དཔལ་ཡེ་ཤེས་ཀྱི་མགོན་པོའི་སྲུང་འཁོར་གྱི་མན་ངག་གཙོ་བོ་ཡབ་ཀྱི་མངོན་རྟོགས་འདི་སྤྱོད་མཛད་ཆོས་ཀྱི་རྡོ་རྗེའི་རྒྱ་གཞུང་།
དཔལ་ཡེ་ཤེས་ཀྱི་མགོན་པོའི་སྲུང་འཁོར་གྱི་མན་ངག་གཙོ་བོ་ཡབ་ཀྱི་མངོན་རྟོགས་འདི་སྤྱོད་མཛད་ཆོས་ཀྱི་རྡོ་རྗེའི་རྒྱ་གཞུང་བཞུགས་སོ།།
རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སིདྡྷིརཀྟ་པྲ་ཏི་བིད་ར་ས་དྷ་ན་མ། བོད་སྐད་དུ་། དཔལ་ནག་པོ་ཆེན་པོའི་སྲུང་ཟློག་ཅེས་བྱ་བ་དེ་ཡང་གདོང་ལྔའི་རྒྱ་གཞུང་ལས། རང་ཉིད་ནག་པོ་ཆེན་པོར་བསྒོམ། །ཧེ་རུ་ཀ་དཔལ་སྙིང་དབུས་བསམ། །ཡེ་ཤེས་སྤྱན་དྲངས་འགུགས་རྒྱས་གདབ། །ཅེས་གསུངས་པས། དེའི་དོན་བྱ་རོག་ཆེན་པོའི་རྒྱུད་དང་། ཁྲག་མཚོ་ཁོལ་ཆེན་རྒྱུད་དང་། རྩ་མི་ཆེན་པོའི་མན་ངག་བཞིའི་དོན་བསྡུས་པ་ནི། ཨོཾ་སྭ་བྷ་ཝ་ཤུདྡྷསརྦ་དྷརཿསྭ་བྷ་ཝ་ཤུདྡྷོཉཧཾ། སྟོང་པའི་ངང་ལས་སྐད་ཅིག་གིས། །ཧཱུྃ་ལས་གསེར་མདོག་འཁོར་ལོ་ནི། །རྩིབས་བརྒྱད་སྟེང་འོག་རྩིབས་དང་བཅུ། །རྣོ་ངར་ལྡན་པ་གཡས་སུ་
འཁོར། །དེ་ནང་པདྨ་འདབ་བརྒྱད་ཀྱི། །དབུས་དང་འདབ་མར་པད་ཉིའི་སྟེང་། །ཧཱུྃ་ལས་འོད་འཕྲོས་དོན་གཉིས་བྱས། །འདུས་པས་ནག་པོ་ཆེན་པོ་ནི། །ཞལ་གཅིག་སྤྱན་གསུམ་ཕྱག་བཞི་པ། །གྲི་གུག་རལ་གྲི་ཐོད་ཁྲག་དང་། །ཁཊཾ་ག་བསྣམས་དྲག་པོའི་སྐུར། །རྒྱན་ཆ་རྣམ་པར་རྫོགས་པ་ལ། །ཙཎཱ་གྲི་ཐོད་འཛིན་དམར་འཁྱུད། །ཕྱོགས་མཚམས་རང་འདྲའི་ཡབ་ཡུམ་བརྒྱད། །ནང་དུ་ཞལ་གཟིགས་བདག་ལ་སྲུངས། །རྩིབས་བརྒྱད་རྩ་བར་ཧཱུྃ་ཡིག་ལས། །ལས་མགོན་བརྒྱད་ཀྱིས་ཞལ་ཕྱིར་གཟིགས། །ཀུན་གྱི་གནས་གསུམ་འབྲུ་
གསུམ་དང་། །རང་གི་ཐུགས་ཀར་པད་ཉིའི་སྟེང་། །ལྷན་སྐྱེས་ཡབ་ཡུམ་གསལ་བ་ཡི། །ཐུགས་ཀར་པདྨ་ཉི་ཟླའི་སྟེང་། །རྡོ་རྗེ་རྩེ་ལྔའི་ལྟེ་བ་ལ། །ཉི་ཟླའི་གའུར་ཧཱུྃ་ཡིག་གི །ནང་དུ་བསྲུང་བྱ་ཐམས་ཅད་ཚུད། །ཧཱུྃ་མཐར་ཡིག་བདུན་སྙིང་པོས་བསྐོར། །དེ་ལས་འོད་ཟེར་འཕྲོས་པ་ཡིས། །ཡེ་ཤེས་པ་དང་དབང་གི་ལྷ། །སྤྱན་དྲངས་དམ་ཡེ་དབྱེར་མེད་ཐིམ། །ཛཿཧཱུྃ་བཾ་ཧོ༔ཨ་བྷི་ཥིཉྩནྟཾ། དབང་ལྷ་རྣམས་ཀྱིས་དབང་བསྐུར་བས། །མི་བསྐྱོད་ལ་སོགས་དབུ་བརྒྱན་གྱུར། །བདག་ཉིད་སྐུ་ཡི་འོད་ཟེར་ལས། །ལས་མགོན་ཁྲོ་ཆུང་དཔག་མེད་འཕྲོས། །གནོད་བྱེད་ནམ་མཁའི་མཐར་བསྐྲད་ནས། །ཚུར་འདུས་འཁོར་ལོའི་ཕྱི་རོལ་དུ། །ཡེ་ཤེས་མགོན་པོ་བཞེངས་སྟབས་ཅན། །ཕྱིར་གཟིགས་བཟློག་པའི་ལས་མཛད་གུར། །དེ་རྒྱབ་རྡོ་རྗེའི་རྭ་གུར་ནི། །སྟེང་འོག་བར་གསུམ་སྲུབ་མེད་པ། །དེ་རྒྱབ་རྡོ་རྗེ་ཕ་ལམ་གྱི། །བྲག་རི་རྔམ་མཐུག་གྲུ་བཞིའི་གུར། །དེ་རྒྱབ་རྒྱ་མཚོ་རྦ་རླབས་འཁྲུགས། །ཟླུམ་པོ་གཏིང་ཟབ་ནག་ལ་རྔམ། །དེ་རྒྱབ་མེ་ཡི་གུར་ཁང་ནི། །གྲུ་གསུམ་དམར་ནག་རབ་ཏུ་འབར། །དེ་རྒྱབ་སྤུ་གྲི་ངར་མའི་རླུང་། །
ཟླ་གམ་རབ་ཏུ་འཁྲུགས་པའོ། །དེ་རྒྱབ་དུག་ཆེན་ཧ་ལའི་གུར། །སྨུག་ནག་གྲུ་བཞི་དུག་རླངས་འཕྱུར། །དེ་རྒྱབ་སྡེ་བརྒྱད་དྲེགས་པའི་ཚོགས། །ནག་པོ་སྟོང་དང་ཤ་ཟ་འབུམ། །མ་མོ་བྱེ་བ་གནོད་སྦྱིན་ཁྲི། །ཐམས་ཅད་རབ་འཕྲོས་མཚོན་ཆ་ཐོགས། །ཕྱིར་གཟིགས་བར་མཚམས་མེད་པར་གཏམས། །དེ་རྒྱབ་ཡེ་ཤེས་བསྐལ་པའི་མེ། །ཁ་དོག་ལྔ་ལྡན་རབ་ཏུ་འབར། །སྤྲུལ་པའི་ལས་མགོན་བར་མཚམས་གང་། །གནོད་བྱེད་འགུགས་གཟིར་བཅིང་བ་དང་། །དུག་གིས་མྱོས་དང་སྤུ་གྲིས་གཏུབ། །མེས་བསྲེགས་ཆུས་བཀྲུས་བྲག་རིས་མནན། །སྡེ་བརྒྱད་དྲེགས་པའི་ཚོགས་རྣམས་ཀྱིས། །ཁྲ་གསོད་སྲུང་ཟློག་ལས་མཛད་གྱུར། །ཨོཾ་ཧཱིཧ་ཧ་ཧཱུྃ་ཧཱུྃ་ཕཊ། ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ།། བདག་དང་བསྲུང་བྱ་ལ་རཀྵ་རཀྵ་སྭཱ་ཧཱ། རང་གཞན་བསྲུང་བར་འདོད་ན་ནད་ལས་ཐར་བའི་གདམས་པ་གྲུ་ཡིས་དུག་ཆུ་ལས་སྒྲོལ་བ་ལྟར་བགེགས་ཀྱི་འཇིགས་པ་ལས་གྲོལ་བའི་སྔགས་པཎྜི་ཏ་བུདྡྷ་ཀཱིརྟིས་གདམས་པའོ། །ཨོཾ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ། བདག་ཅག་མི་ནོར་འཁོར་དང་བཅས་པ་ལ་རཀྵ་རཀྵ་སྭཱ་ཧཱ། དེ་ལྟ་བུའི་སྲུང་འཁོར་ནི་རྒྱུན་དུ་བསྒོམས་ན་རྡོ་རྗེ་ཕུབ་རྫོང་ལས་
