རྩོད་པ།
འདི་ལ་རྩོད་པ་དང་ལན་གཉིས་དང་པོ་ནི། རང་འགྲེལ་ལས། གལ་ཏེ་བྱང་ཆུབ་སེམས་དཔའ་རྣམས་ཀྱང་དེ་བཞིན་གཤེགས་པའི་ཉེ་བར་བསྟན་པ་ལས་སྐྱེས་པར་གྱུར་པས་རྒྱལ་བའི་སྲས་ཞེས་བརྗོད་པ་མ་ཡིན་ནམ། དེའི་ཕྱིར་ཇི་ལྟར་སངས་རྒྱས་བཅོམ་ལྡན་འདས་རྣམས་བྱང་ཆུབ་སེམས་དཔའ་ལས་འཁྲུངས་ཤེ་ན། ཞེས་གསུངས་པའི་དོན་ནི། ཇི་ལྟར་སངས་རྒྱས་བྱང་ཆུབ་སེམས་དཔའ་ལས་འཁྲུངས་པར་བཤད་པ་མི་འཐད་པར་ཐལ། བྱང་སེམས་རྣམས་སངས་རྒྱས་ལས་འཁྲུངས་པའི་ཕྱིར། དེར་ཐལ། ཉན་རང་མ་ཟད་བྱང་ཆུབ་སེམས་དཔའ་རྣམས་ཀྱང་དེ་བཞིན་གཤེགས་པ་སངས་རྒྱས་ཀྱིས་ལམ་གྱི་གདམས་པ་ཉེ་བར་བསྟན་པ་ལས་སྐྱེས་པར་གྱུར་པཡིན་པས་རྒྱལ་བའི་སྲས་ཞེས་བརྗོད་པ་ཡིན་པའི་ཕྱིར་ཞེ་ན།