སྦས་གནས་ལུང་བསྟན་པའི་མགུར་མ།
སྦས་གནས་ལུང་བསྟན་པའི་མགུར་མ་བཞུགས་སོ། །དུས་དེང་སང་སྙིགས་མའི་འགྲོ་བ་རྣམས། །ཁ་ཆོས་ལ་ཟད་ནས་རང་མགོ་བསྐོར། །རྒྱུ་ཕུག་ལ་བསོགས་ནས་རང་མགོ་བསྐོར། །སྒོམ་ནང་དུ་བྱསནས་རང་མགོ་བསྐོར། །དགྲ་འཆི་བདག་དྲུང་དུ་སླེབ་པའི་ཚེ། །གཅིན་རྟག་པ་གཉིས་ཀྱིས་མལ་ས་གང་། །རྐྱེན་འདོད་ཡོན་ཐོག་ཏུ་བབས་པའི་ཚེ། །མགོའི་སྣ་ཐག་དེ་ལ་ཤོར་ནས་གདའ། །ད་ཉམས་ལེན་དེ་དང་དེ་འདྲསནི། །ཡོན་མཆོད་གཉིས་ཀ་ཕུང་ལ་སྦྱོར། །སྙིགས་མའི་འགྲོ་བ་ཟེར་ན་དེ་ལ་ཟེར། །དུས་ངན་པ་ཟེར་ན་དེ་ལ་ཟེར། །འོན་ཀྱང་པད་འབྱུང་ལ་གསོལ་བ་ཐོབ། །རྒྱུ་ནོར་ལ་ཆགས་ཞེན་མ་བྱེད་དང་། །འཚེ་མེད་ཀྱི་སྦས་གནསཞིག་བྱེ་རྒྱུ་ཡོད། །ད་ལྟ་རི་བྲག་གི་ཐར་ས་མེད། །རི་བྲག་ཕར་ཡོ་ཚུར་ཡོ་ཀྱིས། །ཆུ་བོ་ཕར་དེད་ཚུར་དེད་ཀྱིས། །སྦས་
གནས་དེར་ཐོན་ནི་དགོས་ན་ཡང་། །དེ་དུས་ལ་ནམ་ཞིག་བབས་རྩ་ན། །རྣལ་འབྱོར་ལྔ་བཙན་ཐབས་ཏུ་འབྱུང་ཉེས་ཡོད། ཤིང་ཙནྡ་གི་སྡོང་པོ་ཞིག་དེ་ན་ཡོད། །རྩ་བ་དེར་སྟ་མོ་ཞིག་སྦས་ནས་ཡོད། །རི་བྲག་གི་སྒོ་མོ་དེ་ལ་ནི། །འདོམ་པ་གསུམ་པ་ཞིག་ཡོདན་ཡང་། །དེ་ལྟ་འདབ་ཆགས་བྱ་ཡང་ཐར་ས་མེད། ཤིང་ཙནྡ་སྡོང་པོའི་ཟམ་པ་དགོས། །མཚོ་ཆེན་པོ་དེ་ལས་ཕར་བརྒལན། །དང་པོ་སྤྲུལ་སྐུའི་ཞིང་ཁམས་ཡོད། །རྒྱུ་དར་ཟབ་མང་པོ་དེན་ཡོད། །དེ་ནས་ཕར་ཕར་སོང་ཙན། །ལོངས་སྐུའི་ཞིང་ཁམས་དེན་ཡོད། །དེར་རིན་ཆེན་སྣ་ལྔའི་བྱེ་མ་གདུལ། །དེ་ནས་ཕར་ཕར་སོང་ཙན། །ཆོས་སྐུའི་ཞིང་ཁམས་དེ་ན་ཡོད། །དེ་རུ་ཉིན་མཚན་མེད་པར་འོད་ཀྱིས་ཁེངས། །མཐར་ནི་འཇའ་ཡི་ལུས་སུ་འགྱུར། །དེ་སྐད་སྦས་གནས་ཀྱི་སྐད་ཆ་དེ། །སྨྱོན་པ་བསམ་གཏན་ལ་
གདམས་པ་བསྟན། །བསྟན་མཁན་དེ་གང་ཤར་སྤྱོན་པ་རེད།། །།