རྩིས་མགོ་བརྒྱ་པ་ལས་བྱུང་བའི་ཉེར་མཁོའི་བསྐོར།
རྩིས་མགོ་བརྒྱ་པ་ལས་བྱུང་བའི་ཉེར་མཁོའི་བསྐོར་ནི། ལྷ་མཆོད་པའི་རྩིས་ལ། །༢ཟླ་བ་༦པ་སངས་མཆོག་ཏུ་བཟང་། །ལྷག་པ་ཕུར་བུ་༡ཉི་མ་འབྲིང་། །༣མིག་དམར་༧སྤེན་པ་གཉིས་པོ་ངན། །ལྷ་འཁྲུག་ལྷ་ནད་འོང་བ་ཡིན། །༣བིས་རྫི་༤མགོ་དང་“རྒྱལ་སྟོད་༧སྨད། །དབང་ཕྱུག་༡༢བྱ་མ་བྱ་ཟེ་༡༡ཁྲ། །༡༩བྲེ་༢༠ཕུལ་༢༤ ཁྲུམས་སྟོད་༤་རྟ་ཆེན་བཟང་། །༡༧ལྡེ་དགུ་ལྷ་གསོལ་ལྷ་བདག་མཆི། །༡༢བྱའུ་༡༠རྟ་ཆུང་༡བྲ་ཉེ་ངན། །དུས་སྦྱོར་གླང་འཁྲིག་སེང་གེ་ བཟང་། །ལུག་དང་ཆུ ་སྲིན་གཉིས་པོ་ངན། །ཉི་མ་ལུག་འབྲུག་སྤྲེའུ་བཟང་། །སྟག་གི་ཉི་མར་ལྷ་གསོལ་ན། །ལྷ་བདག་གྲི་རུ་འཆི་བ་ཡིན། །ཚེས་གཅིག་དབུ་དང་ཉེར་དགུ་ངན། ༈ །མཆོད་རྟེན་དང་ལྷ་ཁང་ལྷ་སྐུ་གསུང་རབ་བཞེངས་པའི་རྩིས་ལ། ༡ཉི་མ་མེས་འཇིག་༣མིག་དམར་གནམ་ལྕགས་བབ་པའམ་ཐོག་སྡིག་མི་ཉན་ཉེས་ཆེའོ། །༥ ཕུར་བུ་ཆོས་འཕེལ་དངོས་གྲུབ་ཐོབ། །༢ཟླ་བ་༤ལྷག་པ་༦པ་སངས་བཟང་། །༠སྤེན་པ་གདོན་འཇུག་ནོར་རྣམས་མཛད། །༢སྨིན་དྲུག་༤ མགོ་དང་༦ནབས་སོ་༧རྒྱལ། །བྱིན་རླབས་དངོས་གྲུབ་ལྡན་དེ་བཟང་། །༩མཆུ་༡༡སྦོ་༡༣ནག་པ་༡༤ ས་རི་ལ། །བཀྲ་ཤིས་བྱིན་རླབས་ལྡན་ཏེ་བཟང་། །
༡༨ སྣུབས་༢༠ཕུལ་༢༡གྲོ་བཞིན་༢ ༢མོན་གྲེ་དང་། །༢༣མོན་གྲུ་༢༤ཁྲུམས་སྟོད་བསམ་པ་འགྲུབ། །༡བྲ་ཉེ་༥ལག་དང་༡༢མེ་བཞི་ལ། །བར་ཆད་མི་རུང་སྣ་ཚོགས་འབྱུང་བས་ངན། །༡༥ས་ག་༡༧སྒྲོན་ལ་ལོངས་སྤྱོད་དབུལ་བར་བཤད། །དུས་སྦྱོར་གླང་འཁྲིག་བུ་མོ་བུམ་པ་གཞུ། །སེང་གེ་རྣམས་ནི་བཀྲ་ཤིས་རབ་གནས་བརྟན། །གཞན་དྲུག་ངན་པ་སྤང་བར་བཤད་པ་ཡིན། །ཉི་མ་གླང་ལུག་ཁྱི་འབྲུག་སྟག་རྣམས་བཟང་། །གཞན་མ་རྣམས་ནི་ངེས་པས་མ་གསུངས་སོ། །ཡར་ངོས་ཚེས་བརྒྱད་བཅུ་གཉིས་བཅུ་གསུམ་དང་། །བཅུ་དང་བཅོ་ལྔ་དག་ལ་བཟང་བར་གསུངས། །མར་ངོས་ཚེས་ལ་རབ་གནས་མི་ཆགས་སོ། །བཟློག་པ་རིམ་གྲོ་བྱ་བའི་རྩིས། །༡ཉི་མ་༣མིག་དམར་།ཕུར་བུ་བཟང་། །དྲག་པོའི་ལས་ལ་ཤིས་པ་ཡིན་པ་ཡིན། །༢ཟླ་བ་ལྷག་པ་༦པ་སངས་རྣམས་།འཇམ་པོས་རིམ་གྲོ་དག་ལ་བཟང་། །ྋསྤེན་པ་ཞི་དྲག་གཉིས་ཀ་ངན། །༢སྨིན་དྲུག་༡༣ནག་པ་༤མགོ་༥ལག་༧རྒྱལ། །༡༨སྒྲུབས་དང་༡༩གྲེ་༢༠ཕུལ་༢༡གྲོ་བཞིན་དང་། །༦ནབས་སོ་༢༤ ཁྲུམས་སྟོད་༢༥ཁྲུམས་སྨད་བཟང་། །༡༤ས་རི་བདབྱུག་པ་གཉིས་ནི་རབ། །༡བྲ་ཉེ་༣སྣར་མ་༡༦ལྷ་མཚམས་དང་། །༢༢མོན་གྲེ་༢༣མོན་གྲུ་༢༦ནམ་གྲུ་ངན། །གཞན་མ་རྣམས་ནི་འཕྲོད་
དང་བསྟུན། །དུས་སྦྱོར་འཁྲིག་སེང་གླིང་གཞུ་བཟང་། །ཀཎྜ་སྡིག་པ་དྲག་པོ་བཟང་། །གཞན་རྣམས་བཏང་སྙོམས་ཙམ་དུ་རྩི། །རྟེན་འབྲེལ་སྐྱེ་བ་སྐྱེ་མཆེད་བཟང་། །ཉི་མ་རྟ་སྦྲུལ་ཁྱི་འབྲུག་བཟང་། །སྟག་སྤྲེའུ་ཕག་གླང་ལའང་བཟང་། །ཐེབས་བཟློག་དུས་ཚོད་ཤིན་ཏུ་གཅེས། ༈ །རབ་ཏུ་བྱུང་དང་བཤེས་གཉེན་དང་། །དཀྱིལ་འཁོར་བྲི་དང་སློབ་གཉེར་བྱེད། །སྒྲུབ་མཆོད་དབང་བསྐུར་བྱེད་པའི་རྩིས། །རེས་གཟའ་༡ཉི་མ་དབང་བའི་ཉིན། །རབ་ཏུ་བྱུང་བ་ཤེས་རབ་འཕེལ། །༢ཟླ་བ་རབ་བྱུང་བྱས་པ་ནི། །ཆོས་ལ་མཁས་པར་མི་འགྱུར་རོ། །༣མིག་དམར་ལ་ནི་རབ་ཏུ་བྱུང་། །ཡུན་རིང་ན་ཞིང་འཆི་བའི་ཉན། །༤ ལྷག་པ་རབ་བྱུང་སྙོམས་ལས་ཆེ། །ཕུར་བུ་རབ་བྱུང་བྱས་པ་ནི། །འགྲོ་བ་མང་པོའི་མགོན་དུ་གྱུར། །༦པ་སངས་རབ་བྱུང་རང་འཚོ་ཙམ། །༠སྤེན་པ་འཁྲིམ་འཆལ་ཡང་ན་འཆི། །སྐར་མ་༤མགོ་ལག་༦ནབས་སོ་༧རྒྱལ། །༩མཆུ་དང་༡༢མེ་བཞི་༡༣ནག་པ་དང་། །༡༥ས་ག་༢༣མོན་གྲུ་༢༢མོན་གྲེ་༢༠བྲེ། །རབ་ཏུ་བྱུང་བས་མཆོག་ཏུ་བཟང་། །༢༡གྲོ་བཞིན་ངན་པར་གསུངས་པ་ཡིན། །༡༧སྣོན་ལ་རང་མགོ་ཐོན་པ་ཙམ། །སྐར་མ་གཞན་ལ་ངེས་པ་མེད། །ལུག་གི་དུས་སྦྱོར་ཤར་བའི་ཚེ། །མཁས་པ་དག་
