དགེ་བསྙེན་གྱི་སྒྲ་བཤད།
དགེ་བསྙེན་གྱི་སྒྲ་བཤད་ནི།
ཨུ་པ་སི་ཀ་ཞེས་ཏེ། ཨུ་པ་ནི་ཉེ་བའམ་བསྙེན་པ་ཡིན་ལ། སི་ཀ་ནི་དགེ་བ་ཡིན་པས་དགེ་བསྙེན་ཞེས་བྱ་སྟེ། གཞི་འགྲེལ་ལས། དགེ་བའི་ཆོས་ལ་བསྙེན་བཀུར་བྱེད་པའི་ཕྱིར་དང་བསླབ་པའི་གཞི་ཇི་སྐད་གསུངས་པ་དག་སྲུང་བར་བྱེད་པའི་ཕྱིར་རོ། །ཞེས་སོ། །དགེ་ཚུལ་གྱི་སྒྲ་བཤད་ནི། པཎྜི་ཏ་ཛྙཱ་ན་ཤྲཱིའི་ཞལ་ནས་སཾ་སྐྲྀ་ཏའི་སྐད་དུ་ཤྲ་མ་ཎ་ལ་ཨེ་ར་ག་ཙ་ཏི་ཞེས་སྒྲའི་རྐྱེན་བྱིན་པས། མིག་མཆི་མས་གང་བ་དང་འདྲ་བས་ན་དགེ་ཚུལ་ཞེས་བྱ་སྟེ། མིག་མཆི་མས་གང་བ་དེས་ཐག་ཉེ་བ་མཐོང་ཡང་ཐག་རིང་བ་མི་མཐོང་བ་ལྟར། དགེ་ཚུལ་ཡང་རང་གི་བསླབ་པ་སྟོན་པའི་འདུལ་བ་ཉན་དུ་རུང་ཡང༌། དགེ་འདུན་དང་འབྲེལ་བའི་ལས་ཆོག་རྣམས་སྤྱིར་བཏང་ལ་ཐོས་སུ་མི་རུང་བས་ན་དགེ་ཚུལ་ཞེས་བྱའོ། །ཕལ་སྐད་དུ་ཙི་ལུ་ཞེས་པ་གཡོག་པོ་ཞེས་པ་སྟེ། བླ་མའི་བྱ་བ་ལ་ངལ་ཞིང་དུབ་པའི་དོན་གྱིས་ན་དགེ་ཚུལ་ཞེས་བྱའོ། །