གཉིས་པ་གང་ལས་མཚན་དུ་གསོལ་བ།
གཉིས་པ་གང་ལས་མཚན་དུ་གསོལ་བ་ནི།
སྤྱིར་མིང་འདོགས་ཚུལ་ལ། ཡུལ་དང་གང་ཟག་དང་དཔེ་དང་དོན་གྱི་གནས་སྐབས་ལ་བཏགས་པ་བཞིར་དགོངས་འགྲེལ་འགྲེལ་ཆེན་ལས་བཤད་ཅིང་གཞན་ཡང་དུ་མ་ཡོད་མོད། འདིར་ཤེར་ཕྱིན་དང་མངོན་རྟོགས་བརྗོད་བྱའི་མིང༌། རྒྱན་དཔེའི་མིང༌། མན་ངག་བྱེད་ལས་ཀྱི་སྒོ་ནས་བཏགས་སོ། །བསྟན་བཅོས་རྗོད་བྱེད་ལས་སོ། །འོན་ཀྱང་མིང་ལ་བཤད་པ་རྒྱུ་མཚན་ཅན་དང༌། འདོད་རྒྱལ་བ་གཉིས་ལས་བཤད་པ་རྒྱུ་མཚན་ཅན་གྱི་སྒོ་ནས་མིང་བཏགས་པ་ཡིན་ནོ། །