དང་ལྡན་པ་ཡིན། །གླང་ལ་རབ་ཏུ་བྱུང་བ་ན། །གྲོགས་དང་ལྡན་ཏེ་ བཟང་པོ་ཡིན། །འཁྲིག་པ་རབ་བྱུང་ཡིད་དུ་འོང་། །ཆུ ་སྲིན་བུམ་པ་གཉིས་པོ་ལ། །ཁྲིམས་ལོག་རུབ་ཅིང་བཟང་པོ་ཡིན། །ཟས་དང་གོས་ཀྱང་རྙེད་པར་འགྱུར། །ཉ་ལ་ཤེས་རབ་ཆེ་བ་དང་། །སེང་གེ་གཞན་གྱི་རྒོལ་བ་འཇོམས། །བུ་མོ་གཞུ་ལ་ཁྲིམས་འཆལ་ལོ། །གཞན་མ་རྣམས་ལ་འགལ་བ་མེད། །༈ །སྐྱ་ཁྲུ་བ་དང་ཁྲུས་བྱ་བའི་རྩིས། ༢གཟའ་ཟླ་བ་༤ལྷག་པ་ཤ་མདངས་དཀར་ཞིང་དེངས། །ཕུར་བུ་༦པ་སངས་རིགས་པ་འཕེལ་ཞིང་དགེ །༠སྤེན་པ་ནའམ་སྡུག་བསྔལ་འབྱུང་། །༣སྣར་མ་༤མགོ་༥ལག་༦ནབས་སོ་༢༡དབོ། །༡༢ནག་པ་༡༦ལྷ་མཚམས་༡༩ཆུ་སྟོད་༢༠སྨད། ། ༢༥ཁྲུམས་སྨད་༢༦ནམ་གྲུ་བཟང་བ་དགེ། །༢སྨིན་དྲུག་༧རྒྱལ་དང་༡༥ ས་ག་༩མཆུ། །༢ ༣མོན་གྲུ་༢༤ ཁྲུམས་སྟོད་༡༠གྲེ་༠ཐ་སྐར། །ངན་པས་ན་འཆི་སྡུག་བསྔལ་འབྱུང་། །གཞན་རྣམས་བཏང་སྙོམས་བྱེད་པ་ཡིན། །དུས་སྦྱོར་ཉ་དང་བུམ་པ་བུ་མོ་ ཆུ་སྲིན་བཟང ་། །སྲང་དང་ཀརྔ་ངན་ལ་གཞན་བཏང་སྙོམས། །རྟེན་འབྲེལ་ནི་སྐྱེ་བ་ལ་མཛེས། ལེན་པས་ནོར་རྙེད་ལ། སྲིད་པ་ཟས་རྙེད་ཁ་དོག་ལེགས། སྐྱེ་བ་ཡིད་འོང་བཀུར་སྟི་ཐོབ། རྒ་ཤི་ལུས་སེམས་བདེ། མ་རིག་པ་ལ་བཀྲ་མི་
ཤེས། འདུ་བྱེད་རྣམ་ཤེས་མིང་གཟུགས་དང་། །ཚོར་བ་རྣམས་ལ་བཀྲག་མདངས་འབྱུང་། །སྲིད་པ་སྐུ་བྱི་རིག་པ་སྤྱོད། ཚེས་གྲངས་ནི་གཅིག་ལ་ཚེ་ཐུང་གཉིས་ནད་མང་། གསུམ་ལ་དཔལ་འབྱོར་ཕུན་སུམ་ཚོགས། བཞི་ལ་དབང་ཐང་མཐོ། ལྔ་ལ་ཕྱུག །དྲུག་ལ་ཁ་སྨྲས་དབང་པོ་ཉམ། བདུན་ལ་སྟོབས་ཉམ། བརྒྱད་ལ་ཚེ་རིང་ཕུན་སུམ་ཚོགས། དགུ་ལ་ནད་ཐེབ། བཅུ་ལ་བསོད་ནམས་དབང་ཐང་ཆེ། བཅུ་གཅིག་ལ་བློ་གསལ་དབང་པོ་རྣོ། བཅུ་གཉིས་ལ་ནད་ཐེབ། བཅུ་གསུམ་ལ་ཆོས་འཕེལ། བཅུ་བཞི་ལ་ཕྱུག་པོར་འགྱུར། བཅོ་ལྔ་ལ་མཛེ་ནད་འོང་། བཅུ་དྲུག་ལ་རིམས་ནད་འབྱུང་། བཅུ་བདུན་ལ་མདོག་ནག་ལུས་ཞི། བཅོ་བརྒྱད་ལ་གདོན་འོང་ནོར་སྟོར་དྲན། བཅུ་དགུ་ལ་བཀྲག་མདངས་འཕེལ། ཉི་ཤུ་ལ་བཀྲེས་སྐོམ། ཉེར་གཅིག་ལ་ནད་འབྱུང་གདོན་ཟིན། ཉེར་གཉིས་ལ་ཟས་སྐོམ་རྙེད། ཉེར་གསུམ་ལ་ཟས་གོས་རྙེད། ཉེར་བཞི་ལ་མི་ཁ་འབྱུང་སྟེ་མཐར་སྐྱིད། ཉེར་ལྔ་ལ་མིག་ཚག་འབྱུང་། ཉེར་དྲུག་ཉེར་བདུན་ལ་རྟག་ཏུ་སྐྱིད། ཉེར་བརྒྱད་ལ་འཐབ་མོ་འབྱུང་། ཉེར་དགུ་ལ་བླ་འཁྱམ། སུམ་ཅུ་ལ་གཤིན་པོ་དང་འཕྲད། ༈ འདུལ་བའི་སྐྲ་ཚེས་ཀྱི་ལེའུ་ཚེས་གསུམ་ལ་སྐྲ་བསིལ་ལོངས་སྤྱོད་
འཕེལ། ཚེས་བཞི་ལ་དབང་ཐང་ཡོལ། ཚེས་བརྒྱད་ལ་ཚེ་རིང་ཚེས་བཅུ་ལ་དབང་ཐང་རྒྱས། ཚེས་བཅུ་གཅིག་ལ་བློ་རྣོ། ཚེས་བཅུ་གསུམ་ལ་བཟའ་བ་རྙེད། ཚེས་བཅུ་བཞི་ལ་ལོངས་སྤྱོད་འཕེལ། ཚེས་བཅུ་དགུ་ལ་ཚེ་རིང་། ཚེས་ཉེར་གསུམ་ལ་ཕྱུག་པོ་འོང་། ཚེས་ཉེར་དྲུག་ལ་བདེ་སྐྱིད། ཉེར་བདུན་ལ་དགེ། དེ་རྣམས་མ་གཏོགས་གཞན་སྤང་ངོ་། ༈ །ནོར་གཏོང་ལེན་བྱེད་པའི་རྩིས། །༡ཉི་མ་༤ལྷག་པ་ྋསྤེན་པ་ལ། །དངོས་པོ་ཕྱི་ལ་གཏོང་བ་ངན། །༦རྒྱལ་སྟོད་༣བིས་རྫི་༡༩གྲེ་དང་༢ ༣སྒྲོག །དངོས་པོ་གང་ཡང་ཕྱིར་གཏོང་ངན། །༡༩བྲེ་དང་༢༠ཕུལ་གཉིས་བློའབྲུ་མི་འཇལ། །༡༤ ས་རི་༡༥ས་ག་གཉིས་ཀྱང་ངན་། །༡ བྲ་ཉེ་རསག་དང་༡༤ ས་རི་ལ། །ར་ནི་ཕྱིར་ལ་མི་གཏོང་ན། །༣བིས་རྫིས་བ་གླང་གཏོང་བ་ངན། །༢ ༣སྒྲོག་ལ་རྟ་བ་ཕྱིར་མི་གཏོང་། །༦རྒྱལ་སྟོད་ལུགས་ནི་ཕྱིར་གཏོང་ངན། །༡༡ཁྲ་དང་༡༢ བྱ་མ་༡༣བྱིའུ་ལ། །འབྲི་ནག་ཕྱིར་ལ་མི་གཏོང་ངོ་། །༡༤ས་རི་༡༥ས་ག་གཉིས་པོ་ལ། །ས་ཞིང་ཕྱིར་ལ་མི་གཏོང་ངོ་། །འདི་དག་རྣམས་ཀྱི་གཟའ་སྐར་ལ། །གང་ཡིན་ཚུར་ལ་ལེན་པ་བཟང་། །རྟ་ཕྱུགས་འཇལ་ལེན་རྩིས་ལ། །ཟླ་བ་བྱུང་ངོ་ཅོག་གི་ཚེས་གཅིག་གཉིས་གསུམ། བཅུ་བཞི་བཅོ་ལྔ་ལ་བླང་ན་མང་དུ་
