སྤོགས་པའི་ཆོ་ག་མཉམ་པར་བཞད་
དོའི་མཐའ་ཅན། འཁོར་ལོ་བལྟ་བ་ཚིགས་ཀྱི་ཞལ་གདམས་སྨིན་མཚམས་སུ་རེག་པའོའི་མཐའ་ཅན། མ་འགྲུབ་གནད་འབེབས་ཀྱི་འཁོར་ལོ་གཅེས་པར་ཟུང་གི་མཐའ་ཅན། འགོར་ཁོ་བོའི་བླ་མ་འདི་སྐད་གསུང་ཞེས་པ་ཡོད་པའི་ཕོ་མོ་གནད་འབེབས་ཀྱི་འཁོར་ལོ། འགོར་ཕྱི་སྒྲུབ་འཁོར་ལོ་ཆེན་མོ་ཞེས་ཡོད་པའི་གནད་འབེབས་ཉི་ཟླའི་གདམས་པ། འགོར་བླ་མའི་ཞལ་གདམས་འདྲི་བར་བྱ་ཞེས་པ་ཡོད་པའི་ཕོ་མོ་གནད་འབེབས་ཀྱི་འཁོར་ལོའི་ཞལ་གདམས་ས་སྐྱ་པ་ཆེན་པོའི་ཞལ་གྱི་གདམས་པ་མ་བུ་འདི་རྣམས་བྲིས་པ་ལགས་ཀྱི་མཐའ་ཅན། འགོར་དངོས་གྲུབ་ཀྱི་མཁའ་འགྲོ་མ་ལ་ཕྱག་འཚལ་ལོ་ཞེས་ཡོད་པའི་མཐའ་ཅན་འཁོར་ལོའི་གསང་བའི་སྒྲུབ་ཐབས་ཐེ་ཚོམ་མེད་དོའི་མཐའ་ཅན། དེའི་ཞལ་གདམས་བླ་མ་ས་སྐྱ་པའི་གདམས་ངག་ནོར་བུ་རིན་པོ་ཆེ་ཕག་མོ་གྲུབ་པ་ལ་གནང་བ། ཐ་ཆེན་འཁོར་ལོའི་ཡི་གེ་དབང་བསྡུས་དམ་པ། འགོར་བླ་མ་བདེ་ཆེན་ལྷག་པའི་ལྷ་ཞེས་ཡོད་པའི་མཁའ་འགྲོ་མའི་རྗེས་སྒྲུབ་གཤེན་བདེ་བའི་རྡོ་རྗེས་བླ་མ་ས་སྐྱ་པ་ཆེན་པོར་ཞུས་པ་ཁྱད་པར་གནད་ཀྱི་གདམས་པའོའི་མཐའ་ཅན། དེའི་གསལ་བྱེད་འགོར་མཁའ་འགྲོ་བདེ་བ་རྒྱས་བྱེད་ཀྱི་སྐུ་ཞེས་ཡོད་པའི་ཞང་བཙུན་སག་ཐང་པའི་ཞལ་གདམས། འཕྲིན་ལས་མྱུར་དུ་སྒྲུབ་པ་དབང་གི་རླུང་འཁོར་ཟབ་མོ་དང་༼གློ༽རླུང་ལྷ་ལས་ལ་གཞུག་པ་སོགས་གབ་པའི་མན་ངག་ས་སྐྱ་པའི་ཞལ་གདམས། འགོར་དཔལ་འཁོར་ལོ་བདེ་མཆོག་དང་ཞེས་ཡོད་པའི་ཨའི་གདམས་པ་ཟུར་གཅིག་འདྲི་བ་ཨཱ་ལི་གནད་ཀྱི་གདམས་པ་རིན་ཅེན་ཡིད་བཞིན་ནོར་བུ་བླ་མའི་བཀའ་རྒྱ་ཅན། དེའི་
ཞལ་ཤེས་འགོར་སྤྱིར་ནི་ཁམས་གསུམ་སེམས་ཅན་ཐམས་ཅད་ལ་ཞེས་ཡོད་པ་དབང་གི་གདམས་པའི་མཐའ་ཅན། ཨཱ་ལིའི་སྦྱིན་སྲེག་གཤེན་གྱི་ལུགས། རྗེ་ས་ཆེན་དང་འགྲོ་མགོན་ཕག་མོ་གྲུབ་པ་གཉིས་ཀྱི་ཞུ་བ་༼གློ༽ཞུ་ལན་ཨཱ་ལི་ཀཱ་ལི་ལས་སྣ་ཚོགས་ལ་འཇུག་པ་ཞེས་པའི་གདམས་པ་ལེའུ་ཉི་ཤུ་རྩ་བརྒྱད་པ། འདོད་རྒྱལ་ཡབ་ཡུམ་སྦྲགས་ཏེ་སྒྲུབ་པའི་མན་ངག་ལག་ལེན་དུ་དྲིལ་བའི་ནག་པོ་འགྲོ་ཤེས་བཤེས་གཉེན་གྲ་བོ་རིན་ཅེན་ཕན་གྱི་དོན་དུ་སྔགས་འཆང་རྒྱལ་པོ་དཔལ་གྱིས་མཛད་པ། དེའི་ཞལ་ཤེས་དེ་ཉིད་ཀྱིས་མཛད་པའི་ས་སྐྱ་པའི་གདམས་པ་ཁྱད་པར་འཕགས་པ་འཛམ་གླིང་གསེར་གྱིས་བཀང་བ་ལས་ཆེས་ཆེར་དགའ་བ། ཐུན་མོང་མ་ཡིན་པའི་རྗེས་གནང་གི་ཟུར་འདེབས་འཇམ་དབྱངས་མགོན་པོས་མཛད་པ། དབང་སྡུད་ལས་ཀྱི་འཁོར་ལོའི་འགྲེལ་༼གློ༽པ་འགྲོ་བའི་སྲོག་སྙིང་འགུགས་པའི་ལྕགས་ཀྱུ་རྫོགས་བྱང་གི་མཐའ་ཅན། ཁྱད་པར་གྱི་སྒྲུབ་ཐབས་ནོར་བུ་གསལ་འབར་སྙིང་གི་ཐིག་ལེའི་དང་མ་དྲུང་ནམ་མཁའ་བཟང་པོས་བསྐུལ་ནས་རིན་པོ་ཆེ་བསོད་ནམས་རྒྱལ་བ་མཆོག་དབྱངས་ཀྱི་གསུང་ལས་སྐྱེད་པའི་རིག་པ་འཛིན་པ་རི་ཁྲོད་དབང་པོས་བསམ་གཏན་གླིང་དུ་མཛད་པ། མཁན་ངག་ཆོས་པའི་གསན་ཡིག་ན་བསམ་གཏན་གླིང་པ་དཔལ་ལྡན་བཟང་པོས་མཛད་ཅེས་སྣང་། འདི་གསེར་ཆོས་ཤིན་ཏུ་ཟབ་པའི་ཚིགས་བརྒྱུད་དུས་གཅིག་ལ་སློབ་མ་གཅིག་ལས་མི་སྟོན་པའི་བཀའ་རྒྱ་ཅན་ཡིན་ཏེ། བདག་ཆེན་རྡོ་རྗེ་འཆང་གི་གསུང་ལས། སྙིང་དང་འདྲ་བའི་གདམས་པ་འདི། །སྣོད་ལྡན་སློབ་མ་གཅིག་ལ་ནི། །བསྟན་པར་བྱ་ཡི་གཞན་དུ་མིན། །གསང་སྟེ་ཉམས་སུ་བླང་བར་རིགས། །
ཞེས་པ་ལྟར་ས་གཅད་གཉིས་པ་འདི་བཀའ་དོག་པར་མཛད་པའི་རྒྱུན་མ་ཉམས་པར་ཡིད་ཀྱི་དྲན་གསོར་བསྟེན་པར་རིགས་སོ། །གསུམ་པ་དཀར་ཆག་ཏུ་མ་བཞུགས་པ་ལ། དབང་བསྡུས་འདོད་པའི་རྒྱལ་པོའི་མན་ངག་ཐུན་མོང་མ་ཡིན་པའི་བརྒྱུད་འདེབས་པདྨ་རཱ་གའི་ཆུན་པོ་ཚར་པ་རྡོ་རྗེ་འཆང་གིས་མཛད་པ། འགོར་རྩ་བའི་འཁོར་ལོ་འདི་ལ་ཞེས་པའི་འཁོར་ལོའི་བྲི་ཡིག་ཟིན་བྲིས་གསང་བ་ནི་གཅིག་ལ་ཡིན་ནོའི་མཐའ་ཅན། འགོར་འདོད་པའི་རྒྱལ་པོའི་བསྙེན་པ་བྱ་བར་འདོད་པས་ཞེས་པའི་འདོད་རྒྱལ་གྱི་སྒྲུབ་ཐབས་ཐུན་མོང་མ་ཡིན་པ་གཏོར་མ་བྱ་ཁྱི་དང་མི་གཞན་ལ་མི་སྦྱིན་ནོའི་མཐའ་ཅན། བྱིན་རླབས་ཀྱི་ལུང་བླང་པའི་གསལ་བྱེད་ཚ་རོང་བ་རིན་ཅེན་རྣམ་རྒྱལ་གྱིས་མཛད་པ། འདོད་རྒྱལ་ཡབ་ཡུམ་གྱི་རྗེས་གནང་གཅེས་སྤྲས་སུ་མཛད་པ་༼ངག༽རྗེ་དབང་ཕྱུག་རབ་བརྟན་གྱི་གསུང་ལས་མཁན་ཆེན་ངག་དབང་ཆོས་གྲགས་ཀྱིས་ཟིན་ཐོར་བཏབ་པ། དེས་མཛད་པའི་གསང་སྔགས་སྒྲའི་རྗེས་གནང་བཀླགས་ཆོག་ཏུ་བཀོད་པ་༼ངག༽ཞར་བྱུང་ཐུན་མོང་གི་རྗེས་གནང་དང་བཅས་པ། ཉི་ཟླ་འཁོར་ལོའི་རིག་པ་བནྡེ་བསམ་གཏན་གླིང་པས་གཞན་ལ་ཕན་པའི་སེམས་ཀྱིས་མཛད་པ་རྣམས། ཐམས་ཅད་མཁྱེན་པ་མཁྱེན་བརྩེའི་གསན་ཡིག་ན་བསམ་གཏན་གླིང་པ་ཕྱི་མ་ཞེས་སྣང་བ་ནོར་བུ་གསལ་འབར་མཛད་མཁན་དང་གཅིག་གམ་སྙམ། དཔེ་རིས་སྐོར་ལ། སྒྲུབ་པའི་མཎྜལ་མི་འདྲ་བ་གསུམ། རབ་གནས་ཀྱི་མཎྜལ་འདྲ་མིན་གསུམ། གཏོར་མའི་མཎྜལ་ཞི་རྒྱས་དབང་དྲག་ཕྱི་སྒྲུབ་ཀྱི་འཁོར་ལོ་བཞི། དྲག་པོའི་འཁོར་ལོ་འདྲ་མིན་གཉིས། ཡང་ས་ཆེན་གྱི་བཞེད་པ་དང་མཐུན་
པ་གཅིག །ལས་བཞི་སྒྲུབ་པའི་འཁོར་ལོ་ཁ་སྦྱོར་བཞི། སྦས་པ་མིག་འབྱེད་ནས་གསུངས་པའི་རྒྱས་པའི་འཁོར་ལོ། ཕོ་མོ་གནད་ཀྱི་འཁོར་ལོ་བཞི་ཡོད་པའི་རྗེ་བཙུན་རིན་པོ་ཆེའི་གསུང་དང་མཐུན་པ་དང་པོ། ཕག་གྲུའི་བཞེད་པ་དང་མཐུན་པ་གཉིས་པ། དཔེ་རིས་རྙིང་པ་ཁོ་ན་ལ་ཐུགས་གཙིགས་སུ་མཛད་པ་གསུམ་པ། གསུམ་པའི་མུ་ཁྱུད་ཀྱི་སྔགས་དུམ་བུ་གསུམ་དུ་བྱས་པ་བཞི་པ། གནད་འབེབས་ཉི་ཟླའི་འཁོར་ལོ་རིགས་མི་གཅིག་པ་གསུམ། དྲིལ་སྒྲུབ་ལ་དགོས་པའི་ཐ་ཆེན་འཁོར་ལོ། གསང་སྒྲུབ་ཐ་ཆེན་འཁོར་ལོ། ནང་སྒྲུབ་ཡབ་རྐྱང་དང་ཡུམ་རྐྱང་གི་འཁོར་ལོ་རེ། རླུང་འཁོར་དང་བཅས་པའི་རྗེས་གནང་ལུང་མན་ངག་ཕྱག་ལེན་དམར་འཁྲིད་དུ་ཐོབ་པ་ལས་ཐུན་མོང་བའི་རྗེས་གནང་གི་བརྒྱུད་པ་ནི། དཔལ་མཆོག་རྡོ་རྗེ་ཆོས། ཡུམ་བདེ་བ་རྒྱས་བྱེད་མ། གྲུབ་ཆེན་ཛེ་ཏཱ་རི་དགྲ་ལས་རྣམ་རྒྱལ། གྲུབ་ཆེན་ལ་ལཱི་ཏ་བཛྲ། པཎྜི་ཏ་ཆེན་པོ་ཏ་ཐཱ་ག་ཏ་རཀྵི་ཏ། བླ་མ་རྡོ་རྗེ་གདན་པ་ཆེ་བ། རྡོ་རྗེ་གདན་པ་ཆུང་བ་སྠ་བི་ར། བ་རི་ལོ་ཆེན། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། རྗེ་ས་པཎ། འཕགས་པ་རིན་པོ་ཆེ། དོ་པ་སྟོན་ཚུལ། རྒྱལ་ཚ་ལུང་གི་དབང་ཕྱུག །མཁས་པ་ཡོན་ཏན་ཁྲི། དྲིན་ཅན་སེང་གེ་བཟང་པོ། མཁས་གྲུབ་ཆེན་པོ་ཡར་ཀླུངས་པ་སེང་གེ་རྒྱལ་མཚན། དབོན་བསོད་ནམས་རྒྱལ་བ་མཆོག་དབྱངས། ཡབ་འཇམ་དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེན་བརྩེའི་དབང་ཕྱུག །ཡབ་སྲས་གཉིས་ཀ་ལ་རྡོ་རྗེ་འཆང་དབང་རབ་ཀྱིས་གསན། དེ་ནས་ཁྱབ་བདག་མགོན་པོ་
བསོད་ནམས་མཆོག་ལྡན། རིགས་ཀུན་བདག་པོ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཡང་ན་རྡོ་རིང་རིན་པོ་ཆེ་ནས། རྗེ་སྒོ་རུམ་པ་ཀུན་དགའ་ལེགས་པ། ཚར་ཆེན་མན་འདྲ། ཡང་ན་ཚར་ཆེན་ཡབ་སྲས་གཉིས་ནས། མཁན་ཆེན་བསླབ་གསུམ་རྒྱལ་མཚན། རྗེ་དབང་རབ་མན་འདྲ། ཡང་ན་རྗེ་མཁྱེན་བརྩེ་ནས། དྲང་སྲོང་དཀའ་བཞི་པའི་སྲས་གཞོན་ནུ་སྟོབས་ལྡན། རྗེ་དབང་རབ་མན་འདྲ། ཐུན་མོང་མ་ཡིན་པའི་རྗེས་གནང་གི་བརྒྱུད་པ་ནི། རྗེ་མཁྱེན་བརྩེ་ནས། མཁས་གྲུབ་གཞོན་ནུ་སྟོབས་ལྡན་འོད་ཟེར། རྗེ་དབང་རབ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ངག་གི་རྟགས་ཅན་མ་གཏོགས་པའི་རྟགས་ཡོད་མེད་ལ་མ་བལྟོས་པའི་ལུང་ཕྱག་ལེན་དང་བཅས་པའི་བརྒྱུད་པ་ནི། འཇམ་དབྱངས་མཁྱེན་བརྩེ་ནས། མཁས་གྲུབ་བསོད་ནམས་ཆོས་འཕེལ། ཁྱབ་བདག་དབང་རབ་མན་ཟུར་ཆོས་དབྱིངས་རང་གྲོལ་བཞུགས་པ་ལྟར་རོ། །བ་རི་བས་སག་ཐང་པར་གནང་བའི་ཆོས་སྐོར་ནི། ཇོ་བཙུན་སག་ཐང་པ། རྡོ་རྗེ་གདན་པའི་གསན་ཡིག་ན་ལྕགས་ཐང་ཞེས་པ་སྣང་། རྗེ་སེ་ཆུང་པ། ས་ཆེན་མན་གོང་བཞིན་ནོ། །ངག་གི་རྟགས་ཡོད་པའི་ལུང་ནི། རིན་པོ་ཆེ་རྟ་ར་བ་དང་རྗེ་དབང་རབ་གཉིས་ནས། མཁན་ཆེན་ངག་དབང་ཆོས་གྲགས། འཁོན་ངག་དབང་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །ཡང་ཐུན་མོང་བའི་རྗེས་གནང་དང་གློའི་རྟགས་ཡོད་པའི་ལུང་ནི། ཀུན་སྤངས་རྗེ་ནས། རྗེ་ཀུན་དགའ་གྲོལ་མཆོག །
འཇམ་དབྱངས་མཁྱེན་བརྩེ་མན་འདྲ། ཡང་ན་འཕགས་པ་རིན་པོ་ཆེ་ནས། བླ་མ་གཞོན་ནུ་འབུམ། བག་སྟོན་གཞོན་ཚུལ། བླ་མ་ཚུལ་རྒྱལ། བླ་མ་ངག་དབང་པ། མཁན་ཆེན་བྱང་སེང་བ། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། བདག་ཆེན་བཞི་ཐོག་པ་ཀུན་དགའ་དབང་ཕྱུག །བདག་ཆེན་རྡོ་རྗེ་འཆང་མན་འདྲ། ཡང་ན་ས་པཎ་ནས། ཁང་སྟོན་བསོད་ནམས་འབུམ། བག་སྟོན་གཞོན་ཚུལ་མན་འདྲ། ཡང་ན་ས་པཎ་ནས། ཤར་པ་ཤེར་འབྱུང་། དེའི་གཅུང་རྡོ་རྗེ་འོད་ཟེར། འདུལ་འཛིན་བསོད་ནམས་ཡེ་ཤེས། བླ་མ་བསོད་ནམས་དར། བག་སྟོན་མན་འདྲ། ཡང་ན་ངོར་ཆེན་ནས། རྒྱལ་ཚབ་ཀུན་དབང་། གློ་བོ་མཁན་ཆེན། རྗེ་གྲོལ་མཆོག་མན་འདྲ། ཡང་ན་ངོར་ཆེན་ནས། བདག་ཆེན་ཆུ་མིག་པ་བློ་གྲོས་དབང་ཕྱུག །པཎ་ཆེན་ཤཱཀ་མཆོག །བྲག་དཀར་སེམས་དཔའ་ཆེན་པོ། མཁན་ཆེན་བཀྲས་རྣམ་པ། རྗེ་གྲོལ་མཆོག་མན་འདྲ། དཔལ་ལྡན་ས་སྐྱ་པའི་གསེར་ཆོས་ཛམ་དམར་སྲོག་སྒྲུབ་ཀྱི་སྐོར་ལ། ཡིག་རྙིང་རྣལ་འབྱོར་དབང་ཕྱུག་ཡར་ཀླུངས་པའི་མཆན་མ་དང་ཐམས་ཅད་མཁྱེན་པ་རྡོ་རྗེ་གདན་པའི་ལྷན་ཐབས་ལྟར་སིནྡྷུ་རའི་དཀྱིལ་འཁོར་དུ་གནོད་སྦྱིན་དམར་པོ་ཡབ་ཡུམ་གྱི་སྐུ་གསུང་ཐུགས་ཀྱི་རྗེས་གནང་བཟླས་པ་དམ་བཅའི་ལུང་དང་གཏོར་དབང་དོད་ཀྱི་ཆུ་སྦྱིན་བཅས་ནོད་ནས། ལུང་ལ་གསང་སྒྲུབ་ཐུན་མོང་མ་ཡིན་པའི་ཡི་གེ་ལ་ནང་གསེས་ཀྱི་རྟེན་བཅའ་བ། བསྙེན་སྒྲུབ། ལས་ལ་བསྐུལ་བ་དང་བཅས་པ་བླ་མ་ཆེན་པོས་མ་སྦས་པར་དབལ་ཁ་གདངས་སུ་ཡི་གེར་བཀོད་པ་ས་མཐའི་མཐའ་ཅན། ལུང་བླང་བའི་མན་ངག་བླ་མའི་གསུང་བཞིན་དཔལ་
ལྡན་ས་སྐྱར་སྦྱར་བ། འདི་ཡན་གྱི་མཆན་རྣམས་རྣལ་འབྱོར་དབང་ཕྱུག་ཡར་ཀླུངས་པས་མཛད་ལ། དམ་བཅའི་མཆན་བུ་རྡོ་རྗེ་གདན་པས་མཛད་དོ། །ཀུན་མཁྱེན་རྡོ་རྗེ་གདན་པས་མཛད་པའི་སྐུ་གསུང་ཐུགས་ཀྱི་རྗེས་གནང་གི་གསལ་བྱེད། གྲ་པ་དང་གསེར་ཆོས་ཀྱི་ཛམ་དམར་གཉིས་ཀྱི་རྗེས་གནང་ལྷན་ཅིག་པའི་ཕྱག་ལེན་གཞན་རྣམས་དཀྱུས་ཀྱི་ཡི་གེ་བཞིན་ནོའི་མཐའ་ཅན་དང་བཅས་པ་ལེགས་པར་ཐོབ་པའི་རྗེས་གནང་གི་བརྒྱུད་པ་ནི། ཡེ་ཤེས་ཀྱི་མཁའ་འགྲོ་མ། རྣལ་འབྱོར་དབང་ཕྱུག་བིཪྺ་པ། སློབ་དཔོན་ཤར་ཕྱོགས་ནག་པོ་པ། ཌཱ་མ་རུ་པ། ཨ་ཝ་དྷཱུ་ཏི་པ། གྷ་ཡ་དྷ་ར། བླ་ཆེན་འབྲོག་མི། བླ་མ་མངའ་རིས་བ་གསལ་བའི་སྙིང་པོ། འཁོན་སྒྱེ་ཆུ་བ། རྗེ་བཙུན་བརྩེ་ཆེན། སློབ་དཔོན་རྩེ་མོ། རྗེ་བཙུན་གྲགས་པ། བླ་མ་ཡར་སྒོམ་སེ་བོ། དོ་པ་སྟོན་ཚུལ། རྒྱལ་ཚ་ལུང་གི་དབང་ཕྱུག །མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་བསོད་ནམས་རྒྱལ་མཆོག །མཁན་ཆེན་ནམ་མཁའ་ལྷུན་བཟང་། བྲག་ཐོག་པ་དཔལ་འཛིན་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། རྗེ་བློ་གྲོས་རྣམ་རྒྱལ། རྗེ་ཕྱོགས་ལས་རྣམ་རྒྱལ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །ཡབ་སྲས་གཉིས་ཀ་ལ་རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་མཁན་ཆེན། དེས་བདག་ཟ་ཧོར་བནྡེ་ལའོ། །ཡང་ན་ཚར་ཆེན་ནས། རྗེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། གུར་རྫོང་པ་ཆོས་འབྱོར་དཔལ་བཟང་། སྔགས་འཆང་གཞོན་ནུ་དོན་གྲུབ། ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ལའོ། །ལུང་གི་བརྒྱུད་པ་ནི། འཇམ་དབྱངས་མཁྱེན་
བརྩེ་ནས། འཕགས་མཆོག་བྱམས་པ་སྐལ་བཟང་། རྡོ་རྗེ་འཆང་དབང་རབ་མན་འདྲ།
དཔལ་ས་སྐྱ་པའི་གསེར་ཆོས་འཇམ་དཔལ་ནག་པོའི་སྐོར་གྱི་ལུང་བརྒྱུད།
དཔལ་ལྡན་ས་སྐྱ་པའི་གསེར་ཆོས་འཇམ་དཔལ་ནག་པོའི་སྐོར་ལ། ཚོམ་བུ་ལ་བརྟེན་པའི་སྐུ་གསུང་ཐུགས་ཀྱི་བྱིན་རླབས་བཟླས་ལུང་དང་བཅས་པ་ལེགས་པར་ནོད་ནས། ལུང་ལ་འཇམ་དཔལ་ནག་པོའི་གནད་བཅུ་གཅིག་དང་ལྡན་པའི་གདམས་པ་ཉམས་སུ་ལེན་ཚུལ་ཞར་བྱུང་ཤིན་ཏུ་རྩུབ་ཅིང་རྣམ་རྟོག་ཆེས་ཟ་བའི་ཚེ་བྱ་ཚུལ་ཕན་ཡོན་དང་བཅས་པ་ཉམས་སུ་མྱོང་བས་ཀྱང་གྲུབ་བོའི་མཐའ་ཅན། འགོར་བླ་མ་དང་འཇམ་དཔལ་དབྱངས་ལ་ཕྱག་འཚལ་ལོ་འཇམ་དཔལ་ནག་པོ་བསྒོམ་པར་འདོད་པས་ཞེས་ཡོད་པའི་རྗེས་གནང་གི་ཡི་གེ་རྗེས་བསྔོ་བ་སོགས་བྱའོའི་མཐའ་ཅན། གུ་གེ་པཎ་ཆེན་གྱིས་བདག་ཆེན་མ་དཀོན་ཅོག་རྒྱལ་མོའི་དོན་དུ་མཛད་པའི་སྒྲུབ་ཐབས་དང་བཅས་པ་ཐོབ་པའི་རྒྱུ་འགུལ་བས་མཛད་པ་མ་གཏོགས་པའི་བརྒྱུད་པ་ནི། སངས་རྒྱས། བཛྲ་པཱ་ཎི། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ། རྗེ་བཙུན་བརྩེ་ཆེན། སློབ་དཔོན་རྩེ་མོ། རྗེ་བཙུན་གྲགས་པ། རྗེ་ས་པཎ། འཕགས་པ་རིན་པོ་ཆེ། ཞང་དཀོན་ཅོག་དཔལ། བྲག་ཕུག་པ། བླ་མ་ཡེ་ཤེས་དཔལ། བློ་བཟང་དཀར་མོ། དཀོན་ཅོག་ཐུགས་རྗེ། གླིང་སྨད་པཎྜི་ཏ་ཤེས་རབ་དཔལ་ལྡན། ཀུན་མཁྱེན་རྡོ་རྗེ་གདན་པ། སློབ་དཔོན་རིན་ཅེན་ཆོས་མཆོག །མདོ་ཁམས་པ་ཡོན་ཏན་རྒྱ་མཚོ། འབྲས་སྤུངས་པ་ཚེ་དབང་བཀྲ་ཤིས། མཚུངས་མེད་རྣམ་རྒྱལ་བཀྲ་ཤིས། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་ཁྱབ་བདག་
དབང་རབ་ནས། རྡོ་རྗེ་འཆང་རིན་ཅེན་བསོད་ནམས་མཆོག་གྲུབ། དེས་བདག་ལའོ། །རྒྱུ་འགུལ་པཎ་ཆེན་གྱིས་མཛད་པའི་བརྒྱུད་པ་ནི། ས་པཎ་ནས། ཞང་མདོ་སྡེ་དཔལ། འཇམ་སྐྱ་ནམ་མཁའ་དཔལ་ལྡན། བླ་མ་མཉམ་མེད་པ། བླ་མ་ཤཱཀྱ་པ། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་བཟང་པོ། རྒྱུ་འགུལ་པཎ་ཆེན། གུ་གེ་པཎ་ཆེན་གྲགས་པ་རྒྱལ་མཚན་གྱི་མཚན་གྱི་རྣམ་གྲངས་ཡིན། གློ་བོ་མཁན་ཆེན་བསོད་ནམས་ལྷུན་གྲུབ། ས་ལོ་འཇམ་པའི་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། དེ་དབོན་དཀོན་ཅོག་དཔལ་ལྡན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །སྒོམ་ལུང་གི་བརྒྱུད་པ་ནི། གློ་བོ་མཁན་ཆེན་ནས། བདག་ཆེན་ངག་གི་དབང་ཕྱུག་འཇམ་དབྱངས་མཁྱེན་བརྩེའི་དབང་ཕྱུག །རིན་པོ་ཆེ་བསོད་ནམས་ཆོས་འཕེལ། རྗེ་དབང་རབ་མན་འདྲ། ཡང་ན་འཕགས་པ་རིན་པོ་ཆེ་ནས། སྤང་ཁང་པ་གྲགས་པ་སེང་གེ །བླ་མ་མང་མཁར་བ། བླ་མ་བྱང་སེང་བ། རྗེ་ཀུན་དགའ་བཀྲ་ཤིས། འཇམ་དབྱངས་རིན་ཅེན་རྒྱལ་མཚན། གནས་རྙིང་ཆོས་རྗེ་ཀུན་དགའ་བདེ་ལེགས། སེ་ར་རྗེ་བཙུན་ཆོས་ཀྱི་རྒྱལ་མཚན། ཕ་བོང་ཁ་པ་བདེ་ལེགས་ཉི་མ། བྲག་དགོན་སྤྱན་སྔ་གཞོན་ནུ་ཆོས་དཔལ་བཟང་པོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ། དེས་བདག་ལའོ། །དཔལ་ལྡན་ས་སྐྱའི་ལྕགས་རི་མི་བདའ་བའི་གསེར་ཆོས་བཅུ་གསུམ་གྱི་ནང་ཚན་འཆི་མེད་རྡོ་རྗེའི་ལྷ་མོ་ཞེས་དཔལ་འཁོར་ལོ་སྡོམ་པའི་བཤད་རྒྱུད་ཨ་བྷི་དྷ་ན་ལས་གསུང་པའི་རྡོ་རྗེ་ཆེའི་ལྷ་མོའི་རྗེས་སུ་གནང་
བ་རྒྱུ་འགུལ་པཎ་ཆེན་གྲགས་པ་རྒྱལ་མཚན་གྱི་ཡི་གེ་ལ་བརྟེན་ནས་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། གྲུབ་ཆེན་ལཱུ་ཧི་པ། གྲུབ་ཆེན་དྷ་རི་ཀ་པ། ཨནྟཪྤ། ཏིལློ་པ། ནཱ་རོ་པཱ་ད། ཕམ་ཐིང་པ་སྐུ་མཆེད་གཉིས། ཀློག་སྐྱ་ཤེས་རབ་བརྩེགས། མལ་ལོ་བློ་གྲོས་གྲགས། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་པཎྜི་ཏ། ཞང་མདོ་སྡེ་དཔལ། འཇམ་སྐྱ་ནམ་མཁའ་དཔལ་ལྡན། བླ་མ་དཔལ་ལྡན་སེང་གེ །བླ་མ་དམ་པ་བསོད་ནམས་རྒྱལ་མཚན། བླ་མ་བྱང་ཆུབ་སེང་གེ །ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མུས་ཆེན་སེམས་དཔའ་ཆེན་པོ། དེ་དབོན་སངས་རྒྱས་རིན་ཅེན། དེ་དབོན་དཀོན་ཅོག་རྒྱ་མཚོ། བླ་མ་དགེ་འདུན་དབང་ཕྱུག །མུས་ཆེན་སངས་རྒྱས་རབ་བརྟན། བདག་ཆེན་ཀུན་དགའ་བསོད་ནམས་གྲགས་པ། མཁན་ཆེན་ངག་དབང་རྣམ་རྒྱལ། འཇམ་དཔལ་རྡོ་རྗེ་ས་སྐྱ་པ་ངག་དབང་བསོད་ནམས་དབང་ཕྱུག །ཁྱབ་བདག་མཁན་ཆེན་ཞ་ལུ་བ། དེས་བདག་ལ་བཀའ་དྲིན་དུ་སྩལ་ཏོ། །དཔལ་ལྡན་ས་སྐྱ་པའི་གསེར་ཆོས་མཁའ་འགྲོ་མ་སེང་གེའི་གདོང་པ་ཅན་གྱི་སྐོར་ལ། པདྨ་རཀྟའམ་སིནྡྷུ་རའི་དཀྱིལ་འཁོར་ལ་བརྟེན་ནས་སེང་གདོང་ནག་མོའི་སྐུ་གསུང་ཐུགས་ཀྱི་རྗེས་གནང་ཁྱད་པར་ཅན་ནོས་ནས། ལུང་ལ་ངོར་ནས་བརྒྱུད་པ་དང་གོང་དཀར་བ་ནས་བརྒྱུད་པ་སྟེ་གཉིས། དང་པོ་ལ། འགོར་རྒྱ་གར་སྐད་དུ་ཙཀྲ་སཾ་བྷ་ར་མ་ཧཱ་ཡ་ན་སཱུ་ཏྲ་ཞེས་ཡོད་པའི་བ་རི་བས་གཏེར་བཏོན་ནས་མུ་སྟེགས་སྐལ་ལྡན་རྒྱལ་པོ་བཏུལ་བའི་ལོ་རྒྱུས། མུ་སྟེགས་གསད་པས་ལོ་བཅུ་གཉིས་ཀྱི་བར་རྡོ་རྗེ་གདན་པས་ལོ་ཙཱ་བ་མཇལ་ཁར་མ་བཏང་ཟེར་བ་འདུག །
བོད་དུ་བྱོན་ནས་ས་ཆེན་ཀུན་སྙིང་ལ་གནང་ངོའི་མཐའ་ཅན། འགོར་སྒྲུབ་ཐབས་ནི་སྐྱབས་འགྲོ་སེམས་བསྐྱེད་སྤྱི་དང་འདྲ་ཞེས་ཡོད་པའི་མངོན་རྟོགས་གཉིས་སུ་མེད་པར་གྱུར་ནས་སྔགས་བཟླ་བའི་མཐའ་ཅན། ཟློག་པའི་དམིགས་པ་དང་དུས་གནད། གསོད་པའི་དམིགས་གནད། ཞར་བྱུང་སྐུ་སྨད་ཕུར་བས་འགེགས་བསྒྲལ་ཞིང་ངག་གནོན་ཐབས། མཚན་བཅས་མཚན་མེད་ཀྱི་བསྲུང་བ་མོའི་གཡས་ལ་བཏགས་སོ་དེ་ནི་བསྲུང་བ་བོའི་མཐའ་ཅན། སེང་གདོང་དཀར་མོའི་ཚེ་སྒྲུབ་ཚེ་ཉི་ཟླ་དང་མཉམ་མོའི་མཐའ་ཅན། ནོར་སྒྲུབ་འབུམ་ཚོ་གཅིག་བཟླས་ནས་འགྲུབ་བོའི་མཐའ་ཅན། སེང་གདོང་དམར་མོའི་དབང་སྡུད་གསེར་སྲང་དོའི་བཀའ་རྒྱ་ཡོད་དོའི་མཐའ་ཅན། སྲེའུ་གསོ་བ་གསེར་འབུལ་དགོས་སོའི་མཐའ་ཅན། ཆར་འབེབས་མཐའ་མ་ལྔ་ལ་མི་འབབ་མི་སྲིད་དོའི་མཐའ་ཅན། མཚན་མེད་ཀྱི་ཆར་གཅོད་རི་མགོ་ཐམས་ཅད་མེ་རིས་ཁེངས་པར་བསྒོམ་ཆར་གཅོད་པའི་མན་ངག་གོའི་མཐའ་ཅན། བྱེ་མ་ལ་བརྟེན་པའི་འབུ་བསྲུང་། ཆུ་ལ་བརྟེན་པའི་སད་བསྲུང་བ། མཚན་མེད་ཀྱི་སེར་བསྲུང་རྣམ་གཞག་གཞན་ལས་ཤེས་སོའི་མཐའ་ཅན། མཚན་བཅས་མཚན་མེད་ཀྱི་ཐོག་ཐུབ་ངས་སོའི་མཐའ་ཅན། ཁར་གོང་ལ་བརྟེན་ནས་ལུས་གནད་གཅོད་པ། བལ་སྐུད་ལ་བརྟེན་ནས་གཡག་ནད་གཅོད་པ། ཆུ་ལ་བརྟེན་ནས་ལྷོག་པ་བསྲུང་བ། རྫས་གཉིས་ཀྱིས་དུད་པས་རིམས་བསྲུང་བ། སྲན་མས་འབྲུམ་བུ་བསྲུང་བ། ཁྱི་བལ་གྱིས་འཁྲུ་བ་གཅོད་པ། མེ་རྩས་མགོ་ཡོར་བསྲུང་བ། འདོགས་པའི་མཚོན་བསྲུང་མན་ངག་ཞལ་ལས་ཤེས་སོའི་མཐའ་ཅན། གུ་གུལ་གྱིས་བཟའ་ནད་འཆོས་ཐབས།
དམིགས་པས་ཇག་པ་འཆིང་པ་སྟེ་ལས་ཚོགས་ཉི་ཤུ་རྩ་གསུམ་མཁའ་འགྲོའི་གདམས་པ་རྒྱ་མཚོའི་ནང་ནས་ཟབ་མོ་ཆུ་ཐིགས་ཙམ་ཞིག་བཀོད་པ། འགོར་སྐྱབས་འགྲོ་སེམས་བསྐྱེད་བྱས་ལ་ཞེས་ཡོད་པའི་ཁྱད་པར་གྱི་ཟློག་པ་བསམས་པའི་དོན་རྣམས་འདི་ཡིས། འགྲུབ་བོའི་མཐའ་ཅན། མཁའ་འགྲོ་མ་ཤིན་ཏུ་དྲག་མོར་བྱེད་པའི་མངོན་རྟོགས་ཡི་གེ་བཅུ་བཞི་པ་ཤམ་བུ་ཅན། རྟགས། གཏོར་འབུལ། མཐེབ་མཛུབ་ཀྱི་དམིགས་པ། ཁ་ཕྱོགས། མཐེབ་སྐྱུ་ལ་བརྟེན་ནས་ཇག་པ་ཆོམ་རྐུན་བསྲུང་བ་དང་བཅས་པ་བླ་མ་ས་སྐྱ་པ་ནས་བརྒྱུད་པའི་མན་ངག་འི་མཐའ་ཅན། མངོན་རྟོགས་རྗེ་རྣམ་རྒྱལ་དཔལ་བཟང་གིས་ཆོས་ལུང་བླ་མའི་གདན་སར་སྦྱར་བ་རྣམས། གཉིས་པ་གོང་དཀར་བ་ནས་བརྒྱུད་པ་ལ། འགོར་མཁའ་འགྲོ་མ་སེང་གེའི་གདོང་ཅན་ལ་ཕྱག་འཚལ་ལོ་འདིའི་རྗེས་གནང་བྱེད་པར་འདོད་པས་ཞེས་ཡོད་པའི་ཡི་གེ་མི་དག་ལས་མང་བ་ལ་སྦྱིན་པ་མེད་དོ་ཞེས་དམ་བཅས་ནས་བླ་མ་རྡོ་རྗེ་གདན་པས་བ་རི་ལོ་ཙཱ་བར་གདམས་པའི་མཐའ་ཅན། འགོར་བླ་མ་ཡི་དམ་མཁའ་འགྲོའི་ཚོགས་ལ་ཕྱག་འཚལ་ལོ། །གདམས་པ་འདིའི་ལོ་རྒྱུས་བླ་མ་པ་རི་ལོ་ཙཱ་བ་དང་མུ་སྟེགས་སྐལ་ལྡན་རྒྱལ་པོ་ཞེས་ཡོད་པའི་ལོ་རྒྱུས་དང་སྡིག་སྦྱོངས་སུ་གསེར་གྱི་གསུང་རབ་བྲིས་གསུངས་པའི་མཐའ་ཅན། མཚན་བཅས་ཀྱི་བསྲུང་བས་བྱད་ཁ་མཁན་པོ་ཁོ་རང་ལ་ཟློག་པ། ཐལ་རྡབ་ཀྱིས་དགྲ་འཆི་བ། ཏིང་ངེ་འཛིན་གྱིས་ངག་གནོན་པ། སྔགས་ཀྱིས་ཕྱོགས་ངན་བདུད་གཅོད་བསྲུང་པ། བཟླས་པའི་མཆིལ་མས་མཚོན་བསྲུང་བ། རྐང་འོག་གི་སས་གཡུལ་གྱི་རང་ཕྱོགས་ཀུན་བསྲུང་བ། སྔགས་ཀྱིས་ཇག་པ་འཆིང་བ། མཁའ་འགྲོ་མ་
དམར་མོའི་ནོར་དང་ཚེ་སྒྲུབ་ཅིང་བསོད་ནམས་སྤེལ་བ། རྨི་ལམ་ངན་པ་ཟློག་པར་ཁ་གཏོད་པའི་གནད། དྲི་ཆུས་རིམས་ནད་བསྲུང་བ། བསྙེན་ཚད་དང་ཤམ་བུའི་ཞལ་ཤེས། སེང་གདོང་དམར་མོ་ལ་བརྟེན་པའི་ཁྱད་པར་གྱི་ཟློག་པ་བསམ་པའི་དོན་རྣམས་ཐམས་ཅད་འགྲུབ་པའི་མཐའ་ཅན། ཕྱིར་ཟློག་མན་ངག་ཚིགས་བཅད་མ་ཞལ་གདམས་བླ་མའི་མན་ངག་ལས་བྱུང་ངོའི་མཐའ་ཅན། རྡོ་རྗེ་ཕག་མོ་ཞལ་གསུམ་ཕྱག་དྲུག་པའི་མངོན་རྟོགས་དང་བཟླས་པས་ཐུན་མོང་གི་དངོས་གྲུབ་མི་རྟོགས་པ། སྒྲིབ་པ་སྲེག་པ། དྲོད་བསྐྱེད་པ། གཞན་གྱི་བགེགས་ཟློག་པ་བཅས་བསྟན་པ་མཁའ་འགྲོ་མ་བདག་གིས་དབང་དུ་སྡུད་དོའི་མཐའ་ཅན། གཏོར་མ་གཏོང་བ་དང་བསྐུལ་མ་མོ་མཁའ་འགྲོ་མ་ཞར་བྱུང་མེ་མཆོད་དང་བཅས་པ་བཛྲ་ཌཱ་ཀི་ནི་ཡེ་འགྲུབ་བོའི་མཐའ་ཅན། འགོར་ན་མོ་གུ་རུ་བླ་མ་རྡོ་རྗེ་གདན་པ་ཞེས་ཡོད་པའི་ཁ་ཕྱོགས། འདུག་སྟངས། མངོན་རྟོགས། མཐེབ་མཛུབ་ཀྱི་དམིགས་པ། མ་གཅིག་ཡེ་ཤེས་མའི་བསྟོད་པ་དང་བཅས་པ་རྣམས་རྫོགས་པར་ཐོབ་པ་ལས་རྗེས་གནང་གི་བརྒྱུད་པ་ནི། ཡེ་ཤེས་ཀྱི་མཁའ་འགྲོ་མ། གྲུབ་ཆེན་ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་ས་སྐྱ་པ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་པཎྜི་ཏ། འཕགས་པ་རིན་པོ་ཆེ། ཞང་དཀོན་ཅོག་དཔལ། གྲུབ་ཆེན་བྲག་ཕུག་པ། ཆོས་རྗེ་བླ་མ་དམ་པ། རྗེ་ཀུན་དགའ་བཀྲ་ཤིས། རྗེ་ངང་ཚུལ་བཟང་པོ། འཁྲུལ་ཞིག་ཚུལ་ཁྲིམས་རྒྱལ་མཚན། རོང་པོ་བློ་བཟང་པ། འདི་སྐྱིད་ཤོད་དཔལ་ལྡན་འབྲས་སྤུངས་ཀྱི་མཁན་ཐོག་ཏུ་ཕེབས་ཤིང་གསང་
སྔགས་ཀྱི་བདག་པོ་ཡིན་ཀྱང་མཚན་ཉིད་ཀྱི་ཌཱི་ཀྐ་མ་བྱུང་ཞེས་མ་གུས་པ་བྱུང་སྐད། སྐུ་ཞང་མཁྱེན་རབ་ཆོས་རྗེ། མཁན་ཆེན་དཀོན་ཅོག་ཚུལ་ཁྲིམས་རྗེ་བཙུན་སྒོ་རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་འཕགས་པ་ནས། དགའ་ལྡན་པ་བཀྲ་ཤིས་དཔལ། དགའ་ལྡན་པ་ཀུན་བསོད། ཆོས་རྗེ་བླ་མ་དམ་པ། རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །གློ་བོ་མཁན་པོ་བསོད་ནམས་ལྷུན་གྲུབ། བདག་ཆེན་ངག་གི་དབང་ཕྱུག །ཀུན་མཁྱེན་མཁྱེན་བརྩེ་མན་འདྲ། ཡང་ན་འཕགས་པ་རིན་པོ་ཆེ་ནས། ཁྲོ་ཕུ་པ་བསོད་ནམས་སེང་གེ །ཡང་རྩེ་བ་རིན་ཅེན་སེང་གེ །ཐམས་ཅད་མཁྱེན་པ་བུ་སྟོན་རིན་པོ་ཆེ། ཁྱུང་ལྷས་པ་གཞོན་ནུ་བསོད་ནམས། མཁན་ཆེན་བཀྲ་ཤིས་རིན་ཅེན། སྐལ་ལྡན་གྲགས་པ། འཁྲུལ་ཞིག་ཚུལ་ཁྲིམས་རྒྱལ་མཚན། རྗེ་རིན་ཅེན་མཆོག་གྲུབ་དཔལ་འབར། ཆག་ལ་རིན་ཅེན་ཆོས་རྒྱལ། སྔགས་འཆང་དོན་ཡོད་དཔལ། རྗེ་བཤེས་གཉེན་བཀྲ་ཤིས། དགེ་སློང་ངག་དབང་རྣམ་རྒྱལ། འཇམ་དབྱངས་མཁྱེན་བརྩེ་མན་འདྲ། ཡང་ན་ཁྱབ་བདག་མགོན་པོ་བསོད་ནམས་ནས། རབ་འབྱམས་པ་རིན་ཅེན་རྒྱ་མཚོ། ཁྱབ་བདག་ཁྲ་ཚང་པ། དེས་བདག་ལའོ། །ཡང་ན་བླ་མ་དམ་པ་བསོད་ནམས་རྒྱལ་མཚན་ནས། ས་བཟང་མ་ཏི་པཎ་ཆེན། ཐེག་ཆེན་ཆོས་ཀྱི་རྒྱལ་པོ། གོ་ཤྲཱི་ནམ་མཁའ་བཟང་པོ། བདག་ཆེན་རྒྱ་དཀར་ཤེས་རབ་རྒྱལ་མཚན། པཎ་ཆེན་
འབུམ་ཕྲག་གསུམ་པ། སྔགས་འཆང་ཡོན་ཏན་རྒྱ་མཚོ། གོང་དཀར་ཟུར་འཆད་པ་ཨོ་རྒྱན་རྒྱལ་པོ། མཁན་ཆེན་བསོད་ནམས་རྒྱལ་པོ། ཉི་མ་གླིང་པ་ཚུལ་ཁྲིམས་བཀྲ་ཤིས། དེ་གཉིས་ལ་རབ་འབྱམས་ཆོས་རྗེ་རིན་ཅེན་རྒྱ་མཚོ་དེ་ནས་ཁྱབ་བདག་བློ་མཆོག་རྡོ་རྗེ། དེས་བདག་ལའོ། །
ངོར་ནས་བརྒྱུད་པའི་ལུང་བརྒྱུད།
ངོར་ནས་བརྒྱུད་པའི་ལུང་ནི། དགའ་ལྡན་པ་ཀུན་བསོད་ནས་བླ་མ་དམ་པར་བརྒྱུད་པའི་གློ་བོ་མཁན་ཆེན་ནས། ས་ལོ་འཇམ་དཔལ་རྡོ་རྗེ། ངོར་ཆེན་དཀོན་ཅོག་ལྷུན་གྲུབ། འཇམ་དབྱངས་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས། དེ་སྲས་འཇམ་དབྱངས་བསོད་ནམས་དབང་ཕྱུག །ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་ངོར་ཆེན་ནས། མཁྱེན་རབ་རྗེ། ཞ་ལུ་ལོ་ཆེན་ཆོས་སྐྱོང་བཟང་པོ། ས་ལོ་མན་གཅིག །གོང་དཀར་བ་ནས་བརྒྱུད་པའི་ལུང་ནི། བྲག་ཕུག་པ་ནས་བླ་མ་དམ་པར་བརྒྱུད་དེ་གོང་དཀར་ཟུར་འཆད་པ་རྣམས་ལས་འོངས་པ་བཤད་མ་ཐག་པ་དེའོ། །དཔལ་ལྡན་ས་སྐྱ་པའི་ལྕགས་རི་མི་འདའ་བའི་གསེར་ཆོས་བཅུ་གསུམ་གྱི་སྟེང་དུ་གཅིག་བསྣན་པའི་ཀླུ་པའི་གསེར་ཆོས་བཅུ་བཞིར་གསེར་ཆོས་བཅུ་བཞིའི་གྲས་ལ་རྡོ་རིང་རིན་པོ་ཆེའི་གསན་ཡིག་ན་བིཪྺ་པ་བདུད་རྩི་འདུལ་བའི་མན་ངག་རྩེས་དང་བསམ་གཏན་གླིང་པའི་ཆོས་རྗེ་ཞལ་བུ་དབོན་པོ་ལ་གསན་ཚུལ་འདུག་ཀྱང་དེང་སང་རྒྱུན་མེད་པ་འདྲའོ། །གྲགས་པའི་ཡ་གྱལ་འཕགས་པ་འཇིག་རྟེན་དབང་ཕྱུག་སེང་གེ་སྒྲའི་ངག་བསྲུང་འགྲོལ་གྱི་མན་ངག་ཤིན་ཏུ་ཟབ་པའི་མཐར་ཐུག་མྱོང་བས་ཐོན་པའི་ལུང་མན་ངག་ནོས་པའི་བརྒྱུད་པ་ནི། འཕགས་པ་སེང་གེའི་སྒྲ། སློབ་དཔོན་ཛེ་
ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ། རྗེ་ས་སྐྱ་པ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་ཆེན་པོ་གྲགས་པ། ཡར་སྒོམ་སེ་བོ། རྒྱལ་ཚ་ལུང་མང་པོ། མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་མཆོག །འཇམ་དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཆོད་དཔོན་དཀོན་ཅོག་པ། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །དེའི་ཆ་ལག་ཏུ་གཏོགས་པ་སེང་གེ་སྒྲའི་རྗེས་གནང་བཤད་མ་ཐག་པའི་མངོན་རྟོགས་དང་ལུང་གསུམ་གྱི་ཆིངས་ལ་བརྟེན་ནས་ལེགས་པར་ཐོབ་པའི་བརྒྱུད་པ་ནི། སེང་གེ་སྒྲ། སློབ་དཔོན་ཙནྡྲ་གོ་མི། དེའི་སློབ་མ་གཅིག །ཀུན་མཁྱེན་མཁྱེན་བརྩེའི་གསན་ཡིག་ན་འདི་ལྟར་སྣང་ཡང་། ལོ་པ་སྤྱན་སྔ་དང་རྡོ་རྗེ་འཆང་མགོན་པོ་བསོད་ནམས་ཀྱི་གསན་ཡིག་ན་བྲམ་ཟེ་དཔལ་འཛིན་དུ་ངོས་བཟུང་། པཎ་གྲུབ་ནཱ་རོ་པ་ཆེན་པོ། ཕམ་ཐིང་པ་སྐུ་མཆེད། ཨ་ཐུ་ལ་དྷ་ས་བཛྲ། མེཉྫ་གླིང་པ། ལོ་པ་སྤྱན་སྔ་དང་ཤར་པའི་གསན་ཡིག་ན་བྷ་རོ་ཕྱག་རྡུམ་ཟེར་བ་འདུག་པ་འདི་གཉིས་འཇིགས་བྱེད་ཀྱི་ཆོས་འབྱུང་ཚོར་གཅིག་མི་གཅིག་སྣ་ཚོགས་ཡོད་འདུག་པས་འཁྲུལ་གཞི་བྱུང་བ་འདྲ་ཡང་འདི་ནི་བལ་པོ་ཐུགས་རྗེ་ཆེན་པོ་ཡིན་པས་བྷ་རོ་དང་མི་གཅིག་པར་སྣང་ངོ་། །མལ་ལོ་བློ་གྲོས་གྲགས། ཤར་པའི་གསན་ཡིག་ན་འདིས་གོང་མ་གཉིས་ཀ་ལ་གསན་གསུངས། རྗེ་བཙུན་ས་སྐྱ་པ་ཆེན་པོ། གཉན་ཕུལ་བྱུང་བ་གཙུག་ཏོར་རྒྱལ་པོ། རྗེ་བཙུན་གྲགས་པ་རྒྱལ་མཚན། རྗེ་ས་པཎ།
ཤར་པ་ཤེར་འབྱུང་། ཤར་པ་ཡེ་ཤེས་རིན་ཅེན། དུས་འཁོར་བ་ཡང་ཟེར། ཀུན་དགའ་བྱང་ཆུབ། མཁན་ཆེན་རྒྱལ་བཟང་དཔལ། བླ་མ་གྲགས་པ་དཔལ། མ་ཏི་པཎ་ཆེན་བློ་གྲོས་རྒྱལ་མཚན། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །རྗེ་བཙུན་གོ་རུམ་པ་ཀུན་དགའ་ལེགས་པ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་ན་རྡོ་རྗེ་འཆང་དབང་ཕྱུག་རབ་བརྟན། ཞ་ལུ་མཁན་ཆེན་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ལའོ། །ཡང་ན་ངོར་ཆེན་ནས། རྒྱལ་ཚབ་ཀུན་དབང་། འདྲེན་མཆོག་དཀོན་ཅོག་འཕེལ། ངོར་ཆེན་དཀོན་ཅོག་ལྷུན་གྲུབ། བྱང་གླིང་རྗེ། རྡོ་རྗེ་འཆང་དབང་རབ་མན་འདྲ། ཡང་ན་ངོར་ཆེན་ནས། པཎ་ཆེན་གྲགས་པ་རྒྱལ་མཚན། གློ་པོ་མཁན་ཆེན་བསོད་ནམས་ལྷུན་གྲུབ། ས་ལོ་ཐམས་ཅད་མཁྱེན་པ། དཀོན་ཅོག་ལྷུན་གྲུབ་མན་འདྲ། ཡང་དཀོན་ཅོག་ལྷུན་གྲུབ་ཀྱི་ཡི་གེ་ལྟར་ནོས་པའི་བརྒྱུད་པ་ནི། དཀོན་ཅོག་ལྷུན་གྲུབ་ཡན་གོང་ལྟར་ལ། བྲང་ཏི་པཎ་ཆེན་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། ཤར་ཆེན་ཤེས་རབ་འབྱུང་གནས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཐར་རྩེ་པཎ་ཆེན་ནམ་མཁའ་དཔལ་བཟང་གིས་མཛད་པའི་འཇིག་རྟེན་དབང་ཕྱུག་སེང་གེ་སྒྲའི་སྒོ་ནས་གདོན་འགྲོལ་བའི་ཆོ་ག་རིན་ཅེན་འཕྲེང་མཛེས་ཀྱི་ལུང་ཕྱག་བཞེས་བཅས་ཐོབ་པའི་བརྒྱུད་
པ་ནི། སློབ་དཔོན་ཤྲཱདྡྷ་ཀ་ར་ཝརྨ། ལོ་ཆེན་རིན་ཆེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་བློ་གྲོས་གྲགས། བརྩེ་ཆེན། གཉན་གཙུག་ཏོར་རྒྱལ་པོ། རྗེ་བཙུན་ཆེན་པོ། ས་པཎ། ཤར་པ་ཡེ་འབྱུང་། ཤར་པ་དུས་འཁོར་བ། ཀུན་དགའ་བྱང་ཆུབ། མཁན་པོ་རྒྱལ་བཟང་བ། བླ་མ་གྲགས་པ་དཔལ། མ་ཏི་པཎ་ཆེན། ས་བཟང་འཕགས་པ། ཆོས་རྗེ་རྡོ་རྗེ་འཆང་། རྒྱལ་ཚབ་ཀུན་དབང་། དཀོན་ཅོག་འཕེལ། དཀོན་ཅོག་ལྷུན་གྲུབ། ཐར་རྩེ་ནམ་མཁའ་དཔལ་བཟང་། ཤར་ཆེན་ཀུན་དགའ་བཀྲ་ཤིས། ཐར་རྩེ་ནམ་མཁའ་སངས་རྒྱས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་ངོར་ཆེན་ནས། གུ་གེ་པཎ་ཆེན། གློ་བོ་མཁན་ཆེན། འཇམ་དབྱངས་ཀུན་དགའ་བསོད་ནམས། དཀོན་ཅོག་ལྷུན་གྲུབ་མན་འདྲ། སྒྲུབ་ཁང་པ་དཔལ་ལྡན་དོན་གྲུབ་ཀྱིས་གོ་ན་བ་ཆོས་རྗེའི་དོན་དུ་མཛད་པའི་སེང་གེ་སྒྲའི་བསྙེན་ཐབས་ཀྱི་བརྒྱུད་པ་ནི། མཁས་པ་དཔལ་ལྡན་དོན་གྲུབ། ཐར་རྩེ་ནམ་མཁའ་སངས་རྒྱས། དྲིན་ཅན་ཞ་ལུ་པ་ཆེན་པོ། དེས་བདག་ལའོ། །འཁོན་རིགས་འཇམ་དཔལ་རྡོ་རྗེ་རྗེ་བཙུན་ས་སྐྱ་པ་ཡབ་སྲས་ལ་བསྟན་པ་བསྲུང་པའི་ཆོས་སྐྱོང་གྲགས་མེད་པ་ཞིག་བཀའ་བབས་བའི་ནང་ནས་གཙོ་བོར་གྱུར་པ་མ་ག་དྷ་རྡོ་རྗེ་གདན་གྱི་སྒོ་སྐྱོང་འཕགས་ཡུལ་པཎ་གྲུབ་རྣམས་ཀྱི་སྲུང་མའི་གཙོ་བོ་རྡོ་རྗེ་ནག་པོ་ཆེན་པོ་གུར་གྱི་མགོན་པོ་ནི། མཁའ་འགྲོ་མ་རྡོ་རྗེ་གུར་གྱི་རྒྱུད་ལས། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ནག་པོ་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་ཞེས་པ་ལྟར་བཅོམ་ལྡན་འདས་རྡོ་རྗེ་འཆང་ཆེན་པོའི་སྐུ་གསུང་ཐུགས་དབྱེར་མི་ཕྱེད་པའི་སྤྲུལ་པར་བསྟན་པས་ཕྱོགས་རེའི་
སྤྲུལ་པའི་སྲུང་མ་རྣམས་ཆེས་ཁྱད་པར་དུ་འཕགས་པའི་ཕྱིར་བསྟན་སྲུང་ཀུན་གྱི་གཙོ་བོ་སྟེ། ཚུལ་དེ་ལ་དགོངས་ནས་ཀུན་མཁྱེན་མཁྱེན་བརྩེའི་དབང་ཕྱུག་གིས། བགྲང་ཡས་བསྟན་སྲུང་ཀུན་གྱི་སྡེ་དཔོན་ཆེ། །དྲན་པས་སྙིང་གི་མུན་སེལ་རྡོ་རྗེ་གུར། །ཞེས་ཆེད་དུ་བརྗོད་པའང་རང་བཞིན་བརྗོད་པའི་རྒྱན་ཁོ་ན་ཡིན་ལ། འདི་ཉིད་ཀྱི་ཁུངས་ཀྱང་མགོན་པོ་གསང་བ་དངོས་གྲུབ་འབྱུང་བ་དང་ཁྲག་མཚོ་ཁོལ་མ་སོགས་བོད་ཀྱི་མཁས་པ་ཐམས་ཅད་མཁྱེན་པ་བུ་སྟོན་གྱིས་ཐེ་ཚོམ་གྱི་གཞིར་མཛད་པའི་རྒྱུད་ཙམ་ལ་ལྟོས་མི་དགོས་པར་རྩོད་བྲལ་གྱི་རྒྱུད་མགོན་པོ་མངོན་པར་འབྱུང་བ། བཤད་རྒྱུད་རྡོ་རྗེ་གུར་ལྷ་མོའི་ཁུངས་འཕགས་ཡུལ་ན་བཞུགས་པའི་གདན་བཞིའི་རྒྱུད་པ་རྣམས་དང་། གཞན་ཡང་བོད་ཀྱི་མཁས་པ་དག་ཐེ་ཚོམ་གྱི་གཞིར་མཛད་ནའང་། རང་ལུགས་རྒྱུད་དེ་དག་ཚད་མར་བཞེད་ཅིང་། གལ་ཏེ་རྒྱུད་དངོས་མིན་ཀྱང་གྲུབ་ཐོབ་ཚད་ལྡན་གྱི་གསུང་ཡིན་པས་རྒྱུད་དང་ཕྱོགས་མཚུངས་པའི་ཁུངས་སུ་འོས་པ། མགོན་པོ་ཁྲོས་རྒྱུད་དངོས་གྲུབ་འབྱུང་བ། གསང་བ་དུར་ཁྲོད་ནག་པོ། དུར་ཁྲོད་ཆེན་པོ་གྲི་གུག་བརྩེགས་པ། མེ་ལྕེ་འབར་མ། བཤན་པ་ནག་མོ། མ་མོ་སྲོག་གི་འཁོར་ལོ་སོགས་ལས་གསལ་བར་བསྟན་པའི་གདམས་སྐོར་ལ། མ་ཧཱ་ཀཱ་ལའི་ཆོས་སྐོར་གྱི་བརྗེད་བྱང་བསམ་འཕེལ་ནོར་བུའི་ཕྲེང་བ་ལས། ཁྱབ་བདག་གུར་གྱི་མགོན་པོའི་ཆོས་སྐོར་ནི། འཕགས་པའི་ཡུལ་དུ་པཎ་གྲུབ་རྣམས་ཀྱིས་ཕྱེ། །རྒྱུད་རྒྱལ་མ་དྲོས་ཆུ་གཏེར་ལས་བྱུང་བའི། །བཀའ་བབས་རྣམ་བཞིའི་གདམས་པའི་ཆུ་རྒྱུན་ནི། །ལོ་ཙཱ་རྣམ་བཞིའི་གསུང་གི་འབབ་སྟེགས་ལས། །ལེགས་འོངས་ས་སྐྱའི་བླ་ཆེན་ཐུགས་
མཚོར་འཁྱིལ། གང་དེའི་གསུང་གི་བདུད་རྩིའི་གཟེགས་མ་ནི། །ཕྱོགས་བརྒྱར་འཕྲོས་པས་ཁ་བའི་སྨན་ལྗོངས་འདིར། །ཟབ་སྟོན་ལྦུ་འཕྲེང་བྱེ་བས་ཕྱུག་པ་ཡིན། །རྗེས་འབྲངས་ཆུ་ཀླུང་རྣམ་བཞི་རིང་དུ་འབབས། །ཞེས་པ་ལྟར་རྒྱུད་རྒྱལ་རྣམས་གྱི་གདམས་པའི་སྙིང་པོ་འཕགས་ཡུལ་པཎ་གྲུབ་རྣམས་ཀྱིས་སྲོལ་རྒྱས་བསྡུས་སྣ་ཚོགས་སུ་བཏོད་པའི་ནང་ནས་རྣལ་འབྱོར་དབང་ཕྱུག་བིཪྺ་པ་ལས་བརྒྱུད་པའི་ལམ་འབྲས་པའི་གུར་མགོན་ལོ་ཆེན་འབྲོག་མིས་བསྒྱུར་བ། བླ་མ་རྡོ་རྗེ་གདན་པ་ལས་བརྒྱུད་པ་སྒྲུབ་ཐབས་ཀུན་ལས་བཏུས་པ་ལུགས་ཀྱི་མགོན་པོ་བ་རི་ལོ་ཙཱ་བས་བསྒྱུར་བ། ཁ་ཆེའི་བསོད་སྙོམས་པ་ཆེན་པོ་པཎ་ཆེན་ཤཱཀྱ་ཤྲཱི་ལས་བརྒྱུད་པའི་མགོན་པོ་ས་ལོ་ཙཱ་བ་ཀུན་དགའ་རྒྱལ་མཚན་གྱིས་བསྒྱུར་བ། སློབ་དཔོན་ཆེན་པོ་བྲམ་ཟེ་མཆོག་སྲེད་ཀྱི་གདམས་པ་ལོ་ཆེན་རིན་བཟང་གིས་བསྒྱུར་བ་མལ་ལོ་ཙཱ་བ་ནས་བརྒྱུད་པ་སྟེ་ལོ་པཎ་བཞི་ལས་བརྒྱུད་པའི་བཀའ་མ་ཆད་པའི་ཆུ་བོ་ཆེན་པོ་བཞིའི་རྒྱུན་ལྟར་བབས་པའི་རྒྱུ་མཚན་གྱིས་ཚར་པ་རྡོ་རྗེ་འཆང་གིས། དེང་ནས་དུས་ཀུན་རྒྱུད་རྒྱལ་ཀཻ་ལ་ཤ །སྙན་བརྒྱུད་ཚ་ཟེར་གྱིས་སྦྲན་གདམས་པའི་རྒྱུན། །མ་དྲོས་ཆུ་ཀླུང་ལས་འོངས་བཀའ་བབས་བཞིའི། །ཟབ་དོན་བདུད་རྩིས་བདག་རྒྱུད་ཚིམ་པར་ཤོག །ཅེས་གསུང་པ་ཡིན་ཞིང་། གྱི་ལྗང་ལུགས་ནི་ལོ་ཆེན་རིན་བཟང་ནས་མལ་ལོར་རྒྱུད་པ་མིན་ནའང་། སྟོད་ལུགས་སྨད་ལུགས་གཉིས་སུ་བྱུང་བའི་སྟོད་ལུགས་རྣམས་མལ་ལོ་ནས་བརྒྱུད་པ་ཡིན་པས་བཀའ་བབས་ཕྱི་མའི་ཁོངས་སུ་དོན་གྱིས་འདུ་ཞིང་། ལྷ་བཅུ་བདུན་མའི་དབང་ལོ་ཆེན་ནས་བརྒྱུད་པ་དང་གྱི་ལྗང་སྨད་ལུགས་ཀྱི་གདམས་སྐོར་རྣམས་རྗེ་བཙུན་གོང་མ་རྣམས་ལས་མ་བརྒྱུད་
ནའང་། བཞི་ཐོག་པ་སྔགས་འཆང་ཀུན་དགའ་ཟླ་བ་ནས་ས་ལུགས་སུ་བཀའ་བབས་པས་དེང་སང་མན་ངག་རྣམས་ཕྱོགས་གཅིག་ཏུ་མཛད་པ་ཡིན་ནོ། །དེ་ལ་ཐུན་མོང་དང་ཐུན་མོང་མ་ཡིན་པ་ཟབ་རྒྱས་ཀྱི་དབང་གིས་གདུང་བརྒྱུད་ཁོ་ནའི་སྙན་ནས་སྙན་དུ་བརྒྱུད་པ། རྣལ་འབྱོར་དབང་ཕྱུག་ཡར་ཀླུངས་པ་ཁུ་དབོན་ནས་བརྒྱུད་པ། སྦས་པའི་རྣལ་འབྱོར་རྡོ་རྗེ་རྒྱལ་མཚན་ནས་བརྒྱུད་པ། ངོར་རྫོང་གོང་དཀར་བ་གསུམ་སོ་སོར་བརྒྱུད་པ་གསུམ་ལས། ཡར་ཀླུངས་པ་དང་བར་སྡིངས་པ་གཉིས་སྙན་བརྒྱུད་ཀྱི་ཁོངས་སུ་བསྡུས་ཏེ་གཅིག་ཏུ་བྱས་ནས་ཞལ་ངོ་བརྒྱུད་པ་དང་། ངོར་རྫོང་གོང་གསུམ་ལ་སློབ་བརྒྱུད་དུ་བྱས་ཏེ་གདམས་ངག་གི་བཀའ་སྲོལ་འཛིན་པའི་རྗེས་འབྲང་བཞིར་མཛད་པའི། དང་པོ་ནི། དེང་སང་ཁའུ་བྲག་རྫོང་པ་མཚར་ལུགས་སུ་གྲགས་པ་འདི་ཉིད་ལ་བཀའ་བབས་ཤིང་། འོན་ཀྱང་ཐུན་མོང་བའི་གདམས་པ་རྣམས་ཀྱང་ཡོངས་སུ་རྫོགས་པར་མངའ་བས་ཁ་སྐོང་དཀར་ཆག་ཟབ་དོན་གསལ་སྒྲོན་ལས། ཁོ་བོས་རྒྱལ་ཁམས་ཡངས་པའི་ཕྱོགས་ཀུན་མྱུལ། །མཁས་གྲུབ་བླ་མ་མང་པོའི་ཞབས་པད་བསྟེན། །རང་གཞན་གདམས་པ་ཟབ་མོའི་གནས་ཀུན་ཤེས། །དག་དང་མ་དག་འབྱེད་པའི་སྤོབས་པ་ཐོབ། །ཁྱད་པར་ནག་པོ་ཆེན་པོའི་མན་ངག་ནི། །བརྒྱུད་ལྡན་བླ་མ་བཅུ་ཕྲག་གཅིག་ལ་ཞུས། །འགྲན་ཟླ་ཀུན་བྲལ་དྲིན་ཅན་རྡོ་རིང་པའི། །སྙན་བརྒྱུད་ཟབ་མོ་བུམ་པ་གང་བྱོར་ཐོབ། །ཨེ་ཝཾ་པ་ནི་བསྡུས་ལ་སྤྲོས་པ་ཆུང་། །མུས་སྲས་བ་ནི་དཀར་ཆག་ཁྲིགས་ཆགས་ཅན། །རྡོ་རྗེ་གདན་པ་འཆམས་དང་ནུས་པའི་བདག །ཁོ་བོས་ཐོབ་པའི་ཐུན་མོང་བརྒྱུད་པ་གསུམ། །ཞེས་གསུངས་པས་ཐུན་མོང་བའི་བརྒྱུད་པ་
གསུམ་ལས་འོངས་པའི་དབང་རྗེས་གནང་ལུང་མན་ངག་དང་། གཙོ་བོར་བདག་ཆེན་རྡོ་རྗེ་འཆང་གིས་མཛད་པའི་མེ་འབར་དཀར་ཆག་ལས། བདག་ནི་ཆོས་སྐྱོང་མན་ངག་ལ། །མཁས་གྲགས་ཅུང་ཟད་ཡོད་པའི་ཕྱིར། །ཁམས་གཙང་དབུས་པའི་གྲྭ་པ་སོགས། །སྔོན་ཆད་སློབ་མ་མང་བྱུང་ཡང་། །ངེས་པར་སྣོད་དང་ལྡན་པ་དང་། །སྙིང་ནས་དད་ལྡན་མ་གྱུར་ཕྱིར། །སྙིང་པོ་གྱུར་པའི་མན་ངག་རྣམས། །ཡང་མཛོད་དམར་པོ་ཐུགས་དཀྱིལ་ལས། །གཞན་ནས་རྙེད་པར་མི་འགྱུར་བས། །དད་ལྡན་ཡོད་ན་བླང་བར་གྱིས། །ཞེས་དང་། བསམ་འཕེལ་ནོར་འཕྲེང་ལས། ཁྱད་པར་ས་སྐྱའི་བླ་ཆེན་ཐུགས་ཀྱི་བཅུད། །མཁས་གྲུབ་གཞན་གྱིས་མ་ཐོབ་གསང་ཆེན་མཆོག །གདུང་བརྒྱུད་གོང་མའི་སྙན་བརྒྱུད་ཡིད་བཞིན་ནོར། །ཞལ་ཤེས་ཕྱག་འཁྲིད་མ་ལུས་ལེགས་པར་སྣང་། །ཞེས་པ་ལྟར་འཁོན་གྱི་གདུང་བརྒྱུད་ཚང་དང་སློབ་མ་ས་སྐྱ་ཚང་ཀྱི་རྣ་བར་མ་གྲགས་པའི་རིན་ཅེན་སྒང་པ་སྒོས་ཀྱི་ཞལ་ངོ་ནང་བརྒྱུད་སྙན་བརྒྱུད་ཚད་མ་བཞི་ལྡན་གྱི་བྱིན་རླབས་རྗེས་གནང་ཉམས་ཁྲིད་མན་ངག་ཕྱག་ལེན་དམར་འཁྲིད་དང་། ཐུན་མོང་བ་ནོས་པའི་སྐོར་རྣམས་ལས། བཀའ་བབས་དང་པོ་གྲུབ་པའི་འཁོར་ལོས་སྒྱུར་བ་བིཪྺ་པ་ནས་བརྒྱུད་པའི་ནག་པོ་ཆེན་པོ་དཔའ་བོ་གཅིག་པའི་ཚོམ་བུ་དང་གཏོར་མ་ལ་བརྟེན་པའི་རྗེས་གནང་། བཀའ་བབས་གཉིས་པ་བླ་མ་རྡོ་རྗེ་གདན་པའི་སྒྲུབ་ཐབས་ཀུན་ལས་བཏུས་པའི་ལུགས་ཀྱི་མགོན་པོ་དཔའ་བོ་གཅིག་པའི་ཚོམ་བུའི་རྗེས་སུ་གནང་བ། བཀའ་བབས་གསུམ་པ་ལ་རྗེས་གནང་མེད་པས་འདིར་མ་སྨོས། བཀའ་བབས་བཞི་པ་སློབ་དཔོན་བྲམ་ཟེ་མཆོག་སྲེད་ཀྱི་གདམས་པ་སྙིང་པོའི་མན་ངག་ཟབ་ཅིང་རྟོགས་བཀའ་བ་མཁས་
རློམ་ཕལ་གྱི་མིག་དང་རྣ་བའི་སྤྱོད་ཡུལ་དུ་མ་གྱུར་པ་གསང་ཆེན་གདམས་པའི་སྐོར་ལ། ཚད་མ་བཞི་དང་སྦྱར་ན་ཁོག་འབུབས་ལོ་རྒྱུས་རྣམས་ཀྱི་བླ་མ་ཚད་མ། ཉམས་འཁྲིད་དང་མངོན་སྤྱོད་དྲག་པོའི་ལས་སྦྱོར་སོགས་ཕྱག་ལེན་དམར་འཁྲིད་དུ་བསྟར་བ་ཉམས་མྱོང་ཚད་མ། རྒྱབ་རྟེན་གྱི་མན་ངག་བེ་བུམ་རྣམས་ཀྱི་བསྟན་བཅོས་ཚད་མ། བཤད་ཁུངས་ཀྱི་རྒྱུད་དང་རྒྱ་གཞུང་རྣམས་ཀྱི་ལུང་ཚད་མ་འགྱུར། གཙོ་བོར་སྙན་བརྒྱུད་བཞི་དང་སྦྱོར་དགོས་པ། དེ་ཡང་བདག་ཆེན་རྡོ་རྗེ་འཆང་ཆེན་པོའི་གསུང་སྒྲོས་སོགས་བརྒྱུད་ལྡན་གྱི་ཡི་གེ་མང་པོར་བྱིན་རླབས་ཆུ་བོའི་རྒྱུན་དང་འདྲ་བའི་བཀའ་མ་ནུབ་པ། གདམས་ངག་གསེར་འགྱུར་གྱི་རྩི་ལྟ་བུའི་ས་རྒ་མ་ལོག་པ། མོས་གུས་གཞོན་ནུའི་དགའ་བ་ལྟ་བུའི་བསམ་པ་ཚིམ་པ། ལོངས་སྤྱོད་ལྷ་འདོད་ཡོན་ལ་རྩེ་བ་ལྟ་བུའི་དཔལ་འབྱོར་གྱི་རྒྱུན་མ་ཉམས་པའམ། ལྷག་བསམ་རབ་དཀར་གྱི་དགོངས་འགྲེལ་པཎ་ཆེན་ངག་དབང་ཆོས་གྲགས་ཀྱིས་མཛད་པ་སོགས་བླ་མ་སྔ་ཕྱི་མང་པོའི་གསུང་སྒྲོས་སུ་གསུམ་པ་དང་བཞི་པ་གཉིས་གོ་ལྡོག་པ་དང་། ཡང་ན་བསམ་འཕེལ་ནོར་འཕྲེང་ལས། ཕྱི་ནང་གསང་བའི་མན་ངག་ཞུ་བའི་ཚེ། །ཚོགས་དང་གཏོར་མས་མཁའ་འགྲོ་མཉེས་པར་བྱས། །རིན་ཆེན་གསེར་གྱི་མཎྜལ་ལན་གསུམ་ཕུལ། །གསང་ཆེན་གྲུབ་མཐའ་འཛིན་པའི་དམ་བཅའ་བྱས། །ཞེས་པ་ལྟར་རྡོ་རྗེའི་སློབ་དཔོན་ཐུགས་གཏིང་ནས་མཉེས་པར་འགྱུར་བའི་སྙན་བརྒྱུད་དང་སྙན་བརྒྱུད་ཀྱི་རྒྱུ་ལ་མིང་བཏགས། པོའི་རྟེན་འབྲེལ་བསྒྲིགས་རྗེས། སྙན་བརྒྱུད་གཉིས། རྡོ་རྗེ་སློབ་དཔོན་ལ་ལྟོས་པའི་སྔོན་འགྲོའི་སྙན་བརྒྱུད། པ་དབང་རྗེས་གནང་བྱིན་རླབས་ཀྱི་བཀའ་ཆུ་བོའི་རྒྱུན་མ་ནུབ་པ། སྙན་བརྒྱུད་གསུམ། རྡོ་རྗེ་སློབ་
དཔོན་ལ་བལྟས་པའི་དངོས་གཞིའི་སྙན་བརྒྱུད། པ་མན་ངག་གསེར་འགྱུར་གྱི་རྩི་དང་འདྲ་བ་གདམས་པའི་སརྒ་མ་ལོག་པ་ཐོབ་པར་བརྟེན་ནས་སྙན་བརྒྱུད་བཞི། སྙན་བརྒྱུད་ཀྱི་འབྲས་བུ་ལ་མིང་བཏགས། པ་མོས་གུས་གཞོན་ནུའི་བདེ་བ་ལྟ་བུ་ཤུགས་ལ་འབྱུང་བའི་གོ་རིམ་མི་འདྲ་བ་གཉིས་སྣང་ནའང་དོན་ཀྱི་ཆ་ལ་ཁྱད་པར་མེད་ཅིང་འདིར་སྙན་བརྒྱུད་ཧ་ལ་ནག་པོའི་སྦྱར་བྱང་གི་རྗེས་སུ་འབྲངས་པ་ཡིན་ལ། དེ་ལྟར་སྙན་བརྒྱུད་ཚད་མ་བཞི་ལྡན་གྱི་སྙན་བརྒྱུད་གཉིས་པ་ལ་དབང་དང་རྗེས་གནང་གཉིས། དང་པོ་དབང་གི་བཀའ་མ་ནུབ་པ་ལ། འཇམ་དབྱངས་གྲགས་པའམ་ཆོས་རྗེ་ཀུན་དགའ་རྒྱལ་མཚན་གྱིས་མཛད་པའི་ནག་པོ་ཆེན་པོའི་དཀྱིལ་འཁོར་གྱི་མངོན་པར་རྟོགས་པ་བདུད་ལས་རྣམ་རྒྱལ་དང་དཀྱིལ་འཁོར་གྱི་ཆོ་ག་མགོན་པོ་རྣམ་རོལ་གཉིས་ལ་བརྟེན་ནས་བླ་མའི་ཕྱག་ལེན་བཞིན་རྡུལ་ཚོན་གྱི་དཀྱིལ་འཁོར་དུ་བྲམ་ཟེ་ཆེན་པོ་ནས་ཉེ་བར་བརྒྱུད་པའི་མགོན་པོ་གྲི་གུག་ལྷ་ལྔའི་རིག་པའི་དབང་ལྔ། སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྗེས་གནང་། བརྟན་བྱེད་དུ་ཆུའི་དབང་། སྔགས་ཀྱི་བཟླས་ལུང་དང་བཅས་པ། འཇམ་དབྱངས་གྲགས་པས་མཛད་པའི་མངོན་དཀྱིལ་བཤད་མ་ཐག་པའི་སྟེང་ནས་བླ་མ་མལ་ལོའི་བཞེད་པའི་ལྷ་བརྒྱད་མའི་རྡུལ་ཚོན་གྱི་དཀྱིལ་འཁོར་དུ་རིག་པའི་དབང་ལྔ་རྗེས་གནང་བཟླས་ལུང་དང་བཅས་པ། མངོན་དཀྱིལ་དེ་ཉིད་ལ་བརྟེན་ནས་བླ་མ་བྲག་སྟེང་པའི་བཞེད་པ་ལྷ་བཅུ་གཉིས་མའི་རྡུལ་ཚོན་གྱི་དཀྱིལ་འཁོར་དུ་རིག་པའི་དབང་ལྔ། སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྗེས་གནང་བཟླས་ལུང་དང་བཅས་པ། ཡིག་ཆ་དེ་ཁར་བརྟེན་ནས་དུར་ཁྲོད་ནག་པོའི་རྒྱུད་གྱི་རྗེས་སུ་འབྲངས་པའི་གྱི་ལྗང་ལུགས་ཀྱི་
མགོན་པོ་ལྷ་བཅུ་བདུན་མའི་རྡུལ་ཚོན་གྱི་དཀྱིལ་འཁོར་དུ་ཆུ། ཅོད་པན། རྡོར་དྲིལ་མིང་དབང་བཟླས་ལུང་དང་བཅས་པ་རྣམས་དཀྱིལ་ཆོག་ཏུ་ལུགས་གཉིས་གསུངས་པའི་རྒྱ་གཞུང་ལུགས་སོར་ནས། ཡང་མངོན་དཀྱིལ་གོང་མ་ལ་བརྟེན་ནས་སིནྡྷུ་རའི་དཀྱིལ་འཁོར་དུ་གྲི་གུག་ལྷ་ལྔའི་དབང་སྙན་བརྒྱུད་ལུགས་ལྟར་བཟླས་ལུང་ཡན་རྒྱ་གཞུང་བཞིན་ལ་སྐུ་གསུང་ཐུགས་ཀྱི་རྗེས་གནང་། གསང་དབང་ཤེར་དབང་བཞི་པ་དང་བཅས་པ་རྣམས། གཉིས་པ་རྗེས་གནང་གི་བཀའ་མ་ནུབ་པ་ལ། བརྒྱུད་པའི་བཀའ་སྲོལ་ཡིག་ཆུང་གི་ཐོ་བཅོས་བསླད་མེད་པ་ལྟར་ལོ་ཆེན་གྱི་བཞེད་པ་གཙོ་བོར་གྱུར་པའི་ཐུན་མོང་བ་ལྕམ་དྲལ་ལྷ་གསུམ་སྦགས་ཏེ་བསྒྲུབ་པའི་སྐུ་གསུང་ཐུགས་ཀྱི་རྗེས་གནང་། དཔལ་ལྡན་བླ་མ་དམ་པའི་ཕྱག་ལེན་ལ་གཞི་བྱས་རྒྱལ་ཚ་ལུང་མང་པོ་དང་བླ་མ་ཞང་སྟོན་ཁུ་དབོན་གྱི་ཕྱག་བཞེས་ཟིན་བྲིས་ཀྱིས་བརྒྱན་ཏེ་ཡར་ཀླུངས་པ་སེང་གེ་རྒྱལ་མཚན་གྱིས་མཛད་པའི་ཡི་གེ་དང་བཤོམ་སོགས་མཐོང་བརྒྱུད་ཀྱི་བཀའ་སྲོལ་ལྟར་ལྷ་བརྒྱད་མཁའ་འགྲོ་སྦྲགས་སྒྲུབ་ཐུན་མོང་བའི་རྗེས་གནང་། ཡར་ཀླུངས་པའི་ཡི་གེ་དང་མགོན་པོ་རྣམ་རོལ་གྱི་མངོན་རྟོགས་ལྟར་མགོན་པོ་ལྷ་བཅུ་གཉིས་ཀྱི་ཐུན་མོང་བའི་རྗེས་གནང་། གཏོར་ཆོག་ཕོ་ཉ་མྱུར་མགྱོགས་དང་ཐམས་ཅད་མཁྱེན་པ་མཁྱེན་བརྩེའི་ཐོ་ཡིག་བཞིན་དུས་གཅིག་ལ་ཆིག་བརྒྱུད་ལས་མི་གནང་བའི་ལྷ་བརྒྱད་གྱི་ཐུན་མོང་མ་ཡིན་པའི་རྗེས་གནང་། མགོན་པོ་རྣམ་རོལ་གྱི་མངོན་རྟོགས་དང་ཀུན་མཁྱེན་མཁྱེན་བརྩེའི་ཞབས་ཀྱི་ཐོ་ཡིག་ལྟར་དུས་གཅིག་ལ་ཆིག་བརྒྱུད་ཁོ་ནར་གནང་བའི་མགོན་པོ་ལྷ་བཅུ་གཉིས་མའི་ཐུན་མོང་མ་ཡིན་པའི་རྗེས་གནང་། རྡོ་རྗེ་འཆང་ཚར་པ་ཆོས་རྗེའི་ཐོ་ཡིག་ལྟར་
མགོན་པོ་ཁྲོ་བོ་བཅུའི་རྗེས་གནང་བཀའ་རྒྱ་དམ་པ། ཡར་ཀླུངས་པའི་རྗེས་གནང་གི་ཡི་གེར་ནང་གི་ལས་མཁན་གྱི་མངོན་རྟོགས་བསྣན་པའི་གསར་འཁྲིད་ཀྱི་སྨིན་བྱེད་མགོན་པོ་ལྷ་དགུའི་རྗེས་གནང་བཀའ་རྒྱ་དམ་པ། ཡིག་རྙིང་ལྟར་དཔལ་ལྡན་ལྷ་མོ་དུད་སོལ་མའི་ཕྱི་སྒྲུབ་ཐུན་མོང་གི་རྗེས་གནང་། འཇམ་དབྱངས་མཁྱེན་བརྩེའི་གསན་ཡིག་ན་ཐུན་མོང་མ་ཡིན་པ་ཞིག་འདུག་པ་མ་ཐོབ། རྔོག་སྟོན་བསོད་ནམས་བསྟན་འཛིན་གྱིས་མཛད་པའི་ཡི་གེ་ལྟར་དཔལ་ལྡན་ལྷ་མོ་དུད་པའི་སོལ་བ་ཅན་གྱི་གསང་སྒྲུབ་ཐུན་མོང་མ་ཡིན་པའི་རྗེས་གནང་བཀའ་རྒྱ་དམ་པ། ཚར་ཆེན་རྡོ་རྗེ་འཆང་གི་ཟིན་ཏོ་དང་བརྒྱུད་པའི་གསུང་སྒྲོས་ལྟར་ནང་གི་ལས་མཁན་བེར་ནག་ཟངས་གྲི་ཅན་གྱི་རྗེས་གནང་ཆིག་བརྒྱུད་མ། ཡང་བཤད་མ་ཐག་པའི་ཡི་གེ་གཉིས་དང་ཟངས་གྲི་སྐོར་གསུམ་གྱི་རྗེས་གནང་གི་ཟིན་བྲིས། པཎ་ཆེན་ངག་དབང་ཆོས་གྲགས་ཀྱིས་མཛད་པར་བརྟེན་ནས་གཅེར་བུ་ཟངས་གྲི་ཅན་གྱི་རྗེས་གནང་། རྣལ་འབྱོར་དབང་ཕྱུག་ཡར་ཀླུངས་པའི་ཡི་གེ་དང་གསུང་རྒྱུན་ཕྱག་བཞེས་ལྟར་གསང་བའི་ལས་མཁན་པུ་ཏྲ་མིང་སྲིང་གི་རྗེས་གནང་ཆིག་བརྒྱུད་མ། པུ་ཏྲའི་རྗེས་གནང་གི་ཆིངས་ལ་གཞི་མཛད་ཅུང་ཟད་མི་མཐུན་པ་བརྒྱུད་པའི་གསུང་སྒྲོས་ཀྱིས་བརྒྱན་ཏེ་རུ་མཚོན་གྱི་ལས་མཁན་བྲན་བདུད་གཤིན་རྗེ་ནག་པོའི་ཐུན་མོང་གི་རྗེས་གནང་། ཚར་ཆེན་ཆོས་ཀྱི་རྒྱལ་པོས་མཛད་པའི་ཡི་གེ་ལྟར་བྲན་བདུད་ཀྱི་ཐུན་མོང་མ་ཡིན་པའི་རྗེས་གནང་ཆིག་བརྒྱུད་མ་རྣམས་ལེགས་པར་ནོས་ནས། སྙན་བརྒྱུད་གསུམ་པ་གདམས་པའི་དངོས་གཞི་ལག་ལེན་དམར་འཁྲིད་ལ། དངོས་དང་རྒྱབ་རྟེན་ལུང་དང་འབྲེལ་བའི་སྒོ་ནས་སྒྲོ་འདོགས་གཅོད་པ་གཉིས། དང་པོ་ལ།
རྗེ་བཙུན་རྡོ་རིང་པ་ཆེན་པོས་མཛད་པའི་ཕྱི་འཁྲིད་རྡོ་རྗེ་བྲག་རྫོང་མའི་ཡི་གེ་དང་དེའི་ལྷན་ཐབས་ཀྱི་ཚུལ་དུ་ཐམས་ཅད་མཁྱེན་པ་མཁྱེན་བརྩེས་མཛད་པའི་ཡི་གེ་གཉིས་ལ་གཞི་བྱས་ཡིག་ཆུང་ཟུར་འདེབས་དང་བརྒྱུད་པའི་ཞལ་ཤེས་ཀྱིས་བརྒྱན་ཏེ་སྔོན་འགྲོ་ཐུན་མོང་དང་ཐུན་མོང་མ་ཡིན་པ། དངོས་གཞི་ཟབ་པའི་གནད་ལྔ་དང་ཁྱད་པར་གྱི་མན་ངག་མདེ་ཁ་བཏགས་པའི་སྒོ་ནས་བསྲུང་བ། སྤྱི་དང་བྱེ་བྲག་ཁྱད་པར་གསུམ་གྱི་སྒོ་ནས་བཟློག་པ། བསྟན་པའི་སྤྱི་དགྲ་དང་རྣལ་འབྱོར་སྒོས་དགྲ་བསྒྲལ་བའི་སྒོ་ནས་གསད་པ། རྫས་དང་དམིགས་པ་ལ་བརྟེན་པའི་མནན་པའི་དམིགས་འཁྲིད་རྣམས་དངོས་བསྟན་ཉམས་སུ་ལེན་དགོས་པ་ལ་ཉམས་འཁྲིད། མཚན་བཅས་རྫས་དང་འཁོར་ལོ་ལ་བརྟེན་པ་སོགས་ལ་ངོ་སྤྲོད་ཕྱག་བཞེས། ཁྱད་པར་ཐུན་མོང་མ་ཡིན་པའི་མན་ངག་གི་མདེ་ཁ་གདགས་པ་ལ་གསུམ་གྱི་ནང་དམ་ཚིག་གི་འཁོར་ལོ་སེམས་ཉིད་ཡེ་ཤེས་ཀྱི་རྩལ་འདོན་ཞེས་པ་རྣམ་རྟོག་བདུད་བཞི་བཅོམ་ནས་ཚེ་འདི་ཉིད་ལ་མཆོག་གི་དངོས་གྲུབ་སྒྲུབ་པའི་གསང་བའི་ཡང་སྙིང་ནི་འཁྲིད་ཞུ་བ་འགའ་ཞིག་ཡོད་ཀྱང་སྐལ་ལྡན་གྱི་སློབ་བུ་གཅིག་ལ་ཆིག་བརྒྱུད་དུ་སྟོན་པ། གོང་གི་ས་གཅད་ཀྱིས་མ་ཟིན་པའི་དྲག་པོ་སྔགས་རྒོད་ཀྱི་མན་ངག་གི་འཁྲིད། འདི་ལ་བརྟེན་ནས་བདག་ཆེན་རྡོ་རྗེ་འཆང་གིས་རྒྱ་འདྲེ་ཚར་གཅད་པའི་ལོ་རྒྱུས་ངོ་མཚར་བ་ཡང་ཡོད། ཕྱི་ནང་གསང་གསུམ་དུ་དབྱེ་ན་གདམས་པ་དངོས་གཞི་ཕྱིའི་བྲག་རྫོང་། དྲག་པོ་སྔགས་རྒོད་ནང་གི་བྲག་རྫོང་། ཡེ་ཤེས་ཀྱི་འཁོར་ལོ་གསང་བའི་བྲག་རྫོང་སྟེ་ཟབ་འཁྲིད་ཁ་ལག་ཚང་བའི་འདི་ནི་རྗེས་འབྲང་གི་མཁས་གྲུབ་ཕལ་
ཆེར་ལ་མ་གྲགས་ཤིང་གདུང་བརྒྱུད་རིམ་པར་ཆིག་བརྒྱུད་དུ་བྱོན་པའི་སློབ་བཤད་ཁོ་ན་ཡིན་པས། འཇམ་དབྱངས་མཁྱེན་བརྩེའི་ཞབས་ཀྱིས། རྗེས་འབྲང་མཁས་དང་གྲུབ་པར་གྲགས་རྣམས་ལ། །ཐུན་མོང་གདམས་པའི་དཔལ་འབྱོར་མཐའ་ཡས་མོད། །གསང་ཆེན་སློབ་བཤད་བདུད་རྩིའི་ཐིགས་པ་འདི། །མཁས་རློམ་ཕལ་གྱི་རྣ་བའི་སྤྱོད་ཡུལ་མིན། །ཞེས་པ་ལྟར་ཟབ་གནད་རྣམས་གང་སྦས་སུ་མཛད་པ་ཆོས་ལ་དཔེ་མཁྱུད་མ་ཡིན་ནའང་། རྡོ་རིང་དབོན་པོ་ཀུན་རྒྱན་པས་རྗེ་བཙུན་ཀུན་སྤངས་ཆེན་པོའི་ཞབས་པད་མ་བསྟེན་པར་ལུགས་སྲོལ་འདི་ལ་ཟུར་ཟ་བའི་སྒོ་ནས་ཁོང་རང་ལ་ཀུན་སྤངས་ཆོས་རྗེའི་མན་ངག་ཟུར་པ་ཞིག་ཡོད་ཁུལ་མཛད་པ་སོགས་ཆོས་ལ་རས་ཆོས་འབྱུང་ཉེན་ཆེ་བར་དགོངས་ནས། ཇི་སྐད་དུ། སྔོན་ཆད་ཡི་གེ་མེད་པའི་སྙན་བརྒྱུད་དག །ཡི་གེར་བྲིས་འདི་རྣམ་པར་འཁྱམས་གྱུར་ན། །ཧམ་ཅན་ས་བརྫུས་འགའ་ཡིས་ང་མཁས་ཞེས། །ལུང་མེད་ཆོས་ཀྱིས་རྒྱལ་ཁམས་འགེངས་ཏ་རེ། །ཞེས་གསུང་བ་ཐུགས་ཤིན་ཏུ་མེད་པར་སྣང་ཞིང་ལ་ལ་དག་མན་ངག་འདི་འདྲ་གོང་མའི་དུས་མེད་སྙམ་པའི་ལོག་ལྟ་བྱེད་པ་ནི་ས་ཆེན་གྱིས་མཛད་པའི་ཚོགས་བདག་ལྟར་བསྒྲུབ་པ། སྒ་ཨཱ་ནན་དམ་པས་མཛད་པའི་ཤོག་ཧྲིལ་དྲུག་པའི་ནང་གི་གཉིས་པ་དང་རྦོད་གཏོང་བཟློག་པའི་ཞལ་ཤེས་སུ་ཕོ་ཉའི་སྤྲོ་བསྡུ་ཟུར་ཙམ་ལགས། རྒྱས་པ་བླ་མའི་ཞལ་ལས་དྲིས་ཞེས་སོགས་ས་བོན་ཙམ་ཡི་གེར་བྲིས་ནས་དངོས་གཞི་ཐུགས་ལ་གབ་པའི་རྣམ་རྟོག་ཙམ་ཡང་མ་ཤར་བའི་ཅལ་ཅོལ་སྨྲ་བ་ནི་ཆུ་ཤིང་ལྟ་བུའོ། །ཆོས་ལ་བཤད་སྒྲུབ་ཚུལ་བཞིན་དུ་བྱེད་ན། ཇི་སྐད་དུ། སྐྱེ་བ་གསུམ་གྱི་
གོང་ནས་གསོལ་བཏབ་ཅིང་། །ཚེ་འདིར་ལོངས་སྤྱོད་སྒྲུབ་པས་མཉེས་པར་བྱས། །དད་དང་སྙིང་རྗེ་ཤེས་རབ་མི་དམན་ལ། ཀུན་སྤངས་ཆོས་རྗེའི་བསྟན་ལ་ལྷག་པར་དད་། །སྟོན་དང་བསྟན་པ་གཞན་ནས་མི་འཚོལ་བར། །ཅི་མཛད་ཁྱེད་ཤེས་མོས་གུས་ལྡེ་མིག་གིས། །གསང་ཆེན་ཐུགས་ཀྱི་བང་མཛོད་སྒོ་ཕྱེ་ནས། །སྙན་བརྒྱུད་ཡིད་བཞིན་ནོར་བུ་ཁོ་བོས་རྙེད། །བཅོ་བརྒྱད་ལོ་ཡི་མཐའ་རུ་མ་སོན་བར། །དད་དང་སྐལ་ལྡན་གཞན་དང་གཞན་དག་ལ། །སྙན་བརྒྱུད་འདི་འདྲའི་མིང་ཡང་མ་བཤད་ན། །ཡོངས་རྫོགས་གདམས་པ་སྦྱིན་པར་ངས་མ་ཕོད། །ཅེས་གསུངས་པ་ལས་ཚར་ཆེན་རྣལ་འབྱོར་དབང་ཕྱུག་ཡར་ཀླུངས་པར་འཁྲུངས་པའི་དུས། རྗེ་མཁྱེན་བརྩེ་རང་ཉིད་ནས་ཡར་བགྲངས་པའི་སྐྱེས་རབས་བཞི་པ་འཇམ་དབྱངས་དགག་པར་འཁྲུངས་དུས་ཟབ་ཆོས་རྣམས་གནང་བར་གསོལ་བ་བཏབ་པ་ལྟ་བུའི་ལས་སད་པ་ནི་རང་ཅག་མཐའ་དག་ལ་དཀའ་ན་ཡང་དེ་ཕྱིན་གྱི་དོན་རྣམས་གོང་འོག་གི་གདམས་པ་མཐའ་དག་གི་སྐབས་སུ་དྲན་པར་བྱས་ཏེ་སྙིང་གི་དཔལ་བེར་འཆང་བའི་འོས་སོ། །རྡོ་རྗེ་ནག་པོ་ཆེན་པོའི་ནང་འཁྲིད་དམ་གསང་འཁྲིད་དུ་གྲགས་པ་ནི་ནང་རྩ་གསུམ་འཁོར་ལོ་ལྔ་ལ་བརྟེན་ནས་བསྒྲུབས་པས་ནང་སྒྲུབ། གསང་བ་སེམས་ཀྱི་གནད་ལ་བརྟེན་ནས་གསང་སྒྲུབས་པས་གསང་སྒྲུབ་དུ་གྲགས་ཤིང་། འདི་ལ་ཐུན་མོང་དང་ཐུན་མོང་མ་ཡིན་པ་གཉིས་ཡོད་པ་ལས་གཉིས་གའི་རྩ་བར་གྱུར་པ་གོང་མས་མཛད་པའི་མན་ངག་མདོར་བསྡུས། དེ་ཉིད་ཅུང་ཟད་རྒྱས་སུ་བཏང་བ་དམ་པས་མཛད་པ་དང་། གསང་རྟེན་ལུས་ལ་སྦ་བའི་ཡིག་ཆུང་རྣམས་དང་ཞལ་ཤེས་ལ་བརྟེན་ནས་ནང་འཁྲིད་ཐུན་མོང་བ་
རྣལ་འབྱོར་དབང་ཕྱུག་ཆེན་པོ་ཡར་ཀླུངས་པ་སེང་གེ་རྒྱལ་མཚན་གྱི་མཛད་པའི་བསྙེན་སྒྲུབ་ཐུན་མོང་མ་ཡིན་པའི་མན་ངག་འདི་ཡི་གེ་ནག་འགྲོས་ལྟ་བུར་བཀོད་པའི་ཐོག་མ་ཡིན་འདུག་པས། གསུང་ལས། གཞན་གྱིས་བསྐུལ་ཕྱིར་གཞན་ཕན་བསམ་པས་བྲིས། །སྙིགས་དུས་ནུབ་པར་དོགས་པས་འདིར་བརྗོད་བྱ། །ཞེས་དང་། དཔེ་འཁྱུད་མེད་པར་མ་བྲིས་ན་སྙིགས་དུས་སུ་སོང་བས་བརྗེད་པ་དང་ནུབ་ཀྱི་དོགས་ནས། ཡི་གེར་གསལ་པོར་འདྲི་བར་སྲུང་མ་རྣམས་ལ་ལོ་གསུམ་གྱི་བར་གསོལ་བ་བཏབ། ཅེས་སོགས་ལྟར། དེ་ཡན་ཆད་དུ་ཡི་གེར་གསལ་པོ་མེད་པར་ཤེས་ནུས། མལ་ལོའི་རྗེས་གནང་གི་ཐོར། མན་ངག་ཕྱི་སྒྲུབ་དང་ནང་ལུས་ལ་བརྟེན་པ་རྣམས་སྦྱིན་ཞེས་དང་། ས་ཆེན་གྱི་འབྱུང་ལུགས་གཏོར་མར་རང་ནང་གི་རྣལ་འབྱོར་པ་ཡིན་ན་བདག་ཉིད་ཀྱི་ལྟེ་བ་ཆོས་འབྱུང་གྲུ་གསུམ་ནང་དུ་བསྡུས་ལ་བཞག་ཅེས་གསང་རྟེན་ལུས་སྦའི་གནད་ཟབ་མོ་ཟུར་ཙམ་བསྟན་པ་སོགས་ཅུང་ཟད་མ་དགོངས་པ་འཁྲིད་བརྒྱའི་ནང་དུ། སྐྱེད་ཅིང་གསེད་ནས་ཕྱག་བཞིའི་སྲོག་ཐིག་ཕྱུང་། །གུར་ལའང་འདྲ་ཅོག་ཡར་ཀླུངས་པ་ཡིས་སྦྱར། །ཞེས་ཟུར་ཟ་མཛད་པ་ནི་རྗེ་བཙུན་གྲོལ་མཆོག་མཁས་གྲུབ་ཆེན་པོ་ཡིན་ཀྱང་ཕྱོགས་འདི་ལ་གཟིགས་པའི་དཀྱུས་ཐུང་བས་ཐུགས་སུ་མ་ཤོང་པའི་གསུང་ཙམ་མོ། །དེ་ཡང་ནང་འཁྲིད་ཀྱི་འཁྲིད་ཚུལ་ལ་ཕྱིའི་བྲག་རྫོང་གིས་བསྐྱེད་རིམ་དང་ནང་གསང་གི་བྲག་རྫོང་གིས་རྫོགས་རིམ་བྱས་པ། ཡང་བསྐྱེད་རིམ་གོང་ལྟར་ལ་རྫོགས་རིམ་ཡར་ཀླུངས་པ་ལུགས་ཀྱི་ནང་འཁྲིད་ཐུན་མོང་བས་བྱས་པ། ཡང་རྫོགས་རིམ་ཐུན་མོང་མ་ཡིན་པ་གསང་འཁྲིད་ཀྱིས་བྱས་པ་སོགས་ལུགས་གསུམ་ཙམ་ལས། །
དང་པོ་ནི་གོང་དུ་སོང་ཟིན་པ་དང་། གསུམ་པ་སོང་ན་གཉིས་པའང་ཞར་ལ་འབྱུང་བས་རྗེ་བཙུན་རྡོ་རིང་པས་མཛད་པའི་འཁྲིད་ཡིག་དང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་འཁྲིད་ཡིག་ཡིད་བཞིན་ནོར་བུ་ལ་གཞི་བྱས་ཡིག་ཆུང་ཞལ་ཤེས་སོགས་ཀྱིས་ཁ་བསྐངས་ཏེ། སྔོན་འགྲོ་སྐྱབས་སེམས། ཡིག་བརྒྱ། བླ་མའི་རྣལ་འབྱོར། དངོས་གཞི་རྟེན་བསྐྱེད་པའི་རིམ་པ་འཁྲིད་གཞུང་དུའང་བཤད་ཀྱང་བྲག་རྫོང་མར་རྒྱས་པར་སོང་བས་ཡང་སྐྱོར་མ་དགོས། བརྟེན་པ་རྫོགས་པའི་རིམ་པ་རྡོ་རྗེའི་ལུས་ཀྱི་གནད་ཤེས་པ་ལ་བརྟེན་ནས་རང་སེམས་གསལ་སྟོང་ཟུང་འཇུག་གི་མགོན་པོ་མངོན་དུ་བྱ་བའི་ཉེ་ལམ་རྩ་གསུམ་འཁོར་ལོ་ལྔ་ལ་བརྟེན་ནས་བསྙེན་པའི་དམིགས་རིམ། འཁོར་ལོ་ལྔ་ལྡན་དང་རྡོ་རྗེའི་བཟླས་པའི་སྒོ་ནས་བསྒྲུབ་པའམ་རྦད་པ། ལས་སྦྱོར་ཐུན་མོང་བ་བསྟན་པའི་སྤྱི་དགྲ་དང་རྣལ་འབྱོར་སྒོས་དགྲ་བསྒྲལ་བ། ཐུན་མོང་མ་ཡིན་པའི་འཁོར་ལོ་ལྔ་ལྡན་གྱི་འཁྲིད་དང་བཅས་པ་ཉམས་མྱོང་ཡིད་ཆེས་སུ་ལེགས་པར་ནོས། དེ་ཡང་ཟབ་ལམ་འདི་ལ་བརྟེན་ནས་གནས་སྐབས་ཀྱི་དངོས་གྲུབ་ཏུ་མ་ཟད་མཆོག་གི་དངོས་གྲུབ་ཀྱང་བདེ་བླག་ཏུ་བསྒྲུབ་ནུས་པས། མཁྱེན་བརྩེའི་ཞབས་ཀྱིས། ཟབ་ལས་ཆེས་ཟབ་གསང་ཆེན་སྙིང་པོའི་བཅུད། །དཀོན་ལས་ཆོས་དཀོན་ཡིད་བཞིན་རིན་ཅེན་དབང་། །མཆོག་ལས་ཆེས་མཆོག་སྙན་བརྒྱུད་གདམས་པ་འདི། །ས་སྐྱའི་རྗེ་བཙུན་ཐུགས་ཀྱི་ཉིང་ཁུ་ཡིན། །འདི་འདྲ་རྩེ་གཅིག་བསྒོམས་ན་ལྟ་ཅི་སྨོས། །ཐོས་པ་ཙམ་གྱིས་སྣང་སྲིད་འཁོར་འདས་ཆོས། །ཀུན་གྱི་རང་མཚང་རྗེན་པར་སྟོན་པའི་ཕྱིར། །ཟབ་པར་རློམ་པ་གཞན་གྱིས་
དོ་ཟླ་མིན། །ཞེས་གསུངས་པ་དོན་ལ་གནས་ཤིང་། དཔེ་འདི་རང་གི་བསྟན་པ་འཛིན་ངེས་ལས། །གཞན་གྱི་རྣ་བར་མིང་ཙམ་མི་བསྒྲག་ཅིང་། །སྙིང་ནས་དད་ཀྱང་བསྟན་པ་མི་ཟིན་ན། །ཆོས་རྒྱུན་ཤོད་ལ་དཔེ་རྒྱུན་སྦ་བར་བྱོས། །ཞེས་པ་ཤིན་ཏུ་མང་བར་སྣང་བས་བླ་མ་དང་ཆོས་ལ་ཅི་ཡང་མ་བསམ་པར་ཆོས་སྐྱོང་གཉན་པ་དང་གདམས་པ་ཟབ་པའི་གྲགས་པ་ཙམ་ལ་བརྟེན་ནས་ཆོས་ཅི་ཐོབ་ཏུ་བྱེད་པར་འོང་བར་འདུག་པས་དེ་འདྲའི་རིགས་ལ་མི་སྨྲ་བའི་བརྟུལ་ཞུགས་འཆང་བ་སྙིང་ལ་བཅང་བར་བྱའོ། །གཉིས་པ་རྒྱབ་རྟེན་ལུང་དང་འབྲེལ་བའི་སྒོ་ནས་སྒྲོ་འདོགས་གཅོད་པ་ལ། རྩ་བའི་ཡི་གེ་བདག་ཆེན་རྡོ་རྗེ་འཆང་ཆེན་པོས་དཀར་ཆག་བསྒྲིགས་པར་མཛད་པའི་མགོན་པོད་མེ་འབར་མའི་སྐོར། དེར་མ་འདུས་པའི་ཡན་ལག་གི་ཡི་གེའི་སྐོར་དང་གཉིས། དང་པོ་ནི། བདག་ཆེན་རྡོ་རྗེ་འཆང་གིས་ལྕམ་དྲལ་གྱི་ཆོས་སྐོར་གསན་པའི་ཡི་གེ་ཕལ་ཆེར་གླེགས་བམ་དུ་བསྒྲིགས་པར་མཛད་པ་དུས་རེ་ཞིག་ན་ཉང་སྟོད་རྒྱལ་མཁར་རྩེ་ནས་ས་སྐྱར་སྤྱན་དྲངས་ཚེ་ཆོམ་པོས་ཁྱེར་བར་གློ་བུར་དུ་མེ་འབར་ཞིང་སྒྲ་ཆེན་པོ་སྒྲོག་པ་དང་འཕར་བ་ལ་སོགས་བྱུང་བས་དེ་ནས་བཟུང་སྟེ་བུ་ཡིག་རྣམས་ལའང་མེ་འབར་མར་གྲགས་པའི་ཆོས་སྡེ་འདི་ལ། ཕྱི་ནང་གསང་བ་ཐུན་མོང་མ་ཡིན་པའི་སྐོར་དང་གསུམ། དང་པོ་ལ། ཡིད་ཆེས་བསྐྱེད་པ་ལོ་རྒྱུས། སྣོད་ལྡན་དུ་བསྒྲུབ་པ་རྗེས་གནང་གང་ལས་བྱུང་བའི་གཞིའི་རྒྱུད། རྩ་བའི་སྒྲུབ་ཡིག །དེ་དག་ལ་མཁོ་བའི་ལས་ཚོགས་ལྷན་ཐབས་དང་ལྔ། དང་པོ་ལ། རྡོ་རྗེ་གདན་གྱི་ཀ་བ་ནས་རྒྱལ་རིགས་པདྨ་བཛྲ་ཞེས་བྱ་བས་སྤྱན་༼མཆོད་རྟེན༽༼ཨེ༽༼མུ༽དྲངས་པའི་མགོན་པོ་འདི་ཉིད་གཏེར་ནས་འབྱུང་
བའི་ལོ་རྒྱུས། འདི་ལས་མགོན་ཁོ་ནའི་ལོ་རྒྱུས་སུ་ངོར་རྫོང་སོགས་རྗེས་འབྲང་ཕལ་ཆེར་བཞེད་ཀྱང་མགོན་པོ་རང་ལ་རྒྱ་གར་དུ་བཀའ་གཏེར་གཉིས་བྱུང་བའི་བཀའ་མར་མ་ཟད་གཏེར་མ་སློབ་དཔོན་ཆེན་པོ་པདྨས་ཤར་ཕྱོགས་པ་དྷརྨ་པཱ་ལ་ལ་གནང་བ་ལོ་ཆེན་གྱིས་གསན་ཅིང་ཨོ་རྒྱན་ཆེན་པོས་བསམ་ཡས་སུ་གཏེར་དུ་སྦས་པ་ལྷ་བཙུན་གྱིས་བཏོན་པ་རྒྱ་གར་ནས་གདན་དྲངས་པའི་གཏེར་མ་དང་ཞུས་དག་ཕེར་བ་ལས་མགོན་མ་གཏོགས་མགོན་ཆེན་གྱི་སྐོར་མ་བྱུང་། རྒྱ་པདྨ་དབང་ཕྱུག་གི་གཏེར་མ་རྣམས་ནི་རྒྱལ་ཚ་ལུང་མང་པོ་ནས་བརྒྱུད་པ་མ་གཏོགས་ས་ཆེན་ཡབ་སྲས་གསུམ་ཡན་ལ་འོང་དོན་མེད་ལ། བརྒྱུད་པའི་སྐབས་གུར་མགོན་རང་ལ་བཀའ་གཏེར་གཉིས་འདྲེན་དང་། མེ་འབར་དཀར་ཆག་ན་མགོན་པོ་འདི་ཉིད་གཏེར་ནས་བྱུང་བའི་ལོ་རྒྱུས་ཞེས་གསུངས་པས་ལས་མགོན་ཁོ་ནའི་མིན་པར་ཤེས་ནུས་ལ། གསེར་པོད་ན་བཞུགས་པ་དང་ཚིག་རིགས་ཅུང་ཟད་མི་མཐུན་པར་སྣང་བ་དེར་ལྷད་ཞུགས་པར་མངོན་ཞིང་རྫོང་ཆུང་པ་དམ་པས་མཛད་པར་བཞེད་དོ། །བཀའ་མའི་ལོ་རྒྱུས་ཞེས་པ་ཆོས་སྐྱོང་གི་བརྒྱུད་པའི་ལོ་རྒྱུས་༼མཆོད་རྟེན༽ཐོ་ཙམ་བླ་མའི་གསུང་བཞིན་རྒྱལ་ཚ་ལུང་མང་པོ་ཆོས་ཀྱི་དབང་ཕྱུག་གིས་ས་སྐྱ་དང་ཡར་ཀླུངས་ཕྱོགས་སུ་བྲིས་པ། གཉིས་པ་སྣོད་ལྡན་དུ་བསྒྲུབ་པ་རྗེས་གནང་ལ། འགོར་དཔལ་ནག་པོ་ཆེན་པོ་བསྟེན་པའི་གང་ཟག་དེས་ཞེས་ཡོད་པའི་ལྕམ་དྲལ་གྱི་རྗེས་གནང་༼མཆོད་རྟེན༽གི་ཐོ་བླ་མ་མལ་གྱིས་མཛད་པ་ལས་མཁན་གྱི་ཁྱད་པར་ནི་གུད་ན་མཆིས་སོ་ས་མ་པ་ཐའི་མཐའ་ཅན། ལྕམ་དྲལ་གྱི་རྗེས་གནང་གི་ཆོ་༼མཆོད་རྟེན༽༼ཨེ་མུ༽ག་ཉི་མས་བསྐུལ་ནས་འཕགས་པ་རིན་པོ་ཆེ་བློ་གྲོས་རྒྱལ་མཚན་གྱིས་མེ་ཡོས་སྨིན་དྲུག་ཟླ་བའི་ཚེས་བཅུ་དགུའི་ཉིན་བྱ་འདམ་གྱི་སའི་ཆར་མཛད་པ། ངོར་རྫོང་གཉིས་ཀྱི་བེ་བུམ་དུ་འདི་དང་ཚིག་མི་འདྲ་བ་འགའ་
