དྲི་བ་བཅོ་བརྒྱད་པ་ནི། འཕགས་སེང་ལུགས་ལ་མཚོན་བྱེད་དཔེའི་དགེ་འདུན་ཉི་ཤུ་དང་མཚོན་བྱ་དོན་གྱི་དགེ་འདུན་ཉི་ཤུ་གཉིས་དཔེ་དོན་སྦྱར་ཚུལ་སྤངས་རྟོགས་སྐྱེ་བ་ལེན་ཚུལ་གསུམ་གྱིས་ཆོས་མཐུན་སྦྱར་དུ་ཡོད་དམ་ཅི་ཞེས་པའི་ལན།
དྲི་བ་བཅོ་བརྒྱད་པ་ནི། འཕགས་སེང་ལུགས་ལ་མཚོན་བྱེད་དཔེའི་དགེ་འདུན་ཉི་ཤུ་དང་མཚོན་བྱ་དོན་གྱི་དགེ་འདུན་ཉི་ཤུ་གཉིས་དཔེ་དོན་སྦྱར་ཚུལ་སྤངས་རྟོགས་སྐྱེ་བ་ལེན་ཚུལ་གསུམ་གྱིས་ཆོས་མཐུན་སྦྱར་དུ་ཡོད་དམ་ཅི་ཞེས་པའི་ལན།
འཕགས་སེང་ལུགས་ལ་མཚོན་བྱེད་དཔེའི་དགེ་འདུན་ཉི་ཤུ་དང་མཚོན་བྱ་དོན་གྱི་དགེ་འདུན་ཉི་ཤུ་གཉིས་དཔེ་དོན་སྦྱར་ཚུལ་སྤངས་རྟོགས་སྐྱེ་བ་ལེན་ཚུལ་གསུམ་གྱིས་ཆོས་མཐུན་སྦྱར་དུ་ཡོད་དམ་ཅི་ཞེས་པའོ། །དེའི་ལན་ནི། འཕགས་སེང་ལུགས་ལ་མཚོན་བྱེད་དཔེའི་དགེ་འདུན་ཉི་ཤུ་དང་མཚོནབྱ་དོན་གྱི་དགེ་འདུན་ཉི་ཤུ་གཉིས་རེ་རེ་ནས་དཔེ་དོན་སྦྱར་ཚུལ་སྤངས་རྟོགས་སྐྱེ་བ་ལེན་ཚུལ་གསུམ་གྱིས་ཆོས་མཐུན་སྦྱར་དུ་མེད་ཀྱང་ཉི་ཤུའི་ནང་ནས་ཅི་རིགས་ལ་སྤངས་རྟོགས་སྐྱེ་བ་ལེན་ཚུལ་གསུམ་གྱི་སྒོ་ནས་སྦྱར་བ་ཡོད་དེ། དཔེར་ན་རྒྱུན་ཞུགས་མིའི་རིགས་སྐྱེ་དང་དེའི་མིང་ཅན་གྱི་བྱང་སེམས་གཉིས་བཞིན་ནོ། །དེ་ཆོས་མཐུན་གསུམ་སྦྱར་ཚུལ་ཉ་ཊཱིཀ་ལས། མཐོང་ལམ་གྱི་སྔར་འཇིག་རྟེན་པའི་སྒོམ་ལམ་གྱིས་འདོད་པའི་ཉོན་མོངས་གསུམ་མམ་བཞི་སྤངས་དེའི་གཉེན་པོ་ཟག་མེད་དབང་བོ་ཐོབ་སྐྱེ་བ་གསུམ་་མམ་གཉིས་སུ་མིར་རྒྱལ་རིགས་བྲམ་ཟེར་ཁྱིམ་བདག་ཏུ་སྐྱེ་བའི་བྱང་སེ་ནི། རྒྱུན་ཞུགས་མིའི་རིགས་ནས་རིགས་སྐྱེའི་མིང་ཅན་ཏེ། ཞེས་གསུངས་སོ། །སྤངས་རྟོགས་སྐྱེ་བ་ལེན་ཚུལ་སྤྲུལ་པ་སོགས་ཀྱི་སྒོ་ནས་ཆོས་མཐུན་སྦྱར་པའི་ཚད་ལ་དཔྱད་པར་བྱའོ། །འཕགས་པའི་ལུགས་ལ་མཚོན་བྱ་དོན་གྱི་དགེ་འདུན་ཉི་ཤུ་ནི། ཉ་ཊཱིཀ་ལས། འཕགས་པ་སོགས་ལྟར་ན། ཞུགས་པའི་ མིང་ཅན་ལྔ། གནས་པའི་མིང་ཅན་བཅུ་བཞི། རང་རྒྱལ་གྱི་མིང་ཅན་གཅིག་གོ ། ཡང་ན་འདྲ་བ་ལྔ་ཞེས་སོགས་སྦྱར་རོ། །ཞེས་གསུངས་སོ། །སེང་བཟང་གི་ལུགས་ལ་མཚོན་བྱ་དོན་གྱི་དགེ་འདུན་ཉི་ཤུ་ནི་ཉ་ཊཱིཀ་ལས་ཤེས་པར་བྱའོ། །