འཕེལ། གཉིས་དང་བཞི་ལ་བླང་ན་འཆི། ཚེས་ལྔ་ལ་བླང་ན་ཁྲིད་འཕེལ། ཚེས་དྲུག་བདུན་བརྒྱད་ལ་འཆི། བཅུ་གཅིག་བཅུ་གཉིས་བཅུ་གསུམ་ལ་སྟོར། བཅུ་དྲུག་ཉི་ཤུ་ཉེར་ལྔ་ལ་བླང་ན་གཅིག་ལ་བཅུ་འཕེལ། ཚེས་བདུན་ཉེར་གསུམ་ཉེར་བཞི་ལ་བླང་ན་ཁ་མཆུ་འོང་། བཅུ་གཉིས་ཉེར་བརྒྱད་ལ་བླང་ན་མི་དགེ་བའོ། །བཅོ་བརྒྱད་བཅུ་དྲུག་ལ་བླང་ན་ཕན་མི་ཐོགས་ཉེར་དྲུག་ལ་བླང་ན་སྟོར། ཉེར་གཅིག་ཉེར་གཉིས་ལ་བླང་ན་རབ། ཉེར་ལྔ་ལ་བླང་ན་བརྒྱར་འཕེལ། ཉེར་དགུ་ལ་ངན་པས་མི་ཉེའོ། །ཉེར་བདུན་ཉེར་བརྒྱད་འཕེལ་འགྲིབ། གནམ་སྟོང་ལ་ར་བ་སྟོང་། ༈ ཉོ་ཚོང་རྩིས། །་ལྷག་པ་ཕུར་བུ་བཟང་། །༢ཟླ་བ་༦པ་སངས་༡ཉི་མ་འབྲིང་། །༣མིག་དམར་ྋསྤེན་པ་ངན། །༠དབྱུག་པ་༡༢བྱ་མ་༢༦ཤེས་པ་དང་། །༦རྒྱལ་སྟོད་༡༤ ས་རི་༢༠བྱ་ཟེ་༢༡བྱ་སྦོ་༢༢བྱ་གཞུག་༤མགོ་རྣམས་བཟང་། །སྲང་དང་བུ་མོ་གླང་འཁྲིག་དང་། །ལུག་གི་དུས་སྦྱོར་རྣམས་ལ་བཟང་། གླང་གི་ཉི་མར་གླང་ཚོང་ངན། །ཉི་མ་རང་། དང་སྟེང་དུ་འཛེམ། །རྟ་ཕྱུགས་ཉོ་ཚོང་ཚེས་གྲངས་ལ་ཡང་ལྟོས།
སྟེང་མ་མིའི་བླ་གནས། འོག་མ་རྟའི་བླ་གནས། རྩིས་ཀྱི་ཤོག་བཀྲ་བཞུགས་སོ། རྐང་བའི་མཐེ་བོང་རྐང་འཐིལ། ལོང་བའི་ཚིགས་ཚིལ་ཁེ བྱིན་པ་སྒྱིད་ཁུག པུས་མོ་སྲེ་ལོང་། སྒྱིད་ཁུག་བརླ་ནང་། བརླ་ཤ་སེ་བ་རུས། མཁལ་མའི་སྟེང་དཔྱི་མིག རྩིབ་སོགས་རྔ་མ། དཔུང་མགོ་ལག་པ། ལག་ངར་ལག་པ། ལག་མཐིལ་རྔ་ཚིགས། སྐེ་དཔུང་ཚིགས། རྣ་ལྷག་སོག་པ། ཟ་འགྲམ་ལྷག་ཁུང་། ལུས་ཀུན་ཁྱབ་ཉཱ་བཞི། ཟ་འགྲམ་དྲུག་མདོ། རྣ་ལྷག་སྐེ། སྐེ་རྒལ་ཚིག ལག་འཐིལ་རྔོག་མ། ལག་ངར་ཁ། པུས་མགོ་སོ། རྩིབས་སོགས་ལྕེ། མཁལ་མ་མཆུ། བརླ་ཤ་མཆུ། སྒྱིད་ཁུག་རྐན་ཕུག པུས་མགོ་སྣ་མགོ། བྱིན་པ་དཔྲལ་བ། རྐང་པའི་མཐིལ་གསུས་པ། ལུས་ཀུན་ཁྱབ་ལུས་ཀུན།
ཚེས་གཅིག་རྐང་པའི་མཐེ་བོང་ནས་སྐྱེས་པར་གཡོན་དང་། བུད་མེད་གཡས་ནས་ཡར་འགྲིམ་པ་ནམ་ལངས་ལྷང་པ་གི་ཤེར་འགྱིང་པ་ཉི་དྲོས་མཆུ་དང་ལྟག་པ་ཉིན་ཕྱེད་གྲངས་རྩིས་ཕྱེད་ཡོལ་ལྟོ་བ་ཉི་ཐལ་སྙིང་ཁ་མུན་རུབ་རྒྱབ་སྲོད་ནས་ནམ་ལངས་བར་ལུས་སྤྱིར་རྒྱུའོ། །གཞན་འདྲ་མིན་མང་བས་མ་བྲིས་སོ། །མངྒ་ལཾ།། ༄༅། །གཏར་ཁ་མེ་བཙའ་བྱ་བའི་རྩིས་ལ། །༡ཉི་མ་ཁྲག་མང་གཟའ་ཡི་འཇིགས། །༣མིག་དམར་དབང་ཐང་དབང་པོ་སྐྱོན། །༠སྤེན་པ་གདོན་གྱི་ཟིན་དོགས་ཡོད། །༢ ཟླ་བ༤ལྷག་པ་(ཕུར་བུ་དང་། །༦པ་སངས་རྣམས་ལ་བཟང་པོ་ཡིན། །སྐར་མ་༡༣ནག་པ་༡༦ལྷག་མཚམས་དང་། །༢༦ནམ་གྲུ་༡༤ས་རི་༢༠ཆུ་སྨད་དང་། །༦ནབས་སོ་༧རྒྱལ་དང་༢༡གྲོ་བཞིན་བཟང་། །༥ ལག་པ་དང་༡༢མེ་བཞི་༡༠གྲེ་༢༤ཁྲུམས་སྟོད་དང་། །བྲ་ཉེ་རྣམས་ལ་ངན་པ་ཡིན། །གཞན་རྣམས་བཏང་སྙོམས་བྱས་པས་རུང་། །དུས་སྦྱོར་གླང་འཁྲིག་བུ་མོ་ཉ་བཅས་ བཟང་། །ཀཎྜ་སྲང་སེང་གཞུ་འབྲིང་། །ལུག་སྡིག་ཆུ ་སྲིན་བུམ་པ་ངན། །ཚེས་གྲངས་བཞི་བརྒྱུད་བཅུ་གཅིག་དང་། །བཅོ་ལྔ་བཅོ་བརྒྱད་ཉེར་གཉིས་དང་། །ཉེར་ལྔ་ཉེར་དགུ་གནམ་གང་ངན། །གཞན་རྣམས་བླ་གནས་དག་དང་བསྟུན། །ཉི་མ་བྱ་ཁྱི་བཟང་། འབྲུག་སྦྲུལ་ལུག་ངན། སྤར་སྨེ་ལི་དང་གཉིས་ནག་ངན། །
རི་མོ་ཡོད།
བྱེད་པའི་བིཊྚི་ཞེས་བྱ་བ། །ར་ཧུ་ལ་དང་ལྷན་གཅིག་ཏུ། །འཇིགས་སུ་རུང་བ་སྲོག་ལ་རྔམ། །རང་། ཕྱོགས་སྡེ་བརྒྱད་ལམ་སྣ་འདྲེན། །ཟླ་བ་ལ་ལན་བརྒྱད། །ཚེས་བཞིའི་མཚན་མོ་བརྒྱད་ཀྱི་ཉིན། །། བཅུ་གཉིས་མཚན་མོ་བཅོ་ལྔ་ཉིན། །བཅོ་བརྒྱད་མཚན་མོ་ཉེར་གཉིས་ཉིན། །ཉེར་ལྔའི་མཚན་མོ་ཉེར་དགུ་ཉིན། །དེ་དག་རྣམས་ལ་བིཥི་འབར་བའི་རྒྱབ་པ་གཡོན་དུ་འཆར་བའི་ཚེ། དམག་དང་དྲག་ལས་ལམ་ཞུགས་བཟང་། རྒྱབ་རྒྱལ་ཞིང་གཡོན་དུ་ཉེ། མདུན་དང་གཡས་སུ་འཆར་བའི་ཚེ། །ནོར་སོགས་བྱ་བ་མཐའ་དག་སྤངས། །འཆི་དང་ཕམ་པར་འགྱུར་བ་ཡིན། །དེ་རྣམས་ལེགས་པར་རྩི་བར་གཅེས། བྱང་དུ་རྒྱུ། ཕྱི་ཆ་ལ་ནུབ་ ཤར་༡༡ ཕྱི་ཆ་ལ་ནུབ་ནས་ཤར་དུ་རྒྱུ། བྱང་ནས་ལྷོར་རྒྱུ། ༢༢ སྔ་ཆ་ལ་ལྷོ་ནུབ་ ནས་བྱང་ཤར་དུ་རྒྱུ།