རེ་འདུག་པ་ཞུས་དག་མ་སོང་བ་ཞིག་ནས་མཆེད་དམ་སྙམ། ནག་པོ་ཆེན་པོ་ལྕམ་དྲལ་གྱི་རྗེས་གནང་༼མཆོད་རྟེན༽བླ་མ་ཆོས་ཀྱི་རྒྱལ་པོ་འཕགས་པ་རིན་པོ་ཆེའི་གསུང་ཞང་དཀོན་ཅོག་དཔལ་གྱིས་ཟིན་བྲིས་སུ་བྱས་པ་འདི་རྣམས་མི་ལ་མི་སྤེལ་བའི་བཀའ་རྒྱ་ཅན། གསེར་པོད་ཀྱི་དེ་ལྟར་བརྒྱད་དང་སྦྱར་བའི་འདི་དང་ཞུས་དག་ཡེ་མི་ཕེར་ཞིང་བརྗེད་ཐོ་ལྟ་བུའི་འདྲ་མིན་གཉིས་འདུག་པ་ཟུར་པ་ཞིག་ཡིན་པར་སྣང་ངོ་། །དཔལ་རྡོ་རྗེ་ནག་པོ་ཆེན་པོ་ལྕམ་དྲལ་གྱི་རྗེས་གནང་གི་ཟུར་འདེབས་ཀྱི་མན་༼མཆོད་རྟེན༽ངག་སྙན་ནས་སྙན་དུ་བརྒྱུད་པ་ཟུར་ཁང་པ་སློབ་དཔོན་དཀོན་ཅོག་འོད་ཀྱིས་ཡི་གེར་བཀོད་པ། རྡོ་རྗེ་ནག་པོ་ཆེན་པོ་ལྕམ་དྲལ་གྱི་རྗེས་གནང་གི་ཆིངས་༼མཆོད་རྟེན༽བླ་མ་དམ་པ་བསོད་ནམས་རྒྱལ་མཚན་གྱིས་ཕྱག་ལེན་དུས་དང་མཐུན་པར་རྒྱས་བསྡུས་ཅི་རིགས་མཛད་ཀྱང་ལན་མང་དུ་མཛད་པར་བལྟས་ཤིང་དྲུང་གི་གསུང་ལས་ཟིན་བྲིས་སུ་ཡར་ཀླུངས་པ་ལྡོང་སྟོན་སེང་གེ་རྒྱལ་མཚན་གྱིས་དཔལ་བསམ་ཡས་ལྷུན་གྱིས་གྲུབ་པར་སུག་བྲིས་མཛད་པ། དེས་མཛད་པའི་འགོར་བླ་མ་དམ་པ་ལ་ཕྱག་འཚལ་ལོ་དཔལ་མ་ཧཱ་ཀཱ་ལའི་རྗེས་གནང་གི་ཞེས་ཡོད་པའི་རྗེས་གནང་༼མཆོད་རྟེན༽གི་ཡི་གེ་འཆམ་སྐུ་མི་གཡོ་བར་གདའོའི་མཐའ་ཅན། དངོས་གཞི་ལྕམ་དྲལ་གྱི་རྗེས་གནང་ཡིན་འདུག་ཅིང་དེང་སང་ལྷ་བརྒྱད་ཐུན་མོང་མ་ཡིན་པར་མཛད་པའི་ཕྱག་ལེན་དང་ཕྱོགས་ཙམ་མཐུན་པར་ཚོགས་སྒོམ་པ་ནས་བརྒྱུད་པའང་བྲིས་འདུག་གོ །ལྕམ་བྲལ་གྱི་རྗེས་སུ་གནང་བའི་རིམ་པ་བླ་མ་༼མཆོད་རྟེན༽རྣམས་ཀྱིས་ཕྱག་ལེན་ཇི་ལྟར་མཛད་པ་བཞིན་དུ་དཔོན་ཤེས་རབ་བཟང་པོས་བསྐུལ་ནས་དམ་པ་ཀུན་དགའ་གྲགས་ཀྱིས་ཏྲེ་སྟོད་འབོམ་དགོན་པར་ཡི་གེར་བཀོད་པ། མཁན་ཆེན་ངག་དབང་ཆོས་གྲགས་ལྷ་བརྒྱད་མའི་རྗེས་གནང་གི་ཡི་གེར་ངོས་འཛིན་མཛད་པ་མདུན་དུ་བཀའ་སྡོད་རྣམས་སམ་ཞེས་པ་ལ་
དགོངས་པ་འདྲ། འགོར་ཁྱེད་རྣམས་སངས་རྒྱས་ཀྱི་བསྟན་པའི་སྒོར་ཞུགས་ནས་ཞེས་ཡོད་པའི་དཔལ་མགོན་ལྕམ་དྲལ་གྱི་རྗེས་༼མཆོད་རྟེན༽༼ཨེ༽གནང་གི་བརྗེད་བྱང་གསེར་པོད་ན་ལོ་རྒྱུས་འདྲ་མིན་དང་གོ་རིམ་ཅུང་ཟད་མི་མཐུན་པ་སྣང་བ་ཡིག་སྐྱོན་དུ་མངོན། བཙུན་པ་བསོད་ནམས་རྒྱལ་མཚན་དཔལ་བཟང་པོས་སྦྱར་བ། ཐུན་མོང་མ་ཡིན་པ་ལྷ་བརྒྱད་ཀྱི་རྗེས་གནང་བྱ་༼མཆོད་རྟེན༽ཐབས་རྒྱས་པ་བླ་མ་དམ་པ་བསོད་ནམས་རྒྱལ་མཚན་གྱི་ཕྱག་ལེན་མང་དུ་མཐོང་བ་ལ་གཞི་བྱས་ཞང་དང་བྲག་ཕུག་པའི་ཟིན་བྲིས་དང་། རྒྱལ་ཚ་ལུང་མང་པོའི་ཕྱག་ལེན་གྱིས་ཅུང་ཟད་བརྒྱན་ནས་བདག་ཅག་གི་བླ་མའི་གསུང་གིས་རྗེས་སུ་གནང་ཞིང་བཀས་བསྐུལ་བ་དང་། བཤེས་གཉེན་གྲོགས་མཆེད་དམ་པས་ནན་གྱིས་བསྐུལ་ནས་ཡར་ཀླུངས་པ་སེང་གེ་རྒྱལ་མཚན་གྱིས་ཀླུའི་དགོན་པ་བདེ་ཆེན་དུ་སུག་བྲིས་སུ་མཛད་པ་རྣམས། གསུམ་པ་གང་ལས་བྱུང་བའི་གཞིའི་རྒྱུད་ནི། འཕགས་པ་མཁའ་འགྲོ་མ་རྡོ་རྗེ་གུར་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོའི་དཀྱིལ་འཁོར་བསྡུས་༼མཆོད་རྟེན༽༼ཨེ༽པའི་རྟོག་པའི་ལེའུ་གླེགས་བམ་དུ་འདི་ཙམ་ལས་མགོན་པོ་མངོན་བྱུང་ནས་རིགས་དྲུག་གི་རྣམ་གཞག་བསྟན་པ་ཡིག་ཚེགས་དང་ཁྲོས་རྒྱུད་ཀྱི་ལེའུ་བཅུ་པར་བཤད་པ་སོགས་རྒྱུད་གཞན་རྣམས་དཔྱད་གཞིར་དགོངས་ནས་མ་བཀོད་དམ་སྙམ། བཅོ་ལྔ་པ་ལས་ཁོལ་དུ་ཕྱུང་བ་འདི་གྱི་ལྗང་པོ་ཏི་ན་ཡང་ཡོད། པཎྜི་ཏ་གྷ་ཡ་དྷ་ར་དང་ལོ་ཙཱ་བ་འབྲོག་མིའི་འགྱུར་ལས་བྲིས་པ། བཞི་པ་རྩ་བའི་སྒྲུབ་ཡིག་ལ། འཕགས་ཡུལ་གྱི་པཎ་གྲུབ་ཀྱིས་རྒྱུད་ལ་བརྟེན་པའི་སྒྲུབ་སྐོར། གངས་ཁྲོད་ཀྱི་སྐྱེས་ཆེན་རྣམས་ཀྱི་མཛད་པའི་སྒྲུབ་སྐོར་ཏེ་གཉིས། དང་པོ་ལ། འགོར་སྐད་ཤན་སྦྱར་དང་།
བླ་མ་ལ་གུས་སྙིང་རྗེར་ལྡན། །ཚུལ་ཁྲིམས་སྩོགས་ལྡན་བསྡུ་དངོས་བཞིས། །ཞེས་ཡོད་པའི་སྒྲུབ་༼མཆོད་རྟེན༽༼རྡོ་རྗེ༽ཐབས་རྒྱས། སྒྱུར་བྱེད་ཀྱི་ལོ་པཎ་མི་གཅིག་ཙམ་མ་གཏོགས་གྱི་ལྗང་པོ་ཏི་ན་ཡང་ཡོད་ཅིང་བིཪྺ་པའི་སློབ་མ་ནག་པོ་པར་བཀའ་སྡོད། ཚོགས་བདག །གཤིན་རྗེ། གནོད་སྦྱིན་ཏར་གྱི་ཕོ་རྐྱང་གི་སྒྲུབ་ལུགས་བཞི་བྲམ་ཟེ་ཆེན་པོས་གསན་པ་ཡིན། པ་བྲམ་ཟེ་མཆོག་སྲེད་ཀྱིས་མཛད་པ་རྒྱ་གར་གྱི་མཁན་པོ་ཤྲཱདྡྷ་ཀ་ར་ཝརྨ་དང་ལོ་ཙཱ་བ་རིན་ཅེན་བཟང་པོས་བསྒྱུར་བ། ཡང་མཛད་པ་པོ་དང་སྒྱུར་བྱེད་ཀྱི་ལོ་པཎ་གོང་མ་ལྟར་གྱི་སྒྲུབ་ཐབས་༼མཆོད་རྟེན༽༼ཨེ༽བསྡུས་པ་འགོར་སྐད་ཤན་སྦྱར་དང་རྡོ་རྗེ་ནག་པོ་ཆེན་པོ་ལ་ཕྱག་འཚལ་ལོ་སྔར་གསུངས་པའི་ཆོ་གས་ཞེས་ཡོད་པ། དཀར་ཆག་ན་ཆུང་ངུ་ཟེར་བ་འདུག་ཅིང་གསེར་པོད་ཀྱི་དེ་ཡིག་སྐྱོན་ཡིན་ནམ་དབུ་ནས་ཅུང་ཟད་མ་མཐུན། འགོར་སྐད་ཤན་སྦྱར་དང་རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །ཇི་ལྟར་སྔོན་གསུངས་པའི་རིམ་པས་སྟོང་པ་ཉིད་དུ་བསྒོམས་པའི་རྗེས་ལ་ཞེས་༼མཆོད་རྟེན༽ཡོད་པའི་ནག་པོ་ཆེན་པོའི་སྒྲུབ་ཐབས་སློབ་དཔོན་ཀླུ་སྒྲུབ་ཀྱིས་མཛད་པ་ལོ་ཙཱ་བ་ག་རོད་ཀྱིས་བསྒྱུར་བ། འགོར་སྐད་ཤན་སྦྱར་དཔལ་ནག་པོ་ཆེན་པོ་ལ་ཕྱག་འཚལ་ལོ། །ཐོ་རེངས་མལ་ནས་ལངས་ནས་ཞེས་ཡོད་པའི་ནག་པོ་ཆེན་པོའི་སྒྲུབ་༼མཆོད་རྟེན༽ཐབས་བྱིན་གྱིས་བརླབ་པ་དང་བཅས་པ་སློབ་དཔོན་བསོད་སྙོམས་པས་མཛད་པ་རྒྱ་གར་གྱི་མཁན་པོ་སུ་མ་ཏི་ཀཱིརྟི་དང་ལོ་ཙཱ་བ་དགེ་སློང་པྲ་ཛྙ་ཀཱིརྟིས་བསྒྱུར་བ། འགོར་སྐད་ཤན་སྦྱར་དང་དཔལ་མགོན་པོ་ནག་པོ་ལ་ཕྱག་འཚལ་ལོ་དེ་ཁོ་ན་བཞིན་དུ་སྔོན་དུ་བསྟན་པའི་ཆོ་གས་ཞེས་ཡོད་པའི་སྒྲུབ་༼མཆོད་རྟེན༽༼མུ༽ཐབས་བྲམ་ཟེ་མཆོག་སྲིད་ཀྱིས་མཛད་པ་བ་རི་ལོ་ཙཱ་བས་བསྒྱུར་བ། འདི་དང་ལོ་ཆེན་གྱིས་བསྒྱུར་བའི་སྒྲུབ་ཐབས་ཆུང་བ་དང་ཀླུ་སྒྲུབ་ཀྱི་མཛད་
པའི་སྒྲུབ་ཐབས་གསུམ་འགྱུར་ཁྱད་ཙམ་མ་གཏོགས་དོན་གཅིག་ཅེས་བདག་ཆེན་རྡོ་རྗེ་འཆང་གསུང་ཁ་སྐོང་པོ་ཏི་ནའང་བཞུགས་སོ། །འགོར་སྐད་ཤན་སྦྱར་ཡོད་པའི་དཔལ་མགོན་པོ་ནག་པོའི་སྒྲུབ་ཐབས་དྲེགས་པ་ཟིལ་༼མཆོད་རྟེན༽༼རྒྱ༽གནོན་ཞེས་པ་སློབ་དཔོན་ཆེན་པོ་པདྨ་འབྱུང་གནས་ཀྱིས་བསམ་ཡས་མཆིམས་ཕུར་མཛད་པ། འདི་རྒྱ་པདྨ་དབང་ཕྱུག་གིས་གཏེར་ནས་སྤྱན་དྲངས་པ་རྒྱལ་ཚ་ལུང་མང་པོ་ནས་བརྒྱུད་པ་མ་གཏོགས་རྗེ་བཙུན་གོང་མ་ནས་མ་བརྒྱུད་པས་བཀའ་གཏེར་གཉིས་མེད་དོ། །བྲམ་ཟེ་ཆེན་པོས་མཛད་པའི་མགོན་པོ་ལྷ་ལྔའི་དཀྱིལ་༼མཆོད་རྟེན༽༼རྡོ་རྗེ༽༼པྲ༽ཆོ་ག་པཎྜི་ཏ་གྷ་ཡ་དྷ་ར་དང་འགོས་ལོ་ཙཱ་བས་བསྒྱུར་བ། འགོར་སྐད་ཤན་སྦྱར་དང་སློབ་དཔོན་སྐུ་ལ་སྡོ་བྱེད་དང་ཞེས་ཡོད་པའི་དཔལ་ནག་པོ་ཆེན་པོ་སྲོག་གི་སྤུ་གྲིའི་སྒྲུབ་༼མཆོད་རྟེན༽ཐབས་བྲམ་ཟེ་མཆོག་སྲེད་ཀྱིས་མཛད་པ་མལ་གྱི་ལོ་ཙཱ་བ་བློ་གྲོས་གྲགས་ཀྱིས་བསྒྱུར་བ་རྣམས། འགྱུར་བྱང་ཙམ་མ་གཏོག་གྱི་ལྗང་ནའང་ཡོད། གཉིས་པ་གངས་ཁྲོད་ཀྱི་སྐྱེས་ཆེན་རྣམས་ཀྱིས་མཛད་པའི་སྒྲུབ་སྐོར་ལ། རྐྱང་སྒྲུབ་དང་སྦྲགས་སྒྲུབ་གཉིས། མ་ཧཱ་ཀཱ་ལས་བྲམ་ཟེ་ཆེན་པོར་གནང་བའི་སྒྲུབ་ཐབས་གསུམ་ཞེས་པ་རང་ལུགས་ལ་ཕོ་རྐྱང་མོ་རྐྱང་སྦྲགས་སྒྲུབ་གསུམ་དུ་བཞེད། དང་པོ་ལ་ཕོ་རྐྱང་དུ་བསྒྲུབ་པ། བཀའ་སྡོད་ཚོགས་བདག་གཤིན་རྗེ། གནོད་སྦྱིན་ལྟར་སྒྲུབ་པ་བཞི་ཡོད་པ་ལྷའི་རྣམ་པ་མི་འདྲ་བ་བཞི་དང་བདག་མདུན་སོགས་ཀྱི་སྒོ་ནས་དབྱེ་བ་རང་ལུགས་སུ་བཞེད་ཅིང་། རྫོང་ཆུང་པ་གཤིན་རྗེ་དང་གནོད་སྦྱིན་ལྟར་སྒྲུབ་པའི་ཡི་གེ་ལོགས་སུ་མ་མཐོང་གསུང་བ་བྲག་སྟེང་པའི་སྒྲུབ་ལུགས་བཞི་དང་བླ་ཆེན་བསོད་བློའི་མན་ངག་ཚིགས་བཅད་མ་དམ་པའི་གཤིན་རྗེ་ལྟར་སྒྲུབ་པ་སོགས་མ་གཟིགས་པའི་སྐྱོན་ནོ། །མོ་རྐྱང་དུ་བསྒྲུབ་པ། འཁོར་རྐྱང་དུ་བསྒྲུབ་པ་དང་གསུམ། དང་པོ་ལ་འགོར་བླ་མ་
དམ་པ་རྣམས་ལ་ཕྱག་འཚལ་ལོ་སྤྱིར་བྲམ་ཟེ་མཆོག་སྲེད་ཀྱི་མགོན་པོ་ལྕམ་བྲལ་སྒྲུབ་ལུགས་འདི་ལ་ཞེས་ཡོད་པའི་ཕོ་རྐྱང་༼མཆོད་རྟེན༽༼ཨེ༽༼མུ༽གི་སྒྲུབ་ཐབས་བོད་ཡིག་མར་གྲགས་པ། རྫོང་ཆུང་པས་དགྲ་དང་བགེགས་ལ་བྱ་བ་ཞེས་པ་ལས་མཛད་པ་པོ་ངོས་མ་ཟིན་པར་སྣང་ངོ་། །མལ་ལོ་ཆེན་པོས་མཛད་པ་ཕྱིས་ས་ཆེན་གྱིས་ཞུས་དག་མ་དམ་ཚིག་བསྲུང་བ་དང་འབད་པ་ཤིན་ཏུ་གལ་ཆེའོ་ཕོ་རྐྱང་དུ་བསྒྲུབ་པ་འོའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་བརྒྱུད་པ་བཟང་ལྡན་མལ་གྱི་བུ་ཐུ་བོ་ཞེས་ཡོད་པའི་ཕོ་རྐྱང་གི་བསྙེན་སྒྲུབ་སྦྲགས་༼མཆོད་རྟེན༽༼ཨེ༽༼མུ༽ཏེ་བསྒྲུབ་པ། འདིའི་སྦྱར་བྱང་ན་པུཎྱ་བཛྲ་གྱིས་སྦྱར་ཟེར་བ་འདུག་ཅིང་མཁན་ཆེན་ངག་ཆོས་པའི་གསན་ཡིག་ནའང་དེ་ལྟར་སྣང་ལ། འཇམ་དབྱངས་མཁྱེན་བརྩེ། ལོ་པ་སྤྱན་སྔ། ཁྱབ་བདག་བཀའ་གྱུར་བ་གསུམ་གྱི་གསན་ཡིག་ན་དཀར་ཆག་སོར་གནས་བཞིན་མཛད་འདུག་པ་དོན་ལ་གཅིག །སེར་པོད་ན་ཁ་སྐོང་ནང་གི་ཕོ་རྐྱང་གི་སྒྲུབ་ཐབས་ཤོག་སྔོན་ཅན་གཉན་ཕུལ་བྱུང་བས་མཛད་པར་ངོས་བཟུང་ནས་འདི་ལ་རྐྱང་སྒྲུབ་ཀྱི་བསྙེན་སྒྲུབ་སྒྲགས་མ་ཞེས་པ་ལས་གཉན་ཕུལ་བྱུང་པས་མཛད་པའི་འཕྲོས་མི་འདུག་ལ། རྫོང་ཆུང་པའི་དེར་བགེགས་ལ་བྱ་བ་མན་ཆད་མ་ཚང་ཞིང་སློབ་དཔོན་རྩེ་མོས་མཛད་ཅེས་སྣང་ངོ་། །ས་ཆེན་གྱི་སློབ་མ་གཉན་ཕུལ་བྱུང་བས་མཛད་པ། འགོར་ཨོཾ་སྭ་སྟི་བླ་མ་དང་ནག་པོ་ཆེན་པོ་ལ་ཕྱག་འཚལ་ལོ་ཀ་ལའི་མན་ངག་ཡིག་རྙིང་སྔ་མའི་འཕྲོས་ཞེས་པ་དཀར་ཆག་དང་དཔེའི་ཞལ་བྱང་གཉིས་ཀར་སྣང་། ལ་ཞེས་དང་མཇུག་༼མཆོད་རྟེན༽ཏུ་ས་སྐྱ་ཇོ་སྲས་ཀྱི་ཡི་གེ་མན་ངག་རྙིང་པ་སྔ་མའི་འཕྲོས་ས་མ་པ་ཐའི་མཐའ་ཅན། འགོར་ཨོཾ་སྭ་སྟི་དཔལ་ནག་པོ་ཆེན་པོ་ལ་ཕྱག་འཚལ་ལོ་རྟེན་གྱི་གང་ཟག་དབང་བཞིས་སྣོད་དུ་རུང་བ་ཞེས་ཡོད་པའི་ནག་པོ་ཆེན་པོའི་འབྱུང་ལུགས་བསྟན་༼མཆོད་རྟེན༽ཅིང་གཏོར་མ་དང་པོའི་འཕྲོས་ཀྱི་ཡི་གེ་
རྙིང་པའི་ཆ་ལག་གོང་མས་མཛད་པ་རྗེ་བཙུན་གྱི་བླ་དཔེ་ལས་བྲིས་པ། འགོར་བླ་མ་དམ་པའི་ཞབས་ལ་སྤྱི་བོས་གུས་པས་ཕྱག་འཚལ་ལོ་བྷྲེ་དན་གྱི་ཡུལ་ན་བྲམ་ཟེ་མཆོག་སྲེད་ཅེས་ཡོད་པའི་ཚོགས་ཀྱི་བདག་༼མཆོད་རྟེན༽༼མུ༽པོའི་ཚུལ་དུ་སྒྲུབ་པའི་ཨུ་པ་དེ་ཤ་ས་ཆེན་གྱིས་མཛད་པ། མགོན་པོ་ཁྲོ་བཅུ་ཚོགས་བདག་ལྟར་སྒྲུབ་པར་ངོས་འཛིན་ཡང་། དེའི་རྗེས་གནང་གིས་མལ་ལོའི་ལུགས་ཀྱི་ཕོ་རྐྱང་ལ་རྗེས་གནང་མེད་པར་བཞེད་པ་ལ་མི་གནོད་པ་འདྲ་སྟེ། དེ་ནི་གཙོ་རྐྱང་ལ་དགོངས་ཀྱི་འདི་ནི་ཕོ་རྐྱང་གཙོ་འཁོར་སྦྲགས་སྒྲུབ་ཡིན་པས་སོ་སྙམ་ཞིང་། མཁན་ཆེན་ངག་དབང་ཆོས་གྲགས་ཀྱི་ལྷག་བསམ་རབ་དཀར་གྱི་དྲི་ལན་དུ་སྦྲགས་སྒྲུབ་ཡིན་པས་སོ་རྗེ་ཚར་བ་གསུང་པའི་ངག་རྒྱུན་དེ་ལེགས་པོ་སྣང་ཞེས་པ་འདུག་ཀྱང་། ས་གཅད་དུ་རྐྱང་སྒྲུབ་སྦྲགས་སྒྲུབ་ཅེས་སོ་སོར་དབྱེ་བའི་དབང་དུ་སོང་ན་འདི་ལུགས་གཉིས་གང་དུའང་ངོས་འཛིན་དཀའ་བའི་དོགས་གནད་ཆེ་བ་ཞིག་འདུག་པ་འཇམ་མགོན་ས་སྐྱ་པའི་བསྟན་འཛིན་དུ་ཁུར་གྱིས་ལྕི་བ་རྣམས་ལྗགས་ཀྱི་དབང་པོ་རྐྱོང་བར་རིགས་སོ། །འགོར་བླ་མ་དང་དཔལ་ཀྱེ་རྡོ་རྗེ་ལ་ཕྱག་འཚལ་ལོ་ཚོགས་ཀྱི་བདག་པོའི་ཚུལ་དུ་སྒྲུབ་པའི་བསྙེན་སྒྲུབ་གཉིས་སྔོན་དུ་སོང་ནས་ལས་༼མཆོད་རྟེན༽༼མུ༽༼རྡོ་རྗེ༽ལ་སྦྱར་ཞེས་ཡོད་པའི་མན་ངག་གི་ཡིག་རྙིང་། རྫོང་ཆུང་པ་སེར་བ་དབབ་པ་གཞུང་གི་ཡིག་སྣའི་ཞབས་ན་ཡོད་ཅེས་ལོགས་སུ་ངོས་བཟུང་བ་དེ་འདིའི་ནང་གི་དེའོ། །སེར་བ་བཅད་པའི་ལས་རྣམས་སྒྲུབ་ཐབས་ཉིད་ལས་བཙལ་རྫོང་ཆུང་བ་གསལ་ཞེས་སྒྲ་བཤད་དང་བཅས་གསུང་། ལོའི་མཐའ་ཅན། དེའི་གསང་ལས་འགོར་དཔལ་༼མཆོད་རྟེན༽༼རྡོ་རྗེ༽ནག་པོ་ཆེན་པོ་སྒྲུབ་པར་འདོད་པས་ཞེས་ཡོད་པའི་སློབ་དཔོན་བྲམ་ཟེ་མཆོག་སྲེད་ཀྱི་མན་
ངག་གསད་པའི་ལས་སྦྱོར་རོའི་མཐའ་ཅན། འགོར་མ་ཧཱ་ཀཱ་ལའི་བསྙེན་པ་༼མཆོད་རྟེན༽༼མུ༽༼རྡོ་རྗེ༽ཡང་དང་པོ་ལྷག་པའི་ལྷ་གང་ཡང་རུང་བའི་བསྙེན་པ་སྔོན་དུ་འགྲོ་བར་བྱ་སྟེ་ཞེས་ཡོད་པའི་བཀའ་བསྒོའི་ཚུལ་དུ་སྒྲུབ་པ་བླ་མ་གོང་མས་མཛད་པ་སྒྲ་སྙན་གྱི་རྫས་རྫོགས་སོའི་མཐའ་ཅན། རྫོང་ཆུང་པ་འདིའི་ནང་གི་སྲེག་རྫས་ལ་བལ་ཏ་ཀའི་རྫས་དང་བཅས་བསད་སྨྱོ་དབྱེ་གསུམ་སོ་སོར་ཁ་བསྒྱུར་ཆོག་པ་བསྒྲུབ་ཐབས་ཉིད་ནས་གསལ་ཞེས་ཞལ་འཕངས་པ་འདིར་ངོས་བཟུང་འདུག །ཡང་དེས་མཛད་པའི་འགོར་དང་པོར་བདག་ཉིད་ཀྱིས་བསྙེན་སྔགས་དང་སྔགས་རིང་གཉིས་ཀ་ལ་བསྙེན་པ་༼མཆོད་རྟེན༽༼མུ༽༼རྡོ་རྗེ༽བསྐྱལ་ཅེས་ཡོད་པའི་ལིང་ག་བསྲེགས་པའི་དུམ་བུ་ལམ་རྒྱ་གྲམ་དུ་མནན་ནོའི་མཐའ་ཅན། རྫོང་ཆུང་བས་ཆོས་ཚན་སྔོན་མ་དང་སྦྲེལ་འདུག །གོང་དཀར་བ་འདི་ལ་གིང་ག་སྲེག་ལུགས་སུ་ཆད། མའི་གདུང་༼མཆོད་རྟེན༽༼རྡོ་རྗེ༽ནད་ཀྱིས་གསད་པ། གཏོར་མ་༼མཆོད་རྟེན༽༼རྡོ་རྗེ༽ལ་བརྟེན་ནས་གསད་པ། ཏིང་ངེ་འཛིན་གྱིས་༼མཆོད་རྟེན༽༼རྡོ་རྗེ༽གསད་པ་སྟེ་དྲག་པོའི་ལས་སྦྱོར་གི་མན་ངག་བླ་མ་གོང་མས་མཛད་པ། འགོར་བླ་མ་དམ་པའི་ཞབས་ལ་ཕྱག་འཚལ་ལོ་ནག་པོ་ཆེན་པོའི་སྒྲུབ་ཐབས་ནི་དང་པོར་རང་ཉིད་ལྷག་པའི་ལྷའི་ཞེས་ཡོད་པའི་ཕོ་རྐྱང་གི་ལས་༼མཆོད་རྟེན༽༼ཨེེ༽༼མུ༽བྱང་རྗེ་བཙུན་གྱིས་མཛད་པ་གསེར་པོད་ན་ལོ་ཆེན་གྱིས་མཛད་ཅེས་སྣང་ཞིང་རྫོང་ཆུང་བས་ཕོ་རྐྱང་གི་གཏོར་ཆོག་ཏུ་འབོད་ཅིང་ལས་བྱང་མི་ཟེར་བར་ལས་སྤངས་དེ་ཞེས་པ་དང་ཚོགས་བདག་གི་ཡིག་རྙིང་དུ་སྒྲུབ་ཐབས་གསུམ་གསུངས་པའི་འབྲིང་པོར་ངོས་བཟུང་འདུག་ཀྱང་བདག་ཆེན་རྡོ་རྗེ་འཆང་འབྲིང་པོ་ཞེས་པ་ཡིག་ནོར་ཡིན་གསུང་ངོ་། །ལས་བྱང་དེ་རྒྱུན་དུ་ཡི་དམ་བྱ་བ་མན་ངག་གོའི་མཐའ་ཅན་རྣམས། གཉིས་པ་མོ་རྐྱང་དུ་བསྒྲུབ་པ་ལ། ཞི་དྲག་གཉིས་ལས་ཞི་བ་ནང་པ་ལྟར་སྒྲུབ་པ་
འགོར་བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ། །མོ་རྐྱང་དུ་སྒྲུབ་པ་ལ་གསུམ་སྟེ་ཞེས་ཡོད་པའི་མོ་རྐྱང་དུ་སྒྲུབ་པའི་གསལ་༼མཆོད་རྟེན༽༼ཨེ༽བྱེད་ཤཱཀྱའི་དགེ་སློང་པུཎྱ་བཛྲ་གྱིས་མཛད། གཉན་ཕུལ་བྱུང་བ་ཡིན། འགོར་མཁའ་འགྲོ་མ་དབང་དུ་བྱ་བར་འདོད་ན་ཞེས་ཡོད་པའི་མོ་རྐྱང་གི་བསྙེན་༼མཆོད་རྟེན༽༼ཨེ༽༼མུ༽༼རྡོ་རྗེ༽སྒྲུབ་མཁའ་འགྲོ་དབང་དུ་བྱ་བ་གོང་མས་མཛད་པ་ཁོའི་རྐྱེན་བཟློག་ཏུ་འགྲོ་བས་མི་བུལ་གསུང་པའི་མཐའ་ཅན། རྡོ་རྗེ་གདན་པའི་ཕྱག་དཔེར་རང་རྫི་ཕྱོགས་སུ་མི་བསྡོད་ཟེར་བ་ཡིན་པས་མི་འདུག་ཅིང་འདིའི་མཇུག་ན་ཡོད་པའི་མེའི་གདུང་བ་ཞེས་པ་སེར་པོད་ན་ཆོས་ཚན་ལོགས་སུ་ངོས་བཟུང་ཡོད་དོ། །འགོར་སྐད་ཤན་སྦྱར་དང་དཔལ་ལྡན་ལྷ་མོ་ནག་པོ་ལ་ཕྱག་འཚལ་ལོ་དཔལ་ལྡན་ལྷ་མོ་ནག་མོ་སྒྲུབ་པར་འདོད་པས་ཞེས་ཡོད་པའི་ལྷ་མོ་དྲག་མོ་ཕྱི་པ་མུ་སྟེགས་པ་ལྟར་༼མཆོད་རྟེན༽༼ཨེ༽༼རྡོ་རྗེ༽བསྒྲུབ་པ། འདི་ལ་དཀར་ཆག་ཏུ་ཕྱི་པ་མུ་སྟེགས་པ་ལྟར་སྒྲུབ་པ་ཞེས་གསུང་པ་རྫོང་ཆུང་པས་ཕྱི་སྒྲུབ་དང་ནང་སྒྲུབ་ཀྱི་ཁྱད་པར་ཡིན་ཞེས་ཟུར་ཟ་དང་གི་ལྗང་མ་གཏོགས་ལུགས་འདི་ལ་མེད་གསུངས་ཀྱང་དམ་པ་ཀུན་དགའ་དཔལ་གྱི་སྒྲུབ་ཡིག་དང་བླ་མ་གཟུངས་ཀྱི་དཔལ་བས་ཡར་ཀླུངས་པ་སེང་གེ་རྒྱལ་མཚན་ལ་གནང་བའི་དྲི་ལན་གྱི་བརྗོད་དོན་མེ་འབར་དཀར་ཆག་དང་མཐུན་ཞིང་ལྷ་མོ་ལ་ཡང་བཀའ་སྡོད་ཚོགས་བདག །ཕྱི་པ། ནང་པ་ལྟར་སྒྲུབ་པ་སྟེ་ལུགས་བཞི་དང་ཕྱི་མ་གཉིས་ལ་སོ་སོར་འཇམ་རྩུབ་ཀྱི་སྒྲུབ་པ་དང་། ཡང་ནང་པ་ལ། འཇམ་པ་ཅུང་ཟད་འཇམ་པ། ཤིན་ཏུ་འཇམ་པའི་རྣམ་གཞག་ཀྱང་ཡོད་ཅིང་ལྷ་མོ་བདག་སྐྱེད་དུ་བྱེད་པ་ལོ་ཀ་ཤྲཱིའི་ཡི་གེ་འདི་མ་གཏོགས་མེད་པས་ཚོགས་བདག་ལྟར་སྒྲུབ་པ་ཞལ་གྱིས་བཞེད་ཕྱིན་རང་ཚིག་དང་ཡང་འགལ་བར་མངོན། གོང་དཀར་བའི་གསན་ཡིག་ན་མུ་སྟེགས་པ་ལྟར་སྒྲུབ་པ་འདི་ལ་ལྷ་མོའི་སྒྲུབ་ཐབས་ཟེར་བ་ཙམ་ལས་མི་སྣང་ངོ་། །རྒྱ་གར་གྱི་སློབ་དཔོན་ཆེན་པོ་བྲམ་ཟེ་
མཆོག་སྲེད་ཀྱི་མཛད་པ་སློབ་དཔོན་ལོ་ཀ་ཤྲིས་བསྒྱུར་བ་རྣམས། གསུམ་པ་འཁོར་རྐྱང་དུ་སྒྲུབ་པ་ནི་དཀར་ཆག་ཏུ་གཙོ་འཁོར་ཅི་ཁྱད་ནས་འོག་ཏུ་འཆད་གསུང་བའི་རྗེས་སུ་འབྲངས་ཏེ། གཉིས་པ་སྦྲགས་སྒྲུབ་པ་ལ་ཐུན་མོང་དང་ཐུན་མོང་མ་ཡིན་པ་གཉིས་དང་པོ་ལ་ཐུན་མོང་བ་ལྕམ་དྲལ་ལྟར་སྦྲགས་རྡོ་རྗེ་གདན་པའི་གསན་ཡིག་ན་ལྷ་གསུམ་མའི་བསྙེན་སྒྲུབ་ལས་གསུམ་ཞེས་པ་སྣང་། ཏེ་སྒྲུབ་པ་༼མཆོད་རྟེན༽༼ཨེ༽༼མུ༽༼རྡོ་རྗེ༽བླ་མའི་གསུང་ལས་ཇི་ལྟར་གྱུར་བ་བཞིན་གཞན་གྱིས་གསལ་བ་བཏབ་པའི་ངོར་དགེ་ཚུལ་རྡོ་རྗེ་འཛིན་པ་བློ་གྲོས་རྒྱལ་མཚན། འཕགས་པ་རིན་པོ་ཆེ། དཔལ་བཟང་པོས་ཆུ་ཕོ་བྱི་བའི་ལོ་གདུ་བུའི་ཟླ་བ་ལ་བྱང་ངོས་སུ་སྦྱར་བ། དེས་རྒྱལ་བུ་ཇི་གིན་གྱི་དོན་དུ་མཛད་༼མཆོད་རྟེན༽༼མུ༽པའི་ལྕམ་དྲལ་གྱི་གཏོར་ཆོག །གཉིས་པ་ཐུན་མོང་མ་ཡིན་པ་ལ། ལྷ་བརྒྱད་ཀྱི་བསྙེན་པ་བྱེད་ཐབས་༼མཆོད་རྟེན༽༼མུ༽༼པྲ༽ཐུན་མོང་མ་ཡིན་པ་གསང་བའི་མན་ངག་མ་ལོ་པས་མཛད་པ། རྫོང་ཆུང་བ་ལྷ་བརྒྱད་མའམ་བཅུ་གཉིས་མའི་མངོན་རྟོགས་ཞེས་འདམ་ཁར་བཞེད་ཅིང་། འགའ་ཞིག་བུ་ལུང་ཀུན་རྡོར་གྱིས་མཛད་གསུང་ཡང་རང་ལུགས་ལ་མི་བཞེད། དེ་ལ་ཉེ་བར་མཁོ་བ་འགོར་བླ་མ་དམ་པའི་ཞབས་ལ་ཕྱག་འཚལ་ལོ་མཁའ་འགྲོ་མ་རྣམ་པ་གཉིས་ལས་མཁན་དང་བཅས་པ་བཀའ་སྡོད་དུ་སྒྲུབ་པའི་དུས་སུ་ཞེས་ཡོད་པའི་སྒྲུབ་པ་དང་༼མཆོད་རྟེན༽༼མུ༽ལས་སྦྱོར་སྟོན་པའི་བཀའ་སྡོད་ཀྱི་ཡི་གེ་དགོས་ཤིང་གཅེས་ནས་བཏབ་པ་ཡིན་ས་མ་པ་ཐ་མིའི་མཐའ་ཅན། འདི་ལྷག་བསམ་རབ་དཀར་གྱི་དྲི་ལན་མལ་དཔོན་གྱིས་མཛད་ཅེས་སྣང་ཞིང་རྫོང་ཆུང་པའི་དཀར་ཆག་ན་སྦྲགས་སྒྲུབ་ཀྱི་ཟིན་བྲིས་ཟེར་བ་འདུག་ཅིང་མཇུག་ན་བོད་རྦད་བསད་གསུམ་དྲིལ་བ་ཞེས་པའི་ཡིག་ཆུང་ཞིག་བཏགས་འདུག །དཀྱིལ་འཁོར་ལ་བརྟེན་ནས་རྩུབ་
ལུགས་༼མཆོད་རྟེན༽༼རྡོ་རྗེ༽སུ་སྒྲུབ། འདི་ལ་རྡོ་རྗེ་གདན་པའི་གསན་ཡིག་ཏུ་བོད་རྦད་གསང་གསུམ། ཐུན། ཕུར་པ། བ་དན། དམ་ཤིང་། ཟོར། སྦྱིན་སྲེག་དང་ག་གིས་གསད་པ་དྲུག་འཕྲལ་ནས་མཛད་འདུག །པ་འགོར་བླ་མ་དམ་པའི་ཞབས་ལ་གུས་པས་ཕྱག་འཚལ་ལོ་མཁའ་འགྲོ་སྦྲགས་ཏེ་སྒྲུབ་པའི་མན་ངག་བརྗོད་པར་བྱའོ་ཞེས་ཡོད་པ་ཤཱཀྱའི་དགེ་སློང་ཐེག་པ་མཆོག་གི་རྣལ་འབྱོར་པ་བློ་གྲོས་སེང་གེས་མཛད་པ། མལ་ལོའི་དབོན་པོ་ཡིན། འདི་མལ་དང་འཕགས་པའི་དུས་གང་དུ་བྱུང་དཔྱད་དགོས་འདུག་གོ །འགོར་ན་མོ་གུ་རུ་བྷྱཿན་མོ་མཧཱ་ཀཱ་ལཱ་ཡ་སྤྱིར་བྲམ་ཟེ་མཆོག་སྲེད་ཀྱི་མགོན་པོ་ལྕམ་དྲལ་བསྒྲུབ་༼མཆོད་རྟེན༽༼ཨེ༽༼རྡོ་རྗེ༽ལུགས་ལ་ཞེས་ཡོད་པའི་ལུགས་བརྒྱད་ཀྱི་བསྒྲུབ་ཚུལ། རྡོ་རྗེ་གདན་པའི་གསན་ཡིག་ན་རྫས་དང་ལོངས་སྤྱོད་བསྲུང་བ། དངོས་གྲུབ་སྒྲུབ་པ། འཁུ་ལྡོག་སྤང་བ་ཞེས་བརྗོད་དོན་གསལ་བར་སྣང་ཞིང་གཙོ་འཁོར་སྦྲགས་སྒྲུབ་ཏུའང་བཞེད། རྫོང་པ་རྣམས་འདི་བཞི་དྲིལ་བར་ཡིག་སྣ་ཆེན་མོ་ཞེས་དཔེ་ཚན་གཅིག་ཏུ་བཞེད་པ་དོན་ལ་གནས་སོ། །མྱུར་བར་འདོད་པའི་ལས་ལ་རྩུབ་དང་བསྡོས་ཏེ་ལས་ལ་སྦྱར་བས་ཟླ་བ་ཕྱེད་ཀྱིས་རྩལ་ཆེན་རྫོགས་པའི་མན་ངག་རྗེ་ས་ཆེན་གྱིས་མཛད་པ། དེས་མཛད་༼མཆོད་རྟེན༽༼མུ༽༼རྡོ་རྗེ༽པའི་འགོར་འཇམ་ཞིང་ཞི་བའི་ལས་ལ་ཡུན་བསྲིངས་ཏེ་བསྒྲུབ་པ་ལ་ཡང་ཞེས་ཡོད་པའི་ཞི་བའི་ལས་དམ་པ་རྫོགས་སོའི་མཐའ་ཅན། རྡོ་རྗེ་གདན་པའི་གསན་ཡིག་འདི་ལ་མོ་རྐྱང་དུ་བསྒྲུབ་པའི་ཐ་སྙད་མཛད་འདུག །དེས་མཛད་པའི་༼མཆོད་རྟེན༽༼མུ༽༼རྡོ་རྗེ༽འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ་ཤིན་ཏུ་མྱུར་བའི་ལས་ལ་ཞག་བདུན་གྱི་རྩལ་ཆེན་རྫོགས་པ་ནི་ཞེས་ཡོད་པ་བཟློག་པའི་ཉེན་ཡོད་པས་ཟབ་པར་བྱའོའི་མཐའ་ཅན། དེས་མཛད་༼མཆོད་རྟེན༽༼མུ༽པའི་འགོར་བླ་མ་དམ་པའི་ཞབས་ལ་ཕྱག་འཚལ་ལོ་རྒྱུན་དུ་བསྟེན་པའི་ལས་ལ་
ཞི་དྲག་ཕྱེད་མས་སྒྲུབ་པ་ནི་ཞེས་ཡོད་པ་སྒྲུབ་ལུགས་འཇམ་པ་དང་འདྲའོའི་མཐའ་ཅན། འགོར་ཨོཾ་སྭ་སྟི་སིདྡྷཾ་བླ་མ་རྣམས་དང་ཡི་དམ་ལྷ་ཞེས་ཡོད་པའི་བརྒྱད་སྦྲགས་སྒྲུབ་རྒྱས་༼མཆོད་རྟེན༽༼ཨེ༽༼མུ༽པ་ས་པཎ་གྱི་དངོས་སློབ་ཧོར་དམག་བཟློག་མཁན་དུ་གྲགས་པ་འོད་ལྡན་དཔལ་གྱིས་མཛད་པ་ཤིན་ཏུ་དག་པར་བྲིས་པ་ཡིན་པར་ཤེས་པར་བྱའི་ས་མ་པ་ཐ་མི་ཐའི་མཐའ་ཅན། འདི་ལྟར་ཡིན་ཚུལ་བདག་ཆེན་བཞི་ཐོག་པ་ཀུན་དགའ་དབང་ཕྱུག་གསུང་ལ། མུས་སྲད་པ་སོགས་ལ་ལ་དམ་པས་མཛད་པར་བཞེད་ཅིང་སེར་པོད་ན་གཟུངས་པས་མཛད་ཟེར་བ་འདུག་ཀྱང་བླ་ཆེན་བསོད་བློའི་མན་ངག་ཚིགས་བཅད་ཀྱིས་མིན་པར་ཤེས་ནུས་སོ། །འགོར་ན་མོ་གུ་རུ་སངས་རྒྱས་བསྟན་པ་བསྲུང་བའི་ཕྱིར་དཔལ་ལྡན་བླ་མ་དམ་པ། ཞེས་ཡོད་པའི་ལྕམ་དྲལ་སྦྲགས་ཏེ་སྒྲུབ་པའི་ལག་ལེན་དཔལ་༼མཆོད་རྟེན༽ས་སྐྱ་པ་ལས་བརྒྱུད་པའི་མན་ངག་དམ་པའི་དབོན་པོ་འདན་མ་ཀུན་དགའ་དཔལ་གྱིས་མཛད་པ། འགོར་བླ་མ་དམ་པའི་ཞབས་ལ་ཕྱག་འཚལ་ལོ་སྤྱིར་འདི་ལ་གཉིས་ལས་འདི་ནི་མྱུར་བར་འདོད་པས་རྩུབ་དང་བསྡོས་༼མཆོད་རྟེན༽༼མུ༽༼རྡོ་རྗེ༽ནས་ལས་ལ་སྦྱོར་བའོ་ཞེས་ཡོད་པའི་རྩུབ་ལུགས་སུ་སྒྲུབ་པ་བླ་མ་གོང་མས་མཛད་པ། དེས་མཛད་པའི་རྟེན་གྱི་དཀྱིལ་འཁོར་དང་བསྐྱེད་པ་རྟེན་གྱི་འཁོར་ལོ་མི་དགོས་པར་གསད་༼མཆོད་རྟེན༽༼མུ༽༼རྡོ་རྗེ༽པ་ལས་ཁུང་ལ་བརྟེན་ནས་ཤིན་ཏུ་རྩུབ་ལུགས་སུ་སྒྲུབ་པ། དེས་མཛད་༼མཆོད་རྟེན༽༼མུ༽པ་འགོར་དཀྱིལ་འཁོར་ལ་མི་བརྟེན་པའི་དུས་སུ་དཀྱིལ་འཁོར་ལ་བྱུག་པ་ཁྲག་དང་དུར་ཁྲོད་གྱི་སོལ་བ་ཞེས་ཡོད་པའི་དཀྱིལ་འཁོར་ལ་མི་བརྟེན་པའི་ལུགས། དེས་མཛད་པ་འགོར་ཨོཾ་སྭ་སྟི་ནག་པོ་ཆེན་༼མཆོད་རྟེན༽༼མུ༽༼རྡོ་རྗེ༽པོའི་མན་ངག་ནི། མཎྜལ་ཟུར་དྲུག་འཁོར་ལོ་བྲི་ཞེས་ཡོད་པའི་དཀྱིལ་འཁོར་ལ་
བརྟེན་པའི་འཇམ་ཞིང་ཞི་བའི་ལུགས། རྫོང་ཆུང་པའི་ཡི་གེ་དང་བཟླས་པས་ཀྱང་འགྲུབ་བོ་ཡན་མཐུན་དེ་མན་མི་གཅིག་པར་འདུག །སེར་པོད་དཀར་ཆག་གི་འཇམ་ཞིའི་སྒྲུབ་པ་ཟེར་བའི་མོ་རྐྱང་གི་སྒྲུབ་པ་ཞིག་འདུག་པ་འདིའི་མཇུག་གི་ཡང་གསུམ་སྟེ་རྟེན་བཅའ་༼ཨ༽བ་བསྙེན་སྒྲུབ་སྦྲགས་མ་ཞེས་སོགས་ལ་ངོས་བཟུང་བའི་བར་སྐབས་སུ་ཚིག་སྣ་ཅུང་ཟད་རིང་བའི་འདྲ་མིན་ཕྲན་བུ་ཡོད་པའི་ཆོས་ཚན་ཟུར་པ་ཞིག་སྣང་ལ། དབུ་ནས་ཡིག་འཕྲེང་གཅིག་ཙམ་མ་གཏོགས་ཞུས་དག་ཕེར་༼མུ༽པ་རྫོང་ཆུང་པའི་གླེགས་བམ་དུ་དཀྱིལ་འཁོར་ལ་བརྟེན་པའི་འཇམ་པོར་སྒྲུབ་པའི་ཡི་གེ་ཆུང་ངུ་ཞེས་སྣང་། རྡོ་རྗེ་གདན་པའི་ཕྱག་དཔེ་དག་མེ་འབར་མ་ཞུས་དག་ཕེར། ལྷ་བརྒྱད་ཐུན་མོང་མ་ཡིན་པའི་གཏོར་ཆོག་དྲུང་༼མཆོད་རྟེན༽ཆོས་རྗེའི་ཕྱག་ལེན་ལ་གཙོ་བོར་བྱས། རྒྱལ་ཚ་ལུང་མང་པོ་ཁུ་དབོན་གྱི་མན་ངག་མ་སྦས་པར་ཤིང་ཕོ་སྟག་ལོ་ཟླ་བ་བཅུ་གཉིས་པའི་ཚེས་བརྒྱད་ལ་ཡར་ཀླུངས་པ་སེང་གེ་རྒྱལ་མཚན་གྱིས་ཆོས་གྲྭ་རྩེས་ཐང་དཔལ་གྱི་སྡེ་ཆེན་དུ་ཡི་གེར་མཛད་པ་རྣམས། ས་གཅད་གོང་མའི་གསུམ་པ་འཁོར་རྐྱང་དུ་བསྒྲུབ་པ་ལ། ཐུན་མོང་དང་ཐུན་མོང་མ་ཡིན་པ་དང་། ཐུན་མོང་མ་ཡིན་པ་ལ་ཕྱི་ནང་གསང་བ། རུ་མཚོན། གྷཎྜི། སྲོག་གི་ལས་མཁན་ཏེ་དྲུག་ཡོད་པར་བཤད་ཅིང་། པུ་ཏྲ་ལ་ཡང་གསང་བ། བདུད། རྒྱལ་འབུད་མོན་བུ་སྟེ་སོ་སོར་ཡོད་དོ། །གསང་བའི་ལས་མཁན་པུ་ཏྲཱ་མིང་སྲིང་གི་རྗེས་༼མཆོད་རྟེན༽༼ཨེ༽༼མུ༽གནང་བླ་མའི་གསུང་གི་བདུད་རྩི་སྙན་ནས་རིམ་པར་བརྒྱུད་པ་སློབ་མས་བསྐུལ་བའི་ངོར་སྒ་ཨཱ་ནན་དམ་པས་བཀོད་པ། རྗེས་གནང་གི་ཟིན་བྲིས་བསྡུས་པ་བླ་༼མཆོད་རྟེན༽མའི་ཕྱག་ལེན་ཕྲི་བསྣན་སྤངས་ཏེ་ཟིན་བྲིས་ཙམ་དུ་སེང་གེ་རྒྱལ་མཚན་དཔལ་གྱི་མིང་གིས་གསར་དུ་བྲིས་ལ་དག་པར་ཞུས་སོའི་མཐའ་ཅན། རྗེས་གནང་གི་ཟིན་བྲིས་༼མཆོད་རྟེན༽རྒྱས་པ་དམ་པ་ཀུན་
དགའ་གྲགས་ཀྱི་ཡི་གེའི་སྟེང་དུ་ཆོས་རྗེ་བླ་མ་དམ་པ་བསོད་ནམས་རྒྱལ་མཚན་གྱི་ཕྱག་ལེན་ཡི་གེར་མི་གསལ་བའི་ཟིན་བྲིས་ལོགས་གཅིག་ཏུ་བྱས་པའི་ཡིག་རྙིང་དང་སྦྱར་ནས་བཤེས་གཉེན་གྲོགས་དམ་པའི་གསུང་གི་ངོར་ཡར་ཀླུངས་པ་སེང་གེ་རྒྱལ་མཚན་གྱིས་རྒྱལ་ཚ་ལུང་མང་པོའི་དབེན་གནས་ཀླུའི་དགོན་པ་ཤུག་ར་བདེ་ཆེན་དུ་བྲིས་པ། འགོར་བསམ་ཡས་ལ་སོགས་གཙུག་ལག་ཁང་ཞེས་ཡོད་པའི་སློབ་དཔོན་པདྨ་འབྱུང་གནས་ཀྱིས་མཛད་པའི་པུ་ཏྲའི་སྒྲུབ་༼མཆོད་རྟེན༽༼ཨེ༽༼མུ༽༼རྡོ་རྗེ༽༼ལྷ༽ཐབས་བསམ་ཡས་ཀྱི་ཀ་བའི་འོག་ནས་ལྷ་བཙུན་བྱང་ཆུབ་འོད་ཀྱིས་གཏེར་ནས་བཏོན་པ། འདི་དང་ཞུས་དག་ཕེར་བ་ཞིག་ལོ་ཆེན་གྱིས་རྒྱ་གར་ནས་གདན་དྲངས་པས་བཀའ་གཏེར་གཉིས་སུ་མཛད་པ་ཡིན། འགོར་བླ་མ་དམ་པ་རྣམས་ལ་ཕྱག་འཚལ་ལོ་དཔལ་ནག་པོ་ལྕམ་དྲལ་གྱི་བཀའ་བྲན་པུ་ཏྲ་ཕོ་མོ་ཞེས་ཡོད་པའི་སྒྲུབ་༼མཆོད་རྟེན༽༼མུ༽༼རྡོ་རྗེ༽ཐབས་བསྡུས་པ་ས་ཆེན་གྱིས་མཛད་པ་རེ་རེ་ལ་བཀའ་རྒྱས་ཐོབ་ལ་སྦྱིན་ནོའི་མཐའ་ཅན། རྡོ་རྗེ་གདན་པའི་གསན་ཡིག་ན་བཀའ་ཉན་ཕོ་མོ་གསེར་གྱི་སྤུ་གྲི་ཅན་གྱི་མན་ངག་ཅེས་སྣང་ཞིང་རྫོང་ཆུང་པ་ནོར་བསྲུང་གནོད་སྦྱིན་དང་གསང་བ་གཤིན་རྗེའི་ཚུལ་དུ་སྒྲུབ་པའི་ཡིག་རྙིང་ཞེས་པ་ཙམ་ལས་མཛད་པ་པོ་མི་གསལ་འདུག །འདི་ལ་འདུན་པའི་སློབ་མས་གསོལ་བ་བཏབ་པའི་ངོར་དམ་པ་ཀུན་དགའ་གྲགས་ཀྱིས་༼མཆོད་རྟེན༽༼ཨེ༽༼མུ༽༼རྡོ་རྗེ༽མཛད་པའི་དོན་ཊཱི་ཀ་གསལ་བར་བྱས་པའི་སྒྲུབ་ཐབས་ཤིན་ཏུ་རྒྱས་པ། རྫོང་ཆུང་པ་འདི་སློབ་དཔོན་རྩེ་མོས་མཛད་པར་བཞེད་དོ། །དེས་མཛད་པའི་སྒྲུབ་ཐབས་འབྲིང་པོ་བཤན་༼མཆོད་རྟེན༽༼ཨེ༽༼རྡོ་རྗེ༽པ་ལྕམ་དྲལ་གྱི་ཆོ་གའི་གསལ་བྱེད་དབུ་ན་ལོ་རྒྱུས་ཡོད་པ། དེས་མཛད་པའི་པུ་ཏྲའི་བསྟོད་པ་༼མཆོད་རྟེན༽
ལས་རྣམས་ཀུན་བྱེད་མ། དེས་བླ་མའི་གསུང་༼མཆོད་རྟེན༽༼མུ༽བཞིན་སྦྱར་བའི་འགོར་སློབ་དཔོན་འཕགས་པ་ཀླུ་སྒྲུབ་དང་ཞེས་པའི་སྒྲུབ་ཐབས་བསྡུས་པ། དྲག་པོའི་བསྟོད་བསྐུལ་༼མཆོད་རྟེན༽མོན་བུ་པུ་ཏྲ་ནག་བསྐྱོད་མ་མལ་ལོ་ཙཱ་བས་མཛད་པ། འགོར་ཧོ་མོན་བུ་པུ་ཏྲ་སྤུན་གཉིས་ཞེས་ཡོད་པའི་དམོད་༼མཆོད་རྟེན༽བཅོལ་གོང་མས་མཛད་པའི་ཚིག་ལྷུག །པུ་ཏྲ་མིང་སྲིང་གི་༼མཆོད་རྟེན༽གཏོར་ཆོག་རྡོ་རྗེ་འཛིན་པ་དགེ་སློང་དཔལ་ལྡན་ཚུལ་ཁྲིམས་ཀྱིས་དཔལ་ས་སྐྱའི་ཆོས་གྲྭར་སྦྱར་བ། པུ་ཏྲ་མིང་སྲིང་གི་བསྐང་མདོས་དམ་པ་ཀུན་༼མཆོད་རྟེན༽༼མུ༽༼རྡོ་རྗེ༽དགའ་ཏྲེ་བོས་མཛད་པ། ནང་གི་ལས་མཁན་བེར་ནག་ཟངས་གྲི་ཅན་གྱི་སྒྲུབ་༼མཆོད་རྟེན༽༼ཨེ༽༼མུ༽ཐབས་ཇོ་སྲས་ཐུགས་རྗེ་དཔལ་གྱི་གསེར་གྱི་འབུལ་བ་དང་བཅས་པའི་ངོར་རྣལ་འབྱོར་པ་མལ་བློ་གྲོས་སེང་གེས་མཛད་པ། སེར་པོད་ཀྱི་དེར་མཛད་བྱང་ཆད་འདུག །རྫོང་ཆུང་བ་འཕགས་པས་མཛད་པར་བཞེད། འགོར་སངས་རྒྱས་བསྟན་པ་བསྲུང་བའི་དོན་དུ་ལས་ཀྱི་མགོན་པོ་ཟངས། ༼མཆོད་རྟེན༽༼མུ༽གྲི་ཅན་ཞེས་ཡོད་པའི་གསོད་བྱེད་གདུག་པ་ཅན་གྱི་སྒྲུབ་ཐབས་རྫོགས་སོའི་མཐའ་ཅན། རྫོང་ཆུང་པ་ཡིག་སྙིང་དུ་བཞེད། འགོར་བླ་མ་དམ་པ་རྣམས་དང་དཔལ་ནག་པོ་ཆེན་པོ་ལ་ཕྱག་འཚལ་ལོ་དུར་ཁྲོད་གནས་པའི་མགོན་པོ་གཅེར་བུ་ཟངས་གྲི་ཅན་ཞེས་ཡོད་པའི་ཕྱིའི་ལས་མཁན་གཅེར་བུ་ཟངས་གྲི་ཅན་གྱི་སྒྲུབ་༼མཆོད་རྟེན༽ཐབས་བླ་མ་མལ་ནས་བརྒྱུད་པ་ལྷག་ཆད་དང་བྲལ་བ་ཡི་གེར་བྲིས་པ་རྫོགས་སོའི་མཐའ་ཅན། འདི་གྱི་ལྗང་ནའང་ཡོད། ལྔ་པ་དེ་དག་ལ་མཁོ་བའི་ལས་ཚོགས་ལྷན་ཐབས་ལ། དཀར་ཆག་ཏུ་མན་ངག་ཤོག་དྲིལ་དྲུག་པ་སོགས་གཙོ་བོར་ཕོ་
རྐྱང་གི་ལས་ཚོགས་ཡིན་མོད་ཀྱང་སྦྲགས་སྒྲུབ་དང་ཐུན་མོང་དུ་ཉེ་བར་མཁོ་བའི་ཕྱིར་འདིར་འོག་ཏུ་སྒྲིགས་ནས་བཞག་པ་ཡིན་ནོ། །ཞེས་པ་ལྟར་ནག་པོ་ཆེན་པོའི་སྒོ་ནས་གཏོར་མར་བརྟེན་པའི་དགྲ་བགེགས་གསང་བའི་མན་ངག །གཞན་གྱི་རིག་སྔགས་དང་རྦོད་གཏོང་བཟློག་པའི་མན་ངག །རྨི་ལམ་ངན་པ་དང་ལྟས་ངན་བཟློག་པ། བྱད་ཤ་སྤགས་པ། གཏོར་མ་མེད་པར་ཁ་ཟས་ལ་བརྟེན་ནས་དགྲ་གསད་པ། དགྲ་བགེགས་ཚོགས། ༼མཆོད་རྟེན༽༼ཨེ༽༼མུ༽༼རྡོ་རྗེ༽སུ་ཟ་བ་སྟེ་ཤིན་ཏུ་ཟབ་པའི་ཤོག་དྲིལ་དྲུག་དམ་པས་མཛད་པ། ཆོས་སྐྱོང་མི་འཁོལ་ཁ་མེད་ཀྱི་ཟབ་༼མཆོད་རྟེན༽༼མུ༽༼ཨ༽༼མུ༽༼རྡོ་རྗེ༽གཏད་བྲམ་ཟེ་མཆོག་སྲེད་ཀྱིས་སྦས་གཏེར་སློབ་དཔོན་ཏིང་ངེ་འཛིན་ཤེས་རབ་ཀྱིས་མཛད་པ། དཀར་ཆག་དང་གསན་ཡིག་ན་མཛད་ཅེས་སྣང་ཡང་ཡི་གེ་ན་བཤུས་ཟེར་བ་འདུག །རྫོགས་ཆུང་པས་བསྙེན་པ་མི་འཁུ་བ། སྲོག་འཕྲོག་པ་སྲོག་གི་ཡང་ཏིག་བླང་བ་བཞི་པོ་ཁ་ཕྲལ་ནས་བྲིས་འདུག་གོ །ལྷ་རྣམས་མཉེས་པར་འདོད་པས་མགོན་པོའི་རྟེན་གཏོར་གྱི་མན་༼མཆོད་རྟེན༽༼ཨ༽༼མུ༽༼རྡོ་རྗེ༽ངག་སློབ་དཔོན་པདྨས་མཛད་པ། འདི་རྒྱའི་གཏེར་མ་ཡིན་མིན་ཁུངས་མ་ཆོད་པས་དཔྱད། བསྲུང་བཟློག་གསད་པ་དང་རྨི་ལམ་ངན་པ་བཟློག་པའི་ཞལ་ཤེས་ཟབ་མོ་ཚིགས་བཅད་༼མཆོད་རྟེན༽༼ཨེ༽༼མུ༽༼རྡོ་རྗེ༽མ་དམ་པ་ཀུན་དགའ་གྲགས་ཀྱིས་མཛད་པ། དཀར་ཆག་ན་གཞན་གྱི་རྦོད་གཏོང་ཟློག་པ་ཙམ་ལས་མི་འདུག་ཀྱང་བརྗོད་བྱ་ལ་དཔགས་ན་འདི་བཞིན་ཚང་ངམ་སྙམ་ཞིང་། རྫོང་ཆུང་པའི་དཀར་ཆག་དང་རྗེ་རྡོ་རྗེ་གདན་པའི་གསན་ཡིག་ན་ཡང་སྣང་ལ་ཡིག་ཆ་ན་འཕགས་པས་དམ་པ་ལ་གནང་ཟེར་བ་འདུག །ཤོག་དྲིལ་གཉིས་པ་དང་འདི་གཉིས་རྡོ་རྗེ་བྲག་རྫོང་མའི་མན་ངག་གི་རྩ་བ་ལྟ་བུ་ཡིན་པས་རྗེས་འཇུག་ཕལ་ཆེར་གྱིས་མ་ངེས་པའི་བབ་
ཆོལ་མང་པོ་སྨྲ་བར་སྣང་ངོ་། །ནག་པོ་ཆེན་པོ་ལྕམ་དྲལ་གྱི་མན་ངག་ཟབ་དོན་ཐོར་༼མཆོད་རྟེན༽བུ་རྣམས་བླ་མ་ཆེན་པོ་བསོད་ནམས་བློ་གྲོས་ཀྱིས་ཤིང་རྟ་ཁྲུམས་ཀྱི་ཟླ་བའི་ཉེར་གསུམ་ལ་བརྗེད་བྱང་དུ་མཛད་པ། རྡོ་རྗེ་འཛིན་པ་པུ་ཎྱའི་མིང་ཅན་གྱི་བགྱིས་ཟེར་བ་སྣང་ངོ་། །མགོན་པོ་ཁྲོ་བཅུའི་བསྲུང་འཁོར་༼མཆོད་རྟེན༽༼ཨེ༽༼མུ༽༼རྡོ་རྗེ༽བླ་མ་རྗེ་བཙུན་ཆེན་པོའི་གསུང་བཞིན་དོ་པ་དཀར་སྟོན་ཤཱཀྱ་གྲགས་ཀྱིས་ཡི་གེར་བཀོད་པ། རང་བསྲུང་འཁོར་ལོ་ཆེན་མོའི་བྲི་ཡིག་རབ་གནས་དང་༼མཆོད་རྟེན༽༼རྡོ་རྗེ༽བཅས་པ་བླ་མ་རྗེ་པ་གྲུམ་པར་བཞུགས་དུས་འདི་འདྲ་བདོག་གསུངས་པར་བརྟེན་དབུས་ཐང་སྐྱར་དོ་པ་སྟོན་ཚུལ་གྱིས་ཞུས་པས་མ་གནང་ཕྱིས་ས་སྐྱའི་གཟིམས་ཆུང་རྙིང་པར་ཀྱེེ་རྡོར་གྱི་དབང་བསྐུར་ཞིག་གྱི་དུས་གཙིགས་ཅན་དུ་བྱས་ནས་གནང་བ། འགོར་བླ་མ་དམ་པའི་ཞབས་ལ་ཕྱག་འཚལ་ལོ་ཆོས་སྐྱོང་ལྕམ་དྲལ་གྱི་སྒྲུབ་༼མཆོད་རྟེན་༽༼མུ༽པ་འདི་ལ་རྟེན་གྱི་དཀྱིལ་འཁོར་ཞེས་ཡོད་པའི་དཀྱིལ་འཁོར། རྟེན་གྱི་འཁོར་ལོ་བཅད་པ། གསད་པ་ལས་དྲུག །ཕུར་བུ་དགོད་པ། དམ་རྫས། མཆོད་རྟེན་གསང་ཁུང་བཤམ་པ། ཏིང་འཛིན་སྔགས་ཀྱི་བཟླ་ཐབས་ཏེ་མན་ངག་ཀུན་གྱི་སྡོམ་དང་མཁའ་འགྲོ་འཁུ་ལྡོག་སྤོང་བ་བཅས་གོང་མས་མཛད་པ། རྫོང་ཆུང་བ་རྣམས་མཁའ་འགྲོ་སྦྲགས་སྒྲུབ་ཀྱི་ཡིག་རྙིང་ལ་ཆོས་ཚན་བཅུ་གཅིག་བཤད་པའི་གཅིག་ལ་འདི་འདྲེན་པར་སྣང་ཞིང་མེའི་གདུང་བ་ཡང་འདི་ལ་ངོས་བཟུང་འདུག །འགོར་ནག་པོ་ཆེན་པོ་ལ་ཕྱག་འཚལ་ལོ་མགོན་པོ་འདིའི་མན་ངག་ལ་མཁའ་འགྲོ་འཁུ་སྡོག་སྤང་བ་ཞེས་ཡོད་པའི་སྦྲགས་སྒྲུབ་ལ་ཉེ་བར་མཁོ་བའི་གནད་༼མཆོད་རྟེན༽༼ཨེ༽༼མུ༽དྲིལ་བ་འོད་ལྡན་དཔལ་གྱིས་མཛད། སེར་པོད་ན་གཟུངས་ཀྱི་དཔལ་བས་མཛད་ཅེས་སྣང་། པ་ཤིན་
ཏུ་གསང་བར་བྱའོ་ས་མ་པ་ཐ་མིའི་མཐའ་ཅན། དེས་མཛད་པའི་བོད་རྦད་གསད་གསུམ་དྲིལ་པའི་མན་༼མཆོད་རྟེན༽ངག་ས་སྐྱ་པ་ཆེན་པོ་སྙིང་པོའི་ཞབས་ཀྱི་ཐུགས་ཀྱི་སྙིང་པོ་ས་མ་ཡ་ཐ་མིའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་རྡོ་རྗེ་ནག་པོ་ཆེན་པོའི་འཛིན་གཏོར་ཞེས་༼མཆོད་རྟེན༽༼མུ༽ཡོད་པའི་འཛིན་གཏོར་གྱི་མན་ངག་བླ་མ་ས་ཆེན་གྱིས་མཛད་པ་ཤིན་ཏུ་ཟབ་པོ་ས་མ་པ་ཐ་མིའི་ཅན། དཀར་ཆག་ན་གཉིས་ཡོད་གསུངས་ཀྱང་གཅིག་མ་རྙེད་མལ་ལོའི་དབོན་པོས་མཛད་ཟེར་བ་བྱུང་འདུག་རུང་དེ་ལྟར་མིན་ཚུལ་ཡར་ཀླུངས་པ་གསུང་། འགོར་འདི་ལ་སྤྱིར་ཕོ་སྒྲུབ་སྔོན་དུ་མ་སོང་བར་མོ་མི་སྒྲུབ་ཅེས་ཡོད་པའི་ཟོར་གྱི་སྒྲུབ་པ་དང་ལྷ་དབྱེ་སོགས་རྒྱས་༼མཆོད་རྟེན༽༼མུ༽པར་བསྟན་པ་བླ་མ་གོང་མས་མཛད་པ་མཚམས་དམ་པ་ཤིན་ཏུ་གཅེས་སོའི་མཐའ་ཅན། རྫོང་ཁ་བ་རྣམས་ཟོར། མནན་པ། ལྷ་དབྱེ། སྒྲུབ་རྟགས། འཁུ་ལྡོག་སྤང་བ། འཁོར་ལོའི་མན་ངག་ཅེས་སོ་སོར་ཁ་ཕྲལ་ཏེ་དཀར་ཆག་ཏུ་བྲིས་ནས་མཁའ་འགྲོ་སྦྲགས་སྒྲུབ་ཀྱི་ཡི་གེ་རྙིང་པའི་མཇུག་ཏུ་སྦྱར་ཏེ་མན་ངག་བཅུ་གཅིག་ཕྱོགས་གཅིག་ཏུ་བྱས་ཟེར་བ་སྣང་ཞིང་ཡིག་སྣ་ཐོར་བུ་གསུམ་ཞེས་ངོས་བཟུང་བའི་རྫས་དགྲམ་པ་བཟླས་གསད་ཀྱི་ཐོ་དང་བཅས་པ་མེ་འབར་སོགས་ནས་ཞུས་དག་ཕེར་བ་མ་རྙེད། མཁའ་འགྲོ་འཁུ་ལྡོག་སྤོང་༼མུ༽བ་ཞེས་པ་དྲག་པོའི་ལས་སྦྱོར་ནས་གནད་འདི་གཅེས་པར་ཟུངས་ཀྱི་བར་དང་ལྷ་དང་དགྲ་བོ་ཆོ་གས་༼མུ༽འཕྲལ་བ། རྨི་ལམ་ཉམས་མཁན་གྱི་ལྟས་ལ་ཞེས་པ་ནས་གནག་གི་རཱའམ་རྨིག་པ་བསྲེག་ཅེས་པའི་བར་ཚིག་ཟུར་འདྲ་མིན་ཙམ་མ་གཏོགས་འདི་ནང་དུ་ཡོད་པ་དེ་དག་འདབས་པ་འདྲ། གང་ལྟར་ཡིག་རྙིང་འདྲ་མིན་ཡོད་མེད་དཔྱད། འཁོར་ལོའི་མན་ངག་ཅེས་༼མཆོད་རྟེན༽༼མུ༽པ་གནོད་སྦྱིན་ཕོ་མོའི་འཁོར་ལོའི་བྲི་ཐབས་འཁོར་ལོ་བསྐོར་བའི་མཐའ་ཅན། རྫོང་ཁ་བས་གོང་དུ་སོ་སོར་ཁ་ཕྲལ་བའི་འཁོར་ལོ་དེ་འདི་ཡིན། འཁོར་ལོ་རྣམས་
ཀྱི་རབ་༼མཆོད་རྟེན༽གནས་བྱ་ཐབས་མཆོག་ཏུ་འགྱུར་གསུང་བའི་མཐའ་ཅན། དམ་ཤིང་ལ་དབང་བསྐུར་བའི་མགོན་པོ་ལྕམ་དྲལ་དུ་སྒྲུབ་པའི་༼མཆོད་རྟེན༽༼རྡོ་རྗེ༽ཐབས་བྲམ་ཟེ་མཆོག་སྲེད་ཀྱི་མན་ངག་རྫོགས་བྱང་གི་མཐའ་ཅན། ཟབ་གཏད་ཀྱི་མན་ངག་༼མཆོད་རྟེན༽བླ་མ་མལ་གྱིས་ཇོ་སྲས་ས་སྐྱ་པར་གནང་བའི་གཙིགས་ཅན། འདི་བརྒྱུད་པའི་མན་ངག་དང་ལྡན་ཞིང་གཞན་ནི་མ་རྟོགས་པ་ཡིན་པས་འདི་དང་འདྲ་མིན་བྲམ་ཟེ་ཆེན་པོས་མཛད་ཟེར་བ་དང་བསྲེ་བར་མི་བྱ་བའི་ཚུལ་ཡང་མཇུག་ན་སྣང་ངོ་། །རྡོ་རྗེ་གུར་མགོན་གྱི་སྐུ་གསུང་ཐུགས་མི་འགྱུར་བའི་འཁོར་༼མཆོད་རྟེན༽༼ཨེ༽༼མུ༽༼རྡོ་རྗེ༽ལོའི་གོ་ཆ་དམ་པ་ཀུན་དགའ་གྲགས་ཀྱིས་ཉམས་སུ་བླངས་ཏེ་སློབ་མ་མཆོག་གི་ངོར་སྦྱར་བ། འདི་ལ་རྫོང་ཆུང་བའི་དཀར་ཆག་ཏུ་དགའ་གྲོལ་ཞེས་འདུག་ཅིང་། སེར་པོ་དཀར་ཆག་ཏུ་ངག་བསྲུང་ཟུར་དུ་ཡོད་པ་འདྲ་ཞིག་འདུག་ཀྱང་འདི་ག་ན་ཡོད་པ་དེ་ལས་ངོས་བཟུང་རྒྱུ་མི་འདུག །འགོར་བསྟན་པ་གནས་པར་བྱ་བའི་ཕྱིར་ཞེས་ཡོད་པའི་གསང་༼མཆོད་རྟེན༽༼རྡོ་རྗེ༽བའི་ཡིག་ཆུང་ཞེས་བྱ་ནང་གི་སྒོ་ནས་འཁུ་ལྡོག་སྤོང་པའི་གདམས་པ་ཤིན་ཏུ་ཟབ་པ་གོང་མས་མཛད་པ་མན་ངག་རྫོགས་བྱང་གི་མཐའ་ཅན། ཀུན་མཁྱེན་རྡོ་རྗེ་གདན་པའི་གསན་ཡིག་ན་མགོན་པོ་རང་ལོག་ན། བརྡུགས་ན། སྟེང་ན། འཁྱམས་ན། མ་བཏུབ་ན། རྦོད་ཁ་འདོམ་པ་རྣམས་སོ་སོར་ཕྲལ་འདུག་གོ །གླ་རྩི་སོགས་རྫས་ཀྱི་དབྱེ་བའི་སྒོ་ནས་འཁོར་ལོ་བཅའ་༼མཆོད་རྟེན༽༼རྡོ་རྗེ༽ཐབས་ཀྱི་མན་ངག་བྲག་སྟེང་པས་མཛད་པ། དེས་མཛད་པའི་བཀའ་སྡོད། ཚོགས་བདག །གནོད་སྦྱིན། གཤིན་རྗེ་ལྟར་སྒྲུབ་ལུགས་མི་འདྲ་བཞིའི་ཁྱད་པར་བསྟན་༼མཆོད་རྟེན༽པ་གསང་བར་བྱས་ནས་སྤྱད་པར་བྱའོ་མཐའ་ཅན་
འགོར་ལས་སྔ་མ་བྱས་ནས་ལས་མཇུག་༼མཆོད་རྟེན༽༼ཨེ༽༼མུ༽༼རྡོ་རྗེ༽མནན་པ་ནི་ཞེས་ཡོད་པའི་སྦྲགས་སྒྲུབ་ལ་དགོས་པའི་མནན་པའི་ཐུན་སྒྲུབ་འོད་ལྡན་དཔལ་གྱི་མཛད་པ། ངོར་རྫོང་གཉིས་མཐུན་ཞིང་འདི་དང་འདྲ་མིན་ཅུང་ཟད་བྱུང་བ་ཡིག་སྐྱོན་ཡིན་ནམ་སྙམ་རྫོང་པ་བས་མནན་པ་དངོས་ཀྱང་འདི་གའི་ཁོངས་སུ་བསྡུས་ནས་ཆོས་ཚན་སོ་སོར་མཛད། འགོར་མནན་པ་དངོས་ནི་འབྱུང་པོའི་ཉི་མ་ལ་ཞེས་ཡོད་པ་དགའ་ལྡན་༼མཆོད་རྟེན༽༼ཨེ༽༼མུ༽༼རྡོ་རྗེ༽པ་བཀྲ་ཤིས་དཔལ་གྱིས་མཛད་པ་གནས་གསུམ་བསྲུངས་ནས་བདེ་བར་སྤྱད་དོའི་མཐའ་ཅན། དེས་ཁྱི་ལོ་ཟླ་བ་བདུན་པའི་ཉི་ཤུ་ལྔ་ལ་དགའ་ལྡན་༼མཆོད་རྟེན༽༼ཨེ༽༼མུ༽དུ་མཛད་པའི་སྦྱིན་སྲེག་གི་ཡི་གེ་ནག་པོ་ཆེན་པོ་མཆོད་པའི་ཆོ་གར་གྲགས་པ། འགོར་བླ་མ་དམ་པའི་ཞབས་ལ་གུས་པས་ཕྱག་འཚལ་ལོ་འདིར་རྣལ་འབྱོར་གྱི་དབང་ཕྱུག་ཆེན་པོར་གྱུར་པའི་བླ་མ་དམ་པ་དེ་ཞེས་ཡོད་པའི་སྦྱིན་༼མཆོད་རྟེན༽སྲེག་གི་ཡི་གེ་བླ་མ་ཆོས་ཀྱི་རྒྱལ་པོའི་གསུང་ལས་མལ་དབོན་གྱིས་ས་སྐྱར་ཟིན་བྲིས་བྱས་པ་ཡིན་ཞེས་ཆོས་ཀྱི་རྗེ་གསུང་ངོའི་མཐའ་ཅན། ཡིག་ཆ་དཀར་ཆག་ལོ་པ་སྤྱན་སྔའི་གསན་ཡིག་གསུམ་ན་མལ་ལོ་ཞེས་འདུག་པ་ཡི་གེ་མ་དག་པ་ཡིན་པ་འདྲ། འཇམ་དབྱངས་མཁྱེན་བརྩེ་དང་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་གསན་ཡིག་ན་དབོན་ཞེས་སྣང་བ་འཕགས་པ་རིན་པོ་ཆེ་དང་དུས་མཚུངས་སུ་མལ་གྱི་དབོན་རིགས་མཁས་པ་ཞིག་བྱུང་ངམ་སྙམ་བློ་གྲོས་སེང་གེ་དང་གཅིག་མི་གཅིག་དཔྱད། མ་ཧཱ་ཀཱ་ལའི་ཐེབས་བཟློག་ཀུན་གྱི་༼མཆོད་རྟེན༽ཐུན་མོང་མ་ཡིན་ནོའི་མཐའ་ཅན། འགོར་ཤོམ་ནི་ནག་པོ་ལྕམ་དྲལ་གྱི་སྐུའི་བཅའ་གཞི་ཞེས་ཡོད་པའི་ཕྱི་༼མཆོད་རྟེན༽ནང་གསང་གསུམ་གྱི་ཤོམ་ཡིག་རྣལ་འབྱོར་དབང་ཕྱུག་ཡར་ཀླུངས་པས་མཛད་པ་ཕྱག་ལེན་གྱི་
རིམ་པ་འོའི་མཐའ་ཅན། དེས་མཛད་པའི་འགོར་ཡི་དམ་ཆོས་སྐྱོང་གི་སྔགས་ཐུན་འཛུགས་པའི་ཕྱག་ལེན་ནི་ཞེས་ཡོད་༼མཆོད་རྟེན༽པའི་ཡི་གེ་དགེ་བཤེས་སེང་གེ་རྒྱལ་མཚན་གྱིས་ཐུགས་དམ་མཛད་དོའི་མཐའ་ཅན། འགོར་ཨོཾ་སྭ་སྟི་ཆོས་སྐྱོང་གི་བརྒྱུད་པ་ལ་རྡོ་རྗེ་འཆང་སྔོན་པོ་རྡོ་རྗེ་དང་དྲིལ་བུ་ཐུགས་ཀར་བསྣོལ་བ་ཞེས་ཡོད་པའི་མགོན་པོའི་བྲིས་སྐུ་འདྲི་ཐབས་༼མཆོད་རྟེན༽༼ཨེ༽༼མུ༽ཆོས་ཀྱི་རྒྱལ་པོ་འཕགས་པས་མཛད་པ་ཅེ་སྤྱང་ལ་སོགས་པ་རྣམས་ཀྱང་བྲི་བར་བྱ་འོའི་མཐའ་ཅན། དེས་རང་གི་བུ་ཆེན་གྱིས་ཆོས་སྐྱོང་གི་སྐུ་བཞེངས་པའི་དུས་མཛད་༼མཆོད་རྟེན༽༼ཨེ༽༼མུ༽པའི་འགོར་མགོན་པོའི་སྐུ་བཞེང་པ་ལ་ཐོག་མར་ཤིང་ལས་བྱས་པའི་རུ་ཤིང་ཞེས་ཡོད་པའི་ལྡེར་སྐུ་བཞེང་ཐབས། སློབ་དཔོན་པདྨ་འབྱུང་གནས་ཀྱིས་སྔགས་འཆང་རྣལ་འབྱོར་པ་རྣམས་ཀྱི་སྐུ་དགྲ་བསྒྲལ་བའི་ཆེད་དུ་༼མཆོད་རྟེན༽༼རྒྱ༽མཛད་པའི་ཆོས་སྐྱོང་སྤྱིའི་དམོད་བཅོལ་ཇོ་མོ་མཁར་ཆེན་བཟས་བླ་དཔེ་དར་ཤོག་དམར་པོ་ལ་བཻཌཱུརྱས་བྲིས་པ་ལས་ཞལ་བཤུས་པ་ལོ་བདུན་གྱི་བར་བཀའ་རྒྱས་བཏབ་པ། མཆོད་གཏོར་སྦྱིན་སྲེག་ལས་སྦྱོར་ཐུག་འཛུགས་གཏོར་ཆེན་སོགས་དང་འབྲེལ་བའི་དྲང་སྲོང་གི་དམོད་པའི་ཚུལ་གྱི་དྲག་༼མཆོད་རྟེན༽བསྐུལ་མཁས་པ་ཡོན་ཏན་ཁྲིས་དད་ལྡན་སློབ་མ་འགའ་ཞིག་གི་དོན་དུ་གྲུབ་ཐོབ་བིདྱཱ་ཙནྟྲའི་གནས་སུ་མཛད་པ། འགོར་བླ་མ་དང་ནག་པོ་ཆེན་པོ་ལ་ཕྱག་འཚལ་ལོ་གསང་བ་མཁའ་འགྲོ་མ་འཁུ་ལྡོག་སྤོང་བ་ནི་ཞེས་ཡོད་པའི་༼མཆོད་རྟེན༽མན་ངག་གོང་མས་མཛད་པ་ཞག་གསུམ་ཚུན་ཚད་ཀྱིས་ཆུད་ནས་འོང་གསུང་བའི་མཐའ་ཅན། དེས་མཛད་པའི་འགོར་མ་ཧཱ་ཀཱ་ལའི་བཟླས་པའི་ལུགས་ལ་ཞེས་ཡོད་༼མཆོད་རྟེན༽
པའི་ཟབ་གཏད་ཀྱི་ཡིག་ཆུང་གནད་ལ་དབབ་པ་ཡིན་གསུངས་ནས་གཙིགས་ཆེ་བའི་མཐའ་ཅན། དེས་མཛད་པའི་གསང་ཐབས་བདུན་སྦྲེལ་མར་བྱེད་པའི་རྒྱུ་༼མཆོད་རྟེན༽མཚན་རི་དྭགས་འཕྲང་ལ་དགུག་པ་བཞིན་ནོའི་མཐའ་ཅན། རྫོང་ཆུང་པའི་གླེགས་བམ་དུ་འདི་སྦྲགས་སྒྲུབ་ཡིག་རྙིང་གི་དཀྱིལ་འཁོར་ལ་མ་བརྟེན་པའི་གཤམ་དུ་བྲིས་པ་ལས་ཟུར་དུ་ངོས་མ་བཟུང་། དེས་མཛད་པའི་ཕྱག་གི་སྒོ་ནས་ལྷ་དང་དཔྲལ་བའི་གདམས་༼མཆོད་རྟེན༽པ་སྲུང་མ་རྣམས་ཀྱིས་མི་ཐུབ་པ་ཡིན་ནོའི་མཐའ་ཅན། རྫོང་ཆུང་པའི་གླེགས་བམ་ན་ཡིག་སྣ་ཐོར་བུ་གསུམ་ཞེས་པའི་ལྷ་དང་དགྲ་བོ་ཆོ་གས་འབྲལ་བའི་གཤམ་དུ་བྲིས་པ་དེ་ལས་ཟུར་དུ་མེད། འགོར་སྐད་ཤན་སྦྱར་དང་དཔལ་ཧེ་རུ་ཀ་ལ་ཕྱག་འཚལ་ལོ་མི་གསད་མཚོན་ནམ་སེང་ལྡེང་ལ་ཞེས་ཡོད་པའི་མགོན་པོ་ཕུར་བུ་༼མཆོད་རྟེན༽ལྟར་སྒྲུབ་པའི་རྒྱ་གཞུང་བྲམ་ཟེ་མཆོག་སྲེད་ཀྱིས་མཛད་པ་མལ་ལོ་བློ་གྲོས་གྲགས་ཀྱིས་བསྒྱུར་པ། སྒྱུ་བྱེད་མི་གཅིག་པ་མ་གཏོགས་གྱི་ལྗང་ན་ཡང་ཡོད། དེས་མཛད་པའི་ནག་པོ་ཆེན་པོའི་སྲོག་ཕུར་གནད་བསྐུལ་༼མཆོད་རྟེན༽དང་བཅས་པ། འདི་དཀར་ཆག་དང་གསན་ཡིག་ཐམས་ཅད་ན་མི་གསལ་ཡང་དཔེ་རྙིང་ཁུངས་བཙུན་མང་པོར་འདུག་པས་གོང་གི་ཁོངས་སུ་བསྡུས་སམ་སྙམ་པ་མེ་འབར་གླེགས་བམ་ལ་ལར་མི་འདུག་པ་དཔྱད། གྱི་ལྗང་པོ་ཏི་ན་ཡང་སྐད་ཤན་སྦྱར་སོགས་ཅུང་ཟད་མ་གཏོགས་ཞུས་དག་ཕེར་བར་ཡོད། ས་ཆེན་གྱིས་མཛད་པའི་དཔལ་ནག་པོ་ཆེན་པོ་ཕུར་བུའི་སྒྲུབ་ཐབས་༼མཆོད་རྟེན༽བླ་མའི་གསུང་བཞིན་དྲིས་པ་ས་མ་པ་ཐ་བླ་མ་ས་སྐྱ་པ་ཆེན་པོའི་གསུང་རབ་ཡིན་ནོའི་མཐའ་ཅན། འདི་གྱི་ལྗང་པོ་ཏིར་ཡང་ཡོད་ལ་རྫོང་ཆུང་པ་ཁུངས་བཙུན་ཕྱིར་ས་ཆེན་གྱིས་སྦྱར་བྱང་བརྒྱབ་པ་ལས་ངོ་བོ་དགེ་སློང་ཤྲཱྀ་བྷ་དྲས་མཛད་གསུངས་པ་དང་མིང་བཅུག་པ་བྱུང་བ་ནི་ཐེ་ཚོམ་གྱི་གཞིར་རྡོ་རྗེ་འཆང་
ཚར་པ་ཆོས་རྗེ་གསུང་ངོ་། །འདི་ལ་སྒྲུབ་ཐབས་བསྡུས་པ་ཟེར། དེས་མཛད་པའི་དཔལ་ནག་པོ་ཆེན་པོ་སྲོག་གི་སྤུ་གྲིའི་སྒྲུབ་༼མཆོད་རྟེན༽ཐབས་ཞེས་པ་ནག་པོ་ཆེན་པོ་ཕུར་བུའི་སྒྲུབ་ཐབས་ས་མ་པ་ཐ་མའི་མཐའ་ཅན། གྱི་ལྗང་པུ་ཏིར་ཡང་ཡོད། འདི་ལ་རྒྱས་པ་ཟེར། འགོར་དཔལ་ཧེ་རུ་ཀ་ལ་ཕྱག་འཚལ་ལོ་ནག་པོ་ཆེན་པོའི་གཞུང་ནས་འདི་གཉིས་ཀྱི་གཞན་གྱི་ངག་གནོན་པར་འདོད་ཞེས་ཡོད་པའི་གདམས་ངག་༼མཆོད་རྟེན༽༼ཨེ༽༼མུ༽༼རྡོ་རྗེ༽དམ་པ་ཀུན་དགའ་གྲགས་ཀྱིས་མཛད་པ་གཞུང་བཞིན་བྱ་འོའི་མཐའ་ཅན། མགོན་པོའོ་བསྟོད་པ་སྔོན་ཚེ་བདེ་གཤེགས་མ། གྱི་ལྗང་པོ་ཏི་དང་ཚར་ལུགས་བསྟོད་འབུམ་ནའང་ཡོད། དང་སྲིན་གཟུགས་མ། འདི་གའི་བསྟོད་འབུམ་དང་ཚར་ལུགས་བསྟོད་འབུམ་ནའང་ཡོད། བསྐུལ་འདས་དང་མ་འོངས་པ་གསུམ་སྦྲེལ་བའི་མཇུག་རྡོ་༼མཆོད་རྟེན༽རྗེ་རེ་མ་ཏཱི་ཨེ་ཀ་ཊི་ཡཀྵ་བེ་ཏ་ལི། པརྞ་ཤ་བ་རི་སྟེ་གསང་བའི་ཡུམ་བཞིར་བཅས་པའི་བསྐུལ་རྣམས་ཆོས་སྡེ་གཅིག་ཏུ་བཞུགས་པ་སློབ་དཔོན་པདྨས་མཛད་པ། དཀར་ཆག་ན་འདི་ལྟར་འདུག་པ་ཡུམ་བཞིའི་བསྐུལ་ལ་དགོངས་སམ་སྙམ་བཀའ་གཏེར་གང་ཡིན་མ་ངེས། རྗེ་གྲོལ་མཆོག་གིས་བསྐོར་བའི་མགོན་པོའི་རྗེས་གནང་མཛད་ཀྱི་ཡོད་འདུག་པ་ཐུགས་ཀྱིས་གསར་དུ་དཔྱད་པ་ཞིག་ཡིན་པ་འདྲའོ། །འགོར་བླ་མ་དང་མ་ཧཱ་ཀཱ་ལ་ལ་ཕྱག་འཚལ་ལོ། །ནག་པོ་ལྕམ་དྲལ་མཆོད་དང་༼མཆོད་རྟེན༽༼རྡོ་རྗེ༽བསྟེན་ཞེས་ཡོད་པའི་རུ་མཚོན་འཛུགས་པའི་ཆོ་གའི་ཡིག་རྙིང་ཡར་ཀླུངས་པས་ཞུས་དག་མཛད་པ་གཏོར་མ་གདབ་པར་བྱ་འོའི་མཐའ་ཅན། རྡོ་རྗེ་གདན་པའི་གསན་ཡིག་ན་རྟེན་གསུམ་རུ་མཚོན་འཛུགས་ཞེས་སྣང་ཞིང་གྱི་ལྗང་པོ་ཏིར་ཡང་བཞུགས། འགོར་བླ་མའི་ཞབས་ལ་ཕྱག་འཚལ་ལོ་དཔལ་ལྡན་ནག་པོ་ཆེན་པོའི་
དྲག་སྒྲུབ་སྤྱིའི་ལས་ལ་ཞེས་ཡོད་པའི་རུ་མཚོན་གྱི་ལས་མཁན་བྲན་བདུད་གཤིན་རྗེ་ནག་པོའི་སྒྲུབ་༼མཆོད་རྟེན༽༼རྡོ་རྗེ༽ཐབས་ལས་ཚོགས་རུ་ཚོན་གྱི་མན་ངག་དང་བཅས་པ་དཔལ་བརྩེ་བ་ཆེན་པོ་ཆོས་ཀྱི་རྗེའི་ཞལ་སྔ་ནས་ཀྱི་རྗེས་སུ་བཟུང་སྟེ་རྒྱལ་ཁམས་པ་དོ་དཀར་ཆག་ན་གོང་མས་གནང་ཟེར་བ་འདུག །པ་སྟོན་ཚུལ་ལ་གཙིགས་སུ་མཛད་དེ་སྣང་བ། གྱི་ལྗང་ན་ཡང་ཡོད། བྲན་བདུད་ཀྱི་ལུང་སྦྱིན་ཚུལ་ཆིག་བརྒྱུད་༼མཆོད་རྟེན༽༼རྡོ་རྗེ༽མ་ཡར་ཀླུངས་པ་སེང་གེ་རྒྱལ་མཚན་གྱིས་བླ་མའི་གསུང་ལ་དག་པར་གཏུགས་ཏེ་ཡང་དགོན་ཤུག་ར་བདེ་ཆེན་དུ་བྲིས་པ། རྒྱ་པདྨ་དབང་ཕྱུག་གིས་གངས་བར་ཕུག་མོ་ཆེ་ནས་གདན་༼མཆོད་རྟེན༽༼རྒྱ༽དྲངས་པའི་རྣལ་འབྱོར་པའི་བར་ཆད་སེལ་པའི་ཆོ་ག །མགོན་པོའི་གཏོར་ཆེན་གྱི་མན་ངག །དེ་ཉིད་རྒྱས་སུ་བཏང་བ་གཏོར་ཆེན་གྱི་གསོལ་ཁ་༼མཆོད་རྟེན༽བྱ་ཚུལ་མལ་ལོ་ཤུད་བུ་གཉིས་ཀྱི་ཡི་གེ་ས་སྐྱ་དང་རྒྱལ་ཚ་ལུང་མང་པོ་ཕྱག་ལེན་གཅིག་ཁ་བསྐངས་ཏེ་མཁས་པ་ཡོན་ཏན་ཁྲིས་གྲུབ་ཐོབ་བིཪྻ་ཙནྟྲའི་གནས་སུ་མཛད་པ། འགོར་དཔལ་ལྡན་མ་ཧཱ་ཀཱ་ལ་ཁྲག་འཐུང་གི་རྒྱལ་པོ་ཞེས་ཡོད་པའི་དམོད་བཅོལ་ས་པཎ་༼མཆོད་རྟེན༽གྱིས་མཛད་པ། ཁ་སྐོང་ན་ཡོད་པའི་འཕགས་པས་མཛད་པ་དེ་འདི་ལས་རྒྱས་སུ་བཏང་འདུག །གཟུངས་གསར་པའམ་རྙིང་པ་༼མཆོད་རྟེན༽༼མུ༽འཛུགས་སམ་གསོ་བའི་མན་ངག་དམ་པས་མཛད་པ། ཁ་སྐོང་པོ་ཏི་ནའང་ཡོད་མེ་འབར་གླེགས་བམ་ལ་ལར་བསྟོད་པ་བདེ་དགའ་རྒྱ་མཚོ་སོགས་བསྣན་པའི་མང་ཙམ་འདུག་པ་ལྷད་ཡིན་མིན་བརྟག །ཟོར་ལམ་དབྱེ་བ་བདག་ལུས་རྡོ་རྗེ་འཆང་༼མཆོད་རྟེན༽༼མུ༽༼རྡོ་རྗེ༽དཔལ་མ་དང་དེའི་འཕྲོས་ལས་ཟོར་འཕང་ཐབས་༼མཆོད་རྟེན༽ནག་པོ་ཆེན་པོ་ལྕམ་དྲལ་འཁོར་དང་
བཅས་པ་ཞེས་སོགས་ཀྱི་ཚིག་ལྷུག་འཕགས་པས་མཛད་པ། དཀར་ཆག་དང་གསན་ཡིག་རྣམས་ན་འདི་ལྟར་སྣང་ཡང་ཡི་གེ་ན་གཉན་ལོས་མཛད་ཅེས་དམར་ཆོས་རྒྱལ་གསུང་ཟེར་བ་འདུག་ཅིང་རྫོང་ཆུང་པའི་གླེགས་བམ་དུ་ནི་མེད། དཔལ་རྡོ་རྗེ་ནག་པོ་ཆེན་པོའི་བསྐང་མདོས་༼མཆོད་རྟེན༽༼རྡོ་རྗེ༽བྲམ་ཟེ་མཆོག་སྲེད་ཀྱིས་མཛད་པ་ཤིན་ཏུ་ཟབ་པའི་མདོས་རེ་ཞིག་རྫོགས་སོའི་མཐའ་ཅན། དེའི་གསལ་བྱེད་ཅུང་ཟད་རྒྱས་སུ་བཏང་བ་༼མཆོད་རྟེན༽༼རྡོ་རྗེ༽ཤར་པ་ཤེས་རབ་འབྱུང་གནས་ཀྱིས་ས་སྐྱར་མཛད་པ། དུར་ཁྲོད་བསིལ་བའི་ཚལ་དུ་བླ་མ་སྤྱན་ཆེན་པོ་༼མཆོད་རྟེན༽༼མུ༽༼རྡོ་རྗེ༽ཡི་དམ་བདེ་དགྱེས་དང་ཆོས་སྐྱོང་ཞལ་གཟིགས་པའི་ཚེ་མགོན་པོ་ཉིད་ཀྱིས་རྗེས་སུ་གནང་སྟེ་བསྐང་བཟློག་བླ་མ་ཉིད་ཀྱིས་མཛད་པ། འདི་རྒྱ་བོད་སུ་ཡིན་ལ་དཔྱད་གཞི་མཛད་མཁན་མང་ཡང་རང་ལུགས་རྒྱ་གར་བར་བཞེད། བསྐང་བ་རྣམ་དག་ཚོགས་༼མཆོད་རྟེན༽གཏོར་མ་མལ་གྱི་མཛད་པ། དེས་མཛད་པའི་དམ་རྫས་ཀྱི་བསྐང་བ་༼མཆོད་རྟེན༽སྐུ་དང་གསུང་ཐུགས་མ། ནག་པོ་ཆེན་པོའི་བསྟོད་པ་སྲིན་༼མཆོད་རྟེན༽༼མུ༽གཟུགས་མ་བྲམ་ཟེ་ཆེན་པོས་མཛད་པ་རྫོགས་སོའི་མཐའ་ཅན། དམ་ཚིག་ཅན་ལ་བདག་བསྟོད་དོ་ཡན་ཚར་ལུགས་བསྟོད་འབུམ་ན་ཡོད། བསྟོད་པ་བཅོམ་ལྡན་དཔལ་ཆེན་མ་༼མཆོད་རྟེན༽སློབ་དཔོན་ཨ་ཝ་དྷཱུ་ཏིས་མཛད་པ། བསྟོད་པ་སྐུ་གསུང་ཐུགས་ཀྱི་རྡོ་རྗེ་༼མཆོད་རྟེན༽མ་བླ་མ་ས་ཆེན་གྱིས་མཛད་པ། བསྟོད་པ་ཆོས་དབྱིངས་སྟོང་ཉིད་མ་༼མཆོད་རྟེན༽སློབ་དཔོན་རྟ་དབྱངས་ཀྱིས་མཛད་པའི་ནག་པོ་ཆེན་པོའི་རྒྱུད་འགྲེལ་གྱི་བསྟོད་མང་ནས་ཡར་ཀླུངས་པ་སེང་གེ་རྒྱལ་མཚན་གྱིས་ཕྱུང་བ། བསྟོད་རྙིང་དམིགས་༼མཆོད་རྟེན༽མེད་ཐུགས་རྗེ་མ། ལྷ་མོའི་བསྟོད་པ་
༼མཆོད་རྟེན༽འཇིག་རྟེན་གསུམ་བདག་མ། ལྷ་མོ་ལ་ལྷ་མ་ཡིན་གྱི་རྒྱལ་པོ་ཐགས་བཟང་རིས་ཀྱིས་དོན་དམ་པའི་སྒོ་ནས་བསྟོད་པ། ༼མཆོད་རྟེན༽སྤྲོས་བྲལ་འོད་གསལ་མ་འཇིམ་ལོ་ཙཱ་བས་བསྒྱུར་བ། ལྷ་མོ་ལ་དགེ་བཅུ་རྣམ་དག་གི་སྒོ་ནས་བསྟོད་༼མཆོད་རྟེན༽པ་འཇིག་རྟེན་འཁོར་བ་མ་ལོ་ཙཱ་བ་ག་རོད་ཀྱིས་བསྒྱུར་བ། ཚིག་ཟུར་ཅུང་ཟད་མི་འདྲ་བ་མ་གཏོགས་དུད་སོལ་པོ་ཏི་ནའང་ཡོད། ལྷ་མོ་ལ་ནམ་མཁའི་ལྷ་བྲན་རྣམས་ཀྱིས་བསྟོད་པ་༼མཆོད་རྟེན༽བསྐལ་པ་མེད་པར་མ་འཇིམ་ལོ་ཙཱ་བས་བསྒྱུར་བ། ཞབས་བཏགས་མར་ཡང་ཡོད། རྫོང་པོད་ན་བྲམ་ཟེ་མཆོག་སྲེད་ཀྱིས་མཛད་ཅེས་པའི་ཚིག་ཟུར་ཅུང་ཟད་མི་མཐུན་ཙམ་ཞིག་དྲུག །ལྷ་མོའི་བསྟོད་པ་ཡེ་ཤེས་དབྱིངས་ལས་༼མཆོད་རྟེན༽མ་རྗེ་བཙུན་རིན་པོ་ཆེས་ས་སྐྱར་མཛད་པ། འཕགས་པས་མཛད་པའི་བདུད་རྩིའི་ལྔ་མཆོད་དམ་༼མཆོད་རྟེན༽༼མུ༽གསང་བའི་མཆོད་གཏོར་གྱི་རིམ་པ་དགྲ་བགེཊ་རྣམས་ནི་མ། ཞབས་བཏགས་མར་ཡང་ཡོད། དེས་མཛད་པའི་བཤགས་པ་༼མཆོད་རྟེན༽༼མུ༽ཚིག་ལྷུག །དེས་མཛད་པའི་བསྟོད་པ་༼མཆོད་རྟེན༽༼མུ༽གང་ཐུགས་མ། ཞབས་བཏགས་མ་དང་ཚར་ལུགས་བསྟོད་འབུམ་ནའང་ཡོད། སྤྲེ་ལུང་ཀུན་སྨོན་གྱིས་མཛད་པའི་བཤགས་པ་༼མཆོད་རྟེན༽ཚིགས་བཅད་བླ་མ་མཆོག་དཀྱིལ་མ། ཞབས་བཏགས་མར་ཡང་ཡོད། ནག་པོ་ལྕམ་དྲལ་འཁོར་དང་བཅས་པའི་བཤགས་མཆོད་གཏོར་སྒྲུབ་ཞག་སྦྲེལ་༼མཆོད་རྟེན༽དུ་བྱ་ཚུལ། འདིའི་ནང་དུ་མགོན་པོའི་བཤགས་པ་མལ་གྱི་མངོན་རྟོགས་ནས་ཕྱུང་བའི་ཡོན་ཏན་ལྷུན་རྫོགས་༼མུ༽མ་དང་མཆོག་སྲེད་ཀྱིས་མཛད་པའི་ལྷ་མོའི་བཤགས་པ་༼མུ༽འགྲོ་བའི་དོན་སྐུ་མ་གཉིས་ཡོད། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་གྱིས་མཛད་པ་སྦྱར་བྱང་མེད་པ་ལས་ཅན་ཞིག་དང་ཕྲད་ཤོག་གི་
མཐའ་ཅན་རྣམས། རྩ་བའི་གཉིས་པ་ཟབ་པའི་ཡང་ཏིག་ནང་གི་མན་ངག་ལ། འགོར་ན་མོ་གུ་རུ་བྷྱཿ ནག་པོ་ཆེན་པོའི་གདམས་པ་ལ་རང་གི་ཀྱེ་རྡོ་རྗེ་ཞེས་པའི་རྩ་གསུམ་ལ་བརྟེན་པའི་༼མཆོད་རྟེན༽༼ཨེ༽༼མུ༽༼རྡོ་རྗེ༽༼ཞ༽མན་ངག་མདོར་བསྡུས་པ་གོང་མས་མཛད་པ་གནད་ཀྱི་གདམས་པ་སྲོག་གི་ཡང་ཏིག་དམ་པ་ཡིན་ནོའི་མཐའ་ཅན། རྡོ་རྗེ་གདན་པའི་གསན་ཡིག་ན་རྩ་གསུམ་མགོན་པོ་ལྕམ་དྲལ་དུ་བསྒོམས་ནས་གསང་བའི་མན་ངག་ཟེར་བར་སྣང་། དེ་ཉིད་ཅུང་ཟད་རྒྱས་སུ་བཏང་བ་འགོར་བླ་མ་དམ་པའི་ཞབས་ལ་ཕྱག་འཚལ་ལོ་ནག་པོ་འཁུ་མེད་མི་འགྱུར་བའི་སྲོག་འཛིན་རིམ་པའི་༼མཆོད་རྟེན༽༼ཨེ༽༼མུ༽༼རྡོ་རྗེ༽༼ཞ༽མན་ངག་བཤད་ཅེས་ཡོད་པའི་དམ་པ་ཀུན་དགའ་གྲགས་ཀྱིས་མཛད་པ་བསྒྲུབ་བྱ་མི་འཆི་རིའི་དབུ་སྙུང་བ་ཞེས་ཀྱང་གྲགས་སོའི་མཐའ་ཅན། གསང་བའི་རྟེན་ལུས་ལ་༼མཆོད་རྟེན༽༼ཨེ༽༼མུ༽༼རྡོ་རྗེ༽༼ཞ༽བཅད་པའི་མན་ངག་གོང་མས་མཛད་པ། གསན་ཡིག་དང་དཀར་ཆག་ན་འདི་ལྟར་སྣང་ཡང་ཡི་གེ་ན་དམ་པས་མཛད་ཟེར་བ་འདུག་ཅིང་རྫོང་ཆུང་པའི་གླེགས་བམ་དུ་གོང་དུ་འཐུད་པ་ལས་ཟུར་དུ་མེད། བླ་མ་དམ་པའི་དབོན་པོ་བསོད་ནམས་ལེགས་གྲུབ་ལ་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་གྱིས་ལག་འཁྲིད་དུ་བསྟན་པའི་དུས་ཡི་གེ་གསལ་པོར་བྲིས་ཞེས་བསྐུལ་བ་ལ་བརྟེན་ནས་རྫོགས་རིམ་ཞལ་ཤེས་དང་བཅས་པ་༼མཆོད་རྟེན༽༼རྡོ་རྗེ༽སྙན་ནས་སྙན་དུ་བརྒྱུད་པའི་བསྙེན་སྒྲུབ་ཐུན་མོང་མ་ཡིན་པའི་མན་ངག་ཆུ་ཕོ་ཁྱི་ལོ་ཧོར་ཟླ་དང་པོར་དཔལ་སྣེའུ་གདོང་རྩེའི་གཙུག་ལག་ཁང་དུ་མཛད་པ་རྣམས། རྩ་བའི་གསུམ་པ་གསང་བ་ཐུན་མོང་མ་ཡིན་པ་ཟབ་པའི་གནད་ཀྱི་མན་ངག་གི་སྐོར་གྱི་ཟིན་ཐོ་ཙམ་དཀར་ཆག་ཏུ་
གསུངས་པ་རྣམས་ནི་བདག་ཆེན་རྡོ་རྗེ་འཆང་ཡན་ཆད་ལ་ཕལ་ཆེར་གསུང་ངག་ཏུ་བཞུགས་ཤིང་ལ་ལར་རེག་ཟིག་ཐོར་བུ་ཙམ་ཡོད་པར་འདུག་པས་དཀར་ཆག་ལས། འདི་རྣམས་ནི་སྙིང་ནང་གི་ཁྲག་ལྟ་བུའི་གདམས་ངག་སྟེ་འདིར་མན་ངག་ནུབ་ཀྱི་དོགས་པས་བསྡུས་དོན་ཞིབ་པར་བཀོད་པ་ཡིན་གསུངས་པས་དཀར་ཆག་དང་སྒོ་བསྟུན་རྒྱུའི་གླེགས་བམ་ནག་འགྲོས་སུ་འདུག་པ། སྙིང་པོ་གནད་སྒྲོན་ལས། གསང་བ་ཐུན་མོང་མ་ཡིན་པའི། །ཡི་གེ་གསེར་གྱི་རི་བོའི་གྲངས། ཞེས་ཡིག་སྣ་བརྒྱ་དང་ལྔ་བཅུའི་གྲངས་སུ་འདྲེན་རྒྱུའི་བདུན་གྱི་གཏོར་མའི་ཞལ་གདམས་གཉིས་གཅིག་ཏུ་བརྩིས་ཤིང་དེ་མིན་དྲུག་ལས་དཀར་ལྷག་བསམ་རབ་དཀར་གྱི་དྲིས་ལན་དུ་ངོས་འཛིན་འདི་ལྟར་མཛད་ཀྱང་། གནད་སྒྲོན་དུ་ཡིག་སྣ་བརྒྱ་དང་བཞི་བཅུ་དགུ་ཞེས་ལར་བཅད་པའི་ནང་དུ་གསང་བའི་ཡི་གེ་བདུན་པོ་བགྲངས་པ་ནས་མཐར་དཀར་ཆག་ཉིད་དང་ལྔ་བཅུ་པོ་ཞེས་པའི་བརྗོད་བྱར་དཔགས་ན་དཀར་ཆག་མིན་པའི་ཆོས་ཚན་ཞིག་དགོས་རྒྱུར་འདུག་ཀྱང་ད་ལྟར་གཏོར་མའི་ཡི་གེ་གཉིས་སོ་སོར་འཕྲལ་ན་མ་གཏོགས་ངོས་འཛིན་རྒྱུ་མ་རྙེད་པས་ལུགས་གཉིས་པོ་དེ་གང་ཡིན་སླར་ཡང་གསང་ཆེན་སློབ་བཤད་ཕྱོགས་ལ་ཕུ་ཐག་ཆོད་པ་ཞིག་དང་འཕྲད་ན་འདྲི་དགོས་པར་འདུག་གོ །ཆག་ཡོངས་གྲགས་ལྟར་དང་གཞན་ལྔ་ཀུན་ལ་མ་གྲགས་པའི་སྙིང་ནང་གི་ཁྲག་ལྟ་བུ་ཡིན་པས་སྙན་བརྒྱུད་གླེགས་བམ་གྱི་གྲས་སུ་འོས་པར་དགོངས་ནས་ཐམས་ཅད་མཁྱེན་པ་མཁྱེན་བརྩེའི་གསན་ཡིག་ཏུ་ཡང་མི་གསལ། ལོ་པ་སྤྱན་སྔ་དང་ཐར་རྩེ་པ་རྣམས་ཀྱི་གསན་ཡིག་ན་དཀར་ཆག་ནང་འདེད་འདུག་པ་ནི་དཀར་ཆག་གིས་ཟིན་པས་རྣམ་པ་གཅིག་ཏུ་མི་འཐད་པ་མ་ཡིན་མོད། འོན་ཀྱང་ཐུན་མོང་དང་ཐུན་མོང་མ་ཡིན་པ་སོ་སོར་
འབྱེད་པའི་དབང་དུ་བྱས་ན་ལེགས་པར་མ་མངོན། འདི་སྐོར་གྱི་མན་ངག་ཕལ་ཆེར་འཐོར་བ་བསྡེབས་ནས་རྡོ་རིང་རིན་པོ་ཆེས་མཛད་པ་སྙན་བརྒྱུད་པོ་ཏིར་བཞུགས་ནས། བདག་ཆེན་རིན་པོ་ཆེས་མཛད་པ་རྣམས་ཀུན་མཁྱེན་མཁྱེན་བརྩེ་ཁུ་དཔོན་གྱི་གསན་ཡིག་གི་དཀྱུས་སུ་འདུག་ཀྱང་དཀར་ཆག་ན་མི་གསལ་བས། འདིར་དཀར་ཆག་གིས་མ་ཟིན་པའི་སྙན་བརྒྱུད་ཀྱི་སྡེབས་སུ་བྱས་ཡོད་དོ། །གླེགས་བམ་གྱི་དཀར་ཆག་ཡིད་བཞིན་ནོར་བུ་རིན་པོ་ཆེའི་བང་མཛོད་ཀྱི་སྒོ་འབྱེད་གསལ་བའི་ཡིད་འཕྲོག་བདག་ཆེན་རྡོ་རྗེ་འཆང་གིས་མཛད། འདི་ཐོག་མར་བཞུགས་རིགས་པ་འདྲ་ཞིག་འདུག་ནའང་། ཚར་ཆེན་གྱིས། དྲིལ་བས་མགོན་པོར་མེ་འབར་མར། །གྲགས་པའི་དཀར་ཆག་ནང་བཞུགས་པའི། །ཡིག་སྣ་བརྒྱ་དང་བཞི་བཅུ་དགུ །དཀར་ཆག་ཉིད་དང་ལྔ་བཅུ་རུ། །ངེས་སོ་སྐལ་ལྡན་སྙིང་ལ་ཆོངས། །ཞེས་གསུངས་པ་དང་བསྟུན་པ་ཡིན་ནོ། །དཀར་ཆག་ཏུ། ད་ནི་ཞར་ལས་འོངས་པ་འཁོར་ལོའི་དཔེ་རིས་རྣམས་ཞེས་གསུངས་པ་ལ་རགས་རིམ་ཙམ་ལས་མི་གསལ་ཞིང་། རྡོ་རྗེ་འཆང་ཚར་པ་ཆོས་རྗེས་གདུང་བརྒྱུད་ཁོ་ན་ལས་ཆིག་བརྒྱུད་དུ་བྱོན་པ། ཡང་ཀླུངས་པ། བར་སྡིངས་པ་སྟེ་བརྒྱུད་པ་གསུམ་གྱི་དཔེ་རིས་ཚང་ཞིང་ལྷད་མ་ཞུགས་པ་བདག་ཆེན་རྡོ་རྗེ་འཆང་གི་ཕྱག་བྲིས་དངོས་ལ་འབྲུ་ལེན་མཛད་པ་དང་། དེར་མ་ཚང་བ་རྣམས་ཡབ་འཇམ་དབྱངས་ཆོས་རྗེའི་ཕྱག་བྲིས་ངོས་ལས་བཤུ་བར་མཛད་པ་རྣམས་ཕྱོགས་གཅིག་ཏུ་བསྒྲིག་པ་གནང་བ་ལྟར་བཀོད་པ་ལ། །མགོན་པོ་དང་ལྷ་མོའི་སྲོག་འཁོར་འདྲ་མིན་བཞི། ནག་པོ་ཆེན་པོ་སྲོག་གི་སྤུ་གྲིའི་སྒྲུབ་ཐབས་མཆོག་
སྲེད་ཀྱི་གཞུང་ལས་གསུངས་པའི་སྒྲུབ་པའི་བཅའ་གཞི། ཆིངས་ཆེན་དྲུག་དང་འཁོར་ལོའི་བྲི་ཡིག་ནས་གསུངས་པའི་བྱད་མ་རང་གཤེད་དབབ་པའི་འཁོར་ལོའམ་བསྲུང་བཟློག་སྦྲགས་མའི་འཁོར་ལོ། ཕོ་རྐྱང་དུ་སྒྲུབ་པའི་ཤོམ། ཕོ་རྐྱང་མུ་སྟེགས་པ་ལྟར་སྒྲུབ་པའི་ཤོམ། ཕོ་རྐྱང་གི་སྐབས་ཟན་ལིང་གི་སྙིང་གར་འཇུག་པའི་འཁོར་ལོ། ལས་མགོན་གྱི་བླ་རྡོའི་འཁོར་ལོ། ཕོ་རྐྱང་ཚོགས་བདག་ལྟར་སྒྲུབ་པའི་ཤོམ། གཉན་ཕུལ་བྱུང་པས་མཛད་པའི་ཕོ་རྐྱང་གི་སྒྲུབ་པའི་ལས་ཁུང་དང་ཐབ་ཁུང་། གསང་བ་ཡིད་བཞིན་ནོར་བུའི་མགོན་ཁང་སོགས་ལ་དགོས་པ་ལྷ་བརྒྱད་བསྐྱེད་པ་རྟེན་གྱི་དཀྱིལ་འཁོར། གསང་བ་ཡིད་བཞིན་ནོར་བུའི་གསད་པའི་ལས་ཁུང་། དྲུང་ཆོས་རྗེའི་བཞེད་པའི་ལས་ཁུང་རྩང་དང་བཅས་པ། མགོན་པོ་ཕུར་བུ་ལྟར་སྒྲུབ་པའི་སྒྲུབ་ཐབས་རྒྱས་བསྡུས་སོ་སོའི་ཤོམ། པུ་ཏྲ་མིང་སྲིང་གསུམ་གྱི་ཙཀ་ལི། དམ་ཤིང་དང་བ་དན་གྱི་དཔེ། སྤྲ་ཚིལ་གྱི་ལིང་ག་གསལ་ཤིང་ལ་བསྐྱོན་པ། གཏོར་ཟོར། རྡོ་ཟོར། ཁྲག་ཟོར། མདའ་ཟོར། རྭ་ཟོར། ཀོང་ཟོར། ཕུར་ཟོར། ལྷ་བརྒྱད་འཇམ་ལུགས་སུ་སྒྲུབ་པའི་གནོད་སྦྱིན་ཕོ་མོའི་འཁོར་ལོ། རུ་མཚོན་རྩེ་ལྔའི་ཤོམ། ལྷ་བརྒྱད་རྩུབ་ལུགས་ཀྱི་གནོད་སྦྱིན་ཡབ་ཡུམ་གྱི་འཁོར་ལོ། སྦྲགས་སྒྲུབ་དུས་ཐུན་གྱིས་གསང་རྒྱུའི་ལིང་ག་སྔགས་ཅན་དང་། མེའི་གདུང་བས་གསད་པའི་འཁོར་ལོ། མཁའ་འགྲོ་འཁུ་ལྡོག་སྤང་བའི་འཁོར་ལོ། ཕོ་རྐྱང་གི་སྒྲུབ་ཐབས་བྲམ་ཟེ་མཆོག་སྲེད་ཀྱི་གཞུང་ལྟར་ཟན་ལིང་གི་ཁོག་པར་འཇུག་རྒྱུའི་འཁོར་ལོ། དམ་པས་མཛད་པའི་ངག་གནོན་ལིང་ག །རང་བསྲུང་འཁོར་ལོ་ཆེན་
མོ་རྣམས་གྱི་སྟེང་ནས་ཕྱག་ལེན་ངོ་སྤྲོད་མཛུབ་བཙུགས་སུ་ལེགས་པར་ནོས། རྩ་བའི་གཉིས་པ་དེར་མ་འདུས་པའི་ཡན་ལག་གི་ཡི་གེ་སྐོར་ནི། རྡོ་རྗེ་འཆང་ཚར་པ་ཆོས་རྗེས་མཛད་པའི་མེ་འབར་དཀར་ཆག་སྙིང་པོ་གནད་སྒྲོན་ལས། འདི་ན་མ་བསྒྲིགས་ཟབ་གནད་ཀྱི། །ཡི་གེ་ཐོར་བུ་སྦས་པ་རྣམས། །ཁོ་བོས་དཀར་ཆག་གཞན་དུ་བྲིས། །སྣོད་ལྡན་དད་པའི་མིག་ལྡན་དག །ངོ་མཚར་ལྟད་མོ་བྱོས་ཤིག་ཀྱེ། །ཞེས་པ་ལྟར་མེ་འབར་གླེགས་བམ་དུ་མ་བཀོད་པར་ཟབ་ཅིང་གསང་བའི་གབ་སྦས་ཀྱི་ཡིག་སྣ་འགའ་ཞིག་དང་རྗེ་བཙུན་རྡོ་རིང་པ་ཆེན་པོས་མགོན་པོ་འདིའི་ཆོས་སྐོར་བླ་མ་བཅུ་གཅིག་ཙམ་ལ་གསན་པ་དང་གཞན་ཡང་རྫོང་པ་ཤེས་རབ་རིན་ཆེན་དང་གོང་དཀར་བ་ཚེ་དབང་བཀྲ་ཤིས་ཀྱིས་མཚོན་པའི་དཔལ་ལྡན་ས་སྐྱ་པའི་བརྒྱུད་འཛིན་གྱི་བླ་མ་བཅུ་ཕྲག་གཅིག་དང་རྔོག་ཆེན་པོ་བསོད་ནམས་བསྟན་འཛིན་སོགས་དམ་པ་མང་པོར་ཚར་ཆེན་རང་ཉིད་ཀྱིས་གསན་པ་རྣམས་ཟུར་དུ་བསྒྲིགས་པའི་གླེགས་བམ་ལ་ཐུན་མོང་བ་མན་ངག་ཁ་སྐོང་པོ་ཏིའི་སྐོར། མཁས་གྲུབ་ཕལ་ཆེར་གྱིས་རྣ་བའི་སྤྱོད་ཡུལ་དུ་མ་གྱུར་པའི་སྙིང་ཁྲག་གི་གཟུངས་ལྟ་བུ་སྙན་བརྒྱུད་པོ་ཏིའི་སྐོར། བླ་མ་གྱི་ལྗང་ལོ་ཙཱ་བ་ནས་བརྒྱུད་པའི་གྱི་ལྗང་པོ་ཏིའི་སྐོར། འདོད་ཁམས་དབང་ཕྱུག་ཁྲག་འཐུང་དུད་པའི་སོལ་བ་ཅན་གྱི་སྐོར་དང་བཞི། དེ་ཡང་གདུང་བརྒྱུད་དུ་རློམས་པ་འགས་རང་བཟོའི་ལག་ལེན་ལ་འདི་ནས་བརྒྱུད་མེད་པར་ཟབ་ཟབ་བྱེད་པ་དང་མི་འདྲ་བར་ཁུངས་བཙུན་པའི་རྒྱུ་མཚན་ལྷག་བསམ་རབ་དཀར་ལས། ཁོ་བོས་རྗེ་བཙུན་ཀུན་དགའ་བཟང་པོ་ལས། །བརྒྱུད་པའི་སེར་
