གསོལ་འདེབས་ཡང་དག་ལམ་སྟོན་དད་པའི་འཁྲི་ཤིང་བི་ཛ་ཧ་རམ༔

ཨེ་མ་ཧོ༔ སྔོན་ཚེ་བདེར་གཤེགས་བུ་རམ་ཤིང་པའི་དྲུང༔ རྣམ་དག་ཁྲིམས་ལ་གནས་བཅས་ཙུནྡྷའི་མཚན༔ གསང་སྔགས་རིག་འཛིན་མཚོ་སྐྱེས་སྟངས་དཔྱལ་གྱི༔ ཐུགས་ཟིན་ལོ་ཙཱ་ཨ་ཙར་ས་ལེ་འོད༔ ད་ལྟའི་གྲུབ་དབང་ལུང་རིག་གླིང་པ་སོགས༔ གྲུབ་བརྙེས་དུ་མས་བསྔགས་པ་སྤྲུལ་པའི་སྐུ༔ རྣལ་འབྱོར་གཞན་ལ་ཕན་དེར་གསོལ་བ་འདེབས༔ བདག་ཀྱང་དེང་བཟུང་བྱང་ཆུབ་སྙིང་པོའི་བར༔ དཔལ་མགོན་བླ་མ་ཁྱེད་ཀྱིས་རྗེས་བཟུང་ནས༔ རིམ་གཉིས་བྱང་ཆུབ་སེམས་ཀྱི་ཐེམ་སྐས་ལས༔ རྣམ་མཁྱེན་རྒྱལ་བའི་གོ་འཕང་མྱུར་ཐོབ་ཤོག༔ ཅེས་པ་འདི་ཡང་རིག་པའི་རང་རྩལ་གྱི་རྩལ་རྫོགས་པའི་བཙུན་པ་ཉི་མ་རྒྱལ་མཚན་དང་༔ དམ་པའི་ཡོན་ཏན་མངའ་བ་དགེ་བཤེས་དཀོན་མཆོག་མཚན་འཆང་ཟུང་གི་བཀས་བསྐུལ་བ་ལ་བརྟེན་ནས་ཆོས་པའི་གཟུགས་བརྙན་འཆང་བའི་སྤྲུལ་མིང་གཞན་ཕན་མིང་གིས་བྲིས་པ་དུས་གསུམ་དུ་དགེ་བར་གྱུར་ཅིག་གུ༔