བཟོ་བྱ་བ་དང་སྐྲ་སེན་བྲེག་པའི་རྩིས་ལ། །༢ཟླ་བ་༤ལྷག་པ་གཉིས་པོ་བཟང་། །ཕུར་བུ་དག་ལ་ནོར་ལ་འཚེ། །༡ཉི་མ་༣མིག་དམར་བསྤེན་པ་ངན། །༦པ་ཝ་སངས་ལ་བུ་ཐོབ་འགྱུར། །༢ སྨིན་དྲུག་༤མགོ་དང་༩རྟ་ཆེན་པ། །༡༥ས་ག་༡༦ལག་སོར་༢༤ ཁྲུམས་སྟོད་དང་། །༡༢བྱ་མ་༡༣བྱའུ་༢༦ཤེ་པ་དང་། །དབྱུག་པ་རྣམས་ལ་བཟང་བར་བྱ། །༣བིས་རྫི་༢༠ཕུལ་དང་༡༡ཁྲ་དང་༢༢སྒྲོག །༢༥ཁྲུམས་སྨད་༡བྲ་ཉེ་ངན་པས་སྤངས། །གཞན་མ་རྣམས་ལ་ངེས་པ་མེད། །གླང་འཁྲིག་སེང་དང་བུ་མོ་ཉ་རྣམས་ བཟང་བ་ཡིན། །སྡིག་སྲང་ཀརྫ་ཆུ ་སྲིན་ངན། །བུམ་གཞུ་གཉིས་པོ་འབྲིང་པོ་བསྟན། །རྟེན་འབྲེལ་མ་རིག་མིང་གཟུགས་དང་། །ལེན་པ་རྣམས་ཀྱང་བཟང་བ་ཡིན། །རིག་པ་རྒ་ཤི་གཉིས་པོ་ངན། །གཞན་ནི་ངེས་མེད་དག་དང་བསྟུན། །རྟ་དང་ཁྱི་ཕག་བྱི་བ་བཟང་། །བྱ་ཡོས་སྤྲེའུ་ངན་པས་སྤངས། །ཚེས་གྲངས་ངེས་མེད་ཡིན་པར་རྩི། ༈ །གོས་གྲ་བ་དང་གྱོན་པའི་རྩིས། །༡ཉི་མར་གྲ་བ་དགེ་བ་གྱོན་བྱ། །༢ཟླ་བ་གྲ་གྱོན་གཉིས་ཀ་ངན། །༣མིག་དམར་ཡང་གྲ་གྱོན་གཉིས་ཀ་ངན། །ང་ལྷག་པ་ལ་གཉིས་ཀ་བཟང་། །།ཕུར་བུ་གོས་འཕེལ་༦པ་སངས་ཚེ་
འཕེལ་ལོ། །ཁསྤེན་པ་ནད་འཇུག་ནོར་བྲལ་ངན། །གྲ་བ་ལ་བདབྱུག་གུ་༢ྋཆུ་སྨད་ཁ་དོག་ལེགས། །༣སྣར་མ་༥ལག་༦ནབས་སོ་དང་། །༡༤ ས་རི་༡༦ལྷག་མཚམས་༢༡གྲོ་ཞུན་རྣམས། །ཕྱིས་ཀྱང་གོས་གསར་རྙེད་ཟེར། །༡ ༢མེ་བཞི་༡༣ནག་པ་༡༥ས་ག་བཟང་། ༢༥ཁྲུམས་སྨད་འབྲིང་། ༡བྲ་ཉེ་༡༩ཆུ་སྟོད་༢ སྨིན་དྲུག་༢༢མོན་གྲེ་༤མགོ་ ༧རྒྱལ་༢༡དབོ་༡༠གྲེ་༨སྐག་༩མཆུ་༡༧སྣོན་༡༣མོན་གྲུ་༡༨སྣུབས་༢༦ནམ་གྲུ་རྣམས་ནི་གྲོ་བ་ངན་པའོ། །དུས་སྦྱོར་གླང་དང་འཁྲིག་པ་དང་། །བུ་མོ་ཉ་ བཟང་བའི་གྲྭ་བ་གྱོན་པ་བྱ། སེང་གེ་གཞུ་འབྲིང་། ཀརྔ་ཆུ ་སྲིན་སྡིག་པ་ངན། ཉི་མ་སྟག་ལུག་བྱི་ཕག་ཁྱི་ལ་གོས་གྲ་བ་དགེ། བྱ་ཡོས་སྤྲེའུ་སྦྲུལ་ལ་ངན། གླང་རྟ་འབྲུག་གསུམ་འབྲིང་། གྱོན་པ་ལ་ཉི་ཁྱིམ་བཟང་ངན་མ་བསྟན། རྟེན་འབྲེལ་མ་རིགས་ལེན་པ་མིང་གཟུགས་དང་། རྒ་ཤི་ལ་ངན་པས་འཛེམས། རིག་པ་འདུ་བྱེད་འཛེམ། རྣམ་སྲེད་པ་དགེ། སྲེད་པ་སྐྱེ་བ་ཚོར་བ་གྱོན་པ་བཟང་། སྐར་མ་ནི། དབྱུག་པ་༣སྣར་མ་༦ནབས་སོ་༧རྒྱལ། །༡༤ ས་རི་༡༥ས་ག་༡༦ལྷག་མཚམས་༢༠ ཕུལ། །༢ ༣མོན་གྲུ་༢༢མོན་གྲེ་༢༤ ཁྲུམས་སྟོད་དང་། །༢༦ནམ་
གྲུ་རྣམས་ལ་གྱོན་པ་བཟང་། །མེ་བཞི་ལ་ནི་ཁ་འཇམ་མགོ་ལ་སྡང་། །༩མཚུ་༥ལག་༡བྲ་ཉེ་༢སྨིན་དྲུག་༡༠གྲེ་༨སྐག་༢༡ དབོ། །༡༧སྣོན་༡༨སྒྲུབས་༢༣མོན་གྲུ་༢༥ཁྲུམས་སྨད་༡༣ནག་པ་ངན་པས་མི་གྱོན་འཛེམ། ཚེས་དང་ཉི་ཁྱིམ་མ་སྟན། ༈ མཁར་ལས་ཁྱིམ་གསར་འཛིན་པ་གྲོང་ཁྱེར་བརྩེགས་པའི་རྩིས། །༡ཉི་མ་མེ་ཡི་ཚིག་པས་སྤངས། །༣མིག་དམར་ལ་ནི་དགྲ་ཡི་འཇིགས། །༠སྤེན་པ་བརྟན་ཞིང་ཟས་ནོར་ཕྱུག །༢ཟླ་བ་༤ ལྷག་པ་བུ་ཐོབ་ཅིང་། །། ཕུར་བུ་༦པ་སངས་ཚེ་རིང་ངོ་། །༤མགོ་༥ལག་༦ནབས་སོ་༧རྒྱལ་དང་ནི། །༩མཆུ་དང་༡༢མེ་བཞི་༡༤ ས་རི་དང་། །༡ས་ག་ལ་ནི་ལོངས་སྤྱོད་ཆེ། །༡༨སྒྲུབས་༢༠ཕུལ་༢༡གྲོ་བཞིན་༢༢མོན་གྲེ་དང་། །༢༤ ཁྲུམས་སྟོད་༢༦ནམ་གྲུ་བསམ་པ་འགྲུབ། །༡ བྲ་ཉེ་༥ལག་རསྐག་༢༢སྒྲོག་༢།ཁྲུམས་སྨད་ལ། །མི་དགེ་སྡིག་པས་འབྲས་བུ་འབྱུང་། །༣སྣར་མ་ཁྱིམ་ཕུག་དུ་བ་ཆད། །༢༦ལྷག་མཚམས་མཁར་རྩིགས་དགྲ་ཡིས་ཁྱེར། །༢སྨིན་དྲུག་ལ་ཁྱིམ་ཕུང་ངོ་། གླང་སེང་དགྲ་ལས་རྒྱལ། གཞུ་བུམ་ཚེ་རིང་ཞིང་། །བུ་མོ་སྡིག་པ་བུ་ཚ་འཕེལ། །ཉ་ལ་ལོངས་སྤྱོད་ཕྱུག་པ་ཡིན། །གཞན་མ་རྣམས་ནི་ངན་པ་ཡིན། །རྟེན་འབྲེལ་
འདུ་བྱེད་གཅིག་པུ་བཟང་། །ཉི་མ་གླང་སྟག་འགྲམ་འདིང་བཟང་། །ཡོས་སྤྲེལ་གཉིས་ངན་པ་ཡིན། རྟ་ལ་ཐོག་ཕུབ་མི་རུང་ངོ་། ཚེས་གསུམ་བདུན་དང་བཅུ་བཞི་དང་། །བཅུ་གསུམ་བཅོ་ལྔ་བཅུ་དྲུག་དང་། །བཅུ་དགུ་ཉེར་གསུམ་རྣམས་ལ་བཟང་། །དྲུག་གསུམ་ངན་པར་གསུངས་པ་ལགས། ༈ །སྐྱེས་བྱེད་པའི་རྩིས་ལ། ༤ གཟའ་ལྷག་པ་ཕུར་བུ་༦པ་སངས་བཟང་། །༡ཉི་མ་༣མིག་དམར་༢ཟླ་བ་དང་། །༠སྤེན་པ་རྣམས་ལ་ངན་པར་རྩི། །སྐར་མ་བདབྱུག་པ་༦རྒྱལ་སྟོད་༧སྨད། །མགོ་དང་༡༢བྱ་མ་༡༩སོག་པ་༢༠ཕུལ། །༡༠རྟ་ཆུང་ཤིན་ཏུ་ངན་པ་ཡིན། །༢༤ ཁྲུམས་སྟོད་༢༥ཁྲུམས་སྨད་༢༦ཤེ་པ་བཟང་། །གཞན་རྣམས་ངན་པར་བཟུང་བར་བྱ། །ཉི་མ་ཁྱི་གླང་རྟ་སྦྲུལ་ངན། ༈ རྟ་བོང་རྒ་སྡིག་དང་རྒྱུག་བཅོས་རྩིས་ལ། །༡ཉི་མ་༣མིག་དམར་ཕུར་བུ་དང་། །༦པ་སངས་རྣམས་ལ་བཟང་བའོ། །༢ཟླ་བ་༤ ལྷག་པ་འབྲིང་སྨད་ཡིན། །༠སྤེན་པ་ངན་པས་སྤང་བར་བྱ། །སྐར་མ་༢སྨིན་དྲུག་༦རྒྱལ་སྟོད་༧རྒྱལ་སྨད། །༤ མགོ་༡༡ཁྲ་༡༤ ས་རི་༡༦ལག་སོར་དང་། །༢༠ཕུལ་དང་༢༡ བྱ་ཟེ་བཟང་བ་ཡིན། །༩རྟ་ཆེན་རྟ་ཆུང་རྟས་བརྡབ་སོ། །༨ཝ་