པོད་ལ་སོགས་ཀུན་ཀྱང་ཐོས། །རྒྱུད་གསུམ་སྨྲ་བ་པྲཛྙ་རཏྣ་ལ༔ །རྫོང་ཆུང་པ་ལས་བརྒྱུད་པ་ཞིབ་ཏུ་ཞུས། །ཁྱད་པར་གྲུབ་མཆོག་དབང་པོ་ཀུན་སྤངས་ཞབས། རིང་དུ་བསྟེན་ཞིང་གདུང་བརྒྱུད་རིམ་པ་ལས། །བརྒྱུད་པའི་མ་ཏི་དྷྭ་ཛའི་སྙན་བརྒྱུད་ཀྱི། །གདམས་པ་མ་ལུས་བུམ་པ་གང་བྱོར་ཐོབ། །མདོར་ན་དམ་པའི་ཡོངས་འཛིན་བདུན་ལ་གཏུགས། ཞེས་དྲི་བ་འདི་གནང་སྐབས་གོང་དཀར་བ་ཚེ་དབང་བཀྲ་ཤིས་སོགས་དང་མ་མཇལ་བའི་སྐབས་ཡིན་འདུག །དེ་རྗེས་དམ་པའི་ཡོངས་འཛིན་བཅུ་ཕྲག་ལ་དཔྱད་པ་རྫོགས་ནས་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་གསན་པས་བསམ་འཕེལ་ནོར་འཕྲེང་ལས། བདག་ཆེན་རྡོ་རྗེ་འཆང་དབང་གིས། །བསྒྲིགས་པའི་མགོན་པོད་མེ་འབར་མ། །ཞལ་ཤེས་ཁ་སྐོང་ཟིན་བྲིས་བཅས། རྒྱལ་བས་ལུང་བསྟན་ཨེ་ཝཾ་པས། །བསྒྲིགས་པའི་སེར་པོད་ཅེས་གྲགས་དང་། །མཐུ་སྟོབས་དབང་ཕྱུག་གོང་དཀར་བ། ཐམས་ཅད་མཁྱེན་པའི་མགོན་པོད་དང་། །ས་སྐྱའི་རྫོང་ཆུང་པ་རྣམས་ཀྱི། །ཐུགས་དམ་མན་ངག་པོ་ཏི་སོགས། །ཟབ་ཅིང་མཆོག་ཏུ་གཉན་པ་ཡི། །མན་ངག་བེ་བུམ་དེ་དག་ཐོབ། ཅེས་གསུངས་པ་ལྟར། དང་པོ་རྗེས་འཇུག་མཁས་གྲུབ་རྣམས་ཀྱི་ཡི་གེ་ཐུན་མོང་བ་མེ་འབར་མར་མ་འཁོད་པའི་ཁ་སྐོང་པོ་ཏི་ལ། ཐོག་མར་རྡོ་རྗེ་འཆང་ཚར་པ་ཆོས་རྗེས་མཛད་པའི་མན་ངག་ཟབ་བསྡུས་གསལ་བྱེད་ཁ་སྐོང་དཀར་ཆག་ཟབ་དོན་གསལ་བའི་སྒྲོན་མེ། དེ་ལས་བྱུང་བའི་ཆོས་སྐོར་ལ། པཎ་ཆེན་གྷ་ཡ་དྷ་ར་ནས་བླ་ཆེན་འབྲོག་མིར་བརྒྱུད་པ། བ་རི་ལོ་ཙཱ་བར་རྗེ་བཙུན་བརྩེ་བ་ཆེན་པོས་གསན་པ། ཁ་ཆེ་པཎ་ཆེན་གྱི་ཆོས་
རྗེ་པཎྜི་ཏ་ལ་གནང་བ། བླ་མ་མལ་ལོ་ཙཱ་བ་ནས་བརྒྱུད་པ་དང་བཞི། དང་པོ་ལ། འགོར་བླ་མ་དང་ནག་པོ་ཆེན་པོ་ལ་ཕྱག་འཚལ་ལོ་རྗེ་བཙུན་གྷ་ཡ་དྷ་ར་ནས་བརྒྱུད་པའི་རྗེས་གནང་བྱ་ཚུལ་ནི་ཞེས་ཡོད་པའི་རྗེས་༼མཆོད་རྟེན༽༼སཏྭ༽གནང་གི་ཟིན་བྲིས་ཡིག་ཆུང་དམ་ཚིག་པ་བསྐྱེད་པའི་ཚེ་ས་བོན་ལས་བསྐྱེད་པ་ནི་གང་བྱས་ཀྱང་འདྲ་འོའི་མཐའ་ཅན། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ་དེ་ནས་བཅོམ་ལྡན་འདས་ཀྱིས་རྡོ་རྗེ་ནག་པོའི་སྒྲུབ་ཐབས་དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་ཞེས་ཡོད་པའི་སྒྲུབ་ཐབས་༼མཆོད་རྟེན༽༼ཨེ༽༼སཏྭ༽ཆུང་ངུ་མཁའ་འགྲོ་མ་རྡོ་རྗེ་གུར་གྱི་རྒྱུད་ཀྱི་ལེའུ་བཅོ་ལྔ་པ་ལས་ཕྱུང་བ་རྫོགས་སོའི་མཐའ་ཅན། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ་རྡོ་རྗེ་ནག་པོ་ཆེན་པོ་བསྐྱེད་པའི་མངོན་པར་རྟོགས་པ་ནི་ཞེས་ཡོད་པའི་ལས་སྦྱོར་མན་ངག་༼མཆོད་རྟེན༽༼ཨེ༽༼མུ༽༼སཏྭ༽གུར་རྒྱན་ལས་ཕྱུང་བ་རྫོགས་སོའི་མཐའ་ཅན་རྣམས། གཉིས་པ་བ་རི་ལོ་ཙཱ་བར་རྗེ་བཙུན་བརྩེ་བ་ཆེན་པོས་གསན་པ་ལ། སྒྲུབ་ཐབས་ཀུན་ལས་བཏུས་པའི་༼མཆོད་རྟེན༽༼མུ༽༼སྒོ༽༼བུད༽ལུགས་ཀྱི་རྗེས་གནང་གི་ཟིན་བྲིས། འགོར་སྐད་ཤན་སྦྱར་དང་དཔལ་མགོན་པོ་ནག་པོ་ལ་ཕྱག་འཚལ་ལོ་དེ་ཁོ་ན་བཞིན་སྔོན་དུ་བསྟན་པའི་ཆོ་གས་ཞེས་ཡོད་པའི་སྒྲུབ་ཐབས་མཆོད་༼རྟེན༽༼མུ༽༼སྒོ༽༼བུད༽རྒྱ་གཞུང་བྲམ་ཟེ་མཆོག་སྲེད་ཀྱིས་མཛད་པ་བ་རིའི་འགྱུར་འདི་མེ་འབར་མར་ཡང་ཡོད། གསུམ་པ་ཁ་ཆེ་པཎ་ཆེན་གྱིས་ཆོས་རྗེ་པཎྜི་ཏར་གནང་བ་ལ། འགོར་སྐད་ཤན་སྦྱར་དང་དཔལ་ནག་པོའི་སྒྲུབ་ཐབས་ཞེས་བྱ་བའི་རྡོ་རྗེ་ནག་པོ་ཆེན་པོ་ལ་ཕྱག་འཚལ་ལོ་སྔར་གསུངས་པའི་ཆོ་གས་ཞེས་ཡོད་པའི་སྒྲུབ་ཐབས་ཀྱི་
༼ཁ༽༼མཆོད་རྟེན༽༼ཨེ༽རྒྱ་གཞུང་ཞེས་བྱ་བ་ལ་སོགས་པ་དཔག་ཏུ་མེད་པ་རྟོགས་པར་བྱའོའི་མཐའ་ཅན་སེར་པོད་ན་བྲམ་ཟེ་མཆོག་སྲེད་ཀྱིས་མཛད་ཅེས་སྣང་བ་འཐད་པར་སེམས། དེའི་འཕྲོས་ལས་དེ་ནས་བསྒོམ་པར་བྱ་བའི་ཆོ་ག་བརྗོད་པར་༼ཁ༽༼མཆོད་རྟེན༽༼ཨེ༽བྱ་སྟེ་ཞེས་པ་པཎ་ཆེན་ཤཱཀྱ་ཤྲཱི་ནས་བརྒྱུད་པའི་མན་ངག་གོའི་མཐའ་ཅན། བསྙེན་པ་ལ་བརྟེན་ནས་ཕྱི་ཕོ་ལྷ་ལྟར་བསྒྲུབས་པས་མཐུ་ཞོར་ལ་འབྱུང་བ། སྒྲུབ་པ་ཞུན་ཆེན་གྱི་མར་མེ་ལ་བརྟེན་ནས་གནག་པ་ཞག་བདུན་ལ་བསྒྲལ་བ། ལས་སྦྱོར་ཁྱི་ནག་པོའི་ཙིཏྟ་སྙིང་ལ་བརྟེན་ནས་དགྲ་བོ་ཁ་འཕུང་དུ་གསད་པ། དེ་གསུམ་ལ་༼ཁ༽༼མཆོད་རྟེན༽༼ཨེ༽༼མུ༽གསང་སྒྲུབ་སྤུ་གྲི་སྐོར་གསུམ་དུ་བཏགས་པའི་ཆོས་ཚན་གཅིག་ཏུ་བཞུགས་པ་ཡིན། རྗེ་ས་པཎ་གྱིས་༼ཁ༽༼མཆོད་རྟེན༽༼ཨེ༽༼མུ༽ཁ་ཆེ་པཎ་ཆེན་ལ་གསེར་ཞོ་བརྒྱད་དང་གཡུ་ཞོ་བརྒྱད་རི་བ་གཅིག་ཕུལ་ནས་ཞུས་པའི་ལོ་རྒྱུས། བསྙེན་སྒྲུབ་ལས་གསུམ་གྱི་ཞལ་གདམས་ལས་༼ཁ༽༼མཆོད་རྟེན༽༼ཨེ༽༼མུ༽འཕྲེང་བའི་མན་ངག་སོགས་ཡོད་པའི་བསྙེན་པའི་ཞལ་གདམས། མ་ཧཱ་ཀཱ་ལ་དང་དུར་ཁྲོད་ཀྱི་གཞལ་ཡས་ཁང་བསྒོམ་པ་སོགས་ཡོད་པའི་༼ཁ༽༼མཆོད་རྟེན༽༼ཨེ༽༼མུ༽སྒྲུབ་པའི་ཞལ་གདམས། མནན་ལུགས་༼ཁ༽༼མཆོད་རྟེན༽༼ཨེ༽༼མུ༽དྲུག་བསྟན་པའི་ལས་སྦྱོར་གྱི་ཞལ་གདམས། མེ་ཏོག་ནག་པོས་སོགས་རྫས་རྣམས་༼ཁ༽༼མཆོད་རྟེན༽༼ཨེ༽བསྟན་པའི་གཏོར་མའི་ཡིག་ཆུང་རྣམས། འདི་ལ་མན་ངག་མ་གཏོགས་རྗེས་གནང་མཆོག་སྲེད་ནས་བརྒྱུད་པ་དེས་འཐུས་ཞེས་མ་གནང་ནའང་རྗེ་བཙུན་གྲོལ་མཆོག་གིས་གཞན་ནས་བསྐངས་ཏེ་ལུགས་འདིའི་རྗེས་གནང་ཡིན་ཞེས་མཛད་འདུག་པ་ནི་ཧ་ཅང་གུ་ཡངས་དཔའ་ཐལ་དུ་མངོན་ནོ། །བཞི་པ་མལ་ལོ་ཙཱ་བ་ནས་བརྒྱུད་
པ་ལ་ལོ་རྒྱུས། རྗེས་གནང་། དབང་ཆོག །རྒྱུད། སྒྲུབ་ཐབས། བསྐང་བ། བསྟོད་འབུམ། བསྐུལ། རྫོང་ལུགས་དཀར་ཆག་ན་ཐེམས་ཡིག་ཅེས་སྣང་། གོང་དཀར་ལུགས། ངོར་ལུགས། དྲུང་བཙུན་པ་ནས་བརྒྱུད་པ། ཐོར་བུའི་སྐོར་དང་བཅུ་གསུམ། དང་པོ་ལ། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ་མགོན་པོ་ཇི་ལྟར་འབྱུང་བའི་ལོ་རྒྱུས་ནི་ཞེས་ཡོད་པའི་ལོ་རྒྱུས་ཤིན་ཏུ་རྒྱས་༼མཆོད་རྟེན༽པ་དམ་པ་ཀུན་དགའ་གྲགས་ཀྱིས་མཛད་པ་མགོན་པོའི་བྱུང་ཚུལ་ཅི་རིགས་པ་བསྟན་ནོའི་མཐའ་ཅན། དེས་མཛད་པའི་འགོར་བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ལོ་དཔལ་ལྷ་མོ་འདོད་ཁམས་ཀྱི་དབང་ཕྱུག་མ་ཇི་ལྟར་བྱུང་བའི་ལོ་རྒྱུས་ནི་༼མཆོད་རྟེན༽ཞེས་ཡོད་པའི་ལོ་རྒྱུས་རྒྱས་པ་སྐྱེ་བརྒྱུད་ཇི་ལྟར་བྱུང་བའི་ལོ་རྒྱུས་སོའི་མཐའ་ཅན། དེས་མཛད་པའི་འགོར་རྗེ་བཙུན་དམ་པ་ལྷ་དང་བཅས་མ་དང་། བསྟན་པ་སྲུང་མཛད་རྣམས་ལ་གུས་བཏུད་དེ་༼མཆོད་རྟེན༽ཞེས་ཡོད་པའི་ལས་མགོན་པུ་ཏྲ་མིང་སྲིང་གི་ལོ་རྒྱུས་རྗེ་བཙུན་རིན་པོ་ཆེ་ལ་གནང་ངོའི་མཐའ་ཅན་རྫོང་ཆུང་བ་མགོན་པོ་གཏེར་མའི་ལོ་རྒྱུས་དེ་དམ་པས་མཛད་པའི་ལས་མགོན་ཀྱི་ལོ་རྒྱུས་སུ་ངོས་བཟུང་ནས་འདི་མ་བཀོད་དོ། །དེའི་འཕྲོས་ལས་འདི་འཕགས་པ་ཀླུ་སྒྲུབ་ཀྱི་དྲག་སྔགས་ཞེས་སོགས་སྔོན་བྱུང་གི་ལོ་རྒྱུས་སོའི་མཐའ་ཅན་འདི་དཀར་ཆག་ན་མི་གསལ། འགོར་བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །དེ་ནས་ཡང་དག་བཤད་བྱ་བ། །བཅོམ་ལྡན་ཉིད་ཀྱི་སྐུ་གསུང་ཐུགས། །ཞེས་ཡོད་པའི་འཇིགས་༼མཆོད་རྟེན༽བྱེད་ཀྱི་སྡེ་བརྒྱད་ཀྱི་སྲོག་སྙིང་བླངས་ཚུལ་སོགས་གཤིན་རྗེ་ལྟར་བསྒྲུབ་པའི་ལོ་རྒྱུས་ཀྱི་རྟོག་པ་དཔལ་
ས་སྐྱ་པའི་ཁྱད་པར་གྱི་གདམས་པ་ནག་པོ་ཆེན་པོའི་གཏམ་རྒྱུད་ཅེས་བྱ་བའི་ཡིག་ཆུང་རྣམས། གཉིས་པ་རྗེས་གནང་ལ། འགོར་བླ་མ་དམ་པའི་ཞབས་ལ་ཕྱག་འཚལ་ལོ་ཐོག་མར་བདག་གི་རྣལ་འབྱོར་དང་ཞེས་ཡོད་པའི་༼མུ༽མགོན་པོ་ལྷ་བཅུ་གཉིས་མའི་རྗེས་གནང་གི་ཡི་གེ་རྫོགས་སོའི་མཐའ་ཅན་སྤྲོ་ལུང་པ་ཀུན་སྨོན་གྱིས་མཛད་པ། མགོན་པོ་ལྕམ་དྲལ་གྱི་རྗེས་གནང་ངམ་བཀའ་སྒོའི་ཡི་གེ་༼མུ༽ནག་པོ་འགྲོ་ཤེས་སློབ་དཔོན་དཔལ་ལྡན་ཆོས་སྐྱོང་གིས་བསྐུལ་བ་ལ་བརྟེན་ནས་ཆོས་རྗེ་ཨཱ་ནནྡས་མེ་ལུགས་རྒྱལ་ཟླའི་ཚེས་བཅུ་བཞི་ལ་ངམ་རིང་རྩེར་སྦྱར་བ་རྗེས་གནང་འདི་གཉིས་མུས་སྲད་པའི་གླེགས་བམ་དུ་མེད་ཀྱང་བརྒྱུད་པ་གཅིག་པས་མུའི་རྟགས་ཐོབ་བོ། །ལྕམ་དྲལ་གྱི་རྗེས་གནང་༼མུ༽ལྕགས་མདོ་དབོན་པོ་གྲགས་པ་བཟང་པོས་བསྐུལ་ནས་སྔགས་འཆང་གཟུངས་ཀྱི་དཔལ་བའི་གསུང་བཞིན་ཆོས་རྗེ་བཟང་པོ་རྒྱལ་མཚན་གྱིས་མཛད་པ་རྣམས། གསུམ་པ་དབང་ཆོག་ལ། ནག་པོ་ཆེན་པོ་ལྷ་བཅུ་གཉིས་མའི་དཀྱིལ་འཁོར་གྱི་ཆོ་ག་མགོན་པོ་༼རྡོ་རྗེ།༽རྣམ་པ་རོལ་པ་ཐེག་ཆེན་ཆོས་ཀྱི་རྒྱལ་པོས་མཛད་པ་ལ་ཀུན་མཁྱེན་རྡོ་རྗེ་གདན་པས་གསུང་མཆན་བཏབ་པ། ནག་པོ་ཆེན་པོའི་ཐིག་རྩ། ལྷ་ལྔ་མ་དང་ལྷ་བཅུ་བདུན་མའི་མངོན་རྟོགས། མགོན་པོའི་སིནྡུ་རའི་དབང་མཆོག་རྣམས་ཀྱི་ཟུར་འདེབས་༼རྡོ་རྗེ།༽དཔལ་རྡོ་རྗེ་གདན་པས་མཛད་པ་ཕྱག་བྲིས་དངོས་ལས་བཤུས་པ། ནག་པོ་ཆེན་པོ་ལྷ་ལྔ། ལྷ་བརྒྱད། ལྷ་བཅུ་གཉིས། ལྷ་བཅུ་བདུན་མ་རྣམས་ཀྱི་ཐུན་མོང་གི་མངོན་རྟོགས་བདུད་ལས་རྣམ་པར་རྒྱལ་བ་༼རྡོ་རྗེ།༽ཆོས་ཀྱི་རྗེ་མ་ཏི་བྷ་དྲིའི་བཀས་བསྐུལ་བ་ལ་བརྟེན་འཇམ་དབྱངས་གྲགས་པས་ཆོས་རྗེ་ཀུན་དགའ་རྒྱལ་མཚན་ཡང་ཟེར།
རྒྱལ་ཟླའི་ཚེས་ལྔ་ལ་སེ་མཁར་ཆུང་པའི་གཟིམས་ཁང་དུ་མཛད་པ། བསྐུལ་པ་པོ་དང་མཛད་པ་པོ་བཤད་མ་ཐག་པའི་ནག་པོ་ཆེན་པོའི་ཐུན་མོང་བ་རྒྱ་གཞུང་ལུགས་ཐུན་མོང་མ་ཡིན་པ་སྙན་བརྒྱུད་ལུགས་ཀྱི་དཀྱིལ་འཁོར་གྱི་༼རྡོ་རྗེ།༽ཆོ་ག་མགོན་པོ་རྣམ་པར་རོལ་པ་རྣམས། དེས་མཛད་པའི་དེའི་ཟུར་༼རྡོ་རྗེ༽༼ཞ༽འདབས་ཀྱི་ཚིགས་བཅད་བྱིན་རླབས་ཀྱི་ཆོ་ག་མཐོང་བ་དོན་གསལ། བཞི་པ་རྒྱུད་ལ། མགོན་པོ་ཁྲོས་པའི་རྒྱུད་དམ་དངོས་གྲུབ་འབྱུང་བའི་རྒྱུད་ལས་དྲག་པོའི་སྦྱིན་སྲེག་༼མཆོད་རྟེན༽བསྟན་པའི་ལེའུ་བཅུ་པ་ཁོལ་དུ་ཕྱུང་བ་འགོར་སྐད་ཤན་སྦྱར་ཡོད་པའི་དཔལ་ལྷ་མོ་༼རྡོ་རྗེ༽༼རུ༽ནག་མོ་ཆེན་མོའི་གཟུངས་རྫོགས་སོའི་མཐའ་ཅན་སེར་པོད་ན་འདིའི་སྟོད་ཆའི་བ་དྷཱ་སི་ཡན་དང་སྨད་ཆའི་འདི་བཏོན་པས་གདོན་ཐམས་ཅད་དང་ཞེས་པ་མན་མེད་པའི་འགོར་སྐད་ཤན་སྦྱར་ཡོད་པའི་ཏིལ་མར་༼ཨེ༽མ་བྲམ་ཟེ་མཆོག་སྲེད་ཀྱིས་མཛད་པའི་བསྟོད་པ་བརྒྱད་པ་ཞེས་བྱ་བ་དེ་ངོས་བཟུང་ཀྱང་འདི་དངོས་གྲུབ་འབྱུང་བའི་རྒྱུད་ནས་བཏོན་པར་བཤད་པས་སྐད་ཤན་སྦྱར་ཐེ་ཚོམ་གྱི་གཞིར་སྣང་ངོ་། །འགོར་སྐད་ཤན་སྦྱར་ཡོད་པའི་དཔལ་ལྷ་མོ་ཆེན་མོ་༼ཨེ༽ཞེས་བྱ་བ་ཐེག་པ་ཆེན་པོའི་མདོ་རྫོགས་བྱང་གི་མཐའ་ཅན་སེར་པོད་ན་འདི་ལྷ་མོ་ནག་མོའི་གཟུངས་སུ་ངོས་བཟུང་། འགོར་སྐད་ཤན་སྦྱར་ཡོད་པའི་༼ནོར་བུ།རྡོ་རྗེ༽༼རུ༽དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པའི་བསྟོད་པ་རྫོགས་བྱང་གི་མཐའ་ཅན་དཀར་ཆག་དང་གསན་ཡིག་ན་ལྷ་མོ་ནག་མོ་ལ་བསྟོད་པ་བརྒྱད་པ་ཟེར་བ་འདུག་ཀྱང་བེ་བུམ་ན་མཚན་བརྒྱ་རྩ་བརྒྱད་པ་འདུག །ལུང་ནི་གཉིས་ཀ་ཐོབ་འདིའི་རྗེས་སུ་རིག་པ་མཆོག་གི་རྒྱུད་ལས་ཕྱུང་བའི་ལྷ་མོའི་རྒྱུད་ཅེས་པ་དཔེ་མ་འབྱོར་བས་མ་ཐོབ། །
འགོར་སྐད་ཤན་སྦྱར་ཡོད་པའི་དཔལ་ལྷ་མོ་བཤན་པ་ནག་མོའི་རྒྱུད་ཅེས་༼མཆོད་རྟེན༽བྱ་བ་ལེའུ་བཅུ་བདུན་པ་ཨྱོན་གྱི་མཁན་པོ་པདྨ་སཾ་བྷ་ཝ་བ་དང་ལོ་ཙཱ་བ་ཙནྡྲ་ཀུ་མཱ་རས་རྒྱལ་པོ་ཁྲི་སྲོང་ལྡེ་བཙན་གྱི་ཐུགས་དམ་དུ་མཆིམས་ཕུ་བྲག་སྒྱེའུར་བསྒྱུར་བ། འགོར་སྐད་ཤན་སྦྱར་ཡོད་པའི་མ་མོ་སྲོག་གི་འཁོར་ལོའི་༼མུ།༽རྒྱུད་གནོད་སྦྱིན་ཕོ་མོ་སྟོན་པའི་མན་ངག་ལེའུ་ཉི་ཤུ་པ་རྣམས་འདི་རྫོང་ཆུང་པའི་དཀར་ཆག་ན་གྱི་ལྗང་པོ་ཏིར་འདུག་ལ། འཇམ་དབྱངས་མཁྱེན་བརྩེའི་གསན་ཡིག་ནའང་དེ་ལྟར་སྣང་བ་བརྒྱུད་པ་གཅིག་པར་དགོངས་པ་འདྲ། །ལྔ་པ་སྒྲུབ་ཐབས་ལ། འགོར་བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ་སྤྱིར་བྲམ་ཟེ་མཆོག་སྲེད་ཀྱིས་མགོན་པོ་ལྕམ་དྲལ་སྒྲུབ་པའི་ལུགས་འདི་ལ་ཞེས་ཡོད་པའི་མགོན་པོ་ཕོ་རྐྱང་གི་སྒྲུབ་ཐབས་༼མཆོད་རྟེན༽༼ཨེ༽ཤོག་སྔོན་ཅན་དུ་གྲགས་པའི་ཡིག་རྙིང་གཞན་དུ་བསྟན་ནས་དམྱལ་བར་ལྷུང་ཞེས་པའི་མཐའ་ཅན་སེར་པོད་ན་གཉན་ཕུལ་བྱུང་པ་པུནྱ་བཛྲ་གྱིས་མཛད་ཟེར་བ་འདུག །འགོར་བླ་མ་དམ་པ་རྣམས་དང་ལྷག་པའི་ལྷ་ལ་ཕྱག་འཚལ་ལོ་རྣལ་འབྱོར་པ་ལྷག་པའི་ལྷ་ལ་བསྙེན་པ་སྔོན་དུ་སོང་བའི་གང་ཟག་གིས་ཞེས་ཡོད་པའི་མགོན་པོ་ཕོ་རྐྱང་བཀའ་སྡོད་༼མཆོད་རྟེན༽༼མུ༽ལྟར་སྒྲུབ་པའི་ཡི་གེ་ས་སྐྱ་པནྜི་ཏ་ཁུ་དབོན་གྱི་ཞབས་རྡུལ་སྤྱི་བོས་ལེན་པ་བཀའ་འབངས་ཀྱི་ཐ་མར་གྱུར་པ་དམ་པ་ཀུན་དགའ་གྲགས་ཀྱིས་སྦྱར་བ། དེས་མཛད་པའི་འགོར་བླ་མ་དང་ནི་ཀྱེ་རྡོ་རྗེ། བཀའ་སྲུང་ནག་པོ་ཆེན་པོ་དང་ཞེས་ཡོད་པའི་མོ་རྐྱང་གི་སྒྲུབ་ཐབས་སམ་དཔལ་༼མཆོད་རྟེན༽༼མུ༽ལྡན་ལྷ་མོའི་སྒྲུབ་ཐབས་མདོར་བསྡུས་པ་བླ་མ་དམ་པའི་མན་ངག་གིས་བརྒྱན་ཅིང་རང་གིས་ཉམས་སུ་བླང་བའི་ལག་ལེན་
གྱི་རིམ་པ། དེས་མཛད་པའི་འགོར་ལས་ཀྱི་མགོན་པོ་ཟངས་གྲི་ཅན་གྱི་སྒྲུབ་པའི་ཐབས་བླ་མའི་གསུང་བཞིན་བྲི་བར་བྱའོ་ཞེས་ཡོད་པའི་བེར་ནག་༼མཆོད་རྟེན༽༼མུ༽ཟངས་གྲི་ཅན་གྱི་སྒྲུབ་ཐབས་རྗེ་ས་སྐྱ་པའི་སྙན་བརྒྱུད་ཀྱི་ཆོས་ཟབ་མོ་རྣམས་རྫོང་ཆུང་བའི་བེ་བུམ་ན་འདིའི་འགོར་བུ་ཏྲའི་བསྟོད་པ་དང་མི་འདྲ་བའི་ལས་རྣམས་ཀུན་བྱེད་མ་ཞེས་པ་ཞིག་བྲིས་འདུག །དྲུག་པ་བསྐང་བ་ལ། དཔལ་ནག་པོ་ཆེན་པོའི་ཐུགས་དམ་མདོས་ཀྱིས་སྐོང་ཞིང་མི་མཐུན་ཕྱོགས་བཟློག་པའི་༼མཆོད་རྟེན༽༼མུ༽མདོས་བསྐང་རྒྱས་པ་ནག་པོ་ཆེན་པོའི་བཀའི་གནང་བ་ཐོབ་ནས་འཕགས་པའི་ཞབས་རྡུལ་སྤྱི་བོས་ལེན་པའི་དམ་པ་ཀུན་དགའ་གྲགས་ཀྱི་མཛད་པ། འགོར་དཔལ་རྡོ་རྗེ་འཛིན་པ་ལ་ཕྱག་འཚལ་ལོ་དཔལ་མགོན་པོ་མ་ཧཱ་ཀཱ་ལ་ལྕམ་དྲལ་གྱིས་བསྐང་བཤགས་བྱ་བ་ལ་ཞེས་ཡོད་པའི་མདོས་དང་༼མཆོད་རྟེན༽༼རྡོ་རྗེ༽གཏོར་མ་ཐུན་མོང་གིས་བསྐང་བ་ཆོས་ཉིད་མར་གྲགས་པར་སྔགས་འཆང་རྣམས་ཀྱི་གཅེས་པར་མཛོད་ཀྱི་མཐའ་ཅན། འདི་རང་ལུགས་དམ་པའི་བསྐང་བ་ཆུང་བར་ངོས་འཛིན། རྡོ་རྗེ་ནག་པོ་ཆེན་པོའི་བསྐང་བཤགས་༼མཆོད་རྟེན༽༼མུ༽ཆེན་མོ་ནག་པོ་མཆོད་རྟེན། འདི་དམ་པའི་གསུང་དངོས་མིན་པས་བསྐང་མདོས་ཆེན་མོ་ལ་སྔགས་འཆང་གཟུངས་ཀྱི་དཔལ་ལས་ཟུར་དུ་ཕྱུང་བ་ཡིན་ཞེས་བདག་ཆེན་རྡོ་རྗེ་འཆང་གསུང་ཞིང་གོང་དཀར་རྡོ་རྗེ་གདན་པ་ཡང་དོན་གྱིས་བཞེད་ལ་རྫོང་ཆུང་པ་རྡོ་རྗེ་རྒྱལ་མཚན་དམ་པའི་བསྐང་གསོ་འབྲིང་པོའི་ཐ་སྙད་མཛད་དོ། །དཀར་ཆག་ན་དམ་པའི་མདོས་བསྐང་ཆེན་མོའི་ལུང་རྒྱུན་བཞུགས་ཤིག་ནག་པོ་མཆོད་རྟེན་གྱི་ལུང་རྒྱུན་མི་བཞུགས་ཚུལ་འདུག་ཀྱང་། རྡོ་རྗེ་གདན་པའི་
ཕྱག་དཔེ་ནག་པོ་མཆོད་རྟེན་གྱི་ཁ་ཡིག་ལ་ཕྱག་བྲིས་མཛད་འདུག་པར་དམ་པས་མཛད་པའི་འབྲིང་པོ་ཡིན་འདི་ལས་ཆེ་བ་ཞིག་འདུག་པ་ལུང་མ་ཐོབ་ཅེས་དང་མཇུག་ན་ལུང་ཐུབ་ཅེས་བསྙེལ་ཐོ་འདུག་པ་འབྲས་སྤུངས་པ་ཚེ་དབང་བཀྲ་ཤིས་ཀྱི་གསན་ཡིག་ལ་འཁྲུལ་གཞི་ཡོད་པ་ནི་མིན་ལས་ཆེ། འགོར་བླ་མ་དམ་པའི་ཞབས་ལ་ཕྱག་འཚལ་ལོ་འདིའི་ཤོམ་ལ་གཡང་གཞིའི་སྟེང་དུ་ཞེས་ཡོད་པའི་༼མུ༽ཆོས་ཉིད་མ་དམ་པའི་བསྐང་སོ་ཆུང་བར་རྫོང་ཆུང་པ་བཞེད་པ། འགོར་ན་མོ་གུ་རུ་གཟུངས་གསར་པའམ་རྙིང་པ་གསོ་བར་འདོད་ན་༼མཆོད་རྟེན༽༼མུ༽ཞེས་ཡོད་པའི་ནག་པོ་ཆེན་པོའི་གཟུངས་འཛུགས་མེ་འབར་མར་ཡང་ཡོད། ལུགས་དམ་པས་མཛད་པ་གླེགས་བམ་ན་འདིའི་འགོར་འཕགས་པ་རིན་པོ་ཆེས་ཆུ་བྱི་མི་ཉག་གིས་ཡུལ་དུ་མཛད་པའི་གཟུངས་༼མཆོད་རྟེན༽༼མུ༽འཛུགས་བསྟན་པ་དྲི་མེད་མ་ཟེར་བ་ཞིག་སྣང་བ་དཀར་ཆག་ཏུ་མི་འདུག་པ་ཆད་དམ་སྙམ། བཀའ་བསྒོ་དཔལ་ལྡན་མ་ཧཱ་ཀཱ་ལ་མ་འཕགས་པས་མཛད་པ་༼མཆོད་རྟེན༽༼མུ༽བཅོལ་བའི་འཕྲིན་ལས་མཛོད་ཀྱི་མཐའ་ཅན་མེ་འབར་མའི་ས་པཎ་གྱིས་མཛད་པ་དེ་འདི་ལས་ཉུང་བ་འདུག །ནག་པོ་ཆེན་པོའི་༼མཆོད་རྟེན༽༼མུ༽མངའ་གསོལ་ཀྱེ་རྡོ་རྗེ་མ་དམ་པ་ཀུན་དགའ་གྲགས་ཀྱི་ཤིང་ཀུན་དུ་རང་གི་བརྗེད་བྱང་དུ་བྲིས་པ། བྲག་ཙིཏྟ་དམར་པོའི་གཏེར་ནས་བཏོན་པའི་ཐོ་ཡིག་ལ་བརྟེན་ནས་དམ་པའི་གཅུང་ཀུན་དགའ་དཔལ་གྱིས་༼མཆོད་རྟེན༽མཛད་པའི་བསྐང་གསོ་ཧེ་རུ་ཀ་དཔལ་ཞེས་པའི་ཤློ་ཀ་གཅིག་འགོར་ཡོད་པའི་དཔལ་ལྡན་མ་ཧཱ་ཀཱ་ལ་མ་ལ་ལ་སྐྱེ་བ་སྔོན་མ་བསྐང་གསོའི་ཐོ་བརྩམས་ནས་གཏེར་དུ་སྦས་པ་སྐྱེ་བ་འདིར་དྲན་ནས་མཛད་ཟེར་བ་རིག་དཔྱད་ཙམ་སྟེ་བདག་ཆེན་རྡོ་རྗེ་འཆང་གིས་རྩོམ་པ་པོའི་ཐུགས་ཀྱི་དཀྱིལ་ལས་བཏོན་པར་ངོས་
འཛིན་མཛད་པ་ནི་ཤིན་ཏུ་ལེགས་པ་མངོན་ནོ། །བསྐང་གསོ་དཔལ་ལྡན་མ་ཧཱ་ཀཱ་ལ་མ་བླ་ཆེན་༼མཆོད་རྟེན༽གྲགས་འོད་པས་མཛད་པ་དཀར་ཆག་ལས་འདི་ལྟར་བྱུང་བས་ཡི་གེ་ན་ཡར་ཀླུངས་པས་མཛད་ཟེར་བ་ནོར་རམ་སྙམ། བསྐང་བཤགས་འབྱུང་བ་རྣམ་བཞི་མ་བཤེས་གཉེན་རྡོ་རྗེ་འཛིན་པས་མཛད་པ་ཤེས་རབ་དཔལ་སོགས་ཀྱིས་བསྐུལ་བའི་ངོར་ཆོས་རྗེ་བླ་མ་དམ་པས་བསམ་ཡས་སུ་མཛད་པ། དཔལ་རྡོ་རྗེ་ནག་པོ་ཆེན་པོ་ལྕམ་དྲལ་མཉེས་པར་བྱེད་པའི་མདོས་བསྐང་ཆེན་མོའི་ཆོ་ག་༼མཆོད་རྟེན༽རབ་མྱོས་ཀྱི་ལོ་སྣོན་གྱི་ཟླ་བའི་དཀར་ཕྱོགས་ལ་བླ་མ་ཆེན་པོ་བསོད་ནམས་བློ་གྲོས་ཀྱིས་མཛད་པ། པུནྱ་མ་ཏི་དྷཱ་ཛ་ཤྲཱི་བྷ་དྲས་སྦྱར་ཟེར་བ་སྣང་། ནག་པོ་ཆེན་པོ་ལྕམ་དྲལ་འཁོར་དང་བཅས་པའི་མདོས་བྱང་རིན་པོ་ཆེའི་འཕྲེང་མཛེས་ཞེས་བྱ་བ་༼མཆོད་རྟེན༽སྔགས་འཆང་ཀུན་དགའ་ཟླ་བས་དཔལ་ལྡན་ས་སྐྱའི་དབེན་གནས་ཉིས་ཐོག་ཏུ་རང་གི་དྲན་པ་གསོ་བ་དང་སྐལ་ལྡན་གཅིག་གཉིས་ལ་ཕན་པའི་ཕྱིར་དུ་མཛད་པ། མདོས་ཀྱི་ཆོ་ག་༼མུ༽བླ་མ་རྟ་ནག་པ་ཨཱ་ནནྟས་བསྐུལ་བའི་དོན་དུ་ས་སྐྱའི་གཟིམས་ཁང་རྫོང་ཆུང་དུ་ཆོས་རྗེ་བཟང་པོ་རྒྱལ་མཚན་གྱིས་མཛད་པ་འདི་གཉིས་རྫོང་ཆུང་གླེགས་བམ་དུ་མེད་ཀྱང་བརྒྱུད་པ་གཅིག་པས་མུའི་རྟགས་ཐོབ། བསྐུལ་བ་པོ་དང་མཛད་པ་པོ་གོང་ལྟར་གྱི་༼མཆོད་རྟེན༽མ་ཧཱ་ཀཱ་ལའི་མདོས་ཀྱི་གསོགས་ཡིག །འདིའི་རྗེས་སུ་མདོས་ཀྱི་ཕྱག་ཚད་ཀྱི་ཟིན་བྲིས་ཡོད་འདུག་པ་མ་ཐོབ། གསང་རྒྱུད་ཐུཊ་རྒྱུད་བཤན་པ་ནག་མོའི་རྒྱུད་ལ་བརྟེན་ནས་༼མཆོད་རྟེན༽དཔལ་ལྡན་ལྷ་མོའི་གསང་མདོས་སློབ་དཔོན་ཆེན་པོ་པདྨས་མཛད་པ་འདི་བཀའ་མ་ཡིན་ནམ་སྙམ་མཐའ་མ་ཆོད།
མགོན་པོའི་མངའ་གསོལ་གཏོར་ཆེན་རུ་མཚོན་འཛུགས་པ་རྣམས་ལ་ཉེ་བར་མཁོ་བའི་ཆོ་ག་༼མཆོད་རྟེན༽མཐུ་སྟོབས་གཏེར་མཛོད་མེ་ཁྱིའི་ལོ་ས་ག་ཟླ་བ་ལ་བདག་ཆེན་གྲགས་པ་བློ་གྲོས་ཀྱིས་མཛད་པ། བདག་ཆེན་རྡོ་རྗེ་འཆང་གིས་མགོན་པོའི་བསྐང་བ་རྙིང་པ་རྣམས་ལས་ཟུར་དུ་ཕྱུང་ནས་རྒྱས་བསྡུས་འཚམ་པར་༼མཆོད་རྟེན༽༼སྒོ༽བསྒྲིགས་པའི་གཏོར་བསྐང་དད་པ་དམ་ཚིག་མ་གཉིས་མེད་བདེ་ཆེན་རོལ་པར་ཤོག་གི་མཐའ་ཅན། དེ་ཡབ་འཇམ་དབྱངས་ཆོས་རྗེའི་ཕྱག་ལེན་བཞིན་ཁའུ་བྲག་རྫོང་དུ་༼མཆོད་རྟེན༽༼སྒོ༽སྦྱར་བའི་བླ་མ་སྤྱན་ཆེན་པོའི་མདོས་བསྐང་གི་གསལ་བྱེད། དེ་ཉིད་ལ་དཔལ་ལྡན་ལྷ་མོ་ཞལ་གཟིགས་ནས་འདི་ལྟར་རྩོམས་ཞེས་ལུང་བསྟན་༼མཆོད་རྟེན༽༼སྒོ༽པ་ལྟར་མཛད་པའི་དུད་སོལ་མའི་བསྐང་གསོ། དེས་ཐོབ་རྒྱལ་གྱི་རྫོང་རིར་རྫོང་མི་རྒྱག་པ་དང་དམག་སྒར་མི་འཆའ་བའི་རྡོ་རྗེའི་ཆོས་སྐྱོང་རྣམས་ལ་༼མཆོད་རྟེན༽༼སྒོ༽བཀའ་སྒོས་པའི་ཡི་གེ །ནག་པོ་ཆེན་པོའི་གཏོར་མདོས་ཀྱི་བསྐང་གསོ་རྫོང་ཆུང་གླེགས་བམ་ན་མེད་ཀྱང་བརྒྱུད་པ་གཅིག་པས་མུའི་རྟགས་ཐོབ། ༼མུ༽རྒྱས་བསྡུས་འཚམ་ཞིང་ལག་ལེན་བདེ་བར་བཙུན་པ་འཇམ་དབྱངས་གྲགས་པའི་དཔལ་གྱིས་མཛད་པ་རྣམས།བདུན་པ་བསྟོད་འབུམ་ལ། བྲམ་ཟེ་བློ་ལྡན་མཆོག་སྲེད་ཀྱིས་ནག་པོ་ཆེན་པོར་རྟགས་ཀྱི་སྒོ་ནས་བསྟོད་པ་དཔལ་ལྡན་མགོན་པོ་༼མཆོད་རྟེན༽༼མུ༽མ་པནྜི་ཏ་ཤཱདྡྷ་ཀ་ར་ཝརྨ་དང་གུ་རུ་ཡོན་ཏན་ཤྲཱི་ལས་གུ་གེ་ཐོ་ལིང་དུ་བསྒྱུར་བ་འདི་གྱི་ལྗང་གླེགས་བམ་དུ་དངོས་སུ་མེད་ཀྱང་དོན་གྱིས་ཐོབ་པ་འཇམ་དབྱངས་མཁྱེན་བརྩེའི་གསན་ཡིག་ན་གསལ། ཡང་དེས་ནག་པོ་ཆེན་པོ་ཞལ་
གཟིཊ་དུས་མཛད་པའི་བསྟོད་པའི་འཕྲེང་བ་༼མཆོད་རྟེན༽༼མུ༽ཉི་མའི་དཀྱིལ་འཁོར་མ་པནྜི་ཏ་ལ་ལཱི་ཏ་བཛྲ་དང་ལོ་ཙཱ་བ་གྱི་ལྗང་དབུ་དཀར་གྱིས་བསྒྱུར་བ་གྱི་ལྗང་པོ་ཏི་དང་བསྟོད་འབུམ་ཞབས་བཏགས་མར་ཡང་ཡོད། སློབ་དཔོན་བྷ་ཝི་ལྷས་མཛད་པའི་བསྟོད་པ་༼མཆོད་རྟེན༽༼མུ༽ལས་རྣམས་ཀུན་བྱེད་མ་གྱི་ལྗང་དབུ་དཀར་གྱིས་བསྒྱུར་བ་འདི་དང་འོག་གི་ལྕམ་དྲལ་གཉིས་ཞལ་གཟིགས་དུས་བསྟོད་པ་དང་མི་མ་ཡིན་གྱིས་བསྟོད་པ་རྣམས་དངོས་གཞི་ཞུས་དག་ཕེར་བར་སྒྱུར་ཕྱེད་པནྜི་ཏ་སྙིང་འཕྲེང་ཅན་དང་། གྱི་ལྗང་གིས་མཛད་པ་ཡོད་འདུག་པ་རྣམས་དཔེ་རྒྱུན་གཅིག་པར་དགོངས་ནས་གླེགས་བམ་དུ་མ་བཀོད་པ་མ་གཏོགས་དོན་གྱིས་གྱི་ལྗང་གླེགས་བམ་དུའང་ཐོབ་པ་རྫོང་ཆུང་དཀར་ཆག་ཏུ་གསལ་ཡང་ལྷ་མོའི་སྐོར་ནི་འཐད་པར་མི་སེམས་ཤིང་མགོན་རྐྱང་ཙམ་འཇམ་དབྱངས་མཁྱེན་རྩེའི་གསན་ཡིག་ནའང་སྣང་ལ་གྱི་ལྗང་གླེགས་བམ་གྱི་ཁྲོད་དུ་འདྲེན་སྐབས་རྒྱུད་པའང་དེ་ག་སོར་གནས་ལས་མགོན་པོ་དངོས་གཞིའི་བརྒྱུད་པ་དང་མི་བསྲེའོ། །མཻ་ཏྲི་པས་མགོན་པོ་ཞལ་གཟིགས་དུས་མཛད་པའི་བསྟོད་པ་ཆོས་དབྱིངས་༼མཆོད་རྟེན༽༼མུ༽རྣམ་དག་མ་ལ་ལཱི་ཏ་བཛྲ་དང་གྱི་ལྗང་དབུ་དཀར་གྱིས་བསྒྱུར་བ། སློབ་དཔོན་ཨ་བྷ་ཡས་ཞལ་གཟིགས་དུས་མཛད་པའི་བསྟོད་པ་༼མཆོད་རྟེན༽༼མུ༽ཕྱོགས་བཅུ་དུས་གསུམ་མ་དང་། བྱེད་གོ་ཆ་དང་གུ་རུབ་ཡོན་ཏན་ཚུལ་ཁྲིམས་ཀྱིས་གུ་གེ་ཐོ་ལིང་དུ་བསྒྱུར་བ། པནྜི་ཏ་སྤྱན་ཆེན་པོས་དུར་ཁྲོད་བསིལ་བའི་ཚལ་དུ་མཛད་པའི་༼མཆོད་རྟེན༽༼མུ༽བསྟོད་པ་བདེ་དགའི་རྒྱ་མཚོ་མ་གྱི་ལྗང་གིས་བསྒྱུར་བ། ཡར་ཀླུངས་པས་བསྐུལ་བ་ལྟར་བདེ་བ་ཆེན་པོའི་ཤློ་ཀ་གཅིག་སྔོན་དུ་བཏང་བའི་བསྟོད་པ་རྒྱལ་ཀུན་
༼མཆོད་རྟེན༽༼མུ༽འཕྲིན་ལས་མ་བླ་མ་དམ་པས་བསམ་ཡས་སུ་མཛད་པ། ཐེག་ཆེན་ཆོས་ཀྱི་རྒྱལ་པོས་མཛད་པའི་བསྟོད་པ་༼མཆོད་རྟེན༽ནག་པོ་རྔམས་པ་མ་ཞབས་བཏགས་མར་ཡང་ཡོད། འདིའི་རྗེས་སུ་ས་ཆེན་གྱི་མཛད་པའི་བསྟོད་པ་རྡོར་འཛིན་མ་དཔེ་མ་འབྱོར་བས་མ་ཐོབ། དཔལ་ལྡན་སེང་གེས་མཛད་པའི་བསྟོད་པ་༼མཆོད་རྟེན༽༼མུ༽རང་བཞིན་དག་པ་མ། བདུད་རེ་ལྡེ་འགོང་ཡག་གིས་ལྷ་མོ་ལ་བསྟོད་པ་འགོར་སྤྱན་༼མཆོད་རྟེན༽འདྲེན་ཐོད་པ་དགུ་བརྩེགས་མ་སྤྱན་འདྲེན་འདི་ཞབས་བཏགས་མར་ཡོད། ཡང་དེ་དང་དཀྱུས་གཅིག་ཏུ་སྐད་ཤན་སྦྱར་བའི་ལྷ་ལ་དབང་སྒྱུར་མ་༼མཆོད་རྟེན༽མཁའ་འགྲོ་ཌོམྦྷི་ཀ་མ་ལ་དང་ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་བསྒྱུར་བ། ལྷ་མ་སྲིན་གྱིས་བསྟོད་པ་མ་བཅོས་ཆོས་སྐུ་མ་༼མཆོད་རྟེན༽༼མུ༽ལ་ལཱི་ཏ་བཛྲ་དང་གྱི་ལྗང་གིས་བསྒྱུར་པ་ཡང་ལོ་པཎ་དེ་ཉིད་ཀྱིས་བསྒྱུར་པའི་དྲང་སྲོང་ཀེའུ་ཏྲིར་མས་༼མཆོད་རྟེན༽༼མུ༽བསྟོད་པའི་སྲིད་གསུམ་ཟིལ་གནོན་མ། ཡང་ལོ་པཎ་དེ་གཉིས་ཀྱིས་༼མཆོད་རྟེན༽༼མུ༽བསྒྱུར་བའི་བླ་མ་མཻ་ཏྲི་པས་ལྷ་མོ་ཞལ་གཟིགས་དུས་བསྟོད་པ་བསྐལ་པ་མེ་འབར་མ། ཨ་བྷ་ཡཱ་ཀ་རས་ལྷ་མོ་ཞལ་གཟིགས་དུས་བསྟོད་པའི་སངས་རྒྱས་བསྟན་པ་མ་༼མཆོད་རྟེན༽༼མུ༽པནྜི་ཏ་ཤཱདྡྷ་ཀ་ར་ཝརྨ་དང་གུ་རུབ་ཡོན་ཏན་ཚུལ་ཁྲིམས་ཀྱིས་གུ་གེ་ཐོ་ལིང་དུ་བསྒྱུར་བ། ནམ་མཁའ་ལྡིང་གི་རྒྱལ་པོ་གསེར་མིག་ཅན་གྱིས་ཡན་ལག་བདུན་པའི་སྒོ་ནས་བསྟོད་པ་དཔག་དཀའ་བ་༼མཆོད་རྟེན༽༼མུ༽པནྜི་ཏ་སྙིང་གི་འཕྲེང་བ་དང་ལོ་ཙཱ་བ་གྱི་ལྗང་གིས་བསྒྱུར་བ། རྣལ་འབྱོར་དབང་ཕྱུག་ཡར་ཀླུངས་པས་བསྐུལ་ནས་བསྟོད་པ་བདེ་བ་ཆེན་པོ་མ་ཤློ་ཀ་༼མཆོད་རྟེན༽༼མུ༽གཅིག་སྔོན་དུ་འགྲོ་བའི་
འདོད་ཁམས་དབང་ཕྱུག་མ་ཆོས་རྗེ་བསོད་ནམས་རྒྱལ་མཚན་གྱིས་མཛད་པ། དཔལ་ལྡན་སེང་གེས་མཛད་པའི་བསྟོད་པ་༼མཆོད་རྟེན༽༼མུ༽ནམ་མཁའི་མདོག་ཅན་རྣམས། བརྒྱད་པ་བསྐུལ་ལ། གནོད་སྦྱིན་ཡབ་ཡུམ་དང་པུ་ཏྲ་མིང་སྲིང་རུ་འདྲེན་བཅས་པའི་དྲག་བསྐུལ་༼མཆོད་རྟེན༽༼མུ༽གྱི་ཡིག་རྙིང་གནོད་སྦྱིན་ནག་འཇིགས་མ་ཡིག་ཆ་ན་བྲམ་ཟེ་མཆོག་སྲེད་ཀྱི་མཛད་ཟེར་བ་འདུག་ཀྱང་རྣལ་འབྱོར་དབང་ཕྱུག་ས་སྐྱ་པ་ཞེས་སོགས་ཀྱི་དམ་བསྒྲགས་ལ་དཔགས་ན་མིན་པ་འདྲ་ཞིང་དཀར་ཆག་དང་གསན་ཡིག་ཚོར་ཡང་མི་གསལ་ལོ། །འོད་ལྡན་དཔལ་གྱིས་མཛད་པའི་དྲག་བསྐུལ་༼མཆོད་རྟེན༽༼མུ༽དུར་ཁྲོད་ཆེན་པོ་མ། ནག་པོ་གནོད་སྦྱིན་ཁྱུང་མགོ་ཅན་གྱི་བསྟོད་བསྐུལ་༼མཆོད་རྟེན༽༼མུ༽གྱི་ཡིག་རྙིང་གནོད་སྦྱིན་ནག་པོ་མ། དམ་པ་ཀུན་དགའ་གྲགས་ཀྱིས་མཛད་པའི་གཏོར་སྐོང་༼མཆོད་རྟེན༽༼མུ༽ཞེ་སྡང་མེ་འབར་མ་རྫོང་ཁ་བའི་དཀར་ཆག་ན་འདི་ལ་མལ་གྱི་མངོན་རྟོགས་ལས་བྱུང་བའི་སྤྲུལ་པ་རུ་འདྲེན་གྱི་བསྐུལ་ཞེས་པ་དང་ས་སྐྱའི་ཕྱག་དཔེར་དམ་པའི་ཤོག་དྲིལ་བཅུའི་དང་པོ་ཤོམ་སྒོས་སྟབས་ཏུ་ངོས་བཟུང་བ་འདྲ་ཞིག་འདུག་པ་ཡིག་སྐྱོན་ཡིན་ནམ་སོམ་ཉིར་སྣང་ངོ་། །ཐུན་མོང་གི་འཁོར་བརྒྱད་བརྒྱད་དྲུག་ཅུ་རྩ་བཞིའི་བསྐུལ་༼མཆོད་རྟེན༽༼མུ༽བཅོམ་ལྡན་མི་བསྐྱོད་དཔལ་ཆེན་མ། ཕྱོགས་སྐྱོང་བཅུ་སྤྲུལ་པ་དང་བཅས་པའི་བསྐུལ་༼མཆོད་རྟེན༽༼མུ༽བཅོམ་ལྡན་དཔལ་ཆེན་ཧེ་རུ་ཀ་མ། སྤྲུལ་པའི་ཕོ་ཉ་ལྔ་གནྜིའི་ཁྲོ་བོ་དང་བཅས་པའི་བསྐུལ་༼མཆོད་རྟེན༽༼མུ༽དཔལ་ལྡན་མ་ཧཱ་ཀཱ་ལ་མ། རུ་འདྲེན་སྡེ་བཞིའི་ཟོར་བསྐུལ་༼མཆོད་རྟེན༽༼མུ༽མགོན་པོའི་སྤྲུལ་པ་མ་སྟེ་ཆོས་སྡེ་བཞི་པོ་དཀྱུས་གཅིག་ཏུ་བཞུགས་པ་དམ་
པ་ཀུན་དགའ་གྲགས་ཀྱིས་མཛད་པ། ཇོ་ནང་ལོ་ཙཱ་བ་བློ་གྲོས་དཔལ་གྱིས་མཛད་པའི་མགོན་པོའི་གཏོར་བསྐུལ་འཕྲིན་ལས་ལེགས་གྲུབ་མ་རྣམས། དགུ་པ་རྫོང་ལུགས་ལ་འདིའི་ཆོས་ཚན་ཕྱི་མ་གསུམ་པོ་རྫོང་ཆུང་གླེགས་བམ་དུ་མེད་ཀྱང་བརྒྱུད་པ་གཅིག་པས་མུའི་རྟགས་པ་བཀོད་པ་ཡིན། ནག་པོ་ཆེན་པོའི་ཆོས་སྐོར་གྱི་དཀར་ཆག་༼མུ༽རྫོང་ཆུང་པ་བྱམས་པ་རྡོ་རྗེ་རྒྱལ་མཚན་གྱིས་ཆུ་སྦྲུལ་རྒྱལ་ཟླའི་ཚེས་བཅུ་གཉིས་པ་ལ་ས་སྐྱའི་ཞེ་དགོན་དུ་བྲིས་པ། དེ་སྟག་ཚང་ལོ་ཙཱ་བ་མ་ཉྫུ་ཤྲཱིའི་གསུང་བཞིན་ས་སྐྱར་བྲིས་༼མུ༽པའི་གྱི་ལྗང་ལུགས་ཀྱི་ཆོས་སྐོར་གྱི་དཀར་ཆག །དེས་མཛད་པའི་རྒྱུད་གསུམ་མན་ངག་དང་བཅས་པའི་གསལ་བྱེད་ལས་ལེའུ་གཉིས་པ་བསྐང་གསོ་རྒྱས་འབྲིང་བསྡུས་གསུམ་༼མུ༽གྱི་ཐེམས་ཡིག་ཁོལ་དུ་ཕྱུང་བ། བསྐང་གསོ་ནག་པོ་མཆོད་རྟེན་གྱི་ས་བཅད་༼མུ༽སྔགས་འཆང་གཟུངས་པའི་སློབ་མ་བོ་དོང་དགེ་ལེགས་བཟང་པོས་མཛད་པ་རྣམས། བཅུ་པ་གོང་དཀར་བའི་ལུགས་ལ། རོང་པ་རྒཱ་ལོའི་དཔོན་བརྒྱུད་བླ་མ་དཔལ་ལྡན་གྲགས་པ་ལ་བླ་དགས་སུ་ཆོས་རྗེ་བླ་མ་དམ་པས་ངག་དབང་གྲགས་པར་འབོད་ཅིང་ཕྱིས་གསང་ཕུ་བྲག་ནག་ཏུ་བཞུགས་པས་བྲག་ནག་པ་ངག་དབང་གྲགས་པར་འབོད་པ་དེས་མཛད་པའི་དཔལ་ལྡན་ས་སྐྱ་པའི་ཆོས་སྐྱོང་གུར་ཞལ་རྣམ་གཉིས་ཀྱི་མངོན་རྟོགས་མཆོད་བསྟོད་བཟླས་པ་རྗེས་གནང་བསྐུལ་སོགས་ཚང་བའི་སྒྲུབ་ཐབས་ཆེན་མོའི་མཇུག་ཏུ། ཇི་སྐད་དུ། །ངག་དབང་གྲགས་པས་མཛད་པ་གཞིར་བཞག་ལ། །བརྒྱུད་པའི་ཕྱག་ལེན་རིམ་དང་ལུང་ཡོད་པའི། །རིགས་རྣམས་
ཞབས་སུ་བཏགས་པའི་བསྟོད་འབུམ་འདི། །རྡོ་རྗེ་གདན་དུ་བཀོད་ནས་རྣལ་འབྱོར་ལ། །བརྩོན་རྣམས་དགའ་ཕྱིར་པར་དུའང་བགྱིས་ཏེ་སྤེལ། །ཞེས་པ་ལྟར་བསྟོད་པ་རྣམས་མཇུག་ཏུ་བཏགས་པས་གཉིས་ཀ་སྦྲེལ་བར་བསྟོད་འབུམ་ཞབས་བཏགས་མར་གྲགས་པ་ལ། བྲག་ནག་པ་རང་གིས་མཛད་པའི་མཆོད་༼བྲག་རྡོ་རྗེ༽གཏོར་སྒྲུབ་བསྟོད་ཕྱག་ལེན་རྒྱུན་ཆགས་གཅིག་ཏུ་བསྡུས་པ་བདུད་རྩིའི་དཔལ་འབྱུང་འདིའི་ནང་གི་དུར་ཁྲོད་ནག་པོའི་རྒྱུད་ལས་བྱུང་བའི་མགོན་པོའི་བསྟོད་པ་༼མུ༽འདས་དང་མ་འོངས་མ། བྲམ་ཟེ་ཆེན་པོས་མཛད་པའི་བསྟོད་པ་༼མུ༽མ་སྐྱེས་མཁའ་ཀློང་མ། རྒྱུད་ལས་བྱུང་བར་གྲགས་པའི་དཔལ་ལྡན་༼མུ༽མགོན་པོ་མའི་དམ་ཚིག་ཅན་གྱི་དགྲ་ལྷ་ནག་པོ་ཆེ་ཡིན། དུས་གསུམ་རྒྱལ་བའི་སྤྱན་སྔ་མ་༼མུ༽རྣམས་རྫོང་ལུགས་བསྟོད་འབུམ་ནའང་ཡོད། བསྟོད་འབུམ་ལ། དགའ་ལྡན་པ་བཀྲ་ཤིས་དཔལ་གྱིས་མཛད་པའི་༼རྡོ་རྗེ༽བཤགས་པ་ཚིག་བཅད་བླ་མ་རྣམས་དང་མ། མལ་ལོས་མཛད་པའི་༼རྡོ་རྗེ༽བསྐང་གསོ་མཐའ་ཡས་ཚོགས་རྫོགས་མ། བླ་ཆེན་བསོད་བློས་མཛད་པའི་༼རྡོ་རྗེ༽བསྐང་གསོ་ཧེ་རུ་ཀ་དཔལ་ནག་པོ་མ། འདི་ལ་བྱིན་རླབས་ཆེ་བའི་གཏམ་རྒྱུད་ཡོད་པར་སྣང་། བྲམ་ཟེ་མཆོག་སྲེད་ཀྱིས་མཛད་པའི་བསྟོད་པ་ཉི་མའི་དཀྱིལ་འཁོར་༼རྡོ་རྗེ༽༼མུ༽དབུས་གནས་མ། གོང་གི་བསྟོད་འབུམ་ནའང་ཡོད། དགེ་སློང་བུདྡྷ་དྷཱ་ཛས་ལྕགས་མོ་གླང་གི་ལོ་བྲེའི་༼རྡོ་རྗེ༽ཟླ་བར་སྦྱར་པའི་བསྟོད་པ་རྣམ་དག་གི་འཕྲེང་བ། ཐེག་ཆེན་ཆོས་རྗེས་མཛད་པའི་བསྟོད་པ་༼རྡོ་རྗེ༽ནག་པོ་རྔམ་པ་མ། གོང་གི་བསྟོད་འབུམ་ནའང་ཡོད། བདུད་རེ་ལྡེ་འགོང་ཡག་གིས་མཛད་
པའི་ལྷ་མོའི་༼རྡོ་རྗེ༽སྤྱན་འདྲེན་ཐོད་པ་དགུ་བརྩེགས་མ་གོང་གི་བསྟོད་འབུམ་ནའང་ཡོད། འདི་ལ་སྤྱན་འདྲེན་མ་གཏོགས་ལྷ་ལ་དབང་སྒྱུར་མ་ནི་མི་འདུག །བསྟོད་པ་སེམས་ཉིད་འཕྲིན་ལས་༼རྡོ་རྗེ༽མ། ལྷ་མོ་ནམ་མཁའི་ལྷ་ཕྲན་རྣམས་ཀྱིས་བསྟོད་པ་བསྐལ་པ་༼རྡོ་རྗེ༽༼མུ༽མེ་འབར་མ་མེ་འབར་མ་ནའང་ཡོད། གཉན་ལོས་མཛད་པའི་ཞལ་བཞི་པའི་༼རྡོ་རྗེ༽སྤྱན་འདྲེན་ལྷ་མཆོག་མ་ཆོས་སྐྱོང་ཆེ་ཆུང་འདྲེས་པ་འདྲ་ཞིག་འདུག་ཀྱང་ཡིག་ཆའི་དཀྱུས་བཞིན་གསན་ཡིག་གོང་མ་ཚོར་ཡང་སྣང་ངོ་། །ཁའུ་པས་མཛད་པའི་མཆོད་འབུལ་༼རྡོ་རྗེ༽དུར་ཁྲོད་གནས་བརྒྱད་མ། གཉན་གྱིས་མཛད་པའི་ཕྱག་འཚལ་༼རྡོ་རྗེ༽བསྐང་གསོ་སྟོབས་ཆེན་ཤུགས་དྲག་མ། མཆོད་འབུལ་༼རྡོ་རྗེ༽འཇིག་རྟེན་ཁམས་ཀྱི་དགྲ་བགེགས་མ། ཁའུ་པ་དར་མ་རྒྱལ་མཚན་གྱིས་ཞལ་གཟིགས་དུས་མཛད་པའི་བསྟོད་པ་༼རྡོ་རྗེ༽རྡོ་རྗེ་འཆང་དབང་མ། ཚར་ལུགས་བསྟོད་འབུམ་ནའང་ཡོད། འཕགས་པས་མཛད་པའི་བསྟོད་པ་༼རྡོ་རྗེ༽སངས་རྒྱས་ཐམས་ཅད་མ། བླ་མ་དམ་པས་མཛད་པའི་བསྟོད་པ་༼རྡོ་རྗེ༽སྲིད་གསུམ་དབང་བསྒྱུར་མ། བྲག་ཐོག་པས་མཛད་པའི་བསྟོད་པ་༼རྡོ་རྗེ༽འཇིགས་བྱེད་རྔམས་ནག་མ། གཉན་ལོས་མཛད་པའི་ཞལ་གྱི་བསྐུལ་༼རྡོ་རྗེ༽དཔལ་ལྡན་མགོན་པོ་མ། དེས་མཛད་པའི་བསྐུལ་༼རྡོ་རྗེ༽ལེགས་ལྡན་ནག་པོ་མ། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ་གྱིས་མཛད་པའི་༼རྡོ་རྗེ༽༼འ༽གུར་གྱི་མགོན་པོ་འཁོར་བཅས་གྱི་མདོས་ཆོག་རབ་འཇིགས་རྡོ་རྗེའི་མེ་ཆར། ཤར་ཕྱོགས་༼མུ༽ལྷ་སྲིན་མ་འདིའི་ནང་ན་ཡོད། དེས་མཛད་པའི་མགོན་པོའི་བསྐང་གསོ་རྒྱས་པ་རྣམས་ཀྱི་༼རྡོ་རྗེ༽སྐབས་སུ་གནོད་སྦྱིན་ཡབ་ཡུམ་པུ་ཏྲ་མིང་སྲིང་སྒོ་
མ་བཞི་རུ་འདྲེན་དང་བཅས་པའི་འཆམ་ཡིག་ལག་ལེན་ལ་འདྲིས་པར་བྱའོའི་རྡོ་རྗེ་གདན་པས་མཛད་པའི་ཟོར་འཆམ་ནི་མ་ཐོབ། མཐའ་ཅན་རྣམས། བཅུ་གཅིག་པ་ངོར་ལུགས་ལ་ས་བཅད་འདི་སྐོར་སེར་པོད་ན་མེད་ཀྱང་བརྒྱུད་པ་གཅིག་པས་ཨེའི་རྟགས་བཀོད་པའོ། །དངུལ་ཆུ་ཆོས་རྫོང་གི་བླ་མ་འཕགས་པའི་དོན་དུ་རྡོ་རྗེ་འཆང་ཀུན་དགའ་བཟང་པོས་༼ཨེ༽མཛད་པའི་དཀར་ཆག །དེས་མཛད་པའི་གུར་མགོན་ལྷ་བརྒྱད་ཀྱི་༼ཨེ༽རྗེས་གནང་ཐུན་མོང་མ་ཡིན་པ། དེས་མཛད་པའི་མགོན་པོ་ཆེ་ཆུང་གི་གཏོར་མའི་ཆོ་ག་དགྲ་ལས་རྣམ་རྒྱལ། དེས་མཛད་པའི་བསྟོད་པ་བདུད་ལས་༼ཨེ༽རྣམ་རྒྱལ་ལེའུ་ལྔ་པ། དེས་མཛད་པའི་གཏོར་མ་ལ་བརྟེན་ནས་༼ཨེ༽སྒྲུབ་པའི་གདམས་པ་གཡུལ་ལས་རྣམ་རྒྱལ། དེས་མཛད་པའི་གུར་མགོན་གྱི་བསྐང་བའི་ཆོ་ག་༼ཨེ༽ཧེ་རུ་ཀ་དཔལ་ཞེས་པའི་ཤློ་ཀ་གཅིག་འགོར་ཡོད་པའི་དཔལ་ལྡན་མགོན་པོ་མ། བསྟོད་ཚོགས་དངོས་གྲུབ་རྒྱ་མཚོའི་༼ཨེ༽ལག་ལེན་རྒྱལ་ཚབ་ཀུན་དགའ་དབང་ཕྱུག་གིས་ཨེ་ཝཾ་ཆོས་ལྡན་དུ་བྲིས་པ་དགེ་བར་གྱུར་ཅིག་གི་མཐའ་ཅན། དེས་རྡོ་རྗེ་འཆང་ཀུན་དགའ་བཟང་པོའི་གསུང་བཞིན་བརྗེད་ཐོར་བཏབ་པའི་༼ཨེ༽མགོན་པོ་གདོང་བཞི་པའི་ཐུགས་དམ་བསྐང་བའི་ལག་ལེན། འགོར་ཨོཾ་སྭ་སྟི་སིདྡྷཾ་དཔལ་ནག་པོ་ཆེན་པོ་ཕྱག་འཚལ་ལོ་ནག་པོ་ཆེན་པོའི་བསྲུང་འཁོར་བསྒོམ་པར་འདོད་པས་ཞེས་ཡོད་པའི་མགོན་པོ་ཁྲོ་བཅུའི་༼ཨེ༽བསྲུང་འཁོར་མཁས་གྲུབ་གུང་རུའི་ཟིན་བྲིས་ཀུན་མཁྱེན་རྒྱལ་བའི་གོ་འཕང་འཐོབ་པར་ཤོག་གི་མཐའ་ཅན། འགོར་བླ་མ་དང་ལྷག་པའི་ལྷ་དབྱེར་མ་མཆིས་པ་ཀྱེ་རྡོ་རྗེའི་ཞབས་ལ་གུས་པས་ཕྱག་འཚལ་ལོ་རྒྱལ་བའི་བསྟན་པ་བསྲུང་བ་དང་ཞེས་ཡོད་པའི་༼ཨེ༽
གཏོར་སྒྲུབ་ངོར་ལུགས་ཀྱི་ཟིན་བྲིས་གསལ་བའི་སྒྲོན་མེ་ནཏྣ་ཀཱིརྟིས་སྦྱར་བ་དེའི་ཞོར་ལས་བསྟོད་པ་དང་དབྱངས་ཀྱི་ཁུངས་བསྟན་པ། སྟོབས་སྲོག་གཞོམ་པའི་མན་ངག་ཅེས་པ་གཡུལ་ལས་༼ཨེ༽རྣམ་རྒྱལ་འདི་དཀར་ཆག་ན་མི་གསལ་ཡང་ཟིན་བྲིས་གྱི་ཁྲོད་དུ་དོན་གྱིས་ཚང་བའི་ཡིན་ནམ་སྙམ། གྱི་ཞལ་ཤེས་ཟབ་མོ་རྣམས། བཅུ་གཉིས་པ་དྲུང་བཙུན་པ་ནས་བརྒྱུད་པ་ལས། མཁའ་འགྲོ་སྦྲགས་སྒྲུབ་ལ་འཇམ་པ་དང་རྩུབ་པར་སྒྲུབ་པ་གཉིས་ལས་དང་པོ་འཇམ་པར་སྒྲུབ་པའི་ནང་སྒྲུབ་ཞི་བའི་འཁྲིད་ཡིག་བྲག་རྫོང་མ་ནས་ཅུང་ཟད་༼མཆོད་རྟེན༽༼ཡར༽བསྣན་པ་དགེ་སློང་རྡོ་རྗེ་འཛིན་པ་སངས་རྒྱས་རིན་ཅེན་གྱིས་དབེན་གནས་དཔལ་ལྡན་རྩེར་བླ་མ་ཡི་དམ་མཁའ་འགྲོ་ཆོས་སྐྱོང་ལ་གསོལ་བ་བཏབ་ནས་སྙན་བརྒྱུད་ཟབ་མོ་ཡི་གེར་བྲིས་པ། དེས་དབུས་སྟོད་ལོ་དགོན་པར་རྣལ་འབྱོར་དབང་ཕྱུག་ཡར་ཀླུངས་པའི་ཡེ་གེར་གཞི་བྱས་ནས་༼མཆོད་རྟེན༽༼ཡར༽བྲིས་པའི་རྩུབ་པར་སྒྲུབ་པའི་ནང་སྒྲུབ་དྲག་པོའི་ཡི་གེ །ནང་འཁྲིད་འདི་གཉིས་ཐུན་མོང་བ་ཡར་ཀླུངས་པའི་འཁྲིད་ཡིག་དང་ཐུན་མོང་མ་ཡིན་པ་གསང་འཁྲིད་གཉིས་ནས་མན་ངག་ཐོར་བུ་ཙམ་བསྲེས་ཤིང་གཉིས་ཀ་དང་མི་འདྲ་བ་ཞིག་སྣང་ཞེས་རྡོ་རྗེ་འཆང་ཚར་པ་ཆོས་རྗེ་གསུང་ངོ་། །གཏོར་མ་ལ་བརྟེན་ནས་དགྲ་གསད་པ་༼མཆོད་རྟེན༽༼ཡར༽༼སྒོ༽ཏིལ་འབྲུ་ཙམ་ཡང་མེད་པར་བྱས་པར་བསམ་མོའི་མཐའ་ཅན། བཙན་པོའི་མཁར་དུ་གཞུག་༼མཆོད་རྟེན༽༼ཡར༽༼སྒོ༽པ་ཞེས་པའི་མགོན་པོའི་གཟི་བརྗིད་བསྐྱེད་པ་ཐོན་པ་ཁ་སྤྲོད་ཀྱི་མན་ངག །ནང་གི་བསྲུང་འཁོར་རྡོ་རྗེ་༼མཆོད་རྟེན༽༼ཡར༽༼སྒོ༽བྲག་རྫོང་མའི་ཞལ་ཤེས་དགེ་སློང་སངས་རྒྱས་རིན་ཅེན་གྱིས་ཟིན་བྲིས་སུ་བཀོད་པའི་མཐའ་ཅན། རྨི་ལམ་ངན་པ་༼མཆོད་རྟེན༽༼ཡར༽༼སྒོ༽མཚན་མ་ངན་པ་བཟློག་པ། འཁོན་ནག་ཟས་སུ་ཟ་བའི་༼མཆོད་རྟེན༽༼ཡར༽མན་
ངག་རྣམས་དུས་ཀྱི་ཐོ་རེངས་སུ་བྱའོའི་མཐའ་ཅན། འགོར་འཁོར་རྐྱང་གི་རྗེས་གནང་བྱ་ཚུལ་ནི་སྔོན་འགྲོ་མཆོད་གཏོར་༼མཆོད་རྟེན༽༼ཡར༽༼སྒོ༽བཤམ་པ་ཞེས་ཡོད་པའི་པུ་ཏྲ་མིང་སྲིང་གི་རྗེས་གནང་བརྟན་བཞུགས་གཤེགས་གསོལ་བསྲུང་བ་རྣམས་བྱའོའི་མཐའ་ཅན། བཅུ་གསུམ་པ་ཐོར་བུའི་སྐོར་ལ། བོ་དོང་པཎ་ཆེན་གྱིས་མཛད་པའི་བསྐང་གསོ་རིན་ཅེན་འབར་བ། ཡང་དེས་མཛད་པའི་བསྟོད་པ་དང་བཀའ་སྡོད་དང་ཚོགས་བདག་ལྟར་སྒྲུབ་པ་གསུམ་གྱི་དཔེ་མ་འབྱོར་བས་མ་ཐོབ། དེས་མཛད་པའི་མགོན་པོ་མངོན་པར་འབྱུང་བའི་རྒྱུད་ནས་བཤད་པའི་མགོན་པོ་ཕྱག་བཅུ་དྲུག་པ། བཅུ་གཉིས་པ། བརྒྱད་པ། དྲུག་པ། བཞི་པ། གཉིས་པ་སྟེ་མགོན་པོ་རིགས་དྲུག་གི་མངོན་རྟོགས། མགོན་པོ་རིགས་དྲུག་གི་རྗེས་གནང་དཔལ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་གསུང་གི་རིམ་པའོའི་མཐའ་ཅན། སྟག་ཚང་ལོ་ཙཱ་བས་མཛད་པའི་ཆོས་སྐྱོང་སྤྱི་ལ་བསྟོད་ཅིང་བསྐང་བཤགས་སུ་གསོལ་བ་རྡོ་རྗེ་འཆང་དབང་མ། དེས་མཛད་པའི་གུར་གྱི་མགོན་པོའི་བསྟོད་པ་བདུད་ཀྱི་སྟོབས་འཇོམས། དེས་མཛད་པའི་ཞལ་ཀྱི་བསྟོད་པ་དཔལ་ལྡན་མགོན་པོ་མ། དེས་མཛད་པའི་ལས་མགོན་གྱི་བསྟོད་པ་དཔལ་ཆེན་བཀའ་སྡོད་མ་རྣམས་ལེགས་པར་ཐོབ། དཀར་ཆག་ན་མི་གསལ་བའི་ཐམས་ཅད་མཁྱེན་པ་རྡོ་རྗེ་གདན་པས་མཛད་པའི་༼འ༽པུ་ཏྲའི་མདོས་ཆོག་གི་ལུང་ཡང་ནོད་དོ། །
མཁས་གྲུབ་ཕལ་ཆེར་གྱི་རྣ་བའི་སྤྱོད་ཡུལ་དུ་མ་གྱུར་བའི་སྙིང་ཁྲག་གི་གཟུངས་ལྟ་བུ་སྙན་རྒྱུད་པོ་ཏིའི་སྐོར།
རྩ་བའི་གཉིས་པ་མཁས་གྲུབ་ཕལ་ཆེར་གྱི་རྣ་བའི་སྤྱོད་ཡུལ་དུ་མ་གྱུར་པའི་སྙིང་ཁྲག་གི་གཟུངས་ལྟ་བུ་སྙན་བརྒྱུད་པོ་ཏིའི་སྐོར་ནི། དཀར་ཆག་ལས། ཁ་བ་ཅན་ལྗོངས་རྡོར་འཛིན་མང་ཡང་མཁས་དང་གྲུབ་པ་རྒྱུན་ཆད་མེད་པ་དེ་ནི་དཔལ་ལྡན་ས་སྐྱ་པ། །ས་སྐྱ་པར་གྲགས་སྔགས་འཆང་
མང་ཡང་གསང་ཆེན་སྙན་བརྒྱུད་སྨྲ་བ་དེ་ནི་ཁོ་བོའི་བླ་མ་ཁའུ་པ། ཁའུ་པ་ཡི་རྗེས་འབྲང་མང་ཡང་དགོངས་པ་ཇི་བཞིན་དད་དང་གུས་པས་འཛིན་པ་དེ་ནི་བློ་གསལ་དབང་། །བློ་གསལ་དབང་པོས་ནག་པོ་ཆེན་པོའི་སྙན་བརྒྱུད་གདམས་པའི་དཀར་ཆག་བྲི་ཡི་བླ་མ་ལྷ་ཡིས་གནང་དུ་གསོལ། །ཞེས་རྗེ་བཙུན་ས་སྐྱ་པའི་བསྟན་འཛིན་མང་ཡང་སྙན་བརྒྱུད་མཐའ་དག་འཛིན་པ་ནི་རྗེ་རྡོ་རིང་པ་ཙམ་དང་། དེའི་རྗེས་འབྲང་གི་སློབ་མ་མཐའ་ཀླས་པའི་ནང་ནས་མགོན་པོ་ཆེ་ཆུང་སོགས་ཟབ་དོན་གྱི་བཀའ་བབས་ནི་རྡོ་རྗེ་འཆང་ཚར་པ་ཆོས་རྗེ་གཅིག་པུ་ཡིན་པས་གོང་དུ་སྨྲོས་པའི་མེ་འབར་མའི་རྩ་བའི་ས་བཅད་དང་པོ་གཉིས་དང་ཁ་སྐོང་བཅས་པ་ཐུན་མོང་དུ་མཛད་ནས་བརྒྱུད་པ་བཞི་འདུས་ཡིན་ནའང་། ཤིན་ཏུ་གསང་བ་ལས་ཀྱང་ཆེས་གསང་བའི་སྙན་རྒྱུད་ཀྱི་སྐོར་རྣམས་ལས་ཐོར་བུ་འགའ་རེ་མ་གཏོགས་ཁའུ་བྲག་རྫོང་པའི་བརྒྱུད་ཚུལ་ལས་རྣམ་གྲངས་མང་པོ་བགྲང་དུ་མེད་པས་སྙན་བརྒྱུད་གླེགས་བམ་ཞེས་ལོགས་སུ་བསྒྲིག་པར་མཛད་པའི་རྒྱུ་མཚན་གྱིས་འཇམ་དབྱངས་མཁྱེན་བརྩེའི་གསན་ཡིག་ལས། སྙན་བརྒྱུད་མ་དྲོས་ཆུ་བོ་ཉམས་དགའ་བ། །རྣམ་བཞི་བརྒྱུད་པའི་གསུང་གི་འབབ་སྟེགས་ལས། །ཉེ་བར་འོངས་པའི་སྨིན་གྲོལ་བདུད་རྩིའི་རྒྱུན། །ས་སྐྱའི་བླ་ཆེན་ཐུགས་མཚོར་གཅིག་ཏུ་འཁྱིལ། །དེ་ལས་ཕྱོགས་བརྒྱར་གདམས་པའི་ཆུ་ཐིག་ནི། །ཐུན་མོངས་ལྦུ་བས་ཕྱུག་པ་འཕྲོས་ན་ཡང་། །སྙན་བརྒྱུད་ནོར་བུས་གཏམས་པའི་རླབས་འཕྲེང་ཅན། །འཁོན་སྟོན་མ་ཏི་གཅིག་པའི་འཛིན་མར་བབས། །ངན་རྟོག་བ་ཚ་སྤངས་བའི་གངྒཱ་ཀླུང་། །ཐེ་ཚོམ་དྲི་མ་འཁྲུད་པའི་བཅུད་བཟང་ནི། །ཀུན་སྤངས་དྲང་སྲོང་ཁོ་ནའི་སྤྱོད་ཡུལ་ལས།
མཁས་གྲུབ་གཞན་གྱིས་ནམ་ཡང་ཐོབ་མ་གྱུར། །མ་ལུས་གདམས་པའི་ཆུ་ཀླུང་བརྒྱ་ཕྲག་ནི། །དངོས་གྲུབ་ནོར་བུས་གཏམས་པ་དུ་མ་ཞིག །ནམ་ཡང་ངོམས་པ་མེད་པར་འཐུང་བྱེད་པ། །བློ་གསལ་རྒྱ་མཚོའི་རྫིང་ལས་གཞན་སུ་ཞིག །ཅེས་གསུངས་པ་ལྟར་གྱི་ཆོས་སྐོར་ཡོངས་སུ་རྫོགས་པ་ནི་ཚར་ཆེན་རྣལ་འབྱོར་དབང་ཕྱུག་ཡར་ཀླུངས་པར་སྐུ་འཁྲུངས་པའི་དུས། ཐམས་ཅད་མཁྱེན་པ་མཁྱེན་རྩེ་འཇམ་དབྱངས་དགག་པར་འཁྲུངས་ཏེ་སྙན་བརྒྱུད་ཀྱི་ཆོས་གནང་བའི་གསོལ་བ་བཏབ་པས་ད་ལམ་རེས་མི་ཡོང་སླར་བྱེད་གསུང་བ་སྐུ་ཚེ་རྗེས་མ་ལ་རྟེན་འབྲེལ་འགྲིག་པར་དགོངས་པ་སོགས་སྐྱེ་བ་དུ་མར་དཔོན་སློབ་ཏུ་འབྲེལ་ཞིང་། སྐུ་ཚེ་འདིར་ཡང་། ཇི་སྐད་དུ། བདག་ཆེན་ཆོས་རྗེའི་སྐུ་ཡི་དབོན་སྐྱེས་ཤིང་། (༡)གྲུབ་མཆོག་རྡོ་རིང་ཆོས་རྗེའི་བསྟན་ལ་དད། །(༢)སྒོ་རུམ་ཆོས་རྗེའི་ཐུགས་ཀྱི་སྲས་སུ་གྱུར། །(༣)ཤེས་རབ་སྙིང་རྗེ་རྣམ་དཔྱོད་ཕུན་ཚོགས་ཤིང་། །(༤)(༥)དད་དང་སྒྲུབ་(༦)པས་བླ་མ་མཉེས་པ་སྟེ། །རྒྱུ་དྲུག་འཛོམ་པས་ཟབ་མོའི་གདམས་པ་རྙེད། །གྲོགས་དག་འདི་འདྲའི་སྐལ་བཟང་ཁོ་བོ་ཙམ། །ཞེས་རྒྱུ་རྐྱེན་ཕུན་སུམ་ཚོགས་པ་དྲུག་ཚང་བས་གདམས་པ་རྣམས་རྫོགས་པར་གསན་པ། བརྒྱུད་པ་དེ་ལས་འོངས་པའི་གདམས་པ་ནོད་པ་ལ། རྡོ་རྗེ་འཆང་ཚར་པ་ཆོས་རྗེས་མཛད་པའི་རྡོ་རྗེ་ནག་པོ་ཆེན་པོའི་སྙན་བརྒྱུད་ཡི་གེར་བཀོད་པའི་དཀར་ཆག་སྙིང་གི་བདུད་རྩིའི་ཟིལ་དངར། དེ་ལས་བྱུང་བ་ལ་གོང་མའི་གསུང་སྒྲོས་ཀྱི་ཡི་གེ །སྒ་ཨཱ་ནནྡ་པས་མཛད་པའི་ཡི་གེ །བར་སྐབས་ཀྱི་སྙན་བརྒྱུད་འཛིན་པའི་གསུང་སྒྲོས། བདག་ཆེན་རྡོ་རྗེ་འཆང་གི་གསུང་། རྗེ་བཙུན་རྡོ་རིང་པ་ཆེན་པོས་མཛད་པའི་ཡི་གེ །རྡོ་རྗེ་འཆང་ཚར་
པ་ཆོས་རྗེས་མཛད་པ་ཡི་གེ །དཀར་ཆག་ཏུ་མ་འཁོད་པའི་ཡི་གེ །དེ་དག་ཀུན་ལ་ཐུན་མོང་དུ་ཉེ་བར་མཁོ་བའི་སྐོར་དང་བརྒྱད། དང་པོ་ལ། འགོར་ཨོཾ་སྭ་སྟི་དྷ་མ་སང་ཀྲི་མ་ཏང་བི་ར་ཞེས་ཡོད་པའི་ནག་པོ་ཆེན་པོའི་ལོ་རྒྱུས་ལྷ་བཀོད་ལས་སྦྱོར་གསུམ་དང་བཅས་པ་ལས་སྦྱོར་བདེ་བའི་རྣམ་དག་བཞུགས་སོའི་མཐའ་ཅན། འགོར་ནག་པོ་ཆེན་པོའི་ལོ་རྒྱུས་ནི་མ་རྒྱུད་མཁའ་འགྲོ་མ་རྡོ་རྗེ་གུར་ནས་ཞེས་ཡོད་པའི་མགོན་པོའི་བླ་མ་བརྒྱུད་པའི་ལོ་རྒྱུས་ཞེས་བྱ་བའི་ཡིག་ཆུང་དེང་སང་གི་བར་ན་ཀུན་ལ་གསལ་ཏེ་ལོ་རྒྱུས་སོའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་འཁོར་ལོ་མུ་ཁྱུད་ལྔ་སྐོར་ལྟེ་བ་ལ་གྲི་གུག་གི་ཞེས་ཡོད་པའི་རང་བསྲུང་འཁོར་ལོ་རབ་གནས་དང་བཅས་པ་ཨཱ་ཙཪྻ་ཀྲྀཥྞ་པཱ་དའི་མན་ངག་ཐུན་མོང་མ་ཡིན་པ་བཛྲ་ཁ་ཐམ་གྱི་མཐའ་ཅན། འགོར་འཇམ་དཔལ་གཤིན་རྗེ་གཤེད་ལ་ན་མོ་གཤིན་རྗེ་པྲ་ཁོང་ནག་གི་རྒྱུད་ལས་ཞེས་ཡོད་པའི་དམ་ཅན་ལ། ༼རྒྱ༽རུ་མཚོན་འཛུགས་པའི་ཡི་གེ་ཨྱོན་ཆེན་པོས་གུད་དུ་བཀོལ་བ་རྫོགས་བྱང་གི་མཐའ་ཅན། དེའི་ཞར་བྱུང་དུ་སྲོག་མདུང་རུ་མཚོན་འཛུགས་པའི་ཚིགས་བཅད་དཀར་ཆག་མི་གསལ་བ་གོང་གི་ཁོངས་སུ་གཏོགས་སམ་སྙམ། བཅོལ་བའི་ཕྲིན་ལས་སྒྲུབ་པར་མཛོད་ཀྱི་མཐའ་ཅན། འགོར་ལྷ་མོ་ཆེན་མོ་ལ་ཕྱག་འཚལ་ལོ་དེའི་སྒྲུབ་པ་ལ་བཞི་སྟེ་ཞེས་ཡོད་པའི་ལྷ་མོ་ཕྱི་པ་མུ་སྟེགས་པ་ལྟར་བསྒྲུབ་པའི་རྒྱ་གཞུང་གསལ་བྱེད་ཀྱི་ཡིག་ཆུང་ཡིད་བཞིན་ནོར་བུ་རྔོག་པའི་ལྷ་མོ་ཕྱི་སྒྲུབ་གྱི་རྒྱ་གཞུང་གི་འགྲེལ་པ་ལག་ལེན་མ་དང་ཞུས་དག་ཕེར་ཞེས་ཚར་ཆེན་ཆོས་ཀྱི་རྒྱལ་པོ་གསུང་ཞེས་བྱ་བ་ལོ་ཙཱ་བ་རིན་ཅེན་བཟང་པོ་ལ་གདམས་པ། འགོར་དཔལ་མགོན་པོ་ཞེས་བྱ་བའི་སྒྲུབ་
ཐབས་དཔལ་ཧེ་རུ་ཀ་ལ་ཕྱག་འཚལ་ལོ་བླ་མ་ལ་གུས་སྙིང་རྗེར་ལྡན་ཞེས་ཡོད་པའི་ཡེ་ཤེས་ཀྱི་མགོན་པོ་དང་ལས་ཀྱི་མགོན་པོ་བེར་ནག་ཟངས་གྲི་ཅན་སྦྲགས་མའི་གསང་སྒྲུབ་ཀྱི་ཡིག་རྙིང་རྫོགས་སོའི་མཐའ་ཅན། ལས་མགོན་གྱི་ཡུམ་འཇིགས་བྱེད་ཁྲག་འཐུང་མ་རྣམ་འཕྲུལ་གྱི་གཎྜི་ལ་བརྟེན་ནས་སྒྲུབ་པ་དང་། ལས་ཀྱི་
མགོན་པོ་གསོད་བྱེད་གདུག་པའི་གྲི་གུག་ཅན་ཙན་དན་གྱི་བེང ་དང་མཚོན་ཆ་གྲི་གུག་འབར་བ་ལ་བརྟེན་ནས་བསྒྲུབ་པ་འཁོར་ལོ་དང་ལས་སྦྱོར་ལ་བརྟེན་ནས་དགྲ་བོ་མྱུར་དུ་སྒྲོལ་བའི་ཐབས་བལ་པོ་ཕམ་མཐིང་པ་ནས་མལ་ལོ་ལ་བརྒྱུད་པའི་ཡི་གེ་འབུམ་ཕྲག་གསུམ་བཟླས་ན་འདི་ཐམས་ཅད་འགྲུབ་པ་ཡིན་གསུང་བའི་མཐའ་ཅན་འདིའི་རྗེས་སུ་པུཏྲ་སེང་གེ །བྷ་ཏྲི་སྟག །སྲིང་མོ་དྲེའུ་ལ་ཞོན་པའི་དྲག་སྒྲུབ་ཁོ་བོས་མ་ཐོབ། རྡོ་རྗེ་འཆང་དབང་ཕྱུག་རབ་བརྟན་གྱིས་མ་གསན་གསུང་། ས་སྐྱ་ཁྲི་ཆེན་གྱི་གསན་འདུག་པ་རིན་པོ་ཆེ་བོད་མཁར་བ་ནས་ལོ་པ་སྤྱན་སྔ་ལ་བརྒྱུད་པ་ཡིན་ནམ་སྙམ། འགོར་སྐད་ཤན་སྦྱར་ཡོད་པའི་མུ་སྟེགས་ཀྱི་ངན་སྔགས་རྐྱལ་འབུད་ཅེས་པ་མོན་ཆུང་པུ་ཏྲའི་རྐྱལ་འབུད་ཀྱི་རྩ་བའི་ཡི་གེ་མཉལ་བ་རོང་ལིང་ལོ་ཙཱ་བས་བལ་ཡུལ་དུ་བྲམ་ཟེ་ཧ་ར་རི་མ་ལ་གསེར་སྲང་གསུམ་ཕུལ་ནས་ཞུས་པ་འདི་གསང་བའི་ལས་མཁན་པུ་ཏྲ་དང་ཐ་དད་ཡིན་པས་བསྲེ་བར་མི་བྱ་ཞེས་སྙན་བརྒྱུད་རོལ་མཚོ་དང་ལྷག་བསམ་རབ་དཀར་གྱི་དྲི་ལན་སོགས་སུ་སྣང་ངོ་། །འགོར་མོན་ཆུང་པུ་ཏྲའི་རྐྱལ་འབུད་ཐུན་མོང་མ་ཡིན་པ་ནག་པོ་ཆེན་པོ་ལ་ཕྱག་འཚལ་ལོ་ཐེབས་བཟློག་བརྩི་མི་དགོས་ཞེས་ཡོད་པའི་དེའི་ལག་ལེན་གྱི་ཡི་གེ་རྣལ་འབྱོར་སྨྱོན་པའི་མཚོན་ཆར་གནང་བའི་མཐའ་ཅན། འགོར་ཨོཾ་སྭ་སྟི་མོན་ཆུང་
རྐྱལ་འབུད་ལ་གསུམ་སྟེ་ཞེས་ཡོད་པའི་རྐྱལ་འབུད་ཀྱི་ཞལ་གདམས་ཡི་གེ་གནས་དབེན་པར་མིས་མི་མཐོང་བ་བྱའོའི་མཐའ་ཅན། འགོར་ན་མོ་མ་ཧཱ་ཀཱ་ལ་མུ་སྟེགས་ཤྲཱི་རལ་པ་ཅན་གྱི་རྐྱལ་འབུད་འདི་བྱུང་ཚུལ་ཇི་ལྟར་བརྒྱུད་པའི་རིམ་པ་ནི་ཞེས་ཡོད་པའི་ལོ་རྒྱུས་༼ཞ༽དང་བཅས་པའི་ཡི་གེ་བསྟན་པ་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག་གི་མཐའ་ཅན་ནོར་ཕྱིར་གཏང་བའི་མོན་བུ་པུ་ཏྲ་ནག་པོ་རྣམ་གསུམ་གྱི་ཡི་གེ་མལ་ལོའི་ལུགས་སློབ་དཔོན་སྙེ་སྟོན་གྱིས་ཇོ་སྲས་རྒྱལ་མཚན་ལ་གནང་བ། བདུད་པུ་ཏྲའི་སྒྲུབ་ཐབས་གཙང་རོང་གི་རཱ་ནག་ལོ་ཙཱ་བའི་གདམས་པ་ཁྱད་པར་ཅན་རྒྱ་སྟོན་གྱིས་གསལ་བར་བྲིས་པ། ཕྱི་པའི་ལྷ་བཤན་པ་རོ་ཁུར་འདི་ལ་ཡང་བདུད་པུ་ཏྲར་ལྷག་བསམ་རབ་དཀར་གྱི་དྲི་ལན་དུ་ངོས་འཛིན་ནོ། །གྱི་མན་ངག་བཤན་པའི་ཆོ་འཕྲུལ་མགོ་བརྙན་མར་གྲགས་པ་ཡར་ཀླུངས་པས་ཀླུའི་དགོན་པ་ཤུག་ར་བདེ་ཆེན་དུ་དག་པར་བགྱིས་པ། སྦྲགས་སྒྲུབ་ཀྱི་སྐབས་སུ་མ་ཧཱ་ཀཱ་ལའི་སྒྲུབ་ཐབས་ཀྱི་རིགས་བསྡུས་པ་ཞེས་པ་དཔལ་ལྡན་མགོན་པོ་མ་ཧཱ་ཀཱ་ལ་ལ་མགོན་པོ་ཆེན་པོ་བཅུ་གཉིས་ཀྱིས་བསྐོར་ཞེས་སོགས་བརྒྱད་བརྒྱད་དྲུག་ཅུ་རྩ་བཞི་སྟོན་པའི་ཡིག་ཆུང་ཚིགས་འདི་དང་ཁ་སྐོང་པོ་ཏིར་ཡོད་པ་འདྲ་མིན་སྣང་། བཅད་མ་དགྲ་བགེགས་མ་ལུས་ཐལ་བའི་རྡུལ་དུ་རློག་གི་མཐའ་ཅན། ལས་སྦྱོར་གྱི་སྐབས་སུ་ཉེ་བར་མཁོ་བའི་སློབ་དཔོན་ཆེན་པོ་པདྨས་མཛད་པའི་སྲུང་མ་སྤྱིའི་དམོད་བཅོལ་སྔ་མ་ལ་མེ་འབར་མར་ཡང་བཞུགས། ༼རྒྱ༽མི་བརྗེད་གཟུངས་ཐོབ་ཇོ་མོ་མཁར་ཆེན་བཟའི་བླ་དཔེ། ཡང་དེས་མཛད་པའི་ཆོས་སྐྱོང་སྤྱིའི་སྙིང་ཆུ་༼རྒྱ༽བསྲེ་བ་ཡོན་ཏན་རབ་རྒྱས་མ། དེས་མཛད་པའི་ཆོས་སྐྱོང་གི་སྲོག་འཕྲོག་པ། བཅིང་པ་ཁྱི་བཞིན་འཁྲིད་པ། ཕྱི་
མ་མི་འཁྲེང་བ། རྩལ་འགྲན་པ་སྟེ་ཟབ་པའི་གནད་༼རྒྱ༽༼རྡོ་རྗེ༽ལྔའི་མན་ངག །འཁོན་ནག་ཟས་སུ་ཟ་བའི་གདམས་པ་སློབ་དཔོན་ཀླུ་སྒྲུབ་ནས་རི་སུལ་གྱི་རྣལ་འབྱོར་མ་དང་གཉན་ལོ་ནས་བརྒྱུད་པ། བྱ་རོག་གི་དབང་པོ་ལྔ་སོགས་ལ་བརྟེན་པའི་ནག་༼མུ༽༼ཞ༽པོ་ཆེན་པོའི་ཆོ་འཕྲུལ་སྟོན་པའི་མན་ངག་རྣམས། གཉིས་པ་སྒ་ཨཱ་ནཱནྡ་དམ་པས་མཛད་པའི་ཡིག་ཆ་ལ། ནག་པོ་ཆེན་པོ་སྒྲུབ་ཐབས་འདི་ལ་མང་དུ་གསུང་ཡང་དོན་གསུམ་དུ་འདུ་ཚུལ་སོགས་སྤྱིའི་ཁོག་བསྒྲིགས་ཨཱ་ནནྡ་ཀཱིརྟའི་ཞལ་གྱི་བདུད་རྩི་འོའི་མཐའ་ཅན། སྔོན་འགྲོ་རྟེན་དང་མཆོད་གཏོར་གྱི་སྐབས་ཉེ་བར་མཁོ་བའི་ཤོག་དྲིལ་བཅུ་པར་གྲགས་པའི་ནང་ཚན་འགོར་རྩ་བརྒྱུད་དཔལ་ལྡན་བླ་མ་དམ་རྣམས་ཞེས་ཡོད་པའི་སྔོན་འགྲོ་ཤོམ་གྱི་ཤོག་དྲིལ་དམ་པ་ཀུན་དགའ་གྲགས་ཀྱིས་འཕགས་པ་རིན་པོ་ཆེར་ལུས་ལོངས་སྤྱོད་ཐམས་ཅད་ཕུལ་ནས་སྐུ་གསུང་ཐུགས་མཉེས་པའི་བཀའ་འབངས་དང་ཞབས་ཏོག་མཛད་པར་བརྟེན་ཕ་ཕོགས་ཀྱི་ཚུལ་དུ་གནང་བ་འཁོན་དྷརྨ་རཀྵི་ཏ་དང་ཞང་དཀོན་ཅོག་དཔལ་སོགས་ཀྱི་ཆེད་དུ་མཛད་པའི་རིན་ཅེན་ནོར་འདྲའི་མན་ངག་ཟབ་མོ་འདི་སུ་ཞིག་རྙེད་ནས་སྲོག་ལྟར་གཅེས་པར་བཟུང་གི་མཐའ་ཅན། སྐུ་གཟུགས་བཞེང་ཚུལ་ཡིད་བཞིན་ནོར་བུ་ཞེས་པ་དགོས་འདོད་ཐམས་ཅད་ཀྱི་འབྱུང་ཁུངས་བྲིས་སྐུ་སྒྲུབ་པའི་ཤོག་དྲིལ། ཕྱག་མཚན་གྲི་གུག་གིས་གསོད་པའི་ལས་སྒྲུབ་པའི་ཤོག་དྲིལ། ཕྱག་མཚན་ཐོད་པ་ལ་བརྟེན་ནས་དངོས་གྲུབ་རྣམ་གཉིས་སྒྲུབ་པའི་ཤོག་དྲིལ། དགྲ་བགེགས་ཚར་གཅོད་གནྜི་སྒྲུབ་པའི་ཤོག་དྲིལ། དམག་ཐོག་སེར་རླུང་གནོན་པ་རལ་གྲི་སྒྲུབ་པའི་ཤོག་དྲིལ། དགྲ་བགེགས་ཟིལ་གྱིས་གནོན་ཅིང་ཆོ་འཕྲུལ་སྣ་ཚོགས་སྟོན་པ་ཐུག་
ཆེན་སྒྲུབ་པའི་ཤོག་དྲིལ། ཁྲོ་ཚོགས་ཕོ་ཉ་སྡུད་ཅིང་དགྲ་བགེགས་ཚར་གཅོད་པའི་རྔ་ཆེན་སྒྲུབ་པའི་ཤོག་དྲིལ། ཉམས་ཆག་ཐམས་ཅད་སྐོང་ཞིང་བར་གཅོད་ཀྱིས་མི་ཚུགས་པ་ཁ་ཊཱཾ་སྒྲུབ་པའི་ཤོག་དྲིལ། གཏུམ་དྲག་མི་བཟད་ཕོ་ཉའི་ལས་རིམ་སྒྲུབ་པའི་ཤོག་དྲིལ་ཏེ་བཅུ། གཟུངས་འབུལ་བའི་ཚིགས་བཅད་ལུས་ཀྱི་མུན་ནག་ཟིལ་གནོན་མ། འགོར་དེ་ནས་རྟ་ནག་པོ་སོགས་རྟེན་རྣམས་ལ་ཆོན་དམར་པོ་བསྐུས་ཞེས་ཡོད་པའི་གཟུངས་བསྐྱེད་ཆོག་རྒྱས་པ་དང་བསྡུས་པ་ཧཱུྃ་ལས་བྱུང་བའི་རྟ་མཆོག་མ་དང་བཅས་པ་བླ་མ་ལ་གུས་པས་ཞུ་བར་བྱའོའི་མཐའ་ཅན། འགོར་ན་མོ་མ་ཧཱ་ཀཱ་ལཱ་ཡ་དང་མགོན་པོའི་མན་ངག་ཙིཏྟ་བརྟག་པའི་རིམ་པ་ནི་ཞེས་ཡོད་པའི་གསང་རྟེན་གྱི་སྐབས་སུ་གྲི་སྙིང་བརྟག་པའི་ཡི་གེ་ནག་པོའི་རྒྱུད་ལས་གསུངས་པའོའི་མཐའ་ཅན། དུས་གཅིག་ལ་ཆིག་བརྒྱུད་ཀྱི་གྲས། འགོར་བླ་མ་དང་དཔལ་ཧེ་རུ་ཀ་ལ་ཕྱག་འཚལ་ལོ་བཅའ་བ་རྟེན་གྱི་སྐབས་སུ་གྲི་སྙིང་འཁོར་ལོ་ཞེས་ཡོད་པའི་གྲི་སྙིང་འཁོར་ལོ་ཐུན་མོང་མ་ཡིན་པའི་བཅའ་ཚུལ་རབ་གནས་ཞག་བདུན་མ་དང་བཅས་པའི་ཡིག་ཆུང་ཡིད་བཞིན་ནོར་བུ་ཅི་བསམ་འགྲུབ་པར་འགྱུར་བ་དུས་གཅིག་ལ་ཆིག་བརྒྱུད་མ། སྦྲགས་སྒྲུབ་ཀྱི་སྐབས་སུ་འཁོར་ལོ་དང་ལིང་གའི་བྲི་ཡིག་༼མུ༽ཅེས་པ་མགོན་པོའི་འཁོར་ལོ་པད་འདབ་བཞི་པ། ལྷ་མོའི་བརྒྱད་པ། གནོན་སྦྱིན་ཕོ་མོའི་ལྟོ་འཁོར། འཇམ་ལུགས་ཀྱི་ཕོ་མོའི་འཁོར་ལོ། རྩུབ་ལུགས་ཀྱི་ཕོ་མོའི་འཁོར་ལོ། བཟློག་འཁོར། དགྲ་བོའི་སྙིང་གར་འཇུག་པའི་འཁོར་ལོ་རྫོང་ཆུང་པ་རྣམས་འདི་ལིངྒའི་བྲི་ཡིག་ཏུ་བཞེད། མིང་སྲིང་གསུམ་གྱི་གཟུངས་འདྲི་ལུགས། ལིང་ག་འཁོར་ལོ་ཅན་འདི་རྫོང་ཆུང་པར་མེད། གྱི་བྲི་ཡིག་རྣམས་སྟོན་པ། བསྙེན་སྒྲུབ་ལས་གསུམ་
གྱི་ཞལ་གདམས་༼ཁྲ༽ཡིག་བརྒྱ་ཉམས་ཆགས་ཁ་སྐོང་ངོའི་མཐའ་ཅན། འགོར་བསྙེན་སྒྲུབ་ལས་གསུམ་ལ་བསྙེན་པའི་དུས་སུ་མགོན་པོའི་སྔགས་ཐུང་ཞེས་ཡོད་པའི་སྔགས་ཀྱི་བཟླ་༼ཁྲ༽ཐབས་དེ་ནས་བརྒྱ་པ་བཟླའོའི་མཐའ་ཅན། འགོར་ཧཱུྃ་ལས་སྔགས་ཀྱིས་བསྐོར་བ་ལ་ཞེས་ཡོད་པའི་ལས་བཞིའི་དམིགས་༼མུ༽༼ཁྲ༽པ་ཚར་གཅད་པས་བསམ་མོ་གུ་ཧྱ་ས་མ་ཡའི་མཐའ་ཅན། སྲོག་གཏའ་མར་འཛིན་པ། སྙིང་རྟེན་དུ་འཛིན་པ། འཁོར་ལོ་དབྱེ་བ། རང་ཀ་གཤེད་དབབ་པ། ཡི་དམ་གྱི་བསྙེན་སྒྲུབ། གཏོར་མའི་གནད་དེ་ཆིངས་ཆེན་དྲུག་གི་ཞལ་གདམས་སྣོད་མིན་དམ་ཚིག་མེད་པ་ལ་སྦྱིན་ན་ནག་པོ་ཆེན་པོས་སྙིང་ཁྲག་འཐུང་ཞིག་གི་མཐའ་ཅན། བསྒོམ་པ་ལྷའི་གནད་ཀྱི་མན་ངག་སྦྱོར་དངོས་རྗེས་རྣམ་པ་གསུམ་སྒྲུབ་པའི་མན་ངག་དམ་པ་ཡིན་ནོ་ཞེས་བླ་མ་གསུང་ངོ་ས་མ་པ་ཐ་མའི་མཐའ་ཅན། ཞར་བྱུང་བསྙེན་སྒྲུབ་ལས་གསུམ་གཏོར་མ་དང་བྲིས་སྐུ་ཙམ་ལ་བརྟེན་པ། གློ་བུར་ལས་བཅོལ་གསུམ་གྱི་ཐོ་ཙམ་བསྟན་པ་དཀར་ཆག་ན་མི་གསལ། ཞི་རྒྱས་དབང་དྲག་གི་གཏོར་མ། ཉམས་ཆག་སྐོང་བ། འཆི་ལྟས་དང་རྨི་ལམ་དང་ངན་པ་བཟློག་པ། ལོ་ཟླ་དུས་ཚོད་དང་རྫས་གནད། རྗེས་གནང་གི་ཁྱད་བཅོས་འདི་དཀར་ཆག་ཏུ་མི་གསལ། གཏོར་མ་ཕུལ་བས་རྟགས་མ་བྱུང་ན་ཉེས་པ་བསྒྲག་པ་གསང་འདུས་ལུགས་བཞིན་བྱ་བའི་ཞལ་འཕང་བྱ་ཤ་ལྤགས་པ་དང་བཅས་པ་རྣམས་གཅིག་ཏུ་དྲིལ་བར་གཏོར་མའི་མན་ངག །ཕ་རོལ་གྱི་རྦོད་གཏོང་དྲག་པོ་རླུང་སྦྱོར་གྱི་སྒོ་ནས་བཟློག་པ། འདི་ལས་འཕྲོས་པའི་མན་ངག་འདི་དཀར་ཆག་ན་མི་གསལ། ཤིན་ཏུ་ཟབ་པའི་གནད་དང་བཅས་པ། སྤྲུལ་པའི་ཁྱུང་ཆེན་གྱི་མན་ངག་ས་མ་པ་ཐ་མིའི་
མཐའ་ཅན་འཇམ་དབྱངས་མཁྱེན་བརྩེའི་གསན་ཡིག་ན་ཕོ་ཉའི་ལས་སྦྱོར་ཞེས་སྣང་། འགོར་དཔལ་མ་ཧཱ་ཀཱ་ལ་ལ་ན་མ༔ འདིར་གཏོར་མའི་གསད་ལས་རབ་དུར་ཁྲོད་ཀྱི་རྡུལ་ཚོན་ཞེས་ཡོད་པའི་ཤིན་ཏུ་དྲག་པོའི་གཏོར་ཆེན་གྱི་ཡིག་ཆུང་གདམས་པ་ཟབ་མོ་ས་མ་པ་ཐ་མིའི་མཐའ་ཅན། དེ་ལྟར་གཏོར་བསྒྲུབ་བྱས་ནས་ཞེས་ཡོད་པའི་གཏོར་མའི་སྒོ་ནས་དགྲ་བགེགས་ཀྱི་སྟོབས་སྲོག་གཞོམ་པའི་ཞལ་འདི་མིན་པའི་ཟུར་པ་ངོར་པའི་དེ་མིན་པ་མ་རྙེད། ཤེས་གསད་མནན་གཉིས་ཀ་ཚང་བ་ཕྱི་མིག་མི་ལྟ་བར་འོང་བར་བྱའོའི་མཐའ་ཅན་འདིའི་རྗེས་སུ་དཔལ་འབར་བརྟག་པའི་ཡི་གེ་དཔེ་མ་འབྱོར་པས་མ་ཐོབ། མདུན་གང་འཕགས་པའི་བསྲུང་འཁོར་གྱི་ཡི་གེ་བླ་༼མུ༽མའི་ཞལ་ལས་ཐོས་པ་ཉིད་དོའི་མཐའ་ཅན་ཞར་བྱུང་ཡུལ་ཕྱོགས་ཙམ་དུ་ཡང་ནད་རིམས་མི་འབྱུང་བའི་བསྲུང་བ་༼མུ༽དང་སེར་བ་བསྲུང་རྫོང་པོད་ན་འདི་མ་གཏོགས་ཞར་བྱུང་གཞན་གཉིས་པོ་མེད། བ་མྱོང་གྲུབ་མ་ཡིན་ནོའི་མཐའ་ཅན་ཞར་བྱུང་གསུམ་པོ་འདི་གོང་གི་ཁོངས་སུ་བགྲངས་པ་ལས་དཀར་ཆག་ན་མི་གསལ། འགོར་ཡུལ་ཕྱོགས་ཀྱི་ནད་རིམས་བསྲུང་བའི་གཅོད་པ་ཞེས་ཡོད་པའི་མདུན་གང་འཕགས་པའི་བསྲུང་འཁོར་གྱི་ཞལ་ཤེས་གཞུང་བཞིན་བྱའོའི་མཐའ་ཅན། བྱད་མ་བསྲུང་འཁོར་ཅན་གསོད་པའི་གདམས་པ་སྔགས་ནུས་ཅན་ལ་ལྷག་པར་འགྲོ་གསུང་བའི་མཐའ་ཅན། རྨི་ལྟས་ངན་པ་བཟློག་པའི་ཟ་བ་རླུང་སྦྱོར་གྱི་གདམས་པ་སྙིང་དང་འདྲ་བ་ལ་སྦྱིན་གྱི་གཞན་ལ་མ་ཡིན་ནོའི་མཐའ་ཅན། དྲག་པོའི་སྦྱིན་སྲེག་ཚིགས་བཅད་༼མུ༽༼ཞ༽༼ཁྲ༽མ་གཞན་ཕན་དགེ་བ་བྱང་ཆུབ་ཏུ་བསྔོ་བའི་མཐའ་ཅན། ལས་བཞིའི་བྲོ་བརྡུང་གི་ཡི་གེ་བཅོམ་ལྡན་དཔལ་ཆེན་མི་བསྐྱོད་མ་རྣམས། གསུམ་པ་བར་སྐབས་ཀྱི་སྙན་
བརྒྱུད་འཛིན་པའི་གསུང་སྒྲོས་ཀྱི་ཡི་གེ་ལ། ཟབ་པའི་གནད་ཀྱི་མན་ངག་གི་རྩ་བའི་བསྙེན་པའི་ཡི་གེ་འཾ་ཆོས་སྐྱོང་གི་ཟབ་༼སྡིངས༽གནད་ཐམས་ཅད་གཅིག་ཏུ་དྲིལ་ནས་བསྙེན་པའི་མན་ངག་སྦས་པའི་རྣལ་འབྱོར་པ་བར་སྡིངས་པ་རྡོ་རྗེ་རྒྱལ་མཚན་གྱིས་མཛད་པ་དུས་གཅིག་ལ་ཆིག་བརྒྱུད་གྲས། ལས་མགོན་ཟངས་གྲི་ཅན་གྱི་སྔགས་དང་བསྐྱེད་ཆོག་གི་ཡི་གེ་ཞབས་གཉིས་བརྐྱངས་བསྐུམ་ཀྱིས་བཞུགས་པར་བསྐྱེད་དོ་གུ་ཧྱ་ས་མཱ་ཡ་ཁ་ཐམ་གྱི་མཐའ་ཅན། སྔགས་འཆང་ཀུན་དགའ་ཟླ་བས་མཛད་པའི་དབང་ཕྱུག་ཆེན་པོའི་སྲས་པོ་དྲག་པོ་ཆེན་པོའི་བསྙེན་སྒྲུབ་ལས་ལ་འཇུག་པ་དོན་གསུམ་མ་ཞེས་པ་ཐུན་མོང་མ་ཡིན་པའི་བསྙེན་པའི་ཡི་གེ་ཆིག་བརྒྱུད་མའི་གྲས། དེས་མཛད་པའི་བསྙེན་སྒྲུབ་ལས་གསུམ་གྱི་དུས་སུ་རྨི་ལམ་གཏན་ལ་དབབ་པའི་མན་ངག་རྟགས་ཡིག་དུ་གྲགས་པ། པུ་ཏྲའི་གཏོར་ཆོག་ཐེག་ཆེན་ཆོས་ཀྱི་རྒྱལ་པོས་དཔལ་ཉན་པོའི་གཙུག་ལག་ཁང་དུ་མཛད་པ། གུར་ཞལ་རྣམ་གཉིས་ཀྱི་བླ་བརྒྱུད་བདག་ཆེན་རྡོ་རྗེ་འཆང་ཡན་གྱི་མཚན་བྱང་སྐད་གཉིས་སྦྱར་བ། ནག་པོ་ཆེན་པོ་འཁོར་དང་བཅས་པའི་སྤྱན་འདྲེན་སྔགས་བྱང་དང་བཅས་པ་དད་པ་དམ་ཚིག་མ་འབྱུག་རྫས་ཀྱི་ངོས་འཛིན་དང་བཅས་པ་རྗེ་བཙུན་གྱི་ཕྱག་བྲིས་དངོས་ལས་ཞལ་བཤུས་པ། ཤཱ་ས་ནའི་སྔགས་དོན་༼ཨེ༽སེར་པོད་ན་ཨི་དཾ་དུཥྚཾ་ཡ་ན་རྡོ་རྗེ་འཆང་ཀུན་དགའ་བཟང་པོས་འགྲོལ་བར་མཛད་དེ་མན་ཞབས་ཏོག་ཏུ་བྲིས་ཟེར་བ་འདུག །དཀྱུས་སུ་བཀྲལ་བ་གཅིག །དཀར་ཆག་ན་གུར་ཞལ་ལས་མཁན་དང་བཅས་པའི་སྔགས་བྱང་ཟེར་བ་ལས་ངོར་པ་དང་ས་བཟང་པ་སོགས་ནང་གསེས་ཀྱི་དབྱེ་གསལ་མི་འདུག །ཡང་ས་བཟང་མ་ཏིས་རྒྱ་དཔེ་བདུན་ལ་གཏུགས་ནས་མཆན་བུས་
༼ཨེ༽༼མུ༽བཀྲལ་བ་གཅིག །ལྷ་མོའི་སྔགས་ཀྱང་བཀྲལ་འདུག །དེས་ཤྭ་ས་༼ཨེ༽༼མུ༽ན་པོད་འདི་གླེགས་བམ་དུ་བཞུཊ་ཀྱང་དཀར་ཆག་ཏུ་མི་གསལ། སྐད་ཀྱི་ཚིགས་བཅད་དུ་སྡེབས་པ་གཅིག །གུར་ཞལ་ལས་མགོན་དང་བཅས་པའི་སྔགས་བྱང་རྒྱས་པ་མཆན་བུས་བཀྲོལ་བ། གོང་གསལ་ཀྱི་སྔགས་བྱང་གསུམ་པོ་དཔེ་ཚན་གཅིག་ཏུ་ཡོད། མགོན་ཆེན་ལས་མགོན་དང་བཅས་པའི་གྲོལ་མེད་པའི་སྔགས་བྱང་། ༼མུ༽བསྡུས་པར་གྲགས་པ་བླ་མ་དམ་པ་ངག་དབང་གྲགས་པའི་དཔལ་གྱིས་གོང་མའི་ཕྱག་དཔེ་ལ་གཏུགས་ཏེ་མཛད་པ། ཡང་སྔགས་བྱང་མཇུག་ན་ཀུན་ལ་ངག་འཛིན་བྱེད་པ་ཕྱག་ལེན་ཡིན་ཞེས་ཡོད་པའི་ཆོས་རྗེ་བླ་མ་དམ་པ་བསོད་ནམས་རྒྱལ་མཚན་གྱིས་ཞུས་དག་མཛད་པ་ལྟར་ཡར་ཀླུངས་པ་སེང་གེ་རྒྱལ་མཚན་དཔལ་གྱི་ཀླུའི་དགོན་པར་བྲིས་པའི་ཕྱག་བྲིས་དངོས་ལས་བཤུས་པ། གཙང་རིགས་ཀྱི་དཔལ་མགོན་བདུན་ཅུ་དང་བསྟན་མ་བཅུ་གཉིས་ཀྱི་སྲོག་སྔགས་དང་བུམ་རྫས་ལྔ་ཚན་ལྔའི་ངོས་འཛིན་ཕན་ཡོན་དང་བཅས་པ་རྣམས། བཞི་པ་བདག་ཆེན་རྡོ་རྗེ་འཆང་གི་གསུང་ལ། དེ་ཉིད་ཀྱིས་མཛད་པ་དངོས་དང་དེའི་གསུང་སྒྲོས་ཟིན་བྲིས་སུ་བྱས་པ་གཉིས། དང་པོ་ལ། འགོར་བླ་མ་དང་རྡོ་རྗེ་མཁའ་འགྲོའི་ཚོགས་ལ་ཕྱག་འཚལ་ལོ་འདིར་རྡོ་རྗེ་ནག་པོ་ཆེན་པོའི་མན་ངག་གི་ཐོ་བླ་མའི་ཞལ་ལས་བྱུང་བ་ཅུང་ཟད་བརྗོད་ན་ཞེས་ཡོད་པའི་སྒྲུབ་སྐོར་གྱི་ཁོག་ཕུབ་ཀྱི་ཡི་གེ་ཕྱོགས་ཐམས་ཅད་ལས་རྒྱལ་བར་གྱུར་ཅིག་གི་མཐའ་ཅན། མེ་འབར་མའི་དཀར་ཆག་ཡིད་བཞིན་ནོར་བུའི་བང་མཛོད། མགོན་པོ་ལྷ་བརྒྱད་ཀྱི་སྒྲུབ་ཐབས་ཐུན་མོང་མ་ཡིན་པ་གསང་བ་ཡིད་བཞིན་ནོར་བུ། དེང་སང་གསང་བའི་མགོན་ཁང་ལ་གསང་བ་ཡིད་བཞིན་ནོར་
