འགྲོ་བའི་ཕན་བདེ་སུ་ཡིས་བསྒྲུབ།
འགྲོ་བའི་ཕན་བདེ་སུ་ཡིས་བསྒྲུབ།
ཆོས་པ་ཕལ་ཆེར་སྲིད་འབྱོར་འདོད་རྔམས་འབར། །འཇིག་རྟེན་ཐམས་ཅད་དེ་ལ་ཡིད་སྨོན་ནས། །བསྟན་པ་རྣམ་དག་མི་མངོན་དབྱིངས་སུ་ཡལ། །སྙིགས་མའི་རང་མཚང་རྡོལ་བ་ཡིད་རེ་མུག ། བསྟན་པའི་གཟུགས་བརྙན་འཛིན་མའི་ཁྱོན་གང་ཡང༌། །བསྟན་པའི་སྙིང་པོ་ནུབ་རིར་ཡིབ་གྱུར་མོད། །བསྟན་པ་མི་ཤེས་བསྟན་པ་དར་ཞེས་གླེང༌། །བསྟན་དང་བསྟན་འཛིན་རྨོངས་བས་རང་མགོ་བསྐོར། །མཆོག་གསུམ་མི་ཤེས་དཀོན་མཆོག་སྐྱབས་སུ་འགྲོ། །དམ་ཆོས་མི་ཤེས་ཆོས་ལ་སྒོམ་སྒྲུབ་བྱེད། །བསྟན་པ་མི་ཤེས་ཁོར་ཡུག་གནོད་ཚབ་བཟོ། །སྨན་མི་ཤེས་པས་སྨན་པ་བྱེད་པ་འདྲ། །ལུང་གི་ཆོས་ལ་འཆད་ཉན་མི་བྱེད་པར། །ཐག་པས་བཅང་ནས་མཆོད་ཡུལ་ཙམ་བྱེད་པ། །རྗེས་ལུས་ཡུལ་ནས་ནམ་ཡང་འཕོ་ཐབས་མེད། །རྨོངས་དད་ཡུལ་སྲོལ་འཛིན་པའི་ཀླད་ལྗང་སྐྱོ། །རྒྱལ་བསྟན་པད་མོ་ཆུ་བོའི་གཞུང་དུ་དོར། །དངོས་གཙོ་སྨྲ་བའི་ཀླད་གསར་ཅོལ་ཆུང་ཚོགས། །ཡིད་བརྟན་མེད་པར་བབ་ཅོལ་སྒྲོ་བསྐུར་བྱེད། །རང་གི་མ་ཤེས་མེད་ཅེས་སྨྲ་བ་མཚར། །ཤེས་འཇོན་གཉིས་ལྡན་དམ་པའི་སྐྱེས་བུ་ལ། །ཕྲག་དོག་སྡང་སེམས་ངན་པའི་གཡོ་སྒྱུ་ཡིས། །སྒྲོ་འདོགས་བསྐུར་འདེབས་འབྲུག་སྒྲ་སྟོང་ལྡིར་བ། །འཇིག་རྟེན་སོ་སྐྱེས་ངང་ཚུལ་སྐྱོ་བའི་གནས། །ཨེ་མ་ད་ནི་བསྟན་པ་སུ་ཡིས་འཛིན། །འགྲོ་བའི་ཕན་དང་བདེ་བ་སུ་ཡིས་བསྒྲུབ། །ཐུགས་རྗེས་གཟིགས་ཤིག་བླ་མ་རིན་པོ་ཆེ། །ཐར་བའི་ལམ་སྣ་ཟིན་པར་བྱིན་གྱིས་རློབས། །ཅེས་པ་འདི་སྤྲང་འཁྱམ་པ་ངག་དབང་དངོས་གྲུབ་དཔལ་གྱིས། སྤྱི་ཚོགས་ཁྲ་ཁྲའི་དུས་འདིར། །རང་ཚུགས་རང་གིས་འཛིན་དགོས། །ཁ་བདེས་གཞན་པ་སྨྱོ་བཅུག ། འཁྲབ་སྟོན་གར་གྱི་མིག་འཕྲུལ། །ལ་ལས་ལྷག་བསམ་ཅུང་ཟད། །ལ་ལས་གོ་སྐབས་འཚོལ་འདུག ། ལ་ལས་སྙན་གྲགས་ཆེད་དུ། །ལ་ལས་སྟོང་འུར་སྣ་ཚོགས། །ལ་ལས་ཆགས་སྡང་ཕྱོགས་འཛིན། །ལ་ལས་ཁ་ཕྱོགས་ནོར་བ། །འཇིག་རྟེན་རྫུན་པའི་སྣང་བརྙན། །ལྟད་མོ་ཡང་ཡང་བལྟས་ན། །དབུ་མར་འཇུག་པའི་བརྡ་ཐབས། །སྒྱུ་མ་བཞིན་དུ་སྟོན་ནོ། །སྐབས་འདིའི་སྤྱི་ཚོགས་ངང་ཚུལ་ལ་གཞིགས་ནས་དངོས་གྲུབ་དཔལ་གྱིས་བྲིས་པའོ། །