༥ལག་༡༩བྲེ་ལ་མདངས་སྐྲག་གོ། །༢༣སྒྲོག་ལ་རྟེ་འཆི་སྒ་ཆག་འོང་། །༩རྟ་ཆེན་༡༠རྟ་ཆུང་༡༦ལག་སོར་དང་། །རྟ་བོང་བཅོས་ཀ་གང་བྱས་ངན། །༡ཉི་མ་༣མིག་དམར་དཔྱད་ལ་འཛེམ། །དུས་སྦྱོར་གླང་འཁྲིག་སེང་གཞུ་གསུམ་བཟང་། བུམ་པ་ཀཊ་གཉིས་པོ་ངན། །ས་ཁ་དབྱེ་བ་དང་གླང་ཆེན་འདུལ་བའི་རྩིས་ལ། ༢ཟླ་༤ལྷག་མ་ྋསྤེན་པ་༦པ་སངས་བཟང་། །༡ཉི་མ་༣མིག་དམར་༥ཕུར་བུ་ངན། །༣ བིས་རྫི་༦རྒྱལ་སྟོད་༢༦ཤེ་པ་དང་། །༡༥ས་ག་༡༨སོག་པ་༢༩བྲེ་༢༠ཕུལ་༢ ༣ སྒྲོགས། །༢༡བྱ་ཟེ་༢༢བྱ་གཞུག་༡༦ལག་སོར་བཟང་། །དབྱུག་པ་༡བྲ་ཉེ་༢སྨིན་དྲུག་༡༡ ཁྲ། །༩རྟ་ཆེན་༡༠རྟ་ཆུང་༡༢བྱ་མ་དང་། །༡ ༣བྱའུ་༢༤ ཁྲུམས་སྟོད་རྣམས་ལ་ངན། །དུས་སྦྱོར་སྲང་གཞུང་བུམ་ཉ་བཟང་། ཚེས་གཅིག་དྲུག་དང་བཅུ་གཅིག་དང་། །ཉེ་དྲུག་རྣམས་ལ་བཟང་བར་གསུང་། ༈ ཡུར་བརྫིང་དྲུ་བའི་རྩིས་ལ། །༢ཟླ་བ་རྫིང་སུ་ ཆུ་ཡིས་གང་། །༤ ལྷག་པ་༦པ་སངས་གཉིས་ཀྱང་བཟང ་། །།ཕུར་བུ་བསྤེན་པ་འབྲིང་བ་ཡིན། །༢སྨིན་དྲུག་༩མཆུ་༡༩གྲེ་༢༡དབོ་དང་ནི། །༡༢མེ་བཞི་༡༣ནག་པ་༢༤ ཁྲུམས་སྟོད་ངན། །༢ ༢མོ་གྲེ་༢༣མོན་གྲུ་༢༥ ཁྲུམས་སྨད་
ངན། །༢༦ནམ་གྲུ་བཐ་སྐར་༥ལག་དང་༨སྐག །རྫིང་དང་ཡུར་བ་ཚུ་ལས་བཟང་། །དུས་སྦྱོར་འཁྲིག་དང་བུམ་པ་ཡིན། ། ཆུ་སྲིན་གཞུ་དང་ཉ་གླིང་བཟང ་། །ལུག་དང་ཀརྔ་སེང་གེ་ངན། །གཞན་མ་རྣམས་བཏང་སྙོམས་ཞེས་བྱའོ། ཚེས་གཉིས་བདུན་དང་བཅུ་གཉིས་དང་། །བཅུ་བདུན་ཉེར་གཉིས་ཉི་ཤུ་བཟང་། །གསུམ་དང་བརྒྱད་བཅུ་གསུམ་བཅོ་བརྒྱད་དང་། །ཉེར་གསུམ་ཉེར་བརྒྱད་ངན་པའོ། ༈ །ཞིང་འདེབས་པའི་རྩིས། །ྋསྤེན་པ་འབྲུ་མང་འཕེལ་ཏེ་བཟང་། །༢ཟླ་བ་ྋལྷག་པ་༦པ་སངས་བཟང་། །༡ཉི་མ་ཚད་པས་གདུང་སྟེ་ངན། །༣ མིག་དམར་འབྲུ་མེ་རྩྭ་ཕེར་འོང་། ཕུར་བུ་རྩྭ་ས་རྒྱལ་ཏེ་བཟང་། །༣སྣར་མ་༦ནབས་སོ་༧རྒྱལ་དང་གསུམ། །༢༥ཁྲུམས་སྨད་༢༦ནམ་གྲུ་༡༥ས་ག་༡༤ ས་རི་དང་། །༤ མགོ་དང་༢༢མོན་གྲེ་༡༨སྣུབས་རྣམས་ནི། །ལོ་ནད་མེད་ཅིང་ལོ་ལེགས་འབྱུང་། །༡༩བྲེ་༢༠ཕུལ་༡༦ལག་སོར་༢༠བྱ་ཟེ་བཟང་། །༡ བྲ་ཉེ་༢སྨིན་དྲུག་༧རྒྱལ་སྨད་༩ །རྟ། །༡༠རྟ་ཆུང་༡༡ཁྲ་དང་༢༤ཁྲུམས་སྟོད་ངན། །ཉ་དང་བུམ་པ་སྲང་དང་གླང་། །འཁྲིག་དང་ ཆུ་སྲིན་བཟང ་བ་ཡིན། །ལུག་དང་ཀཊ་སྡིག་པ་སྤངས། །ཚེས་དགུ་བཅུ་བཞི་ཉེར་
དགུ་དང་། །ཉེར་བརྒྱད་རྣམས་ལ་འདེབས་པ་ངན། །ཚེས་བརྒྱད་ཉེར་གསུམ་ཕྱུག་ཅིང་བཟང་། །ལྷག་པའི་ཚེས་ཀྱང་བཟང་པོ་ཡིན། །ཉི་མ་ལུག་ཁྱི་གླང་གསུམ་བཟང་། །རྟ་དང་སྦྲུལ་གཉིས་ངན་པ་ཡིན། །གཞན་མ་རྣམས་ལ་ངེས་པ་མེད། ༈ །བང་མཛོད་བཅའ་བའི་རྩིས། ལྷག་པ་སྤེན་པ་མཆོག་ཏུ་བཟང་། །༢ཟླ་བ་༦པ་སངས་རུང་བ་ཡིན། །༡ཉི་མ་༣མིག་དམར་ཕུར་བུ་ངན། ད༦རྒྱལ་སྟོད་༧རྒྱལ་སྨད་༣བིས་རྫི་ས་༢༢སྒྲོག ༡༩བྲེ་༢༠ཕུལ་༡༤ ས་རི་༡༥ས་ག་བཟང་། །༢སྨིན་དྲུག་༡༣བྱའུ་༡༦ལག་སོར་དང་། །༡རྟ་ཆུང་༡ བྲ་ཉེ་ངན་པ་ཡིན། །གླང་དང་བུམ་པ་ཉ་གསུམ་བཟང་། །ཀཏྲ་སྡིག་ངན་པ་ཡིན། །ཉི་མ་ལུག་ཁྱི་བྱི་བ་བཟང་། །ཕག་སྦྲུལ་བྱ་གསུམ་ངན་པ་ཡིན། ༈ །ཐབ་ཀ་བཅའ་བའི་རྩིས། ༡ཉི་མ་དྲང་སྲོང་མཉེས་ཏེ་བཟང་། །༢ཟླ་བ་བཟའ་བཏུང་བཅུད་དང་ལྡན། །༣མིག་དམར་ྋསྤེན་པ་གཉིས་པོ་ལ། །གཡོས་མ་ནད་བུ་ཅན་དུ་འགྱུར། །༤ ལྷག་པ་འབྲས་བུ་ཟད་དེ་ངན། །ཕུར་བུ་༦པ་སངས་བཟང་བ་ཡིན། །༢སྨིན་དྲུག་༤མགོ་དང་རྒྱལ་སྟོད་༧རྒྱལ་སྨད། །༡བྲ་ཉེ་༩རྟ་ཆེན་༡༠རྟ་ཆུང་དང་། །༡༡ ཁྲ་དང་༡༢བྱ་མ་༡༤ ཁྲུམས་སྟོད་བཟང་། །བཟའ་བ་