བུའི་མགོན་ཁང་ཞེས་པའང་སྒྲུབ་ཡིག་འདི་ལ་བརྟེན་ནས་ཐོགས་ཤིང་། ཐོག་མར་སློབ་དཔོན་སངས་རྒྱས་དཔལ་བར་ཟིན་བྲིས་ཙམ་ཞིག་གནང་བ་ཁོང་གི་གྲོགས་དམ་པ་ཞིག་ནས་འཕེལ་བའི་ཕྱག་ཏུ་འབྱོར་པས་མན་ངག་ཤེས་པར་འདོད་ན་མེད་ཁ་མེད་ཅིག་བྱུང་འདུག་པར་དགོངས་ནས་ཆོས་ཀྱི་བུ་དང་རིགས་གྱི་ཚ་བོ་རྣམས་ཀྱི་དོན་དུ་ཞུས་དག་དང་མཇུག་གི་ཚིགས་བཅད་སོགས་གནང་བ་ཡིན་ལ། དེ་ཡང་གངས་ཀྱི་ཆུ་དང་འོ་མ་འདྲེས་པ་དེ། །ངང་པ་རྒྱལ་པོས་འབྱེད་ཤེས་གཞན་མིན་ལྟར། །མ་ནོར་གནད་ཀྱི་བཅུད་རྣམས་ལེན་ཤེས་པ། །ད་ལྟའི་དུས་ན་བདག་ལས་གཞན་སུ་ཞིག །དེ་ལྟའི་བློ་གྲོས་གང་གིས་མཐུས་བྱུང་བ། །མཁྱེན་བརྩེ་ནུས་མཐུ་མཆོག་གི་འབྱོར་བ་ཅན། །དཔལ་ལྡན་བླ་མ་ནམ་མཁའི་མཚན་ཅན་ཞབས། །འདྲེན་མཆོག་དེ་ཡི་དྲིན་ལས་རྙེད་པར་གྱུར། །ཞེས་ཟབ་པ་ལས་ཀྱང་ཆེས་ཟབ་པ་སྙིང་ནང་གི་ཁྲག་ལྟ་བུ་སྙན་ནས་ཞལ་ནས་སྙན་ཞལ་དུ་བརྒྱུད་པའི་གདམས་པ་རྣམས་ནི་ཡབ་འཇམ་དབྱངས་ཆོས་རྗེ་ནམ་མཁའ་རྒྱལ་མཚན་ཁོ་ན་ལགསན་ཞིང་། དེ་ཡན་དུ་གདམས་པ་ཁ་འཐོར་ནས་ཤེས་རློམ་ཕལ་ཆེར་གྱིས་ཟིང་ཟིང་པོར་གྱུར་ནས་རྟོགས་དཀའ་བ་དག་བསྟན་པ་རིན་པོ་ཆེའི་ལྕགས་རིར་ནག་པོ་འགྲོ་ཤེས་ཀྱི་ཚུལ་དུ་བཀོད་པ་གནང་བ་ཡིན་པས། སྤྱིར་སྙན་བརྒྱུད་ཀྱི་གླེགས་བམ་ཡོངས་རྫོགས་བཀའ་དམ་པར་མ་ཟད། གསང་བ་ཡིད་བཞིན་ནོར་བུའི་ཡི་གེ་འདི་དུས་གཅིག་ལ་སྣོད་ལྡན་གྱི་སློབ་མ་གཅིག་ལ་ཆིག་བརྒྱུད་དུ་སྤེལ་བའི་ཕྱག་ལེན་ཉམས་པ་མེད་ཅིང་། དེའི་རྒྱུ་མཚན་ཡང་ཇི་སྐད་དུ། མཐུ་ཆེན་དྲེགས་པའི་དབང་ཕྱུག་གདོང་བཞི་ལ། །གཉེར་དུ་གཏད་དོ་དམ་
ཉམས་སྣོད་མིན་ལ། །སྤེལ་ན་དེ་ཡི་སྙིང་ཁྲག་གསོལ་བར་མཛོད། །བླ་མ་ལ་གུས་དམ་ཚིག་སྙིང་རྗེར་ལྡན། བསྟན་ལ་སེམས་པའི་སྣོད་ལྡན་བྱུང་གྱུར་ན། །ཐོག་མར་དམ་བཏགས་གཅིག་བརྒྱུད་ཚུལ་དུ་སྦྱིན། །དེ་མཐར་བཀའ་རྒྱས་གདབ་པ་ཤིན་ཏུ་གཅེས། །ཞེས་གསུང་པ་བརྒྱུད་འཛིན་མཐའ་དག་གིས་སྙིང་གི་དཔལ་བེའུར་བཅངས་ཤིང་འཆང་བར་འགྱུར་བ་ཤ་སྟག་གོ །འགོར་ན་མོ་གུ་ར་ཝེ་འདི་ལྟར་ཕྱི་ནང་གིས་བསྡུས་པའི་དེ་ལྟར་གྱི་འཆར་སྒོ་རྟོག་རིགས་བག་ཆགས་དང་བཅས་པ་འདི་དག་ཅེས་ཡོད་པའི་ནང་སྒྲུབ་དང་གསང་སྒྲུབ་ཀྱི་གནད་ཀྱི་ཟིན་བྲིས་སྐྱེ་བའི་ཆོ་འཕྲུལ་སྣ་ཚོགས་འབྱུང་བ་མཚོན་པའོའི་མཐའ་ཅན། ནང་གསང་གི་འཁྲིད་མ་ཐོབ་པར་ལུང་མི་མཛད་པ་ཕྱག་ལེན་ནོ། །མགོན་པོ་ཁྲོ་བཅུའི་བསྲུང་འཁོར་ལ་ཉེ་བར་མཁོ་བའི་ཁྲོ་བཅུའི་མན་ངག་ཞལ་༼ཞ༽གདམས་དང་བཅས་པ་བྱ་འགྱུར་རྡོ་རྗེའི་ཕོ་བྲང་དུ་ཀུན་དགས་ཡི་གེའི་རྐྱེན་སྦྱར་བ་ལ་བརྟེན་ནས་མཛད་པ་རྣམས། གཉིས་པ་གསུང་སྒྲོས་ཟིན་བྲིས་ཀྱི་སྐོར་ལ། བཀའ་བབས་བཞིའི་རྣམ་གཞག །སྐུ་གསུང་ཐུགས་ཕྱི་ནང་གསང་བའི་རྟེན་བཤམ་ཚུལ། བསྙེན་སྒྲུབ་ལས་སྦྱོར། གཏོར་མ་དང་མཆོད་པའི་རིམ་པ། དམ་པའི་ཤོག་དྲིལ་དྲུག་ལག་ལེན་རྣམས་གསལ་བར་སྟོན་པའི་ཟིན་བྲིས་མཆན། ༼ཞ༽མོར་གྲགས་པ། མཇུག་ན་ཇི་སྐད་དུ། འདི་ལས་ཕུན་ཚོགས་དགེ་བ་གང་ཐོབ་དེས། །བློ་གྲོས་ཁང་བཟང་སྙན་བརྒྱུད་ནོར་གྱིས་གཏམས། །རྒྱལ་མཚན་འཕྱར་བས་གཟི་བརྗིད་ཁམས་གསུམ་འགེངས། །དཔལ་འབྱོར་བཟང་པོས་དབུལ་ཕོངས་ཞི་བར་ཤོག་ཅེས་པའི་མཐའ་ཅན། འདི་ཡང་དུས་གཅིག་ལ་ཆིག་བརྒྱུད་ལས་མི་གནང་། ཡང་དགོན་མཁན་ཆེན་དཔལ་
ལྡན་བཀྲ་ཤིས་པས་ཟིན་བྲིས་སུ་བཏབ་པའི་སྐོར་ལ། འགོར་ཨོཾ་སྭ་སྟི་སིདྡྷཾ་བླ་མ་དང་དམ་ཅན་སྲུང་མའི་ཚོགས་ལ་གུས་པས་ཕྱག་འཚལ་ལོ་སེམས་ཅན་ཐམས་ཅད་ཀྱི་དོན་དུ་སྐུ་བཞིའི་དབང་ཕྱུག་ཅེས་ཡོད་པའི་རྒྱུད་སྡེ་བཞིའི་དབྱེ་བ། བརྒྱུད་ནས་ཆོས་སྐྱོང་བསྟེན་ཚུལ། བརྒྱུད་པའི་ལོ་རྒྱུས། རྐྱང་སྒྲུབ་སྦྲགས་སྒྲུབ། ཕྱི་རྟེན་ཕྱི་རུ་བཅའ་བ། ནང་རྟེན་ནང་དུ་བཅའ་བ་བསྙེན་སྒྲུབ་ལས་སྦྱོར། གསང་རྟེན་གསང་བར་བཅའ་བ་འཁུ་ལྡོག་སྤོང་བ། ཕྱི་སྒྲུབ་ཤོག་དྲིལ་དྲུག་གི་ལག་ལེན་སོགས་སྟོན་པའི་ཟིན་བྲིས་རྒྱས་པ་གཞན་གྱི་རྐྱེན་བཟློག་ཏུ་སོང་བའི་ཉེན་ཡོད་ས་སྐྱ་པའི་ཐུན་མོང་མ་ཡིན་པའི་མན་ངག་གོའི་མཐའ་ཅན། དུས་གཅིག་ལ་ཆིག་བརྒྱུད་མའི་གྲས། འགོར་ས་སྐྱ་པའི་མགོན་པོའི་རུ་མཚོན་བཅའ་ཐབས་ལ་ཞེས་ཡོད་པའི་ཐུན་མོང་མ་ཡིན་པའི་རུ་མཚོན་གྱི་ཟིན་བྲིས་བསྟོད་པ་བྱེད་ཚུལ་རྣམས་གཞན་དང་འདྲ་འོའི་མཐའ་ཅན། མགོན་པོའི་གཏོར་ཆེན་བྱེད་ཚུལ་ལ་རྣལ་འབྱོར་པ་ཁ་ལྷོ་ལ་བལྟས་པའི་མདུན་དུ་ཞེས་ཡོད་པའི་གཏོར་ཆེན་གྱི་ཟིན་བྲིས་རྐང་རྗེས་རྣམས་རྡོ་རྗེ་རྒྱ་གྲམ་དུ་བསམ་མོའི་མཐའ་ཅན་འགོར་མདོས་ལ་རྒྱས་འབྲིང་བསྡུས་གསུམ་ཡོད་པ་ལ་དང་པོ་ནི་ཞེས་གཉིས་སོགས་ཡོད་པའི་མདོས་ཀྱི་ཟིན་བྲིས་མཁའ་འགྲོ་རྣམས་ཀྱི་འཁུ་ལྡོག་མི་འབྱུང་ཞིང་བཟོད་པར་གསོལ་གྱི་མཐའ་ཅན། དེའི་ཆ་ལག་མདོས་བྱིན་གྱིས་བརླབ་འདི་དཀར་ཆག་ན་མི་གསལ་ཡང་གོང་གི་འཕྲོས་ཡིན་ནམ་སྙམ། པ་བདག་གི་བསམ་པའི་སྟོབས་དང་ནི་ཞེས་སོགས་བརྗོད་དོའི་མཐའ་ཅན། ཡང་དགོན་མཁན་ཆེན་པའི་ཟིན་བྲིས་འདི་རྣམས་ངོ་མཚར་བའི་ལེགས་བཤད་དང་ནོར་འཁྲུལ་ཅུང་ཟད་ཀྱང་ཡོད་ཅེས་རྡོ་རྗེ་འཆང་ཚར་པ་ཆོས་རྗེས་གསུང་པས།
སླད་མར་ཡང་ཡི་གེ་མན་ངག་གཞན་དག་དང་བསྟུན་པའི་དཔྱད་དགོས་པར་སྣང་ངོ་། །ལྔ་པ་རྗེ་བཙུན་རྡོ་རིང་པ་ཆེན་པོས་མཛད་པའི་ཡི་གེ་ལ། ནག་པོ་ཆེན་པོའི་ཁུ་ལྡོག་སྤང་བ། བཟླས་པའི་སྤྱིའི་སྔོན་དུ་འགྲོ་བ་བརྒྱད་དང་སོ་སོའི་ཁྱད་པར་གསུམ་བསྟན་པའི་ཐུན་མོང་མ་ཡིན་པའི་བསྙེན་པ། སྲོག་ཕུར་གྱི་མན་ངག་རྣམས་བདག་ཆེན་རྡོ་རྗེ་འཆང་གིས་ཡིག་རིས་སོ་སོར་བཀོད་པ་སློབ་མའི་དོན་དུ་མཁའ་འགྲོ་ཆོས་སྐྱོང་ལ་གཏོར་མ་ཕུལ་ནས་མི་དགག་པའི་མཚན་མ་བྱུང་བར་བརྟེན་བཅོས་བསླད་མེད་པར་གཅིག་ཏུ་བསྡོམས་ནས་ཁའུ་སྐྱེད་ལྷས་ནས་འགོ་བརྩམས་དཔལ་ཨེ་ཝཾ་ཆོས་ལྡན་དུ་རྫོགས་པར་གྲུབ་པའི་ཡི་གེ་མཇུག་ཏུ་འཕགས་པ། དམ་པ་ཀུན་དགའ་གྲགས། བཛྲ་ཤྲཱི་མཾ་ག་ལ་སིདྡྷི། བར་སྡིངས་པ། འཇམ་དབྱངས་ཆོས་རྗེ་རྣམས་ལས་རིམ་པར་བརྒྱུད་པ་བདག་ཆེན་རྡོ་རྗེ་འཆང་གིས་བཀའ་རྒྱས་བཏབ་ནས་གནས་ཚུལ་བཅས་ཡོད་པ་དུས་གཅིག་ལ་ཆིག་བརྒྱུད་ལས་མི་གནང་བ། མངའ་རིས་པ་དགེ་སློང་ཆོས་སྐྱོང་གྲགས་དང་དམར་ཁམས་པ་གྲགས་པ་དཀོན་ཅོག་སེང་གེས་ལོ་དྲུག་བདུན་གྱི་བར་དུ་བསྐུལ་བ་ལ་བརྟེན་ནས་ཆོས་སྐྱོང་ལ་གསོལ་བ་བཏབ་པས་མི་དགག་པའི་གནང་༼ཞ༽༼ཁྲ༽བ་བྱུང་བར་བརྟེན་ལྕགས་བྱ་སྣོན་ཟླ་བའི་ཉེར་ལྔ་ལ་དཔལ་ཨེ་ཝམ་ཆོས་ལྡན་དུ་མཛད་པའི་ཁ་སྦྱོར་དབྱེ་བ་བརྒྱད་ཀྱི་མན་ངག་གི་ཡི་གེ་དུས་གཅིག་ལ་ཆིག་བརྒྱུད་མའི་གྲས། དེའི་མཇུག་ཏུ་ལྷ་དབྱེའི་ངག་འདོན་གྱི་རིམ་པ། འདི་དཀར་ཆག་ན་མི་གསལ་བ་གོང་གི་འཕྲོས་སུ་གཏོགས་སམ་སྙམ། ནག་པོ་ཆེན་པོའི་ནང་སྒྲུབ་ཐུན་མོང་མ་ཡིན་པའཾ་གསང་སྒྲུབ་ཀྱི་འཁྲིད་ཡིག་༼འ༽རབ་འབྱམས་པ་བློ་གྲོས་རབ་གསལ་གྱིས་བསྐུལ་བ་ལ་བརྟེན་དཔལ་མགོན་
པོར་གསོལ་བ་བཏབ་པས་གནང་བའི་སྐབས་ཐོབ་ནས་ཁའུ་བྲག་རྫོང་དུ་མཛད་པ། བསྲུང་འཁོར་རྡོ་རྗེ་བྲག་རྫོང་གི་ཉམས་ལེན་གྱི་ཡི་གེ་རྒྱས་པ་ཚར་ཆེན་གྱིས་ཡུན་རིང་ནས་བསྐུལ་ཞིང་ཡི་གེའི་རྐྱེན་སྦྱར་བ་ལ་བརྟེན་ནས་ནག་པོ་ཆེན་པོས་གནང་བའི་སྐབས་ཐོབ་སྟེ་ཁའུ་བྲག་རྫོང་གི་གནས་མཆོག་ཏུ་སྦྱར་བ། འགོར་ན་མོ་གུ་ར་ཝེ་དཔལ་རྡོ་རྗེ་ནག་པོ་ཆེན་པོའི་བསྲུང་འཁོར་བྲག་རྫོང་གི་ནང་གི་ཉམས་ལེན་ཞེས་ཡོད་པའི་དྲག་པོ་སྔགས་རྒོད་ཀྱི་མན་ངག་གསུང་གི་བདུད་རྩི་འི་མཐའ་ཅན། འགོར་བླ་མ་ནག་པོ་ཆེན་པོ་ལ་ཕྱག་འཚལ་ལོ་བསྒོམ་པའི་མན་ངག་ལ་གསུམ་གྱི་དང་པོ་ཞེས་ཡོད་པའི་ནང་དམ་ཚིག་གི་འཁོར་ལོ་ཞེས་བྱ་བ་གསང་བའི་བྲག་རྫོང་མའི་ཡི་གེ་སྣོད་དང་ལྡན་པ་ལ་སྦྱིན་གྱི་གཞན་ལ་ནི་མ་ཡིན་ནོའི་མཐའ་ཅན། ཕྱི་ནང་གི་འཁྲིད་ཡིག་འདི་རྣམས་ཉམས་འཁྲིད་མ་ཐོབ་པར་གནང་སྲོལ་མི་འདུག་གོ །སེར་བ་བསྲུང་བའི་ཡི་གེ་མཇུག་ཏུ། །འདི་འདྲའི་མན་ངག་གདམས་པས་ནི། །སེར་བ་ཐུབ་པ་ཐེ་ཚོམ་མེད། །རང་གི་སློབ་མས་བསྐུལ་ནས་ནི། །སྙན་བརྒྱུད་གདམས་པ་བྲིས་པ་ལ། །བླ་མ་མཁའ་འགྲོས་བཟོད་པར་མཛོད། །ཅེས་སོགས་ཀྱི་ཚིགས་བཅད་ཡོད་པ། སྔགས་པ་ནང་རྒྱས་ཀྱི་མན་ངག་ཤིན་ཏུ་གསང་ཞིང་སྦ་བར་བྱ་ཞེས་པའི་མཐའ་ཅན་དུས་གཅིག་ཏུ་ཆིག་བརྒྱུད་ཀྱི་གྲས། འདིའི་རྗེས་སུ་རྡོ་རིང་རིན་པོ་ཆེའི་གསུང་རྗེ་བཙུན་སྒོ་རུམ་པས་ཟིན་བྲིས་མཛད་པའི་བྲག་རྫོང་མ་ནི་དཔེ་མ་འབྱོར་བས་མ་ཐོབ། ལས་མགོན་བྲན་བདུད་གཤིན་རྗེ་ནག་པོའི་གཏོར་ཆོག་ཚར་ཆེན་གྱིས་བསྐུལ་བ་ལ་བརྟེན་ནས་ཁའུ་བྲག་རྫོང་དུ་མཛད་པ་རྣམས། དྲུག་པ་རྡོ་རྗེའི་འཆང་ཚར་པ་ཆོས་རྗེས་མཛད་པའི་ཡི་གེ་ལ། མེ་འབར་མའི་དཀར་ཆག་སྙིང་པོ་གནད་ཀྱི་སྒྲོན་མེ་
ཚིགས་བཅད་མ། འདིའི་མཇུག་ན་དེ་ལྟ་བུའི་མན་ངག་གླེགས་བམ་འདི་ཞེས་སོགས་ཀྱི་ཤོ་ལོ་ཀ་དྲུག་ཙམ་ཞིག་ས་སྐྱའི་ཕྱག་དཔེར་བྲིས་འདུག་ཀྱང་གནས་གསར་དང་བོད་མཁར་བ་གཉིས་ཀའི་ཕྱག་དཔེར་མི་འདུག་ཅིང་ལུང་ཡང་མ་ཐོབ། མགོན་པོའི་མན་ངག་ཟབ་བསྡུས་ཁ་སྐོང་རྣམས་ཀྱི་དཀར་ཆག་ཟབ་དོན་གསལ་བའི་སྒྲོན་མེ། སྙན་བརྒྱུད་ཞལ་ཤེས་ཡི་གེར་བཀོད་པའི་དཀར་ཆག་གསང་ཆེན་གནད་ཀྱི་ཟ་མ་ཏོག །གྱི་ལྗང་ལུགས་ཀྱི་ཁོག་ཕུབ་དཀར་ཆག་ཟབ་དོན་གནད་ཀྱི་ལྡེ་མིག །འདོད་ཁམས་དབང་ཕྱུག་དུད་སོལ་མའི་དཀར་ཆག་སྙན་བརྒྱུད་གསལ་བའི་མེ་ལོང་། དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་ལྷ་དང་ཆོས་སྐོར་བྱུང་ཚུལ་གྱི་ལོ་རྒྱུས་མན་མལ་ལོ་ཙཱ་བའི་ལོ་རྒྱུས་ཀྱི་མཚམས་ནས་འཕྲོར་ལུས་པས་མ་ཚང་ཀྱང་ལུང་བྱུང་ལ། འདིའི་རྗེས་སུ་ནག་པོ་ཆེན་པོ་ལྷ་བརྒྱད་ཀྱི་རྗེས་གནང་ཐུན་མོང་མ་ཡིན་པའི་ཟིན་བྲིས་དང་བཅུ་གཉིས་མའི་ཟིན་བྲིས་དཔེ་མ་འབྱོར་བས་མ་ཐོབ། ངག་གི་ཁོག་ཕུབ་སྙན་བརྒྱུད་རིན་པོ་ཆེའི་ལྡེ་མིག །འགོར་ན་མཿ ཤྲཱི་གུ་རུ་བཛྲ་མ་ཧཱ་ཀཱ་ལཱ་ཡ་གུར་གྱི་མགོན་པོ་ཁྲོ་བཅུའི་ཞེས་ཡོད་༼ཞ༽པའི་མགོན་པོ་ཁྲོ་བཅུའི་རྗེས་གནང་གི་ཡི་གེ་བཀྲ་ཤིས་སེང་གེ་དེས་བདག་བློ་གསལ་ལའོའི་མཐའ་ཅན། ལས་མགོན་ཟངས་གྲི་ཅན་རྣམ་གཉིས་ཀྱི་རྗེས་གནང་གི་ཡི་གེ་ཆོས་རྗེ་ཚུལ་ཁྲིམས་པ་དེས་བདག་ལའོའི་མཐའ་ཅན། དཔལ་ས་སྐྱ་པའི་བསྟན་སྲུང་དབང་པོ་རྣམས་ལ་གཏོར་མ་འབུལ་བའི་ཆོ་ག་སྙན་བརྒྱུད་ཟབ་མོའི་མན་ངག་གིས་རྣམ་པར་བརྒྱན་པའི་ཕྲིན་ལས་མྱུར་མགྱོགས་ཀྱི་ཕོ་ཉ། འགོར་བླ་མ་མཆོག་དང་དཔལ་ཧེ་རུ་ཀ་དབྱེར་མེད་པ་ལ་ཕྱག་འཚལ་ལོ་དཔལ་རྡོ་རྗེ་ནག་པོ་ཆེན་པོ་ཞེས་ཡོད་པའི་མགོན་པོ་ལྕམ་དྲལ་གྱི་གཏོར་ཆོག་ངག་དབང་གཞོན་ནུའི་གསུང་གིས་
བསྐུལ་བའི་ངོར་གཙང་སྟོད་ཞ་ལུའི་ཆོས་གྲྭར་སྦྱར་བ། འགོར་བླ་མ་དང་དཔལ་ཧེ་རུ་ཀ་ལ་ཕྱག་འཚལ་ལོ་དཔལ་རྡོ་རྗེ་ནག་པོ་ཆེན་པོ་ཞེས་ཡོད་པའི་ལྕམ་དྲལ་གྱི་གཏོར་ཆོག་ཤིན་ཏུ་བསྡུས་པ་སྔོན་ཚེ་བཅོམ་ལྡན་འདས་ཀྱི་སྤྱན་སྔ་རུ་སོགས་བརྗོད་ཀྱི་མཐའ་ཅན། འགོར་ན་མཿ ཤྲཱི་མ་ཧཱ་ཀཱ་ལཱ་ཡ་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྒོ་ནས་ཚེའི་དངོས་གྲུབ་སྒྲུབ་པ་ཞེས་ཡོད་པའི་གུར་མགོན་དཀར་པོའི་ཚེ་སྒྲུབ་ཀྱི་ཡི་གེ་དགྱེས་པས་བསྐྱང་དུ་གསོལ་གྱི་མཐའ་ཅན། མགོན་པོའི་བླ་མའི་རྣལ་འབྱོར་གྱི་སྒོ་ནས་བླ་མ་མཆོད་པའི་ཆོ་ག་༼ཞ༽དངོས་གྲུབ་རིན་ཅེན་བང་མཛོད། བརྒྱུད་འདེབས་རྣམ་ཀུན་མཆོག་ལྡན་མ། བསྲུང་འཁོར་༼འ༽གསང་འཁྲིད་ལྗགས་ལུང་དངོས་གཞིའི་སྐབས་གསང་འཁྲིད་མན་གྱི་དཔེ་མ་འབྱོར་དང་བཅས་པ་རྒྱུན་དུ་ཉམས་སུ་ལེན་ཚུལ་ཁའུ་བྲག་རྫོང་པའི་བཞེད་པ་མ་ནོར་པའི་སྙན་བརྒྱུད་ཡིད་བཞིན་ནོར་བུ་རྡོ་རྗེའི་མཆེད་ཟླ་ཨཪྠ་སིདྡྷི་ཤྲཱིམཾ་གྱི་ཉམས་ལེན་དུ་ཞོ་ལུང་མཚོ་ཁའི་རི་ཁྲོད་དུ་མཛད་པ། དཔལ་གུར་གྱི་མགོན་པོ་ལྷ་བརྒྱད་སྦྲགས་ཏེ་བསྒྲུབ་པའི་བསྲུང་འཁོར་མདུན་ཁང་འཕགས་པའི་ཡི་གེའི་གསལ་༼ཞ༽བྱེད་རྗེ་བླ་མ་མ་ཧཱ་ཀཱ་ལའི་གསུང་གི་བདུད་རྩི་མྱངས་ཏེ་ཐོ་ཙམ་བཀོད་པ། འདིའི་ཉམས་ལེན་ཡོད་ན་ནད་ཡམས་སོགས་ཡུལ་ཕྱོགས་ཙམ་དུ་ཡང་མི་འབྱུང་ཞེས་སྒ་ཨཱ་ནན་དམ་པས་ཆེ་བ་དཔག་ཏུ་མེད་པ་མཛད་པས་ཟབ་གནད་མའོ། །འགོར་གུ་རུ་བཛྲ་དྷ་ར་ན་མོ་གསང་སྒྲུབ་ཀྱི་སྐབས་སུ་རྗེ་བླ་མའི་གསུང་ནས་ཞེས་ཡོད་པའི་གསང་སྒྲུབ་ཀྱི་སྐབས་སུ་ཉེ་བར་མཁོ་བའི་གསུང་སྒྲོས་སྙིང་གི་དཀྱིལ་ལས་གཞན་དུ་མ་ཡིན་ནོའི་མཐའ་ཅན་ཆིག་བརྒྱུད་ཀྱི་གྲས། རྡོ་རྗེ་གུར་གྱི་རྒྱུད་ཀྱི་ལེའུ་བཅོ་ལྔ་པ་དཀྱིལ་འཁོར་ཆེན་པོ་བསྡུས་པའི་
རྟོག་པ་ལས་ནང་སྒྲུབ་དང་གསང་སྒྲུབ་བསྟན་ཚུལ་ཕ་རྒོད་རྡོ་རིང་པ་ཀུན་བཟང་ཆོས་ཀྱི་ཉི་མའི་གསུང་ཇི་ལྟ་བ་བཞིན་དེ་མ་ཐག་ཏུ་ཟིན་བྲིས་བགྱིས་པ། གསང་རྟེན་བླ་རྡོ་བཅང་ཐབས། འདིའི་སྦྱར་བྱང་དུ། དམ་ཅན་འཁུ་ལྡོག་སྤོང་བའི་གདམས་པའི་བཅུད། །རྩ་བརྒྱུད་བླ་མས་ཅུང་ཟད་ཡིག་རིས་སུ། །མཛད་ཀྱང་ནམ་མཁའི་མཛུབ་རིས་ཇི་བཞིན་དུ། །སྙན་བརྒྱུད་ཞལ་ཤེས་བྲལ་བས་རྟོགས་མི་ནུས། །འདིར་ནི་མ་སྦས་ལག་ལེན་ལྷུག་པར་བྲིས། །བཀའ་དྲིན་དྲན་ནོ་རྗེ་བཙུན་ཁའུ་པ། །གསང་ཆེན་བསྟན་པ་གཏད་དོ་སྙིང་གི་བུ། ཞེས་མདོ་ཁམས་རྡོ་རྗེ་བཀྲ་ཤིས་ལ་གནང་བ་ཡིན་པས་བཀའ་རྒྱ་ཤིན་ཏུ་དམ་པར་འདུག་ཅིང་ཆིག་བརྒྱུད་ཀྱི་གྲས་ཀྱང་ཡིན། ནང་སྒྲུབ་ཀྱི་འཁོར་ལོ་ལྔའི་ལས་སྦྱོར་ཐུན་མོང་མ་ཡིན་པ་སྤུ་གྲི་སོ་འདེབས་ཀྱི་གདམས་པ་རྗེ་བཙུན་རྡོ་རིང་པ་ཆེན་པོའི་ཕྱག་བྲིས་དངོས་ཟིན་བྲིས་ཐོར་བུ་འཁྲུགས་ཅན་དུ་བཞུགས་པ་ལས་བཀའི་གནང་བ་ཞུས་ཏེ་དཀྱུས་སུ་བྲིས་པ་ཆིག་བརྒྱུད་མའི་གྲས། འགོར་ན་མོ་བཛྲ་ཨཱ་ཙཪྻ་དམ་ཅན་རྒྱ་མཚོའི་ཡུམ་ཆེན་མ་ཞེས་ཡོད་པའི་ཨེ་ཀ་ཛ་ཊི་ལ་བརྟེན་ནས་རིམས་ནད་བསྲུང་བའི་གདམས་པ་རྗེ་བཙུན་རྡོ་རིང་པའི་གསུང་གི་ཉིང་ཁུ་ས་མ་པ་ཐ་མིའི་མཐའ་ཅན། ནག་པོ་ཆེན་པོ་ལ་ཀླུ་བརྒྱད་ཀྱིས་བསྐོར་བའི་སྒོ་ནས་ཆར་འབེབས་པའི་ཡི་གེ་ཞག་གསུམ་ཚུན་ལ་འབབས་བར་འགྱུར་རོའི་མཐའ་ཅན། འགོར་ན་མོ་གུ་རུ་བླ་མ་དང་མ་ཧཱ་ཀཱ་ལའི་ཚོགས་ལ་ཕྱག་འཚལ་ལོ་འདིར་མགོན་པོ་དབྱེར་མེད་དུ་བསྲེ་བ་ཞེས་ཡོད་པའི་ཆོས་སྐྱོང་གི་སྙིང་ཆུ་བསྲེ་བའི་ཞལ་ཤེས་ཀྱི་ཡི་གེ་མཁས་གྲུབ་རིན་པོ་ཆེའི་གསུང་བརྗེད་བྱང་དུ་བཀོད་པའི་མཐའ་ཅན། བསྲུང་འཁོར་རྡོ་རྗེ་བྲག་རྫོང་མའི་ཟབ་གནད་ཀྱི་བསྡུས་དོན་ནམ་ཐུན་མོང་མ་ཡིན་པའི་སྙན་བརྒྱུད་ཀྱི་ས་བཅད་མཐོང་
སྨིན་དགེ་ལེགས་ཀུན་འབྱུང་དུ་གྲགས་པ། བྲག་རྫོང་མའི་ལྡེ་ཁ་གདགས་པའི་མན་ངག་ཕྱི་རོལ་རྫས་ཀྱི་སྦྱོར་བའི་མན་ངག་ཞལ་ཤེས་མལ་ཕུར་གྱི་ཡི་གེ་དཔོན་ཆེན་ཆོས་ཀྱི་རྒྱལ་མཚན་གྱིས་བསྐུལ་ནས་མཛད་པ་བཀའ་བརྒྱ་དམ་པའི་གྲས། འགོར་སྭ་སྟི་དམ་པ་ཀུན་དགའ་གྲགས་ཀྱིས་མཛད་པའི་བསྲུང་འཁོར་རྡོ་རྗེ་བྲག་རྫོང་མའི་ཡིག་ཆུང་ལས་ཞེས་ཡོད་པའི་གཏོར་མ་ལ་བརྟེན་ནས་དགྲ་བགེགས་རང་གཤེད་རང་ལ་དབབ་པའི་མན་ངག་གི་ཡི་གེ་ལྟ་བུའི་ངང་དུ་བཞག་རྗེས་སྤྱི་ལྟར་བྱའོའི་མཐའ་ཅན། སེར་བ་བསྲུང་འབེབས་ཀྱི་མན་ངག་དུག་གི་རླུང་ཆེན་ནག་པོ་ཞར་བྱུང་ཐོག་བསྲུང་ཤྭ་བཟློག་དང་བཅས་པ་དཔལ་བྲག་མིག་ཆོས་རྫོང་གི་ཡང་དབེན་དུ་མཛད་པ། དམ་ཅན་སྲུང་མ་རྣམས་ལ་ཕྱི་རྟེན་འཛུགས་པའི་ལག་ལེན་གྱི་ཡི་གེ་ནག་པོ་འགྲོ་ཤེས་ཀྱི་ཚུལ་དུ་གཙང་རོང་མཚོ་ལའི་མགུལ་གྱི་རི་ཁྲོད་བསམ་གཏན་རྩེར་སྦྱར་བ། གནས་དེ་ཉིད་དུ་མཛད་པའི་དམ་ཅན་སྲུང་མ་རྣམས་ཀྱི་ཐུན་མོང་གི་རུ་མཚོན་འཛུགས་པའི་ཡི་གེ །ཟབ་གནད་འདི་དག་ལ་བརྟེན་ནས་ཆོས་སྲུངས་རྣམས་མཚོ་ལ་ངང་པ་དང་ཤ་རུལ་ལ་སྦྲང་མ་ལྟར་འདུས་པས་ཁའུ་སྐྱེད་ལྷས། རྩེས་དང་བསམ་གཏན་གླིང་། ཕན་ཡུལ་དཔལ་ལྡན་རྩེ་སོགས་སྲུང་མ་རང་བཞིན་གྱིས་འདུ་བའི་གནས་ཡིན་ཞེས་པའང་གནད་འགག་ཟབ་མོ་ལ་བརྟེན་པ་ཡིན་གྱིས། སྣང་ཤེས་དབང་གི་ཁང་པའི་ཡང་ཐོག་རྩེར། །རྔ་ཐུག་འཛུགས་པའི་སྐྱེ་བོ་མང་ན་ཡང་། །བརྒྱུད་པའི་མན་ངག་ལག་ལེན་དང་ལྡན་པ། །འདི་འདྲ་ཤེས་པའི་སྔགས་འཆང་ཉིན་སྐར་ཙམ། ཞེས་གསུངས་པ་དོན་ལ་གནས་པས་ཟབ་གནད་མི་ཤེས་པའི་ལྡེར་བཟོ་གོག་པོ་ཙམ་ལ་ཡིད་གཏོད་པར་མི་བྱའོ། །ནག་པོ་ཆེན་པོའི་དམར་ཆེན་གཏོར་བཟློག་
གི་ཆོ་ག་དགྲ་བགེགས་ཀྱི་སྟོབས་འཕྲོག་རོལ་པ། འདི་ནི་མགོན་པོ་ལ་བརྟེན་པའི་གཏོར་ཟློག་གི་ཆོ་ག་འཁྲུལ་པ་མེད་པ་ཡིན་ལ། དེང་སང་དམར་ནག་འཇིགས་གསུམ་གྱི་ཚབ་ལ་མགོན་པོ་དང་ལས་གཤིན་གྱི་ཚབ་ཏུ་པུ་ཏྲས་བྱས་པའི་མགོན་པོ་དྲུག་ཅུ་པར་གྲགས་པ་སོགས་ནི་ཞྭ་དཔེ་ལྷམ་ལ་བཀབ་པ་ཁོ་ན་ལས། ཇི་སྐད་དུ། རྩང་ཟློག་མུ་སྟེགས་བྱེད་ལ་ཡོད་ཅེས་ཐོས། །དགྲ་ཆོས་ཞེས་བྱ་གཡུང་དྲུང་བོན་གྱི་ཡིན། །དྲུག་ཅུ་རྩ་བཞི་གཤིན་རྗེ་པ་ལ་གྲགས། །འདི་ནི་དྲག་པོ་གཏོར་མའི་ཟློག་པར་བརྗོད། ཅེས་གསུངས་པ་ཡིད་ལ་རི་མོར་འདྲི་བར་བྱའོ། །བསྟོད་བསྐུལ་འོག་མིན་བདེ་ཆེན་མ། དམ་ཅན་པུ་ཏྲའི་བསྐང་གསོ་ཕྲིན་ལས་ལྷུན་གྲུབ། དེའི་བསྐང་རྫས་བྱིན་རླབས་རླུང་ལྟར་ཚུབ་སྟེ་བྱོན་པར་གྱུར་བཛྲ་ས་མཱ་ཛའི་མཐའ་ཅན། ཆོས་སྐྱོང་གི་དྲི་བ་ལྷག་བསམ་རབ་དཀར་རྣམས། བདུན་པ་དཀར་ཆག་དུ་མི་བཞུགས་པའི་ཡིག་ཆའི་སྐོར་ལ། མཐུ་ཆེན་ཨཱ་ནན་དམ་པས་མཛད་པ། བདག་ཆེན་རྡོ་རྗེ་འཆང་གིས་མཛད་པ། རྗེ་བཙུན་རྡོ་རིང་པ་ཆེན་པོས་མཛད་པ། རྗེ་བཙུན་སྒོ་རུམ་པས་མཛད་པ། རྡོ་རྗེ་འཆང་ཚར་པ་ཆོས་རྗེས་མཛད་པ་དང་གསུང་རྒྱུན་ཟིན་བྲིས། འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པ། རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པ། མཁན་ཆེན་ངག་དབང་ཆོས་གྲགས་ཀྱིས་མཛད་པ། ལོ་པ་སྤྱན་སྔ་ཀུན་དགའ་དོན་གྲུབ་ཀྱིས་མཛད་པ། རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱིས་མཛད་པ། ཁྱབ་བདག་མཁན་ཆེན་ཞ་ལུ་པས་མཛད་པ། ཁའུ་བྲག་རྫོང་པའི་ཕྱག་ལེན་དུ་མཛད་པའི་བསྟོད་འབུམ་དང་བཅུ་གཉིས། དང་པོ་ནི། ནང་སྒྲུབ་ལ་བརྟེན་པའི་བསྙེན་པ། མི་འཁུ་མི་ལྡོག་སྲོག་ཏིག་བླང་བའི་གནད་
འཇམ་ཀར་བསྒྲུབ་པ། ལས་སྦྱོར། མྱུར་བའི་གནད་གཏོར་མའི་མན་ངག་དང་བཅས་པ་མ་ཧཱ་ཀཱ་ལའི་སྤུ་གྲི་སོ་འདེབས་ཀྱི་མན་ངག་ཤིན་ཏུ་རྣོ་མྱུར་དུ་བསྒྲུབ་པར་གྲགས་པ། དུས་གཅིག་ཏུ་ཆིག་བརྒྱུད་ཀྱི་གྲས། གཉིས་པ་བདག་ཆེན་རྡོ་རྗེ་འཆང་གིས་མཛད་པ། མཁའ་འགྲོ་འཁུ་ལྡོག་སྤོང་བར་༼ཞ༽༼ཁྲ༽རྒྱུ་རྟགས་ཉེས་དམིགས། མི་ལྡོག་པའི་མན་ངག་གི་ཕྱི་རོལ་ལྷ་སོགས་གནད་དྲུག་འདི་གཉིས་གཞན་དུ་ཞལ་འཕངས་ནང་སྔགས་སོགས་གནད་དྲུག་གི་མན་ངག །གསང་བ་ཡང་ཏིག་སེམས་ཀྱི་གནད་ལྔ་ལ་བརྟེན་ནས་བྲན་བཞིན་བཀོལ་བའི་ཟབ་པའི་གནད་ཀྱི་མན་ངག་སྤོགས་ཆོག་འདི་གཞན་དུ་ཁ་འཕངས། དང་བཅས་པ་སྙིང་ནང་གི་ཁྲག་ལྟ་བུ་གཞན་ལ་ཕན་པའི་བློས་མཁའ་འགྲོ་ཆོས་སྐྱོང་རྣམས་ལ་གསོལ་བ་བཏབ་སྟེ་མདོ་སྨད་གཉན་ཚེའི་སའི་ཆར་སྦྱར་བ། མཇུག་ན། བླ་མ་ལ་གུས་སྙིང་རྗེར་ལྡན། །བསྟན་ལ་སེམས་པའི་བུ་ཡི་མཆོག །སྙིང་དང་འདྲ་བ་གཅིག་ལ་སྦྱིན། །གཞན་ཡང་མང་དུ་སྤེལ་གྱུར་ན། ལས་མཁན་པུ་ཏྲ་འཁོར་བཅས་ཀྱིས། །མགོ་ཆོད་སྙིང་ཁྲག་ཞལ་དུ་གསོལ། ཞེས་བཀའ་རྒྱ་དམ་པར་སྣང་ངོ་། །འཁུ་ལྡོག་སྤོང་བའི་ས་བཅད་བཞི་པའི་ཞལ་འཕངས་པ་སྤོགས་ཆོག་གི་གསལ་བྱེད་སྲོག་ཕུར་གྱིས་གནད་དུ་སྡིགས་པས་ལས་མྱུར་དུ་འགྲུབ་པ་སྙིང་ནང་གི་ཁྲག་ལྟ་བུའི་ཡི་གེ་རང་གི་དྲན་པ་གསོ་ཕྱིར་བྲིས་པ། རྗེ་བཙུན་རྡོ་རིང་པས་མཛད་པའི་ཡིག་ཆ་འདི་རྣམས་འཁྲུགས་སྡེབས་སུ་གོང་དུའང་བཞུགས། འགོར་ན་མོ་གུ་རུ་མགོན་པོའི་གཏོར་ཆེན་བྱ་བར་འདོད་པས་རྣལ་འབྱོར་པ་ཁ་ལྷོར་བལྟས་ཞེས་ཡོད་པའི་མགོན་པོ་ལྷ་བརྒྱད་༼ཞ༽༼ཁྲ༽ཀྱི་གཏོར་ཟློག་གི་ཕྱག་ལེན་དབེན་གནས་ཁའུ་བྲག་རྫོང་དུ་སྦྱར་བ་རྣམས།
བཟླས་པ་སྤྱིའི་སྔོན་འགྲོ་བརྒྱད། སོ་སོའི་ཁྱད་པར་བསྟན་པ་གསུམ་གྱི་ཞལ་ཤེས་སྐལ་བར་༼ཞ༽༼ཁྲ༽ལྡན་པ་རྣམས་ཀྱི་དོན་དུ་ལེགས་པར་སྦྱར་བ། མཇུག་ན། སྙིང་དང་འདྲ་བའི་མན་ངག་དམ་པ་འདི། །ཀུན་ལ་མི་སྦྱིན་གསང་བའི་བཀའ་རྒྱ་ཡོད། །སྣོད་ལྡན་དག་ལ་ཆིག་བརྒྱུད་ཚུལ་དུ་སྦྱིན། །གཞན་ལ་རྒྱ་ཆེར་མང་དུ་སྤེལ་གྱུར་ན། །ལས་ཀྱི་མགོན་པོས་ཟངས་གྲི་རྣོན་པོ་ཡི། །དེ་ཡི་མགོ་ཆོད་ཡན་ལག་རྒྱན་དུ་གྱིས། །མན་ངག་རིན་ཆེན་སྙིང་གི་དཀྱིལ་དུ་ཆོངས། །ཞེས་སྣང་ངོ་། །ཆོས་ཚན་བཞི་པོ་དུས་གཅིག་ལ་ཆིག་བརྒྱུད་དུ་གནང་བའི་བཀའ་རྒྱ་ཅན་ཡིན་ཅིང་། ལས་སྦྱོར་གྱི་སྔོན་འགྲོ་ཞེས་པ་ཁ་སྦྱོར་དབྱེ་བ་བརྒྱད་ཀྱི་མན་ངག་ལུང་ཡང་སྣང་ངོའི་མཐའ་ཅན་རིགས་སྔགས་གོ་ལྡོག་ཡི་གེ་གཞན་ནས་ཐོན་པ་ལས་འདི་ཁའི་གྲས་ཀྱི་ཡིག་ཆུང་མ་རྙེད་པས་སླར་བཙལ་ལོ། །ནག་པོ་ཆེན་པོའི་སྒོ་ནས་ཕྲིན་ལས་གང་སྒྲུབ་ཀྱང་གཏོར་མ་བཅའ་ཤེས་དགོས་སོགས་ཞི་རྒྱས་དབང་དྲག་གི་གཏོར་མའི་རྣམ་༼ཞ༽གཞག་བཟོད་པར་གསོལ་བའི་མཐའ་ཅན། ལྕམ་དྲལ་གྱི་གཏོར་མ་༼ཞ༽བཤམ་ཐབས་དོན་གསུམ་པ་དམ་པ་ཀུན་དགའ་གྲགས་ལས་བརྒྱུད་པ་མན་ངག་འི་མཐའ་ཅན། གསུམ་པ་རྗེ་བཙུན་རྡོ་རིང་པས་མཛད་པ་ནི། སྤྱི་དོན་གསུམ་པ་དགྲ་བོ་རང་གཤེད་རང་ལ་དབབ་པའི་ཞལ་ཤེས་གཏོར་མ་༼ཞ༽༼ཁྲ༽འཕངས་ན་དེ་ནི་རང་གཤེད་རང་གིས་བྱེད་ངེས་སོའི་མཐའ་ཅན། བཞི་པ་རྗེ་བཙུན་སྒོ་རུམ་པས་མཛད་པ་ལ། སྒྲུབ་ཐབས་བརྒྱ་རྩར་གསུངས་༼ཞ༽༼ཁྲ༽པའི་མགོན་པོའི་རྗེས་གནང་གི་ཐོ། འགོར་རང་ནག་པོ་ཆེན་པོར་གསལ་བའི་སྤྱི་བོའི་ནང་དུ་ཞེས་ཡོད་པའི་ཚེ་སྒྲུབ་༼ཞ༽༼ཁྲ༽པ་བདག་མོ་ཚེ་བརྟན་བུ་འདྲེན་ལ་གནང་བ། འགོར་ན་མོ་གུ་ར་ཝེ་རྣོ་
གསུམ་མཚོན་དུ་བརྡུང་བའི་དམིགས་པ་ཚར་༼ཞ༽༼ཁྲ༽ནས་ཞེས་མེད་པའི་བྲག་རྫོང་མའི་ཁྱད་པར་གྱི་ཞལ་ཤེས་རིག་སྟོང་ཐུགས་ཀྱི་རང་བཞིན་དུ་གྱུར་གྱི་མཐའ་ཅན། འགོར་ན་མཿ ཤྲཱྀ་མ་ཧཱ་ཀཱ་ལཱ་ཡ་དབང་སྡུད་བསྲུང་འཁོར་རཾ་ཞེས་ཡོད་པའི་དབང་གི་དངོས་གྲུབ་༼ཞ༽༼ཁྲ༽བསྒྲུབ་པའི་ཐབས་ཟབ་མོ་མི་དབང་བསོད་ནམས་རབ་བརྟན་ལ་གནང་བ། ནག་པོ་ཆེན་པོའི་དབང་གི་སྦྱིན་སྲེག་གི་ཆོ་ག་མི་དབང་༼ཞ༽༼ཁྲ༽བསོད་ནམས་རབ་བརྟན་གྱིས་བསྐུལ་ནས་ཚུལ་ཟང་རབ་བརྟན་དུ་སྦྱར་བ། དེའི་ཞལ་ཤེས་འགོར་སྭསྟི་ཐབ་ཁུང་དུ་མེ་སྦར་ཏེ་མེ་ལྷ་མེ་དཔུང་དུ་གྱུར་བའི་དབུས་སུ་༼ཞ༽༼ཁྲ༽ཞེས་ཡོད་པ་གསུང་གི་བདུད་རྩིའི་མཐའ་ཅན། ཁོན་གཅུགས་༼ཞ༽༼ཁྲ༽སྦྱང་བའི་དམིགས་པ་ཉེས་ལྟུང་ཐམས་ཅད་དག་པར་མོས་པ་འོའི་མཐའ་ཅན། བསྙེན་པའི་དམིགས་༼ཞ༽༼ཁྲ༽པ་བྱིན་གྱི་བརླབས་པའི་མོས་པ་ཉིད་ལགས་ཀྱི་མཐའ་ཅན། ཤཱ་ས་ནའི་རིམས་བསྲུང་༼ཞ༽༼ཁྲ༽བ་མི་དབང་གསོད་ནམས་རབ་བརྟན་ལ་གནང་བ་བོའི་མཐའ་ཅན། ལས་བཞིའི་བསྐུལ་རྒྱལ་ཀུན་མཐུ་སྟོབས༼ཞ༽༼ཁྲ༽མ་མི་དབང་བསོད་ནམས་རབ་བརྟན་ལ་གནང་བ་རྣམས། ལྔ་པ་རྡོ་རྗེ་འཆང་ཚར་པ་ཆོས་རྗེས་མཛད་པ་དང་གསུང་རྒྱུན་ཟིན་བྲིས་ལ། ནག་པོ་ཆེན་པོའི་ཆོས་སྐོར་གྱི་ཁོག་ཕུབ་མན་ངག་གི་རྣམ་པར་བཤད༼ཞ༽པ་ཟབ་དོན་སྙན་བརྒྱུད་ཀྱི་རོལ་མཚོ་ལེགས་བཤད་ཀྱི་རྦ་རླབས་རྣམ་པར་གཡོ་བ་མཆོད་པ་བཤམ་པ་མན་འཕྲོར་ལུས་པ། ཁྲོ་བཅུའི་རྗེས་གནང་གི་སྐབས་ཉེ་བར་མཁོ་བའི་སྐུ་གསུང་ཐུགས་མི་འགྱུར་བའི་མན་ངག་རཀྵ་རཀྵ་ཧཱུྃ་བྷྲུྃ་ཧཱུྃ། ཕཊ་སྭཱ་ཧཱའི་མཐའ་ཅན། རུ་མཚོན་ལས་མཁན་བྲན་བདུད་གཤིན་རྗེ་ནག་པོའི་རྗེས་གནང་བཀའ་གཏད་ཀྱི་
ཡི་གེ་སྙན་བརྒྱུད་སྦས་དོན་གསལ་བ་ནག་པོ་འགྲོ་ཤེས་སུ་བཀོད་པ། འགོར་ན་མོ་བཛྲ་དྷ་རཱ་ཡ་བསྟན་པའི་མངའ་བདག་རྗེ་བཙུན་ས་སྐྱ་པ་ལ་ཞེས་ཡོད་པའི་མགོན་པོ་ལྷ་༼ཕ༽བརྒྱད་ཀྱི་བསྲུང་འཁོར་གྱི་ཡི་གེ་སྙན་བརྒྱུད་རྡོ་རྗེའི་གོ་ཁྲབ་ས་མ་པ་ཐ་མིའི་མཐའ་ཅན། འགོར་བླ་མ་དང་ལྷག་པའི་ལྷ་ལ་ཕྱག་འཚལ་དཔལ་རྡོ་རྗེ་ནག་པོ་ཆེན་པོའི་བསྲུང་བའི་འཁོར་ལོའི་ཞལ་ཤེས་ནི་ཞེས་ཡོད་པའི་བྲག་རྫོང་མའི་བསྲུང་འཁོར་ཐུན་མོངས་མ་ཡིན་པའི་ཞལ་ཤེས་ཟིན་བྲིས་རྡོ་རྗེའི་གོ་ཁྲབ་ཁྱད་པར་གྱི་མན་ངག་ལྡེ་ཁ་གདགས་པ་དང་བཅས་པ་བཀྲ་ཤིས་བདེ་བས་ཁྱབ་པ་དེང་འདིར་སྩོལ་གྱི་མཐའ་ཅན་ཆིག་བརྒྱུད་མའི་གྲས། ནང་སྒྲུབ་ཀྱི་ཐུན་མོང་མ་ཡིན་པའི་ལས་སྦྱོར་གྱི་ནང་ཚན་སྙིང་ག་ཆོས་ཀྱི་འཁོར་ལོའི་ལས་སྦྱོར་རྣལ་འབྱོར་སྒོས་དགྲ་སྒྲོལ་བའི་མཚོན་ཆ་མདོ་ཁམས་པ་རྡོ་རྗེ་བཀྲ་ཤིས་ལ་གནང་བ། འདིའི་མཇུག་ཏུ། སྙན་བརྒྱུད་ཉིང་ཁུ་ཡིན་གྱི་བསླུས་པ་མེད། །སྙིང་དཀྱིལ་སྦོས་ལ་བསྙེན་སྒྲུབ་ཚད་དུ་སྐྱོལ། །ཁས་ཞན་སྐྱབས་དང་བྲལ་བའི་དུས་བྱུང་ན། །མཚོན་འདི་འཕྱུང་ལ་སྡིག་ཅན་ཆོས་དབྱིངས་སྐྱོལ། །དེ་མིན་ཉེས་ཆུང་ཙམ་ལ་མི་རྩོམ་ཞིང་། །ཞེས་གསུངས་པས་བག་དང་ལྡན་པ་གནད་དུ་ཆེ་ཞིང་ཆིག་བརྒྱུད་མའི་གྲས་སོ། །རྡོ་རྗེའི་ཆོས་སྐྱོང་སྲུང་མའི་ཚོགས་རྣམས་མཉེས་བྱེད་གཏོར་སྒྲུབ་བསྐང་གསོའི་ཕྱག་ལེན་གྱི་གསལ་བྱེད་ལྷན་ཐབས་དངོས་གྲུབ་རོལ་མཚོ་བདག་ཆེན་རྡོ་རྗེ་འཆང་གི་ཕྱག་ལེན་འཁྲུལ་མེད་དུ་བཀོད་པ། དཔལ་ས་སྐྱ་པའི་བཀའ་སྲུང་རྣམས་ཀྱི་གཏོར་མ་གསུམ་གྱི་རྣམ་བཤད་ཀྱི་ཞལ་ཤེས་ཐུན་མོང་མ་ཡིན་པ་སྙིང་གི་ཁྲག་ལྟ་བུའི་གདམས་པ་ཟོར་འཕེན་པ་མན་ཅུང་ཟད་མཛད་
འཕྲོར་ལུས་པ་ཆིག་བརྒྱུད་མའི་གྲས། གུར་མགོན་ཕོ་བརྒྱུད་མོ་བརྒྱུད་ཞལ་སྟག་ཞོན་དང་བཅས་པའི་དམོད་བཅོལ་གྱི་ཡི་གེ་འགོར་སོ་སོའི་སྔགས་དང་གུར་བཞིན་འདྲི་འོའི་མཐའ་ཅན། མང་མཁར་ཐུབ་སྟན་དགེ་འཕེལ་༼ཞ༽གུར་མགོན་ལ་བཅོལ་བའི་དམ་བསྒྲགས། གསུང་སྒྲོས་ཟིན་བྲིས་ལ། འགོར་ཨོཾ་སྭ་སྟི་དཔལ་ལྡན་ས་སྐྱ་བའི་བསྟན་འཛིན་ཐམས་ཅད་ཀྱི་གཙུག་རྒྱན་ཞེས་ཡོད་པའི་མགོན་ཆེན་གྱི་དམ་ཚིག་གསོ་བའི་བསྐང་གསོའི་ཟིན་བྲིས་རྗེས་ཆོ་ག་རྣམས་དཀྱུས་བཞིན་མཛད་དོའི་མཐའ་ཅན། གུར་ཞལ་སྦྲེལ་མའི་གཏོར་ཆེན་གྱི་ཟིན་བྲིས་ཟོར་ལམ་དབྱེ་བ་སོགས་ལྷན་ཐབས་ཇི་ལྟ་བ་བཞིན་མཛད་དོའི་མཐའ་ཅན། སྐུ་རྟེན་བྲིས་འབུར་བཞེང་ཚུལ། རབ་གནས་ཞག་བདུན་མ། གསུང་རྟེན་གླེགས་བམ། ཐོད་རྔ། རྔ་ཆེན། རྐང་གླིང་བཞེང་བ། ཐུགས་རྟེན་རྡོ་རྗེ་གྲི་གུག །ཐོད་པ། གཎྜི། རྩེ་གསུམ་བཞེང་བ། ཕྱི་རྟེན་རྟ་གཡག་སོགས་ཕྱི་རུ་བཅས་ཏེ་ནོར་རྫས་བསྲུང་བ། ནང་རྟེན་ནང་དུ་བཅས་ཏེ་བང་མཛོད་བསྲུང་བ་ཞར་ཕྱུང་ཐུན་མོང་དང་ཐུན་མོང་མ་ཡིན་པའི་རུ་མཚོན། བྱང་ཆེན་མཆོད་རྟེན། འཕན་ནག །བ་དན། ཞྭ་ནག །ལྷམ་ནག །གོས་ནག །གསང་མདོས། ཕོ་མོའི་གསང་རྟེན། གསང་རྟེན་གསང་བར་བཅས་ཏེ་མཁའ་འགྲོ་འཁུ་ལྡོག་སྤོང་བ། གཞན་ཡང་པུ་ཏྲའི་ཐུན་མོང་མ་ཡིན་པའི་རྟེན། ནོར་བསྲུང་གནོད་སྦྱིན་ཕོ་མོའི་ཚུལ་དུ་བསྒྲུབ་པའི་རྟེན་དང་བཅས་པ་རྣམས་ཀྱི་ཞལ་ཤེས་ཐུན་མོང་མ་ཡིན་པ་རྡོ་རྗེ་འཆང་ཚར་པ་ཆོས་རྗེའི་གསུང་རྒྱུན་མདོ་ཁམས་པ་རྡོ་རྗེ་བཀྲ་ཤིས་ཀྱིས་ཟིན་བྲིས་སུ་བཀོད་པ་སྣོད་དང་ལྡན་ངེས་ལ་ཆིག་བརྒྱུད་མ། འདི་ལུང་རྒྱུན་ལྟ་ཅི་དཔེ་རྒྱུན་ཡང་དཀོན་
ཞིང་འདི་ནས་རབ་གནས་ཞག་བདུན་མ་ཁོལ་དུ་ཕྱུང་སྟེ་ཟུར་དུ་བྲིས་པའི་ཡི་གེ་ཡང་མཐོང་ངོ་། །དྲུག་པ་འཇམ་དབྱངས་མཁྱེན་བརྩེའི་དབང་ཕྱུག་གིས་མཛད་པ་ལ། དཔལ་རྡོ་རྗེ་ནག་པོ་ཆེན་པོའི་བསྲུང་འཁོར་རྡོ་རྗེ་བྲག་རྫོང་མའི་སྙན་བརྒྱུད་ཐུན་མོང་མ་ཡིན་པའི་འཁྲིད་ཡིག་ས་སྐྱ་ཚང་གི་རྣ་བར་མ་གྲགས་པའི་སྙིང་ནང་གི་ཟུངས་ཁྲག་ལྟ་བུ་ལྕགས་བྱི་སྣྲོན་གྱི་ཟླ་བའི་ཉེར་ལྔ་ལ་ཚོང་འདུས་འདོད་རྒུ་འབྱུང་བའི་ལྟེ་བ་རྒྱལ་པོའི་ཕོ་བྲང་ཆེན་པོའི་གཟིམས་ཆུང་ཆོས་རྒྱལ་ཕོ་བྲང་དུ་མཛད་པ། དེའི་སྦྱར་བྱང་དུ། རང་བཟོའི་འཇིགས་འཇིགས་བསྒྲིགས་པའི་རྡོ་ཕལ་མདོག །འབྲེལ་མེད་མགལ་དུམ་སྤེལ་བའི་རྙོག་མ་ཅན། །ཉམས་ལེན་འོད་དཀར་སྤྲོས་ཚེ་སྐལ་ལྡན་གྱི། །སྙིང་གི་པདྨོ་ཟུམ་དང་འདི་མི་འདྲ། །ཞེས་གསུངས་པ་རྡོ་རིང་ཀུན་རྒྱན་པ་སོགས་ཀྱིས་མན་ངག་མ་ཚང་པའི་རས་རུལ་བསྡུས་ནས་འཆད་པ་རྣམས་ལ་དགོངས་པ་འདྲའོ། །རྩ་གསུམ་འཁོར་ལོ་ལྔ་ལ་བརྟེན་ནས་སྒྲུབ་པ་ནང་སྒྲུབ་དང་གསང་བ་ཡང་གསང་སེམས་ཀྱི་གནད་ལ་བརྟེན་ནས་སྒྲུབ་པའི་གསང་འཁྲིད་ཡིད་བཞིན་ནོར་བུ། འཁྲིད་མ་ཐོབ་པར་ལུང་མི་གནང་བ་དཀྱུས་གཅིག་ཅིང་སྦྱར་བྱང་དུ། །རྡོ་རྗེ་འཆང་ནས་རྩ་བའི་བླ་མའི་བར། །སྙན་བརྒྱུད་ཁོ་ནར་བྱོན་པའི་གསང་ཆེན་འདི། །སྙིང་དབུས་ཆོངས་ལ་ཉམས་ལེན་རྒྱུན་དུ་སྐྱོངས། །ཀུན་ལ་མ་སྤེལ་སྣོད་ལྡན་གཅིག་ལ་བྱིན། །ཞེས་པ་ལྟར་རྗེ་བཙུན་ཁའུ་པ་ཡབ་སྲས་ཡན་ལ་ཚག་བརྒྱུད་ཁོ་ནར་བཞུགས་པས་ཀུན་ལ་མ་གྲགས་ཤིང་། དཔྱོད་ལྡན་གྱིས་དཔྱད་ན་རྗེ་བཙུན་གོང་མའི་གསུང་རབ་ཀྱི་ཚིག་ཟུར་ལ་ཟབ་གནད་འདི་འདྲ་ཐུགས་ལ་གབ་ནས་ཡོད་པར་ཤེས་ནུས་ཀྱང་། རྗེ་བཙུན་གྲོལ་མཆོག་
སོགས་རྗེས་འབྲང་མང་པོའི་ཐུགས་སུ་མི་ཆུད་པ་ཙུ་ཏའི་ཡུལ་གྱིས་རྐང་གཉིས་པ་ལྟར་རོ། །འགོར་ཨོཾ་སྭ་སྟི་བདག་གི་བླ་མ་ཚར་ཆེན་རྡོ་རྗེ་འཆང་གི་ཞལ་སྔ་ནས་ཞེས་ཡོད་པའི་ལྷ་བརྒྱད་ཀྱི་རྗེས་གནང་༼ཁྲ༽༼༽ཐུན་མོང་མ་ཡིན་པའི་ཡི་གེ་ཕ་བླ་མའི་བཀའ་གནང་ཐོབ་ནས་བརྗེད་ཐོར་བཀོད་པ་ཤུ་བྷཾ་གྱི་མཐའ་ཅན། འགོར་ཨོཾ་སྭ་སྟི་བདག་ཅག་གི་བླ་མ་ཐམས་ཅད་མཁྱེན་པ་ཚར་ཆེན་ཆོས་ཀྱི་རྒྱལ་པོ་ཞེས་ཡོད་པའི་ལྷ་༼ཁྲ༽བཅུ་གཉིས་མའི་ཐུན་མོང་མ་ཡིན་པའི་རྗེས་གནང་མཁྱེན་བརྩེའི་དབང་ཕྱུག་གིས་ཟིན་བྲིས་སུ་བགྱིས་སོའི་མཐའ་ཅན། འགོར་བྲན་བདུད་ཀྱི་རྗེས་གནང་ཐུན་མོང་བའི་ཕྱག་ལེན་ནི་ཞེས་ཡོད་པའི་ཟིན་བྲིས་རྗེས་གནང་བཀའ་རྒྱ་ཅན་ནོའི་མཐའ་ཅན། འདི་གསུམ་རྗེས་གནང་མ་ཐོབ་པར་མི་གནང་བའི་བཀའ་རྒྱ་ཅན་འགོར་ན་མཿཤྲཱྀ་གུ་རུ་མ་ཧཱ་ཀཱ་ལཱ་ཡ་དེ་ལ་རྡོ་རྗེ་ནག་པོའི་བསྙེན་པ་ལ་གསུམ་༼ཞ༽༼ཁྲ༽སྟེ་ཞེས་ཡོད་པའི་བསྙེན་པའི་མན་ངག་དཔེ་འདི་མི་ལ་མི་སྟོན་པའི་བཀའ་རྒྱས་བཏབ་ཡོད་ལགས་ཀྱི་མཐའ་ཅན་ཆིག་བརྒྱུད་མའི་གྲས། ལྷ་བརྒྱད་མཁའ་འགྲོ་སྦྲགས་གྲུབ་ཀྱི་མཆོད་པའི་ཆ་ོག་དམ་ཅན་འདུ་བའི་མཆོད་༼ཞ༽སྤྲིན་མི་དབང་མ་ཎི་བྷ་དྲའི་གསུང་གིས་བསྐུལ་བ་ལ་བརྟེན་ནས་བདེ་གསལ་རབ་བརྟན་དུ་བཀོད་པ། བཀའ་སྲུང་ཟངས་གྲི་སྐོར་གསུམ་གྱི་གཏོར་འབུལ་༼ཞ༽སྡེ་སྣོད་རྒྱུད་སྡེ་འཛིན་པའི་དྲུང་པ་བསླབ་གསུམ་པས་བསྐུལ་བར་བརྟེན་ནས་འབྲུག་ལོ་ཟླ་བ་བདུན་པའི་ཉེར་གསུམ་ལ་མཛད་པ། མ་ཧཱ་ཀཱ་ལའི་ཆོས་སྐོར་ཐོབ་པའི་བརྗེད་༼ཞ༽བྱང་བསམ་འཕེལ་ནོར་བུའི་འཕྲེང་བ་རྣམས། བདུན་པ་རྡོ་རྗེ་འཆང་དབང་ཕྱུག་རབ་བརྟན་གྱིས་
མཛད་པ་ལ། འགོར་ནང་རྩ་གསུམ་འཁོར་ལོ་ལྔ་ལ་བརྟེན་པ་ལ་ཐོག་མར་གཞི་སྐྱེ་མེད་དངོས་པོའི་གནས་ཚུལ་ཞེས་ཡོད་པའི་ཡར་ཀླུངས་པའི་གུར་མགོན་༼ཞ༽ནང་འཁྲིད་ཀྱི་ཞལ་ཤེས་མཐུ་སྟོབས་ཀྱི་དབང་ཕྱུག་དགོན་གསར་བ་བསོད་ནམས་ཆོས་འཕེལ་གྱི་གསུང་རྒྱུན་ཟིན་བྲིས་སུ་མཛད་པ་ཧཱུྃ་ལ་སེམས་གཏད་ནས་བསྒོམ་པ་སོགས་སྔར་བཞིན་ནོའི་མཐའ་ཅན་ཆིག་བརྒྱུད་གྲས། གསང་འཁྲིད་ཐུན་མོང་མ་ཡིན་པའི་རྗེས་གནང་གི་ཡི་གེ་༼ས༽གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག་གིས་བསྐུལ་བ་ལ་བརྟེན་ནས་བླ་མ་མགོན་པོ་དང་བཅས་པ་ལ་གསོལ་བ་བཏབ་ནས་མཛད་པ་འདིའི་རྗེས་གནང་དང་ལུང་མ་ཐོབ་པ་ལ་རྣ་བའི་ལམ་ཙམ་དུ་ཡང་མི་བསྒྲག་པའི་བཀའ་རྒྱ་ཅན། དྲི་ཆུ་ལ་བརྟེན་པའི་རིམས་བསྲུང་༼ཞ༽མི་འདྲ་བ་རྣམས་ཀྱི་ནང་ནས་ཕ་བླ་མ་བསླབ་གསུམ་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས་ཐུགས་གཙིགས་སུ་གནང་བ་ཟིན་བྲིས་སུ་བཀོད་པ། མགོན་པོ་ཁྲོ་བཅུའི་བརྒྱུད་འདེབས་བདུད་ལས་རྣམ་པར་རྒྱལ་༼ཞ༽པ་རིགས་བརྒྱའི་མཁྱེན་བརྩེ་མ་མི་དབང་ཚེ་དབང་དོན་གྲུབ་ཀྱིས་བསྐུལ་ནས་ཞ་ལུ་རི་སྦུག་ཏུ་མཛད་པ། ཡང་རྗེ་བསླབ་གསུམ་པའི་གསུང་ལ་ཟིན་བྲིས་སུ་མཛད་པའི་རྡོ་རྗེ་བྲག་རྫོང་མའི་བསྡུས་༼ཞ༽དོན་གྱི་ཡི་གེ་རྗེ་ཉིད་ཀྱི་སྤྱན་སྔར་ཞུས་དག་པ་ཉམས་འཁྲིད་འདི་ཉིད་མཁན་ཆེན་བསླབ་གསུམ་པ་ཁོ་ནའི་བཀའ་དྲིན་ལས་བྱུང་བས། སྦྱར་བྱང་དུ། །བློ་འདས་གདོད་མའི་མགོན་པོ་རྡོ་རྗེ་འཆང་། །གང་འདུལ་དག་པའི་ཟློས་གར་དྲིན་ཅན་རྗེ། །བཀའ་དྲིན་དྲན་ནོ་ཕ་རྒོད་བསླབ་གསུམ་ཞབས། །སྙིང་ནས་འདུ་འབྲལ་མེད་དོ་ཐུགས་རྗེ་སྐྱོང་། །ཞེས་དྲིན་བཟོའི་ཚུལ་
དུ་བསྟོད་པ་ནི་བརྒྱུད་པ་དང་བླ་མ་ལ་ཅི་ཡང་མི་སེམས་པའི་ཆོས་འདོད་མཁན་པོ་རྣམས་ལ་དགོངས་པ་འདྲའོ། །བྲག་རྫོང་མའི་གཏོར་མ་ལ་བརྟེན་ནས་རང་གཤེད་འབེབས་པའི་མན་ངག་སྒ་ཨཱ་ནན་དམ་པ་སོགས་གོང་མ་མང་པོའི་ཡི་གེར་ཐོ་ཙམ་ལས་མི་གསལ་བའི་གསལ་བྱེད་ནག་འགྲོས་སུ་མགོན་པོ་ཁྲོ་བཅུའི་གཏོར་བཟློག་གི་ཆོས་༼ཞ༽བདུད་ལས་རྣམ་པར་རྒྱལ་བ་ཞེས་བྱ་བ་སྐྱེད་ཚལ་མཁན་པོ་ཐར་པ་བཟང་པོའི་གསུང་གིས་བསྐུལ་བ་ལ་བརྟེན་ནས་ཆོས་སྡེ་དེ་ཁའི་མགོན་ཁང་དུ་མཛད་པ་རྣམས། བརྒྱད་པ་མཁན་ཆེན་ངག་དབང་ཆོས་གྲགས་ཀྱིས་མཛད་པ། མགོན་པོ་ལྷ་བརྒྱད་ཀྱི་རྗེས་གནང་ཐུན་མོང་མ་༼ངག༽ཡིན་པ་བླ་མ་གོང་མའི་རྗེས་གནང་ཡི་གེ་རྙིང་པ་ལས་ཚིག་སྣ་བསྲིངས་ཏེ་རྒྱས་སུ་བཏང་བ། ཟངས་གྲི་ཅན་སྐོར་གསུམ་གྱི་རྗེས་གནང་གི་ཟུར་༼ངག༽འདེབས་རྗེས་བླ་མ་དབང་ཕྱུག་རབ་བརྟན་ཕྱག་བཞེས་རང་གི་ཡིད་ལ་གང་ཟིན་ཙམ་ཞིག་ཕྱག་ལེན་ཟིན་བྲིས་སུ་བཀོད་པ། འདི་གཉིས་རྗེས་གནང་མ་ཐོབ་པར་མི་གནང་པའི་བཀའ་རྒྱ་ཅན། མཐུ་སྟོབས་ཀྱི་དབང་ཕྱུག་བསོད་ནམས་ཆོས་འཕེལ་གྱི་གསུང་རྒྱུན། ཕྱི་བསྲུང་བའི་འཁོར་ལོ་ལ་བརྟེན་ནས་སྒྲུབ་པའི་བྲག་རྫོང་གི་འཁྲིད་ཀྱི་ཡི་གེ་འདོད་༼ངག༽དགུའི་དཔལ་སྟེར་ཚ་ལུང་དགོན་པར་ཤིང་རྟའི་ལོ་ཟིན་བྲིས་སུ་མཛད་པ་རིན་པོ་ཆེ་རྟ་ར་བས་ནང་གི་བྲག་རྫོང་མའི་འཁྲིད་རྒྱ་༼ངག༽འདྲེ་ཚར་བཅད་པའི་ལོ་རྒྱུས་ཀྱང་སྣང་བས་ཤིན་ཏུ་ཟབ་གསུང་ངོའི་མཐའ་ཅན། གསང་བའི་བྲག་རྫོང་སེམས་ཉིད་ཡེ་ཤེས་ཀྱི་རྩ་འདོད་གྱི་འཁྲིད་༼ངག༽རིགས་སྔགས་འཆང་གཙུག་རྒྱན་བསོད་ནམས་ཆོས་འཕེལ་གྱི་གསུང་ལ་
ཚ་ལུང་དགོན་པར་ཟིན་བྲིས་སུ་མཛད་པ། ནག་པོ་ཆེན་པོའི་གསང་འཁྲིད་ཀྱི་ཡི་གེ་རིན་པོ་ཆེ་རྟ་ར་བའི་གསུང་སྒྲོས་ཡིད་བཞིན་ནོར་བུ་༼ངག༽དེ་བླ་མའི་བཞུགས་གནས་ཚ་ལུང་དགོན་པར་ཟིན་བྲིས་སུ་ཟླ་བ་དགུ་པའི་ཉེར་གསུམ་གྱི་ཉིན་རྫོགས་པར་གྲུབ་པ་རྣམས་ཉམས་འཁྲིད་མ་ཐོབ་པར་མི་གནང་བ་ཕྱག་ལེན་གྱི་རྒྱུན་བཞིན་ནོ། །དགུ་པ་ལོ་པ་སྤྱན་སྔ་ཀུན་དགའ་དོན་གྲུབ་ཀྱི་མཛད་པ་ལ། ནང་གི་བྲག་རྫོང་དྲག་པོ་སྔགས་རྒོད་ཀྱི་༼ལོ༽ཉམས་ལེན་རྗེ་བླ་མ་མི་ཕམ་ཆོས་ཀྱི་རྒྱ་མཚོའི་གསུང་བཞིན་དཔལ་ལྡན་ས་སྐྱའི་ལྷ་ཆེན་གསང་བའི་མགོན་ཁང་དུ་སྦྱར་བ། བྲག་རྫོང་མའི་སྔགས་པ་ནང་རྒྱས་ཀྱིས་མན་ངག་གི་ཞལ་ཤེས་ལུས་དབྲལ་བ། སྟོབས་གཞོམ་པ། རྣམ་ཤེས་སྤོར་བ་གསུམ་གྱི་གདམས་པ་༼ལོ༽ཁྱད་པར་ཅན་སྤྱན་ལྔ་མི་ཕམ་ཆོས་ཀྱི་རྒྱ་མཚོའི་གསུང་བཞིན་འཇམ་དབྱངས་གདུང་བརྒྱུད་ལ་ཡབ་ཆོས་ཕུལ་བའི་ཚེ་ལྷ་ཆེན་གསང་བའི་མགོན་ཁང་དུ་སྦྱར་བ། འདི་དང་དབྱིབས་འདྲ་བ་ཞིག་ཚར་ཆེན་དང་འཇམ་དབྱངས་མཁྱེན་བརྩེས་མཛད་པ་དེང་སང་ལུང་རྒྱུན་ཆད་འདུག་པས་འདི་ཉིད་མཁོ་བར་སྣང་ངོ་། །ཡི་གེ་གཉིས་ཀ་ཆིག་བརྒྱུད་ཀྱི་གྲས། བཅུ་པ་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱིས་༼འ༽མཛད་པ་ནི། རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྐུ་རྟེན་བཞེང་ཚུལ་དང་ཁྱད་པར་གྱི་རབ་གནས་བྱ་ཚུལ་གསལ་བའི་མེ་ལོང་ཆིག་བརྒྱུད་མ་བཅུ་གཅིག་པ་ཁྱབ་བདག་ཞ་ལུ་༼ཞ༽བས་མཛད་པ་ནི། བྲག་རྫོང་མའི་རྫས་ཟློག་ལས་ཀྱི་མཚོན་ཆ། ཚད་མེད་བཞི། ལྕེ་བྱིན་བརླབ། བཟླས་པ། སྐྱབས་ཡུལ། དགྲ་བགེགས་ཀྱི་ས་བོན། ཐལ་རྡེབ། འཁོར་ལོ་འཁོར་ལུག །ཐུན་བསྡུ་བ།
བཟློག་པའི་སྐུའི་ཚད་རྣམས་ཀྱི་ཞལ་ཤེས་རྣམས་ཀྱང་ཆིག་བརྒྱུད་མའོ། །བཅུ་གཉིས་པ་ཁའུ་བྲག་རྫོང་པའི་ཕྱག་ལེན་དུ་མཛད་པའི་བསྟོད་འབུམ་ལ། སྲིན་གཟུགས་མའི་ཤླཽ་ཀ་གསུམ། འདི་ཡན་མེ་འབར་མར་ཡང་ཡོད། འགོར་ཡོད་པའི་དཔལ་ལྡན་མགོན་པོ་མ་༼མུ༽འཕགས་པས་མཛད་པ། རྫོང་ཁ་བས་རྒྱུད་ནས་ཕྱུང་གསུང་ཡང་ལྷག་བསམ་རབ་དཀར་གྱི་དྲི་ལན་དུ་པོད་མར་བཞེད་པས་དཔྱད་དོ། །ཨེ་ཀ་ཛ་ཊིའི་བསྟོད་པ་ཀུན་བཟང་མ། ལྷ་མོའི་བསྟོད་པ་༼མུ༽ཏིལ་མར་མ། དེ་བསྟོད་པ་རྒྱ་༼མུ༽མཚོའི་ཀློང་གནས་མ། ཞལ་གྱི་བསྟོད་པ་ས་པཎ་གྱིས་མཛད་པའི་དཔལ་ལྡན་མ། མཆོག་སྲེད་ཀྱིས་མཛད་པའི་གུར་གྱི་བསྟོད་པ་༼མུ༽སྔོན་ཚེ་བདེ་གཤེགས་མ། མེ་འབར་མ་དང་གྱི་ལྗང་པོ་ཏིར་ཡང་ཡོད། མལ་ལོས་ལྷ་མོར་བསྟོད་པ་༼མུ༽གང་གི་སྐུ་གསུང་མ། རྫོང་ཆུང་པ་འཕགས་པ་རིན་པོ་ཆེས་མི་ཉག་ཏུ་མཛད་པར་བཞེད། འཕགས་པས་མཛད་པའི་འཕྲིན་བཅོལ་ཁྱོད་ཀྱི་ཕྲིན་ལས་མ། གནམ་ཁའུ་པས་མགོན་པོ་གདོང་བཞི་པ་ཞལ་གཟིགས་དུས་བསྟོད་པའི་རྡོ་རྗེ་འཆང་དབང་མ། ཞབས་བཏགས་མར་ཡང་ཡོད། འཕགས་པས་མགོན་པོར་བསྟོད་པ་གང་༼མུ༽ཐུགས་མ། འདི་མེ་འབར་མར་ཡང་ཡོད། ༼མུ༽པཎྜི་ཏ་ལོ་ཀ་ཤྲཱྀའི་སྒྲུབ་ཐབས་ལས་བྱུང་བའི་མཆོག་སྲེད་ཀྱིས་ལྷ་༼མུ༽མོ་ལ་བསྟོད་པ་མི་ཕམ་སྲིད་གསུམ་མ། དུད་སོལ་ཕྱི་སྒྲུབ་ཀྱི་རྒྱ་གཞུང་ནའང་ཡོད། གཉན་ལོས་ཞལ་ལ་བསྟོད་པ་པཾ་པད་རཾ་ཉི་མ། ལས་མགོན་རྣམས་ཀྱི་བསྟོད་པ་མགོན་པོའི་བཀའ་ཉན་མ། བསྟོད་པ་ནག་པོ་རྔམས་པ་མ། དཔལ་ལྡན་དབང་ལྡན་མའི་ཤླཽ་ཀ་གཅིག་བཅུག་འདུག་པ་མ་གཏོགས་ཁ་སྐོང་བསྟོད་འབུམ་དང་ཞབས་བཏགས་མར་
ཡང་ཡོད། བསྐུལ་མགོན་པོ་མ་ཧཱ་ཀཱ་ལ་མ་རྣམས། གཞན་ཡང་ཁྲོ་བཅུའི་ཕྲིན་ལས་བསྐུལ་བ་མཁའ་དབྱིངས་དག་ཀློང་མ་ས་རྟ་རྒྱལ་ཟླ་ལ་ཕོ་བྲང་དུ་འཕགས་པ་རིན་པོ་ཆེས་མཛད་པ། ཁྲོ་བོ་བཅུ་གཅིག་གི་གཏོར་འབུལ་དང་བསྟོད་པ་སེར་སྣ་རྣམས་དག་མ་མཁན་ཆེན་གནས་དྲུག་པས་རྒྱུད་ལས་ཕྱུང་བ། ཡང་དེས་རྒྱུད་ལས་ཕྱུང་བའི་བསྐུལ་བྱང་ཆུབ་སེམས་བསྐྱེད་མ། དེས་མཛད་པའི་བསྟོད་པ་མེ་སྟག་ཐིམ་འགྱུར་མ་རྣམས་ཀྱང་ཐོབ། བརྒྱད་པ་དེ་དག་ཀུན་ལ་ཐུན་མོང་དུ་ཉེ་བར་མཁོ་བའི་སྐོར་ལ། བསྙེན་སྒྲུབ་ལས་གསུམ་གྱི་སྤྱི་དོན་གསལ་བར་སྟོན་པ་དྲེགས་པ་སྤྱིའི་གནད་བཅོ་ལྔ་པ་སློབ་དཔོན་ཤྲཱྀ་སིདྡྷིས་ཡི་གེར་བཀོད་པ་སྤ་གོར་ལོ་ཙཱ་བ་བཻ་རོ་ཙ་ན་ནས་བསྒྱུར་བ། དེའི་ཞལ་གདམས་ཀྱི་ཉིང་ཁུ་ཁྱད་པར་གནད་བརྒྱད་ཀྱི་མན་ངག་འདི་དང་གོང་གི་སྤྱི་དོན་བཅོ་ལྔ་པ་བསྡོམས་པར། སློབ་དཔོན་ཆེན་པོ་ཤྲཱི་སིདྷ་ཡི། །སྤྱི་དོན་གནད་ཀྱི་མན་ངག་ཉི་ཤུ་གསུམ། །ཕྱི་རབས་རྣལ་འབྱོར་དོན་དུ་ཡི་གེར་བཀོད། ཅེས་སྣང་ལ་ཡིག་ཆའི་ཁ་ཡིག་ཏུ་སློབ་དཔོན་པདྨས་མཛད་ཟེར་བ་འདུག་པ་བརྟག །ལས་སྦྱོར་གྱི་ཟབ་གནད་དྲིལ་བ་དྲག་སྔགས་ཀྱི་མིག་འབྱེད་ཞུ་ལན་གསེར་གྱི་ཐུར་མ་ཞེས་བྱ་བའམ་སྒྲིབ་པ་ཐམས་ཅད་བསལ་བར་བྱེད་པའི་མེ་ལོང་ཞེས་བྱ་བ་དཔལ་ཨོ་རྒྱན་ཆེན་པོས་མངའ་བདག་ཆེན་པོ་ལ་གདམས་པ། ཡང་དེས་མངའ་བདག་ལ་གདམས་པའི་བསྙེན་སྒྲུབ་ལས་གསུམ་གྱི་དྲོད་ཚད་གསལ་བར་སྟོན་པ་རྨི་ལམ་བརྟག་པ་རིན་པོ་ཆེའི་ཤེལ་གྱི་སྒྲོན་མེ། ཆོས་སྐྱོང་བྲན་བཞིན་བཀོལ་བ་ཟབ་པའི་གནད་ལྔ་མ། འཁུ་ལྡོག་རྩེ་ལོག་སྤོང་བ་ཆོས་སྐྱོང་སྙིང་ཆུ་གཅིག་ཏུ་བསྲེ་བ། ཡང་
མངའ་བདག་ལ་གདམས་པའི་བཟློག་ཐབས་བརྒྱད་ཀྱི་མན་ངག །སྒྲུབ་པ་སྤྱི་ལ་གཅེས་པའི་གཏོར་མའི་བཀྲ་བརྟག་པ་གུ་རུ་པདྨའི་ཡིག་ཆ་འཕགས་པ་དང་རྒ་ལོས་ཉམས་སུ་བླངས་པ། རྒྱ་གསུམ་འགྲོལ་པའི་གདམས་པ་སློབ་དཔོན་ཆེན་པོས་མཛད་པ་རྣམས། རྩ་བའི་གསུམ་པ་བླ་མ་གྱི་ལྗང་ལོ་ཙཱ་བ་ནས་བརྒྱུད་པའི་གྱི་ལྗང་པོ་ཏིའི་སྐོར་ནི། ཚར་ཆེན་ཆོས་ཀྱི་རྒྱལ་པོས་མཛད་པའི་ཁོག་ཕུབ་ཡི་གེའི་དཀར་ཆག་ཟབ་དོན་གནད་ཀྱི་ལྡེ་མིག །དེ་ལས་བྱུང་བའི་ཆོས་སྐོར་ལ། སྔོན་དུ་འགྲོ་བ་ལོ་རྒྱུས་ཀྱི་ཡི་གེ །སྣོད་རུང་དུ་བྱ་བ་དབང་དང་རྗེས་གནང་གི་ཡི་གེ །རྩ་བར་གྱུར་བ་རྒྱུད་ཀྱི་ཡི་གེ །ཉམས་སུ་ལེན་པ་སྒྲུབ་ཐབས་ཀྱི་ཡི་གེ །དཀར་ཆག་ཏུ་མ་འཁོད་པའི་ཡི་གེ་དང་ལྔ། དང་པོ་ལ། འགོར་བླ་མ་དམ་པ་རྣམས་ལ་ཕྱག་འཚལ་ལོ་རྡོ་རྗེ་ནག་པོ་ཆེན་པོའི་སྐྱེ་རྒྱུད་ནི་ཞེས་ཡོད་པའི་ཡིག་རྙིང་༼མཆོད་རྟེན༽གུར་མགོན་གྱི་སྐྱེ་རྒྱུད་རྫོགས་སོའི་མཐའ་ཅན། འགོར་དཔལ་ནག་པོ་ཆེན་པོ་ལ་ཕྱག་འཚལ་ལོ་དེ་ལ་སྔོན་གྱི་དུས་ན་རྒྱལ་བུ་གཅིག་དང་བློན་པོའི་བུ་གཅིག་གིས་ཞེས་ཡོད་པའི་༼རྡོ་རྗེ༽ལྷ་དངོས་ཀྱི་ལོ་རྒྱུས་དང་བྲམ་ཟེ་མཆོག་སྲེད་སོགས་བརྒྱུད་པའི་བླ་མ་རྣམས་སྟོན་པའི་ཡི་གེ་དགེ་སློང་དྷརྨཱ་གཟི་བརྗིད་ལ་གནང་བ་ལགས་སོའི་མཐའ་ཅན། རྫོང་ཆུང་པ་དམ་པས་མཛད་པའི་ལྕམ་དྲལ་གཉིས་ཀའི་ལོ་རྒྱུས་འདྲེན་པས་མཚོན་ཏེ་རྒྱུད་སྒྲུབ་ཐབས་བསྟོད་པ་ཐམས་ཅད་དུ་ལྷ་མོའི་རྣམ་གཞག་མཛད་ཀྱང་ལུགས་འདི་ལ་ལྷ་མོའི་སྒྲོས་མེད་པས་འཐད་པར་མ་མངོན་ཞིང་ཀུན་མཁྱེན་རྡོ་རྗེ་གདན་པ་དང་རྡོ་རྗེ་འཆང་ཚར་པ་ཆོས་རྗེ་གཉིས་ཀྱང་མི་བཞེད་དོ། །འདི་དྷརྨཱ་གཟི་བརྗིད་ཀྱིས་མཛད་ཅེས་དཀར་ཆག་ན་འདུག་གོ །
གཉིས་པ་སྣོད་དུ་བྱ་བ་དབང་དང་རྗེས་གནང་གི་ཡི་གེ་ལ། དཔལ་ནག་པོ་ཆེན་པོའི་དཀྱིལ་འཁོར་གྱི་ཆོ་ག་བྲམ་༼རྡོ་རྗེ༽༼མུ༽ཟེ་མཆོག་སྲེད་ཀྱིས་མཛད་པ་རྒྱ་གར་གྱི་མཁན་པོ་ལ་ལཱི་ཏ་བཛྲ་དང་བོད་ཀྱི་ལོ་ཙཱ་བ་གྱི་ལྗང་དབུ་དཀར་གྱིས་བསྒྱུར་བ། རྡོ་རྗེ་གདན་པ་གཅིག་ལྷ་ལྔ་དང་གཅིག་བཅུ་བདུན་པའི་དབང་ཆོག་ཡིན་པར་བཞེད་པ་གསན་ཡིག་དང་ཕྱག་དཔེ་གཉིས་ཀར་འདུག་པ་བརྗོད་དོན་ལྷག་པོ་མི་འདུག་པས་དཔྱད་དགོས་པར་སྣང་ངོ་། །འདི་དང་ཚིག་སྣ་རིང་ཐུང་ཅུང་ཟད་ཡོད་པའི་མཆན་བུ་དང་བཅས་པ་ནག་པོ་རོ་འཛིན་དང་གྱི་ལྗང་གིས་བསྒྱུར་བ་དང་དགའ་ལྡན་པ་ཀུན་བསོད་ཀྱིས་མཛད་པའི་དབང་ཆོག་གཉིས་དཔེ་མ་འབྱོར་བས་མ་ཐོབ། ལ་ལཱི་ཏ་བཛྲ་འདི་ཕལ་ཆེར་དུར་ཁྲོད་རྣམས་སུ་བཞུགས་པས་མཚན་དུར་ཁྲོད་ནག་པོ་རོ་འཛིན་དུ་གྲགས་ཞེས་ཁོག་ཕུབ་དང་རྡོ་རྗེ་གདན་པའི་གསན་ཡིག་ཏུ་སྣང་ནའང་འདིར་དབང་ཆོག་འདྲ་མིན་གཉིས་བྱུང་བའི་སྔོན་མར་ལ་ལཱི་ཏ་དང་ཕྱི་མ་ལ་ནག་པོ་རོ་འཛིན་ཞེས་སོ་སོར་བྱུང་བ་དང་འབྱུང་ཁུངས་བསྡུས་དོན་ན་མི་གཅིག་པར་བཤད་ཅིང་འཇམ་དབྱངས་མཁྱེན་རྩེའི་གསན་ཡིག་ནའང་སོ་སོར་སྣང་བ་བརྟག་དགོས་འདུག་གོ །འགོར་དཔལ་ནག་པོ་ཆེན་པོའི་དཀྱིལ་འཁོར་གྱི་ཆོ་ག་འདི་ལ་སྤྱི་དོན་གསུམ་སྟེ་ཞེས་ཡོད་པའི་དབང་ཆོག་རྒྱ་གཞུང་གི་ས་༼རྡོ་རྗེ༽བཅད་དཀྱིལ་འཁོར་གཤེགས་སུ་གསོལ་བའོ་རྫོགས་སོའི་མཐའ་ཅན་དྷརྨ་གཟི་བརྗིད་ཀྱི་མཛད་པ། འདིའི་རྗེས་སུ་དེས་མཛད་པའི་དབང་གི་ལག་ལེན་དང་གཅེར་བུ་ཟངས་གྲི་ཅན་གྱི་རྗེས་གནང་ཟུར་འདེབས་ཡོད་འདུག་པ་མ་ཐོབ། འགོར་ཡེ་ཤེས་མགོན་པོའི་དབང་བསྐུར་བའི་རྗེས་ལ་ཞེས་ཡོད་
པའི་བྲན་བདུད་རྗེས་གནང་གི་ཟུར་༼མུ༽འདེབས་གྱི་ཡི་གེ་ལས་མགོན་གྱི་རྗེས་གནང་རྫོགས་སོའི་མཐའ་ཅན་རྣམས། ཡིག་ཆ་དང་འཇམ་དབྱངས་མཁྱེན་བརྩེའི་གསན་ཡིག་རྗེས་གནང་གི་ཡི་གེ་རྙིང་པ་ཞེས་སྣང་ངོ་། །གསུམ་པ་རྩ་བར་གྱུར་པ་རྒྱུད་ཀྱི་ཡི་གེ་ལ། འགོར་བཅོམ་ལྡན་འདས་རྡོ་རྗེ་མཁའ་འགྲོ་ལ་ཕྱག་འཚལ་ལོ་འཕགས་པ་མཁའ་འགྲོ་མ་རྡོ་རྗེ་གུར་ཞེས་ཡོད་པའི་གཙོ་རྐྱང་སྟོན་༼མཆོད་རྟེན༽པའི་རྒྱུད་རྡོ་རྗེ་གུར་གྱི་ལེའུ་བཅོ་ལྔ་པ་ལས་ཕྱུང་བ། འདི་མེ་འབར་མར་ཡང་བཞུགས། ལྷ་བཅུ་བདུན་དངོས་སྟོན་པ་དུར་ཁྲོད་ནག་པོའི་རྒྱུད་བརྟག་པ་བཅུ་གཉིས་༼རྡོ་རྗེ༽༼མུ༽པ་བླ་མ་ནག་པོ་རོ་འཛིན་དང་། གྱི་ལྗང་དབུ་དཀར་གྱིས་ཞུས་ཏེ་གཏན་ལ་ཕབས་པ། འདིའི་སྔགས་བཏུའི་ལེའུའི་འགྱུར་ཁྱད་ཚིགས་བཅད་མ་ལོ་པཎ་གཉིས་ཀྱི་གཡར་དམ་བརྒྱུད་པ་ཞེས་དཀར་ཆག་ཏུ་གསུངས་པ་ལེའུ་བཅུ་གཅིག་པ་འདི་ཁ་ལས་ལོགས་སུ་མ་རྙེད་ཅིང་རྗེ་མཁྱེན་བརྩེའི་གསན་ཡིག་ནའང་མི་སྣང་ངོ་། །ནག་པོ་ཆེན་པོ་འདིའི་རྒྱུད་ལ་དུར་ཁྲོད་ཆེན་པོ་སྐུའི་རྒྱུད། དུར་ཁྲོད་ནག་པོ་གསུང་གི་རྒྱུད། གྲི་གུག་བརྩེགས་པ་ཐུགས་ཀྱི་རྒྱུད་ཅེས་གསུམ་ཡོད་པ་ལས་གླེགས་བམ་དུ་ཡང་དུར་ཁྲོད་ནག་པོའི་རྒྱུད་ལས་མི་བཞུགས་ཤིང་ཉམས་ལེན་མན་ངག་རྣམས་ཀྱང་འདི་ཁོ་ན་ལ་བརྟེན་པའོ། །རྫོང་ཆུང་པའི་དཀར་ཆག་ན་ལྷ་མོ་སྲོག་གི་འཁོར་ལོའི་རྒྱུད་དྲངས་ཤིང་གཏེར་མ་ཡིན་པས་གྱི་ལྗང་དུ་འཐད་མི་འཐད་ཐེ་ཚོམ་མཛད་འདུག་ཀྱང་རང་ལུགས་ལ་དོགས་པ་ཙམ་ཡང་མ་དགོས་སོ། །རྒྱུད་གྱི་དོན་འགྲེལ་བཞི་སྡོམ་བཅུ་༼མུ༽པ་སློབ་དཔོན་ཆེན་པོ་བྲམ་ཟེ་མཆོག་སྲེད་ཀྱིས་མཛད་པ། དཀར་ཆག་དང་རྗེ་མཁྱེན་བརྩེའི་གསང་ཡིག་ན་འདི་ལྟར་སྣང་ཡང་
ཡིག་ཆ་ན་ལ་ལཱི་ཏས་མཛད་ཟེར་བ་འགྱུར་བྱང་དང་ནོར་རམ་བརྟག །དུར་ཁྲོད་ནག་པོའི་འབྱུང་ཁུངས་སྟོང་ཐུན་༼མུ༽གྱི་ཁོག་དོན་བསྡུས་པ་རྫོགས་བྱང་གི་མཐའ་ཅན། རྫོང་ཆུང་པའི་དཀར་ཆག་ན་ཕྱིས་ཀྱི་བླ་མ་དག་གིས་མཛད་ཅེས་སྣང་ངོ་། །རྒྱུད་དུར་ཁྲོད་ནག་པོའི་བསྡུས་༼རྡོ་རྗེ༽དོན་ས་བཅད་དགེ་སློང་དྷརྨ་གཟི་བརྗིད་ཀྱི་སྦྱར་བ། དེས་མཛད་པའི་དུར་ཁྲོད་ནག་པོའི་རྒྱུད་ཀྱི་རྣམ་༼རྡོ་རྗེ༽པར་བཤད་པ་རྡོ་རྗེ་ཚིག་དོན་གསལ་བྱེད་རྣམས། གོང་དཀར་བའི་གསན་ཡིག་ན་རྒྱུད་རྟོག་པ་བཅུ་གཉིས་པའི་འགྲེལ་པ་ཞེས་སྣང་། བཞི་པ་ཉམས་སུ་ལེན་པ་སྒྲུབ་ཐབས་ཀྱི་ཡི་གེ་ལ། མགོན་པོའི་སྒྲུབ་ཐབས། ལས་མགོན་གྱི་སྒྲུབ་ཐབས། ལས་སྦྱོར་ཐོར་བུའི་ཡི་གེ་དང་གསུམ། དང་པོ་ལ་གང་ཟག་དབང་པོ་རབ་སྤྲོས་པ་ལ་མི་དགའ་བའི་དོན་དུ་རྡོ་རྗེ་གུར་དང་དུར་ཁྲོད་ནག་པོའི་རྒྱུད་ཀྱི་དགོངས་པ་ཐུན་མོང་བ་སློབ་དཔོན་བྲམ་ཟེ་མཆོག་སྲེད་ཀྱིས་མཛད་པའི་འགོར་སྐད་ཤན་སྦྱར་དང་དཔལ་ཧེ་རུ་ཀ་ལ་ཕྱག་འཚལ་ལོ། །བླ་མ་ལ་གུས་སྙིང་རྗེ་ལྡན། ཚུལ་ཁྲིམས་ལ་སོགས་བསྡུ་དངོས་བཞི། ཞེས་ཡོད་པའི་སྒྲུབ་༼མཆོད་རྟེན༽༼རྡོ་རྗེ༽༼མུ༽ཐབས་བསྡུས་པ་དཔའ་བོ་འདི་མེ་འབར་མར་ཡང་ཡོད། གཅིག་པའི་སྒྲུབ་ཐབས་པཎྜི་ཏ་ནག་པོ་རོ་འཛིན་ཡིག་ཆ་ན་པཎྜི་ཏ་ཨ་ཐུ་ལ་བཛྲ་ཞེས་སྣང་བ་བརྟག །དང་ལོ་ཙཱ་བ་གྱི་ལྗང་དབུ་དཀར་གྱིས་བསྒྱུར་བ། འགོར་དཔལ་ནག་པོ་དཔའ་བོ་གཅིག་པས་སྲས་ཀྱི་ཚུལ་དུ་ཞེས་ཡོད་༼རྡོ་རྗེ༽པའི་གོང་གི་བསྡུས་དོན་བསམ་གྱིས་མི་ཁྱབ་པ་ཡོད་པ་བསྟན་པ་འོའི་མཐའ་ཅན། སྒྲུབ་ཐབས་འབྲིང་པོ་འགོར་སྐད་ཤན་སྦྱར་དང་དཔལ་ཧེ་རུ་ཀ་ལ་ཕྱག་འཚལ་ལོ་མི་བསད་མཚོན་ནམ་སེང་ལྡེང་ལ། ཁོག་ཕུབ་ན་ཕུར་བུའི་སྒྲུབ་སྐོར་རྣམས་ལ་གཞན་ཡང་
ཞེས་སྒྲུབ་ཐབས་ཆེ་འབྲིང་ཆུང་གསུམ་དུ་མི་གཏོགས་པའི་ཟུར་པར་མཛད་ནའང་དཀར་ཆག་ཏུ་སྒྲུབ་ཐབས་འབྲིང་པོ་ངོས་བཟུང་བས་དེ་དོན་བཞིན་བཀོད་པ་ཡིན་ཞིང་མེ་འབར་པོ་ཏིར་ཡང་ཡོད་རྡོ་རྗེ་གདན་པའི་ཕྱག་དཔེར་དཔའ་བོ་གཅིག་པའི་སྒྲུབ་ཐབས་གྱི་སྟོད་འདྲ་བ་ལ་སྨད་མི་འདྲ་བ་ཞིག་འདིའི་ཚབ་ཏུ་འདུག །ནག་པོ་ཁྲོས་པའི་སྐུ་བྱས་ལ་ཞེས་ཡོད་པའི་དཔལ་༼མཆོད་རྟེན༽མགོན་པོ་ནག་པོ་ཕུར་བུའི་སྒྲུབ་ཐབས་བྲམ་ཟེ་མཆོག་སྲེད་ཀྱིས་མཛད་པ་ལ་ལཱི་ཏ་བཛྲ་དང་གྱི་ལྗང་དབུ་དཀར་གྱིས་བསྒྱུར་པ། འགོར་སྐད་ཤན་སྦྱར་དང་དཔལ་ཧེ་རུ་ཀ་ལ་ཕྱག་འཚལ་ལོ། །བསྟན་པ་གནས་པར་བྱ་བའི་ཕྱིར། །ནག་པོ་ཆེན་པོའི་ཕུར་བུ་སྒྲུབ། ཅེས་ཡོད་པའི་ནག །༼མཆོད་རྟེན༽༼རྡོ་རྗེ༽༼མུ༽པོ་ཆེན་པོའི་སྲོག་ཕུར་གྱི་ཡི་གེའམ་ཕུར་བུ་གདབ་པ་སྲོག་ཕུར་དང་བཅས་པའི་སྒྲུབ་ཐབས་སུ་གྲགས་པ་བྲམ་ཟེ་མཆོག་སྲེད་ཀྱིས་མཛད་པ། མེ་འབར་མར་འདི་དང་ཕལ་ཆེར་ཞུས་དག་ཕེར་བ་ལ། འགོར་སྐད་ཤན་སྦྱར་མེད་པ་སོགས་པ་མི་མཐུན་པ་ཁ་ཤས་ཡོད་ཅིང་། དེ་ཡང་དཀར་ཆག་ཏུ་ཕུར་བུ་བསྒྲུབ་པའི་ཁོངས་སུ་སྦུབས་འདྲེན་ལས་ལོགས་སུ་མི་སྣང་། ཐམས་ཅད་མཁྱེན་པ་རྡོ་རྗེ་གདན་པའི་ཕྱག་དཔེར་འོག་ནས་ཡིག་འཕྲེང་གཉིས་ཙམ་མི་གཅིག་པའི་དེ་ཕྱིན་མེ་འབར་མའི་དེ་དང་ཞུས་དག་ཕེར་བ་ཞིན་འདུག །འགོར་བླ་མ་དང་དཔལ་ཧེ་རུ་ཀ་ལ་ཕྱག་འཚལ་ལོ་ནག་པོ་ཆེན་པོའི་ཕུར་བུའི་སྒྲུབ་ཐབས་ཀྱི་རིམ་པ་གཟའ་སྐར་དྲག་པོ་ལ་ཞེས་ཡོད་༼མཆོད་རྟེན༽༼མུ༽པའི་མགོན་པོ་ཕུར་བུའི་སྒྲུབ་ཐབས་ཀྱི་གསལ་བྱེད་མེ་འབར་མར་ཡང་བཞུགས། ས་ཆེན་གྱིས་མཛད་པ་བླ་མའི་གསུང་བཞིན་བྲིས་པ་ས་མ་པ་ཐ་མིའི་མཐའ་ཅན། འགོར་སྐད་ཤན་སྦྱར་དང་དཔལ་ཧེ་རུ་ཀ་ལ་ཕྱག་འཚལ་ལོ། སློབ་དཔོན་སྐུ་ལ་སྡོ་
བྱེད་དང་། དཀོན་ཅོག་གསུམ་ལ་གནོད་བྱེད་དང་། ཞེས་ཡོད་༼མཆོད་རྟེན༽༼མུ༽འི་ནག་པོ་ཆེན་པོ་སྲོག་གི་སྤུ་གྲིའི་སྒྲུབ་ཐབས་བྲམ་ཟེ་མཆོག་སྲེད་ཀྱིས་མཛད་པ། འདི་གཉིས་མེ་འབར་མར་ཡོད་ཀྱང་སྒྲུབ་ཐབས་དངོས་གཞི་རྒྱ་གཞུང་གི་སྡེབས་སུ་སྐུ་སྨད་ཕུར་བུའི་གསལ་ཁ་ཡང་མི་འདུག་པས་དེ་དང་མིང་གཅིག་པའི་སྒྲུབ་ཐབས་ཟུར་པ་ཞིག་ཡོད་མེད་དཔྱད། འགོར་བླ་མ་དང་དཔལ་ཧེ་རུ་ཀ་ལ་ཕྱག་འཚལ་ལོ་དཔལ་ནག་པོ་ཆེན་པོ་སྲོག་གི་སྤུ་གྲི་སྒྲུབ་པར་འདོད་པས་ཞེས་ཡོད་པའི་གོང་གི་གསལ་༼མཆོད་རྟེན༽༼མུ༽བྱེད་བརྩེ་བ་ཆེན་པོས་མཛད་པའི་ནག་པོ་ཆེན་པོ་ཕུར་བུའི་སྒྲུབ་ཐབས་ས་མ་ཡ་པ་ཐ་མི་ཐིའི་མཐའ་ཅན། འདི་ལ་རྫོང་ཆུང་བ་དགེ་སློང་ཤྲཱྀབྷ་དྲས་མཛད་པ་ལ་ས་ཆེན་གྱིས་མཛད་བྱང་སྦྱར་གསུང་ཡང་ཤྲཱྀ་བྷ་དྲ་ཞེས་པའི་གང་ཟག་སུ་ཡིན་འཆད་རྒྱུ་རང་གཞན་གཉིས་ཀར་ངོས་འཛིན་རྒྱུ་མ་བྱུང་ཞེས་རྡོ་རྗེ་འཆང་ཚར་པ་གསུང་ངོ་། །འགོར་སྐད་ཤན་སྦྱར་དང་དཔལ་ཧེ་རུ་ཀ་ཕྱག་འཚལ་ལོ་ནམ་མཁའ་ལྟ་བུས་འཇིགས་བྱེད་འཕྲོས་ཞེས་ཡོད་པའི་སྒྲུབ་ཐབས་རྒྱས་པ་ལ་གང་ཟག་དབང་པོ་འབྲིང་གི་ཁོག་ཕུབ་དང་བརྗོད་བྱ་ལ་དཔགས་ན་འདི་འབྲིང་དུ་འདྲེན་རིགས་ནའང་དཀར་ཆག་བཞིན་བཀོད་པའོ། །དབང་དུ་བྱས་ནས་ལས་ཀྱི་གཤིན་རྗེ་ཕོ་མོ་བཅུ་དྲུག་ལུས་ལ་བཀོད་དེ་བསྒོམས་པའི་སྒྲུབ་ཐབས་༼མུ༽གསང་བ་ཞེས་བྱ་བ་གསང་སྒྲུབ་བམ་འཕྲིན་ལས་གསང་བའི་སྒྲུབ་ཐབས་སུ་གྲགས་པ་བྲམ་ཟེ་མཆོག་སྲེད་ཀྱིས་མཛད་པ་ཨཱ་ཙཪྻ་རཱ་ཧུ་ལ་དམར་པོའི་གདམས་ངག་བླ་མ་གྱི་ལྗང་གིས་བསྒྱུར་བ། འགོར་སྐད་ཤན་སྦྱར་དང་དཔལ་ཧེ་རུ་ཀ་ལ་ཕྱག་འཚལ་ལོ་བླ་མ་ལ་གུས་སྡོམ་པ་བསྲུང་ཞེས་ཡོད་པའི་དབང་པོ་ཐ་མ་སྤྲོས་པ་ལ་དགའ་བའི་ཆེད་དུ་
ལྷ་བཅུ་བདུན་གྱི་དཀྱིལ་འཁོར་ཡོངས་སུ་རྫོགས་པར་བསྒོམས་པ་དུར་ཁྲོད་ནག་པོ་དངོས་བསྟན་གྱི་སྒྲུབ་༼རྡོ་རྗེ༽༼མུ༽ཐབས་རྒྱས་པ་འདི་ལ་བསྙེན་པའི་ཚུལ་དུ་སྒྲུབ་པ། བོད་པའི་མན་ངག་སྒྲུབ་པའི་ཚུལ་དུ་ཉམས་སུ་བླང་བ། རྦད་པའི་མན་ངག་ལས་སྦྱོར་གྱི་ཚུལ་དུ་ཉམས་སུ་བླང་བ་ཡོད་ཅེས་དཀར་ཆག་ཏུ་གསུངས་པ་ལྟར་དོན་ལ་ཚང་ཞིང་གསལ་བ་འོག་གི་བླ་མའི་ཞལ་སྔ་ནས་ཀྱིས་གདམས་པར་འདུག་གོ །ནང་སྒྲུབ་ཏུ་གྲགས་པ་ནག་པོ་ཆེན་པོའི་ཁྱད་པར་གྱི་ཆོ་ག་བྲམ་ཟེ་མཆོག་སྲེད་ཀྱིས་མཛད་པ་ལ་ལཱི་ཏ་བཛྲ་དང་གྱི་ལྗང་དབུ་དཀར་གྱིས་བསྒྱུར་བ། འགོར་སློབ་དཔོན་ཆེན་པོ་བྲམ་ཟེ་མཆོག་སྲེད་ཀྱིས་མཛད་པའི་དཔལ་མགོན་པོ་ཆེན་པོའི་དཀྱིལ་འཁོར་གྱི་འཁོར་ལོ་དྲག་བྱེད་ཀྱི་ཚུལ་དུ་ཞེས་ཡོད་༼རྡོ་རྗེ༽པའི་གོང་གི་བསྡུས་དོན་དྷརྨཱ་གཟི་བརྗིད་ཀྱིས་མཛད་པ་ལས་གཞན་བྱ་བར་བསྟན་པའོའི་མཐའ་ཅན། དེས་མཛད་པའི་འགོར་ཨོཾ་སྭཱ་སྟི་དཔལ་ནག་པོ་ཆེན་པོ་ལ་ཕྱག་འཚལ་ལོ། །དབང་བསྒྱུར་དམ་ཚིག་སྡོམ་ལ་གནས། ཞེས་ཡོད་པའི་དཔལ་༼རྡོ་རྗེ༽༼མུ༽ནག་པོ་ཆེན་པོའི་སྒྲུབ་ཐབས་བླ་མའི་ཞལ་སྔ་ནས་ཀྱི་གདམས་པ་ལག་ཏུ་བླང་བའི་རིམ་པ། འགོར་བླ་མ་དང་ནི་ཡི་དམ་ལྷ། །ཆོས་སྐྱོང་མགོན་ལ་གུས་བཏུད་དེ། །ཞེས་ཡོད་པའི་དཔལ་ནག་པོ་ཆེན་པོ་ལྷ་བཅུ་བདུན་མའི་བསྙེན་སྒྲུབ་ལས་༼མུ༽གསུམ་གྱི་ཡི་གེ་མི་བསླུ་བའི་གསང་ཚིག་དཔལ་ཆེན་སྐྱེ་མེད་ཇོ་གདན་དང་ལྕེ་རིན་པོ་ཆེ་མཉམ་མེད་མཁྱེན་ཆེན་གྱི་ཞལ་གྱི་བདུད་རྩི་གྲུ་སྟོན་གྱིས་མཛད་པ། འགོར་བླ་མ་ཁྲག་འཐུང་ཕུག་མོར་བཅས། མཆོད་འོས་ཀུན་ལ་བཏུད་བྱས་ཏེ་ཞེས་ཡོད་པའི་མགོན་པོ་ལྷ་བཅུ་བདུན་མའི་བོད་རྦད་གསད་གསུམ་གྱི་མངོན་རྟོགས་རྒྱས་༼མུ༽པ་
ལ་སྒྲུབ་ཐབས་ལག་ཏུ་བླང་བའི་རིམ་པ་ཡིད་བཞིན་གྱི་ནོར་བུ་རིན་པོ་ཆེ་ཞེས་བྱ་བ་གྱི་ལྗང་ལོ་ཙཱ་བ་ཆེན་པོའི་གསུང་ལས་ཇི་ལྟར་བྱུང་བ་བཞིན་མདོ་སྨད་ཀྱི་སློབ་མའི་གཙོ་བོ་ཚར་དགུ་སྟོན་པ་དང་གྲུ་གུ་སྟོན་པ་གཉིས་ཀྱིས་དཀའ་བགྲོས་ནས་ཡི་གེར་བཀོད་པ་མངོན་པར་རྟོགས་པ་ཉེ་བར་མཁོ་བ་རྫོགས་སོའི་མཐའ་ཅན། ལུགས་སྲོལ་འདིའི་ཉམས་ལེན་ལ་སྒྲུབ་ཐབས་འདི་ཀ་མེད་སྙིང་ལྟར་གཅེས་པའི་གདམས་པ་ཡིན་པས་ཆོལ་པར་མི་སྟོན་པའི་བཀའ་རྒྱ་དམ་པོ་དཀར་ཆག་ཏུ་གསལ་བར་འདུག་གོ །ལུགས་སྲོལ་འདི་ཉིད་ཀྱི་སྙིང་པོར་གྱུར་པ་ནག་པོ་ཆེན་པོ་གཤིན་རྗེ་ལྟར་བསྒྲུབ་པའི་སྒྲུབ་ཐབས་དགོས་འདོད་འབྱུང་༼མཆོད་རྟེན༽༼འཁོར་ལོ༽བའི་གཏེར་ཞེས་བྱ་བ་མཐུ་སྟོབས་ཀྱི་དབང་ཕྱུག་སྒ་ཨཱ་ནན་དམ་པ་ཀུན་དགའ་གྲགས་ཀྱིས་མཛད་པ། དེ་དག་ལ་ཉེ་བར་མཁོ་བའི་ཆ་ལག་འགོར་བླ་མ་རྣམས་ལ་ན་མོ་དུས་གསུམ་སངས་རྒྱས་ཐམས་ཅད་ཀྱིས་བསྟན་པ་བསྲུང་ཞིང་མངའ་མཛད་པ་ཞེས་ཡོད་པའི་ནག་པོ་ཆེན་པོ་ལྷ་བཅུ་བདུན་མའི་མངོན་པར་རྟོགས་པ་རྟགས་བྱུང་ནས་རྟགས་གཏོར་ཀྱང་བཏང་ངོའི་མཐའ་ཅན། མགོན་པོའི་ཕྲིན་ལས་བཀའ་གསང་རྨད་༼མུ༽བྱུང་མ་ཐམས་ཅད་བྱང་ཆུབ་ཏུ་བསྔོའོའི་མཐའ་ཅན། འགོར་འཐུང་ཞིག་འཐུང་ཞིག་རྡོ་རྗེའི་ཆུ། ཞེས་ཡོད་པའི་ནག་༼མུ༽པོ་ཆེན་པོའི་མཆོད་འཕྲེང་ལས་ཀྱི་འབྲས་བུ་མཆིས་པར་མཛོད་ཀྱི་མཐའ་ཅན། འགོར་སྐད་ཤན་སྦྱར་ཡོད་པའི་ནག་པོ་ཆེན་པོའི་གཏོར་མའི་ཆོ་ག་༼རྡོ་རྗེ༽སློབ་དཔོན་བྲམ་ཟེ་མཆོག་སྲེད་ཀྱིས་མཛད་པ་དཔལ་སྒེག་པའི་རྡོ་རྗེ་དང་གྱི་ལྗང་དབུ་དཀར་གྱིས་བསྒྱུར་བ། འགོར་གཏོར་མའི་ཆོ་ག་འདི་ལ་གསུམ་སྟེ་ཞེས་ཡོད་
པའི་གོང་གི་བསྡུས་༼རྡོ་རྗེ༽དོན་དྷརྨ་གཟི་བརྗིད་ཀྱིས་མཛད་པ། འགོར་སྐད་ཤན་སྦྱར་ཡོད་པའི་དཔལ་ལྡན་ནག་པོ་ཆེན་པོའི་སྦྱིན་སྲེག་གི་ཆོ་ག་བྲམ་ཟེ་༼མུ༽མཆོག་སྲེད་ཀྱིས་མཛད་པ་ཞར་བྱུང་མེ་ལྷའི་བསྟོད་པ་གསང་གསུམ་མ་དང་བཅས་པ། འགོར་སྦྱིན་སྲེག་གི་ཆོ་ག་འདི་ལ་གསུམ་སྟེ་ཞེས་ཡོད་པའི་གོང་གི་བསྡུས༼རྡོ་རྗེ༽དོན་དྷརྨ་གཟི་བརྗིད་གྱིས་མཛད་པ། དེས་མཛད་པའི་དཔལ་ནག་པོ་ཆེན་པོའི་སྦྱིན་སྲེག་གི་ཆོ་ག་ལག་ཏུ་བླང་བའི་རིམ་པ་རྫོགས་བྱང་གི་མཐའ་ཅན། དཔལ་ནག་པོ་ཆེན་པོའི་བསྟོད་པའི་འཕྲེང་བ་༼མཆོད་རྟེན༽༼རྡོ་རྗེ༽༼མུ༽བྲམ་ཟེ་མཆོག་སྲེད་ཀྱིས་མཛད་པ་ལ་ལཱི་ཏ་དང་། ལོ་ཙཱ་བ་གྱི་ལྗང་གིས་བསྒྱུར་བ། ཁ་སྐོང་བསྟོད་འབུམ་དང་ཞབས་བཏགས་མར་ཡང་ཡོད་འཇམ་དབྱངས་མཁྱེན་བརྩེའི་གསན་ཡིག་ན་ཞལ་གཟིགས་མའི་བསྟོད་པ་རྣམས་གསུང་འདུག་པ་པཎྜི་ཏ་སྙིང་འཕྲེང་ཅན་དང་གྱི་ལྗང་གིས་བསྒྱུར་བའི་མགོན་པོའི་བསྟོད་པ་རྣམས་ལ་དགོངས་འདྲ་བ་བརྒྱུད་པ་སོ་སོར་བགྲངས་ཕྱིན་སྒྱུར་བྱེད་ཀྱི་སྟབས་ནས་བགྲངས་ཀྱང་མི་འགལ་ལོ། །ཡང་ལོ་པཎ་དེ་གཉིས་ཀྱིས་བསྒྱུར་བའི་དཔལ་ནག་པོ་ཆེན་པོ་ལ་བསྟོད་ཅིང་འཕྲིན་ལས་བཅོལ་བ། ༼མཆོད་རྟེན༽༼རྡོ་རྗེ༽སྔོན་ཚེ་བདེ་གཤེགས་མ་བྲམ་ཟེ་མཆོག་སྲེད་ཀྱིས་མཛད་པ། མེ་འབར་པོ་ཏི་དང་ཚར་ལུགས་བསྟོད་འབུམ་ནའང་ཡོད། འདིའི་རྗེས་སུ་ནག་པོ་ཆེན་པོའི་བསྙེན་སྒྲུབ་རྦད་གསང་གྱི་ཡི་གེ་སྙིང་པོ་ཞེས་པ་འཇམ་དབྱངས་མཁྱེན་བརྩེའི་གསན་ཡིག་ནའང་མི་འདུག་ཅིང་རྒྱུན་ཆད་མ་ཆད་ཇི་ལྟར་ཡང་མ་ཐོབ། བྲམ་ཟེ་མཆོག་སྲེད་ཀྱིས་མཛད་པའི་རབ་གནས་ཀྱི་ཆོ་གའམ་བཀྲ་ཤིས་གྱི་ཆོ་གར་གྲགས་པ་སྣ་ཚོགས་རྡོ་རྗེ་མ་གྱི་ལྗང་དབུ་དཀར་གྱིས་བསྒྱུར་བ་རྣམས། གཉིས་པ་ལས་མགོན་གྱི་སྒྲུབ་ཐབས་ལ། འགོར་རྒྱ་སྐད་
ཡོད་པའི་མགོན་པོ་གཅེར་བུའི་ངན་སྔགས་སམ་དུར་ཁྲོད་ཀྱི་མགོན་པོ་གཅེར་བུའི་སྒྲུབ་ཐབས་༼རྡོ་རྗེ༽༼མུ༽བྲམ་ཟེ་མཆོག་སྲེད་ཀྱིས་མཛད་པ་གྱི་ལྗང་དབུ་དཀར་གྱི་བསྒྱུར་བ། འདི་ལ་ནང་གསེས་སྒྲུབ་པ་ལས་སྦྱོར་སེར་འབེབས་དང་བཅས་པ་ཡོད་ཅིང་རང་འདྲའི་འཁོར་བཞིས་བསྐོར་བའི་ལྷ་ལྔ་དང་ཀྵེ་ཏྲ་པཱ་ལ་དང་པི་ཏཱ་པཱ་ལ་གཉིས་བསྣན་པའི་གཙོ་འཁོར་བདུན་དུ་འགྱུར་པས་འཇམ་དབྱངས་མཁྱེན་རྩེའི་གསན་ཡིག་ན་ལྷ་བདུན་ཞེས་ཡོད། ཁ་ཅིག་གུར་མགོན་དཔའ་གཅིག་དང་རྫོང་ཆུང་པ་གུར་མགོན་ཉིད་དུ་བཞེད་པ་ནི་སྒྲུབ་ཡིག་རྙིང་པར་མདུན་དུ་མགོན་པོའི་བཀའ་ཉན་གྱི་ཚུལ་དུ་བསྐྱེད་པར་བཤད་པ་དང་སྒྲུབ་ལུགས་དང་སྔགས་སོགས་གང་ལའང་ཐེ་ཚོམ་མ་ཞུགས་པའི་སྐྱོན་ཡིན་ཞིང་། གནོད་སྦྱིན་ཀླུ་བདག་ནག་པོ་ཞེས་བྱ་བ་ལས་མཁན་ཤིན་ཏུ་གཉན་པ་ཞིག་ཡིན་ཚུལ་བདག་ཆེན་རྡོ་རྗེ་འཆང་ཡབ་སྲས་གསུང་བ་སོགས་དཀར་ཆག་ཏུ་གསལ་བར་ཡོད་པ་ཞིབ་མོར་དཔྱོད་པ་གནད་དུ་ཆེ་བའོ། །འགོར་བླ་མ་དམ་པ་རྣམས་དང་དཔལ་ནག་པོ་ཆེན་པོ་ལ་ཕྱག་འཚལ་ལོ་དུར་ཁྲོད་ན་གནས་པའི་མགོན་པོ་གཅེར་བུ་ཟངས་གྲི་ཅན་ཞེས་ཡོད་པའི་༼མཆོད་རྟེན༽སྒྲུབ་ཐབས་གོང་མའི་ཡི་གེ་ལྷག་ཆད་དང་བྲལ་བར་བྲིས་པ་རྫོགས་སོའི་མཐའ་ཅན། མེ་འབར་མར་ཡང་བཞུགས། འགོར་སྐད་ཤན་སྦྱར་དང་དཔལ་མགོན་པོ་ཆེན་པོ་ལ་། ཕྱག་འཚལ་ལོ་གཙོ་བོའི་ང་རྒྱལ་སྔོན་སོང་བས་ཞེས་ཡོད་པའི་བྲན་བདུད་༼མུ༽༼རྡོ་རྗེ༽གཤིན་རྗེ་ནག་པོའི་སྒྲུབ་ཐབས་རྒྱ་གར་གྱི་མཁན་པོ་བྲམ་ཟེ་མཆོག་སྲེད་ཀྱིས་མཛད་པ་གཞན་ལ་མི་སྤེལ་བར་བཀའ་རྒྱས་བཏབ་པ་གྱི་ལྗང་གིས་བསྒྱུར་བ། འགོར་འདིའི་