ཀྱང་ལྷག་སྟེ། བྱ་རོག་ཆེན་པོའི་རྒྱུད་དང་། ཁྲག་མཚོ་ཁོལ་ཆེན་རྒྱུད་གཉིས་ཀ་ལས་སྲུང་འཁོར་འདི་ཤིན་ཏུ་གསལ་བར་གསུངས་ཤིང་རྒྱུད་གཉིས་ཀ་ཚིག་མཐུན་པར། བགེགས་དང་ལོག་འདྲེན་ཐམས་ཅད་ཀྱང་། །འདིའི་མིང་ཐོས་པས་རབ་རྒྱུན་བྱེར། །འཇིགས་དང་སྐྲག་པ་ཆེན་པོ་ཡིས། །དེ་མ་ཐག་ཏུ་བྲན་དུ་འགྱུར། །བློ་ལྡན་རིང་པོར་མི་ཐོགས་པར། །རྡོ་རྗེ་འཛིན་པའི་ངོ་བོར་གྱུར། །ཞེས་གསུངས་སོ། །རྒྱུན་དུ་ནི་རྗེས་ཆོག་བསྡུ་རིམ་སོགས་མི་དགོས་སེམས་པོའི་ངང་ལ་བཞག་པས་འཐུས་ཏེ། རྒྱུད་གཉིས་ཀ་ལས། གཉིས་མེད་ངང་ལ་མི་དམིགས་བཞག །ཅེས་གསུངས་སོ། །དེ་དག་ནི་སྔ་དྲོའི་སྲུང་བ་ཡིན་ལ། ཕྱི་དྲོ་བཟློག་པ་ནི། ཕྱི་རོལ་གསེར་གྱི་འཁོར་ལོ་དེ། །གནམ་ལྕགས་འཁོར་ལོ་རྩིབས་བརྒྱད་པ། །རྣོ་ངར་རེག་མི་བཟོད་པར་འགྱུར། །གཡོན་དུ་དྲག་ཏུ་འཁོར་གྱུར་ཅིང་། །རང་གི་ཐུགས་ཀའི་ཧཱུྃ་ཡིག་ལས། །འོད་ཟེར་ནག་པོ་ལྕགས་ཀྱུའི་དབྱིབས། །ཕྱོགས་བཅུར་འཕྲོས་པས་གནོད་བྱེད་བཀུག །ལས་མགོན་རྣམས་ཀྱིས་མཚོན་ཆས་བརྡེགས། །གསོད་དང་གཏུབ་སྟེ་གཙོ་ལ་འབུལ། །རང་རང་རྣམས་ཀྱིས་ཧབ་ཧབ་ཟོས། །འཁོར་ལོའི་རྩིབས་ལ་བསྐྱོན་པ་རྣམས། །རྡུལ་ཕྲན་བཞིན་དུ་བརླགས་པར་གྱུར། །ཅེས་བསྒོམ་ཞིང་། ༀ་བཛྲ་ཀ་ཝུ་ཝ་ཝ་པ་ཤ་ཡ་མ་ཧཱ་ཀཱ་ལ་ཡ་ཧཱུྃ་ཧཱུྃ་
ཕཊ། ཧྲི་ཏི་ཀ་མ་ལ། ཀ་མ་ལ་མི་པཱུ་ཨ་པ་ན་ཡ་སྭཱ་ཧཱ། ཞེས་བཟླས་པས་འཆི་བ་བཟློག་པར་འགྱུར་རོ། །ཨོཾ་ཨཱཿཧཱུྃ། ཨ་ཨཱ། ཨི་ཨཱི། ཨུ་ཨཱུ། ཨོཾ་ཨོ། རི་རཱི། ལི་ལཱི། ཨཾ་ཨཱ། ཙ་རཱ་ག་ན་མྱོག་ཐུམ་རིལ་རྦད། ཅེས་བཟླས་པས། ཀླུ་དང་རྒྱལ་པོའི་གནོད་པ་བྱ་སྤུ་རླུང་གིས་གཏོར་བ་དང་འདྲའོ། །དཔག་ཚད་ཙམ་དུའང་ཉེ་བར་མི་ནུས་སོ། །ལྷ་འདྲེ་གང་ཡིན་པས་གནོད་པའང་སྲོག་ཡིག་འབྲུ་ལྡོག་ཏུ་བཀོད་པ་དེ་དང་འདྲའོ། །ༀ་བཛྲ་མ་ཧཱ་ཀཱ་ལ་ཡ་ཧཱུྃ་ཕཊ། ༀ་མ་ཧཱ་ཀཱ་ལ་ཤཱ་ས་ན། ཨུ་པ་ཀཱ་རི་ཎཾ་ཨེ་ཥཱ་པཉྩི་མ་ཀཱ་ལོ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཾ། ཡ་ཏི་པྲ་ཏི་ཛྙཱ། སྨ་ར་སི་ཏ་དཱ། ཨི་དཾ་དུཎྞཾ་དགྲ་བགེགས་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲིཉྩ་གྲིཉྩ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱི་ན་མེ་ཀེ་ན་དགྲ་བགེགས་མཱ་ར་ཡ་ཧཱུྃ་ཕཊ། རང་གར་བཟླས་ན་དགྲ་བགེགས་ཟེར་ས་མི་འཛུད། གཏོར་འབུལ་དུས་དགྲ་བགེགས་མལ་དུ་བ་ལི་འཛུད། ཤཱ་ས་ན་ལ་འགྱུར་མི་གཅིག་པ་མང་པོ་དང་གྲུབ་མཐའ་སོ་སོའི་བཞེད་པ་མི་གཅིག་པ་མང་བས་འདི་ནི་ཕྱག་བཞི་པའི་སྐབས་སུ་ཤཱ་ས་ན་རྗེ་ཆོས་ཀྱི་དབང་ཕྱུག་གི་ཕྱག་བྲིས་ངོ་མ་ལ་བྲིས་པས་དག་གོ །ཀ་ཝུ་ཝ་ལ་གཞི་སྙིང་བཏགས་པ་བཟླས་པས་ཕུར་ཁ་བཟློག་པ་དང་བསད་བཟློག་གཉིས་ཀ་འགྲུབ་སྟེ། ཙ་མི་པཎྜི་
ཏ་རྡོ་རྗེ་གདན་པ་ཆུང་བའི་ཐུགས་དམ་བཅུད་དམ་པའོ།། སྤྱི༔ གཞི་སྙིང་ནི། ཨོཾ་མ་ཧཱ་ཀཱ་ལ་གླུ་ཎ་ཧྲི་ཏ་ཧཱུྃ་ཕཊ། ཨོཾ་མ་ཧཱ་ཀཱ་ལ་ནི་ཐུ་ལཾ་ཐཾ། ཐུ་རིམ་ཟད། སུ་ཧཱུྃ་ཛཿ དགྲ་བགེགས་ཀྱི་ཙིཏྟ་ལ་ཡ། ཏྲཀ་རཀྟ་ཐུ་རིལ་རྦད། ཙིཏྟ་ཁ་རཀ་ཛཿ ཛཿནྲྀཿཛཿ ཙིཏྟ་ལ་ཡ་ཐུ་རིལ་རྦད། ནྲྀ་ཤག་ཤག །དགྲ་བགེགས་ཀྱི་ཙིཏྟ་ལ་ཡ། མ་ཧཱ་ཀཱ་ལ་གིང་ཀ་ར་གིང་ཀ་ར། སྲོག་ལ་ཡ། སྙིང་ལ་ཡ། རུ་རུ་ཙ་པ་ལ་ཡ། མ་ཧཱ་ཀཱ་ལ་ཧཱུྃ་བྷྱོ༔ མ་ཧཱ་ཀཱ་ལ་དགྲ་བགེགས་ཀྱི་སྙིང་ཁྲག་ལྡིབ་ལྗིབ། ཆོད་ཆོད། སྲོག་རྩ་ཆོད། ཐུམ་རིལ་རྦད། ཨོཾ་མ་ཧཱ་ཀཱ་ལ་དགྲ་བོ་ལྷ་དང་ཤག་ཕྱེས་ཤག་ཕྱེས། མ་མ་ཏྲཀ་རཱུ་ཏྲ་དགྲ་བགེགས་མཱ་ར་ཡ་ཧཱུྃ་ཕཊ། གཞི་སྙིང་འདི་ལ་འདྲ་མིན་དུ་མ་བྱུང་ཡང་དག་པར་བྱས་སོ། །སློབ་དཔོན་བརྒྱུད་པའི་ཞལ་ཤེས་ཀྱང་ཡོད་དོ། །ཞེ་སྡང་དྲག་པོས་བཟླས་བྱས་ན། །ས་བཅུ་ནོན་པའི་སྲོག་ཀྱང་རྒོལ། །ཞེས་རྒྱུད་ལས་གསུངས་པའི་ཕྱིར་ཕྱག་བཞི་པའི་ལུགས་ཀྱི་དྲག་སྔབ།ས་རྣོ་མྱུར་བ་ཡིན་པས་སྔགས་འདི་གུསྟ་གུ་བྱའོ། །ཨོཾ་མ་ཧཱ་ཀཱ་ལ་ཧེ་དུན་བྷྱོ། ཨོཾ་མ་ཧཱ་ཀཱ་ལི་པྲ་མོ་ཧེ་དུན་བྷྱོ་བྷྱོ་ཟློག་ཟློག །ཟློག་སྔགས་བྱུང་བ་ཡིན་ནོ།་ཡེ་ཤེས་མགོན་པོའི་སྲུང་འཁོར་རྡོ་རྗེ་ཕུབ་རྫོང་བསྡུས་པ། ཨ་རཱ་གས་སྦྱར་བས་འདི་དག་ཤིན་ཏུ་གལ་ཆེའོ།། །།