གསོལ་འདེབས་ལྔ་བདོའི་འཇིགས་སྐྱོབས།

ཟབ་གསང་དགོངས་པའི་བརྡ་སྒྲོམ་ལསཿ གསོལ་འདེབས་ལྔ་བདོའི་འཇིགས་སྐྱོབས་བཞུགསཿ ཨེ་མ་ཧོཿ རང་སྣང་རྣམ་དག་གཡུ་ལོ་བཀོད་ཞིང་ནསཿ རྗེ་བཙུན་སྒྲོལ་མ་ཉེར་གཅིག་ལྷ་ཚོགས་ཀུནཿ དབྱིངས་ནས་སྐུར་བཞེངས་འཇིགས་བརྒྱད་མི་མཐུན་ཚོགསཿ མྱུར་དུ་ཞི་ནས་ཅི་བསམ་འགྲུབ་པར་ཤོགཿ ནམ་ཞིག་འདི་འཕོས་ཞིང་མཆོག་མྱུར་སྐྱེས་ཤོགཿ ཨོཾ་ཏཱ་རེ་ཏུཏྟ་རེ་ཏུ་རེ་སྭཱཧཱཿ ས་མ་ཡཱཿ རྒྱ་རྒྱ་རྒྱཿ བརྡ་ཐིམཿ ཅེས་མི་རྒོད་རང་བྱུང་ནས་གསོལ་འདེབས་ཤིག་དགོས་ཞེས་ཟེར་ནས་ནན་གྱིས་བསྐུལ་ངོར་མི་ལྡོག་ཙམ་དུ་ཁམས་གསུམ་འགྲོ་འདུལ་གླིང་པས་དག་པར་ཕབ་པའོཿ