ལུང་སྦྱིན་པའི་ཚུལ་འདྲི་སྟེ་ཞེས་ཡོད་པའི་རྗེ་ས་ཆེན་གྱིས་དོ་པ་སྟོན་ཚུལ་གནང་བའི་༼མཆོད་རྟེན༽༼རྡོ་རྗེ༽༼ནོར་བུ༽བྲན་བདུད་གྱི་ལུང་སྦྱིན་པ་ཞེས་བྱ་བའི་རྗེས་གནང་གི་ཡི་གེ་ངག་འཛིན་ཡི་གེ་ཟིན་བྲིས་བྱས་པ་པོའི་མཐའ་ཅན། མེ་འབར་དུ་ཡང་བཞུགས། །འགོར་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་ནག་པོའི་ཆེན་པོའི་དྲག་སྒྲུབ་སྤྱིའི་ལས་ལ་ཞེས་ཡོད་པའི་༼མཆོད་རྟེན༽༼རྡོ་རྗེ༽༼ནོར་བུ༽བྲན་བདུད་ཀྱི་སྒྲུབ་ཐབས་དཔལ་བརྩེ་བ་ཆེན་པོ་ཆོས་ཀྱི་རྗེའི་ཞལ་སྔ་ནས་ཀྱི་རྗེས་སུ་བཟུང་སྟེ་རྒྱལ་ཁམས་པ་དོ་པ་སྟོན་ཚུལ་ལ་གཙིགས་སུ་མཛད་དེ་གནང་བ། འགོར་བླ་མ་དང་དཔལ་མ་ཧཱ་ཀཱ་ལ་ལ་ཕྱག་འཚལ་ལོ་ནག་པོ་ལྕམ་དྲལ་མཆོད་དང་བསྟེན་ཞེས་ཡོད་པའི་རུ་མཚོན་བཅའ་༼མཆོད་རྟེན༽༼རྡོ་རྗེ༽ཐབས་ཀྱི་ཡིག་རྙིང་ཡར་ཀླུངས་པ་སེང་གེ་རྒྱལ་མཚན་གྱིས་ཞུས་དག་མཛད་པ། མེ་འབར་མར་ཡང་ཡོད། ལ་ལ་དག་བྲན་བདུད་འདི་ལུགས་གཞན་ཞིག་དུ་ངོས་འཛིན་པ་དང་འཕགས་པ་རིན་པོ་ཆེས་གཟིགས་སྣང་གི་མགོན་པོ་རྟ་ནག་མར་འདོད་པ་སོགས་རྣམ་པར་མ་བརྟགས་པ་ཁོ་ན་སྟེ་འདིའི་སྒྲུབ་སྐོར་བླ་མ་མལ་ལ་བརྩེ་བ་ཆེན་པོས་གསེར་སྲང་གང་གིས་བླུས་པའི་གཙིགས་ཆེན་ཡིན་ཚུལ་སོགས་ཡིག་རྙིང་དུ་ཡོད་པས་ཀྱང་ཤེས་ནུས་སོ། །བྲན་བདུད་འདི་ཤིན་ཏུ་བཀའ་གཉན་པས་གསེར་གྱི་མཎྜལ་དང་བཅས་ཆིག་བརྒྱུད་དུ་གནང་བ་ཡང་ཕྱག་ལེན་མའོ། །
ལས་སྦྱོར་ཐོར་བུའི་སྐོར་ལས་སྒྲུབ་ཐབས་སྣ་ཚོགས་ཀྱི་བརྒྱུད་ལུགས།
གསུམ་པ་ལས་སྦྱོར་ཐོར་བུའི་ཡི་གེ་ལ། དཔལ་ནག་པོ་ཆེན་པོ་དང་ལས་བྱེད་རྡོ་རྗེ་མོང་སྤུ་ཅན་གྱི་སྒོ་ནས་སེར་བ་དབབ་པའི་ཡི་གེ་མགོན་པོའི་སེར་བ་རྫོགས་བྱང་གི་མཐའ་ཅན། འགོར་གཞན་ཡང་སེར་བ་དབབ་པ་དང་ཞེས་པ་ནི་
དཀྱིལ་འཁོར་གྱི་འཁོར་ལོ་བསྒོམ་ཟེར་བ་ཡོད་པའི་གོང་གི་གསལ་བྱེད་ཀྱི་ཡི་གེ་གཞན་རྣམས་གཞུང་ན་གསལ་ལོའི་མཐའ་ཅན། འགོར་གཞན་ཡང་མན་ངག་འདི་ལྟ་སྟེ་ཞེས་ཡོད་པའི་རྦོད་གཏོང་བཟློག་པའི་མན་ངག་མཐར་ནི་བྱང་ཤར་མཚམས་སུ་མནན་ཞེས་པའི་མཐའ་ཅན། ནག་པོ་ཆེན་པོའི་རྒྱུད་ལས་རྡོ་རྗེ་ཚིག་ཏུ་སྦས་ནས་གསུངས་པའི་མན་ངག་༼རྡོ་རྗེ༽༼མུ༽བརྒྱད་ཅེས་པ་དྲག་བྱེད་ཐམས་ཅད་གནོན་པར་བྱེད་པ། བགེགས་ཐམས་ཅད་རླག་པར་བྱེད་པ། ཆར་དབབ་པ། ཆར་གཅད་པ། ཡི་དྭགས་བསྐྲད་པ། ཕྱག་རྒྱ་མ་འགུགས་པ། རྒྱལ་པོ་ལ་སོགས་དབང་དུ་བྱ་བ། རིག་སྔགས་རྦོད་གཏོང་གཅོད་པ་རྣམས། ལྔ་པ་དཀར་ཆག་ཏུ་མ་འཁོད་པའི་ཡི་གེ་ལ། རྫོང་ཆུང་པ་རྡོ་རྗེ་རྒྱལ་མཚན་གྱིས་མཛད་པའི་༼མུ༽དཀར་ཆག །འཇམ་དབྱངས་མཁྱེན་བརྩེས་དཔལ་བདེ་གསལ་གྱི་མགོན་ཁང་དུ་༼ཞ༽༼ཁྲ༽མཛད་པའི་བརྒྱུད་འདེབས་ཁྱབ་བདག་སྐུ་བཞི་མ། འགོར་བླ་མ་ལ་ན་མོ་ནག་པོ་ཆེན་པོའི་དབང་བསྐུར་བ་ལ་རྡུལ་ཚོན་གྱི་དཀྱིལ་འཁོར་དང་ཞེས་ཡོད་པའི་མགོན་པོ་ལྷ་བཅུ་བདུན་༼མཆོད་རྟེན༽མའི་དབང་གི་ཐོ་ཡིག་རྣལ་འབྱོར་གྱི་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་གྱིས་བླ་མའི་ཕྱག་བཞེས་བཞིན་བྲིས་སོའི་མཐའ་ཅན། དེས་མཛད་པའི་འགོར་དཔལ་རྡོ་རྗེ་འཆང་དབང་ཆེན་པོ་ལ་ཕྱག་འཚལ་ལོ་དཔལ་ནག་པོ་ཆེན་པོའི་དཀྱིལ་འཁོར་དུ་ཞེས་ཡོད་པའི་གྱི་ལྗང་༼མཆོད་རྟེན༽ལུགས་ཀྱི་དབང་གི་ལག་ལེན་ཉི་ཤུ་དགུའི་དགོངས་མོ་བཀའ་གནང་བ་ཤིན་ཏུ་གལ་ཆེ་གསུང་པའི་མཐའ་ཅན་རྣམས་ལེགས་པར་ཐོབ། དེ་ཡང་ཕལ་ཆེར་གྱིས་
གདམས་པ་འདི་ཉིད་རྩ་ཁུངས་མ་ཆོད་པས་བཟང་ངན་གྱི་རྟོག་དཔྱོད་མེད་ལ། ཕྱོགས་འདིར་སྦྱངས་པའི་མཁས་པ་དག་གིས་ས་ལུགས་དང་གྱི་ལྗང་ལུགས་ཞེས་སྲོལ་མི་གཅིག་པ་གཉིས་སུ་བཞེད་ནས། རྫོང་ལུགས་མགོན་པོད་གཉིས་ཀྱི་དཀར་ཆག་ཏུ། ཆོས་ཚན་ཕན་ཚུན་ཡེ་མ་འདྲེས་པར་མཛད་པ་ནི་དེང་སང་མན་ངག་གི་སྙིང་པོ་དང་ཕུར་བུ་དང་སྲོག་གི་སྤུ་གྲིའི་སྐོར་ལས་མགོན་གཉིས་ཙམ་མ་གཏོགས་དབང་ལུང་གི་བརྒྱུད་པར་ས་ཆེན་མི་བཞུགས་པས་འཁྲུལ་གཞི་བྱས་པ་འདྲ་སྟེ། མདོ་སྨད་གཞག་ར་ལྷ་རྩེར་གྲགས་པའི་ལྷ་གཉན་གནས་པའི་ཡུལ་ལྗོངས་སུ་འཁྲུངས་པའི་བླ་མ་གྱི་ལྗང་ལོ་ཙཱ་བ་བླ་ཆེན་འབྲོག་མིའི་གཞུང་རྫོགས་པའི་སློབ་མ་གཅིག་ཡིན། རྒྱ་གར་དུ་བྱོན་ནས་ལ་ལཱི་ཏ་བཛྲ། ཨཱ་ཙཪྻ་དམར་པོ་སོགས་པཎ་གྲུབ་མང་པོ་ལ་ཟབ་ཁྱད་ཀྱི་ཆོས་གསན་པའི་ནང་ནས་མགོན་པོའི་སྐོར་འདི་རྣམས་དབུས་གཙང་སའི་ཆ་སྟོད་དུ་མལ་ལོ་ཙཱ་བ་བློ་གྲོས་གྲགས་སོགས་ལ་གནང་བར་ཕྲིན་ལས་གསང་བ་དང་ལས་མགོན་ཟངས་གྲི་ཅན་གཉིས་སོགས་གཙོ་ཆེ་བ་ལ་སྟོད་ལུགས། མདོ་སྨད་དུ་བྱོན་ནས་ལྡང་འཆང་སྟོན་པ་ཐོགས་མེད་མཐུ་རྒྱས་ཀྱིས་བསྒྲལ་ཞིང་སློབ་མ་ཚར་དགུ་སྟོན་པ་དང་གྲུ་གུ་སྟོན་པ་སོགས་ལ་སྒྲུབ་ཐབས་ཆེ་ཆུང་ཕུར་བུའི་ལུགས་སོགས་གནང་བས་སྨད་ལུགས་སུ་གྲགས། གྱི་ལྗང་གི་སྐོར་མལ་ལ་གསན་ནས་ས་སྐྱ་བ་ཆེན་པོ་ཐུགས་གཙིགས་ཆེ་བས་གསང་བའི་ཚུལ་གྱི་ཉམས་ལེན་མཛད་ཚུལ་སོགས་ཚར་ཆེན་གྱི་དཀར་ཆག་ཆེན་མོར་ཤིན་ཏུ་གསལ། ས་སྐྱ་ཚང་ལ་མེད་པའི་སྙན་བརྒྱུད་གསེར་ཆོས་ཀྱི་
བདག་པོ་རྣལ་འབྱོར་དབང་ཕྱུག་ཡར་ཀླུངས་པ་ཡས་སྲས་ལ་འདིའི་བཀའ་བབས་ཤིང་དབང་རྗེས་གནང་ཡང་ཉི་ཤུ་དགུའི་མཚན་མ་གཏོགས་མི་མཛད་པས་དམ་དོག་ཆེ། སྙན་བརྒྱུད་རོལ་མཚོར། སྲོལ་འཛིན་ཕྱི་མ་འགས་འདི་པའི་མན་ངག་དང་། ས་ལུགས་བསྲེས་པ་ནི་དག་དུག་བསྲེས་པའི་གོས་དང་མཚུངས་གསུངས་པ་བྲག་སྟེང་པ་ནས་མལ་ལ་བརྒྱུད་པའི་སྐོར་ལ་སྒོས་མིང་སྤྱི་ལ་བཏགས་སམ་ཡང་ན་གསུང་རྒྱུན་དངོས་གཞི་དང་མི་མཐུན་པའི་ཡིག་སྐྱོན་ཤོར་བ་ཡིན། གང་ལྟར་ཕན་ཚུན་མེ་བསྲེ་གསུང་པའི་དགོངས་གཞི་གྱི་ལྗང་ལུགས་འདི་གཞན་ལ་ལྟོས་མི་དགོས་པར་དབང་བརྒྱུད་མན་ངག་ཐམས་ཅད་རྐང་ཚུགས་པས་ལྷ་དང་མན་ངག་མགོན་པོད་དངོས་གཞི་དང་མི་མཐུན་པ་མཐའ་དག་བསྲེ་བསླད་མི་བྱེད་པའི་དོན་ཡིན་གྱི་འདི་ས་ལུགས་སུ་མི་གཏོགས་པའི་མི་བཞེད་ལ། རྣ་ཐོས་ཙམ་ལས་མན་ངག་གི་གནད་མ་རྟོགས་པ་ལ་ལ་དག་གྱི་ལྗང་སྐོར་རྒྱ་གར་དུ་མེད་པའི་བོད་མར་འདོད་པ་སོགས་ཀྱི་ངན་སྨྲས་བྱེད་པ་ནི། མགོན་པོ་གཤིན་རྗེ་ལྟར་སྒྲུབ་པ་ལྷ་བཅུ་བདུན་མ་འདི་ཇོ་བོ་ཆེན་པོ་དཱི་པཾ་ཀ་ར། པཎྚི་ཏ་འཇམ་དཔལ་དབྱངས། པཎ་ཆེན་བྱམས་པ་གླིང་པ་སོགས་མང་པོ་ལ་ཡང་ཡོད་པས་རང་ཉིད་ཀྱིས་མི་ཤེས་པ་རྒྱུ་མཚན་དུ་བྱས་ཏེ་ཕལ་ཆེར་ལ་ངན་སྨྲས་བྱེད་པའི་མུས་པ་དཀོན་གྲགས་པ་ལྟ་བུ་རྣམས་བག་ཡོད་པའི་གནས་ལ་འགོད་པར་འགྱུར་རོ། །བདུན་པ་འདོད་ཁམས་དབང་ཕྱུག་ཁྲག་འཐུང་དུད་པའི་སོལ་བ་ཅན་གྱི་སྐོར་ལ། དེ་ཡང་དཔལ་ལྡན་ལྷ་མོ་འདོད་ཁམས་ཀྱི་དབང་ཕྱུག་མ་ལ་རྗེ་ཁོལ་གཉིས་སུ་གྲགས་པའི་དུད་པའི་སོལ་བ་ཅན་འདི་རྗེ་མོ་རེ་
མ་ཏཱི་ཡིན་ཞིང་གུར་མགོན་ཀྱི་སྐབས་མགོན་པོ་ལྕམ་དྲལ་གཉིས་སུ་གྲགས་ནའང་ས་སྐྱ་པའི་ལུགས་ལ་རྗེས་གནང་ཟུར་པ་མེད་ཅིང་སྒྲུབ་ཐབས་ལ་ཚོགས་བདག །བཀའ་སྡོད། ཕྱི་པ། ནང་པ་ལྟར་སྒྲུབ་ཚུལ་ཡོད་ཀྱང་མན་ངག་ཡོངས་སུ་རྫོགས་པ་མེད་པར་བརྟེན་རྡོ་རྗེ་འཆང་ཚར་པ་ཆོས་རྗེས་ཡུམ་བཀའི་སྐོར་གྱི་རྗེས་གནང་མན་ངག་ཚང་བ་ཞིག་ཐུགས་ལ་བཞེད་ནས། ཚུལ་དེ་ས་ལུགས་དྭགས་བརྒྱུད་པ་སོགས་གང་དུའང་མ་རྙེད་པར་རིམ་གྱིས་རྩད་གཅོད་གནང་བས་ཆུ་འགོ་གངས་དཀར་གྱི་དཔེ་བཞིན། རྗེ་མར་པས། དུད་སོལ་ལྷ་མོ་མ་གཏོགས་པའི། བསྟན་སྲུང་བརྒྱ་དང་རྩ་བརྒྱད་ཞུས། ཞེས་གསུངས་པ་ལྟར་ཤིན་ཏུ་གཅེས་སྤྲས་སུ་མཛད་པའི་ལྷ་མོའི་སྐོར་འདི་སྤྱིར་དཔལ་ནཱ་རོ་པ་ལ་བསྟན་སྲུང་བརྒྱ་རྩ་བརྒྱད་ཡོད་པའི་ཁྲོད་ནས་གཏོར་མ་དངོས་སུ་ལེན་པའི་ཆོས་སྐྱོང་གསུམ་ཡོད་པའི་ནང་ནས་གདམས་པ་འདི་ལ་མཛད་པས་རྟེན་འབྲེལ་གྱི་སྒོ་འགྲིག །ལོ་གསུམ་བལ་པོའི་མཐིལ་དུ་བསྡད། རྗེ་བྱིན་རླབས་ཅན་གྱི་བལ་པོ་ལ། རྒྱུད་གཉན་པོར་གྲགས་པའི་གདན་བཞི་ཞུས། ཆོས་སྐྱོང་དུད་སོལ་ལྷ་མོ་ཞུས། །ཞེས་བལ་པོ་ཕམ་ཐིང་པ་སྤྱི་ཐེར་བ་ལ་ཡང་གསན་ཅིང་རྗེ་མར་པ་ལ་སློབ་མའི་གཙོ་བོ་ཀ་ཆེན་བཞིའི་ནང་གི་རྔོག་ཆོས་ཀྱི་རྡོ་རྗེས་ལོ་ཙཱ་བའི་ཆོས་སྐྱོང་གི་གཙོ་བོར་དུད་སོལ་མ། ཀཾ་ཀ་རྩལ། ཐོད་ཕྲེང་ཅན་གསུམ་ཞུས་པས་གསུམ་ག་མི་ཡོང་འདམ་བཏང་བར་ཀྱེ་རྡོར་དང་གདན་བཞི་སོགས་རྒྱུད་མང་པོའི་བཀའ་སྲུང་དུ་འདུག་པ་དང་བླ་མ་ཡང་ཐུགས་གཙིགས་ཆེ་བར་འདུག་པ་སོགས་ནས་འདོད་ཁམས་མ་འདམས་ཏེ་རྫོགས་པར་གསན། དེ་ནས་རྔོག་ཚང་འོག་མར་གྲགས་པའི་
རྔོག་སྟོན་ཆེན་པོས་བསོད་ནམས་བསྟན་འཛིན་གྱི་བར་དུ་རིགས་དང་ཆོས་ཀྱི་བརྒྱུད་པ་ཟམ་མ་ཆད་པའི་ངེས་ཤེས་ཀྱི་གནས་ཆེན་པོར་གྱུར་ཏེ་རྗེས་གནང་སྒྲུབ་སྐོར་དང་བཅས་པ་ཡོངས་སུ་རྫོགས་པར་གསན། ཕྱོགས་དེར་བླ་མའི་སྐུ་སྲོག་ལ་སྡོ་བའི་བསྒྲལ་བྱའི་ཞིང་ཞིག་འདུག་པ་ཆོས་བཀའ་རྣམས་རྫོགས་པར་གནང་བའི་བཀའ་དྲིན་གསབ་ཆེད་དུ་ཆོས་སྐྱོང་འདིའི་སྒོ་ནས་གཏོར་མ་ལ་བརྟེན་པའི་ལས་སྦྱོར་མཛད་པས་རིང་པོར་མ་ལོན་པར་རྗེས་མེད་དུ་གྱུར་པ་སོགས་ངོ་མཚར་ཡིད་ཆེས་དང་ལྡན་པའི་ཆོས་སྐོར་ལ། དཔལ་ལྡན་ལྷ་མོ་འདོད་ཁམས་ཀྱི་དབང་ཕྱུག་མ་འཇིགས་བྱེད་དུད་པའི་སོལ་བ་ཅན་གྱི་ཆོས་སྐོར་གྱི་དཀར་ཆག་སྙན་བརྒྱུད་གསལ་བའི་མེ་ལོང་ཞེས་བྱ་བ་རྡོ་རྗེ་འཆང་ཚར་པ་ཆོས་རྗེས་མཛད་པ། དེ་ལས་བསྟན་པའི་གདམས་པ་ལ། འགོར་བླ་མ་དམ་པ་རྣམས་ལ་ཕྱག་འཚལ་ལོ་དཔལ་ལྡན་ལྷ་མོའི་སྒོ་ནས་གཏོར་མའི་རྗེས་གནང་བྱེད་པར་འདོད་པས་ཞེས་ཡོད་པའི་ལྷ་མོ་ཕྱི་སྒྲུབ་ཀྱི་རྗེས་གནང་གི་ཡི་གེ་རྔོག་ཞེ་སྡང་རྡོ་རྗེ་མཛད་པ། འདི་ཉིད་ཀྱི་ལག་ལེན་གསལ་བྱེད་རྔོག་བསོད་ནམས་དོན་གྲུབ་ཀྱིས་གཞུང་རི་བོ་ཁྱུང་ལྡིང་གི་ཆོས་གྲྭར་མཛད་པ་ནི་དཔེ་མ་འབྱོར་བས་མ་ཐོབ། ལྷ་མོ་ཆེན་མོ་ལ་ཕྱག་འཚལ་ལོ་དང་པོ་རྟེན་རྫས་ཐམས་ཅད་ཚོགས་པར་བྱས་ལ་ཞེས་ཡོད་པའི་ལྷ་མོ་གསང་སྒྲུབ་ཀྱི་རྗེས་གནང་ཐུན་མོང་མ་ཡིན་པ་ནན་ཆགས་མར་གྲགས་པའི་རྩ་བའི་ཡི་གེ་རྔོག་ཞེ་སྡང་རྡོ་རྗེས་མཛད་པ། དེའི་གསལ་བྱེད་མར་རྔོག་གི་ཕྱག་ལེན་ཞེས་པའི་གསང་སྒྲུབ་རྗེས་གནང་གི་ཡི་གེ་མཁས་པའི་དབང་པོ་བློ་གསལ་རྒྱ་མཚོས་བསྐུལ་བ་ལ་བརྟེན་ནས་རྔོག་བསོད་ནམས་བསྟན་འཛིན་གྱིས་སྟོད་
ལུང་མཚུར་ཕུའི་གཙུག་ལག་ཁང་དུ་མཛད་པ། མ་མོ་སྤྱིའི་རྒྱུད་དཔལ་རྡོ་རྗེ་མཁའ་འགྲོ་མ་མེ་ལྕེ་འབར་མའི་རྒྱུད་ལེའུ་ཉི་ཤུ་རྩ་གཉིས་པ་ཨོ་རྒྱན་གྱི་གནས་ཆེན་པོར་མཁའ་འགྲོ་མ་ཌོམྦྷི་ཀ་མ་ལའི་ཞལ་སྔ་ནས་དང་སྒྱུར་བྱེད་ཀྱི་ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་ཞུས་ཏེ་གཏན་ལ་ཕབ་པ། དུད་སོལ་མའི་སྒོ་ནས་རྒྱུད་དཔལ་ལྷ་མོ་ནག་མོ་དངོས་གྲུབ་ཐམས་ཅད་འབྱུང་བའི་རྒྱུད་ལེའུ་བཅོ་ལྔ་པ་རྒྱ་གར་གྱིས་མཁན་པོ་ནཱ་རོ་པ་དང་བོད་ཀྱི་ལོ་ཙཱ་བ་བཎྡེ་ལོ་ཀ་ཤྲཱིས་བསྒྱུར་བ། ཡང་ལོ་པཎ་དེ་གཉིས་ཀྱིས་བསྒྱུར་བའི་འདོད་ཁམས་དབང་ཕྱུག་མ་ཕྱི་སྒྲུབ་ཀྱི་རྒྱ་གཞུང་ཞེས་པ་བསྙེན་པ། སྨྱོ་ཞིང་གསད་པ། བསམ་གཏན་གྱི་གསོད་པ་རྣམས་སྟོན་པའི་མཁའ་འགྲོ་དུད་སོལ་མའི་སྒྲུབ་ཐབས་མཁས་པ་ཆེན་པོ་བྲམ་ཟེ་མཆོག་སྲེད་ཀྱིས་མཛད་པ། འདི་དང་མེ་འབར་མའི་ཕྱི་པ་ལྟར་སྒྲུབ་པ་གཉིས་ཁྱད་པར་མེད་ཅེས་དཀར་ཆག་ཏུ་གསུང་པ་ལྟར་ཞུས་དག་ཀྱང་ཕེར་བ་འདུག་གོ །དེའི་བསྡུས་དོན་ས་གཅད་འགོར་དཔལ་ལྡན་ལྷ་མོ་ནག་མོ་ལ་གུས་པས་ཕྱག་འཚལ་ལོ་འདི་སྒྲུབ་པ་ལ་དོན་བཞི་སྟེ་ཞེས་ཡོད་པ་རྫོགས་བྱང་གི་མཐའ་ཅན། བསྙེན་པ་ལ་དོན་བཅོ་ལྔ། སྒྲུབ་པ། ལས་སྦྱོར། སྨྱོ་ཞིང་གསད་པ་ལ་དོན་ལྔ། དོན་ལྔ་ཟེར་ཡང་རྫས་བསགས་པ་ནས་སྦྱིན་སྲེག་གི་བར་བརྒྱད་བདུག་གོ །བསྐྱར་བའི་ཆོ་ག་དང་བཅས་པའི་ལག་ལེན་ཤིན་ཏུ་ཟབ་ཅིང་གསང་བ་རྒྱ་གཞུང་གི་འགྲེལ་པ་ཞལ་གདམས་མར་གྲགས་པ་ཞག་བདུན་དུ་ཅི་ཡང་མི་ཟ་བར་བྱེད་དོ་དེས་ངེས་པར་འགྲུབ་པོའི་མཐའ་ཅན། སྙན་བརྒྱུད་པོ་ཏིར་བཞུགས་པའི་ཡིག་ཆུང་ཡིད་བཞིན་ནོར་བུ་དང་ཞུ་དག་ཕེར་ཞེས་དཀར་ཆག་ན་སྣང་ངོ་། །འགོར་དཔའ་བོ་ཆུ་སྐྱེས་སྔོན་པོའི་
མདོག་ཅེས་ཡོད་པའི་འདོད་ཁམས་དབང་ཕྱུག་མའི་བསྙེན་པའི་ཡི་གེ་རྗེ་མར་པ་ཆོས་ཀྱི་བློ་གྲོས་ཀྱི་གསུང་ལས་བྱུང་བ་བླ་མའི་ཞལ་ནས་གསུང་བ་རྫོགས་སོའི་མཐའ་ཅན། འགོར་དཔལ་ཧེ་རུ་ཀ་ལ་ཕྱག་འཚལ་ལོ་དམ་ཚིག་ལྡན་པའི་སྔགས་པ་ཡིས་ཞེས་ཡོད་པའི་སྒྲུབ་པ་དང་ལས་སྦྱོར་གྱི་ཞལ་གདམས་ཤིན་ཏུ་ཟབ་པས་གསང་བར་བྱ་ཞེས་པའི་མཐའ་ཅན། མར་པས་ནཱ་རོ་པ་ལ་ཆོས་སྐྱོང་ཞུས་པའི་ལོ་རྒྱུས་ཡོད་པའི་ལྷ་བསྐྱེད། བཟླས་པ། རྨི་ལྟས། སྲོག་ཐུན་སུམ་ཅུའི་རྣོ་ཚད། བཟླས་པའི་སྐྱོན་ཡོན། སྒྲུབ་པ་ལས་སྦྱོར། སྦྱིན་སྲེག་གསུམ་གྱི་དཀྱིལ་འཁོར་ལ་བརྟེན་ཚུལ། བོད་རྦད་གསད་གསུམ་གྱི་སྔགས་བྱང་། གཏོར་མ་དང་ལིང་ག་བསྟབ་ཚུལ་རྣམས་ཆོས་སྡེ་གཅིག་ཏུ་བཞུགས་པའི་འདོད་ཁམས་དབང་ཕྱུག་མའི་ཞལ་གདམས་རྔོག་གཞུང་པ་ཡབ་སྲས་ལ་གནང་བ། འཇམ་དབྱངས་མཁྱེན་བརྩེའི་གསན་ཡིག་ན་འདོད་ཁམས་དབང་ཕྱུག་མའི་ཞལ་གདམས་བསྙེན་སྒྲུབ་ལས་གསུམ་གྱི་ཡི་གེ་ཞེས་པ་འདུག །འགོར་མ་ཧཱ་དེ་ཝི་ན་མོ། གཞན་ཡང་བདག་གི་རྨི་ལྟས་སུ་ཞེས་ཡོད་པའི་སྒྲུབ་པ་ལས་སྦྱོར་གྱི་ཡི་གེ་ཞལ་གདམས་རྨི་ལྟས་མར་གྲགས་པ་དཔལ་ལྡན་ལྷ་མོའི་རྨི་ལྟས་རྫོགས་སོའི་མཐའ་ཅན། འདོད་ཁམས་དབང་ཕྱུག་དུད་སོལ་མའི་གསང་སྒྲུབ་ཀྱི་རྒྱ་གཞུང་རྒྱ་གར་གྱི་མཁས་པ་ཆེན་པོ་ནཱ་རོ་པས་མཛད་པ་པཎྜི་ཏ་དེ་ཉིད་དང་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱིས་བསྒྱུར་བ། ཡིག་ཆའི་ཁ་ཡིག་ན་བིཪྺ་པས་མཛད་ཟེར་བ་འདུག་པ་འཁྲུལ་གཞི་བྱུང་བ་སྟེ་འདི་དུར་ཁྲོད་དགའ་བའི་ཚལ་དུ་རྣལ་འབྱོར་དབང་ཕྱུག་བིཪྺ་པ་ལ་ལྷ་མོ་དངོས་སུ་གནང་ནས་ཤར་ཕྱོགས་ནག་པོ་ལས་བསྒྱུར་པ་ཡིན་གྱི་ཡིག་ཆ་འདི་མཛད་པ་ནི་མིན་ནོ། །དེའི་
འགྲེལ་པའི་ལག་ལེན་མ་འདོད་ཁམས་དབང་ཕྱུག་དྲག་མོ་རྐང་ཐང་མ་རྣོ་བའི་མདེའུ་ཧ་ལ་རེག་ཆོད་ཅེས་བྱ་བ་ཞེ་སྡང་རྡོ་རྗེས་ཡི་གེར་བྲིས། འགོར་དཔལ་ཧེ་རུ་ཀ་ལ་ཕྱག་འཚལ་ལོ། །ལྷ་མོ་སྒྲུབ་པའི་ཐབས་ལ་གྲུ་གསུམ་སྟེང་དུ་ཞེས་ཡོད་པའི་དྲག་མོ་རྐང་ཐང་གི་སྒྲུབ་ཐབས་ཐུན་མོང་མ་ཡིན་པ་རྫོགས་སོའི་མཐའ་ཅན། དྲག་མོ་རྐང་ཐང་ཡང་སྙིང་བཀོལ་བའི་སྒྲུབ་ཐབས་དུད་སོལ་མ་མངོན་སུམ་དུ་བཀོལ་བའི་མན་ངག་ཏུ་གྲགས་པ་རྔོག་ཞེ་སྡང་རྡོ་རྗེས་མཛད་པ། འགོར་དཔལ་ཁྲག་འཐུང་གི་རྒྱལ་མོ་ལ་ཕྱག་འཚལ་ལོ་དུར་ཁྲོད་སོལ་བ་ཅན་གྱི་སྒྲུབ་ཐབས་ནི་ཞེས་ཡོད་པའི་འདོད་ཁམས་དབང་ཕྱུག་ཡང་གསང་རྐང་ཐང་དུ་བསྒྲུབ་པའི་ཡི་གེ་རྔོག་ཞེ་སྡང་རྡོ་རྗེའི་ཞལ་གདམས་ཇི་ལྟ་བ་བཞིན་དུ་བཀོད་པའི་མཐའ་ཅན། ཚེ་དང་བསོད་ནམས་རྒྱས་པར་བྱེད་པའི་ལས་སྦྱོར་ཀྱི་ཡི་གེ་ལོངས་སྤྱོད་ཐམས་ཅད་ལྷའི་དབང་པོ་དང་མཉམ་མོའི་མཐའ་ཅན། ལ་ཆའི་སྡིག་པར་བརྟེན་ནས་མ་མོ་རང་གི་ལུས་དང་གྲིབ་མ་བཞིན་འགྲོགས་པའི་རྟེན་གྱི་ཡི་གེ །དཔལ་ལྡན་ལྷ་མོའི་སྒོ་ནས་དགྲ་ལ་ལྟས་ངན་དབབ་པའི་ཐབས་བསྟན་པའི་ཡི་གེ་རྫོགས་བྱང་གི་མཐའ་ཅན། དཔལ་ལྡན་ལྷ་མོའི་མངོན་པར་ཤེས་པ་སྒྲུབ་པའི་ལག་ལེན་གནད་དབབ་དང་བཅས་སློབ་དཔོན་ཆེན་པོ་ཞེ་སྡང་རྡོ་རྗེས་མཛད་པ་རྫོགས་སོའི་མཐའ་ཅན། གོང་མ་འདི་ལ་པྲ་རྟེན་གྱི་ཁྱེའུ་སོགས་འདུག་པ་དང་འོག་མ་འདིར་ཁྱེའུ་མེད་པའི་མེ་ལོང་སོགས་ལ་བརྟེན་པའི་མོ་ཡིག་པའི་བརྗོད་བྱ་འདུག་པ་ནས་གོང་འོག་གི་མིང་ནོར་བ་ཡིན་མིན་སོམ་ཉིར་སྣང་ངོ་། །དཔལ་ལྡན་ལྷ་མོའི་སྒོ་ནས་པྲ་དབབ་པ་སྤྱན་འདྲེན་མ་གཅིག་ལྷ་མོ་མ་དང་བཅས་པ། གྲི་སྙིང་
སོགས་ལ་བརྟེན་ནས་མངོན་ཤེས་བསྒྲུབ་པ། དཀར་ཆག་ན་འདི་ལོགས་སུ་མེད་ལ་ཞལ་གདམས་དང་བཅས་ཟེར་བའི་ཞལ་གདམས་ཡིན་ནམ་སྙམ། འདིའི་རྗེས་སུ་རྔོག་ཞེ་སྡང་རྡོ་རྗེས་མཛད་པའི་དུད་སོལ་མའི་གཏོར་ཆོག་ལག་ལེན་དུ་བསྒྲིགས་པ་ཞིག་ཡོད་འདུག་པ་ནི་མ་ཐོབ། སྤྱན་འདྲེན་ཐོད་པ་དགུ་བརྩེགས་འཕྲུལ་གཞལ་མ་རྒྱལ་ཚ་རྡོ་རྗེ་སེམས་དཔས་མཛད་པ། མཆོད་འབུལ་ཁྱེད་ལ་གཙང་དམེའི་རྟོག་པ་མི་མངའ་མ། གཞན་ཡང་མཆོད་འབུལ་མ། གཏོར་བསྐང་བནྡྷ་ལྕང་ལོ་མ། ཐུགས་དམ་བསྐང་ཞིང་འཕྲིན་ལས་བསྐུལ་བ་བདག་ནི་རིགས་འཛིན་མ་རྫོགས་བྱང་གི་མཐའ་ཅན། གཏོར་གཤེགས་དཔལ་ལྡན་མ། གཏོར་གཤེགས་ཟློག་བསྒྱུར་དང་བཅས་པ་རྡོ་རྗེ་གར་དབང་མ། བསྟན་མ་སྐྱོང་བ་བཀའ་ཡི་ཚོགས་བཅས་མ་རྣམས་དུད་སོལ་གཏོར་ཆོག་གི་ལྷན་ཐབས་སྐབས་ཉེ་བར་མཁོ་བ། བསྟོད་རྙིང་སེམས་ཉིད་འཕྲིན་ལས་མ། ཞབས་བཏགས་མར་ཡང་ཡོད། ལྷའི་དབང་པོ་བརྒྱ་བྱིན་གྱིས་དགེ་བ་བཅུའི་སྒོ་ནས་བསྟོད་པ་སྔོན་འདས་བསྐལ་པ་མ། ཚིག་ཟུར་ཙམ་མ་གཏོགས་རགས་རིམ་ཞུས་དག་ཕེར་བ་མེ་འབར་མར་ཡང་བཞུགས། ཕྱོགས་བཅུའི་ལྷ་མོ་འཁོར་དང་བཅས་པའི་སྒོ་ནས་བསྐུལ་བ་མ་མོའི་གཙོ་བོ་མ། འདིའི་འོག་ཏུ་ཟོར་དང་གཏོར་མནན་གྱི་ཡི་གེ་ཞིག་ཡོད་འདུག་པ་ནི་མ་ཐོབ། འདོད་ཁམས་དབང་ཕྱུག་ཁྲག་འཐུང་དུད་སོལ་མའི་འཕྲིན་ལས་ཀྱི་ལས་བྱང་རྒྱས་པ་ཌཱ་ཀི་མའི་ཐུགས་གྱི་ཟེའུ་འབྲུ་དགེ་བར་བྱེད་པའི་མན་ངག་རྒྱ་མཚོ་གསལ་བའི་སྒྲོན་མེ་ཞེས་བྱ་བ་སྔགས་འཆང་ཨཱ་ནནྡ་དྷྭ་ཛ་དང་བཙུན་པ་ཀྱེ་རྡོ་རྗེ་ཤྲཱི་བཛྲ་གཉིས་ཀྱིས་ངན་རྟོགས་སྤངས་ནས་རྒྱུད་སྒྲུབ་ཐབས་རྣམས་དང་མཐུན་པར་བསྒྲིགས་པ་དང་བཅས་པ་
རྣམས་ཀྱི་སྨིན་གྲོལ་རྗེས་གནང་ཉམས་འཁྲིད་ལུང་མན་ངག་ཕྱག་བཞེས་དང་བཅས་ལེགས་པར་ཐོབ་པའི་དང་པོ་རྣལ་འབྱོར་དབང་ཕྱུག་བིཪྺ་པ་ནས་བརྒྱུད་པའི་ནག་པོ་ཆེན་པོ་དཔའ་བོ་གཅིག་པའི་རྗེས་གནང་གི་བརྒྱུད་པ་ནི་རྒྱལ་བ་རྡོ་རྗེ་འཆང་། རྗེ་བཙུན་རྡོ་རྗེ་བདག་མེད་མ། པཎ་གྲུབ་བིཪྺ་པ། ཤར་ཕྱོགས་ནག་པོ་པ། གྲུབ་ཆེན་ཌཱ་མ་རུ་པ། གཉིས་སྤངས་ཞབས། གྷ་ཡ་དྷ་ར། འབྲོག་མི་ལོ་ཙཱ་བ། སེ་སྟོན་ཀུན་རིག །ཞང་དགོན་པ་བ། རྗེ་བཙུན་ཡབ་སྲས་གསུམ། ཆོས་རྗེ་ཁུ་དབོན། ཞང་དབོན་ཞང་། ཆོས་རྗེ་བླ་མ་དམ་པ། ཆོས་རྗེ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། རྡོ་རྗེ་འཆང་ཀུན་དགའ་བཟང་པོ། སེམས་དཔའ་ཆེན་པོ་དཀོན་ཅོག་རྒྱལ་མཚན། བདག་ཆེན་རྡོ་རྗེ་འཆང་། རྗེ་བཙུན་ཀུན་སྤངས་ཆེན་པོ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། དེ་བདག་ཟ་ཧོར་བནྡེ་ལའོ། །ཡང་ན་བླ་མ་དམ་པ་ནས། བླ་ཆེན་ཀུན་དགའ་རྒྱལ་མཚན། འཇམ་དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་མན་འདྲ། ཡང་ན་རྗེ་བཙུན་རྡོ་རིང་པ་ནས། རྗེ་བཙུན་སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེ་མན་འདྲ། མཆོད་རྟེན་དང་སཏྭ་ལྷན་ཅིག་གི་རྟགས་ཡོད་པའི་ལུང་བརྒྱུད་ནི། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །ཡང་རྗེས་གནང་གི་བརྒྱུད་ལུགས་གཅིག་ནི་ཆོས་རྗེ་དཔལ་ལྡན་ཚུལ་ཁྲིམས་ནས་
ཆོས་རྗེ་ནམ་མཁའ་དཔལ་བཟང་། གྲུབ་ཆེན་སངས་རྒྱས་རིན་ཅེན་ལྡན། སྒོ་རུམ་པ་སངས་རྒྱས་རྒྱལ་མཚན། སྒོ་རུམ་པ་ཀུན་དགའ་ལེགས་པ་མན་འདྲ། བཀའ་བབས་གཉིས་པ་བ་རི་ལོ་ཙཱ་བ་ནས་བརྒྱུད་པའི་མགོན་པོ་དཔའ་བོ་གཅིག་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། གྲུབ་ཆེན་ཛེ་ཏཱ་རི། རྡོ་རྗེ་གདན་པ་ཨ་ཤྭ་ཀ་ཤྲཱི། པཎྜི་ཏ་ཨ་མོ་གྷ་བཛྲ། བ་རི་ལོ་ཙཱ་བ་རིན་ཅེན་གྲགས། རྗེ་བཙུན་ཡབ་སྲས་གསུམ། རྗེ་ས་པཎ། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། བླ་མ་བསོད་ནམས་སྐྱབས། མཐུ་སྟོབས་དབང་ཕྱུག་གཟུངས་ཀྱི་དཔལ་བ། རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ཁྱབ་བདག་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །རྗེ་དཀོན་ཅོག་འཕེལ། རྗེ་དཀོན་མཆོག་ལྷུན་གྲུབ། རྗེ་དཀོན་ཅོག་དཔལ་ལྡན། རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ། རྡོ་རྗེ་འཆང་མགོན་པོ་བསོད་ནམས་མཆོག་ལྡན། རབ་འབྱམས་པ་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཁྲ་ཚང་པ་བློ་མཆོག་རྡོ་རྗེ། དེས་བདག་ཟ་ཧོར་བནྜེ་ལའོ། །ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། དཀོན་ཅོག་འཕེལ་མན་འདྲ། ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། ཀུན་མཁྱེན་བསོད་ནམས་སེང་གེ །དཀོན་ཅོག་འཕེལ་མན་འདྲ། ཡང་ན་མུས་ཆེན་ནས། རྭ་སྟོན་ཡོན་ཏན་དཔལ། གློ་བོ་མཁན་ཆེན་ལེགས་འབྱུང་། འཇམ་དབྱངས་ནམ་མཁའ་བརྟན་པ། དཀོན་ཅོག་ལྷུན་གྲུབ་མན་འདྲ། ཡང་ན་དཀོན་ཅོག་འཕེལ་ནས། རྗེ་ལྷ་མཆོག་སེང་གེ །
མཚུངས་མེད་སངས་རྒྱས་སེང་གེ །པཎ་ཆེན་ནམ་མཁའ་དཔལ་བཟང་། མཁས་གྲུབ་དཔལ་ལྡན་དོན་གྲུབ། མཁན་དཔལ་མཆོག་རྒྱལ་མཚན། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །མཆོད་རྟེན་དང་བུདྡྷའི་རྟགས་ཡོད་པའི་ལུང་ནི། ངོར་ཆེན་ཡན་གོང་ལྟར་ལ། དེ་ནས་མུས་ཆེན་སེམས་དཔའ་ཆེན་པོ། རྗེ་སངས་རྒྱས་དཔལ་བཟང་། བདག་ཆེན་རྡོ་རྗེ་འཆང་མན་འདྲ། ཡང་ན་ངོར་ཆེན་ནས། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེང་གེ །སྒོ་རུམ་པ་ཀུན་དགའ་ལེགས་པ། འཇམ་དབྱངས་མཁྱེན་བརྩེ་མན་འདྲ།བཀའ་བབས་གསུམ་པ་ཁ་ཆེ་པཎ་ཆེན་ནས་བརྒྱུད་པའི་སྤུ་གྲི་སྐོར་གསུམ་ག་དང་ལྷན་ཅིག་པའི་མཆོད་རྟེན་གྱི་རྟགས་ཡོད་པའི་ལུང་ནི། རྡོ་རྗེ་འཆང་། བྲམ་ཟེ་མཆོག་སྲེད་ནས་རིམ་པར། ཁ་ཆེའི་པཎྜི་ཏ་ཤཱཀྱ་ཤྲཱི། ས་པཎྜི་ཏ་ཀུན་དགའ་རྒྱལ་མཚན། དགེ་སློང་ཟླ་བ་ཀྱེ་རྡོར་ཀྱི་ཞལ་ལན་གསུམ་གཟིགས་པར་གྲགས། རྒྱལ་མཚན། བླ་མ་ཁམས་པ། རི་པ་དགེ་ཚུལ་དར་མ་དཔལ། འདི་གསུམ་གྱིས་ཆོས་སྐྱོང་ཞལ་ལན་ལྔ་རེ་གཟིགས་སྐད། རིམ་བཞིན་ཡབ་ཆོས་རྗེ་ནམ་མཁའ་རྒྱལ་མཚན་མན་ཞལ་ངོ་ནང་བརྒྱུད་ལྟར་རོ། །ཨེའི་རྟགས་ཡོད་པའི་ལུང་ནི། དར་མ་དཔལ་ནས་རིམ་བཞིན། ཁྱབ་བདག་ཀུན་དགའ་བཟང་པོ་མན་ངོར་ལུགས་བཞིན་ནོ། །མུའི་རྟགས་ཡོད་པའི་བརྒྱུད་པ་ནི། དར་མ་དཔལ་ནས། རལ་ལམ་སྟོན་པ་ཤྭ་ཀྱ་དྷྭ་ཛ་ནས་རིམ་པར། སྔགས་འཆང་གཟུངས་པ་མན་རྫོང་ལུགས་བཞིན་ནོ། །བཀའ་བབས་བཞི་པའི་གྲི་གུག་ལྷ་ལྔ། ལྷ་བརྒྱད། ལྷ་བཅུ་གཉིས་མ་རྣམས་ཀྱི་རྒྱ་གཞུང་ལུགས་ཀྱི་དབང་རྡོ་
རྗེ་དང་གཡུང་དྲུང་ལྷན་ཅིག་པའི་རྟགས་ཅན་གྱི་ལུང་བརྒྱུད་ནི། རྡོ་རྗེ་འཆང་། མཁའ་འགྲོ་མ་རྡོ་རྗེ་གུར། བྲམ་ཟེ་ཆེན་པོ། ནོར་བུ་གླིང་པ། སློབ་དཔོན་ཤྲཱདྡྷ་རྡོ་རྗེ་གདན་པའི་གསན་ཡིག་ན་དྷ་དང་ཀ་གཉིས་རིང་པོར་མཛད་ནས་དད་པའི་འབྱུང་གནས་གོ་ཆ་ཞེས་བསྒྱུར་བར་དག་གསུང་རང་ལུགས་གསོལ་འདེབས་སུ་དད་བྱེད་གོ་ཆ་ཞེས་དྷ་དང་ཀ་གཉིས་ཀ་ཐུང་ངུ་འདི་ཀའོ། །ཀ་ར་ཝརྨ། ལོ་ཆེན་རིན་བཟང་། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་ཙཱ་བ། རྗེ་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་པཎ་ཆེན། ཆོས་གྱི་རྒྱལ་པོ་འཕགས་པ། བཀྲས་ལུང་པ་ནམ་མཁའ་བསོད་ནམས། དགེ་སྡིིངས་པ་ཆེན་པོ། རྗེ་སངས་རྒྱས་དཔལ། རིན་ཆེན་གླིང་པ། དཀར་གཤོངས་པ་རིན་ཅེན་རྡོ་རྗེ། ཐེག་ཆེན་ཆོས་ཀྱི་རྒྱལ་པོ། རྫོང་ཆུང་པ་ཀུན་དགའ་རྒྱལ་མཚན། མཁན་འཇམ་དབྱངས་གྲགས་པའང་ཟེར་དབང་ལྔ་པོའི་ཆོ་ག་མཛད་མཁན་དེ་ཡིན། ཆེན་ནམ་མཁའ་ལྷུན་བཟང་། ཇོ་སྟན་ཁྲོམ་ཡོན་ཡང་ཟེར། བྲག་ཐོག་པ་དཔལ་འཛིན་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། དེ་ལ་ཀླུང་དབང་གླིང་པ་གནས་ཀྱི་མིང་ཡིན་ཞིང་ཡོངས་གྲགས་ཐུགས་སྲས་ཟེར། ཀུན་དགའ་རྒྱལ་པོ་དང་ལྕང་ལོ་ཅན་པ་བསོད་ནམས་མཆོག་ལྡན་གཉིས་ཀས་གསན། དེ་གཉིས་ལ་རིགས་འཛིན་ཚེ་དབང་བཀྲ་ཤིས་དེ་ནས་ཚར་ཆེན་ཆོས་ཀྱི་རྒྱལ་པོ། འཇམ་དབྱངས་མཁྱེན་རྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས་མཆོག་ལྡན། རིགས་ཀུན་བདག་པོ་ཟུར་ཆོས་དབྱིངས་རང་གྲོལ། དེས་བདག་ལའོ། །ཡང་ན་ནམ་མཁའ་ལྷུན་བཟང་ནས། མུས་སྲད་པ་བྱམས་པ་རྡོ་རྗེ་
རྒྱལ་མཚན། མུས་ཆེན་རྣམ་རྒྱལ་བཟང་པོ། ཀླུ་དབང་གླིང་པ་ཀུན་དགའ་རྒྱལ་པོ་མན་འདྲ། ཡང་ན་འཕགས་པ་རིན་པོ་ཆེ་ནས། ཤར་པ་ཡེ་ཤེས་རྒྱལ་མཚན། འདི་ངོར་ཆེན་གྱི་བླ་མ་དེ་དང་མི་གཅིག །བདེ་བ་ཅན་པ་ཡེ་ཤེས་མགོན་པོ། སྐྱི་སྟོན་གྲགས་པ་རྒྱལ་མཚན། ཀུན་མཁྱེན་དོལ་པོ་བ། མཁན་ཆེན་བྱང་སེང་བ། ཐེག་ཆེན་ཆོས་རྗེ་མན་འདྲ། ཁྱད་པར་ལྷ་བརྒྱད་རྒྱ་གཞུང་ལུགས་ཀྱི་དབང་བརྒྱུད་གཅིག་ནི། ཀུན་མཁྱེན་རྡོ་རྗེ་གདན་པ་ནས། ཡངས་པ་ཅན་བྱང་ཆུབ་དབང་རྒྱལ། འབྲས་སྤུངས་པ་ཚེ་དབང་བཀྲ་ཤིས་མན་གོང་ལྟར་རོ། །ཡང་གྲི་གུག་ལྷ་ལྔའི་གསན་ཡིག་ཕལ་ཆེར་དང་དཀར་ཆག་ཚོར་བརྒྱུད་པ་གོང་མ་རྣམས་གཅིག་པའི་རྩིས་ལས་གསལ་ཁ་མི་འདུག་ནའང་འདི་རྗེ་རྡོ་རྗེ་གདན་པའི་གསན་ཡིག་ལྟར་ན་ས་ཆེན་ཡན་སིནྡྷུ་རའི་དབང་དང་འདྲ་བའི་ཕྱོགས་འདུག་པ་གྲི་གུག་ལྷ་ལྔའི་རྒྱ་གཞུང་ལུགས་འདི་ལ་འབྲོག་མི་དང་མལ་ནས་བརྒྱུད་པ་སྟེ་གཉིས་ཡོད་པ་འདྲ་ཞིང་གྱི་ལྗང་ལུགས་ཀྱི་ལྷ་བཅུ་བདུན་མའི་ཆོ་ག་ཡང་འདིས་བསྡུས་པར་བཞེད་དོ། །
རྒྱ་གཞུང་ལུགས་སོགས་དབང་བརྒྱུད་ལུགས་ཁག་གི་སྐོར།
རྒྱ་གཞུང་ལུགས་ཁོ་ནའི་དབང་བརྒྱུད་གཅིག་ནི། འཕགས་པ་རིན་པོ་ཆེ་ནས། དམ་པ་ཀུན་དགའ་གྲགས། དགའ་ལྡན་པ་ཀུན་དགའ་བསོད་ནམས། བག་སྟོན་གཞོན་ཚུལ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་བསོད་ནམས་བཟང་པོ། ཐམས་ཅད་མཁྱེན་པ་རྡོ་རྗེ་གདན་སྙན་བརྒྱུད་ལུགས་ནི་བྲག་ཐོག་པའི་དབོན་པོ་ལས་ཕ་ཆོས་རྗེར་མ་གསན་ཀྱང་གསན་ཡིག་ལ་ལར་འདྲེས་འདུག་པ་འཁྲུལ་གཞི་བྱུང་འདྲའོ། །པ་མན་འདྲ། ཡང་གྲི་གུག་ལྷ་ལྔ་དང་ལྷ་བཅུ་གཉིས་མ་གཉིས་ཀྱི་དབང་བརྒྱུད་ལུགས་གཅིག་ནི། དགའ་ལྡན་
པ་ཀུན་བསོད་ནས། གན་པ་རིན་རྒྱན། བླ་མ་དམ་པ། བླ་བྲང་པ་ཉི་མ་རྒྱལ་མཚན། རྣལ་འབྱོར་དབང་ཕྱུག་ཡེ་ཤེས་དཔལ་བཟང་པོ། རྒྱལ་སྲས་བློ་བཟང་དཔལ་འབྱོར། ཆག་ལོ་རིན་ཅེན་ཆོས་རྒྱལ། བདག་ཆེན་ངག་གི་དབང་ཕྱུག །རྗེ་བཙུན་རྡོ་རིང་པ་ཆེན་པོ། ཚར་ཆེན་མན་འདྲ། ཡང་ན་ཀུན་མཁྱེན་རྡོ་རྗེ་གདན་པ་ནས། དཔལ་ཀུན་བཟང་རྩེ་པ་བསོད་ནམས་རྒྱལ་མཚན། ཆག་ལོ་མན་འདྲ། གྲི་གུག་ལྷ་ལྔ་སྙན་བརྒྱུད་སིནྡྷུ་རའི་དཀྱིལ་འཁོར་དུ་དབང་བཞི་ཐོབ་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། ཨ་ནཾ་ག་བཛྲ། གོང་དཀར་པའི་གསན་ཡིག་ཏུ་ཡན་ལག་མེད་པའི་རྡོ་རྗེར་བསྒྱུར། པདྨ་བཛྲ། མཚོ་སྐྱེས་རྡོ་རྗེར་བསྒྱུར། ཨིནྡྲ་བྷཱུ་ཏི། ཕུན་ཚོགས་བདེ་བ། ནག་པོ་སྤྱོད་པ། བྲམ་ཟེ་དཔལ་འཛིན། པཎ་ཆེན་གྷ་ཡ་དྷ་ར། བླ་ཆེན་འབྲོག་མི་ལོ་ཙཱ་བ། སེ་མཁར་ཆུང་པ། གོང་དཀར་བའི་གསན་ཡིག་ཏུ་ཞེ་སྡང་རྡོ་རྗེ་ཞེས་གསང་མཚན་བྲིས་འདུག །རོལ་པའི་རྡོ་རྗེ། གསན་ཡིག་གཉིས་ན་འདི་ལྟ་བྲིས་འདུག་ཀྱང་དཀར་ཆག་ན་ཞང་སྟོན་ཆོས་འབར་ཟེར། རྗེ་བཙུན་ས་ཆེན། མི་བསྐྱོད་རྡོ་རྗེ་ཟེར། སློབ་དཔོན་རྩེ་མོ་རྗེ་བཙུན་གྲགས་པ། ཆོས་རྗེ་ས་པཎ། ཤར་པ་ཤེས་རབ་འབྱུང་གནས། ཤར་པ་རྡོ་རྗེ་འོད་ཟེར། འཕགས་པ་རིན་པོ་ཆེ། མཐུ་ཆེན་ཨཱ་ནན་དམ་པ། རོང་མི་ཡེ་ཤེས། ཏྲེ་བོ་རྡོ་རྗེ་གྲགས། བག་སྟོན་གཞོན་ཚུལ། བླ་མ་ཚུལ་ཁྲིམས་རྒྱལ་མཚན། བླ་མ་ངག་དབང་པ། མཁན་ཆེན་བྱང་ཆུབ་སེང་གེ །ཐེག་ཆེན་ཆོས་ཀྱི་རྒྱལ་པོ། ཆོས་རྗེ་ཀུན་དགའ་རྒྱལ་མཚན། མཁན་ཆེན་ནམ་མཁའ་ལྷུན་བཟང་། མཉམ་མེད་དཔལ་འཛིན་བཟང་པོ། མཐུ་ཆེན་འཇིགས་མེད་དཔའ་བོ། ཀླུ་དབང་གླིང་པ་
ཀུན་དགའ་རྒྱལ་པོ། འབྲས་སྤུངས་པ་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ། འཇམ་མགོན་མཁྱེན་བརྩེའི་དབང་ཕྱུག །མཐུ་ཆེན་བསོད་ནམས་ཆོས་འཕེལ། ཁྱབ་བདག་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། དེས་བདག་ལའོ། །ཡང་ནམ་མཁའ་ལྷུན་བཟང་ནས། གབ་ཆག་པ་རྡོ་རྗེ་རྒྱལ་མཚན། མུས་ཆེན་རྣམ་རྒྱལ་བཟང་པོ། ཀླུ་དབང་གླིང་པ་མན་འདྲ། གྱི་ལྗང་པོ་ཏིའི་རྡོ་རྗེ་དང་དུང་ལྷན་ཅིག་ཡོད་པ་མ་གཏོགས་པའི་རྡོ་རྗེའི་རྟགས་ཡོད་པ་རྣམས་ཀྱི་ལུང་དང་གཤིན་རྗེ་ལྟར་སྒྲུབ་པའི་ནག་པོ་ཆེན་པོ་ལྷ་བཅུ་བདུན་མའི་དབང་གི་བརྒྱུད་པ་ནི། རྡོ་རྗེ་འཆང་སློབ་དཔོན་བྲམ་ཟེ་མཆོག་སྲེད། སྒེག་པའི་རྡོ་རྗེ། གྲུབ་ཆེན་ནག་པོ་རོ་འཛིན། ལོ་ཙཱ་བ་གྱི་ལྗང་དབུ་དཀར། ཚར་དགུ་སྟོན་པ། མོན་མིག་དམར་སྟོན་པ། བླ་ཆེན་ར་ལ་མ་པ། བླ་མ་ཞང་སྟོན་པ། ལང་འགྲོ་བྱང་ཆུབ་དར། ལྕེ་སྟོན་མདོ་སྡེ། དཔལ་ཆེན་སྐྱེ་མེད། གྲུ་སྟོན་ཤཱཀྱ་འབུམ། དགེ་བཤེས་དབུ། རྡོ་རྗེ་གདན་པའི་གསན་ཡིག་ན་དབུགས་ཟེར་བ་འདུག་པ་དཔྱད། ས་སྐྱ་པ་དྷརྨཱ་གཟི་བརྗིད། ཉིས་ཐོག་པ་སྔགས་འཆང་ཀུན་དགའ་ཟླ་བ། འདར་ཡར་འདྲེན་མཁན་པོ་བློ་གྲོས་རྒྱལ་མཚན། མཁན་ཆེན་སེང་གེ་དཔལ་བཟང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཐུགས་སྲས་ཀུན་དགའ་རྒྱལ་པོ། སྔགས་འཆང་བསོད་ནམས་མཆོག་ལྡན། འབྲས་སྤུངས་པ་ཚེ་དབང་བཀྲ་ཤིས་ནས་འཇམ་མགོན་བསོད་ནམས་མཆོག་ལྡན་ཡན་གོང་ལྟར་ལ། ཟུར་ཀུན་མཁྱེན་ཆོས་དབྱིངས་རང་གྲོལ་
དེས་བདག་ལའོ། །རྡོ་རྗེ་དུང་དང་ལྷན་ཅིག་གི་རྟགས་ཡོད་པའི་ལུང་ནི། གྱི་ལྗང་ལོ་ཙཱ་བ་ནས། མལ་ལོ་ཙཱ་བ། ས་ཆེན། ཞང་མངའ་རིས་པ། དགེ་བསྙེན་སྲས་མཆོག་མགོན་པོ། དོལ་པོ་འབྱུང་གནས། རྒྱ་སྒོམ་ཚུལ་ཁྲིམས་གྲགས། དོ་པ་སྟོན་ཚུལ། རྒྱལ་ཚ་ལུང་མང་པོ། མཁས་པ་ཡོན་ཏན་ཁྲི། སེང་གེ་བཟང་པོ། ཡང་ཀླུངས་སེང་གེ་རྒྱལ་མཚན། རིགས་འཛིན་དཔལ་ལྡན་བློ་གྲོས། དམར་སྟོན་ཆོས་ཀྱི་རྒྱ་མཚོ། ཐུ་བཙུན་བསོད་ནམས་རྣམ་རྒྱལ། ཐུ་བཙུན་ཀུན་དགའ་རྣམ་རྒྱལ་མན་གོང་བཞིན་ནོ། །ཡང་དབང་རྐྱང་གི་བརྒྱུད་ལུགས་གཅིག་ནི། བྲག་ཐོག་པ་བསོད་ནམས་བཟང་པོ་ནས། དེ་དབོན་དཔལ་འཛིན་བཟང་པོ། རྡོ་རྗེ་གདན་པ་མན་འདྲ། ཡང་དབང་དང་གྱི་ལྗང་པོ་ཏི་ཁ་སྐོང་གི་མུ་གཡུང་དྲུང་ཅན་གྱིས་བརྒྱུད་པའང་འདི་ཉིད་དོ། །མུའི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་། བྲམ་ཟེ་མཆོག་སྲེད་བཛྲ་པཱ་ཎི། ཀུ་ཀུ་རི་པ། ལ་ལཱི་ཏ་བཛྲ། གྱི་ལྗང་དབུ་དཀར། ཁམས་པ་གྲུ་བུ་སྟོན་པ། མོན་མིག་དམར་སྟོན་པ། ར་ལམ་མང་སྟོན། མགོན་པོ་ཇོ་ཞང་། ལང་འགྲོ་བྱང་ཆུབ་དར། ལྕེ་སྟོན་མདོ་སྡེ་སེང་གེ །གྲུ་སྟོན་ཤཱཀྱ་འབུམ། དཀར་གཤོངས་པ་རྡོ་རྗེ་རྒྱལ་མཚན། མངའ་རིས་བླ་ཆེན་ཆོས་དཔལ་བཟང་པོ། སྟག་ཚང་ལོ་ཙཱ་བ་མཉྫུ་ཤྲཱྀ། རྩང་བྱམས་པ་རྡོ་རྗེ་རྒྱལ་མཚན་མུས་ཆེན་རྣམ་རྒྱལ་བཟང་པོ། ཀླུ་དབང་གླིང་པ་ཐུགས་སྲས་ཀུན་དགའ་རྒྱལ་པོ་མན་འདྲ། ཡང་ན་གྲུ་སྟོན་ཤཱཀ་འབུམ་ནས། བདག་པོ་བསོད་ནམས་ཡོན་ཏན། མངའ་རིས་བླ་ཆེན་མན་འདྲ། ཡང་དབང་རྐྱང་གི་བརྒྱུད་ལུགས་གཅིག་ནི། རྡོ་རྗེ་འཆང་། བྲམ་ཟེ་མཆོག་སྲེད། བདེ་བའི་རྡོ་རྗེ། དད་བྱེད་གོ་ཆ། ཇོ་བོ་
ཆེན་པོ་ཨ་ཏི་ཤ །ལོ་ཆེན་རིན་ཅེན་བཟང་པོ། དགེ་ཚུལ་པཱུརྞ། རྒྱ་ལྕགས་རི་གོང་པ་བ། རྫིང་བུ་ཁ་པ་ཤཱཀྱ་གྲགས། སྤེན་ཕུག་པ་དར་མ་ཤཱཀྱ། ཞང་ཡེ་ཤེས་རྒྱལ་མཚན། གཟེ་པ་དོན་གྲུབ་ཡེ་ཤེས། ཁམས་པ་ཤཱཀྱ་རྗེ། འདི་གཉིས་ལ་བར་ཐང་པ་ཡབ་སྲས་ཟེར་བ་དཀར་ཆག་དང་རྡོ་རྗེ་གདན་པའི་གསན་ཡིག་ན་འདུག །བར་ཐང་པ་ཆོས་གྲགས། སློབ་དཔོན་དར་མ་ཤཱཀྱ། སྤུར་སྟོན་བསོད་ནམས་དབང་ཕྱུག །བླ་མ་མཆོག་ལྡན་པ། སྐྱི་སྟོན་གྲགས་པ་རྒྱལ་མཚན། བླ་མ་རིན་ཅེན་རྡོ་རྗེ། མཁན་ཆེན་བྱང་ཆུབ་སེང་གེ །མཁན་ཆེན་ནམ་མཁའ་ཡེ་ཤེས། དེ་གསུམ་ག་ལ་ཐེག་ཆེན་ཆོས་ཀྱི་རྒྱལ་པོས་གསན། རྗེ་འཇམ་དབྱངས་གྲགས་པ། མཁན་ཆེན་ནམ་མཁའ་ལྷུན་བཟང་། མུས་སྲད་པ་མན་སིནྡྷུ་རའི་དབང་དང་འདྲ་ཡང་ན་སྐྱི་སྟོན་གྲགས་རྒྱལ་ནས། ཀུན་མཁྱེན་དོལ་པོ་ཤེས་རབ་རྒྱལ་མཚན། མཁན་ཆེན་བྱང་ཆུབ་སེང་གེ །ཐེག་ཆེན་པ་མན་འདྲ། ཡང་ན་སློབ་དཔོན་བསོད་ནམས་དབང་ཕྱུག་ནས། གན་པ་རིན་ཅེན་རྒྱལ་མཚན། ཆོས་རྗེ་བླ་མ་དམ་པ། ཏ་དབེན་ཆེན་པོ། ལོ་ཙཱ་བ་ཚུལ་ཁྲིམས་བརྟན་པ། པཎ་ཆེན་བྱམས་པ་གླིང་པ་བསོད་ནམས་རྣམ་པར་རྒྱལ་བ། ཀུན་མཁྱེན་རྡོ་རྗེ་གདན་པ་མན་སྔར་བཞིན་ནོ། །འཁོར་ལོ་དང་ལྷན་ཅིག་པ་མ་གཏོགས་པའི་མཆོད་རྟེན་གྱི་རྟགས་ཡོད་པའི་ལུང་བརྒྱུད་ནི། གྱི་ལྗང་ནས། མལ་ལོ་ཙཱ་བ། ཡར་སྒོམ་སེ་བོ། རྒྱལ་ཚ་ལུང་མང་པོ་མན་མེ་འབར་མ་ལྟར། ཡང་ན་ས་ཆེན་ཡབ་སྲས་གསུམ། དོ་པ། རྒྱལ་ཚ་མན་འདྲ། ཡང་ན་རྗེ་བཙུན་ནས། ས་པཎ་མན་ཀྱང་གོང་བཞིན་ནོ། །མཆོད་
རྟེན་འཁོར་ལོ་ལྷན་ཅིག་པའི་རྟགས་ཡོད་པའི་ལུང་ནི། ས་ཆེན་ཡན་གོང་ལྟར་ལ། དེ་ནས་སློབ་དཔོན་རྩེ་མོ། རྗེ་བཙུན་གྲགས་པ། ས་པཎ། འཕགས་པ། སྒ་ཨཱ་ནན་དམ་པ། ཕིང་ཕག་བླ་མ་རྡོ་རྗེ་དཔལ། མདོ་ཁམས་པ་བཀྲ་ཤིས་སེང་གེ །བར་སྡིངས་པ་རྡོ་རྗེ་རྒྱལ་མཚན། ཡབ་འཇམ་དབྱངས་ནམ་མཁའ་རྒྱལ་མཚན་མན་མེ་འབར་མ་བཞིན་ནོ། །རྗེས་གནང་སྐོར་ལ། ལྕམ་དྲལ་ལྷ་གསུམ་སྦྲགས་སྒྲུབ་དང་ཐུན་མོང་མ་ཡིན་པ་ལྷ་བརྒྱད་མཁའ་འགྲོ་སྦྲགས་སྒྲུབ་དང་ལྷ་བཅུ་གཉིས་མ་གཉིས་ལ་ཡང་ནང་གསེས་ཀྱི་ཐུན་མོང་དང་ཐུན་མོང་མ་ཡིན་པར་དབྱེ་བའི་རྗེས་གནང་བཞི་དང་བཅས་པ་སྒ་ཨཱ་ནན་དམ་པ་ཙམ་མ་གཏོགས་གདུང་བརྒྱུད་རིམ་པར་ཆིག་བརྒྱུད་དུ་བྱོན་པ་ནི། རྡོ་རྗེ་འཆང་། མཁའ་འགྲོ་མ་རྡོ་རྗེ་གུར། གྲུབ་ཆེན་བྲམ་ཟེ་མཆོག་སྲེད། ནོར་བུ་གླིང་པ་བདེ་བའི་རྡོ་རྗེ། པཎ་གྲུབ་དད་བྱེད་གོ་ཆ། ལོ་ཙཱ་བ་རིན་ཅེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་ཙཱ་བ་བློ་གྲོས་གྲགས། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འགྲོ་མགོན་ཆོས་རྒྱལ་འཕགས་པ། དམ་པ་ཀུན་དགའ་གྲགས། ཆོས་རྗེ་ཁུ་དཔོན་གཉིས་པས་མདོ་ཁམས་ཀྱི་ཁྲོམ་གསེབ་ཏུ་མགོན་པོར་གཟིགས་པས་སྤྲུལ་པར་ཡང་གྲགས་སོ། །བླ་མ་བདག་ཉིད་ཆེན་པོ། མཁས་བཙུན་ནམ་མཁའ་ལེགས་པ། བླ་མ་དམ་པ་བསོད་ནམས་རྒྱལ་མཚན། བླ་ཆེན་ཀུན་དགའ་རྒྱལ་མཚན། ཡབ་འཇམ་དབྱངས་ཆོས་རྗེ་ནམ་མཁའ་རྒྱལ་མཚན། གདུགས་གཉིས་ལ་བརྟག་གཉིས་ཐུགས་སུ་ཆུད་པས་དེ་ལྟར་གྲགས། རྡོ་རྗེ་འཆང་བློ་གྲོས་རྒྱལ་མཚན།
རྗེ་བཙུན་རྡོ་རིང་པ་ཆེན་པོ་ཀུན་བཟང་ཆོས་ཀྱི་ཉི་མ། རྡོ་རྗེ་འཆང་ཚར་པ་ཆོས་རྗེ་བློ་གསལ་གྲགས་པ་རྒྱལ་མཚན། འཇམ་དཔལ་དབྱངས་མཁྱེན་བརྩེའི་དབང་ཕྱུག །རྡོ་རྗེ་འཆང་དབང་ཕྱུག་རབ་བརྟན། རྗེས་གནང་འགའ་ཞིག་ཚར་ཆེན་རང་ལའང་གསན་འདུག་གོ །ཁྱབ་བདག་མགོན་པོ་བསོད་ནམས་མཆོག་ལྡན། རྩ་བའི་བླ་མ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ཡང་ན་ཚར་ཆེན་ཡང་ཡབ་སྲས་གཉིས་ཀ་ལ། མཁན་ཆེན་བསླབ་གསུམ་རྒྱལ་མཚན་དང་སྔགས་འཆང་བསོད་ནམས་ཆོས་འཕེལ་གྱིས་གསན། དེ་གཉིས་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་གསན་པ་མན་འདྲ། ཕྱི་འཁྲིད་ནང་འཁྲིད་ཉམས་འཁྲིད་དུ་ཐོབ་པའི་བརྒྱུད་པ་ནི། འཇམ་དབྱངས་མཁྱེན་བརྩེའི་དབང་ཕྱུག་ནས། མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན་མན་འདྲ། ཡང་ན་རྡོ་རྗེ་རིན་པོ་ཆེ་ནས། སྒོ་རུམ་པ་ཀུན་ལེགས་པ། འཇམ་དབྱངས་མཁྱེན་རྩེ་མན་འདྲ། ལྷ། རྒྱ། སྡིངས། ཡར། འ། ཞ་རྐྱང་། པྲ། ཁྲ་རྐྱང་། ཁའི་རྟགས་ཡོད་པ་མ་གཏོགས་པའི་མེ་འབར་མ་ཕོ་རྐྱང་གི་ཐོགས་མའི་བརྒྱུད་རིམ་དུ་རྡོ་རྗེ་འཆང་། ཀླུ་སྒྲུབ། ཨཱཪྻ་དེ་ཝ། བིཪྺ་པ། ནག་པོ་པ། མཆོག་སྲེད་ཅེས་སྒོ་རུམ་དཔེ་ཁང་གི་ས་ཆེན་གྱི་ཕྱག་བྲིས་ངོ་མ་བདག་ཆེན་རྡོ་རྗེ་འཆང་གིས་རྙེད་པ་ལས་བྱུང་བར་སྣང་ངོ་། །དང་ཁ་སྐོང་གཉིས་ཀྱི་མཆོད་རྟེན་གྱི་རྟགས་ཅན་རྣམས་དང་། རྒྱ། འ། ཞ་རྐྱང་། པྲ། ཁྲ་རྐྱང་། ངག །ཕ། ས། ལོའི་རྟགས་རྣམས་མ་གཏོགས་པའི་སྙན་བརྒྱུད་པོ་ཏིའི་རྟགས་ཡོད་མེད་ཡོངས་རྫོགས་ཀྱི་ལུང་བརྒྱུད་ནི། འཇམ་དབྱངས་མཁྱེན་བརྩེའི་དབང་ཕྱུག་ནས། མཐུ་སྟོབས་ཀྱི་དབང་ཕྱུག་
བསོད་ནམས་ཆོས་འཕེལ། རྡོ་རྗེ་འཆང་དབང་རབ་མན་འདྲ། ཡང་ལྷ་བརྒྱད་བཅུ་གཉིས་མའི་ཐུན་མོང་མ་ཡིན་པའི་རྗེས་གནང་དང་། ཕྱི་འཁྲིད་གསང་འཁྲིད་གཉིས། དེ་ལས་འཕྲོས་པའི་ཡི་གེ །མེ་འབར་དཀར་ཆག་གི་ས་གཅད་གསུམ་པའི་གསང་བ་ཐུན་ཡོང་མ་ཡིན་པའི་ཡི་གེ་དང་། དེའི་གསལ་བྱེད་རྗེས་འབྲང་གིས་མཛད་པ་དང་། སྡིངས་ཀྱི་རྟགས་ཡོད་པ་རྣམས་མ་གཏོགས་པའི་མཆོད་རྟེན་གྱི་རྟགས་ཡོད་པའི་ལུང་རྣམས་དང་རྗེས་གནང་གསུམ་ནང་འཁྲིད་དང་བཅས་པའི་བརྒྱུད་ལུགས་གཅིག་ནི་རྗེ་བཙུན་གྲགས་པ་རྒྱལ་མཚན་ནས། དོ་པ་སྟོན་ཚུལ། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་མཆོག །འཇམ་དབྱངས་ནམ་མཁའ་རྒྱལ་མཚན་མན་གོང་ལྟར། ཡང་ན་བླ་མ་དམ་པ་ནས། ཡར་ཀླུངས་པ་མན་འདྲ། ཡང་ན་འཕགས་པ་ནས། ཞང་དཀོན་ཅོག་དཔལ། བྲག་ཕུག་པ་བསོད་ནམས་དཔལ། བླ་མ་དམ་པ་མན་འདྲ། བྲན་བདུད་ཀྱི་ཆོས་ཚན་གསུམ་པོའི་ལུང་བརྒྱུད་ལུགས་གཅིག་ནི། ས་ཆེན་ནས། ཞང་མངའ་རིས་ལ། དགེ་བསྙེན་སྲས་མཆོག་མགོན་པོ། དོལ་པོ་འབྱུང་གནས་པ། བླ་མ་དགོན་པ་རྒྱ། དོ་པ་སྟོན་ཚུལ་མན་གོང་བཞིན་ནོ། །མེ་འབར་ཁ་སྐོང་སྙན་བརྒྱུད་གསུམ་གྱི་ཆོས་སྐོར་གཏེར་མཁན་ཆེན་དཔལ་ལྡན་བཀྲ་ཤིས་པའི་ཟིན་བྲིས་ན་པུ་ཏྲ་རྐྱང་པ་ཡིན་པ་འདྲ་ཞིག་འདུག་པ་གསུང་སྒྲོས་མ་ཟིན་པར་མངོན། བྱོན་གྱི་བརྒྱུད་པ་ནི། རྡོ་རྗེ་འཆང་། འཕགས་པ་ཀླུ་སྒྲུབ། འདིས་རྡོ་རྗེ་གདན་གྱི་ཀ་བ་ལ་གཏེར་དུ་སྦས། དེ་ནས་དཔལ་ཨོ་རྒྱན་ཆེན་པོ་པདྨ་བཛྲ་གྱིས་སྤྱན་དྲངས་ནས་རྒྱ་གར།
ཤར་ཕྱོགས་པ་དྷརྨ་པཱ་ལ་གནང་། དེས་ཏེ་སེ་དང་མཚོ་མ་དྲོས་པ་གཟིགས་པའི་ཆེད་དུ་བྱོན་པ་དང་ལོ་ཙཱ་བ་ཆེན་པོ་མཇལ་བར་གདམས་པ་རྣམས་གནང་། དེ་མན་གོང་བཞིན་ནོ། །མེ་འབར་པོ་ཏིའི་ཕྱི་སྒྲུབ་ཡིག་སྣ་བརྒྱ་ཉི་ཤུའི་བརྒྱུད་ལུགས་གཅིག་ནི། ཡབ་འཇམ་དབྱངས་ཆེན་པོ་ནས། གཅེན་རྒྱ་དཀར་ཤེས་རབ་རྒྱལ་མཚན། ཡབ་སྲས་གཉིས་ཀ་ལ་གཅུང་བདག་ཆེན་རྡོ་རྗེ་འཆང་། དེ་ལ་རྡོ་རིང་རིན་པོ་ཆེ་དང་མཁན་ཆེན་རཏྣ་ཤྲཱྀ་ལས་གསན། གསུམ་ག་ལ་རྗེ་བཙུན་སྒོ་རུམ་པ། དེ་ནས་འཇམ་དབྱངས་མཁྱེན་བརྩེ་མན་འདྲ། ཡང་ན་ཚར་ཆེན་ནས། རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། རབ་འབྱམས་ཆོས་རྗེ་ཀུན་དགའ་ལྷུན་གྲུབ་ཆོས་སྐུ་རྡོ་རྗེ་ཡང་ཟེར། ཁྱབ་བདག་བཀའ་འགྱུར་བ་མན་འདྲ། རྒྱའི་རྟགས་ཡོད་གཏེར་མ་འདི་ཕྱིས་གྱི་བླ་མ་རྣམས་ཀྱིས་གསན་པ་ལོ་ཙཱ་བ་ཆེན་པོ་བྱུང་བའི་གཏེར་མར་ངོས་མི་འཛིན། པའི་ལུང་ནི། རྡོ་རྗེ་འཆང་། ཀླུ་སྒྲུབ། ཨོ་རྒྱན་ཆེན་པོ། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། གཏེར་སྟོན་རྒྱ་པདྨ་དབང་ཕྱུག །ལྷོ་པ་སྟོན་ཉི། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག་མན་འདྲ། ཡར་གྱི་རྟགས་ཡོད་པའི་ལུང་ནི། རྗེ་ས་ཆེན་ནས། བླ་ཆེན་ཡང་སྒོམ་སེ་བོ། རྒྱལ་ཚ་ལུང་མང་པོ། མཁས་པ་ཡོན་ཏན་ཁྲི། སེང་གེ་བཟང་པོ། ཡར་ཀླུངས་པ། མཁན་ཆེན་བསོད་རྒྱལ། ཡབ་འཇམ་དབྱངས་ཆོས་རྗེ། བདག་ཆེན་རྡོ་རྗེ་འཆང་། སློབ་དཔོན་དཔལ་ལྡན་རྒྱལ་པོ། འཇམ་དབྱངས་སངས་རྒྱས་རིན་ཅེན་དཔལ་བཟང་པོ། བདག་ཆེན་ངག་གི་དབང་ཕྱུག་གྲགས་པ་རྒྱལ་མཚན། རྡོ་རྗེ་འཆང་ཚར་བ་མན་མཆོད་རྟེན་གྱི་རྟགས་ཡོད་པ་དང་འདྲ། སྡིངས་གྱི་རྟགས་ཡོད་པའི་བརྒྱུད་པ་ནི། དམ་པ་ཀུན་དགའ་གྲགས་ནས་
བླ་མ་རྡོ་རྗེ་དཔལ། མཚུངས་མེད་བཀྲ་ཤིས་དངོས་གྲུབ། སྦས་པའི་རྣལ་འབྱོར་པ་སྡིངས་པ་རྡོ་རྗེ་རྒྱལ་མཚན། སྔགས་འཆང་ཀུན་དགའ་ཟླ་བའི་མན་ངག་ཁྱད་པར་ཅན་ཡང་འདི་ནས་བརྒྱུད་པའོ། །ཡབ་ཆོས་རྗེ་ནམ་མཁའ་རྒྱལ་མཚན་མན་ཞལ་ངོ་ནང་བརྒྱུད་བཞིན་ནོ། ལྕམ་དྲལ་ལྷ་གསུམ་གྱི་ཐུན་མོང་བའི་རྗེས་གནང་རྗེས་འབྲང་གི་སློབ་མ་ནས་འོངས་པའི་ཐོར་བུའི་བརྒྱུད་པ་ནི། རྒྱལ་བ་བྲག་ཕུག་པ་ནས། དེ་དབོན་དཀོན་ཅོག་རྒྱལ་མཚན། བུ་སྟོན་དབང་ཕྱུག་དར། ཐེག་ཆེན་ཆོས་ཀྱི་རྒྱལ་པོ། ཏཱའི་གུ་ཤྲཱི་ཡོན་ཏན་རྒྱ་མཚོ། སྒོ་རུམ་པ་སངས་རྒྱས་རྒྱལ་མཚན། སྒོ་རུམ་པ་ཀུན་དགའ་ལེགས་པ་མན་གོང་ལྟར། ཡང་ན་ན་བཟའ་པ། རི་ཁྲོད་པ་བློ་བརྟན། ཆོས་རྗེ་དཔལ་ལྡན་ཚུལ་ཁྲིམས། དབོན་པོ་ནམ་མཁའ་དཔལ་བཟང་། གྲུབ་ཆེན་སངས་རྒྱས་རིན་ཅེན། སྒོ་རུམ་པ་སངས་རྒྱས་རྒྱལ་མཚན་མན་འདྲ། ཡང་ན་འཕགས་པ་རིན་པོ་ཆེ་ནས། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བརྟན་པ། གཉགས་ཆེན་བསོད་ནམས་འོད་ཟེར། མཁས་གྲུབ་བསོད་ནམས་བཟང་པོ། ཆོས་རྗེ་དགེ་བ་རྒྱལ་མཚན་མཚུངས་མེད་ཤེས་རབ་ཟླ་བའི་དབང་པོ། རྗེ་བཙུན་རྡོ་རིང་པ་མན་འདྲ། ཡང་ན་ཚོགས་སྒོམ་པ་ནས་ལ་རུ་བ། ཉན་ཆེན་པ་མན་འདྲ། ཡང་ན་འཕགས་པ་རིན་པོ་ཆེ་ནས། ཤར་པ་ཀུན་དགའ་སེང་གེ །ཤར་པ་ཀུན་དགའ་བསོད་ནམས་དཔལ་བཟང་པོ། བླ་མ་རྡོ་རྗེ་སེང་གེ །དཀའ་བཅུ་པ་ཆེན་པོ། གུང་ཐང་པ་སེང་གེ་དཔལ་ལྡན་འོད་མཛེས་བཟང་པོ། རྩེས་དང་དགེ་འཕེལ་བ་རིགས་འཛིན་བསོད་ནམས་བློ་གྲོས། རྗེ་བཙུན་རྡོ་རིང་པ་མན་འདྲ། ཡང་ན་འཕགས་པ་ནས། པཎྜི་ཏ་ཤེས་རབ་རྡོ་རྗེ། བླ་མ་
འཕགས་རྒྱལ་བ། བླ་མ་བཟང་པོ་བ། བླ་མ་དམ་པ་མན་གོང་བཞིན་ནོ། །ཡང་ན་འཕགས་པ་ནས། དགའ་ལྡན་པ་ཀུན་བསོད། བླ་མ་དཔལ་ལྡན་སེང་གེ །ཆོས་རྗེ་བླ་མ་དམ་པ་མན་འདྲ། ཡང་ངོར་ལུགས་ཀྱི་ཁ་དང་ལྷའི་རྟགས་ཡོད་པ་མ་གཏོགས་པའི་ཨེའི་རྟགས་ཅན་གྱི་ལུང་དང་ལྷ་གསུམ་མའི་རྗེས་གནང་གི་བརྒྱུད་པ་ནི། རྒྱལ་བ་བྲག་ཕུག་པ་ལ་ཆོས་རྗེ་བླ་མ་དམ་པ་དང་བྲག་ཕུག་པ་བློ་གྲོས་བརྟན་པས་ཞུས། དེ་གཉིས་ལ་ཆོས་རྗེ་དཔལ་ལྡན་ཚུལ་ཁྲིམས། དེ་ནས་ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། དྲིན་ཅན་བསོད་ནམས་དབང་ཕྱུག །རྗེ་བཙུན་རྡོ་རིང་པ་མན་འདྲ། ཡང་རྡོ་རྗེ་འཆང་ཀུན་དགའ་བཟང་པོ་ནས། མཁས་གྲུབ་གུང་རུ་ཤེར་བཟང་། རྒྱལ་ཚབ་ཀུན་དགའ་དབང་ཕྱུག །མཁས་གྲུབ་དོན་ཡོད་དཔལ་པ། རྗེ་རྡོ་རིང་པ་མན་འདྲ། ཡང་ཁ་དང་ལྷ་དང་མུ་གཡུང་དྲུང་ཅན་མ་གཏོགས་པའི་མུའི་རྟགས་ཡོད་པའི་ལུང་དང་ལྷ་གསུམ་མའི་རྗེས་གནང་གི་བརྒྱུད་པ་ནི། ཆོས་རྗེ་བླ་མ་དམ་པ་ནས། སྔགས་འཆང་གཟུངས་ཀྱི་དཔལ་པ། ཆོས་རྗེ་དགེ་ལེགས་བཟང་པོ། ཆོས་རྗེ་ཨཱ་ནནྡ་མ་ཏི། རྫོང་ལུགས་པ་རྣམས་རྗེས་གནང་གི་ཆིངས་འདིའི་ཡིག་ཆ་སོར་བཞག་མཛད། མུས་སྲད་པ་རྡོ་རྗེ་རྒྱལ་མཚན། རྒྱུད་གསུམ་སྨྲ་བ་ཤེས་རབ་རེན་ཅེན། རྡོ་རྗེ་འཆང་ཚར་པ་ཆོས་རྗེ་མན་སྔར་ལྟར་རོ། །ཡང་རྗེས་གནང་གི་བརྒྱུད་ལུགས་གཅིག་ནི། འཕགས་པ་ནས། ཁའུ་པ་འོད་ལྡན་དཔལ། མཉམ་མེད་གྲགས་པ་རྒྱལ་མཚན། སྔགས་འཆང་གཟུངས་པ་མན་འདྲ། ཡང་ན་འཕགས་པ་ནས། བླ་མ་ཆ་ག་ན་པ་དབང་ཕྱུག་རྒྱལ་མཚན། བླ་མ་མཉམ་མེད་པ་མན་འདྲ། ཡང་གོང་དཀར་
ལུགས་ཀྱི་རྗེས་གནང་དང་རྡོ་རྗེ་ནོར་བུ་ལྷན་ཅིག་ཡོད་པའི་ལུང་བརྒྱུད་ནི། བླ་མ་དམ་པ་ཡན་གོང་ལྟར་ལ། མཁན་ཆེན་ཤེས་རབ་རྡོ་རྗེ། རྗེ་བཙུན་ཆོས་སྒོ་བ་ཆེན་པོ། བྲག་ཐོག་བསོད་ནམས་བཟང་པོ། མཐུ་ཆེན་འཇིགས་མེད་དཔའ་བོ། ཐུགས་སྲས་ཀུན་དགའ་རྒྱལ་པོ། རིགས་འཛིན་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ་མན་འདྲ། ཡང་རྗེས་གནང་གི་བརྒྱུད་པ་ནི། ཆོས་རྗེ་ས་པཎ་ནས། བླ་མ་ཁང་གསར་བ། བློ་ཆེན་སེང་གེ་དཔལ། གར་ཐིག་པ་བསོད་རྒྱལ། མཁན་ཆེན་ཤེས་རབ་རྡོ་རྗེ་མན་འདྲ། ཡང་ན་ཉན་ཆེན་པ་ནས། འདི་གཉིས་ཀྱི་བར་དུ་བླ་མ་གཅིག་གཉིས་ཤིག་དགོས་ཚོད་དུ་འདུག་ནའང་ཀུན་མཁྱེན་རྡོ་རྗེ་གདན་པའི་ཕྱག་བྲིས་དངོས་ལ་འདི་ལྟར་སྣང་ངོ་། །མ་ཏི་པཎ་ཆེན། ཐེག་ཆེན་ཆོས་རྗེ། བྲག་ཐོག་པ་བསོད་ནམས་བཟང་པོ་མན་གོང་ལྟར། ལྷ་བརྒྱད་དང་བཅུ་གཉིས་མའི་རྗེས་གནང་རྗེས་འབྲང་ནས་འོངས་པའི་ཐོར་བུའི་བརྒྱུད་པ་ནི། འཕགས་པ་རིན་པོ་ཆེ་ནས། འཇམ་སྐྱ་བ། དགེ་སྡིངས་པ་ཆེན་པོ། བླ་མ་བཀྲས་ལུང་པ། བླ་མ་བསོད་ནམས་དཔལ། ཐེག་ཆེན་ཆོས་རྗེ། ཉི་ལྡེ་བ་གུ་ཤྲཱི་ནམ་མཁའ་བཟང་པོ། ཆོས་རྗེ་དགེ་བ་རྒྱལ་མཚན། མཚུངས་མེད་ཤེས་རབ་ཟླ་བ། རྗེ་བཙུན་རྡོ་རིང་པ་མན་འདྲ། ལྷ་བརྒྱད་ཀྱི་བརྒྱུད་པ་ལུགས་གཅིག་ནི། འཕགས་པ་ནས། བླ་མ་འཕགས་རྒྱལ་བ། སྒྲོ་མོན་ཅེན་པ་རིན་ཅེན་དཔལ་བཟང་། བླ་མ་དམ་པ་མན་འདྲ། ཡང་ན་འཕགས་པ་རིན་པོ་ཆེ་ནས། ཤར་པ་ཀུན་དགའ་སེང་གེ་མན་ལྷ་གསུམ་མ་ལྟར་རོ། །ལྷ་བཅུ་གཉིས་མའི་བརྒྱུད་པ་ལུགས་གཅིག་ནི། དམ་པ་ཀུན་དགའ་གྲགས་ནས། དགའ་ལྡན་པ་ཀུན་དགའ་བསོད་ནམས། དྲུང་ཆོས་རྗེ་པ་
བཞི་ཐོག་པ། བདག་ཆེན་ཀུན་དགའ་རིན་ཅེན། བདག་ཆེན་གྲགས་པ་བློ་གྲོས། བདག་ཆེན་བློ་གྲོས་དབང་ཕྱུག །དྲུང་བཙུན་རིན་ཅེན་རྣམ་རྒྱལ། འཇམ་དབྱངས་སངས་རྒྱས་རིན་ཅེན། ས་ལོ་ཐམས་ཅད་མཁྱེན་པ། རྗེ་བཙུན་སྒོ་རུམ་པ་མན་འདྲ། ཡང་ན་བདག་ཉིད་ཆེན་པོ་བཟང་པོ་དཔལ་ནས། དྲུང་ཆོས་རྗེ་པ་མན་གོང་ལྟར་རོ། །ངོར་ལུགས་ལྷ་བརྒྱད་ཀྱི་རྗེས་གནང་དང་གོང་གི་ལུང་བརྒྱུད་ལུགས་གཅིག་ནི། ཆོས་རྗེ་དཔལ་ལྡན་ཚུལ་ཁྲིམས་ཡན་ལྕམ་དྲལ་ལྷ་གསུམ་ལྟར་ནས་གྲུབ་ཆེན་བུདྡྷ་ཤྲཱི། རྡོ་རྗེ་འཆང་ཀུན་དགའ་བཟང་པོ། དྲིན་ཅན་བསོད་ནམས་དབང་ཕྱུག །རྡོ་རིང་རིན་པོ་ཆེ་མན་འདྲ། རྫོང་ལུགས་ལྷ་བརྒྱད་གྱི་རྗེས་གནང་དང་གོང་གི་ལུང་བརྒྱུད་ལུགས་གཅིག་ནི། ཆོས་རྗེ་དགེ་ལེགས་བཟང་པོ་ཡན་ལྷ་བཅུ་གསུམ་མ་ལྟར་ལ། དེ་ནས་རིན་པོ་ཆེ་ཟུར་ཤཱཀྱ་དཔལ་བ། མུས་སྲས་པ་རྡོ་རྗེ་རྒྱལ་མཚན་མན་ཀྱང་འདྲ། ཡང་རྗེས་གནང་གི་བརྒྱུད་ལུགས་གཅིག་ནི། བླ་ཆེན་ཀུན་དགའ་རྒྱལ་མཚན་ཡན་ཐུན་མོང་མ་ཡིན་པ་ལྟར་ནས། ཆོས་རྗེ་འཇམ་དབྱངས་གྲགས་པ། ཁྲོམ་ཡོན་པ་མཁན་ཆེན་ནམ་མཁའ་ལྷུན་བཟང་། མུས་སྲད་པ་མན་འདྲ། །ཡང་ན་འཕགས་པ་ནས། ཁམས་ཆེན་བྱང་ཆུབ་དཔལ། འཛིམས་ཆེན་རྒྱལ་མཚན་དཔལ། ས་བཟང་མ་ཏི་པཎ་ཆེན། ཐེག་ཆེན་ཆོས་རྗེ། འཇམ་དབྱངས་གྲགས་པ་མན་འདྲ། ཡང་ན་འཕགས་པ་ནས། འཇམ་སྐྱ་པ། མཉམ་མེད་གྲགས་པ་རྒྱལ་མཚན། གཟུངས་ཀྱི་དཔལ་པ། ཐེག་ཆེན་ཆོས་རྗེ་མན་འདྲ། ཡང་ན་ན་བཟའ་པ་ནས། བྲག་ཕུག་པ་དཀོན་རྒྱན། བུ་སྟོན་དབང་ཕྱུག་དར། ཐེག་ཆེན་མན་འདྲ། ཡང་ན་གཟུངས་པ་ནས། མཁས་གྲུབ་
ཀུན་བཟང་པ། ཆོས་རྗེ་ཀུན་དགའ་རྒྱལ་མཚན་མན་འདྲ། གོང་དཀར་ལུགས་ཀྱི་ལྷ་བརྒྱད་དང་ལྷ་བཅུ་གཉིས་མའི་བརྒྱུད་པ་ནི། བླ་མ་དམ་པ་ནས། བླ་མ་བསོད་ནམས་འོད་ཟེར། བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ་མན་ལྷ་གསུམ་མ་བཞིན་ནོ། །རྡོ་རྗེ་དང་བྲག་ལྷན་ཅིག་ཡོད་པའི་ལུང་བརྒྱུད་ནི། བླ་མ་དམ་པ་ནས། བྲག་ནག་པ་ངག་དབང་གྲགས་པ། གོང་དཀར་བ་རྣམས་རྗེས་གནང་གི་ཆིངས་འདིའི་ཡིག་ཆ་སོར་བཞག་མཛད། དཔལ་ལྡན་ལེགས་དབང་མན་འདྲ། རྒྱ་ནོར་བུ་བྲག་དཔལ་བེའུ་བཞི་དང་ལྷན་ཅིག་ཡོད་པ་མ་གཏོགས་པའི་རྡོ་རྗེའི་རྟགས་ཅན་ཡོངས་རྫོགས་ཀྱི་ལུང་བརྒྱུད་ནི། འཇམ་དབྱངས་རྒྱལ་བ་མཆོག་དབྱངས་ནས། བྲག་ཐོག་པ་བསོད་ནམས་བཟང་པོ་མན་འདྲ། རྡོ་རྗེ་དཔལ་བེའུ་ལྷན་ཅིག་ཡོད་པའི་ལུང་ནི་ཡར་ཀླུངས་པ་སེང་གེ་རྒྱལ་མཚན། བླ་མ་དཔལ་ལྡན་བློ་གྲོས། དམར་ཆོས་ཀྱི་རྒྱ་མཚོ། པཎ་ཆེན་བྱམས་པ་གླིང་པ། མཐུ་ཆེན་འཇིགས་མེད་དཔའ་བོ་མན་གོང་བཞིན་ནོ། །ཡར་གྱི་རྟགས་ཅན་དང་ཚེ་སྒྲུབ་མ་གཏོགས་པའི་སྒོའི་རྟགས་ཅན་ཡོངས་རྫོགས་ཀྱི་ལུང་ནི། རྗེ་བཙུན་རྡོ་རིང་པ་ནས། སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེའི་ཞབས་མན་འདྲ། ཚེ་སྒྲུབ་ཀྱི་བརྒྱུད་པ་ནི། ཆོས་རྗེ་བླ་མ་དམ་པ་ནས། ཆོས་རྗེ་དཔལ་ལྡན་ཚུལ་ཁྲིམས། ངོར་པ་རྡོ་རྗེ་འཆང་། གྲུབ་མཆོག་བསོད་ནམས་དབང་ཕྱུག །རྗེ་བཙུན་ཀུན་སྤངས་ཆོས་རྗེ་མན་འདྲ། ཡར་དང་ལྷན་གཅིག་པའི་སྒོའི་རྟགས་ཅན་གྱི་ལུང་ནི། འཇམ་དབྱངས་སངས་རྒྱས་རིན་ཅེན་ནས། རྗེ་བཙུན་སྒོ་རུམ་པ་ཆེན་པོ། འཇམ་དབྱངས་མཁྱེན་བརྩེ་མན་འདྲ། །རུའི་རྟགས་ཡོད་པའི་ལུང་བརྒྱུད་ནི།
རྡོ་རྗེ་འཆང་། གྲུབ་ཆེན་བྲམ་ཟེ་མཆོག་སྲེད། ལ་ལཱི་ཏ་བཛྲ། ནག་པོ་རོ་ཟན། ལོ་ཙཱ་བ་གྱི་ལྗང་དབུ་དཀར། གཤེན་དོ་རྗེ་སེང་གེ །འབྲོམ་རྡོ་རྗེ་རྒྱལ་མཚན། སྒོམ་རིན་ཅེན་སེང་གེ །སེང་གེ་དཔལ། ཆོས་ཀྱི་རིན་ཅེན། དམར་བསོད་ནམས་འཕེལ། སངས་རྒྱས་འབུམ། དགའ་ལྡན་པ་བཀྲ་ཤིས་དཔལ། ཀུན་དགའ་བསོད་ནམས། བག་སྟོན། ཐོག་སྟོན་ཤེས་རབ་རྡོ་རྗེ། རིན་ཅེན་འཕེལ། རྒྱ་མ་བ་ཡོན་ཏན་འོད། མཁན་ཆེན་གྲུབ་པ་ཤེས་རབ། རྒྱ་སྟོན་ཙནྡྲ་དེ་ཝ། རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། རྣལ་འབྱོར་དབང་ཕྱུག་བསོད་ནམས་སེང་གེ །འགོས་སྟོན་རྡོ་རྗེ་སེང་གེ །མངའ་རིས་རུ་ཐོག་པ་ནམ་མཁའ་གཟི་བརྗིད། འཇམ་དབྱངས་མཁྱེན་བརྩེའི་དབང་ཕྱུག །དྲུང་ཀུན་དགའ་ལེགས་པ། རྡོ་རྗེ་འཆང་དབང་ཕྱུག་རབ་བརྟན་མན་འདྲ། གླེགས་བམ་སོ་སོའི་འའི་རྟགས་ཡོད་པའི་ལུང་ནི། རྡོ་རྗེ་འཆང་མགོན་པོ་བསོད་ནམས་མཆོག་ལྡན། དེས་བདག་ལའོ། །ཞ་དང་ཞ་གཡུང་དྲུང་ཅན་གྱི་ལུང་ནི། རྡོ་རྗེ་འཆང་དབང་རབ་ནས། ཁྱབ་བདག་མཁན་ཆེན་ཞ་ལུ་པ། དེས་བདག་ལའོ། །པྲའི་རྟགས་ཡོད་པའི་ལུང་བརྒྱུད་ནི། རྡོ་རྗེ་འཆང་མགོན་པོ་བསོད་ནམས་མཆོག་ལྡན་ནས། རབ་འབྱམས་ཆོས་རྗེ་རིན་ཅེན་རྒྱ་མཚོ། ཁྱབ་བདག་ཞ་ལུ་པ། དེས་བདག་ལའོ། །ཁྲ་དང་ཁྲ་གཡུང་དྲུང་རིས་ཀྱི་བརྒྱུད་པ་ནི། ཁྱབ་བདག་མགོན་པོ་བསོད་ནམས་མཆོག་ལྡན་ནས། བླ་མ་འཇམ་དབྱངས་རྒྱལ་མཚན། དྲིན་ཆེན་བློ་མཆོག་རྡོ་རྗེ། དེས་བདག་ལའོ། །ཕའི་རྟགས་ཡོད་པའི་བརྒྱུད་པ་ནི། ཚར་ཆེན་ནས། རིན་པོ་ཆེ་བོད་མཁར་པ། ཐམས་ཅད་མཁྱེན་པ་བསོད་ནམས་
རྒྱ་མཚོ། རྗེ་དྲུང་རིན་པོ་ཆེ་དགེ་འདུན་བསྟན་པ་རྒྱ་མཚོ། རྡོ་རྗེ་འཆང་ཕ་བོང་ཁ་པ། དེས་བདག་ལའོ། །སའི་རྟགས་ཡོད་པའི་བརྒྱུད་པ་ནི། ཁྱབ་བདག་དབང་ཕྱུག་རབ་བརྟན། ས་ཆེན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །རྡོ་རྗེ་འཆང་ཞ་ལུ་པ། དེས་བདག་ལའོ། །ངག་གི་རྟགས་ཡོད་པའི་བརྒྱུད་པ་ནི། སྔགས་འཆང་བསོད་ནམས་ཆོས་འཕེལ་ནས། མཁན་ཆེན་ངག་དབང་ཆོས་གྲགས། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས། དེ་སྲས་འཇམ་དབྱངས་བསོད་ནམས་དབང་ཕྱུག །མཁན་ཆེན་ཞ་ལུ་པ་ཆེན་པོ། དེས་བདག་ལའོ། །ལོའི་རྟགས་ཡོད་པའི་བརྒྱུད་པ་ནི། རིན་པོ་ཆེ་བོད་མཁར་བ་ནས། སྤྱན་སྔ་མི་ཕམ་ཆོས་ཀྱི་རྒྱ་མཚོ། ལོ་པ་སྤྱན་སྔ་ཀུན་དགའ་དོན་གྲུབ། ས་སྐྱ་ཁྲི་ཆེན་མན་འདྲ། མགོན་པོ་ཁྲོ་བཅུའི་རྗེས་གནང་གི་བརྒྱུད་པ་ནི། བླ་མ་དམ་པ་ཡན་ཞལ་ངོ་ནང་བརྒྱུད་ལྟར་ནས། སྔགས་འཆང་གཟུངས་ཀྱི་དཔལ་བ། ཐུགས་སྲས་བཟང་པོ་རྒྱལ་མཚན། རྭ་ཆེན་གཉིས་པ་དགེ་བ་རྒྱལ་མཚན། རྗེ་བཙུན་སངས་རྒྱས་མཆོག །ཆོས་རྗེ་སྐྱེས་མཆོག་རྒྱལ་མཚན། གྲུབ་དབང་བཀྲ་ཤིས་སེང་གེ །རྡོ་རྗེ་འཆང་ཚར་བ་ཆོས་རྗེ། ཀུན་མཁྱེན་མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། གྲུབ་མཆོག་བསོད་ནམས་ཆོས་འཕེལ། ཡབ་སྲས་བཞི་ག་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་གསན། དེ་ནས་ཁྱབ་བདག་བཀའ་འགྱུར་བ་ཆེན་པོ། མཁས་གྲུབ་ཆོས་དབྱིངས་རང་གྲོལ། དེས་བདག་ལའོ། །
མགོན་པོ་གསང་སྒྲུབ་ལྷ་དགུ་སོགས་རྗེས་གནང་འགའ་ཞིག་གི་བརྒྱུད་ལུགས།
མགོན་པོ་གསང་སྒྲུབ་ལྷ་དགུའི་རྗེས་གནང་གི་བརྒྱུད་པ་ནི། འཇམ་དབྱངས་མཁྱེན་བརྩེ་ཡན་ཁྲོ་བཅུ་ལྟར་ལ། དེ་ནས་མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན་
མན་གོང་ལྟར་རོ། །ལྷག་བསམ་རབ་དཀར་གྱི་དྲི་ལན་དུ་འདིའི་བརྒྱུད་པ་འཁྲིད་ཀྱི་བརྒྱུད་པ་དང་གཅིག་པའི་ཕྱོགས་མཛད་འདུག་ཀྱང་ཅུང་ཟད་ཐུགས་སྣང་ལ་མ་ངེས་པ་ཞིག་བྱུང་བར་སེམས་སོ། །དུད་སོལ་མའི་ཕྱི་སྒྲུབ་ཐུན་མོང་བའི་རྗེས་གནང་གྱི་བརྒྱུད་པ་ནི། རྒྱལ་བ་རྡོ་རྗེ་འཆང་། གསང་བདག་ཕྱག་ན་རྡོ་རྗེ། སློབ་དཔོན་འཕགས་པ་ཀླུ་སྒྲུབ། ལུས་མེད་ཡེ་ཤེས་མཁའ་འགྲོ། གྲུབ་ཆེན་ཏཻ་ལོ་པ། པཎ་ཆེན་ནཱ་རོ་པ། མངའ་བདག་མར་པ་ལོ་ཙཱ། རྔོག་ཆོས་སྐུ་རྡོ་རྗེ། མདོ་སྡེ་ཡང་ཟེར། རྔོག་ཞེ་སྡང་རྡོ་རྗེ། རྔོག་ཐོགས་མེད་གྲགས། རྒྱལ་ཚ་ར་མོ། རྔོག་ཀུན་དགའ་རྡོ་རྗེ། རྔོག་གཟི་བརྗིད་གྲགས། རྔོག་རིན་ཅེན་བཟང་པོ། རྔོག་ཆོས་ཀྱི་རྒྱལ་མཚན། རྔོག་དོན་གྲུབ་དཔལ། རྔོག་བྱང་ཆུབ་དཔལ། རྔོག་ཁྲ་ཚང་པ་བསོད་ནམས་དོན་གྲུབ། རྔོག་ཤཱཀྱ་དོན་གྲུབ། རྔོག་ཐར་གླིང་པ་བསོད་ནམས་ལྷུན་པོ། དེ་སྲས་རྔོག་སྟོན་བསོད་ནམས་བསྟན་འཛིན། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །གྲུབ་པ་མཆོག་གི་དེད་དཔོན་བསོད་ནམས་ཆོས་འཕེལ། རིགས་ཀུན་བདག་པོ་དབང་ཕྱུག་རབ་བརྟན། མཁན་ཆེན་ཞ་ལུ་པ་ཁྱབ་བདག་རིན་ཅེན་བསོད་ནམས་མཆོག་གྲུབ། དེས་བདག་ཟ་ཧོར་བནྡེ་ལའོ། །ཡང་ན་རིན་ཅེན་བཟང་པོ་ནས། རིན་ཅེན་དཔལ། དཔལ་གྱི་རྡོ་རྗེ། སློབ་དཔོན་བཟང་པོ་དཔལ། རྔོག་བྱང་ཆུབ་དཔལ་མན་འདྲ། ཡང་ན་རིན་ཅེན་བཟང་པོ་ནས། སངས་རྒྱས་སེང་གེ །བཙུན་པ་དཔལ་གྱི་རྡོ་རྗེ་མན་འདྲ། ཡང་ན་རྒྱལ་ཚ་ར་མོ་ནས། སློབ་དཔོན་ལྕམ་མེ། སློབ་དཔོན་ནམ་མཁའ་དབང་ཕྱུག །ཀུན་དགའ་དབང་ཕྱུག་
རིན་ཅེན་དཔལ། གྲགས་པ་རྒྱལ་མཚན། ཀུན་དགའ་བློ་གྲོས། ཀུན་དགའ་བཟང་པོ། རྔོག་བསོད་ནམས་དོན་གྲུབ་མན་འདྲ། ཡང་ན་རྡོ་རྗེ་འཆང་། བྲམ་ཟེ་ཆེན་པོ་ས་ར་ཧ་པ། མགོན་པོ་ཀླུ་སྒྲུབ། ཌཱ་ཀི་མ་སྐལ་པ་བཟང་མོ། སློབ་དཔོན་པ་ལ་པ། བཞི་ག་ལ་ཏཻ་ལོ་པས་གསན་པ་མན་སྔར་བཞིན་ནོ། །གསུང་སྒྲུབ་རྗེས་གནང་ཐུན་མོང་མ་ཡིན་པ་ནན་ཆགས་མར་གྲགས་པ་དང་ལུང་ཡོངས་རྫོགས་ཀྱི་བརྒྱུད་པ་ནི། རྗེ་དབང་ཕྱུག་རབ་བརྟན་ནས། ཀུན་མཁྱེན་མགོན་པོ་བསོད་ནམས་མཆོག་ལྡན། ཟུར་རྡོ་རྗེ་འཆང་ཆོས་དབྱིངས་རང་གྲོལ། དེས་བདག་ལའོ། །འདི་ལ་གསང་སྒྲུབ་ལྷ་མོ་ཉི་ཤུའི་རྗེས་གནང་ཞེས་པ་ཞིག་ཚར་ཆེན་གྱིས་གསན་འདུག་ཀྱང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་གསན་ཡིག་ན་མི་འདུག་པ་རྒྱུན་ཆད་པ་ཡིན་ནམ་སྙམ། སླར་ཡང་ཁུངས་བཙུན་པ་ཞིག་རྙེད་ན་ཞུ་བར་རིགས་ཤིང་ལ་ལ་དག་རྡོག་དཀྱིལ་བདུན་གྱི་ནང་ཚན་འཇམ་དཔལ་གསང་ལྡན་གྱི་ཚབ་ཏུ་ལྷ་མོ་འདི་ལ་དཀྱིལ་འཁོར་སྒོ་རྫོགས་དང་དབང་བཞི་སོགས་བློས་བྱས་ཀྱི་ཆོ་ག་འདུག་པ་ལྟ་བུའི་རིགས་ནི་མ་ཐོབ་པ་རང་གན་གཙང་བར་སྣང་ངོ་། །ཕྱིའི་ལས་མཁན་གཅེར་བུ་ཟངས་གྲི་ཅན་གྱི་རྗེས་གནང་ནི། འཕགས་པ་རིན་པོ་ཆེ་ཡན་ཞལ་ངོ་ནང་བརྒྱུད་ལ། དེ་ནས་དོ་པ་སྟོན་ཚུལ། རྒྱལ་ཚ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། དྲིན་ཅན་སེང་གེ་བཟང་པོ། རྣལ་འབྱོར་དབང་ཕྱུག་སེང་གེ་རྒྱལ་མཚན། མཁན་ཆེན་བསོད་ནམས་རྒྱལ་བ་མཆོག་དབྱངས་འཇམ་དབྱངས་ནམ་མཁའ་རྒྱལ་མཚན། གཅེན་རྒྱ་དཀར་ཤེས་རབ་རྒྱལ་མཚན། འབུམ་རབ་འབྱམས་པ་ཆོས་ཀྱི་དོན་གྲུབ། པཎ་ཆེན་འབུམ་ཕྲག་གསུམ་པའང་ཟེར། མཁས་
