རྒོག་བཟང་ལྡན་ངོར་གདམས་པའི་མགུར་མ།

༄༅། །རྒོག་བཟང་ལྡན་ངོར་གདམས་པའི་མགུར་མ་བཞུགས་སོ། །ནང་གི་རིག་པ་ཁ་ཡན་ཐོང་། །ཕྱི་རུ་སྣང་ལ་མ་ཞེན་པར། །ཕྱི་ནང་མེད་པ་ཟང་ཐལ་ལེ། །རེ་དོགས་གྲོལ་ལ་ཨེ་མ་ཧོ། །ཡེངས་པ་ཡོདན་སེམས་ཀྱི་ཆ། །དེ་དུས་རྒྱུ་འབྲས་ཁྱད་མ་བསད། །ཡེངས་མེད་རིག་པའི་འཁོར་ལོ་བསྐོར། །ལུས་སེམས་སྦུབ་དེ་གྲོལ་ལ་ཤོག །གང་ཤར་དབྱིངས་ལས་མ་གཡོས་པའི། །དབྱིངས་རིག་འབྲལ་མེད་དབང་པོ་དེས། །འཇིགས་མེད་ནམ་མཁའི་ཀློང་ནས་བརྡོལ། །ཁྱེད་ཀྱང་ང་དང་གཉིས་མེད་ཤོག །ཅེས་པ་རྒོག་བཟང་ལྡན་ངོར། མཁན་ཆེན་གང་ཤར་དབང་པོས་བྲིས་སོ།། །།