བཞི་བ་སོར་བཤགས་བཞི།
བཞི་བ་སོར་བཤགས་བཞི་ནི།
༡དགེ་སློང་མ་གྲོང་དང་ལམ་པོ་ཆེ་དང་དེ་གཉིས་ཀྱི་ཉེ་འཁོར་གང་རུང་ན་འདུག་པ་ལ། དགེ་སློང་དེ་བཞི་གང་རུང་ན་ཕྱིན་ནས་མུ་གེ་དུས་མིན་པར་དུས་རུང་གི་ཟས་བླངས་ཏེ་གནས་གཞན་དུ་ཟོས་ཏེ་མིད་པ་ན་དགེ་སློང་མ་ལས་ཟས་ལེན་པའི་སོར་བཤགས། ༢ ཁྱིམ་པ་གང་གི་ཡང་ཉེ་དུ་མིན་པས་མགྲོན་དུ་བོས་པས་དུས་རུང་གི་ཟས་དགེ་སློང་མས་བསྒོ་བཤམས་ལོག་པར་བྱེད་པ་རང་ངམ་རང་འདྲས་མ་བཟློག་པར་ཤེས་བཞིན་དུ་ཟོས་ཏེ་མིད་ན་གྲྭལ་རིམ་དུ་མ་ཕེབས་པར་འབྲིམ་དུ་བཅུག་པ་མ་བཟློག་པར་ཟ་བའི་སོར་བཤགས། ༣ ཁྱིམ་གྱི་བསླབ་པའི་སྡོམ་པ་བྱིན་པའི་ཁོངས་སུ་གཏོགས་པའི་དགེ་སློང་གིས་དེ་འདྲའི་ཁྱིམ་ནས་ལྡམ་ལྡུམ་སོགས་མོད་པ་མིན་པའི་དུས་རུང་གི་ཟས་བསླངས་ཏེ་ཟོས་པ་ན་བསླབ་པ་དྲས་ཏེ་ཁྱིམ་དུ་འཇུག་པའི་སོར་བཤགས། ཞུ་བར་ལུས་ཀྱིས་སློང་ན་ཉེས་བྱས་སུ་གསུངས་སོ། །༤ ཁྱིམ་པ་ཆོས་ལྔ་ལྡན་དགེ་འདུན་ལ་ཟས་བསྔོ་བ་པོ་ལས་དུས་རུང་གི་ཟ་ཚད་ལོངས་པ་སྤྲིང་ཡིག་སོགས་ཀྱིས་བསླངས་ཏེ། ནགས་ཉུལ་བ་སོགས་འཇིགས་བཅས་མ་བསལ་བར་ཤེས་བཞིན་དུ་གྲོང་དང་གཙུག་ལག་ཁང་དག་གི་ཕྱི་རོལ་རྒྱང་གྲགས་ཕན་ཆད་འཇིགས་པའི་སར་ཁྱེར་ཏེ་ཟོས་ན་ནགས་མ་བརྟགས་པའི་སོར་བཤགས་ཏེ་སོར་བཤགས་བཞིའོ། །