པའི་དབང་བོ་རཏྣ་ཤྲཱི་ལ། ཆོས་རྗེ་ཚུལ་ཁྲིམས་པའང་ཟེར། རྗེ་སྒོ་རུམ་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཡབ་སྲས་གཉིས་པ་འཇམ་དབྱངས་མཁྱེན་བརྩེ། དེ་ལ་རྗེ་བསླབ་གསུམ་པ་དང་རྟ་ར་བ་གཉིས་གས་གསན། ཡབ་སྲས་བཞི་ག་ལ་རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་ཆེན་པོ། དེས་བདག་ཟ་ཧོར་བནྡེ་ལའོ། །ཡང་ན་རྗེ་ས་ཆེན་ནས། བླ་ཆེན་ཡར་སྒོམ་སེ་བོ། རྒྱལ་ཚ་ལུང་མང་པོ་མན་འདྲ། ཡང་ན་རྗེ་བཙུན་ས་ཆེན་ནས། འགོས་སྟོན་ཚར་སྒང་པ། དགེ་བཤེས་མི་གཡོ་བ། གཤེན་སྒོམ་བླ་མ་དཔལ། སློབ་དཔོན་ཤེས་རབ་བླ་མ། དམ་པ་ཀུན་དགའ་གྲགས། དགའ་ལྡན་པ་ཀུན་དགའ་བསོད་ནམས། གན་པ་རིན་ཅེན་རྒྱལ་མཚན། ཆོས་རྗེ་བླ་མ་དམ་པ། ཡར་ཀླུངས་པ་སེང་གེ་རྒྱལ་མཚན་མན་འདྲ། ཡང་ན་རྗེ་ས་པཎ་ནས། མདོ་ཁམས་ཀྱི་རྟ་རྒེ་བླ་མ་དཔལ། སློབ་དཔོན་ཤེས་རབ་བླ་མ་མན་འདྲ། ལུགས་གཅིག་ལ་རྡོ་རྗེ་འཆང་། བྲམ་ཟེ་མཆོག་སྲེད། བཛྲ་པཱ་ཎི། ཀུ་ཀུ་རི་པ། ནག་པོ་རོ་འཛིན། གྱི་ལྗང་ལོ་ཙཱ་བ། མལ་ལོ་ཙཱ་བ། ས་ཆེན་མན་འདྲ། ནང་གི་ལས་མཁན་འཇམ་དབྱངས་མཁྱེན་བརྩེས་ཚར་ཆེན་ལ་གསན་པའི་བརྒྱུད་པར་ལས་མཁན་ཕྱི་ནང་གཉིས་བརྒྱུད་པ་གཅིག་ཏུ་བགྲངས་ཤིང་། སྒོ་རུམ་པར་གསན་པ་དེར་མི་གཅིག་པར་བགྲངས་འདུག་པ་འདིར་གཉིས་ཀའི་དོན་ལ་དཔྱད་ནས་གསལ་བར་བགྱིས་ཡོད་དོ། །བེར་ནག་ཟངས་གྲི་ཅན་གྱི་རྗེས་གནང་གི་བརྒྱུད་པ་ནི། འགོས་སྟོན་ཚར་སྒང་པ་དང་རྟ་རྒེ་བླ་མ་ཡོད་པ་སོར་གནས་ཀྱི། རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་མགོན་པོ་བསོད་ནམས་མཆོག་ལྡན། ཀུན་མཁྱེན་ཆོས་དབྱིངས་རང་གྲོལ་དེས་བདག་ལའོ། །གསང་བའི་ལས་མཁན་
པུ་ཏྲ་མིང་སྲིང་ཕྱི་ནོར་སྲུང་གནོད་སྦྱིན་ཕོ་མོའི་ཚུལ་དང་། ནང་གསང་བ་གཤིན་རྗེ་ཕོ་མོའི་ཚུལ་དུ་སྒྲུབ་པའི་རྗེས་གནང་དང་ལྷའི་རྟགས་ཡོད་པའི་ལུང་བརྒྱུད་ལ་རྒྱ་གར་གྱི་གཏེར་མ་དང་བོད་ཀྱི་གཏེར་མ་གཉིས་ལས་དང་པོ་ནི། རྡོ་རྗེ་འཆང་། འཕགས་པ་ཀླུ་སྒྲུབ། ཨོ་རྒྱན་ཆེན་པོ། པཎ་གྲུབ་དྷརྨ་པཱ་ལ། ལོ་ཆེན་རིན་ཅེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། ལོ་རྒྱུས་ན་གོ་རུབ་རིན་ཅེན་བསོད་ནམས་ཞེས་པ་སྐུ་ཚེའི་སྟོད་རབ་བྱུང་གི་མཚན་དང་སྐུ་ཚེ་སྨད་ལ་དཀར་ཆས་སུ་གྱུར་བའི་མཚན་ལ་འདི་ལྟར་གྲགས་པས་ཐ་དད་དུ་མི་བཞེད་དོ། །དེ་ལ་མལ་ལོ་ཙཱ་བ་དང་འབྲོམ་ཇོ་སྲས་ཞང་གིས་གསན། གཉིས་ཀ་ལ་ས་སྐྱ་པ་ཆེན་པོ། དེ་ནས་རྗེ་བཙུན་སྐུ་མཆེད། ཆོས་རྗེ་ཁུ་དབོན། སྒ་ཨཱ་ནན་དམ་པ། དགའ་ལྡན་པ་ཀུན་བསོད། གན་པ་རིན་རྒྱན། བླ་མ་དམ་པ་མན་ཞལ་ངོ་བརྒྱུད་པ་སོར་གནས་བཞིན་རྡོ་རྗེ་འཆང་ཆོས་དབྱིངས་རང་གྲོལ་ལ་ཞུས་སོ། །ཡང་ན་འཕགས་པ་ནས། ཞང་སྟོན་པ། བྲག་ཕུག་པ། བླ་མ་དམ་པ་མན་འདྲ། ཡང་ན་རྗེ་བཙུན་ཡབ་སྲས་དང་དོ་པ་ལས་བརྒྱུད་ནས་ཡར་ཀླུངས་པའི་ཞལ་ངོ་ནང་བརྒྱུད་ཀྱི་ཡབ་འཇམ་དབྱངས་ཆེན་པོར་བཀའ་བབས་པ་ཡང་སྔར་དང་འདྲ། ཡང་ན་བླ་མ་དམ་པ་ནས། ཡར་ཀླུངས་པ་མན་འདྲ། ཡང་རྗེས་གནང་གི་བརྒྱུད་ལུགས་གཅིག་ནི། རྡོ་རྗེ་འཆང་དབང་ཕྱུག་རབ་བརྟན་ནས། ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། དེས་བདག་ལའོ། །རྫོང་ལུགས་ཀྱི་རྗེས་གནང་ཁོ་ནའི་བརྒྱུད་པ་ནི། བླ་མ་དམ་པ་ནས། བླ་མ་དཔལ་ལྡན་ཚུལ་ཁྲིམས། བླ་མ་བུདྡྷ་ཤྲཱི། མཁས་གྲུབ་ཆོས་ཀྱི་རྒྱལ་མཚན། འཇམ་དབྱངས་བསོད་ནམས་རྒྱལ་མཚན། མུས་སྲས་པ་རྡོ་རྗེ་རྒྱལ་མཚན་མན་གོང་ལྟར་རོ། །
གོང་དཀར་ལུགས་ཀྱི་རྗེས་གནང་གི་བརྒྱུད་པ་སོགས་ལུང་བརྒྱུད་འགའ་ཞིག །
གོང་དཀར་ལུགས་ཀྱི་རྗེས་གནང་གི་བརྒྱུད་པ་ནི། བླ་མ་དམ་པ་ནས། བླ་མ་བསོད་ནམས་འོད་ཟེར། བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། རྒྱ་སྟོན་བྱང་ཆུབ་དབང་རྒྱལ། ཡངས་པ་ཅན་པ་ཤཱཀྱ་ཀུན་དགའ། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །བོད་ཀྱི་གཏེར་མའི་བརྒྱུད་པ་ལྟར་ན། ཨོ་རྒྱན་ཆེན་པོ་ནས། ཇོ་མོ་འཚོ་རྒྱལ་མངའ་བདག་ཁྲི་སྲོང་ལྡེ་བཙན། ལྷ་བཙུན་བྱང་ཆུབ་འོད། ལོ་ཙཱ་བ་རིན་ཅེན་བཟང་པོ་མན་སྔར་བཞིན་ནོ། །རུ་མཚོན་གྱི་ལས་མཁན་བྲན་བདུད་གཤིན་རྗེ་ནག་པོའི་ཐུན་མོང་བའི་རྗེས་གནང་གི་བརྒྱུད་པ་ནི། ས་པཎ་ཡན་ཞལ་ངོ་ནང་བརྒྱུད་ལྟར་ལ། དེ་ནས་དོ་པ་སྟོན་ཚུལ། རྒྱལ་ཚ་ལུང་མང་པོ་ཆོས་ཀྱི་དབང་ཕྱུག །མཁས་པ་ཡོན་ཏན་ཁྲི། མཁན་ཆེན་སེང་གེ་བཟང་པོ། ཡར་ཀླུངས་པ་སེང་གེ་རྒྱལ་མཚན། ཚེམ་བུ་བ་དཔལ་ལྡན་བློ་གྲོས། དམར་སྟོན་རྒྱལ་མཚན་འོད་ཟེར། དཔལ་ལྡན་ཀུན་བཟང་རྩེ་པ་བསོད་ནམས་རྒྱལ་མཚན། ཏེའུ་ར་པ་ཆག་ལོ་རིན་ཅེན་ཆོས་རྒྱལ། འཇམ་དབྱངས་ས་སྐྱ་ལོ་ཙཱ་བ། རྗེ་བཙུན་སྒོ་རུམ་པ་ཀུན་དགའ་ལེགས་པ། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེ། དེ་ལ་བསླབ་གསུམ་རྗེ་དང་རྟ་ར་བ་གཉིས་ཀྱིས་གསན་གཉིས་ཀ་ལ་རྗེ་དབང་རབ། དེ་ནས་ཁྱབ་བདག་བཀའ་འགྱུར་བ། ཟུར་ཐམས་ཅད་མཁྱེན་པ། དེས་བདག་ལའོ། །བྲན་བདུད་ཀྱི་རྗེས་གནང་ཐུན་མོང་མ་ཡིན་པ་ནི། ཡར་ཀླུངས་པ་སེང་གེ་རྒྱལ་མཚན་ནས། འཇམ་དབྱངས་བསོད་ནམས་རྒྱལ་མཆོག །འཇམ་དབྱངས་
ནམ་མཁའ་རྒྱལ་མཚན། རྒྱ་དཀར་ཤེས་རབ་རྒྱལ་མཚན། འབུམ་ཕྲག་གསུམ་པ་བྱམས་པ་ཆོས་ཀྱི་དོན་གྲུབ། ཆོས་རྗེ་ཚུལ་ཁྲིམས་པ། རྡོ་རྗེ་འཆང་ཚར་པ་མན་འདྲ། ཡང་ན་རྡོ་རྗེ་འཆང་། བྲམ་ཟེ་མཆོག་སྲེད། བཛྲ་པ་ཎི། ཀུ་ཀུ་རི་པ། དུར་ཁྲོད་ནག་པོ་རོ་འཛིན། གྱི་ལྗང་ལོ་ཙཱ་བ་དབུ་དཀར། མལ་ལོ་བློ་གྲོས་གྲགས། རྗེ་བཙུན་ས་སྐྱ་པ་ཆེན་པོ། བླ་ཆེན་ཡར་སྒོམ་སེ་བོ། དོ་པ་སྟོན་ཚུལ་མན་འདྲ། ཡང་ན་ས་ཆེན་ནས། ཞང་མངའ་རིས་པ། དགེ་བསྙེན་སྲས་མཆོག་མགོན། དོལ་པོ་འབྱུང་གནས་པ། རྒྱ་སྒོམ་ཚུལ་ཁྲིམས་གྲགས། བླ་མ་དོ་པ་སྟོན་ཚུལ་མན་འདྲ། དེ་ཡང་གོང་གི་རྩ་བའི་རྟགས་བཞི་རྒྱག་པའི་དགོས་པ་ནི། ཇི་སྐད་དུ། དེ་དག་ལས་འོངས་སོ་སོའི་ངོས་འཛིན་ནི། ངོར་ལུགས་ཡི་གེ་ཨེ་ཡི་རྟགས་ཀྱིས་མཚན། རྡོ་རྗེ་གདན་པ་ལས་བྱུང་རྡོ་རྗེའི་རྒྱ། །མུས་སྲད་པ་ནི་ཡི་གེ་མུ་ཡི་རྒྱ། བདག་ཆེན་རྡོ་རྗེ་འཆང་དབང་ལས་བརྒྱུད་པའི། །རྩ་བའི་ཡི་གེར་མཆོད་རྟེན་རྒྱ་ཡིས་མཛེས། ཐོར་བུ་གཞན་དག་མཆན་བུ་བཏབ་པས་ཤེས། །ཞེས་གསུངས་པའི་གོང་དུ་ངོས་མ་ཟིན་པའི་མེ་འབར་ཁ་སྐོང་། གྱི་ལྗང་གསུམ་ལ་རྟགས་མེད་པ་འགའ་ཞིག་བྱུང་བ་རྣམས་མཆན་བུ་འགྲོལ་རྒྱུ་ཡི་གེ་ངོ་མ་མ་མཐོང་བས་རེ་ཞིག་བཏང་སྙོམས་སུ་བཞག་ལ། སེར་པོད་ནས། ཤཱ་ས་ན་མཆན་བུས་བཀྲལ་བ་དབང་ལོའི་ཞུས་དག་མ། ཉ་ག་གསུམ་ལ་ཟོར་གྱི་གསད་པ་ཞེས་ཡོད་པའི་ཟོར་ལས། པུ་པྲའི་བསྟོད་པ་དཔལ་ལྡན་མ་ཧཱ་ཀཱ་ལ་མ། འཁོར་བཅས་ཀྱི་རྗེས་གནང་ཞེས་པ་ཞང་གེ་ཟིན་བྲིས་སུ་གྲགས་པའི་འདྲ་མིན་མཇུག་ན་ཁ་རུ་མི་དབྱུང་བྱ་བ་དང་ཐུན་མོང་མ་ཡིན་པ་ཞེས་ཡོད་པའི་ལེ་ཚན་གཉིས་དང་བཅས་པ། རྫོང་ཆུང་པའི་
ཐུགས་དམ་མན་ངག་པོ་ཏི་ནས། རྫས་དགྲམ་བཟླས་གསད་གསུམ་གྱི་ཐོ། གོང་དང་གཅིག་པའི་ཟོར་ལས། འཁོར་གྱི་ལྟས་ངན་དབབ་པ་ལས་བྱེད་མོན་བུའི་མན་ངག །རྫོང་པོད་དཀར་ཆག་ན། འདི་ལས་བྱེད་མོན་པུའི་མན་ངག་སྐབས་སུ་གསལ་གསུང་པ་དོན་ཊཱི་ཀ་གི་ནང་ན་ཡོད་པར་གསུངས་ཀྱང་དེར་མི་གསལ་ལ། སྙན་བརྒྱུད་ཀྱི་ཕྱིར་གཏོང་བ་དང་བཤན་པ་རོ་འཁུར་གཉིས་ནི་མི་འདུག །གཏོར་མ་གསུམ་གྱི་མན་ངག་ཅེས་པ་གཤམ་ན་དགྲ་ནག་དང་བདེ་མཆོག་ནས་གསུངས་པའི་ཤེས་བྱེད་ཡོད་པ་གཅིག་རྣམས་རང་ལུགས་བེའུ་བུམ་རྣམས་དང་ངོ་ཡེ་མ་འཕྲོད་པ་སླར་ཡང་དཔྱད་པར་བྱའོ། །དེ་ཡང་དཔལ་གསང་བ་འདུས་པའི་རྩ་རྒྱུད་ལེའུ་བཅུ་བདུན་པ་ལས། དྲག་པོ་མི་སྡུག་ཁྲོས་པ་ནི། །ཨུཏྤལ་སྔོན་པོའི་ཁ་དོག་འདྲ། །ཕྱག་བཞི་པ་ནི་ཆོ་ག་ཡི། ཕྱག་ན་ཐོད་པ་བསྣམས་པར་སྒོམ། ཞེས་དངོས་སུ་བསྟན་ཅིང་། དཔལ་འཁོར་ལོ་སྡོམ་པའི་བཤད་རྒྱུད་ལས་ཀྱང་གསལ་བར་བསྟན་པའི་སྟོབས་འཕྲོག་ནག་པོ་ཆེན་པོ་གདོང་བཞི་པའམ་དྲག་པོ་གཟི་ལྡན་དབང་ཕྱུག་ཏུ་གྲགས་པ་འདི་ཉིད། རྡོ་རྗེ་འཆང་ཚར་པ་ཆོས་རྗེས། །དེ་ལྟར་རྒྱལ་བའི་དྲི་མེད་རྒྱུད་སྡེ་ལས། །གསུང་པའི་བསྟན་སྲུང་ཀུན་གྱི་མཆོག་གྱུར་པ། །དྲག་ཤུལ་མཐུ་ལྡན་སྟོབས་འཕྲོག་ནག་པོ་ཞེས། །རྒྱ་བོད་མཁས་གྲུབ་ཀུན་ལ་རླུང་ལྟར་གྲགས། །ཞེས་པ་ལྟར་འཕགས་པའི་ཡུལ་དུ་སངས་རྒྱས་གཉིས་པ་ཀླུ་སྒྲུབ་ཞབས། བསོད་སྙོམས་པ་ཆེན་པོ་ཏ་ཐ་ག་ཏ་རཀྵེ་྄ཏྲ། པཎྜི་ཏ་འབུམ་ཕྲག་གསུམ་པ། རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོ་སོགས་པཎ་གྲུབ་དུ་མའི་ཆོས་སྐྱོང་གི་གཙོ་བོ་མཛད་ཅིང་། བོད་ཡུལ་འདིར་གཉན་ལོ་ཙཱ་བ་དར་
མ་གྲགས་ཀྱིས་གདན་དྲངས་སྲུང་མ་བརྒྱ་རྩ་ཙམ་གྱི་ནང་ནས་གཙོ་བོར་བཟུང་། བསྟན་པའི་མངའ་བདག་རྗེ་བཙུན་ས་སྐྱ་པ་ཡབ་སྲས་ལ་བཀའ་བབས་བསྟན་སྲུངས་མགོན་པོ་ཆེ་ཆུང་གཉིས་སུ་དབྱེ་བའི་ཆུང་བར་གྲགས་ཤིང་ཤིན་ཏུ་རྩུབ་འགྱུར་ཆེ་ཞིང་གཉན་ཆ་ཆེ་བས་བཀའ་ཆེས་དམ་པར་མཛད། ཁྱད་པར་སྦས་པའི་མགོན་པོ་ལ་རིགས་མང་དུ་ཡོད་པའི་ནང་ནས་སྦས་པའི་མགོན་པོའམ་དམ་ཚིག་གི་མགོན་པོ་ཡིན་པས་ཞལ་བཞི་ཡོངས་རྫོགས་ཀྱི་སྐུ་གཟུགས་བྲིས་འབུར་སོགས་ཀྱང་མི་བཞེད་ཞིང་རེ་གཉིས་བྱུང་བ་དག་ཀྱང་ཁྱབ་གདལ་དེང་སང་འདིའི་སྐུ་འདྲི་བ་དང་སྟོན་པ་སོགས་བག་མེད་དུ་བྱེད་པ་རྣམས་ནི་འདི་དག་རྣ་བས་མ་ཐོས་ཤིང་ཚུབ་འགྱུར་མི་འབྱུང་བ་སོགས་ཀྱང་ཆོས་སྐྱོང་ཡེ་མ་འཁོར་བའི་རྟགས་སོ། །དུ་ཡེ་མི་སྟོན་པ་སོགས་དམ་ཚིག་ཆེ་ཕྲ་ཀུན་ལ་གཅེས་པར་མཛད་པ་སྨིན་གྲོལ་གདམས་པའི་གནད་མཐའ་དག་མ་ཉམས་པ་སྙན་བརྒྱུད་མཁའ་འགྲོའི་ཁ་རླང་ཐུལ་ལེ་བ་ཐོས་བསམ་གྱིས་གཏན་ལ་འབེབས་པར་སྙན་བརྒྱུད་དང་པོ་བྱིན་རླབས་རྗེས་གནང་། གཉིས་པ་གདམས་པ་དངོས་གཞི། གསུམ་པ་བླ་མ་དང་མཁའ་འགྲོ་ཆོས་སྐྱོང་ལོངས་སྤྱོད་ཀྱི་མཉེས་པར་བྱ་བ་ལ་བརྟེན་ནས་སྙན་བརྒྱུད་བཞི་པའི་རྟེན་འབྲེལ་ཤུགས་ལ་འགྲིག་པ་སོགས་ཁུངས་བཙུན་གྱི་ཡིག་ཆ་མང་པོ་ལས་འབྱུང་བ་ལྟར་རམ། ཡང་ན་ཚར་པ་རྡོ་རྗེ་འཆང་གིས། དེ་ཡང་ཐོག་མར་ཚོགས་ཀྱི་འཁོར་ལོ་དང་། །རིན་ཅེན་གསེར་གྱི་མཎྜལ་ལ་སོགས་པ། །སྙན་བརྒྱུད་དང་པོའི་རྟེན་འབྲེལ་ཀུན་བསྒྲིགས་ནས། །སྙན་བརྒྱུད་གཉིས་པ་བྱིན་རླབས་རྗེས་གནང་སྦྱིན། །སྙན་བརྒྱུད་གསུམ་པ་གདམས་པའི་དངོས་གཞི་འདི། །བཀླག་ལུང་མིན་པར་ལག་ལེན་དམར་འཁྲིད་དུ། །བྱིན་པས་སྙན་བརྒྱུད་བཞི་པ་
ཤུགས་ལ་འབྱུང་། །ཞེས་པ་ལྟར་རྡོ་རྗེ་སློབ་དཔོན་མཉེས་པ་དངོས་གྲུབ་རྩ་བ་དང་ཤིན་ཏུ་བཀའ་གཉན་པའི་ཟབ་ཆོས་རྣམས་ལ་དཔོན་སློབ་གཉིས་ཀས་ཚོགས་དང་བསྐང་བཤགས་སོགས་ཀྱི་སྒོ་ནས་མཁའ་འགྲོ་སྲུང་མ་རྣམས་ཀྱི་ཉམས་ཆགས་སྐོང་ཞིང་བཀའ་རྒྱ་བཀྲོལ་ཏེ་གནང་བ་ཞུ་བ་མ་བྱས་ན་འཕྲལ་འཚུབ་མཐར་མི་ཤེས་པ་སོགས་འབྱུང་བས་ལྷ་འདོད་ཡོན་ལ་ལོངས་སྤྱོད་པ་ལྟ་བུ་སྙན་བརྒྱུད་དང་པོར་བྱས་ཏེ། གཉིས་པ་ཆུ་བོ་གངྒཱའི་རྒྱུན་ལྟ་བུ། གསུམ་པ་གསེར་འགྱུར་གྱི་རྩི་ལྟ་བུ། བཞི་པ་ཆོས་ལ་ཡིད་ཆེས་ཀྱི་མོས་གུས་རྙེད་པ་གཞོན་ནུའི་དགའ་བ་ལྟ་བུའི་གོ་རིམ་སྟེ། དེ་ཡང་བཤད་ཚུལ་གཉིས་པོ་གང་བྱས་ཀྱང་གོ་རིམ་ཙམ་ལས་དོན་ལ་ཁྱད་མེད་ནའང་ཕྱི་མའི་རྗེས་སུ་འབྲངས་ཏེ་སྙན་བརྒྱུད་དང་པོའི་རྟེན་འབྲེལ་བསྒྲིག་པ་སྔོན་དུ་འགྲོ་བའི་སྙན་བརྒྱུད་གཉིས་པ་རྗེས་གནང་དང་གསུམ་པ་གདམས་པའི་དངོས་གཞི་གཉིས། དང་པོ་ལ། གཉན་ལོའི་གནད་ཡིག་དང་དགའ་ལྡན་པ་ཀུན་བསོད་ཀྱི་ཡི་གེ་དང་ཚར་ཆེན་ཆོས་ཀྱི་རྒྱལ་པོས་མཛད་པའི་རྗེས་གནང་གི་ཡི་གེ་དངོས་གྲུབ་རྒྱ་མཚོ་དང་བརྒྱུད་པའི་ཕྱག་ལེན་ལ་བརྟེན་ནས་བསྙེན་དུས་ཀྱི་མགོན་པོའི་རྗེས་གནང་། ཕོ་ཉ་མྱུར་མགྱོག་དང་རྗེས་གནང་གི་ཡི་གེ་གོང་མ་རྣམས་ལ་བརྟེན་ནས་སྒྲུབ་དུས་ཐུན་མོང་པའི་རྗེས་གནང་། ཡི་གེ་དེ་གཉིས་དང་རྡོ་རྗེ་འཆང་ཚར་པ་ཆོས་རྗེས་མཛད་པའི་བཀའ་རྒྱ་མ་ལ་བརྟེན་ནས་སྒྲུབ་དུས་ཀྱི་རྗེས་གནང་ཐུན་མོང་མ་ཡིན་པ། རྗེས་གནང་གི་ཡི་གེ །གོང་མ་དང་མཐོང་བརྒྱུད་ཀྱི་ཕྱག་ལེན་དབྲི་སྣོན་ལྟར་ལས་སྦྱོར་གྱི་མགོན་པོའམ་པཎྜི་ཏ་འབུམ་ཕྲག་གསུམ་པ་ལུགས་ཀྱི་དཔལ་མགོན་གདོང་བརྙན་ཅན་དུ་གྲགས་པའི་རྗེས་གནང་
དངོས་གྲུབ་རྒྱ་མཚོ་དང་གསང་བ་ཐུན་མོང་མ་ཡིན་པའི་རྗེས་གནང་གི་ཡི་གེ་དང་ཕྱག་ལེན་གསུང་རྒྱུན་ལྟར་གསང་འཁྲིད་ཀྱི་རྗེས་གནང་། ལས་བཞིའི་རྗེས་གནང་ལ་འཇམ་དབྱངས་མཁྱེན་བརྩེས་མཛད་པའི་ཡི་གེ་ལ་བརྟེན་ནས་དཀར་པོ་ཚེ་འཕེལ་ཐུན་མོང་མ་ཡིན་པའི་རྗེས་གནང་དཀར་ཆག་ན་བཞུགས་པའི་ལས་བཞིའི་མངོན་རྟོགས་རྗེས་གནང་ཡིག་ཆུང་དངོས་གྲུབ་རྒྱ་མཚོ། གསུང་རྒྱུན་ཕྱག་ལེན་ལྟར་གཡས་ཞལ་དཀར་པོ་ལས་བྱུང་བའི་དཀར་པོ་ཚེ་འཕེལ་ཐུན་མོང་བའི་རྗེས་གནང་། སྟེང་ཞལ་དུད་ཁ་ལས་བྱུང་བའི་སེར་པོ་རྒྱས་བྱེད་ལྷ་དགུའི་རྗེས་གནང་། སེར་པོ་རྒྱས་བྱེད་ལྷ་ལྔའི་རྗེས་གནང་། གཡོན་ཞལ་དམར་པོ་ལས་བྱུང་བའི་དམར་པོ་དབང་སྡུད་ཀྱི་རྗེས་གནང་། རྩ་ཞལ་མཐིང་ནག་ལས་བྱུང་བའི་ནག་པོ་དགྲ་བགེགས་སྒྲོལ་བའི་རྗེས་གནང་། དངོས་གྲུབ་རྒྱ་མཚོའི་ཡི་གེ་དང་མཐོང་བརྒྱུད་ཀྱི་ཕྱག་ལེན་དབྲི་སྣོན་ལ་བརྟེན་ནས་ཤི་ས་བསྟན་པའི་རྗེས་གནང་། འདི་ལ་གདོང་གས་མ་དང་བརྩེགས་ཞལ་མར་གྲགས། ཡིག་ཆ་དངོས་གཞི་དང་ཚར་ཆེན་གྱི་ཟིན་ཐོ་ལ་བརྟེན་ནས་གནད་དབབ་ཀྱི་མགོན་པོ་ནང་གཤིན་རྗེ་ལྟར་སྒྲུབ་པའི་རྗེས་གནང་། ཐམས་ཅད་མཁྱེན་པ་མཁྱེན་བརྩེའི་ཟིན་ཐོ་ལྟར་ཁྱུང་ཞལ་ཅན་མ་དམག་དཔོན་མགོན་པོའི་རྗེས་གནང་། རྗེ་ནམ་མཁའ་ཆོས་དཔལ་གྱི་ཡི་གེའི་སྟེང་ནས་ཡེ་ཤེས་ཀྱི་མགོན་པོ་སེང་གེ་ནག་པོའི་རྗེས་གནང་། རྡོ་རྗེ་འཆང་ཚར་པ་ཆོས་རྗེའི་ཟིན་ཐོ་ལ་བརྟེན་ནས་གསུང་ངག་གསེར་ཆོས་བཅུ་གསུམ། མགོན་པོ་སོགས་སློབ་བཤད་གདམས་པ་ཕལ་ཆེར་རྫོགས་མཐར་བསྟན་པ་གཏད་པའི་ཚུལ་གྱིས་བྲམ་ཟེ་ནག་པོའི་སྔགས་གཏད་དང་བཅས་པ་རྣམས་ནོས། གཉིས་པ་སྙན་བརྒྱུད་གསུམ་པ་གདམས་པའི་
དངོས་གཞི་ལ། མན་ངག་གསེར་འགྱུར་གྱི་རྩི་ལྟ་བུ་ཉམས་འཁྲིད། ཕྱག་བཞེས་མན་ངག་རྒྱབ་རྟེན་ལུང་དང་བཅས་པ་གཉིས། དང་པོ་ལ། ཐོག་མར་རྡོ་རྗེ་འཆང་ཚར་པ་ཆོས་རྗེས་མཛད་པའི་ཚེ་སྒྲུབ་བསྲུང་འཁོར་རྒྱུན་གྱི་ཉམས་ལེན་མར་གྲགས་པའི་ཡི་གེ་དང་ཞལ་ཤེས་ལ་བརྟེན་ཅིང་སྔོན་འགྲོ་གསང་འཁྲིད་ནས་ཁ་བསྐངས་ཏེ་ཕྱི་ནང་གི་བསྲུང་འཁོར་འཆི་མེད་སྒྲུབ་པ་ཞར་བྱུང་ཟློག་པ་དང་བཅས་པའི་ཕྱིའི་ཉམས་འཁྲིད་ཟབ་མོ། འདི་བྱིན་རླབས་ཀྱི་ཚན་ཁ་ཤིན་ཏུ་ཆེ་བས་བླ་མ་གཉན་ལོ་ཙཱ་བ་དར་མ་གྲགས་ཀྱིས་དགུང་ལོ་བརྒྱ་དང་ལྔ་བཅུ་བཞུགས་པའང་མན་ངག་འདི་གཉིས་ཀྱི་ཆེ་བ་ཡིན་པར་སྣང་ངོ་། །རྡོ་རྗེ་འཆང་ཚར་པ་ཆོས་རྗེས་མཛད་པའི་འཁྲིད་ཡིག་ཟུང་འཇུག་རྣམ་པར་རོལ་པ་བདུད་སྡེ་འཇོམས་པའི་བཤན་པ་ཆེན་པོ་ལ་གཞི་བྱས། ལྷན་ཐབས་ཡིག་ཆུང་ཟིན་བྲིས་ཞལ་ཤེས་དང་བཅས་པས་བརྒྱན་ནས། སྔོན་འགྲོ་སྐྱབས་སེམས། ཡིག་བརྒྱ། བླ་མའི་རྣལ་འབྱོར། མཎྜལ་དང་བཅས་པའི་འཁྲིད། དངོས་གཞི་འཁོར་ལོ་བཞི་ལ་བརྟེན་པའི་བསྙེན་པ། འཁོར་ལོ་བཞི་ལྡན་གྱི་སྒྲུབ་པ། ཐུན་མོང་དང་ཐུན་མོང་མ་ཡིན་པའི་ལས་སྦྱོར། ཞར་བྱུང་མ་འགྲུབ་སྤོགས་ཆོག་གི་ངོ་སྤྲོད་དང་བཅས་ཏེ་སྔོན་འགྲོ་དངོས་གཞི་རྗེས་གསུམ་ཚང་བའི་ཉམས་ལེན་ལ་བརྟེན་ནས་རྡོ་རྗེའི་ལུས་ལ་གནད་དུ་བསྣུན་པའི་གནད་ཀྱིས་གཟུང་འཛིན་གྱི་རྩ་མདུད་རྣམས་གྲོལ་ནས་ཅིར་སྣང་བདེ་ཆེན་དུ་ཤར་ཏེ་ཚེ་འདིར་ཟུང་འཇུག་རྡོ་རྗེ་འཆང་གི་གོ་འཕང་མངོན་དུ་བྱེད་ནུས་པའི་གསང་འཁྲིད་ཀྱི་ཉམས་འཁྲིད་
ཟབ་མོ་ཞག་ཉི་ཤུ་སྐོར་གྱི་བར་དང་ཞིང་སྐྱོང་དབང་པོ་འཁོར་བཅས་བྱང་ཆུབ་མ་ཐོབ་ཀྱི་བར་དུ་རང་གི་སྙིང་དབུས་སུ་འབྲལ་མེད་དུ་བཞུགས་ནས་མཆོག་ཐུན་གྱི་དངོས་གྲུབ་མ་ལུས་པ་སྩོལ་བའི་དམར་འཁྲིད་དཔལ་ལྡན་ས་སྐྱ་བའི་གདུང་བརྒྱུད་ཁོ་ན་ལ་ཆིག་བརྒྱུད་དུ་བཞུགས་པའི་ཉམས་འཁྲིད་ཟབ་མོ་སྨིན་རྒྱས་སུ་ལེགས་པར་ནོས། །གཉིས་པ་ཕྱག་བཞེས་མན་ངག་རྒྱབ་བརྟེན་ལུང་དང་བཅས་པ་ལ། དཀར་ཆག་གིས་ཟིན་པའི་སྐོར་དང་། མ་ཟིན་པའི་སྐོར་ཏེ་གཉིས། དང་པོ་ནི། ཚར་ཆེན་ཆོས་ཀྱི་རྒྱལ་པོས་མཛད་པའི་དཔལ་རྡོ་རྗེ་ནག་པོ་ཆེན་པོ་གདོང་བཞི་པའི་ཆོས་སྐོར་གྱི་དཀར་ཆག་གསུང་རྒྱུན་པདྨའི་སྲད་བུར་བརྒྱུས་པའི་ཟབ་དོན་ནོར་བུའི་དོ་ཤལ། དེ་ལས་གསུངས་པའི་ཆོས་སྡེའི་རྣམ་གྲངས་པཎྜི་ཏ་འབུམ་ཕྲག་གསུམ་པ་ནས་བརྒྱུད་པ། །ཤྲཱི་པཎྚི་ཏ་ཏ་ཐཱ་ག་ཏ་རཀྵི་ཏ་ནས་བརྒྱུད་པ། ཁར་སཱ་པཱ་ཎིའི་རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོ་ནས་བརྒྱུད་པ་དང་གསུམ། དང་པོ་ལ། འགོར་སྐད་ཤན་སྦྱར་དང་དཔལ་མགོན་པོ་ནག་པོ་ལ་ཕྱག་འཚལ་ལོ། །འཇིགས་པའི་ཚོགས་རྣམས་འཇིགས་བྱེད་པའི། །ནག་པོ་དེ་ལ་ཕྱག་འཚལ་ནས། ཞེས་ཡོད་པའི་མགོན་པོ་གདོང་བརྙན་ཅན་ནམ་ལས་སྦྱོར་གྱི་མགོན་པོར་གྲགས་པ་གླང་གདོང་ཕྱག་དྲུག་པའི་སྒྲུབ་༼གློ༽༼ཕ༽༼ཉ༽ཐབས་ཀྱི་རྩ་བའི་རྒྱ་གཞུང་སློབ་དཔོན་ཀླུ་སྒྲུབ་སྙིང་པོས་མཛད་པ་པཎྚི་ཏ་འབུམ་ཕྲག་གསུམ་པ་དང་ལོ་ཙཱ་བ་གཉན་དར་མ་གྲགས་ཀྱིས་བསྒྱུར་བ། རྒྱ་གཞུང་གི་འགྲེལ་པ་དྲི་མེད་དོན་གསལ་
དགེ་བཤེས་དགེ་བ་རྒྱལ་མཚན་གྱིས་བསྐུལ་ནས་མདོ་སྟོད་པ་འཇམ་དབྱངས་རྒྱལ་མཚན་གྱིས་ཉང་བྲག་དགའ་ལྡན་དགོན་དུ་མཛད་པ། འགོར་ཏཱ་ར་ན་མོ་དཔལ་གདོང་བཞི་པའི་མངོན་རྟོགས་ཀྱི་མན་ངག་༼གློ༽པཎྚི་ཏ་འབུམ་ཕྲག་གསུམ་པའི་ཞལ་གདམས་མཐར་ཐུག་པ་ནི་ཞེས་ཡོད་པའི་གཙོ་འཁོར་ལྔའི་མངོན་རྟོགས་གོང་དཀར་བའི་གླེགས་བམ་ན་དོན་གཅིག་པ་ཚིག་འདྲ་མིན་རྒྱས་བསྡུས་༼ཉི༽ཅུང་ཟད་ཡོད་པ་ཞིག་འདུག །ཆུང་ངུ་བླ་མ་གོང་མས་མཛད་པ་དེར་རྟོགས་པར་བྱའོའི་མཐའ་ཅན། འགོར་དཀོན་ཅོག་གསུམ་ལ་ཕྱག་འཚལ་ལོ་རང་སྐད་ཅིག་གིས་ཧཱུྃ་མཐིང་ནག་ཏུ་གྱུར་པ་ལས་འོད་ཟེར་འཕྲོས། ཞེས་ཡོད་པའི་གཏོར་ཆོག་གི་ཡི་གེ་གོང་མས་མཛད་པ་དེ་ཝི་སིདྡྷི་ཞེས་ཉེར་གཅིག་གམ་གསུམ་ལ་སོགས་པས་དབུལ་ལོའི་མཐའ་ཅན། འགོར་ཚངས་པ་སེར་པོ་ངང་པ་བཞོན་ཞེས་ཡོད་པའི་འཁོར་མང་གི་མངོན་རྟོགས་ཚིགས་བཅད་མ་གོང་མས་མཛད་པ་བཀའ་ཉན་གསུང་གཏོད་ལས་བྱེད་ཚུལ་དུ་བསམ་གྱི་མཐའ་ཅན། ཐམས་ཅད་མཁྱེན་པ་བསོད་ནམས་རྒྱ་མཚོས་ཞལ་བཀོད་གནང་ནས་སྨན་ཐང་བློ་བཟང་པས་བྲིས་པའི་འཁོར་མང་གི་ཞལ་ཐང་དེ་ཡང་གཞི་འདི་ལ་བརྟེན་ནས་རྒྱས་སུ་བཏང་བར་མངོན། ལས་སྦྱོར་གྱི་གསལ་བྱེད་ལས་ཀྱི་ཤམ་བུ་བརྒྱད་༼གློ༽༼ཉི༽པ་ཞེས་པ་གསད་པའི་ལས། མཛེ་གཏོང་བ། རབས་གཅོད་པ་ཞིང་ལ་ལོ་མི་སྐྱེ་བ། རིམས་ནད་གཏོང་བ། གྲོང་ཁྱེར་དཀྲུགས་པ། གྲོང་བཤིག་པ། བསྐྲད་པ། སྨྱོ་བར་བྱེད་པ། འདི་གཉིས་ལྷག་པ་འདྲ་ཞིག་བྱུང་ཡང་གོང་གི་ཁོངས་སུ་བསྡུས་སམ་སྙམ། དབང་དུ་བྱེད་པ་རྣམས་གཉན་ལོས་མཛད་པ། འདི་ཡན་གྱི་གླང་གདོང་
མའི་སྐོར་རྫོགས་ནས་ཞར་བྱུང་འགོར་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །སངས་རྒྱས་བསྟན་པ་བསྲུང་བའི་ཕྱིར། །དཔལ་ལྡན་མགོན་པོ་ཞལ་བཞི་པའི། །གསེར་གྱི་སྤུ་གྲིའི་ལག་ལེན་འདྲི། །ཞེས་ཡོད་པའི་དཔལ་མགོན་ཁྱུང་ཞལ་ཅན་ནམ་དམག་དཔོན་མགོན་པོའི་སྒྲུབ་ཐབས་ལག་ལེན་གཞུང་ནས་དྲིལ་ནས་བཏུས། སྔགས་འཆང་བསྟན་པ་བསྲུང་བར་ཤོག་གི་མཐའ་ཅན་རྣམས། གཉིས་པ་ཤྲཱི་པཎྜི་ཏ་ཏ་ཐཱ་ག་ཏ་རཀྵི་ཏ་ནས་བརྒྱུད་པ་ལ། འགོར་རྒྱ་སྐད་དང་ཞལ་བཞི་པའི་དམ་ཚིག་དངོས་གྲུབ་སྒྲུབ་པའི་ཐབས་ཞེས་ཡོད་པའི་རྩ་བའི་སྒྲུབ་༼ཨེ༽༼སྒོ༽༼གློ༽༼ཉི༽ཐབས་རྫོང་པོད་ནའང་ཡོད། ཏ་ཐཱ་ག་ཏ་རཀྵི་ཏས་མཛད་པའི་བདག་མདུན་མགོན་པོ་ཞལ་ཁྲ་ཅན་ནམ་སྒྲུབ་དུས་ཀྱི་མགོན་པོར་གྲགས་ཤིང་། དེང་སང་ཡོངས་གྲགས་སྒྲུབ་དུས་ཀྱི་མགོན་པོ་ཞལ་གཡས་གཡོན་མཐིང་ནག་ཏུ་བྱེད་པའི་ཡི་གེ་འགའ་ཞིག་འདུག་ཀྱང་ཚར་ལུགས་ལ་སྒྲུབ་དུས་ཀྱང་ཞལ་ཁྲ་ཅན་དུ་མཛད་པ་གཞུང་འདིའི་གནད་འགག་གཙོ་བོར་སྟོན་པར་སྣང་། རྒྱ་གཞུང་རྩོམ་པ་པོ་རང་ཉིད་དང་གཉན་ལོ་ཙཱ་བ་དར་མ་གྲགས་ཀྱིས་བསྒྱུར་བ། གཞུང་ཆུང་འདི་ལ་འཕྲིན་ལས་རྣམ་བཞི་བྱེ་བྲག་ཏུ་སྒྲུབ་ཚུལ་གྱི་གནད་འགག་ཀྱང་ཟུར་ཙམ་བསྟན་འདུག་ཅིང་། རྡོ་རྗེ་འཆང་ཚར་པ་ཆོས་རྗེས་གསང་སྒྲུབ་གསལ་བྱེད་སྙིང་ཐིག་གི་སྐབས་རྒྱ་གཞུང་ལས་བཤད་ཚུལ་གྱི་རྩ་བའང་གཞུང་འདི་ལ་བརྟེན་པ་ཡིན་ནོ། །འགོར་རྒྱ་གར་གྱི་ཡུལ་དུ་ཆུ་བོ་གངྒཱ་དང་ཉི་མ་ཕྱེད་དང་གཉིས་ཙམ་ཡོད་པའི་གྲོང་ཆུང་ངུའི་འགྲམ་ཞིག་ན་ཞེས་ཡོད་པའི་གཉན་ལོས་མཛད་པའི་པཎྜི་ཏ་མཇལ་ཚུལ་གྱི་ལོ་རྒྱུས་ཉུང་ངུ་དང་སྦྲེལ་བའི་༼གློ༽སྒྲུབ་ཐབས་རྫོང་པོད་ནའང་ཡོད། ཀྱི་རིམ་པ་བསྙེན་པ་དང་
ལས་སྦྱོར་སྟོན་པ་ཟླ་བ་གཅིག་གིས་ལས་རྣམས་འགྲུབ་བོ་ཏ་ཐཱ་ག་ཏ་རཀྵི་ཏས་གཉན་ལ་འོའི་མཐའ་ཅན་རྣམས། ཕལ་ཆེར་སྙན་བརྒྱུད་ཀྱི་ཞལ་བཞེས་ལ་རག་ལས་ཞེས་དཀར་ཆག་ན་སྣང་བས་ཡི་གེ་འདི་ལས་མང་བ་ཞིག་ཐོག་མ་ནས་མེད་ཚོད་དུ་འདུག །གསུམ་པ་ཁཪྶཱ་པཱ་ཎིའི་རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོ་ལས་བརྒྱུད་པ་ལ། ཟབ་ཅིང་རྒྱ་ཆེ་བ་ཕྱིའི་སྒྲུབ་བསྐོར། རྡོ་རྗེའི་ལུས་ལ་གནད་དུ་བསྣུན་པ་གསང་བའམ་ནང་གི་མན་ངག །སྙིང་ནང་གི་ཁྲག་ལྟ་བུ་ཁྱད་པར་གྱི་མན་ངག་དང་གསུམ། དང་པོ་ལ། ཡིད་ཆེས་ཤིང་ཁུངས་བཙུན་པ་ལོ་རྒྱུས་ཀྱི་ཡི་གེ །ནུས་ལྡན་དུ་བྱ་བ་རྗེས་གནང་གི་ཡི་གེ །རྩ་བར་གྱུར་པ་བསྙེན་སྒྲུབ་ལས་གསུམ་གྱི་ཡི་གེ །གསལ་བྱེད་དུ་གྱུར་པ་ལྷན་ཐབས་སམ་ཡན་ལག་གི་ཡི་གེ །འཕྲལ་དུ་ཉེ་བར་མཁོ་བ་གཏོར་ཆོག་དང་བསྐང་བ་བསྟོད་བསྐུལ་གྱི་ཡི་གེ་དང་ལྔ། དང་པོ་ལ། འགོར་ན་མོ་གུ་རུ་མན་ངག་འདིའི་བརྒྱུད་པའི་ལོ་རྒྱུས་ནི་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཞེས་ཡོད་པའི་ལོ་རྒྱུས་ཀྱི་ཡི་གེ་ས་ཆེན་གྱིས་མཛད་པ་བོན་པོ་ཕོ་མོ་འདྲེས་པ་ལྔ་བཅུ་ཙམ་ཆོས་སྐྱོང་གི་ནུས་པས་བསད་ཟེར་རོའི་མཐའ་ཅན། འདིའི་ནང་དུ་ཁའུ་པར་རྗེ་བཙུན་ས་སྐྱ་པས་ཞུས་ཟེར་བ་ལྟར་ན་ཚིག་གཅིག་གཉིས་སླར་བསྣན་པ་འདྲའོ། །འགོར་བརྒྱུད་པའི་བླ་མ་རྣམས་ལ་ཕྱག་འཚལ་ལོ་བཀའ་སྲུང་འདིའི་ལོ་རྒྱུས་ནི་བླ་མ་རྡོ་རྗེ་གདན་པ་ལ་ཞེས་ཡོད་པའི་ལོ་རྒྱུས་༼ཉི༽ཀྱི་ཡི་གེ་རྒྱས་པ་འཕགས་པས་མཛད་པ་མངའ་བདག་ཀྱང་དེའུ་གྲོང་བློན་པོ་ལ་ལ་ཡང་ཤི་སྐད་ཀྱི་མཐའ་ཅན་ཞར་བྱུང་བླ་བརྒྱུད་དང་བཅས་པ། གཉིས་པ་ནུས་ལྡན་དུ་བྱ་བ་རྗེས་གནང་གི་
ཡི་གེ་ལ། འགོར་ཨོཾ་སཱ་སྟི་སིདྡྷཾ་ནག་པོ་ཆེན་པོའི་ལུང་སྦྱིན་པ་ནི་འབྱོར་ན་ཚོགས་ཀྱི་འཁོར་ལོའི་རྟིང་ལ་བྱ་༼སྒོ༽ཞེས་ཡོད་པའི་ནག་པོ་ཆེན་པོའི་རྗེས་གནང་གཉན་ལོ་ཙཱ་བས་མཛད་པ་གདམས་པ་འོའི་མཐའ་ཅན། རྫོང་པོད་ནའང་ཡོད། འགོར་བླ་མ་དང་ཏཱ་ར་ལ་ན་མོ་ནག་པོ་ཆེན་པོ་ཞལ་བཞི་པའི་རྗེས་གནང་ལ་གསུམ་སྟེ་ཞེས་ཡོད་པའི་རྗེས་གནང་གི་ཡི་གེ་ཁའུ་པས་མཛད་པ་སྨོན་ལམ་གདབ་པོ་ཞལ་བཞི་པའི་རྗེས་གནང་རྫོགས་སོའི་མཐའ་ཅན། འགོར་ན་མོ་གུ་རུ་དབང་ཐོབ་ཅིང་དམ་ཚིག་མ་ཉམས་པས་འདིའི་རྗེས་གནང་དང་བཀའ་ལུང་ཐོབ་ཅིང་ཞེས་ཡོད་པའི་རྗེས་གནང་གི་ཡི་གེ་ས་ཆེན་གྱིས་མཛད་པ་སྨོན་ལམ་གདབ་བཀྲ་ཤིས་བྱའོའི་མཐའ་ཅན། འགོར་ཏཱ་ར་ལ་ན་མོ་འདིའི་རྗེས་གནང་ལ་དོན་གསུམ་སྟེ་སྦྱོར་བ་དངོས་གཞི་རྗེས་སོ་ཞེས་ཡོད་པའི་རྗེས་གནང་༼ཨེ༽༼སྒོ༽༼གློ༽གསལ་བ་རྫོང་པོད་ན་མཆན་མི་འདུག །དོན་དེ་གཉེར་བ་འགས་ཡང་ཡང་གསོལ་བ་བཏབ་པའི་ངོར་རྣལ་འབྱོར་པ་གྲགས་པ་རྒྱལ་མཚན་གྱིས་བྲིས་པ། འགོར་ཨོཾ་སྭ་སྟི་སྲིད་གསུམ་དབང་སྒྱུར་དཔལ་ལྡན་ནག་པོ་ཆེ་ཞེས་ཡོད་པའི་རྗེས་གནང་ཤིན་ཏུ་རྒྱས་པ་ནག་པོ་འགྲོ་ཤེས་༼ཉི༽ཞེས་པ་དཔང་པོར་ནག་པོ་ཆེན་པོ་བཞུགས་པ་འདི་རང་གི་བླ་མས་རྗེས་སུ་གནང་ནས་བཀས་བསྐུལ་ཞིང་གྲོགས་མཆེད་དམ་པའི་གསུང་གི་ངོར་རྗེ་བཙུན་པའི་ཡི་གེའི་སྟེང་དུ་འཕགས་པའི་ཕྱག་ལེན་དང་ཞང་ཁུ་དབོན་ལས་བརྒྱུད་དེ་བླ་མ་དམ་པ་བསོད་ནམས་རྒྱལ་མཚན་གྱི་ཕྱག་བཞེས་ལྟར་ཡར་ཀླུངས་པ་སེང་གེ་རྒྱལ་མཚན་གྱིས་ཀླུའི་དགོན་པར་མཛད་པ། དེས་སློབ་མས་བསྐུལ་བའི་ངོར་མཛད་པའི་འགོར་དཔལ་ཞལ་བཞི་པའི་རྗེས་གནང་ཐུན་མོང་མ་ཡིན་པ་ལ་
ཞེས་ཡོད་པའི་གྲི་སྙིང་བླ་རྡོ་སྲོག་འཁོར་ཕྱག་མཚན་རྣམས་ཀྱི་རྗེས་གནང་གི་ཡི་གེ་རྣམས། གསུམ་པ་རྩ་བར་གྱུར་པ་བསྙེན་སྒྲུབ་ལས་གསུམ་གྱི་ཡི་གེ་ལ། ཀུན་གྱི་རྩ་བ་རི་སུལ་གྱི་རྣལ་འབྱོར་མས་མཛད་པའི་སྒྲུབ་༼སྒོ༽༼གློ༽༼ཉི༽ཐབས་མཚན་བཤད་དུ་གྲགས་པའི་ཡི་གེ །རྫོང་ཆུང་པའི་དེར་འགྲོ་བའི་ལམ་དུ་ཨན་དྷ་མུ་ཤར་བཅུག་ལ་སྦའོ་ཡན་ལས་མི་འདུག་ཅིང་གོང་དཀར་བའི་གླེགས་བམ་ན་དེའི་མཇུག་ཏུ་གྲོང་ཁྱེར་བསྐྱོད་པ་དང་སྔགས་ཐུང་བྲིས་པ་གཅིག་དང་ཡང་དངོས་དཀྱུས་དང་མཐུན་པ་ལ་ཏ་ཐཱ་ག་ཏ་རཀྵི་ཏའི་ལུགས་ཀྱི་ལོ་རྒྱུས་སྒྲུབ་ཐབས་གཉན་གྱི་ལོ་རྒྱུས་སྒྲུབ་ཐབས་གཉན་གྱིས་མཛད་པ་དེའི་ལོ་རྒྱུས་ཆུ་བོ་གངྒཱ་ཞེས་སོགས་ཡོད་པ་འཇུག་ན་བཏགས་བས་བསྲེས་པ་ཞིག་ཀྱང་སྣང་ངོ་། །གཞུང་དེ་ལ་བརྟེན་ནས་བསྙེན་སྒྲུབ་ཞར་བྱུང་མནན་པ་དང་བཅས་པ་འགོར་མ་ཧཱ་ཀཱ་༼སྒོ༽༼གློ༽ལའི་མན་ངག་ལ་བསྙེན་སྒྲུབ་གཉིས་ལས་ཞེས་ཡོད་པ་གཉན་ལོའི་ཨུ་པ་དེ་ཤ་འོའི་མཐའ་ཅན། གཉན་ལོས་མཛད་པའི་ཆོས་སྐྱོང་གི་གནས་ཀྱི་ཡིག་ཆུང་༼སྒོ༽༼གློ༽ཞེས་པ་བསྙེན་པ། སྒྲུབ་པ། གསད་པ། ལས་སྦྱོར་དང་བཅས་པ་ཞལ་གྱི་གདམས་རྫོང་པོད་ནའང་ཡོད། པ་འདི་མི་ལ་མ་སྤེལ་རྣམ་སྨིན་ཆེའོ་གསུང་བའི་མཐའ་ཅན། མགོན་པོ་སྒྲུབ་དུས་ཀྱི་ལས་ཁྲིགས་རྫོང་པོད་ནའང་ཡོད། ༼སྒོ༽བླ་མ་ཁའུ་པ་ཆེན་པོས་མཛད་པ་སྙིང་ཕྱུང་རིགས་བརྒྱུད་རྩད་ནས་ཆོད་ཅེས་བརྗོད་དོའི་མཐའ་ཅན། འགོར་མ་ཧཱ་ཀཱ་ལ་ཙ་ཏུརྨུ་ཁ་ཨུ་པ་དེ་ཤ་ཞེས་ཡོད་པའི་མགོན་པོ་སྒྲུབ་༼ཨེ༽༼སྒོ༽༼གློ༽དུས་ཀྱི་ལས་ཁྲིགས་གསལ་རྫོང་པོད་ནའང་ཡོད། བྱེད་ས་ཆེན་གྱིས་མཛད་པ་དེའི་སྙིང་ག་བསྣུན་པར་བྱ་འོའི་མཐའ་ཅན། ཁའུ་པས་མཛད་པའི་ལས་ཁྲིགས་ཀྱི་གསལ་༼ཨེ༽༼སྒོ༽༼ཕ༽བྱེད་འགོར་བླ་མ་མགོན་
པོ་ནག་པོ་ཆེན་པོ་ལ་ཕྱག་འཚལ་ལོ་མགོན་པོ་སྒྲུབ་དུས་ཀྱི་ལས་ཁྲིགས་ལ་གསུམ་ཞེས་ཡོད་པའི་ཡི་རྫོང་པོད་ན་ལས་ཁྲིགས་ཆེན་པོ་ཞེས་པ་ལས་མཛད་པ་མི་གསལ། གེ་སྔགས་འཆང་གཟུངས་པས་མཛད་པ་དགྲ་ན་བ་དང་འཆི་བ་ལ་སོགས་པའི་ལས་ངེས་པར་འགྲུབ་བོ་ས་མ་པ་ཐ་མིའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་ལྡན་ནག་པོ་ཆེན་པོ་གདོང་བཞི་པ་བསྙེན་ཅིང་སྒྲུབ་པར་འདོད་པས་ཞེས་ཡོད་པའི་བསྙེན་སྒྲུབ་༼ཨེ༽༼ཉི༽ལས་གསུམ་གྱི་སྒྲུབ་ཐབས་ནག་པོ་འགྲོ་ཤེས་དགའ་ལྡན་པ་ཀུན་བསོད་ཀྱིས་མཛད་པ་སྒྲུབ་པ་དང་ལས་སྦྱོར་གྱི་ཡིག་ཆུང་མི་སྤེལ་གསང་བར་བྱའོའི་མཐའ་ཅན། རྫོང་པོད་ན་འདི་གཟུངས་པའི་ནག་འགྲོས་སུ་ངོས་བཟུང་། རྣམ་གསུམ་ལག་ལེན་གསལ་བྱེད་ཞལ་ནས་སྙན་དུ་བརྒྱུད་པའི་ལག་ལེན་དམར་འཁྲིད་མཐོང་ཆོག་བླ་མ་དམ་པ་བསོད་ནམས་རྒྱལ་མཚན་གྱི་གསུང་བཞིན་བསོད་ནམས་གྲགས་པ་དཔལ་བཟང་པོས་ཡོན་ཏན་དུ་མས་མངོན་པར་མཐོ་བའི་བློ་གྲོས་རྒྱལ་མཚན་གྱིས་བསྐལ་བ་ལ་བརྟེན་ནས་ཟིན་བྲིས་སུ་བཀོད་པ། བསྙེན་པའི་གོ་རིམ་གནད་དོན་སྙན་བརྒྱུད་བདུད་རྩིའི་སྐྱེས་འཕྲེང་རྣལ་འབྱོར་དབང་ཕྱུག་ཡར་ཀླུངས་པས་དད་ལྡན་སློབ་མའི་ཞལ་ངོར་སྦྱར་བ། དེས་མཛད་པའི་འགོར་ཏཱ་ར་ན་མ་དཔལ་མགོན་ཙ་ཏུརྨུ་ཁའི་བསྙེན་པ་བྱ་བར་འདོད་པས་ཞེས་ཡོད་པའི་བཟླས་པ་དང་གེགས་སེལ་གྱི་མན་ངག་སྙན་བརྒྱུད་གསེར་ཆོས་མཐར་ཐུག །དེས་མཛད་པའི་འགོར་བླ་མ་མཆོག་དང་ཆོས་སྐྱོང་ལ། །ལུས་ངག་ཡིད་གསུམ་གུས་བཏུད་ནས་ཞེས་ཡོད་པའི་བསྙེན་སྒྲུབ་ལས་གསུམ་སྤོགས་ཆོག་ཤི་ས་བསྟན་པ་དང་བཅས་པའི་མངོན་རྟོགས་གསལ་བྱེད་གནད་ཀྱི་ཞལ་
གདམས་མཐར་ཐུག་སྙན་ནས་སྙན་དུ་བརྒྱུད་པའི་གསེར་ཆོས་མཆོག་ཏུ་གྱུར་བའི་མཁའ་འགྲོའི་སྙིང་ཁྲག །དེས་མཛད་པའི་དཔལ་གདོང་བཞི་པའི་གཏོར་མ་བཅའ་ཐབས་ཀྱི་སྙན་བརྒྱུད་སྙིང་གི་ཁྲག་ཐིག་ལྟ་བུ། དེས་མཛད་པའི་འགོར་བླ་མ་ཡི་དམ་བསྟན་སྐྱོང་ལ། །སྒོ་གསུམ་གུས་པས་ཕྱག་འཚལ་ནས་ཞེས་ཡོད་པའི་ལས་རབ་འབྱམས་དང་གསད་བསྐྲད་ཀྱི་འཁོར་ལོའི་ཞལ་གདམས་ཆིག་བརྒྱུད་མ་སྙིང་ནང་གི་ཁྲག་ལྟ་བུ། དེས་མཛད་པའི་འགོར་སངས་རྒྱས་ཀུན་དངོས་བླ་མ་དང་ཞེས་ཡོད་པའི་བྱེ་བྲག་ཏུ་གསད་ལས་ཀྱི་འཁོར་ལོའི་མན་ངག་མཁའ་འགྲོའི་ཁ་རླངས་ཅན་དུ་གྲགས་པ་རྣོ་མྱུར་སྤུ་གྲི་རེག་ཆོང་དང་འདྲ་བའི་མན་ངག་སྙན་བརྒྱུད་མཐར་ཐུག །དེས་མཛད་པའི་འགོར་བླ་མ་མཆོག་དང་ལྷ་མཆོག་ལ་ཞེས་ཡོད་པའི་འཁྲུལ་འཁོར་བལྟབ་ཅིང་སྦ་བ་སོགས་མནན་པའི་མན་ངག་མཐར་འདོན་ཐབས་དང་བཅས་པ་སྙན་བརྒྱུད་སྦས་དོན་གསལ་བ། ཡར་ཀླུངས་པའི་གསུང་འདི་རྣམས་ཕྱི་སྒྲུབ་ལ་ལྟོས་པའི་བཀའ་རྒྱ་དམ་པས་མང་བ་ལ་མི་སྟོན་པའི་གྲས། བསྙེན་སྒྲུབ་ལས་གསུམ་གྱི་སྒྲུབ་ཐབས་རྟ་བདུན་རྒྱལ་པོ་ཞེས་བྱ་བ་མདོ་སྟོད་པ་འཇམ་དབྱངས་རྒྱལ་མཚན་གྱིས་མཛད་པ། དེ་སྐོར་གྱི་ཡིག་ཆུང་བཞི་ཞེས་པ་པྲཛྙ་ཕ་ལའི་གསུང་བཞིན་བྲིས་པའི་ས་ཆེན་ཀུན་དགའ་སྙིང་པོའི་མན་ངག་གནད་བརྒྱད་པའི་ངོས་འཛིན་དང་། ཆོས་ཚན་བཞིའི་སྐབས་འདི་གཉིས་སོ་སོར་འདྲེན། མ་ཆག་པའི་གནད་གཉིས་སྟོན་པའི་ཞལ་བཞི་པའི་སྲོག་སྙིང་གནད་གྱི་མན་ངག་སྙིང་དང་འདྲ་བ་མདོ་སྟོད་པ་འཇམ་དབྱངས་ཀྱིས་དྭགས་ལྷ་སྒམ་པོར་སྦྱར་བ། དཔལ་མགོན་གདོང་བཞི་པའི་མནན་པ་དང་སྲོག་
གི་ཞལ་གདམས་འི་མཐའ་ཅན། འགོར་ཆོས་སྐྱོང་གི་རྟེན་གྱི་འཁོར་ལོ་ནི་དབང་པོ་དར་མ་གྲིར་ཤི་བ་ཞེས་ཡོད་པ་གྲུབ་པ་དཔལ་གྱིས་ཡི་གེར་བཀོད་པ་རྣམས། བཞི་པ་གསལ་བྱེད་དུ་གྱུར་པ་ལྷན་ཐབས་སམ་ཡན་ལག་གི་ཡི་གེ་ལ། སྤྱིའི་ལྷན་ཐབས་བྱེ་བྲག་གི་ལྷན་ཐབས། ལས་ཕྲན་བུའི་མན་ངག་དང་གསུམ། དང་པོ་ལ། སྲོག་འཕྲོག་པ། བཅིང་བ། ཁྱི་ལྟར་འཁྲིད་པ། སྔ་ཕྱི་གཉིས་མི་འཁྲེན་པ་རྩལ་འགྲན་པ་སྟེ་ཞལ་གྱི་གདམས་༼ཨོ༽༼སྒོ༽༼གློ༽༼༽པ་དོན་ལྔ་རྫོང་པོད་ན་ཡོད་པ་དེར་མི་སྤེལ་བའི་བཀའ་རྒྱ་ཡོད་དོ་ཡན་ལས་མེད། མ་ཤཱཀྱའི་དགེ་སློང་གཉན་གྱི་ཨུ་པ་དེ་ཤ །ལྟ་བ། དམ་ཚིག །མཐུན་རྫས་སྔགས། འཁུ་ལྡོག་མི་འབྱུང་བ། ཤི་ས་བསྟན་པ་སྟེ་ཟབ་པའི་གནད་དྲུག་གི་གདམས་པ་མཆན་བུ་དང་བཅས་པ་རི་སུལ་གྱི་རྣལ་འབྱོར་མའི་མན་ངག་གཉན་གྱི་གསུང་། དེའི་གསལ་བྱེད་གདམས་འདི་ལ་དོན་དྲུག་སྟེ་ཞེས་རྫོང་པོད་ན་ཡོད་པ་དེར་སྐད་ངན་ཙེ་རེ་འོང་ངོ་ཡན་ལས་མི་འདུག །ཡོད་པའི་བླ་མ་༼ཨེ༽༼སྒོ༽༼གློ༽༼ཉི༽གཉན་གྱི་ཉེ་གནས་དར་མ་སེང་གེ་ལ་གནང་བ་སྲོད་ཐུན་ལ་གཏོར་མ་མེད་དུ་མི་རུང་ངོའི་མཐའ་ཅན། མགོན་པོ་ལ་ཕ་ལྟར་བཀུར་ཞིང་ལྷ་མོ་ལ་སྲིང་ལྟར་དུངས་པའི་མན་རྫོང་པོད་ནའང་ཡོད། ༼ཨེ༽༼སྒོ༽༼ཉི༽ངག་བློས་ཁེལ་བ་ནི་འགོ་བའི་གནད་ཡིན་ནོའི་མཐའ་ཅན། ཁྱད་པར་གྱི་དམ་ཚིག་༼གློ༽གི་ཡི་གེ་ཤིན་ཏུ་གསང་བར་བྱ་བ་རྣམས་ཡིན་ནོའི་མཐའ་ཅན་རྫོང་པོད་ནའང་ཡོད། འཁོན་ནག་ཟས་སུ་ཟ་བའི་གདམས་ངག་༼སྒོ༽༼ཉི༽སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་བྱང་གི་མཐའ་ཅན། འདི་རྫོང་པོད་ན་ཡོད་ངོར་པའི་དེར་ཀླུ་སྒྲུབ་ནས་བརྒྱུད་པ་ཞིག་འདུག་པ་འདི་དང་མི་མཐུན། གོང་དཀར་བའི་གླེགས་བམ་དུ།
སློབ་དཔོན་པདྨས་མཛད་པའི་ཁ་གསལ་མི་འདུག །འགོར་དཔལ་མ་ཧཱ་ཀཱ་ལ་ལ་ཕྱག་འཚལ་ལོ་ཉམས་ཆགས་སམ་འཆི་ལྟས་བྱུང་བའམ་ཆགས་ཆེ་བའི་དུས་སུ་གཏོར་སྐྱོང་བྱེད་པར་འདོད་ན་མཎྜལ་ཞེས་ཡོད་པའི་ཉམས་ཆགས་༼ཨེ༽༼སྒོ༽༼གློ༽བཀང་བའི་ཡི་གེ་བསྡུས་རྫོང་པོད་ནའང་ཡོད། པ་བསྐང་བཤགས་ཆོ་ག་འོའི་མཐའ་ཅན་གཉན་གྱིས་མཛད་པ། དེས་མཛད་པའི་དཔལ་མ་ཧཱ་ཀཱ་ལ་ལ་ཕྱག་འཚལ་ལོ་རྣལ་འབྱོར་པ་ལ་ཉམས་ཆགས་སམ་འཆི་ལྟས་བྱུང་བའམ་ཆགས་ཆེ་བའི་དུས་སུ་༼ཉེ༽གཏོར་སྐྱོང་བྱེད་པར་འདོད་ན་ནང་དུ་གཏོར་མ་ཞེས་ཡོད་པའི་ཉམས་ཆགས་བཀང་བའི་ཡི་གེ་རྒྱས་པ་གདམས་ངག་འི་མཐའ་ཅན། འགོར་འདིའི་དམ་ཚིག་གསོ་བ་ནི་ཞེས་ཡོད་པའི་ཁའུ་པས་མཛད་པའི་དམ་ཚིག་གསོ་བའི་པདྨ་༼ཨེ༽༼སྒོ༽༼གློ༽ཁ་སྦྱོར་གྱི་ཡི་གེ་བསྡུས་རྫོང་པོད་ནའང་ཡོད། པ་བླ་མ་གནམ་ཁའུ་པ་གསུང་འི་མཐའ་ཅན། དེས་མཛད་པའི་འགོར་བླ་མ་དམ་པ་དང་ནག་པོ་གདོང་བཞི་པ་ལ་ན་མོ་ཆོས་སྐྱོང་འདི་བསྟེན་པ་ན་༼ཉི༽ཞེས་ཡོད་པའི་པདྨ་ཁ་སྦྱོར་གྱི་ཡི་གེ་རྒྱས་པ་གནམ་ཁའུ་པའི་གདམས་པ་ས་མ་བ་ཐའི་མཐའ་ཅན། འགོར་ནག་པོ་ཆེན་པོ་ལ་ཕྱག་འཚལ་ལོ་མགོན་པོའི་གསང་བ་བྱེད་པར་འདོད་པས་ཞེས་ཡོད་པ་༼ཨེ༽༼སྒོ༽༼གློ༽༼ཉེ༽གསང་བའི་ཆོ་ག་འདི་དཀར་ཆག་ན་མི་གསལ་རྫོང་པོད་ན་ཡོད། །འོའི་མཐའ་ཅན་རྣམས། གཉིས་པ་བྱེ་བྲག་གི་ལྷན་ཐབས་ལ། སྔོན་འགྲོ་རྟེན་གྱི་སྐབས་སུ་འགོར་ཏཱ་ར་ན་མོ་མ་ཧཱ་ཀཱ་ལའི་རྟེན་བཅའ་བ་ནི་ཕྱི་རྟེན་དུ་གཡག་ནག་ཅེས་ཡོད་པའི་ཕྱི་ནང་༼ཨེ༽༼སྒོ༽༼གློ༽གསང་བ་དེ་ཁོ་ན་ཉིད་དང་
བཅས་པའི་རྟེན་བཅའ་བའི་ཡི་རྫོང་པོད་ནའང་ཡོད། གེ་ཤཱཀྱའི་དགེ་སློང་གཉན་གྱིས་མཛད་པའི་ཨུ་པ་དེ་ཤ་སུ་ཐོད་ཐོད་ལ་བསྟན་པར་མི་བྱའོའི་མཐའ་ཅན། འགོར་མ་ཧཱ་ཀཱ་ལའི་རྟེན་བཅའ་བ་ནི་རྡོ་ནག་པོ་སྨུག་པོའམ་ཞེས་ཡོད་པའི་ནང་རྟེན་བླ་རྡོ་བཅའ་བའི་ཡི་གེ་བསྡུས་རྫོང་པོད་ནའང་ཡོད། པ་གཉན་ལོའི་གསུང་བཅུ་བཞི་ལ་མ་ཆག་པ་གོང་བཞིན་བྱ་འོའི་མཐའ་ཅན། དེའི་གསུང་འགོར་རྡོ་རྗེ་ནག་པོ་ཆེན་པོའི་རྟེན་བཅའ་བ་ནི་བྱང་ཤར་རམ་ཤར་ལྷོ་ནས་ཞེས་ཡོད་པའི་ནང་རྟེན་བླ་རྡོ་བཅའ་བའི་ཡི་གེ་རྒྱས་པ་གཏོར་མའང་གྲུབ་ན་བཟང་ངོ་། །བླ་མ་གཉན་ལོ་ཙཱ་བའི་མན་ངག་འི་མཐའ་ཅན། གསང་རྟེན་གྱི་སྐབས་སུ་འགོར་རྟེན་བཅའ་ཐབས་ལ་གྲི་སྙིང་འཁོར་ལོ་ཞེས་ཡོད་པའི་གཏུམ་པོ་རང་༼སྒོ༽༼གློ༽བསྲུང་གི་འཁོར་ལོ་འདྲི་ཚུལ་རྟེན་བཅའ་ཐབས་སོའི་མཐའ་ཅན། འདི་གཉིས་གཅིག་ཏུ་བྱེད་ན་མ་གཏོགས་སོ་སོར་བྱེད་ཚེ་དཀར་ཆག་ཏུ་གཅིག་མི་གསལ་བས་ཞར་བྱུང་ཡིན་ནམ་སྙམ། འགོར་གཏུམ་པོ་རྫོང་པོད་ནའང་ཡོད། བསྲུང་བའི་འཁོར་ལོ་དང་ཞེས་ཡོད་པའི་གསལ་༼སྒོ༽༼གློ༽བྱེད་གསེར་སྲང་བཞི་ཕུལ་ཞེས་གྲགས་སོའི་མཐའ་ཅན། འགོར་འདིའི་གནད་ལ་བླ་མ་ཆོས་རྗེ་བདག་གིས་བླ་མ་ལགས་ནའང་ཞེས་ཡོད་པའི་རང་༼ཨེ༽༼སྒོ༽བསྲུང་འཁོར་ལོ་ཐུན་མོང་མ་ཡིན་པའི་མན་ངག་དཔལ་མགོན་ཁྱོད་ལ་མཐོལ་ལོ་བཤགས་ཀྱི་མཐའ་ཅན། རྫོང་པོད་ནའང་བཞུགས། དེའི་བྲི་ཡིག་འགོར་བསྲུང་འཁོར་ལ་མུ་ཁྱུད་ཕྱི་ནང་༼སྒོ༽གཉིས་ཞེས་ཡོད་པའི་ཨུ་པ་དེ་ཤ་འོའི་མཐའ་ཅན། དེའི་སྔགས་བྱང་གྲོང་ཁྱེར་བསྐྱོད་པ་དང་སྔགས་རིང་གི་མཚམས་༼སྒོ༽མཚམས་སུ་འདྲི་ལུགས་ཀྱི་གསལ་བྱེད་རྫོང་པོད་ནའང་
ཡོད། ཡོད་པ་ཐམས་ཅད་གཡས་སྐོར་དུ་འདྲི་འོའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་རྟེན་གྱི་འཁོར་ལོ་བྱ་བར་འདོད་ན་ཞེས་ཡོད་པའི་རྟེན་འཁོར་འདྲི་ཚུལ་༼ཨེ༽༼སྒོ༽༼གློ༽རྒྱས་པ་རྣམ་པར་བརྒྱན་ནོ་དྷ་ར་ཎིའི་མཐའ་ཅན། རྟེན་གྱི་འཁོར་ལོ་རབ་ཏུ་གནས་པ་རྟེན་འབྲེལ་གྱིས་རྟེན་ལ་ཐིམ་སམ་མོའི་མཐའ་ཅན། འགོར་དྷརྨ་པཱ་ལ་ཙ་ཏུརྨུ་ཁའི་རྟེན་བཅའ་བ་ནི་ཞེས་ཡོད་པའི་རྟེན་གྱི་ཡི་གེ་༼ཉི༽རྒྱལ་ཚ་ལུང་མང་པོས་མཛད་པ་དྷརྨ་ཤྭ་རས་བརྗེད་ཐོར་བྲིས་པ་དེ་བྱུང་དགེ་བ་སངས་རྒྱས་བསྔོ་ཞེས་པའི་མཐའ་ཅན། གོང་དཀར་བའི་གླེགས་བམ་ན་གཏོར་མ་ཕུལ་བས་འགྲུབ་པོ་ཡན་དང་མངོན་སྤྱོད་གསང་ལས་སྒྲུབ་ན་མན་སོ་སོར་བྱས་ཤིང་མཛད་བྱང་ཡང་མི་གསལ། འགོར་བླ་མ་དང་དཔལ་ནག་པོ་ཆེན་པོ་ལ་ཕྱག་འཚལ་ལོ་གནོད་པ་བསྲུང་བ་དང་ཞེས་ཡོད་པའི་རང་༼ཉི༽བསྲུང་ཆེན་མོ་ལིང་ཚེ་ཉི་ཤུ་པའི་བྲི་ཡིག་བླ་མ་ཆོས་ཀྱི་རྒྱལ་པོ་འཕགས་པ་རིན་པོ་ཆེ་ནས་ཞང་དཀོན་ཅོག་དཔལ་ལ་གནང་བ་ནམ་མཁའི་མཚན་ཅན་གྱི་ཕྱག་བྲིས་ལས་བཤུས་སོའི་མཐའ་ཅན། མཆོད་པའི་སྐབས་སུ་འགོར་རྟེན་གྱི་མདུན་དུ་མཆོད་གཏོར་དང་ཞེས་ཡོད་པའི་མེ་ཏོག་༼སྒོ༽གཞི་སྦྱོར་གྱི་ཡི་གེ་གཉན་ལོས་མཛད་པ་རྒྱུད་འཇམ་བཞི་སྦྱོར་མན་ངག་གོའི་མཐའ་ཅན། རྫོང་པོད་ན་ཤ་ཚིལ་ལ་སོགས་པའོ་ཡན་མེད་ཅིང་ནིར་མ་ཕུ་ལན་རྩན་ནས་མདུན་རྒྱབ་གཉིས་སུ་བཞག་གསུང་པ་ཡན་སྔགས་ཐིམས་ཀྱི་གཤམ་ན་བྲིས་ཤིང་། བཟླས་ལུང་གི་མེ་ཏོག་ནས་བཞི་སྦྱོར་མན་ངག་གོའི་བར་ཆོས་ཚན་འོག་མ་འདིའི་རྗེས་སུ་ཆོས་ཚན་གཅིག་ཏུ་བཞུགས་འདུག །དེས་མཛད་པའི་གོང་གི་གསལ་བྱེད་འགོར་ཏཱ་ར་ན་མ་ལུང་རྗེས་སུ་ནོད་
པའི་པུཥྤེ་ཞེས་ཡོད་༼སྒོ༽༼གློ༽པའི་བ་ལིང་གོང་དཀར་བའི་གླེགས་བམ་དུ་དངོས་གཞི་འདི་ག་ལ་ཆིག་ཟུར་ཅུང་ཟད་མི་འདྲ་༼ཉི༽བ་མཆན་རྣམས་དཀྱུས་སུ་བཅུག་པའི་སྔོན་དུ་འོག་གི་སྤོས་སྦྱོར་མི་གྲིར་ཤི་བའི་ཤ་ལ་གཞི་བྱས་པ་མན་བསྣན་པ་ཞིག་འདུག་པ་ཕན་ཚུན་འདྲེས་པས་ཡིག་སྐྱོན་འབྱམས་པ་འདྲ། །གི་མེ་ཏོག་རྙིང་པའི་ཨུ་པ་དེ་ཤ་འོའི་མཐའ་ཅན། རྫོང་པོད་ནའང་ཡོད། དེས་མཛད་པའི་འགོར་མཆོད་པའི་སྤོས་སྦྱོར་ཆོ་ག་ནི་ཞེས་ཡོད་པའི་མགོན་པོའི་སྤོས་སྦྱོར་གྱི་མན་༼ཨེ༽༼གློ༽༼ཉི༽ངག་ལུས་སྦྲིད་པ་ལ་སོགས་པའི་རྟགས་འབྱུང་ངོའི་མཐའ་ཅན། ངོར་ལུགས་ལ་ལེ་ཚན་གཉིས་པོ་གོ་རིམ་སློག་འདུག་ཅིང་གོང་དཀར་བའི་གླེགས་བུམ་དུའང་དེ་ལྟར་སྣང་། གཏོར་མའི་སྐབས་སུ་དེས་མཛད་པའི་འགོར་བླ་མ་གཉན་ལོའི་ཞལ་༼གློ༽གདམས་གཏོར་མ་གཤོམ་དུས་ཞེས་ཡོད་པའི་གཏོར་མ་བཅའ་ཐབས་ཀྱི་ཡི་གེ་རྒྱུན་གྱི་ཐུན་མཚམས་སོའི་མཐའ་ཅན། རྫོང་པོད་ནའང་ཡོད། དེས་མཛད་པའི་འགོར་ཡར་ངོའི་བརྒྱད་དང་མར་ངོའི་བརྒྱད་ལ་ཞེས་༼གློ༽ཡོད་པའི་གཏོར་མ་གཏོང་ཐབས་ཀྱི་ཡི་གེ་ཡུམ་ལ་སྔགས་འོག་མས་དབུལ་ལ་ནང་པར་གཏང་ངོའི་མཐའ་ཅན། འགོར་བླ་མ་དམ་པ་ལ་ན་མོ་རྟག་གཏོར་མན་ངག་དམ་པ་ནི། ཞེས་ཡོད་པའི་རྟག་གཏོར་གྱི་མན་ངག་ཚིགས་བཅད་མ་གསང་ཞིང་སྦ་བ་ཉིད་དུ་བྱ་ཞེས་པའི་མཐའ་ཅན། འགོར་འདིའི་མདུན་ན་ལྕགས་སྣོད་གྲུ་གསུམ་ཞེས་ཡོད་པའི་དྲག་པོའི་གཏོར་མའི་མན་ངག་གསང་ངོ་མ་སྤེལ་ཞིག་གི་མཐའ་ཅན། འདི་དཀར་ཆག་ན་མི་གསལ་བ་གོང་གི་འཕྲོས་ཡིན་ནམ་སྙམ། དངོས་གཞི་བསྙེན་པའི་སྐབས་སུ་སྔགས་བྱང་ལ། གྲོང་ཁྱེར་བསྐྱོད་པ། སྔགས་རིང་། སྔགས་ཐུང་། འཁོར་ལོའི་སྔགས་
སྦྲགས་སྒྲུབ་སོ་སོར་ཕྲལ་བ་རྣམས་ཀྱི་སྔགས་འཕྲེང་མཆན་བུར་བཅས་པ་༼སྒོ༽༼གློ༽སྔགས་བཏུའི་གཞུང་དང་ཐེམས་ཡིག་ས་པཎ་གྱི་ཕྱག་བྲིས་དང་མཐུན་པར་བླ་མའི་གསུང་རྒྱུན་བཞིན་སྔགས་འཆང་མ་ཏིས་ཞུས་དག་པ་སྔགས་རིང་མཆན་བུར་བཅས་པ་༼སྒོ༽༼ཉི༽སྔར་གྱི་དཔེ་རྙིང་དག་པ་དང་ཐེམས་ཡིག་ནས་བྱུང་བ། སྔགས་རིང་མཆན་བུར་བཅས་པ་པཎ་ཆེན་ནགས་རིན་གྱིས་ཞུས་དག་པ་དེའི་ཞལ་སློབ་པུ་ཎྱ་བི་ཛ་ཡ་ཨིནྡྲ་སི་ནས་སླར་ཡང་ཞུས་དག་པ། པཎ་ཆེན་བྱམས་པ་གླིང་པའི་མཚན། སྔགས་བྱང་གསུམ་པོ་དཀར་ཆག་ཏུ་སྔགས་བྱང་ཞེས་པ་ལས་སོ་སོའི་གསལ་ཁ་མི་འདུག །འགོར་ཨོཾ་སྭསྟི་སིདྡྷཾ་དཔལ་ནག་པོ་ཆེན་པོའི་སྔགས་ཐེམས་བསྟན་པ་ལ་ཞེས་ཡོད་པའི་སྔགས་ཀྱི་ཐེམས་༼ཨེ༽༼སྒོ༽༼གློ༽༼ཉི༽ཡིག་ཞིབ་མོ་འདི་རྣམས་ཤིན་ཏུ་གཅེས་པས་མཁས་པ་གལ་ཆེ་ས་མ་པ་ཐ་མིའི་མཐའ་ཅན། རྫོང་པོད་ནའང་ཡོད། འགོར་བླ་མ་ལ་ན་མོ་སྔགས་ཀྱི་ཐེམས་ཡིག་ལ་འབྲུ་བྱ་བ་ཚེག་བར་བགྲང་ཞེས་ཡོད་པའི་སྔགས་ཀྱི་ཐེམས་ཡིག་གསལ་བྱེད་འདི་ངོར་ལུགས་ལ་སྟོད་སྨད་གཉིས་ཡོད་པའི་དཀྱིལ་མ་ཚང་བ་ཞིག་འདུག །བདག་ཆེན་རིན་པོ་ཆེ་བློ་གྲོས་རྒྱལ་མཚན་དཔལ་བཟང་པོས་མཛད་པ་བླ་མའི་མན་ངག་གི་རྗེས་སུ་འབྲང་པ་གལ་ཆེ་འོའི་མཐའ་ཅན། གཉན་ལོས་མཛད་པའི་སྔགས་ཀྱི་༼ཨེ༽༼སྒོ༽༼གློ༽༼ཉི༽གནད་ལས་སོ་སོའི་སྔགས་དག་པར་བཟླས་སོའི་མཐའ་ཅན། །ངོར་ལུགས་ལ་ཤི་ས་བསྟན་པ་དང་སྦྲེལ་འདུག་རྫོང་པོད་ནའང་ཡོད། འགོར་རྡོ་རྗེ་འཆང་དབང་དཔལ་ལྡན་ཧེ་རུ་ཀ་ཞེས་ཡོད་པའི་སྔགས་ཀྱི་ཐེམས་ཡིག་དང་སྤེལ་ཚིག་ཐོར་བུ་བ་དར་ནག་ལ་བཏགས་ཏེ་གཡབ་
བོའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་དཔལ་མགོན་པོ་གདོང་བཞི་པའི་བསྙེན་སྒྲུབ་ཅེས་ཡོད་པའི་ཐུན་མོང་གི་བསྙེན་པའི་ཡི་གེ་འཕགས་པས་མཛད་པ་དབང་དུ་འདུས་པ་རྡོ་རྗེ་གུར་ལས་གསུངས་སོའི་མཐའ་ཅན། རྫོང་པོད་ནའང་ཡོད། དེས་མཛད་པའི་ཐུན་མོང་མ་ཡིན་པའི་བསྙེན་པའི་ཡི་གེ་ཤོག་དྲིལ་བཀའ་རྒྱ་མའི་གདམས་པ། འདི་ལ་གསང་སྒྲུབ་ཀྱང་ཟེར། སྒྲུབ་པའི་སྐབས་སུ་འགོར་རྗེ་བཙུན་གྱི་ཞལ་ནས་སྤྱིར་སྒྲུབ་པ་མི་དགོས་གསུང་ཞིང་ཡོད་པའི་སྒྲུབ་པའི་༼གློ༽༼ཉི༽གནད་རྗེ་བཙུན་གསུང་རྒྱུན་ཤིན་ཏུ་བཀའ་དམ་པར་མཛད་དོའི་མཐའ་ཅན། རྫོང་པོད་ན་འདིའི་ནང་གི་གློ་བུར་ལས་བཅོས་དེ་ཆོས་ཚན་ལོགས་སུ་མཛད་ཅིང་གོང་དཀར་གྱི་གླེགས་བམ་ན་ལིང་ཚེ་ཉི་ཤུ་པའི་བྲི་ཡིག་གཅིག་དང་སྦྲེལ་པ་གློ་བུར་ལས་བཅོས་མན་མེད་པ་ཞིག་འདུག །འགོར་ལས་སྦྱོར་ལིང་ག་ལ་ཐུན་རྣམས་ཞེ་སྡང་འབར་བའི་ཞེས་ཡོད་༼ཨེ༽པའི་སྒྲུབ་པའི་རྟགས་ཀྱི་ཡི་གེ་གོས་རྡེབ་དམོད་མོ་བརྗོད་པའི་མཐའ་ཅན། རྫོང་པོད་ནའང་ཡོད། ངོར་ལུགས་ལ་འདི་ས་ཆེན་གྱིས་མཛད་པའི་སྒྲུབ་ཁྲིགས་དང་སྦྲེལ་འདུག །འགོར་བྱ་རོག་མི་འཁོར་ཉམས་གྲིབ་ཆེ་ཞེས་ཡོད་༼ཨེ༽༼ཉི༽པའི་གཏོར་ལེན་བྱ་རོག་བརྟག་པ་ཚིག་རྐང་དྲུག་མ་སྒྲུབ་པར་བསྐྱར་གྱི་མཐའ་ཅན། རྫོང་པོད་ནའང་ཡོད། ངོར་ལུགས་ལ་འདི་གོང་གི་རྟགས་ཡིག་དང་མཉམ་དུ་བྲིས་ཤིང་། གོང་དཀར་གྱི་གླེགས་བམ་དུ་ཅུང་ཟད་འདྲ་མིན་སྣང་། འགོར་ཏཱ་ར་ན་མོ་སྒྲུབ་པ་པོ་དག་གི་ཞལ་བཞི་པའི་འཁུ་ལྡོག་དང་ཞེས་ཡོད་པའི་འཁུ་༼སྒོ༽༼གློ༽ལྡོག་དང་ཆོ་འཕྲུལ་མི་འབྱུང་ཞིང་ལས་མྱུར་དུ་སྒྲུབ་པའི་ཡི་གེ་བསམས་པ་ནི་མན་ངག་དམ་པར་གསུངས་སོ་འདི་སྤེལ་བ་ནི་ཉིན་མོའི་སྐར་མ་ཙམ་
མོའི་མཐའ་ཅན། འགོར་རྩ་བའི་འཁོར་ལོ་ནི་རྩིབས་དྲུག་ཅེས་ཡོད་པའི་རྩ་བ་༼ཨེ༽༼སྒོ༽དང་གནད་འབེབས་དང་ལས་ཚོགས་ཀྱི་འཁོར་ལོའི་ཞལ་གདམས་སྡིག་པའི་ས་བོན་བྱེད་པས་གསང་ངོའི་མཐའ་ཅན། འདི་རྫོང་པོད་ནའང་ཡོད་ངོར་ལུགས་ལ་འདི་ཁའི་ནང་གི་རབ་གནས་དེ་ཟུར་དུ་ངོས་འཛིན་མཛད་པ་ཡིན། འགོར་ཐུན་མོང་མ་ཡིན་པའི་གདམས་པ་འདི་ཡིན་ཏེ་ཞེས་ཡོད་པའི་འཁོར་ལོ་དང་ལིང་ཚེ་དང་ལིང་གའི་༼སྒོ༽༼གློ༽ཞལ་ཤེས་རྣམ་སྨིན་ཆེ་བས་གཞན་ལ་མ་སྤེལ་གསང་བར་བྱ་བོའི་མཐའ་ཅན། འདི་རྫོང་པོད་ནའང་བཞུགས་ཤིང་འཁོར་ལོ་དང་ལིང་གའི་ཞལ་གདམས་ཆོས་ཚན་ལོགས་སུ་མཛད་འདུག །འགོར་མན་ངག་འདིའི་འཁོར་ལོ་བྲི་བར་འདོད་ན་ཞེས་ཡོད་པའི་འཁོར་ལོའི་བྲི་ཐབས་འདི་གོང་དཀར་བའི་གླེགས་བམ་དུ་ཉིས་ལྡབ་འདུག །༼སྒོ༽༼ཉི༽གང་བསྒོ་བ་དེ་ངེས་པར་འགྲུབ་གསུང་བའི་མཐའ་ཅན། རྫོང་པོད་ནའང་ཡོད། འགོར་ས་ཨི་ཡཾ་ཡོད་པའི་འཁོར་ལོའི་སྔགས་བྱང་༼སྒོ༽ཙཀྲ་ལ་བྲི་གསུང་ངོའི་མཐའ་ཅན། འགོར་འཁོར་ལོའི་སྐབས་སུ་རྩིབས་དྲུག་དང་ཞེས་ཡོད་༼སྒོ༽པའི་འཁོར་ལོའི་སྔགས་བཀོད་ཚུལ་སྔགས་རིང་རྫོགས་པར་བྲི་གསུང་ངོའི་མཐའ་ཅན། རྫོང་པོད་ནའང་ཡོད། བསྙེན་སྒྲུབ། སྲིའུ། ཤཱ་བཟློག །གཏད་ལིང་། གཏོར་ལིང་། རྟ་ཕྱུགས་གསོད་པ་སོགས་ལས་ཚོགས་འགའ་ཟུང་གི་འཁོར་ལོའི་མན་ངག་དེ་རྗེས་ལིང་ག་ལ་འོའི་མཐའ་ཅན། འདི་རྫོང་པོད་ནའང་བཞུགས་ཤིང་ཡང་གསང་ཐུགས་ཀྱི་ཉིང་ཁུ་ཟེར། ལས་སྦྱོར་སྐབས་སུ་འགོར་བླ་མ་དམ་པའི་ཞབས་ལ་ཕྱག་འཚལ་ལོ་མ་ཧཱ་ཀཱ་ལའི་གསང་སྔགས་༼ཨེ༽༼སྒོ༽༼ཉི༽ཐུང་བ་ཞེས་ཡོད་པ་རྫོགས་སོའི་མཐའ་ཅན། འགོར་གསང་སྔགས་རིང་བ་ནི་
ཞེས་ཡོད་༼ཨེ༽༼སྒོ༽༼ཉི༽པ་ཙ་ཏུརྨུ་ཁ་ས་མ་ཡ་ཧཱུྃ་ཕཊ་བཀའ་རྒྱས་གདབ་པོའི་མཐའ་ཅན། འགོར་ཁ་སྦྱོར་དབྱེ་བའི་མན་ངག་ནི་རང་ཡི་དམ་ལྷ་ཞེས་ཡོད་པའི་ཁ་སྦྱོར་དབྱེ་བ་བཞིའི་མན་ངག་༼ཨེ༽༼སྒོ༽༼གློ༽ཟབ་མོ་དམ་དུ་སྦའོ་འདི་ནི་རབ་ཏུ་གསང་བའི་གནས་སོའི་མཐའ་རྫོང་པོད་ནའང་ཡོད། ཅན། འགོར་ལས་སྦྱོར་གྱི་ཚེ་ལིང་ག་ཞེས་ཡོད་པའི་ལས་སྦྱོར་གྱི་ཡིག་ཆུང་༼གློ༽ལིང་ཚེ་བཅོ་ལྔ་པ་སྔགས་ཅན་བཅུག་པར་བྱའོའི་མཐའ་ཅན། རྫོང་པོད་ནའང་ཡོད། འགོར་མངོན་སྤྱོད་གསད་ལས་སྒྲུབ་ན་འཁོར་ལོ་ཞེས་ཡོད་པའི་མངོན་སྤྱོད་གསད་ལས་ཀྱི་ཡིག་ཆུང་གསང་སྔགས་རྣམ་པ་གཅིག་པས་ཟབ་བོའི་མཐའ་ཅན། གོང་དཀར་བའི་གླེགས་བམ་དུ་མི་མ་ཡིན་དབང་༼ཉི༽དུ་བྱ་བ་ཡོད་གསུང་བ་ཡན་མཐུན་པ་ལ་དེ་ནས་མཇུག་མི་གཅིག་པ་མཐར་ནུས་མཐུ་མི་ཡོང་ཐེ་ཚོམ་མེད་དོ་ཟེར་བ་སྣང་། འགོར་ནག་པོ་ཆེན་པོའི་སྒོང་ཟོར་ཞེས་ཡོད་པའི་སྒོང་ཟོར་གྱི་ཡི་གེ་བསྡུས་༼ཨེ༽༼སྒོ༽༼གློ༽༼ཉི༽པ་ལས་ཀྱི་མཐར་ཐུག་བླ་མ་གཉན་གྱི་མན་ངག་འི་མཐའ་ཅན། རྫོང་པོད་ནའང་ཡོད་གོང་དཀར་བའི་གླེགས་བམ་ན་མཆན་དཀྱུས་ལ་ཤོར་འདུག །སྒོང་ཟོར་གྱི་ཡི་གེ་རྒྱས་པ་ལྡོང་སྟོན་ཐིག་ལེ་འབར་ནས་བརྒྱུད་པའི་མན་ངག་དམོད་མོ་བྱ་འོའི་མཐའ་ཅན། འགོར་འཕང་བ་ཁྱུ་མཆོག་ཅེས་ཡོད་པའི་རྭ་ཟོར་གྱི་ཡི་གེ་འབྲིང་པོ་ཡིན་བླ་མ་༼ཨེ༽༼སྒོ༽༼གློ༽༼ཉི༽གཉན་གྱི་ཨུ་པ་དེ་ཤ་བོའི་མཐའ་ཅན། རྫོང་པོད་ནའང་ཡོད། འགོར་ཏཱ་ར་ལ་ན་མོ་ལས་སྦྱོར་གྱི་མཐར་སྦྱིན་སྲེག་བྱེད་པར་འདོད་ན་ཐབ་ཁྲུ་གང་བྲུས་༼ཉི༽པའམ་ཞེས་ཡོད་པའི་ལས་མཐའི་སྦྱིན་སྲེག་གི་ཡི་གེ་རྒྱས་པ་གོང་མས་མཛད་པ་དྲག་པོའི་ལས་མཐར་བྱ་འོའི་མཐའ་ཅན། འགོར་ལས་མཐའི་སྦྱིན་སྲེག་བྱེད་པར་འདོད་པས་འབྲུབ་ཁུང་ཁྲུ་གང་པ་བརྩིགས་པའི་
ཕྱི་ཞེས་ཡོད་པའི་སྦྱིན་སྲེག་གི་ཡི་གེ་བསྡུས་༼ཨེ༽༼སྒོ༽༼གློ༽པ་སྔགས་འཆང་གཟུངས་ཀྱི་དཔལ་བས་མཛད་པ་ནག་པོ་ཆེན་པོའི་སྦྱིན་སྲེག་གི་ཆོ་ག་འི་མཐའ་ཅན། རྫོང་པོད་ནའང་ཡོད། འགོར་ཧོ་དཔལ་ནག་པོ་ཆེན་པོ་གདོང་བཞི་པའི་མགོན་པོ་གཙུག་ལག་ཁང་གི་སྲུང་མ་ཞེས་ཡོད་པའི་ཁ་སྦྱོར་དབྱེ་བའི་དམོད་བསྐུལ་༼ཨེ༽༼སྒོ༽དཔལ་མགོན་གདོང་བཞི་པའི་དམོད་བསྐུལ་འི་མཐའ་ཅན། ངོར་རྫོང་མཐུན་པར་འགོར་ཡོན་ཏན་མྱུར་རྫོགས་དངོས་གྲུབ་མངའ་བའི་ལྷ་ཞེས་པའི་ཤླཽ་ཀ་གསུམ་དང་ཚིག་གཅིག་རྣམས་འཐོལ་འདུག །གོང་དཀར་བའི་གླེགས་བམ་ན་སྟོད་མེད་པའི་སྨད་༼ཉི༽ཀྱི་ཁྱད་པར་ཁ་སྦྱོར་དབྱེ་བའི་དུས་ཞེས་པ་མན་སྣང་། སྤོགས་ཆོག་གི་སྐབས་སུ་འགོར་མ་ཧཱ་ཀཱ་ལ་ལ་ན་མོ་དང་པོར་ཆོས་ཐམས་ཅད་སྟོང་པར་བསྒོམ་ཞེས་ཡོད་པའི་མ་འཆུན་ན་རང་ཉིད་ཞལ་བཞི་པ་ན་བསྐྱེད་པའི་མན་ངག་ཨཀྵོ་བྷྱས་དབུ་བརྒྱན་ནོའི་མཐའ་ཅན། རྫོང་པོད་ནའང་ཡོད། འགོར་བདག་ཉིད་ཡེ་ཤེས་ཀྱི་མགོན་པོ་གདོང་བཞི་པ་ཇི་ལྟ་བ་བཞིན་དུ་སྒོམ་ཞེས་ཡོད་པའི་རྩ་དབུ་མ་ཆོས་འབྱུང་དང་བཅས་༼ཨེ༽༼ཉི༽པའི་གནད་དབབ་རྩུབ་པས་ཚོད་བླང་གིན་བྱའོ་གར་ཐོད་ཐོད་དུ་མི་བྱ་གདམས་ངག་ཡིན་ནོའི་མཐའ་ཅན། གོང་དཀར་པའི་གླེགས་བམ་དུ་མགོན་པོ་མདུན་དང་རྩ་ནང་དུ་བསྒོམ་པ་མན་ངག་ཚན་པ་གཉིས་སུ་བྲིས་འདུག །འགོར་ལས་མི་བྱེད་ན་ཤི་ས་བསྟན་པ་ནི་ཞེས་ཡོད་པའི་ཤི་ས་བསྟན་པའི་མན་༼ཨེ༽༼སྒོ༽༼གློ༽ངག་འདི་ཤིན་ཏུ་རྡུགས་ན་བྱ་ཞིང་གར་ཐོད་ཐོད་དུ་མི་རུང་ངོའི་མཐའ་ཅན་རྣམས། རྫོང་པོད་ནའང་ཡོད། གསུམ་པ་ཕྲན་བུའི་སྐོར་ལ། འགོར་དཔལ་གདོང་བཞི་པ་ལ་ཕྱག་འཚལ་ལོ་
ཆོས་སྐྱོང་ལ་གཙུག་ལག་ཁང་ཞེས་ཡོད་པའི་མགོན་པོ་ལ་གཙུག་༼ཨེ༽༼སྒོ༽༼གློ༽༼ཉི༽ལག་ཁང་གཏོད་པའི་ཆོ་ག་རྫོང་པོད་ནའང་ཡོད། གཏོར་མ་ལྔ་ལ་སོགས་པ་རྒྱས་པར་བྱ་འོའི་མཐའ་ཅན། ངོར་ལུགས་དང་གོང་དཀར་བའི་གླེགས་བམ་དུ་འདི་ཉིད་ཆོས་ཚན་གཅིག་ཏུ་སྦྲེལ་འདུག །དེའི་གསལ་བྱེད་འགོར་གཙུག་ལག་༼ཨེ༽༼སྒོ༽༼གློ༽༼ཉི༽ཁང་གི་རྟེན་མཆོད་དང་ཞེས་ཡོད་པའི་ལྕགས་པར་མ་ལའང་འདི་བཞིན་བྱ་བ་ཡིན་ནོ་གཙུག་ལག་ཁང་གཏད་པའི་ཆོ་ག་འོའི་མཐའ་ཅན། རྫོང་པོད་ནའང་ཡོད། འགོར་དཔལ་མགོན་གདོང་བཞི་པ་འཁོར་དང་བཅས་པ་ལ་ཕྱག་འཚལ་ལོ་མགོན་པོ་ལ་རང་དང་སློབ་མ་ཞེས་ཡོད་པའི་རང་དང་སློབ་༼ཨེ༽༼སྒོ༽༼གློ༽མ་གཏོད་པའི་ཡི་གེ་ཐུགས་དམ་མ་གཡེལ་ཅིག་ཅེས་གསོལ་བ་གདབ་པོའི་མཐའ་ཅན། འགོར་ནག་པོ་ཆེན་པོ་ལ་ཕྱག་འཚལ་ལོ་གནས་དང་མལ་ཆ་དང་ཞེས་ཡོད་པའི་རྫས་དང་ཡོ་བྱད་༼ཨེ༽༼སྒོ༽༼གློ༽བསྲུང་བའི་ཡི་གེ་མཆོད་གཏོར་ལ་བརྩོན་པར་བྱའོ་གནས་མལ་དང་ནོར་རྫས་བསྲུང་བའི་ཆོ་ག་འོའི་མཐའ་ཅན། རྫོང་པོད་ནའང་ཡོད། འགོར་ནོར་ལ་ངན་གྱི་གདམས་པ་ནི་ཞེས་ཡོད་པའི་ནོར་༼སྒོ༽གྱི་རྗེས་སུ་འབྲང་བའི་མན་ངག་མིས་མི་མཐོང་བར་སྦས་ན་འགྲུབ་བོའི་མཐའ་ཅན། འགོར་སྲིའུ་གསོ་ན་ཁམ་ཕོར་སོ་མ་གཏང་བ་ཞེས་ཡོད་པའི་སྲིའུ་གསོ་བའི་འཁོར་ལོའི་མན་ངག་༼ཨེ༽༼སྒོ༽༼ཉི༽མ་ཧཱ་ཀཱ་ལའི་ལས་ཀྱི་མན་ངག་གོའི་མཐའ་ཅན། རྫོང་པོད་ནའང་ཡོད། འགོར་འདིའི་ཐུན་མོང་མ་ཡིན་པའི་ལས་ཁ་ཚར་ཞིག་བསྟན་ཏེ་ཞེས་ཡོད་པའི་སྲིའུ་གསོ་བ་བྲམ་ཟེ་ཁ་སྤུ་ཅན་གྱི་གདམས་པ་ཐུགས་དམ་དཔང་དུ་བཞག་སྟེ་དམ་བཅས་པ་འོའི་
མཐའ་ཅན། འགོར་ཏྭ་ར་ན་མ་ནག་པོ་ཆེན་པོ་ཡིད་བཞིན་ནོར་བུ་ཞེས་ཡོད་པའི་ནོར་སྒྲུབ་ཡིད་བཞིན་ནོར་བུའི་མན་ངག་༼ཨེ༽༼སྒོ༽༼གློ༽༼ཉི༽ཀུན་ལ་ཁ་ལོ་སྒྱུར་བ་ཡོད་གཉན་ལོ་ཙཱ་བའི་གདམས་པའི་མན་ངག་འི་མཐའ་ཅན། རྫོང་པོད་ནའང་ཡོད། འགོར་ཁམས་གསུམ་དབང་དུ་སྡུད་པའི་ལས་ཞེས་ཡོད་པའི་དབང་སྡུད་གྲི་ལག་༼ཨེ༽༼སྒོ༽༼གློ༽༼ཉི༽གཡོབ་པ་དར་ཐོགས་ཀྱི་མན་ངག་རྗེས་ལ་སྔགས་ཐུང་ཉེར་གཅིག་བཟླས་སོ་ཤིན་ཏུ་གསང་བ་གལ་ཆེ་བོའི་མཐའ་ཅན། འགོར་ནག་པོ་ཆེན་པོས་བསྒྲུབ་བྱ་ཞེས་ཡོད་པའི་རྫས་རྣམས་སྐད་ཤན་སྦྱར་བའི་བསྒྲུབ་བྱ་དབང་༼ཨེ༽༼སྒོ༽༼གློ༽༼ཉི༽དུ་བྱ་བ་ངེས་པར་འོང་ངོ་བླ་མ་གཉན་གྱི་མན་ངག་འི་མཐའ་ཅན། རྫོང་པོད་ནའང་ཡོད། འདོད་ཡོན་ལྔ་ལ་བརྟེན་ནས་སྤྱོད་ལམ་༼ཨེ༽༼སྒོ༽༼གློ༽དབང་དུ་བྱ་བའི་ཆོ་ག་རྫོགས་བྱང་གི་མཐའ་ཅན། སེང་ཕུར་ལ་བརྟེན་པའི་གཏུམ་པོའི་ཤྭ་༼ཨེ༽༼སྒོ༽༼གློ༽༼ཉི༽བཟློག་དེ་འདྲ་གཅིག་ནས་ལྔའི་བར་གྱིས་བཟློག་གི་མཐའ་ཅན། རྫོང་པོད་ནའང་ཡོད། འགོར་མ་ཧཱ་ཀཱ་ལ་ཙ་ཏུ་རྨུ་ཁ་ཡེ་ཞིང་སྐྱོང་འདིའི་སྒོ་ནས་ཞེས་ཡོད་པའི་དགྲ་༼ཨེ༽༼སྒོ༽༼གློ༽༼ཉི༽ལ་ལྟས་ངན་གཏོང་བའི་མན་ངག་ཆིག་བརྒྱུད་མ་བཀའ་རྒྱ་འོའི་མཐའ་ཅན། བྱ་འུག་རྟ་ནག་གི་རྫས་དང་ཕག་ཐོད་ལ་བརྟེན་ནས་ཆོ་འཕྲུལ་༼སྒོ༽དབབ་པའི་མན་རྫོང་པོད་ནའང་ཡོད། ངག་ཨ་མུ་ཀའི་ཐེམས་འོག་ཏུ་གཞུག་གོ་བླ་མ་གཉན་གྱི་གདམས་ངག་འི་མཐའ་ཅན། འགོར་དཔལ་མགོན་པོ་ལ་ཕྱག་འཚལ་ལོ་ནག་པོའི་ལས་གང་གི་ཞེས་ཡོད་པའི་དགྲ་བོ་ཆམ་ལ་འབེབས་པའི་རྫས་སྦྱོར་གྱི་མན་ངག་གཞན་ལས་ཁྱད་འཕགས་འི་མཐའ་ཅན། འགོར་ཏཱ་ར་ན་མོ་གྲོང་ཁྱེར་བསྐྱོད་པའི་སྔགས་ལ་ཞེས་ཡོད་
པའི་བསྐྲད་པའི་ལས་མཐར་༼ཨེ༽༼སྒོ༽༼གློ༽༼ཉི༽ཐུག་ཡིན་གྱི་མཐའ་ཅན། རྫོང་པོད་ནའང་ཡོད། དེའི་ཞལ་ཤེས་༼ཨེ༽༼སྒོ༽༼གློ༽དམིགས་པའི་འཁོར་ལོ་དྲི་མར་བཅས་སོགས་ཚིག་རྐང་དྲུག་ཆོས་ཚན་འདི་གཉིས་དཀར་ཆག་ན་གཅིག་ཏུ་བསྡོམས་པ་དང་། རྫོང་པོད་ནའང་ཡོད། ཞལ་ངོར་པའི་བར་འདིར་བསྐྲད་འཁོར་འདྲི་ཚུལ་ཞིག་འདུག །ཤེས་ནི་ཤ་༼ཨེ༽༼སྒོ༽༼གློ༽ཤུན་ལ་ཞེས་སོགས་འཁོར་དུ་མི་གཞུག་པའི་མཐའ་ཅན། འགོར་ངག་གནོན་པར་འདོད་ན་ཞེས་ཡོད་པའི་ངག་མནན་༼ཨེ༽༼སྒོ༽༼ཉི༽པའི་ལས་མཐར་ཐུག་གཉན་གྱི་གདམས་ངག་འི་མཐའ་ཅན། རྫོང་པོད་ནའང་ཡོད། མ་ཧཱ་ཀཱ་ལ་ལ་བརྟེན་ནས་འདྲེ་བཙན་ཐབས་སུ་མནན་༼ཨེ༽༼སྒོ༽༼གློ༽པ་བཟླས་པ་མི་དགོས་བཙན་ཐབས་སུ་གནོན་པའི་མན་ངག་འི་མཐའ་ཅན། ངོར་ལུགས་ལ་སྒབ་འདྲེ་གནོན་ཐབས་ཞེས་སྣང་བ་ནོར་བར་འདུག་གོ །དེའི་གསལ་བྱེད་༼ཉི༽འགོར་ཙ་ཏུརྨུ་ཁ་ལ་ན་མོ་དེའི་བཀའ་སྡོད་མ་ཧཱ་ཀཱ་ལ་ཞེས་ཡོད་པ་སྔགས་བཟླ་ཞིང་ས་བཅག་གོའི་མཐའ་ཅན་རྣམས། འདི་དཀར་ཆག་ན་མི་གསལ་བས་གོང་གི་འཕྲོས་སུ་གཏོགས་སམ་སྙམ། ལྔ་པ་འཕྲལ་དུ་ཉེ་བར་མཁོ་བ་གཏོར་ཆོག་དང་བཀང་བ་བསྟོད་བསྐུལ་གྱི་སྐོར་ལ། གཏོར་ཆོག །བཀང་བ། བསྟོད་བསྐུལ་དང་གསུམ། དང་པོ་ལ། འགོར་ཏཱ་ར་ན་མོ་དཔལ་གདོང་བཞི་པའི་མགོན་པོ་མཆོད་པ་ནི་ལྕགས་ཀྱི་སྣོད་དུ་ཞེས་ཡོད་པའི་མཆོད་པའི་ཆོ་ག་གཉན་གྱིས་ཉེ་གནས་དར་མ་སེང་གེ་ལ་བྱིན་པ་རྫོགས་སོའི་མཐའ་ཅན། རྫོང་པོད་ནའང་ཡོད། དེའི་ཁ་སྐོང་འགོར་འདི་སྒྲུབ་གང་ཟག་དེས་ཞེས་ཡོད་པའི་མཆོད། གོང་དཀར་བའི་གླེགས་བམ་ན་བླ་མ་གཉན་ལ་དབུས་ཕྲུག་ཕུར་པ་དར་གྱིས་ཞུས་ཟེར་བ་སྣང་། ཚུལ་༼ཉི༽དང་བསྟོད་པ་མི་རྟོག་དབྱིངས་
ལས་མ་དང་བཅས་པ་གཏོར་མ་དགྲ་ཕྱོགས་སུ་གཏོང་ངོ་དགེ་སློང་གཉན་གྱི་གདམས་ངག་གོའི་མཐའ་ཅན། འགོར་ན་མོ་གུ་རུ་ཡི་དམ་གང་བྱེད་དུ་བསམས་ལ་མདུན་དུ་རྡོའི་མཎྜལ་ཞེས་ཡོད་པའི་མངོན་རྟོགས་དང་སྔགས་རིང་བསྟན་པ་དྷརྨཱ་པཱ་ལ་ཨུ་པ་དེ་ཤ་འི་མཐའ་ཅན། འདི་དཀར་ཆག་ན་མི་གསལ་རྫོང་པོད་ན་གཙོ་འཁོར་གསུམ་པའི་སྒྲུབ་ཐབས་ཟེར། འགོར་ཨོཾ་སྭསྟི་སིདྡྷཾ་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་མགོན་གདོང་བཞི་པ་ཡབ་ཡུམ་གྱི་ཞེས་ཡོད་པའི་གཏོར་ཆོག་བླ་མ་ཁའུ་པས་མཛད་པ་མགོན་པོ་ཞལ་གཟིགས་ནས་བསྟོད་པའོའི་མཐའ་ཅན། རྫོང་པོད་ནའང་ཡོད། འགོར་བླ་མ་དམ་པའི་ཞབས་ལ་ཕྱག་འཚལ་ལོ་འདི་བསྒྲུབ་པར་འདོད་པས་ཞེས་ཡོད་པའི་གཏོར་ཆོག་༼ཉི༽ས་ཆེན་གྱིས་མཛད་པ་དངོས་གྲུབ་ཅི་འདོད་གྱི་ཕྲིན་ལས་བཅོལ་གསུང་ངོའི་མཐའ་ཅན། དཔལ་མགོན་གདོང་བཞི་པ་འཁོར་དང་བཅས་པ་ལ་མཆོད་གཏོར་འབུལ་བའི་ཆོ་ག་རྡོ་རྗེ་འཛིན་པ་འཕགས་པས་དཔལ་ས་སྐྱར་བྲིས་པ་རྫོགས་སོའི་མཐའ་ཅན། འདི་གོང་དཀར་བའི་གླེགས་བམ་ན་དངོས་གཞི་འདི་ཁ་ཡིན་པ་ལ་སླ་བཅོས་གྱི་མངོན་༼ཉི༽རྟོགས་སོགས་ཞེས་སོགས་ལས་ཚང་བར་མ་བྲིས་ཤིང་གཏོར་མ་གཙང་སར་གཏོང་ངོ་ཡན་ལས་མཛད་བྱང་མེད་པ་མཇུག་ཏུ་གཏོར་མ་བཅའ་གཏོང་བཀྲ་རྟགས་སྔགས་རིང་གི་འདོར་ལེན་སོགས་བྲིས་པ་ཞིག་སྣང་ངོ་། །སྟོབས་འཕྲོག་ནག་པོ་མཉེས་པར་བྱེད་པའི་མངོན་རྟོགས་སམ་གཏོར་ཆོག་བླ་མའི་གསུང་བཞིན་དམར་ཆོས་ཀྱི་རྒྱལ་པོས་བསྡེབས་པ། འགོར་བླ་མ་རྣམས་ལ་ཕྱག་འཚལ་ལོ་དཔལ་མགོན་ཞལ་བཞི་པའི་གཏོར་ཆེན་བྱེད་པར་འདོད་པས་
ཞེས་ཡོད་པའི་དྲག་༼ཉི༽པོའི་གཏོར་ཆེན་གྱི་མན་གོང་དཀར་བའི་གླེགས་བམ་ན་ཚང་བ་གཅིག་དང་བསྐལ་མེ་མ་མན་མེད་པ་ཞིག་དང་བཅས་འདུག །ངག་ཡར་ཀླུངས་པ་སེང་གེ་རྒྱལ་མཚན་གྱིས་མཛད་པ་སུ་ལ་ཡང་མི་སྦྱིན་ནོ་ཞེས་བརྒྱུད་པ་རྣམས་གསུང་ངོའི་མཐའ་ཅན། འདིའི་གཤམ་ན་སེང་གེ་རྒྱལ་མཚན་གྱིས་ཀླུའི་དགོན་པར་ཞུས་དག་བགྱིས་ཟེར་བ་ལས་མཛད་བྱང་མི་འདུག །དེའི་ཕྱག་ལེན་གཏོར་ཟློག་ལྷན་ཐབས་བདག་ཆེན་ངག་གི་དབང་ཕྱུག་གི་བཀས་བསྐུལ་བ་ལ་བརྟེན་ནས་རྗེ་བཙུན་རྡོ་རིང་པ་ཆེན་པོས་ཁའུ་བྲག་རྫོང་དུ་མཛད་པ་རྣམས། གཉིས་པ་བཀང་བ་ལ། དམ་རྫས་ཀྱི་བཀང་བ་ཁྱེད་མཐུན་མ་༼ཨེ༽༼སྒོ༽༼གློ༽༼ཉི༽སྤྱན་འདྲེན་ལྷ་མཆོག་མ་དང་བཅས་གོང་དཀར་བའི་གླེགས་བམ་དུ་ཚིག་ཟུར་མི་འདྲ་བ་ཅུང་ཟད་སྣང་ཞིང་ལྷ་མཆོག་མ་ཧཱ་ཀཱ་ལ་མན་གྱི་སྤྱན་འདྲེན་རྣམས་ལྷག་པོར་འདུག་གོ །པ་གཉན་ལོས་མཛད་པ། རྫོང་པོད་ནའང་ཡོད། དེས་མཛད་པའི་ཕྱག་མཚན་བཅའ་ཐབས་༼ཨེ༽༼སྒོ༽༼གློ༽༼ཉི༽དང་འབུལ་བའི་ཚིགས་བཅད་སྟོབས་ཆེན་ཤུགས་དྲག་མ། ཁའུ་པས་མཛད་པའི་གཏོར་༼ཨེ༽༼གློ༽༼ཉི༽བཀང་། དུར་ཁྲོད་གནད་བརྒྱད་མ། སྟོབས་འཕྲོག་ནག་པོའི་གསང་༼སྒོ༽༼གློ༽༼ཉི༽མདོས་མགོན་པོ་ཉིད་ཀྱིས་བླ་མ་ཁའུ་པ་ལ་དངོས་སུ་གནང་བ་རྣམས། རྫོང་པོད་ནའང་ཡོད། གསུམ་པ་བསྟོད་བསྐུལ་ལ། སློབ་དཔོན་ཀླུ་སྒྲུབ་ཀྱིས་མཛད་པའི་བསྟོད་པ་སྲིན་གཟུཊ་མ། སངས་རྒྱས་ཡེ་ཤེས་ཞབས་ཀྱིས་མཛད་པའི་བསྟོད་པ་སྲིན་པོའི་གཟུགས་ཅན་མ། བྲམ་ཟེ་རིན་ཅེན་རྡོ་རྗེས་མཛད་པའི་བསྟོད་པ་༼སྒོ༽༼ཉི༽དཔལ་ལྡན་མགོན་པོ་ཤོ་ལོ་ཀ་ཉི་ཤུ་པ་གཉན་ལོ་ཙཱ་བས་བསྒྱུར་བ། རི་སུལ་གྱི་རྣལ་འབྱོར་མས་མཛད་པའི་བསྟོད་པ་
༼སྒོ༽མི་རྟོག་དབྱིངས་ལས་མ། བླ་མ་གཉན་ལོ་ཙཱ་བས་མཛད་པའི་བསྟོད་པ་པཾ་༼ཨེ༽༼སྒོ༽༼ཉི༽པད་རཾ་ཉི་མ། དེང་སང་འདི་དང་ཡུམ་གྱི་བསྟོད་པ་གཡས་ཕྱོགས་མ་གཉིས་སོར་སོར་བྲིས་པ་མང་ཡང་འདི་ཁའི་མུར་འཐུད་ནས་མཛད་བྱང་བྲིས་འདུག་གོ །ཁའུ་པས་མགོན་པོ་ཞལ་དངོས་སུ་གཟིགས་༼ཨེ༽༼སྒོ༽༼ཉི༽དུས་བསྟོད་པ་རྡོ་རྗེ་འཆང་དབང་མ། བཀང་བསྟོད་ལ་ལར་འདི་དང་ཁྱད་བཞུགས་མ་གཉིས་ཁ་ཕྲལ་ནས་བྲིས་པ་ཡོད་འདུག་ཀྱང་དོན་དུ་འདི་ཁའི་འཕྲོས་ཡིན། མལ་ལོ་ཙཱ་བས་རྨི་ལམ་དུ་མགོན་པོ་ཞལ་གཟིགས་དུས་བསྟོད་པ་ཞི་རྒྱས་དབང་དྲག་མ། ས་ཆེན་གྱིས་བསྟོད་པ་༼སྒོ༽༼ཉི༽འཇིགས་བྱེད་དཔའ་བོ་མ། ས་པཎ་གྱིས་ས་སྐྱར་མཛད་པའི་བསྟོད་པ་༼སྒོ༽༼ཉི༽དཔལ་ལྡན་དབང་ལྡན་མ། རྫོང་པོད་ནའང་ཡོད། འཕགས་པ་རིན་པོ་ཆེས་ཤིང་ཀུན་ཏུ་མཛད་པའི་བསྟོད་པ་༼སྒོ༽༼ཉི༽སངས་རྒྱས་གཅིག་བསྡུད་མ། འདིའི་རྗེས་སུ་དམ་པ་ཀུན་དགའ་གྲགས་ཀྱིས་མཛད་པའི་བསྟོད་པ་ཞིག་ཡོད་འདུག་པ་མ་ཐོབ། ཆོས་རྗེ་བླ་མ་དམ་པས་མཛད་པའི་བསྟོད་པ་༼ཉི༽སྟོང་ཉིད་སྙིང་རྗེ་མ། དེས་མཛད་པའི་བསྟོད་པ་སྲིད་གསུམ་༼སྒོ༽༼ཉི༽དབང་སྒྱུར་མ། གཏོར་ཆོག་བསྟོད་བསྐུལ་དང་བཅས་པ་ཞེས་མཛད་བྱང་ན་འདུག །འཇམ་དབྱངས་གྲགས་པས་མཛད་པའི་བསྟོད་པ་བདེ་ཆེན་དུར་ཁྲོད་མ། དམར་ཆོས་ཀྱི་རྒྱལ་པོས་བསྟོད་པ་དཔལ་ལྡན་མ་ཧཱ་ཀཱ་ལ་མ། འཇམ་དབྱངས་འཁོན་སྟོན་གྱིས་ཆུ་བཟང་དབེན་གནས་སུ་མཛད་པའི་བསྟོད་པ་རྒྱལ་བ་ཀུན་གྱི་མ། བཀྲ་ཤིས་དོན་གྲུབ་ཀྱིས་བསྟོད་པའི་དུས་གསུམ་སངས་རྒྱས་མ། དྷརྨཱ་ཤྲཱི་བྷ་དྲས་སྲོན་ལུང་བསམ་གཏན་རྫོང་དུ་སྦྱར་བའི་བསྟོད་པ་ཁྱོད་ཐུགས་ཞི་བ་མ། མཁན་ཆེན་གནས་དྲུག་པས་མཛད་པའི་བསྟོད་པ་མཐུ་ཆེན་
