གཅོད་ཚོགས་ཀྱི་ལྷན་ཐབས་ཚོགས་ཀྱི་བསྟབ་པོ་དྲག་པོ།
༼ན༽ གཅོད་ཚོགས་ཀྱི་ལྷན་ཐབས་ཚོགས་ཀྱི་བསྟབ་པོ་དྲག་པོ་བཞུགས་སོ། །
ན་མོ་པྲཛྙཱ་པཱ་ར་མི་ཏཱ་ཡེ། ཡུམ་ཆེན་ཌཱཀིའི་ཚོགས་ལ་ཕྱག་འཚལ་ནས། །གཅོད་ཀྱི་བསྟབ་པོ་དྲག་པོ་བྱེད་ཚུལ་བཀོད། །ཡུམ་ཆེན་ཌཱཀིས་བཀའ་གནང་བྱིན་གྱིས་རློབས། །དེ་ལ་གཅོད་ཚོགས་ཞག་འགའ་བྱས་ནས། ཅིས་ཀྱང་ལུས་གདོན་བྲལ་མ་ཐུབ་ན་ཚོགས་ལས་གཏོར་བསྔོས་ཀྱི་གོང་དེར། མདུན་དུ་ཕྱར་བའམ། གཡང་གཞི་ཆེན་པོའི་སྟེང་དུ་ནད་པ་བཞག །ལུས་འགུལ་བསྐྱོད་མི་ཚུགས་ན་ནད་པའི་སྟེང་དུའམ་ལག་ཏུ་ཚོགས་བཞག །ནད་པ་ཕྱིར་ཁྱོག་བྱེད་ཚུགས་ན་ནད་པ་དང་མཉམ་དུ་ཚོགས་བཞག་ལ། ཕཊ། ནད་པའི་སྙིང་གར་རྣམ་པར་ཤེས་པ་བླ་ཚེ་བསོད་ནམས་དབང་ཐང་རླུང་སེམས་ཐམས་ཅད་འདུས་པའི་ངོ་བོ་འོད་ཀྱི་ཐིག་ལེ་དངུལ་ཆུའི་མདོག་བྱ་མ་སར་གྱི་སྒོ་
ང་ཙམ་འཕར་ལ་ཁད་པ། ཕཊ། ཐིག་ལེ་དེ་སྐྱེན་པོས་མདའ་འཕངས་བ་ལྟར་དབུ་མའི་ལམ་ནས་རྒྱངས་སེ་ཐོན་ནས། མདུན་གྱི་མ་གཅིག་གི་ཐུགས་ཀར་ཐིམ། ཕཊ་ཕཊ། དེ་ནས་ནད་པ་ཚོགས་དང་བཅས་པ་ཕུད་རྒོད་དམ་ཆུ་གཙང་གིས་བྲན་ལ། ན་མོ་རྗེ་བཙུན་གཅོད་ཡུལ་བརྒྱུད་པའི་བླ་མ་རྣམས་ཀྱི་བཀའ་བདེན་པ་དང་། དཀོན་མཆོག་གསུམ་གྱི་བཀའ་བདེན་པ་དང་། ཕ་གཅིག་དམ་པ་སངས་རྒྱས། མ་གཅིག་ལབ་ཀྱི་སྒྲོན་མ། ཡི་དམ་བདུད་འདུལ་ཁྲོས་མའི་ལྷ་ཚོགས་མཁའ་འགྲོ་བྱེ་བ་འབུམ་དང་བཅས་པའི་བཀའ་བདེན་པ་དང་། དམ་པ་ཆོས་སྐྱོང་བའི་སྲུང་མ་
རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་མཐུས། ནད་པ་འདིའི་དང་པོ་ནད་ཀྱི་སྣ་འདྲེན་པ། བར་དུ་ནད་ཀྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པའི་གནས་གདོན་ལུས་གདོན། ནད་ནད་བདག་དང་བཅས་པ། གདོན་སྣ་འདྲེན་དང་བཅས་པ། བཀའ་དང་དམ་ལ་མི་གནས་པ། ལྷ་མིན་ལྷ་རུ་བརྫུ་བ། མི་མིན་མི་རུ་བརྫུ་བ། མགོ་གཡོགས་མགོ་སྐོར་བྱེད་པ། འགྲུ་ལོག་འཕར་ལྡང་བྱེད་པ་གང་ཡིན་པ་ཐམས་ཅད་སྐད་ཅིག་རང་དབང་མེད་པར་བེམ་པོ་ཚོགས་ཀྱི་གཏོར་མ་འདིའི་ནང་དུ་ཁུག་ཅིག །ཧཱུྃ། ཛཿཧཱུྃ་བྃ་ཧོ༔ ཕཊ་ཕཊ་ཕཊ། བེམ་པོ་ཚོགས་གཞོང་བྷནྡྷ་ལྕང་ལོ་ཅན་ཡངས་ཤིང་རྒྱ་ཆེ་བའི་ནང་དུ། བེམ་པོ་ལུས་གདོན་ཚོགས་གཏོར་གསུམ་དབྱེར་མེད་པའི་རི་བོ། ཁྲག་གི་རྒྱ་མཚོ་བསམ་གྱིས་མི་ཁྱབ་པར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཕཊ་ཕཊ། དེ་ནས་མི་བཞིས་བཀྱགས་ལ། ཕྱོགས་སོ་སོར་བསྟབ་པའི་ཚུལ་བྱེད་བཅུག་ལ། ཕཊ། ལུས་གདོན་དང་དབྱེར་མེད་པའི་ཤ་ཁྲག་མཁའ་འགྲོ་མ་རྣམས་ཀྱིས་ཞལ་དུ་དམར་ཆེམ་ཆེམ་གསོལ་ནས་གནོད་བྱེད་ཀྱི་སེམས་ཐུགས་ཆོས་ཉིད་ཀྱི་ཀློང་དུ་བསྟིམས་ནས་སངས་རྒྱས་པར་གྱུར་
ཅིག །ཕཊ་ཕཊ། ཀྱཻ། མ་མི་མིན་ཡེ་ཤེས་ཀྱི་མཁའ་འགྲོ་མ། །ཕ་རོལ་ཕྱིན་པའི་གྲུབ་ཐོབ་མ། །སྐལ་ལྡན་ཡོངས་ཀྱི་རྒྱུད་གྲོལ་མ། །མ་ཆོས་ཉིད་ནམ་མཁའི་ཀློང་ཡངས་ནས། །ཁྲོས་མ་རིགས་ལྔའི་སྐུར་བཞེངས་ལ། །བེམ་པོ་ཤ་ཁྲག་ཚོགས་སུ་བཞེས། །གནས་གདོན་ལུས་གདོན་ཚོགས་སུ་བཞེས། །ནད་འདྲེ་གཅོང་སྲི་ཚོགས་སུ་བཞེས། །ནད་རིགས་གདོན་རིགས་ཚོགས་སུ་བཞེས། །འབུལ་བ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ལུས་ཤ་ཁྲག་རུས་པ་ཚོགས་སུ་རོལ། །སེམས་དམིགས་མེད་ཆོས་ཉིད་ཀློང་དུ་སྟིམས། །འཆུག་མེད་མངོན་སངས་རྒྱས་པར་ཤོག །ཧཱུྃ། དབུས་ཕྱོགས་སངས་རྒྱས་མཁའ་འགྲོ་མ། །མ་གཅིག་ལབ་སྒྲོན་ཁྲོས་མའི་སྐུ། །འཁོར་ཡང་ནག་མོ་འབུམ་གྱིས་བསྐོར། །བདུད་འདུལ་ཁྲོས་མ་ནག་མོའི་སྐུ། །ཕྱེས་ཤིག་ཕྱེས་ཤིག་ཞལ་ཕྱེས་ཤིག །རྔམས་ཆེན་ཁྲོས་ནག་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་རྐྱངས་ལ། །གདོན་གཏི་མུག་ཀླུ་གདོན་ཕུང་པོ་འདི། །ཁྲོས་མ་ནག་མོའི་ཞལ་
དུ་བསྟབ། །སངས་རྒྱས་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། ་།འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱངས། །མིད་པ་བྱང་ཆུབ་རྒྱུད་ལམ་བསྒྲིམ། །ལྟོ་བ་མེ་དཔུང་ནང་དུ་སྦྱངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །
ཆོས་དབྱིངས་ཡེ་ཤེས་དངོས་གྲུབ་སྩོལ། །ཨོཾ་བཛྲ་བྷ་ར་ཧི་ཀྲོ་དྷཱི་ཀཱ་ལི་བུདྡྷ་ཌཱཀི་ནཱི་གནོད་བྱེད་ཀྱི་མཾ་ས་ཁཱ་ཧི། རཀྟ་ཁཱ་ཧི། ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུྃ། ཤར་ཕྱོགས་རྡོ་རྗེ་མཁའ་འགྲོ་མ། །མ་གཅིག་ལབ་སྒྲོན་ཞི་བའི་སྐུ། །འཁོར་ཡང་དཀར་མོ་འབུམ་གྱིས་བསྐོར། །ཞི་བ་བདེ་ཆེན་དཀར་མོའི་སྐུ། །ཕྱེས་ཤིག་ཕྱེས་ཤིག་ཞལ་ཕྱེས་ཤིག །བདེ་ཆེན་དཀར་མོ་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་སྐྱོངས་ལ། །གདོན་ཞེ་སྡང་བཙན་བདུད་ཕུང་པོ་འདི། །བདེ་ཆེན་དཀར་མོའི་ཞལ་དུ་བསྟབ། །རྡོ་རྗེ་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་
ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །མེ་ལོང་ཡེ་ཤེས་དངོས་གྲུབ་སྩོལ། །ཧ་བཛྲ་ཌཱཀི་ནཱི་གནོད་བྱེད་ཀྱི་མཱཾ་ས་ཁཱ་ཧི། རཀྟ་ཁཱ་ཧི། །ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུྃ། ལྷོ་ཕྱོགས་རིན་ཆེན་མཁའ་འགྲོ་མ། །མ་གཅིག་ལབ་སྒྲོན་རྒྱས་པའི་སྐུ། །འཁོར་ཡང་སེར་མོ་འབུམ་གྱིས་བསྐོར། །སེར་མོ་དོན་གྲུབ་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་
སྐྱོངས་ཤིག །གདོན་ང་རྒྱལ་རྒྱལ་འགོང་ཕུང་པོ་འདི། །སེར་མོ་དོན་གྲུབ་ཞལ་དུ་བསྟབ། །ལྷོ་རིན་ཆེན་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་
ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །མཉམ་ཉིད་ཡེ་ཤེས་དངོས་གྲུབ་སྩོལ། །རི་རཏྣ་ཊཱཀི་ནཱི་གནོད་བྱེད་ཀྱི་ཚྭ་ས་ཁཱ་ཧི། །རཀྟ་ཁཱ་ཧི། ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུཾ། ནུབ་ཕྱོགས་པདྨ་མཁའ་འགྲོ་མ། །མ་གཅིག་ལབ་སྒྲོན་དབང་གི་སྐུ། །འཁོར་ཡང་དམར་མོ་འབུམ་གྱིས་བསྐོར། །དམར་མོ་སྒྲ་སྒྲོགས་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་གྱི་ལྗགས་སྐྱོངས་ཤིག །གདོན་འདོད་ཆགས་མོ་གདོན་ཕུང་པོ་འདི། །དམར་མོ་སྒྲ་སྒྲོགས་ཞལ་དུ་བསྟབ། །ནུབ་པདྨ་མཁའ་འགྲོའི་ཞལ་དུ་བསྟབ་། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་
བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱུང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །སོར་རྟོག་ཡེ་ཤེས་དངོས་གྲུབ་སྩོལ། །ནི་པདྨ་ཌཱཀི་ནཱི་གནོད་བྱེད་ཀྱི་ཚྭ་ས་ཁཱ་ཧི། རཀྟ་ཁཱ་ཧི། ཀེ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཧཱུྃ། བྱང་ཕྱོགས་ལས་ཀྱི་མཁའ་འགྲོ་མ། །མ་གཅིག་ལབ་སྒྲོན་དྲག་མོའི་སྐུ། །འཁོར་ཡང་ལྗང་མོ་འབུམ་གྱིས་བསྐོར། །སྣ་ཚོགས་མཐར་ཕྱིན་ཞལ་ཕྱེས་ཤིག །གནམ་ས་ཙམ་གྱི་ཞལ་གདངས་ལ། །གངས་རི་ཙམ་གྱི་མཆེ་བ་གཙིགས། །གློག་དམར་ཙམ་
གྱི་ལྗགས་སྐྱོངས་ལ། །གདོན་ཕྲག་དོག་གཟའ་སྲིན་ཕུང་པོ་འདི། །སྣ་ཚོགས་མཐར་ཕྱིན་ཞལ་དུ་བསྟབ། །བྱང་ལས་ཀྱི་མཁའ་འགྲོའི་ཞལ་དུ་བསྟབ། །བསྟབ་བོ་བསྟབ་བོ་ཞལ་དུ་བསྟབ། །ཕོ་གདོན་རྒྱལ་པོ་ཞལ་དུ་བསྟབ། །འགོང་པོ་དམ་སྲི་ཞལ་དུ་བསྟབ། །མོ་གདོན་འདྲེ་མོ་ཞལ་དུ་བསྟབ། །བསེ་རག་ཆུང་སྲི་ཞལ་དུ་བསྟབ། །ཀླུ་གདོན་ས་བདག་ཞལ་དུ་བསྟབ། །གནས་གདོན་ལུས་གདོན་ཞལ་དུ་བསྟབ། །འདྲེ་སྲིན་བྱུར་གསུམ་ཞལ་དུ་བསྟབ། །ཚེ་ལེན་བདུད་གཅོད་ཞལ་དུ་བསྟབ། །སྲོག་གཅོད་དབུགས་ལེན་ཞལ་དུ་བསྟབ། །ཟ་འདྲེ་ཤི་གཤེད་ཞལ་དུ་བསྟབ། །གྲི་བོ་གྲི་མོ་ཞལ་དུ་བསྟབ། །ནད་འདྲེ་གཅོང་སྲི་ཞལ་དུ་བསྟབ། །ནད་རིགས་གདོན་རིགས་ཞལ་དུ་བསྟབ། །རྐྱེན་ངན་བར་ཆད་ཞལ་དུ་བསྟབ། །གནོད་བྱེད་ཐམས་ཅད་ཞལ་དུ་བསྟབ། །ཧོམ་ཁུང་གདངས་བའི་ཞལ་དུ་བསྟབ། །ལྗགས་དམར་ཧོམ་གཟར་སྟེང་དུ་སྦྱོངས། །མིད་པ་བྱང་ཆུབ་རྒྱུད་ལམ་སྒྲིམས། །ལྟོ་བ་མེ་དཔུང་ནང་དུ་སྦྱོངས། །བསྟབ་པ་ང་ཡིས་མ་ནོར་བས། །བཞེས་པ་ཁྱོད་ཀྱིས་མ་ནོར་ཅིག །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་སྟིམས་