མང་པོ་རྙེད་པ་ཡིན། །༠དབྱུག་པ་༡༩ཆུ་སྨད་༢༠བྱ་ཟེ་རུང་། །༡༩སོག་བྲེ་༨ཝ་༥ལག་༢༥ཁྲུམས་སྨད་དང་། །༢༢བྱ་གཞུག་༢༦ཤེ་པ་བཟའ་བ་ཟད། །ཡང་ན་ཟས་ཟོས་དུག་ཏུ་འགྱུར། །དུས་སྦྱོར་གླིང་སེང་བུམ་པ་ཉ། །ཐབ་དང་བཟའ་བའི་ལས་ལ་ཤིས། །ཚེས་གསུམ་བརྒྱད་དང་བཅུ་གསུམ་དང་། །བཅོ་བརྒྱད་ཉེར་གསུམ་ཉེར་བརྒྱད་བཟང་། །གཉིས་བདུན་བཅུ་གཉིས་བཅུ་བདུན་དང་། །ཉེར་གཉིས་ཉེར་བདུན་བཟང་པོ་ཡིན། ༈ བག་མའི་རྩིས་ལ། །ཕུར་བུ་༦པ་སངས་གཉིས་པོ་ནི། །བུ་མང་སྐྱེས་ཤིང་དཔལ་དང་ལྡན། །༢ ཟླ་བ་༤ ལྷག་པ་གཉིས་པོ་ལ། །ཚེ་རིང་སེམས་མཐུན་རྟག་ཏུ་འགྲོགས། །སྐྱེས་སྲུང་བུ་མོ་མང་དུ་བརྩམ། །༡ཉི་མ་ཁྱིམ་སམ་ཡང་ཡང་འཕོ། །༣མིག་དམར་ལ་ནི་རབས་ཆད་ཡིན། །ྋསྤེན་པ་ལ་ནི་གོ་རྐྱེན་མང་། །སྐར་མ་༢༢མོན་གྲེ་༣སྣར་མ་དང་། །༢ ༣མོན་གྲུ་༡༤ ས་རི་ཐ་སྐར་༩མཆུ། །༢༡སྦོ་དང་༢༥ཁྲུམས་སྨད་བརྒྱད་པོ་ལ། བཏང་དང་ལེན་པ་གཉིས་ཀ་བཟང་། །བཀྲ་ཤིས་ལྡན་དང་བྱེ་བྲག་མེད། །༤མགོ་དང་༦ནབས་སོ་༧རྒྱལ་༡༥ས་ག། །༡༨སྣུབས་དང་༢༦ནམ་གྲུ་༡༩ཆུ་སྟོད་༢༠ཆུ་སྨད། །ཚུར་ལེན་
བཟང་ངན་ཕར་བཏང་ངན། །༢སྨིན་དྲུག་༢༡ གྲོ་བཞིན་༡༧སྣོན་གསུམ་ནི། །བག་མ་སྐྱིད་ཁ་གྲངས་བ་ཡིན། །༡༦ལྷག་མཚམས་གྱོད་དང་བྲལ་ནས་འགྲོ། །སྨད་འཚོང་མ་ཡི་ལུས་སུ་སྐྱེས་།༡ ༢བྱའུ་ལ་བུ་མོ་འཆི། ༡ བྲ་ཉེ་ལག་༡༢བྱ་མ་དང་། རཝ་དང་༢༥ ཁྲུམས་སྨད་ངན་པ་ཡིན། །༡༠རྟ་ཆུང་ལ་ནི་རུང་བ་ཙམ། །དུས་སྦྱོར་གླང་འཁྲིག་དང་། །སེང་གེ་བུ་མོ་གཞུ་དང་ཉ། །བག་མ་བླང་པ་ བཟང་ཞིང་དགེ། །ལུག་སྲུང་སྡིག་པ་ཆུ ་སྲིན་ངན། །ཀརྔ་བུམ་པ་བཏང་སྙོམས་ཡིན། །རྟེན་འབྲེལ་འདུ་བྱེད་སྐྱེ་མཆེད་དང་། །ཚོར་བ་ལེན་པ་བཞི་པོ་བཟང་། །གཞན་མ་རྣམས་ལ་ངེས་པ་མེད། །ཉི་མ་སྤྲིན་དང་ལུག་གཉིས་བཟང་། །སྟག་སྦྲུལ་ཁྱི་གསུམ་སྤང་བྱ་ཡིན། །གཞན་མ་བཏང་སྙོམས་ཡིན་པར་གསུངས། །ཚེས་གྲངས་དགུ་གསུམ་བདུན་གསུམ་སྤང་། །གཞན་རྣམས་གཟའ་སྐར་དག་དང་བསྟུན། ༈ །གཡོག་འཁོར་བསྟན་པའི་རྩིས་ལ། །༢ཟླ་བ་༤ལྷག་པ་༦པ་སངས་བཟང་། །༣མིག་དམར་ངན་ཞིང་༡ཉི་མ་༥ཕུར་བུ་འབྲིང་། །༩མཆུ་༡༠གྲེ་༡༩ཆུ་སྟོད་༢ྋཆུ་སྨད་དང་། །༡ བྲ་ཉེ་༢༤ ཁྲུམས་སྟོད་དྲུག་པོ་ལ། །འབྲས་བུ་བསམ་པས་བྱ་བ་འགྲུབ། །༢སྨིན་དྲུག་༦ནབས་
སོ་༧རྒྱལ་དང་༢༡ སྦོ། །༡༣ནག་པ་༡༨སྣུབས་༢༥ཁྲུམས་སྨད་འབྲིང་སྟོད་ཙམ། །སྐར་མ་གཞན་རྣམས་བཏང་སྙོམས་སོ། །ཚེས་གྲངས་དྲུག་གསུམ་བཅུ་གསུམ་དང་། །བཅོ་བརྒྱད་ཉེར་གཉིས་ངན་པས་སྤངས། །གཞན་རྣམས་སྐྱོན་མེད་དགེ་བ་ཡིན། །དུས་སྦྱོར་གཞུང་དང་ལུག་དང་ནི། ། ཆུ་སྲིན་གླང་རྣམས་བཟང ་པོ་ཡིན། །ཀཎྜ་སྲང་གཉིས་སྤང་བྱ་སྟེ། །དེ་ལས་གཞན་རྣམས་བཏང་སྙོམས་སོ། ༈ །ཤི་བའི་རྩིས་ལ་འདི་ལྟ་སྟེ། །༡ཉི་མ་ལ་ནི་བདུན་ཟློས་སོ། །༢ཟླ་བ་ལ་ནི་བཟང་བ་ཡིན། །༣མིག་དམར་གསུམ་བཟློག་མི་ནོར་བསྲེགས། །༤ལྷག་པ་ཕོ་ཤི་བྲན་ལ་ངན། །མོ་ཤི་གཤིན་གཞུག་ཆོད་ཅེས་བཟང་། །ཕུར་བུ་འབྲིང་སྟེ་གཅིག་ལ་ངན། །༦པ་སངས་ཁུང་བཟློས་མེད་དེ་བཟང་། །བསྤེན་པ་ལ་ནི་ནོར་གཡང་ཉམས། །བུད་མེད་ཤི་ན་ལྔ་བཟློས་སོ། །༢སྨིན་དྲུག་ཡུལ་མི་དྲུག་འཆི་ཞིང་། །༣སྣར་མ་ལག་སྦྲེལ་ཡིན། ༤ མགོ་ལ་སྐྱེས་པའི་མགོ་ནས་འཆི། ༥ལག་ཕུར་བུ་འཕྲད་པས་ངན། ༦ནབས་སོ་བུ་མོ་གཅིག་ལ་ངན། །༧རྒྱལ་ལ་གཡང་ཉམས་ནོར་ལ་ངན། །རསྐག་ལ་འབྲིང་དུ་རྩམ་པ་ཡིན། །༩མཆུ་ལ་སྔ་ཤི་ཤི་ཁ་ཆོད། །༡༠གྲེ་ནི་བུ་
ལ་ངན་པར་བཤད། །༡༡དབོ་ལ་ཤི་བ་ཁ་དམར་རོ། །༡༢མེ་བཞི་ལ་ནི་ཤི་གཞུག་ཆད། །༡ ༣ནག་པ་ཚང་སྟེང་བུ་ལ་ངན། །༡༤ ས་རི་ལ་ནི་གནམ་སྒོ་བྱེ། །༡༥ས་ག་ལ་ནི་ས་སྒོར་རལ། །༡༦ལྷག་མཚམས་བུད་མེད་རབ་ལ་ངན། །༡༧སྣོན་ནི་མི་ཤི་འབྲིང་པོ་ཙམ། །༡༨སྒྲུབས་ནི་མི་གཅིག་ལོ་ལ་ངན། །༡༩ཆུ་སྟོད་༢༠ཆུ་སྨད་ནོར་ལ་ངན། །༢༡ གྲོ་བཞིན་༢༢མོན་གྲེ་གཉིས་ཀྱང་འབྲིང་། །༢ ༣མོན་གྲུ་ཤི་གཞུག་ཆོད་པ་ཡིན། །ཡུལ་མི་རྟ་བོང་ག་ལ་ངན། །༢༤ཁྲུམས་སྟོད་༢༥ ཁྲུམས་སྨད་ཚེ་ཟད་ཡིན། །༢༦ནམ་གྲུ་རྩིས་པ་དག་ལ་ངན། །ཁདབྱུག་པ་ཁྱིམ་ཚེས་དབྱུག་སླེབ་མང་། །༡ བྲ་ཉེ་མྱུར་དུ་རྐྱེན་འོང་ངོ་། །ཚེས་གྲངས་གཅིག་གསུམ་ལག་སྦྲེལ་ཡིན་པས་ངན། །དྲུག་གསུམ་ཤིན་ཏུ་ངན་པ་ལ། །བརྒྱད་གསུམ་བཅུ་བཞི་དག་ཀྱང་ངན། །ཉ་བའི་ཚེས་ཀྱང་ངན་པ་ཡིན། །གསུམ་གསུམ་བདུན་གསུམ་གཤིན་ལས་བཟང་། །ཚེས་གྲངས་གཞན་རྣམས་ངེས་པ་མེད། ༈ གཤིན་གྱི་ལས་ནི་བྱ་བའི་རྩིས། །༡ཉི་མ་ལ་ནི་གཤིན་ལས་འབྲིང་། །རོ་བསྲེགས་བྱ་བ་ཤིས་པ་ཡིན། །༣མིག་དམར་ྋསྤེན་པ་གཉིས་པོ་ངན། །་ལྷག་པ་༥ཕུར་བུ་༦པ་སངས་དང་། །༢ཟླ་བ་
