གསུམ་པ་དགེ་སློང་ཕའི་སྡོམ་པའི་མི་མཐུན་ཕྱོགས་བཤད་པ།
གསུམ་པ་དགེ་སློང་ཕའི་སྡོམ་པའི་མི་མཐུན་ཕྱོགས་བཤད་པ་ལ།
ལྟུང་བ་སྡེ་ལྔའི་ཐུན་མོང་གི་ཡན་ལག་བཤད་པ་དང༌། ཐུན་མོང་མ་ཡིན་པ་རང་རང་གི་ངོ་བོ་དང་ལྷན་ཅིག་བཤད་པ་དང་གཉིས། དང་པོ་ནི། བསླབ་པའི་ཡན་ལག་ལ། བསྙེན་རྫོགས་ཀྱི་སྡོམ་པ་གསོ་རུང་ཡན་ཆད་ཞིག་དང༌། བསླབ་ཚིགས་གཅིག་པ་དང༌། བསླབ་རྒྱུན་གཅིག་པ་དང༌། ལས་དང་པོ་བ་མ་ཡིན་པ་བཞི་ཚང་དགོས། བསམ་པའི་ཡན་ལག་ལ། ཤེས་པ་རང་བཞིན་དུ་གནས་པ། སྨྱོ་བ། སེམས་འཁྲུགས་པ། སྡུག་བསྔལ་གྱིས་གཟིར་བ། སྤྲུལ་ཚེ་འདུ་ཤེས་མེད་པ་སྟེ་རང་བཞིན་དུ་མི་གནས་པ་གཙོ་བོ་བཞི་གང་རུང་མ་ཡིན་པ་དགོས་སོ། །