ཤིག་ཨཱ་རལླི། །གསོལ་ཞིག་བཞེས་ཤིག་ས་མ་ཡ། །རྣམ་ཤེས་ཆོས་ཀྱི་དབྱིངས་སུ་དྲོངས། །བྱ་གྲུབ་ཡེ་ཤེས་དངོས་གྲུབ་སྩོལ། །ས་ཀརྨ་ཊཱ་ཀི་ནཱི་གནོད་བྱེད་ཀྱི་མཾ་ས་ཁཱ་ཧི། རཀྟ་ཁཱ་ཧི། ཀེཾ་ནི་རི་ཏི་ཁཱ་ཧི། ག་ཎ་ཙཀྲ་ལ་ཁཱ་ཧི་ཁཱ་ཧི། ཕཊ་ཕཊ། ཕཊ་ཤར་དང་ཌཱ་དྲིལ་དྲག་ཏུ་བྱས་ལ། དེ་ནས་ཡུད་ཙམ་ཐང་དུ་བཞག་ལ། ཀྱཻ། མ་མི་མིན་ཡེ་ཤེས་མཁའ་འགྲོ་མ། །བདུད་འདུལ་ཁྲོས་མ་ནག་མོ་དང་། །དབུས་ཕྱོགས་སངས་རྒྱས་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ཨོཾ་བཛྲ་བྷ་ར་ཧི་བུདྡྷ་ཌཱཀི་ནཱི་ག་ཎ་ཙཀྲ་ལ་ཁཱ་ཧི། ཕཊ་ཕཊ། ཧཱུྃ། སྐུ་སྤྲུལ་བདེ་ཆེན་དཀར་མོ་དང་། །ཤར་ཕྱོགས་རྡོ་རྗེ་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །
སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ཧ་བཛྲ་ཌཱཀི་ནཱི་ག་ཎ་ཙཀྲ་ལ་ཁཱ་ཧི། ཧཱུྃ། གསུང་སྤྲུལ་དམར་མོ་སྒྲ་སྒྲོགས་དང་། །ནུབ་ཕྱོགས་པདྨ་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ནི་པདྨ་ཀི་ནཱི་ག་ཎ་ཙཀྲ་ལ་ཁཱ་ཧི། ཧཱུྃ། ཡོན་ཏན་སེར་མོ་དོན་གྲུབ་དང་། །ལྷོ་ཕྱོགས་རིན་ཆེན་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །
སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །རི་རཏྣ་ཊཱཀི་ནཱི་ག་ཎ་ཙཀྲ་ལ་ཁཱ་ཧི། ཧཱུྃ། ཕྲིན་ལས་སྣ་ཚོགས་མཐར་ཕྱིན་དང་། །བྱང་ཕྱོགས་ལས་ཀྱི་མཁའ་འགྲོ་མ། །མཁའ་འགྲོ་བྱེ་བ་འབུམ་དང་བཅས། །སྣང་སྲིད་ལྷ་འདྲེ་འཁོར་དང་བཅས། །འཁོར་དང་བཅས་པ་ཁྱེད་རྣམས་ལ། །ལུས་ཚོགས་ཀྱི་མཆོད་པ་འདི་ཕུལ་བས། །མཁའ་འགྲོའི་ཚོགས་རྣམས་མཉེས་གྱུར་ཅིག །ལྷ་འདྲེའི་འདོད་པ་ཚིམ་གྱུར་ཅིག །གཏི་མུག་ཤ་ཡི་ཚོགས་ལ་རོལ། །འདོད་ཆགས་ཁྲག་གི་ཚོགས་ལ་རོལ། །ཞེ་སྡང་རུས་པའི་ཚོགས་ལ་རོལ། །ཕུད་ལྷག་མ་མེད་པར་བཞེས་སུ་གསོལ། །ས་ཀརྨ་ཊཱཀི་ནཱི་ག་ཎ་ཙཀྲ་ལ་ཁཱ་ཧི། དེ་ནས་ནད་པ་ཕར་ཁྱེར་ཆོག །ཚོགས་ཕུད་ཕུལ་ནས་གཏོར་བསྔོས་གཞུང་ལྟར་བྱའོ། །ཞེས་གཅོད་ཚོགས་ཀྱི་ལྷན་ཐབས་སུ་ཨ་རཱ་གས་
བཀོད་པ་ལ། ཉེས་མཆིས་བཤགས་ཤིང་དགེ་བས་ཚོགས་རྫོགས་བར་ཆད་ཞི་བར་གྱུར་ཅིག །གཅོད་ཚོགས་ཀྱི་ཞོར་བྱུང་བསྟབ་པའོ། །སརྦ་མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།