གསོལ་འདེབས་དད་ཅན་དགའ་སྟོན་བི་ཛ་ཧ་རམ༔
ཨེ་མ་ཧོ༔ སྐུ་གསུམ་རྒྱལ་བའི་ངོ་བོ་པད་འབྱུང་གི༔ གསང་གསུམ་སྒྱུ་འཕྲུལ་ཟབ་མོའི་གཏེར་འདོན་པའི༔ བདུད་འཇོམས་རྡོ་རྗེ་ལུང་རིག་གླིང་པ་སོགས༔ དམ་པས་རྗེས་བཟུང་དབུགས་དབྱུང་ཐོབ་པའི་བདག༔ ཨ་ཙར་ས་ལེའི་ཟློས་གར་ནཱིརྨ་ཀ༔ རྣལ་འབྱོར་ས་ར་ཧི་ཏ་བྷ་དྲ་ལ༔ གསོལ་བ་འདེབས་སོ་སྣང་ཞིང་སྲིད་པའི་ཆོས༔ བདེན་མེད་གནས་ལུགས་རྟོགས་པར་བྱིན་གྱིས་རློབས༔ ཞེས་དད་ལྡན་དག་སྣང་ལ་དབང་འབྱོར་བ་དྷརྨ་ཤྲཱི་ས་ག་རས་བསྐུལ་ངོར༔ དད་ཅན་སེམས་སུན་འབྱིན་པའི་རྩ་ལྟུང་མི་འབྱུང་ཕྱིར༔ བསམ་པ་དག་པས་ཕན་མིང་དུག་ལྔའི་རྣལ་འབྱོར་ནས་བྲིས་པ་སརྦ་ཛ་གད་དམ༔