རྣམས་ལ་མཆོག་ཏུ་བཟང་། །སྐར་མ་༤དབྱུག་པ་༣སྣར་མ་༤མགོ། །༨སྐག་དང་༡༢མེ་བཞི་༡༣ནག་པ་དང་། །༡༥ས་ག་༡༦ལག་སོར་༡༧ལྡེ་གུ་དང་། །དེ་དག་རྣམས་ལ་གཤིན་གྱི་ལས། །གང་ཡང་རྩོམ་པར་མི་བྱའོ། །༢༦ནམ་གྲུ་མཆོག་ཏུ་ངན་པ་སྟེ། །དེ་མ་ཁད་དུ་གཤིན་འོང་ངོ་། །༡བྲ་ཉེ་༢སྨིན་དྲུག་གཉིས་ལ་ནི། །རོ་བསྲེགས་བཟང་སྟེ་གཞན་ངན་ནོ། །༥ལག་དང་༦ནབས་སོ་༧རྒྱལ་དང་ནི། །༡༨སྣུབས་དང་དེ་བཞིན་༢༥ ཁྲུམས་སྨད་དང་། །༢༤ ཁྲུམས་སྟོད་རྣམས་ལ་གཤིན་གྱི་ལས། །གང་ཡང་བཟང་བས་སྒྲུབ་པར་བྱ། །༢༡དབོ་དང་༢༠ཆུ་སྨད་རུང་བ་ཙམ། །༩མཆུ་དང་༡༠གྲེ་དང་༡༤ ས་རི་དང་། །༡༩ཆུ་སྟོད་༢༣མོན་གྲུ་ངེས་པ་མེད། །༢༢མོན་གྲེ་དུར་ས་འདེབས་པའང་ངན། གཤིན་ལས་གཞན་རྣམས་བཟང་བའོ། །ཉི་མ་བྱི་བ་ལུག་གཉིས་ལ། །གཤིན་བྱས་འབྲིང་དུ་བརྩི་བ་ཡིན། །ཕག་གླང་བྱ་དང་སྦྲུལ་དང་རྟ། །གཤིན་གྱི་བྱ་བ་གང་ཡང་ངན་། །སྟག་ཡོས་སྦྲུལ་དང་སྤྲེའུ་ཁྱི། །གཤིན་གྱི་བྱ་བ་མཐའ་དག་བཟང་། །ཚེས་གཅིག་གནམ་གང་གཉིས་ལ་ངན། །ཤིན་ཏུ་ངན་པས་གཤིན་ལས་སྤང་། །བརྒྱད་གསུམ་དགུ་གསུམ་གཤིན་ལས་
འབྲིང་། ལྔ་གསུམ་བདུན་གསུམ་བཟང་བ་ཡིན། །ཚེས་གྲངས་གཞན་ལ་ངེས་པ་མེད། །གཟའ་རྒོད་ཀིང་ཀང་རྒྱུ་དུས་དང་། །དབུལ་ཉི་ཕུང་ཉི་འཇིགས་པའི་ཉི། །བདུད་ཉི་ལ་ཡང་འཛེམ་པར་བྱ། ༈ ལམ་འཇུག་དོན་གཉེར་བྱ་བའི་རྩིས། །༡ཉི་མ་ལམ་འཇུག་དོན་གཉེར་ན། །བྱང་དང་ནུབ་ཏུ་ཕྱིན་ནས་འཆི། །༢ཟླ་བ་ལྷོ་བཟང་གཞན་ཕྱོགས་ལ། །ཁ་ཟས་སྟོར་ཞིང་དགྲ་དང་འཕྲད། །༣མིག་དམར་ཚད་པས་ནད་དང་འཕྲད། །ཁྱད་པར་བྱང་གི་ཕྱོགས་སུ་ངན། །༤ ལྷག་པ་བསྙེན་བཀུར་རྣམས་དང་འཕྲད། །ལྷོ་ནུབ་ཕྱོགས་སུ་འགྲོ་བ་ངན། །༠སྤེན་པ་སྡིག་རུང་འཕྲོག་འཇོམས་འོང་། །ཤར་དུ་ཕྱིན་ན་ཤིན་ཏུ་ངན། །ཕུར་བུ་དོན་གཉེར་དགྲ་ལས་རྒྱལ། །ནུབ་ཏུ་ཕྱིན་ན་དགྲ་དང་འཕྲད། །༦པ་སངས་ཟས་ནོར་ནི། བུད་མེད་རྙེད། །ལྷོ་དང་ནུབ་གཉིས་སྤང་བར་བྱ། །༠དབྱུག་པ་༢༤ ཁྲུམས་སྟོད་༦རྒྱལ་སྟོད་༧སྨད། །ནོར་རྙེད་འདོད་དོན་ཤིན་ཏུ་འགྲུབ། །༢སྨིན་དྲུག་༡༢བྱ་མ་གཉིས་པོ་ལ། །དོན་འགྲུབ་བདེ་བ་ཐོབ་པའོ། །༡༦ལག་སོར་ནོར་རྙེད་བདེ་བ་ལོག །༢༡བྱ་ཟེ་ཐག་རིང་བདེ་བར་འགྲུབ། །མགོ་ལ་ལམ་ཞུགས་ཟས་ནོར་རྙེད། །དོན་གཉེར་འགྲུབ་པར་མི་
བྱའོ། །༢༠ཡུལ་ལ་རང་ཡུལ་བཟང་བའོ། །༡༡ཁྲ་དང་༡༤ ས་རི་༡༥ས་ག་ངན། །ཁྲུམས་སྨད་༡༦ཤེ་པ་གཞན་ཡུལ་ངན། །རང་ཡུལ་ཉེ་བའི་དོན་འགྲུབ་ཀྱི། །༢༢བྱ་གཞུག་ཅུང་ཟད་འགྲུབ་པར་ཡིན། །༢༣སྒྲོག་ནི་ཡུན་རིང་དོན་མི་འགྲུབ། །༡ བྲ་ཉེ་༣བིས་རྫི་༥ལག་གསུམ་ལ། །འཆི་བའི་དོན་ནི་མི་འགྲུབ་བོ། །༡༩སོག་བྲེ༩་རྟ་ཆེན་མེས་འཇིགས་ཤིང་། །ལམ་དུ་བར་ཆད་འབྱུང་བར་ཡིན། །རཝ་ལ་ཟས་རྙེད་ཆོམ་རྐུན་དང་། །༡༠རྟ་ཆུང་དགྲ་དང་མཚོན་ངོ་ཡོད། །༡༧ལྡེ་གུ་དགྲ་དང་འཇིགས་སྐྲག་འོང་། །༢༣བྱའུ་རང་ཡུལ་ལྡོག་པ་དཀའ། །གཞུ་དང་ ཆུ་སྲིན་བུ་མོ་དང་། །ཉ་དང་སྲང་ལ་བཟང ་བ་ཡིན། །ཚེས་གཅིག་བཅུ་དྲུག་བཅུ་དང་། །ཉེར་ལྔ་བཅུ་གསུམ་ཉེར་བརྒྱད་ལ། །དོན་གཉེར་བལྟས་བཟང་བཅས་ཏེ་འགྲུབ། །གཉིས་དང་བཅུ་བདུན་སྟོབས་ལྡན་འགྲུབ། །གསུམ་དང་བཅོ་བརྒྱད་འགྲུབ་པ་ཡིན། །བཞི་དང་བཅུ་དྲུག་ཕྱེད་མ་ཡིན། །ལྔ་དང་ཉི་ཤུ་ཕྱེད་བཅས་འགྲུབ། །དྲུག་དང་ཉེར་གཅིག་བཙོན་དུ་འཛིན། །བདུན་དང་ཉེར་གཉིས་གང་འདོད་འགྲུབ། །བརྒྱད་དང་ཉེར་གསུམ་འཇིགས་པ་ཆེ། །དགུ་དང་ཉེར་གསུམ་འཆི་ཉན་ཆེ། །བཅུ་