༼གློ༽༼ཉི༽སྡང་དགྲ་མ། བྷྱ་ཝན་ཡོན་ཏན་བློ་གྲོས་ཀྱིས་མཛད་པའི་རྩ་སྔགས་ཀྱི་དོན་བསྟོད་དུས་མཚན་ཆེན་པོ་མ། སྔགས་འཆང་གཟུངས་པས་ས་སྐྱར་མཛད་པའི་བསྟོད་པ་སྐུ་༼སྒོ༽༼ཉི༽གསུམ་མངོན་གྱུར་མ། རྫོང་པོད་ནའང་ཡོད། དེས་མཛད་པའི་ཐུན་༼སྒོ༽གསུམ་བསྟེན་ཅིང་མ། ཆོས་རྗེ་བཟང་པོ་རྒྱལ་མཚན་པར་ཆོས་སྐྱོང་གིས་རྨི་ལམ་དུ་བསྐུལ་ནས་ཁའུ་སྐྱེས་ལྷས་སུ་མཛད་པའི་བསྟོད་པ་ཧ་ཧ་དགོད་པ་མ། ཤྲཱི་མཱ་ན་བྷ་དྲས་རྩ་སྔགས་དང་མཐུན་པར་རིན་ཆེན་སྒང་མགོན་ཁང་དུ་བསྟོད་པ་ཆོས་དབྱིངས་མཐིང་ནག་མ། བཟང་པོའི་མཐའ་ཅན་གྱིས་རིན་ཆེན་སྒང་བླ་བྲང་དུ་བསྟོད་པའི་ལྷ་ཆེན་ཐུགས་ཀྱི་མ། ཞལ་བཞི་པས་བསྐུལ་ནས་སྦས་པའི་རྣལ་འབྱོར་ཟུར་ཤཱཀྱ་དཔལ་གྱིས་མཛད་པའི་བསྟོད་པ་རབ་འཇིགས་དུར་ཁྲོད་མ། རྫོང་པོད་ནའང་ཡོད། གཉན་ལོས་མཛད་པའི་རྩ་སྔགས་ཀྱི་དྲག་༼ཉི༽བསྐུལ་ནག་པོ་ཆེན་པོ་མ། དེས་མཛད་པའི་བསྟོད་བསྐུལ་༼སྒོ༽༼གློ༽མངོན་སྤྱོད་རོལ་པ་ལོ་རྒྱུས་དང་བཅས་པ། དེས་མཛད་པའི་བསྟོད་བསྐུལ་༼སྒོ༽ལས་ཀྱི་རྒྱལ་པོ་ཚིགས་བཅད་དཔལ་ལྡན་མགོན་པོ་མ་ལོ་རྒྱུས་དང་བཅས་པ། དེས་མཛད་པའི་བསྐུལ་༼ཉི༽ལེགས་ལྡན་ནག་པོ་མ། འདི་དཀར་ཆག་ན་མི་གསལ་བ་གོང་གི་བསྟོད་བསྐུལ་གྱི་སྡེབས་སུ་འགྲོ་རྒྱུ་ཡིན་ནམ་བརྟག །དེས་མཛད་པའི་དམོད་བསྐུལ་ལས་ཀྱི་རྒྱལ་པོ་ཞེས་པ་ཚིག་ལྷུག་དཔལ་ལྡན་ནག་པོ་མ། ཁའུ་པས་མཛད་པའི་དམོད་བསྐུལ་ལོ་སྟོན་ཐིག་ལེ་ལ་གནང་བ་ཚིག་ལྷུག་དཔལ་ལྡན་མ་ཧཱ་ཀཱ་ལ་མ་རྣམས། དཀར་ཆག་ཏུ། སྙན་བརྒྱུད་ཁྲག་མཚོའི་ལྗོངས་ནས་འོང་། །མངོན་སྤྱོད་སྦྲུལ་གདུག་ཁ་རླངས་ཅན། །སྲོག་གི་མཐར་བྱེད་
འདི་མཐོང་ཚེ། །བསྟན་དང་བསྟན་འཛིན་ལ་འཁུབ་བའི། །མི་དང་མི་མིན་གང་ཅིའང་རུང་། །བག་ཡོད་དུས་ལ་བབ་མིན་ནམ། ཞེས་གསུངས་པར་དཔགས་ན་ཕྱི་སྒྲུབ་ཡིན་པ་རྒྱུ་མཚན་དུ་བྱས་ནས་སྣོད་མ་བརྟགས་པར་བབ་ཅོལ་དུ་འཆད་པའང་མི་རུང་བར་མངོན་ནོ། །གཉིས་པ་ནང་རྡོ་རྗེའི་ལུས་ལ་གནད་དུ་བསྣུན་པ་གསང་བའི་མན་ངག་ལ། རྩ་བའི་ཡི་གེ་ཚིགས་བཅད་མ་༼གློ༽བླ་མའི་མན་ངག་བཞིན་གབ་དཀྲུགས་མེད་པར་དམ་པ་ཀུན་དགའ་གྲགས་ཀྱིས་མཛད་པ། ཡིག་རྙིང་འདི་ལྟ་བུ་ཡོད་པ་མིག་དང་རྣ་བའི་ཡུལ་དུ་མ་གྱུར་པར་རྟག་བརྟན་སྤྲུལ་སྐུ་ཀུན་དགའ་སྙིང་པོས་ཚར་ཆེན་གྱི་གུར་མགོན་གྱི་འཁྲིད་ལ་དཔེ་བླངས་པའི་རང་བཟོ་ཡིན་ཞེས་ངན་སྨྲས་ཀྱི་ཐན་སྐད་ཕྱོགས་བརྒྱར་སྒྲོག་པ་ནི་རང་གི་ནང་ཆ་གསལ་བར་སྟོན་པའོ། །གསང་སྒྲུབ་ཀྱི་འཁྲིད་གཞུང་ངམ་མན་ངག་ཐུན་མོང་མ་ཡིན་པ་སྙན་ནས་སྙན་དུ་བརྒྱུད་པ་ཀ་ཞ་དཀའ་བཅུ་དང་རོང་པོ་དཀའ་བཅུ་སོགས་དགེ་བའི་བཤེས་གཉེན་དུ་མས་བསྐུལ་བ་ལ་བརྟེན་ནས་མཚུངས་མེད་སྐྱེས་མཆོག་རྒྱལ་མཚན་གྱིས་མཛད་པ། གསང་བའི་འཁྲིད་ཡིག་ཟུང་འཇུག་རྣམ་པར་རོལ་པ་བདུད་སྡེ་འཇོམས་པའི་བཤན་པ་ཆེན་པོ་ཞེས་བྱ་བ་མདོ་ཁམས་ལྷོ་ཕྱོགས་པ་དབོན་ཆེན་ཆོས་རྒྱལ་མཚན་དང་བླ་མ་གྲགས་པ་རྒྱལ་མཚན་སོགས་ཀྱིས་བསྐུལ་ནས་རྡོ་རྗེ་འཆང་ཚར་པ་ཆོས་རྗེས་དཔལ་ས་སྐྱའི་གཙུག་ལག་ཁང་དུ་མཛད་པ། དེས་ཁའུ་བྲག་རྫོང་ནག་པོའི་དུ་འདྲེན་གྱི་ཕོ་བྲང་སུམ་ཅུ་རྩ་གསུམ་གྱི་བསམ་གཏན་ཁང་བུར་མཛད་པའི་བརྒྱུད་འདེབསསྨོན་ལམ་དང་བཅས་པ་རྒྱལ་བ་ཀུན་དངོས་མ་རྣམས་
འདི་སྐོར་ནི་གཙོ་བོར་མཆོག་གི་དངོས་གྲུབ་ཟུང་འཇུག་གི་གོ་འཕང་སྒྲུབ་པའི་གསང་ལམ་ཟབ་མོ་ཡིན་པས། དཀར་ཆག་ཏུ། ལྷན་སྐྱེས་རྡོ་རྗེ་ལུས་ཀྱི་ཞིང་སྐྱོང་ཆེ། །བདེ་ཆེན་འོད་སྟོང་འབར་བའི་འཛུམ་ཞལ་ལ། །རྣལ་འབྱོར་ཡིད་ཀྱི་དགའ་མ་ཇི་བཞིན་དུ། །འབྲལ་མེད་རྩེ་དགས་རོལ་འདི་ངོ་མཚར་རྨད། །ཨེ་མ་ཚེ་འདིའི་ཆོས་བརྒྱད་ཀུན་དོར་ནས། །གཅིག་པུ་དབེན་པའི་ནགས་ཀྱི་སྨན་ལྗོངས་སུ། །རྒྱལ་བའི་ཐུགས་བཅུད་རིམ་གཉིས་བདུད་རྩིའི་རོ། མྱང་བའི་སྤྱོད་ཚུལ་དེ་ལ་སྙིང་ནས་སྤྲོ། ཞེས་པ་རྡོ་རྗེའི་གསུང་བླ་ན་མེད་པ་ཡིན་ལ། ཞར་བྱུང་དུ་ལས་བཞི་ག་དང་ཁྱད་པར་མངོན་སྤྱོད་ཀྱི་ལས་སྤྲོས་པ་ལ་མ་བལྟོས་པར་འབད་མེད་དུ་འགྲུབ་པས། ཨེ་དབྱིངས་སྡེ་བརྒྱད་དབུས་སུ་བསྒྲུབ་བྱའི་གཟུགས། །ལུས་ལ་ཞིང་སྐྱོང་བཀོད་པའི་འཁྲུལ་འཁོར་གྱིས། །རྩ་འབྲལ་ཁམས་གསོལ་རྣམ་ཤེས་འཕྲོག་པ་ཡི། །ཞེས་དགྲ་བོ་རྣམས་རིང་པོར་མི་ཐོགས་པར་མི་བསྐྱོད་བའི་ཞིང་དུ་སྐྱེས་པའི་ཟབ་གནད་ཀྱང་ཤིན་ཏུ་ཆེའོ། །གསུམ་པ་སྙིང་ནང་གི་ཁྲག་ལྟ་བུ་ཁྱད་པར་གྱི་མན་ངག་ལ། རི་སུལ་གྱི་རྣལ་འབྱོར་མས་བླ་མ་གཉན་ལ་གདམས་པའི་ཐུན་མོང་མ་ཡིན་པའི་ཤོག་དྲིལ་ཉེར་གཅིག །དེ་ལས་ཟབ་པའི་ཡིག་ཆུང་དང་གཉིས། དང་པོ་ལ། འགོར་བླ་མ་རྡོ་རྗེ་འཆང་དབང་དང་ཞེས་ཡོད་པའི་བསྲུང་བཟློག་གསད་མནན་ཚེ་སྒྲུབ་དང་བཅས་༼ལྡོང༽པའི་ཤོག་དྲིལ་གཏོར་མདོས་མན་ངག་རྫོགས་སོའི་མཐའ་ཅན། འགོར་དཔལ་ལྡན་བླ་མ་དམ་པ་དང་ཞེས་ཡོད་པའི་རྟེན་གསུམ། གནད་འབེབས། བསྙེན་པ། ལས་སྦྱོར། རྟགས། སྲེག་མནན་༼ཨེ༽༼སྒོ༽རྣམས་སྟོན་པ་སྦས་ཏེ་འཛམ་གླིང་དུ་མ་གྲགས་པ་
སྙིང་ནང་གི་ཁྲག་ལྟ་བུའི་ཤོག་དྲིལ། འགོར་ཆོས་སྐྱོང་ཞི་བར་ཞེས་ཡོད་པའི་བསྙེན་དུས་ཀྱི་མགོན་པོ་ལ་བརྟེན་པའི་ཆོས་སྐྱོང་ཞི་བ་ནོར་དུ་སྒྲུབ་པའི་ཤོག་དྲིལ་སྒྲུབ་ལུགས་ཡིན་ནོ་རྫོགས་སོའི་མཐའ་ཅན། འགོར་བུདྡྷ་ཡ་ཤྲཱི་པ་ཤཾ་ཀུ་རུ་ཞེས་ཡོད་པའི་ཞལ་གཅིག་ཕྱག་གཉིས་པ་མ་ཧེ་གདན་ལ་བཞུགས་པ་ནང་ཙིཏྟ་ལ་བརྟེན་ནས་ཞལ་དངོས་སུ་བལྟ་བའི་ཤོག་དྲིལ་རྫོགས་སོའི་མཐའ་ཅན། འགོར་དཔལ་མགོན་པོ་གདོང་བཞི་པ་བསྒྲུབ་པ་ལ་ཞེས་ཡོད་པའི་ཕྱིའི་སྒབ་འདྲེ་བདུད་མོ་ཤིནྟཾ་རོ་ཟན་མ་གནོན་པ་འབྲུག་མགོ་ཅན་གྱི་ཤོག་དྲིལ། འགོར་བྱད་མའི་ངག་མནན་པ་ནི་ཞེས་ཡོད་པའི་ནང་གི་མལ་འོག་བསྲུང་བ་བྱད་མའི་ངག་གནོན་པའི་ཤོག་དྲིལ། འགོར་མན་ངག་འདིའི་ཞལ་གདམས་ནི་ཞེས་ཡོད་པའི་གསང་བ་རང་སྲོག་རྟེན་གྱི་འཁོར་ལོ་ཁ་སྦྱོར་ཤོག་དྲིལ་ཞར་བྱུང་དུ་དམ་ཚིག །ཁུ་ལྡོག །འཆིང་བ། གཉེན་པོ། རིག་སྔགས་གོ་ལྡོག་རྣམས་ཀྱང་ཟུར་ཙམ་བསྟན་པ་ཙ་ཀྲའི་གདམས་པ་འི་མཐའ་ཅན། འཁོར་བསྲུང་ཞིང་མི་འཁུ་མི་ལྡོག་པའི་འཁོར་ལོའི་ཤོག་དྲིལ་འི་མཐའ་ཅན། འགོར་ཡུམ་ཆེན་ཁྲོས་མའི་ཞལ་གདམས་ལ་དང་པོ་རྫས་གསག་པ་ནི་ཞེས་ཡོད་པའི་ཡུམ་ཆེན་ཁྲོས་མའི་ཤོག་དྲིལ་༼ཨེ༽༼སྒོ༽དམ་ཚིག་མེད་པ་ལ་གསང་བར་བྱའོའི་མཐའ་ཅན། རྫོང་པོད་ནའང་ཡོད། བུམ་པ་ལ་བརྟེན་ནས་ནག་པོ་ཆེན་པོའི་འཆི་མེད་༼གློ༽ཚེ་སྒྲུབ་ཀྱི་ཤོག་དྲིལ་བླ་མ་པེན་ཏ་པས་ལུང་བསྟན་ཐོབ་ནས་བསྒྲུབས་པས་ལོ་ཕྱེད་དང་ཉིས་བརྒྱ་བཞུགས་པའི་ཆེ་བ་ཅན། རྫས་སྔགས་འཁོར་ལོ་གསུམ་ལ་བརྟེན་པའི་ནག་པོ་ཆེན་པོའི་དགོས་འདོད་ནོར་བུ་
གྲུབ་པའི་བསྟོད་ཤོག་དྲིལ་ས་མ་པ་ཐའི་མཐའ་ཅན། རྫས་སྔགས་སྲོག་འཁོར་གསུམ་ལ་བརྟེན་པའི་སྐུ་དངོས་སུ་བལྟ་བའི་ཤོག་དྲིལ་འི་མཐའ་རྟེན་སྙིང་གི་རྒྱ་ཅན། རྫས་སྔགས་ལྷ་སྒོམ་པ་གསུམ་ལ་བརྟེན་པའི་༼གློ༽ནག་པོ་ཆེན་པོའི་ཆོ་འཕྲུལ་ལྟས་ངན་དབབ་པའི་ཤོག་དྲིལ་གཏང་བ་འི་མཐའ་ཅན། རྫས་སྔགས་འཁོར་ལོ་གསུམ་ལ་བརྟེན་ནས་ནག་པོ་ཆེན་པོས་དགྲ་སྲོག་མྱུར་དུ་གཅོད་པའི་སྲོག་རྩ་རྣོན་པོའི་ཤོག་དྲིལ་གཞན་ལ་སྤེལ་ན་བཀའ་ཆད་འབྱུང་ས་མ་པ་ཐ་མིའི་མཐའ་ཅན། རྫས་སྔགས་བཅའ་གཞི་གསུམ་ལ་བརྟེན་ནས་ནག་པོ་ཆེན་པོས་དགྲ་མཁར་རྨང་ནས་སྒྱེལ་༼རྡོ་རྗེ༽པ་ནག་པོ་ཁར་སྐྱེལ་གྱི་ཤོག་དྲིལ་མཁར་བཤིག་པའི་སྤུ་གྲི་ནག་པོ་ཞེས་བྱ་བ་ས་མ་པ་ཐའི་མཐའ་ཅན། རྫས་དང་སྔགས་ཀྱི་བཟླ་ཐབས་ལ་བརྟེན་ནས་སེར་བ་དབབ་པ་གདོང་བཞི་པའི་སྤུ་གྲི་ངར་མའི་ཤོག་དྲིལ་བཅོལ་བསྐུལ་གཞུང་དང་མཐུན་ནོའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་ནག་པོ་འཇིགས་པར་བྱེད་པ་ཡི་ཞེས་ཡོད་པའི་རྫས་སྔགས་གཉིས་ལ་བརྟེན་ནས་ཞིང་སེལ་འཇུག་པ་སྤུ་གྲི་སོ་འདེབས་སོ་སོའི་མཐའ་ཅན་གྱི་ཤོག་དྲིལ། འགོར་བླ་མ་དམ་པ་རྣམས་ལ་ཕྱག་འཚལ་ལོ་ཆོས་སྐྱོང་གི་བསྙེན་པ་བྱས་པས་ཅུང་ཞིག་རྩུབ་ནས་ཞེས་ཡོད་པའི་ཙ་ཏུརྨུ་ཁ་བཅུན་ཐབས་ཉི་ཟླ་ཅན་གྱི་ཤོག་དྲིལ་གནད་ལ་དབབ་པའི་གདམས་པ་རྫོགས་བྱང་གི་མཐའ་ཅན། འགོར་ལྷ་མོ་ནག་མོའི་ཞལ་གདམས་ཞེས་ཡོད་པའི་གནད་ལ་༼ལྡོང༽༼སྒོ༽༼གློ༽དབབ་པ་ལྷ་མོ་ནག་མོའི་ཤོག་དྲིལ་ཏིང་འཛིན་ཞལ་ཤེས་ལེགས་པར་ཐུགས་ལ་ཆོངས་ཀྱི་མཐའ་ཅན། འདི་ལ་དཔལ་མགོན་གདོང་བཞི་པའི་མན་ངག་ཅེས་པ་གོང་གི་གསལ་བྱེད་འདྲ་བ་གཅིག་ན་མོ་གུ་རུ་
གཉིས་པ་བགྱིས་སོ་ཞེས་དང་ཨ་མ་ར་ཞེས་པ་ཡོད་པ་གཅིག་དང་བཅས་པའི་ནང་གསེས་ཆོས་ཚན་བཞིར་དབྱེ་བ་འདྲ་ཞིག་འདུག་ཀྱང་དཀར་ཆག་ཏུ་སྡོམས་པར་སྣང་ངོ་། །རྫོང་པོད་ནའང་བཞུགས། གོང་དཀར་བའི་གླེགས་བམ་ནང་གསེས་བཞིའི་གཉིས་པ་འགོར་ཏཱ་ར་ན་མོ་དཔལ་༼ཉི༽མགོན་གདོང་བཞི་པ་ཞེས་དང་མཇུག་ཏུ་ཆོས་རྗེ་རིན་པོ་ཆེ་བསོད་ནམས་ལ་བརྒྱུད་ཟེར་བ་དེ་སྣང་། འགོར་དཔལ་མགོན་ནག་པོ་ཆེན་པོ་མ་འཆུན་ན། ཞེས་ཡོད་པའི་མ་འཆུན་འཁུ་ལྡོག་བྱེད་ན་མནན་པའི་ཤོག་དྲིལ་ས་མ་པ་ཐ་མིའི་མཐའ་ཅན། འགོར་དཔལ་ནག་པོ་ཆེན་པོ་གདོང་བཞི་པ་དགྲ་བོ་ལ་འགྲོ་མ་ཉན་ཅིང་ཞེས་ཡོད་པའི་ལས་བྱེད་༼གློ༽དུ་མི་འདོད་ན་ཨར་གཏད་ཀྱི་ཤོག་དྲིལ་ཤིན་ཏུ་སྦས་པའོ་མཐའ་ཅན་རྣམས་དུས་གཅིག་ལ་མང་པོར་མི་སྤེལ་བའི་ཆིག་བརྒྱུད་གྲས། ཤོག་དྲིལ་དང་པོའི་གསལ་བྱེད་འགོར་བླ་མ་དང་དཔལ་ལྡན་མགོན་པོ་ལ་ཕྱག་འཚལ་ལོ་རྗེ་བཙུན་ཀུ་ས་ལི་ཞེས་ཡོད་པ་རྗེ་བཙུན་༼དབང༽༼ཁྲ༽རྡོ་རིང་པ་ཆེན་པོས་མཛད་པ་ཟློག་པ་སོགས་གཞན་དུ་ཤེས་སོའི་མཐའ་ཅན། ཤོག་དྲིལ་དང་པོའི་རྒྱུན་གྱི་ཉམས་ལེན་ངག་འདོན་གསལ་བར་བཀོད་པ་རྡོ་རྗེ་འཆང་ཚར་པ་ཆོས་རྗེས་མཛད་པ་རྣམས། གཉིས་པ་དེ་ལས་ཟབ་པའི་ཡིག་ཆུང་ལ། ཙ་ཏུརྨུ་ཁ་དཀར་པོ་ཚེ་འཕེལ་གྱི་སྒྲུབ་༼ལྡོང༽༼རྡོ་རྗེ༽ཐབས་ཞར་བྱུང་རྗེས་གནང་གི་ཡིག་ཆུང་དང་བཅས་པ་སྙན་བརྒྱུད་ཡི་གེར་བཀོད་པ་བཀའ་རྒྱ་འི་མཐའ་ཅན་འགོར་གཉིས་པ་རྣལ་འབྱོར་པ་ནོར་སྤེལ་༼ལྡོང༽༼རྡོ་རྗེ༽ན་ཞེས་ཡོད་པའི་སེར་པོ་རྒྱས་པའི་ཡི་གེ །འགོར་གསུམ་པ་དགྲ་བགེགས་སྒྲོལ་ན་ཞེས་ཡོད་པའི་ནག་པོ་དགྲ་བགེགས་སྒྲོལ་བའི་ཡི་གེ་ཞལ་དུ་༼ལྡོང༽༼རྡོ་རྗེ༽གསོལ་བར་བསམ་མོའི་མཐའ་
ཅན། འགོར་བཞི་པ་དམིགས་བྱ་དབང་དུ་བསྡུ་༼ལྡོང༽༼རྡོ་རྗ༽ན་ཞེས་ཡོད་པའི་དམར་པོ་དབང་སྡུད་ཀྱི་ཡི་གེ །འགོར་ཏཱ་ར་ལ་ན་མོ་མགོན་པོ་དཀར་སེར་དམར་ནག་ཅེས་ཡོད་པའི་ལས་༼ལྡོང༽༼རྡོ་རྗེ༽བཞི་མགོན་པོའི་མངོན་རྟོགས་ཀྱི་གསལ་བྱེད་ཨུ་པ་དེ་ཤ་གསང་བར་བྱའོ་མཐའ་ཅན། མགོན་པོ་སེར་པོའི་བྱིན་རླབས་ཀྱི་ཡིག་༼ལྡོང༽༼རྡོ་རྗེ༽ཆུང་ཙིཏྟའི་དཀྱིལ་དུ་སྦས་སོ་ས་མ་པ་ཐ་མིའི་མཐའ་ཅན། ལས་བཞི་མགོན་པོའི་སྒྲུབ་ཐབས་ཏཱ་མིང་རྒྱལ་པོ་ཆེན་པོའི་བཀས་བསྐུལ་བ་ལྟར་ཐེག་ཆེན་ཆོས་ཀྱི་རྒྱལ་པོས་ཕོ་བྲང་ཏྭའི་ཏུའི་ཧྭོའི་སྡེ་ཆེན་པོར་སྦྱར་བ། མགོན་པོ་ཞལ་བཞི་པ་དཀར་པོའི་ཚེ་སྒྲུབ་ཟླ་བའི་ཆུ་རྒྱུན་༼ལྡོང༽རྡོ་རྗེ་ཚར་པ་ཆོས་རྗེས་མཛད་པ། དེས་མཛད་པའི་བརྒྱུད་པའི་གསོལ་འདེབས་རྡོ་རྗེ་འཆང་དབང་མ། རི་སུལ་གྱི་རྣལ་འབྱོར་མ་ཀུ་སཱ་ལི་ཆེན་མོས་གཉན་ལོ་བོད་དུ་འབྱོན་ཁར་འགྲོ་ཆོས་སུ་གནང་བའི་བྲམ་༼རྡོ་རྗེ༽ཟེ་དམོད་པའི་སྲོག་མཐུ་འདི་ཕྱི་བྲམ་ཟེ་ལྟར་སྒྲུབ་པའི་མན་ངག་ཡིན་ནམ་སྙམ། དགྲ་བོའི་སྲོག་གི་བཤན་པ་དམར་པོ་སྙིང་ཁྲག་ཐང་ལ་འཕོ་ཞིང་ས་མཱ་ཡ་ན་ར་སྐན་གྱི་མཐའ་ཅན། ངན་སྔགས་དགྲ་སྲོག་གི་སྤུ་གྲི་དམར་པོ་ཡང་ཟེར། ལམ་བར་གྱི་ཆོམ་རྐུན་བརྟག་པའི་ཕྱིར་དུ་གདོང་བཞི་པའི་བཀའ་སྡོད་དྲང་སྲོང་ནག་པོའི་བྲ་སེ་ན་དབབ་པའི་མན་ངག་མཁར་ནག་དགེ་བཤེས་ནས་བརྒྱུད་པ་ཤིན་ཏུ་གསང་བ་གལ་ཆེ་འོའི་མཐའ་ཅན། དེའི་ཞལ་ཤེས་སྙིང་གི་དཀྱིལ་དུ་ཆོངས་ཀྱི་མཐའ་ཅན། བླ་མ་གཉན་བོད་དུ་བྱོན་ཁར་མགོན་པོས་ལུང་བསྟན་པ་ལ་བརྟེན་ནས་ཞུས་པའི་ཙ་ཏུརྨུ་ཁའི་ཆོ་འཕྲུལ་༼རྡོ་རྗེ༽ཐན་འགྱེད་གཉན་གྱི་མགུལ་ཁུག་མར་གྲགས་པ་ཆིག་བརྒྱུད་སྙིང་གི་དུམ་བུ་དཀའ་རྒྱ་དང་བཅས་པ་འི་མཐའ་ཅན། འགོར་ཌཱ་ཀི་མ་བཞི་ཞེས་ཡོད་པའི་
ཡུམ་ཆེན་བཞིའི་ཐན་༼རྡོ་རྗེ༽འགྱེད་གཉན་གྱི་མགུལ་ཁུག་བཀའ་རྒྱ་མ་ས་མ་པ་ཐ་མི་ཐིའི་མཐའ་ཅན། འགོར་ཏྭ་ར་ན་མོ་རྣལ་འབྱོར་པ་མཚན་མ་ཐོབ་ནས་ཞེས་ཡོད་པའི་གཉན་༼རྡོ་རྗེ།དགའ་འཁྱིལ༽མགོན་གྱི་པར་བུའི་ཆོ་གའི་མན་ངག་ཞལ་གདམས་བཀའ་རྒྱ་མི་འི་མཐའ་ཅན། འགོར་ཏཱ་ར་ན་མ་མགོན་པོའི་ནོར་སྒྲུབ་ནི་ཞེས་ཡོད་པའི་གཉན་མགོན་ལྷ་དགུའི་སྒྲུབ་༼རྡོ་རྗེ༽ཐབས་ཐུན་མོང་མ་ཡིན་པ་སྙན་བརྒྱུད་ཀུན་ལ་མ་གྲགས་པའི་སྙིང་ནང་གི་ཁྲག་ལྟ་བུ་ཤིན་ཏུ་གསང་རྒྱའི་མཐའ་ཅན། འགོར་ཏཱ་ར་ན་མོ་རྫས་ཀྱི་སྦྱོར་བ་ཞེས་ཡོད་པའི་རྫས་ཀྱི་སྒོ་ནས་དགྲ་གསོད་པའི་ལས་སྦྱོར་བླ་མའི་ཞལ་ལས་ཤེས་སོ་ས་མ་པ་ཐའི་མཐའ་ཅན། འགོར་ཏཱ་ར་ན་མོ་གཏད་བྱ་བ་ནི་ཞེས་ཡོད་པའི་རྡོ་ནག་༼རྡོ་རྗེ༽ཡིག་དམར་གྱི་སྒྲུབ་མཐུ་གསེར་ཞོ་རེའི་བཀའ་རྒྱ་ཡོད་པ་ས་མ་པ་ཐ་མི་ཐིའི་མཐའ་ཅན། འགོར་ཁང་སེལ་ཞིང་སེལ་ལ་ཞེས་ཡོད་པའི་ཁང་སེལ་ནག་པོ་ཟླ་ཕྱེད་ཚུན་ལ་འཇིག་པ་སྭ་ཧཱ་སྔགས་སོ་འི་མཐའ་ཅན། འགོར་ཞལ་བཞི་པའི་མན་ངག་ལ་དགྲ་གློ་བུར་ཞེས་ཡོད་པའི་དགྲ་བོ་ཟླ་བ་གཅིག་ལ་གསོད་པ་༼གློ༽མཛེ་བོ་ནག་པོའི་མན་ངག་འདི་ཀ་ལ་གསོད་འི་མཐའ་ཅན། དགྲ་བོ་ཀླུ་ལ་གཏོད་པ་རེག་པས་ཆོག་པ་དྲག་པོའི་བཙན་དུག་གཏད་ཁྲམ་གྱི་ཡང་སྙིང་གཉན་གྱི་ནཱ་ག་སྟོབས་འཕྲོག་ཏུ་གྲགས་པ། འགོར་ན་མོ་གུ་རུ་མོན་པ་ཞེས་ཡོད་པའི་མོན་པ་ནག་པོ་ནོར་བཤེར་གྱི་འདི་བརྩེགས་ཞལ་གྱི་ལས་ཚོགས། མན་ངག་རྒྱ་གར་ནས་བོད་དུ་བྱོན་པ་ལ་འདི་ལས་ཟབ་པ་མེད་དོ་རྟགས་ཐོན་ཐོན་པ་ཡིད་ཆེས་པར་གྱིས་ཤིག་གི་མཐའ་ཅན། དར་ལུང་གི་བྲག་སྤྲེའུ་དམར་འཛིང་འདྲ་བའི་རྨང་དུ་བླ་མ་གཉན་གྱིས་སྦས་པ་ཁའུ་པས་བཏོན་པའི་ཟངས་
ཁབ་དམར་པོའི་གསད་ལས་ཁར་ལྕེ་མྱུག་གེ་བྱའོ་མཐའ་ཅན། གདོང་བརྙན་ཅན་ལ་བརྟེན་པ། འགོར་དཔལ་རྗེ་བཙུན་སྟོབས་འཕྲོག་ནག་པོ་ལ་ཕྱག་འཚལ་ལོ་བླ་མ་གཉན་ལོ་ཙཱ་བ་ཞེས་ཡོད་པའི་སྲེག་བྱེད་མེའི་སྦྱོར་བ་བླ་མ་ཁའུ་ཆེན་པོའི་གསུང་བཞིན་ཡི་གེར་བཀོད་པ་ལ། ནག་པོ་ཆེན་པོས་བཟོད་པར་མཛོད་ཅིག་ས་མ་པ་ཐ་མི་ཐིའི་མཐའ་ཅན། འགོར་ཨོཾ་སྭ་སྟི་སིདྡྷཾ་དཔལ་མགོན་པོ་ཞལ་བཞི་པའི་ཞལ་གྱི་གདམས་པ་བསྟན་པ་ནི་ཞེས་ཡོད་པའི་བཙུན་པའི་མཐར་ཐུག་སྡིག་པ་ནག་པོའི་འཁྲུལ་འཁོར་གྱི་ལས་ཚོགས་གཙོ་འཁོར་གསུམ་བསྒོམ་མོའི་མཐའ་ཅན་རྣམས། གཞན་ཡང་གདོང་བཞི་པའི་སྒོ་ནས་སྲིའུ་གསོ་བ་རྒྱུད་རིན་ཅན་སྤུངས་རྒྱན་གྱི་གདམས་པ་མངལ་བསྲུང་བའི་ཆོ་གའོའི་མཐའ་ཅན། བུ་འཚོལ་བའི་མན་ངག་༼ལྡོང༽༼ཉི༽ལྟས་ཀྱི་ལེའུའོའི་མཐའ་ཅན། མངལ་བསྲུང་བའི་གདམས་༼ལྡོང༽༼ཉི༽པ་དབང་ཕྱུག་དང་པདྨ་ལ་བརྟེན་པ་གཉན་གྱི་ཨུ་པ་དེ་ཤའི་མཐའ་ཅན། མ་ཧཱ་ཀཱ་ལའི་སྐུ་གཟུགས་༼ཉི༽ལ་བརྟེན་ནས་སྲིའུ་གསོ་བ། འགོར་ཏཱ་ར་ན་མོ་ཞལ་བཞི་པའི་སྒོ་ནས་སྲིད་མེད་པ་སྲིད་དང་ཕྲད་པ་འདི་ལ་གསུམ་སྟེ་ཞེས་ཡོད་པའི་སྲིད་མེད་པ་འཚོལ་བ་ལུང་སྐམ་ཆུ་འབེབས། ཀླུང་ལོག་བུ་མོར་འོང་བས་སྲིད་པ་ལྟེ་བ་བསྒྱུར་བ། ཡོད་པ་གསོ་བའི་གདམས་པ་རྣམས་ཀྱི་ཡི་གེ་བླ་མ་གཉན་གྱིས་མཛད་པ་བཀའ་རྒྱ་མ། འགོར་ཏཱ་ར་ན་མོ་ནག་པོ་ཆེན་པོའི་སྒོ་ནས་ཆུང་སྲི་ཞེས་ཡོད་པའི་ཆུང་སྲི་འདུལ་༼ཉི༽བ་གཉན་ལོའི་མན་ངག་འི་མཐའ་ཅན། དཀར་ཆག་ན་འདི་གོང་མའི་ཁོངས་སུ་བསྡུས་པ་ལས་ཟུར་དུ་མེད། ཞལ་གདམས་སྙིང་གི་དུམ་བུར་གྲགས་པའི་ནང་
ཚན་ལ་འགོར་ཏྭ་ར་ན་མོ་ཙ་ཏུརྨུ་ཁའི་ཞལ་གདམས་སྙིང་གི་དུམ་བུ་ཞེས་ཡོད་པའི་སྤུ་གྲི་སོ་འདེབས་ཀྱི་གདམས་༼ལྡོང༽པ་རྣལ་འབྱོར་དབང་ཕྱུག་ཡར་ཀླུངས་པའི་ཟབ་ཆོས་གཞན་ལ་མི་སྟོན་པའི་བཀའ་རྒྱ་དམ་པོ་ཡོད་དོའི་མཐའ་ཅན་འགོར་ཏྭ་ར་ན་མོ་ཙ་ཏུརྨུ་ཁའི་རང་བསྲུང་གནད་ཀྱི་འཁོར་ལོ་ཞེས་ཡོད་པའི་རང་བསྲུང་ཕྲ་མོ་ཡིད་བཞིན་འཁོར་ལོའི་ཞལ་གདམས་གཅིག་ལས་མང་བ་ལ་མི་སྤེལ་གསུང་ངོའི་མཐའ་ཅན། འགོར་ན་མོ་བླ་མའི་ཞལ་ནས་སྤྱིར་འདི་ལ་ཞེས་ཡོད་པའི་རྟེན་གྱི་ཞལ་གདམས་ཕྱི་ནང་གཉིས་ཀ་ལ་རྩུབ་གསུང་ངོའི་མཐའ་ཅན། འགོར་ན་མ་གཏོར་མ་བཞི་ཞེས་ཡོད་པའི་གཏོར་མའི་ཞལ་གདམས་མཐའ་ཡས་པ་བྱ་འོའི་མཐའ་ཅན། འགོར་བླ་མ་དང་མ་ཧཱ་ཀཱ་ལ་ལ་ན་མོ་སྙིང་དང་འདྲ་བའི་སློབ་མ་གཅིག་ཅེས་ཡོད་པའི་སྔགས་ཀྱི་ཞལ་གདམས་སྔགས་སྒྲིགས་ས་མ་པ་ཐའི་མཐའ་ཅན། འགོར་ཤྲཱི་མ་ཧཱ་ཀཱ་ལ་པུ་ཛེ་ཏ་ཞེས་ཡོད་པའི་སྔགས་ཀྱི་ཞལ་གདམས་རྣམ་འགྱུར་འདི་ཚེ་བག་ཐུང་བ་ཡིན་ནོའི་མཐའ་ཅན། དཀར་ཆག་ན་འདི་གོང་གི་ཁོངས་སུ་བསྡུས་པ་ལས་ཟུར་ན་མི་གསལ། དགྲ་བགེགས་གསད་པ། གཞན་བསྲུང་བ། རང་བསྲུང་བའི་འཁོར་ལོའི་ཞལ་གདམས་རྡོ་རྗེ་འཛིན་པ་ཤྲཱི་ཝ་ན་མ་ཏིས་བསམ་གླིང་དགོན་པར་བྲིས་པ། དེའི་ཞར་བྱུང་འགོར་བླ་མའི་ཞལ་ནས་བོད་རྦད་གསད་གསུམ་ཞེས་ཡོད་པའི་རང་བསྲུང་གི་ཡི་གེ་མན་ངག་དངོས་སུ་བཀོད་པ་འོའི་མཐའ་ཅན་རྣམས། འདི་དཀར་ཆག་ན་མི་གསལ་བ་གོང་མའི་ཁོངས་སུ་བསྡུས་སམ་སྙམ། དེ་ཡང་དཀར་ཆག་ཏུ། སྔོན་ཆད་གངས་རིའི་ལྗོངས་འདིར་མ་གྲགས་པ། །སྔོན་གྱི་མཁས་གྲུབ་གཉན་ལོའི་ཐུགས་བཅུད་འདི། །བདག་གིས་འདྲེན་མཆོག་ཀུན་སྤངས་ཆོས་རྗེ་ལས། །གཞན་ན་
ཡོད་མེད་གཟུ་བོའི་བློས་ལྟོས་ཤིག །འདི་ལྟའི་མན་ངག་སྙིང་ཁྲག་ཞུན་མ་འདི། སྤེལ་བའི་གནས་མེད་བསེ་བྲག་དམར་པོར་སྦོས། །ཅིས་ཀྱང་སྤེལ་ན་སྣོད་ལྡན་གཅིག་ཉིད་ལ། །བཀའ་རྒྱ་ཐོབ་ལ་མགོན་པོ་དཔང་དུ་ཚུགས། ཞེས་འབྱུང་བ་ལྟར་ས་བཅད་གསུམ་པའི་སྐོར་འདི་ཁའུ་བྲག་རྫོང་པའི་བརྒྱུད་འཛིན་རྣམས་ལས་ཀུན་ལ་མ་གྲགས་པའི་ཟབ་ཅིང་གཉན་པས་སྣོད་དང་ལྡན་ངེས་ལ་ཆོས་སྐྱོང་དཔང་དུ་བཙུགས་ནས་སྟོན་དགོས་པའི་ཚུལ་འདི་སྙིང་གི་དཔལ་བེའུར་བཅང་བར་བྱའོ། །ཞར་བྱུང་དཔེ་རིས་ཀྱི་སྐོར་ལ། གཏུམ་པོ་རང་བསྲུང་གི་འཁོར་ལོ་རྩིབས་དྲུག་པ། ཆུང་བ་གྲི་གུག་མ། འོག་གི་འཁོར་བསྲུང་བའི་དཔེ་རིས་ཀྱང་དབྱིངས་འདི་ཁ་ལ་དྲི་ཚུལ་གྱི་ཁྱད་པར་ཅུང་ཟད་ཡོད། རང་བསྲུང་ཕྲ་མོ་ཡིད་བཞིན་འཁོར་ལོའི་དཔེ་རིས་རྒྱས་འབྲིང་བསྡུས་གསུམ། འདི་གསུམ་གྱི་དབྱེ་བ་ཞལ་ལས་ཤེས་དགོས། དཀར་ཆག་ན། རང་བསྲུང་འཁོར་ལོ་ཆེ་ཆུང་གསུམ་གསུངས་པའི་ཆུང་བ་ཤོག་དྲིལ་ཉེར་གཅིག་གི་ཁུ་ལྡོག་བསྲུང་བའི་རང་བསྲུང་འཁོར་ལོ་གྲི་ཐོད་མའམ་སྐུ་གསུང་ཐུགས་འཁོར་དུ་གྲགས་པ། ཞལ་བཞི་ཡོངས་སུ་རྫོགས་པའི་རང་བསྲུང་ཡང་ཟེར། གཏུམ་པོའི་སྒོ་ནས་མི་མ་ཡིན་དྲག་པོ་བསྲུང་བའི་འཁོར་ལོ། འཁོར་བསྲུང་བའི་གྲི་གུག་ཅན། ཤོག་དྲིལ་ཉེར་གཅིག་གི་གསང་བ་རང་སྲོག་རྟེན་གྱི་འཁོར་ལོ་རྩིབས་དྲུག་ཁ་སྦྱོར་ལུས་དང་གྲིབ་མ་བཞིན་འགྲོགས་པ། ཡི་གེ་རྙིང་པ་ལས་བྱུང་བའི་གསད་པའི་འཁོར་ལོ་ལིང་ཚེ་ཉི་ཤུ་པ་དང་། བཅོ་ལྔ་པ། དམར་གྱི་བཞེད་པ་གཅིག །ལིང་ཚེ་རྐྱང་པ་བཅོ་ལྔ་པ་དང་། ཉི་ཤུ་པ། ལིང་ག་འཁོར་ལོ་ཅན། ལིང་ག་ལིང་ཚེ་ཅན་འཁོར་ལོ་ཡོད་མེད་གཉིས། ཆོས་རྗ་ེས་པཎ་ལ་མགོན་པོ་ཉིད་ཀྱིས་གདམས་པའི་ལིང་ཚེ་ཉི་ཤུ་པ་དང་བཅོ་ལྔ་
པ། དེའི་བཞད་པའི་རང་བསྲུང་འཁོར་ལོ་ལིང་ཚེ་ཉི་ཤུ་པ་དང་བཅོ་ལྔ་པ། དེའི་བཞེད་པའི་ལིང་ག་འཁོར་ལོ་ཅན་གཉིས། དེའི་བཞེད་པའི་ལིང་ཚེ་རྐྱང་པ་གཉིས། དེའི་བཞེད་པའི་ལིང་ག་ལིང་ཚེ་ཅན་གཉིས། གཞན་ཡང་གོང་དང་ཅུང་ཟད་མི་འདྲ་བའི་ལིང་ཚེ་ཉི་ཤུ་པ་གཏོར་མ་ལ་འཛུགས་རྒྱུའི་འཁོར་ལོ་རྩིབས་དྲུག་པ། ལིང་ག་སྔགས་བཀོད་ལུགས་མི་འདྲ་བ་གཉིས་དང་སྔགས་མེད་གཅིག །རྡོ་ནག་མཎྜལ་མཆོད་གཏོར་དང་བཅས་པའི་ཤོམ། ཕྱག་མཚན། ལས་ཁུང་། རྡོ་ཟོར། རྭ་ཟོར་མདའ་ཟོར། ཐུན་ཁུངས། རློན་ཐུན། སྦྱིན་སྲེག་གི་ཐབ་ཁུང་མི་འདྲ་བ་གཉིས། རྫའི་ཨན་དྷ་མུ་ཤ །ལ་ཆའི་ཨནཱ་དྷཱ་མུ་ཤ །འབྲུ་ནག་གི་སྡིག་པ། སྒབ་འདྲེ་འབྲུག་མགོ་ཅན་གྱི་མནན་འཁོར། མལ་འོག་བསྲུང་བའི་ངག་མནན་འཁོར་ལོ། མ་ཧཱ་བ་ལ། དེའི་རྒྱབ་ཡིག །ལིང་ག །རྒྱ་གྲམ། གླང་དམར་གྱི་རྭ། ཚེ་སྒྲུབ་ཀྱི་བཅའ་གཞིའི་མཆོད་རྟེན། ནོར་སྒྲུབ་ཀྱི་བུམ་པ། དབང་སྡུད་གྲི་ལག །ལམ་བསྲུང་གི་རྡེའུ་དང་རྡོ་རྗེ་རྒྱ་གྲམ་རྩེ་མོར་ཕྱག་མཚན་དང་བཅས་པ། ཤྭ་ཟློག་ཕུར་ཐོད། བྱ་རོག་བསྐྲད་འཁོར་གྱི་འཁོར་ལོའི་ལིང་ག་དང་། བྱ་རོག་གི་གཟུགས། མ་ཆུན་སྤྲེའུའི་འཁོར་ལོ། ལྷ་མོ་ནག་མོའི་དཔེ། མངལ་བསྲུང་པདྨའི་ཕོ་འཁོར་མོ་འཁོར་དབང་ཕྱུག་གི་གཟུགས། ནཱ་ག་སྟོབས་འཕྲོག་གི་ལིང་ག །སྭ་ཙྪ། བུམ་པ། རྒྱ་གྲམ། ཡང་ལིང་ག་འཁོར་ལོ་ཅན་ལུགས་གཅིག །ཀླུ་སྒྲུབ་རྒྱ་གཞུང་གི་ཤམ་བུ་བརྒྱད་པའི་དཀྱིལ་འཁོར་ལིང་ག །ཐུན་སྣོད་དང་བཅས་པ། ནམ་མཁའ། རྒྱང་བུ། མདའ་འཕང་། ཕོ་གདོང་མོ་གདོང་། རི་རབ་གླིང་བཞི། གདུགས་སོགས་མདོས་ཀྱི་ཆ་ལག་རྣམས། གཞན་ཡང་དཔེ་རིས་རྙིང་པ་ན་མེད་པའི་མགོན་པོ་ཆེ་ཆུང་གི་དམ་རྫས་རྒྱན་
གྱི་གཏོར་མ། དཔལ་གྱི་ཞལ་ཟས། ཛམྦུ་ཏི་བ། བཤོས་བུ་དམར་ནག །གུར་གྱི་བསྙེན་སྒྲུབ་རྗེས་གནང་གི་གཏོར་དཔེ། དུད་སོལ་མའི་གཏོར་མ། ཞལ་གྱི་དམ་ཚིག་བཀང་སོ་དང་རྟག་གཏོར། པུ་ཏྲའི་གཏོར་མ། བེག་རྩེའི་གཏོར་མ། གཞི་བདག་གཏོར་མ། དམར་ཆེན་གཏོར་མ། མགོན་པོ་ཆེ་ཆུང་གི་གཏོར་མའི་དར་གུར། ཟངས་གྲི་ཅན་གྱི་ཟོར་གཏོར། ཞལ་གྱི་གཏོར་ཆེན་གྱི་དཔེ་རྣམས་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་ཞལ་བཀོད་མ། གཉིས་པ་དཀར་ཆག་གིས་མ་ཟིན་པའི་སྐོར་ལ། ཕྱི་སྒྲུབ་དང་ཁྱད་པར་གྱི་མན་ངག་ལ་མཁོ་བའི་སྐོར། གསང་སྒྲུབ་ཀྱི་སྐོར། ཕྱི་སྒྲུབ་ཀྱི་སྙིང་པོར་གྱུར་པ་ཟབ་པ་ལས་ཀྱང་ཆེས་ཟབ་པའི་སྙིང་ཐིག་ཧ་ལ་ནག་པོའི་སྐོར་དང་གསུམ། དང་པོ་ལ། འགོར་གདོང་བརྙན་ཅན་ལ་གཏོར་མ་འབུལ་ན་པཾ་ལས་པདྨ་རཾ་ལས་ཉི་མའི་དཀྱིལ་འཁོར་གྱི་སྟེང་དུ་བཟས་པ་བསྒྱེལ་ཞེས་ཡོད་པའི་གླང་༼འབུམ༽གདོང་ཕྱག་དྲུག་པའི་གཏོར་འབུལ་ཨེ་ཀ་ཛ་ཊི་ཧཱུྃ་ཕཊ་ཅེས་པའོ་འི་མཐའ་ཅན། འགོར་ཨོཾ་སྭསྟི་བླ་མ་དང་མ་ཧཱ་ཀཱ་ལ་ལ་ཕྱག་འཚལ་ལོ་འཇིགས་པའི་ཚོགས་རྣམས་འཇོམས་མཛད་པ་ཞེས་སོགས་ཀྱི་མཆོད་བརྗོད་ཤླཽ་ཀ་གཉིས་མདོ་སྟོད་པ་འཇམ་དབྱངས་རྒྱལ་མཚན་གྱིས་མཛད་པའི་འགྲེལ་པ་དྲི་མེད་དོན་གསལ་ཇི་ལྟ་བ་ལ་དེ་ནས་སློབ་དཔོན་ཀླུ་སྒྲུབ་ཀྱིས་མཛད་པའི་རྒྱ་གཞུང་ལ་དཔང་པོ་བྱས་ཞེས་ཡོད་པའི་གདོང་༼འབུམ༽བརྙན་ཅན་གྱི་བསྙེན་པའི་ཡི་གེ་འཕགས་པ་ཀླུ་སྒྲུབ་སྙིང་པོའི་རྒྱ་གཞུང་ལྟར་བསྙེན་པའི་ཆོ་ག་འོའི་མཐའ་ཅན། ཐམས་ཅད་མཁྱེན་པ་བསོད་ནམས་རྒྱ་མཚོས་བསྐུལ་ནས་ཚར་ཆེན་ཆོས་ཀྱི་རྒྱལ་པོས་མཛད་པའི་ཞིང་སྐྱོང་སྟོབས་འཕྲོག་གདོང་བཞི་པ་ལས་སྦྱོར་གྱི་མགོན་པོ་གདོང་བརྙན་ཅན་འཁོར་
མང་དང་བཅས་པ་ལ་བསྟོད་ཅིང་༼དབང༽འཕྲིན་ལས་གསོལ་བ་བདུད་དགྲའི་སྲོག་འཕྲོག་དམ་ཉམས་ཀྱི་ཙིཏྟ་དམར་འབྱིན། འགོར་བླ་མ་དམ་ཅན་སྲུང་མའི་ཚོགས་ལ་ཕྱག་འཚལ་ལོ། ཤེས་བྱ་ཀུན་ལ་བློ་གྲོས་རབ་རྒྱས་ཤིང་ཞེས་ཡོད་པའི་གདོང་བཞི་པའི་ལོ་རྒྱུས་དཀར་ཆག་བསྐྱེད་ཆོག་མི་འདྲ་བའི་ཁྱད་པར་མཁའ་འགྲོ་འཁུ་ལྡོག་སྤོང་བ་དང་བཅས་སྟོན་པའི་ཡི་གེ་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས་མཛད་པ་མངོན་སུམ་ཉིད་དུ་གྲུབ་པའི་ལས་མཛོད་ཅིག་གི་མཐའ་ཅན། འདི་འགོའི་མཆོད་བརྗོད་ལ་བདག་ཆེན་རྗེའི་མཚན་སྤེལ་ཡོད་པ་དེ་རྡོ་རིང་རིན་པོ་ཆེའི་གསུང་ཡིན་པ་འདྲ་ཞེས་ཡིག་ཆར་སྣང་ངོ་། །འགོར་རྡོ་རྗེ་འཆང་དབང་རྩ་བའི་བླ་མ་དང་ཞེས་ཡོད་པའི་རྒྱུད་འདེབས་༼གླང༽༼ཁྲ༽ཀྱི་ལོ་རྒྱུས་ཟུང་ལྡན་གྱི་རྒྱན་དང་བཅས་པ་བདུད་རྩིའི་འོད་ཅན་ཞེས་བྱ་བ་རྡོ་རྗེ་འཆང་ཚར་པ་བློ་གསལ་རྒྱ་མཚོས་ཁའུ་བྲག་རྫོང་ནག་པོར་མཛད་པ། དེས་མདོ་ཁམས་པ་དབོན་པོ་དཔལ་གྲུབ་དང་བསོད་ནམས་མཆོག་གྲུབ་གཉིས་ཀྱིས་བསྐུལ་བ་ལྟར་ན་ལནྡར་༼ལྡོང༽མཛད་པའི་རྡོ་རྗེ་ནག་པོ་ཆེན་པོ་སྟོབས་འཕྲོག་དབང་པོ་གདོང་བཞི་པ་འཁོར་བཅས་ཀྱི་རྗེས་གནང་དངོས་གྲུབ་རྒྱ་མཚོ། བསྐུལ་བ་པོ་དང་མཛད་པོ་གོང་ལྟར་གྱི་དཔལ་སྟོབས་འཕྲོག་དབང་པོ་གདོང་བཞི་པ་སྒྲུབ་༼ཏ༽དུས་ཀྱི་ཐུན་མོང་མ་ཡིན་པའི་རྗེས་གནང་ཆིག་བརྒྱུད་གསེར་ཆོས་ཀྱི་ཡིག་ཆུང་། སྒྲུབ་དུས་ཀྱི་མགོན་པོ་ཞལ་ཁྲ་ཅན་གྱི་རྗེས་གནང་གི་ཁོག་ཕུབ་བསྙེན་དུས་སྒྲུབ་དུས་ཐུན་མོང་མ་ཡིན་པ། དཀར་པོ་ཚེ་འཕེལ་ཐུན་མོང་མ་ཡིན་པ། དམར་པོ་དབང་སྡུད། སེར་པོ་རྒྱས་བྱེད་ལྷ་དགུ །སྔོན་པོ་བགེགས་འཇོམས་དང་བཅས་པ་རྣམས་ཀྱི་ཐོ་ཡིག་༼ངག༽མུན་སེལ་སྒྲོན་མེ་ཞེས་
བྱ་བ་ཐམས་ཅད་མཁྱེན་པ་ངག་དབང་ཆོས་གྲགས་ཀྱིས་མཛད་པ། དེས་རྩེ་གདོང་ཕྱོགས་ལས་རྣམ་པར་རྒྱལ་བའི་ཆོས་གྲྭར་མཛད་པའི་དཔལ་མགོན་གདོང་བརྙན་༼འབུམ༽༼ངག༽ཅན་གྱི་རྗེས་གནང་གོ་བདེ་བཀླག་ཆོག་ཏུ་བཀོད་པ། འགོར་ཏཱ་ར་ན་མོ་འདི་ཆིག་བརྒྱུད་མ་གཏོགས་ཡེ་མི་བྱེད་དོ་ཞེས་ཡོད་པའི་གནད་དབབ་༼ཨཱ༽ཀྱི་མགོན་པོ་ནང་གཤིན་རྗེ་ལྟར་སྒྲུབ་པའི་མངོན་རྟོགས་རྗེས་གནང་གི་ཡི་གེ་དཀྱུས་དང་འདྲའོའི་མཐའ་ཅན་ཚར་ཆེན་གྱི་གསུང་། དེའི་གསུང་འགོར་ཏཱ་ར་ན་མ་བྲམ་ཟེ་མངགས་པའམ་བྲན་དུ་གཏད་པ་ཞེས་ཡོད་པའི་བྲམ་ཟེ་ནག་པོ་མངགས་གཏད་ཀྱི་རྗེས་༼བྲཾ༽གནང་འཆོལ་པར་སྤྱད་ན་དམ་ཚིག་ཉེས་པ་ཆེན་པོར་འགྱུར་དེ་བས་གསང་ཞིང་སྦ་བར་བྱ་འོའི་མཐའ་ཅན། འགོར་ཨོཾ་སྭ་སྟི་རྡོ་ནག་པོ་མི་གཅིག་གིས་ཐེག་མི་ཐེག་ཅིག་ཅེས་ཡོད་པའི་སྒྲུབ་དུས་ཀྱི་ལས་ཁྲིགས་གསལ་བྱེད་ཀྱི་ཡི་གེ་རྙིང་པ་ཞེས་སྤེལ་བ་ནི་མན་ངག་དམ་པའོའི་མཐའ་ཅན། དཔལ་མགོན་གདོང་བཞི་པའི་གཏོར་མ་ཞི་བ་དམ་ཚིག་བསྐང་བའི་གཏོར་སྐྱོང་དང་གཏོར་མའི་ལས་ཙམ་གྱིས་དགྲ་བགེགས་འདུལ་བའི་ཚེ་བྱ་བ་དྲག་པོ་གཏོར་ཆེན་གྱི་ཚུལ་ལྷན་ཅིག་ཏུ་གསལ་བར་སྟོན་པའི་ཆོ་ག་གནམ་ལྕགས་༼རྡོ་རྗེ༽འབར་བ་ཞེས་བྱ་བ་མཐུ་སྟོབས་གྱི་དབང་ཕྱུག་དཔལ་རྡོ་རྗེ་གདན་པ་ཀུན་དགའ་རྣམ་རྒྱལ་གྱིས་མཛད་པ། འགོར་ཨོཾ་སྭ་སྟི་དཔལ་ལྡན་ས་སྐྱ་པའི་བསྟན་འཛིན་ཐམས་ཅད་ཀྱི་གཙུག་རྒྱན་ཞེས་ཡོད་པའི་ཞལ་བཞི་པའི་དམ་ཚིག་བསྐང་གསོ་རྡོ་རྗེ་འཆང་ཚར་པ་ཆོས་རྗེའི་གསུང་༼ཀུ༽རྒྱུན་ཕྱག་ལེན་ལྟར་མཁན་ཆེན་གཞོན་ནུ་བློ་གྲོས་ཀྱིས་ཟིན་བྲིས་སུ་མཛད་པ་ནག་པོ་ཆེན་པོ་མཆེ་བ་ཅན་སོགས་ཀྱི་བསྐུལ་བྱའི་མཐའ་ཅན། འགོར་ཨ་མྲི་ཏས་བསངས་སྭ་བྷཱ་ཝས་སྦྱངས་
ཞེས་ཡོད་པའི་རྡོ་རྗེ་ནག་པོ་ཆེན་པོ་སྟོབས་འཕྲོག་དབང་པོའི་གཏོར་མ་དྲག་པོའི་ཆོག་༼རྡོ་རྗེ༽བསྒྲིགས་ཚར་ཆེན་ཆོས་ཀྱི་རྒྱལ་པོའི་ཞལ་སྔ་ནས་ཀྱིས་མཛད་པ་གནོད་བྱེད་ཚར་བཅད་པར་བསམ་མོའི་མཐའ་ཅན། དཔལ་མགོན་གདོང་བཞི་པའི་གཏོར་ཆེན་གྱི་༼རྡོ་རྗེ༽འཆམ་ཡིག་ཐུ་བཙུན་ཐམས་ཅད་མཁྱེན་པ་ཀུན་དགའ་རྣམ་རྒྱལ་གྱིས་མཛད་པ། དེས་མཛད་པའི་གཏོར་ཆེན་གྱི་རྔ་བརྡུང་བསྟན་པ་ནི་ཞེས་ཡོད་པའི་གཏོར་ཆེན་འཆམ་༼རྡོ་རྗེ༽ཡིག་གི་ཞལ་ཤེས་མཐར་དགུ་བརྡུང་འབའ་ཞིག་གིས་སྡུད་དོའི་མཐའ་ཅན། དཔལ་མགོན་ཁྱུང་ཞལ་ཅན་གྱི་རྗེས་གནང་༼ཤཱི༽གི་ཡི་གེ་ལས་སྦྱོར་གྱི་མགོན་པོར་བཏགས་གསུང་ངོའི་མཐའ་ཅན། དཔལ་མགོན་སེང་གེ་ནག་པོའི་གཏོར་ཆོག་༼བཛྲ༽ལས་དང་པོ་བ་འགའ་དང་རང་གི་རྒྱུན་གཏོར་གྱི་ཕྱིར་ཕུན་ཚོགས་གླིང་དུ་བྲིས་པ། དེའི་རྗེས་གནང་འགོར་༼བཛྲ༽མཁྱེན་བརྩེའི་འོད་ཟེར་སྟོང་འཕྲོས་པས་ཞེས་ཡོད་པ་ག་ག་ན་དྷརྨ་ཤྲཱིས་བྲིས་པ། འགོར་དཔལ་མགོན་གདོང་བཞི་པའི་བསྲུང་༼དབང༽༼ས༽༼གླང༽༼ཁྲ༽འཁོར་ཚེ་སྒྲུབ་ཅེས་ཡོད་པའི་ཡི་གེ་རིན་པོ་ཆེ་རྟ་ར་པའི་གསུང་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་རེག་ཟིག་མཛད་པ་དེ་མ་གཏོགས་རྒྱུན་ཁྱེར་ཇི་ལྟ་བས་འཁྲིད་མཛད་ཀྱི་འདུག་གོའི་མཐའ་ཅན། ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་ཀྱིས་མཛད་པའི་བསྲུང་༼མུས༽འཁོར་ཚེ་སྒྲུབ་ཀྱི་ཡི་གེ་བདུད་རྩི་འགུགས་པའི་ལྕགས་ཀྱུ། གཉིས་པ་གསུང་གི་མགོན་པོ་དམར་པོའི་ཉམས་ལེན་སྙན་བརྒྱུད་ཟབ་མོའི་བདུད་རྩི་རྣལ་འབྱོར་༼ལྡོང༽༼དབང༽༼ས༽༼གླང༽༼ཁྲ༽དབང་ཕྱུག་ཡར་ཀླུངས་པས་མཛད་པ་ཆོས་བདག་ཞིང་སྐྱོང་མཁའ་འགྲོར་གཏད་པའི་མཐའ་ཅན། དེས་མཛད་པའི་རྒྱས་པ་གཙོ་འཁོར་དགུའི་
འཁྲིད་གཞན་ལ་མེད་པའི་ཁྱད་ཆོས་བླ་མ་དམ་པའི་བཀའ་༼ལྡོང༽༼དབང༽༼ས༽༼གླང༽༼ཁྲ༽དང་བཤེས་གཉེན་དམ་པ་འགའི་ངོར་བཀོད་པ་ཆོས་བདག་ཞིང་སྐྱོང་མཁའ་འགྲོར་གཏད་པའི་མཐའ་ཅན། དེས་མཛད་པའི་གསུམ་པ་རྒྱས་པའི་ལས་སྒྲུབ་ན་ཡོན་ཏན་གྱི་མགོན་པོ་སེར་པོ་ལྷ་ལྔའི་ཉམས་ལེན་བརྒྱུད་པ་བཟང་ལྡན་༼ལྡོང༽༼དབང༽༼ས༽༼གླང༽༼ཁྲ༽ས་སྐྱ་པའི་སྙན་བརྒྱུད་ཟབ་མོའི་གདམས་པ་ཆོས་བདག་ཞིང་སྐྱོང་མཁའ་འགྲོར་གཏད་པའི་མཐའ་ཅན། སྐུ་སྐྱེ་རིན་པོ་ཆེ་བསོད་ནམས་ཡེ་ཤེས་དབང་པོས་བསྐུལ་བ་ལ་བརྟེན་ནས་ཐམས་ཅད་མཁྱེན་པ་བསོད་ནམས་རྒྱ་མཚོས་བྱང་ཕྱོགས་ཐེག་ཆེན་ཆོས་འཁོར་གླིང་དུ་མཛད་༼ཕ༽པའི་ཞལ་བཞི་པ་དཀར་པོའི་ཚེ་སྒྲུབ་ཀྱི་ཡི་གེ་ཟླ་བའི་ཆུ་རྒྱུན་གྱི་སྙིང་པོ་བསྡུས་པ། རྡོ་རྗེ་འཆང་ཚར་པ་ཆོས་རྗེས་མཛད་པའི་བླ་རྡོ་བཅའ་བའི་ཐབས། ༼ལྡོང༽མན་ངག་གིས་རྣམ་པར་བརྒྱན་པ་དེས་མཛད་པའི་ཆུ་བོ་གངྒཱ་ཡང་གྱེན་ལ་ངེས་པར་ལྡོག་ནུས་པའི་ཤྭ་ཟློག་གི་མན་ངག་རྗེ་བཙུན་ཀུན་སྤངས་༼ལྡོང༽༼ས༽༼གླང༽༼ཁྲ༽ཆེན་པོའི་གསུང་གི་ཉིང་ཁུ་འགྲོ་དོན་དཔག་ཡས་ས་སྟེང་ཁྱབ་པར་ཤོག་གི་མཐའ་ཅན། བླ་མ་གསེར་གླིང་པའི་མན་ངག་རྒྱ་གར་ཁྲག་འཐུང་ནག་པོ་ལ་ཞུས་པ་སྲོག་མེ་ཁབ་༼ས༽མ་གསེར་སྲང་བདུན་མའི་ཡོན་ཏན་ཡར་ཀླུངས་པའི་ཕྱག་དཔེ་ལས་བཤུས་པ། དཔལ་མགོན་གདོང་བཞི་པའི་ཐབས་བཟློག་བརྩི་བའི་མན་ངག་༼ས༽རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པ། འགོར་ན་མ་ཙ་ཏུརྨུ་ཁ་འགབ་ཆད་དང་གཞོགས་དྲུད་དང་ཞེས་ཡོད་པའི་དཔལ་འབར་གྱི་མེ་བཀྲ་བརྟག་པ་ཁའུ་པས་གནང་བའི་མཐའ་ཅན། འགོར་སྐྱབས་མེད་སྐྱོབ་པ་རྣམས་ལ་ཕྱག་འཚལ་ལོ་སྒྲུབ་པའི་ཁང་པ་དབེན་པ་རུ་ཞེས་ཡོད་པའི་མེ་བཀྲ་དང་དུ་བ་བརྟག་པ་ཞལ་ལས་ཤེས་པར་བྱའོའི་
་མཐའ་ཅན། འགོར་ཏྭ་ར་ན་མོ་མེ་བཀྲ་འདི་ལ་བཟང་པོའི་རྟགས་བཞི་ཞེས་ཡོད་པའི་མེ་བཀྲ་བརྟག་པ་མངོན་ཤེས་སུ་འགྱུར་རོའི་མཐའ་ཅན། དཔལ་འབར་༼དབང༽བཀྲ་རྟགས། བ་ལིང་བཀྲ་༼དབང༽རྟགས་རྣམས། གཉིས་པ་གསང་སྒྲུབ་ཀྱི་སྐོར་ལ། དཔལ་མ་ཧཱ་ཀཱ་ལ་ཞལ་བཞི་པའི་གསང་སྒྲུབ་ཀྱི་རྣམ་གཞག་གསལ་བར་བྱེད་པ་སྙིང་གི་ཡང་ཐིག་ཅེས་༼ས༽༼གླང༽༼ཁྲ༽བྱ་བ་རྡོ་རྗེ་འཆང་ཚར་ཆེན་བློ་གསལ་རྒྱ་མཚོས་ཁའུ་བྲག་རྫོང་ནག་པོའི་རུ་འདྲེན་གྱི་ཕོ་བྲང་སུམ་ཅུ་རྩ་གསུམ་དུ་མཛད་པ། དེས་མདོ་ཁམས་པ་ལྕགས་སྒོམ་ཆོས་རྗེའི་གསུང་ཇི་ལྟ་བ་བཞིན་༼གླང༽མཛད་པའི་འགོར་བླ་མ་མཆོག་དང་ཡི་དམ་ལྷ་ཞེས་ཡོད་པའི་གསང་བ་ཐུན་མོང་མ་ཡིན་པའི་རྗེས་གནང་གི་ཐོ། དེས་མཛད་པའི་ཞིང་སྐྱོང་གདོང་བཞི་པའི་གསང་འཁྲིད་ཀྱི་སྔོན་འགྲོ་རྣམ་པ་བཞིའི་འཁྲིད་ཉམས་ལེན་གྱི་སྙིང་པོ་དྲིལ་བ་ཡིན་ནོའི་མཐའ་ཅན། ལྕགས་སྒོམ་ཆོས་རྗེའི་གསུང་བཞིན་དེས་དམ་པའི་གསུང་ངོར་བྲིས་༼གླང༽པའི་ཞིང་སྐྱོང་དབང་པོའི་གསང་འཁྲིད་ཀྱི་སྐབས་སུ་འཁོར་ལོ་བཞི་ལ་བརྟེན་པའི་ལས་སྦྱོར་གྱི་གདམས་པ་སྙན་བརྒྱུད་མ། གོང་གི་འཕྲོས་འགོར་གསུམ་པ་ཙིཏྟ་དྷརྨ་ཙཀྲ་ཞེས་ཡོད་པའི་ཆེས་ཟབ་༼གླང༽༼ས༽༼ཁྲ༽ཡང་གསང་སྙིང་ག་ཆོས་ཀྱི་འཁོར་ལོའི་ལས་སྦྱོར་གྱི་ཡི་གེ་རྟགས་མྱུར་དུ་འབྱུང་བ་ནི་ངེས་པའོའི་མཐའ་ཅན། འདི་གཉིས་ཅུང་ཟད་འདྲ་མིན་འདུ།ལུང་ནི་གཉི་ག་མནོས་ལ་ཕྱི་མ་ལེགས་པར་མངོན། འགོར་གསུམ་པ་ལས་སྦྱོར་ལ་ཐུན་མོང་དང་ཐུན་མོང་མ་ཡིན་པ་ཞེས་ཡོད་པའི་སྙིང་ག་༼གླང༽༼ས༽༼ཁྲ༽ཆོས་ཀྱི་འཁོར་ལོའི་ལས་སྦྱོར་སྙན་བརྒྱུད་ཞལ་ཤེས་ཁོ་ན་ཡིན་གྱི་མཐའ་ཅན། བསྙེན་སྒྲུབ་ལས་གསུམ་༼གླང༽གྱི་ཕྱི་མའི་ཡང་ཡིག །འགོར་ལྷ་མོ་ནག་མོའི་གདམས་པ་ནི་རང་ཉིད་སྒྲུབ་པའི་
དུས་ཀྱི་མགོན་པོ་ཞེས་ཡོད་པའི་ལས་སྦྱོར་སྤོགས་ཆོག་གི་དུས་སུ་ཉེ་བར་མཁོ་བའི་ལྷ་མོ་ནག་མོའི་གནད་འབེབས་ཤོག་དྲིལ་གྱི་གནད་འབེབས་ལས་ཁྱད་པར་དུ་གྱུར་བའི་ཟབ་ཁྱད་ཅན་ཚར་ཆེན་ཆོས་ཀྱི་རྒྱལ་པོའི་གསུང་རྒྱུན་གཞན་དུ་མ་འཁྱར་བ་མཛོད་ཅེས་བཀའ་བསྒོ་ཡོད་དོའི་མཐའ་ཅན། ཆབ་མདོ་བྱམས་པ་གླིང་གི་གདན་ས་པ་བ་སོ་སྤྲུལ་སྐུ་ལྷ་དབང་ཆོས་ཀྱི་རྒྱལ་མཚན་གྱིས་བསྐུལ་བ་ལ་བརྟེན་ནས་ཐམས་ཅད་མཁྱེན་པ་བསོད་ནམས་རྒྱ་མཚོས་རྫ་ངོམ་ཆབ་མདོའི་སྒར་ཐོག་ཏུ་མཛད་པའི་གསང་འཁྲིད་དངོས་༼ཕ༽གྲུབ་ཀྱི་སྙེ་མ་ཞེས་བྱ་བ་ཟུང་འཇུག་རྣམ་རོལ་ལས་ཉེ་བར་བསྡུས་པ། ཟབ་ཆོས་འདི་ཉིད་འཆད་པ་ལ་མེད་དུ་མི་རུང་བའི་སྙིང་ནང་གི་ཁྲག་ལྟ་བུའི་འཁྲིད་ཡིག་༼གླང༽རྡོ་རྗེ་འཆང་དབང་ཕྱུག་རབ་བརྟན་གྱིས་ཟིན་བྲིས་སུ་མཛད་པ། འདི་ཉིད་མཐུ་སྟོབས་ཀྱི་དབང་ཕྱུག་དགོན་གསར་བ་བསོད་ནམས་ཆོས་འཕེལ་གྱི་བཀའ་དྲིན་ལ་བརྟེན་པའི་རྒྱུ་མཚན་གྱིས། མཇུག་ཏུ། རྒྱལ་བ་ཀུན་དངོས་ཁྱབ་བདག་རྡོ་རྗེ་འཆང་། །རིགས་བརྒྱའི་འཁོར་ལོས་བསྒྱུར་བའི་ཟློས་གར་གྱིས། །དེང་འདིར་སྐྱེ་རྒུའི་དོན་སླད་བཤེས་གཉེན་སྐུ། །ཕ་རྒོད་སྐུ་དྲིན་དབང་པོ་དགོན་གསར་བ། །མགོན་དེའི་གསུང་གི་གསང་བ་མི་ཟད་པ། །ཟབ་རྒྱས་སྙན་བརྒྱུད་བདུད་རྩིའི་རྒྱ་མཚོ་ལས། །དད་གུས་སྙིམ་པའི་བཅུད་ཀྱིས་བསྡུས་པ་འདི། །སྐལ་བཟང་སྙིང་ལ་གྲུབ་པའི་དགའ་སྟོན་སྤེལ། ཞེས་པའང་སྣང་ངོ་། །འགོར་བཅོམ་ལྡན་འདས་དཔལ་རྡོ་རྗེ་སེམས་དཔའ་ཞེས་ཡོད་པའི་གསང་འཁྲིད་ཀྱི་ཟིན་བྲིས་༼ཞ༽མཁན་ཆེན་ཞ་ལུ་པ་རྡོ་རྗེ་འཆང་རིན་ཆེན་བསོད་ནམས་མཆོག་གྲུབ་ཀྱིས་མཛད་པ་ཡིག་ཆུང་ལྟར་གསུང་གིན་འདུག་གོའི་མཐའ་ཅན་རྣམས། གསུམ་པ་ཕྱི་སྒྲུབ་ཀུན་གྱི་སྙིང་པོར་གྱུར་པ་ཟབ་པ་ལས་ཀྱང་ཆེས་ཟབ་
པའི་སྙིང་ཐིག་ཧ་ལ་ནག་པོའི་སྐོར་ནི། ཕྱི་བྲམ་ཟེ་ལྟར་སྒྲུབ་པ། ནང་ཞིང་སྐྱོང་གཟི་ལྡན་དབང་ཕྱུག་གི་སྒྲུབ་པ། གསང་བ་སྟོབས་འཕྲོག་ནག་པོར་སྒྲུབ་པ་གསུམ་ལས་ཕྱི་མ་སྟེ། གོང་གི་ཕྱི་སྒྲུབ་དང་ཁྱད་པར་གྱི་མན་ངག་རྣམས་སུ་གབ་སྦས་ཐོར་བུ་བཞུགས་པས་ཤེས་རློམ་ཅན་དག་མན་ངག་གི་ཁོག་སྒྲིག་མི་ཤེས་པས་དཔེ་མཐོང་བས་ཕྱོགས་ཙམ་ཡང་མི་རྟོགས་པའི་ཕྱིར་སྙན་བརྒྱུད་ཀྱི་གདམས་པ་ཟབ་མོ་དང་ལྡན་པའི་རྡོ་རྗེ་སློབ་དཔོན་གྱི་གསུང་རྒྱུན་ཞལ་ཤེས་ཕྱག་འཁྲི་ཁོ་ན་ལ་བལྟོས་དགོས་པས། རྗེ་བཙུན་ཀུན་སྤངས་རྡོ་རིང་པ་ཆེན་པོ་ཡན་ཆད་དུ་ཡི་གེར་གསལ་བར་བཀོད་པ་མེད་འདུག་ནའང་། སྙིགས་མ་ལྔ་ཆེས་ཆེར་བདོ་ཞིང་བདུད་རིགས་སྙིང་ལ་ཞུགས་པའི་སྐྱེ་བོ་མི་བསྲུན་པ་དག་གི་རྣམ་པར་འཚེ་བ་བསྲུང་བ་ལ་ཇི་སྐད་དུ། འཕགས་པའི་ཡུལ་དང་གངས་རིའི་ལྗོངས་འདི་ན། །བསྟན་པ་བསྲུང་བའི་ཆོས་སྐྱོང་བགྲང་ཡས་ཀྱང་། །ཁྲོ་ཞིང་འཁྲུག་ལ་གཉན་ཞིང་མྱུར་བ་ནི། །ཡོངས་སུ་གྲགས་པ་སྟོབས་འཕྲོག་དབང་པོ་ཡིན། །ཞེས་ཆེས་ཁྱད་པར་དུ་འཕགས་པའི་གདམས་སྐོར་རྣམས་མེད་དུ་མི་རུང་བ་ལྟ་བུ་ཡིན་ནའང་། ཀྭ་ཡེ་ད་ནི་ལང་ཚོ་མཐོན་པོར་སོང་། ཁ་བའི་ཁྲོད་ན་འདི་འདྲ་ཤེས་པ་མེད། །ག་ལེ་སྤེལ་ཀྱང་ནུབ་པར་གྱུར་དོགས་ནས། །ང་ཡིས་འདི་ནི་ཡི་གེར་གསལ་བར་བྲིས། །ཞེས་བསྟན་པ་རིན་པོ་ཆེའི་བཙས་སུ་འཁྲུགས་བསྡེབས་སུ་མཛད་པ་ཤིན་ཏུ་རྣོ་བ་རེག་ཐབས་མེད་པ་ལྟ་བུ་ནས། དེ་ལྟར་འདི་ནི་སྲོག་འཕྲོག་ཧ་ལའི་དུག །བསྟན་དགྲའི་ཀླད་འགེམས་གཤིན་རྗེའི་དབྱུག་པ་སྟེ། །རྣལ་འབྱོར་སྒོས་དགྲའི་
སྙིང་འབྱིན་བཤན་པ་ཆེ། །གང་ལའང་ཐོགས་མེད་གནམ་ལྕགས་འབར་བའི་མཚོན། །ས་སྐྱའི་རྗེ་བཙུན་ཐུགས་ཀྱི་གཅེས་པའི་ནོར། །ཀུན་སྤངས་ཆོས་རྗེའི་ཞལ་གྱི་བདུད་རྩིའི་བཅུད། །སངས་རྒྱས་བསྟན་པ་བསྲུང་བའི་མཚོན་ཆའི་མཆོག །རྣལ་འབྱོར་གཡུལ་ལས་རྒྱལ་བའི་དཔའ་བོའི་ཆོས། །ཞེས་དགའ་རབ་དབང་ཕྱུག་སྡེ་དང་བཅས་པ་ལས་རྣམ་པར་རྒྱལ་བའི་གོ་མཚོན་ཡིན་ལ། དེ་ཡང་དགོས་པའི་གཙོ་བོ། གང་འདི་ཐུབ་བསྟན་འཇིག་ལ་ཐུག་པའམ། །རྣལ་འབྱོར་ཁ་ཞན་སྐྱབས་དང་བྲལ་གྱུར་ནས། ཁ་དྲག་དཔུང་གིས་བསྡིགས་ཤིང་གནོད་པའི་ཚེ། །མཚོན་འདི་ཕྱུང་ལ་སྡིག་ཅན་ཆོས་དབྱིངས་སྐྱོལ། །ཞེས་བསྟན་པའི་སྤྱི་དགྲ་དང་རྣལ་འབྱོར་བྱང་ཆུབ་སྒྲུབ་པའི་སྒོས་དགྲ་བསྒྲལ་བ་ལ་དགོངས་ནས་མཛད་པ་ཡིན་པས། དེ་ལ་མ་ཡིག་དང་བུ་ཡིག་གཉིས། དང་པོ་ནི་དཔལ་མགོན་ཞིང་སྐྱོང་ནག་པོ་ཆེན་པོ་དགྲ་བོའི་སྟོབས་འཕྲོག་གདོང་བཞི་པའི་སྒྲུབ་ཐབས་ཐུན་མོང་མ་ཡིན་པ་གསང་བ་ལས་ཀྱང་ཆེས་གསང་བ་སྙིང་ཐིག་ཧ་ལ་ནག་པོའི་བེ་བུམ་ཞེས་བྱ་བ། འདི་ཉིད་ཀྱི་ལུང་གནང་བའི་དུས་མགོན་པོའི་བྲིས་འབུར་གྱི་སྐུ་བྱིན་རླབས་ཅན་གྱི་དྲུང་དུ་མཆོད་གཏོར་དང་བཅས་ཏེ་སྤྱིར་ལས་འབྲས་ལ་འཛེམ་ཞིང་བསྟན་པ་རིན་པོ་ཆེ་གཅེས་སྤྲས་དང་། ཁྱད་པ་ན་དཔལ་ལྡན་ས་སྐྱ་པའི་བསྟན་པ་དྲི་མ་མེད་པ་སྤྱི་དང་། ཡང་སྒོས་གསང་ཆེན་སློབ་བཤད་པའི་རིང་ལུགས་ལ་གཅེས་པར་འཛིན་ཞིང་། སྣོད་ལྡན་ལ་ཚིག་བརྒྱུད་ལས་མང་པོར་མི་སྤེལ་བ་སོགས་མགོན་པོ་དཔང་དུ་བཙུགས་པའི་དམ་སྒྲག་ཅིང་། འཆོལ་པར་སྦྱོར་པ་རྣམས་གནོད་སྦྱིན་བེག་ཙེ་
ལྕམ་དྲལ་གྱིས་སྙིང་ཁྲག་འཐུང་བའི་བཀའ་རྒྱ་ཤིན་ཏུ་དམ་པ། དུས་དེར་ཆོས་ཀྱི་ཡོན་ལ་གསེར་སྲང་གང་ངམ་ཡང་ན་དེ་རི་བའི་དངོས་པོ་འབུལ་བ་སོགས་ཀྱི་ཕྱག་ལེན་དེང་སང་གི་བར་དུའང་མ་ནུབ་པར་ཡོད་པས་དཔེ་ཙམ་མཐོང་བས་ཉམས་སུ་ལེན་པ། རྐུ་ཐབས་སུ་བྱེད་པ། ས་སྐྱ་པའི་བསྟན་པ་སྤྱི་སྒེར་ལ་གཅེས་པར་འཛིན་པ་ལྟ་ཞོག་གནོད་པ་ལྷུར་ལེན་བཞིན་དུ་ཚུལ་འདི་དོན་དུ་གཉེར་བ་རྣམས་ནི་ས་བོན་མེས་ཚིག་པ་ལ་སོ་ནམ་འབད་པ་ལྷུར་ལེན་པ་དང་། བཙན་དུག་ལ་རྗེན་ཟས་བྱེད་པ་དང་མཚུངས་པས་བག་ཡོད་པར་བྱ་བ་ནི་གནད་དམ་པའོ། །གཉིས་པ་བུ་ཡིག་ནི། གོང་གི་མ་ཡིག་གི་བེའུ་བུམ་མིའི་ལུས་ཀྱི་ཕྱིའི་དབྱིབས་ལྟ་བུ་ལ་སྟོད་སྨད་བར་གསུམ་གྱི་ཟབ་གནད་དོན་སྣོད་དང་དབང་པོ་ལྟ་བུ་རྣམས་ལོགས་སུ་གབ་པ་ཡིན་ལ། དེའི་རྒྱུ་མཚན་ནི། ཚེ་འདིའི་འདོད་པ་ཕྲ་མོ་ཙམ་གྱི་ཕྱིར། །དྲག་པོའི་ལས་སྦྱོར་བྱུང་རྒྱལ་རྩོམ་བྱེད་ཅིང་། །ཆོས་ལ་བརྟེན་ནས་སྡིག་ཆེན་གསོག་པ་ཡི། །བླུན་པོ་ཞེ་སྡང་ཅན་དེའང་འདིའི་སྣོད་མིན། །སྡིག་ཅན་མི་དཔོན་སྟོབས་ལྡན་ཁྱིམ་ནང་དུ། །ལས་སྦྱོར་དྲག་པོས་ལྟོ་གོས་འཚོལ་བྱེད་ཅིང་། །ལས་འབྲས་རྒྱབ་བསྒྱུར་མཐུ་སྟོབས་ཆེན་པོར་རློམ། དམྱལ་བའི་བུད་ཤིང་ཆོས་འདིའི་སྣོད་མ་ཡིན། །ཞེས་པའི་གང་ཟག་གི་ལག་ཏུ་སོན་ཚེ་སྤྲེའུ་ལ་སྒྲོན་མེ་བསྐུར་བ་བཞིན་ཐམས་ཅད་ཕུང་ལ་སྦྱོར་བའི་དགག་བྱ་དང་དགོས་པ་ལ་དགོངས་པ་ཡིན་པས་བུ་ཡིག་གི་སྐོར་ལ།མཱ་རིའི་༡ ལག་ལེན་དེ་འཁོར་གསལ་༢ བྱེད་དང་། མལ་
བསྲུང་ཟློག་༣ ཟབ་ཙ་ཀྲའི་བྲི་༤ ཡིག་བཅས། །གཏའ་རུ་སྲོ་༥ བཟུང་ཁ་སྦྱོར་དེའི་གསལ་༦ བྱེད། །ཡིད་བཞིན་༧ ལ་འཁོར་ལོ་ཙའི་སྒྲོས་རྙིང་གི །ཙཀྲ་༨ ༼གླང༽མཁའ་༩ མིག་༼གླང༽མངའ་ཟུགས་༡༠ ༼གླང༽ལིང་ཚེ་རྙིང་། །འཁོར་༡༡ ༼གླང༽ཅན་ལིང་ཅན་༡༢ སྔགས་༼གླང༽ཅན་༡༣ རྐྱང་༼གླང༽གཟུགས་༡༤ ༼གླང༽བཞི། །པཎྜུ་ར་ཡི་མཁས་པའི་བཞེད་ཚུལ་༡༥ གཅིག་༼གླང༽། །ཙཎྜའི་ཙཀྲ་༡༦ དེ་ཡི་ལག་༡༧ལེན་བཅས། །རྡོ་རྗེ་གྲི་གུག་༡༨ དངོས་སྐུའི་བསྲུང་༡༩ བ་དང་། །མི་མིན་༢༠ རཀྵི་ཏ་དང་བ་༢༡ ལིཾ་གཟུངས། །སྤུ་གྲི་སོ་འདེབས་༢༢ མནྟ་ལུགས་༢༣ ལྡོག་དང་། །རལ་གྲི་རྟགས་ཅན་ལས་བཤུས་རྣམ་དག་༢༤ སྔགས། །ཉི་ཟླ་ཅན་༢༥ དང་དེ་ཝཱི་ཀཱ་༢༦ ལི་མ། །མནན་༢༧ པ་དུར་རྡོ་མནྟྲའི་༢༨ རི་མོ་ཅན། །བྲི་ཡིག་ལག་༢༩ ལེན་༼གླང༽༼ས༽༼ཁྲ༽གསལ་བྱེད་ཞལ་༣༠ ཤེས་༼གླང༽༼ས༽༼ཁྲ༽དང་། །དྲག་༣༡ གཏད་༼གླང༽༼ས༽༼ཁྲ༽གཟུགས་༣༢ བསྣུན་༼གླང༽༼ས༽༼ཁྲ༽རྟེན་༣༣ བྲབ༼གླང༽༼ས༽༼ཁྲ༽སྤྲེའུ་༣༤ ༼གླང༽༼ས༽༼ཁྲ༽དང་། །བཅུན་༣༥ ༼གླང༽༼ས༽༼ཁྲ༽འཁོར་ཀ་༣༦ པཱ༼གླང༽༼ས༽༼ཁྲ༽ལ་དང་། གནད་འཁོར་༣༧ ༼གླང༽༼ས༽༼ཁྲ༽ལོ། །གནད་དབབ་ཤི་སའི་ཚད་༣༨ འཛིན་མཚམས་སྦྱོར་༣༩ ༼གླང༽༼ས༽༼ཁྲ༽དང་། །འཇམ་མགོན་ས་སྐྱའི་ཆོས་ཀྱི་ཁྲིར་བཞུགས་པའི། ངག་དབང་ཀུན་དགའ་བསོད་ནམས་གྲགས་པ་ཡིས། །ཁྱབ་བདག་དབང་ཕྱུག་རབ་བརྟན་ཞབས་བསྟེན་ནས། །ཡབ་ཆོས་གསན་ཚེ་འདི་དང་གསང་སྒྲུབ་ཟུང་། །དཀར་༤༠ ༼ས༽ཆ་ཞིང་སྐྱོང་དགྱེས་པའི་མཆོད་རྫས་ཀྱིས། །མཐའ་རྟེན་ཁོ་བོའི་སྙིང་དབུས་བུམ་པར་བལྟམས། །ཞེས་གྲངས་ཙམ་འགོད་པ་ལས་གསལ་བར་མི་འདྲ་བ་ནི། འདི་ནི་ལྷོ་བལ་གསེར་གྱིས་གནོངས་པ་ལྟར། །ཡོད་ཅེས་མི་སྨྲ་ཤིན་ཏུ་གསང་ཞིང་སྦ། །སྦས་ཀྱང་ཤེས་ན་ཁྱི་དང་གློ་བ་ནི། །ཕྲད་ལྟར་མི་བྱ་རིམ་
གྱིས་བརྟགས་བྱས་ཏེ། །སྐལ་བཟང་སྣོད་དང་ལྡན་པའི་བུ་མཆོག་ལ། །ཆིག་བརྒྱུད་ཁོ་ནར་བྱིན་ལ་རྒྱས་གདབ་བྱ། ཞེས་པའི་དོན་སྙིང་གི་དཔལ་བེའུར་བཅང་དགོས་པས་ཞིབ་ཆ་མཐའ་དག་ཡིད་ལ་རི་མོར་འདྲི་བ་དང་། གལ་ཏེ་བརྗེད་ངས་ཀྱིས་འཇིགས་ན་ཐོ་གསལ་པོ་བྲིས་ནས་གུད་དུ་བཅང་པ་ལས་ཐོ་ཡིག་ཡོངས་གྲགས་སུའང་རྒྱས་པར་མི་འདྲི་བ་ཕྱག་ལེན་ནོ། །ད་ལྟར་ཆོས་སྐོར་རྣམས་ཡོངས་སུ་རྫོགས་པར་ནོས་པ་ལས་བསྙེན་དུས་ཀྱི་རྗེས་གནང་། རི་སུལ་གྱི་རྣལ་འབྱོར་མ་ནས་བརྒྱུད་པའི་ས་བཅད་དང་པོ་ཕྱི་སྒྲུབ་སྐོར་དང་ས་བཅད་གསུམ་པ་སྙིང་ནང་གི་ཁྲག་ལྟ་བུ་ཁྱད་པར་གྱི་མན་ངག་རྣམས་ལས་ཤོག་དྲིལ་དང་པོའི་གསལ་བྱེད་རྗེ་བཙུན་རྡོ་རིང་པས་མཛད་པ་མ་གཏོགས་པ་ཡོངས་རྫོགས། དཀར་ཆག་གིས་མ་ཟིན་པའི་ས་བཅད་དང་པོའི་ལྡོང་གཡུང་དྲུང་ལྷན་ཅིག་པའི་རྟགས་ཅན་དང་རྟགས་གང་ཡང་མེད་པ་རྣམས་དང་བཅས་པའི་ལུང་གི་བརྒྱུད་པ་ནི། རྡོ་རྗེ་འཆང་། འཕགས་མཆོག་ཀླུ་སྒྲུབ་ཞབས། གྲུབ་ཆེན་བ་ལིངྟ་པ། སློབ་དཔོན་སངས་རྒྱས་ཡེ་ཤེས་ཞབས་མར་མེ་མཛད་བཟང་པོ། དཔལ་བདེ་བའི་ཞབས། བི་མཱ་ལ་གུཔྟ། རཏྣ་ཀཱིརྟི། རཏྣ་བཛྲ། རི་སུལ་གྱི་རྣལ་འབྱོར་མ། གཉན་ལོ་ཙཱ་བ་དར་མ་གྲགས། གནམ་ཁའུ་པ་དར་མ་རྒྱལ་མཚན། རྗེ་བཙུན་བརྩེ་བ་ཆེན་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེས་ས་སྐྱ་པཎྜི་ཏ། འགྲོ་བའི་མགོན་པོ་ཆོས་རྒྱལ་འཕགས་པ། ཞང་དཀོན་མཆོག་དཔལ། གྲུབ་ཆེན་བྲག་ཕུག་པ་བསོད་ནམས་དཔལ། བླ་མ་དམ་པ་བསོད་ནམས་རྒྱལ་མཚན། བླ་ཆེན་ཀུན་དགའ་རྒྱལ་མཚན།
ཡབ་འཇམ་དབྱངས་ཆོས་རྗེ་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། རྗེ་བཙུན་ཀུན་སྤངས་རྡོ་རིང་པ་ཆེན་པོ། རྡོ་རྗེ་འཆང་ཚར་པ་ཆོས་རྗེ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཐུ་སྟོབས་ཀྱི་དབང་ཕྱུག་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། རིགས་ཀུན་བདག་པོ་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་ཕྱག་ལེན་ཞལ་ཤེས་དམར་ཁྲིད་དང་བཅས་པ་ལེགས་པར་སྩལ། ཕྱི་སྒྲུབ་ཀྱི་རྗེས་གནང་། དཀར་ཆག་གི་ས་གཅད་དང་པོ་ཡོངས་རྫོགས། གསུམ་པའི་ནང་གི་ལྡོང་གི་རྟགས་ཡོད་པ། དཀར་ཆག་གིས་མ་ཟིན་པའི་ས་བཅད་དང་པོའི་ལྡོང་གཡུ་དྲུང་ཅན་དང་བཅས་པའི་ལུང་གི་བརྒྱུད་པ་ལུགས་གཅིག་ནི། བླ་མ་དམ་པ་བསོད་ནམས་རྒྱལ་མཚན་ནས། རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་རྒྱལ་བ་མཆོག་དབྱངས། བདག་ཆེན་འཇམ་དབྱངས་ཆོས་རྗེ་མན་གོང་བཞིན་ནོ། །ཡང་རྗེས་གནང་དང་ས་བཅད་དང་པོའི་ལུང་བརྒྱུད་ལུགས་གཅིག་ནི། བླ་ཆེན་ཀུན་དགའ་རྒྱལ་མཚན་ནས། བདག་པོ་ཞ་ལུ་པ་བསོད་ནམས་རྒྱལ་མཚན། རྗེ་བཙུན་གྲོལ་མཆོག་གི་གསན་ཡིག་ན་བདག་ཆེན་རྡོ་རྗེ་འཆང་གི་རྗེས་ལ་བདག་པོ་ཞ་ལུ་པ་འདུག་པ་ནི་ཁུ་དཔོན་ལུགས་ལྡོག་ཏུ་སོང་བའི་འཁྲུལ་གཞི་ཅན་ནོ། །པཎ་ཆེན་ཤཱཀྱ་མཆོག་ལྡན། རྗེ་བཙུན་རྡོ་རིང་པ་མན་གོང་ལྟར། ཨེའི་རྟགས་ཡོད་པ་ཐམས་ཅད་ཀྱི་ལུང་བརྒྱུད་ནི། བླ་མ་དམ་པ་ནས། ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། བཞི་ཐོག་པ་བདག་ཆེན་ཀུན་དགའ་དབང་ཕྱུག །བདག་ཆེན་རྡོ་རྗེ་འཆང་མན་གོང་ལྟར།
ཡང་རྗེས་གནང་དང་སྒོའི་རྟགས་ཡོད་པའི་ལུང་བརྒྱུད་ནི། རྗེ་བཙུན་རྡོ་རིང་པ་ཡན་གོང་ལྟར་ནས། རྗེ་བཙུན་སྒོ་རུམ་པ་ཀུན་དགའ་ལེགས་པའི་འབྱུང་གནས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་མན་འདྲ། ཡང་སྒོའི་རྟགས་ཅན་གྱི་ལུང་བརྒྱུད་ལུགས་གཅིག་ནི། བདག་ཆེན་རྡོ་རྗེ་འཆང་ནས། མཁན་ཆེན་དཀོན་མཆོག་ཚུལ་ཁྲིམས། རྗེ་བཙུན་སྒོ་རུམ་པ་མན་འདྲ། རྡོ་རྗེ་རྐྱང་པའི་ལུང་གི་བརྒྱུད་པ་ནི། འཕགས་པ་རིན་པོ་ཆེ་ནས། བླ་ཆེན་རོང་པ། བླ་མ་ཤེས་རབ་སེང་གེ །བླ་མ་བསོད་ནམས་ལྷུན་གྲུབ། བླ་མ་ངག་གི་དབང་ཕྱུག །བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཐུགས་སྲས་ཀུན་དགའ་རྒྱལ་པོ། མཐུ་ཆེན་ཚེ་དབང་བཀྲ་ཤིས། རྡོ་རྗེ་འཆང་ཚར་བ་ཆོས་རྗེ་མན་གོང་ལྟར་རོ། །རྡོ་རྗེ་གཡུ་དྲུང་ཅན་གྱི་ལུང་བརྒྱུད་ལུགས་གཅིག་ནི། གཉན་ལོ་ནས། གཤོང་མའི་སྔགས་བན་གེ་རད། རྟོགས་ལྡན་མཚོ་དཀར་བ། འདིས་དགུང་ལོ་ཕྱེད་ཉིས་བརྒྱ་ཙམ་བཞུགས་པས་སྐུ་ཚེའི་སྟོད་ལ་སྔགས་བན་དང་མཇལ། སྐུ་ཚེའི་སྨད་ལ་སྤྱན་སྔ་དང་མཇལ་ཟེར་བ་རྡོ་རྗེ་གདན་པ་དང་འཇམ་དབྱངས་མཁྱེན་བརྩེའི་གསན་ཡིག་ན་འདུག་ཅིང་། རྗེ་གྲོལ་མཆོག་གིས་སྔགས་བན་ཚེ་རིང་པོ་ཞེས་སྔགས་པ་གེ་རང་སྐུ་ཚེ་རིང་པོ་བྱུང་བར་བཞེད་པ་ནི་ཅུང་ཟད་འཁྲུལ་གཞི་བྱུང་བར་སྣང་། ཐེལ་སྤྱན་སྔ་བསོད་ནམས་གྲགས་པ། རིན་པོ་ཆེ་ཚལ་མིན་པ། རིན་པོ་ཆེ་སེང་གེ་དཔལ་བ། བྲག་ཐོག་ཆོས་རྗེ་མན་འདྲ། འདི་སྐོར་ལ་བརྒྱུད་ཚུལ་ཟུར་པ་འདི་འདྲ་ཞིག་ཡོད་ནའང་དེ་རྒྱུ་མཚན་དུ་བྱས་ནས་རྗེ་བཙུན་གོང་མ་ནས་མ་བརྒྱུད་པར་འདོད་པ་ནི་ལོག་རྟོག་གོ །
རྡོ་རྗེ་དགའ་འཁྱིལ་ཅན་གྱི་ལུང་བརྒྱུད་གཅིག་ནི། ཁའུ་པ་ནས། སློབ་དཔོན་གོ་ཆ། དམ་པ་དེ་སྐྱེས། གྲུ་རྡོ་རྗེ་སེང་གེ །བཅོམ་ལྡན་རལ་གྲི །སྐྱི་སྟོན་གྲགས་པ་རྒྱལ་མཚན། ཀུན་མཁྱེན་ཇོ་མོ་ནང་པ་ཆེན་པོ། ཉ་དབོན་ཀུན་དགའ་དཔལ། རྗེ་ལུང་རིག་པ་མཁན་ཆེན་སེང་གེ་དཔལ། བྲག་ཐོག་པ་ཆེན་པོའི་མན་འདྲ། གློའི་རྟགས་གཡུང་དྲུང་ཡོད་མེད་ཐམས་ཅད་ཀྱི་ལུང་བརྒྱུད་ནི། རྡོ་རིང་རིན་པོ་ཆེ་ནས། རྗེ་བཙུན་ཀུན་དགའ་གྲོལ་མཆོག །ཀུན་མཁྱེན་མཁྱེན་བརྩེའི་དབང་ཕྱུག་མན་སྔར་བཞིན་ནོ། །གློ་གཡུང་དྲུང་ཅན་གྱི་ལུང་བརྒྱུད་ལུགས་གཅིག་ནི། པཎ་ཆེན་ཤཱཀྱ་མཆོག་ལྡན། ལྕང་ལུང་པ་གཞོན་ནུ་ཆོས་གྲུབ། རྗེ་བཙུན་གྲོལ་མཆོག་མན་འདྲ། ཀུའི་རྟགས་ཡོད་པའི་བརྒྱུད་པ་ནི། ཚར་ཆེན་ནས། གཉན་སྟོན་སྤྲུལ་པའི་ཟློས་གར་གཞོན་ནུ་བློ་གྲོས། རྡོ་རྗེ་འཆང་དབང་རབ། ཁྱབ་བདག་བཀའ་འགྱུར་པ། ཟུར་རྩ་བའི་བླ་མ། དེས་བདག་གོ །དབང་གི་རྟགས་ཡོད་བའི་བརྒྱུད་པ་ནི། ཚར་ཆེན་ནས། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ། དེས་བདག་ལའོ། ངག་གི་རྟགས་ཡོད་པའི་བརྒྱུད་པ་ནི། རྗེ་དབང་རབ་ནས། མཁན་ཆེན་ངག་དབང་ཆོས་གྲགས། ས་སྐྱ་པ་ཀུན་དགའ་བསོད་ནམས། དེས་སྲས་བསོད་ནམས་དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །མུས་ཀྱི་རྟགས་ཡོད་པའི་བརྒྱུད་པ་ནི། ངོར་པ་རྡོ་རྗེ་འཆང་། མུས་ཆེན་སེམས་དཔའ་ཆེན་པོ། འཇམ་དབྱངས་དཀོན་ཅོག་རྒྱ་མཚོ། མུས་ཆེན་སངས་རྒྱས་རྒྱལ་མཚན། ཁྲི་ཆེན་ཀུན་དགའ་བསོད་ནམས་མན་གོང་ལྟར་རོ། །ཉི་གཡུང་དྲུང་ཅན་གྱི་ལུང་བརྒྱུད་ནི། འཇམ་དབྱངས་བསོད་
ནམས་རྒྱལ་བ་མཆོག་ནས། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། འཇམ་དབྱངས་བྱང་ཆུབ་དབང་རྒྱལ། ཡོངས་འཛིན་ཤཱཀྱ་ཀུན་དགའ། བླ་མ་ཡེ་ཤེས་དབང་པོ། བླ་མ་བཛྲ་མ་ཏི། ཉི་མ་གླིང་པ་ཚུལ་ཁྲིམས་བཀྲ་ཤིས། དེ་གཉིས་ཀ་ལ་པཎ་ཆེན་ཀུན་བཟང་རྩེ་པས་གསན། དེ་ལ་ཞ་ལུ་པ་མཁན་ཆེན་རིན་ཆེན་བསོད་ནམས་མཆོག་གྲུབ། དེས་བདག་ལའོ། །ཉི་དགའ་འཁྱིལ་ཡོད་པ་དང་། མགོན་པོ་གདོང་བཞི་ཆོས་ཚན་བཞི་པོ་འདི་ཚར་པོད་རྫོང་པོད་གཉིས་ན་ཚིག་ཞུས་དག་ཕེར་བ་མ་བྱུང་ཡང་ཡིག་རྙིང་ཞིག་ཡིན་ནམ་སྙམ། པའི་བསྙེན་སྒྲུབ་གསད་གསུམ་གྱི་ལས་ཁྲིགས་གོས་བརྡབ་དམོད་མོ་བརྗོད་དོའི་མཐའ་ཅན། འགོར་དེ་ནས་སྔགས་རིང་བརྒྱ་རྩ་བརྒྱད་ཡོད་པའི་གཏོར་མ་གཏོང་བ། སྔགས་བཟླ་བ། གཏད་དང་འཁོར་ལོ་བྲིས་ཐབས་ཐོར་བུ་ཡོད་པ་རྫོགས་པར་བྲི་པོའི་མཐའ་ཅན། གསང་བའི་ལས་སྦྱོར་འདི་ཡིས་འགྲུབ་ཨ་མི་ཀྱི་ཟེར་བའི་གདམས་པ། འགོར་ཏཱ་ར་ན་མོ་བླ་མའི་ཞབས་ལ་ཕྱག་འཚལ་ལོ་དཔལ་ནག་པོ་ཆེན་པོ་གདོང་བཞི་པ་བསྙེན་ཅིང་སྒྲུབ་པར་འདོད་པས་ཞེས་ཡོད་པའི་ཕྱི་ནང་གསང་བའི་རྟེན་བཅའ་ལུགས་དང་མངོན་རྟོགས་གཙོ་བོར་སྟོན་པ་མཇུག་ཏུ་བརྒྱུད་པའི་དམ་བསྒྲགས་དང་ཕྲིན་ལས་བཅོལ་ལོའི་མཐའ་ཅན་རྣམས་ཀྱི་བརྒྱུད་པ་ནི། རྡོ་རྗེ་གདན་པ་ཡན་མཐའ་མ་ཆོད། དེ་མན་གོང་དང་འདྲ། འགོར་ཤྲཱི་མ་ཧཱ་ཀཱ་ལ་ན་མོ་བསྟན་ལ་སྡང་བའི་དམ་ཉམས་རྣམས་ཞེས་ཡོད་པའི་རོ་སྒྱེད་གསུམ་གྱི་སྟེང་དུ་སླ་ང་བཙུགས་པའི་ཐན་འགྱེད་ཀྱི་བརྒྱུད་པ་ནི། རྡོ་རྗེ་གཡུང་དྲུང་ཅན་གྱི་ལུང་བརྒྱུད་ཟུར་པ་དང་མཐུན། ཉི་རྐྱང་
པའི་རྟགས་ཡོད་རྣམས་དང་ཤྲཱི་བྷ་དྲས་མཛད་པའི་བསྟོད་པ་རྒྱལ་ཀུན་ཐུགས་སྤྲུལ་མའི་བརྒྱུད་པ་ནི། རྡོ་རྗེ་གདན་པ་ཡན་རྡོ་རྗེ་རྐྱང་པའི་ལུང་བརྒྱུད་ལྟར་ལ། དེ་ནས་འཇམ་དབྱངས་བྱང་ཆུབ་དབང་རྒྱལ་མན་ཉིད་གཡུང་དྲུང་དང་གཅིག་གོ །དཀར་ཆག་གིས་མ་ཟིན་པའི་ས་བཅད་གསུམ་པ་ཧ་ལ་ནག་པོ་མ་ཡིག་བུ་ཡིག་རྟགས་མེད་རྣམས་ཀྱི་ལུང་མན་ངག་ཕྱག་འཁྲིད་དང་བཅས་པའི་བརྒྱུད་པ་ནི། ཚར་ཆེན་ཆོས་ཀྱི་རྒྱལ་པོ་ནས། དྲུང་ཡིག་བྱམས་པ་དོན་གྲུབ། རྡོ་རྗེ་འཆང་དབང་ཕྱུག་རབ་བརྟན། འཇམ་མགོན་བསོད་ནམས་མཆོག་ལྡན། ཀུན་མཁྱེན་ཆོས་དབྱིངས་རང་གྲོལ། དེས་བདག་ལའོ། །དེ་ཡང་ཚར་ཆེན་ཆོས་ཀྱི་རྒྱལ་པོས་ཆེད་གཉེར་དུ་འཇམ་དབྱངས་མཁྱེན་བརྩེའི་དབང་ཕྱུག་ལ་གནང་། མཁྱེན་བརྩེའི་ཞབས་ལས་འཕྲོ་གླིང་པའི་ལུང་བསྟན་དུ། ལང་འགྲོའི་སྤྲུལ་པ་བཀའ་གཏེར་བདག་པོ་ནི༔ མཁྱེན་བརྩེའི་མིང་ཅན་རིག་གནས་ལྔར་མཁས་པ༔ གཙང་ཕྱོགས་འདི་ནས་འཁོན་གྱི་ཐོག་མ་འབྱུང་༔ དེ་ལ་གདམས་པ་གཏད་ན་བསྟན་པ་འཕེལ༔ ཞེས་པའི་ལུང་བསྟན་ལྟར་གཏེར་སྟོན་དང་ཆོས་བདག་རྟེན་འབྲེལ་འགྲིག་ན་སྐུ་ཚེ་མཐར་ཕྱིན་རྒྱུ་ལ་དབུས་གཙང་ས་ཐག་རིངས་པས་གཏེར་སྟོན་གིས་ལུང་བསྟན་ཡུལ་གྱི་གང་ཟག་ངོ་མ་འཕྲོད་པར་འགྱངས་པའི་སྐྱོན་གྱིས་གཞན་ལ་མ་གནང་བའི་ངང་དུ། གསུང་ལས། འདི་ནས་འཕོས་ནས་བྱང་ཕྱོགས་ལྕང་ལོ་ཅན། ཞིང་དེར་ཕན་ན་དྲུང་དུ་ངེས་པར་འགྲོ། དེ་ནས་ཨོ་རྒྱན་ཟངས་མདོག་དཔལ་གྱི་རིར། །སྐྱེ་བའི་རྟེན་འབྲེལ་སྒྲིག་ལ་གསོལ་བ་འདེབས། ཞེས་ཞལ་གྱིས་འཆེས་པ་ལྟར་དགུང་ལོ་ཞེ་དྲུག་པར་ལྕང་ལོ་ཅན་གྱི་ཞིང་ཁམས་
སུ་གཤེགས་པས་ཆེས་རྒྱུན་ཆད་པར་ཐུག །རྡོ་རྗེ་འཆང་དབང་ཕྱུག་རབ་བརྟན་གྱིས་སྤྱན་ལྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོ་བཞུགས་སུ་རེ་ནས་དབུས་ཕྱོགས་སུ་རྩད་གཅོད་ལ་ཕེབས་ཚེ་སྤྱན་ལྔའི་གསུངས་རིན་པོ་ཆེ་བོད་མཁར་བ་རང་གིས་ཀྱང་གསན་མ་ཐུབ་ཚུལ་བྱུང་བ་ནས། འདི་སྐོར་ཐུགས་རྩོམ་གྱི་ལྗགས་དཔོད་གནང་བའི་དྲུང་ཡིག་བྱམས་པ་དོན་གྲུབ་ཀྱིས་ཚིག་གཅིག་ཀྱང་མ་ལུས་པ་གུས་པ་ཆེན་པོའི་སྒོ་ནས་གསན་འདུག་པར་བརྟེན། སྟོབས་འཕྲོག་དབང་པོར་བརྟག་པ་ཕུལ་བ་དེ་ཡང་ལེགས་པའི་མཚན་མ་གསལ་པོ་བྱུང་བས་དྲུང་ཡིག་པར་གསན་པ་ཡིན་པས་འདི་སྐོར་ལ་རྗེ་བྱམས་པ་དོན་གྲུབ་བརྒྱུད་པར་མ་བཞུགས་པའི་ལུང་བྱེད་པ་མཐའ་དག་མོ་གཤམ་གྱི་བུ་ལྟར་གཞན་འདྲིད་པའི་ཕྱིར་དུ་ཚུལ་འཆོས་པ་ཁོ་ནའོ། །ཧ་ལ་ནག་པོའི་མ་ཡིག་ཚར་ཆེན་ཆོས་ཀྱི་རྒྱལ་པོའི་ངོས་མ་མགོ་ཐོག་ཏུ་བཞག་པའི་བཀའ་བསྒོ་རྒྱས་པ་དང་བསྙེན་སྒྲུབ་ལས་སྦྱོར་འཁོར་ལོའི་ཕྱག་ལེན་ཤིན་ཏུ་ཞིབ་ཅིང་མཐའ་ཆོད་པ་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་དྲུང་དུའང་ནོས་སོ། །ཡང་རྗེས་གནང་ཁེ་རྐྱང་གི་བརྒྱུད་པ་ནི། རྗེ་ས་པཎ་ནས། ནུབ་པ་རིགས་འཛིན་གྲགས། ཤར་པ་ཤེས་རབ་འབྱུང་གནས། ཤར་པ་རྡོ་རྗེ་འོད་ཟེར། ཤར་པ་ཡེ་ཤེས་རྒྱལ་མཚན། གུ་རུ་དཀོན་མཆོག་རྒྱལ་མཚན། བག་སྟོན་གཞོན་ནུ་ཚུལ་ཁྲིམས། བླ་མ་རྡོ་རྗེ་སེང་གེ །མཁན་ཆེན་བཅུ་པ། ཆོས་རྗེ་པཎྜི་ཏ། རྩེས་དང་དགེ་འཕེལ་བ་བསོད་ནམས་བློ་གྲོས། རྗེ་རྡོ་རིང་པ། དེ་ལ་རྗེ་བཙུན་སྒོ་རུམ་པ་དང་ཚར་ཆེན་གཉིས་ཀྱིས་གསན། གཉིས་ཀ་ལ་འཇམ་དབྱངས་མཁྱེན་བརྩེས་གསན་པ་མན་སྔར་ལྟར་རོ།
ཡང་ན་ཞང་དཀོན་མཆོག་དཔལ་ནས། དགོན་པ་བསོད་ནམས་འབུམ། བག་སྟོན་གཞོན་ཚུལ་མན་འདྲ། ཡང་ན་ཆོས་རྗེ་བླ་མ་དམ་པ་ནས། བདག་ཆེན་ཀུན་དགའ་རིན་ཆེན་རྒྱལ་མཚན་དཔལ་བཟང་པོ། བདག་པོ་བླ་མ། ཆོས་རྗེ་པཎྜི་ཏ་མན་འདྲ། ཡང་ན་བླ་མ་དམ་པ་ནས། གུང་ཐང་པ་སེང་གེ་དཔལ་ལྡན་འོད་མཛེས་བཟང་པོ། བླ་མ་པཎྜི་ཏ་མན་འདྲ། ཡང་ན་བཞི་ཐོག་པ་ཀུན་དགའ་རིན་ཆེན་ནས། བཞི་ཐོག་པ་བློ་གྲོས་རྒྱལ་མཚན། ཆོས་རྗེ་དགེ་བ་རྒྱལ་མཚན། གྲ་ཐང་པ་ཤེས་རབ་ཟླ་བའི་དབང་པོ། རྗེ་བཙུན་རྡོ་རིང་པ་ཆེན་པོ་མན་སྔར་དང་འདྲ། ཡང་ན་བདག་ཆེན་ཞ་ལུ་པ་ནས། ཆོས་རྗེ་རྒྱལ་མཚན་དཔལ་བཟང་། བྱ་འགྱུར་བ་བསོད་ནམས་སེང་གེ །རྗེ་རྡོ་རིང་པ་མན་འདྲ། ཡང་ན་ཆོས་རྗེ་བླ་མ་ནས། རི་ཁྲོད་པ་བློ་གྲོས་བརྟན་པ། དེ་གཉིས་ཀ་ལ་ཆོས་རྗེ་དཔལ་ལྡན་ཚུལ་ཁྲིམས། རིམ་བཞིན་ཤར་ཆེན་ཡེ་ཤེས་རྒྱལ་མཚན། རྡོ་རྗེ་འཆང་ཀུན་དགའ་བཟང་པོ། མཁས་གྲུབ་དཔལ་ལྡན་རྡོ་རྗེ་བྱ་གྱུར་པ་བསོད་ནམས་སེང་གེ་མན་འདྲ། ཡང་ན་ངོར་ཆེན་ཆོས་རྗེ་བསོད་ནམས་དབང་ཕྱུག །རྒྱལ་ཚབ་ཀུན་དབང་། སློབ་དཔོན་བསོད་ནམས་སངས་རྒྱས། མཁས་གྲུབ་གུང་རུ་ཤེར་བཟང་བཞི་གས་གསན། བཞི་ག་ལ་ཀུན་སྤངས་ཆེན་པོས་གསན་པ་མན་འདྲ། ཡང་རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །གཉིས་ཀ་ལ་མཁན་ཆེན་བསླབ་གསུམ་རྒྱལ་མཚན་དང་རྟ་ར་བ་གཉིས་ཀྱིས་གསན། ཡབ་སྲས་བཞི་ཀ་ལ་རྡོ་རྗེ་འཆང་དབང་རབ་ཀྱིས་གསན་ནོ། །སྒྲུབ་དུས་ཀྱི་མགོན་པོའི་རྗེས་གནང་ཐུན་མོང་དང་ཐུན་མོང་མ་ཡིན་པ་དང་། ཏ་ཐཱ་ག་ཏ་རཀྴི་ཏ་ནས་བརྒྱུད་པའི་སྒྲུབ་
སྐོར་དང་དཀར་ཆག་གིས་མ་ཟིན་པའི་ས་བཅད་དང་པོའི་ཏའི་རྟགས་ཅན་དང་བཅས་པའི་ལུང་བརྒྱུད་ནི། རྡོ་རྗེ་འཆང་། ཀླུ་སྒྲུབ། བཱ་ལིང་ཏ་པ། སངས་རྒྱས་ཡེ་ཤེས། མར་མེ་མཛད། དཔལ་བདེ་བ། བི་མཱ་ལ་གུཔྟ། རིན་ཆེན་རྣམ་གཉིས། ཤྲཱི་པཎྜི་ཏ་ཏ་ཐཱ་ག་ཏཀྵི་ཏ། གཉན་ལོ་མན་གདུང་བརྒྱུད་བརྒྱུད་པ་དང་། རྣལ་འབྱོར་དབང་ཕྱུག་ཡར་ཀླུངས་པ་ནས་བརྒྱུད་པ་གཉིས་རྟ་ར་བ་བཞུགས་པ་དང་འདྲ། སྒྲུབ་དུས་ཀྱི་ཐུན་མོང་མ་ཡིན་པའི་རྗེས་གནང་བརྒྱུད་ལུགས་གཅིག་ནི། འཕགས་པ་རིན་པོ་ཆེ། དམ་པ་ཀུན་དགའ་གྲགས། བརྒྱུད་ལུགས་འདི་ལོ་པ་སྤྱན་སྔའི་གསན་ཡིག་ན་སྣང་། བླ་མ་བདག་ཉིད་ཆེན་པོ། ཆོས་རྗེ་བླ་མ་དམ་པ་མན་འདྲ། ཡང་ན་བླ་མ་དམ་པ་ནས། བདག་ཆེན་ཀུན་དགའ་རིན་ཅེན། གཞི་ཐོག་པ་བློ་གྲོས་རྒྱལ་མཚན། ཆོས་རྗེ་དགེ་བ་རྒྱལ་མཚན། གྲ་ཐང་པ་ཤེས་རབ་ཟླ་བ། རྗེ་རྡོ་རིང་པ་མན་འདྲ། ཡང་སྒྲུབ་དུས་ཀྱི་མགོན་པོའི་རྗེས་གནང་ཐུན་མོང་བའི་བརྒྱུད་པ་གཅིག་ནི། རྡོ་རྗེ་འཆང་དབང་ཕྱུག་རབ་བརྟན་ནས། མཁན་ཆེན་ཞ་ལུ་པ་ཆེན་པོ། དེས་བདག་གོ །ཡང་ན་ཚར་ཆེན་ནས། རིན་པོ་ཆེ་བོད་མཁར་བ་མཻ་ཏྲེ་དོན་གྲུབ་རྒྱལ་མཚན། སྤྱན་ལྔ་མི་ཕམ་ཆོས་ཀྱི་རྒྱ་མཚོ། སྐྱེད་ཚལ་མཁན་པོ་ཐར་པ་བཟང་པོ། མཁན་ཆེན་ཞ་ལུ་པ་མན་འདྲ། གོང་དཀར་ལུགས་ཀྱི་སྒྲུབ་དུས་མགོན་པོ་གཙོ་འཁོར་ལྔ་པའི་རྗེས་གནང་གི་བརྒྱུད་པ་ནི། འཕགས་པ་རིན་པོ་ཆེ་ནས། ཚོགས་སྒོམ་ཀུན་དགའ་དཔལ། ཉན་ཆེན་བསོད་ནམས་བསྟན་པ། རྗེ་བྲག་ཕུག་པ། དྲུང་ཆོས་རྗེ་བ། བཞི་ཐོག་པ་ཀུན་དགའ་རིན་ཆེན། བདག་ཆེན་གྲགས་པ་བློ་གྲོས། མཁན་ཆེན་སེང་གེ་དཔལ་
