གསོལ་འདེབས་དད་ལྡན་དངས་འདྲེན་བཞུགས༔

ཨེ་མ་ཧོ༔ ཡེ་སྟོང་སྤྲོས་བྲལ་ཆོས་སྐུ་དག་པ་ལ༔ ངོ་བོ་རང་བཞིན་ངེས་པ་ལྔ་ལྡན་རྩལ༔ ཐུགས་རྗེ་འགགས་མེད་སྤྲུལ་པའི་རྣམ་རོལ་སྟོན༔ གཞན་ཕན་བྱང་སེམས་འབྱུང་ལ་གསོལ་བ་འདེབས༔ དཔལ་མགོན་བླ་མ་ཁྱེད་ལ་གསོལ་བཏབ་མཐུས༔ གནས་སྐབས་ཉེར་འཚེའི་གཡུལ་ངོ་དབྱིངས་སུ་ཞི༔ མཐར་ཐུག་རང་རིག་དོན་གྱི་བླ་མ་ཉིད༔ རང་ཞལ་མཇལ་ནས་གདོད་མའི་སར་ཕྱིན་ཤོག༔ འདི་འདྲའི་གསོལ་འདེབས་ཤིག་དགོས་ཞེས་བཙུན་པ་ཨ་གཾ་གིས་བསྐུལ་ངོ་མི་ལྡོག་ཕྱིར་དུ་ཐོས་དབེན་མུ་ཏོ་ས་ར་ཧི་ཏས་སྨྲས་པ་ཛ་ཡནྟུ༔