གཅིག་ཉེར་དྲུག་བདེ་བ་ཐོབ། །བཅུ་གཉིས་ཉེར་བདུན་ངོར་ཐལ་ལོ། །བཅུ་བཞི་ཉེར་དགུ་ཆོམ་པོའོ། །བཅོ་ལྔ་གནམ་གང་བགྲོད་པ་མཁྱོང་། ༈ །ལམ་དྲུག་ཉི་མ་དྲུག་བསྐོར་ལས་།གཅིག་གུ་བཅུ་བདུན་ཉེར་ལྔ་ལ། །ལམ་ཞུགས་བཟང་སྟེ་ཤར་དུ་ངན། །གཉིས་བཅུ་བཅོ་བརྒྱད་ཉེར་དྲུག་ངན། །གསུམ་དང་བཅུ་གཅིག་བཅུ་དྲུག་དང་། །ཉེར་བདུན་བཟང་སྟེ་ལྷོ་རུ་ངན། །བཞི་དང་བཅུ་གཉིས་ཉི་ཤུ་དང་། །ཉེར་བརྒྱད་གང་ཕྱིན་ཤ་ཆང་སོགས། །ལྷོ་ནུབ་མཚམས་སུ་འགྲོ་བ་ངན། །ལྔ་དང་བཅུ་དགུ་ཉེར་གཅིག་དང་། །ཉེར་དགུ་བཟང་སྟེ་ནུབ་ཏུ་ངན། །དྲུག་དང་བཅུ་བཞི་ཉེར་གཉིས་དང་། །གནམ་གང་ནུབ་སོགས་གོང་དུ་ངན། །བདུན་དང་བཅོ་ལྔ་ཉེར་གསུམ་ལ། །གང་ཕྱིན་གྲོགས་དང་བསམ་པ་འགྲུབ། །བྱང་ལ་ཕྱིན་ན་ངན་པ་ཡིན། །བརྒྱད་དང་བཅུ་དྲུག་ཉེར་བཞི་ལ། །ཚོམ་ཡོངས་བྱང་ཤར་འགྲོ་བ་ངན། །སྟག་ཡོས་ཉི་མ་ཤར་དུ་ཕྱིན། །གྲོགས་བཟང་དོན་འགྲུབ་གཏམ་སྙན་ཐོས། །བྱང་བཟང་ནུབ་ཏུ་དགྲ་དང་འཕྲད། །མཚམས་བཞི་རྐྱེན་དང་མྱ་ངན་འོང་། །བྱ་སྤྲེལ་མཚམས་བཞིར་མཛའ་བཤེས་རྙེད། །ནུབ་ཏུ་དོན་འགྲུབ་ཤར་དུ་འགྲོ། །
ལྷོ་རུ་དགྲ་དང་བྱང་དུ་རྐྱེན། །བྱི་ཕག་བྱང་དུ་བསམ་པ་འགྲུབ། །ལྷོར་རུ་གྲོགས་འོང་ནུབ་ཏུ་བཟང་། །ཤར་དུ་རྐྱེན་དང་མཚམས་བཞི་དགྲ། །གླང་ལུག་ཁྱི་འབྲུག་ཉི་མ་ལ། །མཚམས་བཞིར་བསམ་པ་འགྲུབ་སྟེ་བཟང་། །ཤར་དུ་དགྲ་འོང་ནུབ་ཕྱོགས་སུ། །མྱ་ངན་དང་འཕྲད་ལྷོ་རུ་གྱོད། །བྱང་དུ་གྲོགས་དང་འཕྲད་ངོ་ཡིན། ༈ སྨན་སྦྱར་བའི་རྩིས་ལ། ༡ཉི་མ་༢ཟླ་བ་༥ཕུར་བུ་དང་། །༦པ་སངས་རྣམས་ལ་མཆོག་ཏུ་བཟང་། །༤ ལྷག་པ་ལ་ཡང་སྨན་སྦྱར་རུང་། །༣མིག་དམར་ནད་དང་གནོད་པ་འཇུག །སྤེན་པ་སྨན་ཟོས་དུག་ཏུ་འགྱུར། །སྐར་མ་༡༢མེ་བཞི་༡༣ནག་པ་དང་། །༤ མགོ་དང་༡༤ ས་རི་༢༢མོན་གྲེ་དང་། །༢༤ཁྲུམས་སྟོད་༢༥ཁྲུམས་སྨད་༦ནབས་སོ་དང་། །༢སྨིན་དྲུག་༢༡གྲོ་བཞིན་བཐ་སྐར་བཟང་། །༡ བྲ་ཉེ་༨སྐག་དང་༡༥ས་ག་དང་། །༡༧སྣོན་རྣམས་ངན་པར་བཤད་པ་ཡིན། །གཞན་རྣམས་ཕན་གནོད་མེད་པ་དང་། །དུས་སྦྱོར་བུ་མོ་མཆོག་ཏུ་ བཟང་། །སྡིག་པ་ཆུ ་སྲིན་གཉིས་པོ་ངན། །གཞན་མ་དགེ་སྡིག་མ་བཤད། །རྟེན་འབྲེལ་རྣམ་ཤེས་མིང་གཟུགས་དང་། །ལེན་པ་གསུམ་བཟང་གཞན་མ་འབྲིང་། །ཉི་མ་ཁྱི་འབྲུག་སྦྲུལ་བཟང་། །བྱ་
དང་ལུག་གཉིས་ངན་པ་ཡིན། །ཚེས་ཀྱི་འབྲས་བུ་འདིར་མ་བསྟན། །རིགས་ཀྱི་འཁོར་ལོ་རྩིས་པ་གཅེས། ༈ འཕགས་པ་འཇམ་དཔལ་ལ་ཕྱག་འཚལ་ལོ། །སྤྱིར་རྒྱུ་སྐར་ཉི་ཤུ་རྩ་བརྒྱད་ལ། བཀྲ་ཤིས་པའི་སྐར་མ་བརྒྱད་ནི། ༧ ༡༡ ༦ ༡༤ ༢༠ ༡༧ ༤ དེ་རྣམས་ཕལ་ཆེར་བཟང་ངོ་། རིགས་ཀྱི་སྐར་མ་བརྒྱད་ནི། ༥ ༦ ༡༢ ༡༣ ༡༩ ༡༡ ༢༤ ༢༥ བརྒྱད་དོ་།གནོད་པ་ཡུག་ཁུར་གྱི་སྐར་མ་བརྒྱད་ནི། ༢ ༨ ༧ ༡༠ ༡ ༢༡ ༢༢ ༡ བརྒྱད་དོ། །དེ་རྣམས་ཕལ་ཆེར་ངན་ནོ། །ལྷ་ཡི་སྐར་མ་བརྒྱད་ནི། ༤ ༥ ༡༡ ༡༥ ༢༤ ༢༠ ༡༤ དང་བརྒྱད་དོ། །དེ་རྣམས་ཕལ་ཆེར་བཟང་ངོ་། །གཡང་གི་སྐར་མ་བདུན་ནི། ༣ ༡༡ ༡༦ ༢༤ ༢༥ ༡༩ ༢༠ འདི་རྣམས་གཡང་སྐར་ཡིན་པས་ཕྱིར་བཏང་བ་ལ་གཟབ་པར་བྱའོ། །མགྲོན་པོ་ལམ་ཞུགས་སྐར་མ་བདུན་ནི། ༦ ༧ ༡༦ ༡༨ ༢༢ ༢༤ ༢༥ འདི་རྣམས་དོན་གཉེར་བཟང་། གཤིན་གྱི་སྐར་མ་བརྒྱད་ནི། ༦༥ ༡༣ ༢༡ ༢༢ ༠༢༤ ༢༥ འདི་རྣམས་གཤིན་ལས་ལ་བཟང་ངོ་། །ཁྱད་མེད་ཀྱི་སྐར་མ་བཞི་ནི། ༥ ༡༢ ༡༤ ༡༥ རབས་ཆད་ཀྱི་སྐར་མ་བཞི་ནི། ༨ ༡༣ ༢༥ ༡ སྤྱི་ཚེས་༡ ༥ ༩ ༡༡ ༡༦ ༡༤ ༢༣ ༢༦
།རྣམས་ལ་ཞི་བའི་ལས་སྒྲུབ་པར་སྣང་། ཚེས་༡༦ ༡༠ ༡ ༣ ༡༤ ༢༤ ༢༧ རྣམས་ལ་རྒྱས་པའི་ལས་སྒྲུབ་པར་བཟང་། ཚེས། ༣ ༧ ༤ ༢༤ ༢༨ ༣༠ རྣམས་ལ་དབང་གི་ལས་སྒྲུབ་པར་བཟང་། ཚེས། ༤ ༨ ༡༡ ༡༥ ༡༨ ༢༢ ༢༥ ༢༩ རྣམས་ལ་དྲག་པོའི་ལས་སྒྲུབ་བཟང་། ལེགས་ཉེས་ཀུན་སྟོན་ནམ་མཁའ་ཡང་པ་ལ། །ལེགས་ལམ་ཀུན་སྟོན་ཉི་ཟེར་འབུམ་འཕྲོས་པས། །ཉེས་གྱུར་མུན་པ་ཚོགས་ཀུན་རབ་གསལ་ནས། །ཀུན་ཀྱང་དགེ་ལེགས་འཕེལ་བའི་རྒྱུ་གྱུར་ཅིག །སརྦ་མངྒ་ལཾ།། །།