Nitartha Digital Library
Tibetan
མཁན་ཆེན་རྡོ་རྗེ་འཛིན་པ་ཀུན་བཟང་གང་ཤར་རང་གྲོལ་དབང་པོའི་གསུང་འབུམ་ཐར་པའི་ལམ་སྟོན།

4 occurrences of བརྒྱུད་གསུམ་
[Clear Hits]


  
  
  
  
  
  
  
  
  
  
  
  
  
  
  
གདམས་ངག་མར་གྱི་ཡང་ཞུན།
  
  
  
  
  
  
  
  
  
  
  
 
 
  


4 occurrences of བརྒྱུད་གསུམ་
[Clear Hits]

 
previousགདམས་ངག་མར་གྱི་ཡང་ཞུན།next

གདམས་ངག་མར་གྱི་ཡང་ཞུན།


GRW001_Page_0072
[མ་དཔེ་གཟིགས་ན་འདིར་གནོན།]

༄༅། །གདམས་ངག་མར་གྱི་ཡང་ཞུན་བཞུགས་སོ།། ཕ་མཁྱེན་ནོ་དྲིན་ཆེན་བླ་མ་མཁྱེན། །རྒྱུད་བདག་འཛིན་ཐུལ་བར་བྱིན་གྱིས་རློབས། །ཆོས་བརྒྱད་ཀྱི་མགོ་བོ་མ་ཐོན་ན། །བསླུ་བྲིད་འདོད་ཡོན་གྱིས་ཚུགས་ཐབས་མེད། །རྐྱེན་ངན་དེ་ཕར་ལ་མ་སྤངསན། །དངོས་གྲུབ་ལ་བར་ཆད་འོང་དོགས་མེད། །འདོད་པ་དེ་ཚུར་ལ་མ་བསྒྲུབན། །བགེགས་ཆོས་བརྒྱད་ཁོ་ལ་ཉམས་མི་མངའ། །དོན་དེ་ཚོ་ཐུགས་ལ་ཡང་ཡང་འཆང་། །ཉམས་ལེན་གྱི་གེགས་དང་གོལ་ས་དེ། །རང་རང་གི་དགའ་སྡུག་ལ་དྲིས་དང་ཆོག །དགའ་སྡུག་ཡོད་རིག་རང་སར་ཀློད། །ངགའ་བ་དེ་རང་འདོད་སྟེང་ནས་འོང་། །མི་དགའ་བ་དེ་མི་འདོད་སྟེང་ནས་འོང་། །དགའ་སྡུག་དེ་སེམས་ཀྱི་ཆོ་འཕྲུལ་ཡིན། །དེ་ནམ་མཁའ་སྤྲིན་དང་མཚུངས་པ་ལགས། །ཡུལ་བཟང་པོ་ཞིག་དང་འཕྲད་པའི་ཚེ། །དགའ་བ་ཞིག་


GRW001_Page_0073
[མ་དཔེ་གཟིགས་ན་འདིར་གནོན།]

སྐྱེས་ནས་ངང་ལ་ཀློད། །ཡུལ་མི་སྡུག་པ་དང་འཕྲད་པའི་ཚེ། །སྡུག་བསྔལ་ཞིག་སྐྱེསནས་ངང་ལ་ཀློད། །རྣམ་རྟོག་གི་འཚུབ་མ་མང་བ་ན། །རང་བབ་དུ་ཀློད་ན་རང་གྲོལ་ཡིན། །ཕྱིནང་གི་རྐྱེན་གྱིས་རང་སེམས་ལ། །འཇིགས་སྐྲགས་སུ་སྐྱེདན་རང་སར་ཀློད། །དརང་སར་ཀློད་པ་འདི་ལས་གཞན། །གདམས་ངག་ཟབ་མོ་འདི་ཞེས་འབུལ་རྒྱུ་མེད། །བསྐྱེད་རྫོགས་དང་སེམས་བསྐྱེད་ཀྱི་གདམས་ངག་འགའ། །བྲིསན་འབྲི་རྒྱུ་ལོས་ཡོད་ཀྱང་། །དེང་སང་གི་དུས་ལ་དགོས་པ་ཆུང་། །ཤ་སྣ་སྤུ་བསྡུ་ཡི་གདམས་ངག་དེ། །སེམས་དེ་ཕར་ཕར་སྒྲིབ་པ་མང་། །རྒྱུ་མཚན་དེ་གདམས་ངག་གཅིག་གཅིག་ལས། །མང་པོ་བཤད་དོན་གོ་ཆུང་། །དནམ་ཡིན་རང་བབས་སུ་བཞག་པ་གཅེས། །ད་བོགས་འདོན་ཆེ་བའི་གདམས་ངག་ཡིན། །གོལ་ས་མེད་པའི་གདམས་ངག་ཡིན། །ཡེངས་


GRW001_Page_0074
[མ་དཔེ་གཟིགས་ན་འདིར་གནོན།]

འཁྲུལ་ཆོད་པའི་གདམས་ངག་ཡིན། །ཕྲིན་ལས་འབྱུང་བའི་གདམས་ངག་ཡིན། །འཁོར་ངན་མི་དང་འགྲོགས་པན། །གདམས་ངག་འདི་ཉིད་བཤད་པ་ཟབ། །བསྟན་པའི་ཞབས་ཏོག་སྒྲུབ་པ་ལ། །གདམས་ངག་འདི་ཉིད་བཤད་པ་ཟབ། །དེ་སྐད་གང་ཤར་དབང་པོ་དེས། །ཆོས་འཆད་ཀརྨའི་མཚན་ལ་གདམས། །མིང་དོན་ལྡན་པའི་མཆེད་པོ་ལ། །ཕྲིན་ལས་ནམ་མཁའ་ཁྱབ་པར་ཤོག །ཅེས་སོ།།


previousགདམས་ངག་མར་གྱི་ཡང་ཞུན།next