མདོ་ཁམས་གོ་འཇོ་བ་སྒྲ་ཆེན་བཀྲ་ཤེས་དགེ་ལེགས་ཀྱིས་བསྐུལ་ངོར།

གནས་སྤྱི་གཙུག་པདྨའི་གདན་སྟེང་ནས། །རྗེ་འཁོར་ལོའི་དབང་ཕྱུག་སངས་རྡོར་བ། །བུ་མོས་གུས་གདུང་བས་གསོལ་བ འདེབས། །ཐུགས་དགོངས་བརྒྱུད་བྱིན་རླབས་སྙིང་ལ་འཕོས། །སེམས་མ་རིག་འཁྲུལ་པ་དབྱིངས་སུ་སངས། །དོན་རང་གནས་ཡེ་ཤེས་མངོན་གྱུར་རྒྱས། །ཆོས་རྡོ་རྗེ་ཐེག་པའི་གསེང་ལམ་ནས། །ཚེ་འདི་ལ་དོན་གཉིས་ལྷུན་གྱིས་གྲུབ། །དུས་ད་རེས་འགྱུར་མེད་བཙན་ས་ཟིན། །མ་ཁམས་གསུམ་འཁོར་བ་དོང་སྤགས་ཏེ། །ཕྱིར་མི་ལྡོག་བདེ་ཆེན་སར་འགོད་པར། །ཕ་རྗེ་བཙུན་བླ་མས་བྱིན་གྱིས་རློབས། །ཞེས་པའང་མདོ་ཁམས་གོ་འཇོ་བ་སྒྲ་ཆེན་བཀྲ་ཤེས་དགེ་ལེགས་ཀྱིས་བསྐུལ་ངོར་བྱ་བྲལ་སངས་རྒྱས་རྡོ་རྗེས་བྲིས་པ་དགེ། །།

ཤོག་སྟོང་།