བ། བྲག་ཐོག་པ་བསོད་ནམས་བཟང་པོ། མཐུ་ཆེན་འཇིགས་མེད་དཔའ་བོ། རྒྱ་སྟོན་བྱང་ཆུབ་དབང་རྒྱལ། ཡངས་ཅན་ཤཱཀྱ་ཀུན་དགའ། ཀུན་བཟང་དབང་ཕྱུག་རྒྱལ་མཚན། ཉི་མ་གླིང་པ་ཚུལ་ཁྲིམས་བཀྲ་ཤིས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །སྒྲུབ་དུས་དམ་ཅན་རྒྱ་མཚོས་བསྐོར་བའི་རྗེས་གནང་གི་བརྒྱུད་པ་ནི། ཀུན་བཟང་རྩེ་པ་དབང་ཕྱུག་རྒྱལ་མཚན་ཡན་གོང་ལྟར་ལ། དེ་ནས་ཀུན་བཟང་རྩེ་པ་བསོད་ནམས་མཆོག་ལྡན། མཁན་ཆེན་ཞ་ལུ་པ། དེས་བདག་ལའོ། །ལས་སྦྱོར་གྱི་མགོན་པོ་གདོང་བརྙན་ཅན་གྱི་རྗེས་གནང་གི་བརྒྱུད་པ་ནི། རྡོ་རྗེ་འཆང་། ན་གྭ་རྫུ་ན། གཏོར་མ་པ། ཛྙཱ་ན་པཱ་ད། དཱི་པཾ་ཀཱ་ར་བྷ་དྲ། ཤྲཱི་སུ་ཁཱ་པཱ་ད། བི་མ་ལ་གུཔྟ། རཏྣ་རྣམ་གཉིས། པཎྜི་ཏ་འབུམ་ཕྲག་གསུམ་པ། གཉན་ལོ་ནས་ཚར་ཆེན་ཡན་གདུང་བརྒྱུད་བརྒྱུད་པ་དང་ཡར་ཀླུངས་པ་བརྒྱུད་པ་གཉིས་རྟ་ར་བ་བཞུགས་པ་ལྟར་ལ། དེ་ནས་བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་ལྔ་མི་ཕམ་ཆོས་ཀྱི་རྒྱ་མཚོ། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་མགོན་པོ་བསོད་ནམས། རྗེ་ཆོས་དབྱིངས་རང་གྲོལ། དེས་བདག་ལའོ། །ཡང་ན་འཕགས་པ་ཡན་གོང་ལྟར་ནས། ལོ་ཙཱ་བ་མཆོག་ལྡན། བླ་མ་དཔལ་ལྡན་སེང་གེ །ཆོས་རྗེ་དྷརྨཱ་ཀཱིརྟི། ཆོས་རྗེ་བློ་བཟང་པ། ཉ་དབོན་ཀུན་དཔའ་དཔལ། བླ་མ་ལུང་རིག་རྒྱ་མཚོ། མཁན་ཆེན་སེང་གེ་དཔལ། བྲག་ཐོག་བསོད་ནམས་བཟང་པོ། མཐུ་ཆེན་འཇིགས་མེད་དཔའ་བོ། མུས་ཆེན་རྣམ་རྒྱལ་དཔལ་བཟང་། ཐུགས་སྲས་ཀུན་དགའ་རྒྱལ་བོ། འབྲས་སྤུངས་པ་ཚེ་དབང་བཀྲ་ཤིས། རྡོ་རྗེ་འཆང་ཚར་པ་ཆོས་རྗེ་མན་འདྲ། ཡང་ན་ཀུན་མཁྱེན་རྡོ་རྗེ་གདན་པ་ནས། འཇམ་དབྱངས་
མཁྱེན་བརྩེའི་གསན་ཡིག་ན་འཁོར་ཞལ་གྱི་རྗེས་གནང་ཞེས་ལོགས་སུ་བགྲངས་འདུག་པ་གདོང་བརྙན་ཅན་པས་ཟུར་པ་མེད་ཀྱང་ལོ་མཆོག་པ་ཡོད་པའི་བརྒྱུད་པའི་སྐབས་གདོང་བརྙན་ཅན་དང་ལས་བཞི་ལྷན་དུ་གྲངས་པའི་དབང་གིས་སོ་སོར་ཕྱེ་བར་སྣང་ངོ་། །མདོ་ཁམས་པ་ཡོན་ཏན་རྒྱ་མཚོ། འབྲས་སྤུངས་པ་ཚེ་དབང་བཀྲ་ཤིས་མན་འདྲ། ཡང་ན་ས་པཎ་ནས། ཚོགས་སྒོམ་པ། ཉན་ཆེན་པོ། ན་བཟའ་བ། དཔལ་ལྡན་བླ་མ་དམ་པ། བཞི་ཐོག་པ་ཀུན་དགའ་རིན་ཆེན། གཅུང་གྲགས་པ་བློ་གྲོས། མཁན་ཆེན་སེང་གེ་དཔལ་མན་འདྲ། ཡང་ན་བདག་པོ་ཀུན་རིན་པ་ནས། བདག་ཆེན་བློ་གྲོས་པ། ཆོས་རྗེ་དགེ་བ་རྒྱལ་མཚན། རྗེ་ཟླ་བ་ཤེས་རབ། རྡོ་རིང་པ་མན་འདྲ། ཡང་རྗེ་རྡོ་རྗེ་གདན་པའི་གསན་ཡིག་ལྟར་ན། རྡོ་རྗེ་འཆང་། ཡེ་ཤེས་ཀྱི་མཁའ་འགྲོ་མ། གཉན་ལོ་ཙཱ་བ་མན་འདྲ། འདི་ཉེ་བརྒྱུད་ཡིན་པ་འདྲ་ཞིང་འཇམ་དབྱངས་མཁྱེན་བརྩེའི་གསན་ཡིག་གི་ཚར་ལུགས་ནས་བརྒྱུད་པའི་སྐབས་རིང་བརྒྱུད་དང་གོང་དཀར་བ་ལུགས་ཀྱི་གསན་ཡིག་སྐབས་གསན་ཡིག་རྒྱ་མཚོ་སོར་བཞག་བགྲངས་འདུག་པ་རྒྱས་བསྡུས་སུ་མངོན། པཎྜི་ཏ་འབུམ་ཕྲག་གསུམ་པ་ནས་བརྒྱུད་པའི་ཆོས་སྐོར་དང་དཀར་ཆག་གིས་མ་ཟིན་པའི་འབུམ་གྱི་རྟགས་ཡོད་པའི་ལུང་བརྒྱུད་ནི། ཚར་ཆེན་ཡན་ཞལ་ངོ་ནང་བརྒྱུད་དང་ཡར་ཀླུངས་པ་ནས་བརྒྱུད་པ་རྟ་ར་བ་བཞུགས་པ་ནས། མཁྱེན་བརྩེའི་ཞབས། རྟ་ར་བ། རྗེ་དབང་རབ་མན་འདྲ། ནང་ཞིང་སྐྱོང་ལྟར་སྒྲུབ་པའམ་གསང་སྒྲུབ་ཀྱི་རྗེས་གནང་ནི། འཕགས་པ་རིན་པོ་ཆེ་ཡན་བསྙེན་དུས་ཀྱི་རྗེས་གནང་ལྟར་ལ། དེ་ནས་དམ་པ་ཀུན་དགའ་གྲགས། བླ་མ་བདག་ཉིད་ཆེན་པོ། བླ་མ་དམ་པ་
བསོད་ནམས་རྒྱལ་མཚན། སྔགས་འཆང་གཟུངས་ཀྱི་དཔལ་བ། ཆོས་རྗེ་བཟང་པོ་རྒྱལ་མཚན། མཁས་གྲུབ་དགེ་བ་རྒྱལ་མཚན། ཆོས་རྗེ་སངས་རྒྱས་མཆོག །མཚུངས་མེད་སྐྱེས་མཆོག་རྒྱལ་མཚན། མདོ་ཁམས་པ་ལྕགས་མོ་བཀྲ་ཤིས་སེང་གེ །འདིས་གདན་ཐོག་གཅིག་ཏུ་སྔགས་ཐུང་འབུམ་ཕྲག་བརྒྱ་སོང་ཞིང་ཞལ་དངོས་སུ་གཟིགས་པ་ཡིན་ནོ། །རྡོ་རྗེ་འཆང་ཚར་པ་ཆོས་རྗེ། ཀུན་མཁྱེན་མཁྱེན་བརྩེའི་དབང་ཕྱུག །རྟ་ར་བ་བསོད་ནམས་ཆོས་འཕེལ། རྡོ་རྗེ་འཆང་དབང་རབ། འཇམ་མགོན་བསོད་ནམས་མཆོག་ལྡན། དེས་བདག་ལའོ། །ཕྱི་ནང་གི་བསྲུང་འཁོར་འཆི་མེད་སྒྲུབ་པ་ཞར་བྱུང་ཟློག་པ་དང་བཅས་པའི་ཕྱིའི་ཉམས་འཁྲིད། གསང་འཁྲིད་ཀྱི་ཉམས་ཁྲིད་ཟབ་མོ། རི་སུལ་གྱི་རྣལ་འབྱོར་མ་ནས་བརྒྱུད་པའི་ས་བཅད་གཉིས་པའི་སྐོར། དཀར་ཆག་གིས་མ་ཟིན་པའི་ས་བཅད་གཉིས་པའི་རྟགས་གང་ཡང་མེད་པ་རྣམས་ཀྱི་ལུང་གི་བརྒྱུད་པ་ནི། རྗེ་བཀའ་འགྱུར་བ་ཡན་གོང་ལྟར་ནས། ཟུར་རྩ་བའི་བླ་མ། དེས་བདག་ལའོ། །གསང་འཁྲིད་ཡིག་རྙིང་གི་བརྒྱུད་པ་ལུགས་གཅིག་ལ་བླ་མ་དམ་པ་བསོད་ནམས་རྒྱལ་མཚན་ནས། ཡར་ཀླུངས་པ་སེང་གེ་རྒྱལ་མཚན། གཡག་ཕྲུག་བསྟན་པའི་ཉི་མ། རོང་སྟོན་ཤེས་བྱ་ཀུན་རིག །རྗེ་དགེ་བ་རྒྱལ་མཚན་མན་འདྲ། ཡང་བསྲུང་འཁོར་ཚེ་སྒྲུབ་ཀྱི་འཁྲིད་ནི། ལྕགས་བཀྲ་ཤིས་སེང་གེ་ནས། ཁམས་སྟོན་བསོད་ནམས་དོན་གྲུབ། རྡོ་རྗེ་འཆང་ཚར་པ་མན་འདྲ། གླང་གི་རྟགས་ཡོད་དོ་ཅོག་གི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན་ནས། གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །
རྟགས་སྣ་ཚོགས་ལས་སའི་རྟགས་ཅན་གྱི་ལུང་བརྒྱུད་སྐོར།
སའི་རྟགས་ཡོད་དོ་ཅོག་གི་ལུང་བརྒྱུད་ནི། རྡོ་རྗེ་འཆང་དབང་ཕྱུག་རབ་བརྟན། ས་སྐྱ་པ་འཇམ་མགོན་ཀུན་དགའ་བསོད་ནམས། དེ་སྲས་བསོད་ནམས་དབང་ཕྱུག །མཁན་ཆེན་ཞ་ལུ་པ་མན་འདྲ། ཞའི་རྟགས་ཀྱི་ལུང་ནི་མཁན་ཆེན་ཉིད་ལ་ཁོ་བོས་ནོས་ཁྲའི་རྟགས་ཡོད་དོ་ཅོག་གི་ལུང་ནི། མཁན་ཆེན་ཞ་ལུ་པ་ནས། མཁས་གྲུབ་བློ་མཆོག་རྡོ་རྗེ། དེས་བདག་ལའོ། །ཕའི་རྟགས་ཐོག་མཐའ་བར་གསུམ་དུ་ཡོད་པའི་ལུང་ནི། ཚར་ཆེན་ནས། རིན་པོ་ཆེ་བོད་མཁར་བ། ཐམས་ཅད་མཁྱེན་པ་བསོད་ནམས་རྒྱ་མཚོ། གསང་བདག་གཉིས་པ་རྗེ་དྲུང་བསྟན་པ་རྒྱ་མཚོ། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ལའོ། །བྱང་ཆུབ་མ་ཐོབ་ཀྱི་བར་དུ་ཆོས་སྐྱོང་སྙིང་དབུས་སུ་མི་འབྲལ་བའི་ཉམས་འཁྲིད་ཟབ་མོ་ནོས་པའི་བརྒྱུད་པ་ནི། རྡོ་རྗེ་འཆང་དབང་རབ། གླང་བུ་ཆོས་རྗེ། ཁྱབ་བདག་ཞ་ལུ་པ། དེས་བདག་ལའོ། །དཀར་པོ་ཚེ་འཕེལ་གྱི་ཚེ་དབང་ཐུན་མོང་མ་ཡིན་པའི་བརྒྱུད་པ་ནི། བླ་མ་དམ་པ་བསོད་ནམས་རྒྱལ་མཚན་ཡན་བསྙེན་དུས་ཀྱི་རྗེས་གནང་ཞལ་ངོ་ནང་བརྒྱུད་ལྟར་ལ། དེ་ནས་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན། འཇམ་དབྱངས་རྒྱལ་བ་མཆོག །འཇམ་དབྱངས་ནམ་མཁའ་རྒྱལ་མཚན། བདག་ཆེན་རྡོ་རྗེ་འཆང་། ཀུན་སྤངས་རྗེ། ཚར་ཆེན། རྗེ་བོད་མཁར་བ། སྤྱན་ལྔ་མི་ཕམ་པ། ཁྱབ་བདག་དབང་ཕྱུག་རབ་བརྟན། རྗེ་མགོན་བསོད་ནམས། ཟུར་རྩ་བའི་བླ་མ། དེས་བདག་ལའོ། །ཡང་ན་རྗེ་དབང་ཕྱུག་རབ་བརྟན་ནས། རྡོ་རྗེ་འཆང་རིན་ཆེན་བསོད་ནམས་མཆོག་གྲུབ། དེས་བདག་ལའོ། ཡང་ན་རྗེ་དབང་རབ་ནས། གླང་བུ་ཆོས་རྗེ་འཇམ་དབྱངས་ཆོས་སྐྱོང་
དབང་ཕྱུག །ཁྱབ་བདག་ཞ་ལུ་པ། དེས་བདག་ལའོ། །དཀར་པོ་ཚེ་སྒྲུབ་ཐུན་མོང་བ། སེར་པོ་བསོད་ནམས་སྒྲུབ་པ་ལྷ་ལྔ་མ། དམར་པོ་དབང་སྡུད། སྔོན་པོ་བགེགས་འཇོམས་རྣམས་ཀྱི་རྗེས་གནང་གི་བརྒྱུད་པ་ནི། འཕགས་པ་ཡན་བསྙེན་དུས་ཀྱི་རྗེས་གནང་ལྟར། དེ་ནས་ལོ་ཙཱ་བ་མཆོག་ལྡན་མཁན་ཆེན་ངག་དབང་ཆོས་གྲགས་དང་ལོ་པ་སྤྱན་ལྔའི་གསན་ཡིག་དང་མཐུན། མན་གདོང་བརྙན་ཅན་བཞིན་ནོ། །ཡང་ན་ཏ་ཐཱ་ག་ཏ་རཀྵི་ཏའི་གཞུང་ལས་ཀྱང་འཕྲིན་ལས་བཞིའི་སྐོར་སོགས་བསྟན་པས་བརྒྱུད་པ་དེ་ག་ལྟར་བགྲངས་ན་འཐད་པར་སེམས་མོད་འོན་ཀྱང་གསན་ཡིག་ཚང་མར་གསལ་ཁ་མ་བྱུང་བས་ཕྱོགས་འདི་ལ་ལྗགས་ཀྱི་དབང་པོ་རིང་དུ་རྐྱོང་བ་མཆིས་ན་དོགས་པའི་མདུད་པ་འགྲོལ་བར་གསོལ་ལོ། །ཡང་ན་གོང་དཀར་ལུགས་ཀྱི་གདོང་རྙན་ཅན་གྱི་བརྒྱུད་པ་མཆོག་ལྡན་པ་ཡོད་པ་ཇི་ལྟ་བའོ། །རྡོ་རྗེ་གདན་པ་དང་གསན་ཡིག་རྒྱ་མཚོ་ནས་བཤུས་པའི་རྗེ་མཁྱེན་བརྩེའི་གསན་ཡིག་དང་མཐུན། དཀར་པོ་ཚེ་འཕེལ་ཐུན་མོང་བ་དང་སེར་པོ་རྒྱས་བྱེད་ལྷ་ལྔའི་རྗེས་གནང་གི་བརྒྱུད་ལུགས་གཅིག་ནི། རྡོ་རྗེ་འཆང་དབང་ཕྱུག་རབ་བརྟན་ནས་གླང་བུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །ཡང་ན་ཀུན་མཁྱེན་རྡོ་རྗེ་གདན་པ་ནས། རྗེ་རིན་ཆེན་རྣམ་རྒྱལ། རྒྱ་སྟོན་བྱང་ཆུབ་དབང་རྒྱལ། བླ་མ་ཤཱཀྱ་ཀུན་དགའ། རྗེ་དབང་ཕྱུག་རྒྱལ་མཚན། ཀུན་བཟང་རྩེ་པ་དཔལ་ལྡན་ཚུལ་ཁྲིམས། མཁན་ཆེན་ཞ་ལུ་པ། དེས་བདག་ལའོ། །ནོར་སྒྲུབ་སེར་པོ་གཙོ་འཁོར་དགུ་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང་། མ་ཧཱ་དེ་ཝཱ། པཎྜི་ཏ་ཤྲཱི་སིདྷ། ཨཱ་ཙཪྻ་གཉན་ཆེན་དཔལ་དབྱངས། རྒྱ་གར་
ཀ་མ་རཱུ་པ། གཉན་ལོ་ཙཱ་བ་དར་མ་གྲགས། གླང་བན་ག་རོད། རྟོགས་ལྡན་མཚོ་དཀར་བ། སྤྱན་ལྔ་བསོད་ནམས་གྲགས་པ། རྗེ་བསོད་ནམས་བཟང་པོ། མཁན་ཆེན་སེང་གེ་དཔལ། མཚུངས་མེད་ཤེས་རབ་ཟླ་བ། རྗེ་བཙུན་རྡོ་རིང་པ་ཆེན་པོ། གྲུབ་མཆོག་སྦྱིན་པ་རྒྱ་མཚོ། ཚར་ཆེན་བློ་གསལ་རྒྱ་མཚོ། རིན་པོ་ཆེ་བོད་མཁར་བ་ནས། ཁྱབ་བདག་ཆོས་དབྱིངས་རང་གྲོལ་གྱི་བར་སྔར་བཞིན། དེ་ལ་བདག་གིས་ཞུས། ཡང་ན་ཚར་ཆེན་ནས། སྔགས་འཆང་ཚེ་དབང་བཀྲ་ཤིས། བླ་མ་རྣམ་རྒྱལ་བཀྲ་ཤིས། དཔལ་འབྱོར་གླིང་པ་དབང་ཕྱུག་རྒྱལ་མཚན། ཀུན་བཟང་རྩེ་པ་དཔལ་ལྡན་ཚུལ་ཁྲིམས། ཁྱབ་བདག་ཞ་ལུ་པ་ཆེན་པོ། དེས་བདག་ལའོ། །རྗེ་བཙུན་གྲོལ་མཆོག་གིས་ཞི་རྒྱས་དབང་དྲག་གི་མགོན་པོའི་རྗེས་གནང་ཡངས་པ་ཅན་པ་རྒྱ་སྟོན་བྱང་ཆུབ་དབང་རྒྱལ་ལ་གསན་ཅིང་གོང་དཀར་རྡོ་རྗེ་གདན་པ་བརྒྱུད་པར་འདྲེན་བཞིན་དུ་པཎྜི་ཏ་འབུམ་ཕྲག་གསུམ་པ་ནས་དབུས་ཕྲུག་ཕུར་པ་དར་དང་། གཤོངས་མའི་སྔགས་པ་ལས་བརྒྱུད་ནས་གཉན་ལོ་མེད་ཁུལ་མཛད་འདུག་པ་ནི། ཐམས་ཅད་མཁྱེན་པ་རྡོ་རྗེ་གདན་པའི་གསན་ཡིག་ཕྱག་བྲིས་མ་གོང་དཀར་གྱི་ཕྱག་དཔེ་ཁང་ན་ཡོད་པ་དེར་འཕགས་པ་ཡན་ལྔར་ལྟར་ལ། དེ་ནས་ལོ་ཙཱ་བ་མཆོག་ལྡན་ཞེས་ཡོད་པས་མཁས་པ་ཆེན་པོ་ལའང་འཁྲུལ་གཞི་བྱུང་བར་མངོན་ནོ། །བརྩེགས་ཞལ་ལམ་ཤི་ས་བསྟན་པའི་རྗེས་གནང་གི་བརྒྱུད་པ་ནི། བསྙེན་དུས་ཀྱི་མགོན་པོའི་རྗེས་གནང་ཞལ་ངོ་ནང་བརྒྱུད་ལྟར་ནས་ཁྱབ་བདག་མགོན་པོ་བསོད་ནམས་མཆོག་ལྡན་ལ་བདག་གིས་ཞུས་སོ། །ཡང་ན་བདག་ཆེན་ཀུན་དགའ་རིན་ཆེན་ནས། བདག་ཆེན་བློ་གྲོས་པ། རྗེ་དགེ་བ་རྒྱལ་མཚན།
མཚུངས་མེད་ཤེས་རབ་ཟླ་བ། རྡོ་རིང་རིན་པོ་ཆེ་མན་གོང་དང་འདྲ། ཡང་ན་རྡོ་རིང་རིན་པོ་ཆེ་ནས། སྒོ་རུམ་པ་ཀུན་དགའ་ལེགས་པ། ཀུན་མཁྱེན་མཁྱེན་བརྩེའི་ཞབས་མན་འདྲ། ཡང་ན་ཆོས་རྗེ་ས་པཎ་ནས། རོང་པ་རྒྭ་ལོ། སྲས་ཤེས་རབ་སེང་གེ །བླ་མ་བསོད་ནམས་ལྷུན་གྲུབ། བྲག་ནག་པ་ངག་དབང་གྲགས་པ། བླ་མ་དཔལ་ལྡན་ལེགས་དབང་། བྲག་ཐོག་པ་བསོད་ནམས་བཟང་པོ། ཀུན་མཁྱེན་རྡོ་རྗེ་གདན་པ། ཐུགས་སྲས་ཀླུ་དབང་གླིང་པ། རྗེ་ཚེ་དབང་བཀྲ་ཤིས། ཚར་ཆེན་མན་འདྲ། གནས་དབབ་བམ་སྤོགས་ཆོག་གི་མགོན་པོ་ནང་གཤིན་རྗེ་ལྟར་སྒྲུབ་པའི་རྗེས་གནང་དང་ཨཱའི་རྟགས་ཡོད་པའི་ལུང་བརྒྱུད་ནི། བླ་མ་དམ་པ་ཡན་བསྙེན་དུས་ཀྱི་རྗེས་གནང་ཞལ་ངོ་ནང་ལྟར་ལ། དེ་ནས་བཞི་ཐོག་པ་བདག་ཆེན་ཀུན་དགའ་རིན་ཆེན། བདག་ཆེན་བཞི་ཐོག་པ་བློ་གྲོས་རྒྱལ་མཚན། ཆོས་རྗེ་དགེ་རྒྱན་པ། མཚུངས་མེད་ཤེས་རབ་ཟླ་བ། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེན་བརྩེའི་དབང་ཕྱུག །སྔགས་འཆང་བསོད་ནམས་ཆོས་འཕེལ། རྡོ་རྗེ་འཆང་དབང་ཕྱུག་རབ་བརྟན། ལོ་པ་སྤྱན་ལྔ་རིན་པོ་ཆེ་ཀུན་དགའ་དོན་གྲུབ། ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག །ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ། དེས་བདག་ལའོ། །དཔལ་མགོན་ཁྱུང་ཞལ་ཅན་ནམ་དམག་དཔོན་མགོན་པོར་གྲགས་པའི་རྗེས་གནང་འབུམ་ཕྲག་གསུམ་པ་ནས་བརྒྱུད་པའི་ཞར་བྱུང་དུ་ཁྱུང་ཞལ་ཅན་གསེར་གྱི་སྤུ་གྲིའི་སྒྲུབ་སྐོར་དང་། དཀར་ཆག་གིས་མ་ཟིན་པའི་ཤཱིའི་རྟགས་ཡོད་པའི་བརྒྱུད་པ་ནི། རྡོ་རྗེ་འཆང་། མ་ཧཱ་དེ་ཝ། པཎྜི་ཏ་ཤཱི་ལ་སིདྷ། ཨ་ཙཪྻ་གཉན་ཆེན་དཔལ་དབྱངས། རྒྱ་གར་ཀ་མ་རཱུ་པ་
གཉན་ལོ་དར་མ་གྲགས། གླང་བན་ག་རོད། གསན་ཡིག་ལ་ལར་བརྒྱུད་པ་ཡོངས་གྲགས་བྲིས་པ་སྣང་ཡང་། རྡོ་རིང་རིན་པོ་ཆེ་དང་རྗེ་མཁྱེན་བརྩེའི་གསན་ཡིག་མཐུན་པར་འདི་བཞིན་བྱུང་བས་ཐེ་ཚོམ་མི་བྱའོ། །རྟོགས་ལྡན་མཚོ་དཀར་བ། སྤྱན་སྔ་བསོད་ནམས་གྲགས་པ་ཚལ་མིན་བསོད་ནམས་བཟང་པོ། མཁན་ཆེན་སེང་གེ་དཔལ། མཁན་ཆེན་དགེ་བ་རྒྱལ་མཚན། མཚུངས་མེད་ཤེས་རབ་ཟླ་བ། རྗེ་བཙུན་རྡོ་རིང་པ་ཆེན་པོ། གྲུབ་མཆོག་སྦྱིན་པ་རྒྱ་མཚོ། རྡོ་རྗེ་འཆང་ཚར་པ་ཆོས་རྗེ་མན་བསྙེན་དུས་ཀྱི་ཞལ་ངོ་ནང་བརྒྱུད་བཞིན་ནོ། །དཔལ་མགོན་སེང་གེ་ནག་པོའི་རྗེས་གནང་དང་། བཛྲ་གྱི་རྟགས་ཡོད་པའི་ལུང་བརྒྱུད་ནི། རྡོ་རྗེ་འཆང་། ཕྱག་ན་རྡོ་རྗེ། གཤིན་རྗེ་གཤེད། ནག་པོ་ཆེན་པོ། བྲམ་ཟེ་མཆོག་སྲེད། ཨུ་པ་ལ། བྷ་སུ་རི་པ། རྡོ་རྗེ་གདན་པ། མི་འཁྲུགས་པ། དཔལ་ཏེ་བུ་དབང་ཕྱུག །སཱུཪྻ་པ། གྲུབ་ཆེན་ཤོལ་པོ་བ། རིན་པོ་ཆེ་སངས་རྒྱས་དབོན། ཞིག་པོ་རིན་པོ་ཆེ་སྟོན་ཚུལ། ཟུར་དབེན་པ། སྤྱན་སྔ་ཆོས་ཀྱི་གཞོན་ནུ། བླ་མ་དབང་ཕྱུག་སེང་གེ །རྗེ་བྱང་ཆུབ་རྒྱལ་མཚན། རིན་པོ་ཆེ་ཤེས་རབ་གྲགས། བླ་མ་རིན་ཆེན་རྒྱ་མཚོ། བླ་མ་དཔལ་རིན་སྐྱབས་རྗེ་ནམ་མཁའ་ཆོས་བཟང་། བྲག་ཐོག་པ་དཔལ་འཛིན་བཟང་པོ། ཐམས་ཅད་མཁྱེན་པ་རྡོ་རྗེ་གདན་པ། པཎ་ཆེན་འབུམ་རབ་འབྱམས་པ། ཆོས་རྗེ་ཀུན་དགའ་རྒྱལ་པོ། རྗེ་ཚེ་དབང་བཀྲ་ཤིས། སྔགས་འཆང་རྣམ་རྒྱལ་བཀྲ་ཤིས། རྡོ་རྗེ་འཆང་དབང་ཕྱུག་རབ་བརྟན་ཁྱབ་བདག་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ལའོ། །བྲམ་ཟེ་ནག་པོ་མངགས་གཏད་ཀྱི་རྗེས་གནང་དང་བྲམ་གྱི་རྟགས་ཡོད་པའི་ལུང་བརྒྱུད་ནི། འཕགས་པ་རིན་པོ་ཆེ་ཡན་བསྙེན་དུས་ཀྱི་རྗེས་གནང་
ལྟར་ལ། དེ་ནས་དམ་པ་ཀུན་དགའ་གྲགས། བརྒྱུད་ལུགས་འདི་ལོ་པ་སྤྱན་ལྔའི་གསན་ཡིག་ན་འདུག །བདག་ཉིད་ཆེན་པོ་བཟང་པོ་དཔལ། ཆོས་རྗེ་བླ་མ་དམ་པ། བདག་ཆེན་ཀུན་རིན་པ། བཞི་ཐོག་བློ་གྲོས་པ། རྗེ་དགེ་རྒྱལ་བ། རྗེ་ཤེས་རབ་ཟླ་བ། རྗེ་བཙུན་རྡོ་རིང་པ་ཆེན་པོ། ཚར་ཆེན་ཆོས་རྗེ། མཁྱེན་བརྩེའི་ཞབས། རྗེ་བསོད་ནམས་ཆོས་འཕེལ། མཚུངས་མེད་དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན། དེས་བདག་ལའོ། །ཡང་ན་བླ་མ་དམ་པ་ཡན་བསྙེན་དུས་ལྟར་ལ། དེ་ནས་བདག་ཆེན་ཀུན་རིན་པ་མན་ཀྱང་གོང་བཞིན་ནོ། །དེང་སང་ས་ལུགས་ནས་བརྒྱུད་པའི་རྗེས་གནང་ཡིན་ཁུལ་ལ་ཞལ་རྣམ་འགྱུར་བཅུ་གསུམ་ཞེས་རྣམ་འགྱུར་གྱི་ཐ་སྙད་འདོགས་པའང་ལུགས་འདི་ལ་ཡེ་མ་གྲགས་ཤིང་ཤ་བ་རི་པ་ནས་བརྒྱུད་པའི་རྣམ་འགྱུར་བཞི་ཞེས་པ་དང་འཁྲུལ་གཞི་བྱུང་བར་འདུག །སྒྲུབ་དུས་ཀྱི་མགོན་པོ་གཡས་གཡོན་མཐིང་ནག་ཏུ་བྱེད་པ་ཡིག་ཆ་ཁུངས་མ་ནས་བཤད་པས་མི་འཐད་པ་མ་ཡིན་ནའང་གཙོ་བོར་ཏ་ཐཱ་ག་ཏ་རཀྴི་ཏའི་བཞེད་པ་ལྟར་ཞལ་ཁྲ་ཅན་དང་། དེ་ལ་ཐུན་མོང་དང་ཐུན་མོང་མ་ཡིན་པའི་རྗེས་གནང་ཡོད་པ་སོགས་ཀྱི་རྣམ་དབྱེ་ཙམ་ཡང་མ་དོད་པ། གདོང་བརྙན་ཅན་ཕྱག་བཞི་པར་དེང་སང་རྗེས་གནང་གི་རྒྱུད་ཆད་ཀྱང་ཡོད་ཁུལ། ཡང་གདོང་བརྙན་ཅན་ཞབས་བཞི་ཡོད་པའི་བློས་བྱས། གནད་དབབ་དང་སྤོགས་ཆོག་གཅིག་པ་སོ་སོར་ཁ་ཕྲལ་ནས་གནད་དབབ་ཀྱི་མགོན་པོ་བརྩེགས་ཞལ་མ་དང་། སྤོགས་ཆོག་ལ་མ་ཧེའི་ཞལ་ཅན་ཞེས་དབྱེ་བ་འབྱེད་པ། དམག་དཔོན་མགོན་པོའི་ཁྱུང་ཞལ་ཞལ་བཞི་པོར་མི་ཐེ་ཡང་སྟེང་ཞལ་ཁྱུང་ཞལ་ཡིན་ཁུལ་དང་རྩ་ཞལ་ཁྱུང་དུ་འདོད་པ། གཏེར་མགོན་གཡས་
གཡོན་ཞལ་བྲམ་ཟེ་དང་སྟེང་ཞལ་བྲམ་ཟེར་བྱེད་པ། ཕྱག་མཚན་དར་ཁྲ་ཅན་སོགས་ལུགས་འདི་ལ་སྒྲོས་ཙམ་ཡང་མེད་པ་གྲངས་འདྲེན་པ། གཏོར་མ་ལ་བྲམ་ཟེ་ཤུགས་ལྡན་དང་ནག་པོ་བསྐྱེད་པའི་རྗེས་གནང་། ཁམས་ཕྱོགས་ནས་དེ་མོ་ལྷ་དབང་པར་བྱུང་ཟེར་བའི་བྲམ་ཟེ་དཀར་སེར་དམར་སྨུག་སོགས་གྲངས་ཉེར་གཅིག་ཙམ་གྱི་རྗེས་གནང་བྱེད་པ་སོགས་རྣམ་པར་མ་དག་པའི་ལུགས་དེ་རྣམས་བློ་དང་ལྡན་པ་ཀུན་གྱིས་ངན་སྐྱུགས་ཀྱི་ཕུང་པོ་བཞིན་དུ་དོར་བར་བྱ་བ་ནི་གནད་དམ་པའོ། །ཁུངས་དང་བརྒྱུད་ཚུལ་ཕྱག་ལེན་འདི་ཡིན་མེད་པའི་རྗེས་གནང་རེ་གཉིས་ནོས། བསྐང་གསོ་ཙམ་བློར་ཆུད་པ་ལ་མགོན་པོའི་གྲུབ་ཐོབ་ཀྱི་སྙན་པ་དང་ལྡན་པ་མང་མོད། ཁོ་བོ་ནི་གྲུབ་པ་ཐོབ་པ་ལྟ་ཅི་རྨི་ལམ་བཟང་པོ་ཙམ་བྱུང་བའི་གདེང་དང་མི་ལྡན་ནའང་ཁྱབ་བདག་རྡོ་རྗེ་སེམས་དཔའི་ངོ་བོར་གྱུར་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དྲིན་ལས་ཟབ་མོའི་ཆོས་ཚུལ་རྣམས་ཁོང་དུ་ཆུད་པའི་གདེང་ཅུང་ཟད་ལྡན་པ་ནི་གོང་དུ་སྨོས་པ་དེ་ལགས་སོ། །
ཚར་ལུགས་རྫོང་པོད་ཀྱི་ལུང་སོགས་ལེགས་པར་ནོས་པའི་ལུང་བརྒྱུད་སྐོར།
ཚར་ལུགས་ལ་རྫོང་པོད་ཀྱི་ལུང་ལོགས་སུ་མཛད་པའི་སྲོལ་འདུག་པ་ལྟར་ནོས་པ་ལ། དཔལ་མགོན་ཙ་ཏུརྨུ་ཁ་བསྙེན་དུས་ཀྱི་རྗེས་གནང་ལེགས་པར་ནོས་ནས། རྒྱབ་རྟེན་ལུང་ལ། རྫོང་ཆུང་པ་བྱམས་པ་རྡོ་རྗེ་རྒྱལ་མཚན་གྱིས་མཛད་པའི་དཔལ་རྡོ་རྗེ་ནག་པོ་ཆེན་པོ་ཞལ་བཞི་པའི་མན་ངག་གི་ཡི་གེའི་ཐོ། དེ་ལས་བྱུང་བའི་གདམས་སྐོར་ལ། ཏ་ཐཱ་ག་ཏ་རཀྵི་ཏ་ནས་བརྒྱུད་པ། རི་སུལ་གྱི་རྣལ་འབྱོར་མ་ནས་བརྒྱུད་པ་གཉིས། དང་པོ་ལ། ཏ་ཐཱ་ག་ཏ་རཀྵི་ཏས་མཛད་པའི་ཞལ་བཞི་པའི་དམ་ཚིག་དངོས་གྲུབ་བསྒྲུབ་པའི་ཐབས་པཎྜི་ཏ་དེ་ཉིད་དང་ལོ་ཙཱ་བ་གཉན་གྱིས་བསྒྱུར་བ། འགོར་རྒྱ་གར་གྱི་ཡུལ་དུ་ཆུ་བོ་
གངྒཱ་དང་ཞེས་སོགས་ལོ་རྒྱུས་ཡོད་པའི་གོང་གི་ལག་ལེན་བསྙེན་སྒྲུབ་ལས་གསུམ་གྱི་ཡི་གེ་བླ་མ་གཉན་གྱིས་མཛད་པ་ཟླ་བ་གཅིག་གིས་ལས་རྣམས་འགྲུབ་བོའི་མཐའ་ཅན། གཉིས་པ་རི་སུལ་གྱི་རྣལ་འབྱོར་ནས་བརྒྱུད་པ་ལ། རྩ་བའི་གཞུང་དེ་ལ་བརྟེན་པའི་མན་ངག་སྟེ་གཉིས། དང་པོ་ནི། སྒྲུབ་ཐབས་མཆན་བཤད། ཚར་ལུགས་བེའུ་བུམ་གྱི་ཡང་ངོའི་བརྒྱད་དང་ཞེས་པ་མན་མི་འདུག །མ་ཧཱ་ཀཱ་ལའི་སྔགས་ཀྱི་གནད་ཅེས་པ་ས་ཚར་ལུགས་བེའུ་བུམ་ན་མེད། གཅོད་ཀྱི་ཡི་གེ་ལས་ལ་བསྐུལ་བའི་སྔགས་ཡིན་ནོ་ས་མ་པ་ཐ་མི་ཐིའི་མཐའ་ཅན་ཞར་བྱུང་མནྡྲ་མ་ནུ་སོགས་ཀྱི་སྔགས་ཡོད་པ། རྡོ་རྗེ་ནག་པོ་ཆེན་པོའི་སྔགས་ཀྱི་ཐེམས་ཡིག་བསྟན་པ། མཆོད་པའི་དེ་ཁོ་ན་ཉིད་བསྟན་པ་ནིར་ཡ་ཕུ་ལན་བཙན་མཆོད་པའི་མན་ངག་ཚར་ལྕགས་གླེགས་བམ་ན་མེ་ཏོག་བཞི་སྦྱོར་གྱི་སྐེད་པར་འདུག་པ་ཟུར་དུ་ཕྱུང་བ་ཡིན་འདུག །གསུང་ངོའི་མཐའ་ཅན། སྔགས་ཀྱི་ཁ་སྐོང་ཆད་འཇུག་བསྟན་ཚར་ལུགས་བེའུ་བུམ་ན་མེད། པ་བྲིས་པ་མེད་དོའི་མཐའ་ཅན་རྣམས། གཉིས་པ་དེ་ལ་བརྟེན་པའི་མན་ངག་ལ། ལོ་རྒྱུས། མཆོད་ཆོག །རྗེས་གནང་། བསྙེན་སྒྲུབ་ལས་གསུམ་མན་ངག་ཕྲན་ཚེགས་དང་ལྔ། དང་པོ་ནི། འགོར་ཨོཾ་སྭ་སྟི་སིདྡྷཾ་དཔལ་གསང་བ་འདུས་པ་ལ་ཕྱག་འཚལ་ལོ་གདམས་ངག་འདིའི་ལོ་རྒྱུས་ནི་བླ་མ་བེན་ཏ་པ་ཞེས་ཡོད་པའི་བླ་མ་གཉན་གྱིས་ཆོས་སྐྱོང་བཙལ་བའི་ལོ་རྒྱུས་གདོང་བཞི་པའི་ནུས་པ་ཡིན་གསུང་བའི་མཐའ་ཅན་ཞར་བྱུང་གཉན་ལ་ཕུར་པ་དར་གྱིས་ཞུས་ཚུལ་དང་བཅས་པ། གཉིས་པ་མཆོད་ཆོག་ལ། རྒྱུན་དུ་མཆོད་པ་གཏོར་མའི་ཆོ་ག་ཁྱད་པར་དུ་མཆོད་པ་སྐོང་གི་ཆོ་ག་དང་གཉིས། དང་པོ་ལ། འགོར་ན་མོ་ཏཱ་ར་དཔལ་མགོན་པོ་གདོང་བཞི་བའི་མགོན་པོ་མཆོད་པ་ནི་ཞེས་ཡོད་པའི་མཆོད་གཏོར་གཉན་
གྱིས་ཉེ་གནས་དར་མ་སེང་གེ་ལ་བྱིན་པ་རྫོགས་སོའི་མཐའ་ཅན། དེའི་ཁ་སྐོང་འགོར་འདི་སྒྲུབ་པའི་གང་ཟག་དེས་ཞེས་ཡོད་པའི་རྡོ་རང་བྱུང་གྲུ་གསུམ་སོགས་འགོད་ཚུལ་དགེ་སློང་གཉན་གྱི་གདམས་ངག་གོའི་མཐའ་ཅན། འགོར་ན་མོ་གུ་རུ་ཡི་དམ་གང་བྱེད་དུ་བསམ་ལ་ཞེས་ཡོད་པའི་གཙོ་འཁོར་གསུམ་པའི་སྒྲུབ་༼མ༽ཐབས་གཉན་གྱི་མན་ངག་དྷརྨ་པཱ་ལ་ཨུ་པ་དེ་ཤ་འི་སུ་རུང་རུང་ལ་མི་སྟོན་ནོའི་མཐའ་ཅན། འགོར་ཨོཾ་སྭ་སྟི་སིདྡྷཾ་བླ་མ་དམ་པ་རྣམས་ལ་ཕྱག་འཚལ་ལོ་དཔལ་མགོན་པོ་གདོང་བཞི་པ་ཡབ་ཡུམ་གྱི་མཆོད་གཏོར་ཞེས་ཡོད་པའི་གནམ་ཁའུ་པས་མཛད་པའི་སྒྲུབ་པའི་ལས་ཁྲིགས་ཞལ་གཟིགས་ནས་བསྟོད་པ་འོའི་མཐའ་ཅན། འགོར་བླ་མ་དམ་པའི་ཞབས་ལ་གུས་པས་ཕྱག་འཚལ་ལོ་འདི་སྒྲུབ་པར་འདོད་པས་བྱང་ཆུབ་ཀྱི་སེམས་ཞེས་ཡོད་པའི་ས་ཆེན་གྱིས་མཛད་པའི་སྒྲུབ་ཐབས་འཕྲིན་ལས་བཅོལ་གསུང་ངོའི་མཐའ་ཅན། ས་པཎ་གྱིས་མཛད་པའི་བསྟོད་པ་དཔལ་ལྡན་དབང་ལྡན་མ། འཕགས་པ་རིན་པོ་ཆེས་མཛད་པའི་བསྟོད་པ་སངས་རྒྱས་གཅིག་བསྡུས་མ། སྔགས་འཆང་གཟུངས་པས་མཛད་པའི་བསྟོད་པ་སྐུ་གསུམ་མངོན་གྱུར་མ། དམོད་བསྐུལ་ཡོན་ཏན་རྫོགས་མ། ངོར་ལུགས་དང་མཐུན་ཚར་ལུགས་ལ་དབུའི་མཆོད་བརྗོད་ཤླཽ་ཀ་གསུམ་དང་ཚིག་གཅིག་པོ་དེ་མེད། གཟུངས་པས་བསྟོད་པའི་ཐུན་གསུམ་མ། ཟུར་ཤཱཀྱ་དཔལ་གྱིས་བསྟོད་པའི་རབ་འཇིགས་དུར་ཁྲོད་མ་རྣམས། གཉིས་པ་ཁྱད་པར་དུ་མཆོད་པ་སྐོང་གི་ཆོ་ག་ལ། མ་ཧཱ་ཀཱ་ལའི་རྟེན་གཟུགས་པའི་མན་ངག་ཅེས་པ་སྤྱན་འདྲེན་ལྷ་མཆོག་མ། ཚར་ལུགས་དང་གོང་དཀར་ལུགས་གཉིས་ཀ་ལས་ཉུང་བ་འདུག་པ་ཡིག་རྙིང་སོར་བཞག་ཏུ་མངོན། བསྐང་གསོ་
ཁྱེད་མཐུན་མ། སྟོབས་ཆེན་ཤུགས་དྲག་མ་དང་བཅས་པ། མགོན་པོས་ཞལ་གཟིགས་ནས་གནམ་ཁའུ་པར་གནང་བའི་མདོས་ཆོག །འགོར་བླ་མ་རིན་པོ་ཆེ་ལ་ཕྱག་འཚལ་ལོ་རི་རབ་བང་རིམ་བཞི་བྱེད་པའི་ལུགས་ལ་ཞེས་ཡོད་པའི་མདོས་ཤོམ་རྒྱས་ཚར་ལུགས་བེའུ་བུམ་ན་མེད། པ་ཆོས་རྗེ་ཨཱ་ནནྟ་མ་ཏིས་མཛད་པ་ཤིན་ཏུ་གསང་བ་གལ་ཆེ་འོའི་མཐའ་ཅན། གསུམ་པ་རྗེས་གནང་ལ། འགོར་ཨོཾ་སྭ་སྟི་ནག་པོ་ཆེན་པོའི་ལུང་སྦྱིན་པ་ནི་འབྱོར་ན་ཚོགས་ཀྱི་འཁོར་ལོ་ཞེས་ཡོད་པའི་རྗེས་གནང་གི་ཡི་གེ་གཉན་གྱིས་མཛད་པ། གདམས་པ་འོའི་མཐའ་ཅན། འགོར་ཏཱ་ར་ན་མོ་འདིའི་རྗེས་གནང་ལ་དོན་གསུམ་སྟེ་ཞེས་ཡོད་པའི་རྗེས་གནང་གི་ཡི་ཚར་ལུགས་བེའུ་བུམ་ལ་མཆན་ཡོད་པ་འདིར་འདུག །གེ་རྗེ་བཙུན་ཆེན་པོས་མཛད་པ་སྦྱར་བ་ཡིན་ནོའི་མཐའ་ཅན། འགོར་ཨོཾ་སྭསྟི་སིདྡྷཾ་སྐུ་གསུམ་མངོན་གྱུར་རྡོ་རྗེ་འཆང་དབང་དང་ཞེས་ཡོད་པའི་རྗེས་གནང་གི་ཡི་ཚར་ལུགས་བེའུ་བུམ་ན་མེད། གེ་སློབ་དཔོན་དཔལ་ལྡན་ཆོས་སྐྱོང་གིས་བསྐུལ་བ་ལ་བརྟེན་ནས་ཨ་ནནྟ་མ་ཏི་དྷྭ་ཛ་ཤྲཱི་བྷ་དྲས་དཔལ་ངམ་རིང་རྩེར་བྲིས་པ་རྣམས། རྩ་བའི་བཞི་པ་བསྙེན་སྒྲུབ་ལས་གསུམ་ལ། བསྙེན་སྒྲུབ་ལས་གསུམ་གྱི་མན་ངག་དངོས། དེའི་གསལ་བྱེད་ཀྱི་ཡི་གེ་ཕྲ་མོ་དང་གཉིས། དང་པོ་ལ། ཡབ་ཡུམ་སྦྲགས་མའི་བསྙེན་བསྒྲུབ་ལས་གསུམ་དང་། ཡུམ་གྱི་བསྙེན་སྒྲུབ་ལས་གསུམ་སྟེ་གཉིས། དང་པོ་ལ། འགོར་མ་ཧཱ་ཀཱ་ལའི་མན་ངག་ལ་བསྙེན་སྒྲུབ་གཉིས་ཞེས་ཡོད་པའི་གཙོ་འཁོར་གསུམ་ལ་བརྟེན་པའི་བསྙེན་བསྒྲུབ་མནན་གསུམ་གྱི་མན་ངག་གཉན་གྱིས་མཛད་པ་གསོད་ན་ཀླུ་གནས་སར་སྦའོའི་མཐའ་ཅན། འགོར་མ་ཧཱ་ལ་ཙ་ཏུརྨུ་ཁ་ཨུ་པ་དེ་ཤ་ཞེས་ཡོད་པའི་གཙོ་འཁོར་གསུམ་ལྔ་གཉིས་གའི་བསྙེན་བསྒྲུབ་ལས་
གསུམ་ཚར་ལུགས་ལ་ས་ཆེན་གྱིས་མཛད་པར་བཞད། གྱི་ཡི་གེ་དེའི་སྙིང་གར་བསྣུན་པར་བྱའོའི་མཐའ་ཅན། དེའི་གསལ་བྱེད་འགོར་ཨོཾ་སྭསྟི་སིདྡྷཾ་རྡོ་བ་ནག་པོ་མི་གཅིག་གི་ཐེག་མི་ཐེག་གཅིག་ཅེས་ཡོད་པའི་ཡི་གེ་༼མ༽རྙིང་པ་ཚར་ལུགས་བེའུ་བུམ་ན་མེད། མན་ངག་དམ་པའོའི་མཐའ་ཅན། མགོན་པོ་སྒྲུབ་དུས་ཀྱི་ལས་ཁྲིགས་རྩད་ནས་ཆོད་ཅེས་བརྗོད་དོའི་མཐའ་ཅན། དེ་གཉིས་གའི་གསལ་བྱེད་འགོར་བླ་མ་དང་མགོན་པོ་ནག་པོ་ཆེན་པོ་ལ་ཕྱག་འཚལ་ལོ་མགོན་པོ་སྒྲུབ་དུས་ཀྱི་ལས་ཁྲིགས་ལ་གསུམ་ཞེས་ཡོད་པའི་བསྙེན་སྒྲུབ་ལས་གསུམ་གྱི་ལས་ཁྲིགས་ཆེན་མོ་ཚར་ལུགས་ལ་འདི་གཟུངས་པས་མཛད་པར་བཞེད། ཤི་བ་ལ་སོགས་པའི་ལས་ངེས་པར་འགྲུབ་པོ་ས་མ་པ་ཐ་མིའི་མཐའ་ཅན། འགོར་བླ་མ་དམ་པའི་ཞབས་ལ་ཕྱག་འཚལ་ལོ་དཔལ་ལྡན་མགོན་པོ་གདོང་བཞི་པ་བསྙེན་ཅིང་སྒྲུབ་པར་འདོད་པས་ཞེས་ཡོད་པའི་བསྙེན་སྒྲུབ་ལས་གསུམ་གྱི་ལས་ཁྲིགས་ནག་པོ་འགྲོ་ཤེས་སུ་གྲགས་ཚར་ལུགས་དགའ་ལྡན་པ་ཀུན་བསོད་ཀྱིས་མཛད་པར་བཞེད། པ་སྔགས་འཆང་གཟུངས་ཀྱི་དཔལ་བས་མཛད་པ་སྒྲུབ་པ་དང་ལས་སྦྱོར་གྱི་ཡིག་ཆུང་མ་སྤེལ་གསང་བར་བྱའོའི་མཐའ་ཅན་རྣམས། གཉིས་པ་ཡུམ་གྱི་བསྙེན་སྒྲུབ་ལས་གསུམ་ནི། འགོར་ན་མོ་གུ་རུ་བླ་མ་གཉན་གྱི་མན་ངག་ཆིག་བརྒྱུད་མ་ཞེས་ཡོད་པའི་ཡུམ་སྲིན་མོ་ལས་མཁན་གྱི་སྒྲུབ་ཐབས་༼མ༽དམ་ཚིག་མེད་པ་ལ་གསང་བར་བྱའོ་མཐའ་ཅན། གཉིས་པ་དེའི་གསལ་བྱེད་ཀྱི་ཡི་གེ་ཕྲ་མོ་ལ། ཐུན་མོང་དུ་གསལ་བྱེད་དང་། སོ་སོར་གསལ་བྱེད་གཉིས། དང་པོ་ལ། འགོར་ཨོཾ་སྭསྟི་ཞལ་གྱི་གདམས་པ་འདི་ལ་ཞེས་ཡོད་པའི་གཉན་གྱི་གདམས་པ་དོན་དྲུག་པ་སྐད་ངན་ཙེར་གྱིས་འོང་ངོའི་མཐའ་ཅན།
འགོར་དཔལ་ལྡན་རྡོ་རྗེ་འཆང་གི་ཞབས་ལ་ཕྱག་འཚལ་ལོ་སྒྲུབ་པ་པོ་ལ་ཞལ་བཞི་པའི་མགོན་པོ་འགོ་བར་འདོད་པས་ཞེས་ཡོད་པའི་ཞལ་གདམས་དོན་ལྔ་མ་བཞི་ལས་མང་བ་ལ་མི་སྤེལ་བའི་བཀའ་རྒྱ་ཡོད་དོའི་མཐའ་ཅན། འདིའི་ཁྱད་པར་གྱི་དམ་ཚིག་ཡི་གེ་གསང་བར་བྱ་བ་རྣམས་ཡིན་ནོའི་མཐའ་ཅན། འགོར་ཏཱ་ར་ན་མོ་མགོན་པོ་ལ་ཕ་ལྟར་བཀུར་ཞེས་ཡོད་པའི་ཆོས་སྐྱོང་བསྟེན་ཐབས་གནད་ཡིན་ནོའི་མཐའ་ཅན། འགོར་བླ་མ་གཉན་ལོའི་ཞལ་གདམས་ཞེས་ཡོད་པའི་གཏོར་མ་བཅའ་ཐབས་རྒྱུན་གྱི་ཐུན་འཚམས་སའི་མཐའ་ཅན། འགོར་ཡར་ངོའི་བརྒྱད་དང་ཞེས་ཡོད་པའི་གཏོར་མ་གཏོང་ཐབས་ནང་པར་གཏང་ངོའི་མཐའ་ཅན་རྣམས། གཉིས་པ་སོ་སོར་གསལ་བྱེད་ལ། འགོར་ཏཱ་ར་ན་མོ་མ་ཧཱ་ཀཱ་ལའི་རྟེན་བཅའ་བ་ནི་ཕྱི་རྟེན་དུ་གཡག་ནག་ཅེས་ཡོད་པའི་རྟེན་གྱི་མན་ངག་ཅེས་བྱ་བ་ཕྱི་ནང་གསང་གསུམ་དེ་ཁོ་ན་ཉིད་ཀྱི་རྟེན་བཅའ་ཚུལ་གཉན་གྱིས་མཛད་པ་སུ་ཐོད་ཐོད་ལ་བསྟན་པར་མི་བྱའོ་མཐའ་ཅན། འགོར་མ་ཧཱ་ཀཱ་ལའི་རྟེན་བཅའ་ཐབས་རྡོ་ནག་པོ་ཞེས་ཡོད་པའི་ནང་རྟེན་གྱི་གསལ་བྱེད་བཅུ་བཞི་ལ་མ་ཆག་པ་གོང་བཞིན་ནོའི་མཐའ་ཅན། འགོར་གཏུམ་པོ་རང་བསྲུང་གི་འཁོར་ལོ་དང་ཞེས་ཡོད་པའི་གསང་རྟེན་གྱི་གསལ་བྱེད་གསེར་སྲང་བཞི་ཕུལ་ཅེས་གྲགས་སོའི་མཐའ་ཅན། འགོར་རྟེན་བཅའ་ཐབས་ལ་གྲི་སྙིང་འཁོར་ལོ་ཞེས་ཡོད་པའི་ཡི་གེ་འགོར་འདིའི་གནད་ལ་བླ་མ་ཆོས་རྗེ་ཞེས་ཡོད་པའི་རྟེན་བཅའ་ཐབས་ཀྱི་གནད་ཀྱི་གསལ་བྱེད་མཐོལ་ལོ་བཤགས་ཀྱི་མཐའ་ཅན། འགོར་བསྲུང་འཁོར་ལ་མུ་ཁྱུད་ཅེས་ཡོད་པའི་སྔགས་འདྲི་ལུགས་ཨུ་པ་དེ་ཤ་འོའི་མཐའ་ཅན། སྔགས་རིང་གི་བར་བར་དུ་འདྲི་ལུགས་ཡོད་པའི་
བསྲུང་འཁོར་གྱི་སྔགས་བྱང་གཡས་བསྐོར་དུ་འདྲིའི་མཐའ་ཅན། འགོར་ཆོས་སྐྱོང་གི་གནད་ཀྱི་ཡིག་ཆུང་ཞེས་ཡོད་པའི་བསྙེན་སྒྲུབ་ལས་གསུམ་གྱི་ཞལ་ཕྱག་གི་ཁྱད་པར་སྟོན་པ་རྣམ་སྨིན་ཆེ་གསུང་ངོའི་མཐའ་ཅན། འགོར་རྟེན་གྱི་མདུན་དུ་ཞེས་པའི་འབུལ་རྫས་ཤ་ཚིལ་ལ་སོགས་པ་འོའི་མཐའ་ཅན། འགོར་ཏཱ་ར་ན་མོ་ལུང་རྗེས་སུ་ནོད་པའི་པུཥྤེ་ཞེས་ཡོད་པའི་མེ་ཏོག་བཞི་སྦྱོར་རྙིང་པའི་པུཥྤེ་འོའི་མཐའ་ཅན། འགོར་བཟླས་ལུང་གི་མེ་ཏོག་ཅེས་ཡོད་པའི་མེ་ཏོག་བཞི་སྦྱོར་གྱི་མན་ངག་འི་མཐའ་ཅན། འགོར་མཆོད་པའི་སྤོས་སྦྱོར་གྱི་ཆོ་ག་ཞེས་ཡོད་པའི་ཡི་གེ་ལུས་སྦྲིད་པ་ལ་སོགས་འབྱུང་ངོའི་མཐའ་ཅན། འགོར་བླ་མ་དམ་པ་རྣམས་ལ་ཕྱག་འཚལ་ལོ་དཔལ་མགོན་གདོང་བཞི་བའི་བསྙེན་སྒྲུབ་ཅེས་ཡོད་པའི་ཐུན་མོང་གི་བསྙེན་སྒྲུབ་ཚར་ལུགས་འཕགས་པས་མཛད་པར་བཞེད། གུར་ལས་གསུངས་སོའི་མཐའ་ཅན། ཐུན་མོང་མ་ཡིན་པའི་བསྙེན་པ་རིག་པ་འཛིན་པ་འཕགས་པས་གསང་སྒྲུབ་ཏུ་མཛད་པ། འགོར་སྔགས་ཀྱི་གནད་ནི་བསྙེན་སྔགས་ཞེས་ཡོད་པའི་ཡི་གེ་དག་པར་བཟླས་སོའི་མཐའ་ཅན། འགོར་རྗེ་བཙུན་གྱི་ཞལ་ནས་ཞེས་ཡོད་པའི་སྒྲུབ་པའི་མན་ངག་མི་བཏུབ་གསུང་ངོ་ས་མ་པ་ཐ་མིའི་མཐའ་ཅན། ཚར་ལུགས་ལ་འདི་གཉིས་ཆོས་ཚན་གཅིག་ཏུ་མཛད། འགོར་དུས་རྟག་ཏུ་བསྙེན་པ་བྱ་ཞེས་ཡོད་པའི་གློ་བུར་ལས་བཅོལ་གྱི་མན་ངག་མི་འགྲུབ་མི་སྲིད་དོའི་མཐའ་ཅན། འགོར་ལས་སྦྱོར་ལིང་ག་ལ་ཐུན་རྣམས་ཞེ་སྡང་ཞེས་ཡོད་པའི་བསྙེན་བསྒྲུབ་ལས་གསུམ་གྱི་རྟགས་མཚན་དམོད་མོ་བརྗོད་དོའི་མཐའ་ཅན། གཏོར་མའི་བཀྲ་བརྟག་བྱ་རོག་མི་འཁོར་ཞེས་ཡོད་པའི་ཚིག་རྐང་དྲུག་པ། འགོར་རྩ་བའི་འཁོར་ལོ་ནི་རྩིབས་དྲུག་ཅེས་ཡོད་པའི་འཁོར་ལོའི་བྲི་ཐབས་
སྡིག་པའི་ས་བོན་བྱེད་པས་གསུང་ངོའི་མཐའ་ཅན། འགོར་མན་ངག་འདིའི་བསྲུང་འཁོར་འདྲི་བར་འདོད་ན་ཞེས་ཡོད་པའི་ཡི་འདི་དཀར་ཆག་ན་མི་གསལ་པ་གོང་གི་འཕྲོས་ཡིན་ནམ་སྙམ། གེ་ངེས་པར་འགྲུབ་གསུང་པའི་མཐའ་ཅན། ས་ཡི་ཡཾ་སོགས་འཁོར་ལོའི་སྔགས་བྲི་གསུང་ངོའི་མཐའ་ཅན། འགོར་འཁོར་ལོའི་སྐབས་སུ་རྩིབས་དྲུག་ཅེས་ཡོད་པའི་འཁོར་ལོའི་མན་ངག་རྫོགས་པར་འབྲིི་གསུང་ངོའི་མཐའ་ཅན། འགོར་ཐུན་མོང་མ་ཡིན་པའི་གདམས་པ་ཞེས་ཡོད་པའི་ཞལ་གདམས་ཐུན་བརྡེག་གོའི་མཐའ་ཅན། འགོར་ལིང་ག་ནི་འཁོར་ལོ་ཅན་ཞེས་ཡོད་པའི་འཁོར་ལོ་དང་ལིང་གའི་ཞལ་གདམས་མི་སྤེལ་གསང་བར་བྱའོའི་མཐའ་ཅན། འགོར་ཏཱ་ར་ན་མོ་བསྙེན་བསྒྲུབ་གཉིས་ལ་མ་ར་ཡའི་མཐའ་མེད་ཅེས་ཡོད་པའི་ཡང་གསང་ཐུགས་ཀྱི་ཉིང་ཁུ་ལིང་ག་ལའོའི་མཐའ་ཅན། ཁ་སྦྱོར་དབྱེ་བའི་མན་ངག་འདི་ནི་རབ་ཏུ་གསང་ངོའི་མཐའ་ཅན། འགོར་ལས་སྦྱོར་གྱི་ཚེ་ཞེས་ཡོད་པའི་དམོད་པ་ལས་སྦྱོར་བཅུག་ལ་བྱ་འོའི་མཐའ་ཅན། མངོན་སྤྱོད་གསང་ལས་སྒྲུབ་པའི་ཡི་གེ་གསང་སྔགས་རྣམ་པ་གཅིག་པས་ཟབ་བོའི་མཐའ་ཅན། ནག་པོ་ཆེན་པོའི་སྒོང་ཟོར་གྱི་ཡི་གེ་ལས་ཀྱི་མཐར་ཐུག་བླ་མ་གཉན་གྱི་མན་ངག་འི་མཐའ་ཅན། འཕང་བ་ཁྱུ་མཆོག་ཟོར་གྱི་ལས་འབྲིང་ཡིན་ནོ་གཉན་གྱི་ཨུ་པ་དེ་ཤའི་མཐའ་ཅན། འགོར་ལས་མཐའི་སྦྱིན་སྲེག་བྱེད་པར་འདོད་པས་འབྲུབ་ཁུང་ཁྲུ་གང་པ་བརྩིགས་ཞེས་ཡོད་པའི་ཡི་གེ་སྦྱིན་སྲེག་གི་ཆོ་ག་འི་མཐའ་ཅན། འགོར་ལས་མི་བྱེད་ན་ཞེས་ཡོད་པའི་ཤི་ས་བསྟན་པ་གར་ཐོད་ཐོད་དུ་མི་རུང་ངོ་གསང་ངོའི་མཐའ་ཅན། འགོར་མ་ཧཱ་ཀཱ་ལ་ལ་ན་མོ་དང་པོར་ཆོས་ཐམས་ཅད་ཅེས་ཡོད་པའི་བདག་བསྐྱེད་ཀྱི་ཡི་གེ་ཨཀྵོ་བྷྱས་དབུ་བརྒྱན་ནོའི་
མཐའ་ཅན། འགོར་བདག་ཉིད་ཡེ་ཤེས་ཀྱི་མགོན་པོ་ཞེས་པའི་རྩ་དབུ་མའི་མན་ངག་རྩུབ་པས་ཚོད་བླང་གིན་བྱའོ་གར་ཐོད་ཐོད་བུ་མི་བྱ་གདམས་ངག་ཡིན་ནོའི་མཐའ་ཅན། འགོར་རང་ཡི་དམ་གྱི་ང་རྒྱལ་དང་ལྡན་པས་ཞེས་ཡོད་པའི་ལྷ་མོ་ནག་མོའི་ཞལ་གདམས་ཤོག་༼མ༽དྲིལ་བཀའ་རྒྱ་མའི་མན་ངག་གོའི་མཐའ་ཅན་རྣམས། ལྔ་བ་མན་ངག་ཕྲན་ཚེགས་ལ། འགོར་སྲིའུ་གསོ་ན་ཁམས་ཕོར་ཞེས་ཡོད་པའི་ཡི་གེ་ཆུང་བ་མན་ངག་གོའི་མཐའ་ཅན། འགོར་འདིའི་ཐུན་མོང་མ་ཡིན་པའི་ཞེས་ཡོད་པའི་སྲིའུ་གསོ་བའི་གདམས་པ་ཆེ་བ་བྲམ་ཟེ་ཁ་སྤུ་ཅན་གྱི་མན་ངག །འགོར་ཏཱ་ར་ན་མོ་ནག་པོ་ཆེན་པོ་ཞེས་ཡོད་པའི་ལས་རྒྱས་པ་ཡིད་བཞིན་ནོར་བུའི་མན་ངག་ཀུན་ལ་ཁ་ལོ་སྒྱུར་བ་ཡོང་གི་མཐའ་ཅན། འགོར་ཁམས་གསུམ་དབང་དུ་སྡུད་པ་ཞེས་ཡོད་པའི་གྲི་ལག་དབང་གི་ལས་ཤིན་ཏུ་ཟབ་པའི་མཐའ་ཅན། ནག་པོ་ཆེན་པོས་བསྒྲུབ་བྱ་དབང་དུ་བྱ་ཐབས་རྫས་སྐད་ཤན་སྦྱར་བ་ངེས་པར་འོང་ངོའི་མཐའ་ཅན། འཁོན་ནག་ཟས་སུ་ཟ་བའི་གདམས་པ་སློབ་དཔོན་པདྨ་འབྱུང་གནས་ཀྱིས་མཛད་པ། འགོར་ཤྲཱི་མ་ཧཱ་ཀཱ་ལ་ཙ་ཏུ་རྨུ་ཁ་ཡེ་ཞིང་སྐྱོང་འདིའི་སྒོ་ནས་ཞེས་ཡོད་པའི་ལྟས་ངན་གཏོང་བ་ཆིག་བརྒྱུད་མ་གཏོགས་བཀའ་རྒྱ་མའོ་ཤིན་ཏུ་གཉན་ནོའི་མཐའ་ཅན། བྱ་འུག་རྟ་ནག་གི་སྙིང་དང་ཕག་ཐོད་ལ་བརྟེན་ནས་ལྟས་ངན་གཏོང་བ། འགོར་ཏྭ་ར་ན་མོ་གྲོང་ཁྱེར་བསྐྱོད་པའི་སྔགས་ལ་ཞེས་ཡོད་པའི་བསྐྲད་པའི་ལས་མཐར་ཐུག་གོའི་མཐའ་ཅན། དེའི་ཞལ་ཤེས་དམིགས་པའི་འཁོར་ལོ་དྲི་མར་བཅས་སོགས་ཚིག་རྐང་དྲུག་མ། དེའི་འཕྲོས་ལས་ཞལ་ཤེས་འཁོར་དུ་མི་གཞུག་གོའི་མཐའ་ཅན། ངག་མནན་པའི་ལས་མཐར་ཐུག་པ་གཉན་གྱི་གདམས་ངག་འི་མཐའ་ཅན། མ་ཧཱ་བ་ལ་ལ་བརྟེན་
ནས་འདྲེ་གནོན་པ་བཙན་ཐབས་སུ་མནན་པའི་མན་ངག་འི་མཐའ་ཅན། གཏུམ་པོའི་ཤྭ་ཟློག་ལྔའི་བར་གྱིས་བཟློག་གོའི་མཐའ་ཅན། མགོན་པོ་ལ་རང་དང་སློབ་མ་དང་རྫས་དང་ཡོ་བྱད་སོགས་གཏོད་པ་གསོལ་བ་གདབ་བོའི་མཐའ་ཅན། གཙུག་ལག་ཁང་གཏོད་པ་རྒྱས་པར་བྱ་འོའི་མཐའ་ཅན། དེའི་ལག་ལེན་གསལ་བྱེད་གཙུག་ལག་ཁང་གི་རྟེན་ཞེས་ཡོད་པའི་ཡི་གེ་ཆོ་ག་འོའི་མཐའ་ཅན། གནས་དང་མལ་ཆ་ནོར་རྫས་བསྲུང་བ་ཆོ་ག་འོའི་མཐའ་ཅན། མགོན་པོའི་གསང་བ་བྱེད་པ་འདི་དཀར་ཆག་ན་མི་གསལ། མཚན་མ་མ་བྱུང་གི་བར་དུ་བྱ་འོ་གསང་བའི་ཆོ་ག་འོའི་མཐའ་ཅན། འགོར་འདིའི་དམ་ཚིག་གསོ་བ་ནི་རང་ལྷག་པའི་ལྷའི་ཞེས་ཡོད་པའི་ཡི་གེ་བླ་མ་གནམ་ཁའུ་བ་གསུང་གི་མཐའ་ཅན། འགོར་དཔལ་མ་ཧཱ་ཀཱ་ལ་ལ་ཕྱག་འཚལ་ལོ་ཉམས་ཆགས་སམ་འཆི་ལྟས་བྱུང་བའམ་ཞེས་ཡོད་པའི་གཏོར་སྐྱོང་གི་ཡི་གེ་བསྐང་བཤགས་ཆོ་ག་འོའི་མཐའ་ཅན། སྤྱོད་ལམ་དབང་དུ་བྱ་བའི་ཆོ་ག་རྫོགས་སོའི་མཐའ་ཅན་དང་བཅས་པ་རྣམས་ལེགས་པར་ཐོབ་པའི་རྗེས་གནང་གི་བརྒྱུད་པ་ནི། རྡོ་རྗེ་འཆང་འཕགས་མཆོག་ཀླུ་སྒྲུབ་ཞབས། བ་ལིཾ་ཏ་པ། སངས་རྒྱས་ཡེ་ཤེས་ཞབས། མར་མེ་མཛད་བཟང་པོ། དཔལ་བདེ་བ་དྲི་མེད་སྦས་པ། རིན་ཆེན་རྡོ་རྗེ། རིན་ཆེན་གྲགས་པ། རི་སུལ་གྱི་རྣལ་འབྱོར་མ། བླ་ཆེན་གཉན། གནམ་ཁའུ་པ་དར་མ་རྒྱལ་མཚན། རྗེ་བཙུན་ས་ཆེན། སློབ་དཔོན་རྩེ་མོ། རྗེ་བཙུན་གྲགས་པ། ཆོས་རྗེ་པཎ་ཆེན། འཕགས་པ་རིན་པོ་ཆེ། ཞང་སྟོན་དཀོན་མཆོག་དཔལ། གྲུབ་ཆེན་བྲག་ཕུག་པ། དཔལ་ལྡན་བླ་མ་དམ་པ། སྔགས་འཆང་གཟུངས་ཀྱི་དཔལ་པ། ཆོས་རྗེ་དགེ་ལེགས་བཟང་པོ། ཆོས་རྗེ་ཨཱ་ནནྟ་མ་ཏི། མུས་སྲད་པ་རྡོ་རྗེ་རྒྱལ་མཚན། རྒྱུད་གསུམ་སྨྲ་བ་ཤེས་རབ་རིན་ཆེན། ཚར་
ཆེན་རྡོ་རྗེ་འཆང་། ཀུན་མཁྱེན་མཁྱེན་བརྩེའི་དབང་ཕྱུག །ཡབ་སྲས་གཉིས་ཀ་ལ་མཁན་ཆེན་བསླབ་གསུམ་དང་རིན་པོ་ཆེ་རྟ་ར་བ་གཉིས་གས་གསན། ཡབ་སྲས་བཞི་ག་ལ་རྡོ་རྗེ་འཆང་དབང་ཕྱུག་རབ་བརྟན། དེ་ནས་ཁྱབ་བདག་མགོན་པོ་བསོད་ནམས་མཆོག་ལྡན། ཟུར་རྩ་བའི་བླ་མ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལའོ། །ལུང་ཡོངས་རྫོགས་ཀྱི་བརྒྱུད་པ་ནི། འཇམ་དབྱངས་མཁྱེན་བརྩེ་ནས། མཐུ་ཆེན་བསོད་ནམས་ཆོས་འཕེལ། ཁྱབ་བདག་དབང་ཕྱུག་རབ་བརྟན། ས་སྐྱ་ཁྲི་ཆེན་ཀུན་དགའ་བསོད་ནམས། དེ་སྲས་འཁོན་བསོད་ནམས་དབང་ཕྱུག །རྡོ་རྗེ་འཆང་རིན་ཆེན་བསོད་ནམས་མཆོག་གྲུབ། དེས་བདག་ལའོ། །མའི་རྟགས་ཡོད་པ་རྣམས་མ་གཏོགས་པའི་ལུང་བརྒྱུད་ལུགས་གཅིག་ནི། རྡོ་རྗེ་འཆང་དབང་ཕྱུག་བརྟན་ནས། ལོ་པ་སྤྱན་ལྔ་ཀུན་དགའ་དོན་གྲུབ། ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག །ཁྱབ་བདག་ཞ་ལུ་པ་མན་འདྲ། གཉན་ལོ་ཙཱ་བ་དར་མ་གྲགས་ཀྱིས་རྒྱ་གར་ནས་བསྟན་སྲུངས་བརྒྱ་རྩ་ཙམ་གདན་དྲངས་པའི་ནང་ནས། གཙོ་བོར་གྱུར་པ་སྟོབས་འཕྲོག་ནག་པོ་གདོང་བཞི་པའི་བཀའ་སྡོད་བཤན་པ་དམར་ནག་གཉིས་སུ་གྲགས་པའི་ཤིན་ཏུ་མྱུར་བ་ཤུ་ཀྲ་ནག་པོའི་སྐོར་ནི་ཚར་ཆེན་ཆོས་ཀྱི་རྒྱལ་པོས་རོང་ཤམྦྷ་ར་ཆོས་རྗེ་ཀུན་དགའ་རྒྱལ་མཚན་ལ་གསན་པའི་སྙན་གསན་ཕུལ་ཚུལ་སོགས་ལམ་གླུ་ཆེན་མོར་གསལ་བ་ལྟར་ཡིན་ནའང་དེང་སང་རྒྱུན་བཞུགས་པར་མི་མངོན་ཞིང་། མཐུ་རྩལ་མཆོག་ཏུ་ཆེ་བ་ལས་མཁན་དམར་པོ་གནོད་སྦྱིན་བེག་ཙེ་ལྕམ་དྲལ་གྱི་སྐོར་ལ་ཚར་བ་རྡོ་རྗེ་འཆང་གིས་མཛད་པའི་ཡི་གེའི་སྟེང་ནས་རྗེས་སུ་གནང་བ་སྨིན་རྒྱས་ལན་གཉིས་ལེགས་པར་ནོས་ནས། རྒྱབ་རྟེན་ལུང་ལ།
བཀའ་མའི་སྐོར་དང་གཏེར་མའི་སྐོར་ཏེ་གཉིས། དང་པོ་ལ་སྤྱི་བྱེ་བྲག་གཉིས། དང་པོ་ཡོངས་གྲགས་སྤྱིའི་ཆོས་སྐོར་ལ། ཡིད་ཆེས་པ་ལོ་རྒྱུས། ནུས་ལྡན་དུ་བྱ་བ་རྗེས་གནང་། ཁུངས་བཙུན་པ་རྒྱུད། ཉམས་སུ་བླང་བ་སྒྲུབ་སྐོར། གོང་འོག་ཏུ་ཉེ་བར་མཁོ་བ་གཏོར་མདོས་བསྐང་བ། གཟུངས་དང་ཐུག་ཆེན་བཟུགས་པ། བསྟོད་བསྐུལ། ལས་ཚོགས་དང་བརྒྱད། དང་པོ་ལ། གནོད་སྦྱིན་བཤན་པ་ལྕམ་སྲིང་གི་ཆོས་སྐོར་བྱུང་ཚུལ་བླ་མ་རྣམས་ཀྱི་གསུང་སྒྲོས་ལྟར་གཉག་གི་བནྡེས་ཡི་གེར་བཀོད་པ། འགོར་བླ་མ་རྣམས་ལ་ཕྱག་འཚལ་ལོ། །སྲོག་གི་བཤན་པ་མི་རེང་དམར་པོ་ཞེས་ཡོད་པའི་བརྒྱུད་པའི་ལོ་རྒྱུས་༼རིན༽མན་ངག་ལ་ཡི་གེ་གཅིག་ཀྱང་ཁྱད་མི་འདུག་གོའི་མཐའ་ཅན། འགོར་བཅོམ་ལྡན་འདས་གཤིན་རྗེ་གཤེད་ལ་ཕྱག་འཚལ་ལོ་བཤན་པ་སྒྲོལ་བྱེད་སྲོག་བདག་དམར་པོ་ལོ་རྒྱུས་ནི་ཞེས་ཡོད་པའི་བཤན་༼རིན༽པ་ལྕམ་དྲལ་གྱི་སྐྱེ་རྒྱུས་རྒྱ་བོད་དུ་དར་ཚུལ་གདམས་ངག་གཉན་གྱི་ལུགས་ཆེ་བར་གདའ་འོའི་མཐའ་ཅན་རྣམས། གཉིས་པ་ནུས་ལྡན་དུ་བྱ་བ་རྗེས་གནང་ལ། འགོར་ན་མོ་གུ་རུ་པདྨ་རྟ་མཆོག་དཔལ་ལ་ཕྱག་འཚལ་ལོ་སངས་རྒྱས་བསྟན་པ་བསྲུང་བའི་ཕྱིར་ཞེས་ཡོད་པའི་༼རིན༽རྗེས་གནང་གི་ཡི་གེ་ཀུན་མཁྱེན་དཔལ་ལྡན་སེང་གེའི་གསུང་སྒྲོས་མཇུག་ཏུ་བླ་མ་བརྒྱུད་པ་བཀོད་པ། འགོར་ཧ་ཡ་གྲཱི་ཝ་ལ་ན་མོ་བེག་ཙེ་ལྕམ་དྲལ་གྱི་གཏོར་དབང་ནི་ཞེས་ཡོད་པའི་༼རིན༽སྐུ་གསུང་ཐུགས་ཀྱི་རྗེས་གནང་གི་ཡིག་རྙིང་གཏོར་དབང་ཡིག་ཆུང་འི་མཐའ་ཅན། གནོད་སྦྱིན་དྲེགས་པ་ལྕམ་བྲལ་གྱི་རྗེས་གནང་གི་ཡི་གེར་ཀུན་མཁྱེན་དཔལ་ལྡན་སེང་གེའི་ཐོ་ཡིག་ལས་ཅུང་ཟད་གསལ་བར་རྡོ་རྗེ་འཆང་ཚར་པ་ཆོས་རྗེས་མཛད་པ་འཕྲིན་ལས་ཐམས་ཅད་མྱུར་དུ་སྒྲུབ་པར་མཛད་དུ་གསོལ་གྱི་མཐའ་ཅན་རྣམས། གསུམ་པ་ཁུངས་
བཙུན་པ་བརྒྱུད་ལ། དམར་པོ་ཁྲག་གི་མདའ་འཕེན་མའི་ངན་སྔགས་བཤན་པ་དམར་མོའི་རྒྱུད་༼ཕ༽ལེའུ་དྲུག་པ་དམར་མོ་འཇིག་རྟེན་ཟ་བྱེད་མའི་རྒྱུད་རྫོགས་བྱང་གི་མཐའ་ཅན་རྒྱ་གར་གྱི་མཁན་པོ་ཤྲཱི་དྷ་ར་ཀྲ་ཤུ་དང་བོད་ཀྱི་ལོ་ཙཱ་བ་མར་པས་བོད་ཡུལ་དབུས་ཀྱི་གྲ་ཐང་གི་གཙུག་ལག་ཁང་དུ་བསྒྱུར་བ། འདི་གཉིས་ཕ་བོང་ཁ་པའི་ཕྱག་དཔེར་མཚན་ཞིབ་པར་འདུག་པའི་ལུང་ཡང་བྱུང་། སྲོག་བདག་དམར་པོའི་དྲག་སྔགས་བཤན་པ་སྒྲོལ་བྱེད་ཀྱི་རྒྱུད་༼ཕ༽ལེའུ་ལྔ་པ་ཤྲཱི་དྷ་ར་ཀྲ་ཤུ་དང་མར་པས་གྲ་ཐང་དུ་བསྒྱུར་བའོ། །བཞི་པ་ཉམས་སུ་བླང་བ་བསྒྲུབ་སྐོར་ལ། མོའི་སྒྲུབ་པ་དམར་མོ་ཁྲག་གི་མདའ་འཕེན་མའི་ངན་སྔགས་༼ཕ༽བཤན་པ་དམར་མོའི་སྒྲུབ་ཐབས་ཨཱ་ཙཪྻ་ཉི་མ་གྲགས་ཀྱིས་མཛད་པ་ཤྲཱི་དྷ་ར་ཀྲ་ཤུས་བསྒྱུར་བ། འདི་གཉིས་ཕ་བོང་ཁ་བའི་ཕྱག་དཔེར་མཚན་འདུག་པའང་ནོས། ཕོའི་སྒྲུབ་པ་སྲོག་བདག་དམར་པོའི་དྲག་སྔགས་བཤན་པ་སྒྲོལ་བྱེད་ཀྱི་སྒྲུབ་ཐབས་༼ཕ༽ཨཱ་ཙཪྻ་ཉི་མ་གྲགས་པས་མཛད་པ་ཤྲཱིདྷ་ཀྲ་ཤུ་དང་མར་པས་བསྒྱུར་བ། འགོར་གནོད་སྦྱིན་འདི་ནི་སྐྱེས་བུ་དབང་གི་མདོག་ཅན་ཞེས་ཀྱང་བྱ་ཞེས་ཡོད་པའི་བཤན་པ་དམར་པོའི་སྒྲུབ་ཐབས་༼ཕ༽དགྲ་བོ་དངོས་སུ་སྒྲོལ་བར་འགྱུར་གྱི་མཐའ་ཅན་ཨཱ་ཙཪྻ་ཉི་མ་གྲགས་ཀྱིས་མཛད་པ་ཤྲཱི་དྷཱ་ར་ཀྲ་ཤུས་བསྒྱུར་བ། འདིའི་མཇུག་ཏུ་རྒྱ་གར་བམ་སོ་དམར་པོ་ནས་ཉི་འོད་གྲགས་པས་བཏོན་ཚུལ་དང་དགྲ་ལ་མིག་བལྟས་པ་ཙམ་གྱིས་ཤི་བ་བྱུང་བའི་ལོ་རྒྱུས་ཀྱང་ཡོད་དོ། །དམར་པོ་ཁྲག་གི་མདའ་འཕེན་མ་དང་བཤན་པ་དམར་མོའི་ངན་སྔགས་ཡབ་ཡུམ་སྦྲགས་ཏེ་༼ཕ༽གྲུབ་པ་གནས་གསར་གྱི་ཕྱག་དཔེར་ང་ཡི་ནོར་གྱི་རྟིང་ལ་རྒྱུག་མན་འབྲི་འཕྲོ་ལུས་འདུག །ཨཱ་ཙཪྻ་ཉི་མ་གྲགས་གྱིས་མཛད་པ་རྫོགས་བྱང་གི་མཐའ་ཅན་ཤྲཱི་དྷར་ཀྲ་ཤུ་དང་མར་པས་གྲ་ཐང་དུ་བསྒྱུར་བ། སྲོག་བདག་དམར་པོ་བཤན་པ་གྲི་ཐོགས་ཀྱི་སྒྲུབ་ཐབས་༼ཕ༽
མུ་སྟེགས་སློབ་དཔོན་རྡོ་རྗེ་གྲགས་པས་མང་ཡུལ་བྱམས་སྤྲིན་མགོན་པོའི་ཐུགས་ཀར་སྦས་ནས་བསྟན་པའི་དོན་དུ་སྨོན་ལམ་བཏབ་པ་གནམ་ལྕགས་ཐོག་དམར། ཕོ་རྐྱང་སྒྲུབ་པ་གནོད་སྦྱིན་ར་ཞོན་ཡམ་ཤུད་དམར་པོའི་སྒེར་སྒྲུབ་༼ཕ༽གཉན་ལོས་མཛད་པ་བདག་གིས་བྲན་བཞིན་ཁོལ་བར་ཤོག་ཡམ་ཤུད་སྲོག་གི་སྒྲུབ་པ་རྫོགས་སོའི་མཐའ་ཅན། འགོར་བཅོམ་ལྡན་འདས་འཇམ་དཔལ་གཤིན་རྗེ་གཤེད་ལ་ཕྱག་འཚལ་ལོ་སྲོག་བདག་དམར་པོ་བཤན་པ་གྲི་ཐོགས་སྒྲུབ་པར་འདོད་པས་གནས་ནི་རི་གསུམ་འདུས་པའམ་ཞེས་ཡོད་པའི་སྒྲུབ་ཐབས་མཇུག་ཏུ་བཅོལ་བའི་ལས་རྣམས་མ་ལུས་སྒྲུབ་པར་མཛོད་ཅེས་ཡོད་ལ་མང་དུ་ཐོས་པའི་བཙུན་པ་སེང་གེ་འབུམ་གྱིས་དཔལ་བྲག་རམ་གྱི་གཙུག་ལག་ཁང་དུ་སྦྱར་བ་གསང་བར་བྱ་འོའི་མཐའ་ཅན། འགོར་རྒྱ་གར་སྐད་དུ་དང་དུར་ཁྲོད་དམ་བྲག་དམར་པོའི་རྩར་བསྒྲུབ་སྟེ་ཞེས་ཡོད་པའི་གནོད་སྦྱིན་ལྕམ་སྲིང་གི་སྒྲུབ་ཐབས་དྲག་པོ་གནད་བསྐུལ་དང་བཅས་པ་ཀུན་མཁྱེན་དཔལ་ལྡན་སེང་གེས་མཛད་པ་དགྲ་བགེགས་མ་ལུས་ཚར་གཅོད་པར་ཤོག་གི་མཐའ་ཅན་རྣམས། ལྔ་པ་གོང་འོག་ཏུ་ཉེ་བར་མཁོ་བ་གཏོར་མདོས་བཀང་བ་ལ། འགོར་ཆོས་སྐྱོང་བེག་ཙེ་ཅན་གྱི་གཏོར་མ་གཏོང་བར་འདོད་པས་ཞེས་ཡོད་པའི་རྟ་མགྲིན་གྱི་ཐུགས་ཀ་ནས་ལྷ་མོ་དང་དེའི་སྨིན་མཚམས་ནས་བེག་རྩེ་སྤྲོ་བའི་གཏོར་ཆོག་ཡིག་རྙིང་བཅོལ་བའི་འཕྲིན་ལས་སྒྲུབ་པར་མཛོད་ཀྱི་མཐའ་ཅན། འདར་ཕྱ་རུ་བ་རིན་ཆེན་དཔལ་བཟང་གིས་བྲག་རམ་ཆོས་གྲྭར་མཛད་པའི་བཀང་བ་ར་དམར་ཁྲག་ཆང་མ། མུས་སྲད་པ་རྡོ་རྗེ་རྒྱལ་མཚན་གྱིས་མཛད་པའི་བཀང་བ་ལྷ་མཆོག་སྒྲོལ་གིང་མ། ཨ་མོ་གྷས་མཛད་པའི་
བཀང་བ་དུས་གསུམ་རྒྱལ་བ་མ། གཏོར་ཆོག་བསྡུས་པ་ཚར་ཆེན་གྱི་གསུང་རྒྱུན་མཐུན་རྐྱེན་ཐམས་ཅད་སྒྲུབས་ཀྱི་མཐའ་ཅན། དེའི་གསུང་རྒྱུན་གྱི་བཀང་རྫས་བྱིན་རླབས། ལྕང་སྤེ་བ་སེང་གེ་འབུམ་གྱིས་མཛད་པའི་བཀང་བ་བྱང་ཤར་དབང་ལྡན་མ། བཤགས་པ་བདེ་ཆེན་ཆོས་སྐུ་མ། བུདྡྷ་བྷ་དྲས་བསྟོད་པའི་གནོད་སྦྱིན་ཟངས་ཀྱི་བེག་ཙེ་མ། བུདྡྷ་ཝརྞས་མཛད་པའི་བསྟབ་པ་དབང་ལྡན་མ་རུ་མ་རྣམས་ཕྱོགས་གཅིག་ཏུ་བསྒྲིགས་པའི་བཀང་བཤགས་རྒྱུན་ཁྱེར་རོལ་མོ་དྲག་ཏུ་བྱ་འོའི་མཐའ་ཅན། གནོད་སྦྱིན་ལྕམ་དྲལ་གྱི་ཐུགས་དམ་བཀང་པའི་ཆོ་ག་རྒྱས་པ་བྱང་ཤར་མྱ་ངམ་མ་ཤར་མདོ་ཁམས་པ་རྡོ་རྗེ་བཀྲ་ཤིས་ཀྱི་ངོར་རྡོ་རྗེ་འཆང་ཚར་པ་ཆོས་རྗེས་མཛད་པ། དེས་ཨཱ་ཙཪྻ་ཉི་འོད་གྲགས་དང་གཉན་ལོ་སོགས་གོང་མ་རྣམས་ཀྱི་ཡི་གེ་འཐོར་པ་ཕྱོགས་གཅིག་ཏུ་བསྡེབས་ཏེ་མཛད་པའི་གནོད་བྱིན་ལྕམ་དྲལ་གྱི་ལས་བྱང་འཕྲིན་ལས་ལྷུན་གྲུབ་མ། གཏོར་མདོས་ལ་བརྟེན་ནས་སྲོག་བདག་དམར་པོ་བཤན་པ་སྒྲོལ་བྱེད་བཅོས་པའི་༼ཕ༽༼འདར༽ཐབས་ཕྱོགས་ཕྱོགས་མ་གཉན་ལོ་ཙཱ་བས་མཛད་པ་སྲོག་བདག་དམར་པོའི་བཀང་མདོས་རྫོགས་སོའི་མཐའ་ཅན། གནོད་སྦྱིན་བཤན་པ་ལྕམ་དྲལ་གྱི་གཏོར་ཟློག་༼སུ༽བོས་སོ་ཆོས་སྐྱོང་མ་དཔལ་ལྡན་འདར་ཕྱ་རུ་བ་རིན་ཆེན་བཟང་པོས་དཔལ་བྲག་རམ་གྱི་གཙུག་ལག་ཁང་དུ་མཛད་པ་རྣམས། དྲུག་པ་གཟུངས་དང་ཐུག་ཆེན་གཟུགས་པ་ལ། གནོད་སྦྱིན་ལྕམ་དྲལ་འཁོར་བཅས་ཀྱི་ཕྱི་རྟེན་གཟུགས་པའི་ལག་ལེན་གྱི་རིམ་པ་གཉག་གི་བནྡེ་བི་ཛ་བྷ་དྲས་དཔལ་ཉན་པོའི་གཙུག་ལག་ཁང་དུ་མཛད་པ། སྲུང་མའི་དབང་པོ་བེག་གདོང་ལྕམ་དྲལ་
གྱི་ཐུག་གསོ་བའི་ཆོ་ག་༼སུ༽སྦྱོར་དངོས་རྗེས་གསུམ་གྱི་སྒོ་ནས་བསྟན་པ་བྱང་ཤར་དབང་ལྡན་མར་གྲགས་པ་འདར་གྱི་བནྡེ་རིག་འཛིན་རྡོ་རྗེས་སྦྱར་བ་དང་བཅས་པའོ། །བདུན་པ་བསྟོད་བསྐུལ་ལ། ལྕང་སྦེ་བ་སེང་གེ་འབུམ་གྱིས་མཛད་པའི་བསྟོད་པ་རིག་པའི་ལྷ་མོ་མ། ཀུན་མཁྱེན་དཔལ་ལྡན་སེང་གེ་མུས་སྲད་དགོན་པར་སྦྱར་བའི་བསྟོད་པ་གང་གི་ཐུགས་རྗེ་མ། རིགས་འཛིན་རྟོགས་ལྡན་བློ་གྲོས་བཟང་པོས་བསྐུལ་བའི་ངོར་རྩང་བྱམས་པ་རྡོ་རྗེ་རྒྱལ་མཚན་གྱིས་མུས་སྲད་གཙུག་ལག་ཁང་དུ་མཛད་པའི་བསྟོད་བསྐུལ་གནས་མཆོག་རྒྱ་གར་མ། གཉག་གི་བནྡེ་རྣམ་རྒྱལ་བཟང་པོས་བསྟོད་པའི་ཧ་ཧ་དགོད་པ་མ། རྒྱུད་ལས་བྱུང་བའི་བསྐུལ་གནོད་སྦྱིན་ཟངས་གྱི་བེག་ཙེ་༼ཕ༽མ་དང་རིག་པའི་༼ཕ༽ལྷ་མོ་མ། རྒྱ་གར་དམ་སྲི་མ། འཇམ་དཔལ་ཐུགས་ཀྱི་ཕོ་ཉ་མ། ཨེ་ཀ་ཛ་ཌི་མ། ལས་མཁན་སྲོག་བདག་མ། གྲི་ཐོགས་བརྒྱད། བཤན་པ་ཉེར་གཅིག །བཀའ་འཁོར་སྤྱི། ལྷ་ཆེན་བརྒྱད། ཀླུ་ཆེན་བརྒྱད། གཟའ་ཆེན་བརྒྱད། རྒྱུ་སྐར་ཉེར་བརྒྱད་དང་བཅས་པ་རྣམས་ཀྱི་བསྐུལ་༼ཕ༽གཉན་ལོས་བསྒྲིགས་པ། གནད་ནས་བསྐུལ་བ་མ་ཧཱ་དེ་ཝ་མ་རྣམས། བརྒྱད་པ་ལས་ཚོགས་ལ་ཐུན་མོང་དང་ཐུན་མོང་མ་ཡིན་པ་གཉིས། དང་པོ་ལ། དམ་ཚིག་པ་བསྐྱེད་བསྟིམ། བསྙེན་པ། རྟགས། ལས་སྦྱོར། ཤི་ས། སྨྱོ་འབོག །ལྟས་ངན། བཅུན་ཐབས་རྣམས་ཀྱི་སྙིང་པོའི་མན་ངག་༼རིན༽ཨཱ་ཙཪྻ་ཉི་མ་གྲགས་ཀྱིས་མཛད་པ་ཤྲཱིདྷ་ར་ཀུ་ཤུས་བསྒྱུར་བ་དམ་ཉམས་ལག་ཏུ་མ་གཏང་ཞིག་གི་མཐའ་ཅན། དམར་པོ་ཁྲག་གི་མདའ་
འཕེན་མའི་འཁོར་ལོའི་མན་ངག་༼ཕ༽འབྱུང་བ་རླུང་ལ་བརྟེན་ནས་བསྐོར་བ་སྨྱོ་འབོག་ལྕེབ་པར་འགྱུར་རོའི་མཐའ་ཅན། འདི་ལག་ཏུ་བླངས་ནས་དྲེགས་ལྡན་ཆམ་ལ་ཕབ་པའི་ཉམས་མྱོང་ཡང་ཅུང་ཟད་བདོག །འགོར་བསྟན་པ་བསྲུང་བའི་ལྷ་ལ་ཕྱག་འཚལ་ལོ་སྔགས་དང་རྫས་དང་ཏིང་ངེ་འཛིན་དང་ཞེས་ཡོད་པའི་༼ཕ༽གསད་པའི་ལས་སྦྱོར་དྷ་ར་ཀྲ་ཤུའི་ངན་སྔགས་ཞལ་ནས་གསུངས་པའི་བཀའ་རྒྱ་མ། ལིང་ག་མིང་བྱང་འདྲི་བའི་༼རིན༽རྫས་དང་སྨྱུ་གུའི་ངོས་འཛིན། འགོར་དགྲ་བོ་ལྷ་དང་དབྱེ་བ་ལ་སྤྱིར་དགྲ་ལ་ལྷ་ལྔ་ཞེས་ཡོད་པའི་ལྷ་དབྱེའི་མན་ངག་ལྷུན་བཟང་བདག་ལ་གནང་བ་ལགས་སོའི་མཐའ་ཅན། འགོར་ཨཱོཾ་ཨཱཿཧཱུྃ་ཡོད་པའི་སྔགས་བསྣལ་དཀྲུག་ཟློག་༼ཕ༽པ་སོགས་ཀྱི་ཟབ་གནད་གསད་པའི་སྔགས་འི་མཐའ་ཅན་རྣམས། གཉིས་པ་ཐུན་མོང་མ་ཡིན་པ་ལ། ཕྱི་ནང་གསང་བའི་བླ་རྡོའི་༼སུ༽མན་ངག་གཉན་ལོའི་ཚིག་བརྒྱུད་མ། བཤན་པ་དམར་པོའི་གསང་རྟེན་༼སུ༽བཅའ་ཐབས་ར་བན་ཆོས་དཔལ་གྱི་བརྗེད་བྱང་། འགོར་རང་ཡི་དམ་དུ་གསལ་བ་ཞེས་ཡོད་པའི་༼སུ༽བཟླས་པའི་གནད་མཐོ་བར་བྱས་ནས་ཡབ་རྦད་དོའི་མཐའ་ཅན། གནོད་སྦྱིན་ལྕམ་དྲལ་གྱི་བསྙེན་གྲུབ་ལས་གསུམ་ལག་ཏུ་བླང་བའི་རིམ་པ་ཧ་ལ་ནག་པོ་དུག་གི་སྤུ་གྲི་ཞེས་བྱ་བ་དབང་ལུང་ཐོབ་པའི་སྣོད་ལྡན་རེ་གཉིས་ལ་ཆིག་བརྒྱུད་མ་གཏོགས་མང་པོར་སྤེལ་ན་བཤན་པ་དམར་པོ་ལ་ཟས་སུ་གཏད་པའི་བཞེས་སྒྲ་དང་བཀའ་རྒྱ་ཤིན་ཏུ་དམ་པ་རྡོ་རྗེ་འཆང་ཚར་པ་ཆོས་རྗེས་མཛད་པ། དེས་མཛད་པའི་ནང་གི་རྣལ་འབྱོར་ལ་བརྟེན་ནས་བསྙེན་བསྒྲུབ་ལས་གསུམ་མྱུར་
དུ་འགྲུབ་པའི་ཟབ་གནད་ཅན་རྒྱ་མཚོའི་ནང་གི་ནོར་བུ་དང་སྲོག་བྲལ་ལྟོ་བའི་གསེར་བཞིན་སྦ་བའི་ཆིག་བརྒྱུད་མ་མིང་ཙམ་ཡང་བརྗོད་པར་དཀའ་བའི་གདམས་པ། ཡབ་ཡུམ་སྲོག་འཁོར། སྒྲུབ་པའི་འཁོར་ལོ་ཁ་སྦྱོར། རླུང་འཁོར་གྱི་དཔེ་རིས་དང་བཅས་པ་རྣམས་ཕྱག་ལེན་དམར་འཁྲིད་ཉམས་སུ་མྱོང་བར་ནོས། གཉིས་པ་བྱེ་བྲག་གིས་སྐོར་ལ། གནོད་སྦྱིན་དམར་པོ་ཞལ་གསུམ་ཕྱག་དྲུག་པར་བརྟེན་པའི་གསང་སྒྲུབ་བཀའ་རྒྱ་མ་སྙིང་ཁྲག་ཐང་ལ་ཕོ་ཞིག་གི་མཐའ་ཅན། གནོད་སྦྱིན་གདུག་པའི་ལས་སྦྱོར་ལ་བརྟེན་ནས་དགྲ་ལ་ཁྱི་དམག་དྲང་བ་བེ་རོ་ཙ་ནས་པཎྜི་ཏ་དྷ་ཙཎྜ་ལ་གསེར་སྲང་གང་ཕུལ་ནས་ཞུས་པ། དགྲ་ལ་བྱ་དམག་གཏོང་བ་ས་ལ་སྦའོའི་མཐའ་ཅན། ཝ་ཐོད་ལས་ཀྱི་རླུང་དམར་ལ་བརྟེན་ནས་སྔགས་པ་ནག་པོ་བསྒྲལ་པའི་གདམས་པ་མནྟྲ་འི་མཐའ་ཅན་རྣམས། གཉིས་པ་གཏེར་མའི་སྐོར་ལ། ནུབ་ལུགས་དང་ཉང་ལུགས་གཉིས། དང་པོ་ལ། བཤན་པ་དགུ་སྐོར་གྱི་སྒྲུབ་ཐབས་སློབ་དཔོན་ཆེན་པོ་པདྨས་བསམ་ཡས་དབུ་རྩེའི་ཀེའུ་ཚང་དུ་གཏེར་དུ་སྦས་པ་གནུབས་སངས་རྒྱས་ཡེ་ཤེས་ཀྱིས་སྤྱན་དྲངས་པ་ལ། རྒྱལ་པོ་གསེར་གྱི་ཤུགས་ཅན་དང་བཙུན་མོ་ཨུཏྤ་ལའི་རྒྱན་གཉིས་ཀྱི་སྲས་སུ་གཅེན་གྲགས་ལྡན་དང་གཅུང་གྲགས་སྐྱེས་གཉིས་འཁྲུངས་པའི་ལོ་རྒྱུས། འགོར་ཁྲག་གིས་དམར་རྫིབ་གཏང་ཞེས་ཡོད་པའི་སྲོག་བདག་ཡམ་ཤུད་དམར་པོ་སྤུ་གྲི་རེག་ཆོད་ཅེས་བྱ་བ་ཡུམ་ཤུད་བཙན་གྱི་ཅོག་བརྡུང་བཤན་པ་དགུ་སྐོར་གྱི་སྒྲུབ་ཐབས་སློབ་དཔོན་པདྨས་མཛད་པ། སློབ་དཔོན་པདྨས་དུར་ཁྲོད་ཕུང་ལུང་ནག་པོར་སྲོག་
བདག་ཡམ་ཤུད་དམར་པོའི་སྲོག་ཕྲོགས་ནས་མཛད་པའི་བཤན་པ་དགུ་སྐོར་གྱི་སྒྲུབ་ཐབས་སྔགས་ཀྱི་རྒྱ་བསྡེབས་ཞེས་བྱ་བ། གསད་པ་སྲོག་ལས་ཀྱི་རྐྱལ་བུ་ནས་ཕྱུང་བ་ངན་སྔགས་ཀྱི་སྒྲུབ་ཐབས་རྫོགས་སོའི་མཐའ་ཅན། ཝ་ཐོད་ཀྱི་ཐུན་སྣོད་ལ་བརྟེན་པའི་སྲོག་བདག་ཡམ་ཤུད་དམར་པོའི་ཐུན་གྱི་སྒྲུབ་པ། བྱ་འུག་ཁྲ་སྲིན་བཞིའི་སྒྲོ་སྒྲོན་པའི་སྲོག་བདག་ཡམ་ཤུད་ཀྱི་མདའ་ཟོར། རྫས་ལ་བརྟེན་ནས་སྨྱོ་བ། མཛེ། སྐྲངས་འབུར། བསྲུང་བ། མཚོན་བསྲུང་། ལས་མི་བྱེད་པར་འཁུ་ན་སྲོག་བདག་དམར་པོ་གཟིར་ཞིང་བཅུན་པ། མདེ་ཁ་རྣམ་དྲུག་ཅེས་པ་གྲི་སྲོག་ལ་བརྟེན་ནས་སྨྱོ་བ། ནལ་ཐོད་ལ་བརྟེན་ནས་གསད་པ། རིམས་ཐོད་ལ་བརྟེན་ནས་ནད་རིམས། སྨྱོ་འབོག་གི་ཐོད་པར་བརྟེན་ནས་འོད། མོན་ཐོད་ལ་བརྟེན་ནས་ལྟས་ངན། ཕུར་པར་བརྟེན་ནས་ཆོ་འཕྲུལ་རྣམས་གཏོང་བ། འགོར་སྲོག་བདག་བཤན་པ་ཞེས་ཡོད་པའི་དམོད་ཁ་བརྒྱད་པ་འི་མཐའ་ཅན། འགོར་སྲོག་བདག་ཆེན་པོའི་དུས་ལ་བབས་ཞེས་ཡོད་པའི་བླ་འགུགས་ཕོ་ཉའི་སྐབས་གཙོ་འཁོར་རྣམས་ཀྱི་བསྐུལ་བྱང་བསྐུལ་ཞིང་རྦད་དོ་རྫོགས་སོའི་མཐའ་ཅན་རྣམས། གཉིས་པ་ཉང་ལུགས་སྐོར་ནི། དྲག་པོ་བཙན་གྱི་རྒྱལ་འབུད་སློབ་དཔོན་ཆེན་པོས་མངའ་བདག་ལ་གདམས་པ་སྦ་གྲོ་སྐྱེར་ཆུ་དང་རུ་ལག་གྲུམ་པ་རྒྱང་གཉིས་སུ་རྒོད་དང་། གཡུང་མང་ཡུལ་དུ་སྦས་ཤིང་རྒོད་གཅིག་མཆིམས་ཕུར་སྦས་པ་མངའ་བདག་ཉང་གིས་སྤྱན་དྲངས་པ་ལ། བཤན་པ་སྲོག་གཅོད་དམར་པོའི་སྲོག་མཐུ་
དྲག་པོ་བཙན་གྱི་རྐྱལ་འབུད་བསྙེན་སྒྲུབ་རྦད་བསྐུལ་ལ་མ་བལྟོས་པའི་ངན་སྔགས་ཆིག་ཆོད་མ་ཡིད་ལ་ཡང་དྲན་དུ་མི་རུང་ངོའི་མཐའ་ཅན། གསང་བསྐུལ་དུར་ཁྲོད་ཆེན་པོ་མ་འཕྲིན་ལས་གོང་མ་རྣམས་ལས་ཐོས་པ་ཡི་གེར་བཀོད་པ་འོའི་མཐའ་ཅན། བཤན་པ་སྲོག་གཅོད་དམར་པོའི་སྲོག་མཐུའི་ཞལ་ཤེས་གསད་ཐབས་རྣམ་པ་ལྔས་བསྟན་པ་ལས་འཕྲོ་ཅན་དང་འཕྲད་ཤོག་གི་མཐའ་ཅན། དྲག་པོ་བཙན་གྱི་རྐྱལ་འབུད་ཀྱི་ཞལ་ཤེས་ཡིག་ཆུང་སྒྲུབ་པའི་ཞག་གྲངས་སྤོག་པ་ཁ་བསྒྱུར་རྣམས་བསྟན་པ་གསང་པའི་ཞལ་ཤེས་སྙིང་ལྟར་ཆོངས་ལས་ཅན་ལ་འཕྲད་ཤོག་གི་མཐའ་ཅན། དྲག་པོ་བཙན་གྱི་རྐྱལ་འབུད་ཀྱི་ཡང་ཡིག་རྒྱ་གར་གྱི་ངན་སྔགས་གསད་པའི་སྤུ་གྲི་སྡང་བ་དགྲའི་གཤེད་མ་བླ་སྲོག་རྐུ་བའི་མན་ངག་མ་གཏེར་ནས་ཕྱུང་བ་འི་མཐའ་ཅན་དང་བཅས་པ་རྣམས་ལེགས་པར་ཐོབ་པའི་རིན་དང་སུའི་རྟགས་ཡོད་པ་མ་གཏོགས་པའི་རྗེས་གནང་དང་བཀའ་མ་ས་བཅད་གཉིས་པོའི་ལུང་ཡོངས་རྫོགས་མན་ངག་དང་བཅས་པའི་བརྒྱུད་པ་ནི། རྡོ་རྗེ་འཆང་། མ་ཧཱ་དེ་བ། ཨཱ་ཙཪྻ་ཉི་འོད་གྲགས་པ། སྲས་ཟླ་བ་ནག་པོ། པཎྜི་ཏ་གྷ་ཡ་དྷ་ར། ཤྲཱི་དྷར་ཀྲ་ཤུའང་ཟེར་འདི་ལམ་འབྲས་པའི་གྷ་ཡ་དྷ་ར་ནི་མིན་པར་འདུག །གཉན་ལོ་ཙཱ་བ་དར་མ་གྲགས། གནམ་ཁའུ་པ་དར་མ་སེང་གེ །རྗེ་བཙུན་ས་སྐྱ་པ་ཆེན་པོ། ར་སའི་ཤོད་བུ་བཀྲ་ཤིས་འོད་ཟེར། ས་བཅུའི་དབང་ཕྱུག་གྲུབ་ཐོབ་འདར་ཕྱ་རུ་པ་རིན་ཆེན་བཟང་པོ། ཆོས་རྒྱལ་བོ་དོང་བརྩོན་འགྲུས་རྡོ་རྗེ། ཇོ་སྲས་སངས་རྒྱས་རིན་ཆེན། སློབ་དཔོན་ཤེས་རབ་མཚོ། བླ་མ་བསོད་ནམས་དབང་ཕྱུག །ལྕང་སྤེ་བ་སེང་གེ་འབུམ།
ཀུན་མཁྱེན་དཔལ་ལྡན་སེང་གེ་བཟང་པོ། ཆོས་རྗེ་རིན་ཆེན་བཀྲ་ཤིས། རྟོགས་ལྡན་ཡོན་ཏན་མགོན་པོ། བླ་མ་གཞོན་ནུ་དཔལ་བ། མུས་སྲད་པ་རྡོ་རྗེ་རྒྱལ་མཚན། རྒྱུད་གསུམ་སྨྲ་བ་ཤེས་རབ་རིན་ཆེན། རྡོ་རྗེ་འཆང་ཚར་པ་ཆོས་རྗེ། འཇམ་དབྱངས་མཁྱེན་བརྩེའི་དབང་ཕྱུག །རིན་པོ་ཆེ་རྟ་ར་བ་བསོད་ནམས་ཆོས་འཕེལ། གྲུབ་པ་མཆོག་གི་དེད་དཔོན་དབང་ཕྱུག་རབ་བརྟན། རྡོ་རྗེ་འཆང་མགོན་པོ་བསོད་ནམས་མཆོག་ལྡན། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། དེས་བདག་ཟ་ཧོར་བནྡེ་ལ་བཀའ་དྲིན་དུ་སྩལ་ཏོ། །ཉེ་བརྒྱུད་ནི་སློབ་དཔོན་ཆེན་པོ་པདྨས་གྲུབ་ཐོབ་འདར་ཕྱར་ལ་དབང་དང་གདམས་པ་གནང་བ་ཡིན་ནོ། །
རྗེས་གནང་དང་ལུང་གདམས་སྐོར་རགས་རིམ་གྱི་བརྒྱུད་ལུགས་ཁག
རྗེས་གནང་དང་ལུང་གདམས་སྐོར་རགས་རིམ་གྱི་བརྒྱུད་ལུགས་གཅིག་ནི། རྟོགས་ལྡན་ཡོན་ཏན་མགོན་པོ་ནས། བླ་ཆེན་ཆོས་དཔལ་བཟང་པོ། མུས་སྲད་པ་རྡོ་རྗེ་རྒྱལ་མཚན། མུས་ཆེན་རྣམ་རྒྱལ་དཔལ་བཟང་། འཁྲུལ་ཞིག་དཀོན་མཆོག་བཟང་པོ། ཚར་ཆེན་མན་འདྲ་ཡང་རྗེས་གནང་གི་བརྒྱུད་པ་ལུགས་གཅིག་ནི། བོ་དོང་བརྩོན་འགྲུས་རྡོ་རྗེ་ནས། ཉན་ཆེན་བསོད་ནམས་བརྟན་པ། མཁན་ཆེན་ཆོས་རྒྱལ་དཔལ་བཟང་། མུས་སྲད་པ་དཔལ་ལྡན་སེང་གེ་མན་འདྲ། ཡང་ན་མུས་སྲད་པ་དཔལ་ལྡན་སེང་གེ་ནས། ཚལ་མིན་བསོད་ནམས་བཟང་པོ། རྟོགས་ལྡན་ཡོན་ཏན་མགོན་པོ་མན་འདྲ། ཡང་ན་ཀུན་མཁྱེན་དཔལ་ལྡན་སེང་གེ་ནས། དཔལ་ལྡན་རཏྣ་ཀཱིརྟི། གུ་རུ་དུག་གསུམ་ནད་སེལ། མཚུངས་མེད་རིན་ཆེན་བཀྲ་ཤིས་
མན་འདྲ། ཡང་ན་རྟོགས་ལྡན་ཡོན་ཏན་མགོན་པོ་ནས། སྟོན་པ་ཆོས་དཔལ་བ། དམ་པ་སེང་གེ །གྲུབ་ཆེན་བེ་ཕུག་པ་བདེ་ལེགས་རྒྱལ་མཚན། གློ་བོ་ཛར་པ་སྔགས་འཆང་ཆོས་རྒྱལ་བསོད་ནམས། དེ་སྲས་ཆོས་སྐྱོང་བསོད་ནམས་འཇམ་དབྱངས་མཁྱེན་བརྩེའི་དབང་ཕྱུག་མན་འདྲ། གནུབས་ལུགས་གཏེར་མའི་ལུང་བརྒྱུད་ནི། ཆོས་སྐུ་སྣང་བ་མཐའ་ཡས། ལོངས་སྐུ་པདྨ་དབང་ཆེན། སྤྲུལ་སྐུ་པདྨ་འབྱུང་གནས། ནུབས་ཆེན་སངས་རྒྱས་ཡེ་ཤེས། གནུབས་པ་ཚུར་སྟོན་པ། གནུབས་སྟོན་ཕུག་པ་འབར། དེ་ནས་རིམ་པར་སྔགས་འཆང་སངས་རྒྱས་འཕེལ། ཚར་ཆེན་ཆོས་ཀྱི་རྒྱལ་པོ་བརྒྱུད་པར་བཞུགས་པ་བཞིན་ནོ། །ཉང་གཏེར་གྱི་ལུང་བརྒྱུད་ནི། སློབ་དཔོན་ཆེན་པོ་པདྨ་ནས། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེ་བཙན། ལྷ་སྲས་མུ་ཏིག་བཙན་པོ། ཉང་ཉི་མ་འོད་ཟེར་ནས་རིམ་པར་བརྒྱུད་དེ། ཚར་བ་རྡོ་རྗེ་འཆང་མན་འདྲ། ཡང་། རིན། ཕ། འདར་གསུམ་གྱི་རྟགས་ཡོད་པའི་ལུང་བརྒྱུད་ལུགས་གཅིག་ནི། ཀུན་མཁྱེན་དཔལ་ལྡན་སེང་གེ་ནས། མཁས་གྲུབ་རིན་ཆེན་དཔལ་བཟང་། གྲུས་སྟོན་ཀུན་དགའ་བཟང་པོ། དྲན་མཆོག་དོན་ཡོད་རྒྱལ་མཚན། དེ་སྲས་རྡོ་རྗེ་འཆང་ཀུན་དགའ་རྒྱལ་མཚན། དེ་སྲས་ཐམས་ཅད་མཁྱེན་པ་དགེ་འདུན་རྒྱ་མཚོ། སེ་ར་རྗེ་བཙུན་པ་ཆོས་ཀྱི་རྒྱལ་མཚན། ཆོས་རྗེ་བདེ་ལེགས་ཉི་མ། ཤར་ཆེན་ནམ་མཁའ་རྒྱལ་མཚན། ཆོས་རྗེ་རིན་ཆེན་བཤེས་གཉེན། རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ། དེས་བདག་ཟ་ཧོར་བནྡེ་ལ་སྩལ་ཏོ། །ཡང་ན་རྟོགས་ལྡན་ཡོན་ཏན་མགོན་པོ་
ནས། དེས་སྲས་ཀུན་མཁྱེན་བློ་གྲོས་རིན་ཆེན་སེང་གེ །གཉལ་སྟོན་དཔལ་འབྱོར་ལྷུན་གྲུབ། སེ་ར་རྗེ་བཙུན་པ་མན་འདྲ། རྗེས་གནང་གི་བརྒྱུད་ལུགས་གཅིག་ནི། རྡོ་རྗེ་འཆང་ཕ་བོང་ཁ་པ་ནས། ཁྱབ་བདག་ཆོས་དབྱིངས་རང་གྲོལ། དེས་བདག་ལའོ། །ཡང་རྗེས་གནང་འདར་དང་སུའི་རྟགས་ཡོད་པའི་ལུང་འཁོར་ལོའི་ཕྱག་བཞེས་བཅས་པའི་བརྒྱུད་པ་ནི། འཁྲུལ་ཞིག་དཀོན་མཆོག་བཟང་པོ་ནས། དེ་སྲས་སྔགས་འཆང་གཞོན་ནུ་སྟོབས་ལྡན། རིན་ཆེན་རྡོ་རྗེ་ཡང་ཟེར་། སྔགས་འཆང་ཕྱག་ན་རྡོ་རྗེ། ཕ་རྒན་གུ་རུ་རིན་ཆེན། སྙིང་རི་བ་རྒྱལ་སྲས་བདེ་བ་བཟང་པོ། ཡི་དམ་གྱི་ལྷས་བརྟགས་པ་ལ་རིག་པའི་ཡེ་ཤེས་ཟེར། དེས་བདག་ཟ་ཧོར་བནྡེ་ལའོ། །ཡང་ན་གབ་ཆག་པ་རྡོ་རྗེ་རྒྱལ་མཚན་ནས། མཉམ་མེད་དཀོན་མཆོག་དཔལ་བཟང་། ནུབ་དགོན་པ་ཆོས་ཀྱི་རྒྱལ་མཚན། ཐུགས་སྲས་བློ་གྲོས་རྒྱལ་མཚན། མཁས་གྲུབ་བྱམས་པ་བཟང་པོ། ནུབ་དགོན་སྤྲུལ་སྐུ་ཤཱཀྱ་རྒྱལ་མཚན། རྒྱལ་སྲས་བདེ་བ་བཟང་པོ་མན་འདྲ། ཡང་ན་གྲུབ་ཐོབ་འདར་ཕྱར་ནས། འདར་དགོན་པ་ཆོས་ཀྱི་འབྱུང་གནས། སྔགས་འཛིན་ཚེ་འཆང་ཆོས་སྐྱོང་མགོན་ནེ། ཡར་འདྲེན་ནམ་མཁའི་མཚན་ཅན། རིགས་འཛིན་ཚེ་དབང་རྒྱལ་པོ། རིགས་འཛིན་གྲགས་པ་རྡོ་རྗེ། ཕ་རྒན་གུ་རུ་རིན་ཆེན་མན་འདྲ།། །